Bibliotheca Polyglotta

[Pāyantika 84]
saṅs rgyas bcom (204b1) ldan ’das mñan yod rgyal byed kyi tshal mgon med zas sbyin gyi kun dga’ ra ba na bźugs so || mñan yod na gcer bu pa’i ñan thos chos źes bya ba ba so mkhan źig ’dug pa de gcer bu pa dag la śin tu mṅon par dad do || de dus gźan źig na dge sloṅ bsod sñoms (2) pa źig gis chos bstan pas btul nas || des kyaṅ de las skyabs su ’gro ba daṅ | bslab pa’i gźi dag blaṅs so || yaṅ bsod sñoms par des de la rdzas las byuṅ ba’i bsod nams bya ba’i gźi ’dun gyi bsṅags pa rgya cher brjod pa daṅ | de mṅon par dad par gyur nas smras (3) pa | ’phags pa bdag gis kyaṅ rdzas las byuṅ ba’i bsod nams bya ba’i gźi cuṅ zad cig yaṅ dag par bklags te ’jug par bgyi’o || bźin bzaṅs ci źig byed | ’phags pa dge sloṅ gi dge ’dun la raṅ gi bzos bsñen bkur bgyi’o || ma ñes kyis de bźin gyis (4) śig | bsod sñoms pas gtsug lag khaṅ du soṅ ste | dge sloṅ rnams la smras pa | tshe daṅ ldan pa dag bdag gis gcer bu pa’i ñan thos chos źes bya ba ba so mkhan de skyabs su ’gro ba daṅ || bslab pa’i gźi dag la bźag nas de dge sloṅ gi dge ’dun la raṅ gi bzos bsñen (5) bkur byed kyis su ci ’dod pa des byed du chug śig | ji tsam na dge sloṅ źig la khab ral med nas de de’i gan du soṅ ste smras pa | bźin bzaṅs kho bo la khab ral med kyis de gyis śig | ’phags pa ji lta bu źig bgyi || gaṅ bzaṅ ba’o || ’phags pa ba so las bgyis (6) pa bzaṅ ṅo || bźin bzaṅs ba so las byas pa gyis śig | des de’i khab ral ba so las byas pa byas te byin no || dge sloṅ des de dge sloṅ rnams la bstan pa daṅ | dge sloṅ gźan gyis kyaṅ de lta bu byed du bcug ciṅ || gźan gyis kyaṅ byed du bcug | gźan gyis kyaṅ (7) byed du bcug pas de’i ba so zad par gyur to || dge sloṅ gźan źig kyaṅ ’oṅs te smras pa | bźin bzaṅs kho bo’i khab ral gyis śig | ’phags pa ji lta bu źig bgyi || gaṅ bzaṅ ba’o || ’phags pa ba so las bgyis pa bzaṅ na ba so de ni bas so || gal te bźed na (205a1) rus pa las bgyis pa bgyi’o || bźin bzaṅs ma ñes kyis gyis śig | des de’i khab ral rus pa las byas pa byas te byin no || dge sloṅ des de dge sloṅ rnams la bstan pa daṅ | dge sloṅ gźan gyis kyaṅ de lta bu byed du bcug ciṅ | gźan gyis kyaṅ (2) byed du bcug | gźan gyis kyaṅ byed du bcug pas de’i rus pa yaṅ zad par gyur to || dge sloṅ gźan źig kyaṅ ’oṅs te smras pa | bźin bzaṅs kho bo’i khab ral gyis śig | ’phags pa ji lta bu źig bgyi || gaṅ bzaṅ ba’o || ’phags pa ba so las bgyis pa bzaṅ (3) na ba so de ni bas so | bźin bzaṅs gal te de lta na rus pa las byas pa gyis śig | ’phags pa rus pa yaṅ bas so || gal te bźed na rwa las bgyis pa bgyi’o || bźin bzaṅs ma ñes kyis gyis śig | des de’i khab ral rwa las byas pa byas te byin no || dge (4) sloṅ des de dge sloṅ rnams la bstan pa daṅ || dge sloṅ gźan gyis kyaṅ de lta bu byed du bcug ciṅ || gźan gyis kyaṅ de lta bu byed du bcug | gźan gyis kyaṅ de lta bu byed du bcug pas de’i rwa yaṅ zad par gyur to || de raṅ gi zan daṅ | raṅ gi yo byad dag gis dge sloṅ rnams (5) kyis las byed pa ni dbul por gyur to || gcer bu pa dag chos ’di gaṅ gi tshe kho bo cag la mṅon par dad par gyur pa de’i tshe na ’di thams cad phun sum tshogs par gyur na | ’di da ltar śākya ’i bu’i dge sbyoṅ rnams la mṅon par dad pas zan yaṅ sloṅ bar byed do źes ’phya ba la źugs (6) pa’i skabs de dge sloṅ rnams kyis bcom ldan ’das la gsol te || de nas bcom ldan ’das kyi byuṅ ba ’di daṅ || gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || źes bya ba la sogs pa sṅa ma bźin no || saṅs rgyas bcom ldan ’das (7) rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis dge sloṅ rnams la rmas pa || dge sloṅ dag khyed ba so las byas pa daṅ | rus pa las byas pa daṅ | rwa las byas pa’i khab ral byed du ’dug (205b1) pa bden nam || btsun pa mad do || saṅs rgyas bcom ldan ’das kyis ’dod pa che ba daṅ || chog mi śes pa daṅ || gso dka’ ba daṅ | dgaṅ dka’ ba rnam par smad pa mdzad do || de nas bcom ldan ’das kyis ’dod pa chuṅ ba daṅ || chog śes pa daṅ | gso (2) sla ba daṅ || dgaṅ sla ba daṅ || phri ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa brjod pa mdzad nas dge sloṅ rnams la bka’ stsal pa || dge sloṅ dag de lta bas na phan yon bcu yaṅ dag par gzigs pas (3) ’dul ba la ñan thos rnams kyis bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || yaṅ dge sloṅ gaṅ ba so ’am || rus pa’am || rwa’i khab ral byed du ’jug na bcag (4) nas ltuṅ byed do || yaṅ dge sloṅ gaṅ źes bya ba ni chos ’di pa’o || ba so’am źes bya ba ni ba so ñid do || rus pa’am źes bya ba yaṅ rus pa ñid do || rwa’i źes bya ba yaṅ rwa ñid kyi’o || khab ral źes bya ba ni khab ral gñis te || sbub bu can daṅ | chaṅ pa lta bu’o || don (5) ’di ni gñi ga yin par dgoṅs so || byed du ’jug na źes bya ba ni raṅ gis sam gźan no || bcag nas ltuṅ byed do źes bya ba ni dṅos po de bcag nas ltuṅ byed kyi ltuṅ ba bśags par bya ba’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas (6) ṅan soṅ daṅ || ṅan ’gro daṅ || log par ltuṅ ba dag tu sreg par byed || ’tshod par byed || ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste || des na ltuṅ byed do || źes gsuṅs (7) so|| de la ltuṅ bar ji ltar ’gyur źe na || dge sloṅ gis ji tsam cuṅ zad ba so’am || rus pa’am | rwa’i khab ral byed dam || byed du ’jug na thams cad du ltuṅ byed du ’gyur ro || gaṅ gi mdun du ’chags par byed des khyod kyis dṅos po de bcag gam || źes dri bar (206a1) bya’o || ma dris par ’chags pa daṅ du len na ñes byas su ’gyur ro || ltuṅ ba de yaṅ bśags pa ma yin pas yaṅ bśags phar bya’o || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || khab (2) ral ’chos pa’i ltuṅ byed de brgyad bcu rtsa bźi pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=023d01cb-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display