de nas tshe daṅ ldan pa ś ri’i bus ma ’oṅs pa’i rgyal ba de’i phyir bcom ldan ’das la źus pa | khyed kyi rjes bstan blo (6) brtan ni ||
ci ’dra’i saṅs rgyas su ’gyur bar ||
spyan ldan yoṅs su rgyas par ni ||
bdag ni rab tu ñan par ’dod ||
gnas brtan źus pa gsan nas ni ||
bcom ldan ’das kyis ’di skad gsuṅs ||
bsod nams phuṅ po mi ñuṅ ba’i ||
grags pa chen po mi pham pa’i ||
yon (7) tan thams cad brjod mi nus ||
mdor bsdus nas ni legs bśad pa ||
phyogs gcig tsam ni bstan par bya ||
ś ri’i bu ñon ṅa yi tshig | ’di ni bskal pa bzaṅ po ste ||
skye ba bye ba’i lo ru ni ||
byams pa źes pa’i miṅ ñid kyis ||
rkaṅ gñis mchog gi saṅs rgyas so ||
(263b1) ji ltar ṅa ’das nas daṅ por dus lṅa ’byuṅ ste | ’bras bu’i bar gyi dus daṅ | bsgrub pa’i bar gyi dus daṅ | luṅ gi bar gyi dus daṅ | rtags tsam gyi bar gyi dus daṅ | sku gduṅ gi bar gyi dus so ||
de la ’bras bu’i bar gyi dus ni | saṅs rgyas yoṅs su mya ṅan las ’das nas | (2) lo stoṅ phrag gcig gi naṅ du rtogs pa bskyed par nus so ||
de soṅ źiṅ soṅ ba’i dus so ||
phyir mi ’oṅ ba rnams daṅ | lan cig phyir ’oṅ ba daṅ | rgyun du źugs pa’o ||
de rnams yod pa na ’bras bu’i bar gyi dus med ces brjod par mi bya’o ||
lhag ma ni rgyun du źugs pa (3) ste | de ’das nas ’bras bu’i bar gyi dus nub pa źes bya’o ||
’di ni ’bras bu’i bar gyi dus nub pa źes bya ba yin no ||
bsgrub pa’i bar gyi dus źes bya ba ni | źi gnas daṅ lhag mthoṅ gi lam gyi ’bras bu bslab par mi nus par | pham pa bźi po bsruṅ bar nus pa tsam mo ||
(4) soṅ źiṅ soṅ ba’i dus su | pham pa bźi po ñid bsruṅ ba tsam mo ||
pham pa bźi po sruṅ bar byed pa ni | dge sloṅ rnams stoṅ phrag gcig gi naṅ na brgya tsam yod na yaṅ bsgrub pa’i bar gyi dus nub pa źes mi bya’o ||
brgya’i naṅ na dge sloṅ gcig tsam yod pa las sdom pa (5) źig pa daṅ | śi ba na bsgrub pa’i bar gyi dus nub pa źes bya’o ||
’di ni bsgrub pa’i bar gyi dus nub pa źes bya’o ||
luṅ gi bar gyi dus nub pa źes bya ba ni ||
saṅs rgyas kyi gsuṅ rab sde snod gsum po’i don mi go źiṅ sgra tsam klog pa daṅ | po ti yod pa’i bar ni luṅ gi bar gyi dus yoṅs (6) su rdzogs pa źes bya’o ||
soṅ źiṅ soṅ ba’i dus su rtsod pa’i dus kyi rgyal po rnams chos ma yin pa byed par ’gyur ro ||
blon po la sogs pa rnams kyaṅ chos ma yin pa byed par ’gyur te | de nas yul ’khor rnams daṅ | ljoṅs rnams kyaṅ de bźin no ||
de rnams kyi chos ma yin (7) pa’i rgyu yis lha rnams char legs par mi ’bebs so ||
’bru rnams legs par mi smin no ||
de rnams kyi ’bru ma smin pas dge sloṅ gi dge ’dun la bza’ ba ster mi nus so ||
dge sloṅ rnams kyis kha zas ma rñed pas slob ma daṅ yaṅ slob rnams ’dzin par mi nus so ||
soṅ źiṅ (264a1) soṅ ṅa’i dus su luṅ gi bar gyi dus dman pa’o ||
daṅ po ni rab tu byed pa chen po ñams par ’gyur ro ||
de nub nas ya ma ka~M gi tshigs su bcad pa daṅ | gźi daṅ gaṅ zag daṅ gdags pa daṅ | sku gduṅ gi gtam daṅ | rnam ’byed daṅ | chos bsdu ba nub par ’gyur (2) ba’o ||
chos mṅon pa’i sde snod nub nas | mdo sde’i sde snod nub par ’gyur ro ||
de nas a~M ga phyi ma’i sde pa nub par ’gyur ro ||
a~M ga phyi ma’i sde pa nub nas | yaṅ dag par ldan pa’i sde pa nub par ’gyur ro ||
bar ma’i sde pa daṅ riṅ po’i sde pa nub par ’gyur ro ||
riṅ po’i sde pa (3) nub nas ’dul ba daṅ bcas pa’i skyes rabs gnas so ||
’dul ba’i sde snod la yaṅ ṅo tsha daṅ ldan pa tsam ’dzin no ||
soṅ źiṅ soṅ ba’i dus su skyes pa’i rabs tsam yaṅ ’dzin par mi nus so ||
daṅ po thams cad sgrol gyi skyes pa’i rabs nub par ’gyur ro ||
tha mar lo ma med pa’i skyes pa’i (4) rabs nub par ’gyur ro ||
skyes rabs rnams nub nas ’dul ba’i sde snod ’ba’ źig ’dzin no ||
soṅ źiṅ soṅ ba’i dus su | mi gaṅ źig gis saṅs rgyas kyi gsuṅ rab kyi tshigs su bcad pa gcig tsam dar bar byed na | luṅ gi bar gyi dus nub pa med do ||
gaṅ źig rgyal po chos la (5) dad pa’i dus su glaṅ po che’i rgyab tu gser gyi za ma tog gcig bźag ste | nor stoṅ phrag gcig de ru bcug nas saṅs rgyas kyis gsuṅs pa’i tshigs su bcad pa gcig gaṅ gis śes pa des nor stoṅ phrag de loṅ źes groṅ khyer gyi dbus su rol mo’i sgra lan gsum bsgrags nas de (6) skad brjod de | de len par mi nus pa na nor stoṅ phrag de rgyal po’i mdzod du yaṅ ’jog go ||
de’i dus ni luṅ gi bar gyi dus nub pa’i dus su ’gyur ro ||
’di ni luṅ gi bar gyi dus nub pa’i dus źes bya ba yin no ||
soṅ źiṅ soṅ ba’i dus su | chos gos ’dzin pa daṅ | lhuṅ (7) bzed ’dzin pa daṅ | gcer bu pa’i dge sbyoṅ daṅ ’dra bar chag tshaṅ ku ba’i snod | sloṅ ba’i snod daṅ | lag pa’i rtse mo la ’phyaṅ ba’i tshul daṅ ’dra ba daṅ | dra ba’i naṅ du khyer nas ’gro ba’o ||
soṅ źiṅ soṅ ba’i dus su | gos ṅur smrig gis bdag la ci byed | cuṅ (264b1) zad chos su byas pa’i du ma bu lag pa ’am | mgrin pa ’am | rna ba rnams su’am | skra rnams la ’gebs so ||
bag ma len pa daṅ | so nam daṅ | tshoṅ la sogs pa byas nas | ’tsho ba’i phyir du spyod ciṅ ’gro bar byed do ||
de’i tshe yon ster ciṅ dge (2) ’dun gyi ched du de thams cad ster bar byed de | de’i tshe ṅas kun dga’ bo dge ’dun gyi yon gyi ’bras bu ni graṅs med par bśad do ||
soṅ źiṅ soṅ ba’i dus su | ’di ci bdag gi don du ṅur smrig gi du ma bu btogs nas dgon pa ’am nags tshal du skyur bar byad do ||
de (3) rnams kyi dus su rtags tsam ’dzin pa’i bar gyi dus nub par ’gyur ro ||
’di ni rtags tsam ’dzin pa’i bar gyi dus nub pa’i dus źes bya ba yin no ||
de nas yaṅ dag par rdzogs pa’i saṅs rgyas kyi bstan pa lo stoṅ phrag lṅa pa la rñed pa daṅ bkur sti la sogs pa’i rñed pa chuṅ (4) ṅo ||
sku gduṅ rnams rñed bkur byed pa’i gnas su ’gro bar byed do ||
soṅ źiṅ soṅ ba’i dus su | gnas thams cad du bkur sti daṅ bsti staṅ ma thob nas | bstan pa tha ma’i dus su klu’i yul daṅ | lha’i ’jig rten daṅ | tshaṅs pa’i ’jig rten gyi gnas thams cad nas (5) ’oṅs nas | sku gduṅ thams cad byaṅ chub kyi sñiṅ po kho nar bsdus te saṅs rgyas kyi sku ru gyur nas | gśin rje rdzu ’phrul du ma ston pa daṅ ’dra bar gźan la ston no ||
de’i gnas su sems can mir gyur pa’i miṅ yaṅ med do ||
stoṅ phrag bcu’i lha’i ’jig rten gyi khor yug gi bar (6) thams cad ’dus nas | de riṅ stobs bcu pa yoṅs su mya ṅan las ’da’ bar byed do ||
deṅ nas bzuṅ nas mun nag tu gyur to ||
sku gduṅ thams cad la me’i khams laṅs nas de’i sku lus lhag ma med par sreg par byed do ||
’di ni sku gduṅ gi bar (7) gyi dus nub pa źes bya ba yin no ||
de nas lo stoṅ phrag lṅa po ’dir bstan pa nub par gyur nas ’jig rten pa rnams la mi dge ba lhag par ’phel bar byed do ||
mi rnams la ṅo tsha daṅ khrel med par ’gyur źiṅ ma daṅ | bu mo daṅ | sriṅ mo la sogs pa’i (265a1) ’du śes med par ’gyur ro ||
phag daṅ ce spyaṅ la sogs pa daṅ ’dra bar ṅo tsha med par ’gyur ro ||
de nas mi dge ba la sbyor źiṅ tshe bri nas tshe lo bcu par ’gyur ro ||
lo lṅa pa’i khye’u la lo lṅa pa’i bu mo bag mar len no ||
yaṅ lo lṅa’i naṅ ñid du bu daṅ bu mo daṅ tsha ba daṅ (2) tsha mo’aṅ ’byuṅ ṅo ||
de’i dus su mtshon gyi bskal pa bar ma ’byuṅ bar ’gyur ro ||
bskal pa bar ma gsum ste | mu ge’i bskal pa bar ma daṅ | nad kyi bskal pa bar ma daṅ | mtshon gyi bskal pa bar ma’o ||
de la gaṅ gi tshe ’jig rten gyi sems can rnams la ’dod pa (3) lhag par skyes nas mu ge’i bskal pa bar mar ’gyur ro ||
gaṅ gi tshe gti mug lhag par che ste | nad kyi bskal pa bar mar ’gyur ro ||
gaṅ gi tshe skyon du gyur pa de’i dus su mtshon gyi bskal pa bar mar ’gyur ro ||
mu ge’i bskal pa bar mas sems can rnams brlag par byas nas (4) yi dgas su skye bar ’gyur ro ||
nad kyi bskal pa bar mas sems can rnams brlag par byas nas dud ’gror skye bar byed do ||
mtshon gyi bskal pa bar mas sems can rnams brlag par byas nas dmyal bar skye bar ’gyur ro ||
de’i tshe mi rnams phan tshun du ri dgas kyi ’du śes daṅ (5) bcas pa thob par gyur nas mtshon so gcig pa daṅ | mtshon so gñis pa daṅ | spu gri’i so daṅ ’dra ba’i mtshon cha rnams bzuṅ nas phan tshun gsod par byed do ||
de rnams su mkhas pa gaṅ źig des ’joms par thos nas ri’i sul la sogs par źag bdun gyi kha zas bzuṅ ste (6) yib nas sdod do ||
de rnams sum yib pa’i sems can lhag ma rnams phan tshun du rdeg ciṅ gsod do ||
sa gźi thams cad śa daṅ khrag tu ’gyur ro ||
de’i dus su sprin chen po ’dus nas char ’bebs par byed do ||
lha yis char bab pa’i rjes su dri źim pa’i char ’bab ciṅ (7) ’bab par byed do ||
de rnams kyi dus su gnas thams cad yid du ’oṅ bar ’gyur ro ||
gnas thams cad dag par gyur nas ’bras śun pa can gyi char ’bab ciṅ ’bab par ’gyur ro ||
’bras śun pa can gyi char phab pa’i rjes su ’bras śun pa med pa’i char ’bab ciṅ ’bab par (265b1) ’gyur ro ||
de’i rjes su gos daṅ rgyan gyi char ’bab ciṅ ’bab par byed do ||
de’i mthar pus mo nub tsam gyi tshad daṅ mñam pa’i rin po che sna bdun gyi char ’bab ciṅ ’bab par byed do ||
de’i phyir bcom ldan ’das kyis bka’ stsal pa | dri źim pa yi char ’bab ciṅ ||
śun (2) can śun med ’bras kyi char ||
gos daṅ rgyan gyi char ’bab pa ||
de ltar dga’ tshal mdzes pa bźin ||
rin chen sna bdun ma lus pa’i ||
de yi gnas su char ’bab bo ||
gnas kun gaṅ bar byas nas ni ||
de tshe dga’ tshal mdzes pa bźin ||
de rnams ’das (3) nas mi yib pa rnams ’thon to | de rnams ’thon nas phan tshun du ’khyud pa daṅ | ṅu ba daṅ | tshul khrims lṅa la sogs pa’i dge ba’i chos rnams rjes su dran par byas nas rdzogs par rtsom mo ||
de nas tshe lo bcu pa’i mi rnams las skyes pa’i bu daṅ bu mo tshe lo ñi śu par (4) ’phel lo ||
de nas mi rnams la lhag par chos ’phel bas go rims bźin du tshe ’phel te tshe lo graṅs med par ’gyur ro ||
de’i tshe sems can rnams la rgas pa daṅ ’chi ba mi mthoṅ bar ’gyur ro ||
de ltar sems can gźan yaṅ bag yod par ’gyur te | dmyal ba’i sdug (5) bsṅal źes bya ba ni ci źes sems can rnams sems pa med do ||
de nas tshe lo graṅs med pa rnams ’bri bar byed do ||
sṅar bźin du bri nas tshe lo brgyad khri par ’gyur ro ||
de’i dus su ’dzam bu’i gliṅ thams cad du lha’i bu mo’i skal ba daṅ ’dra bar bud med daṅ | de ltar (6) skyes pa daṅ bcas pas gaṅ bar ’gyur ro ||
lha’i char pa zla ba phyed du ’bab pa daṅ | źag bcu daṅ | źag lṅa daṅ | ñin źag phyed du sa’i bcud ’phel bar ’gyur ro ||
de’i tshe sa gźi thams cad kyi cha mñam pa daṅ | tsher ma daṅ śiṅ rad rod med ciṅ | groṅ khyer la (7) phyogs bźi’i sgo daṅ ldan pa daṅ | groṅ khyer gyi dbus su dpag bsam gyi śiṅ skye bar ’gyur ro ||
de’i phyir gsuṅs pa | de nas de yi groṅ khyer ni ||
sna tshogs tshoṅ ’dus so so daṅ ||
legs par rab phyuṅ rdziṅ bu daṅ ||
dga’ źiṅ rab tu gnas pa daṅ ||
dri ma med (266a1) pa’i chu chen po ||
śin tu graṅ źiṅ dri bzaṅ ldan ||
rñog med mñam źiṅ tshim pa daṅ ||
de nas rñog ma yaṅ dag gnas ||
pad ma ud pa la gyis gaṅ źiṅ ||
daṅ ba rlabs daṅ ni rñog pa med ||
t la’i phreṅ ba bdun gnas źiṅ ||
rin chen (2) raṅ bźin gyis khebs pa ||
lcags ri bdun daṅ ldan pa daṅ ||
groṅ khyer thams cad ’brel ba daṅ ||
rtswa can rgyal po’i pho braṅ ni ||
de tshe tog daṅ ldan par ’gyur ||
groṅ khyer phyogs kyi sgo bźi ru ||
dpag bsam śiṅ ni skye bar ’gyur ||
sṅon po ser po (3) dmar po daṅ ||
dkar po rab tu gsal ba’i ’od ||
lha yi gos ni skye bar ’gyur ||
lha yi drin gyis rgyan daṅ ni ||
loṅs spyod ñe bar spyod pa rnams ||
thams cad steṅ nas ’phyaṅ ba yin ||
de nas groṅ khyer dbus su ni ||
khaṅ dmig bźi daṅ ldan pa yin ||
(4) bsod nams las kyis grub pa ni ||
dpag bsam śiṅ gi steṅ nas ’byuṅ ||
ras bal ras ni bzaṅ po daṅ ||
ko ma u dum b ra’i ras ||
bsod nams las kyis grub pa ni ||
dpag bsam śiṅ gi steṅ nas ’byuṅ ||
mṛi da~M ga ni lag pas rduṅ ||
mur rdza daṅ (5) a lam bha ||
bsod nams las las byuṅ ba ni ||
dpag bsam śiṅ gi steṅ nas ’byuṅ ||
dpuṅ rgyan dag gi rgyan daṅ ni ||
dpuṅ rgyan daṅ ni do śal daṅ ||
rin chen raṅ bźin mgul pa’i rgyan ||
bsod nams las las byuṅ ba ni ||
dpag bsam śiṅ (6) gi steṅ nas ’byuṅ ||
dpral ba kha yi rgyan daṅ ni ||
nor bu ’ob khag lus la ldan ||
bsod nams las las byuṅ ba ni ||
dpag bsam śiṅ gi steṅ nas ’byuṅ ||
gźan yaṅ rnam pa sna tshogs pa’i ||
rgyan rnams kun gyis rnam par brgyan ||
bsod nams (7) las las grub pa ni ||
dpag bsam śiṅ gi steṅ nas ’byuṅ ||
ma rmos ma btab raṅ byuṅ ba’i ||
bsod nams las kyis skyes pa ni ||
ma źig sbun med dri ma med ||
’bras kyi ’bras bu dri źim ldan ||
’bras rnams bde par btsos pa na ||
mi rnams yoṅs (266b1) su loṅs spyod do ||
de yi ’bras la zal zel med ||
stoṅ phrag brgya ni ’byuṅ ba yin ||
’bras kyi myu gu skye ba ni ||
thams cad du ni khyab par gnas ||
’bras sñe re re skye ba la ||
phul ni re re ’byuṅ bar ’gyur ||
mi rnams kyi ni ’bras kyi dri ||
thams cad du ni (2) loṅs spyod do ||
stoṅ phrag gñis kyi śiṅ rta’i tshad ||
śiṅ rta brgya yi tshad tsam daṅ ||
śiṅ rta sum cu rtsa dgu daṅ ||
bre chen bcu drug pa yi khal ||
de nas yaṅ ni ku ba gñis ||
de lta bu yi ’bras ’byuṅ ṅo ||
sa bon gcig la skye ba ni ||
skye bo rnams kyi bsod nams las ||
(3) gaṅ źig tog daṅ ldan par gnas ||
duṅ gi rgyal po mi yi bdag | de yi tshe na de ltar ’gyur ||
yon tan gyi ni dpuṅ rgyan ’dzin ||
bsam pa thams cad yoṅs su rdzogs ||
bźin legs rna ba’i rgyan daṅ ldan ||
ha ri tsan dan lus la byugs ||
ga śi’i gos ni mchog tu (4) gyon ||
nor ni rgya cher maṅ ba daṅ ||
tiṅ cag pi waṅ gis sad byed ||
rtag tu śin tu skyid pa daṅ ||
de yi lus daṅ sems bde źiṅ ||
dpag tshad stoṅ phrag bcu ru ni ||
’dzam bu gliṅ ni gnas pa yin ||
tsher ma med ciṅ śiṅ med pa ||
mñam źiṅ ’jam la sṅo (5) bsaṅs gnas ||
de la nad ni gsum ’byuṅ ste ||
’dod daṅ źen daṅ rgas pa’o ||
lṅa brgya’i lo lon bud med ni ||
rgan daṅ gźon pa bag mar len ||
gtan du gñis ka bde ba yin ||
rtsod pa med par ’gyur ba yin ||
’bras bu lo tog phun sum tshogs ||
’khri (6) śiṅ gel pa śiṅ gi tshal ||
rtswa ni sor bźi pa ru skye ||
śin tu ’jam pa’i śiṅ bal ’dra ||
ha caṅ mi graṅ mi dro źiṅ ||
char ni mñam par ’bab pa daṅ ||
rluṅ ni śin tu chuṅ ba daṅ ||
dus tshod mñam par ldan pa daṅ ||
chu kluṅ t la mi dman źiṅ ||
de daṅ de yi (7) sa yi cha ||
sa la rdo ni chuṅ ldan la ||
sran nag sran chuṅ tshad tsam mo ||
mu tig ’dra bas yoṅs su gaṅ ||
rgyan rnams skyed mos tshal daṅ ’dra ||
dga’ źiṅ yid du ’oṅ bar ’gyur ||
groṅ daṅ grol rdal maṅ pos gaṅ ||
’od ma smyug phran tshal bźin no ||
(267a1) bya gag ’phur ba tsam ñid do ||
dag źiṅ rgyas la rdzu ’phrul ldan ||
lugs la ñe bar ’tshe ba med ||
rtag tu rtse źiṅ dga’ ba daṅ ||
gcig tu bde bas tshim pa daṅ ||
rgyu skar bde bas bskor ba daṅ ||
dga’ źiṅ tshim la rab tu dga’ ||
bza’ daṅ (2) btuṅ ba maṅ po za ||
śa chaṅ chu bźin maṅ ba ni ||
lha yi pho braṅ lcaṅ lo bźin ||
khaṅ bzaṅs rgyal po’i pho braṅ ni ||
ñams dga’ sgra mi sñan bźin no ||
’dzam bu’i gliṅ yaṅ de bźin gyur ||
de’i dus su byaṅ chub sems dpa’ byams pa ’di ni bskal pa graṅs med (3) pa bcu drug daṅ bskal pa ’bum phrag gcig lhag tsam du sbyin pa’i pha rol du phyin pa daṅ | pha rol du phyin pa sum cu rdzogs par byas nas thams cad sgrol bźin du skye ba lhag ma’i lus sbyin pa chen por byas śiṅ ||
pha rol du phyin pa yoṅs su rdzogs par byas te | de’i lus (4) źig nas dga’ ldan du skye ba rdzogs par byas nas | saṅs rgyas byon par ’gyur ro źes sgrogs so ||
stoṅ phrag bcu’i ’khor yug gi lha rnams ni saṅs rgyas byon par ’gyur ro źes dam ’cha’o ||
phyogs lṅar gzigs te dga’ ldan gyi lha’i tshogs rnams kyi ’khor gyis bskor (5) la | dga’ ldan nas byon te | tog ldan źes bya ba’i rgyal po’i pho braṅ du | duṅ gi rgyal po’i tshaṅs bzaṅ mdun na ’don bram ze’i rigs kyi tshaṅs ldan ma’i rum du źugs te | ’jig rten gyi khams stoṅ phrag bcu g-yos so ||
zla ba bcu ’das nas draṅ sroṅ ltuṅ ba daṅ ri (6) dgas rgyu ba’i gnas su ma’i rum nas ’thon te rim pa bźin du śes pa daṅ ldan par gyur te | bdag ñid kyi bsod nams kyi mthus sa gźi brtol nas steṅ du ’oṅs te rin po che sna bdun gyi khaṅ bzaṅs bźir raṅ ñid kyi lha bźin du lha mo zla ba’i gdoṅ can ma la sogs pa | lha’i bu mo (7) bźin du bud med maṅ po de rnams daṅ ’grogs nas | lo stoṅ phrag gcig lta bźin du rjes su myoṅ bar gyur te | de’i ñin par rab tu byuṅ ba’i gzugs gcig mthoṅ nas gser gyi gzeb la mi dga’ ba seṅ ge’i rgyal po bźin du dpal ’byor ma lus pa rdzogs pa rin po (267b1) che’i khaṅ bzaṅs rnams la śin tu mi dga’ bar gyur nas ṅes par ’byuṅ ba’i ’dod pa skyes so ||
thams cad stoṅ phrag bcu’i khor yug gi lha rnams lha’i me tog la sogs pa lag pas blaṅs nas ’jig rten gyi ’khor lo ’di gcig tu ’dus te | duṅ gi rgyal po la sogs pa’i (2) skye bo chen pos bzuṅ nas dri bzaṅ daṅ phreṅ ba daṅ bdug spos la sogs pas khaṅ bzaṅs la bskor nas ’dug go ||
nam mkha’i lha rnams kyis lha’i me tog lag pas bzuṅ nas legs so źes bya ba’i sgra gcig tu ’byin par byed do ||
’og min gyi bar du thams cad sgra gcig tu byed ciṅ (3) gnas so ||
de’i dus su rin po che’i khaṅ bzaṅs rdza mkhan gyi ’khor lo ltar ’khor źiṅ nam mkha’ la ’gro’o ||
zla ba ña bal rgyu skur gyi phreṅ bas bskor ba bźin no ||
byaṅ chub sems dpa’i btsun mo chen mo la sogs pa nam mkha’ la bźud do ||
gaṅ źig sems dpa’ (4) chen po daṅ ’grogs nas ’gro ba’i sems kyis de rnams kyis raṅ raṅ gi nam mkha’ mthoṅ ste tshaṅs pa chen pos dpag tshad gsum gyi tshad daṅ mñam pa’i gdugs dkar po ’dzin no ||
brgya byin lha’i rgyal pos duṅ la sogs pa bzuṅ nas ’bud do ||
de ltar dpal daṅ skal pa (5) bzaṅ po daṅ ldan pa’i lha daṅ mi’i tshogs kyis bskor nas khaṅ bzaṅs kyi klu śiṅ byaṅ chub śiṅ druṅ du gśegs so ||
de’i tshad ni | khru brgya ñi śu yal ga’i bar ||
yal ga’i mtho tshad de daṅ mñam ||
’khril nas steṅ nas ’og tu ’phyaṅ ||
rma bya’i gdugs bźin mdzes (6) pa’o ||
rtag tu rtse mor me tog gsal ||
lha yi dri bzaṅ bsuṅ ldan źiṅ ||
ge sar phul lu gaṅ tsam mo ||
me tog bzaṅ po ’khor lo tsam ||
phyogs phyogs rluṅ gis ’khyer bar byed ||
dpag tshad bcu ru khyab pa’o ||
steṅ gi me tog ’og tu lhuṅ ||
byaṅ chub (7) sñiṅ por me tog brtsegs ||
de’i dus su nam mkha’ la ’gro ba’i bya rnam pa sna tshogs pa’i tshogs kyis sgra sñan pas mchod de | de ltar klu śiṅ gi byaṅ chub kyi śiṅ druṅ du gśegs te nam mkha’ la ’phyaṅ źiṅ sa’i cha thams cad ñams dga’ ba’i gnas su sdo do ||
de la źag (268a1) bdun dpal gyi sñiṅ por dka’ ba spyod do ||
tshaṅs pa chen pos blaṅs nas dṅos po rnams bzuṅ nas rab tu byuṅ ṅo ||
ji sñed pa’i ’khor thams cad kyaṅ rab tu byuṅ ṅo ||
de nas gźan yaṅ | stoṅ phrag brgyad cu rtsa bźi yis ||
bram ze’i rig byed mchog śes (2) śiṅ ||
byams pa rab tu byuṅ bar gyur ||
de daṅ de ni rab tu byuṅ ||
de la rab tu byuṅ nas zla ba’i gdoṅ can gyi lha mos śin tu maṅ ra ba’i ’o thug phul lo ||
yoṅs su loṅs spyad nas srod kyi thun la byaṅ chub kyi śiṅ druṅ du sa bsñams nas skyil kruṅ gis ma pham pa bźugs so ||
(3) śar gyi ’jig rten gyi khams kyi phyogs su gzigs śiṅ bźugs so ||
rim pa bźin du dus la thams cad mkhyen pa’i ye śes se sor rtogs so ||
’di skad gsuṅs pa | ’khor ba’i skye bo ma lus pa ||
dug med pa ni btsal pa’i phyir ||
dug med khyim ni byed pa ni ||
yaṅ (4) yaṅ skye ba sdug bsṅal ba ||
khyim ni byed pa mthoṅ bar ’gyur ||
khyim ni gźan ni byed pa med ||
sdug bsṅal thams cad gźig pa daṅ ||
dug ldan khyim ni gźig pa’o ||
sems kyi dug ni spoṅ ba daṅ ||
sred pa zad nas grol bar ’gyur ||
ched du brjod pa gsuṅs pa’o ||
(5) byaṅ chub kyi śiṅ gi druṅ du źag bźi bcu rtsa dgu bźugs nas tshaṅs pas gsol ba ’debs pa’i phyir | chos kyi ’khor lo bskor ba’i ched du draṅ sroṅ lhuṅ ba’i gnas su gśegs pa daṅ | de nas der gśegs pa na | źabs ni bteg daṅ bźag pa na ||
me tog pad ma skyes par (6) gyur ||
’dam ma ñi ma khru ni sum cu pa ||
’dab chuṅ khru ni ñi śu lṅa ||
ge sar khru ni ñi śu pa ||
lte ba khru ni bcu drug pa ||
ge sar rnams ni khyab par gnas ||
pad ma mdzod spu thams cad du’o ||
stobs bcu pa’i ’od kyis ñin mor byed pa’i ’od zil gyis mnan no ||
(7) ñin mo daṅ mtshan mo mi phyed par gyur to ||
de la srod daṅ tho raṅs bya rnams skad sgrogs so ||
me tog kha zum pa daṅ bye bas mtshan mo daṅ ñin mor śes par byed do ||
gaṅ daṅ gaṅ du chos ston par byed pa de daṅ de ru chos kyi sgra sgrogs so ||
de’i phyir gsuṅs pa | daṅ (268b1) ’od zer tshad rnams ni ||
dbyaṅs daṅ dbyaṅs kyi tshad tsam mo ||
gzi brjid gzi yi tshad rnams ni ||
bsod nams bsod nams kyi ni tshad ||
śes rab śes rab kyi ni tshad ||
grags bgrags pa yi ni tshad ||
kha dog kha dog gi ni tshad ||
chos ni chos rnams kyi (2) ni tshad ||
de nas stoṅ phrag brgyad cu rtsa bźi’i bram ze daṅ | bye ba phrag bcwa brgyad kyi tshaṅs pa rnams kyis bdud rtsi’i btuṅ ba ’thuṅs nas | ji ltar bcom ldan ’das bsod nams kyi mthu yis rnam pa brgya phrag du ma’i ’od zer ’phro źiṅ | rnam pa brgya phrag du ma’i mtshan rdzogs pa (3) mtshan sum cu rtsa gñis mchog daṅ ldan pa dpe byad bzaṅ po brgyad cu daṅ ldan pa brgya phrag du ma’i sku mdog rnam pa du ma’i ya mtshan daṅ ldan par gyur pa brgya phrag du ma’i ’od zer de’i sku las ’thon par gyur to ||
de ni kha dog sṅon po daṅ kha dog ser po daṅ | kha dog dmar po daṅ | kha (4) dog dkar po daṅ | btsod kyi mdog lta bu’i ’od zer daṅ ldan pa’i sku mdog can no ||
de’i sku lus la byuṅ ba ni śiṅ t la’i tshad tsam gyi ’od zer ’phro’o ||
dus daṅ dus ma yin pa daṅ | zuṅ daṅ zuṅ ma yin pa daṅ | phuṅ po daṅ phuṅ po ma yin pa ni | bcom ldan ’das kyi sku lus (5) la lan gsum bskor ba byas nas rgyaṅ riṅ du ’gro ba daṅ thuṅ ṅu ’gro ba’o ||
bcom ldan ’das de’i sku lus ni mtho tshad du khru brgyad cu rtsa brgyad par ’gyur ro ||
źabs kyi ’og nas pus mo’i bar du khru ñi śu rtsa gñis so ||
pus mo nas lte ba’i bar du khru ñi śu rtsa gñis so ||
lte ba nas (6) sgrog rus kyi bar du khru ñi śu rtsa gñis so ||
sgrog rus nas spyi gtsug gi bar du khru ñi śu rtsa gñis so ||
dpuṅ pa gñis kyi bar du khru ñi śu rtsa lṅa’i tshad do ||
sgrog rus re re’i dkyus ni khru lṅa lṅa’o ||
sñan gñis gyi rtse mo nas rtsa ba’i bar la khru bdun bdun no ||
spyan re re’i mchu ru khru (7) lṅa lṅa’o ||
smin ma gñis kyi dkyus su khru lṅa lṅa’o ||
smin ma gñis kyi dbus kyi bar źeṅ la khru lṅa’o ||
ya mchu ma mchu gñis kyi mchu ru khru bcu bcu’o ||
ljags kyi zlums su khru lṅa’o ||
gtsug tor la khru lṅa’o ||
gser gyi me loṅ daṅ ’dra ba’i (269a1) źal gyi dkyil ’khor la khru ñi śu rtsa lṅa’o ||
phyag gñis kyi riṅ du khru bźi bcu rtsa bźi pa rtsa bźi pa yin no ||
de ni ’di bźin du dpe med pa’i saṅs rgyas kyi dpal mtha’ yas pa’i saṅs rgyas kyi rol pa’o ||
stoṅ phrag bcu’i ’jig rten (2) gyi khor yug thams cad kyi lha rnams daṅ | de’i rjes su mi rnams kyi naṅ du gnas nas chos kyi ’khor lo bskor ro ||
chos ston pa’i gnas daṅ bye ba ’bum phrag gcig gi lha daṅ | mi’i ’chiṅ ba grol ba daṅ | chos kyi daṅ po thob pa daṅ | chos kyi daṅ po ma thob pa rnams mtho (3) ris su skye bar ’gyur ro ||
de ltar mchog daṅ ldan pa’i byams pa su źig gis mi mthoṅ | ṅa ni ma bsad pa daṅ | pha bsad pa daṅ | dge sloṅ ma sun phyuṅ ba daṅ | dge ’dun gyi dbyen byas pa daṅ | mtshams med pa lṅa’i las byas pa daṅ | mchod rten bśig pa daṅ | (4) byaṅ chub kyi śiṅ bcad pa daṅ | byaṅ chub sems dpa’ bsad pa daṅ | dge ’dun gyi kha zas brlag par byas pa daṅ | śin tu ser sna che ba daṅ | log par lta bar ṅes pa daṅ | ’phags pa’i gaṅ zag la skur pa ’debs pa daṅ | gcer bu pa’i rigs te de rnams kyis mi mthoṅ ṅo ||
(5) tshigs bcad stoṅ phrag gcig gis so sor brgyan pa ’di thams cad sgrol gyi skyes rabs chen po ñi ma gcig la skye bo rnams kyis bśad pa daṅ mñan pa daṅ | mar me stoṅ phrag gcig gam | stoṅ phrag gcig gi me tog phal pa’am | stoṅ phrag gcig gi ud pa la sṅon po’i me (6) tog gam | mchod rten byed pa’am | saṅs rgyas kyi sku gzugs byed pa’am | de la mchod pa byed pas ni byams pa saṅs rgyas pa’i dus su | de’i druṅ du daṅ po’i chos thob ciṅ skye bar ’gyur ro ||
sems can lhag ma rnams kyis sbyin pa byin pa daṅ | tshul khrims bsruṅs (7) pa daṅ | gtsug lag khaṅ sbyaṅs pa daṅ | byaṅ chub kyi śiṅ bskrun pa daṅ | mchod rten byas pa daṅ | mchod rten daṅ byaṅ chub kyi śiṅ la rim gro byas pa daṅ | skyed mos tshal bskrun pa daṅ | zam pa btsugs pa daṅ | lam btsos pa daṅ | ’gron khaṅ byas pa daṅ | (269b1) khron pa byas pa daṅ | bstan pa’i bya ba byas pa daṅ | chos kyi gnas la byi do ra byas pa daṅ | dri daṅ phreṅ ba la sogs pas mchod par byed pa daṅ | gus par byas nas chos mñan pa daṅ | kha zas tsam gyi sbyin pa dge ’dun la gtoṅ ba daṅ | pha daṅ ma la bsñen bkur (2) byed pa daṅ | rigs kyi gtso bo la bsñen bkur byed pa daṅ | gso sbyoṅ la gnas pa la kha zas ster ba daṅ | blo bur ba’i btsun pa la sbyin pa ster ba daṅ | bsod sñoms pa la ster ba daṅ | stan ’bum ba’i skye bos yaṅ dag par rdzogs pa’i saṅs rgyas byams pa mthoṅ bar ’gyur ro ||
(3) tha na me tog sñim pa gaṅ tsam mam | mar me gcig tsam ’bul ba’am | gźan bsod nams byed pa rnams la rjes su yi raṅ ba daṅ | lha ’am mi rnams kyi dge ba ’di rnams byed pa ni de’i dus su byon pa’i yaṅ dag par rdzogs pa’i saṅs rgyas byams pa mthoṅ bar ’gyur ro ||
(4) de la yaṅ dag par rdzogs pa’i saṅs rgyas byams pa mthoṅ bar ’dod pa rnams kyis sbyin pa gtoṅ ba daṅ | tshul khrims bsruṅ ba daṅ | gso sbyoṅ gi las byed pa daṅ | sgom par byed pa daṅ | dge ba’i las kyi bag yod par gyur na gnod mi za bar mthoṅ ṅo ||
gaṅ źig (5) tshaṅs par spyad pa spyod ||
thub pa’i gsuṅ rab thos pa daṅ ||
de rnams ’khor ba las grol źiṅ ||
bla med mchog gyur ’chi ba med ||
tshaṅs par spyad pa spyod byed ciṅ ||
mchod ’os rnams la ster ba daṅ ||
gso sbyoṅ rnams la gnas pa daṅ ||
legs par byams (6) pa bsgom par gyis ||
bag yod par ni ’gyur ba daṅ ||
rtag tu bsod nams bya ba byed ||
dge ba ’di rnams byas pa yis ||
sdug bsṅal mthar ni byed pa’o ||
bcom ldan ’das kyis de skad ces bka’ stsal nas | dge sloṅ de dag bcom ldan ’das kyis gsuṅs (7) pa la mṅon par bstod do || ||
