Bibliotheca Polyglotta

sgo gsum po’i mdo bsdus pa ste |
rtsod daṅ mgu(2) bar byed pa daṅ ||
nor rñed gaṅ zag de bźin te ||
u pā li ’dul chad pa daṅ ||
rab ’byuṅ sbyin pa de bźin no ||

mdor na |
’khrug pa’i rtsa ba bsgo ba drug ||
las daṅ bstan pa’aṅ de bźin te ||
bstabs par bya ba ñams pa daṅ ||
bzlog par bya ba’aṅ de bźin (3) no ||

. . . . . . . . . . . . . . . . . . . . . . . . .

dge sloṅ dag ’di la ’khrug pa’i rtsa ba ni drug ste | dge sloṅ khro źiṅ ’khon pa yaṅ yod de | dge sloṅ dag dge sloṅ khro źiṅ ’khon du ’dzin par gyur pa gaṅ yin pa des ni ston pa la bla mar mi byed | bkur stir mi byed | phu dud du mi byed | mchod par mi byed do | (4) de ston pa la bsti staṅ dum byas | bla mar ma byas | brkur stir ma byas | phu dud du ma byas | mchod par ma byas pa yaṅ na chos mi mthoṅ ṅo || chos ma mthoṅ bas dge ’dun la rim gror byed par mi spyod do || dge ’dun la rim gro med par spyad pas dge spyoṅ ñid (5) la bag med par spyod do || dge spyoṅ ñid la bag med par spyod pas ji nas dge ’dun la ’thab pa daṅ | mtshaṅ ’dru ba daṅ | ’khon pa daṅ | rtsod pa de lta bu skyed par ’gyur te | ’thab pa daṅ | mtshaṅ ’dru ba daṅ | ’khon pa daṅ | rtsod pa rnams ni skye bo maṅ po (6) la phan pa ma yin te | skye bo maṅ po’i don ma yin gyi | skye bo maṅ po la sdug bsṅal par sbyed do || lha daṅ mi rnams la yaṅ don ma yin pa daṅ | mi phan pa daṅ | sdug bsṅal bar byed do || dge sloṅ khyad rnams la ’di lta bu’i rtsod pa’i rtsa ba naṅ ṅam phyi rol na yod la bdag (7) ñid kyis ma spaṅs par rjes su mthoṅ pa daṅ | de la khyed daṅ lhan cig tu mthun źig śin tu dga’ bar byos la rab tu dad pa’i brtson ’grus daṅ brtsal ba daṅ spro ba skyed cig | spro ba bskyed nas rtsod pa’i rtsa ba de ma btaṅ gi bar du dran pa daṅ | śes pa mi gtaṅ bar brtson (34b1) par byos śig | de bźin du dge sloṅ khyed cag gis rtsod pa’i rtsa ba naṅ dam phyi rol na yod pa ma spaṅs pa mthoṅ na | der khyed daṅ lhan cig tu mthun źiṅ dga’ bar byos la sems kyis śin tu bsruṅ ba’i dran pas rtsod ba’i rtsa ba de’i ñes pa zad par ma gyur gyi bar du (2) brtson par byos śig daṅ | khyed kyi rtsod pa’i rtsa ba de yaṅ dag par bcom nas phyis kyaṅ mi ’byuṅ bar ’gyur ro || khon du ’dzin pa ji lta bu de bźin du ’chab pa daṅ | tshig pa daṅ | phrag dog daṅ | ’juṅs pa daṅ | g-yo daṅ | sgyu daṅ | ṅo tsha med pa daṅ | mi (3) ’dzem pa daṅ | raṅ gi lta ba sñems par gur pa rnams yin te | bab bab tu ’dzin pa spaṅ dka’ ba’i chos rnams rgyas parabarjoda rab bya’o || bsgo ba rnam pa drug ste | saṅs rgyas kyis bsgo ba daṅ | dge ’dun gyi bsgo ba daṅ | slob dpon gyis bsgo ba daṅ | (4) mkhan pos bsgo ba daṅ | rgyal pos bsgo ba daṅ | rkun pos bsgo pa’o || dge bsñen pas byar mi ruṅ ba’i las drug ste | sems can ’ tshoṅ pa daṅ | mtshon cha ’ tshoṅ pa daṅ | chaṅ ’ tshoṅ pa daṅ | dug ’ tshoṅ pa daṅ | rgya skyegs kyi las daṅ | ’bru mar byed pa’i (5) las so || nag por bstan pa drug ste | ’di ltar dge sloṅ dag la dge sloṅ źig ’di skad du tshe daṅ ldan pa kho pos ni bcom ldan ’das las mṅon sum du thos | mṅon sum du blaṅs te | ’di ni chos so || ’di ni ’dul ba’o || ’di ni ston pas bstan pa’o źes zer na | dge (6) sloṅ des smras pa de la spro bar yaṅ mi bya | smad par yaṅ mi bya ste | spro bar yaṅ mi bya | smad par yaṅ mi bya bar tshig daṅ don daṅ ’bru rnams zug la mdo sde daṅ gtugs śiṅ ’dul ba la ltos śig | de ste mdo sde daṅ gtugs | ’dul ba la bltas kyaṅ mdo sde daṅ yaṅ mi (7) mthun! ’dul ba las kyaṅ mi ’byuṅ chos ñid daṅ yaṅ ’gal na dge sloṅ de la ’di skad du ji ltar tshe daṅ ldan pa khyod kyi chos ’di ni bcom ldan ’das kyis ma gsuṅs so || yaṅ na tshe daṅ ldan pas chos ’di log par bzuṅ ṅo || de lta bas na kho bos chos ’di mdo sde daṅ yaṅ (35a1) gtugs | ’dul ba la yaṅ bltas na | mdo sde dag yaṅ mi mthun | ’bul ba las kyaṅ mi ’byuṅ | chos ñid daṅ yaṅ ’gal bas ’di ni chos ma yin | ’di ni ’dul ba ma yin | ’di ni ston pas bstan pa ma yin bar śes par byos la bor cig ces sgo (2) śig | gźan yaṅ dge sloṅ dag la dge sloṅ źig ’di skad du tshe daṅ ldan pa daṅ gnas ’di źes bya ba na gnas brtan du bcas so sor thar pa bcas pa’i dge sloṅ gi dge ’dun chen po dag gnas te | tshe daṅ ldan pa kho bos ni dge sloṅ gi dge ’dun de dag las mṅon sum du (3) thos! mṅon sum du blaṅs pas ’di ni chos so || ’di ni ’dul ba’o || ’di ni ston pas bstan pa’o źes zer na | dge sloṅ des de la spro ba daṅ | smad par mi bya bar tshig daṅ don daṅ ’bru rnams zuṅ la mdo sde daṅ gtugs śiṅ | ’dul pa la ltos śig | de ste (4) mdo sde daṅ gtugs | ’dul ba la bltas kyaṅ | mdo sṅa daṅ yaṅ mi mthun | ’dul ba las kyaṅ mi ’byuṅ la | chos ñid daṅ ’gal na | dge sloṅ de la ’di skad du tshe daṅ ldan pa khyod kyis gnas brtan daṅ bcas | so sor thar pa daṅ bcas pa’i dge sloṅ gi (5) dge ’dun gyi chos su ’du śes | ’dul bar ’du śes te chos ma yin ’dul ba ma yin pa smras so || yaṅ na tshe daṅ ldan pa ñid kyis chos ’di la log par bzuṅ ṅo || de lta bas na chos ’di dag ni mdo sde daṅ yaṅ gtugs | ’dul ba la yaṅ bltas na mdo sde daṅ yaṅ (6) mi mthun | ’dul ba las kyaṅ mi ’byuṅ la cos ñid daṅ yaṅ ’gal bas na ’di ni chos ma yin | ’di ni ’dul pa ma yin | ’di ni ston pas bstan pa ma yin bar śes par byos la bor cig ces sgo śig | gźan yaṅ dge sloṅ źig ’di skad du dge sloṅ dag gnas (7) ’di źes bya ba na dge sloṅ mdo sde ’dzin pa | ’dul ba ’dzin pa | ma lta bu ’dzin pa maṅ źig gnas te | tshe daṅ ldan pa dge sloṅ ṅe dag la bdag gis mṅon sum du thos | mṅon sum du blaṅs te | ’di ni chos so || ’di ni ’dul ba’o || ’di ni ston pas bstan (35b1) pa’o źes zer ba nas | dge sloṅ de la ’di skad ces bya ba smros śig ces bya ba’i bar du sga ma de bźin te | ji ltar tshe daṅ ldan pa dge sloṅ de dag gis ni chos su ’du śes | ’dul bar ’du śes te | chos ma yin pa daṅ | ’dul ba ma yin bar smras so || yaṅ (2) na tshe daṅ ldan pa ñadi kyis chos ’di dag log par bzuṅ ṅo || ’di ltar chos ’di mdo sde daṅ gtugs | ’dul ba la bltas na mdo sde dag yaṅ mi mthun | ’dul ba las kyaṅ mi ’byuṅ | chos ñid daṅ yaṅ ’gal te | ’di ni chos ma yin | ’dul pa ma yin | (3) ston pas bstan pa ma yin par śes par byos la bor cig ces sgo sig | gźan yaṅ dge sloṅ źig dge sloṅ dag la ’di skad du tshe daṅ ldan pa gnas ’di źes bya bi naṅ na dge sloṅ gi gnas brtan gyi naṅ nas gnas brtan gaṅ yaṅ ruṅ ba daṅ | gtso bo’i naṅ na gtso (4) bo gaṅ yaṅ ruṅ ba’i dge sloṅ dag gnas te | tshe daṅ ldan pa dge sloṅ de dag las bdag gis mṅon sum du thos | mṅon sum du bźug bas na ’di ni chos so || ’di ni ’dul ba’o || di ni ston pas bstan pa’o źes bya bźas | dge sloṅ de la ’di skad smros śig (5) ces bya ’bi bar du sṅa ma bźin te | ji ltar tshe daṅ ldan pa gnas brtan gyi naṅ na gnas brtan gaṅ yaṅ ruṅ ba daṅ | gtso bo’i nag na gtso bo gaṅ yaṅ ruṅ ba’i dge sloṅ gis ’di la | chos su ’du śes ’di la ’dul bar ’du śes te chos ma yin | ’dul ba ma yin par (6) smras so || yaṅ na tshe daṅ ldan pa ñid kyis chos ’di log par bzuṅ ṅo | źes bya ba nas śes rab byos la bor cig ces bya ’bi bar du sṅa ma bźin no ||

. . . . .

gźan yaṅ dge sloṅ źig la dge sloṅ źig gis ’di skad ces smras te | tshe daṅ ldan pa gnas ’di źes bya ba na (7) dge bsñen dad pa yid ches pa źig yod de | tshe daṅ ldan pa kho bos ni dge bsñen de las mṅon sum du thos | mṅon sum du blaṅs na ’di ni chos so || ’di ni ’dul ba’o || ’di ni ston pas bstan pa’o źes bya ba nas | dge sloṅ de la ’di skad ces smros śig (36a1) ces bya ba’i bar du sṅa ma bźin no || ji ltar tshe daṅ ldan pa khyod dge bsñen gyis chos su ’du śes | ’dul bar ’du śes nas chos ma yin pa daṅ | ’dul ba ma yin par smras so || yaṅ na ni tshe daṅ ldan pa ñid kyis chos ’di dag log par bzuṅ ṅo źes bya (2) ba nas śes par byos la bor cig ces bya ba’i bar du sṅa ma bźin no ||

. . . . . . . . . . . .

gźan yaṅ dge sloṅ dag la dge sloṅ źig ’di skad smras te | tshe daṅ ldan pa kho bos ni lha rnams las mṅon sum du thos te | ’di ni chos so || ’di ni ’dul ba’o || ’di ni ston pas bstan (3) pa’o źes bya ba nas | dge sloṅ de la ’di skad smros śig ces bya bi bar du sṅa ma bźin te | ji ltar tshe daṅ ldan pa khyod la lha rnams kyis chos su ’du śes | ’dul bar ’du śes nas chos ma yin pa daṅ | ’dul ba ma yin par smras so || yaṅ na tshe daṅ ldan pa ñid (4) kyis chos ’di dag log par bzuṅ ṅo źes bya ba nas śes par byos la bor cig ces bya ba’i bar du sṅa ma bźin no || bstan pa chen po drug ces bya ba ni ’di ltar dge sloṅ dag la dge sloṅ źig ’di skad du tshe daṅ ldan pa bdag gis bcom ldan ’das las mṅon sum du thos | mṅon (5) sum du blaṅs te | ’di ni chos so || ’di ni ’dul ba’o || ’di ni ston pas bstan pa’o źes zer na | dge sloṅ des smras pa de la spro bar yaṅ mi bya smad par mi bya ste | spro bar mi bya smad par mi bya bar tshig daṅ don daṅ ’bru rnams bzuṅ ste mdo sde daṅ gtugs par bya’o || (6) ’dul ba la blta bar bya’o || de ste mdo sde daṅ gtugs | ’dul ba la bltas kyaṅ mdo sde daṅ mthun | ’dul ba las kyaṅ ’byuṅ | chos ñid daṅ yaṅ mi ’gal na dge sloṅ de la ’di skad du smros śig | ji ltar tshe daṅ ldan ba chos ’di dag ni bcom ldan ’das kyis (7) gsuṅs te | tshe daṅ ldan pas kyaṅ chos de dag legs par bzuṅ ṅo | de lta bas na chos ’di dag mdo sde daṅ gtugs | ’dul ba la bltas na mdo sde daṅ yaṅ mthun | ’dul ba las ’byuṅ la | chos ñid daṅ yaṅ mi ’gal bas na | ’di ni chos so || ’di ni ’dul (36b1) pa’o! | ’di ni ston pas bstan pa yin par śes par byos la gzuṅ bar bya’o || luṅ bsgo ba chen po ’di drug rgyas par dkar po’i phyogs su yaṅ de bźin du brjod par bya’o || bstabs pa rnam pa drug ste | dge sloṅ la bstabs pa daṅ | dge sloṅ ma la bstabs (2) ba daṅ ! gñis ka la bstabs pa daṅ | so sor bstabs ba daṅ | gaṅ zag la bstabs pa daṅ | sems bskyed pas bstabs pa’o ||

. . .

gźan yaṅ bstabs pa drug ste | dad pas bstabs pa daṅ | yoṅs su dag pas bstabs pa daṅ | zaṅ ziṅ (3) bstabs pa daṅ | yo byad bstabs pa daṅ | sman bstabs pa daṅ | dus su bstabs pa’o || ñams pa drug ste | bdag ñams pa daṅ | gźan ñams pa daṅ | tshul khrims ñams pa daṅ | lta ba ñams pa daṅ | spyed pa ñams pa daṅ | ’tsho ba (4) ñams pa’o || phun sum tshogs pa drug ste | bdag phun sum tshogs pa daṅ | gźan phun sum tshogs pa daṅ | tshul khrims phun sum tshogs pa daṅ | lta ba phun sum tshogs pa daṅ | spyod pa phun sum tshogs pa daṅ | ’tsho ba phun sum tshogs (5) ba’o || ||

’dul ba gźuṅ dam pa | bam po ñi śu bdun pa |

mdor na |
mgu bar byed daṅ rku ba daṅ ||
mṅon sum gyur ba de bźin te ||
ñams par gur daṅ ma gyur daṅ ||
las rnams drug daṅ bstan pa’o ||

. . . . . . . . . . . . .

mgu bar byed ces (6) bya ba ni ston pa daṅ tshaṅs pa mtshuṅs par spyod pa mkhas pa rnams la bdag gi lus byams pa daṅ ldan pa ñe bar gnas par gyur cig ces bya ba’i chos ’di ni mgu bar byed pa ste | dga’ bar byed | bla mar byed pa yid du ’oṅ ba dga’ bar bya ba daṅ | bla mar bya ba daṅ | (7) bkur stir bya ba daṅ | bsgom par bya ba daṅ | gzuṅ bar bya ba daṅ | mthun par bya ba daṅ | mi ’khon par bya ba daṅ | mi rtsod par bya ba daṅ | dṅos po gcig tu ’gyur ba’i phyir ṅag gi las byams pa daṅ | yid kyi las byams pa ’jug go || gaṅ chos (37a1) bźin du chos kyi rñed pa de chuṅ ṅu na lhuṅ bzed kyi naṅ du ’oṅs pa’am | lhuṅ bzed kyi ’khod du gtogs pa de lta bu’i rñed pa ni tshaṅ pa mtshuṅs par spyod pa mkhas pa rnams daṅ thun moṅ bar spyad par bya’o źes bya ba’i chos ’di ni mgu bar byed pa’o || dṅos (2) po gcig tu ’gyur ba’i phyir ’jug go źes bya ba’i bar du sṅa ma bźin te | gaṅ tshul khrims ’di dag ma ral ba | ma źig pa | sa ’dres pa | rñog ba can du ma gyur pa | mñams pa | skyon med pa | legs paRa rdzogs pa | legs par mnos pa | mkhas pa (3) rnams kyis bstod pa de lta bu’i tshul khrims la tshaṅs pa mtshuṅs par spyod pa mkhas pa rnams daṅ lhan cig tu tshul khrims thun moṅ du gyur cig ces bya ba’i chos ’di ni mgu bar byed pa’o || gcig tu ’gyur ba’i phyir ’jug go źes bya ba’i bar du sṅa ma bźin te | ’phags (4) pa rnams sdug bsṅal yaṅ dag par zad par bya ba daṅ | sdug bsṅal gyi mthar phyin par bya ba’i phyir ’byuṅ bar byed pa daṅ | ṅes par byuṅ ba’i lta ba gaṅ yin pa de tshaṅs pa mtshuṅs par spyod pa mkhas pa rnams daṅ lhan cig tu lta ba la thun moṅ bar gyur cig ces bya ba’i (5) chos ’di ni mgu bar byed pa ste | gcig tu ’gyur ba’i phyir ’jug go źes bya ba’i bar du sṅa ma bźin no || rku ba drug la ’jab bus rku ba daṅ | sgyus rku ba daṅ | mthus rku ba daṅ | phyir sbyin no źes nas rku ba daṅ | brnogs te rku ba daṅ | gźan la bsdos (6) nas rku ba’o || gnas drug mṅon sum du gyur pa la bsten pa rdzogs par bya ste | ston pa mṅon sum du gyur pa daṅ | chos mṅon sum du gyur pa daṅ | dge ’dun mṅon sum du gyur pa daṅ | yoṅs su dag pa mṅon sum du gur pa daṅ | slob dpon mṅon sum du (7) gyur ba daṅ | mkhan po mṅon sum du gyur pa’o || chos drug ni ston pas bstan ba ñams par byed pa’i rgyur ’gyur te | las la dga’ bar gyur pa daṅ | smra ba la dga’ bar gyur pa daṅ | ñal ba la dga’ ba daṅ | ’du ’dzi’i gtam la dga’ ba daṅ | rñed pa daṅ (37b1) bkur sti daṅ grags pa mi spoṅ pa la mos pas spoṅ ba la mi dga’ źiṅ rnal ’byor du mi ’jug pa daṅ | sgom pa la mi dga’ źig sgom ba la mi mos par gyur pas sgom la mi dga’ źiṅ rnal ’byor du mi ’jug pa’o || chos drug ni ston pas bstan (2) pa mi ñams pa’i rgyur ’gyur te | las la mi dga’ bar gyur pa daṅ | smra pa la mi dga’ ba daṅ | ñal pa la mi dga’ ba daṅ | ’du ’dzi’i gtam la mi dga’ ba daṅ | rñed pa daṅ bkur sti la mi dga’ źiṅ | spoṅ ba la dga’ źig spoṅ ba la mos par gyur (3) pas spoṅ ba la dga’ źiṅ rnal ’byor du ’jug ba daṅ | sgom pa la dga’ źig sgom pa la mos par gyur pas sgom pa la dga’ źig sgom pa la mos te rnal ’byor du ’jug pa’o || chos de drug ni ston pas bstan pa’i rgyur ’gyur te | dge sloṅ khyed cag gis śes par (4) byos śig | chos ’di dag ni kun tu ’dod chags pa’i rgyur ’gyur | kun tu źe sdaṅ ba daṅ | kun tu gti mug pa daṅ | kun tu sbyor pa daṅ | kun tu ñon moṅs pa daṅ | rab tu spros pa rnasama kyi rgyur ’gyur pa ’di ni chos ma yin | ’di ni ’dul ba ma yin | ’di ni (5) ston pas bstan pa ma yin gyis khyed kyis rtogs par śes par gyis śig | chos drug ni ston pas bstan pa’i rgyur ’gyur te | dge sloṅ dag khyed kyis ’di dag śes par gyis śig | chos ’di dag ni kun tu ’dod chags pa’i rgyur mi ’gyur | kun tu źe mi sdaṅ ba daṅ | kun (6) tu gti mi mug pa daṅ | kun tu mi sbyor pa daṅ | rnam par byaṅ ba daṅ | ma spos pa rnams kyis rgyur ’gyur ba ’di na chos so || ’di ni ’dul ba’o || ’di ni ston pas bstan pa ste khyod kyis rtogs par byos śig | gźan yaṅ chos de drug ni ston pas bstan pa’i rgyur ’gyur (7) te! dge sloṅ dag khyed kyis ’di dag śes par gyis śig | chos ’di dag ni chog mi śes pa’i rgyur ’gyur te | mgu mi myoṅ ba daṅ | dgaṅ dkal ba daṅ | gso dga’ ba daṅ | ’dod pa maṅ pa rnams kyi rgyur ’gyur ba ’di ni chos ma yin | ’di ni ’dul ba ma yin | (38a1) ’di ni ston pas bstan pas yin gyis khyod kyis rtogs par śes par gyis śig | chos de drug ni ston pas bstan pa’i rgyur ’gyur te | dge sloṅ dag khyed kyis ’di dag śes par gyis śig | chos ’di dag ni chos śes ba’i rgyur ’gyur te | mgu sṅa (2) ba daṅ ! gso sla pa daṅ | dgaṅ sla ba daṅ | ’dod ba mi maṅ ba’i rgyur ’gyur ba ’di ni chos so || ’di ni ’dul ba’o || ’di ni ston pas bstan pa ste | khyod kyis gtan la bab bar śes par gyis śig |

mdor na |
nor daṅ stobs daṅ źi gnas daṅ ||
(3) ñams pa dag daṅ gos rnams daṅ ||
yon tan ’gro bar mi byed daṅ ||
chos min dge ’dun spyod pa’o ||

. . . . . . . . . . .

nor bdun te dad pa’i nor daṅ | tshul khrims kyi nor daṅ | khrel yod pa’i nor daṅ | ’dzem pa’i nor daṅ | thos pa’i nor daṅ | gtoṅ ba’i nor daṅ | (4) śes rab kyi nor daṅ bdun no || stobs bdun te | dad pa’i stobs daṅ | brtson ’grus kyi stobs daṅ | dran pa’i stobs daṅ | tiṅ ṅe ‘dzin gyi stobs daṅ || śes rab kyi stobs daṅ | khrel yod pa’i stobs daṅ | ’dzem pa’i stobs so || rtsod bźi bar byed pa’i (5) chos bdun te | mṅon sum du ’dul ba daṅ | dran pas ’dul pa daṅ | ma rmogs pas ’dul ba daṅ | tshul śiṅ gaṅ maṅ pa daṅ | de’i dṅos po ñid tshol ba daṅ | dam bcas ’jug pa daṅ | rtswa ’diṅ pa lta bu rnams so || ñams pa’i chos bdun te | saṅs rgyas la rim gro (6) med par spyod pa daṅ | chos daṅ | dge ’dun daṅ | bslab pa daṅ | bag yod pa daṅ | gdiṅ ba daṅ | tiṅ ṅe ‘dzin rnams la rim gro med par spyod pa’o || ñasama pa med pa’i chos bdun te | saṅs rgyas la rim gro daṅ bcas par spyod pa daṅ | chos daṅ | (7) dge ’dun daṅ | bslab pa daṅ | bag yod pa daṅ | gdiṅ ba daṅ | tiṅ ṅe ‘dzin rnams la rim gro daṅ bcas pa spyod pa’o | gos su ruṅ ba bdun te | bal daṅ | ldum bu śa na ka daṅ | ras bal daṅ | zar ma daṅ | rtswa du gul ka daṅ | rtswa ko ṭa ba ka daṅ | (38b1) srin bal rnams so || gos su mi ruṅ ba bdun te | rṅa mo’i bal daṅ | pa laṅ gi bal daṅ | re’u bal daṅ | ri dgas kyi bal daṅ | ’bri’u ba la daṅ | ’dres pa daṅ | thags sum btags pa rnams so || ’dul ba ’dzin pa’i gaṅ zag la yon tan bdun yod (2) de! rgyal ba’i naṅ gi mdzod sruṅ ba yin | raṅ gi tshul khrims kyi phuṅ po śin tu bsruṅs śiṅ śin tu sbas pa yin | luṅ nod ciṅ ston pa’i rag gźan la ma lus pa yin | ’khor bźi ’du bar gyur pa yin | the tshom skyes ba’i gaṅ zag rnams kyi skyabs su gyur pa yin | (3) dge ’dun gyi naṅ du ’jigs pa med par spyod pa daṅ | sems la snaṅ ba maṅ du spyod pa yin no || dge sloṅ ’gro bar mi bya ba’i spyod yul bdun te | śen pa’i khyim daṅ | rgyan po ’gyed pa’i khyim daṅ | smad ’choṅ ma’i khyim daṅ | tshaṅ ’tshoṅ ba’i khyim daṅ | rol (4) mo mkhan gyi khyim daṅ | rgyal po’i pho braṅ daṅ | rigs ṅan gyi khyim mo | dam pa’i chos ma yin pa bdun te | chos ma yin pa mi śes par gyur pa daṅ | don mi śes pa daṅ | dus mi śes pa daṅ | tshod mi śes pa daṅ | bdag ñid mi śes pa daṅ | ’khor (5) mi śes pa daṅ | gaṅ zag pha rol daṅ tshu rol mi śes par gyur pa’o || dge ’dun gyi naṅ na spyod pa’i dge sloṅ chos bdun daṅ ldan pa ni dge ’dun gyi nag du spyod par mi bya ste | spro thuṅ źiṅ mi srun par gyur pa daṅ | maṅ du smra bar gyur pa daṅ | tshig zlos śiṅ smra bar (6) gyur ba daṅ | ma gtsigs par smra bar gyur ba daṅ | tshu rol mi śes par gyur pa yin no || dam pa’i chos bdun te | chos śes par gyur pa daṅ | don śes par gyur pa daṅ | dus śes par gyur pa daṅ | tshod śes par gyur pa daṅ | bdag ñid śes par (7) gyur pa daṅ | ’khor śes par gyur pa daṅ gaṅ zag mi mdza’ ba maṅ bar gyur pa daṅ | rtsod pa’i thog ma daṅ bar ma daṅ tha ma la mi mkhas par gyur pa daṅ | ’dra ba daṅ mi ’dra ba mi śes ba’o ||

bdun po rdzogs so || ||

mdor na |
rñed pa gtan pa dbyuṅ (39a1) ba daṅ ||
lham bya ba yaṅ de bźin te ||
’jig rten gyi ni chos brgyad daṅ ||
dbyen daṅ rtsa ba med de bźin ||
rñed pa brgyad kyi mdo bar ma ste ||
mtshams daṅ bya ba gnas daṅ ni ||
dbyar daṅ dge ’dun lṅa po daṅ ||
gaṅ zag mṅon sum gyur ba (2) daṅ ||
so so’i yul gyi brgyad po’o ||

. . .

mtshams kyi naṅ du phul ba’i rñed pa daṅ | bya ba’i tshe phul ba’i rñed pa daṅ | gnas pa’i tshe phul ba’i rñed pa daṅ | dbyar gyi rñed pa daṅ | dge ’dun gyi bcas pa’i rñed pa daṅ | gaṅ zag gi bcas pa’i rñed pa daṅ | (3) mgon sum du gyur ba’i rñed pa daṅ || so sor gyur pa’i rñed sa daṅ | brgyad yin no || ma lta bu’i gnas las gtan pa dbyuṅ ba’i rgyur ’gyur ba brgyad de soṅ ba daṅ | ’dzin pa daṅ | slar mi ’od sñam pa daṅ | chud gsan pa daṅ | thos pa daṅ | mtshams las (4) ’das pa daṅ | re thag chad pa daṅ | gsol ba’i las daṅ brgyad yin no | dge sloṅ gis bcad par mi bya ’bi lham brgyad de | rtswa ku śa las byas pa’i lha ma daṅ | mun tsa las byas pa’i lham daṅ | bal pa dza las byas pa’i lha ma daṅ | ’bra go las byas pa’i lha ma (5) daṅ ! sgyug ma las byas pa’i lham daṅ | spa’i lo ma las byas pa’i lham daṅ | gro ba’i lha ma mo ||

. . . . . . . .

gźan yaṅ dge sloṅ gis bcaṅ bar mi bya ba’i lham brgyad de | skud pa las byas pa’i lha ma daṅ | sgra daṅ bcas pa’i lha ma daṅ | ko ba las byas pa’i lha ma daṅ | (6) śiṅ lha ma daṅ | bso las byas pa’i lham daṅ | lcags sal byas pa’i lham daṅ | rim po che las byas pa’i lham daṅ | śun phrag sa las byas pa’i lham rnams so || ’jig rten gyi chos brgyad de | rñed pa daṅ | ma rñed pa daṅ | grags pa daṅ | ma grags (7) ba daṅ ! smad pa daṅ | bstod pa daṅ | bde ba daṅ | sdug bsṅal ba rnams so || dge ’dun dbye bar ’gyur ba’i chos brgyad la | ’di lha ste | chos so || chos ma yin no źes bya ba daṅ | ’dul ba’o ’dul ba ma yin no źes bya ba daṅ | ltuṅ ba’o ltuṅ ba ma yin (39b1) no źes bya ba daṅ | lci ba’o yaṅ ba’o źes bya ba daṅ | lhag ma daṅ bcas pa’o | lhag ma ma lus so źe bya ba daṅ | ma thol par bya ba’o || bstam par bya ba’o źas pa daṅ | ’dul las ’das ba’o || log par bśad par ’gro ba’o źes bya ba daṅ | mi dge pa’o || (2) luṅ du mi ston pa’o źes bya ba rtams so || rnam pa ba rgyad kyis na rtsa ba med pas smad par ’gyur te | ’khon pa daṅ | spro thuṅ ba daṅ | khro ba daṅ | mi srun pha daṅ | yid mi dga’ ba daṅ | mgu dga’ ba daṅ | phrag dog daṅ | ser sna’o ||

mdor na |
gaṅ zag (3) brtag par bya ba daṅ ||
rgol ba daṅ ni slar rgol daṅ ||
’dul brdul daṅ rnam pa brgyad ||
so sor thar pa gźag pa’o ||

. . . . . . .

gaṅ zag brtag pa rnam pa brgyad de | spyod pa daṅ | spyod yul daṅ | mdza’ ba daṅ | grogs daṅ | ’tsho ba daṅ | thos ba dag lus (4) kyi las daṅ | ṅag gi las rnams so || gaṅ zag ji lta ba de bźin du rgol ba daṅ phyir rgol ba yaṅ śes par bya’o || chos brgyad kyis ’dod chags ’dul ba’i mthar phyin par ’gyur ba ni ’phags pa’i lam yan lag brgyad pa ste | yaṅ dag pa’i lta ba daṅ | yaṅ (5) dag pa’i rtog pa daṅ | yaṅ dag pa’i dag daṅ | yaṅ dag pa’i las kyi matha’a’a daṅ yaṅ dag pa’i ’tsho ba daṅ | yaṅ dag pa’i rtsol ba daṅ | yaṅ dag pa’i dran pa daṅ | yaṅ dag pa’i tiṅ ṅe ’din rnams so || ji ltar ’dod chags ’dul ba’i mthar phyin (6) par ’gyur ba de bźin du źe sdaṅ ’dul ba daṅ | gti mug ’dul ba’i mthar phyin par ’gyur re ba yaṅ de bźin no || rdul lta bu brgyad de | bca’ ba rdul lta bu daṅ | bza’ ba rdul lta bu daṅ | btuṅ ba rdul lta bu daṅ | lag pa rdul lta bu daṅ | gźi ba brdul (7) lta bu daṅ | sman rdul lta bu daṅ | rdul ñid kyi rdul daṅ brgyad do || chos ma yin pa’i so sor thar pa gźag pa brgyad de | rtsa ba med bźin du byas pa’i tshul khrims ñams pa daṅ | lta ba ñams pa daṅ | spyod pa ñams sa pa daṅ | ’tsho mñams pa daṅ | (40a1) rtsa ba med pas ma byas pa’i tshul khrims ñams pa daṅ | lta ba ñams pa daṅ | spyod pa ñams dapa daṅ | ’tsho ba ñams pa rnams so || chos daṅ ldan pa’i gso sbyin gźag pa brgyad de | rtsab daṅ bcas pas byas pa’i tshul khrims ñams pa (2) daṅ ! lta ba ñams pa daṅ | spyod pa ñams pa daṅ | ’tsho ba ñams pa daṅ | rtsa ba daṅ bcas pas ma byas pa’i tshul khrims ñams pa daṅ | lta ba ñams pa daṅ | spyod pa ñams pa daṅ | ’tsho ba ñams pa rnams so ||

mdor na |
u pā li daṅ ma ’gags (3) daṅ ||
gau tas gau tamī rid de ||
ma gnas rigs pa ma yin pa ||
gnod pa daṅ ni ’dul ba’o ||

. . . .

bcom ldan ’das la cho daṅ ldan pa zu pā li ’di skad ces gsol to || bcom ldan ’das ji ltar bdag gis chos daṅ ’dul ba ’tshal bar ’gyur ba de lta (4) bu’i chos bdag la mdor bśad na legs so źes gsol pa daṅ | bcom ldan ’das kyis tshe daṅ ldan pa u pā li la ’di skad ces bka’ stsal to || u pā li chos gaṅ ’thab pa’i rgyur ’gyur ba daṅ | mtshaṅ ’dru ba’i rgyur ’gyur ba daṅ | ’khon pa’i rgyur ’gyur ba (5) daṅ ! rtsod pa’i rgyur ’gyur ba daṅ | so sor smra ba’i rgya ’gyur ba daṅ | mi mthun par smra ba’i rgyur ’gyur ba daṅ | mi sdud pa’i rgyur ’gyur ba daṅ | dran pa ñams pa’i rgyur ’gyur ba daṅ | du mar ’gyur ba’i rgyur ’gyur ba ste | de lta bu la ’di ni chos ma (6) yin! ’di ni ’dul ba ma yin | ’di nistona sa bstan pa ma yin par śin tu rtogs par gyis śig | u pā li chos gaṅ mi ’thab pa’i rgyur ’gyur ba daṅ | mtshaṅ mi ’dru ba dag | mi ’khon pa daṅ | mi rtsod pa daṅ | so sor mi smra ba daṅ | mthun par smra ba (7) daṅ ! sdud pa daṅ | dran pa mñams pa daṅ | dṅos po gcig tu ’gyur ba ’di rnams la ’di ni chos so || ’di ni ’dul ba’o | ’di ni ston bas bstan pa yin par śin tu rtogs par gyis śig | u pā li brgyad po ji lta pa de bźin no ma ’gags (40b1) pa la yaṅ nag po daṅ dkar po’i phyogs su brgyad du brjod par bya’o ||

gleṅ gźi ni mñan du yod pa na ste |

. . . . . .

de’i chon gau tamī skye dgu’i bdag mo chen mo bcom ldan ’das gal ba der soṅ phyin pa daṅ | bcom ldan ’das kyi źabs la mgo bos phyag ’tshal nas phyogs (2) gcig tu ’dug go || phyogs gcig tu ’dug nas gau ta mī skye dgu’i bdag mo chen mos bcom ldan ’das la ’di skad ces gsol to || bcom ldan ’das bdag gis ji ltar chos daṅ ’dul ba ’tshal bar ’gyur ba de lta bu’i chos bdag la bśad na legs so źes de skad (3) gsol pa daṅ | bcom ldan ’das kyis gau ta mī skye dgu’i bdag mo chen mo la ’di skad ces bka’ stsal to || gau ta mī chos gaṅ kun tu ’dod chags pa’i rgyur ’gyur gyi kun tu ’dod chags med pa’i rgyur ma yin | kun tu źe sdaṅ ba’i rgyur ’gyur gyi kun tu źe sdaṅ med pa’i rgyur (4) ma yin! kun tu gti mug gi rgyur ’gyur gyi kun tu gti mug med pa’i rgyur ma yin | kun spyor pa’i rgyur ’gyur gyi kun tu mi spyor ba’i rgyur ma yin | kun tu ñon moṅs pa’i rgyur ’gyur gyi rnam par byaṅ ba’i rgyur ma yin | ’dod chen che ba’i rgyur ’gyur gyi ’dod chen mi (5) che ba’i rgyur yin | chog mi śes pa’i rgyur ’gyur gyi chog śes pa’i rgyur ’gyur gyi cog śes pa’i rgyur ma yin | dgaṅ dkar ba’i rgyur ’gyur gyi dgaṅ sla ba’i rgyur ma yin | gso dka’ ba’i rgyur ’gyur gyi gso sla ba’i rgyur ma yin te | ’di dag ni chos ma yin | ’dul ba ma yin | ston pas (6) bstan pa ma yin par śin tu rtogs par byos śig | gau ta mī chos gaṅ kun tu ’dod chags med pa’i rgyur ’gyur gyi kun tu ’dod chags kyi rgyur ma yin | kun tu źe sdaṅ med pa’i rgyur ’gyur gyi kun tu źe sdaṅ gi rgyur ma yin | kun tu gti mug med pa’i rgyur ’gyur kyi kun tu gti (7) mug gi rgyur ma yin | kun tu mi sbyor ba’i rgyur ’gyur gyi kun tu sbyor ba’i rgyur ma yin | rnam par byaṅ ba’i rgyur ’gyur gyi kun tu ñon moṅs pa’i rgyur ma yin | ’dod chen mi che ba’i rgyur ’gyur gyi ’dod chen che ba’i rgyur ma yin | chog śes pa’i rgyur ’gyur gyi chog mi śes pa’i (41a1) rgyur ma yin | dgaṅ sla ba’i rgyur ’gyur gyi dgaṅ dka’ ba’i rgyur ma yin | gso sla ba’i rgyur ’gyur gyi gso dka’ ba’i rgyur na yin te | de dag la ’di ni chos so || ’di ni ’dul ba’o || ’di ni ston pas bstan pa’o źes śin tu rtogs par śes par (2) byos śig | gau ta mī’i skye dgu’i bdag mo chen mo la ji skad gsuṅs pa | de bźin du mdo brjod par bya’o ||

brgyad pa rdzogs so || ||

. . . . . . . . . . . . . . . . . . . . .

gnas dgu ste | ston pa la gnas pa daṅ | chos la gnas pa daṅ | dge ’dun la gnas pa daṅ | slob dpon la (3) gnas pa daṅ | mkhan po la gnas pa daṅ | bla ma la gnas pa daṅ | gnas la gnas pa daṅ | yul la gnas pa’o || mi rigs pa’i gnas dgu ste | dgra bcom pa zag pa zad pas śes bźin du srog chags ’tsho ba daṅ ’bral (4) bar byed pa mi rigs pa daṅ | ma byin par len pa daṅ | mi tshaṅs par spyod pa ’khrig pa’i chos la la sten pa daṅ | śes bźin tu brdzun na du smra pa daṅ | spags pa la kun tu spyod par ’dod ciṅ za ba daṅ || śes bźin du bslab pa las ’da’ bar byed pa daṅ | bslab(5) pa phul źiṅ ’babs par byed pa daṅ | ’di las phyi rol gźan du ston ston pa tshol ba daṅ | mo daṅ ltas kyis rnam par ’dag par yid ches kyi las kyis ma yin pa rnams su mi rigs pa’o || ’dod pa’i dṅos po dgu ste || ’di ni bdag la gnod par ’dod do || mi phan (6) par ’dod do || mi bde bar ’dod do || bde ba daṅ ldan pa ’dod pa ma yin no || skyid pa daṅ mi ldan par ’dod pa’o || ’dis bdag la gnod par byas so || byed do || byed par ’gyur ro sam nas des de la gnod par byed do || gaṅ yaṅ bdag la gnod par (7) ’dod pa | mi phan par ’dod pa | mi bde bar ’dod pa | bde bar ’dod pa ma yin no || skyid pa daṅ ldan par mi ’dod de | ’dis mi gnod par ’dod | phan par ’dod | bde bar ’dod | bde ba daṅ ldan par ’dod | skyid pa la bde bar ’dod de | ’dis de la gnod (41b1) pa ma byas so || mi byed do || byed par mi ’gyur ro źes des de la gnod par byed do || su źig yaṅ bdag la mi gnod par ’dod | phan par ’dod pa | bde bar ’dod pa | bde ba daṅ ldan par ’dod pa || skyid pa daṅ ldan par ’dod pa de la ’di gnod par ’dod | (2) mi phan par gdod | mi bde bar ’dod | bde ba daṅ mi daṅ mi ldan par ’dod | skyid pa daṅ ma ldan phar ’dod la gnod par byed do || gnod par byed pa dgu ’dul ba ste | ’di ni bdag la gnod par ’dod | mi phan par ’dod | mi bde bar ’dod | bde ba daṅ | (3) mi ldan par ’dod | skyid pa daṅ mi ldan par ’dod | ’dis ni bdag la gnod pa byas so || byed do || byed par ’gyur ro sñam nas des de la gnod pa skyed pa slar ’jil bar byed do || gaṅ yaṅ bdag la gnod par ’dod pa | mi phan par ’dod pa | mi bde bar (4) ’dod pa | bde ba daṅ mi ldan par ’dod pa | skyid pa daṅ mi ldan par ’dod ba de la ’di gnod par mi ’dod | phan par ’dod | bde bar ’dod | bde ba daṅ ldan par ’dod | skyid pa daṅ ldan par ’dod de | de la ’dis gnod pa ma byas | mi byed | byed par (5) mi ’gyur ro sñam nas de ’di sñam du bdag ’di ltar gyur cig | ’di ltar ma gyur par gźan las thob par ga la ’gyur sñam du bsams nas | des de la gnod pa skyed pa slar ’jil bar byed do || yaṅ gaṅ bdag la mi gnod par ’dod pa | phan par ’dod pa | bde ba daṅ ldan par ’dod (6) pa! skyid pa daṅ ldan par ’dod pa de la ’di gnod par ’dod | mi phan par ’dod | bde ba daṅ mi ldan par ’dod | skyid pa daṅ mi ldan par ’dod pa de la ’dis gnod pa byas | byed byed par ’gyur ro sñam pa las de yaṅ ’di sñam du bdag ’di ltar rgyur cig ’di ltar ma gyur cig par ’di sñam du bdag ’di ltar gyur cig ’di ltar ma gyur cig par (7) gźan las thob ga la ’gyur sñam du bsams nas | des de la gnod pa skyed pa slar ’jil bar byed do ||

dgu pa rdzogs s+ho || ||

mdor na |
’dul ba ma yin rnam gñis daṅ ||
’dul ba la yaṅ rnam gsum ste ||
sbyin daṅ bsdu bar bya ba daṅ ||
(42a1) yon tan rnams ni tha ma’o ||

’dul ba ma yin pa bcu ni mi dge ba bcu’i las kyi las ste | srog gcod pa daṅ | ma byin par len pa daṅ | ’dod pas log bar spyod pa daṅ | brdzun du smra ba daṅ | phra ma daṅ | chig rtsu ba mo daṅ | tshig ’khyal ba (2) daṅ ! ṅan du sems pa daṅ daṅ | chags pa daṅ | log par lta pa’o ||

. .

gźan yaṅ ’dul pa ma yin pa bcu ni log pa’i yan lag bcu ste | log par lta ba daṅ | log par rtog pa daṅ | log par smra ba daṅ | log pa’i las kyi mtha’ daṅ | log par ’tshob (3) daṅ ! log par rtsol pa daṅ | log ba’i dran pa daṅ | log pa’i tiṅ ṅe ‘dzin daṅ | log pa’i rnam par grol ba daṅ | log pa’i ye śes so || ’dul ba bcu ni dge ba’i las kyi lam bcu ste | srog gcod pa las slar ldog pa daṅ | ma byin pa len pa las (4) slar ldog pa daṅ | ’dod pas log par spyod pa las slar ldog pa daṅ | brdzun du smaṅ las slar slar ldog pa daṅ | phra las slar ldog pa daṅ | tshig rtsu ba mo smra ba las slar ldog pa daṅ | tshig ’khyal pa smra ba las slar ldog pa daṅ | ṅan du sems pa daṅ | chags pa (5) daṅ ! log par lta ba rnams las slar ldog pa rnams so | gźan yaṅ ’dul bcu ni yaṅ dag pa’i yan lag bcu ste | yaṅ dag par lta ba daṅ | yaṅ dag par rtog pa daṅ | yaṅ dag pa’i dag daṅ | yaṅ dag pa’i las kyi mtha’ daṅ | yaṅ dag pa’i ’tsho (6) ba daṅ ! yaṅ dag bca’i rtsol ba daṅ | yaṅ dag pa’i dran pa daṅ | yaṅ dag pa’i tiṅ ṅe ‘dzin daṅ | yaṅ dag pa’i rnam par grol ba daṅ | yaṅ dag pa’i ye śes so ||

. . . .

gźan yaṅ ’dul ba bcu ste | saṅs rgyas kyi dus su byuṅ ba daṅ | dus thams cad du byuṅ (7) ba daṅ ! ñi tshe ba’i dus su byuṅ ba daṅ | thams cad du ’gro ba daṅ | dus kyi ’dul ba daṅ | yul gyi ’dul ba daṅ | gaṅ zag gi ’dul ba daṅ | gnas kyi ’dul ba daṅ | rtsol ba’i ’dul ba daṅ | ñon moṅs ba’i ’dul ba’o || bsdu ba bcu ste | lhuṅ (42b1) bzed bsdub daṅ | chos gos bsdu ba daṅ | sman pa sdu ba daṅ | zaṅ ziṅ bsdu ba daṅ | mal stan bsdu pa daṅ | mdo sde bsdu pa daṅ | ’dul bsdu ba daṅ | ma lta bu bsdu ba daṅ | yoṅs su dag pa bsdu ba daṅ | ñes pa las ldaṅ ba bsdu pa’o || sbyin pa bcu ste | (2) ltuṅ bzed sbyin pa daṅ | chos gos spyin pa daṅ | sman sbyin pa daṅ | zaṅ ziṅ sbyin pa daṅ | mal ltan sbyin pa daṅ | mdo sde spyin pa daṅ | ’dul ba sbyin pa daṅ | ma lta bu sbyin pa daṅ | yoṅs su dag pa sbyin pa daṅ | ñes pa las ldaṅ ba sbyin pa ste | ’di dag (3) kyaṅ bsdu ba’i dṅos po bcu por śes par bya’o || ’dul ba ’din pa’i gaṅ zag la yon tan bcu ste | byuṅ ba śes pa daṅ | bcas pa śes pa daṅ | rjes su bcas pa śes pa daṅ | mi gnaṅ bar śes pa daṅ | rjes su gnaṅ bar śes pa daṅ | do’i phyogs (4) der snaṅ bar grags pa daṅ | snaṅ bar gyur pa daṅ | rab tu snaṅ bar gyur pa daṅ | da’i phyogs de ma stoṅs pa ra grags pa daṅ | ’dul ba ’dzin pa’i gaṅ zag de lta bu phyogs gaṅ na gnas pa de’i phyogs su de bźin gśegs pa phrin las chuṅ bar ’gyur ro |

mdor (5) na |

chad pa’i las daṅ mṅon sum du ||
bar chad bsñen par rdzogs pa daṅ ||
gleṅ bdag daṅ bźi pa daṅ ||
yid du ’oṅ daṅ rnam drug go ||

. . . . . . .

chad ba’i las bcu ste | bsdigs pa daṅ | smad pa daṅ | bskrad pa daṅ | bsdum pa daṅ | ma mthoṅ źes bya ba’i (6) gźi nas bslaṅ ba’i chad pa daṅ | gnas nas dbyuṅ ba daṅ | gso spyoṅ gźag pa daṅ | dgag dbye gźag pa daṅ | gsol bar brjod pa gźag pa daṅ | yid mgu ba daṅ bcu’o || mṅon sum du gyur gnas brñen par rdzogs par ’gyur ba bcu ste | ston par (7) mṅon sum du gyur nas bsñen par rdzogs par ’gyur pa daṅ | saṅs rgyas mṅon sum du gyur pa daṅ | chos mṅon sum du gyur pa daṅ | mkhan po mṅon sum du gyur daṅ | slob dpon mṅon sum du gyur pa daṅ | bsñen par rdzogs par ’dod ba mṅon sum du gyur (43a1) pa daṅ ! bsñen par rdzogs par ’dod pa’i yo byad mṅon sum du gyur pa daṅ | yoṅs su dag pa mṅon sum du gyur pa daṅ | gsol ba mṅon sum du gyur pa daṅ || las mṅon sum du gyur pa rnams so || bsñen par rdzogs pa’i bar chad du ’gyur ba bcu (2) ste! ma niṅ du gyur ba daṅ | dge sloṅ ma sun phyuṅ ba daṅ | pha bsad pa daṅ | ma bsad pa daṅ | dgra bcom pa bsad pa daṅ | dge ’dun phye ba daṅ | de bźin gśegs pa la ṅan sems kyis khrag phyuṅ pa daṅ | rkun na gnas daṅ | sṅar ñes ba byuṅ ba daṅ | (3) sṅar ’khrugs pa daṅ | mu stegs can du soṅ ba rnams so || bsñen par rdzogs pa bcu ste | de bźin gśegs pa las slob dpon med par bsñen par rdzogs pa daṅ | ye śes mṅon par rtogs nas bsñen par rdzogs pa lṅa daṅ | ’od sruṅ chen pos ston pa la khas (4) blaṅs te bsñen par rdzogs pa daṅ | sod yas dris pa’i lan lon par śes nas bsñen par rdzogs pa daṅ | gau ta mī skye dgu’i bdag mo chen mo bla ma’i chos khas blaṅs pas bsñen par rdzogs pa daṅ | chos sbyin ma phrin pas bsñen par rdzogs pa daṅ | mtha’ ’khob(5) tu ’dul ba ’dzin pa daṅ | ldas bsñen par rdzogs pa daṅ | slob dpon med mkhan po med par bsñen par rdzogs pa daṅ | dge sloṅ tshur śog ces gsuṅs pas bsñen par rdzogs pa daṅ | gsol ba daṅ bźi’i las kyis bsñen par rdzogs pa’o || gleṅ ba (6) la bcu ste | dus daṅ dus ma yin pa daṅ | bden pa daṅ | mi bden pa daṅ | mi bden pa daṅ | don daṅ ldan pa daṅ | don daṅ mi ldan pa daṅ | sñan pa daṅ | tshig rtsub mo daṅ | byams par ldan pa daṅ | źe sdaṅ du ldan pa’o || chos bcu daṅ ldan pas gźan la gleṅ bar (7) bya ste | tshul khrims daṅ ldan par gyur pa daṅ | maṅ du thos pa daṅ | brtson ’grus brtsams pa daṅ | dran pa ñe bar gnas pa daṅ | śes rab daṅ ldan pa daṅ | dus su gleṅ gi dus las ’das par ma yin pa daṅ | bden pa ste mi bden pa ma yin pa daṅ | don (43b1) daṅ ldan pa ste | don daṅ mi ldan pa ma yin pa daṅ | sñan pa ste tshig rtsub mo ma yin pa daṅ | byams pa daṅ ldan pas te | źe sdaṅ daṅ ldan pa ma yin pa’o ||

gźan yaṅ chos bcu daṅ ldan pas gźan la gleṅ bar bya ste | tshul khrims daṅ ldan par gyur pa daṅ | maṅ (2) du thos pa daṅ | brtson ’grus brtsams pa daṅ | ma g-yeṅs pa daṅ | śes rab daṅ ldan pa daṅ | dus su gleṅ gi dus las ’das par ma yin pa daṅ | bden pa ste mi bden pa ma yin pa daṅ | don daṅ ldan pa ste don daṅ mi ldan pa ma yin pa daṅ | sñan pa ste tshig (3) rtsub pos ma yin pa daṅ | byams pa daṅ ldan pa ste źe sdaṅ daṅ ldan bas ma yin pa’o ||

. . .

gźan yaṅ chos bcu daṅ ldan pas gźan la gleṅ bar bya ste | tshul khrims daṅ ldan pa daṅ | maṅ du thos pa daṅ | brtson ’grus brtsams pa daṅ | dran pa ñe bar gnas pa daṅ | so (4) sor brtags pa’i stobs su gyur pa daṅ | dus su gleṅ gi dus las ’das par ma yin pa daṅ | bden pa ste mi bden pas ma yin pa daṅ | son daṅ ldan pa ste don daṅ mi ldan pas ma yin pa daṅ | ṅag sñan pa ste rtsub pos ma yin pa daṅ | byams pa daṅ ldan pa ste źe (5) ldaṅ dag ldan pas ma yin pa’o || chos bcu daṅ ldan pa’i dge sloṅ ni tshaṅs pa mtshuṅs pa rnams la dga’ bar ’gyur te | tshul khrims daṅ ldan pa daṅ | maṅ du thos pa daṅ | brtson ’grus brtsams pa daṅ | dran pa ñe bar gnas pa daṅ | śes rab daṅ ldan pa daṅ | (6) mi slob pa’i tshul khrims kyi phuṅ po daṅ ldan par gyur pa daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes mthoṅ ba’i phuṅ po daṅ ldan par gyur pa’o || ji ltar dga’ bar gyur pa de bźin (7) du gñis po yid du ’oṅ ba la yaṅ bcur brjod par bya’o ||

gsum po bla mar byas pa yaṅ bcur brjod par bya’o || bźi po mos par bya ba la yaṅ bcur brjod par bya’o ||
lṅa po mchod pa la yaṅ bcur brjod par bya’o || drug po bstod pa la yaṅ bcur brjod par bya’o ||

(44a1) mdor na |
rab tu byuṅ daṅ bźi po ste ||
rnam par grol daṅ phun sum daṅ ||
yon tan de bźin sbyin pa daṅ ||
gso sbyin rnams kyi gźag pa’o ||

chos bcu daṅ ldan pas rab tu dbyuṅ bar bya | bsñen par rdzogs par bya | gnas sbyin par bya ste | (2) bsñen par rdzogs nas lo bcu bcu lon nam de las lhag pa yaṅ ruṅ ba daṅ | lhan cig spyod pa daṅ ñe gnas rnams kyaṅ ruṅ ste | nad g-yog byed du ’jug par nus pa daṅ | lhan cig spyod pa daṅ ñe gnas la ’gyod pa skyes na slar sel ba’am sel bar byed du ’jug par (3) nus pa daṅ | lhan cig spyod pa daṅ ñe gnas rnams sdig pa daṅ ldan pa’i rnam ba źig byuṅ na slar gtoṅ dam slar gtoṅ du ’jug nus pa daṅ | lhan cig spyod pa daṅ ñe gnas yul der gnas par mi dga’ na yul gźan du gtaṅ bar nus pa daṅ | tshul khrims daṅ ldan pa daṅ | (4) maṅ du thos pa daṅ | bartsona’agrusa brtsams pa daṅ | dran pa ñe bar gnas pa daṅ | śes rab daṅ ldan pa’o ||

. .

gźan yaṅ chos bcu daṅ ldan pas rab tu dbyuṅ bar bya | bsñen par rdzogs bar bya | gnas sbyin par bya ste | bcu gaṅ źe na | ñes pa śes pa daṅ | (5) ñes pa med par śes pa daṅ | lci ba śes pa daṅ | yaṅ ba śes pa daṅ | des so sor thar ba’i mdo ba ton du slob par gyur pa daṅ | slob pa’i tshul khrims kyi phuṅ po daṅ | tiṅ ṅe ‘dzin gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | (6) rnam par grol ba’i ye śes mthoṅ ba’i phuṅ po daṅ ldan par gyur pa’o || gźan yuṅ chos bcu daṅ ldan pas rab tu dbyuṅ bar bya | bsñen par rdzogs par bya | gnas sbyin par bya ste | byu.uṅa ba śes | bcas pa śes | rjes su bcas pa śes | ma gnaṅ ba śes | (7) rjes su gnaṅ ba śes | bar chad du ’gyur pa śes | bar chad ’gyur pa śes | bar chad du mi ’gyur ba śes | luṅ bsgo ba yin | rjes su ston pa yin | gnas bcur ’jug nus pa yin no ||

. . . . . . . . . . . .

gźan yaṅ chos bcu daṅ ldan pas rab tu dbyuṅ bar bya | bsñen par rdzogs par bya | gnas (44b1) sbyin par bya ste | dad pa phun sum tshogs pa yin | tshul khrims phun sum tshogs pa yin | thos pa phun sum tshogs pa daṅ | gtoṅ ba phun sum tshogs pa daṅ | śes rab phun sum tshogs pa daṅ | tshul khrims phun sum tshogs pa daṅ | tiṅ ṅe ‘dzin phun sum (2) tshogs pa daṅ | śes rab phun sum tshogs pa daṅ | rnam par grol ba phus sum tshogs pa daṅ | rnam par grol ba’i ye śes mthoṅ ba phun sum tshogs pa’o || chos bcus na rnam par grol bar yaṅ dag par ’jug pa’i rgyur ’gyur te | slob pa’i tshul khrims kyi (3) phuṅ po daṅ | tiṅ ṅe ‘dzin gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam phar grol ba’i ye śes mthoṅ ba’i phuṅ po daṅ | mi slob pa’i tshul khrims kyi phuṅ po daṅ | tiṅ ṅe ‘dzin gyi phuṅ po daṅ | śes rab kyi phuṅ po daṅ | rnam (4) par grol ba’i phuṅ po daṅ | rnam par grol ba’i ye śes mthoṅ ba’i phuṅ po’o || phun sum tshogs bcu ste | ston pa phun sum tshogs pa daṅ | chos phun sum tshogs pa daṅ | dge ’dun phun sum tshogs pa daṅ | slob dpon phun sum tshogs pa daṅ | mkhan (5) po phun sum tshogs pa daṅ | tshul khrims phun sum tshogs pa daṅ | thos pa phun sum tshog pa daṅ | śer rab phun sum tshogs pa daṅ | rnam par grol ba phun sum tshogs pa daṅ | rnam par grol ba’i ye śes mthoṅ ba phun sum tshogs pa’o || yon tan bcu (6) ste! dge ’dun bsdu pa daṅ | dge ’dun la dge ba daṅ | dge ’dun pa de bar spyod pa daṅ | khrel med pa’i gaṅ zag rnams la nan tu bya ba daṅ | khrel yod pa’i rnams la bde bar spyod pa daṅ | mṅon par ma dad pa’i rnams mṅon par dad par bya ba daṅ | mṅon par dad (7) pa’i rnams phyi phyir daṅ par bya ba daṅ | da ltar gyi tshe ’di’i zag pa rnasama bsdam pa daṅ | tshe phyi ma’i phyir ’byuṅ ba’i rnams rab tu gźom pa daṅ | tshaṅs par spyod par rjes su phan gdogs pa daṅ | tshaṅs par spyod pa daṅ mthun par bya ba’i phyir pa’i tshaṅs par (45a1) spyod pa riṅ du gnas par gyur źiṅ skye bo maṅ po la źig rgyas par lha daṅ mi rnams la yaṅ dag par bstan pa’i bar du yon tan de bcu de bźin gśegs pas gzigs phas ñan thos rnams la bslab pa’i gnas bcas so || sbyin du mi rug ba bcu ste | (2) gaṅ zag gaṅ yaṅ ruṅ ba cig gis gaṅ zag gcig la sbyin pa byin pa de gźan la yaṅ byin na chos daṅ mi ldan pa byin la chos daṅ mi ldan pas blaṅs te mi ruṅ bar spyod pa’o || gaṅ zag gcig la sbyin pa byin pa dge ’dun la yaṅ dbul na chos daṅ mi ldan par byin (3) la chos daṅ mi ldan pa blaṅs pa ste mi ruṅ bar spyod pa’o || de bźin du gaṅ zaṅ gñis la sbyin pa byin la gaṅ zag gcig la byin nam maṅ po’am dge ’dun gñis la byin na chos dag mi ldan par byin la chos daṅ mi ldan par blaṅs te mi ruṅ bar spyod pa’o || de ltar gaṅ (4) zag gcig la byin nam | gñis la’am | maṅ po’am | dge ’dun la phul na chos daṅ mi ldan par byin la chos daṅ mi ldan par blaṅs te mi ruṅ bar spyod pa’o || de bźin du dge ’dun la sbyin pa byin la gcig la’am | gñis la’am | maṅ po la’am | dge (5) ’dun la phul na chos daṅ mi ldan par byin la chos daṅ min par blaṅs te | mi ruṅ bar sprod pa’o || de bźin du dge sloṅ gi dge ’dun la sbyin pa byin la dge sloṅ ma’i dge ’dun la byin nam | dge sloṅ gi dge ’dun la sbyin pa sbyin pa dge ’dun gñis ka la (6) phul lam | dge sloṅ ma’i dge ’dun la sbyin pa byin pa dge sloṅ gi dge ’dun la phul lam | dge sloṅ ba’i dge ’dun la spyin pa byin pa dge ’dun gñis ka la phul lam | dge ’dun gñis ka la sbyin pa byin pa dge ’dun sde gñis gźan la phul lam | dge (7) ’dun phyogs daṅ gźan gyi phyogs su tha dad par gnas la phyogs gcig la sbyin pa byin pa phyogs gñis po la phul na chos daṅ mi ldan pa byin la chos daṅ mi ldan pas blaṅs pa ste mi ruṅ bar spyod pa’o || de dag las slar bzlog na sbyin par ruṅ ba bcu daṅ dkar po’i (45b1) phyogs su brjod par bya’o || chos daṅ ldan pa’i gso sbyin gźag pa bcu ste | phas phas par gyur pa daṅ | phas pham par gyur pa’i gtam la źugs pa daṅ | bslab pa phul bar gyur pa daṅ | bslab pa ’bul ba’i gtam la źugs pa daṅ | dge ’dun la smad pa (2) daṅ ! dge ’dun la smad pa’i gtam la źugs par sgyur pa daṅ | tshul khrims ñams par gyur pa daṅ | lta ba ñams par gyur pa daṅ | spyod pa ñams par gyur pa daṅ | ’tsho ba ñams par gyur pa’o ||

mdor na |
grol ba rnams daṅ skabs dbye daṅ ||
gzuṅ par (3) byad bźi ba gñis ||
rgol bar byed daṅ ñes pa daṅ ||
mṅon sum byuṅ ba chaṅ ba’o ||

. . . . . . . . . . . . . . .

rgol ba’i dge sloṅ gis don gzuṅ par ’dod na gnas bcur bsam pa śin tu bsams | dpyad pa śin tu dpyad | brtag pa śin tu brtags la don gzuṅ bar bya’o || bcu (4) gaṅ źe na | bdag gis don gzuṅ par ’dod pa de bden pas don de ’dzin tam | ’on te mi bden pas don de gzuṅ ba’i dus la ’bab bam | ’on te dus lam bab | don gzuṅ ba de skabs du bab bam | ’on te skabs su ma bab | don de gzuṅ ba de don daṅ ldan (5) pa’am ’o te don daṅ mi ldan | de la mthoṅ ba’am | thos pa’am | dogs pa’am | lus kyi ñes pa’am | dag gi ñes pa’am | de dag gis smra bar bya | tshe daṅ ldan pa ’di mi dge ba’i gnas nas bslaṅ ste | dge ba’i gnas su ’jog nus sam sñam du (6) bsams pa’o || lan ’debs pa’i dge sloṅ gis kyaṅ gnas bcur gsam pa śin tu gsams | dpyad pa śin tu dpyad | brtag pa śin tu brtags la | slar rgol ba’i dge sloṅ la skabs dbye ste | bcu gaṅ źe na | ci tshe daṅ ldan pa tshul khrims daṅ ldan (7) nam ’on te ma yin khrel ba can nam | ’gyod pa can nam | sdom pa can nam | bslab ba la ’dod pa can nam | maṅ du thos pa | thos pa ’dzin pa | ’tshaṅ ba can nam | ’dul ba daṅ lhag pa’i ’dul ba la śin tu mkhas pa’am | luṅ kha ton lo bas (46a1) pa yin nam | ci tshe daṅ ldan pa gzu po’i dṅos po yod dam sñam du sems pa’o || u pā li de la ’dul pa ’dzin pa’i gzu bos kyaṅ gnas bcur bsam pa śin tu bsams | dpyad ba śin tu dpyad | brtag pa śin tu brtags la rtsod pa gzuṅ (2) bar bya’o || bcu gaṅ źe na | ci bdag rtsod pa de thog ma byuṅ ba la mkhas sam | ci bdag rtsod pa de thog ma byuṅ ba’i nag du ma gtogs sam | ci bdag la gzu po’i dṅos po yod dam | rgol pa daṅ lan glon pa’i dge sloṅ de dag bdag gis tshig ñan tam | (3) bdag gis rgol ba daṅ | lan glon pa’i dge sloṅ de dag la chos bźin bsgo bar nus sam | bdag gis rgol ba daṅ lan glon pa’i dge sloṅ de dag gis ltuṅ ba rnam par sbyoṅ nus sam | bdag gis rgol ba daṅ | lan glon pa’i dge sloṅ de dag la nan tur bya (4) nus sam | bdag gis rtsod pa ’di chos bźin ’dul ba bźin ston pas bstan pa bźin ñe bar źi bar bya nus sam | bdag gis rgol pa daṅ | lan glon pa’i dge sloṅ de dag mi dge ba’i gnas nas bslaṅ ste | dge ba’i gnas su rab tu gźog nus sam | (5) bdag gis rtsod pa ’di ci nas phyin chad mi ’byuṅ bar ’gyur ba de lta bur ñe btar źi bar byed nus sam sñam du bsams pa’o || de la u pā li gzu po ’dul ba ’dzin pas rtsod pa gzuṅ bar ’dod na gnas bcur bsam pa śin tu bsams | dpyad pa śin tu dpyad | brtag (6) pa śin tu pa rtags la rtsod pa źi bar bya’o || bcu gaṅ źe na | bdag gis ’dir ’chad pa’i gsuṅ skad du smras pa de zin pa’i mdo sde ’dzin pa ’dul pa ’dzin pa | ma g+ta bu ’dzin pa’i dge sloṅ dge ’dun gyi naṅ na yod par ’gyur ram | dge ’dun ’di dag gi naṅ na dge (7) sloṅ rtsod pa ’di ji ltar chos daṅ | ji ltar ’dul pa daṅ | ji ltar ston pas bstan pa de lta źi bar byed pa bdag gi zla yod dam | dge ’dun ’di dag gi naṅ na dge sloṅ rtsod pa ’di phyi phyir rnam par mi ’phel bar ’gyur bdag gi zla yod dam | dge ’dun ’di dag (46b1) gi naṅ na dge sloṅ gaṅ rtsod pa ’di chos bźin źi bar bya ste phyin chad mi ’byuṅ bar byed pa’i bdag gi zla yod dam | dge ’dun ’di dag gi naṅ na dge sloṅ gaṅ rgol ba dag lan glon pa’i dge sloṅ ’di dag la rtsod pa ’di rgyal po’i ’khor du ’gyed pa | ṅes pa’i rigs der (2) ’gyed par gyur cig ces nas chos bźin du bzlog par bya’o sñam du bsam pa yod dam | ci bdag gis rtsod pa ’di dge ’dun ’di’i naṅ du źi bar byaṅ nus sam | bdag gis rtsod pa ’di źi bar bya ba phyi rol du btsal dgos par mi ’gyur graṅ | bdag gis (3) rtsod pa ’di la rgol pa daṅ lan glon pa’i dge sloṅ de dag gnas nas gnas su ’dod mi dgos par nus par ’gyur ram | bdag gis rtsod pa ’di ji ltar phyin chad mi ’byuṅ ba’i chos su de lta bur źi bar nus sam sñam du bsams pa’o || u sā li chos bcu daṅ ldan (4) pa’i ’dul ba ’dzin pas rtsod pa byuṅ ba źi bar byed nus so || bcu gaṅ źe na | saṅs rgyas kyis gsuṅs pa’i mdo sde ston nus par ’gyur pa daṅ | ñan thos kyis bśad pa’i mdo sde ’chaṅ pa daṅ | saṅs rgyas kyi dus byuṅ ba’i mdo sde ’chad pa daṅ | dus (5) thams cad du byuṅ ba’i mdo sde ’chad pa daṅ | phyogs gcag pa’i mdo sde ’chad pa daṅ | nag bor gsuṅs pa dag dkar por gsuṅs pa’i mdo sde ’chad pa daṅ | mdo’i lugs ’tshal nas mdo ’chad pa thams cad du ’gro ba’i mdo sde ’chad pa daṅ | mthun pa’i mdo (6) sde ’chad pa daṅ | ’dul ba daṅ mthun pa’i mdo sde ’chad nus pa’o || u pā li gzu po ’dul ba ’din pas rtsod pa bzug nas rnam pa bcus ñe bar źi bar bya’o || bcu gaṅ źe na | dge sloṅ rgol ba śes par bya | dge sloṅ lan ’debs pa śes par bya | dge sloṅ (7) rgol ba dpyad par bya | lan gon pa’i dge sloṅ dpyad par bya | rgol ba’i dge sloṅ yi dam bcar gźug | lan glon pa’i dge sloṅ yi dam bcar gźug | rgol ba’i dge sloṅ gtan la ’bebs su gźug | lan glon pa’i dge sloṅ gtan la ’bebs su gźug (47a1) rgol ba’i dge sloṅ ldaṅ bar byed du gźug | lan glon pa’i dge sloṅ ldaṅ bar byed du gźug go || chos bcu daṅ ldan na ’dul ba ’dzin pa ñes pa rnam bar ston nus te | bcu gaṅ źe na | ñes pa lci ba śes | yaṅ ba śes | lhag ma daṅ bcas pa (2) śes! lhag ma med pa śes | gnas ṅan len śes | gnas ṅan len ma yin pa śes | bcas pa śes | ma bcas pa śes | bśags pa śes | bsdam par bya ba śes pa’o || chos bcu daṅ ldan pa’i ’dul ba ’dzin pa ni las byed nus pa yin te | (3) bcu gaṅ źe na | mṅon du gyur pa’i las śes | mṅon dum gyur pa’i las śes | skabs ma byed pa’i las śes | skab bye ba’i las śes | gleṅ bar rigs pa śes | mi gleṅ bar rigs pa ses | dran par bya bar rigs pa śes | mi dran par bya bar rigs (4) pa śes! gtan tshigs su rigs par śes | gtan tshigs su rigs par śes | gtan tshigs su mi rigs par śes pa’o || chos bacu.i daṅ ldan pa’i ’dul ba ’dzin pas rtsod pa źi bar byed nus pa yin te | bcu gaṅ źe na | byuṅ ba ma nor bar byed pa yin | bcas pa ma nor bar byed pa yin | (5) rjes su bcas pa ma nor bar phyed pa yin | ma gnaṅ ba ma nor bar byed pa yin | rjes su gnaṅ ba ma nor bar byed pa yin | dge sloṅ mi gtsaṅ ba’i ñes pa mi ’chad par byed pa yin | rgol pa dag ldan glon pa’i dge sloṅ la yi dam bca’ bar byed pa yin | mdo sṅa’i (6) tshig ñe bar ston par byed pa yin | rjes su bcas pa ñams par bami byed pa yin | ’dul ba la mthun pa yin | chos bźin rtsod pa zi bar byed pa yin no || chos bcu daṅ ldan na ’dul ba ’dzin pas chad pa’i las kyis gcod nus pa yin te | bcu gaṅ źe na | tshaṅs (7) pa’i chad pa śes | mi dga’ bar ’gyur pa’i las śes | mi spyod par ’gyur pa’i las śes | ma ruṅ bar bya ba’i las śes | de’i ṅo bo ñid tshol du gźug pa’i las śes | bzlog pa’i las śe | spaṅ pa’i las śes | rnam par dag pa’i las śes | byin (47b1) gyis brlab pa’i las śes | rgol pa’i las śes pa’o ||

’dul ba dam pa’i gźuṅ las gcig nas ’dzegs pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=ebebeb2c-eafc-11e3-942f-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display