de nas tshe daṅ ldan pa kun dga' bos | byaṅ (4)chub sems dpa' skyabs grol la 'di skad ces smras so || rigs kyi bu | bcom ldan 'das de bźin gśegs pa sman gyi bla bai ḍū rya'i 'od de la | ji ltar mchod par bya |
byaṅ chub sems dpa' skyabs grol gyis smras pa | btsun pa kun dga' bo gaṅ dag nad chen (5)po las yoṅs su thar bar 'dod pa de dag gis nad pa de'i don du |
ñin bdun mtshan bdun du yan lag brgyad dang ldan pa'i gso sbyong gi sdom ba blang bar bya'o || dge slong gi dge 'dun la zas dang | skom rnams dang | yo byad thabs cad kyis ci nus su mchod pa dang | (6)rim gro bya'o ||1
ñin lan bdun mtshan lan bdun du | bcom ldan 'das de bźin gśegs pa sman gyi bla bai ḍū rya'i 'od de'i mtshan yid la bya'o || mdo 'di lan bźi bcu rtsa dgu gdon par bya'o ||
źag bźi bcu rtsa dgur mar me bud par bya'o || sku gzugs (7)bdun bya'o || sku gzugs re re'i spyan sṅar yaṅ mar me bdun bdun gźag go | mar me re re'i tshad kyaṅ śiṅ rta'i 'phaṅ lo tsam du byas te | ci nas kyaṅ źag bźi bcu rtsa dgur mar me mi zad par bya'o || tshon sna lṅa ba'i ba dan bźi bcu rtsa dgu las lhag par bya'o ||