de nas bcom ldan 'das kyis tshe daṅ ldan pa kun dga' bo la bka' stsal pa | kun dga' bo gaṅ gi phyir ṅa bcom ldan 'das de bźin gśegs pa sman gyi bla bai ḍū rya'i 'od de'i yon tan brjod par khyod dad dam yid ches sam | yaṅ na khyod saṅs rgyas kyi spyod (280b1)yul zab mo 'di la yid gñis sam | som ñi 'am | the tshom za ba med dam | de skad ces bka' stsal pa daṅ |
de nas bcom ldan 'das la tshe daṅ ldan pa kun dga' bos 'di skad ces gsol to || btsun pa bcom ldan 'das bdag de bźin gśegs pas (2)gsuṅs pa'i chos rnams la yid gñis sam | som ñi 'am | the tshom 'tshal ba ma mchis so ||
de ci'i slad du źe na | de bźin gśegs pa rnams la sku daṅ | gsuṅ daṅ | thugs kyi kun tu spyod pa yoṅs su ma dag pa mi mṅa' ba'i slad du'o ||
bcom ldan 'das (3)gdugs daṅ dguṅ zla 'di ltar rdzu 'phrul che źiṅ 'di ltar mthu che ba 'di gñis ni dogs la ltuṅ yaṅ gda' | ri'i rgyal po ri rab ni gnas nas 'pho yaṅ gda' yi | saṅs rgyas rnams kyis bka' ni gźan du mi 'gyur lags so ||
btsun pa bcom ldan 'das de lta lags (4)kyis kyang sems can dad pa'i dbaṅ po daṅ bral ba dag mchis te | saṅs rgyas rnams kyi saṅs rgyas kyi spyod yul 'di thos nas de dag 'di sñam du sems par 'gyur te de bźin gśegs pa de'i mtshan 'di dran pa tsam gyis ji ltar śin tu yon tan daṅ | phan yon du (5)'gyur sñam nas | de dag mi dad ciṅ yid ma ches śiṅ spoṅ bas |
yun riṅ por gnod pa daṅ | mi sman pa daṅ | mi bde ba daṅ | log par ltuṅ bar 'gyur ro ||
bcom ldan 'das kyis bka' stsal pa | kun dga' bo de bźin gśegs pa de'i mtshan su'i rna lam du (6)grags par gyur pa de ṅan 'gro ṅan soṅ du 'gro bar 'gyur ba ni gnas med de go skabs ma yin no ||
kun dga' bo saṅs rgyas rnams kyi saṅs rgyas kyi spyod yul ni yid ches par dka' ba'o || kun dga' bo khyod dad ciṅ yid ches pa gaṅ yin pa de ni de bźin gśegs pa'i mthu (7)yin par blta'o ||
byaṅ chub sems dpa' sems dpa' chen po skye ba gcig gis thogs pa rnams ma gtogs par | 'di ni ñan thos daṅ | raṅ saṅs rgyas thams cad kyis ma yin no ||
kun dga' bo mir 'gyur ba rñed pa ni rñed par dka'o || dkon mchog gsum la (281a1)dad ciṅ gus pa yaṅ rñed par dka'o || de bźin gśegs pa de'i mtshan thos pa yaṅ rñed par śin tu dka'o ||
kun dga' bo bcom ldan 'das de bźin gśegs pa sman gyi bla bai ḍū rya'i 'od de'i byaṅ chub sems dpa'i spyod pa ni tshad med do || thabs 1
(2)mkhas pa yaṅ tshad med do || smon lam gyi khyad par rgyas pa yaṅ tshad med do ||ṅa de bźin gśegs pa de'i byaṅ chub sems dpa'i spyod pa bskal pa 'am | bskal pa las lhag par rgya cher yaṅ dag par bśad par 'dod kyaṅ bskal pa zad par 'gyur gyi | bcom (3)ldan 'das de bźin gśegs pa sman gyi bla bai ḍū rya'i 'od de'i sṅon gyi smon lam gyi khyad par rgyas pa'i mtha' rtogs par ni mi 'gyur ro ||