Bibliotheca Polyglotta

[Pāyantika 76]
saṅs rgyas bcom ldan ’das mñan yod na (2) rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa ’char kas ni ñon moṅs pa thams cad spaṅs pas dgra bcom pa ñid mṅon du byas | tshe daṅ ldan pa ’dun pa ni kau śām+bīra soṅ ste sñiṅ las chuṅ dur ’dug | ’gro mgyogs daṅ || nab so (3) gñis ni dus la bab | dga’ bo daṅ ñe dga’ gñis ni dge ’dun gyi naṅ na ’dug pa de’i tshe na bcu bdun sde’i tshogs dag gdug ciṅ pha rol gnon pa daṅ | mdo sde ’dzin pa daṅ | ’dul ba ’dzin pa daṅ | ma mo ’dzin par gyur nas de dag gis smras pa | tshe daṅ ldan pa dag bdag cag (4) yun riṅ po nas drug sde dag gis tho btsams te | ji ltar dga’ bo daṅ ñe dga’ gñis kyis tho btsams pa ltar yaṅ gźan gyis ma btsams la | ji ltar ñe dga’ ba tho btsams pa ltar yaṅ dga’ bos ma btsams kyis de gnas nas dbyuṅ ba’i las bya’o || de dag gis smras pa | ’di’i (5) phu bo rtsod pa la mkhas pa yin gyis tshur śeg | je gros bya’o źes de dag dpoṅ sa’i khaṅ par źugs te sgo bcad nas gros bya bar brtsams pa daṅ | ñe dga’ skar khuṅ na ñan ciṅ des de dag bsdigs te | kye ma bcu bdun sde dag ci’i gros byed | kho bo’i tshaṅs pa mtshuṅs par spyod pa kha (6) cig ni yoṅs su mya ṅan las ’das | kha cig ni sñiṅ las chuṅ ṅu kho nar ’dug | kha cig ni dus la bab pas da ’di gnas nas dbyuṅ ba’i las bya’o sñam du sems sam ci | khyed kyis da kho bo cag zil gyis mnan te ’khod sñam mam | kho bo cag gis kyaṅ khyed la mtshams chen (7) po gcad par bya’o || khyed kyis | glaṅ po’i thag pa ñi ma daṅ || rluṅ gis yoṅs su bskams gyur ciṅ || glaṅ po’i gña’ nas lhuṅ gyur kyaṅ || lug ni lṅa brgyas draṅ bar bya || źes bya ba ma thos sam źes bsdigs pa daṅ | de dag gis bsams pa | ’dis bdag cag gros (13b1) byed pa ’phrigs kyis gźan du ’doṅ ṅo źes de dag me khaṅ du źugs te gros bya bar brtsams pa daṅ | ñe dga’ yaṅ der ’jab ciṅ ’oṅs te ñan ciṅ des der yaṅ de bźin du bsdigs so || de dag steṅ khaṅ du ’khod de gros bya bar brtsams pa | ñe dga’ bar khaṅ du ’dug ste ñan ciṅ (2) des der yaṅ de bźin du bsdigs so || de dag bar khaṅ du ’khod de gros bya bar brtsams pa daṅ | ñe dga’ ’og khaṅ du ’dug ste ñan ciṅ des der yaṅ de bźin du bsdigs so || de dag gnas khaṅ du ’khod de gros bya bar brtsams pa daṅ | ñe dga’ khyams su ’dug ste ñan ciṅ (3) des der yaṅ de bźin du bsdigs so || de dag khyams su ’khod de gros bya bar brtsams pa daṅ | ñe dga’ gnas khaṅ du ’dug ste ñan ciṅ des der yaṅ de bźin du bsdigs so || de dag sgo khaṅ du ’khod de gros bya bar brtsams pa daṅ | ñe dga’ baṅ rim du ’dug ste ñan ciṅ des (4) der yaṅ de bźin du bsdigs so || de dag baṅ rim du ’khod de gros bya bar brtsams pa daṅ | ñe dga’ sgo khaṅ du ’dug ste ñan ciṅ des der yaṅ de bźin du bsdigs so || de dag ’chag sar ’khod de gros bya bar brtsams pa daṅ | ñe dga’ sban spun dag gi naṅ du ’dug sta ñan ciṅ des (5) der yaṅ de bźin du bsdigs so || de dag span spun dag gi naṅ du ’khod de gros bya bar brtsams pa daṅ | ñe dga’ ’chag sar ’dug ste ñan ciṅ des der yaṅ de bźin du bsdigs so || de dag dgon par ’khod de gros bya bar brtsams pa daṅ | ñe dga’ tshaṅ tshiṅ dag gi naṅ du ’dug (6) sde ñan ciṅ des der yaṅ de bźin du bsdigs so || de dag tshaṅ tshiṅ dag gi naṅ du ’khod de gros bya bar brtsams pa daṅ | ñe dga’ dgon par ’dug ste ñan ciṅ des der yaṅ de bźin du bsdigs so || de dag lam nas ’doṅ źiṅ gros bya bar brtsams pa daṅ | ñe dga’ phyi bźin soṅ ste ñan (7) ciṅ des der yaṅ de bźin du bsdigs nas de dag gis smras pa | tshe daṅ ldan pa dag bdag cag gis ’di gnas nas dbyuṅ ba’i las bya bar mi nus kyis ’di la bzod pa gsol bar bya’o źes de dag gis de la smras pa | btsun pa ñe dga’ bdag cag la bzod par mdzod cig | ñe (14a1) dga’ sa smras pa | bzod par bya’o | de dag gis de la dris pa | khyod kyis kho bo cag gros byed pa ji ltar śes | ñe dga’ sa smras pa | gaṅ gi tshe khyed cag dpoṅ sa’i khaṅ par źugs te gros byed pa de’i tshe na kho bos skar khuṅ nas mñan to || gaṅ gi tshe khyed cag me (2) khaṅ du źugs te gros byed pa de’i tshe na kho bos bźabs te mñan to || gaṅ gi tshe khyed cag steṅ khaṅ du ’khod de gros byed pa de’i tshe na kho bos bar khaṅ du ’dug ste mñan to || gaṅ gi tshe khyed cag bar khaṅ du ’khod de gros byed pa de’i tshe na kho bos ’og khaṅ du ’dug ste mñan to || gaṅ gi tshe khyed (3) cag gnas khaṅ du ’khod de gros byed pa de’i tshe na kho bos khyams su ’dug ste mñan to || gaṅ gi tshe khyed cag khyams su ’khod de gros byed pa de’i tshe na kho bos gnas khaṅ du ’dug ste mñan to || gaṅ gi tshe khyed cag sgo khaṅ du ’khod de gros byed pa de’i tshe na kho bos baṅ rim du ’dug ste mñan to || (4) gaṅ gi tshe khyed cag baṅ rim du ’khod de gros byed pa de’i tshe na kho bso sgo khaṅ du ’dug ste mñan to || gaṅ gi tshe khyed cag ’chag sar ’khod de gros byed pa de’i tshe na kho bos sban spun dag gi naṅ du ’dug ste mñan to || gaṅ gi tshe khyed cag sban spun dag gi naṅ du ’khod de gros byed pa de’i tshe na kho bos (5) ’chag sar ’dug ste mñan to | gaṅ gi tshe khyed cag dgon par ’khod de gros byed pa de’i tshe na kho bos tshaṅ tshiṅ dag gi naṅ du ’dug ste mñan to || gaṅ gi tshe khyed cag tshaṅ tshiṅ dag gi naṅ du ’khod de gros byed pa de’i tshe na kho bos dgon par ’dug ste mñan to || gaṅ gi tshe khyed cag lam nas (6) ’doṅ źiṅ gros byed pa de’i tshe na kho bos phyi bźin soṅ ste mñan to || de dag gis smras pa | khyod ñan rnas ’dug tu ruṅ ṅam | ñe dga’ sa smras pa | gal te kho bo khyed cag gros byed pa’i tshe ñan rnas ’dug par ma gyur du zin na khyed cag gis kho bo gnas nas dbyuṅ ba’i las byas par gyur to || (7) dge sloṅ don ñuṅ du dag ci’i phyir dge sloṅ dag dge sloṅ rnams ’thab par gyur || mtshaṅ ’du bar gyur || mi mthun par gyur || rtsod par gyur ciṅ ’khod pa la dge sloṅ ’di dag ji skad zer ba de bdag gis mñan te | de lta de ltar rjes su tha sñan gdags par bya’o sñam pa de ñid rkyen du byas (14b1) te caṅ mi smra bar ñan rnas ’dug par byed ces smod par byed | phyar ka gtoṅ bar byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu (2) ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis śākya ’i bu ñe dga’ la rmas pa | ñe dga’ khyod dge sloṅ rnams ’thab par (3) gyur | mtshaṅ ’dru bar gyur | mi mthun par gyur | rtsod par gyur ciṅ ’khod pa la dge sloṅ ’di dag ji skad zer ba de bdag gis mñan te de lta de ltar rjes su tha sñad gdags par bya’o sñam pa de ñid rkyen du byas te caṅ mi smra bar ñan rnas ’dug pa bden nam | btsun pa mad do || saṅs (4) rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge (5) sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par (6) bya ste | yaṅ dge sloṅ gaṅ dge sloṅ rnams ’thab par gyur || mtshaṅ ’dru bar gyur || mi mthun par gyur | rtsod par gyur ciṅ ’khod pa la dge sloṅ ’di dag ji skad zer pa de bdag gis mñan te de lta de ltar rjes su tha sñad gdags par bya’o sñam pa de ñid rkyen du byas te caṅ mi smra par ñan (7) rnas ’dug na ltuṅ byed do | yaṅ dge sloṅ gaṅ źes bya ba ni śākya ’i bu ñe dga’ ’am | gźan yaṅ de lta bu gaṅ yin pa’o || dge sloṅ rnams źes bya ba ni chos ’di pa rnams so || ’thab par gyur | mtshaṅ ’dru bar gyur | mi mthun par gyur | rtsod par gyur ciṅ ’khod pa la (15a1) źes bya ba ni phyogs daṅ gźan gyi phyogs su rnam par gnas pa la’o || dge sloṅ ’di dag ji skad zer ba de bdag gas mñan te de lta de ltar rjes su tha sñad gdags par bya’o sñam pa źes bya ba ni de lta bu’i bsam pas gñen pos de lta de ltar pha rol gnan par bya’o sñam (2) pa’o || de ñid rkyen du byas te źes bya ba ni gźan ma yin pa’o || caṅ mi smra bar ñan rnas ’dug na źes bya ba ni caṅ mi smra bar rna gtod pas ’dug na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag (3) tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so | de la ltuṅ bar ji ltar ’gyur źe na | dge sloṅ dag steṅ khaṅ na (4) gros byed ciṅ dge sloṅ yaṅ ’dzeg na dge sloṅ des rtiṅ sgra’am | se gol gyi sgra ’am | mgul bsal ba’i sgra bya’o || rtiṅ sgra ’am | se gol gyi sgra ’am | mgul bsal ba’i sgra mi byed na ji srid du sgra thos śiṅ don ma go’i bar du dge sloṅ la ñes byas su ’gyur la | sgra’i don go na ltuṅ (5) byed du ’gyur ro || dge sloṅ dag bar khaṅ daṅ | ’og khaṅ daṅ | gnas khaṅ daṅ | khyams khaṅ daṅ | khyams daṅ | sgo khaṅ daṅ | baṅ rim daṅ | ’chag sa daṅ | dgon pa daṅ | lam nas ’gro źiṅ gros byed la | dge sloṅ yaṅ phyi bźin ’gro na dge sloṅ des rtiṅ sgra’am || se gol gyi sgra’am | (6) mgul bsal ba’i sgra bya’o | rtiṅ sgra’am | se gol gyi sgra ’am | mgul bsal ba’i sgra mi byed na ji srid du sgra thos śiṅ don ma go’i bar du dge sloṅ la ñes byas su ’gyur la | sgra’i don go na ltuṅ byed du ’gyur ro || naṅ daṅ bcas pa ma yin pa daṅ | gya tshom du ’jug pa daṅ | mñan nas (7) ñe bar źi bar bya’o sñam pa la ltuṅ ba med do || las daṅ po ba daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ñan rnams gyur pa’i ltuṅ byed de bdun bcu rtsa drug pa rdzogs so || || ’dul ba rnam par ’byed pa | bam po drug bcu (15b1) rtsa bźi pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0145b85a-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display