’di skad bdag gis thos pa dus gcig na | bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so ||
de nas bcom ldan ’das kyis dge sloṅ rnams bos nas | dge sloṅ (3) dag btsun pa bcom ldan ’das kyi spyan sṅar so sor ’oṅs pa la bcom ldan ’das kyis gyaṅ ’di skad ces bka’ stsal to ||
sems rnam par grol bar bya ba’i phyir byams pa bsgom par bya’o ||
bsam pa brtan par bya ba’i phyir ro ||
maṅ du byed pa daṅ | źi bar byed pa daṅ | (4) gźir byed pa daṅ | rjes su gnas par byed pa daṅ | ’dris par bya ba daṅ | śin tu brtson par bya’o ||
phan yon bcu gcig po so sor bśad par bya’o ||
bcu gcig gaṅ źe na | bde bar ñal ba daṅ | bde bar sad pa daṅ | sdig pa’i rmi lam mi mthoṅ (5) ba daṅ | de la mi rnams dga’ ba daṅ | mi ma yin rnams dga’ ba daṅ | lha rnams kyis bsruṅ ba daṅ | me daṅ dug daṅ | mtshon rnams kyis gnod par mi ’gyur ro ||
dus rtag tu sems śin tu dga’ bar gnas pa daṅ | bźin gyi mdaṅs rab tu gsal (6) ba daṅ | sems gsal bar ’chi ba daṅ | ches cher bag yod par byas pas tshaṅs pa’i ’jig rten du skye ba’o ||
dge sloṅ dag byams pa’i sems daṅ mi ’bral bar rig par bya’o ||
bsam pas brtan par bya’o ||
bsgom par bya ba daṅ | maṅ du byed pa daṅ | (7) źi bar byed pa daṅ | gźir byed pa daṅ | rjes su gnas par byed pa daṅ | ’dris par bya ba daṅ | śin tu brtson par bya’o ||
bcu gcig po rnams kyi phan yon rnams so sor bśad zin to ||
