bcom ldan 'das kyis bka' stsal pa | 'jam dpal (7)de de bźin te ji skad smras pa bźin no ||
'jam dpal dad pa'i rigs kyi bu 'am | rigs kyi bu mo gaṅ dag de bźin gśegs pa de la mchod pa byed pa de dag gis
de bźin gśegs pa de'i sku gzugs bya | ñin źag bdun du 'phags pa'i lam yan lag brgyad daṅ ldan pa'i (279b1)bsñen gnas la ñe bar gnas par bya'o || kha zas gtsaṅ ma bza' źiṅ lus legs par bkrus te | gos bzaṅ po dri ma med pa bgo źiṅ phyogs gtsaṅ mar me tog sna tshogs sil ma bkram pa | spos sna tshogs kyis bdug pa | ras daṅ | gdugs daṅ | rgyal mtshan (2)sna tshogs kyis legs par brgyan pa'i sa phyogs su dri ma med pa'i sems daṅ | rñog pa med pa'i sems daṅ | gnod sems med pa'i sems daṅ | byams pa'i sems daṅ | btaṅ sñoms kyi sems daṅ | mñam pa'i sems su bya | rol mo'i sgra daṅ | sil (3)sñan daṅ | glu dbyaṅs blaṅ źiṅ de bźin gśegs pa'i sku gzugs de la bskor ba bya ste |
de'i sṅon gyi smon lam yaṅ yid la bya ziṅ mdo sde 'di yaṅ bstan na gaṅ bsams pa daṅ | gaṅ smon pa'i bsam pa de thams cad yoṅs su rdzogs par 'gyur te |
gal te tshe riṅ (4)bar smon na ni tshe riṅ por 'gyur ro || gal te loṅs spyod daṅ ldan par smon na ni loṅs spyod 'byor par 'gyur ro || gal te dbaṅ phyug daṅ ldan par smon na ni tshigs chuṅ dus rñed par 'gyur ro || gal te bu 'dod na ni bu rñed par 'gyur ro ||
gaṅ dag sdig pa can gyi rmi (5)lam rmis sam | gaṅ du bya khwa ta daṅ | ltas ṅan pa mthoṅ ṅam | gnas gaṅ du bkra mi śis pa brgya dag gnas par gyur pa la gaṅ dag bcom ldan 'das de bźin gśegs pa sman gyi bla bai ḍū rya'i 'od de la mchod pa rnam pa sna tshogs kyis bkur sti byed na | rmi lam ṅan (6)pa daṅ | ltas ṅan pa daṅ | bkra mi śis pa'i dṅos po thams cad mthoṅ bar mi 'gyur ro ||
gaṅ dag mes 'jigs pa daṅ | chus 'jigs pa daṅ | dug gis 'jigs pa daṅ | mtshon gyis 'jigs pa daṅ | g.yaṅ sas 'jigs pa daṅ | glaṅ po che gtum pos (7)'jigs pa daṅ | seṅ ges 'jigs pa daṅ | stag gis 'jigs pa daṅ | dom daṅ | dred daṅ | sbrul gdug pas 'jigs pa daṅ | sbrul daṅ | sdig pa daṅ | rkaṅ lag brgya pa'i 'jigs pa de dag gis | de bźin gśegs pa de la mchod pa byas na 'jigs pa (280a1)thams cad las yoṅs su thar par 'gyur ro ||
gaṅ dag pha rol gyi dmag tshogs kyis 'jigs pa daṅ | rkun pos 'jigs pa daṅ | chom pos 'jigs pa de dag gis yaṅ de bźin gśegs pa de la mchod pa bya'o ||