Bibliotheca Polyglotta

[Nidāna]
(70a6) sgo rnams kyi mdo bsdus pa ste |

(7) bsñen par rdzogs pa daṅ po daṅ ||
so sor phye daṅ dkyil ’khor daṅ |
de bźin sgo leb byaṅ sems te ||
gleṅ gźi rnams ni ’dir bsdus so ||

mdor bsdus pa ste |

bsñen par rdzogs daṅ lhag pa daṅ ||
yoṅs su dag daṅ bskor bas ||
phyed daṅ (70b1) gsum daṅ sde daṅ daṅ ||
chad pa daṅ kyaṅ de bźin no ||

blaṅs pa daṅ ni śa rje na daṅ bsdus pa rnams kyi mdor bśad pa’o ||

mdor na |
bsñen par rdogs par byed pa nas ||
bdu med skyes pa mṅon du gnas ||
rab tu ma byuṅ bsñen par rdzogs ||
bar (2) chad dag kyaṅ rnam pa bźi ||
mkhan po med daṅ bya rog daṅ ||
daṅ po’i sder yaṅ brjod pa’o ||

saṅs rgyas bcom ldan ’das mñan du yod pa’i rdze ta’i tshal mgon med zas sbyin gyi kun dga’ bar na bźugs pa’i tshe saṅs rgyas bcom ldan ’das la tshe daṅ ldan pa (3) u pā lis źus pa | btsun pa bsñen par rdzogs pa’i tshe mtshan ’aphaso na de bsñen par rdzogs pa źes bgyi’am | bsñen par ma rdzogs pa źes bgyi | bcom ldan ’das kyis bka’ stsal pa | u pā li bsñen par ni rdzogs mod kyi dge sloṅ ma’i naṅ du ni (4) thoṅ śig | btsun pa dge sloṅ dag gis bud med skyes pa ’dra ba skyes pa’i dbyaṅs can | skyes pa’i skad du smra ba | skyes pa’i sgra can | skyes pa’i dbyibs lta bu źig bsñen par rdzogs par bgyis na bsñen par rdzogs pa źes bgyi’am | bsñen par ma (5) rdzogs pa źes bgyi | u pā li bsñen par ni rdzogs mod kyi bsñen par ni rdzogs mod kyi bsñen par rdogs par byed pa ni ’das pa daṅ bcas par ’gyur ro || btsun pa skyes pa źig las bud med ’dra ba | bud med kyi dbyaṅs can | bud med kyi skad du smra ba | bud med kyi sgra can | (6) bud med kyi dbyibs lta bu źig bsñen par rdzogs par bgyis na de bsñen par rdzogs pa źes bgyi’am | bsñen par ma rdzogs pa źes bgyi | u pā li bsñen par ni rdzogs mod kyi bsñen par rdzogs par byed pa ni ’das pa daṅ bcas par ’gyur ro || btsun pa rab (7) tu ma byuṅ bar dge sloṅ dag gis bsñen par rdzogs par bgyis na de bsñen par rdzogs pa źes bgyi’am | bsñen par ma rdzogs pa źes bgyi | u pā li bsñen par ni rdzogs mod kyi bsñen par rdzogs par byed pa ni ’das pa daṅ bas par ’gyur ro || btsun pa bsñen par (71a1) ma rdzogs bar mkhan po bgyis te | dge sloṅ dag gis bsñen par rdzogs par bgyis na bsñen par rdzogs pa źes bgyi’am | bsñen par ma rdzogs pa źes bgyi | u pā li bsñen par ni rdzogs mod kyi bsñen par rdzogs par byed pa ni ba’adasa pa daṅ | (2) bcas par ’gyur ro || btsun pa bar chad kyi chos daṅ ldan la bdag bar chad kyi chos daṅ ldan no źes mchi bźin du dge sloṅ dag gis bsñen par rdzogs par bgyis na bsñen par rdzogs pa źes bgyi’am | bsñen par ma rdzogs pa źes bgyi | u pā li bsñen par yaṅ (3) ma rdzogs la bsñen par rdzogs par byad pa yaṅ ’das pa daṅ bcas par ’gyur ro || batsunapa bar chad kyi chos daṅ mi ldan la bdag bar chad kyi chos daṅaldana no źes mchi ba źig dge sloṅ dag gis bsñen par rdzogs par bgyis na de bsñen par rdzogs pa źe bgyi’am | (4) bsñen par ma rdzogs pa źes bgyi | u pā li bsñen par ni rdzogs mod kyi bsñen par rdzogs par byed pa de dag ni ’das pa daṅ bcas par ’gyur ro || btsun pa bar chad kyi chos daṅ yaṅ mi ldan la bdag bar chad kyi chos daṅ mi ldan no źes mchid ba źig dge sloṅ dag (5) gis bsñen par rdzogs par bgyis na de bsñen par rdzogs pa źes bgyi’am | bsñen par ma rdzogs pa źes bgyi u pā li bsñen par yaṅ rdzogs la bsñen par rdzogs par byad pa la yaṅ ’das pa daṅ bcas par mi ’agyu.ura ro || btsun pa mkhan po ma mchis (6) bźin du dge sloṅ dag gis bsñen par rdzogs par bgyis na de bsñen par rdzogs pa źes bgyi’am | bsñen par ma rdzogs pa źes bgyi | u pā li bsñen par ni rdzogs mod kyi bsñen par rdzogs par byed pa daṅ ni ’das pa daṅ bas par ’gyur ro || btsun pa mkhan (7) bo daṅ ldan par dge sloṅ dag gis bsñen par rdzogs par bgyis na de bsñen par rdzogs pa źes bgyi’am | bsñen par ma rdzogs pa źes bgyi | u pā li bsñen par yaṅ rdzogs la bsñen par rdzogs par byed pa la yaṅ ’das pa daṅ bcas par mi ’gyur ro | (71b1) saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das kyis lo bdun lon la bya rog skrod nus na rab tu phyuṅ śig ces gsuṅs na | btsun pa lo drug lo na pa de yaṅ dge ’dun gyi sko sar bya rog kyaṅ skrod nus na de rab tu dbyuṅ (2) bar bgyi ’am | rab tu mi dbyuṅ bar bgyi | u pā li lo ’abaduna lon par bya ba’i pyir te rab tu dbyuṅ bar mibya’o || btsun pa lo bdun ni lon la dge ’dun gyi skos nas bya rog skrod mi nus nad yaṅ rab tu dbyuṅ bar bgyi’am | u pā li bya rog skrod nus par bya (3) ba’i phyir te | rab tu dbuṅ bar mi bya’o || gleṅ gźi’i naṅ na sgo thog ma’i mdo’i tshogs su bcad pa daṅ po’o || ||

. . . . . . . . . . .

mdor na |
bram ze daṅ yaṅ ñin bar daṅ ||
dakaro pa tshes graṅs de bźin te ||
lhag ma dag daṅ lo drug daṅ ||
drug tu bya daṅ bcu (4) bźi daṅ ||
śol ba’i zla bar sbyar ba ste ||
’dri ba rnams la’aṅ de bźin bya ||
dge sloṅ ’akado pa’i gnas na ni ||
bslab pa bin pas bklag par bya’o ||

saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ (5) rab na bźugs pa’i tshe | bram ze daṅ khyim bdag rnams dge sloṅ dag gis ṅan du ’oṅs nas | ’phags pa de riṅ tshes graṅs du źes dris pa daṅ | de dag gis smras pa kye mi śes so || bram źes daṅ khyim bdag dag gis smras pa | mu stegs can gyis (6) kyaṅ tshes graṅs daṅ | ñi ma daṅ | skar ma daṅ | yud tsam yaṅ śes na | khyed cag rab tu byuṅ na tshes graṅs tsam yaṅ mi śes sam | de dag lan med nas caṅ mi zer bar ’dug go || de ltar gagyura pa dge sloṅ dag gis bcom ldan ’das la gsol pa daṅ | (7) bcom ldan ’das kyis bka’ stsal pa | de lte bas na tshes graṅs bgraṅ bar ṅas rjes su gnaṅ ṅo źes gsuṅs pa daṅ | dge sloṅ thams cad kyaṅ bgraṅ ba la źugs so || de ltar gyur pa dge sloṅ dag gis bcom ldan ’das la gsol pa daṅ | bcom (72a1) ldan ’das kyis bka’ stsal pa | thams cad kyis ma bgraṅ bar dge ’dun gyi gnas brtan daṅ | gtsug lag khaṅ skyoṅ gñis kyis groṅs śig | dge ’dun gyi gnas brtan daṅ | khaṅ skyog gñis kyis kyaṅ ma dran nas de dag ñes ba’i (2) dmigs su gyur pa daṅ | de ltar gyur pa dge sloṅ dag gis | bcom ldan ’das la gsol pa daṅ | ’jim pa’i ril bu bcom lda byos la sad bu la brgyus te źog la ñin re re źiṅ draṅ bar gyis śig | srad bu ’phyoṅs par gyur pa daṅ | bcom ldan ’das kyis ’od (3) ma’i byaṅ bu bco lṅa byos la srad bu la brgyus te źog la de la ñin gcig re re bźin droṅs śig ces gsuṅs pa daṅ | dge sloṅ thams cad kyis de bźin draṅs pa daṅ | dran pa ñam par gyur te || bcom ldan ’das kyis bka’ stsal pa | dge ’dun gyi gnas brtan (4) gyis drag bar gyis śig | bram ze daṅ khim bdag dag gis kyaṅ der ’ogs nas ’phags pa de riṅ chos grags du źes dris pa daṅ | dge sloṅ dag gis dge ’dun gyi gnas brtan dag | khaṅ skyoṅ gi.isa śes so źes der gtaṅ pa daṅ | de dgi gis smras pa | (5) ’phags pa de dag khyed kyis tshes graṅs tshes graṅs kyi mdzod pa yin nam | khyed la dris na ci’i phyir gźan la gtod | khyed cag ñid kyis smros śig | de dag la lan med nas cad mi zer bar ’khod do || bram ze daṅ khyim bdag rnams ’phya źig gtsug lag khaṅ nas byuṅ (6) ste doṅ ṅo || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis dgoṅs pa | bram ze daṅakhyima bdag dag ’phya ba ni yus te | de bas na dge ’dun gyi naṅ tshes graṅs brjod par bya’o sñam du dgoṅs nas | dge (7) sloṅ rnams la bka’ stsal pa | bam ze daṅ khyim bdag rnams ’phya ba ni yul kyis | de lta bsan dge ’dun gyi naṅ du tshes graṅs brjod par gis śig | bcom ldan ’das kyis dge ’dun gyi naṅ du tshes graṅs brjod par gyis śig ces bka’ stsal pa daṅ | (72b1) dge sloṅ rnams kyis dge ’dun gyi naṅ du tshes graṅs brjod kyis zla ba ba phyed po ’dzin par mi byed do | khyim bdag daṅ bram ze dag gis smras pa | ’phags pa khyed kyis zla ba phyed po gzuṅ ba yaṅ mi śes te | de ltar ma bzuṅ na yar gyi zla ba phyed daṅ | mar gyi zla ba phyed (2) po ji lta bur śes par ’gyur | de dag lan med nas caṅ mi smra bar ’khod do || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | zla pa phyed po zuṅ la tshes graṅs brjod par bya’o || brjod pa ni (3) ’di bźin du brjod par bya ste | dge ’dun thams cad ’dus śiṅ ’khod pa daṅ | dge sloṅ gcig gis rgan rim kyi daṅ por ’dug la rim gro daṅ bcas pas thal mo sbyar la tshig ’di skad du smros śig | de riṅ ni zla ba mar gyi tshes gcig ste | gtsug lag (4) khaṅ gi bdag po daṅ lhan rnams kyis phyir tshigs su bcad pa re re rjod cig | dge sloṅ rnams kyis tshes graṅs ni brjod kyis | gtsug lag khaṅ gi bdag po’i mig sa ma smos pa daṅ | bcom ldan ’das kyis bka’ stsal pa | gtsug lag khaṅ gi bdag po’i miṅ (5) nas kyaṅ brjod par bya’o || ’di skad du sbyin bdag miṅ ’di źes bya bas saṅ dge sloṅ gi dge ’dun rnams bśos la spyan draṅs kyis | de la btsun pa rnams kyis dge ba’i yid kyis brtse bar mrdzod cig | gtsug lag khaṅ gi bdag po la ji lta ba gźan yaṅ (6) sbyin par byed pa daṅ | sbyin pa’i bdag po la yaṅ dge ba’i ba’i yid kyis brtse bar mdzod cig | ji ltar dge ba’i yid kyis brtse bar mdzad pas na | de’i dge ba’i chos rnams ’phel bar ’gyur gyis ’grib par mi ’gyur ro || de bźin du gźan yaṅ de na rkyen (7) du gnas pa’i sems can thams cad la yaṅ so so’i miṅ nas brjod par bya’o || dge sloṅ dag gis kyaṅ tshig thams cad rdzogs pa’i rjes la so so nas tshigs su bcad pa re re lhogs śig | bram ze daṅ khyim bdag dag kyaṅ der ’ogs nas | ’phags pa de (73a1) riṅ tshes du źes dris pa daṅ | de dag gis smras ba | kye deṅ ni bco lṅa’o || bram ze daṅ khyim bdag gis smras pa | ’phags pa ’jig rten pa thams cad kyi ni de riṅ bcu bźi na khyes cag gi ji ltar na bco lṅa | ci khyed cag źag ’dums pa rim (2) byed dam | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | źag ’dums par yaṅ byos śig | bcom ldan ’das kyis źag ’dums par byos śig ces gsuṅs pa daṅ | dge sloṅ dag (3) zla ba phyed phyed cig źag ’dums par byed do || bram ze daṅ khyim bdag dag kyaṅ der lhags nas | ’phags pa de riṅ tshem graṅs du źes dris pa daṅ | dge sloṅ dag gis smras pa | kye de riṅ ṅed kyi bcu bźi’o || de dag gis yaṅ smras pa | ’phags pa (4) de riṅ ’jig rten pa thams cad kyi ni bco ldan khyed cag gi ji ltar bcu bźi | ci khyed cag zla ba phyed phyed cig źag re ’dums par byed dam | de dag gis smras pa | ’dums par byed do || bram ze daṅ khyim bdag dag de ltar gyur pa dge sloṅ dag gis bcom ldan (5) ’das la gsol ba daṅ | bcom ldan ’das kyis bka’ stsal pa | dge sloṅ dag bram ze daṅ khyim bdag rnams ’phya ba ni yus te | de lta bas na zla ba phyad phyed ciṅ źag ’dums par ma byed cig | dus gcig gi zla ba phyed daṅ gñis ’das śig źag ’dums (6) par bos sig | de ltar na lo gcig la gso sbyin bcu bźi pa ni drug go || de’i lhag ma rnams ni bco lṅa pa’o ||

. . . . . . . . . . . . . . . . .

de nas yaṅ bram ze daṅ khyim bdag rnams lhags nas | ’phags pa da ltar gyi zla ba’adi khyed kyis gaṅ źes dris pa daṅ | dge sloṅ dag gis (7) smras pa! | kye ged kyi ni ’di dbyar zla tha chuṅs so || de dag gis smras pa | ’phags pa ’jig rten thams da kyi ni zla pa ’di dbyar zla ’briṅ po na ji ltar na khyed kyis dbyar zla tha chuṅs | ci khyed kyis zla ba śol ma bor ram | de dag gis smras pa | ma bor ro || (73b1) bram ze daṅ khyim bdag dag ’phya bar gyur nas | de ltar gyur pa dge sloṅ gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag bram ze daṅ khyim bdag rnams ’phya ba ni yus kyis | de lta babs na zla ba śol bor (2) cig | bcom ldan ’das kyis zla ba śol bor cig ces gsuṅs pa daṅ | dge sloṅ dag gis lo re re źig śol bor ro || bram ze daṅ khyim bdag rnams yaṅ der lhags nas | ’phags pa da lta gyi zla ba ’di khyod kyi gaṅ źes dris pa daṅ | dge sloṅ dag (3) gis smras pa | kye ṅed cag gi da ltarani dbyar zla ’briṅ po’o || de dag gis yaṅ smras pa | ’phags pa ’jig rten pa thams cad kyi ni zla ba ’di dbyar zla tha chuṅs na | khyed cag gi ji ltar dbyar zla ’briṅ po || ci khyed cag lo re re źig śol ’dor ram | de dag (4) gis smras pa | ’dor ro || bram ze daṅ khyim bdag dag ’phya nas de ltar gyur ba dge sloṅ dag gis bcom ldan ’das la gosala ba daṅ | bcom ldan ’das kyis bka’ stsal pa | dge sloṅ dag khyim bdag daṅ bram ze rnams ’phya ba ni yus kyis de lta bas (5) na lo re re źiṅ zla ba śol ma ’dor bar lo drug drug ciṅ śol bor cig | drug lṅa sum bcu ste | de lta bur źag daṅ | zla ba phyed daṅ | zla ba daṅ lor bsgres na mñam par ’gyur te | mu stegs can gyis glags btsal kyaṅ glags mi rñed par ’gyur ro || bcom (6) ldan ’das kyis lo drug drug ciṅ zla ba śol bor cig ces gsuṅs pa daṅ | dge sloṅ dag gis lo drug drug cig zla ba śol ’dor ro || rgyal po daṅ ni lo gsum gsum źiṅ śol ’dor bar byed do || dge sloṅ dag gis de bźin ma byas pa daṅ | blon po dag ’phya (7) bar gyur nas de ltar gyur ba dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag blon po rnams ’phya ba ni yus te | de lta bas na rgyal po’i gźuṅ bźin du yaṅ gyis śig | skar ma mi mthun par (74a1) gyur te! dge sloṅ dag gis de lta bur mi sbyor ba daṅ | skar ma rtsi ba la mkhas pa dag dge sloṅ dag la ’phya nas de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ rnams (2) skar ma rtsi ba dag ’phya ba ni yus te | de lta bas na skar ma rtsi ba’i rjes su yaṅ ’jug par yaṅ byos śig | gleṅ gźi’i nag nas sgo daṅ po’i tshigs su bcaṅ pa gñis pa’o || ||

. . . . . . . . . .

mdor na |
yoṅs su dag pa gñis bya daṅ ||
mtshams kyaṅ rnam (3) pa bźir bya ste ||
de bźin dad ba nam mkha’ las ||
ma bkrol ba yaṅ sṅa ma bźin ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab na bźugs so || bcom ldan ’das la tshe daṅ ldan pa u pā lis (4) źus pa! btsun pa mtshams kyi naṅ na mchis pas mtshams kyi slad rol na mchis pa rnams la | yoṅs su dag pa stsal du ruṅ ṅam | u pā li mi ruṅ ṅo || btsun pa mtshams kyi slaṅ rol na mchis pas mtshams kyi naṅ na mchis pa la yoṅs su dag pa (5) stsal du ruṅ ṅam | u pā li mi ruṅ ṅo | btsun pa mtshams kyi naṅ na mchis pas mtshams kyi slad rol na mchis pa’i las bgyir ruṅ ṅam | u pā li mi ruṅ ṅo | btsun pa mtshams kyi slaṅ rol na mchis pas mtshams kyi naṅ na mchis pa’i las bgyir (6) ruṅ ṅam | u pā li mi ruṅ ṅo || btsun pa mtshams kyi naṅ na mchis bźin du mtshams kyi slad rol na mchis ba rnams la las bgyir ruṅ ṅam | u pā li mi ruṅ ṅo | btsun pa las bgyid papa mtshams kyi slad rol na mchis bźin du mtshams kyi (7) naṅ na mchis pa rnams la las bgyir ruṅ ṅam | u pā li mi ruṅ ṅo | saṅs rgyas bcom ldan ’das la tshe daṅ ldan pa u pā lis źus pa | btsun pa dad pa len pa’i dge sloṅ gis dad pa blaṅ nas nam mkha’ la mchis na dad pa blaṅs pa źes bgyi’am | ma (74b1) blaṅs pa źes bgyi | u pā li ma blaṅs pa ste | gdod loṅ śig | btsun pa mtshams sṅa ma ma bkrol bar slad ma dgu ma du ruṅ ṅam | u pā li mi ruṅ ṅo || gleṅ gźi’i naṅ nas sgo daṅ po’i mdo’i tshigs su bcad pa pa gsum pa’o || ||

. . . . .

(2) ’dul ba gzug dam pa | bam po sum bcu rtsa gcig pa | mdor na |
bskor ba daṅ ni ’jig par daṅ ||
śiṅ daṅ sa yi skye ba daṅ ||
mi ’byuṅ ba daṅ ’byuṅ ba daṅ ||
’chi ba yaṅ ni de bźin no ||

saṅs rgyas bcom ldan ’das mñan du yoṅ ba na dze te’i (3) tshal mgon med zas sbyin gyi kun dga’ ba na bźugs pa’i tshe na | saṅs rgyas bcom ldan ’das la tshe daṅ ldan pa u pā lis źus pa | btsun pa mtshams la mtshams kyis bskor du ruṅ ṅam | u pā li dkyil ’khor daṅ | chus bskor ba daṅ | dge sloṅ ma’i (4) dbyar mo khaṅ ma gtogs par gźan mi ruṅ ṅo | mtshams la mtshams kyis gźig tu ruṅ ṅam | u pā li mi ruṅ ṅo || btsun pa rnam pa dus mtshams gźig par ’gyur | u pā li lṅa ste | dge ’dun thams cad kyis bor te doṅ ba daṅ | dge ’dun thams (5) cad mtshan ’phos pa daṅ | dge ’dun thams cad slar babs pa dag | dge ’dun thams cad dus byas pa daṅ | gsol pa’i las daṅ lṅa’o || btsun pa śiṅ gcig las gtsug lag khaṅ gñis kyi mtshams dgum du ruṅ ṅam | u pā li ruṅ ṅo | de bźin (6) du gtsug lag khaṅ gsum mam bźi yaṅ ruṅ ste | śiṅ ñadi ni gcal bar byos śig | saṅs rgyas bcom ldan ’das gźoṅs ka śir spyad pa spyod pa na gnas gźan źeg tu ’dzum pa mdzad do || chos ñid kyis nam saṅs rgyas bcom ldan ’das ’dzum pa mdzad pa (7) de’i tshe ’od sṅon po | ser bo | dmar po | dkar po’i rnams źal nas ’byuṅ ste | kha cig ni ’og tu ’gro | kha cigani steṅ du ’gro | ’og tu soṅ ba de rnams ni sems can dmyal ba yaṅ ’tsho daṅ | thig nag po daṅ | kun dmyal daṅ | ’a dod ’bod ba daṅ | (75a1) ’o doṅ ’bod pa chen po daṅ | ’tshig pa daṅ | rab tu ’tshig pa daṅ | bstir meṅ pa daṅ | chu bur daṅ | rgyun du chu bur daṅ | a ta ta daṅ | ha ha pa daṅ | hu hu pa daṅ | ut+pala lta bu daṅ | bad ma lta bu daṅ | bad ma chen po lta bu (2) rnams su phyin nas | gaṅ tsha ba’i sems can dmyal ba de dag la bab na bsil bar gyur | graṅ ba’i sems can dmyal ba de dag la bab na dro bar gyur te | des sems can de dag la gnod pa ni bde ba’i khyad bar du gyur pa daṅ | de dag ’di sñam du kye ci bdag (3) cag ’di nas śi ’aphaso sam | ’on te gźan du skyes sñam du bsams pa daṅ | de dag dad pa bskyed pa’i phyir bcom ldan ’das kyis sprul pa btaṅ ṅo | de dag gis sprul pa mthoṅ ba daṅ ’di sñam du kye bdag cag ’di nas śi ’phos pa yaṅ med | gud (4) du skyes pa yaṅ ma yin gyi | sṅon ma mthoṅ ba’i sems can ’di’i mthus na | bdag cag gnod pa las ’abade ba’i khyad par du gyur to sñam bsams nas de dag sprul pa la sems dad par gyur nas | sems can dmyal ba’i gnod pa’i las med par gyur te | (5) gaṅ du bden pa rnams kyi snod du gyur pa der lha daṅ mi’i naṅ du mtshams ’dzin par gyur to || gaṅ steṅ du soṅ ba de ni rgyal chen bźi’i lha daṅ sum bcu rtsa gsum daṅ | mtshe ma daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ (6) tshaṅs ris daṅ | tshaṅs lha ñe phan daṅ | tshaṅs chen daṅ | snaṅ ba daṅ | tshad med snaṅ ba daṅ | kun snaṅ daṅ pa daṅ | chuṅ dge daṅ | tshad med dge ba daṅ | dge rgyas daṅ | spyin med daṅ | bsod nams ’phel daṅ | ’bras bu che daṅ | mi che (7) ba daṅ ! mi gduṅ ba daṅ | śin tu mthoṅ ba daṅ | gya nom snaṅ ba daṅ | ’og min la sogs par soṅ nas mi rtag pa daṅ | sdug bsṅal pa daṅ | stoṅ pa daṅ | bdag med pa brjod ciṅ tshigs su bcad pa gñis kyaṅ brjod do || ’byuṅ bar bya phyir (75b1) brtsam par byos | saṅs rgyas bstan la brtson par byos ||

. . . . . .

’dam bu’i khyim la glaṅ chen bźin || ’chi bdag sde rnams gźom par byos ||
gaṅ źig rab tu bag yod par || chos ’dul ’di la spyod ’gyur ba ||
skye ba’i ’khor ba rab spaṅs (2) nas || sdug bsṅal tha mar ’byin par ’gyur ||

de nas ’od zer de dag stoṅ gsum gyis stoṅ chen po’i ’jig rten gyi khams su bskor nas slar bcom ldan ’das kyi slad bźin du ’braṅ źiṅ doṅ ṅo | de ste bcom ldan ’das kyis ’das pa’i las luṅ ston par (3) bźeṅ na ni bcom ldan ’das kyi snam logs su mi snaṅ bar ’gyur ro || ma ’oṅs pa’i las luṅ ston par bźeṅ na ni mdun du mi snaṅ | bar ’gyur ro || sems can dmyal bar lug ston par bźed na ni źabs kyi mthil du mi snaṅ bar ’gyur ro || byo la soṅ (4) du skye bar luṅ ston par bźed na ni źabs kyi rtiṅ bar mi snaṅ bar ’gyur ro | yi dgas su skye bar luṅ ston par bźed na ni źabs kyi mthe bor mi snaṅ bar ’gyur ro || mir skye bar luṅ ston par bźed na ni pus mo gñis su mi snaṅ bar ’gyur ro || stobs (5) kyi ’khor los sgyur par luṅ ston par bźed na ni phyag g-yon pa’i mthil du mi snaṅ bar ’gyur ro || ’khor los sgyur pa’i rgyal bor luṅ ston par bźen na ni phyag g-yas pa’i mthil du mi snaṅ bar ’gyur ro || lhar skye bar luṅ ston bar bźed na ni lte bar mi snaṅ (6) bar ’gyur ro || ñan thos pa’i byaṅ chub tu luṅ ston par bźed na ni źal du mi snaṅ bar ’gyur ro || raṅ byaṅ chub tu luṅ ston par bźed na ni mdod spur mi snaṅ bar ’gyur ro || blan med pa yaṅ dag par rdzogs pa’i byaṅ chub tu luṅ ston par bźed na ni (7) gtsug tor dmi sman bar ’gyur ro ||

. . . . . . . . . . .

de nas ’od zer de dag bcom ldan ’das la lan gsum du bskor ba byas nas bcom ldan ’das kyi gtsug tor du mi snaṅ bar gyur to ||

de nas tshe daṅ ldan ba kun dga’ pos thal mo gñis sbyar te | bcom ldan (76a1) ’das la gsol pa || pa dog sna tshogs du ma stoṅ | źal nas byuṅ ba maṅ po ste || phyogs kun des ni snaṅ gyur pa | ñi ma ji ltar śar pa bźin | tshigs su bcad de yaṅ smras pa |

. . .

rgod daṅ źum las rnam bral ṅa rgyal spaṅs || saṅs (2) rgyas skye bo mchog gi rgyur gyur pa ||
rkyen med duṅ daṅ baṅ mo’i rtsa ltar dkar || rgyal pa dgra thul ’dzum pa ñe bar ston mi mdzad ||

de che raṅ gis mkhyen ciṅ blo brtan pa || rgyal dbaṅ na pa thos su re ba’i rnams ||
thub pa’i khyu mchog brtan pa’i gsuṅ (3) rab kyis || the tshom skyes pa dge bas pas la par mdzod ||

rgya mtsho las ni ri rgyal brtan pa bźin || yaṅ dag mgon bos rgyu med ’dzum mi sten ||
brtan pas gaṅ phyir ’dzum pa ñer bstan pa || de ni skye bo maṅ po thes par ’tshal ||

btsun pa de bźin (4) gśegs pa dgra bcom pa yaṅ dag par rdzogs pa’i saṅs rgyas rnams ni rgyu ma mchis rkyen ma mchis par ’dzum par mi mdzad na | btsun pa ci’i rgyu ci’i rkyen gyis na ’dzum ba mdzad | kun dga’ bo de ni de bźin no || de ni de bźin te | de bźin gśegs pa dgra bcom (5) ba yaṅ dag par rdzogs pa’i saṅs rgyas rgyu med rkyen med par ’dzum pa mi mdzad do || kun dga’ bo phyogs ’dir yaṅ dag par rdzogs pa’i saṅs rgyas ’od sruṅ bźugs nas chos bstan to ||

. . .

de nas tshe daṅ ldan pa kun dga’ bo riṅs śiṅ myur par stod g-yogs (6) bźi lta ba tu blta ba ste btiṅ nas | bcom ldan ’das la ’di skad ces gsol to || bcom ldan ’das gdan btiṅ ba ’di la bźugs par gsol | gnas ’dir yaṅ dag par rdzogs pa’i saṅs rgyas ’od sruṅ daṅ | da ltar gyi bcom ldan ’das daṅ yaṅ dag (7) par rdzogs pa’i saṅs rgyas gñis bźugs par ’gyur ro źes gsol pa daṅ | bcom ldan ’das kyis tshe daṅ ldan ba kun dga’ bo la ’di skad ces bka’ stsal to || legs so kun dga’ bo ṅas ma smras par khyod kyis śes pa ni legs so źes(76b1) gsuṅs nas gdan btiṅ ba de la bźugs so || bźugs nas tshe daṅ ldan ba kun dga’ bo la bka’ stsal pa | kun dga’ bo phyogs ’di ni yaṅ dag par rdzogs pa’i saṅs rgyas ’od sruṅ gi gtsug lag khaṅ ṅo | ’di ni ’chag sa’o || ’di ni stegs (2) pu’o! | ’di ni sgo khaṅ ṅo || ’di ni źabs ’khru ba’i sa’o || ’di ni bsro khaṅ ṅo | ’di ni ruṅ ba’i khaṅ pa’o || ’di ni dugs khaṅ ṅo || saṅs rgyas bcom ldan ’das la tshe daṅ ldan pa u pā lis źus pa | btsun pa ruṅ ba’i sa źes kyaṅ bgyi (3) mi ruṅ ba’i sa źes kyaṅ bgyi na | btsun pa ji tsam gyis na ruṅ ba’i sar rig par bgyi | u pā li dam pa’i chos yod pa’i tshe ruṅ ba daṅ mi ruṅ bar ’gyur | dam pa’i chos źig par gyur na thams cad kyaṅ ruṅ ba’o || btsun pa ji tsam gyis na dam pa’i chos (4) mchis pa źes bgyi | ji tsam gis na źig pa źes bgyi | u pā li ji srid du las byed cig nan tan byed pa yaṅ yod pa’i bar du ste | las byed la nan tan byed pa yaṅ yod na dam pa’i chos yod pa źes bya’o || las kyaṅ mi byed la nan tan byed pa dag (5) kyaṅ med na de ni dam pa’i chos źig pa źes bya’o || saṅs rgyas bcom ldan ’das la tshe daṅ ldan pa u pā lis źus pa | btsun pa mtshams kyi naṅ na rgyal ba bźugs bźin las bgyir ruṅ ṅam | u pā li ruṅ ṅo || rgyal bas graṅs su bskaṅs la las bgyir (6) ruṅ ṅam | u pā li mi ruṅ ṅo || de ci’i phyir źe na | u pā li saṅs rgyas dkon mchog kyaṅ gźan kyaṅ gźan | dge ’dun dkon mchog kyaṅ gźan no || saṅs rgyas bcom ldan ’das la tshe daṅ ldan pa u pā lis źus pa | btsun pa mi bskyed pa’i mtshams bskyed du ruṅ (7) dam! u pā li mi ruṅ ṅo | btsun pa ji tsam gyis na mtshams bskyed du mi ruṅ pa źes bgyi | u pā li gsum gyis te | dkyil ’khor daṅ | chus bskor ba daṅ | mtshams kyi naṅ ṅo | btsun pa chu kluṅ ’phab pa’i pha rol tu mtshams dgu ma du duṅ (77a1) ṅam! u pā li mi ruṅ ṅo || de ste zam pa brtan po źig yod na ruṅ ṅo | de ste btsun pa zam ba chad dam źig par gyur na | ji tsam gyis na mi ’jig pa źes pa gyi | u pā li slar yaṅ bciṅ bar bya ba’i sems yod na źag bdun du ’jig (2) par mi ’gyur ro || saṅs rgyas bcom ldan ’das la tshe daṅ ldan pa u pā lis źus pa | btsun pa dge sloṅ gis mtshams ’gum pa’i tshe las byed pa’i dge sloṅ gum ste | dus bgyis na bkum ba źes bgyi’am ma bkum pa źes bgyi | u pā li mtshan (3) ma rnams brjod la las kyaṅ maṅ du byas na bcad pa źes bya’o || bzlog pa ni ma bcad pa’o || btsun pa dge sloṅ ma’i mtshams gcod pa’i tshe las bgyid pa’i dge sloṅ ma gum ste | dus bgyis na bkum bźes bgyi’am ma bkum pa źes bgyi | de ste u (4) pā li mtshan ma rnams brjod las kyaṅ maṅ du byas na bcad pa źes bya’o || bzlog pa ni ma bcad pa źes bya’o ||

. . . . . . . . . . . . . . . . . . . .

gleṅ gzi’i naṅ nas sgo daṅ po’i mdo’i tshigs su bcad pa bźi’o || ||

mdor na |
sa daṅ nam mkhar las bya ba ||
mtshams daṅ (5) yoṅs su dag pa daṅ ||
gnas gcig ’dug pa’i dge sloṅ gis ||
las rnams kun la blta ba’o ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab na bźugs pa’i tshe saṅs rgyas bcom ldan ’das (6) la tshe daṅ ldan pa u pā lis źus pa | btsun pa sa la mchis ba dag gis sa la mchis pa dag daṅ lan cig tu las bgyir ruṅ ṅam | u pā li mi ruṅ ṅo || dad pa byin pa ni ruṅ ste | de ste sa la gnas pas graṅs su tshaṅ la sa la gnas pa’i rnams las dad (7) ba yaṅ blaṅs par gyur pa’o || btsun pas la macisa pas rtsig pa la macisa pa daṅ lhan cig tu las bgyir ruṅ ṅam | u pā li mi ruṅ ṅo | dad pa byin pa ni ruṅ ste | de ste sa la gnas ba dag maṅ por tshaṅ la rtsig pa la gnas pa’i rnams las dad pa yaṅ (77b1) blaṅs par gyur pa’o || sa la mchis pa dag gis śiṅ la mchis pa dag daṅ lhan cig tu las bgyir ruṅ ṅam | u pā li mi ruṅ ṅo | dad pa byin pa ni ruṅ ste | de ste sa la gnas pa dag maṅ por tshaṅ la śiṅ la śiṅ la gnas pa rnams las dad pa yaṅ blaṅs par (2) gyur pa’o || gtsun pas la mchis pa dag gis nam mkha’ la mchis pa dag daṅ lan cig tu las bgyir ruṅ ṅam | u pā li mi ruṅ ṅo | btsun pa rtsig pa’i steṅ na macisa pa dag gis rtsig pa’i steṅ na mchis pa dag daṅ lhan cig tu las bgyir ruṅ ṅam | (3) u pā li mi ruṅ ṅo | daṅ pa byin na ruṅ ste | de ste rtsig pa’i steṅ na gnas pa dag graṅs su tshaṅ la rtsig pa’i steg na gnas pa’i rnams las dad pa yaṅ blaṅs par gyur pa’o || btsun brtsig pa’i steṅ na mchis pa dag gis sa la mchis ba dag daṅ (4) lhan cig tu las bgyir ruṅ ṅam | u pā li mi ruṅ ṅo | dad pa byin pa ni ruṅ ste | de ste rtsig pa’i steṅ na gnas pa dag gis graṅs su tshaṅ la sa la gnas pa’i rnams las dad pa yaṅ blaṅs par gyur na’o || btsun pa rtsig pa’i steṅ na mchis pa dge gis (5) śiṅ gi steṅ na mchis pa dag daṅ lhan cig tu las bgyir ruṅ ṅam | u pā li mi ruṅ ṅo | dad pa phyin na ruṅ ste | de ste rtsig pa la gnas bdag graṅs su tshaṅ la śiṅ gi steṅ na gnas ba rnams las daṅ pa yaṅ blaṅs par gyur pa’o || btsun pa rtsig pa’i (6) steṅ na mchis pa ṅag gis nam mkha’ la macisa dag daṅ lan cig tu las bgyir ruṅ ṅam | u pā li mi ruṅ ṅo || btsun pa śiṅ la mchis pa dag gis śiṅ la mchis pa daṅ daṅ lhan cig tu las bgyir ruṅ ṅam | u pā li mi ruṅ ṅo | dad pa byin na (7) ruṅ ste! de ste śiṅ la gnas pa dag graṅs su bskaṅs la śig la gnas pa’i rnams las daṅ pa yaṅ blaṅs par gyur pa’o || śiṅ ma mchis pa dag gis sa la mchis pa dag daṅ lhan cig tu las bgyir ruṅ ṅam | u pā li mi ruṅ ṅo | dad pa (78a1) byin na ruṅ ste | de ste śiṅ la gnas pa dag gis graṅs su bskaṅs las la gnas pa ba rnams las dad pa yaṅ blaṅs bar gyur ba’o || btsun ba śiṅ la gnas pa dag gis rtsig pa la mchis bdag daṅ lhan cig tu las bgyir ruṅ ṅam | u (2) pā li mi ruṅ ṅo || de ste śiṅ la gnas pa dag gis graṅs su bskaṅs la sa la gnas pa’i rnams las dad pa yaṅ blaṅs par gyur na’o || btsun pa śiṅ la mchis pa dag gis nam mkha’ la mchis ba dag daṅ lhan cig tu las bgyir ruṅ ṅam | (3) u pā li mi ruṅ ṅo | btsun pa nam mkha’ la mchis bdag gis nam mkha’ la mchis pa dag daṅ lhan cig tu las bgyir ruṅ ṅam | u pā li mi ruṅ ṅo || btsun pa nam mkha’ la mchis pa dag gis sa la mchis pa dag daṅ lhan cig tu las | (4) bgyir ruṅ ṅam | u pā li mi ruṅ ṅo | btsun pa nam mkha’ la mchis ba dag gis rtsig pa la mchis pa dag daṅ lhan cig tu las bgyir ruṅ ṅam || u pā li mi ruṅ ṅo | btsun pa nam mkha’ la mchis bdag gis śiṅ ma mchis pa dag daṅ (5) lhan cig tu las bgyi ruṅ ṅam | u pā li mi ruṅ ṅo | saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das kyis ’dul ba ’di’i dkyil ’khor las las brgya rtsa gcig tu gsuṅs pa | btsun pa las (6) brgya rtsa gcig bde’i naṅ nas las dus na dad pa daṅ bcas par ’gyur | dus na dad pa ma mchis par ’gyur | u pā li thams cad kyaṅ dad pa daṅ bcas pa ste | mtshams bcad pa ni ma gtogs so || btsun pa rdzu ’phrul lam sgyu mas mtshams (7) dgum du ruṅ ṅam | u pā li mi ruṅ ste | de ci’i phyir źe na | u pā li mi ruṅ ste | de ci’i phyir źe na | u pā li rdzu ’phrul daṅ sgyu ma la ni tha sñad du gdags pa med do || btsun pa gza’ daṅ | ñi ma daṅ | zla ba daṅ | skar ma rnams kyis mtshams dgu ma du ruṅ ṅam | (78b1) u pā li mi ruṅ ste | de ci’i phyir źe na | u pā li gza’ daṅ | ’od zer daṅ | ñi ma daṅ | zla ba daṅ | skar ma rnams mi brtan pa’i phyir ro || btsun ba chu rlabs kyis mtshams dgum du ruṅ ṅam | u pā li mi ruṅ ste | de ci’i phyir źe na | u(2) pā li chu rlabs ni mi brtan pa’i phyir ro || saṅs rgyas bcom ldan ’das la tshe daṅ ldan pa u pā lis źus pa | btsun pa yoṅs su dag pa len pa’i dge sloṅ gis yoṅs su dag pa blaṅs nas steṅ gi nam mkha’ las mchis na des yoṅs su dag pa blaṅs (3) ba źes bgyi’am | u pā li ma blaṅs pa ste | gdod blaṅ dgos so || btsun pa las bgyid pa gcig gis las kyi tshig kyaṅ gcig gsol ba yaṅ gcig gis gnas bźir sde bźi la las bgyir ruṅ ṅam | u pā li ruṅ ste | de ste gnas bźir (4) dge sloṅ gsum gsum gnas la | gsol ba daṅ las kyaṅ mṅon du gyur ciṅ der gsol bar byed pa’i dge sloṅ gis gnas bźi’i mtshams su sa pa mo ’am | re sde ’am | khri ’am | gźan dag kyaṅ ruṅ | des mnan te de’i steṅ du ’dug nas las bya’o || (5) las byed pa de ñid de dag gi graṅs su skoṅ ba’o || btsun pa dge sloṅ gcig gis gnas gcig tu mchis la gnas bźir las bgyir ruṅ ṅam | u pā li ruṅ ste | de yaṅ gnas bźir ’di lta ste | bsdigs pa’i las daṅ | smad pa daṅ | bskad (6) ba daṅ ! slar bsdum pa daṅ | ma mthoṅ ba’i phyir spaṅ ba daṅ | slar las mi byed pas spaṅ ba’i las daṅ | sdig pa la lta ba slar ma btaṅ bas spaṅ ba’i las daṅ | chad pa’i las de rnams la mṅon du gnas par gyur la | las byed pa’i dge sloṅ gis (7) gnas bźi’i mtshams sa ba mo ’am re ldes mnan te ’dug ba’o ||

. . . . . . . . . . . . . . . . . . . . . .

gleṅ gźi’i sgo daṅ po’i tshigs su bcad pa lṅa pa’o || ||

mdor na |
phyed daṅ gsum las ’das pa daṅ ||
phyed daṅ gsum yaṅ ri yi steṅ ||
dge ’dun bye ba skya reṅs daṅ ||
(79a1) mtshams kyi naṅ du bin gyi brlabs ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab na bźugs so ||

de nas saṅs rgyas bcom ldan ’das la tshe daṅ ldan pa u pā lis źus pa | btsun pa (2) bcom ldan ’das kyis mtshams chen po chod cig ces gsuṅs na | btsun pa mtshams chen po de’i tshad ji tsam lags | u pā li dpag tshad phyed daṅ gsum mo || btsun pa phyed daṅ gsum phan chad kyaṅ mtshams źes bgyi’am | u pā li ma yin te | dpag (3) tshad phyed daṅ gsum tshun chad mtshams so || btsun pa ’og gi khams kyi mtshams gaṅ lags | u pā li ji tsam chu la thug par gyur pa’i bar du’o || btsun pa dpag chad phyed daṅ gsum las ’das te | chul thug par gyur na ci de yaṅ mtshams źes (4) bgyi’am | u pā li ma yin no || dpag tshad phyed daṅ gsum tshun chad ni mtshams yin gyi | de phan chad ni mtshams ma yin no || btsun pa steṅ gi khams su mtshams gaṅ lags | u pā li ji tsam śiṅ gi rtse mo ’am rtseg pa’i steṅ la thug par (5) gyur pa’i bar du’o || btsun pa dpag tshad phyed daṅ gsum phan chad kyis śiṅ gi rtse mo’am | rtsig pa’i steṅ du gyur na ci de yaṅ mtshams źes bgyi’am | u pā li ma yin no || u pā li dpag tshad phyed daṅ gsum tshun chaṅ ni mtshams so | de phan (6) chad ni mtshams ma yin no || btsun pa ri’i mtshams gaṅ lags | u pa’ li ji tsam chus bskor ba la thug pa’i bar du’o || btsan pa dpag tshad phyed daṅ gsum phan chad gcig tu chus bskor bar gyur na ci de yaṅ mtshams źes bgyi’am | u pā li (7) ma yin no || u pā li dpag tshad phyed daṅ gsum tshun chad ni mtshams so || de phan chad ni mtshams ma yin no || btsun pa dbyar gyi naṅ du dge ’dun bye ste | de na dge sloṅ źig źag bdun du byin gyis brlabs te | bdag chos la phyogs par (79b1) bsams bźin du chos ma lags pa’i phyogs kyi naṅ du mchis na dbyar chad ba źes bgyi’am | dbyar ma chad pa źes bgyi | u pā li de ste de dag gis lta ba la yaṅ dad la der soṅ nas | skya reṅs śar na dbyar chad pa źes bya’o || de ste lta ba la yaṅ (2) ma dad la der soṅ nas | skya reṅs ma śar na de dbyar ma chad ba źes bya’o || btsun pa bcom ldan ’das kyis dbyar tshul na gnas pa’i tshe | dge sloṅ gis źag bdun du byin gyis brlabs te | mtshams kyi slad rol du soṅ śog ces gsuṅs (3) na! gaṅ du byin gyis brlab bar bgyi | u pā li mtshams kyi naṅ du’o || ji lta bur bgyi | dge sloṅ gi mdun du ’dug nas thal mo sbyar ba bya ste | tshig ’di skad ces smros śig | dgoṅs śig tshe daṅ ldan pa bdag dge sloṅ miṅ ’di źes bgyi (4) ba mtshams kyi naṅ gnas ’dir dbyar daṅ po’am tha ma yaṅ ruṅ ste tshul du źugs pa las | bdag miṅ ’di źes bgyi ba dge ’dun gyi don la mtshams kyi slad rol du maci ba’i slad du źag bdun gyis brlabs te | bdag dbyar ’dir ro || (5) bdag dbyar ’dir gnas so źes kun rgyas par bya ste sṅa ma bźin no ||

. . . . . . . . . . . . . . . . .

gleṅ gźi’i sgo daṅ po’i mdo’i tshigs su bcad pa drug go ||

mdor na |
sde lṅa rnams te bsams bźin du ||
kun rgyu gñen la’aṅ de bźin te ||
lug la the tshom (6) byuṅ ba daṅ ||
ma thob phyir yaṅ ’gro ba’o ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab na bźugs so || saṅs rgyas bcom ldan ’das la tshe daṅ ldan pa u pā lis źus pa | btsun pa (7) bcom ldan ’das kyis dbyar tshul du ’jug par gyis śig ces gsuṅs na | gaṅ dag tshul du ’jug par bgyi | u pā li de ni lṅa ste | dge sloṅ daṅ | dge sloṅ ma daṅ | deg sloṅ ma daṅ | dge tshul pha daṅ | dge tshul ma’o || ji ltar ’jug par (80a1) bgyi! thams cad kyaṅ sṅa ma bźin du’o || btsun pa bcom ldan ’das kyis źag bdun du byin gyis brlab par byas na | dge bsñen gyi don la mtshams kyi slad rol du soṅ śig ces gsuṅs na | btsun pa de ste mu stegs can źig mchis na (2) de’i don la yaṅ mchi bar bgyi’am | u pā li de sde sdig pa la lta ba de las dpral bar ’dod na ’gro bar bya’o || btsun pa gñen źig mchis na | de’i don la yaṅ mchi bar bgyi’am | ’gro bar bya’o || btsun pa dge sloṅ źig gźuṅ la the tshom ma mdogs (3) pa źig mchis na | de yaṅ mchi bar bgyi ’am | u pā li de yaṅ ’gro par bya’o || btsun pa dge sloṅ gis ma thob pa las thob pa las thob pa’i slad du | ma chud pa las chud pa’i slad du | mgon du ma bgyis pa las mṅon du bgyi pa’i slad bu | the tshom ma ma dogs (4) pa źig mchis na | de yaṅ mchi bar bgyi ’am | u pā li de yaṅ ’gro par bya’o ||

. . . . . . .

gleṅ gźi’i sgo daṅ po’i mdo’i tshigs su bcad pa bdun no || ||

mdor na |
ma dras gos kyaṅ de bźin te ||
’on te groṅ du ’gro ba daṅ ||
kun tu rgyu daṅ de bźin ba ||
(5) gtan la bab na goṅ lugs so ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ban bźugs so || saṅs rgyas bcom ldan ’das la tshe daṅ ldan pa u pā lis źus pa | btsun pa ma dras pa’i gos byin (6) gyis brlab bar ruṅ ṅam || u pā li mi ruṅ mod kyi rnam pa de lta bu’i rkyen gyis na ruṅ ṅo | btsun pa ma dras pa’i gos ’tshal nas groṅ du mchir ruṅ ṅam | u pā li mi ruṅ mod kyi de lta bu’i rkyen gyis na ruṅ ṅo || btsun ba ma dras pa’i gos ’tshal te | khyim (7) ba’i khyim du mchir ruṅ ṅam | u pā li mi ruṅ mod kyi de lta bu’i rkyen gyis na ruṅ ṅo || btsun pa ma dras pa’i gos ’tshal te | khyim pa’i khyim du gnas su mchis su ruṅ ṅam | u pā li mi ruṅ mod kyis de lta bu’i rkyen gyis na ruṅ ṅo || btsun pa ma dras (80b1) pa’i gos ’tshal te | kun tu rgyu ba’i kyim du mchir ruṅ ṅam | u pā li mi ruṅ mod kyi de lta bu’i rkyen gyis na ruṅ ṅo | btsun pa ma dras pa’i gos ’tshal te | kun tu rgyu ba’i gnas su mchis su ruṅ ṅam | u pā li mi ruṅ mod kyi de lta bu’i rkyen gyis na ruṅ ṅo || (2) btsun pa ma dras pa’i gos ’tshal te | slad rol du mchir ruṅ ṅam | u pā li mi ruṅ mod kyi de lta bu’i rkyen gyis na ruṅ ṅo | saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das kyis chos gos khru tshad du byos (3) śig ces gsuṅs na | btsun pa la la źig khru thuṅ źiṅ lus riṅ na des kyaṅ khru tshad du bgyi’am | u pā li de ni khru tshad du bya ba ma yin gyi | de’i las kyi tshad du byos śig | btsun pa gaṅ la thabs kyis cos gos mi laṅs na | des ji ltar bgyi | (4) u pā li des goṅ lugs su gyis la choṅs śig |

. . . . . . .

gleṅ gźi’i sgo dag po’i mdo’i tshigs su bcad pa brgyad pa’o || ||

mdor na |
lham la rnam pa lṅar bya ste ||
seṅ ge gcan gźan mi srun daṅ ||
’dug par yaṅ ni mi ruṅ ste ||
pags pa la (5) ni ñal mi bya’o ||

saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā li sa źus pa | btsun pa bcom ldan ’das kyis ba la glaṅ caṅ (6) śes kyi pags pa las bgyis pa’i lham ma ’chaṅ śig gsuṅs na | btsun pa ci bal glaṅ phal gyi pags pa la yaṅ lham bgyis te | bcaṅ bar mi bgyi’am | u pā li de dag gi pags pa la yaṅ lham byas te bcaṅ bar mi bya’o || u pā li de (7) ci’i phyir źe na | de dag kyaṅ sna stobs daṅ ldan pa | so stobs daṅ ldan pa | rkaṅ stobs daṅ ldan pa’o || btsun pa bcom ldan ’das kyis rta caṅ śes kyi pags pa las bgyis pa’i lham ma ’chaṅ śig ces gsuṅs na | btsun pa ci rta phal gyi pags pa’i (81a1) lha ma yaṅ bcad par mi bgyi’am || u pā li de’i pags pa’i lha ma yaṅ bcad par mi bya’o || de ci’i phyir źe na | u pā li de dag magyogapa daṅ ldan | stobs daṅ ldan pa’i phyir ro || btsun pa bcom ldan ’das kyis seṅ ge daṅ | stag daṅ (2) gzig gi pags pa las bgyis pa’i lham ma ’chaṅ śig ces gsuṅs na | btsun pa gcan gzan ni srun pa gźan dag kyaṅ mchis na | de dag gi pags pa las bgyis pa’i lha ma bcaṅ par mi bgyi’am | u pā li de dag gi pags pa la lha ma byas pa (3) yaṅ ma ’chaṅ śig | u pā li de ci’i phyir źe na | de dag kyaṅ sen mo’i stobs daṅ ldan | macheba’i stobs daṅ ldan pa’i phyir ro || btsun pa bcom ldan ’das kyis pags pa’i steṅ du ma ’dug śig ces gsuṅs na | btsun pa ji tsam gyis na pags (4) pa’i steṅ du mchis pa źes bgyi | u pā li de ni ji tsam rkub bźag par gyur pas so || btsun pa bcom ldan ’das kyis pags pa’i steṅ du ma ñal cig ces gsuṅs na | btsun pa ji tsam gyis na pags pa’i steṅ du ñal pa źes bgyi | de ni u pā li (5) ji tsam ’phres par gyur pa’o ||

. . . . . . . . .

gleṅ gzi’i sgo daṅ po’i mdo’i tshigs su bcad pa dgu pa’o || ||

mdor na |
śa rje na daṅ na rtsa ba mo daṅ ||
yoṅs su btsags par gyur pa daṅ ||
gźaṅ ’brum gcad par mi bya ste ||
gtsug lag khaṅ daṅ (6) bca’ ba’o ||

saṅs rgyas bcom ldan ’das mñan du yod pa can dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā li sa źus pa | btsun pa bcom ldan ’das kyis dge sloṅ (7) se ka ta bro ’tshal ba la śa rje na byin cig ces gsuṅs na | btsun pa su sa blaṅ bar bgyi | u pā li de ni śa ’ tshoṅ pa rnam pa lṅa las so || rnam pa lṅa gaṅ źe na | śe na pa daṅ | khyim bya gsod pa daṅ | ri bya gsod pa daṅ | phag gsod pa (81b1) daṅ ! ri dgas gsod pa rnams so || ’o na btsun pa sus blaṅ źiṅ byin len bgyi | u pā li dge bsñen dad pas so |

. . . .

gleṅ gźi ni mñan du yod pa na ste |

de’i dus na dge sloṅ gźan źig na bar gyur nas de sman pa’i druṅ du soṅ ste | nad med cig ces smras na | (2) bźin bzaṅs bdag nad ’di daṅ ’di lta bu źig gis btab na dpyad cig ston cig | des ’phags pa mar ’thuṅ śig daṅ ’tsho bar gyur ro źes smras pa daṅ | des bźin bzaṅs bcom ldan ’das kyis ma gnaṅ ṅo źes smras pa daṅ | sman pas khyod kyi ston (3) ba ni thugs rje can yin gyis gnaṅ bar ’gyur ro źes smras pa daṅ | de ltar gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de ste san pas mar gyis ’tsho bar ’gyur źes bsgo na ’thuṅ śig | dge sloṅ (4) des mar ’thuṅs na skom gyis gzir bar gyur te | des sman pa la bźin bzaṅs bdag ni skom pas gzir to ||

des smras pa ’phags pa rtsa pa mo skyur po ’thuṅ śig | des smras pa | bcom ldan ’das kyis dus ma yin pa’i zas ma gnaṅ na ji ltar ’thug bar (5) bya! sman pas smras pa | ’phags pa khyod kyi ston pa ni thugs rje can yin te gnaṅ du gdon mi za’o || de ltar gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de ltar na rtsa ba mo skyur po ’thuṅ śig (6) ces rjes su gnaṅ ba daṅ | dge sloṅ dag gis rtsa ba mo skyur po ji ltar btuṅ ba mi śes so || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag rtsab mo skyur po ni rnam pa ’di lṅa’o || (7) lṅa gaṅ źe na | ’di lta ste | ’bras bu’i chaṅ las tshar gyur pa daṅ | ’bru’i chaṅ las tshar gyur pa daṅ | źo’i chu daṅ | dar ba daṅ | rtsab mo daṅ lṅa’o || de la ’bras bu’i chaṅ las tshar gyur pa ni gaṅ ’bras bu rnams las byas pa daṅ | ma ruṅ ste skyur por (82a1) gyur pa’o || ’bru’i chaṅ las tshar gyur ba ni gaṅ ’bru rnams las sbyar nas ma ruṅ ste skyur por gyur pa’o || źo’i chu ni zo las chu byuṅ ba’o || dar ba’i khu ba ni dar ba źo’i chu lta bur gyur pa’o || rtsab mo’i rtsab mo ñid yin no || de dag gi naṅ du (2) chus bslad la ras kyi naṅ du btsags te | ji ltar mda’ rgyu’i kha dog bźin du gyur pa de ni dus daṅ | dus ma yin pa daṅ | na ba daṅ | min ba’i dge sloṅ dag btuṅ bar bya ste | de la the tshom ni ma byed cig |

. . . . . . . . . .

gleṅ gźi ni mñan du yod pa na ste |

de’i tshe na (3) dge sloṅ gźan źig gźag ’brum gyi nad kyis btab nas des ’brum bu sen mos bcad pa daṅ | de slar sdug bsṅal źig rtsub la tsha źiṅ gnod la na bar gyur pa daṅ | des sdug bsṅal gyis rab tu gzir nas des ’di sñam du bdag la bcom ldan ’das kyis (4) sdug bsgal źiṅ dog pa dag tu gyur kyaṅ ma dgoṅs sñam bsams pa daṅ |

de nas bcom ldan ’das kyi tugs rje chen pos bskul nas de’i gnas su byon te | dge sloṅ ci ñes źes rmas pa daṅ | de sñiṅ rje źiṅ mi dga’ nas mig mchims gaṅ mchil mas (5) brnaṅs bźin du tshig ṅal nas | bcom d+lana ’das la ji ltar gyur pa rgyas par gsol pa daṅ | bcom ldan ’das kyis bka’ stsal pa | dge sloṅ dag ṅas sṅa nas kyaṅ gźaṅ ’brum ma gcod cig ces ma bsgo’am | bcom ldan ’das kyis bka’ stsal (6) la gas so || ’o na khyod kyis ci’i phyir de ltar bya | bcom ldan ’das sdug bsṅal gyis gzir ba’i slad du du’o ||

. .

de nas bcom ldan ’das kyis dge sloṅ dag la bka’ stsal pa | dge sloṅ dag dge sloṅ ’di ni sdug bsṅal gyis gzir bas na ñes pa med kyis | (7) ṅas yaṅ ’di ltar bsgo pa ni dge sloṅ dag gźaṅ ’brum gyi nad kyis gzir na sen mo la sogs pas bdag ñid kyis kyaṅ ma gcad cig | gźan yaṅ gcod du ma gźug śig | de la dpyad rnam pa gñis su sbyar źiṅ bya ste | sman daṅ sṅags kyis so || dge sloṅ gźaṅ (82b1) ’phrul gyi nad kyis gzir ba la son mo la sogs pas bcad dam | gtsaṅ du bcug na ’das ba daṅ bcas par ’gyur ro || saṅs rgyas bcom ldan ’das śākya ’i groṅ ’dab tsog pa sbu bu can źes bya ba na bźugs so || de’i tshe na khyim bdag gźan źig bdag (2) ñid daṅ | bdag ñid mos | bdag ñid dga’ nas gtsug lag khaṅ źig brtsigs te | tshe daṅ ldan pa sgra can ’dzin gaṅ zag gcig pu la phul lo ||

. . . .

de nas tshe daṅ ldan ba sgra can ’dzin ji srid cig gi bar du gtsug lag khaṅ der gnas nas ltuṅ (3) bzed daṅ chos gos khyer te gzoṅs spyod du soṅ ṅo || khyim bdag des ’phags pa sgra can ’dzin ji srid kyi bar du gtsug lag khaṅ der gnas nas lhuṅ bzed daṅ chos gos khyer te gźoṅs spyod du soṅ źes thos so || de skad ces thos nas khyim bdag (4) des gtsug lag khaṅ de dge ’dun la phul lo ||

. . .

de nas tshe daṅ ldan pa sgra can ’dzin ji srid dga’ ba’i bar du gźoṅs spyad nas lhuṅ bzed daṅ chos gos khyer te | śākya ’i groṅ ’dab tshoṅ pa spu bu can źes bya ba gaṅ na ba der spyod ciṅ soṅ ste | rim bźin (5) du spyod pa spyod ciṅ tshoṅ pa spu bu can źes bya bar phyin pa daṅ | tshe daṅ ldan pa sgra can ’dzin gyis khyim bdag des gtsug lag khaṅ de dge ’dun la phul lo źes thos so || de skad ces thos nas bcom ldan ’das gaṅ na ba ṅer soṅ ste phyin pa daṅ | bcom ldan ’das (6) kyi źags la mgo bos phyags ’tshal nas phyogs gcig tu ’dug go || phyogs gcig tu ’dug nas tshe daṅ ldan pa sgra can ’dzin gyis bcom ldan ’das la ’di skad ces gsol to || btsun pa ’di ni khyim bdag gźan źig bdag ñid daṅ | bdag ñid mos | (7) bdag ñid dga’ can gtsug lag khaṅ źig btsigs te | bdag gaṅ zag gcig tabu la stsal nas gtsug lag khaṅ der bdag ji srid cig gi bar du mchis te | lhuṅ bzed daṅ chos gos ’tshal nas gźoṅs spyod du mchis pa daṅ | khyim bdag des (83a1) ’phags pa sgra can ’dzin gtsug lag khaṅ der ji srid cig gi bar du ’dug nas lhuṅ bzed daṅ chos gos khyer te gźoṅs spyod du soṅ ṅo źes thos so || de skad thos pa daṅ | khyim bdag des yaṅ gtsug lag khaṅ de dge ’dun la phul na btsun (2) pa de la bdag gis da ji ltar bgyi źes gsol pa daṅ | sgra can ’dzin tshur śog | khyim bdag de gaṅ na ba dar soṅ ste druṅ du pin pa daṅ | khyim bdag de la ’di skad ces smros śig | khyim bdag bdag gis lus daṅ ṅag daṅ yid kyis ñes par gyur pa lṅa (3) yod dam źes smros śig | btsun pa de bźin du bgyi’o źes tshe daṅ ldan pa sgra can ’dzin bcom ldan pa sgra can ’dzin bcom ldan ’das las mñan te | khyim bdag de gaṅ na ba der soṅ nas phyin pa daṅ | khyim bdag de la ’di skad ces smras so || khyimaba dag bdag gis lus daṅ (4) ṅag daṅ yid kyis ñes par gyur pa lta yod dam | ’phags pa sgra can ’dzin gyis lus daṅ ṅag daṅ yid kyi sgo nas cuṅ zad tsam yaṅ noṅs par gyur ba ma mchis so |

. . . . . .

de nas tshe daṅ ldan pa sgra can ’dzin gyis khyim bdag de la legs par śin tu brtags (5) śiṅ smras te | bcom ldan ’das gaṅ na ba der soṅ nas druṅ du phyin pa daṅ | bcom ldan ’das kyi źabs la mgo pos phyag ’tshal te | bcom ldan ’das la ’di skad ces gsol to || btsun pa bdag gis khyim bdag de la khyim bdag bdag gis (6) lasu daṅ ṅag daṅ yid kyis cuṅ zad tsam yaṅ ñes par gyur pa lta yod dam źes bgyis na | de ’id skad ces ’phags pa sgra can ’dzin khyod kyis lus daṅ ṅag daṅ yid kyi sgo nas cuṅ zad tsam yaṅ noṅs par bgyis ba ma mchis so źes mchi’o || de’i (7) tshe na tshe daṅ ldan pa kun dga’ po bcom ldan ’das kyi snam logs na bsel yab thogs te | bcom ldan ’das la g-yob ciṅ ’dug pa daṅ |

. . .

de nas bcom ldan ’das kyis tshe daṅ ldan pa kun dga’ bo la | kun dga’ bo soṅ la śākya ’i groṅ ’dab (83b1) tshoṅ pa spu bu can źes bya ba na gnas śiṅ ’khod pa’i dge sloṅ thams cad ’dun khaṅ du sdus śig ces bka’ stsal pa daṅ | btsun pa bka’ bźin ’tshal lo źes gsol nas | tshe daṅ ldan pa kun dga’ bos bcom ldan ’das las mñan te | śākya ’i groṅ (2) ’dab tshog ba spu bu can źes bya ba na dge sloṅ ji sñed gnas śiṅ ’khod pa de dag thams cad ’dun khaṅ du bsdus nas | bcom ldan ’das gaṅ na ba der soṅ ste phyin pa daṅ | bcom ldan ’das kyi źabs la mgo bos phyag ’tshal nas bcom ldan ’das la ’di (3) skad du btsun pa bcom ldan ’das dus la bab par dgoṅs na śākya ’i groṅ ’dab tshoṅ pa spu bu can źes bgyi ba na | dge sloṅ ji sñed gnas śiṅ ’khod pa de dag thams cad ’dun khaṅ du ’dus nas mchis so źes gsol pa daṅ |

de nas bcom ldan ’das ’dun (4) khaṅ gaṅ na ba der gśegs te byon nas | dge sloṅ gi dge ’dun gyi mdun na gdan btiṅ pa la bźugs so || bźugs nas bcom ldan ’das kyis dge sloṅ dag la bka’ stsal pa | dge sloṅ dag gaṅ gis gaṅ zag gcig la sbyin pa byin te || dge (5) byin na chos ma yin par byin pa ste | chos ma yin par blaṅs pa’o || mi ruṅ bar spyod pa’o || mi ruṅañisa las maṅ ba’am | dge ’dun la byin na yaṅ chos ma yin par byin pa’o || chos ma yin par blaṅs po || mi ruṅ bar spyod pa’o || dge (6) sloṅ dag gaṅ gis gaṅ zag gñis la sbyin pa byin pa gcig la byin nam | gźan la ’am | gñis la ’am | maṅ po la ’am | dge ’dun la byin na chos ma yin par byin pa’o || chos ma yin par blaṅs pa’o || mi ruṅ bar spyod pa’o || dge (7) sloṅ dag gaṅ gis gaṅ zag maṅ po la sbyin pa byin na gcig la byin nam | gñis la ’am | maṅ pho gźan la ’am | dge ’dun la byin na chos ma yin par byin pa’o || chos ma yin par blaṅs pa’o || mi ruṅ bar spyod pa’o || dge ’dun la (84a1) byin te gaṅ zag gcig la byin nam | gñis la ma’ | maṅ po la byin nam | dge ’dun gźan la byin na chos ma yin par byin pa’o || chos ma yin par blaṅs pa’o || mi ruṅ bar spyod pa’o || de bźin gśegs pa’i ñan thos kyi (2) dge ’dun dag byi ste | phyogs daṅ phyogs ma yin par gnas pa las phyogs gcig la sbyin pa de gźan la byin na chos ma yin par byin pa’o || chos ma yin par blaṅs pa’o || mi ruṅ par spyod pa’o || dge sloṅadaga gaṅ gis gaṅ zag gcig la (3) sbyin pa byin pa gźan la ma byin na chos bźin du byin pa’o || chos bźin du blaṅs pa’o || ruṅ bar spyod pa’o || gñis la ma yin | maṅ po la ma yin | dge ’dun la ma byin na chos bźin du byin pa’o || ruṅ bar spyod pa’o || dge sloṅ dag gaṅ (4) gis gaṅ zag gñis la sbyin pa byin pa de gcig la ma yin | gźan lam yin | maṅ po la ma yin | dge ’dun la ma byin na chos bźin du byin pa’o || chos bźin du blaṅs pa’o || ruṅ bar spyod pa’o || dge sloṅ dag gaṅ gis gaṅ zag maṅ po la sbyin (5) pa byin pa de gcig la ma byin gñis la sbyin pa byin pa de gcig la ma yin | gźan lam yin | maṅ po la ma yin | dge ’dun la ma byin na chos bźin du byin pa’o || chos bźin du blaṅs pa’o || ruṅ bar spyod pa’o || dge sloṅ dag gaṅ gis dge ’dun la sbyin pa byin pa de gaṅ zag gcig la ma byin | (6) gñis la pa’am | maṅ po ’am | dge ’dun gźan la ma byin na chos bźin du byin pa’o || chos bźin du blaṅs ba’o || ruṅ bar spyod pa’o || yaṅ de bźin gśegs pa’i ñan thos kyi dge ’du bye ste | phyogs daṅ phyogs ma yin par gnas pa la phyogs (7) gcig la sbyin pa byin pa de gźan la ma byin na chos bźin du byin pa’o chos bźin du blaṅs pa’o || ruṅ bar spyod pa’o || dge sloṅ dag rgyal po ni sa gźi la dbaṅ ṅo | bdag po ni mal stan la dbaṅ po || dge sloṅ ni lhuṅ bzed daṅ chos gos la dbaṅ ṅo | sbyin (84b1) pa byed pa daṅ | sbyin pa’i bdag po ni bdag gis byin pa’i chos rnams la slar ’chos pa’i rigs kyi gźan la sbyin par ni ma yin no || de ci’i phyir źe na | dge sloṅ dag sbyin pa ni sṅa ma yin te | phyi ma ni ma yin na | de bas na sgra can ’dzin la gtsug lag khaṅ (2) slar byin cig | dge sloṅ dag gaṅ gis sbyin pa gźan la byin pa de yaṅ gźan la byin na | de lta bu’i rkyen ma gtogs te | ’das pa daṅ bcas par ’gyur ro || dge sloṅ dag gis kyaṅ tshe daṅ ldan pa sgra can ’din la gtsug lag khaṅ slar byin no ||

. . . . . . . . . . . . . . . . . . . . . . . . . . . . . . . . . . . . . . .

(3) ’dul ba gźuṅ dam pa | bam po sum bcu rtsa gñis pa |

gleṅ gźi ni mñan du yod pa na ste |

bcom ldan ’das kyis lo lṅa pa daṅ | lo drug pa daṅ | gtsug lag khaṅ gi dus ston daṅ | dus ston chen po daṅ byos śig ces gsuṅs pa daṅ | bram ze daṅ | (4) khyim bdag dag gis kyaṅ de bźin byed do || der yul so so na gnas pa’i dge sloṅ ṅag kyaṅ ’dus nas de dag la bram ze daṅ khyim bdag dad pa can dag gis bca’ ba maṅ du byin pa daṅ | de dag gis cuṅ zad cig zos nas lhag ma de dge tshul pha dag la byin no || (5) de dag gis kyaṅ phyi de ñin dge sloṅ de dag la de ñid byin len byas pa daṅ | dedaga gis dge tshul pha dag la khyed cag gis bza’ ba ’di gaṅ nas ’oṅs źes dris pa daṅ | de dag gis smras pa | khyed cag gis khar rtsaṅ bdag cag la byin pa de ñid lags so || dge (6) sloṅ rnams kyis de dkyis ’di khyed la byin pa yin no || źes smras te the tshom du gyur nas mi len pa daṅ | de ltar gyur pa dge sloṅ dag gis bcom ldan ’das la gsol to || bcom ldan ’das kyis bka’ stsal pa | re ba yod bźin du des byin la re ba (7) yod bźin du slar zos na de dag gis byin na ni ñes byas te | zos na ltuṅ bo || re ba yod bźin du des byin la re ba med bźin du slar zos na de dag gis byin pa’i tshe ni ñes byas | zos na ñes pa med do || des re ba med bźin du byin la re ba yod bźin du (85a1) zos na de dag gis byin pa’i tshe ni ñes pa med | zos na ltuṅ pa’o || re ba med bźin du byin la re ba med bźin du zos na de dag gis byin pa’i tshe yaṅ ñes pa med la za ba’i tshe yaṅ ñes pa med do ||

. . . . . . . . .

gleṅ gźi’i sgo daṅ po’i mdo’i tshigs su bcad pa bcu (2) ba rdzogs te | sgo daṅ po rdzogs s+ho || ||

mdor bsdus pa ste ||
bsgo ba daṅ yaṅ bsgrags pa daṅ ||
ma btiṅ ba yaṅ de bźin te ||
bslab pa byin daṅ las byed daṅ ||
bzod par bya daṅ bskrad pa daṅ ||
chos daṅ mñam pa’i tshul bźin te ||
(3) rtsig pa chad pas gcad pa daṅ ||
mdo rnams bsdus pa’i gñis pa’o ||

mdor na |
bsgo pa dris la lan glon pa’i ||
dge sloṅ dus las ’das pa ste ||
mñan du yod na rtsod pa daṅ ||
dge ’dun g+ñisa daṅ chos gos so ||

saṅs rgyas bcom ldan (4) ’das mñan du yod pa na dze ta’i tshal mgon med zas sbyin gyi kun dga’ rab na bźugs so || mñan du yod pa na khyim bdag źan źig ’dug pa des rigs mñam pa las chuṅ ma źig blaṅs nas de de daṅ lhan cig tu rtse dga’ yoṅs su spyod do || de rtse dga’ (5) źiṅ yoṅs su spyad pa las de’i chuṅ ma sesamasa can daṅ ldan par gyur te | de zla ba brgyad dam dgu lon pa daṅ bu pho źig btsas te | de źag bdun gsum ñi śu rtsa gcig gi bar du btsas pa’i btsas ston chen po rgya cher byas nas rigs dag mthun par miṅ btags (6) so! | de dus phyi źig na | bcom ldan ’das kyi bstan pa la rab tu byuṅ nas | de yaṅ dus phyi źig na nad kyis btab ste | dus las ’das pa daṅ | dge sloṅ dag gis de lhuṅ bzed daṅ | chos gos daṅ bcas te dur khrod du bor ba bram ze daṅ khyim bdag (7) lam der byuṅ ba do dag gis mthoṅ nas | de dag gcig la gcig gtam du ’dzer ciṅ ’dod ste | kye bdag cag khyim pa khyim na gnas pas thabs rnam pa du mas nor rdzas dag bsgrubs kyaṅ snod spyad daṅ gos dag ni mi ’dor na dge sbyoṅ śākya ’i bu ’di (85b1) dag ni sgo’i them pa brgya rgal źig dka’ bźin du lto ’geṅs śiṅ bsod sñoms sgrub na ci’i phyir lhuṅ bzed daṅ chos gos ’dor źes smra ba na dge sloṅ dag kyaṅ de’i mdun nas tshur ’oṅs pa daṅ | de dag gis de dag la smras pa | ’phags pa bdag cag khyim pa (2) khyim na gnas te | thabs rnam pa du mas nor rdzas bsgrubs kyaṅ snod spyad dag gos mi ’dor na khyed cag sgo’i them ba brgya rgal źiṅ dka’ bźin du lto ’geṅs pi bsod sñoms bsgrubs te | lhuṅ bzed daṅ chos gos ’di ga las ’oṅ na de ci’i phyir khyed (3) kyis dge sloṅ ’di’i lhuṅ bzeṅ daṅ chos gos su bcas te dur khrod du bor źes smras pa daṅ | de dag gis bcom ldan ’das kyis ma gnaṅ ṅo źes smras pa daṅ | de dag caṅ mi zer bar doṅ ṅo | de ltar gyur ba dge sloṅ dag la smras pa daṅ | dge sloṅ dag gis (4) bcom ldan ’das la gsol to || bcom ldan ’das kyis bka’ stsal pa | lhuṅ bzed daṅ chos gos su bcas te ma dor cig | bcom ldan ’das kyis lhuṅ bzed daṅ chos gos su bcas te ma dor cig ces gsuṅs pa daṅ | dge sloṅ dag gis gtser bur (5) bor nas | bcom ldan ’das kyis bka’ stsal pa | gcer bur ma dor par smad g-yogs daṅ rṅul gźan gyis dkris te bor cig |

. . . .

de nas dge sloṅ dag gis gos bzaṅ po daṅ por nas bcom ldan ’das kyis bzaṅ po daṅ ma dor cig ces bka’ stsal pa daṅ (6) de dag gis ṅan pa daṅ por ro || bcom ldan ’das kyis ṅan pa yaṅ ma dor bar ’briṅ po daṅ bor cig ces bka’ stsal to || bcom ldan ’das kyis lhuṅ bzed daṅ chos gos su bcas te ma ṅor cig ces bka’ stsal pa daṅ | dge sloṅ dag gis ji ltar bya (7) ba mi śes nas | bcom ldan ’das kyis dge sloṅ gaṅ phogs pa de la byin cig ces bka’ stsal to || drug sṅe dag rtag tu phoṅs pa ltar byed nas | bcom ldan ’das kyis drug sde dag la ma sbyin par ji ltar rgan rims bźin du byin cig ces bka’ stsal pa (86a1) ! gsar bu dag ma thob par gyur nas bcom ldan ’das kyis dris ba la lan ’debs pa’i dge sloṅ gis dge ’dun la bsgol dge sloṅ gi dge ’dun thams cad ’dus śiṅ ’khod pa daṅ | gtsug lag khaṅ skyoṅ gis dge ’dun gyi naṅ du rin (2) thaṅ bskyed par byos śig ces bka’ stsal to ||

. . . .

gleṅ gźi ni mñan du yod pa na ste |

mñan du yod pa na dge sloṅ gźan źig dus ’das nas de’i lhuṅ bzed daṅ chos gos dge sloṅ ma źig gi lag tu bźag go || dge sloṅ dag gis de’i ro bsregs nas slar (3) gtsug lag khaṅ du phyin nas lhuṅ bzed daṅ chos gos dag btsal na ma rñed de | de dag gis dge sloṅ ma’i dbyar mo khaṅ na dge sloṅ ma miṅ ’di źes bya ba źig la yod par śes nas de dag gis dge sloṅ ma’i dbyar mo khaṅ du doṅ ste | ’phags ma dge sloṅ ’di źes (4) bya ba dus ’das pa de’i lhuṅ bzed daṅ chos gos ’din gtams śiṅ ’dug pa de tshur byin cig ces smras pa daṅ | des smras pa | ’phags pa dge sloṅ de gaṅ du dus ’das ṅed kyi gtsug lag khaṅ du dus las ’das so || ’phags pa khyed kyi de na mchis (5) pa ni khyed dbaṅ | bdag cag gi de na mchis pa ni bdag cag dpaṅ ṅo | ji ltar źe na | bdag cag gi yaṅ chos kyi miṅ po lags so źes smras pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis (6) dge sloṅ gi lhuṅ gi lhuṅ ba zed daṅ chos gos ni dge sloṅ ṅag dbaṅ gis dge sloṅ ma dag ma ’chaṅ śi ces bka’ stsal to || mñan du yod pa na dge sloṅ ma gźan źig dus las ’das na de’i lhuṅ bzed daṅ chos gos dge sloṅ źig la bźag go | dge sloṅ ma (7) ṅag gis de’i ro bsregs nas | dge sloṅ ma’i dbyar mo khaṅ du lhags te | lhuṅ bzed daṅ chos gos btsal na ma rñed nas gtsug lag khaṅ źig na dge sloṅ miṅ ’di źes bya ba źig la yod par śes nas | de dag gtsug lag khaṅ du ’ogs te dge sloṅ dag (86b1) gi rkaṅ pa la phyag ’tshal nas | ’phags pa dge sloṅ ma miṅ ’di źes bgyi ba dus las ’das te | de’i lhuṅ bzed daṅ chos gos ’di na mchis na | de bdag cag ’tshal gyis slar stsol cig ces smras pa daṅ | des smras pa | dge sloṅ ma de gaṅ du (2) dus las ’das | bdag cag gi dbyar mo khaṅ du dus las ’das so || de ltar na ’phags ma khyed kyi de na ’dug pa ni khyed dbaṅ mod | ṅed kyi de na yod pa ni ṅed dbaṅ ba ste | de yaṅ ṅed kyi chos kyi srid mo yin no źes smras pa daṅ | de ltar gyur ba (3) dge sloṅ ma dag gis dge sloṅ dag la smras pa daṅ | dge sloṅ dag gis bcom ldan ’das la gsol nas | bcom ldan ’das kyis de ste dge sloṅ ma’i lhuṅ bzed daṅ chos gos yin na de dge sloṅ ma dag gi yin te | dge sloṅ ma dag dbaṅ bas na (4) dge sloṅ dag ma ’chaṅ śig ces bka’ stsal to ||

. . . . .

gleṅ gźi ni mñan du yod pa na ste |

mñan du yod pa ge sloṅ gźan źig gźoṅ spyad pa spyod ciṅ ri brags kyi groṅ gźan źig tu phyin nas | de khyim pa’i khyim źig tu dus las ’das te | de des (5) dur khrod du bor nas lhuṅ bzed daṅ cos gos spas te bźag go || dus phyi źi gan dge sloṅ ma maṅ źig gźogs spyad pa spyod ciṅ ri brags kyi groṅ der phyin pa daṅ | khyim bdag des de dag mthoṅ ste | ’phags ma bdag gi khyim du dge sloṅ źig dus (6) las ’das pa’i lhuṅ bzed dag chos gos ’di lag kyis snoms śig ces smras pa daṅ | de dag gis smras pa | khyim bdag ’di ni bcom ldan ’das kyis ma gnaṅ bas dge sloṅ dbaṅ ṅo | de ltar gyur pa dge sloṅ ma dag gis dge sloṅ dag la smras so || (7) dge sloṅ dag gis bcom ldan ’das la gsol pa daṅ | bcom ldan ’das kyis gaṅ na dge sloṅ med pa de dag tu ni dge sloṅ ma dag gis blaṅ bar bya ste | de la the tshom ma byed cig ces bka’ stsal to ||

. . .

gleṅ gźi ni mñan du yod pa na ste |

mñan du yod par (87a1) dge sloṅ ma maṅ źig gźoṅs spyad pa spyod ciṅ doṅ pa nad dag las dge sloṅ las dge sloṅ ma źig na par gyur nas | de dal bus ’gro źiṅ phyi nas ’oṅ ba las de lam stor te | ri brags groṅ gźan źig tu phyin nas de khyim pa’i khyim du dus las ’das so || des (2) de dur khrod du bor nas lhuṅ bzed daṅ chos gos sbas te bźug go ||

. .

de nas dus phyi źig na de sloṅ maṅ źig gźoṅs spyad pa spyod ciṅ ri brags kyi groṅ der phyin pa daṅ | khyim bdag des de dag mthoṅ nas ’phags pa dag bdag gi khyim du dge sloṅ ma źig (3) dus las ’das te | de’i lhuṅ bzed daṅ chos gos ’di lags kyis snoms śig ces smras pa daṅ | de dag gis smras pa | khyim bdag bcom ldan ’das kyis ma gnaṅ ste | ’di dag ni dge sloṅ ma dbaṅ ṅo | de ltar gyur ba dge sloṅ rnams kyis (4) bcom ldan ’das la gsol pa daṅ | bcom ldan ’das kyis gaṅ na dge sloṅ ma med pa der ni dge sloṅ rnams kyis blaṅ bar bya ste | de la the tshom ma byed cig ces bka’ stsal to ||

gleṅ gźi ni mñan du yod pa na ste |

saṅs rgyas bcom ldan ’das la tshe daṅ | (5) ldan pa u pā lis źus pa | btsun pa dge sloṅ źig dus las ’das te || de dbaṅ ba’i lhuṅ bzed daṅ chos gos khyim pa’i de na mchis na | de gaṅ dbaṅ bcom ldan ’das kyis gaṅ de sṅar ’oṅs pa dbaṅ ṅo źes bka’ stsal to || gñis mchis na gaṅ dbaṅ | (6) gaṅ sṅar bslaṅs pa’o || gñis kas bslaṅs na gaṅ dbaṅ | gaṅ gis sṅar thob pa’o || gñis kas thob na gñis ka dbaṅ ṅo | de ste gñis kas thob na gaṅ la khyim gyi bdag po dad de byin pa de dbaṅ ṅo || gliṅ gźi ni mñan du yod pa na ste | de’i tshe na (7) dze ta’i tshal na dge sloṅ gñis śig ’thab par gyur te | dge sloṅ gźan dag gis bskor ciṅ ’khod do || bram ze daṅ khyim bdag gis de mthoṅ nas | de dag gis ’phags pa bdag cag gis khyim pa ’thab pa dag mthoṅ ba yaṅ bdag cag gis gtsugs (87b1) par bya na khyed cag gis ci ’di mi gcugs par bskor te ’khod dam źes smras pa daṅ | de na gźan dag gis smras pa | ’di dag ñid ’thab mo byed pa yin na ci’i phyir gcugs źes smras pa daṅ | de dag lan med nas caṅ mi zer bar ’khod do || de ltar gyur (2) ba dge sloṅ dag gis bcom ldan ’das la gsol pa daṅ | bcom ldan ’das kyis de dag la bskor cig ma ’khod par gcugs par byos śig ces bka’ stsal pa daṅ | de dag gcugs kyaṅ gtoṅ du ma btub nas | de ltar gyur pa dge sloṅ dag gis bcom (3) ldan ’das la gsol pa daṅ | bcom ldan ’das kyis de ste gcugs kyaṅ ma btub na spaṅ pa’i las byos śig ces bka’ stsal to || bcom ldan ’das kyis spaṅ ba’i las byos śig ces bka’ stsal pa daṅ | dus phyi źig na dge sloṅ gñis (4) śig ṅes pa’i gtam byed de | de gñis na re ’di ni ’thob pa’o || ’di ni ’thob pa’o źes ṅes pa’i gtam smra ba na gcig la gcig ṅag rtsub po smras pa daṅ | de gñis kyaṅ dge sloṅ dag gis spaṅ pa’i las byas nas | de gñis kyis smras pa | tshe daṅ ldan pa (5) dag bdag cag ni ṅes pa’i gtam smra na gcig la gcig ṅag rtsub po smras su zad na | ci’i phyir khyed kyis ṅed gñis la spaṅ ba’i las kyis bcad ces smras pa daṅ | de dag gis tshe daṅ ldan pa dag bcom ldan ’das kyis ’thab pa rnams la spaṅ ba’i las byos śig (6) ces gsuṅs pas na ṅed kyis khyed gñis la gcig ṅag rtsub po smras ba daṅ | de dag caṅ mi smra bar ’khod do || de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | de gñis la spaṅ ba’i las (7) mi bya bar gcugs par byos śig | des ste gnas ’cha’ ba źig na ni de’i mkhan po daṅ slob dpon gyis sgoṅ śig | de ste rgan pa źig na ni des dge ’dun thams cad ’dus la rtsod pa źi bar byos śig | de ste des kyaṅ ma slon na sṅon na snod de gñis la slaṅ ba’i las byos śig |

. . . . . . . . . . .

(88a1) gleṅ gźi ni mñan du yod pa na ste |

saṅs rgyas bcom ldana’a das la tshe daṅ ldan pa u pā lis źus pa | btsun pa mtshams kyi bar du dge sloṅ źig dus las ’das na gum pa de’i yo byad rnams su dbaṅ bar ’gyur | u pā li de ni mgo gaṅ logs su (2) bor ba’o || btsun pa gñis kar mgo bor na | gaṅ dbaṅ bar ’gyur | upā li de ni gñis ka’o ||

. .

gleṅ gźi’i sgo gñis pa ste tshigs su bcad pa daṅ po’o || ||

mdor na |
bsgrag par bya daṅ śiṅ rta daṅ ||

de nas phreṅ bgos rnams daṅ || dge (3) ’dun gos kyaṅ de bźin te || the tshom so so’i skye bo’o ||

. . .

saṅs rgyas bcom ldan ’das dze ta’i tshal mgon med zas sbyin gyi kun dga’ rab na bźugs so || mñan du yod pa na ya mtshan can du ma gnas śig ’khod do || gaṅ gi tshe bcom ldan ’das mñan du yod pa na (4) bźugs pa de’i tshe na mu stegs can rnams kyi mthu ñams nas rñed pa chuṅ bar gyur te | de dag gis ji tsam ’dod pa blaṅs nas mu stegs su bya ba bya bar brtsams pa daṅ | khyim bdag mgon med zas sbyin pa chos kyis naṅ bar sṅar laṅs nas bcom ldan ’das la blta ba’i (5) phyir ’gro’o || ji tsam dus phyi źig na khyim bdag mgon med pa la zas sbyin pa naṅ par sṅar laṅs nas dze ta’i tshal du soṅaba daṅ | mu stegs ca dag ci ’dod pa blaṅs te | de dag gis de yaṅ dag par bskul nas des bsams pa ’di dag ni ṅan du smra ba’i chos daṅ ’dul (6) ba’i mu stegs can dag ste | ci ’dod pa dag bslaṅs te mu stegs can gyi bya ba byed de | bcom ldan ’das kyis kyaṅ mdo sde de daṅ de dag las ma dad ba dag ni dad pa phun sum tshogs par yaṅ dag par bskul bar byos śig | gźug par byos śig | dgod par (7) byos śig ces gsuṅs te | bcom ldan ’das kyis rjes su gnaṅ na ni bdag gis skye bo maṅ po dag kyaṅ dge ’dun la yon ’bul ba la rab tu dgod do sñam du bsam nas | bcom ldan ’das gaṅ na ba der soṅ ste phyin nas bcom ldan ’das kyi źabs la mgo (88b1) bos phyag ’tshal nas phyogs gcig tu ’dug go || phyogs gcig tu ’dug nas khyim bdag mgon med zas sbyin pas bcom ldan ’das la ’di skad ces gsol to || btsun pa ṅan du smra ba’i chos daṅ ’dul ba’i mu stegs can ’di dag ci ’dod pa blaṅs nas mu (2) stegs su bgyi ba bgyid na | bcom ldan ’das kyis gnaṅ na ni de daṅ de dag tu źes bya ba nas dge ’dun la yon ’bul bar dgod do źes bya ba’i bar du sṅa ma bźin no || bcom ldan ’das kyis bka’ stsal pa | de ltar na ṅas khyim bdag rjes su gnaṅ (3) gis ci ’dod pa bslaṅs te | saṅs rgyas daṅ | chos daṅ dge ’dun bya ba byed par byos śig | bcom ldan ’das kyis ci ’dod pa blaṅs te | saṅs rgyas daṅ chos daṅ dge ’dun la bya ba byos śig ces bka’ stsal nas | khyim bdag mgon med zas sbyin (4) gyis yaṅ dag par bskul bar brtsams pa daṅ | bram ze daṅ khyim bdag ṅag gis ’phags bdag kyaṅ yaṅ dag par bskul na ni bdag cag la bsod nams de bas kyaṅ rab tu maṅ bar ’gyur ro źes smras pa daṅ | bcom ldan ’das kyis bka’ stsal pa | dge (5) sloṅ dag gis kyaṅ grogs gyis śig | bram ze daṅ khyim bdag dag gis de ste bdag cag gi miṅ nas brjod na ni legs par ’gyur ro źes smras pa daṅ | bcom ldan ’das kyis sbyin bdag gis byin na brjod par byos śig ces bka’ stsal pa daṅ | khyim bdag (6) gis kyaṅ brjod bar byas nas bram ze daṅ khyim bdag gis de ste ’phags pa dag gis brjod na ni bdag cag la de bas kyaṅ bsod nams maṅ du ’gyur ro źes smras pa daṅ | bcom ldan ’das kyis bka’ stsal pa | dge sloṅ dag gis kyaṅ brjod par byos śig | (7) bram ze daṅ khyim bdag dag gtsug lag khag du ’oṅs nas phul pa daṅ | bcom ldan ’das kyis gtsug lag khaṅ du yaṅ brjod par byos śig ces bka’ stsal to || rjod par byed pa de skye bo maṅ po dag gis bskor nas mi snaṅ par gyur pa daṅ | bcom ldan ’das (89a1) kyis śiṅ rta’i cig ces bka’ stsal pa daṅ | tsha ba daṅ char pa daṅ rluṅ rnams byuṅ bar gyur nas | bcom ldan ’das kyis khaṅ bu rtseg ma byos śig ces bka’ stsal to || skye bo maṅ po dag gis sgo bsgribs pas na | (2) bcom ldan ’das kyis bka’ stsal pa | sgo bźi thod la brjod pa bźi źog śig |

. . . . . . . . .

de nas khyim bdag mgon med zas sbyin ci ’dod pa blaṅs nas gos zuṅ maṅ po gos zuṅ brgya stoṅ maṅ po rnams bsogs pa daṅ | des ’di sñam du gos maṅ źig tshogs kyis da ni bdag (3) gis saṅs rgyas la sogs pa dge sloṅ gi dge ’dun dag bśos gsol la saṅs rgyas la sogs pa dge sloṅ gi dge ’dun rgan rims su yon dbul lo sñam bsams nas | des rje ta’i tshal gos sna tshogs kyis brgyan te gos kyi phreṅ bas steṅ kun tu sbyaṅs nas (4) sruṅ ma yaṅ bźag ste | mdza’ po daṅ gñen daṅ phu nu ṅag kyaṅ mgron du bos so |

de nas gtsaṅ źiṅ bsod pa’i bza’ ba daṅ bca’ ba dag spyar nas bcom ldan ’das daṅ dge sloṅ gi dge ’dun du bcas te | dze ta’i tshal du bśos la spyan draṅs so || de naṅ par (5) sṅar laṅs te gdan btiṅ nas bum pa cus bkaṅ ste bźag nas | bcom ldan ’das daṅ ñan thos kyi dge ’dun du bcas te bśos gsol nas | bcom ldan ’das la btsun pa ’jig rten na yon gnas su mchis źes źus pa daṅ | khyim bdag gñis te slob pa daṅ (6) mi slob ba’o || de la yaṅ khyim bdag slob pa la rnam pa bcwa brgyad yod do || mi slob pa la rnam pa dgu’o || slob pa rnam pa bcwa brgyad po gaṅ źe na | rgyun du ’jug pa’i ’bras bu mṅon du bya ba’i phyir źugs pa daṅ | rgyun du źugs pa daṅ | lan gcig phyir (7) ’og ba’i ’bras bu mṅon du bya ba’i phyir źugs pa daṅ | lan gcig phyir ’oṅ ba daṅ | phyir mi ’og ba’i ’bras bu mṅon du bya ba’i phyir źugs pa daṅ | phyir mi ’oṅ ba daṅ | dgra bcom pa’i ’bras bu mṅon du bya ba’i phyir źugs pa daṅ | dad pas rjes su ’braṅ ba daṅ | (89b1) chos kyi rjes su ’braṅ ba daṅ | dad pas rnam par grol pa daṅ | lta bas thos pa daṅ | goṅ nas goṅ du ’gro ba daṅ | tshe gcig gis thogs pa daṅ | bar mdor mya ṅan las ’da’ ba daṅ | skyes ma thag tu mya ṅan las ’da’ ba mṅon par ’du byed pa daṅ bcas (2) pas yoṅs su mya ṅan las ’da’ ba daṅ | mṅon par ’dus ma byas pas yoṅs su ṅan las ’da’ ba daṅ | goṅ du ’phar ba rnams te ’di dag ni slob pa bcwa brgyad ces bya’o || mi slob pa dgu gaṅ źe na | chos ’gribs pa daṅ | chos ma ’gribs pa (3) daṅ ! gsaṅ ba’i chos daṅ | rjes su sruṅ ba’i chos daṅ | mi g-yo bar ’dug pa daṅ | so sor rtogs nas skal ba can du mi ’gyur ba daṅ | mi bskyod pa’i chos daṅ | śes rab kyis rnam par grol pa daṅ | gñis ka’i cha las rnam par grol pa ’di (4) ṅag ni mi slob pa dgu źes bya’o || bcom ldan ’das kyis de skad ces gsuṅs so | bde bar gśegs pas de skad gsuṅs nas | ston pas yaṅ gsuṅs pa | lus daṅ ṅag yid draṅ paro gyur pa yi | slob daṅ mi slob ’jig rten ’di na bźugs || (5) de dag sbyin źig mchod par ’os ba ste || mchod pa’i źiṅ rab der byin ’bras bu che |

. . . . . . . . .

de nas khyim bdag mgon med zas sbyin rgan rims kyi mdun du ’dug ste | brjod pa bskos nas ’phags pa brjod pa’i tshe ’di skad du gaṅ bcom ldan ’das kyi ñan thos kyi dge ’dun (6) la sbyin par rigs pa | rab tu sbyin par rigs pa | thal mo sbyar bar Rigasa pa | phyag bya bar rigs pa | bla na med pa’i bsod nams kyi źig ’jig rten gyi yon gnas su gyur pa gaṅ yin pa de dag la gosa’a ’di dag ’bul gyis ci bder bźes śig ces gsuṅ (7) śig |

de nas dge sloṅ rdzoṅ par byed ba des rgan rims kyi mdun du ’dug la ’di skad du gson cig | btsun pa’i dge ’dun rnams bcom ldan ’das kyi ñan thos kyi dge ’dun sbyin par rigs pa | rab tu sbyin par rigs pa | thal mo sbyar bar rigs pa | phyag bya (90a1) par rigs pa | bla na med pa’i bsod nams kyi źiṅ | ’jig rten gyi yon gnas gaṅ yin pa de dag la gos rñed pa ’di dag ’bul gyis ci bder bźes śig ces brjod do ||

de nas dge sloṅ ’dod chags daṅ bral bźe sdaṅ daṅ bral ba gti (2) mug daṅ bral ba gaṅ yin pa de dag ni ’di sñam du gyur to || khyim bdag mgon med zas sbyin ni ’di skad du brjod de | gaṅ bcom ldan ’das kyi ñan thos kyi dge ’dun sbyin par rigs pa | rab tu sbyin par rigs pa | thal mo sbyar bar rigs pa | phyag bya bar (3) rigs pa | bla na med pa’i bsod nams kyi źiṅ ’jig rten gyi yon gnas de dag la gos rñed pa rnams ’bul gyis ci bder bźes śig ces brjod de | bdag cag ni blan med pa yin pas na bdag gis rñad pa ’di dbaṅ mod kyis | bcom ldan ’das kyis dge (4) sloṅ dag khyed kyis dge ba rnams ni bcab par bya’o || sdig pa rnams ni bsgrag par bya’o źes gsuṅs na | bdag cag gos rñed pa’i phyir bdag ñid brjod pa lta gal ruṅ | bdag cag ni ’dod chags daṅ bral ba | źe sṅaṅ daṅ bral ba || gti mug daṅ bral (5) ba’o źes smras nas cad mi zer bar ’khod do || kun tu sbyor ba’i lhag ma daṅ bcas pa gaṅ yin pa de dag kyaṅ ’di sñam du | blan med pa la bsṅos pas na bdag cag ni kun tu sbyor ba’ lhag ma daṅ bcas pa yin pas bdag cag ni mi dbaṅ ṅo sñam bsams nas caṅ (6) mi zer bar ’khod do || bciṅ ba thams cad kyis bciṅs pa gaṅ yin pa de dag ni ’di sñam du | bla na med pa la de ’bul lo sñam du bsams nas bdag caṅ mi smra bar ’khod do || kun tu sbyor ba’i lhag ma daṅ bcas pa dag kyaṅ caṅ mi zer bar ’khod do || (7) bdag cag ni bciṅ ba thams cad kyis bciṅs pas na | bdag cag ni thams cad kyi thams cad du mi dbaṅ ṅo sñam du bsams nas de dag kyaṅ caṅ mi smra bar ’khod do || de’i tshe khyim bdag mgon med zas sbyin gyis gos phul ba de dag dge sloṅ gcig (90b1) gis kyaṅ ma blaṅs pa daṅ | de yaṅ ’di sñam du bdag ’phags pa’i dge ’dun dag gis lhuṅ bzed khas phub par ma gyur graṅ sñam du bsams nas | de’i lus skya bo bseṅ po riṅ ciṅ skem la rmya bar gyur nas | bcom ldan ’das gaṅ na bder sog ste druṅ du (2) phyin pa daṅ | bcom ldan ’das kyi źabs la mgo bos phyag ’tshal nas phyogs gcig tu ’dug go || phyogs gcig tu ’dug ste | khyim bdag mgon med zas sbyin gyis don de bcom ldan ’das la gsol pa daṅ | saṅs rgyas ni mkhyen bźin du ’dri ste | (3) saṅs rgyas bcom ldan ’das kyis tshe daṅ ldan pa kun dga’ bo la | kun dga’ bo khyim bdag mgon med zas sbyin pas dge sloṅ dag la gos sbyar te byin na | ci’i phyir ma blaṅs źes rmas pa daṅ | des btsun pa khyim bdag mgon med zas sbyin gyis | ’di (4) skad du gaṅ bcom ldan ’das kyi ñan thos kyi dge ’dun sbyin par rigs pa | rab tu sbyin par rigs pa | thal mo sbyar bar bgyi ba nas de dag caṅ mi mchi bar mchis so źes bgyi ba’i bar du sṅam bźin brjod de | de lhar na khyim bdag mgon med zas sbyin (5) gyis stsal ba dge sloṅ gcig gis kyaṅ ma blaṅs so źes gsol pa daṅ |

. . . . . . . . . .

de nas bcom ldan ’das kyis tshe daṅ ldan pa kun dga’ bo la kun dga’ bo soṅ la mñan du yod pa na dge sloṅ ji sñed gnas śiṅ ’khod pa de dag thams cad ’dun khaṅ du sdus śig | ces bka’ (6) stsal pa daṅ | btsun pa de bźin bgyi’o źes tshe daṅ ldan pa kun dga’ bos bcom ldan ’das las mñan te | mñan du yod pa na dge sloṅ ji sñed gnas śiṅ ’khod pa de dag thams cad ’dun khaṅ du bsogs nas | bcom ldan ’das gaṅ na ba der soṅ ste phyin (7) pa daṅ ! bcom ldan ’das kyi źabs lam go bos phyag ’tshal nas phyogs gcig tu ’dug go || phyogs gcig tu ’dug nas bcom ldan ’das la tshe daṅ ldan pa kun dga’ bos | btsun pa bcom ldan ’das dṅus la bab par dgoṅs śig | mñan du (91a1) yod pa na dge sloṅ ji sñed gnas śiṅ mchis pa de dag thams cad ’dun khaṅ du ’dus śiṅ tshogs so źes de skad ces gsol pa daṅ |

. .

de nas bcom ldan ’das ’du khaṅ gaṅ na ba der gśegs te byon pa daṅ | gdan btiṅ ba la bźugs (2) so! | bźugs nas bcom ldan ’das kyis dge sloṅ dag la ’di skad ces bka’ stsal te | dge sloṅ khyed khyim bdag mgon med zas sbyin gyis gos maṅ po bsdus te byin na ci’i phyir ma blaṅs źes gsuṅs pa daṅ | dge sloṅ rnams caṅ mi zer bar ’khod (3) do! | saṅs rgyas bcom ldan ’das ni mkhyen bźin du ’dri ba ste | saṅs rgyas bcom ldan ’das kyis tshe daṅ ldan pa kun dga’ bo la yaṅ kun dga’ bo dge sloṅ rnams ci’i phyir mi smra bar ’khod ces rmas pa daṅ | de ltar gur pa bcom ldan ’das la yaṅ (4) rgyas par gsol to ||

de nas bcom ldan ’das kyis dge sloṅ rnams la bka’ stsal pa | dge sloṅ dag khyed pi druṅ du mya ṅan las ’da’ bar bsams te rab tu byuṅ ṅam | btsun pa de bźin no źes gsol to || dge sloṅ dag de lta bas na pi druṅ du mya (5) ṅan las ’da’ bar bsams de rab tu byuṅ ba de la ni ba na phrag stoṅ ri ba’i gos daṅ | mig lṅa brgya yod pa’i khaṅ pa brtsegs pa daṅ | ro sna brgya daṅ ldan pa’i zas rnams rjes su gnaṅ ṅo | dge sloṅ dag tshul khrims ñams pa dag ni dge ’dun gyi kun (6) dga’ ba la rkaṅ ba’i rtiṅ ba gcig tsam yaṅ yoṅs su spyad pa mi gnaṅ ṅo || de ci’i phyir źe na | tshul khrims ñams pa’i gaṅ zag la ni ñes pa’i dmigs ’di bcu gaṅ źe na | tshul khrims kyis bdag smad pa daṅ | gźan daṅ lha daṅ (7) ston pas smrad pa daṅ | tshaṅs pa mtshuṅs par spyod pa mkhas pa daṅ | chos ñid kyis smad pa daṅ | phyogs phyogs su sdig pa mi sñan pa’i sgra daṅ tshigs su bcad pas grags par ’gyur pa daṅ | ma rtogs pa rnams rtogs par mi ’gyur pa daṅ | rtogs (91b1) pa rnams ñams pa daṅ | sṅon thos pa rnams brjed par ’gyur ba daṅ | rnam par ’gyod bźin du dus byed pa daṅ | lus daṅ bral nas śi ba’i ’og tu ṅag ’gro ṅan soṅ du log par ltuṅ nas sems can dmyal bar skye’o || ’on kyaṅ dge sloṅ dag gis spyad (2) pa ni bźi ste | bdag po med cig yoṅs su spyod pa daṅ | byin pas yoṅs su spyod pa daṅ | gnaṅ bas yoṅs su spyod pa daṅ | bu lon gyis yoṅs su spyod pa’o || de las dge sloṅ ’dod chags daṅ bral | źe sdaṅ daṅ bral | gti mug gdaṅ bral (3) ba de dag ni bdag po med ciṅ yoṅs su spyod pa’o || kun tu spyor ba’i lhag ma daṅ bcas pa dag ni byin pas yoṅs su spyod pa’o || so so’i skye bo dge ba can bsam gtan daṅ klog pa la źugs pa rnams ni gnaṅ bas yoṅs su spyod pa’o || le lo can dag (4) ni bu lon gyis yoṅs su spyod pa’o || tshul khrims ñams pa ni yoṅs su spyod pa thams cad mi gnaṅ ṅo | de lta bas na rñed pa źig yod na dge ’dun gyis mñam par bgo bar bya’o ||

. . . . . . . . .

gleṅ gźi’i sgo gñis pa’i mdo’i tshigs su bcad pa gñis (5) pa’o || ||

mdor na |
btiṅ ba daṅ ni ma btiṅ ba ||
phyuṅ ba daṅ yaṅ ma phyuṅ ba ||
de bźin mtshams kyi phyi rol gnas ||
thos pa yi raṅ bsams pas so ||

saṅs rgyas bcom ldan ’das mñan du yod pa na dzi ta’i tshal mgon med zas spyin gyi (6) kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā lis źus pa | btsun pa dge ’dun gyis gtan pa btiṅ pa dge sloṅ gis śin tu myoṅ bźin tu gtan pa btiṅ bar mi ’gyur bar mchis sam | u pā li (7) yod de ’di lta ste | dge ’dun gyi gtan pa ’diṅ ba’i tshe dge sloṅ des dad pa ma byin la gñid kyis log ste | dge ’dun gyi gtan pa btiṅ bar ’gyur ro || u pā li de ltar na dge sloṅ gtan pa śin tu myoṅ bźin gtan pa btiṅ bar mi ’gyur ro || btsun (92a1) pa dge ’dun gyi gtan pa śin tu ma myoṅ bźin du gtan pa btiṅ bar ’gyur ba mchis sam | u pā li yod de | dge sloṅ źig gis dge ’dun gyi gtan pa btiṅ ba’i tshe daṅ ba byin la ñal la dge ’dun gis gtan pa yaṅ btiṅ bar ’gyur te | (2) de ltar na dge ’dun gyi gtan pa btiṅ ba śin tu ma myoṅ ba yaṅ gtan pa btiṅ bar ’gyur ro || u pā li de bźin du dge sloṅ gis dge ’dun gyi gtan pa ’diṅ ba’i tshe dad ba byin pa la gñid kyis log gam sñoms par źugs pa ste | śin tu ma myoṅ yaṅ gtan (3) ba btiṅ bar bgyur ro || btsun pa dge sloṅ gi dge ’dun gyi gtan pa ’byin pa’i tshe myoṅ bar gyur kyaṅ gtan pa ma phyuṅ par ’gyur pa mchis sam | u pā li yod de | ’di lta ste | dge sloṅ gis dge ’dun gyi gtan pa ’diṅ ba’i tshe dad pa ma byin la gñid (4) kyis log gam sñoms bar źugs pa ste | u pā li de ltar na dge sloṅ gi dge ’dun gyi gtan pa ’byin pa’i tshe myoṅ bar gyur kyaṅ gtan pa ma phyuṅ bar ’gyur ro || btsun pa dge sloṅ źig gis dge ’dun gyi gtan pa ’byin pa’i tshe myoṅ bar ma gyur kyaṅ gtan pa phyuṅ bar ’gyur (5) pa mchis sam | u pa li yod de | ’di ltar dge sloṅ gi dge ’dun gyis gtan ba ’byin pa’i tshe da pa byin la gñid kyis log gam sñoms par źugs sam | mtshams kyi phyi rol tu soṅ yaṅ ruṅ ste | dge ’dun gyis gtan pa phyuṅ go źes thos te | thos nas (6) kyaṅ legs par phyuṅ ṅo | śin tu phyuṅ ba’o źes rjes su yi raṅ ba’o ||

. . . . . . .

gleṅ gźi’i sgo gñis pa’i mdo’i tshigs su bcad pa gsum pa’o || ||

mdor na |
bslab pa byin daṅ tshul śiṅ daṅ ||
gaṅ la las rnams bya ba daṅ ||
bcu gñis rnams la (7) slar ’khyal daṅ ||
mi gtsaṅ ba daṅ mi brtsan pa ||

saṅs rgyas bcom ldan ’das mñan du yod ba na dze ’ata’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā lis źus pa | btsun pa (92b1) bslab pa stsal pas | tshul śiṅ brim źiṅ las bgyir ruṅ ṅam | u pā li mi ruṅ ṅo || ma niṅ daṅ za ma daṅ | dge sloṅ ma sun phyuṅ ba daṅ | pha bsad pa daṅ | ma bsad pa daṅ | dgra bcom pa bsad pa daṅ | de bźin gśegs pa la ṅan (2) sems kyis khrag phyuṅ ba daṅ | mu stegs can daṅ | mu stegs can du soṅ ba daṅ | rkun gnas daṅ | so sor gnas pa daṅ | mi gnas pas tshul śiṅ brim źiṅ las bgyir ruṅ ṅam | u pā li mi ruṅ ṅo || btsun pa bcom ldan ’das kyis (3) gaṅ la las bya ba de slar ’khyal yaṅ mi brtsan no źes gsuṅs na | btsun pa gaṅ la chos bźin ma lags par las bgyis pa de ltar ’khyal na yaṅ mi brtsan par ’gyur ram | u pā li de ni brtsan no || btsun pa gaṅ zag gis las bcu gñis bskos pa’i (4) tshe de dag ’di skad du ded cag la ma bsko śig ces mchin | ci de dag de ltar ’khyal ba yaṅ mi brtsan nam | u pa’ li brtsan no || de niṅs chad pas gnas pa rnams kyi phyir bsams te gsuṅs so || btsun pa bcom ldan ’das kyis mi gtsaṅ ba rnams (5) slar ’khyal na mi brtsan no źes gsuṅs na | btsun pa ji tsam gyis na mi gtsaṅ ba źes bgyi | u pā li de ni gaṅ la phas pham pa bźi’i naṅ nas gaṅ yaṅ ruṅ ba źig byuṅ par gyur pa ste | de tsam gyis na mi gtsaṅ bar ’gyur ro ||

. . . . . . .

gleṅ gźi’i sgo gñis ba’i (6) mdo’i tshigs su bcad pa bźi pa’o || ||

mdor na |
bslab pa byin daṅ las byed daṅ ||
rkun gnas kyaṅ ni de bźin te ||
bsñen rdzogs mtshams kyi phyi rol daṅ ||
mṅags te gtaṅ bar mi bya ba’o ||

saṅs rgyas bcom ldan ’das mñan du yod pa na (7) dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā lis źus pa | mabatsuna pa las bgyid pa bslab pa stsal pas las bgyis na | bgyis pa źes bgyi’am | ’on te ma bgyis pa źes bgyi | (93a1) u pā li ma byas pa źes bya ste | slar yaṅ bya dgos so || de bźin du ma niṅ daṅ za ma dag mi gnas pa’i bar du sṅa ma bźin du bya’o ||

. . .

gleṅ gźi ni mñan du yod pa na ste |

dge sloṅ gźan źig la dge sloṅ źig bsñen par rdzogs par ’dod (2) nas ṅes bsñen par rdzogs par bya ba’i dge sloṅ rnams sbran te | des bsñen par rdzogs par bya pa’i phyir des dge tshul pha de khrid de | dkyil ’khor du dog nas dge sloṅ dag daṅ lhan cig tu dkyil ’khor du phyin nas | de mtshams kyi phyir rol du maṅ gas (3) te btaṅ ba daṅ | de gñen dag gis khrid de soṅ ṅo | tshe daṅ ldan pa de dag rab tu ’byuṅ źiṅ basñenana par rdzogs nas dge sloṅ gi dṅos por gur pa’i bar chad du gyur pa daṅ | de ltar gyur pa dge sloṅ dag gis saṅs rgyas bcom ldan ’das la gsol pa (4) daṅ ! saṅs rgyas bcom ldan ’das kyis bka’ stsal pa | de lta bas na dge sloṅ dag gis bsñen par rdzogs par ’dod pa de mtshams kyi phyi rol du ma maṅs gas śig | ’di lta ste | dge sloṅ dag ’khor los sgur ba’i rgyal po’i bu rab dpar bskur pa’i (5) rigs pa dbaṅ ma bskur na rgyal tshab ’thob pa de rab tu bsruṅ par bya ba daṅ | rab tu bskyaṅ bar bya ba de bźin du dge sloṅ gis bsñen par rdzogs par ’dod pa de yaṅ rab tu bsruṅ źiṅ bskyaṅ ba’i rigs so || de ltabs na dge sloṅ dag gis bsñen par (6) rdzogs par ’dod pa’i dge tshul pa de rnams mi thos pa’i ñe ’khor tsam du spaṅs la | mthoṅ ba’i ñe ’khor tsam du thal mo sbyar te mṅon du lta bźin źog śig | de ltar na ñes pa’i dmigs su mi ’gyur ro || gleṅ gźi’i sgo gnis pa’i mdo’i tshigs (7) su bcad pa lṅa pa’o || ||

. . .

mdor na |
bzod pa gsol bar byed daṅ mtshams ||
spu bsñal pa yaṅ de bźin no ||
thab mo rgod pa bsdigs pa daṅ ||
smad par bya daṅ rigs sun pa’o ||

saṅs rgyas bcom ldan ’das mñan du yod pa’i (93b1) dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan ’das kyis bsdigs pa’i las bgyis bas bzod pa gsol cig ces gsuṅs na | gaṅ du (2) bzod pa gsol par bgyi | u pā li de ni mtshams kyi naṅ du’o || ji ltar bzod pa gsol bar bgyi | spu laṅs śiṅ rab tu laṅs pa las dge ’dun la sbu ñal bar byed pa byuṅ bar stsol | phyag ’tshal ba mṅon du ston ciṅ | thab mo rgod pa de (3) yaṅ slar gtog ba’o || btsun pa bcom ldan ’das kyis thab mo rgod pa’i dge sloṅ dag la bsdigs pa’i las byos śig ces gsuṅs na | de ste btsun pa de la bsdigs pa’i las bgyid pa’i tshe ma raṅs par gyur na | de la thabs ji ltar bgyi | u pā li de’i yo (4) byad daṅ rdzas las kha cig gis lhuṅ bzed dag chos gos khyer cig | kha cig gis ni bar bur gyi snod dag khyer la phyir rol du phyuṅ ste bor cig | de sto ka ba la ’jus na yaṅ ka ba chod cig | de ste sgo skyes la ’jus na yaṅ sgo skyes phyuṅ la de la ṅo zlog mi phod pa (5) ma byed cig | de slar gus bcos par bgyi | dge ’dun gyis so || su la bcos pa’i yo byad dgug | sbyin bdag la sloṅs la de ste ma ’byor na dge ’dun thams cad kyi nor las byos śig | de la the tshom du ma byed cig | de ste btsun pa dge sloṅ (6) ma źig thab mo rgod par gyur na de la yaṅ bsdigs pa’i las bgyi’am | u pā li de la yaṅ bsdigs pa’i las bya’o || de ste ma raṅs par gyur na źes pa nas | the tshom ma byed cag ces bya bi bar du sṅa ba bźin no || bcun pa de ste dge slob ma daṅ | dge (7) tshul pha daṅ | dge tshul ma źig thab mo rgod par gyur pa daṅ | de dag la yaṅ bsdigs par bgyi’am | de la the tshom du ma byed cig ces bya ba’i bar du sṅa ma bźin no || btsun pa bcom ldan ’das kyis rigs sun pa’i dge sloṅ la bskrad pa’i las (94a1) byos śig ces gasuṅasana | de ste btsun pa de la bskrad pa’i las bgyid pa’i tshe de ma raṅs par gyur na ṅe la ji lhar bgyi || a pā li de la yo byad rnams źes bya ba nas | the tshom ma byed cig ces bya ba’i bar du sṅa ma bźin no || de bźin du dge sloṅ (2) mas rigs su na pa daṅ | dge sloṅ ma daṅ | dge tshul ma dag la yaṅ bskrad pa’i las bgyi’am | de la the tshom du ma byed cig ces bya ba’i bar du sṅa ma bźin no || gleṅ gźi’i sgo gñis pa’i mdo’i tshigs su bcad pa drug pa’o || ||

. . . . . . . . . . .

(3) ’dul ba gzuṅ dam pa | bam po sum bcu rtsa gsum pa |

btsun pa bcom ldan ’das kyis tshul khrims ñasama pa’i dge sloṅ skrod cig ces gsuṅs na | sus bskrad par bgyi | de ni dge ’dun gyis bskrad par bya’o || de’i yo byad la kha cig gis lhuṅ (4) bzed daṅ chos gos khyer | kha cig gis ni bar bur kyi snod dag kyer te phyi rol tu phyuṅ la bor cig | de ste ka ba la ’jus na ka ba chod cig | sgo skyes la ’jus na sgo skyes kyaṅ phyuṅ la de la ṅo zlog mi pho dpar ma byed cig | slar sus bcom par bgyi | dge ’dun (5) gyis so || ’chos pa’i yo byad su la dgug | yon bdag la bskul lo || des kyaṅ ma ’byor na dge ’dun thams cad kyi nor gyisaslara bcos par bya ste | de la the tshom du ma byed cig | tshul khrims ñams pi dge sloṅ la ji lta bar dge sloṅ ma daṅ (6) dge slob ma daṅ | dge tshul pha daṅ | dge tshul ma dag kyaṅ de bźin no || btsun pa bcom ldan ’das kyis khyim pa la smod par byed pa’i dge sloṅ de la slar bsdum pa’i las byos śig ces gsuṅs na | btsun pa de sñe dge sloṅ mas kyaṅ khyim pa la smad (7) par gyur na de la yaṅ slar bsdum pa’i las bgyi’am | u pā li de yaṅ slar bsdum pa’i las byed du chug śig | dge sloṅ ma daṅ | dge tshul pha daṅ | dge tshul ma la yaṅade bźin no || btsun pa bcom ldan ’das kyis dge sloṅ khyim pa la smod na (94b1) bsdum pa’i las byed du chug śig ces gsuṅs na | dge sloṅ gis dge sloṅ la smod na de la yaṅ slar bsdum pa’i las bgyi’am | u pā li de la yaṅ sāra bsdum pa’i las bya’o || dge sloṅ gis dge sloṅ ma daṅ | dge slob ma daṅ | dge slob ma daṅ | dge tshul (2) pha daṅ | dge tshul ma yaṅ de bźin du bya’o || dge slob mas dge sloṅ ma daṅ | dge sloṅ daṅ | dge sloṅ ma daṅ | dge tshul pa daṅ | dge tshul ma la yaṅ de bźin du bya’o || dge slob mas dge slob ma daṅ | dge sloṅ daṅ dge sloṅ ma daṅ | dge (3) tshul pha daṅ | dge tshul la yaṅ de bźin bya’o || dge tshul phas dge tshul pha daṅ | dge sloṅ daṅ | dge sloṅ ma daṅ | dge slob ma daṅ | dge tshulama la yaṅ de bźin du bya’o || dge tshul mas dge tshul ma daṅ | dge sloṅ daṅ | dge sloṅ ma daṅ | (4) dge slob ma daṅ | dge tshul phal yaṅ de bźin du bya’o || de ltar ’khor lo bźin du rgyas par brjod do ||

. . . . . . . . . . . .

gleṅ gźi’i sgo gñis pa’i mdo’i tshigs su bcad pa bdun pa’o || ||

mdor na |
dge tshul gaṅ daṅ bsdigs pa daṅ ||
lṅa las ñuṅ ba mi (5) gnas daṅ ||
u pā lis ni ji ltar dris ||
nub mo lṅa yaṅ byin pa’o ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab na bźugs so || saṅs rgyas bcom ldan ’das la tshe daṅ ldan pa u pā lis źus pa | (6) btsun pa dge sloṅ gis bsdigs pa’i las bgyis pa’i dge tshul pha bsñen par rdzogs par bgyis na | de bsñan par rdzogs pa źes bgyi’am | bsñen par ma rdzogs pa źes bgyi | u pā li bsñen par ni rdzogs mod kyi | bsñen par rdzogs par byed pa ni ’das (7) pa daṅ bcas pa’o || bzod pa ni gsol ba źes bya’o || btsun pa bcom ldan ’das kyis lo lṅa lon la chos rnam pa lṅa daṅ ldan na gnas ma bcas kyaṅ gźoṅs spyad pa spyod du gnaṅ ṅo źes gsuṅs na | btsun pa lo bźi lon la chos rnam pa lṅa dad ldan na | de (95a1) yaṅ gnas ma bcas par gźoṅs spyad pa spyod du gnaṅ ṅam | u pā li mi gnaṅ ṅo || de ci’i phyir źe na | lo lṅa ma lon pa ni ruṅ ba’i phyir ro || de ste lo drug gam lo dgu lo na la | de yaṅ chos lṅa daṅ mi ldan de gnas ma bcas par gźoṅs (2) spyad pa spyod du gnaṅ ṅam | u pā li mi gnaṅ ṅo || de ci’i phyir źe na | chos lṅa dag ldan par bya ba’i phyir ro || btsun pa dge sloṅ bsñen par rdzogs nas lo gsum lon la de yaṅ sde snod gsum daṅ ldan pa | rig pa gsum daṅ ldan pa dri ma gsum daṅ bral na de (3) yaṅ gźan la gnas bca’ bar bgyi’am | u pā li de yaṅ de bźin no || de ci’i phyir źe na | bcas pa’i tshul du bya ba’i phyir ro || ji srid du gnas ma bcas pa la rñed pa stsal par bgyi | u pā li de maṅ na yaṅ źag lṅa’i bar du ste | de yaṅ gnas bca’ ba (4) tshol źiṅ sbyor ba ma btaṅ ba’o ||

. . . . . . . . . .

gleṅ gźi’i sgo gñis pa’i mdo’i tshigs su bcad pa brgyad pa’o || ||

mdor na |
mthun pa dag daṅ mi mthun pa ||
tshad gzuṅ du yaṅ med pa daṅ ||
bcabs pa daṅ ni ma bcabs pa ||
de bźin miṅ daṅ rigs kyaṅ ṅo ||

(5) saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra pa na bźugs so || saṅs rgyas bcom ldan ’das la tshe daṅ ldan pa u pā lis źus pa | btsun ba noṅs pa mthun pa źes kyaṅ ba kyi | mi mthun pa źes kyaṅ bgyi na || (6) btsun pa noṅs pa mthun pa gaṅ lags | mi mthun pa gaṅ lags | u pā li phas pham pa rnams ni phas pham bar mthun gyi gźan dag mi mthun pa’o || dge ’dun gyi lhag ma ni dge ’dun gyi lhag mar mthun no || ltuṅ ba ni ltuṅ bar mthun no || so sor bśags pa so sor (7) bśags par mthun no || ñes byas ni ñes byas su mthun no || btsun pa nogs ba tshad daṅ ldan pa źes kyaṅ bgyi | noṅs pa tshad daṅ mi ldan pa źes kyaṅ bgyi na | btsun pa tshad daṅ ldan pa ni gaṅ lags | mi ldan pa ni gaṅ lags | u bā li gaṅ źag gi (95b1) mtha’ daṅ ñes pa’i mtha’ dran par ’gyur ba ste tshad daṅ ldan źes bya’o || gaṅ źag daṅ ñes pa’i mtha’ mi dran par gyur pa de ni tshad daṅ mi ldan źes bya’o || btsun ba noṅs pa bcabs pa źes kyaṅ bgyi | ma bcabs pa źes kyaṅ bgyi na | btsun pa bcabs pa (2) gaṅ lags | ma bcabs pa gaṅ lags | u pā li de ni rnam pa gñis kyis bcabs pa ste | sems kyis bcabs pa daṅ | źag tu bcabs pa’o || de la źag tu bcabs pa gaṅ yin pa de ni ma bcabs ’o || sems kyis bcabs pa gaṅ (3) yin pa de ni bcabs pa źes bya’o || btsun pa noṅs pa rnams kyi miṅ daṅ rus źes bgyi ba | btsun pa miṅ gaṅ lags | rus gaṅ lags | u pā li phas pham pa rnams ni miṅ ṅo || de las byuṅ ba ni rus so || dge ’dun gyi lhag ma źes bya ba ni (4) miṅ ṅo || de las byuṅ ba ni rus so || ltuṅ ba dag so sor bśags pa daṅ | ñes byas rnasama ni miṅ ṅo || de sal buṅ ba ni rus so ||

. . . . . . . . . . . . . . . . . .

gleṅ gźi’i sgo gñis pa’i mdo’i tshigs su bcad pa dgu pa’o || ||

mdor na |
gcig la chad pas bcad pa (5) daṅ ||
bslab pa byin la mi spyad de ||
de dag la ni dad mi sbyin ||
dge sloṅ byed dam mi len to ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so || drug sde dag dge ’dun gyi lhag ma (6) rnams byuṅ bar gyur nas | de dag chad bas bcad pa daṅ | de dgar ba’i naṅ du dkyil ’khor byas nas chad pa byed do || de dag la dge sloṅ dag gis tshe daṅ ldan pa dag ci źig byed ces de dag gis smras pa daṅ | chad pa byed do źes smras pa daṅ | dge (7) sloṅ dag gis ’di ni slar bacasabasa pa yin gyis chad pa ma yin no źes smras pa daṅ | de dag spa goṅ nas caṅ mi zer bar ’dug go || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis dge sloṅ dag gaṅ na (96a1) dge sloṅ gcig bur gnas pa der chad pa’i las ma byed cig ces bka’ stsal to || gaṅ dge sloṅ gñis sam gsum gnas pa dar yaṅ dge sloṅ dag gis chad pa’i las ma byed cig | gaṅ na dge sloṅ bźi’am | de las lhag pa yaṅ (2) ruṅ ba gnas pa der dge sloṅ dag gis tshad pa daṅ | gźi nas bslaṅ ba’i chad pa daṅ | gźi nas slar bslaṅ ba daṅ | yid mgu bar bya ba daṅ | gźi nas bslaṅ ba’i yid mgu bar bya ba daṅ | gźi nas slar bslaṅ ste yid mgu ba dag byos śig (3) bcom ldan ’das kyis gaṅ na dge sloṅ bźi ’am de las lhag par gnas pa de dag tu dge sloṅ gis chad pa daṅ | gźi nas bslaṅ ba’i chad pa daṅ | gźi nas slar bslaṅ ba daṅ | yid mgu bar bya ba daṅ | gźi nas bslaṅ ba’i yid mgu bar bya ba daṅ || (4) gźi nas slar bslaṅ ste yid mgu ba dag byos śig ces bka’ stsal pa daṅ | dge sloṅ pha dag gis bslab pa byin pa’i dge sloṅ bźi la chad pa byed pa daṅ | bcom ldan ’das kyis bka’ stsal pa | bslab pa byin pa’i dge sloṅ bźi la yaṅ chad pa byed (5) du mi gnaṅ ṅo || bcom ldan ’das kyis bslab pa byin pa’i dge sloṅ bźi la chad pa byed du mi gnaṅ ṅo źes bka’ stsal pa daṅ | dge sloṅ dag gis bslab pa byi naṅ gsum pa daṅ | tshul bźin gnas pa gcig la byed do || bslab pa byin pa gñis daṅ | (6) tshul bźin gnas pa gnis la byed do || bslab pa byin pa gcig daṅ | tshul bźin gnas pa gsum la chad pa byed do || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | bslab pa byin pa bźi (7) la yaṅ chad pa ma byed cig | bslab pa byin pa gsum pa daṅ | tshul bźin gnas pa gcig la yaṅ ma byed cig | bslab pa byin pa gñis daṅ | tshul bźin gnas pa gñis la yaṅ ma byed cig | bslab pa byin pa gcig daṅ | tshul bźin gnas (96b1) pa gsum la yaṅ chad pa ma byed pa ra yoṅs su dag pa bźi’am | de las maṅ ba rnams la chad pa byos śig | chad pa gcad pa la ji lta ba chad pa gźi nas bslaṅ ba daṅ | gźi nas slar bslaṅ ba daṅ | yid mgu par byed pa daṅ | gźi nas slar bslaṅ ba daṅ | yid mgu bar byed pa daṅ | gźi nas bslaṅ ste yaṅ (2) mgu bar byed pa daṅ | gźi nas slar bslaṅ ba’i yid mgu bar byed pa rnams kyaṅ de bźin no || saṅs rgyas bcom ldan ’das la u pā lis źus pa | bslab pa stsal pa la dad pa stsal du ruṅ ṅam | u pā li mi ruṅ ṅo || chos ñid la reg na ni ruṅ ṅo || (3) btsun pa bslab pa stsal balasa dad pa blaṅ ruṅ ṅam | u pā li de la dge sloṅ du ’du śes bźag na gdod ruṅ ṅo ||

. . . . . . . . . . . . .

gleṅ gźi’i sgo gñis pa’i mdo’i tshigs su bcad pa bcu pa rdzogs te sgo gñis pa rdzogs s+ho || ||

mdor bsdus pa ni |

dkyil ’khor (4) lhuṅ bzed dugs khaṅ daṅ ||
dud pa btug daṅ khar phor daṅ ||
lcags skra śig rta’i lte ba daṅ ||
gdaṅ śiṅ sgron ma mchod rten no ||

mdor na |
dkyil ’khor lha yi gnas daṅ ni ||
phyed daṅ gsum daṅ gnas mi ’cha’ ||
lhuṅ bzed me dpar rab (5) tu byuṅ ||
lhuṅ bzed la yaṅ mi bri ba’o ||

saṅs rgyas bcom ldan ’das mñan du yod pa’i dze ta’i tshal skyabs med zas sbyin gyi kun dga’ ra ba na bźugs so || dge sloṅ dag gis gar bab bab tu lhuṅ bzes bkrus pa daṅ | sa phyogs der sbraṅ ma dag gis (6) gaṅ ste mi sdug bar gyur pa bram ze daṅ khyim bdag dag gis mthoṅ nas ci ’phags pa dag gis phyogs ’dir bśad gci bgyis sam źes smras pa daṅ | de dag gis bźin bzaṅs ’dir bśaṅ gci dag ni sus kyaṅ ma byas kyi ṅed kyis lhuṅ bzed bkrus so źes (7) smras pa daṅ | de dag gis ’phags pa khyed kyis ’dir dkyil ’khor bya ba’i rigs so źes smras pa daṅ | de dag spa goṅ nas caṅ mi zer bar ’dug go || de dag ’phya ste | dge sbyoṅ śākya ’i bu dag ni mi gtsaṅ ba ste | gar bab bab tu lhuṅ bzed ’khru’o (97a1) źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis dge sloṅ rnams la bka’ stsal pa | bram ze daṅ khyim pa dag rnams ’phya ba ni yus kyis de bas na gaṅ bab bab tu lhuṅ bzed (2) ma ’khru bar dge sloṅ dag gis lhuṅ bzed gaṅ du bkrus pa’i gnas der dkyil ’khor byos śig ces bka’ stsal to || bcom ldan ’das kyis dkyil ’khod byos śig ces gsuṅs nas dge sloṅ dag gis lhuṅ bzed bkrus pa’i gnas der dkyil ’khor (3) zla ma por byas pa daṅ | bram ze daṅ khyim bdag dag gtsug lag khaṅ du ’oṅs te gnas kyi bar na mar dkyil ’khor yod pa dag mthoṅ nas | kye ’di ci źig ces dris pa daṅ | kha cig gis yaṅ kye ’di lta la śe pa byar ci yod | dge sbyoṅ śākya ’i buṅs (4) ni ñi ma la dad do źes smras so || gźan dag gis kye de bźin te | dge sbyoṅ śākya ’i bu dag ni ni ñim la dad pa bden no źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’adasakyisa bka’ stsal pa | (5) de lta bas na ñi ma ’dra ba’i dkyil ’khor ma byed cig | bcom ldan ’das kyis ñi ma daṅ ’dra ba’i dkyil ’khor ma byed cig ces gsuṅs pa daṅ | dge sloṅ dag gis zla ba lam pa ’dra ba’i dkyil ’khor byas so || der bram ze daṅ khyim bdag dag gis (6) yaṅ gtsug lag khaṅ du lhags nas | kye dge sbyoṅ śākya ’i bu dag ni zla ba la dad do źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de lta bas na zla ba ’dra ba’i dkyil (7) ’khor kyaṅ ma byed cig | dge sloṅ dag gru bźir byed pa la źugs pa daṅ | gtsug lag khaṅ der bram ze daṅ khyim bdag dag yaṅ lhags nas | kye dge sbyoṅ śākya ’i bu dag ni pa laṅ la dad do źes smras pa daṅ | de ltar gyur pa dge sloṅ dag gis bcom (97b1) ldan ’das la gsol ba nas | bcom ldan ’das kyis de lta bas na dkyil ’khor gru bźi daṅ | rnam pa gñis ltar ma byed par mduṅ rtse daṅ rṅa ’dra bar byos śig ces bka’ stsal nas | dge sloṅ rnams de cis bya ba mi śes nas | bcom ldan ’das kyis (2) bka’ stsal pa | ba laṅ gi lci ba’am sa ’am chus byug par gyis śig | bcom ldan ’das kyis dkyil ’khor rnam pa gñis byos śig | ces gsuṅs pa daṅ | dge sloṅ dag gis saṅs rgyas daṅ chos daṅ dge dun de ’phra’i dkyil ’akharo rnam pa gñis (3) byas te | des mgu bar gyur pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dkon mchog gsum la ni ñim ’am | zla ba ’am | ji ltar dad pa rnam pa thams cad du byas te | de la the (4) tshom ma byed cig |

. . . . . .

gleṅ gźi ni mñan du yod phan ste |

de nas bcom ldan ’das kyis dge sloṅ dag la bka’ stsal pa | dge sloṅ dag sbyin par byed pa daṅ | sbyin pa’i bdag pos gtor ma len pa’i lha dag la rnam pa gsum gyis dus dus su yaṅ dag par mgu (5) bar bya! yaṅ dag par mchod par bya | yaṅ dag par bde bar bya’o || gsum gaṅ źe na | dus dus su gtsaṅ ma’i byi bdar daṅ | dus dus su gtor ma’i las kyaṅ byed | dus dus su byin pa’i yon kyaṅ bsṅo’o || dge sloṅ dag sbyin par byed pa daṅ | (6) sbyin bdag gis gtor ma len pa’i lha dag la dus dus su yaṅ dag par mgu par bya | yaṅ dag par mchod par bya | yaṅ dag par bde bar byas na sbyin par byed pa daṅ | spyin bdag rnams la yid dge bas slar brtse bar byed do || bcom ldan ’das kyis de (7) skad ces bka’ stsal pa daṅ | bde bar gśegs pas de skad gsuṅs nas yaṅ ston pas gsuṅs pa |

. . . .

skyes bu gaṅ zag dad pa dag || gaṅ gis lha rnams mchod byed pa ||
ston pa’i bka’ bźin byed pa ste || saṅs rgyas kyis kyaṅ de la bsṅags ||

(98a1) sa phyogs gaṅ na śes rab can || mkhas pa tshul khrims ldan ’khod pa ||
bśos gsol sbyin rabs bsgrag par bya || de dag rṅed pas rjed par ’gyur ||

mchod pa byas pas mchod par ’gyur || de nas ’di la sñiṅ brtse ba ||
ma yis ji ltar bu (2) la bźin || lhas rjes brtse ba’i mi rnams kyis ||
bde źiṅ bzaṅ po mthoṅ bar ’gyur ||

bcom ldan ’das kyis skyes bu gaṅ zag daṅ pas lha rnams la mchod na ston pa’i bka’ bźin byas pa yin te | saṅs rgyas dag gis kyaṅ bsṅags so źes gsuṅs pa (3) daṅ ! drug sde dag gis ra ba’i lha daṅ | nags kyi lha daṅ | bźi mdo’i lha daṅ | bźi mdo’i lha daṅ | sum mdo’i lha daṅ | ’jig rten gyi lha dag la sogs te | thams cad mchod pa byed pa daṅ | dad pa’i bram ze daṅ khyim bdag dad pa rnams ’apagasa pa ’di dag dge bar gsuṅs (4) pa’i chos ’dul ba la rab tu byuṅ na ’di ltar gnod pa śa daṅ khrag daṅ | rkaṅ daṅ | tshil dag za źiṅ gźan gyi srog ’phrog pa dag la mchod de | bdag cag dge bsñen gyis kyaṅ riṅ du spaṅs na | ’di dag ni mchod pa byed do źes ñes pa ṅor brjod byas ’dogs śiṅ mi (5) sñan par zer nas de dag dge sloṅ dag gis zlog pa daṅ | ci’i phyir tshe daṅ ldan pa dag bcom ldan ’das kyis ni gaṅ skyes bu gaṅ zag dad pa dag gis lha dag la mchod par byas na ston pa’i bka’ bźin du byas pa yin te | saṅs rgyas dag gis kyaṅ bsṅags so źes ma (6) gsuṅs sam | ci ṅed cag dad pa ma yin nam | ci’i phyir na mi mchod ces smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dge sloṅ dgaṅs khyim pa la dgoṅs te gsuṅs kyis (7) dge sloṅ dag la ma yin gyis de lta bas na dge sloṅ dag gis lha rnams la mchod par ma byed cig | bcom ldan ’das kyis dge sloṅ dag lha rnams la mchod par ma byed cig ces gsuṅs pa daṅ | drug sde dag gis de dag la ganado par byed pa la źugs pa daṅ | dge (98b1) sloṅ de dag gi rmi lam du ṅed kyi ñes pa ci byas na ṅed la gnod par byed ces ston to || bram ze daṅ khyim bdag ma dad pa dag kyaṅ ’phags pa rnams ’di dag gis khyed cag la gnod pa ci źig byas na ’di dag ma ruṅ bar byed ces ’phya’o || de ltar gyur pa dge sloṅ (2) dag gis bcom ldan ’das la gsol nas | bcom ldan ’das kyis de la mchod par yaṅ ma byed cig | gnod par yaṅ ma byed cig ces bka’ stsal pa daṅ | drug sde dag lam du źugs te | ’doṅ pa’i tshe lha dag gi rten mthoṅ ba daṅ byol te lam (3) mthon dman daṅ char ma can du doṅ ba daṅ | de na dge sloṅ kha cig ni ’jag mas non | kha cig ni tsher mas zug | kha cig ni dred nas lhuṅ ṅo || de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ (4) stsal pa! | lam ’byol te ma ’doṅ bar lam draṅ por deṅ la | lha dag gi rten la se gol gyi sgra phyuṅ la źal nas gsuṅs pa’i tshigs su bcad pa bklag par bya ste | de la the tshom ma byed cig |

. . . .

gleṅ gźi ni mñan du yod pa na ste |

saṅs rgyas (5) bcom ldan ’das la tshe daṅ ldan pa u pā lis źus pa | btsun pa bcom ldan ’das kyis lhan cig spyod pa daṅ | ñe gnas kyi dge sloṅ gis mkhan po daṅ | slob dpon la dus gsum du ltar soṅ śig ces gsuṅs la | mtshams chen po dpag tshad phyed (6) daṅ gsum du chod cig ces kyaṅ gsuṅs na | btsun ba de lta na slob dpon dag mkhan po dpag tshad phyed daṅ gsum nam chis na de dag gis ji tsam na blta bar bgyi | u pā li de dag gis zla ba phyed phyed ciṅ ltar soṅ śig | de ste de dag rgyaṅ grags lṅa na gnas (7) na de dag gis źag bdun nam brgyad na ltar soṅ śig | de tshun chad ni ji ltar dus su ltar soṅ śig | ’dom lṅa brgya na gnas na ni de dag gis dus gsum du ltar soṅ śig | de ltar ma soṅ na ’das pa daṅ bcas par ’gyur ro ||

gleṅ gźi ni mñan du yod (99a1) pa na ste |

tshe daṅ ldan pa ñe dga’ bo la rab tu ’buṅ bar ’dod pa źig ’oṅs nas des de lhuṅ bzed med par rab tu phyuṅ ṅo | de’i tshe na dge sloṅ dag gis lhuṅ bzed bkrus nas lhuṅ bzed bźag pa’i sar bźag ste | mchod rten la phyag byas (2) nas bdag bdag gi lhuṅ bzed blaṅs te zas za ba’i gnas su ’khod do || gaṅ gi cho dge sloṅ dag zas za pa’i tshe lhuṅ bzed dag bkrus nas mchod rten la phyag byed pa la źugs pa daṅ | gsar du rab tu byuṅ ba de yaṅ de dag daṅ lhan cig tu phyag byas (3) nas gaṅ gi tshe dge sloṅ dag mchod rten la phyag byas te lag pa bkrus pa daṅ | gsar du rab tu byuṅ ba des kyaṅ gnas brtan kun źes kau ṇ+ḍi n+ya’i lhuṅ bzed blaṅs pa daṅ | des slar bzlog go ||

. .

de nas gaṅ po daṅ | miṅ chen daṅ | ma ’gags pa daṅ | śā (4) ri’i bu daṅ | maud gal gi bu daṅ | ’od sruṅ daṅ | kun dga’ bo daṅ | re ba ti la sogs pa’i lhuṅ bzed blaṅs te | de dag gis kyaṅ slar bzlog pa daṅ | de mchims mig gaṅ bźin du phyogs gcig tu ’dug go || ’dod chags daṅ ma bral ba’i dge sloṅ (5) dag ’di ltar lhuṅ bzed dag med par sus rab tu phyuṅ źes phyas ’dogs so || kha cig gis ni ñe dga’ bo yin no źes smras nas | de dag gis ñes ba sbom po la spyod pa de ma gtogs par gźan su źig te ltar byed ces smras pa daṅ | de ltar gyur pa dge sloṅ (6) dag gis bcom ldan ’das la gsol nas | bcom ldan ’das kyis bka’ stsal pa | dge sloṅ ’di rnams ’phya ba ni yus te | de bas na dge sloṅ dag gis lhuṅ bzed med par rab tu ma dbyuṅ bar daṅ por lhuṅ bzed dag tshol la gdod rab tu phyuṅ śig | de ste (7) mi ’byor na bdag gis lhuṅ bzed chuṅ du byin cig | dge sloṅ gis lhuṅ bzed med par rab tu phyuṅ ’das pa dag bcas par ’gyur ro ||

. . .

gleṅ gźi ni mñan du yod pa na ste |

tshe daṅ ldan pa ma ’gags pa la ñe gnas gźon nu lhuṅ bzed ’din ba źig yod pa des (99b1) de’i lhuṅ bzed daṅ | bdag gi lhuṅ bzed gñi ga bkrus te | lhuṅ bzed de gñis kyaṅ ’dra ba źig nas bdag gi gaṅ yin | slob dpon gyi gaṅ yin pa mi śes nas | phyi źig na des cho dag ldan pa ma ’gags pa’i lhuṅ bzed la slob dpon ma ’gags pa’i lhuṅ (2) bzed ces yi ga bris so ||

de nas dus phyi źig na khyim bdag gźan źig gis saṅs rgyas la sogs pa dge sloṅ gi dge ’dun rnams khyim du bśos la spyan draṅs te | khyim bdag de la sṅon yoṅs su spyad pa’i smad ’tshoṅ ma źig yod de | des de la bzaṅ moṅs (3) saṅs rgyas la sogs pa dge sloṅ gi dge ’dun dag bśos la spyan draṅs kyis khyod kyaṅ tshur śog la raṅ gi lag gis kyaṅ brim par byos śig ces spriṅs pa daṅ | de yaṅ brel ba’i rkyen cig byuṅ nas der ma ’oṅs so || bcom ldan ’das daṅ ñan thos kyi dge ’dun (4) dag bśos gsol | sbyin rabs gsuṅs nas slar bźud pa daṅ | tsha daṅ ldan pa ma ’gags pa’i lhuṅ bzed ’dzin pa gźon nu de khyim de ñid du lhuṅ bzed bkrus te ’gro’o sñam du bsams nas ’dug pa daṅ | khyim bdag des ’phags pa lhuṅ bzed skad cig (5) g-yer! mdza’ ba źig la lhuṅ bzed kyi lhag ma źig bskur ro źes smras pa daṅ | des bdag gi ni ma byin gyi | tshe daṅ ldan pa ma ’gags pa’i lhuṅ bzed byin pa daṅ | khyim bdag des de’i nag du bza’ ba daṅ | bca’ ba gtsaṅ mas bka’ nas smad ’tshoṅ ma (6) de la bskur te | phrin du bzaṅ moṅs ni kha zas ’di lta bus saṅs rgyas la sogs pa dge sloṅ gi dge ’dun rnams tshim par byas kyis | khyod kyis de la rjes su yi raṅ skyed cig ces spriṅ ṅo | des bzas de dag byo ba daṅ | lhuṅ bzed kyi źabs la yi ge (7) ’dug pa mthoṅ nas | bud med kyi bu ni rnam pa bcwa ba rgyad la mkhas te | des bklags pa daṅ | tshe daṅ ldan pa ma ’gags pa’i miṅ mthoṅ nas des ’di sñam du bdag gis ’phags pa lha daṅ mis mchod pa’i lhuṅ bzed de ’di bźin du bskur ba’i mi (100a1) rigs so sñam du bsams nas des lhuṅ bzed de dris phyis te |

. .

de nas me tog bsuṅ źim pos bkaṅ nas khri’u tshon gyis bris pa’i steṅ du bźag ste | de’i druṅ du btud nas bog por gyis bdug ciṅ ’dug pa daṅ |

de nas skyes pa gźan źig (2) kār ṣā pa ṇa lṅa brgya daṅ | dri daṅ phreṅ bdag khyer te de’i druṅ du ’oṅs nas | bzaṅ mo ci byed kun tu spyod kyis ’dod ṅo źes smras pa daṅ | lhuṅ bzed la mchod pa byas skad cig sdod cig | des lhuṅ bzed ’di gaṅ nas ’oṅs su’i yin źes smras pa daṅ | (3) mos ji ltar gyur pa źib tu smras so || des khyod kyis ya mtshan can thams cad dag la yaṅ spyin pa gtoṅ ste | rab tu byuṅ ba dag kyaṅ ma śor to źes smras pa daṅ | de rnab bkab nas sdig pa de ltar bu ma byas kyis sems can dmyal par ’gro ba’i rgyur (4) gyur ta re źes smras so || mos de skad smras kyaṅ des log par byed pa de ma btaṅ ṅo || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis dgoṅs pa | dge sloṅ gaṅ mi bri ba bris pa de ni ñes pa’i dmigs (5) su ’gyur gyis de bas na dge sloṅ dag mi bri ba ma bri śig | bcom ldan ’das kyis dge sloṅ dag la mi bri ba ma ’dri śig ces gsuṅs pa daṅ | dge sloṅ dag gis gaṅ mi bri ba mi śes nas | bcom ldan ’das kyis bka’ stsal pa | mi bri ba rnam pa lṅa (6) ste! so sor thar pa dag ldan pa daṅ | ’dul ba thams cad daṅ | ’dul ba thams cad du ldan pa daṅ | gaṅ zag so so’o || mtshan ma can du bya ba ni ñes pa med do ||

. . . . .

gleṅ gźi’i sgo gsum pa’i mdo’i tshigs su (7) bcad pa daṅ po’o ||

mdor na |
dge tshul gyis ni lhuṅ bzed bcag ||
lhuṅ bzed ji ltar bsregs par bya |
sreg ’gebs gnaṅ bar bya ba ste ||
draṅ sroṅ chen pos rjes su gnaṅ ||

saṅs rgyas bcom ldan ’das mñan du yod pa na dze ta’i tshal (100b1) skyabs med pa la zas sbyin pa’i kun dga’ ra ba na bźugs so || dge sloṅ gźan źig gis dge tshul pha lhuṅ bzed ’dzin pa de la des lhuṅ bzed ’khrur bcug pa daṅ | dge tshul pha de yaṅ dran pa ñe bar gnas pa ma yin pa źig nas de’i lag nas lhuṅ ste chag go || (2) dge sloṅ de phoṅs par gyur te | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis dgoṅs pa | dge sloṅ dag gaṅ cuṅ zad dge sloṅ dag gis dge tshul pha la lhuṅ bzed ’khrur bcug na ñes pa’i dmigs su ’gyur (3) te! de bas na dge sloṅ dag gis dge tshul pha dag lhuṅ bzed ’khrur ma gźug śig | bcom ldan ’das kyis dge sloṅ dag lhuṅ bzed dge tshul ’khrur ma gźug śig ces bka’ stsal nas | tshe daṅ ldan pa śā ri’i bu’i dge tshul pha tsun da źes bya ba lhuṅ bzed (4) ’dzin te | des mkhan po lhuṅ bzed tshur stsol cig bkru’o źes smras pa daṅ | des bu bcom ldan ’das kyis bslab pa’i gnas bcas te | dge sloṅ gis dge tshul pha dag la lhuṅ bzed ’khrur ma gźug śig ces gsuṅs kyis ga ñid ’khrus khyod phar soṅ (5) śig ces smras pa daṅ | des mkhan po ci bdag gis kyaṅ ñes pa’i dmigs su ’gyur ram źes smras pa daṅ | des bu saṅs rgyas bcom ldan ’das ni chos kyi bdag po bas na ṅas ji ltar bya źes smras pa daṅ | de ltar gyur pa dge sloṅ dag gis bcom ldan (6) ’das la gsol nas | bcom ldan ’das kyis bka’ stsal pa | dge tshul pha dran pa ñe bar gnas pa de dag la ni ’khrur gźug ste | de la the tshom du ma byed cig |

. . .

gleṅ gźi ni mñan du yod pa na ste |

dge sloṅ dag lhuṅ bzad du zan zos nas de yaṅ ma (7) bcos pas btsas khyer nas rdol to || de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | lhuṅ bzed bsreg par byos śig | bcom ldan ’das kyis lhuṅ bzed sregs śig ces gsuṅs nas | dge (101a1) sloṅ dag gis lhuṅ bzed śiṅ gis bsregs pa daṅ | lhuṅ bzed ma ruṅ par gyur nas | bcom ldan ’das kyis śiṅ gis sreg par ma byed cig ces bka’ stsal pa daṅ | dge sloṅ dag gis rtswa daṅ so ga ma dag gis g-yogs te bsregs pa (2) daṅ | de ñid ñes pa’i dmigs su gyur nas | bcom ldan ’das kyis rtswa daṅ sog mas g-yogs te sreg par ma byed cig ce bka’ stsal nas | dge sloṅ dag gis ji ltar bsreg pa mi śes nas | bcom ldan ’das kyis lhuṅ bzed kyi sreg (3) ’gebs sbyor cig ces bka’ stsal pa daṅ | dge sloṅ dag gis lhuṅ bzed kyi sreg ’gebs ji ltar sbyor mi śes nas | bcom ldan ’das kyis bka’ stsal pa | sreg ’gebs la rnam pa gñis te | slob dpon dpon gyis byas pa daṅ | bdag gis byas (4) pa’o | de la slob dpon gyis byas pa ni bu ma ba lta bu’o || bdag gis byas pa ni phru ba ’am rdza ma yaṅ ruṅ ste | thal bas bkaṅ la rdza ma ji tsam ran pa phri śig ces bka’ stsal pa daṅ | dge sloṅ dag gis gyo mo’i naṅ du de bźin du bsregs pas de ñid (5) ñes pa’i dmigs su gyur nas | bcom ldan ’das kyis bka’ stsal pa | phyi rol du ni ’jim pa daṅ phub mar bsres pas yugs la naṅ du til gyi tshigs ma ’am | ba lag gi lci bas yugs te de skams pa daṅ | sa gźi byi bdar gyis la log tu phub (6) ma daṅ | til gyi tshigs ma daṅ | gźan yaṅ byad bzaṅ du ’gyur ba dag thiṅ ste | rtswa daṅ | lci ba daṅ | sog ma dag gis g-yogs la ci nas dud pa ma śor bar byos la sregs śig | de’i g-yas g-yon chag chag thob la skyoṅ nul gyis śig | ci (7) nas srog chags dag bde par bya ba’i phyir ro || bsregs pa de graṅs pa daṅ | lhuṅ ba theṅ phyuṅ la khrus te | nam kha dog źen par gyur gyi bar du bsreg par byos śig | de bas na lhuṅ bzed sreg ’gebs daṅ yo byad dag rjes su gnaṅ ṅo ||

. . . .

gleṅ gźi’i (101b1) sgo gsum pa’i mdo’i tshigs su bcad ba gñis pa’o ||

mdor na |
gcig la gcig daṅ dugs khaṅ daṅ ||
khyim pa gsum pa de bźin te ||
gdiṅ pa daṅ ni de bźin skra ||
lci bas byas pa kun thos pa’o ||

saṅs rgyas bcom ldan ’das mñan du yod (2) pa’i je ta’i tshal mgon med zas sbyin gyi kun dga’ ra ba na bźugs so || mñan du yod pa na khyim bdag gźan źig gis dge ’dun gyi phyir dugs khaṅ źig byas so ||

. .

de nas drug sde dag gis gos gcig bus smad g-yogs byas te | gcig la gcig las (3) byed ciṅ ’khod pa daṅ | bram ze daṅ | khyim bdag dag phyogs der lhags pa daṅ | de dag gis de mthoṅ nas | kye ’di lta bu dag tu byed pa su źig ces smras pa daṅ | de na kha cig gis ni mu stegs can dag yin no źes smras | yaṅ kha cig gis ’di dag ni (4) mu stegs can ma yin gyi | dge sbyoṅ śākya ’i bu’o źes smras pa daṅ | de dag ’phya ba la źugs te | kye ston pa ni ṅo tsha ba dag ldan na | ci’i phyir ’di dag ṅo tsha ba daṅ khrel med ces smras so || de ltar gyur pa dge sloṅ dag gis bcom ldan ’das la gsol pa daṅ | (5) bcom ldan ’das kyis bka’ stsal pa | dge sloṅ dag bram ze daṅ khyim bdag rnams ’phya ba ni yus kyis | de lta bas na dge sloṅ dag dugs khaṅ du gos gcig bu gon te gcig la gcig las ma byed cig | dge sloṅ dag gis gos gcig bu gon te dugs khaṅ du (6) las byas na ’das pa daṅ bcas par ’gyur ro ||

. .

gleṅ gźi ni mñan du yod pa na ste |

mñan du yod pa na khyim bdag gźan źig gis dge ’dun gyi phyir dugs khaṅ źig byas pa daṅ | der dge sloṅ dag gis ’bru mar gyis byugs te | rkaṅ pa la reg nas (7) mgo bo la reg | mgo po la reg nas kha la reg | kha la reg nas lag pa daṅ rkaṅ pa la reg | lag pa daṅ rkaṅ pa la reg nas slar yaṅ kha la reg ciṅ gos ṅan pa źig gis smad g-yogs te ’dug pa daṅ | ji tsam źig na khyim pa ma dad pa źig phyogs der (102a1) ’oṅs nas | des dge sloṅ dag mthoṅ ba daṅ | des ’khya ba la źugs te | dge sbyoṅ śākya ’i bu dag ni mi gtsaṅ pa ste | rkaṅ pa la reg pa kha la reg par byas nas gos ṅan pas snaṅ g-yogs byas te | gcer bur skye bo dag gi naṅ (2) na ’dug go źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dge sloṅ dag bram ze daṅ khyim bdag rnams ’phya ba ni yus kyis | de bas na dugs khaṅ du khyim pa ma gźug śig (3) ma daṅ pa yaṅ las byed du ma gźug śig | dugs khaṅ gi sgo ba dge sloṅ rnams skos la de dag gis khyim pa dag naṅ du ma gtaṅ śig | bcom ldan ’das kyis dugs khaṅ du khyim pa ma gtaṅ śig | las kyaṅ byed du ma gźug śig ces gsuṅs pa daṅ | de (4) nas dus phyi źig na dugs khaṅ du źugs pa’i tshe khyim bdag mgon med zas sbyin der ’oṅs pa daṅ | dge sloṅ sgo bas smras pa | khyim bdag naṅ du ma ’gro bar ’dug śig | bcom ldan ’das kyis khyim pa dugs khaṅ du ma gtaṅ śig ces bka’ stsal (5) to || des ’phags pa dag ci kho bo yaṅ gźan du ’gyur ram | kho bos ni ṅes par ’phags pa dag gi las bya’o źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | gaṅ dad pa (6) dag ni dugs khaṅ du thoṅ | las kyaṅ byed du chug śig | de la the tshom du ma byed cig | bcom ldan ’das kyis dad pa dag ni dugs khaṅ du thoṅ la las kyaṅ byed du chug śig ces gsuṅs pa daṅ |

. .

de nas khyim bdag mgon med zas sbyin naṅ du ’gro ba na de daṅ lhan (7) cig tu bram ze źiṅ kyaṅ ’oṅs nas de ma btaṅ pa daṅ | des ’phags pa ce’i phyir na khyim bdag mgon med zas sbyin ni naṅ du btaṅ la bdag ni mi gtoṅ źes smras pa daṅ | dge sloṅ gis de la smras pa | bram ze khyim bdag mgon med zas sbyin ni dad pas naṅ du (102b1) btaṅ ṅo || des smras pa | ’o na bdag kyaṅ dad par gyur na naṅ du gtoṅ ṅam źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis de ste dad par gyur na naṅ du thoṅ śig ces bka’ stsal pa daṅ | dge sloṅ (2) dag gis de skyabs gsum du btaṅ nas naṅ du btaṅ ṅo || des yaṅ dge sloṅ dag rkaṅ pa la reg nas kha daṅ mgo la reg ciṅ gos ṅan pas smad g-yogs nas sgren mor ’dug pa mthoṅ ba daṅ | de ma dad de ’phya ba la źugs so || dge sbyoṅ śākya ’i bu ni mi gtsaṅ (3) pa ste | rkaṅ pa la reg pa kha dag mgo bo la reg ciṅ gos ṅan pas smad g-yogs nas spren mor ’dug go źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de lta bas na rab tu (4) dad pa dag ni dugs khaṅ gi naṅ du thoṅ śig | dad pa chuṅ ba ni ma gtaṅ śig |

. . . .

’dul ba gźuṅ dam pa | bam po sum bcu rtsa bźi pa |

gleṅ gźi ni mñan du yod pa na ste |

mñan du yod pa na khyim bdag gźan źig gis saṅs rgyas la sogs pa dge sloṅ (5) gi dge ’dun dag dugs khaṅ du spyan draṅs te | dge sloṅ dag naṅ du źugs pa daṅ | de na dgra bcom pa’i dge sloṅ źig gis tshul khrims ñams pa’i dge sloṅ źig la las byed ciṅ ’dug pa daṅ || bcom ldan ’das kyaṅ naṅ du gśegs nas des las byed pa (6) gzigs nas | bcom ldan ’das kyis dge sloṅ dag la bka’ stsal pa | dge sloṅ khyed cag gis dge sloṅ ’di la dge sloṅ ’dis las byed pa mthoṅ ṅam | btsun pa mthoṅ ṅo źes gsol pa daṅ | dge sloṅ las byed pa ’di ni dgra bcom pa zag pa zad pa’o || (7) gaṅ la las bya ba ’di ni tshul khrims ñams pa sdig pa’i chos can | khoṅ rul ba | zags pa | gsog tu gyur pa | duṅ dgra lta bur spyod pa | dge sbyoṅ ma yin pa dge sbyoṅ du yi dam ’dzin pa | tshaṅs par spyod pa ma yin pa tshaṅs par spyod par yi dam ’dzin (103a1) pa ste | de bas na dge sloṅ dag seṅ ge lta bus wa ’dra ba’i las ma byed cig | byas na ’das pa daṅ bcas par ’gyur ro || bcom ldan ’das kyis seṅ ge ’dra bas wa lta bu’i las ma byed cig ces bka’ stsal pa daṅ | mñan du yod pa na khyim (2) bdag gźan źig de daṅ rigs mñam pa las chuṅ ma źig blaṅs te | de de daṅ lhan cig rtse dga’ yoṅs su spyod do || des rtse dga’ yoṅs su spyad pa las dus phyi źig na chuṅ ma sems can daṅ ldan par gyur nas | de la zla ba brgyad dam dgu ’das pa daṅ bu btsas (3) nas bu pho źig byuṅ ste | de gzugs legs pa blta na sdug ciṅ mdzes pa yan lag thams cad daṅ ldan pa źig nas de btsas pa’i bcas ston chen po byas nas miṅ btags so || de bsriṅs bskyed nas cher gyur pa daṅ | de dus phyi źig na dze ta’i tshal du soṅ ste | (4) legs par gsuṅs pa’i chos ’dul ba la rab tu byuṅ nas de mdzod gsum daṅ ldan par gyur te | des ’di sñam du bcom ldan ’das kyis dge sloṅ dag bu’i pha ma ni dka’ bar bya ba byed de | phan par byed pa’o || gso bar byed pa’o || skyed par byed pa’o || nu ma snun (5) par byed pa’o || ’dzam bu’i gliṅ sna tshogs pa ston par byed pa yin te | bus phrag ba gcig la ni ma | gñis pa la ni pha khyer te lo brgya tshaṅ gi bar du khyer ram | yaṅ na sa gźi chen po nor bu daṅ | mu tig daṅ | bai ḍūr+Ya daṅ | dud daṅ | śel daṅ | gser (6) daṅ | dṅul daṅ | asma gar ba daṅ | spug daṅ | g-yas phyogs su ’khyil ba de lta bu dag gis dbaṅ por bcug gam dbaṅ phyug tu bcug kyaṅ des ni pha daṅ ma la bus phan btags pa’am ñe bar phan btags par mi ’gyur gyi | gaṅ gis pha ma dad pa (7) med pa dad pa phun sum tshogs par byas sam | yaṅ dag par bskul tam | dul bar byas sam | ’jug par byas sam | so sor bkod dam | tshul khrims ṅan pa las tshul khrims phun sum tshogs par | ser sna can las gtaṅ pa phun sum tshogs par | (103b1) śes rab ’chal ba las śes rab phun sum tshogs par yaṅ dag bar bskul | dul bar byas | źugs par byas | so sor bkod na de lta bu ni bus pha dag ma la phan btags pa daṅ | ñe bar phan btags par ’gyur ro źes gsuṅs so sñam du bsams nas | (2) bdag gis kyaṅ ci nas pha ma la phan gdags pa cuṅ zad cig bya’o sñam nas ji srid dga’ ba’i bar du gźoṅs spyod ciṅ ’dug nas mñan du yod pa gaṅ na bde logs su gźoṅs spyod ciṅ soṅ ṅo || mthar gyis spyad pa spyod ciṅ mñan du yod par phyin to || des de gñis (3) skyabs su ’gro ba daṅ | bslab pa’i gnas la rab tu bkod do ||

. . . . . . . . . . . .

de nas dus phyi źig na des pha’i druṅ du nor las bsod nams su bya ba’i dṅos po bdun po’i yon tan rgyas par brjod pa daṅ | des ’phags pa bdag gis kyaṅ nor sna bdun lag bya ba’i bsod (4) nams kyi dṅos po cuṅ zad cig bya’o źes smras pa daṅ | des bgres po de bźin legs kyis gyis śig ces smras pa daṅ | ci źig bya | dugs khaṅ źig gyis śig | des dugs khaṅ byas te | khyim bdag de raṅ gi dugs khaṅ du raṅ gis las bya ba la źugs (5) te | śin tu ṅa la bar gyur nas bkru ba’i yo byad daṅ | ’bru mar daṅ phye la sogs pa maṅ du lhag go ||

de nas des bu bdag rab tu ṅa la bar gyur gyis ṅa’i rgya ba cuṅ źig ñes śig ces smras pa daṅ | des yab bcom ldan ’das kyis seṅ ge lta bus wa lta bu dag (6) la bsñen bkur ma byed cig ces bka’ stsal te ma gnaṅ ṅo || źes smras pa daṅ | des bu seṅ ge daṅ wa gaṅ źes smras pa daṅ | yab bdag ni seṅ ge daṅ ’dra | khyod ni wa daṅ ’dra’o || bu de ci’i phyir źes smras pa daṅ | yab bdag ni tshul khrims daṅ (7) ldan pa’o || khyod ni tshul khrims ṅan pa daṅ ldan pa’o || bu de ltar wa daṅ ’dra ba daṅ lta bu las seṅ ge daṅ ’dra ba khyod lta bu skyes sam źes smras pa daṅ | de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ (104a1) stsal pa | dge sloṅ dag rigs gaṅ na pha ma la yaṅ dag par mgu bar byed | yaṅ dag par mchod par byed | yaṅ dag par bde bar skyoṅ bar byed pa’i rigs de ni tshaṅs pa dag bcas pa’o || de ci’i phyir źe na | rigs kyi bu pha ma la chos (2) bźin byed | tshul bźin byed pa ni tshaṅs pa źes bya’o || dge sloṅ dag rigs gaṅ na pha ma la yaṅ dag par mgu bar byed | yaṅ dag par mchod par byed | yaṅ dag par bde bar bsñen bkur byed pa de ni slob dpon daṅ bcas pa’o || de ci’i phyir (3) źe na | rigs kyi bus pha ma la chos bźin byas na slob dpon lta bur ’gyur ro || dge sloṅ dag rigs gaṅ na pha ma la yaṅ dag par mgu bar byed | yaṅ dag par mchod par byed | yaṅ dag par bde bar bsñen bkur byed pa’i rigs de ni sbyin par rigs (4) par bya’o || de ci’i phyir źe na | rigs kyi bus pha ma la chos bźin du byas na sbyin par rigs pa’o || dge sloṅ dag rigs gaṅ na pha ma la yaṅ dag par mgu bar byed | yaṅ dag par mchod pa ra byed | yaṅ dag par bde bar bsñen bkur byed na rigs (5) de ni me daṅ bcas pa’o || de ci’i phyir źe na | rigs kyi bus pha ma la chos bźin du byas na me lta bu’o || dge sloṅ dag rigs gaṅ na pha ma la yaṅ dag par mgu bar byed | yaṅ dag par mchod par byed | yaṅ dag par bde bar bsñen bkur byed na (6) rigs de ni lha daṅ bcas pa’o || de ci’i phyir źe na | rigs kyi bus pha ma la chos bźin du byas na lha lta bur ’gyur ro || bcom ldan ’das kyis de skad ces bka’ stsal pa daṅ | bde bar gśegs pas de skad gsuṅs nas ston pas yaṅ gsuṅs pa | pha daṅ ma (7) gñis tshaṅs pa ste | slob dpon lha yaṅ de bźin no || ji ltar me yi lha bran bźin | bu yi sbyin pa’i gnas yin no || de bas de gñis phyag bya źiṅ | phyi bar bya źiṅ bkru ba daṅ | rkaṅ pa gñis kyaṅ bkru bar bya | de bźin mkhas pas bsñen bkur bya | yaṅ na (104b1) bza’ ba btuṅ ba daṅ | bgo ba mal stan de bźin te | de gñis pa daṅ ma gñis la | mkhas pas bsñen bkur bcas byed na | ’dir ni mnar bar mi ’gyur te | soṅ nas mtho ris dga’ bar ’gyur | gaṅ gi tshe bcom ldan ’das kyis mdo sde gsuṅs pa (2) de’i tshe na dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa bcom ldan ’das kyis pha daṅ ma daṅ | bla ma la ni rim gro bgyid pa’i yon tan brjod ba ni ṅo mtshar che’o źes źus pa daṅ | bcom ldan ’das kyis (3) bka’ stsal pa | dge sloṅ dag ’di la ci źig ṅo mtshar cher yod | da ltar de bźin gśegs pa ’dod chags med | źe sdaṅ med | gti mug med | skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal (4) ba daṅ | yid mi dga’ ba daṅ | ’khrug pa rnams med bźin du pha ma la rim gro bya ba’i yon tan brjod pa bas sṅon ’das pa’i dus na ṅa ’dod chags dag bcas | źes sdaṅ daṅ bcas | gti mug daṅ bcas | skye ba daṅ | rga ba daṅ | rga ba daṅ | na ba daṅ | ’chi ba daṅ | mya (5) ṅan daṅ | smre sṅags ’don pa daṅ | sdug bsṅal ba daṅ | yid mi dga’ ba daṅ | ’khrug pa rnams las yoṅs su ma grol ba na yaṅ ma la gnod pa cuṅ zad źig byas nas sdug bsṅal chen po rjes su myoṅ ṅo || phan ba cuṅ zad źig byas nas kyaṅ bde ba chen po rjes (6) su myoṅ bar gyur te | de dag legs par śin tu yid la byos śig daṅ bśad par bya’o || sṅon byuṅ ba ni dge sloṅ dag sṅon ’das pa’i dus na groṅ khyer bā rā ṇa sī na de da dpon mdza’ bo źes bya ba phyug ciṅ nor maṅ la loṅs spyod che ba | gnas rgya che źiṅ yaṅs pa źig ste | (7) ṅa la bso po’i nor daṅ ’dra ba | dal bso po’i nor la ’gran pa źig yod de | des rigs mñam pa’i chuṅ ma źig blaṅs nas | de de daṅ lhan cig tu rtse dga’ yoṅs su spyod do || de la rtse dga’ yoṅs su spyad pa las bu pho rnams byuṅ yaṅ śi nas de bu med de bu (105a1) ’dod pas lha gus laṅ daṅ | ba ru ṇa daṅ | ṅa la bso po daṅ | ba sa ba la sogs pa lha stoṅ la gsol kyaṅ de’i bu gson par ma gyur te | de la gźan źig gis de ste khyod la bu pho źig btsas na bu mo’i miṅ du thogs śig daṅ yun riṅ du ’tsho bar (2) ’gyur ro źes bsgo’o || de dus phyi źig na de daṅ lhan cig tu rtse dga’ yoṅs su spyad do || des rtse dga’ yoṅs su spyad pas de’i chuṅ ma sems can dag ldan par gyur nas | zla ba brgyad dam dgu lon nas khye’u źig btsas te | de gzugs legs śiṅ blta na (3) sdug pa | mdzes pa | mdog gser gyi kha dog lta bu | mgo gdugs ’dra ba | lag pa riṅ ba | dpral ba’i dbyes che ba daṅ | kos ko riṅ ba | smin la sñoms pa | sna mtho źiṅ yan lag daṅ ñid lag thams cad du ldan pa źig btsas te | de btsas (4) pa’i btsas ston chen so byas nas miṅ gdags par brtsams te | mdza’ bo’i bu de bu mo’i miṅ du btags pas na khye’u ’di’i miṅ bu mo mdza’ mor gdags so || ci tsam na khye’u bu mo mdza’ mo źes bya ba de cher gyur pa daṅ | de’i pha yaṅ rgya mtsho chen po’i naṅ du (5) źugs te | de de ñid du śi bar gyur to ||

. . . . . . . . . . . . . . . . . . . . . . .

de nas bu mo mdza’ mos | ma la bdag gi pha sṅon gyi las ’bras bu gaṅ gis ’tsho || bdag kyaṅ phyis de bźin du bsgrub bo źes smras pa daṅ | mas bsams pa | sṅon rgya mtsho chen po’i naṅ du ’jug pa’i tshoṅ pa yin (6) no źes ’di la smras na ni ’di ni ñid kyaṅ rgya mtsho chen po’i naṅ du źugs te de ñid du śi bar ’gyur ro sñam du bsams nas | des bu khyod kyi pha ni sṅon ’bru ’ tshoṅ pa byed byed de | khyod kyaṅ dga’ na ’bru ’ tshoṅ pa gyis śig ces smras pa daṅ | des ’bru’i tshoṅ khaṅ brtsigs (7) te | thog ma’i ñin par kār ṣā pa ṇa ba źi rñed de || des de dag ma la byin no ||

. . .

de nas dus phyi źig na gźan źig gis de la khyod kyi pha ni sṅon dri ’ tshoṅ pa ’o źes smras pa daṅ | des ’bru ’ tshoṅ pa btaṅ ste | dri ’tshoṅ ba’i tshoṅ khaṅ brtsigs so ||

de nas ñi ma (105b1) daṅ po’i tshe kār ṣā pa ṇa brgyad rñed nas des yaṅ de dag ma la byin no ||

de nas dus phyi źig na gźan źig gis de la khyod kyi pha ni gser ’ tshoṅ pa yin no źes smras pa daṅ | des yaṅ dri ’ tshoṅ pa btaṅ ste | gser ’ tshoṅ pa la źugs pa daṅ | de’i ñi ma daṅ po (2) la kār ṣā pa ṇa bcu drug rñed pa daṅ | des yaṅ de dag ma la byin no || phyi de ñin mo des kār ṣā pa ṇa sum bcu rtsa gñis rñed ba daṅ | des de dag ma la byin no ||

. .

de nas gser ’ tshoṅ pa phrag dog can dag gis groṅ khyer thams cad kyi gser ’dis bsdus so sñam (3) du bsams nas | bu mo mdza’ mo la khyod ’di lta bu byed ciṅ ’tsho ste ci ruṅ | khyod kyi pha ni sṅon rgya mtsho chen por ’jug pa’i tshoṅ pa yin na khyod sus ’di ’dra ba ṅan pas ’tsho ba la ’jug tu bdug ces smras pa daṅ | de gser ’ tshoṅ pa dag gi tshig des (4) bskul bas de ma’i thad du soṅ ste | ma bdag gi pha ni ’di ltar sṅon rgya mtsho chen po’i tshoṅ pa’o źes thos na rjes su gnoṅ śig daṅ | bdag kyaṅ rgya mtsho chen po’i naṅ du źugs la mchi’o źas smras pa daṅ | mas de la bu de ni bden mod kyi khyod ni gźon la bu gcig pu ste | (5) kho mo boro la rgya mtsho chen por ma ’gro śig ces smras pa daṅ |

de nas bu mo mdza’ mos ma’i tshig ma mñan te | bdag gis groṅ khyer du gaṅ rgya mtsho chen por źugs śiṅ ’doṅ du dad pa rnams ’doṅ ṅo źes des bdag ñid ded dpon du bsgrags so ||

de nas tshoṅ pa lṅa ba rgyas (6) bskor te doṅ ba daṅ | de ma’i sñiṅ du sdug pas dkrugs te | ma mchi mas brnaṅs bźin rkaṅ pa gñis la bzuṅ ste | bu kho mo bor te rgya mtsho chen por źugs la ma ’gro śig ces byas ba daṅ | de ’di ltar sñiṅ rje źiṅ mi dga’ ste | dal gyis smras pa la khros nas (7) ma’i mgo bo rkaṅ pas phul te | de ’gro na pa maṅ po daṅ ’grogs te soṅ ṅo || mas bu khyod la las ’di rnam par smin par ma gyur cig ces smras pa daṅ |

. .

de nas de groṅ daṅ | groṅ khyer daṅ | rgyal po’i pho braṅ ’khor rnams sa lta źiṅ rgya mtsho chen po’i ’gram du phyin (106a1) ba daṅ | des doṅ tshe rñiṅ pa lṅa brgyas gru bo che ños te | gru’i naṅ du ’jug pa daṅ | ’byin pa daṅ | mñan pa daṅ | ñag thag ’dzin pa daṅ | phyogs rtog pa’i mi dag la gla byas nas des dril chen po lan gsum du bsgrags nas rgya mtsho chen po’i naṅ du (2) źugs te soṅ ba daṅ | ji tsam źig na chu srin ña’i rigs kyis gru ma ruṅ bar byas nas | bu mo mdza’ mo gru tshal źiṅ la ’jus nas mthar phyin to ||

de nas skam la soṅ ba daṅ | dga’ ba źes bya ba’i groṅ khyer de mthoṅ ste | de der soṅ nas de na lha’i bu mo gzugs legs (3) śiṅ bltan sdug pa bźi byuṅ ste | der ’oṅs nas bu mo mdza’ mo ba de bar ’oṅs sam | ’di ni bdag cag gi zas kyi khaṅ pa daṅ | btuṅ ba’i khaṅ ba daṅ | gos kyi khaṅ pa daṅ | ñal ba’i khaṅ pa daṅ | nor bu daṅ | mu tig daṅ | baiḍūr+Ya daṅ | duṅ daṅ | śel (4) daṅ | byi ru daṅ | gser daṅ | dṅul gyis gaṅ pa yin gyis de bźes śig | tshur spyon bdag cag daṅ lhan cig bźugs so źes smras nas | de daṅ lhan cig lo du ma | lo brgya du ma | lo stoṅ du ma lo brgya stoṅ du mar ji ltar sems can bsod nams byas (5) pa | dge ba byas pa | rdzu ’phrul chen po || mthu chen pos raṅ gi bsod nams la myoṅ par gyur ba bźin myoṅ bar gyur to || de dag gis lho phyogs kyi la ma du ma ’gro śig ces ba sgo pa daṅ | de lho phyogs kyi lam du ma btaṅ yaṅ der ’gro bar ’then te | de phyi źig na (6) lho phyogs su soṅ pa daṅ | des rtag tu ra ro pa źes bya pa’i groṅ khyer mthoṅ nas de’i sgor phyin pa daṅ |

. . .

de nas kyaṅ lha’i bu mo de pas kyaṅ gzugs legs pa | de bas kyaṅ blta na sdug pa | de bas kyaṅ mdzes pa rgyaṅ byuṅ ste | de dag gis bu mo mdza’ mo tshur spyon (7) bde bar byon tam | bdag cag gi zas kyi khaṅ pa ’di daṅ | skom gyi khaṅ ba daṅ | gos kyi khaṅ pa daṅ | ñal ba’i khaṅ ba daṅ | nor bu daṅ | mu tig daṅ | bai ḍūr+Ya daṅ | duṅ daṅ | śel daṅ | byi ru daṅ | gser daṅ | dṅul dag gis gaṅ bar yod kyis tshur (106b1) spyon lhan cig bźugs so źes smras nas | de dag daṅ lhan cig lo du ma | lo brgya du ma | lo stoṅ du ma | lo brgya stoṅ du mar ji ltar sems can bsod nams byas pa | dge ba byas pa | rdzu ’phrul chen po mthu chen pos myoṅ ba bźin myoṅ bar gyur to || de dag gis kyaṅ (2) de la lho phyogs kyi lam du ma ’gro śig ces bsgo’o || de lho phyogs kyi lam du ma ’gro śig ces bsgo na je śur ’then te ’gro ’dod nas ji tsam źig nas lho phyogs kyi lam du soṅ ba daṅ | dga’ ba can źe sa bya ba’i groṅ khyer mthoṅ nas da’i sgor phyin pa daṅ |

. . .

de nas yaṅ (3) lha’i bu mo de bas kyaṅ gzugs lags pa | de bas kyaṅ bltan sdug pa | de bas kyaṅ mdzes pa bcu drug byuṅ ste | de dag gis bu mo mdza’ mo bde bar byon tam | bu mo mdza’ mo tshur spyon | bdag cag gi zas kyi khaṅ pa ’di daṅ | skom gyi khaṅ pa daṅ | gos (4) kyi khaṅ pa daṅ | ñal ba’i khaṅ pa daṅ | nor bu daṅ | mu tig daṅ | bai ḍūr+Ya daṅ | dud daṅ | śel daṅ | byi ru daṅ | gser daṅ dṅul dag gis gaṅ ba yod kyis tshur spyon lhan cig bźugs so źes smras nas | de dag daṅ lhan cig lo du ma | lo brgya du ma | lo stoṅ du (5) ma | lo brgya stoṅ du mar ji ltar sems can bsod nams byas pa | dge ba byas pa | rdzu ’phrul chen po || mthu chen pos myoṅ bar gyur pa bźin myoṅ bar gyur to || de dag gis kyaṅ de la lho phyogs kyi lam du ma ’gro śig ces bsgo’o || de la lho phyogs kyi lam du ma (6) ’gro śig bsgo yaṅ je thur ’then ciṅ ’gro bar ’dod nas de ji tsam źig na lho phyogs kyi lam du soṅ ba daṅ | bla ma’i tshaṅs pa źes bya ba’i khaṅ pa bzaṅ po źig mthoṅ nas de’i sgor ’oṅs pa daṅ | de’i naṅ nas lha’i bu mo de bas kyaṅ gzugs legs pa | de bas kyaṅ blta (7) na sdug pa | śin tu bzaṅ mo sum bcu rtsa gñis śig byuṅ nas de dag gis bu mo mdza’ mo tshur spyon | mdza’ mo bde bar byon tam | bdag cag gi zas kyi khaṅ pa ’di daṅ | skom gyi khaṅ ba daṅ | gos kyi khaṅ pa daṅ | ñal ba’i khaṅ pa daṅ | nor bu daṅ | mu tig (107a1) daṅ | baiḍūr+Ya daṅ | duṅ daṅ | śel daṅ | byi ru daṅ | gser daṅ | dṅul la sogs pa rnam pa sna tshogs kyis gaṅ pa yod kyis tshur spyon lhan cig tu bźugs so źes smras nas | de dag daṅ lhan cig lo du ma | lo brgya du ma | lo stoṅ du (2) ma | lo brgya stoṅ du mar ji ltar sems can bsod nams byas pa | dge ba byas pa | mthu chen po | rdzu ’phrul chen pos myoṅ ba bźin myoṅ bar gyur to || de dag gis kyaṅ lho phyogs kyi lam du ma ’gro śig ces bsgo’o || de lho phyogs kyi lam du ma ’gro śig ces bsgo yaṅ (3) je thur ’then ciṅ ’gro bar ’dod nas ji tsam źig na lho phyogs kyi lam du soṅ nas de phyi phyir źiṅ dad pa skyes te | de rim gyis lho phyogs su soṅ ba daṅ | lcags las byas pa’i groṅ khyer źig mthoṅ ste de der źugs so || źugs ma thag tu de’i sgo yaṅ slar bcad par gyur (4) to ||

. . . . . . .

de nas yaṅ naṅ du soṅ ba dag sgo yaṅ de bźin du bcad do ||

de nas yaṅ naṅ du soṅ ba daṅ sgo yaṅ bcad par gyur te | ji tsam na skyes bu rab tu lus che ba źig

de nas byuṅ ste | de’i spyi bo la lcags kyi ’khor lo ’bar ba | rab tu ’bar ba | śin tu ’bar ba | me lce gcig (5) tu gyur pa źig ’khor źiṅ ’dug ste | de’i mgo las rnag khrag byuṅ ba ni thas su za bar mthoṅ ṅo ||

de nas bu mo mdza’ mos skyes bu de la khyod ci’i phyir de ltar gyur ces dris pa daṅ | des ṅas ni ma la gnod pa byas pa’i phyir ro || źes skyes bu des de skad du smras (6) ma thag tu bu mo mdza’ mo de’i las kyaṅ mṅon du smin par gyur te | bdag gis kyaṅ ma la gnod pa byas nas de’i las kyis ’dir khrid de ’oṅs so sñam du bsams pa daṅ | de ma thag tu nam mkha’ las sgra ’di skad du gaṅ bciṅs pa de ni thar | gaṅ ma bciṅs pa (7) de ni bciṅs pa’o źes sgra de byuṅ ma thag tu skyes bu de’i spyi bon ’khor lo yod pa de ni med par gyur | bu mo mdza’ mo’i spyi bor ’khor lo byuṅ ṅo ||

. .

de nas bu mo mdza’ mo rab tu sdug bsṅal bar skyes bu des mthoṅ nas tshigs su bcad de smras pa |

rtag tu dga’ (107b1) daṅ dregs byed ciṅ || skyid pa byed pa bor byas te ||
chaṅs pa bla ma’i khaṅ pa nas || ci yi phyir ni khyod ’dir ’oṅs ||

bu mo mdza’ mos smras pa ||
rtag tu dga’ daṅ dregs byed ciṅ || skyid pa byed pa bor byas te ||
tshaṅs ba bla ma’i khaṅ pa nas || (2) ’dir ni ’oṅ par ’dod gyur ba ||

yun riṅ po yi las kyis gñer || las kyis riṅ nas gñer nas kyaṅ ||
gaṅ du las kyis gñer pa der || las kyaṅ rnam par smin par gyur ||

las gaṅ rnam par smin pas na || ’khor lo ’bar draṅ rab ’bar ba ||
(3) bdag gi srog la gnod gyur te || klad la ’khor lo ’bar bar gyur ||

mi des smras pa |
khyod kyis ṅan pa’i sems bskyed de ||
dka’ ba byed pa’i ma yi mgor ||
khyod kyis rdog pa brgyab pas na ||
de yi las kyi ’bras bu yin ||

bu mo mdza’ (4) mos smras pa |
’khor lo ’bar ba rab ’bar ba || bdag gi srog la gnod byed pa ||
lo graṅs stoṅ phrag ji srid du || ṅa yi klud na ’khor bar ’gyur ||

mi des smras pa ||
lo graṅs stoṅ phrag drug bcu daṅ || lo graṅs brgya yi bar du ni ||
’bar (5) ba’i lcags kyi ’khor los kyaṅ || khyod kyi mgo la ’jog par byed ||

de nas bu mo mdza’ mo des mi de la kye skyes bu gźan dag kyaṅ ’dir ’oṅ ba lta yod dam źes smras pa daṅ | mi des smras pa | gaṅ gis las ’di lta bu byas pa dag ni ’dir ’oṅ par ’gyur (6) ro ||

de nas bu mo mdza’ mo sdug bsṅal gyis mṅon du gzir pa daṅ | sems can rnams la sñiṅ rje ba bskyed nas mi de la ’di skad ces smras so || kye skyes bu ṅas sems can thams cad kyi phyir ’khor lo ’di mgo la bzod par byas | gźan gaṅ gis ’di ’dra ba’i las (7) byas ba de dag ’dir ma ’oṅ śig cedasa smras ma thag tu bu mo mdza’ mo byaṅ chub sems dpa’ de’i mgo las ’khor lo de śiṅ ta la bdun tsam du nam mkha’ la ’phags nas ’dug pa daṅ | de yaṅ dus ’das te dga’ ldan gnam gyi lha’i khams su skyes so źes bcom ldan (108a1) ’das kyis bka’ stsal to || dge sloṅ dag ji sñam du sems | de’i dus na bu mo mdza’ mo źes bya ba de ni ṅa ñid yin te | de’i tshe ṅas tshoṅ byas te | kār ṣā pa ṇa ma la byin pa de’i las kyi rnam par smin pas ni groṅ khyer chen po rnam pa bźir rab tu bde ba (2) myoṅ bar gyur to ||

. . .

de nas ṅas ma la gnod pa cuṅ zad cig byas pa de’i las kyi ’bras bu rnam par smin pas ni rnam pa ’di lta bu’i sdug bsṅal myoṅ bar gyur to || de lta bas na dge sloṅ dag de bźin du bslab par gyis śig | pha daṅ ma la phan gdags par bya’i | (3) gnod pa ma byed cig daṅ de lta bu’i gnod pa mi myoṅ bar ’gyur ba ni ji ltar bu mo mdza’ mo so so’i skye bo’i tshe na myoṅ ba bźin te | yon tan maṅ por yaṅ ’gyur źiṅ da yaṅ de bźin gśegs pa yin te | dge sloṅ dag de bźin du bslab par byos śig | dge sloṅ dag de (4) bas na tshul khrims rab tu ñams par gyur kyaṅ rnam pa lṅa la ñe g-yog bya bar gnaṅ ste | lṅa gaṅ źe na | pha daṅ | ma daṅ | mkhan po daṅ | slob dpon daṅ | nad pa rnams so ||

. .

gleṅ gźi ni mñan du yod pa na ste |

bcom ldan ’das kyis dge sloṅ dag la bka’ (5) stsal pa | dge sloṅ dag ñi ma ni śar | bya rog ni zer | źiṅ pa ni rmo rko byed | ma lus par rku ba rnams ni du’o || dge sloṅ dag de ni dper byas te | don de mi śes pa’i phyir don de yaṅ bstan par bya ste | dge sloṅ dag ñi ma śar ces bya ba ni de bźin gśegs pa yaṅ dag (6) par rdzogs pa’i saṅs rgyas kyi tshig bla dgas so || bya rog zer ro źes bya ba ni chos kyi snod gaṅ zag rnams kyi tshig bla dgas so || źiṅ pa źiṅ rmed ces bya ba ni sbyin par byed pa daṅ | sbyin bdag rnams kyi tshig bla dgas so || ma lus par rku ba rnams ni du’o źes bya ba ni (7) bdud kyi ’khor gyi tshig bla dgas so || de lta bas na dge sloṅ dag ston pa ni ñan thos dag la thugs brtsebs thugs rje’i don ston pa | phan par dgoṅs pa | thugs rje bźin pas na khyod la don byas kyis khyod kyis da bya ba’i rigs so || de ’di ltar dgon pa daṅ | (108b1) śiṅ druṅ daṅ | khaṅ stoṅ daṅ | ri daṅ | grog po daṅ | ri phug daṅ | sog ma’i phuṅ po daṅ | bla ga ba med pa daṅ | dur khrod daṅ | nags tshal gyi phyogs daṅ | bas mthar gnas par bya ste | dge sloṅ dag bag med par ma byed cig | phyis ’gyod par (2) gyur ta re | ṅas bstan pa ’di ni ṅas rjes su bstan pa’o || bcom ldan ’das kyis dgon par gnas par gsuṅs pas na | phyis ’gyod par gyur ta re | ’di ni ṅas bstan pa’o źes gsuṅs pa’i bar du sṅa ma bźin no || dge sloṅ dag dgon pa daṅ | nags (3) tshal gyi phyogs daṅ | bas mtha’ la gnas śiṅ bsam gtan byed pa la źugs so || mñan du yod pa na khyim bdag gzan źig gis dgon pa la gnas pa’i dge sloṅ dag gi phyir dgon par khyim brtsigs te | ji tsam źig na bsod sñoms pa gźan źig gźoṅs (4) spyad pa spyod ciṅ mñan du yod par phyin nas de yaṅ slar khyim du ’oṅaśa te ’dug pa daṅ | de dus phyi źig na de’i skra daṅ kha spu riṅ por gyur nas sṅa dro’i dus na śam thabs bgos te | lhuṅ bzed daṅ chos gos khyer te soṅ ba daṅ | de la khyim bdag des ’phags pa skra (5) daṅ kha spu riṅ ṅo źes smras pa daṅ | des bźin bzaṅs ’breg mkhan med do źes smras nas | khyim bdag gis ’phags pa de ltar na bźud cig daṅ | bdag gis ’breg mkhan gtaṅ ṅo źes smras pa daṅ | des bsod sñoms bslaṅs nas slar soṅ ba daṅ | (6) des ’breg mkhan yaṅ btaṅ de | bsod sñoms pa de rab tu le lo can źig ste | de gdiṅ ba’i steṅ du ’dug bźin skra bregs pa daṅ | skra yaṅ gdiṅ ba’i steṅ du lhuṅ bas zad par ’dor ma nus so || khyim bdag des bsams pa | ’breg mkhan khyod sog la dge sloṅ (7) de’i skra daṅ kha spu dag bregs sam ma bregs ltos śig ces smras pa daṅ | de der soṅ ṅo || soṅ nas gdiṅ ba’i steṅ du ’dug pa daṅ | de’i gos la skra dag chags nas khyim bdag des bsod sñoms pa de la mgu ba dag byas nas slar khyim du soṅ ba daṅ | de’i (109a1) chuṅ mas jo bo’i sras ci khyod ’breg mkhan gyi khyim na ’dug ’dug gam | des gos la bltas na skra chags śiṅ ’dug pa mthoṅ nas des bsams pa | bsod sñoms pa de gdiṅ pa’i steṅ du ’dug bźin du skra ma bregs graṅ źes de bltar ’gro’o (2) sñam bsams nas | der soṅ ste bltas pa daṅ | de’i gdiṅ ba skra dag gis gaṅ źiṅ ’dug pa mthoṅ nas | ’phags pa gdiṅ pa’i steṅ du skra mi ’breg pa tsam yaṅ mi śes sam źes ñes pa ṅor brjod pa daṅ | bsod sñoms pa de gnod nas spa goṅ ste po tsha nas caṅ mi (3) zer bar ’dug go || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyim bdag de dag ’phya ba ni yus te | de bas na dge sloṅ gdiṅ ba’i steṅ na ’dug ciṅ skra ma ’breg śig | (4) bcom ldan ’das kyis dge sloṅ dag gdiṅ ba’i steṅ na ’dug ciṅ skra ma ’breg śig ces bka’ stsal pa daṅ | dge sloṅ dag gis gnas khaṅ daṅ | bkad sa dag | sgo khaṅ du skra bregs nas de ñid ñes pa’i dmigs su gyur nas | bcom ldan ’das (5) kyis bka’ stsal pa | gaṅ dge ’dun gyi phyag dar byed pa’i gnas der skra ma ’breg śig | bregs na ’das pa daṅ bcas par ’gyur ro || bcom ldan ’das kyis gaṅ dge ’dun gyi phyag dar bya ba’i gnas der skra ma ’breg śig ces gsuṅs pa daṅ | dge (6) sloṅ ba cig rgas śig ’khogs la rid bar gyur | kha cig ni na bar gyur te | phyi rol du ’gro mi nus | mi na ba dag kyaṅ tsha źiṅ char pa bab par gyur pa daṅ | de dag kyaṅ phyir ’byuṅ mi nus nas gnod par gyur to || de ltar gyur pa dge sloṅ dag gis bcom ldan (7) ’das la gsol pa daṅ | bcom ldan ’das kyis bka’ stsal pa | gaṅ dge sloṅ dag rgas śiṅ ’khogs la rid par gyur pa daṅ | na ste mi bde ba dag ni sṅa gaṅ du skra breg par gyis śig | mi na ba dag tsha źiṅ char pa bab par gyur te | phyi rol du ’byuṅ du mi (109b1) bde na de yaṅ sṅa gaṅ du skra breg par gyis śig | sa’i dṅos po thams cad du yaṅ sa gźi byi ba dar bya | yaṅ na ni byed du chug śig | skra ni bsdus la phyag dar khroṅ du por cig | sen mo gcod pa yaṅ go rims ’di bźin no || gaṅ mi bde bar gyur pa de (2) la rjes su bcas kyi mi bde ba med pa de dag ni de ltar ma byed cig | byed na ’das pa daṅ bcas par ’gyur ro ||

. . . . . . . . . . . . . . . .

gleṅ gźi ni mñan du yod pa na ste |

de’i tshe na dge sloṅ źig na bar gyur nas des rtsa ba daṅ | sdoṅ bu daṅ | ’dab ma daṅ | ’bras bu rnams (3) kyi sman gyi gsos kyaṅ de’i nad sos par ma gyur nas | ji tsam źig na sman pa gtsug lag khaṅ du ’oṅs pa daṅ | de la dge sloṅ dag gis bźin bzaṅs dge sloṅ ’di ’dra bar na bar gyur na sman dpyad kyi thabs ston ces smras pa daṅ | des ’phags pa phyi dro (4) phye zo śig daṅ sos par ’gyur ro źes smras pa daṅ | de dag gis bźin bzaṅs phyi dro phye bza’ bar bcom ldan ’das kyis ma gnaṅ na ṅed cag gis ji ltar phyi dro phye bza’ bar bya źes smras pa daṅ | des ’phags pa khyed cag gi ston pa ni thugs rje can yin gyis (5) gnaṅ bar ’gyur ro źes smras so || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag ba laṅ rgan po so med pa dag gis nas ji ltar zos pa de bźin du ’byuṅ ba yod de | de lta (6) bas na rjes su gnaṅ ba ni ba laṅ rgan pos zos pa’i nas las phyer thogs te byin cig | de la the tshom ma byed cig | de la phye de byin kyaṅ sos par ma gyur nas | dge sloṅ dag gis sman pa la źib tu smras pa daṅ | des ’phags pa dag de ni ro yal bas mi phan (7) te | nas gźan las phye byos la byin cig ces smras so || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de lta bas na gźan gyis ma zos pa’i nas las phyer byos te tshags kyis tshogs la byin (110a1) cig cas bka’ stsal pa daṅ | dge sloṅ dag gis de bźin du byin yaṅ sos par ma gyur nas | dge sloṅ dag gis sman pa la źib tu smras pa daṅ | des ’phags pa ’di gu byos la byin cig daṅ sos par ’gyur ro źes smras pa daṅ | de ltar (2) gyur pa dag dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de ste sman pas bsgo na phye la ’di gu byos la byin cig | de bźin du phye las zan du byas pa daṅ | de ñid kyaṅ ruṅ ste thams cad byin cig | de la (3) the tshom ma byed cig |

. . .

gleṅ gźi ni mñan du yod pa na ste |

de’i tshe mñan du yod pa na dge sloṅ gźan źig na bar gyur nas | des rtsa ba daṅ | sdoṅ bu daṅ | ’dab ma daṅ ’bras bu’i sman rnams kyis gsos kyaṅ sos par ma gyur nas phyi źig na sman pa gtsug lag (4) khaṅ du ’oṅs pa daṅ | dge sloṅ dag gis dris pa | bźin bzaṅs dge sloṅ ’di na ba’i thabs ’di lta bu źig na sman dpyad ston cig ces smras pa daṅ | des ’phags pa dag phyi dro khu śa byin cig daṅ sos par ’gyur ro źes smras pa daṅ | de dag gis (5) bźin bzaṅs phyi dro za bar bcom ldan ’das kyis ma gnaṅ na de la phyi dro khu śa ji ltar bza’ źes smras pa daṅ | des ’phags pa dag khyed kyi ston pa ni thugs rje can yin gyis gnaṅ bar ’gyur ro źes smras so || de ltar gyur pa dge sloṅ dag gis bcom ldan ’das (6) la gsol pa daṅ | bcom ldan ’das kyis bka’ stsal pa | dge sloṅ dag dred mo źes bya ba’i srog chags źig yod de | des śa ji ltar zos pa de bźin du ’byuṅ gis de lta bas na rjes su gnaṅ ba ni dred mos zos ba’i śa las khu śar byos te byin cig | (7) de la the tshom ma byed cig | de dag gis dred mos zos pa’i śa las khu śar byas te byin yaṅ sos par ma gyur nas | dge sloṅ dag gis sman pa la źib tu smras pa daṅ | des ’phags pa dag de ni ro yal zin pas śa sar pa la sa byas pa byin cig daṅ sos (110b1) par ’gyur ro źes smras so || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste sman pas śa sar ba las khu śar byos la byin cig ces bsgo na ni de lta bas na rjes su gnaṅ pa ni śa sar pa las (2) khu śar gyis la dar gyis tshogs te byin cig | dge sloṅ dag gis de bźin du byin yaṅ sos par ma gyur nas | dge sloṅ dag gis sman pa la źib tu smras pa daṅ | des ’phags pa dag snag tshogs byos la byin cig ces smras pa daṅ | de ltar gyur pa dge (3) sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de ste sman pas snag tshogs byin cig ces bsgo na ni byin cig | de la sogs te gtubs pa daṅ | ska ma po thams cad kyaṅ byin cig | de la the tshom ma byed (4) cig | gleṅ gźi’i sgo gsum pa’i mdo’i tshigs su bcad pa gsum pa’o ||

. . .

mdor na |
dud pa btuṅ daṅ seṅ ras daṅ ||
snar blugs pa daṅ phor bu daṅ ||
khab ral daṅ ni mig byug pa ||
draṅ sroṅ chen pos gnaṅ ba’o ||

saṅs rgyas bcom ldan (5) ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā los źus pa | btsun pa bcom ldan ’das kyis dud pa btuṅ ba’i spub bu choṅs śig ces gsuṅs na | ji lta bu (6) bcaṅ bar bgyi | u pā li rin po che las byas pa ma gtogs so || btsun pa bcom ldan ’das kyis seṅ ras choṅs śig ces gsuṅs na | ji lta bu bcaṅ bar bgyi | bal las byas pa daṅ | zar ma las byas pa daṅ | ras las byas pa’o || btsun pa bcom (7) ldan ’das kyis sna’i naṅ du blugs pa choṅs śig ces gsuṅs na ji lta bu bcaṅ bar bgyi | u pā li rin po che las byas pa ma gtogs so || btsun pa bcom ldan ’das kyis rjes bźin btuṅ ba’i phor bu choṅs śig ces gsuṅs na | ji lta bu bcaṅ bar bgyi (111a1) u pā li de ni rin po che ma gtogs pa’o || btsun pa bcom ldan ’das kyis khab ral choṅs śig ces gsuṅs na | ji lta bu bcaṅ bar bgyi | u pā li de ni rin po che las byas pa ma gtogs so || btsun pa bcom ldan ’das kyis mig byug (2) pa’i sman gyi snod choṅs śig ces gsuṅs na | ji lta bu bcaṅ bar bgyi | u pū li de ni rin po che las byas pa ma gtogs pa’o | gleṅ gźi’i sgo gsum pa’i mdo’i tshigs su bcad pa bźi pa’o ||

. . . . . . .

mdor na |
phor bu daṅ yaṅ skud ris daṅ ||
(3) rkaṅ gnas pa daṅ rkaṅ rten daṅ ||
bkru sman dag daṅ rṅan pa daṅ ||
śi bar gyur pa’i chos gos so ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la (4) tshe daṅ ldan pa u pā lis źus pa | btsun pa bcom ldan ’das kyis sman gyi phor bu choṅs śig ces gsuṅs na | ji lta bu bcaṅ bar bgyi | u pā li de ni rin po che las byas pa ma gtogs pa’o || btsun pa bcom ldan ’das kyis skud ris choṅs śig ces (5) gsuṅs na | ji lta bu bcaṅ bar bgyi | u pā li skud pa bdun las byas pa ste | bal daṅ | ldum bu śa na ka daṅ | ras bal daṅ | gso ma daṅ | rtswa du gu la daṅ | ldum bu ko tam pa daṅ | srin bal gyi skud pa las byas pa’o || btsun pa bcom ldan (6) ’das kyis rkaṅ rten choṅs śig ces gsuṅs na | ji lta bu bcaṅ bar bgyi | u pā li de ni rin po che las byas pa ma gtogs pa’o || btsun pa bcom ldan ’das kyis khri daṅ rkaṅ rten choṅs śig ces gsuṅs na | ji lta bu bcaṅ bar bgyi | u pā li de ni rin po (7) che las byas pa ma gtogs pa’o ||

. . . . .

gleṅ gźi ni mñan du yod pa na ste |

mñan du yod pa na khyim bdag gźan źig na bar gyur nas des sman pa la dris pa bźin bzaṅs bdag nad ’di ’dra ba źig gis btab na sman dpyad kyi thabs ston cig ces smras pa daṅ | des (111b1) khyim bdag snum bag sṅar zo śig daṅ phyis bkru sman gtab ṅo źes smras pa daṅ | de snum bag za ba la źugs so || ji tsam źig na de’i groṅ du ñe bar ’gro ba’i dge sloṅ der ’oṅs nas des khyim bdag ci byed ciṅ ’dug ces smras pa daṅ | des ji ltar gyur pa źi ba (2) tu smras so || des khyim bdag kho bo bkru sman gtoṅ pa rab tu mkhas kyis sman pa la sbyin pa de kho bo la byin cig daṅ | ṅas khyod la bkru sman btaṅ ṅo źes smras pa daṅ | khyim bdag des legs kyis de bźin du bgyi’o źes smras nas des de bkru (3) sman btad nas gtsug lag khaṅ du laṅs te soṅ ṅo || khyim bdag de’i bkru sman mchod nas de’i ñe du dag soṅ ste sman pa la dris pa | khyim bdag de bkru sman mchod na thabs ji lta bur bgyi źes smras pa daṅ | de la bkru sman na sus blud | de dag gis (4) ’phags pa ’di źes bya bas blud do źes smras pa daṅ | de khros nas de ñid kyi gan du soṅ la dris śig ces smras so || de dag gis de de’u śi ba las sos nas de ltar gyur pa dge sloṅ dag gis bcom ldan ’das la gsol pa daṅ | bcom ldan ’das (5) kyis bka’ stsal pa | de lta bas na dge sloṅ dag gis rṅan pa len ciṅ sman ma gtoṅ śig | de ste bkru sman btaṅ na yaṅ gud du ma ’gro śig | de ’dra ba’i rkyen cig byuṅ na yaṅ sman dpyad ston la soṅ śig | de bźin du ma byas bar soṅ na yaṅ ’das pa daṅ (6) bcas par ’gyur ro ||

. . . . .

gleṅ gźi ni mñan du yod pa na ste |

nor bdag gis nor chags pa bzuṅ ste | des de la dus ’di tsam źig na byin cig ces dus btab nas btaṅ ṅo || des bsams pa | de ltar dus btab tu zin kyaṅ ṅas dus bźin du gźal bar (7) mi nus kyis ji nas dus la bab na bros te ’gro’o sñam du bsams so || phyis yaṅ bsams pa | yul daṅ bral te ’gro ba yaṅ rab tu sdug bsṅal gyis ji nas nor bdag de gsad do sñam bsams nas de dze ta’i tshal du ’gro ba’i lam du des de bsad do || ji tsam (112a1) źig na drug sde dag gis de mthoṅ nas de dag gis bsams pa | bdag cag gis phyag dar khrod kyi gos rñed do sñam bsams nas | des bśu bar brtsams pa daṅ | de’i gñen dag gnas der ’oṅs nas de dag gis de mthoṅ ste du pa la (2) źugs nas khyed cag gis bsad do źes smras pa daṅ | de dag gis ṅed kyis ni ma bsad kyi gdon mi za par dgras bsad do źes smras so || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | (3) dge sloṅ dag de’i gñen rnams dogs pa skyes pa ni yus te | de bas na dge sloṅ dag gis de ’dra ba’i phyag dar khrod ni ma len cig | gaṅ gi tshe na skye bo maṅ po dag gis rtogs par gyur pa de’i tshe na blaṅ bar bya ste | de ltar ma byas na ’das pa daṅ bcas par ’gyur (4) ro |

. . . . .

gleṅ gźi’i sgo gsum pa’i mdo’i tshigs su bcad pa lṅa pa’o ||

’dul ba gźuṅ dam pa | bam po sum bcu rtsa lṅa pa |

mdor na |
lcags kyi goṅ bu gzar bu daṅ ||
rgyab khur rkeṅ pa mgo po daṅ ||
pha daṅ ma la gos daṅ (5) zas ||
spu can chos gos gsum pa’o ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe daṅ ldan pa u pā lis źus pa | btsun pa bcom ldan (6) ’das kyis lcags kyi goṅ bu lcags thag gis thogs śig ces gsuṅs na | lcags thag ji lta bur gdags par bgyi | u pā li de ni rin po che las byas pa ma gtogs pa’o || btsun pa bcom ldan ’das kyis sman gyi gzar bu choṅs śig ces gsuṅs na | (7) ji lta bu btsaṅ bar bgyi | u pā li de ni rin po che las byas pa ma gtogs pa’o || btsun pa bcom ldan ’das kyis dge sloṅ dag rgyab daṅ rked pa daṅ mgo la khur ma khyer cig ces gsuṅs na | btsun pa dge sloṅ ma dag gis kyaṅ rgya ba daṅ rked pa daṅ mgo la khur mi bkur bar (112b1) bgyi’am | u pā li dge sloṅ ma dag gis kyaṅ rgyab daṅ rked pa daṅ mgo la khur ma khyer cig | de ste khyar na ’das pa daṅ bcas par ’gyur ro ||

. . . .

gleṅ gźi ni mñan du yod pa na ste |

mñan du yod pan khyim bdag gźan źig gis rigs mñam pa las chuṅ (2) ma źig blaṅs te | de daṅ lhan cig rtse dga’ yoṅs su spyod do || de daṅ lhan cig tu rtse dga’ yoṅs su spyad nas dus phyi źig na de’i chuṅ ma sems can daṅ ldan par gyur nas | de zla ba brgyad dam dgu lon pa daṅ | de la bu gzugs legs pa bltan sdug pa (3) bzaṅ pa | yan lag thams cad daṅ ldan pa’i khye’u źig btsas te | de dag gis skyes pa’i skyes ston chen po byas nas miṅ btags so || de bsriṅs bskyed de cher gyur pa daṅ | ji tsam dus phyi źig na pha ma la ma gsol bar bcom ldan ’das kyi bstan pa la (4) rab tu byuṅ ṅo || de sṅa dro śam thabs bgos nas lhuṅ bzed daṅ chos gos khyer te mñan du yod par bsod sñoms la źugs pa daṅ | de’i pha rgan pos mthoṅ nas bu khyod rab tu byuṅ na ṅed cag sus gso bar ’gyur źes smras pa daṅ | de spa goṅ nas caṅ mi smra (5) bar gyur to || de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag pha daṅ ma ni bu’i dka’ ba byed pa yin te | de lta bas na bu rab tu byuṅ yaṅ pham gñis kyi bza’ ba dag bgo ba dag (6) sbyor bar rjes su gnaṅ ṅo || bcom ldan ’das kyis rab tu byuṅ yaṅ pha ma gñis kyi bza’ ba dag bgo ba dag sbyor cig ces gsuṅs pa daṅ | dge sloṅ dag gis ji ltar sbyar ba mi śes nas | bcom ldan ’das kyis bka’ stsal pa | ṅag lhuṅ bzed daṅ chos (7) gos lhag par gyur pa des sbyar bar byos śig | de ste med na sbyin bdag las sloṅs te sbyor cig | de ste dge ’dun du gtogs la dge ’dun gyi rñed pa dbaṅ bar gyur na de’i phyed byin cig | de ste gsod sñoms pa źig na bsod sñoms kyi phyed sbyin par gyis (113a1) śig | de ltar ma byas na ’das ba daṅ bcas par ’gyur ro ||

. . . . . .

gleṅ gźi ni mñan du yod pan ste |

mñan du yod pa nas mi riṅ ba źig na ri brags kyi groṅ źig yod de | ri brags kyi groṅ de na gtsug lag khaṅ źig yod pa de’i naṅ na rgan (2) źugs gźan źig gnas te |

de nas dus phyi źig na mchod rten la phyag ’tshal ba’i phyir mñan du yod par soṅ ṅo || drug sde rnams ni chos kyis kyaṅ drug sde’i naṅ na gcig gis ni dze ta’i tshal gyi sgo sruṅ bas na tshe daṅ ldan pa ne dga’ bo sgo na ’dug pa de sa mgo (3) dkar la smin ma riṅ ba źig rgyaṅ riṅ po nas ’oṅ ba mthoṅ nas des bsams pa | dge sloṅ gnas brtan gaṅ źig ’dir ’oṅ bsur ’gro’am sñam bsams te | de sṅar soṅ ba draṅ | des gnas brtan bde bar ’oṅs sam źes smras so || des slob dpon phyag (4) ’tshal lo || phyag ’tshal lo źes smras pa daṅ | tshe daṅ ldan pa ñe dga’ bos bsams pa | rgan źugs ’dis slob dpon yaṅ mi śes | mkhan po yaṅ mi śes par rig nas des rgan zugs tshur śog | gtsug lag khaṅ du ’doṅ ṅo źes smras so || des (5) gtsug lag khaṅ du khrid nas ṅal bser bcug pa daṅ | de cuṅ zad cig ’dug nas slob dpon bdag ni mchod rten la phyag ’tshal du mchi’o źes smras pa daṅ | ñe dga’ bos sdod cig daṅ ’du ba’i dus la bab pa daṅ bya’o źes smras pa daṅ | des slob dpon (6) bdag gis chos gos gsum g-yaṅ khyer te ma ’oṅs pas ’gro’o źes smras pa daṅ | ñe dga’ bos rgan źugs sdod cig daṅ | ’dir chos gos gsum byin gyis brlab par bya’o źes smras nas | ji tsam na ’dus par gyur pa daṅ | des de la par thaṅ ni mthaṅ (7) gos su byin gyis brlabs | la ba ni stod g-yogs su byin gyis brlabs | be’u ras ni sbyar mar byin gyis brlabs te |

. . . . .

de nas la ṅa daṅ be’u ras gñis phrag pal bźag nas par thaṅ gis dkris pa’i steṅ du the gus dkris te dam du bciṅs nas

de nas ’dus pa’i (113b1) naṅ du btaṅ ba daṅ | dge sloṅ dag gis mthog nas | dge sloṅ kun tu bciṅs pa kha cig ni ñes pa ṅor brjod do || kha cig gis ni rgan źugs pha bi ci’i phyir smyon tha bas byed ces smras pa daṅ | des tshe daṅ ldan pa dag ’di ni kho bo’i chos gos gsum yin (2) te | kho bo ni glo bur du ’oṅs na gaṅ du gźag ces smras pa daṅ | de dag gis chos gos gsum de ’dra ba yin nam źes smras pa daṅ | des gaṅ la med pa de ci ’dra bar ’gyur źes smras so || de ltar gyur pa dge slog dag gis bcom ldan ’das la gsol ba (3) daṅ | bcom ldan ’das kyis bka’ stsal pa | gaṅ ñes pa ’di migs su gyur pa de ni dge sloṅ dag gis spu riṅ po las chos gos gsum du byin gyis brlabs pa ste | de lta bas na dge sloṅ dag gis spu riṅ po las chos gos gsum du byin gyis brlab par mi (4) gnaṅ bar dgoṅs nas bka’ stsal pa | dge sloṅ dag dge sloṅ rnams ñes pa ṅor brjod pa ni yus te | ñes pa’i dmigs su gyur pa de ni spu riṅ po las chos gos gsum du byin gyis brlabs pa ste | de lta bas na dge sloṅ dag spu riṅ po las chos gos gsum (5) byin gyis ma brlab śig | de ste byin gyis brlabs na ’das pa daṅ bcas par ’gyur ro || bcom ldan ’das kyis dge sloṅ dag spu riṅ po las chos gos gsum du byin gyis ma brlab śig ces gsuṅs pa daṅ | dad pa’i bram ze daṅ khyim bdag gis la ba daṅ phrug (6) stan daṅ be’u ras dag phul ba daṅ | dge sloṅ dag the tshom skyes nas ma blaṅs pa daṅ | des ’phags pa dag nam saṅs rgyas bcom ldan ’das ’jig rten du mi ’byuṅ ba’i tshe na ni mu stegs can dag yon gnas lags na | da ni saṅs rgyas bcom ldan ’das ’jig (7) rten du byuṅ bas khyed cag yon gnas yin te | da khyed kyis ma blaṅs na bdag cag gi dge ba’i zoṅ med bźin du ’jig rten pha rol du ji ltar ’gro źes smras pa daṅ | de dag caṅ mi zer bar gyur to || de ltar gyur pa dge sloṅ dag gis bcom ldan ’das la (114a1]gsol ba daṅ | bcom ldan ’das kyis bka’ stsal pa | dge sloṅ dag daṅ pa’i bram ze daṅ khyim bdag zer ba ni bden te | de lta bas na ṅas rjes su gnaṅ gis loṅ la spu thuṅ rnams ni lhag pa’i gos su byin gyis rlobs śig | spu riṅ po [(2) rnams ni yon bdag gir byin gyis rlobs la bcaṅ bar gyis śig |

. . . . .

gleṅ gźi’i sgo gsum pa’i mdo’i tshigs su bcad pa drug pa’o ||

mdor na |
dbu daṅ sen mo’i mchod rten daṅ ||
kha dog dkar po mar me daṅ ||
khyim daṅ mar me snod dag daṅ ||
(3) bal glaṅ btsun mo rta babs so ||

saṅs rgyas bcom ldan ’das mñan du yod ba na dze ta’i tshal mgon med zas sbyin gyi kun dga’ ra ba na bźugs so || khyim bdag mgon med zas sbyin ni chos kyis naṅ par sṅar laṅs nas | bcom ldan ’das daṅ dge sloṅ gi (4) dge ’dun gyi źabs la phyag ’tshal du ’gro’o || ji tsam dus phyi źig na bcom ldan ’das kyis sems can gyi bsod nams kyi don bstan pa’i phyir ’breg mkhan bkug nas skra daṅ kha spu yaṅ bregs pa daṅ |

. . .

de nas khyim bdag mgon med zas sbyin dze ta’i tshal du (5) soṅ nas | bcom ldan ’das la mgo pos phyag ’tshal nas bcom ldan ’das kyis rjes su gnaṅ na bdag gis dbu skra daṅ se na mo’i mchod rten brtsig par bgyi źes gsol pa daṅ | bcom ldan ’das kyis bka’ stsal pa | de lta bas na khyim bdag ṅas (6) rjes su gnaṅ gis rtsigs śig | des gźi yaṅs pa’i gnas źig tu mdza’ bo daṅ | phu nu daṅ | gñen dag daṅ lhan cig tu rim gro cher byas nas | bcom ldan ’das kyi dbu skra daṅ sen mo’i mchod rten yaṅ skye po thams cad kyis blta na sdug pa (7) źig brtsigs na rdo thal gyis ma byugs bas mi mdzes par gyur nas | de yaṅ bcom ldan ’das kyi druṅ du soṅ nas | źabs la mgo bos phyag ’tshal te gsol pa | bcom ldan ’das bdag gis bcom ldan ’das kyi dbu skra daṅ sen mo’i (114b1) mchod rten skye po thams cad kyis bltan sdug pa źig brtsigs na rdo thal gyis ma byugs kyi bar du mi mdzes par gyur na | de la bcom ldan ’das kyis rjes su gnaṅ bar mdzod cig daṅ | bdag gis rdo thal gyis byug bar bgyi’o źes gsol pa daṅ | bcom (2) ldan ’das kyis bka’ stsal pa | de lta bsan khyim bdag ṅas rjes su gnaṅ gis rdo thal gyis skus śig | des rdo thal gyis bskus nas dri daṅ | bdug pa daṅ | me tog gis mchod pa byas so || mtshan mo mar me med pas mi mdzes par gyur nas | de (3) yaṅ bcom ldan ’das gaṅ na ba der soṅ nas bcom ldan ’das kyi źabs la mgo bos phyag ’tshal te | bcom ldan ’das la ’di skad ces gsol to || bcom ldan ’das bdag gis bcom ldan ’das kyi dbu skra daṅ sen mo’i mchod rten rdo thal gyis bskus nas (4) dri daṅ | byug pa daṅ | me tog dag gis mchod pa bgyis na | mtshan mo źugs mar ma mchis te mi mdzes par gyur na | de la bcom ldan ’das kyis rjes su gnaṅ na | bdag gis bcom ldan ’das kyi dbu skra daṅ sen mo’i mchod rten mchod pa bgyis la (5) mtshan mo źugs mar gyi phreṅ ba bud do źes gsol pa daṅ | bcom ldan ’das kyis bka’ stsal pa | de lta bas na khyim bdag ṅas rjes su gnaṅ gis de la mchod pa gyis te | nub mo dbu skra daṅ sen mo’i mchod rten gyi steṅ du mar me’i phreṅ ba bus śig | de (6) nas mar zags nas mchod rten gyi kha dog dkar po yaṅ ma ruṅ bar gyur te | des bcom ldan ’das la źus pa daṅ | bcom ldan ’das kyis bka’ stsal pa | mar me’i phreṅ ba ’og tu źe ga śig | des mar me’i phreṅ ba ’og tu bźag pa daṅ | khyis mar (7) me ’thuṅs nas snod kyaṅ khyer ro || de yaṅ bcom ldan ’das gaṅ na ba der soṅ nas źabs la phyag ’tshal te gsol pa | bcom ldan ’das bdag gis bcom ldan ’das kyi dbu skra daṅ sen mo’i mchod rten gyi ’og tu źugs mar gyi phreṅ ba bźag na | khyi dag gis (115a1) mar ’tshal nas źugs mar gyi snod kyaṅ ’tshal te ma chis na | bcom ldan ’das kyis rjes su gnaṅ par mdzod cig daṅ | bdag gis źugs mar gyi khaṅ bu bgyi’o źes gsol ba daṅ | bcom ldan ’das kyis bka’ stsal pa | de bas na (2) khyim bdag ṅas rjes su gnaṅ gis de ltar byos śig | des mar me’i khaṅ bu dag kyaṅ byas so || dbu skra daṅ sen mo’i mchod rten la ba laṅ dag gis bsñogs pa daṅ | de yaṅ bcom ldan ’das gaṅ na ba der soṅ nas źabs la phyag byas te ’di (3) skad ces gsol to || bcom ldan ’das bdag gis bcom ldan ’das kyi dbu skra daṅ sen mo’i mchod rten brtsigs pa la ba la ṅa dag gis bsñogs par gyur na | bcom ldan ’das kyis de la rjes su gnaṅ bar mdzod cig daṅ | bdag gis stegs bus (4) bskor bar bgyi’o źes gsol pa daṅ | bcom ldan ’das kyis bka’ stsal pa | de lta bas na khyim bdag ṅas rjes su gnaṅ gis bskor bar byos śig | des stegs bus bskor na rta babs med pa daṅ | mi mdzes par gyur te | de yaṅ bcom ldan (5) ’das gaṅ na ba der soṅ nas źabs la phyag ’tshal te gsol pa | bcom ldan ’das bdag gis bcom ldan ’das kyi dbu skra daṅ sen mo’i mchod rten gyi tha ma stegs bus bskor na stegs bu de’i rta babs ma mchis te mi mdzes na | de la bcom ldan ’das kyis (6) rjes su gnaṅ bar mdzod cig daṅ | bdag gis stegs bu’i rta babs bgyi’o źes gsol pa daṅ | bcom ldan ’das kyis bka’ stsal pa | de lta bas na khyim bdag ṅas rjes su gnaṅ gis byos śig ces bka’ stsal pa daṅ | des rta babs byas te yo (7) byad thams cad bsogs nas bcom ldan ’das kyi dbu skra daṅ sen mo’i mchod rten la mdza’ bo daṅ phu nu daṅ gñen dag bsogs nas mched pa chen po byas so || skye bo maṅ po dag de lta bu mthoṅ nas rab tu mos te | de dag dad pa skyes nas de dag gis kyaṅ rnam pa (115b1) de lta bur bcom ldan ’das kyi dbu skra daṅ sen mo’i mchod rten dag gnas gnas su brtsigs so ||

. . . . . . .

de nas bcom ldan ’das mñan du yod pa na ji srid dgyes ba’i bar du bźugs nas rgyal po’i khab gaṅ na ba der gźoṅs spyad pa spyod ciṅ rgyal po’i khab tu byon to || (2) rgyal po’i khab kyi ’od ma’i tshal bya ka lan da ka gnas pa na bźugs so || rgyal po gzugs can sñiṅ pos bcom ldan ’das dbus ’gyur ’chaṅ nas gźoṅs spyad pa spyod ciṅ rgyal po’i khab tu byon to || rgyal po’i khab kyi ’od ma’i tshal bya ka lan daka ga nas pa na (3) bźugs par thos te thos nas rgyal po’i mthu chen po daṅ | yo laṅ chen pos naṅ gi btsun mo daṅ | gźon nu daṅ | blon po daṅ | naṅ gi skye bo dge daṅ lhan cig tu bcom ldan ’das gaṅ na ba der soṅ ste phyin pa daṅ | bcom ldan ’das kyi źabs la mgo bos (4) phyag ’tshal te phyogs gcig tu ’khod do || bcom ldan ’das kyis de’i bsam pa daṅ | bag la ñal ba daṅ | khams daṅ | raṅ bźin mkhyen nas ’phags pa’i bden pa bźi rtogs par ’gyur ba’i chos de lta bu bśad de | de thos pa daṅ rgyal po gzugs can (5) sñiṅ pos lha stoṅ phrag brgyad bcu daṅ lhan cig tu ’jig tshogs su lta ba’i rin rtse mo ñi śu ye śes kyi rdo rjes bcom nas rgyun du źugs pa’i ’bras bu mṅon du byas so || des bden pa mthoṅ nas lha stoṅ phrag brgyad bcu daṅ lhan cig tu bcom ldan ’das la dus gsum du (6) ltar ’dod do || des dus phyi źig na dpyid kyi dus la bab bas śiṅ rtsi dag kyaṅ me tog rgyas | ṅaṅ pa daṅ | khruṅ khruṅ daṅ | rma bya daṅ | ne tso daṅ | ske ga daṅ | ko ki la daṅ | dzi ba dzi ba ka la sogs pa yaṅ skad ’byin par byed pa’i nags stug po den naṅ gi (7) btsun mo dag gis bskor ciṅ ’dug ’dug pa las | de la naṅ gi btsun mo dag gis gsol pa | lha bdag cag gis ñin re re źiṅ bcom ldan ’das kyi źal lta źiṅ mchi bar mi nus na lha naṅ gi btsun mo dag gi dbus su de bźin gśegs pa’i dbu skra daṅ sen mo’i (116a1) mchod rten źig brtsig par mdzod cig daṅ | de la bdag cag gis rim gro bskyed de me tog daṅ | dri daṅ | byug pa daṅ | spos daṅ | gdugs daṅ | rgyal mtshan daṅ | ba dan dag gis mchod par bgyi’o źes gsol pa daṅ | des bcom (2) ldan ’das la gsol pa btab ste | bcom ldan ’das kyi dbu skra daṅ sen mo stsol cig daṅ | bdag cag gis de bźin gśegs pa’i dbu skra daṅ sen mo’i mchod rten naṅ gi btsun mo dag gi dbus su brtsig go źes gsol pa daṅ |

. . . . . . .

de nas bcom ldan ’das (3) kyi sa dbu skra daṅ sen mo stsal nas des bsti staṅ daṅ rim gro cher byas te | naṅ gi btsun mo dag daṅ lhan cig tu de bźin gśegs pa’i dbu skra daṅ sen mo’i mchod rten naṅ gi btsun mo’i dbus su brtsigs nas | de la naṅ gi btsun mo dag gis mar me daṅ | spos daṅ | (4) me tog daṅ | dri daṅ byug pa dag gis rab tu mchod pa byas so || gaṅ gi tshe rgyal po ma skyes dgra la mi dge ba’i bśes gñan lha sbyin gyisaja sbad nas pha chos can chos bźin du rgyal po byed pa ’cho ba daṅ yoṅs su phral nas bdag ñid rgyal por źugs so | (5) de’i tshe na bcom ldan ’das kyi bstan pa la chos kyi sbyin pa thams cad gcad par khrims bcas pas sus kyaṅ de bźin gśegs pa’i dbu skra daṅ sen mo’i mchod rten la bya ba mi byed do || gaṅ gi tshe bco lṅa’i skabs ’byed pa’i dus la bab pa de’i tshe na yaṅ dbu skra (6) daṅ sen mo’i mchod rten la su yaṅ phyag dar daṅ | mar me daṅ | me tog dag gis mchod pa mi byed do ||

. . .

de nas btsun mo dag gis dbu skra daṅ sen mo’i mchod rten la rnam ba de lta bu mthoṅ nas rgyal po gzugs can sñiṅ po dran te de dag mi dga’ ste | mya ṅan (7) byed ciṅ kyi hud chos kyi rgyal po daṅ bral bar gyur nas bdag cag gi bsod nams kyaṅ zad bar gyur to źes zer źiṅ du bar gyur to || de’i naṅ nas btsun mo dpal gyi blo gros ma źes bya ba źig gis ’tsho ba ma bltas par saṅs rgyas kyi yon tan rjes su dran nas dbu skra daṅ (116b1) sen mo’i mchod rten gyi phyag dar byas te mar me’i phreṅ ba dag phul lo || ji tsam na ma skyes dgra khaṅ steṅ du byuṅ ste bltas pa daṅ snaṅ ba chen po byuṅ ba mthoṅ nas ma bi ci źig ces dris pa daṅ | gźan źig gis dpal gyi blo gros mas dbu skra daṅ sen mo’i mchod rten (2) la źugs mar gyi phreṅ pa phul lo źes smras pa daṅ | dpal gyi blo gros ma bos nas ci’i phyir rgyal po’i khrims las ’gal bar bya źes smras pa daṅ | btsun mos kho mos rgyal po’i khrims daṅ ’gal mod kyi | ’on kyaṅ kho mos chos kyi rgyal po gzugs can sñiṅ po’i brims (3) las ma ’gal lo źes smras pa daṅ | de khros te ’khor lo ’phaṅs nas de ’tsho ba daṅ phral ba daṅ | de bcom ldan ’das la sems mṅon par dad bźin du dus las ’das pa daṅ | sum bcu rtsa gsum gyi lha’i gnas bzaṅ por skyes so || de’i tshe na lha rnams (4) ’dun sar ’dus so ||

. . . .

de nas lha’i bu mo dpal gyi blo gros ma dpag tshad kho ra khor yug tu snaṅ ba’i ’od kyis lus bskor nas lha’i ’dun sar soṅ ṅo ||

de nas brgya byin lha’i dbaṅ pos dpag tshad kho ra khor yug tu rgya cher snaṅ ba’i ’od mthoṅ nas dris pa | gser (5) gyis lus la su yis bskus | pad mo ut+pala bźin ’dra ba | dpal ldan mi mtshuṅs ci las byuṅ | khyod las ’dir ni ’od byuṅ ba | ci phyir khyod gdoṅ pad mo kha ’bus ’dra | khyod ni gser gyi ’od ’dra ba | ci yi ’bras bu lha mo bdag la smros | gaṅ (6) gi las la byuṅ ba spyod | lha mos smras pa | ’jig rten gsum gyi mgon po ni | skye bo rnams kyi mar me ste | saṅs rgyas mchog gi mtshan mthoṅ bas | mun sel de la mar me phul | ñon moṅs mun pa sel la phul | zla ba’i ’od zer ’dra ba’i ’od (7) mthoṅ nas | thub pa gsal ba’i dṅos po ste | ston pa’i ’od mthu mthoṅ bas na | gsuṅ ba mchog la phyag byas pas | de yi las kyis ’dir skyes te | bdag la rab tu gsal źiṅ mdzes | bdag gdoṅ bltan sdug pa ni | pad mo zla bźin rnam (117a1) par dag | brgya byin gyis smras pa | e ma’o źiṅ ’di yon tan can | ñes pa thams cad rnam spaṅs la | mtho ris gaṅ du skye ba yi | khyod kyis sa bon der btab po | gser bźin spuṅs la dkar ba yi | rnam pa mchog la sus mi (2) mchod | saṅs rgyas pad mo kha ’byes bźin | gaṅ du lhag bas bskyed pa pad mo spyan | yan lag mchog rnams ’bar ba ste | spyan ni me tog ka ma la daṅ ’dra | chos ñid kyis lha’i bu pho’am lha’i bu mo yaṅ ruṅ ste | sum bcu rtsa gsum du skyes nas riṅ (3) po ma lon par gaṅ nas śi ’phos pa daṅ | gaṅ du skyes pa daṅ | las gaṅ yin pas skyes pa ste | sems ’di gsum skye bar ’gyur ro || lha’i bu mo dpal gyi blo gros mas bdag gaṅ nas śi ’phos źes bltas na mi las so || gaṅ du sñam pa daṅ | sum (4) bcu rtsa gsum gyi lha’i khams bzaṅ por skyes par mthoṅ ṅo || las gaṅ yin źe na | bcom ldan ’das la sems rab tu daṅ pa’o sñam du sems nas |

. . . .

de nas dpal gyi blo gros mas ’di sñam du bdag gis źag lon la bcom ldan ’das kyi źal blta bar mi (5) rigs kyi ci nas bdag gis źag ma lon par bcom ldan ’das la blta ba’i phyir ’gro’o sñam bsams nas |

de nas lha’i bu mo dpal gyi blo gros mas dri ma med pa’i ’cher ba’i rna cha ni thogs | lus do śa la daṅ se mo dos brgyan te | lha’i me tog ut+pala daṅ | (6) pad mo daṅ | ku mu da daṅ | puṇ+ḍa rī ka daṅ | man dā ra pa la sogs pa’i me tog dag gis paṅ pa bkaṅ nas ’od ma’i tshal bya ka lan da ka gnas pa rgya chen pos thams cad ’od kyis snaṅ bar byas te | bcom ldan ’das la me tog gis mṅon par gtor nas chos ñan (7) pa’i phyir soṅ pa daṅ | bcom ldan ’das kyis de’i bsam pa daṅ | bag la ñal pa daṅ | khams daṅ | raṅ bźin mkhyen nas ji ltar ’phags pa’i bden pa bźi rab tu rtogs par ’gyur ba de lta bu’i chos bśad de thos nas | lha’i bu mo dpal gyi blo gros mas (117b1) ’jig tshogs su lta ba’i ri’i rtse mo ñi śu ye śes kyi rdo rjes bcom nas rgyun du źugs pa’i ’bras bu mṅon du byas so || des bden pa mthoṅ nas brjod par bya ba rnam gsum brjod do || btsun pa bdag la ’di ltar ni phas kyaṅ ma bgyis | mas kyaṅ ma bgyis | (2) rgyal pos kyaṅ ma bgyis | lhas kyaṅ ma bgyis | sdug pas kyaṅ ma bgyis | phu nu daṅ gñen gyis kyaṅ ma bgyis | tshe sṅa ma la ma bgyis | bram ze daṅ dge sbyoṅ gis kyaṅ ma bgyis te | bcom ldan ’das kyis bdag gi mchi ma daṅ khrag gi rgya mtsho ni bskams | (3) rus pa’i ri las ni bsgral | ṅan soṅ gi sgo ni bkum | mtho ris daṅ thar ba’i sgo ni phye ste bdag ni lha daṅ mi’i gnas su gźag go źes gsol to || smras pa | khyod kyi mthus ni rab gsal ba | ṅan soṅ lam ste ñes maṅ bo | mtho ris bsod nams (4) sgo yaṅ phye mya ṅan ’das pa’i lam yaṅ bdag gis thob | khyod la brten nas ñes pa rnams kyaṅ spaṅs | bdag gis rtag tu rnam dag mig kyaṅ thob | ’phags pa dga’ źiṅ źi ba’i lam yaṅ thob | sdug bsṅal mtsho las pha rol bdag (5) rgal nas | ’gro ba na yaṅ lha mi rnams kyis mchod | skye rga ’chi ba’i ñes pa daṅ bral ba | srid pa stoṅ du’aṅ rab tu mthoṅ bar dka’ | de riṅ thub pa’i źal mthoṅ ’bras bu thob | btuṅ nas se mo do yaṅ rab tu ’phyaṅ | źabs gñis la yaṅ (6) phyag byas dga’ ba skyes | rgyal la g-yas kyi phyogs nas bskor byas nas | lha yi ’jig rten khams su mṅon du soṅ |

. . . .

de nas lha’i bu mo dpal gyi blo gros ma tshoṅ pa khe rñed pa bźin | źiṅ pa lo legs pa bźin | dpa’ bo g-yul las rgyal ba (7) bźin | nad pa nad thams cad las thar ba bźin | loṅs spyod gaṅ daṅ ldan pas bcom ldan ’das kyi druṅ du ’oṅs pa’i loṅs spyod de ñid daṅ bdag gi gnas su soṅ ṅo || dge sloṅ dag srod daṅ tho raṅs mi ñal źiṅ thub pa la brtson źiṅ ’khod pa daṅ | (118a1) bcom ldan ’das kyi der ’od rgya cher snaṅ ba mthoṅ ṅo || mthoṅ nas bcom ldan ’das la źus pa | ci bcom ldan ’das bcom ldan ’das la źal lta ba’i phyir tshaṅs pa ’khor gyi bdag po ’am | brgya byin lha’i dbaṅ po ’am | ’jig rten skyoṅ ba (2) bźi’am | gaṅ źig gis bcom ldan ’das kyi źal ltar mchis źes gsol pa daṅ | bcom ldan ’das kyis bka’ stsal pa | dge sloṅ dag tshaṅs pa ’khor gyi bdag po yaṅ ma yin | brgya byin lha’i dbaṅ po yaṅ ma yin | ’jig rten skyoṅ pa bźi la (3) sogs pa lhags pa’aṅ ma yin mod kyi rgyal po gzugs can sñiṅ po’i chuṅ ma dpal gyi blo gros ma źes bya ba źig gis bdag gi ’tsho ba la ma bltas te | de bźin gśegs pa’i dbu skra daṅ sen mo’i mchod rten la mar me’i phreṅ ba phul ba daṅ |

. . .

de nas rgyal (4) po ma skyes dgras ’khor lo ’phaṅs te ’tsho ba daṅ phral lo || de ṅa la sems mṅon par dad bźin du dus ’das nas sum bcu rtsa gsum du gnas bzaṅ po’i lhar skyes so || de nub mo ṅa’i druṅ du ’oṅs te de laṅs chos bśad nas des bden pa mthoṅ ste (5) bdag gi gnas su soṅ ṅo || de lta bas na dge sloṅ dag bsod nams la ’jigs par ma byed cig | de ci’i phyir źe na | de ni bde ba’i tshig bla dgas so || mos pa daṅ | sdug pa daṅ | śin tu sdug pa daṅ | yid du ’oṅ bar gyur pa ni ’di lta ste | (6) bsod nams so || dge sloṅ dag khyed cag gis bsod nams ma yin pa la ’jigs par gyis śig | de ci’i phyir źe na | de ni sdug bsṅal gyi tshig bla dgas so || ma mos pa daṅ | mi sdug pa daṅ | śin tu mi sdug pa daṅ | yid du mi ’oṅ ba ni ’di (7) lta ste | bsod nams ma yin pa’o || dge sloṅ dag ṅas yun riṅ po nas kyaṅ mṅon par mthoṅ ste | yun riṅ po nas bsod nams byas pa | rnam par smin pa la mos pa daṅ | sdug pa daṅ | śin tu sdug pa daṅ | yid du ’oṅ ba dag myoṅ bar ’gyur (118b1) dge sloṅ dag ṅas lo bdun gyi bar du byams pa’i sems bsgoms pas bskal pa ’jig pa daṅ rtas pa bdun gyi bar du ’jig rten ’dir ma ’oṅs so || ’jig rten ’jig pa’i tshe kun snaṅ ba’i lha’i ris su skyes so || rtas pa’i tshe tshaṅs pa’i gźal (2) med khaṅ stoṅ par skyes nas der yaṅ ṅas tshaṅs pa daṅ tshaṅs chen gyi bdag por gyur nas ṅas zil gyis gnon gyi gźan gyis ma yin no || sems can brgya phrag bcu la dbaṅ sgyur te | sems can gyi naṅ na mchog tu bsṅags so || stoṅ phrag sum bcu rtsa (3) drug gi bar du brgya byin lha’i dbaṅ por gyur to || brgya phra ga graṅs med pa’i bar du ’khor los sgyur ba’i rgyal por gyur te | mtha’ bźi btul nas rin po che bdun daṅ ldan no || rin po che sna bdun ni rnam pa ’di lta bu yin te | ’di lta ste | ’khor lo rin po che (4) daṅ | bal glaṅ rin po che daṅ | rta rin po che daṅ | nor bu rin po che daṅ | chuṅ ma rin po che daṅ | khyim bdag rin po che daṅ | dmag mi rin po che daṅ bdun no || ṅa la bu yaṅ stoṅ tshaṅ nas de dag kyaṅ dpa’ ba daṅ | nus pa daṅ | gzugs su ldan pa | pha (5) rol gyi sde tshar gcod pa ste | de yaṅ ṅas ’di ltar rgya mtsho’i mtha’ tshun chad sa chen po ’di chos kyis btul gyi | dbyug pa daṅ mtshon gyis gnon ciṅ mi bde ba med par gnas so || de’i tshe yaṅ ṅa ’di sñam du las gaṅ gi ’bras bu rnam par smin pas bdag ’dir (6) mthu che rdzu ’phrul che bar gyur sñam bsams nas | yaṅ ’di sñam du las ’di’i ’bras bu gsum daṅ las ’di’i ’bras bu rnam par smin pa gsum gyis bdag ’di ltar mthu che rdzu ’phrul che bar gyur te | gsum gaṅ źe na | ’di lta ste | sbyin pa daṅ | gdul ba (7) daṅ | dul pa’o sñam du bsams nas | bcom ldan ’das kyis de skad gsuṅs nas yaṅ ston pas ’di skad gsuṅs so || dge źiṅ bde bar ’dod pa yi | bsod nams rnam par smin la ltos | lo bdun bar du dge sloṅ dag | byams par byed pa’i sems (119a1) bsgoms pas | bskal pa ’jig ciṅ rtas ’gyur ba | bdun du ’jig rten ’dir ma ’oṅs | ’jig pa’i tshe na bdag ñid ni | ’jig rten kun snaṅ daṅ par gnas | rtas nas tshaṅs pa’i ’jig rten na | tshaṅs chen dbaṅ sgyur gnas su (2) yaṅ | lan bdun gyi ni bar du gnas | sum bcu rtsa drug par du ni | lha yi rgyal po byas par gyur | brgya phrag graṅs med bar du yaṅ | rgyal po rab tu ’jigs grags byas | rgyal rigs rgyal thabs spyi bor blugs | ’dzam bu gnas kyi (3) dbaṅ por gyur | dbyug daṅ mtshon gyis ma yin par | ’jig rten ’di yaṅ thul bar byas | chos ñid kyis ni rkyen med par | yaṅ dag rjes su slob par gyur | chos kyi ’khor lo rab bskor nas | sa yi dkyil ’khor ’di dag tu | phyug ciṅ (4) loṅs spyod che ba der | de ’dra’i rigs su ṅa yaṅ skyes | nor rdzas thams cad phun sum tshogs | rin chen sna bdun de bźin te | nor daṅ yo byad maṅ por ldan | rgyal po grags śiṅ ’jigs par gyur | mthu chen de yi rgyu yis ni | gaṅ du skyes (5) pa’i mchog tu gyur | saṅs rgyas ’jig rten phan pa can | de yis ’di ltar bśad pa’o || ṅo mtshar che ba ’di śes pa | de yaṅ rdzu ’phrul chuṅ ma yin | mkhas pa gaṅ gis dad mi ’gyur | de ste rigs ni dma’ gyur kyaṅ | de la phan par ’doṅ pa daṅ | mthu (6) rnams chen por mṅon ’dod pa | dam pa’i chos la bla mar byos | saṅs rgyas bstan la dran par gyis | bcom ldan ’das kyis de skad gsuṅs pa daṅ | dge sloṅ dag yid mgu ste bcom ldan ’das kyis gsuṅs pa la mṅon par dga’o ||

. . . . . . . . . . . . . . . . . .

gliṅ gźi’i naṅ nas (7) sgo gsum pa’i mdo’i tshigs su bcad pa bdun pa’o ||

mdor na |
khyim rmaṅ rta babs bcas pa daṅ ||
ba gam stegs bu bcas pa ste ||
ka ba mtshal gyis byugs pa daṅ ||
rtsig pa rgya skyegs ri mo bri ||

saṅs rgyas bcom ldan ’das mñan du yod pa’i dze ta’i (119b1) tshal mgon med zas sbyin gyi kun dga’ ra ba na bźugs so || khyim bdag mgon med zas sbyin pa bcom ldan ’das gaṅ na ba der soṅ nas | bcom ldan ’das kyi źabs la mgo bos phyag ’tshal te | bcom ldan ’das la ’di skad du de ste bcom ldan ’das kyis (2) rjes su gnaṅ na bdag gis bcom ldan ’das kyi dbu skra daṅ sen mo’i mchod rten la mtha’ ma dri gtsaṅ khaṅ gis bskor la rta babs kyaṅ gzugs par bgyi’o źes gsol pa daṅ | bcom ldan ’das kyis bka’ stsal pa | de lta bas na khyim bdag rjes su gnaṅ (3) gis byos śig | yaṅ bcom ldan ’das de ste rjes su gnaṅ na bdag gis bcom ldan ’das kyi dbu skra daṅ sen mo’i mchod rten la ba gam bgyi’o źes gsol pa daṅ | bcom ldan ’das kyis bka’ stsal pa | khyim bdag de lta bas naṅs rjes su gnaṅ (4) gis byos śig |

. .

de nas yaṅ bcom ldan ’das kyis de ste rjes su gnaṅ pa na bdag gis pa gam gyis bskor ba bgyi’o źes gsol ba daṅ | bcom ldan ’das kyis bka’ stsal pa | de lta bas na khyim bdag ṅas rjes su gnaṅ gis byos śig | yaṅ bcom (5) ldan ’das kyis de ste rjes su gnaṅ na bdag gis ka bdag mtshal gyis byug go źes gsol ba daṅ | bcom ldan ’das kyis bka’ stsal pa | khyim bdag de lta bas na rjes su gnaṅ gis byos śig | yaṅ bcom ldan ’das kyis de ste rjes su gnaṅ na bdag (6) gis rtsig ṅos rgya skyegs kyis bri bar bgyi’o źes gsol pa daṅ | bcom ldan ’das kyis bka’ stsal pa | khyim bdag de lta bas na rjes su gnaṅ gis bris śig | gleṅ gźi’i naṅ nas sgo gsum pa’i mdo’i tshigs su bcad pa brgyad pa’o ||

mdor na |
ba (7) laṅ so daṅ tha gu daṅ ||
phreṅ ba rin chen phreṅ ba can ||
g-yog ma daṅ ni sñiṅ po daṅ ||
sñiṅ po yi ni sgo yaṅ ṅo ||

saṅs rgyas bcom ldan ’das mñan du yod ba na dze ta’i tshal mgon med zas sbyin gyi kun dga’ ra ba na bźugs so || bcom ldan ’das kyis dbu skra daṅ (120a1) sen mo’i mchod rten la mchod pa daṅ | bkur sti byos śig ces gsuṅs na | dge sloṅ dag gis mchod rten la mchod pa byed pa na phur bu btab nas me tog gi phreṅ ba btags pa daṅ | bram ze daṅ khyim bdag daṅ pa dag gis mthoṅ nas ci’i phyir ’di ltar (2) dge sloṅ dag gis ston pa’i mchod rten phur bu med pa la phur bu btab ces phyas ’dogs so || de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | bram ze daṅ khyim bdag ’phya ba ni yus te | de lta bas (3) na mchod rten la phur bus ma btab par ba laṅ gi so lta bu chuṅ dus thob śig | bcom ldan ’das kyis ba laṅ gi so lta bu chuṅ dus thob śig ces bka’ stsal pa daṅ | dge sloṅ dag gis mchod rten la khuṅ bu brkos te ba laṅ gi so lta bu ’dzugs pa la źugs pa (4) daṅ | bcom ldan ’das kyis mchod rten la khuṅ bu brkos te ba laṅ gi so lta bu ma gzugs par mchod rten rtsig pa’i tshe na tshugs śig ces bka’ stsal to || dge sloṅ dag mchod pa byed pa na mchod rten la ’dzegs nas me tog gi phreṅ ba rnams mgur chu’i bre la (5) ’dogs pa daṅ | bram ze daṅ khyim bdag dag gis mthoṅ nas ci’i phyir ’di ltar dge sloṅ dag gis ’di ltar ston pa’i mchod rten la rdog pas rdzi źiṅ ’doṅ źiṅ ’doṅ źes ’phyas ’dogs so || de ltar gyur pa dge sloṅ dag gis bcom ldan ’das la gsol pa daṅ | bcom (6) ldan ’das kyis bka’ stsal pa | bram ze daṅ khyim bdag rnams ’phya ba ni yus te | de lta bas na dge sloṅ dag gis ston pa’i mchod rten la rdog pas rdzi źiṅ ma ’doṅ śig | de ste mchod pa’i phyir na ni khyim pas ’dzegs śig | de med na dge tshul pas rkaṅ pa gñis (7) khrus la dris byug gam gos kyis dkris te ’dzegs śig | de dag kyaṅ med na dge sloṅ gis ston par ’du śes źog la dus la bab par soms te de ltar de bźin du ’dzegs la dri’i ri mo byos śig | mchod rten che ste ’dzeg mi nus pa daṅ | bcom ldan ’das kyis bka’ (120b1) stsal pa | thag pas thogs te ’dzegs śig | dbu skra daṅ sen mo’i mchod rten la me tog gi phreṅ ba dbul ba phul ba daṅ | de dag rñis ta mi mdzes par gyur nas | khyim bdag skyabs med zas sbyin gyis bcom ldan ’das kyi dbu skra daṅ sen mo’i mchod rten la me (2) tog gi phreṅ ba phul pa daṅ de dag rñis te mi mdzes nas | de ste bcom ldan ’das kyis gnaṅ na ni bcom ldan ’das kyi dbu skra daṅ sen mo’i mchod rten la rin po che’i phreṅ ba dbul lo źes gsol ba daṅ | bcom ldan ’das kyis bka’ stsal pa | de lta bas na khyim bdag gnaṅ (3) gis phul cig | dbu skra daṅ sen mo’i mchod rten la bya rog la sogs pa bya rnams ’khod de de dag gi rtug pas mchod rten ma ruṅ bar gyur pa daṅ | khyim bdag mgon med zas sbyin gyis bcom ldan ’das la dbu skra daṅ sen mo’i mchod rten la bya rog la sogs pa bya rnams (4) mchis śiṅ rtug pas mchod rten ma ruṅ bar bgyis na | de ste bcom ldan ’das kyis gnaṅ na | bcom ldan ’das kyi dbu skra daṅ sen mo’i mchod rten la g-yog pa’i sñiṅ pos g-yog go źes gsol pa daṅ | bcom ldan ’das kyis khyim bdag de lta bas na gnaṅ (5) gis g-yog pa’i sñiṅ pos g-yogs śig ces bka’ stsal pa daṅ | des g-yog pa’i sñiṅ pos g-yogs so || g-yogs pa de da byar ’drul źiṅ mun pas mi snaṅ bar gyur pa daṅ | khyim bdag mgon med zas sbyin gyis bcom ldan ’das la bdag gis dbu (6) skra daṅ sen mo’i mchod rten la g-yog pa’i sñiṅ pos g-yogs pa de da ltar dbyar gyi chab kyis rul te mun par gyur nas mi mṅon na de ste bcom ldan ’das kyis gnaṅ na bdag gis chab sgo gdoṅ do źes gsol pa daṅ | bcom ldan ’das kyis bka’ stsal pa | de lta bas (7) na khyim bdag gnaṅ gis sgo thod cig | gleṅ gźi’i naṅ nas sgo gsum pa’i mdo’i tshigs su bcaṅ pa dgu pa’o ||

. . . . . .

mdor na |
khar ba la sogs mchod rten bya ||
gser daṅ dṅul la sogs pa daṅ ||
rgyal mtshan gyis su ’di la bskor ||
’bru mar la sogs chag (121a1) chag gdab ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so || khyim bdag mgon med zas sbyin bcom ldan ’das gaṅ na bder soṅ ste phyin pa daṅ | bcom ldan ’das kyi źabs (2) la mgo bos phyag ’tshal te bcom ldan ’das la ’di skad ces bcom ldan ’das kyis de ste gnaṅ na bdag gis bcom ldan ’das kyi khar ba’i mchod rten bgyi’o źes gsol ba daṅ | bcom ldan ’das kyis bka’ stsal pa | khyim bdag de lta bas na gnaṅ gis byos (3) śig | yaṅ bcom ldan ’das kyis de ste gnaṅ na gser gyi mchod rten bgyi’o źes gsol ba daṅ | bcom ldan ’das kyis bka’ stsal pa | khyim bdag de lta bas na gnaṅ gis byos śig | de bźin du dṅul las byas pa daṅ | bai ḍūr+Ya las byas pa daṅ | śel (4) las byas pa rgya cher byos śig | de ste yaṅ bcom ldan ’das kyis gnaṅ na bdag gis bcom ldan ’das kyi dbu skra daṅ sen mo’i mchod rten la rgyal mtshan ’bul lo źes gsol ba daṅ | bcom ldan ’das kyis bka’ stsal pa | khyim bdag de lta bas na gnaṅ gis (5) phul cig | bcom ldan ’das kyis rgyal mtshan phul cig ces gsuṅs pa daṅ | des ci ’dra ba źig dbul ba mi śes nas | bcom ldan ’das kyis bka’ stsal pa | rgyal mtshan bźi ste | seṅ ge’i rgyal mtshan daṅ | chu srin gyi rgyal mtshan daṅ | chu srin gyi rgyal mtshan daṅ | klu’i rgyal mtshan daṅ | (6) khyu mchog gi rgyal mtshan no || de ste yaṅ bcom ldan ’das kyis gnaṅ na bdag gis bcom ldan ’das kyi dbu skra daṅ sen mo’i mchod rten la ’bru mar gyis chag chag gdab bo źes gsol ba daṅ | bcom ldan ’das kyis bka’ stsal pa | de lta bas na khyim bdag gnaṅ (7) gis chag chag thob śig | yaṅ gsol ba | de ste bcom ldan ’das kyis gnaṅ na bdag gis bcom ldan ’das kyi dbu skra daṅ sen mo’i mchod rten la ldoṅ ros kyis byug go źes gsol pa daṅ | bcom ldan ’das kyis bka’ stsal pa | de lta bas na khyim bdag gnaṅ gis (121b1) yugs śig | ji ltar ldoṅ ros kyis byug pa de bźin du tsan dan gyis gyis byug pa yaṅ rgya cher byos śig |

. . .

gleṅ gźi’i naṅ nas sgo gsum pa’i mdo’i tshigs su bcad pa bcu ba ste | gleṅ gźi’i naṅ nas sgo gsum pa rdzogs sto ||

mdor bsdus par na |

sgo leb (2) daṅ yaṅ de ltar dbyar ||
drug sṅa dag daṅ btso blag mkhan ||
gźoṅ pa gtan pa de bźin te ||
kun tu rgyu daṅ skyin po daṅ ||
chag chag btab pa rug ba daṅ ||
de bźin mdo rnams bsdus par brjod ||

mdor na |
sgo leb daṅ ni pus ’khyud daṅ ||
dra ba daṅ (3) yaṅ gzugs ’khor daṅ ||
źiṅ daṅ ’bras daṅ skye ba daṅ ||
nor las skyes daṅ gos rnams so ||

saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so || saṅs rgyas bcom ldan ’das la tshe (4) daṅ ldan pa u pā lis źus pa | btsun pa bcom ldan ’das kyis sgo leb la lag gzuṅs byos śig ces gsuṅs na ci ’dra ba las bgyi | u pā li rin po che ma gtogs pa’o || yaṅ gsol ba | btsun pa bcom ldan ’das kyis dge sloṅ gis bus ’khyud choṅs (5) śig ces gsuṅs na | ji ltar bcaṅ bar bgyi | u pā li skud pa sna bdun te | bal gyi daṅ | ldum bu śa na ka’i daṅ | ras kyi skud pa daṅ | zar ma’i daṅ | rtswa du gu la’i daṅ | ko tam ba ka’i daṅ | srin bal rnams so || yaṅ gsol pa | btsun ba bcom (6) ldan ’das kyis dra ba byos śig ces gsuṅs na ji lta bu las bgyi | u pā li rnam pa bźi ste | rtswa mun dza’i daṅ | bal ba dza daṅ | zar ma’i daṅ | ras kyi skud pa las so || yaṅ gsol ba | btsun pa bcom ldan ’das kyis dra ba’i gzugs ’khor byos śig (7) ces gsuṅs na | ji lta bu las bgyi | u pā li rin po che ma gtogs pa’o ||

. . . . .

gleṅ gźi ni mñan du yod pa na ste |

mñan du yod pa na khyim bdag gźan źig dad ciṅ des la dge bar sems pa źig ’dug ste | de na gcer bu pa’i dge bsñen pa’i (122a1) bu mo chuṅ mar blaṅs te des de la bzaṅ mo saṅs rgyas ni ston pa | chos ni rgyal mtshan | dge sloṅ ni yon gnas te | de dag la bya ba byos śig ces bsgo ba daṅ | de g-yos kun tu spyod de g-yo med pa ltar jo bo’i sras legs kyis de bźin du bgyi’o źes smras pa daṅ | (2) khyim bdag de’i khyim du ñin gcig bźin dge ’dun gyis bskos pa’i dge sloṅ rnams bśos gsol lo ||

de nas dus phyi źig na khyim bdag de ri brags kyi groṅ gźan źig tu don cuṅ zad cig yod par gyur te | des chuṅ ma de la bsgo ba | bzaṅ mo kho bo yul ’di źes bya ba’i ri druṅ gi graṅ (3) du don cuṅ zad cig yod par gyur te der ’gros | khyod kyis de bźin du sbyin gnas rnams la bśos gsol cig ces byas pa daṅ | de g-yos kun tu spyod de | g-yo med pa ltar jo bo’i sras legs kyis bśos gsol lo źes smras so || de soṅ nas bdag gis chuṅ ma la bsgo zin na (4) dge sloṅ la yaṅ bsgo’o sñam du sems te de gtsug lag khaṅ du soṅ nas | dge skos kyi rkaṅ pa la phyag ’tshal te smras pa | ’phags pa bdag yul ’di źes bya ba’i ri brags kyi groṅ der don cuṅ zad cig mchis par gyur te bdag der mchis khyod kyis de bźin du dge ’dun gyis bskos pa’i (5) dge sloṅ gtaṅ bar gsol | des khyim bdag de bźin du legs kyis gtaṅ ṅo źes smras so ||

. .

de nas khyim bdag des ston pa daṅ | chos daṅ | dge ’dun la phyag byas te ri brags kyi groṅ der soṅ ṅo || dge ’dun gyis bskos pa’i dge sloṅ daṅ | phan tshun tshe daṅ ldan pa khyim (6) bdag de’i chuṅ ma ma dad pas gdugs tshod las sṅa zad du ’doṅ ṅo źes gtam byas na de dag gdugs tshod las sṅar doṅ pa daṅ | khyim bdag de’i chuṅ mas mthoṅ nas ’phags pa khyed ha caṅ sṅar byon te ci de dag gi sug las gźan ma mchis sam źes ñes pa ṅor brjod pa daṅ | (7) de dag spa goṅ nas caṅ mi zer bar gdugs tshod bab kyi bar du ’khod nas zan zos te doṅ ṅo || des phyi de ñin ma zas dag sṅa zad du sbyar te stan btiṅ nas bya ra byed ciṅ ’dug go || dge sloṅ dag gdugs tshod bab khar doṅ ba daṅ | des mthoṅ nas dpyas pa daṅ | dge sloṅ dag (122b1) gcig la gcig cho daṅ ldan pa gñis kar yaṅ ’phyas | ji lta bu yaṅ ruṅ zos la doṅ nas tshaṅs pa mtshuṅs par spyod pa la bsgo ste phyin chad ’dir ni dge sloṅ dag kyaṅ mi ’doṅ bar bya’o źes smras nas zan zos te gtsug lag khaṅ du doṅ ṅo || dge sloṅ de dag gis ji lta bur gyur pa (2) bzlas pa daṅ | dge sloṅ dag phyis der mi ’doṅ bar gyur to || ji tsam na khyim bdag de slar ’oṅs nas bzaṅ mo yon gnas dag bsgo ba bźin du bśos gsol tam źes dris pa daṅ | des jo bo’i sras ñi ma gñis śig | gśegs te bśos gsol nas ma gśegs (3) bar gyur to źes smras pa daṅ | de skad thos nas gtsug lag khaṅ du soṅ ste | ’phags pa ci’i slad du dge ’dun gyis bskos pa’i dge sloṅ rnams ma btab źes smras pa daṅ | de dag gis ji ltar gyur ba thams cad bzlas so || des ’phags pa de ltar na bdag gi źiṅ las skye ba’i (4) ’bras de ’phags pa rnams la dbul gyis khyed ’dir gsol cig ces smras pa daṅ | des khyim bdag mi ’tshal lo || de ci’i phyir źe na | ma btsos pa’i ’bru len par bcom ldan ’das kyis ma gnaṅ ṅo źes smras pa daṅ | de caṅ mi zer bar ’dug go || de ltar gyur pa dge sloṅ (5) dag gis bcom ldan ’das la gsol pa daṅ | bcom ldan ’das kyis bka’ stsal pa | de lta bas na gnaṅ gis dge ’dun gyi phyir ’bras loṅ la the tshom du ma byed cig |

. . . . . . . . .

gleṅ gźi ni mñan du yod pa na ste |

mñan du yod pa na khyim bdag gźan źig gis gaṅ zag gźan (6) źig gi phyir gnas khaṅ źig brtsigs te bźag nas de’i naṅ du mal stan dag kyaṅ maṅ du phul te bźag pa daṅ | dge sloṅ dag gis mdzod chen po’i naṅ du gcig tu bsdus te bźag go || dge sloṅ des khyim bdag de la smras pa daṅ | des ’phyas ’dogs so || de ltar gyur (7) pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyim bdag de ’phya ba ni yus te | de bas na mal stan ji ltar bsṅos pa bźin du spyad par bya ste | der gaṅ dag gnas pa de ñid dbaṅ ṅo ||

. . .

de nas yaṅ khyim (123a1) bdag des gnas khaṅ der gos kyi rñed pa maṅ źig phul ba daṅ | de la mal stan ’ged pas dge ’dun gyi rñed pa’i naṅ du bru bas pa daṅ | dge sloṅ des khyim bdag de la smras so || de yaṅ ’phyas ’dogs so || de ltar gyur pa dge sloṅ dag gis bcom ldan ’das (2) la gsol ba daṅ | bcom ldan ’das kyis bka’ stsal pa | dge sloṅ dag khyim bdag de ’phya ba ni yus te | yon bdag gi dbaṅ du byas loṅ la dge sloṅ dag khyim gyi rñed pa de ni der gaṅ gnas pa de dag ñid dbaṅ ṅo || de dag gis dge sloṅ de la ’thob pa gźan dag ma byin pa daṅ | (3) bcom ldan ’das kyis bka’ stsal pa | der yaṅ dge ’dun gyir gtogs pa’i rñed pa de dag las kyaṅ byin cig | des kyaṅ de la loṅs spyod du gyis la the tshom du ma byed cig |

. . . .

gleṅ gźi’i naṅ nas sgo bźi pa’i mdo’i tshigs su bcad pa daṅ po’o ||

’dul ba gźuṅ dam (4) pa | bam po sum bcu rtsa drug pa | mdor na |
gaṅ źig gaṅ du gnas pa daṅ ||
dge sloṅ des kyaṅ de ruṅ ba ||
las kyaṅ sar ba’i yo byad dag ||
zas daṅ mar me ruṅ ba’o ||

saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na (5) bźugs so || mñan du yod pa na khyim bdag gźan źig gis gtsug lag khaṅ du gnas khaṅ dag brtsigs nas der mal stan kyaṅ phul | rñed pa dag kyaṅ bcas pa daṅ | dge sloṅ dag mal stan de dag kyaṅ dge ’dun gyi naṅ du bru bas te rñed pa yaṅ spyir bgos so || de ltar gyur (6) pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dṅos po ṅes par ’gyur ba la ma bskyod cig | de na ṅes par gnas pa gaṅ yin pa de dag gis spyad par bya ste | rñed pa yaṅ bdag gir byos śig | dge sloṅ dag gis de (7) la rñed pa gźan ma byin pa daṅ | bcom ldan ’das kyis bka’ stsal pa | gñig yaṅ byin la ci bder spyod par bya ste | ’on kyaṅ dge sloṅ rnams la ji ltar rgan rims su bsko bar bya’o ||

. . .

gleṅ gźi ni mñan du yod pa na ste |

mñan du yod pa na khyim bdag gźan źig (123b1) ’dug ba de’i druṅ du bsod sñoms pa gźan źig der soṅ nas skyabs su ’gro ba daṅ | bslab pa’i gnas la bźag go || dus phyi źig na yaṅ nor las bsod nams su bya ba’i dṅos po bdun po’i yon tan brjod pa daṅ | khyim bdag de rab tu dad par gyur nas | ’phags pa bdag (2) gis kyaṅ nor las byas pa’i bsod nams kyi dṅos po cuṅ zad cig bgyi’o źes smras pa daṅ | bsod sñoms pa des | khyim bdag de bźin du byos śig ces smras pa daṅ | ’phags pa ci źig bgyi | dge ’dun gyi gtsug lag khaṅ byos śig | ’phags pa bdag la kār ṣā pa (3) ṇa ni mchis na | bsod nams bya ba’i grogs dag ma mchis so || khyim bdag kār ṣā pa ṇa khyer te śog śig | ṅas khyod kyi bsod nams kyi grogs bya’o źes smras pa daṅ | des kār ṣā pa ṇa rnams byin nas las sar pa byed ba yaṅ bskos so || des kār ṣā pa ṇa rnams (4) gnas khaṅ gi naṅ du bcug ste bźag nas las cuṅ zad tsam yaṅ ma brtsams so || khyim bdag des ’di sñam du bdag gi gtsug lag khaṅ ci tsam źig byas ba ltar ’gro’o źes bsams nas de der ’oṅs na | cuṅ zad tsam yaṅ ma byas bar mthoṅ ṅo || des bsod sñoms pa la (5) ’phags pa ci’i phyir las dag ma brtsams źes dris pa daṅ | las sar pa byed pas ’dir yo byad dag dgos so źes smras pa daṅ | khyim bdag gis bdag gis kār ṣā pa ṇa phul ba de la las sar pa bya ba’i yo byad dag ci’i phyir mi sbyar | des smras pa | khyim bdag ṅas phyogs (6) bźi’i dge ’dun gyi rdzas ma ruṅ bar ji ltar bya źes smras ba daṅ | ’phags pa de la noṅs pa ma mchis kyis gyis śig | de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | de ste khyim bdag gis bsgo na las (7) sar pa’i yo byad de dag las sbyor cig | de la the tshom du ma byed cig | des de las sar pa’i yo byad sbyar te | bsod sñoms ba des las sar ba yaṅ byas nas bsod sñoms sloṅ du soṅ ba daṅ | khyim bdag des mthoṅ nas ’phags pa khyod ni bsod sñoms spyod na bdag gi btsug (124a1) lag khaṅ gi las sar pa su bgyid ce smras pa daṅ | khyim bdag sems can thams cad ni zas la gnas na ciṅ ltogs bźin du khyod kyi gtsug lag khaṅ gi las sar pa byed dam | los kyaṅ bsod sñoms la ’jug mod ces smras pa daṅ | des ’phags (2) pa de lta na las sar pa’i rgyu de las bśos su mdzod ces smras pa daṅ | des ci’i phyir na ṅas phyogs bźi’i dge ’dun gyir bsṅos pa bza’ źes smras pa daṅ | des ’phags pa de la gnod pa med kyis zo śig ces smras nas | de ltar gyur ba dge sloṅ rnams kyis bcom ldan ’das (3) la gsol pa daṅ | bcom ldan ’das kyis bka’ stsal pa | de ste khyim bdag gis bsgo na de ñid la zan du zo śig | de la the tshom du ma byed par bza’ bar gyis śig |

. . . . . .

de nas bsod sñoms pa de zas mi bzaṅ bzos pas gram par gyur pa daṅ | bcom ldan ’das kyis (4) zas ṅan pa ma za śig ces gsuṅs pa daṅ | zas bzag du za bar gyur nas | bcom ldan ’das kyis bka’ stsal pa | zas bzaṅ por yaṅ ma za bar ji ltar gtsug lag khaṅ gźan gyi bza’ ba’i thaṅ de bźin du zo śig | snum bag ma rñed nas | bcom ldan ’das kyis bka’ (5) stsal pa | ji ltar gtsug lag khaṅ gźan na snum bag rñed pa de ltar bya ste | de la the tshom du ma byed cig | bsod sñoms pa des las sar pa’i yo byad dag blta ba’i phyir ’bru mar bsod sñoms su blaṅs pa daṅ | bcom ldan ’das kyis bka’ stsal pa | las sar pa’i rgyu (6) las ’bru mar ños śig | yo byad gźan rnams ji dgos pa yaṅ de las sbyar bar bya ste | de la the tshom ma byed cig |

gleṅ gźi’i naṅ nas sgo bźi ba’i mdo’i tshigs su bcad pa gñis pa’o ||

mdor na |
dge ’dun rnams kyi mal stan ni ||
bla gab med bar mi bgo (7) daṅ ||
tshon daṅ lhuṅ bzed las byed mi bgo ste ||
srod ’das mtshan mo ma la stan bgo mi bya ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab na bźugs so || drug sde dag gis dge ’dun gyi mal stan bgos nas tshon (124b1) gyi las byed gos ’khru ’tshed | lhuṅ bzed kyi las byed pas gos rnams mes tshig | dri ma can du yaṅ gyur ciṅ | tshon gyis kyaṅ ma ruṅ bar gyur to || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge (2) ’dun gyi gos gyon la tshon gyi las ma byed cig | lhuṅ bzed kyi las daṅ | gźan yaṅ śiṅ gśeg pa’i las dag ma byed cig | byas na ’das pa daṅ bcas par ’gyur ro ||

. . .

gleṅ gźi ni mñan du yod pa na ste |

yaṅ drug sde dag gis dge ’dun gyi gos rnams gyon nas (3) bla gaṅ med par tshon rtsi’i las byed ciṅ char bab bźin du ’dug nas gos ma ruṅ bar gyur te | de ltar gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge ’dun gyi gos rnams gyon la bla gab med par char bab bźin du ma (4) ’dug śig | ’dug na ’das pa daṅ bcas par ’gyur ro ||

gleṅ gźi ni mñan du yod ba na ste |

drug sde dag gźoṅs spyad pa spyod pa las ri brags kyi groṅ gźan źig tu mtshan mo srod ’das te phyin pa daṅ | ri brags kyi groṅ de na gtsug lag khaṅ źig yod pa der ’oṅs nas dge (5) sloṅ dag gis so sor bśes pa’i gnas su ṅal bso pa la źugs so || de dag gis smras pa | tshe daṅ ldan pa dag ṅal bso ba ni phyis byas | mal stan bged pa bos la rgan rims bźin du mal stan daṅ | gnas khaṅ bgos śig | de dag gis tshe daṅ ldan pa dge sloṅ kha cig (6) ñal nas srod kyaṅ ’khor na gnod par byas te ci ruṅ gis | gag du bśes pa’i gnas su ñol cig daṅ | saṅ nam laṅs nas gnas khaṅ daṅ mal stan bgo bar bya’o źes smras pa daṅ | de dag gis tshe daṅ ldan pa dag ston pa bźugs bźin du khyed kyis bstan pa dag źig (7) par bya’am | gnas khaṅ daṅ mal stan dag ṅed cag daṅ rgan rims su bgos śig ces smras pa daṅ | mal stan ’ged pas gnas khaṅ dag mal stan dag ’ged pa la źugs nas gsar bu rnams la ma bgos par nam naṅs nas drug sde dag cuṅ zad cig ñal nas | naṅ par (125a1) sṅar laṅs te mal stan dag slar phul nas doṅ ba daṅ | dge sloṅ dag gis ci’i phyir na mal stan dag slar phul | de dag gis tshe daṅ ldan pa dag ṅed cag mchod rten la phyag ’tshal du ’oṅs te da ni slar ’doṅ ṅo źes smras pa daṅ | de dag gis tshe daṅ ldan pa dag (2) de ltar na khyed cag gis mtshan raṅs dge sloṅ dag gtses te ci bya źes smras pa daṅ | de dag gis tshe daṅ ldan pa dag bstan pa brtan par bya ba’i phyir byas kyi | ṅed la ñes pa ci yod ces smras pa daṅ | dge sloṅ dag gis dbyas btags so || de ltar gyur pa de dge sloṅ dag gis bcom (3) ldan ’das la gsol pa daṅ | bcom ldan ’das kyis bka’ stsal pa | de lta bas na mtshan mo srod ’khor phan chad stan dag ma bgo śig | de ste glo bur du nub mo ’oṅs na gaṅ mdza’ ba’i gnas su ’dug la | de ste nam laṅs nas kyaṅ ’dug par gyur na gnas khaṅ yaṅ (4) bgos śig | mal stan yaṅ byin cig |

. . .

gleṅ gźi ni mñan du yod pa na ste |

drug sde dag gźoṅs spyad ba spyod ciṅ doṅ nas ri brags kyi groṅ gźan źig tu phyin nas ri brags kyi groṅ de na gtsug lag khaṅ źig yod ba der phyin nas dge sloṅ dag gis gaṅ mdza’ ba’i gnas su (5) bźag ste |

de nas mal stan bgo bar byed pa na rgan rims kyi khri’u’i steṅ du de dag nan gyis ’dug nas de dag la rgan rims kyis kyaṅ bslaṅ bar ma nus so || gaṅ gi tshe mal stan dag bgos pa daṅ | de’i tshe rgan rims kyi khri’u de dag lhan cig spyod pa daṅ | ñe gnas rnams la (6) byin nas mal stan ma thob pa rnams ’phya bar gyur to || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ gsar bu rnams ’phya ba yus te | de bas na rgan rims kyi khri’u dag daṅ | chuṅ du (7) na stan dag kyaṅ rgan rims su bgos śig |

. . .

gleṅ gźi’i naṅ nas sgo bźi pa’i mdo’i tshigs su bcad pa gsum pa’o ||

mdor na |
snam phyi sa daṅ bkru ba’i sa ||
gci ba’i sa daṅ rkaṅ pa bkrus ||
phyi ba snod daṅ gzar bu daṅ ||
rnam pa sna tshogs de bźin no ||

saṅs rgyas (125b1) bcom ldan ’das ma ñan du yod pa na dze ta’i tshal mgon med zas sbyin gyi kun dga’ ra ba na bźugs so || drug sde dag snam phyi sa’i sgon ’chag ciṅ gtam zer źiṅ ’dug nas | dge sloṅ dag la gnod par byed de || tshe daṅ ldan pa dag skad cig sdod cig | ṅed cag rgan rims su (2) bya’o źes smras nas de dag gis de’i ñe ’khor du ston ciṅ kha ton yaṅ byed | btso blag gi las kyaṅ byed nas | dge sloṅ dag snam phyi sar ’doṅ du yaṅ ṅo tsha nas bśaṅ gci la sogs pa yaṅ bag yaṅs su byar med | ji ltar ’oṅs pa bźin naṅ du ’jug tu yaṅ med par de dag gis (3) bgags pa daṅ | de dag thams cad nad du gyur te de ltar gyur ba dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ dag gis snam phyi sar sog nas gtam zer źiṅ ma ’dug śig | de’i ñen kor du ston (4) par yaṅ ma byed cig | klog par yaṅ ma byed cig | kha ton yaṅ ma byed cig | btso blag gi yas kyaṅ ma byed cig | dge sloṅ dag gis snam phyi sa na gtam zer źiṅ ’dug gam | rim bźin du byed dam | de’i ñen kor du ston tam | kha ton byed dam | klog gam | btso blag (5) gi las byed na ’das pa daṅ bcas par ’gyur ro || dge sloṅ dag bkrus na ’khru źiṅ ’dug pa ma zin par drug sde dag gis deṅ rgan no źes zer nas bslaṅ ṅo || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge (6) sloṅ dag gis bkru sar dge sloṅ bkru ba ma zin pa ma bslaṅ śig | bslaṅ na ’das pa daṅ bcas par ’gyur ro || dge sloṅ dag gci sar soṅ ba daṅ | phyi sa drug sde dag der ’oṅs te | ṅed cag rgan gyis ji ltar rgan rims su ’jug go źes smras pa daṅ | de dag ’phya bar gyur (7) to || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag rgan rims su gci sar ma ’jug par ji ltar ’oṅs pa’i rim bźin du źugs śig | dge sloṅ dag gis ji ltar rgan rims bźin du ’jug (126a1) na ’das pa daṅ bcas par ’gyur ro || drug sde dag gis dge sloṅ dag rkaṅ pa ’khru źiṅ ’dug pa la | bkru ma zin par rkaṅ pa ’khru ba’i ’og gźi rgan rims su bya’o źes te khyer ba daṅ | de dag ’phya bar gyur to || de ltar gyur pa dge sloṅ dag (2) gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge sloṅ dag gi rkaṅ pa bkru ma zin par rkaṅ pa bkru ba’i gźi ji ltar rgan rims bźin du ma bkur cig | dge sloṅ gis dge sloṅ gi rkaṅ pa bkru ba ma zin par (3) rkaṅ pa bkru ba’i gźi rgan rims bźin du khyer na ’das pa daṅ bcas par ’gyur ro || drug sde dag gis dge sloṅ dag gdoṅ phyi bas gdog phyis ma zin par rgan rims su bya’o źes zer nas gdoṅ phyi ba khyer ba daṅ | de dag ’phya bar gyur to || de ltar gyur pa dge sloṅ dag (4) gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge sloṅ dag gi gdoṅ phyi ba ma zin par rgan rims su ma bkur cig | dge sloṅ gis dge sloṅ dag gi gdoṅ phyi ba ma zin par gdoṅ phyi ba rgan rims su khyer na ’das pa (5) daṅ bcas par ’gyur ro || de bźin du snod daṅ | gzar bu daṅ | kha gzar la sogs pa yaṅ rgyas par sbyar par bya’o ||

. . . . . . . . . . . .

gleṅ gźi’i naṅ nas sgo bźi pa’i mdo’i tshigs su bcad pa bźi ba’o ||

mdor na |
bum pa daṅ ni gźoṅ khuṅ daṅ ||
lhuṅ bzed nag po btuṅ (6) phor daṅ ||
spu gri’i bdar daṅ sen bcad pa ||
smad tsher daṅ ni rkaṅ rten no ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ ra ba na bźugs so || drug sde dag gis dge sloṅ dag btso blag gi las byed pa ma zin par dge ’dun (7) gyi tshon gyi bum pa rgan rims bźin du bya’o źes zer te khyer ba daṅ de dag ’phya bar gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis btso pa lag gi las byed pa ma zin bar dge (126b1) ’dun gyi tshon gyi bum pa dag rgan rims su ma bkur cig | dge sloṅ gis dge sloṅ dag gi btso blag gi las byed pa ma zin par dge ’dun gyi tshon gyi bum pa rgan rims su khyer na ’das pa daṅ bcas par ’gyur ro || bum pa la ji lta ba de bźin du gźoṅ khuṅ la yaṅ de bźin no || (2) drug sde dag gis dge sloṅ dag zas zab ma zin par lhuṅ bzed nag po rgan rims su bya’o źes zer nas khyer pa daṅ de dag ’phya bar gyur nas | dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ gis dge sloṅ dag zan (3) bza’ pa ma zin par lhuṅ bzed nag po rgan rims su ma bkur cig | dge sloṅ gis dge sloṅ dag zan bza’ ba ma zin par lhuṅ bzed nag po rgan rims su khyer na de dag ’das pa daṅ bcas par ’gyur ro || drug sde dag gis dge sloṅ dag zan za źiṅ skom phyed tsam ’thuṅs (4) pa daṅ | btuṅ pa’i phor bu rgan rims su bya’o źes zer nas khyer te de dag ’phya par gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge sloṅ dag zan tha źiṅ skom phyed tsam (5) ’thuṅs pal btuṅ pa’i phor bu rgan rims su ma bkur cig | dge sloṅ dag gis dge sloṅ dag zan za źiṅ skrom phyed tsam ’thuṅs pa la phor bu rgan rims su khyer na ’das pa daṅ bcas par ’gyur ro || drug sde dag gis dge sloṅ dag skra phyed tsam bregs pa daṅ | spu gri yaṅ (6) rgan rims su bya’o źes zer te khyer ro || de dag ’phya bar gyur nas de ltar gyur pa dge sloṅ dag gis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag gis dge sloṅ skra phyed tsam bregs pa la spu gri rgan rims sum bkur (7) cig | dge sloṅ dag gis dge sloṅ dag skra daṅ kha spu phyed tsam bregs pa daṅ spu gri rgan rims su khyer na ’das pa daṅ bcas par ’gyur ro || drug sde dag gis dge sloṅ dag skra daṅ kha spu ’breg pa’i spu gri rnon por bya pa’i bdar la phyed tsam bdar ba daṅ | bdar rgan rims su (127a1) bya’o źes zer te khyer ba daṅ | de dag ’phya bar gyur to || de ltar gyur pa dge slob dag gis bcom ldan ’das la gsol pa daṅ | bcom ldan ’das kyis bka’ stsal ba | dge sloṅ dag gis dge sloṅ dag gi skra daṅ kha spu ’breg pa bdar la phyed tsam (2) bdar nas rgan rims sum bkur cig | dge sloṅ dag gis dge sloṅ dag skra daṅ kha spu ’breg pa’i spu gri bdar la phyed tsam bdar ba la rgan rims su khyer na ’das pa daṅ bcas par ’gyur ro || drug sde dag gis dge sloṅ dag sen mo phyed tsam bcad pa daṅ | sen mo bcad pa rgan (3) rims su bya’o źes zer nas khyer ro || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis sen mo phyed tsam bcas pa la sen mo gcod pa rgan rims su ma bkur cig | dge sloṅ gis dge (4) sloṅ dag gi sen mo phyed tsam bcad pa las sen mo gcod pa rgan rims su khyer na ’das pa daṅ bcas bar ’gyur ro || drug sde dag gis dge sloṅ dag sna spu phyed tsam btogs pa daṅ | sna spu btog pa’i smaṅ tsher rgan rims su bya’o źes zer te khyer ro || de ltar gyur (5) pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag sna spu phyed tsam btogs pa la sna spu btogs pa’i smad tsher rgan rims su ma bkur cig | khyer na ’das pa daṅ bcas par ’gyur ro || drug sde dag gis (6) dge sloṅ dag dge ’dun gyi khri rkaṅ rten du bcas pa la ñal źiṅ ’dug pa daṅ | rgan rims su bya’o źes zer te khyer ba daṅ | de dag ’phya bar gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag (7) dge ’bun gyi khri rkaṅ rten can gyi steṅ du ñal ba la rgan rims su ma bkur cig | dge sloṅ dag gis dge sloṅ dag khri rkaṅ rten can gyi steṅ du ñal źiṅ ’dug pa la rkaṅ rten rgan rims su khyer na ’das pa daṅ bcas par ’gyur ro || gleṅ gźi’i naṅ nas sgo bźi pa’i mdo’i tshigs (127b1) su bcad pa lṅa pa’o ||

. . . . . . . . . . . . . . .

mdor na |
gtan bskud pa gñis pa daṅ ||
gri daṅ khab daṅ blaṅ pa daṅ ||
gźan yaṅ ’di ltar ma zin par ||
bslaṅ bar bya ba ma yin pa’o ||

saṅs rgyas bcom ldan ’das mñan du yod pa na dze ta’i tshal mgon med zas sbyin gyi kun dga’ rab (2) na bźugs so || drug sde dag gis śiṅ leb kyi steṅ du sbyar ma daṅ | stod g-yogs daṅ | mthaṅ gos dge ’dun gyi śiṅ leb kyi kyi steṅ du phyed tsam btiṅ pa daṅ | rgan rims su bya’o źes zer te khyer ro || de dag ’phya bar gyur nas | dge sloṅ dag gis bcom ldan (3) ’das la gsol pa daṅ | bcom ldan ’das kyis bka’ stsal pa | dge sloṅ dag dge ’dun gyi śiṅ leb kyi steṅ du sbyar ma daṅ stod g-yogs daṅ | mthaṅ gos dag phyed tsam btiṅ ba la dge ’dun gyi śiṅ leb de rgan rims su ma bkur cig | dge sloṅ dag gis dge sloṅ (4) gi dge ’dun gyi śiṅ leb kyi steṅ du sbyar ma daṅ | stod g-yogs daṅ mthaṅ gos dag phyed tsam btiṅ ba la dge ’dun gyi śiṅ leb rgan rims su khyer na ’das pa daṅ bcas par ’gyur ro || drug sde dag gis dge sloṅ dag gi chos gos dge ’dun gyi skud pas phyed tsam drubs pa (5) daṅ rgan rims su bya’o źes zer nas khyer pa daṅ | de dag ’phya bar gyur te | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ gis dge sloṅ dag gi chos gos dge ’dun gyi skud pas phyed tsam btsems pa (6) las rgan rims su ma bkur cig | dge sloṅ dag gis dge sloṅ dag gi chos gos dge ’dun gyi skud pas phyed tsam btsems pa las rgan rims su khyer na ’das pa daṅ bcas par ’gyur ro || drug sde dag gis dge sloṅ dag gi chos gos dag tshon las phyed tsam btso (7) blag byas te | dge bdun gyi btso blag gi srad pu la bres pa daṅ | rgan rims bźin bya’o źes zer te khyer ro || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge sloṅ dag gi (128a1) gos phyed tsam btso blag byas nas | dge ’dun gyi btso blag gi srad pu la bres pa rgan rims su ma bkur cig | dge sloṅ dag gis dge sloṅ dag gi gos phyed tsam btso blag byas ba dge ’dun gyi btso blag gi srad bu la bres pa rgan rims su khyer na ’das pa daṅ bcas (2) par ’gyur ro || drug sde dag gis dge sloṅ dag gi chos gos dge ’dun gyi gri sa phyed tsam dras pa daṅ | rgan rims su bya’o źes zer te khyer ba daṅ | de dag ’phya bar gyur te | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das (3) kyis bka’ stsal pa | dge sloṅ dag gis dge ’dun gyi gris chos gos phyed tsam dras pa rgan rims sum bkur cig | dge sloṅ dag gis dge sloṅ gi chos gos dge ’dun gyi gris phyed tsam dras pa rgan rims su khyer na ’das pa daṅ bcas par ’gyur ro || drug sde dag gis dge (4) sloṅ dag chos gos dge ’dun gyi khab kyis phyed tsam drubs pa la rgan rims bźin bya’o źes zer nas khyer ba daṅ | de dag ’phya bar gyur te | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis (5) dge sloṅ dag gi chos gos dge ’dun gyi khab kyis phyed tsam drubs pa rgan rims su ma bkur cig | dge sloṅ dag gis dge sloṅ gi chos gos dge ’dun gyi khab kyis phyed tsam drubs pa rgan rims su khyer na ’das ba daṅ bcas par ’gyur ro || drug sde dag gis dge sloṅ dag (6) skra phyed tsam bregs pa daṅ | dge ’dun gyi skra bzed pa’i ras rgan rims bźin bya’o źes zer te khyer ba daṅ | de dag ’phya bar gyur to || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gis dge (7) sloṅ dag skra phyed tsam bregs pa daṅ | dge ’dun gyi skra pa bred pa’i ras rgan rims su ma bkur cig | dge sloṅ dag gis dge sloṅ dag skra byed tsam bregs pa daṅ | dge ’dun gyi skra bzed pa’i ras rgan rims su khyer na ’das pa daṅ bcas par ’gyur ro || drug sde dag gis (128b1) gaṅ yaṅ ruṅ ba’i gnas su gźan gyi las ma zin par dge ’dun gyi stan gyi steṅ na ’dug pa daṅ | rgan rims bźin bya’o źes zer nas bslaṅ ste btaṅ nas de dag ’phya bar gyur to || de ltar gyur pa dge sloṅ dag gis bcom ldan ’das la gsol pa daṅ | bcom (2) ldan ’das kyis bka’ stsal pa | dge sloṅ dag dge sloṅ dag gis gaṅ yaṅ ruṅ ba’i gnas su gźan daṅ gźan gyi las ma zin par dge ’dun gyi stan gyi stiṅ du ’dug pa la rgan rims su bya’o źes ma bslaṅ śig | dge sloṅ dag gis dge sloṅ dag gaṅ yaṅ ruṅ ba’i gnas (3) su gźan daṅ gźan gyi las ma zin bźin du dge ’dun gyi stan gyi steṅ na ’dug pa la rgan rims su bya’o źes bslaṅ ste btaṅ na ’das pa daṅ bcas par ’gyur ro ||

. . . . . . . . . . . .

gleṅ gźi’i naṅ nas sgo bźi pa’i mdo’i tshigs su bcad pa drug pa’o ||

mdor na |
mu stegs kun tu rgyu ba (4) daṅ ||
mṅon mtshan bdag śi byin pa med ||
yid ches par ni gzuṅ ba lṅa ||
gñer phyir ñe spyod dge sloṅ ma’o ||

saṅs rgyas bcom ldan ’das rgyal po’i khab ’od ma’i tshal bya ka lan da ka gnas pa na bźugs te | bcom ldan ’das kyis gaṅ gi tshe yul mñam dka’i rgyal (5) po gzugs can sñiṅ po mkhas pa can lha stoṅ phrag brgyad bcu daṅ | yul mñam dka’i bram ze daṅ | khyim bdag brgya phrag stoṅ daṅ bcas te bcom ldan ’das kyis bden pa la bkod ba de’i tshe na rgyal po’i khab tu ’di ltar kye khyad cag rgyal po’i khab na gnas pa daṅ | yul (6) so so nas lhags pa’i skye bo maṅ po dag ñon cig | rgyal po ṅa’i yul na su yaṅ rkun po ma byed cig | gaṅ gis byas pa de ṅas yul daṅ phral te gtaṅ ṅo || nor bdag la ni ṅa ñid kyi mdzod daṅ baṅ ba nas spyin no źes dril chen bsgrags so || gaṅ gi tshe bcom ldan ’das kyis (7) yul kos la’i rgyal po gsal rgyal dar la khab pa lta bu’i mdo sdes btul ba de’i tshe na des kyaṅ mñan du yod bar ’di ltar rgyal po ṅa’i yul na su yaṅ rkun po ma byed cig | gaṅ gis ṅa’i yul du rkun po byas pa de chad pa gsad pas bcad la | nor bdag la ni ṅa ñid kyi baṅ ba daṅ (129a1) mdzod nas spyin no źes dril chen bsgrags so || de’i tshen gaṅ yul mñam dka’ na gnas pa’i rkun po rnams daṅ gaṅ yul kos lan gnas pa’i rnams de’i sa mtshams kyi bar du doṅ nas ’khod do || yul mñam dka’ na gnas pa’i rkun po rnams (2) daṅ | yul ko sa la na gnas ba’i rnams thams cad sa mtshams kyi bar du doṅ ste ’khod nas | ’gron ba mad po dag ’dzoms so źes de skad kyi sgra kun du grags so || de dag gis thos nas yul mñam dka’i ’gron pa maṅ po bsel daṅ lhan cig yul ko sa lar ’doṅ ṅo || (3) yul ko sa la nas kyaṅ yul mñam dkar de bźin du ’dod ste | ji tsam du dus phyi źig na yul mñam dka’ nas ’gron pa maṅ po bsel dad bcas te | yul ko sa lar doṅ ba daṅ | de dag gaṅ gi tshe mtshams las ’das nas yul ko sa lar phyin ba de’i tshe

. . . . . . .

de nas ded dpon gyis (4) smras pa | kye ko sa la’i rgyal po gsal rgyal ni mi srun la gtum źiṅ khro ste dpa’ źiṅ mthu daṅ ldan no źes grag gis | gal te ’gron pa maṅ po daṅ bdag cag rnams bcom na yaṅ bsab par nus kyis | bsel ba de dag slar khye śig ces smras pa daṅ | ’gron pa maṅ (5) po dag gis smras pa | de ltar na de bźin du bgyi’o źes smras nas bsel de dag slar bkye’o || rkun po rnams kyis byar btsugs te pa sdad ba daṅ | byar bas bsel ba slar log pa mthoṅ nas | des kye bsel ba rnams slar log gis ’gron pa maṅ po gźom mo źes (6) smras nas ’gron pa maṅ po de dag śiṅ sā la’i dgon par phyin pa daṅ | bcom mo || de la tshoṅ pa kha cig ni bsad | kha cig ni bros so || de la bros pas mgo rdul gyis gaṅ bar byas te rgyal bo gsal rgyal gyi druṅ du soṅ nas | lha la bdag cag ni tsheṅ pa lags na | khyed kyi (7) yul du phyin na tshoṅ pa ma lags par gyur to || ci byas | lha bdag cag ni rkun pos bcom mo || rgyal po gsal rgyal gyis ’phags skyes po la bka’ stsal pa | gźon nu myur du riṅs par soṅ la rkun po daṅ nor rnams zuṅ la ’on cig ces bsgo ba daṅ | lha de bźin du bgyi’o (129b1) źes nas dmag dpon ’phags skyes pos yul ko sa la’i rgyal po gsal rgyal las mñan te | dpuṅ gi tshogs yan lag bźi pa bal glaṅ gi tshogs daṅ | rta’i tshogs daṅ | śiṅ rta’i tshogs daṅ | dpuṅ bu chuṅ gi tshogs rnams go cha ra skon te myur bar riṅs su śiṅ sā la’i (2) dgon par doṅ ba daṅ | rkun po dag de’i bar dgon pa na śiṅ sā la stug po’i naṅ du źugs te bag yaṅs su nor bgod ciṅ ’khod pa daṅ | ’phags skyes pos de’i steṅ du brdzis te | de dag gis rkun po kha cig ni bsad | kha cig ni bros | kha cig ni gson por bzuṅ ṅo || (3)

. . . . . . .

de nas rkun po’i g-yul las rgyal te | rkun po daṅ bcom pa’i nor rdzas dag khyer te | rgyal po’i druṅ du soṅ ste | rkaṅ pa la gtugs nas | lha ’di dag ni rkun po’i nor ro źes smras pa daṅ | rgyal pos tshoṅ bdag la kye de dag bdag bdag gi nor dag ṅo śes par byos la slar (4) khyer cig ces bsgo ba daṅ | de na mu stegs kun du rgyu ba daṅ | dge sloṅ dag kyaṅ bcom pa’i naṅ du gtogs nas rgyal pos de thams cad phrogs pa’i nor rdzas slar byin pa daṅ | kun du rgyu ba’i raṅ gi gos ba cag gi naṅ du bcos pa daṅ | dge sloṅ dag gi yaṅ khyer ro || dge (5) sloṅ dag gis bdag cag gi gos btsag gi naṅ du btsos pa ṅo ma śes nas de dag rkun du rgyu ba daṅ | lhan cig tu thab mo byuṅ ba daṅ | kun du rgyu ba maṅ po de dag gis de dag khyer ba daṅ | rgyal po’i druṅ du soṅ ste | lha bdag cag gi gos btsag gi naṅ du bcos pa mu (6) stegs can kun du rgyu bas ’tshal te slar mi ster to źes smras pa daṅ | rgyal pos mu stegs kun du rgyu ba de dag bkug ste | kwa’i ’phags pa dag gi gos dag ci’i phyir bkur gyis slar phul cig ces bsgo ba daṅ | de dag gis lha btsag gi naṅ du btsos pa ’di dag ni (7) bdag cag gi gos so źes smras pa daṅ | rgyal pos ’phags pa dag khyed kyi gaṅ yin pa śes par gyis la khyer cig ces smras so || dge sloṅ dag gis gcig nas gcig tu phyuṅ ste bltas pa daṅ | kha cig ṅo śes te lha ’di dag ni bdag cag gi gos so źes smras pa (130a1) daṅ | rgyal pos mu stegs can kun du rgyu ba dag la e ma’o mu stegs can kun du rgyu ba ’jab bur rkub rkun ma yin na | khyed cag ni rkun po chen po yin no źes smras pa daṅ | de dag lan med nas caṅ mi zer bar ’khod do || rgyal bos smras pa | kye ’phags (2) pa khyed cag gis da phan chad chos gos la mṅon mtshan bya ba’i rigs so || de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag rgyal po de skaṅ zer ba yus ti | de bsan chos gos dag mṅon (3) mtshan thob śig | kha chag daṅ ’or thabs su dru bas śig | sgro gu yaṅ thogs śig | bcom ldan ’das kyis mṅon mtshan thob śig ces gsuṅs na | dge sloṅ dag gis mi śes nas | bcom ldan ’das kyis bka’ stsal pa | chos gos kyi mthar snag tsha’i (4) thig le byos śig |

. . . . .

gleṅ gźi ni mñan du yod pa na ste |

mñan du yod pan khyim bdag gźan źig gis de’i rigs mñam pa źig las chuṅ ma źig blaṅs nas | de daṅ lhan cig tu rtse dga’ yoṅs su spyod do || de daṅ lhan cig tu rtse dga’ yoṅs su spyod pa las de (5) dus phyi źig na chuṅ ma sems can daṅ ldan par gyur nas | de zla ba brgyad dam dgu ’das pa daṅ | bu khye’u źig btsas te źag bdun gsum ñi śu gcig gi bar du btsas pa’i btsas ston chen po byas so || de rigs daṅ mthun par miṅ yaṅ btags nas de bsriṅs (6) bskyed de cher gyur pa daṅ | dus phyi źig na de’i ma dus las ’das so || khyim bdag des kyaṅ chuṅ ma źig blaṅs nas de daṅ lhan cig tu rtse dga’ yoṅs su spyod do || rtse dga’ yoṅs su spyad pa las dus phyi źig bu pho gsum źig btsas te | de dag kyaṅ rigs daṅ mthun (7) par miṅ btags so || ’di ltar dgra’i naṅ chen chun ’thab pa gtsugs che ste | mos ma śi ba’i bu khye’u chen po de la rtag par gtses pa daṅ | de ma dran nas yi chad de yul gźan du soṅ ba las legs par gsuṅs pa’i chos ’dul ba la rab tu byuṅ ṅo ||

. . . . . .

de nas dus (130b1) phyi źig na khyim bdag de na bar gyur nas | de rtsa ba daṅ | sdoṅ bu daṅ | lo ma daṅ | me tog daṅ | ’bras bu dag gis sman byas kyaṅ de’i nad tha gi bar ma gyur nas | de na ba’i sdug bsṅal gyis riṅ po mi thogs bar dus ’da’ bar śes nas | des khyim tshes dag bsogs te (2) ’dus nas de’i naṅ du bu la smras pa bu dag khyed cag gi phu bo chen po dge sloṅ śākya ’i sras kyi naṅ du rab tu byuṅ ba de yaṅ khyed kyis nor skal byin ces smras nas | bsags pa kun mtha’ zad par ’gyur | mtho ba’i mtha’ ni ’jig par ’gyur | ’dus pa’i mtha’ ni ’gyes par ’gyur (3) chos kyi mtha’ ni źi bar ’gyur | dus kyi chos daṅ ldan par gyur to || de’i bu ljoṅs spyod ciṅ ’dug pa des bdag gi pha dus ’das so źes thos te | de yaṅ ’di sñam du bdag soṅ la ma yar mo daṅ nu bo dag gi mya ṅan bsad gis chos bśad du ’gro’o sñam du sems nas | de ji tsam (4) dag de ba’i bar du gźoṅs spyad de | mñan du yod pa gaṅ na ba de logs su gźoṅs spyod ciṅ soṅ ṅo || rim bźin du spyod ciṅ mñan du yod par phyin nas lam gyi ṅal bsos te bdag gi khyim du ’oṅs pa daṅ || naṅ gi skye bo dag gis mthoṅ nas dus te ṅu ba’i sgra dag khyi ma tshes dag (5) gis thos nas de dag ’dus te kha cig ni skad phyuṅ ste du | kha cig ni mig mchi mas gaṅ źiṅ ’dug nas | so so’i skye bo dag ni ’dod chags daṅ ldan pas gñen daṅ bral bar gyur bas mya ṅan gyis mig mchi mas gaṅ ṅo || de yaṅ bu ga khyer źiṅ ’dug go || de na rgan mo gźan (6) źig gis bu khyod kyi phas ni nor skal byin par ṅed kun gyis kyaṅ thos na ma du śig | skye ba yod na ’chi ba ra ’gyur ro źes smras pa daṅ | des cuṅ zad tsam źig gi bar du sems śiṅ ’dug nas | de sam yar mo daṅ nu bo dag la chos bśad do || de dag mya ṅan cuṅ zad saṅs nas (7) de dag gis khyod kyi nor skal dag loṅ śig ces smras pa daṅ | des bsams pa | bcom ldan ’das kyis ṅa ’das nas byin pa ni med do źes gsuṅs na | ji ltar blaṅ sñam du bsams nas | tshe daṅ ldan pa dag ṅa ni rab tu byuṅ ba la nor rdzas kyis bya ra med pa’i steṅ du bcom ldan (131a1) ’das kyis kyaṅ ga ’das nas byin pa med do źes gsuṅs kyis | khyed cag ñid khyer cig ces smras pa daṅ | de dag gis ñes pa ṅor brjod pa | ’phags pa loṅ la sbyin pa yaṅ byin cig || bsod nams kyaṅ byos śig | de la ñes pa ci źig yod ces (2) smras so || de ltar gyur pa dge sloṅ dag la smras pa daṅ | dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dge sloṅ dag khyim pa la ni re ba yod | rab tu byuṅ pa la ni re ba med pa’i phyir te | khyim pa dag la ni ṅa ’das na byin cig (3) pa ni khyim pa dag gi ste brtsan no | rab tu byuṅ ba la ni de lta bu med do || de bas na khyim pas de bur bsams te byin pa loṅ śig | saṅs rgyas daṅ chos daṅ dge ’dun la bya ba’i phyir te de la the tshom du ma byed cig |

. . . . . . . . . .

gleṅ gźi ni mñan du yod pa na ste |

dge sloṅ dag lci ba’i ri lu daṅ (4) so śiṅ daṅ | bkru ba’i yo byad daṅ | ba laṅ gi lci ba rnams ’chag sa daṅ khyams daṅ sgo khaṅ dag tu bor nas ljoṅs spyad pa spyod du ’doṅ ṅo || de dag la dge sloṅ dag gis the tshom skyes nas ma spyad do || de ltar gyur pa dge sloṅ dag gis bcom ldan ’das la gsol ba daṅ | bcom (5) ldan ’das kyis bka’ stsal pa || yid gcugs pa rnam pa lṅa las ni loṅ śig | mdza’ ba daṅ | yid ’dres pa daṅ | bla ma daṅ | mi ’gyur ba daṅ | thos na dga’ bar ’gyur ba’i ste | yid gcugs pa rnam pa de lṅa la ni spyad par bya ste | de la the tshom du ma byed cig | gleṅ (6) gźi ni mñan du yod pa na ste | mñan du yod pan khyim bdag gźan źig ’dug pa des rigs mñam pa las chuṅ ma źig blaṅs nas | de daṅ lhan cig tu rtse dga’ yoṅs su spyod do || de la rtse dga’ yoṅs su spyad pa las dus phyi źig na chuṅ ma sems can daṅ ldan par (7) gyur nas | de zla ba brgyad dam dgu ’das pa daṅ | bu mo źig btsas nas de źag bdun gsum ñi śu rtsa gcig gi bar du btsas pa’i btsas ston chen po byas nas rigs daṅ mthun bar miṅ btags te | de bsriṅs bskyed de cher gyur pa daṅ | khyim bdag gźan źig gis (131b1) de bslaṅs te | de rdzaṅs la sogs pa brdzaṅs te btaṅ ṅo || dus phyi źig na khyim pa de dus ’das nas de khyod daṅ bral ba’i mya ṅan gyis gduṅs nas legs par gsuṅs ba’i chos ’dul bal rab tu byuṅ ṅo || de dus phyi źig na mu ge byuṅ nas bsod sñoms sloṅ źiṅ ’dug pa (2) daṅ | de bsod sñoms spyod pa las sraṅ źig tu de’i phas mthoṅ nas | des smras pa | bu mod ltar gaṅ na ji ltar ’tsho źiṅ ’dug ces smras pa daṅ | des pha mu ge byuṅ nas bdag rab tu bkres śiṅ ’dug go źes smras pa daṅ | des bu mo de ltar na khyod rab tu ma byuṅ na ni ṅas khyed (3) la mi ’dod bźin du sbyin na | da bsod sñoms ma byed par bdag gi khyim du zan za źiṅ dbyar mo khaṅ du soṅ źig | des khas blaṅs nas de grogs gcig daṅ gñis kyis bros śiṅ dbyar mo khaṅ du soṅ ṅo || źag dum źig gi bar du der zos nas | bu bsod sñoms pa gñis ni zas (4) sbyin par mi nus kyis | khyod gcig pu ’dir zan zos śiṅ soṅ śig ces smras pa daṅ | des pha bcom ldan ’das kyis gcig pur groṅ du ’gro bar ma gnaṅ ṅo źes smras pa daṅ | de caṅ mi zer bar ’dug go || de ltar gyur ba dge sloṅ ma dag la smras pa daṅ | dge sloṅ ma dag (5) gis dge sloṅ la smras nas | dge sloṅ dag gis bcom ldan ’das la gsol nas | bcom ldan ’das kyis bka’ stsal pa | de ltar na ṅas gnaṅ gis du sa ’di ’dra ba la ni dge sloṅ ma sa dge sloṅ ma’i dge ’dun la gñen daṅ | lhan cig ’dre bar ñe spyod kyi sdom pa gsol (6) cig | gsol pa ni ’di ltar gyis śig | stan btiṅ pa la gaṇ+ḍī brduṅs te | dge sloṅ ma’i dge ’dun dag ’dus śiṅ ’khod pa daṅ | ji ltar rgan rims su phyag byos la | rgan rims kyi mdun du pha gu ’am stan naṅ tshaṅs can gyi steṅ du ’dug nas thal mo sbyor la tshig (7) ’di skad ces smros śig | gson cig ’phags ma’i dge ’dun ma rnams bdag miṅ ’di źes bgyi bas | ’di ’dra ba’i mu ge’i dus la bab nas bsod sñoms bslaṅ ba yaṅ mi nus na | ’phags ma’i dge ’dun ma la bdag miṅ ’di źes bgyi pa ’phags ma’i dge ’dun ma (132a1) las gñen daṅ lhan cig tu ’dre bar ñe spyod kyi sdom pa gsol na | ’phags ma’i dge ’dun ma dag gis bdag miṅ ’di źes bgyi ba la gñen daṅ lhan cig ’dre bar ñe spyod kyi sṅom pa gsol cig | brtse ba can brtse ba’i phyir ro || de ltar lan gñis (2) lan gsum du brjod par bya’o ||

. . . . . . . . . .

de’i ’og tu dge sloṅ ma gcig gis gsol ba gyis la las byos śig | gson cig ’phags ma’i dge ’dun ma rnams | dge sloṅ ma miṅ ’di źes bgyi ba ’di ’di ltar mu ge’i dus la bab ste | ’phags ma’i dge ’dun ma dag las gñen (3) daṅ lhan cig tu ’dre bar ñe spyod kyi sdom pa gsol na | de ste ’phags ma’i dge ’dun ma rnams kyis dus la bab ciṅ bzod na ’phags ma’i dge ’dun ma rnams kyis gnod la | ’phags ma’i dge ’dun gyis dge sloṅ ma miṅ ’di źes bgyi ba ’di gñen daṅ lhan cig tu ’dre bar ñe (4) spyod kyi sdom pa stsol cig | ’di ni gsol ba’o || las kyaṅ ’di bźin du bya’o || gson cig ’phags ma’i dge ’dun ma rnams | dge sloṅ ma miṅ ’di źes bgyi ba ’di ’di ltar mu ge’i dus la bab ste | ’phags ma’i dge ’dun ma rnams la gñen daṅ lhan cig ’dre bar ñe spyod (5) kyi sdom pa gsol te | de las ’phags ma’i dge ’dun ma rnams kyis dge sloṅ ma miṅ ’di źes bgyi ba ’di ’di ltar mu ge’i dus la bab na gñen daṅ lhan cig ’dre bar ñe spyod kyi sdom pa gsol na | ’phags ma rnams las gaṅ la dge sloṅ ma miṅ ’di źes bgyi ba mu ge’i dus (6) la bab ste | gñen ’dun daṅ lhan cig tu ’dre bar ñe spyod kyi sdom pa stsal bar bzod pa ni caṅ ma gsuṅ śig | mi bzod pa ni smros śig | ’phags ma’i dge ’dun gyis dge sloṅ ma miṅ ’di źes bgyi bas gñen daṅ lhan cig tu ’dre bar ñe spyod kyi sdom pa stsal te de de bźin du (7) ’dzin to || dge sloṅ mas gñen daṅ lhan cig tu ’dre bar ñe spyod kyi sdom pa dge ’dun ma dag gis byin par gyur na | gcig pu gñen gyi khyim du zas za bar gyis la de la the tshom du ma byed cig | nam mu ge’i tshe ni rjes su gnaṅ ṅo || de ma yin par ma gnas śig | mu ge ma (132b1) byuṅ bar gnas na ’das pa daṅ bcas par ’gyur ro ||

. . . . .

gleṅ gźi’i naṅ nas sgo bźi pa’i mdo’i tshigs su bcad pa bdun pa’o ||

mdor na |
bskyi ba la ni rnam pa gñis ||
ras la yaṅ ni rnam gsum ste ||
ño bar yaṅ ni ’dod pa daṅ ||
sder bsdus par ni gyur pa’o ||

(2) saṅs rgyas bcom ldan ’das mñan du yod pa’i jo ta’i tshal mgon med zas sbyin gyi kun dga’ ra ba na bźugs so || dge sloṅ gźan źig gis khyim bdag cig las kār ṣā pa ṇa źig bskyes pa daṅ | de dus kyi mtha’ źig tu ci źig gis dus ’das nas | dge sloṅ de ji ltar dus (3) ’das pa khyim bdag des thos so || dge sloṅ de ji ltar dus ’das pa khyim bdag des thos nas gtsug lag khaṅ du soṅ ste śes bźin du dge sloṅ dag la dris ba | ’phags pa ’di źes bgyi ba’i dge sloṅ de gaṅ na mchis | de dag gis smras pa | bźin bzaṅs dus ’das (4) so || ’phags pa des bdag gi kār ṣā pa ṇa źig bskyis te ’tshal to || bźin bzaṅs de ni dur khrod bu bskyal gyis der soṅ ste dos śig | ’phags pa khyed kyis de’i lhuṅ bzed daṅ | chos gos bgos na bdag gis ji ltar dur khrod du soṅ ste bda’ | khyod kyis stsol cig (5) ces smras pa daṅ | de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | dge sloṅ dag khyim bdag des ni legs par smras te | de’i nor las bskyis pa dge sloṅ dag gis byin cig | de dag gis gaṅ nas sbyin (6) pa mi śes nas | bcom ldan ’das kyis bka’ stsal pa | de’i lhuṅ bzed daṅ chos gos yod ba las byin cig | dge sloṅ de dag gis lhuṅ bzed daṅ chos gos de dag byin pa daṅ | lhuṅ bzed daṅ chos gos de dag ma ’dod nas | bcom ldan ’das kyis bka’ stsal (7) pa | tshoṅs la byin cig | dge sloṅ dag gis de dag thams cad byin no || bcom ldan ’das kyis bka’ stsal pa | ji tsam blaṅs pa de tsam du byin la lhag ma bgos śig | mñan du yod pa na dge sloṅ gźan źig gis khyim bdag cig las kār ṣā pa ṇa źig bskyis pa (133a1) daṅ | de dus kyi mtha’ źig tu ci źig gis ’das pa daṅ | dge sloṅ de dag gis sṅa ma bźin du lhuṅ bzed daṅ chos gos btsoṅs nas de la byin no || khyim bdag gis smras pa | ’phags pa der bdag las ’di tsam źig ’tshal te | bdag la ni ’di las (2) ma stsal gyis | gźan yaṅ stsol cig ces smras pa daṅ | de lta bur gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de la de’i lhuṅ bzed daṅ chos gos ni ’di las med do źes sgo śig | de ste yid mi ches na (3) go par gyis śig | go bar bsgo yaṅ mi btub na de la dge ’dun gyi’am | gaṅ zag gźan gyi las ni ma sbyin cig | rigs kyi gzu bo rnams kyis go bar bsgo la thoṅ śig |

. . . . . . .

gleṅ gźi ni mñan du yod pa na |

dge sloṅ źig gis gos ’ tshoṅ pa las ras śig rin ma (4) byin bar blaṅs pa las dge sloṅ de dus ’das nas | dge sloṅ de dus ’das so źes gos kyi bdag po des thos nas | de gtsug lag khaṅ du ’oṅs te śes bźin du dge sloṅ rnams la ’phags pa dge sloṅ miṅ ’di źes bgyi ba ’di ga la mchis źes dris pa daṅ | de dag gis (5) smras pa | bźin bzaṅs dus ’das so || ’phags pa des bdag las ras śig rin sbyin par byas te khyer ro || bźin bzaṅs de dur khrod du bskyal gyis der soṅ la dos śig | ’phags pa de’i chos gos daṅ lhuṅ bzed ni khyed rnams kyis bgos na | bdag ci’i phyir dur (6) khrod du soṅ ste bda’ | khyed rnams kyis byin cig de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | dge sloṅ rnams gos ’ tshoṅ pa ’di smra ba ni bden gyis de ni byin cig | dge sloṅ rnams kyis de’i ras ñid byin pa (7) daṅ des ’phags pa rnams bdag la des rin thaṅ ’di tsam du ’tshal to źes smras pa daṅ | bcom ldan ’das kyis de ñid tshoṅs la byin cig ces bka’ stsal pa daṅ | dge sloṅ rnams kyis de btsoṅ bar brtsams pa daṅ sṅa ma’i rin thaṅ du ma lon nas | bcom ldan ’das kyis (133b1) bka’ stsal pa | lhag ma ni chos gos daṅ lhuṅ bzed rnams tshoṅs la byin cig |

. . .

gleṅ gźi ni mñan du yod pa na |

dge sloṅ źig gis thag pa la ras ’thag pa’i phyir skud pa daṅ rṅa na pa byin pa las | dge sloṅ de dus ’das pa daṅ | dge sloṅ rnams kyis thag pa (2) bos te bźin bzaṅs khyod la dge sloṅ miṅ ’di źes bya bas ras ’thag ba’i phyir skud pa daṅ rṅan ba byin pa de slar phul cig ces smras pa daṅ | des ’phags pa rnams bdag gis de la ras sbyin bar byas kyi | skud pa daṅ rṅan ba ni ma lags so źes smras pa daṅ | dge sloṅ rnams (3) kyis de ji ltar bya ba ma śes nas | de ltar gyur pa dge sloṅ rnams kyis bcom ldan ’das la gsol ba daṅ | bcom ldan ’das kyis dge sloṅ rnams la bka’ stsal pa tha ga ba smra ba ni bden gyis ras su loṅ śig ces bka’ stsal pa daṅ | dge sloṅ rnams kyis phra mo las (4) bkug pa daṅ | de la ’phags pa rnams bdag gis de la spom po sbyin par byas so źes smras pa daṅ | bcom ldan ’das kyis bka’ stsal pa | dge sloṅ de ni dus ’das kyis ji ltar byin pa de lta bu loṅ śig |

gleṅ gźi ni mñan du yod pa na ste |

dge sloṅ źig gis gos (5) ’tshoṅ bal kār ṣā pa ṇa byin te | ras śig byin cig ces smras pa daṅ | dge sloṅ de dus ’das nas dge sloṅ rnams kyis gos ’tshoṅ bal bos te | bźin bzaṅs khyod la dge sloṅ miṅ ’di źes bya bas ras kyi rin źig byin pa de ’on cig ces smras pa daṅ | des ’phags pa (6) rnams de la ras su sbyin par bgyis so źes smras pa daṅ | dge sloṅ rnams kyis de la ji ltar bya ba mi śes so || de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis dge sloṅ rnams gos ’ tshoṅ pa de smra ba ni bden gyis | ras (7) su loṅ śig ces smras pa daṅ | dge sloṅ rnams kyis phra mo bkug nas des ’phags pa rnams bdag gis de la sbom po dbul bar bgyis so źes smras pa daṅ | bcom ldan ’das kyis bka’ stsal pa | dge sloṅ de ni dus ’das na | ji lta bu byin pa de bźin (134a1) loṅ śig |

. .

’dul ba gźuṅ dam pa | bam po sum bcu rtsa bdun pa |

gleṅ gźi ni mñan du yod ba na ste |

drug sde rnams ’jig rten pa la grags par gyur te | gaṅ su yaṅ ruṅ ño ba daṅ | btsoṅ ba de dag de dag gi druṅ du doṅ nas | (2) ’phags pa dṅos po ’dis ci ri źes ’dri’o ||

de nas mñan du yod pa na khyim bdag gñis śig gcig ni gos ño || gcig ni ’tshoṅ ste | de gñis rin thaṅ gi gtam smra źiṅ ’khod pa’i steṅ du ñe dga’ bo phyogs der ’oṅs pa daṅ | de gñis kyis ’phags pa ñe dag ’bos (3) bcad pa brtsan no || gcig na re yaṅ de bźin du brtsan par bya’o źes smras nas | de gñis kyis tshe daṅ ldan pa ñe dga’ bo la ’phags pa gos ’di’i rin ji tsam źes smras pa daṅ | des gcig la gsaṅ ste bźin bzaṅs khyod ño ba’am ’on te ’ tshoṅ pa źes dris so || des (4) bdag ni ño ba’o źes smras pa daṅ | ñe dga’ bos ’di ni kār ṣā pa ṇa ñi śu ri’o źes smras nas | gñis pa la yaṅ gsaṅ ste | bźin bzaṅs ci khyod ño ba’am ’on te ’tshoṅ pa źes dris pa daṅ | des ’phags pa bdag ni ’ tshoṅ pa źes smras pa daṅ | ñe dga’ bos ’di ni kār ṣā (5) pa ṇa bźi bcu ri’o źes smras pa daṅ | de gñis gsaṅ ste bslus nas yaṅ gñi ga’i mṅon sum du khyed cag ji lta bur legs pa de lta bur byos śig ces smras so || de la gaṅ ’ tshoṅ pa des ’di ni kār ṣā pa ṇa bźi bcu ri’o źes smras pa daṅ | gaṅ ño ba des bdag gis dad pa daṅ (6) yid ches pa las ’di ni kār ṣā pa ṇa ñi śu ri’o źes smras pa daṅ | des smras pa | khyod kyis dad ba daṅ yid ches pa su yin | ’phags pa ñe dga’ bo yin no || bdag cag gñis la des śes bźin du gtses te | bdag la des kār ṣā pa ṇa bźi bcu ri’o źes smras so || (7) des smras pa | bdag la yaṅ des śes bźin du gñis ka la slu ba’i phyir mdor na des gnas ṅan len la mtshuṅs bar spyod kyis phyin chad dgos pa yod na yaṅ de la mi ’dri’o źes smras so || de ltar gyur pa dge sloṅ rnams kyis bcom ldan ’das la gsol nas | bcom (134b1) ldan ’das kyis bka’ stsal pa | dge sloṅ rnams khyim bdag de gñis ’phya ba ni yus kyis | de bas na dge sloṅ rnams kyis dṅos po gaṅ la yaṅ rin thaṅ ma gcod cig | khyim pa rtsod pa’i druṅ na ma ’dug śig | dge sloṅ gaṅ gis dṅos po la gaṅ yaṅ rin bcad dam | (2) khyim brtsod pa’i druṅ na ’dug na ’das pa daṅ bcas par ’gyur ro || bcom ldan ’das kyis dṅos po gaṅ la yaṅ dge sloṅ gis rin thaṅ ma gcod cig ces gsuṅs na | dge sloṅ gis chos gos daṅ | gos ño bar ’dod pa’i phyir tshoṅ dus su soṅ ste | der khyim pa daṅ lhan (3) cig tu kār ṣā pa ṇa’ama | ba ṇa gcig gam | ba ṇa bźi’am | bźi cha’i phyed dam | bźi cha’i phyed kyi phyed bskyod pa daṅ | des khros te ’phags pa bdag cag ni spogs pa yin na | khyed cag kyaṅ lhag par spogs byed pa chen po’o źes smras pa daṅ | de ltar gyur pa dge sloṅ (4) dag gis bcom ldan ’das la gsol te | bcom ldan ’das kyis bka’ stsal pa | dge sloṅ rnams de dag de skad zer ba ni yus kyis | de lta bas na dge sloṅ raṅ gis ño bar ma byed cig bcom ldan ’das kyis dge sloṅ raṅ gis ño bar ma byed cig ces gsuṅs pa daṅ | dge sloṅ (5) rnams kyis ji ltar ño bar bya ba ma śes nas | bcom ldan ’das kyis bka’ stsal pa | gtsug lag khaṅ na gnas pa’i dge bsñen pha la tshol cig | gtsug lag khaṅ na gnas pa’am | dge bsñed dad pa med la ṅes par ño bar ’dod par gyur na | gtan la bab pa’i tshig lan (6) gñis lan gsum du smra bar bya ste | kār ṣā pa ṇa la sogs pa’i tshul gyis bskyed par mi bya’o || dge sloṅ gis ño bar ’dod kyaṅ ruṅ ño bar mi ’dod kyaṅ ruṅ ste | kār ṣā pa ṇa la sogs pa’i tshul gyis tshig lan gñis lan gsum du ’das par bskyed ciṅ smra na ’das pa daṅ bcas (7) par ’gyur ro || saṅs rgyas daṅ | chos daṅ | dge ’dun gyi phyir rin thaṅ bskyed kyaṅ ñes pa med do ||

. . . . . . . . . . .

gleṅ gźi’i sgo bźi pa’i mdo’i tshigs su bcad pa brgyad pa’o ||

mdor na |
rtsa bas ’tsho ba las par mi bya ste ||
rnam pa bźi ni mi bgo ste ||
bsruṅ ba daṅ yaṅ (135a1) maṅ du bya ||
ca co maṅ po ’byin pa’o ||

saṅs rgyas bcom ldan ’das rgyal po’i khab ’od ma’i tshal bya ka lan da ka gnas pa na bźugs so || gaṅ gi tshe rgyal po gzugs can sñiṅ pos dge sloṅ gi dge ’dun rnams la bza’ śiṅ druṅ stoṅ daṅ ldan pa’i (2) kun dga’i rab źig phul bde’i tshe na | dge sloṅ rnams kyis ’bras bu zos nas phyal bar bor bas na mda’ lta bu’i nags su gyur to ||

. .

de nas dus phyi źig na rgyal po lam de phyogs su phyin pa daṅ | des de dag mthoṅ nas | des blon po rnams la mda’ lta bu’i nags su (3) gyur ba’i kun dga’i ba ’di su’i źes smras pa daṅ | blon pos lha bza’ śiṅ druṅ stoṅ daṅ ldan pa’i kun dga’ ra ba dag lhas ’phags pa rnams la phul ba de ñid ’di lags te | de dag gis ’bras bu zos nas phyal bar bor bas na da ni mda’ lta bu’i nags su gyur to źes (4) smras pa daṅ | rgyal pos smras pa | kye ’phags pa de dag ’di la źal ta daṅ las mi byed dam | des lha de dag bsam gtan daṅ kha ton la źugs pas ’di’i sug las daṅ źal ta mi bgyid do źes smras pa daṅ rgyal po caṅ mi smra bar ’dug go || de ltar gyur pa dge sloṅ (5) rnams kyis bcom ldan ’das la gsol nas | bcom ldan ’das kyis bka’ stsal pa | de lta bas na rtsa bas ’tsho ba la phyal bar ma dor bar las gyis śig | dge sloṅ rnams kyis sus las bya ba mi śes nas | bcom ldan ’das kyis bka’ stsal pa | gnas (6) ’cha’ ba rnams kyis byos śig | de rga bas na de dag gis las bya bar mi nus te | bcom ldan ’das kyis bka’ stsal pa | dge ’dun thams cad kyis las byos śig | de las kha cig ni rid rgas ’khogs | kha cig ni na bas las byed mi nus | drug sde rnams (7) ni byed du mi btub pas na las ma byas pa daṅ | bcom ldan ’das kyis bka’ stsal pa | ’khor rnam par dbye bas ’khor rnam par phye la skal skal du gos te las byos śig | dge sloṅ rnams luṅ nod pa daṅ | klog pa daṅ | kha ton byed pa daṅ | tshul bźin yid la (135b1) byed pa rnams daṅ sde de la źugs pa daṅ | bcom ldan ’das kyis bka’ stsal pa | de ’ba’ źig la yaṅ ’jug par mi bya ste | la lar so śiṅ bza’ bar bya | la lar gdoṅ bkru bar bya | la lar ni rkaṅ pa bkru bar bya | dge sloṅ de dag gis de bźin du las byas (2) nas ’bras bu rgyal te smin par gyur pa daṅ | ji tsam na dge sloṅ dag cig glo bur du ’oṅs pa daṅ | de dag gis ’das bu rgyal źiṅ smin pa de dag mthoṅ nas | de dag gis tshe dag ldan pa’i rnams bdag cag kyaṅ a mra smin pa’i ’bras bu bza’ bar bgyi na kho bo cag kyaṅ (3) dbaṅ ṅam źes smras pa daṅ | dge sloṅ rnams kyis ’di dag ni bdag cag gis sṅar bgos na bzar ga la yod ces smras pa daṅ | de dag ’phya bar gyur nas | de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ (4) stsal pa | glo bur du ’oṅs pa rnams la yaṅ byin cig | dge sloṅ rnams kyis bgos pa’i lhag ma la byin nas | bcom ldan ’das kyis bka’ stsal pa | dge sloṅ rnams rnam pa ’di bźi ni mi bgo ste | bźi gaṅ źe na | ’di lta ste | phyogs bźi’i dge ’dun thams (5) cad dbaṅ pa daṅ | mchod rten thams cad dbaṅ pa daṅ | nad pa thams cad kyi ruṅ ba daṅ | rin thaṅ nar mar bza’ ba thams cad do || de bsan dge sloṅ rnams kyis rtsa bas ’tsho ba rñed dam | ’bras bu ’am | me tog la sogs pa gaṅ zag rnams kyis yoṅs su spyod (6) pa bźin du yoṅs su spyod cig | de dag mṅon sum du dbaṅ ba yin pas na źal ta byos la me tog daṅ ’bras bu rnams ni dge ’dun la brims śig | bcom ldan ’das kyis mṅon sum du dbaṅ ba yin pas so sor źal ta byos la me tog daṅ ’bras bu rnams dge ’dun la brims (7) śig ces gsuṅs pa daṅ | dge sloṅ rnams kyis de dag źal ta byas bas me tog daṅ ’bras bu smin pa daṅ | de dag yal bar por nas me tog daṅ ’bras bu rnams rkun po rnams kyis khyer pa daṅ | bcom ldan ’das kyis sruṅ ma źog śig ces gsuṅs nas | dge (136a1) sloṅ rnams kyis ñuṅ du źig bźag ste | de ñid ñes pa’i dmigs su gyur nas | bcom ldan ’das kyis bka’ stsal pa | maṅ du ’khor la de dag las phyed ni sṅar zan zo źig | bcom ldan ’das kyis śiṅ thog a mra’i ’bras bu smin pa dge ’dun la (2) brims śig ces gsuṅs pa daṅ | gaṅ gi tshe smin par gyur pa de’i tshe srin bus zos par gyur nas | bcom ldan ’das kyis bka’ stsal pa | gnas ’cha’ ba rnams kyis so sor brtag par byos śig so sor brtag par byed pa de dag ca co che nas dge sloṅ rnams kyis de (3) las bzlog kyaṅ de dag mi btub pa daṅ | de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | ’phags pa’i mi smra bas so sor brtag par bya ste ca co ma smra śig | smra na ’das pa daṅ bcas par ’gyur ro ||

. . .

(4) gleṅ gźi’i sgo bźi pa’i mdo’i tshigs su bcad pa dgu pa’o ||

mdor na |
ruṅ bar bya daṅ dge tshul pha ||
bdag gis byin gyis brlabs ba daṅ ||
blaṅs śiṅ byin len byed pa daṅ ||
yaṅ na de ltar bstan pa daṅ ||
mtshams bciṅ ba daṅ stoṅ pa daṅ ||
thab mo daṅ ni (5) rdzogs pa’o ||

bcom ldan ’das rgyal po’i khab ’od ma’i tshal bya ka lan da ka gnas pa na bźugs so || bcom ldan ’das kyis śiṅ thog a mra’i ’bras bu brims śig ces gsuṅs pa dge sloṅ rnams sus brim pa mi śes nas | bcom ldan ’das kyis bka’ stsal pa | (6) ruṅ bar byed pas brims śig | ruṅ bar byed pa med na dge tshul phas byos śig | dge tshul pha med na dge sloṅ raṅ gis lag pa bkrus te byin len byos la so sor ruṅ bar gyis te brim par byos śig | bcom ldan ’das ’das kyis dge sloṅ raṅ gi lag pa khrus la byin len byos te so sor (7) ruṅ bar byos la brims śig ces bka’ stsal pa daṅ | ’bras bu maṅ pos gaṅ pa’i skon bu gcig bus ma theg nas | bcom ldan ’das kyis bka’ stsal pa | khyim pas kyaṅ grogs byos la gñi gas brim par bya ste | gaṅ khyim pas brims pa de ni byin len du bya’o || (136b1) gaṅ dge sloṅ gis brims pa de ni byin len bya mi dgos so || a mra gźan źim por grags pa źig yod na | de dag bsres la rim la brims pa daṅ | thams cad thob par gyur nas | bcom ldan ’das kyis de dag so sor brims śig ces gsuṅs so || bcom ldan ’das (2) kyis a mra gaṅ źim por grags pa so sor brims śig ces gsuṅs pa daṅ | drug sde rnams kun dga’i ra bar doṅ nas de dag gis a mra źim por grags pa de raṅ gis blaṅs nas | gtsug lag khaṅ du ’oṅs te byin len byas śiṅ zos pa daṅ | dge sloṅ rnams kyis smras pa | (3) tshe daṅ ldan pa dag a mra źim po de dag ma brims na ci’i phyir zad dam źes dris pa daṅ | sruṅ ma rnams kyis de dag brim du ga la mchis | drug sde rnams kyis blaṅs te gtsug lag khaṅ du doṅ nas byin len byas te zos so źes smras pa daṅ | dge sloṅ rnams ’phya’o || de ltar (4) gyur pa dge sloṅ rnams kyis bcom ldan ’das la gsol nas | bcom ldan ’das kyis dgoṅs pa | dge sloṅ rnams gaṅ su źig sṅar blaṅs la phyis byin len byed na ñes pa’i dmigs su ’gyur te | de bas nad ge sloṅ gis sṅar blaṅs pa las phyis byin len mi bya’o sñam du (5) mkhyen nas | dge sloṅ dag drug sde rnams kyis ni mi rigs par byas kyis de bas na dge sloṅ rnams sṅar blaṅs pa las phyis byin len ma byed cig | sṅar blaṅs pa phyis byin len byas na ’das pa daṅ bcas par ’gyur ro ||

. . . . . .

gleṅ gźi ni mñan du yod pa ste |

dge sloṅ (6) rnams me tog daṅ | ’bras bu daṅ | bca’ ba daṅ | gźan yaṅ bza’ ba daṅ | btuṅ ba ’brim pa la mdzub mos bstan ciṅ ’di byin cig | ’di dag byin cig ces smra | de yoṅs su zos pa daṅ | brim pa ma sñoms par gyur nas | ’dod chags daṅ ma bral (7) ba’i dge sloṅ kha cig gis dbyas pa daṅ | de ltar gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | dge sloṅ dag ’phya ba ni yus te | de bas na dge sloṅ gis mdzub mos ’di byin cig | ’di dag byin cig (137a1) ces bstan ciṅ bza’ bar mi bya’o || dge sloṅ gis mdzub mos ’di byin cig ’di dag byin cig ces bstan ciṅ zos na ’das pa daṅ bcas par ’gyur ro || btuṅ ba med pa ni drod chuṅ bas smin pa ’dod pa daṅ | droṅ che bas ma smin pa ’dod pa’o ||

. . .

(2) gleṅ gźi ni mñan du yod pan ste |

drug sde rnams ljoṅs spyad pa spyod ba na ri brags kyi groṅ gźan źig gi gtsug lag khaṅ źig tu phyin na de’i dge sloṅ dag ñin par spyod pa’i phyir doṅ ste | gtsug lag khaṅ de stoṅ par lus pa daṅ | drug sde po rnams dga’ bo daṅ ñe (3) dga’ po gtsug lag khaṅ stoṅ pa mtshams ma bcad pa ’dir bdag cag rnams kyis ’dir gnas na ji ltar gnas par bya | mtshams bcad kyis tshur śog ces smras nas | de dag gis legs kyis de bźin du bya’o źes smras nas | de dag gis mtshams bcad ma (4) thag tu sṅa na gnas pa’i dge sloṅ dag lhags pa daṅ | drug sde po rnams kyis de la dal so śig ces byas na | de dag gis smras pa | tshe daṅ ldan pa rnams ’di ltar khyed cag ni glo bur du lags pa’o || de da ni sṅa nas gnas pas na khyed cag la bdag cag gis ṅal so (5) śig ces bya ba’i rigs so źes pa daṅ | drug sde po rnams kyis smras pa | tshe daṅ ldan pa dag bdag cag gis kyaṅ mtshams bcad do || de dag gis smras pa | bdag cag gis kyaṅ sṅar mtshams bcad do źes smras nas | dge sloṅ de dag ci mtshams sṅa ma brtsan (6) nam | ’on te phyi ma brtsan źes te the tshom skyes pa daṅ | de ltar gyur pa dag sloṅ rnams kyis bcom ldan ’das la gsol nas | bcom ldan ’das kyis bka’ stsal pa | dge sloṅ glo bur ba rnams gtsug lag khaṅ du źugs ma thag tu stoṅ par mthoṅ na yaṅ mtshams (7) gcad par mi bya’o || lam gyis dal bso ste śin tu brtags nas sṅa na gnas pa med na gdod mtshams gcad par bya’o || gźan du na gcad par mi bya’o ||

. . . . .

gleṅ gźi ni mñan du yod pa na ste |

dze ta’i tshal gyi sgor khyim pa gñis śig thab mo byuṅ ste | de na dge sloṅ (137b1) gcig ’dus pa de la gcig gis dbaṅ bcugs nas | des de la rgyal po’i pho braṅ du che bźi byas te cig śos po chad pas bcad pa daṅ | des de la ’phya’o || de ltar gyur ba dge sloṅ rnams kyis bcom ldan ’das la gsol nas | bcom ldan ’das kyis bka’ stsal (2) pa | dge sloṅ dag khyim pa de ’phya ba ni yus kyis | de bas na dge sloṅ rnams thab mo byed pa’i druṅ na ma ’dug par che bźi yaṅ ma byed par byol te soṅ śig | dge sloṅ thab mo byed pa’i druṅ na ’dug ciṅ che bźi byed na ’das pa dag bcas par ’gyur ro ||

. .

gleṅ gźi’i sgo bźi (3) ba’i mṅo’i tshigs su bcad pa bcu pa’o ||

gleṅ gźi’i sgo bźi pa rdzogs so ||

mdor bsdus pa’o ||
byaṅ chub sems dpa’i gzugs rnams daṅ ||
yul bskor daṅ ni yon gyi snod ||
kun ’dus pa daṅ stegs bu daṅ ||
rṅa chen ’khor lo tha ma’o ||

mdor na |
(4) draṅ sroṅ chan pos gnaṅ bar gsuṅs pa ni ||
byaṅ chub sems dpa’i sku gzugs daṅ ||
stegs bu daṅ ni rgyal mtshan daṅ ||
ba dan lcags kyi ka pa’o ||

gleṅ gźi ni mñan du yod ba na ste |

khyim bdag mgon med zas sbyin gyis bcom ldan ’das kyis gnaṅ na | bdag (5) gis bcom ldan ’das byaṅ chub sems dpa’i sku gzugs bgyi’o źes gsol pa daṅ | bcom ldan ’das kyis bka’ stsal pa | khyim bdag gnaṅ gis byos śig | bcom ldan ’das de ste bcom ldan ’das kyis gnaṅ na bdag gis byaṅ chub sems dpa’i gzugs la rgyal (6) mtshan gyis bskor ro źes gsol ba daṅ | bcom ldan ’das kyis bka’ stsal pa | khyim bdag gnaṅ gis skor cig | bcom ldan ’das de ste bcom ldan ’das kyis gnaṅ na bdag gis gzugs stegs bus bskor ro źes gsol pa daṅ | bcom ldan ’das kyis (7) bka’ stsal pa | khyim bdag gnaṅ gis stegs bus bskor cig | yaṅ de ste bcom ldan ’das kyis gnaṅ na bdag gis gzugs la lcags kyi ka ba sa bskor ro źes gsol pa daṅ | bcom ldan ’das kyis bka’ stsal pa | khyim bdag gnaṅ gis skor cig | yaṅ (138a1) de ste bcom ldan ’das kyis gnaṅ na bdag gis lcags kyi ka pa’i steṅ du ba dan gdags par bgyi’o źes gsol pa daṅ | bcom ldan ’das kyis bka’ stsal pa | khyim bdag gnaṅ gis thogs śig |

gleṅ gźi’i sgo lṅa pa’i mdo’i (2) tshigs su bcad pa daṅ po’o ||

mdor na |
byaṅ chub sems dpa’i yul bskor daṅ ||
de bźin rgyan daṅ byug pa daṅ ||
khyogs daṅ śiṅ rta ba dan daṅ ||
gdugs daṅ rgyal mtshan sñan gyi rgyan ||

saṅs rgyas bcom ldan ’das mñan du yod pa’i dze ta’i tshal (3) mgon med zas sbyin gyi kun dga’ ra ba na bźugs so || khyim bdag mgon med zas sbyin gyis de ste bcom ldan ’das kyis gnaṅ na bdag gis byaṅ chub sems dpa’i gzugs kyis yul bskor bar bgyi’o źes gsol pa daṅ | bcom ldan ’das kyis bka’ stsal pa | (4) khyim bdag gnaṅ gis skor cig | byaṅ chub sems dpa’i rgyan med de mi mdzes nas khyim bdag mgon med zas sbyin pas de ste bcom ldan ’das kyis gnaṅ na | bdag gis byaṅ chub sems dpa’i gzugs la rgyan ’bul lo źes gsol pa daṅ | bcom ldan ’das (5) kyis bka’ stsal pa | khyim bdag gnaṅ gis phul la rkaṅ pa’i rgyan daṅ rna ba’i rgyan la sogs pa yaṅ phul cig | de ste bcom ldan ’das kyis gnaṅ na bdag gis byaṅ chub sems dpa’i gzugs la dri’i rgyan par bgyi’o źes gsol pa daṅ | bcom ldan (6) ’das kyis bka’ stsal pa | khyim bdag gnaṅ gis brgyan par byos śig | byaṅ chub sems dpa’i gzugs groṅ khyer du rkaṅ pas khyer ba daṅ | khyim bdag mgon med zas sbyin gyis de ste bcom ldan ’das kyis gnaṅ na bdag gis byaṅ chub sems dpa’i gzugs (7) khyogs las groṅ khyer du bkur bar bgyi’o źes gsol pa daṅ | bcom ldan ’das kyis bka’ stsal pa | khyim bdag gnaṅ gis khyer cig | khyogs las khyer yaṅ mi mdzes par gyur nas khyim bdag mgon med zas sbyin gyis de ste bcom ldan ’das kyis gnaṅ na (138b1) bdag gis byaṅ chub sems dpa’i gzugs śiṅ rta las bkur bar bgyi’o źes gsol pa daṅ | bcom ldan ’das kyis bka’ stsal pa | khyim bdag gnaṅ gis de bźin du byos śig | śiṅ rta yaṅ pa dan daṅ gdugs med pas mi mdzes par gyur nas | khyim (2) bdag mgon med zas sbyin gyis de ste bcom ldan ’das kyis gnaṅ na bdag gis śiṅ rta’i steṅ du ba dan daṅ gdugs daṅ rgyal mtshan la sogs pas brgyan par bgyi’o źes gsol pa daṅ | bcom ldan ’das kyis bka’ stsal pa | khyim bdag gnaṅ gis brgyan par byos śig | (3) byaṅ chub sems dpa’i gzugs la me tog gis sñan gyi goṅ ma brgyan na mi mdzes par gyur nas | khyim bdag mgon med zas sbyin gyis de ste bcom ldan ’das kyis gnaṅ na bdag gis byaṅ chub sems dpa’i gzugs kyi dbu’i sñan gyi goṅ du me tog gi rgyan dbul lo źes gsol (4) pa daṅ | bcom ldan ’das kyis bka’ stsal pa | khyim bdag gnaṅ gis phul cig |

. .

gleṅ gźi’i sgo lṅa pa’i mdo’i tshigs su bcad pa gñis pa’o ||

mdor na |
yon phul ba daṅ yon dbul ba ||
de bźin phreṅ ba’i snod rnams daṅ ||
rol mo rnams kyaṅ mi (5) dgag ciṅ ||
rgyan tshogs rnams kyaṅ mig źig go ||

saṅs rgyas bcom ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so || khyim bdag mgon med zas sbyin gyis de ste bcom ldan ’das kyis gnaṅ na bdag gis byaṅ chub (6) sems dpa’i gzugs kyi na bsal yon dpul lo źes gsol pa daṅ | bcom ldan ’das kyis bka’ stsal pa | khyim bdag gnaṅ gis phul cig | de’i mchod ston gyi tshe yul sna tshogs na gnas pa’i dge sloṅ daṅ | dge sloṅ ma daṅ | dge bsñen daṅ | dge bsñen ma daṅ | gźan (7) yaṅ blta bar ’dod pa’i phyir phal mo che lhags pa rnams kyis de la yon dbul ba maṅs pas rñed pa de sus bkur ba dge sloṅ rnams kyis mi śes nas | bcom ldan ’das kyis bka’ stsal pa | dge sloṅ gis bkur bar bya’o źes pa daṅ | dge sloṅ gnas brtan dag gis (139a1) khyer ba daṅ mi dga’ ba skyes nas | bcom ldan ’das kyis bka’ stsal pa | gnas bca’ bar byed pa daṅ | gźan yaṅ gźon pa daṅ rgan pa rnams kyis bkur bar bya’o || dge sloṅ gnas brtan daṅ | gnas brtan dag gis ni bsruṅ bar byos (2) śig | yon phul ma daṅ | me tog daṅ | gos la sogs pa śiṅ rta’i thog tu bźag pa daṅ | kha cig lhuṅ ba ma byin par len pa dag gis thugs thub tu khyer nas | khyim bdag mgon med zas sbyin gyis de ste bcom ldan ’das kyis gnaṅ na bdag gis śiṅ rta’i steṅ du phreṅ (3) ba’i snod bgyi’o źes gsol ba daṅ | bcom ldan ’das kyis bka’ stsal pa | khyim bdag gnaṅ gis byos śig | dge sloṅ rnams kyis rol mo rnams kyaṅ ma źi | skye bo rnams kyaṅ so sor ma gyes par gzugs kyi rgyan rnams sbas pa daṅ | bram ze daṅ khyim bdag daṅ (4) bdag gis ’phags pa dag bdag cag ji ltar dad pa de bźin du ma dad pa yaṅ skyes te | kye ma’o khyed kyis rol mo rnams kyaṅ źi la | skye bo maṅ po yaṅ so sor gyes nas gzugs kyi rgyan rnams bkrol na ci ñes źes dbyas pa daṅ | de ltar gyur pa dge sloṅ rnams kyis bcom (5) ldan ’das la gsol nas | bcom ldan ’das kyis bka’ stsal pa | dge sloṅ dag bram ze daṅ | khyim bdag rnams ’phya ba ni yus te | de bas na rol mo rnams kyaṅ ma źi | skye bo maṅ po yaṅ so sor ma gyes par dge sloṅ rnams kyis gzugs kyi rgyan ma rtul cig | brtul na (6) ’das pa daṅ bcas par ’gyur ro ||

. . .

gleṅ gźi’i sgo lṅa bya’i mdo’i tshigs su bcad pa gsum pa’o ||

mdor na |
kun ’dus pa daṅ dus ston daṅ ||
dpyid zla tha chuṅ sa źal bsro daṅ ||
lo lṅa daṅ ni drug byas la ||
mchod ston chen po tha ma’o ||

saṅs rgyas bcom (7) ldan ’das mñan du yod pa’i dze ta’i tshal mgon med zas sbyin gyi kun dga’ ra ba na bźugs so || khyim bdag mgon med zas sbyin gyis yul so so na gnas pa’i dge sloṅ daṅ | dge sloṅ ma daṅ | dge bsñen daṅ | dge bsñen ma rnams mthoṅ ba daṅ | yid dga’ ba (139b1) skyes nas des bsams pa | bcom ldan ’das kyis bka’ stsal pa | dge sloṅ rnams ’di ltar dus su sbyin pa ni rnam pa lṅa ste | lṅa gaṅ źe na | glo bur du ’oṅs pa daṅ | ’dod pa rnams la sbyin pa byin pa ’di ni sbyin pa’i dus daṅ po’o || nad pa daṅ nad g-yog la sbyin pa (2) byin pa ’di ni sbyin pa’i dus gñis pa’o || lo ñes śiṅ phoṅs brel ba la sbyin pa byin pa ’di ni sbyin pa’i dus gsum pa’o || gaṅ su la yaṅ ruṅ ste lo thog gsar ba daṅ | ’bras bu gsar ba daṅ | gsar thog de dag des thog mar tshul khrims daṅ ldan pa yon tan daṅ ldan pa (3) la byin źiṅ | de’i ’og tu bdag za ba ’di ni sbyin pa’i dus bźi pa’o || gaṅ su yaṅ ruṅ ste | rluṅ ldaṅ ba ’am | yul rmugs pa ’am | char ’bab ba ’am | graṅ ba la sogs pa de lta bu’i rnam pas rluṅ ldaṅ pa daṅ | yul rmugs pa daṅ | char ’bab pa daṅ | graṅ ba la zan (4) nam | skyo ma’am | thug pa’am | skom la sogs pa de dag phyir byuṅ ste | dge ’dun la ’bul źiṅ ’phags pa ’di zos na lus kyaṅ mi gśer | chos gos la yaṅ char gyis mi phog ste bde ba la reg ciṅ gnas par ’gyur ro źes sbyin pa ’di ni sbyin pa’i dus lṅa ba’o || (5) de ltar na ’di ni yul so son gnas pa’i dge sloṅ daṅ | dge sloṅ ma daṅ | dge bsñen daṅ | dge bsñen ma la sogs pa lam gyi ṅal pa rnams la de ste bcom ldan ’das kyis gnaṅ na bdag gis de dag ’dus pa’i zas sbyar ro sñam du bsams te | bcom ldan ’das (6) gal ba der soṅ ste druṅ du phyin pa daṅ | bcom ldan ’das kyi źabs la mgo bos phyag ’tshal te phyogs gcig tu ’dug go || phyogs gcig tu ’dug nas bcom ldan ’das la ’di skad ces gsol to || btsun pa bcom ldan ’das glo bur du mchi ba yul so so na gnas (7) pa la sbyin pa byin pa ’di ni sbyin pa’i dus daṅ po źes bya ba nas | sṅa ma ltar bde ba la reg par gnas par bya ba ’di ni dus kyi sbyin pa lṅa pa’o źes bya ba’i bar du sbyin pa’i dus lṅar gsuṅs na | da ’dir byaṅ chub sems dpa’i mchod pa chen po la yul so so nas mchis pa’i dge (140a1) sloṅ daṅ | dge sloṅ ma daṅ | dge bsñen daṅ | dge bsñen ma la sogs pa glo bur du mchis pa lam gyis yoṅs su gduṅs pa de rnams la de ste bcom ldan ’das kyis gnaṅ na bdag gis ’dus pa de dag gi zas sbyar ro źes gsol pa daṅ | bcom (2) ldan ’das kyis bka’ stsal pa | khyim bdag gnaṅ gis sbyor cig | bcom ldan ’das la khyim bdag mgon med zas sbyin gyis bcom ldan ’das zla ba gaṅ la bcas źes źus pa daṅ | bcom ldan ’das kyis bka’ stsal pa | khyim bdag dpyid zla tha chuṅs la | (3) bcas so || de ste bcom ldan ’das kyis gnaṅ na bdag gis bcom ldan ’das kyi pho braṅ gi źal bsro bar sbyar ro źes gsol pa daṅ | bcom ldan ’das kyis bka’ stsal pa | khyim bdag gnaṅ gis sbyor cig | yaṅ bcom ldan ’das lo du lags nas dbu skra bregs (4) źes gsol pa daṅ | bcom ldan ’das kyis bka’ stsal pa | khyim bdag lo lṅa lon pa na’o || de ste bcom ldan ’das kyis gnaṅ na bdag gis bcom ldan ’das la lo lṅa źiṅ lan gcig mchod ston sbyar ro || źes gsol pa daṅ | bcom ldan ’das (5) kyis bka’ stsal pa | khyim bdag gnaṅ gis sbyor cig | yaṅ bcom ldan ’das kyis gtsug phud lo du lags nas bźag ces gsol pa daṅ | bcom ldan ’das kyis bka’ stsal pa | khyim bdag lo drug na’o || de ste bcom ldan ’das kyis gnaṅ na bdag gis (6) gtsug phud kyi mchod ston sbyar ro źes gsol pa daṅ | bcom ldan ’das kyis bka’ stsal pa | khyim bdag gnaṅ gis sbyor cig | yaṅ zla ba gaṅ la bcom ldan ’das kyis bla na med pa’i ye śes mṅon du chud ces gsol pa daṅ | bcom ldan ’das kyis bka’ stsal pa | (7) khyim bdag dpyid zla tha chuṅs la’o || de ste bcom ldan ’das kyis gnaṅ na bcom ldan ’das ’dzam bu’i gri ba ma la gzugs bźugs pa la mchod ston chen po sbyar ro źes gsol pa daṅ | bcom ldan ’das kyis bka’ stsal pa | khyim bdag gnaṅ gis sbyor cig |

. . . . . . . . . . . . . . .

gleṅ (140b1) gźi’i sgo lṅa pa’i mdo’i tshigs su bcad pa bźi pa’o ||

mdor na |
rtswa stan daṅ ni the tshom daṅ ||
sṅa phyi dag tu ’dug pa daṅ ||
ca co dag daṅ lam rnams daṅ ||
gaṇ+ḍī duṅ daṅ rṅa rduṅ ba’o ||

saṅs rgyas bcom ldan ’das mñan du yod pa na dze ta’i tshal mgon (2) med zas sbyin gyi kun dga’i ra ba na bźugs so || bcom ldan ’das kyis ’dus pa’i zas sbyor cig ces gsuṅs pa daṅ | dge sloṅ maṅ po rnams stan med par gyur nas | bcom ldan ’das kyis bka’ stsal pa | rtswa’i stan sbyar te der ’dug la bza’ bar bya’o || (3) bcom ldan ’das kyis rtswa’i stan la ’dug par bya’o źes gsuṅs pa daṅ | dge sloṅ rnams zan zos pa daṅ the tshom skyes nas rtswa stan de khyer te doṅ nas | bcom ldan ’das kyis bka’ stsal pa | stan khyer te ’doṅ par phuṅ por byos te źog la | gaṅ gi tshe dus ston yoṅs (4) su rdzogs par gyur ba de’i tshe thams cad ’or cig | dge sloṅ rnams ston mo’i dus la sṅa phyir ’dug pas gźan zan zos te soṅ bar gyur | gźan gdod ’oṅs pa ma thob ste brel bar gyur nas | bcom ldan ’das kyis go rims ji lta ba bźin du ’dug śig ces gsuṅs so (5) dge sloṅ maṅ po ’dus pa daṅ ca cor gyur pas dus ma śes nas | bcom ldan ’das kyis dus brjod par byos śig ces gsuṅs pa daṅ | de dag de ñid du dus la bab bo || dus la bab po źes brjod pa daṅ | bcom ldan ’das kyis bka’ stsal pa | gaṇ+ḍī brduṅ bar byos śig | (6) de ltar yaṅ gźan dag la gsal bar ma gyur nas | de la bcom ldan ’das kyis sṅar ni gaṇ+ḍī chuṅ du rduṅs la | phyis gaṇ+ḍī rduṅs śig ces gsuṅs so || de ltar yaṅ gźan ñin par gnas par soṅ ba rnams kyis ma thos nas | bcom ldan ’das kyis duṅ kha bsdoms te (7) bus la rṅa yaṅ rduṅs śig ces gsuṅs so ||

. . . . .

gleṅ gźi’i sgo lṅa pa’i mdo’i tshigs su bcad pa lṅa pa’o ||

mdor na |
der ni rṅa yaṅ brduṅ par bya ||

de nas śiṅ rta dbyuṅ ba daṅ || dṅos po byuṅ daṅ rñed pa daṅ || ji ltar tshul bźin bsgo bar bya’o ||

. . .

saṅs rgyas (141a1) bcom ldan ’das mñan du yod pan dze ta’i tshal mgon med zas sbyin gyi kun dga’ ba na bźugs te | bcom ldan ’das kyis gaṇ+ḍī daṅ duṅ kha bsdoms pa daṅ rṅa rduṅs śig ces bka’ stsal na | de dag gis gaṇ+ḍī brduṅs pa’i rjes bźin brduṅs pa daṅ | (2) nad pa daṅ las la gtogs pa rnams la gnod par gyur nas | bcom ldan ’das kyis bka’ stsal pa | gaṅ gi tshe nad pa rnams zas mnos zin par gyur la | las byed pa rnams kyaṅ zas zos zin pa de’i tshe na gaṇ+ḍī daṅ duṅ kha bsdoms pa daṅ | rṅa rduṅs śig | mchod ston (3) zin kyaṅ so so na gnas pa’i dge sloṅ daṅ | dge sloṅ ma daṅ | dge bsñen ma la sogs pa so sor ma doṅ pa daṅ | bcom ldan ’das kyis śiṅ rta phyuṅ śig daṅ de doṅ nas raṅ ’doṅ ṅo źes gsuṅs pa daṅ | mchod ston de’i tshe dge sloṅ rnams kyis rñed (4) pa grub pa de ji ltar bgo ba mi śes nas | bcom ldan ’das kyis bka’ stsal pa | ji ltar rgan rims su mñam par gos śig | dge sloṅ mag po ’dus pa de dag ca co byed pa daṅ | bcom ldan ’das kyis bka’ stsal pa | bcu źiṅ gcig tu bgo bar bya’o || brgya źiṅ (5) gcig tu’o ||

. .

de’i ’og tu stoṅ źiṅ gcig tu rñed pa bgo par byos śig | saṅs rgyas bcom ldan ’das la tshe dag ldan pa u pā lis źus pa | btsun pa gal te bcu’i naṅ nas gcig dus las ’das na gum pa’i yo byad su dbaṅ źes źus pa daṅ | bcom ldan ’das (6) kyis bka’ stsal pa | u pā li de ste bgo ba’i tshe dus ’das na śi ba’i yo byad dge ’dun ’dus pa dbaṅ gis sbyir gos śig | ’on te bgos nas dus ’das na ni dgu po rnams kyis ’thob bo || de bźin du brgyad stoṅ sde rnams la yaṅ sbyar bar bya’o ||

. .

gleṅ gźi’i sgo (7) lṅa pa’i mdo’i tshigs su bcad pa drug pa’o ||

gleṅ gźi’i sgo lṅa pa rdzogs te | gleṅ gźi rnams rdzogs sto ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=9c070554-e6a1-11e3-942f-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ