Bibliotheca Polyglotta

skabs ’byed pa’i rab tu ldan pa gaṅ źe na | bcom ldan ’das kyis dge sloṅ rnams la mthoṅ ba daṅ | thos (4) pa daṅ | dogs pa’i gnas gsum gyis skabs phye śig par rjes su gnaṅ ste | dbyar gnas pa’i dge sloṅ rnams gcig tu ’dus nas mthoṅ ba daṅ | thos pa daṅ | dogs pa’i phyir dge ’dun la skabs dbye bar bya’o || ci’i phyir na skabs dbye bar rjes su gnaṅ | dge sloṅ la (5) ṅan grogs su ’gyur ba’i phyir te | gcig la gcig gleṅ bar byed | dran par byed | brjed pa daṅ rjes su ston par byed ciṅ de dag la mthus chad pa daṅ | bsṅags pa daṅ | ’jigs pas bsdigs na gtsaṅ ba daṅ | ñes pa med pa kha na mtho ba med par des de ma thag tu byas par ’gyur (6) te ’di ltar bdag ni dag pa’o || bdag ni ñes pa med pa’o źes zer ba ’di ni skabs ’byed pa’i rab tu ldan pa źes bya’o ||

pravāraṇa

skabs phye ba ’bul ba’i rab tu ldan pa gaṅ źe na | dge sloṅ gaṅ nad pa skabs ’byed pa’i gnas su ’gro mi nus pa ni skabs phye ba dbul bar bya’o || gal (7) te nad pa ma yin pa las ma soṅ na ñes byas su ’gyur ro || gal te de la ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i ’jigs par ’gyur ba’i źig mṅon sum du gnas pa yod na des kyaṅ skabs phye ba dbul (256b1) bar bya’o || gźan gyis bzuṅ ste dbaṅ med par gyur pas kyaṅ skabs phye ba dbul bar bya’o || dbul ba ni ’di ltar bya ste | stan las laṅs nas bla gos phrag pa gcig tu byas te | lham phud la dge sloṅ gi mdun du tsog pur ’dug ste | thal mo rab tu sbyar la ’di skad ces smra (2) bar bya’o || tshe daṅ ldan pa dgoṅs śig deṅ ni dge ’dun gyi bcwa lṅa’i skabs ’byed pa ste | bdag dge sloṅ miṅ ’di źes bgyi ba la yaṅ deṅ bcwa lṅa’i skabs dbye ba de la bdag dge sloṅ miṅ ’di źes bgyi ba la yaṅ mthoṅ ba daṅ | thos pa daṅ | dogs pa’i gnas gsum du (3) btsun pa’i dge ’dun la skabs ’byed kyis || tshe daṅ ldan pa bdag la brtse bar gyis śig | brtse ba can brtse ba’i phyir ñes pa śes pa daṅ mthoṅ ba rnams tshe daṅ ldan pas bdag la smros śig | tshe daṅ ldan pa bdag la rjes su ston cig daṅ chos bźin du slar bgyi’o źes de ltar lan (4) gñis lan gsum du smra bar bya’o || des kyaṅ rigs so źes smros śig | gñis pas ni legs so źes bya’o || de ste de ltar nus na ni legs mi nus na ’dug ste dbul bar bya’o || ’dug kyaṅ mi nus na ñal te dbul bar bya’o || ñal te yaṅ mi nus na chuṅ ṅu’aṅ ’di skad du skabs phye ba ’bul (5) lo źes smras na yaṅ skabs phye ba phul ba yin no || bdag gi phyir skabs phye bar rjod cig ces smras na yaṅ skabs phye ba phul ba yin no || gaṅ gis kyaṅ skabs phye ba ’bul mi nus na lus kyi dmigs pas phul na yaṅ skabs phye ba phul ba źes bya’o | lus kyis kyaṅ mi nus na tshig gi brda tsam gyis (6) phul na yaṅ skabs phye ba źes bya’o || lus kyi dmigs pas kyaṅ mi nus | tshig gis kyaṅ mi nus dge ’dun thams cad der deṅ śig | yaṅ dge sloṅ de tshur khug śig | dge ’dun thams cad der ma ’dod la dge sloṅ de yaṅ der ma bkug na dge ’dun gyis las ma ’dus par byas pas (7) ’das pa daṅ bcas par ’gyur ro || skabs phye ba len pa’i dge sloṅ gis skabs phye ba blaṅs pa las des dus byas te śin | skabs phye ba ma phul ba źes bya ste | gźan la skabs phye ba dbul bar bya’o || de yaṅ bdag ñid khyim pa yin par khas blaṅs na yaṅ skabs phye ba ma phul ba (257a1) źes bya ste | gźan la skabs phye ba dbul bar bya’o || de yaṅ dge sbyoṅ ṅam | ma niṅ ṅam | dge sloṅ ma sun phyuṅ ba ’am | pha bsad pa ’am | ma bsad pa’am | dgra bcom pa bsad pa daṅ | dge ’dun la dbyen byas pa’am | de bźin gśegs pa’i (2) skul ṅan sems kyis khrag phyuṅ ba ’am | mu stegs can nam | mu stegs cun du soṅ ba’am | rkun gnas can nam | sṅon du ñams pa’am | sṅar ñes pa byuṅ ba’am | ’gro ba gźan du gnas pa rnams yin par bdag ñid kyis khas blaṅs na yaṅ skabs phye ba ma phul ba yin (3) te | gźan la skabs phye ba dbul bar bya’o || de ste za ma yin par bdag ñid kyis khas blaṅs na yaṅ skabs bye ba ma phye ba źes bya’o || dge ’dun gyi dbyen byas pa daṅ | mi gnas pa dag | so sor gnas pa daṅ | ñe bar phyogs pa daṅ | bslab pa byin pa rnams yin (4) par bdag ñid kyis khas blaṅs na yaṅ skabs phye ba ma phul ba źes bya ste | ’di ni skabs phye ba ’bul ba’i rab tu ldan pa źes bya’o ||

*pravāraṇādāna

skabs phye ba len pa’i rab tu ldan pa gaṅ źe na | dge sloṅ gaṅ dge ’dun gyi druṅ nas skabs phye ba len pa na des pa’i ltar blaṅ bar bya’o || (5) gcig gis gcig gi’am | gcig gis gñis kyi’am | gcig gis maṅ po’i yaṅ ruṅ ste | ji sñed kyi miṅ smos nus pa de sñed kyi blaṅ bar bya’o || skabs phye ba len pa’i dge sloṅ gis skabs phye ba blaṅs nas brgyug par mi bya’o || ’choṅ bar mi bya || ’phar bar mi bya || (6) sa’i ’og nas ’gro bar mi bya || nam mkha’ las ’gro bar mi bya || mtshams kyi phyi rol du skabs phye ba blaṅ bar mi bya || mtshams kyis naṅ nas śes bźin pas skabs phye ba blaṅ bar bya’o || de ste mtshams kyi phyi rol nas len na ñes byas su ’gyur ro || de ste mtshams (7) kyi naṅ nas blaṅ ba las ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i bar du gcod pas ’jigs par ’gyur ba źig mṅon sum du gnas par gyur na des mtshams kyi phyi rol nas ’dos kyaṅ ñes pa med de (257b1) ’di ni skabs phye ba len pa’i rab tu ldan pa źes bya’o ||

*pravāraṇā-ādāna

skabs phye ba brjod pa’i rab tu ldan pa gaṅ źe na | skabs phye ba brjod pa’i dge sloṅ dge ’dun gyi naṅ du ma ’oṅs pa las dus ’das na skabs phye ba ma brjod pa źes bya’o || khyim ba yin par bdag ñid kyis khas (2) blaṅs na yaṅ skabs phye ba ma brjod pa źes bya’o || dge sbyoṅ ba daṅ | ma niṅ daṅ | dge sloṅ ma sun phyuṅ ba daṅ | pha bsad pa daṅ | ma bsad pa daṅ | dgra bcom pa bsad pa daṅ | dge ’dun gyi dbyen byas pa daṅ | de bźin gśegs pa’i sku la ṅan sems (3) kyis khrag phyuṅ ba daṅ | mu stegs can daṅ | mu stegs can du soṅ ba daṅ | rkun gnas daṅ | sṅon ñams pa’am | sṅar ñes byuṅ ba ’am | ’gro ba gźan du gnas pa rnams su bdag ñid kyis khas blaṅs na yaṅ skabs phye ba ma brjod pa źes bya’o || (4) de ste za ma yin par bdag ñid kyis khas blaṅs na yaṅ skabs phye ba ma brjod pa źes bya’o || dge ’dun la dbyen byas pa daṅ | mi gnas pa daṅ | so sor gnas pa daṅ | ñe bar phyogs pa daṅ | bslab pa byin par bdag ñid kyis khas blaṅs na yaṅ skabs phye bam (5) brjod pa źes bya’o || skabs phye bar brjod pa’i dge sloṅ gi skabs phye ba blaṅs nas ñal bar mi bya || sñoms par ’jug par mi bya ste | śes bźin du skabs phye bar brjod par bya’o || de yaṅ ’di ltar brjod de || gsol byas pa’i ’og tu stan las laṅs te bla gos phrag (6) pa gcig tu byas la skabs ’byed pa’i dge sloṅ gi drud du tsog tsog por ’dug la thal mo rab tu sbyar te ’di skad smros śig | dgoṅs śig tshe daṅ ldan pa deṅ dge ’dun gyi bco lṅa’i skabs ’byed pa ste | dge sloṅ miṅ ’di źes bgyi ba’i yaṅ ded bco lṅa’i skabs ’byed pa lags (7) na dge sloṅ miṅ ’di źes bgyi ba de la mthoṅ ba daṅ | thos pa daṅ | dogs pa’i gnas gsum du btsun pa dge ’dun la skabs ’byed kyis | tshe daṅ ldan pa bdag la brtse bar gyis śig | brtse ba can brtse ba’i phyir bdag gi ñes pa śes daṅ | mthoṅ ba rnams tshe daṅ ldan pas bdag la smros (258a1) śig | tshe daṅ ldan pas bdag la rjes su ston cig daṅ | chos bźin du slar bgyi’o źes de ltar lan gñis lan gsum du smra bar bya ste | des kyaṅ rigs so źes smros śig | gñis pas ni legs so źes bya’o || rnam pa bźis ni skabs phye ba ma brjod pa źes bya ste | (2) bźi gaṅ źe na | ṅo tsha med pa daṅ | bag med pa daṅ | gñid kyis log pa daṅ | sñoms par źugs pa’o || de las gaṅ go tsha med pa daṅ || bag med pa daṅ | rnam pa gñis la ni ñes pa daṅ bcas par ’gyur ro || de la gaṅ gñid kyis log pa daṅ | sñoms par źugs pa (3) daṅ rnam pa gñis la ni ñes pa med par ’gyur te || ’di ni skabs dbye ba brjod pa’i rab tu ldan pa źes bya’o ||

*pravāraṇā declaration

gso sbyin gyi rab tu ldan pa gaṅ źe na | bcom ldan ’das kyis dge sloṅ rnams la gso sbyin rjes su gnaṅ ba ni zla ba phyed phyed ciṅ dge sloṅ rnams gcig tu ’dus nas (4) raṅ gi rgyud la so sor blta bar bya ste | mtshan mo’i rgyud daṅ ñin par gyi rgyud daṅ zla ba gcig gi rgyud la bdag gis de’i bar skabs su ltuṅ ba ’ga’ źig byuṅ ṅam ma byuṅ | de ste byuṅ bar gyur na yid brtan pa’i dge sloṅ źig rñed na mthol bar bya’o || ma rñed na sems kyis bsṅo (5) par bya’o sñam pa ’di ni gso sbyin gyi rab tu ldan pa źes bya ste | ci’i phyir gso sbyin źes bya źe na | sdig pa mi dge ba’i chos daṅ | ñon moṅs pa daṅ | rnam par ma byuṅ ba daṅ | raṅ bźin gyis ma dag pa’i rnams ṅes par spoṅ par ’gyur źiṅ dag pa’i raṅ bźin ñe bar thob (6) bar ’gyur te | de lta bu’i phyir gso sbyin źes bya’o || ’di ni gso sbyin gyi rab tu ldan pa źes bya’o ||

poṣadha

gso sbyin dbul ba’i rab tu ldan pa gaṅ źe na | dge sloṅ gaṅ nad pa gso sbyin gyi gnas su ’gro mi nus pa ni gso sbyin dbul ba źes bya’o || nad pa ma yin pas ma soṅ na (7) ñes byas su ’gyur ro || gal te de’i ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i bar du gcod pas ’jigs par ’gyur ba źig mṅon sum du gnas par gyur na des kyaṅ gso sbyin dbul bar bya’o || dbaṅ (258b1) med pa źig tu zin par gyur kyaṅ gso sbyin dbul bar bya’o || de yaṅ ’di ltar dbul te | stan las laṅs nas bla gos phrag pa gcig tu byas te | dge sloṅ gi mdun du tsog tsog por ’dug nas thal mo rab tu sbyar te tshig ’di skad ces brjod do || dgoṅs śig tshe daṅ ldan pa deṅ dge ’dun gyi (2) bco lṅa’i gso sbyin te | bdag dge sloṅ miṅ ’di źes bgyi ba’i yaṅ bco lṅa’i gso sbyin na | bdag dge sloṅ miṅ ’di źes bgyi ba gso sbyin la dad pa daṅ yoṅs su dag pa dbul lo || de bźin lan gñis lan gsum du brjod cig | des kyaṅ rigs so źes smros śig | gñis pas (3) ni legs so źes bya’o | de ltar sbyin nus na ni legs | mi nus na ’dug la gso sbyin phul cig | de yaṅ phul ba źes bya’o || ’dug ste yaṅ mi nus na ñal bas kyaṅ phul ba źes bya’o || der yaṅ mi nus na chuṅ na gso sbyin ’bul lo źes smras na yaṅ phul ba yin no || bdag (4) gi phyir rjod cig ces zer na yaṅ gso sbyin phul ba yin no || gaṅ gis ma yin gyi lus kyis dmigs na yaṅ gso sbyin phul ba yin no || lus kyis ma yin gaṅ gis brjod na yaṅ gso sbyin phul ba yin no || lus kyis kyaṅ ma yin ṅag gis kyaṅ ma yin na dge ’dun thams cad de’i druṅ (5) du deṅ śig | yaṅ na de dge ’dun gyi naṅ du khug śig | dge ’dun yaṅ der ma doṅ ṅam de’aṅ dge ’dun gyi naṅ du ma bkug par dge ’dun gyis ma ’dus par las byas na ’das pa daṅ bcas par ’gyur te | ’di ni gso sbyin dbul ba’i rab tu ldan pa źes bya ste | (6) gso sbyin len pa’i gaṅ zag gso sbyin blaṅs nas de ñid du dus ’das na gso sbyin ma phul ba yin te | gźan la dbul bar bya’o || bdag ñid khyim par khas blaṅs na gso sbyin ma phul ba yin te | gźan la gso sbyin dbul bar bya’o || dge sbyoṅ ṅam | ma niṅ (7) ṅam | dge sloṅ ma sun phyuṅ ba’am | pha bsad pa’am | ma bas dpa’ ma | dgra bcom pa bsad pa’am | dge ’dun gyi dbyen byas pa’am | de bźin gśegs pa’i sku la ṅan sems kyis khrag phyuṅ ba’am | mu stegs can nam | mu stegs can du (259a1) soṅ ba’am | rkun gnas daṅ | sṅon ñams pa’am | sṅar ñes pa byuṅ ba’am | ’gra ba gźan du gnas par bdag ñid khas blaṅs na gso sbyin ma phul ba yin te | gźan la gso sbyin dbul bar bya’o || de ste za ma yin par bdag ñid kyis khas blaṅs na yaṅ (2) gso sbyin ma phul ba yin te | gźan la dbul bar bya’o || mi gnas pa daṅ | so sor gnas pa daṅ | bslab pa byin pa bdag ñid kyis khas blaṅs na yaṅ gso sbyin phul ba ma yin te | gso sbyin gźan la phul bar bya ste | ’di ni gso sbyin dbul ba’i rab tu (3) ldan pa źes bya’o ||

*poṣadhadāna

gso sbyin len pa’i rab tu ldan pa gaṅ źe na | gso sbyin len pa’i dge sloṅ gis gso sbyin blaṅs nas brgyugs par mi bya | mchod bar mi bya | ’phar bar mi bya | sa’i ’og nas ’gro bar mi bya | nam mkha’ las ’gro bar mi bya | mtshams kyi phyi rol (4) du gso sbyin blaṅ bar mi bya | mtshams kyi naṅ nas śes bźin pas gso sbyin blaṅ bar bya’o || de ste mtshams kyi phyi rol nas len na ñes byas su ’gyur ro || de ste des mtshams kyi naṅ nas len pa la ’tsho ba’i bar du gcod pa’am | tshaṅs par spyod pa’i bar du (5) gcod pa’am | bar du gcod pa brgyad las gaṅ yaṅ ruṅ ba’i bar du gcod pas ’jigs par ’gyur ba źig mṅon sum du gnas par gyur na des mtshams kyi phyir rol nas len kyaṅ ñes pa med de | ’di ni gso sbyin len pa’i rab tu ldan pa źes bya’o ||

*poṣadhādāna

gso sbyin (6) brjod pa’i rab tu ldan pa gaṅ źe na | gso sbyin brjod pa’i dge sloṅ de dge ’dun gyi naṅ du ma ’oṅs pa las dus ’das te śi na gso sbyin ma brjod pa źes bya’o || khyim pa yin par bdag ñid kyis khas blaṅs na’aṅ gso sbyin ma brjod pa źes bya’o || dge sbyoṅ (7) ṅam | ma niṅ ṅam | dge sloṅ ma sun phyuṅ ba’am | źes bya ba nas ’gro ba gźan du gnas pa źes bya ba’i bar du sṅa ma bźin te | bdag ñid kyis khas blaṅs na’aṅ gso sbyin ma brjod pa źes bya’o || de ste za ma yin par bdag ñid kyis khas blaṅs na’aṅ gso (259b1) sbyin ma brjod pa źes bya’o || dge ’dun la dbyen byas pa daṅ | mi gnas pa daṅ | so sor gnas pa daṅ | ñe bar phyogs pa daṅ | bslab pa byin par bdag ñid kyis khas blaṅs na’aṅ gso sbyin ma brjod pa źes bya ste | ’di ni gso sbyin brjod pa’i rab tu ldan pa źes (2) bya’o||

poṣadha declaration?

dad pa’i rab tu ldan pa gaṅ źe na | dad pa źes bya ba ni dge ’dun gyi chos bźin du bya ba rnams la lta ba daṅ | blo gros daṅ | ’dod pa daṅ | bsam pa dad pa dbul ba daṅ | dge ’dun gyi chos bźin du bya ba rnams la rjes su yi raṅ ba daṅ | ñe bar (3) phyogs pa daṅ | khas blaṅs pa daṅ | khas blaṅs len par byed pa ’di ni dad pa’i rab tu ldan pa źes bya’o ||

*śraddhā?

dad pa dbul ba’i rab tu ldan pa gaṅ źe na | dge sloṅ gaṅ nad pa gso sbyin gyi gnas su ’gro mi nus pas ni dad pa dbul bar bya’o || de ste mi na bar ma (4) soṅ na ñes byas su ’gyur ro || gal te ’tsho ba’i bar du gtsod pa’am | tshaṅs par spyod pa’i bar du gcod pa’am | bar du gcod pa brgyad kyi naṅ nas gaṅ yaṅ ruṅ ba’i bar du gcod pas ’jigs par ’gyur ba źig mṅon du gnas par gyur na des kyaṅ dad pa dbul bar bya’o (5) dbaṅ med pas zin par gyur pa yaṅ dag par dbul bar bya’o || de yaṅ ’di ltar dbul bar bya’o || stan las laṅs te bla gos phrag pa gcig tu byas nas dge sloṅ gi mdun du tsog tsog por ’dug ste thal mo rab tu sbyor la ’di skad smros śig | dgoṅs śig tshe daṅ ldan pa | (6) bdag dge sloṅ miṅ ’di źes bgyi ba yaṅ dge ’dun gyi chos bźin du bya ba la dad pa dbul lo || dge ’dun gyi chos bźin du bya ba rnams la rjes su yi raṅ ṅo khas len no || khas blaṅ bar bgyi’o źes de ltar lan gñis lan gsum du smra bar bya’o || des kyaṅ rigs so źes (7) smros śig | gñis pas ni legs so źes bya’o || de ste de ltar dbul nus na ni legs | mi nus na ’dug ste dbul bar bya’o | ’dug ste yaṅ mi nus na ñal te dbul bar bya’o || ñal te yaṅ mi nus na chuṅ ṅu na ’di skad du dad pa dbul lo źes smras na’aṅ dad pa phul ba yin no | (260a1) bdag gi phyir yaṅ dad pa brjod cig ces zer na’aṅ dad pa phul ba yin no || dag gis ma nus te lus kyi dmigs pas byas na’aṅ dad pa phul ba yin no || lus kyis ma nus te tshig gis brda byas na yaṅ dad pa phul ba yin no || lus daṅ tshig gñigs brda (2) byas na yaṅ dad pa byin pa yin no || lus kyis kyaṅ mi nus tshig gis kyaṅ mi nus na der dge ’dun thams cad deṅ śig | yaṅ na dge ’dun thams cad kyis de khug śig | dge ’dun thams cad kyaṅ der ma doṅ la dge sloṅ de’aṅ der ma bkug na ma ’dus par byas (3) pa ste | dge ’dun las byed pa rnams ’das pa daṅ bcas par ’gyur ro || dad pa len pa’i dge sloṅ gis dad pa blaṅs nas de ñid du dus ’das te śi na dad pa ma phul pa źes bya ste | gźan la dad pa dbul bar bya | khyim pa yin par bdag ñid kyis khas blaṅs (4) na yaṅ dad pa ma phul ba źes bya ste | gźan la dad pa dbul bar bya | dge sbyoṅ ṅam | ma niṅ ṅam | dge sloṅ ma sun phyuṅ ba źes bya ba nas | ’gro ba gźan du gnas pa’i bar du sṅa bźin bdag ñid kyis khas blaṅs na’aṅ dad pa ma phul ba źes bya ste gźan la (5) dad pa dbul bar bya’o || de ste za ma yin par bdag ñid kyis khas blaṅs na’aṅ dad pa ma phul ba źes bya’o || dge ’dun phye ba’am | mi gnas pa’am | so sor gnas pa’am | ñe bar phyogs pa’am | bslab pa byin par bdag ñid kyis khas blaṅs na yaṅ dad pa ma phul (6) ba źes bya ste | ’di ni dad pa dbul ba’i rab tu ldan pa źes bya’o ||

*śraddhādāna?

dad pa len pa’i rab tu ldan pa gaṅ źe na | dge sloṅ gaṅ dge sloṅ gi druṅ nas dad pa len pa des ’di ltar bya ste | gcig gis gcig gi’am | gcig gis gñis kyi’am | gcig gis maṅ po’i ’am | ji sñed kyi (7) miṅ smos nus pa de sñed kyi blaṅ bar bya’o || dad pa len pa’i dge sloṅ gis dad pa blaṅs nas brgyug par mi bya | mgyogs par ’gro bar mi bya | mchoṅ bar mi bya | ’phar bar mi bya | sa’i ’og nas ’gro bar mi bya | nam mkha’ las ’gro bar mi bya | mtshams kyi phyi rol nas blaṅ bar mi bya | (260b1) mtshams kyi naṅ nas śes bźin pas dad pa blaṅ bar bya’o || de ste mtshams kyi phyi rol nas len na ñes byas su ’gyur ro || de ste mtshams kyi naṅ nas len du ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i bar du (2) gcod pas ’jigs par ’gyur ba źig mṅon du gnas par gyur na | des mtshams kyi phyi nas blaṅs kyaṅ ñes pa med de | ’di ni dad pa len pa’i rab tu ldan pa źes bya’o ||

*śraddhā-ādāna?

dad pa brjod pa’i rab tu ldan pa gaṅ źe na | dad pa byin pa’i dge sloṅ dge ’dun gyi naṅ du ma (3) ’oṅs pa las dus ’das te śi na dad pa ma brjod pa źes bya’o || khyim pa yin par bdag ñid kyis khas blaṅs na dad pa ma brjod pa źes bya’o || dge sbyoṅ ṅam | ma niṅ ṅam | dge sloṅ ma sun phyuṅ ba źes bya ba nas ’gro ba gźan du gnas pa’i bar du sṅa ma bźin du ste | bdag (4) ñid kyis khas blaṅs na’aṅ dad pa ma brjod pa źes bya’o || de ste za ma yin par bdag ñid kyis khas blaṅs na’aṅ dad pa ma brjod pa źes bya’o || dge ’dun phye ba’am | mi gnas pa’am | so sor gnas pa’am | ñe bar phyogs pa ’am | bslab pa byin par bdag ñid (5) kyis khas blaṅs na’aṅ dad pa ma brjod pa źes bya’o || dad pa brjod pa’i dge sloṅ gis dad pa blaṅs nas mi ñal bar bya | sñoms par ’jug par mi bya’o || śes bźin pas dad pa brjod par bya | de yaṅ ’di lta bur brjod par bya’o || stan las laṅs nas bla gos (6) phrag pa gcig tu byas nas dge sloṅ gi mdun du tsog tsog por ’dug ste thal mo rab tu sbyar la ’di skad du smra bar bya ste | dgoṅs śig tshe daṅ ldan pa | bdag dge sloṅ miṅ ’di źes bgyi ba dge ’dun gyi chos bźin du mdzad pa la dad pa dbul lo || dge ’dun gyi (7) chos bźin mdzad pa la rjes su yi raṅ ṅo || rjes su mṅon par ’gro’o źes de ltar lan gñis lan gsum du smra bar bya’o || des kyaṅ rigs so źes smros śig | gñis pas ni legs so źes bya’o | rnam pa bźis na dad pa ma brjod pa źes bya’o || bźi gaṅ źe na | (261a1) ṅo tsha med pa daṅ | bag med pa daṅ | gñid kyis log pa daṅ | sñoms par źugs pa’o || de la gaṅ ṅo tsha med pa daṅ | bag med pa daṅ ldan pa rnam pa ’di gñis ni ñes pa daṅ bcas par ’gyur ro || gaṅ gñid kyis log pa daṅ | gaṅ (2) sñoms par źugs pa rnam pa ’di gñis ni ñes pa med par ’gyur ba ste | ’di ni dad pa brjod pa’i rab tu ldan pa’o ||

*śraddhā declaration?

yoṅs su dag pa’i rab tu ldan pa gaṅ źe na | ’di ltar bdag ni ñes pa med pa | ’di ltar bdag ni dag pa | ’di ltar bdag ni ñes pa ma byuṅ mod kyis (3) ’on kyaṅ zla ba phyed phyed ciṅ dge sloṅ gis sems rtse gcig pas bdag gi sems la | bdag gis ji ltar blaṅs pa’i tshul khrims kyi phuṅ po daṅ ldan pa las ma god dam | ma ñams sam | ma ral lam | ’dres par ma byas sam | yoṅs su dag gam | bdag (4) la ñes pa ma byuṅ ṅam | ñes pa med pa yin nam brtag par bya ste | ’di ni yoṅs su dag pa’i rab tu ldan pa źes bya’o ||

pariśuddhi

yoṅs su dag pa dbul ba’i rab tu ldan pa gaṅ źe na | dge sloṅ gaṅ nad pa gso sbyin gnas su ’gro mi nus pas ni yoṅs su dag pa dbul bar (5) bya’o|| de ste min par ma soṅ na ñes byas su ’gyur ro || ji ste de’i ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i bar du gcod pas ’jigs par ’gyur ba źig mṅon du gnas par gyur na des kyaṅ (6) yoṅs su dag pa dbul bar bya’o || dbaṅ med pas zin par gyur pa yaṅ yoṅs su dag pa dbul bar bya’o || de yaṅ ’di ltar dbul bar bya ste | stan las laṅs te bla gos phrag pa gcig tu byas te dge sloṅ gi mdun du tsog tsog por ’dug la thal mo spyar te ’di skad du smros (7) śig | dgoṅs śig tshe daṅ ldan pa deṅ dge ’dun gyi bco lṅa’i gso sbyin te | bdag dge sloṅ miṅ ’di źes bgyi ba’i yaṅ deṅ bco lṅa’i gso sbyin te | bdag gi bar chad kyi chos rnams kyaṅ yoṅs su dag na | tshe daṅ ldan pas kyaṅ bdag la yoṅs su dag pa zuṅ śig daṅ | dge (261b1) sloṅ miṅ ’di źes bgyi ba yaṅ gso sbyin gyi phyir yoṅs su dag pa dbul gyis | gaṅ gi phyir tshe daṅ ldan pas dad pa ’bul ba’i tshe loṅ la yoṅs su dag par brjod cig brjod pas na go bar ’gyur ro źes de ltar lan gñis lan gsum du smros śig | des kyaṅ rigs so źes smros (2) śig | gñis pas ni legs so źes bya’o || de ste de ltar dbul nus na ni legs | mi nus na ’dug ste dbul bar bya’o || ’dug ste’aṅ mi nus na ñal te dbul bar bya’o || ñal te’aṅ mi nus na chuṅ ṅu na ’di skad yoṅs su dag pa sbyin no źes smras na yoṅs su dag pa (3) phul ba źes bya’o || bdag gis yoṅs su dag pa rjod cig ces zer na yaṅ yoṅs su dag pa phul ba źes bya’o || tshig gis mi nus te lus kyi dmigs bas phul na yaṅ yoṅs su dag pa dbul ba źes bya’o || lus kyis mi nus te tshig gis brda byas na yoṅs su (4) dag pa phul ba źes bya’o || lus daṅ ṅag gñi gas brda byas na yaṅ yoṅs su dag pa phul ba źes bya’o || lus daṅ ṅag gis brda byed mi nus na dge ’dun thams cad der deṅ śig | yaṅ na dge sloṅ de tshur khug śig | dge ’dun thams cad kyaṅ der ma doṅ la dge sloṅ (5) yaṅ der ma bkug na las ma ’dus par byas pa ste | dge ’dun rnams kyaṅ ’das pa daṅ bcas par ’gyur ro || yoṅs su dag pa len pa’i dge sloṅ gis yoṅs su dag pa blaṅs pa las de ñid du dus ’das te śi na yoṅs su dag pa ma phul ba źes bya ste | gźan la yoṅs su (6) dgab dbul bar bya’o || khyim pa yin par bdag ñid kyis khas blaṅs na’aṅ yoṅs su dag pa ma phul ba źes bya ste | gźan la yoṅs su dag pa dbul bar bya’o || dge tshul pha’am | ma niṅ ṅam | dge sloṅ ma sun phyuṅ ba źes bya ba nas | ’gro ba gźan du gnas (7) ba’i bar sṅa ma bźin te | bdag ñid kyis khas blaṅs na yaṅ yoṅs su dag pa ma phul ba źes bya ste | yoṅs su dag pa gźan las dbul bar bya’o || de ste ma niṅ yin par bdag ñid kyis khas blaṅs na yaṅ yoṅs su dag pa ma phul ba źes bya’o || dge ’dun phye ba’am | (262a1) mi gnas pa’am | so sor gnas pa’am | ñe bar phyogs pa’am | bslab pa byin par bdag ñid kyis khas blaṅs na yaṅ yoṅs su dag pa ma phul ba źes bya ste | ’di ni yoṅs su dag pa dbul ba’i rab tu ldan pa źes bya’o ||

pariśuddhi-dāna?

yoṅs su dag pa len (2) pa’i rab tu ldan pa gaṅ źe na | dge sloṅ gaṅ dge sloṅ gi druṅ nas yoṅs su dag pa len na des ’di ltar len par bya ste | gcig gis gcig gi ’am | gcig gis gñis kyi’am | gcig gis maṅ po’i rnams kyi’am | ji sñed kyi miṅ smos nus na de sñeṅ kyi blaṅ bar bya’o || (3) yoṅs su dag pa len pa’i dge sloṅ gis yoṅs su dag pa blaṅs nas brgyug par mi bya | mgyogs su ’gro bar mi bya | mchoṅ bar mi bya | ’phar bar mi bya | sa’i ’og nas ’gro bar mi bya | nam mkha’ las ’gro bar mi bya | mtshams kyi phyi rol nas yoṅs su (4) dag pa blaṅ bar mi bya | gal te mtshams kyi phyi rol nas len na ñes byas su ’gyur ro || de ste mtshams kyi naṅ nas len du ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i bar du gcod pas (5) ’jigs pa źig mṅon du gnas par gyur na des mtshams kyi phyi rol nas blaṅs kyaṅ ñes pa med do || ’di ni yoṅs su dag pa len pa’i rab tu ldan pa źes bya’o ||

pariśuddhi-ādāna?

yoṅs su dag pa brjod pa’i rab tu ldan pa gaṅ źe na | yoṅs su dag pa len pa’i dge sloṅ gis yoṅs (6) su dag pa blaṅs nas | dge ’dun gyi naṅ du ma ’oṅs pa las dus ’das te śin yoṅs su dag pa ma brjod pa źes bya’o || khyim pa yin par bdag ñid kyis khas blaṅs na’aṅ yoṅs su dag pa ma brjod pa źes bya’o || dge sbyoṅ daṅ | ma niṅ ba daṅ | dge sloṅ ma sun (7) byuṅ ba źes bya ba nas | ’gro ba gźan du gnas pa’i bar du sṅa ma bźin te | bdag ñid kyis khas blaṅs na’aṅ yoṅs su dag pa ma brjod pa źes bya’o || de ste za ma yin par bdag ñid kyis khas blaṅs na’aṅ yoṅs su dag pa ma brjod pa źes bya’o || dge ’dun phye ba’am | (262b1) mi gnas pa’am | so sor gnas pa’am | ñe bar phyogs pa’am | bslab pa byin par bdag ñid kyis khas blaṅs na’aṅ yoṅs su dag pa ma brjod pa źes bya’o || yoṅs su dag pa brjod pa’i dge sloṅ des yoṅs su dag pa blaṅs nas ñal bar mi bya | sñoms (2) par ’jug par mi bya ste | śes bźin pas yoṅs su dag pa brjod par bya ste | de’aṅ stan las laṅs nas bla gos phrag pa gcig tu byos la dge sloṅ gi mdun du tsog tsog por ’dug ste thal mo rab tu sbyor la tshig ’di skad smros śig | dgoṅs śig tshe daṅ ldan pa | (3) deṅ dge ’dun gyi bco lṅa’i gso sbyin te | dge sloṅ miṅ ’di źes bgyi ba’i yaṅ bco lṅa’i gso sbyin te | dge sloṅ miṅ ’di źes bya ba’i bar chad kyi chos rnams kyaṅ dag go źes bdag ñid mchi ste | des gso sbyin la yoṅs su dag pa’aṅ dbul na bdag gis de’i (4) miṅ nas brjod par bya’o || tshul śiṅ yaṅ loṅ śig ces de ltar lan gñis lan gsum dum smros śig | des kyaṅ rigs so źes smros śig | gñis pas ni legs so źes bya’o || rnam pa bźis ni yoṅs su dag pa ma brjod pa źes bya’o || bźi gaṅ źe na | (5) ṅo tsha med pa daṅ | bag med pa daṅ | gñid kyis log pa daṅ | sñoms par źugs pa’o || de la gaṅ ṅo tsha med pa daṅ | gaṅ bag med pa daṅ rnam pa ’di gñis ni ñes pa daṅ bcas par ’gyur ro || gaṅ gñid kyis log pa daṅ | sñoms par źugs pa daṅ | (6) rnam pa ’di gñis ni ñes pa med par ’gyur ba ste | ’di ni yoṅs su dag pa brjod pa’i rab tu ldan pa źes bya’o ||

pariśuddhi declaration?

dad pa daṅ yoṅs su dag pa’i rab tu ldan pa gaṅ źe na | gaṅ du gso sbyin daṅ dge ’dun gyi las byed pa na der dad pa daṅ yoṅs su dag pa bsres te dbul (7) par bya ste | ’di ni dad pa daṅ yoṅs su dag pa’i rab tu ldan pa źes bya’o ||

śraddhā and pariśuddhi

dad pa daṅ yoṅs su dag pa dbul ba’i rab tu ldan pa gaṅ źe na | dge sloṅ gaṅ nad pa gso sbyin gyi gnas su ’gro mi nus pa ni dad pa daṅ yaṅs su dag pa dbul bar bya’o || de ste min bar ma soṅ (263a1) na ñes byas su ’gyur ro || de ste de’i ’tsho ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad las gaṅ yaṅ ruṅ ba’i bar du gcod pas ’jigs par ’gyur ba źig mṅon sum du gnas par gyur na des kyaṅ dad pa (2) dad yoṅs su dag pa dbul bar bya’o || dbaṅ med pas zin par gyur pa yaṅ dad pa daṅ yoṅs su dag pa dbul bar bya’o || de yaṅ ’di ltar dbul bar bya ste | stan las laṅs nas bla gos phrag pa gcig tu byas te | lham phud la dge sloṅ gi mdun du tsog tsog por ’dug (3) ste thal mo rab tu sbyoṅ te tshig ’di skad du smras śig | dgoṅs śig tshe daṅ ldan pa | deṅ dge ’dun gyi bco lṅa’i gso sbyin te || bdag dge sloṅ miṅ ’di źes bgyi ba’i yaṅ bco lṅa’i gso sbyin na | bar chad kyi chos rnams kyaṅ yoṅs su dag gis tshe daṅ ldan pas kyaṅ bdag la (4) yoṅs su dag par zuṅ śig | bdag dge sloṅ miṅ ’di źes bgyi ba dge ’dun gyi chos bźin bya ba la dad pa daṅ | gso sbyin daṅ | yoṅs su dag pa’aṅ dbul gyis bdag gi phyir tshe daṅ ldan pas tshul śiṅ loṅ la yoṅs su dag brjod cig | brjod na de bźin śes so || (5) de ltar lan gñis lan gsum du smros śig | des kyaṅ rigs so źes smros śig | gñis pas ni legs so źes bya’o || de ste de ltar dbul nus na ni legs | mi nus na ’dug ste dbul bar bya’o || ’dug ste yaṅ mi nus na ñal te dbul bar bya’o || ñal te’aṅ mi nus na chuṅ ṅu (6) na ’di skad kyaṅ dad pa daṅ yoṅs su dag pa dbul lo źes smras na yaṅ dad pa daṅ yoṅs su dag pa phul ba źes bya’o || bdag gi dad pa dag yoṅs su dag pa rjod cig ces smras na’aṅ dad pa daṅ yoṅs su dag pa brjod pa źes bya’o || tshig gis ma yin par lus kyi dmigs pas (7) byed na’aṅ dad pa daṅ yoṅs su dag pa brjod pa źes bya’o || lus kyis ma yin te ṅag gis dmigs na yaṅ dad pa daṅ yoṅs su dag pa brjod pa źes bya’o || lus daṅ tshig gñigs brda byed na’aṅ dad pa daṅ yoṅs su dag pa byin pa źes bya’o || lus daṅ tshig gñigs brda byed mi (263b1) nus na der dge ’dun thams cad deṅ śig | yaṅ na dge sloṅ de der khug śig | dge ’dun thams cad kyaṅ der ma doṅ la | dge sloṅ de yaṅ der ma bkug na las ma ’dus par byas pa ste | dge ’dun thams cad ’das pa daṅ bcas par ’gyur ro || dad pa daṅ | (2) yoṅs su dag pa len pa’i dge sloṅ gis dad pa daṅ yoṅs su dag pa blaṅs nas de ñid du dus ’das te śi na dad pa daṅ yoṅs su dag pa ma phul ba źes bya ste | dad pa daṅ yoṅs su dag pa gźan la dbul bar bya’o || khyim pa yin par bdag ñid kyis khas blaṅs na’aṅ (3) dad pa daṅ yoṅs su dag pa ma phul ba źes bya ste | gźan la dad pa daṅ yoṅs su dag pa dbul bar bya’o || dge tshul pha’am | ma niṅ ṅam | dge sloṅ ma sun phyuṅ ba źes bya ba nas | ’gro ba gźan du gnas pa źes bya ba’i bar du sṅa ma bźin te | bdag ñid kyis (4) khas blaṅs na’aṅ daṅ pa daṅ yoṅs su dag pa ma phul ba źes bya ste | gźan la dad pa daṅ yoṅs su dag pa dbul bar bya’o || de ste za ma yin par bdag ñid kyis khas blaṅs na’aṅ dad pa daṅ yoṅs su dag pa ma phul ba źes bya’o || dge ’dun phye ba daṅ | mi gnas pa (5) daṅ | so sor gnas pa daṅ | ñe bar phyogs pa daṅ | bslab pa byin par bdag ñid kyis khas blaṅs na’aṅ dad pa daṅ yoṅs su dag pa phul ba ma yin pa źes bya ste | ’di ni daṅ pa daṅ yoṅs su dag pa dbul ba’i rab tu ldan pa źes bya’o ||

giving śraddhā and pariśuddhi

dad pa daṅ yoṅs su dag (6) pa len rab tu ldan pa gaṅ źe na | dge sloṅ gaṅ dge sloṅ gi drug nas yoṅs su dag ba dag dag pa len pa des ’di ltar blaṅ bar bya’o || gcig gis gcis gi’am | gcig gis gñis kyi’am | gcig gis maṅ po’am | ji sñed kyi miṅ smos nus pa de sñed kyi blaṅ bar bya | (7) dad pas daṅ yoṅs su dag pa len pa’i dge sloṅ gis dad pa daṅ yoṅs su dag pa blaṅs nas brgyug par mi bya | mgyogs par ’gro bar mi bya | ’phar bar mi bya | mchod par mi bya | sa’i ’og nas ’gro bar mi bya | nam mkha’ las ’gro bar mi bya | mtshams kyi phyi rol (264a1) nas yoṅs su dag pa daṅ dad pa blaṅ bar mi bya | mtshams kyi naṅ nas śes bźin pas dad pa daṅ yoṅs su dag pa blaṅ bar bya | de ste mtshams kyi phyi rol nas dad pa daṅ yoṅs su dag pa blaṅs na ñes byas su ’gyur ro || de ste mtshams kyi naṅ nas len du ’tsho (2) ba’i bar du gcod pa’am | tshaṅs par spyod pa’i bar du gcod pa’am | bar du gcod pa brgyad kyi naṅ nas gaṅ yaṅ ruṅ ba’i bar du gcod pas ’jigs par ’gyur ba źig mṅon sum du gnas na de mtshams kyi phyi rol nas blaṅs kyaṅ ñes pa med do || ’di ni yoṅs su dag pa daṅ (3) dad pa len pa’i rab tu ldan pa źes bya’o || dad pa daṅ yoṅs su dag pa brjod pa’i rab tu ldan pa gaṅ źe na | yoṅs su dag pa daṅ dad pa brjod pa’i dge sloṅ gis dge ’dun gyi naṅ du ma ’oṅs nas dus ’das te śin yoṅs su dag pa daṅ dad pa ma brjod pa źes bya’o || khyim (4) pa yin par bdag ñid kyis śes par khas blaṅs na’aṅ yoṅs su dag pa dad dad pa ma brjod pa źes bya’o || dge sbyoṅ ma ’am | ma niṅ ṅam | dge sloṅ ma sun phyuṅ ba źes bya ba nas ’gro ba gźan du gnas pa’o źes bya ba’i bar du sṅa ma bźin te | bdag ñid kyis khas blaṅs na’aṅ (5) yoṅs su dag pa daṅ dad pa ma brjod pa źes bya’o || de ste ma niṅ du bdag ñid kyis khas blaṅs na’aṅ yoṅs su dag pa daṅ dad pa ma brjod pa źes bya’o || dge ’dun phye ba’am | mi gnas pa’am | so sor gnas pa’am | ñe bar phyogs pa’am | bslab pa byin par bdag (6) ñid kyis khas blaṅs na’aṅ yoṅs su dag pa daṅ daṅ pa ma brjod pa źes bya’o || yoṅs su dag pa daṅ dad pa brjod pa’i dge sloṅ gis yoṅs su dag pa daṅ dad pa blaṅs nas ñal bar mi bya || sñoms par źugs par mi bya || śes bźin pas yoṅs su dag pa daṅ dad (7) pa brjod par bya’o || de yaṅ ’di lta bur brjod par bya ste | stan las laṅs nas bla gos phrag pa gcig tu byas nas dge sloṅ gi mdun du tsog tsog por ’dug nas thal mo rab tu sbyor la ’di skad du smros śig | dgoṅs śig tshe daṅ ldan pa | deṅ dge ’dun gyi bco lṅa’i (264b1) gso sbyin dge sloṅ miṅ ’di źes bya ba’i yaṅ bco lṅa’i gso sbyin te | bdag dge sloṅ miṅ ’di źes bya bas yoṅs su dag par bdag ñid smras te | bar chad kyi chos rnams kyaṅ med de | dge ’dun gyi chos bźin gyi bya ba la dad pa daṅ | gso sbyin daṅ | yoṅs su dag pa (2) ’bul lo źes de ltar lan gñis lan gsum smros śig | des kyaṅ rigs so źes smros śig | gñis pas ni legs so źes bya’o || rnam pa bźis na yoṅs su dag pa daṅ dad pa ma brjod pa źes bya’o || bźi gaṅ źe na | ṅo tsha med pa daṅ | bag med pa daṅ | (3) gñid kyis log pa daṅ | sñoms par źugs pa’o || de la ṅo tsha med pa daṅ | bag med pa daṅ rnam pa ’di gñis ni ñes pa daṅ bcas par ’gyur ba’o || gñid kyis log pa daṅ | sñoms par źugs pa daṅ rnam pa ’di gñis ni ñes pa med par ’gyur ba’o || ’di ni (4) yoṅs su dag pa daṅ dad pa brjod pa’i rab tu ldan pa źes bya’o ||

taking śraddhā and pariśuddhi

mchod rten gyi rab tu ldan pa gaṅ źe na | bcom ldan ’das kyis gsuṅs pa’i dbu skra’i mchod rten daṅ | sen mo’i mchod rten te | ji ltar ’dul ba las mgon med pa la zas sbyin pa’i khyim bdag gis (5) mchod rten gyi rab tu ldan pa bźin du rgya cher brjod par bya ste | de yaṅ sems can la phan pa’i phyir bcom ldan ’das kyis dbu skra’i mchod rten daṅ | sen mo’i mchod rten du gsuṅs pa’o || de la saṅs rgyas bcom ldan ’das kyis mchod rten ni thams cad du rdzogs par bya’o || (6) raṅ saṅs rgyas kyi ni bum pa sul can med par bya’o || dgra bcom pa’i ni phaṅ lo bźi ba’o || phyir mi ’oṅ ba’i ni phaṅ lo gsum pa’o || lan gcig phyir ’oṅ ba’i ni phaṅ lo gñis pa’o || rgyun du źugs pa’i ni phaṅ lo gcig pa’o || so so’i skye bo dge ba can dag gi ni (7) mgo yu bor bya’o || mchod rten gyi phyi rol gyi dag ra’i phyir mgon med pa las zas sbyin pa’i khyim bdag rab tu dad pa mṅon par dad pa can de bcom ldan ’das gaṅ na ba der soṅ nas druṅ du phyin pa daṅ | bcom ldan ’das kyi źabs la mgo bos phyag ’tshal te phyogs gcig tu ’dug go || (265a1) phyogs gcig tu ’dug nas bcom ldan ’das la khyim bdag mgon med zas sbyin pas gaṅ gi tshe na bcom ldan ’das ljoṅs rgyu źiṅ gśegs par gyur pa de’i tshe bcom ldan ’das kyi źal mi mthoṅ bas śin tu yoṅs su gduṅ bar ’gyur na bcom ldan ’das kyi (2) dbu skra daṅ | sen mo bdag la stsal na bdag gis mchod do źes gsol pa daṅ | bcom ldan ’das kyis de la khyod kyi mchod gnas ’di’o źes bya ba nas de la dbu skra daṅ | sen mo byin pa daṅ | des ’di skad ces smras so || gal te bcom ldan ’das kyis (3) bkas gnaṅ na dbu skra daṅ | sen mo las mchod rten bgyi’o || bcom ldan ’das kyis bka’ stsal pa | khyim bdag rjes su gnaṅ gis dbu skra’i mchod rten daṅ | sen mo’i mchod rten kyaṅ byos śig | ’di ni mchod rten gyi rab tu ldan pa źes bya’o ||

stūpa/caitya

mchod (4) rten gyi dṅos po’i rab tu ldan pa gaṅ źe na | gaṅ mchod rten gyi źiṅ ṅam | nags tshal lam | gaṅ du ruṅ ba’i phyogs su thog mar mchod rten gźag par byas te | mchod rten de’i dṅos po’i khor khor yug tu mchod rten gyi dṅos por gźag par bya ste | ’di ni mchod (5) rten gyi dṅos po’i rab tu ldan pa źes bya’o ||

stūpa/caitya vastu

mchod rten gyi khyams kyi phreṅ gi rab tu ldan pa gaṅ źe na | mchod rten gyi khyams daṅ ka ba ni bcom ldan ’das kyis ji ltar ’dul ba las gsuṅs pa bźin du rgya cher brjod par bya ste | ’di ni mchod rten gyi khyams kyi phreṅ gi rab tu (6) ldan pa źes bya’o ||

stūpa/caitya

mchod rten gyi mi zad pa’i rab tu ldan pa gaṅ źe na | yaṅs pa’i groṅ khyer gyi tshoṅ bas bcom ldan ’das kyi mchod rten źig byas nas mchod rten gyi khyams kyaṅ byas te | dge sloṅ rnams la mchod rten gyi mi zad pa phul ba daṅ | dge sloṅ rnams (7) the tshom du gyur nas so sor ma blaṅs pa daṅ | de lta bur gyur pa dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | rjes su gnaṅ gis kun dga’ ra ba na gnas pa’am | dge bsñen gyis mchod rten mi zad pa de loṅ śig (265b1) mchod rten la rim gro bya ba’i phyir spel bar bya ste | gaṅ de’i rñed pa skyes nas des mchod rten la mchod par bya | gaṅ de las kyaṅ lhag na des mchod rten la yon du dbul bar bya ste | ’di ni mchod rten gyi mi zad pa’i rab tu ldan pa źes bya’o ||

stūpa/caitya

mchod rten slar bcos pa’i (2) rab tu ldan pa gaṅ źe na | ’dzem pa’i gor bu’am | rdo thal gyi goṅ bu’am | sa mar gyi goṅ bus mchod rten slar bcos par bya ste | ’di ni mchod rten slar bcos pa’i rab tu ldan pa źes bya’o ||

stūpa/caitya

mchod rten gyi rgyan gyi rab tu ldan pa gaṅ źe na | mchod rten (3) brgyan par bya | gdugs daṅ | rgyal mtshan daṅ | ba dan la sogs pa dbyaṅ ba rnams daṅ | dril bu daṅ | ’khor lo daṅ | g-yuṅ druṅ ris daṅ | dpal gyi gru gu ris daṅ | dga’ ba can gyis bskor ba daṅ | phreṅ ba daṅ | se mo do daṅ | mu tig gi (4) phreṅ ba daṅ | dar daṅ | seṅ dar daṅ | ko śon daṅ | ras bal daṅ | srin bal daṅ | gser daṅ | dṅul daṅ | baiḍūr+ya daṅ | śel daṅ | duṅ daṅ | man śel daṅ | byi ru daṅ | dṅul daṅ | sa le sbram daṅ | asma gar ba daṅ | mu sar galba daṅ | (5) mu tig dmar po daṅ | g-yas su ’khyil bas bskor ba źes bya ba la sogs te | gaṅ gźan yaṅ ’jig rten na rgyan du bya ba’i rab tu sbyor ba thams cad kyis mchod rten la brgyan par bya ste | ’di ni mchod rten gyi rgyan gyi rab tu ldan pa źes bya’o ||

stūpa/caitya

mchod rten la (6) mchod pa’i rab tu ldan pa gaṅ źe na | mchod rten la mchod par bya ba ni phreṅ ba daṅ | dri daṅ | byug pa daṅ | bdug pa daṅ | me tog daṅ | gur gum gyi chag chag daṅ | ldoṅ ros daṅ | yuṅs mar gyi byug pa daṅ | me tog gi phreṅ ba daṅ | me mar gyi phreṅ ba daṅ | (7) dri’i phreṅ ba daṅ | a ru ra’i phye ma daṅ | a ga ru’i phye ma daṅ | tsan dan gyi phye ma daṅ | ka la nu sa ri daṅ | gser gyi me tog daṅ | dṅul gyi me tog daṅ | rin po che’i me tog daṅ | rol mo la sogs pa daṅ | gaṅ yaṅ gźan yaṅ ’jig rten pa’i mchod pa’i yo (266a1) byad du sbyor ba thams cad kyis kyaṅ mchod rten la mchod par bya || phyi phyir źiṅ phyag dar bya | phyag ’tshal bar bya’o || mchod rten la phreṅ ba’i chun po gdags pa’am | mchod rten gyi phyir rnam pa gźan du byed ciṅ ’dzeg pa ni dge sloṅ gi ruṅ ba ste | ’di ni mchod (2) rten la mchod pa’i rab tu ldan pa źes bya’o ||

stūpa/caitya

zas kyi rab tu ldan pa gaṅ źe na | gtsug lag khag gaṅ du yaṅ ruṅ ste | dge sloṅ gnas pa la der zas śig ’thob par byed pa ’di ni zas kyi rab tu ldan pa źes bya’o ||

food

zas daṅ bcas pa’i rab tu ldan pa gaṅ źe na | dge sloṅ (3) gaṅ bza’ ba źig chos daṅ bcas par rñed na de’i rkyen gyis phyir ’dus te za ba daṅ | yaṅ yaṅ za ba yod na yaṅ gnas gñi gar bag yaṅs su za ba ste | ’di ni zas daṅ bcas pa’i rab tu ldan pa źes bya’o ||

food

thug pa’i rab tu ldan pa gaṅ źe na | bcom ldan ’das kyis dge (4) sloṅ rnams la thug pa rnam pa bcu gsuṅs pa ni ’di lta ste | ’o ma’i thug pa daṅ | źo’i thug pa daṅ | dar ba’i thug pa daṅ | śa’i thug pa daṅ | mar gyi thug pa daṅ | ’bru mar gyi thug pa daṅ | til gyi thug pa daṅ | bal sran gyi thug pa daṅ | se’u’i thug pa daṅ | (5) chu’i thug pa daṅ | thug pa ’di rnams bcu ni dge sloṅ rnams kyis śes bźin du sgra chuṅ ba daṅ | hub hub med pa daṅ | na ba’i ’du śes daṅ | rkyen gyi ’du śes ñe bar bźag ste btuṅ bar bya’o || gźan yaṅ thug pa la yon tan rnam pa gñis yod de | bkres pa gźom pa (6) daṅ | skom pa gźom pa źes bya’o ||

soup?

bca’ ba’i rab tu ldan pa gaṅ źe na | bcom ldan ’das kyis dge sloṅ rnams la bca’ ba rnam pa dgu gsuṅs pa ni | ’di lta ste | rtsa ba’i bca’ ba daṅ | sdoṅ bu’i bca’ ba daṅ | lo ma’i bca’ ba daṅ | me tog gi bca’ ba daṅ | (7) ’bras bu’i bca’ ba daṅ | kha ra’i bca’ pa daṅ | til gyi bca’ ba daṅ | ’bras khur gyi bca’ ba daṅ | pu ram gyi bca’ ba daṅ | bca’ ba ’di rnams dgu ni dge sloṅ rnams kyis śes bźin pas sgra chuṅ du daṅ | blcag sgra med par na ba’i ’du śes daṅ | sman gyi ’du śes daṅ | (266b1) phyir phan pa’i ’du śes daṅ | rkyen gyi ’du śes ñe bar bźag ste bca’ bar bya’o || ’di ni bca’ ba’i rab tu ldan pa źes bya’o ||

food

myaṅ ba’i rab tu ldan pa gaṅ źe na | bcom ldan ’das kyis dge sloṅ rnams la myaṅ ba rnam pa lṅa rnams gsuṅs pa ’di lta ste | mar daṅ | ’bru mar (2) daṅ | sbraṅ rtsi daṅ | bu ram daṅ | mar sar daṅ | myaṅ ba ’di lṅa rnams ni dge sloṅ rnams kyis śes bźin du sgra chuṅ ba daṅ | blcag sgra med pas na ba’i ’du śes daṅ | sman gyi ’du śes daṅ | phyir phan pa’i ’du śes daṅ | rkyen gyi ’du śes su ñe bar bźag ste myaṅ bar bya’o | (3) ’di ni myaṅ ba’i rab tu ldan pa źes bya’o ||

savory food

bza’ ba’i rab tu ldan pa gaṅ źe na | bcom ldan ’das kyis dge sloṅ rnams la bza’ ba rnam pa lṅa gsuṅs pa ’di lta ste | ’bras chan daṅ | nas chan daṅ | ’bras phye daṅ | śa daṅ | khur ba daṅ | bza’ ba ’di lṅa ste | dge (4) sloṅ rnams kyis śes bźin du sgra chuṅ ba daṅ | blcag sgra med par na ba’i ’du śes daṅ | sman gyi ’du śes daṅ | rkyen gyi ’du śes daṅ | phyir phan pa’i ’du śes ñe bar bźag ste bza’ bar bya’o || ’di ni bza’ ba’i rab tu ldan pa źes bya’o ||

food

lhuṅ bzed kyi rab tu ldan (5) pa gaṅ źe na | bcom ldan ’das kyis dge sloṅ rnams la lhuṅ bzed rnam pa gñis gsuṅs te | lcags las byas pa daṅ | kham pa las byas pa’o || lhuṅ bzed rnam pa brgyad ni ma gnaṅ ba ste | gser daṅ | dṅul daṅ | baiḍūr+ya las byas pa daṅ | śel las (6) byas pa daṅ | śiṅ las byas pa daṅ | rdo las byas pa daṅ | mchiṅ bu las byas pa daṅ | khar ba las byas pa ste | ’di ni lhuṅ bzed kyi rab tu ldan pa źes bya’o ||

pātra

gos kyi rab tu ldan pa gaṅ źe na | bcom ldan ’das kyis dge sloṅ rnams la gos rnam pa bcu gsum (7) gsuṅs te | ’di lta ste | sbyar ma daṅ | stod g-yogs daṅ | mthaṅ gos daṅ | ’diṅ ba daṅ | khrus ras daṅ | g-yan pa g-yogs pa daṅ | stoṅ chags daṅ | stod chags kyi ’thib daṅ | smad g-yogs daṅ | smad g-yogs kyi ’theb daṅ | lus phyi ba daṅ | (267a1) skra bzed pa daṅ | dbyar gyi ras chen daṅ | yo byad kyi gos bcu gsum ste | chos gos bcu gsum po ’di rnams dge sloṅ rnams kyis mtshon gyi gcad ciṅ kha dog bsgyur te ruṅ bar bya mi dgos par byin gyis brlabs pa’i dbaṅ gis yoṅs su spyad par (2) bya’o|| ’di ni gos kyi rab tu ldan pa źes bya’o ||

cīvara

steṅ g-yogs kyi rab tu ldan pa gaṅ źe na | bcom ldan ’das kyis dge sloṅ rnams la na la stan dgab ba’i phyir steṅ g-yogs gñis su gsuṅs te | stug na ni chig rim | srab na ni sbyar ma’o || ’di ni (3) steṅ g-yogs kyi rab tu ldan pa źes bya’o ||

upper garment

khab kyi rab tu ldan pa gaṅ źe na | bcom ldan ’das kyis dge sloṅ rnams la gos ’tshem pa’i phyir lcags daṅ | khar ba daṅ | zaṅs daṅ | ra gan gyi khab gnaṅ ste | ’di ni khab kyi rab tu ldan pa źes bya’o ||

needle

khab ral (4) gyi rab tu ldan pa gaṅ źe na | bcom ldan ’das kyis dge sloṅ rnams la khab sba ba’i phyir khab ral gnaṅ ste | ’di ni khab ral gyi rab tu ldan pa źes bya’o ||

needle case

’dul ba gźuṅ dam pa | bam po lṅa bcu pa daṅ |

gnas ’cha’ ba’i rab tu ldan pa gaṅ źe na | saṅs (5) rgyas bcom ldan ’das kyis glo bur du lhags pa’i dge sloṅ gis gnas bca’ ba’i don gyi phyir dge ’dun gyi gtsug lag khaṅ du ’oṅs ma thag tu gnas ma bcas kyi bar ru rkaṅ ba’i rdul ma phyi śig | chu snod len cig ces gsuṅs pa daṅ | dge sloṅ gźan źig glo bur du (6) ’oṅs pas gnas bca’ ba’i don gyi phyir gtsug lag khaṅ du ’oṅs na des bcom ldan ’das kyis dge sloṅ glo bur du ’oṅs pas gnas bca’ ba’i don gyi phyir dge ’dun gyi gtsug lag khaṅ du ’oṅs na gnas ma bcas kyi bar du rkaṅ pa’i rdul ma ’phyi śig | chu snod kyaṅ ma len cig (7) ces bslab pa’i gnas bcas so źes pa thos nas des gnas bca’ ba’i phyir lus dal | lus tshegs che | lus dub bźin du phan tshun du brgyugs pa las brgyal te sa la ’gyel nas dus ’das so || de lta bur gyur pa dge sloṅ dag gis bcom ldan ’das la gsol nas bcom (267b1) ldan ’das kyis bka’ stsal pa | lhuṅ bzed daṅ chos gos źog la rkaṅ ba’i rdul phyis chu snod loṅ la gdod gnas chos śig | dge sloṅ de dag su las kyaṅ ruṅ gnas bab bab tu bca’ ba daṅ | dge ba’i chos yal bar gyur nas de ltar gyur pa dge sloṅ dag gis bcom ldan (2) ’das la gsol ba daṅ | bcom ldan ’das kyis bka’ stsal pa | gnas ’cha’ ba’i dge sloṅ gis gnas ’cha’ bar ’dod na riṅ thabs bab bab tu gnas ma ’cha’ bar źag gsum gyi bar du bsam pa śin tu soms | brtag pa śin tu rtogs | dpyad pa śin tu dpyad nas (3) gdod gnas bca’ bar bya’o || gaṅ las gnas ’cha’ bar ’dod pa dge sloṅ de’i spyod pa ci ’dra ba daṅ | ’khor ci ’dra ba daṅ | de’i gñis po phyi bźin ’braṅ ba’i grogs rnams ci ’dra ba daṅ | luṅ bsgo’am mi bsgo ba daṅ | rjes su ston nam mi ston pa dris śig | (4) bdag dge sloṅ de la ’jigs pa daṅ rim gro bkur sti byed par ’gyur ram mi ’gyur | dge ba’i chos rnams skye ’am | de ste ’grib par ’gyur źes bsam pa śin tu soms | brtag pa śin tu rtogs | dpyad pa śin tu dpyod la | gdod gnas chos śig | gnas sbyin (5) pa’i dge sloṅ gis kyaṅ gnas sbyin par ’dod na | gaṅ la’aṅ ruṅ riṅs par bab bab tu ma sbyin par źag gsum gyi bar du śin tu soms | brtag pa śin tu rtogs | dpyad pa śin tu dpyod la gdod gnas byin cig | gaṅ la gnas sbyin par ’dod pa’i dge sloṅ de’i spyod pa ci (6) ’dra pa daṅ | de’i spyod lam ci ’dra ba daṅ | kun tu spyod pa ci ’dra ba dris śig | dge sloṅ de bdag la ’jigs pa daṅ | rim gro bkur sti byed pa daṅ | dge ba’i chos skye bar ’gyur ram | de ste ’grib par ’gyur | dge sloṅ de bdag la ’jigs par ’gyur ram (7) mi ’gyur | mos śiṅ bkur sti daṅ dge ba’i chos ’phel lam mi ’phel śin tu bsams pa bsams | brtag pa śin tu brtags | dpyad pa śin tu dpyod la de ste sems mgu bar byed na gdod de la gnas byin cig | de ni gnas ’cha’ ba’i rab tu ldan pa źes bya’o ||

constructing a dwelling?

(268a1) gnas ’cha’ ba blaṅ ba’i rab tu ldan pa gaṅ źe na | gnas ’cha’ ba len par ’dod pa’i dge sloṅ gis gnas bca’ ba blaṅ bar ’dod na ’di bźin du gnas loṅ śig | stan las laṅs te bla gos phrag pa gcig tu byos || lag pa gñis kyis rkaṅ pa (2) gnis las bzuṅ ste lan gñis su tshir la tshig ’di skad du smros śig dgoṅs śig btsun pa | bdag dge sloṅ miṅ ’di źes bgyi ba btsun pa las gnas ’cha’ bar gsol na | btsun pas bdag la gnas bca’ ba stsol cig | bdag btsun pa la gnas ’cha’ źiṅ (3) mchis so źes de bźin lan gñis lan gsum du smros śig | des kyaṅ rigs so źes smros śig | des yaṅ slar legs so źes sam śin tu legs so źes bya’o || slar yaṅ bag yod par sgrubs śig | ces pa ’di ni gnas ’cha’ ba blaṅ ba’i rab tu ldan pa (4) źes bya’o ||

accepting a constructed dwelling?

gnas ’cha’ ba sbyin pa’i rab tu ldan pa gaṅ źe na | dge sloṅ lo bcu ma lon pas gnas ’cha’ ba mi sbyin no || lo bcu lon du zin kyaṅ mi śes pa glen pa | mi gsal pa | mi mkhas par grags na des kyaṅ gnas ’cha’ ba ma sbyin cig | chos lṅa daṅ ldan (5) ba’i dge sloṅ gis gnas ’cha’ ba sbyin par bya ste | ñes pa śes pa daṅ | ñes pa med pa śes pa daṅ | lci ba śes pa daṅ | yaṅ ba śes pa daṅ | so sor thar pa’i mdo daṅ rgyas par śes par gyur pa ste | de ni gnas ’cha’ ba sbyin pa’i rab tu ldan pa źes bya’o ||

giving a constructed dwelling

gnas (6) bca’ ba so sor btaṅ ba’i rab tu ldan pa gaṅ źe na | chos lṅa daṅ ldan na gnas bca’ ba btaṅ bar gyur te | lṅa gaṅ źe na | dad pa med pa yin || le lo can daṅ | bkur sti med pa daṅ | tshig ṅan du smra ba daṅ | sdig pa’i grogs po can yin no || gnas yaṅ rgyu lṅa daṅ (7) rkyen lṅas na gnas ’cha’ ba btar ’gyur te | spyo ba daṅ | soṅ pa daṅ | phyogs las gźan gyi phyogs su soṅ ba daṅ | mkhan po mthoṅ ma thag tu gnas ’cha’ ba btad par ’gyur ba daṅ | gñis kas kyaṅ btaṅ ba de ni gnas ’cha’ ba btaṅ ba’i rab tu ldan pa źes bya’o ||

(268b1) mkhan po’i rab tu ldan pa gaṅ źe na | dge sloṅ dag mkhan po med par rab tu byuṅ źiṅ bsñen par rdzogs par byas pas na ma dul bar gyur || ṅan par dul ba daṅ | tshul daṅ mi ldan pa | smad g-yogs mi sdug par gyon | bla gos mi sdug par gyon | spyod pa ñams śiṅ (2) mi sdug par spyod pa la źugs pa daṅ | ma lugs ṅan | cha lugs mi sdug pa la źugs nas de la su yaṅ dag g-yog mi byed par gyur pa daṅ | de ltar gyur pa dge sloṅ dag gis bcom ldan ’das la gsol na | bcom ldan ’das kyis bka’ stsal pa | mkhan po (3) yod pa daṅ | des de dag ’dul bar byed | luṅ bsgo bar byed | rjes su yaṅ ston par byed | ’chos par byed na yaṅ bsñen bkur daṅ nad g-yog byed bar ’gyur ro źes gsuṅs so || bcom ldan ’das kyis bsñen bkur byos śig ces gsuṅs pa ’di ni mkhan po’i (4) rab tu ldan pa źes bya’o ||

upādhyāya

lhan cig spyod pa’i rab tu ldan pa gaṅ źe na || de dge sloṅ gi rab tu phyuṅ bsñen par rdzogs par byas na mkhan po la rim gro mi byed nas de ltar gyur pa dge sloṅ dag gis bcom ldan ’das la gsol nas | bcom ldan ’das kyis bka’ stsal pa | (5) lhan cig spyod pas ni mkhan po la rim gro byos śig | gźar bar byos śig | blta bar byos śig | mgu bar byos śig | rjes bźin du ’braṅ bar byos śig | bsñen bkur byos śig | bya ba thams cad kyaṅ mkhan po la ma dris kyi bar du ma byed cig | rnam (6) pa gsum ma gtogs te | bśaṅ gci daṅ | so śiṅ dor ba daṅ | mtshams kyi naṅ nas mchod rten la phyag ’tshal ba ma gtogs so || lhan cig spyod pa daṅ ldan las kyaṅ bya ba thams cad mkhan po la dris śiṅ byos śig | bśaṅ gci daṅ | so śiṅ dor ba daṅ | (7) mtshams kyi naṅ du mchod rten la phyag ’tshal ma gtogs so || lhan cig spyod pa daṅ ldan pa dag gis kyaṅ lhan cig spyod pa’i mkhan po la bkur sti byos śig | bla mar byos śig | mchod par byos śig | mgu bar byos śig | de’i bya ba źig yod na yaṅ le lo (269a1) mi bya źiṅ śes bźin du myur du gyis śig | rim gro daṅ bcas | ’dzem pa daṅ bcas | ’jigs pa daṅ bcas par ’gyur bar byos śig | ṅo tsha ba daṅ | sems dman po daṅ | bdag gi dge ba cir ’gyur sñam pa daṅ | de log pa źig la ’jug na (2) yaṅ mkhan pos bzlog par gyis śig | mkhan po la yaṅ des bzlog par gyis śig | mkhan po na na des nad g-yog gus par bya || bdag gi don kyaṅ mñams par bya ba de ni lhan cig spyod pa’i rab tu ldan pa źes bya’o ||

sahacārin

slob dpon gyi rab tu ldan pa gaṅ źe na | dge (3) sloṅ de dag slob dpon med par rab tu byuṅ źiṅ bsñen par rdzogs par byas pas na ma dul bar gyur | ṅan par dul ba daṅ | tshul daṅ mi ldan | śam thabs mi sdug par gyon | bla gos mi ran par gyon | spyod pa ñams śiṅ mi sdug par spyod pa la źugs pa daṅ | cha (4) lugs mi sdug | cha lugs log pa la źugs nas | de la su yaṅ nad g-yog mi byed par gyur pa daṅ | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | slob dpon yod kyaṅ des de dag dul bar byed | luṅ (5) bsgo bar byed | rjes su yaṅ ston par byed | ’chos par byed | na na yaṅ bsñen bkur daṅ nad g-yog byed par ’gyur ro źes gsuṅs so || bcom ldan ’das kyis bsñen bkur byos śig ces gsuṅs pa ’di ni slob dpon gyi rab tu ldan pa źes bya’o ||

ācārya

ñes gnas kyi (6) rab tu ldan pa gaṅ źe na | de dge sloṅ dag gis rab tu phyuṅ bsñen par rdzogs par byas na slob dpon la rim gro mi byed nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | ñes gnas kyis ni slob dpon (7) la rim gro byos śig | gźar bar byos śig | mgu bar byos śig | rjes bźin du ’braṅ bar byos śig | bsñen bkur byos śig | bya ba thams cad kyaṅ slob dpon la ma dris kyi bar du ma byed cig | rnam pa gsum ma gtogs te | bśaṅ (269b1) gci daṅ | so śiṅ dor ba daṅ | mtshams kyi naṅ du mchod rten la phyag ’tshal ba ma gtogs so || ñe gnas daṅ ldan pas kyaṅ bya ba thams cad slob dpon la dris śiṅ byos śig | bśaṅ gci daṅ | so śiṅ dor ba daṅ | mtshams kyi naṅ du mchod rten (2) la phyag ’tshal ba ma gtogs so || ñe gnas daṅ ldan pa dag gis kyaṅ ñe gnas kyis slob dpon la bkur stir byos śig | bla mar byos śig | mchod bar byos śig | mgu bar byos śig | de’i bya ba źig yod na yaṅ le lo mi bya źiṅ śes bźin du myur du gyis (3) śig | rim gro daṅ bcas | ’dzem pa daṅ bcas | ’jigs pa daṅ bcas par byos śig | ṅo tsha ba daṅ | sems dman pa daṅ | bdag gi dge ba cir ’gyur sñam pa daṅ | de log pa źig la ’jug pa na yaṅ slob dpon gyis bzlog par gyis śig | slob (4) dpon la yaṅ des bzlog par gyis śig | slob dpon na na des nad g-yog gus par bya || bdag gi don kyaṅ ma ñams par bya ba de ni ñes gnas kyi rab tu ldan pa źes bya’o ||

Read ñe gnas, attendant?

mkhan po daṅ slob dpon daṅ lhan cig spyod pa daṅ ñe gnas kyi rab tu ldan pa gaṅ źe na | mkhan po daṅ (5) slob dpon gyis lhan cig spyod pa daṅ ñe gnas la bu lta bu’i ’du śes mṅon du źog śig | lhan cig spyod pa daṅ ñe gnas kyis kyaṅ mkhan po daṅ slob dpon la phar ’du śes mṅon du dga’ bar bya ste | ’di ni mkhan po daṅ slob dpon daṅ lhan cig spyod pa daṅ ñe gnas kyi rab tu ldan pa (6) źes bya’o ||

upādhyāya and ācārya and sahacārin and attendant

dge sloṅ gi rab tu ldan pa¹ dge tshul gyi rab tu ldan pa gaṅ źe na | bcom ldan ’das kyis dge sloṅ rnams la dge tshul pha choṅs śig par gnaṅ ste | tha ma ni bya rog skrod nus la lo bdun pa’o || de la ñes pa’i dmigs śig byuṅ na dge bsñen dad pa’i mdun du spyo źiṅ (7) spoṅs śig | sgren mor ma spaṅ śig | gos gcig par ma spaṅ bar stod g-yogs mthaṅ gos daṅ ldan par spaṅ ste | ’di ni dge tshul gyi rab tu ldan pa źes bya’o ||

1. dge sloṅ gi rab tu ldan pa is probably here included by mistake

śramaṇera

dṅos po’i rab tu ldan pa gaṅ źe na | phyogs gar thog ma gtsug lag khaṅ rtsig pa der las gsar du byed pa’i dge (270a1) sloṅ gis rtogs śig | sṅar gtsug lag khaṅ gi dṅos po brtag pa ni ’od pa daṅ ldan nam | skyed siṅ daṅ ldan nam | chu daṅ ldan nam | ’chags daṅ ldan nam | ñe ’khor daṅ ldan nam | rtsod pa med dam | dog pa med dam | spyod yul daṅ mi riṅ ṅam | sa (2) cad yaṅ mi ñe’am | ñin par ldugs mi maṅ ṅam | ’khrug pa mi che’am | mtshan mo yaṅ sgra mi che’am | ca co mi che’am | gdug pa’i srog chags daṅ sbraṅ bu daṅ sbrul daṅ rluṅ daṅ tsha bas mi bde ba lta med dam | źi ba dben pa bsam gtan gyi rjes su mthun nam | naṅ du yaṅ (3) dag ’jog pa’i gźir ruṅ dam mi ruṅ źes śin tu rtogs par byas la gdod gtsug lag khaṅ brtsig go || las gsar byed pa’i dge sloṅ gis śin tu ma brtags par gtsug lag khag brtsig na ’das pa daṅ bcas par ’gyur te | ’di ni dṅos po’i rab tu ldan pa źes bya’o ||

vastu?

gtsug (4) lag khaṅ gi rab tu ldan pa gaṅ źe na | bcom ldan ’das kyis dge sloṅ rnams la gtsug lag khaṅ rab tu gnaṅ ba ni khaṅ bzaṅs khyams bźi pa daṅ | khaṅ bzaṅs khyams bcu gñis po de sgo khaṅ ni bźi rtseg gam bdun rtseg go | khaṅ bu brtsegs pa daṅ | bsro gaṅ daṅ | (5) tshaṅ ma daṅ | bkad sa daṅ | ’chags daṅ || dugs khaṅ daṅ | rkaṅ pa’i bkru khaṅ daṅ | gnas khaṅ daṅ | sṅa khaṅ daṅ | khaṅ pa ’khor du bcas pa daṅ | khaṅ pa glo ’bur te | dge dun gya yaṅ ruṅ | gaṅ zag gi yaṅ ruṅ | slob pa daṅ mi slob pa’i yaṅ ruṅ ste | (6) spyod lam bźir ruṅ bar ’gyur ba ni gtsug lag khaṅ gi rab tu ldan pa źes bya’o ||

vihāra

mal stan gyi rab tu ldan pa gaṅ źe na | bcom ldan ’das kyis dge sloṅ rnams la mal stan rjes su gnaṅ ba ni ’di lta ste | khri daṅ | khri’u daṅ | stan naṅ tshaṅs can daṅ | la ba daṅ | sṅas rten daṅ (7) gru bźi pa ste | dge ’dun gyi’aṅ ruṅ gaṅ zag gi yaṅ ruṅ | gdiṅ ba daṅ | bgo ba ’di ni mal stan gyi rab tu ldan pa źes bya’o ||

śayanāsana

las gsar gyi rab tu ldan pa gaṅ źe na | de ’di ltar bcom ldan ’das kyis gaṅ gi tshe gtsug lag khaṅ byos śig par rjes su gnaṅ bar de na | dge sloṅ rnams (270b1) kyis ji ltar dga’ ba bźin du las gsar ba byed de | de la kha cig gis ni brtsams pa las dus ’das par gyur | kha cig gis ni brtsams nas doṅ | kha cig gis ni zin par byed do || saṅs rgyas bcom ldan ’das ’brog dgon pa na ’brog dgon pa’i mchog gi nags na (2) bźugs te | de’i tshe na dgon pa’i gtsug lag khaṅ rnams źig kyaṅ las gsar ba mi byed de || dgon pa’i gtsug lag khaṅ źig kyaṅ las gsar pa mi byed par bcom ldan ’das kyis gzigs so || de ltar gzigs nas yaṅ | tshe daṅ ldan pa kun dga’ bo la kun dga’ ba ci’i rgyu (3) ci’i rkyen gyis na dgon pa ’di dag las gsar pa mi byed ces gsuṅs pa daṅ | btsun pa de ’di ltar dgon pa’i dge sloṅ dag las kha cig ni dus las ’das | kha cig ni doṅ || kha cig ni legs par bgyid pas na btsun pa rgyu de daṅ rkyen de lta bu’i phyir dgon pa pa dag las gsar (4) pa mi byed do źes smras pa daṅ | bcom ldan ’das kyis bka’ stsal pa | las gsar du byed pa’i dge sloṅ skos śig | de yaṅ rim bźin du ma yin gyi gaṅ raṅ bźin gyis dge ba la brtson źiṅ le lo med pa brtson ’gus kyi nag tan daṅ ldan pa las gsar du byed nus pa | las gsar (5) ba la don byed pa de lta bu ni las gsar du byed par gsol pa daṅ | gñis kyi las kyis bskor bar bya’o || de na dge sloṅ rnams ’di ltar rtsig pa ral ba las slar brtsig pa tsam mam | bal glaṅ gi lci ba byugs ba tsam daṅ | gaṅ ci yaṅ ruṅ ba źag gcig tsam gyi phyir yaṅ (6) las gsar du byed ba’i dge sloṅ bsko ba daṅ | bcom ldan ’das kyis bka’ stsal pa | gaṅ ci’i la yaṅ ruṅ źag gcig tsam gyi phyir las gsar pa byed pa’i dge sloṅ ma bsko bar | gaṅ mchod rten nam | gtsug lag khaṅ rñiṅ pa slar bcos sam | de ste gsar pa byed kyaṅ ruṅ (7) gis de’i phyir las gsar pa byed bskos śig | de dag nam ’tsho ba’i bar du bskos te | dud pa can gyi naṅ de ñid du ’khod bar byed pa daṅ | bcom ldan ’das kyis bka’ stsal ba || nam ’tsho ba’i bar du ma bsko śig | dud pa can gyi naṅ na ’khod par yaṅ ma byed cig | las (271a1) gsar du byed pa yaṅ gnas khaṅ rñiṅ ba ’chos na lo drug tu skos śig | gnas khaṅ gsar ba la ni lo bcu gñis so || las gsar daṅ rab tu ldan pa’i dge sloṅ des kyaṅ gtsug lag khaṅ gaṅ na gnas par dge sloṅ des gtsug lag khaṅ der dus dus su kun tu (2) byul źiṅ rtogs śig | de ste gtsug lag khaṅ de na ral źiṅ źig par mthoṅ na de ste bdag ñid kyis nus par gyur na ni bdag ñid kyis slar gso bar byos śig | bdag ñid kyis bya ba mi nus na tshaṅs pa mtshuṅs par spyod pa gźan dag la ston cig | ston la bdag (3) gis mṅon sum du źal ta gyis la slar chos śig | de yal bar ma dor cig | phyal bar bor na ’das pa daṅ bcas par ’gyur te | ’di ni las gsar gyi rab tu ldan pa źes bya’o ||

navakarma? Cf. Jonathan Silk, "Managing monks".

las gsar du byed par rab tu ldan pa gaṅ źe na | de la lags gsar du byed pa’i dge (4) sloṅ gis dge ’dun gyi las gsar byed pa la źugs na de dge ’dun gyi las kyis rmoṅs pas na las gsar du bya ba yaṅ śor bar gyur nas | de ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | ṅas rjes su gnaṅ (5) gis las gsar du byed pa’i dge sloṅ la dge ’dun gyi las ma bsko śig | gtsug lag rñiṅ pa slar gso ba de la ni lo gñis su las kyi res su mi bsko ste | nam brtsigs g-yogs skyoṅ nul zin gyi bar du’o || gaṅ gis gnas khaṅ bźi pa’i gtsug lag khaṅ źig rtsig (6) na de la lo bźi’i bar du las su mi bsko ste | nam brtsigs g-yogs skyoṅ nu la zin gyi bar du’o || gaṅ gnas khaṅ brgyad pa’i gtsug lag khaṅ rtsig na de la lo brgyad kyi bar du las kyi res su mi bsko ste | nam brtsigs g-yogs skyoṅ nul zin gyi bar du’o | gnas khaṅ (7) byams bcu gñis pa’i gtsug lag khaṅ źig rtsig na de la lo bcu gñis kyi bar du las kyi res su mi bsko ste | nam brtsigs g-yogs skyoṅ nul zin gyi bar du’o | gaṅ mchod rten daṅ bcas pa’i dge ’dun kun dga’ ra ba źig rtsig la mal stan rnams kyaṅ sbyor bar byed na nam (271b1) ’tsho’i bar du las kyi res su mi bsko ste | las gsar gyi rab tu ldan pa de yaṅ chos lṅa daṅ ldan pa’i dge sloṅ las gsar lam bskos na ni ma bsko śig | bskos na ni phyuṅ śig | lṅa gaṅ źe na | mi brtson pa daṅ | le lo can daṅ | nan tan du mi byed pa daṅ | myur du mi byed pa (2) daṅ | las gsar ba byas pa daṅ ma byas pa mi śes pa’o || chos rnam pa lṅa daṅ ldan pa’i dge sloṅ las gsar ba byed par ma bskos na ni bskos śig | bskos na ni ma phyuṅ śig | lṅa gaṅ źe na | brtson pa can daṅ | le lo med pa daṅ | nan tan daṅ ldan pa daṅ | (3) myur bar byed pa daṅ | las gsar ba byas pa daṅ ma byas pa śes pa’o || las gsar pa byed pa’i dge sloṅ gis kyaṅ gcug lag dus dus su byul cig | ci nas gtsug lag khaṅ las byed pa des kun tu spro bar bya ba ni ji ltar gtsug lag khaṅ thams cad la las gsar (4) pa byas ba ñams par mi ’gyur pa de lta bur spro ba bskyed par bya ste | de ltar byas na ni legs | de ltar ma byas na ’das pa daṅ bcas par ’gyur te | de lta bu ni las gsar du byed pa daṅ rab tu ldan pa źes bya’o ||

phyag ’tshal ba’i rab tu ldan pa gaṅ źe na | bcom (5) ldan ’das kyis dge sloṅ rnams la phyag ’tshal ba rnam pa gñis gnaṅ ste | dge sloṅ la phyag bya ba daṅ | ston pa la phyag bya ba’o || dge sloṅ gis ni ji ltar rgan rims kyi dge sloṅ la mṅon du tshig sñan pa daṅ | phyag bya ba daṅ | mṅon du ldaṅ ba daṅ | thal mo sbyar ba daṅ | (6) phyag bya bar bya ste | mgos rkaṅ pa la phyag bya ba daṅ | lag pa gñis kyis rkaṅ pa gñis nas bzuṅ źiṅ btsir ba’o || de bźin gśegs pa la ni dkyil ’khor lṅas phyag bya ste | de ni phyag bya ba’i rab tu ldan pa źes bya’o ||

salutation

khu bu skyur bo’i rab tu ldan pa gaṅ źe na | khu ba (7) skyur po ni dge sloṅ na ba daṅ | rluṅ nad can rnams la ste | ji ltar tshe daṅ ldan pa śā ri’i bu la gnaṅ bźin no || rdzas gaṅ la khu ba skyur po bya źe na | rtsa ba daṅ | sdoṅ bu daṅ | lo ma daṅ | me tog daṅ | sman daṅ | sa bon thams cad de dag gcig tu spaṅs nas nam skyur bar gyur pa de na (272a1) daṅ pa | ma rñogs pa | dar tshags kyis btsags la chus bslad de daṅ bar byas nas ñin par daṅ srod kyi bar du btuṅ ste | de ni khu ba skyur bo’i rab tu ldan pa’o ||

emission of semen

phye ma’i rab tu ldan pa gaṅ źe na | bcom ldan ’das kyis dge sloṅ rnams la phye ma rnam pa (2) gñis yoṅs su gnaṅ ste | sman gyi phye ma daṅ | bkru ba’i phye ma’o || sman gyi phye ma rnams nad gźil ba’i phyir gnaṅ ṅo || bkru ba’i phye ma dge sloṅ rnams la gnaṅ ba ni rgyags pa’i phyir ma yin | dregs pa’i phyir ma yin | mdzes pa’i phyir ma yin || brgyan pa’i (3) phyir ma yin gyi lus kyi dri ma bsal ba’i phyir ro || ci las bkru ba’i phye ma bya źe na | sran gre’u daṅ | sran mā daṅ | rgya sran daṅ | sran ma daṅ | de rnams kyi phyi śun daṅ | ’bru hri min ta rnams la bya ste | dge sloṅ rnams la dri sna tshogs kyis spags pa de brgyan (4) ba’i phyir ma yin gyi bkru ba’i phye mar yoṅs su spyad par bya’o || ma bslaṅs par dri daṅ sbags pa źig rñed par gyur na ñes pa med de | de daṅ mthun pa’i sman rnams kyis raṅ gis kyaṅ spags śiṅ spyod na de bźin te | de ni phye ma’i rab tu ldan pa źes bya’o ||

cūrṇa?

sman gyi (5) rab tu ldan pa gaṅ źe na | bcom ldan ’das kyis dge sloṅ nad pa rnams la nan gźi la ba’i phyir sman rjes su gnaṅ ste | sṅa dro daṅ | phyi dro daṅ | bdun pa daṅ | nam ’tsho’i bar du ste | rtswa ba’i sman daṅ | sdoṅ bu’i sman daṅ | lo ma’i sman daṅ | me tog gi sman daṅ | (6) ’bras bu’i sman no || dge sloṅ min pas ni na ba’i sman yoṅs su mi spyad de | ’di ni sman gyi rab tu ldan pa źes bya’o ||

bhaiṣajya

btuṅ ba’i rab tu ldan pa gaṅ źe na | bcom ldan ’das kyis dge sloṅ rnams la draṅ sroṅ ke.e n+ya ya źes bya ba las te dge sloṅ rnams la btuṅ ba rnam pa (7) brgyad rjes su gnaṅ ṅo || de dag gaṅ źe na | ’di lta ste | śiṅ tog tso tsa’i daṅ | mo tsa’i | rgya śug gi daṅ | ’bra go’i daṅ | ba ru śa daṅ | a śwat+pa’i daṅ | u dum bā ra’i daṅ | rgun ’brum gyi ste | btuṅ ba rnam pa brgyad po ’di dag ni dge sloṅ rnams (272b1) la gnaṅ gis kha zas ma ’phags pa daṅ | mi myos pa daṅ | mi skyur ba daṅ | saṅs pa daṅ | daṅ pa daṅ | ma rñogs par dar tshags kyis tshogs la chus slod de phyi dro’i byas pa btaṅ ste | ’di ni btud pa’i rab tu ldan pa źes bya’o ||

drink

pags pa’i rab tu ldan pa (2) gaṅ źe na | dge sloṅ gis pags pa gźag par mi bya | bcad par mi bya | byin gyis brlab par mi bya | gdiṅ bar mi bya | de la ’dug par mi bya | stan du gdiṅ bar mi bya | de la ’jug par mi bya | de la ’dres par mi bya | lham goṅ ral sbu bu can daṅ | (3) mchil can daṅ | goṅ cad daṅ | yu thuṅ ste | khyim pa’i naṅ du de ’dra ba’i rkyen cig byuṅ na ni pags pa la ’dug par bya’o || nad pas ni pags pa la ’dug par bya ste | ’di ni pags pa’i rab tu ldan pa źes bya’o ||

*carma

lham gyi rab tu ldan pa gaṅ źe na | bcom (4) ldan ’das kyis dge sloṅ rnams la lham rnam pa gñis gnaṅ ste | lham mchil rim gcig pa daṅ | khyim pa’i lham rim maṅ po yaṅ ruṅ ṅo || dge sloṅ gis ri mor bris pa’i lham ma ’chaṅ śig | de ni lham gyi rab tu ldan pa źes bya’o ||

shoes

śiṅ lham gyi rab tu ldan (5) pa gaṅ źe na | bcom ldan ’das kyis dge sloṅ rnams la śiṅ lham rnam pa gñis gnaṅ ste | bśaṅ gci’i śiṅ lham daṅ | khri rten gyi śiṅ lham mo || dge sloṅ gis de ma yin par gźan du śiṅ lham mi bcaṅ ste | gźan du bcaṅs na ’das pa daṅ bcas par ’gyur (6) te | ’di ni śiṅ lham gyi rab tu ldan pa źes bya’o ||

wooden shoes

drud pa’i rab tu ldan pa gaṅ źe na | dge sloṅ gis rta’i drud pa’am | mtsho’i dbu ba’am | gyo mos rkaṅ pa drud pa ma ’chaṅ śig | de ni drud pa’i rab tu ldan pa źes bya’o ||

khar pa’i rab tu ldan pa gaṅ źe na | bcom (7) ldan ’das kyis dge sloṅ nad pa daṅ | rgan po la khar ba rjes su gnaṅ ṅo || de ste rtsa bar gas na ni lcags kyis bskor cig | rtse mor gas na ni sbu bur chug śig | de ni khar ba’i rab tu ldan pa źes bya ste | rgyal po’i khab kyi groṅ khyer gyi bsil ba’i tshal gyi dur khrod na sbal yod de | (273a1) dge sloṅ rnams dur khyod kyi naṅ du doṅ ba daṅ | sbrul gyis reg par gyur nas de lta bur gyur pa dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | sbrul rnams bskrad pa’i phyir sgra daṅ bcas pa’i khar ba ’chad par gnaṅ (2) ste | ’di ni khar ba’i rab tu ldan pa źes bya’o ||

dra ba’i rab tu ldan pa gaṅ źe na | bcom ldan ’das kyis dge sloṅ na ba daṅ rgas pa la dra ba gnaṅ ste | dge sloṅ gis tshon sna tshogs kyis dra ba brgyan pa’i phyir ma ’chaṅ śig | ’di ni dra ba’i rab tu ldan pa źes bya’o ||

net?

khar ba (3) daṅ dra pa’i rab tu ldan pa gaṅ źe na | bcom ldan ’das kyis dge sloṅ na ba daṅ rgas pa la khar ba daṅ dra ba’i sdom pa gsol ba daṅ gñis kyi las kyis byin cig par rjes su gnaṅ ste | rgyas par ni ’dul ba las ’byuṅ ba bźin te | ’di ni khar ba daṅ dra ba’i rab tu ldan pa źes bya’o ||

sgog (4) skya’i rab tu ldan pa gaṅ źe na | bcom ldan ’das kyis na ba rluṅ nad can la sgog skya rjes su gnaṅ ste | ji ltar tshe daṅ ldan pa śā ri’i bu la gnaṅ ba bźin no || dge sloṅ mi na bar sgog skya ma śi ba || za na ’das pa daṅ bcas par ’gyur ro || de ste na zol tshul bźin du byos (5) śig | sgog pa’i tshul de ni ’di lta bu ste dge sloṅ gis sgog skya zos na ston pa la star ma ’gro śig | mkhan po daṅ slob dpon gyi druṅ du ma ’gro śig | bla ma la yaṅ ma yin | bla ma’i gnas su gyur pa yaṅ ma yin ston par yaṅ ma byed cig | nod par yaṅ ma byed cig | dran (6) par yaṅ ma yin | ’dri bar yaṅ ma yin | groṅ du yaṅ ma ’jug śig | zas la gral du yaṅ mi bkad | thug pa ’thuṅ bar yaṅ ma yin | skyo ma ’thuṅ bar yaṅ ma yin | chos ñan par yaṅ ma yin | dge sloṅ rnams daṅ lhan cig tu ’dug par yaṅ ma byed cig | ’du (7) bar yaṅ ma yin | gźan ci’i don la yaṅ ruṅ ste | lhan cig mi ’dug | gnas khaṅ dben par ’dug par bya | de ste gaṅ zag gi gdiṅ ba daṅ bgo ba med par gyur na phyogs bźi’i dge ’dun gyi ṅan pa las loṅ śig | bśaṅ gci’i sa yaṅ logs śig tu byos śig | de (273b1) ste źag gcig sgog skya zos na źag bdun gyi bar du soṅ śig | bdun du zos na yaṅ bdun du soṅ śig | bdun ’das nas ni gdiṅ ba daṅ bgos pa yaṅ khrus śig | gnas khaṅ yaṅ byi bdar gyis śig | gnas khaṅ gi zla rnams kyaṅ phyag dar phyogs śig | źal źal (2) gyis ’jam por gyis śig | ba laṅ gi lci bas yugs śig | bśaṅ gci sar yaṅ byi ba dar gyis śig | chos gos khrus śig | khrus byos śig | de’i ’og tu ci bder ston pa la ltar soṅ śig | mkhan po daṅ slob dpon daṅ | bla ma’i gnas su ’gyur ba rnams la ltar (3) soṅ śig | ston pa yaṅ byin cig | nod pa daṅ dran par bya ba daṅ | dri ba yaṅ byos śig | groṅ du yaṅ źugs śig | zas la gral du yaṅ bkad par bya’o || skyo ma daṅ thug pa ’thuṅ ba’i gral du yaṅ bkad par bya | chos mñan par bya | dge sloṅ daṅ lhan (4) cig tu ’dug par bya’o || sgog skya za ba’i dge sloṅ gis ji ltar mtshuṅs par spyad pa’i chos bcas pa bźin mtshuṅs par ma spyad na ’das pa daṅ bcas par ’gyur te | ’di ni sgog skya’i rab tu ldan pa źes bya’o ||

spu gri’i rab tu ldan pa gaṅ źe na | bcom ldan ’das kyis (5) dge sloṅ rnams la skra breg pa’i phyir spu gri rjes su gnaṅ ba de ni spu gri’i rab tu ldan pa źes bya’o ||

spu gri’i śubs rab tu ldan pa gaṅ źe na | bcom ldan ’das kyis dge sloṅ rnams la spu gri’i tshas kyi phyir spu gri’i śubs rjes su gnaṅ ba de ni spu gri’i śubs rab tu ldan pa źes (6) bya’o||

lde mig kyog bo’i rab tu ldan pa gaṅ źe na | bcom ldan ’das kyis dge sloṅ rnams la mal stan drub pa daṅ | dge ’dun la bde ba daṅ | dge ’dun la dge bar spyod pa’i phyir lṅa mig kyog po rjes su gnaṅ ste | ’di ni lde mig kyog po’i rab tu ldan pa źes bya’o ||

(7) sgo lcags kyi rab tu ldan pa gaṅ źe na | bcom ldan ’das kyis dge sloṅ rnams la sgo lcags rjes su gnaṅ ba ni ’khrul ’khor byas pa lde mig gis rab tu dbye ba ste | ’di ni sgo lcags kyi rab tu ldan pa źes bya’o ||

bźon pa’i rab tu ldan pa gaṅ źe na | bcom ldan ’das kyis dge sloṅ (274a1) rgan pa daṅ | rgan ’khogs pa daṅ | na ba daṅ | rtsol mi nus pa daṅ | dar la bab pa rnams kyi phyir bźin ba rjes su gnaṅ ste | dge sloṅ gis brgyan pa’i ri mo bris pa’i bźon pa la ma źon cig | bźon pa mo la raṅ gi bźon par ma byad cig | ’di ni (2) bźon pa’i rab tu ldan pa źes bya’o ||

gdugs kyi rab tu ldan pa gaṅ źe na | bcom ldan ’das kyis dge sloṅ rnams la char daṅ tsha ba’i gñen po’i phyir gdugs rjes su gnaṅ ste | gdugs bris pa ri mo can brgyan pa’i phyir ma ’chaṅ śig | yu ba riṅ po ma ’chaṅ śig | (3) gdugs thogs bźin du groṅ du ’gro bar mi bya ste | ’di ni gdugs kyi rab tu ldan pa źes bya’o ||

bsil yab kyi rab tu ldan pa gaṅ źe na | bcom ldan ’das kyis dge sloṅ rnams la tsha ba’i gñen po’i phyir bsil yab gnaṅ ste | dge sloṅ gis bsil yab ri mo can brgyan (4) pa’i phyir ma ’chaṅ śig | de ni bsil yab kyi rab tu ldan pa źes bya’o ||

rṅa ma’i sbyaṅ yab kyi rab tu ldan pa gaṅ źe na | bcom ldan ’das kyis dge sloṅ rnams la srog chags gdug pa daṅ sbraṅ bu bskrad pa’i phyir rṅa ma’i spraṅ yab gnaṅ ste | spraṅ yab rṅa ma gaṅ las bya źe na | (5) rṅa mo daṅ | ri dgas daṅ | skud pa’am | ra ṅa las te | dge sloṅ gis sbraṅ yab ri mo can brgyan ma ’char śig | sbraṅ yab ni rnam pa gñis te | gcig ni raṅ bźin gyis pa’o | gcig ni smug pa’o || ’di ni rṅa ma’i spraṅ yab gyi rab tu ldan pa źes bya’o ||

(6) sbraṅ yab kyi yu ba’i rab tu ldan pa gaṅ źe na | dge sloṅ gis rṅa yab kyi yu ba riṅ po ma ’chaṅ śig | de ste rñed na loṅ śig | loṅ la saṅs rgyas kyi mchod rten nam | ñan thos kyi mchod rten la dbul te | ’di ni sbraṅ yab kyi yu ba’i rab tu ldan pa źes bya’o ||

me loṅ gi rab tu (7) ldan pa gaṅ źe na | dge sloṅ rnams me loṅ dam | lhuṅ bzed kyi me loṅ ṅam | chu loṅ la gdod ma lta źig | de ste gdod la rma yod dam | gdoṅ sṅon gyi dad da’aṅ ci ’dra ba’i phyir lta’am | gdod gi gñer ma daṅ sbra dkar la lta’am | ’dus byas kyi dṅos po ’di rñiṅs par gyur pa’o || (274b1) ’jig par ’gyur ba’o sñam du lta ’dod ba la ni ñes pa med de me loṅ gi rab tu ldan pa źes bya’o ||

phreṅ ba daṅ | dri daṅ | byug pa’i rab tu ldan pa gaṅ źe na | dge sloṅ gis phreṅ pa daṅ | dri daṅ | byug par raṅ la yaṅ ma ’chaṅ śig | gźan la yaṅ ma sbyin cig | de ste rñed (2) yaṅ loṅ śig | loṅ la saṅs rgyas kyi mchod rtan nam | ñan thos kyi mchod rten la phul cig | ’di ni phreṅ ba daṅ | dri daṅ | byug pa’i rab tu ldan pa źes bya’o ||

gar daṅ glu daṅ rol mo brduṅ ba’i rab tu ldan pa gaṅ źe na | dge sloṅ gis gar daṅ glu daṅ brduṅ ba raṅ gis (3) kyaṅ ma byed cig | gźan la yaṅ byed du ma ’jug śig | bltar yaṅ ma ’gro śig | ci nas gar daṅ glu daṅ brduṅ ba spaṅ bar bya ste | ’di ni gar daṅ glu daṅ rol mo brduṅ ba’i rab tu ldan pa źes bya’o ||

tshul śiṅ gi rab tu ldan pa gaṅ źe na | bcom ldan ’das kyis dge sloṅ (4) graṅ ba’i phyir tshul śiṅ rjes su gnaṅ ste | tshul śiṅ śin tu riṅ ba yaṅ ma yin | thuṅ ba yaṅ ma yin | phra ba yaṅ ma yin | ’khyor ba yaṅ ma yin | rtsub pa yaṅ ma yin par sñoms par bya | draṅ pa daṅ | ’jam pa daṅ | bźin gnaṅ blta bur bya’o ||(5) ’di ni tshul śiṅ gi rab tu ldan pa źes bya’o ||

śalākā

mig sman gyi rab tu ldan pa gaṅ źe na | bcom ldan ’das kyis dge sloṅ mig na ba la mig sman rnam pa lṅa gnaṅ ba ni ’di lta ste | me tog gi mig sman daṅ | phye ma’i mig sman daṅ | ril bu’i mig snan daṅ | bro’i mig sman daṅ | mig (6) sman nag po’o || dge sloṅ rnams sgeg ciṅ cha ba’i phyir ni mig sman mi ’chaṅ bar bya’o || de ste na bar gyur na rjes su mthun pa’i sman de bsku bar bya’o || de ni mig sman gyi rab tu ldan pa źes bya’o ||

eye medicine

mig sman gye thur ma’i rab tu ldan pa gaṅ źe na | bcom ldan ’das kyis dge sloṅ rnams la mig (7) sman daṅ thur ma gnaṅ ba ni ji ltar ’dul ba las rgyas par ’byuṅ ba bźin te de ni mig sman gyi thur ma’i rab tu ldan pa źes bya’o ||

instrument for eye medicine

mig sman gyi snod kyi rab tu ldan pa gaṅ źe na | bcom ldan ’das kyis dge sloṅ rnams la mig sman gyi snod gnaṅ ba ni ji ltar ’dul ba las rgyas pa ’byuṅ pa bźin te | (275a1) de ni mig sman gyi snod daṅ rab tu ldan pa źes bya’o ||

vessel for eye medicine

gtun daṅ rab tu ldan pa gaṅ źe na | bcom ldan ’das kyis dge sloṅ rnams la sman ’thag pa’i phyir gtun daṅ gtun bu gnaṅ ba de ni gtun gyi rab tu ldan pa źes bya’o ||

pestle/mortar

ñal ba daṅ rab tu ldan pa gaṅ źe na | dge (2) sloṅ rnams ñin par mi ñal | me mar ’bar ba la yaṅ ma yin | de ste stur ba can źig yin na ni laṅs te bcag par bya | de ste mi nus na gźan du ’gro bar bya’o || de’i rkyen gyis gźan la yaṅ mi gnod par bya ba de ni ñal ba daṅ rab tu ldan pa źes bya’o ||

lying down

’dug pa’i (3) rab tu ldan pa gaṅ źe na | ñin bar ’chag gas || ’dug pa’i tshe sgrib pa’i chos rnams sems la yoṅs su sbyaṅ par bya’o || ñin bar ’chag ciṅ ’dug pa’i tshe sgrib pa’i chos rnams sems la yoṅs su sbyaṅs nas mtshan mo me la tshe daṅ po la ’chag ciṅ ’gro ba’i tshe yaṅ (4) sgrib pa’i chos rnams sems la yoṅs su sbyaṅ bar bya || mel tshe daṅ po’i tshe ’chaṅ ciṅ ’gro ba sgrib pa’i chos rnams sems la yoṅs su sbyaṅs nas mtshan mo mel tshe bar ma’i tshe gtsug lag khaṅ gi phyi rol du byuṅ ste rkaṅ pa bkrus nas gnas khaṅ du źugs te bla gos bźi (5) ltab tu bltab ste btiṅ || sbyar ma stug por bltab ste sṅas su bcug la g-yas phyogs kyis ñal bar bya ste || rkaṅ pa la rkaṅ pas mnan te yan lag mi dpral ba daṅ | sems mi g-yeṅ ba daṅ | gos ma gyes pa daṅ | gnaṅ bar ’du śes pa daṅ dran źiṅ śes pa daṅ ldaṅ (6) ba’i ’du śes yid la bya ste | tho raṅs myur źiṅ riṅs par laṅs te ’chag gam ’dug pa’i tshe sgrib pa’i chos rnams sems la yoṅs su sbyoṅ ba’i de ni ’dug pa’i rab tu ldan pa źes bya’o |

sitting

pus ’khyud kyi rab tu ldan pa gaṅ źe na | bcom ldan ’das kyis dge sloṅ rnams lan pa (7) daṅ rgyab na ba’i phyir ji ltar tshe daṅ ldan pa śā ri’i bu la pus ’khyud gnaṅ ba bźin te || dge sloṅ gis pus ’khyud ri mo can brgyan pa’i phyir mi bcaṅ bar bya ste | de na bus ’khyud kyi rab tu ldan pa źes bya’o ||

medicine belt?

brduṅ śiṅ gi rab tu ldan pa gaṅ źe na | bcom ldan ’das kyis dge sloṅ la (275b1) chos gos brduṅ ba’i phyir śiṅ gi brduṅ gźi daṅ brduṅ tho gnaṅ ba de ni brduṅ śiṅ gi rab tu ldan pa źes bya’o ||

ska rags kyi rab tu ldan pa gaṅ źe na | ska rags la rnam pa gsum ste | bcom ldan ’das kyis dge sloṅ rnams la ’di lta ste | ska rags lhas ma daṅ rgya caṅ daṅ lcag bod (2) rnams gnaṅ ste | dge sloṅ rnams brgyan pa’i phyir ska rags khra bo ma ’chaṅ śig | ska rags med par groṅ du ma ’gro śig | mdud pa gcig por ba yaṅ groṅ du ma ’gro śig | soṅ na ñes byas su ’gyur te | de ni ska rags kyi rab tu ldan pa źes bya’o ||

’u rdo’i rab tu ldan pa (3) gaṅ źe na | bcom ldan ’das kyis dge sloṅ rnams la sgras rkun po rnams bskrad par bya ba’i phyir ni ’u rdo gnaṅ ste | rnam graṅs kyis kyaṅ phog par mi bya ste | de ni ’u rdo’i rab tu ldan pa źes bya’o ||

gos dkris śiṅ mdud pa bor ba’i rab tu ldan pa gaṅ źe na | dge sloṅ rnams (4) gos dkris śiṅ mdud pa bor te ’gro bar ma byed cig | khaṅ steṅ na las byed pa ni ma gtogs te de no gos dkris śiṅ mdud pa bor ba’i rab tu ldan pa źes bya’o ||

sa’ rab tu ldan pa gaṅ źe na | sa la rnam pa gñis te | bcom ldan ’das kyis dge sloṅ rnams la ’chag pa’i sa (5) daṅ | lha khaṅ gis ni rjes su gnaṅ ṅo || de ni sa’i rab tu ldan pa źes bya’o ||

skyed śiṅ gi rab tu ldan pa gaṅ źe na || bcom ldan ’das la dge sloṅ dag gis ri bya rgod ’phuṅs pa’i śul der śiṅ dag ma mchis la nam mkha’ la bsgribs pas bya rgod ’phuṅs pa’i ri la ’dzeg ciṅ ’bab (6) pa’i tshe tsha bas rma bar gyur ro źes gsol ba daṅ | bcom ldan ’das kyis bka’ stsal pa | der grib mar ’gyur ba’am | me tog du ’gyur ba’am | ’bras bur ’gyur ba de dag bskyed par gnaṅ ṅo || de daṅ de dag tu skyed śiṅ bsruṅ ba’i phyir ’od ma’i ra bas kyaṅ bskor ba de ni skyed śiṅ (7) gi rab tu ldan pa źes bya’o ||

dṅos po’i rab tu ldan pa gaṅ źe na | bcom ldan ’das kyis dge sloṅ rnams la ldum ra’i phyir niṅ rjes su gnaṅ ṅo || ldum ra ni bcom ldan ’das kyis gtsug lag khaṅ gi phyir rjes su gnaṅ | źiṅ gi dṅos po daṅ ldum ra daṅ gtsug lag khaṅ bcom (276a1) ldan ’das kyis dge sloṅ gi phyir rjes su gnaṅ ste | de ni dṅos po’i rab tu ldan pa źes bya’o ||

tshal gyi rab tu ldan pa gaṅ źe na | tshal źes bya ba ni skyed śiṅ gi tshal te der ji ltar rgan rims bźin du bya ba ni rgyas par ’dul ba las ’byuṅ ba bźin te | de ni (2) tshal gyi rab tu ldan pa źes bya’o ||

rtsod pa’i rab tu ldan pa gaṅ źe na || rtsod pa źes bya ba ni ’thab ba daṅ | mtshaṅ ’dru ba daṅ | ’khrug pa daṅ | rtsod pa daṅ | phra ma daṅ | rnar gsaṅ ba daṅ | phan tshun tshig mi ’phrod pa daṅ | mi ’dum pa daṅ | mi mthun pa daṅ | (3) yid mi gcig pa daṅ | dge ’dun dbye ba daṅ | dge ’dun sgrogs pa daṅ | dge ’dun gñis su chad pa daṅ | dge ’dun tha dad du gyur pa daṅ | dge ’dun gcig tu mi sbyor ba daṅ | dge ’dun gcig tu mi sbyor ba’i gtsor gyur pa daṅ | dus ma yin par mi bya ba (4) daṅ | gnod par ’gyur bar mi bya ba daṅ | mthun med na chos bźin du mi bya ba daṅ | phyogs med dam grogs med na yaṅ mi bya ba daṅ | ’khor med na yaṅ mi bya ba daṅ | bdag ñid la gnod par gyur na yaṅ rtsod par mi bya | pha rol la’aṅ ’jigs pa daṅ gnod par ’gyur bas (5) rtsod par mi bya’o || ’di lta bu daṅ gźan la gzigs nas ñes pa’i dmigs su gyur te rtsod pa mi bya ba de ni rtsod pa’i rab tu ldan pa źes bya’o ||

adhikaraṇa or vivāda

dbyen gyi rab tu ldan pa gaṅ źe na | dbyen la rnam pa gñis te dge ’dun gyi dbyen daṅ ’khor lo’i dbyen no || ’khor lo’i dbyen ma yin gyi dge (6) ’dun gyi dbyen gaṅ źe na | dbyen du ’gyur ba’i dṅos po bcu bźi’i naṅ nas gaṅ yaṅ ruṅ dṅos po gcig la śin tu legs so źes ’dzin pa yin te | chos bźin kyaṅ ruṅ | chos bźin ma yin kyaṅ ruṅ | ’dul ba bźin kyaṅ ruṅ | ’dul ba bźin ma yin kyaṅ ruṅ | ltuṅ pa yaṅ (7) ruṅ | ltuṅ ba ma yin kyaṅ ruṅ | lci ba yaṅ ruṅ | yaṅ ba yaṅ ruṅ | lhag ma bcas pa yaṅ ruṅ | lhag ma ma lus pa yaṅ ruṅ | bśags par bya ba yaṅ ruṅ | bsdam par bya ba yaṅ ruṅ | ’dul ba las śin tu ’da’ ba yaṅ ruṅ | mi sñan par smra ba las byuṅ ba yaṅ ruṅ ste || (276b1) dge sloṅ rnams mtshams kyi naṅ na mtshuṅs par gnas pa rnams ’dus par dge ’dun gyi las byed de | dge ’dun gyis bya ba’i gso sbyin daṅ | skabs dbye ba daṅ | gsol ba daṅ | gsol ba daṅ gñis daṅ | gsol ba daṅ bźi’i las byed pa de ni dge ’dun gyi dbyen | (2) źes bya’i ’khor lo’i dbyen ma yin no || ’khor lo’i dbyen gaṅ źe na | de ’di ltar dge sloṅ bdag ñid ston par rnam par ’jog ste | tshul śiṅ brims nas gsol pa byas te ’khor de nas ’gro ba ni ’khor lo’i dbyen źes bya ste | ’phags pa’i lam gyi yan lag brgyad pa las (3) de spaṅs nas gźan gyi lam du ’jog pa ’di ni ’khor lo’i dbyen źes bya ste | sṅa ma dge ’dun gyi dbyen daṅ | ’khor lo’i dbyen gñis gcig tu bsdus pa de ni dbyen gyi rab tu ldan pa źes bya’o ||

saṃghabheda and karmabheda

’dus pa’i rab tu ldan pa gaṅ źe na | ’dus pa źes bya ba ni dge ’dun ’dus (4) pa ste | dge sloṅ ji sñed pa mtshams kyi naṅ na ’khod pa daṅ las la ’du ba de dag thams cad ’dus śiṅ ’khod pa yin te | dad pa len pas kyaṅ rad pa blaṅs pa yin | gaṅ gis bskyod pa daṅ | gaṅ gis gźag par byas na yaṅ brtsan par ’gyur ba’i dge sloṅ rnams (5) kyis kyaṅ bskyod pa yaṅ med | gźag par bya ba yaṅ med de | las kyaṅ byed pa ’di ni ’dus pa’i rab tu ldan pa źes bya’o ||

samagra

phyag gi rab tu ldan pa gaṅ źe na | de bźin gśags pa la ’di ltar phyag bya’o || de ltar mkhan po la yaṅ de bźin || slob dpon la yaṅ de bźin | (6) bla ma la yaṅ de bźin bla ma’i gnas su gyur pa la yaṅ de bźin | rgan rims rnams la yaṅ de bźin | gźon nu rnams la yaṅ de bźin te | de ltar na thams cad du yaṅ phyag byas las mkhas par bya ba de ni phyag gi rab tu ldan pa źes bya’o ||

ma lta bu’i rab tu ldan pa’i phuṅ po źes (7) bya ba phuṅ po gñis pa rdzogs so | ||

bya ba’i phuṅ po gaṅ źe na | phyuṅ bas bya ba daṅ | so sor gnas pas bya ba daṅ | gzu bos bya ba daṅ | de’i ṅo bo ñid tshol bas bya ba daṅ | bslab pa byin pas bya ba daṅ | mtshams ma bcad pa’i gnas brtan gyi bya ba daṅ | kun dga’ (277a1) ra ba’i bya ba daṅ | kun dga’ ra ba’i gnas brtan gyi bya ba daṅ | gnas phaṅ gi bya ba daṅ | gnas khaṅ gi gnas brtan gyi bya ba daṅ | khaṅ pa ’khor du bcas pa’i bya ba daṅ | khaṅ pa ’khor du bcas pa’i gnas brtan gyi bya ba daṅ | nags kyi bya ba daṅ | mal (2) stan gyi bya ba daṅ | sgo leb kyi bya ba daṅ | ’khor lo’i bya ba daṅ | gnas stoṅ ba’i bya ba daṅ | gnas stoṅ pa’i gnas brtan gyi bya ba daṅ | lhuṅ bzed kyi bya ba daṅ | tshes gos kyi bya ba daṅ | gdiṅ ba’i bya ba daṅ | khab kyi bya ba daṅ | khab ral gyi bya ba daṅ | thug pa’i bya ba (3) daṅ | chu’i bya ba daṅ | chu rdza’i bya ba daṅ | yoṅs su sbyar ba’i chu rdza’i bya ba daṅ | gtsaṅ ma’i ril ba’i bya ba daṅ | zas kyi bya ba daṅ | bza’ ba’i bya ba daṅ | zas gtad pa’i bya ba daṅ | bsod sñoms kyi bya ba daṅ | bsod sñoms spyod pa’i bya ba daṅ | zan nod pa’i bya ba daṅ | (4) dgon pa’i bya ba daṅ | dgon pa’i gnas brtan gyi bya ba daṅ | groṅ ’dab kyi bya ba daṅ | groṅ ’dab kyi gnas brtan gyi bya ba daṅ | glo bur du ’oṅs pa’i bya ba daṅ | glo bur du ’oṅs pa’i gnas brtan gyi bya ba daṅ | ’gro ba’i bya ba daṅ | ’gro ba’i gnas brtan gyi bya ba daṅ | rkaṅ pa (5) bkru ba’i bya ba daṅ | rkaṅ pa bkru ba’i gnas brtan gyi bya ba daṅ | ’dug pa’i bya ba daṅ | ’dug pa’i gnas brtan gyi bya ba daṅ | chos ’chad pa’i bya ba daṅ | chos ’chad pa’i gnas brtan gyi bya ba daṅ | dus kyi bya ba daṅ | dus ma yin pa’i bya ba daṅ | dus ma yin par dge ’dun ’du (6) ba’i bya ba daṅ | dus ma yin par dge ’dun ’du ba’i gnas brtan gyi bya ba daṅ | smra ba’i bya ba daṅ | mi smra ba’i bya ba daṅ | dbyar tshul du ’jug pa’i bya ba daṅ | dbyar tshul du źugs pa’i bya ba daṅ | dbyar tshul du źugs pa’i gnas brtan gyi bya ba daṅ | dbyar tshul na gnas pa’i (7) bya ba daṅ | ’khor gyi bya ba daṅ | ’khor gyi naṅ du ’gro ba’i bya ba daṅ | ’khor gyi naṅ du źugs pa’i bya ba daṅ | ’khor gyi naṅ du źugs pa’i gnas brtan gyi bya ba daṅ | gso sbyin gyi bya ba daṅ | gso sbyin mṅon du bya ba daṅ | gso sbyin gyi las kyi bya ba daṅ | so sor thar pa’i bya ba daṅ (277b1) so sor thar pa klog pa’i bya ba daṅ | so sor thar pa klog par byed pa’i bya ba daṅ | gnas brtan gyi bya ba daṅ | bar ma’i bya ba daṅ | gsar bu’i bya ba daṅ | gnas brtan gyi daṅ bar ma daṅ gsar bu’i bya ba daṅ | dugs khaṅ du bya ba daṅ | dugs khaṅ du khrus bya ba daṅ | dugs (2) khaṅ du gnas brtan gyi bya ba daṅ | mkhan po’i bya ba daṅ | lhan cig spyod pa’i bya ba daṅ | slob dpon gyi bya ba daṅ | ñe gnas kyi bya ba daṅ | dge tshul gyi bya ba daṅ | nan tan du bya ba daṅ | phyi bźin ’braṅ ba’i dge sbyoṅ gi bya ba daṅ | groṅ du ñe bar ’gro ba’i bya ba daṅ | groṅ (3) du ñe bar ’gro ba’i gnas brtan gyi bya ba daṅ | groṅ du ñe bar soṅ ba’i bya ba daṅ | groṅ du ñe bar soṅ ba’i gnas brtan gyi bya ba daṅ | gźin gnas pa’i bya ba daṅ | ṅal bso ba’i bya ba daṅ | bar snaṅ gi bya ba daṅ | gtan pa’i bya ba daṅ | chu tshags kyi bya ba daṅ | ’chag (4) sa’i bya ba daṅ | ’chag pa’i bya ba daṅ | ’phyen gyi bya ba daṅ | gźar ba’i bya ba daṅ | bśaṅ ba’i bya ba daṅ | bśaṅ sa’i khuṅ bu’i bya pa daṅ | bśaṅ sar gnas brtan gyi bya ba daṅ | bśaṅ sa’i khor yug gi bya ba daṅ | gci ba’i bya ba daṅ | gci (5) ba’i sa’i bya ba daṅ | gtsis khuṅ gi bya ba daṅ | gci sar gnas brtan gyi bya ba daṅ | gci sa’i ’khod phyogs kyi bya ba daṅ | bkru ba’i bya ba daṅ | bkru ba’i sa’i bya ba daṅ | khrus kyi sa’i bu gu’i bya ba daṅ | khrus kyi sar gnas brtan gyi bya ba daṅ | khrus sa’i ’khor gyi bya ba daṅ | (6) mchil ma’i bya ba daṅ | mchil ma’i snod kyi bya ba daṅ | so śiṅ gi bya ba daṅ | so drud pa’i bya ba daṅ | lce bźar ba’i bya ba daṅ | rna spabs bru ba’i bya ba daṅ | spyad pa daṅ mi spyad pa’o || ma lta bu’i dum bu gsum po’i dṅos po rdzogs so || ||

The third element in the threefold division of *vinayaskandhas is here explained through a list. Each element in this list is further explained in the following entries. Note that the *vinayaskandha here explained is referred to as bya ba’i phuṅ po (*kṛtyāskandha) and not ’tsho ba’i phuṅ po (*ājīvaskandha) as in the initial threefold division

’dul (7) ba gźuṅ dam pa | bam po lṅa bcu rtsa gcig pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=09703699-eafb-11e3-942f-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ