Bibliotheca Polyglotta

[Pāyantika 14]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na (7) bźugs so || de’i tshe na khyim bdag gcig gis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs pa daṅ | dge sloṅ gi dge ’dun ni bźugs so || bcom ldan ’das ni rdzas las byuṅ ba na bźugs śiṅ bsod sñoms mṅon par (8a1) bsgrubs so | saṅs rgyas bcom ldan ’das ni rgyu lṅas rdzas las byuṅ ba na bźugs śiṅ bsod sñoms mṅon par sgrub par mdzad de | lṅa gaṅ źe na | naṅ du yaṅ dag ’jog la bźed pa daṅ | lha rnams la chos ston par bźed pa daṅ | nad (2) pa la lta bar bźed pa daṅ | gnas mal la rtog par bźed pa daṅ | ’dul ba la ñan thos rnams kyi bslab pa’i gźi bca’ bar bźed pa’o || don ’dir ni bcom ldan ’das gnas mal la rtog par bźed pa daṅ | ’dul bal ñan thos rnams kyi bslab pa’i gźi (3) ’cha’ bar bźed pas rdzas las byuṅ ba na bźugs śiṅ bsod sñoms mṅon par sgrub par mdzad do || de nas bcom ldan ’das kyis dge sloṅ gi dge ’dun soṅ nas riṅ po ma lon pas thugs su chud nas lde mig bsnams te kun dga’i ra ba nas kun dga’i ra bar (4) gtsug lag khaṅ nas gtsug lag khaṅ du | khaṅ khyim nas khaṅ khyim du | ’chags nas ’chags daṅ | gol bar gśegs śiṅ mthar gyis gśegs pa na | khaṅ pa chen po’i gtsug lag khaṅ źig gal bder gśegs so || de’i tshe na khaṅ pa chen po’i gtsug (5) lag khaṅ de na gnas mal rab tu maṅ po dag blag ba med par bźag ciṅ | dus ma yin pa’i sbrin chen po yaṅ ’dus par gyur to | bcom ldan ’das kyis khaṅ pa chen pa’i gtsug lag khaṅ de na gnas ma la rab tu maṅ po dag blag ba med par bźag ciṅ dus ma yin pa’i (6) sprin chen po ’dus pa yaṅ gzigs so || gzigs nas kyaṅ e ma źes gsuṅ źiṅ smad nas ’di sñam du dgoṅs te | bram ze daṅ khyim bdag dad pa can dag gis bags pa daṅ | śa daṅ khrag dag btsir ciṅ btsir ciṅ sbyin pa dag sbyin | bsod nams dag (7) byed pa gaṅ yin pa de la dge sloṅ dag drod mi śes pa daṅ | so sor mi rtog par yoṅs su loṅs spyod do sñam du dgoṅs so || de nas bcom ldan ’das kyis rdzu ’phrul gyis dus ma yin pa’i sbrin chen po de phyir dgag pa mdzad do | bcom ldan ’das kyis rdzu ’phrul (8b1) gyis dgag pa mdzad pas de steṅ gi bar snaṅ la chu lon lta bur gyur te | mtha’ na ’dug ciṅ śas cher bcom ldan ’das la sdod ciṅ ’dug go || de nas bcom ldan ’das kyis gnas mal rab tu maṅ po de dag skyabs yod par bru bas nas dbyar gyi na bza’ ras chen (2) bsnams te sku bsil bar bźed nas baṅ rim na bźugs so || de nas bcom ldan ’das kyis dus ma yin pa’i sprin chen po de dgag pa’i rdzu ’phrul de slar bsdu ba mdzad de | bcom ldan ’das kyis rdzu ’phrul de slar bsdu ba mdzad nas ’brug grags śiṅ char gyis (3) gśoṅ daṅ thaṅ thams cad tshim par gyur to || de nas bcom ldan ’das kyis sku dag bsil nas źabs gñis bsil te | naṅ du yaṅ dag ’jog gi slad du gtsug lag khaṅ du gśegs so || de nas dge sloṅ bsod sñoms blaṅs nas | (4) bcom ldan ’das ga la ba der soṅ ṅo | saṅs rgyas bcom ldan ’das rnams ni chos ñid kyis bsod sñoms sgrub pa’i dge sloṅ la | dge sloṅ ji lta zas bsod dam | dge sloṅ gi dge ’dun tshim pa na byas sam źes so sor kun dga’ bar mdzad pa yin pas | bcom (5) ldan ’das kyis dge sloṅ bsod sñoms sgrub pa la | dge sloṅ ji lta zas bsod dam | dge sloṅ gi dge ’dun tshim par byas sam źes so sor kun dga’ bar mdzad pa daṅ | des gsol pa | btsun pa te por zas bsod ciṅ | dge sloṅ gi dge ’dun tshim par bgyis so || (6) de nas bcom ldan ’das źal zas kyi bya ba mdzad nas gtsug lag khaṅ gi slad rol du źabs gñis bsil te | naṅ du yaṅ dag ’jog gi slad du gtsug lag khaṅ du gśegs so || de nas bcom ldan ’das phyi dro naṅ du yaṅ dag ’jog las bźegs nas | dge sloṅ (7) gi dge ’dun gyi goṅ du gdan bśams ba ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag ṅas ’di na dge sloṅ gi dge ’dun soṅ nas riṅ po ma lon par śes nas | lde mig khyer te kun dga’i rab nas (9a1) kun dga’i ra bar | gtsug lag khaṅ nas gtsug lag khaṅ du | khaṅ khyim nas khaṅ khyim du | ’chags nas ’chags daṅ | gol bar soṅ źiṅ mthar gyis ’gro ba na | khaṅ pa chen po’i gtsug lag khaṅ źig gal bder phyin nas | ṅas khaṅ pa (2) chen bo’i gtsug lag khaṅ de na gnas mal rab tu maṅ po dag blag ba med par bźag ciṅ dus ma yin pa’i sprin chen po ’dus pa mthoṅ ṅo || mthoṅ nas kyaṅ e ma źes byas te smad nas | ’di sñam du bram ze daṅ khyim bdag dad pa can dag gis pags pa daṅ | (3) śa daṅ khrag dag btsir ciṅ sbyin pa dag sbyin | bsod nams dag byed pa gaṅ yin pa de la dge sloṅ dag drod mi śes pa daṅ | so sor mi rtog par yoṅs su loṅs spyod do sñam du dgoṅs kyis dad pas sbyin par bya ba la drod ran par (4) yoṅs su loṅs spyad pa daṅ | spaṅ źiṅ yoṅs su loṅs spyad pa daṅ | dus su yoṅs su loṅs spyad pa daṅ | brtag ciṅ yoṅs su loṅs spyad pa daṅ | khad kyis yoṅs su loṅs spyad na legs so || ||

bar sdom la |
drod ran pa daṅ spaṅ ba daṅ ||
(5) de bźin dus daṅ brtag pa daṅ ||
khad kyis yoṅs su spyad pa yin ||

de nas bcom ldan ’das kyis drod pa daṅ | spaṅ ba daṅ | ṅus daṅ | brtag pa daṅ | khad kyis yoṅs su loṅs spyod pa’i bsṅags pa brjod nas | dge sloṅ rnams la bka’ stsal pa | (6) dge sloṅ dag de lta bsan phan yon bcu yaṅ dag par gzigs pas ’dul bal ñan thos rnams kyi bslab ba’i gźi bca’ bar bya ste źes bya ba la sogs pa sṅam bźin no || ṅa’i ñan thos rnams kyis ’dul bal bslab pa’i gźi ’di ltar gdon par bya ste | yaṅ dge (7) sloṅ gaṅ dge ’dun gyi khri’am | khri’u’am | stan naṅ tshaṅs can nam | la ba’am | sṅas sam | gor bu blag ba med par btiṅ ṅam ’diṅ du bcug nas ma bsdus sam | sdud dum bcug par de nas soṅ na ltuṅ byed do źes bcom ldan ’das kyis ’dul ba la (9b1) ñan thos rnams kyi bslab pa’i gźi bca’ bar mdzad do || dge sloṅ rab tu maṅ po dge don mthun daṅ lhan cig ljoṅs rgyur doṅ ba na ri brags śig tu phyin nas | de dag gis ri brag der gnas bca’ bar brtsams pa daṅ | ri brags de na gtsug lag khaṅ źig (2) yod nas de na de dag la mi źig gis smras pa | ’phags pa dag khyed cag gtsug lag khaṅ du mi gnas sam | bźin bzaṅs mi gnas te kho bo cag ni don mthun la rag las pa yin pas | gal te kho bo cag gtsug lag khaṅ du gnas par gyur na don mthun (3) gyis kho bo cag bor te ’gro bar ’gyur ro || des smras pa | ’phags pa dag bźud la gtsug lag khaṅ du gzims śig daṅ | don mthun cha ba’i dus kyi tshe bdag gis ’phags pa dag bslaṅ bar bgyi’o || de dag gtsug lag khaṅ du doṅ ste gnas mal (4) bśams nas ñal ba daṅ | don mthun chas te | glaṅ tha ma bka’ zin pa daṅ | de nas mi de sad nas de soṅ ste dge sloṅ rnams la smras pa | ’phags pa dag don mthun chas kyis myur du spyon cig | de dag ji srid du lag pa dag bsñal bar byed | so śiṅ (5) dag ’dor bar byed | gnas mal ṅag gtoṅ bar byed pa de srid du don mthun thal bar gyur nas | de dag phyi bźin ’braṅ źiṅ ’doṅ ba na chom rkun pa dag gis bcom par gyur nas de dag mthar gyis gtsug lag khaṅ du phyin pa daṅ | de dag dge sloṅ rnams kyis (6) mthoṅ nas smras pa | tshe daṅ ldan pa dag ’oṅs pa legs so ’oṅs pa legs so || ji lta bde bar brgyus sam | tshe daṅ ldan pa dag bde bar brgyus re skan | ci ñes | tshe daṅ ldan pa dag kho bo cag chom rkun pa dag gis bcom mo źes zer ba’i skabs de dge sloṅ (7) rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ ’khod pa dag la bcol bar bya’o || bcom ldan ’das kyis dge sloṅ ’khod pa dag la bcol bar bya’o źes bka’ stsal nas | mñan yod na khyim bdag gñis (10a1) śig ’khod pa de gñis phan tshun kho na yod ciṅ gcig ni dad pa daṅ ldan pa yin la | gcig ni ma dad pa yin nas | dad pa can gyis bsams pa | kho spel bas ci bya ste | kho na źi bar byas soṅ la rab tu ’byuṅ bar bya’o sñam nas de rgyal byed kyi (2) tshal du soṅ ste dge sloṅ gi gan tu byuṅ ṅo || khyim bdag ma dad pa śos des mi źig la dris pa | bźin bzaṅs khyim bdag che ge mo źes bya ba de gal soṅ | des smras pa | rab tu byuṅ ṅo || gaṅ du | śākya ’i bu’i dge sbyoṅ rnams kyi naṅ du’o || ci de mi (3) ’jigs pa’i groṅ khyer yin nam | kho bo der yaṅ soṅ la de la gnod par bya’o || ’jig rten ni mdza’ bśes daṅ | dgra bo daṅ | tha mal pa yin pas gźan źig de’i gan du soṅ ste smras pa | khyod la khyim bdag de gśe’o || des bsams pa | bdag (4) ñes dmigs gaṅ gis rab tu byuṅ ba’i ñes dmigs de ñid kyis rjes su ’brel to sñam nas de mkhan po’i druṅ du soṅ ste | smras pa | mkhan po bdag ñes dmigs gaṅ gis rab tu byuṅ ba’i ñes dmigs de ñid kyis rjes su ’brel bar gyur gyis mchi’o || bu gaṅ (5) ṅu ’gro || rgyal po’i khab tu’o || de ltar gyis śig | de rgyal gyis śig | de rgyal po’i khab tu ’phags pa daṅ | khyim bdag de yaṅ rgyal byed kyi tshal du ’oṅs nas dge sloṅ dris pa | ’phags pa khyim bdag ’di źes bgyi bde ci rab tu byuṅ ṅam | rab tu byuṅ ṅo || de gar mchis | (6) rgyal po’i khab tu soṅ ṅo || des bsams pa | ci de mi ’jigs pa’i groṅ khyer yin nam | bdag der yaṅ soṅ la de la mtshams gcad par bya’o sñam nas de yaṅ rgyal po’i khab tu ’phags so || dge sloṅ ni dus su ’gro źiṅ dus ma yin par mi ’gro la | khyim pa ni (7) dus su yaṅ ’gro || dus ma yin par yaṅ ’gro bas dge sloṅ de ri brags kyi gtsug lag khaṅ źig tu źugs pa daṅ | khyim bdag des mthoṅ nas des bsams pa | gal te bdag gis ’di la cuṅ zad smra ba’i rigs na ’di’i grogs dge sloṅ dag maṅ bas bdag la gnod pa (10b1) byed par ’gyur gyis bdag gis saṅ ’di śes par bya’o snam mo || dge sloṅ de yaṅ naṅ par sṅar laṅs te dge sloṅ rnams la smras pa | tshe daṅ ldan pa dag bdag ’gros gnas mal ’de re źes gnas mal gtad pa daṅ | dge sloṅ rnams kyis smras pa | khyod (2) gar ’gro || rgyal po’i khab tu’o || tshe daṅ ldan pa lam ’di ni dogs pa daṅ bcas pa yin gyis ’di nas ma ’gro śig | ’di ni lam gźan yin gyis de nas soṅ źig | de lam de nas soṅ ba daṅ | khyim bdag de yaṅ naṅ par sṅar laṅs nas gtsug lag (3) khaṅ du soṅ ste dge sloṅ la dris pa | ’phags pa dge sloṅ ’di źes bgyi ba gar mchis | rgyal bo’i khab tu’o || śul gaṅ nas | che ge mo źig nas so || de de’i phyi bźin soṅ ba daṅ | dge sloṅ des de mthoṅ nas des de la smras pa | bźin bzaṅs kho na (4) źi bar gyur cig | des smras pa | da źi bar bya’o źes khyim bdag des dge sloṅ de śin tu brdeg nas lhuṅ bzed kyaṅ bcag | chos gos dag kyaṅ dral te tham ma śi tsam byas te btaṅ nas | dbugs de’u chad pa las sos te phyir log nas gtsug lag (5) khaṅ de ñid du phyin pa daṅ | dge sloṅ rnams kyis de mthoṅ na sa smras pa | tshe daṅ ldan pa ci’i phyir khyod gnas skabs ’di lta bur gyur | des skabs de dge sloṅ rnams la rgyas par brjod nas yaṅ smras pa | gal te kho bos tshe daṅ ldan pa dag gis bstan pa ltar (6) ma byas na kho bo gnas skabs ’di ’dra bar mi ’gyur ro źes zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | de ’dra ba’i rkyen ma gtogs so || de nas bcom ldan ’das kyis bslab pa (7) ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i bka’ mchid mdzad nas dge sloṅ rnams la bka’ stsal pa | dge sloṅ dag (11a1) de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul bal bslab pa’i gźi ’di ltar gdon par bya ste | yaṅ dge sloṅ gaṅ dge ’dun gyi khri’am | khri’u’am | stan naṅ tshaṅs can nam | la (2) ba’am | sṅas sam | gor bu bla gab med par btiṅ dam | ’diṅ du bcug nas ma bsdus sam | sdud du ma bcug gam | dge sloṅ ’khod pa la ma bcol bar de nas soṅ na de ’dra ba’i rkyen ma gtogs te ltuṅ byed do || yaṅ dge sloṅ gaṅ źes bya ba ni chos ’di pa’o || (3) dge ’dun gyi źes bya ba ni de bźin gśegs pa’i ñanathosa kyi dge ’dun gyi’o || khri źes bya ba ni khri ñid do || sñan naṅ tshaṅs can źes bya ba ni śiṅ bal can no || la ba źes bya ba ni la ba ñid do || sṅas źes bya ba ni sṅas su (4) gźug pa’o || gor bu źes bya ba ni gru bźi’o || bla gab med par źes bya ba ni ma g-yogs par ro || btiṅ ṅam źes bya ba ni raṅ gis so || ’diṅ du bcu gnas źes bya ba ni gźan no || ma bsdus sam źes bya ba ni riṅ gis so || sdud du ma bcug gam źes bya (5) ba ni gźan no || dge sloṅ ’khod pa la źes bya ba ni ṅe na dge sloṅ gaṅ ’dug pa la’o || ma bcol bar źes bya ba la bcol ba ni rnam pa lṅa ste | gtsug lag khaṅ ’de re źes bya ba daṅ | gtsug lag khaṅ ltos śig ces bya ba ’am | gnas mal ’de re źes bya ba (6) daṅ | gnas mal sdus śig ces bya ba daṅ | sgo lcags chug śig bya ba ñid ni lṅa pa’o || gal te dge sloṅ med na dge tshul la bcol bar bya’o || gal te dge tshul med na khyim bdag la bcol bar bya’o || gal te khyim bdag med na phyogs bźir (7) rnam par bltas te lṅe mig sbas nas ’gro bar bya’o || gal te lam kar dge sloṅ mthoṅ na kho bos phyogs ga ge mo źig tu lde mig sbas kyis loṅ śig ces brjod par bya’o || de nas soṅ na źes bya ba ni ñen kor spaṅs na’o || saṅs rgyas bcom ldan (11b1) ’das la tshe daṅ ldan pa ñe ba ’khor gyis źus pa | btsun pa dge sloṅ gi gnas mal gyi ñen kor gaṅ lags | ñe ba ’khor ṅas bram ze gro bźin skyes la a mra’i sdoṅ po śin tu me tog phun sum tshogs pa | ’bras bu phun sum tshogs pa | yal ga’i tshogs (2) phun sum tshogs pa ’dom bdun gyis bar du chod pa’i mra’i sdoṅ po bdun gaṅ dag yin pa de dag la ’dom bźi bcu rtsa dgu yod bar bstan pa de ni dge sloṅ gi gnas mal gyi ñen kor yin no || de ’dra ba’i rkyen ma gtogs te źes bya ba ni de ’dra ba’i rkyen bźag (3) ste’o|| ltuṅ byed do źes pa ni sems can dmyal ba daṅ | dud ’gro daṅ | yi dgas dan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor (4) ma bśags na dge ba’i chos rnams la sbrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | ’di lta ste | dge sloṅ gis dge ’dun gyi gnas mal bla gab med par bźag ste de nas soṅ na ji srid du ñin kor ma spaṅs (5) kyi bar du ñes byas su ’gyur la | ñen kor spaṅs na ltuṅ byed du ’gyur ro || gal te lam kar bdag gi dge ’dun gyi gnas mal śos ’di lta bu źig tu gźag go sñam du dran źiṅ | gal te de ’di sñam du dran źiṅ | gal te de ’di sñam du bdag gi tshaṅs pa mtshuṅs par spyod pa mkhas pa dag (6) sdud par ’gyur ro sñam na dge sloṅ des phyin cad de ltar mi bya’o sñam du sems bskyed par bya źiṅ tshig tu yaṅ brjod par bya ste ltuṅ ba de yaṅ chos bźin du phyir bya’o || gal te lam kar dge sloṅ der ’gro ba mthoṅ źiṅ | gal te de ’di sñam du ’dis sdud par gyur (7) ro sñam na de la ’di skad ces tshe daṅ ldan pa kho bos dge ’dun gyi gnas mal phyogs ga ge mo źig tu bźag pa de sdus śig ces brjod par bya źiṅ dge sloṅ des phyin cad de ltar mi bya’o sñam du sems bskyed par bya źiṅ tshig tu yaṅ brjod par bya ste ltuṅ ba de yaṅ chos (12a1) bźin du phyir bya’o || dge sloṅ des kyaṅ dge sloṅ de la khas blaṅs nas gus par bya ste bsdu bar bya’o || gal te sdud par mi byed na ’gal tshabs can du ’gyur ro || gal te der son nas bdag gis dge ’dun gyi gnas mal phyogs ’di lta bu źig (2) tu gźag go sñam du dran źiṅ gal te de ’di sñam du bdag gi tshaṅs pa mtshuṅs par spyod pa mkhas pa dag sdud par ’gyur ro sñam na | dge sloṅ des phyin cad de ltar mi bya’o sñam du sems bskyed par bya źiṅ tshig tu yaṅ brjod par bya ste ltuṅ ba de yaṅ chos bźin du phyir (3) bya’o || gal te der son nas dge sloṅ der ’gro ba mthoṅ źiṅ | gal te de ’di sñam du ’dis sdud par ’gyur ro sñam na de la ’di skad ces tshe daṅ ldan pa kho bos dge ’dun gyi gnas mal phyogs ga ge mo źig tu bźag pa de sdus śig ces brjod par bya źiṅ dge sloṅ des (4) phyin cad de ltar mi bya’o sñam du sems bskyed par bya źiṅ tshig tu yaṅ brjod par bya ste ltuṅ ba de yaṅ chos bźin du phyir bya’o || dge sloṅ de la khas blaṅs nas gus bar bya ste bsdu bar bya’o || gal te sdud par mi byed na ’gal tshabs can du ’gyur ro || dge (5) sloṅ gis dge ’dun gyi gnas mal blag ba med par bźag nas gtsug lag khaṅ du ’dir bdag gis sems mñam par ma bźag mñam par gźag go sñam pa’am | sems mñam par bźag pa rnam par grol bar bya’o sñam pas naṅ du yaṅ dag ’jog gi phyir (6) ’jug par byed ciṅ | de tiṅ ṅe ‘dzin de las mtshan mo’i thun daṅ po ’am | thun phyed na ldaṅ bar byed na gal te gnas mal phan phun du ma gyur na ñes byas su ’gyur la | gal te phan phun du gyur na ltuṅ byed du ’gyur ro || dge sloṅ gis dge ’dun gyi gnas mal bla gab (7) med par bźag nas gtsug lag khaṅ du ’dir bdag gis sems mñam par ma bźag pa mñam par gźag go sñam pa’am | sems mñam par bźag pa rnam par grol bar bya’o sñam pas naṅ du yaṅ dag ’jog gi phyir ’jug par byed ciṅ de tiṅ ṅe ‘dzin de (12b1) las mtshan mo’i guṅ thun nam | thun tha ma’am | skya reṅs ma śar ba’am | skya reṅs śar ba’am | ñi ma ma śar ba’am | ñi ma’i brgyad cha śar ba’am | ñi ma’i bźi cha śar ba’am | phyed ma yol ba’am | phyed yol ba’am | ñi ma’i bźi (2) cha lus pa’am | ñi ma’i brgyad cha lus pa’am | ñi ma nub pa’am | rgyu skar dag śar ba na ldaṅ bar byed na | gal te gnas mal phan phun du ma gyur na ma gyur na ñes su ’gyur la | gal te phan phun du gyur na ltuṅ byed du (3) ’gyur ro || saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa gnas mal gyi phan phun du mchis | ñe ba ’khor gñis te | rluṅ gi phan phun daṅ | char pa’i phan phun daṅ | char pa’i phan phun no || rluṅ gi phan phun gaṅ źe na | rim pa gcig nas rim pa (4) gñis ba’i bar du bzlog par gyur pa’o || char pa’i phan phun gaṅ źe na | rim pa gcig nas rim pa gñis pa’i bar du thal bar gyur pa’o ||

khar sdom la |
chos sdom la |
chos bstan pa daṅ mgron ’bod daṅ ||
gtsug lag khaṅ daṅ chos ñid ñan daṅ ||
’dug pa daṅ (5) ni gñis po daṅ ||
sku gzugs daṅ ni nad pa daṅ ||
stan daṅ lṅa daṅ gcig la gñis ||
phyi bźin ’gro daṅ grogs bya daṅ ||
kha ton pa daṅ źu ba daṅ ||
stan bkur ba daṅ zan bcad daṅ ||
brub pa daṅ ni bcol ba daṅ ||
me daṅ chu yaṅ de bźin no ||

bram ze (6) dag khyim bdag dad pa can dag dge sloṅ dag gi gan du ’oṅs te smras pa | ’phags pa dag chos bstan du gsol | dge sloṅ dag gis smras pa | bcom ldan ’das ’di na bźugs kyis | bcom ldan ’das kyi gan du deṅ śig daṅ | bcom ldan ’das ston par (7) ’gyur ro || ’phags pa dag ston pa ñag gcig lags pas re źig lha rnams la chos ston tam | ’on te klu rnams la’am | ’on te gcod sbyin rnams la’am | ’on te mi rnams la chos ston sus ’tshal gyis khyed kyis kyaṅ ston cig | (13a1) bcom ldan ’das kyis ma gnaṅ ṅo źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag de lta bas na rjes su gnaṅ gis dge sloṅ rnams kyis kyaṅ chos bstan par (2) bya’o|| bcom ldan ’das kyis dge sloṅ rnams kyis kyaṅ cos bstan bar bya’o źes bka’ stsal nas | dge sloṅ dag ’greṅ bźin du chos ston par byed pa na de dag skyes bo phal po che’i tshogs kyis yoṅs su bskor bar gyur nas | bram ze daṅ kyim bdag dad pa can dag gis (3) smras pa | ’di dag skyes ’bul ba dag ’oṅs pa yin nam ci źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | ’dug ste chos bstan par bya’o || dge sloṅ dag raṅ raṅ gi stan dag thogs te ’doṅ ba na ma (4) dad pa dag gis mthoṅ nas rol mo ltar ’dod dam ci źes co ’dri bar byed pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | ’dug ste chos bstan par bya’o || de lta bas na rjes su gnaṅ gis dge ’dun gyi stan dag ne bar gźag par bya’o || bcom (5) ldan ’das kyis dge ’dun gyi stan dag ne bar gźag par rjes su gñaṅ ba khyim bag ga mgon med zas sbyin gyis thos nas | des dge ’dun la khri lṅa brgya phul ba daṅ | de dag thams cad chos ston par byed pa na ca cor gyur pa’i skabs de dge sloṅ rnams kyis bcom ldan ’das (6) la gsol pa daṅ | bcom ldan ’das kyis bka’ stsal pa | gcig gis chos bstan par bya’o || de dag gis gaṅ gis bstan par bya ba mi śes nas | bcom ldan ’das kyis bka’ stsal pa | dge ’dun gyi gnas bstan nas bzuṅ ste | dge ’dun gyi gsar bu’i (7) bar gyis chos bstan par bya’o || gal te gsar bu’i mtha’ dag chos ston par byed pa na | rgan pa’i mtha’ dag mi brjid par gyur nas | bcom ldan ’das kyis bka’ stsal pa | rgan pa’i mtha’ logs su ’dug ste chos bstan par bya’o || dge ’dun gyi gnas brtan (13b1) mi brjid par gyur nas | bcom ldan ’das kyis bka’ stsal pa | rgan pa’i mtha’ logs su stan gñis sam gsum bźag ste chos bstan par bya’o || der yaṅ chos ston pa mi brjid par gyur nas | bcom ldan ’das kyis bka’ stsal pa | rgan pa’i mtha’ (2) logs su stan gñis sam gsum bźag ste seṅ ge’i khri bśam par bya’o || chos ston pa ’dzeg dka’ nas | bcom ldan ’das kyis bka’ stsal pa | gal te phyogs ṅes pa yin na so phag dag gis them skas bya’o || gal te phyogs ṅes pa ma yin na śiṅ dag (3) gis them skas bya’o || de mchil ma ’dor bas yid du mi ’oṅ bar gyur nas | bcom ldan ’das kyis bka’ stsal pa | mchil ma’i snod gźag par bya’o || der sbraṅ bu dag ’du nas bcom ldan ’das kyis bka’ stsal pa | gcal blug par bya’o || dge sloṅ rnams kyis (4) ci źig blug pa mi śes nas | bcom ldan ’das kyis bka’ stsal pa | bye ma ’am thal ba blug par bya’o || de dri ṅa bar gyur nas bcom ldan ’das kyis bka’ stsal pa | ṅus ṅus su sbyaṅ ba daṅ bskam par bya’o || de dag gral tshar gcig kho nar riṅ por śo ma par byed (5) pa na gźon pa’i mkha’ dag gis mi thos nas | bcom ldan ’das kyis bka’ stsal pa | gnas mal rnam pa gñis su bśam par bya ste | zla gam gyi rnam pa lta bu’am | rdziṅ bu’i rnam pa lta bur ro || bram ze daṅ khyim bdag dad pa can dag gis dge sloṅ rnams khyim (6) gźan du ma gron du bos pa na dge sloṅ dag ṅaṅ du mi len nas | bram ze daṅ khyim bdag dad pa can dag gis smras pa | ’phags pa dag gaṅ gi tshe saṅs rgyas ’jig rten du ma byuṅ de’i tshe na ni mu stegs can dag sbyin gnas lags mod | da ni bcom ldan ’das ’jig rten (7) du byuṅ bas khyed cag sbyin gnas lags te | gal te khyed cag daṅ du mi bźes na | ci bdag cag dge ba’i śul rgyags ma mchis par ’jig rten ’di nas ’jig rten pha rol du mchi bar bgyi ’am źes zer ba’i skabs de dge sloṅ rnams kyis bcom ldan ’das la gsol pa daṅ | (14a1) bcom ldan ’das kyis bka’ stsal pa | daṅ du blaṅ bar bya’o || de dag stan dag g-yar po byed pa na dge sloṅ rnams kyis mi ster nas | bcom ldan ’das kyis bka’ stsal pa | stan dag brñan par bya’o || dge sloṅ dag zan zos nas | stan de dag (2) khyer te ’doṅ ba na de dag gis smras pa | ’phags pa dag khyed bźud cig daṅ bdag cag gis ’tshal te mchi’o źes zer ba na | dge sloṅ dag ’gyod pas mi ’jog nas | bcom ldan ’das kyis bka’ stsal pa | gźag par bya’o || de dag gis smras pa | ’phags (3) pa dag skom mnabs te bźud kyi bar du re źig gźes śig ces zer ba na dge sloṅ ba na dge sloṅ dag mi sdod nas | bcom ldan ’das kyis bka’ stsal pa | bsdad par bya’o || de dag lade lta bu’i rkyen byuṅ nas des na stan de dag mi skyel nas | bcom ldan ’das kyis bka’ stsal (4) pa | blaṅ bar bya’o || bcom ldan ’das kyis blaṅ bar bya’o źes bka’ stsal nas de dag gis gaṅ gis blaṅ ba mi śes nas | bcom ldan ’das kyis bka’ stsal pa | gnas pa dag gis gaṇ+ḍī chuṅ du brduṅs te blaṅ bar bya’o || bram ze daṅ khyim bdag dad pa (5) can dag gtsug lag khaṅ du lhags te dge sloṅ dag mgron du ’bod pa na dge sloṅ dag du mi len nas | bcom ldan ’das kyis bka’ stsal pa | daṅ du blaṅabara bya’o || de dag dge sloṅ dag zan zos nas stan dag g-yar po byed pa na dge sloṅ dag gis mi ster nas de dag (6) gis smras pa | ’phags pa dag bdag cag ni khyed la bśos gsol ba lags na | khyed kyis bdag cag la stan dge mi g-yar ram źes zer nas bcom ldan ’das kyis bka’ stsal pa | stan dag brñan par bya’o || de dag gis de ñid du bor te doṅ ba na de dag ma byin par len (7) pa dag gis brkus nas bcom ldan ’das kyis bka’ stsal pa | bsruṅ ba’i dge sloṅ gźag par bya’o || ded dag gi naṅ ñid du źugs pa daṅ de dag gis smras ba | ’phags pa ci yaṅ bźed dam | des smras pa | kho bo mi ’dod de | ’di ltar kho bo stan dag sruṅ ṅo || (14b1) de dag gis smras pa | ’phags pa ci bdag cag khyed kyi gdan dag rku sñam mam | gal te thugs mi ches na snoms te bźud cig ces zer nas | bcom ldan ’das kyis bka’ stsal ba | de’i naṅ du ’jug par mi bya bar mtha’ gcig tu ’dug ste | gal te kha ton pa (2) yin na ni des kha ton bya źiṅ de la yaṅ sems gtad par bya’o || gal te spoṅ ba pa yin na ni des kyaṅ mtha’ gcig tu ’dug ste yid la bya ba bskyed par bya źiṅ de la yaṅ sems gtad par bya’o || gaṅ gi tshe doṅ bar gyur pa de’i tshe na brub par bya’o || de dag chaṅ gi tshigs (3) ma daṅ | snum daṅ | bśaṅ ba daṅ | gci bas ma ruṅ bar gyur pa na dge sloṅ dag ’dor bar byed nas | bcom ldan ’das kyis bka’ stsal pa | de dag dor bar mi bya bar gaṅ dag chaṅ gi tshigs mas ma ruṅ bar gyur pa de dag ni chu dag gis sbyaṅ bar bya’o || gaṅ dag (4) snum gyis ma ruṅ bar gyur pa de dag ni chal gyis sbyaṅ bar bya’o || gaṅ dag bśaṅ ba daṅ gci bas ma ruṅ bar gyur pa de dag ni sa’am | ’dag rdzas sam | lci bas sbyaṅ bar bya’o || bcom ldan ’das kyis chos mñan par bya’o || źes bka’ stsal nas | dge sloṅ (5) ṅag bla gab med par byed pa na ñi ma tsha nas | bcom ldan ’das kyis bka’ stsal pa | bla re gdags par bya’o || rluṅ daṅ char byuṅ nas de dag gis gnas mal bor te ’doṅ bas de ma ruṅ bar gyur nas | bcom ldan ’das kyis bka’ stsal pa | brub par bya’o || de (6) ṅag gis sus brub pa mi śes te | su gaṅ la la ’dug pa des de ’brub par byed pa na rgan pa’i mtha’ dag la gźi bzaṅ po bśams pa de dag dge sloṅ gnas brtan gnas brtan dag gis brub par mi nus nas bcom ldan ’das kyis bka’ stsal pa | rgan pa’i mtha’ (7) dag gi ni gźon pa rnams kyis brub par bya źiṅ | gźon pa’i mtha’ dag gi ni rgan pa rnams kyis brub par bya’o || brubs nas tshoms gcig tu byed pas de dag ma ruṅ bar gyur nas | bcom ldan ’das kyis bka’ stsal pa | mthun pa daṅ mthun par gźag par (15a1) bya’o|| de dag phyir chos mñan pa mi byed nas | bcom ldan ’das kyis bka’ stsal pa | g-yogs pa’am | bla gab med par bya’o || de ltar chos ñan pa na bram ze daṅ khyim bdag dad pa can dag gis nor bus spras pa daṅ | gser daṅ dṅul gyis (2) brgyan pa’i gos dag gis seṅ ge’i khri bśams pa daṅ | dge sloṅ dag ’gyod pas mi ’dug nas | bcom ldan ’das kyis bka’ stsal pa | khyim pa’i gos dag yin par bya ste | mi rtag pa ñid yid la bya bas zil gyis mnan nas ’dug par bya ste | ’di la ’gyod (3) par mi bya’o || dge sloṅ dag dge ’dun gyis gnas mal mi ’brub ciṅ de ñid du ’dor ba na de dag ma ruṅ bar gyur nas | bcom ldan ’das kyis bka’ stsal pa | de dag kyaṅ brub par bya’o || khyim bdag gcig la gtsug lag khaṅ dgon pa daṅ | groṅ mtha’ pa (4) gñis yod nas de’i gtsug lag khaṅ groṅ mtha’ pa na ni gnas mal maṅ du yod la | gtsug lag khaṅ dgon pa na ni gnas mal ñuṅ ṅo || dus gźan źig na dgon pa’i gtsug lag khaṅ du dus ston byuṅ nas | dge sloṅ dgon pa pa dag gi groṅ mtha’i gtsug (5) lag khaṅ nas gnas mal g-yar ba daṅ | dge sloṅ groṅ mtha’ pa dag gis ma ste nas | bcom ldan ’das kyis bka’ stsal pa | brñan par bya’o || gal te char ’bab bam | char ’bab du dogs na brñan par mi bya’o || lam kar rluṅ daṅ | char bab pas de (6) dag ma ruṅ bar gyur nas | bcom ldan ’das kyis bka’ stsal pa | śiṅ ljon pa’i druṅ ṅam | rtsig druṅ du bcer te rdzas gcig gis g-yog par bya’o || de dag rdzas bzaṅ pos g-yog par byed nas | bcom ldan ’das kyis bka’ stsal pa | rdzas ṅan pas g-yog par (7) ba’o|| dus stosana zin nas de dag gtsug lag khaṅ ’di yaṅ khyim bdag de’i yin no sñam nas phyir mi ’bul nas | bcom ldan ’das kyis bka’ stsal pa | mthus dgug par bya’o || ṅo mi śes nas bcom ldan ’das kyis bka’ stsal pa | gnas mal ’di ni khyim (15b1) bdag cha ga ma źig gi dgon pa’i gtsug lag khaṅ gi yin no || ’di ni groṅ mtha’i gtsug lag khaṅ gi yin no źes yi ge bri źiṅ gnas mal ji ltar ṅes par byas pa bźin du loṅs spyad par bya’o || khyim bdag mgon med zas sbyin bcom ldan ’das ga la ba der soṅ ste (2) phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la khyim bdag mgo na med zas sbyin gyis ’di skad ces gsol to || gaṅ gi tshe bcom ldan ’das bgres pa’i mtha’ (3) logs na bźugs pa de’i tshe na bgres pa’i mtha’ brjid par gyur ciṅ | gaṅ gi tshe bcom ldan ’das kyis bka’ stsal pa | gnaṅ gis byed du chug śig | des ’dzam bu’i grib ma la bźugs pa’i sku gzugs byed du bcug ste | de rgan pa’i mtha’ log su bźag go || rluṅ daṅ char pa byuṅ nas (4) ma la bźugs pa’i gasaku gzugs bgyid du stsal to || bcom ldan ’das kyis bka’ stsal pa | gnaṅ gis byed du chug śig | des ’dzam bu’i grib ma la bźugs pa’i sku gzugs byed du bcug ste | de rgan pa’i mtha’ logs su bźag go || rluṅ daṅ char pa byuṅ nas (5) dge sloṅ rnams kyis de bor te doṅ ba daṅ | bram ze daṅ khyim bdag dad pa can dag khyed kyis ston pa yaṅ bor ro źes smod par byed nas | bcom ldan ’das kyis bka’ stsal pa | khyim pa’am | dge tshul gyis spyan draṅ bar bya’o || bcom ldan (6) med nas bcom ldan ’das kyis bka’ stsal pa | dge sloṅ rnams kyis ston pa’i ’du śes bskyed de spyan draṅ bar bya’o || dge sloṅ dag na bar gyur nas de dag la su yaṅ mi lta nas | bcom ldan ’das kyis bka’ stsal pa | nad pa dus gsum du blta bar bya’o || bcom ldan (7) ’das kyis nad pa dus gsum du blta bar bya’o źes bka’ stsal nas | de dag gis gaṅ gis blta bar bya ba mi śes nas | bcom ldan ’das kyis bka’ stsal pa | dge ’dun gyi gnas brtan nas bzuṅ sa te dge ’dun gyi gsar bu’i bar gyis blta bar bya’o || bcom (16a1) ldan ’das kyis nad pa blta bar bya’o źes bka’ stsal nas | dge sloṅ gnas brtan gnas brtan dag nad pa lta bar byed pa na | de dag ’greṅ bźin du nad pa lta bar byed pas nad pa dag ñam ṅa bar gyur nas | bcom ldan ’das kyis bka’ stsal pa | ’dug (2) ste nad pa blta bar bya’o || bcom ldan ’das kyis ’dug ste nad pa blta bar bya’o || źes bka’ stsal nas | dge sloṅ dag raṅ raṅ gi stan dag khyer te ’dod pa na ma dad pa dag ’phags pa dag rol mo ltar ’doṅ ṅam ci źes mtho ’tsham pa’i skabs de dge sloṅ rnams kyis bcom ldan (3) ’das la gsol pa daṅ | bcom ldan ’das kyis bka’ stsa la pa | stan dag khyer te ’dod bar mi bya bar ’di ltar nad g-yog gis stan dag bśam par bya’o || drug sde dag nad pa ltar doṅ ba na der dag de ñid na ’du ’dzi’i gtam gyis yun riṅ du ’khod nas nad g-yog rnams (4) kyis smras pa | tshe daṅ ldan pa dag nad pa’i bya ba yoṅs su ñams par gyur gyis deṅ śig | de dag gis smras pa | de yaṅ gyis la gnas mal yaṅ ltos śig daṅ de ltar na nad pa śi ba’i yo byad drug ’thob par ’gyur ro || gźan yaṅ khyed nad pa’i bya ba yoṅs su (5) ñams par ma byed par deṅ śig daṅ kho bo cag gis blta bar bya’o || naṅ g-yog de dag gis nad pa la ma bcol bar doṅ ba daṅ | drug sde dag kyaṅ doṅ nas rluṅ daṅ char pha dag byuṅ ba na nad pas gnas mal rtul ma nus nas de dag ma ruṅ bar gyur pa’i skabs de dge (6) sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag lṅa po ’di dag la bcol bar mi bya ste | ṅo tsha med pa daṅ | nad daṅ bcas pa daṅ | rgas pa ’khogs śiṅ ñam chuṅ ba daṅ | na ba sbyor mi bzod pa daṅ | (7) rdzogs par ma bsñen pa thams cad la’o || || ’dul ba rnam par ’byed pa | bam po bźi bcu rtsa bźi pa | saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa khri gcig la dge sloṅ gñis mchis na de gaṅ dag gis (16b1) thur bar bgyi | gaṅ phyir laṅs pas so | gñis ka dus gcig tu laṅs na gźon pas so || gñig gźon na gñi gas brub par bya’o || slob dpon daṅ mkhan po dag ’chag tu doṅ ba na dge sloṅ lhan cig gnas pa daṅ | ñe gnas gtsug lag khaṅ na ’khod pa na de (2) dag chu med pa nas ut+pala bźin du dge ba’i chos rnams kyis mi ’phel nas | bcom ldan ’das kyis bka’ stsal pa | dge sloṅ lhan cig gnas pa daṅ | ñe gnas dag gis slob dpon daṅ | mkhan po dag gi phyi bźin ’gro bar bya’o || slob dpon daṅ | mkhan po (3) dag stan dag khyer te ’doṅ źiṅ lhan cig gnas pa daṅ | ñe gnas dag lag pa brkyaṅ ste ’gro nas | bcom ldan ’das kyis bka’ stsal pa | dge sloṅ lhan cig gnas pa daṅ | ñe gnas dag gis slob dpon daṅ | mkhan po dag gi stan dag khyer te ’gro bar bya’o || (4) slob dpon daṅ mkhan po de dag ’chags na phyag dar byed pa na lhan cig gnas pa daṅ | ñe gnas dag lag pa brkyaṅ ste ’khoṅ nas | bcom ldan ’das kyis bka’ stsal pa | lhan cig gnas pa daṅ | ñe gnas dag gis phyag ma blaṅs te | slob dpon daṅ | mkhan (5) po dag sñiṅ las chuṅ ṅur bya’o || mkhar lan byed par bskos na ni ltuṅ ba med do || slob dpon daṅ | mkhan po dag gos dag ’tshem pa na lhan cig gnas pa daṅ | ñe gnas dag sñiṅ las chuṅ ṅur ’khod nas | bcom ldan ’das kyis bka’ stsal pa | lhan cig gnas pa (6) daṅ | ñe gnas dag gis khab blaṅ źiṅ | slob dpon daṅ | mkhan po dag sñiṅ las chuṅ ṅur bya’o || tshem ’drub par bskos na ni ltuṅ ba med do || lhan cig gnas pa daṅ | ñe gnas dag gis slob dpon daṅ | mkhan po dag gi lud mnos te de dag ñid kyi mdun na (7) klog nas | bcom ldan ’das kyis bka’ stsal pa | dge sloṅ kha ton slob pa dag gis luṅ mnos nas thos pa’i ñen kor spaṅs te snaṅ ba’i ñe ’khor du ’dug nas luṅ po la bklag bar bya’o || dge sloṅ spoṅ ba pa dag gis gdams ṅag mnos nas mkha’ gcig tu soṅ ste (17a1) yid la bya ba bskyed par bya’o || lhan cig gnas pa daṅ | ñe gnas de dag las su bskos par ’gro ba na de dag slob dpon daṅ | mkhan po dag la źus te soṅ ba na | der soṅ ba de dag la las gźan byuṅ nas de dag yaṅ phyir ’oṅ źiṅ źu bar byed nas (2) bcom ldan ’das kyis bka’ stsal pa | gal te der doṅ ba rnams la las gźan byuṅ na de dag gis yaṅ daṅ yaṅ du phyir ’oṅs te źu bar mi bya bar de ñid du las bya ste | de dag gis sṅar źus pa de ñid kyis thams cad źus pa yin no || de dag gis der stan dag khyer ba phyir khyer (3) te mi ’oṅ nas | bcom ldan ’das kyis bka’ stsal pa | de dag gis stan khyer te ’oṅ bar bya’o || de dag gis ches sṅar stan dag khyer te doṅ ba daṅ | slob dpon daṅ | mkhan po dag la gaṅ gis de dag mi ’gro ba de ’dra ba’i rkyen byuṅ nas | bcom ldan ’das kyis bka’ (4) stsal pa | de dag gis slob dpon daṅ mkhan po dag la ’chag tu ’gro ’am mi ’gro źes źu bar bya źiṅ gal te ’gro’o źes zer na stan dag bskur bar bya’o || gal te mi ’gro źes zer na stan dag bskur bar mi bya’o || khyim bdag gcig gis saṅs rgyas la sogs pa dge sloṅ (5) gi dge ’dun khyim gźan du bśos la spyan draṅs pa na | gźon nu źig dge ba’i phyogs la śin tu brtson nas des bsams pa | deṅ bdag bsod sñoms la ’jug mi dgos pas ji srid du gdugs tshod la bab par ma gyur la de srid kyi bar du dge ba’i phyogs la tron bya’o (6) sñam nas | de stan khyer te phyi rol du soṅ ba daṅ | dge sloṅ rnams dus sṅa mtshogs su gtsug lag khaṅ gi sgo bcad de doṅ ṅo || des kyaṅ dus śes par byas te ’oṅs pa daṅ | ji tsam na gtsug lag khaṅ gi sgo bcad pa mthoṅ nas ṅes bsams pa | bdag zan bcad pa (7) ni bla’i bdag ltuṅ ba daṅ bcas na mi ruṅ ṅo sñam nas de zan bcad pa byas pa daṅ | de’i lus la ji srid du mdaṅs yod pa de srid du des dge ba’i phyogs la tron byas so || gaṅ gi tshe lus las mdaṅs yal ba de’i tshe na glos phab ste ñal ba daṅ | dge sloṅ rnams kyis de la (17b1) smras pa | tshe daṅ ldan pa gal te zan gźan gyi yin źes te lto yaṅ gźan gyi yin sñam mam | cin khyed ci tsam gyis dge ba’i phyogs la tron byed kyaṅ mi nus pa de tsam za ’am | sus zos | khyod kyis ma zos sam | ma zos so || ci’i phyir | des skabs de dge sloṅ (2) rnams la brjod nas | dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ rnams kyis dus sṅa ma tshogs su khyim gźan du ’jug par mi bya bar dus śes par byas te gaṇ+ḍī brduṅs nas ’jug par bya’o || slob (3) dpon daṅ | mkhan po dag gis kyaṅ raṅ raṅ gi ’khor la blta bar bya’o || blo bur du ’oṅs pa ’ga’ źig yod na de ni dge ’dun gyis gnas brtan gyis blta bar bya’o || gal te dge sloṅ sgo bcad par ’oṅs na des stan de rtsig pa’i druṅ ṅam śiṅ ljon pa’i druṅ du bźag ste (4) ’gro bar bya’o || dge sloṅ gis gya tshom du zan gcad par mi bya’o || dge sloṅ gis gya tshom du zan gcod par byed na ’gal tshabs can du ’gyur ro || bram ze daṅ khyim bdag dad pa can dag gtsug lag khaṅ du ’oṅs te | de dag stan dag la ’dug ’dug nas de ñid du bor (5) te doṅ nas | de dag sus kyaṅ ma brubs pas de ñid du ma ruṅ bar gyur nas | bcom ldan ’das kyis bka’ stsal pa | ṅag gis mthoṅ ba des brub par bya’o || dge sloṅ rgan po ’khogs pa ñam chuṅ ba daṅ | nad pa sbyor mi bzod pa dag gis de dag bla gab med par bźag (6) pa mthoṅ źiṅ de dag gis ’brub par mi nus nas | bcom ldan ’das kyis bka’ stsal pa | de dag gis dge skos la brjod par bya źiṅ | des kyaṅ gus par bya ste brub par bya’o || dge sloṅ rnams kyis gnas mal dag blag ba med par btiṅ nas dge sloṅ gcig pu źig la (7) bcol nas bsod sñoms la źugs śiṅ gźan gyis kyaṅ de ñid la bcol | gźan gyis kyaṅ de ñid la bcol te bsod sñoms la źugs pa daṅ | rluṅ daṅ char byuṅ ste des brub par ma nus nas | bcom ldan ’das kyis bka’ stsal pa | rab tu maṅ po dag gis dge sloṅ gcig (18a1) la bcol bar mi bya’o || gal te de lta bu’i rkyen byuṅ na des gaḍ+ṇī brduṅ bar bya źiṅ de na dge sloṅ gaṅ dag ’khod pa de dag gis gus par bya ste brub par bya’o || de dag gis kyaṅ gaṇ+ḍī thos nas gus pas ’gro bar bya’o || nags kyi naṅ na gtsug lag khaṅ (2) ’dug pa la me śor nas mes groṅ daṅ | groṅ khyer daṅ | rgyal po’i pho braṅ daṅ | yul ’khor yaṅ tshig la thug | spyod yul daṅ spyod yul gyi lam daṅ | ’chags daṅ | dgar daṅ | sgo khaṅ daṅ | gtsug lag khaṅ yaṅ tshig la thug pa na | dge sloṅ (3) rnams kyis raṅ raṅ gi lhuṅ bzed daṅ chos gos dag ni phyuṅ | dge ’dun gyi gnas mal dag ni tshig nas khyim bdag ’oṅs te dge sloṅ rnams la dris pa | ’phags pa dag ci dag mtshig gam | ci yaṅ ma tshig go || dge ’dun gyi gnas mal dag ga te | tshig go (4) ci yaṅ ma tshig pa de | de ’dra ’am | kho bo cag gi ci yaṅ ma tshig go || des smras pa | kye ma’o dge ’dun gyi gnas mal tsam ’byin kyaṅ ma phod ces zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal (5) pa | dge ’dun gyi gnas mal yaṅ da byuṅ bar bya’o || de dag dge ’dun gyi gnas mal ’byin pa na de dag gi gaṅ zag gi gnas mal daṅ | lhuṅ bzed daṅ | chos gos dag tshig nas | de dag phoṅs par gyur pa’i skabs de dge sloṅ rnams kyis bcom ldan (6) ’das la gsol pa daṅ | bcom ldan ’das kyis bka’ stsal pa | gaṅ zag ni phoṅs par ’gyur la | dge ’dun ni mi ’gyur bas je daṅ por gaṅ zag gis lhuṅ bzed daṅ | chos gos dbyuṅ bar bya źiṅ de’i ’og tu dge ’dun gyi dbyuṅ bar bya’o || de dag phyuṅ ba nam (7) byin pa len pa dag gis brkus nas | bcom ldan ’das kyis bka’ stsal pa | der sruṅ ma dge sloṅ gźags par bya’o || de dag mthu daṅ ldan pa ’jog par byed nas | bcom ldan ’das kyis bka’ stsal pa | mthu chuṅ du gźag par bya’o || de dag me mi bzod (18b1) par ’jug par byed nas | bcom ldan ’das kyis bka’ stsal pa | gal te mi mi bzod pa yin na ’jug par mi bya ste | gal te tshig na yaṅ de la ’gyod par mi bya’o || ser che ba’i dbus na gtsug lag khaṅ ’dug ciṅ | steṅ gi ri kha nas char ba’i rgyun sbom po bab (2) pa na | gtsug lag khaṅ du chu byuṅ źiṅ groṅ daṅ | groṅ khyer daṅ | rgyal khyer daṅ | rgyal po’i pho braṅ daṅ | yul ’khor yaṅ khyer la thug | spyod yul daṅ spyod yul gyi lam daṅ | dgar daṅ | sgo khaṅ daṅ | gtsug lag khaṅ yaṅ khyer la thug pa na | dge sloṅ rnams kyis raṅ raṅ (3) gi lhuṅ bzed daṅ chos gos dag ni phyuṅ | dge ’dun gyi gnas mal dag ni khyer nas | khyim bdag ’oṅs nas dge sloṅ rnams la dris pa | ’phags pa dag ci dag ma khyer ram | ci yaṅ ma khyer ro || dge ’dun gyi gnas mal dag ga re | khyer ro || ci yaṅ ma (4) khyer ba de de ’dra ’am | ko bo cag gi ci yaṅ ma khyer ro || des smras pa | kye ma’o dge ’dun gyi gnas mal tsam ’byin kyaṅ ma phod ces zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge ’dun (5) gyi gnas mal yaṅ dbyuṅ bar bya’o || de dag dge ’dun gyi gnas mal ’byin pa na de dag gi gaṅ zag gi gnas mal daṅ | lhuṅ bzed daṅ | chos gos dag khyer nas de dag phoṅs par gyur pa’i skabs de dge sloṅ rnams kyis bcom ldan ’das la gsol pa daṅ | (6) bcom ldan ’das kyis bka’ stsal pa | gaṅ zag ni phoṅs par ’gyur la | dge ’dun ni mi ’gyur bas je daṅ por gaṅ zag gi lhuṅ bzed daṅ | chos gos dbyuṅ bar bya źiṅ | de’i ’og tu dge ’dun gyi dbyuṅ bar bya’o || de dag phyuṅ pa na ma byin par len pa dag gis (7) brkus nas | bcom ldan ’das kyis bka’ stsal pa | der sruṅ ma dge sloṅ gźag par bya’o || de dag mthu daṅ ldan pa ’jog par byed nas | bcom ldan ’das kyis bka’ stsal pa | mthu chuṅ du gźag par bya’o || de dag chu mi bzod par ’jug par byed nas | bcom (19a1) ldan ’das kyis bka’ stsal pa | gal te chu mi bzod pa yin na ’jug par mi bya ste | gal te khyer na yaṅ de la ’gyod par mi bya’o || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || (2) gnas mal gyi ltuṅ byed de bcu bźi pa rdzogs s+ho || ||

bar sdom la |
lho lam daṅ ni ma bor daṅ ||
ma dris ’dor daṅ mthus ’dor daṅ ||
khron pa daṅ ni blaṅ ba daṅ ||
dgar daṅ ni ’chag sa daṅ ||
lci ba gźag pa tha ma yin ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00ce6759-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display