de nas yaṅ pha na ku la’i khyim bdag daṅ | ma na ku la’i khyim bdag mos | bcom ldan ’das ga la ba der sod źiṅ ñe bar soṅ nas | bcom ldan ’das la phyag byas te | phyogs gcig tu ’khod do ||
phyogs gcig tu ’khod nas | pha na ku la’i khyim (4) bdag des bcom ldan ’das la ’di skad ces gsol to ||
gaṅ gi tshe btsun pa bcom ldan ’das | ma na ku la’i khyim bdag mo bdag khye’u’i dus su bu mo gźon nu ma blaṅs te | ma na ku la’i khyim bdag mo las log par g-yem pa’i sems ma skyes so ||
lus kyi skyon gaṅ (5) yaṅ ma byuṅ ba las btsun pa bcom ldan ’das mthoṅ ba’i chos ’di la phan tshun du mthoṅ ṅo ||
skye ba gźan du phan tshun du mthoṅ bar bdag ’dod do ||
ma na ku la’i khyim bdag mos bcom ldan ’das la ’di skad ces gsol to ||
gaṅ gi tshe btsun pa bcom ldan ’das pha na ku (6) la’i khyim bdag gźon nu’i dus su bdag gźon nu ma blaṅs so ||
pha na ku la’i khyim bdag las | ’dod pas log par g-yem pa’i sems ma skyes so ||
lus kyi skyon ma byuṅ ba gaṅ las btsun pa bcom ldan ’das mthoṅ ba’i chos ’di la phan tshun du mthoṅ ṅo ||
skye ba gźan du (7) phan tshun du mthoṅ bar bdag ’dod do ||
de nas bcom ldan ’das kyis bka’ stsal pa | khyim bdag daṅ khyim bdag mo gñis po la ’dod pa yod par gyur pas mthoṅ ba’i chos ’di la phan tshun du mthoṅ bar gyur to ||
skye ba gźan du mthoṅ bar ’gyur ro ||
gñis po dag dad pa (271b1) mñam pa daṅ | tshul khrims mñam pa daṅ | gtoṅ ba mñam pa daṅ | śes rab mñam pa rnams kyis mthoṅ ba’i chos ’di la phan tshun du mthoṅ bar gyur to ||
skye ba gźan du mthoṅ bar ’gyur ro ||
yaṅ tshigs su bcad pa ’di bka’ stsal te | gñis ka dad daṅ chos (2) tshig daṅ ||
mñam daṅ chos kyis ’tsho ba daṅ ||
phan tshun du ni dga’ ba’i źig | de ltar skyes pa bud med gcig | nor maṅ daṅ ni ldan pa daṅ ||
gnas ni bzaṅ por skye bar ’gyur ||
dgra ni de la dga’ ba daṅ ||
gñis ka mñam pa’i tshul khrims kyis ||
’di (3) ltar chos ni spyad pa daṅ ||
gñis ka tshul khrims ldan pa daṅ ||
’dod ciṅ ’dod la yi raṅ bas ||
lha yi gnas su dga’ bar ’gyur ||
de’i phyir bslab pa rnam pa lṅa po bsruṅ bar bya’o ||
’di lta ste | srog gcod pa spoṅ ba daṅ | ma byin par len la spoṅ ba daṅ | ’dod (4) pas log par g-yem pa spoṅ ba daṅ | brdzun du smra ba spoṅ ba daṅ | myos par ’gyur ba’i chaṅ gi btuṅ ba spoṅ ba’o ||
bslab pa lṅa po ’di ni bsruṅ bar bya’o ||
de nas yaṅ dge sloṅ rnams kyis tshul khrims lṅa’i phan yon źus pa | gźan yaṅ btsun pa bcom ldan ’das srog (5) gcod pa spaṅs pa’i rnam par smin pa ji ltar śes par bgyi | ma byin par len pa spaṅs pa’i rnam par smin pa ji ltar śes par bgyi | ’dod pas log par g-yem pa spaṅs pa’i rnam par smin pa ji ltar śes par bgyi | brdzun du smra ba spaṅs pa’i rnam par smin pa ji ltar śes par (6) bgyi | myos par ’gyur ba’i chaṅ gi btuṅ ba spaṅs pa’i rnam par smin pa ji ltar śes par bgyi | de nas bcom ldan ’das kyis de rnams kyis dris pa de bstan ciṅ rtogs par bya ba’i phyir bka’ stsal pa | dge sloṅ dag srog gcod pa ni sbrul dug can daṅ ’dra bar blta bar bya’o ||
sdig (7) pa du ma daṅ ldan pa daṅ | yi dgas kyi skye gnas su skye ba daṅ | dud ’gro’i skye gnas su skye ba daṅ | dmyal ba’i skye gnas su skye bar ’gyur te | de’i lus źig nas śi ba’i pha rol du dmyal ba yaṅ sos su skye’o ||
de ni dmyal ba yaṅ sos dmyal ba’i sruṅ mas yaṅ (272a1) dag par sreg pa daṅ mtshon sna tshogs pa bzuṅ nas dum bur gcod ciṅ lus la bug pa ’bugs par byed do ||
rnam pa lṅa yis bciṅ ṅo źes pas las byed ciṅ byed la | dmyal ba’i sems can de yaṅ daṅ yaṅ du śi nas yaṅ daṅ yaṅ du ’tsho bas na yaṅ sos su skye’o ||
(2) de rnams de la yaṅ sos kyi sdug bsṅal drag po rtsub pa tsha ba ’joms śiṅ ’joms la gaṅ źig la thams cad lci źiṅ srog bcad pa’i rnam par smin pa de’o ||
de mir skyes kyaṅ tshe thuṅ bar ’gyur ro ||
dbaṅ po yoṅs su ma tshaṅ bar ’gyur ro ||
gzugs ṅan pa daṅ | śes rab (3) ’chal pa daṅ | rtag tu skrag pa daṅ | rtag tu khro ba daṅ | nad daṅ bcas pa daṅ | mya ṅan daṅ bcas pa daṅ | dga’ ba daṅ ’bral ba daṅ | thams cad daṅ ’bral ba daṅ | rtag tu yun riṅ du ’bral bar ’gyur ro ||
de’i phyir bcom ldan ’das kyis bka’ stsal pa | (4) skye ba lṅa brgyar yi dgas daṅ ||
ña sbrul ri dgas ’ug pa daṅ ||
ma he khyi daṅ wa rnams ni ||
srog bcad pa yi ñes pa’o ||
’di ni srog bcad pa’i rnam par smin pa’o ||
srog gcod pa ni spaṅs pa yis ||
skyes pa ’am ni bud med lus ||
thob par ’gyur te phan (5) yon ni ||
yon tan ñi śu mi dman par ||
yan lag ñiṅ lag phun sum tshogs ||
lus ni śed daṅ ldan pa daṅ ||
rigs bzaṅ por ni myur du skye ||
yan lag gtsaṅ źiṅ ’jam pa daṅ ||
tshe riṅ ba daṅ bde ba daṅ ||
dpa’ źiṅ stobs daṅ ldan pa daṅ ||
tshig (6) ni mchog tu bzaṅ ba daṅ ||
lha daṅ bcas pa dga’ ba daṅ ||
’jig rten pa yis ṅan mi byed ||
’phags pas tshig ṅan mi brjod daṅ ||
byad stems ṅan pas mi ’chi źiṅ ||
mtha’ yas pa yi ’khor daṅ ldan ||
kha dog gzugs daṅ yaṅ dag ldan ||
nad daṅ mya ṅan (7) ñuṅ ba daṅ ||
khyim gyi gnas ni mi spoṅ daṅ ||
gźan gyis mi dgar mi ’gyur ro ||
srog gcod pa ni spaṅs pa yis ||
skyes pa ’am ni bud med kyis ||
phan yon ’di ni myoṅ bar ’gyur ||
lha rnams daṅ ni mi rnams su’o ||
de lus źig ciṅ śi nas bde ’gro (272b1) mtho ris lha’i ’jig rten du ñe bar skye’o ||
ma byin par len pa ni ma byin par pha rol gyi rdzas rnam par śes pa daṅ bcas pa daṅ | rnam par śes pa med pa gaṅ ruṅ khaṅ pa phug nas rku ba la sogs pa’o ||
pha rol bslus nas len pa daṅ | raṅ ’tsho ba’i phyir de rnams (2) de lta bu’i rim pas ma byin par len pa de de’i lus źi gnas śi ba’i pha rol du ṅu ’bod du skye bar ’gyur ro ||
ṅu ’bod ces pa’i miṅ ni ṅu ’bod gñis te | ’bar ba’i ṅu ’bod daṅ | du ba’i ṅu ’bod do ||
’bar ba’i ṅu ’bod ni tshe bskal pa gcig tu gnas so ||
bar bar du me ’bar (3) bas yoṅs su gaṅ ba’o ||
du ba’i ṅu ’bod ni du ba ’tshum ciṅ de gñis la me ’bar bas ṅu ’bod du sems can dmyal ba rnams ’tshed do ||
bu ga dgu nas me ’byuṅ źiṅ lus sreg go ||
’di ni du ba’i ṅu ’bod do ||
du ba’i ṅu ’bod ni sems can dmyal ba rnams su ’tshed do ||
bu ga (4) dgu nas du ba ’tshub ciṅ ’byuṅ ṅo ||
ji ltar zan ’tshed pa ltar lus ’tshed do ||
sems can gñis ka mya ṅan gyi sgra chen po sgrogs so ||
de dag ni der sdug bsṅal drag ciṅ rtsub pa daṅ tsha ba myoṅ bar ’gyur ro ||
ma byin par len pa ni dge sloṅ dag sbrul dug can daṅ ’dra bar blta bar (5) bya’o ||
dmyal bar ’jug pa daṅ | yi dgas kyi yul du ’jug pa daṅ | dud ’gro’i skye gnas su skye bar ’gyur ro ||
gaṅ źig ma byin par len pa’i rnam par smin pa ni śin tu chen po’o ||
mir skyes kyaṅ loṅs spyod rnams ñams par ’gyur ba daṅ | ma byin par (6) blaṅs pa’i sems can gyi lag tu dṅos po cuṅ zad kyaṅ ’chags par mi ’gyur ro ||
bza’ ba daṅ | btuṅ ba daṅ | gos daṅ | stan la sogs pa rñed dka’ bar ’gyur ba daṅ | rgyun mi ’chad par zug rṅu can daṅ | gźan sdaṅ ba daṅ | ’tshe bar ’gyur ro ||
ga daṅ gaṅ rñed pa (7) de daṅ de ni ñams par ’gyur ro ||
gźan gyis loṅs spyod par ’gyur ro ||
gaṅ ’dod pa’i loṅs spyod ni rñed dka’ bar ’gyur ro ||
dṅos po yod pa rnams ’phel bar mi ’gyur ro ||
bde ba daṅ ’bral bar ’gyur ro ||
de’i phyir bcom ldan ’das kyis gsuṅs pa | ’dir ni dbul daṅ (273a1) bkren pa daṅ ||
gzugs ṅan ñe bar ’tshe ba daṅ ||
rigs ṅan du ni skye ba ni ||
ma byin len pa’i ñes pa’o ||
ma byin par len pa’i rnam par smin pa’o ||
ma byin len pa spaṅs pa yis ||
skyes pa ’am ni bud med ni ||
thob par ’gyur te phan yon ni ||
(2) yon tan ñi śu mi dman par ||
rtag tu ’bru ni maṅ ba daṅ ||
mtha’ yas loṅs spyod phun sum tshogs ||
sṅar med pa ni rab tu ’phel ||
’dod pa rnams ni brtan pa daṅ ||
gzugs sgra ro daṅ dri daṅ ni ||
reg bya rnams ni yid du ’oṅ ||
don du gñer ba thams cad la ||
(3) bsam pa thams cad myur du ’grub ||
de la rgyal po chom rkun daṅ ||
mi mdza’ ba yis mi ’phrogs daṅ ||
me ’am yaṅ na chu daṅ ni ||
de rnams kyis ni ’tshe mi ’gyur ||
’di ’dra ba yi loṅs spyod ldan ||
gaṅ źig ster daṅ za ba la ||
med ces pa ni ’byuṅ mi ’gyur ||
(4) rtag tu bde bar gnas pa daṅ ||
ma byin len pa spaṅs pa yis ||
skyes pa ’am ni bud med la ||
thob par ’gyur te phan yon no ||
lha rnams daṅ ni mi rnams su’o ||
de lus źig ciṅ śi nas bde ’gro mtho ris daṅ lha’i ’jig rten du ñe bar skye’o ||
’dod pa rnams la log par (5) g-yem pas ni ’tsho ba’i ’jig rten ’dir ’dod par byed pa ni | de’i lus źig nas śi ba’i pha rol du ṅu ’bod chen por skye źiṅ ltuṅ bar ’gyur ro ||
de nas phyi ru chu bo rab med kyi dogs gñis su | śal ma li’i nags dpag tshad brgyad cu gyen du mñam źiṅ mtho ba ||
tsher ma sor (6) bcu drug pa yal ga rnams thur la ’phyaṅ ba | lus po rgyaṅ grags bcu gñis daṅ ldan źiṅ lus la me gyen du ’bar ba | dpag tshad drug cur gyen du ’gro źiṅ de la rtag tu sna tshogs pa’i mtshon gyis phan tshun du gsod ciṅ | de ni śal ma li’i śiṅ gi nags la śon no ||
(7) lo stoṅ phrag maṅ por śiṅ gi tsher ma la ’dzeg go ||
gźan yaṅ dmyal ba’i sruṅ ma rnams kyis mtshon blaṅs nas brgyab pas ṅu źiṅ mgo thur la bstan nas lhuṅ ṅo ||
lhuṅ ba’i dus su lcags bsregs kyis gźir gsal śiṅ btsugs pa rnams la lhuṅ ṅo ||
de rnams bśaṅ (273b1) lam nas ’thon pas | de rnams kyis sdug bsṅal myoṅ bar ’gyur ro ||
rgyun du ṅu źiṅ dpag tshad drug cu pa’i lcags kyi bum par bskal pa gcig tu sdod do ||
me mdag gis yoṅs su gaṅ bar dmyal ba’i sruṅ ma rnams kyi khar ldugs so ||
de’i phyir bcom ldan ’das kyis bka’ stsal (2) pa | ri nag brtsegs pa mñam źiṅ mtho ||
śiṅ ni tsher mar bcas pa daṅ ||
lcags kyi tsher ma rnon po yis ||
’jig rten mi la bde ba med ||
śiṅ gi rtse mor gnas pa yi ||
dus kyi chuṅ mas ci źig bya ||
de’i phyir bcom ldan ’das kyis bka’ stsal pa | dge sloṅ dag (3) ’dod pa rnams la log par g-yem pa ni | sbrul dug can daṅ ’dra bar blta bar bya’o ||
dmyal bar ’jug pa daṅ | yi dgas kyi yul du ’jug pa daṅ | dud ’gro’i skye gnas su skye bar ’gyur ro ||
gaṅ źig ’dod pa rnams la log par g-yem pa’i rnam par smin pa ni śin tu chen (4) po’o ||
de mir skyes kyaṅ sdug bsṅal chen po myoṅ bar ’gyur ro ||
de’i phyir bcom ldan ’das kyis bka’ stsal pa | skye ba lṅa brgyar bud med ’gyur ||
de bźin du ni ma niṅ ’gyur ||
skyug bro’i mdze can yaṅ yaṅ ’gyur ||
log par g-yem pa’i ñes pa’o ||
skye ba du mar ñe bar (5) ’tshe ba daṅ | dgra maṅ bar ’gyur ba daṅ | mi mdza’ ba daṅ rtag tu lhan cig tu gnas par ’gyur ba daṅ | ñal ba daṅ ldaṅ ba’i tshe sdug bsṅal daṅ bcas pa daṅ | dus rtag tu khro ba daṅ | mis gnod par byed pa daṅ | rtag tu lus sgur bar ’gyur ba daṅ | ’on pa daṅ | skye ba (6) nas skye bar dmus loṅ la sogs par skye bar ’gyur | rnam par ’gyur bar ṅes pa daṅ | rtag tu sems mi dga’ bar ’gyur ba daṅ | phan tshun du ’thab pa la dga’ ba daṅ | dga’ ba’i sems daṅ ’bral bar ’gyur ro ||
de lus źig nas śi ba’i pha rol du ṅu ’bod chen po’i dmyal (7) bar ltuṅ źiṅ skye bar ’gyur ro ||
der yaṅ de la sdug bsṅal drag pa daṅ | rtsub pa daṅ | tsha ba ñams su myoṅ bar ’gyur | ’dod pas log par g-yem pa’i rnam par smin pa’o ||
log par g-yem pa spaṅs pa yi ||
skyes pa ’am ni bud med kyis ||
thob par ’gyur te phan (274a1) yon ni ||
yon tan ñi śu mi dman par ||
de la dgra ni med pa daṅ ||
’jig rten thams cad dga’ ba daṅ ||
bza’ daṅ btuṅ ba rñed par sla ||
gos daṅ stan daṅ gnas rnams daṅ ||
bde bar ñal daṅ bde bar ’dug | de ni bde bar ldaṅ ba daṅ ||
ṅan soṅ ’jigs (2) las rnam par grol ||
mya ṅan med daṅ ’jigs pa’aṅ med ||
nad rnams thams cad de la med ||
ma niṅ bud med du mi skye ||
cuṅ zad gaṅ ni don gñer ’dod ||
de yi ’dod pa grub par ’gyur ||
phan tshun du ni mdza’ ba maṅ ||
gźan ni mi dga’ de la med ||
dbaṅ po kun ni tshaṅ ba (3) daṅ ||
dge ba’i mtshan ñid yaṅ dag ldan ||
mi bzod chuṅ daṅ dogs pa med ||
skyes pa bud med dogs med do ||
log par g-yem pa spaṅs pa yi ||
skyes pa ’am ni bud med kyis ||
phan yon ’di ni myoṅ bar ’gyur ||
lha ’am yaṅ na mi rnams kyis ||
de’i lus źi gnas śi (4) ba’i pha rol du mtho ris daṅ lha’i ’jig rten du bde ’gror skye bar ’gyur ro ||
gaṅ źig skyes pa ’dod pa yis ||
skye ba yaṅ daṅ yaṅ du ni ||
bud med gźan la ’gro mi bya ||
sems kyi dri ma bkru ba’o ||
bud med gaṅ źig gi gyos sgyug la ñe bar mi bsñen pa daṅ | raṅ gi khyo la ñe bar mi (5) bsñen pa daṅ | raṅ gi khyo la mi brtsi ba daṅ | raṅ gi khyo’i phu bo la mi ’dud pa daṅ | raṅ gi khyo’i sriṅ mo rnams la gnod par byed pa daṅ | gźan yaṅ lag pa daṅ | rkaṅ pa daṅ | rgyab la las su bya ba mi byed pa daṅ | bza’ ba daṅ btuṅ ba gaṅ ’dod pa mi ster ba daṅ | de rnams (6) la ṅo tsha daṅ khrel du mi byed pa daṅ | raṅ gi khyo pho la klog par byed pa daṅ | skur pa btab na dmyal bar skye bar ’gyur ro ||
lcags bsregs kyi sa gźi’i steṅ du ñal ba daṅ | ’bar ba’i lcags kyu kha ru bcug nas mchil pa’i ña la bya ba bźin du | lce’i rtse mo phyi rol du phyuṅ ste | thag pas (7) bciṅs nas phyi rol du ’don to ||
de ltaRa phyi rol du bton pa la | lce’i rtse mo la mtshon chas brgyab nas brgyab pa’i gnas su mchu raṅ la skyes pa’i srin bu chen pos za’o ||
de ltar zos pas cuṅ zad kyaṅ smra bar mi nus so ||
de ltar de ni de la lo stoṅ phrag du mar ’tshed par ’gyur ro ||
btsos (274b1) nas yaṅ dmyal ba chen por lhuṅ bar ’gyur ro ||
de’i phyir bcom ldan ’das kyis bka’ stsal pa | gaṅ źig bud med skyes pa ’dod ||
skye ba skye bar yaṅ daṅ yaṅ ||
lha daṅ lha mo ji bźin du ||
raṅ gi khyo ni spaṅ mi bya ||
brdzun du smras pas slar yaṅ thig nag tu skye bar ’gyur ro ||
der (2) yaṅ dmyal ba’i sruṅ ma rnams kyis sgra chen po’i tshig sgrogs śiṅ | mtsho cha ’bar ba sna tshogs pa blaṅs nas lcags bsregs kyis gźi la dmyal ba’i sems can gcig gis gcig ’drud pa daṅ | ’bar ba’i thig nag pos ’debs pa daṅ | ’bar ba’i mtshon cha bzuṅ nas yaṅ dag par bsgyur ba | (3) daṅ | źib mas ’tshag pa bźin du ste’u daṅ dgra stas ’jog pa daṅ | de rnams kyis sgra chen po sgrogs te ṅu źiṅ gnas so ||
raṅ gi khrag ’thuṅ źiṅ naṅ du der gnas pa de thig nag ste brdzun du smras pas skye’o ||
der sdug bsṅal drag pa daṅ | rtsub pa daṅ | tsha ba’i tshor ba myoṅ bar ’gyur ro ||
(4) dge sloṅ dag brdzun du smra ba ni sprul dug can daṅ ’dra bar yid la bya’o ||
des sdug bsṅal maṅ po byed do ||
dmyal bar ’jug pa daṅ | yi dgas kyi yul du ’jug pa daṅ | dud ’gro’i skye gnas su skye bar ’gyur ro ||
gaṅ źig brdzun du smra ba ni rnam par smin pa chen po’o ||
de mir skyes kyaṅ sñiṅ rje med (5) pa daṅ | skad bya rog gi daṅ ’dra ba daṅ | lce mi bde ba daṅ | so la srin ’byuṅ ba daṅ | kha dri mi źim pa daṅ | so mi sñoms pa daṅ | tshig rtsub pa daṅ | gre ba ’dzer ba daṅ | mchu mi bde ba daṅ | phrag dog daṅ bcas pa daṅ | rtag tu sred pa daṅ ldan pa daṅ | de lus źig nas śi ba’i pha rol (6) du thig nag tu skye bar ’gyur ro ||
de’i phyir bcom ldan ’das kyis bka’ stsal pa | kha nas rnag gi dri ldaṅ źiṅ ||
dpag tshad gcig tu dri ṅan ’gro ||
chos ni śes par mi ’gyur ba ||
brdzun du smras pa’i ñes pa’o ||
brdzun du smras pa’i rnam par smin pa’o ||
brdzun du smra ba spaṅs pa yis ||
skyes (7) pa ’am ni bud med ni ||
thob par ’gyur te phan yon ni ||
sum cu rtsa gsum mi ñuṅ ba’i ||
mig daṅ rna ba sna daṅ ni ||
lce daṅ lus daṅ de bźin yid ||
de la rnam par dag par ’gyur ||
pad ma’i ze ’bru ltar mtshuṅs so ||
mig daṅ so ni mñam pa daṅ ||
lus ni mi riṅ mi thuṅ la ||
ha caṅ (275a1) sbom daṅ phra ba min ||
’di ltar legs par bśad pa’i tshig | ji ltar ud pa la yi dri ||
rtag tu kun da kha yi dri ||
g-yog rnams thams cad bsñen bkur ’gyur ||
mchod par ’os pa’i tshig gis so ||
chos rnams kun la mkhas pa daṅ ||
don daṅ tshig ’bru rnam par (2) mkhas ||
sems kyi rtog la źum pa med ||
rtag tu khyad par ’phags pa’i tshig | brdzun du smra ba spaṅs pa yis ||
skyes pa’am ni bud med kyis ||
phan yon ’di ni myoṅ bar ’gyur ||
lha daṅ mi ru skyes pa na | de’i lus źig nas śi ba’i pha rol du bde ’gro lha’i ’jig rten daṅ mtho ris su skye’o ||
(3) brdzun du smra ba źes bya ba ni kha na ma tho ba daṅ bcas pa’o ||
’dod pa’i don rnams la rigs kyi bus mi bya ba ñid do ||
bden pa daṅ legs pa’i bcud rnams de lta bu ni blaṅ bar bya’o ||
brdzun du smra ba źes bya ba don med par byed pa’o ||
’jig rten slu bar byed do ||
skye ba gźan du mar mnar (4) med pa’i dmyal bar skye bar ’gyur ro ||
de’i phyir ’tsho ba’i slad du brdzun du smra bar mi bya’o ||
thams cad mkhyen pa saṅs rgyas | byaṅ chub sems dpa’ sgrib pa daṅ bcas pa’i dus na’aṅ phra ma ni | yuṅ ba’i kha dog ltar yun riṅ por mi gnas so ||
phub ma’i phuṅ po’i steṅ du phur pa (5) btsugs na yun riṅ du mi gnas pa bźin no ||
rta’i rgyab tu śiṅ thog ril bu bźag na yun riṅ du mi gnas pa bźin du | smras pa’i tshig la ral gris ske ’breg pa’i tshe tshig gñis mi smra ba bźin no ||
bden pa yun riṅ por smras pas dge sbyoṅ daṅ bram zes pha rol du sgrol bar byed do ||
(6) chaṅ ’thuṅs pa ni tsha ba’i dmyal bar ltuṅ źiṅ skye bar ’gyur ro ||
der lhuṅ ba’i sems can ni lo stoṅ phrag maṅ por ’tshed par ’gyur ro ||
de nas phyir phyuṅ nas chu bo rab med kyi ṅogs su skyur bar byed do ||
gaṅ du’aṅ ’gro sa med par yaṅ daṅ yaṅ du skyal bar byed do ||
der dmyal ba’i sruṅ ma (7) rnams kyis mchil pas ña ’don pa ltar | lcags bsregs kyi sa gźi la rdebs par byed do ||
’di ltar sgrogs te | kye skyes bu khyod ci ’dod | jo bo skom mo ||
dmyal ba’i sruṅ ma des lcags ’bar ba’i lcags kyus kha phye ste lcags bźu pa’i khu ba ldugs par byed do ||
de la de yi (275b1) mchu sreg go ||
bśaṅ lam na mar ’thon par byed do ||
de rnams kyis sdug bsṅal myoṅ bar byed ciṅ | ṅu la ’gre bar byed do ||
de’i dus su yaṅ ’chi bar ni mi ’gyur te | ji srid kyi bar du sdig pa’i (2) las kyi ’bras bu myoṅ bar byed do ||
de srid du de rnams kyis rnam par smin pa’i tshor ba myoṅ bar byed do ||
de’i phyir bcom ldan ’das kyis bka’ stsal pa | tsha źiṅ rtsub pa’i chu bo ni ||
rab med śin tu bgrod par dka’ ||
lcags kyi pad ma’i ’dab ma rnams ||
’dab ma rno ba’i steṅ du ’gre ||
chu bo rab med (3) gźi med par ||
chos min ji ltar spyod par ’gyur ||
gaṅ źig chaṅ ’thuṅ ba de ni sdig pa chuṅ ba ma yin no ||
de mir gyur kyaṅ rtag tu brjed ṅas pa daṅ | lug ltar lkugs pa daṅ | śes rab ’chal pa daṅ | rig pa mi śes pa daṅ | rtag tu gñid du ’gro ba daṅ | blo gros dman pa daṅ | gti (4) mug che ba daṅ | ’jigs pa daṅ | skrag par ’gyur ba daṅ | dogs par ’gyur ba daṅ | phra ma can daṅ | tshig mi brtan pa daṅ | ser sna can daṅ | phrag dog can daṅ | ṅes par mi ’byuṅ ba daṅ | ṅo tsha med pa daṅ | khrel med pa daṅ | śes rab chuṅ ba daṅ | dge ba’i chos rnams mi rig pa ste | skye ba lṅa (5) brgyar gnod sbyin skye ||
skye ba lṅa brgyar khyi daṅ ni ||
mtha’ yas smyon par skye bar ’gyur ||
chaṅ ’thuṅs pa yi ñes pa’o ||
myos par ’gyur ba’i chaṅ gi btuṅ ba’i rnam par smin pa’o ||
chaṅ ’thuṅ ba ni spaṅs pa yis ||
skyes pa ’am ni bud med ni ||
thob ste de yi phan yon ni ||
sum cu rtsa drug mi dman (6) par ||
’das daṅ ma ’oṅs pa yi dus ||
da ltar byuṅ ba cuṅ zad du ||
myur du śes par ’gyur ba daṅ | rtag tu dran pa gnas pa daṅ ||
de ni smyo bar mi ’gyur źiṅ ||
khyad par ’phags pa’i śes rab daṅ ||
mi rmoṅs pa daṅ bag yod daṅ ||
tshig ni śin tu gsal ba daṅ ||
ṅo tsha śes śiṅ tshig ni (7) gsal ||
de ni log par smra mi ’gyur ||
phra ma daṅ ni tshig rtsub med ||
don med pa la mi stod ciṅ ||
ñin daṅ mtshan du de bźin du ||
byas pa śes śiṅ byas pa tshor ||
’dod med gtoṅ daṅ tshul khrims ldan ||
khro ba med ciṅ tshig ni draṅ ||
’jigs pa med ciṅ rnam par mkhas ||
ṅo tsha khrel (276a1) yod phun sum tshogs ||
’jigs pa daṅ ni dogs pa med ||
yid gźuṅs thos pa ’dzin pa daṅ ||
don yod skye bo maṅ nad mkhas ||
chaṅ gi btuṅ pa spaṅs pa yis ||
skyes pa’am ni bud med kyis ||
phan yon ’di rnams myoṅ bar ’gyur ||
lha rnams daṅ ni mi rnams su ||
(2) de’i lus źi gnas śi ba’i pha rol du bde ’gro mtho ris lha’i ’jig rten daṅ mtho ris su skye’o ||
tshul khrims ’di rnams bsruṅ bar bya’o ||
’di gaṅ zag gaṅ su dag skyes pa’am bud med kyi tshul khrims sruṅ bar mi byed pa daṅ | sgom par mi byed na de’i lus źig nas śi ba’i pha rol du ṅan (3) soṅ ṅam ṅan ’gro log par ltuṅ bar skye bar ’gyur ro ||
gaṅ su dag tshul khrims sruṅ bar byed pa daṅ | sgom par byed pa rnams ni de’i lus źi gnas śi ba’i pha rol du bde ’gro mtho ris daṅ | lha’i ’jig rten du skye bar ’gyur ro ||
bcom ldan ’das kyis de skad ces bka’ stsal pa daṅ | dge (4) sloṅ de rnams bcom ldan ’das kyis gsuṅs pa la mṅon par bstod do || ||
