Bibliotheca Polyglotta

[Pāyantika 47]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba bźugs so || ri brags pa de de lta na yaṅ ma phebs nas | ko sa lar byuṅ ba’i rgyal po gsal rgyal gyis khyim bdag mgon med zas sbyin la smras pa | khyim (5) bdag khye’u dag mi dran nam | lha khye’u dag ni mi dran te ’di ltar ’phags pa dag mthoṅ bar ’tshal lo || ko sa lar byuṅ ba’i rgyal po gsal rgyal gyis dge sloṅ gi dge ’dun la ’phags pa dag mthoṅ bar ’tshal lo źes yi ge spriṅs pa daṅ | dge skos kyis dge ’dun gyi dbus (6) su yi ge bklags te | gaṅ der ’gro bar spro ba des tshul śiṅ loṅ śig ces tshul śiṅ brims pa daṅ | dge sloṅ gnas brtan gnas brtan dag gis smras pa | kho bo cag ni rgan po sbyor mi bzod pa dag yin pas der ’gro mi nus so || dge sloṅ gsar du gsar bu dag gis smras pa (7) der chos bstan par bya dgos na bdag cag ni thos pa ñuṅ ba yin pas chos ston par ni mi nus na der chu brim par bya ’am ci bdag cag kyaṅ der ’gro mi nus so || drug sde dag gis smras pa | dga’ bo ñe dga’ ’ji srid du bcom ldan ’das bźugs śiṅ bdag cag gson pa de srid du bstan pa (180a1) gnas la | bcom ldan ’das yoṅs su mya ṅan las ’das śiṅ bdag cag dus la bab na bstan pa nub par brjod par bya ste | ji srid du bdag cag gson pa de srid du bstan pa la gces pa bskyed par byas | tshul śiṅ blaṅ ṅo źes de dag gis tshul śiṅ (2) blaṅs te der doṅ nas rgyal po la chos bstan pas rgyal po mṅon par dad par byas so || btsun mo daṅ | gźon nu dag daṅ | źaṅ blon daṅ | khrom gyi ru sna dag la yaṅ chos bstan pas skye bo phal po che’i tshogs mṅon par dad par byas so || ko sa lar byuṅ ba’i rgyal po (3) gsal rgyas gyis blon po rnams la smras pa | deṅ la g-yul śoms śig daṅ ri brags pa bskor bar bya’o || de dag gis g-yul bśam par brtsams pa daṅ | drug sde dag gis smras pa | dga’ bo ñe dga’ ba dag cag gis yun ji srid du du gźan gyi spyod lam gyis (4) gnas par bya | raṅ gi spyod lam gyis gnas par byas | gsus po che’i rgyal mtshan gyi mchog daṅ | dpuṅ gi mchog daṅ | g-yul bkod ciṅ bśams pa’i dmag la lta ba ñams su myoṅ bar byas ’doṅ ṅo źes de dag glaṅ po che pa’i tshogs kyi gan du doṅ ste dris pa | śes (5) ldan dag ci byed | de dag gis smras pa | ’phags pa dag bkod pa śom mo || drug sde dag gis smras pa | bkren pa dag glaṅ po che bcos ma ’di lta bu dag phyogs ’dir ’jog gam ’di sol cig ces de dag gis de dag gi mche ba bdag nas bzuṅ ste mtha’ gcig tu bor ro || (6) de dag rta ba’i tshogs kyi gan du doṅ ste dris pa | śes ldan dag ci byed | de dag gis smras pa | ’phags pa dag bkod pa śom mo || drug sde dag gis smras pa | bkren pa dag rta theṅ po ’di lta bu dag phyogs ’dir ’jog gam ’di sol cig ces de dag gis de dag gi (7) mjug ma dag nas bzuṅ ste mtha’ gcig tu bor ro || de dag śiṅ rta pa’i tshogs kyi gan du doṅ ste dris pa | śes ldan dag ci byed | de dag gis smras pa | ’phags pa dag bkod pa śom mo || drug sde dag gis smras pa | bkren pa dag śiṅ rta źig pa ’di lta bu dag (180b1) phyogs ’dir ’jog gam ’di sol cig ces de dag gis de dag gi srog śiṅ dag nas bzuṅ ste mtha’ gcig tu bor ro || de dag dpuṅ bu chuṅ gi tshogs kyi gan du soṅ ste dris pa | śes ldan dag ci byed | de dag gis smras pa | ’phags pa dag bkod pa śom mo || (2) drug sde dag gis smras pa | bkren pa dag mi źar ba ’di lta bu dag phyogs ’dir ’jog gam ’di sol cig ces de dag gis de dag gi gña’ ba dag nas bzuṅ ste mtha’ gcig tu bor ro || drug sde dag gi mdun logs su ri brags pa daṅ ha caṅ Raga mi riṅ bar ’khod de blag (3) cor gyis sgra phyuṅ ba daṅ | de dag gis basasama pa | ri brags pa dag rdzoṅ nas rlugs te byuṅ ṅo sñam du rig nas skrag ciṅ sṅaṅs te ’bros par brtsams pa daṅ | drug sde dag myur ba myur bar doṅ ste | khrom gyi ru sna’i mdun du ’khod nas smras pa | śes ldan dag ci’i phyir (4) ’bros | de dag gis smras pa | ’phags pa dag ri brags pa dag rdzoṅ nas rlugs te byuṅ ṅo || drug sde dag gis smras pa | bkren pa dag de ni kho bo cag gis ku re cuṅ źig byas pa yin te | gal te ri brags pa dag gis khyed cag de ltar bred par śes śiṅ rig par (5) gyur na naṅ par sṅa ba kho nar yaṅ khyed cag gña’ ba dag nas btags te ri brags su khrid par ’gyur gyis ma ’jigs par phyir log śig | de dag phyogs gcig tu doṅ ste sems khoṅ du chud ciṅ ’khod do || ji tsam na ko sa lar byuṅ ba’i rgyal po gsal rgyal ’oṅs nas des (6) smras pa | śes ldan dag khyed kyis da duṅ yaṅ g-yul gyi bkod pa ma bśams sam | de dag gis smras pa | lha bdag cag rgyal bar ga la ’gyur | ’di ltar dge sbyoṅ mgo reg ras yug chen glegs pa ’tshal ba ’di dag mchis nas bdag cag la tho ’tsham źiṅ (7) mi mchi dgu mchi’o || rgyal pos smras pa | dge sbyoṅ gaṅ dag | ’phags pa drug sde dag go || śes ldan dag ’di dag ni dge sbyoṅ hral po dag yin pas de dag gis smras pa khyed la ci gnod | deṅ la g-yul gyi bkod pa śom śig | ko sa lar byuṅ ba’i rgyal po gsal rgyal gyis bsams pa | (181a1) ’di dag bdag la yaṅ daṅ yaṅ du tho ’tsham par ’gyur ro sñam du rig nas mi źig la smras pa | kwa’i naṅ rje tshur śog bcom ldan ’das ga la ba der soṅ la ṅa’i tshig gis bcom ldan ’das kyi źabs gñis la mgo bos phyag ’tshal te bcom ldan ’das la gnod pa ñuṅ ṅam | ñam ṅa ba chuṅ ṅam | bskyod (2) pa yaṅ ṅam | ’tsho ’am | stobs daṅ bde ba la reg par gnas sam | kha na ma tho ba ma mchis sam źes sñun gsol la ’di skad ces btsun pa ko sa lar byuṅ ba’i rgyal po gsal gsal rgyal gyi mchid nas btsun pa ’phags ’di dag śin tu yun riṅ por dmag gi naṅ na gnas pa’i tshe yaṅ (3) bśams pa ’khrug tu mchi źiṅ rgyal mtshan gyi mchog daṅ | dapuṅagi mchog daṅ | g-yul bśams pa’i dmag la lta ba ñams su myoṅ bar bgyid na | kye ma bcom ldan ’das kyis thugs brtse ba’i slad du gaṅ gis ’phags pa dag śin tu yun riṅ por dmag gi naṅ na gnas pa’i tshe (4) yaṅ bśams pa ’khrug tu mi mchi źiṅ | rgyal mtshan gyi mchog daṅ | dapuṅagi mchog daṅ | g-yul bśams pa’i dmag la lta ba ñams su myoṅ bar bgyid par mi ’gyur bar dran par bgyi ba cuṅ źig bca’ ba mdzad na legs so źes mchi’o gsol cig | mi des (5) la bka’ bźin ’tshal źes kos lar byuṅ ba’i rgyal po gsal rgyal las mñan nas bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas mi des bcom ldan ’das la (6) ’di skad ces gsol to || btsun pa kos lar byuṅ ba’i rgyal po gsal rgyal bcom ldan ’das kyi źabs gñis la mgo bos phyag ’tshal te | bcom ldan ’das la gnod pa ñuṅ ṅam | ñam ṅa ba chuṅ ṅam | ’tsho ’am | stobs daṅ bde ba la reg par (7) gnas sam | kha na ma thob ma mchis sam źes sñun gsol lo || kwa’i naṅ rje kos lar byuṅ ba’i rgyal po gsal rgyal daṅ khyed bde bar gyur cig | btsun pa kos lar byuṅ ba’i rgyal po gsal rgyal gyi mchid nas ’phags pa ’di dag śin tu yun riṅ por dmag gi naṅ na gnas pa’i (181b1) tshe yaṅ bśams pa ’khrug tu mchi źiṅ | rgyal mtshan gyi mchog daṅ | dpuṅ gi mchog daṅ | g-yul bśams pa’i dmag la lta ba ñams su myoṅ bar bgyid na | kye ma bcom ldan ’das kyis thugs brtse ba’i slad du gaṅ gis ’phags pa ’di dag śin tu yun riṅ por dmag gi (2) naṅ na gnas pa’i tshe yaṅ bśams pa ’khrug tu mi mchi źiṅ | rgyal mtshan gyi mchog daṅ | dpuṅ gi mchog daṅ | g-yul bśams pa’i dmag la lta ba ñams su myoṅ bar bgyid par mi ’gyur bar dran par bgyi ba cuṅ źig bca’ ba mdzad na legs so źes mchi’o || bcom ldan ’das (3) kyis me de la caṅ mi gsuṅ bas gnaṅ ṅo || de nas mi des bcom ldan ’das kyis caṅ mi gsuṅ bas gnaṅ bar rig nas | bcom ldan ’das kyi źabs gñis la mgo bos phyag te bcom ldan ’das kyi spyan sṅa nas soṅ ṅo || de nas bcom ldan ’das kyis byuṅ ba ’di daṅ | gleṅ gźi ’di (4) daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas daṅ | dge (5) sloṅ dag khyed dmag gi naṅ na gnas pa’i tshe bśams pa ’khrug tu ’gro źiṅ | rgyal mtshan gyi mchog daṅ | dpuṅ gi mchog daṅ | g-yul bśams pa’i dmag la lta ba ñams su myoṅ bar byed pa bden nam | btsun pa mad do || saṅs rgyas bcom ldan ’das kyis dge sbyoṅ gi (6) tshul ma yinapa | rjes su mthun pa ma yin pa | Ruṅa ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ (7) dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ źag gñis dam de’i naṅ na (182a1) gnas pa’i tshe yaṅ gal te bśams pa ’khrugs tu ’gro ’am | rgyal mtshan gyi mchog gam | dpuṅ gi mchog gam | g-yul bśams pa’i dmag la lta ñams su myoṅ bar byed na ltuṅ byed do || dge sloṅ źes bya ba ni drug sde ’am | gźan yaṅ de lta bu gaṅ yin pa’o || (2) źag gñis źes bya ba ni źag gñis tshud chad do || dmag ces bya ba la dmag ni yan lag gcig pa yaṅ yod || yan lag gñis pa yaṅ yod | yan lag gsum pa yaṅ yod | yan lag bźi pa yaṅ yod do || dmag yan lag gcig pa gaṅ źe na | glaṅ po che ba’i tshogs (3) so | |dmag yan lag gñis pa gaṅ źe na | glaṅ po che pa’i tshogs daṅ | rta pa’i tshogs so || dmag yan lag gsum pa gaṅ źe na | glaṅ po che pa’i tshogs daṅ | rta pa’i tshogs daṅ | śiṅ rta pa’i tshogs so || dmag yan lag bźi pa gaṅ źe na | glaṅ po che (4) pa’i tshogs daṅ | rta pa’i tshogs daṅ | dpuṅ bu chuṅ gi tshogs so || de’i naṅ na gnas pa’i tshe yaṅ źes bya ba ni ’dug pa’i tshe yaṅ ṅo || gal te bśams pa ’khrug tu ’gro ’am źes bya ba ni g-yul la chas pa ’khrug tu ’gro ba’o || rgyal mtshan (5) gyi mchog ces bya ba ni rgyal mtshan rnam pa bźi ste | khyu mchog gi rgyal mtshan daṅ | chu srin gyi rgyal mtshan daṅ | seṅ ge’i rgyal mtshan daṅ | klu’i rgyal mtshan no || dpuṅ gi mchog ces bya ba ni dpuṅ gi tshogs yan lag bźi pa ste | glaṅ po che pa’i tshogs daṅ (6) rta pa’i tshogs daṅ | śiṅ rta pa’i tshogs daṅ | dpuṅ bu chuṅ gi tshogs so || g-yul bśams pa’i dmag la lta ba ñams su myoṅ bar byed źes bya ba la bśams pa ni rnam pa bźi ste | ’bru’i kha lta bu daṅ | śiṅ rta’i dbyibs lta bu daṅ | zla gam gyi rnam pa lta (7) bu daṅ | nam mkha’ ldiṅ gi ’dab ma lta bu’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba (182b1) de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis glaṅ po che go bskon pa’i bśams pa ’khrugs par byed na ltuṅ byed du ’gyur ro || gom bskon pa’i bśams (2) pa ’khrug par byed na ñes byas su ’gyur ro || dge sloṅ gis rta go bskon pa’i bśams pa ’khrug par byed na ltuṅ byed du ’gyur ro || go ma bskon pa’i bśams pa ’khrug par byed na ñes byas su ’gyur ro || dge sloṅ gis śiṅ rta bcas pa’i bśams pa ’khrug bar byed na ltuṅ byed du ’gyur (3) ro | |ma bcas pa’i bśams pa ’khrug par byed na ñes byas su ’gyur ro || dge sloṅ gis dpuṅ bu chuṅ go bskon pa’i bśams pa ’khrugs par byed na ltuṅ byed du ’gyur ro || dge sloṅ bśams pa ’khrug (4) tu ’gro na ltuṅ byed du ’gyur ro || rgyal mtshan gyi mchog daṅ | dpuṅ gi mchog daṅ | g-yul bśams pa’i dmag la lta ba ñams su myoṅ bar byed pa’i ltuṅ byed kyaṅ de bźin no || bar chad brgyad po dag las bar chad gaṅ yaṅ ruṅ ba ñe bar gnas par gyur pa la lhuṅ ba med do || (5) las daṅ po pa daṅ | smyos pa daṅ | sems ’khrugs pa daṅ | tsher bdag gis ñen pa la ltuṅ ba med do || dpuṅ gi yan lag ñams su myoṅ bar byed pa’i ltuṅ byed de bźi bcu rtsa bdun pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=010f0a8c-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display