Bibliotheca Polyglotta

[Pāyantika 81]
saṅs rgyas bcom ldan ’das mñan yod na rgyal (2) byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag cig ’dug pa de’i khyim du ñe dga’ dus daṅ dus su ’gro źiṅ des de skyabs su ’gro ba daṅ | bslab pa’i gźi dag la bźag go | dus gźan źig na des de la rdzas las byuṅ ba’i bsod nams bya ba’i (3) gźi bdun po dag gis bsṅags pa rgya cher brjod pa daṅ | des smras pa | ’phags pa bdag gis kyaṅ rdzas las byuṅ ba’i bsod nams bya ba’i gźi cuṅ zad bgyi’o || ñe dga’ sa smras pa | legs kyis de bźin gyis śig ci źig byed | saṅs rgyas la sogs pa dge sloṅ gi dge ’dun gdugs (4) tshod gsol lo || khyim bdag khyod kyis sems rgya chen po bskyed kyis gdugs tshod gsol cig | ’phags pa khyod kyis bdag gi miṅ gis saṅs rgyas la sogs pa dge sloṅ gi dge ’dun saṅ bdag gi sdum par gdugs tshod la spyan draṅ ba’i rigs so || des daṅ du blaṅs so || de nas tshe daṅ ldan pa (5) ñe dga’ sa khyim bdag de la a rog gya źes byas te soṅ nas de gtsug lag khaṅ du soṅ ste | des khyim bdag de’i miṅ gis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs pa daṅ | dge sloṅ rnams kyis smras pa | tshe daṅ ldan pa ñe dga’ sa khyim bdag de ma (6) dad pa yin na khyod kyis ji ltar rjes su ’jug par byas | ñe dga’ sa smras pa | tshe daṅ ldan pa dag ñe dga’ la de tsam yaṅ mi gnas sam | rjes su ’jug par byas pa ’ba’ źig tu ma zad kyi skyabs su ’gro ba daṅ | bslab pa’i gźi dag la yaṅ bźag go | dge sloṅ rnams kyis smras pa | (7) legs par byas kyis ’doṅ la bza’ bar bya’o || chos ñid kyis na gaṅ gi ṅor dge sloṅ gi dge ’dun spyan draṅs pa de dus sṅar ’gro ba yin pas tshe daṅ ldan pa ñe dga’ ’dus sbar der soṅ nas des khyim bdag de la smras pa || khyim bdag kho bo khyim du ’gro ba’i khyim dag ltar bar du khyod re źig (73b1) źal zas sta gon gyis śig | kho bo ma ’oṅs kyi bar du yaṅ khyod kyis re źig brim par mi bya’o źes smras te soṅ ṅo || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la dge sloṅ rnams la khyim bdag de rgyus mi śes pa yin pas des spyan (2) ’dren gtoṅ bar mi byed kyis dus sṅar śeg śig daṅ ’doṅ ṅo źes sgo źig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas dge sloṅ rnams la bsgo ba daṅ | dge sloṅ rnams chas te lhags so || de nas bcom ldan ’das dge sloṅ gi (3) tshogs kyis yoṅs su bskor ciṅ dge sloṅ gi dge ’dun gyis mdun du bdar nas khyim bdag de’i khyim ga la ba der gśegs te sgo druṅ na gźes so || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la khyim bdag de la saṅs rgyas la sogs pa dge (4) sloṅ gi dge ’dun sgo druṅ na gźes kyis ci bde gyis śig ces sgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas naṅ du soṅ ste || khyim bdag de la khyim bdag saṅs rgyas la sogs pa dge sloṅ gi dge ’dun sgo druṅ na gźes (5) kyis ci bde gyis śig | khyim bdag gis smras pa | ’phags pa bdag gis khyed cag gi ci bde ci lags ni ma ’tshal gyi || ’di ltar khyed cag kho na’i slad du gdan dag bśams kyis bźugs su gsol | tshe daṅ ldan pa kun dga’ bos bcom ldan ’das la gsol pa | bcom ldan ’das (6) khyim bdag de’i mchid nas bdag gis khyed cag gi ci bde ci lags ni ma ’tshal gyi | ’di ltar khyed cag kho na’i slad du gdan bśams kyis bźugs su gsol źes mchi’o | bcom ldan ’das kyis bka’ stsal pa | gal te de skad zer na khyed cag kho na’i phyir stan dag bśams pas ci bde (7) byas par brjod par bya ste | ’dug par bya źiṅ ’di la ’gyod par mi bya’o || saṅs rgyas la sogs pa dge sloṅ gi dge ’dun bźugs pa daṅ ji tsam na gdugs tshod la bab tu ñe bas | de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ (74a1) la khyim bdag la gdugs tshod la bab tu ñe bas źal zas brims śig | zas ’dis khyod la ci źig bya źes gyis śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas khyim bdag la bsgo ba daṅ | des smras pa | (2) ’phags pa ñe dga’ mchis sam | tshe daṅ ldan pa kun dga’ bos smras pa | khyim bdag ma ’oṅs so || des smras pa | ’phags pa de mchi’i bar du yud tsam źiṅ gźes su gsol | bcom ldan ’das la tshe daṅ ldan pa kun dga’ bos gsol pa | bcom ldan ’das khyim bdag de’i (3) mchid nas ñe dga’ mchis sam źes mchi nas bdag gis ma mchis so źes bgyis pa daṅ | de’i mchid nas de mchi’i bar du yud tsam źig gźes su gsol źes mchi’o || bcom ldan ’das kyis yud tsam źiṅ gźes nas yaṅ tshe daṅ ldan pa kun dga’ bo la bka’ stsal pa | kun (4) dga’ bo soṅ la khyim bdag la gdugs tshod la bab kyis źal zas brims śig | zas rul bar gyur pa ’dis khyod la ci bya źes gyis śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas khyim bdag la bsgo ba daṅ | des smras pa | (5) ’phags pa ñe dga’ mchis sam | tshe daṅ ldan pa kun dga’ bos smras pa | khyim bdag ma ’oṅs so || des smras pa | ’phags pa de mchi’i bar du yud tsam źig gźes su gsol || bcom ldan ’das la tshe daṅ ldan pa kun dga’ bos gsol pa | bcom ldan ’das khyim bdag de’i (6) mchid nas ñe dga’ mchis sam źes mchis nas | bdag gis ma mchis so źes bgyis pa daṅ | de’i mchid nas de mchi’i bar du yud tsam źig gźes su gsol źes mchi’o || bcom ldan ’das kyis bka’ stsal pa | kun dga’ bo khyod soṅ la khyim bdag la ñe dga’ ’oṅs par (7) ma gyur na zan sbyin par mi byed dam źes gyis śig | tshe daṅ ldan pa kun dga’ bos btsun pa bźin ’tshal źes bcom ldan ’das las mñan nas khyim bdag la de skad smras pa daṅ | des smras pa | ’phags pa mi gsol lo || bcom ldan ’aṅs la tshe daṅ ldan pa kun dga’ (74b1) bos gsol | bcom ldan ’das mi gsol lo źes mchi’o || de nas bcom ldan ’das kyis de’i tshe tshigs su bcad pa bka’ stsal pa |

gźan dbaṅ thams cad sdug bsṅal te ||
bdag dbaṅ thams cad bde ba yin ||
thun moṅ dag gis gnod byed de ||
’brel pa śin tu ’da’ (2) bar dka’ ||

ji tsam na gdugs tshod kyi mtha’ la bab ba na ñe dga’ ’oṅs nas des smras pa | khyim bdag mi ’brim bar ci sdod | des smras pa | ’phags pa khyod kyi źal nas kho bo ma ’oṅs kyi bar du re źig brim par mi bya’o źes byuṅ ba la da ’di skad ces gsuṅ ṅam | ñe dga’ śags med nas caṅ (3) mi smra bar ’dug go | des na khyim bdag des brim par brtsams pa daṅ | ji tsam na gdugs tshod yol nas dge sloṅ kha cig gis ni zan thob nas zan bcad pa byas | kha cig gis ni zan ma thob pa kho nar zan bcad pa byas nas bcom ldan ’das kyis yon bśad pa mdzad de gśegs so || (4) ñe dga’ ṅo tsha bar gyur pa’i sñiṅ gis de ñid du ’dug go | de’i ñin mo gso sbyoṅ gi źal ta pa rgan pa’i mtha’ logs su ’dug ste | dge sloṅ rnams la yaṅ dag bar bsgo źiṅ smras pa | btsun pa ñe dga’ ma mchis sam | ’ga’ źig gis de’i ’dun blaṅs sam | dge sloṅ rnams kyis (5) smras pa | de ma ’oṅs te sus kyaṅ de’i ’dun pa yaṅ ma blaṅs so || dge sloṅ gźan dag gis smras pa | tshe daṅ ldan pa dag ñe dga’ sa bdag cag sṅa dro zaṅ ziṅ gi ched la ches tho btsams la | da ni chos kyi ched la tho ’tsham par byed do || dge sloṅ don chuṅ du dag ci’i phyir dge sloṅ dag zas daṅ bcas (6) pa’i khyim du mgron du bos nas sṅa dro daṅ | phyi dro khyim dag tu rgyu bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ skabs ’di la (7) dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod zas daṅ bcas pa’i khyim (75a1) du mgron du bos nas sṅa dro daṅ | phyi dro khyim dag tu rgyu bar byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa rjes su mthun pa ma yin pa ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes (2) rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (3) bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zas daṅ bcas pa’i khyim du mgron du bos nas sṅa dro daṅ | phyi dro khyim dag tu rgyu na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de (4) ltar bca’ ba mdzad do || || dge sloṅ nad ṅan can dag ’khod pa dag gis yun riṅ du ’dug mi nus nas dge sloṅ nad g-yog rnams kyis nad pa’i bya ba ñams par byed ciṅ | dge sloṅ źal ta byed pa dag gis kyaṅ dge ’dun gyi bya ba ñams par byed nas bcom ldan ’das kyis bka’ (5) stsal pa | khyim pa ’dug pa la bsgo bar bya’o || bcom ldan ’das kyis khyim pa ’dug pa la bsgo bar bya’o | źes bka’ stsal nas | dge sloṅ źig gis khyim gźan du lhuṅ bzed daṅ chos gos bźag nas ji tsam na der me śor nas | dge sloṅ des der ’gro bar brtsams te | de lam gyi phyed (6) du son pa daṅ | bdag gis khyim pa ’dug pa lam bsgo’i sñam pa’i dran pa skyes nas de phyir log ste | ji srid du khyim pa ’dug pa la bsgo bar byed pa de srid du de’i lhuṅ bzed daṅ | chos gos tshig nas de der soṅ ba daṅ khyim bdag gis smras pa | ’phags pa khyod ci’i slad du ’phyis te byon | (7) des na khyod kyi lhuṅ bzed daṅ chos gos tshig gi | gal te khyod myur du byon par gyur na khyod kyi lhuṅ bzed daṅ chos gos tshig par mi ’gyur ro || źes zer źiṅ dge sloṅ de yaṅ phoṅs par gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis (75b1) bka’ stsal pa | de lta bas na de ’dra ba’i rkyen ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la da daṅ mthun pa daṅ | de’i śas che ba daṅ | de daṅ ’tsham (2) pa’i tshes daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zas daṅ bcas (3) pa’i khyim du mgron du bos nas sṅa dro daṅ phyi dro khyim dag tu rgyu źiṅ khyim pa ’dug pa la mi sgo na de ’dra ba’i rkyen ma gtogs te ltuṅ byed do || yaṅ dge sloṅ gaṅ źes bya ba ni śākya ’i bu ñe dga’ ’am | gźan yaṅ de lta bu gaṅ yin pa’o || zas daṅ bcas pa’i źes bya ba ni mgron du bos pa (4) daṅ bcas pa’i ’o || khyim du źes bya ba ni bram ze daṅ khyim bdag gi khyim du’o || mgron du bos nas źes bya ba ni bsod sñoms kyi phyir ro || sṅa dro źes bya ba ni sṅa dro ñid de khyim gñis las lhag par rgyu na’o || phyi dro źes bya ba ni phyi dro ñid de khyim gsum las lhag par rgya na’o || khyim dag tu (5) źes bya ba ni bram ze daṅ | khyim bdag gi khyim dag tu’o || rgyu źiṅ źes bya ba ni ’gro źiṅ ṅo || khyim pa ’dug pa la me sgon źes bya ba ni de na khyim pa gaṅ ’dug pa la’o || de ’dra ba’i rkyen ma gtogs te źes bya ba ni de ’dra ba’i rkyen bźag ste’o || ltuṅ byed do źes bya ba ni sems can (6) dmyal ba daṅ | dud ’gro daṅ yi dgas ṅan soṅ daṅ ṅan ’gro daṅ | log par ltuṅ ba ṅag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na | dge ba’i chos rnams la sgrib par byed pa ste | des na ltuṅ (7) byed do źes gsuṅs so || de la ltuṅ bar ji ltar ’gyur źe na | dge sloṅ ji tsam cuṅ zad zas daṅ bcas pa’i khyim du mgron du bos nas sṅa dro khyim gñis las lhag par rgyu źiṅ phyi dro yaṅ khyim gsum las lhag par rgyu na thams cad du ltuṅ byed du ’gyur ro || de’i dor mgron du (76a1) bos pa ma yin na ltuṅ ba med do || las daṅ po pa daṅ | smyos pa daṅ sems ’khrugs pa daṅ | tshor ba dag gis ñen pa la ltuṅ ba med do || groṅ rgyu ba’i ltuṅ byed de brgyad bcu rtsa gcig pa rdzogs s+ho || ||

sgo gtan gyi bslab pa’i gźi’i bar sdom la |
dga’ bo (2) ñe dga’ źag bdun daṅ ||
bzaṅ byin sdums byed tshul khrims daṅ ||
nag pa tshigs bcad ’chag ka daṅ ||
bcu daṅ bslab gźi’i rim pa daṅ ||
groṅ khyer gñis daṅ g-yul gźi daṅ ||
lha mo khar phor ’phyaṅ ba daṅ ||
sṅo bsaṅs rgyal srid pog ka na ||
mal khar ba byin pa daṅ ||
lham (3) gyi dbaṅ phyug mñan yod daṅ ||
sṅon gyi tshul daṅ nor bzaṅs pa daṅ ||
draṅ sroṅ rnams daṅ gtsug lag khaṅ ||
mgu byed daṅ ni gzuṅs byed dag ||
stoṅ thub daṅ ni ’brog gnas daṅ ||
lag brgyud daṅ ni sgo bsaṅs can ||
mi gduṅ rnams su skyes pa daṅ ||
dpa’ chen daṅ ni sgur mchog daṅ ||
(4) dpe med ma daṅ lcags mgar daṅ ||
siṅ ga la daṅ śar pa daṅ ||
sñan smra daṅ ni tshig pa daṅ ||
sgur daṅ thos pa ’dzin pa daṅ ||
bran mo daṅ ni bram za ze mo ||
mgu byed dpal ldan gyur pa daṅ ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=01636c95-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display