Bibliotheca Polyglotta

phyuṅ bas bya ba gaṅ źe na | phyuṅ ba źes bya ba ni spaṅs pa yin te | spaṅs pa’i dge sloṅ gis ni bya ba ’di lta bu la ’jug par bya’o || spaṅs pa’i dge sloṅ gis rab tu dbyuṅ bar mi bya | bsñen par rdzogs par mi bya | gnas (278a1) sbyin par mi bya || luṅ bstan par mi bya | dran par mi bya | dri bar mi bya | dge tshul pha ñe bar mi gźag | dge sloṅ ma la luṅ ston par mi bsgo || sdom pa’i mi bsko || sṅar bskos na yaṅ dge sloṅ ma la ston cig las ma byed cig | dge sloṅ de las byed bar (2) mi bsko | las bsko bar ma byed cig | las byed pa’i dge sloṅ la dgag par ma byed cig | ’dul ba ’dzin pa gźan yod na dge ’dun gyi naṅ du ’dul ba ma ’chad cig | so sor thar pa’i mdo klog pa gźan yod na dge ’dun gyi naṅ du so sor thar pa’i mdo klog par ma byed (3) cig | chos ’chad pa gźan yod na dge ’dun gyi naṅ du chos ma ’chad cig | tshul bźin du gnas pa’i dge sloṅ luṅ ston pa la ’gog par ma byed cig | tshul bźin gnas pa’i dge sloṅ la gso sbyin bsgo bar ma byed cig | tshul bźin gnas pa’i dge sloṅ la (4) skabs ’byed pa ’gog par ma byad cig | tshul bźin gnas pa’i dge sloṅ la ma gleṅ śig | dran par ma byed cig | de dag daṅ lhan cig sten par ma byed cig | gaṅ dge ’dun gyis phyuṅ ba’i las byas pa daṅ | gaṅ de daṅ ’dra ba gźan yaṅ ruṅ | des de lta bu’i (5) ñes pa phyis kyaṅ ma byed cig | de las thu ba yaṅ ma byed cig | des phyi phyir spu ñal ba ba lta bur bya | ’byuṅ ba la ’jug par bya | phyag ’atsala ba ñe bar bstan par bya | tshul bźin gnas pa’i dge sloṅ gis lhuṅ bzed byin na yaṅ des ma len cig | chos gos kyaṅ ma len (6) cig | zas kyaṅ ma len cig | de la skra breg pa yaṅ ma ’chol cig | dugs khaṅ du yaṅ las ma byed cig | min pa’i bar du las thams cad la’aṅ tshul bźin gnas pa’i dge sloṅ gi las ñams su blaṅ bar mi bya’o || dge ’dun thams cad ’dus śiṅ ’khod pas (7) gces su gsaṅ ba’i gnas su sdom pas mi bsko | dbaṅ gi gnas thams cad du yaṅ sdom pas mi bsko | gaṅ zag bcu gñis kyi gnas su yaṅ sdom pas byin gyis brlab par mi bya ba ni phyuṅ bas bya ba źes bya’o ||

suspended monks

so sor gnas par byas pa gaṅ źe na | so ser gnas pa la rnam (278b1) pa gñis te | gaṅ bdag ñid kyis bdag so sor gnas par byed pa daṅ | dge ’dun gyi chos bźin du byas pa’o || bdag ñid kyis bdag so sor gnas par byed pa gaṅ źe na | bsams bźin du chos kyi phyogs pa las chos ma yin pa’i phyogs su soṅ ba ste | (2) de ltar na bdag ñid kyis bdag so sor gnas par byed pa’o || dge ’dun gyis chos bźin du byas pa gaṅ źe na | dge ’dun gyis bskyo ba med pa | gźag pa med par rigs pa’i gsol ba daṅ bźi’i las kyis chos bźin du ’dus pa’i dge ’dun gyis spaṅs pa yin te || (3) de ltar na dge ’dun gyis chos bźin du spaṅs pa’o || mtshuṅs par lhan cig gnas pa yaṅ gñis te | bdag ñid kyis bdag ñid lhan cig gnas par byed pa daṅ | dge ’dun gyi chos bźin du byas so || bdag ñid kyis bdag ñid lhan cig gnas par byed pa (4) gaṅ źe na | bsams bźin chos ma yin pa’i phyogs las chos kyi phyogs su ’oṅs pa ste | de ltar na bdag ñid kyis bdag ñid lhan cig tu gnas par byed pa’o || dge ’dun gyis chos bźin du byas pa gaṅ źe na | dge ’dun gyis mi bskyob gźag par mi rigs pas (5) chos bźin du ’dus pa’i dge ’dun gyis spaṅs pa ste | mṅon sum du gsol ba daṅ bźi’i las kyis phyuṅ ba yin te | de ltar na dge ’dun gyis chos bźin du byas pa’i so sor gnas pa’i dge sloṅ des rab tu dbyuṅ bar mi bya ba nas | sṅa ma bźin te | ji ltar dge ’dun gyis (6) gaṅ la spaṅs pa’i las byas pa daṅ | gźan de daṅ ’dra ba ste | des de lta bu’i ñes par yaṅ mi bya || de las yaṅ thu bar yaṅ mi bya pa’i bar du ste | gaṅ zag bcu gñis las su yaṅ sdom pas kyaṅ mi bsko | so sor gnas pa’i dge sloṅ gis tshaṅs par spyod pa’i (7) gnas brtan daṅ | bar ma daṅ | gsar bu pa’aṅ ruṅ ba dbab par bya | ñes pa mi bya | ñes pa źig byas na yaṅ slar ’byuṅ ba’i tshul du bya’o || de ste slar ’byuṅ ba’i tshul du mi byed na so sor gnas par bya ba ñid yin te | de la ’di skad ces bsgo bar bya’o || dge ’dun gyis khyod la (279a1) thig btab pa bźin byed do || phur pa btsugs pa bźin byed do || ñes pa de yaṅ dge ’dun la ’di ñid du bśags par bya’i ’di las phyi rol du ni ma yin no || khyod kyi las de yaṅ dge ’dun de dag ñid kyis slar bde bar byed kyis ’di las phyi rol du ni ma yin no | (2) khyod kyis ñes pa de yaṅ ma bśags sam slar ma byas na ni tshaṅs pa mtshuṅs par spyod pa śes bdag gis gaṅ du ’dod pa der gleṅ bar byed do || de ste yaṅ de bźin du byas pa las kyaṅ dul bar ma gyur na gaṅ zag de thig btab pa bźin byas phur pa btsugs pa bźin du byas la spaṅ bar bya’o | (3) de ’di lta ste | rta rgod bźin te | de ni so sor gnas par bya ba źes bya’o ||

nānāsaṃvāsika

gzu bos bya ba gaṅ źe na | rtsod pa źi bar byed pa’i phyir dge sloṅ gzu bo chos ñi śu rtsa gñis daṅ ldan pa btsal bar bya’o || ñi śu rtsa gñis gaṅ źe na | tshul khrims daṅ ldan źiṅ sṅar bsñen par rdzogs (4) par gyur pa daṅ | ṅo tsha źiṅ ’gyod pa can daṅ | sdom źiṅ bslab pa la mos pa daṅ | maṅ du thos la maṅ du thos pa ’dzin ciṅ maṅ du thos pa bsags pa daṅ | gźuṅ kha don lobs pa daṅ | ’dul ba daṅ ’dul ba lhag pa śin tu rtags pa daṅ | rtsod pa la mkhas pa daṅ | rtsod (5) pa byuṅ ba la mkhas pa daṅ | rtsod bźi bar bya ba la mkhas pa daṅ | rtsod pa źi bar gyur pa phyis mi ’byuṅ bar mkhas pa daṅ | bstan bcos la mkhas pa daṅ | dṅos po la mkhas śiṅ dṅos po spyod pa la mkhas pa daṅ | khro ba med pa khro bźin mi smra pa khro bar mi ’gyur ba daṅ | ’jam (6) bźin spyod pa daṅ | lus daṅ | ṅag daṅ | bsgo ba yaṅ rtogs par byed pa daṅ | rdzogs par bsgo źiṅ rdzogs par byed pa daṅ | go bar byed ciṅ go bar byas pas yaṅ chud par byed pa daṅ | brtags nas smra źiṅ brtags nas smras pa rtogs par byed pa daṅ | ’dod par (7) mi ’gro ba daṅ | źe sdaṅ du mi ’gro ba daṅ | gti mug tu mi ’gro ba daṅ | ’jigs par mi ’gro ba ste | gzu bo dge sloṅ chos ñi śu rtsa gñis po ’di daṅ ldan na gźan la mi rten pa yin źiṅ phyogs gñi ga la yaṅ chos kyi yoṅs spyod du ’gyur ro || ’di ltar yaṅ gzu bo’i dge sloṅ (279b1) gis rgol ba daṅ lan glon pa’i dge sloṅ rnams las sñan cig tu smra ba daṅ | phyag byed pa daṅ | sṅar ldaṅ ba daṅ | thal mo sbyor ba daṅ | phyag byas par gyur pa rnams bdag gir ma byed cig | de dag bsñen bkur byed na yaṅ ñams su ma len cig | lhuṅ bzed ’bul na yaṅ (2) mi blaṅ | chos gos ’bul na yaṅ mi blaṅ | zas ’bul na yaṅ ma blaṅ | yo byad gźan ci yaṅ ruṅ dbul ba bdag gir mi bya’o || des kyaṅ de dag la bsñen bkur mi bya | lhuṅ bzed mi sbyin || chos gos mi sbyin || de dag las luṅ ston par yaṅ mi blaṅ | dran par (3) bya ba yaṅ ma yin | rnal ’byor yaṅ ma yin | yid la bya ba yaṅ ma ’dri śig | des kyaṅ de dag la luṅ bstan pa ma sbyin cig | dran par bya ba ma yin | kun dri ba ma yin | rnal ’byor ma yin || yid la bya ba yaṅ mi bsgo’o || stan gcig la ’dug par mi bya | (4) ’chags gcig tu ’chag bar mi bya | gnas khaṅ gcig tu ’khod par mi bya | gźan du tshig ’di skad ces brjod do || tshe daṅ ldan pa khyed kyis ’di lta bu las legs par rñed pa ci yod na ’di ltar khyed kyis legs par gsuṅs pa chos ’dul ba las rab tu byuṅ na thab mo byed pa (5) la źugs śiṅ rnam par bzuṅ nas rtsod pa la źugs te | tshe daṅ ldan pa rnam rtsod pa gñis su gyur pa ni gñi ga rgyal bar mi ’gyur gyi | de dag gtam la phab na gcig ni rgyal bar ’gyur | gcig ni pham par ’gyur gyis tshe daṅ ldan pa rnams ’di ltar so sor rtsod pa daṅ | rnam (6) par rtsod pa daṅ | mi mthun par smra ba de lta bu de thoṅ śig ces bya ba de ni gzu bos bya ba źes bya’o ||

sthalastha

de’i ṅo bo ñid tshol ba byin pas bya ba gaṅ źe na | dge sloṅ gaṅ gis ñes pa spyod pa de khas len khas blaṅs pa las bsñon | bsñon pa las kyaṅ slar khas len pa de la dge ’dun gyis bźag (7) pa ma yin pa bskyo ba ma yin pa gsol pa daṅ bźi’i las kyis de’i ṅo bo ñid chol ba byin cig | de’i ṅo bo ñid tshol ba byin pa’i dge sloṅ gis bya ba ’di lta bu la ’jug par bya’o || de’i ṅo bo ñid tshol ba byin pa’i dge sloṅ gis rab tu dbyuṅ bar mi bya ba nas sṅa ma bźin te | gaṅ la dge ’dun gyis (280a1) de’i ṅo bo ñid tshol ba byin pa daṅ | gaṅ de daṅ ’dra bas kyaṅ ruṅ ste | gaṅ de daṅ ’dra bas kyaṅ ruṅ ste | ñes pa de lta bu byuṅ ba mi bya | de bas thu ba yaṅ ma byed cig pa’i bar du ste | sṅa ma bźin ’di ltar gaṅ zeg bcu gñis kyir sṅom pas mi bsgo ba de ni de’i ṅo bo ñid tshol ba byin pas bya ba (2) źes bya’o ||

one given the tatsvabhāvaiṣīya

bslab pa byin pas bya ba gaṅ źe na || dge sloṅ gaṅ mi tshaṅs par spyod pa ’khrig pa’i chos byas kyaṅ de la se gol gcig gtogs pa tsam du yaṅ bcab pa’i sems ma skyes pa ste | de la dge ’dun gyis bskyo ba med | gźag pa med par gsol ba daṅ | (3) bźi’i las kyis bslab pa sbyin bar bya ste | ji ltar tshe daṅ ldan pa dga’ ldan bźin pa ni rgyas par ’dul ba daṅ spyar ro || bslab pa byin pa’i dge sloṅ gis rab tu dbyuṅ bar mi bya ba nas sṅa ma bźin ste || gaṅ la dge ’dun gyis bslab pa byin pa daṅ gaṅ de daṅ ’dra ba (4) gźan dag kyaṅ ruṅ ste | ñes pa de lta bu’i ltuṅ ba phyis kyaṅ ma byed cig | de bas thu ba yaṅ ma byed cig pa’i par du ste | sṅa ma bźin te de ’di ltar gaṅ zag bcu gñis kyis sdom pas mi bsko’o || bslab pa byin pa’i dge sloṅ gis dge sloṅ gi bslab pa thams cad la (5) bslab par bya’o || dge ’dun gyi mthar ’dug par bya’o || des bsñen par rdzogs pa’i rnams la byin len byos śig | de la bsñen par ma rdzogs par byin len byos śig | de bsñen par rdzogs par daṅ lhan cig ñal ba bsgyur źiṅ gud du phyuṅ śig | bslab ba byin (6) ba’i dge sloṅ gis las rnam pa gñis byas te | gso sbyin daṅ | skabs dbye ba’o || bslab pa byin pas graṅs su bskaṅs te gso sbyin ma byed cig | dge ’dun gyi las gźan la yaṅ de bźin no || de ste bslab pa byin pa gso sbyin gyi naṅ du ’oṅs na ni ma bskyo śig | (7) de ste ’gro yaṅ ma gzuṅ śiṅ | de ci’i phyir źe na | dge ’dun ma ’dus par yaṅ mi ’gyur | ’dus par yaṅ mi ’gyur te | ’di ni bslab pa byin pas bya ba źes bya’o ||

śikṣādattaka

mtshams ma bcad pa’i gnas brtan gyi bya ba gaṅ źe na | mtshams ma bcad pa’i gnas brtan gyi (280b1) dge sloṅ gis bya ba ’di lta bu la ’jug par bya’o || de la gaṅ gsar bu’i dge sloṅ ’khod pa rnams des de dag kun śes par bya | bskyaṅ par bya | rjes su bstan par bya | sdig pa la bzlog par bya | dge ba la gźug par bya | kha ton byed pa daṅ | kun ’dri ba daṅ | spoṅ ba daṅ | (2) so sor dben par ’jug pa daṅ | rnal ’byor daṅ | yid la byed pa’i rnams de dag la so sor luṅ bsgo bar bya | kun mtshuṅs par spyod pa la gźug par bya | bslab par bya ba la so sor brtag par bya | rñed pa grub par bya | nam so sor bged pa’i tshe so sor bgo skal sñoms par (3) mig sṅar bgo’o || nad pa la blta bar bya | nad pa’i nad g-yog tu dge sloṅ rnams spro bar bya || nad pa rnams la chos kyi gtam bya | lam daṅ lam ma yin pa yaṅ dag par bsgrag par bya | mthoṅ ba rnam par spyod pa’i rgyud mi gtaṅ bar bya | rnam pa thams cad du (4) yaṅ nad pa la g-yel bar mi bya | mtshams ma bcad pa’i gnas su dge sloṅ rnams lhags pa la gaṅ gźan ci yaṅ ruṅ bya bar ’gyur ba de thams cad la dge sloṅ gnas brtan gyis thog mar ’jug par bya ste | ’di ni mtshams ma bcad pa’i gnas brtan gyi bya ba źes bya’o ||

senior monk not delimited by a sīmā?

(5) kun dga’ ra ba’i bya ba gaṅ źe na | kun dga’ ra ba’i źes bya ba ni dge ’dun rnams kun tu dga’ ba’i gnas te de so so nas dge sloṅ dag lhags pa rnams bya bar bcas pa yaṅ tha dad pas na dge sloṅ des ’di dag gis bya ba bcas pa de chos bźin yin nam | ’on te chos bźin ma (6) yin źes brtag par bya’o || de ste chos bźin yin la bdag la yaṅ gnod par mi ’gyur | gźan la yaṅ gnod par mi ’gyur na g-yel bar gźag go || de ste chos bźin ma yin la bdag la yaṅ gnod par ’gyur || gźan la yaṅ gnod par ’gyur bar śes la bdag cag (7) gi phyogs mthu daṅ ldan | grogs daṅ ldan | ’khor daṅ ldan par gyur cig de lta bu’i phyir dge ’dun gyi dbyen daṅ | dge ’dun ’khrugs pa daṅ | dge ’dun gñis su chad pa daṅ | dge ’dun so sor yaṅ mi ’gyur || bdag gis chos bźin ma yin par bya ba la bcas pa (281a1) de phyuṅ nas chos bźin bya’o || chos bźin bya’o sñam du nus pa daṅ | des dge ’dun rnams la kye ’di ni chos bźin du bya bar bcas pa ma yin gyis ’di phyuṅ la chos bźin pa gźan bya’o źes go bar sgo śig | de ste bdag cag gi phyogs mthu chuṅ ṅam | (2) ’gron pa med dam ’khor med phar gyur pa de’i phyir dge ’dun kyaṅ ’byed | dge ’dun kyaṅ ’khrugs dge ’dun so sor yaṅ ’gyur źiṅ | bdag gis chos ma yin par bca’ ba ’di phyug la chos bźin du bya bar mi nus par śes pa de caṅ ma zer ba ra ’dug śig | yaṅ na gud du soṅ (3) śig | de lta bu’i rkyen gyis rnam par ’dzin ciṅ ma ’dug śig | kun dga’ ra ba źes bya ba ni ’di rnams kyaṅ yin te | kun dga’ ra ba’i naṅ na khaṅ phran daṅ | khaṅ pa daṅ | khaṅ bu brtsegs pa daṅ | khaṅ pa ’khor du bcas pa daṅ | spyil po daṅ | spyil bu’i dṅos (4) po daṅ | ’chag sa daṅ | skyed śiṅ daṅ | gsiṅ ma rnams thams cad kyaṅ ji ltar rgan rims bźin du bsgo bar bya’o || phyi bdar bya ba de ni kun dga’ ra ba’i bya ba źes bya’o ||

ārāma

kun dga’ ra ba’i gnas brtan gyi bya ba gaṅ źe na | kun dga’ ra ba’i dge sloṅ gnas (5) brtan gyis bya ba de lta bu la ’jug par bya || kun dga’ ra ba’i dge sloṅ gi gnas brtan gyis bźin mdog gsal bar bya || khro gñer med par bya | sṅar ’jum par bya | sṅar smra bar bya’o || sñan par smra bar bya | tshur śog bde par ’oṅs sam źes sñan tshig smra bar bya | tshig (6) sñan cig mi rtsub pa mgu źiṅ raṅs par smra bar bya | gaṅ de na dge sloṅ gźon nu gsar bu ’khod par gyur pa de dag ni śes par bya ba nas sṅa ma bźin te | thams cad du’aṅ dge sloṅ gnas brtan gyis thog mar ’jug par bya | rgyud mi gtaṅ bar bya ba’i bar du ste | ’thab pa daṅ | (7) mtshaṅ ’dru ba daṅ | ’khrug pa daṅ | rtsod pa’i rnams byuṅ bar gyur na gdul ba’i phyir rig par bya | źi ba’i phyir rnam par źi bar rig par bya | ’di ltar yaṅ dge sloṅ kun dga’ ra ba’i gnas brtan gyis thog mar bza’ ba’am | bca’ ba’am | skyo ma’am | thug pa’am | naṅ (281b1) par bsgo’am | gaṇ+ḍī brduṅs sam | sṅar myur du ’gro bar bya | sṅar ’dug par bya | bkur stir bcas | sbyi dma’ bar bcas | ’jigs pa’i dbaṅ du bcas | sems dman pa daṅ | rdul ’phyag pa’i sems lta bur byas la dge ’dun gyi mdun du ’gro bar (2) bya’o|| soṅ nas kyaṅ rgan rim gyi mthar phyag byas la raṅ gi stan gal ba der ’dug par bya’o || gnas brtan daṅ | bar ma daṅ | gsar bu la byams pa’i sems daṅ | phan pa’i sems daṅ | rjes su brtse ba’i sems daṅ | pha daṅ ma daṅ phu nu bor ’du śes (3) bskyed de | ’khor thams cad la brtag par bya ste | legs pa bzaṅ por bcas sam | su legs par bgos | su legs par ma bgos brtags te | gaṅ bzaṅ źiṅ legs par tshas pa de dag la ni g-yel bar gźag | gaṅ legs par mchas śiṅ mi sdug pa de (4) dag ni bsgo źiṅ bcos par bya | legs par bgos pa ni des g-yel bar gźag | legs par ma bgos pa de la ni brda daṅ mtshan ma bya || des mtshan ma ma tshor na yaṅ druṅ na ’dug pa mtshan ma bya | druṅ na ’dug pas kyaṅ ma tshor na der dge sloṅ gnas brtan ñid (5) kyis ji nas legs par gyon pa daṅ | kyis ji nas legs par gyon pa daṅ | sgra ma che bar sgo śig | dge sloṅ gnas brtan gyis rgan rims su gzar bu thogs nas kha zas ’brim par śom pa’i tshe ruṅ bar byas sam | ma byas źes smros śig ’byor tshogs śes ma byuṅ gi bar du skad cig sdod la thams cad (6) la sñoms par brims śig ches smra bar bya’o || dge sloṅ gnas brtan gyis gnas brtan daṅ bar ma daṅ gsar bu dag gi rjes su mthun par bya | gnas brtan daṅ bar ma daṅ gsar bus kyaṅ de’i rjes su mthun par gyis śig | de ste dad pa’i bram ze daṅ khyim bdag rnams (7) lhags na de dag la yaṅ mtshuṅs par bgo źiṅ sbyin par bya’o || de ste de bgor ma dad dam | dad pa’i bram ze daṅ khyim bdag ma ’dod na yaṅ dge sloṅ gnas brtan gyis chos kyi gtam yaṅ dge par bstan par bya | bstab par bya | yaṅ dag par gzeṅs bstoṅ par bya | (282a1) yaṅ dag par dga’ bar byas la | bdag cag la ni ’di yod do źes smra bar bya ste | ’di ni kun dga’ ra ba’i gnas brtan gyi bya ba źes bya’o ||

*ārāmasthavira

gnas khaṅ gi bya ba gaṅ źe na | dge sloṅ gaṅ gnas khaṅ na ’dug pa des gnas khaṅ de dus dus su chag (2) chag gdab | phyag dar bya | phyags pa dor bar bya | lci bas śin tu ’jam por byug par bya | sṅo cuṅ zad byuṅ na yaṅ med par bya | gas pa daṅ | źigs pa daṅ | gogs pa rnams slar bcos par bya | bum pa chus bkaṅ ste gźag par bya ste | yoṅs su (3) sbyaṅ pa’i bum pa daṅ | gtsaṅ ma’i ril ba daṅ | snam phyi sa’i ril ba daṅ | rkaṅ pa bkru ba rnams bkaṅ ste bźag pa de ni gnas khaṅ gi bya ba źes bya’o ||

dwelling

gnas khaṅ gi gnas brtan gyi ba gaṅ źe na | gnas khaṅ gi dge sloṅ gnas brtan gyi bya ba ni des ’di lta bu la (4) ’jug par bya’o || dge sloṅ gsar bu gaṅ dag de na ’khod par ’gyur pa de dag śes par bya ba nas sṅa ma bźin te | dge sloṅ gnas brtan gyis thams cad la thog mar ’jug par bya | rgyud mi gtaṅ bar bya ba’i bar du ste | ’di gnas khaṅ gi dge sloṅ gnas bstan gyi bya ba źes (5) bya’o||

sthavira of a dwelling

khaṅ pa ’khor du bcas pa’i bya ba gaṅ źe na | khaṅ pa ’khor daṅ bcas pa de na dge sloṅ gaṅ ’dug pa des khaṅ pa ’khod daṅ bcas pa de dus dus su byi bdar bya ba ni sṅa ma bźin te | rkaṅ pa bkru ba’i rnams bkaṅ ste gźag pa’i bar du’o || khaṅ pa ’khod daṅ bcas pa (6) de na dge sloṅ grogs po gaṅ ’khod pa’i rnams la yaṅ byams pa’i lus kyi las kyi las kyis mtshuṅs par spyad par bya | byams pa’i ṅag gi las daṅ | byams pa’i yid kyi las kyaṅ mtshuṅs par spyad par bya | der yaṅ thab mo mi dbyuṅ bar bya | mtshaṅ ’dru ba daṅ | ’khrug pa daṅ | (7) rtsod ba mi ’byuṅ bar bya | de ste der ’thab pa daṅ | smod pa daṅ | ’khrug pa daṅ | rtsod pa źig byuṅ na źi bar nus na ni de bźin legs | de ste yaṅ mi nus na gud du soṅ śig | ’di ni khaṅ pa ’khor du bcas pa’i bya ba źes bya’o ||

dwelling with surroundings?

khaṅ pa ’khor du bcas pa’i gnas brtan (282b1) gyi bya ba gaṅ źe na | khaṅ pa ’khor du bcas pa’i dge sloṅ gnas brtan gyi bya ba ni des ’di lta bu la ’jug par bya’o || de na dge sloṅ gsar bu gaṅ ’khod par gyur pa da dag kun śes par byas nas | sṅa ma bźin te | thams cad du yaṅ dge sloṅ gnas brtan thog mar ’jug (2) par bya ba daṅ | rgyud mi gtaṅ bar bya ba’i bar du ste | ’di ni khaṅ pa’i ’khor daṅ bcas pa’i gnas brtan gyi bya źes bya’o ||

sthavira of a dwelling with surroundings?

nags kyi bya ba gaṅ źe na | nags źes bya ba ni skyed śiṅ gi nags de na dge sloṅ ’khod pa rnams gyis bdag cag gnas ’di na ’khod la ’tsho ba’i (3) bar chad du ’gyur ba’am | tshaṅs par spyod pa’i bar chad du ’gyur pa lta yod dam med ces rgyaṅ grags gcig tshun chad ’khor yug tu brtag par bya’o || de ste yod par mthoṅ na riṅ du dor bar bya’o || de ste med par mthoṅ la dgos par gyur daṅ rgyaṅ grags gcig tshun (4) chad du sdom pa bsko bar bya | ruṅ ba’i sa yaṅ bsko bar bya | gso sbyin gyi gnas kyaṅ bsko bar bya | de na phan tshun kha zas kyi loṅs spyod daṅ | chos kyi loṅs spyod kyis spob bskyed par bya | de na ’thab pa mi ’byuṅ ba daṅ | mtshaṅ ’dru ba mi ’byuṅ pa daṅ | kho na pa mi (5) ’byuṅ ba daṅ | rtsod pa mi ’byuṅ bar bya ba de ni nags kyi bya ba źes bya’o ||

vana

mal stan gyi bya ba gaṅ źe na | dge sloṅ rnams kyis mal stan dus dus su brtag par bya | bskam par bya | sbrug bar bya | bgraṅ bar bya | sba bar bya | de ste dri ma can du gyur na bkru bar bya | (6) rdol tam zad pa’i chos su gyur na ci nus su btsem źiṅ glan par bya | ’tshem źiṅ glon du gźug par bya | dge sloṅ gis phyogs bźi’i dge ’dun gyi gos bgos nas bśad pa’i sar ’gro bar mi bya | gci ba’i sar mi ’gro || dugs khaṅ du ma yan | rkaṅ pa bkru ba’i sar (7) ma yin | tshaṅ maṅ du ma yin | char ’bab pal gyon te ’dug par mi bya | ñi ma tsha ba lam yin bsro khaṅ du gźag par mi bya | ci nas gnod par ’gyur ba’i sa thams cad du phyogs bźi’i dge ’dun gyi gos daṅ ’jug par mi bya | bgo bar mi bya | gźag par mi bya | dge sloṅ (283a1) rnams kyis mal stan rnam pa ’di ltar spyad par mi bya ste | lṅa gaṅ źe na | dud pa daṅ | rdul daṅ | chu daṅ | bśal ba daṅ | drud pa’o || dge sloṅ rnams kyis phyogs bźi’i dge ’dun gyi gos bgos bźin gtsug lag khaṅ chag chag mi gdab | (2) sa mi phyag | phyag dar mi dor || lci bas źal źal mi bya | chu’i bum pa dgaṅ bar mi bya | yoṅs su spyod pa’i bum par ma yin | gtsaṅ ma’i ril bar ma yin | bśaṅ ba’i ril bar ma yin || rkaṅ pa bkru ba’i bum pa dgaṅ bar mi bya | snod ’brim par ma yin | (3) gtsug lag khaṅ skyoṅ du ma yin | lhuṅ bzed kyi las byed par ma yin | gos kyi las byed par ma yin | dge sloṅ rnams kyis phyogs bźi’i dge ’dun gyi gos lus kyi mthaṅ la bgo bar mi bya | rdul zan med par bgo bar mi bya | dge sloṅ dag gis phyogs bźi’i (4) dge ’dun gyi mal stan rnams bla gab med pa la btiṅ ba daṅ | sgo khaṅ phan chad ñe ’khor ’dom bźi bcu rtsa dgu’i bar du bor te ma ’gro śig | de ste bśaṅ ba’am | gci ba’i sar ’gro na yaṅ dge sloṅ ’khod pa’i rnams la bsgo la soṅ śig | ji ltar bdag ñid (5) kyis lhuṅ bzed daṅ chos gos daṅ lus kyi phags pa bźin du dge sloṅ dag gis phyogs bźi’i dge ’dun gyi mal stan rnams yoṅs su bsruṅ bar bya’o || dge sloṅ dag gis ci’i mtha’ nas kyaṅ phyogs bźi’i dge ’dun gyi mal stan yal bar mi bya ste | ’di ni dge (6) ’dun gyi mal stan gyi bya ba źes bya’o ||

śayanāsana

sgo leb kyi bya ba gaṅ źe na | sgo leb ces bya ba ni sgo’i ’phar ma ste | dge sloṅ gis de la rduṅ na yun riṅ du brduṅ bar mi bya | sṅar naṅ na ’khod pa’i rnams kyis tshor bar bya ba’i phyir dal nas bags kyis brduṅ bar bya’o || dbye (7) ba’i tshe yaṅ brag tu mi dbye gcod pa’i tshe’aṅ drag tu mi gcad | śes bźin du ṅal nas bags kyis ’jug ciṅ ’byuṅ bar bya | sgo’i phyogs gñi gar kyaṅ mi ’drud bźin ’byuṅ bar bya ste | ’di ni sgo leb kyi bya ba źes bya’o ||

door

’khor lo’i bya ba gaṅ źe na | ’khor lo źes bya ba (283b1) gi sgo’i stan pa bla ’og ste | de śin tu ’byor par bya’o || dge sloṅ gtsug lag khaṅ nas gud du ’doṅ na bla ’og gñig chug la deṅ śig daṅ | gtsug lag khaṅ rub par ’gyur ro || gtsug lag khaṅ rub na bdag cag ñid daṅ | lhuṅ bzed daṅ | chos gos daṅ | (2) mal stan rnams kyaṅ rub par ’gyur te | ’di ni ’khor lo’i bya ba źes bya’o ||

cakra

gnas stoṅ pa’i bya ba gaṅ źe na | dge sloṅ gis gnas stoṅ ba de chag chag gdab par bya | sa phyag par bya || phyag dar dor bar bya | ci nus su lci bas źal źal ’jam por bya | gsaṅ (3) daṅ | źigs pa daṅ | gogs pa rnams slar bcos par bya | de ste snod rnams so so nas ’dug par gyur na yaṅ spyad du bzod na ni bkru źiṅ gźag par bya | mi bzod na dor bar bya | de ste ruṅ bar byed pa yod na yaṅ rtswa sṅon po rnams regs śig | khyim pa dag (4) lhags na de dag la chos kyi gtam bya bar bya | dge sloṅ gis gnas stoṅ par źugs na yaṅ yal bar dor bar mi bya | de ste gnas par mi ’dod na | des ga las gar ’gro brtag par bya | ’gro ba’i ñe ’khor daṅ | bśaṅ sa daṅ | gci sa daṅ | skas ka daṅ | tham (5) skas daṅ | sgo bcad pa daṅ | spyod yul rnams kyaṅ brtags la gnas par bya’o || ji ltar de dag gis phyir brel ba daṅ | gnod par mi ’gyur bar bya ste | de ni gnas stoṅ ba’i bya ba źes bya’o ||

empty dwelling

gnas stoṅ pa’i gnas brtan gyi bya ba gaṅ źe na | gnas stoṅ (6) ba’i dge sloṅ gnas brtan gyi bya ba ni des ’di lta bu la ’jug par bya’o || gnas stoṅ ba’i dge sloṅ gnas brtan gyi bźin gsal ba daṅ | khro gñer med par bya ba nas sṅa ma bźin | thab mo daṅ | mtshaṅ ’dru ba daṅ | kho na pa daṅ | rtsod pa’i rnams byuṅ bar (7) gyur pa gdul bar nan tan bya | źi bar bya | rnam pa źi bar bya ba’i bar du ste | ’di ni gnas stoṅ pa’i gnas brtan gyi bya ba źes bya’o ||

sthavira of an empty dwelling

lhuṅ bzed kyi bya ba gaṅ źe na | dge sloṅ gis thal ba ma btsags pa lhuṅ bzed bkru bar mi bya | lci ba gseg ma can gyis bkru ba (284a1) ma yin | bye ma daṅ ’dres pa’i sas ma yin | bye ma daṅ ’dres pa’i lci ba’i ril bus ma yin gyi sran phyes lhuṅ bzed bkru bar bya’o || lhuṅ bzed laṅs te bkru bar mi bya | bskam par mi bya | snod du gźug par mi bya | sba bar mi bya | lam du ’gro ba ma (2) yin | chu rgal ba lam yin || sa mi bde bar lhuṅ bzed gźag par mi bya | dge sloṅ gis lhuṅ bzed kyis gnas khaṅ du chag chag gdab par mi bya | phyag dar dor bar mi bya | lci bas źal źal ’jom por byug par mi bya | lag pa bkru ba’i chu blaṅ bar mi bya | (3) rkaṅ pa bkru ba’i chu la ma yin | gdoṅ bkru ba’i chu la ma yin | lus bkru ba’i chu la ma yin | des chu’i bum pa dgaṅ bar mi bya | dge sloṅ gis lhuṅ bzed bśaṅ sar bkur bar mi bya | gci ba’i sar ma yin | dugs khaṅ du ma yin || rkaṅ pa bkru ba’i sar ma (4) yin te | ci nas dge sloṅ gis sa mi gtsaṅ ba thams cad du lhuṅ bzed bkur bar mi bya | dge sloṅ lhuṅ bzed thogs bźin du mchod rten la phyag bya bar mi bya | glan pa’i rigs na glan par mi bya | śin tu gśer bźin gźag par mi bya | śin tu skam par g-yel bar mi bya | (5) dal nas bags kyis śes bźin du yoṅs su spyad par bya ste | nam źigs pa’i mthar thug gi bar du bcaṅ bar bya ste | dge sloṅ gis lhuṅ bzed de mig bźin du bsruṅ bar bya’o || ci nas kyaṅ phyin chad btsal mi dgos par byas te | de ni lhuṅ bzed kyi bya ba źes (6) bya’o||

pātra

chos gos kyi bya ba gaṅ źe na | bcom ldan ’das kyis dge sloṅ rnams kyi chos gos gsum rjes su gnaṅ ste | dregs pa’i phyir ma yin | rgyags pa bskyed pa’i phyir ma yin || brgyan pa’i phyir ma yin | bźag pa’i phyir ma yin gyi || de ’di ltar (7) dge sloṅ rnams bde bar spyod pa’i phyir te | sbraṅ bu daṅ | sbraṅ ma daṅ | rluṅ daṅ | tsha ba daṅ | sprul la sogs pa’i ga na si bde ba’i gñen po’i phyir ṅo tsha ba daṅ | khrel ba g-yog pa’i phyir ro || de yaṅ dge sloṅ rnams kyis ji ltar yoṅs su spyad pa bźin yoṅs (284b1) su spyad par bya’o || de la sbyar ma yaṅ sbyar ma’i spyad pa bźin spyad par bya’o || stod g-yogs kyaṅ stod g-yogs kyi spyad pa bźin spyad par bya | mthaṅ gos kyaṅ mthaṅ gos kyi spyad pa bźin spyad par bya’o || de la sbyar mas mi spyad pa ni ’di rnams te | dge sloṅ (2) rnams sbyar ma gon bźin gtsug lag khaṅ du chag chag gdab par mi bya | sa phyag par mi bya | phyag dar dor bar mi bya | lci bas źal źal ’jam por byug par mi bya || chu’i snod dgaṅ bar mi bya || spyad pa’i bum par ma yin | gtsaṅ ba’i ril bar ma yin || bśaṅ (3) ba’i ril bar ma yin || rkaṅ pa bkru ba’i sar ma yin | snod bged par ma yin | gtsug lag khaṅ skyoṅ du ma yin || lhuṅ bzed kyi las su ma yin | chos gos kyi las su ma yin | khrus mi bya | sbyar ma bgos nas rtsa’am | śiṅ ṅam | lci ba’am sa’aṅ (4) ruṅ bkur bar mi bya | sbyar ma bgos nas bśaṅ sar mi ’jug gci sar mi ’jug | dugs khaṅ du ma yin | rkaṅ pa bkru ba’i sar ma yin te | ci nas sbyar ma bgos la mi gtsaṅ ba’i sa thams cad du ’gro bar mi bya | mthaṅ la bgo bar mi bya | gdiṅ bar mi bya | (5) de rgyun du bgo bar mi bya | sbyar ma la ’jug par mi bya | ñal bar mi bya ste | ’di ni sbyar ma de lta bur mi spyod pa’o || sbyar ma ’di ltar spyad par bya ste | dge sloṅ ma sbyar ma bgos nas bsod sñoms la ’jug par bya | groṅ du ’jug par bya | spyod yul du ’jug par bya | (6) za la ’jug par bya | skyo ma daṅ thug pa la ’jug par bya | ’di ltar yaṅ sbyar ma ni rnam pa gñis su spyad pa bźin spyad par bya ste | yaṅ na steṅ du bgo bar bya | yaṅ na sṅas su gźug par bya’o || stod g-yogs spyad pa yaṅ ’di ltar spyad de | dge sloṅ rnams (7) stod g-yogs bgos nas | gtsug lag khaṅ du chag chag gdab par mi bya | sa phyag par mi bya | phyag daṅ rog bar mi bya | lci bas źal źal ’jam por byug bar mi bya | lhuṅ bzed kyi las mi bya | chos gos kyi las mi bya | bkru bar mi bya | stod g-yogs (285a1) bgos bźin du rtswa’am | śiṅ ṅam | sa bkur bar mi bya | stod g-yogs daṅ bśaṅ ba’i sar ’jug par mi bya | gci ba’i sar ’jug par mi bya | dugs khaṅ du ma yin | rkaṅ pa bkru ba’i sar ma yin te | stod g-yogs daṅ bcas mi gtsaṅ ba (2) thams cad du ’jug par mi bya’o || lus kyi mthaṅ la bgo bar mi bya | rdul zan du gdiṅ bar mi bya | rgyun du spyad cig bgo bar mi bya ste | ’di ni stod g-yogs te ’di ltar ’di ltar ni stod g-yogs mi spyad pa’o || stod g-yogs de ’di ltar spyad de | stod g-yogs bgos nas (3) chu’i rdza ma dgaṅ bar bya | spyad pa’i rdza ma dgaṅ | gtsaṅ ma’i ril ba daṅ | bśaṅ sa’i ril ba dgaṅ | rkaṅ pa bkru ba’i ril ba yaṅ dgaṅ bar bya | snod bgo bar bya | gtsug lag khaṅ skyoṅ bya | gźan gaṅ yaṅ ruṅ ste ruṅ bar ’gyur ba thams cad la’aṅ stod (4) g-yogs bgo bar bya’o || mthaṅ gos ni thams cad du bgos te | lus kyi mthaṅ la bgo | rtag tu yaṅ bgo źiṅ spyad par bya’o || dge sloṅ gis mi gtsaṅ ba’i sar chos gos gźag par mi bya | ljid kyis mnan par mi bya | drub par rigs na drub par bya | bkru (5) bar rigs na bkru bar bya | kha bsgyur bar rigs na kha bsgyur bar bya | dge sloṅ gis tshon chen po rnam pa lṅa po ñid btsaṅ bar mi bya ste | tshon chen po rnam pa lṅa gaṅ źe na | ’di lta ste | thiṅ śiṅ daṅ | le ba rgan rtsi daṅ | rgya skyegs daṅ | gur gum daṅ | mtshal lo || (6) śun phrags kri ma śam gtogs te | gźan kha dog ṅur smrig tu ’gyur ba śiṅ gi śun phrags la kha dog can choṅs śig | de yaṅ gźan med par gyur na gdod ñes par med do || sbyar ma ṅes bar mtshan ma can du bya’o || stod g-yogs la ṅes par med la mthaṅ (7) gos la yaṅ ṅes par med do || dge sloṅ la chos gos ṅan nam ñuṅ na tshal bus logs śig nas glan par bya ste | lṅa’am | bdun nam | dgu’am | bcu’am | bcu gcig gam | lhag par yaṅ ruṅ ste | de ltar dge sloṅ gis sbyar ma spyad pa ni sbyar maṅ spyod cig | (285b1) stod g-yogs su sbyaṅ pa ni stod g-yogs su spyod cig | mthaṅ gos su spyad pa ni mthaṅ gos su spyod cig | dge sloṅ gis ji ltar raṅ gi pags pa bźin du chos gos la bsruṅ bar bya’o || ci nas de phyi phyir btsal mi dgos par bya ste | ’di ni chos gos kyi bya ba (2) źes bya’o ||

cīvara

gdiṅ ba’i bya ba gaṅ źe na | bcom ldan ’das kyis dge sloṅ rnams la gdiṅ ba rnam pa gñis rjes su gnaṅ ste | mal stan la bde ba’i phyir ro || stug na rim gcig bya | srab na ni rim pa gñis su bya’o || dge sloṅ gis gdiṅ ba ma btiṅ gi (3) bar du ’dug par mi bya | ñal bar mi bya | gdiṅ ba gcig rkyaṅ la bsṅo par mi bya | gdiṅ ba med par źag tu gnas par mi bya || dge sloṅ gis gdiṅ ba la nan tan du bya | legs par bya | ci nas de phyi phyir de btsal mi dgos par byas te | ’di ni gdiṅ ba’i bya ba (4) źes bya’o ||

mat. Mvy 6066: saṃstṛta

khab kyi bya ba gaṅ źe na | bcom ldan ’das kyis dge sloṅ rnams la khab rnam pa gñis rjes su gnaṅ ste | chos gos drub pa’i phyir te | lcags daṅ | zaṅs kyi’o | dge sloṅ rnams kyis khaṅ med bźin ljoṅs kyi spyad pa ma spyod cig | dge sloṅ (5) gis khab legs par źog śig | legs par byos śig | ci nas phyi phyir de btsal mi dgos par bya ste | ’di ni khab kyi bya ba źes bya’o ||

needles

khab ral gyi bya ba gaṅ źe na | bcom ldan ’das kyis dge sloṅ rnams la khab ral rjes su gnaṅ ste | khab rnams sba ba’i (6) phyir ro || dge sloṅ gis ṅo tsha med pa’i dge tshul rnams la khab ral ma gźag cig | mi stor bar bya | bsñen par rdzogs kyaṅ yid mi ches nam yin || ’di ltar yaṅ gaṅ zag lṅa la khab ral gźag par mi bya ste | ṅo tsha med pa daṅ | kho na yod pa daṅ | mi mdza’ ba (7) daṅ | dran pa ñams pa daṅ | tshul bźin mi gnas pa la’o || dge sloṅ gis khab ral legs par bźag par bya | nan tan du bya | ci nas phyi phyir de btsal mi dgos par bya ste | ’di ni khab ral gyi bya ba źes bya’o ||

needle case

thug pa’i bya ba gaṅ źe na | bcom ldan ’das kyis (286a1) dge sloṅ rnams la thug pa rjes su gnaṅ ste bde bar spyod pa’i phyir daṅ | sbyin pa daṅ sbyin bdag rnams la byin pa’i chos rnams yoṅs su spyod pa’i phyir ro || dge sloṅ gis sgra ’byin bźin du thug pa ma ’thuṅ śig | śes bźin du thug pa sgra (2) bskyuṅs te ’thuṅ bar bya | dregs pa’i phyir ma yin || ṅa rgyal gyi phyir ma yin | sñems pa’i phyir ma yin | bzaṅ ba’i phyir ma yin gyi lus ’di rma gso ba’i phyir daṅ gzuṅ ba’i phyir te | ’di ni thug pa’i bya ba źes bya’o ||

soup

chu’i bya ba gaṅ źe na | dge sloṅ (3) gis chu śin tu brtag par bya | daṅ ba | gsal ba | ma rñogs pa | ma ’dres pa | saṅs pa | gtsaṅ ma yoṅs su spyad par bya ste | ’di ni chu’i bya ba źes bya’o ||

water

chu rdza’i bya ba gaṅ źe na | bcom ldan ’das kyis dge sloṅ rnams la chu snod rjes su gnaṅ ste | (4) dge ’dun daṅ gaṅ zag la yaṅ ruṅ źabs rten daṅ chu dgab pa’i kha gab tu bcas pa’o || dge sloṅ rnams kyis śin tu legs par khrus te skoms la gtsaṅ mar bya ste bcaṅ bar bya | lag pa ruṅ ba daṅ | gos ruṅ bas chu gźag par bya | brim par bya | bram ze daṅ (5) khyim bdag lhags na yaṅ blud par bya | dge sloṅ rnams kyis chu rdza śin tu sba bar bya | nan tan du bya | ci nas phyi phyir btsal mi dgos par bya ste | ’di ni chu snod kyi bya ba źes bya’o ||

water pitcher

yoṅs su spyad pa’i chu rdza’i bya ba gaṅ źe na | bcom ldan ’das kyis dge sloṅ (6) rnams la yoṅs su spyad pa’i chu rdza rjes su gnaṅ ste | śin tu bkrus | bskams la gtsaṅ mar byas te bcaṅ bar bya | bkaṅ nas btsug lag khaṅ gi sgor gźag par bya | yoṅs su spyad pa’i rdza ma de dge sloṅ rnams kyis dben par bya | nan tan du bya | ci nas phyi (7) phyir de btsal mi dgos par byas ste | ’di ni yoṅs su spyad pa’i chu’i rdza ma’i bya ba źes bya’o ||

water pitcher that is in use?

gtsaṅ ma’i ril ba’i bya ba gaṅ źe na | bcom ldan ’das kyis dge sloṅ rnams la ril ba rjes su gnaṅ ste | de mchod rten gyi druṅ du gźag par mi bya | dge sloṅ gis de dus dus su brtag (286b1) par bya | bskam par bya | dgaṅ bar bya ste | ’di ni gtsaṅ ma’i ril ba’i bya ba źes bya’o ||

zas kyi bya ba gaṅ źe na | bca’ ba lṅa daṅ | bza’ ba lṅa ste | dge sloṅ rnams kyis bca’ ba daṅ | bza’ ba rnams las gaṅ yaṅ ruṅ ste | bza’ ba’i tshe dran pa mṅon par (2) gźag par bya | zas la brtag par bya | btsal ba’o || nan tan gyis bsgrubs pa’o || de daṅ ’dra ba’o || yoṅs su spyad pa’o || ñam du ’gyur ba’o || ’gyes pa’o sñam du śes bar byas la bza’ bar bya’o || dran pa ñe bar bźag ciṅ sems mi g-yeṅ (3) bar zas la rgyu mthun par ’du śes | nad par ’du śes | gźan la rag las par ’du śes | rkyen du ’du śes | rten ciṅ ’brel bar ’byuṅ bar ’du śes | mṅon du bźag la zas bza’ bar bya | ’dus te za ba daṅ | yaṅ yaṅ za ba daṅ | chog par bya ba (4) la’aṅ dran pa mṅon du gźag par bya ste | de ni zas kyi bya ba źes bya’o ||

food

bza’ ba’i bya ba gaṅ źe na | dge sloṅ gis zan bza’ ba’i tshe’am | skyo ma’i tshe’am | thug pa btuṅ ba’i tshe yaṅ ruṅ dus bsgo ba’am | gaṇ+ḍī brduṅs ma thag tu myur du ’oṅ bar bya || myur du (5) ’du par bya | śes bźin du ’greṅ par bya | śes bźin du ’dug par bya | dran pa ñe bar bźag ciṅ sems mi g-yeṅ bar bya ba daṅ | chas bzaṅ ba daṅ | spyod lam du ldan pa daṅ | śin tu bsdams śiṅ rab tu dben par byas la | sgra (6) bskyuṅs śiṅ mig mi g-yeṅ la mig gña’ śiṅ gaṅ tsam du blta | rim gror bcas | bdag dman par bcas | ’jigs pa daṅ | gźan gyi dbaṅ du yid la bsams nas rdul phyag go sñam pa’i sems daṅ | gnas brtan daṅ | bar ma daṅ | gsar bu rnams la (7) byams pa’i sems daṅ | brtse ba’i sems daṅ | pha daṅ | bu daṅ | phu nu bor ’du śes mṅon du bźag ste stan la ’dug pa mkhas par bya | bza’ ba la mkhas par bya ste | ’di ni bza’ ba’i bya ba źes bya’o ||

food

zas btaṅ ba’i bya ba gaṅ źe na | dge sloṅ gis zas blaṅs (287a1) nas slar gtaṅ bar mi bya | bab bab tu gtaṅ bar mi bya | zas gaṅ la gtaṅ bar bya źe na | ma la sbyin par bya | pha daṅ | phu nu bo daṅ | sriṅ mo la sbyin par bya | gñen la’aṅ sbyin par bya | kun dga’ ra ba’i naṅ du khyim pa ’oṅs pa la’aṅ sbyin par bya | phan (2) btags pa la sbyin par bya | mi phan pa la’aṅ sbyin par bya | nad pa daṅ | bzuṅ ba daṅ | brel bar gyur pa la’aṅ sbyin par bya | de ste bud med sbum ba źig ’oṅs na yaṅ dran pa ñe bar bźag ste sbyin bar bya || byol soṅ la’aṅ zas chaṅ gcig sbyin par bya | rab tu (3) ’byuṅ bar ’dod pa la’aṅ sbyin par bya | de yaṅ dum bur byas | lhag mar byas la sbyin pa ste | ’di ni zas gtaṅ pa’i bya ba źes bya’o ||

discarding food

bsod sñoms kyi bya ba gaṅ źe na | dge sloṅ gis bsod sñoms gus par blaṅ bar bya | rim bźin du blaṅ bar bya mu daṅ (4) mñam par ma yin | tshod ma daṅ mñam par ma yin || śes bźin pa daṅ | dran pa ñe bar gźag pa daṅ | sems mi g-yeṅ ba daṅ | mi bo ba daṅ | ji tsam gyis de chog par ’gyur ba de tsam du blaṅ bar bya ste | ’di ni bsod sñoms kyi bya ba źes bya’o ||

begging/almsfood

begging

zas nod pa’i bya ba gaṅ źe na | zas nod pa’i dge sloṅ gis dus daṅ tshod rig par byos la bsod sñoms loṅ śig | śes par bya | dran pa mṅon par gźag par bya | sems mi g-yel bar bya | mi rñogs par bya | mi ’dres par bya | (5) ci nas kyaṅ mdzes śiṅ dben par bya | ci nas kyaṅ de la mi gtsaṅ ba ’bags pa daṅ | riṅs śiṅ brtan pa’i tshul du mi bya | gtsaṅ źiṅ ’dun pa ltar ’oṅ bar bya | skabs su ma bab pa’i don gźan mi gñer | gtsug lag khaṅ du soṅ (6) nas dge sloṅ de la bźin gyi mdaṅs bzaṅ ba daṅ | khro gñer med pa daṅ | tshig sñan pa daṅ | mgu bar byos la zan loṅ śig | ’di ni zas nod pa’i bya ba źes bya’o ||

receiving food

dgon pa’i bya ba gaṅ źe na | dgon pa’i dge sloṅ gis mdaṅs bzaṅ bar bya | khro gñer med (7) bar bya | dran pa mṅon par gźag | thor mar sñan tshig bya | tshur śog bde bar ’oṅs sam źes tshig sñan pas btsu | khyed cag legs par gnas sam | legs par spyad dam | legs par bya ba byas sam | źes thog mar dris śig | dgon pa’i dge sloṅ (288a1) rnams kyis chu legs par gzos te źog śig | chu snod kyaṅ źog śig | kha zas kyaṅ gzos la źog śig | zas kyi snod kyaṅ źog śig | me yaṅ gzos te źog śig | źugs liṅ yaṅ gzos te źog śig | mar me dag kyaṅ gzos te (2) źog śig | me mar gyi snod kyaṅ gzos te źog śig | me mar gyi sñiṅ po yaṅ gzos te źog śig | mar daṅ | ’bru mar daṅ | sbraṅ rtsi daṅ | snaṅ pa’i bciṅ ba yaṅ śoms te źog śig | ko ba’i dum bu yaṅ śoms te źog śig | rgyus pa daṅ | ’breṅ (3) bu daṅ | smyuṅ bu yaṅ śoms te źog śig | khab daṅ | gri daṅ | skud pa daṅ | zas rnams kyaṅ śoms te źog śig | sman rnams kyaṅ choṅs śig | brtan pa’i khar ba yaṅ choṅs śig | dgon pa’i dge sloṅ rnams kyis me śel daṅ | chu śel (4) gźan la ma bstan cig | dgon pa’i dge sloṅ gis khron pa rgyus śes par gyis śig | ñes spyod la mkhas pa daṅ | mtshan mo la mkhas pa daṅ | yul phyogs la mkhas pa daṅ | dgon pa’i dge sloṅ gis mdo sde la mkhas par bya | ’dul ba la mkhas par (5) bya | ma lta bu la mkhas par bya | smra ba la mkhas pa daṅ | chos ston pa la mkhas pa daṅ | phuṅ po la mkhas pa daṅ | khams la mkhas pa daṅ | skye mched la mkhas pa daṅ | rten ciṅ ’brel bar ’byuṅ ba la mkhas pa daṅ | gnas daṅ gnas ma yin pa la (6) ma las par bya | dgon pa’i dge sloṅ rnams kyis chos śes par bya | don śes par bya | dus śes pa daṅ | tshod śes pa daṅ | bdag ñid śes pa daṅ | ’khor śes pa daṅ | gaṅ zag śes pa daṅ | gaṅ zag gi khyad par śes par bya | dgon pa’i dge sloṅ (7) rnams kyis dregs pa mi bskyed | gcam bur mi bya | bkur stir bcas | dbaṅ gźan la rag las par bcas | kha mi rgod | tshig brtan par bya | ṅo tsha daṅ khrel yod par bya | gtam mi maṅ ba daṅ | thab mer ’gyur ba’i rnams mi smra | brtson ’grus su bya | le lor (288b1) mi bya | dran pa can daṅ śes bźin du spyod par bya | dbaṅ po dben par bya | zas la tshod zin par bya | bdag gi śes par mi bya | srod daṅ | tho raṅs kyi tshe rnal ’byor bya ba la nan tan du bya | gñid kyi bde ba daṅ | ’phres pa’i bde ba daṅ | mal stan gyi bde ba ñams (2) sa mi blaṅ | dus su spyod pa daṅ | dus ma yin par spyod pa śes par bya | stan la ’dug pa la mkhas pa daṅ | dge sloṅ gnas brtan rnams la mi smod pa daṅ | dge slog gsar bu rnams la’aṅ mi smod pa daṅ | dgon pa’i dge sloṅ gis brtson ’grus yal bar mi bya | (3) ma thob pa thob pa daṅ | ma chud pa chud pa daṅ | mṅon du ma byas pa mṅon du bya ba daṅ | dgon pa la gnas pa’i dge sloṅ gis chos kyi dbyug pa daṅ | ril bu daṅ | pho loṅ gis srod daṅ tho raṅs la rnal ’byor byos śig | dgon pa’i dge sloṅ gis (4) mtshuṅs par spyad pa’i chos bcas pa bźin du rdzogs par ma byas na ’das pa daṅ bcas par ’gyur te || ’di ni dgon pa’i bya ba źes bya’o ||

araṇya

dgon pa’i gnas brtan gyi bya ba gaṅ źe na | dgon pa’i dge sloṅ gis bya ba de lta bu la ’jug par bya’o || dge (5) sloṅ gsar bu rnams de na ’khod par kun śes par bya ba nas sṅa ma bźin te || thams cad du yaṅ dge sloṅ gnas brtan gyis thog mar ’jug par bya’o || rgyud gtaṅ bar mi bya ba’i bar du ste | dgon pa na bya ba’i rnams gzuṅ bar bya | dgon pa’i bya ba rnams (6) la gzud par bya | de dag gis kyaṅ des rjes su bstan pa’i tshig la mñan ciṅ bsgrub par bya ste | ’di ni dgon pa’i gnas brtan gyi bya ba źes bya’o ||

*araṇyasthavira

groṅ ’dab kyi bya ba gaṅ źe na | groṅ ’dab kyi dge sloṅ gis mdaṅs bzaṅ bar bya ba nas | sṅa ma bźin te | (7) bde bar spyod pa’i bar du’o || dge sloṅ dag ’oṅs śiṅ lhags pa’i rnams la bde bar phyin tam źes dri bar bya | ji ltar rgan rims pa daṅ | ji ltar rigs par ṅal bso bar bya | mal stan dag kyaṅ ji lta bu yod pa sbyin par bya | de ste sṅa dro lhags na ni kha zas ci ’byor (289a1) pa bźin bgo źiṅ sbyin par bya | des zas kyi ’og tu ’oṅs na btuṅ ba daṅ | bu ram daṅ | śa la ra daṅ | hā gas daṅ | ha se rnams ci ’byor pa sbyin źiṅ tshim par bya | nub mo mal stan kyaṅ bgo źiṅ sbyin par bya | rkaṅ pa bkru ba daṅ | rkaṅ pa bsku ba (2) yaṅ sbyin par bya | kun dga’ ra ba’i phyir ’byuṅ ba daṅ | naṅ du ’jug pa daṅ | ñe ’khor daṅ | bśaṅ ba’i sa daṅ | gci ba’i sa daṅ | skas ka daṅ | them skas daṅ | gcaṅ pa daṅ | dbye ba’i rnams so sor ston cig | dge ’dun gyi bya ba bcas pa rnams (3) kyaṅ sgrogs śig | de ste bsod sñoms pa źig yin na yaṅ spyod yul rnams rig par ston cig | ’oṅs pa la yaṅ kha zas daṅ skom rnams sbyar bar bya || de ste ’dug par gyur na de la dris te gnas par gyur na | gnas khaṅ daṅ | khaṅ bcu brtsegs pa yaṅ ruṅ dban (4) par ruṅ ba byin cag | de ste ’gro bar gyur na rab tu mgu bar byas la phyi bźin du bskyal bar gyis śig | de ste khyim pa dag lhags na yaṅ groṅ ’dab pa’i dge sloṅ gas mgu ba’i bźin daṅ | khro gñer med par gyis la mdun du bsu ste tshig sñan par gyis śig | stan thiṅ (5) śig | de ste kha zas daṅ skom dgos na yaṅ byin cig | ñal na yaṅ mal stan byin cig | de ste chos ñan par ’dod na des nus na bdag ñid kyis chos kyi gtam byos śig | de ste bdag ñid kyis mi nus na dge sloṅ gźan skos te chos kyi gtam sgrogs śig | groṅ (6) mtha’i dge sloṅ gis bram ze daṅ khyim bdag gi rnams ’oṅs śiṅ lhags par la sbyin pa daṅ | sbyin pa la ’jug pa daṅ | skyabs su ’gro ba daṅ | bslab pa’i gźi ’dzin par bstabs par byos śig | spos daṅ | dri daṅ | me tog kyaṅ sbyin par byos śig | mchod (7) rten la skor phyag ’tshal du chug śig | na~M nas su bslabs bstan te gtaṅ bar byas te ’di ni groṅ ’dab kyi bya ba źes bya’o ||

groṅ ’dab kyi gnas brtan gyi bya ba gaṅ źe na | groṅ ’dab kyi gnas brtan gyis bya ba de ’di lta bu la ’jug par bya’o || dge sloṅ gsar bu de na gaṅ (289b1) ’khod pa de kun śes par bya ba nas sṅa ma bźin te | groṅ ’dab kyi dge sloṅ gnas brtan gyis thams cad du yaṅ thog mar ’jug par bya | rgyud mi gtaṅ bar bya ba’i bar du ste | groṅ ’dab kyi bya ba rnams la de dag gzud par bya | groṅ ’dab pa’i bya ba rnams la ’dzin pa (2) gźug par bya | bya ba bzaṅ po la gzud par bya | ’di skad ces bsgo bar bya ste | tshe daṅ ldan pa rnams dran pa ñe bar źog la groṅ ’dab du gnas par bya ste | kun dga’ ra ba pha daṅ | dge tshul pa daṅ | bud med rnams la rgyun du lta ba spaṅ bar byas la lta na yaṅ (3) dran pa ña bar bźag la blta źiṅ smra bar gyis śig | dregs par ma byed cig | dus dus su chos kyi gtam bya bar bya || spyod yul ma yin pa rnams las ni bzlog par bya | spyod yul rnams la ni gzud par bya | de dag gis kyaṅ des bsgo ba daṅ | bsan (4) ba’i tshig rnams mñan cig ’jug par bya ste | ’di ni groṅ ’dab kyi dge sloṅaka gnas brtan gyi bya ba źes bya’o ||

glo bur du ’oṅs pa’i bya ba gaṅ źe na | glo bur du ’oṅs pa’i dge sloṅ gis bab bab tu kun dga’ ra ba’i nad du ’jug par mi bya | kun dga’ ra ba’i sgo (5) kar lhuṅ bzed daṅ chos gos źog la de ste chu yod na ni rkaṅ pa khrus śig | chu med na ni rṅul phyi ba’i ra da’am | lo ma daṅ | lo ma rñis pas rṅul phyis śig | bśaṅ ba bro’am gci ba bro na yaṅ gśoṅ śig | gcis śig | de na chos gos gyon la phrag pa g-yon (6) pas chos gos kyi tshaṅ thur daṅ | lhuṅ bzed kyi snod rnams thogs śig | lag pa g-yas pas ni khar gsil thogs śig | lag pa g-yon pas ni lham khyer cig | de ste kun dga’ ra rtsig pas bskor tam | śiṅ thags kyis bskor tam | ’obs kyis bskor (7) bar gyur na śes bźin du sgo la mi ’drud bźin du naṅ du źugs śig | mchod rten rnams la bskor bar bya | śes bźin du dran pa ñe bar bźag la sems mi g-yeṅ | spyod lam mdzes pas sbyar źiṅ | rab tu bkab nas sgra bskyuṅs la mig mi g-yeṅ źiṅ gña’ śiṅ gaṅ tsam (290a1) du lta źiṅ gtsug lag khaṅ gi naṅ du źugs la snaṅ g-yel che ba’i phyogs su ’dug śig daṅ | ci nas bźin gnas pa’i dge sloṅ dag gis mthoṅ na saṅ ge sloṅ ’di ni glo bur du ’oṅs pa źig go źes nas de dag gis ṅal bso bar bya bar gyur || glo bur (2) du ’oṅs pa’i dge sloṅ gtsug lag khaṅ gi naṅ du źugs pa daṅ | gaṅ rigs par chos gos kyi tshad thur daṅ | lhuṅ bzed kyi snod daṅ | ril ba daṅ | lham rnams gźag par bya’o || de nas dge sloṅ gnas brtan dag la bkur stir bcas | ri mor bcas | (3) ’jigs pa’i dbaṅ du gyis la rkaṅ pa la phyag byos śig | dge sloṅ gsar bu rnams la tshig sñan pas dga’ bar byos śig | stan ji lta bu thob pa de la ’dug par bya | glo bur du ’oṅs pa’i dge sloṅ zas kyi tshe’am | btuṅ ba’i tshe’am | thug pa btuṅ pa’i (4) tshe’am | phyag bya ba’i tshe’aṅ ruṅ | bsgo’am | gaṇ+ḍi brduṅs nas dge ’dun ’du ba’i khar ’dus śig | lo graṅs dris la gar bab ba’i rim bźin du ’dug śig | de ste mal stan ’brim na śin tu rtogs la lod śig | gnas khaṅ bskos na ci ’di na (5) gnas sam mi gnas źes dris śig | de ste gnas na ni ci bde zes byos śig | de ste mi gnas pa źig yin na ni des lhuṅ bzed daṅ chos gos phyogs gcig tu źog la phyag dar bya ba’i phyir phyags ma tshol cig | chu rdza daṅ śiṅ stan kyaṅ tshol cig | gnas (6) khab gi sgo druṅ du ’oṅs na yaṅ dal nas rduṅs śig | ’on te de na sbrul lam | sdig pa’am | rkaṅ maṅs sam | te ma pu ka’am | te la ta ka’am | srog chags gdug pa gźan dag kyaṅ ruṅ ste yod na tshor par byas par ’gyur ro || de sgo’i dpyis bla ’og tu rtogs (7) śig | sgo ’phar la’aṅ rtogs śig | de nas sgo dal nas phye ste śes bźin du naṅ du źugs la dbus su ’dug nas grwa bźir sbrul gyi gnas sam | sdig pa’i gnas sam | srin bu’am | sbraṅ ma’am | grog sbur gźan gyi gnas ltos te | yod par gyur na (290b1) de dag mi gnod pa’i tshul du logs śig tu ’gro bar gyis śig | de nas gnas khaṅ du chag chag thob śig | phyag dar byos śig | phyag dar ’or cig | lci bas źal źal ’jam por yugs śig | de na ’di lta ste | mal stan khri’am | khri’u śiṅ ṅam | khri’u’am | (2) la ba’am | stan naṅ tshaṅs can nam | gru bźi pa dag yod na phyir byuṅ nas de ste rgan po źig sṅar ’dug na ni skad cig sdod cig | ma yin na se gol gyis dal nas gtogs te śes bźin du naṅ du źugs la rkaṅ pa khrus śig | glo bur du ’oṅs pa’i dge sloṅ gis bźin gnas (3) pa’i dge sloṅ rnams la ’di na bsdigs pa’i las byas ba’am | smad pa’i las byas pa’am | bskrad pa’i las byas pa’am | slar bsdum pa’i las byas pa’am | ma mthoṅ bas spaṅs pa’i las byas pa’am | slar las ma byas pa’i phyir spaṅs pa’i las byas pa’am | (4) sdig pa la lta bam btaṅ ba’i phyir spaṅs pa’i phyir las byas pa’am | chad pa byed pa’am | gźi nas bslaṅ ste yid mgu bar byed pa yaṅ ruṅ ste | de lta bu dag yod dam med dris śig | de ste yod na yaṅ de (5) daṅ de lta bur spaṅ bar bya’o || gtsug lag khaṅ nas phyir ’byuṅ pa daṅ | naṅ du ’jug pa daṅ | ñe ’khor daṅ | snam phyi sa daṅ | gci pa daṅ | skas daṅ | them skas daṅ | sgo bcad pa de dbye ba la sogs pa rtogs śig | dris śig | dge ’dun gyi bya ba bcas pa ji (6) lta bu dris śig | gnas khaṅ du źugs te stan thiṅ la skyil mo kruṅ chos te lus draṅ por sroṅ la dran pa mṅon du bźag ste rag par bya ba brgyad la spaṅ bar bya’o || de ni ’di lta ste | nad do || skran no || mtshon no || dug go | mi rtag pa’o || sdug bsṅal pa’o || stoṅ pa ñid do || bdag (7) med pa’o sñam du soms te ’dug la || de ste nus na ni ji srid nus bźin ’dug | ’on te yaṅ mi nus laṅs te bkrag pa gsum bklag go || sbyin pa’i yon tan brjod la sbyin pa’i yon tan brjod nas g-yas phyogs su ’phres par bya’o || rkaṅ pas rkaṅ pa mnan te snaṅ ba’i dran pa mṅon du (291a1) bźag nas ldaṅ bar śes bźin du ’du śes bźag nas yid la byed bźin mtshan mo zad pa’i tho raṅs kyi tshe riṅs śiṅ myuṅ bar loṅs la de nas skyil mo kruṅ bcas śiṅ lus drag por bsraṅs te ’dug la sems dran pa mṅon du byas te lus ’dis reg par bya ba brgyad spaṅ (2) par bya ste | ’di lta ste | nad do || skran no || dug go || mtshon no || mi rtag pa’o || stoṅ pa ñid do || bdag med ba’o sñam du soms te | de nas nam naṅs na so śiṅ zol ’or cig | de nas bya ba rnams byos la ci deṅ dge ’dun gyi bśos mgron du (3) bźud dam | ’on te bsod sñoms la ’jug ces dris śig | de ste dge ’dun gyi bśos mgon du bźud na dge ba’i phyogs ci bder spyod la bsod sñoms gyis śig | de ste bsod sñoms la ’jug na de nas groṅ daṅ | spyod yul daṅ | dad pa’i rigs gaṅ yin pa daṅ (4) ma dad pa’i rigs gaṅ yin pa daṅ | rigs ’dir bslab pa byin pa ma yin nam źes dris śig | lhuṅ bzed bas phub ma yin nam źes dris śig | rta ma ruṅs pa daṅ | ba laṅ ma ruṅs pa med dam źes dris śig | de nas sṅa dro śam thabs bgos | lhuṅ bzed daṅ chos gos khyer te | (5) śes bźin du bsod sñoms la ’jug par bya’o || bsod sñoms bskor nas zas kyi bya ba byas te | phyis bsod sñoms blaṅ ba daṅ | zas kyi bya ba spaṅs nas chos gos daṅ lhuṅ bzed bźag nas ci bder ’dug par bya ba ’di ni glo bur du ’oṅs pa’i bya ba źes bya’o ||

suddenly arrived

glo bur du ’oṅs pa’i gnas (6) brtan gyi bya ba gaṅ źe na | glo bur du ’oṅs pa’i dge sloṅ gnas brtan gyis glo bur du lhags pa’i dge sloṅ rnams rig par bya | de dag la’aṅ mdaṅs bzaṅ bar bya | khro gñer med par bya | tshig sñan pas sṅar dge sloṅ rnams la mgu bar bya || glo bur du lhags pa’i dge sloṅ rnams (7) kyi phyir mal stan brña par bya || ’dug ’dug pa las mgron rnam pa lṅar bsgo bar bya ste | gtsug lag khaṅ du gnas khaṅ ’di yin gyis ltos śig ces bsgo ba daṅ mal stan ’di yin na stan ltos śig ces pa daṅ | lde mig ’di yin no || źes bsgo źiṅ gtad pa daṅ lṅa ste | ’di (291b1) ni glo bur du ’oṅs pa’i gnas brtan gyi bya ba źes bya’o || ||

suddenly arrived sthavira

’dul ba gźuṅ dam pa | bam po lṅa bcu rtsa gñis pa |

’gro ba’i bya ba gaṅ źe na | ’gro ba’i dge sloṅ des yul phyogs gaṅ logs su ’gro ba de’i yul phyogs brtag par bya || de (2) phyogs nas ’oṅs pa’i dge sloṅ rnams la bar chad du ’gyur pa brgyad las gaṅ yaṅ ruṅ bar chad du ’gyur ba mi ’byuṅ ṅam źes dri bar bya | bdag der soṅ nas bsod sñoms daṅ na ba’i sman daṅ | bsñen bkur byed pas brel bar mi ’gyur ram | bdag la (3) bsod sñoms daṅ | na ba’i sman daṅ | bsñen bkur byed pas kyaṅ ruṅ brel ciṅ ma rñed par gyur na lus ñams śiṅ dus ’da’ bar mi ’gyur ram bdag der soṅ na lus bde ba daṅ sems la bde bar ’gyur ram | bdag der soṅ nas dge ba’i chos rnams ’phel bar ’gyur (4) ram | bdag der soṅ na dge sloṅ tshul khrims daṅ ldan pa | yon tan daṅ ldan pa | des pa dge ba’i chos can | lta ba mtshuṅs pa | gnas pa mtshuṅs par ’gyur ram | bdag the tshom ma skyes pa de dag mi skye bar byed dam | skyes pa yaṅ slar sel bar byed dam | (5) sdig par lta ba ma skyes pa mi skye bar byed dam | skyes pa’i rnams slar ldog par byed dam | bdag daṅ tshe daṅ ldan pa de dag daṅ lhan cig lus bde ba daṅ sems bde bar ’gyur ram | bdag tshe daṅ ldan pa de dag daṅ lhan cig tu dge ba’i chos rnams la ’phel bar ’gyur (6) ram źes dri bar bya ste | de ltar na yul phyogs brtag par bya ba’o || grogs rnams la brtag par bya ste | tshe daṅ ldan pa ’di dag tshul khrims daṅ ldan nam | yon tan daṅ ldan nam | des pa dge ba’i chos can yin nam | lta ba mtshuṅs sam | gnas pa mtshuṅs sam | (7) gal te ’di ltar bdag la the tshom ma skyes pa la mi skye bar byed dam | skyes pa slar sel bar byed dam | sdig par lta ba yaṅ ma skyes pa las mi skya bar byed dam | bdag tshe daṅ ldan pa de daṅ lhan cig tu lus daṅ sems bde bar ’gyur ram | bdag tshe daṅ ldan pa de dag daṅ lhan cig tu (292a1) dge ba’i chos ’phel bar ’gyur ram | gal te tshe daṅ ldan pa ’di dag gis bdag lam du nad kyis btab na mi ’bor par ’gyur ram sñam du grogs po la brtags nas | lam la brtag par bya ste | bdag lam dar bar chad du ’gyur ba brgyad las gaṅ yaṅ ruṅ ba ’byuṅ bar mi ’gyur (2) ram | bdag lam der bsod sñoms daṅ | na ba’i sman daṅ | bsñen bkur byed pas brel bar mi ’gyur ram | de ste bsod sñoms daṅ bsñen bkur byed pa med na gnod ciṅ dus ’das par mi ’gyur ram | bdag lam de na lus la bde’am | sems la bde bar ’gyur ram | (3) bdag lam der dge ba’i chos rnams ’phel bar ’gyur ram | de ste brel bar mi ’gyur na ’gro bar bya’o || de lta bur yul phyogs daṅ | grogs daṅ lam rnams brtags la de ste saṅ ’gro’o sñam na | des mkhan po daṅ | slob dpon rnams la blta bar bya de ste bdag yul phyogs (4) ni ’di lta bur | groṅ khyer ni ’di lta bur mchi’o źes źu’o || mkhan po daṅ | slob dpon gyis kyaṅ de’i yul phyogs brtag par bya | lam brtag par bya | dge sloṅ grogs po rnams la brtag par bya ste | ’di’i grogs po dge sloṅ rnams ci ’dra | ’di’i ’khor ci ’dra | ’di’i grogs (5) po rjes bźin du ’doṅ ba ci ’dra ba’i rnams rtogs la de ste mthun par gyur na ni źu ba yaṅ byin cig | mthun par ma gyur nam sbyin cig | ’gro ba’i dge sloṅ gis ma źus par soṅ na ’das pa daṅ bcas par ’gyur ro || de ste na dge ba’i chos ’phel ba źig tu ’gyur la mkhan po daṅ slob dpon (6) yaṅ tshul bźin pa źig ma yin na ma źus par soṅ na yaṅ bla’o || gnas khaṅ na gnas pa’i gnas khaṅ de chag chag gis gdab par bya | phyag dar bya | phyag dar dor bar bya | lci bas źal źal ’jam por byug par bya | naṅ par sṅar rkyaṅ pa gsum bklags bklags nas (7) sbyin pa’i yon tan brjod par bya | nam laṅs nas mal stan rnams ji lta bur dgas pa de rnams bsṅos la groṅs te sprug ciṅ brdab par bya’o || de nas rtsig pa las sor bźi tsam gyis sprogs la bcer te bźag nas sgo bcad de naṅ gtan daṅ | zla gtan chug la de na gnas pa daṅ | gźi na (292b1) gnas pa’i dge sloṅ rnams la gdod de ltos śig ces bsgo nas ’gro bar bya’o || mal stan la sogs pa la ltos śig ces bsgo ba la rnam pa lṅa ste | gnas khaṅ ’di la’o || gnas khaṅ ’di la ltos śig | mal stan rnams la’o || mal stan ’di rnams la ltos śig | (2) lde mig gtad pa daṅ lṅa yin no || kun dga’ ra ba’i phyi rol du byuṅ na dge sloṅ grogs po rnams la brtag par bya ste | riṅ du ma soṅ bar su la yaṅ ruṅ | brjed ciṅ lus pa med dam źes phan tshun du dris śig | de ste brjed ciṅ lus pa źig yod na dge sloṅ de (3) slar logs la blaṅs te | ’oṅs kyi bar du bsdad par bya ba ’di ni ’gro ba’i bya ba źes bya’o ||

wandering monk

’gro ba’i gnas brtan gyi bya ba gaṅ źe na | ’gro ba’i gnas brtan gyi bya ba gaṅ źe na | ’gro ba’i gnas brtan gyis naṅ par sṅar laṅs nas ’doṅ ba’i dge sloṅ rnams la char gźug | de dag la tshe daṅ ldan pa’i rnams (4) lhuṅ bzed daṅ chos gos rnams legs par loṅ la khyer te ’doṅ ṅo || sus kyaṅ brjed par ma byed cig ces bsgo bar bya | doṅ ba’i ’og tu dge sloṅ gnas brtan ñid kyis de dag gis brjed pa lta yod dam med ces brtag par byas la thams cad kyis mjug nas ’gro bar bya’o || riṅ (5) por ma ’phags par de dag la su’i yaṅ ruṅ brjed ciṅ lus pa ci yod ces smra bar bya | dge sloṅ gnas brtan gyis dge sloṅ de thams cad la rjes su bstan par bya ste | tshe daṅ ldan pa’i rnams las gaṅ yaṅ ruṅ sṅon du ’dor te ma ’doṅ źig | phyir nur te ma ’bod cig | thams (6) cad lhan cig tu ’dus la phan tshun du lta rtog bźin du ’doṅ bar bya’o || dge sloṅ gnas brtan gyis lam du źugs pa’i tshe bde ba daṅ ldan mi ldan rig par byas la bdag ñid kyis ’di dag la sṅon du ’dor te ’doṅ ba lta yod dam med | phyir nur te lus pa lta yod dam med | de ste (7) sṅon du ’dor te ’doṅ ba lta yod na yaṅ de dag bskul źiṅ ’doṅ bar bya | bdag ñid kyaṅ dge sloṅ rnams kyi dbus su źugs la ’gro bar bya | de ste ’gro mi phod na ñid kyis lhuṅ bzed daṅ chos gos la sogs dge sloṅ de dag la bsgos śiṅ bskur bar bya | de ste ’gro mi (293a1) nus bźig tu gyur na dge sloṅ de dag gis dge sloṅ de phrag ba’am khur du khyer te | dgon pa de las phyuṅ la groṅ ’dab tu phyin par gyis śig | dge sloṅ de la ñe gnas kyi dge sloṅ de yaṅ byin cig | ñe gnas dge sloṅ des kyaṅ de’i zan daṅ sman (2) gźan las chol cig | de ste lam de ’jigs pa daṅ bcas par gyur na riṅs śiṅ myur bar doṅ ste | de nas byuṅ ba daṅ ṅal bso bar gyis śig | de ste yaṅ nus par gyur na ni gaṅ na chu ’gram mam | nags mtha’ ’am | gsaṅ ma sṅon po’am | sa phyogs (3) gar dga’ ba źig tu rtogs ta dge sloṅ rnams ṅal bsor gźug par bya | ṅal bsos nas kyaṅ ’doṅ bar bya ste | dge sloṅ gnas brtan gyis de dag kun la kye thams cad kyis kyaṅ ’dir sbyin pa’i yon tan re re cig ces bsgo bar bya | dge sloṅ thams cad kyis (4) sbyin pa’i yon tan gyi tshigs bcad bklags zin pa daṅ | dge sloṅ gnas brtan gyis mjug tu byin pa’i yon tan gyi chigs bcad lhogs te sa phyogs su lan gñis sam gsum brtags te ’gro bar bya’o || groṅ ’dab tu phyin na yaṅ des dge sloṅ rnams kyi phyir gnas (5) btsal bar bya || mal stan pa tsal bar bya || yaṅ na rtswa daṅ lo ma btsal te | de ste yaṅ ’byor bar gyur na rkaṅ pa bkru ba daṅ | rkaṅ pa bsku ba daṅ | btsags pa’i btuṅ ba daṅ | bu ram daṅ | kha na da la sogs pa bslaṅ bar bya’o || gci ba daṅ bśaṅ ba’i sa (6) yaṅ dris brtags la mtshan mo gnas par bya’o || khyim gyi lha rnams kyi phyir yaṅ rkyaṅ pa gsum daṅ | sbyin pa’i yon tan brjod par bya || der gnas na yaṅ dge sloṅ gnas brtan gyis de dag gi zan daṅ thug pa daṅ skyo ma rnams bstabs śig btsal nas dge sloṅ rnams la (7) bsñod par bya | de na dge sloṅ gsar bu ’khod pa rnams la smra bar bya | yaṅ dag par smra bar bya | kun śes par bya | rtogs par bya | bstan par bya | rjes su bstan par bya ste | ci nas de dag dregs pa can daṅ | mi rigs pa daṅ | rtsed mo las bzlog par bya | (293b1) ’gro ba’i dge sloṅ gnas brtan gyis ji ltar mtshuṅs par spyad pa’i chos bcas pa bźin du mi byed na ’das pa daṅ bcas par ’gyur ro || ’di ni ’gro ba’i gnas brtan gyi bya ba źes bya’o ||

wandering sthavira

rkaṅ pa bkru ba’i bya ba gaṅ źe na | bcom ldan ’das kyis dge sloṅ rnams la (2) rkaṅ pa bkru ba’i phyir rkaṅ pa bkru ba rdzas su gnaṅ ste | de dge sloṅ dag rjes su de dag gis snod stoṅ par mthoṅ na bdag cag ñid kyis dgaṅ bar gyis śig | yaṅ na dge sloṅ gis kun dga’ ra ba na gnas pa rnams la khoṅs śig par sgo śig | rkaṅ pa bkru bar bya ba ’di (3) yaṅ yin te | dge sloṅ gis rkaṅ pa bkrur ’dod na śes bźin du rkaṅ pa bkru ba’i sar ’gro bar bya | de ste rga na pa źig sṅa na ’dug na skad cig sdod cig | su yaṅ mad na śes bźin du źugs la rkaṅ pa brku bar bya | dge sloṅ gis rkaṅ pa bkru ba’i sar yun (4) riṅ du ’dug par mi bya | sñoms pa la ’jug par mi bya | luṅ bsgo bar mi bya | dran par mi bya | ’dri bar mi bya | gtam la źugs śiṅ mi ’dug | myur duka rkaṅ pa bkrus nas śes bźin du slar ’byuṅ bar bya ste | ’di ni rkaṅ pa bkru ba’i bya ba źes bya’o ||

washing the feet

rkaṅ pa (5) bkru ba’i gnas brtan gyi bya ba gaṅ źe na | rkaṅ pa bkru ba’i dge sloṅ gnas brtan gyis dge sloṅ rkaṅ pa ’khru ba la źugs nas yaṅ ma zin gyi bar du bslaṅ źiṅ dbyuṅ bar ma byed cig | rkaṅ pa ’khru ba la źugs pa źes bya ba na chuṅ ṅu na rkaṅ pa chus gśer ba tsam du gyur pa’o || (6) de ste dge sloṅ dag spyod lam mi mdzes par gyur tam | gtam la źugs śiṅ ’khod na dge sloṅ gnas brtan gyis de dag zlog śig | luṅ bsgo bar bya | rjes su bstan par bya | spyod lam mdzes pa la gzuṅ bar bya | ji ltar rkaṅ pa bkru ba’i gnas brtan gyis mtshuṅs (7) par spyad pa’i chos la gzud par bya | ’di ni rkaṅ pa bkru ba’i gnas brtan gyi bya ba źes bya’o ||

sthavira washing feet

’dug pa’i bya ba gaṅ źe na | gnas daṅ gźi na gnas pa’i dge sloṅ gis tshes brgyad daṅ | bcu bźi daṅ | bco lṅa la gcig tu ’dus ta saṅs rgyas kyis gsuṅs pa’am | (294a1) ñan thos kyis gsuṅs pa’i chos kyaṅ ruṅ ste smra bar bya’o || de dag naṅ par sṅar sgo’am | gaṇ+ḍī brduṅs ma thag tu ’du bar bya ste | myur du ’dus nas śes bźin du ’khod par bya | śes bźin du ’khod nas dran pa ñe bar gźag par bya | sems mi (2) g-yeṅ bar bya | spyod yam tshogs śiṅ phun sum du ldan par bya | śin tu bsdam par bya | śin tu dga’ bar bya | sgra bskyud par bya | mig mi g-yeṅ źiṅ gña’ śiṅ gaṅ tsam du blta bar bya | bkur stir bcas | bdag dman par bcas | ’jigs pa (3) daṅ dbaṅ du ’gyur bar bcas | yid dman pa phyags ma daṅ ’dra ba’i sems su bya | gnas brtan dar | bar ma daṅ | gsar bu’i rnams la byams pa’i sems su bya | phan pa’i sems su bya | rjes su brtse ba’i sems su bya ba daṅ | phu nu bo daṅ | bur (4) ’du śes pa ñe bar gźag par bya | stan la ’dug pa la mkhas pa daṅ | ’dug nas yaṅ phyi phyir ṅes pa’i chos kyi gtam gyis mtshan mo nam zad par bya’o || de ste mi bde na yaṅ spyod lam gñis kyis nam zad par bya ste | ’chag pa daṅ | ’greṅ bas so || dge (5) sloṅ rnams ’dus nas ’khod na yaṅ dus su chos mñan par bya ste bkur sti bya | gñan par bya | smad par mi bya | tshul bźin du ’jug par bya || glags mi btsal bar bya || chos la bkur sti mṅon du gźag par bya | chos smra ba’i gaṅ zag la yaṅ brñas par (6) mi bya | bdag ñid la smad par mi bya | sems gcig tu thub pa daṅ bka’ yin no par bsam pa daṅ | rna ba mi g-yeṅ ba daṅ | sems gus pa daṅ | sems thams cad gcig tu thub par bsdus la chos mñan par bya’o || de’i ’og tu lha rnams daṅ | rgyal (7) po daṅ | yon bdag daṅ | sbyin pa byed pa rnams kyi phyir sbyin pa’i yon tan gyi tshigs bcad bklag par bya ste | ’di ni ’dug pa’i bya ba źes bya’o ||

sitting

’dug pa’i gnas brtan gyi bya ba gaṅ źe na || ’dug pa’i dge sloṅ gnas brtan gyis sṅar sgo’am gaṇ+ḍī brduṅs kyaṅ ruṅ ste | (294b1) de thog mar ’gro bar bya || thog mar ’greṅ bar bya | thog mar ’dug par bya | ’dug nas yaṅ skad cig caṅ mi smra bar bya | de nas bdag ñid kyis chos smra bar bya | yaṅ na nus pa’i dge sloṅ la chos smros śig par bsgo bar bya | bdag ñid kyis chos ma smras sam | (2) dge sloṅ nus pa yaṅ ma bsgo na ’das pa daṅ bcas par ’gyur ro || de ste ’khod pa la yaṅ bram ze daṅ khyim bdag dag lhags na des de dag la yaṅ chos kyi gtam bya | de ste gźan mu stegs can kun tu rgyu ba skabs tshol lam glags tshol źiṅ lhags na de dag la (3) yaṅ chos kyis brgal ba la ’jug par bya | ’di ni mi rigs pa’o || ’di ni mi ’dra ba’o || ’di ni ma grub pa’o źes rigs pa’i chos kyis gdul bar bya | khro ba mi bskyed par bya | ma khros par bya | mi smad par byas te | ’di ni ’dug pa’i gnas brtan gyi byaṅ (4) źes bya’o ||

sitting sthavira

chos ’chad pa’i bya ba gaṅ źe na | chos ’chad pa’i dge sloṅ gis bkur stir bcas | bdag ñid dman par bcas ’jigs pa daṅ dbaṅ du ’gyur bar bcas | yid dman źiṅ phyags ma daṅ ’dra ba’i sems su bya ste | ’khor gyi naṅ du źugs la chos (5) bśad par bya ba ni rigs pa daṅ | gsal ba’i tshig daṅ | ’bru daṅ | ma ’khrugs pa daṅ | ma ’dres pa daṅ | ’brel ba daṅ | ma ’khrul ba daṅ | sems mi g-yeṅ ba daṅ | zaṅ ziṅ gi sems su ma yin pa daṅ | chos ñid la yaṅ bkur sti mṅon du bya | (6) chos ñan pa rnams la yaṅ bkur sti mṅon du bya | chos la brñas pa mi bya | chos ñan pa rnams la yaṅ brñas pa mi bya | bdag ñid la’aṅ smad par mi bya || chos rnams la’aṅ chos ñid daṅ rten ciṅ ’brel ba yin par chud par bya ste | byams pa’i tshul du bya | rjes su (7) brtse ba daṅ chos ’di yun riṅ du gnas par ’gyur bar bya | chos ñid la rten gyi zaṅ ziṅ la rten te chos bśad par mi bya | bkur sti’i thog mar ’jug la rjes su mthun pa daṅ | rjes su ’byor par bya | rims su bya ste | mgu ba daṅ | dad pa daṅ | raṅs pa | spro ba daṅ | (295a1) mos pa daṅ | rigs par ldan pa daṅ | ’khrug pa ma yin par chos bśad par bya | ji ltar ’khor rnams la byams pa’i sems daṅ | rjes su brtse ba’i sems su gnas par bya | rñed pa daṅ bkur sti daṅ grags pa ni ma yin no || chos ’chad pa’i (2) tshe bdag ñid la bstod par mi bya | gźan la smad par yaṅ mi bya ste | ’di ni chos ’chad pa’i bya ba źes bya’o ||

*dharmadeśanā

chos ’chad pa’i gnas brtan gyi bya ba gaṅ źe na | chos ’chad pa’i gnas brtan gyis gaṅ na chos ’chad pa der ’gro bar bya | dge sloṅ ’di chos bźin du (3) ’chad pa’am ’on te chos bźin ma yin par ’chad mñan la | de ste chos bźin ’chad na ni spro ba bskyed par bya | chos ma yin par ’chad na ni slar bcos par bya ste | de ste slar bcos nus na legs | de ste mi nus na ji ltar nus śiṅ ci thub thub kyis smad par bya ste | (4) dag sloṅ ’di ni chos ma yin | ’dul ba ma yin || ston pas bstan pa ma yin gyis | bcom ldan ’das kyi chos kyi gźi ma gźi ga cig | chos kyi spyan ma gźar cig | ces smros la | stan las laṅs te ’gro bar bya ba ’di ni chos ’chad pa’i gnas brtan gyi (5) bya ba źes bya’o ||

*dharmadeśanāsthavira

dus kyi bya ba gaṅ źe na | dge sloṅ rnams dus su ’gro bar bya ste | ’di ni dus kyi bya ba źes bya’o ||

kāla

dus ma yin pa’i bya ba gaṅ źe na | dge sloṅ gis dus ma yin par groṅ du ’jug par mi bya | de ’dra ba’i rkyen byuṅ ba ma gtogs te | ’khod (6) pa’i dge sloṅ la ma bsgo bar mi ’gro ba ni dus ma yin pa’i bya ba źes bya’o ||

akāla

dus ma yin par dge ’dun ’du ba’i bya ba gaṅ źe na | tshes brgyad daṅ | tshes bcu bźi daṅ | tshes bco lṅa la dge ’dun ’du ba ma gtogs par de las gźan gyi phyir dge ’dun ’du źiṅ (7) dge ’dun gyi las daṅ | dge ’dun gyi byed pa rnams yin te | de la sṅar bsgo’am | gaṇ+ḍī brduṅs kyaṅ ruṅ myur du ’du bar bya | śes bźin du ’doṅ bar bya ba nas sṅa ma bźin te | ’dug pa la mkhas par bya ba’i bar du der dge ’dun gyi gnas (295b1) brtan gyis rgan rims su phyag byas nas bdag gi stan gaṅ na bar ’dug par bya | gnas brtan gñis pos kyaṅ dge ’dun gyi gnas brtan la phyag byas nas raṅ gi stan gaṅ na bar ’dug par bya | de bźin du gnas brtan gsum po daṅ | bźi po nas dge sloṅ gsar bu’i (2) bar du ste | rgan rims su phyag byas nas raṅ gi stan gaṅ na bar ’khod par bya’o || der dge sloṅ gnas brtan daṅ | bar ma daṅ | gsar bu rnams kyis ji ltar chos bźin | ji ltar ’dul ba bźin || ji ltar ston par bstan pa bźin du de lta bur dge ’dun gyi las bya (3) dge sloṅ gnas brtan gyis dge sloṅ rnams la spyo bar mi bya | smad par mi bya | ma gus par mi bya ste | ’di ni dus ma yin par dge ’dun ’du ba’i bya ba’o ||

assembling the saṃgha at the wrong time

dus ma yin par dge ’dun ’du ba’i gnas brtan gyi bya ba gaṅ źe na | dus ma yin par dge ’dun ’du ba’i (4) dge sloṅ gnas brtan gyis dus ma yin par ’du ba na sṅar bsgo’am | gaṇ+ḍī brduṅs kyaṅ ruṅ ste | thog mar ’gro bar bya | thog mar ’greṅ bar bya | thog mar ’dug par bya ste | bkur stir bcas | yid dma’ bar bcas | ’jigs śiṅ dbaṅ du ’gyur bar bcas | (5) yin phab la phyags ma lta bu’i sems su bcas la dge ’dun gyi naṅ du ’gro bar bya | rgan rims su phyag byas nas raṅ gi stan la rab tu ’jug par bya | gnas brtan daṅ | bar ma daṅ | gsar bu’i rnams la yaṅ byams pa’i sems su bya | phan pa’i sems su bya | rjes su (6) brtse ba’i sems su bya | pha daṅ | phu nu bo daṅ | bur ’du śes mṅon du bźag | ’khor rnams la yaṅ blta bar byas te | gaṅ chas sdug | gaṅ chas mi sdug | gaṅ mdzes par gyur || gaṅ mi mdzes par gyur | gaṅ gis legs par bgos | gaṅ gis mi sdug (7) par bgos | gaṅ gis mdzes par chas pa de dag la ni g-yel bar gźag | gaṅ gis mi mdzes par chas pa de dag la ni sbran par bya | bsgo bar bya | gaṅ gis legs par bsgos pa de dag la yal bar gźag | gaṅ gis mi sdug par bgos pa de dag la ni brda bya | des (296a1) brda ma tshor na druṅ na ’dug pa la brda bya | druṅ na ’dug pas kyaṅ mtshor na dge sloṅ gnas brtan gyis der ci nas mi ’khrul ba’i tshul du sbran par bya | ji nas legs par bgos pa daṅ | sgrar cher mi dbyuṅ bar bya’o || dge sloṅ gnas brtan gyis ’khor gyi (2) naṅ du brtag par bya ba ni ci ’khor ’di dag chos bźin du byed dam | ’on te chos bźin ma yin | de ste cos bźin yin na ci bder byos śig ces las thams cad du byed du chug śig | de ste chos bźin ma yin na chos bźin pa’i phyogs su gnas par bya | chos (3) bźin du ’dri ba la sbyin || yaṅ caṅ mi smra bar stan las laṅs te ’gro bar bya | de’i phyir rtsod pa daṅ | ’khrug pa rjes su ’byuṅ bar mi bya ba ’di ni dus ma yin par dge ’dun ’du ba’i gnas brtan gyi bya ba źes bya’o ||

sthavira assembling the saṃgha at the wrong time

smra ba’i bya ba gaṅ źe na | rgyal po’i khab kyi (4) groṅ khyer na mu stegs can kun tu rgyu ba gźan dag cig tshes brgyad daṅ | bcu bźi daṅ | bco lṅa’i tshe | gcig tu ’dus nas chos smra ba daṅ | de na der skye bo maṅ po ’dus nas de dag la rñed pa dag kyaṅ rñed par gyur | bkur sti byed | de dag gi ’khor dag kyaṅ maṅ (5) du ’phel bar gyur pa daṅ | yul mñam dka’i rgyal po mkhas pa can gzugs can sñiṅ po gsuṅ rab ’di la dad par gyur nas des ’di sñam du bsams so || mu stegs can kun tu rgyu ba ’di dag chos brgyad ces bya ba nas | de dag gi ’khor dag kyaṅ maṅ du gyur ces (6) bya ba’i bar du sṅa ma bźin no || ’di ltar dge sloṅ yaṅ tshes brgyad daṅ | bcu bźi daṅ | bco lṅa la gcig tu ’dug nas chos smra na bdag kyaṅ der ’gro ste | rgyal po yaṅ ’gro’o sñam nas skye bo maṅ po daṅ kyaṅ ’du bar ’gyur | dge sloṅ rnams kyis rñed pa yaṅ rñed (7) la bkur sti yaṅ ’byuṅ | ’khor rnams kyaṅ maṅ du ’phel bar ’gyur | skye bo maṅ po la’aṅ bsod nams maṅ du ’phel | dge sloṅ rnams kyaṅ mi ’jigs par ’gyur | bstan pa yaṅ rgyas par ’gyur | dam pa’i chos kyaṅ yun riṅ du gnas par ’gyur || chos kyi sgron (296b1) ma yaṅ ’bar bar ’gyur | phyi ma’i skye bo rnams la’aṅ snaṅ bar byas par ’gyur ro sñam nas yul mñam dka’i rgyal po mkhas pa can gzugs can sñiṅ po bcom ldan ’das gaṅ na ba der soṅ nas druṅ du phyin pa daṅ | bcom ldan ’das kyi źabs la mgo bos phyag ’tshal nas (2) phyogs gcig tu ’dug go || phyogs gcig tu ’dug ste | yul mñam dka’i rgyal po gzugs can sñiṅ pos bcom ldan ’das la ’di skad ces gsol to | btsun pa mu stegs can kun tu rgyu ba gźan ni tshes brgyad nas | de dag gis ’khor dag kyaṅ maṅ du (3) gyur ro źes bya ba’i bar du sṅa ma bźin no || ’di ltar dge sloṅ rnams kyaṅ tshes brgyad nas phyi ma’i skye bo rnams la snaṅ bar bgyis par ’gyur na dgoṅs par ci gnaṅ źes bya ba’i bar du sṅa ma bźin no || bcom ldan ’das kyis yul mñam dka’i rgyal po mkhas pa can gzugs (4) can sñiṅ po la caṅ mi gsuṅ bźin dgoṅs so || de nas yul mñam dka’i rgyal po mkhas pa can gzugs can sñiṅ pos bcom ldan ’das caṅ mi gsuṅ bźin dgoṅs par śes na | bcom ldan ’das kyi źabs gñis la mgo bos phyag ’tshal te | bcom ldan (5) ’das kyi druṅ nas sod do || de nas bcom ldan ’das kyis yul mñam dka’i rgyal po mkhas pa gzugs can sñiṅ po soṅ nas riṅ po ma lon par mkhyen te | dge sloṅ rnams la bka’ stsal pa | de lta bas na dge sloṅ rnams ṅas rjes su gnaṅ gis tshes brgyad daṅ | bcu bźi daṅ bco (6) lṅa la gcig tu ’dus nas chos smra bar bya’o || de yaṅ ’di lta bur smra bar bya ste | chos smra ba’i dge sloṅ gis don daṅ tshig gis ’khor rnams go bar byos śig | de na dge sloṅ dag tshig tha mal bar smra ste tshig tha mal par smras pas ’khor rnams go bar ma gyur pa daṅ | de ltar (7) gyur pa dge sloṅ dag gis bcom ldan ’das la gsol nas || bcom ldan ’das kyis bka’ stsal pa | rjes su gnaṅ gis dbyaṅs kyis chos smra bar bya’o || de dag gis ji lta bur ’dug bźin du smras pa daṅ | ’khor de dag gis go bar ma gyur te | bcom ldan ’das kyis bka’ (297a1) stsal pa | rjes su gnaṅ gis stan mthon po chos śig | de dag gis mdo sde chen po bsdus śiṅ smras pa daṅ | the tshom du gyur rgyas par yaṅ mi byed la de ñid kyis ñi ma zad par byed de | ’khor rnams skyo bar gyur te | bcom ldan ’das kyis bka’ (2) stsal pa | rjes su gnaṅ gis don gyi dbaṅ du ci bder rgyas par byos śig | de dag mdo sde’i las don ñi tshe thus te gtam brjod par bya | gsuṅs pa’i bźin du gźuṅ ’cha’ bar ’dod ba daṅ | de dag mdo sde’i mtha’ ma ruṅ bar mi ’gyur ram | sñam du the tshom du gyur (3) nas | bcom ldan ’das kyis bka’ stsal pa | rjes su gnaṅ gis mdo sde’i don ñi tshe thus la skabs skabs su gtam rgyud du yaṅ bya | gsuṅs pa yaṅ gźuṅ bźin byos te don daṅ tshig tu ’brel bas ’khor rnams go bar gyis śig | mdo sde de dag kyaṅ de bźin du (4) gzuṅ bar bya’o || de dag gñis ’khor lhan cig tu ’khor gcig la ’chad nas | bcom ldan ’das kyis bka’ stsal pa | ’khor gcig gi naṅ du gñis lhan cig ma ’chad cig | gaṅ ’chad pa de ni ñes byas su ’gyur ro || de dag ’khor ’khor du ’chad (5) nas de dag ’khrugs par gyur nas | bcom ldan ’das kyis bka’ stsal pa | ’khor ’khor du ma ’chad cig | ’chad na ’das pa daṅ bcas par ’gyur ro || de yaṅ ’khor gñis la cig car ’chad par gyur pa daṅ | bcom ldan ’das kyis bka’ stsal pa | (6) ’khor gñis la cig car ma ’chad cig | gaṅ ’chad pa de ñes byas su ’gyur ro || ’di ltar ’chad pa las gñis po ’khrug par mi ’gyur ba de lta bur bśad par bya’o || de dag ’khor ded ciṅ ’doṅ nas | bcom ldan ’das kyis bka’ stsal pa | ’khor ded ciṅ (7) ma ’doṅ śig | gaṅ ’khor ded ciṅ ’doṅ na ’das pa daṅ bcas par ’gyur ro || bdag cag ñid daṅ de ’dod pa la ni ñes pa med do || de dag chos kyi sgo nas rñed pa tshol te | chos ’tshoṅ bas ’tsho bar byed pa daṅ | bcom ldan ’das kyis bka’ stsal pa | chos kyi (297b1) sgo nas rñed pa yaṅ mtshol cig | chos ’tshoṅ źiṅ ’tsho bar yaṅ ma byed cig | de nas smra ba med nas | bcom ldan ’das kyis bka’ stsal pa | rjes su dran par byed pas rjes su dran par gyis śig | rjes su dran par byed pa’aṅ med nas rim gyis smra bar gyis śig | (2) tshigs bcad daṅ dbyaṅs su spyar źiṅ byed nas | bcom ldan ’das kyis bka’ stsal pa | bdag ñid kyis smros śig | yaṅ na dge sloṅ gźan la chol cig | bcol ba’i gaṅ zag kyaṅ rig par bya | bdag ñid kyis mi smra | yaṅ na dge sloṅ gźan la ma bcol | (3) bcol ba’i gaṅ zag kyaṅ śes par ma byas na ’das pa daṅ bcas par ’gyur ro || de dag rim bźin du bskos pa daṅ | ’di ltar źar ba daṅ | glen pa daṅ | sgur po dag la mu stegs can kun tu rgyu ba gźan dag dge sbyoṅ śākya ’i bu’i naṅ na ’di dag ’di ni skyes bu dam (4) pa’o|| skyes bu gtso bo’o || skyes bu mchog go | źes ñes pa ṅor brjod ciṅ ’phyas ’dogs mi sñan pa zer bar gyur to || ji ltar gyur pa dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | nus pa yod na chos smra (5) pa rims su ma bsko śig | gaṅ nus pa de bsko bar bya’i || ’khor ’khrug par mi ’gyur ba de lta bu bsko bar bya’o || smra ba’i bya ba gźan yaṅ dus gaṅ daṅ gaṅ du yaṅ ruṅ ste | dge sloṅ rnams ’dus śiṅ ’khod pa daṅ chos kyi gtam ṅes par rnams brjod par bya’o || (6) de ste mi śes na’aṅ gcig la gcig dri bar bya | gcig la gcig źu bar bya | bgam par mi bya | glags btsal ba’i phyir mi bya | ’phyas bya ba’i phyir mi bya | ñams bskyod par mi bya’i ci nas chos la rim gro daṅ bkur sti’i phyir dri bar bya | źu bar bya ste | ci dge (7) ba’am | ’on te mi dge ba’am | mi ba na ma tho ba mid pa yin | ji ltar byas na dge bar ’gyur ram || ’on te sdig par ’gyur ba źes bya ba ’di ni smra ba’i bya ba’o ||

speaking

mi smra ba’i bya ba gaṅ źe na | gnas gaṅ na dge sloṅ (298a1) rnams smra źiṅ gźan la brjod par mi ’dod pa de dag gis ji lta bur yid la bya ba grub pa de bźin du bsgom par bya | spyod lam bźi la ’jug par bya | phan tshun du mi smra bar ’jug pa la rgyas par bya ba ni ’di lta ste | kluṅ dga’ ldan gyi dge sloṅ rnams (2) ji lta ba bźin du bya ste | ’di ni mi smra ba’i bya ba źes bya’o ||

not speaking

dbyar tshul du ’jug pa’i bya ba gaṅ źe na | dbyar tshul du ’jug par ’dod pa’i dge sloṅ gis bsam pa śin tu bsams | brtag pa śin tu brtags | śin tu dpyad pa bźin dpyad de | tshul du (3) ’jug par bya ste | bdag gnas de na dge sloṅ ji ltar tshul khrims daṅ ldan | yon tan daṅ ldan | mkhas pa daṅ ldan | dge ba’i chos daṅ ldan | lta ba mtshuṅs | gnas pa mtshuṅs | grogs su mtshuṅs | yid gcugs pa dag daṅ lhan cig gaṅ bde (4) bar ’gyur ba ni ’di lta ste | ’gro na yaṅ ruṅ | smra yaṅ ruṅ bdag gnas de na dge sloṅ mdo sde ’dzin pa | ma lta bu ’dzin pa gaṅ bdag the tshom ma skyes pa las ni mi skyed | skyes pa ni dul bar byed | sdig pa lta bu ma skyes pa las ni mi skyed | (5) skyes pa las ni dul bar byed pa yod dam | gnas de na bdag na la daṅ rjes su mthun pa’i sman daṅ | zas daṅ | yo byad daṅ | bsñen bkur byed par ’byor bar ’gyur ram | gnas de na bdag gi lus kyaṅ ruṅ | sems kyaṅ ruṅ bde bar ’gyur ram | gnas (6) de na dge sloṅ dag thab mo byed pa | mtshaṅ ’dru bar byed | ’khrug par byed | rtsod pa gleṅ bar byed pa lta mi gnas graṅ | des bdag la ma thob pa las thob pa daṅ | ma chud pa las chud par bya ba daṅ | mṅon du ma byas pa las mṅon du byed pa’i bar chad du mi (7) ’gyur | gnas de na dbyar gyi naṅ du dge ’dun ’bye bar mi ’gyur graṅ źes de bźin du bsam pa śin tu bsams | brtag pa śin brtags | dpyad pa śin tu dpyad de | na ba’i bsñen bkur ba’i grogs mthun pa daṅ ’gro bar bya ste | ’di ni dbyar tshul du ’jug pa’i (298b1) bya ba źes bya’o ||

procedure for the rainy season? varṣā

dbyar tshul du źugs pa’i bya ba gaṅ źe na | dbyar tshul du thugs pa’i dge sloṅ gis don med pa’i phyir źag gcig kyaṅ mtshams kyi phyi rol du ’gro bar mi bya | don cig yod par gyur na des źag bdun nam | źag bźi bcur byin gyis brlabs la ’gro bar bya | (2) de yaṅ don gyi phyir te | don gaṅ gi phyir źe na | dge sloṅ ma’i don nam | dge tshul pa’i ’am | dge tshul ma’i ’am | dge bsñen pa’i ’am | dge bsñen ma’i don kyaṅ ruṅ | gñen gyi don kyaṅ ruṅ | bdag gi don kyaṅ ruṅ | de ste saṅs (3) rgyas la’am | chos la’am | dge ’dun la’am | sdug bsṅal la’am | kun ’byuṅ la’am | ’gog pa la’am | lam la yaṅ ruṅ | the tshom du gyur tam | yid gñis su gyur tam | dogs par gyur kyaṅ ruṅ | ma thob pa las thob pa’i ’du śes su gyur | (4) ma chud pa las chud pa’i ’du śes daṅ | mṅon du ma byas pa las mṅon du bya ba’i ’du śes te | de ’di ltar mu stegs can kun tu rgyu ba gźan dag gi don la yaṅ ruṅ | de ste dge sloṅ des gnas der dbyar dge ’dun ’bye bar ’gyur ram | mchod rten nam | gtsug lag khaṅ (5) yaṅ rul ’dral bar ’gyur ram | tshig par ’gyur ba yaṅ ruṅ ste | der dge sloṅ des saṅs rgyas kyaṅ ruṅ | chos sam | dge ’dun gyi don la yaṅ ruṅ ste | źag bdun nam | źag bźi bcur byin gyis rlobs la ’gro bar bya ste | der sog la las źag bdun nam | (6) źag bźi bcur yaṅ ruṅ lon par gyur na dge sloṅ dbyar chad pa’i ñes pa ’byuṅ bar mi ’gyur te | de ni dbyar tshul du źugs pa’i bya ba źes bya’o ||

procedure for the rainy season? varṣā

dbyar tshul du źugs pa’i gnas brtan gyi bya ba gaṅ źe na | dbyar tshul du źugs pa’i dge sloṅaganasa brtan gyis gtsug (7) lag khaṅ gi rnams daṅ | mchod rten gyi rnams śes par bya | ji lta bur ral tshems bya ba daṅ | su byed pa la spro ba bskyed par bya | bsgrag par bya | dran par bya ba ’di ni dbyar tshul du źugs pa’i gnas brtan gyi bya ba źes bya’o ||

sthavira, procedure for the rainy season? varṣā

(299a1) dbyar tshul na gnas pa’i bya ba gaṅ źe na | dbyar tshul na gnas pa’i dge sloṅ rnams kyis las rnam pa gsum bya ste | dbyar gaṅ du gnas pa’i gnas khaṅ de dag gas pa dag źig pa’i rnams bcos su gźug par bya | mtshan rtog par bya | mtshan (2) rtog par byed du gźug | gnas der gos gaṅ rñed pa’i gos de gtan par gdiṅ bar bya | yaṅ na gdiṅ du gźug par bya ba ’di ni dbyar tshul na gnas pa’i bya ba źes bya’o ||

rainy season dwelling. varṣā

’khor gyi bya ba gaṅ źe na | ’khor gyi gtso bo des dus dus su ’khor rnams la gaṅ legs (3) par spyod | gaṅ legs par mi spyod pa daṅ | gaṅ mdzes par sgrub gaṅ mi mdzes par sgrub brtags te gaṅ legs par spyad ciṅ mdzes par sgrub pa de la ni yoṅs su bskyaṅ bar bya ste | tshe daṅ ldan pa legs so legs so || ji ltar khyod spyod pa de lta bur spyad par (4) bya’o źes spra ba bskyed par bya | yaṅ dag par dga’ bar bya | de dus dus su phyi phyir bstan par bya | bslab par bya’o || gaṅ legs par mi spyod dam mdzes par mi sgrub pa de la gaṅ la ji lta bur ’os pa de lta bur chad pas gcad par bya ba ni ’khor gyi bya ba źes bya’o |

(5) ’khor gyi naṅ du bya ba gaṅ źe na | dge sloṅ ’khor gyi naṅ du dran pa ñe bar bźag nas ’khor gyi naṅ du ’gro bar bya ste | ’di ni rgyal rigs kyi ’khor to || ’di ni khyim bdag gi ’khor to || ’di ni dge sbyoṅ gi ’khor yin te | der bdag ’di (6) lta bur ’gro bar bya | ’di lta bur ’greṅ bar bya | ’di lta bur ’dug par bya ste | ’di lta bur smra bar bya | ’di lta bur smra bar mi bya’o źes bya ba de ni ’khor gyi naṅ du ’gro ba’i bya ba źes bya’o ||

’khor gyi naṅ du źugs pa’i bya ba gaṅ źe na | dge sloṅ ’khor gyi naṅ du źugs (7) na des gtam sna tshogs mi bya | gtam mi rigs pa’i rnams mi bya | ’khor rnams rigs par byas la de dag daṅ mthun pa’i gtum bya bar bya | gtam byas nas stan las ldaṅ bar bya ba de ni ’khor gyi naṅ du źugs pa’i bya ba źes bya’o ||

’khor gyi naṅ du źugs pa’i gnas (299b1) brtan gyi bya ba gaṅ źe na | ’khor gyi naṅ du źugs pa’i dge sloṅ gnas brtan gyis ’khor rnams la ’di dag ji lta bu’i gtam la dga’am | ’on te cag mi smra ba la dga’ źes ’khor rnams la brtag par bya’o || de ste gtam la dga’ ba dag cig yin na ni de dag la de daṅ mthun (2) pa’i gtam bya’o || de ste mi smra ba la dga’ ba dag cig yin na ni der caṅ mi smra bar ’dug par bya ste | ’di ni ’khor gyi naṅ du źugs pa’i gnas brtan gyi bya ba źes bya’o ||

gso sbyin gyi bya ba gaṅ źe na | bcu bźi’am | bco lṅa’i gso sbyoṅ de ñid kyi tshe raṅ gi rgyud la brtag (3) par bya ste | mtshan mo’i rgyud daṅ | ñin par gyi rgyud der bdag la skabs der ltuṅ ba lta byuṅ ṅam | de ste byuṅ ba yod na dge sloṅ yid brtan pa źig rñed na ni de’i mdun du bśags par bya | de ste ma rñed na sems kyi byin gyis brlab pa daṅ | de ste ñes pa ma byuṅ na ni sems (4) bskyed par bya ste | bdag ni ltuṅ ba de las yoṅs su dag go źes tshig tu brjod par bya | gso sbyin ni tshul khrims yoṅs su dag bar byed pa ste | ’di ni gso sbyin gyi bya ba źes bya’o ||

*poṣadha

gso sbyin mṅon du bya ba’i bya ba gaṅ źe na | dge sloṅ gso sbyin mṅon du byuṅ la min (5) na dad bźin du yaṅ ’gro bar bya ste | de yaṅ śes bźin du ’gro bar bya ba nas sṅa ma bźin te ’dug pa la mkhas par bya ba’i bar du’o || ’dug nas kyaṅ so sor thar pa’i mdo sde la ston po’i sñam du ’du śes mṅon du gźag par bya | bkur sti bya | rim gror byas la mñan | (6) bla mar bya | gces par bya | yid la gzuṅ bar bya | sems gcig tu bya | rna ba mi g-yel bar bya | sems thams cad gcig tu dmigs nas mñan par bya’o || mñan nas kyaṅ de lta bur nan tan bya | bsgrub par bya ba de ni gso sbyin mṅon du bya ba’i bya ba źes bya’o ||

*poṣadha

(7) gso sbyin gyi las kyi bya ba gaṅ źe na | gso sbyin gyi bya ba la rnam pa lṅa ste | gdon pa daṅ | bsṅo ba daṅ | dad pa yoṅs su dag pa daṅ | skabs dbye ba daṅ | sems kyis byin gyis brlab pa’o || gźan yaṅ gso sbyin gyi las la rnam pa bźi ste | chos bźin ma (300a1) yin la ma ’dus par byed pa daṅ | chos bźin ma yin la ’dus par byed pa daṅ | chos bźin la ma ’dus par byed pa daṅ | chos bźin la ’dus par byed pa’o || de las chos bźin byed pa’i gso sbyin gyi las de ni ’di lta ste | chos bźin byed pa | (2) yin no || de ni gso sbyin gyi las kyi bya ba źes bya’o ||

*poṣadha

so sor thar pa’i bya ba gaṅ źe na | bcu bźi’am | bco lṅa’i gso sbyin de ñid kyi tshe mtshams daṅ las kyi naṅ du phyin pa’i dge sloṅ ji sñed pa de dag thams cad gcig tu ’dus śiṅ ’khod pa daṅ | dge ’dun gyi gnas (3) brtan dge sloṅ gis so sor thar pa’i mdo sde bklag par bya | so sor thar pa’i mdo la yaṅ ston par ’du śes mṅon par gźag par bya | bkur sti daṅ rim gror byas la maña | bla mar bya | gces par bya | yid la gzuṅ bar bya || mtshams gcig tu bya | rna ba (4) mi g-yel bar bya | gźan thams cad gcig tu thub par byas la mñan par bya | thos nas yaṅ de bźin du nan tan bya | bsgrub par bya ste | de ni so sor thar pa’i bya ba źes bya’o ||

prātimokṣa

so sor thar pa klog pa’i bya ba gaṅ źe na | so sor thar pa klog pa’i bya ba gaṅ źe na | so sor thar pa klog pa la rnam (5) pa lṅa ste | gsol ba byas nas glaṅ gźi bklags te | lhag ma rnams ni thos pa bźin no źes bsgrag par bya ba daṅ | de yaṅ so sor thar pa bsgrags na so sor thar pa bklags pa źes bya ste | ’di ni so sor thar pa klog pa daṅ po’o || gsol ba byas nas gleṅ (6) gźi bklags | phas pham pa bźi bklags pa la lhag ma rnams ni thos pa bźin no źes bsgrag par bya ste | de yaṅ so sor thar pa klog pa gñis pa’o || gsol ba byas la gleṅ gźi yaṅ bklags | phas pham pa bźi yaṅ bklags | dge ’dun gyi lhag ma bcu (7) gsum yaṅ bklags nas lhag ma ni thos pa bźin no źes bsgrags pa ni so sor thar pa bklags pa yin te | ’di ni so sor thar pa klog pa gsum pa’o || gsol ba byas la gleṅ gźi bklags | phas pham pa bźi yaṅ bklags | dge ’dun gyi lhag ma bcu gsum (300b1) yaṅ bklags | mi mṅon pa’i chos gñis po yaṅ bklags la lhag ma rnams ni thos pa bźin no źes bsgrags pa yaṅ so sor thar pa bklags pa yin te | ’di ni so sor thar pa klog pa bźi pa’o || rgyas bar so sor thar pa klog pa daṅ lṅa ste | ’di ni so sor thar (2) pa klog pa’i bya ba’o ||

prātimokṣa

so sor thar pa klog par byed pa’i bya ba gaṅ źe na | so sor thar pa klog pa’i dge sloṅ gis so sor thar pa’i mdo de kha ton du gsal por byaṅ bar bya | dran par bya | gtan la phebs par bya | nam klog pa’i tshe mi ’khrul bar legs par klog par (3) bya | des bdag gi rgyud kyaṅ brtag par bya ste | mtshan mo’i rgyud daṅ ñin par gyi rgyud las | bdag de’i skabs su ñes pa lta byuṅ ṅam ma byuṅ bar brtag ste | de ste ñes pa byuṅ bar gyur la yid brtan pa’i dge sloṅ yod na de’i druṅ du bśags par bya | de ste med na (4) re źig gso sbyin byas la de’i ’og tu bdag gis ltuṅ ba ji ltar chos bźin slar bśags par bya’o || sñam du sems kyis byin gyis brlab par bya’o || ji ltar so sor thar pa’i mdo las ’byuṅ ba bźin du des nan tan du bya ba de ni so sor thar bklog par byed pa’i bya ba źes (5) bya’o ||

prātimokṣa

gnas brtan gyi bya ba gaṅ źe na | de ste dge sloṅ rnams khyim pa’i der zan la mgron du bos na de’i tshe dge sloṅ gnas brtan gyis sṅa zad du śam thabs bgo bar bya | dag raṅ byuṅ ste ’dug par bya ba de ni gnas brtan gyi bya ba źes bya’o ||

sthavira

bar ma’i bya ba gaṅ źe na | (6) dge sloṅ bar mas dge sloṅ gnas brtan mdun du byas nas groṅ du ’jug par bya | de ste gnas brtan bśaṅ ba’am gci ba źig tu thogs nas des mi riṅ ba źig tu soṅ la bsdad par bya | de ste raṅ du soṅ na groṅ ’dab tu soṅ la bsdad par bya | de ste bram ze daṅ khyim bdag dag (7) gis spyan ’dren pa btaṅ na yaṅ gnas brtan ’oṅs kyi bar du cuṅ zad bsdad de bya’o źes smra bar bya | de ste lag chu btaṅ na gnas brtan la bsdad do źes smra bar bya | de ste gsan brtan ’oṅs par gyur na yaṅ ’khod pa thams cad ldaṅ bar bya ste | ’di ni bar ma’i bya ba źes bya’o ||

middle aged

gsar(301a1) bu’i bya ba gaṅ źe na | dge sloṅ gsar bus gtsug lag khaṅ chag chag gdab par bya | sa phyag par bya | phyag dar dor bar bya | lci bas źal źal ’jam por byug par bya | chu rnams so sor bcu źiṅ gźag par bya | stan rnams gdiṅ bar bya | (2) zan rnams sko sar draṅ bar bya | dugs khaṅ du bsgrub pa’i rnams byas te | der śiṅ bskya bar bya | ’bru mar gźag par bya | sa daṅ phye ma gźag par bya | chu gźag par bya | dge sloṅ gaṅ las khas len pa de dag la las bya bar bya | gźan mtshuṅs par (3) spyad pa gaṅ yaṅ ruṅ ste | thams cad gsar bus bya bar bya | ’di ltar yaṅ dge sloṅ gsar bus dge sloṅ gnas brtan rnams la pha daṅ phu bo lta bur ’du śes ñe bar gźag ciṅ bkur stir bcas | bdag la dbaṅ bcas | ’jigs pa daṅ dbaṅ du ’gyur bar bcas | (4) saṅs rgyas daṅ chos daṅ dge ’dun la dmigs bźin pa’i sems mṅon du gźag par bya | mtshuṅs par spyad pa’i chos rnams ji lta bur bcas pa bźin du rdzogs par bya ba ’di ni gsar bu’i bya ba źes bya’o ||

navaka

gnas brtan daṅ bar ma daṅ gsar bu’i bya ba gaṅ źe na | dge sloṅ (5) gnas brtan daṅ bar ma daṅ gsar bu thams cad kyis kyaṅ rab tu byuṅ ba’o sñam du sems mṅon du gźag par bya | saṅs rgyas bcom ldan ’das mgon mdzad pa la mgon po’o sñam du ’du śes mṅon du gźag par bya | mya ṅan ’da’ ba la gźol bar bya | bslab (6) pa’i gźi ji lta bur bcas pa la mtshuṅs par spyad par bya | bla ma’i khyad par du chud pa’i phyir nan tan du bya ste | ’di ni gnas brtan daṅ bar ma daṅ gsar bu’i bya ba źes bya ba’o ||

sthavira, middle aged and navaka

dugs khaṅ du bya ba gaṅ źe na | dge sloṅ dugs khaṅ du ’jug par ’dod na des śes (7) bźin du naṅ du ’gro bar bya | śes bźin du naṅ du ’greṅ bar bya | śes bźin du ’dug par bya | dran pa mṅon du gźag ciṅ sems mi g-yeṅ bar bya | spyod lam bzaṅ ba daṅ | śin tu mdzes pa daṅ | śin tu bsdams pa daṅ | sgra bskyuṅ ba daṅ | bkur stir (301b1) bcas | ’jigs pa daṅ dbaṅ du ’gyur bar bcas | yid dman pa’i sems phyags ma lta bur bya | gnas brtan daṅ bar ma daṅ gsar bu la yaṅ byams pa’i sems su bya | phan pa’i sems daṅ rjes su brtse ba’i sems su bya | pha daṅ bu daṅ phu nu bo lta bur ’du śes (2) mṅon du gźag par bya | dge sloṅ dugs khaṅ gi naṅ du źugs nas | gtam sna tshogs mi bya | gtam mi rigs pa mi bya | spyod lam gñis la ’jug par bya ste | ’phags pa’i caṅ mi smra ba’am | ṅes pa’i chos kyi gtam la ste | de ni dugs khaṅ gi bya ba źes (3) bya’o||

bath house

dge sloṅ dugs khaṅ du khrus bya ba’i bya ba gaṅ źe na | bcom ldan ’das kyis dge sloṅ rnams la dugs khaṅ du rjes su gnaṅ pa yaṅ rgyags pa’i phyir ma yin | dregs pa’i phyir ma yin | brgyan pa’i phyir ma yin | ’khrul ba’i phyir ma yin gyi lus ’di gso ba’i (4) phyir ro || dugs khaṅ la yon tan rnam pa lṅa ste | rdul daṅ dri ma ’byaṅ | pags pa daṅ mdaṅs gsal | pags pa la nad yod pa rnams ’byin || rluṅ daṅ bad kan rnams med par byed | dugs khaṅ ni nad med par byed pa’o || gźan yaṅ yon tan rnam pa lṅa ste | (5) rdul daṅ dri ma ’byaṅ | pags pa dag mdaṅs gsal | pags pa la nad yod pa rnams ’byin | rluṅ daṅ bad kan rnams med par byed || dugs khaṅ du skyo ba bskyaṅ bar bya’o || dge sloṅ gos dugs khaṅ du khrus byed par ’dod na des sṅar mkhan po la źu bar byed bkru (6) ba’i dus su bzod par bya | śes bźin du dugs khaṅ gi naṅ du ’jug par bya | skyil mo kruṅ bcas te ’dug la na ba’i ’du śes mṅon du gźag par bya | khrus bya mdun du ’dug la mi bde bar mi bya | dran pa mṅon du bźag la las bya | dge sloṅ dag las kyaṅ las (7) byed pa ñams su blaṅ bar bya | mkhan po daṅ slob dpon la ma źus kyi bar du mchuṅs pa rnams la las mi bya | byed pa yaṅ bdag gir mi bya | mkhan po daṅ slob dpon dag tu kho na yod na de de dag gi druṅ du mi bskor | de ste chu blugs par ’dod na chu graṅ mo daṅ bsres la lugs śig | (302a1) de ste chu tsha na grogs la yaṅ chu tsha’o źes sbron cig | śes bźin du khrus byas la dugs khaṅ de na khri’u daṅ | ril ba daṅ | ña phyis daṅ | khrus ras daṅ | dugs khaṅ gi snod spyad gźan ci yod kyaṅ ruṅ legs par bkrus te gnas gnas su gźag (2) par bya ba ’di ni dugs khaṅ du khrus byed pa’i bya ba źes bya’o ||

bathing in a bath house

dugs khaṅ du gnas brtan gyi bya ba gaṅ źe na | dugs khaṅ du dge sloṅ gnas brtan gyis gsar bu rnams la yo byad la źugs na bslaṅ bar mi bya | dugs khaṅ der chuṅ ṅu na lus las rdul byuṅ ba tsam yaṅ bslaṅ (3) par mi bya | de ste de na dge sloṅ rnams spyod lam rnams mi mdzes sam | mi bzaṅ bar ’dug gam | ’on te gtam rgyud la źugs la dge sloṅ gnas brtan gyis slar zlog ciṅ sgo śig | rjes su bstan par bya | mdzes śiṅ bzaṅ ba la gzud par bya | ji lta bu der (4) spyad pa’i chos bcas pa da lta bur gzud par bya | de dag chos kyi gtam la gzud par bya ba de ni dugs khaṅ du gnas brtan gyi bya ba źes bya’o ||

bath house sthavira

mkhan po’i bya ba gaṅ źe na | mkhan pos lhan cig spyod pa’i rnams bslab par bya | gsal bar bya | bsgo bar bya | (5) rjes su bstan par bya | sdig pa las bzlog par bya | dge ba la gzud par bya | sdig pa’i grogs po las bskal par bya | dge ba’i bśes gñen la gźar bar bya | lhuṅ bzed kyis bsdu bar bya | chos gos daṅ | dra ba daṅ | phor bu daṅ | ska rags daṅ | (6) rjes su dran pa daṅ | slar ’dri ba daṅ | luṅ bsgo ba daṅ | kha thon la gźug pa daṅ | yid la byed pa la gźug par bya | ñes pa las bslaṅ ba daṅ | na na nad g-yog bya ba daṅ | spoṅ ba la gźug par bya ba daṅ | naṅ du yaṅ dag ’jog la ’jug pa daṅ | bla ma’i (7) khyad par chud par bya ba la mtshuṅs par spyod du gźug par bya || lhan cig spyod pa phyogs gaṅ na mi bde bar gnas pa de nas dbyuṅ bar bya ba de ni mkhan po’i bya ba źes bya’o || || ’dul ba gźuṅ dam pa | bam po lṅa bcu rtsa gsum pa |

upādhyāya

lhan cig spyod pa’i bya ba gaṅ źe na | lhan (302b1) cig spyod pas mkhan po la ston pa’o sñam du ’du śes mṅon du gźag par bya | rim gro bya | myur du ldaṅ bar bya | myur du ’gro bar bya | gus par bya || źu bar bya ste | lhan cig spyod pas mkhan po la ma źus kyi bar du spyad ’brim pa’i las mi bya | gtsug lag khaṅ skyoṅ gi res (2) mi bya | lhuṅ bzed kyi las mi bye | lhuṅ bzed kyi las mi bya | chos gas kyi las mi bya | sṅa res mi bya | phyad res mi bya | zla res mi bya | kluṅ la spyod par mi bya | ril spyod par mi bya | dur khrod du spyod par mi bya | ljoṅs rgyu bar mi bya | rkaṅ pa bkru bar mi bya | mal bca’ bar mi bya | chu (3) bcu bar mi bya | groṅ du ’jug par mi bya | mtshams kyi phyi rol du ’gro bar mi bya | mi rigs pa’i gaṅ zag la gźar bar mi bya | de lta bu’i druṅ du ’dug pa yaṅ bdag gir mi bya | de ’dra ba’i druṅ nas bsñen bkur yaṅ bdag gis blaṅ bar mi bya | lhuṅ bzed kyaṅ (4) blaṅ bar mi bya | chos gos blaṅ bar mi bya | zas blaṅ bar mi bya | sman blaṅ bar mi bya | yo byad gźan gaṅ yaṅ ruṅ byin na bdag gir mi bya’o || de lta bu la bsñen bkur yaṅ mi bya | lhuṅ bzed sbyin par mi bya | zas sbyin par mi bya | sman sbyin par mi bya | (5) yo byad gaṅ yaṅ ruṅ sbyin pa bdag gir mi bya | de ’dra ba’i gaṅ zag gi druṅ nas luṅ bsgo ba mi blaṅ | dran par bya ba ma yin | yoṅs sa dri bar bya ba ma yin | yid la bya ba mi dri || de lta bu dag la yaṅ luṅ bsgo ba mi sbyin || dan pa ma yin | yoṅs su dri ba (6) ma yin | yid la bya ba yaṅ mi bstan te | bya’o cog thams cad kyaṅ mkhan po la ma źus kyi bar du mi bya’o || las rnam pa gsum ni ma gtogs te | bśag gci daṅ | so śiṅ dor ba daṅ | mtshams kyi naṅ du mchod rten la phyag bya ba’o || de ste mkhan po’i (7) lhuṅ bzed bkru’am | sreg pa źig tu gyur na yaṅ de la ci nas mkhan po’i lhuṅ bzed kyi las bdag gis bya’o sñam mam | gźan byed du gźug go sñam du lhan cig spyod pa des myur du spro ba bskyed par bya’o || de ste mkhan po’i chos gos drub par gyur tam | kha bkru bar gyur (303a1) tam | kha bsgyur ba źig tu gyur na yaṅ de la bdag gis mkhan po’i chos gos kyi las raṅ gis bya’o sñam mam || gźan la byed du gźug go sñam du lhan cig spyod pas myur du spro ba bskyed par bya | de ste mkhan po na ba źag tu gyur na yaṅ de la (2) bdag ñid kyis mkhan po na ba’i nad g-yog bya’o sñam mam | gźan la nad g-yog byed du gźug go sñam du lhan cig spyod pas myur du spro ba bskyed par bya | de ste mkhan po la the tshom źig skyes par gyur na | de la ci nas bdag gis mkhan po’i the tshom skyes pa (3) de bdag ñid kyis slar bsal lo sñam mam | gźan mkhan po’i the tshom sel du gźug go sñam du lhan cig spyod pas myur du spro ba bskyed par bya’o || de ste mkhan po sdig pa la lta bar gyur na yaṅ de la ci nas bdag gis mkhan po sdig pa lta bar gyur pa de slar gtaṅ (4) par bya’o sñam mam | gźan la slar gtoṅ bar byed du gźug go sñam du lhan cig spyod pas myur du spro ba bskyed par bya’o || de ste mkhan po la chad pa’i las śig mṅon du ’byuṅ ṅam byuṅ bar gyur na | de la ci nas bdag gis mkhan po chad pa’i las kyis gcod par byed dam (5) bcad kyaṅ ruṅ ste | dbyuṅ bar bya’o sñam du lhan cig spyod pas spro ba myur du bskyed par bya’o || de ste mkhan po la spaṅ ba’i las śig mṅon du byad par ’gyur ram | byas par gyur kyaṅ ruṅ ste | der ci nas bdag gis mkhan po la spaṅ ba’i las śig mṅon du byed kyaṅ ruṅ (6) byas kyaṅ ruṅ ste | dbyuṅ ṅo sñam du lhan cig spyod pas myur du spro ba bskyed par bya’o || de ste mkhan po la dge ’dun gyi lhag ma’i ñes pa źig byuṅ bar gyur na | de la ci nas bdag gis mkhan po la chad par byed pa byin cig pa daṅ | gźi nas bslaṅ ba’i chad pa’am | (7) chad pa byas zin nas yid mgu bar bya ba byin cig pa’am | gźi nas bslaṅ ste yid mgu bar bya ba’am | yid mgu bar spyad nas dbyuṅ bar byin cig par lhan cig gnas pas spro ba bskyed par gyur na ni legs | spro ba ma bskyed na ’das pa dag bcas par ’gyur ro || de ltar (303b1) lhan cig spyod pas mkhan po la bya ba ci daṅ ci yod kyaṅ ruṅ spro ba bskyed par bya ba de bźin du mkhan pos kyaṅ lhan cig spyod pa la bya ba ci daṅ ci yod kyaṅ ruṅ spro ba bskyed par bya ste | źu ba rnams ni ma gtogs so || lhan cig spyod pas mkhan po’i stan gdiṅ bar bya | rkaṅ (2) pa bkru ba’i chu daṅ | lham yaṅ bśams te phyogs gcig tu gźag par bya | rkaṅ pa bkru bar bya | bsku bar bya | mal bya’o || gci ba’i snod daṅ bśaṅ ba’i snod bśams te gźag par bya | de ste luṅ źig gnod dgos par gyur na yaṅ luṅ mnod par bya || yid (3) la byed pa źig mnod dgos par gyur na’aṅ yid la byed pa ma nod par bya | phyogs gcig tu soṅ ste ’dug nas bsgom par bya’o || nad par laṅs nas gci ba’i snod daṅ bśaṅ ba’i snod dbyuṅ bar bya | mkhan po’i rkaṅ pa la mgo bos phyag byas te | mkhan po bde (4) bar mdzad dam | bde bar bgyis sam | bde bar spyad dam źes dri bar bya | da sten bar gyur na yaṅ na ba’i sman daṅ | nad g-yog la spro ba bskyed par bya | de ste min na ni bde bar yal bar gźag | de ste dge ’dun gyi zas śig gam mgron du bos pa’i zas kyaṅ (5) ruṅ ste | dge ’dun gyi zas ni mkhan po deṅ dge ’dun gyi zas mchis kyis deṅ dge ba bde bar spyod cig | de ste bsod sñoms kyi zas na yaṅ mkhan po bsod sñoms la gśegs kyis chos śig ces bsgo’o || lhan cig spyod pas mkhan po la so śiṅ daṅ bde ba’i tshu (6) daṅ | lci ba daṅ | phye ma dbul bar bya | nam mkhan pos las de rnams zin pa de na lhuṅ bzed daṅ chos gos bstab par bya | de ste dge ’dun daṅ lhan cig bsod sñoms la ’jug na ni mkhan po mdun du btaṅ la bdag gis gral gaṅ nub pa ba nas ’gro bar bya | de ste gaṅ (7) zag gis bsod sñoms la ’jug na ni mkhan po’i sbyar ma daṅ lhuṅ bzad daṅ khar bsil dbul bar bya | de ste rluṅ daṅ char ba daṅ dus graṅ ba źig tu gyur na mkhan po’i sbyar ma ’og tu chug la bdag gi steṅ du phyuṅ śig | de ste yul dro na bdag gi sbyar ma ’og tu chug la mkhan po’i steṅ du (304a1) phyuṅ śig | lhan cig spyod pa mkhan po’i mdun du soṅ la zil pa la sogs pa bsal bar bya || de ste chu ’gram mam gaṅ g-yaṅ sa źig na mkhan po’i lag pa nas bzuṅ źiṅ brten par bya | doṅ nas groṅ ’dab tu phyin na sbyar ma daṅ lhuṅ bzed daṅ khar gsil dbul (2) bar bya | phul te mkhan po’i mdun du btaṅ la groṅ gi naṅ du ’jug par bya’o || de ste skas sam | them skas śig ’dzeg na yaṅ lhan cig spyod pa sṅon du ’dzegs la lag nas draṅ bar bya | de na chos bźin gyi rñed par źig grub na yaṅ bdag gis blaṅ bar bya | bsod (3) sñoms spyad de slar groṅ gi phyi rol du byuṅ na mkhan po’i sbyar ma daṅ lhuṅ bzed daṅ khar gsil blaṅs la mkhan po’i mdun du btaṅ nas gtsug lag khaṅ du ’doṅ bar bya’o || der lhags nas lhuṅ bzed daṅ chos gos bźag ste mkhan po’i rkaṅ pa bkru ba’i chu daṅ lham bsñen te (4) bźag la rkaṅ pa bkru bar bya’o || de nas dus la bab par gyur na mkhan po’i lhuṅ bzed kyi gźi gdiṅ źiṅ lhuṅabazeda dbul bar bya’o || bdag gis zas bzaṅ ba daṅ źim pa daṅ | dam pa ci yod pa mkhan po la dbul bar bya | mkhan pos kyaṅ tshod rig (5) bar bya | zas kyi bya ba byas pa daṅ | mkhan po la bde ba’i chu bsñen par bya lci ba daṅ phye mas lhuṅ bzed bkrus la lhuṅ bzed daṅ chos gos slar gźug par bya | mkhan po la phyag byas nas mkhan po ’di bźin bźugs sam | ñin par spyod par gśegs sam (6) źes dri bar bya | de ste ñin par spyod par ’gro na yaṅ mkhan po’i khri’u daṅ gdiṅ ba daṅ | ril ba spyi riṅs khyer la mkhan po mdun du bcug ste ñin par gaṅ na spyod par ’gro’o || soṅ nas mkhan po’i stan btiṅ la luṅ mnod dgos na yaṅ luṅ mnod par bya | (7) yid la byed pa mnod dgos na yaṅ yid la byed pa mnos la phyogs gcig tu soṅ nas bsgom par bya’o || de nas dus la bab na mkhan po’i khri’u daṅ | gdiṅ ba daṅ | ril ba spyi riṅs khyer te | mkhan po mdun du byas la ’gro bar bya’o || de ste gso sbyin gyi dus (304b1) la bab ste | ’du bar gyur na yaṅ mkhan po’i stan lte bas na brkyaṅ bar bya | brkyaṅ na ni legs par gdiṅ bar bya | de nas dus su bsgo’am || gaṇ+ḍī brduṅs kyaṅ ruṅ ste | lag pa g-yon pas ni mkhan po’i lag pa nas bzuṅ | lag pa g-yas pas ni mar (2) me thogs te mkhan po mdun du byas la gso sbyin gyi gnas su ’doṅ bar bya’o || so sor thar pa’i mdo bklags zin na mkhan po’i druṅ du soṅ la | mkhan po ci gśegs sam | chos gsan ciṅ bźugs źes dri bar bya | de ste ’gro na lag pa g-yon pas (3) mkhan po gzuṅ | lag pa g-yas par ni mar me thogs te mkhan po mdun du byas la gtsug lag khaṅ du ’doṅ bar bya’o || de ste dugs khaṅ du khrus byed pa źig tu gyur na naṅ par sṅar laṅs nas mkhan po deṅ dugs khaṅ du khrus mdzad kyis tshar gsol źes bsgo bar bya | (4) lhan cig spyod pas mkhan po’i phyir dug khaṅ du stan daṅ khri’u daṅ | ril ba spyi riṅs daṅ | khrus ras daṅ dugs khaṅ gi yo byad gźan gaṅ yaṅ ruṅ ste khyer te mkhan po mdun du byas nas dugs khaṅ du ’doṅ bar bya | ’oṅs nas kyaṅ chos gos phyogs gcig tu (5) bźan la mkhan po las mi ñe mi riṅ bar ’dug par bya | nam mkhan po rdul bar gyur na de na lhan cig spyod pa des de la rim bźin rjes su las rnams bya ste bkru bar bya’o || bkrus nas mdun du bcug ste | gtsug lag khaṅ du bskyal bar bya || de’i ’og tu bdag (6) ñid bkru bar bya | de ste lhan cig spyod pa de mkhan po’i druṅ nas dge ba’i chos mi ’phel bar gyur na mkhan po la bdag dge sloṅ miṅ ’di źes bgyi ba ’di la gtad du gsol źes smros śig | mkhan pos kyaṅ dge sloṅ de la dge sloṅ ’di ci ’dra | de’i rjes su (7) ’braṅ ba daṅ druṅ na ’dug pa ci ’dra | ’di’i luṅ rnams ston tam | de ste mi ston | rjes su ston tam | de ste mi ston pa brtag par bya | dpyad par bya | de bźin du brtags dpyad nas de ste ruṅ ba źig tu gyur na | de la gtad par bya | de ste ruṅ ba ma yin na gźan la (305a1) gtad par bya’o || de ste mkhan po ñid ruṅ ba ma yin la tshul daṅ mi ldan nam źus par soṅ yaṅ bla ste | ’di ni lhan cig spyod pa’i bya ba źes bya’o ||

sahacārin

slob dpon gyi bya ba gaṅ źe na | slob dpon gyis ñe g-yog rnams śes par bya ba nas sṅa ma bźin (2) te | phyogs gaṅ na ñe g-yog de ñon moṅs śiṅ ’dug pa źig tu gyur na phyogs de nas dgug par bya | dgug tu gźug par bya ste | ’di ni slob dpon gyi bya ba źes bya’o ||

ācārya

ñe g-yog gi bya ba gaṅ źe na | ñe g-yog gis slob dpon la ston pa’o sñam du ’du śes (3) mṅon du bźag la rim gro bya ba nas | sṅa ma bźin ma źus kyaṅ ’gro bar bya ba’i bar du ste | de ni ñe g-yog gi bya ba źes bya’o ||

attendant

dge tshul gyi bya ba gaṅ źe na | dge tshul gyis mkhan po daṅ slob dpon la ston pa’o sñam du ’du śes mṅon sum bźag la rim gro bya ba nas (4) sṅa ma bźin ni || de ste mkhan po’am | slob dpon sdig pa lta bar gyur na raṅ gis slar gtaṅ bar bya | yaṅ na gtoṅ du ’jug bar bya ste | de ltar so ba skyes na ni de bźin legs | ma skyes na ’das pa daṅ bcas par ’gyur ro || der yaṅ dge tshul phas ji ltar (5) mkhan po daṅ | slob dpon la byuṅ źiṅ gyur pa’i rnams ji ltar gyis śig ces spro ba bskyed par bya ba de bźin du mkhan po daṅ | slob dpon gyis kyaṅ dge tshul pha la byuṅ źiṅ gyur pa’i rnams ji ltar bya źes spro ba bskyed par bya’o || de la źu ba rnams ni ma gtogs so || (6) dge tshul phas mkhan po daṅ | slob dpon gyi stan gdiṅ ba la sogs pa bya ba sṅa ma bźin te bdag ñid tha mar bkru bar bya ba’i bar du’o || ’di ltar dge tshul phas rtswa sṅon po med par bya | me tog rnams btog | ’bras bu rnams btog | so śiṅ rnams sbyin | lhuṅ (7) bzed kyi gźi lo ma rnams sbyin | ruṅ bar bya || dge sloṅ rnams la byin len du gźug par bya | mdzes pa daṅ | bag yod par bsgrub par bya | de ste dge tshul pha de mkhan po daṅ slob dpon gyi druṅ nas dge ba’i chos ’phel bar mi ’gyur ba daṅ | sṅa ma bźin ma źus kyaṅ soṅ (305b1) yaṅ bla ba’i bar du ste | ’di ni dge tshul pha’i bya ba źes bya’o ||

śramaṇera

nan tan du bya ba gaṅ źe na | de ste dge ’dun gyi kun dga’ ra bar gnod pa źig byuṅ na der dge sloṅ gis ji ltar de mi śor źiṅ zin par bya | de ste rnam graṅs gaṅ gis kyaṅ zin par ma gyur na gźan dag la ni bab bab tu smra par mi (2) bya’i | thog mar rgyal po’i gnaṅ ba rnams la bsgo bar bya | de’i ’og tu btsun mo daṅ | gźon nu daṅ | blon po daṅ | ded dpon daṅ | źaṅ blon daṅ | źabs ’briṅ ba rnams la bsgo bar bya | de la nan tan du bya ba ni ji nas tshig gis bstan pa tsam gyis thar par ’gyur (3) gyis de la gsaṅ ba’i las rnams mi ’byuṅ bar bya ste | de ni nan tan du bya ba źes bya’o ||

phyi bźin ’braṅ ba’i dge sbyoṅ gi bya ba gaṅ źe na | phyi bźin ’braṅ ba’i dge sbyoṅ gis sṅa na mo’i dge sbyoṅ las rig nas kyaṅ ma yin || śin tu bsñen de yaṅ ma yin || phrag pa sbyar (4) źiṅ yaṅ mi ’gro bar bya | khyim gyi naṅ du ’jug na yaṅ gtam glo bur du de la mi bya | phyi nas smra bar bya | des bsgo ba rnams bya | bkur stir bya | bdag dman par bya | ’jigs pa daṅ dbaṅ du ’gyur bar bya | dge sbyoṅ sṅa na po chos ma yin pa źig smra na slar dgag (5) par bya | chos bźin du smra na rjes su yi raṅ bar bya | de la chos bźin pa’i rñed pa źig byuṅ na blaṅ bar bya ste ’di ni phyi bźin ’braṅ ba’i dge sbyoṅ gi bya ba źes bya’o ||

groṅ du ñe bar ’gro ba’i bya ba gaṅ źe na | rigs su ston pa’i dge sloṅ gis de gas par mi bya | (6) ṅa rgyal mi bskyed | mi brtan dar mi bya | byuṅ rgyal du mi smra | mi gtsigs par mi bya | yaṅ dag par śes par bya | ñe bar gźag par bya | sems mi g-yeṅ bar bya | dga’ bar ’gyur ba daṅ | spyod lam mdzes par bya | śin tu bsdam pa daṅ | śin tu bkab (7) pa daṅ | sgra chuṅ ba daṅ | mig gña’ śiṅ gaṅ tsam las mi g-yeṅ bar bya | bkur sti bcas | bdag ñid dman par bcas | ’jigs par daṅ | dbaṅ du ’gyur bar bcas | yid dman pa daṅ | sems phyags ma daṅ ’dra bar bya | rñed pa daṅ bkur sti la ’dod par (306a1) mi bya | phan par byed pa de ni groṅ du ’gro bar byed pa’i bya ba źes bya’o ||

approaching a village

groṅ du ’gro ba’i bya ba gaṅ źe na | dge sloṅ groṅ du ’gror ’dod na śes bźin du ’gro bar bya | dran pa ñe bar gźag par bya | sems mi g-yeṅ bar bya | dbaṅ po bsdam par (2) bya | yid mi g-yeṅ bar bya | sṅa phyi la ’du śes pa daṅ | bla ’og la ’du śes gźag | dge sloṅ dran pa ñams bźin du groṅ du ’gro na ñes pa’i dmigs rnam pa lṅar rig par bya ste | dge sloṅ ’khod pa rnams lam bsgo bźin du groṅ du dus ma yin par (3) ’jug pa daṅ | ma brtags par stan la ’dug pa daṅ | rig pa’i skyes pa med bźin du bud med la chos tshig lṅa’am drug las lhag par ston pa daṅ | bud med daṅ lhan cig gñis su skyabs yod pa dpon pa na ’dug par byad pa daṅ | sman daṅ nad du bcas (4) pa’i groṅ du nan gyis stan la ’dug par byed pa’o || dge sloṅ dran pa ñams bźin du groṅ du ’gro na gźan yaṅ ñes pa’i dmigs rnam pa lṅaRa rig par bya ste | phyi phyir bud med la blta ba daṅ | lta ba las kyaṅ gtam du ’dzer ba daṅ | gtam zer ba las chags (5) par gyur pa daṅ | chags par gyur pa las tshul bźin mi byed pa daṅ | tshul bźin yid la mi byed pas na ma dad bźin mi tshaṅs par spyod par ’gyur te | ñes pa ’byuṅ bar ’gyur ba’am | yaṅ na bslab pa phul nas slar babs par ’gyur ro | dran pa ñe bar (6) bźag bźin du groṅ gi naṅ du ’jug na ñes pa’i dmigs de lta bu ’byuṅ bar mi ’gyur te | de ni groṅ du ’gro ba’i bya ba źes bya’o ||

going (into?) a village

groṅ du ñe bar soṅ ba’i bya ba gaṅ źe na | groṅ du soṅ ba’i dge sloṅ gis gtam sna tshogs mi smra | gtam ṅan pa mi bya || chos kyi (7) gtam smra bar bya | gtam rgyud mi chad par bya | khyim pa’i rnams la chos kyi gtam yaṅ dag par bstan | bstabs | yaṅ dag par gzeṅs bstod par bya | rab tu mgu bar bya | skyabs su ’gro ba’i bslab pa’i gnas ’dzin du gźug | dus khrims la (306b1) gnas pa daṅ | tshaṅs par spyod pa la gnas pa daṅ | sbyin pa daṅ | dul ba daṅ | sdom pa daṅ | skyes bu dam pa bsñen pa’i chos ñan pa daṅ | tshul bźin yid la byed pa daṅ | chos daṅ rjes su mthun pa’i chos la nan tan du byed pa daṅ | lam ma yin pa la (2) lam ma yin par de ltar yaṅ dag par bsgrag par bya | ye śes daṅ lta ba rnam pa sbyaṅ bar bya ste | de ni groṅ du ñe bar soṅ ba’i bya ba źes bya’o ||

being in(?) a village

groṅ du ñe bar soṅ ba’i gnas brtan gyi bya ba gaṅ źe na | groṅ du soṅ ba’i dge sloṅ gnas brtan gyis de na dge sloṅ gsar bu (3) rnams la bsgo bar bya | rjes su bstan par bya | ci rgyags pa daṅ | dregs pa daṅ | lus la ’tshog pa daṅ | rtsed mo mi byed par bya | dga’ bar ’gyur ba la gźug par bya | ji ltar mtshuṅs par spyod pa bcas pa la gźug par bya | de dag gis kyaṅ (4) des ji ltar bsgo ba daṅ | rjes su bstan pa’i tshig rnams la mñan par bya ste | de groṅ du soṅ ba’i gnas brtan gyi bya ba źes bya’o ||

sthavira being in(?) a village

gźi na gnas pa’i bya ba gaṅ źe na | gźi na gnas pa’i dge sloṅ gis mdaṅs bzaṅ ba daṅ | khro gñer daṅ bral bar bya | dran pa (5) thog mar ’gro ba daṅ | thog mar smra bar bya ste | tshur spyon bde bar byon nam źes tshig sñan pa daṅ | tshig yid du ’oṅ ba daṅ | mgu bar ’gyur bas smra bar bya | glo bur du lhags pa’i dge sloṅ dag mthoṅ nas mdza’ ba’i tshul gyis mdun du bsu bar bya | sñan pa’i (6) tshig gis rab tu dga’ bar bya | bde ba la reg par spyod dam || bde bar lhags sam źes dri bar bya || de ste rgan pa źig yin na ni de la phyag byas nas lhuṅ bzed daṅ chos gos blaṅs te gtsug lag khaṅ gi naṅ du bcug la stan la gźag par bya || rkaṅ pa bkru źiṅ bla (7) mar bya | skom na chu graṅ mo blud par bya | ji ltar nus śiṅ mgu bar ’gyur ba’i chos bźin bsgyur bar bya | ji ltar rigs pa bźin mal stan rnams kyaṅ sbyin par bya | ji srid du ’dug pa de la pha daṅ | phu nu daṅ | bu ltar ’du śes mṅon du gźag ciṅ gzuṅ bar bya’o | (307a1) na na yaṅ g-yel bar mi dor te | de ni gźi na gnas pa’i bya ba źes bya’o ||

ṅal bso ba’i bya ba gaṅ źe na | glo bur du ’oṅs pa’i dge sloṅ gis gtsug lag khaṅ du ’oṅs na des bźin gnas pa’i dge sloṅ dag las mal stan gyi rnams brkam (2) źiṅ riṅs thabs su dgug par mi bya | snaṅ ba’i gnas su ’dug par bya | spyod lam bzaṅ bar bya | legs par bgo bar bya | legs par bsdam par bya’o || ’di yaṅ ṅal bso ba’i bya ba yin te | gźi na gnas pa’i dge sloṅ dag gis dge sloṅ glo bur (3) du lhags pa mthoṅ na de ste ṅo śes na ṅal bso bar bya | ji ltar mtshuṅs par spyod pa’i chos bcas pa bźin du mtshuṅs par spyad par bya || de ste ṅo mi śes na bab bab tu ṅal bso bar mi bya | dge sloṅ dag la yaṅ tshe daṅ ldan pa ’di su’i lhan cig spyod pa yin || ’di (4) spyod pa ji lta bu źes dri bar bya’o || de ste de’i spyod pa daṅ | spyod yul daṅ | tshul khrims daṅ | sdom pa daṅ | mtshuṅs par spyod pa’i rnams rtags na gdod ṅal bso bar bya’o || de gcig pu la gtsug lag khaṅ gtad par mi bya | dge ’dun gyi mdzod (5) daṅ | baṅ ba daṅ | dge ’dun gyi mal la dbaṅ du gźug par mi bya | śin tu rtogs par byas la gdod yid gtugs par bya ba de ni ṅal bso ba’i bya ba źes bya’o ||

bar snaṅ gi bya ba gaṅ źe na | bar snaṅ thams cad ni mtshams gcig pa ma yin te || der (6) gnas pa daṅ | ’di na gnas pa lhan cig tu las bya źiṅ bskyo ba yaṅ mi brtsan || ’di na gnas pa daṅ de na gnas pa dag lhan cig tu la byas par mi ’gyur | bskyos pa yaṅ mi brtsan no || dge sloṅ skya reṅs ma śar ba chos gos med bźin du steṅ du mi ’byuṅ || dbyar (7) tshul du źugs na yaṅ źag bdun nam | źag bźi bcur byin gyis ma brlabs par nam mkha’ la byuṅ źiṅ gnas par mi bya’o || de ste byuṅ źiṅ gnas na chos gos daṅ bral bar ’gyur la dbyar kyaṅ źig par ’gyur te || ’di ni bar snaṅ gi bya ba źes bya’o ||

gtan pa’i bya ba gaṅ źe na | gtan (307b1) pa la yon tan lṅa ste | źag gcig gis bral ba med | źag bcu’i ’da’ ba med | zla ba gcig gis ’da’ ba med | ji sñed du dgos pa’i gos rnams byin gyis ma brlabs kyaṅ ’chad du ruṅ | stod g-yogs daṅ mthaṅ gos kyis ljoṅs rgyu bar ruṅ ṅo | (2) gźan yaṅ gtan pa la yon tan rnam pa lta ste | ’dus śig za ba med | yaṅ yaṅ za ba med | phyi ma la ma bsgo bar ’gro ba med chos gos ji dgos pa tshol du ruṅ | ston zla tha chuṅs nas dpyid zlar ba’i bar du dbyar tshul du źugs pa’i dge sloṅ dge ’dun gyi rñed (3) pa ma bgos śiṅ bźag pa de yaṅ gtan pa btiṅ ba rnams kyis mdad gźan la mi sbyin no || de ni gtan pa’i bya ba źes bya’o ||

lock bolt?

chu tshags kyi bya ba gaṅ źe na | dge sloṅ chu tshags med na lam du źugs śaṅ ’gro bar mi bya’o || de ste chu rgyun du ’bab la de yaṅ ruṅ bar gyur | (4) de chu gźan daṅ ma ’dres pa źig gam | khron pa ruṅ ba źig gam | rgyaṅ grags phyed phyed du gtsug lag khaṅ rgyun chags par yod pa ma gtogs te de ni chu tshags kyi bya ba źes bya’o ||

strainer/sieve

’chag sa’i bya ba gaṅ źe na | bcom ldan ’das kyis ’chag sa rnam pa gñis (5) rjes su gnaṅ ste | bsam gtan la źugs pa daṅ | kha ton la źugs pa’o || bsam gtan la źugs pa’i ’chag sa ni khru bco brgyad do || kha ton la źugs pa’i ’chag sa ni khru bcu gñis te de ni ’chag sa’i bya ba źes bya’o ||

walking ground

’chag pa’i bya ba gaṅ źe na | (6) dge sloṅ ’chag par ’dod na des drag tu yaṅ ma yin | dal nas ’chag par bya | śes bźin du ’chag par bya | dran pa ñe bar gźag | dbaṅ po naṅ du gźag | yid phyir mi dbyuṅ bar bya | rdeg mi ’chos par bya | phan tshun mi ’byor bar bya | draṅ por ’chag par (7) bya | de ste draṅ por ’chag mi nus na srad bu bre bar bya | srad bu bres pa la sṅu bu bcug nas de la ’ju źig ’chag par bya ste | ’di ni ’chag pa’i bya ba źes bya’o ||

walking

’phyen gyi bya ba gaṅ źe na | ston pa’i mdun du mi gtaṅ | mchod rten gyi druṅ du ma yin | mkhan po daṅ slob (308a1) dpon gyi druṅ du ma yin | bla ma’i druṅ du ma yin || bla mar bya ba’i druṅ du ma yin | groṅ gi naṅ du skye bo’i mdun du ma yin | phyi phyir gtaṅ bar mi bya | de ste yaṅ phyi phyir gtoṅ ba źig tu gyur na gnas gud du soṅ la gtaṅ bar bya’i || de’i rkyen gyis gźan (2) la mi baṅ bar ’gyur bar mi bya ste | ’di ni ’phyen gyi bya ba źes bya’o ||

flatulence?

gźar ba’i bya ba gaṅ źe na | dge sloṅ gźar ’dod na rno ba’i yo byad kyis gźar bar mi bya | rtswa bsdus pas mi bya | lo ma’am | ra da’am | ’jam pa gźan gyis gźar bar ba ste | de ni (3) gźar ba’i bya ba źes bya’o ||

shaving?

bśaṅ ba’i bya ba gaṅ źe na | dge sloṅ gis bab bab btu bśaṅ bar mi bya | rtsig pa’i druṅ du ma yin || śiṅ gi druṅ du ma yin || śes bźin du phyogs gcig tu bśaṅ bar bya’o || de ste phyi phyir bśaṅ pa źig tu gyur na bśaṅ ba’i (4) gyo mo druṅ du gźag par bya | yaṅ na khuṅ bu brko bar bya ste | ’di ni bśaṅ ba’i bya ba źes bya’o ||

feces

bśaṅ sa’i bya ba źes bya’o || dge sloṅ bśaṅ sar ’gro bar ’dod pas sṅa na ’dug pas tshor bar bya ba’i phyir se gol gtogs par bya | sṅon du źugs pas lud pa (5) dbyuṅ bar bya | śes bźin du naṅ du ’gro bar bya || chos gos legs par brdzes nas ’dug par bya | bśaṅ sa’i khuṅ bur rkaṅ rten gñis la legs par brtags nas dbus su ’dug par bya | bśaṅ ba mi ’oṅ ba la nan gyis gzir bar mi bya | ’oṅ ba la’aṅ dgag (6) par mi bya ste | de ni bśaṅ ba’i bya ba źes bya’o ||

place for defecation

bśaṅ sa’i khuṅ bu’i bya ba gaṅ źe na | dge sloṅ bśaṅ bar ’dod na dal nas bags kyis śes bźin du bśaṅ bar bya | bśaṅ sa’i khuṅ kha rnams su gos śig chags par mi bya ste | ’di ni bśaṅ sa’i khuṅ bu’i bya ba (7) źes bya’o ||

hole at the place for defecation

bśaṅ sar gnas brtan gyi bya ba gaṅ źe na | bśaṅ sar dge sloṅ gnas brtan gyis gsar bu ’dug pa slar bslaṅ bar mi bya | bśaṅ sar ’dug pa las slar bslaṅ bar mi bya ba ni chuṅ du bśaṅ sa’i naṅ du źugs pa las slar bzlog par mi bya ste | de ni bśaṅ (308b1) sar gnas brtan gyi bya ba źes bya’o ||

place for defecation sthavira

bśaṅ sa’i khor yug gi bya ba gaṅ źe na | dge sloṅ bśaṅ sa’i ñe ’khor na ’greṅ bar mi bya || ’dug par mi bya || ’chag par mi bya | luṅ bsgo bar mi bya | luṅ nod par mi bya | dran par mi bya | slar ’dri bar mi bya | (2) rnal ’byor daṅ yid la byed pa mi bya | gtam la źugs śiṅ mi bya | lhuṅ bzed kyi las mi bya | chos gos kyi las mi bya | so śiṅ ’cha’ bar mi bya | lag pa daṅ rkaṅ pa bkru bar mi bya | bya’o cog thams cad kyaṅ bśaṅ sa’i phyogs kun tu mi bya’o || bśaṅ (3) sa’i gnas su ṅes par bya ba’i rnams ni ma gtogs te | ’di ni bśaṅ sa’i ñe ’khor gyi bya ba źes bya’o ||

enclosure at the place for defecation

gci ba’i bya ba gaṅ źe na | dge sloṅ gis bab bab tu gci bar mi bya | rtsig druṅ du gci bar mi bya | śiṅ druṅ du gci bar mi bya | śes bźin du phyogs (4) gcig tu gci bar bya’o || de ste gcin sñi bar gyur na gcin snod gyo mo gtad par bya | yaṅ na khuṅ bu brko bar bya ste || ’di ni gci ba’i bya ba źes bya’o ||

urinating

gci ba’i sa’i bya ba gaṅ źe na | dge sloṅ gci sar ’jug par ’dod na des sṅa na ’dug pas tshor bar bya ba’i phyir (5) se gol gtogs nas sṅa ma bźin te || mi bro ba la ni mi gzir | bro ba la ni mi dgag pa’i bar du ste | ’di ni gci ba’i sa’i bya ba źes bya’o ||

place for urinating

gci ba’i khuṅ gi bya ba gaṅ źe na | dge sloṅ gis gci sa’i khuṅ khar bags kyis śes bźin du gci bar bya | gcin (6) khuṅ gi khar mi gtor ba daṅ | mi sgres par bya ste | de ni gci sa’i bya ba źes bya’o ||

hole at the place for urinating

gci sar gnas brtan gyi bya ba gaṅ źe na | gci sar dge sloṅ gnas brtan gyis gci sar dge sloṅ gsar bu gci źiṅ ’dug pa bslaṅ bar mi bya | gci sar ’dug pa las (7) mi bslaṅ bar bya ba ni chuṅ ṅu na gci sar źugs pa yaṅ bzlog par mi bya ste | ’di ni gci sar gnas brtan gyi bya ba źes bya ba’o ||

sthavira at the place of urinating

gci sa’i ñe ’khor gyi bya ba gaṅ źe na | dge sloṅ gci sa’i ñe ’khor du ’greṅ bar mi bya ba nas sṅa ma bźin te | gci ba’i ñe ’khor gyi (309a1) bya ba ni ma gtogs so źes bya ba’i bar du ste | de ni gci ba’i sa’i ñe ’khor gyi bya ba źes bya’o ||

enclosure at the place of urination

bkru ba’i bya ba gaṅ źe na | dge sloṅ gis ma bkrus kyi bar du ston pa la ltar ’gro bar mi bya | mchod rten la ma yin || mkhan po daṅ | (2) slob dpon la ma yin || bla ma la ma yin | bla mar bya ba la ma yin te | phyag mi bya | kha ton mi bya | luṅ mi bsgo | blaṅ bar mi bya | dran par mi bya | kun dri bar mi bya | groṅ du ’jug par mi bya || zas la ’dug par mi bya || skyo ma la ’dug (3) par mi bya | thug pa la ’dug par mi bya | ’thuṅ ba la ’dug par mi bya | chos bśad pa la ’dug par mi bya | phyogs bźi’i dge ’dun gyi mal stan la ’dug par mi bya | na bar gyur na ni ñes pa med de | yaṅ na mi’i lha chu yin par gyur tam | de ste (4) chu ma ’byor tam | de ste bkru bar mi ruṅ ba’i sman cig btaṅ ba ni ma gtogs te | de ni bkru ba’i bya ba źes bya’o ||

washing

bkru ba’i gnas kyi bya ba gaṅ źe na | bkru ba’i gnas su ’gro ba’i dge sloṅ gis se gol gtogs nas sṅa ma bźin bkru ba’i gnas kyi dbus (5) su ’dug par bya ba’i bar du ste | ’di ni bkru ba’i gnas kyi bya ba źes bya’o ||

house for washing

bkru ba’i gnas su rkaṅ pa bźag pa’i gnas kyi bya ba gaṅ źe na | khrus byed par ’dod pa’i dge sloṅ gis bkru ba’i tshe bkru ba’i gnas su la chus mi dgaṅ ba daṅ | chus ma gśer bar bya (6) ste | ’di ni bkru ba’i gnas kyi rkaṅ pa bźag pa’i gnas kyi bya ba źes bya’o ||

ground for putting the feet at the house for washing

khrus kyi sar gnas brtan gyi bya ba gaṅ źe na | khrus sar dge sloṅ gnas brtan gyis khrus sar dge sloṅ gsar bu bslaṅ bar mi bya | khrus la źugs pa las mi bslaṅ ba ni chuṅ ṅu (7) na khrus sar źugs pa las bzlog par mi bya ste | de ni khrus sar gnas brtan gyi bya ba źes bya’o ||

sthavira at the house for washing

khrus sa’i ñe ’khor gyi bya ba gaṅ źe na | dge sloṅ gis khrus sa’i ñe ’khor du ’greṅ źiṅ ’dug par mi bya ba nas sṅa ma bźin khrus sa’i ñe ’khor du bya ba’i rnams ni ma (309b1) gtogs pa’i bar du ste | de ni khrus sa’i ñe ’khor gyi bya ba źes bya’o ||

attendant of the house for washing

mchil ma’i bya ba gaṅ źe na | de ni dge sloṅ gis sgra daṅ bcas par mchil ma dor bar mi bya | lce dril bar sos mnan par mi bya | ston pa’i spyan sṅar ma yin | mchod rten gyi druṅ du ma (2) yin | mkhan po daṅ | slob dpon gyi druṅ du ma yin | bla ma’i druṅ du ma yin || bla mar gyur pa’i druṅ du ma yin || zan za ba na ma yin | ’thuṅ ba la ma yin | yoṅs su las bya ba’i sar ma yin || dge sloṅ gis bab bab tu mchil ma dor bar mi bya | (3) mchil ma dor nas phyal bar mi bya ste | yaṅ na rkaṅ pas ñes śig | yaṅ na sas khob śig | dge sloṅ gis mchil ma phyi phyir dor bar mi bya’o || de ste phyi phyir ’dor na de’i rkyen gyis gźan mi bde bar mi ’gyur ba’i phyir gnas gźan du ’gro bar bya ste | de ni (4) mchil ma’i bya ba źes bya’o ||

spitting/saliva

mchil ma’i snod kyi bya ba gaṅ źe na | bcom ldan ’das kyis dge sloṅ rnams la mchil mdor ba’i phyir mchil ma’i snod rnam pa gñis gnaṅ ste | rdza mkhan gyis byas pa daṅ | bdag ñid kyis byas pa’o || dge sloṅ (5) gis mchil ma’i snod ṅas dus su brtag par bya | bskam par bya | dben par gźag par bya | śin tu bkru bar bya | ci nas de’i rkyen gyis phyi phyir tshol bar mi ’gyur par bya ste | de ni mchil ma’i snod kyi bya ba źes bya’o ||

spittoon?

so śiṅ gi bya ba gaṅ źe na | (6) dge sloṅ gis so śiṅ riṅ po bca’ bar mi bya | śin tu thuṅ ba’aṅ ma yin | śin tu sbom pa yaṅ ma yin | śin tu phra ba yaṅ ma yin || yun riṅ du yaṅ ma yin | ston pa’i spyan sṅar ma yin || mchod rten gyi druṅ du yaṅ ma yin || mkhan po daṅ | slob (7) dpon gyi thad du yaṅ ma yin | bla ma’i thad du yaṅ ma yin || bla mar gyur pa’i druṅ du ma yin || me khaṅ du ma yin | bkad sar ma yin || ’chag sar ma yin | dugs khaṅ du ma yin | rkaṅ pa bkru ba’i sar ma yin | gnas khaṅ du ma yin | rim khaṅ du ma (310a1) yin | sgo khaṅ du ma yin || bśaṅ sar ma yin | rtsig pa’i druṅ du ma yin | śiṅ druṅ du ma yin | gtsug lag khaṅ gi phyag dar bya ba’i khor yug tu ma yin | skye bo maṅ po ’du ba thams cad du yaṅ so śiṅ ’dor bar mi bya | dge sloṅ gis rnam (2) pa gsum dben par bya ste | bśaṅ ba daṅ | bci ba daṅ | so śiṅ bca’ ba’o || dge sloṅ gis so śiṅ ’chos nas | de bźin du mi dor gyi chus bkru bar bya | yaṅ na rdog pas ma ñe bar bya | sa la drud par byas te | ’di ni so śiṅ gi bya ba źes bya’o ||

toothpick

(3) so drud pa’i bya ba gaṅ źe na | dge sloṅ gis so śiṅ rnon pos drud par mi bya | bag med par naṅ du gźug par mi bya || dal nas bags kyis śes bźin du drud par bya | so rñil drud par mi bya ste | ’di ni so drud pa’i bya ba źes bya’o ||

pulled tooth?

lce bźar ba’i bya ba gaṅ (4) źe na | dge sloṅ gis lce bźar ba rnon pos bźar bar mi bya || bag med par naṅ du gźug par mi bya || bags kyis dal nas śes bźin du lce bźar bar bya || lce’i śa bźar bar mi bya ste | ’di ni lce bźar ba’i bya ba źes bya’o ||

tongue scraper

rna spabs bru ba’i bya ba (5) gaṅ źe na | dge sloṅ gis rtse mo rnon pos rna spabs bru bar mi bya | bag med par naṅ du gźug par mi bya | bags kyis dal nas śes bźin du rna spabs bru bar bya | rna ba’i śa bru bar mi bya ste | ’di ni rna spabs bru ba’i bya ba źes bya’o || kun spyad pa gaṅ źe na | dge (6) sbyoṅ gi yo byad thams cad mtshuṅs par spyod pa ni spyad pa’o || mi spyad pa gaṅ źe na | de ltar bzlog pa ni mi spyad pa’o ||

ma lta bu’i bya ba’i phuṅ po źes bya ba’i phuṅ po gsum pa rdzogs te | ma lta bu rdzogs so || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=09a3a2f1-eafb-11e3-942f-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ