noṅs pa (202a1) dmigs pa źes bgyi’am | mi dmigs pa źes bgyi ||
gsuṅs pa | ñes pa dmigs pa źes bya’o ||
noṅs pa gzugs mchis pa źes bgyi’am ||
zugs ma mchis so źes bgyi ||
gsuṅs pa | ñes ba gzugs med pa źes bya’o ||
noṅs (2) pa bstan du mchis pa źes bgyi ’am | bstan bu ma mchis pa źes bgyi | gsuṅs pa | ñes pa bstan du med bźes bya’o ||
noṅs pa bar du thogs pa daṅ bcas pa źes bgyi ’am | bar du thogs pa daṅ bcas pa źes mi bgyi ||
gsuṅs pa | ñes pa bar du thogs pa daṅ (3) bcas pa źes mi bya’o ||
noṅs pa zag pa daṅ bcas pa źes bgyi’am ||
zag ma mchis pa źes bgyi | gsuṅs pa | ñes pa zag pa daṅ cas pa źes bya’o ||
noṅs pa ’dus byas źes bgyi’am | ’dus ma byas źes bgyi ||
gsuṅs pa | ñes pa ’dus byas (4) źes bya’o ||
noṅs pa ’jig rten bźes bgyi ’am | ’jig rten las ’das pa źes bgyi | gsuṅs pa | ñes pa ’jig rten pa źes bya’o ||
noṅs pa phuṅ por gtogs pa źes bgyi’am | ma gtogs pa źes bgyi ||
gsuṅs pa | ñes pa phuṅ por gtogs pa źes bya’o ||
(5) noṅs pa khams su gtogs pa źes bgyi’am | khams su mi gtogs pa źes bgyi ||
gsuṅs pa | ñes pa khams su gtogs pa źes bya’o ||
noṅs pa bzuṅ ba źes bgyi’am | ma bzuṅ ba źes bgyi ||
gsuṅs pa | ñes pa ma bzuṅ pa źes bya’o ||
noṅs pa (6) luṅ bstan pa źes bgyi’am | luṅ ma bsan pa źes bgyi ||
gsuṅs pa | ñes pa luṅ bstan pa źes kyaṅ bya ||
luṅ ma bstan pa źes kyaṅ bya’o ||
luṅ bstan pa gaṅ źe na | gaṅ bcom ldan ’das kyis bslab pa bcas pa la bsams pa bźin du ’da’ bar byed pa ni luṅ (7) bstan pa źes bya’o ||
luṅ ma bstan pa gaṅ źe na | gaṅ bcom ldan ’das kyis bslab pa bcas pa las bsams par ’da’ ba ni lud ma bstan pa źes bya’o ||
noṅs par ’byuṅ ba chen por luṅ bstan pa źes bgyi ’am ||
’byuṅ ba chen por luṅ ma bstan pa źes bgyi | (202b1) | gsuṅs pa | ñes pa ’byuṅ ba chen por luṅ bstan pa źes bya’o ||
noṅs pa kun du sbyor ba źes bgyi’am | mi sbyor pa źes bgyi ||
gsuṅs pa | ñes pa kun du sbyor ba źes bya’o ||
noṅs ba bsgribs pa źes bgyi’am ||
ma bsgribs pa źes bgyi ||
ñes pa bsgribs (2) pa źes bya’o ||
noṅs pa ñon moṅs pa źes bgyi’am | ñon ma moṅs pa źes bgyi | gsuṅs pa | ñon moṅs pa źes kyaṅ bya ||
ñon ma moṅs pa źes kyaṅ bya’o ||
ñon moṅs pa gaṅ źe na | gaṅ saṅs rgyas kyis bslab pa btsas pa la bsams bźin du ’da’ ba ’di ni ñon (3) moṅs pa’o ||
ñon ma moṅs pa gaṅ źe na ||
gaṅ saṅs rgyas kyis bslab pa bcas pa la ma bsams par ’da’ ba ’di ni ñon ma moṅs pa’o ||
moṅs pa la zaṅ ziṅ du bcas ba źes bgyi’am ||
zaṅ ziṅ ma mchis pa źes bgyi ||
ñes pa la zaṅ ziṅ du bcas pa (4) źes bya’o ||
noṅs pa chags pa la gnas pa źes bgyi’am | ’byuṅ ba la gnas pa źes bgyi ||
gsuṅs pa | ñes pa chags pa la gnas pa źes bya’o ||
noṅs pa dgrar bcas pa źes bgyi’am ||
dgrar ma bcas pa źes bgyi ||
gsuṅs pa | dgrar bcas pa (5) źes bya’o ||
noṅs pa dmigs pa źes bgyi’am | mi dmigs pa źes bgyi ||
gsuṅs pa | mi dmigs pa źes bya’o ||
noṅs pa sems źes bgyi’am ||
sems ma lags pa źes bgyi | gsuṅs pa | ñes pa sems ma yin pa źes bya’o ||
noṅs pa rnam par (6) smin pa źes bgyi’am ||
rnam par ma smin pa źes bgyi ||
rnam par ma smin pa źes bgyi | gsuṅs pa | rnam par smin pa źes kyaṅ bya ||
ma smin pa źes kyaṅ bya’o ||
smin pa gaṅ źe na | gaṅ saṅs rgyas kyis bslab pa bcas pa la bsams bźin du ’das pa ’di ni smin pa źes bya’o ||
ma smin pa gaṅ źe na | (7) gaṅ saṅs rgyas kyis bslab pa bcas pa la ma bsams par ’das pa ’di ni ma smin pa’o ||
noṅs pa las źes bgyi’am ||
las ma lags pa źes bgyi ||
gsuṅs pa | ñes pa las źes bya’o ||
noṅs pa naṅ gi skye mched du gtogs pa źes bgyi’am ||
phyi’i skye mched (203a1) du gtogs pa źes bgyi ||
gsuṅs pa | phyi’i skye mched du gtogs pa źes bya’o ||
noṅs pa sṅar ’das pa źes bgyi’am ||
ma ’oṅs bźes ’am | da ltar byuṅ ba źes bgyi ||
gsuṅs pa | ñes pa sṅar ’das pa źes kyaṅ bya ||
ma ’oṅs pa (2) źes kyaṅ bya | da ltar byuṅ ba źes kyaṅ bya’o ||
sṅar ’das pa gaṅ źe na ||
ñes pa byuṅ nas bśags śiṅ slar byas pa ni ñes pa de las laṅs pa ste ||
de ni sṅar ’das pa źes kyaṅ bya’o ||
ma ’oṅs pa gaṅ źe na | ñes pa ma byuṅ mod kyi ṅes par ’byuṅ ba de ni ma ’oṅs pa źes kyaṅ (3) bya’o | da ltar gyi gaṅ źe na | ñes pa byuṅ ba de ni da ltar gyi’o ||
noṅs pa dge bźes bgyi’am ||
luṅ mi ston pa źes bgyi ||
gsuṅs pa | ñes pa mi dge ba źes kyaṅ bya | luṅ du mi ston pa źes kyaṅ bya’o ||
mi dge ba gaṅ źe na | gaṅ saṅs (4) rgyas kyis bslab pa bcas pa laṅ śes bźin du ’das ba ’di ni mi dge ba’o ||
luṅ du ma bstan pa gaṅ źe na ||
gaṅ saṅs rgyas kyis bslab pa bcas pa lam bsams bźin du ’da’ ba de ni luṅ du ma bstan pa’o | noṅs pa ’dod pa’i khams su gtogs pa źes bgyi’am ||
gzugs (5) kyi khams su gtogs bźes bgyi’am ||
gzugs med pa’i khams su gtogs bźes bgyi ||
gsuṅs pa | ñes pa ni ’dod pa’i khams su gtogs bźes bya’o ||
noṅs pa slob pa źes bgyi’am | slob pa’aṅ ma lags | mi slob (6) pa’aṅ ma lags źes bgyi | gsuṅs pa | ñes pa slob pa yaṅ ma yin mi slob pa yaṅ ma yin pa źes bya’o ||
noṅs pa mthoṅ bas spaṅ ba źes bgyi’am ||
bsgoms pas spraṅ ba źes bgyi ||
gsuṅs pa | bsgoms pas spaṅ ba źes bya’o ||
noṅs pa lus las (7) byuṅ ba źes bgyi ba’am | ṅag las byuṅ ba źes bgyi’am ||
sems las byuṅ ba bźes bgyi ||
gsuṅs pa | ñes pa lus las byuṅ ba yaṅ yod | ṅag las byuṅ ba yaṅ yod | sems las byuṅ ba yaṅ yod | de lus las byuṅ ba gaṅ źen na | mi tshaṅs par spyod par byed pa daṅ | (203b1) ma byin pa len par byed pa daṅ | mi’i ’tsho ba daṅ bral bar byed pa daṅ | bsams bźin khu ba ’byin pa daṅ | lus kyis reg par byed pa daṅ | sṅon po gcod pa daṅ | phyi dro za ba daṅ | btuṅ ba chaṅ ’thuṅ ba ni lus las byuṅ ba’o ||
ṅag las byuṅ ba gaṅ źe na | gaṅ (2) med la kun med bźin du dkyil ’khor bla mar gyur ba’i chos su bdag ñid smra ba daṅ | bud med de la ñes pa sbom po’i tshig smra ba daṅ | bud med kyi mdun du bdag gis lus kyi kun spyad pa’i yon tan brjod pa daṅ | bud med la tshig lṅa’am drug las lhag par chos ston pa ste | (3) ’di ni ṅag las byuṅ ba’o ||
sems las byuṅ ba gaṅ źe na | de ’di ltar dge sloṅ gcig pu dgon pa na gnas na de de na gso sbyin la sems mi skyed | tshig tu yaṅ mi smra ||
de’i sems las byuṅ ba’i ñes pa ma dag pa ste ||
’on kyaṅ ’di skad ces smra’o ||
sems las byuṅ ba’i (4) ñes pa dag med kyi ’on kyaṅ ’di ni dge ba’i rtsa ba mi sbyor ba’o ||
gaṅ gi dṅos po las noṅs par ’gyur ba de la rtun te ma bgyis na ñes par ’gyur la ||
dṅos po de ñid rtun de bgyis kyaṅ noṅs par mi ’gyur ba mchis sam | gsuṅs pa | dṅos po rtun de ma byas na ñes par (5) ’gyur la rtun te byas na ñes par mi ’gyur ba yod do ||
gaṅ źe na | gaṅ dṅos po de la brtun te ma byas na | ñes par ’gyur ba ni ’di lta ste | dge sloṅ gtan pa ma btiṅ bar chos gos ci ’dod pa ’chaṅ ste sbyar ma med par groṅ du ’jug pa daṅ | mgron du ma bos par groṅ du (6) ’jug pa daṅ | ’dus śiṅ za ba daṅ | yaṅ yaṅ za ba ni ñes pa’o ||
gaṅ dṅos po de ñid la rtun te byas kyaṅ noṅs pa mi ’gyur ba gaṅ źe na | ’di lta ste | dge sloṅ gtan pa btiṅ la chos gos ci ’dod pa ’chaṅ ste ||
sbyar ma med par groṅ du ’jug pa daṅ | mgron du ma (7) bos par groṅ du ’jug pa daṅ | yaṅ yaṅ za ba daṅ | ’dus śiṅ za ba la ñes pa med do ||
de ltar na dṅos po gaṅ la rtun te byas na ñes par ’gyur ba’i dṅos po de ñid la rtun te byas kyaṅ ñes par mi ’gyur ro ||
las bgyis na noṅs par ’gyur ba’i las de ñid bgyis kyaṅ (204a1) noṅs par ’gyur ba mchis sam ||
gsuṅs pa las byas na ñes bas ’gyur ba’i las de ñid byas pa las nes par mi ’gyur ba yaṅ yod do ||
las gaṅ byas pa las ñes par ’gyur ba’i las de ñid byas kyaṅ ñes par mi ’gyur ba gaṅ źe na ||
dge sloṅ rnams kyis (2) dge sloṅ ma mthoṅ ṅo źes nas spaṅs pa daṅ | slar las mi byed pa daṅ | sdig pa la lta ba mi gtoṅ ste spaṅs pa las de dag dge sloṅ rnams la ’byuṅ bar gsol ||
spu sñol bar byed pa las mtshams kyi phyi rol du ’byin na ñes par ’gyur ro ||
las de ñid byas pa ñes par (3) mi ’gyur ba gaṅ źe na | ’di lta ste | dge sloṅ rnams kyis dge sloṅ ma mthoṅ ṅo źes nas spaṅs pa daṅ | slar las mi byed pa daṅ | sdig pa la lta ba mi gtoṅ ba spaṅs pa las de ñid kyis dge sloṅ rnams la ’byuṅ bar gsol | spu sñel bar byed thal mo sbyar te phyag (4) ’tshal bar ston pa de mtshams kyi naṅ na phyuṅ na ñes pa med do ||
de ltar na gaṅ las byas pa las ñes par ’gyur ba’i las de ñid byas kyaṅ ñes pa med do ||
las de ’tshal kyaṅ noṅs par yaṅ ’gyur | las de ñid ’tshal na noṅs par mi ’gyur ba mchis sam ||
gsuṅs pa (5) las de śes las ñes par ’gyur ba daṅ | las de ñid śis la ñes par mi ’gyur ba yod do ||
ji ltar na las gaṅ ’tshal la noṅs par ’gyur la | las de ñid ’tshal la noṅs par mi ’gyur ba lags | de ’di ltar dge sloṅ rnams kyis dge sloṅ ma mthoṅ ṅo źes nas (6) spaṅs pa daṅ | slar las mi byed pa daṅ | sdig pa las lta ba mi gtoṅ bas spaṅs pa de dge sloṅ rnams la ’byuṅ bar gsol ||
spu sñol bar byed | thal mo sbyar te phyag ’tshal bar ston pa mtshams kyi phyi rol du phyuṅ nas ||
dge sloṅ rnams de la ’dus par byed | (7) lhan cig gnas | gnas khaṅ gcig na lhan cig tu ñal bar byed pa daṅ | dge sloṅ gźan dag gis smras pa | kye tshe daṅ ldan pa dag dge sloṅ pa’i ’di ni dge ’dun ’dus pas chos bźin ma mthoṅ ṅo źes spaṅ sa na | dge sloṅ de la dge sloṅ rnams rjes su ’jug gam źes smras pa daṅ | (204b1) de dag ’di skad ces smra’o ||
de ni bden te dge sloṅ ’di ni dbyuṅ bar gsol | spu sñol bar bye ||
thal mo sbyar te phyag ’tshal bar ston nas phyuṅ ṅo | gaṅ du mtshams kyi phyi rol du’o źes smra ba ni ñes ba byuṅ ba’o | ’di ltar yaṅ dge sloṅ rnams kyis dge sloṅ ma mthoṅ ṅo (2) źes nas spaṅs pa daṅ | slar mi byed pa daṅ | sdig pa la lta ba slar mi gtoṅ nas spaṅs te | dge sloṅ rnams la dbyuṅ bar gsol ||
spu sñol bar byed | thal mo sbyar te phyag ’tshal bar ston nas mtshams kyi naṅ du phyuṅ ste ||
de la dge sloṅ rnams de daṅ ’dus par byed | (3) lhan cig tu gnas | gnas khaṅ gcig na lhan cig tu ñal bar byed pa daṅ ||
dge sloṅ gźan dag gis smras pa ||
kye tshe daṅ ldan pa dag dge sloṅ ’di ni dge ’dun ’dus pas chos bźin ma mthoṅ ṅo źes spaṅs na ||
dge sloṅ rnams dge sloṅ de’i rjes su ’jug gam źas (4) smras pa | de dag ’di skad smra’o ||
de ni bden te dge sloṅ ’di ’byuṅ bar gsol ||
spu sñol bar byed | de thal mo sbyar ciṅ phyag ’tshal bar ston phyuṅ ṅo ||
gaṅ du mtshams kyi naṅ du’o źes zer na ñes par med pa’o | de ltar na las śes la ñes par ’gyur pa daṅ | (5) las de ñid śes la ñes bar mi ’gyur ba’o ||
bdag gi yi dam las noṅs pa dag gźan gyi yi dam las noṅs par ’gyur ba mchis sam ||
gsuṅs pa | bdag gi yi dam las ñes pa daṅ | gźan gyi yi dam las ñes par ’gyur ba yod do ||
ji ltar na bdag gi yi (6) dam las noṅs pa lags ||
de ’di ltar dge sloṅ gis ñes pa’i phuṅ po lṅa’i naṅ nas gaṅ yaṅ ruṅ ba’i ñes pa byuṅ nas raṅ ñid kyis śes pa ni ñes pa’o ||
gźan gyi yi dam las noṅs pa gaṅ lags | ji ltar yaṅ dge sloṅ gis ñes pa’i phuṅ po lṅa’i naṅ nas gaṅ yaṅ ruṅ (7) ba’i ñes pa byuṅ ba las | dad pa’i dge bsñen gyi tshig bźin ñes pa de chos bźin du byed pa’o ||
de ltar na raṅ gi yi dam las ñes pa daṅ | gźan gyi yi dam las ñes pa’o ||
dran pa las noṅs par ’gyur ba daṅ | mi dran pa las noṅs par ’gyur ba mchis sam | (205a1) gsuṅs pa yod do ji ltar na dran pa las noṅs pa lags | de ’di ltar dge sloṅ ñes pa’i phuṅ po lṅa’i naṅ nas gaṅ yaṅ ruṅ ba’i ñes pa byuṅ bar dran pa de ni dran pa’i ñis pa’o ||
ji ltar na mi dran pa las noṅs pa lags | de ’di ltar dge sloṅ ñes (2) pa’i phuṅ po lṅa’i naṅ nas gaṅ yaṅ ruṅ ba’i ñes pa byuṅ ba de mi dran te | des cuṅ zad mi dran du zin kyaṅ de ñes par ’gyur ro | de ltar dran na yaṅ ñes pa yin la | mi dran kyaṅ ñes pa’o ||
mṅon sum du gyur pa las noṅs pa daṅ | mṅon sum du ma gyur pa las noṅs pa (3) mchis sam ||
ji ltar na mṅon sum du gyur pa las noṅs pa lags | de ’di ltar dge sloṅ gis ñes pa’i phuṅ po lṅa’i naṅ nas gaṅ yaṅ ruṅ ba’i ñes pa byuṅ ba de ni mṅon sum du gyur pa’i ñes pa’o ||
ji ltar na mṅon sum du ma gyur pa’i noṅs pa (4) lags | de ’di ltar dge sloṅ gis ñes pa’i phuṅ po lṅa’i naṅ nas gaṅ yaṅ ruṅ ba’i ñes pa ma byuṅ yaṅ ’byuṅ bar gdon mi za ba’o ||
de lta bu ni mṅon sum du ma gyur kyaṅ ñes pa daṅ | mṅon sum du gyur kyaṅ ñes pa’o ||
dṅos po gaṅ gis mi gnas pa daṅ | dṅos po de (5) ñid kyis so sor gnas par ’gyur ba mchis sam ||
de ’di ltar dge sloṅ rnams kyis dge sloṅ ma mthoṅ ṅo źes nas spaṅs pa daṅ | slar las mi byed pa daṅ | sdig pa la lta ba slar mi gtoṅ ste spaṅs pa de ni dṅos po gaṅ gis mi gnas pa daṅ | dṅos (6) po de ñid kyis so sor gnas pa’o ||
las gaṅ bgyis pas mi gnas pa daṅ | las de ñid bgyis pas so sor gnas par ’gyur ba mchis sam ||
gsuṅs pa | las gaṅ byas pas mi gnas pa daṅ | las de ñid byas pas so sor gnas pa yod de | ji ltar na las gaṅ byas (7) pas mi gnas śiṅ las de ñid byas pas so sor gnas pa lags | de ’di ltar dge sloṅ rnams kyis dge sloṅ de ma mthoṅ ṅo źes nas spaṅs pa daṅ | slar las mi byed pa daṅ | sdig pa la lta ba slar mi gtoṅ nas spaṅs pa de lta bu ni las gaṅ byas pas mi gnas pa’i las (205b1) de ñid byas kyaṅ so sor gnas pa’o | las gaṅ ’tshal na mi gnas par ’gyur ba daṅ | las de ñid ’tshal na so sor gnas par ’gyur pa mchis sam ||
gsuṅs pa | las gaṅ śes nas mi gnas pa daṅ | las de ñid śes kyaṅ so sor gnas par ’gyur ba yod de | ji (2) ltar las gaṅ ’tshal kyaṅ mi gnas pa daṅ | las de ñid ’tshal na so sor gnas par ’gyur ba lags | de ’di ltar dge sloṅ rnams kyis dge sloṅ ma mthoṅ ṅo źes nas spaṅs pa daṅ | slar mi byed pa daṅ | sdig pa la lta ba mi gtoṅ ba’i phyir ma spaṅs pa de lta bu ni las gaṅ śes (3) kyaṅ mi gnas pa daṅ | las de ñid śas kyaṅ so sor gnas pa’o ||
raṅ gi yi dam gyis so sor gnas par ’gyur ba mchis sam | gsuṅs pa | raṅ gi yi dam gyis mi gnas pa daṅ | raṅ gi yi dam gyis so sor gnas bar ’gyur ba (4) yod do ||
ji ltar na raṅ gi yi dam gyis mi gnas pa daṅ | raṅ gi yi dam gyis so sor gnas par ’gyur ba lags ||
de ’di ltar dge sloṅ rnams kyis dge sloṅ ma mthoṅ źes pa’i phyir spaṅs pa daṅ | slar mi byed pa daṅ | sdig pa la lta ba slar mi gtoṅ bas spaṅs pa de lta (5) bu ni raṅ gi yi dam gyis mi gnas pa daṅ | raṅ gi yi dam gyis so sor gnas pa’o ||
gźan gyi yi dam las mi gnas pa daṅ | gźan gyi yi dam las so sor gnas par ’gyur ba mchis sam | bka’ stsal pa | gźan gyi yi dam las mi gnas pa daṅ | gźan gyi yi (6) dam las so sor gnas pa yod ||
ji ltar na gźan gyi yi dam las mi gnas pa daṅ | gźan gyi yi dam las so sor gnas par ’gyur ba lags | de ’di ltar dge sloṅ rnams kyis dge bsñen dad pa’i tshig bźin dge sloṅ de ma mthoṅ ṅo źes nas spaṅs pa daṅ | (7) slar las mi byed pa daṅ | sdig pa la lta ba slar mi gtoṅ ba’i phyir spaṅs pa de lta bu ni gźan gyi yi dam las mi gnas pa daṅ | gźan gyi yi dam las so sor gnas pa’o ||
dran kyaṅ mi gnas pa daṅ | dran kyaṅ so sor gnas par ’gyur ba mchis sam | bka’ stsal pa | (206a1) dran kyaṅ mi gnas pa daṅ | dran kyaṅ so sor gnas pa yod do ||
ji ltar na dran kyaṅ mi gnas pa daṅ | dran kyaṅ so sor gnas par ’gyur ba lags ||
de ’di ltar dge sloṅ rnams kyis dge sloṅ ma mthoṅ ṅo źes nas spaṅs pa daṅ | slar las mi byed pa (2) daṅ | sdig pa la lta ba slar mi gtoṅ ba’i phyir spaṅs pa de lta bu ni dran kyaṅ mi gnas pa daṅ | dran kyaṅ so sor gnas par ’gyur ba’o ||
mi dran kyaṅ mi gnas pa daṅ | mi dran kyaṅ so sor gnas par ’gyur bar mchis sam ||
bka’ stsal pa | mi dran kyaṅ mi gnas pa daṅ | (3) mi dran kyaṅ so sor gnas par ’gyur ba yod de ||
de ’di ltar dge sloṅ rnams kyis dge sloṅ ma mthoṅ źes nas spaṅs pa daṅ | slar las mi byed pa daṅ | sdig pa la lta bslar mi gtoṅ ba’i phyir spaṅs pa de lta bu ni mi dran kyaṅ mi gnas pa daṅ | mi dran kyaṅ so sor gnas pa’o ||
(4) mṅon sum du gyur pa la mi gnas pa daṅ | mṅon sum nadu gyur pa la so sor gnas par ’gyur ba mchis sam | bka’ stsal pa | mṅon sum du gyur pa la mi gnas pa daṅ | mṅon sum du gyur pa la so sor gnas pa yod do ||
ji ltar na mṅon sum du gyur pa las mi (5) gnas pa la sogs pa lags | de ’di ltar dge sloṅ rnams kyis dge sloṅ ma mthoṅ źes nas spaṅs pa daṅ | slar las mi byed pa daṅ | sdig pa la lta ba mi gtoṅ ba’i phyir spaṅs pa de lta bu ni mṅon sum du gyur pa las mi gnas pa daṅ | mṅon sum du gyur pa las (6) sor sor gnas pa’o ||
mṅon sum du ma gyur kyaṅ mi gnas pa daṅ | mṅon sum du ma gyur kyaṅ so sor gnas pa mchis sam ||
ji ltar na mṅon sum du ma gyur kyaṅ mi gnas pa daṅ | mṅon sum du ma gyur kyaṅ so sor gnas pa mchis sam ||
ji ltar na mṅon sum du ma gyur kyaṅ mi gnas pa daṅ | mṅon sum du ma gyur kyaṅ so sor gnas pa lags | (7) de ’di ltar dge sloṅ rnams kyis dge sloṅ gis ma mthoṅ źes nas spaṅs pa daṅ | slar las mi byed pa daṅ | sdig pa la lta ba slar mi gtoṅ ba’i phyir spaṅs pa de lta bu ni mṅon sum du ma gyur kyaṅ mi gnas pa daṅ | mṅon sum du ma gyur kyaṅ so sor gnas pa’o ||
(206b1) dṅos po gaṅ gi phyir dge ’dun gyis las bgyi ba dṅos po de maṅ po ’am | gñis sam | gcig gis bgyi ba mchis sam ||
gsuṅs pa | dṅos po gaṅ gi phyir dge ’dun gyis las bgyi ba’i dṅos po dmaṅ po’am | gñis sam | gcig gis bya ba yaṅ yod do | (2) ji ltar na dṅos po gcig gis dge ’dun gyi las bgyi ba’i dṅos po de maṅ po’am | gñis sam | gcig gis bgyi bar ’gyur lags ||
de ’di ltar dge sloṅ ma rnams kyis dge sloṅ la phyag mi ’tshal bar bcas pa daṅ | gtam mi smra bar bcas pa daṅ | loṅs spyod (3) mi gcig par bcas nas bsgos pa ste | de lta bu ni dṅos po gaṅ gi phyir dge ’dun gyis las bya ba’i phyir dṅos po de maṅ po’am ||
gñis sam | gcig gis kyaṅ bya’o ||
las gaṅ dge ’dun gyis las su bgyi ba’i las de maṅ po’am | gñis sam | gcig gis kyaṅ de (4) bźin pa mchis sam ||
ji ltar sṅa ma bźin du dge sloṅ ma rnams kyis dge sloṅ la phyag mi ’tshal bar bcas pa daṅ | gtam mi smra bar bcas pa daṅ | gtam mi smra par bcas pa daṅ | loṅs spyod mi gcig par bcas nas bsgos pa ste ||
de ltar na las gaṅ dge ’dun gyis las su bya ba’i (5) las de maṅ po’am | gñis sam ||
gcig gis kyaṅ de bźin no ||
las ’tshal bźin du dge ’dun gyis bgyid pa’i las de ñid ’tshal na gñis sam | gcig gis kyaṅ de bźin pa mchis sam | gsuṅs pa daṅ | las gaṅ śes bźin du dge ’dun gyis bya ba’i las de (6) ñid kyis śes kyaṅ maṅ po’am | gñis sam ||
gcig gis bya ba yaṅ yod do | ji ltar na las ’tshal bźin du dge ’dun gyis bgyid pa’i las de ñid ’tshal na maṅ po’am | gñis sam | gcig gis bgyi ba lags | de ’di ltar dge sloṅ la ||
dge sloṅ rnams (7) kyis phyag mi ’tshal bar bcas pa daṅ | gtam mi smra bar bcas pa daṅ | loṅs spyod mi gcig par bcas nas bsgos pa de lta bu ni gaṅ śes bźin du dge ’dun gyis bya ba’i las de ñid śes kyaṅ maṅ po’am | gñis sam ||
gcig gis kyaṅ de bźin no ||
raṅ gi (207a1) yi dam bźin dge ’dun las mdzad na raṅ gi yi dam bźin maṅ po’am | gñis sam ||
gcig gis de bźin du ’gyur ba mchis sam | gsuṅs pa | raṅ gi yi dam bźin dge ’dun las byed na’aṅ raṅ gi yi dam bźin maṅ po’am | gñis (2) sam | gcig gis bya ba yaṅ yod do ||
ji ltar na raṅ gi yi dam bźin dge ’dun las mdzad pa | raṅ gi yid ma bźin maṅ po’am gñis sam gcig gis bgyi ba lags ||
de ’di ltar dge sloṅ la dge sloṅ rnams kyis phyag mi bya ba la bcas pa daṅ | gtam mi (3) smra bar bcas pa daṅ | loṅs spyod mi gcig par bcas nas bsgos pa de lta bu ni raṅ gi yi dam bźin dge ’dun las byed na’aṅ raṅ gi yi dam bźin mad po’am | gñis sam ||
gcig gis kyaṅ de bźin no ||
gźan gyi yi dam gyis kyaṅ dge ’dun las mdzad na (4) gźan gyi yi dam gyis maṅ po’am | gñis sam | gcig gis kyaṅ de bźin du ’gyur ba mchis sam ||
de ’di ltar dge sloṅ la dge sloṅ rnams kyis phyag mi bya bar bcas pa daṅ | gtam mi sma bar bcas pa daṅ | loṅs spyod mi gcig par (5) bcas nas bsgos pa de lta bu ni gźan gyi yi dam gyis kyaṅ dge ’dun las byed na | gźan gyi yi dam gyis maṅ po’am | gñis sam | gcig gis kyaṅ sṅa ma bźin no ||
dran bźin du’aṅ dge ’dun gyis las mdzad na | dran bźin du ’aṅ maṅ po’am | gñis sam | (6) gcig gis kyaṅ de bźin du ’gyur ba ma mchis sam ||
bka’ stsal pa | dran bźin du’aṅ dge ’dun gyis las byed na’aṅ dran bźin du maṅ po’am | gñis sam | gcig gis kyaṅ de bźin du ’gyur ba yod do ||
de ’di ltar dge sloṅ la dge sloṅ rnams kyis phyag mi (7) bya bar bcas pa daṅ | gtam mi smra bar bcas pa daṅ | loṅs spyod mi gcig par bcas nas bsgos pa de lta bu ni dran bźin du’aṅ dge ’dun gyis las byed na | dran bźin du’aṅ maṅ po’am | gñis sam ||
gcig gis kyaṅ sṅa ma bźin no ||
mi dran pa las kyaṅ (207b1) mchis sam ||
sṅa ma bźin te mi dran kyaṅ maṅ po’am | gñis sam | gcig źes bya ba’i bar du de bźin no ||
mṅon sum du gyur kyaṅ dge ’dun gyis las mdzad na | mṅon sum du gyur kyaṅ maṅ po’am ||
gñis sam | gcig gis kyaṅ de bźin du ’gyur ba mchis (2) sam | gsuṅs pa | mṅon sum du gyur kyaṅ maṅ po’am | gñis sam | gcig gis de bźin du ’gyur ba yod de | de ’di ltar dge sloṅ la dge sloṅ rnams kyis phyag mi bya bar bcas pa daṅ | gtam mi smra bar bcas pa daṅ | loṅs spyod mi gcig par (3) bcas nas bsgos pa de lta bu ni mṅon sum du gyur kyaṅ dge ’dun gyis las byed na | mṅon sum du gyur kyaṅ maṅ po’am | gñis sam | gcig gis sṅa ma bźin no ||
mṅon sum du ma gyur kyaṅ dge ’dun gyis las bgyis na mṅon sum du ma gyur kyaṅ de bźin du ’gyur (4) ba mchis sam ||
de ’di ltar dge sloṅ la dge sloṅ rnams kyis kyaṅ phyag mi bya bar bcas pa daṅ | gtam mi smra bar bcas pa daṅ | loṅs spyod mi gcig par bcas nas bsgos pa de lta bu ni mṅon sum du ma gyur kyaṅ dge ’dun gyis la byed (5) na mṅon sum du ma gyur kyaṅ maṅ po’am | gñis sam | gcig gis kyaṅ sṅa ma bźin no ||
sma dbab pa’i las bsdigs pa daṅ | smad pa daṅ | bskrad pa daṅ | slar bsdum pa bźi ste ||
bsdigs pa’i las su rigs pa las smad pa daṅ | bskrad pa daṅ | slar bsdum (6) pa’i las bgyis na | bgyis bźes bgyi’am | bcom ldan ’das kyis bka’ stsal pa | don gaṅ gis dbaṅ du bya ba gsum po des sam | lṅa po des byas na byas pa źes bya’o ||
de ste mdo sde’i dbaṅ gis byed na ma byas pa źes bya’o ||
de ci’i phyir źe na | bsdigs pa’aṅ (7) gźan smad pa’aṅ gźan | bskrad pa’aṅ gźan | slar bsdum pa’aṅ gźan pa’i phyir rol ||
btsun pa smad pa’i las su rigs pa las bskrad pa daṅ | slar bsdum pa daṅ | bsdigs pa’i las bgyis na bgyis pa źes bgyi’am | bcom ldan ’das kyis bka’ (208a1) stsal ba | don gaṅ gi dbaṅ du byas pa gsum po des sam | lṅa po des byas na byas pa źes bya’o ||
de ste mdo sde’i dbaṅ gis byed nam byas pa źes bya’o ||
de ci’i phyir źe na | smad pa’aṅ gźan | bskrad pa’aṅ gźan | slar bsdum pa’aṅ gźan | (2) bsdigs pa’aṅ gźan pa’i phyir ro ||
btsun pa bskrad pa’i las su rigs pa las slar bsdum pa daṅ | bsdigs pa daṅ | smad pa’i las bgyis na bgyis pa źes bgyi’am | bcom ldan ’das kyis bka’ stsal pa | don gaṅ gi dbaṅ du byas pa gsum po des sam | (3) lṅa bo des byas na byas pa źes bya’o ||
de ste mdo sde’i dbaṅ gis byas na | ma byas pa źes bya’o ||
de ci’i phyir źe na | bskrad pa’aṅ gźan | slar bsdum pa’aṅ gźan | bsdigs pa’aṅ gźan | smad pa’aṅ gźan pa’i phyir ro ||
btsun pa slar bsdum pa’i las su (4) rigs pa las bsdigs pa daṅ | smad pa daṅ | bskrad pa’i las bgyis na bgyis pa źes bgyi’am | bcom ldan ’das kyis bka’ stsal pa | de na gaṅ gi dbaṅ du byas pa gsum po des sam | lṅa po des byas na byas ba źes bya’o ||
de ste mdo sde’i dbaṅ gis byas na (5) ma byas pa źes bya’o ||
de ci’i phyir źe na | slar bsdum pa’aṅ gźan | bsdigs pa la sogs pa yaṅ gźan gyi phyir ro ||
dṅos po gaṅ gis bskrad pa’i las su bgyi ba’i dṅos po des smad pa daṅ | bsdigs pa daṅ | slar bsdum par ruṅ ṅam | bcom ldan ’das (6) kyis bka’ stsal pa | de’i don gyi dbaṅ du byas na ruṅ ṅo ||
dṅos po gaṅ gis smad pa’i las su bgyi ba’i dṅos po des bskrad pa daṅ | bsdigs pa daṅ | slar bsdum par ruṅ ṅam | bcom ldan ’das kyis bka’ stsal pa | de’i don gyis dbaṅ du byas na ruṅ ṅo ||
(7) dṅos po gaṅ gis bsdigs pa’i las su bgyi ba’i dṅos po des slar bsdum pa daṅ | bskrad pa daṅ | smad par ruṅ ṅam | bcom ldan ’das kyis bka’ stsal pa | de’i don gyi dbaṅ du byas na ruṅ ṅo ||
dṅos po gaṅ gis slar bsdum pa’i las su bgyi ba’i dṅos po (208b1) des bskad pa daṅ | bsdigs pa daṅ | smad par ruṅ ṅam | bcom ldan ’das kyis bka’ stsal pa | de’i don gyi dbaṅ du byas nas ruṅ ṅo ||
dṅos po gaṅ gis lhag ma med pa’i noṅs par ’gyur ba’i dṅos po des lhag ma daṅ bcas par ’gyur ba mchis sam | bcom (2) ldan ’das kyis bka’ stsal pa | yod de ||
’di ltar dge sloṅ ma thun moṅ ma yin pa’i phas pham pa bźi byas na lhag ma med par ’gyur ro ||
dge sloṅ la ni lhag ma daṅ bcas par ’gyur ro ||
dṅos po gaṅ gis phas pham pa’i dṅos po gaṅ gis noṅs par ’gyur ba’i (3) dṅos po des dge ’dun gyi lhag mar ’gyur ba mchis sam | bcom ldan ’das kyis bka’ stsal pa | yod de ||
dge sloṅ ma ni lus kyis reg par spyad pas phas pham par ’gyur ro ||
dge sloṅ la dge ’dun gyi lhag mar ’gyur ro ||
dṅos po gaṅ gis phas pham pa’i (4) noṅs par ’gyur ba’i dṅos po des ltuṅ bar ’gyur ba mchis sam | bcom ldan ’das kyis bka’ stsal pa | yod de ||
dge sloṅ mas śes bźin du dge sloṅ ma’i ñes pa sbom po’i ñes pa skya reṅs byuṅ gi bar du bcabs na phas pham par ’gyur ro ||
dge sloṅ dag gis (5) dge sloṅ gi bcabs na ltuṅ bar ’gyur ro ||
dṅos po gaṅ gis phas pham par ’gyur ba’i dṅos po des ñes byas su ’gyur ba mchis sam ||
bcom ldan ’das kyis bka’ stsal pa | yod de ||
dge sloṅ mas ’di ltar dge ’dun ’dus pas chos bźin du dge (6) sloṅ pha ma mthoṅ ṅo źes nas spaṅs pa’i rjes su źugs pa de la dge ’dun gyi naṅ du lan gsum gyi bar du bsgo yaṅ mi gtoṅ na mo la ni phas pham par ’gyur ro ||
dge sloṅ gis bsgos te ma btaṅ na ñes byas su ’gyur ro ||
dṅos po gaṅ gis dge ’dun gyi lhag mar (7) ’gyur la | dṅos po de ñid ltuṅ bar ’gyur ba mchis sam ||
bcom ldan ’das kyis bka’ stsal pa | yod de ||
dge sloṅ gis bsams bźin du khu ba phyuṅ na dge ’dun gyi lhag mar ’gyur ro ||
dge sloṅ mas phyuṅ na ltuṅ bar ’gyur ro ||
dṅos po gaṅ gis dge (209a1) ’dun gyi lhag mar ’gyur la dṅos po de ñid kyis ñes byas su ’gyur ba mchis sam | bcom ldan ’das kyis bka’ stsal pa | yod de ||
dge sloṅ ma dus ma yin par don gyi phyir phyi rol du byuṅ na dge ’dun gyi lhag mar ’gyur ro ||
dge sloṅ la ni (2) ñes byas su ’gyur ro ||
gaṅ gi dṅos pos ltuṅ bar ’gyur la | de’i dṅos pos so sor bśags par ’gyur ba mchis sam ||
bcom ldan ’das kyis bka’ stsal pa | yod de ||
dge sloṅ gis ñe du ma yin pa las bsod pa’i zas blaṅs na ltuṅ bar ’gyur ro ||
dge (3) sloṅ mas blaṅs na so sor bśags par ’gyur ro | gaṅ gis dṅos po ltuṅ bar ’gyur la ||
de’i dṅos po de ñid kyis ñes byas su ’gyur ba mchis sam ||
bcom ldan ’das kyis bka’ stsal pa | yod de ||
dge sloṅ mas rtswa sṅon po’i steṅ du bśad gci byas na ltuṅ (4) bar ’gyur ro ||
dge sloṅ gis byas na ñes byas su ’gyur ro ||
dṅos po gaṅ gis so sor bśags par ’gyur la ||
de’i dṅos po de ñid kyis ñes byas su ’gyur ba mchis sam | bcom ldan ’das kyis bka’ stsal pa | yod de ||
dam bcas pa’i slob pa’i rigs pa (5) las | bdag gis lag gis dar te | bza’ ba daṅ bca’ bdag blaṅs na so sor bśags par ’gyur ro ||
dge sloṅ mas blaṅs na ñes byas su ’gyur ro ||
rkun gnas su yi dam ’cha’ bźin bsñen par ma rdzogs na yaṅ bsñen par rdzogs par mi bgyi ba daṅ | bsñen par (6) rdzogs na yaṅ sla raṅ byuṅ ba daṅ bsñen par ma rdzogs yaṅ bsñen par rdzogs par bgyi ba daṅ | bsñen par rdzogs pa la mi dbyuṅ bar mchis sam | bcom ldan ’das kyis bka’ stsal pa | lan gñis sam lan gsum gyi bar du gso sbyoṅ mdon du myoṅ na de bsñen par ma (7) rdzogs na bsñen par rdzogs par mi bya | bsñen par rdzogs na yaṅ slar dbyuṅ bar bya ||
gaṅ źig gis gso sbyoṅ lan gcig myoṅ na de bsñen par ma rdzogs na yaṅ bsñen par rdzogs par bya ||
bsñen par rdzogs na yaṅ dbyuṅ bar mi bya’o ||
dge sloṅ ma sun phyuṅ ba yi (209b1) dam ’cha’ bźin du bsñen par ma rdzogs na yaṅ bsñen par rdzogs par mi bgyi ba daṅ | bsñen par rdzogs na yaṅ slar dbyuṅ ba daṅ | bsñen par ma rdzogs pa na yaṅ bsñen par rdzogs par bgyi pa daṅ | bsñen par rdzogs na yaṅ mi dbyuṅ bar mchis sam ||
bcom (2) ldan ’das kyis bka’ stsal pa | yod de | mi tshaṅs par spyod pa dag gis dge sloṅ ma sun phyuṅ par gyur pa de ni bsñen par ma rdzogs na yaṅ bsñen par rdzogs pa mi bya | bsñen par rdzogs na yaṅ slar dbyuṅ bar bya ||
gaṅ gis lus kyis reg pas dge sloṅ ma sun phyuṅ ba de ni (3) bsñen par ma rdzogs na yaṅ bsñen par rdzogs par bya ||
bsñen par rdzogs na yaṅ slar mi dbyuṅ bar bya’o ||
dge ’dun gyi dbyen byas par yi dam ’cha’ bźin bsñen par ma rdzogs na yaṅ bsñen par rdzogs par mi bgyid bsñen par rdzogs na yaṅ slar dbyuṅ ba daṅ | bsñen (4) par ma rdzogs na yaṅ bsñen par rdzogs par bgyi ba daṅ | bsñen par rdzogs na yaṅ slar mi dbyuṅ bar mchis sam ||
bcom ldan ’das kyis bka’ stsal pa | yod de | gaṅ chos ma yin pa la chos ma yin par ’du śes pa daṅ | dbyen kyaṅ chos ma yin par mthoṅ (5) bźin dge ’dun phye bar gyur pa daṅ | chos ma yin pa la chos su ’du śes śiṅ dbyen chos ma yin par mthoṅ bźin dge ’dun phye bar gyur pa daṅ | chos ma yin pa la the tshom du gyur ciṅ dbyen yaṅ chos ma yin par mthoṅ bźin dge ’dun phye bar gyur pa de bsñen par ma (6) rdzogs na bsñen par rdzogs par mi bya ||
bsñen par rdzogs na yaṅ slar dbyuṅ bar bya ||
gaṅ gis chos ma yin pa la chos su ’du śes bźin dge ’dun gyi dbyen du gyur ciṅ dbyen du gyur ciṅ dbyen la’aṅ chos bźin mthoṅ na de bsñen par ma rdzogs na yaṅ bsñen par rdzogs par bya ||
bsñen (7) par rdzogs na yaṅ mi dbyuṅ bar bya’o ||
ma bsad par khas len bźin du bsñen par ma rdzogs na yaṅ bsñen par rdzogs par mi bgyi ba daṅ | bsñen bar rdzogs na yaṅ slaRa dbyuṅ bar bgyi ba daṅ | bsñen par ma rdzogs na yaṅ bsñen par rdzogs par bgyi ba daṅ | (210a1) bsñen par rdzogs na yaṅ mi dbyuṅ ba mchis sam | bcom ldan ’das kyis bka’ stsal pa | yod de ||
gaṅ raṅ gi lag gis bsams bźin ma’i ’tsho ba daṅ phral bar gyur pa de ni bsñen par ma rdzogs na bsñen par rdzogs par mi bya ||
bsñen par (2) rdzogs na yaṅ slar dbyuṅ bar bya’o ||
gaṅ gis gźan gyi ’du śes pas ma’i ’tsho ba daṅ phral bar gyur pa de ni bsñen par ma rdzogs na yaṅ bsñen par rdzogs par bgyis śig | bsñen par rdzogs na yaṅ slar ma dbyuṅ śig | de bźin du pha daṅ | dgra bcom pa daṅ | (3) ñan thos kyaṅ ṅo ||
btsun pa ci dge sloṅ dge ba’i sams kyis ma ’tsho ba daṅ phral lam | ’on te mi dge ba’i sems sam | ’on te luṅ du mi ston pa’i sems kyis ma’i srog gcod ||
bcom ldan ’das kyis bka’ stsal pa | u bā li dge sloṅ dge ba’i sems daṅ | (4) mi dge ba’i sems daṅ | luṅ du mi ston pa’i sems kyis kyaṅ ma’i ’tsho ba daṅ bral bar byed do ||
btsun pa ci dge sloṅ dge ba’i sems kyis ma ’tsho ba daṅ bral na bas pham pa’i noṅs par ’gyur źiṅ mtshams med pa’i las su yaṅ ’gyur ba mchis sam ||
bcom (5) ldan ’das kyis bka’ stsal pa | u bā la dge sloṅ mi dge ba’i sems kyis ma ’tsho ba daṅ phral na phas pham pa’i ñes par yaṅ ’gyur la mtshams med pa’i las su yaṅ ’gyur ro ||
dge ba’i sems kyis ma ’tsho ba daṅ phral na phas pham par mi ’gyur źiṅ mtshams (6) med pa’i las su mi ’gyur ba yaṅ yod do ||
btsun pa ci dge sloṅ gis mi dge ba’i sems kyis ma ’tsho ba daṅ phral na phas pham par yaṅ ’gyur la mtshams med pa’i las su yaṅ ’gyur ram | mi dge ba’i sems kyis ma ’tsho ba daṅ phral na phas pham par mi (7) ’gyur la | mtshams med pa’i las su mi ’gyur ba mchis sam | bcom ldan ’das kyis bka’ stsal pa | u pā li mi dge ba’i sems kyis ma ’tsho ba daṅ phral na phas pham par yaṅ ’gyur la mtshams med pa’i las su yaṅ ’gyur ro ||
mi dge ba’i sems (210b1) kyis ma ’tsho ba daṅ phral na phas pham par yaṅ mi ’gyur la mtshams med pa’i las su mi ’gyur pa yaṅ yod do ||
btsun pa ci dge sloṅ luṅ mi ston pa’i sems kyis ma ’tsho ba daṅ phral na phas pham par yaṅ ’gyur la mtshams med pa’i las su ’gyur ba mchis sam | luṅ (2) du mi ston pa’i sems kyis ma ’tsho ba daṅ phral na phas pham par yaṅ mi ’gyur la mtshams med pa’i las su yaṅ mi ’gyur ba mchis sam | bcom ldan ’das kyis bka’ stsal pa | u bā li dge sloṅ luṅ du mi ston pa’i sems kyis ma ’tsho ba daṅ phral na phas pham par yaṅ (3) ’gyur la mtshams med pa’i las su yaṅ ’gyur ro ||
luṅ du mi ston pa’i sems kyis ma ’tsho ba daṅ bral na phas pham par yaṅ mi ’gyur la mtshams med pa’i las su yaṅ mi ’gyur ro ||
btsun pa ji ltar dge sloṅ gis dge ba’i sems kyis ma ’tsho ba daṅ phral na phas pham (4) pa’i noṅs par yaṅ ’gyur la | mtshams med pa’i las su yaṅ ’gyur ||
ji ltar na dge sloṅ dge ba’i sems kyis ma ’tsho ba daṅ phral na phas pham pa’i noṅs par yaṅ mi ’gyur la mtshams med pa’i las su yaṅ mi ’gyur ba lags ||
bka’ stsal pa | u bā li ’di (5) ltar dge sloṅ gis ma źig nad bu can yun riṅ źig nas mi bde sdug bsṅal gyis drag tu gzir źiṅ gnod pa cher ’gyur ba myoṅ ba des de lta bu’i rkyen gyis ma ’tsho ba daṅ phral na phas pham pa’i ñes par yaṅ ’gyur la | mtshams med pa’i las su yaṅ ’gyur ro ||
’di ltar dge (6) sloṅ des man ba la ’bras chan daṅ | nas thug daṅ | khu ba daṅ | śa daṅ | ri dgas kyi śa byin pa las | de yaṅ de’i rkyen gyis dus ’das na de de la phas pham pa’i ñes par mi ’gyur źiṅ mtshams med pa’i las su yaṅ mi ’gyur ro ||
de ltar na dge sloṅ dge ba’i sems (7) kyis ma ’tsho ba daṅ phral na phas pham pa’i ñes par yaṅ ’gyur la de mtshams med pa’i las su ’gyur la ||
de ltar na dge sloṅ dge ba’i sems kyis ma ’tsho ba daṅ phral na phas pham pa’i ñes par yaṅ mi ’gyur la de mtshams med pa’i las su yaṅ mi ’gyur ro ||
btsun pa (211a1) ji ltar na dge sloṅ mi dge ba’i sems kyis ma ’tsho ba daṅ bral na phas pham pa’i noṅs par yaṅ ’gyur la ||
mtshams med pa’i las su yaṅ ’gyur ||
ji ltar na dge sloṅ mi dge ba’i sems kyis ma ’tsho ba daṅ phral na phas pham pa’i noṅs par yaṅ mi ’gyur la | (2) mtshams med pa’i sug las su yaṅ mi ’gyur ba gaṅ lags ||
gsuṅs pa | u bā li ’di ltar dge sloṅ gis nos gyis phyir ram | rkaṅ ’gros kyi phyir yaṅ ruṅ ma’i ’tsho ba daṅ phral na phas pham pa’i ñes par yaṅ ’gyur la | mtshams med pa’i las su yaṅ ’gyur ro | (3) ’di ltar yaṅ dge sloṅ mi dge ba’i sems kyis bal glaṅ la brdeg gam lug gam ra la brdeg sñam pa las mal phog ste ||
de’i rkyen gyis de dus ’das na de la phas pham pa’i ñes par yaṅ mi ’gyur la mtshams med pa’i las su yaṅ mi ’gyur ro ||
de ltar na mi dge (4) ba’i sems kyis ma’i ’tsho ba daṅ phral na phas pham pa’i ñes par yaṅ ’gyur la ||
mtshams med pa’i las su yaṅ ’gyur ro ||
de ltar na mi dge ba’i sems kyis ma ’tsho ba phral na phas pham par yaṅ mi ’gyur la mtshams med pa’i las su yaṅ mi ’gyur ro ||
ji (5) ltar na luṅ du mi ston pa’i sems kyis ma ’tsho ba daṅ phral na phas pham pa’i noṅs par yaṅ ’gyur la mtshams med pa’i las su yaṅ ’gyur ba gaṅ lags ||
luṅ du mi ston pa’i sems kyis ma ’tsho ba daṅ phral na phas pham pa’i noṅs par yaṅ mi ’gyur la mtshams (6) med pa’i las su mi ’gyur ba gaṅ lags ||
bka’ stsal pa | ’di ltar laṅ dge sloṅ la las ma gsad pa’i phyir thabs sbyar te de ñal lo ||
de ñal ba’i ’og tu ma ’tsho ba daṅ phral na phas pham pa’i ñes par yaṅ ’gyur la mtshams med pa’i las su yaṅ ’gyur ro | (7) ’di ltar dge sloṅ luṅ du mi ston pa’i sems kyis sa la brdeg go ||
śiṅ gi lo ma la brdeg go sñam pa las ma la phog ste de’i rkyen gyis dus ’das na phas pham pa’i ñes par yaṅ mi ’gyur la mtshams med pa’i las su yaṅ mi ’gyur ro ||
de ltar na dge sloṅ luṅ (211b1) du ma bstan pa’i sems kyis ma bsad na phas pham pa’i ltuṅ bar yaṅ ’gyur ||
mtshams med pa’i las su yaṅ ’gyur ro ||
luṅ du mi ston pa’i sems kyis ma bsad na phas pham pa’i ñes par yaṅ mi ’gyur la mtshams med pa’i las su yaṅ mi ’gyur ro ||
de bźin du (2) pha daṅ | ñan thos kyi dgra bcom pa yaṅ de bźin no ||
’dul ba gźuṅ dam pa || bam po bźi bcu rtsa lṅa pa |
btsun pa dge sloṅ mtshams kyi naṅ na lhan cig gnas pa las thog ma nas ma spaṅs par dge ’dun kyaṅ ma ’dus pa de’i tshe tshig tsam gyis las (3) thams cad bgyis na bgyis pa źes kyaṅ bgyi la noṅs par mi ’gyur ba mchis sam | bcom ldan ’das kyis bka’ stsal pa | yod de ||
de bźin gśegs pa dgra bcom pa yaṅ dag par rdzogs pa’i saṅs rgyas te ||
de lta ba na de’i phyir ṅas maud gal gyi bu (4) la khyed cag gis so sor thar pa’i mdo lhogs śig | de bźin gśegs pa la so sor thar pa’i mdo klog pa ma sdod cig ces bsgo ba yin no ||
yaṅ dge sloṅ la la gso sbyin lṅa las gaṅ yaṅ ruṅ ba’i gso sbyin mṅon du ma myoṅ na gso sbyin bgyis śiṅ noṅs par (5) yaṅ mi ’gyur ba mchis sam ||
bcom ldan ’das kyis bka’ stsal pa | yod de ||
gso sbyin byin gyis brlabs pa’o ||
btsun pa bcom ldan ’das kyis khyim pa ’dug par gso sbyin mi bya źiṅ so sor thar pa ma klog śig ces gsuṅs na | khyim pa mchis bźin (6) du dge ’dun gyis gso sbyin bgyis te so sor thar ba’i mdo bklags na bklags pa źes kyaṅ bgyi la noṅs par yaṅ mi ’gyur ba mchis sam ||
bcom ldan ’das kyis bka’ stsal pa | de lta bu yaṅ yod de ||
ṅas ’di ltar dge sloṅ rnams khyed kyis ko sa la’i rgyal (7) po gsal rgyal ba’i mdun du ’khor gźan med par byos la so sor thar pa’i mdo lhogs śig daṅ de rab tu dad par ’gyur ro ||
bcom ldan ’das dge sloṅ dge ba’i sems daṅ ldan pas noṅs par ’gyur ram ||
de ste mi dge ba’i sems daṅ | (212a1) luṅ du mi ston pa’i sems kyis noṅs par ’gyur ||
bcom ldan ’das kyis bka’ stsal pa | dge sloṅ dge ba’i sems daṅ mi dge ba’i sems daṅ | luṅ du mi ston pa’i sems kyis ñes par ’gyur ba yod do ||
dge ba’i sems kyis ji ltar (2) źe na | ’di ltar dge sloṅ gsar bu bslab pa’i yi dam la mi mkhas bas mchod rten ’khor gyi rtswa rṅa ’am | ’chag sa daṅ khyams kyi rtswa rṅa’am | me tog ’thog pa ni dge ba’i sems kyis so ||
mi dge ba’i sems kyis ñes pa ji ltar źe na | saṅs rgyas kyis (3) bslab par bcas pa la bsams bźin du ’da’ ba ’dzi ni mi dge ba’i sems so ||
luṅ du mi ston pa’i sems kyis ji ltar źe na | saṅs rgyas kyis bslab pa bcas pa la bsams bźin du ’da’ ba ste ||
de lta bu ni luṅ du mi ston pa’i sems kyis so ||
btsun pa dgra bcom (4) pa dag dge ba’i sems kyis noṅs par ’gyur ram ||
de ste luṅ du mi ston pa’i sems kyis noṅs par ’gyur | bcom ldan ’das kyis bka’ stsal pa | u bā li dgra bcom pa byed na thams cad kyaṅ luṅ du mi ston pa’i sems kyis ñes par ’gyur ba źes bya’o ||
btsun (5) pa ji ltar na dge sloṅ dgra bcom pa noṅs par bgyid na de dag thams cad kyaṅ luṅ du mi ston pa’i sems kyis bgyid pa źes bgyi ||
u bā li ’di ltar dge sloṅ dgra bcom pas brgya lam brgya lam na dran pa ñams par gyur nas chos gos ci chog tu ’chaṅ la ||
spyar ma med (6) par groṅ du ’jug | yaṅ yaṅ za ||
’dus śis za | gñid log pa’i tshe mal stan chen po’i steṅ du bźag pa daṅ | gñid log pa’i tshe bud med kyi mal du bsñal ba daṅ | bsñen par ma rdzogs pa rnams doṅ ba’i tshe ñal la phyis bsñen par ma rdzogs pa rnams ’aṅs (7) na de su daṅ lhan cig ’dug ’dug pa de la laṅs pa’i tshe chos bźin du bśags pa de lta bu dag ni dge sloṅ dgra bcom pa la ñes par byed na thams cad kyaṅ luṅ du mi ston pa’i sems kyis byed ces bya’o ||
gaṅ dge ’dun bye ba de thams cad ’khrugs pa źes bgyi’am | (212b1) dge ’dun ’khrugs pa thams cad bye ba źes bgyi ||
dge ’dun bye ba dge ’dun ma ’khrugs pa yaṅ yod ||
dge ’dun ’khrugs la dge ’dun la bye ba yaṅ yod ||
dge ’dun bye la dge ’dun ’khrugs pa’aṅ yod ||
dge ’dun ma bye la dge ’dun la ’khrugs pa’aṅ yod (2) do||
dge ’dun bye la dge ’dun ma ’khrugs pa gaṅ źe na | ’di ltar dge ’dun dag bye bar ni gyur gyi dge ’dun bye bar byed pa’i dṅos po bcu bźi po śin tu ruṅ bar byas śiṅ ma bzuṅ ba yin te ||
de ltar na dge ’dun bye la ma ’khrugs pa yin no ||
dge ’dun ’khrugs la (3) dge ’dun ma bye ba gaṅ źe na | de ’di ltar dge ’dun bye bar byed pa’i dṅos po bcu bźi po śin tu ruṅ bar byas śiṅ bzuṅ ba yin gyi dge ’dun ni bye bar ma gyur te | de ltar dge ’dun ’khrugs la bye bar ma ’gyur ba’o ||
dge ’dun bye la ’khrugs par gyur pa gaṅ źe na | ’di ltar (4) dge ’dun bye bar yaṅ gyur te | bye bar byed pa’i dṅos po bcu bźi po yaṅ śin tu ruṅ bar byas śiṅ bzuṅ bas ni dge ’dun bye la dge ’dun ’khrugs pa yin no ||
dge ’dun ’khrugs pa’aṅ ma yin la dge ’dun ma bye ba gaṅ źe na | rnam pa ’di rnams la gtogs pa’o ||
gaṅ (5) dge ’dun bye ba de thams cad dge ’dun tha dad pa źes bgyi ’am | gaṅ dge ’dun tha dad pa de thams bye ba źes bgyi ||
dge ’dun bye la dge ’dun tha dad pa ma yin pa yaṅ yod ||
dge ’dun yaṅ tha dad la dge ’dun ma bye ba yaṅ yod ||
dge ’dun bye ba yaṅ yin la dge (6) ’dun tha dad par gyur pa yaṅ yod ||
dge ’dun bye ba yaṅ ma yin la dge ’dun tha dad par yaṅ ma gyur par yod do ||
dge ’dun bye la dge ’dun tha dad par ma gyur pa gaṅ źe na | de ’di ltar dge ’dun bye bar ni gyur la dge ’dun gñis tha dad du mi gnas ||
don gyis ma byed | (7) mtshams kyis ma bye | rñed pa lam bye ||
zas la ma bye ba ni dge ’dun bye la dge ’dun tha dad du gyur pa ma yin no ||
dge ’dun tha dad la dge ’dun tha dad du gyur pa ma yin no ||
dge ’dun tha dad la dge ’dun bye ba ma yin pa gaṅ źe na | de ’di ltar dge ’dun gyis tha dad du gnas | don gyis bye | mtshams kyis bye ||
rñed (213a1) pa la bye ||
zas la bye ba de ni dge ’dun gñis tha dad du gyur la dge ’dun ma bye ba ste | de ni dge ’dun tha dad la dge ’dun bye ba ma yin pa’o ||
dge ’dun bye la dge ’dun tha dad pa gaṅ źe na | de ’di ltar dge ’dun yaṅ bye bar gyur la dge ’dun (2) gñis tha dad du gnas | don gyis bye ||
zas la bye ba de ni dge ’dun bye la dge ’dun tha dad du gyur pa yin no ||
dge ’dun bye ba yaṅ ma yin dge ’dun tha dad pa yaṅ ma yin pa gaṅ źe na | rnam pa ’di dag ma gtogs pa’o ||
gaṅ (3) dge ’dun bye ba de thams cad dge ’dun tha dad du gnas pa źes bgyi ’am | gaṅ dge ’dun tha dad par gnas pa de thams cad dge ’dun bye ba źes bgyi ||
dge ’dun bye la dge ’dun tha dad du mi gnas pa yaṅ yod ||
dge ’dun tha dad du gnas la dge ’dun ma bye ba yaṅ yod | (4) dge ’dun bye la dge ’dun tha dad par gnas pa yaṅ yod ||
dge ’dun ma bye la dge ’dun tha dad du mi gnas pa yaṅ yod do ||
dge ’dun bye la dge ’dun tha dad par mi gnas pa gaṅ źe na | de ’di ltar dge ’dun de dag bye bar gyur kyaṅ dge ’dun gñis tha dad du mi gnas (5) pa yin te ||
don gyis tha mi dad | mtshams kyis tha mi daṅ | rñed pas tha mi dad | zas la tha mi dad pa de ni dge ’dun bye la dge ’dun tha dad du mi gnas pa’o ||
dge ’dun tha dad par gnas la dge ’dun ma bye ba gaṅ źe na | de ’di ltar dge ’dun gñis tha dad du gyur (6) te | don gyis tha dad | mtshams kyis tha dad | rñed pas tha dad | zas la tha dad pa de ni dge ’dun gñis tha dad par gnas kyaṅ ma bye ba ste ||
de ni dge ’dun tha dad par gnas la dge ’dun ma bye ba’o ||
dge ’dun bye la dge ’dun tha dad par gnas pa gaṅ źe na | de (7) ’di ltar dge ’dun bye bar gyur ||
dge ’dun gñis tha dad du gnas par gyur te ||
don la tha dad | mtshams la tha dad | rñed pa la tha dad | zas la tha dad pa de ni dge ’dun bye la tha dad par gnas pa’o ||
dge ’dun ma bye la dge ’dun tha dad du gnas pa’aṅ ma yin (213b1) pa gaṅ źe na | de ’di ltar rnam pa ’di dag ma gtogs pa’o ||
dge ’dun gyi ’byed pa de dag thams cad bskal bar mchis pa lags sam | gaṅ bskal par mchis pa thams cad dge ’dun gyi dbyen bgyis pa lags sam źes gsol pa daṅ | dge ’dun gyi dbyen (2) byas la bskal par mi gnas pa’aṅ yod | bskal par gnas la dge ’dun gyi dbyen kyaṅ byas la bskal bar gnas pa’aṅ yod ||
dge ’dun gyi dbyen kyaṅ mi byed la bskal par gnas pa yaṅ ma yin pa yod do | dge ’dun gyi dbyen byas la bskal par ma gnas pa (3) gaṅ źe na ||
gaṅ gi chos bźin du ’du śes pas dge ’dun phye bar gyur pa de ni dge ’dun phye la bskal par mi gnas pa’o ||
bskal par gnas la dge ’dun ma phye ba gaṅ źe na | klu’i rgyal po śugs ldan daṅ | klu’i rgyal po śin tu gnas pa daṅ | klu’i rgyal po (4) yid du ’oṅ ba daṅ ||
klu’i rgyal po dga’ bo daṅ | bsñen dga’ bo daṅ | la ba can daṅ | rta bzaṅs daṅ | gśin rje’i rgyal po daṅ | tshaṅs ris kyi lha daṅ | ’di dag ni bskal par gnas pa ste ||
dge ’dun gyi dbyen ma byas so ||
dge ’dun ’byed pa’aṅ yin (5) la bskal par gnas pa gaṅ źe na | lhas byin te ||
’di ni dge ’dun ’byed pa yaṅ yin la bskal par gnas pa yaṅ yin no ||
dge ’dun ’byed pa yaṅ ma yin la bskal bar gnas pa yaṅ ma yin pa gaṅ źe na | rnam pa ’di dag ma gtogs pa’o ||
gaṅ cuṅ (6) zad dge ’dun gyi dbyen bgyis pa de thams cad bskal bar gnas pa’i kha na ma tho bar ’gyur ram ||
gaṅ bskal par gnas pa’i kha na ma tho bar ’gyur ba de thams cad dge ’dun gyi dbyen bgyis lags sam | dge ’dun gyi dbyen byas la bskal par gnas pa’i (7) kha na ma tho bar mi ’gyur ba yaṅ yod ||
bskal bar gnas pa’i kha na ma tho bar ’gyur la dge ’dun gyi dbyen ma byas pa yaṅ yod ||
dge ’dun yaṅ ’byed la bskal par gnas pa’i kha na mtho bar ’gyur ba yaṅ yod ||
dge ’dun yaṅ ma phye la bskal bar (214a1) gnas pa’i kha na ma tho bar mi ’gyur ba yaṅ yod do ||
dge ’dun phye la bskal par gnas pa’i kha na ma tho bar mi ’gyur ba gaṅ źe na ||
gaṅ gis chos bźin dud ’du śes pas dge ’dun phye bar gyur pa ’di ni dge ’dun phye ba yin la bskal par gnas | (2) pa’i kha na ma tho bar mi ’gyur ba’o ||
bskal par gnas pa’i kha na ma tho bar ’gyur la dge ’dun ma phye ba gaṅ źe na ||
klu’i rgyal po śugs ldan daṅ | klu’i rgyal po śin tu gnas pa daṅ | klu’i rgyal po yid du ’oṅ ba daṅ | klu’i rgyal po dga’ bo daṅ | klu’i rgyal (3) bsñen dga’ bo daṅ | klu’i rgyal po la ba can daṅ | klu’i rgyal po rta bzaṅ daṅ | gśin rje’i rgyal po daṅ | tshaṅs ris kyi lha daṅ | ’di dag ni bskal par gnas pa’i kha na ma tho bar ’gyur la dge ’dun ma phye ba’o ||
dge ’dun yaṅ ’byed la bskal par gnas (4) pa’i kha na ma tho bar ’gyur ba ni lhas phyin te ||
’dis dge ’dun yaṅ phye la bskal par gnas pa’i kha na ma tho bar yaṅ ’gyur ro ||
dge ’dun ’byed pa yaṅ ma yin la bskal bar gnas pa’i kha na ma tho bar yaṅ mi ’gyur ba gaṅ źe na ||
rnam pa ’di rnams ma (5) gtogs so ||
gaṅ gis dge ’dun phye ba de thams cad log par ṅes pa lags sam ||
log par ṅes pa de thams cad ge ’dun ’byed pa lags sam ||
gsuṅs pa | dge ’dun ’byed par byed la log par ma ṅes pa’aṅ yod | log par ṅes pa dge ’dun (6) mi ’byed pa yaṅ yod | dge ’dun ’byed la log par ṅes pa yaṅ yod ||
dge ’dun yaṅ mi ’byed la log par ma ṅes par yaṅ yod do ||
dge ’dun ’byed la log par ma ṅes pa gaṅ źe na | gaṅ gis chos bźin du ’du śes bźin dge ’dun phye bar gyur pa de ni (7) dge ’dun ’byed par bgyid la log par ma ṅes pa’o ||
log par ṅes la dge ’dun mi ’byed pa gaṅ źe na ||
pha gsod pa daṅ | ma gsod pa daṅ | dgra bcom pa gsod pa daṅ | de bźin gśegs pa la ṅan sems kyis khrag phyuṅ ba de dag ni leg par (214b1) ṅes la dge ’dun gyi dbyen mi byed pa’o ||
dge ’dun gyi dbyen yaṅ byas la log par yaṅ ṅes par gaṅ źe na | lhas byin yin te ||
dge ’dun yaṅ phye la log par yaṅ ṅes pa’o ||
dge ’dun phye ba yaṅ ma yin la legs par ma ṅes pa gaṅ źe na ||
de rnams ma gtogs (2) pa’o | |gaṅ dge ’dun gyi dbyen byed pa de thams cad mi mkhas pa lags la mi mkhas pas smra ba yaṅ lags sam ||
gaṅ mi mkhas la mi mkhas par smra ba de thams cad dge ’dun gyis dbyen bgyid pa lags sam ||
gsuṅs pa | dge ’dun gyi dbyen byed la mi mkhas (3) pa ma yin la mi mkhas par smra ba ma yin pa yaṅ yod | mi mkhas la mi gnas par smra źiṅ dge ’dun gyi dbyen du mi ’gyur ba yaṅ yod | dge ’dun gyi dbyen yaṅ byas śiṅ mi mkhas la mi mkhas par smra ba yaṅ yod ||
dge ’dun gyi dbyen yaṅ ma byas la mi mkhas pa (4) yaṅ ma yin mi mkhas par smra ba ma yin pa yaṅ yod do ||
dge ’dun gyi dbyen byas la mi mkhas pa yaṅ ma yin mi mkhas par smra ba yaṅ ma yin pa gaṅ źe na ||
gaṅ gis chos bźin du ’du śes bźin dge ’dun gyi dbyen byas par gyur na de lta bu ni dge ’dun gyi dbyen byas la (5) mi mkhas pa yaṅ ma yin mi mkhas par smra ba’aṅ ma yin pa’o ||
mi mkhas la mi mkhas par smra yaṅ dge ’dun gyi dbyen du mi ’gyur ba gaṅ źe na | ston pa drug por yi dam bcas pa ste | de ni mi mkhas la mi mkhas par smras kyaṅ dge ’dun gyi dbyen du mi ’gyur ba’o ||
dge (6) ’dun gyi dbyen yaṅ byas la ma mkhas la mi mkhas par smra ba gaṅ źe na ||
de ni dge ’dun gyi dbyen yaṅ byas la mi mkhas la mi mkhas par smra ba’o ||
dge ’dun gyi dbyen yaṅ ma byas la mi mkhas pa’aṅ ma yin mi mkhas par smra bar yaṅ ma yin pa gaṅ (7) źe na | de rnams ma gtogs pa’o ||
btsun pa dge sloṅ gis dge sloṅ gi dge ’dun gyi dbyen du ’gyur ram | ’on te dge sloṅ ma’am | dge sloṅ ma’am | dge chu la pha’am | dge tshul mas dge ’dun gyi dbyen du ’gyur ||
bcom ldan ’das kyis bka’ stsal pa | (215a1) dge sloṅ gis dge ’dun gyi dbyen du ’gyur gyi ||
dge sloṅ ma’am | dge slob ma’am | dge tshul pha daṅ | dge tshul mas dge ’dun gyi dbyen du mi ’gyur ro ||
btsun pa dge sloṅ mas dge ’dun ma’i dbyen du ’gyur ram | ’on te dge sloṅ ṅam | (2) dge slob ma’am | dge tshul pha daṅ | dge tshul mas dge sloṅ ma’i dge ’dun gyi dbyen du ’gyur ||
bcom ldan ’das kyis bka’ stsal pa ||
dge sloṅ mas dge ’dun ma’i dbyen du ’gyur gyis ||
dge slob ma’am | dge tshul phama’a | dge tshul (3) mas dge sloṅ ma’i dge ’dun gyi dbyen du mi ’gyur ro ||
btsun pa dge ’dun bye ba daṅ ldan nam ||
de ste kha na ma tho ba daṅ ldan ||
bcom ldan ’das kyis bka’ stsal pa ||
dge ’dun la ni bye ba daṅ ldan | ’byed pa’i gaṅ zag la ni kha na ma tho ba daṅ ldan no ||
dge ’dun gyi (4) dbyen bgyis na noṅs pa cir ’gyur ||
bcom ldan ’das kyis bka’ stsal pa ||
ñes pa sbom por ’gyur ro ||
dge ’dun phye na noṅs pa gaṅ bśags par bgyi | bcom ldan ’das kyis bka’ stsal pa | ñes pa sbom po’o ||
gaṅ ñe bar phyogs pa de thams cad mi gnas (5) pa’am ||
de ste gaṅ mi gnas pa de thams cad ñe bar phyogs pa lags | bka’ stsal pa | ñe bar phyogs la mi gnas pa ma yin pa’aṅ yod | mi gnas la ñe bar ma phyogs pa’aṅ yod ||
ñe bar phyogs la mi gnas par ’gyur ba yaṅ yod | ñe bar yaṅ ma phyogs la mi gnas pa’aṅ (6) yod do ||
ñe bar phyogs la mi gnas pa ma yin pa gaṅ źe na | gaṅ gis dṅos po lṅa la ñe bar phyogs par gyur ciṅ ñes pa rnam pa bźi po las gaṅ yaṅ ruṅ ñes pa byuṅ bar ma gyur pa de ni ñe bar phyogs pa ste | mi gnas par ’gyur ba ma yin no ||
mi gnas par ’gyur la ñe bar (7) phyogs pa ma yin pa gaṅ źe na | gaṅ gis ñes pa bźi las gaṅ yaṅ ruṅ ñes pa ni byuṅ bar gyur gyis dṅos po lṅa la khas blaṅs par ma gyur pa de ni mi gnas pa ste | ñe bar phyogs pa ma yin no ||
ñe bar phyogs la mi gnas par ’gyur ba gaṅ źe na | dṅos po lṅa khas blaṅs (215b1) par gyur ciṅ ñes pa bźi las gaṅ yaṅ ruṅ | ñes pa byuṅ ba de ni ñe bar phyogs la mi gnas par yaṅ ’gyur ba’o ||
ñe bar ma phyogs la mi gnas par yaṅ mi ’gyur ba gaṅ źe na | rnam pa de rnams la gtogs pa’o ||
gaṅ mi gnas pa de thams cad so sor gnas pa lags (2) lam | gaṅ so sor gnas pa de thams cad mi gnas pa lags sam | gsuṅs pa | mi gnas la so sor gnas pa ma yin pa yaṅ yod ||
so sor gnas la mi gnas pa ma yin pa yaṅ yod ||
mi gnas pa yaṅ yin la | so sor gnas pa yaṅ yod ||
mi gnas pa’aṅ (3) ma yin la so sor gnas pa ma yin pa yaṅ yod do ||
mi gnas la so sor gnas pa ma yin pa gaṅ źe na | de ’di ltar ñes pa rnam pa bźi las gaṅ yaṅ ruṅ byuṅ bar ni gyur gyi dge ’dun gyis ma mthoṅ ba’i phyir spaṅs pa daṅ | slar las mi byed pa daṅ | sdig pa la lta ba slar ma (4) btaṅ bas spaṅs par ma gyur ba de ni mi gnas pa ste | so sor gnas ṅa ni ma yin no ||
so sor gnas la mi gnas pa ma yin pa gaṅ źe na | de ’di ltar dge ’dun gyis ma mthoṅ ba’i phyir spaṅs pa daṅ | slar las mi byed pa daṅ | sdig pa la lta ba slar ma btaṅ nas spaṅs par (5) ni gyur gyi ñes pa bźi las gaṅ yaṅ ruṅ ñes par ma gyur ba de ni so sor gnas la mi gnas pa ma yin pa’o ||
mi gnas pa yaṅ yin la so sor gnas pa gaṅ źe na | ñes pa bźi las gaṅ yaṅ ruṅ ñes pa yaṅ byuṅ bar gyur ||
ma mthoṅ ba’i phyir spaṅs pa daṅ | slar (6) las mi byed pa daṅ | sdig pa la lta ba slar ma btaṅ nas spaṅs par yaṅ gyur la ñes pa bźi po las gaṅ yaṅ ruṅ ñes pa byaṅ bar gyur pa de ni mi gnas la so sor gnas pa’o ||
mi gnas pa yaṅ ma yin la so sor gnas par yaṅ mi ’gyur ba gaṅ źe na | de rnams ma (7) gtogs pa ste ||
de rnams la gtogs pa ni mi gnas pa daṅ | so sor gnas pa ma yin pa’o ||
gaṅ gis spaṅ bar bgyi ba de bkar bźes kyaṅ bgyi’am | gsuṅs pa | gaṅ gis spaṅs pa de bkar ba’aṅ de ñid do ||
las gaṅ lags | dṅos po gaṅ lags | ñes pa (216a1) ’byin par byed pa las so ||
ma bśags pa ni dṅos po’o ||
gtan pa ni gaṅ lags | gtan pa gdeṅ ba ni gaṅ lags | gtan pa dbyuṅ ba ni gaṅ lags ||
gsuṅs pa | u bā li gos de’i miṅ ni gtan pa źes bya’o ||
der sems (2) bskyed pa na gtan pa btiṅ ba’o ||
rnam pa brgyad du bsams pa ni gtan pa phyuṅ ba’o ||
dge sloṅ ma lags par noṅs pa byuṅ la dge sloṅ du gyur na tshaṅs par ’gyur ba mchis sam | dge sloṅ gi tshe noṅs pa byuṅ la dge sloṅ mar gyur na tshaṅs par ’gyur ba mchis sam | bcom (3) ldan ’das kyis bka’ stsal pa | yod de | ji ltar dge sloṅ ma yin pa na ñes pa byuṅ la dge sloṅ du gyur na tshaṅs par ’gyur źe na | de ’di ltar dge sloṅ ma’i tsha thun moṅ ma yin pa’i dge ’dun gyi lhag ma’i ñes pa byuṅ ba las de mtshan ’phos te mtshan ’bos nas dge sloṅ pha’i naṅ (4) du ’oṅs na ñes pa tshaṅs bźes bya’o ||
ji ltar na dge sloṅ gi tshe noṅs par byuṅ la dge sloṅ ma lags pa’i tshe tshaṅs pa źes bgyi ||
de ’di ltar dge sloṅ gi tshe mi ’dra ba dge ’dun gyi lhag ma’i ñes pa byuṅ ba las de mtshan ’phos te mtshan ’phos nas dge sloṅ mar gyur na de ñes pa(5) tshaṅs pa źes bya’o ||
ma ’tshal bźin du noṅs pa byuṅ la ’tshal bźin du tshaṅs par ’gyur pa mchis sam ||
’tshal bźin du noṅs pa byuṅ la ma ’tshal bźin du tshaṅs par ’gyur ba mchis sam | bcom ldan ’das kyis bka’ stsal po | yod de ||
de ji ltar mi śes bźiṅ (6) du ñes pa byuṅ la śes bźin tshaṅs par ’gyur źe na | de ’di ltar dge sloṅ gñid log pa las bteg ste mal stan chen po mthon po steṅ du bźag pa’o ||
yaṅ na gñid kyis log ba las bud med kyi mal du bźag pa’o ||
bsñen par ma rdzogs pa phyir phyuṅ ste ñal ba daṅ | de’i (7) ’og tu bsñen par ma rdzogs pa de slar ’oṅs te ’dug nas bdag sad nas ñes pa de ñid ji ltar chos bźin slar byed pa de ni mi śes bźin du ñes par byuṅ ste śes nas tshaṅs par gyur pa’o ||
śes bźin ñes pa byuṅ la mi śes bźin tshaṅs par ’gyur ba gaṅ źe na | de ’di ltar dge (216b1) sloṅ dge ’dun gyi lhag ma’i ñes pa byuṅ ste | de dbyuṅ bar las kyi tshig rnams byed de gsol pa byas pa daṅ | de gñid kyis log nas las kyi tshig gsum mjug tu phyin pa daṅ | laṅs pa de lta bu ni śes bźin ñes pa byuṅ la mi śes bźin tshaṅs bar ’gyur ba’o | gñid (2) log pa’i tshe noṅs pa byuṅ la sad pa’i tshe tshaṅs par ’gyur ba mchis sam ||
sad pa’i tshe noṅs pa byuṅ la gñid log pa’i tshe tshaṅs par ’gyur ba mchis sam ||
bcom ldan ’das kyis bka’ stsal pa | yod de | gñid log pa’i tshe ñes pa byuṅ la sad pa’i tshe tshaṅs ṅar ’gyur (3) ba gaṅ źe na | de ’di ltar dge sloṅ gñid kyis log pa las mas stan mthon po mas stan chen po’i druṅ du bteg ste bźag pa daṅ | yaṅ gñid kyis log pa las bud med kyi mal du bźag pa daṅ | bsñen par ma rdzogs pa phyir phyuṅ ste | ñal ba’i ’og tu bsñen par ma rdzogs (4) ba de slar ’oṅs te ’dug nas bdag sad nas ñes pa ’di ñid ji ltar chos bźin slar byed pa de ni gñid log bźin ñes pa byuṅ la sad nas tshaṅs par gyur pa’o ||
sad bźin du ñes pa byuṅ la gñid log bźin tshaṅs par ’gyur ba gaṅ źe na | ’di ltar dge sloṅ dge ’dun gyi (5) lhag ma’i ñes pa byuṅ ste | de dbyuṅ bar las kyi tshig rnams byed de gsol pa byas pa daṅ | de gñid kyis log nas las kyi tshigs gsum mjug tu phyin pa daṅ | laṅs pa de lta bu ni sad bźin ñes pa byuṅ la gñid log bźin tshaṅs par gyur pa’o ||
dge sloṅ gis (6) gcig smras pas mjug tu phyin na des phas pham pa gsum ’byuṅ bar ’gyur ba mchis sam ||
bcom ldan ’das kyis bka’ stsal pa | yod de ||
de ’di ltar dge sloṅ gis dge sloṅ ma daṅ lhan cig tu ’di skad du gaṅ gi tshe ṅa mthoṅ ba na khyim bdag ’di źes bya ba las rdzas rin thaṅ (7) che ba źig ma byin bar blaṅs pa daṅ | mi ’tsho ba daṅ phral ba daṅ | ṅas dgra bcom pa yaṅ thob par yaṅ khyod kyis śes par gyis śig | de thams cad dge sloṅ mas tshig rdzogs par smras na’o ||
dge sloṅ gis gcig smras pa mjug tu phyin na de sa phas pham pa bźi ’byuṅ ṅo (217a1) bar ’gyur ba mchis sam ||
bcom ldan ’das kyis bka’ stsal pa | yod de ||
’di ltar dge sloṅ źig dge sloṅ ma daṅ lhan cig ’di skad du gaṅ gi tshe khyod kho bo mthoṅ ba na khyim bdag ’di źes bya ba las rdzas śig ma byin par blaṅs | mi ’tsho ba daṅ bral ba (2) daṅ | ’di źes bgyi ba’i rdzas phrogs pa daṅ | kho bos dgra bcom pa thob pa de ltar śes par bya’o źes ’thams ba’o ||
dge sloṅ gnas gcig na mchis bźin du noṅs pa’i phuṅ po lṅa ’byuṅ ba mchis sam ||
bcom ldan ’das kyis bka’ stsal pa | yod de ||
ston pa’i chos (3) gos kyi tshad tsam spyad na ñes byas su ’gyur ||
bslab pa’i sdom pa bcas pa’i groṅ nas raṅ gi lag gis bza’ ba daṅ bca’ ba blaṅs na so sor bśags bar ’gyur ro ||
bud med la tshig lṅa drug las lhag par chos bstan na ltuṅ ba’o ||
bud med la gnas ṅan len gyi tshig smras na (4) dge ’dun gyi lhag mar ’gyur ro ||
bud med la kun tu med bźin du mi las bla mar gyur pa’i chos bdag ñid kyis smras na phas pham par ’gyur ro ||
dge sbyoṅ sbyar ba gcig gis noṅs pa brgya’am stoṅ ṅam de bas kyaṅ maṅ du ’gyur ba mchis sam ||
bcom ldan ’das kyis bka’ (5) stsal pa | yod de ’di ltar dge sloṅ źig ’tshig khros tshig pa zos te yid ’khrugs nas skye bo maṅ po ’dus śiṅ ’khod pa la sran ma spar ba gaṅ ṅam phye spar ba gaṅ yaṅ ruṅ des gtor na des ji sñed phog pa de sñed kyi ñes par ’gyur ro ||
dge sloṅ źiṅ gis rdzas rin thaṅ che ba (6) źig gnas nas gnas su bskyod kyaṅ phas pham par mi ’gyur ba mchis sam ||
bcom ldan ’das kyis bka’ stsal pa | yod de | mi ma yin pa’i rdzas rin thaṅ che ba’am de ste mā śa lṅar mi cho ga pa’o ||
dge sloṅ gis mā śa gsum brkus na phas pham par ’gyur pa (7) mchis sam | bcom ldan ’das kyis bka’ stsal pa | yod de | mā śa rin thaṅ che bar gyur pa’o ||
dge sloṅ gis mā śa lṅa brkus kyaṅ phas pham par mi ’gyur ba mchis sam | bcom ldan ’das kyis bka’ stsal pa | yod de | kār ṣā pa ṇa rin thaṅ chuṅ bar gyur (217b1) ba’o | chuṅ ṅu źig ma byin par blaṅs par noṅs par ’gyur ba daṅ | chuṅ ṅu de ñid ma byin par blaṅs pas noṅs par mi ’gyur ba mchis sam | bcom ldan ’das kyis bka’ stsal pa | yod de ||
śog bal las chuṅ ṅu blaṅs na ñes par ’gyur ||
bal nag po (2) las chuṅ ṅu blaṅs na ñes par mi ’gyur ro ||
mñam par ’gyur ba las lhag par bgyis kyaṅ noṅs par ’gyur ba daṅ | mñam par bgyis pa las lhag par bgyis kyaṅ noṅs par mi ’gyur ba mchis sam ||
bcom ldan ’das kyis bka’ stsal pa | yod de ||
nag (3) po mñam par bya ba las lhag par bgyis na ñes par ’gyur | śog bal mñam par byas pa las lhag par byas pa la ñes par mi ’gyur ro ||
bgyi ba las ma bgyis te noṅs par ’gyur ba daṅ | bgyis te noṅs par mi ’gyur ba mchis sam | bcom ldan ’das kyis (4) bka’ stsal pa | yod de ||
gos sar pa rñed ba’i dge sloṅ gi kha dog bsgyur ba gsum las gaṅ yaṅ ruṅ kha dog bsgyur ba ma byas pas ñes pa’o | de ltar byas na ñes pa med pa’o ||
tshad bźin bgyis no noṅs par ’gyur ba daṅ | tshad bźin bgyis na noṅs par mi ’gyur (5) ba mchis sam ||
bcom ldan ’das kyis bka’ stsal pa | yod de ||
de bźin gśegs pa’i chos gos kyi tshad du bgyis na ñes par ’gyur ro ||
dkyil ’khor gyi tshad du byas na ñes par mi ’gyur ro ||
dṅos po gaṅ gis bsam gtan daṅ bo la sñoms par źugs na dge ’dun (6) gyi lhag mar ’gyur ba’i dṅos po de ñid kyis bsam gtan gñis pa daṅ | gsum pa daṅ ||
bźi pa la sñoms par źugs na dge ’dun gyi lhag mar ’gyur ba mchis sam ||
bcom ldan ’das kyis bka’ stsal pa | yod de | ’di ltar dge sloṅ des bsam gtan daṅ po la (7) sñoms par ’jug pa na bdag gis khaṅ pa rtsigs śig ces bsgo nas | de ska daṅ sgo ma thag tu bsam gtan daṅ po la sñoms par źugs te ||
de bsam gtan daṅ po la sñoms par źugs pa’i tshe khaṅ pa yaṅ zin par gyur na de la dge ’dun gyi lhag mar ’gyur ro ||
de’i (218a1) dṅos po de ñid kyis phyir bsams gtan gñis pa daṅ | gsum pa daṅ | bźi ba la sñoms par ’jug ba na des ṅa’i khaṅ pa rtsigs śig ces bsgo ste ||
bsgom thag tu bsam gtan gñis pa daṅ | gsum pa daṅ | bźid pa la sñoms par źugs pa daṅ (2) khaṅ pa yaṅ zin par gyur na dge ’dun gyi lhag mar ’gyur ro ||
dge sloṅ gis gaṅ na yaṅ noṅs pa ma bgyis la chuṅ ṅu na ñes byas tsam yaṅ ma bgyis na dge sloṅ du mi ruṅ ba mchis sam ||
bcom ldan ’das kyis bka’ stsal pa | yod de | mtshan ’phos par gyur pa’o ||
dge (3) sloṅ mas gaṅ na yaṅ noṅs pa ma bgyis la chuṅ ṅu na smad g-yogs rked pa las brlabs te bgo ba tsam yaṅ ma bgyis par dge sloṅ mas mi ruṅ ba mchis sam | bcom ldan ’das kyis bka’ stsal pa | yod de ||
dge sloṅ gtsug lag khaṅ gi naṅ du (4) źugs la de ñid kyi naṅ na chos gos ’dug bźin dbyar źig pa | źes kyaṅ bgyi | chos gos daṅ bral ba źes kyaṅ bgyi ||
yi dam las ’das pa daṅ bcas par yaṅ ’gyur ba mchis sam | bcom ldan ’das kyis bka’ stsal pa | yod de | de da’i ltar dge sloṅ dbyar tshul du (5) źugs pa las tha ma’i bdun po la bab ste ||
byin gyis ma brlabs par chos gos kyaṅ khri’am khri’u’am | gdaṅ la bźag na steṅ gi nam mkha’ la ’dug bźin du skya reṅs śar na de dbyar źig pa źes kyaṅ bya | chos gos daṅ bral ba źes kyaṅ bya ||
yi dam las ’gal (6) bas ’das pa daṅ bcas pa źes kyaṅ bya’o | dge sloṅ gcig pu gtsug lag khaṅ gi naṅ du źugs na phas pham par ’gyur ba mchis sam ||
bcom ldan ’das kyis bka’ stsal pa | yod de | mi tshaṅs par spyod pa ste | gaṅ źe na | mtshan riṅs daṅ | rgyab mñen no ||
ma (7) byin pa len pa daṅ ||
srog gcod pa gaṅ źe na ||
dge sloṅ des thabs sbyar te naṅ du źugs pa daṅ | des brkus par yaṅ gyur ||
srog gcod par yaṅ gyur pa’o | rdzun du smra ba’i rgyu gaṅ źe na | de ’di ltar da ni dgra bcom pa’o ||
ṅa ni saṅs rgyas so źes zer ba’o | (218b1) dge sloṅ gis dge sloṅ gi ’tsho ba daṅ phral na pha yaṅ ma lags | dgra bcom pa yaṅ ma lags bźin phas pham par yaṅ ’gyur la de mtshams med pa’i las su yaṅ ’gyur ba mchis sam | bcom ldan ’das kyis bka’ stsal pa | yod de | de ’di ltar dge sloṅ de’i (2) ma rab tu byuṅ ste bsñen par rdzogs par gyur pa las mtshan ’phos te mtshan ’aposa par gyur pa las srog gcod na phas pham pa yin la de mtshams med pa’i las kyis kyaṅ reg par ’gyur ro ||
dge sloṅ mas dge sloṅ ma’i ’cho ba daṅ phral na ma yaṅ ma lags ||
dgra bcom pa (3) yaṅ ma lags na phas pham par ’gyur źiṅ de mtshams med pa’i las su yaṅ ’gyur ba mchis sam | bcom ldan ’das kyis bka’ stsal pa | yod de ||
dge sloṅ ma de’i pha rab tu byuṅ źiṅ bsñen par rdzogs par gyur pa de’i mtshan ’phos te | mtshan ’phos nas de’i ’tsho ba (4) daṅ phral na phas pham pa yaṅ yin la de mtshams med pa’i las su yaṅ ’gyur ro ||
gźan gyis smras la de smras pa’i rkyen gyis gźan la phas pham par ’gyur ba mchis sam | bcom ldan ’das kyis bka’ stsal pa | yod de ||
de ’di ltar dge sloṅ mas dge sloṅ (5) ’dus pa dge ’dun gyis ma bciṅs pa’i phyir de’i rjes su phyogs te | de yaṅ dge ’dun gyi dbus su lan gsum gyi bar du bsgo yaṅ mi gtoṅ ba de ni phas pham par ’gyur ro ||
gźan gyis smras nas des smras pa’i rkyen gyis gźan la dge ’dun gyi lhag mar ’gyur ba mchis sam | (6) bcom ldan ’das kyis bka’ stsal pa | yod de | de ’di ltar gaṅ gis dge ’dun gyi dbyen byas pa daṅ | de’i rjes su phyogs pa daṅ | bka’ blo mi bde ba’i tshig dge ’dun gyi naṅ du lan gsum gyis bar du bsgo yaṅ slar mi gtoṅ ṅa ni dge ’dun gyi lhag mar ’gyur ro ||
gźan (7) gyis smras na de’i rkyen gyis gźan la noṅs par ’gyur ba mchis sam | bcom ldan ’das kyis bka’ stsal pa | yod de | de ’di ltar dge sloṅ gaṅ gis sdig ba la lta ba bzuṅ | rab tu bzuṅ nas slar mi gtoṅ ba de dge ’dun gyi naṅ du lan gsum gyi bar du bsgo yaṅ slar mi (219a1) gtoṅ ba ni ltuṅ bar ’gyur ro ||
gźan gyis smas pa de’i rkyen gyis gźan la slar bśags par ’gyur ba mchis sam ||
bcom ldan ’das kyis bka’ stsal pa | yod de ||
de ’di ltar dge sloṅ gaṅ gis groṅ du mgron du bos te zas za ba’i tshe de na (2) yaṅ dge sloṅ ma źig bsgo źiṅ ’dug ste | ’di la ’bras byin ||
’di la sran tshod byin | ’di la yaṅ byin źes zer ba de la la bsgo bar zos na slar bśags par ’gyur ro ||
gźan gyis smras la de’i rkyen gyis gźan la noṅs pa bgyis su ’gyur ba mchis sam | bcom ldan (3) ’das kyis bka’ stsal pa | yod de ||
de ’di ltar dge sloṅ gaṅ gis so sor thar pa’i mdo klog pa’i tshe dge ’dun gyi naṅ du lan gsum gyi bar du bsgrags kyaṅ ñes pa dran bźin du slar mi ’chags pa ni ñes byas su ’gyur ro ||
btsun pa bcom ldan ’das kyis dge sloṅ mas (4) bslab pa phul nas slar dge sloṅ ma’i dṅos por bsñen par rdzogs su mi ruṅ ste ||
dge sloṅ ma gaṅ dag gis slaṅ rab tu phyuṅ ṅam bsñen par rdzogs par byas na de dag ñes pa daṅ bcas so źes gsuṅs na | dge sloṅ mas bslab pa phul te babs pa las de de dag gis rab tu (5) byuṅ źiṅ bsñen par rdzogs par bgyis na bsñen par rdzogs pa yaṅ lags la ||
de dag la yaṅ noṅs par mi ’gyur ba mchis sam | bcom ldan ’das kyis bka’ stsal pa | yod de ||
de ’di ltar dge sloṅ ma de bslab pa phul te babs pa las de’i mtshan ’phos te mtshan ’phos (6) bar gyur ba de rab tu phyuṅ źiṅ bsñen par rdzogs par byas na ñes par mi ’gyur ro | btsun pa bcom ldan ’das kyis sṅar ’khrugs pa de rab tu ma dbyuṅ śig | bsñen par rdzogs par ma byed cig ces gsuṅs na | sṅar ’khrugs pa de rab tu phyuṅ la bsñen par rdzogs par bgyis kyaṅ (7) bsñen par rdzogs par yaṅ ’gyur la | noṅs par yaṅ mi ’gyur ba mchis sam ||
de ’di ltar dge sloṅ ma thun moṅ ma yin pa’i phas pham pa’i ñes par byu la des bslab par phul nas babs pa daṅ de’i mtshan ’phos te mtshan ’phos nas skyes par gyur pa de rab tu phyuṅ źiṅ bsñen par (219b1) rdzogs par byas kyaṅ ñes par mi ’gyur ro | las rnam pa dus na thams cad ’dus par ’gyur ||
bcom ldan ’das kyis bka’ stsal pa | rnam pa gsum ste | gsol ba daṅ | gsol ba daṅ gñis daṅ | gsol ba daṅ bźi’i las so | btsun pa bcom ldan ’das kyis (2) las brgya rtsa gcig go źes bka’ stsal na | de dag las gsol ba’i las kyis ni du bsdus | gsol ba dag gñis pas du | gsol ba daṅ bźi pas du | bcom ldan ’das kyis bka’ stsal pa | gsol ba’i las kyis ni ñi śu rtsa bźi’o ||
gsol pa daṅ gñis kyis ni (3) bźi bcu rtsa bdun no ||
gsol ba daṅ bźis ni sum bcu’o ||
tshig tu yaṅ mi smra | lus kyis kyaṅ ma stsal kyaṅ ||
dge sloṅ du mi ruṅ ba mchis sam ||
bcom ldan ’das kyis bka’ stsal pa | yod de ||
de ’di ltar dge sloṅ mas dge sloṅ ma’i phas pham pa’i ltuṅ ba byuṅ (4) bar mthoṅ la bcabs te skya reṅs śar na phas pham par ’gyur ro ||
dge sloṅ gis ñes pa’i phuṅ po bźi byuṅ la ma bśags ||
slar las ma bgyis par phyin ciṅ noṅs pa ma mchis par ’gyur ba mchis sam ||
bcom ldan ’das kyis bka’ stsal pa | yod de ||
(5) dge sloṅ mas ñes pa sde lṅa byuṅ lam bśags sam | slar las ma bgyis kyaṅ phyin ciṅ noṅs par mi ’gyur ba mchis sam ||
bcom ldan ’das kyis bka’ stsal pa | yod de ||
dge sloṅ gis mi’i ’chi ba daṅ phral na phas pham pa’i noṅs par mi ’gyur (6) ba mchis sam ||
bcom ldan ’das kyis bka’ stsal pa | yod de ||
de ’di ltar gñis lhan cig ’khod pa las gcig gsad do sñam pa las gźan bsad pa’o ||
mi tshaṅs pa spyad pa gźan gyis bgyis la phas pham par ’gyur ba mchis sam ||
bcom ldan ’das kyis bka’ (7) stsal ba | yod de | de ’di ltar dge sloṅ ma mi tshaṅs par spyad pa mthoṅ la bcabs na skya reṅs śar ba daṅ phas pham par ’gyur ro ||
dge sloṅ mi chaṅs par spyod pa las phas pham pa’i noṅs par ’gyur ba daṅ ||
mi tshaṅs par spyod pa bgyis kyaṅ phas pham pa’i noṅs par mi (220a1) ’gyur ba mchis sam ||
bcom ldan ’das kyis bka’ stsal pa | yod de | de ’di ltar mñams pa daṅ | lhan cig du mi tshaṅs par spyad na phas pham par ’gyur ro ||
ñams pa daṅ lhan cig tu spyad pa de la phas pham par mi ’gyur ro ||
dge sloṅ gis ma (2) byin par blaṅs par las phas pham par ’gyur ba daṅ | ma byin par blaṅs pa las phas pham par mi ’gyur ba mchis sam | bcom ldan ’das kyis bka’ stsal pa | yod de | de ’di ltar mi’i yo byad rin po che ma byin par blaṅs na de phas pham par ’gyur ro ||
gaṅ gis mi ma yin pa’i yo (3) byad rin po che blaṅs kyaṅ phas pham pa’i ñes par mi ’gyur ro ||
dge sloṅ gis mi’i ’tsho ba daṅ phral na phas pham par ’gyur ba daṅ | mi’i ’tsho ba daṅ phral kyaṅ phas pham par mi ’gyur pa mchis sam | yod de | gaṅ raṅ gi lag gis mi’i ’tsho ba daṅ phral na phas pham par ’gyur ro ||
mi’i (4) ’tsho ba daṅ phral na phas pham par mi ’gyur ba yaṅ yod de dag gis ’du śes gźan du sbyar ba las mi’i ’tsho ba daṅ phral na phas pham par mi ’gyur ro ||
dge sloṅ gis med la med bźin du mi las bla mar gyur pa’i chos bdag ñid kyis smras na phas pham par ’gyur ba daṅ | med la med bźin (5) du mi las bla mar gyur pa’i chos smras kyaṅ phas pham par mi ’gyur ba mchis sam | bcom ldan ’das kyis bka’ stsal pa | yod de | de ’di ltar ’du śes bcabs nas bka’ la luṅ bstan na phas pham par ’gyur ro ||
rded yod de bka’ la luṅ bstan na ni de la phas pham (6) par mi ’gyur ro ||
dṅos po gaṅ gis phas pham pa’i noṅs par ’gyur ba’i dṅos po de ñid kyis phas pham pa’i noṅs par mi ’gyur ba mchis sam | bcom ldan ’das kyis bka’ stsal pa | yod de | dge sloṅ mas lus la kun reg par byas na phas pham par ’gyur ro ||
(7) dge sloṅ gis byas na de la phas pham pa’i ñes par mi ’gyur ro ||
dge sloṅ mas śes bźin du dge sloṅ ma’i ñes pa sbom po bcabs na skya reṅs śar ba daṅ phas pham pa’i ñes par ’gyur ro ||
dge sloṅ gis bcabs na phas pham pa’i ñes par mi ’gyur ro | dge ’dun chos (220b1) bźin du ’du śes pas dge sloṅ la ma mthoṅ ba’i phyir spaṅs par dge sloṅ mas śes bźin du de’i rjes su phyogs nas de dge ’dun gyi naṅ du lan gsum gyi bar du bsgo yaṅ slar mi gtoṅ ba ni phas pham par ’gyur ro | dge sloṅ la bsgo nas ma btaṅ na phas pham pa’i (2) ñes par mi ’gyur ro ||
dṅos po gaṅ gis dge ’dun gyi lhag mar ’gyur ba’i dṅos po de ñid kyis dge ’dun gyi lhag ma’i noṅs par mi ’gyur ba mchis sam | bcom ldan ’das kyis bka’ stsal pa | yod de | dge sloṅ gis bsams bźin du khuṅ phyuṅ na dge ’dun gyi (3) lhag mar ’gyur ro ||
dge sloṅ mas khu ba phyuṅ na de la dge ’dun gyis lhag ma’i ñes par mi ’gyur ro ||
dge sloṅ gis lus la kun tu reg na dge ’dun gyi lhag mar ’gyur ro ||
dge sloṅ mas reg na de la dge ’dun gyi lhag mar ’gyur ro ||
dge sloṅ mas gnas bor te reg na (4) dge ’dun gyi lhag mar ’gyur ro ||
dge sloṅ gis spyad na dge ’dun gyi lhag mar mi ’gyur ro ||
dṅos po gaṅ gis ltuṅ bar ’gyur ba’i dṅos po de ñid kyis ltuṅ bar mi ’gyur ba mchis sam | bcom ldan ’das kyis bka’ stsal pa | yod de | dge sloṅ mas bsams bźin (5) du khu ba phyuṅ na ltuṅ bar ’gyur ro ||
dge sloṅ gis phyuṅ na ltuṅ bar mi ’gyur ro ||
dge sloṅ gis gñen ma yin pa las bsod pa’i bza’ ba daṅ bca’ ba bslaṅs na ltuṅ bar ’gyur ro ||
dge sloṅ mas bslaṅs na ltuṅ bar mi ’gyur ro ||
dge sloṅ mas rtsa sṅon po’i steṅ du bśad (6) gci byas nas ltuṅ bar ’gyur ro ||
dge sloṅ phas byas na ltuṅ bar mi ’gyur ro ||
dṅos po gaṅ gis slar bśags pa’i dṅos po de ñid kyis slar bśags par mi ’gyur ba mchis sam | bcom ldan ’das kyis bka’ stsal pa | dge sloṅ mas gñen ma yin pa las bsod (7) pa’i bza’ ba daṅ bca’ ba bslaṅs na slar bśags par ’gyur ro ||
dge sloṅ gis bslaṅs na slar bśaṅs pa’i ñes par mi ’gyur ro ||
dge sloṅ gis bslab pa’i sdom pa bcas pa’i groṅ nas raṅ gi lag gis bza’ ba daṅ bca’ ba bslaṅs na slar bśags par ’gyur ro ||
(221a1) dge sloṅ mas bslaṅs na slar bśaṅs par mi ’gyur ro ||
dṅos po gaṅ gis noṅs bgyis su ’gyur ba’i dṅos po de ñid kyis noṅs bgyis su mi ’gyur ba mchis sam | bcom ldan ’das kyis bka’ stsal pa | dge sloṅ gis rtswa sṅon po’i steṅ du bśad gci (2) byas na ñes byas su ’gyur ro ||
dge sloṅ mas byas na ñes byas su mi ’gyur ro ||
dge sloṅ mas śam thabs kyis rked pa ’das tsam du bgos na ñes byas su ’gyur ro ||
dge sloṅ gis śam thabs kyis rked pa ’das par bgos kyaṅ ñes pa med do ||
dge sloṅ phyin to sñam pa (3) las lhuṅ bar mi ’gyur ba daṅ | ltuṅ ba’o sñam pa las phyin par ’gyur ba mchis sam | bcom ldan ’das kyis bka’ stsal pa | yod de | de ’di ltar dge sloṅ la dge ’dun gyi lhag ma’i noṅ pa byuṅ nas de la dbyuṅ ba’i las byed pa’i tshe lha ma gyon źiṅ ’dug pa daṅ | lag pas (4) bus mo gñis ka ’khyud ciṅ ’dug pa daṅ | mgo g-yogs pa daṅ | rtswa sṅon po gcod pa daṅ | sa la ri mo ’dri ba las ñes pa byuṅ ba ni ’di ltar phyin to sñam pa las ñes byuṅ ba’o ||
dge sloṅ gis ñes pa byuṅ ṅo sñam pa las phyin pa gaṅ źe na | de ’di ltar dge sloṅ de dge ’dun gyi (5) lhag ma’i ñes pa byuṅ ba mi mthun pa byuṅ ṅo sñam pa las de’i mtshan ’phos te mtshan ’phos pa dge sloṅ ma la ni phyin te | de ltar na ñes pa byuṅ ṅo sñam pa las phyin pa yin to ||
mtshams bkrol la sñam pa las bcad par ’gyur ba mchis sam | bcom ldan ’das kyis bka’ stsal (6) pa | yod de | las kyi mtshams bkrol yaṅ groṅ gi mtshams ma bkrol bar ’gyur ro ||
soṅ ba’i rjes su soṅ ba gaṅ lags | bcom ldan ’das kyis bka’ stsal pa | mtshams so ||
dge sloṅ gis ñes pa sde lṅa ’byuṅ ba mchis sam | bcom ldan ’das kyis (7) bka’ stsal pa | yod de | bud med kyi gos byas na ñes byas su ’gyur ro ||
bslab pa’i sdom pa bcas pa’i groṅ nas raṅ gi lag gis bza’ ba daṅ bca’ ba bslaṅs na so sor ’chags par ’gyur ro ||
bud med la tshig lṅa’am | drug las lhag par tshes bsan na ltuṅ (221b1) ṅar ’gyur ro ||
bud med la gnas ṅan len gyi tshigs smras na dge ’dun gyi lhag ma’i ñes pa sbom por ’gyur ro ||
bud med la med bźin du mi las bla mar gyur pa’i chos smra na phas pham par ’gyur ro ||
btsun pa bdag cag la ’dul ba ’dri ba źig mchis na bdag cag (2) gis gaṅ nas btsal bar bgyi ||
bcom ldan ’das kyis bka’ stsal pa | so sor thar pa gñis daṅ | ’byed pa daṅ | bcas pa las so ||
’dul ba’i dṅos po bcwa brgyad daṅ rkyaṅ pa’i gleṅ gźi gñis daṅ | ’dul ba gcig gi lhag pa’i rgyud rnams daṅ | thun moṅ (3) pa daṅ | thun moṅ ma yin pa daṅ | sa daṅ | bar snaṅ las mtshan ’phos pa las so ||
bcom ldan ’das ’gro pa thams cad du yaṅ mi gtogs la bstan pa las kyaṅ bstan pa yoṅs su mya ṅan las ’das pa’aṅ ma lags | yoṅs su mya ṅan las ’da’ bar yaṅ mi (4) ’gyur ba de gaṅ lags | bcom ldan ’das kyis bka’ stsal pa | u pā li de ni sprul pa’o ||
de bkum na noṅs pa cir ’gyur ||
bcom ldan ’das kyis bka’ stsal pa | ñes pa sbom po’i ||
de bkum na noṅs ba gaṅ bśags par bgyi | bcom ldan (5) ’das kyis bka’ stsal pa | ñes pa sbom po’o ||
