’di skad bdag gis thos pa dus gcig na | bcom ldan ’das rgyal po’i khab na bya rgod kyi phuṅ po’i ril dge sloṅ gi dge ’dun chen po daṅ | byaṅ chub sems dpa’i dge ’dun chen po daṅ thabs cig tu | (140a1) bźugs te | brgya byin daṅ | tshaṅs pa daṅ | ’jig rten skyoṅ ba daṅ | lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po daṅ | dge sloṅ daṅ | dge sloṅ ma daṅ | dge (2) bsñen daṅ | dge bsñen ma du ma dag daṅ yaṅ thabs cig go || de nas bcom ldan ’das kyis tshe daṅ ldan pa rab ’byor la bka’ stsal pa | rab ’byor gaṅ la la źig ñan thos kyi sa la slob par ’dod pa daṅ | raṅ saṅs rgyas kyi sa la slob par ’dod pas śes rab kyi pha rol tu (3) phyin pa ’di ñid mñan par bya | gzuṅ bar bya | bcaṅ bar bya | bklag par bya | kun chub par bya’o || byaṅ chub sems dpa’ thabs la mkhas pa daṅ ldan pas saṅs rgyas daṅ | byaṅ chub sems dpa’i chos thams cad yaṅ dag par bsgrub pa’i phyir śes rab kyi pha (4) rol tu phyin pa ’di ñid la mṅon par brtson par bya’o || de ci’i phyir źe na | rab ’byor ’di ltar byaṅ chub sems dpa’ sems dpa’ chen pos gaṅ la bslab par bya ba daṅ | rnal ’byor du bya ba saṅs rgyas daṅ | byaṅ chub sems dpa’i chos thams cad śes rab kyi pha rol (5) tu phyin pa ’di ñid du rgya cher bstan pa’i phyir ro || bla na med pa yaṅ dag par rdzogs pa’i byaṅ chub la slob par ’dod pas kyaṅ śes rab kyi pha rol tu phyin pa ’di ñid mñan par bya | gzuṅ bar bya | bcaṅ bar bya | bklag par bya | kun chub par bya’o || byaṅ chub sems (6) dpa’ thabs la mkhas pa daṅ ldan pas saṅs rgyas daṅ | byaṅ chub sems dpa’i chos thams cad yaṅ dag par bsgrub pa’i phyir śes rab kyi pha rol tu phyin pa ’di ñid la mṅon par brtson par bya’o || de ci’i phyir źe na | rab ’byor ’di ltar byaṅ chub sems dpa’ sems dpa’ (7) chen pos gaṅ la bslab par bya ba daṅ | rnal ’byor du bya ba saṅs rgyas daṅ | byaṅ chub sems dpa’i chos thams cad śes rab kyi pha rol tu phyin pa ’di ñid du rgya cher bstan pa’i phyir ro || rab ’byor dge ba’i chos byaṅ chub kyi phyogs rnams daṅ | ñan thos kyi chos rnams (140b1) daṅ raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams gaṅ dag yin pa de dag thams cad ni śes rab kyi pha rol tu phyin pa’i naṅ du chud ciṅ ’dus te ’ub la yaṅ dag par gźol ba yin no || rab ’byor gyis gsol pa | (2) bcom ldan ’das śes rab kyi pha rol tu phyin pa la bslab par bya | rnal ’byor du bya ste | ñan thos kyi sa la slob par ’dod pa daṅ | raṅ saṅs rgyas kyi sa la slob par ’dod pas śes rab kyi pha rol tu phyin pa ’di ñid daṅ | saṅs rgyas kyi chos rnams daṅ | byaṅ chub sems (3) dpa’i chos rnams kyaṅ mñan par bya | gzuṅ bar bya | bcad par bya | bklag par bya | kun chub par bya’o || dge ba’i chos byaṅ chub kyi chos rnams daṅ | ñan thos kyi chos rnams daṅ | raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs (4) rgyas kyi chos rnams gaṅ dag yin pa rnams śes rab kyi pha rol tu phyin pa’i naṅ du chud ciṅ ’dus te ’bul yaṅ dag par gźol ba yin no źes bgyi ba de dag gaṅ lags | bcom ldan ’das kyis bka’ stsal pa | rab ’byor ’di lta ste sbyin pa’i pha rol tu phyin pa daṅ | tshul (5) khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid (6) daṅ | chen po stoṅ pa ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ pa ñid daṅ | mtha’ las ’das pa stoṅ pa ñid daṅ | thog ma daṅ tha ma med pa stoṅ pa ñid daṅ | dor ba med pa stoṅ pa ñid daṅ | raṅ bźin stoṅ pa ñid daṅ | chos thams cad (7) stoṅ pa ñid daṅ | raṅ gi mtshan ñid stoṅ pa ñid daṅ | mi dmigs pa stoṅ pa ñid daṅ | dṅos po med pa stoṅ pa ñid daṅ | ṅo bo ñid stoṅ pa ñid daṅ | dṅos po med pa’i ṅo bo ñid stoṅ pa ñid daṅ | dran pa ñe bar gźag pa bźi daṅ | yaṅ dag pa’i spoṅ ba bźi daṅ | rdzu ’phrul (141a1) gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad daṅ | ’phags pa’i bden pa bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | rnam par (2) thar pa brgyad daṅ | mthar gyis gnas pa’i sñoms par ’jug pa dgu daṅ | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa daṅ | mṅon par śes pa rnams daṅ | tiṅ ṅe ’dzin rnams daṅ | gzuṅs kyi sgo rnams daṅ | de bźin (3) gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad daṅ | rgyun tu źugs pa’i ’bras bu daṅ | lan cig phyir ’oṅ ba’i ’bras bu daṅ (4) phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub ñid daṅ | thams cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid daṅ | rab ’byor de dag ni dge ba’i chos byaṅ chub kyi phyogs rnams daṅ | ñan thos kyi chos (5) rnams daṅ | raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams gaṅ dag yin pa rnams śes rab kyi pha rol tu phyin pa’i naṅ du chud ciṅ ’dus te ’bul la yaṅ dag par gźol ba rnams yin no || rab ’byor gyis gsol pa | (6) bcom ldan ’das ’di ltar dge ba’i chos byaṅ chub kyi phyogs rnams daṅ | ñan thos kyi chos rnams daṅ | raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams gaṅ dag lags pa de dag śes rab kyi pha rol tu phyin pa’i (7) naṅ du chud ciṅ ’dus te ’ub la yaṅ dag par gźol ba ni bcom ldan ’das kye ma a la la śes rab kyi pha rol tu phyin pa ’di zab pa lags so || bcom ldan ’das kyis bka’ stsal pa | rab ’byor śes rab kyi pha rol tu phyin pa śin tu dben pa’i phyir ro || rab ’byor gyis (141b1) gsol pa | bcom ldan ’das kye ma a la la śes rab kyi pha rol tu phyin pa ’di ni gtiṅ dpag dka’ ba lags so || bcom ldan ’das kyis bka’ stsal pa | rab ’byor śes rab kyi pha rol tu phyin pa śin tu rnam par dag pa’i phyir ro || rab ’byor gyis gsol pa | bcom (2) ldan ’das kye ma a la la | a la la | śes rab kyi pha rol tu phyin pa ’di nam mkha’ daṅ mtshuṅs pa lags so | bcom ldan ’das kyis bka’ stsal pa | rab ’byor śes rab kyi pha rol tu phyin pa śin tu rnam par dag pa’i phyir te | rab ’byor de bas na śes rab kyi pha (3) rol tu phyin pa ni nam mkha’ lta bu yin no || rab ’byor gyis gsol pa | bcom ldan ’das kye ma a la la | a la la | śes rab kyi pha rol tu phyin pa ’di ni mi brtson pas rtogs par dka’ ba lags so || bcom ldan ’das kyis bka’ stsal pa | rab ’byor de de bźin te | (4) de de bźin no || ji skad smras pa bźin te | śes rab kyi pha rol tu phyin pa ni mṅon par mi brtson pa daṅ | dge ba’i rtsa ba chuṅ ba daṅ | yid mi gźuṅs pa daṅ | don du mi gñer ba daṅ | thos pa daṅ mi ldan pa daṅ | śes rab chuṅ ba daṅ | sdig pa’i grogs pos zin (5) pa daṅ | sdig pa’i grogs po daṅ ’dre ba maṅ ba daṅ | sdig pa’i grogs pos ’dzin du bcug pa daṅ | dad pa tsam daṅ ldan pa daṅ | las daṅ po pa daṅ skal ba med pa’i tshul can daṅ | yoṅs su mi ’dri ba’i raṅ bźin can daṅ | śes rab ’chal par ’gyur bar byas pa (6) daṅ | le lo can daṅ | brtson ’grus chuṅ ba daṅ | sñiṅ stobs chuṅ ba daṅ | mos pa chuṅ ba daṅ | dge ba’i chos de dge la mṅon par mi brtson pas mos par dka’ ba ste | rab ’byor de lta bas na śes rab kyi pha rol tu phyin pa ni mos par dka’ ba źes bya’o || rab ’byor (7) gźan yaṅ rigs kyi bu’am | rigs kyi bu mo gaṅ la la źig śes rab kyi pha rol tu phyin pa zab mo ’di ñan tam | ’dzin tam | ’chaṅ ṅam | klog gam | kun chub par byed dam | gźan dag la yaṅ rgya cher yaṅ dag par ston na des ’das pa daṅ | ma byon pa daṅ | (142a1) da ltar byuṅ ba’i saṅs rgyas bcom ldan ’das rnams kyi byaṅ chub bzuṅ ba yin no || rab ’byor de lta bas na rid sa kyi bu’am | rigs kyi bu mo gaṅ lhag pa’i bsam pa phun sum tshogs pa myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ (2) rgya bar ’dod pas rgyun mi ’chad par śes rab kyi pha rol tu phyin pa mñan par bya | gzuṅ bar bya | bcaṅ bar bya | bklag par bya | kun chub par bya ste | des na myur du bla na med pa yaṅ dag par rdzogs pa’i byaṅ chub mṅon par ’tshaṅ rgya bar ’gyur ro || bcom ldan ’das kyis (3) de skad ces bka’ stsal nas | tshe daṅ ldan pa rab ’byor daṅ | dge sloṅ de dag daṅ | byaṅ chub sems dpa’ de dag daṅ | lha daṅ | mi daṅ | lha ma yin daṅ | dri zar bcas pa’i ’jig rten yi raṅs te | bcom ldan ’das kyis gsuṅs pa la mṅon par (4) bstod do || ||
