de nas tshe daṅ ldan pa ñe ba ’khor bcom ldan ’das ga la ba der soṅ ste phyin nas | bcom ldan ’das kyi źabs gñis la mgo (4) bos phyag ’tshal te phyogs gcig tu ’dug go ||
phyogs gcig tu ’dug nas tshe daṅ ldan pa ñe ba ’khor gyis saṅs rgyas bcom ldan ’das la źus pa | btsun pa bcom ldan ’das kyis yaṅ dge (5) sloṅ gaṅ dge sloṅ rnams daṅ lhan cig bslab pa mtshuṅs par źugs pas bslab pa ma phul | bslab pa ñams par ma byas par mi tshaṅs par spyod pa ’khrig pa las byuṅ ba’i chos bsten na | tha na dud (2a1) ’gro’i skye gnas su gtogs pa daṅ | lhan cig kyaṅ ruṅ ste | dge sloṅ de yaṅ pham par gyur pa yin gyis gnas par mi bya’o źes gsuṅs pa gaṅ lags pa | btsun pa re źig dge sloṅ gis mi’i bud med gsaṅ sṅags daṅ | sman dag gis dud ’gro’i (2) skye gnas par bsgyur te ||
de daṅ lhan cig mi tshaṅs par spyod pa ’khrig pa las byuṅ ba’i chos bsten na cir ’gyur lags | mthar ’gyur ro ||
btsun pa re źig dge sloṅ gis gsaṅ sṅags daṅ | sman dag gis bdag ñid dud ’gro’i skye gnas par bsgyur te | mi’i bud med daṅ (3) lhan cig mi tshaṅs par spyod pa ’khrig pa las byuṅ ba’i chos bsten na cir ’gyur lags | gal te ’khrig pa las byuṅ ba daṅ ldan pa byar mi ruṅ bar dge sloṅ du ’du śes yod la | de la yaṅ byed na mthar ’gyur ro | gal te dge sloṅ du ’du śes med na ñes pa sbom por ’gyur ro ||
(4) btsun pa re źig dge sloṅ gñis śig gis mi’i bud med daṅ | bdag ñid gsaṅ sṅags daṅ | sman dag gis dud ’gro’i skye gnas par bsgyur te lhan cig phan tshun mi tshaṅs par spyod pa ’khrig pa las byuṅ ba’i chos bsten na cir ’gyur lags | gal te ’khrig pa las byuṅ ba (5) daṅ ldan pa byar mi ruṅ par dge sloṅ du ’du śes yod la | de yaṅ byed na ni mthar ’gyur ro ||
gal te dge sloṅ du ’du śes na ñes pa sbom por ’gyur ro ||
saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa bcom ldan ’das kyis bcug ma thag (6) tu mthar ’gyur ro źes gsuṅs pa gaṅ lags pa | ji tsam gyis na kha’i lam du bcug pa źes bgyi | ñe ba ’khor so las nor bu ’da’ bar byed pa tsam gyis so ||
ji tsam gyis na bśad ba’i lam du bcug pa źes bgyi | ji tsam du bu ga’i sbubs las nor bu ’da’ bar byed pa (2b1) tsam gyis so ||
ji tsam gyis na gci ba’i lam du bcug pa źes bgyi | pags pa’i rim pa las nor bu ’da’ bar byed pa tsam gyis so ||
btsun pa bud med phyed tshal du gśags par gyur la | ’di’i rma’i sgo gsum yaṅ ñams par gyur pa | dge sloṅ gis tshal pa daṅ tshal pa sbyar nas mi tshaṅs (2) par spyod pa ’khrig pa las byuṅ ba’i chos sbyad na cir ’gyur lags | ñes pa sbom por ’gyur ro ||
btsun pa re źig bud med rked par bcad par gyur la | ’di’i rma’i sgo gsum las rma’i sgo gaṅ yaṅ ruṅ bźig mñams par gyur pa de la yaṅ dge sloṅ gis mi tshaṅs par spyod pa ’khrig pa las (3) byuṅ ba’i chos bsten cir ’gyur lags | mthar ’gyur ro ||
btsun pa re źig dge sloṅ gis bud med mgo bcad pa daṅ lhan cig mi tshaṅs par spyod pa ’khrig pa las byuṅ ba’i chos bsten na cir ’gyur lags | gal te bśad pa’i lam mam | gci ba’i lam du bsten na mthar ’gyur ro ||
ji (4) ste kha’i lam mam | sbubs sam | phrag pa’i gsab gseb tu so sor bsten na cir ’gyur lags | ñes pa sbom por ’gyur ro ||
btsun pa bcom ldan ’das kyis mi ma yin pa mo daṅ lham cig mi tshaṅs par spyod pa ’khrig pa las byuṅ ba’i chos bsten na mthar ’gyur ro źes gsuṅs pa gaṅ lags pa (5) mi ma lags pa mo ji lta bu źig lags | yan lag thams cad kyis kyaṅ gzuṅ du chog pa gaṅ yin pa ste | de bźin du dud ’gro’i skye gnas su gtogs pa rnams la yaṅ brjod par bya’o ||
btsun pa re źig dge sloṅ gis so’i phyi rol mchu’i naṅ du mi tshaṅs par spyod pa ’khrig pa las byuṅ ba’i chos bsten (6) na cir ’gyur lags | ñes pa sbom por ’gyur ro ||
btsun pa re źig dge sloṅ gis bśaṅ ba’i lam mam | gci ba’i lam mam | kha’i lam gaṅ yaṅ ruṅ bar ma reg par bcug na cir ’gyur lags | ñes pa sbom por ’gyur ro ||
btsun pa re źig dge sloṅ gis phag mo’i ro bsregs pa sbum (7) mchis pa la mi tshaṅs par spyod pa ’khrig pa las byuṅ ba’i chos bsten na cir ’gyur lags | ñes pa sbom por ’gyur te | de bźin du dud ’gro’i skye gnas su gtogs pa thams cad la yaṅ brjod par bya’o || ||
.
.
.
.
.
.
.
.
.
.
.
.
.
.
.
.
.