’di (2) skad bdag gis thos pa dus gcig na | bcom ldan ’das mñan yod na rgyal bu rgyal byed kyi tshal mgon med zas sbyin gyi kun dga’ ra ba na dge sloṅ stoṅ tham pa’i dge sloṅ gi dge ’dun chen po daṅ thabs cig tu bźugs so ||
byaṅ chub sems dpa’ sems dpa’ chen po go cha chen (3) po bgos pa sa ya thams cad kyaṅ bla na med pa yaṅ dag par rdzogs pa’i byaṅ chub las phyir mi ldog pa śa stag la ’di lta ste | ’jam dpal gźon nur gyur pa daṅ | byams pa daṅ | spobs pa thogs med daṅ | brtson pa mi ’dod daṅ | de dag la sogs pa byaṅ chub sems (4) dpa’ sa ya daṅ yaṅ thabs cig go ||
de nas ’jam dpal gźon nur gyur pa de bźin gśegs pa la blta ba daṅ | phyag bya ba daṅ | bsñen bkur bya ba’i phyir skya reṅs śar ba’i dus kyi tshe raṅ gi gnas nas byuṅ ste | de bźin gśegs pa’i pho braṅ gi sgo ga la ba der soṅ nas phyin (5) pa daṅ pho braṅ gi sgo’i phyi rol na ’dug go ||
de nas tshe daṅ ldan pa śa ra dwa ti’i bu yaṅ bcom ldan ’das la blta ba daṅ phyag bya ba daṅ | bsñen bkur bya ba’i phyir raṅ gi gnas nas byuṅ ste | de bźin gśegs pa’i pho braṅ ga la ba der soṅ ṅo ||
de nas tshe daṅ ldan pa byams ma’i bu gaṅ po daṅ | (6) tshe daṅ ldan pa mauda gal gyi bu chen po daṅ | tshe daṅ ldan pa ’od sruṅ chen po daṅ | tshe daṅ ldan pa kty’i bu chen po daṅ | tshe daṅ ldan pa gsus po che daṅ | de dag thams cad daṅ gźan yaṅ ñan thos chen po rnams raṅ raṅ gi gnas nas byuṅ ste | bcom ldan ’das kyi pho braṅ ga la ba der (7) doṅ nas phyin pa daṅ phyogs gcig tu ’khod do ||
de nas bcom ldan ’das kyis ñan thos chen po rnams ’oṅs śiṅ lhags te ’dus par mkhyen nas bdag gi pho braṅ nas byuṅ ste pho braṅ gi phyi rol phyogs gcig tu gdan btiṅ ba la bźugs so ||
bźugs nas kyaṅ bcom ldan ’das (148b1) kyis mkhyen bźin du tshe daṅ ldan pa śa ra dwa ti’i bu la bka’ stsal pa | śa ra dwa ti’i bu khyod ci’i phyir źogs pas ’oṅs te de bźin gśegs pa’i pho braṅ gi sgon ’dug | de skad ces bka’ stsal pa daṅ | bcom ldan ’das la tshe daṅ ldan pa śa ra dwa ti’i bus ’di skad ces gsol to ||
(2) bcom ldan ’das thams cad kyi thog ma ñid du ’jam dpal gźon nur gyur pa de bźin gśegs pa’i pho braṅ gi chab sgor mchis so ||
bdag ni bcom ldan ’das la blta bar ’tshal ba’i slad du slad kyis mchis so ||
de nas bcom ldan ’das kyis mkhyen bźin du ’jam (3) daṅ la gźon nur gyur pa la bka’ stsal pa | ’jam dpal khyod de bźin gśegs pa la blta ba daṅ phyag bya ba daṅ bsñen bkur bya ba’i phyir thams cad kyi thog ma ñid du de bźin gśegs pa’i pho braṅ gi sgor ’dug pa bden nam | de skad ces bka’ stsal pa daṅ | bcom ldan ’das la (4) ’jam dpal gźon nur gyur pas ’di skad ces gsol to ||
bcom ldan ’das de de lta lags | bde bar gśegs pa de de lta lags te | bdag de bźin gśegs pa la blta ba daṅ phyag bgyi ba daṅ | bsñen bkur bgyi ba’i slad du thams cad kyi thog ma ñid raṅ gi gnas nas (5) byuṅ ste | de bźin gśegs pa’i pho braṅ gal ba der mchis nas phyogs gcig tu mchis so ||
de ci’i slad du źe na | bcom ldan ’das ’di ltar bdag ni de bźin gśegs pa la blta ba daṅ | phyag bgyi ba daṅ bsñen bkur bgyi bas ma ṅoms pa’i slad du’o ||
bcom ldan (6) ’das ’di ltar bdag de bźin gśegs pa la blta ba daṅ phyag bgyi ba daṅ bsñen bkur bgyi ba’i slad du mchis pa de yaṅ sems can thams cad kyi don gyi slad du ste | bcom ldan ’das gal te de bźin gśegs pa la blta ba daṅ phyag bgyi ba daṅ bsñen bkur bgyi ba ji ltar bdag gis (7) mthoṅ ba daṅ ji ltar bdag phyag bgyid pa daṅ ji ltar bdag bsñen bkur bgyid pa de ltar blta bar bgyi’o ||
de ltar bsñen bkur bgyi’o ||
de lta na de bźin gśegs pa mthoṅ ba nas bsñen bkur bgyis pa’i bar du ’gyur ro ||
bcom ldan ’das bdag ni sems (149a1) can thams cad kyi slad du de bźin gśegs pa la blta ba lags so ||
bcom ldan ’das kyis bka’ stsal pa | ’jam dpal de bźin gśegs pa la ji ltar blta | ’jam dpal gyis gsol pa | mi dmigs pa’i tshul gyis de bźin ñid kyi rnam pa daṅ rnam par (2) mi rtog pa’i rnam par de bźin gśegs pa la blta bar bgyi’o ||
de bźin du de bźin gśegs pa la mi skye ba’i rnam par blta ba nas dṅos po ma mchis pa’i bar du de bźin gśegs pa la blta bar bgyi’o ||
de bźin ñid la kun nas ’byuṅ ba ma mchis te | de ltar de bźin (3) gśegs pa la blta bar bgyi’o ||
de bźin ñid ni ’byuṅ ba yaṅ ma lags ’jig pa yaṅ ma lags te | de ltar de bźin gśegs pa la blta bar bgyi’o ||
de bźin ñid ni yul na mi gnas phyogs na mi gnas te de ltar de bźin gśegs pa la blta bar bgyi’o ||
de bźin (4) ñid ni ’das pa la ma lags | ma ’oṅs pa la ma lags | da ltar byuṅ ba la ma lags te | de ltar de bźin gśegs pa la blta bar bgyi’o ||
de bźin ñid ni gñis kyis rab tu phye ba ma lags | gñis su ma mchis pas rab tu phye ba yaṅ ma lags te | de ltar de bźin (5) gśegs pa la blta bar bgyi’o ||
de bźin ñid ni kun nas ñon moṅs par ’gyur ba ma lags | rnam par byaṅ bar ’gyur ba ma lags te | de ltar de bźin gśegs pa la blta bar bgyi’o ||
de bźin ñid ni mi skye mi ’gag pa ste | de ltar de bźin gśegs pa la blta bar (6) bgyi’o ||
de lta na de bźin gśegs pa mthoṅ ba daṅ phyag bgyis pa daṅ | bsñen bkur bgyis par ’gyur ro ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal khyod kyis de ltar bltas na ci źig (7) mthoṅ | ’jam dpal gyis gsol pa | bcom ldan ’das bdag gis de ltar bltas na | ci yaṅ mthoṅ ba ma mchis so ||
bcom ldan ’das de bźin du bdag gis chos gaṅ la yaṅ skye ba yaṅ ma mthoṅ | ’gog pa yaṅ ma mthoṅ ṅo ||
de nas tshe daṅ ldan pa śa ra dwa ti’i bus (149b1) ’jam dpal gźon nur gyur pa la ’di skad ces smras so ||
’jam dpal khyod kyis de bźin gśegs pa la de ltar mthoṅ ba daṅ | de ltar bsñen bkur byas pa gaṅ yin pa daṅ | khyod kyi byams pa chen po sems can thams cad la ñe bar gnas kyaṅ khyod la sems can du dmigs (2) pa daṅ | sems can du mṅon par źen pa ci yaṅ med ciṅ sems can thams cad yoṅs su mya ṅan las ’da’ ba’i phyir źugs kyaṅ khyod la sems can du mṅon par źen pa gaṅ yaṅ mi ’byuṅ ba daṅ | khyod mi dmigs pa’i tshul daṅ dṅos po med pa’i tshul daṅ sgyid lug pa med (3) pa’i tshul gyis sems can thams cad kyi ched du go cha bgos pa de ni khyod dka’ ba byed pa’o ||
de skad ces smras pa daṅ | ’jam dpal gźon nur gyur pas | tshe daṅ ldan pa śa ra dwa ti’i bu la ’di skad ces smras so ||
btsun pa śa ra dwa ti’i bu ji skad smras pa de de bźin te | (4) sems can thams cad yoṅs su mya ṅan las ’da’ ba’i phyir go cha ’di yaṅ bgos te | bdag la sems can du dmigs pa’am | sems can la mṅon par źen pa gaṅ yaṅ med do ||
btsun pa śa ra dwa ti’i bu go cha de ni ’di ltar bdag gis sems can gyi khams bri ba’am gaṅ (5) bar bya źes de ltar ma bgos so ||
btsun pa śa ra dwa ti’i bu yoṅs su brtag pa ñe bar bzuṅ ste | gal te saṅs rgyas kyi źiṅ re re na gaṅ g’i kluṅ gi bye ma sñed kyi saṅs rgyas bcom ldan ’das rnams bźugs śiṅ de bźin gśegs pa de dag so so nas ñin mtshan du chos ston te | (6) gaṅ g’i kluṅ gi bye ma sñed kyi bskal par bźugs par gyur la | gaṅ g’i kluṅ gi bye ma sñed kyi sas rgyas bcom ldan ’das rnams kyi chos bstan pa re res sems can ji sñed btul ba de sñed kyi sems can de bźin gśegs pa re res chos bstan pa re res btul bar gyur du (7) zin kyaṅ sems can gyi khams la bri ba’am gaṅ bar mṅon pa med do ||
de ci’i phyir źe na | sems can dben pa daṅ | sems can sems can ma yin pa’i phyir te | btsun pa śa ra dwa ti’i bu sems can gyi khams ni bri ba’am gaṅ bar mi mṅon no ||
de skad ces smras pa daṅ | (150a1) tshe daṅ ldan pa śa ra dwa ti’i bus ’jam dpal gźon nur gyur pa la ’di skad ces smras so ||
’jam dpal gal te sems can dben pa daṅ | sems can sems can ma yin pa’i phyir sems can gyi khams bri ba daṅ gaṅ bar mi mṅon na | ’o na byaṅ chub mṅon par (2) rdzogs par saṅs rgyas nas su la chos ston | de skad ces smras pa daṅ | ’jam dpal gźon nur gyur pas tshe daṅ ldan pa śa ra dwa ti’i bu la ’di skad ces smras so ||
btsun pa śa ra dwa ti’i bu gaṅ gi tshe sems can śin tu mi dmigs pa de’i tshe su źig mṅon par rdzogs par ’tshaṅ (3) rgya su la chos bstan par bya | de ci’i phyir źe na | btsun pa śa ra dwa ti’i bu ’di ltar chos thams cad śin tu mi dmigs pa’i phyir ro ||
de nas bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal gaṅ gi tshe chos thams cad śin tu mi (4) dmigs pa de’i tshe ci sems can du yaṅ ’dogs sam | yaṅ gal te ’jam dpal khyod la ’ga’ źig sems can ji sñed yod ces de skad ’dri na | de la khyod kyis ji skad bya | ’jam dpal gyis gsol pa | bcom ldan ’das de skad ’dri ba de la bdag gis ’di skad du saṅs rgyas kyi (5) chos ji sñed pa de sñed do źes bgyi’o ||
bcom ldan ’das gal te yaṅ sems can gyi khams kyi tshad ji tsam źes ’dri na | de skad ’dri ba de la bdag gis ’di skad du saṅs rgyas kyi yul gyi tshad ji tsam mo źes bgyi’o ||
bcom ldan ’das kyis bka’ stsal pa | ’jam dpal (6) khyod gal te yaṅ la la źig ’di skad du sems can gyi khams gaṅ du gtogs źes ’dri na de la khyod kyis ji skad bya | ’jam dpal gyis gsol pa | bcom ldan ’das de skad ’dri ba de la bdag gis ’di skad du skye ba med pa bsam gyis mi khyab pa gaṅ du gtogs par gtogs so źes (7) bgyi’o ||
bcom ldan ’das kyis bka’ stsal pa | ’jam dpal gal te yaṅ la la źig khyod la ’di skad du | sems can gyi khams ci la gnas źes ’dri na | de la khyod kyis ji skad bya | ’jam dpal gyis gsol pa | bcom ldan ’das de skad ’dri ba de la bdag gis (150b1) ’di skad du | skye ba med pa’i khams ci la gnas pa de la sems can gyi khams kyaṅ gnas so źes bgyi’o ||
bcom ldan ’das kyis bka’ stsal pa | ’jam dpal khyod gaṅ gi tshe śes rab kyi pha rol tu phyin pa sgom pa de’i tshe | ci la gnas te śes rab kyi pha rol tu phyin pa (2) sgom | ’jam dpal gyis gsol pa | bcom ldan ’das gaṅ gi tshe bdag śes rab kyi pha rol tu phyin pa sgom pa de’i tshe mi gnas par śes rab kyi pha rol tu phyin pa sgom lags so ||
bcom ldan ’das kyis bka’ stsal pa | ’jam dpal mi gnas pa la śes rab (3) kyi pha rol tu phyin pa la sgom du yaṅ ci yod | ’jam dpal gyis gsol pa | bcom ldan ’das gaṅ ci la yaṅ mi gnas pa de ñid śes rab kyi pha rol tu phyin pa sgom pa lags so ||
bcom ldan ’das kyis bka’ stsal pa | ’jam dpal khyod gaṅ gi tshe śes rab kyi pha rol (4) tu phyin pa la sgom pa de’i tshe khyod kyis dge ba’i rtsa ba ’phel ba’am ’bri bar ’gyur | ’jam dpal gyis gsol pa | bcom ldan ’das de’i tshe bdag gi dge ba’i rtsa ba ’phel ba’am | ’bri bar ’gyur ba ci yaṅ ma mchis so ||
bcom ldan ’das gaṅ las chos (5) ’ga’ źig ’phel ba’am ’bri ba mchis na | de ni śes rab kyi pha rol tu phyin pa sgom pa ma lags te | bcom ldan ’das gaṅ yaṅ chos ’ga’ źig ’phel ba’i slad du’am | ’bri ba’i slad du ñe bar gnas pa de ni śes rab kyi pha rol tu phyin pa sgom pa ma lags par rig par (6) bgyi’o ||
bcom ldan ’das gaṅ so so’i skye bo’i chos rnams kyaṅ mi spoṅ la saṅs rgyas kyi chos rnams kyaṅ mi len pa de ni śes rab kyi pha rol tu phyin pa sgom pa lags so ||
de ci’i slad du źe na | bcom ldan ’das ’di ltar śes rab kyi pha rol tu phyin pa sgom pa ni chos gaṅ spoṅ ba (7) ’am blaṅ bar dmigs pas chos gaṅ la yaṅ mi gnas pa’i slad du’o ||
bcom ldan ’das gaṅ ’khor ba’i skyon du yaṅ mi mchil | mya ṅan las ’das pa’i yon tan du yaṅ mi mchi ba de śes rab kyi pha rol tu phyin pa sgom pa lags so ||
de ci’i slad du źe na | bcom ldan (151a1) ’das ’di ltar ’khor ba ñid kyaṅ mi mthoṅ na ’khor ba’i skyon lta smos kyaṅ ci ’tshal | mya ṅan las ’das pa ñid mi dmigs na mya ṅan las ’das pa’i yon tan lta smos kyaṅ ci ’tshal te | bcom ldan ’das gaṅ chos gaṅ la yaṅ blaṅ ba’am gzuṅ ba’am dor ba (2) ma mchis pa de śes rab kyi pha rol tu phyin pa sgom pa lags so ||
bcom ldan ’das gaṅ chos gaṅ ya yaṅ ’grib pa daṅ ’phel ba mi dmigs pa de śes rab kyi pha rol tu phyin pa sgom pa lags so ||
de ci’i slad du źe na | bcom ldan ’das skye ba ma mchis pa la ’grib pa daṅ ’phel (3) ba ma mchis pa’i slad du’o ||
bcom ldan ’das gaṅ de ltar sgom pa de śes rab kyi pha rol tu phyin pa sgom pa lags so ||
bcom ldan ’das gaṅ chos gaṅ yaṅ skye ba’am ’gag par mi bgyid pa de śes rab kyi pha rol tu phyin pa sgom pa lags so ||
bcom ldan ’das gaṅ chos gaṅ la (4) yaṅ ’grib ba’am rgyas par mi bgyid pa de śes rab kyi pha rol tu phyin pa sgom pa lags te | bcom ldan ’das gaṅ de ltar sgom pa de śes rab kyi pha rol tu phyin pa sgom pa lags so ||
bcom ldan ’das gźan yaṅ bsam gyis mi khyab pa’i chos la yaṅ mi smon ciṅ ñi tshe ba la yaṅ (5) mi smon gyi | bcom ldan ’das gaṅ la smon pa daṅ | gaṅ gis smon pa de ñid kyaṅ ma mchis pa de śes rab kyi pha rol tu phyin pa sgom pa lags te | bcom ldan ’das de ltar sgom na śes rab kyi pha rol tu phyin pa sgom pa lags so ||
bcom ldan ’das śes rab kyi pha rol tu phyin (6) pa sgom pa ni ’di ltar chos ’di dag ni mchog go ||
chos ’di dag ni tha ma’o źes bgyi bar ñe bar mi gnas śiṅ chos gaṅ dag mchog daṅ tha mar ’gyur ba’i chos de dag kyaṅ mi dmigs te | de ltar śes rab kyi pha rol tu phyin pa sgom pa’i rnal ’byor la brtson pa’i rigs kyi bu ni (7) chos thams cad mi dmigs so ||
bcom ldan ’das śes rab kyi pha rol tu phyin pa sgom pa ni chos gaṅ yaṅ mchog ce’am tha ma źes mi rtog go ||
de ci’i slad du źe na | bcom ldan ’das skye ba ma mchis pa la mchog gam tha ma źes bgyi ba gaṅ yaṅ ma mchis pa’i slad du’o ||
(151b1) de bźin ñid daṅ | yaṅ dag pa’i mtha’ daṅ | chos thams cad kyi bar la yaṅ mchog gam tha ma ma mchis te | bcom ldan ’das de ltar sgom na śes rab kyi pha rol tu phyin pa sgom pa lags so ||
de skad ces gsol pa daṅ | bcom ldan ’das kyis ’jam dpal gźon nur gyur (2) pa la ’di skad ces bka’ stsal to ||
’jam dpal saṅs rgyas kyi chos rnams mchog ma yin nam | ’jam dpal gyis gsol pa | bcom ldan ’das gzuṅ du ma mchis pa’i slad du saṅs rgyas kyi chos rnams ni mchog lags so ||
bcom ldan ’das chos thams cad stoṅ (3) par de bźin gśegs pas mṅon par rdzogs par saṅs rgyas lags sam | bcom ldan ’das kyis bka’ stsal pa | ’jam dpal de de bźin te | de bźin gśegs pas chos thams cad stoṅ par mṅon par rdzogs par saṅs rgyas so ||
’jam dpal gyis gsol pa | (4) bcom ldan ’das stoṅ pa ñid la mchog gam tha ma źes bgyi ba mchis sam | bcom ldan ’das kyis bka’ stsal pa | ’jam dpal legs so legs so ||
’jam dpal de de bźin te | ji skad smras pa bźin no ||
’jam dpal saṅs rgyas kyi chos rnams bla (5) na med pa ma yin nam | ’jam dpal gyis gsol pa | de de lta lags te | saṅs rgyas kyi chos rnams ni bla na ma mchis pa lags so ||
de ci’i slad du źe na | bcom ldan ’das ’di ltar de dag la chos cuṅ zad tsam yaṅ ma mchis śiṅ mi dmigs te | de bas na saṅs rgyas kyi (6) chos de dag ni bla na ma mchis pa’o ||
bcom ldan ’das gźan yaṅ gaṅ saṅs rgyas kyi chos rnams sgrub par yaṅ mi bgyid la | so so’i skye bo’i chos rnams sbyoṅ bar yaṅ mi bgyid ciṅ saṅs rgyas kyi chos rnams ’dul ba yaṅ ma lags la ’dzin pa yaṅ ma lags pa de śes rab kyi pha (7) rol tu phyin pa slob pa lags so ||
bcom ldan ’das gźan yaṅ gaṅ chos gaṅ la yaṅ mi sems la rnam par mi rig pa de śes rab kyi pha rol tu phyin pa la sgom pa lags so ||
bcom ldan ’das kyis bka’ stsal pa | ’jam dpal khyod saṅs rgyas kyi chos rnams la mi (152a1) sems sam | ’jam dpal gyis gsol pa | bcom ldan ’das gal te bdag gis saṅs rgyas kyi chos rnams yoṅs su grub par mthoṅ na ni bdag saṅs rgyas kyi chos rnams la sems pa lags so ||
bcom ldan ’das śes rab kyi pha rol tu phyin pa sgom pa ni ’di (2) dag ni so so’i skye bo’i chos so ||
’di dag ni ñan thos kyi chos so ||
’di dag ni raṅ saṅs rgyas kyi chos so ||
’di dag ni yaṅ dag par rdzogs pa’i saṅs rgyas kyi chos so źes chos gaṅ la yaṅ rnam par rtog pas ñe bar gnas pa ma lags so ||
de ci’i slad du źe na | bcom ldan ’das śes rab (3) kyi pha rol tu phyin pa sgom pa’i rnal ’byor la brtson pa’i rigs kyi bus chos de ñid kyaṅ mi dmigs te | gaṅ la chos de dag so so’i skye bo’i chos źes brjod pa’am | slob pa’i chos źes brjod pa’am | mi slob pa’i chos źes brjod pa’am | raṅ saṅs rgyas kyi chos źes brjod pa’am | (4) yaṅ dag par rdzogs pa’i saṅs rgyas kyi chos źes brjod pa yaṅ mtha’ las ’das pa’i chos ñid lags pas chos de mi dmigs śiṅ yaṅ dag par rjes su mi mthoṅ ba’i slad du’o ||
bcom ldan ’das de ltar sgom na | śes rab kyi pha rol tu phyin pa sgom pa lags so | bcom ldan ’das śes (5) rab kyi pha rol tu phyin pa sgom pa’i rnal ’byor la brtson pa’i rigs kyi bu ni ’di ltar ’di ni ’dod pa’i khams so ||
’di ni gzugs kyi khams so ||
’di ni gzugs med pa’i khams so ||
źes bgyi ba nas ’di ni ’gog pa’i dbyiṅs so źes bgyi ba’i bar du yaṅ mi sems so ||
de ci’i slad du (6) źe na | bcom ldan ’das ’di ltar des ’gog pa’i chos gaṅ lags pa’i chos de gaṅ yaṅ mi mthoṅ ste | bcom ldan ’das de ltar sgom pa ni śes rab kyi pha rol tu phyin pa sgom par rig par bgyi’o ||
bcom ldan ’das gźan yaṅ gaṅ chos gaṅ la yaṅ phan pa’am gnod par (7) yaṅ mi bgyid pa de śes rab kyi pha rol tu phyin pa sgom pa lags so ||
bcom ldan ’das śes rab kyi pha rol tu phyin pa sgom pa ni saṅs rgyas kyi chos rnams sbyin par bgyid pa’aṅ ma lags | so so’i skye bo’i chos rnams gcod par bgyid pa’aṅ ma lags so ||
bcom ldan ’das gaṅ so so’i (152b1) skye bo’i chos rnams kyaṅ mi ’gog la saṅs rgyas kyi chos rnams kyaṅ mi ’thob pa de śes rab kyi pha rol tu phyin pa sgom pa lags so ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal khyod kyis (2) chos zab mo ’di lta bu ’di bstan pa legs so legs so ||
’jam dpal khyod kyis byaṅ chub sems dpa’ sems dpa’ sems dpa’ chen po rnams daṅ | ñan thos kyi theg pa pa mṅon pa’i ṅa rgyal can rnams daṅ | byaṅ chub sems dpa’i theg pa pa dmigs pa can rnams yaṅ dag pa ji lta ba bźin du (3) rtogs pa bya’i phyir rgya ’di bźag go ||
’jam dpal rigs kyi bu’am rigs kyi bu mo gaṅ dag śes rab kyi pha rol tu phyin pa zab mo bstan pa ’di thos nas mi skrag mi dṅaṅ dṅaṅ bar mi ’gyur ba de dag ni saṅs rgyas gcig la bsñen bkur byas pa ma yin | saṅs rgyas gcig la dge (4) ba’i rtsa ba bskyed pa ma yin no ||
de skad ces bka’ stsal pa daṅ | bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das bdag ni śes rab kyi pha rol tu phyin pa rgya cher ston par spobs lags so ||
bcom ldan ’das kyis bka’ stsal pa | (5) ’jam dpal spobs par gyis śig’jam dpal gyis gsol pa | bcom ldan ’das gaṅ chos gaṅ gis gnas pa mi dmigs pa daṅ | mi gnas pa yaṅ mi dmigs pa de śes rab kyi pha rol tu phyin pa sgom pa lags so ||
de ci’i slad du źe na | chos thams cad ni mi gnas (6) pa’i slad du mi dmigs pa ste | bcom ldan ’das gaṅ chos gaṅ la yaṅ lhag par dmigs pa’i slad du ñe bar mi gnas pa de śes rab kyi pha rol tu phyin pa sgom par rig par bya’o ||
de ci’i slad du źe na | bcom ldan ’das ’di ltar chos thams cad ni dmigs pa ma mchis pa’i slad du (7) ste | bcom ldan ’das de ltar sgom pa ni śes rab kyi pha rol tu phyin pa sgom pa lags so ||
bcom ldan ’das gźan yaṅ gaṅ la saṅs rgyas kyi chos rnams kyaṅ mṅon du mi ’gyur na | raṅ saṅs rgyas kyi chos rnams lta smos kyaṅ ci ’tshal | ñan thos kyi chos rnams kyaṅ mṅon (153a1) du mi ’gyur na | so so’i skye bo’i chos rnams lta smos kyaṅ ci ’tshal ba de śes rab kyi pha rol tu phyin pa sgom par blta bar bgyi’o ||
bcom ldan ’das gźan yaṅ sgom pa gaṅ la brten nas saṅs rgyas kyi chos rnams bsam gyis mi khyab pa la yaṅ saṅs rgyas kyi chos (2) rnams bsam gyis mi khyab pa’o ||
źes rnam par mi rtog pa de śes rab kyi pha rol tu phyin pa sgom pa lags so ||
bcom ldan ’das śes rab kyi pha rol tu phyin pa sgom pa ’di ni byaṅ chub sems dpa’ sems dpa’ chen po rnams kyi chos thams cad la rnam par mi rtog par blta bar bgyi’o ||
(3) bcom ldan ’das gźan yaṅ sgom pa gaṅ la brten nas mthoṅ ba ma mchis par chos thams cad saṅs rgyas kyi chos su mthoṅ ba daṅ | chos thams cad bsam gyis mi khyab pa’i chos su mthoṅ ba de śes rab kyi pha rol tu phyin pa sgom pa lags so ||
rigs kyi bu’am rigs kyi bu mo gaṅ dag (4) śes rab kyi pha rol tu phyin pa ’di bstan pa ’di thos nas mi skrag mi dṅaṅ dṅaṅ bar mi ’gyur ba de dag saṅs rgyas brgya stoṅ maṅ po la bsñen bkur bgyis par ’gyur ro ||
bcom ldan ’das gźan yaṅ gaṅ kun nas ñon moṅs pa’am | rnam par byaṅ ba’i chos gaṅ yaṅ dag par rjes (5) su mi mthoṅ bde śes rab kyi pha rol tu phyin pa sgom pa lags te | bcom ldan ’das de ltar sgom na śes rab kyi pha rol tu phyin pa sgom pa lags so ||
bcom ldan ’das śes rab kyi pha rol tu phyin pa sgom pa de ni so so’i skye bo daṅ ñan thos daṅ raṅ saṅs rgyas daṅ yaṅ dag par (6) rdzogs pa’i saṅs rgyas kyi bar du yaṅ tha dad du mi bgyid pa ste | bcom ldan ’das de ni śes rab kyi pha rol tu phyin pa sgom pa lags so ||
de nas bcom ldan ’das kyis ’jam dpal gźon nur gyur pa la bka’ stsal pa | ’jam dpal khyod kyis de bźin gśegs pa ji sñed (7) cig la bsñen bkur byas | ’jam dpal gyis gsol pa | bcom ldan ’das sgyu ma’i skye bu’i sems daṅ sems las byuṅ ba ji sñed ’gags pa de sñed la ste | bcom ldan ’das bdag gis de bźin gśegs pa de sñed la bsñen bkur bgyis so ||
bcom ldan ’das kyis bka’ stsal (153b1) pa | ’jam dpal khyod saṅs rgyas gyi chos la yaṅ dag par ma źugs sam | ’jam dpal gyis gsol pa | bcom ldan ’das gaṅ saṅs rgyas kyi chos la yaṅ dag par źugs pa’i chos de gaṅ yaṅ dmigs su mchis sam | bcom ldan ’das kyis bka’ stsal pa | ’jam dpal ’on (2) saṅs rgyas kyi chos de dag su la yod | ’jam dpal gyis gsol pa | bcom ldan ’das ñid la yaṅ saṅs rgyas kyi chos źes bgyi ba de dag gi miṅ yaṅ ma mchis te | mi dmigs na gźan rnams la mchis par ’gyur ba lta ci smos | bcom ldan ’das kyis bka’ stsal pa | ’jam dpal (3) khyod kyis chags pa med pa ñid rñed dam | ’jam dpal gyis gsol pa | bcom ldan ’das bdag ñid chags pa ma mchis pa ñid lags na bdag gis kyaṅ chags pa ma mchis pa ñid ’thob par ’gyur ram | bcom ldan ’das kyis bka’ stsal pa | ’jam dpal khyod ci byaṅ chub kyi sñiṅ po la (4) ’dug gam | ’jam dpal gyis gsol pa | yaṅ dag pa’i mtha’ brtsan par bgyis na bcom ldan ’das ñid kyaṅ byaṅ chub kyi sñiṅ po la ma źugs na bdag lta mchis par ji ltar ’gyur | bcom ldan ’das kyis bka’ stsal pa | ’jam dpal yaṅ dag pa’i mtha’ źes bya ba de gaṅ gi tshig bla dgas (5) yin | ’jam dal gyis gsol pa | bcom ldan ’das yaṅ dag pa’i mtha’ źes bgyi ba de ni ’jig tshogs kyi tshig bla dgas lags so ||
bcom ldan ’das kyis bka’ stsal pa | ’jam dpal ci las bsams te de skad smra | ’jam dpal gyis gsol pa | bcom ldan ’das tshogs de ni ma (6) mchis pa ste | ’jig tshogs ma lags pas de ni mi ’pho la ’pho ba daṅ bral ba yaṅ ma lags te de’i slad du tshogs ’di ni ’jig tshogs ma lags so ||
de nas bcom ldan ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das byaṅ chub sems dpa’ sems dpa’ (7) chen po gaṅ dag śes rab kyi pha rol tu phyin pa bstan pa ’di thos nas mos te mi skrag mi dṅaṅ dṅaṅ bar mi ’gyur ba de dag ni byaṅ chub tu ṅes par ’gyur ba lags so ||
de nas bcom ldan ’das la byaṅ chub sems dpa’ sems dpa’ chen po byams pas ’di skad ces gsol to ||
bcom ldan ’das byaṅ (154a1) chub sems dpa’ sems dpa’ chen po gaṅ dag śes rab kyi pha rol tu phyin pa bstan pa ’di thos nas mos te mi skrag mi dṅaṅ dṅaṅ bar mi ’gyur ba de dag ni byaṅ chub la ñe bar gyur pa lags so ||
de ci’i slad du źe na | bcom ldan ’das gaṅ chos de dag rjes su mi rtog pa de ñid byaṅ chub (2) mchog lags pa’i slad du’o ||
de nas bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa bstan pa ’di thos nas mos te mi skrag mi dṅaṅ dṅaṅ bar mi ’gyur ba de (3) dag ni saṅs rgyas ñid du blta bar bgyi’o ||
de ci’i slad du źe na | bcom ldan ’das saṅs rgyas źes bgyi ba de ni don dam par na skye ba ma mchis pa’i tshig bla dgas lags pa’i slad du’o ||
de nas bcom ldan ’das la sriṅ mo dmigs pa med pas ’di skad ces gsol to ||
bcom ldan (4) ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa ’di thos nas mos te | mi skrag mi dṅaṅ dṅaṅ bar mi ’gyur ba de dag ni so so’i skye bo’i chos rnams daṅ ñan thos kyi chos rnams daṅ raṅ saṅs rgyas kyi chos rnams daṅ yaṅ dag par rdzogs pa’i saṅs rgyas kyi (5) chos rnams la lhag par dmigs par mi ’gyur ba lags so ||
de ci’i slad du źe na | bcom ldan ’das ’di ltar chos thams cad ni ma mchis pa’i slad du mi dmigs pa ste | de’i slad du de dag la dmigs pa ma mchis so ||
de nas bcom ldan ’das kyis tshe daṅ ldan pa śa ra dwa ti’i (6) bu la bka’ stsal pa | de de bźin no ||
śa ra dwa ti’i bu de de bźin te | rigs kyi bu’am rigs kyi bu mo gaṅ dag śes rab kyi pha rol tu phyin pa zab mo bstan pa ’di thos nas mos te mi skrag mi dṅaṅ dṅaṅ bar mi ’gyur ba de dag ni byaṅ chub tu ṅes par ’gyur ro ||
śa ra dwa ti’i bu rigs kyi bu’am (7) rigs kyi bu mo gaṅ dag śes rab kyi pha rol tu phyin pa bstan pa ’di thos nas mos te | mi skrag mi dṅaṅ dṅaṅ bar mi ’gyur źiṅ spyi bos len pa de dag ni phyir mi ldog pa’i sa la gnas pa yin par khyod kyis śes par gyis śig | śa ra dwa ti’i bu gaṅ dag śes rab kyi pha rol tu phyin pa (154b1) bstan pa ’di thos nas mos te me skrag mi dṅaṅ dṅaṅ bar mi ’gyur ba de daṅ de dag ni sbyin bdag dam par ’gyur | sbyin bdag chen por ’gyur | sbyin bdag khyad par du ’phags par ’gyur ro ||
śa ra dwa ti’i bu de daṅ de dag ni tshul khrims phun sum tshogs par ’gyur ro ||
tshul khrims (2) daṅ ldan pa’i mchog tu ’gyur | tshul khrims daṅ ldan pa khyad par du ’phags par ’gyur | tshul khrims kyi yon tan gyi lam rñed par ’gyur ro ||
śa ra dwa ti’i bu gaṅ dag śes rab kyi pha rol tu phyin pa bstan pa ’di thos nas mos te mi skrag mi dṅaṅ dṅaṅ bar mi ’gyur ba de daṅ de dag ni (3) bzod pa’i mchog daṅ | brtson ’grus kyi mchog daṅ | bsam gtan gyi mchog daṅ | mtshuṅs pa med pa’i śes rab kyi mchog daṅ ldan par ’gyur ro ||
śa ra dwa ti’i bu byaṅ chub sems dpa’ sems dpa’ chen po gaṅ dag śes rab kyi pha rol tu phyin pa bstan pa ’di thos nas mos te mi (4) skrag mi dṅaṅ dṅaṅ bar mi ’gyur ba de daṅ de dag ni rnam pa thams cad kyi mchog daṅ ldan pa’i thams cad mkhyen pa’i ye śes daṅ ldan pa’i bar du ’gyur ro ||
bcom ldan ’das kyis ’jam dpal gźon nur gyur pa la gźan yaṅ ’di skad ces bka’ stsal to ||
’jam dpal khyod kyis don gyi (5) dbaṅ ci źig mthoṅ na bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod | ’jam dpal gyis gsol pa | bcom ldan ’das gal te bdag byaṅ chub tu źugs na ni de lta na bdag mṅon par rdzogs par ’tshaṅ rgya bar yaṅ ’tshal na | bcom ldan ’das (6) bdag ni byaṅ chub tu smon pa ma lags so ||
de ci’i slad du źe na | ’jam dpal gźon nur gyur pa gaṅ lags pa de byaṅ chub ñid do ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal khyod zab mo zab (7) pa’i gnas ’di lta bu ’di smon pa legs so legs so ||
’di ltar khyod ni sṅon gyi rgyal ba la bya ba byas pa ste | mi dmigs par tshaṅs par spyod pa yun riṅ du spyad pa’o ||
’jam dpal gyis gsol pa | bcom ldan ’das gal te bdag mi dmigs par spyod pa lags na ni chos thob (155a1) pa ñid du ’gyur ba lags so ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal khyod kyis ṅa’i ñan thos phun sum tshogs pa ’di dag mthoṅ ṅam | ’jam dpal gyis gsol pa | (2) bcom ldan ’das mthoṅ lags so ||
bcom ldan ’das kyis bka’ stsal pa | ji ltar ci ’dra bar mthoṅ | ’jam dpal gyis gsol pa | bcom ldan ’das ji ltar so so’i skye bor mi mthoṅ ba daṅ slob par mi mthoṅ ba daṅ mi slob par mi mthoṅ ba daṅ mthoṅ ba yaṅ ma mchis pa daṅ | (3) ma mthoṅ ba yaṅ ma mchis pa de ltar mthoṅ ṅo ||
’di ltar maṅ du’aṅ mi mthoṅ ba daṅ | ñuṅ ṅu’aṅ mi mthoṅ ba daṅ | dul bar yaṅ mi mthoṅ ba daṅ | ma dul bar yaṅ mi mthoṅ pa de ltar mthoṅ ṅo ||
de nas tshe daṅ ldan pa śa ra dwa ti’i bus ’jam dpal gźon nur gyur pa la ’di skad ces smras (4) so ||
’jam dpal khyod kyis ñan thos kyi theg pa pa rnams de ltar mthoṅ na yaṅ dag par rdzogs pa’i saṅs rgyas kyi theg pa pa rnams khyod kyis ji ltar mthoṅ ’jam dpal gyis smras pa | btsun pa śa ra dwa ti’i bu byaṅ chub sems dpa’ źes bya ba’i chos kyaṅ rjes su mi mthoṅ | byaṅ chub tu (5) źugs pa źes bya ba’i chos kyaṅ rjes su mi mthoṅ byaṅ chub kyi phyir spyod do źes bya ba’i chos kyaṅ rjes su mi mthoṅ | mṅon par rdzogs par saṅs rgyas źes bya ba’i chos kyaṅ rjes su mi mthoṅ ste | btsun pa śa ra dwa ti’i bu yaṅ dag par rdzogs pa’i saṅs rgyas kyi theg pa pa dag de ltar mthoṅ ṅo ||
(6) śa ra dwa ti’i bus smras pa | ’jam dpal khyod kyis de bźin gśegs pa ji ltar mthoṅ | ’jam dpal gyis smras pa | btsun pa śa ra dwa ti’i bu glaṅ po chen po źog śig | glaṅ po chen po ma bskyod cig | de skad ces smras pa daṅ | tshe daṅ ldan pa śa ra dwa ti’i bus ’jam dpal gźon (7) nur gyur pa la ’di skad ces smras so ||
’jam dpal saṅs rgyas źes bya ba de gaṅ gi tshig bla dgas | ’jam dpal gyis smras pa | btsun pa śa ra dwa ti’i bu bdag ces bya ba de gaṅ gi tshig bla dgas | śa ra dwa ti’i bus smras pa | ’jam dpal ’di lta ste | bdag ces bya ba de ni skye ba med pa’i (155b1) tshig bla dgas so | ’jam dpal gyis smras pa | btsun pa śa ra dwa ti’i bu de de bźin te bdag ces bya ba de gaṅ gi tshig bla dgas yin pa saṅs rgyas źes bya ba de yaṅ de’i tshig bla dgas so ||
btsun pa śa ra dwa ti’i bu yaṅ ’di lta ste | saṅs rgyas źes bya ba de ni gźi med pa’i (2) tshig bla dgas so ||
btsun pa śa ra dwa ti’i bu saṅs rgyas źes bya ba de ni tshig gis śes par bya dka’ ba’o ||
btsun pa śa ra dwa ti’i bu tshig kyaṅ ’di ni tshig go źes brtag par dka’ na saṅs rgyas źes bya ba lta ci smos ||
btsun pa śa ra dwa ti’i bu saṅs rgyas źes bya ba de gaṅ gi tshig bla dgas (3) źes de skad smra ba ni gaṅ yaṅ dag par ma grub pa daṅ ma skyes pa daṅ mi ’gag pa ste | gaṅ chos gaṅ daṅ yaṅ mi ldan pa de la gźi ci yaṅ med ciṅ gźi dbyer med la gźi med pa ste | btsun pa śa ra dwa ti’i bu ’di lta ste | saṅs rgyas źes bya ba de ni de’i tshig bla dgas so ||
btsun pa śa ra dwa (4) ti’i bu de bźin gśegs pa tshol bar ’dod pas ni bdag btsal bar bya’o ||
btsun pa śa ra dwa ta’i bu bdag ces bya ba de ni saṅs rgyas kyi tshig bla dgas te | ji ltar bdag ces bya ba śin tu med ciṅ mi dmigs pa de bźin du saṅs rgyas kyaṅ śin tu med ciṅ mi dmigs so ||
ji ltar bdag ces (5) bya ba chos gaṅ gis kyaṅ tshig tu brjod pa ma yin pa de bźin du saṅs rgyas kyaṅ chos gaṅ gis kyaṅ tshig tu brjod pa ma yin no ||
gaṅ la graṅs su bya ba med pa de ni saṅs rgyas źes bya ste | btsun pa śa ra dwa ti’i bu bdag ces bya ba’i gźi’i tshig bla dgas de ni śes par sla ba ma yin no ||
btsun pa śa (6) ra dwa ti’i bu de bźin du saṅs rgyas źes bya ba’i gźi’i tshig bla dgas ’di yaṅ śes par sla ba ma yin no ||
de nas bcom ldan ’das la tshe daṅ ldan pa śa ra dwa ti’i dus ’di skad ces gsol to ||
bcom ldan ’das ’jam dpal gźon nur gyur pa ’di ni ji ltar las daṅ po pas ’tshal bar ’gyur (7) ba de lta bu mi ston to ||
de skad ces gsol pa daṅ | ’jam dpal gźon nur gyur pas tshe daṅ ldan pa śa ra dwa ti’i bu la ’di skad ces smras so ||
btsun pa śa ra dwa ti’i bu kho bo ni ji ltar dgra bcom pa byas pa rtogs pa can gyis kyaṅ śes par ’gyur ba de lta bu’i chos mi ston to ||
kho bo (156a1) ni ji ltar sus kyaṅ śes par ’gyur ba de lta bur yaṅ mi ston to ||
de ci’i phyir źe na | byaṅ chub ni sus kyaṅ ma śes | sus kyaṅ rnam par ma śes | sus kyaṅ mṅon par rdzogs par ma rtogs | ma mthoṅ ma thos ma dran ma bskyed ma bkag ma smras ma bstan pa’i phyir ro ||
(2) btsun pa śa ra dwa ti’i bu byaṅ chub ni de lta bu ste | byaṅ chub de yaṅ dṅos po ma yin no ||
de ci’i phyir źe na | byaṅ chub kyis mṅon par rdzogs par ’tshaṅ rgya bar bya ba ci yaṅ med ciṅ byaṅ chub kyaṅ byaṅ chub kyis mṅon par rdzogs par ’tshaṅ rgya ba ma yin pa’i phyir ro ||
śa ra dwa ti’i bus smras pa | ’jam (3) dpal bcom ldan ’das kyis chos kyi dbyiṅs mṅon par rdzogs par saṅs ma rgyas sam | ’jam dpal gyis smras pa | btsun pa śa ra dwa ti’i bu de ni ma yin no ||
de ci’i phyir źe na | btsun pa śa ra dwa ti’i bu ’di ltar chos kyi dbyiṅs ñid bcom ldan ’das yin pa’i phyir ro ||
btsun pa (4) śa ra dwa ti’i bu gal te bcom ldan ’das kyis chos kyi dbyiṅs mṅon par rdzogs par saṅs rgyas par gyur na | ’o na ni gaṅ skye ba med pa’i dbyiṅs de daṅ yaṅ ’gal bar ’gyur ro ||
btsun pa śa ra dwa ti’i bu chos kyi dbyiṅs de ñid byaṅ chub bo ||
de ci’i phyir źe na | chos kyi dbyiṅs ni (5) sems can med pa’i phyir ro ||
chos thams cad ṅo bo ñid med pa’o źes bya ba de ni byaṅ chub kyi tshig bla dgas te | de ni chos kyi dbyiṅs kyi graṅs su ’gro’o ||
de ci’i phyir źe na | chos thams cad ni saṅs rgyas kyi yul du tha dad pa med pa’i phyir ro ||
btsun pa śa ra dwa ti’i bu tha dad pa (6) med ces bya ba de ni rnam par rig pa med pa’o ||
btsun pa śa ra dwa ti’i bu rnam par rig pa med pa źes bya ba de ni rnam par śes par mi nus pa ste | ’dus byas su rnam par rig par mi nus pa nas ’dus ma byas kyi bar du yaṅ rnam par rig par mi nus pa ste | de la rnam par rig pa gaṅ yaṅ (7) med pas des na de rnam par rig pa med pa’o ||
btsun pa śa ra dwa ti’i bu chos thams cad ni rnam par rig pa med pa ste | de ci’i phyir źe na | ’di ltar chos thams cad ni gaṅ la gnas te rnam par rig par ’gyur ba’i skye ba med pa’i phyir ro ||
gaṅ dag mtshams med pa la źugs pa de dag (156b1) ni bsam gyis mi khyab pa la źugs pa’o ||
gaṅ dag bsam gyis mi khyab pa la źugs pa de dag ni yaṅ dag par źugs pa’o ||
de ci’i phyir źe na | btsun pa śa ra dwa ti’i bu yaṅ dag pa źes bya ba de ni gźi dbyer med pa’i phyir ro ||
gaṅ dag bsam gyis mi khyab pa daṅ ldan pa de dag ni (2) mtho ris su ’gro ba ma yin | ṅan soṅ du ’gro ba ma yin | mya ṅan las ’das par ’gro ba ma yin no ||
de ci’i phyir źe na | bsam gyis mi khyab pa ni ’gro ba daṅ mi ’gro bar ñe bar gnas pa ma yin pa nas mya ṅan las ’das pa’i bar du ’gro ba daṅ | mi ’gro bar ñe bar gnas pa ma (3) yin pa’i phyir ro ||
btsun pa śa ra dwa ti’i bu gag dag ltuṅ ba’i rtsa ba bźi la gnas pa de dag kyaṅ rtsa ba med pa la gnas pa’o ||
de ci’i phyir źe na | btsun pa śa ra dwa ti’i bu skye ba med pa la rtsa ba’am rtse mo źes bya ba med pa’i phyir ro ||
rtsa ba med pa’i dge sloṅ źes bya ba de ni mi gnas pa’i dge (4) sloṅ gi tshig bla dgas so ||
rtsod pa byuṅ ba źes bya ba de ni lhag par sgro ’dogs pa źes bya ba’i tshig bla dgas so ||
btsun pa śa ra dwa ti’i bu lhag par sgro ’dogs pa la spyod pa ni ’jig rten na sbyin gnas su ’gyur ro ||
de ci’i phyir źe na | ’di ltar mñam pa la lhag par sgro ’dogs pa’i (5) phyir ro ||
btsun pa śa ra dwa ti’i bu dge sloṅ dad pa ni dad pas byin pa spyad pa’i ’os ma yin no ||
btsun pa śa ra dwa ti’i bu dge sloṅ ma dad pa ni dad pas byin pa spyad pa’i ’os so ||
btsun pa śa ra dwa ti’i bu ruṅ ba can gyi dge sloṅ ni dad pas byin pa spyad pa’i ’os ma yin no ||
btsun pa śa ra dwa ti’i (6) bu ruṅ ba can ma yin pa’i dge sloṅ ni dad pas byin pa spyad pa’i ’os so ||
tshul yaṅ dag par ma bcom pa’i dge sloṅ de ni dgra bcom pa zag pa zad pa źes bya’o ||
śa ra dwa ti’i bus smras pa | ’jam dpal ci las bsams te de skad smra | ’jam dpal gyis smras pa | mñam pa ñid gaṅ (7) mñam pa ñid yaṅ dag par ’joms par mi byed pa de ñid tshul yin te | btsun pa śa ra dwa ti’i bu de la bsams nas tshul yaṅ dag par ma bcom pa’i dge sloṅ ni dgra bcom pa zag pa zad pa źes bya’o źes de skad smras so ||
btsun pa śa ra dwa ti’i bu ’jigs pa las ma rgal ba źes bya ba de ni (157a1) dgra bcom pa zag pa zad pa źes bya ba’i tshig bla dgas so ||
śa ra dwa ti’i bus smas pa | ’jam dpal ce las bsams te de skad smra | ’jam dpal gyis smras pa | de ’jigs pa cuṅ zad tsam yaṅ med na ci źig las rgal bar ’gyur | śa ra dwa ti’i bus smras pa | (2) ’jam dpal ma skyes pa’i bzod pa can źes bya ba de gaṅ gi tshig bla dgas lags | ’jam dpal gyis smras pa | btsun pa śa ra dwa ti’i bu gaṅ gis tshes cuṅ zad tsam yaṅ ma bskyed pa de ma skyes pa’i bzod pa can źes bya’o ||
śa ra dwa ti’i bus smras pa | ’jam dpal dge sloṅ ma dul ba (3) źes bya ba de gaṅ gi tshig bla dgas | ’jam dpal gyis smras pa | btsun pa śa ra dwa ti’i bu dge sloṅ ma dul ba źes bya ba de ni dgra bcom pa zag pa zad pa’i tshig bla dgas so ||
de ci’i phyir źe na | ma dul ba ni dul la dul ba ni ma dul bas btsun pa śa ra dwa ti’i bu ’di las bsams te (4) dge sloṅ ma dul ba źes bya ba de ni dgra bcom pa zag pa zad pa’i tshig bla dgas so ||
btsun pa śa ra dwa ti’i bu lhag pa’i sems la spyod do źes bya ba de ni so so skye bo’i tshig bla dgas so ||
śa ra dwa ti’i bus smras pa | ’jam dpal ci las bsams te de skad smra | ’jam (5) dpal gyis smras pa | btsun pa śa ra dwa ti’i bu ’di ltar de la lhag par byed pa’i phyir ro ||
de skad ces smras pa daṅ | tshe daṅ ldan pa śa ra dwa ti’i bus ’jam dpal gźon nur gyur pa la ’di skad ces smras so ||
’jam dpal khyod kyis dgra bcom pa zag pa zad pa ji lta ba de bźin du (6) smras pa legs so legs so ||
’jam dpal gyis smras pa | btsun pa śa ra dwa ti’i bu de de bźin te ji skad smras pa bźin no ||
kho bo ni zag pa zad mod kyi dgra bcom pa ni ma yin no ||
de ci’i phyir źe na | btsun pa śa ra dwa ti’i bu ’di ltar ñan thos kyis daṅ | raṅ saṅs rgyas kyi sar kho (7) bo’i bsam pa zad pa’i phyir te | btsun pa śa ra dwa ti’i bu rnam graṅs ’dis na kho bo zag pa zad mod kyi dgra bcom pa ni ma yin no ||
de nas bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal byaṅ chub sems dpa’ sems dpa’ chen po (157b1) byaṅ chub kyi sñiṅ por ’dug la | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i skal ba med par ’gyur ba’i rnam graṅs yod dam | ’jam dpal gyis gsol pa | bcom ldan ’das byaṅ chub sems dpa’ sems dpa’ chen po byaṅ chub kyi sñiṅ por (2) mchis la | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i skal ba ma mchis par ’gyur ba’i rnam graṅs mchis so ||
de ci’i slad du źe na | ’di ltar byaṅ chub la cuṅ zad tsam gyis chos kyaṅ ma mchis śiṅ mi dmigs pas de’i slad du bla na med pa yaṅ (3) dag par rdzogs pa’i byaṅ chub ces bgyi’o ||
byaṅ chub de yaṅ ma skyes pa ste | de la gaṅ byaṅ chub kyi sñiṅ po la mchis pa’am | su byaṅ chub mṅon par rdzogs par ’tshaṅ rgya ba’am | gaṅ gis byaṅ chub mṅon par rdzogs par ’tshaṅ rgya ba’am | byaṅ chub gaṅ mṅon par rdzogs par ’tshaṅ (4) rgya ba’am | byaṅ chub kyi sñiṅ po las ldaṅ ba gaṅ yaṅ ma mchis śiṅ mi dmigs te | bcom ldan ’das rnam graṅs ’dis na byaṅ chub sems dpa’ sems dpa’ chen po byaṅ chub kyi sñiṅ por mchis la | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (5) ba’i skal ba ma mchis so ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad bka’ stsal to ||
’jam dpal byaṅ chub ces bya ba de gaṅ gi tshig bla dgas | ’jam dpal gyis gsol pa | bcom ldan ’das byaṅ chub ces bgyi ba de ni (6) mtshams ma mchis pa lṅa po dag gi tshig bla dgas so ||
de ci’i slad du źe na | bcom ldan ’das ’di ltar dṅos po ma mchis pas mtshams ma mchis pa lṅa po de dag ñid byaṅ chub kyi raṅ bźin te | de ci’i slad du źe na | byaṅ chub de ni mtshams ma mchis pa lṅa’i raṅ bźin can lags so ||
(7) mtshams ma mchis pa rnams mṅon par rdzogs par rtogs pa byaṅ chub ma lags | chos thams cad mṅon sum du gyur pa yaṅ byaṅ chub ma lags so ||
de ci’i slad du źe na | chos thams cad ni śin tu mṅon sum ma lags te | de dag gaṅ gis kyaṅ mṅon par rdzogs par ma (158a1) rtogs | ma mthoṅ ma thos ma ’tshal ba nas ma rtogs pa’i bar gyi slad du ste | de lta bu de ni byaṅ chub go | de lta lags kyis kyaṅ bcom ldan ’das mṅon pa’i ṅa rgyal can dag gis ni mṅon par rdzogs par saṅs rgyas pa nas mṅon sum du bgyis pa’i bar du de dag gźag (2) go ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal ci khyod ṅa la ’di sñam du de bźin gśegs pa ni bdag gi de bźin gśegs pa’o sñam sems sam | ’jam dpal gyis gsol pa | bcom (3) ldan ’das de ni ma lags so ||
de ci’i slad du źe na | bcom ldan ’das ’di ltar de bźin gśegs pa ni bdag gi de bźin gśegs pa’o sñam du mi sems pa’i slad du’o ||
de ci’i slad du źe na | bcom ldan ’das ’di ltar de bźin ñid ni de bźin gśegs pa ñid de | de bźin (4) ñid kyis de bźin gśegs pa rnam par rig par mi bgyid ciṅ de bźin gśegs pas kyaṅ de bźin ñid rnam par rig par mi bgyid pa’i slad du’o ||
de ci’i phyir źe na | bcom ldan ’das ’di ltar don dam par na de bźin ñid dṅos po ma mchis śiṅ de bźin gśegs pa’aṅ dṅos po ma (5) mchis pa’i slad du’o ||
bcom ldan ’das de bas na bdag ni ’di sñam du de bźin gśegs pa bdag gi de bźin gśegs pa’o sñam du mi sems so ||
bcom ldan ’das de bźin gśegs pa źes bgyi ba de ni miṅ tsam du bas na gaṅ la bdag ’di sñam du de bźin gśegs pa ni (6) bdag gi de bźin gśegs pa’o sñam du sems par ’gyur ba’i de bźin gśegs pa de gaṅ lags | bcom ldan ’das kyis bka’ stsal pa | ’jam dpal khyod de bźin gśegs pa la the tshom za’am | ’jam dpal gyis gsol pa | bcom ldan ’das de ni ma lags so ||
bcom (7) ldan ’das gal te de bźin gśegs pa byuṅ ba’am | de bźin gśegs pa yoṅs su mya ṅan las ’das pa’aṅ ruṅ ste | de bźin gśegs par yoṅs su grub pa ’ga’ źig mchis na ni de la bdag the tshom ’tshal lo ||
de skad ces gsol pa daṅ | bcom ldan ’das kyis (158b1) ’jam dpal gźon nur gyur pa la ’di skad ces bka’ stsal to ||
’jam dpal khyod de bźin gśegs pa byuṅ ṅo sñam du mi sems sam | ’jam dpal gyis gsol pa | bcom ldan ’das gal te chos kyi dbyiṅs la ’byuṅ ba mchis na ni bdag de bźin gśegs pa byuṅ ṅo sñam du (2) sems par ’gyur ro ||
bcom ldan ’das kyis bka’ stsal pa | ’jam dpal khyod saṅs rgyas bcom ldan ’das gaṅ g’i kluṅ gi bye ma sñed yoṅs su mya ṅan las ’das par mi mos sam | ’jam dpal gyis gsol pa | bcom ldan ’das saṅs rgyas bcom ldan ’das rnams ni (3) ’di ltar bsam gyis mi khyab pa’i yul du yul gcig pa ma lags sam | bcom ldan ’das kyis bka’ stsal pa | ’jam dpal de de bźin te | saṅs rgyas bcom ldan ’das rnams ni ’di ltar bsam gyis mi khyab pa’i yul du yul gcig go ||
’jam dpal gyis gsol (4) pa | bcom ldan ’das da ltar bźugs sam | bcom ldan ’das kyis bka’ stsal pa | ’jam dpal de de bźin no ||
’jam dal gyis gsol pa | bcom ldan ’das de’i slad du gaṅ g’i kluṅ gi bye ma sñed kyi saṅs rgyas bcom ldan ’das de dag yoṅs su mya ṅan las (5) ma ’das so ||
de ci’i slad du źe na | bcom ldan ’das saṅs rgyas bcom ldan ’das rnams ni ’di ltar bsam gyis mi khyab pa’i yul du yul gcig pa’i slad du ste | bsam gyis mi khyab pa ñid ni skye ba ma lags ’gag pa ma lags so ||
bcom ldan ’das de bas na bcom ldan ’das (6) ñid kyis mṅon par rdzogs par saṅs rgyas na gaṅ dag ma mchis pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas su ’gyur ba de dag kyaṅ de bźin du mṅon par rdzogs par saṅs rgyas pa ñid do ||
de ci’i slad du źe na | bsam gyis mi khyab pa la ’das (7) pa’am | ma ’oṅs pa’am | da ltar źes bgyi ba ma mchis pa’i slad du’o ||
bcom ldan ’das de bas na su dag ’di sñam du de bźin gśegs pa skyes so ||
źes bgyi ba nas yoṅs su mya ṅan las ’da’ ba’i bar du sems pa de dag gi ’jig rten gnas pa ni ’khrul pa ste | bcom (159a1) ldan ’das de dag ni ’jig rten gnas pa ’phros par bgyid pa lags so ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal de’i phyir khyod kyis de bźin gśegs pa’i (2) bsam gyis mi khyab pa | bsam du med pa | bsam gyis mi laṅ ba | bsam pa las ’das pa ’di de bźin gśegs pa’am | phyir mi ldog pa’i byaṅ chub sems dpa’ sems dpa’ chen po’am | dgra bcom pa zag pa zad pa’i mdun du brjod na rjod cig ||
de ci’i phyir źe (3) na | ’di ltar de dag ni thos nas bsṅags par yaṅ mi ’gyur spoṅ bar yaṅ mi ’gyur ba’i phyir ro ||
de ci’i phyir źe na | ’di ltar ’di bsam gyis mi khyab pa | bsam du med pa | bsam gyis mi laṅ ba’i phyir ro ||
’jam dpal gyis gsol pa | bcom ldan ’das chos thams (4) cad bsam gyis mi khyab ciṅ bsam du ma mchis pa ’di la su źig bsṅags pa’am | spoṅ bar ’gyur | bcom ldan ’das kyis bka’ stsal pa | ’jam dpal ji ltar de bźin gśegs pa bsam gyis mi laṅ ba de ltar so so’i skye bo rnams kyaṅ bsam gyis mi laṅ ba yin nam | ’jam (5) dpal gyis gsol pa | bcom ldan ’das so so’i skye bo rnams kyaṅ de bźin du bsam gyis mi laṅ ba lags so ||
bcom ldan ’das kyis bka’ stsal pa | ’jam dpal de de bźin no ||
de ci’i phyir źe na | ’di ltar bsam pa thams cad ni bsam gyis mi laṅ ba’i phyir ro ||
(6) ’jam dpal gyis gsol pa | bcom ldan ’das ’o na ji ltar de bźin gśegs pa bsam gyis mi laṅ ba de bźin du so so’i skye bo rnams kyaṅ bsam gyis mi laṅ ba’o źes bcom ldan ’das kyis ci’i slad du de skad bka’ stsal | bcom ldan ’das so so’i skye bo ñid kyaṅ bsam gyis (7) mi laṅ ba ma lags sam | de ci’i slad du źe na | bcom ldan ’das chos thams cad bsam gyis mi laṅ ba’i slad du’o ||
bcom ldan ’das gaṅ la la dag mya ṅan las ’das pa’i slad du źugs bcom ldan ’das de dag ni ñam thag par ’gyur ro ||
de ci’i slad du źe na | gaṅ bsam (159b1) gyis mi laṅ ba de ñid mya ṅan las ’das pa lags pa’i slad du ste | bcom ldan ’das de’i slad du bsam gyis mi laṅ ba la tha dad pa ma mchis so ||
bcom ldan ’das gaṅ dag ’di skad du ’di dag ni so so’i skye bo’i chos rnams so ||
’di ni ’phags pa’i chos rnams so źes mchi ba de (2) dag la re źig dge ba’i bśes gñen rnams la bsñen bkur gyis śig daṅ de nas gzod ’di dag ni so so’i skye bo’i chos rnams so ||
’di ni ’phags pa’i chos rnams so źes bya bar śes par ’gyur ro źes de dag la ’di skad brjod par bgyi’o ||
de skad ces gsol pa daṅ | bcom (3) ldan ’das ’jam dpal gźon nur gyur pa la ’di skad ces bka’ stsal to ||
’jam dpal khyod de bźin gśegs pa sems can thams cad kyi mchog tu ’dod dam | ’jam dpal gyis gsol pa | bcom ldan ’das gal te ’di la sems can du yoṅs su grub pa ’ga’ źig (4) mchis na ni bdag de bźin gśegs pa sems can thams cad kyi mchog tu ’tshal lo ||
bcom ldan ’das kyis bka’ stsal pa | ’jam dpal khyod de bźin gśegs pa bsam gyis mi khyab pa’i chos daṅ ldan par ’dod dam | ’jam dpal gyis gsol pa | bcom ldan (5) ’das gal te bsam pa’i chos daṅ ldan pa ’ga’ źig mchis na ni bdag de bźin gśegs pa bsam gyis mi khyab pa’i chos daṅ ldan par ’tshal lo ||
bcom ldan ’das kyis bka’ stsal pa | ’jam dpal khyod ’di ltar ñan thos ’di dag ni de bźin gśegs pas btul lo źes bya (6) bar ’dod dam | ’jam dpal gyis gsol pa | bcom ldan ’das gal te la la źig bsam gyis mi khyab pa’i dbyiṅs ’dul bar ’gyur na ni bdag ñan thos ’di dag de bźin gśegs pas btul lo źes bgyi bar de ltar ’tshal lo ||
bcom ldan ’das saṅs rgyas ’byuṅ ba (7) ni gaṅ la phan pa’am | gnod par yaṅ ñe bar gnas pa ma lags so ||
de ci’i slad du źe na | ’di ltar dbyiṅs ’di ni gnas pa ’di daṅ | dbyiṅs ’di ni ma ’dres pa ñid de | ’di lta ste | bsam gyis mi khyab pa’i dbyiṅs lags pa’i slad du’o ||
dbyiṅs de la ni ñan thos (160a1) tha dad pa nas so so’i skye bo tha dad pa’i bar du mi dmigs so ||
bcom ldan ’das kyis bka’ stsal pa | ’jam dpal khyod ’di ltar de bźin gśegs pa bsod nams kyi źiṅ bla na med pa yin par mi ’dod dam | ’jam dpal gyis gsol pa | bcom ldan ’das (2) dṅos po ma mchis pa’i slad du de bźin gśegs pa bsod nams kyi źiṅ ste | de’i slad du de ni bsod nams kyi źiṅ bla na ma mchis pa’o ||
de ni źiṅ gaṅ ba ma lags | źiṅ ma gaṅ ba yaṅ ma lags śiṅ źiṅ ma lags pa yaṅ ma lags te | de’i slad du de ni bsod nams kyi źiṅ (3) bla na ma mchis pa’o ||
bcom ldan ’das yaṅ de la chos gaṅ yaṅ yaṅ dag par ’grub par mi ’gyur | bas par mi ’gyur te | de ltar na de bsod nams kyi źiṅ lags so ||
de la sa bon btab pa ni rnam par mi ’phel źiṅ yoṅs su mi ’grib bo ||
bcom ldan ’das kyis bka’ (4) stsal pa | ’jam dpal khyod kyis ci las bsams te | źiṅ de las sa bon btab pa rnam par mi ’phel źiṅ yoṅs su mi ’grib bo źes de skad smra | ’jam dpal gyis gsol pa | bcom ldan ’das ’di ltar źi ja de ni bsam gyis mi khyab pa ste | de ltar na de bsod (5) nams kyi źiṅ lags so ||
de nas de’i tshe saṅs rgyas kyi mthus sa chen po rnam pa drug tu g-yos par gyur to ||
dge sloṅ khri drug stoṅ ni len pa med par zag pa rnams las sems rnam par grol lo ||
dge sloṅ ma bdun brgya daṅ dge bsñen sum brgya daṅ | dge bsñen (6) ma bźi khri daṅ | ’dod pa na spyod pa’i lha bye ba khrag khrig drug cu ni chos rnams la chos kyi mig rdul daṅ bral źiṅ dri ma med pa skyes so ||
de nas tshe daṅ ldan pa kun dga’ bo stan las laṅs te chos gos phrag pa gcig tu gzar nas pus mo g-yas pa’i lha ṅa sa la btsugs te | bcom (7) ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to ||
bcom ldan ’das ’jig rten du dogs cher g-yos pa byuṅ ba ’di’i rgyu gaṅ lags rkyen gaṅ lags | de skad ces gsol pa daṅ | bcom ldan ’das kyis tshe daṅ ldan pa kun dga’ (160b1) bo la ’di skad ces bka’ stsal to ||
kun dga’ bo bsod nams kyi źiṅ bstan pa źes bya ba’i chos kyi rnam graṅs ’di sṅon gyi saṅs rgyas bcom ldan ’das rnams kyis kyaṅ sa phyogs ’di ñid du gsuṅs te | kun dga’ bo ’jig rten du sa g-yos pa byuṅ ba ’di’i rgyu ni de yin no ||
(2) rkyen ni de yin no ||
de nas bcom ldan ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das ’jam dpal ’di ni bsam gyis mi khyab pa’i dpal lo ||
de ci’i slad du źe na | ’di ltar ’di’i spobs pa gaṅ daṅ gaṅ lags pa’i spobs pa de daṅ de (3) ñid bsam gyis mi khyab pa ñid lags so ||
de nas bcom ldan ’das kyis ’jam dpal gźon nur gyur pa la bka’ stsal pa | ’jam dpal dge sloṅ śa ra dwa ti’i bus tshig ji skad smras pa de de bźin te | ’jam dpal gźon nur gyur pa’i spobs pa gaṅ daṅ gaṅ yin pa’i spobs (4) pa de dag thams cad ni bsam gyis mi khyab pa ñid do ||
de skad ces bka’ stsal pa daṅ | bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das bsam gyis mi khyab na spobs par mi ’gyur ro ||
gal te bsam gyis mi khyab (5) pa spobs par ’gyur na ni bsam du ma mchis pa ñid du mi ’gyur ro ||
yaṅ gaṅ bsam gyis mi khyab pa ma lags pa’i bsam gyis mi khyab pa ni ci yaṅ ma mchis so ||
bcom ldan ’das sgra thams cad ni bsam gyis mi khyab pa ste | bsam gyis mi khyab pa ñid ni sgra ma lags so ||
(6) sgra ma lags pa daṅ | sgra ma lags pa yaṅ ma lags pa ni bstan par mi nus so ||
bcom ldan ’das kyis bka’ stsal pa | ’jam dpal khyod bsam gyis mi khyab pa’i tiṅ ṅe ’dzin la sñoms par ’jug gam | ’jam dpal gyis gsol pa | bcom ldan ’das de ni ma (7) lags te | bsam gyis mi khyab pa’i tiṅ ṅe ’dzin la sñoms par mi ’jug go ||
de ci’i slad du źe na | bcom ldan ’das ’di ltar bdag ñid bsam gyis mi khyab pa’i tiṅ ṅe ’dzin lags pa’i slad du’o ||
bcom ldan ’das gal te bdag bsam du ruṅ ba lags na ni bdag bsam (161a1) gyis mi khyab pa’i tiṅ ṅe ’dzin la sñoms par ’jug go ||
bcom ldan ’das tiṅ ṅe ’dzin ces bgyi ba de ni bsam du ma mchis pa | bsam gyis mi khyab pa | bsam gyis mi laṅ ba lags na | ji ltar bsam gyis mi khyab pa’i tiṅ ṅe ’dzin la sñoms par ’jug (2) par bgyi de lta lags kyis kyaṅ bcom ldan ’das bdag sṅon las daṅ po pa’i tshe na | bsam gyis mi khyab pa’i tiṅ ṅe ’dzin la sñoms par ’jug go ||
sñam du de sñam bsams par gyur to ||
bcom ldan ’das de ltar na bdag bsam gyis mi khyab pa’i tiṅ ṅe ’dzin la sñoms par (3) ’jug go sñam du yaṅ de la sems pa kun tu ’byuṅ ba ma mchis so ||
bcom ldan ’das ’di lta ste dper na ’phoṅ gi slob dpon ni sṅon las daṅ po’i sa na slob pa’i tshe ’di sñam du ba laṅ gi phur pa dag la phog par bya’o sñam du sems so ||
de gaṅ gi tshe skra la phog pa grub par gyur (4) pa de’i tshe ’di ltar skra la phog pa legs par lobs pa’i slad du de yaṅ ’di sñam du bdag gis ba laṅ gi phur pa dag la phog par bya’o sñam du sems pa mi ’byuṅ ṅo ||
ci ste gaṅ gi tshe skra la phog par ’tshal ba de’i tshe bsgrim mi ’tshal bar phog par ’gyur ro ||
bcom ldan ’das de bźin du (5) bdag sṅon ni bsam gyis mi khyab pa’i tiṅ ṅe ’dzin la sñoms par ’jug go sñam du de sñam bsams par gyur to ||
gaṅ gi tshe bdag gis tiṅ ṅe ’dzin de la sñoms par źugs nas tiṅ ṅe ’dzin ’dis gnas pa de’i tshe bdag slar yaṅ tiṅ ṅe ’dzin ’dis gnas par bgyi’o sñam du mi sems so ||
de (6) ci’i slad du źe na | gaṅ daṅ gaṅ gi tshe tiṅ ṅe ’dzin ’dis gnas pa de daṅ de’i tshe tiṅ ṅe ’dzin ’di gdags su ma mchis pa’i slad du’o ||
de nas bcom ldan ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das ’jam dpal gźon nur gyur pa ni bsam (7) gyis mi khyab pa’i tiṅ ṅe ’dzin ’dis gnas pa de’i tshe ’di la yid mi rton na | bcom ldan ’das bsam gyis mi khyab pa’i tiṅ ṅe ’dzin ’di bas chos źi ba’i tiṅ ṅe ’dzin gźan lta mchis sam de nas ’jam dpal gźon nur gyur pas tshe daṅ ldan pa śa ra dwa ti’i bu la ’di skad ces smras so ||
(161b1) btsun pa śa ra dwa ti’i bu ’di skad du bsam gyis mi khyab pa’i tiṅ ṅe ’dzin ’di bas ches źi ba’i tiṅ ṅe ’dzin gźan lta mchis sam źes ’dri na btsun pa śa ra dwa ti’i bu khyod kyis bsam gyis mi khyab pa’i tiṅ ṅe ’dzin ’di źi ba yin par ji ltar śes | btsun pa śa ra dwa ti’i bu gal te bsam gyis (2) mi khyab pa’i tiṅ ṅe ’dzin ’di yod ciṅ dmigs na ni bsam gyis mi khyab pa’i tiṅ ṅe ’dzin ’di bas ches źi ba’i tiṅ ṅe ’dzin gźan yod par ’gyur ro ||
śa ra dwa ti’i bus smras pa | ’jam dpal bsam gyis mi khyab pa’i tiṅ ṅe ’dzin ’di med ciṅ mi dmigs pa yin nam | ’jam (3) dpal gyis smras pa | btsun pa śa ra dwa ti’i bu ’di ltar de ni bsam gyis mi khyab pa’i tiṅ ṅe ’dzin te | de bas na bsam gyis mi khyab pa’i tiṅ ṅe ’dzin ’di med de mi dmigs pa’o ||
de lta mod kyis btsun pa śa ra dwa ti’i bu bsam gyis mi khyab pa’i tiṅ ṅe ’dzin ma thob pa ni su yaṅ med (4) do ||
ra dwa ti’i bu sems can thams cad kyaṅ bsam gyis mi khyab pa’i tiṅ ṅe ’dzin thob pa’o ||
de ci’i phyir źe na | bsam pa thams cad ni bsam gyis mi khyab pa yin la | gaṅ bsam gyis mi khyab pa de ni bsam gyis mi khyab pa’i tiṅ ṅe ’dzin te | de bas na sems (5) can thams cad bsam gyis mi khyab pa’i tiṅ ṅe ’dzin ’di thob po ||
bam po gñis pa ste tha ma | de nas bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal khyod kyis zab mo zab pa’i gnas ’di lta bu ’di thams cad (6) bstan pa legs so legs so ||
’di ltar ’jam dpal khyod ni sṅon gyi rgyal ba la bya ba byas pa ste | mi dmigs par tshaṅs par spyod pa yun riṅ du spyad pa’o ||
ci ’jam dpal khyod śes rab kyi pha rol tu phyin pa la gnas te | de skad smra’o sñam du sems sam | ’jam dpal (7) gyis gsol pa | bcom ldan ’das gal te bdag ’di ltar śes rab kyi pha rol tu phyin pa la gnas nas ’di skad mchin na ni ’o na dmigs pa la gnas te | de skad mchi bar ’gyur | bdag tu ’du śes pa la gnas pa nas dṅos po’i ’du śes kyi bar la gnas te de skad mchi bar ’gyur (162a1) ro ||
de bas na śes rab kyi pha rol tu phyin pa la gnas te de skad mi mchi’o ||
de ci’i slad du źe na | bcom ldan ’das gal te śes rab kyi pha rol tu phyin pa gnas su gyur tam | ji ste gnas ma lags pa źig tu gyur na śes rab kyi pha rol tu phyin pa ma lags par (2) ’gyur ro ||
bcom ldan ’das bdag gi gnas ni śes rab kyi pha rol tu phyin pa’i gnas te | gnas ma mchis pa | kun nas ’byuṅ ba ma mchis pa | go skabs ma mchis pa | ’byuṅ ba ma mchis pa lags so ||
de ltar na gnas de ni chos gaṅ gi gnas kyaṅ ma (3) lags so ||
de’i slad du gnas de ni bsam gyis mi khyab pa’i gnas te | śes rab kyi pha rol tu phyin pa’i gnas lags so ||
bcom ldan ’das śes rab kyi pha rol tu phyin pa źes bgyi ba ni chos thams cad kyi skye ba ma mchis pa gaṅ lags pa de śes rab kyi pha rol tu phyin pa lags so ||
(4) śes rab kyi pha rol tu phyin pa źes bgyi ba de ni ’di lta ste bsam gyis mi khyab pa’i dbyiṅs kyi tshig bla dgas so ||
bsam gyis mi khyab pa’i dbyiṅs gaṅ lags pa de skye ba ma mchis pa’i dbyiṅs so ||
skye ba ma mchis pa ri dbyiṅs gaṅ lags pa de chos kyi dbyiṅs so ||
chos kyi dbyiṅs (5) gaṅ lags pa de kun du ’byuṅ ba ma mchis pa’i dbyiṅs so ||
kun du ’byuṅ ba ma mchis pa’i dbyiṅs gaṅ lags pa de bsam gyis mi khyab pa’i dbyiṅs so ||
bsam gyis mi khyab pa’i dbyiṅs gaṅ lags pa de bdag gi dbyiṅs so ||
bdag gi dbyiṅs gaṅ lags pa de śes rab kyi (6) pha rol tu phyin pa’i dbyiṅs te | de ltar na śes rab kyi pha rol tu phyin pa’i dbyiṅs daṅ | bdag gi dbyiṅs ’di ni gñis su ma mchis te | gñis su dbyer ma mchis so ||
gaṅ gi slad du ’di gñis su ma mchis te gñis su dbyer ma mchis pa de’i slad du ’di ni bsam gyis (7) mi khyab pa’i dbyiṅs so ||
gaṅ gi slad du ’di bsam gyis mi khyab pa’i dbyiṅs lags pa de’i slad du ’di ni skye ba ma mchis pa’i dbyiṅs so ||
gaṅ gi slad du ’di skye ba ma mchis pa’i dbyiṅs lags pa de’i slad du ’di ni chos kyi dbyiṅs so ||
gaṅ gi slad du ’di chos kyi (162b1) dbyiṅs lags pa de’i slad du ’di ni kun tu ’byuṅ ba ma mchis pa’i dbyiṅs so ||
gaṅ gi slad du ’di kun tu ’byuṅ ba ma mchis pa’i dbyiṅs lags pa de’i slad du ’di ni bsam gyis mi khyab pa’i dbyiṅs so ||
gaṅ gi slad du ’di bsam gyis mi khyab pa’i dbyiṅs lags pa’i slad (2) du ’di ni bdag gi dbyiṅs so ||
gaṅ gi slad du ’di bdag gi dbyiṅs lags pa de’i slad du ’di ni śes rab kyi pha rol tu phyin pa’i dbyiṅs so ||
gaṅ gi slad du ’di śes rab kyi pha rol tu phyin pa’i dbyiṅs lags pa de’i slad du ’di ni bsam gyis mi khyab pa’i dbyiṅs so ||
gaṅ gi slad (3) du ’di bsam gyis mi khyab pa’i dbyiṅs lags pa de’i slad du ’di ni yaṅ dag par ’grub pa ma mchis pa’i dbyiṅs so ||
yaṅ dag par ’grub pa ma mchis pa gaṅ lags pa de mchis pa ma lags so ||
gaṅ mchis pa ma lags pa de ni ’jig par mi ’gyur ro ||
gaṅ ’jig par (4) mi ’gyur ba de ni bsam gyis mi khyab pa ste | de ltar na de bźin gśegs pa’i dbyiṅs daṅ | bdag gi dbyiṅs ’di ni gñis su ma mchis te | gñis su dbyer ma mchis so ||
bcom ldan ’das kyis gaṅ bdag sgom pa ni śes rab kyi pa rol tu phyin pa sgom pa’o źes bka’ (5) stsal pa de yaṅ ci’i slad du źe na | bcom ldan ’das śes rab kyi pha rol tu phyin pa źes bgyi ba ’di ni bdag gi dbyiṅs kyi tshig bla dgas lags pa’i slad du’o ||
de ci’i slad du źe na | bcom ldan ’das gaṅ gis bdag gi dbyiṅs ’tshal ba des chags pa ma mchis pa’i dbyiṅs ’tshal to ||
(6) gaṅ gis chags pa ma mchis pa ñid ’tshal ba des chos gaṅ yaṅ ’tshal ba ma mchis te | de ci’i slad du źe na | ’di ltar bsam gyis mi khyab pa’i ye śes ni saṅs rgyas kyi ye śes lags te chos gaṅ la yaṅ śes pa ma mchis pa ni saṅs rgyas kyi ye śes lags pa’i slad du’o ||
de ci’i slad (7) du źe na | ye śes de ni don dam par na mchis pa ma lags te | gaṅ don dam par ma mchis pa de chos kyi ’khor lo skor bar yaṅ ji ltar ’gyur | gaṅ gi tshe ye śes de don dam par ma mchis pa de’i tshe ye śes de ni chags pa ma mchis pa’o ||
gaṅ gi tshe ye śes de chags pa ma mchis pa (163a1) de’i tshe ye śes de ni dṅos po ma mchis pa’o ||
gaṅ gi tshe ye śes de dṅos po ma mchis pa de’i tshe ye śes de ni yul ma mchis pa’o ||
gaṅ gi tshe ye śes de yul ma mchis pa de’i tshe ye śes de ni mi gnas pa’o ||
gaṅ gi tshe ye śes de mi gnas pa de’i tshe ye (2) śes de ni rten ma mchis pa’o ||
gaṅ gi tshe ye śes de rten ma mchis pa de’i tshe ye śes de ni ma bskyed pa’o ||
skye bar mi ’gyur ba’o ||
de ci’i slad du źe na | ye śes de ni yon tan gyi ’dus bgyis pa’am yon tan ma lags pas ’dus bgyis pa ma lags pa’i (3) slad du’o ||
de ci’i slad du źe na | ’di ltar ye śes de ni bsam gyis mi khyab pa ste | de’i slad du yon tan nam | yon tan ma lags par yaṅ ji skad du bstan par bgyi | gaṅ gi slad du ye śes de bsam gyis mi khyab pa de’i slad du ye śes de bsam du ma mchis pa ste | gaṅ (4) de ltar śes pa de ni mi dmigs pa’i tshul du saṅs rgyas kyi ye śes lags so ||
ye śes des ni chos gaṅ yaṅ mṅon par rdzogs par saṅs rgyas pa’am mkhyen pa ma mchis so ||
ye śes de ni sṅon gyi mtha’ ’am phyi ma’i mtha’ nas mchis pa ma lags so ||
ye śes de ni sṅon (5) skyes pa yaṅ ma lags ye śes de ni sṅon ma skyes pa yaṅ ma lags te | sṅon ma skyes pa’i slad du gaṅ ma skyes pa de ni nub par yaṅ mi ’gyur | chad par yaṅ mi ’gyur ro ||
ye śes de daṅ ’dra ba’i ye śes gaṅ yaṅ ma mchis te | de’i slad du ye śes de ni bsam gyis mi khyab ciṅ (6) ’dra ba ma mchis pa’o ||
ye śes de ni thog ma daṅ dbus daṅ tha ma mi dmigs pa ste | de’i slad du ye śes de ni nam mkha’ daṅ ’dra ba’o ||
ye śes de la mñam pa’am | mi mñam pa mi dmigs te | de’i slad du ye śes de ni mi mñam pa daṅ mñam pa’o ||
ye śes de la ni de (7) daṅ ’dra ba’i ye śes gźan mi dmigs te | de’i slad du ye śes de ni mtshuṅs pa ma mchis pa’o ||
de nas bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal ye śes ’di mi bsgyur ba ma yin nam | ’jam dpal gyis gsol pa | (163b1) bcom ldan ’das ye śes ’di ni ma bgyis pa ste | de’i slad du ’di mi bsgyur ba lags so ||
bcom ldan ’das ’di lta ste dper na k ra ś pa na rtags ma btab pa ni bsgyur ba yaṅ ma lags | mi bsgyur ba yaṅ ma lags pa’i graṅs su mchi’o ||
bcom ldan ’das de bźin du ye (2) śes ’di yaṅ ma bgyis pa ma bsgrubs pa | ma bskyed pa | ma phyuṅ ba | ma ’gags pa ste | de’i slad du mi bsgyur ba lags so ||
de nas bcom ldan ’das kyis ’jam dpal gźon nur gyur pa la bka’ stsal pa | ’jam dpal de bźin gśegs pa’i ye śes bstan pa ’di la (3) ’di ltar bstan par su dag mos | ’jam dpal gyis gsol pa | bcom ldan ’das gaṅ dag ’khor ba’i chos can yaṅ ma lags la | yoṅs su mya ṅan las ’das pa’i chos can yaṅ ma lags pa daṅ | gaṅ dag ’jig tshogs la yaṅ ma bskyod pa daṅ | gaṅ dag ’dod chags daṅ | źe (4) sdaṅ daṅ | gti mug kyaṅ ma bas pa de dag mos so ||
de ci’i slad du źe na | mi bas pa ni bas par mi ’gyur te | yoṅs su bas bar yaṅ mi mchi’o ||
gaṅ dag ’khor ba las kyaṅ ma ’das la ’khor ba’i graṅs su yaṅ mi mchi ba daṅ | gaṅ dag lam daṅ bral ba yaṅ ma lags śiṅ lam (5) gyi ’du śes kyaṅ mi skyed pa de dag gis bstan pa ’di’i don ’tshal bar ’gyur ro ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal legs so legs so ||
khyod kyi tshig ’di legs par smras (6) pa’o ||
de nas de’i tshe bcom ldan ’das la tshe daṅ ldan pa ’od sruṅ chen pos ’di skad ces gsol to ||
bcom ldan ’das ma mchis pa’i dus na gaṅ la la chos ’dul ba zab mo ’di daṅ | śes rab kyi pha rol tu phyin pa zab mo ’di la ñan pa daṅ | mos pa daṅ | kun ’tshal ba daṅ | (7) rab tu ’dzin par ’gyur ba ’byuṅ ba mchis sam de skad ces gsol pa daṅ | bcom ldan ’das kyis tshe daṅ ldan pa ’od sruṅ chen po la ’di skad ces bka’ stsal to ||
’od sruṅ ’khor ’di ñid na yaṅ gaṅ ma ’oṅs pa’i dus na chos ’dul ba zab mo ’di daṅ | śes rab kyi pha rol (164a1) tu phyin pa zab mo ’di la ñan pa daṅ | mos pa daṅ | kun śes pa daṅ | rab tu ’dzin par ’gyur ba’i dge sloṅ daṅ | dge sloṅ ma daṅ | dge bsñen daṅ | dge bsñen ma de dag yod do ||
’od sruṅ ’di lta ste dper na khyim bdag gam | khyim bdag gi (2) bu źig gi nor bu rin po che brgya stoṅ ri ba stor na sdug bsṅal ba daṅ | yid mi bde bar ’gyur ro ||
de ñid rñed na bde ba daṅ | yid bde ba skye źiṅ kun nas dkris pa’i yid la khyed pa med par ’gyur ro ||
’od sruṅ de bźin du dge sloṅ daṅ | dge sloṅ ma daṅ | dge bsñen daṅ | (3) dge bsñen ma de dag kyaṅ śes rab kyi pha rol tu phyin pa zab mo ’di ma skyes pa daṅ | ma byuṅ ba daṅ | raṅ bźin gyis yoṅs su mya ṅan las ’das pa nas dṅos po med pa’i bar du ma thos pa na ’di sñam du bdag cag gis śes rab kyi pha rol tu phyin pa zab mo ma skyes pa daṅ | ma byuṅ ba daṅ | (4) raṅ bźin gyis yoṅs su mya ṅan las ’das pa nas dṅos po med pa’i bar ’di lta bu ’di ma thos so sñam du sems so ||
de dag gis dus gźan na thos par gyur pa na dga’ ba daṅ | bad ba daṅ | yid dga’ bar ’gyur źiṅ kun nas dkris pa’i yid la byed pa med par ’gyur te | (5) tshig ’di skad du ’di ltar bdag cag gis śes rab kyi pha rol tu phyin pa zab mo ma skyes pa daṅ | dṅos po med pa daṅ | ma byuṅ ba ’di thos pas deṅ bdag cag gis saṅs rgyas mthoṅ źiṅ de bźin gśegs pa la bsñen bkur yaṅ byas so źes smra bar ’gyur ro ||
’od sruṅ ’di lta ste (6) dper na sum cu rtsa gsum pa’i lha rnams ni śiṅ yoṅs ’du sa brtol kha ’bus pa mthoṅ nas kye ma yoṅs ’dus brtol ’di riṅ po mi thogs par me tog thams cad rgyas par ’gyur ro sñam ste | yid dga’ ba daṅ | rab tu dga’ bar ’gyur ro ||
’od sruṅ de bźin du dge sloṅ daṅ | dge sloṅ ma (7) daṅ | dge bsñen daṅ | dge bsñen ma de dag kyaṅ śes rab kyi pha rol tu phyin pa zab mo ma skyes ma byuṅ ba nas dṅos po med pa’i bar ’di thos na | yid dga’ ba daṅ | rab tu dga’ bar ’gyur ro ||
gaṅ dag ma ’oṅs pa’i dus na śes rab kyi pha rol tu phyin pa zab mo ma skyes pa daṅ | (164b1) ma byuṅ ba nas dṅos po med pa’i bar ’di thos na yid dga’ ba daṅ | rab tu dga’ bar ’gyur ba de dag kyaṅ ṅa’i ’khor ’di ñid na gnas par ’od sruṅ khyod kyis śes par gyis śig | gaṅ dag ma ’oṅs pa’i dus na yid dga’ ba daṅ | rab tu dga’ bar ’gyur ba de dag yid (2) dga’ ba de daṅ rab tu dga’ ba des riṅ bo mi thogs par saṅs rgyas kyi chos thams cad kyi me tog rgyas par ’gyur bas me tog thams cad rgyas pa ’gyur bar śes par gyis śig | ’od sruṅ ’di ltar śes rab kyi pha rol tu phyin pa zab mo ma skyes pa daṅ | ma byuṅ ba nas dṅos po (3) med pa’i bar ’di ma ’oṅs pa’i dus na de bźin gśegs pa ’das pa’i phyin gnas par ’gyur ba daṅ | spyod par ’gyur ba gaṅ yin pa de yaṅ ’od sruṅ sags rgyas kyi byin gyis brlabs daṅ | saṅs rgyas kyi mthu yin par śes par bya’o ||
’od sruṅ de bas na gaṅ dag śes (4) rab kyi pha rol tu phyin pa zab mo ma skyes pa daṅ | ma byuṅ ba nas dṅos po med pa’i bar ’di thos nas dga’ na | ’od sruṅ de ni de dag gi thos pa’i daṅ po ma yin no ||
’od sruṅ ’di lta ste dper na nor bu mkhan źig gis nor bu rin po che mthoṅ nas gaṅ gi tshe dga’ bar gyur pa de na (5) nor bu mkhan des nor bu rin po che da gdod mthoṅ ba ma yin gyi de ni sṅon nas rgyun du nor bu rin po che mthoṅ ba’o źes śes par bya’o ||
’od sruṅ de bźin du gaṅ dag śes rab kyi pha rol tu phyin pa zab mo ma skyes pa daṅ | ma byuṅ ba nas dṅos po med pa’i bar ’di thos nas yid dga’ ba daṅ | (6) rab tu dga’ bar gyur ciṅ mgu ba daṅ | raṅs pa daṅ | yid bde ba skyes na ’od sruṅ ’di ni de dag gi thos pa’i daṅ po ma yin no ||
’od sruṅ de dag ni ’di skad du smra bar gyur te | gaṅ ’di ’jam dpal gźon nur gyur pas ma skyes pa nas dṅos po med pa daṅ | ma byuṅ ba’i bar du (7) bstan pa ’di ñid smros śig ces zer bar ’gyur te | de dag ni sṅon rgyun bu ’jam dpal gźon nur gyur pa la bsñen bkur byas par gyur pa’o ||
’od sruṅ ’di lta ste dper na mi la la źig groṅ ṅam groṅ khyer ram | groṅ rdal lam | groṅ gaṅ yaṅ ruṅ ba źig tu dgos pa la la’i (165a1) phyir son par gyur la | yaṅ dus gźan źig na de’i druṅ du mi la la źig soṅ ste | groṅ khyer de’i bsṅags pa brjod ciṅ kun dga’i ra ba ñams dga’ ba daṅ | yul ñams dga’ ba daṅ | rdziṅ bu ñams dga’ ba daṅ | skyed mos tshal ñams dga’ ba daṅ | chu (2) mig daṅ | mtshe’u daṅ | mtsho bran ñams dga’ ba daṅ | me tog daṅ | ’bras bu ñams dga’ ba de dag gi bsṅags pa brjod nas des de thos pa daṅ | dga’ bar tshor te yid bde ba skyes nas yaṅ daṅ yaṅ du ’di skad du kye skyes bu de ñid zlos te brjod cig ces ’chol na (3) mi des ni sṅon yaṅ groṅ khyer de daṅ | kun dga’ ra ba ñams dga’ ba daṅ | yul ñams dga’ ba daṅ | rdziṅ bu ñams dga’ ba daṅ | skyed mos tshal ñams dga’ ba daṅ | chu mig daṅ | mtshe’u daṅ | mtsho bran ñams dga’ ba daṅ | me tog daṅ | ’bras bu ñams dga’ (4) ba dag kyaṅ myoṅ ba yin par mi des de ltar rtogs par ’gyur ro ||
de ci’i phyir źe na | ’di ltar des thos nas yid cher dga’ ba daṅ | rab tu dga’ ba daṅ | rab tu dga’ bar gyur te | mgu ba daṅ | raṅs pa daṅ | yid bde ba skyes pa’i phyir ro ||
’od sruṅ de bźin du gaṅ dag (5) gis ’jam dpal gźon nur gyur pa la bsñen bkur byas par gyur pa daṅ | yaṅ daṅ yaṅ druṅ du ’gro źiṅ ’dri ba byas par gyur pa de dag śes rab kyi pha rol tu phyin pa zab mo ma skyes pa daṅ | ma byuṅ ba nas dṅos po med pa’i bar ’di thos na rab tu dga’ źiṅ mgu bar gyur te | (6) dga’ ba daṅ mgu ba cher skyed ciṅ tshig ’di skad du ma la ’di lta ste | ma skyes pa daṅ | ma byuṅ ba nas dṅos po med pa’i bar du bstan pa’i śes rab kyi pha rol tu phyin pa ’di lta bu ’di ñid ji mñan to źes smra bar ’gyur ro ||
de skad ces bka’ stsal pa daṅ | bcom ldan ’das la tshe (7) daṅ ldan pa ’od sruṅ chen pos ’di skad ces gsol to ||
bcom ldan ’das ma mchis pa’i dus na dad pa’i rigs kyi bu’am | rigs kyi bu mo ’byuṅ ba de dag gi rnam pa daṅ | rtags daṅ | mtshan ma bcom ldan ’das kyis gaṅ dag bka’ stsal pa de dag ñid lags sam | (165b1) bcom ldan ’das kyis bka’ stsal pa | ’od sruṅ ji skad smras pa de de bźin te | ma ’oṅs pa’i dus na dad pa’i rigs kyi bu’am | rigs kya bu mo ’byuṅ ba de dag gi rnam pa daṅ | rtags daṅ | mtshan ma ’di gaṅ dag ṅas da ltar bstan pa ’di dag ñid yin no ||
de nas bcom ldan ’das (2) la ’jam dpal gźon nur gyur pas ’di skad ces gsol to ||
bcom ldan ’das chos de ni rnam pa ma mchis śiṅ rtags ma mchis pa daṅ | bcom ldan ’das śes rab kyi pha rol tu phyin pa yaṅ rnam pa ma mchis pa nas mtshan ma ma mchis pa’i bar du lags na rnam pa’am | (3) rtags sam | mtshan ma ji lta bu źig mchis par ’gyur | bcom ldan ’das kyis chos bstan pa gaṅ lags pa de yaṅ rnam pa ma mchis | rtags ma mchis | mtshan ma mchis pa’i bar du lags na bcom ldan ’das rnam pa ma mchis pa daṅ | rtags ma mchis pa daṅ | (4) mtshan ma ma mchis pa ji ltar bstan par ’gyur | de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal śes rab kyi pha rol tu phyin pa zab mo śin tu ma skyes pa daṅ | dṅos po med pa’i bar ’di bstan na (5) gaṅ dag mos pa nas kun chub par byed pa’i bar du byed pa de dag ñid rigs kyi bu daṅ | rigs kyi bu mo de dag gi rnam pa daṅ | rtags daṅ | mtshan ma yin no ||
’jam dpal gaṅ du śes rab kyi pha rol tu phyin pa bstan pa der | saṅs rgyas kyi chos thams cad blta bar bya’o ||
(6) der bsam gyis mi khyab pa bstan par blta’o ||
’jam dpal ṅas sṅon byaṅ chub sems dpa’i spyad pa spyod pa na | dge ba’i rtsa ba gaṅ dag yaṅ dag par bsgrubs te | dge ba’i rtsa ba gaṅ dag gis bla na med pa yaṅ dag rdzogs pa’i byaṅ chub ’di mṅon par rdzogs (7) par saṅs rgyas pa’i dge ba’i rtsa ba de dag yaṅ dag par bsgrub par ’dod pa’i rigs kyi bu’am | rigs kyi bu mos śes rab kyi pha rol tu phyin pa ’di ñid mñan par bya | mos par bya | yi ger bri bar bya | gzuṅ bar bya | bklag par bya | luṅ nod par bya | kha ton du bya | tshig (166a1) tu gdon par bya | kun chub par bya | tshul bźin du yid la bya | bsgom par bya ba nas | me tog daṅ | bdug pa daṅ | spos daṅ | phreṅ ba daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan daṅ | rnam par (2) rgyal ba’i ba dan daṅ | mar me la sogs pa ci nus ci phod du mchod pa’i bar du bya’o ||
ñan thos daṅ | raṅ saṅs rgyas thams cad kyi sa las ’da’ bar ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan (3) par bya ba nas rim gror bya ba’i bar du bya’o ||
’jam dpal ji ltar phyir mi ldog pa’i sa la ’jug par ’gyur ba de lta bu ñan par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
’jam dpal (4) chos gaṅ yaṅ ruṅ ste | de dag thams cad ma skyes par mñam pa ñid du mos par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
’jam dpal saṅs rgyas kyi chos thams cad mṅon par (5) rdzogs par byaṅ chub par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
’jam dpal chos thams cad de bźin gśegs pas mṅon par rdzogs par saṅs rgyas so źes śin tu (6) bstan pa ’di la mos par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
de ci’i phyir źe na | gaṅ mṅon par rdzogs par ’tshaṅ rgya bar byed pa’am | gaṅ gis mṅon par rdzogs par ’tshaṅ rgya (7) bar byed pa’am | gaṅ mṅon par rdzogs par ’tshaṅ rgya bar bya ba’i chos de gaṅ yaṅ med de mi dmigs pa’i phyir ro ||
de ltar don ’di rtogs śiṅ mos par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i (166b1) bar du bya’o ||
gaṅ byaṅ chub ma yin pa’i chos de gaṅ yaṅ med do źes de ltar mos par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
chos thams cad la rnam par mi rtog par ’dod (2) pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
de ci’i phyir źe na | śes rab kyi pha rol tu phyin pa ni chos gaṅ gi yoṅs su grub pa rnam par gźog pa’am | skyed pa’am | ston pa ma yin (3) pa’i phyir ro ||
chos thams cad kun nas ñon moṅs pa ma yin | rnam par byaṅ ba ma yin źes bya bar ’jug par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
chos thams cad ’das (4) pa ma yin | ma ’oṅs pa ma yin | da ltar byuṅ ba ma yin źes bya bar mes par bya bar ’dod ciṅ ’jug par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
de ci’i phyir źe na | ’jam dpal skye ba (5) med pa ni ’das pa ma yin | ma ’oṅs pa ma yin | da ltar byuṅ ba ma yin pa’i phyir ro ||
de ci’i phyir źe na | ’jam dpal chos thams cad ni skye ba med pa la rton pa’i phyir ro ||
de lta bu’i chos thams cad the tshom med par rtogs par ’dod pa’i rigs kyi bu’am | rigs kyi bu mos (6) kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
’jam dpal lan gsum du bzlas te rnam pa bcu gñis su bskor ba’i chos kyi ’khor lor ji ltar ’gyur ba de ñan par ’dod pa daṅ | de rtogs par ’dod pa daṅ | de la mos par ’dod pa daṅ | (7) de la ’jug par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
sems can thams cad la byams pas khyab par bya bar yaṅ ’dod la sems can du ’du śes pa la yaṅ mi gnas par ’dod pa daṅ | (167a1) ’jig rten thams cad daṅ | rtsod par yaṅ ’dod ciṅ ’jig rten thams cad mi dmigs par rtogs par yaṅ ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid mñan par bya ba nas rim gro’i bar du bya’o ||
chos thams cad skye ba med pa’i (2) bar du rtogs par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la mi dmigs pa’i tshul gyis bslab par bya’o ||
de nas bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das śes rab kyi pha rol (3) tu phyin pa yon tan ma mchis pa’i yon tan gaṅ lags | phan yon gaṅ lags | bcom ldan ’das śes rab kyi pha rol tu phyin pa ni nus pa ci yaṅ ma mchis pa | kun nas spoṅ bar mi bgyid pa | rnam par ’jig par mi bgyid pa | chos gaṅ yaṅ mi len pa | mi ’dor ba g-yo ba ma (4) mchis pa | byed pa ma mchis pa lags | śes rab kyi pha rol tu phyin pa ni ṅo bo ñid śes pa ma lags pa | ṅo bo ñid mthoṅ ba ma lags pa | chos gaṅ yaṅ sbyin par mi bgyid pa chos thams cad daṅ mi ’gal ba | chos thams cad tha dad par mi bgyid pa lags na | bcom ldan (5) ’das śes rab kyi pha rol tu phyin pa’i yon tan gaṅ lags | phan yon gaṅ lags bcom ldan ’das śes rab kyi pha rol tu phyin pa chos thams cad gcig tu bgyid pa ma lags pa | chos thams cad tha dad par bgyid pa ma lags pa | ma bgyis pa | bgyi ba ma mchis pa | mi bas (6) brnam par ’jig par mi bgyid pa | so so’i skye bo’i chos rnams daṅ | dgra bcom pa’i chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams kyaṅ sbyin par bgyid pa ma lags pa | ’grib par bgyid pa ma lags pa | ’khor ba len par (7) mi bgyid pa mya ṅan las ’das pa ’dor bar mi bgyid pa | saṅs rgyas kyi chos rnams sbyin par bgyid pa ma lags pa | rnam par ’jig par bgyid pa ma lags pa | bsam par bgyid pa ma lags pa | bsam du ma mchis pa ma lags pa | bgyid pa ma lags pa | ’jig par (167b1) bgyid pa ma lags pa | chos thams cad skyed pa ma lags pa | ’gog pa ma lags pa | chad par bgyid pa ma lags pa | rtag par bgyid pa ma lags pa | ’oṅ bar bgyid pa ma lags pa | ’gro bar bgyid pa ma lags pa | dben par bgyid pa ma lags pa | (2) mi dben par bgyid pa ma lags pa | gñis su bgyid pa ma lags pa | mi gñis par bgyid pa ma lags pa’i yon tan gaṅ lags | phan yon gaṅ lags | de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
(3) ’jam dpal dṅos po med pa nas byed pa med pa’i bar ’di ñid śes rab kyi pha rol tu phyin pa ’di’i yon tan du rig par bya’o ||
’jam dpal yaṅ byaṅ chub sems dpa’ sems dpa’ chen po byaṅ chub sems dpa’i tiṅ ṅe ’dzin la slob par ’dod pa daṅ | byaṅ chub sems dpa’i (4) tiṅ ṅe ’dzin bsgrub par ’dod pa daṅ | tiṅ ṅe ’dzin gaṅ la gnas nas saṅs rgyas bcom ldan ’das thams cad snaṅ ba daṅ | de dag gi saṅs rgyas kyi źiṅ rnams kyaṅ mthoṅ bar ’dod pa daṅ | de dag gi miṅ yaṅ śes par ’dod pa daṅ | de dag la mchod pa bla na med pa yaṅ (5) byed par ’dod pa daṅ | de dag gi chos bstan pa la ’jug par ’dod pa daṅ | mos par ’dod pas mi bslab pa’i tshul du śes rab kyi pha rol du phyin pa ’di ñid la bslab par bya’o ||
de nas bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das (6) ci’i slad du ’di la śes rab kyi pha rol tu phyin pa źes bgyi | bcom ldan ’das kyis bka’ stsal pa | ’jam dpal ma skyes ma ’gags pa’i phyir śes rab kyi pha rol tu phyin pa źes bya’o ||
’di ltar yaṅ gzod ma nas źi ba daṅ | ’byuṅ ba med pa daṅ | bya ba med pa nas dṅos po med (7) pa’i bar gyi phyir te | gaṅ dṅos po med pa de śes rab kyi pha rol tu phyin pa yin no ||
’jam dpal de’i phyir byaṅ chub sems dpa’ sems dpa’ chen po rnams śes rab kyi pha rol tu phyin pa bsgom par śes par bya’o ||
gaṅ chos thams cad spyod yul ma yin pa de ni byaṅ chub sems dpa’ (168a1) sems dpa’ chen po rnams kyi spyod yul te | ’di la spyod pa na byaṅ chub sems dpa’ sems dpa’ chen po spyod yul la źugs pa źes bya’o ||
’di lta ste spyod yul ma yin pa theg pa thams cad pa ’di ñid spyod yul yin no ||
de ci’i phyir źe na | spyod yul ’di (2) ni ma byas pa ste | de’i phyir spyod yul ma yin pa źes bya’o ||
de nas bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das gaṅ la spyad na byaṅ chub sems dpa’ sems dpa’ chen po myur du bla na med pa yaṅ dag par rdzogs (3) pa’i byaṅ chub mṅon par rdzogs par ’tshaṅ rgya bar ’gyur | de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal śes rab kyi pha rol tu phyin pa la spyod na byaṅ chub sems dpa’ sems dpa’ chen po (4) myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
’jam dpal bkod pa gcig pa źes bya ba’i tiṅ ṅe ’dzin yod de | tiṅ ṅe ’dzin de la spyad na byaṅ chub sems dpa’ sems dpa’ chen po myur du la na med pa yaṅ dag par (5) rdzogs pa’i byaṅ chub mṅon par ’tshaṅ rgya bar ’gyur ro ||
de skad ces bka’ stsal pa daṅ | bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das bkod pa gcig pa’i tiṅ ṅe ’dzin la byaṅ chub sems dpa’ sems dpa’ (6) chen pos ji ltar ’jug par bgyi | ci’i slad du bkod pa gcig pa’i tiṅ ṅe ’dzin ces bgyi | bcom ldan ’das kyis bka’ stsal pa | ’jam dpal bkod pa gcig pa źes bya ba ’di ni skye ba med pa’i tshig bla dgas so ||
bkod pa gcig pa’i tiṅ ṅe ’dzin la ’jug par (7) ’dod pa’i rigs kyi bu’am | rigs kyi bu mos thog ma ñid du śes rab kyi pha rol tu phyin pa yoṅs su dri ba bya dgos te | de’i ’og tu bkod pa gcig pa’i tiṅ ṅe ’dzin la ’jug par ’gyur ro ||
de ci’i phyir źe na | ’jam dpal skye ba med pa ni mi ’khrugs pa ste | dkrug (168b1) tu mi ruṅ ba dkrug par bya ba ma yin pa | bsam gyis mi khyab pa | bsam par mi bya ba | bsam gyis mi laṅ ba’o ||
’jam dpal bkod pa gcig pa’i tiṅ ṅe ’dzin la ’jug par ’dod pa’i rigs kyi bu’am | rigs kyi bu mos dben pa’i lam bstan pa rnams bsten par bya | (2) ’du ’dzi med pa la dga’ bar byas la | mtshan ma thams cad yid la mi bya bar skyil mo kruṅ bcas te ’dug nas der mi dmigs pa’i tshul gyis de bźin gśegs pa gcig yid la bya’o ||
chos thams cad kyaṅ yid la bya’o ||
de bźin gśegs pa gaṅ yid la byed pa de’i (3) miṅ yaṅ gzuṅ bar bya’o ||
miṅ de yaṅ thos te dmigs nas de bźin gśegs pa phyogs ga la bźugs pa’i phyogs der mṅon du bltas te ’dug par bya’o ||
de bźin gśegs pa de ñid yid la byas na de yid la byas pas ’das pa daṅ | ma ’oṅs pa daṅ | (4) da ltar byuṅ ba’i saṅs rgyas bcom ldan ’das rnams yid la byas par ’gyur ro ||
de ci’i phyir źe na | de bźin gśegs pa ñid gcig pa’i phyir ro ||
’jam dpal ji ltar de bźin gśegs pa gcig gi saṅs rgyas kyi yon tan tshad med pa daṅ | spobs pa tshad med pa de bźin (5) du ’jam dpal bkod pa gcig pa’i tiṅ ṅe ’dzin thob nas skye ba med pa gcig gi chos kyi rnam graṅs kyi bye brag tshad med par śes par bya’o ||
’dir gaṅ dag chud par ’gyur ba daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyis gaṅ dag (6) gsuṅs pa daṅ | kun dga’ bos ji sñed yoṅs su bzuṅ ba de sñed kyi chos kyi rnam graṅs ’dir snaṅ bar ’gyur ro ||
bkod pa gcig pa’i tiṅ ṅe ’dzin ’di bsgrubs pas de’i tshe’i tshad ji tsam pa de tsam du gnas śiṅ gleṅ gźi daṅ bcas pa’i chos ston par ’gyur ro ||
’jam dpal de la (7) byaṅ chub sems dpa’i theg pa pa kha cig ’di sñam du bkod pa gcig pa’i tiṅ ṅe ’dzin ’di gaṅ yin sñam du sems na | de dag la ’di skad ces yon tan bsam gyis mi khyab pa yoṅs su bsgrubs pa ’di yaṅ dag par zuṅ la ’dug śig daṅ | ji lta ji ltar yaṅ dag par blaṅs (169a1) te gnas pa de lta de ltar tiṅ ṅe ’dzin ’di’i yon tan mthoṅ bar ’gyur gyis ji skad bstan pa’i tshul gyis źum pa med par gyis śig ces brjod par bya’o ||
tiṅ ṅe ’dzin ’di ni dmigs pa’i lta ba can dag daṅ | dṅos por lta ba can dag nas yod par lta ba can dag (2) gi bar gyis bsgrub par mi nus so ||
’jam dpal ’di lta ste dper na | mi źig la rin thaṅ med pa’i nor bu rin po che byi dor ma byas pa źig bdog la mi gźan źig gis der mi de la ’di skad du kye skyes bu nor bu rin po che ’di’i rin thaṅ ji tsam nor bu rin po che ’di la yon tan ci źig (3) yod ces zer la | mi des kyaṅ de la ’di skad du kye skyes bu rin po che ’di’i yon tan tshad med kyis | tshad med pa ñid du śes par gyis śig ces smras te | de nas mi des nor bu rin po che de byi dor bya ba’i phyir mi de la bźag nas kye skyes bu nor bu rin po che ’di re źig byi dor gyis śig (4) daṅ | de nas śes par ’gyur ro źes byas la de nas mi des nor bu rin po che de mi de las blaṅs te | byi dor bya ba’i yo byad rnams kyis byi dor byas pa daṅ | de ltar byi dor byas pas nor bu rin po che de rin thaṅ med de des ji lta ji ltar nor bu rin po ce de’i byi dor byas pa de lta de ltar nor (5) bu rin po che de’i yon tan mthoṅ bar ’gyur ba de bźin du ’jam dpal gaṅ gi tshe rigs kyi bu’am | rigs kyi bu mo de tiṅ ṅe ’dzin ’di la mñam par ’jig pa daṅ | ’jug pa de daṅ de’i tshe tiṅ ṅe ’dzin ’di’i yon tan mthoṅ bar ’gyur ro ||
’jam dpal ’di lta ste dper na | ñi ma’i (6) dkyil ’khor gyi ’od zer dag gis dkyil ’khor gyi mtha’ gaṅ yaṅ ma khyab pa med do ||
’jam dpal de bźin du bkod pa gcig pa’i tiṅ ṅe ’dzin ’di thob ciṅ źugs nas rñed pa de śes rab kyi pha rol tu phyin pa ston pa ma yin pa’i chos gaṅ yaṅ mi ston to ||
gaṅ la las ’di bźin du (7) śes na des skye ba med pa daṅ | ’gal ba’i chos gaṅ yaṅ mi mthoṅ ṅo ||
’jam dpal ’di lta ste dper na | rgya mtsho chen po’i phyogs bźi nas skyes bu bźi chu ’chu na de thams cad ’di lta ste lan tshwa’i ror ro gcig pa ñid ’chu źiṅ len to ||
’jam dpal de bźin du chos gaṅ ci bstan (169b1) pa de dag thams cad ni ’di lta ste skye ba med pa’i ro daṅ | dṅos po med pa’i ro daṅ | ’dod chags daṅ bral ba’i ro daṅ | rnam par grol ba’i ro daṅ | ’gog pa’i ror ro gcig pa’o ||
’jam dpal de lta bas na rigs kyi bu’am | rigs kyi bu mo tiṅ ṅe ’dzin ’di daṅ ldan pa de chos (2) gaṅ daṅ gaṅ ston kyaṅ de dag thams cad ’di lta ste | skye ba med pa’i ro daṅ | dṅos po med pa’i ro daṅ | ’dod chags daṅ bral ba’i ro daṅ | rnam par grol ba’i ro daṅ | ’gog pa’i ror ro gcig par ston par ’gyur ro ||
tiṅ ṅe ’dzin ’di thob nas rigs kyi bu’am | rigs (3) kyi bu mo de ’dod na ṅas chos gaṅ ci bstan pa de ’chad pa daṅ | rnam par ston pa daṅ | ñe bar ston par ’gyur ro ||
’jam dpal de ltar na rigs kyi bu’am | rigs kyi bu mo de tiṅ ṅe ’dzin ’di thob nas gaṅ ci ston kyaṅ de dag thams cad mi dmigs pa’i tshul du ma skyes pa daṅ | ma byuṅ ba daṅ | dṅos po (4) med par ston par ’gyur ro ||
’jam dpal gźan yaṅ tiṅ ṅe ’dzin ’di thob pa’i byaṅ chub sems dpa’ sems dpa’ chen po myur du byaṅ chub kyi phyogs kyi chos rnams yoṅs su rdzogs nas myur ba ñid du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ (5) rgya bar ’gyur ro ||
’jam dpal gźan yaṅ byaṅ chub sems dpa’ sems dpa’ chen pos gaṅ gi tshe bdag gi dbyiṅs nas chos kyi dbyiṅs kyi bar du skye ba daṅ | ’gag pa daṅ | gcig kho na daṅ | tha dad pa kho nar yaṅ mi mthoṅ na ’jam dpal de lta bu’i bzod pa can gyi byaṅ chub (6) sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rigs kyi bu gaṅ bla na med pa yaṅ dag par rdzogs pa’i byaṅ chub la mi sems pa daṅ | rnam par mi rtog pa de’i bzod pa ’di yaṅ byaṅ chub sems (7) dpa’i chos rnams daṅ | saṅs rgyas kyi chos rnams thob par ’gyur ba’o ||
gaṅ yaṅ saṅs rgyas ñid kyi phyir byaṅ chub tu mi smon pa de lta bu’i bzod pa ’di yaṅ rigs kyi bu de bla na med pa yaṅ dag par rdzogs pa’i byaṅ chub tu myur bar ’gyur bar ṅas bśad do ||
chos thams cad (170a1) ni saṅs rgyas kyi chos so źes su de ltar mos śiṅ źum par mi ’gyur pa | de bla na med pa yaṅ dag par rdzogs pa’i byaṅ chub las phyir mi ldog par ṅas bśad de | de ni saṅs rgyas kyi chos thams cad daṅ ma bral bar brjod par bya’o ||
rigs kyi bu’am rigs kyi bu mo gaṅ (2) gis bstan pa ’di thos nas rmoṅs par mi ’gyur ba daṅ | som ñi za bar mi ’gyur ba de yaṅ saṅs rgyas kyi chos thams cad daṅ mi ’bral bar brjod par bya’o ||
de skad ces bka’ stsal pa daṅ | bcom ldan ’das la ’jam dpal gźon nur gyur pas ’di skad ces gsol to ||
(3) bcom ldan ’das bla na med pa yaṅ dag par rdzogs pa’i byaṅ chub rgyu las ṅes par byuṅ ba lags sam | bcom ldan ’das kyis bka’ stsal pa | ’jam dpal de ni ma yin te | bla na med pa yaṅ dag par rdzogs pa’i byaṅ chub ni rgyu ma yin źiṅ rgyu las ṅes par byuṅ ba yaṅ ma yin (4) no ||
de ci’i phyir źe na | skye ba med pa daṅ | dṅos po med pa ni rgyu yaṅ ma yin la | rgyu las ṅes par byuṅ ba yaṅ ma yin pa’i phyir ro ||
de ci’i phyir źe na | chos thams cad ma skyes pa’i phyir ro ||
’jam dpal de lta bas na rigs kyi bu’am rigs kyi bu mo gaṅ gis bstan pa ’di thos nas (5) nur bar mi ’gyur ba de yaṅ bla na med pa yaṅ dag par rdzogs pa’i byaṅ chub las phyir mi ldog par ṅas bśad do ||
’jam dpal de lta bas na dge sloṅ ṅam | dge sloṅ ma’am | dge bsñen nam | dge bsñen ma gaṅ dag śes rab kyi pha rol tu phyin pa zab mo ’di la źum par mi ’gyur ba (6) nas nur ba’i bar du mi ’gyur ba de dag ni ṅa la skyabs su doṅ ba’o ||
de dag ṅa’i rjes su rab tu byuṅ ba’o ||
de dag gi ston pa ni ṅa yin no ||
’jam dpal rigs kyi bu’am | rigs kyi bu mo gaṅ śes rab kyi pha rol tu phyin pa zab mo ’di la mi slob pa de byaṅ chub sems dpa’i bslab pa la mi (7) slob pa’o ||
’jam dpal ’di lta ste dper na ’byuṅ ba’i tshogs daṅ | sa bon gyi tshogs daṅ | rtswa daṅ | śiṅ gel pa daṅ | sman daṅ | nags tshal gaṅ ci yod pa de dag thams cad ni sa chen po la brten nas skye’o ||
’jam dpal de bźin du byaṅ chub sems dpa’ sems dpa’ chen po rnams (170b1) kyi dge ba’i chos gaṅ ci yaṅ ruṅ ba de dag thams cad śes rab kyi pha rol tu phyin pas yoṅs su zin na ’phel źiṅ rgyas pa daṅ yaṅs par ’gyur te | bla na med pa yaṅ dag par rdzogs pa’i byaṅ chub tu slu bar mi byed do ||
de skad ces bka’ stsal pa daṅ | bcom ldan ’das la ’jam dpal gźon nur gyur pas (2) ’di skad ces gsol to ||
bcom ldan ’das bcom ldan ’das kyi śes rab kyi pha rol tu phyin pa bstan pa bśad pa gaṅ lags pa’i śes rab kyi pha rol tu phyin pa bstan pa ’di ’dzam bu’i gliṅ ’dir groṅ ṅam | groṅ khyer ram | yul lam | ljoṅs dag tu gaṅ la la dag ’dzin par ’gyur ba nas ston (3) pa’i bar du ’gyur ba mchis sam de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dpal gaṅ dag gis śes rab kyi pha rol tu phyin pa bstan pa ’di da ltar gyi tshe la thos nas | bdag tshe ’di brjes nas kyaṅ śes rab kyi pha (4) rol tu phyin pa bstan pa ’di mñan to źes smon lam btab pa de dag ni mñan pa nas rgya cher mi bsgom pa’i tshul gyis sgom par byed pa’i bar du ’gyur ro ||
’jam dpal gaṅ dag śes rab kyi pha rol tu phyin pa zab mo ’di thos te thos nas kyaṅ dga’ ba daṅ | mgu ba yaṅs pa ’thob pa de dag ni dge ba’i (5) rtsa ba chuṅ bar da mi ’chad do ||
’jam dpal gaṅ źig śes rab kyi pha rol tu phyin pa bstan pa ’di la ñan ’dod par gyur na de la ’di skad ces rigs kyi bu khyod de mñan pas ci źig bya | thos nas ma dad ciṅ phyir nur ta re | de ci’i phyir źe na | ’di la chos gaṅ yaṅ yoṅs su ’grub par ma bstan te | so so’i skye (6) bo’i chos rnams skye ba’am | ’jig par yaṅ ma bstan | slob pa’i chos rnams daṅ | mi slob pa’i chos rnams daṅ | raṅ saṅs rgyas kyi chos rnams daṅ | saṅs rgyas kyi chos rnams kyaṅ skye ba’am | ’jig pa’am | ’thob par ma bstan pa’i phyir ro źes brjod par bya’o ||
de skad ces bka’ stsal pa daṅ | (7) bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das dge sloṅ ṅam | dge sloṅ ma’am | dge bsñen nam | dge bsñen ma gaṅ la la bdag la ’di skad du deṅ de bźin gśegs pa’i chos kyi gtam mdzad pa de gaṅ yin źes mchin | bcom ldan (171a1) ’das de skad ’dri ba de la bdag gis ’di skad du thams cad daṅ mi ’gal ba’i gtam mo źes brjod par bgyi’o ||
de ci’i slad du źe na | bcom ldan ’das gaṅ skye ba ma mchis pa daṅ | ’gag pa ma mchis pa’i chos de gaṅ yaṅ ma mchis te | bka’ mchid de ni sems can gaṅ gis kyaṅ (2) ’tshal bar sla ba ma lags so ||
de ci’i slad du źe na | ’di ltar sems can gaṅ yaṅ dmigs su ma mchis pa’i slad du’o ||
bcom ldan ’das gźan yaṅ bdag gis de la ’di skad du mi skye ba źes bya ba’i chos de bstan par gyur to źes brjod par bgyi’o ||
de ci’i slad du źe na | bcom ldan ’das ’di (3) ltar chos thams cad ni skye ba ma mchis par mñam pa’i slad du’o ||
bka’ mchid der ni ji ltar dgra bcom pa’i chos rnams kyis so so’i skye bo’i chos de dag rnam par bśig pa ma lags pa | dgra bcom pa rnams kyi goṅ ma rtogs pa ma bstan to ||
bcom ldan ’das gźan yaṅ de la bdag gis ’di skad (4) du chos bstan pa ’di la sems can gaṅ yaṅ mya ṅan las ’das pa daṅ | mya ṅan las ’da’ ba daṅ | mya ṅan las ’da’ bar ’gyur ba med do źes brjod par bgyi’o ||
de ci’i slad du źe na | bcom ldan ’das ’di ltar sems can śin tu mi dmigs pa’i slad du ste | bcom ldan ’das de skad ’dri na (5) bdag gis de skad ces bgyi’o ||
bcom ldan ’das gźan yaṅ bdag las śes rab kyi pha rol tu phyin pa zab mo ’di ñan par ’tshal te | deṅ khyod bcom ldan ’das daṅ gtam ci źig byas źes ’dri na | de la bdag gis ’di skad du | gal te khyed ñan par ’dod na de mñan to sñam du yid ma gtod cig | (6) mñan to sñam du sems ma skyed cig | kye skyes bu sgyu ma’i sgyes bu’i śes rab ci ’dra ba de lta bu’i śes rab skyed cig daṅ | de lta bus chos bstan pa ’di śes par nus so ||
kye skyes bu gal te khyod kyis chos bstan pa ’di mñan par ’dod na | de’i phyir ’di ltar ’di lta ste dper na (7) nam mkha’ la bya’i rjes lta bur gnas par gyis śig daṅ | de lta bus chos bstan pa ’di mñan par nus so ||
kye skyes bu gal te khyod kyis chos bstan pa ’di mñan par ’dod na de’i phyir gñis la ma dmigs śig | mi gñis pa la yaṅ ma dmigs śig | de ci’i phyir (171b1) źe na | ’di la gñis su brjod par bya ba yoṅs su brjod pa’am | mi gñis par brjod par bya ba gaṅ yaṅ med pa’i phyir ro ||
gal te chos bstan pa ’di mñan par ’dod na bdag tu ’du śes rnams kyaṅ ma gźig śig | lta bar gyur pa rnams las kyaṅ ma ’da’ śig | saṅs (2) rgyas kyi chos rnams la yaṅ lhag par ma dmigs śig | so so’i skye bo’i chos rnams las kyaṅ ma bskyod cig ces brjod par bgyi’o ||
bcom ldan ’das gaṅ źig bdag las ñan par ’tshal te ’dri na de la bdag gis de skad brjod par bya’o ||
de skad rjes su bstan par bgyi’o ||
(3) de ltar ’di la gźag par bgyi’o ||
gal te ’dri ba’i rigs kyi bu’am | rigs kyi bu mo de ltar gnas śiṅ de ltar bźugs na spobs pa’i phyag rgya ’di la gnas pa de la slad kyis śes rab kyi pha rol tu phyin pa ma skyes pa daṅ | dṅos po ma mchis pa daṅ | ma byuṅ ba’i bar ’di bstan par (4) bgyi’o ||
de skad ces gsol pa daṅ | bcom ldan ’das kyis ’jam dpal gźon nur gyur pa la ’di skad ces bka’ stsal to ||
’jam dal legs so legs so ||
’jam dpal khyod kyis tshig ’di legs par smras pa legs so ||
rigs kyi bu mo de (5) la yaṅ phyis ’di skad gyis śig | de bźin gśegs pa la blta bar ’dod na śes rab kyi pha rol tu phyin pa ’di ñid la mi bsgom pa’i tshul gyis bsgom par bya’o ||
de bźin gśegs pa la bsñen bkur bya bar ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa (6) ’di ñid la mi dmigs pa’i tshul gyis bslab par bya’o ||
de bźin gśegs pa ni bdag gi ston pa’o źes smra bar ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la mi dmigs pa’i tshul gyis bslab par bya’o ||
bla na med pa yaṅ dag par (7) rdzogs pa’i byaṅ chub mṅon par rdzogs par ’tshaṅ rgya bar ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la mṅon par ’du bya ba med pa’i tshul gyis bslab par bya’o ||
tiṅ ṅe ’dzin thams cad la mkhas par bsgrub par ’dod pa’i rigs kyi (172a1) bu’am | rigs kyi bu mos kyaṅ śes rab kyi pa rol tu phyin pa ’di ñid la mi dmigs pa’i tshul gyis bslab par bya’o ||
tiṅ ṅe ’dzin thams cad la sñoms par ’jug par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la mi (2) dmigs pa’i tshul gyis bslab par bya’o ||
de ci’i phyir źe na | tiṅ ṅe ’dzin de dag byas pa ma yin pa’i phyir ro ||
rnam pa thams cad kyi mchog daṅ ldan pa’i thams cad mkhyen pa’i ye śes kyi bar du bsgrub phar ’dod pa’i rigs kyi bu’am | rigs kyi bu mos kyaṅ śes rab kyi pha (3) rol tu phyin pa ’di ñid la dṅos po med pa’i tshul gyis bslab par bya’o ||
de ci’i phyir źe na | ’di ltar rnam pa thams cad kyi mchog daṅ ldan pa’i thams cad mkhyen pa’i ye śes kyi bar du byas pa ma yin pa daṅ | ma skyes pa daṅ | dṅos po med pa’i phyir ro ||
chos thams cad ni ṅes par (4) ’byuṅ ba daṅ bcas pa ste | gaṅ ṅes par mi ’byuṅ ba’i chos de gaṅ yaṅ med do źes de ltar śes par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la dṅos po med pa’i bar gyi chul gyis bslab par bya’o ||
chos thams cad ni ṅes par mi (5) ’byuṅ ba ste | gaṅ ṅes par ’byuṅ ba daṅ bcas pa’i chos de gaṅ yaṅ med do ||
de ci’i phyir źe na | chos thams cad ma skyes pa’i phyir ro ||
chos de dag ni ji ltar brjod pa de ltar yod pa ma yin te | brjod du med pa ni yod pa ma yin źiṅ dmigs su med do źes de ltar śes par ’dod (6) pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la dṅos po med pa’i bar gyi tshul gyis bslab par bya’o ||
sems can thams cad ni byaṅ chub kyi phyir spyod pa ste | gaṅ byaṅ chub kyi phyir mi spyod pa’i sems can de gaṅ yaṅ med do źe na | yaṅ de la źum (7) pa med par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la dṅos po med pa’i bar gyi tshul kyis bslab par bya’o ||
de ci’i phyir źe na | ’di ltar chos thams cad ni byaṅ chub daṅ mñam pa’o ||
ji ltar chos thams cad byaṅ chub daṅ mñam pa daṅ | (172b1) byaṅ chub ji lta bar sems can thams cad kyaṅ de bźin no ||
sems can thams cad ci ’dra bar spyod pa de yaṅ de bźin no ||
med pa’i phyir spyod pa thams cad ni spyod pa med pa’o ||
de yaṅ byaṅ chub ste byaṅ chub gaṅ yin pa skye ba med pa’aṅ de yin ’byuṅ ba med pa yaṅ de yin te | de lta bu’i (2) chos ’di la źum pa med par ’dod pa’i rigs kyi bu’am | rigs kyi bu mos kyaṅ śes rab kyi pha rol tu phyin pa ’di ñid la dṅos po med pa daṅ | skye ba med pa’i bar gyi tshul gyis bslab par bya’o źes gyis śig | ’jam dpal gaṅ de bźin gśegs pa’i rnam par ’phrul pa nas de bźin (3) gśegs pa’i rnam par rol pa’i bar de dag kyaṅ śes rab kyi pha rol tu phyin pa ’di ñid las bstan to ||
de ci’i phyir źe na | de ni bstan du med pa ste | śes rab kyi pha rol tu phyin pa ni mi ston pa’i phyir ro ||
’jam dpal dge sloṅ ṅam | dge sloṅ ma’am | dge bsñen nam | dge (4) bsñen ma gaṅ dag śes rab kyi pha rol tu phyin pa ’di las tshig bźi pa’i tshigs su bcad pa tsam yaṅ ’dzin pa daṅ | kun chub par byed pa daṅ | ’chaṅ ba daṅ | klog pa nas yaṅ dag par ston pa’i bar du byed pa de dag kyaṅ phyir mi ldog par ṅa ’chad na | gaṅ dag de bźin ñid du (5) sgrub pa lta ci smos te | rigs kyi bu’am | rigs kyi bu mo de dag ni byaṅ chub tu ṅes par rig par bya’o ||
gaṅ dag śes rab kyi pha rol tu phyin pa zab mo ma skyes pa daṅ | dṅos po med pa daṅ | ’byuṅ ba med pa’i bar ’di thos nas | mi skrag mi dṅaṅ dṅaṅ bar mi ’gyur ba dag (6) ni saṅs rgyas kyi yul la gnas pa’o ||
goṅ du yaṅ mos par byed na | de dag ni saṅs rgyas kyi chos thams cad la ṅes par ’gyur ro ||
’jam dpal ṅas saṅs rgyas kyis gnaṅ ba de bźin gśegs pas rnam par mkhyen pa | dgra bcom pa thams cad kyis yaṅ dag par mnos (7) pa’i rgya ’di gźag par bya ste | rgya ’di ni mñam pa ñid du rtogs pa rnams la gźag go ||
’di ni saṅs rgyas kyi chos thams cad kyi bar du yaṅ chags pa med pa yoṅs su ston pa’o ||
’jam dpal byaṅ chub sems dpa’i theg pa pa’i rigs kyi bu’am | rigs kyi bu mo (173a1) rgya ’dis btab pa ni ṅan soṅ du ’gro ba’i skal ba can ma yin no ||
ñan thos daṅ | raṅ saṅs rgyas kyi sar ’gro ba daṅ | ’jug pa’i skal ba can ma yin no ||
de nas de’i tshe lha’i dbaṅ po brgya byin daṅ | sum cu rtsa gsum pa’i lha’i bu rnams kyis lha’i tsan dan gyi phye ma (2) daṅ | lha’i gser gyi phye ma daṅ | lha’i me tog man d ra ba daṅ | man d ra ba chen po daṅ | lha’i spos daṅ | lha’i ud pa la daṅ | ku mu da daṅ | pad ma dkar po daṅ | lha’i rol mo’i sgra dag gis śes rab kyi pha rol tu phyin pa ’di la yaṅ mchod ciṅ bcom ldan ’das daṅ ’jam dpal (3) gźon nur gyur pa la yaṅ gtor | mṅon par gtor nas ’di skad ces dge ba’i rtsa ba ’dis gaṅ dag phyag rgya ’dis btab pa de dag gis bla na med pa’i chos rin po che ’di mchod pa daṅ | phyi phyir źiṅ thos par gyur cig ces smras so ||
lha’i dbaṅ po brgya byin gyis kyaṅ tshig ’di skad (4) ces smras so ||
bcom ldan ’das bdag gis kyaṅ ma byuṅ ba daṅ | ma skyes pa’i bar gyi śes rab kyi pha rol tu phyin pa zab mo ’di ’dzam bu’i gliṅ ’dir spyod par ’gyur ba daṅ | rigs kyi bu’am | rigs kyi bu mo de ’dra ba de dag gi rna lam du grag par ’gyur ba nas de dag ñid saṅs rgyas (5) kyi chos thams cad yoṅs su bsgrub par ’gyur bar bgyi ba’i bar gyi slad du brtson par bgyi’o ||
bcom ldan ’das śes rab kyi pha rol tu phyin pa bstan pa ’di rigs kyi bu’am | rigs kyi bu mo dag gi rna lam du tshegs chuṅ ṅus grag la | thos nas kyaṅ mos pa daṅ | mos nas kyaṅ (6) ’dzin pa daṅ | kun chub par bgyid pa daṅ | ’chaṅ ba’i bar du bgyid pa’i rigs kyi bu’am | rigs kyi bu mo de dag gis bdag cag gi ’di ni lhas bsgrubs pa’o źes the tshom ma mchis par ’tshal bar bgyi’o ||
de skad ces gsol ba daṅ | bcom ldan ’das kyis lha’i dbaṅ po (7) brgya byin la ’di skad ces bka’ stsal to ||
ko’u śi ka de de bźin no ||
rigs kyi bu’am rigs kyi bu mo de dag la saṅs rgyas kyi chos thams cad ’grub par blta’o ||
de dag bla na med pa yaṅ dag par rdzogs pa’i byaṅ chub tu yaṅ ṅes par śes par bya’o ||
de nas bcom ldan ’das (173b1) la ’jam dpal gźon nur gyur pas ’di skad ces gsol to ||
bcom ldan ’das rigs kyi bu ’am | rigs kyi bu mo de dag gi don du śes rab kyi pha rol tu phyin pa bstan pa ’di byin gyis brlab tu gsol | bde bar gśegs pa byin gyis brlab tu gsol | tshig ’di smras ma thag tu | (2) de’i tshe skad cig de ñid la saṅs rgyas kyi mthus sa chen po rnam pa drug tu g-yos par gyur to ||
sa chen po g-yos ma thag tu de nas de’i tshe bcom ldan ’das kyis ’dzum pa mdzad do ||
bcom ldan ’das kyis ’dzum pa mdzad ma thag tu de nas de’i tsho śes rab kyi pha rol tu phyin pa bstan (3) pa ’di la de bźin gśegs pas byin gyis rlob pa na stoṅ gsum gyi stoṅ chen po’i ’jig rten gyi khams ’di snaṅ ba chen pos khyab par gyur to ||
de nas bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das ’di ni de bźin gśegs pas (4) śes rab kyi pha rol tu phyin pa bstan pa ’di byin gyis brlabs pa’i sṅa ltas lags so ||
bcom ldan ’das kyis bka’ stsal pa | ’jam dpal de de bźin no ||
’jam dpal ’di dag ni śes rab kyi pha rol tu phyin pa bstan pa ’di byin gyis brlabs pa’i sṅa ltas rnams te | ltas ’di dag (5) gis śes rab kyi pha rol tu phyin pa bstan pa ’di byin gyis brlabs par śes par bya’o ||
’jam dpal gaṅ dag chos gaṅ yaṅ mi spoṅ źiṅ mi zlog la bsṅags par yaṅ mi byed pa de daṅ de dag ni phyag rgya ’dis btab par śes par bya’o ||
de ci’i phyir źe na | ’jam dpal dmigs pa yod (6) na spoṅ bar byed pa daṅ | bsṅags par byed par ’gyur ba’i phyir ro ||
’jam dpal de lta bas na gaṅ dag rgya ’dis btab pa de dag gi ched du ṅas rgya ’di bźag ste | ’di ltar de dag gis thos nas kyaṅ chos gaṅ la yaṅ ston pa’am rnam par rtogs pa med do ||
de ci’i phyir źe na | ’jam (7) dpal chos thams cad don dam par ma skyes pa’i phyir ro ||
bcom ldan ’das kyis de skad ces bka’ stsal nas | ’jam dpal gźon nur gyur pa daṅ | byaṅ chub sems dpa’ sems dpa’ chen po de dag daṅ | ñan thos chen po de dag daṅ | lha daṅ | mi daṅ | lha ma yin daṅ | (174a1) dri zar bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do ||
