Bibliotheca Polyglotta

[Pāyantika 44]
(4) saṅs rgyas bcom ldan ’das rgyal po’i khab na ’od ma’i tshal ka lan dka’i gnas na bźugs te | de nas rgyal po’i khab pa’i tshoṅ pa rab tu maṅ po dag bcom ldan ’das ga la der doṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’khod do || (5) mtha’ gcig tu ’khod nas | bcom ldan ’das rgyal po’i khab pa’i tshoṅ par rab tu maṅ po dag la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu (6) dga’ bar mdzad do || rnam graṅs du mas chos daṅ ldan pa’i bka’ mchid kyis kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ ṅo || de nas rgyal po’i khab pa’i tshoṅ pa rab tu (7) maṅ po dag gis bcom ldan ’das kyis bka’ stsal pa la mṅon par dga’ ba daṅ | rjes su yi raṅ ba byas nas | bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas tshe daṅ ldan pa kun dga’ bo ga la ba der doṅ ste phyin nas tshe (168b1) daṅ ldan pa kun dga’ bo’i rkaṅ pa gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas tshe daṅ ldan pa kun dga’ bo rgyal po’i khab tshoṅ par rab tu maṅ po dag la chos daṅ ldan pa’i gtam gyis yaṅ dag par ston par byed | yaṅ dag par (2) ’dzin du ’jud par byed | yaṅ dag par gzeṅs stod par byed | yaṅ dag par rab tu dga’ bar byed do || rnam graṅs du mas chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar (3) byas nas caṅ mi smra’o || de nas rgyal po’i khab pa’i tshoṅ pa rab tu maṅ po dag stan las laṅs te bla gos phrag pa gcig tu byas nas tshe daṅ ldan pa kun dga’ bo ga la ba de logs su thal mo sbyar ba btud nas | tshe daṅ ldan pa kun dga’ bo la ’di skad ces smras so || btsun pa kun dga’ (4) bo bcom ldan ’das dbyar gnas par źal gyis bźes nas gaṅ du gśegs par ’gyur | śes ldan dag saṅs rgyas bcom ldan ’das la źus śig | btsun pa kun dga’ bo || saṅs rgyas bcom ldan ’das ni bsñen par dka’ ba daṅ | bzod par dga’ ba lags pas bdag cag (5) gis saṅs rgyas bcom ldan ’das la źu ba’i rṅo mo thog go || śes ldan dag kho bo la yaṅ saṅs rgyas bcom ldan ’das la bsñen par dka’ ba daṅ | bzod par dka’ ba ñid yin pas kho bos kyaṅ saṅs rgyas bcom ldan ’das la źu bar mi nus so || btsun pa kun dga’ bo gal te (6) btsun pa kun dga’ bo la yaṅ saṅs rgyas bcom ldan ’das bsñen par dka’ ba daṅ | bzod par dka’ ba lags pas btsun pa kun dga’ bos kyaṅ saṅs rgyas bcom ldan ’das la źu bar mi spro na | btsun pa kun dga’ bos mtshan ma’am | bka’ mchid kyis bcom ldan ’das (7) dbyar gnas par źal gyis bźes nas phyogs ga ge mor gśegs par ’gyur bar ji ltar mkhyen | mtshan mas ni ji ltar mkhyen | bka’ mchid kyis ni ji ltar mkhyen | śes ldan dag bcom ldan ’das dbyar gnas par źal gyis bźes nas phyogs gaṅ du gśegs par bźed (169a1) pa’i phyogs de logs su bcom ldan ’das źal gzigs śiṅ bźugs la de dag gi bsṅags pa yaṅ brjod par mdzad do || btsun pa kun dga’ bos bcom ldan ’das źal gar gzigs śiṅ bźugs | mi gaṅ dag gi bsṅags pa yaṅ brjod par mdzad | śes (2) ldan dag bcom ldan ’das ko sa lar źal gzigs śiṅ bźugs la || mñan yod pa’i mi dag gi bsṅags pa yaṅ brjod par mdzad do || de dag gis tshe daṅ ldan pa kun dga’ bos smras pa la mṅon par dga’ ba daṅ | rjes su yi raṅ ba byas nas tshe daṅ ldan pa kun dga’ bo’i (3) rkaṅ pa gñis la mgo bos phyag ’tshal te doṅ nas de dag gis bsams pa | bcom ldan ’das dbyar gnas par źal gyis bźes nas mñan yod du gśegs par ’gyur ro sñam nas de dag gis mñan yod du ’doṅ ba’i zoṅ sta gon byas so || de nas bcom ldan ’das dbyar gnas (4) par źal gyis bźes te dbyar gyi zla ba gsum gsum po dag ’das nas | bcom ldan ’das kyis tshe daṅ ldan pa kun da’aga bo la bka’ stsal pa | kun dga’ bo soṅ la dge sloṅ rnams la dge sloṅ dag | de bźin gśegs pa ko sa la dag tu ljoṅs rgyur gśegs kyis khyed cag las (5) gag de bźin gśegs pa daṅathabasa cig ko sa la dag tu ljoṅs rgyur ’gro bar spro ba des chos gos kyi las gyis śig ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas | dge sloṅ rnams la tshe daṅ ldan pa dag | de (6) bźin gśegs pa kos la dag tu ljoṅs rgyur gśegs kyis | khyed cag las gaṅ de bźin gśegs pa daṅ thabs cig ko sa la dag tu ljoṅs rgyur ’gro bar spro ba des chos gos kyi las gyis śig ces bsgo’o || rgyal po’i khab pa’i tshoṅ pa dag gis tshe daṅ ldan pa kun dga’ (7) bos dge sloṅ rnams la tshe daṅ ldan pa dag | de bźin gśegs pa ko sa la dag tu ljoṅs rgyur gśegs kyis khyed cag las gaṅ | de bźin gśegs pa daṅ thabs cig ko sa la dag tu ljoṅs rgyur ’gro bar spro ba des | chos gos kyi las gyis śig ces bsgo ba thos so || (169b1) thos nas kyaṅ | bcom ldan ’das ga la ba der doṅ ste phyin nas | bcom ldan ’das kyi źabs gñis la mgo bos phyag ’tshal te | mtha’ gcig tu ’khod do || mtha’ gcig tu ’khod nas | bcom ldan ’das rgyal po’i khab pa’i tshoṅ pa rab tu maṅ po dag (2) la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mas chos daṅ ldan pa’i bka’ mchid kyis yaṅ dag par (3) bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ ṅo || de nas rgyal po’i khab pa’i tshog pa rab tu maṅ po dag stan las laṅs te | bla gos phrag pa gcig tu byas nas bcom ldan ’das ga la (4) ba de logs su thal mo sbyar ba btud de | bcom ldan ’das la ’di skad ces gsol to || bcom ldan ’das dge ’dun daṅ bcas pas rgyal po’i khab nas mñan yod kyi bar ji tsam par bdag cag las na bza’ daṅ | bsod sñoms daṅ | gnas mal daṅ | bsñuṅ (5) pa’i rkyen daṅ | sman gi bo byad dag bźes par ci gnaṅ | bcom ldan ’das kyis rgyal po’i khab pa’i tshoṅ pa rab tu maṅ po dag la caṅ mi gsuṅ bas gnaṅ ṅo || de nas rgyal po’i khab pa’i tshoṅ pa rab tu maṅ po dag gis | bcom ldan ’das kyis caṅ mi gsuṅ bas gnaṅ bar rig nas (6) bcom ldan ’das kyis bka’ stsal pa la mṅon par dga’ ba daṅ | rjes su yi raṅ bya byas te | bcom ldan ’das kyi źabs gñis la mgo bos ’tshal nas bcom ldan ’das kyis sṅa nas doṅ ṅo || de nas rgyal po’i khab pa’i tshoṅ pa rab tu maṅ po dag tshe daṅ ldan pa kun dga’ (7) bo ga la ba der doṅ ste phyin nas | tshe daṅ ldan pa kun dga’ bo’i rkaṅ pa gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas rgyal po’i khab pa’i tshoṅ pa rab tu maṅ po dag gis tshe daṅ ldan pa kun dga’ bo la ’di skad ces smras so || btsun pa kun dga’ (170a1) bo bcom ldan ’das śul dag tu ji tsam du gśegs | śes ldan dag ’di lta ste | dper na ’khor los sgyur ba’i rgyal po tsam du’o || btsun pa kun dga’ bo ’khor los sgyur ba’i rgyal po ji tsam du mchi | śes ldan dag ’khos los sgyur ba’i rgyal po ni (2) lam dag tu rgyaṅ grags bcur ’gro’o || de dag gis rgyaṅ grags bcu bcur bcom ldan ’das dge sloṅ gi dge ’dun daṅ bcas pa’i tshogs dag bśams śiṅ | de dag gis źal zas graṅ cha gaṅ dag yin pa de dag ni de ñid kyi ñin mo sta gon byas | drod pa ga gaṅ dag yin (3) pa de dag ni ñi ma re re źiṅ sta gon byed do || de nas bcom ldan ’das dul ba | ’khor dul pa daṅ ldan pa | źi ba ’khor źi ba daṅ ldan pa | grol ba ’khor grol ba daṅ ldan pa | dbugs phyin pa daṅ ldan pa | thul ba ’khor thul ba daṅ ldan pa || (4) dgra bcom pa ’khor dgra bcom pa daṅ ldan pa | ’dod chags daṅ bral ba ’khor ’dod chags daṅ bral ba daṅ ldan pa | mdzes pa ’khor mdzes pa daṅ ldan pa | khyu mchog ltar ba laṅ gi tshogs kyis yoṅs su bskor ba | glaṅ po che ltar glaṅ po’i phru gu’i tshogs kyis (5) yoṅs su bskor ba | seṅ ge ltar che ba can gyi tshogs kyis yoṅs su bskor ba | ṅaṅ pa’i rgyal po ltar dad pa’i tshogs kyis yoṅs su bskor ba | nam mkha’ ldiṅ ltar bya’i tshogs kyis yoṅs su bskor ba | bram ze ltar slob ma’i tshogs kyis yoṅs su bskor pa | sman (6) pa mkhas pa ltar nad pa’i tshogs kyis yoṅs su bskor ba | dpa’ bo ltar ru pa’i tshogs kyis yoṅs su bskor ba | sa mkhan ltar lam du źugs pa’i tshogs kyis yoṅs su bskor ba | ded dpon ltar tshoṅ pa’i tshogs kyis yoṅs su bskor pa | tshoṅ dpon ltar ’khor gyi (7) tshogs kyis yoṅs su bskor ba | mkhar gyi rgyal po ltar blon po’i tshogs kyis yoṅs su bskor ba | ’khor los sgyur ba ltar bu stoṅ gi tshogs kyis yoṅs su bskor ba | zla ba ltar rgyu skar kyis yoṅs su bskor ba | ñi ma ltar ’od zed stoṅ gi tshogs kyis yoṅs su (170b1) bskor ba | yul ’khor sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi tshogs kyis yoṅs su bskor ba | mig mi bzaṅ ltar klu’i tshogs kyis yoṅs su bskor ba | nor sbyin ltar gnod sbyin gyi tshogs kyis yoṅs su bskor ba | thags (2) zaṅs ris ltar lham yin gyi tshogs kyis yoṅs su bskor ba | brgya byin ltar sum bcu rtsa gsum pa’i tshogs kyis yoṅs su bskor ba | tshaṅs pa ltar tshaṅs ris kyi tshogs kyis yoṅs su bskor ba | dbaṅ po rnams kyis śin tu dul ba | spyod lam daṅ spyod pa ma ’khrugs pa (3) chu gter ltar tiṅ ṅe ba | sprin ltar chu daṅ bcas pa | glaṅ po che’i rgyal po ltar dregs pa daṅ bral ba | skyes bu chen po’i mtshan sum bcu rtsa gñis kyis legs par brgyan pa | dpe byad bzaṅ po brgyad bcus sku rnam par mdzes pa | ’od ’dom gaṅ gis gzugs can brgyan pa | (4) ñi ma stoṅ bas lhag pa’i ’od daṅ ldan pa | rin po che’i ri bo ’gro ba ltar kun du bzaṅ ba | stobs bcu daṅ | mi ’jigs pa bźi daṅ | ma ’dres pa’i dran pa ñe bar gźag pa gsum daṅ | thugs rje chen po daṅ ldan pa | kun śes kauṇ+ḍi n+ya daṅ | rta thul daṅ | bzaṅ ldan daṅ | (5) rlaṅs pa dag | miṅ chen daṅ | grags pa daṅ | gaṅ po daṅ | dri med daṅ | ba laṅ bdag daṅ | lag bzaṅs la sogs pa ñan thos chen po de dag daṅ | gźan yaṅ dge sloṅ gi dge ’dun rab tu maṅ pos yoṅs su bskor ciṅ mdun du bdar te mñan yod ga la ba de logs su (6) ljoṅs rgyu źiṅ gśegs so || don mthun de daṅ śes pa can źig lhan cig ’gro ba de phoṅs pa’i dus la bab ciṅ bkres pas ñam thag par gyur nas | des bsams pa | bdag gaṅ gis bkres pas ñam thag par mi ’gyur ba’i thabs ci yod sñam nas | des yaṅ bsams pa | (7) śākya ’i bu’i dge sbyoṅ rnams la skyabs btsal na des bdag bde bar lam du ’gro bar ’gyur ro sñam du rig nas de dagage sloṅ rnams kyi gan du soṅ ste smras pa | khyed cag gi ston pa ni bzaṅ po la mos pa yin te | de gser gyi gśol gyis źiṅ rmo bas des khyed cag la zas ro brgya pa (171a1) daṅ | gos ’bum ri ba daṅ | khaṅ pa brtsegs pa lṅa brgya ba yaṅ rjes su gnaṅ bas khyed cag ni re źig cho ’di ñid la yaṅ bde ba la reg par gnas la | ’di nas śi ’phos pa rnams kyi naṅ du skye bar ’gyur ro || kho bo cag gi ston pa ni ṅan pa (2) la mos pa yin te | de til gyi tshigs ma’i gśol gyis źiṅ rmo bas des kho bo cag la gcer bu daṅ | sgre byi daṅ | spraṅ zan daṅ | yul rgyu ba daṅ | sal ñal ba las gźan rjes su ma gnaṅ bas kho bo cag ni re źig tshe ’di ñid la yaṅ sdug bsṅal la reg par gnas śiṅ (3) ’di nas śi ’phos pa rnams sems can dmyal ba rnams kyi naṅ du skye bar ’gyur ro || dge sloṅ rnams kyis bsams pa | śes pa can ’di dad par gyur to sñam nas de dag gis de la smras pa | śes pa can ji ltar ’tsho | dka’ bas so || dge sloṅ rnams kyis lhuṅ bzed (4) kyi lhag ma ’dod dam | śes pa can des bsams pa | gal te dge sloṅ rnams kyi lhuṅ bzed kyi lhag ma ma zos na ltogs te ’chi bar ’gyur ro sñam nas des smras pa | ’tshal lo || dge sloṅ rnams kyis smras pa | śes pa can dge sloṅ rnams zan za ba’i mig lam du ’dug (5) śig daṅ | dge sloṅ rnams khyod la lhuṅ bzed kyi lhag ma sbyin par ’gyur ro || śes pa can de dge sloṅ rnams zan za ba’i mig lam du ’dug pa daṅ | dge sloṅ rnams kyis de la lhuṅ bzed kyi lhag ma byin nas de’i sloṅ phor khur bas byur bur byas so || de sloṅ phor khur bas (6) byur bur byas pa thaugasa te phyir byuṅ ba de dad dpon gyis mthoṅ nas des smras pa | śes pa can khyod la khur ba sus byin | des smras pa | khyod kyi yon gnas ni dge sloṅ de dag yin la de dag gi yon gnas ni kho bo yin pas kho bo la de dag gis phul lo || ded dpon gyis smras pa | (7) śes pa can dge sloṅ rnams kyis khyod la sñiṅ rje bas byin na khyod de skad ces de dag gi yon gnas kho bo yin no źes zer ram | gal te bcom ldan ’das kyis gsan par gyur na | bcom ldan ’das kyis ’dul ba la ñan thos rnams kyi bslab pa’i gźi bca’ bar mdzad par ’gyur ba (171b1) gaṅ yin pa de lta bu’i gnas yod do || des smras pa | ded dpon mad kyaṅ bźad gad bgyis so || lam de nas don mthun tshur ’oṅ ba dag cig lhags nas don mthun de daṅ lhan cig śes pa can źig ’oṅ ba des de mthoṅ nas smras pa | śes pa can ñod pa ñod dam | des smras pa | (2) ñod do | gaṅ nas | des smras pa | khyim bdag sgre byi ’di dag kho bo la mkho ba stobs par byed do || des smras pa | śes pa can khyod ni byas pa mi śes pa yin te | ’di dag khyod kyi khyim bdag sgre byi dag yin na | ’di dag las ni lṅa brgya pa’i tshogs dag yoṅs su mya (3) ṅan las ’da’ bar snaṅ gis | khyod kyis śes pa can ni gcig ’ga’ yaṅ yoṅs su mya ṅan las ’da’ bar mthoṅ ṅam źes des tshigs su bcad pa dag smras pa |

ṅan pa ci phyir sa la ’byiṅ mi byed || ci phyir lce yaṅ tshal pa brgyar mi ’gas ||
khyod kyi lus la ci phyir gsaṅ ba (4) dag|| rdo rje’i ser pa mduṅ thuṅ mda’ mi ’phen ||

ji ltar seṅ ge’i lhag ma za ba’i wa || seṅ ge ñid la gsod par ’dod pa ltar ||
de bźin khyod kyaṅ stobs bcu’i ’khyos za źiṅ || stobs bcu ñid la smod byed ma ’phags pa ||

gaṅ du gaṅ la ñe bar brten byas na || (5) mi ṅan ’di ’dras ’tsho ba ’thob pa las ||
de nas ṅes par mdza’ bśes dgra rnams la || mñam mdzad blo ldan thams cad mkhyen pa yin ||

mi rnams gaṅ dag byas pa mi śes pa || de dag khyi bas śi na tu ṅan par bsams ||
khyi yaṅ mi la byas pa śes snaṅ na || sbrul (6) ’dra’i mi dag dug ni gtor bar byed ||

’di ni re źig byuṅ ba yin te | saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || de nas bcom ldan ’das ko sa la dag tu ljoṅs rgyu źiṅ gśegs pa na mñan yod du byon to || (7) mñan yod na skyed mos tshal źig na yugs sa mo lṅa brgya tsam dog pa ’khal źiṅ ’khod pa de dag gis | saṅs rgyas bcom ldan ’das skyes bu chen po’i mtshan sum bcu rtsa gñis kyis gzugs can brgyan ciṅ gsal ba | gzugs can lta bu chos daṅ ldan pa | gser phyes (172a1) btab pa’i mi lta bu || gser gyi snod na ’dug pa’i mar me lta bu | gser gyi ri bo ’gro ba lta bu | rin po che sna tshogs kyis spras pa’i gser gyi mchod sdoṅ lta bu | grags pa daṅ | gsal ba daṅ | mi bsñeṅs pa daṅ | dri ma med pa daṅ | rnam par (2) dag pa’i blo daṅ ldan pa mthoṅ ṅo || mthoṅ nas kyaṅ ’di lta ste | dge ba’i rtsa ba bsags pa’i rgyu las byuṅ ba’i sems can gyis daṅ por saṅs rgyas mthoṅ ba na sems ñams bde ba skyed par byed pa de ltar ni lo bcu gñis su źi gnas kyis sems goms par byas pa daṅ | dbul pos (3) gter mthoṅ ba daṅ | bu med pas bu thob pa daṅ | rgyal srid la mṅon par dga’ ba | rgyal srid la dbaṅ bskur ba yaṅ sems ñams bde ba skyed par mi byed pas de dag bcom ldan ’das ga la ba der doṅ ste phyin nas | bcom ldan ’das kyi źabs gñis la mgo bos phyag ’tshal te (4) mtha’ gcig tu ’khod do || mtha’ gcig tu ’khod nas bcom ldan ’das kyis de dag gi bsam pa daṅ | bag la ñal daṅ | khams daṅ | raṅ bźin thugs su chud nas ci nas kyaṅ de dag gis ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste (5) rgyun du źugs pa’i ’bras bu mṅon sum du byas pa de ltar chos bstan pa mdzad do || de dag gis bden pa dag mthoṅ nas gsol pa | btsun pa bcom ldan ’das kyis bdag cag la gaṅ mdzad pa ’di lta bu ni bdag cag la phas kyaṅ ma bgyis | mas kyaṅ ma bgyis | rgyal (6) pos kyaṅ ma bgyis | lha rnams kyis kyaṅ ma bgyis | sṅon gyi pha med dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mtha’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams (7) rus pa’i ri dag las ni bsgral | ṅan soṅ gi sgo dag ni bkum | mtho ris daṅ thal pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du mi bźag | ’khor ba ni mthar bgyis | thog ma (172b1) ma mchis pa’i dus na bsags pa’i ’ji gra tshogs la lta ba’i ri’i mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag cag ni mṅon par źugs pa lags so || btsun pa bdag cag bcom ldan ’das daṅ | chos daṅ | dge (2) sloṅ gi dge ’dun la skyabs su mchis | bdag cag dge bsñen mar gzuṅ du gsol | deṅ slan chad nas ji srid ’tsho’i bar du glo ba thag pa nas skyabs su mchi’o || de dag gis bsams pa | gal te bcom ldan ’das mñan yod du gśegs par gyur na der bdag cag (3) gis skabs kyaṅ mi rñed kyis | bdag cag gis ’di ñid du bcom ldan ’das dge sloṅ gi dge ’dun daṅ bcas pa saṅ gdugs tshod la spyan draṅ ṅo sñam nas | de nas rigs kyi bu mo de dag stan lag las laṅs te | bcom ldan ’das ga la ba de logs su thal mo sbyar ba btud (4) nas | bcom ldan ’das la ’di skad ces gsol to || bcom ldan ’das kyis saṅ dge ’dun daṅ thabs cig tu bdag cag gi gdugs tshod gsol bar ci gnaṅ | bcom ldan ’das kyis rigs kyi bu mo de dag la caṅ mi gsuṅ bas gnaṅ ṅo || de nas rigs (5) kyi bu mo de dag gis bcom ldan ’das kyis caṅ mi gsuṅ bas gnaṅ par rig nas | bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas doṅ nas | tshe daṅ ldan pa kun dga’ bo ga la ba der doṅ ste phyin nas | tshe daṅ ldan pa kun (6) dga’ bo’i rkaṅ pa gñis la mgo bos phyag te mtha’ gcig tu ’khod do || mtha’ gcig tu ’khod nas rigs kyi bu mo de dag gis tshe daṅ ldan pa kun dga’ bo la ’di skad ces smras so || btsun pa kun dga’ bo bdag cag gis saṅs rgyas la sogs pa dge sloṅ gi dge ’dun (7) saṅ gdugs tshod la spyan draṅ na | btsun pa kun dga’ bo kār ṣā pa ṇa ji tsam gyis saṅs rgyas la sogs pa dge sloṅ gi dge ’dun gyi gdugs tshod ’tshal bar ’gyur | tshe daṅ ldan pa kun dga’ bos smras pa | kār ṣā pa ṇa lṅa brgyas so || de dag gis kār ṣā pa ṇa re re (173a1) bsdus te smras pa | btsun pa kun dga’ bos bdag cag la snod spyad daṅ | mi blas daṅ | gnas mal gyi ’byor pa ma mchis na khyod kyis źal zas sta gon mdzod cig daṅ | bdag cag mchis te brim par bgyi’o || kār ṣā pa ṇa dag źog śig | de (2) dag gis kār ṣā pa ṇa dag mtha’ gcig tu bźag ste doṅ ṅo || || ’dul ba rnam par ’byed pa | bam po lṅa bcu rtsa lṅa pa | khyim bdag mgon med zas sbyin gyis bcom ldan ’das ko sa la dag tu ljoṅs rgyu źiṅ gśegs pa na mñan yod du byo ces thos so || (3) thos nas kyaṅ bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das khyim bdag mgon med zas sbyin la chos daṅ ldan pa’i bka’ mchid kyis yaṅ dag (4) par ston par mdzad | yaṅ dag par ’dzin du ’jug par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan | yaṅ dag par par ’dzin du bcug | yaṅ (5) dag par gzeṅs bstod | yaṅ dag par rab tu dga’ bar mdzad nas caṅ mi gsuṅ so || de nas khyim bdag bdag mgon med zas sbyin stan las laṅs te | bla gos phrag pa gcig tu byas nas bcom ldan ’das la ba de logs su thal lo mo sbyar ba btud de | bcom ldan ’das la ’di (6) skad ces gsol to || bcom ldan ’das saṅ bdag gi sdum par dge sloṅ gi dge ’dun daṅ thabs cig gdugs tshod gsol bar ci gnaṅ | khyim bdag ṅa de’i daṅ por khyim bdag mo lṅa brgyas spyan draṅs so || de nas khyim bdag mgon med zas sbyin gyis bcom ldan ’das kyis (7) bka’ stsal pa la mṅon par dga’ ba daṅ | rjes su yi raṅ bya byas te | bcom ldan ’das kyi źabs gñis la mgo bos phyag ’tshal nas bcom ldan ’das kyi spyan sṅa nas soṅ ste | tshe daṅ ldan pa kun dga’ bo ga la ba der soṅ nas phyin pad ṅa | tshe daṅ ldan pa kun dga’ bo’i (173b1) rkaṅ pa gñis la mgo bos phyag ’tshal te mtha’ gcig tu ’dug go || des kār ṣā pa ṇa de dag mthoṅ nas smras pa | btsun pa kun dga’ bo kār ṣā pa ṇa ’di dag su’i lags | tshe daṅ ldan pa kun dga’ bos smras pa | khyim bdag mo lṅa brgya tsam gyis bcom ldan ’das dge (2) sloṅ gi dge ’dun daṅ thabs cig saṅ khyim bdag gźan du gdugs tshod la spyan draṅs nas de dag gis kār ṣā pa ṇa ’di dag bźag gis | khyod kyis ’di dag daṅ bdag ñid kyi kār ṣā pa ṇa gźan dag bsrel te źal zas bsod pa sta gon gyis la ’dir skur cig | des kār ṣā pa ṇa de dag (3) khyer te soṅ nas des kār ṣā pa ṇa de dag daṅ bdag ñid kyi kār ṣā pa ṇa gźan dag bsres te źal zas bsod pa sta gon byas nas rgyal byed kyi tshal du bskur ro || tshe daṅ ldan pa kun dga’ bos de dag la źal zas sta gon byas kyis tshur gśegs la saṅs rgyas la sogs pa dge sloṅ gi dge (4) ’dun la brims śig ces spriṅs pa daṅ | de dag lhags te smras pa | btsun pa kun dga’ bo khyod bdag cag gi dge ba’i bśes gñen lags kyis tshur spyon khyod kyis kyaṅ brim du gsol | tshe daṅ ldan pa kun dga’ bos brims par brtsams pa daṅ | der gcer bu ma gñis (5) śig ’oṅs te | de gñis kyis khyim bdag mo de dag la zas bslaṅs pa na de dag gis smras pa | zas ’di ni rgyal bu ’di’i yin no || gter bu ma de gñis kyis tshe daṅ ldan pa kun dga’ bo la rgyal bu bdag cag gñis ni sdug bsṅal ba lags kyis bdag cag gñis la zas stsol (6) cig ces zas bslaṅs pa daṅ | tshe daṅ ldan pa kun dga’ bos smras pa | ’dug śig daṅ sbyin no || de gñis ’dug go || de nas gcig ni rgan mo źig yin | cig śos ni gźon ni ma źig yin no || tshe daṅ ldan pa kun dga’ bos ma bsams par brims pa daṅ | (7) rgan mo de la ni khur ba gcig byin | gźon nu ma de la ni khur ba gñis byin no || rgan mo des khur ba gcig po de zos nas des gźon nu ma la smras pa | khyod kyis khuṅ ba du thob | des smras pa | gñis thob bo || rgan mos smras pa | rgyal bu des kho mo la ni (174a1) khur ba gcig byin la | khyed la gñis byin pa las na rgyal bu des khyod don du gñer gyis sta gon gyis śig | gźon nu mas smras pa | des btsun mo’i ’khor rgyas pa spaṅs te rab tu byuṅ bas dri ma’i rdza ba can kho mo lta bu don du gñer par ga la ’gyur | rgan mos (2) smras pa | skyes pa dag ni bud med sna tshogs dag la bud med kyi ’dun pa yod pas rgyal pu ’dis khyod don gñer gyis sta gon gyis śig | dge sloṅ don ñuṅ ṅu dag ci’i phyir dge sloṅ dag gcer bu pa daṅ | gcer bu ma kun du rgyu daṅ | kun du rgyu mo la raṅ gi lags nas bca’ ba daṅ (3) bza’ ba sbyin par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba (4) la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ bo khyod gcer bu pa daṅ | gcer bu ma kun (5) du rgyu daṅ | kun du rgyu mo la raṅ gi lag nas bca’ ba daṅ bza’ ba sbyin par byed pa bden nam | btsun pa mad do || saṅs rgyas bcom ldan ’das kyis mi brtson pa daṅ | mi sbyor ba daṅ | ma brtags par spyod pa rnam par smad pa mdzad do || de nas bcom ldan ’das kyis (6) brtson pa daṅ | sbyor ba daṅ | brtags te spyod pa’i bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi ’di ltar bca’ bar bya ste źes bya ba la sogs pa sṅa ma (7) bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ gcer bu ba’am | kun du rgyu mo la raṅ gi lag nas bca’ ba daṅ bza’ ba sbyin na ltuṅ byed do || yaṅ dge sloṅ gaṅ źes bya ba ni chos (174b1) ’de pa’o || gcer bu pa’am | gcer bu ma kun du rgyu’am | kun du rgyu mo la raṅ gi lag nas źes bya ba ni lag pas lag par ro || bca’ ba daṅ bza’ ba źes bya ba ni bza’ pa lṅa daṅ bza’ ba lṅa’o || sbyin na źes bya ba ni bas ba mi dgos par ro || ltuṅ byed do źes bya ba ni (2) sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshoṅ par byed | ltuṅ bar byed pa’o || gźan yaṅ ji srid du ltuṅ ba de ma bśaṅs śiṅ so sor ma bśags nas dge ba’i chos rnams la sgrib par (3) byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad gcer bu pa’am | gcer bu ma kun du rgyu’am | kun du rgyu mo la raṅ gi lag nas bca’ ba daṅ | bza’ ba sbyin na thams cad du ltuṅ byed du ’gyur ro || ñe (4) du daṅ | nad pa daṅ | sdig pa can gyi lta ba’i rnam pa las dbral bar ’dod pa yin na ltuṅ ba med do || dum bur byas te sbyin pa daṅ | gźan sbyin du ’jug pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa (5) la ltuṅ ba med do || gcer bu pa la sbyin pa’i ltuṅ byed de bźi bcu rtsa bźi pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=010cdd21-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display