drug sde rnams sde dro śam thabs daṅ caso gos bgos | lhuṅ bzed thogs te yaṅs ba can du bsod sñoms kyi phyir źugs pa (2a1) daṅ | yaṅs pa can gyi bar daṅ | khaṅ pa brtsegs pa’i bar gyi bar skabs de na yaṅs pa can gyi li ts+tsha bī rnams kyi skyed mos chel me tog daṅ | ’bras bu daṅ | chu phun sum tshogs pa | bya sna tshogs skad ’byin pa dga’ (2) ba’i tshal daṅ ’dra ba de dag na de dag gi rtse ba daṅ | gar daṅ | glu daṅ | rol mo’i sgrī cha byad sna tshogs dag daṅ | khrus kyi yo byad sna tshogs dag kyaṅ bźag pa daṅ | drug sde rnams kyis smras pa | dga’ bo ñe dga’ bo ||
yaṅs pa can (3) gyi li ts+tsha bī ’di dag daṅ | skyed mos chel gyi dga’ ba ni bcom ldan ’das kyis sum bcu rtsa gsum pa’i lha rnams kyi dper mdzad na | re źig de dag gi skyed mos chel ci ’dra ba balto źes de rnams glod nas de dag gi skyed mos chel du źugs so ||
(4) de ṅag gis de na brtsal ba’i yo byad mda’ bo che daṅ | draṅ ba daṅ | ’phaṅ rdo sna tshogs daṅ | gar daṅ | glu daṅ | rol mo’i sgra’i cha byad sna tshogs daṅ | pi baṅ daṅ | gliṅ bu daṅ | rdza rṅa daṅ | khar rṅa daṅ | skad sñan la sogs pa sna tshogs daṅ | (5) khrus kyi yo byad so phag daṅ | bkru ba’i phye ma daṅ | mgo bkru ba sgyu ru ra sna tshogs mthoṅ ba daṅ | de rnams kyis phan tshun smras pa | dga’ bo ñe dga’ bo yo byad phun sum tshogs pa rnam pa du ma ’di dag yod na | ci re źig rtsal bya’am | ’on (6) te gar bya’am | glu blaṅ ṅam | rol mo’i sgra bya’am | khrus bya | kha cig gis smras pa | bdag cag bkrus nas riṅ źig lon gyis | je khrus bya’o źes de dag glod nas so phag dag gis drud ciṅ drud nas khrus bya bar brtsams pa daṅ | bzo’i gnas (2b1) daṅ | las kyi gnas de dag la mkhas pas khrus la źugs pa de rnams kyi sgra yid du ’od ba ’di lta ste | sil sñan yan lag lṅa pa skyes bu mkhas pas legs par dkrol ba’i lta bu byuṅ ṅo ||
skye bo’i tshogs phal po che lam