’di skad bdag gis thos pa (2) dus gcig na | bcom ldan ’das rgyal po’i khab na | bya rgod kyi phuṅ po’i ri la dge sloṅ gi dge ’dun chen po daṅ | byaṅ chub sems dpa’i tshogs chen po daṅ thabs cig tu bźugs te | de nas bcom ldan ’das kyis tshe daṅ ldan pa rab ’byor (3) la bka’ stsal pa | rab ’byor gzugs ni dṅos po med pa | dṅos po ṅan pa | dṅos po yod pa’o ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa ni dṅos po med pa | dṅos po ṅan pa | dṅos po yod (4) pa’o ||
rab ’byor mig daṅ | gzugs rnams daṅ | mig gi rnam par śes pa daṅ | rna ba daṅ | sgra rnams daṅ | rna ba’i rnam par śes pa daṅ | sna daṅ | dri rnams daṅ | sna’i rnam par śes pa daṅ | lce daṅ | ro rnams daṅ | lce’i rnam (5) par śes pa daṅ | lus daṅ | reg bya rnams daṅ | lus kyi rnam par śes pa daṅ | yid daṅ | chos rnams daṅ | yid kyi rnam par śes pa ni dṅos po med pa | dṅos po ṅan pa | dṅos po yod pa’o ||
de ltar gzugs de le’u gsum du byis pa so (6) so’i skye bo rnams kyis yaṅ dag pa ji lta ba bźin du rab tu mi śes pas gzugs de la mṅon par źen to ||
de dag gzugs de la mṅon par źen ciṅ mṅon par sgrub ste | sgrib par byed pas ñan thos kyi (7) theg pa’am | raṅ saṅs rgyas kyi theg pas kyaṅ ṅes par ’byuṅ bar mi ’gyur na | theg pa chen pos lta smos kyaṅ ci dgos | de ltar mṅon par źen ciṅ mṅon par sgrub ste | sgrib par byed pas | ’di lta ste | sems can dmyal ba rnams daṅ | dud ’gro (104b1) daṅ | yi dgas rnams daṅ | lha rnams daṅ | mi rnams kyi naṅ du yun riṅ por rga śi myoṅ ṅo ||
rab ’byor de bźin du | tshor ba daṅ | ’du śes daṅ | ’du byed rnams daṅ | rnam par śes pa dṅos po med pa daṅ | dṅos po ṅan pa daṅ | dṅos (2) po yod pa daṅ | rab ’byor mig daṅ | gzugs rnams daṅ | mig gi rnam par śes pa daṅ | rna ba daṅ | sgra rnams daṅ | rna ba’i rnam par śes pa daṅ | sna daṅ | dri rnams daṅ | sna’i rnam par śes pa daṅ | lce daṅ | ro rnams daṅ | lce’i rnam (3) par śes pa daṅ | lus daṅ | reg bya rnams daṅ | lus kyi rnam par śes pa daṅ | yid daṅ | chos rnams daṅ | yid kyi rnam par śes pa dṅos po med pa daṅ | dṅos po ṅan pa daṅ | dṅos po yod pa de ltar yid kyi rnam par śes pa de le’u gsum du byis (4) pa so so’i skye bo rnams kyis yaṅ dag pa ji lta ba bźin du rab tu mi śes pas rnam par śes pa de la mṅon par źen to ||
de dag rnam par śes pa de la mṅon par źen ciṅ mṅon par sgrub ste | sgrib par byed pas ñan thos kyi (5) theg pa’am | raṅ saṅs rgyas kyi theg pas kyaṅ ṅes par ’byuṅ bar mi ’gyur na theg pa chen pos lta smos kyaṅ ci dgos | de ltar mṅon par źen ciṅ mṅon par sgrub ste | sgrib par byed pas ’di lta ste sems can dmyal ba rnams daṅ | dud ’gro daṅ | yi dgas (6) rnams daṅ | lha daṅ mi rnams kyi naṅ du yun riṅ por rga śi myoṅ ṅo ||
mkhas pa rnams kyis ni gzugs de de ltar le’u gsum du yaṅ dag par ji lta ba bźin du rab tu śes pas mṅon par źen par mi byed ciṅ mṅon par sgrub par mi byed kyi gsal bar byed do ||
mṅon par (7) źen par mi byed ciṅ mṅon par sgrub par mi byed kyi gsal bar byed pas theg pa chen pos kyaṅ ṅes par ’byuṅ bar ’gyur na ñan thos kyi theg pa’am | raṅ saṅs rgyas kyi theg pas lta smos kyaṅ ci dgos | de ltar mṅon par źen par mi byed ciṅ mṅon par sgrub par mi byed kyi gsal (105a1) bar byed pas ’di lta ste | sems can dmyal ba rnams daṅ | dud ’gro daṅ | yi dgas rnams daṅ | lha daṅ mi rnams kyi naṅ du rga śi myoṅ ba ma yin no ||
rab ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa daṅ | (2) mig daṅ | gzugs rnams daṅ | mig gi rnam par śes pa daṅ | rna ba daṅ | sgra rnams daṅ | rna ba’i rnam par śes pa daṅ | sna daṅ | dri rnams daṅ | sna’i rnam par śes pa daṅ | lce daṅ | ro rnams daṅ | lce’i rnam par śes pa daṅ | lus daṅ | reg bya (3) rnams daṅ | lus kyi rnam par śes pa rnams daṅ | yid daṅ | chos rnams daṅ | yid kyi rnam par śes pa le’u gsum du mkhas pa rnams kyis yaṅ dag pa ji lta ba bźin du rab tu śes pas mṅon par źen par mi byed ciṅ mṅon par sgrub par mi byed kyi gsal (4) bar byed do ||
mṅon par źen par mi byed ciṅ mṅon par sgrub par mi byed kyi gsal bar byed pas theg pa chen pos kyaṅ ṅes par ’byuṅ bar ’gyur na ñan thos kyi theg pa’am | raṅ saṅs rgyas kyi theg pas lta smos kyaṅ ci dgos | de ltar mṅon par źen par mi byed ciṅ mṅon (5) par sgrub par mi byed kyi gsal bar byed pas ’di lta ste | sems can dmyal ba rnams daṅ | dud ’gro daṅ | yi dgas rnams daṅ | lha daṅ mi rnams kyi naṅ du rga śi myoṅ ba ma yin no ||
rab ’byor gzugs ni skye ba’o ||
gzugs kyi skye ba gaṅ yin pa (6) de ni gzugs kyi skye ba med pa’o ||
gzugs kyi skye ba med pa gaṅ yin pa de ni gzugs kyi skye ba med pa’i raṅ bźin te | byaṅ chub sems dpa’ sems dpa’ chen po gzugs kyi skye ba med pa’i raṅ bźin de yaṅ dag pa ji lta ba bźin du rab tu śes pas gzugs kyi skye ba med pa (7) gaṅ yin pa de yaṅ dag par sgrub po ||
rab ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa ni skye ba’o ||
rnam par śes pa’i skye ba gaṅ yin pa de ni rnam par śes pa skye ba med pa’o ||
rnam par śes pa’i skye ba med pa gaṅ yin (105b1) pa de ni rnam par śes pa’i skye ba med pa’i raṅ bźin te | byaṅ chub sems dpa’ rnam par śes pa’i skye ba med pa’i raṅ bźin te | yaṅ dag pa ji lta ba bźin te | yaṅ dag pa ji lta ba bźin du rab tu śes pas rnam par śes pa’i skye ba med pa gaṅ yin pa de yaṅ dag par sgrub bo ||
(2) rab ’byor gaṅ la la źig gzugs ni bdag gam bdag gi’o źes de skad smra na de ni phyi rol byis pa so so’i skye bo’i phyogs la gnas pa ste | log par lta ba’o źes ṅa smra’o ||
rab ’byor gaṅ la la źig tshor ba daṅ | ’du śes daṅ | ’du byed rnams daṅ | rnam par śes pa bdag (3) gam bdag gi’o źes de skad smra na | de ni phyi rol byis pa so so’i skye bo’i phyogs la gnas pa ste | log par lta ba’o źes ṅa smra’o ||
rab ’byor gaṅ la la źig gzugs ni sṅon byas pa’i rgyu las byuṅ ba’o źe’am | dbaṅ phyug gis sprul pa’i rgyu las byuṅ ba’o źe’am | rgyu med rkyen (4) med pa’o źes de skad smra na de ni phyi rol byis pa so so’i skye bo’i phyogs la gnas pa ste | log par lta ba’o źes ṅa smra’o ||
rab ’byor gaṅ la la źig tshor ba daṅ | ’du śes daṅ | ’du byed rnams daṅ | rnam par śes pa ni sṅon byas pa’i rgyu las byuṅ ba’o źe’am | dbaṅ (5) phyug gis sprul pa’i rgyu las byuṅ ba’o źe’am | rgyu med rkyen med pa’o źes de skad smra na de ni phyi rol byis pa so so’i skye bo’i phyogs la gnas pa ste | log par lta ba’o ||
rab ’byor gaṅ yaṅ gzugs ni gzugs su yod pa’i mtshan ñid do ||
tshor ba (6) ni myoṅ ba’i mtshan ñid do ||
’du śes ni kun du śes pa’i mtshan ñid do ||
’du byed rnams ni mṅon par ’du byed pa’i mtshan ñid do ||
rnam par śes pa ni rnam par śes pa’i mtshan ñid do źes de skad smra na de ni phyi rol bas kyaṅ phyi rol so so’i skye bo’i phyogs la gnas pa ste | (7) log par lta ba’o źes ṅa smra’o ||
rab ’byor de gaṅ yaṅ gzugs ni sdug bsṅal ba ste | rab tu ma źi ba’o ||
gzugs ’gog pa ni bde ba daṅ źi ba’o źes de skad smra na de ni phyi rol bas kyaṅ phyi rol źes bya ba nas log par lta ba’i bar du’o źes ṅa smra’o ||
rab ’byor gaṅ yaṅ tshor ba (106a1) daṅ | ’du śes daṅ | ’du byed rnams daṅ | rnam par śes pa ni sdug bsṅal ba ste rab tu ma źi ba’o ||
rnam par śes pa ’gog pa ni bde ba daṅ | źi ba’o źes de skad sman de ni phyi rol bas kyaṅ phyi rol źes bya ba nas log par lta ba’i bar du’o źes ṅa (2) smra’o ||
rab ’byor gaṅ yaṅ gzugs ni med pa ñid do źes de skad sman de ni phyi rol bas kyaṅ phyi rol so so’i skye bo’i phyogs la gnas pa ste | log par lta ba’o źes ṅa smra’o ||
rab ’byor gaṅ yaṅ chod pa daṅ | ’du śes daṅ | ’du byed rnams daṅ | rnam par śes pa (3) ni med ba ñid do źes de skad smra na de ni phyi rol pas kyaṅ phyi rol so so’i skye bo’i phyogs la gnas pa ste | log par lta ba’o źes ṅa smra’o ||
rab ’byor gaṅ yaṅ bcom ldan ’das kyis gzugs raṅ bźin med pa daṅ | skye ba med pa daṅ | ’gag pa med pa daṅ | gdod ma nas (4) źi ba daṅ | raṅ bźin gyis yoṅs su mya ṅan las ’das bar bstan pa gaṅ yin pa’i bstan pa de thams cad ni ldem por dgoṅs ba ma yin pa dgoṅs pa ma yin pa ste | sgra ji bźin pa ñid du śes bar bya’o źes de skad smra na de ni phyi rol bas kyaṅ phyi rol so so’i skye ba’i phyogs (5) la gnas ba ste | log par lta ba’o źes ṅa smra’o ||
rab ’byor gaṅ yaṅ bcom ldan ’das kyis tshor ba daṅ | ’du śes daṅ | ’du byed rnams daṅ | rnam par śes pa raṅ bźin med pa daṅ | skye ba med pa daṅ | ’gag pa med pa daṅ | gdod ma nas źi ba daṅ | raṅ (6) bźin gyis yoṅs su mya ṅan las ’das par bstan pa gaṅ yin pa’i bstan pa de thams cad ni ldem por dgoṅs pa ma yin pa | dgoṅs pa ma yin pa ste | sgra ji bźin pa ñid du śes par bya’o źes de skad smra na de ni phyi rol pas kyaṅ phyi rol so so’i skye bo’i phyogs la gnas pa ste | (7) log par lta ba’o źes ṅa smra’o ||
rab ’byor gzugs ni yod de gaṅ gzugs la mṅon par źen pa daṅ | skye ba daṅ | bstan par ’gyur ba’o ||
gzugs ni yod de gaṅ gzugs la kun nas ñon moṅs pa daṅ | gnas pa daṅ | ’jug par ’gyur ba’o ||
gzugs ni yod (106b1) de | gaṅ gzugs la rnam par byaṅ ba daṅ | ’byor pa daṅ dbaṅ du ’gyur ba’o ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa ni yod de | gaṅ rnam par śes pa la mṅon par źen pa daṅ | skye ba daṅ | bstan par ’gyur ba’o ||
(2) rab ’byor tshor ba daṅ | ’du śes daṅ | ’du byed rnams daṅ | rnam par śes pa ni yod de | gaṅ rnam par śes pa la kun nas ñon moṅs pa daṅ | gnas pa daṅ | ’jug par ’gyur ba’o ||
tshor ba daṅ | ’du śes daṅ | ’du byed rnams daṅ | rnam par śes pa ni (3) yod de | gaṅ rnam par śes pa la rnam par byaṅ ba daṅ | ’byor ba daṅ | dbaṅ du ’gyur ba’o ||
rab ’byor gzugs ni yod de | gaṅ byaṅ chub sems dpa’ rnams kyis spaṅs śiṅ yoṅs su śes te bstan na dbaṅ du ’gyur ba’o ||
rab ’byor gzugs ni yod de | gaṅ (4) spaṅs śiṅ yoṅs su śes te yaṅ dag par bstan na dbaṅ du ’gyur ba’o ||
rab ’byor gzugs ni yod de | gaṅ spaṅs śiṅ yoṅs su śes na chos dkar po daṅ ldan pa daṅ | chos thams cad la dbaṅ sgyur ba daṅ bde ba chen po la gnas par ’gyur ba’o ||
rab ’byor tshor ba (5) daṅ | ’du śes daṅ | ’du byed rnams daṅ | rnam par śes pa ni yod de | gaṅ byaṅ chub sems dpa’ rnams kyis spaṅs śiṅ yoṅs su śes te bstan na dbaṅ du ’gyur ba’o ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa (6) ni yod de | gaṅ spaṅs śiṅ yoṅs su śes te yaṅ dag par bstan na dbaṅ du ’gyur ba’o ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa ni yod de | gaṅ spaṅs śiṅ yoṅs su śes na chos dkar po daṅ ldan pa daṅ | chos thams (7) cad la dbaṅ sgyur ba daṅ | bde ba chen po la gnas par ’gyur ro ||
rab ’byor byaṅ chub sems dpa’ gaṅ la la źig gzugs la gzugs tsam daṅ | sdug bsṅal tsam du yaṅ dag par rjes su mi mthoṅ ba de gzugs la bdag tu dmigs so ||
gaṅ gzugs la bdag tu (107a1) dmigs pa de gzugs la bdag tu lta bar dmigs so ||
gaṅ gzugs la bdag tu lta bar dmigs pa de gzugs la thams cad dmigs so ||
gaṅ gzugs la thams cad dmigs pa de | gzugs la thams cad mi dmigs so ||
gzugs (2) la thams cad dmigs pa na thams cad mi dmigs pa de’i dmigs pa de yoṅs su grub pa yin no ||
de dmigs pa de la gnas na ñan thos kyi theg pa daṅ | raṅ saṅs rgyas kyi theg pas kyaṅ ṅes par ’byuṅ bar mi ’gyur na theg pa chen pos lta smos kyaṅ ci dgos ||
rab ’byor (3) byaṅ chub sems dpa’ gaṅ la la źig tshor ba daṅ | ’du śes daṅ | ’du byed rnams daṅ | rnam par śes pa la rnam par śes pa tsam daṅ | sdug bsṅal tsam du yaṅ dag par rjes su mi mthoṅ ba de rnam par śes pa la bdag tu dmigs so ||
gaṅ rnam par śes pa la bdag (4) tu dmigs pa de rnam par śes pa la bdag tu lta bar dmigs so ||
gaṅ rnam par śes pa la bdag tu lta bar dmigs pa de rnam par śes pa la thams cad dmigs so ||
gaṅ rnam par śes pa la thams cad dmigs pa de rnam par śes pa la thams cad mi damagisa so ||
gaṅ (5) rnam par śes pa la thams cad dmigs pa na thams cad mi dmigs pa de’i dmigs pa de yoṅs su grub pa yin no ||
de dmigs pa de la gnas na ñan thos kyi theg pa daṅ | raṅ saṅs rgyas kyi theg pas kyaṅ ṅes par ’byuṅ bar mi ’gyur na theg pa chen pos lta (6) smos kyaṅ ci dgos | rab ’byor gaṅ yaṅ gzugs la gzugs tsam daṅ | sdug bsṅal tsam du yaṅ dag par rjes su mthoṅ ba de gzugs la bdag tu mi dmigs so ||
gaṅ gzugs la bdag tu mi dmigs pa de gzugs la bdag tu lta bar mi dmigs so ||
gaṅ (7) gzugs la bdag tu lta bar mi dmigs pa de gzugs la thams cad mi dmigs so ||
gaṅ gzugs la thams cad mi dmigs pa de gzugs la thams cad dmigs so ||
gaṅ gzugs la thams cad mi dmigs pa na thams cad dmigs pa de’i dmigs pa de yoṅs su (107b1) grub pa yin no ||
de dmigs pa de la gnas na ñan thos daṅ | raṅ saṅs rgyas kyi theg pas ṅes par ’byuṅ bar ’gyur gyi theg pa chen pos ni ma yin no ||
rab ’byor gaṅ yaṅ tshor ba daṅ | ’du śes daṅ | ’du byed rnams daṅ | rnam par śes pa la rnam par śes pa tsam (2) daṅ | sdug bsṅal tsam du yaṅ dag par rjes su mthoṅ ba de rnam par śes pa la bdag tu mi dmigs so ||
gaṅ rnam par śes pa la bdag tu mi dmigs pa de rnam par śes pa la bdag tu lta bar mi dmigs so ||
gaṅ rnam par śes pa la bdag tu lta bar mi dmigs pa de (3) rnam par śes pa la thams cad mi dmigs so ||
gaṅ rnam par śes pa la thams cad mi dmigs pa de rnam par śes pa la thams cad dmigs so ||
gaṅ rnam par śes pa la thams cad mi dmigs pa na thams cad dmigs pa de’i dmigs pa de yoṅs su grub pa yin no ||
de mi dmigs (4) pa de la gnas ra | ñan thos kyi theg pa daṅ | raṅ saṅs rgyas kyi theg pas ṅes par ’byuṅ bar ’gyur gyi theg pa chen pos ni ma yin no ||
rab ’byor gaṅ la la źig gzugs la yaṅ dag pa ma yin pa kun brtags pa tsam daṅ | ’khrul ba tsam du yaṅ dag par rjes su mi mthoṅ ba de (5) gzugs la gzugs su dmigs so ||
gaṅ gzugs la gzugs su dmigs pa de gzugs la gzugs su lta bar dmigs so ||
gaṅ gzugs la gzugs su lta bar dmigs pa de gzugs la thams cad dmigs so ||
gaṅ gzugs la thams cad dmigs pa de gzugs la (6) thams cad mi dmigs so ||
gaṅgzugs la thams cad dmigs pa na thams cad dmigs pa na thams cad mi dmigs pa de’i dmigs pa de yoṅs su grub pa yin no ||
de dmigs pa de la gnas na ñan thos kyi theg pa daṅ | raṅ saṅs rgyas kyi theg pas kyaṅ ṅes par ’byuṅ bar mi ’gyur na theg pa chen pos (7) lta smos kyaṅ ci dgos | rab ’byor gaṅ yaṅ tshor ba daṅ | ’du śes daṅ | ’du byed rnams daṅ | rnam par śes pa la yaṅ dag pa ma yin pa kun brtags pa tsam daṅ | ’khrul pa tsam du yaṅ dag par rjes su mi mthoṅ ba de rnam par śes pa la rnam par śes par dmigs so ||
(108a1) gaṅ rnam par śes pa la rnam par śes par dmigs pa de rnam par śes pa la rnam par śes par lta bar dmigs so ||
gaṅ rnam par śes pa la rnam par śes par lta bar dmigs pa de rnam par śes pa la thams cad dmigs so ||
gaṅ rnam par śes pa (2) la thams cad dmigs pa de rnam par śes pa la thams cad mi dmigs so ||
gaṅ rnam par śes pa la thams cad dmigs pa na thams cad mi dmigs pa de’i dmigs pa de yoṅs su grub pa yin no ||
de dmigs pa de la gnas na ñan thos kyi theg pa’am | raṅ saṅs rgyas kyi (3) theg pas kyaṅ ṅes par ’byuṅ bar mi ’gyur na | theg pa chen pos lta smos kyaṅ ci dgos | rab ’byor gaṅ gzugs la yaṅ dag pa ma yin pa kun brtags pa tsam daṅ | ’khrul pa tsam du yaṅ dag par rjes su mthoṅ ba de gzugs la gzugs su mi dmigs so ||
gaṅ (4) gzugs la gzugs su mi dmigs pa de gzugs la gzugs su lta bar mi dmigs so ||
gaṅ gzugs la gzugs su lta bar mi dmigs pa de gzugs la thams cad mi dmigs so ||
gaṅ gzugs la thams cad mi dmigs pa de gzugs la thams cad mi dmigs so ||
(5) gaṅ gzugs la thams cad mi dmigs pa na thams cad dmigs pa de’i dmigs pa de yoṅs su grub pa yin no ||
de mi dmigs pa de la gnas na theg pa chen pos kyaṅ ṅes par ’byuṅ bar ’gyur na ñan thos kyi theg pa’am | raṅ saṅs rgyas kyi theg pas lta smos kyaṅ ci dgos | rab (6) ’byor gaṅ tshor ba daṅ | ’du śes daṅ | ’du byed rnams daṅ | rnam par śes pa la yaṅ dag pa ma yin pa kun brtags pa tsam daṅ | ’khrul pa tsam du yaṅ dag par rjes su mthoṅ ba de rnam par śes pa la rnam par śes par mi dmigs so | ||
gaṅ rnam par śes pa la rnam par (7) śes par mi dmigs pa de rnam par śes pa la rnam par śes par lta bar mi dmigs so ||
gaṅ rnam par śes pa la rnam par śes par lta bar mi dmigs pa de rnam par śes pa la thams cad mi dmigs so ||
gaṅ rnam par śes pa la thams cad mi dmigs pa de rnam par śes pa la (108b1) thams cad dmigs so ||
gaṅ rnam par śes pa la thams cad mi dmigs na thams cad dmigs pa de’i mi dmigs pa de yoṅs su grub pa yin no ||
de dmigs pa de la theg pa chen pos kyaṅ ṅes par ’byuṅ bar ’gyur na ñan thos kyi theg pa’am | raṅ saṅs rgyas kyi theg (2) pas lta smos kyaṅ ci dgos ||
rab ’byor byaṅ chub sems dpa’ gzugs la sgra ji bźin du mṅon par źen te | tha sñad du kun du spyod na ’jig tshogs la lta bar kun du spyod pa yin | yaṅ ’byuṅ ba’i sred pa la kun du spyod pa yin | ’jig pa yoṅs su tshol bar kun du spyod pa yin (3) te | gzugs yoṅs su mi śes pa’i rtags yin no ||
de bźin du byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes pa sgra ji bźin du mṅon par źen te | tha sñad du kun du spyod na ’jig tshogs la lta bar kun du spyod pa yin | yaṅ (4) ’byuṅ ba’i sred pa la kun du spyod pa yin | ’jig pa yoṅs su tshol bar kun du spyod pa yin te | rnam par śes pa yoṅs su mi śes pa’i rtags yin no ||
rab ’byor byaṅ chub sems dpa’ gzugs la sgra ji bźin du mṅon par źen te | tha sñad du kun du mi spyod na ’jig tshogs la lta (5) bar kun du spyod pa ma yin | yaṅ ’byuṅ ba’i sred pa la kun du spyod pa ma yin | ’jig pa yoṅs su tshol bar kun du spyod pa ma yin te | gzugs yoṅs su śes pa’i rtags yin no ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes (6) pa la sgra ji bźin du mṅon par źen te | tha sñad du kun du mi spyod na ’jig tshogs la lta bar kun du spyod pa ma yin | yaṅ ’byuṅ ba’i sred pa la kun du spyod pa ma yin | ’jig pa yoṅs su tshol bar kun du spyod pa ma yin te | rnam par śes pa yoṅs su śes pa’i rtags yin no ||
rab (7) ’byor byaṅ chub sems dpa’ gzugs la rkyen gaṅ dag yoṅs su bzuṅ na rnam par byaṅ bar ’gyur ba’i sems kyi sa bon ni gsum po ’di dag ste | mos pa sems kyi sa bon daṅ | yid ’byuṅ ba sems kyi sa bon daṅ | chud mi gson pa sems kyi sa bon no ||
rab ’byor byaṅ chub sems (109a1) dpas gzugs la mṅon par źen pa med pa’i sems daṅ | ’bral ba’i sems daṅ | yoṅs su sbyoṅ ba’i sems daṅ | sems gsum po ’di dag bskyed par bya’o ||
rab ’byor byaṅ chub sems dpas gzugs la sems skye ba daṅ | mi skye ba daṅ | cher (2) skye ba daṅ | mñam du skye ba de yaṅ dag par rjes su mthoṅ ste | de ltar yaṅ dag par rjes su mthoṅ na myur du bla na med pa’i byaṅ chub mṅon par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor byaṅ chub sems dpas tshor ba daṅ | ’du śes daṅ | ’du (3) byed rnams daṅ | rnam par śes pa la rkyen gaṅ dag yoṅs su bzuṅ na rnam par byaṅ bar ’gyur ba’i sems kyi sa bon ni gsum po ’di dag ste | mos pa sems kyi sa bon daṅ | yid ’byuṅ ba sems kyi sa bon daṅ | chud mi gson pa sems kyi sa bon no ||
rab ’byor byaṅ chub (4) sems dpas tshor ba daṅ | ’du śes daṅ | ’du byed rnams daṅ | rnam par śes pa la mṅon par źen pa’i sems daṅ bral ba’i sems daṅ | yoṅs su sbyoṅ ba’i sems daṅ | sems gsum po ’di dag bskyed par bya’o ||
rab ’byor gal te byaṅ chub sems dpas (5) tshor ba daṅ | ’du śes daṅ | ’du byed rnams daṅ | rnam par śes pa la sems skye ba daṅ | mi skye ba daṅ | cher skye ba daṅ | mñam du skye ba daṅ | de ltar yaṅ dag par rjes su mthoṅ ste | de de ltar yaṅ dag par rjes su mthoṅ na myur du bla na med pa yaṅ dag par rdzogs (6) pa’i byaṅ chub mṅon par rdzogs par ’tshaṅ rgya’o ||
rab ’byor gal te byaṅ chub sems dpas gzugs la yod pa ñid daṅ | de bźin du yod pa ñid dam med pa ñid du yaṅ dag par rjes su mthoṅ na de kho na mi śes pa’i byaṅ chub sems dpar rig par bya’o ||
rab ’byor gal te (7) byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la yod pa ñid daṅ de bźin du yod pa ñid dam med pa ñid du yaṅ dag par rjes su mthoṅ na de kho na mi śes pa’i byaṅ chub sems dpar rig par bya’o ||
rab ’byor gal te byaṅ chub (109b1) sems dpas gzugs la yod pa ma yin pa daṅ de bźin du yod pa ma yin pa daṅ | yod pa yaṅ ma yin | med pa yaṅ ma yin par yaṅ dag par rjes su mthoṅ na de kho na śes pa’i byaṅ chub sems dpa’ źes bya’o ||
rab ’byor gal te byaṅ chub sems dpa’ tshor ba daṅ | ’du śes daṅ | ’du (2) byed rnams daṅ | rnam par śes pa la yod pa ma yin pa daṅ | de bźin du yod pa ma yin pa daṅ | yod pa yaṅ ma yin | med pa yaṅ ma yin par yaṅ dag par rjes su mthoṅ na de kho na śes pa’i byaṅ chub sems dpa’ źes bya’o ||
rab ’byor byaṅ chub sems dpa’ gzugs la (3) sems mñam par gźag par ’dod ciṅ gzugs la mos la | gzugs la sems de skyod kun du skyod rnam par skyod na | mos pa ṅan pa’i byaṅ chub sems dpar rig par bya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes (4) pa la sems mñam par gźag par ’dod ciṅ rnam par śes pa la mos la | rnam par śes pa la sems de skyod | kun du skyod | rnam par skyod na mos pa ṅan pa’i byaṅ chub sems dpar rig par bya’o ||
rab ’byor byaṅ chub sems dpa’ gzugs la sems mñam (5) par ’dod ciṅ | sems de gzugs la mos pa na | gzugs la sems mi ’dogs | kun du mi ’dogs | rnam par mi ’dogs na mos pa bzaṅ po’i byaṅ chub sems dpar rig par bya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam (6) par śes pa la sems mñam par gźag par ’dod ciṅ sems de rnam par śes pa la mos pa na rnam par śes pa la sems ma’i dgos | kun du mi ’dogs | rnam par mi ’dogs na mos pa bzaṅ po’i byaṅ chub sems dpar rig par bya’o ||
rab ’byor byaṅ chub sems dpa’ gzugs la (7) mtshan ñid med pa’i chos yoṅs su śes par bya ba daṅ | sdug bsṅal rab tu źi bar bya ba daṅ | mya ṅan las ’das pa la gcig tu ṅes par bya ba’i phyir źugs na | yaṅ dag par źugs par rig par bya’o ||
byaṅ chub sems dpa’ de ltar yaṅ dag par źugs pa ni myur du bla na med (110a1) pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes pa la mtshan ñid med pa’i chos yoṅs su śes par bya ba daṅ | sdug bsṅal (2) rab tu źi bar bya ba daṅ | mya ṅan las ’das pa la gcig tu ṅes par bya ba’i phyir źugs na | yaṅ dag par źugs par rig par bya’o ||
byaṅ chub sems dpa’ de ltar yaṅ dag par źugs pa ni myur du bla na med pa yaṅ dag par rdzogs pa’i byaṅ chub mṅon par rdzogs par (3) ’tshaṅ rgya’o ||
mtshan ñid med par śes bya daṅ ||
sdug bsṅal źi bar bya ba daṅ ||
źi ba gcig tu ṅes bya bar ||
byaṅ chub sems dpa’ sgrub par byed ||
rab ’byor byaṅ chub sems dpa’ gzugs la snaṅ ba med pa daṅ | kun du snaṅ ba daṅ | de la gnas pa (4) daṅ | de la ’jug pa’i chos yaṅ dag pa ji lta ba bźin du śes na | myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par (5) śes pa la snaṅ ba med pa daṅ | kun du snaṅ ba daṅ | de la gnas pa daṅ | de ’jug pa’i chos yaṅ dag pa ji lta ba bźin du rab tu śes pa na | myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
chos gaṅ snaṅ ba med pa daṅ ||
(6) kun du snaṅ ba ñid daṅ ni ||
de la gnas daṅ rab ’jug pa ||
de śes nas ni byaṅ chub ’thob ||
rab ’byor byaṅ chub sems dpa’ gzugs la gzugs yoṅs su tshol ba na de mi dmigs te | gzugs mi snaṅ bar byas śiṅ gzugs kyi chos ñid kyaṅ rab tu rtogs par byas (7) na | myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes pa la rnam par śes pa yoṅs su tshol ba na de mi dmigs te | rnam par (110b1) śes pa mi snaṅ bar byas śiṅ rnam par śes pa’i chos ñid kyaṅ rab tu rtogs par byas nas myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab tu btsal na mi dmigs chos ||
sems la dṅos por mi snaṅ ba ||
chos ñid legs par śes pa (2) yi ||
blo ldan byaṅ chub ’thob par ’gyur ||
rab ’byor byaṅ chub sems dpa’ gzugs la dṅos po med par mkhas pa ni gzugs ’jig pa daṅ ldan źiṅ gzugs kyi chos kyi dbyiṅs las mi g-yo bar myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ (3) rgya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes pa la dṅos po med par mkhas pa ni rnam par śes pa ’jig pa daṅ ldan źiṅ rnam par śes pa’i chos kyi dbyiṅs las mi g-yo bar myur du bla na med pa yaṅ dag par rdzogs (4) pa’i byaṅ chub mṅon par rdzogs par ’tshaṅ rgya’o ||
blo ldan dṅos po med mkhas pa ||
rnam par ’jig daṅ ldan gyur ciṅ ||
chos kyi dbyiṅs las mi g-yo bar ||
thams cad mkhyen pa ñid ’thob ’gyur ||
rab ’byor byaṅ chub sems dpas gzugs la don daṅ bral ba daṅ | (5) don med pa daṅ | don chen por yaṅ dag pa ji lta ba bźin du rab tu śes na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes la la don (6) daṅ bral ba daṅ don med pa daṅ | don chen por yaṅ dag pa ji lta ba bźin du śes na myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
don bral ba daṅ don med daṅ ||
don che ba yi don du ni ||
śes nas byaṅ chub sems dpa’ rnams ||
byaṅ chub (7) chen po ’thob par ’gyur ||
rab ’byor byaṅ chub sems dpa’ sems dpa’ chen pos gzugs la rnam par rtog pa’i ’dod chags daṅ | rab tu rtog pa’i ’dod chags daṅ | rnam par rtog pa’i ’dod chags daṅ | ’dod chags daṅ | ’dod chags chen po daṅ | ’dod chags (111a1) lṅa yoṅs su śes par byas te | yoṅs su spaṅ bar bya’o ||
rab ’byor byaṅ chub sems dpa’ sems dpa’ chen pos tshor ba daṅ | ’du śes daṅ | ’du byed rnams daṅ | rnam par śes pa la rnam par rtog pa’i ’dod chags daṅ | rab tu rtog pa’i ’dod chags (2) daṅ | rnam par rtog pa’i ’dod chags daṅ | ’dod chags daṅ ’dod chags chen po daṅ ’dod chags lṅa yoṅs su śes par byas te yoṅs su spaṅ bar bya’o ||
rab ’byor byaṅ chub sems dpas gzugs la ’dod chags lṅa po ’di dag yoṅs su spaṅs nas | gzugs kyi raṅ bźin mi (3) dmigs so ||
gzugs kyi raṅ bźin mi dmigs pas gzugs la gzugs su mi dmigs so ||
gzugs la gzugs su mi dmigs pas gzugs la gzugs dmigs te | gaṅ gzugs la gzugs dmigs pa de ñid gzugs la gzugs mi dmigs pa’o ||
de (4) gzugs mi dmigs pa des gzugs rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la (5) ’dod chags lṅa po ’di dag yoṅs su spaṅs nas rnam par śes pa’i raṅ bźin mi dmigs so ||
rnam par śes pa’i raṅ bźin mi dmigs pas rnam par śes par mi dmigs so ||
rnam par śes pa la rnam par śes par mi dmigs pas rnam par śes pa la rnam par śes par mi dmigs (6) te | gaṅ rnam par śes pa la rnam par śes pa dmigs pa de ñid rnam par śes pa la rnam par śes pa mi dmigs pa’o ||
de nas rnam par śes pa dmigs pa mi dmigs pa des rnam par śes pa rnam pa thams cad du zil gyis mnan nas ’di lta ste | bla na med pa yaṅ dag par rdzogs (7) pa’i byaṅ chub tu ṅes par ’byuṅ ṅo ||
rab ’byor byaṅ chub sems dpa’ gzugs la rnam par rtog pa daṅ | rnam par dpyod pa’i źe sdaṅ daṅ | rab tu rtog pa daṅ | rnam par dpyod pa’i źe sdaṅ daṅ | rnam par rtog pa daṅ | rnam par dpyod pa’i źe sdaṅ daṅ | źe sdaṅ daṅ | źe sdaṅ chen po (111b1) daṅ | źe sdaṅ lṅa yoṅs su śes bar byas te yoṅs su spaṅ bar bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la rnam par rtog pa daṅ | rnam par dpyod pa’i źe sdaṅ daṅ | rab tu rtog pa daṅ | rnam par dpyod pa’i źe sdaṅ daṅ | (2) rnam par rtog pa daṅ | rnam par dpyod pa’i źe sdaṅ daṅ | źe sdaṅ daṅ | źe sdaṅ chen po daṅ | źe sdaṅ lṅa yoṅs su śes par byas te yoṅs su spaṅ bar bya’o ||
rab ’byor byaṅ chub sems dpas gzugs la źe sdaṅ lṅa po ’di dag yoṅs su spaṅs nas gzugs kyi raṅ bźin mi dmigs so ||
(3) gzugs kyi raṅ bźin mi dmigs pas gzugs la gzugs su mi dmigs so ||
gzugs la gzugs su mi dmigs pas gzugs la gzugs dmigs te | gaṅ gzugs la gzugs dmigs pa de ñid gzugs la gzugs mi dmigs pa’o ||
de gzugs dmigs pa mi (4) dmigs pa des gzugs rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la źe sdaṅ lṅa po ’di dag yoṅs (5) su spaṅs rnam par śes pa’i raṅ bźin mi dmigs so ||
rnam par śes pa’i raṅ bźin mi dmigs pas rnam par śes pa la rnam par śes par mi dmigs so ||
rnam par śes pa la rnam par śes pa mi dmigs pas rnam par śes pa la rnam par śes pa dmigs te | gaṅ rnam (6) par śes pa la rnam par śes pa dmigs pa de ñid rnam par śes pa la rnam par śes pa mi dmigs pa’o ||
de rnam par śes pa dmigs pa mi dmigs pa des rnam par śes pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
(7) rab ’byor byaṅ chub sems dpa’ gzugs la ’khrul pa’i gti mug daṅ | ’khrul pa’i rgyu’i gti mug daṅ | mi ’khrul pa’i rgyu’i gti mug daṅ | gti mug daṅ | gti mug chen po daṅ | gti mug lṅa yoṅs su śes par byas te yoṅs su spaṅ bar bya’o ||
rab ’byor byaṅ chub sems dpas (112a1) tshor ba daṅ | ’du śes daṅ | ’du byed rnams daṅ | rnam par śes pa la ’khrul pa’i gti mug daṅ | ’khrul pa’i rgyu’i gti mug daṅ | mi ’khrul pa’i rgyu’i gti mug daṅ | gti mug daṅ | gti mug chen po daṅ | gti mug lṅa yoṅs su śes par byas te yoṅs (2) su spaṅ bar bya’o ||
rab ’byor byaṅ chub sems dpas gzugs la gti mug lṅa po ’di dag yoṅs su spaṅs nas gzugs kyi raṅ bźin mi dmigs so ||
gzugs kyi raṅ bźin mi dmigs pas gzugs la gzugs su mi dmigs so ||
gzugs la gzugs su mi dmigs pas gzugs (3) la gzugs dmigs te | gaṅ gzugs la gzugs dmigs pa de ñid gzugs la gzugs mi dmigs pa’o ||
de gzugs dmigs pa mi dmigs pa des gzugs rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu des par (4) ’byuṅ ṅo ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la gti mug lṅa po ’di dag yoṅs su spaṅs nas rnam par śes pa’i raṅ bźin mi dmigs so ||
rnam par śes pa’i raṅ bźin mi dmigs pas rnam par śes pa la rnam par (5) śes par mi dmigs so ||
rnam par śes pa la rnam par śes par mi dmigs pas rnam par śes pa la rnam par śes pa dmigs te | gaṅ rnam par śes pa la rnam par śes pa dmigs pa de ñid rnam par śes pa la rnam par śes pa mi dmigs pa’o ||
de rnam par śes pa (6) dmigs pa mi dmigs pa des rnam par śes pa rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems dpas gzugs la maṅ du thos pa’i ṅa rgyal daṅ | mṅon par mtho ba’i ṅa rgyal daṅ | (7) mṅon pa’i ṅa rgyal daṅ | ṅa rgyal daṅ | ṅa rgyal chen po daṅ | ṅa rgyal lṅa yoṅs su śes par byas te yoṅs su spaṅ bar bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la maṅ du thos pa’i ṅa rgyal daṅ | mṅon par (112b1) mtho ba’i ṅa rgyal daṅ | mṅon pa’i ṅa’i ṅa rgyal daṅ | ṅa rgyal daṅ | ṅa rgyal chen po daṅ | ṅa rgyal lṅa yoṅs su śes par byas te yoṅs su spaṅ bar bya’o ||
rab ’byor byaṅ chub sems dpas gzugs la ṅa rgyal lṅa po ’di dag yoṅs su spaṅs nas gzugs kyi raṅ bźin mi dmigs (2) so ||
gzugs kyi raṅ bźin mi dmigs pas gzugs la gzugs su mi dmigs so ||
gzugs la gzugs su mi dmigs pas gzugs la gzugs dmigs te | gaṅ gzugs la gzugs dmigs pa de ñid gzugs la gzugs mi dmigs pa’o ||
de gzugs dmigs pa mi (3) dmigs pa des gzugs rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la ṅa rgyal lṅa po ’di dag (4) yoṅs su spaṅs nas rnam par śes pa’i raṅ bźin mi dmigs so ||
rnam par śes pa’i raṅ bźin mi dmigs pas rnam par śes pa la rnam par śes par mi dmigs so ||
rnam par śes pa la rnam par śes par mi dmigs pas rnam par śes pa la rnam par śes pa dmigs te | gaṅ rnam (5) par śes pa la rnam par śes pa dmigs pa de ñid rnam par śes pa la rnam par śes pa mi dmigs pa’o ||
de rnam par śes pa dmigs pa mi dmigs pa des rnam par śes pa rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par (6) ’byuṅ ṅo ||
rab ’byor byaṅ chub sems dpas gzugs la raṅ bźin la phyin ci log gi lta ba daṅ | yod do sñam pa’i lta ba daṅ | skur pa ’debs pa’i lta ba daṅ | lta ba daṅ | lta ba chen po daṅ | lta ba lṅa yoṅs su śes par byas te yoṅs su spaṅ bar bya’o ||
rab ’byor byaṅ (7) chub sems dpas tshor ba daṅ | ’du śes daṅ | ’du byed rnams daṅ | rnam par śes pa la raṅ bźin la phyin ci log pa’i lta ba daṅ | yod do sñam pa’i lta ba daṅ | skur pa ’debs pa’i lta ba daṅ | lta ba daṅ | lta ba chen po daṅ | lta ba lṅa yoṅs su śes par byas te yoṅs su spaṅ bar (113a1) bya’o ||
rab ’byor byaṅ chub sems dpas gzugs la lta ba lṅa po ’di dag yoṅs su spaṅs nas gzugs kyi raṅ bźin mi dmigs so ||
gzugs kyi raṅ bźin mi dmigs pas gzugs la gzugs su mi dmigs so ||
gzugs la gzugs su mi dmigs (2) pas gzugs la gzugs dmigs te gaṅ gzugs la gzugs dmigs pa de ñid gzugs la gzugs mi dmigs pa’o ||
de gzugs dmigs pa mi dmigs pa des gzugs rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub (3) tu ṅes par ’byuṅ ṅo ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la lta ba lṅa po ’di dag yoṅs su spaṅs nas rnam par śes pa’i raṅ bźin mi dmigs so ||
rnam par śes pa’i raṅ bźin mi dmigs pas rnam par (4) śes pa la rnam par śes par mi dmigs so ||
rnam par śes pa la rnam par śes par mi dmigs pas rnam par śes pa la rnam par śes pa dmigs te | gaṅ rnam par śes pa la rnam par śes par dmigs pa de ñid rnam par śes pa la rnam par śes pa mi dmigs pa’o ||
de rnam (5) par śes pa dmigs pa mi dmigs pa des rnam par śes pa rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems dpas gzugs daṅ chos la yid gñis za ba daṅ | ’gro ba daṅ | sdug (6) bsṅal la yid gñis za ba daṅ | mya ṅan las ’das pa daṅ | saṅs rgyas daṅ byaṅ chub sems dpa’ la yid gñis za ba daṅ | yid gñis za ba daṅ | yid gñis za ba chen po daṅ | yid gñis za ba lṅa yoṅs su śes par byas te | yoṅs su spaṅ bar bya’o ||
rab ’byor byaṅ chub sems (7) dpas tshor ba daṅ | ’du śes daṅ | ’du byed rnams daṅ | rnam par śes pa la chos la yid gñis za ba daṅ | ’gro ba daṅ | sdug bsṅal la yid gñis za ba daṅ | mya ṅan las ’das pa daṅ | saṅs rgyas daṅ byaṅ chub sems dpa’ la yid gñis za ba daṅ | yid gñis za ba daṅ | yid (113b1) gñis za ba chen po daṅ | yid gñis za ba lṅa yoṅs su śes par byas te yoṅs su spaṅ bar bya’o ||
rab ’byor byaṅ chub sems dpas gzugs la yid gñis za ba ’di dag yoṅs su spaṅs nas gzugs kyi raṅ bźin mi dmigs so ||
gzugs kyi raṅ bźin mi dmigs pas gzugs (2) la gzugs su mi dmigs so ||
gzugs la gzugs su mi dmigs pas gzugs la gzugs su dmigs te | gaṅ gzugs la gzugs dmigs pa de ñid gzugs la gzugs mi dmigs pa’o ||
de gzugs dmigs pa mi dmigs pa des gzugs rnam pa thams cad du zil gyis (3) mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la yid gñis za ba lṅa po ’di dag yoṅs su spaṅs nas rnam par śes pa’i raṅ bźin (4) mi dmigs so ||
rnam par śes pa’i raṅ bźin mi dmigs pas rnam par śes pa la rnam par śes par mi dmigs so ||
rnam par śes pa la rnam par śes par mi dmigs pas rnam par śes pa la rnam par śes pa dmigs te | gaṅ rnam par śes pa la rnam par śes pa dmigs (5) pa de ñid rnam par śes pa la rnam par śes pa mi dmigs pa’o ||
de rnam par śes pa dmigs pa mi dmigs pa des rnam par śes pa rnam pa thams cad du zil gyis mnan nas ’di lta ste | bla na med pa yaṅ dag par rdzogs pa’i byaṅ chub tu ṅes par ’byuṅ ṅo ||
rab ’byor byaṅ chub sems (6) dpa’ gzugs yoṅs su tshol źiṅ gzugs kyi chos ston pa gzugs la lus daṅ | ṅag daṅ | yid kyi las yoṅs su sbyoṅ źiṅ gzugs de ji ltar brjod pa daṅ | ji ltar bstan pa daṅ | ji ltar bsñad pa bźin du yoṅs su tshol źiṅ chos ston te | de la lus daṅ | ṅag daṅ | yid kyi las (7) yoṅs su sbyoṅ ba gzugs la ñes pa yoṅs su tshol ba’i byaṅ chub sems dpar rig par bya’o ||
gzugs la dam pa’i chos ma yin pa’i gtam can gyi byaṅ chub sems dpar rig par bya’o ||
gzugs la lus daṅ | ṅag daṅ | yid kyi las yoṅs su ma dag pa’i byaṅ chub sems dpar (114a1) rig par bya’o ||
rab ’byor byaṅ chub sems dpa’ gzugs yoṅs su tshol źiṅ gzugs kyi chos ston la gzugs la lus daṅ | ṅag daṅ | yid kyi las yoṅs su sbyoṅ źiṅ gzugs de la ji ltar brjod pa bźin du ma yin | ji ltar bstan pa bźin du ma yin | (2) ji ltar bsñad pa bźin du ma yin par yoṅs su tshol źiṅ chos ston te | de la lus daṅ | ṅag daṅ | yid kyi las yoṅs su sbyoṅ na gzugs la legs par tshol ba’i byaṅ chub sems dpa’ ste | yaṅ dag pa’i dag gi las kyi gtam can gyi byaṅ chub sems dpar rig par bya’o ||
(3) gzugs de la lus daṅ | ṅag daṅ | yid kyi las yoṅs su dag pa’i byaṅ chub sems dpar rig par bya’o ||
rab ’byor byaṅ chub sems dpa’ tshor ba daṅ | ’du śes daṅ | ’du byed rnams daṅ | rnam par śes pa yoṅs su tshol źiṅ rnam par śes pa’i chos ston la | rnam par (4) śes pa la lus daṅ | ṅag daṅ | yid kyi las yoṅs su sbyoṅ źiṅ rnam par śes pa de ji ltar brjod pa daṅ | ji ltar bstan pa daṅ | ji ltar bsñad pa bźin du yoṅs su tshol źiṅ chos ston te | de la lus daṅ | ṅag daṅ | yid kyi las yoṅs su sbyoṅ na | rnam par śes pa la ñes par (5) yoṅs su tshol ba’i byaṅ chub sems dpar rig par bya’o ||
rnam par śes pa la dam pa’i chos ma yin pa’i gtam can gyi byaṅ chub sems dpar rig par bya’o ||
rnam par śes pa la lus daṅ | ṅag daṅ yid kyi las yoṅs su ma dag pa’i byaṅ chub sems dpar rig par bya’o ||
rab ’byor (6) byaṅ chub sems dpa’ rnam par śes pa yoṅs su tshol źiṅ rnam par śes pa’i chos ston la | rnam par śes pa la lus daṅ ṅag daṅ | yid kyi las yoṅs su sbyoṅ źiṅ rnam par śes pa de la ji ltar brjod pa bźin du ma yin | ji ltar bstan pa bźin du ma yin | ji ltar bsñad pa bźin du ma yin (7) par yoṅs su tshol źiṅ chos ston te | de la lus daṅ ṅag daṅ | yid kyi las yoṅs su sbyoṅ na rnam par śes pa la legs par tshol ba’i byaṅ chub sems dpa’ ste | yaṅ dag pa’i ṅag gi las kyi gtam can gyi byaṅ chub sems dpar rig par bya’o ||
rnam par śes pa de la lus daṅ ṅag (114b1) daṅ | yid kyi las yoṅs su dag pa’i byaṅ chub sems dpar rig par bya’o ||
rab ’byor byaṅ chub sems dpa’ gzugs la sems mñam par gźag par ’dod ciṅ gzugs de la naṅ du mos na | gzugs la mos par bya ba’i gzugs daṅ | mos pa’i gzugs gñis (2) dmigs par ’gyur ro ||
de la byaṅ chub sems dpa’ mos pa’i gzugs la mos par bya ba ji lta ba bźin du ston tam | mos par bya ba la mos pa ji lta ba bźin du ston na gzugs la yaṅ dag pa ma yin par ston pa’i byaṅ chub sems dpar rig par bya’o ||
de ci’i phyir źe na | rab ’byor (3) mos par bya ba’i gzugs las mos pa’i gzugs kyi mtshan ñid gud na med do ||
rab ’byor gal te mos par bya ba’i gzugs las mos pa’i gzugs kyi mtshan ñid gud na yod na ni mos par bya ba la sems can mos pa tha dad pa rnams daṅ | mtshuṅs par lta ba tha dad par dmigs par ’gyur (4) źiṅ rmi lam la sogs pa la dmigs pa med pa’i mos pas dmigs par yaṅ mi ’gyur la | byis pa so so’i skye bo rnams kyaṅ gzugs la de kho na mthoṅ bar ’gyur źiṅ rnam par mi rtog pa’i mos pa grub pa | rigs pa la yaṅ mos par bya ba’i gzugs rjes su ’jug par mi ’gyur ba źig na | rab (5) ’byor ’di ltar mos par bya ba la sems can mos pa tha dad pa rnams daṅ | mtshuṅs par lta ba tha dad par ma gyur ciṅ rmi lam la sogs pa la yaṅ dmigs pa med pa’i mos pa dmigs la | byis pa so so’i skye bo rnams kyaṅ gzugs la de kho na mthoṅ bar ma gyur te | rnam par mi rtog pa’i mos (6) pa grub pa | rigs pa la yaṅ mos par bya ba’i gzugs rjes su ’jug ste | de’i phyir byaṅ chub sems dpas mos pa’i gzugs las mos par bya ba’i gzugs kyi mtshan ñid gud na med par blta bar bya’o ||
gźan du na mos par bya ba’i gzugs de ji lta ba bźin du mtshan ma daṅ bcas pa’i lta ba’i mos (7) pa’i gzugs kyaṅ yaṅ dag par byuṅ ba ni ma gtogs so ||
de bas na don gźan snaṅ ṅo ||
de ltar mthoṅ ba’i byaṅ chub sems dpas mos par bya ba’i gzugs kyi ’du śes rnam par ’jig ste | de ’di sñam du sems so ||
mos par bya ba’i gzugs yod na mos pa’i gzugs rigs par ’gyur gyi (115a1) med na ni ma yin par rig nas gzugs la ’khrul pa’i sems dmigs te | mos pa’i gzugs kyi ’du śes kyaṅ rnam par ’jig go ||
de gzugs gñis kyi ’du śes rnam par bśig ciṅ gzugs kyi ’du śes thams cad bśig nas gzugs thams cad mi dmigs so ||
(2) gzugs thams cad mi dmigs pas gzugs la ’khrul par dmigs so ||
gzugs la ’khrul par dmigs pas gzugs la ’khrul pa’i rgyu dmigs so ||
gzugs la ’khrul pa’i rgyu dmigs pas gzugs la ’khrul pa med pa’i chos yaṅ dag par sgrub bo ||
gzugs la (3) ’khrul ba med pa’i chos yaṅ dag par sgrub pas gzugs la ’khrul pa med pa’i rgyu dmigs so ||
gzugs la ’khrul pa med pa’i rgyu dmigs pas gzugs la ’khrul pa med pa’i chos yaṅ dag par sgrub bo ||
gzugs la ’khrul ba med pa’i chos yaṅ dag par sgrub pas gzugs la ’khrul pa med (4) pa’i rgyu ’thun pa’i chos yaṅ dag par sgrub ste | des gzugs la ’khrul pa daṅ | ’khrul pa med pa’i chos sṅa nas yaṅ dag par bsgrubs pa yin no ||
de gzugs la ’khrul pa med pa’i chos daṅ ’khrul pa med pa’i rgyu ’thun pa’i chos la brten nas saṅs rgyas kyi chos thams cad sgom mo ||
sems (5) can rnams kyaṅ yoṅs su smin par byed do ||
saṅs rgyas kyi źiṅ yaṅ yoṅs su sbyoṅ ṅo ||
myur du bla na med pa yaṅ dag par rdzogs pa’i byaṅ chub kyaṅ mṅon par rdzogs par ’tshaṅ rgya’o ||
byaṅ chub sems dpa’ gzugs la de ltar ston na yaṅ dag par ston pa yin no ||
rab ’byor byaṅ chub (6) sems dpa’ tshor ba daṅ | ’du śes daṅ | ’du byed rnams daṅ | rnam par śes pa la sems mñam par gźag par ’dod ciṅ rnam par śes pa de la naṅ du mos na rnam par śes pa la mos par bya ba’i gzugs daṅ | mos pa’i gzugs gñis dmigs par ’gyur ro ||
de la byaṅ chub (7) sems dpa’ mos pa’i rnam par śes pa la mos pa la | mos par bya ba ji lta ba bźin du ston tam | mos par bya ba la mos pa ji lta ba bźin du ston na rnam par śes pa la yaṅ dag pa ma yin par ston pa’i byaṅ chub sems dpar rig par bya’o ||
de ci’i phyir źe na | rab ’byor mos par bya ba’i rnam (115b1) par śes pa las mos pa’i rnam par śes pa’i mtshan ñid gud na med do ||
rab ’byor gal te mos par bya ba’i rnam par śes pa las mos pa’i rnam par śes pa’i mtshan ñid gud na yod na ni mos par bya ba la sems can mos pa tha dad pa rnams daṅ | mtshuṅs par lta ba tha dad par dmigs (2) par ’gyur źiṅ | rmi lam la sogs pa la dmigs pa med pa’i mos pa dmigs par yaṅ mi ’gyur la | byis pa so so’i skye bo rnams kyaṅ rnam par śes pa la de kho na mthoṅ bar yaṅ ’gyur źiṅ | rnam par mi rtog pa’i mos pa grub par rigs pa la yaṅ mos par bya ba’i rnam par śes pa (3) rjes su ’jug par mi ’gyur ba źig na | rab ’byor ’di ltar mos par bya ba la sems can mos pa tha dad pa rnams daṅ | mtshuṅs par lta ba tha dad par ma gyur ciṅ ||
rmi lam la sogs pa la yaṅ dmigs pa med pa’i mos pa de dmigs la | byis pa so so’i skye bo rnams kyaṅ rnam par śes pa (4) la de kho na mthoṅ bar ma gyur te | rnam par mi rtog pa’i mos pa grub pa | rig pa la yaṅ mos par bya ba’i rnam par śes pa rjes su ’jug ste | de’i phyir byaṅ chub sems dpas mos pa’i rnam par śes pa las mos par bya ba’i rnam par śes pa’i mtshan ñid gud na med par blta bar (5) bya’o ||
gźan du na mos par bya ba’i rnam par śes pa de ji lta ba bźin du mtshan ma daṅ bcas pa’i lta ba’i mos pa’i rnam par śes pa yaṅ yaṅ dag par byuṅ ba ni ma gtogs so ||
de bas na don gźan snaṅ ṅo ||
de ltar mthoṅ ba’i byaṅ chub sems dpa’ mos par bya ba’i rnam par (6) śes pa’i ’du śes rnam par ’jig ste | de ’di sñam du sems so ||
mos par bya ba’i rnam par śes pa yod na | mos pa’i rnam par śes pa yaṅ rigs par ’gyur gyi | med na ni ma yin par rig nas mos pa’i rnam par śes pa la mos pa’i rnam par śes pa’i ’du śes kyaṅ (7) rnam par ’jig go ||
de rnam par śes pa gñis kyi ’du śes rnam par bśig nas rnam par śes pa thams cad mi dmigs so ||
rnam par śes pa thams cad mi dmigs pas rnam par śes pa la ’khrul par dmigs so ||
rnam par śes pa la ’khrul par dmigs pas rnam par (116a1) śes pa la ’khrul pa’i rgyu dmigs so ||
rnam par śes pa la ’khrul pa’i rgyu dmigs pas rnam par śes pa la ’khrul pa med pa’i chos yaṅ dag par sgrub bo ||
rnam par śes pa la ’khrul pa med pa’i chos yaṅ dag par sgrub pas rnam par śes pa la ’khrul pa (2) med pa’i rgyu ’thun pa’i chos yaṅ dag par sgrub ste | des rnam par śes pa la ’khrul pa daṅ | ’khrul pa med pa’i chos sṅa nas yaṅ dag par bsgrubs pa yin no ||
de rnam par śes pa la ’khrul pa med pa’i chos daṅ | ’khrul pa med pa’i rgyu ’thun pa’i chos la brten nas (3) saṅs rgyas kyi chos thams cad sgom mo ||
sems can rnams kyaṅ yoṅs su smin par byed do ||
saṅs rgyas kyi źiṅ yaṅ yoṅs su sbyoṅ ṅo ||
myur du bla na med pa yaṅ dag par rdzogs pa’i byaṅ chub kyaṅ mṅon par rdzogs par ’tshaṅ rgya’o ||
byaṅ chub sems dpa’ rnam par śes (4) pa la de ltar ston na | yaṅ dag par ston par rig par bya’o ||
rab ’byor byaṅ chub sems dpas gzugs la dam pa’i chos ñe bar bsgrub pa’i byams pa daṅ | ’jig rten pa’i bde ba ñe bar bsgrub pa’i byams pa daṅ | ’jig rten las ’das pa’i bde ba ñe bar bsgrub pa’i (5) byams pa daṅ | byams pa daṅ | byams pa chen po daṅ | byams pa rnam pa lṅa bsgom par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la dam pa’i chos ñe bar bsgrub pa’i byams pa daṅ | ’jig (6) rten pa’i bde ba ñe bar bsgrub pa’i byams pa daṅ | ’jig rten las ’das pa’i bde ba ñe bar bsgrub pa’i byams pa daṅ | byams pa daṅ | byams pa chen po daṅ | byams pa rnam pa lṅa bsgom par bya’o | rab ’byor byaṅ chub sems dpas gzugs la mi sdud pa’i sñiṅ rje (7) daṅ | ’du ba’i sñiṅ rje daṅ | ’bral ba’i sñiṅ rje daṅ | sñiṅ rje daṅ | sñiṅ rje chen po daṅ | sñiṅ rje rnam pa lṅa bsgom par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la mi sdud pa’i sñiṅ rje daṅ | (116b1) ’du ba’i sñiṅ rje daṅ | ’bral ba’i sñiṅ rje daṅ | sñiṅ rje daṅ | sñiṅ rje chen po daṅ | sñiṅ rje rnam pa lṅa bsgom par bya’o ||
rab ’byor byaṅ chub sems dpas gzugs la dam pa’i chos la dad pas brlan pa daṅ | phan ’dogs pa daṅ | rjes su yi raṅ ba’i dga’ (2) ba daṅ | ’jig rten pa’i bde bas brlan pa daṅ | phan ’dogs pa daṅ | rjes su yi raṅ ba’i dga’ ba daṅ | ’jig rten las ’das pa’i bde bas brlan pa daṅ | phan ’dogs pa daṅ | rjes su yi raṅ ba’i dga’ ba daṅ | dga’ ba daṅ | dga’ ba chen po daṅ | (3) dga’ ba rnam pa lṅa bsgom par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la dam pa’i chos la dad pas brlan pa daṅ | phan ’dogs pa daṅ | rjes su yi raṅ ba’i dga’ ba daṅ | ’jig rten (4) pa’i bde bas brlan pa daṅ | phan ’dogs pa daṅ | rjes su yi raṅ ba’i dga’ ba daṅ | ’jig rten las ’das pa’i bde bas brlan pa daṅ | phan ’dogs pa daṅ | rjes su yi raṅ ba’i dga’ ba daṅ | dga’ ba daṅ | dga’ ba chen po daṅ | dga’ ba rnam pa lṅa bsgom (5) par bya’o ||
rab ’byor byaṅ chub sems dpas gzugs la lta ba ṅan pa daṅ | kun nas ñon moṅs pa med pa | brtul ba’i btaṅ sñoms daṅ | ñes pa thams cad yoṅs su spaṅ ba daṅ | kun nas ñon moṅs pa brtul ba’i btaṅ sñoms daṅ | yon tan thams cad (6) yoṅs su bsdu ba daṅ | kun nas ñon moṅs pa med pa’i brtul ba’i btaṅ sñoms daṅ | btaṅ sñoms daṅ | btaṅ sñoms chen po daṅ | btaṅ sñoms rnam pa lṅa bsgom par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | (7) rnam par śes pa la lta ba ṅan pa daṅ | kun nas ñon moṅs pa med pa brtul ba’i btaṅ sñoms daṅ | ñes pa thams cad yoṅs su spaṅ ba daṅ | kun nas ñon moṅs pa med pa brtul ba’i btaṅ sñoms daṅ | yon tan thams cad yoṅs su bsdu ba daṅ | kun nas ñon moṅs pa (117a1) med pa brtul ba’i btaṅ sñoms daṅ | btaṅ sñoms daṅ | btaṅ sñoms chen po daṅ | btaṅ sñoms lṅa bsgom par bya’o ||
rab ’byor byaṅ chub sems dpa’ sbyin pa’i pha rol tu phyin pa la brtson pas gzugs la dam bcas pa’i sbyin pa daṅ | (2) zaṅ ziṅ daṅ mi ’jigs pa bsgrub pa’i sbyin pa daṅ | chos bsgrub pa’i sbyin pa daṅ | sbyin pa daṅ | sbyin pa chen po daṅ | sbyin pa rnam pa lṅa bsgom par bya’o ||
rab ’byor byaṅ chub sems dpa’ sbyin pa’i pha rol tu phyir pa la brtson pas tshor ba daṅ | ’du śes daṅ | (3) ’du byed rnams daṅ | rnam par śes pa la dam bcas pa’i sbyin pa daṅ | zaṅ ziṅ daṅ | mi ’jigs pa bsgrub pa’i sbyin pa daṅ | sbyin pa daṅ | sbyin pa chen po daṅ | sbyin pa rnam pa lṅa bsgom par bya’o ||
rab ’byor byaṅ chub sems dpa’ (4) tshul khrims kyi pha rol tu phyin pa la brtson pas gzugs la yaṅ dag par blaṅs pa daṅ brda can gyi sdom pa’i tshul khrims daṅ | bsam gtan gyi sdom pa’i tshul khrims daṅ | zag pa med pa’i sdom pa’i tshul khrims daṅ | tshul khrims daṅ | tshul khrims chen po daṅ | tshul (5) khrims rnam pa lṅa bsgom par bya’o ||
rab ’byor byaṅ chub sems dpa’ tshul khrims kyi pha rol tu phyin pa la brtson pas tshor ba daṅ | ’du śes daṅ | ’du byed rnams daṅ | rnam par śes pa la yaṅ dag par blaṅs pa daṅ brda can gyi sdom pa’i tshul khrims daṅ | bsam (6) gtan gyi sdom pa’i tshul khrims daṅ | zag pa med pa’i sdom pa’i tshul khrims daṅ | tshul khrims daṅ | tshul khrims chen po daṅ | tshul khrims rnam pa lṅa bsgom par bya’o ||
rab ’byor byaṅ chub sems dpa’ bzod pa’i pha rol tu phyin pa la brtson pas gzugs la sems can (7) gnod pa byed pa la ji mi sñam pa’i bzod pa daṅ | sdug bsṅal daṅ du len pa’i bzod pa daṅ | chos la ṅes par sems pa’i bzod pa daṅ | bzod pa daṅ | bzod pa chen po daṅ | bzod pa rnam pa lṅa bsgom par bya’o ||
rab ’byor byaṅ chub sems dpa’ bzod pa’i pha rol tu phyin pa la (117b1) brtson pas tshor ba daṅ | ’du śes daṅ | ’du byed rnams daṅ | rnam par śes pa la sems can gnod pa byed pa la ji mi sñam pa’i bzod pa daṅ | sdug bsṅal daṅ du len pa’i bzod pa daṅ | chos la ṅes par sems pa’i bzod pa daṅ | bzod pa daṅ | bzod pa chen po daṅ | bzod (2) pa rnam pa lṅa bsgom par bya’o ||
rab ’byor byaṅ chub sems dpa’ barotsana ’grus kyi pha rol tu phyin pa la brtson pas gzugs la luṅ nod pa daṅ | kha ton bya ba sems pa’i brtson ’grus daṅ | ñes pa thams cad yoṅs su spaṅ ba’i brtson ’grus daṅ | yon tan thams cad yoṅs su bsdu (3) ba’i brtson ’grus daṅ | brtson ’grus daṅ | brtson ’grus chen po daṅ | brtson ’grus rnam pa lṅa bsgom par bya’o ||
rab ’byor byaṅ chub sems dpa’ brtson ’grus kyi pha rol tu phyin pa la brtson pas tshor ba daṅ | ’du śes daṅ | ’du byed rnams daṅ | rnam par śes (4) ba la luṅ nod pa daṅ | kha ton bya ba sems pa’i brtson ’grus daṅ | ñes pa thams cad yoṅs su spaṅ ba’i brtson ’grus daṅ | yon tan thams cad yoṅs su bsdu ba’i brtson ’grus daṅ | brtson ’grus daṅ | brtson ’grus chen po daṅ | brtson ’grus rnam pa lṅa bsgom (5) par bya’o ||
rab ’byor byaṅ chub sems dpa’ bsam gtan gyi pha rol tu phyin pa la brtson pas gzugs la tshig ’bru la ltos pa’i dge ba’i bsam gtan daṅ | tshig ’bru la mi ltos pa’i dge ba gdod ma nas dag pa’i ’jig rten pa’i bsam gtan daṅ | ’jig rten las ’das (6) pa’i bsam gtan daṅ | bsam gtan daṅ | bsam gtan chen po daṅ | bsam gtan rnam pa lṅa bsgom par bya’o ||
rab ’byor byaṅ chub sems dpa’ bsam gtan gyi pha rol tu phyin pa la brtson pas tshor ba daṅ | ’du śes daṅ | ’du byed rnams daṅ | rnam par śes pa la tshig (7) ’bru la ltos pa’i dge ba’i bsam gtan daṅ | tshig ’bru la mi ltos pa’i dge ba gdod na mas dag pa’i ’jig rten pa’i bsam gtan daṅ | ’jig rten las ’das pa’i bsam gtan daṅ | bsam gtan daṅ | bsam gtan chen po daṅ | bsam gtan rnam pa lṅa bsgom par (118a1) bya’o ||
rab ’byor byaṅ chub sems dpa’ śes rab kyi pha rol tu phyin pa la brtson pas gzugs la tshig ’bru la ltos pa’i bsam gtan la brten pa’i śes rab daṅ | tshig ’bru la mi ltos pa’i dge ba gdod ma nas dag pa’i ’jig rten pa’i bsam gtan la brten pa’i (2) śes rab daṅ | ’jig rten las ’das pa’i bsam gtan la brten pa’i śes rab daṅ | śes rab daṅ | śes rab chen po daṅ | śes rab rnam pa lṅa bsgom par bya’o ||
rab ’byor byaṅ chub sems dpa’ śes rab kyi pha rol tu phyin pa la brtson pas tshor ba daṅ | ’du śes daṅ | (3) ’du byed rnams daṅ | rnam par śes pa la tshig ’bru la ltos pa’i dge ba’i bsam gtan la brten pa’i śes rab daṅ | tshig ’bru la mi ltos pa’i dge ba gdod ma nas dag pa’i ’jig rten pa’i bsam gtan la brten pa’i śes rab daṅ | ’jig rten las ’das pa’i bsam gtan la brten pa’i (4) śes rab daṅ | śes rab daṅ | śes rab chen po daṅ | śes rab rnam pa lṅa bsgom par bya’o ||
rab ’byor byaṅ chub sems dpa’ dge ba’i bśes gñen la bsten pa daṅ ldan pas mñan pas bsten pa daṅ | bsñen bkur bya ba daṅ | yoṅs su spyad pa daṅ | bslab pa’i cho ga daṅ (5) ’thun pas bsten pa daṅ | nan tan gyis mgu bar bya bas bsten pa daṅ | bsten pa daṅ | bsten pa chen po daṅ | dge ba’i bśes gñen la bsten pa rnam pa lṅas gzugs la dge ba’i bśes gñen la bsten par bya’o ||
rab ’byor byaṅ chub sems dpa’ dge ba’i bśes gñen la (6) bsten pa daṅ ldan pas mñan pas bsten pa daṅ | bsñen bkur bya ba daṅ | yoṅs su spyad pa daṅ | bslab pa’i cho ga bźin du bsten pa daṅ | nan tan gyis mgu bar bya bas bsten pa daṅ | bsten pa daṅ | bsten pa chen po daṅ | dge ba’i bśes gñen la bsten pa rnam pa lṅas tshor ba (7) daṅ | ’du śes daṅ | ’du byed rnams daṅ | rnam par śes pa la dge ba’i bśes gñen la bsten par bya’o ||
de ltar dge ba’i bśes gñen la bsten pa’i byaṅ chub sems dpa’ ni rnam par thar ba’i thabs kyaṅ yoṅs su ’dzin ciṅ bsod nams maṅ po yaṅ rab tu bskyed de (118b1) myur du bla na med pa yaṅ dag par rdzogs pa’i byaṅ chub yaṅ ṅes par ’byuṅ ṅo ||
rab ’byor byaṅ chub sems dpa’ de bźin gśegs pa la mchod pa la brtson pas bstod pa sna tshogs ñe bar bsgrub pa’i mchod pa daṅ | ’thob pa daṅ | bkur sti ñe bar bsgrub pa’i mchod pa (2) daṅ | nan tan gyis mñes par bya ba’i mchod pa daṅ | mchod pa daṅ | mchod pa chen po daṅ | mchod pa rnam pa lṅas gzugs la de bźin gśegs pa la mchod par bya’o ||
rab ’byor byaṅ chub sems dpa’ de bźin gśegs pa la mchod pa la brtson pas bstod pa sna (3) tshogs ñe bar bsgrub pa’i mchod pa daṅ | ’thob pa daṅ | bkur sti ñe bar bsgrub pa’i mchod pa daṅ | nan tan gyis mñes par bya ba’i mchod pa daṅ | mchod pa daṅ | mchod pa chen po daṅ | mchod pa rnam pa lṅas tshor ba daṅ | ’du śes daṅ | ’du byed rnams daṅ | rnam par śes (4) pa la de bźin gśegs pa la mchod par bya’o ||
de ltar de bźin gśegs pa la mchod pa la brtson pa’i byaṅ chub sems dpa’ la phyogs bcu’i ’jig rten gyi khams mtha’ yas pa’i saṅs rgyas bcom ldan ’das rnams kyis bsṅags pa brjod pa mdzad do ||
lha daṅ | mi daṅ | (5) lha ma yan du bcas pa’i ’jig rten las kyaṅ ’thob pa daṅ | bkur sti rñed do ||
sems can tshad med pa yaṅ yoṅs su smin par byed do ||
saṅs rgyas gyi źiṅ yaṅ yoṅs su dag par byed de myur du bla na med pa yaṅ dag par rdzogs pa’i byaṅ chub kyaṅ mṅon par rdzogs par ’tshaṅ rgya’o ||
(6) rab ’byor byaṅ chub sems dpa’ sbyin pa’i pha rol tu phyin pa daṅ ldan pa gzugs la mtshan ma daṅ bcas pa’i sbyin pa sgom na myur du sbyin pa’i pha rol tu phyin pa yoṅs su rdzogs par mi byed do ||
mtshan ma med pa’i sbyin pa sgom na ni myur du sbyin pa’i pha rol tu phyin pa yoṅs su rdzogs par (7) byed do ||
rab ’byor byaṅ chub sems dpa’ gzugs la mtshan ma daṅ bcas pa’am | mtshan ma med pa’i sbyin pa ji ltar sgom źe na | rab ’byor gal te byaṅ chub sems dpa’ gzugs la sbyin pa la mos na | mos par bya ba’i sbyin pa’am | mos pa’i sbyin pa dmigs te | byaṅ (119a1) chub sems dpa’ gzugs la mtshan ma daṅ bcas pa’i sbyin pa bsgom pa rig par bya’o ||
rab ’byor gal te byaṅ chub sems dpa’ gzugs la sbyin pa la mos na ’di lta ste | gzugs ṅo bo ñid kyis dmigs su med pa daṅ | de ltar dṅos po dmigs su med pa (2) daṅ | raṅ bźin gyis dmigs su med pas mos par bya ba’i sbyin pa mi dmigs śiṅ mos pa’i sbyin pa mi dmigs te | byaṅ chub sems dpa’ gzugs la mtshan ma med pa’i sbyin pa bsgom par rig par bya’o ||
rab ’byor byaṅ chub sems dpa’ sbyin pa’i pha rol tu phyin pa la brtson pas tshor ba (3) daṅ | ’du śes daṅ | ’du byed rnams daṅ | rnam par śes pa la mtshan ma daṅ bcas pa’i sbyin pa sgom na myur du sbyin pa’i pha rol tu phyin pa yoṅs su rdzogs par mi byed do ||
mtshan ma med pa’i sbyin bsgom na ni myur du sbyin pa’i pha rol tu phyin pa yoṅs su rdzogs par byed do ||
rab ’byor byaṅ chub (4) sems dpa’ rnam par śes pa la mtshan ma daṅ bcas pa’am | mtshan ma med pa’i sbyin pa ji ltar sgom źe na | rab ’byor gal te byaṅ chub sems dpa’ rnam par śes pa la sbyin pa la mos na mos par bya ba’i sbyin pa’am mos pa’i sbyin pa dmigs te | byaṅ chub sems dpa’ rnam par śes (5) pa la mtshan ma daṅ bcas pa’i sbyin pa bsgom par rig par bya’o ||
rab ’byor gal te byaṅ chub sems dpa’ rnam par śes pa la sbyin pa la mos na | ’di lta ste | rnam par śes pa ṅo bo ñid kyis dmigs su med pa daṅ | de ltar dṅos po dmigs su med pa daṅ | raṅ bźin gyis dmigs (6) su med pas mos par bya ba’i sbyin pa mi dmigs śiṅ mos pa’i sbyin pa mi dmigs te | byaṅ chub sems dpa’ rnam par śes pa la mtshan ma med pa’i sbyin pa bsgom par rig par bya’o ||
tshul khrims daṅ | bzod pa daṅ | brtson ’grus daṅ | bsam gtan daṅ | śes rab la yaṅ de bźin sbyar bar (7) bya’o ||
rab ’byor byaṅ chub sems dpas gzugs la stoṅ pa ñid kyi tiṅ ṅe ’dzin yoṅs su śes par bya’o ||
rab ’byor gzugs la stoṅ pa ñid kyi tiṅ ṅe ’dzin gaṅ źe na | rab ’byor gaṅ gzugs la dṅos po med pa stoṅ pa ñid daṅ | de ltar dṅos po stoṅ pa ñid daṅ | raṅ bźin stoṅ pa ñid la dmigs nas (119b1) sems rtse gcig tu byed pa ’di ni stoṅ pa ñid kyi tiṅ ṅe ’dzin te | byaṅ chub sems dpas de ltar gzugs la stoṅ pa ñid kyi tiṅ ṅe ’dzin yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la stoṅ pa ñid kyi tiṅ ṅe ’dzin (2) yoṅs su śes par bya’o ||
rab ’byor rnam par śes pa la stoṅ pa ñid kyi tiṅ ṅe ’dzin gaṅ źe na | rab ’byor gaṅ rnam par śes pa la dṅos po med pa stoṅ pa ñid daṅ | de ltar dṅos po stoṅ pa ñid daṅ | raṅ bźin stoṅ pa ñid la dmigs nas sems rtse gcig tu byed pa ’di ni stoṅ pa ñid kyi tiṅ ṅe (3) ’dzin te | rab ’byor byaṅ chub sems dpas de ltar rnam par śes pa la stoṅ pa ñid kyi tiṅ ṅe ’dzin yoṅs su śes par bya’o ||
rab ’byor byaṅ chub sems dpas gzugs la mtshan ma med pa’i tiṅ ṅe ’dzin yoṅs su śes par bya’o ||
rab ’byor gzugs la mtshan ma med pa’i tiṅ ṅe ’dzin gaṅ źe na | (4) rab ’byor gaṅ byaṅ chub sems dpas gzugs la gzugs dṅos po med pa stoṅ pa ñid daṅ | de ltar dṅos po stoṅ pa ñid daṅ | raṅ bźin stoṅ pa ñid du de ltar yid la byed ciṅ gzugs la dṅos po’i mtshan ma ’gags te dṅos po med pa’i mtshan ma’i rjes su ’braṅ ba’i rnam par śes pa daṅ (5) yaṅ bral | de ltar dṅos po’i mtshan ma rjes su ’braṅ ba’i rnam par śes pa daṅ yaṅ bral | dṅos po daṅ | dṅos po med pa’i mtshan ma’i rjes su ’braṅ ba’i rnam par śes pa daṅ yaṅ bral bar sems rtse gcig tu byed pa ’di ni rab ’byor gzugs la mtshan ma med pa’i tiṅ ṅe ’dzin te | byaṅ chub sems (6) dpas de ltar gzugs la mtshan ma med pa’i tiṅ ṅe ’dzin yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la mtshan ma med pa’i tiṅ ṅe ’dzin yoṅs su śes par bya’o ||
rab ’byor rnam par śes pa la mtshan ma med (7) pa’i tiṅ ṅe ’dzin gaṅ źe na | rab ’byor gaṅ byaṅ chub sems dpas rnam par śes pa la rnam par śes pa dṅos po med pa stoṅ pa ñid daṅ | de ltar dṅos po stoṅ pa ñid daṅ | raṅ bźin stoṅ pa ñid du de ltar yid la byed ciṅ rnam par śes pa la dṅos po’i mtshan ma ’gags te | dṅos po med pa’i mtshan (120a1) ma’i rjes su ’braṅ ba’i rnam par śes pa daṅ yaṅ bral | de ltar dṅos po’i mtshan ma’i rjes su ’braṅ ba’i rnam par śes pa daṅ yaṅ bral | dṅos po daṅ dṅos po med pa’i mtshan ma’i rjes su ’braṅ ba’i rnam par śes pa daṅ yaṅ bral bar sems rtse gcig tu byed pa ’di ni rab ’byor rnam par śes pa la mtshan ma med (2) pa’i tiṅ ṅe ’dzin te | byaṅ chub sems dpas de ltar rnam par śes pa la mtshan ma med pa’i tiṅ ṅe ’dzin yoṅs su śes par bya’o ||
rab ’byor byaṅ chub sems dpas gzugs la smon pa med pa’i tiṅ ṅe ’dzin yoṅs su śes par bya’o ||
rab ’byor gzugs la smon pa med pa’i tiṅ ṅe ’dzin gaṅ źe na | gaṅ gzugs (3) la stoṅ pa ñid daṅ | mtshan ma med pa’i tiṅ ṅe ’dzin rñed pas gzugs la dṅos po med pa’i mtshan ma daṅ mi ’thun pa’i dmigs pa daṅ | de ltar dṅos po med pa’i mtshan ma daṅ mi ’thun pa’i dmigs pa daṅ | dṅos po daṅ dṅos po med pa’i mtshan ma daṅ mi ’thun pa’i dmigs pa la sems rtse gcig tu byed (4) pa ’di ni rab ’byor gzugs la smon pa med pa’i tiṅ ṅe ’dzin te | rab ’byor byaṅ chub sems dpas de ltar gzugs la smon pa med pa’i tiṅ ṅe ’dzin yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la smon pa med pa’i tiṅ ṅe (5) ’dzin yoṅs su śes par bya’o ||
rab ’byor rnam par śes pa la smon pa med pa’i tiṅ ṅe ’dzin gaṅ źe na | rab ’byor gaṅ rnam par śes pa la stoṅ pa ñid daṅ | mtshan ma med pa’i tiṅ ṅe ’dzin rñed pas rnam par śes pa la dṅos po med pa’i mtshan ma daṅ mi ’thun pa’i dmigs pa daṅ | de ltar dṅos po’i mtshan ma daṅ | (6) mi ’thun pa’i dmigs pa daṅ | dṅos po daṅ dṅos po med pa’i mtshan ma daṅ mi ’thun pa’i dmigs pa la sems rtse gcig tu byed pa ’di ni rab ’byor rnam par śes pa la smon pa med pa’i tiṅ ṅe ’dzin te | rab ’byor byaṅ chub sems dpas de ltar rnam par śes pa la smon pa med pa’i tiṅ ṅe ’dzin yoṅs su śes par bya’o ||
(7) rab ’byor byaṅ chub sems dpas gzugs la med pa’i don daṅ | rnam par ’jig pa’i don daṅ | dri ma daṅ bcas pa daṅ | dri ma med pa’i don daṅ | don gsum gyis mi rtag pa ñid yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la med pa’i (120b1) don daṅ | rnam par ’jig pa’i don daṅ | dri ma daṅ bcas pa daṅ | dri ma med pa’i don daṅ | don gsum gyis mi rtag pa ñid yoṅs su śes par bya’o ||
rab ’byor byaṅ chub sems dpas gzugs la mṅon par źen pa’i don daṅ | mtshan ñid rnam pa gsum gyi don daṅ | ’brel pa’i don daṅ | don gsum gyis sdug bsṅal ñid (2) yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la mṅon par źen pa’i don daṅ mtshan ñid rnam pa gsum gyi don daṅ | ’brel ba’i don daṅ | don gsum gyis sdug bsṅal yoṅs su śes par bya’o ||
rab ’byor byaṅ chub sems dpas (3) gzugs la dṅos po med pa bdag med pa’i don daṅ | de ltar dṅos po bdag med pa’i don daṅ | raṅ bźin bdag med pa’i don daṅ | don gsum gyis bdag med pa ñid yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la dṅos po (4) med pa bdag med pa’i don daṅ | de ltar dṅos po bdag med pa’i don daṅ | raṅ bźin bdag med pa’i don daṅ | don gsum gyis bdag med pa ñid yoṅs su śes par bya’o ||
rab ’byor byaṅ chub sems dpas gzugs la gzugs dṅos po med pa śin tu źi ba’i don daṅ | de ltar dṅos po źi ba’i don daṅ | raṅ bźin (5) gyis rnam par dag pa źi ba’i don daṅ | don gsum gyis mya ṅan las ’das pa źi pa ñid yoṅs su śes par bya’o ||
rab ’byor byaṅ chub sems dpas tshor ba daṅ | ’du śes daṅ | ’du byed rnams daṅ | rnam par śes pa la rnam par śes pa dṅos po med pa śin du źi ba’i don daṅ | de ltar dṅos po źi ba’i don daṅ | (6) raṅ bźin gyis rnam par dag pa źi ba’i don daṅ | don gsum gyis mya ṅan las ’das pa źi ba ñid yoṅs su śes par bya’o ||
bcom ldan ’das kyis de skad ces bka’ stsal nas | gnas brtan rab ’byor daṅ | dge sloṅ daṅ | dge sloṅ ma daṅ | dge bsñen daṅ | dge bsñen ma de dag daṅ | lha daṅ | mi daṅ | lha ma (7) yin daṅ | dri zar bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do ||
