Bibliotheca Polyglotta

[Pāyantika 89]
saṅs (7) rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra na bźugs so || bcom ldan ’das kyis dge sloṅ gis dbyar gyi gos ras chen byed du gźug go źes bka’ stsal nas || dge sloṅ dag ha caṅ tshad las lhag pa byed du ’jug nas dge (213b1) sloṅ don ñuṅ du dag bcom ldan ’das kyis dge sloṅ gis dbyar gyi gos ras chen byed du gźug go źes bka’ stsal na | ci’i phyir dge sloṅ dag ha caṅ tshad las lhag par byed du ’jug ces smod par byed || phyar ka gtoṅ bar byed || kha zer bar byed pa’i skabs de dge sloṅ rnams (2) kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed (3) bar mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis dge sloṅ rnams la rmas pa || dge sloṅ dag ṅas dge sloṅ gis dbyar gyi gos ras chen byed du gźug go źes bka’ stsal na khyed tshad las ha caṅ lhag pa byed du ’jug pa (4) bden nam || btsun pa mad do || saṅs rgyas bcom ldan ’das kyis ’dod pa che ba daṅ || chog mi śes pa daṅ || gso dka’ ba daṅ | dgaṅ dka’ ba rnam par smad pa mdzad do || de nas bcom ldan ’das kyis ’dod pa chuṅ ba daṅ || chog śes pa daṅ | gso (5) sla ba daṅ || dgaṅ sla ba daṅ || phri ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul (6) ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || dge sloṅ gis dbyar gyi gos ras chen byed du ’jug na tshad bźin du byed du chug śig | (7) de la dbyar gyi gos ras chen gyi tshad ni ’di yin te | srid du bde bar gśegs pa’i mtho’i mtho drug | źeṅ du mtho phyed daṅ gsum mo || de las lhag pa byed du ’jug na bcad nas ltuṅ byed do || dge sloṅ gis źes bya ba ni chos ’di bas so || dbyar gyi gos ras chen (214a1) źes bya ba ni char pa skyob pa’i gos so || byed du ’jug na źes bya ba ni bdag ñid kyis sam gźan no || tshad bźin du byed du chug śig ces bya ba ni dbyar gyi gos ras chen gyi tshad gaṅ yin pa de bźin du’o || de la dbyar gyi gos ras chen gyi tshad ni ’di yin te | (2) srid du bde bar gśegs pa’i mtho’i mtho drug | źeṅ du mtho phyed daṅ gsum mo źes bya ba la srid du źes bya ba ni chur ro || bde bar gśegs pa źes bya ba ni ston pa’o || de’i mtho’i mtho drug gaṅ yin pa de la ni tshad daṅ ldan pa’i khru dgu’o || źeṅ du źes bya ba ni rgyar ro || (3) mtho phyed daṅ gsum mo źes bya ba la | bde bar gśegs pa’i mtho phyed daṅ gsum gaṅ yin pa de la ni tshad daṅ ldan pa’i khru gsum daṅ sor bcwa brgyad do || de las lhag pa byed du ’jug na źes bya ba ni de las goṅ ma’o || bcad nas ltuṅ byed do źes bya ba ni dṅos po de bcad (4) nas ltuṅ byed kyi ltuṅ bśags par bya ba’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed || ’tshod par byed || ltuṅ bar byed pa’o || gźan yaṅ ji srid du ltuṅ ba (5) de ma bśags śiṅ so sor ma bśags na || dge ba’i chos rnams la sgrib par byed pa ste || des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad dbyar gyi gos ras chen srid du khru dgu daṅ | źeṅ du khrug gsum daṅ sor (6) bcwa brgyad las lhag par byed du ’jug na thams cad du ltuṅ byed du ’gyur ro || gaṅ gi mdun du ’chags par byed pa des khyod kyis dṅos po de bcad dam źes dri bar bya’o || ma dris par ’chags pa daṅ du len par byed na ñes byas su ’gyur ro || ltuṅ ba de yaṅ ma bśags pa (7) yin pas yaṅ bśags par bya’o || las daṅ po pa daṅ | smyos pa daṅ | sems ’khrugs pa daṅ | tshor ba ’khrugs pa daṅ | tshor ba dag gis ñen pa la ltuṅ ba med do || dbyar gyi ras chen las gyur pa’i ltuṅ byed de || brgyad bcu rtsa dgu pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0246e102-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display