Bibliotheca Polyglotta

[Pāyantika 7]
saṅs rgyas bcom ldan ’das mñan yod na rgyal (7) byed kyi tshal mgon med zas sbyin gyi kun dga’ ra ba na bźugs so || ’dod chags daṅ bral ba med pa ñon moṅs pa rnams ma spaṅs pa’i phyir dge sloṅ dag dge ’dun lhag ma’i ltuṅ ba ’byin par byed pa daṅ | kha cig ni lam gol bar rgas pas de dag gaṅ (261b1) gi tshe dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin pa rnams la thos pa de’i tshe na de dag ltuṅ ba de chos bźin du phyir byed ciṅ de dag yoṅs su gnas pa daṅ | mgu bar bya ba spyod pa na dge ’dun la chu ’brim pa’i tshe bram ze daṅ | khyim bdag (2) dad pa can dag gis smras pa | gaṅ dag rin po che rtogs pa dag kyaṅ de las ñe bar brtags śiṅ rin po che de dag sdud par byed do || dge sloṅ gnas brtan gnas brtan bsod sñoms pa ’di dag kyaṅ dge ’dun la chu ’brim pa’i bsod sñoms sogs par byed do || (3) drug sde lto mdun can ’di dag ni za źiṅ ’khod par byed do || de dag smod par byed pan drug sde dag gis thos nas de dag gis smras pa | śes ldan dag ci ’di dag chos bzaṅ po’i chos kyis dge ’dun la chu ’brim par byed sñam mam | ’di ltar ’di dag ni chad pa’i las (4) byed pa yin no || de dag gis dris pa | ’di dag gis ci byas | drug sde dag gis lag pas bya ba ma yin pa byas te ’di lta ’di ltar byas so źes smras pa daṅ | de dag dge sloṅ gnas brtan gnas brtan gaṅ dag yin pa de dag gi gnas skabs (5) kyaṅ re źig ’di ’dra na dge sloṅ bar ma daṅ | gsar bu gaṅ dag yin pa de dag gi gnas skabs ci ’dra bar ’gyur źes smod par byed | phyar ka gtoṅ bar byed | kha zer bar byed do || dge sloṅ yoṅs su gnas pa byed pa de dag phyi dro dbu skra daṅ sen (6) mo’i mchod rten dag la lci ba ’jam po’i byug pas ñug par byed pa na drug sde dag gis de dag gi lhan cig gnas pa daṅ | ñe gnas dag la dris pa | dge tshul dag khyed kyi mkhan po daṅ | slob dpon dag gar doṅ | de dag gis smras pa | bsod nams dag (7) byed de | bcom ldan ’das kyi dbu skra daṅ sen mo’i mchod rten dag la lci ba ’jam po’i byug pas ñug par byed do || khyed cag kyaṅ de lta bu’i bsod nams dag gyis śig | ci de dag chos bzaṅ po’i chos kyis dbu skra daṅ sen mo’i mchod rten dag la lci ba ’jam (262a1) po’i byug pas ñug par byed sñam mam | ’di ltar de dag ni chad pa’i las byed pa yin no || de dag gis de dag la dris pa | de dag gis ci byas | drug sde dag gis lag pas bya ba ma yin pa byas te ’di lta ’di ltar byas so źes smras so || (2) gaṅ gi tshe dge sloṅ yoṅs su gnas pa byed pa de dag ltuṅ ba de las laṅs par gyur pa de’i tshe na dge tshul dag la dge tshul dag ’di daṅ ’di gyis śig ces bsgo ba daṅ | dge tshul de dag gis smras pa | khyed raṅ ci’i phyir mi byed | kho bo cag gis byar mi ruṅ (3) ṅo || de dag gis smras pa | khyed kyis ’di lta ’di ltar byar ruṅ na ’di ci’i phyir byar mi ruṅ | de dag gis smras pa | de lta bu yaṅ yod mod kyi ’on kyaṅ kho bo cag gis ltuṅ ba de chos bźin du phyir byas zin to || khyed la sus smras | drug sde dag gis (4) so || dge sloṅ don ñuṅ ṅu dag ci’i phyir dge sloṅ dag gaṅ zag rdzogs par ma bsñen pa la gnas ṅan len gyi ltuṅ ba rjod par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol (5) pa daṅ | bcom ldan ’das kyis bka’ stsal pa | de dag la ’di skad ces lan gdab par bya ste |

gaṅ la ñes pa med pa yin || skyon mi byed pa’i mi gaṅ yin ||
su źig kun du rmoṅs mi ’gyur || su źig rtag tu brtan par gsuṅs ||

yaṅ dag mkhyen (6) pas rnam grol ba || rdzogs pa’i saṅs rgyas rab mkhyen pa ||
de la ñes pa med pa yin || skyon mi byed pa’i mi de yin ||
de ni kun du rmoṅs mi ’gyur || de ni rtag tu brtan par gsuṅs ||

de nas bcom ldan ’das kyis byuṅ ba ’di daṅ | gleṅ gźi ’di (7) daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug (262b1) sde dag la rmas pa | dge sloṅ dag khyed gaṅ zag rdzogs par ma bsñen pa la gnas ṅan len gyi ltuṅ ba brjod pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin (2) pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs dums rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag (3) par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zag rdzogs par ma bsñen pa la (4) gnas ṅan len gyi ltuṅ ba brjod na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi bca’ ba mdzad do || mñan yod na dge sloṅ ’phral ba daṅ | dge sloṅ ma gsal ma źes bya ba ci nas kyaṅ skye bo phal po che’i tshogs ma dad (5) par rig par ’gyur ba de lta de ltar khyim rnams su spyod par byed pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ khyed kyis dge sloṅ ’phral ba daṅ | dge sloṅ ma gsal ma khyim rnams su so sor go bar byed (6) ba’i dge sloṅ bsko bar bya ste | khyim rnams su so sor go bar byed pa’i dge sloṅ chos ldan daṅ mi ldan pa ni ma bskos pa yaṅ bsko bar mi bya la | bskos pa yaṅ dbyuṅ bar bya ste | lṅa gaṅ źe na | ’dun pas ’gro ba daṅ | źe sdaṅ gis ’gro ba daṅ | gti mug gis (7) ’gro ba daṅ | ’jigs pas ’gro ba daṅ | go bar byas pa daṅ ma byas pa’i khyim mi śes pa’o || khyim rnams su so sor go bar byed pa’i dge sloṅ chos lṅa daṅ ldan pa ni ma bskos pa yaṅ bsko bar bya la | bskos pa yaṅ dbyuṅ bar mi bya ste | lṅa gaṅ źe na | ’dun pas (263a1) mi ’gro ba daṅ | źe sdaṅ gis mi ’gro ba daṅ | gti mug gis mi ’gro ba daṅ | ’jigs pas mi ’gro ba daṅ | go bar bya ba daṅ | go bar ma byas pa’i khyim śes pa’o || ’di ltar bsko bar bya ste | gnas mal bśam pa byas nas gaṇ+ḍī (2) brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa na je daṅ por spro bar bya ste | dge sloṅ mig ’di źes bya ba khyod dge sloṅ ’phral ba daṅ | dge sloṅ ma gsal ma khyim rnams su so sor (3) go bar byed par spro’am | gal te spro na des spro’o źes brjod par bya’o || de’i ’og tu dge sloṅ gcig gis gsol ba byas te las bya’o || dge ’dun btsun pa rnams gsan du gsol | dge sloṅ ’phral ba daṅ | dge sloṅ ma gsal ma ci nas kyaṅ skye bo phal po che’i tshogs (4) ma dad par rig par ’gyur ba de lta de ltar khyim rnams su spyod par bgyid de | dge sloṅ miṅ ’di źes bgyi ba ’di dge sloṅ ’phral ba daṅ | dge sloṅ ma gsal ma khyim rnams su so sor go bar bgyid par spro na | gal te dge ’dun gyi dus la bab ciṅ bzoṅ na dge ’dun (5) gyis gnaṅ bar mdzod cig daṅ | dge ’dun gyis dge sloṅ miṅ ’di źes bgyi ba ’di khyim rnams su so sor go bar bgyid par bsko ste | dge sloṅ miṅ ’di źes bgyi ba ’di dge sloṅ ’phral ba daṅ | dge sloṅ ma gsal ma khyim rnams su so sor go bar bgyid do || ’di (6) ni gsol ba’o || las ni ’di ltar bya ste | dge ’dun btsun pa rnams gsan du gsol | dge sloṅ ’phral ba daṅ | dge sloṅ ma gsal ma ci nas kyaṅ skye bo phal po che’i tshogs ma dad par rig par ’gyur ba de lta de ltar khyim rnams su spyod par bgyid nas dge sloṅ (7) miṅ ’di źes bgyi ba ’di dge sloṅ ’phral ba daṅ | dge sloṅ ma gsal ma khyim rnams su so sor go bar bgyid par spro ste | de’i slad du dge ’dun gyis dge sloṅ miṅ ’di źes bgyi ba ’di khyim rnams su so sor go bar bgyid par bsko ste | dge sloṅ miṅ ’di źes bgyi ba ’di (263b1) dge sloṅ ’phral ba daṅ | dge sloṅ ma gsal ma khyim rnams su so sor go bar bgyid na tshe daṅ ldan pa gaṅ dag dge sloṅ miṅ ’di źes bgyi ba ’di khyim rnams su so sor go bar bgyid par bsko bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ (2) śig | dge ’dun gyis bzod ciṅaganaṅa nas dge ’dun gyis dge sloṅ miṅ ’di źes bgyi ba ’di khyim rnams su so sor go bar bgyid par bskos lags te ’di ltar caṅ mi gsuṅ bas de de bźin du ’dzin to || dge sloṅ dag ṅas dge sloṅ khyim rnams su so sor (3) go bar byed pa’i kun du spyod pa’i chos dag bca’ bar bya ste | dge sloṅ khyim rnams su so sor go bar byed pas ’di skad ces brjod par bya ste | tshe daṅ ldan pa dag khyed ñon cig | khyim rnams su khyim sun par byed pa daṅ | gnas rnams su gnas sun par (4) byed pa ’di lta ste | dper na ’bras sā lu’i źiṅ phun sum tshogs pa la ser ba ’khor lo mi bzad pa bab na ’di ltar ’bras sā lu de ñid śin te ma daṅ | chud za ba daṅ | tshul ma yin pas ma ruṅ bar ’gyur ba daṅ | bu ram śiṅ gi źiṅ phun sum tshogs pa la nad kyi rigs dmar po (5) źes bya ba byuṅ na ’di ltar bu ram śiṅ de ñid śin te ma daṅ | chud za ba daṅ | tshul ma yin pas ma ruṅ bar ’gyur ba lta bu dag yod kyis | tshe daṅ ldan pa dag khyed cag dge sloṅ ’di daṅ dge sloṅ ma ’dis bstan pa’i tshod ma ’dzin cig | ’di ltar dge sloṅ (6) ’di daṅ | dge sloṅ ma ’di ni yos tshig pa bźin du chos ’dul ba ’di la skyer mi ruṅ ba’i chos can yin gyis | bcom ldan ’das daṅ | gnas brtan kun śes kauṇ+ḍi n+ya daṅ | rlaṅs pa daṅ | rta thul daṅ | bzaṅ ldan daṅ | gnas brtan grags pa daṅ | (7) gaṅ po daṅ | dri med daṅ | ba laṅ bdag daṅ | lag bzaṅs daṅ | śā ri’i bu daṅ | maud gal gyi bu chen po daṅ | gsus po che chen po daṅ | skul byed chen po daṅ | ka t+ya’i bu chen po daṅ | lteṅ rgyas ’od sruṅ daṅ | chu kluṅ ’od sruṅ daṅ | gayā (264a1) ’od sruṅ daṅ | ’gab ma ’od sruṅ daṅ | ’od sruṅ chen po daṅ | dga’ byed daṅ | ki ma pi la daṅ | legs skyes daṅ | nam gru daṅ | sa ri daṅ | ñe sde daṅ | som ñi nam gru daṅ | lam brtan daṅ | lam phran brtan daṅ | brtag (2) pa’i śiṅ rta daṅ | chen po pa daṅ | grags sbyin daṅ | de dag la sogs pa dge sloṅ gnas brtan gnas brtan rnams la ltos śig ces brjod par bya’o || dge sloṅ khyim rnams su so sor go bar byed pa de khyim rnams su so sor go bar byed du soṅ ba daṅ | dge sloṅ (3) ’phral bas dge ’dun gyis dge sloṅ miṅ ’di źes bya ba de khyim rnams su so sor go bar byed par bskos so źes thos nas de de’i gan du soṅ ste smras pa | khyod khyim rnams su kho bo sun ’byin du ’gro’am | dge ’dun gyi chos daṅ ldan pa’i bka’ bsgrub par bya’o || kho (4) bos de daṅ de byar ruṅ na khyod kyi lto dral te rgyu ma dag gis rgyal byed kyi tshal dkri bar bya ba daṅ | mgo yaṅ ’bru mar gyi snod bźin du rgyal byed kyi tshal gyi sgor dpyaṅ la gdags par mi ruṅ ba ci yod | dge sloṅ des dge sloṅ rnams la ’phral bas bdag spyos te | de na re kho bos (5) de daṅ de byar ruṅ na khyod kyi lto dral te rgyu ma dag gis rgyal byed kyi tshal dkri bar bya ba daṅ | mgo yaṅ ’bru mar gyi snod bźin du rgyal byed kyi tshal gyi sgor dpyad la gdags par mi ruṅ ba ci yod ces zer gyis | bdag de khyim rnams su so sor go bar byed par mi spro źes zer (6) ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag mi gti mug can des gaṅ zag ni gsod par nus kyi | dge ’dun ni mi nus pas de’i phyir dge ’dun gyis khyim rnams su so (7) sor go bar bya’o || ’di ltar so sor go bar bya ste | gsol ba ’ba’ źig gi las bya’o || de yaṅ ’di ltar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ (264b1) mthun par gyur pa la dge sloṅ gcig gis gsol ba bya ste | dge ’dun btsun pa rnams gsan du gsol | dge sloṅ ’phral ba ’di daṅ | dge sloṅ ma gsal ma ’di ci nas kyaṅ skye bo phal po che’i tshogs ma dad par rig par ’gyur ba de lta de ltar khyim rnams su spyod par (2) bgyid | dge sloṅ ’phral ba daṅ | dge sloṅ ma gsal ma ci nas kyaṅ skye bo phal po che’i tshogs ma dad par rig par ’gyur ba de lta de ltar khyim rnams su spyod par bgyid kyaṅ | dge sloṅ ’phral ba daṅ | dge sloṅ ma gsal ma mkhyim rnams su so sor go bar bgyid par spro ba su yaṅ (3) ma mchis na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dge sloṅ ’phral ba daṅ | dge sloṅ ma gsal ma ci nas kyaṅ skye bo phal po’i che’i tshogs ma dad par rig par ’gyur ba de lta de ltar khyim rnams (4) su spyod par bgyid par gaṅ gis mthoṅ źiṅ gaṅ du mthoṅ ba des khyim der khyed dge sloṅ ’di daṅ | dge sloṅ ma ’dis bstan pa’i tshod ma ’dzin cig | dge sloṅ ’di daṅ | dge sloṅ ma ’di ni yos tshig pa bźin du chos ’dul ba ’di la skyer mi ruṅ ba’i chos can yin (5) gyis | bcom ldan ’das daṅ dge sloṅ gnas brtan gnas brtan rnams la ltos śig ces so sor go bar bgyid du stsal to || ’di ni gsol ba’o || bcom ldan ’das kyis so sor rig par khyim dag tu so sor go bar bya’o źes bka’ stsal na | de dag so (6) sor rig pa daṅ | so sor ma rig pa’i khyim dag tu so sor go bar byed pa na | de dag bsod sñoms kyis phoṅs par gyur pa’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | so sor rig pa’i khyim (7) dag tu so sor go bar bya’i || so sor ma rig pa’i khyim dag tu so sor go bar mi bya ste | de lta bas na dge ’dun gyis gnaṅ ba ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad (265a1) bsñuṅs pa’i bsṅags pa brjod nas de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni (2) gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ gaṅ zag rdzogs par ma bsñen pa la gnas ṅan len gyi ltuṅ ba brjod na dge ’dun gyis gnaṅ ba ma gtogs te ltuṅ byed do || yaṅ dge sloṅ (3) gaṅ źes bya ba ni drug sde ’am | gźan yaṅ de lta bu gaṅ yin pa’o || gaṅ zag rdzogs par ma bsñen pa la źes bya ba la rdzogs par bsñen pa ni gñis te | dge sloṅ daṅ | dge sloṅ ma’o || de las gźan pa ni rdzogs par ma bsñen pa’o || gnas ṅan len (4) ces bya ba la gnas ṅan len ni gñis te | pham bar ’gyur ba kun nas sloṅ ba daṅ | dge ’dun lhag ma kun nas sloṅ ba’o || de ci’i phyir de dag gnas ṅan len ces bya źe na | ṅo bo ñid las daṅ | kun nas sloṅ ba las so || ltuṅ ba brjod na źes bya ba ni smra na’o || dge ’dun (5) gyis gnaṅ ba ma gtogs te źes bya ba ni dge ’dun gyis gnaṅ ba bźag ste’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || (6) gźan yaṅ ltuṅ ba de ma bśags śiṅaso sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis so sor ma rig pa’i khyim dag tu so sor ma rig par ’du śes pas dge (7) sloṅ so sor go bar byed na ltuṅ byed du ’gyur ro || dge sloṅ gis so sor ma rig pa’i khyim dag tu so sor ma rig par yid gñis za bas dge sloṅ so sor go bar byed na ltuṅ byed du ’gyur ro || dge sloṅ gis so sor rig pa’i khyim dag tu so sor ma rig par ’du śes (265b1) pas dge sloṅ so sor go bar byed na ñes byas su ’gyur ro || dge sloṅ gis so sor rig pa’i khyim dag tu so sor ma rig par yid gñis zabs dge sloṅ so sor go bar byed na ñes byas su ’gyur ro || dri la bsgrags pa la ni ltuṅ ba med do || ṅos la ri mor bris (2) pa phan chad la yaṅ ltuṅ ba med do || ji ltar bdag gis śes pa de bźin du ’jig rten thams cad kyis kyaṅ śes so sñam na’o || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || gnas ṅan len brjod (3) pa’i ltuṅ byed de bdun pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00bd2d30-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display