Bibliotheca Polyglotta

[Naiḥsargika]

sdom la |
’chaṅ ba ’bral ba ’jog pa daṅ ||
’khrur ’jug (39b1) pa daṅ len pa daṅ ||
sloṅ daṅ stod g-yogs smad g-yogs bcas ||
rin thaṅ so sor bskur ba’o ||

[Naiḥsargika 1]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ rnams la chos gos maṅ ba ñid ’di lta (2) bu ’di byuṅ ste | chos gos gźan gyis ni gtsug lag khaṅ du chag chag ’debs par byed | gźan gyis ni legs par ñug par byed | gźan gyis ni lci ba sar pa’i byug pas skud par byed | gźan gyis ni lag pa daṅ rkaṅ pa dag ’khru bar byed | gźan gyis ni so śiṅ ’dor (3) bar byed | gźan gyis ni groṅ du bsod sñoms la rgyu bar byed | gźan gyis ni zas kyi gral du bkad par byed | gźan gyis ni mkhan po daṅ slob dpon dag la bltar ’gro bar byed | gźan gyis ni ston pa’i gdams ṅag ñams su myoṅ bar byed | gźan gyis ni ñin (4) mo chos mñan pa ñams su myoṅ bar byed | gźan gyis ni mtshan mo chos mñan pa ñams su myoṅ bar byed de | de dag gyon pa daṅ ’bud par byed pa na bya ba maṅ ba daṅ | byed pa maṅ bar gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba (5) daṅ | naṅ gi sems kyi źi gnas gtoṅ bar byed do || dge sloṅ don ñuṅ du dag ci’i phyir dge sloṅ rnams la chos gos maṅ ba ñid ’di lta bu ’di byuṅ ste | chos gos gźan gyis ni gtsug lag khaṅ chag chag ’debs par byed | gźan gyis ni legs par ñug par byed | gźan (6) gyis ni lci ba sar pa’i byug pas skud par byed | gźan gyis ni lag pa daṅ rkaṅ pa dag ’khru bar byed | gźan gyis ni so śiṅ ’dor bar byed | gźan gyis ni groṅ du bsod sñoms la rgyu bar byed | gźan gyis ni zas kyi gral du bkad par byed | gźan gyis ni mkhan po daṅ (7) slob dpon dag la bltar ’gro bar byed | gźan gyis ni ston pa’i gdams ṅag ñams su myoṅ bar byed | gźan gyis ni ñin mo chos mñan pa ñams su myoṅ bar byed | gźan gyis ni mtshan mo chos mñan pa ñams su myoṅ bar byed | gźan gyis ni mtshan mo chos mñan pa ñams su myoṅ bar byed de | de dag byon pa daṅ ’bud par byed pa na bya ba (40a1) maṅ ba daṅ | byed pa maṅ bar gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed ces smod par byed | phyar ka gtoṅ bar byed | kha zer bar byed pa’i skabs de (2) dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || de bźin gśegs pa ni don gyi dbaṅ gñis gzigs pa na dge sloṅ gi dge ’dun sdud par (3) mdzad de | ’di lta ste ṅa’i ñan thos rnams kyis kun śes pa ñid du bya ba’i phyir daṅ | ṅas ’dul ba la bslab pa’i gźi legs par bcas par ’gyur ba’o || saṅs rgyas bcom ldan ’das rnams ni mkhyen bźin du rmed par mdzad pa ste | mkhyen bźin du rmed pa | mkhyen kyaṅ (4) mi rmed pa | dus su rmed pa | dus las yol bar mi rmed pa | don daṅ ldan pa rmed pa | don daṅ mi ldan pa mi rmed pas saṅs rgyas bcom ldan ’das rnams ni don daṅ mi ldan pa rmed pa la chu lon gyis zlog par mdzad pa yin no || de la saṅs rgyas bcom ldan ’das rnams (5) ni don daṅ ldan pa rmed pa la dus mkhyen pa yin pas saṅs rgyas bcom ldan ’das kyis dge sloṅ rnams la rmas pa | dge sloṅ dag khyed la chos gos maṅ ba ñid ’di lta bu ’di byuṅ ste | chos gos gźan gyis ni gtsug lag khaṅ du chag chag ’debs par byed | gźan (6) gyis ni legs par ñug par byed | gźan gyis ni lci ba sar pa’i byug pas skud par byed | gźan gyis ni lag pa daṅ rkaṅ pa dag ’khru bar byed | gźan gyis ni so śiṅ ’dor bar byed | gźan gyis ni groṅ du bsod sñoms la rgyu bar byed | gźan gyis ni zas kyi gral du (7) bkad par byed | gźan gyis ni mkhan po daṅ slob dpon dag la bltar ’gro bar byed | gźan gyis ni ston pa’i gdams ṅag ñams su myoṅ bar byed | gźan gyis ni ñin mo chos mñan pa ñams su myoṅ bar byed | gźan gyis ni mtshan mo chos mñan pa ñams su myoṅ bar (40b1) byed de | khyed cag gyon pa daṅ ’bud par byed pa na bya ba maṅ ba daṅ | byed pa maṅ par gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed pa bden nam | btsun pa mad do || (2) saṅs rgyas bcom ldan ’das kyis gso dka’ ba daṅ | dgaṅ dka’ ba daṅ | ’dod pa che ba daṅ | chog mi śes pa rnam par smad do || de nas bcom ldan ’das kyis gso sla ba daṅ | dgaṅ sla ba daṅ | ’dod pa chuṅ ba daṅ | chog śes pa daṅ | phreṅ ba daṅ | (3) yo byad bsñuṅs pa daṅ | sbyaṅs pa’i yon tan daṅ | mdzes pa daṅ | tshod śes pa ñid kyi bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi (4) bca’ bar bya ste | ’di lta ste | dge ’dun bsdu ba’i phyir daṅ | dge ’dun legs par bya ba’i phyir daṅ | dge ’dun bde bar gnas par bya ba’i phyir daṅ | gnoṅ mi bkur ba’i gaṅ zag rnams tshar gcad pa’i phyir daṅ | ṅo tsha śes pa rnams bde bar gnas par bya (5) ba’i phyir daṅ | mṅon par ma dad pa rnams mṅon par dad par bya ba’i phyir daṅ | mṅon par dad pa rnams phyir źiṅ dbyuṅ bar bya ba’i phyir daṅ | tshe ’di’i zag pa rnams bsdams par bya ba’i phyir daṅ | tshe rab phyi ma’i rnams bzlog pa’i phyir daṅ | ṅa’i tshaṅs par (6) spyod pa skye bo maṅ po la phan pa yaṅs par gyur pa lha daṅ mi rnams kyi bar dag la yaṅ dag par rab tu bstan pa yun riṅ du gnas par ’gyur ba’o || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ chos gos zin pas sra brkyaṅ phyuṅ (7) na chos gos gsum bcaṅ bar bya’o || de las lhag par ’chaṅ na spaṅ ba’i ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi bca’ ba mdzad do || saṅs rgyas bcom ldan ’das rgyal po’i khab na ’od mi’ tshal ka lan da ka’i gnas (41a1) na bźugs so || de’i tshe na tshe daṅ ldan pa ’od sruṅ chen po rgyal po’i khab na dgon pa’i spyil bu na ’dug ste | gaṅ gi tshe bcom ldan ’das kyis tshe daṅ ldan pa ’od sruṅ chen po dge ’dun la gtad pa’i tshe khyim bdag gcig gis yun riṅ po nas smon pa | kye ma (2) ’dag gis gnas brtan ’od sruṅ chen po lha daṅ mis mchod pa bśos gsol te | ras yug chen źig bskon na ci ma ruṅ sñam na de’i ’dod pa yoṅs su rdzogs par ma gyur nas | de nas khyim bdag de ras yug chen thogs nas tshe daṅ ldan pa kun dga’ bo ga la ba der soṅ ste phyin nas tshe (3) daṅ ldan pa kun dga’ bo’i rkaṅ pa gñis la mgo bos phyag ’tshal te | tshe daṅ ldan pa kun dga’ bo la ’di skad ces smras so || btsun pa kun dga’ bo khyod kyis da ltar gnas brtan ’od sruṅ chen po ga la bźugs ci gsan | khyim bdag dgon pa’i spyil bu na ’dug ces thos (4) so || ji tsam na byon par ’gyur | ’di ñid kyi gso sbyor bcwa lṅa pa’i tshe’o || btsun pa kun dga’ bo mkhyen par mdzod cig | ’di na bdag yun riṅ po nas smon pa | kye ma bdag gis gnas brtan ’od sruṅ chen po lha daṅ mis mchoṅ pa bśos gsol te | ras yug chen (5) źig bskon na ci ma ruṅ sñam na | bdag gis ras yug chen de yaṅ ’tshal te mchis na | btsun pa kun dga’ bo mkhyen par mdzod cig | bdag cag khyim pa dag ni bgyi ba maṅ ba daṅ | bgyid pa maṅ ba lags kyi | kye ma btsun pa kun dga’ bos bdag la thugs brtse ba’i (6) slad du gnas brtan ’od sruṅ chen po lha daṅ mis mchod pa la ras yug chen ’di bskon du gsol | de nas tshe daṅ ldan pa kun dga’ bo ’di sñam du sems te | gal te bdag gis khyim bdag las ras yug chen blaṅs na ni bslab pa’i gźi ral bar yaṅ ’gyur | gal te ma blaṅs (7) na ni khyim bdag gi bsod nams kyi bar chad daṅ | gnas brtan ’od sruṅ chen po’i rñed pa’i bar chad du yaṅ ’gyur na bdag gis blaṅs par gyur na dus yin pa’i phyir bcom ldan ’das kyis gnaṅ bar ’gyur ba gaṅ yin pa de’i gnas kyaṅ yod par ’gyur graṅ sñam nas | de nas tshe (41b1) daṅ ldan pa kun dga’ bos khyim bdag las ras yug chen blaṅs nas bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas tshe daṅ ldan pa kun dga’ bos skabs de bcom (2) ldan ’das la rgyas par gsol to || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo legs so legs so || ṅas gnaṅ ba gaṅ yin pa de khyod kyis śes te | de lta bas na dge sloṅ gis źag bcu’i bar du gos lhag pa ruṅ bar ma byas pa bcaṅ (3) bar rjes su gnaṅ ṅo || de nas bcom ldan ’das kyis bslab pa ’dod pa rnams daṅ | bslab pa la gus pa rnams daṅ | bslab pa la yo byad bsñuṅs pa rnams daṅ | sbyaṅs pa’i yon tan rnams daṅ | mdzes pa rnams daṅ | tshod śes pa rnams kyi bsṅags pa brjod nas (4) dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni gnaṅ ba yin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ chos gos zin pas sra brkyaṅ phyuṅ na źag bcu’i bar du gos lhag pa (5) ruṅ bar ma byas pa bcaṅ bar bya’o || de las ’das par ’chaṅ na spaṅ ba’i ltuṅ byed do || dge sloṅ źes bya ba ni chos ’di pa’o || chos gos zin pas sra brkyaṅ phyuṅ na źes bya ba la | chos gos zin la sra brkyaṅ ma phyuṅ ba yaṅ yod | sra brkyaṅ phyuṅ la chos gos ma zin pa yaṅ (6) yod | chos gos zin ciṅ sra brkyaṅ phyuṅ ba yaṅ yod | chos gos ma zin ciṅ sra brkyaṅ ma phyuṅ ba yaṅ yod do || de la re źig ji tsam gyis na chos gos zin la sra brkyaṅ ma phyuṅ ba yin źe na | ’di lta ste | dge sloṅ gis chos gos dag bkru ba daṅ | dra ba daṅ | drub pa daṅ | (7) kha bsgyur zin la dge ’dun gyis sra brkyaṅ ma phyuṅ ba yin te | de tsam gyis na chos gos zin las sra brkyaṅ ma phyuṅ ba yin no || ji tsam gyis na sra brkyaṅ phyuṅ la chos gos ma zin pa yin źe na | ’di lta ste | dge sloṅ gis chos gos dag bkru ba daṅ | dra ba daṅ | drub pa daṅ | kha (42a1) bsgyur ma zin la dge ’dun gyis sra brkyaṅ phyuṅ ba yin te | de tsam gyis na sra brkyaṅ phyuṅ la chos gos ma zin pa yin no || ji tsam gyis na chos gos zin ciṅ sra brkyaṅ phyuṅ ba yin źe na | ’di lta ste | dge sloṅ gis chos gos dag bkru ba daṅ | dra ba daṅ | drub pa daṅ | (2) kha bsgyur zin ciṅadage ’dun gyis kyaṅ sra brkyaṅ phyuṅ ba yin te | de tsam gyis na sra brkyaṅ phyuṅ źiṅ chos gos zin pa yin no || ji tsam gyis na chos gos ma zin ciṅ sra brkyaṅ ma phyuṅ ba yin źe na | rnam pa de dag ma gtogs pa’o || źag bcu’i bar du źes bya ba ni mtshan mo bcu’i (3) mthar ro || gos lhag pa źes bya ba ni byin gyis brlab par bya ba las lhag pa’o || ruṅ bar ma byas pa źes bya ba ni brtag pa ma byas pa’o || bcaṅ bar bya’o źes bya ba ni bdag gir bya ba’o || de las ’das par ’chaṅ nas źes bya ba ni de las thal bar ’chaṅ na’o || spaṅ ba’i ltuṅ byed do (4) źes bya ba ni dṅos po de spaṅs nas ltuṅ byed kyi ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || || ’dul ba rnam par ’byed pa | bam po ñi śu lṅa pa | de la ltuṅ bar ji ltar ’gyur źe na | ’di lta ste | dge sloṅ gis tshes la gos rñed na dge (5) sloṅ des gos de źag bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na | ñi ma bcu (6) gcig pa’i skya reṅs śar na spaṅ ba’i ltuṅ byed du ’gyur ro || tshes la gos ma rñed kyaṅ tshes gñis sam | tshes gsum mam | tshes dgu’am | tshes bcu tshun cad kyis gos rñed na dge sloṅ des gos de źag bcu po de ñid kyi naṅ du byin gyis brlab par bya ba’am | gtaṅ bar bya (7) ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes la gos śig (42b1) rñed ciṅ des tshes gñis la yaṅ gźan źig rñed na dge sloṅ des źag bcu po de ñid kyi naṅ du sṅa ma byin gyis brlab par bya źiṅ phyi ma gtaṅ bar bya ba’am | ruṅ bar bya ba’am | gźan la sbyin par bya’o || yaṅ na phyi ma byin gyis brlabs par bya źiṅ sṅa ma gtaṅ bar bya ba’am | ruṅ (2) bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes daṅ tshes gñis la ma rñed kyaṅ tshes gsum (3) daṅ tshes bcu tshun cad kyis gos śig rñed na dge sloṅ des źag bcu po de ñid kyi naṅ du sṅa ma byin gyis brlab par bya źiṅ phyi ma gtaṅ bar bya ba’am | ruṅ bar bya ba’am | gźan la sbyin par bya’o || yaṅ na phyi ma byin gyis brlab par bya źiṅ sṅa ma gtaṅ bar bya ba’am | ruṅ bar bya (4) ba’am | gźan la sbyir par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes la gos gñis rñed na dge sloṅ des gos de (5) gñis źag bcu po de ñid kyi naṅ du byin gyis brlab par bya ba ’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs (6) śar na spaṅ ba’i ltuṅ byed du ’gyur ro || tshes la gos gñis ma rñed kyaṅ tshes gñis sam | tshes gsum mam | chos dgu’am | tshes bcu tshun cad kyis gos gñis rñed na dge sloṅ des gos de gñis źag bcu po de ñid kyi naṅ du byin gyis brlab par bya ba’am | gtaṅ bar bya ba’am (7) ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes la gos gñis śig rñed (43a1) ciṅ des tshes gñis la yaṅ gos gźan gñis śig rñed na dge sloṅ des źag bcu po de ñid kyi naṅ du sṅa ma gñis byin gyis brlab par bya źiṅ phyi ma gñis gtaṅ bar bya ba’am | ruṅ bar bya ba’am | gźan la sbyin par bya’o || yaṅ na phyi ma gñis byin gyis brlab par (2) bya źiṅ sṅa ma gñis gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes daṅ tshes (3) gñis la ma rñed kyaṅ tshes gsum daṅ tshes bcu tshun cad kyis gos gñis śig rñed na dge sloṅ des źag bcu po de ñid kyi naṅ du sṅa ma gñis byin gyis brlab par bya źiṅ phyi ma gñis gtoṅ bar bya ba’am | ruṅ bar bya ba’am | gźan la sbyin par bya’o || yaṅ na phyi ma gñis byin gyis (4) brlab par bya źiṅ sṅa ma gñis gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śaRa na spaṅ ba’i ltuṅ byed du ’gyur (5) ro || dge sloṅ gis tshes la gos maṅ po rñed na dge sloṅ des gos de dag źag bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlobara par mi byed dam | gtoṅ bar mi byed dam | ruṅ bar (6) mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes la gos maṅ po ma rñed kyaṅ tshes gñis sam | tshes gsum mam | tshes dgu’am | tshes bcu tshun cad kyis gos maṅ po rñed na dge sloṅ des gos de dag (7) źag bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs (43b1) śar na spaṅ ba’i ltuṅ byed du ’gyur ro || dge sloṅ gis tshes la gos maṅ po dag cig rñed ciṅ des tshes gñis la yaṅ gźan maṅ po dag cig rñed na dge sloṅ des źag bcu po de ñid kyi naṅ du sṅa ma dag byin gyis brlab par bya ba’am | ruṅ bar bya’am | (2) gźan la sbyin par bya’o || yaṅ na phyi ma dag byin gyis brlab par bya źiṅ sṅa ma dag gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma (3) bcu gcig pa’i skya reṅs śar na spaṅ ba’i ltuṅ byed du ’gyur ro || tshes daṅ tshes gñis la ma rñed kyaṅ tshes gsum daṅ tshes bcu tshun cad kyis gos maṅ po dag cig rñed na dge sloṅ des źag bcu po de ñid kyi naṅ du sṅa ma dag gtaṅ bar bya ba’am | ruṅ bar bya ba’am | gźan la (4) sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gi gos spaṅ bar gyur na de ma spaṅs śiṅ bral bar ma byas la ltuṅ (5) ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ par (6) gyur na de spaṅs śiṅ bral bar byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la ltuṅ ba bśags nas gźan źig rñed na de la ltuṅ ba med do || de bźin du dge sloṅ (7) gis ji srid du spaṅ ba’i dṅos po de ma bśags śiṅ so sor ma bśags par lhuṅ bzed dam | chos gos sam | dra ba’am | phor bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba gźan ñe bar ’jog par byed na de yaṅ sṅa ma’i rgyud kyis spaṅ bar ’gyur ro || (44a1) las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’chaṅ ba’i spaṅ ba ste daṅ po rdzogs s+ho || ||

[Neiḥsargika 2]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ (2) ra ba na bźugs so | de’i tshe na dge sloṅ rnams la chos gos maṅ ba ñid ’di lta bu ’di byuṅ ste | dge sloṅ dbyar gnas par khas blaṅs pa gaṅ yaṅ ruṅ bas chos gos rñed nas des de bkrus śiṅ dras te drubs nas kha bsgyur te gtur bu’i bam po bsgres nas dge sloṅ gnas pa daṅ | gñug (3) mar gnas pa rnams la rjes su gtad de | dge sloṅ dag chos gos stod g-yogs smad g-yogs daṅ bcas pas ljoṅs rgyur ’doṅ źiṅade dag chos gos stod g-yogs smad g-yogs daṅ bcas pas ljoṅs rgyur ’doṅ ba na ma sbas pa daṅ sbed du ma bcug par gyur to || dge sloṅ gnas (4) pa daṅ gñug mar gnas pa dag kyaṅ chos gos de dag skems pa daṅ | gsaṅ ba daṅ | ’diṅ ba daṅ | sprug pa daṅ | brtul ba daṅ | sbed pa dag byed pas bya ba maṅ pa daṅ | byed pa maṅ bar gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | (5) yid la bya ba daṅ | naṅ gi sems kyi źi gnas gtoṅ bar byed nas | dge sloṅ don ñuṅ du dag ci’i phyir dge sloṅ rnams la chos gos maṅ ba ñid ’di lta bu ’di byuṅ ste | dge sloṅ dbyar gnas par khas blaṅs pa gaṅ yaṅ ruṅ bas chos gos rñed nas des de bkrus śiṅ dras te drubs (6) nas kha bsgyur te gtur bu’i bam po bsgres nas dge sloṅ gnas pa daṅ | gñug mar gnas par rnams la rjes su gtad de | dge sloṅ dag chos gos stod g-yogs smad g-yogs daṅ bcas pas ljoṅs rgyur ’doṅ źiṅ de dag chos gos stod g-yogs smad g-yogs daṅ bcas pas (7) ljoṅs rgyur ’doṅ pa na ma sbas pa daṅ sbed du ma bcug par gyur | dge sloṅ gnas pa daṅ gñug mar gnas pa dag kyaṅ chos gos de dag skems pa daṅ | bsaṅ ba daṅ | ’diṅ ba daṅ | sprug pa daṅ | brtul ba daṅ | sbed pa dag byed pas bya ba maṅ ba daṅ | byed pa maṅ (44b1) bar gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol (2) to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la (3) sogs pa yaṅ sṅa ma bźin te | saṅs rgyas bcom ldan ’das kyis dge sloṅ maṅ po dag la rmas pa | dge sloṅ dag khyed la chos gos maṅ ba ñid ’di lta bu byuṅ ste | dge sloṅ dbyar gnas par khas blaṅs pa gaṅ yaṅ ruṅ bas chos gos rñed nas des de bkrus śiṅ dras (4) te drubs nas kha bsgyur te gtur bu’i bam po bsgres nas dge sloṅ gnas pa daṅ | gñug mar gnas par rnams la rjes su gtad de | dge sloṅ dag chos gos stod g-yogs smad g-yogs daṅ bcas pas ljoṅs rgyur ’dor źiṅ khyed cag chos gos stod g-yogs smad (5) g-yogs daṅ bcas pas ljoṅs rgyur ’doṅ ba na ma sbas pa daṅ | sbed du ma bcug par gyur la | dge sloṅ gnas pa daṅ gñug mar gnas pa dag kyaṅ chos gos de dag skems pa daṅ | gsaṅ ba daṅ | ’diṅ ba daṅ | sprug pa daṅ | brtul ba daṅ | sbed pa dag byed (6) pas bya ba maṅ ba daṅ | byed pa maṅ bar gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed pa bden nam | btsun pa mad do || saṅs rgyas bcom ldan ’das kyis gso dka’ ba (7) daṅ | dgaṅ dga’ ba daṅ | ’dod pa che ba daṅ | chog mi śes pa rnam par smad pa mdzad do || de nas bcom ldan ’das kyis gso sla ba daṅ | dgaṅ sla ba daṅ | ’dod pa chuṅ ba daṅ | chog śes pa daṅ | phri ba daṅ | yo byad bsñuṅs pa daṅ | sbyaṅs (45a1) pa’i yon tan daṅ | mdzes pa ñid daṅ | tshod śes pa’i bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par rjes su gzigs pas ’dul ba la ñan thos rnams kyi bslab pa’i gźi (2) bca’ bar bya ste źes bya ba la sogs pa sṅa ma bźin no || ’dul ba la ñan thos rnams kyi bslab pa’i gźi ’di ltar bca’ bar bya ste | dge sloṅ chos gos zin pas sra brkyaṅ phyuṅ na gal te nub gcig kyaṅ chos gos gaṅ yaṅ ruṅ ba daṅ mtshams kyi phyi rol (3) du bral bar byed na spaṅ ba’i ltuṅ byed do || źes bcom ldan ’das kyis ’dul ba la ñan thos rnams kyi bslab pa’i gźi bca’ ba mdzad do || saṅs rgyas bcom ldan ’das rgyal po’i khab na ’od ma’i tshal ka lan da ka’i gnas na bźugs so || de’i tshe na tshe daṅ ldan pa (4) ’od sruṅ chen po rgyal po’i khab na sde can ma’i phug na gso sbyoṅ gcig pa’i gnas kyi sdom pas dge ’dun daṅ mthun par ’dug go || dge sloṅ rab tu maṅ po dag de ñid kyi gso sbyoṅ bcwa lṅa pa’i tshe gso sbyoṅ gi gnas su ’dug ciṅ mthun par gyur nas gtso cher tshe daṅ ldan pa ’od sruṅ chen (5) po ’oṅ ba la sdod do || de nas tshe daṅ ldan pa ’od sruṅ chen po gso sbyoṅ gi gnas su ’phags pa na chu kluṅ dbyar bzaṅ ldan rgal ba daṅ chu rlabs chen po byuṅ ba des de’i snam sbyar gśer bar gyur to || de nas tshe daṅ ldan pa ’od sruṅ chen po snam sbyar de ’tshir ba daṅ | ’diṅ ba daṅ | (6) skems pa na yun riṅ du thogs par gyur to || de nas tshe daṅ ldan pa ’od sruṅ chen pos snam sbyar de btsir ciṅ btiṅ ste bskams nas gso sbyoṅ gi gnas ga la ba der soṅ ste phyin nas dge sloṅ gi dge ’dun gyi goṅ du stan bśams pa ñid la ’dug go || de nas dge sloṅ rab tu maṅ po dag (7) gis tshe daṅ ldan pa ’od sruṅ chen po la ’di skad ces smras so || btsun pa ’od sruṅ chen po mkhyen par mdzod cig | ’di na bdag cag dge sloṅ rab tu maṅ po dag gso sbyoṅ gi gnas su ’dug ciṅ mthun par gyur nas gtso cher tshe daṅ ldan pa ’od sruṅ chen po la sdod ciṅ ’khod na | ’on (45b1) kyaṅ tshe daṅ ldan pa ’od sruṅ chen po ’phyis par gyur to || tshe daṅ ldan pa dag ’di na bdag gso sbyoṅ gi gnas su ’phags pa na chu kluṅ dbyar bzaṅ ldan rgal ba daṅ chu rlabs chen po byuṅ ba des bdag gi snam sbyar gśer bar gyur nas | bdag snam sbyar ’tshir ba daṅ | ’diṅ ba (2) daṅ | skems pa na yun riṅ źig thogs par gyur to || tshe daṅ ldan pa dag da ltar bdag dge sloṅ ’od sruṅ chen po rgan po rgas pa dgog tu gyur pa lags la bdag gi snam sbyar ni lci bas yoṅs su skyoṅ bar rṅo mi thog na | bdag gis ji ltar bgyi źes zer ba’i skabs de (3) dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyed kyis dge sloṅ ’od sruṅ chen po rgan po rgas pa dgog tu gyur pa daṅ | gźan yaṅ de lta bu gaṅ yin pa la snam sbyar daṅ ’bral bar mi ’gyur ba’i (4) gnaṅ ba byin cig | ’di ltar sbyin par bya ste | gnas mal bśams pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dkyil ’khor bar dge sloṅ bźi’i tshogs las mi ñuṅ pa’i dge ’dun thams cad ’dug ciṅ mthun par gyur pa la (5) dge sloṅ ’od sruṅ gis bla gos phrag pa gcig tu byas te rgan rims bźin du phyag ’tshal nas rgan pa’i mtha’ logs su tsog pur ’dug ste thal mo sbyar nas dge ’dun la snam sbyar ñe bar bstan te ’di skad ces brjod par bya’o || dge ’dun btsun pa rnams gsan du gsol | (6) bdag dge sloṅ ’od sruṅ rgas pa dgog tu gyur pa lags la bdag ni snam sbyar ni lci bas yoṅs su skyoṅ bar rṅo mi thog nas | bdag dge sloṅ ’od sruṅ rgan po rgas pa dgog tu gyur pa dge ’dun las snam sbyar daṅ ’bral bar mi ’gyur ba’i gnaṅ ba gsol na | thugs (7) brtse ba can dge ’dun btsun pa rnams kyis thugs brtse ba’i slad du bdag dge sloṅ ’od sruṅ rgan po rgas pa dgog tu gyur pa la snam sbyar daṅ ’bral bar mi ’gyur ba’i gnaṅ ba stsal du gsol | de bźin du lan gñis lan gsum du bzlas | de’i ’og tu dge sloṅ gcig (46a1) gis gsol ba byas te las bya’o || dge ’dun btsun pa rnams gsan du gsol | dge sloṅ ’od sruṅ ’di rgan po rgas pa dgog tu gyur pa lags la ’di’i snam sbyar ni lci bas yoṅs su skyoṅ bar rṅo mi thog nas | dge sloṅ ’od sruṅ rgan po rgas pa dgog tu gyur (2) pa ’di dge ’dun las snam sbyar daṅ ’bral bar mi ’gyur ba’i gnaṅ ba gsol na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ ’od sruṅ rgan po rgas pa dgog tu gyur pa la snam sbyar daṅ ’bral bar mi ’gyur (3) ba’i gnaṅ ba stsol to || ’di ni gsol ba’o || las ni ’di ltar bya ste | dge ’dun btsun pa rnams gsan du gsol | dge sloṅ ’od sruṅ ’di rgan po rgas pa dgog tu gyur pa lags la ’di’i snam sbyar ni lci bas yoṅs su skyoṅ bar rdo mi thog nas | dge sloṅ ’od sruṅ rgan (4) po rgas pa dgog tu gyur pa ’di dge ’dun las snam sbyar daṅ ’bral bar mi ’gyur ba’i gnaṅ ba gsol te | de’i slad du dge ’dun gyis dge sloṅ ’od sruṅ rgan po rgas pa dgog tu gyur pa la snam sbyar daṅ ’bral bar mi ’gyur ba’i gnaṅ ba stsol na | tshe daṅ ldan pa gaṅ dag dge sloṅ (5) ’od sruṅ rgan po rgas pa dgog tu gyur ba la snam sbyar daṅ ’bral bar mi ’gyur ba’i gnaṅ ba stsal bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | dge ’dun gyis bzod ciṅ gnaṅ nas dge ’dun gyis dge sloṅ ’od sruṅ rgan po rgas pa dgog tu (6) gyur pa la snam sbyar daṅ ’bral bar mi ’gyur ba’i gnaṅ ba stsal lags te | ’di ltar caṅ mi gsuṅ bas de de bźin du ’dzin to || dge ’dun gyis dge sloṅ gaṅ yaṅ ruṅ ba la snam sbyar daṅ ’bral bar mi ’gyur ba’i gnaṅ ba byin par gyur na des chos gos stod g-yogs smad g-yogs (7) daṅ bcas pas ljoṅs rgyur ’gro bar bya ste | ’di la ’gyod par mi bya’o || de’i tshe na tshe daṅ ldan pa śā ri’i bu ’khor de ñid du ’dug ciṅ mthun par gyur to || de nas tshe daṅ ldan pa śā ri’i bus dge sloṅ rnams la smras pa | tshe daṅ ldan pa dag da ltar bdag dge sloṅ śā ri’i bu rluṅ naṅ (46b1) can lags la | bdag gi snam sbyar ni lci bas yoṅs su skyoṅ bar rṅo mi thog na bdag gis ji ltar bgyi źes zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag khyed kyis dge sloṅ śā ri’i (2) bu rluṅ nad can daṅ gźan yaṅ de lta bu gaṅ yin pa la snam sbyar daṅ ’bral bar mi ’gyur ba’i gnaṅ ba byin cig | ’di ltar sbyin par bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dkyil ’khor bar dge sloṅ (3) bźi’i chogs las mi ñuṅ ba’i dge ’dun thams cad ’dug ciṅ mthun par gyur pa la | dge sloṅ śā ri’i bus bla gos phrag pa gcig tu byas te rgan rims bźin du phyag ’tshal nas rgan pa’i mtha’ logs su tsog pur ’dug ste thal mo sbyar nas dge ’dun la snam sbyar ñe bar (4) bstan te ’di skad ces brjod par bya’o || dge ’dun btsun pa rnams gsan du gsol | bdag dge sloṅ śā ri’i bu rluṅ nad tsan la gsal bdag gi snam sbyar ni lci bas yoṅs su skyoṅ bar rṅo mi thog nas | bdag dge sloṅ śā ri’i bu rluṅ nad can dge ’dun las snam (5) sbyar daṅ ’bral bar mi ’gyur ba’i gnaṅ ba gsol na thugs brtse ba can dge ’dun btsun pa rnams kyis thugs brtse ba’i slad du bdag dge sloṅ śā ri’i bu rluṅ nad can la snam sbyar daṅ ’bral bar mi ’gyur ba’i gnaṅ bstsal du gsol | de bźin du lan gñis lan gsum du bzlas | de’i (6) ’og tu dge sloṅ gcig gis gsol ba byas te las bya’o || dge ’dun btsun pa rnams gsan du gsol | dge sloṅ śā ri’i bu ’di rluṅ nad can lags la ’di’i snam sbyar ni lci bas yoṅs su skyoṅ bar rṅo mi thog nas | dge sloṅ śā ri’i bu rluṅ nad can ’di dge ’dun las (7) snam sbyar daṅ ’bral bar mi ’gyur ba’i gnaṅ ba gsol na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ śā ri’i bu rluṅ nad can la snam sbyar daṅ ’bral bar mi ’gyur ba’i gnaṅ ba stsol to || ’di ni gsol (47a1) ba’o || las ni ’di ltar bya ste | dge ’dun btsun pa rnams gsan du gsol | dge sloṅ śā ri’i bu ’di rluṅ nad can lags la ’di’i snam sbyar ni lci bas yoṅs su skyoṅ bar rṅo mi thog nas | dge sloṅ śā ri’i bu rluṅ nad can ’di dge ’dun las snam sbyar daṅ (2) ’bral bar mi ’gyur ba’i gnaṅ ba gsol te | de’i slad du dge ’dun gyis dge sloṅ śā ri’i bu rluṅ nad can la snam sbyar daṅ ’bral bar mi ’gyur ba’i gnaṅ ba stsol na | tshe daṅ ldan pa gaṅ dag dge sloṅ śā ri’i bu rluṅ nad can la snam sbyar daṅ ’bral bar mi ’gyur ba’i gnaṅ bstsal (3) bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | dge ’dun gyis bzod ciṅ gnaṅ nas dge ’dun gyis dge sloṅ śā ri’i bu rluṅ nad can la snam sbyar daṅ ’bral bar mi ’gyur ba’i gnaṅ ba stsal lags te | ’di ltar caṅ mi (4) gsuṅ bas de de bźin du ’dzin to || dge ’dun gyis dge sloṅ gaṅ yaṅ ruṅ ba la snam sbyar daṅ ’bral bar mi ’gyur ba’i gnaṅ ba byin par gyur na | des chos gos stod g-yogs smad g-yogs daṅ bcas pas ljoṅs rgyur ’gro bar bya ste | ’di la ’gyod par mi (5) bya’o || de nas bcom ldan ’das kyis bslab pa ’dod pa rnams kyi bsṅags pa brjod ciṅ bslab pa la gus pa rnams daṅ | bslab pa la yo byad bsñuṅs pa rnams daṅ | phri ba rnams daṅ | sbyaṅs pa’i yon tan rnams daṅ | mdzes pa rnams daṅ | tshod (6) śes pa rnams kyi yon tan brjod nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni gnaṅ ba yin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ chos gos zin pas (7) sra brkyaṅ phyud na gal te nub gcig kyaṅ chos gos gsum las chos gos gaṅ yaṅ ruṅ ba daṅ mtshams kyi phyi rol du ’bral bar byed na dge ’dun gyis gnaṅ ba ma gtogs te spaṅ ba’i ltuṅ byed do || dge sloṅ źes bya ba ni chos ’di pa’o || chos gos zin pas sra brkyaṅ phyuṅ na (47b1) źes bya ba ni chos gos zin la sra brkyaṅ ma phyuṅ ba yaṅ yod | chos gos ma zin la sra brkyaṅ phyuṅ ba yaṅ yod | chos gos zin ciṅ sra brkyaṅ phyuṅ ba yaṅ yod | chos gos ma zin ciṅ sra brkyaṅ ma phyuṅ ba yaṅ yod de | sṅa ma bźin du mu bźir rgyas par sbyar ro || gal te nub gcig (2) kyaṅ źes bya ba ni nub gcig gi mthar yaṅ ṅo || chos gos gsum las chos gos gaṅ yaṅ ruṅ ba daṅ źes bya ba ni snam sbyar daṅ bla gos daṅ mthar gos las gaṅ yaṅ ruṅ ba daṅ ṅo || mtshams kyi phyi rol du ’bral bar byed na źes bya ba ni gźan du skya reṅs ’char bar byed na’o || (3) dge ’dun gyis gnaṅ ba ma gtogs te źes bya ba ni dge ’dun gyis gnaṅ ba bźag ste’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe (4) na ||

bar sdom la |
khyim gcig pa daṅ khyim gñis daṅ ||
khyim gyi tshogs daṅ ldan pa daṅ ||
rtsig pa rib ma ’obs bskor daṅ ||
rnam bźir bya ba groṅ daṅ khyim ||
sten ’gro mu stegs tshoṅ rdal daṅ ||
tshoṅ khaṅ sgra khaṅ g-yul daṅ ni ||
g-yul tshoms gru (5) daṅ śiṅ rta daṅ ||
śiṅ ljon kun dga’i ra ba yin ||
lam du ’gro sdod ’dug ñal daṅ ||
thad kar yaṅ ni de bźin te ||
mtshams gźan ñal ba tha ma yi ||
sde tshan yaṅ dag bsdus pa yin ||

khyim gcig daṅ ldan pa’i groṅ daṅ | khyim gñis daṅ ldan pa’i groṅ (6) daṅ | khyim gyi tshogs daṅ ldan pa’i groṅ daṅ | rtsig pas bskor ba’i groṅ daṅ | rib mas bskor ba’i groṅ daṅ | ’obs kyis bskor ba’i groṅ daṅ rnam pa bźir bya ba groṅ ñen kor gcig pa daṅ | groṅ ñen kor tha dad pa daṅ | groṅ rab tu maṅ po ñen kor gcig pa (7) daṅ | groṅ rab tu maṅ po ñen kor tha dad pa daṅ | khyim ñen kor gcig pa daṅ | khyim ñen kor tha dad pa daṅ | khyim rab tu maṅ po ñen kor gcig pa daṅ | khyim rab tu maṅ po ñen kor tha dad pa daṅ | sten ’gro’i khyim ñen kor gcig pa daṅ | sten ’gro’i khyim ñen (48a1) kor tha dad daṅ | sten ’gro’i khyim rab tu maṅ po ñen kor gcig pa daṅ | sten ’gro’i khyim rab tu maṅ po ñen kor tha dad pa daṅ | mu stegs can gyi khyim ñen kor gcig pa daṅ | mu stegs can gyi khyim ñen kor tha dad pa daṅ | mu stegs can gyi (2) khyi.ima rab tu maṅ po ñen kor gcig pa daṅ | mu stegs can gyi khyim rab tu maṅ po ñen kor tha dad pa daṅ | tshoṅ rdal ñen kor gcig pa daṅ | tshoṅ rdal ñen kor tha dad pa daṅ | tshoṅ rdal rab tu maṅ po ñen kor gcig pa daṅ | tshoṅ rdal rab tu maṅ po ñen kor tha dad pa (3) daṅ | tshoṅ khaṅ ñen kor gcig pa daṅ | tshoṅ khaṅ ñen kor tha dad pa daṅ | tshoṅ khaṅ rab tu maṅ po ñen kor gcig pa daṅ | tshoṅ khaṅ rab tu maṅ po ñen kor tha dad pa daṅ | sgra khaṅ ñen kor gcig pa daṅ | sgra khaṅ ñen kor tha dad pa daṅ | sgra khaṅ rab tu maṅ po ñen kor (4) gcig pa daṅ | sgra khaṅ rab tu maṅ po ñen kor tha dad pa daṅ | g-yul ñen kor gcig pa daṅ | g-yul ñen kor tha dad pa daṅ | g-yul rab tu maṅ po ñen kor gcig pa daṅ | g-yul rab tu maṅ po ñen kor tha dad pa daṅ | g-yul gyi tshoms ñen kor gcig pa (5) daṅ | g-yul gyi tshoms ñen kor tha dad pa daṅ | g-yul gyi tshoms rab tu maṅ po ñen kor gcig pa daṅ | g-yul gyi tshoms rab tu maṅ po ñen kor tha dad pa daṅ | gru ñen kor gcig pa daṅ | gru ñen kor tha dad pa daṅ | gru rab tu maṅ po ñen kor gcig (6) pa daṅ | gru rab tu maṅ po ñen kor tha dad pa daṅ | śiṅ rta ñen kor gcig pa daṅ | śiṅ rta ñen kor tha dad pa daṅ | śiṅ rta rab tu maṅ po ñen kor gcig pa daṅ | śiṅ rta rab tu maṅ po ñin kor tha dad pa daṅ | śiṅ ljon pa ñen kor gcig pa daṅ | śiṅ ljon (7) pa ñen kor tha dad pa daṅ | śiṅ ljon pa rab tu maṅ po ñen kor gcig pa daṅ | śiṅ ljon pa rab tu maṅ po ñen kor tha dad pa daṅ | kun dga’i ra ba ñen kor gcig pa daṅ | kun dga’i ra ba ñen kor tha dad pa daṅ | kun dga’i ra ba rab tu maṅ po ñen kor gcig pa (48b1) daṅ | kun dga’i ra ba rab tu maṅ po ñen kor tha dad pa daṅ | lam du ’gro ba la sogs pa daṅ | thad kar ’gro ba la sogs pa daṅ | mtshams gźan dag gi gnas thun moṅ daṅ thun moṅ ma yin pa’i bye brag gis dge sloṅ chos gos daṅ mi ’bral ba daṅ ’bral ba’i ltuṅ ba (2) rnam par bźag pa’i bye brag rgya cher ston to || de la khyim gcig daṅ ldan pa’i groṅ gaṅ źe na | ’di lta ste | ri khrod pa rnams daṅ | bod rnams daṅ | kla klo rnams kyi groṅ ṅo || de’i ñen kor gaṅ źe na | naṅ thams cad daṅ | phyir rol ’dom gaṅ ṅam | gaṅ du de dag (3) rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na (4) ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || khyim gñis daṅ ldan pa’i groṅ gaṅ źe na | ’di (5) lta ste | khyim gcig daṅ ldan pa’i groṅ ji lta ba bźin du | khyim gñis daṅ ldan pa’i groṅ yaṅ de bźin no || khyim gyi tshogs daṅ ldan pa’i groṅ gaṅ źe na | ’di lta ste | groṅ sgo sna tshogs nas kun nas gnas pa gaṅ yin pa’o || de’i ñen kor gaṅ źe na | so so tha (6) dad pa’o || ci źig thun moṅ yin źe na | ci yaṅ ma yin no || rtsig pas bskor ba’i groṅ gaṅ źe na | ’di lta ste groṅ rtsig pas bskor ba gaṅ yin pa’o || de’i ñen kor gaṅ źe na | nad thams cad daṅ phyi rol ’dom gaṅ ṅam | gaṅ du ba laṅ drug daṅ ldan pa’i śiṅ rta smyig ma (7) can gyis khyab ciṅ ’dug pa daṅ | bya gag spar nas ’dug pa’i bar de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba me do || ñen kor du chos gos dag bźag ste naṅ du skya reṅs ’char bar byed na (49a1) yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || rib mas bskor ba’i groṅ gaṅ źe na | ’di lta ste | groṅ rib mas bskor ba gaṅ yin pa’o || de’i ñen kor gaṅ (2) źen | naṅ thams cad daṅ | phyi rol ’dom gaṅ ṅam | gaṅ du ra lug bton pa dag gi rmig pas bslaṅ ba’i rdul ’bab pa daṅ | mi raṅ bźin gyis ṅo tsha daṅ ldan pa bśaṅ sar ’gro ba’i bar de ni de’i ñen kor yin no || dge sloṅ gis naṅ du chos gos dag bźag ste ñen (3) kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || ’obs kyis bskor (4) ba’i groṅ gaṅ źe na | ’di lta ste groṅ ’obs kyis bskor ba gaṅ yin pa’o || de’i ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du skas gdaṅ bu bcu gñis pas khyab ciṅ ’dug pa daṅ | phyag daṅ bor ba’i boṅ ba rags pa ’dril ba’i bar de ni de’i ñen kor yin (5) no || dge sloṅ gis naṅ du chos gos dag bźag ste | ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char (6) bar byed na spaṅ ba’i ltuṅ byed du ’gyur ro || groṅ ñen kor gcig pa gaṅ źe na | ’di lta ste | groṅ gaṅ na skyed mos tshal lam ’dun sa’am | lha’i gnas gcig yod pa gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | lha’i (7) gnas so || dge sloṅ gis groṅ du chos gos dag bźag ste lha’i gnas su skya reṅs ’char bar byed na ltuṅ ba me do || lha’i gnas su chos gos dag bźag ste groṅ du skya reṅs ’achaRa bar byed na yaṅ ltuṅ ba med do || groṅ ṅam lha’i gnas su chos gos dag bźag ste (49b1) gźan du skya reṅs ’char bar byed na spaṅ ba’i ltuṅ byed du ’gyur ro || groṅ ñen kor tha dad pa gaṅ źe na | ’di lta ste | groṅ gdan skyed mos tshal lam | ’dun sa’am | lha’i gnas rab tu maṅ po dag yod pa gaṅ yin pa’o || de’i ñen kor gaṅ źe na | so so tha dad pa’o || ci źig (2) thun moṅ yin źe na | ci yaṅ ma yin no || groṅ rab tu maṅ po ñen kor gcig pa gaṅ źe na | ’di lta ste | groṅ gaṅ dag na skyed mos tshal lam | ’dun sa’am | lha’i gnas gcig yod pa gaṅ yin pa’o || de dag gi ñen kor gaṅ źe na | so so tha dad pa’o || ci (3) źig thun moṅ yin źe na | lha’i gnas so || dge sloṅ gis groṅ du chos gos dag bźag ste lha’i gnas su skya reṅs ’achaRa bar byed na ltuṅ ba med do || lha’i gnas su chos gos dag bźag ste groṅ du skya reṅs ’char bar byed na yaṅ ltuṅ ba med do || groṅ ṅam lha’i gnas (4) su chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || groṅ rab tu maṅ po ñen kor tha dad pa gaṅ źe na | ’di lta ste | groṅ gaṅ dag na skyed mos tshal lam | ’dun sa’am | lha’i gnas rab tu maṅ po dag yod pa gaṅ yin pa’o || (5) de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || khyim ñen kor gcig pa gaṅ źe na | ’di lta ste | mi gcig gi’am | spun sgo ma phye ba dag gi khyim gaṅ yin pa’o || de’i ñen kor gaṅ źe na | naṅ thams (6) cad daṅ | phyir rol ’dom gaṅ ṅam | gaṅ du de dag rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis naṅ (7) du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || (50a1) khyim ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi khyim gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | sgo’o || dge sloṅ gis naṅ du chos gos dag bźag ste sgor skya (2) reṅs ’char bar byed na ltuṅ ba med do || sgor chos gos dag bźag ste naṅ du skya reṅs ’achaRa bar byed na yaṅ ltuṅ ba med do || naṅ ṅam sgor chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || khyim rab tu maṅ po ñin kor gcig pa (3) gaṅ źe na | ’di lta ste mi gcig gi’am | spun sgo ma bye ba dag gi khyim rab tu maṅ po dag gaṅ yin pa’o || de dag gi ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du de dag rduṅ bar byed pa daṅ | rṅo bar byed pa daṅ | ’thag par byed (4) pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag (5) bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || khyim rab tu maṅ po ñen kor tha dad pa gaṅ źe na | ’di lta ste mi tha dad pa dag gi ’am | (6) spun sgo bye ba dag ni khyim rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || sten ’gro’i khyim ñen kor gcig pa gaṅ źe na | ’di lta ste mi gcig gi’am | spun sgo ma bye ba (7) dag gi sten ’gro’i khyim gaṅ yin pa’o || de’i ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du de dag gi gliṅ bu ’jog par byed pa daṅ | rṅa pa ṭa ha daṅ | pi baṅ daṅ | rdza rṅa kha gcig pa daṅ | khar rṅa daṅ | su g+ho śa ka ’jog par byed pa daṅ | (50b1) moṅ phaṅ daṅ phaṅ lo ’jog par byed pa daṅ | gaṅ du rduṅ bar byed pa daṅ | rdo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis naṅ du chos (2) gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar bye na spaṅ ba’i ltuṅ byed du (3) ’gyur ro || sten ’gro’i khyim ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi sten ’gro’i khyim gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | rgyal mtshan gyi śiṅ ṅo || dge (4) sloṅ gis naṅ du chos gos dag bźag ste rgyal mtshan gyi śiṅ la skya reṅs ’char bar byed na ltuṅ ba med do || rgyal mtshan gyi śiṅ la chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam rgyal mtshan gyi śiṅ la chos gos dag bźag ste (5) gźan du skya reṅs ’char bar byed na spaṅ ba’i ltuṅ byed du ’gyur ro || sten ’gro’i khyim rab tu maṅ po ñen kor gcig pa gaṅ źe na | ’di lta ste mi gcig gi’am | spun sgo ma bye bdag gi sten ’gro’i khyim rab tu maṅ po gaṅ dag yin pa’o || de dag gi ñen kor gaṅ (6) źe na | naṅ thams cad daṅ phyi rol ’dom gaṅ ṅam | gaṅ du de dag gi gliṅ bu ’jog par byed pa daṅ | rṅa pa ṭa ha daṅ | pi paṅ daṅ | rdza rṅa kha gcig pa daṅ | khar rṅa daṅ | su g+ho śā ka ’jog par byed pa daṅ | moṅ phaṅ daṅ | phaṅ lo ’jog par byed pa daṅ | (7) gaṅ du rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs (51a1) ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || sten ’gro’i (2) khyim rab tu maṅ po ñin kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi sten ’gro’i khyim rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || mu stegs can gyi khyim ñen kor (3) gcig pa gaṅ źe na | ’di lta ste mu stegs can gyi khyim lta ba gcig pa daṅ | bzod pa gcig pa daṅ | ’dod pa gcig pa daṅ | bsam pa gcig pa gaṅ yin pa’o || de’i ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag lci ba dag gdiṅ ba byed pa daṅ | yam sreg (4) śiṅ dag ’jog par byed pa daṅ | g-yaṅ gźi dag daṅ | śiṅ śun dag daṅ | dbyig gu dag daṅ | ril ba dag daṅ | blugs gzar dag daṅ | dgaṅ gzar dag ’jog par byed pa daṅ | me sbar bar byed pa daṅ | yam sreg śiṅ dag sreg par byed pa daṅ | gaṅ (5) du de dag rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar (6) byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || mu stegs can gyi khyim ñen kor tha dad pa gaṅ (7) źe na | ’di lta ste mu stegs can gyi khyim lta ba tha dad pa daṅ | bzod pa tha dad pa daṅ | ’dod pa tha dad pa daṅ | bsam pa tha dad pa gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | lha’i gnas so || dge sloṅ gis mu (51b1) stegs can gyi khyim du chos gos dag bźag sta lha’i gnas su skya reṅs ’char bar byed na ltuṅ ba med do || lha’i gnas su chos gos dag bźag ste mu stegs can gyi khyim du skya reṅs ’char bar byed na yaṅ ltuṅ ba med do || mu stegs can gyi khyim mam lha’i gnas su (2) chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || mu stegs can gyi khyim rab tu maṅ po ñen kor gcig pa gaṅ źe na | ’di lta ste mu stegs can gyi khyim rab tu maṅ po lta ba gcig pa daṅ | bzod pa gcig pa daṅ | ’dod pa (3) gcig pa daṅ | bsam pa gcig pa gaṅ dag yin pa’o || de dag gi ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du de dag lci ba dag ’diṅ bar byed pa daṅ | yam sreg śiṅ dag ’jog par byed pa daṅ | g-yaṅ gźi dag daṅ | (4) śiṅ śun dag daṅ | dbyig gu dag daṅ | ril ba dag daṅ | blugs gzar dag daṅ | dgaṅ gzar dag ’jog bar byed pa daṅ | me spar bar byed pa daṅ | yam srag śiṅ sreg par byed pa daṅ | gaṅ du de dag rduṅ bar byed pa daṅ | rṅo bar byed pa daṅ | (5) ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor (6) du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || mu stegs can gyi khyim rab tu maṅ po ñen kor tha dad pa gaṅ źe na | (7) ’di lta ste mu stegs can gyi khyim rab tu maṅ po lta ba tha dad pa daṅ | bzod pa tha dad pa dad | ’dod pa tha dad pa daṅ | bsam pa tha dad pa gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || (52a1) tshoṅ rdal ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi tshoṅ rṅal gaṅ yin pa’o || de’i ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag zoṅ ’jog par byed pa daṅ | ño bar byed (2) pa daṅ | ’tshoṅ bar byed pa daṅ | bgraṅ bar byed pa daṅ | ’jal bar byed pa daṅ | ’jog par byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag (3) bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || tshoṅ rdal ñen kor tha dad pa gaṅ źe na | ’di lta ste mi tha dad pa dag gi ’am | spun sgo bye ba (4) dag gi tshoṅ rdal gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | gźag stegs so || dge sloṅ gis naṅ du chos gos dag bźag ste gźag stegs su skya reṅs ’char bar byed na ltuṅ ba med do || gźag stegs su chos gos (5) dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam gźag stegs su chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || tshoṅ rdal rab tu maṅ po ñen kor gcig pa gaṅ źe na | ’di lta ste | mi gcig gi (6) gi’am | spun sgo ma bye ba dag gi tshoṅ rnal rab tu maṅ po gaṅ dag yin pa’o || de dag gi ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag zoṅ ’jog par byed pa daṅ | ño bar byed pa daṅ | ’tshoṅ bar byed pa daṅ | bgraṅ bar byed pa (7) daṅ | ’jal bar byed pa daṅ | ’jog par byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med (52b1) do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || tshoṅ rdal rab tu maṅ po ñen kor ta dad pa gaṅ źe na | ’di lta ste mi tha dad pa dag gi’am | spun sgo bye ba dag gi tshoṅ rdal rab tu maṅ po gaṅ dag yin (2) pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || tshoṅ khaṅ ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi tshoṅ khaṅ gaṅ yin pa’o || de’i ñen kor gaṅ źe na | naṅ (3) thams cad daṅ phyi rol ’dom gaṅ ṅam | gaṅ du de dag zoṅ ’jog par byed pa daṅ | gro dag daṅ | nas dag daṅ | mon sran gre’u dag daṅ | sā lu dag daṅ | ’bras dag daṅ | til dag daṅ | ’bras thug po che dag daṅ | bur ma dag daṅ | mar dag daṅ | ras ba la dag (4) daṅ | skud pa dag daṅ | gos dag ’jog par byed pa daṅ | ’bru spuṅ bar byed pa daṅ | bye’u chuṅ daṅ | gle ba ’jog par byed pa daṅ | ’jal bar byed pa daṅ | rluṅ yor ’dzugs par byed pa daṅ | ño bar byed pa daṅ | ’tshoṅ bar byed pa daṅ | bgraṅ bar byed pa daṅ | (5) ’jal bar byed pa daṅ | ’jog par byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ (6) ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || tshoṅ khaṅ ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi tshoṅ khaṅ gaṅ yin pa’o || de’i ñen kor gaṅ źe na | so so (7) tha dad pa’o || ci źig thun moṅ yin źe na | ’dug stegs so || dge sloṅ gis naṅ du chos gos dag bźag ste ’dug stegs su skya reṅs ’char bar byed na ltuṅ ba med do || ’dug stegs su chos gos dag bźag ste naṅ du skya reṅs ’char bar byed na yaṅ ltuṅ ba med do || (53a1) naṅ ṅam ’dug stegs su chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || tshoṅ khaṅ rab tu maṅ po ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi tshoṅ khaṅ rab tu maṅ po (2) gaṅ dag yin pa’o || de dag gi ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du de dag zoṅ ’jog par byed pa daṅ | gro dag daṅ | nas dag daṅ | mon sran gre’u dag daṅ | sā lu dag daṅ | ’bras dag daṅ | til dag daṅ | ’bras thug po (3) che dag daṅ | bu ram dag daṅ | mar dag daṅ | ras bal dag daṅ | skud pa dag daṅ | gos dag ’jog par byed pa daṅ | ’bru spuṅ bar byed pa daṅ | bre’u chuṅ daṅ | gle ba ’dzeg par byed pa daṅ | ’jal bar byed pa daṅ | rluṅ yor ’dzugs par byed pa daṅ | (4) ño bar byed pa daṅ | ’tshoṅ par byed pa daṅ | bgraṅ bar byed pa daṅ | ’jal bar byed pa daṅ | ’jog par byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’achaRa bar byed na ltuṅ ba med do || ñen kor du chos gos (5) dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || tshoṅ khaṅ rab tu maṅ po ñen kor tha dad pa gaṅ źe na | ’di lta ste mi tha dad pa dag gi’am | (6) spun sgo bya ba dag gi tshoṅ khaṅ rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || sgra khaṅ ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi sgra khaṅ (7) gaṅ yin pa’o || de’i ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag glaṅ dag ’dogs par byed pa daṅ | rtswa dag ’jog par byed pa daṅ | mun dza dag rduṅ bar byed pa daṅ | thag pa dag ’khal bar byed pa daṅ | gaṅ du rduṅ ba’ byed (53b1) pa daṅ | rdo bar byed pa daṅ | ’thag par byed pa daṅ | ’cha’ bar byed ba daṅ | za bar byed pa daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || (2) ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || sgra khaṅ ñen kor tha dad pa gaṅ źe na | ’di lta ste mi tha dad pa dag gi’am | (3) spun sgo bye ba dag gi sbra khaṅ gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na ya gad do || dge sloṅ gis naṅ du chos gos dag bźag ste ya gad la skya reṅs ’char bar byed na ltuṅ ba med do || ya gad la chos gos dag bźag ste | (4) sgra khaṅ du skya reṅs ’char bar byed na yaṅ ltuṅ ba med do || sgra khaṅ ṅam ya gdal chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || sgra khaṅ rab tu maṅ po ñen kor gcig pa gab źe na | ’di lta ste mi gcig gi’am | spun sgom bye ba (5) dag gi sgra khaṅ rab tu maṅ po gaṅ dag yin pa’o || de dag gi ñen kor gaṅ źe na | naṅ thams cad daṅ | phyi rol ’dom gaṅ dam | gaṅ du de dag glaṅ dag ’dogs par byed pa daṅ | rtswa dag ’jog par byed pa daṅ | mun dza dag rduṅ bar byed pa daṅ | thag pa dag ’khal bar (6) byed pa daṅ | gaṅ du rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du (7) skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || sgra khaṅ rab tu maṅ po ñen (54a1) kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi sgra khaṅ rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || g-yul ñen kor gcig pa | (2) gaṅ źe na | ’di lta ste mi gcig gi’am | spun sgo ma bye ba dag gi ga yul gaṅ yin pa’o || de’i ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag ’bru rduṅ bar byed pa daṅ | ’phyar bar byed pa daṅ | ’khrab par byed pa daṅ | spuṅ bar byed (3) pa daṅ | bre’u chuṅ daṅ | gle ba ’jog par byed pa daṅ | ’jal bar byed pa daṅ | rluṅ yor ’dzugs par byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag (4) ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || g-yul ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag (5) gi g-yul gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | g-yul gyi dkyil lo || dge sloṅ gis g-yul gyi dkyil du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag (6) bźag ste g-yul gyi dkyil du skya reṅs ’char bar byed na yaṅ ltuṅ ba med do || g-yul gyi dkyil du’am ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || g-yul rab tu maṅ po ñen kor gcig pa gaṅ źe na | ’di lta ste mi (7) gcig gi’am | spun sgo ma bye bdag gi g-yul rab tu maṅ po gaṅ dag yin pa’o || de dag gi ñen kor gaṅ źe na | naṅ thams cad daṅ phyi rol ’do ma gaṅ ṅam | gaṅ du de dag ’bru rduṅ bar byed pa daṅ | ’phyar bar byed pa daṅ | ’khrab par byed pa daṅ | spuṅ bar byed pa daṅ | bre’u (54b1) chuṅ daṅ | gle ba ’jog par byed pa daṅ | ’jal bar byed pa daṅ | rluṅ yor ’dzugs par byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du (2) skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || g-yul rab tu maṅ po ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi (3) g-yul rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || || ’dul ba rnam par ’byed pa | bam po ñi śu drug pa | g-yul gyi tshoms ñen kor gcig pa gaṅ źe (4) na | ’di lta ste mi gcig gi’am | spun sgo ma bye ba dag gi g-yul gyi tshoms gaṅ yin pa’o || de’i ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du de dag glaṅ dag ’dogs par byed pa daṅ | rtswa dag ’jog par byed pa daṅ | mun dza dag rduṅ (5) bar byed pa daṅ | thag pa dag ’khal bar byed pa daṅ | lci ba dag ’dor bar byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs (6) ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || g-yul gyi tshoms ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi g-yul gyi (7) tshoms gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | sgo’o || dge sloṅ gis naṅ du chos gos dag bźag ste sgor skya reṅs ’char bar byed na ltuṅ ba med do || sgor chos gos dag bźag ste naṅ du skya reṅs ’char bar byed (55a1) byed na yaṅ ltuṅ ba med do || naṅ ṅam sgor chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || g-yul gyi tshoms ra ba tu maṅ po ñen kor gcig pa gaṅ źe na | ’di lta ste mi gcig gi’am | spun sgo ma bye ba (2) dag gi g-yul gyi tshoms rab tu maṅ po gaṅ dag yin pa’o || de dag gi ñen kor gaṅ źe na | naṅ thams cad daṅ phyi rol ’dom gaṅ ṅam gaṅ du de dag glaṅ dag ’dogs par byed pa daṅ | rtswa dag ’jog par byed pa daṅ | mun dza dag rduṅ bar byed pa daṅ | thag pa dag ’khal (3) bar byed pa daṅ | lci ba dag ’dor bar byed pa de ni de dag ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || (4) naṅ dam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || g-yul gyi tshoms rab tu maṅ po ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi g-yul gyi tshoms rab tu maṅ po gaṅ dag (5) yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || gru ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi gru gaṅ yin pa’o || de’i ñen kor gaṅ źe na | ’gro ba’i ni naṅ (6) thams cad daṅ | phyi rol ’dom gaṅ ṅam | ’dug pa’i ni naṅ thams cad daṅ phyi rol ’dom gaṅ ṅam | gaṅ du de dag phur pa ’debs par byed pa daṅ | gru rtod par byed pa daṅ | gdos bdag ’jog par byed pa daṅ | gru skya dag ’jog par byed pa daṅ | mun dza dag rduṅ (7) bar byed pa daṅ | thag pa dag ’khal bar byed pa daṅ | gaṅ du rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis (55b1) naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i (2) ltuṅ byed du ’gyur ro || gru ñen kor tha dad pa gaṅ źe na | ’di lta ste | mi tha dad pa dag gi’am | spun sgo bye ba dag gi gru gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na | gru gdoṅ ṅo || dge sloṅ gis naṅ du chos gos (3) dag bźag ste gru gdoṅ du skya reṅs ’char bar byed na ltuṅ ba med do || gru gdoṅ du chos gos dag bźag ste naṅ du skya reṅs ’achaRa bar byed na yaṅ ltuṅ ba med do || naṅ ṅam gru gdoṅ du chos gos dag bźag ste gźan du skya reṅs ’char bar byed na spaṅ ba’i ltuṅ byed (4) du ’gyur ro || gru rab tu maṅ po ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi gru rab tu maṅ po gaṅ dag yin pa’o || de dag gi ñen kor gaṅ źe na | ’gro ba’i ni naṅ thams cad daṅ phyi rol ’dom gaṅ ṅo || ’dug pa’i ni naṅ thams (5) cad daṅ phyi rol ’dom gaṅ ṅam | gaṅ du de dag phur pa ’debs par byed pa daṅ | gru rtod par byed pa daṅ | gdos pa dag ’jog par byed pa daṅ | gru skya dag ’jog par byed pa daṅ | mun dza dag rduṅ bar byed pa daṅ | thag pa dag ’khal bar byed pa daṅ | gaṅ du rduṅ (6) bar byed pa daṅ | rdo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar (7) byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || gru rab tu maṅ po ñer kor tha dad pa (56a1) gaṅ źe na | ’di lta ste mi tha dad pa dag gi’am | spun sgo bye ba dag gi gru rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || śiṅ rta ñen kor gcig pa gaṅ (2) źe na | ’di lta ste mi gcig gi’am | spun sgo ma bye ba dag gi śiṅ rta gaṅ yin pa’o || de’i ñen kor gaṅ źe na | ’gro ba’i ni naṅ thams cad daṅ | phyi rol ’dom gaṅ ṅo || ’dug pa’i ni naṅ thams cad daṅ phyi rol ’dom gaṅ ṅam | gaṅ du de dag phur pa ’debs par byed (3) pa daṅ | glaṅ dag ’dogs par byed pa daṅ | rtswa dag ’jog par byed pa daṅ | mun dza dag rduṅ bar byed pa daṅ | thag pa dag ’khal bar byed pa daṅ | gaṅ du rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa (4) daṅ | ’thuṅ bar byed pa daṅ | khye’u sus byed pa de ni de’i ñen kor yin no || dge sloṅ gis naṅadu chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || (5) naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || śiṅ rta ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi śiṅ rta gaṅ yin pa’o || de’i ñen kor gaṅ źe na | so so (6) tha dad pa’o || ci źig thun moṅ yin źe na | kha lo pa’i gnas so || dge sloṅ gis naṅ du chos gos dag bźag ste kha lo pa’i gnas su skya reṅs ’char bar byed na ltuṅ ba med do || kha lo pa’i gnas su chos gos dag bźag ste naṅ du skya reṅs ’char bar byed na yaṅ ltuṅ ba (7) med do || naṅ ṅam kha lo pa’i gnas su chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || śiṅ rta rab tu maṅ po ñen kor gcig pa gaṅ źe na | ’di lta ste mi gcig gi’am | spun sgo ma bye ba dag gi śiṅ rta rab tu maṅ po gaṅ (56b1) dag yin pa’o || de dag gi ñen kor gaṅ źe na | ’gro ba’i ni naṅ thams cad daṅ phyi rol ’dom gaṅ ṅam | ’dug pa’i ni naṅ thams cad daṅ phyi rol ’dom gaṅ ṅam | gaṅ du de dag phur pa ’debs par byed pa daṅ | glaṅ dag ’dogs par byed pa daṅ | rtswa dag ’jog par (2) byed pa daṅ | mun dza dag rduṅ bar byed pa daṅ | thag pa dag ’khal bar byed pa daṅ | gaṅ du rduṅ bar byed pa daṅ | rṅo bar byed pa daṅ | ’thag par byed pa daṅ | ’cha’ bar byed pa daṅ | za bar byed pa daṅ | ’thuṅ bar byed pa daṅ | khye’u sus byed pa de ni de dag (3) gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan (4) du skya reṅs ’char bar byed na spaṅ ba’i ltuṅ byed du ’gyur ro || śiṅ rta rab tu maṅ po ñen kor tha dad pa gaṅ źe na | ’di lta ste mi tha dad pa dag gi’am | spun sgo bye ba dag gi śiṅ rta rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || (5) ci źig thun moṅ yin źe na | ci yaṅ ma yin no || śiṅ ljon pa ñen kor gcig pa gaṅ źe na | ’di lta ste śiṅ ljon pa yal ga’i tshogs ’brel pa gaṅ yin pa’o || de’i ñen kor gaṅ źe na | naṅ thams cad daṅ phyi rol ’dom gaṅ ṅam | gaṅ du lo ma lhags pa (6) rluṅ gis ma bdas pa dag ’bab pa daṅ | char chad pa’i thigs pa sbom po dag ’bab pa daṅ | gaṅ du guṅ tshigs kyi tshe śiṅ ljon pa’i grib mas khyab ciṅ ’dug pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar (7) byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || śiṅ ljon pa ñen kor tha dad pa gaṅ (57a1) źe na | ’di lta ste śiṅ ljon pa yal ga’i tshogs ma ’brel pa gaṅ yin pa’o || de’i ñen kor gaṅ źe na | so so tha dad pa’o || ci źig thun moṅ yin źe na rtsa ba’o || dge sloṅ gis rtsa bar chos gos dag bźag ste yal gar skya reṅs ’achaRa bar byed na (2) ltuṅ ba med do || yal gar chos gos dag bźag ste rtsa bar skya reṅs ’char bar byed na yaṅ ltuṅ ba med do || rtsa ba’am yal gar chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || śiṅ ljon pa rab tu maṅ po ñen kor gcig pa (3) gaṅ źe na | ’di lta ste śiṅ ljon pa rab tu maṅ po yal ga’i tshogs ’brel pa gaṅ yin pa’o || de dag gi ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du lo ma lhags pa rluṅ gis ma bdas pa dag ’bab pa daṅ | char chad pa’i thigs pa (4) sbom po dag ’bab pa daṅ | gaṅ du guṅ tshigs kyi tshe śiṅ ljon pa’i grib mas khyab ciṅ ’dug pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste (5) naṅ du skya reṅs ’char bar byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || śiṅ ljon pa rab tu maṅ po ñen kor tha dad pa gaṅ źe na | ’di lta ste | śiṅ ljon pa rab tu maṅ po yal (6) ga’i tshogs ma ’brel pa gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || kun dga’i ra ba ñen kor gcig pa gaṅ źe na | ’di lta ste | mi gcig gi’am | spun sgo ma bye ba dag gi kun dga’i (7) ra ba gaṅ yin pa’o || de’i ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag me tog dag thu bar byed pa daṅ | skon pa dag ’jog par byed pa daṅ | phreṅ bdag rgyud par byed pa daṅ | ’jal bar byed pa daṅ | ño bar byed pa daṅ | (57b1) ’tshoṅ bar byod pa daṅ | bre’u chuṅ daṅ | phul ’jog par byed pa de ni de’i ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’char bar byed na yaṅ ltuṅ (2) ba med do || naṅ ṅam ñen kor du chos gos dag bźag ste gźan du skya reṅs ’achaRa bar byed na spaṅ ba’i ltuṅ byed du ’gyur ro || kun dga’i ra ba’i ñen kor tha dad pa gaṅ źe na | ’di lta ste | mi tha dad pa dag gi’am | spun sgo bye ba dag gi kun dga’i ra ba gaṅ yin pa’o | (3) de’i ñen kor gaṅ źe na | so so tha dad pa’o || ci źig thun moṅ yin źe na | khron pa’o || dge sloṅ gis naṅ du chos gos dag bźag ste | khron par skya reṅs ’char bar byed na ltuṅ ba med do || khron par chos gos dag bźag ste naṅ du skya reṅs ’char bar byed na yaṅ ltuṅ (4) ba med do || naṅ ṅam khron par chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || kun dga’i ra ba rab tu maṅ po ñen kor gcig pa gaṅ źe na | ’di lta ste | mi gcig gi’am | spun sgo ma bye ba dag gi kun dga’i ra ba rab tu maṅ po (5) gaṅ dag yin pa’o || de dag gi ñen kor gaṅ źe na | naṅ thams cad daṅ | phyi rol ’dom gaṅ ṅam | gaṅ du de dag me tog dag thu bar byed pa daṅ | skon pa dag ’jog par byed pa daṅ | phreṅ ba dag rgyud par byed pa daṅ | ’jal bar byed pa daṅ | ño bar byed pa (6) daṅ | ’tshoṅ bar byed pa daṅ | bre’u chuṅ daṅ | phul ’jog par byed pa de ni de dag gi ñen kor yin no || dge sloṅ gis naṅ du chos gos dag bźag ste ñen kor du skya reṅs ’char bar byed na ltuṅ ba med do || ñen kor du chos gos dag bźag ste naṅ du skya reṅs ’achaRa bar (7) byed na yaṅ ltuṅ ba med do || naṅ ṅam ñen kor du chos gos dag bźag ste gźan du skya reṅs ’char bar byed na spaṅ ba’i ltuṅ byed du ’gyur ro || kun dga’i ra ba rab tu maṅ po ñen kor tha dad pa gaṅ źe na | ’di lta ste | mi tha dad pa dag gi’am | spun sgo bye ba dag gi (58a1) kun dga’i ra ba rab tu maṅ po gaṅ dag yin pa’o || de dag gi ñen kor gaṅ źe na | so so tha dad pa’o || ci źig thun moṅ yin źe na | ci yaṅ ma yin no || saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa dge sloṅ (2) gis chos gos dag dge sloṅ la gtaṅ de ’gron lam du mchi na | btsun pa de’i ñen kor gaṅ lags | ñe ba ’khor ṅas bram ze gro źin skyes la a mra’i sdoṅ po śin tu me tog phun sum tshogs pa | ’bras bu phun sum tshogs pa | yal ga phun sum tshogs pa | ’dom bdun (3) gyis bar du chod pa’i a mra’i sdoṅ po bdun po gaṅ dag yin pa de dag la ’dom bźi bcu rtsa dgu yod par bstan pa de ni dge sloṅ lam du źugs pa’i chos gos dag gi ñen kor yin no || ’greṅ ba daṅ | ’dug pa daṅ | ñal ba’i ñen kor ni ’dom gaṅ kho ra khor yug go || thad (4) kar ’gro ba’i ñen kor yaṅ ’dom gaṅ kho ra khor yug go || thad kar ’greṅ ba daṅ | ’dug pa daṅ ñal ba’i ñen kor yaṅ ’dom gaṅ kho ra khor yug go || btsun pa dge sloṅ mtshams gźan du mchis nas | ñal bar bgyid na de’i chos gos dag gi ñen kor gaṅ lags (5) ñe ba ’khor ji tsam du chos gos kyi grwa lus daṅ ma ’bral ba tshun cad do || dge sloṅ gis chos gos spaṅ bar gyur na de ma spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gis chos gos spaṅ bar gyur na | de (6) spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gis chos gos spaṅ bar gyur na | de spaṅs śiṅ bral bar byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro | (7) dge sloṅ gis chos gos spaṅ bar gyur na | de spaṅs śiṅ bral bar byas la ltuṅ ba bśags nas gźan źig rñed na de la ltuṅ ba med do || de bźin du dge sloṅ gis ji srid du spaṅ ba’i dṅos po des ma bśags śiṅ so sor ma bśags par lhuṅ bzed dam | chos gos sam | (58b1) dra ba’am | phor bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba gźan ñe bar ’jog par byed na de yaṅ sṅa ma’i rgyud kyis spaṅ bar ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || (2) ’bral ba’i spaṅ ba ste gñis pa rdzogs so || ||

[Naiḥsargika 3]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ rnams la gos maṅ ba ñid ’di lta bu ’di byuṅ ste | dge sloṅ gaṅ yaṅ (3) ruṅ bas gos sṅon po źig rñed na des de byed du mi ’jud par de gaṅ gi tshe ’di daṅ ’dra ba rñed par gyur pa de’i tshe gos byed du gźug go sñam du re bas de ’jog par byed ciṅ | sṅon po ji lta ba bźin du ser po daṅ | dmar po daṅ | stug po daṅ | srab mo yaṅ de bźin no || dge sloṅ (4) don ñuṅ du dag ci’i phyir dge sloṅ rnams gos maṅ ba ñid ’di lta bu ’di byuṅ ste | dge sloṅ gaṅ yaṅ ruṅ bas gos sṅon po źig rñed na des de byed du mi ’jud par de gaṅ gi tshe ’di daṅ ’dra ba rñed par gyur pa de’i tshe gos byed du gźug go sñam du re bas de ’jog par byed ciṅ sṅon po ji lta (5) ba bźin du ser po daṅ | dmar po daṅ | stug po daṅ | srab mo yaṅ de bźin no || źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ (6) gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ (7) rab tu maṅ po dag la rmas pa | dge sloṅ dag khyed la gos maṅ ba ñid ’di lta bu ’di byuṅ ste | dge sloṅ gaṅ yaṅ ruṅ bas gos sṅon po źig rñed na des de byed du mi ’jud par de gaṅ gi tshe ’di ’dra ba rñed par gyur pa de’i tshe gos byed du ’jug go sñam du re bas de ’jog par byed (59a1) ciṅ | sṅon po ji lta bźin du ser po daṅ | dmar po daṅ | stug po daṅ | srab mo yaṅ de bźin du bden nam | btsun pa mad do || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ | dgaṅ dka’ ba (2) rnam par smad par mdzad do || de nas bcom ldan ’das kyis ’dod pa chuṅ ba’i bsṅags pa brjod ciṅ | chog śes pa daṅ | gso slo ba daṅ | dgaṅ sla ba daṅ | phri ba daṅ | yo byad bsñuṅs pa daṅ | sbyaṅs pa’i yon tan rnams daṅ | mdzes pa ñid daṅ | drod rig (3) pa’i bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa yaṅ sṅa ma bźin no || ṅa’i ñan thos rnams kyis (4) ’dul ba la bslab pa’i gźi ’di ltar gdon par bya ste | dge sloṅ chos gos zin pas sra brkyaṅ phyuṅ na dus ma yin pa’i gos śig rñed la ’dod na dge sloṅ des gos de blaṅ bar bya’o || blaṅs nas gal te laṅs na myur ba kho nar gos su bya ste bcaṅ bar bya’o || gal te mi (5) laṅs la kha ma laṅs pa kha skoṅ pa’i gos la re ba yod na dge sloṅ des gos de zla ba gcig gi mthar gźag par bya’o || de las ’das par ’jog na spaṅ ba’i ltuṅ byed do || dge sloṅ źes bya ba ni chos ’di pa’o || chos gos zin pas sra brkyaṅ phyuṅ na źes bya ba ni chos gos zin la (6) sra brkyaṅ ma phyuṅ ba yaṅ yod | chos gos ma zin la sra brkyaṅ phyuṅ ba yaṅ yod | chos gos zin ciṅ sra brkyaṅ phyuṅ ba yaṅ yod | chos gos ma zin ciṅ sra brkyaṅ ma phyuṅ ba yaṅ yod de | mu bźir bcad pa sṅa ma bźin no || dus ma yin pa’i gos śig ces bya ba la dge sloṅ gis (7) gos kyi dus ni gaṅ yin | dus ma yin pa ni gaṅ yin źe na | sra brkyaṅ btiṅ ba’i gnas na ni ston zla ’briṅ po ña nas dpyid zla ra ba ña’i par gyi zla ba de dag ni gos kyi dus yin la | de phan cad ni dus ma yin no || sra brkyaṅ ma btiṅ ba’i gnas na ni thams cad dus ma yin no || rñed (59b1) la źes bya ba ni gźan las so || ’dod na źes bya ba ni gal te don du gñer na’o || dge sloṅ des gos de blaṅ bar bya’o źes bya ba ni bdag gir bya’o || gal te laṅs na źes bya ba ni gal te chog na’o || myur ba kho nar gos su byas te bcaṅ bar bya’o źes bya ba ni mi bsgyaṅ (2) ba kho nar byin gyis brlab tu ruṅ bar byas te’o || kham laṅs pa kha skoṅ ba’o źes bya ba ni snam sbyar ram | bla gos sam | mthaṅ gos kha ma laṅs pa kha skoṅ ba’i’o || gos la re ba yod na źes bya ba ni dge sloṅ la mas bdag la gos sbyin pa’i re ba’am | pha’am | phu nu’am | (3) sriṅ mo’am | slob dpon nam | mkhan pos bdag la gos sbyin pa’i re ba’am | lo lṅa’i dus ston gyi tshe’am | lo drug gi dus ston gyi tshe’am | gtsug phud ’dreg pa’i dus ston gyi tshe’am | gnas khaṅ gi dus ston gyi tshe’am | dus ston chen po’i tshe rñed du re ba yod na’o || (4) dge sloṅ des gos de zla ba gcig gi mthar gźag par bya’o źes bya ba ni zla ba gcig gi mtha’ tshun chad du’o || de las ’das par ’jog na źes bya ba ni de las thal bar ro || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | (5) des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na || ||

bar sdom la |
dogs bcas dogs pa med pa daṅ ||
ñams gyur grub par ma gyur daṅ ||
rgyun chad gos lṅa gos gñis daṅ ||
sbyar ba daṅ ni tshad rnams so ||

dge sloṅ (6) gis tshes la gos sṅon po źig rñed nas des de byed du mi ’jud par de gaṅ gi tshe ’di daṅ ’dra ba rñed par gyur pa de’i tshe gos byed du gźug go sñam du re bas de ’jog par byed ciṅ des tshes de ñid la gos sṅon po dogs pa daṅ bcas pa gźan źig rñed par gyur na | dge sloṅ des (7) gos de ñi ma bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu (60a1) gcig pa’i skya reṅs śar na spaṅ ba’i ltuṅ byed du ’gyur ro || tshes la ma rñed kyaṅ tshes gñis sam | tshes gsum mam | tshes bcu tshun cad kyis gos sṅon po źig rñed na | dge sloṅ des gos de źag bcu po de ñid kyi naṅ du byin gyis brlab par bya ba’am | (2) gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || gos de bcu la (3) ma R+ñeda kyaṅ ñi ma bcu dgu tshun cad kyis rñed na | dge sloṅ des gos de ñi ma ñi śu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ (4) bar mi byed dam | gźan la sbyin par mi byed na | ñi ma ñi śu pa’i skya reṅs śar na spaṅ ba’i ltuṅ byed du ’gyur ro || ñi ma ñi śu pa la ma rñed kyaṅ ñi ma ñi śu rtsa dgu tshun cad kyis rñed na dge sloṅ des gos de zla ba de ñid kyi naṅ du byin gyis brlab par bya ba’am | gtaṅ bar bya (5) ba’am | ruṅ bar bya ba’am | gźan la sbyin par bya’o || byin gyis rlob bar mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na | ñi ma sum bcu gcig pa’i skya reṅs śar na spaṅ ba’i ltuṅ byed du ’gyur ro || gos sṅon po rñed pa ji (6) lta ba bźin du ser po daṅ | dmar po daṅ | stug po daṅ | srab mo yaṅ de bźin no || dge sloṅ gis tshes la gos sṅon po źig rñed nas des de byed du mi ’jud par de gaṅ gi tshe ’di daṅ ’dra ba rñed par gyur pa de’i tshe gos byed du gźug go sñam du re ba med pas de ’jog par byed (7) ciṅ ṅes tshes de ñid la gos sṅon po dogs pa med pa gźan źig rñed par gyur na | dge sloṅ des gos de ñi ma bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ (60b1) bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes la ma rñed kyaṅ tshes gñis sam | tshes bcu tshun cad dam | ñi ma bcu dag tshun cad dam | ñe ma ñi śu rtsa dgu tshun cad (2) kyis gos sṅon po źig rñed na | dge sloṅ des gos de zla ba de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la (3) sbyin par mi byed na ñi ma sum bcu gcig gi skya reṅs śar na spaṅ ba’i ltuṅ byed du ’gyur ro || gos sṅon po rñed pa ji lta ba bźin du ser po daṅ | dmar po daṅ | stug po daṅ | srab mo yaṅ de bźin no || dge sloṅ gis tshes la gos sṅon po źig rñed nas des de byed du mi (4) ’jud par de gos la re ba yod pa de ’jog par byed ciṅ de’i gos la re ba gaṅ yin pa de ñams par gyur | ’gyaṅs par gyur | ñam chuṅ bar gyur ciṅ | des tshes de ñid la gos sṅon po gźan źig rñed par gyur na | dge sloṅ des gos de ñi ma bcu po de ñid kyi naṅ du byin gyis (5) brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur (6) ro || tshes la ma rñed kyaṅ tshes gñis sam | tshes bcu tshun cad dam | tshes bcu la ma rñed kyaṅ ñi ma ñi śu rtsa dgu tshun cad kyi gos sṅon po źig rñed na dge sloṅ des gos de zla ba de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan (7) la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma sum bcu gcig pa’i skya reṅs śar na spaṅ ba’i ltuṅ byed du ’gyur ro || gos sṅon po rñed pa ji lta ba bźin du ser po daṅ | (61a1) dmar po daṅ | stug po daṅ | srab mo yaṅ de bźin no || dge sloṅ gis chos la gos sṅon po źig rñed nas des de byed du mi ’jug par de re bas de ’jog par byed ciṅ de’i gos la re ba gaṅ yin pa de grub par ma gyur | rgyun chad par ma gyur par des tshes (2) de ñid la gos sṅon po gźan źig rñed par gyur na | dge sloṅ des gos de ñi ma bcu po de ñid kyi naṅ du byin gyis brlab par bya ba’am | gtad par bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar (3) mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes la ma rñed kyaṅ chos gñis sam | ñi ma ñi śu rtsa dgu tshun chad kyis rñed na dge sloṅ des gos de zla ba de ñid kyi naṅ du byin gyis brlab par bya ba’am | gtaṅ (4) bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na ñi ma sum bcu gcig pa’i skya reṅs śar na spaṅ ba’i ltuṅ byed du ’gyur ro || gos sṅon po rñed (5) pa ji lta ba bźin du ser po daṅ | dmar po daṅ | stug po daṅ | srab mo yaṅ de bźin no || dge sloṅ gis chos la gos sṅon po źig rñed nas des de byed du mi ’jud par de re bas de ’jog par byed ciṅ de’i gos la re ba gaṅ yin pa de thams cad kyi thams cad du rgyun chad par gyur (6) na dge sloṅ des gos de ñi ma bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin par mi byed na | (7) ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes lam rñed kyaṅ tshes gñis sam | ñi ma ñi śu rtsa dgu tshun chad kyis rñed nas des de byed du mi ’jud par de re bas de ’jog par byed ciṅ de’i gos la re ba gaṅ yin pa de thams cad kyi thams cad du (61b1) rgyun chad par gyur na dge sloṅ des gos de ñi ma bcu po de ñid kyi naṅ du byin gyis brlab par bya ba’am | gtaṅ bar bya ba’am | ruṅ bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | ruṅ bar mi byed dam | gźan la sbyin (2) par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || gos sṅon po ji lta ba bźin du ser po daṅ | dmar po daṅ | stug po daṅ | srab mo yaṅ de bźin no || saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa (3) gos dag du mchis | ñe ba ’khor lta ste | gos bdag po yod pa daṅ | gos bdag po med pa daṅ | gos por blaṅs daṅ | gos dur khrod pa daṅ | gos phyag dar khrod pa ñid ni lṅa pa’o || de la gos bdag po yod pa gaṅ źe na | gaṅ la bdag po skyes pa’am | bud (4) med dam | ma niṅ yod pa de ni gos bdag po yod pa źes bya’o || gos bdag po med pa gaṅ źe na | gaṅ la bdag po skyes pa’am | bud med dam | ma niṅ med pa de ni gos bdag po med pa źes bya’o || gos bor blaṅs gaṅ źe na | ’di lta ste | ñe du dag gis (5) ñe du ñams pa daṅ | śi ba daṅ | dus la bab par rig nas de’i rgyab nas gos kyis bkab ste dur khrod du khyer nas de dag gis gos de yaṅ phyir khyer te ’oṅs nas dge ’dun la ’bul ba de ni gos bor blaṅs źes bya’o || gos ṅur khrod pa gaṅ źe na | yoṅs su (6) ’dzin pa med pa’i dur khrod nas blaṅs pa gaṅ yin pa de ni gos dur khrod pa źes bya’o || gos phyag dar khrod pa gaṅ źe na | phyag dar khrod pa rnam pa lṅa ste | lam po che’i gos daṅ | dgon par bor ba daṅ | chu ’gram pa daṅ | sril zan daṅ | ral rul ñid ni (7) lṅa pa yin te | ral rul źes bya ba ni ha caṅ zegs pa gaṅ yin pa’o || gźan yaṅ phyag dar khrod pa rnam pa lṅa ste | mes tshig pa daṅ | chus khyer ba daṅ | byi bas zos pa daṅ | be’us zos pa daṅ | ma ma’i gos ñid ni lṅa pa yin no || gźan yaṅ gos gñis te (62a1) sar pa daṅ dus tshigs su spyad pa’o || gos sar pa gaṅ źe na | tha ga pas gsar du btags pa dus tshigs gsum po dag las dus tshigs gaṅ yaṅ ruṅ ba’i dus tshigs sum spyad pa gaṅ yin pa de ni gos sar pa źes bya’o || gos dus tshigs (2) su spyad pa gaṅ źe na | dus tshigs gsum po dag las dus tshigs gaṅ yaṅ ruṅ ba’i dus tshigs su spyad pa gaṅ yin pa ste | dus tshigs źes bya ba ni zla ba bźi ste | de ni gos dus tshigs su spyad pa źes bya’o || dge sloṅ gis gos sar pa rñed na gal te dge sloṅ (3) des bcag pa daṅ | gdiṅ ba daṅ | dra ba daṅ | btsem pa daṅ | kha bsgyur bar nus na dge sloṅ des gos de las snam sbyar ni ñi rim du bya | gdiṅ ba yaṅ ñi rim du bya | bla gos ni cig rkyaṅ du bya | mthaṅ gos kyaṅ cig rkyaṅ du bya’o || dge sloṅ gis snam sbyar ñi (4) rim la rim pa gsum pa glon par byed na de glon par byed pa na ñes byas su ’gyur la | źag bcu ’das na spaṅ ba’i ltuṅ byed du ’gyur ro || dge sloṅ gis snam sbyar ñi rim las gźan du glan no sñam pas rim pa ’bogs par byed na de ’bogs pa na ñes byas su ’gyur la | (5) ñi ma bcu ’das na spaṅ ba’i ltuṅ byed du ’gyur ro || dge sloṅ gis snam sbyar ñi rim las bkrus śiṅ khab sgyur te ’di ñid la glan no sñam pas rim pa ’bogs par byed na de ’bogs par byed na de ’bogs pa na ltuṅ ba med la | ñi ma bcu ’das na spaṅ pa’i ltuṅ byed du ’gyur ro || snam sbyar la ji lta (6) ba bźin du gdiṅ ba la yaṅ de bźin no || dge sloṅ gis bla gos cig brkyaṅ la rim pa glon par byed na de glon pa na ñes byas su ’gyur la | ñi ma bcu ’das na spaṅ ba’i ltuṅ byed du ’gyur ro || bla gos la ji lta ba bźin du mthaṅ gos la yaṅ de bźin no || dge sloṅ gis (7) gos dus tshigs su spyad pa źig rñed la gal te dge sloṅ des bcag pa daṅ | gdiṅ ba daṅ | dra ba daṅ | bcom pa daṅ | kha bsgyur bar nus na dge sloṅ des gos de las snam sbyar ni bźi rim du bya | gdiṅ ba yaṅ bźi rim du bya | bla gos ni ñi rim du bya | mthaṅ (62b1) gos kyaṅ ñi rim du bya’o || dge sloṅ gis snam sbyar bźi rim la rim pa lṅa pa glon par byed na de glon pa na ñes byas su ’gyur la | ñi ma bcu ’das na spaṅ ba’i ltuṅ byed du ’gyur ro || dge sloṅ gis snam sbyar bźi rim las gźan du glan no sñam pas rim pa ’bogs par (2) byed na de ’bogs pa na ñes byas su ’gyur la | ñi ma bcu ’das na spaṅ ba’i ltuṅ byed du ’gyur ro || dge sloṅ gis snam sbyar bźi rim las bkrus śiṅ kha bsgyur te ’di ñid du glan par bya’o sñam pas rim pa ’bogs par byed na de ’bogs pa na ltuṅ ba med la | ñi ma (3) bcu ’das na spaṅ ba’i ltuṅ byed du ’gyur ro || snam sbyar la ji lta ba de bźin du gdiṅ ba la yaṅ de bźin du brjod par bya’o || dge sloṅ gis bla gos ñi rim la rim pa gsum pa glon par byed na de glon pa na ñes byas su ’gyur la | ñi ma bcu ’das na spaṅ ba’i ltuṅ byed du ’gyur (4) ro || dge sloṅ gis bla gos ñi rim las gźan du glan no sñam pas rim pa ’bogs par byed na da ’bogs pa na ñes byas su ’gyur la | ñi ma bcu ’das na spaṅ ba’i ltuṅ byed du ’gyur ro || dge sloṅ gis bla gos ñi rim las ’di ñid bkrus śiṅ kha bsgyur te ’di ñid du glan no sñam (5) pas rim pa ’bogs par byed na de ’bogs pa na ltuṅ ba med la | ñi ma bcu ’das na spaṅ ba’i ltuṅ byed du ’gyur ro || bla gos la ji lta ba bźin du mthaṅ gos la yaṅ de bźin no || phyag dar khrod la ni ji tsam ’dod pa glan par bya’o || saṅs rgyas bcom ldan ’das (6) la tshe daṅ ldan pa ñe ba ’khor gyis źus pa | btsun pa snam sbyar dag gi snam phran du lags | ñe ba ’khor dgu ste | snam phran dgu pa daṅ | snam phran bcu gcig pa daṅ | snam phran bcu gsum pa daṅ | snam phran bcwa lṅa pa daṅ | snam phran bcu bdun pa daṅ | snam (7) phran bcu dgu pa daṅ | snam phran ñi śu gcig pa daṅ | snam phran ñi śu gsum pa daṅ | snam phran ñi śu lṅa pa’o || ñe ba ’khor de la snam phran dgu pa ni gsum sbyar gsum mo || snam phran bcu gcig pa ni gsum sbyar gsum daṅ snam phran gñis so || snam phran (63a1) bcu gsum pa ni gsum sbyar bźi daṅ snam phran gcig go || snam phran bcwa lṅa pa ni gsum sbyar lṅa’o || snam phran bcu bdun pa ni gsum sbyar lṅa daṅ snam phran gñis so || snam phran bcu dgu pa ni gsum sbyar drug daṅ snam phran gcig go || snam phran ñi (2) śu gcig pa ni gsum sbyar bdun no || snam phran ñi śu gsum pa ni gsum sbyar bdun daṅ snam phran gñis so || snam phran ñi śu lṅa pa ni gsum sbyar brgyad daṅ snam phran gcig go || ñe ba ’khor de la snam sbyar snam phran dgu pa gaṅ yin pa daṅ | snam phran bcu gcig pa (3) gaṅ yin pa daṅ | snam phran bcu gsum pa gaṅ yin pa de gsum ni glegs bu phyed daṅ gsum par byas te bcaṅ bar bya’o || snam sbyar snam phran bcwa lṅa pa gaṅ yin pa daṅ | snam phran bcu bdun pa gaṅ yin pa daṅ | snam phran bcu dgu pa gaṅ yin pa de gsum ni glegs bu (4) phyed daṅ bźi par byas te bcaṅ bar bya’o || snam sbyar snam phran ñi śu gcig pa gaṅ yin pa daṅ | snam phran ñi śu gsum pa gaṅ yin pa daṅ | snam phran ñi śu lṅa pa gaṅ yin pa de gsum ni glegs bu phyed daṅ lṅa par byas te bcaṅ bar bya’o || ñe ba ’khor de yan cad ni tshem (5) bru’o || btsun pa snam sbyar gyi tshad ji tsam lags | ñe ba ’khor gsum ste | snam sbyar chen po daṅ | ’briṅ daṅ | chuṅ ṅur rig par bya’o || de la chen po ni khru gsum daṅ lṅa’o || chuṅ ṅu ni khru phyed daṅ gsum ṅaṅ phyed daṅ lṅa’o || ’briṅ gi ni de gñis kyi bar ma’o || (6) snam sbyar ji lta ba bźin du bla gos daṅ | mthaṅ gos kyaṅ de bźin no || gźan yaṅ mthaṅ gos rnam pa gñis te | khru do daṅ lṅa pa daṅ | khru do daṅ bźi pa’o || mthaṅ gos tha ma ni ’khor gsum khebs pa gaṅ yin pa’o || spaṅ ba rnams kyi gos tha ma ni khru gaṅ kho ra (7) khor yug go || dge sloṅ gi gos spaṅ bar gyur na de ma spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar ma byas la ltuṅ bam bśags par gźan (63b1) źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar (2) byas la ltuṅ ba bśags nas gźan źig rñed na de la ltuṅ ba med do || de bźin du ji tsam du dge sloṅ gi spaṅ ba’i dṅos po de ñid kyis ma bśags śiṅ | so sor ma bśags par lhuṅ bzed dam | chos gos sam | dra ba’am | phor bu’am | ska rags sam | (3) dge sbyoṅ gi ’tsho ba’i yo byad gaṅ yaṅ ruṅ ba gźan ñe bar ’jog par byed na de yaṅ sṅa ma’i rgyud kyis spaṅ bar ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’jog pa’i spaṅ ba ste gsum pa rdzogs (4) s+ho || ||

[Naiḥsargika 4]
gaṅ gi tshe bcom ldan ’das byaṅ chub sems dpa’ dga’ ldan gyi gnas na bźugs pas gzigs pa lṅa po rigs daṅ | yul daṅ | dus daṅ | rus daṅ | bud med la gzigs pa dag gis ’jig rten la gzigs nas glaṅ po cher snaṅ bar (5) bsgyur te yum gyi lhums su źugs pa de’i tshe na sa chen po śin tu g-yos par gyur ciṅ ’jig rten gyi ’jig rten gyi bar gaṅ na ñi ma daṅ zla ba ’di ltar rdzu ’phrul che ba | ’di ltar mthu che ba ’di gñis kyi ’od dag ñams su mi myoṅ ba’i mun pa mun gnag mun par byed pas gnas par (6) gyur pa ṅag dag yin pa de dag kyaṅ de’i tshe na snaṅ ba rgya chen pos khyab par gyur nas | sems can gaṅ dag der skyes pa dag gis raṅ gi lag pa brkyaṅ ba yaṅ mi mthoṅ ba de dag gis kyaṅ ’od des sems can gcig gis gcig mthoṅ nas śes ldan dag sems can gźan (7) yaṅ ’dir skyes so || śes ldan dag sems can gźan yaṅ ’dir skyes so źes śes par gyur to || gaṅ gi tshe bcom ldan ’das byaṅ chub sems dpa’ zla ba bcu ’das nas yum gyi lhums nas bltam pa de’i tshe yaṅ sa chen po śin tu g-yos par gyur ciṅ ’jig (64a1) rten gyi ’jig rten gyi bar gaṅ na ñi ma daṅ | zla ba ’di ltar rdzu ’phrul che ba ’di ltar mthu che ba ’di gñis kyi ’od dag ñams su mi myoṅ ba’i mun pa mun gnag mun par byed pas gnag par gyur pa gaṅ dag yin pa de dag kyaṅ de’i tshe na snaṅ ba chen pos khyab par gyur nas (2) sems can gaṅ dag der skyes pa dag gis raṅ gi lag par brkyaṅ pa yaṅ mi mthoṅ ba de dag gis kyaṅ | ’od des sems can gcig gis gcig mthoṅ nas śes ldan dag sems can gźan yaṅ ’dir skyes so || śes ldan dag sems can gźan yaṅ ’dir skyes so źes śes par gyur (3) to || gaṅ gi ñin mo bcom ldan ’das byaṅ chub sems dpa’ ba ltams par gyur pa de’i ñin mo rgyal po chen po bźi dag gi bu yaṅ btsas par gyur te | mñan yod na rgyal po chen po rtsibs kyis ’phur tshaṅs sbyin gyi bu btsas nas de ’di sñam du sems te | bdag gi bu btsas (4) pa na ’jig rten gsal ba gsal ba ltar snaṅ bas gźon nu ’di’i miṅ gsal rgyal du gdags so sñam nas bu de’i miṅ gsal rgyal źes bya bar btags so || rgyal po’i khab na rgyal po chen po pad ma chen po’i bu btsas nas de ’di sñam du sems te | bdag gi bu btsas pa na (5) ’jig rten ñi ma’i gzugs śar ba ltar snaṅ źiṅ ’di btsun mo gzugs can gyi bu yin pas gźon nu ’di’i miṅ gzugs can sñi por gdags so sñam nas bu de’i miṅ gzugs can sñiṅ po źes bya bar btags so || kau śām+bī na rgyal po chen po dmag brgya pa’i bu btsas (6) nas de ’di sñam du sems te | bdag gi bu bcas pa na ’jig rten ñi ma śar ba ltar snaṅ bar gyur pas gźon nu ’di’i miṅ śar par gdags so sñam nas bu de’i miṅ śar ba źes bya bar btags so || ’phags rgyal na rgyal po chen po mu khyud mtha’ yas kyi bu btsas (7) nas de ’di sñam du sems te | bdag gi bu btsas pa na ’jig rten rab tu snaṅ bas snaṅ bar gyur pas gźon nu ’di’i miṅ rab snaṅ źes bya bar btags so || rgyal po re res bsams pa | yaṅ bdag gi bu’i mthu yin no || (64b1) bdag gi bu’i mthu yin no sñam mod kyi | de ni de lta ma yin te | ’di ltar de dag thams cad ni byaṅ chub sems dpa’i mthu yin pa’i phyir ro || gaṅ gi ñin mo bcom ldan ’das byaṅ chub sems dpa’ bltams pa de ñid kyi ñin mo śākya gźan nu bzaṅ ldan la sogs pa (2) lṅa brgya yaṅ bcas so || bsñen bkur ba ’dun byed la sogs pa lṅa brgya yaṅ btsas so || rta rgod ma lṅa brgya las rte’u bsṅags ldan la sogs pa lṅa brgya yaṅ ’braṅs so || lha rnams kyis kyaṅ gter lṅa brgya ñe bar bstan to || bcom ldan ’das byaṅ chub sems dpa’ (3) de bram ze ltas pa daṅ mtshan mkhan dag gis luṅ bstan pa | gal te gźon nu pho braṅ gi naṅ na bźugs par gyur na ’khor los sgyur ba’i rgyal po mtha’ bźir rgyal ba | chos kyi rgyal po chos daṅ ldan pa | rin po che sna bdun daṅ ldan par ’gyur te | de’i rin po che sna (4) bdun po de dag ni ’di lta bur ’gyur te | ’di lta ste | ’khor lo rin po che daṅ | glaṅ po rin po che daṅ | rta rin po che daṅ | nor bu rin po che daṅ | bud med rin po che daṅ | khyim bdag rin po che daṅ | dmag dpon rin po che ñid ni bdun pa yin no || ’di la bu (5) dpa’ ba | rtul phod pa | yan lag mchog gi gzugs daṅ ldan pa | pha rol gyi sde rab tu ’joms pa stoṅ tshaṅ ba yoṅ par ’gyur ro || de rgya mtsho la thug pa’i sa chen po ma lus pa gnod par sṅo ba med ciṅ ’tshe ba med pa ’di ñid chad pa med ciṅ mtshon gyis bda’ ba med (6) la chos daṅ mthun źiṅ sñoms pas legs par phab ste gnas par ’gyur ro || gal te skra daṅ kha spu bregs te gos dur smig dag bgos nas yaṅ dag pa kho nar dad pas khyim nas khyim med par rab tu byuṅ na ni de bźin gśegs pa dgra bcom pa yaṅ dag par (7) rdzogs pa’i saṅs rgyas ’jig rten du rnam par grags pa’i sgra daṅ ldan par ’gyur ro źes luṅ bstan to || gaṅ gi tshe bcom ldan ’das byaṅ chub sems dpa’ ’jig rten du byuṅ ba de’i tshe na thams cad du gaṅs kyi ṅos daṅ ñe ba chu kluṅ skal ldan śiṅ rta’i ’gram draṅ sroṅ ser sku’i (65a1) bsti gnas daṅ | ha caṅ mi riṅ bar śākya rnams kyi gźon nu byuṅ ste | de bram ze ltas pa daṅ | mtshan mkhan dag gis gal te gźon nu de pho braṅ gi naṅ na bźugs par gyur na ’khor los sgyur ba’i rgyal po mtha’ bźir rgyal ba | chos kyi rgyal po chos (2) daṅ ldan pa rin po che sna bdun daṅ ldan par ’gyur te | de’i rin po che sna bdun po de dag ni ’di lta bur ’gyur te | ’di lta ste | ’khor lo rin po che daṅ | glaṅ po rin po che daṅ | rta rin po che daṅ | nor bu rin po che daṅ | bud med rin po che daṅ | khyim bdag rin po (3) che daṅ | dmag dpon rin po che ñid ni bdun pa yin no || ’di la bu dpa’ ba | rtul phod pa | yan lag mchog gi gzugs daṅ ldan pa | pha rol gyi sde rab tu ’joms pa stoṅ tshaṅ ba yod par ’gyur ro || de rgya mtsho la thug pa’i sa chen po ma lus pa gnod par sṅo ba (4) med ciṅ ’tshe ba med pa ’di ñid chad pa med ciṅ mtshon gyis bda’ ba med la chos daṅ mthun źiṅ sñoms pas legs par phab ste gnas par ’gyur ro || gal te skra daṅ kha spu bregs te gos ṅur smrig dag bgos nas yaṅ dag pa kho nar dad pas khyim nas khyim med par rab tu (5) byuṅ na ni de bźin gśegs pa dgra bcom pa yaṅ dag par rdzogs pa’i saṅs rgyas ’jig rten du rnam par grags pa’i sgra daṅ ldan par ’gyur ro źes luṅ bstan to źes sgra bsgrags par gyur to || ñi ’og gi khams kyi rgyal po dag gis kyaṅ gaṅs ri’i ṅos daṅ ñe ba chu kluṅ (6) skal ldan śiṅ rta’i ’gram draṅ sroṅ ser skya’i bsti gnas daṅ | ha caṅ mi riṅ bar śākya rnams kyi gźon nu byuṅ ste | de bram ze ltas pa daṅ | mtshan mkhan dag gis gal te gźon nu de pho braṅ gi naṅ na bźugs par gyur na ’khor los sgyur pa’i rgyal po mtha’ bźir rgyal (7) ba | chos kyi rgyal po chos daṅ ldan pa | rin po che sna bdun daṅ ldan par ’gyur te | de’i rin po che sna bdun po de dag ni ’di lta bur ’gyur te | ’di lta ste | ’khor lo rin po che daṅ | glaṅ po rin po che daṅ | rta rin po che daṅ | nor bu rin po che daṅ | bud med rin (65b1) po che daṅ | khyim bdag rin po che daṅ | dmag dpon rin po che ñid ni bdun pa yin no || ’di la bu dpa’ ba | rtul phod pa | yan lag mchog gi gzugs daṅ ldan pa | pha rol gyi sde rab tu ’joms pa stoṅ tshaṅ ba yod par ’gyur ro || de rgya mtsho la thug (2) pa’i sa chen po ma lus pa gnod par sdo ba med ciṅ ’tshe ba med pa ’di ñid chad pa med ciṅ mtshon gyis bda’ ba med la chos daṅ mthun źiṅ sñoms pas legs par phab ste gnas par ’gyur ro || gal te skra daṅ kha spu bregs te gos ṅur smrig dag bgos nas yaṅ dag pa (3) kho nar dad pas khyim nas khyim med par rab tu byuṅ na ni de bźin gśegs pa dgra bcom pa yaṅ dag par rdzogs pa’i saṅs rgyas ’jig rten du rnam par grags pa’i sgra daṅ ldan par ’gyur ro || źes luṅ bstan to źes thos so || thos nas kyaṅ ñi ’og gi khams kyi (4) rgyal po de dag ’di sñam du sems te | da gźon nu bsten na dus su ’bras bu ster bar ’gyur bas gaṅ bsten na gźon nu bsten par ’gyur sñam mo || de dag gis bsams pa | rgyal po zas gtsaṅ bsten par bya ste | de bsten na gźon nu bsten par ’gyur ro sñam (5) nas | de dag gis rgyal po zas gtsaṅ bsten par brtsams te | dus daṅ mthun pa’i dus su ’dud pas pho ña daṅ | dkor sgrom dag skur bar byed do || de nas rgyal po zas gtsaṅ ’di sñam du sems te | bdag gi bu btsas pa na don thams cad daṅ las kyi mtha’ thams (6) cad grub pas de’i phyir gźon nu ’di’i mid don thams cad grub pa źes bya bar gdags so sñam nas de’i miṅ don thams cad grub pa źes bya bar btags so || gaṅ gi tshe bcom ldan ’das byaṅ chub sems dpa’ chen por ’khruṅs śiṅ des rgan po daṅ | nad pa daṅ | śi (7) ba gzigs nas thugs phyuṅ ste nags kyi naṅ du gśegs pa de’i tshe na rgyal po zas gtsaṅ daṅ | śākya legs par rab rtogs kyis bka’ mchid gsol ba’i mi ñis brgya lṅa bcu ñis brgya lṅa bcu bkye ste | de dag gis ñi ma re re źiṅ deṅ ni gźon nu til ’bru gcig gam | (66a1) ’bras thug po che ’bru gcig gam | mon sran sde’u ’bru gcig gam | mon sran gre’u ’bru gcig gam | rgya śug gi ’bru gcig gam | rgya sran ’bru gcig gis ’tsho bar mdzad do źes bcom ldan ’das byaṅ chub sems dpa’i bka’ mchid khyer te ’oṅ (2) ṅo || ñi ’og gi khams kyi rgyal po dag gis de ltar gźon nu don thams cad grub pa rgan po daṅ | nad pa daṅ | śi ba gzigs nas thugs byuṅ ste rab tu byuṅ ṅo źes thos nas de dag ’di sñam du sems te | gaṅ gi phyir bdag cag rgyal po zas gtsaṅ la sten par byed pa’i gźon (3) nu de rab tu byuṅ ṅo sñam nas | de dag las ko sa lar byuṅ ba’i rgyal po gsal rgyal ma gtogs pa gźan thams cad kyis ’dud pa daṅ | pho ña daṅ dkor sgrom ’bul ba rgyun bcad par gyur to || de’i tshe na ko sa lar byuṅ ba’i rgyal po gsal rgyal la blon po’i mchog sbed pa źes bya (4) ba źig yod la | rgyal po zas gtsaṅ la ni mdun na ’don gyi bu ’char ka źes bya ba yod de | gaṅ gi tshe ko sa lar byuṅ ba’i rgyal po gsal rgyal rgyal po zas gtsaṅ gi gan du pho ña gtoṅ bar byed pa de’i tshe na blon po’i mchog sbed pa gtoṅ bar byed de | des rgyal po’i bya ba dag (5) daṅ | rgyal po’i byed pa dag byas nas ’char ka’i khyim du ’jug par byed do || gaṅ gi tshe rgyal po zas gtsaṅ ko sa lar byuṅ ba’i rgyal po gsal rgyal gyi gan du pho ña gtoṅ bar byed pa de’i tshe na ni mdun na ’don gyi bu ’char ka gtoṅ bar byed de | des kyaṅ rgyal po’i bya ba dag (6) daṅ | rgyal po’i byed pa dag byas nas blon po’i mchog sbed pa’i khyim du ’jug par byed do || sbed pa la chuṅ ma sbed ma źes bya ba gzugs bzaṅ ba | blta na sdug pa | mdzes pa | skyes bu dga’ ba źig yod de | ’char ka sbed ma daṅ lhan cig kha dum par gyur to || (7) sbed pas ji ltar ’char ka sbed ma daṅ lhan cig kha dum par gyur par śes nas des bsams pa | ’di gsad par bya’o sñam mo || yaṅ bsams pa | gal te ’di bsad par gyur na yul ’khor gñis ’khrug pa chen por ’gyur bas bdag gis bud med kyi lus kyi (66b1) phyir ci’i phyir bram ze gsad par bya sñam nas de btaṅ sñoms su bźag go || de nas ’char ka ’di sñam du sems te | bdag sbed pas ’phrigs so sñam du rig nas skrag ste khyim nas byuṅ źiṅ gźan na ’dug pa daṅ | sbed pas smras pa | ’char ka khyod ci’i phyir raṅ (2) gi khyim spaṅs te gźan na ’dug tshur śog | ’di khyod raṅ gi khyim yin gyis ci bder ’dug śig | de nas ’char ka ’di sñam du sems te | don gyis na ’dis bdag la rjes su gnaṅ ṅo sñam du rig nas de ñid na ’dug go || || ’dul ba rnam par (3) ’byed pa | bam po ñi śu bdun pa | de nas dus gźan źig na blon po’i mchog sbed pa dus la bab nas ko sa lar byuṅ ba’i rgyal po gsal rgyal gyis de la bu med pa’i phyir nor thams cad raṅ gi mdzod daṅ baṅ bar bcug go || sbed mas ’char ka la gaṅ gi tshe (4) bdag gi khyim thab gson źiṅ ’dug ste ’tsho źiṅ sdod pa’i tshe na khyod rtag pa kho nar byon na da de’i dus la bab ste | ko sa lar byuṅ ba’i rgyal po gsal rgyal gyis kyaṅ bu ma mchis pa’i slad du nor thams cad raṅ gi mdzod daṅ baṅ bar stsal na | da khyod kyis bka’ mchid tsam (5) yaṅ mi spriṅ ṅam źes yi ge spriṅ ṅo || de nas ’char ka sbriṅ yig gi don thos nas ’di sñam du sems te | gal te bdag der soṅ bar gyur na gźi de las ’char ka bud med la chags pa bud med kyi phyir der soṅ ṅo źes gźan dag kha zer bar ’gyur gyis bdag gis (6) thabs kyi rnam pa źig bya’o sñam nas des lan gñis sam gsum du rgyal po’i bya bdag daṅ | rgyal po’i byed pa dag byas nas rgyal po zas gtsaṅ ga la ba der soṅ ste phyin nas rgyal po zas gtsaṅ la ’di skad ces smras so || lha gaṅ gi tshe gźon nu don thams cad grub (7) pa bltams pa de’i tshe na ñi ’og gi khams kyi rgyal po thams cad ’dud ciṅ thams cad kyis pho ña daṅ | dkor sgrom dag gsol nas | gaṅ gi tshe gźon nu don thams cad grub pa rgan po daṅ | nad pa daṅ | gum pa gzigs nas thugs byuṅ ste nags su gśegs pa (67a1) de’i tshe na ñi ’og gi khams kyi rgyal po de dag las ko sa lar byuṅ ba’i rgyal po gsal rgyal ma gtogs pa gźan thams cad kyis pho ña daṅ | dkor sgrom ’bul ba rgyun bkum nas lhas kos lar byuṅ ba’i rgyal po gsal rgyal la pho ña daṅ | dkor (2) sgrom dag bka’ stsal ciṅ bskur nas de lta de ltar rkyen par gyur pa las da yal bar bor na slad kyis gnod pa chen por ’gyur ba de skol daṅ mtshams ’brel par mchis pas de daṅ lhan cig rkyen par mdzad pa’i rigs so || ’char ka gal te de lta na khyod ñid pho ñar soṅ (3) śig | lha bka’ bźin ’tshal źes de nas ’char kas dkor sgrom dag khyer te mñan yod ga la ba der ’phags nas mthar gyis mñan yod du phyin to || de nas ’char ka ’di sñam du sems te | sten pa la bsten par mi bya bar bsten pa la bsten pa bsten par bya ba yin (4) pas je daṅ por blon po rnams blta bar bya źiṅ de’i ’og tu rgyal po blta ste | sbed ma’i phyir rgyal po la gsol ba bya’o sñam nas | des blon po rnams la blta bar brtsams te smras pa | śes ldan dag khyed kyis kho bo ji ltar sbed ma daṅ lhan tsig bśes pa de mi śes sam | (5) de khyim thab dus la bab nas ko sa lar byud pa’i rgyal po gsal rgyal gyis bu med pa’i phyir de’i nor thams cad raṅ gi mdzod daṅ | baṅ bar bcug pas de’i phyir kho bo rgyal po la gsol ba byed kyis khyed kyis grogs gyis śig | de dag gis de bźin du khas blaṅs (6) so || de nas ’char ka ko sa lar byuṅ ba’i rgyal po gsal rgyal ga la ba der soṅ ste phyin nas | ko sa lar byuṅ ba’i rgyal po gsal rgyal la rgyal ba daṅ | tshe spel ba byas te mtha’ gcig tu ’dug nas lan gñis lan gsum du rgyal po’i bya ba dag daṅ | rgyal po’i byed (7) pa dag byas te | ko sa lar byuṅ ba’i rgyal po gsal rgyal la ’di skad ces smras so || lha bdag gi gnas stsol cig | ’char ka khyod sṅon gaṅ du źugs | lha blon po’i mchog sbed pa’i sdum par mchis so || ’char ka soṅ la de ñid du źugs śig | lha blon po’i (67b1) mchog sbed pa dus la bab po || gal te de dus la bab na ci de’i khyim yaṅ dus la bab bam | lha de’i sdum pa ni dus la ma bab mod kyi ’on kyaṅ de na stan tsam yaṅ ma mchis so || rgyal pos blon po rnams la smras pa | śes ldan dag khyed kyis ’char ka’i gnas byin (2) cig | ’char ka’i phyir byuṅ ba daṅ | blon po rnams kyis smras pa | lha ci lags ’char ka la gnas ma mchis sñam mam | ’di ltar ’char ka sbed ma daṅ lhan cig mchid mjal bas don gyis na ’char kas sbed ma’i slad du lha la gsol ba lags kyis | lha ’char (3) ka ni bram ze mdun na ’don gyi bu lags pas bram ze ni mi ’dod bźin du gzuṅ par bgyi ba lags te | ’di legs par bzuṅ na rgyal po zas gtsaṅ legs par bzuṅ bar ’gyur ro || de nas rgyal pos ’char ka bos te smras pa | ’char ka ṅas khyod ji ltar sbed ma (4) daṅ lhan cig bśes par sṅar ma śes kyis da soṅ la sbed ma daṅ | de’i khyim daṅ | nor thams cad khyod khyer cig | lha bka’ stsal pa bźin ’tshal lo źes smras nas | ’char ka sbed ma’i khyim ga la ba der soṅ ba daṅ | sbed mas ’char ka ’oṅs so źes thos (5) nas sgo khaṅ du ’dug ste du bar brtsams so || ’char kas mthoṅ nas smras pa | sbed ma khyod ci’i phyir du | des smras pa | bdag ’tshal ba’i khyim thab dus le bab na ci khyod kyis kyaṅ yoṅs su btaṅ ṅam | de nas ’char ka ’di sñam du sems te | gal te (6) bdag gis mthun par smras na ’di śin tu ṅu bar ’gyur bas bdag gis ’di tshar gcad par bya’o sñam du rig nas ’char kas sbed ma la smras pa | sbed ma byaṅ chub sems dpa’ dka’ ba byed pa gaṅ gis btsun mo grags ’dzin daṅ | sa ’tsho ma daṅ | ri dgas skyes (7) la sogs pa bud med drug khri spaṅs te rab tu byuṅ ba de dag gi rkaṅ pa’i rdul tsam du yaṅ khyod kyis mi phod do || de nas de caṅ mi smra bar ’dug pa daṅ | ’char kas smras pa | kho bos khyod ma btaṅ bas khyod ñid kyi phyir ’dir ’oṅs pa yin no || kho bos rgyal po las (68a1) khyod daṅ khyim daṅ | nor thams cad thob na ci khyod ’di ñid du ’dug gam | ser skya’i gnas su ’gro || des bsams pa | gal te ser skya’i gnas su soṅ nas bram ze mo las srog kyaṅ mi thob bo sñam du rig nas ’di ñid du mchis so źes smras te de de ñid du (2) ’dug go || de’i tshe na ’char ka la khyim gñis yod de | gcig ni mñan yod na’o || gcig ni ser skya’i gnas na’o || gaṅ gi tshe bcom ldan ’das byaṅ chub sems dpas lo drug tu dka’ ba spyad de dka’ ba byed pa ci yaṅ med par rig nas | ci bder dbugs rṅub par (3) mdzad ci bder dbugs ’byin par mdzad ciṅ | ’bras chan daṅ | zan dron la sogs pa źal zas rgya chen po dag kyaṅ gsol bar mdzad | źun mar daṅ | ’bru mar dag gis sku dag kyaṅ skud par mdzad | chu dron pos kyaṅ sku bsil bar mdzad ciṅ | groṅ sde ’doṅ du (4) gśegs nas groṅ pa’i bu mo dga’ mo daṅ | dga’ stobs ma gñis las lan bcu drug bzlas pa’i ’o ma sbraṅ rtsi daṅ bsres pa gsol te | klu’i rgyal po nag pos mṅon par bstod pa na rtswa bkra śis ’tshoṅ pa las rtswa gser gyi mdog lta bu dag bźes nas | byaṅ chub (5) kyi gźi ga la ba der gśegs te byon nas | ñid kyis rtswam ’khrugs pa’i gdan bśams nas skyil mo kruṅ bcas te sku draṅ por bsraṅ nas dran pa phyogs par bźag ste bźugs nas thugs bskyed ciṅ gsuṅ brjod pa | ji srid zag med ma thob par || de srid skyil (6) kruṅ gźig mi bya || de yis ji srid zag med pa || ma brñes skyil kruṅ ’jig mi mdzad || gaṅ gi tshe bcom ldan ’das kyis mtshan mo’i guṅ thun la bdud ’byuṅ po duṅ phyur phrag gsum daṅ | bye ba phrag drug gi ’khor daṅ ldan pa byams pa’i stobs kyis mṅon (7) par btul te bla na med pa’i mkhyen pa thugs su chud nas tshaṅs pas gsol te | bā rā ṇa sīra gśegs nas lan gsum du bzlas te rnam pa bcu gñis su chos daṅ ldan pa’i chos kyi ’khor lo bskor ba de’i tshe lṅa pa daṅ | ñe lṅa dag daṅ | groṅ ba’i khye’u mtho ba mtho ba (68b1) lṅa bcu btul to || kar pa si’i tshal gseb tu gśegs nas bzaṅ sde’i tshogs drug bcu bden pa dag la bkod do || groṅ sde ’doṅ du gśegs nas groṅ pa’i bu mo dga’ mo daṅ | dga’ stobs ma gñis bden pa dag la bkod do || steṅ rgyas su gśegs nas (2) ral pa can stoṅ rab tu phyuṅ źiṅ rdzogs par bsñen par mdzad do || ga yā mgo’i mchod rten du gśegs nas dge sloṅ stoṅ po de dag cho ’phrul gsum gyis gdams pa mdzad nas ’khor ba’i dgon pa las bsgral te śin tu mthar thug pa grub pa daṅ bde ba bla na med pa’i mya (3) ṅan las ’das pa las bkod do || śar pa’i tshal gseb tu gśegs nas ma ga d+hāra byuṅ ba’i rgyal po bzo sbyaṅs gzugs can sñiṅ po lha brgyad khri daṅ | ma ga d+hāra byuṅ ba’i bram ze daṅ | khyim bdag ’bum phrag du ma daṅ lhan cig bden pa dag la bźag go || rgyal (4) po’i khab tu gśegs nas ’od ma’i tshal bźes te śā ri’i bu daṅ | maud gal gyi bu ’khor ñis brgya lṅa bcu daṅ ldan pa rab tu phyuṅ źiṅ rdzogs par bsñen par mdzad do || mñan yod du gśegs nas rgyal byed kyi tshal bźes te ko sa lar byuṅ ba’i rgyal po gsal rgyal (5) gźon nu’i dpe’i mdos btul nas | de nas saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas ko sa lar byuṅ ba’i rgyal po gsal rgyal gyis rgyal po zas gtsaṅ gi gan du pho ña btaṅ ste | lha (6) dgyes pa skyed cig | khyod kyi sras kyis bdud rtsi thugs su chud de | bdud rtsis ’gro ba tshim par mdzad ciṅ | mñan yod na rgyal byed kyi tshal mgon med zas sbyin gyi kun dga’ ra ba na bźugs so źes spriṅ ṅo || rgyal po zas gtsaṅ gis thos nas bcom ldan (7) ’das kyi spyan sṅar pho ña btaṅ ste | gźon nu bdag gis riṅ du ma mthoṅ ste | bdag gźon nu mthoṅ bas yoṅs su skom mo źes gsol pa daṅ | pho ña de de ñid du rab tu phyuṅ ṅo || pho ña gñis pa btaṅ ba daṅ de yaṅ de ñid du rab tu phyuṅ ṅo || bcom ldan ’das kyis (69a1) chos ’dul ba ni legs par gsuṅs pa yin pa’i phyir gaṅ daṅ gaṅ pho ñar btaṅ ba de daṅ de de ñid du rab tu byuṅ ṅo || de nas dus gźan źig na rgyal po zas gtsaṅ gis de thos nas lag pa la ’gram pa gtad de sems khoṅ du chud ciṅ ’dug pa | ’char kas mthoṅ (2) nas smras pa | lha ci’i slad du phyag la źal gtad de thugs khoṅ du chud ciṅ bźugs | ’char ka gaṅ gi tshe gźon nu don thams cad grub pa dka’ ba dag spyod pa’i tsheṅs gtam rmed pa’i mi dag btaṅ na de dag ñi ma re re źiṅ gtam khyer te ’oṅs nas gźon nu don thams cad (3) grub pa gnas pa ’dis gnas so źes gtam sñod par byed na | da gźon nu don thams cad grub pas bdud rtsi thugs su chud de bdud rtsis ’gro ba tshim par mdzad ciṅ | mñan yod na rgyal byed kyi tshal mgon med zas sbyin gyi kun dga’ ra ba na bźugs źes thos nas ṅas (4) gtam rmed pa’i mi dag btaṅ na | ’gas kyaṅ gźon nu don thams cad grub pa’i gtam khyer te mi ’oṅ bar gaṅ daṅ gaṅ pho ñar btaṅ ba de daṅ de de ñid du ’dug par gyur na ṅa ji ltar lag pa la ’gram pa gtad de sems khoṅ du chud ciṅ mi ’dug tu ruṅ | ’char kas smras (5) pa | lha bdag la bka’ stsal du gsol | khyod kyaṅ der ’dug par ’gyur ro || lha bdag gis lha’i spyan sṅar bka’ mchid ’tshal te mchi’o || rgyal po zas gtsaṅ gis raṅ ñid kyis phrin yig ’di skad ces | ma rum bźugs pa tshun chad nas || bdag (6) gis legs par khyod bsruṅs te || ñon moṅs gdugs kyis rab gduṅs pas || rgyal pa’i ljon śiṅ sdod ciṅ mchis || slob ma’i yal ga rtsa lag gis || da ltar khyod ni rgyas gyur pas || gźan dag bde bas dga’ mdzad na || bdag ni sdug bsṅal sten (7) par gyur || gaṅ tshe daṅ po khyod ’khruṅs tshe || śin tu don chen mdzad nas ni || ñe du rjes su gzuṅ mdzad ces || de tshe khyod kyis thugs dam bcas || de slad go ’phaṅ źi brñes khyod || bdag daṅ ñe du’i tshogs rnams la || rjes su thugs brtsi ñer bzuṅ ste || (69b1) byon pa’i blo gros mdzad du gsol ||
źes bris so || de nas ’char ka phrin yig de blaṅs te mñan yod du ’phags nas des mthar gyis mñan yod du phyin nas ji tsam na ’char kas bcom ldan ’das la phrin yig phul ba daṅ | bcom ldan ’das ñid kyis phrin yig (2) bklag pa mdzad nas | ’char kas gsol pa | bcom ldan ’das ser skya’i gnas su gśegs sam | ’char ka ’oṅ ṅo || ’char kas sṅon gyi gcugs pa de ñid kyis ’di skad ces gsol to || gal te bcom ldan ’das mi gśegs na bdag gis mthus bkri (3) bar bgyi’o || de nas bcom ldan ’das kyis de’i tshe tshigs su bcad pa bka’ stsal pa | gaṅ la khrid byed sred pa yi || dra bkram gaṅ na’aṅ yod min pa ||
spyod yas gźi med saṅs rgyas de || gaṅ gi gźis ni khrid par byed || gaṅ la khrid byed sred pa yi || (4) dra bkram gaṅ na’aṅ yod min pa ||
rtsal yas gźi med saṅs rgyas de || gaṅ gi gźis ni khrid par byed || gaṅ rgyal mi ñams gaṅ la ni || ’jig rten ma rgyal yoṅ med pa ||
spyod yas gźi med saṅs rgyas de || gaṅ gi gźis ni khrid par byed || gaṅ (5) rgyal mi ñams gaṅ la ni || ’jig rten ma rgyal yoṅ med pa ||
rtsal yas gźi med saṅs rgyas de || gaṅ gi gźis ni khrid par byed || ’char kas gsol pa | bcom ldan ’das bdag rgyal po zas gtsaṅ la brjod du mchi’o || bcom ldan ’das kyis bka’ stsal (6) pa | ’char ka rgyal ba’i pho ña dag ni de lta bu ma yin no || bcom ldan ’das ’o na rgyal ba’i pho ña dag ji lta bu lags | skra bregs śiṅ gos ṅur smrig gon pa rab tu byuṅ ba dag yin no || bcom ldan ’das bdag gis rgyal po zas gtsaṅ la slar mchis par mchid (7) kyis ’tshal to || bcom ldan ’das kyis bka’ stsal pa | rab tu byuṅ ste soṅ śig | ’di ltar bcom ldan ’das byaṅ chub sems dpar gyur pas sṅon tshe rabs rjes pa de daṅ de dag tu yab daṅ | yum daṅ | mkhan po daṅ | slob dpon daṅ | bla ma daṅ | bla (70a1) ma’i gnas lta bud ga gi chos daṅ ldan pa’i tshig ’ga’ yaṅ ma bcag pas bka’ stsal ma thag tu ’char kas gsol pa | bcom ldan ’das bdag rab tu’i byuṅ ṅo || de nas bcom ldan ’das kyis tshe daṅ ldan pa śā ri’i bu la bka’ stsal pa | śā ri’i (2) bu ’char ka rab tu phyuṅ śig daṅ | de ni ’di la yun riṅ po’i don daṅ | phan pa daṅ | bde bar ’gyur ro || tshe daṅ ldan pa śā ri’i bus btsun pa bka’ bźin ’tshal źes bcom ldan ’das las mñan nas ’char ka rab tu phyuṅ bsñen par rdzogs par byas te | de la (3) ’di ni khyod kyi bya ba yin no || ’di ni khyod kyis bya ba ma yin no || ’char ka khyod kyis deṅ phyin cad bud med kyi yul daṅ lhan cig khyim gcig tu ñal bar mi bya’o źes bya ba la sogs pa kun tu spyad pa’i chos thams cad brjod do || ’char kas mkhan po bka’ bźin ’tshal źes (4) tshe daṅ ldan pa śā ri’i bu’i rkaṅ pa gñis la mgo bos phyag ’tshal te soṅ nas | bcom ldan ’das ga la der soṅ ste phyin nas bcom ldan ’das kyi źabs gñis la mgo bos phyag ’tshal te bcom ldan ’das la ’di skad ces gsol te || bcom ldan ’das ser skya’i (5) gnas su mchi’o || bcom ldan ’das kyis bka’ stsal pa | ’char ka khyod kyis tsham tshom med par rgyal po’i pho braṅ du ’jug par mi bya bar sgor ’greṅ ste śākya ’i dge sloṅ ’oṅs so źes brjod par bya’o || gal te śākya ’i dge sloṅ gźan dag kyaṅ yod dam źes ’dri (6) na śākya ’i dge sloṅ gźan dag kyaṅ yod do źes brjod par bya’o || gal te źugs śig ces zer na ’jug par bya’o || gal te gźon nu don thams cad grub pa yaṅ cha lugs ’di ’dra ba ñid yin nam źes ’dri na | cha lugs ’di ’dra ba ñid yin no źes brjod par bya’o || (7) khyod kyis rgyal po’i pho braṅ du gnas par mi bya’o || gal te gźon nu don thams cad grub pa yaṅ rgyal po’i pho braṅ du gnas ’cha’ bar mi byed dam źes ’dri na | gnas ’cha’ bar mi byed do źes brjod par bya’o || gal te gaṅ du gnas ’cha’ bar byed ces ’dri na | dgon (70b1) pa’am | gtsug lag khaṅ du’o źes brjod par bya’o || gal te gźon nu don thams cad grub pa ’oṅ ṅam źes ’dri na ’oṅ ṅo źes brjod par bya’o || gal te yun ji tsam na ’oṅ źes ’dri na źag bdun ’das nas so źes brjod par bya’o || tshe daṅ ldan pa ’char kas bcom ldan (2) ’das bka’ bźin ’tshal źes bcom ldan ’das las mñan nas | bcom ldan ’das kyi źabs gñis la mgo bos phyag ’tshal te | bcom ldan ’das kyis spyan sṅa nas soṅ ṅo || ’char ka ’oṅ ba’i tshe mñan yod du ñi ma maṅ po dag gis phyin na phyir ’gro ba’i tshe ’di lta (3) ste | saṅs rgyas rnams kyi saṅs rgyas kyi mthu daṅ | lha rnams kyi lha’i mthus ñi ma gcig gis ser skya’i gnas su phyin to || de nas tshe daṅ ldan pa ’char ka rgyal po zas gtsaṅ gi pho braṅ ga la ba der soṅ ste phyin nas mi sgo ba bos te smras pa | kye naṅ rje khyod soṅ la rgyal po la (4) śākya ’i dge sloṅ ’oṅs so źes spron cig | des smras pa | śākya ’i dge sloṅ gźan dag kyaṅ mchis sam | ’char kas smras pa | śākya ’i dge sloṅ gźan dag kyaṅ yod do || sgo bas rgyal po la spran pa daṅ | rgyal pos smras pa | śākya ’jug tu chug śig | su źig (5) śākya zlog par byed | de nas tshe daṅ ldan pa ’char ka sgo bas ṅo śes nas rgyal po zas gtsaṅ ga la ba der soṅ ste phyin nas rgyal po zas gtsaṅ la ’di skad ces smras so || rgyal po chen po khyod la bcom ldan ’das a rog gya źes gsuṅ ṅo || rgyal po zas gtsaṅ gis (6) ’char ka skad las ṅo śes nas smras pa | khyod ’char ka yin nam || lha bdag skye bos de ltar ’tshal to || rgyal pos smras pa | gźon nu don thams cad grub pa yaṅ cha lugs ’di ’dra ba ñid yin nam || lha cha lugs ’di ’dra ba nad lags so || rgyal po seṅ ge’i (7) khri las brgyal te sa la lhuṅ nas chus dbaṅ bskur bas srog phyir ’oṅs nas dris pa | gźon nu don thams cad grub pa ’oṅ ṅam | lha mchi’o || yun ji tsam na ’oṅ | dguṅ bdun ’das nas so || rgyal pos blon po rnams la smras pa | śes ldan dag deṅ la rgyal (71a1) po’i pho braṅ daṅ | btsun mo’i ’khor dag byi dor gyis śig | lha gźon nu don thams cad grub pa de rgyal po’i pho braṅ ṅam | btsun mo’i ’khor gyi naṅ du gnas ’cha’ bar mi bgyid do || ’o na gaṅ du gnas ’cha’ bar byed | dgon pa’am | gtsug yag khaṅ (2) du’o || gtsug lag khaṅ ci ’dra bar | ’char kas mñan yod na gtsug lag khaṅ ci ’dra ba dag mthoṅ ba de ’dra ba brjod do || de’i tshe na rgyal po zas gtsaṅ la skyed mos tshal skye yod daṅ | n+ya gro d+ha’i kun dga’ ra ba daṅ | tshaṅs pa’i gnas la sogs pa skyed mos (3) tshal lṅa brgya yod pas rgyal pos blon po rnams la smras pa | śes ldan dag khyed deṅ la | skyed mos tshal gsum po skye yod daṅ | n+ya gro d+ha’i kun dga’ ra ba daṅ | tshaṅs pa’i gnas dag tu skyed mos tshal re rer yaṅ rgyal byed kyi tshal ’dra ba’i gtsug lag khaṅ khaṅ (4) chen bcu drug daṅ | khaṅ pa’i gźi drug bcu yod pa dag myur du byed du chug la | groṅ khyer ser skya’i gnas thams cad kyaṅ rdo ba daṅ | gseg ma daṅ | gyo mo med par gnas par gyis śig | rgyal po rnams ni tshig gis ’grub pa yin la | lha rnams ni sems kyis (5) ’grub pa yin | rnal ’byor ba rnams ni sems bskyed pa tsam gyis thams cad ’grub pa yin pas blon po rnams kyis lha bka’ bźin ’tshal źes rgyal po zas gtsaṅ las mñan nas skyed mos tshal gsum po skye yod daṅ | n+ya gro d+ha’i kun dga’ rab daṅ | tshaṅs pa’i (6) gnas dag tu skyed mos tshal re rer yaṅ rgyal byed kyi tshal ’dra ba’i gtsug lag khaṅ khaṅ chen bcu drug daṅ | khaṅ pa’i gźi drug bcu yod pa dag byed du bcug ciṅ groṅ khyer ser skya’i gnas thams cad kyaṅ rdo ba daṅ | gseg ma daṅ | gyo mo med par gnas par byas so || saṅs rgyas (7) bcom ldan ’das gson źiṅ bźugs te ’tsho źiṅ gźes pa rnams la chos ñid kyis gdon mi za bar bgyi ba bcu mṅa’ ste | saṅs rgyas bcom ldan ’das kyis ji srid du saṅs rgyas su luṅ ma bstan pa daṅ | ji srid du sems can gźan gyis bla na med pa’i byaṅ chub tu phyir (71b1) mi ldog pa’i sems ma bskyed pa daṅ | saṅs rgyas kyis gdul bar bya ba thams cad ma btul ba daṅ | ji srid du sku tshe’i cha lṅa pa ma lus pa daṅ | ji srid du mtshams bcad pa mdzad pa daṅ | ji srid du ñan thos zuṅ gcig mchog tu ma bstan pa daṅ | ji (2) srid du groṅ khyer kun ’od du lha las babs pa ma bstan pa daṅ | ji srid du mñan yod du cho ’phrul chen po rnam par ma bstan pa daṅ | ji srid du mtsho chen po ma dros par ñan thos rnams daṅ thabs cig sṅon gyi las kyi rgyub luṅ ma bstan pa daṅ | ji srid du yab yum gñis (3) bden pa dag la ma bkod pa de srid du yoṅs su mya ṅan las mi ’da’ ba yin no || de nas bcom ldan ’das ’di sñam du dgoṅs te | rgyal po chen po zas gtsaṅ daṅ | śākya ’bum phrag du ma dag gdul ba’i dus ñe bar gnas par gyur ciṅ | ’di lta ste | yab (4) yum gñis bden pa dag la gźag pa de ni de bźin gśegs pas gdon mi za bar mdzad pa yin no sñam du dgoṅs nas | de nas bcom ldan ’das kyis tshe daṅ ldan ba maud gal gyi bu chen po la bka’ stsal pa | maud gal gyi bu khyod so la dge sloṅ rnams la de bźin (5) gśegs pa ser skya’i gnas su gśegs kyis | khyed cag las gaṅ de bźin gśegs pa daṅ thabs cig ser skya’i gnas su ’gro ba daṅ | yab daṅ sras mjal ba lta bar spro ba des chos gos dag loṅ śig ces bsgo śig | tshe daṅ ldan pa maud gal gyi bu chen pos (6) btsun pa bka’ bźin ’tshal źes bcom ldan ’das las mñan nas | dge sloṅ rnams la tshe daṅ ldan pa dag bcom ldan ’das ser skya’i gnas su gśegs kyis khyed cag las gaṅ de bźin gśegs pa daṅ thabs cig ser skya’i gnas su ’gro ba daṅ | yab daṅ sras mjal (7) ba lta bar spro ba des chos gos dag loṅ śig ces bsgo’o || dge sloṅ dag gis tshe daṅ ldan pa de bźin bgyi’o źes tshe daṅ ldan pa maud gal gyi bu chen po las mñan to || de nas bcom ldan ’das dul ba ’khor dul ba daṅ ldan pa | źi ba ’khor źi ba daṅ ldan pa | grol (72a1) ba ’khor grol ba daṅ ldan pa | dbugs phyin pa ’khor dbugs phyin pa daṅ ldan pa | thul ba ’khor thul ba daṅ ldan pa | dgra bcom pa ’khor dgra bcom pa daṅ ldan pa | ’dod chags daṅ bral ba ’khor ’dod chags daṅ bral ba daṅ ldan pa | mdzes (2) pa ’khor mdzes pa daṅ ldan pa | khyu mchog ltar ba laṅ gi tshogs kyis yoṅs su bskor ba | glaṅ po che ltar glaṅ po che’i phru gu’i tshogs kyis yoṅs su bskor ba | seṅ ge ltar mche ba can gyi tshogs kyis yoṅs su bskor ba | ṅaṅ pa’i rgyal po ltar ṅaṅ pa’i tshogs (3) kyis yoṅs su bskor ba | nam mkha’ ldiṅ ltar bya’i tshogs kyis yoṅs su bskor ba | bram ze ltar slob ma’i tshogs kyis yoṅs su bskor ba | sman pa mkhas pa ltar nad pa’i tshogs kyis yoṅs su bskor ba | dpa’ bo ltar ru pa’i tshogs kyis yoṅs su (4) bskor ba | sa mkhan ltar lam du źugs pa’i tshogs kyis yoṅs su bskor ba | ded dpon ltar tshoṅ pa’i tshogs kyis yoṅs su bskor ba | tshoṅ dpon ltar ’khor gyi tshogs kyis yoṅs su bskor ba | mkhar gyi rgyal po ltar blon po’i tshogs kyis yoṅs su bskor (5) ba | ’khor los sgyur ba ltar bu stoṅ gi tshogs kyis yoṅs su bskor ba | zla ba ltar rgyu skar gyi tshogs kyis yoṅs su bskor ba | ñi ma ltar ’od zer stoṅ gi tshogs kyis yoṅs su bskor ba | yul ’khor sruṅ ltar dri za’i tshogs kyis yoṅs su bskor ba | ’phags (6) skyes po ltar grul bum gyi tshogs kyis yoṅs su bskor ba | mig mi bzaṅ ltar klu’i tshogs kyis yoṅs su bskor ba | nor sbyin ltar gnod sbyin gyi tshogs kyis yoṅs su bskor ba | thags zaṅs ris ltar lha ma yin gyi tshogs kyis yoṅs su bskor ba | brgya byin (7) ltar sum bcu rtsa gsum pa’i tshogs kyis yoṅs su bskor ba | tshaṅs pa ltar tshaṅs ris kyi tshogs kyis yoṅs su bskor ba | dbaṅ po rnams śin tu dul ba | spyod lam daṅ | spyod pa ma ’khrugs pa | chu gter ltar tiṅ ṅe ba | sprin ltar chu daṅ bcas pa | glaṅ po (72b1) che’i rgyal po ltar dregs pa daṅ bral ba | skyes bu chen po’i mtshan sum bcu rtsa gñis kyis legs par brgyan pa | dpe byad bzaṅ po brgyad bcus sku rnam par mdzes pa | ’od ’dom gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin po che’i (2) ri bo ’gro ba ltar kun tu bzaṅ ba | stobs bcu daṅ | mi ’jigs pa bźi daṅ | ma ’dres pa’i dran pa ñe bar gźag pa gsum daṅ | thugs rje chen po daṅ ldan pa | ’jig rten la phan par źugs pa | sruṅ ba gcig pu pa | ñag gcig dpa’ ba | gñis pa med pa | (3) gñis su mi gsuṅ ba | źi gnas daṅ lhag mthoṅ gis bźugs pa | rig pa gsum gsal bar mdzad pa | bslab pa gsum la legs par bslabs pa | dul ba’i gnas gsum gyi gźi la mkhas pa | chu bo bźi las rgal ba | rdzu ’phrul gyi rkaṅ pa bźis spyod pa’i (4) gźi la legs par gnas pa | bsdu ba’i dṅos po bźi la yun riṅ po nas yoṅs su sbyaṅ ba mdzad pa | mi ’jigs pa bźis bsñeṅs pa mi mṅa’ ba | yan lag lṅa spaṅs pa | ’gro ba lṅa las yaṅ dag par ’das pa | yan lag drug daṅ ldan pa | pha (5) rol tu phyin pa drug yoṅs su rdzogs pa | rtag tu gnas pa drug gis gnas pa | byaṅ chub kyi yan lag bdun gyi me tog gis phyug pa | lam gyi yan lag brgyad ston pa | mthar gyis gnas pa’i sñoms par ’jug pa dgu la mkhas pa | stobs bcu’i (6) stobs daṅ ldan pa | phyogs bcur sñan pas yaṅ dag par rgyas pa | brgya phrag bcur dbaṅ bsgyur ba las khyad par du ’phags pa | ’khor ñan thos chen po tshe daṅ ldan pa lteṅ rgyas ’od sruṅ daṅ | ga ya ’od sruṅ daṅ | chu kluṅ ’od sruṅ la sogs pa sṅon gyi ral pa (7) can stoṅ daṅ | tshe daṅ ldan pa śā ri’i bu daṅ | maud gal gyi bu chen po la sogs pa dge sloṅ gi dge ’dun maṅ pos mdun du bdar te ser skya’i gnas ga la ba der rgyu źiṅ gśegs so || de’i tshe na rgyal po zas gtsaṅ gis ñi ma bdun pa la groṅ khyer ser skya’i gnas (73a1) thams cad rṅo ba daṅ | gseg ma daṅ | gyo mo med par bźag ciṅ bdug pa daṅ | phye ma ’khrigs pa daṅ | me tog sna tshogs bkram pa daṅ | rgyal mtshan daṅ | ba dan bsgreṅ ba la sogs pa mchod pa’i yo byad rgya chen po dag bśams (2) śiṅ | n+ya gro d+ha’i kun dga’ ra bar sa phyogs go skabs yaṅs par gdan thabs zla gam lta bur bśams te | n+ya gro d+ha’i kun dga’ ra ba nas groṅ khyer ser skya’i gnas kyi bar gyi lam thams cad mdzes rdo ba daṅ | gseg ma daṅ | gyo mo med par bźag (3) ste | spos chu’i chag chag btab ciṅ bar bar du dar gyi chun po maṅ po dbyaṅs śiṅ | me tog gi tshoms dag kyaṅ bśams | bdug spos dri źim po’i du ba ’khrigs pa daṅ | me tog sna tshogs bkram pa daṅ | rgyal mtshan daṅ | ba dan bsgreṅ ba dag rnam par (4) bźag go || rgyal po zas gtsaṅ ñid kyis rgyal po’i ’byor ba chen po daṅ | rgyal po’i mthu chen pos n+ya gro d+ha’i kun dga’ ra ba na ’di lta ste | bcom ldan ’das la sdod ciṅ ’dug go || de nas bcom ldan ’das mthar gyis rgyu źiṅ gśegs pa na chu rluṅ ro ha (5) ka’i ’gram du gśegs so || de na dge sloṅ kha cig ni lag pa daṅ rgaṅ pa dag ’khru bar byed | kha cig ni so śiṅ ’dor bar byed | kha cig ni chu ’tshag par byed | kha cig ni khrus byed do || groṅ khyer ser skya’i gnas na ’khod pa’i śākya rnams kyis gźon nu don (6) thams cad grub pa ’oṅs śiṅ | rgyal po zas gtsaṅ gis n+ya gro d+ha’i kun dga’ ra bar sa phyogs go skabs yaṅs par gnas mal bśams źes thos so || thos nas kyaṅ śākya ’bum phrag du ma dag n+ya gro d+hi’i gun dga’ ra bar ’dus par gyur ciṅ | de na kha cig (7) ni sṅon gyi dge ba’i rtsa ba dag gis bskul źiṅ lhags so || kha cig ni ya mtshan skyes te je daṅ por yab kyis sras kyi źabs la phyag ’tshal bar mdzad dam | ’on te sras kyis yab kyi źabs la phyag ’tshal bar mdzad pa blta’o sñam pas lhags so || de (73b1) nas bcom ldan ’das ’di sñam du dgoṅs te | gal te de bźin gśegs pa źabs kyis ser skya’i gnas su gśegs na śākya ṅa rgyal can dag gźon nu don thams cad grub pas chen po ma rñed de | ’di ltar ’di sṅon byaṅ chub sems dpar gyur pa na groṅ khyer (2) ser skya’i gnas nas lha ’bum phrag du mas bsu ste steṅ gi nam mkha’ las byuṅ ste soṅ na | da ’dis bla na med pa’i ye śes rtogs kyaṅ rkaṅ pas ’oṅs so źes ma dad pa skye bar ’gyur bas bdag rdzu ’phrul gyis ser skya’i gnas su ’jug par bya’o sñam du dgoṅs śiṅ (3) rig nas | dge sloṅ rnams la bka’ stsal pa | dge sloṅ dag khyed ni rkaṅ pa dag gis chu kluṅ ro ha ka rgol cig | de bźin gśegs pa ni rdzu ’phrul gyis gśegs so || dge sloṅ rnams kyis btsun pa bka’ bźin ’tshal źes bcom ldan ’das las mñan (4) nas | rkaṅ pa dag gis chu kluṅ ro ha ka rgal te n+ya gro d+ha’i kun dga’ ra ba ga la ba der doṅ ṅo || de nas bcom ldan ’das kyis dge sloṅ gi dge ’dun soṅ nas riṅ po ma lon par thugs su chud nas tiṅ ṅe ‘dzin ’di lta bu la sñoms par źugs te | ji ltar thugs mñam (5) par bźag na rdzu ’phrul gyis chu kluṅ ro ha ka’i pha rol gyi ’gram nas mi snaṅ bar gyur ciṅ steṅ gi nam mkha’ la ṅaṅ pa’i rgyal po ’dab ma brkyaṅ pa ltar mṅon par ’phags nas | ser skya’i gnas kyi steṅ nas n+ya gro d+ha’i kun dga’ ra ba ga la ba der gśegs te byon nas (6) n+ya gro d+ha’i kun dga’ ra ba’i steṅ gi nam mkha’ la skyil mo kruṅ bcas te bźugs so || de na bcom ldan ’das śar phyogs logs su spyod lam bźi po ’di lta ste | ’chag pa daṅ | bźeṅs pa daṅ | bźugs pa daṅ | mnal ba dag mdzad do || me’i (7) khams la yaṅ sñoms par ’jug pa mdzad de | saṅs rgyas bcom ldan ’das me’i khams la sñoms par źugs pa’i sku las ’od zer sna tshogs ’di lta ste | sṅon po dag daṅ | ser po dag daṅ | dmar po dag daṅ | dkar po dag daṅ | btsod ka dag daṅ | (74a1) śel daṅ | dṅul gyi kha dog lta bu dag byuṅ ṅo || cho ’phrul zuṅ dag kyaṅ rnam par ston pa mdzad de | sku’i smad nas me ’bar źiṅ sku’i stod nas chu graṅ mo’i rgyun ’bab par mdzad do || sku’i stod nas me ’bar źiṅ sku’i smad nas cu graṅ mo’i rgyun ’bab par (2) mdzad do || śar phyogs su ji lta ba bźin du lho phyogs daṅ | nus phyogs daṅ | byaṅ phyogs su yaṅ de bźin du mdzad do || de ltar phyogs bźir rdzu ’phrul gyi cho ’phrul rnam pa bźi bźi ston par mdzad do || de nas bcom ldan ’das ’di sñam du dgoṅs te | gal te de (3) bźin gśegs pas rgyal po zas gtsaṅ gi rkaṅ pa gñis la gtugs par gyur na ni de’i spyi bo tshal pa bdun du ’gas par ’gyur la | gal te rgyal po zas gtsaṅ gis de bźin gśegs pa’i źabs gñis la gtugs par gyur na ni śākya ṅa rgyal can dag ci’i phyir yab (4) tu gyur pas sras kyi rkaṅ pa gñis la gtugs par byed ces ma dad pa skye bar ’gyur bas bdag gis ci nas kyaṅ rgyal po zas gtsaṅ gis lus ma btud bźin du de bźin gśegs pa’i źabs gñis la phyag ’tshal bar ’gyur ba de lta bu’i rdzu ’phrul mṅon par ’du bya’o (5) sñam du dgoṅs śiṅ rig nas ta la bdun srid tsam gyi steṅ gi nam mkha’ la gźes śiṅ | ta la drug daṅ | lṅa daṅ | bźi daṅ | gsum daṅ | gñis daṅ | gcig srid tsam na bźugs so || de nas skyes bu bdun srid tsam na gźes śiṅ skyes bu drug daṅ | lṅa (6) daṅ | bźi daṅ | gsum daṅ | gñis daṅ | gcig srid tsam na gźes so || de nas rgyal po zas gtsaṅ gis ma btud bźin du de bźin gśegs pa’i źabs gñis la mgo bos phyag ’tshal nas śākya rnams la go bar bya ba’i phyir de’i tshe tshigs su bcad pa smras pa | (7) gaṅ tshe khyod bltams dog sa rab g-yos daṅ ||
’dzam bu’i grib mas khyod sku ma btaṅ daṅ ||
’di daṅ lan gsum kun gzigs mkhyen ldan pa ||
saṅs rgyas khyod kyi źabs la bdag phyag ’tshal || de nas bcom ldan ’das kyis rdzu ’phrul mṅon par ’du mdzad (74b1) pa de slar bsdu ba mdzad nas n+ya gro d+ha’i kun dga’ ra bar gśegs te | dge sloṅ gi dge ’dun gyi goṅ du gdan bśams pa ñid la bźugs so || de nas rgyal po zas gtsaṅ daṅ | bre bo zas daṅ | zas dkar daṅ | bdud rtsi zas daṅ | śākya ’bum phrag du ma dag (2) gis bcom ldan ’das kyi źabs gñis la mgo bos phyag ’tshal te mtha’ gcig tu ’khod do || śākya kha cig ni bcom ldan ’das ga la ba de logs su thal mo sbyar te mtha’ gcig tu ’khod do || śākya kha cig ni thag riṅ po kho na nas bcom ldan ’das mthoṅ nas caṅ mi (3) smra bar mtha’ gcig tu ’khod do || de nas rgyal po zas gtsaṅ gis bcom ldan ’das la tshigs su bcad pa’i skad kyis źu ba źus pa |

dpa’ bo bcibs pa glaṅ po daṅ || chibs daṅ śiṅ rtas khab gśegs na ||
tsher bcas dog sa’i gźi dag la || ji ltar (4) źabs kyis gśegs pa mdzad ||

bcom ldan ’das kyis bka’ stsal pa ||
bdag ni rdzu ’phrul rkaṅ pa daṅ || yaṅ dag stsol ba’i bźon pa yis ||
ñon moṅs tsher mas ma smas par || sa gźi kun tu rnam par rgyu ||

rgyal pos gsol pa ||

dpa’ bo sṅan (5) chad ka śi ka’i || na bza’ gsol bas rnam mdzes na ||
ṅur smrig na bza’ rtsub po dag || ji ltar khyod skus bzod par mdzad ||

bcom ldan ’das kyis bka’ stsal pa ||
rgyal po bdag ni khrel ’dzem pa’i || snam sbyar gos gyon mdzes pa yin ||
gaṅ gis (6) thub pa’i gos gyon pa || źi ba’i nags na mdzes par ’gyur ||

rgyal pos gsol pa |

brtan pa sṅan chad gser snod nas ||
źal zas ro maṅ ldan gsol nas ||
da ltar bsod sñoms ṅan pa dag ||
ji ltar khyod kyi mgur du byon ||

bcom ldan ’das kyis bka’ (7) stsal pa |

chos ldan dga’ ba dag gi zas ||
ṅes ’byuṅ ldan źiṅ mñam bźag yin ||
zas sred spaṅs kyaṅ ’jig rten kun ||
rjes su gzuṅ phyir bdag spyod byed ||

rgyal pos gsol pa |

blo bzaṅ khyod sṅon yaṅ thog gi ||
gźal med khaṅ steṅ dus mthun (75a1) bźugs ||
ñag gcig nags na khyod bźugs na ||
ji ltar bsñeṅs daṅ bral bar ’gyur ||

bcom ldan ’das kyis bka’ stsal pa |

gau tam ’jigs kun rtsa daṅ srid ||
de dag bag ñal bcas spaṅs pas ||
mya ṅan ’jigs bral nags (2) gnas te ||
de na bdag ’jigs ci yaṅ med ||

rgyal pos gsol pa |

thub dbaṅ khyod sṅon rab dgyes pa’i ||
khab na rtag tu khrus mchog mdzad ||
nags na ñag gcig khyod bźugs na ||
de na ’byor khrus su dag bgyid ||

bcom ldan ’das kyis bka’ stsal (3) pa |

gau tam chos rdziṅ bsod nams ’gram ||
rñog med dam pas bsṅags pa ste ||
mi lus mi gśer der bkrus pa ||
rig byed yon tan pha rol ’gro ||

rgyal pos gsol pa |

dpa’ bo raṅ gi pho braṅ na ||
gser dṅul bum pas khrus mdzad na ||
chab (4) tshan rñog daṅ bcas pa yis ||
ji ltar khyod kyi sku khrus mdzad ||

bcom ldan ’das kyis bka’ stsal pa |

gau tam daṅ kluṅ tshul khrims ’gram ||
daṅ ba bsil ba mkhas pas bsṅags ||
mi lus mi gśer der bkrus pa ||
rig byed yon tan pha rol ’gro ||

rgyal (5) po zas gtsaṅ gis gsol pa |

zil gnon gaṅ nas skye ’gyur źiṅ ||
’jigs skrag gaṅ nas ’byuṅ bar ’gyur ||
yid ’byuṅ gaṅ nas skye bar ’gyur ||
źus pa de ni bdag la gsuṅs ||

bcom ldan ’das kyis bka’ stsal pa |

zil gnon gaṅ nas skye ’gyur (6) źiṅ ||
’jigs skrag gaṅ nas ’byuṅ ’gyur daṅ ||
yid ’byuṅ gaṅ nas skye ’gyur ba ||
gson cig bdag gis khyod la bśad ||
rga daṅ na daṅ ’chi ’gyur ba ||
gal te de gsum yod min na ||
bdag kyaṅ śin tu yid ’oṅ ba’i ||
yul rnams la ni dga’ bar (7) ’gyur ||

rgyal pos gsol pa |

śākya ’i rigs rnams dga’ mdzad pa ||
dpa’ bo ’jig rten chos brgyad kyis ||
khyod la gos pa mi mṅa’ ba ||
legs par ’khruṅs pa legs pa lags ||

de nas rab dga’ daṅ rgyas pas || draṅ sroṅ dge ’dun bskor byas (75b1) ñe ||
thub dbaṅ źabs la mgos gtugs nas || bde gśegs kun nas rtog ciṅ sṅod ||

de nas rgyal po zas gtsaṅ ’di sñam du sems te | bdag gi bus yon tan gyi tshogs ’di lta bu rtogs pa ni bdag gis rñed pa legs par rñed do sñam mo || de nas bcom (2) ldan ’das kyis skye bo phal po che’i tshogs de’i bsam pa daṅ | bag la ñal daṅ | khams daṅ | raṅ bźin thugs su chud nas | ’di ltar rgyal po zas gtsaṅ daṅ | lhas sbyin sdig pa ’dod pa ṅa rgyal las kyaṅ ṅa rgyal can ma gtogs pa zas dkar la (3) sogs pa śākya bdun khri bdun stoṅ gis bden pa dag mthoṅ bar gyur pa de ltar chos bstan pa mdzad do || de nas srog chags stoṅ phrag maṅ po kha cig gis ni rgyun du źugs pa’i ’bras bu mṅon sum du byas | kha cig gis ni lan gcig phyir ’oṅ ba’i ’bras bu | kha (4) cig gis ni phyir mi ’oṅ ba’i ’bras bu | kha cig gis ni rab tu byuṅ ste ñon moṅs pa thams cad spaṅs pas dgra bcom pa ñid mṅon sum du byas te | ’khor de las phal cher saṅs rgyas la gźol ba daṅ | chos la ’bab pa daṅ | dge ’dun la bab par rnam par (5) gźag par mdzad do || rgyal po zas gtsaṅ ni bdag gi bu ’di ltar rdzu ’phrul che ba | ’di ltar mthu che ba yin no sñam du ha caṅ dga’ bas bden pa ma mthoṅ ṅo || lhas byin ni sdig pa ’dod pa daṅ | ṅa rgyal las kyaṅ ṅa rgyal gyis bden pa ma mthoṅ ṅo || lhas byin (6) bden pa ma mthoṅ źiṅ khro bas zil gyis non pas smras pa | gal te bdag gis kyaṅ ’di ltar rjes su ’jug par byed pa’i sgyu ma śes par gyur na | bdag gis kyaṅ ’jig rten thams cad rjes su ’jug par bya ba la rag go || śākya gcugs par gyur pa dga’ ba ston pa dag gis (7) de la smras pa | lhas byin thoṅ śig bcom ldan ’das ni rdzu ’phrul che ba | mthu che ba yin gyis de skad ma zer cig | de nas de caṅ mi smra bar ’dug go || ñi ma gñis pa la skyed mos tshal skye yod dus phyogs go skabs yaṅs par gdan thabs zla gam lta bu bśams pa (76a1) byas nas | der yaṅ bcom ldan ’das kyis skye bo phal po che’i tshogs de’i bsam pa daṅ bag la ñal daṅ | khams daṅ | raṅ bźin thugs su chud nas ’di ltar rgyal po zas gtsaṅ daṅ | lhas byin sdig pa ’dod pa ṅa rgyal las kyaṅ ṅa rgyal can ma gtogs (2) pa | bre bo zas la sogs pa śākya bdun khri drug stoṅ gis bden pa dag mthoṅ bar gyur pa de ltar chos bstan pa mdzad do || de na srog chags stoṅ phrags maṅ po kha cig gis ni rgyun du źugs pa’i ’bras bu mṅon sum du byas | kha cig gis ni lan gcig phyir ’oṅ ba’i ’bras bu | (3) kha cig gis ni phyir mi ’oṅ ba’i ’bras bu | kha cig gis ni rab tu byuṅ ste ñon moṅs pa thams cad spaṅs pas dgra bcom pa ñid mṅon sum du byas te | ’khor de las phal cher saṅs rgyas la gźol ba daṅ | chos la ’bab pa daṅ | dge ’dun la bab par rnam par gźag (4) par mdzad do || rgyal po zas gtsaṅ ni bdag gi bu ’di ltar rdzu ’phrul che ba | ’di ltar mthu che ba yin no sñam du ha caṅ dga’ bas bden pa ma mthoṅ ṅo || lhas byin ni sdig pa ’dod pa daṅ | ṅa rgyal las kyaṅ ṅa rgyal gyis bden pa ma mthoṅ ṅo || lhas byin bden pa ma (5) mthoṅ źiṅ khro ba’i zil gyis non pas smras pa | gal te bdag gis kyaṅ ’di ltar rjes su ’jug par byed pa’i sgyu ma śes par gyur na | bdag gis kyaṅ ’jig rten thams cad rjes su ’jug par bya ba la rag go || śākya gcugs par gyur pa dga’ ba ston pa dag gis de (6) la smras pa | lhas byin thoṅ śig | bcom ldan ’das ni rdzu ’phrul che ba | mthu che ba yin gyis de skad ma zer cig | de nas de caṅ mi smra bar ’dug go || ñi ma gsum pa la skyed mos tshal tshaṅs pa’i gnas su sa phyogs go skabs yaṅs par gdan thabs zla gam lta (7) pu bśams pa byas nas | der yaṅ bcom ldan ’das kyis skye bo phal po che’i tshogs de’i bsam pa daṅ | bag la ñal daṅ | khams daṅ raṅ bźin thugs su chud nas ’di ltar rgyal po zas gtsaṅ daṅ | lhas byin sdig pa ’dod pa ṅa rgyal las kyaṅ ṅa rgyal can ma (76b1) gtogs pa bdud rtsi zas la sogs pa śākya bdun khri lṅa stoṅ gis bden pa dag mthoṅ bar gyur pa de ltar chos bstan pa mdzad do || de na srog chags stoṅ phrag maṅ po kha cig gis ni rgyun du źugs pa’i ’bras bu mṅon sum du byas | kha cig gis ni lan gcig phyir ’oṅ ba’i ’bras (2) bu | kha cig gis ni phyir mi ’oṅ ba’i ’bras bu | kha cig gis ni rab tu byuṅ ste ñon moṅs pa thams cad spaṅs pas dgra bcom pa ñid mgon sum du byas te ’khor de las phal cher saṅs rgyas la gźol ba daṅ | chos la ’bab pa daṅ | dge ’dun la bab par rnam par (3) gźag par mdzad do || rgyal po zas gtsaṅ ni bdag gi bu ’di ltar rdzu ’phrul che ba | ’di ltar mthu che ba yin no sñam du ha caṅ dga’ bas bden pa ma mthoṅ ṅo || lhas byin ni sdig pa ’dod pa daṅ | ṅa rgyal las kyaṅ ṅa rgyal gyis bden pa ma mthoṅ ṅo || de nas bcom (4) ldan ’das ’di sñam du dgoṅs te | ci’i phyir rgyal po zas gtsaṅ bden pa mthoṅ bar mi byed sñam du dgoṅs na | rgyu gñis kyis bden pa mi mthoṅ ste | sems ha caṅ mtho ba daṅ | ha caṅ źum pas so || de ltar rgyal po zas gtsaṅ gi sems gźon nu don thams cad (5) grub pa sṅon cad lha daṅ mis mchod par gyur na | da ni mis mchod ciṅ lhas mchod par ma gyur to sñam du ha caṅ źum par gyur par thugs su chud do || de nas bcom ldan ’das ’di sñam du dgoṅs te | bdag gis rgyal po zas gtsaṅ gdul ba’i phyir lha’i ’khor ’ba’ źig (6) la chos bstan par bya’o sñam du dgoṅs śiṅ rig nas ’jig rten pa’i thugs bskyed pa mdzad do || saṅs rgyas bcom ldan ’das rnams kyi chos ñid ni gal te ’jig rten pa’i thugs bskyed par mdzad na ni tha na srog chags grog sbur gyis kyaṅ bcom ldan ’das kyi thugs sems (7) kyis śes la | ji ste ’jig rten las ’das pa’i thugs bskyed par mdzad na ni raṅ saṅs rgyas rnams kyis kyaṅ bcom ldan ’das kyi thugs sems kyis mi śes na ñan thos la sogs pas lta smos kyaṅ ci dgos | de nas tshaṅs pa daṅ | brgya byin la sogs pa lha rnams (77a1) ’di sñam du sems te | ci’i slad du bcom ldan ’das kyis ’jig rten pa’i thugs bskyed pa mdzad sñam pa daṅ | bcom ldan ’das rgyal po zas gtsaṅ gdul ba’i slad du lha’i ’khor ’ba’ źig la chos ston pa bźed par mthoṅ ṅo || de nas ’dod pa na spyod pa (2) daṅ | gzugs na spyod pa’i lha rnams kyis bcom ldan ’das kyi thugs sems kyis śes nas | ’di lta ste | dper na skyes bu’i lag pa bskums pa las rkyoṅ bar byed pa’am | brkyaṅ ba las skum par byed pa de bźin du | ’dod pa na spyod pa daṅ | gzugs na spyod (3) pa’i lha rnams lha’i ’jig rten nas mi snaṅ bar gyur te skyed mos tshal tshaṅs pa’i gnas su bcom ldan ’das kyi spyan sṅar lhags so || bcom ldan ’das kyis kyaṅ rdzu ’phrul gyis rin po che sna bźi las byas pa’i khaṅ bzaṅs sgo bźi pa sprul pa mdzad de | sgo bźi po dag tu (4) ’jig rten skyoṅ ba bźi po dag sgo sruṅs su rnam par gźag par mdzad do || de nas gzugs na spyod pa’i lha rnams kyis bcom ldan ’das la lan gsum bskor ba byas te | bcom ldan ’das kyi źabs gñis la mgo bos phyag ’tshal nas g-yas phyogs su ñe bar brten te (5) ’khod do || ’dod pa na spyod pa’i lha rnams kyis kyaṅ bcom ldan ’das la lan gsum bskor ba byas te | bcom ldan ’das kyi źabs gñis la mgo bos phyag ’tshal nas g-yon phyogs su ñe bar brten te ’khod do || rgyal po zas gtsaṅ gi kun du spyod pa ni ñin mo lan (6) gsum bcom ldan ’das la blta ba daṅ | bsñen bskur bya ba’i phyir ’gro’o || de nas rgyal po zas gtsaṅ naṅ par sṅar laṅs te khaṅ bzaṅs kyi śar sgo ga la ba der soṅ ba daṅ | yul ’khor sruṅ gis smras pa | rgyal po chen po ma ’jug par sdod cig | ci’i (7) phyir bcom ldan ’das lha’i ’khor ’ba’ źig la chos ston par mdzad pas ’dir mi tsam gyis tshod kyis mi chud do || bźin bzaṅs khyod su źig yin | rgyal po chen po kho bo ni rgyal po chen po yul ’khor sruṅ yin no || de nas rgyal bo zas gtsaṅ khaṅ bzaṅs kyi (77b1) lho sgo ga la ba der soṅ ba daṅ | ’phags skyes pos smras pa | rgyal po chen po ma ’jug par sdod cig | ci’i phyir | bcom ldan ’das lha’i ’khor ’ba’ źig la chos ston par mdzad pas ’dir mi tsam gyis tshod kyis mi chud do || bźin bzaṅs khyod su źig yin | rgyal (2) po chen po kho bo ni rgyal po chen po ’phags skyes po yin no || de nas rgyal po zas gtsaṅ khaṅ bzaṅs kyi nub sgo ga la ba der soṅ ba daṅ | mig mi bzaṅ gis smras pa | rgyal po chen po ma ’jug par sdod cig | ci’i phyir | bcom ldan ’das lha’i ’khor ’ba’ źig la chos (3) ston par mdzad pas ’dir mi tsam gyis tshod kyis mi chud do || bźin bzaṅs khyod su źig yin | rgyal po chen po kho bo ni rgyal po chen po mig mi bzaṅ yin no || de nas rgyal po zas gtsaṅ khaṅ bzaṅs kyi byaṅ sgo ga la ba der soṅ ba daṅ | rnam thos kyi bus smras pa | rgyal (4) po chen po ma ’jug par sdod cig | ci’i phyir | bcom ldan ’das lha’i ’khor ’ba’ źig la chos ston par mdzad pas ’dir mi tsam gyis tshod kyis mi chud do || bźin bzaṅs khyod su źig yin | rgyal po chen po kho bo ni rgyal po chen po rnam thos kyi bu yin no || de (5) nas rgyal po zas gtsaṅ kye ma bdag gis bcom ldan ’das lha’i ’khor ’ba’ źig la chos ston par mdzad pa mthoṅ na ci ma ruṅ sñam du ’dod pa skyes so || bcom ldan ’das kyis rgyal po zas gtsaṅ gi sems thugs kyis mkhyen nas khaṅ bzaṅs śel gyi raṅ bźin du sprul pa (6) mdzad pa daṅ | ’di ltar rgyal po zas gtsaṅ gis bcom ldan ’das lha’i ’khor ’ba’ źig la chos ston pa me loṅ gi gzugs kyi naṅ na ’dug pa ltar mthoṅ ṅo || mthoṅ nas kyaṅ ’di sñam du sems te | su la yaṅ ’di lta ste | da ltar bdag gi don thams cad (7) grub pa lta bu’i bu med do sñam mo || de nas rgyal po zas gtsaṅ gi sems kyi rgyud ha caṅ mtho bar gyur to || de nas bcom ldan ’das kyis rdzu ’phrul mṅon par ’du mdzad pa de slar bsdu ba mdzad nas rgyal po zas gtsaṅ la chos bstan par brtsam pa mdzad do || de nas (78a1) bcom ldan ’das ’di sñam du dgoṅs te | ci’i phyir rgyal po zas gtsaṅ bden pa mthoṅ bar mi byed sñam du dgoṅs pa daṅ | da ltar rgyal po zas gtsaṅ su la yaṅ ’di lta ste | da ltar bdag gi don thams cad grub pa lta bu’i bu med do sñam du ha caṅ dga’ (2) bas sems kyi rgyud ha caṅ mtho bar gyur par thugs su chud do || de nas bcom ldan ’das kyis tshe daṅ ldan pa maud gal gyi bu chen po la bka’ stsal pa | maud gal gyi bu khyod kyis rgyal po zas gtsaṅ la soms śig | tshe daṅ ldan pa maud gal gyi bu chen pos btsun pa bka’ (3) bźin ’tshal źes bcom ldan ’das las mñan nas rgyal po zas gtsaṅ ga la ba der soṅ ṅo || rgyal po zas gtsaṅ gis tshe daṅ ldan la maud gal gyi bu chen po thag riṅ po kho na nas mthoṅ ṅo || mthoṅ nas kyaṅ ’di skad ces smras so || btsun pa maud gal gyi bu tshur gśegs | (4) btsun pa maud gal gyi bu byon pa legs so || btsun pa maud gal gyi bu gdan bśams pa ñid la bźugs śig | de nas tshe daṅ ldan pa maud gal gyi bu chen po bcom ldan ’das kyis skabs dbye ba mdzad pas tiṅ ṅe ‘dzin ’di lta bu la sñoms par źugs te | ji ltar (5) sems mñam par bźag na raṅ gi stan las mi snaṅ bar gyur ciṅ śar phyogs kyi steṅ gi nam mkha’ la mṅon par ’phags te | spyod lam bźi po ’di lta ste | ’gro ba daṅ | ’greṅ ba daṅ | ’dug pa daṅ | ñal bdag byed do || me’i khams la yaṅ sñoms par ’jug ste | (6) tshe daṅ ldan pa maud gal gyi bu chen po me’i khams la sñoms par źugs pa’i lus las ’od zer sna tshogs ’di lta ste | sṅon po dag daṅ | ser po dag daṅ | dmar po dag daṅ | dkar po dag daṅ | btsod ka dag daṅ | śel daṅ | dṅul gyi kha dog lta bu dag byuṅ ṅo || cho ’phrul (7) zuṅ dag kyaṅ rnam par ston te | lus kyi smad nas me ’bar źiṅ lus kyi stod nas chu graṅ mo’i rgyun ’bab par byed do || lus kyi stod nas me ’bar źiṅ lus kyi smad nas chu graṅ mo’i rgyun ’bab par byed do || śar phyogs su ji lta ba bźin du lho daṅ nub daṅ | byaṅ phyogs su’aṅ (78b1) de bźin te | phyogs bźir rdzu ’phrul gyi cho ’phrul rnam pa bźi bźi bstan nas rdzu ’phrul mṅon par ’du bya ba da phyir bsdus te stan bśams pa ñid la ’dug go || de nas rgyal po zas gtsaṅ gis tshe daṅ ldan pa maud gal gyi bu chen po la ’di skad ces smras so || btsun pa (2) maud gal gyi bu chen po bcom ldan ’das kyi ñan thos ’di ltar rdzu ’phrul che ba | ’di ltar mthu che ba | gźan dag kyaṅ mchis sam | de nas tshe daṅ ldan pa maud gal gyi bu chen pos de’i tshe tshigs su bcad pa smras pa |

thub pa’i ñan thos mthu che ba ||
gsum rig sems kyi (3) rnam graṅs śes ||
zag pa zad par gyur pa daṅ ||
dgra rnams bcom pa maṅ du yod ||

de nas rgyal po zas gtsaṅ ’di sñam du sems te | bcom ldan ’das ñag gcig rdzu ’phrul che ba | mthu che bar ma zad kyi | ’di ltar ñan thos rnams la yaṅ rdzu ’phrul che ba mthu (4) che ba dag yod do sñam nas | de na rgyal po zas gtsaṅ gi sems kyi rgyud sñoms par gyur to || de nas tshe daṅ ldan pa maud gal gyi bu chen pos rgyal po zas gtsaṅ khrid de bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag (5) ’tshal te mtha’ gcig tu ’dug go || de nas bcom ldan ’das kyis rgyal po zas gtsaṅ gi sems thugs kyis mkhyen ciṅ | bsam pa daṅ | bag la ñal daṅ | khams daṅ | raṅ bźin thugs su chud nas | ’di ltar rgyal po zas gtsaṅ gis stan de ñid la ’dug (6) bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de ltar chos bstan pa mdzad do || des bden pa mthoṅ nas gsol pa | btsun pa bdag gis dge ba’i bśes gñen bcom ldan ’das la (7) brten nas | bcom ldan ’das kyis bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ | bram ze dag (79a1) gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag (2) ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes (3) kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ dge sloṅ gi dge ’dun la skyabs su mchis | (4) bdag dge bsñen du gzuṅ du gsol | deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || tshigs su bcad pa yaṅ gsol pa |

bu pho bzaṅ bos pha la ni || lan du phan gdags gaṅ bgyi ba ||
de ni khyod kyis bdag la bgyis || (5) sems ni mtho ris gźol bar gyur ||

bu pho bzaṅ pos pha la ni || lan du phan gdags gaṅ bgyi ba ||
de ni khyod kyis bdag la bgyis || sems ni thar la gźol bar gyur ||

ṅan soṅ dag las legs phyuṅ źiṅ || khyod kyis mtho ris thar pa la ||
rab tu ’bad (6) pas bdag bźag ste || khyod kyis dka’ ba legs par mdzad ||

tshoṅ pas khe spogs rñed pa ltar || mtho ris rñed pa bdag gis rñed ||
dge ba’i bśes gñen rnams la ni || ñe bar rten pa bzaṅ ba lags ||

de nas rgyal po zas gtsaṅ gis bden pa mthoṅ nas (7) zas dkar la smras pa | gźon nu khyod kyis rgyal srid byed du chug śig | ṅa ni rgyal po’i draṅ sroṅ gis tshaṅs par spyad pa spyod do || lha ci’i slad du rgyal srid bgyid du mi stsol | ṅas bden pa dag mthoṅ ṅo || lhas nam gzigs | deṅ ñid do || lhas deṅ ñid gzigs (79b1) kyi bdag gis gaṅ gi gdugs la bcom ldan ’das ’dir gśegs pa de ñid kyi gdugs la bden pa dag mthoṅ lags so || de nas rgyal po zas gtsaṅ gis bre bo zas daṅ bdud rtsi zas la smras pa | gźon nu gñis khyed kyis rgyal srid byed du chug śig | ṅa ni (2) rgyal po’i draṅ sroṅ gis tshaṅs par spyad pa spyod do || ci’i slad du rgyal srid bgyid du mi stsol | ṅas bden pa mthoṅ ṅo || lhas nam gzigs | deṅ ñid do || lhas deṅ ñid gzigs kyi bdag cag gis ches sṅar mthoṅ lags so || rgyal pos smras pa | gźon nu (3) rnams kyi bu thu bo gaṅ yin | gźon nu bzaṅ ldan lags so || rgyal po zas gtsaṅ gis gźon nu bzaṅ ldan śākya ’i rgyal por dbaṅ bskur ro || de’i tshe na bcom ldan ’das ñan thos kyi dge ’dun daṅ bcas pa | ñin gcig mi chad par rgyal po’i pho braṅ du gdugs (4) tshod gsol ba daṅ | rgyal po zas gtsaṅ gis ral pa can las rab tu byuṅ ba dka’ thub kyis lus mi sdug par snaṅ ba dag mthoṅ ṅo || mthoṅ nas kyaṅ de ’di sñam du sems te | bdag ñid chen po ’di dag sems ni bzaṅ ba yin na lus mi bzaṅ ste | dka’ thub (5) drag po dag gis lus mi sdug par snaṅ ba dag yin no || bcom ldan ’das kyi ’khor ni bcom ldan ’das ñid ci ’dra bar ’khor yaṅ de ’dra ba ñid du gyur na de lta na bcom ldan ’das mdzes par ’gyur ro sñam mo || de nas rgyal po zas gtsaṅ gis śākya rnams bsdus te (6) smras pa | śes ldan dag gal te gźon nu don thams cad grub pa rab tu ma byuṅ bar gyur na cir ’gyur | lha ’khor los sgyur ba’i rgyal por ’gyur ro || khyed kyi bu dag cir ’gyur | lha źabs ’briṅ bar ’gyur ro || ’o na da gźon nu don thams cad grub pas bdud rtsi thugs (7) su chud de | bdud rtsis ’gro ba tshim par mdzad na khyed kyi bu dag ci’i phyir źabs ’briṅ mi byed | lha ci lags de dag rab tu dbyuṅ ṅam | rab tu phyuṅ śig | lha śākya ’i rigs rgyun chad par ’gyur ro || rgyal pos smras pa | khyim re re nas re re rab tu phyuṅ śig | lhas bka’ (80a1) stsal pa bźin ’tshal lo || rgyal po zas gtsaṅ gis śākya gźon nu rnams kyis khyim re re nas re re rab tu dbyuṅ bar bya’o źes dril bsgrags pa byas so || gaṅ gi tshe rgyal po zas gtsaṅ gis dril bsgrags pa de’i tshe na bzaṅ ldan daṅ ma ’gags (2) pa daṅ | nam gru la sogs pa śākya ’i gźon nu lṅa brgya rab tu byuṅ ṅo || gaṅ gi tshe bcom ldan ’das kyis śākya gźon nu lṅa brgya rab tu phyuṅ ba de’i tshe na bcom ldan ’das kyis ’di lta ste | rigs mthon po las rab tu byuṅ ba ni rñed pa’i phyir daṅ ñe ba yin no || źes (3) gsuṅs pas de dag las rñed pa daṅ bkur sti chen po byuṅ bar gyur to || bcom ldan ’das kyis dgoṅs pa | rigs kyi bu ’di dag gźan gyi phyir kho nar rab tu byuṅ ba yin na | gźan kho na la chags so sñam du dgoṅs nas | de nas bcom ldan ’das de dag las (4) rñed pa daṅ bkur sti byuṅ ba gcad par bźed nas ser skya’i gnas su ci dgyes bar bźugs nas mñan yod ga la ba der gśegs te | mthar gyis rgyu źiṅ gśegs pa na mñan yod du byon nas | mñan yod na rgyal byed kyi tshal mgon med zas sbyin gyi kun dga’ ra (5) ba na bźugs so || || ’dul ba rnam par ’byed pa | bam po ñi śu brgyad pa | de nas tshe daṅ ldan pa ’char ka sṅa dro śam thabs bgos | lhuṅ bzed daṅ chos gos thogs te mñan yod du bsod sñoms la źugs nas | mthar gyis mñan yod na (6) bsod sñoms la rgyu ba na | khyim bdag gi chuṅ ma sbed ma’i khyim ga la ba der soṅ ṅo || khyim bdag gi chuṅ ma sbed mas tshe daṅ ldan pa ’char ka thag riṅ po kho na nas mthoṅ ṅo || mthoṅ nas kyaṅ braṅ brduṅs te smras pa | ’char ka ci’i slad du khyod kyis bdag spaṅs (7) ta rab tu byuṅ | ’char kas smras pa | byaṅ chub sems dpas btsun mo grags ’dzin ma daṅ | sa ’tsho ma daṅ | ri dgas skyes la sogs pa bud med drug khri spaṅs te rab tu byuṅ ba ni śin tu dka’ ba yin gyi rdul gyi rdzab ’dra ba khyod la mi bra ba ci yod | ’char ka bdag (80b1) kyaṅ rab tu ’byuṅ ṅo || de ltar gyis śig | khyim gyi bya ba legs par bsdu bar bgyi’o || ’char ka de der dus daṅ mthun pa’i dus su ’oṅ źiṅ smras pa | sbed ma rab tu mi ’byuṅ ṅam | sbed mas smras pa | da duṅ khyim gyi bya ba legs par ma bsdus so || sbed ma dus (2) de tsam gyis ko sa lar byuṅ ba’i khyim gyi bya ba yaṅ legs par bsdus par ’gyur ro || ’char ka deṅ legs par bsdus te saṅ rab tu ’byuṅ ṅo || ’char ka ’di sñam du sṅon yaṅ bdag lhuṅ bzed nag po can rnams kyis zil gyis mnan par gyur pas gal te bdag (3) gis dge sloṅ ma rab tu phyuṅ bar gyur na drug sde dag gis dge sloṅ ma rab tu phyuṅ ṅo źes rgya cher zil gyis gnon par ’gyur ro sñam du ’gyod pa skyes nas | de lhuṅ bzed daṅ chos gos thogs te rgyal po’i khab ga la ba der rgyu źiṅ soṅ nas mthar gyis rgyu źiṅ ’gro ba na rgyal po’i khab (4) tu phyin nas de rgyal po’i khab tu dbyar gnas par khas blaṅs te ’dug go || sbed ma yaṅ phyi de ñin par khyim gyi bya ba legs par bsdus te rgyal byed kyi tshal du ’oṅs nas de dge sloṅ rnams kyi gan du soṅ ste dris pa | ’phags pa dag de gar mchis | de su yin | ’phags (5) pa ’char ka’o || de rgyal po’i khab tu soṅ ṅo || sbed mas ṅu bar brtsams pa daṅ | dge sloṅ rnams kyis smras pa | sbed ma ci’i phyir du | ’phags pa ’char ka’i mchid nas khyim gyi bya ba legs par bsdus la mchi śig daṅ | bdag gis rab tu dbyuṅ ṅo źes (6) mchi nas bdag gis khyim gyi bya ba legs par bsdus te mchis na de rgyal po’i khab tu mchis pas da ni bdag khyim na gnas pa yaṅ ma lags la | rab tu byuṅ ba yaṅ ma lags so || dge sloṅ rnams kyis de la smras pa | sbed ma ’char ka spu gri’i phyir rgyal po’i khab (7) tu soṅ bas spu gri sar pas khyod kyi skra ’dreg par ’gyur ro || dge sloṅ ma gso sbyoṅ ’bul ba dag rgyal byed kyi tshal du lhags nas de dag gis sbed ma du ba mthoṅ nas smras pa | sbed ma ci’i phyir ṅu | ’phags pa ’char ka’i mchid nas khyim gyi bya ba legs par (81a1) bsdus la mchi śig daṅ | bdag gis rab tu dbyuṅ ṅo źes mchi nas bdag gis khyim gyi bya ba legs par bsdus te mchis na | de rgyal po’i khab tu mchis pas da ni bdag khyim na gnas pa yaṅ ma lags la rab tu byuṅ ba yaṅ ma lags so || g-yeṅs (2) ma dge sloṅ dag su źig dge sloṅ ma rab tu ’byin par byed | ’di ltar dge sloṅ ma rnams kyis dge sloṅ ma rab tu ’byin par byed kyis tshur śog | ’phags ma skye dgu’i bdag mo chen mo gau ta mīsa khyod rab tu ’byin par ’gyur ro || de dag gis de skye dgu’i bdag mo chen (3) mo gau ta mī’i gan du khrid nas smras pa | ’phags ma khyim bdag gi mchis ’braṅ sbed ma ’di rab tu ’byuṅ bar ’tshal lo || skye dgu’i bdag mo chen mo gau ta mīsa de rab tu phyuṅ rdzogs par bsñen par byas so || ’char ka ’di sñam du bdag gis lhuṅ bzed nag po can rnams (4) rjes su sruṅ bas khyim bdag gi chuṅ ma sbed ma rab tu ma phyuṅ bas rgya caṅ daṅ | lcag pod daṅ | śur bu daṅ | śur bu phre’u dag gi bar chad kyaṅ byas la | de yaṅ lhuṅ bzed nag po can ’ga’ źig gis rab tu phyuṅ par gyur na de daṅ phrad du yaṅ mi ster ro sñam du ’gyod pa skyes (5) nas de mi dga’ bźin du dbyar gnas par khas blaṅs so || mñan yod na rgan źugs śig mi dga’ bźin du dbyar gnas par khas blaṅs pa des lhuṅ bzed daṅ chos gos mchan khuṅ du bcug ste dgag dbye byas pa na dgag dbye legs par byas so || dgag dbye śin (6) tu byas so źes de rgyal po’i khab ga la ba der soṅ ste | mthar gyis rgyu źiṅ ’gro ba na rgyal po’i khab tu phyin pa daṅ | tshe daṅ ldan pa ’char ka gtsug lag khaṅ gi sgo na lam la rnam par lta źiṅ ’dug pa des thag riṅ po kho na nas rgan źugs mgo sba ba’i me tog ltar skya ba | (7) smin ma ’phyaṅ ba źig ’oṅ ba de mthoṅ nas ’char kas bsams pa | dge sloṅ ’oṅ ba ’di gnas brtan gaṅ yin pa su’o sñam nas | des smras pa | gnas brtan byon pa legs so || byon pa legs so phyag ’tshal lo || des smras pa | slob dpon phyag ’tshal lo || (81b1) ’char kas ’di ni rgan źugs śig ste | slob dpon yaṅ mi śes | mkhan po yaṅ mi śes pa źig go sñam du śis nas ’char kas de gtsug lag khaṅ du ’jug tu bcug ste smras pa | rgan źugs khyod ga las ’oṅs | des smras pa | mñan yod nas so || ’char (2) kas bsams pa | gal te daṅ po kho nar sbed ma’i gtam dris na ’phya bar ’gyur bas ’di ltar sṅa phyir byas te dri bar bya’o sñam nas smras pa | tshe daṅ ldan pa ji lta bcom ldan ’das gnod pa chuṅ ba daṅ | ñam ṅa ba chuṅ ba daṅ | bde ba daṅ | sñun mi mṅa’ ba daṅ | (3) stobs daṅ ldan par mñan yod du dbyar gnas par źal gyis bźes sam | btsun pa ’char ka de bźin te | bcom ldan ’das gnod pa chuṅ ba daṅ | ñam ṅa ba chuṅ ba daṅ | bde ba daṅ | sñun mi mṅa’ ba daṅ | stobs daṅ ldan par mñan yod du dbyar gnas (4) par źal gyis bźes so || tshe daṅ ldan pa ji lta dge sloṅ gi dge ’dun daṅ | dge sloṅ ma’i dge ’dun daṅ | dge bsñen gyi ’khor daṅ | dge bsñen ma’i ’khor gnod pa chuṅ ba daṅ | ñam ṅa ba chuṅ ba daṅ | bde ba daṅ | nad med pa daṅ | stobs daṅ ldan par (5) mñan yod na gnas sam | ston pa la lta bar ’dod dam | dam pa’i chos ñan par ’dod dam | btsun pa ’char ka de bźin te | dge sloṅ gi dge ’dun daṅ | dge sloṅ ma’i dge ’dun daṅ | dge bsñen gyi ’khor daṅ | dge bsñen ma’i ’khor gnod pa chuṅ ba daṅ | (6) ñam ṅa ba chuṅ ba daṅ | bed pa daṅ | nad med pa daṅ | stobs daṅ ldan par mñan yod na gnas śiṅ | ston pa la blta bar ’dod pa daṅ | dam pa’i chos ñan par ’dod do || tshe daṅ ldan pa ji lta gnas brtan kun śes kau ṇ+ḍi n+ya daṅ | gnas brtan ’od sruṅ chen (7) po daṅ | gnas brtan śā ri’i bu daṅ | gnas brtan maud gal gyi bu chen po daṅ | gźan yaṅ dge sloṅ gnas brtan gnas brtan dag gnod pa chuṅ ba daṅ | ñam ṅa ba chuṅ ba daṅ | bde ba daṅ | nad med pa daṅ | stobs daṅ ldan par mñan yod na gnas (82a1) sam | btsun pa ’char ka de bźin te | gnod pa chuṅ ba daṅ | ñam ṅa ba chuṅ ba daṅ | bde ba daṅ | nad med pa daṅ | stobs daṅ ldan par mñan yod na gnas so || tshe daṅ ldan pa ji lta ko sa lar byuṅ ba’i rgyal po gsal rgyal daṅ | bla mkhyen draṅ (2) sroṅ byin daṅ | rñiṅ pa daṅ | khyim bdag gi chuṅ ma ri dgas ’dzin gyi mas ga daṅ | legs skyes dag śes sam | btsun pa ’char ka de bźin te śes so || tshe daṅ ldan pa ’o na khyod kyis khyim bdag gi chuṅ ma sbed ma śes sam | btsun pa ’char ka śes te de ni (3) btsun pa ’char ka’i sṅon gyi chuṅ ma yin no || rgan źugs gtam śes so || de da duṅ yaṅ khyod kyi khyim bdag gi chuṅ ma yin sñam mam | de ni rab tu byuṅ ṅo || sus rab tu phyuṅ | skye dgu’i bdag mo chen mo gau ta mīsa so || ’char kas bsams pa | da duṅ (4) spyod yul lhag ma daṅ bcas pa yin no sñam nas smras pa | rgan źugs tshur śog | rkaṅ pa dag khrus śig ces des de la rkaṅ pa bsku ba daṅ | lag pa bsku ba maṅ po byin nas des de’i lhuṅ bzed daṅ chos gos ya gad btsugs te zuṅ mthon po la bźag nas smras pa | (5) rgan źugs gtsug lag khaṅ ’di ni zas daṅ bcas pa | rñed pa daṅ bcas pa yin gyis gtsug lag khaṅ ’dir mṅon par dga’ bar gyis śig | des smras pa | btsun pa ’char ka bdag ni mchod rten la phyag ’tshal du ’oṅs te ’gro ba yin pas bdag gnas ’di mi (6) ’dod do || ’char kas de’i mdun du sgo lcags daṅ lde mig kyog po dag bźag ste ’di skad ces tshe daṅ ldan pa bcom ldan ’das kyis dge sloṅ gis gtsug lag khaṅ gnas pa daṅ bcas par bya’i mi gnas par mi bya’o źes bka’ stsal to źes smras nas mig lam du mi snaṅ (7) bar soṅ ste | de mthar gyis rgyu źiṅ ’gro ba na mñan yod du phyin nas ’char kas raṅ gi gtsug lag khaṅ chag chag btab | legs par byugs | lci bsar pa’i byug pas byugs te sgo bcad nas khri’i steṅ na phyi gan du ñal źiṅ skad kyi gdaṅs kyis kha ton byed ciṅ ’dug go | (82b1) dge sloṅ ma ’dun pa ’bul bdag ltags nas de dag gis de’i skad kyi gdaṅs thos nas de dag gis de la phyag ’tshal te smras pa | ’phags pa ’char ka khyod gar bźud bźud | ’char kas smras pa | rgyal po’i khab tu’o || de dag dbyar khaṅ du doṅ nas sbed ma la smras pa | sbed (2) ma dga’ ba skyed cig | khyod kyi slob dpon ’oṅs so || kho mo’i slob dpon gaṅ | ’char ka’o || de ji ltar kho mo’i slob dpon | ci kho mos de’i gan nas bklags sam | g-yeṅs ma khyod kyis mi śes kyis dge sloṅ ma rnams ni dge sloṅ la rag maṅ du las kyis khyod soṅ (3) la ltos śig | sbed mas nas kyi ṅar phyed pa brus kyi chal daṅ | ’bru mar thogs te ’char ka’i gtsug lag khaṅ du soṅ nas sbed mas ’char ka’i gtsug lag khaṅ gi sgo brduṅs pa daṅ | ’char kas smras pa | de su yin | sbed mas smras pa | bdag sbed ma’o || khyim (4) bdag gi chuṅ ma sbed ma ’oṅs pa legs so || bdag da duṅ yaṅ khyod kyi khyim bdag gi chuṅ ma lags sam | ’o na ci yin | bdag rab tu byuṅ ṅo || khyod sus rab tu phyuṅ | ’phags ma skye dgu’i bdag mo chen mo gau ta mīsa so || kho bo re źig bya ba de lta bu źig byuṅ nas (5) de’i phyir kho bo rgyal po’i khab tu soṅ na khyod la brtad pa ci byuṅ na de’i phyir khyod rab tu byuṅ | khyod kyi źal nas khyim gyi bya ba legs par bsdus la śog śig daṅ | kho bos khyod rab tu dbyuṅ ṅo źes gsuṅs nas | bdag gis khyim gyi bya ba legs par bsdus te mchis na (6) khyod rgyal po’i khab tu bźud de | gal te bdag ’phags mas rab tu ma phyuṅ du lags na bdag khyim na gnas pa yaṅ ma lags la rab tu byuṅ ba yaṅ ma lags par ’gyur ro || ’char kas smras pa | sbed mas ci kho bo bdag ñid kyi lag ṅar la sos ’debs par (7) byed dam | skye dgu’i bdag mo chen mo gau ta mīsa rab tu phyuṅ yaṅ ruṅ | kho bos rab tu phyuṅ yaṅ ruṅ ste legs kyis naṅ du źugs śig daṅ chos bstan par bya’o || sbed mas ’char ka’i rkaṅ pa gñis la phyag ’tshal te chos mñan pa’i phyir mdun du ’dug go || des de (83a1) la chos bstan par brtsams te | des de la ji tsam pa de tsam du chos bstan nas sṅon gyi bgad pa daṅ | dga’ bar byas pa daṅ | rtses pa daṅ | dga’ mgur spyad pa dran par bya bar brtsams te | sbed ma bdag cag gñis kyis skyed mos tshal daṅ | (2) bdun sa daṅ | lha’i gnas ga ge mo źig tu zas ’di daṅ ’di lta bu zos pa daṅ | bca’ ba ’di daṅ ’di lta bu ’chos pa daṅ | btuṅ ba ’di daṅ ’di lta bu ’thuṅs pa gaṅ yin pa de dran nam źes smras pa daṅ ’char ka kun du chags par gyur to || ji lta ji ltar (3) chags par gyur pa de lta de ltar dral to || bud med kyi yul mkhas pa’i raṅ bźin can la la la ma ’dres pa’i chos lṅa yod de | lṅa gaṅ źe na | skyes pa chags par gyur pa śes śiṅ chags pa daṅ bral ba śes pa daṅ | dus śes śiṅ zla mtshan śes pa daṅ | (4) mṅal na gnas pa źugs pa śes pa daṅ | gaṅ las mṅal na gnas pa źugs pa de śes pa daṅ | khye’u śes śiṅ bu mo śes pa ste | gal te khye’u yin na dku g-yas par brten ciṅ ’dug la | gal te bu mo yin na dku g-yon par brten ciṅ ’dug pa’o || sbed (5) ma des ’char ka da chags so sñam du śes nas sbed mas smras pa | slad rol du mchis te slar mchi’o || ’char kas bsams pa | ’di bśad pa byed ’dod dam | gci ba byed ’dod gor ma chag sñam nas des smras pa | soṅ śig | sbed ma phyir byuṅ nas śiṅ (6) dbuṅ bcad brdzes te rgyug par brtsams pa daṅ | ’char ka de sgra la mkhas pa yin pas des de’i sgra thos nas des de’i phyi bźin du byuṅ ste | dge sbyoṅ ma mgo reg mo gar ’bros źes de de’i phyi bźin rgyug par brtsams pa daṅ | de la brla’i reg pas khu ba byuṅ nas de kun (7) nas dkris pa daṅ bral te glaṅ po che chags pa daṅ bral ba bźin du gźi de dag ñid na ’dug go || sbed mas de kun nas dkris pa daṅ bral źiṅ phyir log pa mthoṅ nas ’di kun nas dkris pa daṅ bral lo sñam du rig nas druṅ du soṅ ste tshe daṅ ldan pa ’char ka la ’di skad ces (83b1) smras so || ’phags pa gal te bdag gis daṅ du blaṅs par gyur na bdag kyaṅ dge sloṅ mar mi ruṅ ba ñid du ’gyur la | khyod kyaṅ dge sloṅ du mi ruṅ ba ñid du ’gyur ro || sriṅ mo bcom ldan ’das kyis kyaṅ bdag ñid sruṅ na gźan sruṅ bar byed la | gźan sruṅ na (2) bdag ñid sruṅ bar byed do źes legs par gsuṅs so || ji ltar bdag ñid sruṅ na gźan sruṅ bar byed ce na | sten par byed pa daṅ | goms par byed pa daṅ | lan maṅ du byed pa daṅ | rjes su sruṅ bar byed pa daṅ | reg par byed pa daṅ | mṅon sum du byed (3) pa ste | de ltar bdag ñid sruṅ na gźan sruṅ bar byed do || ji ltar gźan sruṅ na bdag ñid sruṅ bar byed ce na | tho mi ’tshams pa daṅ | mi gśe ba daṅ | mi ’tshe ba daṅ | rjes su brtse ba daṅ | rjes su sñiṅ brtse ba daṅ | byams pa’i sems kyis te | de ltar (4) gźan sruṅ na bdag ñid sruṅ bar byed do || ’phags pa śam thabs ’di tshur stsol bkru bar bgyi’o || ’char kas śam thabs de sbed ma la byin no || sbed mas khu ba de mthoṅ nas ’gyod pa skyes te | bdag gi lus kyi phyogs btsun pa ’char kas sṅon ma mthoṅ ba’am (5) sṅon ma mnams pa’am | sṅon ma byugs pa ci źig yod na bdag gis daṅ du ma blaṅs pa ni ma legs pa źig byas so sñam du ’gyod pa skyes so || sbed ma de ltar rnam par rtog pan de kun du chags śiṅ dral bar gyur pa’i sems kyis khu ba de raṅ gi mṅal gyi sgor (6) blugs so || sems can rnams kyi las kyi rnam par smin pa bsam gyis mi khyab pas de la sems can źugs par gyur to || de dge sloṅ ma rnams kyis mthoṅ nas smras pa | sbed ma kho mo cag go khyod chos bzaṅ po’i chos kyis ’phags pa ’char ka’i gan du (7) ’gro bar sems kyi kho mo cag gis des khyod gnas skabs ’di lta bur byas par mi sems so || sbed mas smras pa | phu nu mo dag dge sloṅ de ni tshul khrims daṅ ldan pa yin te | gaṅ tshun chad rab tu byuṅ nas des kho mo la sṅan chad lan ’ga’ yaṅ lag gis kyaṅ (84a1) ma byugs so || de dag gis smras pa | ma byugs na yaṅ des khyod gnas skabs ’di ’dra bar byas na | gal te byugs na des khyod gnas skabs ji lta bur byas par ’gyur źes zer ba’i skabs de dge sloṅ ma rnams kyis dge sloṅ rnams la brjod (2) do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ ma de ni pham par ma gyur gyis ’di ltar phyogs dben par bźag ste bsod sñoms kyis brel ba med pa gyis śig daṅ | bu gźon nu (3) ’od sruṅ źes bya ba btsa’ bar ’gyur źiṅ ṅa’i bstan pa la rab tu byuṅ nas ñon moṅs pa thams cad spaṅs pas dgra bcom pa ñid mṅon sum du byed par ’gyur te ’di lta ste | dge sloṅ gźon nu ’od sruṅ de ni ṅa’i gtam sna tshogs daṅ | gtam sñan pa daṅ | spobs pa dge (4) ba can rnams kyi mchog tu ’gyur ro || bcom ldan ’das kyis dgoṅs pa | dge sloṅ rnams kyi ñes dmigs byuṅ ba gaṅ yin pa de ni dge sloṅ ma ñe du ma yin pa la gos rñiṅ pa ’khrur ’jud pa las gyur pa yin no sñam du dgoṅs nas | de nas bcom ldan ’das (5) kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ ma ñe du ma yin pa la (6) gos rñiṅ pa ’khrur ’jud dam | ’tshed du ’jud dam | ’chag tu ’jud na spaṅ ba’i ltuṅ byed do || yaṅ dge sloṅ gaṅ źes bya ba ni ’char ka’am gźan yaṅ de lta bu gaṅ yin pa’o || dge sloṅ ma źes bya ba ni chos ’di pa’o || ñe du ma yin pa la źes bya ba ni phyi mo daṅ | (7) mes po daṅ | phrugs las brten pa’i bdun pa tshun chad ni ñe du yin la de phan cad ni ñe du ma yin no || gos źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras ba la gyi gos daṅ | ko tam pa’i gos daṅ | (84b1) ñi ’og gi gos dag las gaṅ yaṅ ruṅ ba’o || rñid pa źes bya ba ni dus tshigs gsum po dag las dus tshigs gaṅ yaṅ ruṅ bar spyad pa gaṅ yin pa’o || ’khrur ’jud dam źes bya ba ni than chur sñug pa byed du ’jud na’o || ’tshed du ’jud dam źes bya ba ni tha na tshon du (2) sñug pa byed du ’jud na’o || ’chag tu ’jud dam źes bya ba ni than thal mos rdebs par byed du ’jud na’o || spaṅ ba’i ltuṅ byed do źes bya ba ni dṅos pa de spaṅs nas ltuṅ byed kyi ltuṅ ba bśags par bya ba ste des na spaṅ ba’i ltuṅ byed do źes gsuṅs so || de la ltuṅ bar ji ltar (3) ’gyur źe na | dge sloṅ gis dge sloṅ ma ñe du ma yin pal ñe du ma yin par ’du śes pas gos rñiṅ pa ’khrur ’jud na spaṅ ba’i ltuṅ byed du ’gyur ro || ’chod du ’jud na spaṅ ba’i ltuṅ byed du ’gyur ro || ’chag tu ’jud na spaṅ ba’i ltuṅ byed du ’gyur ro || ’khrur ’jud pa daṅ (4) ’tshed du ’jud dam | ’khrur ’jud pa daṅ ’chag tu ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ ’chag tu ’jud dam | ’chag tu ’jud pa daṅ ’khrur ’jud dam | ’chag tu ’jud pa daṅ ’tshed du ’jud dam | ’khrur ’jud pa daṅ ’tshed (5) du ’jud pa daṅ | ’chag tu ’jud na spaṅ ba’i ltuṅ byed du ’gyur ro || dge sloṅ gis dge sloṅ ma ñe du ma yin pa la yid gñis zabs gos rñiṅ pa ’khrur ’jud na spaṅ ba’i ltuṅ byed du ’gyur ro || ’tshed du ’jud na spaṅ ba’i ltuṅ byed du ’gyur ro || ’chag tu ’jud na (6) spaṅ ba’i ltuṅ byed du ’gyur ro || ’khrur ’jud pa daṅ ’tshed du ’jud dam | ’khrur ’jud pa daṅ ’chag tu ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ ’chag tu ’jud dam | ’chag tu ’jud pa daṅ ’khrur ’jud dam | ’chag tu ’jud pa daṅ (7) ’tshed du ’jud dam | ’khrur ’jud pa daṅ ’tshed du ’jud pa daṅ | ’chag tu ’jud na spaṅ ba’i ltuṅ byed du ’gyur ro || dge sloṅ gis dge sloṅ mñe dul ñe dum yin par ’du śes pas gos rñiṅ pa ’khrur ’jud na ñes byas su ’gyur ro || ’tshed du ’jud na ñes byas su (85a1) ’gyur ro || ’chag tu ’jud na yaṅ ñes byas su ’gyur ro || ’khrur ’jud pa daṅ ’tshed du ’jud dam | ’khrur ’jud pa daṅ ’chag tu ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ ’chag tu ’jud dam | ’chag tu ’jud (2) pa daṅ ’khrur ’jud dam | ’chag tu ’jud pa daṅ ’tshed du ’jud dam | ’khrur ’jud pa daṅ ’tshed du ’jud pa daṅ | ’chag tu ’jud na ñes byas su ’gyur ro || dge sloṅ gis dge sloṅ ma ñe du la yid gñis za bas gos rñiṅ pa ’khrur ’jud na ñes byas su ’gyur ro || ’tshed (3) du ’jud na ñes byas su ’gyur ro || ’chag tu ’jud na ñes byas su ’gyur ro || ’khrur ’jud pa daṅ ’tshed du ’jud dam | ’khrur ’jud pa daṅ ’chag tu ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ ’chag tu ’jud dam | ’chag tu (4) ’jud pa daṅ ’khrur ’jud dam | ’chag tu ’jud pa daṅ ’tshed du ’jud dam | ’khrur ’jud pa daṅ ’tshed du ’jud pa daṅ | ’chag tu ’jud na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba (5) med do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || bcom ldan ’das kyis dge sloṅ dag ’di lta ste | rigs mthon po las rab tu byuṅ ba ’di ni rñed pa rnams kyi phyed daṅ ñe ba yin no || źes (6) bka’ stsal pas de na yaṅ śākya ’i khim nas rab tu byuṅ ba de dag la rñed pa daṅ bkur sti chen po byuṅ nas de dag śin tu gos kyis chab la sbyor ba’i rjes su brtson par gnas śiṅ | lhuṅ bzed daṅ | chos gos daṅ | dra ba daṅ | phor bu daṅ | ska rags lhag pa dag (7) kyaṅ ’chaṅ bar byed pas bcom ldan ’das kyis de dgal dus daṅ dus su chos bstan kyaṅ de dag gis bden pa dag ma mthoṅ ṅo || de nas bcom ldan ’das ’di sñam du dgoṅs te | ci’i phyir śākya rab tu byuṅ ba dag bden pa dag mthoṅ bar mi byed sñam du dgoṅs nas de dag (85b1) śin tu gos kyis chab la sbyor ba’i rjes su brtson par gnas śiṅ de dag lhuṅ bzed daṅ | chos gos daṅ | dra ba daṅ | phor bu daṅ | ska rags lhag pa dag ’chaṅ ba’i phyir te | gal te ṅas śākya rab tu byuṅ ba rnams la smad na dbral dka’ bar ’gyur ro sñam du dgoṅs (2) nas | saṅs rgyas bcom ldan ’das rnams ni gdul ba la mkhas pa bla na med pa yin pas de na bcom ldan ’das kyis dge sloṅ rnams la bka’ stsal pa | dge sloṅ dag da zla ba gsum po ’di la naṅ du yaṅ dag ’jog bźed kyis | ṅa’i spyan sṅar dge sloṅ bsod (3) sñoms stobs pa gcig daṅ | ’di ñid kyi gso sbyoṅ bcwa lṅa ba’i tshe ma gtogs par dge sloṅ gaṅ gis kyaṅ ñe bar ’od bar mi bya’o || dge sloṅ gi dge ’dun gyis kyaṅ tshe daṅ ldan pa dag dbyar gyi naṅ dag tu dge sloṅ bsod sñoms stobs pa gcig daṅ | ’di ñid kyi gso (4) sbyoṅ bcwa lṅa pa’i tshem gtogs par bdag cag las gaṅ gis kyaṅ bcom ldan ’das la ltar ’gro bar mi bya ste | dbyar gyi naṅ dag tu dge sloṅ bsod sñoms stobs pa gcig daṅ | ’di ñid kyi gso sbyoṅ bcwa lṅa pa’i tshe ma gtogs par bdag cag las gaṅ bcom (5) ldan ’das la ltar ’gro ba de bdag cag gis ltuṅ byed kyi ltuṅ ba byed du gźug go źes khrims su bya ba bcas so || bcom ldan ’das zla ba gsum naṅ du yaṅ dag ’jog la źugs pa na dge sloṅ bsod sñoms stobs pa gcig daṅ | de ñid kyi gso sbyoṅ bcwa lṅa pa’i (6) tshe ma gtogs par der dge sloṅ ’ga’ yaṅ mi ’gro’o || de’i tshe na tshe daṅ ldan pa ñe sde zla ba śol ma bor bas dbyar ljoṅs su gnas par khas blaṅs la | bcom ldan ’das ni zla ba śol bor bas dbyar ljoṅs su gnas par źal gyis bźes so || de nas tshe daṅ ldan pa (7) ñe sde dbyar gyi zla ba gsum po dag ’das nas chos gos byas pa daṅ ldan | chos gos zin pa daṅ ldan źiṅ mdzes pa ’khor mdzes pa daṅ ldan pas lhuṅ bzed daṅ chos gos thogs te mñan yod ga la ba der rgyu źiṅ soṅ nas mthar gyis rgyu źiṅ ’gro ba na mñan yod du phyin to || (86a1) de nas tshe daṅ ldan pa ñe sde lhuṅ bzed daṅ chos gos mkhos su phab ste rkaṅ pa gñis bkrus nas bcom ldan ’das kyi gtsug lag khaṅ gal ba der soṅ ba daṅ | dge sloṅ drug sde dag gis tshe daṅ ldan pa ñe sde thag riṅ po kho na nas mthoṅ ṅo || mthoṅ nas kyaṅ (2) ’di skad ces tshe daṅ ldan pa dag da ltar kho na na don ñuṅ dus dge ’dun gyi khrims su bya ba ’dral bar ’gyur ro || źes smras so || gźan dag gis smras pa | des de ltuṅ byed kyi ltuṅ ba byed du gźug go || gźan dag gis smras pa | da ltar sbyor ba la ’jug gis gaṅ gi (3) tshe dral bar gyur pa de’i tshe na des de byed du gźug go || de nas tshe daṅ ldan pa ñe sdes bcom ldan ’das kyi gtsug lag khaṅ du dal bus khad kyis sgo gtan brduṅs pa daṅ | bcom ldan ’das kyis de la chab sgo dbye ba mdzad do || de nas tshe daṅ ldan pa ñe sdes bcom ldan ’das kyi (4) źabs gñis la mgo bos phyag ’tshal te mtha’ gcig tu ’dug go || saṅs rgyas bcom ldan ’das rnams kyi chos ñid ni dge sloṅ glo bur du ’oṅs pa la dge sloṅ khyod da lta ga las ’oṅs | gaṅ du dbyar gnas par khas blaṅs źes bya ba’i so sor kun dga’ bar mdzad pa (5) ’dis so sor kun dga’ bar mdzad pa yin pas bcom ldan ’das kyis tshe daṅ ldan pa ñe sde la ñe sde khyod da ltar ga las ’oṅs | gaṅ du dbyar gnas par khas blaṅs źes so sor kun dga’ bar mdzad pa daṅ | tshe daṅ ldan pa ñe sdes gsol pa | btsun pa bdag da ltar (6) ljoṅs nas mchis so || bdag ljoṅs su dbyar gnas par mchid kyis ’tshal to || ñe sde ljoṅs su dge sloṅ rnams kyis dgag dbye byas sam | btsun pa bgyis so || ñe sde gaṅ gis khyod mdzes pa ’khor mdzes pa daṅ ldan par gyur pa’i rgyu ni gaṅ yin | rkyen ni (7) gaṅ yin | btsun pa ’di na gal te bdag gi g-yar sṅar rab tu ’byuṅ ba la ltos pa źig mchis na | bdag de la ’di skad ces bźin bzaṅs khyod tshur mchi | dgon pa pa ’tshol cig ces mchi źiṅ dgon pa ba ñid kyi bsṅags pa yaṅ rjod par bgyid | bsod sñoms (86b1) pa daṅ | chos gos gsum pa daṅ | phyag dar khrod pa daṅ | śiṅ druṅ pa ’tshol cig ces mchi źiṅ śiṅ druṅ pa ñid kyi bsṅags pa yaṅ brjod par bgyid do || gal te de ltar bgyi’o źes mchi na | de rab tu ’byin par bgyid do || gal te rdzogs par bsñen par ’tshal ba (2) daṅ | gnas la źugs pa daṅ | bklag pa la źugs pa daṅ | mchid don la źugs pa daṅ | yid la bgyi ba la źugs bźes mchis na | bdag de la yaṅ ’di skad ces bźin bzaṅs khyod tshur mchi | dgon pa ’tshol cig ces mchi źiṅ dgon pa ba ñid kyi (3) bsṅags pa yaṅ rjod par bgyid | bsod sñoms pa daṅ | chos gos gsum pa daṅ | phyag dar khrod pa daṅ | śiṅ druṅ pa ’tshol cig ces mchi źiṅ śiṅ druṅ pa ñid kyi bsṅags pa yaṅ rjod par bgyid do || gal te de ltar bgyi’o źes mchi na de la yid la bgyi (4) ba stsol bar bgyid de | btsun pa gaṅ gis bdag mdzes pa ’khor mdzes pa daṅ ldan par gyur pa’i rgyu ni de lags | rkyen ni de lags so || ñe sde khyod skye bo maṅ po la phan pa daṅ | skye bo maṅ po la bde ba daṅ | ’jig rten la sñiṅ brtse ba daṅ | lha daṅ mi rnams (5) kyi don daṅ | phan pa daṅ | bde ba’i phyir źugs pa legs so legs so || ñe sde gaṅ la la źig sbyaṅs pa’i yon tan de dag gi bsṅags brjod par mi byed pa de ni | ṅa’i bsṅags brjod par mi byed pa yin no || gaṅ la la sbyaṅs pa’i yon tan de dag gi bsṅags (6) brjod par byed pa de ni ṅa’i bsṅags brjod par byed pa yin no || de ci’i phyir źe na | ṅas sbyaṅs pa’i yon tan de dag yun riṅ po nas bstod pa daṅ | bkur ba daṅ | bsṅags pa daṅ rab tu bsṅags pa’i phyir ro || ñe sde khyod dge ’dun gyi khrims su bya ba mi sruṅ ṅam | (7) btsun pa bdag gis dge ’dun gyi khrims ni gaṅ lags | khrims su bgyi ba ni gaṅ la gas ma ’tshal to || ñe sde ’di naṅs dge sloṅ rnams la ’di skad ces dge sloṅ dag ṅa zla ba gsum po ’di la naṅ du yaṅ dag ’jog bźed kyis | ṅa’i spyan sṅar dge sloṅ bsod (87a1) sñoms stobs pa gcig daṅ | ’di ñid kyi gso sbyoṅ bcwa lṅa pa’i tshe ma gtogs par dge sloṅ gaṅ gis kyaṅ ’oṅ bar mi bya’o źes bka’ stsal pa daṅ | dge sloṅ gi dge ’dun gyis kyaṅ tshe daṅ ldan pa dag dbyar gyi naṅ dag tu dge sloṅ bsod sñoms (2) stobs pa gcig daṅ | ’di ñid kyi gso sbyor bcwa lṅa pa’i tshe ma gtogs par bdag cag las gaṅ gis kyaṅ bcom ldan ’das la ltar ’gro bar mi bya ste | dbyar gyi naṅ dag tu dge sloṅ bsod sñoms stobs pa gcig daṅ | ’di ñid kyi gso sbyoṅ bcwa lṅa pa’i tshe ma gtogs (3) par bdag cag las gaṅ bcom ldan ’das la ltar ’gro de bdag cag gis ltuṅ byed kyi ltuṅ ba byed du gźug go źes khrims su bya ba bcas so || btsun pa bdag ni glo bur du mchis pa lags te | don de ni dge sloṅ gñug mar gnas pa rnams kyis bsruṅ bar bgyi (4) ba lags so || ñe sde dge sloṅ glo bur du ’oṅs pa daṅ | gñug mar gnas pas kyaṅ dge ’dun gyi khrims su bya ba bsruṅ bar bya ba kho na yin no || ñe sde ’di ltar ṅas dge sloṅ glo bur du lhags pa rnams kyi kun du spyod pa’i chos dag bca’ bar bya ste | dge sloṅ (5) glo bur du ’oṅs pas gtsug lag khaṅ du źugs nas dge sloṅ ṅag la gnas ’di na khrims su bya ba ji lta bu yod ces dri bar bya’o || gal te ’dri na de lta na legs | gal te mi ’dri na ’gal tshabs can du ’gyur ro || ñe sde de lta mod kyi ṅas dge sloṅ dgon pa pa la (6) dgon pa’i yoṅs su spaṅ ba sbyin par bya ste | dge sloṅ dgon pa ba de bźin gśegs pa la bsñen bkur bya ba’i phyir ltar ’gro ba’i dus ma yin pa med do || dge sloṅ bsod sñoms pa daṅ | rñed pas chog pa’i bsod sñoms pa daṅ | zas phyis mi len pa (7) daṅ | stan gcig pa daṅ | chos gos gsum pa daṅ | phyiṅ ba pa daṅ | phyag dar khrod pa daṅ | śiṅ druṅ ba daṅ | dur khrod pa daṅ | cog pu ba daṅ | bla gab med pa daṅ | gźi ji bźin pa la gźi ji bźin pa’i yoṅs su spaṅ ba sbyin par bya ste | dge sloṅ (87b1) gźi ji bźin pa la de bźin gśegs pa la bsñen bkur bya ba’i phyir ’gro ba’i dus ma yin pa med do || de nas tshe daṅ ldan pa ñe sdes bcom ldan ’das kyis gsuṅs pa la mṅon par bstod pa daṅ rjes su yi raṅ bar byas te | bcom ldan ’das kyi źabs gñis la (2) mgo bos phyag ’tshal te bcom ldan ’das kyi spyan sṅa nas soṅ ṅo || de nas drug sde dag tshe daṅ ldan pa ñe sde ga la ba der soṅ ste phyin nas tshe daṅ ldan pa ñe sde la ’di skad ces smras so || tshe daṅ ldan pa ñe sde je skabs phye śig | ltuṅ ba sde lṅa po dag la skabs phye’o || khyod la (3) ltuṅ ba byuṅ ba de chos bźin du slar gyis śig | ltuṅ bam mthoṅ ṅo || khyod kyis dge ’dun gyi khrims su bya ba ma dral tam | dge ’dun gyi khrims su bya ba ji lta bu yin | drug sde dag gis skabs de rgyas par brjod pa daṅ | tshe daṅ ldan pa ñe sdes drug sde dag la ’di (4) skad ces smras so || tshe daṅ ldan pa dag bcom ldan ’das kyis ñe sde de lta mod kyi ṅas dge sloṅ dgon pa pa la dgon pa ba’i yoṅs su spaṅ ba sbyin par bya ste | dge sloṅ dgon pa pa la de bźin gśegs pa la bsñen bkur bya ba’i phyir ltar ’gro ba’i dus ma yin pa med do || (5) dge sloṅ bsod sñoms pa daṅ | rñed pas chog pa’i bsod sñoms pa daṅ | zas phyis mi len pa daṅ | stan gcig pa daṅ | chos gos gsum pa daṅ | phyiṅ pa pa daṅ | phyag dar khrod pa daṅ | śiṅ druṅ ba daṅ | dur khrod pa daṅ | cog bu pa daṅ | bla gab (6) med pa daṅ | gźi ji bźin pa la gźi ji bźin pa’i yoṅs su spaṅ ba sbyin par bya ste | dge sloṅ gźi ji bźin pa la de bźin gśegs pa la bsñen bkur bya ba’i phyir ’gro ba’i dus ma yin pa med do źes gsuṅs so || de nas śākya rab tu byuṅ ba de dag ’di sñam du (7) sems te | de ltar bcom ldan ’das kyis ’dod pa che ba rnam par smad ciṅ | ’dod pa chuṅ ba la bstod pa ni don gyis na bcom ldan ’das kyis bdag cag smad pa mdzad pa yin gyis bdag cag gis lhuṅ bzed daṅ | chos gos daṅ | dra ba daṅ | phor bu daṅ | ska (88a1) rags lhag pa dag tshe daṅ ldan pa kun dga’ bo la btaṅ ste rgyud dag pas bcom ldan ’das ga la ba der ’doṅ ṅo sñam mo || de nas dge sloṅ de dag lhuṅ bzed daṅ | chos gos daṅ | dra ba daṅ | phor bu daṅ | ska rags lhag pa dag khyer te tshe daṅ ldan pa kun dga’ (2) bo ga la ba der doṅ nas phyin pa daṅ tshe daṅ ldan pa kun dga’ bo la ’di skad ces smras so || tshe daṅ ldan pa kun dga’ bo thugs brtse ba’i slad du bdag cag las lhuṅ bzed daṅ | chos gos daṅ | dra ba daṅ | phor bu daṅ | ska rags lhag pa ’di dag bźes śig | tshe (3) daṅ ldan pa dag de’i phyir bdag gis bcom ldan ’das la źus de’i bar du sdod cig | de nas tshe daṅ ldan pa kun dga’ bo bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ (4) gcig tu ’dug nas tshe daṅ ldan pa kun dga’ bos skabs de bcom ldan ’das la rgyas par gsol to || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo de’i phyir loṅ la blaṅs nas kyaṅ gtsug lag khaṅ chen po źig tu (5) spuṅs te źog la dge sloṅ gaṅ des brel ba’i dge sloṅ de la de sbyin par bya’o || tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas śākya rab tu byuṅ ba rnams las lhuṅ bzed daṅ | chos gos daṅ | dra ba daṅ | phor (6) bu daṅ | ska rags lhag pa dag blaṅs nas gtsug lag khaṅ chen po źig tu spuṅs te bźag go || de nas śākya rab tu byuṅ ba de dag lhuṅ bzed daṅ | chos gos daṅ | dra ba daṅ | phor bu daṅ | ska rags lhag pa dag nad ji lta ba daṅ | ’bras ji lta ba daṅ | (7) zug rdu ji lta ba bźin du spaṅs nas chos gos gsum pa lhur len ciṅ rgyud dag pa daṅ | yo byad bsñuṅs pa’i tshul dag gis bcom ldan ’das ga la ba der doṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’khod do | (88b1) bcom ldan ’das kyis śākya rab tu byuṅ ba de dag gi bsam pa daṅ | bag la ñal daṅ | khams daṅ | Raṅa bźin thugs su chud nas ’di ltar śākya gźon nu lṅa brgya po de dag gis stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi (2) rdo rjes bcom ste rgyun du źugs pa’i ’bras bu mṅon sum du byas pa de ltar chos bstan pa mdzad do || de dag gis bden pa mthoṅ nas gsol pa | btsun pa bdag cag gis dge ba’i bśes gñen bcom ldan ’das la brten nas bcom ldan ’das kyis bdag cag la gaṅ (3) mdzad pa ’di lta bu ni bdag cag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis | byams pa daṅ | mdza’ (4) bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas (5) ni rkaṅ pa phyuṅ | lha daṅ | mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon sum du bgyis so || (6) dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa ji tsam du bcom ldan ’das kyis śākya gźon nu lṅa brgya po dag tshe daṅ ldan pa ñe sde la brten te ’dod pa che ba daṅ phral źiṅ ’dod pa chuṅ ba ñid la bkod de (7) śin tu mthar thug pa’i grub pa daṅ bde ba mya ṅan las ’das pa la bźag pa mdzad pa ni ṅo mtshar to || dge sloṅ dag da ltar ṅa ’dod chags daṅ bral ba | sred pa med pa | len pa med pa | thams cad mkhyen pa mkhyen pa daṅ śes bya thams cad la mṅa’ brñes (89a1) pas śākya gźon nu lṅa brgya po dag rigs kyi bu ñe sde la brten te ’dod pa che ba daṅ phral źiṅ ’dod pa chuṅ ba ñid la bkod de śin tu mthar thug pa’i grub pa daṅ bde ba mya ṅan las ’das pa la gźag pa mdzad pa ṅo mtshar ci che | ’di ltar ’das pa’i dus na ṅa ’dod (2) chags daṅ bcas pa | źe sdaṅ daṅ bcas pa | gti mug daṅ bcas pa | sred pa daṅ bcas pa | len pa daṅ bcas pa | skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | (3) ’khrug pa dag las rnam par ma grol bas kyaṅ śākya gźon nu lṅa brgya po ’di dag rigs kyi bu ñe sde la brten te ’dod pa che ba daṅ | phral źiṅ ’dod pa chuṅ ba ñid la bkod de mṅon par śes pa lṅa po dag la gźag bar mdzad pa de ñon cig | dge sloṅ dag sṅon byuṅ ba (4) ’das pa’i dus na groṅ khyer bā rā ṇa sī na rgyal po tshaṅs byin źes bya bas rgyal srid ’byor pa | rgyas pa | bde ba lo legs pa | skye bo daṅ | mi maṅ pos gaṅ ba | thab mo daṅ | ’thab pa daṅ | rtsod pa daṅ | ’gyed pa daṅ | ’khrug loṅ daṅ | naṅ ’khrug (5) daṅ | chom rkun daṅ | mu ge daṅ | nad rab tu źi ba byed du bcug ste | des bu gcig pa sñiṅ du sdug pa daṅ ’dra bar rgyal srid skyoṅ du bcug go || rgyal po tshaṅs byin la btsun mo tshaṅs ldan źes bya ba daṅ | rdziṅ bu tshaṅs ldan źes bya ba yod de | rgyal po tshaṅs (6) byin de la bu med nas des bu ’dod pas źi ba daṅ | chu lha daṅ | lus ṅan daṅ | brgya byin daṅ | tshaṅs pa daṅ | gźan yaṅ lha’i bye brag ’di lta ste | kun dga’ ra ba’i lha dag daṅ | tshal gyi lha dag daṅ | bźi mdo’i lha dag daṅ | sum mdo’i lha dag (7) daṅ | gtor ma len pa’i lha dag daṅ | lhan cig skyes pa lha dag daṅ | chos mthun pa dag daṅ | rtag tu rjes su ’braṅ ba’i lha dag la yaṅ gsol ba ’debs so || ’jig rten na gaṅ gsol ba ’debs pa’i rgyu las bu dag daṅ bu mo dag skye’o źes bya (89b1) ba’i gtam de lta bu yod de | de ni de lta ma yin te | gal te de ltar ’gyur du zin na | re re la yaṅ ’di lta ste | dper na ’khor los sgyur ba’i rgyal po bźin du bu stoṅ yod par ’gyur ro || ’di ltar gnas gsum po dag mṅon du gyur pa las ma’i mṅal du mṅal (2) na gnas pa ’jug par ’gyur te | gsum po de dag gaṅ źe na | pha ma gñis chags par gyur ciṅ phrad pa daṅ | ma dus la bab ciṅ zla mtshan daṅ ldan pa daṅ | dri za ñe bar gnas śiṅ ’jug ’dod pa ste | gnas gsum po de dag mṅon du gyur pa las bu daṅ bu mo (3) skye bar ’gyur ro || de de ltar gsol ba ’debs pa lhur len pa la źugs pa na sems can bla na med pa yaṅ dag par rdzogs pa’i byaṅ chub tu smon lam btab pa | yi dam brtan pa źig sems can dmyal ba nas śi ’phos nas btsun mo tshaṅs ldan gyi mṅal du (4) źugs so || bud med kyi yul mkhas pa’i raṅ bźin can la la la ma ’dres pa’i chos lṅa yod de | lṅa gaṅ źe na | skyes pa chags par gyur pa śes śiṅ chags pa daṅ bral ba śes pa daṅ | dus śes śiṅ zla mtshan śes pa daṅ | mṅal na gnas bźugs (5) pa śes pa daṅ | gaṅ las mṅal na gnas pa źugs pa de śes pa daṅ | khye’u śes śiṅ bu mo śes pa ste | gal te khye’u yin na dku g-yas par rten ciṅ ’dug la | gal te bu mo yin na dku g-yon par rten ciṅ ’dug pa’o || de yid dga’ źiṅ (6) yid dga’ nas rgyal po tshaṅs byin la smras pa | lha dgyes pa bskyed du gsol | bdag la sems can źugs par gyur pa ni ’di ltar bdag gi dku g-yas par rten ciṅ mchis pas ṅes par khye ’ur ’gyur ro || rgyal po tshaṅs byin yaṅ yid dga’ źiṅ yid dga’ (7) nas ’di skad ces kye ma kho bo yun riṅ po nas mṅon par ’dod pa’i bu’i ṅo mthoṅ ba daṅ | kho bo daṅ mthun par skye źiṅ mi mthun par mi skye ba daṅ | kho bo’i bya ba dag byed pa daṅ | gsos pas phyir gso ba daṅ | bgo skal la spyod pa daṅ | kho bo’i rigs rgyud (90a1) yun riṅ du gnas par ’gyur ba daṅ | bdag cag śi źiṅ dus las ’das pa dag la ñuṅ du’am maṅ po yaṅ ruṅ ba’i sbyin pa dag sbyin źiṅ bsod nams dag byas nas | ’di de gñis gaṅ du skyes pa der ’gro źiṅ rjes su ’gro bar gyur cig ces (2) miṅ gis yon bśad pa byed par gyur cig ces ched du brjod pa ched du brjod par byed do || de la sems can źugs par rig nas ’di lta ste mṅal na gnas pa yoṅs su smin par bya ba’i phyir steṅ gi khaṅ bzaṅs kyi gźir gtogs pa na graṅ ba na graṅ ba’i yo byad dag daṅ | (3) dro ba na dro ba’i yo byad dag daṅ | sman pas bcas pa’i kha zas ha caṅ mi kha ba daṅ | ha caṅ mi skyur ba daṅ | ha caṅ lan tshwa mi che ba daṅ | ha caṅ mi mṅar ba daṅ | ha caṅ mi tsha ba daṅ | ha caṅ mi bska ba daṅ | kha ba daṅ | skyur ba daṅ | lan tshwa daṅ | (4) mṅar ba daṅ | tsha ba daṅ | bska ba rnam par spaṅs pa’i zas dag daṅ | do śal daṅ | se mo do daṅ | rgyan gyis bklubs pa’i lus lha’i bu mo dga’ ba’i tshal na rnam par spyod pa lta bu daṅ | khri nas khrir daṅ | khri’u nas khri’ur daṅ | śod kyi sa gźir (5) mi ’bab pa daṅ | des sgra yid du mi ’oṅ ba cuṅ zad kyaṅ mi thos par gnod pa med pa ñid du rim gro byed du ’dzud do || de nas dus gźan źig na btsun mo tshaṅs ldan la ’dod pa ’di lta bu ’di skyes te | kye ma lhas groṅ khyer gyi śar sgor sbyin pa dag byin par (6) gyur ciṅ | bsod nams dag byed par gyur cig | lho sgo daṅ | nub sgo daṅ | byaṅ sgo daṅ | dbus kyi bźi mdor kyaṅ sbyin pa dag sbyin | bsod nams dag byed ciṅ btson thams cad thar bar byed par gyur cig sñam mo || de nas rgyal po tshaṅs byin gyis (7) btsun mo tshaṅs ldan la ’dod pa de lta bu de skyes par thos nas groṅ khyer gyi śar sgor sbyin pa dag sbyin źiṅ bsod nams dag byed do || de bźin du lho sgo daṅ | nub sgo daṅ | byaṅ sgo daṅ | dbus kyi bźir mdor yaṅ sbyin pa dag sbyin | bsod nams dag (90b1) byed ciṅ | btson thams cad thar bar byas so || yaṅ btsun mo tshaṅs ldan la ’dod pa ’di lta bu ’di skyes te kye ma bdag lha daṅ lhan cig skyed mos tshal daṅ | dka’ thub kyi nags su rtse ba daṅ | dga’ ba daṅ | dga’ mgur spyod par gyur cig sñam mo || (2) de nas rgyal po tshaṅs byin gyi btsun mo tshaṅs ldan la ’dod pa rnam pa de lta bu de skyes par thos nas | btsun mo tshaṅs ldan daṅ ldan cig skyed mos tshal daṅ | dka’ thub kyi nags su źugs te | rtse ba daṅ | dga’ ba daṅ | dga’ mgur spyod pa dag byas (3) so || yaṅ btsun mo tshaṅs ldan la ’dod pa’i rnam pa ’di lta bu ’di skyes te | kye ma bdag lha daṅ thabs cig chur ’jug pa’i grur źugs te | rdziṅ bu tshaṅs ldan du rtse ba daṅ | dga’ ba daṅ | dga’ mgur spyod par gyur cig sñam mo || de nas rgyal (4) po tshaṅs byin gyis btsun mo tshaṅs ldan la ’dod pa’i rnam pa de lta bu de byuṅ bar thos nas | btsun mo tshaṅs ldan daṅ lhan cig chur ’jug pa’i gru me tog ut+pa la daṅ | pad ma daṅ | ku mu ta daṅ | pad ma dkar pos bkaṅ bar źugs te rdziṅ bu tshaṅs (5) ldan du rtse ba daṅ | dga’ ba daṅ | dga’ mgur spyod pa byas so || de gru de ñid du bcas pa las khye’u tshe rabs dran pa | gzugs bzaṅ ba | blta na sdug pa | mdzes pa | gsal ba | gser gyi mdog ’dra ba | mgo gdugs lta bu daṅ ldan pa | (6) lag pa riṅ ba | ’phral ba’i dbyes che ba | smin ma ’jar ba sna’i gzaṅs mtho ba źig byuṅ ṅo || de’i ñe du dag ’dus śiṅ lhags nas ñi ma bdun gsum ñi śu gcig tu btsas pa’i batsa sa ston rgya cher byas nas khye’u’i miṅ cir gdags źes miṅ ’dogs (7) par byed do || de dag ’di sñam du sems te | gaṅ gi phyir khye’u ’di chu’i naṅ du btsas pa de’i phyir khye’u’i miṅ chu skyes źes bya’o źes ṅe’i miṅ chu skyes źes bya bar btags so || gźon nu chu skyes ma ma brgyad po paṅ na ’tsho ba’i ma ma gñis daṅ | nu ma snun (91a1) pa’i ma ma gñis daṅ | dri ma ’phyi ba’i ma ma gñis daṅ | rtsen grogs kyi ma ma gñis la rjes su gtad do || de ma ma brgyad po dag gis ’o ma daṅ | źo daṅ źun mar daṅ | mar gyi sñiṅ khu daṅ | gźan yaṅ yo byad kyi bye brag gtso bo gtso bo (2) dag gis sriṅ bar byed | skyed par byed ciṅ rdziṅ na gnas pa’i pad ma bźin du myur du skyed par byed do || de nas gźon nu chu skyes ’di sñam du sems te | bdag gaṅ nas śi ’phos te ’dir skyes sñam na | sems can dmyal ba dag nas śi ’phos te ’dir skyes (3) par śes so || las ci byas na des sems can dmyal ba rnams su skyes sñam na | lo drug bcur rgyal tshab kyi rgyal srid du bcug pas de dag tu skyes par śes so || da ltar gaṅ du skyes sñam na mi rnams kyi naṅ du rgyal po’i rigs su skyes par śes nas | de (4) ’di sñam du sems te | bdag yaṅ rgyal srid byed du bcug na yaṅ sems can dmyal ba rnams su ’gro bar ’gyur na ma legs kyis | bdag gis sgyu thabs cuṅ źig bya’o sñam nas | des bdag ñid ’phye bo ñid du bstan te ’dug go || gaṅ gi ñin mo gźon (5) nu chu skyes btsas pa de ñid kyi ñin mo blon po lṅa brgya dag gi bu dag kyaṅ btsas te de dag kyaṅ raṅ raṅ gi rigs daṅ mthun pa’i miṅ dag btags par gyur to || blon po de dag gis kun du spyod pa ni ñi ma re re źiṅ rgyal po tshaṅs byin daṅ | gźon nu chu skyes ltar ’oṅ ṅo || (6) de nas dus gźan źig na gźon nu lṅa brgya po de dag mchoṅs pa daṅ | dkyus mo byed nus par gyur to || de nas rgyal po tshaṅs byin ’di sñam du sems te | gal te ṅa’i bu gźon nu chu skyes kyaṅ ’phye bor ma gyur du zin na | de yaṅ da tsam mchoṅs pa daṅ | (7) dkyus mo byed nus par ’gyur gyis | ’di ltar bdag gi de ’phye bo yin yaṅ blas rgyal srid kyi dbaṅ phyug la gźag par bya’o sñam mo || de nas gźon nu chu skyes kyis de thos nas ’di sñam du sems te | rgyal po ’di ni gcugs med par gnod pa byed pa yin gyis (91b1) bdag gis lkugs pa ñid du bstan te ’dug par bya’o sñam nas | des ched du bsams te lkugs pa ñid du bstan te ’dug go || de nas dus gźan źig na gźon nu lṅa brgya po de dag smra nus par gyur to || de nas rgyal po tshaṅs byin ’di sñam du sems te | gal (2) te bdag gi gźon nu chu skyes kyaṅ lkugs par ma gyur du zin na de yaṅ da tsam smra nus par ’gyur ro sñam mo || de’i tshe na gźon nu chu skyes kyi miṅ gźon nu chu skyes gźon nu chu skyes źes bya ba gaṅ yin pa de nub par gyur ciṅ | gźon nu lkugs ’phye gźon nu lkugs ’phye źes (3) bya ba’i miṅ chags bar gyur to || de nas dus gźan źig na rgyal po tshaṅs byin lag pa la ’gram pa gtad de sems khoṅ du chud ciṅ ’dug nas | blon po rnams kyis smras pa | lha ci’i slad du phyag la źal gtad de thugs khoṅ du chud ciṅ bźugs | rgyal pos smras pa | (4) ’di ltar ṅa’i rgyal srid kyi dbaṅ phyug ’di ’dra ba la bu yaṅ med bu mo yaṅ mid pas ṅa ’das nas gduṅ chad par yaṅ ’gyur la | bu gcig bdog pa de yaṅ lkugs ’phyer gyur na | ṅa ji ltar sems khoṅ du chud ciṅ mi ’dug tu ruṅ | blon po rnams kyis sman pa gñer (5) te sman pa la rmas nas smras pa | lha gźon nu ’di’i dbaṅ po gsal bar gda’ ste | ’di la bro nad kyis rnam pa ni cuṅ zad kyaṅ ma mchis pas bsdigs par bgyi ba’i rigs so || rgyal po tshaṅs byin gyis gśed ma dag bkug nas gsaṅ ste bsgo ba | ṅas gźon nu (6) lkugs ’phye ’di skye bo phal po che’i mṅon sum du yoṅs su gtaṅ bar byas | khyed kyis gsad par mi bya’o || lha bka’ bźin ’tshal | rgyal po tshaṅs byin gyis ’khor gyi naṅ du soṅ ste gśed ma rnams la bsgo ba | ṅas gźon nu ’di yoṅs su btaṅ gis khyod (7) kyis ’or cig | lha bka’ bźin ’tshal źes de nas gśed ma’i mi de dag ges rgyal po tshaṅs byin las mñan nas gźon nu lkugs ’phye śiṅ rtar bcug ste | groṅ khyer bā rā ṇa sī’i naṅ nas phyir khrid de | de nas gźon nu lkugs ’phyes groṅ khyer bā rā ṇa sī’i (92a1) ’byor pa daṅ rgyas pa mthoṅ nas ’di skad ces smras so || ci bā rā ṇa sī ’di stoṅ ba yin nam | ’on te gnas pa yin | gśed ma’i mi rnams kyi gźon nu lkugs ’phye rgyal po la phul nas lha gźon nu lkugs ’phyes tshig ’di lta bu brjod do źes (2) smras so || de nas rgyal po tshaṅs byin gyis gźon nu lkugs ’phye paṅ du bźag ste ’di skad ces smras so || gźon nu gaṅ gsad par bya | gaṅ gsod du gźug par bya | gaṅ srog daṅ dbral bar bya | gaṅ la ci źig sbyin par bya | de skad smras kyaṅ gźon nu lkugs ’phye caṅ mi smra’o || rgyal po tshaṅs (3) byin gyis yaṅ gśed ma rnams la smras pa | ṅas gźon nu ’di yoṅs su btaṅ gis khyed kyis ’or cig | gśed ma’i mi rnams kyis lha bka’ bźin ’tshal źes yaṅ gźon nu lkugs ’phye śiṅ rtar bcug ste | groṅ khyer bā rā ṇa sī’i naṅ nas phyir khrid pa daṅ | gźon (4) nu lkugs ’phyes mi’i ro mi bźis khyer ba źig mthoṅ nas smras pa | ci ro ’di śi ba ñid kyi ro yin nam | ’on te gson po’i ro yin | yaṅ gśed ma’i mi rnams kyis gźon nu lkugs ’phye rgyal po la phul nas lha gźon nu tshig ’di lta bu ’di brjod do źes smras so || rgyal (5) po tshaṅs byin gyis yaṅ gźon nu lkugs ’phye paṅ du bźag ste ’di skad ces smras so || gźon nu gaṅ gsaṅ par bya | gaṅ gsod du gźug par bya | gaṅ srog daṅ dbral bar bya | gaṅ la ci źig sbyin par bya | de skrad smras kyaṅ gźon nu lkugs ’phye caṅ mi smra’o || (6) yaṅ rgyal po tshaṅs byin gyis gśed ma rnams la smras pa | ṅas gźon nu yoṅs su btaṅ gis khyed kyis ’or cig | gśed ma’i mi rnams kyis lha bka’ bźin ’tshal źes yaṅ gźon nu lkugs ’phye śiṅ rtar bcug ste | groṅ khyer ba rā ṇa sī’i naṅ nas phyir khrid pa daṅ | (7) gźon nu lkugs ’phyes ’bru’i phuṅ po chen po źig mthoṅ nas smras pa | gal te ’bru’i phuṅ po ’di daṅ po ñid nas druṅ ma zos na chen por ’gyur ro || gśed ma’i mi rnams kyis yaṅ gźon nu lkugs ’phye rgyal po la phul nas | lha gźon nu tshig ’di lta bu ’di brjod (92b1) do źes smras so || rgyal po tshaṅs byin gyis yaṅ gźon nu lkugs ’phye paṅ du bźag ste ’di skad ces smras so || gźon nu gaṅ gsaṅ par bya | gaṅ gsod du gźug par bya | gaṅ srog daṅ dbral bar bya | gaṅ la ci źig sbyin par bya | de skad smras kyaṅ gźon (2) nu lkugs ’phye caṅ mi smra’o || rgyal po tshaṅs byin gyis yaṅ gśed ma rnams la smras pa | ṅas gźon nu yoṅs su btaṅ gis śes ldan dag soṅ la gźon nu nags khrod du myur du sa thams su chug śig | lha bka’ bźin ’tshal źes gśed ma’i mi rnams kyis (3) yaṅ gźon nu lkugs ’phye śiṅ rtar bcug ste nags khrod ga la ba der soṅ nas phyin pa daṅ | doṅ brko bar brtsams so || de nas lkugs ’phyes de’i tshe tshigs su bcad pa smras pa |

kha lo sgyur ba ci phyir khyod || brtad daṅ bcas pas doṅ brko byed ||
ci phyir (4) khyed cag dog brko ba || dris pa ṅa la myur du smros ||

kha lo sgyur bas smras pa ||

rgyal po’i sras bu mi smra ba || lkugs ’phye btsas nas de yis ni ||
myur bar ’di ni nags khrod du || doṅ du chug ces bka’ stsal to ||

de nas gźon nu lkugs ’phye ’di sñam (5) du sems te | ’di dag ni drag śul can | lag pa dmar ba | snun pa daṅ | rab tu snun pa la źugs pa | gźan gyi srog gcod pa | gźan gyi srog gcod pas ’tsho bar byed pa dag yin pas | gal te na ’di dag gis bdag gsad par ’gyur du ’oṅ ṅo sñam (6) du rig nas de skrag ste gśed ma rnams la smras pa | gal te lhas bdag la dam pa cig stsol na | bdag rkaṅ pas groṅ khyer du ’jug ciṅ tshig kyaṅ smra’o || gśed ma pa rnams kyis rgyal po’i gan du soṅ ste rgyas par brjod pa daṅ | rgyal pos smras pa | gźon nu (7) gal te rgyal srid ’dod na ṅas de yaṅ gźon nu la sbyin no || de nas rgyal po tshaṅs byin gyis yid dga’ źiṅ yid dga’ nas blon po rnams la smras pa | śes ldan dag deṅ la groṅ khyer thams cad myur du rdo ba daṅ | gseg ma daṅ | gyo mo med par źog la | bdug (93a1) spos daṅ | phye ma ’khrigs pa daṅ | rgyal mtshan daṅ | ba dan bsgreṅ ba daṅ | me tog sna tshogs bkram pa gyis śig | rgyal po rnams ni tshig gis ’grub la | lha rnams ni sems kyis ’grub | rnal ’byor pa rnams ni sems bskyed pa tsam (2) gyis thams cad ’grub pas blon po rnams kyis lha bka’ bźin ’tshal źes rgyal po las mñan nas | groṅ khyer thams cad rdo ba daṅ | gyo mo daṅ | gseg ma med par bźag ciṅ | bdug spos daṅ | phye ma ’khrigs pa daṅ | rgyal mtshan daṅ | ba dan bsgreṅ (3) ba daṅ | me tog sna tshogs bkram pa byas so || ljoṅs kyi mi ’bum phrag du ma dag kyaṅ gźon nu lkugs ’phye rkaṅ pas groṅ khyer du ’jug ciṅ tshig kyaṅ smra bar ’gyur ro || źes ya mtshan skyes nas ’dus par gyur to || || ’dul ba rnam par ’byed pa | bam (4) po ñi śu dgu pa | de nas gźon nu lkugs ’phye rkaṅ pas groṅ khyer du źugs nas rgyal po tshaṅs byin ga la ba der soṅ ste phyin nas | rgyal po tshaṅs byin gyi rkaṅ pa gñis la gtugs te | de’i tshe tshigs su bcad pa smras pa |

bdag lkugs ma lags ’phye ma (5) lags ||
glen pa ma lags blo med min ||
gsal bar bgyid pa’i tshig rnams kyis ||
smra ba bdag lags mi dbaṅ po ||
bdag lkugs ma lags ’phye ma lags ||
glen pa ma lags blo med min ||
dbaṅ po tshaṅ pa gsal ba daṅ ||
ldan pa bdag lags (6) mi dbaṅ po ||

rgyal pos smras pa | bu khyed ci’i phyir tshig smra bar mi byed ciṅ rkaṅ pas ’gro bar mi byed | lha de’i slad du gson cig |

bdag gis sṅon gyi tshe rabs su || dguṅ lo drug bcur bdag gis ni ||
mi rnams naṅ du rgyal tshab kyi || rgyal srid rigs (7) mthun bgyid stsal bas ||

dguṅ lo stoṅ phrag drug bcu ru || sems can dmyal bar rab tu bsregs ||
sems dmyal sdug bsṅal mi bzad pa || drag po ’jigs ruṅ dran gyur nas ||

rgyal srid mṅon par mi ’tshal źiṅ || slan cad sems dmyal mchi mi (93b1) bgyi ||
yab kyis bdag ni rab ’byuṅ bar || rjes su gnaṅ ba mdzad du gsol ||

rgyal pos smras pa | pu draṅ sroṅ dag gaṅ gi phyir dka’ thub kyis gduṅ ba daṅ | sbyin sreg daṅ | mchod sbyin byed pa ni rgyal srid kyi phyir yin na | khyod ci’i phyir lag mthil na (2) ’dug pa sṅaṅs te rab tu ’byuṅ bar byed | de nas gźon nu lkugs ’phyes de’i tshe tshigs su bcad pa smras pa |

khon gcugs ’thab rtsod bgyid pa yis ||
’dod la spyod pa bdag mi ’tshal ||
khon gcugs ’thab rtsod ’jigs bgyid pa’i ||
tshaṅs spyod bdag gis spyad (3) par bgyi ||
ki ma pa’i ’bras bu ’dra ba yi ||
’dod pa spyod par bdag mi ’tshal ||
’bras bu bdud rtsi’i ro bda’ ba’i ||
tshaṅs spyod bdag gis spyad par bgyi ||

rgyal pos smras pa | bde ba gaṅ daṅ gaṅ dag ñams su myoṅ bar ’gyur ba de dag thams cad ni rgyal po (4) ñid yin na | khyod ci’i phyir rgyal srid spaṅs te rab tu ’byuṅ bar byed | de nas gźon nu lkugs ’phyes de’i tshe tshigs su bcad pa smras pa |

gaṅ las sdug bsṅal skye ’gyur ba’i ||
bde bde la bder mi sems ||
gaṅ las bde ba skye ’gyur ba’i ||
sdug bsṅal de la bde (5) bar sems ||
yab kyis bdag ni dka’ thub kyi ||
nags su mchi ba gnaṅ bar mdzod ||

rgyal pos smras pa | bu ’di ni yaṅ tog gi steṅ bdug spos daṅ | phye ma ’khrigs par me tog sna tshogs bkram źiṅ gnas mal ’jam po legs par bśams pa dag tu (6) gaṅ nas kyaṅ ’jigs pa med par ñal bar bya źiṅ | sil sñan gyi sgra sñan pa dag gis sad par bya ba daṅ | gos ’jam po bgo bar bya ba daṅ | źim po bza’ bar bya ba daṅ | źim po btuṅ bar bya ba yin na dgon par rab tu byuṅ bas rtag tu śiṅ druṅ du rtswa btiṅ (7) ba’am | lo ma btiṅ ba la bred ṅas kyis ’jigs pa daṅ bcas pa’i sems kyis ri dgas gdug pa dag daṅ lhan cig ñal bar bya ba daṅ | wa’i skad kyis sad par bya ba daṅ | g-yaṅ gźi daṅ śiṅ śun bgo bar bya ba daṅ | rtsa ba daṅ ’bras bu dag bza’ bar (94a1) bya ba daṅ | chu dron po rñog pa can dag btuṅ bar bya dgos na | ci’i phyir khyod rgyal srid spaṅs te rab tu ’byuṅ bar byed | de nas gźon nu lkugs ’phyes de’i tshe tshigs su bcad pa smras pa |

nags na śiṅ śun rtswa gyon źiṅ || rtsa ba ’bras bu ’cha’ ba (2) daṅ ||
ri dgas gdug pa rnams daṅ ni || lhan cig gnas pa mchog lags kyi ||
’jig rten pha rol ’jigs bgyid pa’i || mkhas pas rgyal srid slad du ni ||
gsod daṅ ’chiṅ daṅ brdeg pa dag || bgyid pa de lta ma lags kyis ||
yab kyis bdag ni (3) dka’ thub kyi || nags su mchi ba gnaṅ bar mdzod ||

rgyal pos smras pa | bu je kho bo’i the tshom gsum po ’di dag chod cig daṅ | de’i ’og tu khyod rab tu ’byuṅ ba mi dka’o || khyod kyis groṅ khyer bā rā ṇa sī’i ’byor pa daṅ rgyas pa mthoṅ nas ’di skad ces bā rā ṇa sī (4) ’di stoṅ pa yin nam | ’on te gnas pa yin źes smras pa de khyod kyis ci las bsams te smras | lha de’i slad du gson cig | lhas bdag rgyu ma mchis par khum śig ces bka’ stsal na | ’ga’ yaṅ ci’i slad du gźon nu ’di dgum par bgyi źes chos daṅ ldan pa’i (5) tshig mi smra bas bdag gis de las bsams te smras so || bu ma ñes so || khyod kyis mi’i ro mi bźis khyer ba źig mthoṅ nas ’di skad ces ci ro ’di śi ba ñid kyi ro yin nam | ’on te gson po’i ro yin źes smras pa | de khyod kyis ci las bsams te smras | lha de’i (6) slad du gson cig | gaṅ noṅs pa bgyid pa’i las bgyis pa’i ro de ni gum pa ñid kyi ro lags la | gaṅ legs pa bgyid pa’i las bgyis pa’i ro de ni gson po’i ro lags pas bdag gis de las bsams te smras so || bu ma ñes so || khyod kyis ’bru’i phuṅ po chen (7) po źig mthoṅ ba na | ’di skad ces gal te ’bru’i phuṅ po ’di daṅ po ñid nas druṅ ma zos na chen por ’gyur ro źes smras pa de khyod kyis ci las bsams te smras | lha de’i slad du gson cig | lha źiṅ pa gaṅ dag ’bru skyin po bgyis te ’tshal nas | las bgyiṅ pa de dag ni (94b1) ’bru smin pa na ’bru’i phuṅ po chen po bu lon pa dag la ’bul bar bgyis pas de dag gis ni daṅ po ñid nas druṅ ’tshal ba lags so || de bźin du dge ba bcu’i las kyi lam dag gis mi ñid rñed pa na | gal te de rñed nas dge ba’i las kyi lam sogs par mi bgyid pa de’i (2) sṅon gyi dge ba’i rtsa ba de yaṅ rgyun chad par ’gyur źiṅ | dge ba’i rtsa ba rgyun chad na bde ’gro las yoṅs su ñams śiṅ ṅan ’gro la rten par ’gyur bas bdag gis de las bsams te smras so || de nas rgyal pos bu’i tshig de thos nas | mchi mas brnaṅs pas bu (3) blaṅs te tshig smras pa | brtul źugs des ’chaṅ raṅ gi chos spyod cig | bdag kyaṅ khyod kyi slob mar khas len no || de nas rgyal po tshaṅs byin gyis blon po rnams la smras pa | śes ldan dag gal te gźon nu lkugs ’phye rab tu ma byuṅ na cir ’gyur | lha rgyal (4) por ’gyur ro || khyod kyi bu dag cir ’gyur | lha źabs ’briṅ bar ’gyur ro || ’o na da de rab tu ’byuṅ na khyed kyi bu de dag ci’i phyir rab tu mi ’byuṅ | lha bka’ stsal pa bźin ’tshal lo || de’i tshe na groṅ khyer bā rā ṇa sī daṅ ha caṅ mi riṅ ba na bsti gnas śig yod pa (5) de na draṅ sroṅ byams pa’i bdag ñid can | sñiṅ rje daṅ ldan pa | brtse ba daṅ ldan pa | sems can la byams pa źig ’dug nas gźon nu lkugs ’phye ’akhoRa lṅa brgya daṅ ldan pa ’byor pa chen pos draṅ sroṅ de’i druṅ du rab tu byuṅ ṅo || draṅ sroṅ des lkugs ’phye la gdams (6) dag byin nas lkugs ’phyes brtsal ba daṅ | ’bad pa daṅ | bsgrim pa byas nas mṅon par śes pa lṅa mṅon sum du byas so || de nas dus gźan źig na draṅ sroṅ de dus kyi chos daṅ ldan par gyur nas gźon nu lkugs ’phyes draṅ sroṅ de’i lus spos kyi śiṅ sna tshogs (7) kyi phuṅ por bcer te bsregs nas mchod pa daṅ bsñen bkur chen po byas so || gźon nu lkugs ’phyes bram ze’i khye’u lṅa brgya po de dag yoṅs su bskyaṅ bar brtsams nas | de’i miṅ gźon nu lkugs ’phye źes bya ba gaṅ yin pa de nub par gyur ciṅ | ston pa lkugs (95a1) ’phye ston pa lkugs ’phye źes bya ba’i miṅ chags par gyur to || de nas dus gźan źig na ston pa lkugs ’phye ’di sñam du sems te | ci’i phyir bram ze’i khye’u lṅa brgya po ’di dag mṅon par śes pa lṅa mṅon sum du mi byed sñam nas de ’di sñam du sems (2) te | ’di dag g-yaṅ gźi daṅ | śiṅ śun daṅ | dbyug gu daṅ | ril ba daṅ | blugs gzar daṅ | dgaṅ gzar lhag pa ’chaṅ źiṅ | śin tu lo ma daṅ | khre rgod daṅ | ut+pa la’i rtsa ba la sbyor ba’i rjes su brtson par gnas pa’i phyir ro sñam mo || de nas (3) ston pa lkugs ’phye ’di sñam du sems te | gal te bdag gis bram ze’i khye’u ’di dag smad na dbral dka’ bar ’gyur ro sñam nas | byaṅ chub sems dpa’ rnams ni gdul ba la mkhas pa bla na med pa yin pas de nas ston pa lkugs ’phyes bram ze’i khye’u rnams la (4) smras pa | bram ze’i khye’u | dguṅ zla ba gsum po ’di la naṅ du yaṅ dag ’jog ’dod kyis ṅa’i gan du bram ze’i khye’u rtsa ba daṅ | ’bras bu stobs pa gcig daṅ ’di ñid kyi gso sbyoṅ bcwa lṅa pa’i tshe ma gtogs par gaṅ gis kyaṅ ñe bar ’oṅ bar mi bya’o || bram ze’i khye’u (5) rnams kyis kyaṅ dbyar gyi naṅ dag tu bram ze’i khye’u rtsa ba daṅ | ’bras bu stobs pa gcig daṅ | ’di ñid kyi gso sbyoṅ bcwa lṅa pa’i tshe ma gtogs par bdag cag las bram ze’i khye’u gaṅ gis kyaṅ mkhan po la ltar ’gro bar mi bya’o || dbyar gyi naṅ dag tu bram ze’i khye’u (6) rtsa ba daṅ | ’bras bu stobs pa gcig daṅ ’di ñid kyi gso sbyoṅ bcwa lṅa pa’i tshe ma gtogs par bdag cag las bram ze’i khye’u gaṅ mkhan po la ltar ’gro ba de bdag cag gis ltuṅ byed kyi ltuṅ ba byed du gźug go źes khrims su bya ba bcas so || ston pa lkugs ’phyes (7) zla ba gsum naṅ du yaṅ dag ’jog la źugs pa na | de’i gan du bram ze’i khye’u rtsa ba daṅ | ’bras bu stobs pa gcig daṅ | de ñid kyi gso sbyoṅ bcwa lṅa pa’i tshe ma gtogs par bram ze’i khye’u gaṅ yaṅ ñe bar mi ’gro’o || ston pa lkugs ’phyes thag riṅ po kho na (95b1) nas ri dgas mthoṅ ṅo || mthoṅ nas kyaṅ ’di skad ces smras so || ri dgas tshur śog | ri dgas khyod ’oṅs pa legs so || khyod daṅ kho bo mtshuṅs te | khyod kyaṅ lto kheṅs pa’i zas kyis chog śes pa daṅ | kun tu chog śes pa yin la | kho bo yaṅ lto kheṅs pa’i bsod (2) sñoms kyis chog śes pa daṅ | kun tu chog śes pa yin no || ’di na kha cig śin tu lo ma daṅ | khre rgod daṅ | ut+pa la’i rtsa ba la sbyor ba’i rjes su brtson par gnas pa dag ne ma yin no || de nas bram ze’i khye’u de dag ’di sñam du sems te | gor ma chag par mkhan po’i (3) brtul źugs rdzogs par gyur te | ’di ltar mkhan po ri dgas daṅ lhan cig phebs par smra bar byed do sñam du rig nas ston pa lkugs ’phye ga la ba der doṅ ste phyin nas | ston pa lkugs ’phye’i rkaṅ pa gñis la phyag ’tshal te mtha’ gcig tu ’khod do || de nas ston pa (4) lkugs ’phye caṅ mi smra bar ’dug go || de nas bram ze’i khye’u de dag ’di sñam du sems te | mkhan po dud ’gro rnams daṅ lhan cig phebs par smra bar byed kyi | mi rnams daṅ mi byed gor ma chag sñam nas stan las laṅs te doṅ ṅo || de nas ri dgas kyi brtul źugs (5) can źig ston pa lkugs ’phye ga la ba der doṅ ba daṅ | ston pa lkugs ’phyes ri dgas kyi brtul źugs can de thag riṅ po kha na nas mthoṅ ṅo || mthoṅ nas kyaṅ ’di skad ces smras so || ri dgas kyi brtul źugs can tshur śog | ri dgas kyi brtul źugs can khyod (6) ’oṅs pa legs so || khyod daṅ kho bo mtshuṅs te | khyod kyaṅ g-yaṅ gźi gcig ’chaṅ la | kho bo yaṅ g-yaṅ gźi gcig ’chaṅ ṅo || khyod kyaṅ śiṅ śun gcig daṅ | dbyug gu gcig daṅ | ril ba gcig daṅ | blugs gzar daṅ | dgaṅ gzar gcig ’chad (7) la | kho bo yaṅ śiṅ śun gcig daṅ | dbyug gu gcig daṅ | ril ba gcig daṅ | blugs gzar daṅ | dgaṅ gzar gcig ’chaṅ ṅo || khyod kyaṅ lto kheṅs pa’i bsod sñoms kyis chog śes pa daṅ | kun du chog śes pa yin la | kho bo yaṅ lto kheṅs (96a1) pa’i bsod sñoms kyis chog śes pa daṅ | kun du chog śes pa yin no || ’di na kha cig g-yaṅ gźi daṅ | śiṅ śun daṅ | dbyug gu daṅ | ril ba daṅ | blugs gzar daṅ | dgaṅ gzar lhag par ’chaṅ ba dag ni ma yin no || de nas (2) bram ze’i khye’u de dag ’di sñam du sems te | ’di ltar mkhan pos ’dod pa che ba smad ciṅ | ’dod pa chuṅ ba ñid bstod pa ni don gyis na mkhan pos bdag cag smad pa yin gyis | bdag cag gis g-yaṅ gźi daṅ | śiṅ śun daṅ | dbyug gu daṅ | ril ba (3) daṅ | blugs gzar daṅ | dgaṅ gzar lhag pa dag chu kluṅ zlog byed kyi naṅ du bor te | mkhan po ga la ba der ’doṅ ṅo sñam nas | de dag gi g-yaṅ gźi daṅ | śiṅ śun daṅ | dbyug gu daṅ | ril ba daṅ | blugs gzar daṅ | dgaṅ gzar lhag pa dag chu kluṅ (4) zlog byed du por nas rgyud dag pa daṅ | yo byad bsñuṅs pa’i tshul dag gis ston pa lkugs ’phyeg la ba der doṅ ste phyin nas | ston pa lkugs ’phye’i rkaṅ pa gñis la mgo bos phyag ’tshal te mtha’ gcig tu ’khod do || de nas ston pa lkugs ’phyes bram ze’i khye’u de dag (5) gi bsam pa daṅ | bag la ñal daṅ | khams daṅ raṅ bźin khoṅ du chud nas | ’di ltar bram ze’i khye’u lṅa brgya po de dag gis mṅon par śes pa lṅa mṅon sum du byas par gyur pa de lhar chos bstan pa byas so || dge sloṅ dag de’i tshe de’i dus na ston pa lkugs ’phye (6) gaṅ yin pa de ni ṅa byaṅ chub sems dpa’i spyod pa la ’jug pa yin no || de’i tshe de’i dus na bram ze’i khye’u lṅa brgya po gaṅ dag yin pa de dag ni śākya gźon nu lṅa brgya po ’di dag yin no || de’i tshe de’i dus na ri dgas kyi brtul źugs can gaṅ yin pa de ni dge sloṅ ñe sde yin (7) te | de’i tshe yaṅ ṅas śākya gźon nu lṅa brgya po ’di dag rigs kyi bu ñe sde la brten nas ’dod pa che ba daṅ phral źiṅ ’dod pa chuṅ ba ñid la bkod de | mṅon par śes pa lṅa po dag la gźag par byas la da ltar yaṅ ṅas śākya gźon nu lṅa brgya po ’di dag rigs kyi bu ñe (96b1) sde la brten nas ’dod pa che ba daṅ phral źiṅ ’dod pa chuṅ ba ñid la bkod de | śin tu mthar thug pa’i grub pa daṅ bde ba mya ṅan las ’das pa la gźag pa mdzad do || dge sloṅ dag de ltar na las gcig tu gnag pa rnams kyi rnam par smin pa ni gcig tu gnag pa yin (2) la | las gcig tu dkar ba rnams kyi rnam par smin pa yaṅ gcig tu dkar ba yin | ’dren ma rnams kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa daṅ | ’dren ma spaṅs nas las gcig tu dkar ba dag la (3) brtsal bar bya ste | dge sloṅ dag de ltar khyod kyis bslab par bya’o || ’khrur ’jug pa’i spaṅ ba ste bźi pa rdzogs s+ho || ||

[Naiḥsargika 5]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ (4) gi tshe bcom ldan ’das kyis dge sloṅ ma rnams kyis dgon par gnas pa ma bkag pa de’i tshe na dge sloṅ ma rnams kyaṅ dgon pa’i gnas su doṅ ste | bsam gtan daṅ | rnam par thar pa daṅ | tiṅ ṅe ‘dzin daṅ | sñoms par ’jug pa’i bde ba dag ñams su myoṅ (5) bar byed do || de nas dge sloṅ ma ut+pa la’i mdog ’khor lṅa brgya daṅ nags mun pa can ga la ba der soṅ ste phyin nas śiṅ ljon pa’i druṅ źig tu brten te skyil mo kruṅ phyed kyis ’dug nas bsam gtan daṅ | rnam par thar pa daṅ | tiṅ ṅe ‘dzin daṅ | sñoms par (6) ’jug pa’i bde ba dag ñams su myoṅ bar byed do || dge sloṅ ma de dag phye ma red mñan yod du ’jug ’dod nas smras pa | ’phags ma ut+pa la’i mdog bslaṅ bar bya’o || kha cig gis smras pa | ’phags ma ut+pa la’i mdog ni mthu che ba rdzu ’phrul che ba yin (7) pas daṅ po kho nar dbyar khaṅ du ’gro bar ’gyur ba’i gnas kyaṅ yod do źes zer nas de dag gis de ma bslaṅ ba kho nar doṅ ṅo || ut+pa la’i mdog kyaṅ phye ma red laṅs nas dge sloṅ ma de dag thams cad doṅ bar mthoṅ ba daṅ | des bsams pa | ci da ’gro ’am | ’on (97a1) te ’di ñid du ’dug sñam nas de de ñid du ’gog pa la sñoms par źugs so || g-yon can lṅa brgya tsam gyis las dag byas nas nags mun pa can du lhags te | de dag gis smras pa | bdag cag las ñis brgya lṅa bcus ni skal ba (2) dag bgo bar bya’o || ñis brgya lṅa bcus ni nags byul bar bya’o źes de dag las ñis brgya lṅa bcus ni skal ba dag bgo bar brtsams | ñis brgya lṅa bcus ni nags byul bar brtsams pa daṅ || de dag gis ut+pa la’i mdog ’dug pa mthoṅ ṅo || de (3) na kha cig na re śes ldan dag ’di ni tho yor źig yin no źes zer | kha cig na re ’di ni mi źig yin no źes zer | kha cig na re ’di ni dge sloṅ źig yin no źes zer ro || de na dge sloṅ gi rgyus śes pa źig ’dug pa des smras pa | ’di ni dge sloṅ ma źig (4) yin gyi dge sloṅ ni ma yin no || ji ltar śes | dge sloṅ dag ni skyil mo kruṅ gis ’dug la | dge sloṅ ma rnams ni skyil mo kruṅ byed kyis ’dug go || de dag ṅo mtshar skyes nas śes ldan dag ’di lta bu’i nags ’jigs su ruṅ ba’i naṅ na dge sloṅ ma gcig (5) bu mtshan mo gnas par khas blaṅs pa ltos źes zer ro || de dag dmag dpon gyi gan du soṅ ba daṅ | dmag dpon gyis de dag la dris pa | śes ldan dag khyed kyi nags mun pa can ’di na ṅo mtshar cuṅ zad mthoṅ ba yod dam mchis te | ’di lta bu’i nags (6) ’jigs su ruṅ ba’i naṅ na | dge sloṅ ma gcig pu mtshan mo gnas par khas blaṅs pa mchis so || de bltas ’doṅ ṅo źes de dag de’i druṅ du doṅ ba daṅ | dmag dpon gyis dge sloṅ ma ut+pa la’i mdog gzugs bzaṅ ba | blta na sdug pa | mdzes pa mthoṅ (7) ṅo || mthoṅ nas kyaṅ mṅon par dad par gyur nas de mṅon par dad pa skyes pas smras pa | kye ma dge sloṅ ma ’di ni gñig nas bzaṅ ba yin te | mtshan mo zla ñi mo ltar ’dug pa gaṅ yin pa daṅ | gzugs bzaṅ ba | blta na sdug pa | mdzes pa gaṅ yin pas so (97b1) źes de bslaṅ bar brtsams pa daṅ | de dag gis smras pa | ci’i phyir ’di sloṅ bar byed | zas sbyin par bya’o || dge sloṅ gi rgyus śes pa gcig gis smras pa | ’di ni dus ma yin par mi za’o || dmag dpon gyis smras pa | ci’i phyir | des smras (2) pa | ’di ni dus ma yin pa’i zas spaṅs pa yin no || dmag dpon gyis smras pa | kye ma dge sloṅ ma ’di ni gñis ka nas bzaṅ ba yin te | gzugs bzaṅ ba | blta na sdug pa | mdzes pa gaṅ yin pa daṅ | dus ma yin pa’i zas spaṅs pa gaṅ (3) yin pas so || yaṅ smras pa | ’di la chaṅ blud par bya’o || dge sloṅ gi rgyus śes pa des smras pa | ’di ni myos par ’gyur ba’i btuṅ ba spaṅs pa yin no || dmag dpon gyis smras pa | kye ma dge sloṅ ma ’di ni gñi gnas bzaṅ ba yin te | gzugs (4) bzaṅ ba | blta na sdug pa | mdzes pa gaṅ yin pa daṅ | myos par ’gyur ba’i btuṅ ba spaṅs pa gaṅ yin pas so || yaṅ smras pa | kho bos yon gnas kyi źiṅ ’di lta bu la bsod sñoms kyis bsgrub par ma nus so źes des ras yug chen po la ’os pa (5) gcig daṅ | bsod sñoms kyi phud cig phul nas śiṅ ljon pa’i yal ga la btags te bźag nas smras pa | ’phags ma ’di ltar khyod la mi mkhyen pa daṅ | mi gzigs pa daṅ | mi rig pa daṅ | rnam par mi mkhyen pa ci yaṅ mi mṅa’ bas bdag gis (6) khyod la bsod sñoms daṅ na bza’ ’di ’bul lo źes smras te soṅ ṅo || ut+pa la’i mdog naṅ par sṅar laṅs pas skye bo phal po che’i rjes śul mthoṅ nas des bsams pa daṅ | g-yon can lṅa brgya ñe par ’oṅs par mthoṅ nas mi mdzes pa ’ga’ źig rig par ma (7) byas sam sñam na ’ga’ yaṅ ma byas par mthoṅ ṅo || śiṅ ljon pa’i yal ga la ras yug chen daṅ | bsod sñoms btags te bźag pa mthoṅ nas des bsams pa | ’di ni dad par gyur pa rnams kyis dad pa’i dbaṅ du byas pa yin no sñam nas des bsams pa | (98a1) gal te byin len stobs pa la bsdad na bya’am | spre’us chud gzan par ’gyur bas bdag ni dge ’dun la bsod sñoms kyi phud ’bul ba yin la ’di ltar dge sloṅ rnams la mi ruṅ ba gaṅ yin pa de ni dge sloṅ ma rnams la ruṅ ba yin la | dge (2) sloṅ ma rnams la mi ruṅ ba gaṅ yin pa de ni dge sloṅ rnams la ruṅ ba yin pas bdag raṅ ñid kyis ’di khyer te | dge ’dun la bsod sñoms kyi phud ’bul du ’gro’o sñam nas des de khyer te rgyal byed kyi tshal du soṅ ṅo || drug sde rnams kyi kun du spyod pa ni drug sde las (3) gaṅ yaṅ ruṅ bas rgyal byed kyi tshal gyi sgo stoṅ par mi ’jog pas ñe dga’ rgyal byed kyi tshal gyi sgo na ’chag ciṅ ’dug pa des ut+pa la’i mdog mthoṅ nas smras pa | sriṅ mo ci’i phyir naṅ par sṅar mñan yod kyi sgo dag phye ste ’oṅs | des smras pa | bdag mñan yod du (4) ma mchis kyi | bdag mdaṅ sum nags mun pa can du mchis par khas blaṅs so || ñe dga’ sa smras pa | ñe dga’ ni ñin mo ñid nags mun pa can du źugs na yaṅ spu dag gyen du ’greṅ bar ’gyur ro || sriṅ mo khyer ba ’di ci yin | des smras pa | chom rkun pa (5) lṅa brgya tsam der mchis nas de dag dad par gyur pas bdag la dad pa’i dbaṅ du bgyis pa stsal to || sriṅ mo khyod ni chom rkun pas kyaṅ dad par bya ba yin gyi | gal te ñe dga’ de dag gis mthoṅ du zin na lcag rgod maṅ pos brdabs te khur tsa bar khrid par ’gyur ro || ’di (6) ltar gaṅ la ras yug chen ’di lta bu yod pa de ni gos sar pa las snam sbyar ñi ri ma byas te sems las chuṅ ṅus dge ba’i phyogs la tron byed par ’gyur ro || ’phags pa khyod ras yug chen ’di bźed dam | lha’i gnas kyi lhag ma bźin du’o || ’phags pa bdag (7) gis dge ’dun la bsod sñoms kyi phud phul te slar mchis pa’i bar du gźes śig daṅ | de’i ’og tu khyod la ras yug chen gsol lo || ñe dga’ sa bsams pa | lhuṅ bzed nag po can ’ga’ źig gis ’di la bslaṅs pa daṅ de la byin par ’gyur ro sñam nas | (98b1) sriṅ mo bdag gis bsod sñoms kyi phud len pa dag khrid de ’oṅ gis de’i bar du ’di ñid du sdod cig | ñe dga’ rgyal byed kyi tshal du źugs pa daṅ | des dge sloṅ bsod sñoms kyi phud len pa dag sñiṅ las chuṅ ṅur ’khod pa mthoṅ nas des smras pa | tshe daṅ ldan pa dag (2) sbyin bdag dag ni khur gyis ṅal źiṅ sdod la | khyed cag ni ’di na sñiṅ las chuṅ ṅur ’khod na tshur śog bsod sñoms kyi phud loṅ śig | de dag gis gźes sogs te doṅ ba daṅ | ut+pa la’i mdog gis de dag la bsod sñoms kyi phud phul nas ras yug chen sprugs (3) nas ñe dga’ la phul lo || ñe dga’ sa khyod sbyin pa ’dis sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog daṅ | lha daṅ mi rnams kyi gos dag thob par gyur cig ces smras so || ut+pa la’i mdog gis bsams pa | ṅa (4) dbyar khaṅ du soṅ ste ci ruṅ | bcom ldan ’das kyi źabs la phyag ’tshal du ’gro bar bya’o sñam nas | de nas ut+pa la’i mdog bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || (5) de’i tshe na ut+pa la’i mdog gis chos gos lṅa ṅan ciṅ snam sbyar yaṅ rñiṅs par gyur nas | de na bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo dge sloṅ ma rnams kyis dbyar gyi gos kyi rñed pa ma grub bam | btsun pa grub (6) bo || ’o na ci’i phyir dge sloṅ ma ut+pa la’i mdog gi chos gos lṅa ṅan ciṅ snam sbyar yaṅ rñiṅs par gyur | btsun pa sriṅ mo ’di ni dad pa daṅ ldan źiṅ bzaṅ la dge ba’i bsam pa can lags te | ’dis saṅs rgyas sam | chos sam | dge ’dun nam | dge (7) sloṅ yid du ’thad pa dag la ma phul ba’am | yoṅs su ma btaṅ ba ci yaṅ ma mchis te | ’dis daṅ yaṅ ras yug chen rñed nas de yaṅ ’dis btsun pa ñe dga’ la stsol to || kun dga’ bo dge sloṅ dag dge sloṅ ma ñe du ma yin pa la gos lhag pa len tam | btsun (99a1) pa len to || kun dga’ bo dge sloṅ dag dge sloṅ ma ñe du ma yin pa la ’di sñam du ’di’i chos gos lṅa tshaṅ ṅam | ’on te ma tshaṅ sñam du mi sems par ’di ltar thob po cog len par byed kyi | ñe du la ni byin yaṅ len par mi byed do || de nas bcom (2) ldan ’das kyis tshe daṅ ldan pa kun dga’ bo la bka’ stsal pa | kun dga’ bo dge sloṅ ma ut+pa la’i mdog la gtsug lag khaṅ chen po nas chos gos lṅa byin cig | tshe daṅ ldan pa kun dga’ bos dge sloṅ ma ut+pa la’i mdog la gtsug lag khaṅ chen po nas chos (3) gos lṅa byin no || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par (4) bya ste | yaṅ dge sloṅ gaṅ dge sloṅ ma ñe du ma yin pa las gos len na spaṅ ba’i ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || saṅs rgyas bcom ldan ’das mñan yod na rgyal byed kyi tshal (5) mgon med zas sbyin gyi kun dga’ ra ba na bźugs so || mñan yod na khyim bdag cig ’dug pa des rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed | dga’ mgur spyod par byed do || de bdag gi khyim nor du ma daṅ ldan (6) na bdag gis ’jig rten pha rol gyi lam rgyags cuṅ zad kyaṅ ma khyer ro sñam nas lag pa la ’gram pa gtad de sems khoṅ du chud ciṅ ’dug pa chuṅ mas mthoṅ nas smras pa | rje’i sras khyod ci’i slad du phyag la ’gram pa gtad de sems khoṅ du chud ciṅ bźugs | bzaṅ (7) mo kho bo’i khyim nor du ma daṅ ldan na bdag gis ’jig rten pha rol gyi lam rgyags cuṅ zad kyaṅ ma khyer te | gal te bdag gis saṅs rgyas la sogs pa dge sloṅ gi dge ’dun bśos gsol te re re la ras bcos bu sar pa phrug ser bskon na des bdag gi ’jig rten pha rol | (99b1) gyi lam rgyags khyer bar ’gyur ro || chuṅ mas smras pa | rje’i sras de bźin mdzod cig | de nas khyim bdag de bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ (2) gcig tu ’dug nas bcom ldan ’das kyis khyim bdag de la chos daṅ ldan pa’i gtam gyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad de | rnam graṅs (3) du mas chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ ṅo || de nas khyim bdag de stan las laṅs nas bla gos phrag pa gcig tu byas (4) te bcom ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to || bcom ldan ’das saṅ bdag gi sdum par dge sloṅ gi dge ’dun daṅ thabs cig tu gdugs tshod gsol bar ci gnaṅ | bcom ldan ’das kyis (5) khyim bdag de la caṅ mi gsuṅ bas gnaṅ ṅo || de nas khyim bdag des bcom ldan ’das kyis caṅ mi gsuṅ bas gnaṅ bar rig nas bcom ldan ’das kyis bka’ stsal pa la mṅon par dga’ ba daṅ rjes su yi raṅ bar byas te | bcom ldan ’das kyi źabs (6) gñis la mgo bos phyag ’tshal te bcom ldan ’das kyi spyan sṅa nas soṅ ṅo || de nas khyim bdag des de ñid kyi mtshan mo bca’ ba daṅ bza’ ba gtsaṅ źiṅ bsod pa legs par sbyar nas naṅ par sṅar laṅs te gdan bśams nas chu ra bźag ste | bcom ldan (7) ’das la spyan ’dren gyis | btsun pa gdugs tshod sbyar ba’i dus lags na | da bcom ldan ’das kyis de’i dus la bab par mkhyen par mdzad du gsol źes gdugs tshod la spyan draṅs so || de nas bcom ldan ’das sṅa dro śam thabs gsol | lhuṅ bzed daṅ (100a1) chos gos bsnams te dge sloṅ gi tshogs kyis yoṅs su bskor ciṅ dge sloṅ gi dge ’dun gyis mdun du bdar te | khyim bdag de’i bkad sa ga la ba der gśegs te byon nas | dge sloṅ gi dge ’dun gyi goṅ du gdan bśams pa ñid la bźugs (2) so || de nas khyim bdag des saṅs rgyas la sogs pa dge sloṅ gi dge ’dun bde bar bźugs par rig nas | Raṅa gi lag gis bca’ ba daṅ bza’ ba gtsaṅ źiṅ bsod pas tshim par byed | stobs par byed do || rnam graṅs du mas bca’ ba daṅ bza’ ba gtsaṅ źiṅ (3) bsod pas raṅ gi lag nas tshim par byas śiṅ bstabs nas | saṅs rgyas la sogs pa dge sloṅ gi dge ’dun re re la ras bcos bu sar pa phrugs re re gsol to || de nas khyim bdag des stan dma’ ba źig blaṅs nas bcom ldan ’das kyi spyan sṅar chos mñan (4) pa’i phyir ’dug go || de nas bcom ldan ’das kyis khyim bdag de la chos daṅ ldan pa’i gtam gyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad || yaṅ dag par rab tu dga’ bar mdzad de | rnam (5) graṅs du mas chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas gdan las bźeṅs te gśegs so || de nas khyim bdag des bcom ldan ’das kyi slad (6) bźin pha zad tsam du soṅ nas bcom ldan ’das kyi źabs gñis la mgo bos phyag ’tshal te | bcom ldan ’das la lan gsum bskor ba byas nas | bcom ldan ’das kyi spyan sṅa nas phyir log ste raṅ gi khyim ga la ba der soṅ nas phyin pa daṅ | steṅ gi khaṅ bzaṅs (7) kyi gźir gtogs pa na gtoṅ ba rjes su dran par sgom pa na chuṅ ma la smras pa | bzaṅ mo bdag cag gis ’jig rten pha rol gyi lam rgyags maṅ du khyer gyis mchog tu dga’ ba daṅ | rjes su yi raṅ bar gyis śig | chuṅ mas smras pa | rje’i sras kyis ni ’jig rten pha (100b1) rol gyi lam rgyags bsnams na | bdag gis ma ’tshal to || bzaṅ mo bdag cag gñis kyi loṅs spyod dag thun moṅ ma yin nam | rje’i sras ’di ltar skol cag gi loṅs spyod dag thun moṅ lags mod kyi ’on kyaṅ bdag gis kyaṅ skye dgu’i bdag mo chen mo gau ta mī (2) la sogs pa dge sloṅ ma’i dge ’dun bśos gsol te | chen po la ’os pa’i gos dag phul na de lta na bdag gis caṅ ’jig rten pha rol gyi lam rgyags ’tshal bar ’gyur ro || khyim bdag gis smras pa | bzaṅ mo ci sṅar sbyin pa byin pas phyis sbyin par byar med dam | de bźin (3) gyis śig | de nas khyim bdag gi chuṅ ma de skye dgu’i bdag mo chen mo gau ta mī ga la ba der soṅ ste phyin nas skye dgu’i bdag mo chen mo gau ta mī’i rkaṅ pa gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas skye dgu’i bdag mo chen mo gau ta (4) mīsa khyim bdag gi chuṅ ma de la chos daṅ ldan pa’i gtam gyis yaṅ dag par ston par byed | yaṅ dag par ’dzin du ’jud par byed | yaṅ dag par gzeṅs stod par byed | yaṅ dag par rab tu dga’ bar byed de | rnam graṅs du mas chos daṅ ldan pa’i gtam gyis (5) yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar byas nas caṅ mi smra’o || de nas khyim bdag gi chuṅ ma de stan las laṅs te skye dgu’i bdag mo chen mo gau ta mī ga la ba de logs su thal mo sbyar ba btud (6) nas skye dgu’i bdag mo chen mo gau ta mī la ’di skad ces smras so || ’phags ma saṅ bdag gi sdum par dge sloṅ ma’i dge ’dun daṅ thabs cig gdugs tshod gsol bar ci gnaṅ | skye dgu’i bdag mo chen mo gau ta mīsa khyim bdag gi chuṅ ma de la caṅ mi smra bas daṅ du (7) blaṅs so || de nas khyim bdag gi chuṅ ma des skye dgu’i bdag mo chen mo gau ta mīsa caṅ mi smra bas daṅ du blaṅs par rig nas skye dgu’i bdag mo chen mo gau ta mīsa smras pa la mṅon par dga’ ba daṅ rjes su yi raṅ ba byas te | skye dgu’i bdag mo chen mo gau ta mī’i rkaṅ pa (101a1) gñis la mgo bos phyag ’tshal nas skye dgu’i bdag mo chen mo gau ta mī’i druṅ nas soṅ ṅo || de nas khyim bdag gi chuṅ ma des de ñid kyi mtshan mo bca’ ba daṅ bza’ ba gtsaṅ źiṅ bsod pa legs par sbyar nas naṅ par sṅar laṅs te stan bśams nas chuṅ bźag (2) ste skye dgu’i bdag mo chen mo gau ta mī la spyan ’dren gyis ’phags ma gdugs tshod sbyar ba’i dus lags na | da ’phags mas de’i dus la bab par mkhyen par mdzad du gsol źes dro la bos so || de nas skye dgu’i bdag mo chen mo gau ta mī sṅa dro śam thabs bgos | lhuṅ bzed (3) daṅ chos gos thogs te dge sloṅ ma’i tshogs kyis yoṅs su bskor ciṅ | dge sloṅ ma’i dge ’dun gyis mdun du bdar te khyim bdag gi chuṅ ma de’i bkad sa ga la ba der soṅ ste phyin nas dge sloṅ ma’i dge ’dun gyi goṅ du stan bśams pa ñid la ’dug go || de nas khyim bdag (4) gi chuṅ ma des skye dgu’i bdag mo chen mo gau ta mī la sogs pa dge sloṅ ma’i dge ’dun bde bar ’dug par rig nas | raṅ gi lag nas bca’ ba daṅ bza’ ba gtsaṅ źiṅ bsod pas chim par byed | stobs par byed do || rnam graṅs du mas bca’ ba daṅ bza’ ba gtsaṅ źiṅ (5) bsod pas raṅ gi lag nas tshim par byas śiṅ bstabs nas | des chen po la ’os ba’i gos dag gi sprog ma phye nas chen po la ’os pa’i gos dag thogs te rgan pa’i mtha’ logs su ’dug go || de nas skye dgu’i bdag mo chen mo gau ta mī ’di sñam du sems te | bcom ldan (6) ’das kyis dge sloṅ ma rnams la chen po la ’os pa’i gos dag dgag pa mdzad pas gal te re źig blaṅs par gyur na ni bslab pa’i gźi ’khrugs par yaṅ ’gyur | gal te ma blaṅs na ni khyim bdag gi chuṅ ma’i bsod nams kyi bar chad daṅ | dge sloṅ ma’i dge ’dun gyi (7) rñed pa’i bar chad du ’gyur ro sñam mo || dge sloṅ ma rnams kyis bsams pa | kye ma ’phags ma skye dgu’i bdag mo chen mo gau ta mīsa chen po la ’os pa’i gos dag blaṅs par gyur cig | bdag cag gis blaṅs par gyur na bcom ldan ’das kyis kyaṅ dus lags pa’i slad (101b1) du gnaṅ bar ’gyur ro sñam mo || de nas skye dgu’i bdag mo chen mo gau ta mīsa chen po la ’os pa’i gos dag blaṅs nas | khyim bdag gi chuṅ ma la yon bśad pa byas te stan las laṅs te soṅ ste | bcom ldan ’das ga la ba der soṅ ste phyin pa daṅ | bcom ldan ’das kyi (2) źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas skye dgu’i bdag mo chen mo gau ta mīsa skabs de bcom ldan ’das la rgyas par gsol to || de skad ces gsol pa daṅ | bcom ldan ’das kyis skye dgu’i bdag mo chen mo gau ta (3) mī la ’di skad ces bka’ stsal to || gau ta mī ṅas gnaṅ ba gaṅ yin pa de khyod kyis śes pa legs so legs so || de lta bas naṅs dge sloṅ ma rnams kyis chen po la ’os pa’i gos dag blaṅs nas dge sloṅ rnams daṅ lhan cig brje bar bya ba rjes su gnaṅ ṅo || de nas (4) dge sloṅ ma bcu gñis sde dag gis gos de dag khyer te drug sde dag gi gan du doṅ nas smras pa | ’phags pa dag bcom ldan ’das kyis dge sloṅ ma rnams la chen po la ’os pa’i gos dag dgag pa mdzad de | bdag cag gis chen po la ’os pa’i gos rñed pa ’di dag khyed bźes (5) la bdag cag la ṅan bdag stsol cig | drug sde dag gis smras pa | sriṅ mo dge bdag cag la dge sloṅ ma’i ras ma dag dgos pa med de | de’i tshe yaṅ bdag cag byis pa rmoṅs pa mi gsal ba | mi mkhas pa dag la khur dag bslaṅ bar gyur gyis bdag cag mi len to || (6) dge sloṅ ma gźan dag dge sloṅ gnas brtan gnas brtan rnams kyi druṅ du doṅ ste smras pa | ’phags pa dag bcom ldan ’das kyis dge sloṅ ma rnams la chen po la ’os pa’i gos dag dgag pa mdzad de | bdag cag gis chen po la ’os pa’i gos rñed pa ’di dag khyed bźes (7) la | bdag cag la ṅan pa dman pa dag stsol cig | sriṅ mo dag bcom ldan ’das la źu’o źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na brjes pa ma gtogs te | de la brje ba (102a1) ni ’di yin te | de tsam gyis sam | ji tsam gyis dge sloṅ ma dga’ bar ’gyur bas brje bar bya’o || de nas bcom ldan ’das kyis bslab pa ’dod pa’i bsṅags pa brjod de | bslab pa la gus pa daṅ | bslab pa la yo byad bsñuṅs pa daṅ | sbyaṅs (2) pa’i yon tan daṅ | phri ba daṅ | drod rig pa’i bsṅags pa brjod do || dge sloṅ rnams la yaṅ de daṅ mthun pa daṅ | de daṅ ’tsham pa daṅ | de’i śas che ba daṅ | de daṅ ldan pa’i chos daṅ mthun pa’i bka’ mchid mdzad nas dge sloṅ rnams la bka’ stsal pa | dge sloṅ dag (3) de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ ma ñe du ma yin pa las gos len na brjes pa ma gtogs te spaṅ ba’i ltuṅ byed do || yaṅ dge sloṅ gaṅ (4) źes bya ba ni ñe dga’ ’am gźan yaṅ de lta bu gaṅ yin pa’o || dge sloṅ ma źes bya ba ni chos ’di ba’o || ñe du ma yin pa las źes bya ba ni phyi mo daṅ | mes po daṅ | phrugs kyi bdun pa tshun chad ñe du yin la de phan cad ni ñe du ma yin no || gos źes bya ba ni gos bdun po (5) bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | ko tam pa’i gos daṅ | ñi ’og gi gos las gaṅ yaṅ ruṅ ba’o || len na źes bya ba ni bdag gir byed na’o || brjes pa ma gtogs te źes bya ba ni brjes (6) pa bźag ste’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis dge sloṅ ma ñe du ma yin pa la ñe du ma yin pa’i ’du śes kyis (7) gos len na spaṅ ba’i ltuṅ byed du ’gyur ro || dge sloṅ gis dge sloṅ ma ñe du ma yin pa la yid gñis za bas gos lan na spaṅ ba’i ltuṅ byed du ’gyur ro || dge sloṅ gis dge sloṅ ma ñe du la ñe du ma yin pa’i ’du śes kyis gos len na ñes byas su ’gyur ro || dge sloṅ gis (102b1) dge sloṅ ma ñe du la yid gñis za bas gos len na ñes byas su ’gyur ro || dge ’dun la gos ’bul ba daṅ | legs par smra ba la ltuṅ ba med do || rdzogs par bsñen pa byed pa daṅ bor rlag byuṅ ba la ltuṅ ba med do || rin gyis len pa daṅ | brjes pa la ltuṅ ba med do || dge (2) sloṅ ma grags pa bsod nams che ba yin la | des dge sloṅ gi mdun du bźag nas ’di skad ces ’phags pa bdag la rdzas ’di lta bu dag mchis kyis | ’phags pas bdag la thugs brtse ba’i slad du bźes śig ces brjod de mi ltos par soṅ ba la ltuṅ ba med do || las daṅ po pa (3) daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || len pa’i spaṅ ba ste lṅa pa rdzogs s+ho || ||

[Naiḥsargika 6]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan (4) yod na khyim bdag cig ’dug pa des rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed | dga’ mgur spyod par byed pa des chuṅ ma la smras pa | bzaṅ mo kho bo zoṅ thogs te yul gźan du ’gro’o || rje’i sras re źig gźon pa’i gnas (5) skabs su rol pa daṅ | dgyes pa daṅ | dgyes mgur spyod pa mdzod la | bgres pa’i gnas skabs su nor sgrub par mdzod cig | bzaṅ mo ji tsam du gźon pa’i ’byuṅ ba chen po dag ni graṅ ba daṅ | dro ba bzod pa yin pas je nor bsgrub par bya źiṅ | rgas pa’i gnas skabs su (6) bde ba spyad ciṅ ’dug par bya’o || chuṅ mas bsams pa | bdag gis bskul bar bya ba gaṅ yin pa de raṅ ñid byed do sñam nas smras pa | rje’i sras de ltar mdzod cig | khyim bdag des chuṅ ma de la kha zas tsam byin nas zoṅ khyer te yul gźan du soṅ ṅo || de’i chuṅ (7) ma des bsams pa | bdag gi khyim thab graṅ ba na graṅ bas sbrebs bźin pa daṅ | tsha ba na tsha bas gduṅs bźin pa daṅ | bkres pa daṅ | skom pas gnod bźin pa daṅ | śa sbraṅ daṅ | sbraṅ bu daṅ | rluṅ daṅ | ñi ma daṅ | sdig sbrul gyi reg pa dag gis ñen (103a1) bźin du loṅs spyod dag mṅon par bsgrub pa’i phyir spro bar byed | ’bad par byed | rtsol bar byed pa gaṅ yin pa de dag thams cad bdag gi phyir bya’o sñam pa yin pas bdag las med par ’dug pa ni bdag gi tshul daṅ mthun pa ma yin no sñam nas | des tshoṅ (2) dus su soṅ ste ras bal bzaṅ po blaṅs nas dog pa bzaṅ po bkal te | tha ga pa mkhas pa la ras zuṅ bzaṅ po ’thag tu bcug nas | des ras de spos sna tshogs kyis bsgos te gos kyi za ma tog tu bcug ste bźag go || khyim bdag des kyaṅ don legs par grub nas khe (3) spogs rñed de legs par ’oṅs nas chuṅ ma des khyim bdag de khrus byas nas de la ras zuṅ de phul lo || khyim bdag des bsams pa | bdag gis ’di la kha zas tsam bźag pa gaṅ yin pa de dag thams cad kyis kyaṅ ras zuṅ ’di mi rñed do sñam du rig nas chuṅ ma la smras pa | (4) bzaṅ mo ras zuṅ ’di ga las rñed | rje’i sras je gsol cig | khyim bdag des de gyon nas yaṅ smras pa | bzaṅ mo ras zuṅ ’di ga las rñed | rje’i sras je bśos mnobs śig | des zan zos nas yaṅ dris pa | bzaṅ mo ras zuṅ ’di ga las rñed | des skabs (5) de rgyas par brjod pa daṅ | khyim bdag gis smras pa | bzaṅ mo legs so || kho bo ni sgrub pa yin la | khyod kyaṅ ’di ltar sbed pa yin na | bdag cag gi loṅs spyod dag riṅ po mi thogs pa kho nar ’phel źiṅ rgyas pa daṅ | yaṅs par ’gyur ro || chuṅ mas smras pa | (6) rje’i sras ’di ni bdag gis dka’ bas bsgrubs pa lags kyis | khyod kyis su la yaṅ ma stsol cig | khyim bdag de dad pa daṅ ldan pa | bzaṅ ba | dge ba’i bsam pa can yin pas de bcom ldan ’das kyi źabs la phyag ’tshal du rgyal byed kyi tshal du byuṅ ste ’gro ba na mi sgo bas (7) mthoṅ nas des bsams pa | khyim bdag ’di ras zuṅ ’di lta bu gyon pa las na ’dis ni rñed pa maṅ po rñed pa yin no sñam mo || drug sde dag gi kun du spyod pa ni drug sde dag las gaṅ yaṅ ruṅ bas rgyal byed kyi tshal gyi sgo stoṅ bar mi ’jog pas ñe dga’ rgyal byed kyi tshal gyi sgo na ’chag (103b1) ciṅ ’dug pa des khyim bdag de mthoṅ nas bsams pa | khyim bdag ’di ras zuṅ ’di lta bu gyon pa las na ’dis ni rñed pa maṅ po rñed pa yin gyis | gal te bdag gis ’di ma phrogs na ñe dga’ źes bya ba’i miṅ mi gzuṅ ṅo sñam nas des de la smras pa | khyim bdag ’oṅs pa (2) legs so || ’oṅs ba legs so || khyod yun riṅ mo riṅ mo nas zla ba bźin du ga las ’khor ’khor | ’phags pa bdag zoṅ thogs te yul gźan du mchis par gyur to || khyim bdag khyod kyis rñed pa maṅ po grub bam | ’phags pa cuṅ zad tsam mo || khyim bdag mtshe’u (3) ni rñog ma can nam | dad pa’i rgyu mthun pas rig par bya ste | khyod ras zuṅ ’di lta bu gyon pa las na khyod kyis rñed pa maṅ po grub par mṅon gyis tshur śog | chos bstan par bya’o || drug sde dag gi kun tu spyod pa ni gal te tshul khrims kyi gtam dag byed na ñan pa po dag bdag (4) cag lha rnams su skyes so sñam du sems la | gal te sbyin pa’i gtam byed na ñan pa po dag raṅ gi śa gaṅ yin pa de yaṅ bcad ciṅ bcad ciṅ sbyin par bya’o sñam du sems so || gal te ṅan soṅ gi gtam dag byed na ñan pa po dag bdag cag ṅan soṅ rnams su skyes so sñam du (5) sems par ’gyur ba yin no || khyim bdag des ñe dga’i rkaṅ pa gñis la phyag ’tshal te chos mñan pa’i phyir mdun du ’dug pa daṅ | ñe daga’asa de la chos bstan par brtsams nas | des de la ci nas kyaṅ de’i sems dad par ’gyur ba de ltar chos kyi gtam byas so || de dad (6) par gyur nas smras pa | bdag gis ’phags pa la legs par gsuṅs pa’i na bza’ phrugs gcig ’bul lo || bźin bzaṅs a rog gya | sbyin pa ’dis khyod sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog daṅ | lha rnams kyi gos (7) dag thob par gyur cig | bźin bzaṅs bcom ldan ’das kyis kyaṅ ’di skad ces | saṅ dag ’chi yaṅ su śes kyis || de riṅ ñid du brtul te bya || ’chi bdag sde chen de daṅ ni || khyed cag bśes pa ma yin no || źes gsuṅs kyis | bźin bzaṅs khyod kyis ras zuṅ (104a1) bzaṅ po gyon pa ’di ñid kho bo la byin cig daṅ | kho bos ’di las snam sbyar ñi rim byas te sems las chuṅ dus dge ba’i phyogs la bde bar tron bya’o || ’phags pa khyod ’di bźed dam | lha’i gnas kyi lhag ma ji lta ba bźin du’o || ’phags pa (2) bdag khyod la mi ’bul ba ni ma lags na | ’di ltar ’di ni mchis braṅ gis bdag la stsal ba lags so || khyim bdag kho bos khyod gźan la dad par byas na khyod ko bud med kho na’i dbaṅ yin nam | źes ñe daga’asa daṅ na dus kyi phyed kyis de’i bla gos blaṅs nas de lag pa (3) gñis ’dril bar byed | bźin sgyur bar byed do || khyim bdag gis de la smras pa | ’phags pa ’di ci’i tha tshig khyim bdag ’di ni khyod la yoṅs su btaṅ ba las byuṅ ba’i bsod nams bya ba’i gźi ni yod na yoṅs su loṅs spyod pa las byuṅ ba’i bsod nams bya ba’i gźi ni (4) med de | nam źig na ’di daṅ ’dra ba rñed na ’di las chos gos byed par ’gyur bas ’di chos gos kyi gdaṅ kho na la zad par ’gyur ro || ’phags pa ci bdag sgren mor mchi bar bgyi’am | khyim bdag khyod la gos gyon pas ci źig bya | tshul khrims daṅ | rigs (5) daṅ | spyod pa gyon pas chog mod | gcer bu la ṅo tsha śes pa daṅ | khrel yod pa ñams pa de dag ni sgren mor ’gro na mi sdug pa yin gyi khyod lta bu ṅo tsha śes pa daṅ | khrel yod pa daṅ ldan pa la sgren mor ’gro ba mi sdug pa ci yod | khyim bdag khyod dor thuṅ mi gyon (6) nam | ’phags pa ’tshal lo || khyim bdag khyim bdag rnams kyi kun du spyod pa ni dor thuṅ gyon te śiṅ tshal thogs nas | ba laṅ gi phyi bźin ’gro ba yin pas khyod kyaṅ śiṅ tshal thogs la | ba laṅ gi phyi bźin soṅ śig daṅ | skye bo dag gis pa laṅ sur ’gro (7) ba phyir byuṅ ba źig yin par śes par ’gyur ro || źes ñe daga’asa dṅan dus kyi phyed kyis de’i smad g-yogs kyaṅ blaṅs so || khyim bdag de śiṅ tshal pa thogs te ba laṅ gi phyi bźin źugs pa daṅ | mi sgo bas mthoṅ nas smras pa | khyim bdag kho bos da ci kho na khyod chen (104b1) po la ’os pa’i ras zuṅ gyon par mthoṅ na | ci de dag chom rkun pa dag gis bcom mam | bźin bzaṅs kho bo chom rkun pa dag gis ni ma bcom mod kyi | ’di ltar btsun pa ñe daga’asa kha’i chos kyis bcom mo || khyim bdag mgon med zas sbyin gyi kun du spyod pa ni naṅ par naṅ (2) bar sṅar laṅs te ’khor lṅa brgya daṅ lhan cig bcom ldan ’das daṅ | dge sloṅ gnas brtan gnas brtan rnams kyi źabs la phyag ’tshal du ’gro ba yin pas khyim bdag mgon med zas sbyin naṅ par sṅaRa laṅs te ’khor lṅa brgya daṅ lhan cig mñan yod nas byuṅ ste ’gro ba mi sgo bas (3) mthoṅ nas des smras pa | khyim bdag khyod kyis don mthun maṅ du khrid de ’oṅs kyis ci nas kyaṅ mi choms par bag gyis śig | kye naṅ rje rgyal byed kyi tshal daṅ lam gyi bar na chom rkun pa dag ’khod dam ci | lam gyi bar na ma yin gyi rgyal byed kyi tshal ñid na ’khod do || kye naṅ rje khyod (4) ni bal gyi rigs nag po daṅ ’dra ste | sgo ’di nas bcom ldan ’das daṅ | dge sloṅ gnas brtan gnas brtan dag gśegs ba gaṅ gis kyaṅ khyod dkar por mdzad ma spyod do || bcom ldan ’das daṅ dge sloṅ gnas brtan gnas brtan rnams kyi źabs kyi rdul ni bdag gis (5) mgos blaṅ ba yin na | khar tsaṅ gi ñin mo khyim bdag cig chen po la ’os pa’i ras zuṅ gyon te byuṅ ba de’i ras de ñe daga’asa kha’i chos kyis phrogs nas khyim bdag de smod ciṅ dor thuṅ gis źugs par gyur to || de nas khyim bdag mgon med zas sbyin ’di sñam du sems te | (6) de ni bdag gi bya ba yin no sñam nas rgyal byed kyi tshal du soṅ ba daṅ | ñe daga’asa mthoṅ nas smras pa | khyim bdag a rog gya | khyim bdag gis smras pa | a rog mi gya yaṅ ruṅ ṅo || khyim bdag khyod kho bo la sṅan chad du ba ’thul na da ci me kha nar ’bar ro || kho bo (7) mer mi ’bar du ji ltar ruṅ | gźan dag rab tu byuṅ ba ni ’dod pa spaṅs pa’i phyir yin na btsun pa ñe dga’ ni ’dod pa mṅon par spel ba’i phyir kho nar yin no || kho bos ci byas | khyod kyis khyim bdag cig rgyal byed kyi tshal ltar ’oṅs pa de’i ras zuṅ daṅ na dus kyis phrogs (105a1) nas khyim bdag de smod par mi byed dam | ñe daga’asa smras pa | de ni ’jig rten na lha ni sbyin par byed la yi dgas ni zlog par byed do źes zer ba yin no || ci des khyod la ril ba b+h+r-iṅa gar thogs te phul lam | khyim bdag gal te mi bzod na bslab pa’i gźi (2) ’char chug śig | ci kho bos de yal bar bor du re’am | de nas khyim bdag mgon med zas sbyin bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan (3) ’das la khyim bdag mgon med zas sbyin gyis ’di skad ces gsol to || btsun pa ’phags pa ’di dag khyim bdag gam khyim bdag gi mchis braṅ ñe du ma lags pa las gos sloṅ bar bgyid na | kye ma bcom ldan ’das kyis gaṅ gis ’phags pa dag khyim bdag gam | (4) khyim bdag gi mchis braṅ ñe du ma lags pa las gos sloṅ bar mi ’gyur bar ’phags pa rnams la dran par bgyi ba cuṅ źig bca’ bar mdzad pa’i rigs so || bcom ldan ’das kyis khyim bdag mgon med zas sbyin la caṅ mi gsuṅ bas gnaṅ ṅo || de nas khyim bdag mgon med (5) zas sbyin gyis bcom ldan ’das kyis caṅ mi gsuṅ bas gnaṅ bar rig nas stan las laṅs te | bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas soṅ ṅo || de nas bcom ldan ’das kyis byuṅ ba ’di daṅ | gleṅ gźi ’di daṅ | (6) skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe (7) dga’ khyod kyis khyim bdag gam | khyim bdag gi chuṅ ma ñe du ma yin pa las gos bslaṅs pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin (105b1) pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi (2) bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ khyim bdag gam khyim bdag gi chuṅ ma ñe du ma yin pa’i gan du soṅ ste gos sloṅ na spaṅ ba’i ltuṅ byed (3) do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ bar mdzad do || || ’dul ba rnam par ’byed pa | bam po sum bcu pa | saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na (4) bźugs so || groṅ phreṅ ba can pa’i dge sloṅ bźi bcu don mthun pa daṅ lhan cig ljoṅs rgyu źiṅ ’doṅ ba na chom rkun pa dag gis bcom nas de dag ’di sñam du sems te | bcom ldan ’das kyis yaṅ dge sloṅ gaṅ khyim bdag gam khyim bdag gi chuṅ ma ñe du ma yin pa’i gan du soṅ (5) ste gos sloṅ na spaṅ ba’i ltuṅ byed do || źes bslab pa’i gźi bca’ bar mdzad pas ’di na bdag cag la ñe du ’ga’ yaṅ med kyis bdag cag mñan yod du soṅ na der bdag cag la tshaṅs pa mtshuṅs par spyod pa rnams kyis gos dag gis bgo bśa’ byed par ’gyur ro sñam nas | (6) de dag gis smras pa | ci bdag cag sgren mor ’doṅ bar bya’am | mtshan mo ’gebs pas ’doṅ bar bya źiṅ ñin mo tshaṅ tshiṅ gi naṅ du źugs te ’khod la mtshan mo lam du ’jug par bya’o źes de dag mtshan mo ’gebs pas rgyal byed kyi tshal du doṅ ba daṅ | dge sloṅ nam gyi cha stod (7) daṅ nam gyi cha smad la mi ñal bar sbyor ba’i rjes su brtson pa dag gis de dag mthoṅ nas smras pa | gcer bu sgre byi dag ’di khyed kyi ’dug gnas kyaṅ ma yin | gtsug lag khaṅ yaṅ ma yin na khyed ga las ’oṅs | tshe daṅ ldan pa dag bdag cag ni gcer bu pa ma yin no || ’o na (106a1) khyed cag su yin dge sloṅ dag go dge sloṅ ’di lta bu yod dam | gaṅ dag chom rkun pa dag gis bcom pa dag ci ’dra ba yin khyed cag miṅ ci groṅ phreṅ ba can de’i dge sloṅ bźi bcu’o || tshe daṅ ldan pa dag ’oṅs pa legs so ’oṅs pa legs so źes de (2) dag gis de dag la la las ni snam sbyar byin la las ni bla gos byin la las ni mthaṅ gos byin | la las ni rdul gzan byin pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dus ma gtogs te | (3) de la dus ni ’di yin te | dge sloṅ gos phrogs sam | gos rlag gam | gos tshig gam | gos rluṅ gis khyer ram | gos chus khyer na de la de ni dus yin no || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad (4) bsñuṅs pa’i bsṅags pa brjod nas | dge sloṅ rnams la yaṅ de daṅ mthun pa daṅ | de’i śas che ba daṅ de daṅ ldan pa’i chos daṅ mthun pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ (5) ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ khyim bdag gam khyim bdag gi chuṅ ma ñe du ma yin pa’i gan du soṅ ste gos sloṅ na dus ma gtogs te spaṅ ba’i ltuṅ byed do || de la dus ni ’di yin te | dge (6) sloṅ gos phrogs sam | gos rlag gam | gos tshig gam | gos rluṅ gis khyer ram | gos chus khyer na de la de ni dus yin no || yaṅ dge sloṅ gaṅ źes bya ba ni ñe daga’a’ama gźan yaṅ de lta bu gaṅ yin pa’o || khyim bdag gam źes bya ba ni skyes pa’o || khyim bdag (7) gi chuṅ ma źes bya ba ni bud med do || ñe du ma yin pa’i źes bya ba ni phyi mo daṅ | mes po daṅ | phrugs kyi bdun pa tshun chad ni ñe du yin la | de phan cad ni ñe dum yin no || gan du soṅ ste źes bya ba ni druṅ du soṅ ste’o || gos źes bya ba ni bdun po bal gos daṅ | śa na’i (106b1) gos daṅ | zar ma’i gos daṅ | ras bal gyi gos daṅ | du gu la’i gos daṅ | ko tam pa’i gos daṅ | ñi ’og gi gos las gaṅ yaṅ ruṅ ba’o || sloṅ na źes bya ba ni sloṅ mo byed na’o || dus ma gtogs te źes bya ba ni dus bźag ste’o || spaṅ ba’i ltuṅ byed do źes (2) bya ba ni dṅos po de spaṅs nas ltuṅ byed kyi ltuṅ ba bśags par bya’o || de la dus ni ’di yin te | dge sloṅ gos phrogs sam | źes bya ba ni ’di lta ste | dge sloṅ gi gos dag chom rkun pa dag gam | g-yon can dag gis phrogs par gyur pa’o || gos rlag gam źes (3) bya ba ni ’di lta ste | dge sloṅ gi gos dag rlag par gyur ba’am | ’khyams par gyur pa’o || gos tshig gam źes bya ba ni ’di lta ste | dge sloṅ gi gos dag mes tshig par gyur pa’o || gos rluṅ gis khyer ram źes bya ba ni ’di lta ste | dge sloṅ gi gos dag rluṅ gis khyer (4) bar gyur pa’o || gos chus khyer na źes bya ba ni ’di lta ste | dge sloṅ gi gos dag chus khyer bar gyur pa’o || de la ltuṅ bar ji ltar ’gyur źe na | rin thaṅ daṅ | kha dog daṅ | khru tshad las te | ji ltar rin thaṅ las źe na | dge sloṅ gi gos kār ṣā pa ṇa lṅa ri ba sloṅ (5) bar byed ciṅ | des kār ṣā pa ṇa lṅa ri ba’i gos thob na de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || kār ṣā pa ṇa lṅa ri ba ji lta ba de bźin du kār ṣā pa ṇa bcu ri ba daṅ | kār ṣā pa ṇa bcwa lṅa ri ba daṅ | kār ṣā pa ṇa ñi śu ri ba daṅ | kār ṣā pa ṇa lṅa (6) bcu ri ba’i bar gyi gos sloṅ bar byed ciṅ | des kār ṣā pa ṇa lṅa bcu ri ba’i gos thob na de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gis kār ṣā pa ṇa lṅa ri ba’i gos sloṅ bar byed ciṅ lhag pa thob na de sloṅ ba la ñes byas su ’gyur la | (7) lhag pa thob na ltuṅ ba med do || kār ṣā pa ṇa lṅa ri ba ji lta ba de bźin du kār ṣā pa ṇa bcu rib daṅ | kār ṣā pa ṇa bcwa lṅa ri ba daṅ | kār ṣā pa ṇa ñi śu ri ba daṅ | kār ṣā pa na lṅa bcu’i bar ri ba’i gos sloṅ źiṅ lhag pa thob na de sloṅ ba la ñes byas su ’gyur la | lhag (107a1) pa thob na ltuṅ ba med do || de ltar rin thaṅ las so || ji ltar kha dog las źe na | dge sloṅ gis gos sṅon po sloṅ bar byed ciṅ des gos sṅon po thob na de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || sṅon po ji lta ba de (2) bźin du ser po daṅ | dmar po daṅ | gos stug po daṅ | srab mo sloṅ bar byed ciṅ | des srab mo thob na sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gis gos sṅon po sloṅ bar byed pa na ser po thob na | sṅon po sloṅ ba de la ñes byas su (3) ’gyur la | ser po thob pa la ltuṅ ba med do || sṅon po sloṅ ba la ji lta ba de bźin du ser po daṅ | dmar po daṅ | stug po daṅ | srab mo sloṅ ba na stug po thob na | srab mo sloṅ ba de la ñes byas su ’gyur la | goṅ ma thob pa la ltuṅ ba med de | de ltar kha dog las (4) so || ji ltar khru tshad las źe na | dge sloṅ gis gos khru lṅa pa sloṅ bar byed ciṅ | des gos khru lṅa pa thob na | de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || khru lṅa pa ji lta ba de bźin du khru bcu pa daṅ | khru bcwa lṅa pa daṅ | khru (5) ñi śu pa daṅ | khru lṅa bcu pa’i bar gyi gos sloṅ bar byed ciṅ | gos khru lṅa bcu pa thob na | de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gis gos khru lṅa pa sloṅ ba na lhag pa thob na | khru lṅa pa sloṅ ba de la ñes byas su (6) ’gyur la | lhag pa thob pa la ltuṅ ba med do || khru lṅa ba ji lta ba de bźin du khru bcu pa daṅ | khru bcwa lṅa pa daṅ | khru ñi śu pa daṅ | khru lṅa bcu pa’i bar gyi gos sloṅ bar byed ciṅ | des gos khru lṅa bcu pa sloṅ bar byed pa na lhag pa thob na gos khru lṅa bcu pa sloṅ bar byed pa (7) de la ñes byas su ’gyur la | lhag pa thob pa la ltuṅ ba med de | de ltar khru tshad las so || ras ma sloṅ na kha tshar thob pa daṅ | kha tshar sloṅ ba na ras ma thob pa daṅ | ras ma sloṅ ba na ras yug chen daṅ | ras yug phran thob pa la ltuṅ ba med do || las daṅ po pa (107b1) daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || sloṅ ba’i spaṅ ba ste drug pa rdzogs s+ho || ||

[Naiḥsargika 7]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || (2) ñe dga’ la blo skyes pa | ’di dag thams cad khyim bdag mgon med zas sbyin gyis bslab pa’i gźi dag gis bsṅams pas phyin cad gaṅ nas kyaṅ bca’ ba’i rin tsam yaṅ bslaṅ bar mi nus na | ’di ltar bcom ldan ’das kyis groṅ phreṅ ba can pa’i dge sloṅ bźi bcu la (3) brten nas bslab pa’i gźi bag yaṅs su mdzad pa yod pas bdag gis groṅ phreṅ ba can pa’i dge sloṅ bźi bcu po dag sṅon du btaṅ ste rñed pa bsgrub par bya’o sñam nas | de groṅ phreṅ ba can pa’i dge sloṅ bźi bcu po dag ga la ba der soṅ ba daṅ | ji tsam na groṅ phreṅ ba can pa’i (4) dge sloṅ bźi bcu po dag rñad rñid dag ’tshem źiṅ ’khod pa mthoṅ nas | des de dag la smras pa | tshe daṅ ldan pa dag bdag gis gźan thos la gźan mthoṅ ste | bdag ko groṅ phreṅ ba can pa’i dge sloṅ bźi bcu po dag bsam gtan daṅ | rnam par thar pa daṅ | tiṅ ṅe (5) ’dzin daṅ | sñoms par ’jug pa’i bde ba dag ñams su myoṅ bar byed ciṅ ’dug par sems kyi | bdag tshe daṅ ldan pa dag ’di ltar rñaṅ rñiṅ dag ’tshem źiṅ ’khod par ni mi sems so || gnas brtan bdag cag chom rkun pa dag gis bcom mo || kye ma ma legs so || (6) ma legs so || gnas brtan su’i mya ṅan byed | ci kho bo cag gi’am | ma yin te gaṅ dag gis khyed cag bcom pa’i ma byin par len pa de dag sgren mo kho nar skye bar ’gyur źiṅ | sgren mo kho nar dus byed par ’gyur bas de dag gi mya ṅan byed do || tshe daṅ ldan pa dag khyed ci’i (7) phyir gos dag mi sloṅ | gnas brtan su źig saṅs rgyas daṅ | chos daṅ | dge ’dun spaṅs te kho bo cag la sbyin ba daṅ bya bar sems par ’gyur | tshe daṅ ldan pa dag khyed cag bcom ldan ’das kyis mdo sde’i mtha’ de daṅ de dag tu ṅes par bstod pa daṅ | bkur ba daṅ | (108a1) bsṅags pa daṅ | rab tu bsṅags pa dag ma yin nam | gnas brtan kho bo cag gis su la bslaṅ ba yaṅ mi śes so || tshe daṅ ldan pa dag dge sloṅ rab tu śes pa gaṅ gis khyed cag gis gos dag sloṅ bar ’gyur ba ’ga’ źig la ci’i phyir mi bcol | gnas (2) brtan dge sloṅ rab tu śes pa su źig bdag ñid kyi dge ba’i phyogs yoṅs su ñams par byas te | kho bo cag gi don du gos dag sloṅ bar ’gyur | tshe daṅ ldan pa dag re źig kho bo bdag ñid daṅ bcu pa la yaṅ thabs yod la | gźan yaṅ kho bo cag mi drug re re yaṅ bdag ñid daṅ | (3) bcu pa yin pas kho bo cag mi drug bcu la yaṅ thabs yod do || gźan yaṅ gal te khyed cag la mi gnod na kho bo cag kyaṅ gźon nu dag gi don du ras yug phran daṅ | ras yug chen sloṅ bar byed do || gnas brtan de la kho bo cag la gnod pa ci yod | re źig re res kyaṅ (4) chos gos gsum gsum sloṅ la rag go || tshe daṅ ldan pa dag kho bo cag gis bsod sñoms la rgyu ba daṅ | gos dag bslaṅ ba gñis ka mi nus kyis | ’di ltar gaṅ gi tshe phyi rol du zas la bos pa de’i tshe bslaṅ bar bya’o źes ñe dga’ de gtsug lag khaṅ gi phyi rol du rkaṅ pa bkrus nas gtsug lag khaṅ gi naṅ du (5) źugs te ’dug nas ṅes bsams pa | thabs ci źig byas na des mñan yod thams cad chub par ’gyur sñam nas des yaṅ bsams pa | je daṅ po kho nar dbul po’i sraṅ du ’gro bar bya źiṅ de’i ’og tu phyug po’i sraṅ du ’gro bar bya | de’i ’og tu kos lar byuṅ ba’i rgyal po gsal rgyal gyi (6) pho braṅ daṅ btsun mo rgyal rigs dbyar tshul ma’i khyim daṅ | btsun mo phreṅ ldan ma’i khyim daṅ | khyim bdag mgon med zas sbyin gyi khyim daṅ | bla mkhyen draṅ sroṅ byin daṅ | rñiṅ pa gñis kyi khyim daṅ | dge bsñen ma ri dgas ’dzin gyi mas ga’i khyim daṅ | dge bsñen ma (7) khyim bdag gi chuṅ ma legs skyes kyi khyim dag tu ’gro bar bya’o sñam mo || de’i tshe na khyim bdag cig gis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs nas ñe daga’asa gźon nu rnams la smras pa | tshe daṅ ldan pa dag gal te (108b1) khyed cag la las su bsgo ba dag ’oṅ bar gyur na | khyed cag gis mi gnod par ’di skad ces bdag cag la mkhan po daṅ | slob dpon dag gi bya ba cuṅ źig yod do źes brjod par bya’o || ñe daga’asa phyi de ñin par gźon nu źig groṅ phreṅ ba can pa’i dge sloṅ bźi bcu po dag (2) gi gan du btaṅ ste chos gos dag bslaṅ gis tshur śeg śig ces spriṅ ṅo || gźon nu de der soṅ ba daṅ | ji tsam na de dag sñoms par źugs pa mthoṅ nas des bsams pa | sñiṅ rje med pa’i sñiṅ daṅ ldan pa ’jig rten pha rol btaṅ bsu źig ’di dag tiṅ ṅe ‘dzin las sloṅ bar (3) ’gyur sñam nas de ñe dga’i gan du soṅ ste smras pa | slob dpon de dag sñoms par źugs śiṅ mchis pas sus kyaṅ de dag tiṅ ṅe ‘dzin de las sloṅ bar mi nus so || ñe daga’asa smras pa | bkren pa khyod brtson ’grus ’di lta bus zag pa zad pa mṅon sum du byed par (4) ’gyur ram | ñe dga’ raṅ ñid ’gro’o źes de soṅ nas dpoṅ sa’i khaṅ par sgo glegs la rtiṅ bas brdabs pa daṅ | dpoṅ sa’i khaṅ pa thams cad ’gul nas de dag tiṅ ṅe ‘dzin de las laṅs nas smras pa | tshe daṅ ldan pa dge sloṅ bźi bcu po dag chos gos gsum (5) bslaṅ bar bya na | khyed cag sñiṅ las chuṅ ṅur ’khod dam | tshur śeg ’dod do || gnas brtan je so śiṅ por nas ’doṅ ṅo || tshur śeg lam ka ñid du ’or cig | de dag ’phags pa daṅ ñe daga’asa smras pa | tshe daṅ ldan pa dag kho bo cag drug sde dag ni bya rog dkar po daṅ (6) ’dra bas kho bo cag gis rgan rims bźin du ’khod par mi bya bar bar bar du rgan pa dag gis ’khod par bya’o || de dag dbul po’i sraṅ du doṅ nas dṅar kha byas te bsdad pa daṅ | de dag gis de dag mthoṅ nas ñam ṅa bar gyur te smras pa | ’phags pa dag ñes dmigs (7) ’ga’ źig ma byuṅ ṅam | bźin bzaṅs dag ñes dmigs byuṅ ṅo || ci noṅs khyod kyis groṅ phreṅ ba can pa’i dge sloṅ bźi bcu po gaṅ dag bcom ldan ’das kyis mdo sde’i mtha’ de daṅ de dag tu bstod pa | bkur ba | bsṅags pa | rab tu bsṅags pa de dag thos sam | (109a1) thos so || de dag chom rkun pa dag gis bcom mo || de dag gis smras pa | śes ldan dag mda’ gźu loṅ śig | phub daṅ | dbyug pa dag loṅ śig | chom rkun pa dag ’dzin du ’doṅ ṅo || drug sde dag gis smras pa | de dag bcom nas yun (2) riṅ du lon źiṅ yul ’khor gźan du bcom par gyur to || ’on ji ltar bgyi | de dag la gos dag byin cig | de dag gis de dag la gos sar pa daṅ rñiṅ pa dag byin no || de dag gis gos de dag khur du drags te gźon nu dag la gtad nas smras pa | deṅ la ’di dag (3) gtsug lag khaṅ du skyol cig | gźon nu dag gis de dag khyer te gtsug lag khaṅ du doṅ ba daṅ | de dag phyug po’i sraṅ du doṅ nas | dṅar kha byas te bsdad pa daṅ | de dag ñam ṅa bar gyur te smras pa | ’phags pa dag ñes dmigs ’ga’ źig ma byuṅ ṅam | ñes dmigs (4) byuṅ ṅo || ci noṅs | khyed kyis groṅ phreṅ ba can pa’i dge sloṅ bźi bcu po gaṅ dag bcom ldan ’das kyis mdo sde’i mtha’ de daṅ de dag tu bstod pa | bkur ba | bsṅags pa | rab tu bsṅags pa | de dag thos sam | thos so || de dag chom rkun pa dag gis bcom mo || (5) de dag gis smras pa | śes ldan dag mda’ gźu loṅ śig | phub daṅ | dbyug pa dag loṅ śig | chom rkun pa dag ’dzin du ’doṅ ṅo || drug sde dag gis smras pa | de dag bcom nas yun riṅ du lon ciṅ yul ’khor gźan du bcom par gyur to || ’o na ji ltar bgyi | (6) de dag la gos dag byin cig | de dag gis de dag la chen po la ’os pa’i gos dag byin to || drug sde dag gis gos de dag khur du drags te gźon nu dag la gtad nas smras pa | deṅ la ’di dag gtsug lag khaṅ du skyol cig | de dag gis gos de dag khyer te gtsug lag khaṅ du (7) doṅ ba daṅ | de dag ko sa lar byuṅ ba’i rgyal po gsal rgyal gyi pho braṅ du doṅ nas dṅar kha byas te bsdad pa daṅ | ko sa lar byuṅ ba’i rgyal po gsal rgyal gyis de dag mthoṅ nas | ñam ṅa bar gyur te smras pa | ’phags pa dag ñes dmigs ’ga’ źig ma byuṅ ṅam | lha (109b1) ñes dmigs byuṅ ṅo || ci noṅs | lhas groṅ phreṅ ba can pa’i dge sloṅ bźi bcu po gaṅ dag bcom ldan ’das kyis mdo sde’i mtha’ de daṅ de dag tu bstod pa | bkur ba | bsṅags pa | rab tu bsṅags pa de dag gsan tam | thos so || de dag chom rkun pa dag gis (2) bcom mo || rgyal pos dmag dpon ’phags skyes po la bsgo ba | soṅ la myur du chom rkun pa dag daṅ | kun rdzas dag khug śig | drug sde dag gis smras pa | lha de dag ni bcom nas yun riṅ du lon ciṅ yul ’khor gźan du bcom par gyur to || ’o na ji ltar bya | lha de dag (3) la gos dag stsol cig | rgyal pos dge sloṅ re re la yo byad bcu gsum bcu gsum byin no || drug sde dag gis gos de dag khur du drags te gźon nu rnams la gtad nas smras pa | deṅ la ’di dag gtsug lag khaṅ du skyol cig | de dag gis gos de dag khyer te gtsug lag (4) khaṅ du doṅ ba daṅ | groṅ phreṅ ba can pa’i dge sloṅ bźi bcu po dag gis smras pa | gnas brtan dag da chog gis thoṅ śig | drug sde dag gis smras pa | tshe daṅ ldan pa dag ha caṅ brtabs maṅs śig | khyed la kho bo cag gis daṅ po ñid nas tshe daṅ ldan pa dag gal te (5) khyed la mi gnod na kho bo cag kyaṅ gźon nu dag gi don du ras yug phran daṅ | ras yug chen dag sloṅ ṅo źes ma smras sam | de dag dge sloṅ dbaṅ che bar grags pas bsgo bas caṅ mi smra bar ’khod do || de dag btsun mo rgyal rigs dbyar tshul ma’i khyim daṅ | btsun (6) mo phreṅ ldan ma’i khyim daṅ | khyim bdag mgon med zas sbyin gyi khyim daṅ | bla mkhyen draṅ sroṅ byin daṅ | rñiṅ pa gñis kyi khyim daṅ | dge bsñen ma ri dgas ’dzin gyi ma sa ga’i khyim daṅ | dge bsñen ma khyim bdag gi chuṅ ma legs skyes kyi khyim du mthar gyis doṅ (7) ste sṅar bstan pa skad brjod pa daṅ | de dag gis kyaṅ dge sloṅ re re la yo byad bcu gsum bcu gsum byin no || de nas drug sde dag gis smras pa | tshe daṅ ldan pa dag gal te dge sloṅ brgya gral du ma bkod na gral stoṅs par ’gyur gyis deṅ la gral du bkod cig | ma (110a1) ñes te bdag cag kyaṅ bsod sñoms blaṅs te ’oṅ ṅo || drug sde dag gis gtsug lag khaṅ du doṅ ste rñaṅ rñiṅ dag las bźi bcu phuṅ por byas te bźag go || dge sloṅ bźi bcu po dag zas kyi bya ba byas te ’oṅs pa daṅ | drug sde dag gis lhan cig gnas (2) pa daṅ | ñe gnas dag la smras pa | tshe daṅ ldan pa dag tshur śeg don ñuṅ ṅu dag bos śig | de dag gis de dag bos pa daṅ | drug sde dag gis smras pa | tshe daṅ ldan pa dag ci kho bo cag khyed kyi gos sruṅ ba yin nam | raṅ gi gos dag loṅ śig | dge sloṅ bźi (3) bcu po dag gis phan tshun gdoṅ du blta bar brtsams pa daṅ | drug sde dag gis smras pa | tshe daṅ ldan pa dag ci’i phyir phan tshun gdoṅ du lta | gnas brtan dag thams cad rñaṅ rñiṅ śa stag yin no || tshe daṅ ldan pa dag ’di dag mdud pa ’or cig daṅ snam sbyar yin no || ’di dag ni drubs (4) śig daṅ bla gos yin no || ’di dag ni drubs śig daṅ mthaṅ gos yin no || ’di dag ni drubs śig daṅ rdul gzan yin no || gal te mi dga’ na ’dod daṅ yaṅ bslaṅ bar bya’o || kye ma’o gnas brtan dag ’di dag ñid kyaṅ ma bslaṅs kyaṅ ruṅ ṅo || de dag gis rñaṅ rñiṅ de dag khyer te dgon par doṅ nas (5) ’tshem źiṅ ’khod do || thams cad du sgra grags pa | groṅ phreṅ ba can pa’i dge sloṅ bźi bcu po dag re res kyaṅ yo byad bcu gsum bdun bdun rñed do źes grags so || de dag dge sloṅ rnams kyis mthoṅ nas smras pa | tshe daṅ ldan pa dag bdag cag gis gźan thos la (6) gźan mthoṅ ste | bdag cag gis groṅ phreṅ ba can pa’i dge sloṅ bźi bcu po dag re res kyaṅ yo byad bcu gsum bdun bdun rñed do źes thos na | tshe daṅ ldan pa dag ko rñaṅ rñiṅ dag ’tshem źiṅ ’khod do || de dag gis smras pa | khyed cag gis lta kho bo cag raṅ raṅ phrag pa dag (7) gis kyaṅ khyer źes kyaṅ thos so źes zer ba’i skabs de dge sloṅ rnams la brjod nas dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gliṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || (110b1) saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis groṅ phreṅ ba can pa’i dge sloṅ bźi bcu po dag la rmas pa | dge sloṅ dag khyed len pa’i drod mi śes pa bden nam | (2) btsun pa mad do || saṅs rgyas bcom ldan ’das kyis mi brtson pa daṅ | mi sbyor ba daṅ | ma brtags par spyod pa rnam par smad pa mdzad do || de nas bcom ldan ’das kyis brtson pa daṅ | sbyor ba daṅ | brtags te spyod pa’i bsṅags pa brjod nas | dge sloṅ (3) rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di (4) ltar gdon par bya ste | dge sloṅ gos phrogs sam | gos rlag gam | gos tshig gam | gos rluṅ gis khyer ram | gos chus khyer na khyim bdag gam | khyim bdag gi chuṅ ma ñe du ma yin pa’i gan du soṅ la gos bslaṅ bar bya’o || gal te de la bram ze’am | (5) khyim bdag dad pa can źig gis dus kyis gos maṅ po stobs par ’dod na dge sloṅ des de las gos stod g-yogs smad g-yogs daṅ bcas pa’i mthar thug par blaṅ bar bya’o || de las lhag par len na spaṅ ba’i ltuṅ byed do || dge sloṅ źes bya ba ni chos ’di pa’o || gos (6) phrogs sam źes bya ba ni ’di lta ste | dge sloṅ gi gos dag chom rkun pa dag gam | g-yon can dag gis phrogs par gyur pa’o || gos rlag gam źes bya ba ni ’di lta ste | dge sloṅ gi gos dag rlag gam ’khyams par gyur pa’o || gos tshig gam źes bya ba ni ’di lta ste | (7) dge sloṅ gi gos dag mes tshig par gyur pa’o || gos rluṅ gis khyer ram źes bya ba ni ’di lta ste | dge sloṅ gi gos dag rluṅ gis khyer bar gyur pa’o || gos chus khyer na źes bya ba ni ’di lta ste | dge sloṅ gi gos dag chus khyer bar gyur pa’o || khyim bdag ces bya (111a1) pa ni skyes pa’o || khyim bdag gi chuṅ ma źes bya ba ni bud med do || ñe du ma yin pa źes bya ba ni phyi mo daṅ | mes po daṅ | phrugs kyi bdun pa tshun chad ñe du yin la | de phan chad ni ñe du ma yin no || gan du soṅ la źes bya ba ni gan du soṅ ste’o || gos (2) źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | ko tam pa’i gos daṅ | ñi ’og gi gos las gaṅ yaṅ ruṅ ba’o || bslaṅ bar bya’o źes bya ba ni sloṅ mo bya ba’o || ’dod na źes bya (3) ba ni gal te don du gñer na’o || gos stod g-yogs smad g-yogs daṅ bcas pa’i mthar thug pa blaṅ bar bya’o źes bya ba ni stod g-yogs smad g-yogs daṅ bcas pa ni gñis te | dge sloṅ gi stod g-yogs smad g-yogs daṅ bcas pa daṅ | khyim pa’i stod g-yogs smad (4) g-yogs daṅ bcas pa’o || dge sloṅ gi stod g-yogs smad g-yogs daṅ bcas pa ni sar pa las snam sbyar ñi rim daṅ | ras yug phran khru lṅa pa daṅ do pa’o || khyim pa’i stod g-yogs smad g-yogs daṅ bcas pa ni ras yug chen khru bcu gñis pa daṅ | ras (5) yug phran khru bdun pa daṅ do pa’o || de las lhag pa len na źes bya ba ni de las goṅ ma’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ste | des na spaṅ ba’i ltuṅ byed do źes gsuṅs so || de la ltuṅ ba ji ltar ’gyur (6) źe na | dge sloṅ khyim pa’i stod g-yogs smad g-yogs daṅ bcas pa sloṅ bas khyim pa’i stod g-yogs smad g-yogs daṅ bcas pa thob pa na lhag pa sloṅ na de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ dge sloṅ gi stod (7) g-yogs smad g-yogs daṅ bcas pa sloṅ bas dge sloṅ gi stod g-yogs smad g-yogs daṅ bcas pa thob pa na | lhag pa sloṅ na de sloṅ ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ khyim pa’i stod g-yogs smad g-yogs daṅ (111b1) bcas pa sloṅ bas khyim pa’i stoṅ g-yogs smad g-yogs dag bcas pa thob pa na | gal te chuṅ na yaṅ bslaṅ bar mi bya la | lhag na yaṅ sbyin par mi bya’o || dge sloṅ dge sloṅ gi stod g-yogs smad g-yogs daṅ bcas pa sloṅ bas dge sloṅ gi stod g-yogs smad g-yogs (2) daṅ bcas pa thob pa na | gal te chuṅ na bslaṅ bar bya la | lhag na yaṅ sbyin par bya’o || de ltar na dge sloṅ gis khyim pa’i stod g-yogs smad g-yogs daṅ bcas pa las lhag pa sloṅ ba daṅ | dge sloṅ gi stod g-yogs smad g-yogs daṅ bcas pa las lhag par sbyin (3) par mi byed na thams cad du spaṅ ba’i ltuṅ byed du ’gyur ro || dge sloṅ gis gos spaṅ bar gyur na de ma spaṅs śiṅ bral bar ma byas la | ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral (4) par ma byas la | ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la | ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge (5) sloṅ gi gos spaṅ bar gyur na | de spaṅs śiṅ bral bar byas la ltuṅ ba bśags nas gźan źig rñed na de la ni ltuṅ ba med do || de bźin du dge sloṅ gis ji tsam du spaṅ ba’i dṅos po de ñid kyis ma bśags śiṅ so sor ma bśags par lhuṅ bzed dam | chos gos sam | (6) dra ba’am | phor bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba ñe bar ’jog par byed na de yaṅ sṅa ma’i rgyud kyis spaṅ bar ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || (7) sloṅ bar rigs pa’i spaṅ bste bdun pa rdzogs s+ho || ||

[Naiḥsargika 8]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag cig ’dug pa des rigs mñam pa las chuṅ ma blaṅs te | de (112a1) daṅ lhan cig rtse bar byed | dga’ bar byed | dga’ mgur spyod par byed do || khyim bdag de gźan gyi chuṅ ma la chags par gyur nas de la chuṅ mas rje’i sras de ltar ma mdzad cig ces phyir bzlog na ji tsam du de phyir bzlog kyaṅ phyir ma log pa de tsam du de’i (2) chuṅ ma de yaṅ skyes pa gźan dag daṅ lhan cig ’khrul pa rtsom par byed do || khyim bdag de yaṅ bud med gźan dag la sbyin par byed la | chuṅ ma de yaṅ skyes pa gźan dag la sbyin par byed pas de ltar khyim de gñis ka nas rgud par gyur nas de gñis la bu mo mṅag gźug ma (3) źig yod nas khyim bdag des bu mo de la ’dis khyim rgud par byas so źes khu tshur daṅ thal lcag dag gis rdeg par byed do || bu mo des smras pa | bdag gis khyim rgud par gyur pa ’di ci las gyur pa ’tshal mod kyi | ’on kyaṅ bdag gis ji ltar rje dag la bsṅags pa ma (4) lags pa brjod par bgyir ruṅ | ñe daga’asa de tshor nas khyim bdag de daṅ khyim bdag gi chuṅ ma de’i gan du soṅ ste | ci nas kyaṅ de gñis skyabs su ’gro ba daṅ bslab pa’i gźi dag la gnas par ’gyur ba de lta de ltar tshul khrims kyi bsṅags pa brjod ciṅ tshul khrims (5) ’chal pa’i bsṅags pa ma yin pa brjod nas | des de gñis skyabs su ’gro ba daṅ bslab pa’i gźi dag la gnas par byas so || khyim bdag de gtum pa | brtun ṅas pa | drag śul che ba yin pas yaṅ bu mo de la brdeg par brtsams pa daṅ | chuṅ mas de la smras pa | (6) rje’i sras gaṅ gi tshe bdag cag las daṅ las kyi rnam par smin pa mi mkhyen pa de’i tshe go rdeg par mdzad mod | da bdag cag dge ba’i bśes gñen ’phags pa ñe dga’ la brten nas las daṅ las kyi rnam par smin pa mkhyen pas ’di ltar ’jig rten ni raṅ gi las kyi ’bras (7) bu la spyod pa lags pas su źig su’i bran lags | bu mo ’di la rdeg par ma mdzad cig | bzaṅ mo khyod zer ba ma ñes so || bu mo tshur śog | khrus gyis la śog śig | bu mo de khrus byas te ’oṅs pa daṅ des de la gos phrugs gcig bskon nas smras pa | bu mo (112b1) dga’ źiṅ las byos śig | bu mo des bsams pa | khyim bdag khyo śug ’di sṅon gtum pa | brtun ṅas pa | drag śul che ba yin te | yaṅ daṅ yaṅ du bdag la khu tshur daṅ | thal lcag dag gis rdeg par byed ciṅ | zas daṅ gos ṅan pa dag sbyin par byed (2) na | da ’di bdag gi pha ma daṅ ’dra bar gyur to sñam nas | yaṅ bsams pa | gaṅ tshun chad nas ’phags pa ñe dga’ khyim du ’jug par brtsams pa de tshun chad nas khyim bdag ’di pha ma daṅ ’dra bar gyur pas bdag gis ’phags pa ñe dga’ la ci źig gi dga’ bar bya sñam (3) nas | des bsams pa | gal te bdag gis ’di la cuṅ źig brkus te dbul du ni khyim bdag ’dis bdag brdeg btsog maṅ po byas te sṅon gyi gnas su bźag par ’gyur ro sñam nas de sdoṅ ciṅ ’dug go || khyim bdag gi chuṅ ma des khyim bdag de la smras pa | rje’i (4) sras mkhyen par mdzod cig | ’phags pa ñe dga’ ni bdag cag gi dge ba’i bśes gñen lags te | ’phags pa ñe daga’asa bdag cag las dri ma can daṅ phral nas skyabs su ’gro ba daṅ bslab pa’i gźi dag la bkod de | yaṅ daṅ yaṅ du bdag cag la chos (5) kyis sdud par byed pas bdag cag gis kyaṅ de la zaṅ ziṅ cuṅ zad kyis bsdu bar bgyi’o || bzaṅ mo de bźin bya’o || ci źig bgyi | de la ras yug chen cig dbul bar bya’o || bu mo des de thos nas bsams pa | bdag gis ’phags pa ñe dga’ la dga’ ba (6) de sbran par bya’o sñam mo || ñe dga’ yaṅ sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs te mthar gyis bsod sñoms la rgyu ba na khyim der źugs pa daṅ | bu mo des khyim legs par byugs śiṅ phyag dar bor nas des ñe (7) dga’ mthoṅ ba daṅ rkaṅ pa gñis la phyag ’tshal te smras pa | bdag gis ’phags pa ñe dga’ la dgyes pa sbran par bgyi’o || khyim bdag ’di khyod la ras yug chen ’bul bar ’gyur ro || ñe daga’asa bsams pa | sa’i steṅ na ’dod pa’i bdag ñid can gaṅ ji sñed (113a1) pa de dag daṅ bdag mñam par deṅ bu mo ’dis kyaṅ ’phrigs so sñam nas des gśe ste smras pa | bu mo gal te bden par gyur na ni ṅas khyod la gśe ba dag la chugs ma bya’o || ji ste brdzun par gyur na ni brdeg btsog maṅ po byed du bcug ste sṅon gyi (2) gnas ji lta bar gźag par bya’o || ’phags pa spyo ba maṅ du mdzad na bźud cig daṅ khyod ñid kyis mkhyen par ’gyur ro || de bźud nas stan bśams pa ñid la ’dug pa daṅ | khyim bdag de chuṅ ma daṅ bcas pas rkaṅ pa la phyag ’tshal te stan ches dma’ ba blaṅs (3) nas chos mñan pa’i phyir mdun du ’dug go || ñe daga’asa smras pa | khyim bdag kho bo la bskon par bya ba’i ras yug chen gaṅ yin pa de blta’o || de gñis kyis phan tshun gdoṅ du blta bar brtsams te ’di skad ces smras so || ’phags pa bdag cag gis gsaṅ ste smras pa (4) de ’phags pa la sus bgyis | ci ’phags pas gźan gyi sems kyaṅ mkhyen nam | ñe daga’asa smras pa | kho bo lhuṅ bzed du zos śiṅ so lhags pa daṅ | skra dkar por gyur pa yin na kho bo la de tsam yaṅ mi srid dam | khyim bdag des ras yug chen de (5) blaṅs te ñe dga’ la phul ba daṅ | ñe daga’asa ras yug chen de mthoṅ nas lag pa gñis ’dril bar byed | bźin skyur bar byed do || khyim bdag gis smras pa | ’phags pa ci’i slad du phyag gñis ’dril bar mdzad | źal sgyur bar mdzad | ñe daga’asa smras (6) pa | khyim bdag ’di ni khyod la yoṅs su btaṅ ba las byuṅ ba’i bsod nams ni yod na yoṅs su loṅs spyad pa las byuṅ ba’i bsod nams ni med de | ras yug chen ’di ni mchil lham phyi ba’am | skar khuṅ glan par ruṅ ste | ’di ni chos gos kyi gdoṅ la yoṅs su (7) zad pa daṅ mthar thug par ’gyur ro || ’o na ji ltar bgyi | ras yug chen bzaṅ po gźan byin cig | ras yug chen gźan ma mchis so || tshoṅ dus nas ños te byin cig rin ma mchis so || dus thob la byin cig | khyim bdag des chuṅ ma’i gdoṅ du blta bar brtsams (113b1) pa daṅ | chuṅ mas smras pa | rje’i sras bdag cag la ’phags pa ñe daga’asa phan btags kyis ras yug chen ’jol la de la phul cig | khyim bdag de ñe dga’ daṅ lhan cig sraṅ du soṅ nas | tshoṅ khaṅ du phyin pa daṅ | ñe daga’asa bsams pa | tshoṅ pa ’dir rgyal bskyed (2) par bya ste | des na ras yug chen bzaṅ po ster bar ’gyur ro sñam nas ñe daga’asa khyim bdag la smras pa | khyim bdag tshoṅ pa ’di ni gcam bu źig yin pas ’di la ras yug chen bzaṅ po med kyis gźan du ’doṅ ṅo || tshoṅ pa des de thos nas des chen po la ’os pa’i (3) ras yug tshen bstan te smras pa | ’phags pa ras yug chen la gzigs | ras yug chen ’di ni bzaṅ na ’di rin ji tsam ’di daṅ ’di tsam mo || khyim bdag ’di ’jal lo || khyim bdag ’jal lam ’jal lo || dus ji tsam na | dus ’di tsam na’o || tshoṅ pa (4) des khyim bdag de la ras yug chen de byin nas khyim bdag des ñe dga’ la phul ba daṅ | ñe daga’asa khyim bdag a rog gya źes smras nas | khyod sbyin pa ’dis sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog thob pa daṅ | lha (5) daṅ mi rnams kyi gos dag thob par gyur cig ces smras te soṅ ṅo || khyim bdag de loṅs spyod srabs nas | des rin de dus de tsam gyis ’bul bar ma nus nas | tshoṅ pa des khyim bdag de ñi ma la btags pa daṅ de chuṅ bo grogs dag gis mthoṅ nas smras pa | ci khyod (6) źun mar ’thuṅs sam | ’on te rims kyis btab | bu lon pas bzuṅ ste ’dug go || khyod kyi phas kyaṅ bu lon pa yod par ma byas | mes po dag gis kyaṅ ma byas na bu lon pa ga las byuṅ | des smras pa | gaṅ dag śākya ’i bu’i dge sbyoṅ dag la dad par byed pa de (7) dag ’di ltar ’gyur te | ’di ltar gaṅ byin pa de mi len par lhag par sloṅ bar byed do źes zer ba’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun (114a1) bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod (2) gaṅ byin pas mi mgu źiṅ lhag pa sloṅ ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa (3) mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin (4) no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gi phyir khyim bdag gam khyim bdag gi chuṅ ma ñe du ma yin pas gos kyi rin dag spags nas bdag gi gos kyi rin ’di dag gis gos ’di daṅ ’di lta bu źig ños la (5) dge sloṅ miṅ ’di źes bya ba ’oṅs pa daṅ de la gos ruṅ ba dus su bskon no sñam pa las | de na gal te dge sloṅ de la sṅar ma bstabs par rnam par rtog pa ’ga’ źig byuṅ ste | bzaṅ po ’dod pa’i phyir khyim bdag gam | khyim bdag gi chuṅ ma ñe du ma yin pa de’i gan du (6) soṅ nas ’di skad ces tshe daṅ ldan pas bdag gi phyir gos kyi rin gaṅ dag spags pa’i gos kyi rin de dag gis tshe daṅ ldan pa gos ’di daṅ ’di lta bu źig ños la bdag la gos ruṅ ba dus su legs par bskon cig ces smras te gos drub na spaṅ ba’i ltuṅ byed do || dge sloṅ (7) gi phyir źes bya ba ni śākya ’i bu ñe dga’ ’am | gźan yaṅ de lta bu gaṅ yin pa’o || khyim bdag gam źes bya ba ni skyes pa’o || khyim bdag gi chuṅ ma źes bya ba ni bud med do || ñe du ma yin pas źes bya ba ni phyi mo daṅ | mes po daṅ | phrugs kyi bdun pa tshun chad ni (114b1) ñe du yin la | de phan chad ni ñe du ma yin no || gos kyi rin dag ces bya ba ni gser ram dṅul lo || gos ’di daṅ ’di lta bu źig ces bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | (2) ko tam pa’i gos daṅ | ñi ’og gi gos las gaṅ yaṅ ruṅ ba’o || ños la źes bya ba ni ños te’o || dge sloṅ miṅ ’di źes bya ba ’oṅs daṅ źes bya ba ni śākya ’i bu ñe dga’o || de la gos ruṅ ba dus su bskon no sñam pa las źes bya ba ni loṅs spyad par bzod pa’o || de (3) ni gal te dge sloṅ de la sṅar ma bstabs par źes bya ba ni sṅar mgron du ma bos par ro || rnam par rtog pa ’ga’ źig byuṅ ste źes bya ba ni bsñen bkur byed pa źig byuṅ ste’o || bzaṅ po ’dod pa’i phyir źes bya ba ni rab daṅ mchog gi phyir ro || khyim bdag gam khyim bdag gi (4) chuṅ ma ñe du ma yin pa de’i gan du soṅ nas źes bya ba ni druṅ du soṅ nas so || gos drub na źes bya ba ni gos thob na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ste | des na spaṅ ba’i ltuṅ byed do źes gsuṅs so || (5) de la ltuṅ bar ji ltar ’gyur źe na | rin thaṅ daṅ | kha dog daṅ | khru tshad las te | ji ltar rin thaṅ las źe na | dge sloṅ gis kār ṣā pa ṇa lṅa ri ba’i gos thob pa na de de las lhag par sloṅ na | lhag pa sloṅ ba de la ñes byas su ’gyur la | thob na spaṅ ba’i ltuṅ (6) byed du ’gyur ro || sṅa ma la ni ltuṅ ba med do || kār ṣā pa ṇa lṅa ri ba ji lta ba bźin du kār ṣā pa ṇa bcu rib daṅ | kār ṣā pa ṇa ñi śu ri ba daṅ | kār ṣā pa ṇa lṅa bcu ri ba’i bar gyi gos thob pa na | de de las lhag pa sloṅ na | lhag pa sloṅ ba de la ñes byas su (7) ’gyur la | thob na spaṅ ba’i ltuṅ byed du ’gyur ro || sṅa ma la ni ltuṅ ba med de de ltar rin thaṅ las so || ji ltar kha dog las źe na | dge sloṅ gis gos sṅon po thob pa na | de de las lhag par sloṅ na | lhag pa sloṅ ba de la ñes su ’gyur la | thob na spaṅ ba’i ltuṅ (115a1) byed du ’gyur ro || sṅa ma la ni ltuṅ ba med do || sṅon po ji lta ba de bźin du ser po daṅ | dmar po daṅ | stug po daṅ | srab mo thob na de de las lhag pa sloṅ ba na | lhag pa sloṅ ba de la ñes byas su ’gyur la | thob na spaṅ ba’i ltuṅ byed du (2) ’gyur ro || sṅa ma la ni ltuṅ ba med de | de ltar kha dog las so || ji ltar khru tshad las źen | dge sloṅ gis gos khru lṅa pa thob pa na | de de las lhag pa sloṅ na | lhag pa sloṅ ba de la ñes byas su ’gyur la | thob na spaṅ ba’i ltuṅ byed du ’gyur ro || sṅa ma la (3) ni ltuṅ ba med do || khru lṅa pa ji lta ba de bźin du khru bcu pa daṅ | khru ñi śu pa daṅ | khru lṅa bcu pa’i bar gyi gos thob na de de las lhag pa sloṅ na | lhag pa sloṅ ba de la ñes byas su ’gyur la | thob na spaṅ ba’i ltuṅ byed du ’gyur te | de ltar khru tshad las so || dge (4) sloṅ gi gos spaṅ bar gyur na de ma spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar ma byas la ltuṅ ba ma bśags par gźan źig rñed na (5) de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la (6) ltuṅ ba bśags nas gźan źig rñed na de la ltuṅ ba med do || de bźin du dge sloṅ gi gos spaṅ bar gyur na ji srid du dṅos po de ma bśags śiṅ so sor ma bśags par lhuṅ bzed dam | chos gos sam | dra ba’am | phor bu’am | ska rags sam | dge sbyoṅ (7) gi ’tsho ba’i yo byad gaṅ yaṅ ruṅ ba ñe bar ’jog na de yaṅ sṅa ma’i rgyud kyis spaṅ bar ’gyur ro || kha tshar sloṅ ba na lhan pa thob pa daṅ | lhan pa sloṅ ba na ras yug phran nam ras yug chen thob pa la ltuṅ ba med do || las daṅ po pa daṅ | smyos pa daṅ | sems (115b1) ’khrugs pa daṅ | tshor bdag gis ñen pa la ltuṅ ba med do || spags pa las lhag pa sloṅ ba’i spaṅ ba ste brgyad pa rdzogs s+ho || ||

[Naiḥsargika 9]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || maña na (2) yod na khyim bdag cig ’dug pa des rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed | dga’ mgur spyod par byed do || khyim bdag de gźan gyi chuṅ ma la chags par gyur nas de la chuṅ mas rje’i sras de ltar ma mdzad cig ces (3) phyir bzlog na | ji tsam du de phyir bzlog kyaṅ phyir ma log pa de tsam du de’i chuṅ ma de yaṅ skyes pa gźan dag daṅ lhan cig ’khrul pa rtsom par byed do || khyim bdag de yaṅ bud med gźan dag la sbyin par byed la | chuṅ ma de yaṅ skyes pa gźan dag la sbyin par byed pas (4) de ltar khyim de gñis ka nas rgud par gyur nas | de gñis la bu mo mṅag gźug ma źig yod nas khyim bdag des bu mo de la ’dis khyim rgud par byas so źes khu tshur daṅ thal lcag dag gis rdeg par byed do || bu mos smras pa | bdag gis khyim rgud par gyur pa ’di (5) ci las gyur pa ’tshal mod kyi | ’on kyaṅ bdag gis ji ltar rje dag la bsṅags pa ma lags pa brjod par bgyir ruṅ | ñe daga’asa de tshor nas khyim bdag daṅ | khyim bdag gi chuṅ ma de’i gan du soṅ ste | ci nas kyaṅ de gñis skyabs su ’gro ba daṅ | bslab pa’i (6) gźi dag la gnas par ’gyur ba de lta de ltar tshul khrims kyi bsṅags pa brjod ciṅ | tshul khrims ’chal pa’i bsṅags pa ma yin pa brjod nas | des de gñis skyabs su ’gro ba daṅ | bslab pa’i gźi dag la gnas par byas so || khyim bdag de gtum pa | (7) brtun ṅas pa | drag śul che ba yin pas yaṅ bu mo de la brdeg par brtsams pa daṅ | chuṅ mas de la smras pa | rje’i sras gaṅ gi tshe bdag cag las daṅ las kyi rnam par smin pa mi mkhyen pa de’i tshe go rdeg par mdzad mod | da bdag cag dge ba’i bśes gñen ’phags pa (116a1) ñe dga’ la brten nas las daṅ las kyi rnam par smin pa mkhyen pas ’di ltar ’jig rten ni raṅ gi las kyi ’bras bu la spyod pa lags pas su źiṅ su’i bran lags | bran mo ’di la rdeg par ma mdzad cig | bzaṅ mo khyod zer ba ma ñes so || bu mo tshur (2) śog khrus gyis la śog śig | bu mo des khrus byas te ’oṅs pa daṅ | des de la gos phrugs gcig bskon nas smras pa | bu mo dga’ źiṅ las byos śig | bu mo des bsams pa | khyim bdag khyo śug ’di sṅon gtum pa | brtun ṅas pa | drag śul can (3) yin te | yaṅ daṅ yaṅ du bdag la khu tshur daṅ | thal lcag dag gis rdeg par byed ciṅ zas daṅ gos ṅan pa dag sbyin par byed na | da ’di bdag gi pha ma daṅ ’dra bar gyur to sñam nas yaṅ bsams pa | gaṅ tshun chad nas ’phags pa ñe dga’ khyim ’dir ’jug par (4) brtsams pa de tshun chad nas khyim bdag ’di pha ma daṅ ’dra bar gyur pas | bdag gis ’phags pa ñe dga’ la ci źig gis dga’ bar bya sñam nas des bsams pa | gal te bdag gis ’di las cuṅ źig brkus te dbul du ni khyim bdag ’dis brdeg btsog maṅ po (5) byas te sṅon gyi gnas su bźag par ’gyur ro sñam nas de sdod ciṅ ’dug go || khyim bdag gi chuṅ ma des khyim bdag de la smras pa | rje’i sras mkhyen par mdzod cig | ’phags pa ñe dga’ ni bdag cag gi dge ba’i bśes gñen lags te | ’phags pa ñe (6) daga’asa bdag cag las dri ma can daṅ phral nas skyabs su ’gro ba daṅ | bslab pa’i gźi dag la bkod de | yaṅ daṅ yaṅ du bdag cag la chos kyis sdud par byed pas bdag cag gis kyaṅ de la zaṅ ziṅ cuṅ zad kyis bsdu bar bgyi’o || bzaṅ mo de bźin bya’o || ci źig (7) bgyi | de la bdag cag so so nas ras yug chen dbul bar bya’o || bu mo des de thos nas bsams pa | bdag gis ’phags pa ñe dga’ la dga’ ba de sbran par bya’o sñam mo || ñe dga’ yaṅ sṅa dro śam thabs bgos lhuṅ bzed daṅ chos gos thogs te mñan yod du (116b1) bsod sñoms la źugs te mthar gyis bsod sñoms rgyub na khyim der źugs pa daṅ | bu mo des khyim dag legs par byugs śiṅ phyag dar bor nas des ñe dga’ mthoṅ ba daṅ rkaṅ pa gñis la phyag ’tshal te smras pa | bdag gis ’phags pa ñe dga’ la dgyes pa spran par (2) bgyi’o || khyim bdag daṅ khyim bdag gi chuṅ ma ’di khyod la so so nas ras yug chen ’bul bar ’gyur ro || ñe daga’asa bsams pa | sa’i steṅ na ’dod pa’i bdag ñid can gaṅ ji sñed pa de dag daṅ bdag mñam par deṅ bu mo ’dis kyaṅ ’phrigs so sñam nas des gśe ste (3) smras pa | bu mo gal te bden par gyur na ni des khyad la gśeb dgal chugs ma bya’o || ji ste brdzun par gyur na ni brdeg bcog maṅ po byed du bcug ste sṅon gyi gnas ji lta bar gźag par bya’o || ’phags pa spyo ba maṅ du mdzad na bźud cig daṅ khyod ñid kyis mkhyen par (4) ’gyur ro || de źugs nas stan bśams pa ñid la ’dug pa dad khyim bdag de chuṅ ma daṅ bcas pas rkaṅ pa la phyag ’tshal te stan ches dma’ blaṅs nas chos mñan pa’i phyir mdun du ’dug go || ñe daga’asa smras pa | khyim bdag kho bo la so so nas ras yug chen sbyin (5) par byas pa de blta’o || de gñis kyis phan tshun gdoṅ du blta bar brtsams te ’di skad ces kyaṅ smras so || ’phags pa bdag cag gis gsaṅ ste smras ba de ’phags pa la sus bgyis | ci ’phags pas gźan gyi sems kyaṅ mkhyen nam | ñe daga’asa smras (6) pa | kho bo lhuṅ bzed du zos śiṅ so lhags pa daṅ | skra dkar por gyur pa yin na kho bo la de tsam yaṅ mi srid dam | khyim bdag daṅ chuṅ mas so so nas ras yug chen blaṅs te ñe dga’ la phul ba daṅ | ñe daga’asa ras yug chen de dag mthoṅ nas lag pa gñis ’dril (7) par byed | bźin sgyur bar byed do || khyim bdag gis smras pa | ’phags pa ci’i slad du phyag gñis ’dril bar mdzad | źal rgyur bar mdzad | ñe daga’asa smras pa | khyim bdag ’di dag ni khyed la yoṅs su btaṅ ba las byuṅ ba’i bsod nams ni yod na yoṅs su (117a1) loṅs spyad pa las byuṅ ba’i bsod nams ni med de ras yug chen ’di dag ni mchil lham phyi ba’am | skar khuṅ glan par ruṅ ste | ’di dag ni chos gos kyi gdaṅ la yoṅs su zas pa daṅ mthar thug par ’gyur ro || ’o na ji ltar bgyi | ras yug chen bzaṅ (2) po gźan dag byin cig | ras yug chen dag ma mchis so || tshoṅ dus nas ños te byin cig | rin dag ma mchis so || dus thob la byin cig | khyim bdag des chuṅ ma’i gdoṅ du blta bar brtsams pa daṅ | chuṅ mas smras pa | rje’i sras bdag cag la ’phags pa (3) ñe daga’asa phan btags kyis ras yug chen dag ’jol la de la phul cig | khyim bdag de ñe dga’ daṅ lhan cig sraṅ du soṅ nas tshoṅ khaṅ du phyin pa daṅ | ñe daga’asa bsams pa | tshoṅ pa ’di ṅa rgyal bskyed par bya ste | des na ras yug chen bzaṅ po ster bar ’gyur (4) ro sñam nas ñe daga’asa khyim bdag la smras pa | khyim bdag tshoṅ pa ’di ni gcam bu źig yin pas ’di la ras yug chen bzaṅ bo med kyis gźan du ’doṅ ṅo || tshoṅ pa des de thos nas des chen po la ’os pa’i ras yug chen bstan te smras pa | ’phags pa ras yug (5) chen la gzigs | ras yug chen ’di ni bzaṅ na ’di’i rin ji tsam | ’di daṅ ’di tsam mo || khyim bdag ’di ’jal lo || khyim bdag ’jal lam | ’jal lo || dus ji tsam na dus ’di tsam na’o || tshoṅ pa des khyim bdag de la ras yug chen de byin nas khyim (6) bdag des ñe dga’ la phul ba daṅ | ñe daga’asa khyim bdag a rog gya źes smras nas | khyod sbyin pa ’dis sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog thob pa daṅ | lha daṅ mi rnams kyi gos dag thob par gyur cig (7) ces smras te soṅ ṅo || khyim bdag de loṅs spyod srabs nas des rin de dus de tsam gyis ’bul bar ma nus nas tshoṅ pa des khyim bdag de ñi ma la btags pa daṅ | de chuṅ po grogs dag gis mthoṅ nas smras pa | ci khyod źun mar ’thuṅs sam | ’on te rims kyis (117b1) btab | bu lon pas bzuṅ ste ’dug go || khyod kyi phas kyaṅ bu lon dag yod par ma byas | mes po dag gis kyaṅ ma byas na bu lon pa ga las byuṅ des smras pa | gaṅ dag śākya ’i bu’i dge sbyoṅ dag la dad par byed pa de dag ’di ltar ’gyur te | ’di ltar gaṅ byin pa de (2) mi len par lhag pa sloṅ bar byed do źes zer ba’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin (3) no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod gaṅ byin pas mi mgu źiṅ lhag pa sloṅ ba bden nam | btsun (4) pa maṅ ṅo || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs (5) du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab (6) pa’i gźi ’di ltar gdon par bya ste | dge sloṅ gi phyir khyim bdag daṅ | khyim bdag gi chuṅ ma ñe du ma yin pas gos kyi rin so so bdag spags nas bdag cag gñis kyis gos kyi rin so so ba ’di dag gis gos ’di daṅ ’di lta bu so so ba dag ños la dge sloṅ miṅ ’di źes bya (7) ba ’oṅs daṅ bdag cag gñis kyis so so nas ṅe la gos ruṅ ba dus su bskon no sñam pa las | de na gal te dge sloṅ de la sṅar ma bstabs par rnam par rtog pa ’ga’ źig byuṅ ste | bzaṅ po ’dod pa’i phyir khyim bdag daṅ khyim bdag gi chuṅ ma ñe du ma yin pa de dag gi (118a1) gan du soṅ nas ’di skad ces tshe daṅ ldan pa dag gis bdag gi phyir gos kyi rin so so ba gaṅ dag spags pa’i gos kyi rin so so ba de dag gis tshe daṅ ldan pa dag gos ’di daṅ ’di lta bu so so bdag ños la gñig ’dus te bdag la gos ruṅ ba cig dus (2) su legs par skon cig ces smras te gos drub na spaṅ ba’i ltuṅ byed do || dge sloṅ gi phyir źes bya ba ni śākya ’i bu ñe daga’a’ama | gźan yaṅ de lta bu gaṅ yin pa’o || khyim bdag ces bya ba ni skyes pa’o || khyim bdag gi chuṅ ma źes bya ba ni bud med do || ñe du ma (3) yin pas źes bya ba ni phyi mo daṅ | mes po daṅ | phrugs kyi bdun pa tshun chad ni ñe du yin la de phan chad ni ñe du ma yin no || gos kyi rin ces bya ba ni gser ram | dṅul lo || gos ’di daṅ ’di lta bu źig ces bya ba ni bdun po bal gos daṅ | śa na’i gos daṅ | (4) zar ma’i gos daṅ | du gu la’i gos daṅ | ras bal gyi gos daṅ | ko tam pa’i gos daṅ | ñi ’og gi gos las gaṅ yaṅ ruṅ ba’o || ños la źes bya ba ni ños te’o || dge sloṅ miṅ ’di źes bya ba ’oṅs daṅ źes bya ba ni śākya ’i bu ñe dga’o || de la gos (5) ruṅ ba dus su bskon no sñam pa las źes bya ba ni loṅs spyad par bzod pa’o || de na gal te dge sloṅ de la sṅar ma bstabs par źes bya ba ni sṅar mgron du ma bos par ro || rnam par rtog pa ’ga’ źig byuṅ ste źes bya ni bsñen bkur byed pa źig byuṅ ste’o || bzaṅ (6) po ’dod pa’i phyir źes bya ba ni rab daṅ mchog gi phyir ro || khyim bdag daṅ khyim bdag gi chuṅ ma ñe du ma yin pa de dag gi gan du soṅ nas źes bya ba ni druṅ du soṅ nas so || gñi ga ’dus te źes bya ba ni gñi ga tshogs te’o || gos drub na źes bya ba ni gos thob na’o || (7) spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | rin thaṅ daṅ | kha dog daṅ | khru tshad las te ji ltar rin theṅ las źe na | dge sloṅ (118b1) gis kār ṣā pa ṇa lṅa ri ba’i gos thob pa na de de las lhag pa sloṅ na lhag pa sloṅ ba de la ñes byas su ’gyur la | thob na spaṅ ba’i ltuṅ byed du ’gyur ro || sṅa ma la ni ltuṅ ba med do || kār ṣā pa ṇa lṅa ri ba ji lta ba de bźin du kār ṣā pa ṇa bcu ri ba daṅ | kār ṣā pa ṇa ñi śu ri (2) ba daṅ | kār ṣā pa ṇa lṅa bcu ri ba’i bar gyi gos thob pa na de de las lhag pa sloṅ na lhag pa sloṅ ba de la ñes byas su ’gyur la | thob na spaṅ ba’i ltuṅ byed du ’gyur ro || sṅa ma la ni ltuṅ ba med do || de ltar rin thaṅ las so || ji ltar kha dog las źe na | dge sloṅ gis (3) gos sṅon po thob pa na de de las lhag pa sloṅ na lhag pa sloṅ ba de la ñes byas su ’gyur la | thob na spaṅ ba’i ltuṅ byed du ’gyur ro || sṅa ma la ni ltuṅ ba med do || gos sṅon po la ji lta ba de bźin du ser po daṅ | dmar po daṅ | stug po daṅ | srab mo thob pa na de de las (4) lhag pa sloṅ na lhag pa sloṅ ba de la ñes byas su ’gyur la | thob na spaṅ ba’i ltuṅ byed du ’gyur ro || sṅa ma la ni ltuṅ ba med do | de ltar kha dog las so || ji ltar khru tshad las źe na | dge sloṅ gi gos khru lṅa pa thob pa na de de las lhag pa sloṅ na lhag pa sloṅ ba de la ñes (5) byas su ’gyur la | thob na spaṅ ba’i ltuṅ byed du ’gyur ro || sṅa ma la ni ltuṅ ba med do || khru lṅa pa ji lta ba de bźin du khru bcu pa daṅ | khru ñi śu pa daṅ | khru lṅa bcu pa’i bar gyi gos thob na de de las lhag pa sloṅ na lhag pa sloṅ ba de la ñes byas su ’gyur la | thob (6) na spaṅ ba’i ltuṅ byed du ’gyur te | de ltar khru tshad las so || dge sloṅ gi gos dag spaṅ bar gyur na de ma spaṅs śiṅ bral bar ma byas la ltuṅ ba ma bśags par gźan źig rñed na | de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na | (7) de spaṅs śiṅ bral bar ma byas la | ltuṅ ba ma bśags par gźan źig rñed na | de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la ltuṅ ba ma bśags par gźan źig rñed na | de yaṅ sṅa ma’i rgyud kyis (119a1) spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la ltuṅ ba bśags nas gźan źig rñed na de la ltuṅ ba med do || de bźin du dge sloṅ gi gos spaṅ bar gyur na ji srid du dṅos po de ma bśags śiṅ so sor ma bśags (2) par lhuṅ bzed dam | chos gos sam | dra ba’am | phor bu daṅ | ska rags sam | dge sloṅ gi ’tsho ba’i yo byad gaṅ yaṅ ruṅ ba ñe bar ’jog na | de yaṅ sṅa ma’i rgyud kyis spaṅ bar ’gyur ro || kha tshor sloṅ ba na lhan pa thob pa daṅ | lhan pa sloṅ ba na ras yug phran nam | (3) ras yug chen thoṅ pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ tshor ba dag gis ñen pa la ltuṅ ba med do || so so nas spags pa las lhag pa sloṅ ba’i spaṅ ba ste dgu pa rdzogs s+ho || ||

[Naiḥsargika 10]
’dul ba rnam par ’byed pa | bam (4) po sum bcu rtsa gcig pa | saṅs rgyas bcom ldan ’das rgyal po’i khab na ’od ma’i tshal ka lan da ka’i gnas na bźugs so || ñe dga’ la blo skyes pa ’di thams cad khyim bdag mgon med zas sbyin gyis bslab pa’i gźi dag gis bsdam pa byas pas phyin cad ras yug (5) phran sgre bo yaṅ su las kyaṅ bslaṅ bar mi nus kyis ’di ltar bdag daṅ lhan cig yi ge’i grwa na yig ’bru’i yi ge dag slob slob pa bram ze dbyar tshul yod kyis de’i gan du soṅ ste bltas na de las cuṅ zad ’thob kyaṅ srid do sñam nas de de’i khyim du soṅ ba daṅ | sgo bas ’phags pa (6) ma bźud cig ces bgags so || ñe daga’asa smras pa | bźin bzaṅs bcom ldan ’das kyis bdag cag gi spyod yul ma yin pa ni rnam pa lṅa gsuṅs te | rol mo mkhan gyi khyim daṅ | ’jud mthun ma’i khyim daṅ | chaṅ pa’i khyim daṅ | rgyal po’i pho braṅ daṅ | (7) gdol pa’i khyim yin na | ci ’di rol mo mkhan gyi khyim mam | ’jud mthun ma’i khyim mam | chaṅ pa’i khyim mam | rgyal po’i pho braṅ ṅam | gdol pa’i gnas yin nam | ’phags pa khyod spyo ba maṅ du mdzad de | ’di ni rol mo mkhan gyi khyim yaṅ ma lags | (119b1) ’jud mthun ma’i khyim yaṅ ma lags | chaṅ pa’i khyim yaṅ ma lags | rgyal po’i pho braṅ yaṅ ma lags | gdol pa’i gnas kyaṅ ma lags te | ’di ltar ’di ni bram ze dbyar tshul gyi sdum pa lags so || kwa’i naṅ rje soṅ la bram ze dbyar tshul la ñe dga’ śes ldan (2) lta bar ’dod ciṅ sgo na sdod do źes gyis śig | sgo bas smras pa | khyod rgyal po gzugs can sñiṅ po’i sñiṅ tshoms mchis pa lags sñam mam | bkren pa gal te sbron na ni sbron cig | mi sbron na khyod la mtshams chen po bcad pa sbyin par bya’o || sgo bas bsams (3) pa | ’di ni ’di ltar ’jigs pa med pa daṅ | bag tshab med par tshig gtoṅ ba las nam sbran na gnod pa byedasa kyis soṅ la sbran no sñam nas de der soṅ ste smras pa | jo bo btsun pa ñe dga’ jo bo lta bar ’tshal źiṅ chab sgo na sdod do || dbyar tshul gyis smras pa | btsun pa (4) ñe dga’ la su ’gog | btsun pa ñe dga’ ’jug tu chug śig | ñe dga’ źugs pa daṅ | dbyar tshul gyis smras pa | btsun pa ñe dga’ byon pa legs so || byon pa legs so || btsun pa ñe dga’ gdan bśams pa ñid la bźugs śig | ñe dga’ de’i (5) mdun du ’dug ste der sgra mthon po daṅ sgra yid du ’oṅ ba daṅ | sgra zab mos sbyin pa’i bsṅags pa brjod par brtsams so || gaṅ gi tshe ñe dga’ yid dga’ źiṅ yid dga’ nas sbyin pa’i bsṅags pa rjod par byed pa de’i tshe na bram ze daṅ | khyim bdag dad pa can dag ’di sñam du kye ma (6) raṅ gi śa dag kyaṅ bcad ciṅ bcad ciṅ sbyin par bya’o sñam du sems pas bram ze dbyar tshul gyis smras pa | btsun pa ñe dga’ dbyar gnas pa la kār ṣā pa ṇa drug bcu ’bul lo || a rog gya sbyin pa ’dis khyod sems kyi rgyan daṅ | sems kyi yo byad daṅ | rnal (7) ’byor gyi tshogs dad | don gyi mchog thob pa daṅ lha daṅ mi rnams kyi loṅs spyod kyaṅ thob par gyur cig ces smras te soṅ ṅo || mñan yod nas dge sloṅ gñis śig bcom ldan ’das kyi źabs la phyag ’tshal du rgyal po’i khab tu ’oṅs so || bcom ldan ’das kyis kyaṅ (120a1) tshe daṅ ldan pa kun dga’ bo la bka’ stsal ba ba | kun dga’ bo khyod soṅ la dge sloṅ rnams la de bźin gśegs pa ko sa la dag tu ljoṅs rgyur gśegs kyis khyod cag las gaṅ de bźin gśegs pa daṅ thabs cig ko sa la dag tu ljoṅs rgyur ’gro bar spro ba des (2) chos gos kyi las gyis śig ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas | dge sloṅ rnams la tshe daṅ ldan pa dag bcom ldan ’das ko sa la dag tu ljoṅs rgyur gśegs kyis khyod cag las gaṅ de bźin (3) gśegs pa daṅ thabs cig ko sa la dag tu ljoṅs rgyur ’gro bar spro ba des chos gos kyi las gyis śig | dge sloṅ rnams kyis tshe daṅ ldan pa kun dga’ bo la bka’ bźin ’tshal źes tshe daṅ ldan pa kun dga’ bo la mñan to || mñan yod nas ’oṅs pa’i dge sloṅ de gñis kyis (4) de thos nas bdag cag kyaṅ mñan yod du ’gro dgos so sñam nas mi dga’ bar gyur to || ñe daga’asa thos nas ñam ṅa bar gyur te | bdag la brgya la brgya lam na rñed pa byuṅ ba de’i bar tshad byuṅ ṅo sñam nas | de bram ze dbyar tshul gyi gan du soṅ ste sgra dma’ ba daṅ | sgra yid du mi ’oṅ (5) ba daṅ | sgra źum pas sbyin pa’i bsṅags pa brjod par brtsams pa daṅ | dbyar tshul gyis smras pa | btsun pa ñe dga’ khyod sṅon sgra mthon po daṅ | sgra yid du ’oṅ ba daṅ | sgra zab mos sbyin pa’i bsṅags pa brjod par mdzad na | khyod da ltar sgra dma’ ba daṅ | (6) sgra yid du mi ’oṅ ba daṅ | sgra mi zab pas sbyin pa’i bsṅags pa brjod par mdzad pa ’di la rgyu ci mchis | chuṅ po grogs bdag cag brgya la brgya lam na phrad pa ’byuṅ na de yaṅ yun mi riṅ ba kho nas ’bral bar ’gyur ba’i phyir ro || ma ga d+hā pa zur gyis go || ko sa (7) la pa brjod nas śes || pan tsa la pa yig phyed kyis || nub mi ma smras mi śes so || źes bya ba yin pas dbyar tshul gyis bsams pa | ’di ni śākya ’i rigs rgya chen po de sñed spaṅs te rab tu byuṅ ba yin pas ’di bdag daṅ ’bral ba la mya ṅan mi byed kyi kār ṣā pa ṇa (120b1) drug bcu ’tshar ba’i mya ṅan byed do sñam nas smras pa | btsun pa ñe dga’ gaṅ daṅ gaṅ du gnas par bdag gis kār ṣā pa ṇa drug bcu bskur bar bgyi’o || a rog gya de ltan phan phun med pa daṅ | kun nas ñon moṅs pa med pa’i sbyin pa dag sbyin źiṅ bsod nams dag (2) byed pa yin no źes smras nas stan las laṅs te soṅ ṅo || de nas bcom ldan ’das dul ba ’khor dul ba daṅ ldan pa | źi ba ’khor źi ba daṅ ldan pa | grol ba ’khor grol ba daṅ ldan pa | dbugs phyin pa ’khor dbugs phyin pa daṅ ldan pa | thul ba ’khor thul ba daṅ (3) ldan pa | dgra bcom pa ’khor dgra bcom pa daṅ ldan pa | ’dod chags daṅ bral ba ’khor ’dod chags daṅ bral ba daṅ ldan pa | mdzes pa ’khor mdzes pa daṅ ldan pa | khyu mchog ltar ba laṅ gi tshogs kyis yoṅs su bskor ba | glaṅ po che ltar glaṅ po che’i phru gu’i (4) tshogs kyis yoṅs su bskor ba | seṅ ge ltar mche ba can gyi tshogs kyis yoṅs su bskor ba | ṅaṅ pa’i rgyal po ltar ṅaṅ pa’i tshogs kyis yoṅs su bskor ba | nam mkha’ ljiṅ ltar bya’i tshogs kyis yoṅs su bskor ba | bram ze ltar slob ma’i tshogs kyis yoṅs su (5) bskor ba | sman pa mkhas pa ltar nad pa’i tshogs kyis yoṅs su bskor ba | dpa’ bo ltar ru pa’i tshogs kyis yoṅs su bskor ba | sa mkhan ltar lam du źugs pa’i tshogs kyis yoṅs su bskor ba | ded dpon ltar tshoṅ pa’i tshogs kyis yoṅs su bskor ba | tshoṅ (6) dpon ltar ’khor gyi tshogs kyis yoṅs su bskor ba | mkhar gyi rgyal po ltar blon po’i tshogs kyis yoṅs su bskor ba | ’khor los sgyur ba ltar bu stoṅ gi tshogs kyis yoṅs su bskor ba | zla ba ltar rgyu skar gyi tshogs kyis yoṅs su bskor ba | ñi ma ltar ’od zer (7) stoṅ gi tshogs kyis yoṅs su bskor ba | yul ’khor sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi tshogs kyis yoṅs su bskor ba | mig mi bzaṅ ltar klu’i tshogs kyis yoṅs su bskor ba | nor sbyin ltar gnod sbyin (121a1) gyi tshogs kyis yoṅs su bskor ba | thags zaṅs ris ltar lha ma yin gyi tshogs kyis yoṅs su bskor ba | brgya byin ltar sum bcu rtsa gsum pa’i tshogs kyis yoṅs su bskor ba | tshaṅs pa lhar tshaṅs ris kyi tshogs kyis yoṅs su bskor ba | dbaṅ (2) po rnams kyis śin tu dul ba | spyod lam daṅ | spyod pa ma ’khrugs pa | chu gter ltar tiṅ ṅe ba | sprin ltar chu daṅ bcas pa | glaṅ po che’i rgyal po ltar dregs pa daṅ bral ba | skyes bu chen po’i mtshan sum bcu rtsa gñis kyis legs par brgyan pa | dpe byad (3) bzaṅ po brgyad bcus sku rnam par mdzes pa | ’od ’dom gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin po che’i ri bo ’gro ba ltar kun tu bzaṅ ba | stobs bcu daṅ | mi ’jigs pa bźi daṅ | ma ’dres pa’i dran pa ñe bar gźag pa gsum (4) daṅ | thugs rje chen po daṅ ldan pa | ’jig rten la phan par źugs pa | sruṅ ba gcig pu pa | ñag gcig dpa’ ba | gñis pa med pa | gñis su mi gsuṅ ba | źi gnas daṅ lhag mthoṅ gis bźugs pa | rig pa gsum gsal par mdzad pa | bslab pa (5) gsum la legs par bslabs pa | dul ba’i gnas gsum gyi gźi la mkhas pa | chu bo bźi las rgal ba | rdzu ’phrul gyi rkaṅ pa bźis spyod pa’i gźi la legs par gnas pa | bsdu ba’i dṅos po bźi la yun riṅ po nas yoṅs su sbyaṅ ba mdzad pa | mi ’jigs (6) pa bźis bsñeṅs pa mi mṅa’ ba | yan lag lṅa spaṅs pa | ’gro ba lṅa las yaṅ dag par ’das pa | yan lag drug daṅ ldan pa | pha rol tu phyin pa drug yoṅs su rdzogs pa | rtag tu gnas pa drug gis gnas pa | byaṅ chub kyi yan lag bdun gyi me tog gis (7) phyug pa | lam gyi yan lag brgyad ston pa | mthar gyis sñoms par ’jug pa dgu la mkhas pa | stobs bcu’i stobs daṅ ldan pa | phyogs bcur sñan pas yaṅ dag par rgyas pa | brgya phrag bcur dbaṅ sgyur ba las khyad par ’phags pa | kun śes kau ṇ+ḍi n+ya (121b1) daṅ | rlaṅs pa daṅ | miṅ chen daṅ | ma ’gags pa daṅ | śā ri’i bu daṅ | maud gal gyi bu daṅ | ’od sruṅ daṅ | kun dga’ bo daṅ | nam gru la sogs pa ñan thos chen po dag daṅ | gźan yaṅ dge sloṅ gi dge ’dun maṅ pos yoṅs su bskor ciṅ mdun (2) du bdar nas kos la dag tu ljoṅs rgyur gśegs te mñan yod du byon nas mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod pa’i tshoṅ pa dag zoṅ thogs te rgyal po’i khab tu doṅ ba dag gal te don mthun maṅ na de la rgyal (3) bo’am | bram ze dbyar tshul śo gam gcod par byed pas bram ze dbyar tshul gyis śo gam pa dag la smras pa | gaṅ gi tshe mñan yod pa’i tshoṅ pa dag mñan yod du phyir ’gro ba de’i tshe na kho bo la spron cig | śo gam pa dag gis tshod pa dag la bsgo nas de dag gis zoṅ (4) bsgyur te rin blaṅs nas bram ze dbyar tshul gyi gan du doṅ ste bdag cag mñan yod du mchi na bgyi ba ci mchis źes smras pa daṅ | bram ze dbyar tshul gyis tshoṅ pa gcig la kār ṣā pa ṇa drug bcu gtad de khyod kyis ’di btsun pa ñe dga’i gan du khyer la phul cig ces bsgo’o || (5) tshoṅ pa des bsams pa | gaṅ bram ze dbyar tshul gyis dad par bya ba’i dge sloṅ de ni gdon mi za bar grags pa yin pas bdag gis kyaṅ de la dga’ ba cuṅ zad byas | gos dag bskon no sñam nas de ’od ma’i tshal du soṅ ste dge sloṅ gi gan du phyin nas dris pa | ’phags pa (6) dge sloṅ gi tshul daṅ mthun pa’i gos dag ji ltar lags | bźin bzaṅs ci dge ’dun la ras yug chen gyi sbyin pa byed dam | ’phags pa dge ’dun la ras yug chen gyi sbyin pa mi bgyid de | ’di ltar bram ze dbyar tshul gyis btsun pa ñe dga’ la kār ṣā pa ṇa drug bcu (7) bskur ba dag de’i gos dag tu bsgyur te mchi’o || dge sloṅ des smras pa | bźin bzaṅs gos dag kyaṅ len ciṅ khyod kār ṣā pa ṇa drug bcu yaṅ ’bul du ’jud pa gaṅ yin pa de lta bu’i gnas yod par ’gyur ro || tshoṅ pa des bsams pa | ’di ni gor ma chag par (122a1) de daṅ khon yod pa yin no sñam nas de dge sloṅ gźan źig gi gan du soṅ ste dris pa | ’phags pa dge sloṅ gi tshul daṅ mthun pa’i gos dag ji lta bu lags | bźin bzaṅs ci dge ’dun la ras yug chen gyi sbyin pa byed dam | ’phags pa dge ’dun la ras yul (2) chen gyi sbyin pa mi bgyid de ’di ltar bram ze dbyar tshul gyis btsun pa ñe dga’ la kār ṣā pa ṇa drug bcu bskur ba dag de’i gos dag tu bsgyur te mchi’o || dge sloṅ des smras pa | gal te rgyas ma btab par khyer na khyod yul gyi khe spogs ’bul du ’jud pa gaṅ yin pa de lta bu’i gnas yod par ’gyur (3) ro || tshoṅ pa des bsams pa | ’di daṅ de gñis mthun no sñam nas de bram ze dbyar tshul gyi gan du soṅ ste smras pa | dbyar tshul kār ṣā pa ṇa ’di dag rgyas thob śig | bźin bzaṅs yid ches kyis khyod ñid kyis khyer cig | dbyar tshul bdag la thugs ches mod kyis ’on kyaṅ (4) bdag gis legs par bgyi ba bgyi’o || dbyar tshul gyis rgyas btab nas des de dag khyer te mñan yod du soṅ nas de rgyal byed kyi tshal du soṅ ste dge sloṅ rnams la dris pa | ’phags pa dag ’phags pa ñe dga’i gtsug lag khaṅ gaṅ lags | de dag gis de’i gtsug lag khaṅ (5) ’di yin no źes bstan nas de der soṅ ba daṅ ñe dga’ mi snaṅ nas des dge sloṅ źig la dris pa | ’phags pa btsun pa ñe dga’ gar bźud | des smras pa | ñin mo spyod pa’i phyir ro || tshoṅ pa des smras pa | bram ze dbyar tshul gyis de la kār ṣā pa ṇa drug bcu pa skur ba ’di (6) dag źog la de mchis na stsol cig | bźin bzaṅs khyod kyis sgron ma rab tu ’bar ba mgo bos ’dzin pa ’ga’ mthoṅ dam | des bsams pa | ’di ni gdon mi za bar de daṅ khon yoṅ pa yin no sñam nas des dge sloṅ gźan źig gi gan du soṅ ste smras pa | ’phags pa (7) bram ze dbyar tshul gyis btsun pa ñe dga’ la kār ṣā pa ṇa drug bcu bskur ba ’di dag źog la de mchis na stsol cig | bźin bzaṅs gal te khyod kyis rgyas ma btab par ’oṅs na khyod yul gyi khe sbogs ’jal du ’jud pa gaṅ yin pa de lta bu’i gnas yod par ’gyur ro || des (122b1) bsams pa | ’di daṅ de gñis su mthun gyis khyim du soṅ la de ñid du de ’oṅs pa la bde bar tshig gi lan gdab bo sñam nas smras pa | ’phags pa btsun pa ñe dga’ la khyim bdag gi mchid nas ’di skad ces bdag gi sdum pa ni phyogs ga ge mo źig na mchis kyis gal te (2) kār ṣā pa ṇa bźed na gśegs su gsol źes gsuṅs śig ces smras te soṅ ṅo || ñi dga’ yaṅ gtsug lag khaṅ du ’oṅs nas dge sloṅ rnams kyis smras pa | btsun pa ñe dga’ bcom ldan ’das kyis tshul khrims daṅ ldan pa’i sems kyi smon pa ’grub ste | de yaṅ (3) tshul khrims rnam par dag pa’i phyir ro źes bya ba de legs par gsuṅs pa yin te | khyod deṅ kho na ñin mo spyod du soṅ bas deṅ ñid du kār ṣā pa ṇa drug bcu grub bo || gaṅ gis bcom ldan ’das kyi ’khor stoṅ ñis brgya lṅa bcu re re la kār ṣā pa ṇa drug bcu drug bcu byin pa’i sbyin (4) bdag de lta bu de gaṅ yin | btsun pa ñe dga’ dge ’dun thams cad la ma yin gyi khyod gcig bu la’o || gaṅ gis ñe dga’ la kār ṣā pa ṇa drug bcu byin pa’i sbyin bdag de lta bu de gaṅ yin | bram ze dbyar tshul gyis bskur ro || de ni phyi rol gyi rñed pa kho na yin na rgya ma byid (5) dam | ma źu’am | sgyu ma źugs sam | sus brtags | ma brtags pa kho nar blaṅs sam | sus blaṅs | kho bo ni dgra bo śa stag gi naṅ na ’dug go || de la dge sloṅ gźan des smras pa | btsun pa ñe dga’ yi chad du ci yod | khyim bdag de na re bdag (6) gi sdum pa ni phyogs ga ge mo źig na mchis kyis gal te kār ṣā pa ṇā bźed na gśegs su gsol źes zer ro || ñe daga’asa snam sbyar blaṅs te gom pa bskyed de soṅ ba daṅ | khyim bdag des de thag riṅ po kho na nas ’oṅ ba mthoṅ nas | des bsams pa | dge sbyoṅ (7) hral po gom pa ’di lta bus ’oṅ pa ’di ni btsun pa ñe dga’ yin gor ma chag sñam nas | des thag riṅ bo kho na nas de la smras pa | khyod btsun pa ñe dga’ ma lags sam | kho bo yin no || bram ze dbyar tshul gyis khyod la kār ṣā pa ṇa drug bcu bskur ba ’di lags (123a1) kyis bźes śig | a rog gya sbyin pa ’dis khyod sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog thob pa daṅ | lha daṅ mi rnams kyi loṅs spyod kyaṅ thob par gyur cig | ’phags pa ci’i slad du bdag gi miṅ (2) gis yon bśad pa mdzad | bram ze dbyar tshul gyi miṅ gis yon bśad pa mdzod cig | bkren pa ’di la dgos pa ci yod | ’di ltar khyod kyis kyaṅ maṅ du byas te khyod kyis khyer te ’oṅs pa’i phyir ro || gaṅ gis ’di khyer te sraṅ du ’gro ba’i khye’u źig re źig rños śig | (3) ’phags pa bdag la khye’u ma mchis so || bkren ba rgyal po’i khab nas thag riṅ po ’di srid du khyer te ’oṅs nas sraṅ du skyel mi nus sam | des khye’u la smras pa | kār ṣā pa ṇa khyer te ’phags pa’i phyi bźin soṅ la phyi rol du ma ’byuṅ śig | ’dis khyod la bca’ ba’i rin sbyin (4) du ma gźug śig | khye’u des kār ṣā pa ṇa khyer te de’i phyi bźin sraṅ du soṅ nas tshoṅ rdal daṅ por phyin pa daṅ | des smras pa | ’phags pa kār ṣā pa ṇa ’di dag ’dir ’jog tu stsol cig | ñe daga’asa khye’u khyod śin tu legs par bslabs so || źes des spos ’tshoṅ (5) gi khye ’u źig la smras pa | bźin bzaṅs kār ṣā pa ṇa ’di dag re źig źog śig | ’phags pa bdag ni bla ma la rag las pa lags so || khyod nam yaṅ raṅ la rag las par ma gyur cig | des spos ’tshoṅ gi khye’u gźan źig gi gan du soṅ ste smras pa | bźin (6) bzaṅs kār ṣā pa ṇa ’di dag re źig źog śig | ’phags pa bdag gi bla ma slad rol du mchis so || nam yaṅ ’jug par ma gyur cig | de spos ’tshoṅ gi khye’u dad pa gsar daṅ ldan pa źig yod pa de’i gan du soṅ ste smras pa | bźin bzaṅs kār ṣā pa ṇa ’di dag re źig (7) źog śig | ’phags pa bdag ma la rag las pa lags so || kho bos ko khyod dad pa daṅ ldan par śes kyi kho bos khyod ji ltar rtug pa la dad par ni mi śes so || gal te khyod kyis dad pa mthob tu zin na khyod kyis śiṅ tshal blaṅs te dge sloṅ skrod par yaṅ ’gyur ro || de (123b1) skyeṅs nas smras pa | ’phags pa gźag tu gsol | ñe daga’asa kār ṣā pa ṇa de dag der bźag ste khyim bdag gi khye’u de phyir btaṅ ste soṅ ṅo || tshoṅ pa’i tshogs kyis kyaṅ bdag cag las gaṅ ñi ma śar na ’oṅ ba de bdag cag gis kār ṣā pa ṇa drug bcu ’jal du gźug go (2) źes khrims su bya ba bcas nas spos ’tshoṅ gi khye’u de la mas smras pa | bu ci nas kyaṅ bdag ñid kār ṣā pa ṇa drug bcu ’jal du mi gźug pa de ltar gyis śig | ñe dga’ mtshan mo ’gyod pa skyes te spos ’tshoṅ gi khye’u de dad pa gsar daṅ ldan pa yin pas | kār ṣā pa ṇa de (3) dag bsñon par ’gyur ba’i gnas gaṅ yin pa de lta bu yod par ’gyur ro sñam nas de naṅ par sṅar laṅs te khye’u źig khrid nas de tshoṅ rdal du soṅ ba daṅ | spos ’tshoṅ gi khye’u de tshoṅ rdal ’byed ciṅ ’dug pa des mthoṅ nas smras pa | bźin bzaṅs kār ṣā pa ṇa de dag byin cig | (4) ’phags pa tshoṅ pa’i tshogs kyis bdag cag las gaṅ gdugs śar na mchi ba de kār ṣā pa ṇa drug bcu ’jal du stsal pa’i khrims su bgyi ba bcas pas bdag cag tshoṅ pa’i tshogs kyi nad du mchis te | slar mchis kyi bar du yud tsam źig bźes su gsol | bkren pa (5) su źig khyod kyi lto gol ba yin sñam su źig sgyiṅ pa gñis skraṅs skraṅs su sdod par ’gyur | gal te ma byin par ’gro na ko sa lar byuṅ ba’i rgyal po gsal rgyal gyis kār ṣā pa ṇa drug bcu ’jal du gźug pa’i gyod la bsgrin par bya’o || sbos ’tshoṅ gi khye’u de khros nas kār ṣā pa ṇa’i thum (6) bu de ’phaṅs pa daṅ | de’i rgya gogs so || ñe daga’asa smras pa | rgya ma byid dam | ma źu’am | sgyu ma źugs sam blta’o || ci kho bo khyod kyis brtags te gtad dam | gal te khyod kyis brtags te ma blaṅs na ci’i phyir rgya gcog par byed | ñe daga’asa spos (7) ’tshoṅ gi khye’u de de srid du bsgor gyi bar du tshoṅ pa’i tshogs kyis de’i khyim nas kār ṣā pa ṇa drug bcu’i gta’ bcad nas | de la mas smras pa | bu khyod kyis las ci byas na des khyod kyis bdag ñid kār ṣā pa ṇa drug bcu’i gyod la bsgrin par gyur | khye’us smras pa | gaṅ (124a1) dag śākya ’i sras kyi dge sbyoṅ rnams la mṅon par dad par byed pa de dag ’di ltar ’gyur te | dad pa’i myu gu skyes ma thag pa ñid ñams par byas so źes zer ba’i skabs de dge sloṅ rnams kyis bcom ldan ’das la gsol to || de nas bcom ldan (2) ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || (3) saṅs rgyas bcom ldan ’das kyis tshe daṅ ldan pa ñe dga’ la rmas pa | ñe dga’ khyod kyis mi mdzes pa de lta bu de byas pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma (4) yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par (5) gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gi phyir rgyal po’am | blon po chen po’am | bram (6) ze’am | khyim bdag gam | groṅ rdal gyi mi’am | yul gyi mi’am | nor can nam | tshoṅ dpon nam | ded dpon gyis pho ña’i lag tu gos kyi rin dag bskur bar gyur la | de nas pho ña de gos kyi rin de dag khyer nas dge sloṅ de ga la ba der soṅ ste phyin nas | dge (7) sloṅ de la ’di skad ces ’phags pa mkhyen par mdzod cig | khyod la rgyal po’am | blon po chen po’am | bram ze’am | khyim bdag gam | groṅ rdal gyi mi’am | yul gyi mi’am | nor can nam | tshoṅ dpon nam | ded dpon che ge mos gos kyi rin ’di dag bskur gyis (124b1) ’phags pas thugs brtse ba’i slad du ’di dag bźes śig ces zer na dge sloṅ des | pho ña de la ’di skad ces tshe daṅ ldan pa pho ña dge sloṅ dag ni gos kyi rin dag len du mi ruṅ ste | bdag cag gos ruṅ ba dus su rñed na ni len to źes brjod par bya’o || gal te pho ña des dge sloṅ (2) de la ’di skad ces ’phags pa rnams kyi źal ta bgyid pa | ’phags pa rnams kyi źal ta ñams su len pa gaṅ lags pa | ’ga’ mchis sam źes zer na dge sloṅ gos ’dod pas pho ña ’di ni dge sloṅ rnams kyi źal ta byed pa ste | ’di ni dge sloṅ rnams kyi źal ta ñams (3) su len pa’o źes kun dga’i ra ba ba’am | dge bsñen źal ta byed pa bstan par bya’o || de nas pho ña des gos kyi rin de dag khyer nas źal ta byed pa ga la ba der ’gro bar bya źiṅ phyin nas źal ta byed pa de la ’di skad ces tshe daṅ ldan pa źal ta byed pa śes par gyis śig | (4) khyod kyi gos kyi rin ’di dag gis gos ’di daṅ ’di lta bu źig ños la dge sloṅ miṅ ’di źes bya ba ’oṅs daṅ de la gos ruṅ ba dus su skon cig ces brjod par bya’o || de nas pho ña des źal ta byed pa de la śin tu legs par yaṅ dag par bsgo źiṅ yaṅ dag par bstan nas | dge sloṅ (5) de ga la ba der ’gro bar bya źiṅ phyin nas | dge sloṅ de la ’di skad ces ’phags pas źal ta bgyid pa bstan pa gaṅ lags pa de la bdag gis yaṅ dag par bstan lags kyis de’i gan du bźud cig daṅ | des khyod la gos ruṅ ba dus su skon par ’gyur ro źes brjod par bya’o || (6) dge sloṅ gos ’dod pas źal ta byed pa’i gan du soṅ la tshe daṅ ldan pa źal ta byed pa bdag pos ’dod do || tshe daṅ ldan pa źal ta byed pa bdag gos ’dod do źes lan gñis lan gsum du bskul bar bya | dran par bya’o || lan gñis lan gsum du bskul źiṅ dran par (7) byas pa na gal te gos de grub na de lta na legs | gal te ma grub na lan bźi lan lṅa lan drug gi bar du phyogs su caṅ mi smra bar bsdad par bya’o || lan bźi lan lṅa lan drug gi bar du phyogs su caṅ mi smra bar bsdad pa na | gal te gos de grub na de lta na legs | gal te (125a1) ma grub na de’i ’og tu gos bsgrub pa’i phyir brtsal te | gos grub pa na spaṅ ba’i ltuṅ byed do || gal te ma grub na phyogs gaṅ nas gos kyi rin de dag ’oṅs pa der bdag ’gro bar bya’o || yaṅ yid brtan pa’i pho ñas tshe daṅ ldan pa dag gis dge sloṅ (2) che ge mo’i phyir gos kyi rin gaṅ dag bskur ba de dag ni dge sloṅ de’i don ci yaṅ ma grub kyis | śes par gyis śig tshe daṅ ldan pa dag gis raṅ gi nor chud ma gzan cig ces spriṅ bar bya ste | de la de ni chog yin no || dge sloṅ gi phyir źes bya ba ni | śākya ’i bu ñe (3) dga’ ’am | gźan yaṅ de lta bu gaṅ yin pa’i phyar ro || rgyal po’am źes bya ba ni ’di lta ste | bud med rgyal srid la dbaṅ bskur bas dbaṅ bskur bar gyur na de yaṅ rgyal po rgyal rigs spyi bor dbaṅ bskur ba yin la | rgyal rigs daṅ | bram ze daṅ | rje’i rigs (4) daṅ | dmaṅs rigs dag rgyal srid la dbaṅ bskur bas dbaṅ bskur bar gyur na de yaṅ rgyal po rgyal rigs spyi bor dbaṅ bskur ba yin no || blon po chen po’am źes bya ba ni rgyal po las gźan pa blon po daṅ | rtsis mkhan daṅ | sna chen po la gtogs pa rgyal srid (5) byed pa gsaṅ tshig mthun pas ’tsho ba gaṅ dag rgyal po la brten nas ’tsho bar byed pa dag go || bram ze’am źes bya ba ni bram ze gtsaṅ sbra can no || khyim bdag gam źes bya ba ni phyug pa’o || groṅ rdal gyi mi’am źes bya ba ni groṅ khyer gyi mi’o || yul gyi mi’am źes (6) bya ba ni yul mi’o || nor can nam źes bya ba ni nor byed pas phyug pa’o || tshoṅ dpon nam źes bya ba ni cod pan bciṅs pa’o || ded dpon gyis źes bya ba ni gaṅ gis lan gñis sam gsum don mthun ’das par gyur pas so || pho ña’i lag tu źes bya ba ni skyes pa (7) daṅ | bud med daṅ | ma niṅ gi’o || gos kyi rin dag ces bya ba ni gser ram dbul dag go || zer na źes bya ba ni smra na’o || gos ruṅ ba źes bya ba ni spyaṅ bzod pa’o || dge sloṅ gos ’dod pas źes bya ba ni gal te don du gñer na’o || kun dga’i ra ba pa (125b1) źes bya ba ni ruṅ ba byed pa’o || dge bsñen źes bya ba ni gsum la skyabs su soṅ ba bslab pa’i gźi lṅa blaṅs pa’o || phyogs su źes bya ba ni phyogs bźi po dag tu ste | phyogs bźi po dag gaṅ źe na | ’bod gnas daṅ | khyim gnas daṅ | las kyi mtha’ daṅ | (2) las kyi gnas dag go || ’bod gnas ni rdza mkhan gyi gnas daṅ | ’dreg mkhan gyi gnas daṅ | khyim gnas ni khyim mam chu’i gnas so || las kyi mtha’ ni bu ram śiṅ gi las kyi mtha’ daṅ | sā lu’i las kyi mtha’ daṅ | lan tshwa’i las kyi mtha’ dag go || (3) las kyi gnas ni tshoṅ khaṅ daṅ tshoṅ rdal lo || caṅ mi smra bar bsdad par bya’o || źes bya ba ni bskul ba’i sgo drug po dag gis te | bskul ba’i sgo drug po dag gaṅ źe na | khyod ’oṅs sam źes zer ba la de’i phyir re źes bya ba daṅ | ’oṅs pa legs so źes zer ba la (4) de’i phyir ro źes bya ba daṅ | stan ’di la ’dug śig ces zer ba la de’i phyir ro źes bya ba daṅ | rkaṅ pa khrus śig ces zer ba la de’i phyir ro źes bya ba daṅ | bca’ ba daṅ bza’ ba zo śig ces zer ba la de’i phyir ro źes bya ba daṅ | btuṅ ba ’thuṅs śig ces zer ba la (5) de’i phyir ro źes bya ba’o || bskul ba’i sgo drug po de dag ha caṅ myur ba daṅ | thogs pa med par brjod ciṅ de la gźan gyi tshig gi skabs med par byed na bskul ba’i sgo drug po dag yoṅs su ma rdzogs par brjod par bya’o || bskul ba’i sgo drug po de dag ha caṅ mi myur (6) ba daṅ | thogs pa daṅ bcas par rjod par byed ciṅ de la gźan gyi tshig gi skabs yod par byed na | bskul ba’i sgo drug po dag yoṅs su rdzogs par brjod par bya’o || de’i ’og tu źes bya ba ni de’i ’og rol du’o || gos grub na źes bya ba ni thob na’o || spaṅ ba’i (7) ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ste des na spaṅ ba’i ltuṅ byed do || źes gsuṅs so || gal te ma grub na phyogs gaṅ nas gos kyi rin de dag ’oṅs pa der bdag ’gro bar bya’o || źes bya ba ni bdag ñid ’gro bar bya’o || yaṅ (126a1) na yid bstan pa’i pho ña las źes bya ba ni lhan cig gnas pa’am ñe gnas las so || de la de ni cho ga yin no źes bya ba ni de la de ni rjes su mthun pa’i chos yin pa’o || de la ltuṅ bar ji ltar ’gyur źe na | gal te źal ta byed pa de dge sloṅ de’i (2) gan du ’oṅs nas ’di skad ces ’phags pa gos ’di dag bźes śig ces zer na dge sloṅ des źal ta byed pa de la ’di skad ces bdag gis ’di dag spaṅs zin gyis soṅ la de ñid la byin cig ces brjod par bya’o || gal te źal ta byed pa de dge sloṅ de la ’di skad ces (3) ’phags pa bdag gis de’i sems bsdu ba rjes su bsgrub kyis bźes śig ces zer na blaṅ bar bya’o || dge sloṅ gis go rims de lta bu ma byas par gaṅ cuṅ zad len na thams cad du ñes byas su ’gyur ro || mi ma yin pas sbyin par byed ciṅ mi ma yin pa’i pho ña daṅ | mi ma yin pas (4) ruṅ bar byed na ñes byas su ’gyur ro || mi ma yin pas sbyin par byed ciṅ mi ma yin pa’i pho ña daṅ | mis ruṅ bar byed na yaṅ ñes byas su ’gyur ro || mi ma yin pas sbyin par byed ciṅ mi’i pho ña daṅ | mi ma yin pas ruṅ bar byed na yaṅ ñes byas su ’gyur ro || mis sbyin par byed ciṅ mi ma yin pa’i pho ña daṅ | (5) mi ma yin pas ruṅ bar byed na yaṅ ñes byas su ’gyur ro || mis sbyin par byed ciṅ mi’i pho ña daṅ | mi ma yin pas ruṅ bar byed na ñes byas su ’gyur ro || mis sbyin par byed ciṅ mi ma yin pa’i pho ña daṅ | mis ruṅ bar byed na ñes byas su ’gyur ro || mi ma yin (6) pas sbyin par byed ciṅ | mi’i pho ña daṅ | mis ruṅ bar byed na yaṅ ñes byas su ’gyur ro || mis sbyin par byed ciṅ mi’i pho ña daṅ | mis ruṅ bar byed na ni spaṅ ba’i ltuṅ byed du ’gyur ro || dge sloṅ gi gos spaṅ bar gyur na de ma spaṅs śiṅ bral bar ma byas la (7) ltuṅ ba ma bśags par gos gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar ma byas la ltuṅ ba ma bśags par gos gźan źig rñed de yaṅ sṅa ma’i rgyud kyis spaṅ bar ’gyur ro || dge (126b1) sloṅ gi gos spaṅ bar gyur na de spaṅs śiṅ bral bar byas la | ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi gos spaṅ bar gyur na de spaṅs śiṅ bral bar byas la ltuṅ ba bśags nas gos gźan źig rñed na de la ltuṅ (2) ba med do || de bźin du dge sloṅ gis ji srid du gźi des ma bśags śiṅ so sor ma bśags par lhuṅ bzed dam | chos gos sam | dra ba’am | phor bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba ñe bar ’jog na de yaṅ spaṅ bar ’gyur ro || las daṅ po (3) pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || bskur ba’i spaṅ ba ste bcu pa rdzogs s+ho || ||

sdom la |
srin bal ’ba’ źig cha gñis daṅ ||
drug daṅ mtho gaṅ lam daṅ ni ||
’khru ba daṅ ni (4) gser dṅul daṅ ||
mṅon mtshan can daṅ ño ’tshoṅ ṅo ||

[Naiḥsargika 11]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ dag srin bal gyi stan sar pa byed pa daṅ | byed du ’jud de | dge (5) sloṅ dag srin bal gyi stan sar pa byed pa daṅ | byed du ’jud pa na srin bal dkon źiṅ rin che bas bya ba maṅ ba daṅ | byed pa maṅ bar gyur ciṅ | luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas kyaṅ (6) gtoṅ bar byed | srin bal ’dod pa daṅ | srin bal gyi don ñid du ’oṅs pa dag bram ze daṅ | khyim bdag rnams la yaṅ daṅ yaṅ du rig par byed nas | gźan mu stegs can dag śes ldan dag śākya ’i bu’i dge sbyoṅ ’di dag ni srog gcod par byed pa dag ste | srog (7) gcod pa las ma log ma spaṅs so sor ma spaṅs pas des na srin bal gyi stan sar pa byed pa daṅ | byed du ’jud de | de dag srin bal gyi stan sar pa byed pa daṅ | byed du ’jud pas srin bal ’byuṅ ba’i srin bu srog chags maṅ po’i tshogs bsgrub śiṅ srog gcod par (127a1) byed de | su źig dge sbyoṅ mgo reg ’di dag la bsod sñoms sbyin pa daṅ bya bar sems źes smod par byed | phyar ka gtoṅ bar byed | kha zer bar byed pa’i skabs de dge sloṅ dag gis bcom ldan ’das la gsol to || de nas bcom ldan ’das (2) kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste | źes bya ba la sogs pa yaṅ sṅa ma bźin no || (3) saṅs rgyas bcom ldan ’das kyis dge sloṅ rnams la rmas pa | dge sloṅ dag khyod srin bal gyi stan sar pa byed pa bden nam | btsun pa maṅ ṅo || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ | dgaṅ dka’ (4) ba rnam par smad par mdzad do || de nas bcom ldan ’das kyis ’dod pa chuṅ ba daṅ | chog śes pa daṅ | gso sla ba daṅ | dgaṅ sla ba daṅ | phreṅ ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa (5) brjod nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul (6) ba la bslab pa’i gźi ’di ltar gdon par bya ste | yaṅ dge sloṅ gaṅ srin bal gyi stan sar pa byed na spaṅ ba’i ltuṅ byed do || yaṅ dge sloṅ gaṅ źes bya ba ni chos ’di ba’o || srin bal gyi stan źes bya ba ni stan gñis te | naṅ tshaṅs can daṅ | rliṅs pa ste | don (7) ’dir ni gñis ka yin par dgoṅs so || sar pa źes bya ba ni sar pa gñis te | gsar pas sar pa daṅ | rñed pas sar pa ste | don ’dir ni gsar pas sar pa yin par dgoṅs so || byed na źes bya ba ni bdag ñid kyis sam gźan byed du ’jud na’o || spaṅ ba’i (127b1) ltuṅ byid do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do || źes gsuṅs so || de la ltuṅ bar ji ltar ’gyur źe na | chun po daṅ | ’da’ ba daṅ | phuṅ po las te | dge sloṅ gis srin bal dag gi chun po (2) ’byed par byed | ’jig par byed | rmel bar byed ciṅ ji srid du stan mi byed pa de srid du ñes byas su ’gyur la | stan byas zin na spaṅ ba’i ltuṅ byed du ’gyur ro || dge sloṅ gis srin bal dag gi ’da’ bar ’byed par byed | ’jig par byed | rmel bar byed ciṅ (3) ji srid du stan mi byed pa de srid du ñes byas su ’gyur la | stan byas zin na spaṅ ba’i ltuṅ byed du ’gyur ro || dge sloṅ gis srin bal dag gi phuṅ po ’byed par byed | ’jig par byed | rmel bar byed ciṅ ji srid du stan mi byed pa de srid du ñes byas su ’gyur la | stan (4) byas zin na spaṅ ba’i ltuṅ byed du ’gyur ro || dge sloṅ gis srin bal dag gi chun po daṅ ’da’ ba daṅ | chun po daṅ | phuṅ po daṅ | ’da’ ba daṅ | chun po daṅ | ’da’ ba daṅ | phuṅ po daṅ | phuṅ po daṅ | chun po daṅ | phuṅ po daṅ | ’da’ ba daṅ | chun po (5) daṅ | ’da’ ba daṅ | phuṅ po ’byed par byed | ’jig par byed | rmel bar byed ciṅ ji srid du stan mi byed pa de srid du ñes byas su ’gyur la | stan byas zin na spaṅ ba’i ltuṅ byed du ’gyur ro || byas zin pa rñed pa daṅ | byas zin pa la yoṅs su loṅs spyod pa daṅ | (6) rñiṅ pa mṅon par ’du byed pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || sril bal gyi spaṅ ba ste bcu gcig pa rdzogs s+ho || ||

[Naiḥsargika 12]
saṅs rgyas bcom ldan ’das (7) mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ dag lug pa la nag po ’ba’ źig gi stan sar pa byed pa daṅ | byed du ’jud de | dge sloṅ dag lug bal nag po ’ba’ źig gi stan sar pa byed pa daṅ | byed (128a1) du ’jud pa na lug bal nag po ’ba’ źig dkon źiṅ rin che bas bya ba maṅ ba daṅ | byed pa maṅ bar gyur ciṅ | luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas kyaṅ gtoṅ (2) bar byed | lug bal nag po ’ba’ źig ’dod pa daṅ | lug bal nag po ’ba’ źig gi don ñid du ’oṅs pa dag bram ze daṅ | khyim bdag rnams la yaṅ daṅ yaṅ du rig par byed nas | dge sloṅ don ñuṅ ṅu dag ci’i phyir | dge sloṅ dag lug gi bal nag po ’ba’ (3) źig gi stan sar pa byed pa daṅ | byed du ’jud de | dge sloṅ dag lug bal nag po ’ba’ źig gi stan sar pa byed pa daṅ | byed du ’jud pa na lug bal nag po ’ba’ źig dkon źiṅ rin che bas bya ba maṅ ba daṅ | byed pa maṅ bar gyur ciṅ | luṅ mnod pa daṅ | bklag (4) pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas kyaṅ gtoṅ bar byed | lug bal nag po ’ba’ źig ’dod pa daṅ | lug bal nag po ’ba’ źig gi don ñid du ’oṅs pa dag bram ze daṅ | khyim bdag rnams la yaṅ daṅ (5) yaṅ du rig par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ dag gis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu (6) ba mdzad do źes bya ba la sogs ba sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || saṅs rgyas bcom ldan ’das kyis dge sloṅ rnams la rmas pa | dge sloṅ dag khyed lug bal (7) nag po ’ba’ źig gi stan sar ba byed pa bden nam | btsun pa mad do || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ | dgaṅ dka’ ba rnam par smad par mdzad do || de nas bcom ldan ’das kyis ’dod pa (128b1) chuṅ ba daṅ | chog śes pa daṅ | gso sla ba daṅ | dgaṅ sla ba daṅ | pri ba daṅ | yo byad bsñaṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa brjod nas | dge sloṅ rnams la bka’ stsal pa | dge sloṅ dag de lta bas na phan (2) yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste | źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ lug bal nag (3) po ’ba’ źig gi stan sar pa byed na spaṅ ba’i ltuṅ byed do || yaṅ dge sloṅ gaṅ źes bya ba ni chos ’di pa’o || lug bal źes bya ba ni lug gi bal lo || nag po ’ba’ źig gi źes bya ba ni nag po bźi ste | raṅ bźin gyis gnag pa daṅ | sṅo bas gnag pa daṅ | ’dam kha (4) daṅ | kham pa’o || stan źes bya ni stan gñis te | naṅ tshaṅs can daṅ | rliṅs pa ste | don ’dir ni rliṅs pa yin par dgoṅs so || sar pa źes bya ba ni sar pa gñis te | gsar pas sar pa daṅ | rñed pas sar pa ste | don ’dir ni gsar pas sar pa (5) yin par dgoṅs so || byed na źes bya ba ni bdag ñid kyis sam | gźan byed du ’jud na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do || źes gsuṅs so || de la ltuṅ bar ji ltar (6) ’gyur źe na | chun po daṅ | ’da’ ba daṅ | phuṅ po las te | dge sloṅ gis lug bal nag po ’ba’ źig dag gi chun po ’byed par byed | ’jig par byed | rmel bar byed ciṅ ji srid du stan mi byed pa de srid du ñes byas su gyur la | stan byas zin spaṅ ba’i ltuṅ byed (7) du ’gyur ro || dge sloṅ gis lug bal nag po ’ba’ źig dag gi ’da’ ba ’byed par byed | ’jig par byed | rmel bar byed ciṅ ji srid du stan mi byed pa de srid du ñes byas su ’gyur la | stan byas zin na spaṅ ba’i ltuṅ byed du ’gyur ro || dge sloṅ gis lug bal nag (129a1) po ’ba’ źig dag gi phuṅ po ’byed par byed | ’jig par byed | rmel bar byed ciṅ ji srid du stan mi byed pa de srid du ñes byas su ’gyur la | stan byas zin na spaṅ ba’i ltuṅ byed du ’gyur ro || dge sloṅ gis lug bal nag po ’ba’ źig dag gi (2) tshun po daṅ | ’da’ ba daṅ | chun po daṅ | phuṅ po daṅ | ’da’ ba daṅ | chun po daṅ | ’da’ ba daṅ | phuṅ po daṅ | phuṅ po daṅ | chun po daṅ | phuṅ po daṅ | ’da’ ba daṅ | chun po daṅ | ’da’ ba daṅ | phuṅ po ’byed par byed | ’jig par byed (3) rmel bar byed ciṅ ji srid du stan mi byed pa de srid du ñes byas su ’gyur la | stan byas zin na spaṅ ba’i ltuṅ byed du ’gyur ro || byas zin pa rñed pa daṅ | byas zin pa la yoṅs su loṅs spyod pa daṅ | rñed pa mṅon par ’du byed pa la ltuṅ ba med do || las daṅ po ba (4) daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || bal nag po ’ba’ źig gi spaṅ ba ste bcu gñis pa rdzogs s+ho || ||

[Naiḥsargika 13]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi (5) kun dga’ ra ba na bźugs so || bcom ldan ’das kyis dge sloṅ gis lug gi bal nag po ’ba’ źig gi stan sar pa mi bya’o źes gsuṅs pas | de dag ba la dkar po daṅ | mkhob bal cuṅ źig bcug nas lug gi bal nag po ’ba’ źig gi stan sar pa byed pa daṅ | (6) byed du ’jud de | des kyaṅ de dag bya ba maṅ pa daṅ | byed pa maṅ bar gyur ciṅ luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źig nas kyaṅ gtoṅ bar byed do || de ’dod pa daṅ | de’i don ñid du ’oṅs (7) pa dag bram ze daṅ | khyim bdag rnams la yaṅ daṅ yaṅ du rig par byed nas | dge sloṅ don ñuṅ du dag ci’i phyir dge sloṅ dag bal dkar po daṅ | mkhob bal cuṅ źig bcug nas lug gi bal nag po ’ba’ źig gi stan sar ba byed pa dadaṅa | byed du ’jud de | des (129b1) kyaṅ bya ba maṅ ba daṅ | byed pa maṅ bar gyur ciṅ | luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas kyaṅ gtoṅ bar byed | de ’dod pa daṅ | de’i don ñid du ’oṅs pa dag bram ze daṅ | khyim bdag (2) rnams la yaṅ daṅ yaṅ du rig par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ dag gis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi (3) dge ’dun bsdu ba mdzad do || źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste | źes bya ba la sogs pa yaṅ sṅa ma bźin no || saṅs rgyas bcom ldan ’das kyis dge sloṅ rnams la rmas pa | (4) dge sloṅ dag khyed cag ṅas dge sloṅ gis lug gi bal nag po ’ba’ źig gi stan sar pa mi bya’o || źes gsuṅs pas bal dkar po daṅ | mkhob bal cuṅ źig bcug nas lug gi bal nag po ’ba’ źig gi stan sar pa byed pa daṅ | byed du ’jud pa bden nam | (5) btsun pa mad do || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ | dgaṅ dka’ ba rnam par smad pa mdzad do || de nas bcom ldan ’das kyis | ’dod pa chuṅ ba daṅ | chog śes pa daṅ | gso sla ba (6) daṅ | dgaṅ sla ba daṅ | phreṅ ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul (7) ba la ñan thos rnams kyi bslab pa’i gźi bca’ bar bya ste | źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gis stan sar pa byed na cha gñis ni lug bal nag po ’ba’ źig las gźug (130a1) par bya | gsum pa ni dkar po las | bźi ba ni mkhob bal las gźug par bya’o || gal te dge sloṅ gis cha gñis lug bal nag po ’ba’ źig las ma bcug gam | gsum pa ni dkar po las | bźi ba ni mkhob bal las ma bcug par stan sar pa (2) byed na spaṅ ba’i ltuṅ byed do || dge sloṅ gis źes bya ba ni chos ’di bas so || stan źes bya ba ni stan gñis te | naṅ tshaṅs can daṅ | rliṅs pa ste | don ’dir ni rliṅs pa yin par dgoṅs so || sar pa źes bya ba ni sar pa gñis te | gsar pas sar pa daṅ | rñed (3) pas sar pa ste | don ’dir ni gsar pas sar pa yin par dgoṅs so || byed na źes bya ba ni bdag ñid kyis sam | gźan byed du ’jud na’o || cha gñis ni lug bal nag po ’ba’ źig las gźug par bya źes bya ba la | lug bal źes bya ba ni lug gi bal lo || (4) nag po ’ba’ źig ces bya ba ni nag po bźi ste | raṅ bźin gyis gnag pa daṅ | sṅo bas gnag pa daṅ | ’dam kha daṅ | kham pa’o || gsum pa ni dkar po las źes bya ba las dkar po źes bya ba ni glo’i bal daṅ | rgyab kyi bal daṅ | gña’ ba’i bal lo || bźi (5) pa ni mkhob bal las gźug par bya’o źes bya ba la | mkhob bal źes bya ba ni rkaṅ pa’i bal daṅ | mgo’i bal daṅ | lto’i bal lo || ma bcug ces bya ba ni ma bsres par ro || spaṅ ba’i ltuṅ byed do || źes bya ba ni dṅos po de spaṅs nas ltuṅ byed kyi ltuṅ ba bśags (6) par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis stan sraṅ bcu pa byed na de lug bal nag po ’ba’ źig las sraṅ lṅa daṅ | dkar po las sraṅ phyed daṅ gsum daṅ | mkhob bal las sraṅ phyed daṅ gsum (7) gźug par bya’o || gal te dge sloṅ gis cha gñis lug bal nag po ’ba’ źig las ma bcug gam | gsum pa dkar po las | bźi pa mkhob bal las ma bcug par stan sar pa byed na stan zin na spaṅ ba’i ltuṅ byed du ’gyur ro || sraṅ bcu pa ji lta ba de bźin du (130b1) dge sloṅ gis stan sraṅ ñi śu pa daṅ | sraṅ sum bcu pa daṅ | sraṅ bźi bcu pa daṅ | sraṅ lṅa bcu pa byed na des lug bal nag po ’ba’ źig las sraṅ ñi śu rtsa lṅa daṅ | dkar po las sraṅ phyed daṅ bcu gsum daṅ | mkhob bal las sraṅ phyed daṅ bcu gsum (2) gźug par bya’o || gal te dge sloṅ gis cha gñis lug bal nag po ’ba’ źig las ma bcug gam | gsum pa dkar po las bźi pa mkhob bal las ma bcug par stan sar pa byed na | stan zin na spaṅ ba’i ltuṅ byed du ’gyur ro || dge sloṅ gis dkar po (3) daṅ | mkhob bal las sraṅ gcig gam | sraṅ phyed phri ste | lug bal nag po ’ba’ źig las stan sar pa byed na thams cad du spaṅ ba’i ltuṅ byed du ’gyur ro || nag po ’ba’ źig mod pa daṅ | rin mñam pa daṅ | dkar po daṅ | mkhob bal dkon pa daṅ | (4) rin che bar gyur na ltuṅ ba med do || las daṅ po ba daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || cha gñis bsres pa’i spaṅ ba ste bcu gsum pa rdzogs s+ho || ||

[Naiḥsargika 14]
saṅs rgyas bcom ldan ’das mñan yod na (5) rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ rnams la stan maṅ ba ñid ’di lta bu ’di byuṅ bar gyur te | de dag stan ’di ni ha caṅ riṅs so || ’di ni ha caṅ thuṅs so źes de bor nas gźan byed du ’jud do || stan ’di ni ha caṅ dog (6) go || ’di ni ha caṅ yaṅs so || ’di ni thams cadasa kyi thams cad du bug rdol daṅ | śa zad pa daṅ | bcos dka’ ba ñid yin no źes de bor nas gźan byed du ’jud pas | dge sloṅ de dag stan byas śiṅ byas śiṅ ’dor ban bya ba maṅ ba daṅ | byed pa maṅ bar gyur ciṅ | (7) luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed nas | dge sloṅ don ñuṅ ṅu dag ci’i phyir | dge sloṅ rnams la stan maṅ ba ñid ’di lta bu ’di byuṅ bar gyur te | ’di dag stan ’di ni ha caṅ (131a1) riṅs so || ’di ni ha caṅ thuṅs so || źes de bor nas gźan byed du ’jud | stan ’di ni ha caṅ dog go || ’di ni ha caṅ yaṅs so || ’di ni thams cad kyi thams cad du bug rdol daṅ | śa zad pa daṅ | bcos dka’ ba ñid yin no || (2) źes de bor nas gźan byed du ’jud pas | dge sloṅ ’di dag stan byas śiṅ stan byas śiṅ ’dor ba na bya ba maṅ ba daṅ | byed pa maṅ bar gyur ciṅ | luṅ mnod pa daṅ | bklag pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas (3) gtoṅ bar byed ces smod par byed | kha zer bar byed | phyar ka gtoṅ bar byed pa’i skabs de dge sloṅ dag gis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad (4) do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || saṅs rgyas bcom ldan ’das kyis dge sloṅ rnams la rmas pa | dge sloṅ dag khyed la stan maṅ ba ñid (5) ’di lta bu ’di byuṅ bar gyur te | khyed cag stan ’di ni ha caṅ riṅs so || ’di ni ha caṅ thuṅs so źes de bor nas gźan byed du ’jud | stan ’di ni ha caṅ dog go || ’di ni ha caṅ yaṅs so || ’di ni thams cad kyi thams cad du bug rdol daṅ | śa zad pa daṅ | (6) bcos dka’ ba dag ñid yin no || źes de bor nas gźan byed du ’jud pa bden nam | btsun pa maṅ ṅo || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ | dgaṅ dka’ ba rnam par smad par mdzad do || (7) de nas bcom ldan ’das kyis ’dod pa chuṅ ba daṅ | chog śes pa daṅ | gso sla ba daṅ | dgaṅ sla ba daṅ | phri ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa brjod nas | dge sloṅ (131b1) rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul bal bslab pa’i gźi ’di (2) ltar gdon par bya ste | dge sloṅ gis stan sar pa byed na mi ’dod bźin du lo drug tu bcaṅ bar bya’o || gal te dge sloṅ gis lo drug tshun chad du stan rñiṅ ba de spaṅs kyaṅ ruṅ | ma spaṅs kyaṅ ruṅ stan sar pa gźan byed na spaṅ ba’i ltuṅ byed do źes bcom ldan ’das (3) kyis ’dul ba la ñan thos rnams kyi bslab pa’i gźi bca’ ba mdzad do || saṅs rgyas bcom ldan ’das ’brog gnas na ’brog gi nags na bźugs so || ’brog gnas graṅ źiṅ rluṅ che bas dge sloṅ lag gi bla dag lo drug tu stan gyis mi thub pa de dag graṅ ba dag gis (4) las sar pa dag rgyun bcad par gyur to || saṅs rgyas bcom ldan ’das rnams ni mkhyen bźin du rmed par mdzad pa ste | mkhyen bźin du rmed pa | mkhyen kyaṅ mi rmed pa | dus su rmed pa | dus las yol bar mi rmed pa | don daṅ ldan par rmed pa | don daṅ (5) mi ldan par mi rmed pas | saṅs rgyas bcom ldan ’das rnams ni don daṅ mi ldan par rmed pa la chu lon gyis zlog pa mdzad pa yin no || de la saṅs rgyas bcom ldan ’das rnams ni don daṅ ldan par rmed pa la dus mkhyen pa yin pas | saṅs rgyas bcom ldan (6) ’das kyis tshe daṅ ldan pa kun dga’ bo la rmas pa | kun dga’ bo ci’i phyir dge sloṅ lag gi bla dag gis las sar pa dag rgyun bcad par gyur | btsun pa bcom ldan ’das kyis ’di ltar dge sloṅ gis stan sar pa byed na mi ’dod bźin du lo drug tu bcaṅ bar bya’o || gal (7) te dge sloṅ gis lo drug tshun chad du stan rñiṅ pa de spaṅs kyaṅ ruṅ | ma spaṅs kyaṅ ruṅ | stan sar pa gźan byed na spaṅ ba’i ltuṅ byed do || źes ’dul ba la ñan thos rnams kyi bslab pa’i gźi bca’ ba mdzad pas | dge sloṅ lag gi bla dag dguṅ lo drug gi bar du (132a1) stan gyis mi thub pa de dag graṅ ba dag gis las sar pa dag rgyun bkum par gyur to || bcom ldan ’das kyis bka’ stsal pa | kun dga’ bo dge sloṅ lag gi bla gaṅ la lo drug tu stan gyis mi thub pa’i dge sloṅ des dge ’dun las lo drug tshun chad (2) du stan gyi gnaṅ ba gsol bar bya’o || ’di ltar gsol bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas | dge ’dun thams cad ’dug ciṅ mthun par gyur la | dge sloṅ lag gi bla des bla (3) gos phrag pa gcig tu byas te | rgan rims kyis phyag ’tshal nas | rgan pa’i mtha’ logs su tsog pur ’dug ste | thal mo sbyar nas ’di skad ces brjod par bya’o || dge ’dun btsun pa rnams gsan du gsol | bdag dge sloṅ lag gi bla miṅ ’di źes bgyi ba lo (4) drug tu stan mi bgyid pa las | bdag dge sloṅ lag gi bla miṅ ’di źes bgyi ba dge ’dun las lo drug tshun chad du stan gnaṅ ba gsol na thugs brtse ba can | dge ’dun btsun pa rnams kyis thugs brtse ba’i slad du bdag dge sloṅ lag gi bla miṅ ’di źes bgyi ba la lo (5) drug tshun chad du stan gnaṅ ba stsal du gsol | de bźin du lan gñis lan gsum du bzlas te gsol bar bya’o || dge sloṅ de dag gis dge sloṅ lag gi bla de la dad pa’am | yid ches pas ’gro bar mi bya bar dge ’dun thams cad der ’doṅ bar bya ba’am | dge ’dun (6) gyis bskos pa’i dge sloṅ dag btaṅ bar bya źiṅ de dag stan de Raṅa gi mig sṅaRa bab par bya ba’am | yaṅ na stan de dge ’dun gyi dbus su dbyuṅ bar bya ste | gal te stan de ha caṅ riṅ ba yin na de dag gis bcad par bya’o || gal te ha caṅ thuṅ ba yin na bal sbyin par (7) bya’o || gal te ha caṅ yaṅs pa yin na de dag gis bcad par bya’o || gal te ha caṅ dog pa yin na bal sbyin par bya’o || gal te ral ba daṅ rdol ba yin na bal sbyin par bya’o || gal te thams cad kyis thams cad du bug rdol ba daṅ | śa zad pa daṅ | (132b1) bcos dka’ ba ñid yin na de’i ’og tu dge sloṅ gcig gis gsol ba bya ste las bya’o || dge ’dun btsun pa rnams gsan du gsol | dge sloṅ lag gi bla miṅ ’di źes bgyi ba ’di lo drug tu stan mi bgyid pa las dge sloṅ lag gi bla miṅ ’di źes bgyi ba ’di dge ’dun las lo (2) drug tshun chad du stan gnaṅ bar gsol na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ lag gi bla miṅ ’di źes bgyi ba la lo drug tshun chad du stan gnaṅ ba stsol to || ’di ni gsol ba’o || las ni (3) ’di ltar bya ste | dge ’dun btsun pa rnams gsan du gsol | dge sloṅ lag gi bla miṅ ’di źes bgyi ba ’di lo drug tu stan mi bgyid pa las dge sloṅ lag gi bla miṅ ’di źes bgyi ba ’di dge ’dun las lo drug tshun chad du stan gnaṅ bar gsol te | de’i slad du dge (4) ’dun gyis dge sloṅ lag gi bla miṅ ’di źes bgyi ba la lo drug tshun chad du stan gnaṅ ba stsol na | tshe daṅ ldan pa gaṅ dag dge sloṅ lag gi bla miṅ ’di źes bgyi ba ’di la lo drug tshun chad du stan gnaṅ bar stsal bar bzod pa de dag ni caṅ ma gsuṅ śig | gaṅ dag mi (5) bzod pa de dag ni gsuṅ śig | dge ’dun gyis bzod ciṅ gnaṅ nas dge ’dun gyis dge sloṅ lag gi bla miṅ ’di źes bgyi ba la lo drug tshun chad du stan gnas bstsal lags te | ’di ltar caṅ mi gsuṅ bas de de bźin du ’dzin to || dge ’dun gyis dge sloṅ lag (6) gi bla gaṅ la lo drug tshun chad du stan gnaṅ ba byin pa des lo drug tshun chad du stan byed du gźug ste ’di la ’gyod par mi bya’o || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod de | (7) dge sloṅ rnams la yaṅ de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchiṅ mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni gnaṅ ba yin no || ṅa’i ñan thos rnams (133a1) kyis ’dul ba la bslab pa’i gźi ’di ltar gdon par bya ste | dge sloṅ gis stan sar pa byed na mi ’dod bźin du lo drug tu bcaṅ bar bya’o || gal te dge sloṅ gis lo drug tshun chad du stan rñiṅ pa de spaṅs kyaṅ ruṅ | ma spaṅs kyaṅ ruṅ | stan sar pa gźan (2) byed na dge ’dun gyis gnaṅ ba ma gtogs te spaṅ ba’i ltuṅ byed do || dge sloṅ gis źes bya ba ni chos ’di pas so || stan źes bya ba ni stan gñis te | naṅ tshaṅs can daṅ | rliṅs pa ste | don ’dir ni rliṅs pa yin par dgoṅs so || sar pa źes bya ba ni sar pa (3) gñis te | gsar pas sar pa daṅ | rñed pas sar pa ste | don ’dir ni gsar pas sar pa yin par dgoṅs so || byed na źes bya ba ni bdag ñid kyis sam | gźan byed du ’jud na’o || mi ’dod bźin du lo drug tu bcaṅ bar bya’o źes bya ba ni lo drug gi (4) mtha’ tshun chad du bcaṅ bar bya ba’o || gal te dge sloṅ gis lo drug tshun chad du źes bya ba ni de’i mtha’ tshun chad do || stan rñiṅ pa źes bya ba ni stan gaṅ yod pa de’o || spaṅs kyaṅ ruṅ | ma spaṅs kyaṅ ruṅ stan sar pa gźan byed na źes bya ba ni gñis pa’o || dge (5) ’dun gyis gnaṅ ba ma gtogs so źes bya ba ni dge ’dun gyis gnaṅ ba bźag ste’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur (6) źe na || ||

bar sdom la |
gñis brtsams phyi ma zin pa daṅ ||
gñis brtsams sṅa ma zin pa daṅ ||
gñis zin nas ni gcig spoṅ daṅ ||
gñis ka brtsams te gtoṅ ba daṅ ||
lo drug pa la ñes med pa ||
de ni stan gyi bsdu ba yin ||

dge sloṅ (7) gis lo gaṅ la stan rtsom par byed pa’i lo de ñid la stan gñis pa rtsom par byed na gñis pa rtsom pa de la ñes byas su ’gyur la | byas zin na yaṅ ñes byas su ’gyur ro || sṅa ma la ni ltuṅ ba med do || lo de ñid la stan gñis pa mi rtsom yaṅ lo gñis pa daṅ | gsum (133b1) pa daṅ | bźi pa daṅ | lo lṅa pa la stan gñis pa rtsom par byed na gñis pa rtsom pa de la ñes byas su ’gyur la | byas zin na yaṅ ñes byas su ’gyur ro || sṅa ma la ni ltuṅ ba med do || dge sloṅ gis lo gaṅ la stan rtsom par byed pa’i lo de ñid la stan gñis pa brtsams (2) nas sṅa ma zin par byed na gñis pa rtsom pa de la ñes byas su ’gyur la | byas zin na spaṅ ba’i ltuṅ byed du ’gyur ro || lo de ñid la stan gñis pa brtsams nas zin par mi byed kyaṅ lo gñis pa daṅ | gsum pa daṅ | bźi pa daṅ | lṅa pa la stan gñis pa brtsams nas (3) sṅa ma zin par byed na de rtsom pa la ñes byas su ’gyur la | byas zin na spaṅ ba’i ltuṅ byed du ’gyur ro || dge sloṅ gis lo gaṅ la stan byas pa’i lo de ñid la stan gñis pa yaṅ byas nas des sṅa ma śos byin gyis brlabs te phyim śos gtoṅ bar byed dam | phyi ma śos bźag ste sṅa ma (4) śos gtoṅ bar byed na gñis pa rtsom pa de la ñes byas su ’gyur la | byas zin na spaṅ ba’i ltuṅ byed du ’gyur ro || sṅa ma la ni ltuṅ ba med do || lo de ñid la stan gñis pa ma byas kyaṅ lo gñis pa daṅ | gsum pa daṅ | bźi pa daṅ | lṅa pa la stan gñis pa byas nas des sṅa ma (5) śos bźag ste phyi ma śos gtoṅ bar byed dam | phyi ma śos bźag ste sṅa ma śos gtoṅ bar byed na gñis pa rtsom pa de la ñes byas su ’gyur la | byas zin na spaṅ ba’i ltuṅ byed du ’gyur ro || sṅa ma la ni ltuṅ ba med do || dge sloṅ gis lo gaṅ la stan rtsom pa’i de ñid la stan (6) gñis pa yaṅ brtsams nas de ma zin par gtoṅ bar byed dam | lo gñis pa daṅ | gsum pa daṅ | bźi pa daṅ | lṅa pa la brtsams nas de ma zin par gtod par byed na de rtsom par byed pa la ñes byas lṅar ’gyur la | sṅa ma la ni ltuṅ ba med do || dge sloṅ gis lo gaṅ (7) la stan byed pa’i lo de ñid la stan gñis pa mi byed ciṅ lo gñis pa la yaṅ mi byed | gsum pa la yaṅ mi byed | bźi pa la yaṅ mi byed | lṅa pa la yaṅ mi byed par lo drug pa la byed na ltuṅ ba med do || las daṅ po pa daṅ | smyos pa daṅ | sems ’khrugs pa daṅ | (134a1) tshor bdag gis ñen pa la ltuṅ ba med do || lo drug tu bcaṅ ba’i spaṅ ba ste bcu bźi pa rdzogs s+ho || || ’dul ba rnam par ’byed pa | bam po sum bcu rtsa gñis pa |

[Naiḥsargika 15]
saṅs rgyas bcom ldan ’das mñan yod na rgyal byed kyi tshal mgon (2) med zas sbyin gyi kun dga’ ba ra na bźugs so || gaṅ gi tshe bcom ldan ’das kyis bla na med pa’i mkhyen pa thugs su chud pa de’i tshe na thams cad du yul dbus su saṅs rgyas ’jig rten du byuṅ źes grag go źes sgra grags so || byaṅ lam na tshoṅ pa dag gis yul dbus su (3) saṅs rgyas ’jig rten du byuṅ ste | gaṅ dag de la mchod pa dag byed pa de dag gi mchod pa byas pa de dag ni śin tu ’bras bu che ba daṅ | phan yon che ba daṅ | gsal ba che ba daṅ | rgya chen por ’gyur ro źes thos so || thos nas kyaṅ de dag ’di sñam du sems te | bdag (4) cag zoṅ dag thogs te mñan yod du ’dod źiṅ der bdag cag gis khe sbogs kyaṅ bsgrub par bya | bcom ldan ’das la yaṅ bsñen bkur bya’o sñam du rig nas tshoṅ pa lṅa brgya byaṅ lam nas zoṅ dag thogs te yul dbus su ’phags so || de dag mthar gyis mñan yod du phyin nas (5) de dag gis zoṅ mkhos su phab ste | khyim bdag mgon med zas sbyin ga la ba der doṅ nas phyin pa daṅ | khyim bdag mgon med zas sbyin la ’di skad ces smras so || khyim bdag bdag cag saṅs rgyas bcom ldan ’das blta bar ’dod do || śes ldan dag de bźin (6) gśegs pa dgra bcom pa yaṅ dag par rdzogs par saṅs rgyas rnams ni blta bar bya ba rin po che khon yin te | de bźin gśegs pa dgra bcom pa yaṅ dag par rdzogs pa’i saṅs rgyas rnams ni ’di lta ste | dper na u dum bā ra’i me tog ltar bltams pa daṅ | ’byuṅ (7) ba dkon pa yin no || de nas khyim bdag mgon med zas sbyin gyis tshoṅ pa lṅa brgya po de dag khrid nas bcom ldan ’das ga la ba der soṅ ste phyin nas | bcom ldan ’das kyi źabs la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom (134b1) ldan ’das tshoṅ pa de dag la chos daṅ ldan pa’i gtam gyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mas chos daṅ ldan pa’i gtam gyis yaṅ dag (2) par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ ṅo || de nas tshog pa de dag gis bcom ldan ’das la bsñen bkur byas nas | dge sloṅ gnas brtan gnas brtan rnams kyi gtsug lag (3) khaṅ blta bar brtsam pa daṅ | tshoṅ pa de dag gis dge sloṅ gnas brtan gnas brtan rnams kyi mal dag na gdiṅ ba dbus rdol bdag mthoṅ ṅo || mthoṅ nas kyaṅ khyim bdag mgon med zas sbyin la ’di skad ces smras so || khyim bdag ci’i phyir dge sloṅ gnas brtan gnas (4) brtan ’di dag gi gdiṅ ba dag dbus rdol bar gyur | khyim bdag mgon med zas sbyin gyis smras pa | bdag ñid chen po ’di dag ni phal cher mtshan mo skyil mo kruṅ gis ’da’ bar byed do || de dag sems mṅon par dad par gyur nas dad pa skyes pa de dag gis dge sloṅ rnams (5) la ras yug chen lṅa brgya phul lo || dge sloṅ rnams kyis gdiṅ ba rñiṅ pa de dag khaṅ pa chen po’i gtsug lag khaṅ bla gab med pa źig tu bźag go || de’i tshe khyim bdag cig gis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs pa daṅ | (6) dge sloṅ gi dge ’dun ni źugs so || bcom ldan ’das ni rdzas las byuṅ ba na bźugs śiṅ bsod sñoms mṅon par bsgrubs so || saṅs rgyas bcom ldan ’das rnams ni rgyu lṅas rdzas las byuṅ ba na bźugs śiṅ bsod sñoms mṅon par sgrub pa mdzad de | lṅa gaṅ źe na | (7) naṅ du yaṅ dag ’jog par bźed pa daṅ | lha rnams la chos ston par bźed pa daṅ | nad ba la blta bar bźed pa daṅ | gnas mal la rtog par bźed pa daṅ | ’dul ba la ñan thos rnams kyi bslab pa’i gźi bca’ bar bźed pa’o || don ’dir ni bcom ldan (135a1) ’das gnas mal la rtog par bźed pa daṅ | ’dul ba la ñan thos rnams kyi bslab pa’i gźi bca’ bar bźed pas | rdzas las byuṅ ba ni bźugs śiṅ bsod sñoms mṅon par sgrub pa mdzad do || de nas bcom ldan ’das kyis dge sloṅ gi dge ’dun (2) soṅ nas riṅ po ma lon par thugs su chud nas lde mig bsnams te kun dga’i ra ba nas | kun dga’i ra bar | gtsug lag khaṅ nas gtsug lag khaṅ du | khaṅ khyim nas khaṅ khyim du | ’chag sa nas ’chag sa daṅ | gol bar gśegs śiṅ mthar gyis gśegs pa na khaṅ (3) pa chen po’i gtsug lag khaṅ ga la ba der gśegs so || de’i tshe na khaṅ pa chen po’i gtsug lag khaṅ de na gdiṅ ba rñiṅ pa rdol ba daṅ ral ba sa rdul gyi phye ma daṅ ’dres pa rab tu maṅ po dag sa la bkram źiṅ ’dug go || bcom ldan ’das kyis gdiṅ ba rñiṅ pa rdol ba daṅ | ral (4) ba sa rdul gyi phye ma daṅ ’dres pa rab tu maṅ bo dag sa la bkram źiṅ ’dug pa dag gzigs so || gzigs nas kyaṅ e ma źes gsuṅ źiṅ smad nas ’di sñam du dgoṅs te | bram ze daṅ khyim bdag dad pa can dag gis pags pa daṅ | śa daṅ | khrag dag btsir ciṅ btsir (5) ciṅ sbyin pa dag sbyin | bsod nams dag byed pa gaṅ yin pa de la dge sloṅ dag drod mi śes pa daṅ | so sor mi rtog par yoṅs su loṅs spyod par byed do sñam du dgoṅs so || de nas bcom ldan ’das kyis gdiṅ ba rñiṅ pa de dag legs par brtul ciṅ sprugs nas (6) btiṅ źiṅ bskams te rtsig pa la mi reg par mdzad nas | gtsug lag khaṅ gi slad rol du źabs gñis bsil te naṅ du yaṅ dag ’jog gi slad du gtsug lag khaṅ du gśegs so || de nas dge sloṅ bsod sñoms sgrub pas | bsod sñoms blaṅs nas | bcom ldan (7) ’das ga la ba der soṅ ṅo || saṅs rgyas bcom ldan ’das rnams ni chos ñid kyi bsod sñoms sgrub pa’i dge sloṅ la dge sloṅ las ji ltar zas bsod dam | dge sloṅ gi dge ’dun tshim par byas sam źes so sor kun dga’ bar mdzad pa ’dis so sor kun dga’ bar (135b1) mdzad pa yin pas | bcom ldan ’das kyis dge sloṅ bsod sñoms sgrub pa la | dge sloṅ ji ltar zas bsod dam | dge sloṅ gi dge ’dun tshim par byas sam źes so sor kun dga’ bar mdzad pa daṅ | des gsol pa | btsun pa te bor zas bsod ciṅ dge sloṅ gi dge ’dun (2) tshim par bgyis so || de nas bcom ldan ’das źal zas kyi bya ba mdzad nas | gtsug lag khaṅ gi slad rol du źabs gñis bsil te naṅ du yaṅ dag ’jog gi slad du gtsug lag khaṅ du gśegs so || de nas bcom ldan ’das phyi dro naṅ du yaṅ dag ’jog las bźeṅs (3) nas | dge sloṅ gi dge ’dun gyi goṅ du gdan bśams pa ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag ’di na ṅas dge sloṅ gi dge ’dun soṅ nas riṅ po ma lon par śes nas lde mig khyer te | kun dga’i (4) ra ba nas kun dga’i ra bar | gtsug lag khaṅ nas gtsug lag khaṅ du | khaṅ khyim nas khaṅ khyim du | ’chag sa nas ’chag sar daṅ | gol bar soṅ źiṅ mthar gyis ’gro ban khaṅ pa chen po’i gtsug lag khaṅ źig ga la ba der phyin nas ṅas khaṅ pa chen po’i gtsug (5) lag khaṅ de na gdiṅ ba rñiṅ pa rdol ba daṅ ral ba sa rdul gyi phye ma daṅ ’dres pa rab tu maṅ po dag sal bkram źiṅ ’dug pa mthoṅ ṅo || mthoṅ nas kyaṅ e ma źes byas de smad nas ’di sñam du bram ze daṅ | khyim bdag dad pa can dag gis pags pa daṅ | śa daṅ | khrag (6) dag btsir ciṅ btsir ciṅ sbyin pa dag sbyin | bsod nams dag byed pa gaṅ yin pa de la dge sloṅ dag drod mi śes pa daṅ | so sor mi rtog par yoṅs su loṅs spyod par byed do sñam du dgoṅs kyis | dge sloṅ dag khyed kyis dad pas sbyin par bya ba la | drod ran par yoṅs (7) su loṅs spyad pa daṅ | spaṅ źiṅ yoṅs su loṅs spyad pa daṅ | dus su yoṅs su loṅs spyad pa daṅ | brtag ciṅ yoṅs su loṅs spyad pa daṅ || bad kyis yoṅs su loṅs spyad na legs so || ||

bar sdom la |
drod ran pa daṅ spaṅ ba daṅ ||
de (136a1) bźin dus daṅ brtag pa daṅ ||
khad kyis yoṅs su spyad pa yin ||

de nas bcom ldan ’das kyis drod ran pa daṅ | spaṅ ba daṅ | dus daṅ | brtag pa daṅ | khad kyis yoṅs su loṅs spyad pa’i bsṅags pa brjod nas dge sloṅ rnams la bka’ (2) stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste | źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya (3) ste | dge sloṅ gis gdiṅ ba sar pa byed na sar pa bya kha dog mi sdug par bya ba’i phyir gdiṅ ba rñiṅ pa bde bar gśegs pa’i mtho gaṅ ’khor bas glan par bya’o || gal te dge sloṅ gis sar pa kha dog mi sdug par bya ba’i phyir gdiṅ ba rñiṅ pa bde bar gśegs pa’i mtho gaṅ (4) ’khor bas ma glan par gdiṅ ba sar pa spyod na spaṅ ba’i ltuṅ byed do || dge sloṅ gis źes bya ba ni chos ’di pas so || gdiṅ ba źes bya ba ni so sor gdiṅ ba’o || sar pa źes bya ba ni sar pa gñis te | gsar pas sar pa daṅ | rñed pas sar pa ste | don ’dir (5) ni gsar pas sar pa yin par dgoṅs so || byed na źes bya ba ni bdag ñid kyis sam | gźan byed du ’jug na’o || sar pa kha dog mi sdug par bya ba’i phyir źes bya ba ni sar pa sra bar bya ba’i phyir ro || gdiṅ ba rñiṅ pa bde bar gśegs pa’i mtho gaṅ ’khor bas (6) glan par bya’o źes bya ba ni gal te de la gdiṅ ba rñiṅ pa bde bar gśegs pa’i mtho gaṅ ’khor ba gźan yod na’o || bde bar gśegs pa źes bya ba ni ston pa’o || bde bar gśegs pa’i mtho gaṅ la ni tshad daṅ ldan pa’i khru’i khru phyed daṅ do yod do || ’khor bas (7) źes bya ba ni kun nas mtho re yod pas so || glan par bya’o źes bya ba ni sbyar bar bya ba’o || ma glan par źes bya ba ni ma sbyar bar ro || spaṅ ba’i ltuṅ byed do źes bya ba ni dṅos po des spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs (136b1) so || de la ltuṅ bar ji ltar ’gyur źe na | dge sloṅ gis gdiṅ ba rñiṅ pa bde bar gśegs pa’i mtho gaṅ ’khor bsam glan par ji tsam cuṅ zas du gdiṅ bsar pa spyod par byed na thams cad du spaṅ ba’i ltuṅ byed du ’gyur ro || gdiṅ ba rñiṅ pa thams cad kyi thams cad du śa zad (2) pa daṅ | dug rdol du gyur pa daṅ | bcos su mi ruṅ ba yin na ltuṅ ba med do || de tsam med na ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || mtho gaṅ gi spaṅ ba ste bcwa lṅa pa rdzogs (3) s+ho || ||

[Naiḥsargika 16]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || drug sde dag gis smras pa | dga’ bo ñe dga’ lhuṅ bzed nag po can ’di dag ni rkaṅ pa spre’u’i źag gis bskus te ’gro na yaṅ ’gro (4) bar chas pa’i rñed pa sgrub par byed | ’oṅ na yaṅ blo bur du ’oṅs pa’i rñed pa sgrub par byed ciṅ skye bo maṅ po dga’ ba daṅ | yid du ’oṅ bar yaṅ ’gyur ro || yu bu cag ni khro na pa’i rus sbal daṅ ’dra bar gar yaṅ mi ’doṅ | gaṅ nas kyaṅ mi ’oṅ bas rñed pa ’thob pa daṅ | (5) skye bo maṅ po dga’ ba daṅ | yid du ’oṅ bar ga la ’gyur gyis yu bu cag kyaṅ ’doṅ ṅo || gaṅ du ’doṅ | gaṅ du don mthun ’grub par ro || de dag gis bsams pa | gal te thams cad doṅ bar ’gyur na bdag cag gi ñe bar spyod pa’i khyim gaṅ dag yin pa de dag kyaṅ (6) lhuṅ bzed nag po can dag gis rjes su ’jug par byed par ’gyur gyis | bdag cag gis gcig bźag ste ’doṅ bar bya na su bźag par bya | btsun pa ’char ka’o || btsun pa ’char ka khyod ’di ñid du ’dug śig | kho bo cag ’doṅ bar bya’o || de bźin gyis śig ces (7) ’char ka de ñid du ’dug go || lṅa po dag gis don mthun btsal bar brtsams pa daṅ | de dag gis bal yul du ’gro ba’i don mthun mthoṅ nas | de’i druṅ du soṅ ste smras pa | bźin bzaṅs dag khyed gaṅ du ’phags | ’phags pa dag bal yul du’o || bźin (137a1) bzaṅs dag kho bo cag kyaṅ khyed daṅ lhan cig ’doṅ ṅo || ’phags pa dag bal yul ni rṅa mo’i rgyab ’dra ba lags pas | khyed cag der dgyes par mi ’gyur ro || bźin bzaṅs dag gal te de lta bu yin du zin kyaṅ | yul mthoṅ bar ’gyur bas (2) ’doṅ bar bya’o || ’phags pa dag gal te de ltan tshur sbyon bźud do || drug sde dag don mthun de dag daṅ lhan cig bal yul du ’phags nas mthar gyis bal yul du phyin pa daṅ | ñi ma gaṅ kho na la bal yul du phyin pa’i ñi ma de ñid la mṅon par mi dga’ bar gyur nas de (3) dag naṅ par sṅar laṅs te lam sraṅ du doṅ ba daṅ | tshoṅ pa dag gis drug sde dag mthoṅ nas de dag gi rkaṅ pa la phyag ’tshal te smras pa | ’phags pa dag bal yul ci ’dra | khyed cag mṅon par mi dgyes par ma gyur tam | bźin bzaṅs dag ñi ma gaṅ kho na la bal yul (4) du phyin pa’i ñi ma de ñid la mṅon par mi dga’ bar gyur to || ’phags pa dag bdag cag gis khyed la daṅ po kho na nas bal yul ni rṅa mo’i rgyab ’dra ba lags pas | khyed cag der dgyes par mi ’gyur ro źes ma bgyis sam | bźin bzaṅs dag ci de lta na ’gro’am ’doṅ (5) ṅo || ’phags pa dag bdag cag gis zoṅ ma bsgyur de de lta lags mod kyi ’on kyaṅ bdag cag daṅ bśes pa’i tshoṅ pa gźan dag mchis pa de dag gis zoṅ bsgyur bas de dag la gtad par bgyis de dag daṅ thabs cig bźud cig | drug sde dag gis smras pa | de ma noṅs (6) kyis de bźin bgyi’o || bal yul na bal daṅ ldoṅ ros gñis mod pas don mthun de dag gis bal gyis śiṅ rta bakaṅaste chas pa daṅ | drug sde dag kyaṅ don mthun de daṅ lhan cig ’phags so || drug sde dag gi kun du spyod pa ni rdul gyis ’jigs pas yaṅ na ni don (7) mthun gyi mdun du ’gro | yaṅ na ni phyi bźin ’braṅ źiṅ ’gro bas de dag don mthun gyi phyi bźin ’gro bar brtsams pa daṅ | ji tsam na tshoṅ pa de dag gi śiṅ rta’i srog śiṅ chag nas tshoṅ pa de dag gis bsams pa | gal te śiṅ rta’i srog śiṅ bcos na sgras chom rkun pa dag (137b1) ’oṅ bar ’gyur źiṅ de dag gis daṅ por bdag cag bsad par ’gyur la de’i ’og tu nor yaṅ phrogs par ’gyur gyis | bdag cag gis gces pa dag khyer te ’doṅ ṅo sñam nas yid mi dga’ źiṅ ’khod pa daṅ | drug sde dag lhags nas de dag gis smras pa | śes ldan dag ci’i (2) phyir yid mi dga’ źiṅ ’khod | ’phags pa dag śiṅ rta’i srog śiṅ chag ste gal te śiṅ rta’i srog śiṅ bcos na sgras chom rkun pa dag mchis par ’gyur źiṅ de dag gis daṅ por bdag cag bkum par ’gyur la | de’i ’og tu nor yaṅ phrogs par ’gyur bas bdag cag gis (3) gces pa dag ’tshal de mchi’o sñam nas yid mi dga’ źiṅ mchis so || bźin bzaṅs dag khyod kyis bal dag yoṅs su btaṅ ṅam | yoṅs su btaṅ ṅo || gal te khyed cag la mi gnod na źwa daṅ | lham sgrog gu can daṅ | stod kor naṅ tshaṅs can daṅ | rgya (4) caṅ daṅ | lcag pod daṅ | śur bu phre’u la sogs pa’i don du cuṅ źig bskur ro || ’phags pa dag bdag cag la ’dis ci bgyi | thams cad snoms śig | drug sde dag gis smras pa | dga’ bo ñe dga’ phyag dar khrod pa rñed do źes de dag gis lṅa car gyi lhuṅ (5) bzed daṅ chos gos dag gcig gis bskur nas | mi bźis de ñid las thag pa bkal de khur bo che ba bźi drags nas | de dag gis de khur te doṅ ṅo || de dag gis khur de dag khyer te ’phags pa daṅ | tshoṅ pa de dag gis drug sde dag bal gyi khur blaṅs te phyi bźin (6) ’oṅs pa mthoṅ nas smras pa | ’phags pa dag bdag cag gis gla mi dag khrid de mchi’o sñam du bsams nas | khyed cag gis pal ’di thams cad bsnams de byon gyis ’phags pa dag la gla gsol lo || bkren pa dag kho bo cag khyod kyi gla mi dag yin nam | (7) ’phags pa dag mad kyaṅ bźad gad bgyi’o || don mthun de’i naṅ na mu stegs can dag cig ’doṅ ba de dag gis smras pa | kye ma drug sde dag khyed cag gaṅ du khur ’jig par ’gyur | gaṅ du rñed pa ’grub par ’gyur | khyod kyi ma’i lto dral te der khur ’jig par ’gyur (138a1) źiṅ der rñed pa ’grub par ’gyur ro || drug sde dag gis smras pa | dga’ bo ñe dga’ gal te don mthun daṅ lhan cig ’doṅ na tho ’tsham pa maṅ du ’byuṅ gis don mthun gyi mdun du ’doṅ ṅo źes de dag don mthun gyi mdun du ’phags te doṅ ba daṅ | ri brags śig (2) na chom rkun pa gcad pa’i phyir yaṅ rgod kyi mi maṅ bo bkod ciṅ ’khod pa de dag gis de dag thag riṅ po kho na nas mthoṅ ṅo || mthoṅ nas kyaṅ ñam ṅa bar gyur nas de dag gis smras pa | śes ldan dag glaṅ po che daṅ bcas pa’i dmag byuṅ ṅo źes ri brags la de dag thams cad skrag (3) nas nags khrod du byer ro || de dag gi naṅ nas kha cig gis smras pa | ’di dag ni glaṅ po che daṅ bcas pa’i dmag ma yin gyi ’di ltar rṅa mo dag cig ’oṅ ba yin no || kha cig gis smras pa | ’di dag ni rṅa mo ma yin gyi ’di ltar glaṅ dag cig yin no || kha cig (4) gis smras pa | ’di dag ni glaṅ ma yin gyi ’di dag ni khur thogs pa dag cig yin no || de dag thag ñe bar gyur pa daṅ | yaṅ rgod de dag gis smras pa | ’phags pa dag khyed cag ’di lta bu’i khur dag thogs pas de’i phyir ri brags pa thams cad skrag ste nags (5) khrod du byer ro || bkren pa dag gal te chom rkun pa dag gis khyed cag de dag bred ṅas par śes par gyur na ñin mo’i ñi ma kho na la yaṅ bciṅs te nags khrod du khrid par ’gyur ro || dga’ bo ñe dga’ gal te lam du ’doṅ na tho ’tsham pa maṅ du ’byuṅ gis lam gol bar (6) ’doṅ ṅo || źes de dag lam gol bar źugs te doṅ ba daṅ | śo gam pa dag gis tshoṅ pa śo ga ma ’dral ba bsgugs pa’i phyir ’ge gu pa’i mi maṅ po dag bkod ciṅ ’khod pa de dag gis de dag mthoṅ nas smras pa | e ma’o tshoṅ pa śo gam ’dral ba dag ci’i phyir (7) śo gam dral te ’doṅ | bkren pa dag kho bo cag khyed kyi tshoṅ pa śo gam ’dral ba dag yin nam | khyed cag su yin | ’phags pa drug sde dag yin no || bźud cig de dag gis smras pa | dga’ bo ñe dga’ gal te rgyal byed gyi tshal gyi sgo nas źugs na (138b1) lhuṅ bzed nag po can dag las tho ’tsham pa maṅ du ’byuṅ gis sge’u chuṅ nas ’jug par bya’o źes de dag sge’u chuṅ nas źugs pa daṅ | rgan źugs źig gis mthoṅ nas des smras pa | e ma’o khur tsa ba dag ci’i phyir groṅ dral te ’jug par byed | rgan źugs kho bo cag (2) khyod kyi khur tsa ba dag yin nam | des smras pa khyed su yin | tshe daṅ ldan pa drug sde dag yin no || tshe daṅ ldan pa dag byon pa legs so byon pa legs so || de dag naṅ du źugs nas de dag gi bal gyi khur de dag bśig pa daṅ | ri rab gyi rnam pa ’dra ba’i phuṅ po chen (3) por rnam par gnas so || de dag la dge sloṅ rnams kyis smras pa | tshe daṅ ldan pa dag khyed cag khur ’di lta bu dag thogs nas khyed la tho ’tsham pa dag mi ’byuṅ ṅam | tshe daṅ ldan pa dag khyed ci kho bo cag gis bza’ ba kho na’i phyir kha mṅon par bsgrubs sam | gaṅ (4) kho bo cag la tho ’tsham par byed pa de la kho bo cag gis kyaṅ ñis gyur sbyin par bya’o || dge sloṅ dag don ñuṅ bdag ci’i phyir | dge sloṅ dag yan lag gaṅ gis ṅo tsha bar bya ba’i yag lag de ñid kyis kheṅs par byed ces smod par byed | phyar ka gtoṅ bar byed | kha (5) zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas (6) bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || saṅs rgyas bcom ldan ’das kyis drug sde dag la rmas pa | dge sloṅ dag khyed kyis mi mdzes pa de lta bu de byas par gyur pa bden nam | btsun pa (7) mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam (139a1) graṅs du mas rnam par smad pa mdzad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (2) bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ lam du źugs pas lug bal dag rñed la ’dod na dge sloṅ des blaṅ bar bya’o || blaṅs nas khyer ba med na dpag tshad gsum gyi mtha’i bar du bdag ñid kyis bkur (3) bar bya’o || de las ’das par khyer na spaṅ ba’i ltuṅ byed do || dge sloṅ źes bya ba ni drug sde dag gam | gźan yaṅ de lta bu gaṅ yin pa’o || lam du źugs pas źes bya ba ni | dgon pa’i lam du źugs pas so || lug bal dag ces bya ba ni lug gi bal (4) dag go || rñed pa źes bya ba ni gźan las so || ’dod na źes bya ba ni gal te don du gñer na’o || dge sloṅ des blaṅ bar bya’o źes bya ba ni mnod par bya ba’o || blaṅs nas khyer ba med na źes bya ba ni ruṅ ba byed pa med na’o || dpag tshad gsum gyi mtha’i bar du źes bya ba ni (5) dpag tshad gsum gyi mthar thug pa’i bar tshun chad du’o || bdag ñid kyis bkur bar bya’o || źes bya ba ni bdag raṅ gis bkur bar bya ba’o || de las ’das par khyer na źes bya ba ni de las thal bar khyer na’o || spaṅ ba’i ltuṅ byed do źes bya ba ni dṅos po de spaṅs (6) nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis lug bal dag rñed la khyer ba med na bdag ñid kyis dpag tshad gsum gyi mtha’ las ’das par khyer na rgyaṅ grags phyed (7) du phyin na ñes byas su ’gyur la | rgyaṅ grags kyi mthar phyin na spaṅ ba’i ltuṅ byed du ’gyur ro || khyer ba yod bźin du bdag ñid kyis khyer na rtsom pa’i dus kho na na ñes byas su ’gyur la | rgyaṅ grags phyed du phyin na ñes byas su gźan gcig tu ’gyur | rgyaṅ grags (139b1) kyi mthar phyin na spaṅ ba’i ltuṅ byed du ’gyur ro || rdul phra rab drug la rdul phra mo gcig go || rdul phra mo drug la chu rdul gcig go || chu rdul drug la lcag rdul gcig go || lcag rdul drug la ri boṅ gi rdul gcig go || ri boṅ rdul drug la lug rdul gcig go || lug (2) rdul drug la glaṅ rdul gcig go || glaṅ rdul drug la ñi zer gyi rdul gcig go || ñi zer gyi rdul drug la sro ma gcig go || sro ma drug la śig gcig go || śig drug la nas gcig go || nas drug la sor gcig go || sor bźi drug la khru gaṅ ṅo || khru phyed daṅ (3) bźi la mi’i srid do || khru bźi la gźu’o || gźu lṅa brgya la rgyaṅ grags gcig go || rgyaṅ grags brgyad la dpag tshad gcig go || de la dge sloṅ dgon pa pa lam du źugs pas lug bal dag rñed la | de blaṅs te khyer ba med na rgyaṅ grags kyis chod pa’i groṅ bdun po (4) dag gi groṅ phyed du ni ñes byas su ’gyur la | groṅ gi mthar ni spaṅ ba’i ltuṅ byed du ’gyur ro || groṅ nas dgon pa’i lam du ’jug na rgyaṅ grags phyed phyed du ñes byas su ’gyur la | rgyaṅ grags re rer spaṅ ba’i ltuṅ byed du ’gyur ro || źwa daṅ | lham sgrog gu can daṅ | (5) stod kor naṅ tshaṅs can daṅ | rgya caṅ daṅ | lcag pod daṅ | śur bu phre’u la sogs pa’i don du de tsam dag khyer ba la ni ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || bal thogs (6) pa’i spaṅ ba ste bcu drug pa rdzogs s+ho || ||

[Naiḥsargika 17]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || drug sde dag gis smras pa | dga’ bo ñe dga’ bal bgo bar bya’o || cha dur bya de dag gis (7) smras pa | bdag cag gis btsun pa ’char ka ’di ñid na ’dug ’dug pa la ci’i phyir skal ba sbyin | cha lṅar bya’o || ’char kas thos nas des smras pa | tshe daṅ ldan pa dag khyed kyis der rñed pa gaṅ grub pa de yaṅ khyed kyis gyis śig | kho bo ’di ñid na ’dug ’dug (140a1) pas rñed pa gaṅ grub pa de yaṅ kho bo ñid kyir bya’o || ñe daga’asa bsams pa ’di ’di na ’dug ’dug pas rñed pa maṅ po grub gor ma chag sñam nas des smras pa | tshe daṅ ldan pa dag bdag cag dus thams cad du drug sde yin nad ci’i phyir lṅa sder ’gyur (2) bar bya | cha drug kho nar bya’o su dgod du gźug | btsun pa ’char ka ma dub pa yin gyis de ’god du gźug go || ’char kas cha drug tu byas te bdag ñid kyi skal ba raṅ gi gnas khaṅ du bcug ste bźag go || de dag gis smras pa | btsun pa ’char ka khyod kyis rñed (3) pa gaṅ grub pa de khyer śog bgo’o || ’char kas smras pa | kho bos de’i bar du ka ka ṇi gcig tsam yaṅ ma rñed do || khyod kyis kho bo cag bslus so || ’achaRa kas bsams pa | bdag gis bal ñuṅ ṅu ma źig rñed pa ’di su rmel du gźug | gal te khyim pa dag (4) la bcol na ni de dag bslab pa yaṅ dag par ma blaṅs pa yin pas thams cad brkus par ’gyur ro || gal te bcu gñis sde dag la bcol na ni bca’ ba’i rin du ’jog par ’gyur ro || chos byin la bcol yaṅ chos byin ni mdo sde’i mtha’ pa yin la | ’khor yaṅ mdo (5) sde’i mtha’ pa daṅ ldan pa yin pas mdo sde’i tshig dag sems pan dus ’gyaṅs par ’gyur ro || gau ta mī skem mo la bcol du yaṅ gau ta mī skem mo ni ’dul ba ’dzin pa yin la | de’i ’khor yaṅ ’dul ba ’dzin pa daṅ ldan pa yin pas de ’di ni ltuṅ ba yin no || ’di ni ltuṅ (6) pa ma yin no źes sems pa na dus ’gyaṅs par ’gyur ro || skye dgu’i bdag mo chen mo gau ta mī ni spoṅ ba ma yin la | ’khor yaṅ spoṅ ba pa daṅ ldan pas des sems rtse gcig tu ’jog pa la bal rmel ba mi gnod kyis bdag gis de la bal rmel du bcol lo sñam nas | (7) de de sñam sems źiṅ ’dug pa na skye dgu’i bdag mo chen mo gau ta mīsa bcom ldan ’das ga la ba der ’oṅs pa de tshe daṅ ldan pa ’char kas thag riṅ po kho na nas mthoṅ nas smras pa | gau ta mīsa bcom ldan ’das kyis tshul khrims daṅ ldan pa’i sems kyi smon pa ’grub ste | (140b1) de yaṅ tshul khrims rnams par dag pa’i phyir ro źes bka’ stsal pa de legs par gsuṅs pa yin te | da gzod kho na bdag kye ma skye dgu’i bdag mo chen mo gau ta mī ’oṅs na ci ma ruṅ sñam pa’i blo skyes na khyod kyaṅ ’dir ’oṅs so || bdag gis bal ñuṅ źig rñed pa de khyed kyis rmel du chug ste (2) byin cig | ’phags pa bdag bcom ldan ’das kyi źabs la phyag ’tshal te slar mchis nas dge sloṅ ma gñis btaṅ gis de gñis la bskur bar stsol cig | ’char kas bal de dag gzar thag gis bam po gñis su dam du rab tu bciṅs te sgo glegs kyi phag tu bźag go || de (3) nas skye dgu’i bdag mo chen mo gau ta mī bcom ldan ’das kyi źabs la phyag ’tshal te | dbyar khaṅ du son nas des de’i gan du dge sloṅ ma gñis btaṅ ste | ’phags pa ’char ka’i gan du deṅ la bal te bskur du stsol źes gyis śig ces bsgo’o || de gñis doṅ ste smras pa | ’phags pa (4) gau ta mī’i mchid nas bal de bskur du gsol źes mchi’o || ’char kas de gñis la smras pa | sgo glegs kyi phag na bam po gñis ’dug pa de gñis khyer la deṅ śig | de gñis gnas khaṅ du źugs te ’degs par brtsams pa daṅ | bsgul ba tsam du yaṅ ma nus nas (5) de gñis kyis smras pa | ’phags pa ci ’dir raṅ thag gi gor ma dag stsal tam | gźon nu ma gñis ci khyed gñis gźon nu ma gta’ gam pa yin nam | źes des the’u chuṅ gis bteg ste gcig ni gcig gi mgor bskur | gcig ni gcig gi rked du bskur ro || de (6) gñis mgo chag la thug go || rked pa chag la thug go źes zer źiṅ dbyar khaṅ du doṅ nas khur sa la bźag ste khri steṅ du sgyel ciṅ ’dug go || dge sloṅ ma rnams kyis de gñis la smras pa | khyed gñis gźon nu ma gta’ gam pa yin nam | de gñis kyis smras pa | khyed (7) cag las stobs daṅ ldan pa gaṅ yin pa des je ’di theg śig | de dag gis de ’degs par brtsams pa daṅ | bsgul ba tsam du yaṅ ma nus nas de dag gis smras pa | ’phags ma gñis ci ’dir raṅ thag gi rdo dag bcug gam źes de dag gis bam po de gñis bśig (141a1) pa daṅ ji tsam na phuṅ po chen por rnam par gnas par gyur to || dge sloṅ ma rnams kyis rta gad kyis btab ste smras pa | ’phags pa ’char ka na re bal cuṅ źig zer na gal te maṅ bar gyur na ji lta bur ’gyur | skye dgu’i bdag mo chen mo gau ta mīsa smras pa | (2) nu mo dag mgo bregs śiṅ mchan khuṅ ral bu can dag yin na god du ci yod | ’phags pa ’char ka’i mchid nas bal ñuṅ źig ces mchi na gal te maṅ bar gyur na ji lta bur ’gyur | skye dgu’i bdag mo chen mo gau ta mīsa smras pa | nu mo dag de dag ni gnas ṅan len kun (3) tu spyod pa dag yin pas de dag gis bcom ldan ’das kyi bstan pa la ’drums pa ltuṅ bas ltuṅ bar byed do || nu mo dag bcom ldan ’das kyis ’di gñis ni skyes bu dam pa yin te | khur ma blaṅs pa mi len pa gaṅ yin pa daṅ | khur blaṅs pa mthar phyin par byed pa gaṅ (4) yin pa’o źes gsuṅs pas | ’di ni khur blaṅs pa yin pas mthar phyin par bya dgos kyis | khyed cag las gaṅ gis ji tsam rmel bar spro ba de tsam rmel la de’i gen du khyer te byin cig | de dag yun riṅ du thogs pa daṅ ’char kas bsams pa | de dag gis bal de (5) bca’ ba’i rin du bźag gor ma chag | bdag gis ma legs pa źig byas te bdag gis bal de ni char pas ’jigs pas gaṅ la khar bźag pa daṅa’adra bar gyur to sñam mo || dge sloṅ ma gñis kyis bal khal cig rmel te khyer te ’oṅs nas smras pa | ’phags pa (6) ’char ka bal dag ’tshal te mchis na gaṅ du gźag par bgyi | ’char kas bsams pa | da duṅ spyod yul lhag ma daṅ bcas pa yin no sñam nas smras pa | gnas khaṅ du chug ste źog śig | de gñis kyis bźag ste soṅ ba daṅ | gźan dag gis kyaṅ khyer te ’oṅs (7) so || ji tsam na thams cad kyis kyaṅ khyer te ’oṅs so || de nas skye dgu’i bdag mo chen mo gau ta mī bcom ldan ’das ga la ba der soṅ ste phyin nas | bcom ldan ’das kyi źabs la phyag ’tshal te mtha’ gcig tu ’dug go || de’i tshe na skye dgu’i bdag mo chen mo gau ta (141b1) mī’i lag pa gñis ’di lta ste | dper na btso blag mkhan gyi lag pa dmar ba ltar dmar ba daṅ śin tu dmar bar gyur to || de nas bcom ldan ’das kyis skye dgu’i bdag mo chen mo gau ta mī la ’di skad ces bka’ stsal to || gau ta mī ci’i phyir khyod kyi lag pa gñis ’di lta (2) ste | dper na btso blag mkhan gyi lag pa dmar pa ltar dmar ba daṅ śin tu dmar bar gyur | bcom ldan ’ad sa ’di na bgyi ba gźan lags na gźan bgyid do || ji ltar gyur | ’phags pa ’char kas bdag bal rmel du stsal to || de nas bcom ldan ’das kyis tshe (3) daṅ ldan pa kun dga’ bo la bka’ stsal pa | kun dga’ bo dge sloṅ dag dge sloṅ ma ñe du ma yin pa la lug bal dag rmel du ’jud dam | btsun pa rmel du stsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ (4) gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | ’char (5) ka khyod dge sloṅ ma ñe du ma yin pa la lug bal dag rmel du ’jud pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba (6) ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ (7) bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ ma ñe du ma yin pa la lug bal ’khrur ’jud dam | ’tshed du ’jud dam | rmel du ’jud na spaṅ ba’i (142a1) ltuṅ byed do || yaṅ dge sloṅ gaṅ źes bya ba ni ’char ka ’am gźan yaṅ de lta bu gaṅ yin pa’o || dge sloṅ ma źes bya ba ni chos ’di pa’o || ñe du ma yin pa la źes bya ba ni phyi mo daṅ mes po daṅ | phrugs kyi bdun pa tshun chad ni ñe du yin la | (2) de phan chad ni ñe du ma yin no || lug bal źes bya ba ni lug gi bal lo || ’khrur ’jud dam źes bya ba ni tha na chur sñug pa byed du ’jud na’o || ’tshed du ’jud dam źes bya ba ni than tshon du sñug pa byed du ’jud na’o || rmel du ’jud na źes bya ba ni than ’da’ ba byed du ’jud (3) na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis dge sloṅ ma ñe du ma yin pa la ñe du ma yin par ’du śes (4) pas lug bal dag ’khrur ’jud na spaṅ ba’i ltuṅ byed du ’gyur ro || ’tshed du ’jud na spaṅ ba’i ltuṅ byed du ’gyur ro || rmel du ’jud na spaṅ ba’i ltuṅ byed du ’gyur ro || ’khrur ’jud pa daṅ ’tshed du ’jud dam | ’khrur ’jud pa daṅ rmel du ’jud dam | ’tshed (5) du ’jud pa daṅ ’khrur ’jud dam | ’tshed du ’jud pa daṅ rmel du ’jud dam | rmel du ’jud pa daṅ ’khrur ’jud dam | rmel du ’jud pa daṅ ’tshed du ’jud dam | ’khrur ’jud pa daṅ ’tshed du ’jud pa daṅ | rmel du ’jud na spaṅ ba’i ltuṅ byed du ’gyur ro || dge sloṅ (6) gis dge sloṅ ma ñe du ma yin pa la yid gñis za bas lug ba la dag ’khrur ’jud na spaṅ ba’i ltuṅ byad du ’gyur ro || ’chod du ’jud na spaṅ ba’i ltuṅ byed du ’gyur ro || rmel du ’jud na spaṅ ba’i ltuṅ byed du ’gyur ro || ’khrur ’jud pa daṅa’atsheda du ’jud dam | ’khrur (7) ’jud pa daṅ rmel du ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ rmel du ’jud dam | rmel du ’jud pa daṅ ’khrur ’jud dam | rmel ru ’jud pa daṅ ’tshed du ’jud dam | ’khrur ’jud pa daṅ ’tshed du ’jud pa daṅ | rmel du ’jud na spaṅ (142b1) ba’i ltuṅ byed du ’gyur ro || dge sloṅ gis dge sloṅ ma ñe du la ñe du ma yin par ’du śes pas lug bal dag ’khrur ’jud na ñes byas su ’gyur ro || ’chod du ’jud na ñes byas su ’gyur ro || rmel du ’jud na ñes byas su ’gyur ro || ’khrur ’jud pa daṅ ’tshed du ’jud (2) dam | ’khrur ’jud pa daṅ rmel du ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ rmel du ’jud dam | rmel du ’jud pa daṅ ’khrur ’jud dam | rmel du ’jud pa daṅ ’tshed du ’jud dam | ’khrur ’jud pa daṅ ’tshed du ’jud pa daṅ | (3) rmel du ’jud na ñes byas su ’gyur ro || dge sloṅ gis dge sloṅ ma ñe du la yid gñi za bas lug bal dag ’khrur ’jud na ñes byas su ’gyur ro || ’tshed du ’jud na ñes byas su ’gyur ro || rmel du ’jud na ñes byas su ’gyur ro || ’khrur ’jud pa daṅ (4) ’tshed du ’jud dam | ’khrur ’jud pa daṅ rmel du ’jud dam | ’tshed du ’jud pa daṅ ’khrur ’jud dam | ’tshed du ’jud pa daṅ rmel du ’jud dam | rmel du ’jud pa daṅ ’khrur ’jud dam | rmel du ’jud pa daṅ ’tshed du ’jud dam | ’khrur ’jud pa daṅ ’tshed du ’jud (5) pa daṅ | rmel du ’jud na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || bal rmel du ’jud pa’i spaṅ bste bcu bdun pa rdzogs s+ho || ||

[Naiḥsargika 18]
saṅs rgyas bcom ldan ’das (6) rgyal po’i khab na ’od ma’i tshal ka lan dka’i gnas na bźugs so || de nas groṅ dpon gtsug na nor bu bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug (7) nas bcom ldan ’das la groṅ dpon gtsug na nor bus ’di skad ces gsol to || btsun pa sṅon gyi gdugs rnams kyis ches sṅa ba źig na rgyal po’i pho braṅ na rgyal po daṅ blon po’i ’khor mchis śiṅ mthun par gyur pa rnams la bar skabs kyi bka’ mchid kun tu brjod pa ’di lta (143a1) bu ’di byuṅ bar gyur te | śes ldan dag ci dge sloṅ rnams la mṅon mtshan can ruṅ ṅam | śākya ’i sras kyi dge sbyoṅ rnams gser bdag gir bgyid dam | ’on te dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser (2) bdag gir mi bgyid ces mchi nas | de na kha cig ni ’di skad ces dge sloṅ rnams la mṅon mtshan can ruṅ źiṅ śākya ’i sras kyi dge sbyoṅ rnams gser bdag gir bgyid do źes mchi | kha cig ni ’di skad ces dge sloṅ rnams la mṅon mtshan can mi ruṅ źiṅ śākya ’i sras kyi (3) dge sbyoṅ rnams gser bdag gir mi bgyid do źes mchi na | btsun pa de la gaṅ dag de skad ces dge sloṅ rnams la mṅon mtshan can ruṅ źiṅ śākya ’i sras kyi dge sbyoṅ rnams gser bdag gir bgyid do źes mchis na | btsun pa ji ltar gaṅ dag de skad mchi bde dag de (4) ltar brda sprod par bgyid pa na | bcom ldan ’das la skur pa ’debs par mi bgyid ciṅ ha caṅ thal bar yaṅ mi bgyid pa daṅ | de dag bcom ldan ’das kyis gsuṅs pa’i rjes su smra ba daṅ | chos smra ba daṅ | chos kyi rjes su mthun pa’i chos brda sprod par (5) bgyid pa daṅ | gsuṅs pa’i rjes su smra ba de dag la gźan las chos daṅ mthun pas smad pa’i gnas lta bu’i chos ’ga’ yaṅ mi mchi ba lags sam | groṅ dpon gaṅ dag de skad ces dge sloṅ rnams la mṅon mtshan can ruṅ źiṅ śākya ’i sras kyi dge sbyoṅ (6) rnams gser bdag gir byed do źes zer ba de dag de ltar brda sprod par byed pa naṅ la skur pa ’debs par byed ciṅ ha caṅ thal bar byed pa daṅ | de dag ṅas smras pa’i rjes su smra ba ma yin pa daṅ | chos smra ba ma yin pa daṅ | chos kyi rjes su mthun pa’i chos brda sprod par (7) byed pa ma yin pa daṅ | smras pa’i rjes su smra ba ma yin pa de dag la gźan las chos daṅ mthun pas smad pa’i gnas lta bu’i chos śin tu ’oṅ ba yin no || de ci’i phyir źe na | groṅ dpon dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams (143b1) gser bdag gir mi byed de | gaṅ la la mṅon mtshan can ruṅ źiṅ gser bdag gir byed pa de ni dge sbyoṅ gi chos ma yin źiṅ de ni śākya ’i sras kyi chos ma yin pa’i phyir ro || groṅ dpon ṅas khyod la don de ñid kyi phyir lan gñis lan gsum gyi bar du brjod par bya ste | dge sloṅ (2) rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi byed de | gaṅ la la la mṅon mtshan can ruṅ źiṅ gser bdag gir byed pa de ni dge sbyoṅ gi chos ma yin źiṅ de ni śākya ’i sras kyi chos ma yin no || btsun pa gaṅ gi slad du bcom ldan ’das (3) kyis de skad ces dge sloṅ rnams la mṅon mtshan can mi ruṅaźiṅa śākya ’i sras kyi dge sbyoṅ rnams gser bdag gir mi bgyid de | gaṅ la la la mṅon mtshan can ruṅ źiṅ gser bdag gir bgyid pa de ni dge sbyoṅ gi chos ma lags śiṅade ni śākya ’i sras kyi chos ma lags (4) so źes bka’ stsal te | ji tsam du bcom ldan ’das kyis legs par gsuṅs pa ni ṅo mtshar to || btsun pa gaṅ gi slad du bcom ldan ’das kyis de skad ces groṅ dpon ṅas khyod la don de ñid kyi phyir lan gñis lan gsum gyi bar du brjod par bya ste | dge sloṅ (5) rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi bgyid de | gaṅ la la la mṅon mtshan can ruṅ źiṅ gser bdag gir bgyid pa de ni dge sbyoṅ gi chos ma lags śiṅ de ni śākya ’i sras kyi chos ma lags so źes bka’ stsal pa’i (6) bcom ldan ’das kyi bka’ de ni rgya cher bzaṅ ba lags so || btsun pa bdag kyaṅ ’di sñam bgyid de | dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi bgyid de | gaṅ la la la mṅon mtshan can ruṅ źiṅ gser bdag (7) gir bgyid pa de ni ’dod pa’i yon tan lṅa po dag kyaṅ ruṅ ba kho na lags so || groṅ dpon de de bźin no || de de bźin te | dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi byed de | gaṅ la la la mṅon mtshan can ruṅ (144a1) źiṅ gser bdag gir byed pa de ni dge sbyoṅ gi chos ma yin źiṅ de ni śākya ’i sras kyi chos ma yin no || de nas groṅ dpon gtsug na nor bus bcom ldan ’das kyis bka’ stsal pa la mṅon par dga’ ba daṅ rjes su yi raṅ ba byas nas | bcom ldan ’das kyi (2) źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de’i tshe na tshe daṅ ldan pa kun dga’ bo bcom ldan ’das kyi snam logs na ’dug par gyur ciṅ bsil yab thogs te bcom ldan ’das la g-yob ciṅ ’dug go || de nas bcom ldan (3) ’das kyis groṅ dpon gtsug na nor bu soṅ nas riṅ por ma lon par thugs su chud nas tshe daṅ ldan pa kun dga’ bo la bka’ stsal pa | kun dga’ bo soṅ la ’od ma’i tshal ka lan dka’i gnas na dge sloṅ ji sñed ñe bar rten ciṅaganasa pa de dag thams cad dpoṅ sa’i khaṅ (4) par bsdus śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas ’od ma’i tshal ka lan dka’i gnas na dge sloṅ ji sñed ñe bar rten ciṅ gnas pa de dag thams cad dpoṅ sa’i khaṅ par bsdus te | bcom ldan (5) ’das ga la ba der soṅ ste phyin nas bcom ldan ’das kyi źabs la phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la tshe daṅ ldan pa kun dga’ bos ’di skad ces gsol to || btsun pa ’od ma’i tshal ka lan dka’i gnas (6) na dge sloṅ ji sñed ñe bar rten ciṅ gnas pa de dag thams cad dpoṅ sa’i khaṅ par mchis śiṅ mthun par gyur na bcom ldan ’das kyis da de’i dus la bab par mkhyen par mdzad du gsol | de nas bcom ldan ’das dpoṅ sa’i khaṅ pa ga la ba der gśegs te byon nas dge sloṅ (7) gi dge ’dun gyi goṅ du gdan bśams pa ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag da ci’i groṅ dpon gtsug na nor bu ṅa ga la ba der ’oṅs te phyin nas ṅa’i rkaṅ pa gñis la phyag ’tshal te mtha’ gcig (144b1) tu ’dug go || mtha’ gcig tu ’dug nas ṅa la groṅ dpon gtsug na nor bu ’di skad ces btsun pa sṅon gyi gdugs rnams kyi ches sṅa ba źig na rgyal po’i pho braṅ na rgyal po daṅ blon po’i ’khor mchis śiṅ mthun par gyur pa rnams la bar skabs kyi bka’ mchid kun tu rjod pa (2) ’di lta bu ’di byuṅ bar gyur te | śes ldan dag ci dge sloṅ rnams la mṅon mtshan can ruṅ ṅam śākya ’i sras kyi dge sbyoṅ rnams gser bdag gir bgyid dam | ’on te dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir (3) mi bgyid ces mchi nas | de na kha cig ni ’di skad ces dge sloṅ rnams la mṅon mtshan can ruṅ źiṅ śākya ’i sras kyi dge sbyoṅ rnams gser bdag gir bgyid do źes mchi | kha cig ni ’di skad ces dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams (4) gser bdag gir mi bgyid do źes mchi na | btsun pa de la gaṅ dag de skad ces dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir bgyid do źes mchi na | btsun pa ji ltar gaṅ dag de skad mchi ba de dag de ltar brda sprod par (5) bgyid pa na bcom ldan ’das la skur pa ’debs par mi bgyid ciṅ ha caṅ thal bar yaṅ mi bgyid pa daṅ | de dag bcom ldan ’das kyis gsuṅs pa’i rjes su smra ba daṅ | chos smra ba daṅ | chos kyi rjes su mthun pa’i chos brda sprod par bgyid pa daṅ | gsuṅs (6) pa’i rjes su smra ba pa de dag la gźan las chos daṅ mthun pas smrad pa’i gnas lta bu’i chos ’ga’ yaṅ mi mchi ba lags sam źes zer nas | ṅas de la ’di skad ces groṅ dpon gaṅ dag de skad ces dge sloṅ rnams la mṅon mtshan can ruṅ źiṅ śākya ’i sras kyi dge sbyoṅ (7) rnams gser bdag gir byed do źes zer ba de dag de ltar brda sprod par byed pa na ṅa la skur pa ’debs par byed ciṅ ha caṅ thal bar byed pa daṅ | de dag ṅas smras pa’i rjes su smra ba ma yin pa daṅ | chos smra ba ma yin pa daṅ | chos kyi rjes su mthun pa’i chos brda sprod par (145a1) byed pa ma yin pa daṅ | smras pa’i rjes su smra ba ma yin pa de dag la gźan las chos daṅ mthun pas smad pa’i gnas lta bu’i chos śin tu ’oṅ ba yin no || de ci’i phyir źe na | groṅ dpon dge sloṅ rnams la mṅon mtshan can mi ruṅ źiṅ śākya ’i sras kyi (2) dge sbyoṅ rnams gser bdag gir byed de | gaṅ la la la mṅon mtshan can ruṅ źiṅ gser bdag gir byed pa de ni dge sbyoṅ gi chos ma yin źiṅ de ni śākya ’i sras kyi chos ma yin pa’i phyir ro || groṅ dpon ṅas khyod la don de ñid kyi phyir lan gñis lan gsum gyi bar du (3) brjod par bya ste | dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi byed de | gaṅ la la la mṅon mtshan can ruṅ źiṅ gser bdag gir byed pa de ni dge sbyoṅ gi chos ma yin źiṅ de ni śākya ’i sras kyi chos ma yin no (4) źes smras pa daṅ | de ṅa la ’di skad ces btsun pa gaṅ gi slad du bcom ldan ’das kyis de skad ces dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi bgyid de | gaṅ la la la mṅon mtshan can ruṅ źiṅ gser (5) bdag gir bgyid pa de ni dge sbyoṅ gi chos ma lags śiṅ de ni śākya ’i sras kyi chos ma lags so źes bka’ stsal te | ji tsam du bcom ldan ’das kyis legs par gsuṅs pa ni ṅo mtshar to || btsun pa gaṅ gi slad du bcom ldan ’das kyis de skad ces groṅ (6) dpon ṅas khyod la don de ñid kyi phyir lan gñis lan gsum gyi bar du brjod par bya ste | dge sloṅ rnams la mṅon mtshan can mi ruṅ źiṅ śākya ’i sras kyi | dge sbyoṅ rnams gser bdag gir mi bgyid de | gaṅ la la la mṅon mtshan can ruṅ źiṅ gser bdag gir bgyid (7) pa de ni dge sbyoṅ gi chos ma lags śiṅ de ni śākya ’i sras kyi chos ma lags so || źes bka’ stsal pa’i bcom ldan ’das kyi bka’ de ni rgya cher bzaṅ ba lags so || btsun pa bdag kyaṅ ’di sñam bgyid de | dge sloṅ rnams la mṅon mtshan can mi ruṅ źiṅ śākya ’i (145b1) sras kyi dge sbyoṅ rnams gser bdag gir mi bgyid de | gaṅ la la la mṅon mtshan can ruṅ źiṅ gsar bdag gir bgyid pa de la ni ’dod pa’i yon tan lṅa po dag kyaṅ ruṅ ba kho na lags so źes zer ro || ṅas de la ’di skad ces groṅ dpon de de bźin no || de de bźin (2) te | dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi bgyid do || gaṅ la la la mṅon mtshan can ruṅ źiṅ gser bdag gir byed pa de ni dge sbyoṅ gi chos ma yin źiṅ de ni śākya ’i sras kyi chos ma yin no źes smras so || (3) de nas groṅ dpon gtsug na nor bu des ṅas smras pa la mṅon par dga’ ba daṅ | rjes su yi raṅ ba byas nas ṅa’i rkaṅ pa gñis la mgo bos phyag ’tshal te ṅa’i druṅ nas soṅ ṅo || dge sloṅ dag de ltar groṅ dpon gtsug na nor bu des rgyal po daṅ bcas pa’i ’khor gyi (4) mdun du dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi byed de | gaṅ la la la mṅon mtshan can ruṅ źiṅ gser bdag gir byed pa de la ni ’dod pa’i yon tan lṅa po dag kyaṅ gdon mi za bar ruṅ ba yin no źes cha (5) gcig bzuṅ ste | khyu mchog gi tshig rgya chen po smras śiṅ ’khor gyi naṅ du yaṅ dag par seṅ ge’i sgra bsgrags so || dge sloṅ dag ṅas kyaṅ de skad ces dge sloṅ rnams la mṅon mtshan can mi ruṅ źiṅ śākya ’i sras kyi dge sbyoṅ rnams gser bdag gir mi byed de | (6) gaṅ la la la mṅon mtshan can ruṅ źiṅ gser bdag gir byed pa de ni dge sbyoṅ gi chos ma yin źiṅade ni śākya ’i sras kyi chos ma yin no źes smras so || dge sloṅ dag de lta bas na khyed kyis da deṅ phyin cad śiṅ ’dod pa dag gis śiṅ yoṅs su btsal bar bya | rtswa (7) ’dod pa dag gis ni rtswa | śiṅ rta’i las ’dod pa dag gis ni śiṅ rta’i las | mi blas ’dod pa dag gis ni mi blas yoṅs su btsal bar bya źes smra ba’i ’di skad ces rnam graṅs gaṅ gis kyaṅ gser bdag gir bya ba ni mi smra’o || ’di ni re źig byuṅ ba yin (146a1) gyi saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || (2) de’i tshe na dge sloṅ drug sde dag raṅ gi lag gis gser daṅ dṅul len par byed | len du ’jud par byed | phuṅ po gcig tu byed | phuṅ po gñis su byed | khri daṅ khri’u daṅ | khri’u chuṅ ṅu dag tu ’jog par byed nas | gźan mu stegs can dag śes ldan (3) dag śākya ’i bu’i dge sbyoṅ dag ni ma log ma spaṅs so sor ma spaṅs pa yin te | ’di ltar raṅ gi lag gis gser daṅ dṅul len par byed | len du ’jud par byed | phuṅ po gcig tu byed | phuṅ po gñis su byed | khri daṅ khri’u daṅ | khri’u chuṅ ṅu dag tu ’jog (4) par byed do || bram ze daṅ khyim bdag dag kyaṅ raṅ gi lag gis gser daṅ dṅul len par byed | len du ’jud par byed | phuṅ po gcig tu byed | phuṅ po gñis su byed | khri daṅ khri’u daṅ | khri’u chuṅ ṅu dag ’jog par byed na śes ldan dag śākya ’i bu’i (5) dge sbyoṅ rnams daṅ bram ze daṅ | khyim bdag rnams kyi ’di la bye brag ni ci yod | bsam pa ni ci yod | tha dad du bya ba ni ci yod | su źig dge sbyoṅ mgo reg ’di dag la bsod sñoms sbyin pa daṅ bya bar sems źes smod par byed | phyar ka gtoṅ bar (6) byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gliṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || (7) saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag khyed raṅ gi lag gis gser daṅ dṅul len pa daṅ | len du (146b1) ’jud par byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa daṅ | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad par mdzad do || (2) de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (3) bźin no || ṅa’i ñan thos rnams kyis ’dul bal bslab pa’i gźi ’di ltar gdon par bya ste | yaṅ dge sloṅ gaṅ raṅ gi lag gis gser daṅ dṅul len tam | len du ’jud na spaṅ ba’i ltuṅ byed do || yaṅ dge sloṅ gaṅ źes bya ba ni drug ste dag gam gźan yaṅ (4) de lta bu gaṅ yin pa’o || raṅ gi lag gis źes bya ba ni raṅ gi lag pas so || gser daṅ dṅul źes bya ba ni dbyig daṅ gser ro || len tam źes bya ba ni bdag ñid kyis so || len du ’jug na źes bya ba ni gźan no || spaṅ ba’i ltuṅ byed do źes bya ba ni dṅos po de (5) spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | gźi bcwa brgyad kyis te | ’di loṅ śig | ’di nas loṅ śig | ’di tsam loṅ śig ces bya ba daṅ | ’di khyer śog | (6) ’di nas khyer śog | ’di tsam khyer śog ces bya ba daṅ | ’di źog śig | ’dir źog śig | ’di tsam źog śig ces bya ba daṅ | de loṅ śig de nas loṅ śig | de tsam loṅ śig ces bya ba daṅ | de khyer śog | de nas khyer śog | de tsam khyer śog ces bya ba (7) daṅ | de źog śig | der źog śig | de tsam źog śig ces bya bas so || de la ’di loṅ śig ces bya ba ni ’thob par ’gyur pa’i phyogs su dabyi.iga gam | gser ’di loṅ śig ces bsgo bar byed pa ste | de bsgo bar byed pa la ñes byas su ’gyur la | blaṅs pa na spaṅ ba’i (147a1) ltuṅ byed du ’gyur ro || ’di nas loṅ śig ces bya ba ni ’thob par ’gyur ba’i phyogs su zaṅs po che nas sam | zaṅs nas sam | rdza bo nas sam | sgrom nas sam | ko lpags nas sam | za ma tog nas loṅ śig ces bsgo bar byed pa (2) ste | de bsgo bar byed pa la ñes byas su ’gyur la | blaṅs pa na spaṅ ba’i ltuṅ byed du ’gyur ro || ’di tsam loṅ śig ces bya ba ni ’thob par ’gyur ba’i phyogs su brgya’am | stoṅ ṅam ’bum loṅ śig ces bsgo bar byed pa ste | de bsgo bar byed pa la ñes byas su (3) ’gyur la | blaṅs pan spaṅ ba’i ltuṅ byed du ’gyur ro || ’di khyer śog ces bya ba ni ’thob par ’gyur ba’i phyogs su dbyig gam | gser ’di khyer śog ces bsgo bar byed par byed pa ste | de bsgo bar byed pa la ñes byas su ’gyur la | khyer ba na spaṅ ba’i ltuṅ byed du ’gyur (4) ro || ’di nas khyer śog ces bya ba ni ’thob par ’gyur ba’i phyogs su zaṅs po che nas sam | zaṅs nas sam | rdza bo nas sam | sgrom nas sam | ko lpags nas sam | zam tog nas khyer śog ces bsgo bar byed pa ste | de bsgo bar byed pa la ñes byas su (5) ’gyur la | blaṅs pa na spaṅ pa’i ltuṅ byed du ’gyur ro || ’di tsam khyer śog ces bya ba ni ’thob par ’gyur ba’i phyogs su brgya’am | stoṅ ṅam | ’bum khyer śog ces bsgo bar byed pa ste | de bsgo bar byed pa la ñes byas su ’gyur la | khyer ba na spaṅ ba’i ltuṅ byed du (6) ’gyur ro || ’di źog śig ces bya ba ni ’thob par ’gyur ba’i phyogs su dbyig gam | gser ’di źog śig ces bsgo bar byed pa ste | de bsgo bar byed pa la ñes byas su ’gyur la | bźag pa na spaṅ ba’i ltuṅ byed du ’gyur ro || ’dir źog śig ces bya ba ni ’thob (7) par ’gyur ba’i phyogs su zaṅs po cher ram | zaṅs su’am | rdza phor ram | sgrom du’am | ko lpags su’am | za ma tog tu źog śig ces bsgo bar byed pa ste | de bsgo bar byed pa la ñes byas su ’gyur la | bźag pa na spaṅ ba’i ltuṅ byed du ’gyur ro || ’di tsam (147b1) źog śig ces bya ba ni ’thob par ’gyur ba’i phyogs su brgya’am | stoṅ dam | ’bum źog śig ces bsgo bar byed pa ste | de bsgo bar byed pa la ñes byas su ’gyur la | bźag pa na spaṅ ba’i ltuṅ byed du ’gyur ro || de loṅ śig ces bya ba ni ’thob par ’gyur ba’i phyogs su (2) dbyig gam | gser de loṅ śig ces bsgo bar byed pa ste | de bsgo bar byed pa la ñes byas su ’gyur la | blaṅs pa na spaṅ pa’i ltuṅ byed du ’gyur ro || de nas loṅ śig ces bya ba ni ’thob par ’gyur ba’i phyogs su zaṅs po che nas sam | zaṅs nas sam | rdza bo nas (3) sam sgrom nas sam | ko lpags nas sam | za ma tog nas loṅ śig ces bsgo bar byed pa ste | de bsgo bar byed pa la ñes byas su ’gyur la | blaṅs pa na spaṅ ba’i ltuṅ byed du ’gyur ro || de tsam loṅ śig ces bya ba ni ’thob par ’gyur ba’i phyogs su brgya’am | stoṅ (4) ṅam | ’bum loṅ śig ces bsgo bar byed pa ste de bsgo bar byed pa la ñes byas su ’gyur la | blaṅs pa na spaṅ ba’i ltuṅ byed du ’gyur ro || de khyer śog ces bya ba ni ’thob par ’gyur ba’i phyogs su dbyig gam | gser de khyer śog ces bsgo bar byed pa ste de bsgo bar byed (5) pa la ñes byas su ’gyur la | khyer ba na spaṅ ba’i ltuṅ byed du ’gyur ro || de nas khyer śog ces bya ba ni ’thob par ’gyur ba’i phyogs su zaṅs po che nas sam | zaṅs nas sam | rdza bo nas sam | sgom nas sam | ko lpags nas sam | za ma tog nas khyer śog ces (6) bsgo bar byed pa ste de bsgo bar byed pa la ñes byas su ’gyur la | blaṅs ba na spaṅ ba’i ltuṅ byed du ’gyur ro || de tsam khyer śog ces bya ba ni ’thob par ’gyur ba’i phyogs su brgya’am | stoṅ ṅam | ’bum khyer śog ces bsgo bar byed pa ste de bsgo bar byed pa la ñes byas su ’gyur la | (7) khyer ba na spaṅ ba’i ltuṅ byed du ’gyur ro || de źog śig ces bya ba ni ’thob par ’gyur ba’i phyogs su dbyig gam | gser de źog śig ces bsgo bar byed pa ste de bsgo bar byed pa la ñes byas su ’gyur la | bźag pa na spaṅ ba’i ltuṅ byed du ’gyur ro || der źog śig ces bya ba ni ’thob (148a1) par ’gyur ba’i phyogs su zaṅs po cher ram | zaṅs su’am | rdza phor ram | sgrom du’am | ko lpags su’am | za ma tog tu źog śig ces bsgo bar byed pa ste | de bsgo bar byed pa la ñes byas su ’gyur la | bźag pa na spaṅ ba’i ltuṅ byed du (2) ’gyur ro || de tsam źog śig ces bya ba ni ’thob par ’gyur pa’i phyogs su brgya’am | stoṅ ṅam | ’bum źog śig ces bsgo bar byed pa ste de bsgo bar byed pa la ñes byas su ’gyur la | bźag pa na spaṅ ba’i ltuṅ byed du ’gyur ro || ’di loṅ śig | ’di (3) nas loṅ śig ’di tsam khoṅ śig ces bya ba daṅ | ’di khyer śog ’di nas khyer śog | ’di tsam khyer śog ces bya ba daṅ | ’di źog śig ’dir źog śig | ’di tsam źog śig ces bya ba daṅ | de loṅ śig de nas loṅ śig | de tsam loṅ śig ces bya ba daṅ | (4) de khyer śog de nas khyer śog | de tsam khyer śog ces bya ba daṅ | de źog śig ṅer źog śig | de tsam źog śig ces bya ba de dag ’thob par ’gyur ba ma yin pa’i phyogs su bsgo bar byed na | de bsgo bar byed pa la ñes byas su ’gyur la | blaṅs pa daṅ khyer ba daṅ | (5) bźag pha na yaṅ ñes byas su ’gyur ro || dge sloṅ gis dbyig la reg na spaṅ ba’i ltuṅ byed du ’gyur ro || gser la reg na spaṅ ba’i ltuṅ byed du ’gyur ro || dbyig daṅ gser la reg na spaṅ ba’i ltuṅ byed du ’gyur ro || dge sloṅ gis dbyig gam | gser brduṅs (6) pa la reg na spaṅ ba’i ltuṅ byed du ’gyur ro || dbyig daṅ gser mṅon mtshan can la reg na spaṅ ba’i ltuṅ byed du ’gyur ro || dṅul la reg na spaṅ ba’i ltuṅ byed du ’gyur ro || nor bu la reg na spaṅ ba’i ltuṅ byed du ’gyur ro || mu tig la reg na spaṅ ba’i ltuṅ byed du ’gyur ro || (7) baiḍūr+Ya la reg na spaṅ ba’i ltuṅ byed du ’gyur ro || nor bu daṅ mu tig daṅ baiḍūR+Ya la reg na spaṅ ba’i ltuṅ byed du ’gyur ro || dge sloṅ gis yul gyi tha sñad can gyi dbyig daṅ | gser la reg na ñes byas su ’gyur ro || ra gan daṅ zaṅs ma daṅ | lcags daṅ rno lcags daṅ ro ñe daṅ (148b1) źa ñe daṅ | khro tshul reg pa la ltuṅ ba med do źes de ltar bcom ldan ’das ’dul ba la ñan thos rnams kyi bslab pa’i gźi bca’ ba mdzad do || || ’dul ba rnam par ’byed pa | bam po sum bcu rtsa gsum pa | saṅs rgyas bcom ldan ’das mñan yod na rgyal byed (2) kyi tshal mgon med zas sbyin gyi kun dga’ ra ba na bźugs so || de’i tshe na tsam pa na khyim bdag dad pa daṅ ldan pa | dge ba’i bsam pa can | bzaṅ po sbyin pa źig ’dug pa des de bźin gśegs pa’i ñan thos kyi dge ’dun gyi phyir gtsug lag khaṅ rta babs mthon po daṅ | (3) skar khuṅ daṅ skar khuṅ dra ba can daṅ | lan kan gyis brgyan pa | sñiṅ daṅ mig ’phrog pa mtho ris kyi them skas su gyur pa źig byed du bcug nas | der dge sloṅ maṅ po dag dbyar gnas par khas blaṅs te | de dag gis dgag dbye byas nas smras pa | khyim bdag bdag cag (4) mñan yod du ston pa daṅ | dge sloṅ gnas brtan gnas brtan rnams kyi źabs la phyag ’tshal du ’gros bdag cag la gos dag byin cig | khyim bdag des smras pa | ’phags pa dag ’di na gos bzaṅ po dag ma mchis te | don mthun dag mchi źes grag gis (5) don mthun dag mchis kyi bar du re źig gźes śig daṅ | de nas gos bzaṅ po dag ’jal te gsol lo || de dag gis smras pa | khyim bdag gal te gos bzaṅ po dag med na gos ṅan pa dag byin cig | ’phags pa dag bdag ni bzaṅ po sbyin pa lags na | ji (6) ltar bdag gis ṅan pa dag gsol bar bgyi | gal te khyed cag riṅs na gos kyi rin kār ṣā pa ṇa dag smoms la bźud cig | khyim bdag bcom ldan ’das kyis kār ṣā pa ṇa dag bkag pas bdag cag mi len to || ’phags pa dag ’di ltar bdag lam byin pa ni mi mṅa’i | (7) gos ṅan pa dag sbyin du ni mi ruṅ ṅo || dge sloṅ de dag gis kār ṣā pa ṇa dag ma blaṅs par gos ṅan pa dag kho nas doṅ ste | mthar gyis mñan yod du phyin pa daṅ | de dag la dge sloṅ rnams kyis smras pa | tshe daṅ ldan pa dag khyed cag gis dbyar gnas pa’i gos kyi rñed pa ma rñed dam | (149a1) ci nas gaṅ gi phyir khyed cag gos dag ṅan par gyur ma rñed do || khyed cag gaṅ du dbyar gnas par khas blaṅs tsam par ro || khyim bdag gaṅ la brten | che ge mo źig la’o || khyim bdag de bzaṅ po sbyin pa źes grag go de’i phyir ma rñed do || ci’i phyir de dag gis (2) skabs de rgyas par brjod pa daṅ | dge sloṅ rnams kyis bcom ldan ’das la gsol to || de nas bcom ldan ’das ’di sñam du dgoṅs te | kye ma bram ze daṅ khyim bdag dad pa can dag kyaṅ gos kyi rin dag sbyin par byed la | ṅa’i ñan thos rnams kyaṅ gos kyi rin dag ’dod kyis (3) ṅas ñan thos rnams la ruṅ bar bya bar chuṅ źig gnaṅ bar bya’o sñam du dgoṅs nas | bcom ldan ’das kyis bka’ stsal pa | blaṅ bar bya źiṅ blaṅs nas kyaṅ sbyin bdag de ñid la yid brten te bcaṅ bar bya’o || gźan yaṅ dge sloṅ gis źal ta byed pa spro bar bya’o || dge sloṅ (4) dag gis źal ta byed pa gaṅ spro bar bya ba mi śes nas bcom ldan ’das kyis bka’ stsal pa | kun dga’ ra ba pa’am | dge bsñen spro bar bya ste | kun dga’ ra ba pa źes bya ba ni ruṅ ba byed pa’o || dge bsñen źes bya ba ni gsum la skyabs su soṅ ba bslab pa’i gźi lṅa bzuṅ (5) ba’o || dge sloṅ dag yul gźan du ’doṅ ba na de dag ’di na bdag cag la sbyin bdag ’ga’ yaṅ med do źes ’gyod pa skyes pa daṅ | bcom ldan ’das kyis bka’ stsal pa | sbyin bdag de ñid ji srid du son pa daṅ | ’dug pa daṅ | ’tsho ba daṅ | sdod pa’i bar du śin tu riṅ (6) du soṅ yaṅ ñams pa med do || dge sloṅ rnams kyis chos gos kyi rin dag rñed la sbyin bdag med nas dedaga ’gyod pa skyes te | mi len pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | blaṅ bar bya źiṅ (7) blaṅs nas kyaṅ dge sloṅ gi mdun du ’greṅ ste ’di skad ces brjod par bya’o || tshe daṅ ldan pa dgoṅs su gsol | bdag dge sloṅ miṅ ’di źes bgyi bas dṅos po ruṅ ba ma ltags pa ’di rñed de | bdag dge sloṅ miṅ ’di źes bgyi bas dṅos po ruṅ ba ma lags pa ’di byin gyis (149b1) brlab bo || dṅos po ruṅ ba ma lags pa ’dis dṅos po ruṅ ba bsgrub par bgyi’o || de bźin du lan gñis lan gsum du brjod par bya ste | ’di la ’gyod par mi bya’o || bram ze daṅ khyim bdag daṅ pa can dag gis mtha’ ’khob dag tu gtsug lag khaṅ dag byed du bcug nas de na dus daṅ (2) dus su skrag pa dag byuṅ nas dge sloṅ dag gis gtsug lag khaṅ stoṅ par bor te byer ro ma byin par len pa dag gis gtsug lag khaṅ stoṅ par rig nas gtsug lag khaṅ bcom pa daṅ | bcom ldan ’das kyis bka’ stsal pa | dge ’dun bye’am | mchod rten gyi dbyig daṅ gser (3) sbas te ’gro bar bya’o || bcom ldan ’das kyis sba bar bya’o źes bka’ stsal pa daṅ | de dag gis gaṅ gis sba bar bya ba mi śes nas bcom ldan ’das kyis bka’ stsal pa | kun dga’ ra ba pa’am | dge bsñen gyis sba bar bya’o || gaṅ dag sbed par byed pa de dag ñid rku bar byed (4) nas bcom ldan ’das kyis bka’ stsal pa | dge bsñen dad pa can gyis sba bar bya’o || dge bsñen dad pa can med na dge tshul gyis sba bar bya’o || dge tshul med na dge sloṅ dag gis raṅ gis sba bar bya’o || de la doṅ brko bar bya ba yod nas gaṅ gis brko bar bya ba mi śes nas bcom ldan ’das kyis (5) bka’ stsal pa | kun dga’ ra ba pa’am | dge bsñen gyis brko bar bya’o || de ñid rku bar byed nas bcom ldan ’das kyis bka’ stsal pa | dge bsñen dad pa can gyis brko bar bya’o || dge bsñen dad pa can med na dge tshul gyis brko bar bya’o || dge tshul med na dge sloṅ dag gis raṅ gis brko bar (6) bya’o || ’jigs pa daṅ bral na rnam pa de lta bu ñid kyis phyuṅ ste dge ’dun la dbul bar bya’o || dge sloṅ dag ṅas phoṅs pa’i dus dag tu gnaṅ ba gaṅ yin pa de bde ba’i gnas skabs dag tu spyad par mi bya ste | spyod na ’gal tshabs can du ’gyur ro || las daṅ po pa daṅ | smyos pa daṅ | (7) sems ’khrugs pa daṅ | tshor ba dag gis ñen pa la ltuṅ ba med do || gser dṅul la reg pa’i spaṅ ba ste bcwa brgyad pa rdzogs s+ho || ||

[Naiḥsargika 19]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe bcom ldan (150a1) ’das ’jig rten du byuṅ ba de’i tshe na thams cad du yul dbus su saṅs rgyas bcom ldan ’das byuṅ ṅo źes sgra grags te | de’i ñan thos rnams ’bar ba daṅ | gsal ba daṅ | char ’bab pa daṅ | glog ’byin pa’i cho ’phrul dag byed pas gaṅ dag de la mchod (2) pa dag byed pa de dag ni śin tu ’bras bu che ba daṅ | phan yon che ba daṅ | gsal ba che ba daṅ | rgyas pa che bar ’gyur ro źes byaṅ lam pa’i tshoṅ pa dag gis thos nas de dag gis smras pa | śes ldan dag yul dbus su ’doṅ ṅo || der kher sbogs maṅ bo yaṅabasgruba (3) par bya | saṅs rgyas daṅ | chos daṅ dge ’dun dag la mchod pa bya’o źes byaṅ lam pa’i tshoṅ pa de dag zoṅ thogs te | yul dbus su ’phags nas mthar gyis mñan yod du phyin to || mñan yod na śes pa can rtsis mkhas pa źig ’dug pa des byaṅ lam nas tshoṅ pa (4) don mthun ’oṅs źes thos nas des bsams pa | soṅ ste je bltas na der cuṅ zad ’thob bo sñam nas | des cuṅ zad dmigs pas kyaṅ śes | cuṅ zad rtog ges kyaṅ śes nas de soṅ ste | ded dpon la miṅ daṅ rus nas brjod ciṅ miṅ ’di źes bya ba ’oṅs ba legs (5) so ’oṅs pa legs so || khyod kyi ma ni miṅ ’di źes bya | khyod kyi pha ni miṅ ’di źes bya | khyod kyi rdzas ni ’di sñed cig ’oṅs so || ñi ma ga ge mo źig la ni khal ’jig par ’gyur ro || khe sbogs ni ’di sñed cig ’grub par ’gyur ro źes smras pa daṅ ded dpon des (6) bsams pa | bcom ldan ’das kyi ñan thos gaṅ dag ’bar ba daṅ | gsal ba daṅ | char ’bab pa daṅ | glog ’byin pa’i cho ’phrul dag byed ces grag pa de dag las ’ga’ źig ’di yin gor ma chag sñam nas des de la dad pas byaṅ lam gyi nags kyi ’bras bus sloṅ (7) phor bkaṅ ste byin nas la ba srin bu’i mdog lta bu cig kyaṅ bskon no || śes pa can des blaṅs śiṅ gyon te tshaṅs pa mtshuṅs par spyod pa rnams kyi gan du soṅ ba daṅ | de dag gis de mthoṅ nas smras pa | śes pa can khyod kyis mgo bzlog ste ñal ba gaṅ źig las thob des (150b1) smras pa | byaṅ lam nas tshoṅ pa don mthun ’oṅs nas der kho bos ded dpon la miṅ daṅ rus nas brjod nas des kho bo la dad pas dad pa’i dbaṅ du byas pa sbyin no || de dag gis smras pa | śes pa can bdag cag la śākya ’i bu’i dge sbyoṅ de dag rtag tu khyed la thag pa dag daṅ phreṅ rgyud dag (2) daṅ | ’bru mar mkhan dag las gźan pa mi gtso bo ’ga’ yaṅ mṅon par dad par mi byed do źes tho ’tsham par byed kyis | khyod la ba ’di gyon te soṅ la śākya ’i bu’i dge sbyoṅ de dag gi sñiṅ dag gas par gyis śig de ltar bya’o źes smras te | de nas śes pa can de la ba de gyon nas rgyal byed (3) kyi tshal du soṅ ṅo || drug sde dag gis kun tu spyod pa ni ’dir bdag cag gis bram ze daṅ khyim bdag ’oṅs pa rnams la yaṅ chos bstan par bya | rgol bdag kyaṅ tshar gcad par bya | Raṅa gi grags pa yaṅ bsgrag par bya’o sñam pas drug sde las gaṅ yaṅ ruṅ bas rgyal byed kyi tshal gyi sgo (4) stoṅ par mi ’jog pas ñe dga’ rgyal byed kyi tshal gyi sgo na ’chag ciṅ ’dug pa des śes pa can de thag riṅ po kho na nas mthoṅ ṅo || de nas ñe daga’asa bsams pa | gcer bu pa ṅan pa ’di la ba bzaṅ po źig gyon te ’oṅs kyis gal te bdag gis de ma phrogs na ñe dga’ na ñe dga’ źes bya ba’i (5) miṅ mi gzuṅ ṅo sñam nas | des de la smras pa | śes pa can khyod gcer bu pa yin la la ba ’di lta bu gyon na phyir babs sam ci kho bo phyir ma babs te | ’di ltar byaṅ lam nas tshoṅ pa don mthun ’oṅs nas der kho bos ded dpon la miṅ daṅ rus nas brjod nas des kho bo la dad pas dad (6) pa’i dbaṅ du byas pa byin no || ma legs so ma legs so || khyed kyis rgas pa’i gnas skabs su tshul khrims ’chal pa kun tu spyad do || tshur śog ’dug śig daṅ chos bstan par bya’o || śes pa can de ñe dga’i mdun du ’dug pa daṅ | ñe dga’ yid dga’ źiṅ yid dga’ (7) nas de la sbyin pa’i bsṅags pa brjod par brtsams so || drug sde dag gi kun tu spyod pa ni gal te tshul khrims kyi gtam dag byed na ñan pa po dag bdag cag lha rnams su skyes so sñam du sems la | gal te sbyin pa’i gtam dag byed na ñan pa po dag raṅ gi śa gaṅ yin (151a1) pa de yaṅ bcad ciṅ bcad ciṅ sbyin par bya’o sñam du sems so || gal te ṅan soṅ gi gtam dag byed na ñan pa po dag bdag cag ṅan soṅ rnams su skyes so sñam du sems par ’gyur ba yin pas | ñe daga’asa śes pa can de la smras pa | śes (2) pa can khyod kyi ston pa ni ṅan pa la mos pa yin te | gal te de bzaṅ po ’dod par gyur na des khyed cag la gos ’bum ri ba daṅ | zas ro brgya daṅ ldan pa daṅ | khaṅ pa brtsegs pa mig lṅa brgya pa yaṅ gnaṅ bar ’gyur pa źig ma gnaṅ ṅo || kho bo cag gi (3) ston pa ni bzaṅ po la mos pa yin pas | des kho bo cag la gos ’bum ri ba daṅ | zas ro brgya daṅ ldan pa daṅ | khaṅ pa brtsegs pa mig lṅa brgya pa yaṅ gnaṅ ṅo || gal te khyod la ba ’di lta bu gyon te sloṅ mo la ’gro bar gyur na bram ze daṅ khyim bdag dad (4) pa can dag gis śes pa can ’dis tshul khrims ’chal pa kun tu spyad do sñam du śes pas khyed kyis sloṅ mo yaṅ mi rñed par gyur gyis | khyod kyi la ba ’di kho bo la byin cig daṅ | kho bos khyod la la ba gźan źig sbyin no || kho bo la ba ’di gyon te bsod sñoms (5) la ’jug pa na | bram ze daṅ khyim bdag dad pa can dag gis kho bo mthoṅ nas btsun pa ñe daga’asa la ba ’di lta bu ga las rñed ces zer na | kho bos de dag la ’di skad ces śes pa can che ge mo źig gis byin no źes brjod par bya ste | des na de dag gis śes (6) pa can dad pa daṅ ldan par gyur to sñam du śes par ’gyur źiṅ | de dag gis khyod sloṅ mo la źugs pa la chaṅ daṅ nur rtsi’i sloṅ phor bkaṅ ste sbyin par ’gyur ro || des smras pa | btsun pa ñe dga’ bźes śig | ñe daga’asa smras pa | śes pa can khyod kyi (7) tshaṅs pa mtshuṅs par spyod pa dag ni tshul khrims ’chal pa yin pas | khyod de dag gi tshig thos nas yaṅ phyir ’phrog tu ’oṅ bar gyur pa de lta bu’i gnas yod do || btsun pa ñe dga’ ci kho bo’i la ba ’di tshaṅs pa mtshuṅs par spyod pa de dag dbaṅ pa yin nam | la (151b1) pa ’di ni kho po ñid dbaṅ ba yin gyis bźes śig daṅ | slar ’phrog tu mi mchis so || ñe daga’asa la baṅ blaṅs nas la brtsub po gźan źig de la byin nas śes pa can de la ba rtsub po de gyon nas tshaṅs pa mtshuṅs par spyod pa rnams kyi gan du phyir soṅ ba daṅ | de dag gis (2) de mthoṅ nas smras pa | śes pa can khyod kyis yaṅ mgo bsgyur de ñal ba gaṅ źig las thob | des smras pa | ’di ni glo gźan nas grub pa yin no || ji ltar gyur | kho bos la bde btsun pa ñe dga’ la byin nas des kyaṅ kho bo la la ba ’di byin no || de dag gis (3) spyos te smras pa | śes pa can śākya ’i bu’i dge sbyoṅ rnams ni yu bu cag gson pas kyaṅ mi dga’ ba yin no || drug sde dag ji lta bar gźan de lta ma yin la | ñe dga’ ji lta bar drug sde gźan de lta ma yin no || gal te khyod kyis dge sloṅ gnas brtan gźan ’ga’ źig (4) la byin par gyur na kho bo cag kyaṅ rjes su yi raṅ bar byed na khyod kyis ñe dga’ la byin te | de ni bdag cag las thoṅ gi phyis bu len par ’dod pa yin gyis | gal te la ba khyer te ’oṅ na de lta na legs | gal te khyer te mi ’oṅ na kho bo cag gis khyod tshaṅs pa mtshuṅs (5) par spyod pa’i naṅ nas gnas nas dbyuṅ bar bya źiṅ | tshul śiṅ yaṅ dbyuṅ bar bya | spaṅ leb khri’u yaṅ bsgyur bar bya | sloṅ phor yaṅ khas dbub par bya || bar ba yaṅ dor bar bya’o || de skrag nas ñe dga’ ga la ba der soṅ ba daṅ ñe daga’asa thag riṅ po kho na nas de ’oṅ ba mthoṅ nas (6) des bsams pa | śes pa can ’gros ’di lta bus ’oṅ ba ’di ni bdag gi la ba ’phrog par byed pa yin no sñam nas de gtsug lag khaṅ gi naṅ du źugs nas sgo bcad de ’dug go || śes pa can des sgo brduṅ bar brtsams te btsun pa ñe dga’ btsun pa ñe dga’ źes bos pa daṅ ñe dga’ caṅ mi smra (7) bar ’dug go || dge sloṅ rnams kyis de la smras pa | śes pa can khyod la btsun pa ñe daga’asa ci bya | des smras pa | des kho bo’i lab źig khyer ro || śes pa can gal te khyod la ba ’dod na soṅ la bcom ldan ’das la skyabs su sgrubs śig | de bcom ldan ’das ga la (152a1) ba der soṅ ba daṅ | bcom ldan ’das kyis śes pa can de thag riṅ po kho na nas ’oṅ ba gzigs so || gzigs nas kyaṅ dge sloṅ rnams la bka’ stsal pa | dge sloṅ dag khyed śes pa can thag riṅ po kho na nas ’oṅ ba la ltos śig | btsun pa bka’ (2) bźin ’tshal | ’di ni la ba’i phyir ’oṅs te | gal te la ba thob na de lta na legs gal te ma thob na khrag tsha ba skyugs te dus byed par ’gyur ro || de nas śes pa can de phyin nas bcom ldan ’das la ’di skad ces gsol to || bcom ldan ’das btsun pa ñe daga’asa bdag (3) gi la ba ’tshal ba de bcom ldan ’das kyis bdag la slar stsal du gsol cig | gal te bcom ldan ’das kyis bdag la la ba slar stsal du ma stsal na | ’di ltar bdag tshaṅs pa mtshuṅs par spyod pa’i naṅ nas gnas nas phyuṅ bar ’gyur źiṅ tshul śiṅ yaṅ phyuṅ bar (4) gyur | spaṅ leb khri’u yaṅ bsgyur bar ’gyur | sloṅ phor yaṅ khas phub par ’gyur | khar ba yaṅ bor bar ’gyur ro || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la ñe dga’i gan du soṅ ste | śes pa can gyi (5) la ba phyir byin cig | gal te mi byin na śes pa can ’di khrag tsha ba skyugs te dus byed par ’gyur ba’i gnas de lta bu yod do źes gyis śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas ñe dga’ ga la ba der soṅ (6) ba daṅ | ñe daga’asa tshe daṅ ldan pa kun dga’ bo thag riṅ po kho na nas ’oṅ ba mthoṅ nas des bsams pa | śes pa can gyi pho ña ’di lta bu khrid de ’oṅs pas ’dis kho bo’i la ba phrogs par ’gyur ro sñam mo || de nas tshe daṅ ldan pa kun dga’ bos ñe dga’ la ’di skad ces smras (7) so || bcom ldan ’das kyis bka’ stsal pa | śes pa can gyi la ba phyir byin cig | gal te ’di’i la ba phyir myur bar ma byin na śes pa can ’di khrag tsha ba skyugs te dus byed par ’gyur ba’i gnas de lta bu yod par ’gyur ro źes byuṅ ṅo || ñe daga’asa smras pa | btsun pa kun (152b1) dga’ bo ston pa’i bka’ mñan par zad kyi | gźan du na sgre byi gcer bu ’di khrag tshab skyugs te dus byed par ’gyur ba bas gal te śes pa can śa stag gis ’dzam bu’i gliṅ ’di lta ste | dper na bu ram śiṅ gi tshal lam | ’dam bu’i tshal lam | ’od ma’i tshal bźin du gaṅ (2) bar gyur la de dag thams cad khrag tsha ba skyugs te kha dag ciṅ dus byed par gyur kyaṅ ñe dga’i spu’i rtse mo tsam yaṅ mi g-yo ste | ’on kyaṅ bźud cig daṅ sbyin no || tshe daṅ ldan pa kun dga’ bo soṅ ba daṅ ñe daga’asa smras pa | kwa’i gcer bu pa ñon cig khyod kyis ston pa brdzun ma des (3) brdzun du smra bas ’jig rten bslus nas sems can dmyal ba rnams su skyes te | de’i lce la thoṅ gśol lṅa brgyas rmed par byed na | khyed kyaṅ de bas kyaṅ brdzun ma chen po yin pas khyed kyi lce la yaṅ thoṅ gśol stoṅ gis rmo bar ’gyur ro || gźan yaṅ kho bo’i la ba khyod kyis (4) spyod na | ci kho bos kyaṅ khyod kyi la ba spyad sñam mam | btsun pa ñe dga’ ma lags so || ñe daga’asa de’i la ba des mdoms kyi phyogs thams cad phyis nas bźi ltab tu blta ba ste | lag pa g-yon pa’i steṅ du bźag nas lag pa g-yas pas thal lcag gis bsnun pa daṅ rim pa (5) thams cad rdol bar gyur nas smras pa | śes pa can lag pa gñis rkyoṅ śig | ṅes lag pa gñis brkyaṅ ba daṅ | ñe daga’asa gaṅ gis de khas bub tu ’gyel bar ’gyur ba de lta bu’i śugs kyis la ba lag tu byin pa daṅ | de khas bub tu ’gyel nas ñe daga’asa rdog pas bsnun (6) te smras pa | gcer bu pa sgre byi gtsug lag khaṅ sla tsas ma gtal bar soṅ śig | btsun pa ñe dga’ gal te ma gum na mchi ste | slan chad rgyal byed kyi tshal du mi mchi’o || de ni re źig byuṅ ba yin gyi | saṅs rgyas bcom ldan ’das re źi ga ’dul ba la ñan thos rnams kyi (7) bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ drug sde dag mṅon mtshan can gyis spyod pa rnam pa sna tshogs byed de | kun tu sbyor bar byed | Raba tu sbyor par (153a1) byed | bun ’gyed par byed | skyed ’gyed par byed | byas pa’i phyir byas pa daṅ | byas pa’i phyir ma byas pa daṅ | ma byas pa’i phyir byas pa daṅ | ma byas pa’i phyir ma byas pa gtoṅ bar byed do || ji ltar kun du sbyor bar byed ce na | kun du rtsom par byed | yul tshol bar (2) byed | śiṅ rta sogs par byed | yul du ’gro ba’i rdzas śom par byed | le’u pa daṅ | gro ba daṅ | snag tsha daṅ | smyu gu daṅ | yi ge pa tshol bar byed de | de ltar kun du sbyor bar byed do || ji ltar rab tu sbyor bar byed ce na | brgyad śas daṅ | bcu śas daṅ | (3) bcu gñis śas kyi phyir dbaṅ po daṅ | gro ba daṅ | snag tsha daṅ | smyu gu daṅ | yi ge pa tshol bar byed de | de ltar rab tu sbyor bar byed do || ji ltar bun ’gyed par byed ce na | nas daṅ ’bru rñiṅ pa gser phye daṅ ñe sde’i phyir gtoṅ ba daṅ | gźal ba’i snod daṅ | bre’u (4) chuṅ daṅ | phul daṅ gro ba daṅ | snag tsha daṅ | smyu gu daṅ | yi ge pa tshol bar byed de | de ltar bun ’gyed par byed do || ji ltar skyed ’gyed par byed ce na | duṅ gi tshogs kyi phyir nor bu’i tshogs gtoṅ bar byed pa daṅ | nor bu’i tshogs kyi phyir mu tig gi tshogs gtoṅ bar byed (5) pa daṅ | mu tig gi tshogs kyi phyir baiḍūR+Ya’i tshogs gtoṅ bar byed ciṅ | dpaṅ po daṅ | gro ba daṅ | snag tsha daṅ | smyu gu daṅ | yi ge pa tshol bar byed de | de ltar skyed ’gyed par byed do || ji ltar byas pa’i phyir byas pa gtoṅ bar byed ce na | gser mṅon mtshan can gyi (6) phyir mṅon mtshan can gtoṅ bar byed de | de ltar byas pa’i phyir byas pa gtoṅ bar byed do || ji ltar byas pa’i phyir ma byas pa gtoṅ bar byed ce na | gser mṅon mtshan can gyi phyir mṅon mtshan can med pa gtoṅ bar byed de | de ltar byas pa’i phyir ma byas pa gtoṅ bar byed do || ji (7) ltar ma byas pa’i phyir byas pa gtoṅ bar byed ce na | gser mṅon mtshan can ma yin pa’i phyir mṅon mtshan can gtoṅ bar byed de | de ltar ma byas pa’i phyir byas pa gtoṅ bar byed do || ji ltar ma byas pa’i phyir ma byas pa gtoṅ bar byed ce na | gser mṅon mtshan can (153b1) ma yin pa’i phyir mṅon mtshan can ma yin par gtoṅ bar byed de | de ltar ma byas pa’i phyir ma byas pa gtoṅ bar byed do || gźan mu stegs can dag śes ldan dag śākya ’i bu’i dge sbyoṅ rnams ni ma log ma spaṅs so sor ma spaṅs pa yin te | ’di ltar mṅon mtshan can (2) gyis spyod pa rnam pa sna tshogs byed de | kun du spyod par byed | rab tu sbyor bar byed | bun ’gyed par byed | skyed ’gyed par byed | byas pa’i phyir byas pa daṅ | byas pa’i phyir ma byas pa daṅ ma byas pa’i phyir byas pa daṅ ma byas pa’i phyir ma byas pa gtoṅ bar byed do || bram ze (3) daṅ | khyim bdag rnams kyaṅ mṅon mtshan can gyis spyod pa rnam pa sna tshogs byed de | kun du sbyor bar byed | rab tu sbyor bar byed | bun ’gyed par byed | skyed ’gyed par byed | byas pa’i phyir byas pa daṅ | byas pa’i phyir ma byas pa daṅ ma byas pa’i phyir byas pa daṅ | (4) ma byas pa’i phyir ma byas pa gtoṅ bar byed na śes ldan dag śākya ’i bu’i dge sbyoṅ rnams daṅ bram ze daṅ | khyim bdag rnams la bye brag ni ci yod | bsam pa ni ci yod | tha dad du bya ba ni ci yod | su źig dge sbyoṅ mgo reg ’di dag la bsod sñoms sbyin pa daṅ bya bar sems (5) źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu mdzad do źes bya ba la sogs pa sṅa (6) ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa sṅa ma bźin no || saṅs rgyas bcom ldan ’das kyis dge sloṅ drug sde dag la rmas pa | dge sloṅ dag khyed mṅon mtshan can gyis spyod pa rnam pa sna tshogs byed pa bden (7) nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || źes rnam par smad pa mdzad do || de nas bcom ldan ’das (154a1) kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan (2) thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ mṅon mtshan can gyis spyod pa rnam pa sna tshogs byed na spaṅ ba’i ltuṅ byed do || yaṅ dge sloṅ gaṅ źes bya ba ni drug sde dag gam | gźan yaṅ de lta bu gaṅ yin pa’o || mṅon mtshan (3) can gyis spyod pa rnam pa sna tshogs źes bya ba ni rnam pa du ma’o || byed na źes bya ba ni kun du sbyor bar byed pa daṅ | rab tu sbyor bar byed pa daṅ | bun ’gyed par byed pa daṅ | skyed ’gyed par byed pa lhag par spyod par byed na’o || spaṅ ba’i ltuṅ byed do źes bya ba ni (4) dṅos po de spaṅs nas ltuṅ byed kyi ltuṅ ba bśags par bya ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis rñed pa ’dod pas yul gyi tha sñad kyi zoṅ kun du sbyor bar byed ciṅ | de de la śiṅ rta daṅ glaṅ daṅ gla (5) mi daṅ | dpaṅ po daṅ | gro ba daṅ | snag tsha daṅ | smyu gu daṅ | yi ge pa tshol bar byed de | śo gam daṅ la gcan daṅ gru btsas sbyin par byed na ji srid du rñed pa dag bdag gir mi byed pa de srid du ñes byas su ’gyur la | rñed pa bdag gir byed pa na spaṅ ba’i (6) ltuṅ byed du ’gyur ro || dge sloṅ gis rñed pa ’dod pas dbyig gam | gser rab tu sbyor bar byed ciṅ | de de la dpaṅ po daṅ | gro ba daṅ snag tsha daṅ | smyu gu daṅ | yi ge pa tshol bar byed na ji srid du rñed pa bdag gir mi byed pa de srid du ñes byas su ’gyur la | (7) rñed pa dag bdag gir byed na spaṅ ba’i ltuṅ byed du ’gyur ro || dge sloṅ gis rñed pa ’dod pas nas daṅ | ’bru’i bun ’gyed par byed ciṅ | de de la gźal blugs daṅ | bre’u chuṅ daṅ | phul daṅ | dpaṅ po daṅ | gro ba daṅ | snag tsha daṅ | smyu gu daṅ | (154b1) yi ge pa tshol bar byed na ji srid du rñed pa bdag gir mi byed pa de srid du ñes byas su ’gyur la | rñed pa bdag gir byed pa na spaṅ ba’i ltuṅ byed du ’gyur ro || dge sloṅ gis rñed pa ’dod pas duṅ gi tshogs kyi phyir nor bu’i tshogs gtoṅ bar byed pa daṅ | nor bu’i tshogs kyi (2) phyir mu tig gi tshogs gtoṅ bar byed pa daṅ | mu tig gi tshogs kyi phyir baiḍūR+Ya’i tshogs gtoṅ bar byed ciṅ | de de la dpaṅ po daṅ | gro ba daṅ | snag tsha daṅ | smyu gu daṅ | yi ge pa chol bar byed na | ji srid du rñed pa bdag gir mi byed pa de srid du ñes byas su (3) ’gyur la | rñed pa bdag gir byed na spaṅ ba’i ltuṅ byed du ’gyur ro źes de ltar bcom ldan ’das kyis ’dul ba la ñan thos rnams kyi bslab pa’i gźi bca’ bar mdzad do || saṅs rgyas bcom ldan ’das yaṅs pa can na spre’u rdziṅ gi ’gram na khaṅ pa brtsegs pa’i khaṅ (4) bzaṅs na bźugs so || de’i tshe na yaṅs pa can pa’i lits+tsha bī dag gis khaṅ pa dag drug rtseg daṅ bdun rtseg tu byed do || yaṅs pa can gyi lits+tsha bī rnams kyi khaṅ pa ji lta ba de bźin du gtsug lag khaṅ dag kyaṅ drug rtseg daṅ bdun rtseg tu byed pas de dag mtho ches pas brtsigs śiṅ (5) brtsigs śiṅ rdib nas sbyin bdag dag gis bsams pa | bdag cag gson źiṅ ’dug ste | ’tsho źiṅ sdod pa rnams kyi gtsug lag khaṅ dag kyaṅ ’di ltar ’jig na śi ba rnams kyi ji ltar ’gyur | bdag cag gis mkhar len gyi rgyur dge ’dun la mi zad pa dbul bar bya’o (6) sñam nas de dag mi zad pa thogs te dge sloṅ rnams kyi gan du doṅ nas phyin pa daṅ | dge sloṅ rnams la ’di skad ces smras so || ’phags pa dag mkhar len gyi slad du mi zad pa ’di dag bźes śig | dge sloṅ rnams kyis smras pa | bźin bzaṅs dag bcom ldan ’das (7) kyis bslab pa’i gźi bca’ bar mdzad pas bdag cag mi len to źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge ’dun gyi phyir mkhar len gyi rgyu mi zad par blaṅ bar bya’o || gźan yaṅ (155a1) dge sloṅ gi dge ’dun gyi gtsug lag khaṅ ni sum rtseg tu bya’o dge sloṅ ma’i dge ’dun gyi dbyar khaṅ ni ñis rtseg tu bya’o || dge sloṅ rnams kyis bcom ldan ’das las mñan nas mi zad pa blaṅs nas dge ’dun gyi mdzod du bcug ste bźag go || sbyin bdag (2) dag ’oṅs te smras pa | ’phags pa dag ci’i slad du gtsug lag khaṅ gi mkhar len mi bgyid kār ṣā pa ṇa dag med do || ’o na bdag cag gis khyed la mi zad pa dag ma phul lam | dge sloṅ rnams kyis smras pa | ci kho bo cag gis mi zad pa dag zos sñama’ama | dge ’dun (3) gyi mdzod na ’dug go || ’phags pa dag de lta na mi zad par mi ’gyur gyi ’di ltar zad par ’gyur te ci bdag cag gi sdum pa na gnas ma mchis sñama’ama | ci’i slad du rab tu sbyor bar mi mdzad | dge sloṅ rnams kyis smras pa | bcom ldan ’das kyis bslab pa’i gźi bca’ ba (4) mdzad pas bdag cag rab tu sbyor bar mi byed do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge ’dun gyi phyir mkhar len gyi rgyu mi zad pa rab tu sbyor bar bya’o || de bźin du bram ze daṅ | khyim bdag (5) dad pa can dag saṅs rgyas daṅ | chos daṅ | dge ’dun gyi phyir mi zad pa ’dul nas | bcom ldan ’das kyis bka’ stsal pa | saṅs rgyas daṅ | chos daṅ | dge ’dun gyi phyir mi zad pa rab tu sbyor bar bya źiṅ de las skyed gaṅ grub pa des saṅs rgyas daṅ | chos daṅ | (6) dge ’dun la mchod par bya’o || de dag gis de dag ñid la byin nas de dag la ’das pa na rtsod par byed ciṅ | ’phags pa dag ci’i phyir bdag ñid kyi nor las rtsod pa byuṅ źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das (7) kyis bka’ stsal pa | de dag la sbyin par mi bya’o || de dag gis phyug po dag la byin nas | de dag la ’das pa na mthu daṅ ldan pa la rten ciṅ mi ster ba daṅ | bla’i grwa’i mthus mi ster nas bcom ldan ’das kyis bka’ stsal pa | de dag la sbyin par mi bya’o || de dag (155b1) gis dbul po rnams la byin nas de dag gis kyaṅ ’jal mi nus nas bcom ldan ’das kyis bka’ stsal pa | gta’ ñi riṅ blaṅs te dpaṅ po daṅ bcas pa’i dam rgya’i glegs bu bris te sbyin par bya’o || glegs bu de la yaṅ lo daṅ | zla ba daṅ | ñi ma daṅ | dge ’dun (2) gyi gnas brtan daṅ | dge skos daṅ | len pa po daṅ | rdzas daṅ | skyed rnams kyi miṅ bri bar bya’o || gaṅ la sbyin par bya ba dge bsñen dad pa can bslab pa’i gźi lṅa bzuṅ ba la yaṅ gta’ ñi ri kho nas sbyin par bya’o || las daṅ po pa daṅ | smyos pa daṅ | (3) sems ’khrugs pa daṅ | tshor ba dag gis ñen pa la ltuṅ ba med do || mṅon mtshan can gyis spyod pa’i spaṅ ba ste bcu dgu pa rdzogs s+ho || ||

[Naiḥsargika 20]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || (4) de’i tshe na dge sloṅ drug sde dag ño ’tshoṅ rnam pa sna tshogs byed de | len par byed | gtoṅ bar byed | ño bar byed | ’tshoṅ bar byed do || ji ltar len par byed ce na | gaṅ gi tshe ljoṅs su lo legs śiṅ groṅ khyer du lo ñes pa de’i tshe na ljoṅs nas groṅ khyer du len par byed (5) de | de ltar len par byed do || ji ltar gtoṅ bar byed ce na | gaṅ gi tshe groṅ khyer du lo legs śiṅ ljoṅs su lo ñes pa de’i tshe na groṅ khyer nas ljoṅs su gtoṅ bar byed de | de ltar gtod par byed do || ji ltar ño bar byed ce na | gaṅ gi tshe rin chuṅ ba de’i tshe na ño bar byed (6) de | de ltar ño bar byed do || ji ltar ’tshoṅ bar byed ce na | gaṅ gi tshe rin che ba de’i tshe na ’tshoṅ bar byed de | de ltar ’tshoṅ bar byed do || gźan mu stegs can dag śes ldan dag śākya ’i bu’i dge sbyoṅ rnams ni ma log ma spaṅs so sor ma spaṅs pa yin te | ’di ltar ño (7) ’tshoṅ rnam pa sna tshogs byed de | len par byed | gtoṅ bar byed | ño bar byed | ’tshoṅ bar byed ciṅ bram ze daṅ | khyim bdag rnams kyaṅ ño ’tshoṅ rnam pa sna tshogs byed de | len par byed | gtoṅ bar byed | ño bar byed | ’tshoṅ bar byed na śākya ’i bu’i dge sbyoṅ rnams (156a1) daṅ | bram ze daṅ | khyim bdag ’di dag la bye brag ni ci yod | bsam pa ni ci yod | tha dad du bya ba ni ci yod | su źig dge sbyoṅ mgo reg ’di dag la bsod sñoms sbyin pa daṅ bya bar sems źes smod par byed | phyar ka gtoṅ bar byed | kha zer bar byed pa’i (2) skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams (3) ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag khyed ño ’tshoṅ rnam pa sna tshogs byed de | len par byed | gtoṅ bar byed | ño bar byed | ’tshoṅ (4) bar byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad par mdzad do || (5) de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (6) bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ ño ’tshoṅ rnam pa sna tshogs byed na spaṅ ba’i ltuṅ byed do || yaṅ dge sloṅ gaṅ źes bya ba ni drug sde dag gam | gźan yaṅ de lta bu gaṅ yin pa’o || ño ’tshoṅ (7) rnam pa sna tshogs źes bya ba ni rnam pa maṅ po’o || byed na źes bya ba ni len par byed pa daṅ | gtoṅ bar byed pa daṅ | ño bar byed pa daṅ | ’tshoṅ bar byed pa dag lhag par spyod par byed na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba (156b1) bśags par bya ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis rñed pa ’dod pas ño bar byed | ’tshoṅ bar byed na ño bar byed pa la ñes byas su ’gyur la | ’ tshoṅ pa la spaṅ ba’i ltuṅ byed du ’gyur ro || dge sloṅ gis (2) rñed pa ’dod pas ño bar byed ciṅ rñed pa mi ’dod pas ’tshoṅ bar byed na | ño bar byed pa la ñes byas su ’gyur la | ’tshoṅ bar byed pa la ltuṅ ba med do || dge sloṅ gis rñed pa mi ’dod pas ño bar byed ciṅ rñed pa ’dod pas ’tshoṅ bar byed na ño bar byed pa la ltuṅ ba med la | ’tshoṅ bar (3) byed pa la spaṅ ba’i ltuṅ byed du ’gyur ro || dge sloṅ gis rñed pa mi ’dod pas ño bar byed ciṅ rñed pa mi ’dod pas ’tshoṅ bar byed na gñis ka la ltuṅ ba med do || yul gźan gyi sbyor bas sṅa ma’i rgyud sbyoṅ bar byed pa la ltuṅ ba med do źes bcom ldan ’das kyis ’dul ba la ñan (4) thos rnams kyi bslab pa’i gźi bca’ ba mdzad do || saṅs rgyas bcom ldan ’das yaṅs pa can na spre’u rdziṅ gi ’gram na khaṅ pa brtsegs pa’i khaṅ bzaṅs na bźugs so || de’i tshe na byaṅ lam pa’i tshoṅ pa lam gyi bgrod par źugs pa dag gis gtsug lag khaṅ rta babs mthon (5) po daṅ ldan pa | skar khuṅ daṅ | skar khuṅ dra ba can daṅ | lan kan gyis brgyan pa | mig daṅ sñiṅ ’phrog pa mtho ris kyi them skas su gyur pa dag mthoṅ nas de dag dad par gyur te | de dag gtsug lag khaṅ du doṅ nas dge sloṅ rnams la ’di skad ces smras so || ’phags (6) pa dag bdag cag gis dge ’dun la mchod ston bgyi’o || dge sloṅ rnams kyis smras pa | mchod ston gyi yo byad dag khyer te śeg śig | de dag gis smras pa | bdag cag blo bur du lhags pa dag lags te | ’di ltar bdag cag rin ’bul gyis khyed kyis ’bras (7) dag stsol cig | bcom ldan ’das kyis bslab pa’i gźi bca’ ba mdzad pas bdag cag ’bras dag mi ’tshoṅ ṅo źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de ltar mi bya bar ’di ltar gaṅ (157a1) dag dge ’dun gyi phyir mchod ston byed pa de la rin gyis ’bras sbyin par bya’o || dge sloṅ dag ri ba khon sbyin nas bcom ldan ’das kyis bka’ stsal pa | gaṅ gtsug lag khaṅ de ñid du mchod ston byed pa de la ’theb daṅ bcas pa sbyin par bya’o || bcom ldan (2) ’das kyis rin gyis ’bras sbyin par bya’o źes bca’ ba mdzad pas maṅ po dag mchod ston byed nas thams cad la byin na ’bras dag spyad pas spyi buṅs chad par gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de ltar (3) mi bya bar ’di ltar rin ṅes ’bras gźan dag ño bar bya’o || ’bras rñiṅ pa dag kyaṅ so sor brtags nas gal te srog chags med na dus su btsoṅs te ’bras sar pas baṅ ba dag dgaṅ bar bya’o || las daṅ po ba daṅ | smyos pa daṅ | sems ’khrugs pa daṅ | tshor ba (4) dag gis ñen pa la ltuṅ ba med do || ño ’tshoṅ byed pa’i spaṅ ba ste ñi śu pa rdzogs s+ho || ||

sdom la |
lhuṅ bzed gñis daṅ tha ga gñis ||
byin ’phrog ston zla tha chuṅs daṅ ||
dgon pa pa daṅ ras chen daṅ ||
bsdos pa daṅ ni gsog ’jog go ||

[Naiḥsargika 21]
(5) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so ||

de nas tshe daṅ ldan pa ñe dga’ ’di sñam du sems te | ’di dag thams cad khyim bdag mgon med zas sbyin gyis bslab pa’i gźi dag gis khyab par byas (6) pas phyin cad gaṅ nas kyaṅ rñed pa bslaṅ bar mi nus so sñam nas de de sñam sems pan dga’ ’dun drug bcu skyed mos tshal du doṅ ba de dag ñe daga’asa mthoṅ ṅo || mthoṅ nas kyaṅ ’di sñam du sems te | gal te ’di dag las rñed pa ma grub na ñe dga’ źes bya ba’i miṅ gzuṅ (7) bar mi bya’o sñam mo || drug sde dag gi kun du spyod pa ni gal te sbyin po’i gtam dag byed na ñan pa po dag bdag cag gis raṅ gi śa dag bcad ciṅ bcad ciṅ sbyin par bya’o sñam du sems la | gal te tshul khrims kyi gtam dag byed na ñan pa po dag bdag cag lha rnams kyi (157b1) naṅ du skyes so sñam du sems so || gal te ṅan soṅ gi gtam dag byed na ñan pa po dag bdag cag ṅan soṅ rnams su skyes so sñam du sems pa yin pas des lhuṅ bzed gsal ba | zlum pa loṅs spyad par bzod pa mchan khuṅ gis khyer te dga’ ’dun de dag ga la ba der (2) soṅ ste phyin nas dga’ ’dun pa gcig la ci nas kyaṅ de’i sems mṅon par dad par ’gyur ba de ltar sbyin pa’i gtam byas nas de sems dad par gyur te smras pa | ’phags pa ci’i slad du byon | ñe daga’asa smras pa | bźin bzaṅs bdag la lhuṅ bzed dgos so || (3) ’phags pa bdag la lhuṅ bzed ma mchis te gal te rin gyis rñed na bdag gis mjal te gsol lo || ñe daga’asa lhuṅ bzed mchan khuṅ nas phyuṅ ste de la bstan nas smras pa | bźin bzaṅs lhuṅ bzed ’di yaṅ rin gyis rñed pa yin no || ’phags pa ’di’i rin ji tsam | (4) kār ṣā pa ṇa drug bcu’o || bdag gis ’di’i rin kār ṣā pa ṇa drug bcu ’bul lo || bźin bzaṅs a rog gya de dag khyod kyi ra gyur cig | sbyin pa ’dis khyod sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog ’thob pa daṅ | (5) lha daṅ mi rnams kyi naṅ du snod du ’gyur bar gyur cig | de bźin du de des dga’ ’dun drug bcu po dag re re yaṅ kār ṣā pa ṇa drug bcu drug bcu sbyor du bcug ste sbyor du bcug nas soṅ ṅo || dga’ ’dun de dag thams cad gcig tu ’dus par gyur nas de na dga’ ’dun gcig (6) gis smras pa | śes ldan dag kho bos btsun pa ñe dga’ śākya ’i rigs las rab tu byuṅ ba chos sgrog pa rig pa daṅ grol ba’i sbobs pa daṅ ldan pa la lhuṅ bzed kyi rin du kār ṣā pa ṇa drug bcu phul gyis rjes su yi raṅ bar gyis śig | gźan źig gis smras pa | kho bos kyaṅ phul (7) lo || yaṅ gźan źig gis smras pa | kho bos kyaṅ phul lo || de bźin du thams cad kyis kho bos kyaṅ phul lo || kho bos kyaṅ phul lo źes smras nas de dag phan tshun blta bar brtsams te | śes ldan dag dge sloṅ gcig la lhuṅ bzed du dgos źes de dag gis dge (158a1) sloṅ źig la dris pa | ’phags pa dge sloṅ gcig la lhuṅ bzed du ’tshal | des smras pa | bźin bzaṅs dag gcig kho na dgos so || de dag gis śākya ’i sras kyi dge sbyoṅ rnams ni rñed pa ’dod pas zil gyis gnon pa dag yin no źes (2) smad par brtsams so || de ni re źig byuṅ ba yin gyi saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs (3) so || de’i tshe na dge sloṅ drug sde dag lhuṅ bzed rñed do cog gsog par byed ciṅ bdag ñid kyaṅ spyod par mi byed | dge sloṅ gźan dag la yaṅ sbyin par mi byed nas dge sloṅ don ñuṅ ṅu dag ci’i phyir dge sloṅ dag lhuṅ bzed rñed do cog gsog par byed ciṅ bdag ñid kyaṅ spyod par (4) mi byed | dge sloṅ gźan dag la yaṅ sbyin par mi byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di (5) la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | (6) dge sloṅ khyed lhuṅ bzed rñed do cog sogs par byed ciṅ bdag ñid kyaṅ spyod par mi byed | dge sloṅ gźan dag la yaṅ sbyin par mi byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul daṅ mthun pa ma yin pa | rjes su mthun pa ma yin (7) pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag (158b1) par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gis lhuṅ bzed lhag pa źag bcu’i bar du bcaṅ bar bya’o || de las (2) ’das par ’chaṅ na spaṅ ba’i ltuṅ byed do || dge sloṅ gis źes bya ba ni chos ’di pas so || lhuṅ bzed lhag pa źes bya ba ni byin gyis brlab par bya ba las lhag pa’o || źag bcu’i bar du źes bya ba ni ñin mtshan bcu’i mtha’i bar du’o || bcaṅ bar bya’o źes bya ba ni bdag gir bya’o || (3) de las ’das par ’chaṅ na źes bya ba ni de las thal bar ’chaṅ ba’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na ’di lta ste | dge sloṅ (4) gis tshes la lhuṅ bzed rñed na dge sloṅ des lhuṅ bzed de źag bcu po de ñid kyi naṅ du byin gyis brlab par bya ba’am | gtaṅ bar bya ba’am | rnam par brtag par bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par (5) rtog par mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes la lhuṅ bze da ma rñed kyaṅ tshes gñis sam | tshes gsum mam | tshes dgu’am | tshes bcu tshun chad kyis lhuṅ bzed rñed na dge sloṅ des lhuṅ bzed (6) de źag bcu po de ñid kyi naṅ du byin gyis brlab par bya ba’am | gtaṅ bar bya ba’am | rnam par brtag par bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam | gźan la sbyin par mi byed na ñi ma bcu gcig pa’i (7) skya reṅs śar ba na spaṅ ba’i ltuṅ byed du ’gyur ro || dge sloṅ gis tshes la lhuṅ bzed cig rñed ciṅ des tshes gñis la yaṅ gźan źig rñed na dge sloṅ des źag bcu po de ñid kyi naṅ du sṅa ma byin gyis brlab par bya źiṅ phyi ma gtaṅ bar bya ba’am | rnam par brtag par bya ba’am | gźan (159a1) la sbyin par bya’o || yaṅ na phyi ma byin gyis brlab par bya źiṅ sṅa ma gtaṅ bar bya ba’am | rnam par brtag par bya ba’am gźan la sbyin par bya’o || byin gyis rlob par mi byed dam gtoṅ bar mi byed dam rnam par rtog par mi byed dam | gźan la sbyin par mi byed (2) na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes daṅ | tshes gñis la ma rñed kyaṅ tshes gsum daṅ tshes bcu tshun chad kyi lhuṅ bzed cig rñed na dge sloṅ des źag bcu po de ñid kyi naṅ du sṅa ma byin gyis brlab par bya źiṅ phyi ma gtad bar bya ba’am | rnam par (3) brtag par bya ba’am | gźan la sbyin par bya’o || yaṅ na phyi ma byin gyis brlab par bya źiṅ sṅa ma gtad bar bya ba’am | rnam par brtag par bya ba’am gźan la sbyin bar bya’o || byin gyis rlob par mi byed dam gtoṅ bar mi byed dam | rnam par rtog par mi byed dam | (4) gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes la lhuṅ bzed gñis rñed na dge sloṅ des lhuṅ bzed de gñis źag bcu po de ñid kyi naṅ du byin gyis brlab par bya ba’am | gtaṅ bar bya ba’am | rnam par (5) brtag bar bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || tshes la lhuṅ bzed gñis (6) ma rñed kyaṅ tshes gñis sam | tshes gsum mam | tshes dgu’am | tshes bcu tshun chad kyis lhuṅ bzed gñis rñed na dge sloṅ des lhuṅ bzed de gñis źag bcu bo de ñid kyi naṅ du byin gyis brlab par bya ba’am | gtaṅ bar bya ba’am | rnam par brtag par bya ba’am | (7) gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes la lhuṅ bzed gñis śig rñed ciṅ (159b1) des tshes gñis la lhuṅ bzed gźan gñis śig rñed na dge sloṅ des źag bcu po de ñid kyi naṅ du sṅa ma gñis byin gyis brlab par bya źiṅ phyi ma gñis gtaṅ bar bya ba’am | rnam par brtag par bya ba’am | gźan la sbyin par bya’o || yaṅ na phyi ma gñis byin gyis brlab par bya źiṅ (2) sṅa ma gñis gtaṅ bar bya ba’am | rnam par brtag par bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du (3) ’gyur ro || tshes daṅ | tshes gñis la ma rñed kyaṅ tshes gsum daṅ | tshes bcu tshun chad kyis lhuṅ bzed gñis śig rñed na dge sloṅ des źag bcu po de ñid kyi naṅ du sṅa ma gñis byin gyis brlab par bya źiṅ phyi ma gñis gtaṅ bar bya ba’am | rnam par brtag par bya ba’am | (4) gźan la sbyin par bya’o || yaṅ na phyi ma gñis byin gyis brlab par bya źiṅ sṅa ma gñis gtaṅ bar bya ba’am | rnam par brtag par bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam | gźan la (5) sbyin par mi byed na ñi ma bcu gcig pa’i skya reṅs śar na spaṅ pa’i ltuṅ byed du ’gyur ro || dge sloṅ gis tshes la lhuṅ bzed maṅ po rñed na dge sloṅ des lhuṅ bzed de dag źag bcu po de ñid kyi naṅ du byin gyis brlab par bya ba’am | gtaṅ bar bya ba’am | rnam par brtag par bya (6) ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par tog par mi byed dam | gźan la sbyin par mi byed na ñi ma bcu gcig pa’i skya reṅs śaRa na spaṅ ba’i ltuṅ byed du ’gyur ro || tshes la lhuṅ bzed maṅ po ma rñed kyaṅ tshes gñis sam | (7) tshes gsum mam | tshes dgu’am | tshes bcu tshun chad kyis lhuṅ bzed maṅ po rñed na dge sloṅ des lhuṅ bzed de źag bcu po de ñid kyi naṅ du byin gyis brlab par bya ba’am | gtaṅ bar bya ba’am | rnam par brtag par bya ba’am | gźan la sbyin par bya’o || byin gyis rlob par (160a1) mi byed dam | gtoṅ bar mi byed dam | rnam pa rtog par mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes la lhuṅ bzed maṅ po dag cig rñed ciṅ des tshes gñis la yaṅ (2) gźan maṅ po dag cig rñed na dge sloṅ des źag bcu po de ñid kyi naṅ du sṅa ma dag byin gyis brlab par bya źiṅ phyi ma dag gtaṅ bar bya ba’am | rnam par brtag par bya ba’am | gźan la sbyin par bya’o || yaṅ na phyi ma dag byin gyis brlab par bya źiṅ sṅa ma dag gtaṅ bar bya (3) ba’am | rnam par brtag par bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam | gźan la sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || (4) tshes daṅ | tshes gñis la ma rñed kyaṅ tshes gsum daṅ | tshes bcu tshun chad kyis lhuṅ bzed maṅ po dag cig rñed na dge sloṅ des źag bcu po de ñid kyi naṅ du sṅa ma dag byin gyis brlab par bya źiṅ phyi ma dag gtaṅ bar bya ba’am | rnam par brtag par bya ba’am | gźan la (5) sbyin par bya’o || yaṅ na phyi ma dag byin gyis brlab par bya źiṅ sṅa ma dag gtaṅ bar bya ba’am | rnam par brtag par bya ba’am | gźan la sbyin par bya’o || byin gyis rlob par mi byed dam | gtoṅ bar mi byed dam | rnam par rtog par mi byed dam | gźan la (6) sbyin par mi byed na ñi ma bcu gcig pa’i skya reṅs śar na spaṅ ba’i ltuṅ byed du ’gyur ro || dge sloṅ gi lhuṅ bzed spaṅ bar gyur na de ma spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi (7) lhuṅ bzed spaṅ bar gyur na | de spaṅs śiṅ bral bar ma byas la | ltuṅ ba ma bśags par gźan źig rñed na | de yaṅ sṅa ma’i rgyud kyis spaṅ bar ’gyur ro || dge sloṅ gi lhuṅ bzed spaṅ bar gyur na de spaṅs śiṅ bral bar byas la ltuṅ ba ma bśags par gźan źig (160b1) rñed san de yaṅ sṅa ma’i rgyud kyis spaṅ bar ’gyur ro || dge sloṅ gi lhuṅ bzed spaṅ bar gyur na de spaṅs śiṅ bral bar byas la | ltuṅ ba bśags nas gźan źig rñed na de la ltuṅ ba med do || de bźin du dge sloṅ gis ji srid du spaṅ ba’i dṅos po de ma bśags śiṅ so sor ma (2) bśags par lhuṅ bzed dam | chos gos sam | dra ba’am | phor bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba gźan ñe bar ’jog par byed na de yaṅ sṅa ma’i rgyud kyis spaṅ bar ’gyur ro || lhuṅ bzed chuṅ ṅu daṅ | lhuṅ bzed skya ba daṅ | (3) lhuṅ bzed che ba daṅ | lhuṅ bzed ma chos pa ’chaṅ ba la ltuṅ ba med do || rab tu ’byuṅ ba la ltos pa’i don du lhuṅ bzed ’chaṅ ba la thams cad du ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med (4) do || lhuṅ bzed ’chaṅ ba’i spaṅ ba ste ñi śu gcig pa rdzogs s+ho || ||

[Naiḥsargika 22]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na spos ’tshoṅ gi khye’u źig ’dug pa des lhuṅ (5) bzed śin du gsal ba | dbyibs legs pa | loṅs spyad par bzod pa źig rñed do || bsod sñoms pa źig kyaṅ sga dro śam thabs bgos lhuṅ bzed daṅ | chos gos thogs te mñan yod du bsod sñoms la źugs nas des bsod sñoms brgyus te sraṅ du phyin pa (6) daṅ | spos ’tshoṅ gi khye’u des de mthoṅ nas smras pa | ’phags pa bdag gis lhuṅ bzed śin du gsal ba | dbyibs legs pa | loṅs spyad par bzod pa źig rñed kyis gal te bźed na sñoms śig bźin bzaṅs bdag la lhuṅ bzed yod do || ’phags pa gal te (7) dge sloṅ gźan ’ga’ źig lhuṅ bzed ’tshal ba mchis na de gtad du gsol | gtaṅ bar bya’o || de nas bsod sñoms pa des mñan yod du bsod sñoms la brgyus nas rgyal byed kyi tshal du soṅ ste | des zan zos nas lhuṅ bzed ’khru ba na dge sloṅ rnams la smras pa | tshe daṅ (161a1) ldan pa dag sraṅ ga ge mo źig na spos ’tshoṅ gi khye’u źig ’dug pa des lhuṅ bzed śin du gsal ba | dbyibs legs la | loṅs spyad par bzod pa źig rñed kyis khyed cag las gaṅ lhuṅ bzed ’dod pa de soṅ śig | de daṅ ha caṅ thag mi riṅ ba na ñe dga’ (2) ’dug pa des thos nas des bsams pa | de lhuṅ bzed nag po can ’ga’ źig gis thos nas rab tu rgyug par gyur na mi ruṅ gis smad par bya’o sñam nas des de la smras pa | tshe daṅ ldan pa khyod dad pas byin pa zos nas lhuṅ bzed kyi gtam daṅ | chos gos kyi gtam las (3) gźan pa’i gtam ’ga’ yaṅ med mod | des bsams pa | ’jig rten na ’dod pa’i bdag ñid can gaṅ ji sñed pa de dag daṅ ñe dga’ mtshuṅs pa yin na ’dis kyaṅ re źig bdag smad par gyur na gal te dge sloṅ gnas brtan gźan ’ga’ źig gis thos par gyur na des rgya cher smad (4) par ’gyur ro sñam nas de caṅ mi smra bar ’dug go || ñe daga’asa te bkar te smras pa | tshe daṅ ldan pa khyod kyi mkhan po daṅ kho bo bśes pas de’i phyir kho bos khyod smad kyi ma gśe śig | gnas brtan gal te bdag yaṅ smra bar gyur na khyod kyis bdag la yaṅ smad par mdzod (5) cig | tshe daṅ ldan pa kho bo yaṅ ñe bar ma źi ba tsam du zad kyi ci lhuṅ bzed de lhuṅ bzed ma yin nam | gnas brtan sṅa ma ñid kyaṅ smra bar mi bgyi ba lags kyis ’tshal to || tshe daṅ ldan pa de lta mo dkyi ’on kyaṅ re źig smros śiṅ || gnas brtan sraṅ che ge mo źig na spos ’tshoṅ (6) gi khye’u źig mchis pa des lhuṅ bzed śin tu gsal ba | dbyibs legs pa | loṅs spyad par bzod pa źig rñed nas de’i mchid nas gal te dge sloṅ lhuṅ bzed ’tshal ba ’ga’ źig mchis na de gtaṅ du gsol źes mchi’o || de ni de tsam du zad de | de yaṅ ñe bar ma (7) źi ba tsam kho nar zad do || de nas ñe dga’ snam sbyar gyon te ’gros bskyed nas phyar ra soṅ ba daṅ | spos ’tshoṅ gi khye’u des de ’gros bskyed de ’oṅ ba thag riṅ po kho na nas mthoṅ nas des bsams pa | dge sbyoṅ hral po ’gros ’di lta bus ’oṅ ba ’dis bdag gi lhuṅ (161b1) bzed ’di phrogs par ’gyur du ’oṅ ṅo sñam nas des lhuṅ bzed de blaṅs te ’joṅ tshe’i ’og tu bcug ste bźag pa daṅ ñe daga’asa te sbed pa’i tshes mthoṅ nas des smras pa | bźin bzaṅs ci lhuṅ bzed ’di na la gyi bu yin nam ci na de phyir sbed par byed ces des lag par brkyaṅ ste lhuṅ (2) bzed blaṅs nas smras pa | bźin bzaṅs a rog gya sbyin pa ’dis khyod sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog thob pa daṅ | lha daṅ mi rnams kyi naṅ na snod du ’gyur bar gyur cig | ’phags pa bdag cag tshoṅ pa (3) dag ni khe spogs ’tshal bas ’tsho ba lags pas ’di rin ma mchis par mi dbul te ’di ltar rin gyi phyir ’bul lo || bźin bzaṅs ci khyod draṅ sroṅ gi snod ’tshoṅ bar byed dam | tshigs su bcad pa yaṅ smras pa | gal te skyes bu sa snod kyis ||
gser gyi snod ni (4) thob gyur na ||
de yis mya ṅan ci phyir bya ||
bslus pa med par kho bos mthoṅ || ’phags pa khyod maṅ du gsuṅ mod kyi ’on kyaṅ rin ma mchis par mi ’bul lo || ñe dga’asa smras pa | khyod kyi lhuṅ bzed la lhag par chags pa ’dis yi dgas lkog lpa can (5) dag gi naṅ du skye bar bya dgos so źes de de skad sbyo bar byed pa na khyim bdag cig phyogs der ’oṅs nas des smras pa | ’phags pa phyag ’tshal lo || btsun pa ñe dga’ phyag ’tshal lo || ñe daga’asa smras pa | bźin bzaṅs khyod kyi phyag skam po ’dis ci bya | (6) ’phags pa bdag la btsun pa ñe daga’asa bka’ stsal pa gaṅ źig bdag gis ma bsgrubs | lhuṅ bzed ’di ños te byin cig | khyim bdag des spos ’tshoṅ gi khye’u de la smras pa | bźin bzaṅs lhuṅ bzed ’di rin ci tsam | ’di daṅ ’di tsam mo || kho bos khyod (7) la sbyin no || spes ’tshoṅ gi khye’u des lhuṅ bzed de khyim bdag de la byin nas khyim bdag des kyaṅ ñe dga’ la phul lo || ñe daga’asa smras pa | a rog gya sbyin pa ’dis khyod sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi (162a1) mchog thob pa daṅ | lha daṅ mi rnams kyi naṅ na snod du ’gyur bar gyur cig | khyim bdag de soṅ ba daṅ | ñe daga’asa spos ’tshoṅ gi khye’u de la smras pa | bkren pa khyod kyis ñe daga’asa lhuṅ bzed kyi rin spyod du ’jud mi nus sñam du śes sam | khyod kyi lhuṅ (2) bzed la lhag par chags pa ’dis yi dgas lpa ba can dag gi naṅ du skye bar bya dgos so || ’phags pa ci źig sbyor mchis | khyod kyis kyaṅ lhuṅ bzed thob la | bdag gis kyaṅ rin thob kyis bźud cig | ñe dga’ yaṅ lhuṅ bzed khyer te gtsug lag khaṅ ṅu soṅ nas des lhuṅ (3) bzed de dge sloṅ rnams la bstan te smras pa | tshe daṅ ldan pa dag ltos śig | kho bo’i lhuṅ bzed ci ’dra | gźon nu źig gis smras pa | gnas brtan ci khyod la lhuṅ bzed gźan la mchis sam | yod do || ’o na gnas brtan gyis lhuṅ bzed yod ciṅ bdog bźin du lhuṅ bzed (4) gźan btsal du ruṅ ṅam | dgra bo rnams kyi gre bar rkaṅ pas mnan nas so || gnas brtan la dgra bo dag kyaṅ mchis sam | gaṅ gi phyir khyod kho bo’i lhuṅ bzed gñis pa yaṅ mi bzod pas je khyod kho bo’i dgra bo thu bo yin no || dge sloṅ don ñuṅ ṅu dag ci’i phyir dge sloṅ dag (5) lhuṅ bzed yod ciṅ bdog bźin du lhuṅ bzed gźan tshol bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | (6) skabs ’di la dge sloṅ gi dge ’dun bsdu ba mdzad do zes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ (7) khyod lhuṅ bzed yod ciṅ bdog bźin du lhuṅ bzed gźan tshol ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma (162b1) lin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na dge sloṅ gis lhuṅ bzed yod ciṅ bdog bźin du lhuṅ bzed gźan btsal bar mi bya’o || || ’dul ba (2) rnam par ’byed pa | bam po sum bcu rtsa bźi pa | bcom ldan ’das kyis dge sloṅ gis lhuṅ bzed yod ciṅ bdog bźin du lhuṅ bzed gźan btsal bar mi bya’o źes bka’ stsal nas bsod sñoms pa źig gi lhuṅ bzed cuṅ źig rdol nas des de thogs te mñan yod du bsod sñoms la źugs (3) pa daṅ des phye dag rñed nas de dag lhuṅ bzed kyi snod kyis mnos so || ’bras can gśer ba rñed nas des de dag lhuṅ bzed kyis mnos pa daṅ de nas zags pas phye dag gśer bar gyur te de dag gis lhuṅ bzed kyi snod ma ruṅ bar gyur nas de spraṅ bu dag gis yoṅs su bskor bar gyur pa daṅ | (4) de la khye’u daṅ | bu mo dag gis smras pa | ’phags pas nor can daṅ | tshoṅ dpon daṅ | ded dpon dag bźin du ’khor maṅ por ’gyur ba’i las byas pas spraṅ bu dag gis yoṅs su bskor ciṅ bźud do || khyim bdag mgon med zas sbyin gyis de mthoṅ nas smras pa | byis pa (5) dag ci’i phyir ’phags pa la mtho ’tsham par byed | khyim bdag ’phags pa la thob tsam du ci mchis | ’phags pas nor can daṅ | tshoṅ dpon daṅ | ded dpon dag bźin du ’khor maṅ por ’gyur ba’i las bgyis pas spraṅ bu dag gis yoṅs su bskor ciṅ bźud do || khyim (6) bdag mgon med zas sbyin gyis dge sloṅ de la smras pa | ’phags pa bcom ldan ’das kyis bstan pa kun du mdzes pa la khyod ci cal col byed | khyim bdag ’di la cal col du gyur pa ci yod | khyod kyis kho bo rol mo mkhan gyi khyim daṅ | ’jud mthun ma’i khyim daṅ | chaṅ pa’i khyim daṅ | (7) rgyal po’i pho braṅ daṅ | gdol pa’i khyim du źugs par mthoṅ ṅam | ’phags pa ’o na ci’i phyir khyod byis pa dag gis bskor te ’phya bar byed | khyim bdag kho bo’i lhuṅ bzed ’di zag go || ’o na ci’i phyir lhuṅ bzed gźan mi tshol | bcom ldan ’das kyis dge sloṅ gis lhuṅ bzed yod (163a1) ciṅ ’dog bźin du lhuṅ bzed gźan btsal bar mi bya’o źes gsuṅs so || ’phags pa khyod kyi lhuṅ bzed ’di ’dra ba yod ciṅ bdog pa yin nam źes zer ba’i skab sa de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal (2) pa | gaṅ gi lhuṅ bzed rdol ba des glan par bya’o || bcom ldan ’das kyis gaṅ gi lhuṅ bzed rdol ba des glan par bya’o || źes bca’ ba mdzad nas | dge sloṅ dag lhan pa sñi ba lṅa po bu ram daṅ | rgya skyegs kyi tshigs ma daṅ | smra tshil daṅ | ro ñe daṅ | tshon mo steṅ dag gis (3) glon par byed nas | de dag tsha ba daṅ phrad nas yaṅ zags par gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | lhan pa sñi ba lṅa po de dag spaṅs te lhan pa sra ba lṅa po gźan dag gis glan par bya’o || dge sloṅ (4) dag gis lhan pa sra ba lṅa po dag ci ’dra ba mi śes nas bcom ldan ’das kyis bka’ stsal pa | lhan riṅs daṅ | tham phran daṅ | lhan pa daṅ | chu srin gyi so lta bu daṅ | phye mas so || dge sloṅ rnams kyis phye ma du yod mi śes nas bcom ldan ’das kyis bka’ stsal pa | phye ma (5) gñis te | lcags kyi phye ma daṅ | rdo’i phye ma’o || lcags kyi lhuṅ bzed la ni lcags kyi phye mas glan par bya’o || sa’i lhuṅ bzed la ni rdo’i phye mas glan par bya’o || de dag chur phye ma bdar te glon par byed nas de de bźin du ’gogs nas bcom ldan ’das kyis bka’ stsal pa | (6) ’bru mar du bdar bas glan par bya’o || de dag ha caṅ drag tu sreg pas de ’gogs pa daṅ | ha caṅ chuṅ ṅur sros pas mi ’chags nas bcom ldan ’das kyis bka’ stsal pa | ci ran tsam du bsro bar bya’o || ha caṅ rtsub por gyur nas bcom ldan ’das kyis bka’ stsal pa | bdar bar bya’o || (7) de dag chus blugs te bdar bar byed pas de yaṅ ’gogs nas bcom ldan ’das kyis bka’ stsal pa | ’bru mar blugs te bdar bar bya’o || sa las byas pa’i lhuṅ bzed dag rdol nas bcom ldan ’das kyis bka’ stsal pa | bu ram daṅ | ’jim pas glan nas de dag bsro bar bya’o || bcom ldan (163b1) ’das kyis de ltar lhan pa lṅa po dag gis glan par bya’o || źes bca’ bar mdzad nas | dge sloṅ bsod sñoms pa źig gis sa las byas pa’i lhuṅ bzed lag pa nas śor te gyo dum lṅar gyur nas | des de dag bu gu phug ste gyo dum dag skud pas brgyus nas bsod sñoms la rgyu bar byed do || bcom ldan (2) ’das kyis lhuṅ bzed la zas med par bya’o źes bka’ stsal nas des de ruṅ bar byed pa na bśig ciṅ rgyud par byed pas sṅa dro thams cad zad par gyur nas dge sloṅ rnams kyis de la smras pa | tshe daṅ ldan pa ci khyod kyi dge ba’i phyogs ’di lta ste | bciṅs pa ’grol ba ’di kho na yin nam | des (3) smras pa | tshe daṅ ldan pa dag bcom ldan ’das kyis lhuṅ bzed chag pa la lhan pa sra ba lṅa po dag gis glan par bya’o || źes bca’ bar mdzad do źes zer ba’i skabs de dge sloṅ rnams kyis bcom ldan ’das la gsol to || de nas bcom ldan ’das kyis rnam graṅs du mas bslab pa ’dod pa daṅ | bslab (4) pa la gus pa daṅ | bslab pa la yo byad bsñuṅs pa’i bsṅags pa brjod nas | dge sloṅ rnams la de daṅ rjes su mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na phan yon (5) bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ lhuṅ bzed lhan pa lṅa med pa | spyad (6) bzod pa yod bzin du bzaṅ po ’dod pa’i phyir lhuṅ bzed sar pa gźan tshol źiṅ lhuṅ bzed grub na spaṅ ba’i ltuṅ byed do || dge sloṅ des lhuṅ bzed dge sloṅ gi ’khor la dbul bar bya’o || dge sloṅ gi ’khor de’i lhuṅ bzed tha mar gyur pa gaṅ yin pa de dge sloṅ de la (7) dge sloṅ khyod kyis lhuṅ bzed ’di byin gyis brlab par mi bya | gtaṅ bar mi bya | gźan la sbyin par mi bya bar chag pa’i mthar thug pa’i par du khad kyis dal bu dal bus spyad par bya’o źes sbyin par bya ste | de la de ni cho ga yin no || yaṅ dge sloṅ gaṅ źes bya ba ni chos ’di pa’o || lhuṅ bzed (164a1) lhan pa lṅa med pa źes bya ba ni lhuṅ bzed lhan pa lṅar ma tshaṅ ba’o || spyad bzod pa yod bźin du źes bya ba ni yoṅs su loṅs spyad par bzod pa yod bźin du’o || bzaṅ po ’dod pa’i phyir źes bya ba ni mchog ’dod pa’i phyir ram | yaṅ daṅ yaṅ ’dod pa’i phyir ro || lhuṅ (2) bzed sar pa źes bya ba ni sar pa gñis te gsar pas sar pa daṅ | rñed pas sar pa ste | don ’dir ni gñis ka yin par dgoṅs so || gźan źes bya ba ni gñis pa’o || tshol źiṅ źes bya ba ni tshol bar byed ciṅ ṅo || lhuṅ bzed grub na źes bya ba ni lhuṅ bzed thob na’o || spaṅ (3) ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || dge sloṅ des źes bya ba ni dge sloṅ gaṅ yin pa des so || lhuṅ bzed de źes bya ba ni lhuṅabazeda ’brel bar med pa de’o || dge sloṅ gi ’khor (4) la dbul bar bya’o źes bya ba ni de na dge sloṅ gaṅ dag ’khod pa la’o || dge sloṅ gi ’khor do’i lhuṅ bzed tha mar gyur pa gaṅ yin pa de dge sloṅ de la dge sloṅ khyod kyis lhuṅ bzed ’di byin gyis brlab par mi bya | gtaṅ bar mi bya | gźan la sbyin par mi bya bar chag (5) pa’i mthar thug gi bar du khad kyis dal bu dal bus spyad par bya’o źes sbyin par bya ste źes bya ba la | dge sloṅ gi dge ’dun gyis kyaṅ lhuṅ bzed ’brel bar med pa ’brim pa’i dge sloṅ bsko bar bya ste | lhuṅ bzed ’brel pa med pa ’brim pa’i dge sloṅ chos lṅa daṅ ldan pa ni ma (6) bskog pa yaṅ bsko bar mi byas | bskos pa yaṅ dbyuṅ bar bya ste | lṅa gaṅ źe na | ’dun pas ’gro ba daṅ | źe sdaṅ gis ’gro ba daṅ | gti mug gis ’gro ba daṅ | ’jigs pas ’gro ba daṅ | lhuṅ bzed ’brel pa med pa brims pa daṅ ma brims pa mi śes pa’o || lhuṅ bzed ’brel (7) pa med pa ’brim pa’i dge sloṅ chos lṅa daṅ ldan pa ni ma bskos pa yaṅ bsko bar bya la | bskos pa yaṅ dbyuṅ bar mi bya ste | lṅa gaṅ źe na | ’dun pas mi ’gro ba daṅ | źe sdaṅ gis mi ’gro ba daṅ | gti mug gis mi ’gro ba daṅ | ’jigs pas mi ’gro ba daṅ | lhuṅ bzed ’brel pa (164b1) med pa brims pa daṅ ma brims pa śes pa’o || ’di ltar bsko bar bya ste | je daṅ por spro bar bya ste | miṅ ’di źes bya ba khyod dge ’dun la lhuṅ bzed ’brel pa med pa ’brim par spro’am | gal te spron des spro’o źes brjod par bya’o || de’i ’og tu des gnas mal (2) bśam pa byas te | gaṇ+ḍī brduṅs nas dris pa’i tshig gis dge sloṅ rnams la yaṅ dag par bsgo ste | dge ’dun thams cad ’dug ciṅ mthun par gyur pa la | dge sloṅ gcig gis gsol ba byas te las bya’o || dge ’dun btsun pa rnams gsan du gsol || dge (3) sloṅ miṅ ’di źes bgyi ba ’di dge ’dun la lhuṅ bzed ’brel pa med pa ’brim par spro na | gal te dge ’dun gyis dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ miṅ ’di źes bgyi ba ’di dge ’dun la lhuṅ bzed ’brel pa med pa ’brim (4) par bsko’o || ’di ni gsol pa’o || las ni ’di ltar bya ste | dge ’dun btsun pa rnams gsan du gsol | dge sloṅ miṅ ’di źes bgyi ba ’di dge ’dun la lhuṅ bzed ’brel ba med pa ’brim par spro ste | de’i slad du dge ’dun gyis dge sloṅ miṅ ’di źes bgyi ba ’di dge ’dun la lhuṅ (5) bzed ’brel pa med pa ’brim par bsko na | tshe daṅ ldan pa gaṅ dag dge sloṅ miṅ ’di źes bgyi ba ’di dge ’dun la lhuṅ bzed ’brel pa med pa ’brim par bsko bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | dge ’dun gyis bzod ciṅ gnaṅ nas dge (6) ’dun gyis dge sloṅ miṅ ’di źes bgyi ba ’di dge ’dun la lhuṅ bzed ’brel ba med pa ’brim par skos lags te | ’di ltar caṅ mi gsuṅ bas de de bźin du ’dzin to || ṅas lhuṅ bzed ’brel pa med pa ’brim pa’i dge sloṅ gi kun du spyod pa’i chos dag bca’ bar bya ste | lhuṅ bzed (7) ’brel ba med pa ’brim pa’i dge sloṅ gis tshogs pa’i dus su dge ’dun la tshe daṅ ldan pa dag bdag saṅ dge ’dun la lhuṅ bzed ’brel pa med pa ’brim par ’gyur gyis | khyed cag naṅ par gaṇ+ḍī brduṅs pa na raṅ raṅ gi lhuṅ bzed dag thogs la dge ’dun gyi naṅ du gśegs par mdzod (165a1) cig ces bsgo bar bya’o || de nas lhuṅ bzed ’brel pa med pa ’brim pa’i dge sloṅ gis phyi de ñin par gnas mal bśam pa byas te | gaṇ+ḍī brduṅs nas dris pa’i tshig gis dge sloṅ rnams la yaṅ dag par bsgo bar bya’o || dge sloṅ rnams kyis kyaṅ raṅ raṅ gi (2) lhuṅ bzed dag byin gyis brlabs pa phyuṅ źiṅ thogs te dge ’dun gyi naṅ du ’jug par bya’o || de nas lhuṅ bzed ’brel pa med pa ’brim pa’i dge sloṅ gis dge ’dun thams cad ’dug ciṅ mthun par gyur pa la lhuṅ bzed ’brel pa med pa thogs te rgan pa’i mtha’ logs su phyag ’tshal (3) nas dge ’dun gyi gnas brtan gyi mdun du ’dug ste | gnas brtan lhuṅ bzed ’di ni śin tu gsal ba | dbyibs legs pa | loṅs spyad par bzod pa lags kyis gal te bźed na snoms śig ces yon tan ji lta ba bźin du lhuṅ bzed ’brel pa med pa’i bsṅags pa brjod de dbul (4) bar bya’o || dge ’dun gyi gnas brtan gyis kyaṅ gal te ’dod na blaṅ bar bya’o || gal te dge ’dun gyi gnas brtan gyis lhuṅ bzed de blaṅs na dge ’dun gyi gnas brtan gyi lhuṅ bzed gaṅ yin pa de gnas brtan gñis pa la dbul bar bya’o || gnas brtan gñis pa’i lhuṅ bzed gaṅ yin (5) pa de gnas brtan gsum pa la dbul bar bya’o || de bźin du dge ’dun gyi gsar bu gñis pa’i lhuṅ bzed gaṅ yin pa de dge ’dun gyis sar bu la dbul ba’i bar du bya’o || gal te dge ’dun gyi gnas brtan gyis ma blaṅs na gnas brtan gñis pa la dbul bar bya’o || gal te gnas brtan gñis (6) pas ma blaṅs na gnas brtan gsum pa la dbul bar bya’o || gal te gnas brtan gsum pas ma blaṅs na dge ’dun gyi gnas brtan sloṅ bar byed na brjod pa daṅ po la sbyin par mi bya źiṅ brjod pa gñis pa la yaṅ sbyin par mi bya’o || brjod pa gsum pa la sbyin par bya ste | dge ’dun gyi gnas (7) brtan gyi ’dul ba daṅ ’gal ba’i ñes byas kyi ltuṅ ba bśags par bya’o || de bźin du dge ’dun gyi gsar bu gsum pas ma blaṅs na gsar bu gñis pa la dbul bar bya’o || gal te gsar bu gñis pas ma blaṅs na gsar bu la dbul bar bya’o || gal te dge ’dun gyi gsar dus (165b1) blaṅs pa na gsar bu gsum pa sloṅ bar byed na brjod pa daṅ po la sbyin par mi bya źiṅ | brjod pa gñis pa la yaṅ sbyin par mi bya’o || brjod pa gsum pa la sbyin par bya ste | dge ’dun gyi gsar bu gsum pas ’dul ba daṅ ’gal ba’i ñes byas kyi ltuṅ ba bśags pa’i bar du bya’o || dge sloṅ (2) gi ’khor de’i lhuṅ bzed tha mar gyur pa gaṅ yin pa de dge sloṅ de la dge sloṅ khyod kyis lhuṅ bzed ’di byin gyis brlab par mi bya | gtaṅ bar mi bya | gźan la sbyin par mi bya bar chag pa’i mthar thug gi bar du khad kyis dal bu dal bus spyad par bya’o źes sbyin par bya’o || lhuṅ bzed ’drel (3) pa med pa ’brim pa’i dge sloṅ gis kun tu spyad par bya ba’i chos ji ltar bcas pa dag yaṅ dag par blaṅs te ’jug par mi byed na ’gal tshabs can du ’gyur ro || ṅas lhuṅ bzed ’brel pa med pa ’chaṅ ba’i dge sloṅ gi kun tu spyad par bya ba’i chos dag bca’ bar bya ste lhuṅ bzed ’brel pa med pa (4) ’chaṅ ba’i dge sloṅ gis lhuṅ bzed kyi snod gñis ñe bar gźag par bya źiṅade la bzaṅ po gaṅ yin pa der lhuṅ bzed ’brel ba med pa gźug par bya źiṅ | cig śos su lhuṅ bzed byin gyis brlabs pa gźug par bya’o || des lhuṅ bzed gñi ga thogs te bsod sñoms la ’jug par bya źiṅ (5) gal te ’bras chan skam po rñed na lhuṅ bzed ’brel ba med pas blaṅ bar bya’o || gal te ’bras chan gśer ba rñed na lhuṅ bzed byin gyis brlabs pas blaṅ bar bya’o || gtsug lag khaṅ du ’oṅs nas dkyil ’khor byas te lhuṅ bzed ’brel pa med pa mdun du bźag nas lhuṅ bzed byin gyis brlabs (6) par bza’ bar bya’o || zos zin nas byi dor daṅ | kha zas ’bags pa’i dril phyi bya ba yaṅ daṅ por lhuṅ bzed ’brel pa med pa la bya źiṅ | de’i ’og tu lhuṅ bzed byin gyis brlabs pa la bya’o || bkru ba daṅ | bskam pa daṅ | lci bas brud pa la yaṅ de bźin du bya’o || gal te lhuṅ bzed (7) kyi ṅos khuṅ gñis yod na bzaṅ po gaṅ yin pa der lhuṅ bzed ’brel pa med pa gźug par bya źiṅ | cig śos su lhuṅ bzed byin gyis brlabs pa gźug par bya’o || gal te ṅos khuṅ gcig yod la gal te śod bzaṅ na śod du lhuṅ bzed ’brel pa med pa gźag par bya źiṅ | ṅos khuṅ du (166a1) lhuṅ bzed byin gyis brlabs pa gźug par bya’o || gal te ṅos khuṅ bzaṅ na ṅos khuṅ du lhuṅ bzed ’brel pa med pa gźug par bya źiṅ | śod du lhuṅ bzed byin gyis brlabs pa gźag par bya’o || lhuṅ bzed kyi las byed pa na gal te rdza bo gñis yod na rdza bo bzaṅ (2) po gaṅ yin pa der lhuṅ bzed ’brel ba med pa bsreg par bya źiṅ | cig śos su lhuṅ bzed byin gyis brlabs pa bsreg par bya’o || gal te rdza bo gcig yod na gal te ’og ma legs par tshos par ’gyur na ’og tu lhuṅ bzed ’brel pa med pa gźag par bya źiṅ | steṅ du lhuṅ bzed byin (3) gyis brlabs pa gźag par bya’o || gal te steṅ du bźag pa legs par tshos par ’gyur na steṅ du lhuṅ bzed ’brel pa med pa gźag par bya źiṅ | ’og tu lhuṅ bzed byin gyis brlabs pa gźag par bya’o || lam du ’gro ba na lhuṅ bzed kyi snod gñis bskur bar bya ste | de la bzaṅ po gaṅ (4) yin pa der lhuṅ bzed ’brel pa med pa gźug par bya źiṅ | cig śos su lhuṅ bzed byin gyis brlabs pa gźug par bya’o || gal te khur tsha ba ’ga’ źig yod na de la lhuṅ bzed ’brel pa med pa bskur bar bya źiṅ | bdag ñid kyis lhuṅ bzed byin gyis brlabs pa bskur bar bya’o || (5) gal te khur tsha ba ’ga’ yaṅ med na phrag pa g-yon pas lhuṅ bzed ’brel pa med pa bskur bar bya źiṅ | phrag pa g-yas pas lhuṅ bzed byin gyis brlabs pa bskur bar bya’o || ’di ni re źig chad pa’i las yin te tshul khrims yaṅ dag par rjes su sruṅ bas ji srid ’tsho’i bar du spyad par bya’o || (6) lhuṅ bzed ’brel ba med pa ’chaṅ ba’i dge sloṅ gis kun du spyad pa’i chos ji ltar bcas pa dag yaṅ dag par blaṅs te ’jug par mi byed na ’ga’ tsha bas can du ’gyur ro || de la de ni cho ga yin no źes bya ba ni de la de ni rjes su mthun pa’i chos yin pa’o || de la ltuṅ bar ji ltar ’gyur źe na | (7) dge sloṅ gi lhuṅ bzed chag kyaṅ lhan pa gcig gis glan par ’os śiṅ ma glan la spyad bzod pa yin na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ (166b1) bzed chag kyaṅ lhan pa gñis kyis glan par ’os śiṅ ma glan la spyad bzod pa yin na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag kyaṅ (2) lhan pa gsum gyis glan par ’os śiṅ ma glan la spyad bzod pa yin na | de la lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag kyaṅ lhan pa bźis (3) glan par ’os śiṅ ma glan la spyad bzod pa yin na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag kyaṅ lhan pa gcig gis glan (4) par ’os śiṅ glan la spyad bzod pa yin na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag kyaṅ lhan pa gñis kyis glan par ’os (5) śiṅ glan la spyad bzod pa yin na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag kyaṅ lhan pa gsum gyis glan par ’os śiṅ glan la (6) spyad bzod pa yin na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag kyaṅ lhan pa bźis glan par ’os śiṅ glan la spyad bzod pa yin (7) na | de lhuṅ bzed spyad bzod pa de yod bźin du lhuṅ bzed sar pa gźan tshol bar byed na de tshol ba la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gi lhuṅ bzed chag ciṅ lhan pa lṅas glan par ’os pa yin na de des glan kyaṅ ruṅ | ma glan kyaṅ ruṅ | (167a1) spyad bzod kyaṅ ruṅ | spyad mi bzod kyaṅ ruṅ | lhuṅ bzed sar pa gźan tshol bar byed na de tshol ba la yaṅ lduṅ ba med la | thob na yaṅ ltuṅ ba med do || rin gyis len pa daṅ | brje bas len pa la ltuṅ ba med do || las daṅ po pa daṅ | smyos pa daṅ | sems (2) ’khrugs pa daṅ | tshor ba dag gis ñen pa la ltuṅ ba med do || lhuṅ bzed tshol ba’i spaṅ ba ste ñi śu gñis pa rdzogs s+ho || ||

saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || (3) ñe daga’asa bsams pa | ’di dag thams cad khyim bdag mgon med zas sbyin gyis bslab pa’i gźi dag gis bsdams pas phyin chad ras yug phran sbom po gcig gi rin yaṅ gaṅ las kyaṅ bslaṅ bar mi nus kyis | soṅ ste bltas la gal te la la las bslaṅ bar nus kyaṅ (4) srid do sñam nas de sṅa dro śam thabs bgos lhuṅ bzed daṅ | chos gos thogs te mñan yod du śar sgo nas bsod sñoms la źugs pa daṅ | skyed mos tshal źig na yugs sa mo lṅa brgya tsam dog pa ’khal źiṅ ’khod pa de dag des mthoṅ nas bsams pa | ’di dag ni (5) las bdag gir bya ba daṅ ldan pa dag gcig ste | ñin mtshan du thoṅ gśol dkar po spyod kyaṅ ko sa lar byuṅ ba’i rgyal po gsal rgyal la sgyur dpya ’jal bar mi byed pa dag yin no sñam nas des de dag la smras pa | sriṅ mo dag a rog gya | a rog gya | de dag caṅ mi smra bar (6) ’khod pa daṅ des de dag la smras pa | sriṅ mo dag skye bo maṅ po mi ’dod pa daṅ | skye bo maṅ po mi dga’ ba daṅ | skye bo maṅ po la mi sdug pa daṅ | skye bo maṅ po’i yid du mi ’oṅ ba ’jig rten thams cad daṅ thun moṅ ba ’di lta ste | ’chi ba źes bya ba’i chos de ’oṅ bar ’gyur (7) bas khyed cag de’i tshe tshig smrer ni daṅ po ñid nas mi nus par ’gyur ro || de na gźon nu ma bsod nams ’dod pa cig ’dug pa des stan las laṅs te ñe dga’i stan btiṅ ba daṅ | ñe dga’ de la ’dug nas des ñe dga’i rkaṅ pa la phyag ’tshal te mdun du ’dug go || ñe daga’asa de (167b1) dag la smras pa | sriṅ mo dag khyed cag la dge ba’i chos yaṅ dag par blaṅs te ’dzug par bya ba cuṅ zad yod dam | ’phags pa ci yaṅ ma mchis so || sriṅ mo dag ma legs so || bu mo ’dis ni re źig dge ba’i chos gñis byas śiṅ bsags te | ’dis kho bo la sems (2) mṅon par dad par byas pa gaṅ yin pa des ni ’dis phyug por ’gyur ba’i las byas śiṅ bsags pa yin no || ’dis kho bo la mṅon du ldaṅ ba byas śiṅ stan btiṅ ba daṅ | phyag byas pa gaṅ yin pa des ni ’dis rigs mthon por ’gyur ba’i las byas śiṅ bsags pa yin no || (3) gal te cuṅ zad sbyin par byed na de ni ’di’i loṅs spyod chen por ’gyur ba yin no || sriṅ mo dag khyed cag gi ’tsho tshis dag ga las ’byuṅ | ’phags pa sgyur ba ’di ñid las so || gos dag ga las ’byuṅ | sgyur ba ’di ñid las so || khyed cag gis ’jig rten pha rol (4) tu ’gro ba’i lam rgyags cuṅ zad khyer ba yod dam | ’phags pa de ni thams cad kyi thams cad du ma mchis so sriṅ mo dag ma legs so ma legs so || ’phags pa su la thugs ṅan mdzad | khyed cag la ste | khyed cag ’jig rten pha rol nas kyaṅ bcom źiṅ ’dir ’oṅs (5) la | ’di nas bcom bźin du ’jig rten pha rol tu ’gro bar byed do || ’phags pa gaṅ gis bdag cag gis ’jig rten pha rol tu mchi ba’i śul rgyags cuṅ zad bskur ba’i thabs ci mchis | sriṅ mo dag gal te khyed kyis dge sbyoṅ śākya ’i rigs las rab tu byuṅ (6) ba sde snod gsum daṅ ldan pa | chos sgrogs pa | rigs pa daṅ | grol ba’i spobs pa daṅ ldan pa gaṅ yin pa de la ras yug chen bskon na des khyed cag gis ’jig rten pha rol tu ’gro ba’i lam rgyags maṅ po khyer bar ’gyur ro || ’phags pa bdag cag gis dge sloṅ (7) de lta bu ga las rñed | sriṅ mo dag khyed kyis kho bo śākya ’i rigs las rabatu byuṅ ba sde snod gsum daṅ ldan pa | chos sgrogs pa | rigs pa daṅ grol ba’i spobs pa daṅ ldan pa yin par mi śes sam | ’phags pa bdag cag la ras yug chen gyi ’byor pa ga las mchis | sriṅ (168a1) mo dag khyed kyis | bsod nams chuṅ yaṅ brñas mi bya || de ni bdag la mi ’oṅ min || chu yi thigs pa ’dzag pa yis || snod chen gaṅ bar ’gyur ba bźin || brtan pa rnams kyis bsod nams ni || cuṅ zad cuṅ zad bsags na rdzogs || źes bya ba de mi śes sam | khyed kyis (2) re źig dog pa sraṅ gcig sbyin nus sam | rdo thog go || gźan źig gis smras pa | bdag gis kyaṅ sraṅ byed dbul lo || gźan źig gis kyaṅ smras pa | bdag gis kyaṅ sraṅ gi bźi cha cig dbul lo || de bźin du thams cad kyis kyaṅ śas śas kyis dbul bar (3) khas blaṅs so || ñe daga’asa smras pa | sriṅ mo dag dog pa phra mo dag byin cig | ’phags pa bdag cag thams cad ni sbom po ’khal ba dag lags so || bdag cag gi naṅ na bde gnas ma źig ni phra mor ’khal lo || sriṅ mo dag de je bos śig | de dag gis de (4) bos pa daṅ | ñe daga’asa de la smras pa | bu mo je dog pa phrar khol cig | des phrar bkal ba daṅ | ñe daga’asa smras pa | bu mo de bas kyaṅ phrar khol cig | des de bas kyaṅ phrar bkal ba daṅ | ñe daga’asa yaṅ daṅ yaṅ du bu mo de bas kyaṅ phrar khol cig ces smras (5) pa daṅ | des smras pa | ’phags pa ’di las phra bar ni rṅo mi thog go || ñe daga’asa de dag la smras pa | sriṅ mo dag khyed cag thams cad kyis dog pa ’di ’dra ba śa stag byin cig | ’phags pa bdag cag gis dog pa ’di ’dra ba ’khal du rṅo mi thog go || bu mo (6) ’dis kyaṅ mi nus sam ci | khyed cag gis ’di’i don du ’khol la ’di khyed cag gi don du ’khal du chug śig | ’phags pa gal te btub na’o || ñe daga’asa de la smras pa | bu mo gyis śig daṅ khyod la bsod nams su ’gyur ro || ’phags pa dog pa ’di ni phra ba dar che ba lags (7) pas yun riṅ mos bkal ’tshal gyis ha caṅ ṅos drag tu ma mdzad par dus ’di tsam na spyon cig | ñe daga’asa de la a rog gya źes smras nas stan las laṅs te soṅ ṅo || bde gnas ma des dus de srid kyis dog pa bkal nas de gźan dag gi gan du soṅ ste thams cad ’dus nas dog pa (168b1) de ñe dga’ la phul lo || ñe daga’asa de dag la a rog gya sbyin pa ’dis khyed sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog thob pa daṅ | lha daṅ mi rnams kyi gos dag thob par gyur cig ces smras te soṅ ṅo || de nas ñe daga’asa (2) dog pa de khyer te gtsug lag khaṅ du soṅ nas | des dge sloṅ rnams la dog pa de bstan te smras pa | tshe daṅ ldan pa dag kho bo’i dog pa ci ’dra ltos | gnas brtan dog pa bzaṅ ṅo || gnas brtan gyis gaṅ ras yug chen ’thag par ’gyur ba’i thag pa ’ga’ btsal ba mchis (3) sam | tshe daṅ ldan pa dag ci khyed kyis ñe dga’ zil gyis gnon tam | gal te ñe dga’ rab tu ma byuṅ du zin na ñe dga’ raṅ ñid ’thag par ’gyur ro || gnas brtan bdag cag gis gnas brtan gal zil gyis gnon | ’di ltar ra ba ga ge mo’i druṅ na thag pa spyi cer khyo śug mchis te | (4) gal te des dog pa ’di rñed du lags na chen po la ’os pa’i ras yug chen ’grub par ’gyur ro || bu dag a rog gya don gyis na khyed kyis kho bo’i ras yug chen ’thag tu bcug go źes des dog pa de khyer te tha ga pa de’i khyim du soṅ ba daṅ | des thag pa de thag riṅ po kho na nas mthoṅ (5) nas tshigs su bcad pa smras pa |

mkhas pa riṅ nas rab snaṅ ba ||
gaṅs daṅ ldan pa’i ri bo bźin ||
mi mkhas rab tu mi snaṅ ba ||
mun pa’i naṅ du mda’ ’phaṅs bźin ||

bźin bzaṅs khyod kyi grags pas mñan yod thams cad gaṅ bar gyur pa ni khyod kyis (6) rñed pa legs par rñed pa yin no || dog pa ’di ci ’dra je ltos śig | ’phags pa dog pa bzaṅ ṅo || dog pa ni ’di lags la thag pa ni bdag lags na chen po la ’os pa’i ras yug chen du ’gyur ro || bźin bzaṅs thogs śig | ’phags pa bdag la (7) thags gla sus stsol bar ’gyur | bźin bzaṅs khyod rtag pa ñid du thags glas mi ṅoms sam | ’jig rten pha rol du ’gro ba’i lam rgyags kyaṅ bskur bar gyis śig | de la chuṅ mas smras pa | rje’i sras ’dis thag riṅapo kho na nas bdag cag gñis kyis sṅags pa (169a1) brjod kyis ’di’i ras yug chen thogs śig | ’phags pa dog pa ’di phra ba dar che ba lags kyis yun ’di tsam na sbyon cig | ñe daga’asa a rog gya źes smras te soṅ ṅo || tha ga pa des ras yug chen de dus de tsam gyis btags so || ñe daga’asa (2) yaṅ dus de tsam gyis der soṅ ba daṅ tha ga pa des de la ras yug chen de phul lo || ñe daga’asa de khyer te gtsug lag khaṅ du soṅ nas des dge sloṅ rnams la ras yug chen de bstan te smras pa | tshe daṅ ldan pa dag kho bo’i ras yug chen ci ’dra ltos | gnas brtan (3) ras yug chen bzaṅ ṅo || ’di ltar gaṅ la ’di lta bu gñis pa yaṅ mchis pa de ni sar pa las snam sbyar ñi rim du bgyis te dge ba’i phyogs la sñiṅ las chuṅ dus tron bgyid par ’gyur ro || tshe daṅ ldan pa dag ci khyod kyi sñiṅ lam na ñe daga’asa ras yug chen ’di ’dra ba (4) gñis sbyor du ’jud mi nus sñam mam | ji ltar sbyor du ’jud pa ltos śig | de nas ñe dga’ sṅa dro śam thabs bgos lhuṅ bzed daṅ chos gos thogs te mñan yod du nub sgo nas bsod sñoms la źugs pa daṅ | skyed mos tshal źig na yugs sa mo lṅa brgya tsam dog pa (5) ’khal źiṅ ’khod pa de dag des mthoṅ nas bsams pa | ’di dag ni las bdag gir bya ba daṅ ldan pa dag cig ste | ñin mtshan du thoṅ gśol dkar po spyod kyaṅ ko sa lar byuṅ ba’i rgyal po gsal rgyal la sgyur dbya ’jal bar mi byed pa dag yin no sñam nas des de dag (6) la smras pa | srid mo dag a rog gya a rog gya | de dag caṅ mi smra bar ’khod pa daṅ des de dag la smras pa | sriṅ mo dag skye bo maṅ po mi ’dod pa daṅ skye bo maṅ po mi dga’ ba daṅ | skye bo maṅ po la mi sdug pa daṅ | skye bo maṅ po’i yid du mi ’oṅ ba ’jig rten thams cad (7) daṅ thun moṅ ba ’di lta ste | ’chi ba źes bya ba’i chos de ’oṅ bar ’gyur bas khyed cag de’i tshe tshig smrar ni daṅ po ñid nas mi nus par ’gyur ro || de na gźon nu ma bsod nams ’dod pa cig ’dug pa des stan las laṅs te ñe dga’i stan btiṅ ba daṅ ñe dga’ de la ’dug nas (169b1) des ñe dga’i rkaṅ pa la phyag ’tshal te mdun du ’dug go || ñe daga’asa de dag la smras pa | sriṅ mo dag khyed cag la dge ba’i chos yaṅ dag par blaṅs te ’jug par bya ba cuṅ zad yod dam | ’phags pa ci yaṅ ma mchis so || sriṅ mo dag ma legs so || bu mo ’dis ni re źig (2) dge ba’i chos gñis byas śiṅ bsags te | ’dis kho bo la sems mṅon par daṅ par byas pa gaṅ yin pa des ni ’dis phyug por ’gyur ba’i las byas śiṅ bsags pa yin no || ’dis kho bo la mṅon du ldaṅ ba byas śiṅ stan btiṅ ba daṅ phyag byas pa gaṅ yin pa des ni ’dis (3) rigs mthon por ’gyur ba’i las byas śiṅ bsags pa yin no || gal te cuṅ zad sbyin par byed na de ni ’di’i loṅs spyod chen por ’gyur ba yin no || sriṅ mo dag khyed cag gi ’tsho tshis dag ga las ’byuṅ ’phags pa sgyur ba ’di ñid las so || gos dag ga las ’byuṅ | sgyur (4) ba ’di ñid las so || khyed cag gis ’jig rten pha rol du ’gro ba’i lam rgyags cuṅ zad khyer ba yod dam | ’phags pa de ni thams cad kyi thams cad du ma mchis so || sriṅ mo dag ma legs so ma legs so || ’phags pa su la thugs ṅan ma dzad | khyed cag la ste | (5) khyed cag ’jig rten pha rol nas kyaṅ bcom źiṅ ’dir ’oṅs la | ’di nas kyaṅ bcom bźin du ’jig rten pha rol du ’gro bar byed do || ’phags pa gaṅ gis bdag cag gis ’jig rten pha rol du mchi ba’i śul rgyags cuṅ zad bskur ba’i thabs ci mchis | sriṅ mo dag (6) gal te khyed kyis dge sloṅ śākya ’i rigs las rab tu byuṅ ba sde snod gsum daṅ ldan pa chos sgrogs pa | rigs pa daṅ grol ba’i spobs pa daṅ ldan pa gaṅ yin pa de la ras yug chen bskon na des khyed cag gis ’jig rten pha rol du ’gro ba’i lam rgyags maṅ po khyer bar ’gyur (7) ro || ’phags pa bdag cag gis dge sloṅ de lta bu ga las rñed | sriṅ mo dag kyis kho bo śākya ’i rigs las rab tu byuṅ ba sde snod gsum daṅ ldan pa | chos sgrogs pa | rigs pa daṅ grol ba’i spobs pa daṅ ldan pa yin par mi źes sam | ’phags pa bdag cag la (170a1) ras yug chen gyi ’byor pa ga las mchis | sriṅ mo dag khyed kyis | bsod nams chuṅ yaṅ brñas mi bya || de ni bdag la mi ’oṅ min || chu yi thigs pa ’dzag pa yis || snod chen gaṅ bar ’gyur ba bźin || brtan pa rnams kyis bsod (2) nams ni || cuṅ zad cuṅ zad bsags na rdzogs || źes bya ba de mi śes sam | khyed kyis re źig dog pa sraṅ gcig sbyin nus sam | rdo thog go | gźan źig gis smras pa | bdag gis kyaṅ sraṅ phyed dbul lo || gźan źig gis kyaṅ smras pa | bdag gis (3) kyaṅ sraṅ gi bźi cha cig dbul lo || de bźin du thams cad kyis kyaṅ śas śas kyis dbul bar khas blaṅs so || ñe daga’asa smras pa | sriṅ mo dag dog pa phra mo dag byin cig | ’phags pa bdag cag thams cad ni sbom por ’khal ba dag lags so || bdag cag (4) gi naṅ na bde gnas ma źig ni phra mor ’khal lo || sriṅ mo dag de je bos śig | de dag gis de bos pa daṅ ñe daga’asa de la smras pa | bu mo je dog pa phrar ’khol cig | des phrar bkal ba daṅ ñe daga’asa smras pa | bu mo de bas kyaṅ phrar ’khol cig | des de bas kyaṅ (5) phrar bkal ba daṅ | ñe daga’asa yaṅ daṅ yaṅ du bu mo de bas kyaṅ phrar ’khol cig ces smras pa daṅ | des smras pa | ’phags pa ’di las phra bar ni rṅo mi thog go || ñe daga’asa de dag la smras pa | sriṅ mo dag khyed cag thams cad kyis dog pa ’di ’dra ba śa stag byin cig (6) ’phags pa bdag cag gis dog pa ’di ’dra ba ’khal du rṅo mi thog go || bu mo ’dis kyaṅ mi nus sam ci khyed cag gis ’di’i don du ’khol la | ’di khyed cag gi don du ’khal du chug śig | ’phags pa gal te btub na’o || ñe daga’asa de la smras pa | bu mo gyis śig (7) daṅ khyod la bsod nams su ’gyur ro || ’phags pa dog pa ’di ni phra bdar che ba lags pas yun riṅ mos bkal ’tshal gyis ha caṅ ṅos drag par ma mdzad par dus ’di tsam na spyon cig | ñe daga’asa de la a rog gya źes smras nas stan las laṅs te soṅ ṅo || bde gnas (170b1) ma des dus de srid kyis dog pa bkal nas de gźan dag gi gan du soṅ ste thams cad ’dus nas dog pa de ñe dga’ la phul lo || ñe daga’asa de dag la a rog gya | sbyin pa ’dis khyed sems kyi rgyan daṅ | sems kyi yo byad daṅ | rnal ’byor gyi tshogs daṅ | don (2) gyi mchog thob pa daṅ | lha daṅ mi rnams kyi gos dag thob par gyur cig ces smras te soṅ ṅo || de nas ñe daga’asa dog pa de khyer te gtsug lag khaṅ du soṅ nas des dge sloṅ rnams la dog pa de bstan te smras pa | tshe daṅ ldan pa dag kho bo’i dog pa ’di ci ’dra ltos | (3) gnas brtan dog pa bzaṅ ṅo || gnas brtan gyis gaṅ ras yug chen ’thag par ’gyur ba’i tha ga pa ’ga’ btsal ba mchis sam | tshe daṅ ldan pa dag ci khyed kyis ñe dga’ zil gyis gnon tam | gal te ñe dga’ rab tu ma byuṅ du zin na ñe dga’ raṅ ñid ’thag par ’gyur (4) ro || gnas brtan bdag cag gis gnas brtan gal zil gyis gnon | ’di ltar ra ba ga ge mo’i druṅ na tha ga pa spyi cer khyo śug mchis te | gal te des dog pa ’di rñed du lags na chen po la ’os pa’i ras yug chen ’grub par ’gyur ro || bu dag a rog gya de don gyis na (5) khyed kyis kho bo’i ras yug chen ’thag tu bcug go źes des dog pa de khyer te tha ga pa de’i khyim du soṅ ba daṅ | des tha ga pa de thag riṅ po kho na nas mthoṅ nas tshigs su bcad pa smras pa |

mkhas pa riṅ nas rab snaṅ ba ||
gaṅs daṅ ldan pa’i ri bo bźin ||
mi mkhas (6) rab tu mi snaṅ ba ||
mun pa’i naṅ du mda’ ’phaṅs bźin ||

bźin bzaṅs khyod kyi grags pas mñan yod thams cad gaṅ bar gyur pa ni khyed kyis rñed pa legs par rñed pa yin no || dog pa ’di ci ’dra je ltos śig | ’phags pa dog pa bzaṅ ṅo || dog pa ni ’di (7) lags la tha ga pa ni bdag lags na chen po la ’os pa’i ras yug chen du ’gyur ro || bźin bzaṅs ’di yaṅ thogs śig | ’phags pa bdag la thags gla sus stsal bar ’gyur | bźin bzaṅs khyod rtag pa ñid du thags glas mi ṅoms sam | ’jig rten pha rol (171a1) du ’gro ba’i lam rgyags kyaṅ bskur bar gyis śig | ’phags pa ras yug chen sṅa ma de ’thag pa na bdag gis bu lon gaṅ dag blaṅs pa de dag kyaṅ da duṅ ma ’khor ro || des chuṅ ma’i gdoṅ du blta bar brtsams pa daṅ | chuṅ mas smras pa | (2) ’phags pa gal te ’di ’tshal yaṅ bdag ni mi ’tshal lo || ñe daga’asa spyos te smras pa | kwa’i tha ga pa spyi cer ñon cig | kho bos gal te khyod ras yug chen ’di ’thag tu ma bcug na spyi cer gyi mgo ’dis mna’ ’dor ro || tha ga pa des kyaṅ spyos te smras pa | kwa’i dge sbyoṅ (3) mgo reg ñon cig | kho bo gal te khyod kyi ras yug chen ’thag na mgo reg mi mgo ’dis mna’ ’dor ro || ñe daga’asa spyos te soṅ nas ko sa lar byuṅ ba’i rgyal po gsal rgyal gyi pho braṅ gi yid brten pa che ba źes bya ba ñe dga’i mdza’ bo źig yod de | ñe dga’ de’i (4) sdum par soṅ ste | g-yog ’khor dag la smras pa | kye naṅ rje dag che ba gar soṅ | de dag gis smras pa | ’phags pa sraṅ du mchis so || ñe dga’ de ’oṅ ba’i sraṅ du soṅ ba daṅ | che ba chaṅ ’tshoṅ ba’i tshoṅ rdal źig tu źugs so || ñe dga’ tshoṅ rdal de’i sgor bsdad (5) de che ba la ñe dga’ sgo na sdod kyis phyir byuṅ śig ces phrin spriṅ ba daṅ | che ba phyir byuṅ nas smras pa | btsun pa ñe dga’ phyag ’tshal lo || phyag ’tshal lo || ñe daga’asa smras pa | che ba kho bos ko khyod rgyal po’i bya ba daṅ | rgyal po’i byed pa dag la brtson par gyur (6) sñam du bsams kyis | kho bos khyed ’di ltar chaṅ ’tshoṅ ba’i khyim nas chaṅ ’tshoṅ ba’i khyim du ’phyan par ni ma bsams so || ’phags pa bdag rgyal po’i dgos pas ’dir źugs so || btsun pa ñe dga’ byon pa’i dgos pa ci mchis | che ba dog pa cuṅ źig rñed (7) pa ’dis re źig ras yug chen ’thag tu chug śig | bdag gis btsun pa ñe dga’ la ras yug chen ñid dbul lo || de yaṅ bskur na ci dad pas sbyin par bya ba ’di dor bar bya’am | che bas mi źig la bsgo ba | kye naṅ rje tha ga pa’i sna bo’i gan du soṅ la ’phags (171b1) pa ñe dga’i ras yug chen ’di thogs la phul cig ces gyis śig | ñe daga’asa smras pa | ’di tha ga pa’ sna bo ’thag tu ma gźug par ’di ltar ra ba ga ge mo źig gi druṅ na thag pa spyi cer khyo śug ’dug pa des ’di btag par bya’o || che bas mi de la smras pa | kye naṅ (2) rje tha ga pa spyi cer de’i gan du soṅ la ’di skad ces che ba na re ’di thogs la byin cig ces zer ro źes gyis śig | mi des dog pa de khyer te tha ga pa spyi cer gyi gan du soṅ ste smras pa | kye spyi cer che ba’i źal nas ’di thogs la byin cig ces gsuṅ ṅo || spyi cer gyis dog pa (3) de ṅo śes nas des smras pa | bdag gis res ’khor ro || mi de soṅ ste che ba la smras pa | thag pa spyi cer gyi mchid nas bdag gi res ’khor ro źes mchi’o || che bas smras pa | kye naṅ rje spyi cer gyi gan du soṅ la ’di skad ces res gźan byed du mi gźug go źes (4) gyis śig | mi de soṅ ste smras pa | kye spyi cer che ba’i źal nas res gźan byed du mi gźug go źes gsuṅ ṅo || spyi cer gyis smras pa | kye nad rje che ba mñan yod du dbaṅ byed na kho bo mñan yod du mi gnas par zad mod | kho bo skal ba ma yin pa’i las mi byed do || (5) mi de che ba’i gan du soṅ ste smras pa | spyi cer gyi mchid nas che ba mñan yod du dbaṅ byed na kho bo mñan yod du mi gnas par zad mod | kho bo skal ba ma yin pa’i las mi byed do źes mchi’o || che bas smras pa | kye naṅ rje tha ga pa’i sna bo’i gan du soṅ la dog pa ’di (6) las ras yug chen thogs śig ces bgyi śig | ñe daga’asa smras pa | ’di tha ga pa’i sna bos btag par mi bya bar ’di ltar thag pa spyi cer gyis btag par bya’o || che bas mi de la smras pa | kye naṅ rje theg pa spyi cer gyi gan du soṅ la | che ba na re skom zoṅ sbyin gyis (7) ras yug chen thogs śig ces zer ro źes gyis śig | de ’phags pa ñe daga’asa de la smras pa | bkren ba khyod su źig gis rgyal po’i mir bźag | khyod lcag rgod maṅ pos brdabs te sa daṅ śiṅ dag skyed du gźug par bya ba yin no || thag pa spyi cer gyi gan du (172a1) soṅ ste ’di skad ces che ba’i źal nas ras yug chen thogs śig ces byuṅ ṅo || źes zer mi nus sam | gal te mi ’thag go źes zer na thor to dag nas bzuṅ ste khug la khu tshur gyis gtogs śig gal te ṅun thags mi mthun par dril cig | gal te (2) de’i chuṅ ma du na lan bu nas bzuṅ ste draṅ bar bya źiṅ | khyed gñis kyis che ba’i mchid bcag pas khyed gñis ko sa lar byuṅ ba’i rgyal po gsal rgyal la kār ṣā pa ṇa lṅa brgya gźal dgos pa’i gyod la bsgrin no źes brjod par bya’o || de lta na kho bo’i ras yug chen yaṅ ’grub (3) par ’gyur la khyod kyis kyaṅ gsug maṅ po ’thob par ’gyur ro || de soṅaste smras pa | che ba’i źal nas skom zoṅ sbyin gyis ras yug chen thogs śig ces byuṅ ṅo || spyi cer gyis smras pa | kho bo skal ba ma yin pa ’thag mi nus so || des de’i thor to dag nas bzuṅ (4) ste bkug nas khu tshur gyis btags so || des du bar brtsams pa daṅ | des de’i thags mi mthun par dril bar brtsams so || de’i chuṅ mas du bar brtsams pa daṅ | des de’i lan bu nas bzuṅ ste draṅ bar brtsams śiṅ khyed gñis kyis che ba’i mchid bcag pas (5) khyed gñis ko sa lar byuṅ ba’i rgyal po gsal rgyal la kār ṣā pa ṇa lṅa brgya gźal dgos pa’i gyod la bsgrin par byas tshur śog | rgyal po’i pho braṅ du ’doṅ ṅo źes des de gñis khrid de ’phags pa daṅ | chuṅ mas spyi cer la smras pa | rje’i sras gal te bdag cag gñis (6) btson rar bcug par gyur na bdag cag gñis la thar par byed pa ’ga’ yaṅ med pas btson rar gnod pa dag gis ’chi bar bya dgos kyis ras yug chen ’di thogs śig | spyi cer gyis smras pa | kye naṅ po bdag cag rgyal po’i pho braṅ dum bkri bar dog pa źog la bźud (7) cig daṅ bdag gis ras yug chen yaṅ btag ciṅ khyod la yaṅ gsug maṅ po dbul lo || des dog pa bźag ste soṅ ba daṅ spyi cer gyis chuṅ ma la smras pa | bzaṅ mo ras yug chen ’di gaṅ gis dog par yaṅ mi ruṅ la ras yug chen du’aṅ mi ruṅ bar ’gyur ba de ltar (172b1) btag par bya’o || chuṅ mas smras pa | rje’i sras de dge sbyoṅ hral po de lta bu yin pas bdag cag gis ras yug chen de lta bur byas na des btaṅ re skan | des ras yug chen de btags nas de ras yug chen de thags las ’grol źiṅ ’dug pa na ñe dga’ yaṅ ’oṅs (2) nas ñe daga’asa ras yug chen de blaṅs pa daṅ | spyi cer gyis smras pa | ’phags pa bdag la skom zoṅ stsol cig | bkren pa kho bo khyod kyi skom zoṅ dbul ba yin nam | dug ci’i phyir mi brgyud | nur rtsi ci’i phyir mi brgyud | de śākya ’i bu’i dge sbyoṅ rnams kyi dge sbyoṅ (3) gi tshul ni tshig go || bram ze’i tshul ni tshig ste | ’di ltar kha’i chos cuṅ zad kyis kyaṅ ’thag tu bcug go || rgyal po’i pho braṅ gi mthu cuṅ zad kyis kyaṅ ’thag tu bcug go źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis (4) bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad (5) pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun (6) pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon (7) bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ raṅ gis bslaṅs pa’i dog pas tha (173a1) ga pa ñe du ma yin pa las gos ’thag tu ’jud na gos grub na spaṅ ba’i ltuṅ byed do || yaṅ dge sloṅ gaṅ źes bya ba ni śākya ’i bu ñe daga’a’ama | gźan yaṅ de lta bu gaṅ yin pa’o || raṅ gis bslaṅs pa’i dog pas źes bya ba ni ’dun pas la la las sraṅ (2) gcig | la la las sraṅ phyed | la la las źo gñis | la la las źo gcig bslaṅs pa’i dog pas so || thag pa źes bya ba ni thags mkhan no || ñe du ma yin pa la źes bya ba ni phyi mo daṅ | mes po daṅ | phrugs las brten pa’i bdun pa tshun chad ni ñe du yin la | de (3) phan chad ni ñe du ma yin no || gos ’thag tu ’jud na źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | ko tam pa’i gos daṅ | ñi ’og gi gos la ba gaṅ yaṅ ruṅ ba’o || gos grub na (4) źes bya ba ni gos thob na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags pa bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ñe du ma yin pa las dog pa bslaṅs te tha (5) ga pa ñe du ma yin pa la gos ’thag tu ’jud na de sloṅ ba la ñes byas su ’gyur la | tha ga pa ñe du ma yin pa la ’thag tu ’jud pa la spaṅ ba’i ltuṅ byed du ’gyur ro || dge sloṅ gis ñe du ma yin pa las dog pa bslaṅs te thag pa ñe dul gos ’thag tu ’jud na de sloṅ ba la ñes (6) byas su ’gyur la | tha ga pa ñe du la ’thag tu ’jud pa la ltuṅ ba med do || dge sloṅ gis ñe du ma yin pa las dog pa bslaṅs te bdag ñid kyis ’thag par byed na | de sloṅ ba la ñes byas su ’gyur la bdag ñid kyis ’thag pa la yaṅ ñes byas ñid du ’gyur ro || (7) dge sloṅ gis ñe du ma yin pa las dog pa bslaṅs te tha ga pa ñe du daṅ ñe du ma yin pa la gos ’thag tu ’jud na de sloṅ ba la ñes byas su ’gyur la | tha ga pa ñe du la ’thag tu ’jud pa la ltuṅ ba med do || tha ga pa ñe du ma yin pa la ’thag tu ’jud pa la spaṅ ba’i ltuṅ (173b1) byed du ’gyur ro || dge sloṅ gis ñe du ma yin pa las dog pa bslaṅs te bdag ñid daṅ tha ga pa ñe du ma yin pa la gos ’thag tu ’jud na de sloṅ ba la ñes byas su ’gyur la | bdag ñid kyis ’thag pa la yaṅ ñes byas ñid du ’gyur ro || tha ga pa ñe du ma yin pa la ’thag tu ’jud pa la (2) spaṅ ba’i ltuṅ byed du ’gyur ro || dge sloṅ gis ñe du ma yin pa las dog pa bslaṅs te bdag ñid daṅ tha ga pa ñe du la gos ’thag tu ’jud na de sloṅ ba la ñes byas su ’gyur la | bdag ñid kyis ’thag pa la yaṅ ñes byas ñid du ’gyur ro || tha ga pa ñe du la ’thag tu ’jud (3) pa la ltuṅ ba med do || dge sloṅ gis ñe du las dog pa bslaṅs te tha ga pa ñe du ma yin pa la gos ’thag tu ’jud na de sloṅ ba la ltuṅ ba med la | tha ga pa ñe du ma yin pa la gos ’thag tu ’jud pa la spaṅ ba’i ltuṅ byed du ’gyur ro || dge sloṅ gis ñe du las dog pa bslaṅs te (4) tha ga pa ñe du la gos ’thag tu ’jud na de sloṅ ba la ltuṅ ba med la | tha ga pa ñe du la gos ’thag tu ’jud pa la yaṅ ltuṅ ba med do || dge sloṅ gis ñe du las dog pa bslaṅs te bdag ñid kyis ’thag par byed na de sloṅ ba la ltuṅ ba med la bdag ñid kyis ’thag pa la ñes byas (5) ñid du ’gyur ro || dge sloṅ gis ñe du las dog pa bslaṅs te tha ga pa ñe du ma yin pa la gos ’thag tu ’jud na de sloṅ ba la ltuṅ ba med la | tha ga pa ñe du la gos ’thag tu ’jud pa la yaṅ ltuṅ ba med do || tha ga pa ñe du ma yin pa la gos ’thag tu ’jud pa la spaṅ ba’i ltuṅ (6) byed du ’gyur ro || dge sloṅ gis ñe du las dog pa bslaṅs te bdag ñid daṅ tha ga pa ñe du ma yin pa la gos ’thag tu ’jud na de sloṅ ba la ltuṅ ba med la | bdag ñid kyis ’thag pa la ñes byas ñid du ’gyur ro || tha ga pa ñe du ma yin pa la ’thag tu ’jud pa la spaṅ ba’i ltuṅ (7) byed du ’gyur ro || dge sloṅ gis ñe du las dog pa bslaṅs te bdag ñid daṅ tha ga pa ñe du la gos ’thag tu ’jud na de sloṅ ba la ltuṅ ṅa med la | bdag ñid kyis ’thag pa la ñes byas ñid du ’gyur ro || tha ga pa ñe du la gos ’thag tu ’jud pa la ltuṅ ba med do || gla rṅan gyi (174a1) ’thag tu ’jud pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’thag tu ’jud pa’i spaṅ bste ñi śu gsum pa rdzogs s+ho || ||

[Naiḥsargika 23]
saṅs rgyas (2) bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag cig ’dug pa des rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed dga’ mgur spyod par byed do || (3) khyim bdag de dus gźan źig na gźan gyi chuṅ ma la chags par gyur nas de la chuṅ mas rje’i sras de lta ma mdzad cig ces phyir zlog na | ji tsam du de phyir bzlog kyaṅ ma log pa de tsam du de’i chuṅ ma de yaṅ skyes pa gźan dag daṅ lhan cig ’khrul ba rtsom par byed do || khyim (4) bdag de yaṅ bud med gźan dag la sbyin par byed la | chuṅ ma de yaṅ skyes pa gźan dag la sbyin par byed pas de ltar khyim de gñis ka rgud par gyur nas de gñis la bu mo mṅag gźug ma źig yod nas khyim bdag des bu mo de la ’dis khyim rgud par byas so źes (5) khu tshur daṅ | thal lcag dag gis rdeg par byed do || bu mo des smras pa | bdag gis khyim rgud par gyur pa ’di ci las gyur pa ’tshal mod kyi ’on kyaṅ bdag gis ji ltar rje dag la bsṅags pa ma lags pa brjod par bgyir ruṅ | ñe daga’asa de tshor nas khyim (6) bdag de daṅ khyim bdag gi chuṅ ma de’i gan du soṅ ste ci nas kyaṅ de gñis skyabs su ’gro ba daṅ | bslab pa’i gźi dag la gnas par ’gyur ba de lta de ltar tshul khrims kyi bsṅags pa brjod ciṅ | tshul khrims ’chal pa’i bsṅags pa ma yin pa brjod nas des (7) de gñis skyabs su ’gro ba daṅ | bslab pa’i gźi dag la gnas par byas so || khyim bdag de gtum pa | brtun ṅas pa | drag śul cheb yin pas yaṅ bu mo de la brdeg par brtsams pa daṅ | chuṅ mas de la smras pa | rje’i sras gaṅ gi tshe (174b1) bdag cag las ṅaṅ las kyi rnam par smin pa mi mkhyen pa de’i tshe go rdeg par mdzad mod | da bdag cag dge ba’i bśes gñen ’phags pa ñe dga’ la brten nas las daṅ las kyi rnam par smin pa mkhyen pas ’di ltar ’jig rten ni raṅ gi las kyi ’bras bu la spyod pa lags (2) pas su źeg su’i bran lags | bu mo ’di la rdeg par ma mdzad cig | bzaṅ mo khyod zer ba mñes so || bu mo tshur śog | khrus gyis la śog śig | bu mo de khrus byas te ’oṅs pa daṅ | des de la gos phrugs gcig bskon nas smras pa | bu mo dga’ źiṅ las (3) byos śig | bu mo des bsams pa | khyim bdag khyo śug ’di sṅon gtum pa | brtun ṅas pa | drag śul che ba yin te | yaṅ daṅ yaṅ du bdag la khu tshur daṅ thal lcag dag gis rdeg par byed ciṅ zas daṅ gos ṅan pa dag sbyin par byed na | da ’di bdag gi pha ma daṅ (4) ’dra bar gyur to sñam nas | yaṅ bsams pa | gaṅ tshun cad nas ’phags pa ñe dga’ khyim ’dir ’jug par brtsams pa de tshun chad nas khyim bdag ’di pha ma daṅ ’dra par gyur pas bdag gis ’phags pa ñe dga’ la ci źig gis dga’ bar bya sñam nas des bsams pa | gal (5) te bdag gis ’di las chuṅ źig brkus te dbul du ni khyim bdag ’dis pa bdag brdeg btsog maṅ po byas te sṅon gyi gnas su bźag par ’gyur ro sñam nas de sdod ciṅ ’dug go || khyim bdag gi chuṅ ma des khyim bdag de la smras pa | rje’i sras mkhyen par mdzod cig | ’phags pa (6) ñe dga’ ni bdag cag gi dge ba’i bśes gñen lags te | ’phags pa ñe daga’asa bdag cag las dri ma can daṅ phral nas skyabs su ’gro ba daṅ | bslab pa’i gźi dag la bkod de | yaṅ daṅ yaṅ du bdag cag la chos kyis sdud par byed pas bdag cag gis kyaṅ de (7) la zaṅ ziṅ cuṅ zad kyis bsdu bar bgyi’o || bzaṅ mo de bźin bya’o || rje’i sras bdag gis dog pa ’jem po bkal te | dog pa de las tha ga pa che ge mo źig la ras yug chen ’thag tu stsal ciṅ slad kyis ras yug chen bskon par bgyi’o || khyim bdag des dog pa de tha ga (175a1) pa la byin nas smras pa | bźin bzaṅs khyod kyis dog pa ’di las ras yug chen thogs śig daṅ ’phags pa ñe dga’ la dbul bar bya’o || de ltar bya’o || bu mo des de thos nas bsams pa | bdag gis ’phags pa ñe dga’ la dga’ ba de spran (2) par bya’o sñam mo || ñe dga’ yaṅ sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs nas mthar gyis bsod sñoms la rgyu ba na khyim der źugs pa daṅ | bu mo des khyim legs par byugs śiṅ phyag dar bor nas | (3) des ñe dga’ mthoṅ ba daṅ rkaṅ pa gñis la phyag ’tshal te smras pa | bdag gis ’phags pa ñe dga’ la dgyes pa spran par bgyi’o || ñe daga’asa smras pa | bu mo khyod kyis kho bo la dga’ ba ci źig spran par bya | khyim bdag ’di khyod la ras yug chen ’bul bar ’gyur ro || ñe (4) daga’asa bsams pa | sa’i steṅ na ’dod pa’i bdag ñid can gaṅ ji sñed yod pa de dag daṅ bdag mñam par deṅ bu mo ’dis kyaṅ ’phrigs so sñam du rig nas bu mo de la ’di skad ces smras so || bu mo ci kho bo la tho ’tsham par byed ṅam | bu mos smras pa | bdag ci’i (5) slad du ’phags pa la tho ’tsham par bgyid | ñe daga’asa smras pa | bu mo gal te bden par gyur na ni ṅas khyod la gśe ba dag la chugs ma bya’o || ji ste brdzun par gyur na ni brdeg btsog maṅ po byed du bcug ste sṅon gyi gnas ji lta bar gźag par bya’o || ’phags pa gal te (6) bdag la thugs mi ches na phyogs ga ge mo źig na tha ga pa mchis pa der bźud cig daṅ khyod ñid kyis mkhyen par ’gyur ro || de der soṅ ste tha ga pa la smras pa | bźin bzaṅs ras yug chen ’thag pa ’di su’i yin | ’phags pa btsun pa ñe dga’i lags so || khyod (7) kyis ñe dga’ śes sam | ma ’tshal to || de ni kho bo yin no || bźin bzaṅs srid du ’di tsam gyis sriṅs śig | ’phags pa dog pa sus stsol bar ’gyur | khyim bdag de ñid kyis sbyin par ’gyur ro || kho bos kyaṅ khyod la cuṅ źig ñe bar bsgrub par (175b1) bya’o || ñe dga’ phyi de ñin par sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs nas de mthar gyis bsod sñoms la rgyu ba na | btsun mo phreṅ ldan ma’i khyim du źugs nas | des de’i stan btiṅ ba daṅ | de de la ’dug (2) nas btsun mo phreṅ ldan mas ñe dga’i rkaṅ pa la phyag ’tshal te chos mñan pa’i phyir mdun du ’dug go || des de la chos bstan nas des smras pa | ’phags pa ci lags | deṅ spyan draṅs sam | bsod sñoms mdzad | bsod sñoms bgyid do || des bsams (3) pa su źig bdag bas bsod sñoms ches bzaṅ ba ’bul bar ’gyur sñam nas des de la hwags kyi la thu dag gis lhuṅ bzed bkaṅ ste phul lo || ñe daga’asa de dag blaṅs te tha ga pa de’i gan du soṅ nas des de la smras pa | bźin bzaṅs je lag pa gñis zed cig | (4) des lag pa gñis bzed pa daṅ | des de la la thug cig byin nas smras pa | bźin bzaṅs je zo śig | des de zos pa daṅ | des de la smras pa | bźin bzaṅs la thu’i ro ci ’dra | ’phags pa bda’o || khyod kyis sṅon lan ’ga’ la thu ’di ’dra ba (5) zos sam | ’phags pa lan ’ga’ yaṅ ma ’tshal to || thu ba zed cig | des thu ba bzed pa daṅ | des de’i thu bar la thu thams cad blugs te smras pa | bźin bzaṅs kho bo’i ras yug chen ’di legs par thogs śig | kho bos khyod la phyis kyaṅ la thu chuṅ zad ñe (6) bar bsgrub par byas źeṅ du ’di tsam gyis skyed cig | ’phags pa dog pa bas par gyur na sus stsol bar ’gyur | khyim bdag de ñid kyis sbyin par ’gyur ro || des ras yug chen de ’thag pa na dog pa zad nas de khyim bdag de’i gan du soṅ ba daṅ | ji tsam na khyim (7) bdag gi chuṅ ma ni med | khyim bdag ni ’dug nas thag pa des khyim bdag de la smras pa | khyim bdag ras yug chen de btag pa’i dog pa zad kyis dog pa byin cig khyim bdag des byin te btaṅ ṅo || yaṅ ’thag pa na dog pa zad pa nas de yaṅ khyim bdag de’i (176a1) gan du soṅ ba daṅ | ji tsam na khyim bdag ni med khyim bdag gi chuṅ ma ni ’dug nas tha ga pa des khyim bdag gi chuṅ ma de la smras pa | sru ras yug chen de btag pa’i dog pa zad kyis dog pa byin cig | des byin te btaṅ ṅo || yaṅ ’thag pa na dog (2) pa zad nas de khyim bdag de’i khyim du soṅ ba daṅ | ci tsam na khyim bdag daṅ khyim bdag gi chuṅ ma gñi ga ’dug nas tha ga pa des khyim bdag de la smras pa | khyim bdag yaṅ ras yug chen de btag pa’i dog pa zad kyis yaṅ dog pa byin cig | khyim bdag gi chuṅ (3) mas smras pa | kye tha ga pa ci ras yug chen de bskyed dam | khyim bdag gis chuṅ ma la smras pa | bzaṅ mo ci khyod kyis kyaṅ ’di la dog pa byin nam | stsal to || khyim bdag gis smras pa | kye tha ga pa ci ras yug chen de bskyed dam | tha ga pas smras pa | khyim (4) bdag ci deṅ bskyed par brtsams sñam mam | ñi ma gaṅ kho na la btsun pa ñe dga’ mchis nas ’di skad ces srid du ’di tsam gyis sriṅs śig | źeṅ du ’di tsam gyis skyed cig ces mchi ba’i ñi ma de kho na la bskyed par brtsams so || khyim bdag gi chuṅ mas bsams (5) pa | ras yug chen de ci ’dra ji ltar ’gro ’o sñam nas de der soṅ ba daṅ | ji tsam na chen po la ’os pa’i ras yug chen mthoṅ ṅo || de mthoṅ nas de’i mig khrag gis gaṅ ste smras pa | kho mos ras yug chen ’di ’phags pa ñe dga’ la mi byin no || kho mos de’i don du (6) ras yug chen gźan źig ’thag tu gźug go źes zer te soṅ ṅo || ñe dga’ dus daṅ dus su der ’oṅs nas smras pa | kye tha ga pa ruṅ ṅam | ’phags pa bdag gi ni ruṅ na khyod kyi ni mi ruṅ ṅo || kye tha ga pa ji ltar gyur | des smras pa | khyim bdag gi chuṅ (7) ma mchis par gyur te des ras yug chen mthoṅ nas de’i mig khrag gis gaṅ ste | kho mos ’phags pa ñe dga’ la ras yug chen ’di mi sbyin no || kho mos de’i don du ras yug chen gźan ’thag tu gźug go źes mchi ste mchis so || kye tha ga pa khyod la kho bos cuṅ źig (176b1) byas pa yod pa śes sam | des smras pa ci’i slad du ma ’tshal | bdag da duṅ yaṅ khyod kyi la thu dag ’tshal źiṅ mchis so || kye tha ga pa gaṅ gi tshe kho bo khyim der ’oṅs par gyur pa de’i tshe na khyod kyis ras yug chen ’di khyer śog śig | ’phags pa je bźud cig daṅ (2) bdag gis kyaṅ kha tshar bkal te mchi’o || ñe dga’ de’i khyim du soṅ ste sgo’i thad kar ’dug pa daṅ | khyim bdag gi chuṅ ma des rkaṅ pa la phyag ’tshal te kha sgor lta źiṅ mdun du ’dug go || tha ga pa des kyaṅ ras yug chen de’i kha tshar dril nas de khyer te der soṅ ba (3) daṅ | khyim bdag gi chuṅ ma des de thag riṅ po kho na nas mthoṅ nas des lag brdas ma ’oṅ śig ces byas pa daṅ | tha ga pa des phyogs bźir rnam par bltas nas ltos bzuṅ bas mgo smad de naṅ du źugs nas des ras yug chen de khyim bdag gi chuṅ ma de’i (4) paṅ du bźag pa daṅ | ñe daga’asa tsham tshom med par blaṅs te smras pa | a rog gya sbyin pa ’dis khyod sems kyi rgyan daṅ | sems kyi yo byad daṅ | rnal ’byor gyi tshogs daṅ | don gyi mchog ’thob pa daṅ | lha daṅ mi rnams kyi gos thob par gyur cig (5) khyim bdag gi chuṅ mas smras pa | ’phags pa khyim bdag gis raṅ gi sug pa nas dbul gyis slar stsol cig | ñe daga’asa smras pa | kho bos ’di je ruṅ bar byas | de’i ’og tu khyim bdag draṅ sroṅ gi rgyal mtshan skon du gźug go || khyim bdag gi chuṅ mas (6) smras pa | ’phags pa bcom ldan ’das kyis kha dog dkar po bsṅags so || ñe daga’asa smras pa | draṅ sroṅ gi rgyal mtshan skon du chug śig ces smras nas laṅs te soṅ ṅo || || ’dul ba rnam par ’byed pa | bam po sum bcu rtsa lṅa pa | tha ba (7) pas smras pa | khyim bdag gi btsun mo bdag la gla byin cig | des smras pa | kho mo’i ras yug chen gcig kyaṅ ’phrog tu bcug nas gla gźan yaṅ ded dam | soṅ la khyod kyis gaṅ la ras yug chen byin pa de ñid la gla dos śig | de ñe ga’i gan du soṅ ste (177a1) smras pa | ’phags pa bdag la gla stsol cig | soṅ la khyim bdag gi chuṅ ma de ñid la dos śig | ’phags pa khyim bdag gi mchis braṅ de mchid ’bo źiṅ ’di skad ces khyod kyis gaṅ la ras yug chen byin pa de ñid la gla dos śig ces mchi’o || (2) ñe daga’asa smras pa | soṅ śig daṅ byin par ’gyur ro || tha ga pa de yaṅ de’i gan du soṅ ste smras pa | khyim bdag gi btsun mo bdag la gla byin cig | des smras pa | kwa’i khyo ga khyod ’dug mi phod dam | gal te ’dug na ni ’dug śig | mi ’dug na kho mos (3) khyod kyi mgrin par chol zaṅs btags te mñan yod thams cad du bskor bar bya’o || tha ga pa de yaṅ ñe dga’i thad du soṅ ste smras pa | ’phags pa khyim bdag gi mchis braṅ des bdag spyos te | kwa’i khyo ga khyod ’dug mi phod dam | gal te ’dug na ni ’dug śig | (4) mi ’dug na kho mos khyod kyi mgrin par chol zaṅs btags te mñan yod thams cad du bskor bar bya’o źes mchi yis ’phags pas bdag la gla stsol cig | ñe daga’asa smras pa | kye naṅ rje gal te gaṅ gis kho bo’i ras yug chen ’thag tu bcug pa de’i gla kho bo (5) ’jal bar gyur na kho bo’i lhuṅ bzed daṅ chos gos kyaṅ med par ’gyur ro || gźan yaṅ tshur śog rtsis byas khyod kyis kho bo las bag phye’i rin daṅ | źun mar daṅ | hwags la sogs pa ji tsam khyer ba dag khod cig ces rtsis byas pa daṅ | ji tsam na ches lhag (6) par khyer bar gyur nas | ñe daga’asa tha ga pa de yud tsam źig ñi tshan la btags te btaṅ ṅo || tha ga pa de śākya ’i bu’i dge sbyoṅ rnams kyi dge sbyoṅ gi tshul ni tshig go || bram ze’i tshul ni tshig ste | de ltar lhag pa kho na bya’o źes zer la ’bri ba kho nar byed do źes (7) smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad (177b1) do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod kyis mi mdzes pa de lta bu (2) de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || (3) de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa (4) ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gi phyir khyim bdag gam khyim bdag gi tshuṅ ma ñe du ma yin pas tha ga pa ñe du ma yin pa la gos ’thag tu bcug pa las de na gal te dge sloṅ de la sṅar ma bstabs par (5) rnam par rtog pa ’ga’ źig byuṅ nas tha ga pa ñe du ma yin pa’i gan du soṅ ste ’di skad ces tshe daṅ ldan pa tha ga pa śes par gyis śig | gos ’di kho bo’i phyir ’thag gis tshe daṅ ldan pa tha ga pa gos ’di źeṅ che ba daṅ | khrun riṅ ba daṅ | thar gyis źag pa daṅ | (6) thags ran bzaṅ bar legs par gyis śig | tshe daṅ ldan pa tha ga pa ’di ltar kho bos gla rṅan ’di lta ste | bza’ ba’am | bca’ btsam mam bza’ rgyu cuṅ zad sbyin no źes smras nas | de la gal te dge sloṅ ṅes gos bsgrub pa’i phyir gla rṅan ’di lta ste | bza’ (7) ba’am | bca’ ba tsam mam | bza’ rgyu cuṅ zad cig sbyin źiṅ gos grub na spaṅ ba’i ltuṅ byed do || dge sloṅ gi phyir źes bya ba ni śākya ’i bu ñe daga’a’ama gźan yaṅ de lta bu gaṅ yin pa’o || khyim bdag ces bya ba ni skyes pa’o || khyim bdag gi chuṅ ma (178a1) źes bya ba ni bud med do || ñe du ma yin pa źes bya ba ni phyi mo daṅ | mes po daṅ | phrugs kyi bdun pa tshun chad ni ñe du yin la | de phan chad ni ñe du ma yin no || thag pa źes bya ba ni thags mkhan no || ñe du ma yin pa la źes bya ba ni phyi mo daṅ | (2) mes po daṅ | phrugs kyi bdun pa tshun chad ni ñe du yin la | de phan chad ni ñe du ma yin no || gos ’thag tu bcug pa las źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | ko tam (3) pa’i gos daṅ | ñi ’og gi gos dag las gaṅ yaṅ ruṅ ba’o || de na gal te dge sloṅ de la źes bya ba ni śākya ’i bu ñe dga’ la’o || sṅar ma bstabs par źes bya ba ni sṅar mgron du ma bos par ro || rnam par rtog pa ’ga’ źig byuṅ nas źes bya ba ni bsñen bkur (4) byed pa ’ga’ źig byuṅ nas so || tha ga pa ñe du ma yin pa’i gan du soṅ ste źes bya ba ni druṅ du soṅ ste’o || ’di skad ces tshe daṅ ldan pa tha ga pa śes par gyis śig | gos ’di kho bo’i phyir ’thag gis źes bya ba ni bdag ñid ñe bar ston par byed pa’o || źiṅ che ba (5) źes bya ba ni rgyar che ba’o || khrun riṅ ba źes bya ba ni chuṅ riṅ ba’o || thar gyis źag pa źes bya ba ni ’jur mdud med pa’o || thags ran bzaṅ bar źes bya ba ni byer zug sñoms pa daṅ | śas bzaṅ ba daṅ | sad sed med par ro || bza’ ba’am źes bya ba ni (6) bza’ ba lṅa po dag go || bca’ ba tsam ma ma źes bya ba ni bca’ ba lṅa po dag go || bza’ rgyu źes bya ba ni bza’ ba’i rgyu’o || de la gal te dge sloṅ des źes bya ba ni śākya ’i bu ñe daga’asa so || gos bsgrub pa’i phyir źes bya ba ni gos thob par bya ba’i phyir ro || gos grub (7) na źes bya ba ni gos thob na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam du go sa bsgrub pa’i phyir khri (178b1) las ldaṅ bar byed | gos dag daṅ | śam thabs gon par byed | lag pa daṅ | lhuṅ bzed ’khru bar byed | bsod sñoms la ’jug par byed | bca’ ba lṅa daṅ bza’ ba lṅa dag sloṅ bar byed | tha ga pa la sbyin par byed ciṅ ji srid du gos thob par mi byed kyi bar du (2) ñes byas su ’gyur ro || gos thob na spaṅ ba’i ltuṅ byed du ’gyur ro || gal te phyogs ga ge mo źig tu gos ’thag tu bcug gis de khyod kyis blta bar bya’o źes sṅar bstabs par gyur na ltuṅ ba med do || las daṅ po pa daṅ | smyos pa daṅ | sems ’khrugs pa (3) daṅ | tshor ba dag gis ñen pa la ltuṅ ba med do || ’thag pa skyed pa’i spaṅ ba ste ñi śu bźi pa rdzogs s+ho || ||

[Naiḥsargika 25]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || dga’ bo la (4) lhan cig gnas pa chos źes bya ba ṅo tsha śes pa ’gyod pa daṅ ldan pa bsdams pa | bslab pa ’dod pa źig yod pa des ji srid du de gnas ṅan len kun tu spyod par mi śes pa de srid du de daṅ lhan cig gnas so || gaṅ gi tshe des de gnas ṅan len kun tu spyod par śes pa (5) de’i tshe na de raṅ bźin du gnas pa’i dge sloṅ rnams daṅ lhan cig gnas par brtsams te | bcom ldan ’das kyi bka’ luṅ gis dus gsum du rkaṅ pa la phyag ’tshal du ’gro ba ’ba’ źig byed do || de nas bcom ldan ’das kyis tshe daṅ ldan pa kun dga’ bo (6) la bka’ stsal pa | kun dga’ bo soṅ la dge sloṅ rnams la de bźin gśegs pa ko sa la dag tu ljoṅs rgyur gśegs kyis khyed cag las gaṅ de bźin gśegs pa daṅ thabs cig ko sa la dag tu ljoṅs rgyur ’gro bar spro ba des chos gos kyi las gyis śig (7) ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas dge sloṅ rnams la smras pa | tshe daṅ ldan pa dag bcom ldan ’das ko sa la dag tu ljoṅs rgyur gśegs kyis khyed cag las gaṅ bcom ldan ’das (179a1) daṅ thabs cig ko sa la dag tu ljoṅs rgyur ’gro bar spro ba des chos gos kyi las gyis śig | dga’ bos thos te | thos nas kyaṅ ñe dga’ la smras pa | tshe daṅ ldan pa ñe dga’ śes par gyis śig | tshe daṅ ldan pa kun dga’ bos dge sloṅ rnams (2) la tshe daṅ ldan pa dag śes par gyis śig | bcom ldan ’das ko sa la dag tu ljoṅs rgyur gśegs kyis | khyed cag las gaṅ bcom ldan ’das daṅ thabs cig ko sa la dag tu ljoṅs rgyur ’gro bar spro ba des chos gos kyi las gyis śig ces bsgo na | gal te (3) bdag cag ’di ñid du ’dug na ni sgo ’phar brgya dag ’das te ci nas kyaṅ lto dgaṅ ba bsgrub par bya dgos so || ji ste bcom ldan ’das daṅ thabs cig ’gro na ni bcom ldan ’das kyis saṅs rgyas gśegs pa la phan yon bcwa brgyad yod par gsuṅs pas srog chags brgya (4) stoṅ phrag du ma dag kyaṅ bcom ldan ’das daṅ thabs cig ’gro bar ’gyur bas | gal te bcom ldan ’das daṅ thabs cig ’gro na re źig chu yaṅ rñog pa can dag btuṅ dgos par ’gyur la | śiṅ ljon pa’i druṅ du yaṅ go thob par mi ’gyur gyis bdag cag dge sloṅ (5) rab tu bśes pa ’ga’ źig khrid de | saṅs rgyas daṅ | chos daṅ | dge ’dun gyi bsṅags pa brjod ciṅ mdun du doṅ na de lta na bdag cag bde bar rgyu bar ’gyur źiṅ rñed pa maṅ po yaṅ ’grub par ’gyur ro || ñe daga’asa smras pa | slob dpon re źig gser (6) gyi snod spaṅs te sa’i snod kyis bsod sñoms rgyu bar byed dam | khyod kyi lhan cig gnas ba chos lta bu ṅo tsha śes pa | ’gyod pa daṅ ldan pa | bsdams pa | bslab pa ’dod pa su la yod | des kho bo mthoṅ bar yaṅ mi ’dod do || slob dpon bcom (7) ldan ’das kyis bsdu ba’i dṅos po bźi po sbyin pa daṅ | sñan par smra ba daṅ | don spyod pa daṅ | don mthun pa gaṅ dag bka’ stsal pa de dag las slob dpon gyis ’ga’ źig yaṅ dag par blaṅs te ’jud par byas pa yod dam | de ni thams cad kyi thams (179b1) cad du med do || de’i phyir khyod kyi gnas skabs de lta bu der gyur to || tshe daṅ ldan pa chos kyi snam sbyar rñiṅs nas des ras yug chen źig rñed nas bsams pa | bdag soṅ la mkhan po la źus te snam sbyar btsem par bya’o sñam nas | des de khyer te dga’ (2) bo’i gan du ’phags pa daṅ | de ’gro ba na bsod sñoms pa źig gis mthoṅ nas des smras pa | tshe daṅ ldan pa chos gar ’gro | des smras pa | kho bo’i snam sbyar rñiṅs te kho bo’i ras yug chen ’di rñed pas bdag soṅ ste mkhan po la źus la snam sbyar btsem (3) par bya’o || bsod sñoms pas smras pa | gal te khyod snam sbyar sar pa gźan ’tshem na snam sbyar rñiṅ pa ’di kho bo la byin cig | de bźin bya’o || de dga’ bo’i gan du soṅ ste smras pa | mkhan po bdag gi snam sbyar rñiṅs te bdag gis ras yug chen (4) ’di rñed pas snam sbyar btsem par źu’o || ñe daga’asa smras pa slob dpon ’di ni de’i dus lags so || dga’ bos smras pa | tshe daṅ ldan pa chos kho bo ñid la snam sbyar źig yod pa de kho bos khyod la sbyin no || mkhan po mi ’tshal te bdag gis ras yug (5) chen ’di las snam sbyar drubs te bcaṅ bar bgyi’o || ñe daga’asa smras pa | tshe daṅ ldan pa chos kho bos ko gźan thos la gźan mthoṅ ste | kho bos khyod ṅo tsha śes pa | ’gyod pa daṅ ldan pa | bsdams pa | bslab pa ’dod pa yin par śes kyi | kho bos (6) khyod ’di ltar mkhan po’i chos daṅ ldan pa’i tshig gcog par mi śes so || ci khyod mkhan po daṅ mi mthun pa’i don yaṅ dag par len par byed dam | de dge sloṅ dbaṅ chen pos smad pas caṅ mi smra bar ’dug pa daṅ | dga’ bos kyaṅ de la snam sbyar byin no || (7) des de blaṅs nas smras pa | mkhan po khyod ras yug chen ’di bźes śig | tshe daṅ ldan pa chos ci kho bos khyod la brje ba’i phyir snam sbyar byin nas ras yug chen yaṅ khyod ñid khyer cig | des bsams pa | bdag la yo byad don med pa ’dis ci bya | bdag (180a1) gis ras yug chen ’di dge ’dun la dbul bar bya źiṅ snam sbyar rñiṅ pa ’di yaṅ bsod sñoms pa de la sbyin pa mkhan po la źu’o sñam nas smras pa | mkhan po bdag gis ras yug chen ’di dge ’dun la dbul bar bgyi źiṅ snam sbyar rñiṅ pa ’di (2) yaṅ bsod sñoms pa źig gis bslaṅs pas de la stsal bar bgyi ba mkhan po la źu’o || de bźin gyis śig | des ras yug chen de dge ’dun la phul źiṅ snam sbyar rñiṅ pa de yaṅ bsod sñoms pa de la byin no || phyi de ñin par de snam sbyar de gyon ti mkhan po’i (3) rkaṅ pa la phyag ’tshal du ’oṅs pa daṅ | dga’ bos smras pa | tshe daṅ ldan pa chos śes par gyis śig | tshe daṅ ldan pa kun dga’ bos dge sloṅ rnams la tshe daṅ ldan pa dag śes par gyis śig | bcom ldan ’das ko sa la dag tu ljoṅs rgyur gśegs (4) kyis | khyed cag las gaṅ bcom ldan ’das daṅ thabs cig ko sa la dag tu ljoṅs rgyur ’gro bar spro ba des chos gos kyi las gyis śig ces bsgo na | gal te bdag cag ’di ñid du ’dug na ni sgo ’phar brgya dag ’das te ci nas kyaṅ lto gaṅ ba bsgrub par bya (5) dgos so || ji ste bcom ldan ’das daṅ thabs cig ’gro na ni bcom ldan ’das kyis saṅs rgyas gśegs pa la phan yon bcwa brgyad yod par gsuṅs pas srog chags brgya stoṅ phrag du ma dag kyaṅ bcom ldan ’das daṅ thabs cig ’gro bar ’gyur bas gal (6) te bcom ldan ’das daṅ thabs cig ’gro ba na re źig chu yaṅ rñog pa can dag btuṅ dgos par ’gyur la | śiṅ ljon pa’i druṅ du yaṅ go thob par mi ’gyur gyis | bdag cag saṅs rgyas daṅ | chos daṅ | dge ’dun gyi bsṅags pa brjod ciṅ mdun du doṅ na de (7) lta na bdag cag bde bar rgyu bar ’gyur źiṅ | rñed pa maṅ po yaṅ ’grub par ’gyur ro || mkhan po bcom ldan ’das kyis saṅs rgyas gśegs pa la phan yon bcwa brgyad mchis par bka’ stsal pa gaṅ dag lags pa de dag mkhan po la ñes dmigs kho nar gyur te (180b1) bdag ni re źig bcom ldan ’das ñid daṅ thabs cig mchi’o || dga’ bos smras pa | kho bo daṅ lhan cig ’doṅ ṅo || des smras pa | bcom ldan ’das ñid daṅ lhan cig mchi’o || dga’ bos spyos te smras pa | ṅan pa ci kho bos khyod la chos la chos ñid (2) bzaṅ pos snam sbyar byin sñam mam | khyod kho bo daṅ lhan cig ’gro ba’i phyir byin pa yin na gal te kho bo daṅ lhan cig mi ’gro na snam sbyar ’on cig khyod la mi sbyin no || tshe daṅ ldan pa chos kyis bsams pa | bdag la chos gos phrogs pa ni bla’i bdag gnas ṅan len (3) kun tu spyod pa dag daṅ lhan cig ljoṅs rgyur ’gro ba ni mi ruṅ ṅo sñam nas des de la snam sbyar phyir byin no || de nas bcom ldan ’das dul ba ’khor dul ba daṅ ldan pa | źi ba ’khor źi ba daṅ ldan pa | grol ba ’khor grol ba daṅ ldan pa | dbugs phyin pa ’khor (4) dbugs phyin pa daṅ ldan pa | thul ba ’khor thul ba daṅ ldan pa | dgra bcom pa ’khor dgra bcom pa daṅ ldan pa | ’dod chags daṅ bral ba ’khor ’dod chags daṅ bral ba daṅ ldan pa | mdzes pa ’khor mdzes pa daṅ ldan pa | khyu mchog ltar ba laṅ gi tshogs kyis (5) yoṅs su bskor ba | glaṅ po che ltar glaṅ po che’i phru gu’i tshogs kyis yoṅs su bskor ba | seṅ ge ltar mche ba can gyi tshogs kyis yoṅs su bskor ba | ṅaṅ pa’i rgyal po ltar daṅ pa’i tshogs kyis yoṅs su bskor ba | nam mkha’ ldiṅ ltar bya’i tshogs kyis (6) yoṅs su bskor ba | bram ze ltar slob ma’i tshogs kyis yoṅs su bskor ba | sman pa mkhas pa ltar nad pa’i tshogs kyis yoṅs su bskor ba | dpa’ bo ltar ru pa’i tshogs kyis yoṅs su bskor ba | sa mkhan ltar lam du źugs pa’i tshogs kyis yoṅs (7) su bskor ba | ded dpon ltar tshoṅ pa’i tshogs kyis yoṅs su bskor ba | tshoṅ dpon ltar ’khor gyi tshogs kyis yoṅs su bskor ba | mkhar gyi rgyal po ltar blon po’i tshogs kyis yoṅs su bskor ba | ’khor los sgyur ba ltar bu stoṅ gi tshogs kyis yoṅs (181a1) su bskor ba | zla ba ltar rgyu skar gyi tshogs kyis yoṅs su bskor ba | ñi ma ltar ’od zer stoṅ gi tshogs kyis yoṅs su bskor ba | yul ’khor sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi (2) tshogs kyis yoṅs su bskor ba | mig mi bzaṅ ltar klu’i tshogs kyis yoṅs su bskor ba | nor sbyin ltar gnod sbyin gyi tshogs kyis yoṅs bskor ba | thags zaṅs ris ltar lha ma yin gyi tshogs kyis yoṅs su bskor ba | brgya byin ltar sum bcu rtsa (3) gsum pa’i tshogs kyis yoṅs su bskor ba | tshaṅs pa ltar tshaṅs ris kyi tshogs kyis yoṅs su bskor ba | dbaṅ po rnams kyis śin tu dul ba | spyod lam daṅ | spyod pa ma ’khrugs pa | chu gter ltar tiṅ ṅe ba | sprin ltar chu daṅ bcas pa | glaṅ po (4) che’i rgyal po ltar dregs pa daṅ bral ba | skyes bu chen po’i mtshan sum bcu rtsa gñis kyis legs par brgyan pa | dpe byad bzaṅ po brgyad bcus sku rnam par mdzes pa | ’od ’do ma gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin (5) po che’i ri bo ’gro ba ltar kun tu bzaṅ ba | stobs bcu daṅ | mi ’jigs pa bźi daṅ ma ’dres pa’i dran pa ñe bar gźag pa gsum daṅ | thugs rje chen po daṅ ldan pa | ’jig rten la phan par źugs pa | sruṅ ba gcig pu pa | ñag gcig dpa’ ba | (6) gñis pa med pa | gñis su mi gsuṅ ba | źi gnas daṅ | lhag mthoṅ gis bźugs pa rig pa gsum gsal bar mdzad pa | bslab pa gsum la legs par bslabs pa | dul ba’i gnas gsum gyi gźi la mkhas pa | chu bo źi las rgal ba | rdzu (7) ’phrul gyi rkaṅ pa bźis spyod pa’i gźi la legs par gnas pa | bsdu ba’i dṅos po bźi la yun riṅ po nas yoṅs su sbyaṅ ba mdzad pa | mi ’jigs pa bźis bsñeṅs pa mi mṅa’ ba | yan lag lṅa spaṅs pa | ’gro ba lṅa las yaṅ dag par ’das pa | yan (181b1) lag drug daṅ ldan pa | pha rol tu phyin pa drug yoṅs su rdzogs pa | rtag tu gnas pa drug gis gnas pa | byaṅ chub kyi yan lag bdun gyi me tog gis phyug pa | lam gyi yan lag brgyad ston pa | mthar gyis gnas pa’i sñoms par ’jug pa dgu la mkhas pa | (2) stobs bcu’i stobs daṅ ldan pa | phyogs bcur sñan pas yaṅ dag par rgyas pa | brgya phrag bcur dbaṅ sgyur ba las khyad par du ’phags pa | ’khor ñan thos chen po tshe daṅ ldan pa lteṅ rgyas ’od sruṅ daṅ | ga ya ’od sruṅ daṅ | chu kluṅ ’od sruṅ la sogs pa (3) sṅon gyi ral pa can stoṅ daṅ | tshe daṅ ldan pa śā ri’i bu daṅ | maud gal gi bu chen po la sogs pa dge sloṅ gi dge ’dun maṅ pos mdun du ba dar te ko sa la dag tu ljoṅs rgyur gśegs so || saṅs rgyas bcom ldan ’das ljoṅs rgyur gśegs pa rnams ni chos (4) ñid kyis na sku thams cad kyis g-yas phyogs su glaṅ po che’i lta staṅs kyis la las legs par ma bgos pa daṅ | legs par ma bceṅs par ma gyur tam sñam du rnam par gzigs par mdzad pas bcom ldan ’das kyis sku thams cad kyis g-yas phyogs su glaṅ po (5) che’i lta staṅs kyis rnam par gzigs pa na tshe daṅ ldan pa chos chos gos stod g-yogs smad g-yogs daṅ bcas pas ljoṅs rgyur ’gro ba gzigs so || gzigs nas kyaṅ tshe daṅ ldan pa kun dga’ bo la bka’ stsal pa | kun dga’ bo dge sloṅ dbyar gnas pa rnams kyi chos (6) gos kyi rñed pa ma grub bam | bcom ldan ’das grub bo || ’o na ci’i phyir dge sloṅ chos chos gos stoṅ g-yogs smad g-yogs daṅ bcas pas ljoṅs rgyur ’gro || des skabs de bcom ldan ’das la rgyas par gsol pa daṅ | bcom ldan ’das kyis bka’ (7) stsal pa | kun dga’ bo dge sloṅ dag dge sloṅ la gos byin nas ’phrog par byed dam | btsun pa ’phrog par bgyid do || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba (182a1) la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dga’ bo la rmas pa | dga’ bo khyod kyis dge (2) sloṅ la gos byin nas yaṅ phyir phrogs pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | ruṅ ba ma yin pa | rjes su mthun pa ma yin pa | tshul daṅ mthun pa ma yin pa de ni rab tu byuṅ bas khya ba ma yin no źes rnam (3) par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya (4) ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ la gos byin nas de’i ’og tu khros ’khrugs rṅam par gyur te yi ma raṅs nas ’phrog gam ’phrog tu ’jud (5) ciṅ | del ’di skad ces dge sloṅ khyod la gos mi sbyin gyis phyir byin cig ces zer na dge sloṅ des lhag ma yod pa phyir sbyin par bya źiṅ btaṅ na spaṅ ba’i ltuṅ byed do || yaṅ dge sloṅ gaṅ źes bya ba ni śākya ’i bu dga’ bo ’am | gźan yaṅ de lta bu gaṅ yin pa’o || (6) dge sloṅ la źes bya ba ni chos ’di pa’o || gos źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | ko tam pa’i gos daṅ | ñi ’og gi gos las gaṅ yaṅ ruṅ ba’o || byin nas (7) źes bya ba ni phyir sbyin mi dgos par ro de’i ’og tu źes bya ba ni dus gźan na’o || khros ’khrugs rṅam par gyur te yi ma raṅs nas źes bya ba ni khro ba ma saṅs par ro || ’phrog gam źes bya ba ni bdag ñid kyis so || ’phrog tu ’jud ciṅ źes bya ba ni gźan no || (182b1) dge sloṅ des źes bya ba ni dge sloṅ gaṅ yin pa des so || lhag ma yod pa źes bya ba ni de’i lhag ma gaṅ yod pa’o || phyir sbyin par bya źiṅ źes bya ba ni gtaṅ bar bya źiṅ ṅo || btaṅ na źes bya ba ni lus daṅ bral bar byas na’o || spaṅ ba’i ltuṅ byed do źes bya ba ni (2) dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | lus g-yo bar byed pa daṅ | tshig rjod par byed pa daṅ | de gñis ka daṅ ldan pa daṅ | gźan dag gis so || (3) de la ji ltar lus g-yo bar byed pas źe na | dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas lus kyis rtul bar byed ciṅ ’dren par byed khrid par byed la | tshig gis dge sloṅ khyod la gos mi sbyin gyis phyir byin (4) cig ces ni mi zer na ji srid du gos kyi grwa lus las bral bar mi byed pa de srid du ñes byas su ’gyur la | gos kyi grwa lus la bral bar byed na spaṅ ba’i ltuṅ byed du ’gyur te | de ltar lus g-yo bar byed pas so || ji ltar tshig rjod par byed pas źe na | dge sloṅ gis dge (5) sloṅ la gos byin nas de’i ’og tu khros ’khrugs rṅam par gyur te yi ma raṅs nas dge sloṅ khyod la gos mi sbyin gyis phyir byin cig ces tshig rjod par byed la lus kyis rtul bar mi byed na ji srid du gos kyi grwa lus las bral bar mi byed pa de srid du ñes byas su ’gyur la | gos kyi (6) grwa lus las bral bar byed na spaṅ ba’i ltuṅ byed du ’gyur te | de ltar tshig rjod par byed pas so || ji ltar de gñis ka daṅ ldan pas źe na dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas lus kyis kyaṅ rtul bar byed ciṅ tshig gis (7) kyaṅ dge sloṅ khyod la gos mi sbyin gyis phyir byin cig ces zer na ji srid du gos kyi grwa lus las bral bar mi byed pa de srid du ñes byas su ’gyur la | gos kyi grwa lus las bral bar byed na spaṅ ba’i ltuṅ byed du ’gyur te | de ltar gñis ka daṅ ldan pas so || ji ltar gźan (183a1) dag gis źen dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas dge sloṅ ’phrog tu ’jud na ji srid du gos kyi grwa lus las bral bar mi byed pa de srid du du gñis ka la ñes byas re rer ’gyur la | gos kyi grwa lus las (2) bral bar byed na gñig la spaṅ ba’i ltuṅ byed re rer ’gyur ro || dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas dge sloṅ ma ’phrog tu ’jud na ji srid du gos kyis grwa lus las bral bar mi byed pa de srid du gñis ka la ñes byas re rer (3) ’gyur la | gos kyi grwa lus las bral bar byed na dge sloṅ ma la ñes byas ñid du ’gyur la | dge sloṅ la spaṅ ba’i ltuṅ byed du ’gyur ro || dge sloṅ gis dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas dge slob ma ’phrog tu ’jud na ji (4) srid du gos kyi grwa lus las bral bar mi byed pa de srid du gñis ka la ñes byas re rer ’gyur la gos kyi grwa lus las bral bar byed na dge slob ma la ñes byas ñid du ’gyur la | dge sloṅ la spaṅ ba’i ltuṅ byed du ’gyur ro || dge sloṅ gis dge sloṅ la gos byin nas de’i ’og (5) tu khros ’khrugs rṅam par gyur te yi ma raṅs nas dge tshul ’phrog tu ’jud na ji srid du gos kyi grwa lus las bral bar mi byed pha de srid du gñis ka la ñes byas re rer ’gyur ro || gos kyi grwa lus las bral bar byed na dge tshul la ñes byas ñid du ’gyur la | dge sloṅ la spaṅ (6) ba’i ltuṅ byed du ’gyur ro || dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas dge tshul ma ’phrog tu ’jud na ji srid du gos kyi grwa lus las bral bar mi byed pa de srid du gñis ka la ñes byas re rer ’gyur la | gos kyi grwa lus las (7) bral bar byed na dge tshul ma la ñes byas ñid du ’gyur la | dge sloṅ la spaṅ ba’i ltuṅ byed du ’gyur ro || dge sloṅ gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas khyim pa ’phrog tu ’jud na ji srid du gos kyi grwa lus las bral bar mi (183b1) byed pa de srid du khyim pa la bsod nams ma yin pa maṅ po skye bar ’gyur źiṅ | dge sloṅ la ñes byas su ’gyur la | gos kyi grwa lus las bral bar byed na khyim ba la bsod nams ma yin pa ches maṅ du skye bar ’gyur źiṅ | dge sloṅ la spaṅ ba’i ltuṅ byed du ’gyur ro || dge sloṅ (2) gis dge sloṅ la gos byin nas de’i ’og tu khros ’khrugs rṅam par gyur te yi ma raṅs nas khyim pa mo ’phrog tu ’jud na ji srid du gos kyi grwa lus las bral bar mi byed pa de srid du khyim pa mo la bsod nams ma yin pa maṅ du skye bar ’gyur źiṅ | dge sloṅ la ñes byas su ’gyur (3) la | gos kyi grwa lus las bral bar byed na khyim pa mo la bsod nams ma yin pa ches maṅ du skye bar ’gyur źiṅ | dge sloṅ la spaṅ ba’i ltuṅ byed du ’gyur te | de ltar gźan dag gis so || don gźan daṅ ’dul ba’i yo byad kyis ni ltuṅ ba med do || ji ltar don gźan gyis (4) źe na | ’di lta ste | slob dpon daṅ | mkhan po’i lhan cig gnas pa daṅ | ñe gnas dag ’jigs pa daṅ bcas pa’i phyogs su dus ma yin pa daṅ | chu kluṅ gi kha’am | yur po che’i khar ’gro ba de dag la slob dpon daṅ | mkhan pos chom rkun pa daṅ | g-yon (5) can dag gis gos dag phrogs par gyur na mi ruṅ ṅo sñam pas ’phrog gam | ’phrog tu ’jud pa ste | de ltar don gźan gyis so || ji ltar ’dul ba’i yo byad kyis źe na | ’di lta ste | dge sloṅ rnams kyi lhan cig gnas pa daṅ | ñe gnas dag sdig pa’i grogs po daṅ | (6) sdig pa’i zla bo daṅ | sdig pa’i sten grogs dag daṅ lhan cig sdig pa sten ciṅ lam du ’gro bar gyur na de dag la mkhan po daṅ | slob dpon gyis ’di dag sdig pa’i grogs po daṅ | sdig pa’i zla bo daṅ | sdig pa’i sten grogs la sten par gyur na mi ruṅ ṅo sñam pas (7) gos dag ’phrog gam ’phrog tu ’jud pa ste | de ltar ’dul ba’i yo byad kyis so || las daṅ po ba daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’phrog pa’i spaṅ ba ste ñi śu lṅa pa rdzogs s+ho || ||

[Naiḥsargika 26]
(184a1) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || ri brag źig na khyim bdag dad pa daṅ ldan pa bzaṅ ba dge ba’i bsam pa can źig ’dug pa des dgon par dge ’dun gyi gtsug (2) lag khaṅ rta babs mthon po daṅ ldan pa mthoṅs khuṅ daṅ | skar khuṅ dra ba can daṅ | lan kan gyis brgyan pa | sñiṅ daṅ mig ’phrog par byed pa | mtho ris kyi them skas su gyur pa | khri daṅ | khri’u daṅ | yo byad phun sum tshogs pa źig byed du bcug ste | de na dge (3) sloṅ drug bcu gnas pa de dag la khyim bdag des chos gos daṅ | bsod sñoms la sogs pa mkho ba stobs par byed do || de nas dus gźan źig na khyim bdag de dus kyi chos daṅ ldan par gyur nas khyim bdag de la bu źig yod pa de’i gan du dge sloṅ de dag doṅ ste smras pa | (4) bźin bzaṅs khyod kyi bas dge sloṅ drug bcu la chos gos daṅ | bsod sñoms la sogs pas mkho ba bstabs pa byas par gyur na khyod kyis kyaṅ kho bo cag dge sloṅ drug bcu la chos gos daṅ | bsod sñoms la sogs pas mkho ba stobs par byed nus sam | des smras pa | (5) ’phags pa dag la la ni brgya la bsñen bkur byed | la la ni stoṅ la | la la ni ’bum la bsñen bkur byed pa yaṅ yod | la las ni bdag ñid kyaṅ gsol bar dka’ bas bdag gis rṅo mi thog go || de nas dge sloṅade dag gtsug lag khaṅ de nas doṅ ṅo || rgan źugs ri (6) brag de ñid nas rab tu byuṅ ba gñis źig bsod sñoms brgyus nas gtsug lag khaṅ de ñid na ’khod do || byaṅ lam nas don mthun dag lhags nas de dag gis gtsug lag khaṅ de thag riṅ po kho na nas mthoṅ nas de dag der doṅ ste tshigs su bcad pa’i skad kyis mchod rten la (7) phyag ’tshal nas gtsug lag khaṅ du źugs pa daṅ | ji tsam na gtsug lag khaṅ stoṅ par ’dug nas de dag gis bsams pa | dge sloṅ dag naṅ du yaṅ dag ’jog la źugs sam | yaṅ na ñin mo spyod du doṅ gor ma chag sñam nas de dag de na yoṅs su bskor ba na rgan źugs (184b1) de gñis mthoṅ nas de dag gis de gñis la smras pa | ’phags pa gñis dge sloṅ dag gar doṅ | de gñis kyis smras pa | bźin bzaṅs dag ’din dge sloṅ dag mi ’khod do ji’i slad du | khyim bdag gaṅ gis gtsug lag khaṅ ’di byed du bcug pa des dge (2) sloṅ drug bcu la chos gos daṅ | bsod sñoms la sogs pas mkho ba bstabs par byas par gyur te dus kyi chos daṅ ldan par gyur nas dge sloṅ rnams kyis de la bu źig yod pa de’i gan du soṅ ste bźin bzaṅs khyod kyi phas dge sloṅ drug bcu la chos gos daṅ | bsod sñoms (3) la sogs pa mkho ba bstabs par byas par gyur na khyod kyis kyaṅ kho bo cag dge sloṅ drug bcu la chos gos daṅ | bsod sñoms la sogs pas mkho ba stobs par byed nus sam źes smras na | de na re ’phags pa dag la la ni brgya la bsñen bkur byed | la la ni ltoṅ la | (4) la la ni ’bum la bsñen bkur byed pa yaṅ yod | la las ni bdag ñid gso bar dka’ bas bdag gis rdo mi thog go źes zer nas dge sloṅ de dag doṅ ṅo || kho bo cag gñis ni bsod sñoms brgyus nas gtsug lag khaṅ ’di ñid na ’khod do || ded dpon gyis smras pa | (5) śes ldan dag bdag cag yun riṅ po nas smon pa | kye ma bdag cag gis dge ’dun gyi gtsug lag khaṅ byed du gźug ciṅ gtsug lag khaṅ byed du bcug nas dge sloṅ rnams la mkho ba bstabs par bya’o sñam na | gtsug lag khaṅ ’di ni byas zin pa yin pas gtsug lag (6) khaṅ ’di ñid du dge sloṅ rnams la mkho ba bstabs par bya’o źes des ras yug chen btiṅ ste | śes ldan dag khyed cag las gaṅ gis ji yoṅs su btaṅ bde ’dir phul cig ces smras pa daṅ | de dag gis kyaṅ ji ’byor pa der phul nas der rñed pa maṅ po ’dus par (7) gyur pa daṅ ded dpon gyis rgan źugs de gñis la smras pa | ’phags pa gñis ’di ni dge sloṅ drug bcu’i zla ba gsum gyi bsod sñoms lags so || ’di ni brgyad ston daṅ | bcu bźi ston daṅ | ña ston gyi bsod sñoms lags so || ’di ni na ba’i rkyen daṅ | (185a1) sman gyi yo byad lags so || ’di ni rñed pa lags so || ’di ni chos gos kyi zoṅ lags kyis dge sloṅ bzaṅ po dag spyan droṅs śig | bdag cag dbyar ’das nas ’dir mchis te dge sloṅ brgya la mkho ba bstabs par bgyi’o źes smras te doṅ (2) ṅo || rgan źugs gcig gis sda smras pa | rgan źugs dge ’dun gyi rñed pa sus sba bar bya | cig śos kyis smras pa | gaṅ gźon pas so || de gñis las gaṅ gźon pas rñed pa de sbas nas des smras pa | rgan źugs mñan yod nas dge sloṅ dag (3) bod na der gaṅ ’gro bar bya | rgan pas smras pa | gaṅ gźon pa ’gro bar bya’o || gźon pas smras pa | kho bos rñed pa sbas kyis khyod der soṅ śig | rgan pa śos mñan yod du dge sloṅ spron du soṅ ṅo || drug sde dag gi kun tu spyod pa ni ’dir bdag cag gis bram (4) ze daṅ khyim bdag ’oṅs śiṅ lhags pa rnams la yaṅ chos bstan par bya | rgol ba dag kyaṅ tshar gcad par bya | raṅ gi grags pa yaṅ bsgrag par bya’o sñam pas drug sde las gaṅ yaṅ ruṅ bas rgyal byed kyi tshal gyi sgo stoṅ par mi ’jog pas tshe daṅ ldan pa ñe dga’ (5) rgyal byed kyi tshal gyi sgo na ’chag ciṅ ’dug pa des thag riṅ po kho na nas rgan źugs mgo spra ba’i me tog ltar skya ba smin ma ’phyaṅ ba źig ’oṅ ba de mthoṅ nas des bsams pa | dge sloṅ gnas brtan źig ’oṅ ba ’di gaṅ yin bsu’o sñam nas des de la gnas brtan (6) byon pa legs so || byon pa legs so || phyag ’tshal lo źes smras pa daṅ | de na re slob dpon phyag ’tshal lo źes zer nas ñe daga’asa bsams pa | kye ma ’di ni rgan źugs źig ste slob dpon yaṅ mi śes | mkhan po yaṅ mi śes so sñam nas des de la smras (7) pa | rgan źugs ga las ’oṅs | ri brag gi gtsug lag khaṅ ga ge mo źig nas mchis so || rgan źugs ci de gtsug lag khaṅ yin nam | ’on te phoṅs pa yin gtsug lag khaṅ ni ci ’dra | phoṅs pa ni ci ’dra | gaṅ na yo byad thams cad daṅ ldan pa ni gtsug (185b1) lag khaṅ yin la | gaṅ na yo byad thams cad daṅ bral ba ni phoṅs pa yin no || de sṅon ni phoṅs par gyur la | da ni gtsug lag khaṅ du gyur to || ji ltar gyur byaṅ lam nas don mthun dag lhags nas de dag gis der dge sloṅ drug bcu’i zla ba gsum gyi bsod sñoms (2) daṅ | brgyad ston daṅ | bcu bźi ston daṅ | ña ston daṅ | na ba’i rkyen sman gyi yo byad daṅ | rñed pa daṅ | chos gos kyi zoṅ dag phul nas ’di skad ces ’phags pa dge sloṅ bzaṅ po dag pos śig | bdag cag kyaṅ dbyar ’das nas ’dir mchis te dge sloṅ (3) brgya la mkho ba bstabs par bgyi’o źes mchi’o || ñe daga’asa smras pa | ’on taṅ khyod dge sloṅ rkur ’oṅs mod | lags so || rgan źugs ko sa lar byuṅ ba’i rgyal po gsal rgyal daṅ | btsun mo phreṅ ldan ma daṅ | rgyal rigs dbyar tshul ma daṅ | khyim (4) bdag mgon med zas sbyin daṅ | bla mkhyen draṅ sroṅ byin daṅ | rñiṅ pa daṅ | khyim bdag gi chuṅ ma ri dgas ’dzin gyi ma sa ga daṅ | legs skyes daṅ | bram ze daṅ | khyim bdag dad pa can maṅ po gźan dag gis kyaṅ dge sloṅ rnams la yo byad thams cad (5) kyis bsñen bkur byas śiṅ | dge ’dun gyi gnas brtan ñi ma re re źiṅ yon bśad pa byed pa na yaṅ gnas ’dir dge sloṅ gaṅ dag ma ’oṅs pa de dag kyaṅ ’oṅ bar ’gyur źiṅ ’oṅs pa dag kyaṅ mṅon par dga’ bar gyur cig ces zer la | de dag kyaṅ ’di lta ste | (6) chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag gis brel ba med ciṅ bcom ldan ’das kyaṅ mṅon sum du chos ston par mdzad pas ’di na chos kyi loṅs spyod daṅ | zaṅ ziṅ gi loṅs spyod phun sum tshogs pa yin (7) pas gal te dge sloṅ rnams kyis khyod dge sloṅ rkur ’dir ’oṅs par śes par gyur na khyod gnas nas dbyuṅ ba’i las byed par ’gyur ba gaṅ yin pa de lta bu’i gnas yod par ’gyur gyis | dge sloṅ gźan la de skad ma zer cig | ’di ltar kho bo cag mi drug re re la (186a1) yaṅ ’khor bcu bcu yod pas khyod la sñiṅ brtse ba’i phyir ’oṅ ṅo || slob dpon bdag bcom ldan ’das kyi źabs la phyag ’tshal du mchis te slad kyis mchi’o || ñe daga’asa bsams pa | lhuṅ bzed nag po can ’ga’ źig gis ’di mthoṅ źiṅ (2) de thos nas daṅ po kho nar ’gro bar gyur na mi ruṅ ṅo sñam nas smras pa | rgan źugs khyod kyis lha ni yid kyis bskor ba yin gyi lus kyis bskor ba ma yin no źes bya ba ma thos sam | bcom ldan ’das kyis kyaṅ | chos rnams yid kyis ’dren byed ciṅ || yid gtso yid (3) kyi ’gros can yin || źes gsuṅs kyis | ’di ñid nas bcom ldan ’das kyi źabs la phyag ’tshol cig ces des de’i gña’ ba nas bzuṅ ste rgan źugs saṅs rgyas la phyag ’tshal lo || chos la phyag ’tshal lo || dge ’dun la phyag ’tshal lo źes gyis śig (4) ces ’dud du bcug go || slob dpon skom gyis ji skom ’thuṅ du mchi’o || ’di ñid du sdod cig daṅ kho bos skom gyis phor bu bkaṅ ste khyer te ’oṅ ṅo źes des skom gyis phor bu bkaṅ ste blud nas smras pa | rgan źugs da soṅ śig ces des de thag riṅ por bskyal nas da phyir (5) ma ldog cig ces bsgo ste bdag ñid phyir log go || drug sde dag gi kun tu spyod pa ni gaṅ chuṅ zad ci thos pa de phyem red kyi dus kyi tshe gcig tu ’dus nas phan tshun rjod par byed pa yin pas ñe dga’ gtsug lag khaṅ du soṅ ste drug sde rnams la smras pa | tshe daṅ ldan pa (6) dag bdag cag gis yun ji srid kyis brel ba spaṅ bar bya | khyod kyis thos pa chuṅ źig yod dam | yod de | ri brag gi gtsug lag khaṅ ga ge mo źig tu byaṅ lam nas don mthun dag lhags nas de dag gis der dge sloṅ drug bcu’i dbyar zla ba gsum gyi bsod sñoms (7) daṅ | brgyad ston daṅ | bcu bźi ston daṅ | ña ston daṅ | na ba’i rkyen daṅ | sman gyi yo byad dag rñed pa daṅ chos gos kyi zoṅ dag phul gyis der doṅ ṅo || ci de ñid du dbyar gnas par bya’am | mi bya ste | ’di ltar dbyar gyi naṅ ñid du de dag zos te ’di ñid du (186b1) ’oṅs la dbyar phyi ma ñe bar sgrub pa’i dus su gnas par khas blaṅ bar bya’o || de dag der ’oṅ ba daṅ rgan źugs gñis kyis de dag thag riṅ po kho na nas ’oṅ ba mthoṅ nas | tshe daṅ ldan pa dag ’oṅs pa legs so || ’oṅs pa legs so źes de gñis kyis de dag gi (2) gnas khaṅ dag bskos śiṅ gnas mal daṅ | khri daṅ | khri’u daṅ | chur daṅ | phor bu daṅ | chu tshags daṅ | lde mig kyog po dag phog go || de dag gis bsams pa | bdag cag don gaṅ gi phyir lhags pa de je brtag par bya’o sñam nas de dag gis smras pa | (3) rgan źugs gñis ’dir rñed pa ci grub pa dag ji bltas ’on cig | rgan źugs de gñis draṅ po’i raṅ bźin can yin pas de gñis kyis ’di ni dge sloṅ drug bcu’i zla ba gsum gyi bsod sñoms so || ’di ni brgyad ston no || ’di ni bcu bźi ston no || ’di ni ña ston (4) no || ’di ni na ba’i rkyen to || ’di ni sman gyi yo byad do || ’di ni ’di’i rñed pa’o || ’di ni chos gos kyi zoṅ ṅo źes rñed pa de dag thams cad bstan no || de dag gis smras pa | tshe daṅ ldan pa dag rgan źugs ser sna chan yin pas zas bsod pa sbyin par mi nus la ’di (5) ltar rgan źugs ’di gñis kyis dge ’dun la bsñen bkur byas pas yoṅs su spaṅ ba sbyin no źes de dag gis de gñis la yoṅs su spaṅ ba sbyin nas de gñis kyaṅ bdag cag gñis kyis yoṅs su spaṅ ba thob bo źes dga’ bar gyur to || de dag gis smras pa | tshe daṅ (6) ldan pa dag dge sloṅ lto mdun can ’ga’ źig la bcol na des dge ’dun la ñi ma re re źiṅ bca’ ba rnam pa bcwa brgyad daṅ | tshod ma snum bag can maṅ po sna tshogs dag daṅ | legs par sbyar ba’i btuṅ ba yaṅ ’brim par ’gyur ro źes de dag gis dge sloṅ lto mdun can (7) źig la bcol ba daṅ | des de dag la ñi ma re re źiṅ bca’ ba rnam pa bcwa brgyad daṅ | tsho dam snum bag can maṅ po sna tshogs dag daṅ | legs par sbyar ba’i btuṅ ba yaṅ ’brim par byed pas dus cuṅ zad cig gis bsod sñoms thams cad spyad pa daṅ | dge (187a1) bskos kyis rgan pa’i mtha’ logs su ’dug ste smras pa | tshe daṅ ldan pa dag dge ’dun gyi gdugs gcig kho na’i spyi buṅs źig mchis so || de dag gis smras pa | tshe daṅ ldan pa dag gaṅ dag bslab pa yaṅ dag par ma blaṅs pa de dag ni (2) brgyad ston daṅ | bcu bźi ston daṅ | ña ston byed la | bdag cag bslab pa yaṅ dag par blaṅs pa dag de mi byed kyis de yaṅ bza’o źes de dag gis de yaṅ zos pa daṅ | dge bskos kyis yaṅ rgan pa’i mtha’ logs su ’dug ste smras pa | tshe daṅ ldan pa dag da ni (3) dge ’dun gyin ba’i rkyen daṅ yo byad dag gcig mchis so || drug sde dag gis smras pa | tshe daṅ ldan pa dag ji srid du ñe bar len pa’i phuṅ po lṅa ’tsho ba de srid du bdag cag brtag tu nad pa yin pas na ba’i sman de yaṅ bza’o źes de dag gis de yaṅ zos nas de dag gis smras pa | (4) tshe daṅ ldan pa dag khur ya gcig na ’dug par dka’ ba yin gyis gos kyi rñed pa ’di yaṅ bgos la | khur do mñam pas bde bar ’doṅ bar bya’o źes de dag gis de yaṅ bgos pa daṅ | dge bskos kyis yaṅ rgan pa’i mtha’ logs su ’dug ste smras pa | da ni dge ’dun (5) gyi gdugs gcig kho na’i spyi buṅs las ma mchis so || de dag gis smras pa | rgan źugs gñis khyed gñis na re dge sloṅ drug bcu’i zla ba gsum gyi bsod sñoms yod do źes zer na dbyar gyi naṅ du zad par gyur to || de gñis kyis smras pa | ci de dag gis bca’ ba (6) rnam pa bcwa brgyad daṅ | tshod ma snum bag can maṅ po sna tshogs dag daṅ | legs par sbyar ba’i btuṅ ba śa stag rims śig ces smras sam | de dag gis smras pa | rgan źugs gñis gña’ ba smad de spyod spyod la da smod par byed kyis tshe daṅ ldan pa dag ’di gñis (7) gnas nas dbyuṅ ba’i las gyis śig | kha cig gis smras pa | rgan źugs gñis myur du bzod pa gsol cig | phyis bzod pa gsol na ltag pa’i spu byi bar ’gyur ro || de gñis kyis bzod pa gsol bar brtsams pa daṅ | kha cig gis smras pa | tshe daṅ ldan (187b1) pa dag rgan źugs ’di gñis draṅ po’i raṅ bźin can yin gyis ’di gñis la bzod pa gyis śig | de dag gis smras pa | rgan źugs gñis bzod par bya’o || ri brag ’di ni ma dad pa maṅ bas ’dir bsod sñoms kyaṅ mi rñed kyis gal te lhag rol cuṅ zad (2) yoṅ na de yaṅ byin cig | ’on te med na ni kho bo cag ’doṅ ṅo || tshe daṅ ldan pa dag ci yaṅ med kyis deṅ śig | de dag de nas doṅ ste mñan yod du soṅ nas de dag der phyin pa daṅ dbyar phyi mar gnas par khas blaṅs so || dbyar ’das pa daṅ don mthun de dag yaṅ (3) lhags nas de dag gis de bźin du tshigs su bcad pa’i skad kyis mchod rten la phyag ’tshal te | gtsug lag khaṅ du źugs pa daṅ | ji tsam na gtsug lag khaṅ stoṅ par mthoṅ nas de dag gis bsams pa | dge sloṅ dag naṅ du yaṅ dag ’jog la źugs sam | (4) ñin mo spyod du doṅ gor ma chag sñam nas | de dag de na yoṅs su bskor ban rga na źugs de gñis mthoṅ nas de dag gis smras pa | ’phags pa gñis dge sloṅ dag gar doṅ | bźin bzaṅs dag ’di na dge sloṅ dag mi ’khod do || ’phags pa gñis bdag cag (5) gis dge sloṅ drug bcu’i zla ba gsum gyi bsod sñoms ma phul lam | de gñis kyis smras pa | dge sloṅ dag lhags par gyur nas de dag gis dbyar gyi naṅ ñid du thams cad zos te doṅ ṅo || khyed gñis kyis dge sloṅ gaṅ dag khrid de ’oṅs | drug sde dag go || (6) ’phags pa gñis khyed gñis rgya mtsho chen por doṅ nas nor bu mchiṅ bu dag khyer te ’oṅs so || de na dge sloṅ gźan dag med dam cin drug sde dag khrid de ’oṅs | de dag śākya ’i bu’i dge sloṅ rnams kyi dge sbyoṅ gi tshul ni tshig go || bram ze’i tshul ni tshig ste | ’di ltar (7) bdag cag gi dad pa’i myu gu skyes ma thag tu bcom mo źes slod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs (188a1) ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ (2) drug sde dag la rmas pa | dge sloṅ dag khyed kyis dbyar gyi rñed pa dbyar gyi naṅ du bgos pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ bam yin pa | tshul daṅ mthun pa ma yin (3) pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams (4) kyi bslab pa’i gźi bca’ bar bya ste źes bya ba la sogs pa sṅa ma bźin no || ’dul ba la ñan thos rnams kyis bslab pa’i gźi ’di ltar gdon par bya ste | de ltabs na dge sloṅ rnams kyis dbyar gyi rñed par dbyar gyi naṅ du bgo bar mi bya’o || dge sloṅ rnams kyis dbyar (5) gyi rñed pa dbyar gyi naṅ du bgo bar byed na ’gal tshabs can du ’gyur ro źes bcom ldan ’das kyis ’dul ba la ñan thos rnams kyi bslab ’i gźi de ltar bca’ bar mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun (6) dga’ ra ba na bźugs so || mñan yod na dge sloṅ ma skye dgu’i bdag mo chen mo gau ta mī daṅ | chos byin gñis las skye dgu’i bdag mo chen mo gau ta mī ni spoṅ ba ma ’khor yaṅ spoṅ ba ma daṅ ldan pa yin la | chos byin ni mdo sde’i mtha’ pa ’khor yaṅ mdo sde’i mtha’ pa daṅ (7) ldan pa yin te | de gñis dbyar khaṅ cig tu gnas par khas blaṅs nas gaṅ gi tshe | skye dgu’i bdag mo chen mo gau ta mī ’khor rnam par laṅs par gyur pa de’i tshe na chos byin gyis raṅ gi ’khor la nu mo dag bcom ldan ’das kyis dge sloṅ ma rnams la rab tu ’byuṅ ba daṅ rdzogs (188b1) par bsñen pa dge sloṅ ma’i dṅos po rjes su gnaṅ ba gaṅ yin pa de thams cad skye dgu’i bdag mo chen mo gau ta mī las brten pa yin la | bcom ldan ’das kyis kyaṅ gźan gyi sems sruṅ ba’i gaṅ zag ni bsod nams maṅ du skyed par byed do || źes gsuṅs kyis | khyed cag (2) kyaṅ re źig mi rtag pa ñid yid la bya ba sgoms śig ces ’doms par byed ciṅ || de dag kyaṅ mi rtag pa ñid yid la bya ba sgom par rtsom mo || gaṅ gi tshe chos byin gyi ’khor rnam par laṅs par gyur pa de’i tshe na skye dgu’i bdag mo chen mo gau ta mī yaṅ raṅ gi ’khor la nu mo dag (3) bcom ldan ’das kyis bskal pa graṅs med pa gsum gyis dka’ ba spyod pa brgya stoṅ phrag du ma dag gis pha rol tu phyin pa drug yoṅs su rdzogs par mdzad de bla na med pa’i mkhyen pa thugs su chud pa gaṅ yin pa de thams cad sems can la phan pa’i rgyu yin la | bcom ldan (4) ’das kyis kyaṅ gźan gyi sems sruṅ ba’i gaṅ zag ni bsod nams maṅ po skyed par byed do źes gsuṅs kyis | khyed cag kyaṅ re źig mi rtag pa ñid daṅ ldan pa’i mdo sde’i mtha’ dag kha ton gyis śig ces ’doms par byed ciṅ | de dag kyaṅ mi rtag pa ñid daṅ ldan pa’i (5) mdo sde’i mtha’ dag kha ton du byed par rtsom mo || dge sloṅ ma dag de ltar phan tshun sems rjes su sruṅ bas ge ba’i chos rnams kyis mi ’phel te | chu med pa nas ut+pa la bźin no || chos byin la dge bsñen sa ga źes bya ba mṅon par dad pas des yo byad thams cad (6) kyis de mgron du bos so || dus gźan źig na dge bsñen sa ga chos byin gyi rkaṅ pa la phyag ’tshal tu ’oṅs pa daṅ | chos byin gyis de la smras pa | bźin bzaṅs dge sloṅ ma rab tu maṅ po dag dbyar khaṅ gcig tu gnas par khas blaṅs pas de dag phan tshun (7) sems rjes su sruṅ bas dge ba’i chos rnams kyis mi ’phel te chu med pa nas ut+pa la bźin du gyur na khyod kyis dge sloṅ ma’i dge ’dun gyi phyir dbyar khaṅ byed du ’jud nus sam | des smras pa | ’phags ma bdag la kār ṣā pa ṇa dag ni mchis nas gźi rgyal po dbaṅ (189a1) bas sa gźi’i slad du rgyal po la gsol ba mdzod cig daṅ der bdag gis dbyar khaṅ bgyid du stsal to || dge sloṅ mchos byin btsun mo phreṅ ldan ma’i gan du soṅ ba daṅ | btsun mo phreṅ ldan mas smras pa | ’phags ma byon pa legs so || byon pa legs (2) so || ’phags ma sku don ci źig gi slad du byon | bdag dge sloṅ ma’i dbyar khaṅ źig bgyid du stsol bar ’tshal na | sa gźi rgyal po dbaṅ bas sa gźi’i slad du rgyal po la gsol ba bgyi bar ’tshal lo || ’phags ma khyod bźud cig daṅ | bdag gis ’phags (3) ma’i slad du lha la gsol bar bgyi’o || chos byin soṅ ba daṅ btsun mo phreṅ ldan ma ko sa lar byuṅ ba’i rgyal po gsal rgyal gyi gan du soṅ ste des smras pa | lha khyod kyi pho braṅ du ’phags mchos byin byon par gyur pa ni khyod kyis rñed pa legs par rñed do || de ci’i slad du byon | de dge (4) sloṅ ma’i dbyar khaṅ źig bgyid du stsol bar bźed nas | dog sa rgyal po mṅa’ bas dog sa’i slad du rgyal po la gsol ba bgyid ces mchi’o || rgyal pos smras pa | gal te ’phags ma chos byin re źig gnas ’di ñid du bźed na yaṅ de ’di ñid du bźugs la rag ste | ṅa’i (5) pho braṅ gźan du byed du gźug go || gal te mi bźed na gaṅ du dgyes pa de dbyar khaṅ bgyid du stsol la rag go || btsun mo phreṅ lṅan mas chos byin la lhas ’phags ma la dam pa gsol te | gal te ’phags ma chos byin gnas ’di ñid du bźed na yaṅ de ’di ñid du bźugs (6) la rag ste ṅa’i pho braṅ gźan du byed du gźug go || gal te mi bźed na gaṅ du dgyes pa der dbyar khaṅ bgyid du stsol la rag ces byuṅ ṅo źes spriṅ ṅo || chos sbyin gyis dge bsñen sa ga la ko sa lar byuṅ ba’i rgyal po gsal rgyal gyis bdag la dam pa byin te | gal te (7) ’phags ma chos byin re źig gnas ’di ñid du bźugs la rag ste ṅa’i pho braṅ gźan du byed du gźug go || gal te mi bźed na gaṅ du dgyes pa der dbyar khaṅ bgyid du stsol la rag ces byuṅ ṅo źes spriṅ ṅo || ko sa lar byuṅ ba’i rgyal po gsal rgyal la ral gri’i mthu (189b1) can daṅ | rgyal rigs bzaṅ po la źes bya ba’i khrom gñis yod pa las | ral gri’i mthu can gyi khrom dmag gi gnas su soṅaba daṅ | de dag gi chuṅ ma rnams skyes pa gźan dag daṅ lhan cig dga’ mgur spyod par byed pas phyogs de go skabs dben par gyur nas (2) chos byin gyis smras pa | phyogs ’dir dbyar khaṅ byed du chug śig | dge bsñen sa gas phyogs der dbyar khaṅ byed du bcug nas dge sloṅ ma rnams kyis der gnas par brtsams so || ral gri’i mthu can gyi khrom de dmag gi gnas nas phyir ’oṅs te | de dag gis (3) chuṅ ma de dag bkug ciṅ bkug ciṅ brdeg par brtsams pa daṅ | sraṅ dag na de dag du ba’i sgra rta’i skad daṅ | glaṅ po che’i skad lta bu’i skad mthon po daṅ | skad chen po dag byuṅ ṅo || dge sloṅ ma rnams kyis smras pa | ’phags ma bdag cag dguṅ char gyis ’jigs (4) pas daṅ la kha’i ’og tu źugs so || chos byin gyis bsams pa | ’di dag las kha cig la dge ba’i rtsa ba yod dam sñam du bsams na | yod par mthoṅ ṅo || su la rag lus sñam du bsams na bdag ñid la rag lus par mthoṅ nas des smras pa | nu mo dag gdul (5) ba la ltos pas thams cad bzod par bya’o || chos byin gyis phyogs gcig tu gyo mo sar pa bźag ste dge sloṅ ma rnams la smras pa | nu mo dag khyed cag gaṅ la sder lhag yod pa de thams cad gyo mo ’dir chug śig | de dag la sder lhag ci yod pa de thams cad (6) gyo mo der ’jud par byed do || de na byis pa dag der ’oṅ bar gyur nas chos byin gyis de ni khye’u gaṅ dag yin pa de dag la ni ’bru mar byin nas gcig gis gcig gi mgo skud du bcug ste raṅ gi lag gis bca’ ba dag sbyin par byed do || bu mo gaṅ dag yin pa de dag la ni (7) bdag ñid kyis ’bru mar gyis mgo bskus nas raṅ gi lag gis bca’ ba dag sbyin par byed do || byis pa de dag gis de dag khyer te raṅ raṅ gi khyim dag tu doṅ ba daṅ de dag gi ma dag gis dris pa | khyed cag la ’di dag sus byin | de dag gis smras pa | ’phags ma (190a1) chos byin gyis so || chuṅ ma de dag gis bsams pa | don gyis na ’phags ma chos byin ni bdag cag la ma ma’i bya ba mdzad do sñam du rig nas de la mṅon par dad par gyur te | de dag gis bsams pa | gaṅ gi tshe bdag cag gi khyim thab dag dmag gi (2) gnas su ’doṅ ba de’i tshe na bdag cag gis khyim thab dag bskyal nas ’phags ma chos byin la bsñen bkur bya’o sñam mo || dus gźan źig na de dag gi khyim thab dag dmag gi gnas su ’phags pa daṅ | chos byin gyis de dag ’dul ba’i dus śes nas gtsug lag (3) khaṅ chag chag btab | legs par byugs | lci ba sar pa’i byug pas bskus te ’dag rdzas daṅ | chu daṅ | dri daṅ | bdug pa daṅ | me tog daṅ | pog por bźag nas dge sloṅ ma skad sñan pa dag bskos te bsdad pa daṅ | chuṅ ma de dag kyaṅ khyim thab dag (4) bskyal te chos byin gyi druṅ du lhags nas chos byin gyis de dag la ’dag rdzas daṅ | lag pa bsñal ba’i chu daṅ | dri daṅ | bdug pa daṅ | me tog daṅ | pog por dag byin nas tshigs su bcad pa’i skad kyis mchod rten la phyag ’tshal te dge sloṅ ma’i dge ’dun gyi goṅ (5) du stan bśams pa ñid la ’dug go || de dag kyaṅ de’i rkaṅ pa la phyag ’tshal te chos mñan pa’i phyir mdun du ’khod do || chos byin gyis de dag gi bsam pa daṅ | bag la ñal daṅ | khams daṅ | raṅ bźin khoṅ du chud nas ji nas kyaṅ de dag gis ’jig tshogs (6) la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon sum du byas pa de ltar chos bstan pa byas so || de dag gis bden pa mthoṅ nas smras pa | ’phags ma bdag cag gis dge ba’i bśes gñen ’phags ma la brten nas (7) ’phags mas bdag cag la gaṅ mdzad pa ’di lta bu ni bdag cag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis | (190b1) byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ (2) yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | (3) ’phags ma bdag cag ni mṅon par źugs pa lags so || ’phags ma bdag cag ni mṅon par źugs pa lags te | ’phags ma bdag cag bcom ldan ’das daṅ | chos daṅ | dge sloṅ gi dge ’dun la skyabs su mchis | bdag cag dge bsñen mar (4) gzuṅ du gsol | deṅ slan chad ji srid ’tsho’i bar du glo ba thag pa nas skyabs su mchi’o || de dag mṅon par dad par gyur nas khyim khyim du doṅ ste khyim chag chag btab | legs par byugs | lci ba sar pa’i byug pas bskus te spyod lam źi bas ’khod do de dag gi (5) khyim thab dag dmag gi gnas nas phyir ’oṅ ba na bsams pa | bdag cag gi chuṅ ma glaṅ po che ’tsho ba’am | ba laṅ rdzi’am | su źig daṅ lhan cig dga’ mgur spyod par byed ciṅ ’dug sñam mo || de dag gis bdag cag gi khyim thab dag ’oṅs źes thos so || (6) thos nas kyaṅ bśes pa daṅ bcas pa’i tshig gis rje’i sras dag byon pa legs so || byon pa legs so źes bsu nas de dag raṅ raṅ gi khyim du doṅ ba daṅ | de dag raṅ raṅ gi chuṅ ma dag gis bsku mñe daṅ dril phyi byas te khrus byas nas legs par bskus te zas (7) byin no || de dag gis bsams pa | ’di dag gi spyod lam ’di lta bu ni sṅon ma byuṅ ṅo sñam nas de dag la dris pa | bzaṅ mo dag khyed kyi spyod lam ’di lta bu ’di sṅon ma byuṅ ba yin na ji las gyur | de dag gis smras pa | rje’i sras dag ’phags ma chos byin (191a1) gyis bdag cag la ji nas kyaṅ bdag cag ’khor ba na ’khor ba rnams la slan chad ñon moṅs pa de lta bu kun tu ’byuṅ bar mi ’gyur ba de ltar chos bstan pa mdzad do || de dag gis bsams pa | ’phags ma chos byin ni ma dul ba ’dul bar mdzad pa (2) yin te | des ’di dag btul ba lta ste | gaṅ gi phyir bdag cag gis ’di dag bsad pa daṅ | bciṅ ba daṅ | brdeg pa daṅ | spyo bas gdul bar ma nus pa dag ’phags ma chos byin gyis chos bstan pas btul bas ’phags ma chos byin gyis bdag (3) cag la phan btags kyis | bdag cag gis kyaṅ rgyal po bltas te ’phags ma chos byin la bsñen bkur bya’o sñam mo || chos byin gyis kyaṅ de dag gdul ba’i dus śes nas gtsug lag khaṅ chag chag btab | legs par byugs | lci ba sar pa’i byug (4) pas bskus te ’dag rdzas daṅ | chu daṅ | dri daṅ | bdug pa daṅ | me tog daṅ | pog bor bźag nas dge sloṅ ma skad sñan pa dag bskos te bsdad pa daṅ | de dag kyaṅ rgyal po bltas nas chos byin gyi druṅ du lhags pa daṅ | chos byin gyis de dag la ’dag (5) rdzas daṅ | lag pa bsñal ba’i chu daṅ | dri daṅ | bdug pa daṅ | me tog daṅ | pog por dag byin nas tshigs su bcad pa’i skad kyis mchod rten la phyag ’tshal te dge sloṅ ma’i dge ’dun gyi goṅ du stan bśams pa ñid la ’dug go || de dag kyaṅ de’i rkaṅ (6) pa la phyag ’tshal te chos mñan pa’i phyir mdun du ’khod do || chos byin gyis de dag gi bsam pa daṅ | bag la ñal daṅ | khams daṅ raṅ bźin khoṅ du chud nas ci nas kyaṅ de dag gis ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun (7) du źugs pa’i ’bras bu mṅon sum du byas pa da ltar chos bstan pa byas so || de dag gis bden pa mthoṅ nas smras pa | ’phags ma bdag cag gis dge ba’i bśes gñen ’phags ma la brten nas ’phags mas bdag cag la gaṅ mdzad pa ’di lta bu ni bdag cag (191b1) la phas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs (2) kyis kyaṅ ma bgyis te | khrag daṅ | mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha (3) daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | ’phags ma bdag cag ni mṅon par źugs pa lags (4) so || ’phags ma bdag cag ni mṅon par źugs pa lags te | ’phags ma bdag cag bcom ldan ’das daṅ | chos daṅ | dge sloṅ gi dge ’dun la skyabs su mchis | bdag cag dge bsñen du gzuṅ du gsol | deṅ slan chad ji srid ’tsho’i bar du glo ba thag pa nas (5) skyabs su mchi’o || de dag mṅon par dad par gyur nas yaṅ smras pa | ’phags ma bdag cag gis da ni srog chags grog spur la yaṅ bsams bźin du srog ’gums pa’i rṅo mi thog la | bdag cag ni mtshon chas ’tsho ba lags na bdag cag gis ji ltar bsgrub par (6) bgyi | chos byin gyis smras pa | gźu gźu rgyud med pa dag daṅ | mda’ mde’u med pa dag daṅ | śiṅ gi ral gri dag thogs śig | de dag gźu gźu rgyud med pa dag daṅ | mda’ mde’u med pa dag daṅ | śiṅ gi ral gri dag thogs so || gaṅ gi tshe de dag gis (7) bden pa dag mthoṅ ba de’i tshe na phyin chad brgyan pos rtse bar mi byed | chaṅ ’thuṅ bar mi byed | bud med gźan dag daṅ lhan cig dga’ mgur spyod par mi byed pas de dag loṅs spyod dag gis phyugs pa daṅ ñe bar bsags par gyur to || de dag gi glaṅ po che dag daṅ | rta (192a1) dag kyaṅ yoṅs su ma spyad pas tsho ba daṅ | pags pa daṅ | śa daṅ | khrag rgyas par gyur to || ko sa lar byuṅ ba’i rgyal po gsal rgyal gyi ri brags pa źig log nas der dmag ru gcig btaṅ na bcom pa daṅ | rab tu bcom pa daṅ | so sor bcom (2) par gyur te phyir ’oṅs so || de bźin du ru gñis pa btar na de yaṅ bcom pa daṅ | rab tu bcom pa daṅ | so sor bcom par gyur te phyir ’oṅs nas blon po rnams kyis rgyal po la smras pa | lha ri brags pa’i dpuṅ ni skyes śiṅ lha’i dpuṅ ni ñams te gal te lha ñid der ma (3) gśegs na ri brags pa bsgrub dka’ bar ’gyur ro || rgyal pos dril bsgrags pa byas te ṅa’i yul na mtshon chas ’tsho ba ji sñed ’khod pa de dag thams cad der ’gro bar bya’o źes bsgo nas | rgyal po yaṅ dpuṅ gi tshogs yan lag bźi pa go bskon te chas so || kos lar (4) byuṅ ba’i rgyal po gsal rgyal la ral gri’i mthu can daṅ | rgyal rigs bzaṅ po pa bya ba’i khrom gñis yod pa las ral gri’i mthu can gyi khrom ni mdun du ’gro ba’i mi yin la | rgyal rigs bzaṅ po’i khrom ni phyi nas ’oṅ ba’i mi yin pas rgyal pos ral gri’i mthu can (5) gyi khrom mdun du soṅ ba’i mi dag tsho źiṅ pags pa daṅ | śa daṅ | khrag rgyas pa daṅ | de dag gi glaṅ po che dag daṅ | rta dag kyaṅ tsho źiṅ pags pa daṅ | śa daṅ | khrag rgyas pa mthoṅ ṅo || mthoṅ nas kyaṅ blon po rnams la smras pa | śes ldan dag khrom ’di gaṅ gi (6) yin | de dag gis smras pa | lha’i khro ma ral gri’i mthu can źes bgyi ba mdun du mchi ba lags so || rgyal pos rgyal tu bltas pa daṅ ji tsam na rgyal rigs bzaṅ po pa’i khrom gyi mi dag riṅ pa daṅ | ñam chuṅ ba daṅ | rke ba daṅ | skam pa daṅ | lus ma thob pa daṅ | de (7) dag gi glaṅ po che dag daṅ | rta dag kyaṅ riṅ pa daṅ | ñam chuṅ ba daṅ | rka ba daṅ | skam pa daṅ | lus mtho ba pa mthoṅ ṅo || mthoṅ nas kyaṅ blon po rnams la smras pa | śes ldan dag ’di gaṅ gi khrom yin | de dag gis smras pa | lha’i khrom rgyal rigs (192b1) bzaṅ po pa źes bgyi ba slad bźin mchi ba lags so || rgyal pos smras pa | śes ldan dag ci ’di dag daṅ thaṅ mñam par mi sbyin nam | de dag gis smras pa | lha dbaṅ thaṅ mñam par stsol to || de dag bos śig | de dag bos pa daṅ rgyal pos de dag la smras pa | (2) śes ldan dag khyed cag dbaṅ thag mñam par mi sbyin nam | lha mñam par stsol to || ’o na ci’i phyir ral gri’i mthu can gyi khrom ’di dag ni ’byor ba daṅ | pags pa daṅ | śa daṅ | khrag rgyas par gyur la | rgyal rigs bzaṅ po’i khrom khyed ni rgud pa daṅ | ñam chuṅ ba (3) daṅ | rke ba daṅ | skam pa daṅ | lus ma thob par gyur | lha gal te bdag cag kyaṅ gźug źu rgyud ma mchis pa daṅ | mda’ mde’u ma mchis pa daṅ | źugs śiṅ gi ral gri dag thogs śiṅ mtshon cha dag btsoṅs śiṅ btsoṅs śiṅ ’tshal bar ’gyur na | bdag (4) cag kyaṅ ’byor pa daṅ | pags pa daṅ | śa daṅ | khrag rgyas par ’gyur ro || gźan yaṅ ’di dag gi glaṅ po che dag daṅ | rta dag ni yoṅs su ma spyad la || bdag cag gi rta daṅ | glaṅ po che dag ni yoṅs su spyad do || rgyal pos de dag la smras pa || śes ldan (5) dag khyed de ltar gyur pa bden nam | lha mad do || ci khyed cag da der khrid la ri brags su bsad par ’dod dam | de dag gis smras pa | lha ci lags mtshon chas g-yul sprod dam | mis g-yul sprod || rgyal pos spyos te smras pa || gal te mtshon chas g-yul mi sprod (6) na khyed cag ñid deṅ la ri brags pa de phob śig ces smras te rgyal po de ñid nas phyir log go || ral gri’i mthu can gyi khrom de dag chos byin gyi gan du soṅ ste smras pa | ’phags ma bdag cag rgyal pos dmag gi gnas su bskos na bdag cag gis ji ltar bsgrub par bgyi | (7) chos byin gyis smras pa | deṅ śig daṅ | khyed cag der doṅ ba rnams la ñes dmigs ’ga’ yaṅ ’byuṅ bar mi ’gyur ro || ’di ltar gaṅ daṅ gaṅ du ’braṅ ’debs pa de daṅ der rgyud chags gsum pa ltos śig | ñi ma gaṅ la ri brags skor bar byed pa’i ñi ma de (193a1) la mtshan thams cad du chos mñan pa byin la mi mjed kyi bdag po tshaṅs pa daṅ | lha’i dbaṅ po brgya byin daṅ | ’jig rten skyoṅ ba bźi daṅ | gnod sbyin gyi dmag dpon chen po ñi śu rtsa brgyad daṅ | gnod sbyin gyi dmag dpon chen po lṅas rtse na (2) daṅ | klu’i rgyal po dga’ bo daṅ | ñe dga’i miṅ gis yon bśad pa gyis śig | de dag gis ’phags ma chos byin gyis smras pa la mṅon par bstod pa daṅ | rjes su yi raṅ ba byas te | ’phags nas de dag gaṅ daṅ gaṅ du ’braṅ ’debs pa de daṅ der rgyud chags (3) gsum pa klog par byed ciṅ | gaṅ gi ñin mo ri brags skor bar byed pa de’i ñin mo mtshan thams cad du chos ma ñan pa byin nas mi mjed kyi bdag po tshaṅs pa daṅ | lha’i dbaṅ po brgya byin daṅ | ’jig rten skyoṅ ba bźi daṅ | gnod sbyin gyi dmag dpon chen po ñi śu rtsa brgyad (4) daṅ | gnod sbyin gyi dmag dpon chen po lṅas rtsen daṅ | klu’i rgyal po dga’ bo daṅ | ñe dga’i miṅ gis yon bśad pa byas pa daṅ | de’i tshe na rgyal po chen po rnam thos kyi bu gnod sbyin rnams gnod sbyin ’du bar ’phags pa daṅ | des yon bśad pa byed pa de (5) thos nas des bsams pa | bdag gi miṅ gis yon bśad pa byed pa ’di su źig sñam nas ji tsam na cos kyi spun dag gnas ma yin par bskos pa mthoṅ ṅo || mthoṅ nas kyaṅ gnod sbyin gyi dmag dpon chen pa lṅas rtsen la smras pa | ṅa’i chos kyi spun ’di dag gnas (6) ma yin par bskos kyis soṅ la ri brags de phob ste ’di dag la byin la srog chags ’ga’ la yaṅ mi gnod par gyis śig | gnod sbyin gyi dmag dpon chen po lṅas rtsen gyis rgyal po rnam thos kyi bu las mñan nas | ri’i rtse mo lta bu’i glaṅ po che dag daṅ | rṅa mo lta (7) bu’i rta dag daṅ | gźal med khaṅ lta bu’i śiṅ rta dag daṅ | gnod sbyin gdug pa lta bu’i mi dag mṅon par sprul nas ri brag pa dag gis de dag thag riṅ po kho na nas ’oṅ ba mthoṅ ṅo || de dag gis de dag mthoṅ nas skrag ste bsams pa || yul daṅ srog la gnod (193b1) gyur na || skyes bus kun tu srog bsruṅ bya || blo yis gñis ka dpyad byas na || yul ni yaṅ rñed srog rnams min || sñam nas de dag gis ral gri mgul du btags te ri brag nas byuṅ ba daṅ | de dag gis de dag bzuṅ nas sgyu dpya daṅ bcas te mñan yod du (2) bdas nas kos lar byuṅ ba’i rgyal po gsal rgyal gyi gan du doṅ ste smras pa | lha ri brags pa ni ’di lags | sgyu dpya ni ’di dag lags so || rgyal po dga’ nas des smras pa | śes ldan dag sgyu dpya dag khyed cag ñid khyer cig | de dag gis bsams pa | bdag (3) cag gson źiṅ ltags pa gaṅ yin pa de thams cad ’phags ma chos byin gyi mthu yin pas bdag cag doṅ la sgyu dpya ’di dag ’phags ma chos byin la dbul lo sñam nas de dag gis de dag khyer te chos byin gyi gan du doṅ nas smras pa | ’phags ma bdag cag gson (4) źiṅ lhags pa daṅ | bdag cag gi dpal daṅ skal ba bzaṅ po phun sum tshogs pa gaṅ lags pa de thams cad ’phags ma kho na’i mthu lags kyis | rgyal pos bdag cag la sgyu dpya stsal ba ’di dag ’phags mas thugs brtse ba’i slad du bźes su gsol | (5) des smras pa | bu dag lha rnams kyi naṅ du yaṅ lha dbul ba yod kyis saṅs rgyas daṅ | chos daṅ | dge ’dun la mchod pa gyis śig daṅ | des khyed cag gi yun riṅ po’i don daṅ | phan pa daṅ | bde bar ’gyur ro || de dag gis bcom ldan ’das ñan thos kyi (6) dge ’dun daṅ bcas pa zla ba gsum du yo byad thams cad kyis spyan draṅs nas de dag sṅa dro ni saṅs rgyas daṅ | chos daṅ | dge ’dun la mchod pa dag byed | phyi dro ni chos ñan par byed do || || ’dul ba rnam par ’byed pa | bam po sum (7) bcu rtsa drug pa | dus gźan źig na ko sa lar byuṅ ba’i rgyal po gsal rgyal gyi ri brags pa gźan źig log nas rgyal pos rgyal rigs bzaṅ po pa’i khrom la bsgo ba | deṅ la ri brags pa de phob śig | de dag gis smras pa | lha ba dag cag ni rgud pa lags la | (194a1) ral gri’i mthu can gyi khrom ni ’byor pa lags na | ’di’i tshe de dag la bka’ stsal ciṅ bdag cag res gźan la mchi bar ci gnaṅ | rgyal pos ral gri’i mthu can gyi khrom la bsgo ba | deṅ la ri brags pa che ge mo źig phob śig | de dag gis smras (2) pa | lha bdag cag gis res ’khor lags so || deṅ śig daṅ res gźan la mi btaṅ ṅo || de dag gis bsams pa | de’i tshe ni bdag cag gis gnod sbyin gyi dmag dpon chen po lṅas rtsen gyi mthus ri brags pa de phab kyi | da ni bdag cag gis de ñid du ’chi (3) bar bya dgos par ’gyur bas ’di ltar bdag cag gis ’phags pa dag zla ba gsum du yo byad thams cad kyis spyan draṅs pa de dag la chos gos dag phul te ’doṅ bar bya’o sñam nas | de dag chos gos dag thogs te gtsug lag khaṅ du doṅ nas dge sloṅ rnams la smras pa | (4) ’phags pa dag bdag cag rgyal pos dmag gi gnas su btaṅ ste | gal te na bdag cag de ñid du ’gum par ’gyur ba gaṅ lags pa de lta bu’i gnas kyaṅ mchi bar ’gyur bas chos gos ’di dag bźes su gsol | dge sloṅ rnams kyis smras pa | bźin bzaṅs dag (5) bcom ldan ’das kyis dge sloṅ rnams kyis dbyar gyi rñed pa dbyar gyi naṅ du bgo bar mi bya’o źes bslab pa’i gźi bca’ ba mdzad pas bdag cag mi len to || de dag gis smras pa | ’phags pa dag khyed cag gis bźes te źog la dgag dbye bgyis nas bgo bar mdzod (6) cig ces de dag gis de dag gi gnas khaṅ du bcug ste doṅ ṅo || de dag ’phags pa daṅ khyim bdag mgon med zas sbyin gyis mthoṅ nas smras pa | śes ldan dag gar ’doṅ | khyim bdag dmag gi gnas gnas su mchi’o || khyed kyis res ma ’khor ram | khyim (7) bdag res ’khor ro || ’o na ci’i phyir ’doṅ | lha’i źal nas deṅ śig daṅ res gźan du mi btaṅ ṅo źes byuṅ ṅo || kho bos lha la źus de’i bar du yud tsam źig sdod cig | de rgyal po’i gan du soṅ ste smras pa | lhas ral gri’i mthu can gyi khrom gaṅ du bka’ stsal | (194b1) khyim bdag ri brags pa che ge mo źig log nas de ’bebs su’o || lha de dag gis res ma ’khor ram | khyim bdag res ’khor ro || ’o na ji’i slad du bka’ stsal | res gźan du mi btaṅ bar byas so || ci lhas gźu gźu rgyud ma mchis pa daṅ | mda’ mde’u ma (2) mchis pa daṅ | źugs śiṅ gi ral gri thogs pa de dag gis ri brags pa dag mi phebs par mi mkhyen tam | gźan yaṅ de dag ni saṅs rgyas kyi sras śa stag ste | de dag gis srog chags grog sbur la yaṅ bsams bźin du srog ’gums pa’i rdo mi thog go || (3) ’di ltar de’i tshe yaṅ de dag gis gnod sbyin gyi dmag dpon chen po lṅas rtsen gyi mthus ri brags pa de phab pa || ’di ltar de dag der mchis su lags na noṅs dmigs ’ga’ źig kyaṅ ’byuṅ bar ’gyur źiṅ | des lha la yaṅ ma legs par ’gyur gor ma bkum mo || (4) khyim bdag ji de dag saṅs rgyas kyi sras śa stag yin nam | lha de lags te de dag gis dge ba’i bśes gñen ’phags ma chos byin la brten nas thams cad kyis rgyun du źugs pa’i ’bras bu mṅon sum du bgyis so || ko sa lar byuṅ ba’i rgyal po gsal (5) rgyal gyis blon po rnams la bsgo ba | śes ldan dag deṅ phyin chad khyed kyis dmag dpon ’phags skyes po la bsgo bar bya’i || ral gri’i mthu can gyi khrom la bsgo bar mi bya’o || de nas ral gri’i mthu can gyi khrom de dag phyir mkhos su phab nas dge sloṅ rnams kyis dgag dbye (6) byas pa’i tshe dge sloṅ de dag de dag gi gan du doṅ ste smras pa | bźin bzaṅs dag kho bo cag dgag dbye byas kyis chos gos dag byin cig | ’phags pa dag bdag cag gis chos gos dag phul lags kyis de dag bźes śig | dge sloṅade dag doṅ ste gnas khaṅ sgo phye ba daṅ | (7) phyogs des snum źiṅ mṅar bas chos gos de dag sril dag gis rmugs te rdul du brlags te ’dug par snaṅ ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag gos sbed pa’i dge sloṅ bsko (195a1) bar bya ste | gos sbed pa’i dge sloṅ chos lṅa daṅ ldan pa ni ma bskos pa ni bsko bar mi bya la | bskos pa yaṅ dbyuṅ bar bya ste | lṅa gaṅ źe na | ’dun pas ’gro ba daṅ | źe sdaṅ gis ’gro ba daṅ | gti mug gis ’gro ba daṅ | ’jigs pas (2) ’gro ba daṅ | gos kyi rñed pa spas pa daṅ ma sbas pa mi śes pa’o || gos sbed pa’i dge sloṅ chos lṅa daṅ ldan pa ni ma bskos pa yaṅ bsko bar bya la | bskos pa yaṅ dbyuṅ bar mi bya ste | lṅa gaṅ źe na | ’dun pas mi ’gro ba daṅ | źe sdaṅ gis mi ’gro ba daṅ | (3) gti mug gis mi ’gro ba daṅ | ’jigs pas mi ’gro ba daṅ | gos sbas pa daṅ ma sbas pa śes pa’o || ’di ltar bsko bar bya ste | je daṅ por spro bar bya ste | miṅ ’di źes bya ba khyod dbyar dge ’dun gyi rñed pa sbed par spro’am | gal te spro na des spro’o źes (4) brjod par bya’o de’i ’og tu gnas mal bśam pa byas te | gaṇ+ḍī brduṅs nas dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa la dge sloṅ gcig gis gsol ba byas te las bya’o || dge ’dun btsun pa (5) rnams gsan du gsol | dge sloṅ miṅ ’di źes bgyi ba ’di dbyar dge ’dun gyi gos kyi rñed pa sbed par spro na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ miṅ ’di źes bgyi ba ’di dbyar (6) dge ’dun gyi gos kyi rñed pa sbed par bsko bar bgyi ste | dge sloṅ miṅ ’di źes bgyi ba ’di dbyar dge ’dun gyi gos kyi rñed pa sbed do || ’di ni gsol ba’o || las ni ’di ltar bya ste dge ’dun btsun pa rnams gsan du gsol | dge sloṅ miṅ ’di źes bgyi ba ’di (7) dbyar dge ’dun gyi gos kyi rñed pa sbed par bsko ste | dge sloṅ miṅ ’di źes bgyi ba ’di dbyar dge ’dun gyi gos kyi rñed pa sbed par bsko na | tshe daṅ ldan pa gaṅ dag dge sloṅ miṅ ’di źes bgyi ba ’di dbyar dge ’dun gyi gos kyi rñed pa sbed par bsko bar bzod pa (195b1) de dag ni caṅ ma gsuṅ śig | gaṅ dag mi bzod pa de dag ni gsuṅ śig | dge ’dun gyis bzod ciṅ gnaṅ nas dge ’dun gyis dge sloṅ miṅ ’di źes bgyi ba ’di dbyar dge ’dun gyi gos kyi rñed pa sbed par bskos lags te | ’di ltar caṅ mi gsuṅ bas de de (2) bźin du ’dzin to || de nas bcom ldan ’das kyis bslab pa ’dod pa rnams daṅ | bslab pa la gus pa rnams daṅ | bslab pa la yo byad bsñuṅs pa rnams daṅ | phri ba rnams daṅ | sbyaṅs pa’i yon tan rnams daṅ | mdzes pa rnams daṅ | drod rig pa (3) rnams kyi bsṅags pa brjod nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni gnaṅ ba yin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gis ston zla tha chuṅs (4) ñar źag bcus ma tshaṅ ba tshun chad du brtad pa las byuṅ ba’i gos źig rñed la ’dod na dge sloṅ des gos de blaṅ bar bya’o || blaṅs nas gos sbyin pa’i dus kyi bar du bcaṅ bar bya’o || de las ’das par ’chaṅ na spaṅ ba’i ltuṅ byed do || dge sloṅ gis źes bya (5) ba ni chos ’di pas so || ston zla tha chuṅs ñar źag bcus ma tshaṅ ba tshun chad du źes bya ba ni źag bcu na dgag dbye ’byuṅ ba tshun chad du’o || brtad pa las byuṅ ba’i gos śig ces bya ba ni brtad pa las byuṅ ba’i gos lṅa po dag ste | lṅa gaṅ źe na nad pa la sbyin pa (6) daṅ | nad pa’i phyir sbyin pa daṅ | ’chi ba la sbyin pa daṅ | śi ba’i phyir sbyin pa daṅ | ’gro bar chas pa la sbyin pa’o || rñed pa la źes bya ba ni gźan las so || ’dod na źes bya ba ni gal te don du gñer na’o || dge sloṅ des źes bya ba ni dge sloṅ gaṅ (7) yin pa des so || gos de źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos daṅ | ras bal gyi gos daṅ | ko tam pa’i gos daṅ | ñi ’og gi gos las gaṅ yaṅ ruṅ ba’o || blaṅ bar bya’o źes bya ba ni (196a1) bdag gir bya ba’o || blaṅs nas gos sbyin pa’i dus kyi bar du bcaṅ bar bya’o źes bya ba ni sba bar bya’o || dge sloṅ gi gos sbyin pa’i dus ni gaṅ yin | dus ma yin pa ni gaṅ yin źe na | srab rkyaṅ ma btiṅ ba’i gnas na ni ston zla tha chuṅs ña (2) tshun chad ni gos sbyin pa’i dus ma yin la | lhag ma ni dus yin no || sra brkyaṅ btiṅ ba’i gnas na ni ston zla tha chuṅs ña phan chad nas dpyid zla ’briṅ po ña tshun chad ni dus ma yin la | lhag ma ni dus yin no || de las ’das par ’char na źes bya ba ni de las thal bar ’chaṅ (3) na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam du dbyar gyi rñed pa dbyar gyi naṅ du bdag gir byed (4) dam | gos sbyin pa’i dus las ’das par ’chaṅ na thams cad du spaṅ ba’i ltuṅ byed du ’gyur ro || brtad pa las byuṅ ba’i gos lṅa po dag bdag gir byed pa daṅ | sbyin bdag gis raṅ gi lag nas sbyin par byed na ltuṅ ba med do || gos sbed pa’i dge sloṅ (5) bskos pa daṅ | sbyin bdag ’oṅs te ’phags pa dag bźes śig daṅ | gos ’di bdag mchis nas raṅ gi sug pa ñid nas dbul lo źes zer ba la ltuṅ ba med do || las daṅ po pa daṅ | smyos pa daṅ | sems ’khrugs pa daṅ tshor ba dag gis ñen pa (6) la ltuṅ ba med do || brtad pa las byuṅ ba’i spaṅ ba ste ñi śu drug pa rdzogs s+ho || ||

[Naiḥsargika 27]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod nas ha caṅ mi riṅ ba na ri (7) brags źig yod pa de na khyim bdag phyug pa nor maṅ ba | loṅs spyod che ba źig ’dug ste de yaṅ dad pa can bzaṅ ba dge ba’i bsam pa can yin pas des dge ’dun la bsṅos te gtsug lag khaṅ rta babs mthon po daṅ | skar khuṅ daṅ | skar khuṅ dra ba can daṅ | lan (196b1) kan gyis brgyan pa | sñiṅ daṅ mig ’phrog pa mtho ris kyi them skas su gyur pa źig byed du bcug go || gtsug lag khaṅ der dag sloṅ drug bcus dbyar dgag dbye dag byas te doṅ nas khyim bdag des der ma byin par len pa dag gis khri’am khri’u dag ma ba rkus par (2) gyis śig ces sruṅ ma’i mi bźag go || ji tsam dus gźan źig na dge sloṅ gźan drug bcu ljoṅs rgyu źiṅ ’gro ba na ri brags der phyin nas | bsti gnas rñed par byed pa na mi źig gis smras pa | ’phags pa dag khyed cag ci’i slad du gtsug lag khaṅ du mi (3) gnas | bźin bzaṅs gtsug lag khaṅ ga la yod | ’phags pa dag dgon pa ’di na’o || dge sloṅ de dag der doṅ ba daṅ | sruṅ ma’i mis mthoṅ nas | des ’oṅs pa legs so źes bya ba’i tshig gis bsñen bkur byas te gnas khaṅ dag bskos nas khri daṅ (4) khri’u daṅ stan naṅ tshaṅs can daṅ | la ba la sogs pa dag phul te | spyaṅs tsha gas g-yar nas smas pa | ’phags pa dag re źig chas btsag par mdzod cig daṅ de’i bar du bdag gis khyim bdag la brjod par bgyi’o źes mi de khyim bdag gi druṅ du soṅ ste smras (5) pa | khyim bdag dgyes pa skyed cig | khyod kyi gtsug lag khaṅ du dge sloṅ blo bur du lhags pa drug bcu mchis so || khyim bdag gus par sgrim pa daṅ bcas pas naṅ mi dag la smras pa | śes ldan dag kho bo’i gtsug lag khaṅ du dge sloṅ gi dge ’dun byon pa (6) dag legs par sbyar ba’i btuṅ bas tshim par byas | bu ram daṅ | hwags daṅ | li kha ra daṅ | rgun ’brum daṅ | bal po se’u loṅ śig ces khyim bdag des legs par sbyar ba’i btuṅ ba sbyar nas gtsug lag khaṅ du soṅ ba daṅ | dge sloṅ dag kyaṅ (7) chu btsags te raṅ raṅ gi spyod lam gyis ’khod do || khyim bdag des dge sloṅ de dag thag riṅ po kho na nas mthoṅ ste | des gtsug lag khaṅ de mtsho pad mas gaṅ ba bźin du mthoṅ nas | rgya cher dad pa’i śugs kyis bsgyur ba’i rgyud kyis tshigs su bcad (197a1) pa smras pa ||

groṅ ṅam yaṅ na dgon pa’aṅ ruṅ || gśoṅ ṅam yaṅ na thaṅ yaṅ ruṅ ||
gaṅ na ’os pa gnas pa yi || sa gźi de na dga’ byed yin ||

de nas legs par sbyar ba’i btuṅ ba sta gon byas te | raṅ gi lag nas dge sloṅ (2) gi dge ’dun de dag tshim par byas nas raṅ ñid kyis pog por thogs te | dge sloṅ gi dge ’dun daṅ lhan cig mchod rten la phyag ’tshal nas | gtsug lag khaṅ du źugs te rgan pa’i mtha’i logs su ’dug go dge ’dun gyi gnas brtan gyis yon bśad (3) nas khyim bdag des rkaṅ pa gñis la phyag ’tshal te | saṅ bdag gi sdum par ’phags pa’i dge ’dun gyis gdugs tshod gsol bar ci gnaṅ źes smras pa dge sloṅ rnams kyis kyaṅ daṅ du blaṅs nas | khyim bdag de rkaṅ pa gñis la phyag ’tshal te soṅ (4) ṅo || khyim bdag des phyi de ñin par zas bsod pas dge sloṅ dag tshim par byas śiṅ dus ma yin par yaṅ btuṅ ba blud nas dge sloṅ rnams kyis kyaṅ chos bstan to || phyis kyaṅ de kho na bźin du dge ’dun gyi gnas brtan gyis yon bśad pa daṅ | (5) khyim bdag de rgan pa’i mtha’ logs su ’dug ste smras pa | ’phags pa dag bdag gis gtsug lag khaṅ ’di bdag ñid kyi slad du yaṅ bgyid du ma stsal | ñe du rnams kyi slad du yaṅ bgyid du ma stsal gyi | ’di ltar ’phags pa rnams kyi slad du stsal pa lags (6) kyis | ’di ñid du dbyar gnas par źal gyis bźes śig daṅ | bdag gis ’phags pa rnams la yo byad thams cad kyis mi brel bar bgyi’o || dge sloṅ rnams kyis smras pa | khyim bdag mñan yod na bcom ldan ’das chos kyi rje mṅon sum du bźugs śiṅ | (7) dus daṅ dus su dge sloṅ che ge mo źig gis ni dgra bcom pa ñid mṅon sum du byas | che ge mo źig gis ni mi sdug pa’i bar grub po źes śes pa brda sprod pa dag kyaṅ thos par ’gyur | rgyal po yaṅ bstan pa la śin tu dad | btsun mo phreṅ ldan ma daṅ | rgyal (197b1) rigs dbyar tshul ma daṅ | bla mkhyen draṅ sroṅ byin daṅ | rñiṅ pa daṅ | dge bsñen ma sa ga daṅ | ri dgas ’dzin gyi ma daṅ | gźan yaṅ dad pa can maṅ du yod pas der zaṅ ziṅ gi loṅs spyod daṅ | chos kyi loṅs spyod chen po yaṅ ’grub pas bdag cag de ñid du ’doṅ (2) ṅo || ’phags pa dag chos kyi loṅs spyod ni ’phags pa dag ñid la rag las pa lags kyi | zaṅ ziṅ gi loṅs spyod ni bdag la rag las pa lags pas dgyes pa bskyed cig daṅ cuṅ zad kyaṅ ñams par mi ’gyur ro || dge ’dun gyi gnas brtan gyis smras pa | tshe daṅ ldan (3) pa dag bcom ldan ’das kyis dad pa can gyi dad pa spel bar bya źiṅ sbyin bdag la rjes su sñiṅ brtse bar bya’o źes gsuṅs pas | ’di ñid du ’khod par bya’o źes de dag der ’khod nas | blo brtan pas gtsug lag khaṅ de’i phyi naṅ bcas par so sor brtag par brtsams (4) pa daṅ | gtsug lag khaṅ de me tog phun sum tshogs pa | ’bras bu phun sum tshogs pa | śin tu dga’ bar mthoṅ nas | dge ’dun gyi gnas brtan gyis smras pa | tshe daṅ ldan pa dag gtsug lag khaṅ ’di me tog phun sum tshogs pa | ’bras bu (5) phun sum tshogs pa | śin tu dga’ ba yin pas gal te bdag cag gis ’dir dbyar sṅa mar gnas par khas blaṅs na me tog daṅ ’bras bu thams cad yoṅs su loṅs spyod par mi ’gyur gyis | bdag cag gis ṅes par dbyar phyi mar gnas par khas blaṅ bar bya’o || (6) źes de dag gis der dbyar phyi mar gnas par khas blaṅs so || khyim bdag de la gtsug lag khaṅ de gcig pu ’ba’ źig yod pas de sbyin pa daṅ bya bar sems pa gaṅ yin pa de thams cad gtsug lag khaṅ de ñid du sbyin źiṅ byed do || ri brags de na yaṅ gtsug (7) lag khaṅ gźan med pas ri brags pa de dag kyaṅ sbyin pa daṅ bya bar sems pa gaṅ yin pa de thams cad gtsug lag khaṅ de ñid du sbyin par byed do || ri brags de’i ñen kor na yaṅ gtsug lag khaṅ gźan med pas ri brags kyi ñen kor pa de dag kyaṅ sbyin pa daṅ bya (198a1) bar sems pa gaṅ yin pa de thams cad gtsug lag khaṅ de ñid du sbyin źiṅ byed pas der dbyar gnas par khas blaṅs pa’i dge sloṅ rnams la rñed pa maṅ po byuṅ ṅo || ston zla tha chuṅs kyi g-yon can dag gi kun tu spyod pa ni dag ga dbye byas ma thag tu (2) ’dus te bdag cag gis las ci źig byas na des brtsal mi dgos par lo skor du loṅs spyod ciṅ bde bar ’khod par ’gyur źes phan tshun gros byed do || de dag ’di sñam du sems te | śākya ’i sras kyi dge sloṅ ’di dag gźom par bya’o sñam mo || gźan dag gis (3) smras pa | de dag ni sgo ’phar brgya sñed bzla ba byas kyaṅ lto kheṅs pa ’grub par dka’ bas | de dag la ci yaṅ med na bdag cag ci’i phyir yun de srid du bsdad par bya | de na dge sloṅ gi rgyus śes pa cig ’dug pas smras pa | khyod ci śes de dag la maṅ du yod do || (4) ji ltar re źig gtsug lag khaṅ ’di gaṅ gi yin pa’i khyim bdag de ni dad pa can bzaṅ pa | dge ba’i bsam pa can yin la | khyim bdag de la yaṅ gtsug lag khaṅ de gcig pu ’ba’ źig yod pas de sbyin pa daṅ bya bar sems pa gaṅ yin pa de thams cad gtsug lag (5) khaṅ ’di ñid du sbyin źiṅ byed do || ri brags ’di na yaṅ gtsug lag khaṅ gźan med pas ri brags pa ’di dag kyaṅ sbyin pa daṅ bya bar sems pa gaṅ yin pa de thams cad gtsug lag khaṅ ’di ñid du sbyin źiṅ byed do || ri brags ’di’i ñe ’khor na yaṅ gtsug lag khaṅ gźan (6) med pas ri brags kyi ñe ’khor ba ’di dag kyaṅ sbyin pa daṅ bya bar sems pa gaṅ yin pa de thams cad gtsug lag khaṅ ’di ñid du sbyin źiṅ byed pas ’dir dbyar gnas par khas blaṅs pa’i dge sloṅ rnams la rñed pa maṅ po byuṅ ṅo || gal te yid mi ches na soṅ la ltos (7) śig daṅ raṅ ñid kyi mṅon sum du ’gyur ro || gal te de lta na khyod ñid je soṅ la mṅon sum du gyis śig daṅ kho bo cag phyis ’oṅ ṅo || de smras pa | legs kyis de bźin gyis śig daṅ | kho bo ’gro’o źes de gos tshags bcos te ’phags śiṅ | de nas tshigs (198b1) su bcad pa’i dbyaṅs kyis mchod rten la phyag ’tshal te gtsug lag khaṅ der źugs so || ji tsam na sgo khaṅ na rgan źugs śig ’dug nas g-yon can des de’i rkaṅ pa la phyag ’tshal te dri bar brtsams pa | ’phags pa gtsug lag khaṅ sñiṅ daṅ mig ’phrog pa | mtho (2) ris kyi them skas su gyur pa ’di su’i lags | bźin bzaṅs khyim bdag che ge mo źig gi yin no || ’phags pa ci ’di gtsug lag khaṅ lags sam | ’on te phoṅs pa lags | bźin bzaṅs gtsug lag khaṅ ni ji lta bu yin | phoṅs pa ni ji lta bu yin | ’phags (3) pa gaṅ na yo byad phun sum tshogs pa ni gtsug lag khaṅ lags so || gaṅ na yo byad ma mchis pa ni phoṅs pa lags so || bźin bzaṅs ’on ’di ni gtsug lag khaṅ yin gyi phoṅs pa ma yin te ’di na yo byad phun sum tshogs pa yod kyi | ’di na yo byad med pa ma (4) yin no || ’phags pa zas za ba ni ’ga’ yaṅ sa rdul mi za la | gos dag gyon pa ni ’ga’ yaṅ śiṅ śun dag mi gyon pas khyed cag la gos cuṅ zad ma mchis sam | rgan źugs de draṅ po’i raṅ bźin can yin pas des g-yon can de’i lag nas bzuṅ ste gnas (5) khaṅ du bcug nas smras pa | bźin bzaṅs gos kyi gdaṅ gos dag gis phur śog ciṅ ’dug pa la ltos | ’phags pa ci ’di khyod kyi lags sam | ’on te dge ’dun gyi lags | bźin bzaṅs ’di kho bo gaṅ zag gi yin no || ’phags pa ’o na khyod ni gor (6) ma bkum par dge ’dun gyi gnas brtan nam | chos sgrog pa źig lags so || bźin bzaṅs kho bo ni dge ’dun gyi gnas brtan yaṅ ma yin la | chos sgrog pa yaṅ ma yin te | ’di ltar kho bo ni dge ’dun gyi gsar bu dge tshul źig yin no || ’phags pa de ni (7) mṅal na ’di na dge ’dun gyi gnas mal cuṅ zad ma mchis sam | bźin bzaṅs maṅ du yod de re źig kho bo’i byug ris su yaṅ dṅos po bdun po dag ’thob bo || ’phags pa de yaṅ mjal gyis ’di źu’o || gtsug lag khaṅ ’di na gaṅ la la ’tshal ma bgyid pa de (199a1) ji rdza mkhan gyi snod du ’tshed dam | ’on te zaṅs ma’i snod du ’tshed bźin bzaṅs khyod kyis gnas khaṅ ’di dag mthoṅ ṅam | ’phags pa mthoṅ ṅo || bźin bzaṅ gnas khaṅ ’di dag zaṅs ma’i snod kyis gaṅ źiṅ ’dug go || g-yon can (2) ṅes bsams pa | legs par brid zin gyis da ni ’gro’o sñam nas g-yon can des smras pa | ’phags pa khyod kyi dge ba’i phyogs yoṅs su ñams pa ni bdag gi don yoṅs su ñams pa lags pas bdag slad kyis kyaṅ mchi yis da ni mchi’o || bźin bzaṅs de (3) bźin gyis śig | g-yon can des rgan źugs de’i rkaṅ pa la phyag ’tshal te soṅ nas g-yon can de chom rkun pa de dag gi druṅ du soṅ ste smras pa | pad ma’i mig can dag rdzas thams cad kyis gaṅ ba’i gru bo che skam sa na ’dug gis phrogs śig | phrogs (4) śig | de na gcig gis smras pa | de na ’khod pa’i rab tu byuṅ ba drug bcu po dag ni ’phoṅ gi slob dpon śa stag yin źes grags pas de bźin du gźom par mi nus kyis | gaṅ gi tshe de dag mtshan mo chos ñan pa de’i tshe gźom mo || gźan dag gis smras pa | (5) ñi ma gaṅ la de dag gi chos ñan pa ’byuṅ bar ’gyur | des smras pa | tshes brgyad daṅ | bcu bźi la ’byuṅ ste | de la tshes brgyad ni thal zin pas tshes bcu bźi la ’byuṅ bar ’gyur ro || de dag sor mo dag gis ñi ma bgraṅ źiṅ ’khod ’khod nas | ji tsam na tshes bcu (6) bźi la bab ste | dge ’dun gyi gnas brtan gyis so sor thar pa’i mṅo bton te | dge ’dun gyis gso sbyoṅ byas nas chos sgrog pa seṅ ge’i khri la ’dzegs te ’di skad ces | mi mchog gdul ba’i kha lo sgyur mdzad pa || kun sbyor ’chiṅ ba gcod pa de bźin gśegs || (7) dbaṅ po źi źiṅ ñer źi źi la mkhas || mñan yod źugs pas bka’ bźin byed la gsuṅs || źes smra bar brtsams pa daṅ | g-yon can de dag gis sgo brduṅs so || dge sloṅ dag gis tshor nas smras pa | śes ldan dag khyed cag su yin | ’phags pa dag (199b1) bdag cag rigs kyi bu dag go || dge sloṅ rnams kyis bsams pa | ri brags nas skye bo’i tshogs dag chos ñan du lhags gor ma chag gis sgo dbye’o sñam nas | de dag gis sgo phye ba daṅ de dag źugs so || ji tsam na gźom par brtsams pa daṅ | dge sloṅ (2) rnams kyis smras pa | śes ldan dag khyed cag na re bdag cag rigs kyi bu dag go źes zer na | da ṅed cag ’joms par byed dam | de dag gis smras pa | ’phags pa dag bdag cag la miṅ gñis mchis te | slad rol du ni rigs kyi bu dag ces bgyi la | (3) naṅ du ni chom rkun pa dag ces bgyi’o || khyed cag gi miṅ ’dogs par byed pa ni ñams so || g-yon can de dag gis dge sloṅ de dag bcom ste doṅ nas dge sloṅ bcom pa de dag gis gros byas pa | tshe daṅ ldan pa dag bcom ldan ’das kyis lhag ma daṅ bcas (4) par gźom par bya’o źes gsuṅs pas | re źig khyim bdag ’di phyogs bźi’i dge sloṅ gi dge ’dun la sbyin du bcug ste yaṅ ci bya | bdag cag la sbyin du bcug ste yaṅ ci bya | bdag cag mñan yod ñid du doṅ na der bdag cag la tshaṅs pa mtshuṅs par spyod (5) pa dag gis chos gos dag gis mi phoṅs par byed par ’gyur ro źes gros byas so || ji ltar ’dod par bya | mtshan mo ’gebs pas ’doṅ źiṅ ñin mo thibs por źugs te ’gro bar bya’o źes de dag gis khyim bdag la yaṅ ma bltas par doṅ ṅo || ji tsam (6) na mthar gyis mñan yod du phyin pa daṅ dge sloṅ dag nam gyi cha stod daṅ nam gyi cha smad la mi ñal bar sbyor ba’i rjes su brtson par gnas pa de dag gis dge sloṅ de dag sgren mor sgo’i gam yo na rgyu ba mthoṅ nas smras pa | gcer bu sgre byi dag khyed cag ’dir ci ’dod ’di khyed (7) kyi gtsug lag khaṅ yaṅ ma yin la | ’dug gnas kyaṅ ma yin no || de dag gis smras pa | tshe daṅ ldan pa dag bdag cag gcer bu dag ma yin no || ’on khyed su yin | dge sloṅ dag go || ’di lta bu dag dge sloṅ yin nam | gaṅ dag chom rkun pa dag (200a1) gis bcom pa de dag ji lta bu yin | khyed cag miṅ ci | saṅs rgyas ’tsho’o || chos ’tsho’o || dge ’dun ’tsho’o || tshe daṅ ldan pa dag ’oṅs pa legs so ’oṅs pa legs so źes de dag gis sgo phye nas dge sloṅ de dag ’jug tu bcug ste | (2) de dag la la las ni chos gos byin | la las ni śam thabs byin | la las ni rdul zan byin | la las ni lhuṅ bzed phyin | la las ni chu tshags byin te | bgo bśa’ ji lta ba bźin du thams cad du thams cad bgo bśa’ byas pa’i skabs de dge sloṅ rnams kyis bcom (3) ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ dag dgon pa pas chos gos gsum las chos gos gaṅ yaṅ ruṅ ba khyim gźan du gźag par bya’o || bcom ldan ’das kyis chos gos gsum las chos gos (4) gaṅ yaṅ ruṅ ba khyim gźan du gźag par bya’o źes bka’ stsal nas | de dag de ñid du doṅ ste ñal bar byed pa daṅ | bram ze daṅ khyim bdag rnams kyis smras pa | ’phags pa dag khyed cag ci’i slad du ’dir gzims par mdzed | kho bo cag gis chos gos dag (5) ’di rag źag go || ’phags pa dag ci khyod kyi chos gos dag rku bar bgyid dam | gal te thugs mi ches na snoms te bźud cig ces zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | der ñal (6) bar mi bya’o || de dag phyir doṅ ste skya reṅs ’char bar byed pa daṅ | bud med kyi yul sgren mor ñal ba de dag gis smras pa | ’phags bdag khyed cag ci’i slad du mtshan mo ñid la ’dir byon | kho bo cag gis ’dir chos gos dag bźag go || ’phags pa (7) dag ci khyed cag gi chos gos dag rku bar bgyid dam | gal te thugs mi ches na snoms te bźud cig ces zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | der skya reṅs ’char bar mi bya’o || (200b1) de dag phyis der doṅ ste baṅ rim du skya reṅs ’char bar byed pa daṅ | de dag chom rkun pa dag daṅ | g-yon can dag daṅ | seṅ ge dag daṅ | stag daṅ | guṅ dag gi dbaṅ du gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan (2) ’das kyis bka’ stsal pa | gtsug lag khaṅ du skya reṅs ’char bar bya’o || dge sloṅ rnams la dge ’dun gyi daṅ | mchod rten gyi daṅ | gaṅ zag gi bya ba’i phyir mtshams kyi phyi rol du ’gro dgos par gyur pa de dag bdag cag gis khyim gźan du chos gos dag (3) gźag go źes der mi ’gro ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dgon pa pas źag drug gi mtha’ tshun chad du chos gos de daṅ mtshams kyi phyi rol du ’bral bar bya’o || dge sloṅ (4) drug sde dag bsams bźin du źag bdun du ’bral bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya (5) ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin ste | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag ṅas dge sloṅ dgon (6) pa pas źag drug gi mtha’ tshun chad du chos gos de daṅ mtshams kyi phyi rol du ’bral bar bya’o źes gsuṅs na | khyed cag bsams bźin du źag bdun du mtshams kyi phyi rol du ’bral bar byed pa bden nam | btsun pa mad do || saṅs rgyas bcom ldan ’das kyis dge (7) sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas | dge sloṅ rnams la (201a1) bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di (2) ltar gdon par bya ste | dge sloṅ rab tu maṅ po dag gnas mal dgon pa dogs pa daṅ bcas par grags pa | ’jigs pa daṅ bcas par grags pa ’jigs pa tha dad pas ’jigs su ruṅ ba daṅ bcas par grags pa dag tu dbyar phyi mar gyur la | dge sloṅ dgon pa pas ’dod na chos (3) gos gsum las chos gos gaṅ yaṅ ruṅ ba khyim gźan du gźag par bya’o || dge sloṅ dgon pa pa la mtshams kyi phyi rol du ’gro dgos pa de lta bu’i rkyen źig byuṅ na dge sloṅ dgon pa pa des źag drug gi mtha’ tshun chad du chos gos de daṅ mtshams kyi phyir rol du ’bral bar (4) bya’o || de las ’das par ’bral na spaṅ ba’i ltuṅ byed do || dge sloṅ źes bya ba ni chos ’di pa’o || rab tu maṅ po dag ces bya ba ni gñis yan chad rab tu maṅ po dag yin no || gnas mal źes bya ba ni gtsug lag khaṅ ṅo || dgon pa źes bya ba ni rdul phra rab (5) drug la rdul phra mo gcig go || rdul phra mo drug la chu rdul gcig go || chu rdul drug la lcags rdul gcig go || lcags rdul drug la ri boṅ rdul gcig go || ri boṅ rdul drug la lug rdul gcig go || lug rdul drug la glaṅ rdul gcig go || glaṅ rdul drug (6) la ñi zer gyi rdul gcig go || ñi zer gyi rdul drug la sro ma gcig go || sro ma drug la śig gcig go || śig drug la nas gcig go || nas drug la sor gcig go || sor bźi drug la khru gaṅ ṅo || khru phyed daṅ bźi la mi’i srid do || khru bźi la gźu’o || (7) gźu lṅa brgya la rgyaṅ grags te de phan cad dgon pa’o || dogs pa daṅ bcas par grags pa źes bya ba ni chom rkun pa daṅ | g-yon can gyis ’jigs par grags pa’o || ’jigs pa daṅ bcas par grags pa źes bya ba ni seṅ ge daṅ | stag daṅ | guṅ gis (201b1) ’jigs par grags pa’o || ’jigs pa tha dad pas ’jigs su ruṅ ba daṅ bcas par grags pa dag tu źes bya ba ni śa sbraṅ daṅ | sbraṅ bu mchu riṅs daṅ | rluṅ daṅ | ñi ma daṅ | sdig sbrul gyi ’jigs pa tha dad pas ’jigs su ruṅ ba daṅ bcas par grags pa dag (2) tu’o || dbyar phyi mar gyur la źes bya ba ni dbyar phyi mar gnas par khas blaṅs par gyur la’o || dge sloṅ dgon pa pas źes bya ba ni dge sloṅ gaṅ yin pa des so || ’dod na źes bya ba ni gal te don du gñer na’o || chos gos gsum las chos gos gaṅ yaṅ (3) ruṅ ba źes bya ba ni snam sbyar daṅ | bla gos daṅ | mthaṅ gos las gaṅ ’dod pa’o || khyim gźan du źes bya ba ni gaṅ na lam po che daṅ | sraṅ daṅ | bźi mdo daṅ | sum mdo dag yod par ro || gźag par bya’o źes bya ba ni gtams par bya ba’o || (4) dge sloṅadagona pa pa la mtshams kyi phyi rol du ’gro dgos pa de lta bu’i rkyen źig byuṅ na źes bya ba ni dge ’dun gyi’am | mchod rten gyi’am | gaṅ zag gi bya ba’i phyir mtshams kyi phyi rol du ’gro dgos pa de lta bu’i rkyen źig byuṅ na’o || dge sloṅ dgon pa pa des źes (5) bya ba ni dge sloṅ gaṅ yin pa des so || źag drug gi mtha’ tshun cad du źes bya ba ni ñin mtshan drug gi mtha’ tshun cad du’o || chos gos de daṅ mtshams kyi phyi rol du ’bral bar bya’o źes bya ba ni chos gos bźag pa gaṅ yin pa de daṅ ṅo || de las ’das par ’bral na (6) źes bya ba ni de las lhag par skya reṅs ’char bar byed na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | ’di ltar dge sloṅ (7) dgon pa pas chos gos gsum las chos gos gaṅ yaṅ ruṅ ba daṅ mtshams kyi phyi rol du bral na thams cad du spaṅ ba’i ltuṅ byed du ’gyur ro || ’di’am der bar chad brgyad po ’di lta ste | rgyal po’i ’jigs pa daṅ | chom rkun pa’i ’jigs pa daṅ | mi’i ’jigs (202a1) pa daṅ | chu’i ’jigs pa daṅ | seṅage’i ’jigs pa daṅ | stag gi ’jigs pa daṅ | mi’i ’jigs pa daṅ | mi ma yin pa’i ’jigs pa las gaṅ yaṅ ruṅ ba ñe bar gnas pa la ltuṅ ba med do || las daṅ po pa daṅ | smyos pa daṅ | (2) sems ’khrugs pa daṅ | tshor ba dag gis ñen pa la ltuṅ ba med do || źag bdun gyis ’bral ba’i spaṅ ba ste ñi śu bdun pa rdzogs s+ho || ||

[Naiḥsargika 28]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na (3) bźugs so || bcom ldan ’das kyis dge sloṅ gis dbyar gyi gos ras chen bcaṅ bar bya’o źes bka’ stsal nas | de na dge sloṅ gaṅ dag sṅa mas dbyar gnas pa khas len pa de dag ni raṅ gi dus yin no || źes tshol bar byed ciṅ bdag cag gis ci’i phyir mi bcaṅ (4) źes ’chaṅ bar byed do || phyi mas dbyar gnas par khas len pa de dag kyaṅ raṅ gi dus yin no || źes ’chaṅ bar byed ciṅ bdag cag gis ci’i phyir mi btsal źes tshol bar byed de | de dag ha caṅ myur bar tshol ba daṅ | ha caṅ yun riṅ du ’chaṅ bar byed pas bya ba maṅ ba daṅ | (5) byed pa maṅ bar gyur te | luṅ mnod pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed nas | dge sloṅ don ñuṅ du dag bcom ldan ’das kyis dge sloṅ gis dbyar gyi gos ras chen bcaṅ bar bya’o źes gsuṅs na (6) ci’i phyir de dag ha caṅ myur du tshol bar byed ciṅ ha caṅ yun riṅ du ’chaṅ bar byed pas bya ba daṅ byed la maṅ bar gyur te | luṅ mnod pa daṅ | kha ton daṅ | rnal ’byor daṅ | yid la bya ba daṅ | naṅ gi sems kyi źi gnas gtoṅ bar byed ces smod par byed | phyar (7) ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma (202b1) bźin no || saṅs rgyas bcom ldan ’das rnams mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ rnams la rmas pa | dge sloṅ dag khyed ṅas dge sloṅ gis dbyar gyi gos ras chen bcaṅ (2) bar bya’o źes gsuṅs na | khyed cag ha caṅ myur du tshol ba daṅ | ha caṅ yun riṅ du ’chaṅ bar byed pa bden nam | btsun pa mad do || saṅs rgyas bcom ldan ’das kyis gso dka’ ba daṅ | dgaṅ dka’ ba daṅ | ’dod pa che ba daṅ | chog mi śes pa rnam par (3) smad pa mdzad do || de nas bcom ldan ’das kyis gso slab daṅ | dgaṅ sla ba daṅ | ’dod pa chuṅ ba daṅ | chog śes pa daṅ | phri ba daṅ | sbyaṅs pa’i yon tan daṅ | mdzes pa daṅ | drod rig pa’i bsṅags pa brjod nas dge sloṅ rnams la bka’ stsal pa | (4) dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gis (5) so ga rnams kyi zla ba gcig lus na dbyar gyi gos ras chen btsal bar bya’o || dbyar zad nas ’og tu zla ba phyed kyi bar du bcaṅ bar bya’o || gal te dge sloṅ gis so ga rnams kyi zla ba gcig lus pa’i sṅon rol du dbyar gyi gos ras chen tshol bar byed dam | dbyar zad (6) nas ’og tu zla ba phyed las ’das par ’chaṅ na spaṅ ba’i ltuṅ byed do || dge sloṅ gis źes bya ba ni chos ’di pas so || so ka rnams kyi zla ba gcig lus na źes bya ba ni zla ba gcig na dbyar ñe bar sgrub pa ’byuṅ bar ’gyur ba na’o || dbyar gyi gos ras chen źes bya (7) ba ni char pa bab pa’i gos so || btsal bar bya’o źes bya ba ni gźan las so || dbyar zad nas ’og tu zla ba phyed kyi bar du bcaṅ bar bya’o źes bya ba ni dgag dbye byas nas zla ba phyed kyi bar du’o || gal te dge sloṅ gis so ga rnams kyi zla ba gcig lus pa’i sṅon (203a1) rol du dbyar gyi gos ras chen tshol bar byed dam źes bya ba ni de’i mdun rol du’o || dbyar zad nas ’og tu zla ba phyed las ’das par ’chaṅ na źes bya ba ni de las ’das par ro || spaṅ ba’i ltuṅ byed do źes bya ba ni dṅos po de spaṅs nas ltuṅ (2) byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | sṅa ma daṅ | phyi ma las te | de la gaṅ dag dbyar sṅa mar gnas par khas len pa de dag la ni ha caṅ yaṅ yun riṅ du ’chaṅ na spaṅ ba’i ltuṅ (3) byed du ’gyur ro || gaṅ dag dbyar phyi mar gnas par khas len pa de dag la ha caṅ myur du tshol na spaṅ ba’i ltuṅ byed du ’gyur ro || de ltar na dge sloṅ gis ji tsam du ha caṅ myur du tshol bar byed pa daṅ | ha caṅ yun riṅ du ’chaṅ bar byed na thams cad du spaṅ ba’i ltuṅ (4) byed du ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || dbyar gyi ras chen gyi spaṅ ba ste ñi śu brgyad pa rdzogs s+ho || ||

[Naiḥsargika 29]
saṅs rgyas bcom ldan ’das śākya rnams kyi naṅ (5) na śākya rnams kyi groṅ rdal wa tshoṅs can źes bya ba na bźugs so || de’i tshe na khyim bdag cig gis raṅ gi dad pa daṅ | raṅ gi gcugs pa daṅ | raṅ gi daṅ bas gtsug lag khaṅ byed du bcug nas tshe daṅ ldan pa sgra can zin la gaṅ zag gir phul lo || (6) de nas tshe daṅ ldan pa sgra can zin gtsug lag khaṅ der ji tsam pa de tsam ’dug nas lhuṅ bzed daṅ chos gos thogs te ljoṅs rgyur soṅ ṅo || khyim bdag des ’phags pa sgra can zin gtsug lag khaṅ der ji tsam pa de tsam ’dug nas lhuṅ bzed dar chos gos thogs te (7) ljoṅs rgyur soṅ źes thos so thos nas kyaṅ khyim bdag des gtsug lag khaṅ de dge ’dun la phul lo || de nas tshe daṅ ldan pa sgra can zin ci dgar ljoṅs su ’dug nas śākya rnams kyi groṅ rdal wa tshoṅs can ga la ba der rgyu źiṅ soṅ ba na mthar gyis rgyu źiṅ ’gro ba’i tshe (203b1) wa tshoṅs can du phyin nas tshe daṅ ldan pa sgra can zin gyis khyim bdag des gtsug lag khaṅ de dge ’dun la phul la źes thos so || thos nas kyaṅ bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ (2) gcig tu ’dug go || mtha’ gcig tu ’dug nas bcom ldan ’das la tshe daṅ ldan pa sgra can zin gyis ’di skad ces gsol to || btsun pa ’din khyim bdag cig gis raṅ gi dad pa daṅ raṅ gi gcugs pa daṅ | raṅ gi daṅ bas gtsug lag khaṅ bgyid du stsal nas (3) bdag la gaṅ zag gir stsal te | bdag gtsug lag khaṅ der ci tsam pa de tsam mchis nas lhuṅ bzed daṅ | chos gos ’tshal te ljoṅs rgyur mchis pa daṅ khyim bdag des ’phags pa sgra can zin gtsug lag khaṅ der ci tsam pa de tsam mchis nas lhuṅ bzed daṅ | (4) chos gos ’tshal te | ljoṅs rgyur mchis źes thos te thos nas kyaṅ khyim bdag des gtsug lag khaṅ de dge ’dun la phul na | btsun pa de la bdag gis da ji ltar bgyi | sgra can zin tshur śog | khyod khyim bdag de ga la ba der soṅ la phyin nas khyim bdag de la ’di (5) skad ces khyim bdag khyod kho bo’i lus sam | ṅag la cuṅ zad smod par mi byed dam źes smros śig | tshe daṅ ldan pa sgra can zin gyis btsun pa bka’ bźin ’tshal źes bcom ldan ’das las mñan nas khyim bdag de ga la ba der soṅ ste phyin nas khyim bdag de la ’di (6) skad ces smras so || khyim bdag khyod kho bo’i lus sam | ṅag la cuṅ zad smod par mi byed dam | ’phags pa sgra can zin bdag khyod kyi sku’am | gsuṅ la cuṅ zad kyaṅ smod par mi bgyid do || de nas tshe daṅ ldan pa sgra can zin bcom ldan ’das ga la ba der soṅ (7) ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la tshe daṅ ldan pa sgra can zin gyis ’di skad ces gsol to || btsun pa ’di na bdag khyim bdag ga la ba der mchis (204a1) te phyin nas khyim bdag de la ’di skad ces khyim bdag khyod kho bo’i lus sam | ṅag la cuṅ zad smod par mi byed dam źes bgyis na | de ’di skad ces ’phags pa sgra can zin bdag khyod kyi sku’am | gsuṅ la smod pa cuṅ zad kyaṅ ma mchis so źes (2) mchi’o || de’i chen tshe daṅ ldan pa kun dga’ bo bcom ldan ’das kyi snam logs na ’dug par gyur ciṅ bsil yab thogs te bcom ldan ’das la g-yob ciṅ ’dug go || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo (3) soṅ la dge sloṅ ji sñed pa wa tshoṅs can ñe bar rten ciṅ ’khod pa de dag thams cad dpoṅ sa’i khaṅ par bsdus śig | tshe daṅ ldan pa kun dga’ bos btsun ba bka’ bźin ’tshal | źes bcom ldan ’das las mñan nas dge sloṅ ji sñed wa tshoṅs can ñe bar rten ciṅ ’khod (4) pha de dag thams cad dpoṅ sa’i khaṅ par bsdus nas bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la tshe daṅ ldan pa kun dga’ bos ’di (5) skad ces gsol to || btsun pa dge sloṅ ji sñed wa tshoṅs can ñe bar rten ciṅ mchis pa de dag thams cad dpoṅ sa’i khaṅ par mchis śiṅ mthun par gyur na | bcom ldan ’das kyis da de’i dus la bab par mkhyen par mdzad du gsol || de nas bcom ldan ’das dpoṅ (6) sa’i khaṅ pa gal ba der gśegs te byon nas | dge sloṅ gi dge ’dun gyi goṅ du gdan bśams pa ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag gaṅagisa gaṅ zag gcig la sbyin pa byin nas gźan gcig (7) la sbyin par byed pa ni chos daṅ ldan pa’i sbyin pa ma yin źiṅ chos daṅ ldan pa’i yen pa ma yin la | loṅs spyad du ruṅ ba ma yin no || gźan gñis sam | rab tu maṅ po’am | dge ’dun la sbyin par byed pa yaṅ chos daṅ ldan pa’i sbyin pa ma yin źiṅ chos daṅ ldan pa’i (204b1) len pha ma yin la loṅs spyad du ruṅ ba ma yin no || dge sloṅadaga gaṅ gis gñis la sbyin pa byin nas gźan gcig la sbyin par byed pa ni chos daṅ ldan pa’i sbyin pa ma yin źiṅ chos daṅ ldan pa’i len pa ma yin la | loṅs spyad du ruṅ ba ma yin no || gźan gñis sam | (2) rab tu maṅ po’am | dge ’dun la sbyin par byed pa yaṅ chos daṅ ldan pa’i sbyin bam yin źiṅ chos daṅ ldan pa’i len pa ma yin la loṅs spyad du ruṅ ba ma yin no || dge sloṅ dag gaṅ gis rab tu maṅ po la sbyin pa byin nas gźan gcig la sbyin par byed pa ni chos daṅ (3) ldan pa’i sbyin pa ma yin źiṅ chos daṅ ldan pa’i len pa ma yin la loṅs spyad du ruṅ ba ma yin no || gźan gñis sam | rab tu maṅ po’am | dge ’dun la sbyin par byed pa yaṅ chos daṅ ldan pa’i sbyin pa ma yin źiṅ chos daṅ ldan pa’i len pa ma yin la | loṅs spyad (4) du ruṅ bam yin no || dge sloṅ dag gaṅ gis dge ’dun la sbyin pa byin nas gźan gcig la sbyin par byed pa ni chos daṅ ldan pa’i sbyin pa ma yin źiṅ chos daṅ ldan pa’i len pa ma yin la | loṅs spyad du ruṅ ba ma yin no || gźan gñis sam | rab tu maṅ po’am | (5) dge ’dun la sbyin par byed pa yaṅ chos daṅ ldan pa’i sbyin pa ma yin źiṅ chos daṅ ldan pa’i len pa ma yin la | loṅs spyad du ruṅ ba ma yin no || dge sloṅ dag gaṅ gis dge ’dun bye źiṅ gñis su gyur te phyogs daṅ gźan gyi phyogs su rnam par gnas pa na phyogs gcig (6) la sbyin pa byin nas | phyogs gñis pa la sbyin par byed pa ni chos daṅ ldan pa’i sbyin pa ma yin źiṅ chos daṅ ldan pa’i len pa ma yin la | loṅs spyad du ruṅ ba ma yin no || dge sloṅ dag gaṅ gis gaṅ zag gcig la sbyin pa byin nas gźan gcig la sbyin par mi byed pa (7) ni chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || gźan gñis sam | rab tu maṅ po’am | dge ’dun la sbyin par mi byed pa yaṅ chos daṅ ldan pa’i sbyin pa yin źiṅ chos daṅ ldan pa’i len pa yin la | (205a1) loṅs spyad du ruṅ ba yin no || dge sloṅ dag gaṅ gis gñis la sbyin pa byin nas gźan gcig la sbyin par mi byed pa ni chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || gźan gñis sam | (2) rab tu maṅ po’am | dge ’dun la sbyin par mi byed pa yaṅ chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || dge sloṅ dag gaṅ gis rab tu maṅ po la sbyin pa byin nas gźan gcig la sbyin par mi byed pa ni chos (3) daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || gźan gñis sam | rab tu maṅ po’am | dge ’dun la sbyin par mi byed pa yaṅ chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs (4) spyad du ruṅ ba yin no || dge sloṅ dag gaṅ gis dge ’dun la sbyin pa byin nas gźan gcig la sbyin par mi byed pa ni chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || gźan gñis sam | rab tu maṅ po’am | (5) dge ’dun la sbyin par mi byed pa yaṅ chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || dge sloṅ dag gaṅ gis dge ’dun byed źiṅ gñis su gyur la phyogs dag gźan gyi phyogs su rnam par gnas pa na phyogs (6) gcig la sbyin pa byin nas | phyogs gñis pa la sbyin par mi byed pa ni chos daṅ ldan pa’i sbyin pa yin źiṅ chos daṅ ldan pa’i len pa yin la | loṅs spyad du ruṅ ba yin no || dge sloṅ dag de lta bas na sṅa ma ni sbyin pa yin la | phyi ma ni ma yin no || rgyal po ni (7) sa gźi la dbaṅ la | bdag po ni gnas mal la dbaṅ | dge sloṅ ni lhuṅ bzed daṅ chos gos la dbaṅ ṅo || sbyin pa po daṅ sbyin bdag gis raṅ gi sbyin par bya ba’i chos mṅon par ’du bya bar ni ruṅ gi raṅ gis gźan la sbyin du ni mi ruṅ ṅo || dge sloṅ dag dge sloṅ sgra (205b1) can zin la gtsug lag khaṅ de phyir byin cig | dge sloṅ de dag gis tshe daṅ ldan pa sgra can zin la gtsug lag khaṅ de phyir byin no || ’di ni re źig byuṅ ba yin gyi bcom ldan ’das re źig ’dul bal ñan thos rnams kyi bslab pa’i gźi ’cha’ bar ni mi mdzad do || (2) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || bsod sñoms pa źig gis khyim bdag cig skyabs su ’gro ba daṅ | bslab pa’i gźi dag la bźag nas dus gźan źig na bsod sñoms pa des (3) khyim bdag de la rdzas las byuṅ ba’i bsod nams bya ba’i gźi bdun po dag gi bsṅags pa brjod pa daṅ | khyim bdag des smras pa | ’phags pa bdag gis kyaṅ re źig rdzas las byuṅ ba’i bsod nams bgyi ba’i gźi cuṅ źig bgyi’o || de bźin gyis śig | ci źig (4) bgyi | saṅs rgyas la sogs pa dge sloṅ gi dge ’dun mchod ston gsol cig | de bźin bgyi’o || na bza’ dbul ba yaṅ cuṅ zad yod dam | ’phags pa bdag ni loṅs spyod srab pa lags mod kyi ras zuṅ gcig dbul lo || ’phags pa khyod kyis saṅ bdag (5) gi miṅ gis saṅs rgyas la sogs pa dge sloṅ gi dge ’dun gdugs tshod la spyan draṅ du gsol || bsod sñoms pa des tshogs pa’i dus su khyim bdag de’i miṅ gis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs pa daṅ | (6) dge sloṅ rnams kyis smras pa | bsod sñoms pa khyod khyim dad par byed par gyur to || bsod sñoms pa ci khyim bdag gis yon daṅ bcas pa’i mchod ston gsol lam | ’on te yon med pa’i mchod ston gsol | tshe daṅ ldan pa dag yon daṅ bcas pa ste | ’on kyaṅ (7) khyim bdag de loṅs spyod sras pa lags pas ’di ltar ras zuṅ gcig ’bul lo || ñe daga’asa thos nas des bsams pa | gaṅ gis saṅs rgyas la sogs pa dge sloṅ gi dge ’dun la ras zuṅ gcig ’bul ba de ni chen po la ’o sa pa źig ’byuṅ gor mchag gis (206a1) gal te bdag gis ras zuṅ de ma phrogs na ñe dga’ źes bya ba’i miṅ mi gzuṅ ṅo sñan nas ñe dga’ de’i phyi de ñin par sṅa dro śam thabs bgos | lhuṅ bzed daṅ chos gos thogs te khyim bdag de’i khyim du soṅ ba daṅ | ji tsam na des khyim bdag de mchod (2) ston sbyor ba mthoṅ nas | des khyim bdag de la dris pa | khyim bdag ci byed | ’phags pa mchod ston sbyor ro || khyim bdag bcom ldan ’das kyis sems can gaṅ dag sṅa dro’i dus kyi tshe lus kyis legs par spyad ciṅ spyod || ṅag daṅ yid kyis legs par spyad ciṅ (3) spyod pa’i sems can de dag la dus de na sṅa dro bzaṅ por ñe bar gnas par ’gyur la | sems can gaṅ dag guṅ tshigs kyi dus kyi tshe daṅ | phye ma red kyi dus kyi tshe lus kyis legs par spyad ciṅ spyod | ṅag daṅ yid kyis legs par spyad ciṅ spyod pa’i sems can de dag la (4) dus de na guṅ tshigs bzaṅ po daṅ phye ma red bzaṅ por ñe bar gnas par ’gyur ro źes bka’ stsal pa de ni legs par gsuṅs pa yin no || khyim bdag gos sbyin pa yaṅ cuṅ zad yod dam | ’phags pa bdag ni loṅs spyod sra pa pa la gas te ’on kyaṅ ras zuṅ gcig ’dul (5) lo || khyim bdag ras zuṅ de ci ’dra ba lta’o || des bstan pa daṅ ci tsam na bzaṅ bar mthoṅ nas ñe daga’asa smras pa | khyim bdag khyod la yoṅs su btaṅ ba las byuṅ ba’i bsod nams ni yod na yoṅs su loṅs spyad pa las byuṅ ba’i bsod nams ni lan ’ga’ yaṅ med (6) do || bcom ldan ’das kyi ’khor stoṅ ñis brgya lṅa bcu la ras zuṅ stoṅ ñis brgya lṅa bcus ’grub pas ’dis ni re źig chos gos kyi gdaṅ kho na la yoṅs su zad par bya dgos par ’gyur ro || bcom ldan ’das kyis kyaṅ zas kyi rñed pa byuṅ na ni pu la sa’i ’dab mas kyaṅ (7) bgo bar bya la | gos kyi rñed pa byuṅ na ni mar me’i sñiṅ por ruṅ bas kyaṅ bge bar bya’o źes gsuṅs na | gal te ’ged par mi byed na khyod kyi ’di yaṅ loṅs spyod par mi ’gyur ro || des smras pa | ’phags pa gaṅ gis bdag la yoṅs su btaṅ ba las byuṅ ba’i bsod (206b1) nams kyaṅ mchis la | yoṅs su loṅs spyad pa las byuṅ ba’i bsod nams kyaṅ mchis par ’gyur pa’i thabs ci mchis | khyim bdag gal te khyod kyis śākya ’i rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol ba’i (2) spobs pa can gaṅ yin pa de la ras zuṅ ’di bskon na de lta na khyoṅ la yoṅs su btaṅ ba las byuṅ ba’i bsod nams daṅ | yoṅs su loṅs spyad pa las byuṅ ba’i bsod nams su yaṅ ’gyur ro || des smras pa | ’phags pa śākya ’i rigs las rab tu byuṅ ba | sde snod (3) gsum daṅ ldan pa | chos sgrog pa | rigs pa daṅ grol ba’i spobs pa can su mchis | khyim bdag kho bo ñid śākya ’i rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol ba’i spobs pa can yin no || khyim bdag des ñe (4) dga’ la ’phags pa khyod ras zuṅ ’di bźes śig ces sbyin par brtsams pa daṅ | ñe daga’asa smras pa | khyim bdag khyod sbyin pa sbyin yaṅ mi śes sam | gaṅ gi tshe saṅs rgyas la sogs pa dge sloṅ gi dge ’dun mchod ston gsol ba de’i tshe na khyod kyis rgan pa’i mtha’ (5) logs su rjes su yi raṅ ba byed du chug la kho bo la byin cig | ’phags pa de bźin bgyi’o źes khyim bdag des de las mñan nas khyim bdag des de’i ’og tu saṅs rgyas la sogs pa dge sloṅ gi dge ’dun mchod ston gsol nas ras zuṅ de rgan pa’i mtha’ logs (6) su yi raṅ bar mdzod cig | rjes su yi raṅ bar mdzod cig ces rjes su yi raṅ bar byed du bcug nas ñe dga’ la byin no || dge sloṅ rnams kyis dge skos la smras pa | ñe dga’ las ras zuṅ de loṅ śig | dge skos kyis ñe dga’ la smras pa | ras zuṅ de ’on (7) cig | ci gtsug lag khaṅ du khyer te sbyin nas | dge skos kyis smras pa | ma yin te | ’di ni dge ’dun la phul ba yin no || ñe daga’asa smras pa | khyod ci’i phyir raṅ gi lhuṅ bzed daṅ | chos gos dge ’dun la dbul bar mi byed | ’di ni kho bol byin pa (207a1) yin no || de nas bcom ldan ’das kyis yon bśad pa mdzad nas gdan las bźeṅs te gśegs pa daṅ bsod sñoms pa de skyeṅs nas de ñid du ’dug go || de nas bsod sñoms pa des saṅs rgyas la sogs pa dge sloṅ gi dge ’dun bźud (2) nas riṅ po ma lon par rig nas khyim bdag de la ’di skad ces smras so || khyim bdag gis gźan du ’brug bsgrags la gźan du char phab bo || ’phags pa ji ltar bgyi | btsun pa ñe dga’i mchid nas khyim bdag khyod la yoṅs su btaṅ ba las byuṅ ba’i (3) bsod nams ni yod na yoṅs su loṅs spyad pa las byuṅ ba’i bsod nams ni lan ’ga’ yaṅ med de | bcom ldan ’das kyi ’khor stoṅ ñis brgya lṅa bcu la ras zuṅ stoṅ ñis brgya lṅa bcus ’grub pas ’di ni re źig chos gos kyi gdaṅ kho na la yoṅs su zad par bya (4) dgos par ’gyur ro || bcom ldan ’das kyis kyaṅ zas kyi rñed pa byuṅ na ni pu la sa’i ’dab mas kyaṅ bgo bar bya la | gos kyi rñed pa byuṅ na ni mar me’i sñiṅ por ruṅ bas kyaṅ bgo bar bya’o źes gsuṅs na | gal te bged par mi byed na ni khyod kyi ’di yaṅ loṅs spyad par (5) mi ’gyur ro źes mchi nas bdag gis de la ’di skad ces ’phags pa gaṅ gis bdag la yoṅs su btaṅ ba las byuṅ ba’i bsod nams kyaṅ mchis la | yoṅs su loṅs spyad pa las byuṅ ba’i bsod nams kyaṅ mchis par ’gyur ba’i thabs ci mchis źes bgyis na | btsun (6) pa ñe dga’i mchid nas khyim bdag gal te khyod kyis śākya ’i rigs las rab tu byuṅ ba sde snod gsum daṅ ldan pa | chos sgrog pa | rigs pa daṅ grol ba’i sbobs pa can gaṅ yin pa de la ras zuṅ ’di bskon na de lta na khyod la yoṅs su btaṅ ba las byuṅ ba’i bsod nams (7) daṅ | yoṅs su loṅs spyad pa las byuṅ ba’i bsod nams su yaṅ ’gyur ro źes mchi’o || bdag gis de la ’di skad ces ’phags pa śākya ’i rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grel ba’i spobs pa can su (207b1) mchis źes bgyis na | btsun pa ñe dga’ bdag la ’di skad ces khyim bdag kho bo ñid śākya ’i rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol ba’i spobs pa can yin no źes mchi nas | bdag gis btsun pa ñe dga’ (2) la ’phags pa khyod ras zuṅ ’di bźes śig ces sbyin par brtsams pa daṅ | btsun pa ñe dga’i mchid nas khyim bdag khyod sbyin pa sbyin yaṅ mi śes sam | gaṅ gi tshe saṅs rgyas la sogs pa dge sloṅ gi dge ’dun mchod ston gsol ba de’i tshe khyod kyis rgan pa’i (3) mtha’ logs su rjes su yi raṅ ba byed du chug la kho bo la byin cig ces mchi nas | bdag gis de kho na bźin du bgyis pas ’di la bdag gis noṅs ba ci mchis | bsod sñoms pa de gtsug lag khaṅ du soṅ ba daṅ | dge sloṅ rnams kyis de la smras pa | bsod (4) sñoms pa daṅ ris mthun pa gaṅ yin pas kyaṅ khyim bdag cig ji ltar dad pas bskyed na des kyaṅ gźan du ’brug bsgrags la gźan du char phab bo || des smras pa | des ci ñes ’di ltar der gcig cig gis soṅ ste ’di skad ces khyim bdag ’di ni khyod la yoṅs su btaṅ (5) ba las byuṅ ba’i bsod nams ni yod na | yoṅs su loṅs spyad pa las byuṅ ba’i bsod nams ni lan dga’ yaṅ med de | bcom ldan ’das kyi ’khor stoṅ ñis brgya lṅa bcu la ras zuṅ stoṅ ñis brgya lṅa bcus ’grub pas ’di ni re źig chos gos kyi gdaṅ kho na la yoṅs su zad (6) par bya dgos par ’gyur ro || bcom ldan ’das kyis kyaṅ zas kyi rñed pa byuṅ na ni pu la sa’i ’dab mas kyaṅ bgo bar bya la | gos kyi rñed pa byuṅ na ni mar me’i sñiṅ por ruṅ bas kyaṅ bgo bar bya’o źes gsuṅs na gal te ’ged par mi byed na ni khyod kyi ’di yaṅ loṅs spyad par mi (7) ’gyur ro źes zer nas ’di skad ces ’phags pa gaṅ gis bdag la yoṅs su btaṅ ba las byuṅ ba’i bsod nams kyaṅ mchis la | yoṅs su loṅs spyad pa las byuṅ ba’i bsod nams kyaṅ mchis par ’gyur ba’i thabs ci mchis źes byas na | de na re ’di skad ces gal (208a1) te khyod kyis śākya ’i rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol pa’i spobs pa can gaṅ yin pa de la ras zuṅ ’di bskon na de lta na khyod la yoṅs su btaṅ ba las byuṅ ba’i bsod nams daṅ (2) yoṅs su loṅs spyad pa las byuṅ ba’i bsod nams su yaṅ ’gyur ro || źes zer ro || des ’di skad ces śākya ’i rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol ba’i spobs pa can su yod ces byas na de na re kho bo ñid śākya ’i (3) rigs las rab tu byuṅ ba | sde snod gsum daṅ ldan pa | chos sgrog pa | rigs pa daṅ grol ba’i spobs pa can yin no źes zer nas | des de la ras zuṅ de sbyin par brtsams pa daṅ | de na re khyim bdag khyod sbyin pa sbyin yaṅ mi śes sam | gaṅ gi tshe saṅs rgyas (4) la sogs pa dge sloṅ gi dge ’dun mchod ston gsol ba de’i tshe khyod kyis rgan pa’i mtha’ logs su rjes su yi raṅ bar byed du chug la kho bo la byin cig ces zer nas | des de kho na bźin byas pas des ñes pa ci yod | dge sloṅ don ñuṅ ṅu dag ci’i phyir dge sloṅ (5) dag dge ’dun la bsṅos pa’i rñed pa śes bźin du gaṅ zag bdag la sṅos ’jug ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ (6) gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe (7) dga’ la rmas pa | ñe dga’ khyod dge ’dun la bsṅos pa’i rñed pa śes bźin du gaṅ zag bdag la bsdor ’jug pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba (208b1) ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad par mdzad do || de nas bcom ldan ’das kyis rnam graṅs dums rnam par smad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ (2) dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge ’dun la bsṅos pa’i rñed pa (3) śes bźin du gaṅ zag bdag la sgyur du ’jud na spaṅ ba’i ltuṅ byed do || yaṅ dge sloṅ gaṅ źes bya ba ni śākya ’i bu ñe dga’ ’am gźan yaṅ de lta bu gaṅ yin pa’o || dge ’dun la źes bya ba ni de bźin gśegs pa’i ñan thos kyi dge ’dun la’o || bsṅos pa’i źes bya (4) ba ni gzas pa’i ’o || rñed pa źes bya ba ni rñed pa gñis te | gos kyi rñed pa daṅ | zas kyi rñed pa ste | don ’dir ni gos kyi rñed pa yin par dgoṅs so || śes bźin du źes bya ba ni bdag ñid kyis de śes par gyur pa’am | gźan dag gis brjod pas so || (5) gaṅ zag bdag la sgyur du ’jud na źes bya ba ni bdag ñid la ’bul du ’jud na’o || spaṅ ba’i ltuṅ byed do źes bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || || (6) ’dul ba rnam par ’byed pa | bam po sum bcu rtsa bdun pa | de la ltuṅ bar ji ltar ’gyur źe na | dge sloṅ gis gaṅ zag gcig la bsṅos pa’i rñed pa gaṅ zag bdag la sgyur du ’jud na de sgyur du ’jud pa la ñes byas su ’gyur la | thob na spaṅ ba’i ltuṅ byed du ’gyur (7) ro || dge sloṅ gis gaṅ zag gñis la bsṅos pa’i rñed pa gaṅ zag bdag la sgyur du ’jud na de sgyur du ’jud pa la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gis gaṅ zag rab tu maṅ po dag la bsṅos pa’i rñed pa gaṅ zag bdag (209a1) la sgyur du ’jud na de sgyur du ’jud pa la ñes byas su ’gyur la | thob na spaṅ ba’i ltuṅ byed du ’gyur ro || dge sloṅ gis dge ’dun la bsṅos pa’i rñed pa gaṅ zag bdag la sgyur du ’jud na de sgyur du ’jud pa la ñes byas su ’gyur la | thob na (2) spaṅ ba’i ltuṅ byed du ’gyur ro || dge sloṅ gis gaṅ zag gźan gcig la sgyur du ’jud na de sgyur du ’jud pa la ñes byas su ’gyur la | thob na ñes byas ñid du ’gyur ro || dge sloṅ gis gaṅ zag gcig la bsṅos pa’i rñed pa (3) gaṅ zag gźan gñis la sgyur du ’jud na ṅe sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag gcig la bsṅos pa’i rñed pa gaṅ zag gźan rab tu maṅ po dag la sgyur du ’jud na de sgyur du ’jud pa la ñes byas (4) su ’gyur la | thob na yaṅ ñes byas su ’gyur ro || dge sloṅ gis gaṅ zag gcig la bsṅos pa’i rñed pa dge ’dun la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag gñis la (5) bsṅos pa’i rñed pa gaṅ zag gźan gcig la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag gñis la bsṅos pa’i rñed pa gaṅ zag gźan gñis la sgyur du ’jud na de sgyur du ’jud pa la ñes (6) byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag gñis la bsṅos pa’i rñed pa gaṅ zag gźan rab tu maṅ po dag la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis (7) gaṅ zag gñis la bsṅos pa’i rñed pa dge ’dun la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag rab tu maṅ po dag la bsṅos pa’i rñed pa gaṅ zag gźan gcig la sgyur du ’jud na de (209b1) sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag rab tu maṅ po dag la bsṅos pa’i rñed pa gaṅ zag gźan gñis la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du (2) ’gyur ro || dge sloṅ gis gaṅ zag rab tu maṅ po dag la bsṅos pa’i rñed pa gaṅ zag gźan rab tu maṅ po dag la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gaṅ zag rab tu maṅ po (3) dag la bsṅos pa’i rñed pa dge ’dun la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis dge ’dun la bsṅos pa’i rñed pa gaṅ zag gcig la sgyur du ’jud na de sgyur du ’jud pa la ñes byas su ’gyur la | (4) thob na yaṅ ñes byas ñid du ’gyur ro || dge sloṅ gis dge ’dun la bsṅos pa’i rñed pa gaṅ zag gñis la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis dge ’dun la bsṅos pa’i rñed pa gaṅ zag rab (5) tu maṅ po dag la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis dge ’dun la bsṅos pa’i rñed pa dge ’dun gźan la sgyur du ’jud na de sgyur du ’jud pa la ñes byas su ’gyur la | thob na yaṅ (6) ñes byas ñid du ’gyur ro || dge sloṅ gis dge ’dun la bsṅos pa’i rñed pa dge sloṅ ma’i dge ’dun la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis dge sloṅ ma’i dge ’dun la bsṅos pa’i rñed pa (7) dge sloṅ gi dge ’dun la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gñis ka’i dge ’dun la bsṅos pa’i rñed pa dge sloṅ gi dge ’dun la sgyur du ’jud na de sgyur du ’jud pa la ñes byas su ’gyur la | (210a1) thob na yaṅ ñes byas ñid du ’gyur ro || dge sloṅ gis gñis ka’i dge ’dun la bsṅos pa’i rñed pa dge sloṅ ma’i dge ’dun la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis dge ’dun (2) bye źiṅ gñis su gyur te | phyogs daṅ gźan gyi phyogs su rnam par gnas pa na phyogs gcig la bsṅos pa’i rñed pa’i phyogs gñis pa la bsṅor ’jud na de bsṅor ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gnas khaṅ gcig (3) la bsṅos pa’i rñed pa gnas khaṅ gźan la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis gnas khaṅ la bsṅos pa’i rñed pa khyams la sgyur du ’jud na | de sgyur du ’jud pa la ñes byas su ’gyur la | thob na (4) yaṅ ñes byas ñid du ’gyur ro || dge sloṅ gis khyams la bsṅos pa’i rñed pa gnas khaṅ la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis ka ba gźan gcig la bsṅos pa’i rñed pa ka ba gźan gñis pa la sgyur (5) du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis ka ba gźan gcig la bsṅos pa’i rñed pa sgo khaṅ la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ (6) gis sgo khaṅ la bsṅos pa’i rñed pa baṅ rim la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur ro || dge sloṅ gis baṅ rim la bsṅos pa’i rñed pa sgo khaṅ la sgyur du ’jud na de sgyur du ’jud pa la ñes byas su ’gyur la | thob na yaṅ (7) ñes byas ñid du ’gyur ro || dge sloṅ gis saṅs rgyas kyi sku gzugs gcig la bsṅos pa’i rñed pa saṅs rgyas kyi sku gzugs gźan gñis pa la sgyur du ’jud na de sgyur du ’jud pa la ñes byas su ’gyur la || thob na yaṅ ñes byas ñid du ’gyur ro || g-yar po’i chos kyi sbyin (210b1) pa la ni ltuṅ ba med do || dge sloṅ gis mchod rten gcig la bsṅos pa’i rñed pa mchod rten gźan la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || dge sloṅ (2) gis mchod rten gyi them skas kyi gźi daṅ po la bsṅos pa’i rñed pa them skas kyi gźi gñis pa la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || them skas kyi gźi (3) gñis pa daṅ gsum pa daṅ | bźi pa daṅ | thams cad kyi steṅ ma’i bar la yaṅ de bźin no || dge sloṅ gis them skas kyi gźi thams cad kyi steṅ ma la bsṅos pa’i rñed pa me tog khaṅ la sgyur du ’jud na de sgyur du ’jud pa la ñes byas su ’gyur la | thob na (4) yaṅ ñes byas ñid du ’gyur ro || g-yar po’i chos kyi sbyin pa la ni ltuṅ ba med do || dge sloṅ gis me tog khaṅ la bsṅos pa’i rñed pa bag ma la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i (5) chos kyi sbyin pa la ni ltuṅ ba med do || dge sloṅ gis ba gam gcig la bsṅos pa’i rñed pa ba gam gñis pa la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || (6) ba gam gñis pa daṅ | gsum pa daṅ | bźi pa la yaṅ de bźin no || dge sloṅ gis ba gam bźi pa la bsṅos pa’i rñed pa mchod rten gyi bum pa la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar (7) po’i chos kyi sbyin pa la ltuṅ ba med do || dge sloṅ gis mchod rten gyi bum pa la bsṅos pa’i rñed pa pu śu la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || (211a1) dge sloṅ gis bu śu la bsṅos pa’i rñed pa gdugs tha ma la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ltuṅ ba med do || gdugs gñis pa daṅ | gsum (2) pa daṅ | bźi pa nas thams cad kyi steṅ ma’i bar la yaṅ de bźin no || dge sloṅ gis gdugs thams cad kyi steṅ ma la bsṅos pa’i rñed pa char khab la sgyur du ’jud na de sgyur ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos (3) kyi sbyin pa la ni ltuṅ ba med do || dge sloṅ gis char khab la bsṅos pa’i rñed pa gdugs thams cad kyi steṅ ma la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || (4) daṅ ’og daṅ | gsum pa daṅ | gdugs tha ma’i bar la yaṅ de bźin no || dge sloṅ gis gdugs tham la bsṅos pa’i rñed pa pu śu la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin (5) pa la ni ltuṅ ba med do || dge sloṅ gis pu śul bsṅos pa’i rñed pa mchod rten gyi bum pa la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || dge sloṅ gis mchod (6) rten gyi bum pa la bsṅos pa’i rñed pa ba gam la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || dge sloṅ gis ba gam la bsṅos pa’i rñed pa me tog khaṅ la sgyur du ’jud (7) na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | g-yar po’i chos kyi sbyin pa la ni ltuṅ ba med do || dge sloṅ gis me tog khaṅ la bsṅos pa’i rñed pa them skas kyi gźi steṅ ma la sgyur du ’jud na de sgyur du ’jud pa la ñes byas su ’gyur (211b1) la | thob na yaṅ ñes byas ñid du ’gyur te | g-yar po’i chos kyi byin pa la ni ltuṅ ba med do || them skas kyi gźi daṅ | ’og daṅ gsum pa nas thams cad kyi tha ma’i bar la yaṅ de bźin no || dge sloṅ gis mu lto ba gcig la bsṅos pa’i rñed pa mu lto ba gźan la (2) sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | btsal te ma rñed pa la ni ltuṅ ba med do || dge sloṅ gis dud ’gro’i skye gnas su skyes pa’i srog chags gcig la bsṅos pa’i rñed pa dud ’gro’i skye gnas su skyes (3) pa’i srog chags gźan la sgyur du ’jud na de sgyur du ’jud pa la ñes byas su ’gyur la | thob na yaṅ ñes byas ñid du ’gyur te | btsal te ma rñed pa la ni ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la (4) ltuṅ ba med do || bsṅos pa las bsgyur ba’i spaṅ ba ste | ñi śu dgu pa rdzogs s+ho || ||

[Naiḥsargika 30]
saṅs rgyas bcom ldan ’das rgyal po’i khab na ’od ma’i tshal ka lan da ka’i gnas na bźugs so || de’i tshe na tshe daṅ ldan pa pi lin da’i bu’i lhan cig (5) gnas pa daṅ | ñe gnas dge sloṅ dag sman gaṅ dag de nas lag ñar blaṅs pa daṅ | de las byin len byas pa daṅ | zas kyi phye ma daṅ ’dres pa daṅ | phan tshun ’dres pa daṅ | raṅ gi rgyud kyis myags pa gaṅ dag rnam par dbyer yaṅ mi mṅon pa de dag (6) dus su yaṅ za bar byed | dus ma yin par yaṅ za bar byed ciṅ de dag la za bar rnam par dbye ba yaṅ mi mṅon nas | dge sloṅ don ñuṅ du dag ci’i phyir dge sloṅ dag sman gaṅ dag de nas lag ñar blaṅs pa daṅ | de las byin len byas pa daṅ | zas kyi phye ma (7) daṅ ’dres pa daṅ | phan tshun ’dres pa daṅ | raṅ gi rgyud kyis myags pa gaṅ dag rnam par dbyer yaṅ mi mṅon pa de dag dus su yaṅ za bar byed | dus ma yin par yaṅ za bar byed ciṅ de dag la bza’ bar rnam par dbye ba yaṅ mi mṅon źes smod par byed | (212a1) phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do (2) źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa pi.i lin da’i bu’i lhan cig gnas pa daṅ ñe gnas (3) dge sloṅ rnams la rmas pa | dge sloṅ dag khyed sman gaṅ dag de nas lag ñar blaṅs pa daṅ | de las byin len byas pa daṅ | zas kyi phye ma daṅ ’dres pa daṅ | phan tshun ’dres pa daṅ | raṅ gi rgyud kyis myags pa gaṅ dag rnam par dbyer yaṅ mi mṅon (4) pa de dag dus su yaṅ za bar byed | dus ma yin par yaṅ za bar byed ciṅ de dag la bza’ bar rnam par dbye ba yaṅ mi mṅon pa bden nam | btsun pa mad do || saṅs rgyas bcom ldan ’das kyis gso dka’ ba daṅ | dgaṅ dka’ ba daṅ | ’dod pa che (5) ba daṅ | chog mi śes pa rnam par smad pa mdzad do || de nas bcom ldan ’das kyis gos sla ba daṅ | dgaṅ sla ba daṅ | ’dod pa chuṅ ba daṅ | chog śes pa daṅ | sbyaṅs pa’i yon tan rnams daṅ | mdzes pa daṅ | drod rig pa’i bsṅags (6) pa brjod nas dge sloṅ rnams la bka’ stsal pa | dge sloṅ dag de lha bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams (7) kyis ’dul ba la bslab pa’i gźi ’di ltar gdon par bya ste | bcom ldan ’das kyis dge sloṅ na ba rnams la phan pa so sor bsten par bya ba’i sman gaṅ dag bka’ stsal pa | ’di lta ste źun mar daṅ | ’bru mar daṅ | sbraṅ rtsi daṅ | bu ram gyi (212b1) dbu ba de dag las dge sloṅ na bas ’dod na raṅ gis źag bdun par byin gyis brlabs te | gsog ’jog gi yoṅs su loṅs spyod pas yoṅs su loṅs spyad par bya’o || de las ’das par yoṅs su loṅs spyod par byed na spaṅ ba’i ltuṅ byed do || bcom ldan ’das (2) kyis źes bya ba ni de bźin gśegs pa dgra bcom pa yaṅ dag par rdzogs pa’i saṅs rgyas kyis so || dge sloṅ źes bya ba ni chos ’di pas so || na ba rnams la źes bya ba ni nad pa rnams la’o || phan pa źes bya ba ni rjes su mthun pa’o || so sor bsten par bya ba’i (3) źes bya ba ni ruṅ ba’i’o || sman gaṅ dag bka’ stsal pa źes bya ni rab tu bstan pa’o || ’di lta ste źun mar źes bya ba ni mar bźus pa’o || ’bru mar źes bya ba ni ’bru’i mar ñid do || sbraṅ rtsi źes bya ba ni sbraṅ bu’i sbraṅ rtsi’o || bu ram gyi dbu ba źes bya ba ni bu (4) ram mo || dge sloṅ źes bya ba ni dge sloṅ gaṅ yin pa de’o || na bas źes bya ba ni nad pas so || ’dod na źes bya ba ni gal te don du gñer na’o || raṅ gis źes bya ba ni bdag ñid kyis so || źag bdun par byin gyis brlabs te źes bya ba ni ñin mtshan bdun (5) par ro || gsog ’jog gi yoṅs su loṅs spyod pas yoṅs su loṅs spyod par bya’o || źes bya ba ni raṅ gis blaṅs te bza’ bar bya’o || de las ’das par yoṅs su loṅs spyod par byed na źes bya ba ni źag bdun las ’das par ro || spaṅ ba’i ltuṅ byed do źes (6) bya ba ni dṅos po de spaṅs nas ltuṅ byed kyi ltuṅ ba bśags par bya ba ste | des na spaṅ ba’i ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis tshes la na ba’i sman źig rñed na dge sloṅ des sman de ñi ma bdun po de ñid kyi naṅ du yoṅs su loṅs (7) spyad par bya ba’am | gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar nas spaṅ ba’i ltuṅ byed du ’gyur ro || tshes la ma rñed kyaṅ (213a1) tshes gñis sam | tshes gsum mam | tshes bdun tshun chad kyis na ba’i sman źig rñed na dge sloṅ des sman de ñi ma bdun po de ñid kyi naṅ du yoṅs su loṅs spyad par bya ba’am | gtaṅ bar bya ba’am | gźan la sbyin par bya’o || yoṅs (2) su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes lan ba’i sman źig rñed ciṅ | des tshes gñis la yaṅ sman gźan źig rñed na dge sloṅ (3) des ñi ma bdun po de ñid kyi naṅ du sman sṅa ma śos yoṅs su loṅs spyad par bya źiṅ | phyi ma śos gtaṅ bar bya ba’am | gźan la sbyin par bya’o || yaṅ na phyi ma śos yoṅs su loṅs spyad par bya źiṅ sṅa ma śos gtaṅ bar bya ba’am | gźan la sbyin par (4) bya’o || yoṅs su loṅs spyod par mi byed dam || gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || tshes gcig daṅ gñis la ji lta ba de bźin du des tshes drug gi bar lan ba’i sman źig (5) rñed ciṅ | des tshes bdun gyi bar la yaṅ gźan źig rñed na dge sloṅ des ñi ma bdun po de ñid kyi naṅ du sṅa ma śos yoṅs su loṅs spyad par bya źiṅ | phyi ma śos gtaṅ bar bya ba’am | gźan la sbyin par bya’o || yaṅ na phyi ma śos yoṅs su loṅs spyad par (6) bya źiṅ sṅa ma śos gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na | ñi ma brgyad pa’i skya reṅs śaRa na spaṅ ba’i ltuṅ byed du ’gyur ro || dge sloṅ gis tshes la (7) na ba’i sman gñis źig rñed na dge sloṅ des sman de gñis ñi ma bdun po de ñid kyi naṅ du yoṅs su loṅs spyad par bya ba’am | gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin (213b1) par mi byed na ñi ma brgyad pa’i skya reṅs śaRa na spaṅ ba’i ltuṅ byed du ’gyur ro || tshes lam rñed kyaṅ tshes gñis sam | tshes gsum mam | tshes bdun tshun chad kyis na ba’i sman gñis źig rñed na | dge sloṅ des sman de gñis ñi ma bdun po de ñid kyi naṅ du (2) yoṅs su loṅs spyad par bya ba’am | gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || (3) dge sloṅ gis tshes lan ba’i sman gñis źig rñed ciṅ des tshes gñis la yaṅ gźan gñis źig rñed na dge sloṅ des ñi ma bdun po de ñid kyi naṅ du sman gñis źig rñed na dge sloṅ des ñi ma bdun po de ñid kyi naṅ du sman sṅa ma gñis yoṅs su loṅs spyad par bya źiṅ | phyi ma gñis gataṅabara bya ba’am | gźan la sbyin par bya’o || (4) yaṅ na phyi ma gñis yoṅs su loṅs spyad par bya źiṅ sṅa ma gñis gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ (5) byed du ’gyur ro || tshes gcig daṅ | gñis la ji lta ba de bźin du des tshes drug gi bar la na ba’i sman gñis źig rñed ciṅ des tshes bdun gyi bar la yaṅ gñis źig rñed na | dge sloṅ des ñi ma bdun po de ñid kyi naṅ du sṅa ma gñis yoṅs su loṅs spyod (6) par bya źiṅ phyi ma gñis gtaṅ bar bya ba’am | gźan la sbyin par bya’o || yaṅ na phyi ma gñis yoṅs su loṅs spyod par bya źiṅ sṅa ma gñis gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed (7) dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || dge sloṅ gis chos la na ba’i sman rab tu maṅ po dag cig rñed na dge sloṅ des sman de dag ñi ma bdun po de ñid kyi naṅ du yoṅs su loṅs spyod par bya ba’am | gtaṅ (214a1) bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || tshes la ma rñed kyaṅ tshes (2) gñis sam | tshes gsum mam | tshes bdun tshun chad kyis na ba’i sman rab tu maṅ po dag cig rñed na dge sloṅ des sman de dag ñi ma bdun po de ñid kyi naṅ du yoṅs su loṅs spyad par bya ba’am | gtaṅ bar bya ba’am | gźan la sbyin par bya’o || yoṅs (3) su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || dge sloṅ gis tshes lan ba’i sman rab tu maṅ po dag cig rñed ciṅ des tshes gñis la yaṅ gźan rab tu maṅ (4) po dag cig rñed na dge sloṅ des ñi ma bdun po de ñid kyi naṅ du sman sṅa ma dag yoṅs su loṅs spyad par bya źiṅ | phyi ma dag gtaṅ bar bya ba’am | gźan la sbyin par bya’o || yaṅ na phyi ma dag yoṅs su loṅs spyad par bya źiṅ | sṅa ma dag gtaṅ bar bya ba’am | gźan (5) la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || tshes gcig daṅ gñis la ji lta ba de bźin du des tshes drug gi bar la na ba’i (6) sman rab tu maṅ po dag cig rñed ciṅ de tshes bdun gyi bar la yaṅ gźan rab tu maṅ po dag rñed na dge sloṅ des ñi ma bdun po de ñid kyi naṅ du sṅa ma dag yoṅs su loṅs spyad par bya źiṅ | phyi ma dag gtaṅ bar bya ba’am | gźan la sbyin par bya’o || yaṅ na phyi ma dag (7) yoṅs su loṅs spyad par bya źiṅ | sṅa ma dag gtaṅ bar bya ba’am | gźan la sbyin par bya’o || yoṅs su loṅs spyod par mi byed dam | gtoṅ bar mi byed dam | gźan la sbyin par mi byed na ñi ma brgyad pa’i skya reṅs śar na spaṅ ba’i ltuṅ byed du ’gyur ro || (214b1) de la sman gaṅ dag de nas lag ñar blaṅs pa daṅ | de las byin len byas pa daṅ | zas kyi phye ma daṅ ’dres pa daṅ | phan tshun ’dres pa daṅ | Raṅa gi rgyud kyis myags pa gaṅ dag rnam par dbyer yaṅ mi mṅon pa de dag ni kun dga’i ra ba’am | dge tshul dag (2) la spaṅ bar bya’o || de la sman gaṅ dag de nas lag ñar ma blaṅs pa daṅ | de las byin len ma byas pa daṅ | zas kyi phye ma daṅ ma ’dres pa daṅ | phan tshun ma ’dres pa daṅ | raṅ gi rgyud kyis ma myags pa gaṅ dag rnam par dbyer yaṅ mi mṅon pa de dag ni dge sloṅ (3) gis raṅ gis źag bdun par byin gyis brlabs te gsog ’jog gi yoṅs su loṅs spyod pas yoṅs su loṅs spyad par bya’o || ’di ltar byin gyis brlab par bya ste | lag pa bsñal nas sman byin len byas te tshaṅs pa mtshuṅs par spyod pa’i mdun du ’dug nas (4) ’di skad ces brjod par bya’o || tshe daṅ ldan pa dgoṅs su gsol || bdag dge sloṅ miṅ ’di źes bgyi bas sman ruṅ ba ’di bdag ñid daṅ tshaṅs pa mtshuṅs par spyod pa rnams kyir bgyi ba’i slad du źag bdun par byin gyis brlab bo || de bźin du lan gñis | lan (5) gsum du bzlas par bya’o || ji tsam yoṅs su loṅs spyad pa yaṅ tshaṅs pa mtshuṅs par spyod pa la brjod par bya ste | deṅ du bdag gi ñi ma gcig yoṅs su loṅs spyad lags te | lhag ma rnams kyaṅ yoṅs su loṅs spyad par bgyi’o źes de bźin du ñi ma bdun (6) gyi bar du brjod par bya’o || gal te lhag ma yod na de kun dga’i ra ba pa’am | dge tshul dag la spaṅ bar bya’o || dge sloṅ gi na ba’i sman spaṅ bar gyur na de ma spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis spaṅ (7) bar ’gyur ro || dge sloṅ gi na ba’i sman spaṅ bar gyur na de spaṅs śiṅ bral bar ma byas la ltuṅ ba ma bśags par gźan źig rñed na de yaṅ sṅa ma’i rgyud kyis sṅaṅ bar ’gyur ro || dge sloṅ gi na ba’i sman spaṅ bar gyur na de spaṅs źiṅ bral bar byas pa ltuṅ ba ma (215a1) bśags par gźan źig rñed na de yaṅ sṅa ma’i rgyud kyis spaṅ bar ’gyur ro || dge sloṅ gi na ba’i sman spaṅ bar gyur na de spaṅs śiṅ bral bar byas la ltuṅ ba bśags nas gźan źig rñed na de la ltuṅ ba med do || de bźin du dge sloṅ gis (2) ji tsam du na ba’i sman spaṅ ba des ma spaṅs śiṅ so sor ma spaṅs la ma bśags śiṅ so sor ma bśags par lhuṅ bzed dam | chos gos sam | dra ba’am | phor bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba’i bar dag ñe bar ’jog (3) par byed na de yaṅ sṅa ma’i rgyud kyis spaṅ bar ’gyur ro || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || gsog ’jog gi spaṅ ba ste sum bcu pa rdzogs s+ho || spaṅ ba’i ltuṅ byed rnams rdzogs (4) s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00a71734-0039-11e4-a105-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ