Bibliotheca Polyglotta

[Saṃghāvaśeṣa 1]
saṅs rgyas bcom ldan ’das (4) mñan yod na rgyal byed kyi tshal mgon med zas sbyin gyi kun dga’ ra ba na bźugs so || tshe daṅ ldan pa ’char ka’i kun tu spyod pa ni groṅ ṅam groṅ rdal gaṅ na ñe bar rten ciṅ gnas pa der naṅ par sṅar laṅs te | gtsug lag khaṅ du chag chag ’debs par byed | legs par ñug par (5) byed | ba laṅ gi lci ba sar pa’i byug pas skud par byed ciṅ | de gtsug lag khaṅ gi phyi rol du rkaṅ pa gñis bkrus nas lag pa gñis bsñal te so śiṅ bor nas sṅa dro śam thabs bgos | lhuṅ bzed daṅ chos gos thogs te groṅ ṅam | groṅ rdal de ñid du lus ma bsruṅs | (6) dbaṅ po rnams ma bsdams | dran pa ñe bar ma bźag par bsod sñoms la ’jug ciṅ | de groṅ ṅam | groṅ rdal der bsod sñoms brgyus nas zas kyi bya ba byas te | phyi ma’i zas kyi bsod sñoms las phyir log pas lhuṅ bzed daṅ | chos gos mkhos su phab ste | rkaṅ (7) pa gñis bkrus nas naṅ du yaṅ dag ’jog gi phyir gtsug lag khaṅ du ’jug par byed do || gal te de’i sems ’dod pa las ’dod chags kyis kun nas dkris par gyur na | des raṅ gi yan lag gi rnam pa las su ruṅ bar byas te | lag pa gñis kyis bzuṅ nas rtsol bar (202a1) | byed ciṅ khu ba ’byin par byed do || de nas dge sloṅ rab tu maṅ po dag gtsug lag khaṅ rgyu źiṅ ’doṅ ba na tshe daṅ ldan pa ’char ka’i gtsug lag khaṅ ga la ba der doṅ ste phyin nas | tshe daṅ ldan pa ’char ka daṅ lhan cig mṅon du yaṅ dag par dga’ bar ’gyur ba (2) daṅ | yaṅ dag par mgu bar ’gyur ba’i gtam sna tshogs byas te mtha’ gcig tu ’khod do || mtha’ gcig tu ’khod nas dge sloṅaraba tu maṅ po dag gis tshe daṅ ldan pa ’char ka la ’di skad ces smras so || tshe daṅ ldan pa ji ltar khyod bzod dam | ’tsho ’am | bde ba la reg (3) bar gnas sam | bsod sñoms kyis ṅal bar ma gyur tam | tshe daṅ ldan pa dag bdag te por bzod do || ’tsho’o || bde ba la reg par gnas so || bsod sñoms kyis ṅal bar ma gyur to || tshe daṅ ldan pa ’char ka khyod ji ltar bzod pa daṅ | ’tsho ba daṅ | bde (4) ba la reg par gnas pa daṅ | bsod sñoms kyis ṅal bar ma gyur | tshe daṅ ldan pa dag bdag groṅ ṅam | groṅ rdal gaṅ na ñe bar rten ciṅ gnas par bdag naṅ par sṅar laṅs te | gtsug lag khaṅ du chag chag ’debs par byed | legs par ñug par byed | ba laṅ gi (5) lci bsar pa’i byug pas skud par byed ciṅ | bdag gtsug lag khaṅ gi phyi rol du rkaṅ pa gñis bkrus nas lag pa gñis bkrus nas lag pa gñis bsñal te so śiṅ bor nas sṅa dro śam thabs bgos lhuṅ bzed daṅ chos gos thogs te groṅ ṅam | groṅ rdal de ñid du bsod sñoms la ’jug ciṅ bdag groṅ ṅam | (6) groṅ rdal de ñid du bsod sñoms brgyus nas zas kyi bya ba byas te | phyi ma’i zas kyi bsod sñoms las phyir log pas lhuṅ bzed daṅ chos gos mkhos su phab ste | rkaṅ pa gñis bkrus nas naṅ du yaṅ dag ’jog gi phyir btsug lag khaṅ du ’jug par byed do || gal te bdag ni (7) sems ’dod pa la ’dod chags kyis kun nas dkris par gyur na | bdag gis raṅ gi yan lag gi rnam pa las su ruṅ bar byas te | lag pa gñis kyis bzuṅ nas rtsol bar byed ciṅ khu ba phyuṅ nas rims nad daṅ bral źiṅ yoṅs su gduṅ ba daṅ bral bas bde ba la reg par gnas śiṅ (202b1) bsod sñoms kyis ṅal ba yaṅ med de | tshe daṅ ldan pa dag bdag de ltar na bzod pa daṅ | ’tsho ba daṅ | bde ba la reg par gnas pa daṅ | bsod sñoms kyis ṅal ba yaṅ med do || dge sloṅ de dag des smras pa la mṅon par bstod par yaṅ mi byed | phyir zlog par yaṅ mi (2) byed ciṅ | mṅon par bstod pa yaṅ ma byas | phyir bzlog pa yaṅ ma byas par doṅ ste bcom ldan ’das ga la ba der doṅ nas phyin pa daṅ | bcom ldan ’das kyi źabs gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas dge sloṅ rab (3) tu maṅ po dag gis skabs de bcom ldan ’das la rgyas par gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’dil dge sloṅ gi dge ’dun bsdu ba mdzad do || de bźin gśegs pa ni don gyi dbaṅ gñis gzigs pa na dge sloṅ gi dge (4) ’dun sdud par mdzad de | ’di lta ste | ṅa’i ñan thos rnams kyis kun śes pa ñid du bya ba’i phyir daṅ | ṅas ’dul ba la bslab pa’i gźi legs par bcas par ’gyur ba’o || saṅs rgyas bcom ldan ’das rnams ni mkhyen bźin du rmed par mdzad pa ste | mkhyen bźin du rmed (5) pa | mkhyen kyaṅ mi rmed pa | dus su rmed pa | dus las yol bar mi rmed pa | don daṅ ldan pa rmed pa | don daṅ mi ldan pa mi rmed pas saṅs rgyas bcom ldan ’das rnams ni don daṅ mi ldan pa rmed pa la chu lan gyis zlog par mdzad pa yin no || de la saṅs rgyas bcom ldan (6) ’das rnams ni don daṅ ldan pa rmed pa la dus mkhyen pa yin pas saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod kyis mi mdzes pa de lta bu de byas par gyur pa bden nam | btsun pa med do || saṅs rgyas bcom ldan ’das kyis dge sloṅ (7) gi tshul ma yin pa rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || ’char ka ṅas ’dod chags ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos bstan pa daṅ (203a1) źe sdaṅ ’dod chags daṅ bral bar bya ba daṅ | gti mug ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos bstan pa la khyod kyis ci’i phyir mi mdzes pa de lta bu de byas par gyur | mi gti mug can khyod (2) kyis lag pa gaṅ dag gis bram ze daṅ | khyim bdag dad pa can dag las dad pas sbyin par bya ba len par byed pa’i lag pa de dag ñid kyis ci’i phyir mi mdzes pa de lta bu de byas par gyur | mi gti mug can khyod kyis sbrul nag po dug myur du khyab par byed pa | dug drag pa | (3) dug rno ba lag pa gñis kyis bzuṅ bar gyur pa ni bla’i | de ltar gyur pas raṅ gi yan lag gi rnam pa bzuṅ ba ni ma yin no źes rnam par smad pa mdzad do || ’char ka ji sñam du sems | de ltar na bdag ñid kyi lus kyi bsñen bkur bdag gir ma byas sam | btsun (4) pa bgyis so || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste | ’di lta ste | dge (5) ’dun bsdu ba’i phyir daṅ | dge ’dun legs par bya ba’i phyir daṅ | dge ’dun bde bar gnas par bya ba’i phyir daṅ | gnoṅ mi bkur ba’i gaṅ zag rnams tshar gcad par bya ba’i phyir daṅ | ṅo tsha śes pa rnams bde bar gnas par bya ba’i phyir daṅ | mṅon par ma dad (6) pa rnams mṅon par dad par bya ba’i phyir daṅ | mṅon par dad pa rnams phyir źiṅ ’byuṅ bar bya ba’i phyir daṅ | tshe ’di’i zag pa rnams bsdam par bya ba’i phyir daṅ | tshe rabs phyi ma’i rnams bzlog par bya ba’i phyir daṅ | ṅa’i tshaṅs par spyod pa skye bo maṅ po la phan pa yaṅs par gyur (7) pa lha daṅ mi’i bar dag la yaṅ dag par rab tu bstan pa yun riṅ du gnas par ’gyur ba’o || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | bsams bźin du khu ba phyuṅ na dge ’dun lhag ma’o || bcom ldan ’das kyis ’dul ba la ñan thos rnams (203b1) kyi bslab pa’i gźi de ltar bca’ ba mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas dge sloṅ rab tu maṅ po ñal ba dag gi rmi lam na mi gtsaṅ ba śor rtsiṅ khu ba phyuṅ bar gyur te de dag la ’du śes kyaṅ (2) yod | sems pa yaṅ yod pas de dag ’gyod pa skyes par gyur nas | ’di ltar bcom ldan ’das kyis bsams bźin du khu ba phyuṅ na dge ’dun lhag ma’o źes ’dul ba la ñan thos rnams kyi bslab pa’i gźi bca’ ba mdzad na | bdag cag dge sloṅ rab tu maṅ po ñal bdag gi (3) rmi lam na mi gtsaṅ ba śor źiṅ khu ba byuṅ bar gyur te | bdag cag la ’du śes kyaṅ yod | sems pa yaṅ yod pas bdag cag la dge ’dun lhag ma’i lhuṅ ba byuṅ bar ma gyur tam | tshur śeg bdag cag tshe daṅ ldan pa kun dga’ bo ga la ba der ’doṅ źiṅ phyin nas tshe daṅ ldan (4) pa kun dga’ bo la brjod par bya źiṅ bdag cag la tshe daṅ ldan pa kun dga’ bos ji skad luṅ ston par ’gyur ba de de kho na bźin du gzuṅ bar bya’o sñam mo || de nas dge sloṅ rab tu maṅ po dag tshe daṅ ldan pa kun dga’ bo ga la ba der doṅ ste phyin nas tshe daṅ ldan pa kun dga’ bo la ’di (5) skad ces smras so || tshe daṅ ldan pa kun dga’ bo mkhyen par mdzod cig | ’di ltar bcom ldan ’das kyis bsams bźin du khu ba phyuṅ na dge ’dun lhag ma’o źes ’dul ba la ñan thos rnams kyi bslab pa’i gźi bca’ ba mdzad na | bdag cag dge sloṅ rab tu maṅ po ñal bdag (6) gi rmi lam na mi gtsaṅ ba śor ciṅ khu ba byuṅ bar gyur te | bdag cag la ’du śes kyaṅ mchis | sems pa yaṅ mchis pas bdag cag la dge ’dun lhag ma’i ltuṅ ba byuṅ bar ma gyur tam | de nas tshe daṅ ldan pa kun dga’ bos dge sloṅ rab tu maṅ po de dag khrid de bcom ldan (7) ’das ga la ba der soṅ nas phyin pa daṅ | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la tshe daṅ ldan pa kun dga’ bos ’di skad ces gsol to || btsun pa bcom ldan ’das kyis (204a1) ’di ltar bsams bźin du khu ba phyuṅ na dge ’dun lhag ma’o || źes ’dul ba la ñan thos rnams kyi bslab pa’i gźi bca’ ba mdzad na | tshe daṅ ldan pa dge sloṅ rab tu maṅ po ’di dag mchis ñal ba’i g-yar lam na mi gtsaṅ ba śor ciṅ khu ba byuṅ bar gyur te | (2) ’di dag la ’du śes kyaṅ mchis | sems pa yaṅ mchis pas ’di dag la dge ’dun lhag ma’i ltuṅ ba byuṅ bar ma gyur tam | kun dga’ bo ’di dag la ’du śes kyaṅ yod | sems pa yaṅ yod de med do źes ṅa mi smra mod kyi ’di dag gi de ni tha sñad du byar ruṅ ba ma yin te | (3) kun dga’ bo de lta bas na rmi lam gyi ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ (4) ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni rjes su gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | bsams bźin du (5) khu ba phyuṅ na rmi lam gyi ma gtogs te dge ’dun lhag ma’o || bsams bźin du źes bya ba ni rnam par dpyad nas so || khu ba źes bya ba ni khu ba rnam pa lta ste | sṅon po daṅ | ser po daṅ | dmar po daṅ | bska ba daṅ | sla ba’o || de la sṅon po ni ’khor los sgyur ba’i rgyal (6) po’i ’o || ’khor los sgyur ba’i rgyal po’i bu thu bo dbaṅ bskur bar ’os la dbaṅ ma bskur bar gnas pa mtshams thob pa gaṅ yin pa de’i khu ba yaṅ sṅon po yin no || ser po ni ’khor los sgyur pa’i rgyal po’i bu de las gźan pa dag gi’o || dmar po ni sna chen po la gtogs pa ’khor lo’i (7) mtha’ pa’i ’o || bska bźi dbaṅ po yoṅs su smin pa rnams kyi’o || sla ba ni dbaṅ po yoṅs su ma smin pa rnams kyi’o || yaṅ na bud med kyis dub pa daṅ | khur gyis dub pa daṅ | lam gyis dub ba daṅ | gta’ gam pa daṅ | ya tha ma lug gaṅ yin pa de’i yaṅ sla ba yin no || phyuṅ na źes (204b1) bya ba ni de ma thag tu phyuṅ ba’o || rmi lam gyi ma gtogs te źes bya ba ni rmi lam gyi bźag ste’o || dge ’dun lhag ma’o źes bya ba ni ltuṅ ba de dge ’dun la rag las pa daṅ | dge ’dun daṅ ’brel pa daṅ | dge ’dun la rton pa yin te | ltuṅ pa de dge ’dun las rnam par ldaṅ bar ’gyur (2) gyi gaṅ zag las ma yin pa’o || gźan yaṅ pham par ’gyur ba’i chos bźi po dag ni lhag ma med pa yin gyi | ’di ni lhag ma daṅ bcas pa yin pa ste | des na dge ’dun lhag ma’o źes gsuṅs so || de la ltuṅ bar ji ltar ’gyur źe na | gźi lṅas te bde ba ’dod pa daṅ | sa bon (3) ’dod pa daṅ | rig sṅags ’dod pa daṅ | sman ’dod pa daṅ | brtag pa ’dod pas so || ji ltar bde ba ’dod pas śe na | dge sloṅ gis bde ba ’dod pas naṅ gi gzugs ñe bar len ceṅ sems par byed | rtsol bar byed la khu ba ’byin na dge ’dun lhag mar ’gyur ro || khu ba (4) mi ’byin na ñes pa sbom por ’gyur ro || bde ba ’dod pas ji lta ba bźin du sa bon ’dod pa daṅ | rig sṅags ’dod pa daṅ | sman ’dod pa daṅ | brtag pa ’dod pas kyaṅ de bźin no || dge sloṅ gis bde ba ’dod pas naṅ gi gzugs ñe bar len ciṅ sems par byed | rtsol bar byed | (5) ril gyis ’chaṅ bar byed | dam du ’chaṅ bar byed | khu ba ’byin na dge ’dun lhag mar ’gyur ro || khu ba mi ’byin na ñes pa sbom por ’gyur ro || bde ba ’dod pas ji lta ba bźin du sa bon ’dod pa daṅ | rig sṅags ’dod pa daṅ | sman ’dod pa daṅ | brtag pa ’dod pas (6) kyaṅ de bźin no || dge sloṅ gis bde ba ’dod pas naṅ gi gzugs ñe bar len ciṅ sems par byed | rtsol bar byed | ril gyis ’chaṅ bar byed | dam du ’chaṅ bar byed la des kyaṅ bye brag ṅes par myoṅ ba’i bde ba ñams su myoṅ bar byed ciṅ khu ba ’byin na dge ’dun lhag mar (7) ’gyur ro || khu ba mi ’byin na ñes pa sbom por ’gyur ro || bde ba ’dod pas ji lta ba bźin du sa bon ’dod pa daṅ | rig sṅags ’dod pa daṅ | sman ’dod pa daṅ | brtag pa ’dod pas kyaṅ de bźin no || dge sloṅ gis bde ba ’dod pas naṅ gi gzugs ñe bar len ciṅ (205a1) sems par byed | rtsol bar byed | ril gyis ’chaṅ bar byed | dam du ’chaṅ bar byed la | des kyaṅ byuṅ la thugs pa’i bde ba ñams su myoṅ bar byed ciṅ khu ba ’byin na dge ’dun lhag mar ’gyur ro || khu ba mi ’byin na ñes pa sbom por ’gyur ro || bde ba (2) ’dod pas ji lta ba bźin du sa bon ’dod pa daṅ | rig sṅags ’dod pa daṅ | sman ’dod pa daṅ | brtag pa ’dod pas kyaṅ de bźin no || dge sloṅ gis bde ba ’dod pas naṅ gi gzugs ñe bar len ciṅ sems par byed | rtsol bar byed | ril gyis ’chaṅ bar byed | dam (3) du ’chaṅ bar byed | des kyaṅ ṅad las pa’i bde ba ñams su myoṅ bar byed ciṅ khu ba ’byin na dge ’dun lhag mar ’gyur ro || khu ba mi ’byin na ñes pa sbom por ’gyur ro || bde ba ’dod pas ji lta ba bźin du sa bon ’dod pa daṅ | rig sṅags ’dod pa daṅ | sman ’dod pa daṅ | (4) brtag pa ’dod pas kyaṅ de bźin no || dge sloṅ gis bde ba ’dod pas naṅ gi gzugs ñe bar len ciṅ sems par byed | rtsol bar byed | ril gyis ’chaṅ bar byed | dam du ’chaṅ bar byed la | des kyaṅ bye brag ṅes par myoṅ ba’i bde ba daṅ | byuṅ la thug pa’i bde ba daṅ | (5) ṅad laṅs pa’i bde ba ñams su myoṅ bar byed cir khu ba ’byin na dge ’dun lhag mar ’gyur ro || khu ba mi ’byin na ñes pa sbom por ’gyur ro || bde ba ’dod pas ji lta ba bźin du sa bon ’dod pa daṅ | rig sṅags ’dod pa daṅ | sman ’dod pa daṅ | brtag pa ’dod pas kyaṅ ṅe (6) bźin no || naṅ gi gzugs ji lta ba bźin du phyi rol gyi gzugs ñe bar len pa la yaṅ de bźin du rgyas par sbyar ro || ||

bar sdom la |
gar byed rab tu gar byed daṅ ||
mkha’ daṅ śugs daṅ sbubs ’oṅs daṅ ||
kun du mñed daṅ bye brag ṅes ||
’jal ba daṅ ni lta ba daṅ ||
rgyun (7) las bzlog daṅ rdzi bzlog pa’i ||
sde tshan yaṅ dag bsdus pa yin ||

dge sloṅ gis gar byed pas khu ba ’byin na ñes pa sbom por ’gyur ro || khu ba mi ’byin na ñes byas su ’gyur ro || dge sloṅ gis rab tu gar byed pas khu ba ’byin na ñes pa sbom por ’gyur ro || khu ba mi ’byin na ñis (205b1) byas su ’gyur ro || dge sloṅ gis nam mkha’ la rked pa skyod pas khu ba ’byin na ñes pa sbom por ’gyur ro || khu ba mi ’byin ni ñas byas su ’gyur ro || dge sloṅ gis śugs btaṅ ste | khu ba ’byin na ñes pa sbom por ’gyur ro || khu ba mi ’byin na ñes byas su ’gyur ro || dge (2) sloṅ gis sbubs su ’oṅs pa’i khu ba ’byin na ñes pa sbom por ’gyur ro || khu ba mi ’byin na ñes byas su ’gyur ro || dge sloṅ gis kun tu mñed pa’i bde ba ñams su myoṅ bar byed ciṅ khu ba ’byin na ñes pa sbom por ’gyur ro || khu ba mi ’byin na ñes byas su ’gyur ro || dge sloṅ gis bye (3) brag ṅes par myoṅ ba’i bde ba ñams su myoṅ bar byed ciṅ khu ba ’byin na ñes pa sbom por ’gyur ro || khu ba mi ’byin na ñes byas su ’gyur ro || dge sloṅ gis kun tu chags pa’i sems kyis raṅ gi yan lag gi rnam pa ’jal bar byed na ñes pa sbom por ’gyur ro || dge sloṅ gis chags (4) pa’i sems kyis raṅ gi yan lag gi rnam pa la lta na ñes byas su ’gyur ro || dge sloṅ gis chags pa’i sems kyis raṅ gi yan lag gi rnam pa chu’i rgyun las bzlog phyogs su gtoṅ bar byed na ñes pa sbom por ’gyur ro || chu’i rgyun phyogs su gtoṅ bar byed na ñes byas su ’gyur ro || (5) dge sloṅ gis chags pa’i sems kyis raṅ gi yan lag gi rnam pa rdzi phyogs ma yin par gtoṅ bar byed na ñes pa sbom por ’gyur ro || rdzi phyogs su gtoṅ bar byed na ñes byas su ’gyur ro || rma sbyaṅ ba daṅ | śu ba daṅ | g-yan pa daṅ | mdze daṅ | phol mig daṅ | skyaṅs pa daṅ (6) khyi rdo daṅ | glog pa daṅ | ’brum bu daṅ | phyi rol du mchoṅ ba daṅ | ’obs la mchoṅ ba daṅ | brla la reg pa daṅ | gos la reg pa daṅ | chags par ’gyur ba’i gzugs dag mthoṅ ba daṅ | sṅon spyad pa’i yul rjes su dran pa daṅ | bsro khaṅ gi las ñams su myoṅ bar byed (7) pas khu ba byuṅ ba la ni ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ni ltuṅ ba med do || khu ba ’byin pa’i dge ’dun lhag ma ste daṅ po rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00409a90-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display