Bibliotheca Polyglotta

[Pāyantika 1]
saṅs rgyas bcom ldan ’das rgyal po’i khab na ’od ma’i tshal ka lan da ka’i gnas na bźugs so || de’i tshe na tshe daṅ ldan pa sgra can zin rgyal po’i khab na chu dron gyi kun (6) dga’ ra ba na ’dug ste | bram ze daṅ khyim bdag dad pa can dag tshe daṅ ldan pa sgra can zin ga la ba der doṅ ste phyin nas tshe daṅ ldan pa sgra can zin la btsun pa sgra can zin bcom ldan ’das ga la bźugs źes ’dri ba na | gal te bcom ldan ’das ’od ma’i tshal (7) na bźugs na ni de na re bya rgod phuṅ po la bźugs so źes zer | gal te bcom ldan ’das bya rgod phuṅ po la bźugs na ni de na re ’od ma’i tshal na bźugs so źes zer | gal te bcom ldan ’das pis pa la’i phug na bźugs na ni de na re sde can ma’i phug na (215b1) bźugs so źes zer | gal te bcom ldan ’das sde can ma’i phug na bźugs na ni pis pa la’i phug na bźugs so źes zer nas | de dag gis bcom ldan ’das btsal na ma rñed nas de dag lus ṅal ba daṅ | lus dub pa daṅ | lus rgud pas tshe daṅ ldan pa sgra (2) can zin ga la ba der doṅ pa daṅ | de na tshe daṅ ldan pa sgra can zin gyis de dag la dris pa | śes ldan dag bcom ldan ’das mthoṅ ṅam | btsun pa sgra can zin ma mthoṅ ṅo || de dgod pa daṅ de dag gis smras pa | btsun pa sgra can zin bsams bźin du (3) bdag cag la mtho ’tshams par mi mdzad dam | de yin no || de dag smod par byed | phyar ka gatoṅabara byed | kha zer bar byed pa’i skabs de dge sloṅ rnams kyis bcom ldan ’das la gsol to ||de nas bcom ldan ’das sṅa dro śam thabs gsol | lhuṅ bzed (4) daṅ chos gos bsnams te rgyal po’i khab tu bsod sñoms la gśegs nas rgyal po’i khab tu bsod sñoms brgyus te zas kyi bya ba mdzad nas phyi ma’i zas kyi bsod sñoms las slar log pas chu dron gyi kun dga’ ra bar tshe daṅ ldan pa sgra can zin gyi gtsug lag khaṅ (5) ga la ba der gśegs so ||tshe daṅ ldan pa sgra can zin gyis thag riṅ po kho na nas bcom ldan ’das mthoṅ ṅo ||mthoṅ nas kyaṅ bcom ldan ’das kyi slad du gdan śom par byed | źabs bsil ba’i chab daṅ źabs rten mtha’ gcig tu ’jog par byed ciṅ bsu (6) nas | chos gos len par byed ciṅ ’di skad ces bcom ldan ’das gśegs su gsol | bcom ldan ’das byon pa legs so ||bcom ldan ’das gdan bśam pa ñid la bźugs su gsol źes kyaṅ smras so ||bcom ldan ’das gdan bśams pa ñid la bźugs (7) nas | de nas bcom ldan ’das kyis ñid kyis źabs gñis bsil nas chu snod du chu’i lhag ma ñuṅ źig bźag nas tshe daṅ ldan pa sgra can zin la bka’ stsal pa | sgra can zin ṅas chu snod tu chu’i lhag ma ñuṅ źig bźag pa khyod kyis mthoṅ ṅam | btsun pa mthoṅ ṅo ||(216a1) sgra can zin de bźin du ṅa ni mi gti mug can gaṅ la la śes bźin du brdzun smra źiṅ ṅo tsha med pa | ’dzem pa med pa | ’gyod pa med pa de’i dge sbyoṅ gi tshul chuṅ bar smra’o ||de nas bcom ldan ’das kyis chu’i lhag ma ñuṅ du de sa la pho nas tshe daṅ ldan (2) pa sgra can zin la bka’ stsal pa | sgra can zin ṅas chu’i lhag ma ñuṅ ṅu ma sa la phob khyod kyis mthoṅ ṅam | btsun pa mthoṅ ṅo ||sgra can zin de bźin du ṅa ni mi gti mug can gaṅ la la śes bźin du brdzun smra źiṅ ṅo tsha med pa | ’dzem pa med pa | ’gyod pa med (3) pa de’i dge sloṅ gi tshul bor bar smra’o ||de nas bcom ldan ’das kyis chu snod des la bzur nas tshe daṅ ldan pa sgra can zin la bka’ stsal pa | sgra can zin ṅas chu snod sa la bzur ba khyod kyis mthoṅ ṅam | btsun pa mthoṅ ṅo ||sgra can zin de bźin du ṅa ni mi (4) gti mug can gaṅ la las śes bźin du brdzun smra źiṅ ṅo tsha med pa | ’dzem pa med pa | ’gyod pa med pa de’i dge sbyoṅ gi tshul bzur bar smra’o ||de nas bcom ldan ’das kyis chu snod des la khas bub nas tshe daṅ ldan pa sgra can zin la bka’ stsal pa | sgra can zin (5) ṅas chu snod la khas phub pa khyod kyis mthoṅ ṅam | btsun pa mthoṅ ṅo || sgra can zin de bźin du ṅa ni mi gti mug can gaṅ la la śes bźin du brdzun smra źiṅ ṅo tsha med pa | ’dzem pa med pa | ’gyod pa med pa de’i dge sbyoṅ gi tshul khas phub par smra’o || sgra (6) can zin ’di lta ste | dper na rgyal po’i glaṅ po che dregs pa ma taṅ ka nas byuṅ ba gźon pa lo drug bcu lon pa | mche ba śiṅ rta’i mda’ tsam daṅ ldan pa | braṅ dkyel che ba | g-yul ṅor spyad pa | g-yul gyi naṅ du son pa | lag pa gñis daṅ | rkaṅ pa (7) gñis daṅ | brla gñis daṅ | rked pa daṅ | mjug ma daṅ | glo gñis daṅ | rgya ba daṅ | za ’gram gñis daṅ | ’grin pa daṅ | rna ba gñis daṅ | mche ba gñis kyis las byed ciṅ snas las mi byed pa | pha rol gyi dpuṅ daṅ | pha rol gyi (216b1) dmag ’joms par byed pa na de na rgyal po’i glaṅ po che źon pa ’di sñam du ’di ltar rgyal po’i glaṅ po che dregs pa ma taṅ ka nas byuṅ ba gźon pa lo drug bcu lon pa || mche ba śiṅ rta’i mda’ tsam daṅ ldan pa | braṅ dkyel che ba | g-yul ṅor spyad pa | g-yul gyi (2) naṅ du soṅ ba lag ba gñis daṅ | rkaṅ pa gñis daṅ | brla gñis daṅ | rked pa daṅ | mjug ma daṅ | glo gñis daṅ | rgyab daṅ | za ’gram gñis daṅ | mgrin pa daṅ | rna ba gñis daṅ | mche ba gñis kyis las byed ciṅ snas las mi byed (3) pa | pha rol kyi dpuṅ daṅ pha rol kyi dmag ’joms par byed pa’i rgyal po’i glaṅ po che ni sna sruṅ bar byed pas rgyal po’i glaṅ po ches srog yoṅs su ma btaṅ ṅo sñam du sems so || sgra can zin gaṅ gi phyir rgyal po’i glaṅ po che dregs pa ma taṅ ka nas byuṅ ba (4) gźon pa | lo drug bcu lon pa | mche ba śiṅ rta’i mda’ tsam daṅ ldan pa | braṅ dkyel che ba | g-yul ṅor spyad pa | g-yul gyi naṅ du son pa | lag pa gñis daṅ | rkaṅ pa gñis daṅ | brla gñis daṅ | rked pa daṅ | mjug ma daṅ | glo (5) gñis daṅ | rgyab daṅ | za ’gram gñis daṅ | mgrin pa daṅ | rna ba gñis daṅ | mche ba gñis daṅ | snas kyaṅ las byed pa | pha rol gyi dpuṅ daṅ | pha rol gyi dmag ’joms par byed pa na de na rgyal po’i glaṅ po che la źon pa ’di sñam du ’di ltar (6) rgyal po’i glaṅ po che dregs pa ma taṅ ka nas byuṅ ba gźon pa | lo drug bcu lon pa | mche ba śiṅ rta’i mda’ tsam daṅ ldan pa | braṅ dkyel che ba | g-yul ṅor spyad pa | g-yul gyi naṅ du son pa | lag pa gñis daṅ | rkaṅ pa gñis daṅ | brla gñis (7) daṅ | rked pa daṅ | mjug ma daṅ | glo gñis daṅ | rgyab daṅ | za ’gram gñis daṅ | mgrin pa daṅ | rna ba gñis daṅ | mche ba gñis daṅ | snas kyaṅ las byed pa | pha rol gyi dpuṅ daṅ | pha rol gyi dmag ’joms par byed (217a1) pa’i rgyal po’i glaṅ po ches srog yoṅs su btaṅ ṅo sñam du sems te | sgra can zin ṅa ni de’i tshe na rgyal po’i glaṅ po che des las mi bya ba ji yaṅ med par smra’o || sgra can zin de bźin du gaṅ la las (2) śes bźin du brdzun smra źiṅ ṅo tsha med pa | ’dzem pa med pa | ’gyod pa med par gyur na ṅa ni mi gti mug can des sdig pa’i las mi bya ba cuṅ zad kyaṅ med par smra’o || de nas bcom ldan ’das kyis de’i tshe tshigs su bcad pa gñis bka’ stsal pa ||

lus (3) can brdzun du smra ba yis ||
chos gcig las ni ’das gyur ciṅ ||
’jig rten pha rol bral ba yis ||
’di la sdig pa mi bya med ||
lcags goṅ me lce ’dra ba daṅ ||
zos par gyur pa mchog yin gyi ||
tshul ’chal yaṅ dag mi sdom pas ||
yul (4) ’khor bsod sñoms za ba min ||

sgra can zin ji sñams du sems | mi rnams kyi me loṅ ci’i phyir ’chaṅ | btsun pa ’di ltar raṅ gi bźin gyi gzugs so sor brtag pa’i slad du’o ||sgra can zin de bźin du khyod kyis kyaṅ lus kyi las bya bar bsams pa gaṅ yin (5) pa’i lus kyi las de la ci bdag gis lus kyis las bya bar bsams pa’i lus kyi las gaṅ yin pa de bdag daṅ gźan la gnod par ’gyur ba mi dge ba’i sdug bsṅal ’byuṅ ba rnam par smin pa sdug bsṅal ba yin nam | ’on te lus kyi las de bdag daṅ gźan la (6) phan par ’gyur ba dge ba bde ba ’byuṅ ba rnam par smin pa bde ba yin źes yaṅ daṅ yaṅ du so sor brtag par bya’o ||sgra can zin khyod de ltar so sor rtog pa na | gal te bdag gis lus kyi las bya bar bsams pa gaṅ yin pa’i lus kyi las de | bdag daṅ (7) gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin par śes na | sgra can zin khyod kyis lus kyi las de gtaṅ bar bya’o ||sgra can zin khyod de ltar so sor rtog pa na | gal te bdag gis lus kyi las bya bar bsams (217b1) pa gaṅ yin pa’i lus kyi las de | bdag daṅ gźan la phan par ’gyur ba dge ba bde ba ’byuṅ ba rnam par smin pa bde ba yin pa śes na | sgra can zin khyod kyis lus kyi las de rjes su bsgrub par bya’o ||sgra can zin khyod kyi lus kyis las byed pa gaṅ yin pa’i lus kyi (2) las de la ci | bdag gis lus kyi las byed pa’i lus kyi sal gaṅ yin pa de bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin nam | ’on te lus kyi las de bdag daṅ gźan la phan par ’gyur ba dge (3) ba bde ba ’byuṅ ba rnam par smin pa bde ba yin źes yaṅ daṅ yaṅ du so sor brtag par bya’o ||sgra can zin khyod de ltar sor rtog pa na | gal te bdag gis lus kyi las byed pa gaṅ yin pa’i lus kyi las de | bdag daṅ gźan la gnod par ’gyur ba mi dge (4) ba sdug bsṅal ’byuṅ ba rnam par smin pa sdug bsṅal ba yin par śes na | sgra can zin khyod kyis lus kyi las de gtaṅ bar bya’o ||sgra can zin khyod de ltar so sor rtog pa na | gal te bdag gis lus kyi las byed pa gaṅ yin pa’i lus kyi las de | bdag (5) daṅ gźan la phan par ’gyur ba dge ba bde ba ’byuṅ ba rnam par smin pa bde ba yin par śes na | sgra can zin khyod kyis lus kyi las de rjes su bsgrub par bya’o ||sgra can zin khyod kyis lus kyi las byas pa gaṅ yin pa’i lus kyi las de la ci | bdag gis (6) lus kyi las byas pa ’das pa zad pa ’gags pa bral ba rnam par ’gyur ba gaṅ yin pa de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin nam | ’on te lus kyi las de bdag daṅ gźan la phan par (7) ’gyur ba dge ba bde ba ’byuṅ ba rnam par smin pa bde ba yin źes yaṅ daṅ yaṅ du so sor brtag par bya’o ||sgra can zin khyod de ltar so sor rtog pa na | gal te bdag gis lus kyi las byas pa ’das pa zad pa ’gags pa bral ba rnam par gyur pa gaṅ yin pa’i (218a1) lus kyi las de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin par śes na | sgra can zin khyod kyis lus kyi las de ston pa daṅ | tshaṅs pa mtshuṅs par spyod pa mkhas pa (2) rnams kyi mdun du so sor bśags par bya źiṅ | phyin chad kyaṅ bsdam pa bsgrub par bya’o ||sgra can zin khyod de ltar so sor rtog pa na | gal te bdag gis lus kyi las byas pa ’das pa zad pa ’gags pa bral ba rnam par gyur pa gaṅ yin pa’i lus (3) kyi las de | bdag daṅ gźan la phan par ’gyur ba dge ba bde ba ’byuṅ ba rnam par smin pa bde ba yin par śes na | sgra can zin khyod kyis dga’ ba daṅ mchog tu dga’ ba de ñid kyis ñin mtshan du rjes su bslab ciṅ | dran pa daṅ śes bźin gyis maṅ du (4) gnas par bya’o ||sgra can zin khyod kyis ṅag gi las bya bar bsams pa gaṅ yin pa’i ṅag gi las de la ci | bdag gis ṅag gis las bya bar bsams pa’i ṅag gi las gaṅ yin pa de | bdag daṅ gźan la gnod par ’gyur ba mi dge (5) ba sdug bsṅal ’byuṅ ba rnam par smin pa sdug bsṅal ba yin nam | ’on te dag gi las de bdag daṅ gźan la phan par ’gyur ba dge ba bde ba ’byuṅ ba rnam par smin pa bde ba yin źes yaṅ daṅ yaṅ du so sor brtag par bya’o ||sgra can zin khyod de (6) ltar so sor rtog pa na | gal te bdag gis dag gi las bya bar bsams pa gaṅ yin pa’i ṅag gi las de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin par śes na | sgra can zin (7) khyod kyis ṅag gi las de gtaṅ bar bya’o ||sgra can zin khyod de ltar so sor rtog pa na | gal te bdag gis ṅag gi las bya bar bsams pa gaṅ yin pa ṅag gi las de | bdag daṅ gźan la phan par ’gyur ba dge ba bde ba ’byuṅ (218b1) ba rnam par smin pa bde ba yin par śes na | sgra can zin khyod kyis ṅag gi las de rjes su bsgrub par bya’o ||sgra can zin khyod kyis ṅag gi las byed pa gaṅ yin pa’i ṅag gi las de la ci | bdag gis ṅag gi las byed pa’i ṅag gi las gaṅ (2) yin pa de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin nam | ’on te ṅag gi las de bdag daṅ gźan la phan par ’gyur ba dge ba bde ba ’byuṅ ba rnam par smin pa bde (3) ba yin źes yaṅ daṅ yaṅ du so sor brtag par bya’o ||sgra can zin khyod de ltar so sor rtog pa na | gal te bdag gis ṅag gi las byed pa gaṅ yin pa’i ṅag gi las de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam (4) par smin pa sdug bsṅal ba yin par śes na | sgra can zin khyod kyis ṅag gi las de gtaṅ bar bya’o ||sgra can zin khyod de ltar so sor rtog pa na | gal te bdag gis ṅag gi las de | bdag daṅ gźan la phan par ’gyur ba dge ba bde ba ’byuṅ ba (5) rnam par smin pa bde ba yin par śes na | sgra can zin khyod kyis ṅag gi las de rjes su bsgrub par bya’o ||sgra can zin khyod kyis ṅag gi las byas pa gaṅ yin pa’i ṅag gi las de la ci | bdag gis dag gi las byas pa ’das pa zad pa ’gags (6) pa bral ba rnam par gyur pa gaṅ yin pa de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin nam | ’on te ṅag gi las de bdag daṅ gźan la phan par ’gyur ba dge ba bde ba ’byuṅ ba rnam par smin (7) pa bde ba yin źes yaṅ daṅ yaṅ du so sor brtag par bya’o ||sgra can zin khyod kyis de ltar so sor rtog pa na | gal te bdag gis ṅag gi las byas pa ’das pa zad pa ’gags pa bral ba rnam par gyur pa gaṅ yin pa’i ṅag gi las de | bdag daṅ (219a1) gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin par śes na ||sgra can zin khyod kyis ṅag gi las de ston pa daṅ | tshaṅs pa mtshuṅs par spyod pa mkhas pa rnams kyi mdun du so sor bśags par (2) bya źiṅ | phyin chad kyaṅ bsṅam pas bsgrub par bya’o ||sgra can zin khyod de ltar so sor rtog pa na | gal te bdag gis ṅag gi las byas pa ’das pa zad pa ’gags pa bral ba rnam par gyur ba gaṅ yin pa’i ṅag gi las de | bdag daṅ gźan la phan par (3) ’gyur ba dge bde ba ’byuṅ ba rnam par smin pa bde ba yin par śes na | sgra can zin khyod kyis dga’ ba daṅ mchog tu dga’ ba de ñid kyis ñin mtshan du rjes su bslab ciṅ | dran pa daṅ śes bźin gyis maṅ du gnas par bya’o ||sgra can zin yid ni ’das (4) pa’i ’du byed rnams las brten te skye bas khyod kyis yid kyi las de la ci | bdag gi yid ’das pa’i ’du byed rnams las brten te skyes pa gaṅ yin pa’i yid kyi las de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin (5) pa sdug bsṅal ba yin nam | ’on te yid kyi las de bdag daṅ gźan la phan par ’gyur ba dge ba bde ba ’byuṅ ba rnam par smin pa bde ba yin źes yaṅ daṅ yaṅ du so sor brtag par bya’o ||sgra can zin khyod de ltar so sor rtog pa na | gal te (6) bdag gi yid ’das pa’i ’du byed rnams las brten te skyes pa gaṅ yin pa’i yid kyi las de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal ba yin par śes na | sgra can zin khyod kyis (7) yid kyi las de gtaṅ bar bya’o ||sgra can zin khyod de ltar so sor rtog pa na | gal te bdag gi yid ’das pa’i ’du byed rnams las brten te skyes pa gaṅ yin pa’i yid kyi las de | bdag daṅ gźan la phan par ’gyur ba dge ba bde ba ’byuṅ ba rnam par (219b1) smin pa bde ba yin par śes na | sgra can zin khyod kyis yid kyi las de rjes su bsgrub par bya’o ||sgra can zin yid ni ma ’oṅs pa’i ’du byed rnams las brten te skye bas khyod kyi las de la ci | bdag gi yid ma lobs pa’i ’du byed rnams las brten te (2) skyes pa gaṅ yin pa’i yid kyi las de | bdag daṅ gźan la gnod par ’gyur ba mi dge bsdug bsṅal ’byuṅ ba rnam par smin pa sdug bsṅal ba yin nam | ’on te yid kyi las de bdag daṅ gźan la phan par ’gyur ba dge ba bde ba ’byuṅ ba rnam par smin pa bde (3) ba yin źes yaṅ daṅ yaṅ du so sor brtag par bya’o ||sgra can zin khyod de ltar so sor rtog pa na | gal te bdag gi yid ma ’oṅs pa’i ’du byed rnams las brten te skyes pa gaṅ yin pa’i yid kyi las de | bdag daṅ gźan la gnod par ’gyur ba mi dge (4) ba sdug bsṅal ’byuṅ ba rnam par smin pa sdug bsṅal bar śes na | sgra can zin khyod kyis yid kyi las de gtaṅ bar bya’o ||sgra can zin khyod de ltar so sor rtog pa na | gal te bdag gi yid ma ’oṅs pa’i ’du byed rnams pas brten te skyes pa gaṅ yin pa’i (5) yid kyi las de | bdag daṅ gźan la phan par ’gyur ba rnam par smin pa bde ba yin par śes na | sgra can zin khyod kyis yid kyi las de rjes su bsgrub par bya’o ||sgra can zin yid ni da ltar byuṅ ba’i ’du byed rnams las brten te skyabs khyod kyis yid kyi (6) las de la ji | bdag gi yid da ltar byuṅ ba’i ’du byed rnams la sa brten te skyes pa gaṅ yin pa’i yid kyi las de | bdag daṅ gźan la gnod par ’agyuRa ba mi dge ba sdug bsṅal ’byuṅ ba rnam par smin pa sdug bsṅal ba yin nam | ’on te yid kyi las de (7) bdag daṅ gźan la phan par ’gyur ba dge ba bde ba ’byuṅ ba rnam par smin pa bde ba yin źes yaṅ daṅ yaṅ du so sor brtag par bya’o ||sgra can zin khyod de ltar so sor rtog pa na | gal te bdag gi yid da ltar byuṅ ba’i ’du byed rnams las brten te skyes pa (220a1) gaṅ yin pa’i yid kyi las de | bdag daṅ gźan la gnod par ’gyur ba mi dge ba sdug bsṅal ’byuṅ ba rnam par smin pa sdug bsṅal bar śes na | sgra can zin khyod kyis yid kyi las de gtaṅ bar bya’o ||sgra can zin khyod de ltar (2) so sor rtog pa na | gal te bdag gi yid da ltar byuṅ ba’i ’du byed rnams las brten te skyes pa gaṅ yin pa’i yid kyi las de | bdag daṅ gźan la phan par ’gyur ba dge ba bde ba ’byuṅ ba rnam par smin pa bde ba yin par śes na | sgra can zin khyod kyis yid (3) kyi las de rjes su bsgrub par bya’o ||sgra can zin dge sbyoṅ ṅam bram ze gaṅ dag da ltar lus kyi las daṅ | ṅag gi las daṅ | yid kyi las la so sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs te | maṅ du (4) gnas par byed pa de dag thams cad kyaṅ lus kyi las daṅ | ṅag gi las daṅ | yid kyi las la de ltar so sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs śiṅ yoṅs su sbyaṅs te | maṅ du gnas par byed do ||dge sbyoṅ ṅam (5) bram ze gaṅ dag ’das pa’i dus na | lus kyi las daṅ | ṅag gi las daṅ | yid kyi las la so sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs te | maṅ du gnas par gyur pa de dag thams cad kyis kyaṅ (6) lus kyi las daṅ | ṅag gi las daṅ | yid kyi las la de ltar so sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs te | maṅ du gnas par ’gyur to ||dge sbyoṅ daṅ | bram ze gaṅ dag ma ’oṅs pa’i dus na | (7) lus kyi las daṅ | ṅag gi las daṅ | yid kyi las la so sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs te | maṅ du gnas par ’gyur ba de dag thams cad kyaṅ lus kyi las daṅ | ṅag gi las daṅ | (220b1) yid kyi las la de ltar so sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs te | maṅ du gnas par ’gyur ro ||sgra can zin de lta bas na ’di ltar lus kyi las daṅ | ṅag gi las daṅ | yid kyi las de la so (2) sor brtags śiṅ | so sor brtags nas yoṅs su sbyaṅs śiṅ yoṅs su sbyaṅs te | maṅ du gnas par bya’o źes bslab par bya ste | sgra can zin khyod kyis de ltar bslab par bya’o ||bcom ldan ’das kyis de skad ces bka’ stsal te | bde bar (3) gśegs pas de skad gsuṅs nas | ston pas gźan yaṅ ’di skad ces bka’ stsal to ||

saṅs rgyas bstan pa dran byed na || lus kyi las daṅ ṅag las daṅ ||
yid kyi las la maṅ du ni || so sor rtogs śig sgra can zin ||

’di (4) ni dge sbyoṅ las yin te || ’di la slobs śig sgra can zin ||
’di la khyod ni slob byed na || dge bar ’gyur źiṅ sdig med yin ||

de nas bcom ldan ’das kyis tshe daṅ ldan pa sgra can zin la chos daṅ ldan pa’i gtam gyis yaṅ dag par bstan | (5) yaṅ dag par ’dzin du bcug | yaṅ dag par bzeṅs bstod | yaṅ dag par rab tu dga’ bar mdzad nas gdan las bźeṅs te gśegs so || ’di ni re źig byuṅ ba yin te | saṅs rgyas bcom ldan ’das re źig ’dul ba la ñan thos rnams (6) kyi bslab pa’i gźi bca’ bar ni mi mdzad do ||saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so ||de’i tshe na mñan yod na śākya ’i bu dge sloṅ lag brgyud ces bya ba źig ’dug pa de śin tu (7) smra ba daṅ gźan gyi smra ba’i rjes su brtson par gnas so ||de na śed bu gsaṅ tshig ’dod pa | gsaṅ tshig pa tshol ba źig yul dbus nas lho lam du soṅ ṅo ||de na bram ze rig byed daṅ rig byed kyi yan lag gi pha rol du son pa | yul (221a1) tha dad pa na gnas pa’i bram ze rnams kyi ston par gyur pa źig ’dug nas | śed bu de bram ze de’i druṅ du soṅ ste phyin nas źi ba daṅ spyod lam źi bas mgo bos phyag ’tshal te mtha’ gcig tu ’dug go ||de nas bram ze des śed bu (2) de la ’oṅs pa legs so źes bya ba’i tshig gi kun tu spyod pas smras pa | kye śed bu khyod ga las ’oṅs | ci źig ’dod | śed bus smras pa | bdag yul dbus nas mchis te | mkhan po’i źabs la sri źu bgyid par ’tshal lo ||ci źig (3) gi phyir | rig byed bklag pa’i slad du’o ||śed bu legs kyis de bźin gyis śig | de ni bram zes bya ba yin no ||śed bu des bram ze de’i druṅ du rig byed bklag pa bya bar brtsams so ||śed bu rnams kyi kun tu spyod pa ni ’di (4) yin te | gaṅ gi tshe mi klog par gyur pa de’i tshe na lan ’ga’ ni chu ṅogs su ñe reg byed du doṅ ṅo ||lan ’ga’ ni groṅ khyer bltar ’doṅ ṅo ||lan ’ga’ ni yam sreg śiṅ thur ’doṅ ṅo ||ji tsam dus gźan źig na de dag mi klog par gyur nas (5) de’i tshe de dag yam sreg śiṅ thur doṅ ba daṅ | de dag la lam gyi bar du bar skabs kyi gtam rjod pa ’di lta bu ’di byuṅ ste | kye kud sa’i rigs dag | bad sa’i rigs dag | śan di li’i rigs dag | b+ha ra dwa dza’i rigs dag | lṅa (6) pa’i rigs dag | ñe lṅa’i rigs dag | ji khyed cag las gaṅ ni yul ga las ’oṅs pa dri bar bya’o ||de na śed bu gcig gis smras pa | kho bo ni yul śar nas so ||gźan dag gis smras | kho bo ni lho lam nas so ||yaṅ (7) gźan źig gis smras pa | kho bo ni nub kyi sa nas so ||yaṅ gźan źig gis smras pa | kho bo ni byaṅ lam nas so ||śed bu des smras pa | kho bo ni yul dbus nas so ||de dag gis smras pa | śes ldan dag bdag cag (221b1) gis yul thams cad mthoṅ źiṅ thos na yul dbus ni ma mthoṅ ma thos so ||śar na blon gnas pa ste || lho lam na ni g-yon byed ’dug ||
nub kyi yul na phra ma can || byaṅ lam na ni tshig rtsub po ||źes tshigs su bcad pa yaṅ smras (2) so ||de nas dris pa | śed bu yul dbus ci ’dra | śes ldan dag yul dbus ni yul rnams kyi mchog yin te | sā lu daṅ | bu ram śiṅ gi phreṅ ba daṅ | ba laṅ daṅ | ma he phun sum tshogs pa | sloṅ mo pa brgyas khyab pa | (3) dbus pa’i skye bos gaṅ ba | mtha’ ’khob pa’i skye bos spaṅs pa | skye bo mkhas pas bsten pa | de na chu kluṅ gaṅ gā kha rje daṅ bsod nams daṅ | bkra śis daṅ | gtsaṅ ba daṅ | gtsaṅ ma ñid kyi gnas su grags pa | ’gram gñis (4) nas rlan ’byo ba | draṅ sroṅ rnams kyi bsti gnas źes bya ba chu dgur bcwa brgyad ’bab pa yod de | der draṅ sroṅ rnams kyis dka’ thub spyad na raṅ gi lus ñid kyis mtho ris su ’doṅ ba yin no ||kye śed bu de ni mjal gyis gźan ’di ’dri’o ||(5) yul dbus na mkhas par bgraṅ ba dag yod dam | śes ldan dag kho bos daṅ po ñid nas yul dbus ni dbus pa’i skye bos gaṅ ba | mtha’ ’khob pa’i skye bos spaṅs pa | skye bo mkhas pas bsten pa’o źes ma smras sam | śed bu khyod kyis de (6) skad smras so ||śed bu yul dbus na ’di lta ste | dper na bdag cag gi mkhan po daṅ ’dra ba smra ba’i khyu mchog de lta bu dag yod dam | śes ldan dag yul dbus na bdag cag gi mkhan pos gaṅ dag gi gdoṅ du blta bar yaṅ mi nus pa | (7) sñan par smra ba smra ba’i khyu mchog de lta bu dag yod do ||śed bu des de dag la de ltar yul dbus kyi bsṅags pa brjod pa daṅ | ’di ltar de dag thams cad yul dbus su ’dod ’dod par gyur to ||de nas śed bu de dag gis yam sreg śiṅ dag (222a1) btsal te | yam sreg śiṅ gi khur thogs nas | bram ze de’i khyim ga la ba der doṅ ste phyin nas yam sreg śiṅ gi khur mtha’ gcig tu bźag ste | bram ze de ga la ba der doṅ nas phyin pa daṅ | bram ze de la ’di skad ces smras so ||(2) mkhan po mkhyen par mdzod cig | śed bu ’dis ci nas kyaṅ bdag cag thams cad yul dbus su mchi ’tshal bar gyur pa de ltar yul dbus kyi bsṅags pa brjod do ||bram ze des smras pa | bu dag ci ji sñed thos pa de sñed bgrod par bya ba yin nam | (3) ’di ltar yul dag ni thos na dga’ bar ’gyur ba yin pas mñan par bya’i | bgrod par ni mi bya’o ||mkhan po śed bu ’di’i mchid nas | yul dbus na bdag cag gi mkhan pos gaṅ dag gi gdoṅ du blta bar yaṅ mi nus pa | sñan par smra ba smra (4) ba’i khyu mchog de lta bu dag mchis so źes mchi’o ||bu dag ci kho ba na re | sa’i steṅ na kho bo gcig pu kho na las smra ba gźan ’ga’ yaṅ med do źes zer ram | sa ni rin po che maṅ po ’dzin pa yin pas sa gźi ni mdzes pa dag gis gaṅ ba yin no ||(5) mkhan po re źig yul de yaṅ mthoṅ bar ’gyur źiṅ | chu ṅogs su ñe reg kyaṅ bgyi | smra ba’i khyu mchog de dag la yaṅ bsñen bkur bgyi | rgol ba dag kyaṅ tshar gcad par bgyi | raṅ gi grags pa yaṅ bsgrag par bgyi | rñed pa (6) yaṅ bsgrub par bgyis | bdag cag yul dbus su mchi’o ||bram ze de slob ma la rjes su chags pa daṅ bcas pa daṅ | ’khor ñuṅ ba yin pas des śed bu de dag la ’di skad ces smras so ||bu dag gal te de lta na g-yaṅ gźi dag daṅ | (7) śiṅ śun dag daṅ | dbyug gu dag daṅ | blugs gzar dag daṅ | dgaṅ gzar dag daṅ | ril bdag loṅ śig daṅ yul dbus su ’doṅ ṅo ||de dag gis de dag blaṅs nas | bram ze de śed bu de dag daṅ lhan cig yul dbus su (222b1) ’phags pa daṅ | des rgol ba kha cig ni tshar bcad de rgol ba’i śiṅ rta la sbyor bar byed | kha cig mgor thal ba’i bum pa dag gis bsnun | kha cig ni ’phoṅ gi dpoṅ sar khwa bźin du thag riṅ po nas yoṅs su spoṅ bar byed | kha cig ni gdugs (2) daṅ | rgyal mtshan daṅ | ba dan dag gis bsu bar byed | kha cig ni slob ma ñid du khas len par byed ciṅ de mthar gyis groṅ daṅ groṅ rdal daṅ | dbye tshoṅs daṅ | tshoṅ rdal dag tu rgol ba ’dul źiṅ mñan yod du phyin to || ||(3) ’dul ba rnam par ’byed pa | bam po sum bcu rtsa brgyad pa |mñan yod na bram ze ’khor śin tu maṅ ba źig gis | lho lam nas bram ze rgol ba źig ’oṅs źes thos so ||thos nas kyaṅ des raṅ gi ’khor rnams la smras pa | śes ldan dag śes (4) par gyis śig | kho bos lho lam nas bram ze rgol ba źig mñan yod du ’oṅs źes thos kyis | de gal te rig pa’i gnas che ge mo źig la gtam ’dre bar byed na | khyod kyis de daṅ lhan cig gtam ’dre bar bya’o ||rig pa’i gnas che ge mo źig la (5) gtam ’dre bar byed na ni | khyod kyis de daṅ lhan cig gtam ’dre bar bya’o ||gal te re źig tshar gcad par nus na de lta na legs | gal te tshar gcad par ma nus na śākya ’i bu’i dge sbyoṅ rnams kyi naṅ du gtaṅ bar bya’o ||gal te re źig śākya ’i bu’i (6) dge sbyoṅ rnams tshar chod na | bram ze mchog ñid du ’gyur la | gal te śākya ’i bu’i dge sbyoṅ rnams kyis tshar gcad par gyur na | de lta na yaṅ lho lam nas rgol ba źig ’oṅs pa de mñan yod nas tshar bcad do źes bdag cag la phyogs daṅ phyogs (7) mtshams rnams su sñan pa’i sgra’i tshogs rgya chen po dge ba mṅon par ’byuṅ bar ’gyur ro ||lho lam nas ’oṅs pa’i bram ze de naṅapara sṅar laṅs te gos kyis glo dkris nas rtswa’i sgron ma thogs te mñan yod du źugs pa daṅ | mñan yod pa’i bram ze’i (223a1) khye’u rnams kyis de la smras pa | mkhan po ci’i slad du gos kyis glo dkris par gyur | kho bos thos pa de sñed bzuṅ ba glo rdol te mi ’byuṅ bar bya ba’i phyir ro ||gal te de lta na zaṅs ma’i glegs bus dkris par bgyi ba’i rigs (2) so ||ci’i slad du rtswa’i sgron ma bsnams | ci ’jig rten mi śes pa’i mun pa can gyi naṅ du śes pa’i sgron mas ’jug par bya’o ||de de dag daṅ lhan cig rig pa’i gnas gaṅ daṅ gaṅ la gtam ’dre bar byed pa de daṅ de la des de dag spobs pa (3) med par byed ciṅ | gaṅ gi tshe thams cad spobs pa med par byas pa de’i tshe na de dag gis smras pa | mkhan po ci raṅ gi pyogs ’joms pa kho na lags sam | des smras pa | ci kho bo la gźan gyi phyogs ’ga’ źig kyaṅ yod dam ||de dag (4) gis smras pa | mchis te śākya ’i bu’i dge sbyoṅ byuṅ nas dus riṅ po ma lags pa dag lags te | de dag ni śin tu rigs bźi po dag rnam par dag par ’dod pa daṅ | ston pa daṅ | ’dogs pa daṅ | rab tu ’joms par bgyid pa lags kyis | de (5) dag daṅ re źig lhan cig gtam ’dre bar mdzod cig | de dag ga la ’khod | mñan yod ’di ñid na rgyal byed kyi tshal mgon med zas sbyin gyi kun dga’ ra ba na’o ||de dag gi smra ba’i khyu mchog gaṅ yin | de dag thams cad kyaṅ mkhas pa | spyod pa (6) gsal ba śa stag lags mod kyi | ’on kyaṅ de dag gi smra ba’i khyu mchog ni | dge sbyoṅ lag brgyud ces bgyi ba lags so ||de ga la ’dug | mñan yod ’di ñid na rgyal byed kyi tshal mgon med zas sbyin gyi kun dga’ ra ba na’o ||de dag de ltar (7) gtam ’dre bar byed pa na | śākya ’i bu lag ba rgyud de ñid du phyin nas | bram ze’i khye’u de dag gis bram ze de la smras pa | mkhan po re źig śākya ’i bu’i dge sbyoṅ gźan dag źog la | śākya ’i bu lag brgyud ’di daṅ lhan cig gtam ’dre bar mdzod (223b1) cig | des de mthoṅ nas smras pa | ’di la slob dpon gyi mtshan yod pas ’di ni smra ba’i khyu mchog yin no źes de de’i gan du soṅ ste smras pa | kye dge sloṅ bdag gis bla ma las ya ge cuṅ zad blaṅs pa dag cig yod de | bdag khyod daṅ lhan cig cuṅ (2) zad gtam rnam par gtan la dbab par byed par ’dod do ||bram ze ma ñes te | kho bo la yaṅ gaṅ du bdag gi rgol ba’i bstan bcos rnon por bya sñam pa’i blo skyes na | khyod kyaṅ ’dir ’oṅs kyis de bźin bya’o ||ñi ma gaṅ la bya | saṅ bya’o ||(3) phyogs gaṅ du | skyed mos tshal ga ge mo źig tu’o ||de bźin bya’o źes smras te soṅ ṅo ||de nas bram ze de phyogs daṅ gźan gyi phyogs sems śiṅ gal te de ’di skad ces zer na | bdag gis ’di skad ces bya’o sñam du sems pa na mtshan thams (4) cad ’das par gyur to ||śākya ’i bu lag brgyud kyis bsams pa | gal te bdag gis re źig bram ze tshar bcad na ni | de lta na yaṅ bdag gis sgo ’phar brgyad dag ’das te | ji ltar lto dgaṅ ba bsgrub par bya dgos so ||gal te bram (5) zes bdag tshar bcad na ni | de lta na bdag gi grags pa’i phreṅ ba med par ’gyur ro sñam mo ||bram ze yaṅ naṅ par sṅar laṅs te skyed mos tshal du soṅ nas | des der de yun riṅ du bsdad de | de ma ’oṅs par rig nas mñan yod du źugs so ||(6) śākya ’i bu lag brgyud kyaṅ brtsad pa’i dus yol nas | mñan yod du bsod sñoms la źugs par daṅ | de bram ze des mthoṅ nas smras pa | kye dge sloṅ khyod skyed mos tshal der ma ’oṅs so ||lag brgyud kyis smras pa | kho bo skyed mos tshal (7) gaṅ du bos na ma ’oṅs | saṅ skyed mos tshal ga ge mo źig tu gtam rnam par gtan la dbab par bya’o źes so ||lag brgyad kyis smras pa | bram ze kho bos ye brjed do ||bram zes bsams pa | bdag ni mtshan thog thag tu phyogs daṅ | (224a1) gźan gyi phyogs sems pas nam naṅs par gyur na | dge sloṅ ’di na re kho bos ye brjed do źes zer ba las na | yaṅ na ni blon po chen po źig yin no ||yaṅ na ni śes pas mi ’khrugs pa źig yin no sñam nas des smras pa | kye (2) dge sloṅ saṅ bya’o ||bram ze de ltar bya’o ||bram ze de phyi de ñin par yaṅ naṅ par sṅar laṅs te skyed mos tshal der soṅ nas | des der yun riṅ du bsdad de | de ma ’oṅs par rig nas yaṅ mñan yod du źugs so ||śākya ’i bu lag brgyud kyaṅ (3) brtsad pa’i dus yol nas | mñan yod du bsod sñoms la źugs pa daṅ | de bram ze des mthoṅ nas smras pa | kye dge sloṅ khyod skyed mos tshal der ma ’oṅs so ||lag brgyud kyis smras pa | bram ze’i ci kho bo’i bya ba de kho nar zad dam | (4) kho bos je ston pa la bsñen bkur bya dgos so ||thos pa gzuṅ bar bya dgos so ||tshogs klog tu gźug dgos so ||bram ze daṅ | khyim bdag ’oṅs śiṅ lhags pa rnams la yaṅ chos bstan par bya dgos so ||bram zes smras (5) pa | dge sloṅ khyod tshad du bsams te mtho ’tsham pa mi byed dam | de yin no ||de’i tshe na śākya ’i bu lag brgyud yul phyogs byed ciṅ brda daṅ mtshan ma byed do ||des yul phyogs byas śiṅ brda daṅ mtshan ma byas nas ched du bsams te mi ’gro nas | (6) gźan mu stegs can dag śes ldan dag | śākya ’i bu’i dge sbyoṅ ’di dag ni brdzun smra ba brdzun smra ba las ma log | ma spaṅs so sor ma spaṅs pa dag yin te | yul phyogs byed ciṅ brda daṅ mtshan ma byed la | yul phyogs byas śiṅ (7) brda daṅ mtshan ma byas nas | ched du bsams te ’gro bar mi byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to ||de nas bcom ldan ’das kyis byuṅ (224b1) ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no ||saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa (2) ma bźin te | saṅs rgyas bcom ldan ’das kyis śākya ’i bu lag brgyud la rmas pa | lag brgyud khyod yul phyogs byed ciṅ brda daṅ mtshan ma byed la | yul phyogs byas śiṅ brda daṅ mtshan ma byas nas | ched du bsams te mi (3) ’gro ba bden nam | btsun pa mad do ||saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes (4) rnam par smad pa mdzad do ||de nas bcom ldan ’das kyis rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas | ’dul ba la ñan thos (5) rnams kyi bslab pa’i gźi bca’ bar bya ste źes bya ba la sogs pa sṅa ma bźin no ||ṅa’i ñan thos rnams kyis ’dul ba la bslab pa’i gźi ’di ltar gdon par bya ste | śes bźin du brdzun smra na ltuṅ byed do ||śes bźin du źes bya ba ni rnam (6) par dpyad nas so ||brdzun smra na źes bya ba la brdzun smra ba ni rnam pa dgu yaṅ yod | rnam par brgyad kyaṅ yod | rnam pa bdun yaṅ yod | rnam pa drug kyaṅ yod | rnam pa lṅa yaṅ yod | rnam pa bźi yaṅ yod | rnam (7) pa gsum yaṅ yod | rnam pa gñis kyaṅ yod do ||de la brdzun du smra ba rnam pa dgu gaṅ źe na | gźi med par pham par ’gyur ba daṅ | dge ’dun lhag ma daṅ | ltuṅ byed daṅ | so sor bśags par bya ba daṅ | ñes (225a1) byas kyis gleṅ ba daṅ | gźi med par tshul khrims ñams pa daṅ | lta ba ñams pa daṅ | cho ga ñams pa daṅ | ’tsho ba ñams pas gleṅ ba’o ||brdzun du smra ba rnam pa brgyad gaṅ źe na | gźi med par pha ma (2) par ’gyur ba daṅ | dge ’dun lhag ma daṅ | ltuṅ byed daṅ | so sor bśags par bya ba daṅ | ñes byas kyis gleṅ ba daṅ | gźi med par mthoṅ ba daṅ | thos pa daṅ | dogs pas gleṅ ba’o ||brdzun du smra ba rnam pa (3) bdun gaṅ źe na | gźi med par tshul khrims ñams pa daṅ | lta ba ñams pa daṅ | cho ga ñams pa daṅ | ’tsho ba ñams pas gleṅ ba daṅ | gźi med par mathoṅaba daṅ | thos pa daṅ | dogs pas gleṅ ba’o ||brdzun du smra (4) ba rnam pa drug gaṅ źe na | dge sloṅ brdzun du smra bar ’dod pa ni ’di sñam du brdzun smra bar bya’o sñam pa daṅ | brdzun smra ba na ’di sñam du brdzun smra’o sñam pa daṅ | brdzun smras pa na ’di sñam du brdzun smras so sñam pa daṅ | dge sloṅ gźi med par (5) mthoṅ ba daṅ | thos pa daṅ | dog pas brdzun smra ba’o ||brdzun du smra ba rnam pa lṅa gaṅ źe na | gźi med par pham par ’gyur ba daṅ | dge ’dun lhag ma daṅ | ltuṅ byed daṅ | so sor bśags par bya ba daṅ | ñes byas kyis gleṅ (6) pa’o ||brdzun du smra ba rnam pa bźi gaṅ źe na | gźi med par tshul khrims ñams pa daṅ | lta ba ñams pa daṅ | cho ga ñams pa daṅ | ’tsho ba ñams pas gleṅ ba’o ||brdzun du smra ba rnam pa gsum gaṅ źe na | gźi med par mthoṅ ba daṅ | (7) thos pa daṅ | dogs pas gleṅ ba’o ||gźan yaṅ brdzun du smra ba rnam pa gsum gaṅ źe na | brdzun smra bar ’dod pa na ’di sñam du brdzun du smra bar bya’o sñam pa daṅ | brdzun du smra ba na ’di sñam du brdzun du smra’o sñam pa daṅ | brdzun du smras pa na ’di sñam du brdzun smras so sñam (225b1) pa’o ||brdzun du smra ba rnam pa gñis gaṅ źe na | brdzun du smra ba na ’di sñam du brdzun smra’o sñam pa daṅ | brdzun smras pa na ’di sñam du brdzun smras so sñam pa’o ||brdzun smra ba la rnam pa gcig pu ’ba’ źig ni med do ||brdzun du smra ba ni pham par ’gyur ba yaṅ yod | brdzun du smra ba ni dge ’dun (2) lhag mar ’gyur ba yaṅ yod | brdzun du smra ni ñes pa sbom por ’gyur ba yaṅ yod | ltuṅ byed du ’gyur ba yaṅ yod | ñes byas su ’gyur ba yaṅ yod do ||de la brdzun du smra ba pham par ’gyur ba ṅag źe na | ’di lta ste | dge sloṅ med la med bźin du mi’i chos bla ma smra ba’o ||brdzun du (3) smra ba dge ’dun lhag mar ’gyur ba gaṅ źe na | ’di lta ste | dge sloṅ khros śiṅ źe sdaṅ bar gyur nas ci nas kyaṅ ’di tshaṅs par spyod pa daṅ dbral lo sñam nas dge sloṅ dag pa ltuṅ ba med pa la gźi med par pham par ’gyur ba’i chos kyis skur pa ’debs pa’o ||brdzun du smra ba ñes (4) pa sbom por ’gyur ba gaṅ źe na | ’di lta ste | dge sloṅ dge ’dun gyi naṅ du ched du bsams te chos ma yin pa chos su ston pa daṅ | chos chos ma yin par ston pa daṅ | ’dul ba ma yin ba ’dul bar ston pa daṅ | ’dul ba ’dul ba ma yin par ston pa’o ||brdzun du smra ba ñes byas (5) su ’gyur ba gaṅ źe na | ’di lta ste | dge sloṅ zla ba phyed phyed ciṅ so sor thar pa’i mdo bstan pa ’don pan ci ’di la khyed yoṅs su dag gam źes dris pa na yoṅs su ma dag bźin du caṅ mi smra bar sdod pa’o ||brdzun du smra ba ltuṅ byed du ’gyur ba gaṅ źe na | ’di lta ste | brdzun du smra ba (6) rnam pa bźi po de dag ma gtogs par brdzun du smra ba gźan gaṅ yin pa de dag thams cad ni ltuṅ byed du ’gyur ba yin no ||ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ bdag tu sreg par byed | ’tshed (7) bar byed | ltuṅ bar byed pa’o ||gźan yaṅ ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so ||de la ltuṅ bar ji ltar ’gyur źe na || ||

bar sdom la |
ma brjed pa daṅ yid gñis daṅ ||
’du śes pa ni tham (226a1) yin ||

dge sloṅ gis ma mthoṅ ba daṅ | ma thos pa daṅ | ma rig pa daṅ | rnam par mi śes pa la | des ’du śes bsgyur źiṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis mthoṅ ṅo || bdag gis thos so ||(2) bdag gis rig go ||bdag gis rnam par śes so źes zer na smras so cog ltuṅ byed du ’gyur ro ||des mthoṅ la de yaṅ brjed pa daṅ | thos śiṅ rig ste rnam par śes la | de yaṅ brjed nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog (3) pa daṅ | lta ba bsgyur te ’di skad ces bdag gis mthoṅ ste de yaṅ ma brjed do ||bdag gis thos śiṅ rig la rnam par śes te de yaṅ ma brjed do źes zer na smras so cog ltuṅ byed du ’gyur ro ||des mthoṅ la de la yid gñis za ba daṅ | thos śiṅ rig ste rnam par śes la | (4) de la yid gñis za nas | des ’du śes pa bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis mthoṅ ste de la yid gñis mi za’o ||bdag gis thos śiṅ rig la rnam par śes te | de la yid gñis mi za’o źes zer na smras so (5) cog ltuṅ byed du ’gyur ro ||des mthoṅ ba la ma mthoṅ bar ’du śes śiṅ | thos pa daṅ | rig pa daṅ | rnam par śes pa la rnam par ma śes par ’du śes la | des ’du śes bsgyur ciṅabazoda pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis (6) mthoṅ ṅo ||thos so ||rig go ||rnam par śes so źes zer na smras so cog ltuṅ byed du ’gyur ro ||des ma mthoṅ źiṅ thos pa daṅ | rig pa daṅ | rnam par śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad (7) ces bdag gis mthoṅ gi ma thos | ma rig | rnam par ma śes so źes zer na smras so cog ltuṅ byed du ’gyur ro ||des ma thos śiṅ | mthoṅ ba daṅ | rig pa daṅ | rnam par śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di (226b1) skad ces bdag gis thos kyi | ma mthoṅ | ma rig rnam par ma śes so źes zer na smras so cog ltuṅ byed du ’gyur ro ||das ma rig ciṅ | mthoṅ ba daṅ | thos pa daṅ | rnam par śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba (2) bsgyur te ’di skad ces bdag gis rig gi ||ma mthoṅ | ma thos | rnam par ma śes so źes zer na smras so cog ltuṅ byed du ’gyur ro ||des rnam par ma śes śiṅ | mthoṅ ba daṅ | thos pa daṅ | rig la des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa (3) daṅ | lta ba bsgyur te ’di skad ces bdag gis rnam par śes kyi | ma mthoṅ | ma thos | ma rig go źes zer na smras so cog ltuṅ byed du ’gyur ro ||des mthoṅ la de yaṅ brjed pa daṅ thos śiṅ rig ste rnam par śes la | de yaṅ brjed nas des ’du śes bsgyur ciṅ bzod pa daṅ | ’dod pa (4) daṅ | blo gros daṅ | rtog pa daṅ | lta ba bsgyur te ’di skad ces bdag gis ma mthoṅ te | de yaṅ ma brjed do ||ma thos | ma rig | rnam par ma śes te de yaṅ ma brjed do źes zer na smras so cog ltuṅ byed du ’gyur ro ||des mthoṅ la de la yid gñis za ba daṅ | thos śiṅariga ste rnam par (5) śes la de la yid gñis za nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis mthoṅ ste de la yid gñis mi za’o ||bdag gis ma thos | ma rig | rnam par ma śes te de la yid gñis mi za’o źes zer na (6) smras so cog ltuṅ byed du ’gyur ro ||des mthoṅ la mthoṅ bar ’du śes nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma mthoṅ gi thos śiṅ rig la rnam par śes so źes zer na smras so cog ltuṅ byed du ’gyur ro ||(7) des thos la thos par ’du śes nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma thos kyi | mthoṅ źiṅ rig ste rnam par śes so źes zer na smras so cog ltuṅ byed du ’gyur ro ||des rig la rig par ’du śes nas (227a1) des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma rig gi mthoṅ źiṅ thos la rnam par śes so źes zer na smras so cog ltuṅ byed du ’gyur ro ||des rnam par śes la rnam par śes par (2) ’du śes nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te | ’di skad ces bdag gis rnam par ma śes kyi | mthoṅ źiṅ thos la rig go źes zer na smras so cog ltuṅ byed du ’gyur ro ||dge sloṅ gis mathoṅaba daṅ | thos pa daṅ | rig (3) pa daṅ | rnam par śes la de la ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma mthoṅ ṅo ||bdag gis ma thos so ||bdag gis ma rig go ||bdag gis rnam par ma śes so źes zer na smras so cog ltuṅ byed du (4) ’gyur ro ||des ma mthog la de yaṅ ma brjed pa daṅ ma thos ma rig rnam par ma śes la de yaṅ ma brjed nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis mthoṅ ste de yaṅ brjed do ||bdag gis thos śiṅ (5) rig la rnam par śes te de yaṅ brjed do źes zer na smras so cog ltuṅ byed du ’gyur ro ||des ma mthoṅ la de la yaṅ yid gñis mi za ba daṅ | ma thos ma rig rnam par ma śes la de la yid gñis mi za nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog (6) pa daṅ | lta ba bsgyur te ’di skad ces bdag gis mthoṅ ste de la yid gñis za’o ||bdag gis thos śiṅ rig la rnam par śes te de la yid gñis za’o źes zer na smras so cog ltuṅ byed du ’gyur ro ||des ma mthoṅ ba la mthoṅ bar ’du śes śiṅ ma thos pa daṅ | ma rig pa daṅ | rnam par ma śes (7) pa la rnam par śes par ’du śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma mthoṅ ṅo ||ma thos so ||ma rig go ||rnam par ma śes so źes zer na smras so cog ltuṅ byed du ’gyur ro ||des (227b1) mthoṅ źiṅ ma thos pa daṅ | ma rig pa daṅ | rnam par ma śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma mthoṅ gi | thos źiṅ rig la rnam par śes so źes zer na smras so cog ltuṅ (2) byed du ’gyur ro ||des thos śiṅ ma mthoṅ ma rig rnam par ma śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma thos kyi | mthoṅ źiṅ rig la rnam par śes so źes zer na smras so cog (3) ltuṅ byed du ’gyur ro ||des rig ciṅ ma mthoṅ ma thos rnam par ma śes la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis ma rig gi | mthoṅ źiṅ thos la rnam par śes so źes zer na smras so cog ltuṅ (4) byed du ’gyur ro ||des rnam par śes śiṅ ma mthoṅ ma thos ma rig la | des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis rnam par ma śes kyi | mthoṅ źiṅ thos la rig go źes zer na smras so cog ltuṅ (5) byed du ’gyur ro ||des ma mthoṅ ba na yaṅ ma brjed pa daṅ | ma thos ma rig rnam par ma śes la de yaṅ ma brjed nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis mthoṅ ste de yaṅ brjed do ||thos śiṅ rig la rnam (6) par śes te de yaṅ brjed do źes zer na smras so cog ltuṅ byed du ’gyur ro ||de ma mthoṅ pa de la yid gñis mi za ba daṅ | ma thos ma rig rnam par ma śes la de la yid gñis mi za nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces (7) bdag gis mthoṅ ste de la yid gñis za’o ||bdag gis thos śiṅ rig la rnam par śes te de la yid gñis za’o źes zer na smras so cog ltuṅ byed du ’gyur ro ||des ma mthoṅ la ma mthoṅ bar ’du śes nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog (228a1) pa daṅ | lta ba bsgyur te ’di skad ces bdag gis mthoṅ gi | ma thos ma rig rnam par ma śes so źes zer na smras so cog ltuṅ byed du ’gyur ro ||des ma thos la ma thos par ’du śes nas des ’du śes pa sgyur ciṅ bzod pa daṅ | ’dod pa daṅ | blo gros daṅ | rtog pa (2) daṅ | lta ba bsgyur te ’di skad ces bdag gis thos kyi | ma mthoṅ ma rig rnam par ma śes so źes zer na smras so cog ltuṅ byed du ’gyur ro ||des ma rig la ma rig par ’du śes nas des ’du śes bskyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba (3) bsgyur te ’di skad ces bdag gis rig gi ma mthoṅ ma thos rnam par ma śes so źes zer na smras so cog ltuṅ byed du ’gyur ro ||des rnam par ma śes la rnam par ma śes par ’du śes nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur (4) te ’di skad ces bdag gis rnam par śes kyi | ma mthoṅ ma thos ma rig go źes zer na smras so cog ltuṅ byed du ’gyur ro ||dge sloṅ ji tsam du ’du śes bsgyur te tshig smra bar byed na thams cad ltuṅ byed du ’gyur ro ||las daṅ po pa daṅ | smyos pa daṅ | sems ’khrugs pa daṅ | (5) tshor ba dag gis ñen pa la ltuṅ ba med do ||brdzun du smra ba’i ltuṅ byed de daṅ bo rdzogs so || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00ad873a-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display