Bibliotheca Polyglotta

[Pāyantika 36]
saṅs rgyas bcom ldan ’das rgyal po’i khab na ’od ma’i tshal ka lan dka’i gnas na bźugs so || de’i tshe na lhas byin dge sloṅ rab tu maṅ po dag daṅ lhan cig (148b1) kun dga’ ra ba’i naṅ na ’dus śiṅ zab za nas dge sloṅ don du dag ci’i phyir dge sloṅ dag kun dga’ ra ba’i naṅ na ’dus śiṅ za ba za bar byed ces smod par byed | phyar ka gtor bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom (2) ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs (3) rgyas bcom ldan ’das kyis lhas byin la rmas pa | lhas byin khyod dge sloṅ rab tu maṅ po dag daṅ lhan cig kun dga’ ra ba’i naṅ na ’dus śiṅ za ba bden na | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | (4) ruṅ ba ma yin pa | tshul daṅ mthun pa ma yin pa | de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag (5) bar gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | ’dus śiṅ zan ltuṅ byed do źes bcom ldan ’das kyis ’dul ba la ñan (6) thos rnam pa kyi bslab pa’i gźi de ltar bca’ ba mdzad do || dge sloṅ rab tu maṅ po na ba dag sman pa’i gnas su doṅ ste | de dag gis de mthoṅ nas smras pa | bźin bzaṅs kho bo cag la je sman ston cig | des smras pa | ’phags pa dag źal tshus gsol cig | sus sbyin (7) par ’gyur | bdag gis gsol lo || ci dge ’dun thams cad ma | ma lags te dge sloṅ bsñuṅ ba ji sñed pa dag go || bźin bzaṅs bcom ldan ’das kyis ’dus śiṅ za ba la bslab pa’i gźi bca’ ba mdzad do || ’phags pa dag khyed kyi ston pa thugs rje can (149a1) lags pas de ñid rkyen du mdzad nas gnaṅ bar ’gyur ba de lta bu’i gnas mchis so źes zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | de lta bas na na ba’i dus ma gtogs so || dge sloṅ dag (2) gis dge ’dun gyi daṅ | mchod rten gyi las dag byas nas | de dag bkres pas glos phab ste ñal źiṅ dge ba’i phyogs la tron byed bar mi nus pa na | bram ze daṅ khyim bad dad pa can dag gtsug lag khaṅ du lhags nas | de dag gis dris pa | ’phags pa dag bstan (3) pa la gcig tu brtson par bgyi ba lags na | ci’i slad du glos phab ste gzims śiṅ dge ba’i phyogs la tron mi mdzad | de dag gis smras pa | kho bo cag bkres so || ci’i slad du źal chus mi gsol | sus sbyin par ’gyur | bdag cag gi sa gsol lo || ci (4) dge ’dun thams cad gsol lam | ma lags te khyed cag kho na gsol lo | bźin bzaṅs dag bcom ldan ’das kyis ’dus śiṅ za bal bslab pa’i gźi bca’ ba mdzad do źes zer ba’i skabs de dge sloṅ rnams kyis bcom ldan ’das la gsol pa daṅ || bcom ldan (5) ’das kyis bka’ stsal pa | de lta bas na las kyi dus ma gtogs so || dge sloṅ dag don mthun daṅ lhan cig ’gron lam du ’doṅ ba na | ji tsam na ri brags śig tu phyin nas de dag gis smras pa | bźin bzaṅs dag kho bo cag ri brags su bsod sñoms la rgyu’i bar du (6) re źig yud tsam źig sdoṅ cig | don mthun dag gis smras pa | ’phags pa dag śul ’di na chom rkun pa’i ’jigs pa mchis kyis | tshur gśegs daṅ bdag cag ñid kyis bsod sñoms gsol lo || ci gcig gis thams cad sbyin nam | ma lags te la las bźi (7) la’o || la las lṅa la’o || bźin bzaṅs dag bcom ldan ’das kyis ’dus śiṅ za ba la bslab pa’i gźi bca’ ba mdzad do źes dge sloṅ de dag gis śar cher zan bcad par byas pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das (149b1) kyis bka’ stsal pa | de lta bas na lam gyi dus ma gtogs so || dge sloṅ rab tu maṅ po dag don mthun daṅ lhan cig grur źugs te ljoṅs rgyur ’doṅ ba na ri brags śig tu phyin nas de dag gis smras pa | bźin bzaṅs dag kho bo cag ri brags su bsod sñoms la rgyu’i bar du re źig (2) yud tsam źig sdod cig | don mthun dag gis smras pa | ’phags pa dag gru’i śul ’di na chom rkun pa’i ’jigs pa mchis kyis tshur gśegs daṅ bdag cag ñid kyis bsod sñoms gsol lo || ci gcig gis thams cad sbyin nam | ma lags te la las bźi la’o || (3) la las lṅa la’o || bźin bzaṅs dag bcom ldan ’das kyis ’dus śiṅ za ba la bslab pa’i gźi bca’ ba mdzad do źes dge sloṅ de dag gis śas cher zan bcad par byas pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ (4) stsal pa | de lta bas na grur źugs pa’i dus ma gtogs so || bcom ldan ’das kyis gtsug bud kyi dus ston daṅ | dus ston chen po daṅ | lo lṅa’i dus ston bya’o źes bka’ stsal nas | de na dge sloṅ rnams kyi ’dus pa chen po byuṅ bar gyur nas bram ze daṅ | khyim (5) bdag dad pa can dag gis dge sloṅ rnams la smras pa | ’phags pa dag tshur gśegs gdugs tshod gsol cig | dge sloṅ rnams kyis smras pa | ci dge ’dun thams cad gsol lam | ’phags pa dag bdag cag la dge ’dun thams cad gsol ba’i ’byor pa (6) gaṅ lags pa de lta bu ga la mchis te | ’di ltar la las ñi śu gsol lo || la las sum bcu gsol lo || bźin bzaṅs dag bcom ldan ’das kyis ’dus śiṅ za ba la bslab pa’i gźi bca’ ba mdzad do źes zer ba’i skabs de dge sloṅ rnams kyis bcom ldan ’das (7) la gsol pa daṅ | bcom ldan ’das kyis bka’ stsal pa | de lta bas na ’dus pa chen po’i dus ma gtogs so || gaṅ gi tshe rgyal po gzugs can sñiṅ pos bden pa dag ma mthoṅ ba de’i tshe na ’od ma’i tshal kun du ’tsho dag la phul bar gyur to || gaṅ gi tshe bden pa (150a1) dag mthoṅ ba de’i tshe ’od ma’i tshal kun du ’tsho dag las phrogs te bcom ldan ’das kyi ñan thos kyi dge ’dun la phul lo || rgyal po gzugs can sñiṅ po’i źaṅ po kun du ’tshod dag gi naṅ du rab tu byuṅ nas | rgyal pos smras pa | ’phags pa dag ’di bdag gi (2) źaṅ po lags kyis ji srid du ’gyur ba sten du ’gyur ba sten par mi bgyid kyi bar du ’di gcig du gźag tu gsol | gaṅ gi tshe ’gyur ba sten par ’gyur ba de’i tshe na bdag gis ’di yaṅ bskrad par bgyi’o źes rgyal po gzugs can sñiṅ pos kun du ’tsho de la kha zas kyi mkho ba stobs par byed do || dge (3) sloṅ dag nam gyi cha stod daṅ nam gyi cha smad la mi ñal bar sbyor ba’i rjes su brtson par gnas pa de dag kun du ’tsho des mthoṅ nas de śin tu daṅ bskyes te | des dge sloṅ rnams la smras pa | bdag gis kyaṅ dge sloṅ rnams kyi gdugs tshod bgyi’o || de ltar gyis śig | ci dge (4) ’dun thams cad kyi byed dam | ma lags te bdag gis rgyal pos źal zas kyi mkho ba stobs par bgyid pa ltar bdag la dge ’dun thams cad kyi gdugs tshod bgyi ba’i ’byor ba gaṅ lags pa de lta bu ma mchis te | ’di ltar dge sloṅ ñi śu’am | ñi śu rtsa lṅa’i gdugs tshod (5) bgyi’o || dge sloṅ rnams kyis smras pa | bcom ldan ’das kyis ’dus śiṅ za ba la bslab pa’i gźi bca’ ba mdzad do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sbyoṅ gis (6) kyi dus ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i (7) bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | ’dus śiṅ za na dus ma gtogs te ltuṅ byed do || (150b1) de la dus ni ’di yin te | na ba dus so || las dus so || lam dus so || grur źugs pa daṅ | ’dus pa chen po daṅ | dge sbyoṅ gi zas dus te | de la de ni dus yin no || ’dus śiṅ za na źes bya ba ni mi mthun par za na’o || dus ma gtogs te źes bya ba ni dus bźag ste’o || (2) ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ log par ltuṅ bdag tu sreg par byed | ’tshod par byed | ltuṅ bar byed po || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams (3) la sgrib par byed pa ste | des na ltuṅ byed do źes gsuṅs so || de la dus ni ’di yin te | na ba dus so źes bya ba ni ’di lta ste | dge sloṅ na ba zas gcig gi sa ’tsho bar mi nus pa’o || las dus so źes bya ba ni ’di lta ste | dge sloṅ gi dge ’dun gyi ’am | mchod rten gyi las (4) than phyag dar re lde tsam mam | dkyil ’khor ba mal tsam byas pa’o || lam dus so źes bya ba ni ’di lta ste | dge sloṅ dpag tshad phyed du soṅ ba’am | de’i phyed du soṅ ste phyir ’oṅs ba’o || grur źugs pa dus so źes bya ba ni ’di lta ste | dge sloṅ grur źugs te dpag tshad phyed du (5) soṅ ba’am | de’i phyed du soṅ ste phyir ’oṅs pa’o || ’dus pa chen po dus so źes bya ba ni spags pa’o || dge sbyoṅ gi zas dus te źes bya ba ni ’di las phyi rol pa’i rab tu byuṅ ba dag ’khod na de yaṅ dag sbyoṅ źes bya ba’i graṅs su ’gro’o || de la de ni dus yin no źes bya ba ni de la de ni mthun pa’i chos (6) yin pa’o || de la ltuṅ bar ji ltar ’gyur źe na | dge sloṅ gis mtshams kyi naṅ la mtshams kyi naṅ du ’du śes pas ’dus śiṅ za ba za na ltuṅ byed du ’gyur ro || dge sloṅ gis mtshams kyi naṅ du yid gñis za bas ’dus śiṅ za ba za na ltuṅ byed du ’gyur ro || dge sloṅ gis mtshams kyi (7) phyi rol du mtshams kyi naṅ du ’du śes pas ’dus śiṅ za ba za na ñes byas su ’gyur ro || dge sloṅ gis mtshams kyi phyi rol du yid gñis za bas ’dus śiṅ za ba za na ñes byas su ’gyur ro || gnas gñis po gźi’i gnas daṅ | khaṅ khyim gyi gnas de gñis yod na de na gaṅ dag (151a1) gźi’i gnas su za ba de dag gis khaṅ khyim nas dge sloṅ dag ’oṅs sam źes dri bar bya’o || ma dris par za na ñes byas su ’gyur ro || gaṅ dag khaṅ khyim du za ba de dag gis kyaṅ gźi’i gnas nas dge sloṅ dag ’oṅs sam źes dri bar bya’o || ma dris bar za na ltuṅ byed du ’gyur (2) ro|| gsum za źiṅ gcig la byed pa daṅ | gsum rdzogs par bsñen par bsñen ciṅ gcig rdzogs par ma bsñen pa daṅ | zas brim pa tha na lan tshwa pho tshums gaṅ ṅam | ldam sdum sraṅ gcig tsam ’oṅs pa daṅ | gnas so sor des pa daṅ | sbyin bdag na re gaṅ dag ’di na ’khod pa de dag (3) sa sbyin no źes zer na ltuṅ ba mad do || las daṅ po pa daṅ | myos pa daṅ | sems ’khrugs pa daṅ | tshor pa dag gis ñen pa la ltuṅ ba med do || ’dus śi ga za ba’i ltuṅ byed de sum bcu rtsa drug pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00fcff83-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display