(146a3) || rgya gar skad du | ārya svalpākṣarapradzñāpāramitā nāma mahāyānasūtra | bod skad du | ’phags pa śes rab kyi pha rol tu phyin pa yi ge ñuṅ ṅu źes bya ba theg pa chen po’i mdo | saṅs rgyas daṅ | (4) byaṅ chub sems dpa’ thams cad la phyag ’tsala lo ||
’di skad bdag gis thos pa dus gcig na | bcom ldan ’das rgyal po’i khab na bya rgod phuṅ po’i ri la dge sloṅ khri ñis stoṅ lṅa brgya’i dge sloṅ gi dge ’dun chen po daṅ | byaṅ chub sems dpa’ bye ba khrag khrig ’bum phrag du ma daṅ thabs cig tu (5) bźugs te | brgya byin daṅ | tshaṅs pa daṅ | ’jig rten skyoṅ ba la sogs pa lha bye ba khrag khrig ’bum gyis yoṅs su bskor ciṅ mdun gyis bltas te | dpal gyi sñiṅ po’i seṅ ge’i khri la bźugs so ||
de nas byaṅ chub sems dpa’ sems dpa’ chen po ’phags pa spyan ras gzigs dbaṅ phyug (6) stan las laṅs te | bla gos phrag pa gcig tu gzar nas pus mo g-yas pa’i lha ṅa sa la btsugs te | bcom ldan ’das ga la ba de logs su thal mo sbyar ba btud nas | ’dzum mul te | bcom ldan ’das la ’di skad ces gsol to ||
bcom ldan ’das śes rab kyi pha rol tu phyin pa yi ge ñuṅ (7) ṅu la bsod nams che ba | gaṅ thos pa tsam gyis sems can thams cad kyi las kyi sgrib pa thams cad byaṅ bar ’gyur ba daṅ | byaṅ chub la ṅes par gźol bar ’gyur ba daṅ | gaṅ dag sṅags sgrub par brtson pa de dag bgegs ma mchis par gsaṅ sṅags ’grub par ’gyur ba bśad du gsol ||
(146b1) de nas bcom ldan ’das kyis byaṅ chub sems dpa’ sems dpa’ chen po ’phags pa spyan ras gzigs dbaṅ phyug la legs so źes bya ba byin te | rigs kyi bu khyod yun riṅ por sems can thams cad la phan pa’i phyir brtson pa legs so legs so ||
de’i phyir rigs kyi bu legs par rab tu ñon la (2) yid la zuṅ śig daṅ | śes rab kyi pha rol tu phyin pa yi ge ñuṅ ṅu la bsod nams che ba gaṅ thos pa tsam gyis sems can thams cad kyi las kyi sgrib pa thams cad byaṅ bar ’gyur ba daṅ | byaṅ chub la ṅes par gźol bar ’gyur ba daṅ | gaṅ dag gsaṅ sṅags sgrub par brtson pa de dag bgegs (3) med par sṅags ’grub par ’gyur ba ṅas khyod la bśad do ||
de nas byaṅ chub sems dpa’ sems dpa’ chen po ’phags pa spyan ras gzigs dbaṅ phyug gis bcom ldan ’das la ’di skad ces gsol to ||
sems can thams cad la sman pa’i slad du bśad du gsol | de nas bcom (4) ldan ’das kyis de’i tshe sems can thams cad dgrol ba źes bya ba’i tiṅ ṅe ’dzin la sñoms par źugs so ||
mñam par bźag pa des smin mtshams kyi mdzod spu’i phrag nas ’od zer ’bum phrag du ma byuṅ ste | ’od zer de dag gis saṅs rgyas kyi źiṅ thams cad khyab par gyur to ||
sems can (5) gaṅ dag ’od zer des reg pa sems can dmyal ba pa yan chad sems can de dag thams cad bla na med pa yaṅ dag par rdzogs pa’i byaṅ chub tu ṅes par gyur to ||
saṅs rgyas kyi źiṅ thams cad kyaṅ rnam pa drug tu g-yos so ||
de bźin gśegs pa’i źabs kyi druṅ du lha’i tsan dan gyi phye (6) ma’i char yaṅ phab po ||
de nas bcom ldan ’das kyis de’i tshe śes rab kyi pha rol tu phyin pa gsuṅs pa ’di lta ste | byaṅ chub sems dpas mñam pa’i sems daṅ byams pa’i sems daṅ byas pa gzob daṅ | sdig pa thams cad daṅ bral ba’i sems su bya’o ||
śes rab kyi pha rol tu phyin pa’i sñiṅ (7) po ’di yaṅ gdon par bya’o ||
de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa la phyag ’tshal lo ||
tadya th | om mu ne mu ne ma h mu na ye sw h | ṅas śes rab kyi pha rol tu phyin pa ’di rñed pas bla na med pa yaṅ dag par rdzogs pa’i byaṅ chub thob bo ||
(147a1) saṅs rgyas thams cad kyaṅ ’di las byuṅ ṅo ||
de bźin gśegs pa śkya thub pa chen po las khyod kyis ’di ñid thob pas de’i phyir byaṅ chub sems dpa’ sems dpa’ chen po rnams kyi mchog tu gyur to ||
khyod de bźin gśegs pa dgra bcom pa yaṅ dag par rdzogs pa’i (2) saṅs rgyas ’od zer kun nas ’phags pa dpal brtsegs rgyal po źes bya bar ’gyur ro źes saṅs rgyas ñid du luṅ yaṅ bstan to ||
gaṅ dag khyod kyi miṅ ñan pa daṅ | ’dzin pa daṅ | klog pa daṅ | gźan dag la yaṅ rgya cher ston pa daṅ | glegs bam du bris nas mchod pa byed pa de dag (3) thams cad ma ’oṅs pa’i dus na de bźin gśegs par ’gyur ro ||
tadya th | dza ya dza ya | padm bhe | a ba me sa ra sa ra ni | dhi ri dhi ri | de ba t nu p la ne | buddha utta ra ni pu ra ya bha ga ba ti | sarb śa ma śa ma sarba sa tw n~m | sarba karm ba ra na bi śo dha ya | bud dha a dhi śth ne na sw h | (4) don dam par śes rab kyi pha rol tu phyin pa ’di ni saṅs rgyas thams cad bskyed pa | byaṅ chub sems dpa’i yum ’phral du sdig pa ’phrog pa | byaṅ chub sbyin par byed pa ste | ’di lta ste | bskal pa bye ba brgyar yaṅ saṅs rgyas thams cad kyis phan yon brjod par mi nus so ||
’di bklags (5) pas dkyil ’khor thams cad du dbaṅ bskur bar ’gyur ro ||
gsaṅ sṅags thams cad kyaṅ mṅon du ’gyur ro ||
de nas byaṅ chub sems dpa’ sems dpa’ chen po ’phags pa spyan ras gzigs dbaṅ phyug gis bcom ldan ’das la ’di skad ces gsol to ||
bcom ldan ’das ci’i (6) slad du ’di śes rab kyi pha rol tu phyin pa źes bgyi ||
bcom ldan ’das kyis bka’ stsal pa | thabs sla ba’i phyir te | sems can gaṅ dge spro ba chuṅ ba de dag śes rab kyi pha rol tu phyin pa ’dzin pa daṅ | klog pa daṅ | yi ger ’dri ba daṅ | yi ger ’drir ’jug pa de dag thams cad thabs sla (7) bas byaṅ chub la gźol bar ’gyur te | de’i phyir śes rab kyi pha rol tu phyin pa źes bya’o ||
de skad ces bka’ stsal pa daṅ | byaṅ chub sems dpa’ sems dpa’ chen po ’phags pa spyan ras gzigs dbaṅ phyug gis bcom ldan ’das la ’di skad ces gsol to ||
bcom ldan ’das (147b1) kyis ji tsam du sems can tams cad la sman pa daṅ | sems can bsod nams chuṅ ṅu rnams kyi don daṅ | sman pa daṅ | bde ba’i slad du chos kyi rnam graṅs ’di bka’ stsal pa | bcom ldan ’das ṅo mtshar to ||
bde bar gśegs pa ṅo mtshar to ||
bcom ldan ’das kyis de skad ces (2) bka’ stsal nas | byaṅ chub sems dpa’ sems dpa’ chen po ’phags pa spyan ras gzigs dbaṅ phyug daṅ | dge sloṅ de dag daṅ | byaṅ chub sems dpa’ de dag daṅ | lha daṅ | mi daṅ | lha ma yin daṅ | dri zar bcas pa’i ’jig rten yi raṅs te | bcom ldan ’das kyis gsuṅs (3) pa la mṅon par bstod do ||
