de nas bcom ldan 'das la 'jam dpal gźon nur gyur pas 'di skad ces gsol to ||
bcom ldan 'das slad ma'i tshe slad ma'i dus na | gaṅ dag mdo 'di 'chaṅ ba daṅ | klog pa daṅ | 'chad pa daṅ | gźan (3)dag la rgya cher yaṅ dag par ston pa daṅ | yi ger 'dri ba daṅ | yi ger 'drir stsol ba daṅ | glegs bam la bris te me tog daṅ | bdug pa daṅ | spos daṅ | phreṅ ba daṅ byug pa daṅ | gdugs daṅ | rgyal mtshan rnams kyis bkur sti bgyid pa'i dad pa'i rigs (4)kyi bu 'am | rigs kyi bu mo de dag la bdag gis bcom ldan 'das de bźin gśegs pa sman gyi bla bai ḍū rya'i 'od de'i mtshan rnam pa sna tshogs su bsgrag par bgyi 'o || tha na rmi lam du yaṅ saṅs rgyas kyi mtshan rna lam du ñe bar bsgrag par bgyi'o || tshon sna lṅa pa'i (5)gos rnams kyis dkris te phyogs gtsaṅ mar bźag na |
gaṅ na mdo sde 'di gnas pa der rgyal po chen po bźi 'khor daṅ bcas pa daṅ | lha bye ba khrag khrig brgya stoṅ gźan yaṅ mchi bar 'gyur ro ||
gaṅ dag bcom ldan 'das de bźin gśegs pa sman gyi bla bai ḍū rya'i 'od (6)de'i mtshan daṅ | sṅon gyi smon lam gyi khyad par rgyas pa'i mdo 'di 'dzin pa de dag dus ma lags par 'gum par mi 'gyur | sus kyaṅ mdaṅs 'phrog par mi nus te | phrogs na yaṅ slar 'phrog par 'gyur ro ||