You are here: BP HOME > TLB > MSV 2,01: Vinayavibhaṅga > fulltext
MSV 2,01: Vinayavibhaṅga

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
DiacriticaDiacritica-helpSearch-help
ā ī ū ṛ ṝ ḷ
ḹ ’ ṃ ḥ ṅ ñ
ṭ ḍ ṇ ṣ ś ź
š č ǰ γ    
Note on the transliteration:
The transliteration system of the BP/TLB is based on the Unicode/UTF-8 system. However, there may be difficulties with some of the letters – particularly on PC/Windows-based systems, but not so much on the Mac. We have chosen the most accepted older and traditional systems of transliteration against, e.g, Wylie for Tibetan, since with Unicode it is possible, in Sanskrit and Tibetan, etc., to represent one sound with one letter in almost all the cases (excepting Sanskrit and Tibetan aspirated letters, and Tibetan tsa, tsha, dza). We thus do not use the Wylie system which widely employs two letters for one sound (ng, ny, sh, zh etc.).
 
Important:
We ask you in particular to note the use of the ’ apostrophe and not the ' representing the avagrāha in Sanskrit, and most important the ’a-chuṅ in Tibetan. On the Mac the ’ is Alt-M.
 
If you cannot find the letters on your key-board, you may click on the link "Diacritica" to access it for your search.
Choose specific texts..
MSV 2,01: Vinayavibhaṅga
    Click to Expand/Collapse Option Complete text
Click to Expand/Collapse OptionVinayavibhaṅga
Back to library
[Pāyantika 51]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || dga’ bo la lhan cig gnas pa dge sloṅ chos źes bya ba ṅo tsha śes pa | ’gyod pa daṅ ldan pa | bsdams pa | bslab pa (6) ’dod pa źig yod pa des ji srid du de gnas ṅan len kun du spyor par mi śes pa de srid du de daṅ lhan cig gnas so || gaṅ gi tshe des de gnas ṅan len kun du spyod par śes pa de’i tshe na de raṅ bźin du gnas pa’i dge sloṅ rnams daṅ lhan cig gnas par brtsams te | bcom ldan ’das kyi (7) bka’ luṅ gis dus gsum du rkaṅ pa la phyag ’tshal du ’gro ba ’ba’ źig khyed do || ñe dga’ sa dga’ bo la smras pa | slob dpon chos ’dis kho bo saṅs rgyas la sogs pa dge sloṅ gi dge ’dun gyi mdun du tho btsams pa la ltos | kho bos kyaṅ ’di la ṅes par gnod pa cuṅ źig bya’o || (187b1) dga’ bos smras pa | dge sloṅ ’di ni ṅo tsha śes pa | ’gyod pa daṅ ldan pa | bsdams pa | bslab pa ’dod pa yin pas khyod kyis ’di la gnod pa ci źig byar yod | ṅes par ’di’i zan gcad par bya’o || de ni nus so || khyim bdag cig gis dga’ bo daṅ ñe dga’ gñis zan (2) la ’gron du bos pa daṅ | ñe dga’ sa bsams pa | deṅ chos ’di’i zan gcad par bya’o sñam mo || chos dga’ bo’i gan du soṅ ste smras pa | mkhan po bdag bsod sñoms la mchi ba źu’o || dga’ bos smras pa | chos kho bo cag deṅ khyim bdag gis zan la mgron du (3) bos kyis tshur śog la ’di nid du zan zo śig | chos kyis smras pa | bdag mkhan po daṅ lhan cig sṅa na cad mgron du bos pa ’ga’ ṅa mchis sam | ñe dga’ sa smras pa | chos kho bos gźan thos la gźan mthoṅ ste | kho bos ko khyod ṅo tsha śes pa | ’gyod pa daṅ ldan pa | (4) bsdams pa | bslab pa ’dod pa yin par śes na khyod mkhan pos mi ruṅ ba’i dṅos po yaṅ dag par ’dzin du bcug gam | ci na gaṅ gi phyir mkhan po’i chos daṅ ldan pa’i tshig gcod par byed | bcom ldan ’das kyis ’dul ba las slob dpon daṅ mkhan pos bsgo ba na khas blaṅ bar (5) bya’o | |khas mi len na ñes byas su ’gyur ro źes ma gsuṅs sam | de dge sloṅ rab tu grags pas smad pas caṅ mi smra bar ’dug nas | des smras pa | lhuṅ bzed daṅ chu tshags blaṅs te mchi’o || dga’ bos smras pa | der lhuṅ bzed daṅ chu tshags kyis ci bya | der snod bkrus (6) pa las chu btsags pa dag ’thob kyis tshur śog ’doṅ ṅo | chos de gñis daṅ lhan cig ’phags pa daṅ bsod sñoms pa źig gis mthoṅ nas des smras pa | chos gar ’gro | mgron du bos par ’gro’i || zas kyi tshod śes par gyis śig | chos kyis smras pa | zan za bar ’gyur (7) ram | ’on te zan bcad par ’gyur gtol med do || de de gñis daṅ lhan cig mñan yod du źugs pa daṅ | de gñis sraṅ du doṅ ste tshoṅ khaṅ du ’khod nas ñe dga’ khyim bdag du soṅ ste zan zos nas phyir ’oṅs so || de’i ’og tu dga’ bo yaṅ khyim bdag de’i khyim du soṅ ste (188a1) zan za źig ’dug go || chos kyis ñe dga’ la smras pa | slob dpon gdugs tshod la bab kyis bźud do || ñe dga’ sa smras pa | der thams cad sta gon byas zin pas der soṅ ste bza’ ba las gźan pa’i bya ba ci yaṅ med kyis gdugs tshod kyi kha kho nar ’doṅ ṅo || chos (2) lags te rkaṅ pa gñis kyis grib tshod gźal bar brtsams pa daṅ | ñe dga’ sa smras pa | glen pa khyod kho bo cag gi bslab pa la cuṅ zad yid mi ches sam | ci khyod kyis sñiṅ lam na kho bo cag dus ma yin par za bar ’gyur sñam mam | kho bo la khyod daṅ lhan cig smra ba’am ’dug (3) pa bde ba ma yin gyi ’di ltar kho bo gcig pu kho na ’dug na ba des khyod soṅ śig | chos kyis bsams pa | gal te bdag gis lhuṅ bzed daṅ chu tshags khyer te ’oṅs par gyur na bdag bsod sñoms la rgyu bar ’gyur ba źig na da ni ci byar yaṅ med do sñam nas de gtsug lag khaṅ du soṅ (4) ste | ji srid du de’i lus la mdaṅs yod pa de srid du dge ba’i phyogs la tron byas nas | gaṅ gi tshe de’i lus las mdaṅs yal ba de’i tshe na glos pab ste ñal ba daṅ | dge sloṅ rnams kyis de la smras pa | tshe daṅ ldan pa chos gal te zan gźan gyi yin źes te lto yaṅ gźan gyi yin (5) nam | ci na ji tsam gyis dge ba’i phyogs la tron byed kyaṅ mi nus pa de tsam gyi zan zos | chos kyis smras pa | sus zos | khyod kyis ma zos sam | ma zos so || ci’i phyir des skabs de rgyas par brjod pa daṅ | dge sloṅ don ñuṅ ṅu dag ci’i phyir dge sloṅ dag ched du bsams te dge (6) sloṅ zan gcod du ’jud ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’du bsdu ba mdzad do źes bya (7) ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod klan ka tshol źiṅ ci nas kyaṅ dge sloṅ ’di la klan ka btsal bar (188b1) ’gyur ro sñam pa de ñid rkyen du byas te dge sloṅ ’di skad ces tshe daṅ ldan pa tshur śog khyim dag tu ’dod daṅ der khyod la bca’ ba daṅ | bza’ ba ji tsam ’dod pa sbyin du gźug go źes smras nas khyod kyis de la sbyin du ma bcug par de’i ’og tu ’di skad ces || tshe daṅ ldan pa kho bo la khyod (2) daṅ lhan cig smra ba’am | ’dug pa bde ba ma yin gyis ’di ltar kho bo gcig pu gcig pu kho na smra’am ’dug na bdes khyod soṅ śig ces zer źiṅ za na gnod du ’jug pa bden nam | btsun pa mad do | | saṅs rgyas bcom ldan ’das kyis dag sbyoṅ gi tshul ma yin pa | rjes su mthun pa ma (3) yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag (4) par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ klan ka tshol źiṅ ci nas kyaṅ dge sloṅ ’di la klan ka btsal (5) bar ’gyur ro sñam pa de ñid rkyen du byas te | dge sloṅ la ’di skad ces tshe daṅ ldan pa tshur śog | khyim dag tu ’doṅ daṅ der khyod la bca’ ba daṅ bza’ ba bsod pa ji tsam ’dod pa sbyin du gźug go źes smras nas | des de la sbyin du ma bcug par de’i ’og tu ’di skad ces tshe daṅ ldan pa kho (6) bo la khyod daṅ lhan cig smra ba ’am ’dug pa bde ba ma yin gyi | ’di ltar kho bo gcig pu kho na smra’am ’dug na bdes khyod soṅ śig ces zer na ltuṅ byed do || yaṅ dge sloṅ gaṅ źes bya ba ni śākya ’i bu ñe dga’ ’am | gźan yaṅ de lta bu gaṅ yin pa’o || klan ka tshol źiṅ ci (7) nas kyaṅ dge sloṅ ’di la klan ka btsal bar ’gyur ro sñam pa źes bya ba ni ci nas kyaṅ dge sloṅ ’di’i zan gcod du bcug par ’gyur ro sñam pa’o || de ñid rkyen du byas te źes bya ba ni gźan ma yin pa’o || dge sloṅ la źes bya ba ni chos ’di pa la’o || ’di skad ces źes bya ba ni ’di (189a1) skad ces smras nas so || tshe daṅ ldan pa tshur śog khyim dag tu ’dog daṅ źes bya ba ni bram ze daṅ | khyim bdag gi khyim dag tu’o || der khyod la bca’ ba daṅ bza’ ba bsod pa źes bya ba ni bca’ ba lṅa daṅ bza’ ba lṅa’o || ji tsam ’dod pa sbyin du gźug go źes smra (2) nas źes bya ba ni ci tsam gyis chog par ro || des de la sbyin du ma bcug par de’i ’og tu ’di skad ces | tshe daṅ ldan pa kho bo la khyod daṅ lhan cig smra ba’am ’dug pa bde ba ma yin gyis | ’di ltar kho bo gcig pu kho na smra’am | ’dug na bdes khyod soṅ śig ces zer na źes bya ba ni de (3) skad ces zer na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ | so sor ma (4) bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad ched du bsams te dge sloṅ gi zan gcod du ’jud na thams cad du ltuṅ byed du ’gyur ro || nad pa’i byed du ’jud pa daṅ (5) sman pas bstan pa byed du ’jud pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || zan gcod du ’jud pa’i ltuṅ byed de lṅa bcu rtsa gcig pa rdzogs s+ho || || 
. 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login