’di skad bdag gis thos pa dus gcig na | bcom ldan ’das rgyal po’i khab na bźugs te | de’i tshe ’khor der byaṅ chub sems dpa’ lag na rdo rje ’dug pa stan las laṅs nas bcom ldan (178b1) ’das la ’di skad ces gsol to ||
bcom ldan ’das byaṅ chub sems dpas śes rab kyi pha rol tu phyin pa la ji ltar bslab par bgyi | bcom ldan ’das kyis bka’ stsal pa | lag na rdo rje byaṅ chub sems dpas śes rab kyi pha rol tu phyin pa la ’di ltar bslab par bya ste | chos thams cad skye ba (2) med pas śes rab kyi pha rol tu phyin pa la bslab par bya’o ||
gźan yaṅ gzugs la sogs pa’i chos thams cad raṅ bźin ma mchis pa daṅ | mtshan ma ma mchis pa daṅ dṅos po daṅ bral ba daṅ | mi dmigs pas na śes rab kyi pha rol tu phyin pa la bslab par bya’o ||
naṅ stoṅ pa ñid daṅ | dṅos (3) po med pa stoṅ pa ñid kyi phyir na śes rab kyi pha rol tu phyin pa la bslab par bya’o ||
lag na rdo rje śes rab kyi pha rol tu phyin pa ’di ni dus gsum gyi saṅs rgyas thams cad kyi yum ste | rig pa chen po’i sṅags kyi tshig ni ’di dag go ||
tadya th | om mu ni mu ni | ma h mu na ye sw h | su źig śes rab (4) kyi pha rol tu phyin pa ’di ’dzin par byed na | dus gsum gyi saṅs rgyas rnams kyi chos rnams gzuṅ bar ’gyur ro ||
de skye ba dran par ’gyur ro ||
mi khom pa thams cad spaṅs par ’gyur ro ||
bsod nams kyi ’bras bu tshad med pa thob par ’gyur ro ||
saṅs rgyas bcom ldan ’das rnams daṅ (5) dus rtag tu ’grogs par ’gyur ro ||
byaṅ chub kyi sems daṅ ldan par ’gyur ro ||
bcom ldan ’das kyis de skad ces bka’ stsal pa daṅ | byaṅ chub sems dpa’ phyag na rdo rje daṅ | lha daṅ | mi daṅ | lha ma yin daṅ | dri zar bcas pa’i ’jig rten yi raṅs te | bcom ldan ’das kyis gsuṅs (6) pa la mṅon par bstod do ||