Bibliotheca Polyglotta

[Pāyantika 54]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || bram ze daṅ khyim bdag dad pa can dag gtsug lag khaṅ du lhags (4) nas dge sloṅ rnams la smras pa | ’phags pa dag chos bstan du gsol | dge sloṅ rnams kyis smras pa | bźin bzaṅs dag bcom ldan ’das kyi spyan sṅar deṅ śig daṅ | bcom ldan ’das khyed cag la chos ston par mdzad do || de dag gis smras pa | ’phags (5) pa dag ston pa ñag gcig tu bas pas re źig lha rnams la chos ston par mdzad dam | ’on te klu rnams la’am | gnod sbyin rnams la’am | mi rnams la chos ston par mdzad sus ’tshal gyis | khyed cag gis kyaṅ chos bstan du gsol | bźin bzaṅs dag bcom (6) ldan ’das kyis ma gnaṅ ṅo źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ rnams kyis kyaṅ chos bstan par bya bar gnaṅ ṅo | bcom ldan ’das kyis dge sloṅ rnams kyis kyaṅ chos (7) bstan par bya’o źes bka’ stsal nas | de dag ñin mo chos ston par byed do || de na gaṅ dag bsod nams kyi ’bras bus ’tsho ba de dag ni ñin mo chos mñan nas mtshan mo rtsol ba’i ’bras bus ’tsho ba rnams la śes ldan dag ’phags pa dge chos sñan pa sñan pa ston bar mdzad ciṅ sbraṅ (203b1) rtsi byed pa’i sbraṅ bu bźin du chos sbraṅ rtsi lta bu ston ciṅ stobs par mdzad do źes rjod par byed do || rtsol ba’i ’bras bus ’tsho ba da ga gis smras pa | khyed cag las gaṅ dag chos ñan pa de dag gi saṅs rgyas ’byuṅ ba ni’abrasa bu daṅ bcas pa yin no || ’o na khyod cag kyaṅ ci’i phyir (2) chos ñan par mi byed | khyed cag ni bsod nams kyi ’bras bus ’tsho ba dag yin pas ñin mo chos ñan par bye dkyi | kho bo cag ni rtsol ba’i ’bras bus ’tsho ba dag yin pas gal te ñin mo las dmag ma byas na ltogs te ’chi bar ’gyur | gal te ’phags pa dag mtshan mo chos ston (3) par ’gyur na de lta na bdag cag gis kyaṅ chos mñan par bya’o źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | mtshan mo chos bstan par bya’o || de dag mtshan mo thams cad kho nar chos ston par byed ciṅ de (4) dag ṅal ba daṅ | bcom ldan ’das kyis bka’ stsal pa | mtshan thams cad ko nar chos bstan par mi bya’o || de dag nam phyed kyi bar du chos ston par byed pa na de lta na yaṅ ṅal bar gyur nas bcom ldan ’das kyis bka’ stsal pa | tshes brgyad daṅ | tshes bcu bźi la chos bstan (5) par bya’o || de dag tshes brgyad daṅ | tshes bcu bźi la chos ston par byed pa na bsod sñoms pa źig gtsug lag khaṅ du chos ñan du ’oṅs nas dge sloṅ rnams kyis nam phyed kyi bar du chos bstan pa daṅ | bsod sñoms pa des bsams pa | da ni ’gro ba’i dus ma yin gyis ’di (6) ñid du ’dug par bya’o źes de mtha’ gcig tu soṅ nas skyil mo kruṅ bcas te ’dug go || der lhags pa’i khyim pa de dag kyaṅ de ñid du ñal nas dge skos kyis mar me bsad par brtsams pa daṅ | de dag gis smras pa | ’phags pa źugs mar ma dgu ma źig daṅ bdag cag gis (7) ’bru mar dbul lo || dge skos kyis mar me gsos te soṅ nas khyim pa de dag de na ’khod ciṅ de dag gis smras pa | ’phags pa che ge mo źig gis ni chos sñan pa sñan pa dag bstan to || ’phags pa che ge mo źig gis ni chos ches sñan pa sñan pa dag bstan to || ’phags pa che ge mo źig gis ni chos ces sñan pa sñan pa dag bstan to źer zer ro || de na dge sloṅ (204a1) rgan źugs brjed ṅas pa źig ñal ba des rmi lam na sṅon gyi rñiṅ pa daṅ lhan cig ñal bar rmi nas des ci daṅ ci dag cig brdol bar brtsams pa daṅ | khyim pa de dag gis smras pa | śes ldan dag khyim pa ci daṅ ci dag brdol bar brtsams pa daṅ | khyim pa de dag gis smras pa | śes ldan dag khyim ba ci daṅ ci dag brdol ba ’di su yin źes de dag gis de bskyod (2) par brtsams pa daṅ | ji tsam na rgan źugs de phyis gan du ñal źiṅ ci daṅ ci dag brdol ba mthoṅ nas de dag gis smras pa | śes ldan dag rgan po rnams kyi gnas skabs kyaṅ re źig ’di ’dra na ’di dag ni rab tu byuṅ ba gźon nu dag yin pas ’di dag gi gnas skabs ji lta bur ’gyur źes (3) ma dad pa go bar byed do || bsod sñoms pa de naṅ par sṅar laṅs te dgon pa’i gnas su soṅ ba daṅ | dge sloṅ spoṅ ba pa dag gis de mthoṅ nas smras pa | tshe daṅ ldan pa ji lta tshaṅs pa mtshuṅs par spyod pa dag gis chos sñan pa dag bstan ciṅ skye po phal po che’i tshogs mṅon (4) par daṅ par byas sam | des smras pa | tshaṅs pa mtshuṅs par spyod pa dag gis chos sñan pa sñan pa dag bstan pas skye bo phal po che’i tshogs te por mṅon par byas so || rgan źugs śig gis ni skye bo phal po che’i tshogs mṅon par ma dad par byas so || ji ltar gyur | (5) des skabs de dge rnams la brjod nas dge sloṅ rnams kyis bcom ldan ’das la rgyas par gsol to || de nas bcom ldan ’das ’di sñam du dgoṅs te | ñes dmigs gaṅ cuṅ zad byuṅ ba ni | dge sloṅ rnams rdzogs par ma bsñen pa daṅ lhan cig ñal bar byed pa daṅ | snaṅ (6) bal ñal bar byed pa las gyur to sñan nas bcom ldan ’das kyis bka’ stsal pa | de lta bas na dge sloṅ gis gaṅ zag rdzogs par ma bsñen pa daṅ lhan cig nal bar mi bya źiṅ | snaṅ ba la yaṅ ñal bar mi bya’o || ñal bar byed na ’gal tshabs can du du ’gyur ro || ’di ni re źig (7) byuṅ ba yi na te | śags rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || tshe daṅ ldan pa śā ri’i bu la dge tshul sgra can zin daṅ | skul byed ces bya ba gñis yod do || dge sloṅ blo bur du ’oṅs pa źig ’oṅs pa na tshe daṅ ldan (204b1) pa sgra can zin ñin mo spyod du soṅ ba’i gtsug lag khaṅ du dge sloṅ blo bur du ’oṅs pa de’i gtsug lag khaṅ du bskos nas dge sloṅ des tshe daṅ ldan pa sgra can zin gyi lhuṅ bzed daṅ chos gos phyi rol du phyuṅ ste mtha’ gcig tu bźug go || tshe daṅ ldan pa sgra can zin ñin mo spyod pa nas phyir (2) ’oṅs pa ṅa | ji tsam na raṅ gi lhuṅ bzed daṅ | chos gos phyi rol du phyuṅ ste mtha’ gcig tu bźag pa mthoṅ nas de sems khoṅ du chud ciṅ ’dug go || ji tsam na dge tshul skul byed ’oṅs nas des smras pa | tshe daṅ ldan pa sgra can zin ci’i phyir sems khoṅ du chud ciṅ ’dug | sgra (3) can zin gyis smras pa | kho bo ñin mo spyod du soṅ ba’i gtsug lag khaṅ dge sloṅ blo bur du ’oṅs pa’i gtsug lag khaṅ du bskos nas des kho bo’i ltuṅ bzed daṅ chos gos phyi rol du phyuṅ ste mtha’ gcig tu bźag sprin ka dog lṅa pa ’dus pas kho bo deṅ mal gaṅ du bśam par bya ba mi (4) śes so || skul byed kyis smras pa | tshe daṅ ldan pa sgra can zin ci’i phyir sems khoṅ du chud ciṅ ’dug tu yod | gar yaṅ ruṅ bar ñol cig | sgra can zin gyis smras pa | tshe daṅ ldan pa skul byed khyod ni rdzu ’phrul che ba daṅ mthu che ba yin pas lo ma ma yin pa’i spyil bu sprul te (5) mal ’cha’ bar byed mod | kho bos ji ltar bya | de’i tshe na bram ze daṅ khyim bdag dad pa can dag gis bcom ldan ’das kyi snam phyis spos kyi byug pas bskus nas | tshe daṅ ldan pa sgra can zin gyis bsams pa | saṅs rgyas bcom ldan ’das rnams la dus ma yin pas bśeṅ (6) ba mdzad par ’gyur ba gaṅ yin pa de ni gnas med ciṅ skabs ma yin gyis soṅ la der nal bar bya’o sñam nas de der soṅ ste | snam phyi sa’i źabs rten la mgo bźag ste ñal lo || de’i mtshan mo sprin kha dog lṅa pa ’dus nas des char ’bab par brtsams pa daṅ || snam phyi sa de daṅ (7) ha caṅ thag riṅaba na sprul dug myur du khyab par byed pa’i gtso bo źig gi tshaṅ ’dug pa der char bab pa’i chus gaṅ nas | sbrul dug myur du khab par byed pa’i gtso bo de bcom ldan ’das kyi snam phyis ga la ba der ’phags so || saṅs rgyas bcom ldan ’das rnams ni bsñel ba mi mda’ (205a1) ba’i chos ñid can yin pas | bcom ldan ’das kyis dgoṅs pa | gal te sbrul dug myur du khyab par byed pa’i gtso bo des sgra can zin rñed par gyur na miṅ gi lhag ma tsam las par byed par ’gyur to | śākya ṅa rgyal can dag gal te gźon nu sgra can zin bzaṅ po (2) rab tu byuṅ bar ma gyur na | rgyal po dṅos brtsan par ’gyur pa źig na | de rab tu byuṅ nas mgon med pa’i bya bas dus la bab po źes ma dad pa go bar byed par ’gyur bar thugs su chud nas glaṅ po che’i sna ’dra ba’i phyag brkyaṅ ste sgra can zin blaṅs nas ñid kyis kyi gzims mal du bsñal te (3) bźog go || saṅs rgyas bcom ldan ’das rnams gaṅ zag rdzogs par ma bsñen pa daṅ lhan cig gnas gnas na gsims par ’gyur ba ni gnas ma yin źiṅ skabs med pas bcom ldan ’das kyis dguṅ la ’chag pa daṅ bźugs pa gñis kyis śas tsher mtshan mo ’da’ bar mdzad do || (4) dge sloṅ gnas brtan gnas dag naṅ par sdar laṅs te bcom ldan ’das kyi źabs la mgo bos phyag ’tshal du ’oṅs pa daṅ | saṅs rgyas bcom ldan ’das rnams kyi chos ñid ni gal te ’dul ba la ñan thos rnams kyi bslab pa’i gźi ’cha’ bar bźed na de’i tshe dge sloṅ ma ’oṅs pa (5) rnams la ni gźes par mdzad pa | dge sloṅ ’oṅs pa rnams ni phyir gtoṅ bar mi mdzad pas | tshe daṅ ldan pa skul byed bcom ldan ’das kyi źabs la mgo bos phyag ’tshal du soṅ ba daṅ | ji tsam na tshe daṅ ldan pa sgra can zin bcom ldan ’das kyi gzims mal na ñal ba mthoṅ ṅo || (6) mthoṅ nas kyaṅ so gol gyi sgras tshe daṅ ldan pa sgra can zin sad par byas te smras pa | tshe daṅ ldan pa sgra can zin khyod gaṅ du ñal | de sad pa daṅ ji tsam na bdag ñid bcom ldan ’das kyi gzims mal na ñal bar mthoṅ nas de myur ba myur ba kho nar laṅs te bcom ldan ’das kyi gzims mal (7) nas babs pa daṅ | skul byed kyis smras pa | tshe daṅ ldan pa sgra can zin gal te khyod la bcom ldan ’das kyis ma dgoṅs su zin na sbrul dug myur du khyab par byed pa’i gtso bos khyod ciṅ mi lhag ma tsam las par byed par ’gyur ro || de nas bcom ldan ’das kyis dge sloṅ rnams la (205b1) bka’ stsal pa | dge sloṅ dag dge tshul ’di dag la ni ma yaṅ med | pha yaṅ med | byams pa daṅ mdza’ bśes kyo tshogs gźan ’ga’ yaṅ med de || tshaṅs pa mtshuṅs par spyod pa khyed cag ’ba’ źig tu zad ciṅa’adi dag ni dgra bcom pa’i sgoṅ daṅ ldan pa dag yin te | gal (2) te khyed cag gis ’di dag yoṅs su skyoṅ bar mi byed na gźan su źig byed par ’gyur | dge sloṅ dag de lta bas na gaṅ zag rdzogs par ma bsñen pa daṅ ldan cig nub gñis tshun cad gnas gcig tu ñal bar rjes su gnaṅ ṅo || dge sloṅ źig la ’khru ba’i nad byuṅ nas de mun pa’i naṅ du (3) bśaṅ ba byed pa na rkaṅ pa gñis brkyaṅ ste ñal ba daṅ | de’i gan du naṅ par sṅar dge sloṅ lhag cig gnas pa daṅ | ne gnas dag ’oṅs nas de dag gis dris pa | mkhan po thugs bde ’am | des smras pa | mi bde’o || ji ltar mi bde | des skabs de rgyas par brjod (4) nas dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na snaṅ ba bya’o | snaṅ ba byas pa daṅ | de ’gyod pas mi ñal nas ñes dmigs de ñid du gyur pa daṅ | bcom ldan ’das kyis bka’ stsal pa | ñal bar bya (5) ste | ’di la ’gyod par mi bya’o || dge sloṅ nad g-yog dag ’gyod pas mi ñal ba na de dag na bar gyur nas | bcom ldan ’das kyis bka’ stsal pa | de dag gis kyaṅ ñal bar bya’o || der byin len stobs pas bya ba byuṅ nas bcom ldan ’das kyis bka’ stsal pa | rdzogs (6) par ma bsñen pas kyaṅ der ñal bar bya’o || de dag nub gñis ’das nas phyir ’byin par byed pa na nad pa la gnod par gyur nas | bcom ldan ’das kyis bka’ stsal pa | nub gsum pa la yaṅ ñal bar bya’o || nad pa ’gyod par gyur nas | bcom ldan ’das kyis bka’ (7) stsal pa | ’di la ’gyod par mi bya bar ñal bar bya’o || nad g-yog dag ’gyod pas mi ñal nas | bcom ldan ’das kyis bka’ stsal pa | nal bar bya ste ’di la ’gyod par mi bya’o || dge sloṅ gnas brtan dag na bar gyur nas de dag laṅs śiṅ raṅ ñid kyis byin len byas (206a1) te za bar mi nus nas bcom ldan ’das kyis bka’ stsal pa | de dag gi nad g-yog dag gis lag pa bsñal te byin nas lhan cig ’dug ste bza’ bar bya’o || de dag gi nad g-yog dag gźon pa yin na yaṅ de dag gis kyaṅ de bźin du bza’ bar bya’o || (2) rdzogs par bsten pa dag med nas bcom ldan ’das kyis bka’ stsal pa | rdzogs par ma bsñen pas bza’ bar bya’o || ji ltar rgan pa rnams la gsar bu rnams daṅ | rdzogs par ma bsñen pa rnams nad g-yog byed pa de bźin du rgan pa rnams kyis kyaṅ gsar bu rnams daṅ rdzogs (3) par ma bsñen pa rnams kyi nad g-yog bya’o || zla ba’i snaṅ ba daṅ | ñi ma’i snaṅ ba byuṅ nas dge sloṅ dag ’gyod pas ñal bar mi byed nas bcom ldan ’das kyis bka’ stsal pa | de dag ni tha sñad du bya ba ma yin pas ñal bar bya ste | ’di la ’gyod par mi bya’o || bcom ldan (4) ’das kyis gaṅ zag rdzogs par ma bsñen pa daṅ lhan cig nub gñis las lhag par gnas gcig tu ñal bar mi bya’o źes bka’ stsal nas | dge sloṅ rnams kyis gaṅ zag rdzogs par ma bsñen pa de dag gtsug lag khaṅ nas phyir phyuṅ nas chom rkun pa dag daṅ | g-yon can dag (5) daṅ | seṅ ge dag daṅ | stag dag daṅ | guṅ dag gis bgrod par gyur nas bcom ldan ’das kyis bka’ stsal pa | de dag gtsug lag khaṅ nas phyir ’byuṅ bar mi bya’o || dge sloṅ rnams gyis de dag khyams nas phyir phyuṅ ba daṅ | bcom ldan ’das kyis bka’ stsal pa | (6) byams nas phyir dbyuṅ bar mi bya bar ’di ltar ñen kor du spaṅ bar bya’o || dge sloṅ źig lad ge tshul źig yod de gtsug lag khaṅ der dge sloṅ sdig can ’oṅs nas des dge tshul de la smras pa | dge tshul khyod gaṅ du ñal | des smras pa | sgo gaṅ ’dir ro || dge tshul de’i mkhan (7) po des thos nas | des dge tshul de la dris pa | khyod smras pa de ci | des smras pa | ’di bdag la khyod gaṅ du ñal źes ’dri’o || mkhan po des dge tshul de bdag ñid kyi gnas khaṅ du bsñal nas | mkhan po das kyaṅ ’chag pa daṅ | ’dug pa dag gis mtshan mo ’da’ bar (206b1) byas so || de naṅ par sṅar laṅs nas dge sloṅ lhan cig gnas pa daṅ | ne gnas dag ’oṅs te dris pa | mkhan po thugs bde ’am | des smras pa | mi bde’o || ci’i slad du | des skabs de rgyas par brjod pa daṅ | de dag gis smras pa | mkhan po bcom ldan (2) ’das kyis skyes bu dam pa ni gñis te | gaṅ khur ma blaṅs pa len par mi byed pa daṅ | gaṅ khur blaṅs pa mthar phyin par byed pa’o źes bka’ stsal pas khur blaṅs pa ’di mthar phyin par bgyi ’tshal lo źes zer ba’i skabs de dge sloṅ rnams kyis bcom ldan ’das la gsol pa daṅ | (3) bcom ldan ’das kyis bka’ stsal pa | gal te gnas par khas ma blaṅs pa rnams kyi naṅ du dge sloṅ sdig can ’oṅs śiṅ dge sloṅ sdig can de re źig skrod par nus na de bskrad par bya’o || gal te skrod par mi nus na dge tshul khrid de gtsug lag khaṅ gźan du ’gro bar bya’o || gal te (4) gnas par khas blaṅs pa rnams kyi naṅ du dge sloṅ sdig can ’oṅs śiṅ dge sloṅ sdig can de bskrad par bya’o || gal te skrod par mi nus na dge tshul dge sloṅ mdza’ bo’i gan du gźag par bya’o || gal te dge sloṅ mdza’ bo med na gnas gcig tu lhan cig zla ba gsum (5) ’da’ bar bya’o || dgag dbye byas nas gal te dge sloṅ sdig can de skrod par nus na de bskrad par bya’o || gal te mi nus na dge tshul khrid de gtsug lag khaṅ gźan du ’gro bar bya’o || dge sloṅ dag lam du ’doṅ ba na de na dge tshul yaṅ ’doṅ nas dge sloṅ rnams kyis dge tshul te (6) dag nub gñis ’das śiṅ don mthun gyi phyi rol du ’byin par byed pa na de dag chom rkun pa dag daṅ | g-yon can dag daṅ | seṅ ge dag daṅ | stag dag daṅ | guṅ dag gis bgrod par gyur nas bcom ldan ’das kyis bka’ stsal pa | phyi rol du dbyuṅ bar mi bya bar ’di ltar don mthun (7) gñis su bya’o || don mthun gñis su byas pa daṅ | de dag dpuṅ chuṅ bas chom rkun pa dag daṅ | g-yon can dag daṅ | seṅ ge dag daṅ | stag dag daṅ | guṅ dag gis bgrod par gyur nas bcom ldan ’das kyis bka’ stsal pa | gal te don mthun dpuṅ chuṅ na (207a1) gñis su mi bya bar dge sloṅ rnams kyis mi ñal bar tron bya’o || dge sloṅ rnams mtshan thams cad du mi ñal bar tron byed pa na ṅal bar gyur nas bcom ldan ’das kyis bka’ stsal pa | mtshan thams cad du tron mi bya bar thun gsum mam | gñis sam | gcig (2) gam | tha na skya reṅs ’char kar tron bya’o || de lta na yaṅ ṅal bar gyur nas bcom ldan ’das kyis bka’ stsal pa | ñal bar bya ste ’di la ’gyod pa mi bya’o || dge sloṅ rnams rnams kyis dge tshul dag lam kar rjes su bor te doṅ ba na de dag chom rkun pa dag daṅ | g-yon can dag daṅ | (3) seṅ ge dag daṅ | stag dag daṅ | guṅ dag gis bgrod par gyur nas bcom ldan ’das kyis bka’ stsal pa | mdun du btaṅ ste ’gro bar bya’o || dge tshul de dag naṅ par sṅa ba kho nar bkres par gyur nas bcom ldan ’das kyis bka’ stsal pa | de dag la g-yar tshus sbyin (4) par bya’o || dge tshul de dag dro kar yaṅ zan slog nas dge sloṅ rnams kyis khyed cag da naṅ g-yar tshus byin zin na da yaṅ sloṅ ṅam ci źes zer nas bcom ldan ’das kyis bka’ stsal pa | dge tshul dag ni me’i khams che ba yin gyis de dag la dro kar yaṅ zan sbyin par bya’o || ñe (5) dga’ la dge tshul tsher ma daṅ | chen po pa źes bya ba gñis yod na | de de gñis daṅ lhan cig nub gñis las lhag par gnas gcig tu ñal bar byed nas | dge sloṅ rnams kyis de la smras pa | tshe daṅ ldan pa ñe dga’ bcom ldan ’das kyis dge sloṅ gis gaṅ zag (6) rdzogs par ma bsñen pa daṅ lhan cig nub gñis las lhag par gnas gcig tu ñal bar mi bya’o źes bka’ stsal gyis khyod gaṅ zag rdzogs par ma bsñen pa daṅ lhan cig nub gñis las lhag par gnas gcig tu ma ñal cig | ñe dga’ sa smras pa | gaṅ la nub gñis ruṅ ba de (7) la nub gsum pa yaṅ ruṅ mod | nub gsum pas chaṅ mthuṅs sam | kun doṅ zos sam ci ñes | dge sloṅ don ñuṅ du dag bcom ldan ’das kyis dge sloṅ gis gaṅ zag rdzogs par ma bsñen pa daṅ lhan cig nub gñis las lhar par gnas gcig tu ñal bar mi bya’o źes (207b1) bka’ stsal na | ci’i phyir dge sloṅ dag ched du bsams te nub gñis las lhag par ’da’ bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ (2) gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das bcom ldan ’das kyis ñe dga’ la rmas pa | (3) ñe dga’ das dge sloṅ gis gaṅ zag rdzogs par ma bsñen pa daṅ lhan cig nub gñis las lhag par gnas gcig tu nal bar mi bya’o źes gsuṅs na | khyod ched du bsams te nub gñis las lhag par byed pa bden nam | btsun pa mad do || saṅs rgyas bcom ldan ’das kyis (4) dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge (5) sloṅ dag de lta bas na bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ gaṅ zag rdzogs (6) par ma bsñen pa daṅ lhan cig nub gñis las lhag par gnas gcig tu ñal na ltuṅ byed do || yaṅ dge sloṅ gaṅ źes bya ba ni śākya ’i bu ñe dga’ ma | gźan yaṅ de lta bu gaṅ yin pa’o || gaṅ zag rdzogs par ma bsñen pa daṅ lhan cig ces bya ba la | rdzogs par bsñen pa ni (7) gñis te | dge sloṅ daṅ || dge sloṅ ma’o || de las gźan pa ni rdzogs par ma bsñen pa’o || nub las lhag par źes bya ba ni nub gñis las ’das par ro || gnas gcig tu ñal na źes bya ba ni gnas bźi po thams cad g-yogs śiṅ thams cad bskor ba daṅ || (208a1) thams cad g-yogs śiṅ phal cher bskor ba daṅ | pal cher g-yogs śiṅ thams cad bskor ba daṅ || phar cher g-yogs śiṅ phal cher bskor ba dag tu ñal bas skya reṅs ’char bar byed na’o || thams cad g-yogs śiṅ thams cad bskor ba ni gnas khaṅ ṅam (2) ’khor gyi khyams sam | khaṅ pa brtsegs pa dag go || thams cad g-yogs śiṅ phal cher bskor ba ni sgo bcu pa daṅ | sgo bcu gñis pa dag go || phal cher g-yogs śiṅ thams cad bskor ba ni khyams ṅos bźi pa dag go || phal cher g-yogs śiṅ phal cher bskor ba ni (3) khyams ṅos gsum pa daṅ | ’khor gyi khyams dag go || ltuṅ byed do źes bya ba ni sems can dmyal ba daṅ | dud ’gro daṅ | yi dwags ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshor par byed pa’o || ltuṅ bar byed pa’o || gźan yaṅ ji srid du (4) ltuṅ ba de ma baṅs śiṅ so sor ma bśags nas dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis gaṅ zag rdzogs par ma bsñen par ma bsñen par ’du śes śiṅ lhan cig nub gñis (5) las lhag par gnas gcig tu ñal na ltuṅ byed du ’gyur ro || gaṅ zag rdzogs par ma bsñen pa la yid gñis za bas lhan cig nub gñis las lhag par gnas gcig tu ñal na ltuṅ byed du ’gyur ro || dge sloṅ gis gaṅ zag rdzogs par bsñen pa la sogs par ma bsñen par ’du śes pas (6) lhan cig nub gñis las lhag par gnas gcig tu ñal na ñes byas su ’gyur ro || rdzogs par bsñen pa layida gñis za bas lhan cig nub gñis las lhag par gnas gcig tu ñal na ltuṅ byas su ’gyur ro || las daṅ po pa dzaṅ | smyos pa daṅ | sems ’khrugs pa daṅ | tshor (7) ba dag gis ñin pa la ltuṅ ba med do || rdzogs par ma bsñen pa daṅ lhan cig ñal ba’i ba’i ltuṅ byed byed de lṅa bcu rtsa bźi pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=01208ad8-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display