You are here: BP HOME > TLB > MSV 2,01: Vinayavibhaṅga > fulltext
MSV 2,01: Vinayavibhaṅga

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
DiacriticaDiacritica-helpSearch-help
ā ī ū ṛ ṝ ḷ
ḹ ’ ṃ ḥ ṅ ñ
ṭ ḍ ṇ ṣ ś ź
š č ǰ γ    
Note on the transliteration:
The transliteration system of the BP/TLB is based on the Unicode/UTF-8 system. However, there may be difficulties with some of the letters – particularly on PC/Windows-based systems, but not so much on the Mac. We have chosen the most accepted older and traditional systems of transliteration against, e.g, Wylie for Tibetan, since with Unicode it is possible, in Sanskrit and Tibetan, etc., to represent one sound with one letter in almost all the cases (excepting Sanskrit and Tibetan aspirated letters, and Tibetan tsa, tsha, dza). We thus do not use the Wylie system which widely employs two letters for one sound (ng, ny, sh, zh etc.).
 
Important:
We ask you in particular to note the use of the ’ apostrophe and not the ' representing the avagrāha in Sanskrit, and most important the ’a-chuṅ in Tibetan. On the Mac the ’ is Alt-M.
 
If you cannot find the letters on your key-board, you may click on the link "Diacritica" to access it for your search.
Choose specific texts..
MSV 2,01: Vinayavibhaṅga
    Click to Expand/Collapse Option Complete text
Click to Expand/Collapse OptionVinayavibhaṅga
Back to library
Pārājika
saṅs (2) rgyas bcom ldan ’das yaṅs pa can na spre’u rdziṅ gi ’gram na khaṅ pa brtsegs pa’i khaṅ bzaṅs na bźugs so || de’i tshe na ña ba lṅa brgya chu kluṅ yid ’oṅ ldan la rten ciṅ ’khod do || de dag la rgya mo spyod pa daṅ | spyod pa chen mo źes bya ba gñis śig yod do || de dag lan ’ga’ (3) ni rgya mo spyod pa ’dzud par byed la | lan ’ga’ ni spyod pa chen mo ’dzud par byed de || gaṅ gi tshe ña dag ño ba med pa de’i tshe ni rgya mo spyod pa ’dzud par byed la | gaṅ gi tshe ña dag ño ba yod pa de’i tshe ni spyod pa chen mo ’dzud par byed do || ji tsam dus gźan źig na yaṅs pa can du dus (4) ston byuṅ nas | de dag gis rgya mo gñis ka bcug ste | ñis brgya lṅa bcus ni rgya mo spyod pa bcug | ñis brgya lṅa bcus ni spyod pa chen mo bcug go || gaṅ dag gis rgya mo spyod pa bcug pa de dag gis ni ña daṅ | rus sbal daṅ | sbal pa daṅ | chu srin byis pa gsod daṅ | (5) ña khyi ba la sogs pa maṅ po dag ’di lta ste | dper na til daṅ | ’bras thug po che daṅ | rgya śug daṅ | rgya sran la sogs pa bźin du phuṅ po chen por rnam par bźag go || gaṅ dag gis rgya mo spyod pa chen mo bcug pa de dag gis ni rgya mtsho chen po nas chu kluṅ yin ’oṅ ldan du (6) źugs pa chu srin ña’i rigs poṅ tshod chen po ñal ba zin nas de dag gis de draṅ bar brtsams so || de dag gis draṅs pa na de sad nas ña pa ñis brgya lṅa bcu po de dag daṅ rgya mo spyod pa chen mo khyer te rgyun phyogs su źugs so || ña pa de ṅag gis ña pa ñis brgya lṅa bcu po (7) gźan dag la śes ldan dag rgya mo spyod pa chen mo daṅ bdag cag khyer gyis ra mda’ zlog śig ces byas so || de dag gis thos nas ña pa ñis brgya lṅa bcu po gźan dag kyaṅ lhags te de ñid la rub pa daṅ des ña pa lṅa brgya mo spyod pa chen mo khyer te rgyun phyogs su (161b1) źugs nas gzuṅ bar ma nus so || skyabs med pa de dag gis kun du śes ldan dag rgya mo spyod pa chen mo daṅ bdag cag khyer gyis grogs gyis śig ces ra mda’ ba bzlog pa daṅ las ma mthoṅ ba’i mi ba laṅ rdzi dag daṅ | phyugs rdzi dag daṅ | śiṅ thun dag daṅ | rtswa thun dag daṅ | (2) lam gyis ’tsho ba dag daṅ | lam gol bas ’tsho ba’i mi dag daṅ | gźan yaṅ srog chags brgya stoṅ phrag du ma dag log nas de dag gi lus smas pa daṅ | rnam par smas pa dag gis rgya mo ral pa daṅ rab tu ral pas chu srin de chu nas skam la phyuṅ ṅo || de la mgo (3) bcwa brgyad daṅ | mig sum bcu rtsa drug yod do || de’i mgo la la ni glaṅ po che’i mgo ’dra | la la ni rta’i mgo ’dra | la la ni rṅa mo’i mgo daṅ | boṅ bu’i mgo daṅ | ba laṅ gi mgo daṅ | spre’u’i mgo daṅ | seṅ ge’i mgo daṅ | stag gi mgo daṅ | ṅom gyi mgo (4) daṅ | dred mo’i mgo daṅ | guṅ gi mgo daṅ | byi la’i mgo daṅ | ra’i mgo daṅ | lug gi mgo daṅ | ri dgas kyi mgo daṅ | ma he’i mgo daṅ | phag gi mgo daṅ | khyi’i mgo ’dra’o || kun du chu kluṅ yid ’oṅ ldan pa’i ña ba lṅa brgyas rgya mtsho chen po (5) nas chu kluṅ yid ’oṅ ldan du źugs pa’i chu srin ña’i rigs boṅ tshod chen po źig rgya mo spyod pa chen mos zin te | chu nas skam la phyuṅ źiṅ de la mgo bcwa brgyad daṅ mig sum bcu rtsa drug yod do źes sgras khyab par gyur to || de thos nas srog chags brgya stoṅ phrag du dag (6) chu kluṅ yid ’oṅ ldan gyi ’gram du lhags te | kha cig ni ltad mo skyes par gyur || kha cig ni sṅon gyi dge ba’i rtsa ba dag gis bskul bar gyur to || rdzogs byed la sogs pa ston pa drug po yaṅs pa can na rten ciṅ gnas pa de dag kyaṅ ltad mo skyes te der lhags so || (7) skye bo’i tshogs chen po yaṅ ya mtshan skyes te mig tshugs su rtog ciṅ śes ldan dag ’di’i mgo la la ni glaṅ po che’i mgo ’dra la de nas rtog par byed | ’di’i mgo la la ni khyi’i bar gyi mgo ’dra la de nas rtog par byed do źes kyaṅ zer ro || de’i skabs su saṅs rgyas bcom (162a1) ldan ’das rnams la ni mi mkhyen pa daṅ | mi gzigs pa daṅ | ma rig pa daṅ | rnam par mi mkhyen pa cuṅ zad kyaṅ mi mṅa’ bas saṅs rgyas bcom ldan ’das thugs rje chen po daṅ ldan pa | ’jig rten la phan par źugs pa | bsruṅ ba (2) ga cig pu pa | ñag gcig dpa’ ba | gñis pa med pa | gñis su mi gsuṅ ba | źi gnas daṅ lhag mthoṅ gis bźugs pa rig pa gsum gsal bar mdzad pa | bslab pa gsum la legs par bslabs pa | dul ba’i gnas gsum gyi gźi la (3) mkhas pa | chu bo bźi las rgal pa | rdzu ’phrul gyi rkaṅ pa bźis spyod pa’i gźi la legs par gnas pa | bsdu ba’i dṅos po bźi la yun riṅ po nas yoṅs su sbyaṅ ba mdzad pa | mi ’jigs pa bźis bsñeṅs pa mi mṅa’ ba | yan lag lṅa spaṅs pa | ’gro (4) ba lṅa las yaṅ dag par ’das pa | yan lag drug daṅ ldan pa | pha rol du phyin pa drug yoṅs su rdzogs pa | rtag tu gnas pa drug gis gnas pa | byaṅ chub kyi yan lag bdun gyi me tog gis phyug pa | lam gyi yan lag brgyad ston pa | mthar gyis (5) sñoms par ’jug pa dgu la mkhas pa | stobs bcu’i stobs daṅ ldan pa | phyogs bcur sñan pas yaṅ dag par rgyas pa | brgya phrag bcur dbaṅ sgyur ba las khyad par du ’phags pa rnams kyi chos ñid ni ñin lan gsum | mtshan lan gsum saṅs rgyas kyi (6) spyan gyis ’jig rten la rnam par gzigs nas gaṅ ni ñams par gyur | gaṅ ni ’phel bar gyur || gaṅ ni gnod par gyur || gaṅ ni ñam dbar gyur || gaṅ ni mi bde bar gyur || gaṅ ni gnod pa daṅ | ñam ṅa ba daṅ | mi bde bar gyur || gaṅ ni (7) ṅan soṅ la gźol | gaṅ ni ṅan soṅ la bab | gaṅ ni ṅan soṅ la ’bab || ṅas gaṅ ni ṅan soṅ gi lam nas bslaṅs te mtho ris daṅ | thar pa daṅ | ’bras bu la gźag par bya | ’dod pa’i ’dam du byiṅ ba gaṅ gi lag nas ni draṅ bar bya | ’phags (162b1) pa’i nor gyi dbyig daṅ bral ba gaṅ ni ’phags pa’i nor gyi dbaṅ phyug la gźag par bya | gaṅ gi saṅs rgyas ’byuṅ bas brgyan pa’i ’jig rten ni ’bras bu daṅ bcas par bya | gaṅ gi dge ba’i rtsa ba dag ma bskyed pa ni bskyed par bya | gaṅ gi dge ba’i rtsa bdag (2) bskyed pa ni yoṅs su smin par bya | yoṅs su smin pa gaṅ yin pa ni rnam par grol bar bya źes mkhyen pa daṅ | gzigs pa ’jug go || smras pa | chu srin gnas kyi dug can pa || dus las ’da’ bar ’gyur srid kyi || saṅs rgyas gdul la byams (3) pa ni | dus las ’da’ bar mi ’gyur ro || ji ltar ma ni bu sdug gcig pu la | rtog ciṅ de srog sruṅ bar byed pa ltar || de bźin gśegs pa’aṅ gdul ba’i skye bo la || rtog par mdzad ciṅ de srog sruṅ bar mdzad || kun mkhyen rgyud la mṅa’ (4) ba’i thugs rje yi || gźon ma gdul ba’i be’u tshol mi skyo ste || srid daṅ ṅan ’gros ñams la byams pa ni || rab byams be’u la byams pa’i ba bźin no || bcom ldam ’das kyis dgoṅs pa | chu srin ña’i rigs gnod pa daṅ | ñam ṅa ba daṅ | (5) mi bde ba thob par gyur pa ’di ni sṅon gyi saṅs rgyas dag la bya ba lhag par byas pa yin gyis || ṅas chu srin ña’i rigs ’di la rten te ’dul bar gyur pa’i rgya mo chen mo draṅ bar byas | de’i phyir chu kluṅ yid ’oṅ ldan gyi ’gram du ’gro’o sñam mo || saṅs (6) rgyas bcom ldan ’das ’tsho źiṅ bźugs la gson źiṅ gźes pa rnams kyis chos ñid ni gdul bar gyur pa’i skye bo la rjes su thugs brtse bas dus daṅ dus su sems can dmyal ba rgyur gśegs pa daṅ | dud ’gro rgyu ba daṅ || yi dgas rgyub (7) daṅ | lha rgyu ba daṅ | ljoṅs rgyu ba daṅ | chu kluṅ rgyu ba daṅ | ri rgyu ba daṅ | dur khrod rgyu ba daṅ | gtsug lag khaṅ rgyur gśegs pas don ’dir ni saṅs rgyas bcom ldan ’das chu kluṅ rgyur gśegs par bźed nas ’dzum pa mdzad do (163a1) chos ñid kyis na gaṅ gi tshe saṅs rgyas bcom ldan ’das rnams ’dzum pa mdzad pa de’i tshe na źal nas ’od zer sṅon po daṅ | ser po daṅ | dmar po daṅ | dkar po daṅ | btsod ka daṅ | śel daṅ | dṅul gyi kha dog lta bu dag byuṅ nas (2) kha cig ni ’og logs su ’doṅ | kha cig ni steṅ logs su ’doṅ bas gaṅ dag ’og logs su ’doṅ ba de dag ni sems can dmyal ba yaṅ sos daṅ | thig nag daṅ | bsdus gźom daṅ | du ’bod chen po daṅ | tsha ba daṅ | rab tu tsha ba daṅ | (3) mnar med pa daṅ | chu bur can daṅ | chu bur rdol pa daṅ | so thams thams daṅ | kyi hud zer daṅ | a chu zer ba daṅ | ut+pala ltar gas pa daṅ | pad ma ltar gas pa daṅ | pad ma ltar gas pa chen por doṅ ste | sems can dmyal ba tsha ba gaṅ dag (4) yin pa de dag tu ni bsil bar gyur te ’bab par byed la | sems can dmyal ba graṅ ba gaṅ dag yin pa de dag tu ni dro bar gyur te ’bab par byed do || des sems can de dag gi gnod pa’i bye brag dag rgyun gcod par byed ciṅ | de dag ’di sñam du śes ldan dag ci (5) bdag cag ’di nas śi ’phos sam || ’on te gźan du skyes sñam du sems so || de dag dad pa bskyed par bya ba’i phyir bcom ldan ’das kyis sprul pa gtoṅ bar mdzad de || de dag gis sprul pa mthoṅ nas ’di sñam du śes ldan dag ’di nas śi ’phos (6) pa yaṅ ma yin la | gźan du skyes pa yaṅ ma yin te | ’di ltar sems can sṅon ma mthoṅ ba ’di’i mthus bdag cag gi gnod pa’i bye brag dag rgyun chad par gyur to sñam du sems so || de dag sprul pa la sems mṅon par dad par gyur nas | sems (7) can dmyal ba myoṅ bar ’gyur ba’i las de zad par byas nas gaṅ du bden pa dag gi snod du gyur par ’gyur ba’i lha daṅ mi rnams kyi naṅ du ñiṅ mtshams sbyor ba len par byed do || gaṅ dag steṅ logs su ’dod pa de dag ni rgyal chen bźi pa daṅ | sum bcu rtsa gsum pa daṅ | (163b1) ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs ris daṅ | tshaṅs pa’i mdun ’don daṅ | tshaṅs chen daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshad med dge daṅ | dge (2) rgyas daṅ | sprin med daṅ | bsod nams skyes daṅ | ’bras bu che daṅ | mi che daṅ | mi gduṅ ba daṅ | gya nom snaṅ daṅ | śin tu mthoṅ daṅ | ’og min gyi lha rnams kyi naṅ du doṅ nas mi rtag pa daṅ | sdug bsṅal ba daṅ | stoṅ pa daṅ | bdag med pa źes bya (3) ba’i sgra sgrogs par byed ciṅ tshigs su bcad pa gñis po || brtsam par bya źiṅ ’byuṅ bar bya || saṅs rgyas bstan la ’jug par bya ||
’dam bu’i khyim la glaṅ chen bźin || ’chi bdag sde ni gźom par bya || gaṅ źig rab tu bag yod par || chos (4) ’dul ’di la spyod ’gyur ba ||
skye ba’i ’khor ba rab spaṅs nas || sdug bsṅal tha mar byed par ’gyur ||
źes bya ba yaṅ smras so || de nas ’od zer de dag gis stoṅ gsum gyi stoṅ chen po’i ’jig rten gyi khams byul nas | bcom ldan ’das ñid kyi (5) slad bźin slad bźin du rjes su ’doṅ ste | de la gal te bcom ldan ’das pa’i las luṅ ston par bźed na ni bcom ldan ’das kyi sna ma logs su nub par ’gyur | ma ’oṅs pa’i las luṅ ston bar bźed na ni mdun logs su nub par ’gyur | sems can dmyal (6) bar skye bar luṅ ston par bźed na ni źabs kyi mthil du nub par ’gyur | dud ’gror skye bar luṅ ston par bźed na ni loṅ bur nub par ’gyur | yi dgas su skye bar luṅ ston par bźed na ni źabs kyi mthe bor nub par ’gyur || mir skye bar luṅ ston par bźed na ni pus mor (7) nub par ’gyur | stobs kyi ’khor los sgyur ba’i rgyal srid luṅ ston par bźed na ni phyag mthil g-yon par nub par ’gyur || ’khor los sgyur pa’i rgyal srid luṅ ston par bźed na ni phyag mthil g-yas par nub par ’gyur | lhar skyes bar luṅ ston par bźed (164a1) ni ni lte bar nub par ’gyur || ñaña thos kyi byaṅ chub luṅ ston par bźed na ni źal du nub par ’gyur || raṅ saṅs rgyas kyi byaṅ chub luṅ ston par bźed na ni mdzod spur nub par ’gyur | bla na med pa yaṅ dag par rdzogs pa’i byaṅ chub luṅ ston par (2) bźed na ni gtsug tor du nub par ’gyur ro || de nas ’od zer de dag gis bcom ldan ’das la lan gsum bskor ba byas te bcom ldan ’das kyi lte bar nub po || 
. 
kha dog sna tshogs (4) stoṅ gis bkra ba yi || tshogs rnams źal gyi sgo nas byuṅ gyur te ||
de yis phyogs rnams thams cad snaṅ bgyis pa || ñi gdugs bdal bar gyur pa ji bźin no || 
. 
rgod bral źum daṅ rgyags par ba spaṅs pa || saṅs rgyas ’gro bar mchog gi (5) rgyur gyur ba ||
rgyal ba dag thul byed rgyu ma mchis par || rtsa lag duṅ ltar dkar ’dzum ston mi mdzad || 
. 
de slad brtan pa raṅ blos dus mkhyen nas || thub pa khyu mchog dge sbyoṅ skye dbaṅ po ||
ñan pa’i skye bo som ñi ldan rnams la || (6) the tshom skyes pa gsuṅ tshig brtan pa daṅ ||
dam pa dge ba dag gis bsal du gsol || 
. 
tshwa chu ri rgyal lta bur brtan pa yis || saṅs rgyas mgon rnams glo bur ’dzum mi ston ||
brtan pa ci slad ’dzum pa ston mdzad pa || skye bo’o (7) tshogs rnams de ni ñan par ’tshal || 
. 
bcom ldan ’das kyis bka’ stsal pa | kun dga’ bo de de bźin no || de de bźin te | kun dga’ bo de bźin gśegs pa dgra bcom pa yaṅ dag par rdzogs pa’i saṅs rgyas rnams ni rgyu med (164b1) rkyen med par ’dzum pa mi mdzad kyis | kun dga’ bo soṅ la dge sloṅ rnams la dge sloṅ dag de bźin gśegs pa chu kluṅ rgyur gśegs bźed kyis || khyed cag las gaṅ de bźin gśegs pa daṅ | thabs cig chu kluṅ rgyur ’gro bar spro ba (2) des chos gos dag loṅ śig ces sgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas dge sloṅ rnams la smras pa | tshe daṅ ldan pa dag bcom ldan ’ad chu kluṅ rgyur gśegs bźed kyis | (3) khyed cag las gaṅ bcom ldan ’das daṅ thabs cig chu kluṅ rgyur ’gro bar spro ba des chos gos dag loṅ śig || ’dul ba rnam par ’byed pa | bam po bcu gñis pa | de nas bcom ldan ’das dul ba ’khor dul ba daṅ (4) ldan pa | źi ba ’khor źi pa daṅ ldan pa | grol ba ’khor grol ba daṅ ldan pa | dbugs phyin pa ’khor dbugs phyin pa daṅ ldan pa | thul ba ’khor thul ba daṅ ldan pa | dgra bcom pa ’khor dgra bcom pa daṅ ldan pa | ’dod chags daṅ (5) bral ba ’khor ’dod chags daṅ bral ba daṅ ldan pa | mdzes pa ’khor mdzes pa daṅ ldan pa | khyu mchog ltar ba laṅ gi tshogs kyis yoṅs su bskor ba | glaṅ po che ltar glaṅ po che’i phrug gu’i tshogs kyis yoṅs su bskor ba | seṅ ge ltar mche (6) ba can gyi tshogs kyis yoṅs su bskor ba | ṅaṅ pa’i rgyal po ltar daṅ pa’i tshogs kyis yoṅs su bskor ba | nam mkha’ ldiṅ ltar bya’i tshogs kyis yoṅs su bskor ba | bram ze ltar slob ma’i tshogs kyis yoṅs su bskor ba | sman (7) pa mkhas pa ltar nad pa’i tshogs kyis yogs su bskor ba | dpa’ bo ltar du pa’i tshogs kyis yoṅs su bskor ba | sa mkhan ltar lam du źugs pa’i tshogs kyis yoṅs su bskor ba | ded dpon ltar tshoṅ pa’i tshogs kyis yoṅs su (165a1) bskor ba | tshoṅ dpon ltar ’khor gyi tshogs kyis yoṅs su bskor ba | mkhan gyi rgyal po ltar blon po’i tshogs kyis yoṅs su bskor ba | ’khor los sgyur ba ltar bu stoṅ gi tshogs kyis yoṅs su bskor ba | zla ba ltar rgyu skar gyi (2) tshogs kyis yoṅs su bskor ba | ñi ma ltar ’od zer stoṅ gi tshogs kyis yoṅs su bskor ba | yul ’khor sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi tshogs kyis yoṅs su bskor ba | mig mi bzaṅ ltar klu’i (3) tshogs kyis yoṅs su bskor ba | nor spyin ltar gnod sbyin gyi tshogs kyis yoṅs su bskor ba | thags zaṅs ris ltar lta ma yin gyi tshogs kyis yoṅs su bskor ba | brgya byin ltar sum bcu rtsa gsum pa’i tshogs kyis yoṅs su bskor ba | tshaṅs (4) pa ltar tshaṅs ris kyi tshogs kyis yoṅs su bskor ba | dbaṅ po rnams kyis śin tu dul ba | spyod lam daṅ | spyod pa ma ’khrugs pa | chu gter ltar tiṅ ṅe ba | sprin ltar chu daṅ bcas pa glaṅ po che’i rgyal po ltar dregs pa daṅ bral ba | skyes bu chen (5) po’i mtshan sum bcu rtsa gñis kyis legs par brgyan pa | dpe byad bzaṅ po brgyad bcus sku rnam par mdzes pa | ’od ’do ma gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin po che’i ri bo ’gro ba ltar kun (6) du bzaṅ pa | stobs btsu daṅ | mi ’jigs pa bźi daṅ | ma ’dres pa’i dran pa ñe bar gźag pa gsum daṅ | thugs rje chen po daṅ ldan pa | kun śes kauṇ+ḍi n+ya daṅ | rlaṅs pa daṅ | miṅ chen daṅ | ma ’gags pa daṅ | śā ri’i bu daṅ | (7) maud gal gyi bu daṅ | ’od sruṅ daṅ | kun dga’ bo daṅ | nam gru la sogs pa ñan thos chen po dag daṅ | gźan yaṅ dge sloṅ gi dge ’dun maṅ pos bskor te chu kluṅ yid ’oṅ ldan ga la ba der rgyu źiṅ gśegs so || ’khor des thag riṅ po kho (165b1) na nas bcom ldan ’das ñan thos kyi dge ’dun daṅ bcas pa mthoṅ ṅo || mthoṅ nas kyaṅ gaṅ dag ma dad pa de dag ni dge sbyoṅ gau ta ma ltad mo daṅ bral lo źes graṅs na | del yaṅ ltad mo skyes te chu srin ña’i rigs blta ba’i phyir ñe bar ’oṅs so źes (2) zer ro || gad dag dad pa daṅ ldan pa de dag ni ma dad pa de dag la śes ldan dag saṅs rgyas bcom lda na ’das rnams ni ltad mo daṅ bral ba kho na yin te | bcom ldan ’das chu srin ña’i rigs las brtsams te | skye bo’i tshogs chen po la ṅo mtshar rmad du byuṅ (3) ba’i chos cuṅ źig ston par bźed gor mchag go źes zer źiṅ ’di skad ces kyaṅ smras so || thub pa ltad mo bral ba’i dgoṅs ldan pa || ltad mo med la skye ṅan don med smra ||
gźan phan de la gźol ba’i rgyal ba ’di || lus can phan phyir ṅes par (4) ’dir gśegs so || de nas ’khor des bcom ldan ’das mthoṅ nas ’phral kho na la mṅon par laṅs te | ’di ltar bcom ldan ’das sṅon byaṅ chub sems dpar gyur pas yab daṅ | yum daṅ | mkhan po daṅ | slob dpon daṅ | bla ma daṅ | (5) bla ma’i gnas lta bu dag la mṅon par bźeṅs pa mdzad pa’i phyir ro || de nas bcom ldan ’das ’khor de’i dbus su gśegs te | dge sloṅ gi dge ’dun gyi goṅ du gdan bśams pa ñid la bźugs so || bźugs nas bcom ldan (6) ’das kyis ña pa lṅa brgya po de dag la bka’ stsal pa | bźin bzaṅs dag re źig khyed cag ni ñes par byas pi las byed pa yin te | des na da ltar ña pa’i kyes gnas dman par skyes śiṅ khyed cag da ltar drag śul can | lag pa khrag gis gos pa (7) ñams pa rab tu ñams pa la źen pa | gźan gyi srog ’phrog pa | gźan gyi srog gcod pas ’tsho bar byed de | ’di nas śi ’phos na khyed cag gi ’gro ba ni cir ’gyur | skye ba ni cir ’gyur | tshe phyi ma ni cir ’gyur | de dag gis gsol pa | (166a1) bcom ldan ’das bdag cag gis ci źig bgyi ba bka’ stsal du gsol | bcom ldan ’das kyis bka’ stsal pa | ña daṅ | rus sbal daṅ | sbal pa daṅ | chu srin byis pa gsod daṅ | ña khyi ba la sogs pa chu nas bton pa ’di dag thoṅ śig | bcom ldan ’das (2) kyis ji skad bka’ stsal pa bźin gtaṅ bar bgyi’o źes de dag gis bcom ldan ’das kyis bka’ stsal pa’i dus kyi mjug thogs su de dag btaṅ ṅo || de nas bcom ldan ’das ’di sñam du dgoṅs te | ṅas ci nas kyaṅ chu srin ña’i rigs ma gtogs pa ña daṅ | (3) rus sbal daṅ | sbal pa daṅ | chu srin byis pa gsod daṅ | ña khyim ba la sogs pa’i srog chags ’di dag chu ji ltar ba khon bźin du chu kluṅ yid ’oṅ ldan du ’jug par ’gyur pa daṅ | chu srin ña’i rigs kyaṅ ston gyi skye ba rjes su dran źiṅ mi’i skad rjod par (4) ’gyur la | ṅa daṅ thabs cig smra bar ’gyur ba de lta bu’i rdzu ’phrul mṅon par ’du bya ba mṅon par ’du bya’o sñam mo || de nas bcom ldan ’das kyis ci nas kyaṅ chu srin ña’i rigs ma gtogs pa ña daṅ | rus sbal daṅ | sbal pa daṅ | chu srin byis (5) ba gsod daṅ | ña khyi ba la sogs pa’i srog chags de dag chu ji lta ba kho na bźin du chu kluṅ yid ’oṅ ldan du ’jug par ’gyur ba daṅ | chu srin ña’i rigs kyaṅ sṅon gyi skye ba rjes su dran źiṅ mi’i skad rjod par ’gyur la | bcom ldan ’das (6) daṅ thabs cig smra bar ’gyur ba de lta bu’i rdzu.u ’phrul mṅon par ’du bya ba mṅon par ’du mdzad do || de nas bcom ldan ’das kyis chu srin ña’i rigs la bka’ stsal pa | bu khyod ser skya yin nam | bcom ldan ’das bdag ser skya lags so || bu khyod (7) ser skya yin nam | bde bar gśegs pa bdag ser skya lags so || bu khyod la lus kyis ñes par spyad pa yod dam | bcom ldan ’das mchis so || bu khyod la ṅag daṅ yid kyis ñes par spyad pa yod dam | bde bar gśegs pa mchis (166b1) sa|| bu khyod kyis lus kyis ñes par spyad pa’i rnam par smin pa ñams su myoṅ ṅam | bcom ldan ’das ñams su myoṅ ṅo || bu khyod kyis ṅag daṅ yid kyis ñes par spyad pa’i rnam par smin pa ñams su myoṅ ṅam | bde bar gśegs (2) pa ñams su myoṅ ṅo || ’o na khyod kyi mi dge ba’i bśes gñen su yin | bdag gi ma lags so || de gaṅ du skyes sems can dmyal ba rnams su’o || khyod gaṅ du skyes dud ’gror ro || ji sñam du sems | khyod ’di nas śi ’phos nas gaṅ du skye bar (3) ’gyur | bcom ldan ’das sems can dmyal ba rnams su’o || bde bar gśegs pa sems can dmyal ba rnams su’o źes gsol nas du ba la źugs so || de nas bcom ldan ’das kyis de’i tshe tshigs su bcad pa bka’ stsal pa | 
. 
khyod ni dud ’gro’i skye (4) gnas skyes || mi khom źugs par ’gyur pa la ||
da ltaṅs kyaṅ ci byar med || don med dus pas ci la phan || 
. 
thugs rje ldan rgyal ṅa la ni || legs par sems ni dad gyis daṅ ||
dud ’gro’i skye ’dir chags bral źiṅ || de nas mtho ris ’gro bar (5) ’gyur || 
. 
des bcom ldan ’das la sems dad par byas nas de nas bcom ldan ’das kyis de la bźin bzaṅs ’di ltar ’du byed thams cad ni mi rtag pa’o || chos thams cad ni bdag med pa’o ||mya ṅan las ’das pa ni źi ba’o || źes źig gsum gyis chos (6) bstan to || de nas ’khor de mchog tu ṅo mtshar skyes nas śes ldan dag bcom ldan ’das kyis bka’ stsal pas sṅon gyi skye ba dran par byas śiṅ mi’i skad kyaṅ rjod par byed la | bcom ldan ’das daṅ thabs cig smra bar byed pa ’di su źig yin | saṅs rgyas bcom (7) ldan ’das rnams ni bsten par dka’ ba daṅ | bzod par dka’ ba yin pas bdag gis bcom ldan ’das la don de źu bar mi nus kyis bdag cag ’phags pa kun dga’ bo ga la ba der doṅ ste phyin nas ’phags pa kun dga’ bo la don de źu bar bya źiṅ ’phags pa (167a1) kun dga’ bos bdag cag la ji skad luṅ ston par ’gyur ba de de kho na bźin du gzuṅ bar bya’o źes zer ro || de nas ’khor de tshe daṅ ldan pa kun dga’ bo ga la ba der doṅ ste phyin nas | tshe daṅ ldan pa kun dga’ bo la ’di skad ces smras so || (2) ’phags pa kun dga’ bo bcom ldan ’das kyis bka’ stsal pas | sṅon gyi skye ba dran par bgyis śiṅ mi’i skad kyaṅ rjod par bgyid la | bcom ldan ’das daṅ thabs cig smra bar bgyid pa ’di su źig lags | kun dga’ bos smras pa | śes ldan dag bcom (3) ldan ’das ñid la don źus śig | ’phags pa kun dga’ bo saṅs rgyas bcom ldan ’das rnams ni bsten par dka’ bdaṅ | bzod par dka’ ba lags pas bdag cag gis bcom ldan ’das la don de źu bar rṅo mi thog go || śes ldan dag kho bo la yaṅ (4) saṅs rgyas bcom ldan ’das rnams ni bsten par dka’ ba daṅ | bzod par dka’ ba yin pas kho bos kyaṅ bcom ldan ’das la don de źu bar mi nus mod kyi | ’on kyaṅ khyed kyi don du źu bar bya’o źes smras nas bcom ldan ’das ga la ba der soṅ ste phyin nas | bcom ldan ’das (5) kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug go || mtha’ gcig tu ’dug nas tshe daṅ ldan pa kun dga’ bos bcom ldan ’das la ’di skad ces gsol to || btsun pa bcom ldan ’das kyis bka’ stsal pas sṅon gyi skye ba dran par bgyis (6) śiṅ mi’i skad kyaṅ rjod par bgyid la | bcom ldan ’das daṅ thabs cig smra bar bgyid pa ’di su źig lags | kun dga’ bo ’di ni chu srin ña’i rigs yin no || kun dga’ bo khyod chu srin ña’i rigs kyi sṅon gyi las kyi rgyu ba las brtsams te chos daṅ ldan pa’i gtam ñan (7) par ’dod dam | bcom ldan ’das kyis chu srin ña’i rigs kyi sṅon gyi las kyi rgyu ba las brtsams te dge sloṅ rnams daṅ skye bo’i tshogs la chos daṅ ldan pa’i bka’ mchid bka’ stsal par gyur na | bcom ldan ’das las thos nas dge sloṅ rnams daṅ skye bo’i tshogs dag (167b1) ’dzin par ’gyur bas bcom ldan ’das de ni dus lags so || bde bar gśegs pa de ni dus lags so || kun dga’ bo de’i phyir ñon la legs par rab tu yid la gyis śig daṅ bśad par bya’o || kun dga’ bo sṅon byuṅ ba bskal pa chen po bzaṅ po ’di ñid (2) la skye dgu’i tshe lo ñi khri thub pa na ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan | bde bar gśegs pa | ’jig rten mkhyen pa | skyes bu ’dul ba’i kha lo sgyur ba blan med pa lha daṅ mi rnams kyi ston (3) pa | saṅs rgyas bcom ldan ’das ’od sruṅ źes bya ba ’jig rten du byuṅ ste | de dge sloṅ ñi khris bsgor ciṅ groṅ khyer bā rā ṇa sī na draṅ sroṅ smra ba ri dgas kyi nags na ñe bar brten ciṅ bźugs so || de’i tshe groṅ khyer bā rā ṇa sī na rgyal po kr-i kī źes bya bas rgyal srid ’byor pa | (4) rgyas pa | bde ba | lo legs pa | skye bo daṅ mi maṅ pos gaṅ ba | thab mo daṅ | ’thab pa daṅ | phyi dgra daṅ | naṅ ’khrug rab tu bźi ba | com rkun daṅ | mu ge daṅ | nad daṅ bral ba | sā lu daṅ | bur ma śiṅ gi phreṅ ba daṅ | ba laṅ daṅ | ma he phun sum tshogs pa byed du bcug ste | (5) chos daṅ ldan pa chos kyi rgyal pos chos kyis rgyal srid byed du bcug go || de nas śed bu gsaṅ tshig ’dod pa gsaṅ tshig tshol ba źig yul dbus nas lho lam du soṅ ṅo || de na bram ze rig byed daṅ rig byed kyi yan lag gi pha rol du son pa | yul tha dad pa gnas (6) pa’i bram ze rnams kyi ston par gyur pa źig ’dug nas | śeṅ bu de bram ze de’i druṅ du soṅ ste phyin nas źi ba daṅ spyod lam źi bas mgo bos phyag ’tshal te mtha’ gcig tu ’dug go || de nas bram ze des śed bu de la loṅs pa legs so źes bya ba’i tshig gis kun du spyad nas smras pa | (7) kye śed bu khyod ga las ’oṅs | ci źig ’dod | śed bus smras pa | bdag yul dbus nas mchis te mkhan po’i źabs la sri źu bgyid par ’tshal lo || ci źig gi phyir | rig byed bklag pa’i slad du’o || śed bu legs kyis de bźin gyis śig | de ni bram zes bya ba yin no || (168a1) śed bu des bram ze de’i druṅ du rig byed bklag par bya bar brtsams so || śed bu rnams kyi kun tu spyod pa ni ’di yin te | gaṅ gi tshe mi klog par gyur pa de’i tshe na lan ’ga’ ni chu ṅogs su ñe reg byed du ’doṅ ṅo || lan ’ga’ ni groṅ khyer ltar ’dod ṅo || lan ’ga’ (2) ni yam sreg śiṅ thur ’doṅ ṅo || ji tsam dus gźan źig na de dag mi klog par gyur nas de’i tshe de dag yam sreg śiṅ thur doṅ ba daṅ | de dag la lam gyi bar du bar skabs kyi gtam rjod pa ’di lta bu ’di byuṅ ste | kye kud sa’i rigs dag | bad sa’i rigs dag | śan di la’i rigs (3) dag | bar dwa dza’i rigs dag | lṅa ba’i rigs dag | ñe lṅī rigs dag je khyed cag las gaṅ ni yul ga las ’oṅs pa dri bar bya’o || de na śed bu gcig gis smras pa | kho bo ni yul śar nas so || gźan źig gis smras pa | kho bo ni lho lam nas so || gźan źig gis smras pa | kho bo ni lho lam nas so || yaṅ gźan źig gis (4) smras pa | kho bo ni nub kyis nas so || yaṅ gźan źig gis smras pa | kho bo ni byaṅ lam nas so || śed du des smras pa | kho bo ni yul dbus nas so || de dag gis smras pa | śes ldan dag bcag cag gis yul thams cad mthoṅ źiṅ thos na yul dbus ni ma mthoṅ ma thos so | śar (5) na blo can gnas pa ste || lho lam na ni yon byed ’dug | nub kyi yul na phra ma can | khyaṅ lam na ni tshig rtsub bo || źes tshigs su bcad pa yaṅ smras so || de nas dris pa | sed bu yul dbus ci ’dra | śes ldan dag yul dbus ni yul rnams kyi mchog yin te | sā lu daṅ | bu ram śi.iṅa gi phreṅ ba daṅ ba laṅ (6) daṅ | ma he phun su mtshogs pa | sloṅ mo pa brgyas khyab pa | dbus pa’i skye bos gaṅ ba mtha’ ’khob pa’i skye bos spaṅs pa | skye bo mkhas pas bsten pa | de na chu kluṅ gaṅ gā kha rje daṅ | bsod nams daṅ | bkra śis daṅ | gtsaṅ ba daṅ | gtsaṅ ba ñid kyi gnas su grags pa | ’gram (7) gñis nas rlan ’phyo ba | draṅ sroṅ rnams kyi bsti gnas źes bya ba chu dgur bcwa brgyad ’bab pa yod de | der draṅ sroṅ rnams kyis dka’ thub spyad na raṅ gi lus ñid kyis mtho ris su ’doṅ ba yin no || kye śed bu de ni mjal gyis gźan ’di dri’o || yul dbus na mkhas par (168b1) bgraṅ bdag yod dam | śes ldan dag kho bos daṅ po ñid nas śes ldan dag yul dbus ni dbus pa’i skye bos gaṅ ba | ’thab ’khob pa ’i skyes bos spaṅs pa | skye bo mkhas pas bsten pa’i źes ma smras sam | śed bu khyod kyis de skad smras so || śed bu yul dbus na ’di lta (2) ste | dper na bdag cag gi mkhan po daṅ ’dra ba smra ba’i khyu mchog de lta bu dag yod dam | śes ldan dag yul dbus na bdag cag gi mkhan pos gaṅ dag gi gdoṅ du lta bar yaṅ mi nus pa sñan par smra ba smra ba’i khyu mchog de lta bu dag yod de | śed bu des de dag la de lta de ltar (3) yul dbus kyi bsṅags pa brjod pa daṅ | ’di ltar de dag thams cad yul dbus su ’doṅ ’dod par gyur to || de nas śed bu de dag gis yam sreg śiṅ dag btsal te | yam sreg śiṅ gi khur thogs nas bram ze de’i khyim ga la ba der doṅ ste phyin nas yam sreg śiṅ gi khur mtha’ gcig tu (4) bźag ste bram ze de ga la bder doṅ nas phyin pa daṅ | bram ze de la ’di skad ces smras so || mkhan pa mkhyen par mdzod cig | śed bu ’dis ci nas kyaṅ bdag cag thams cad yul dbus su mchi mtshal bar gyur bde ltar yul dbus kyi bsṅags pa brjod do || bram ze des smras pa | bu (5) dag ci ji sñed thos pa de sñeṅ bgrod par bya ba yin nam | ’di ltar yul dag ni thos na dga’ bar ’gyur ba yin pas mñan par bya’i bgrod par ni mi bya’o || mkhan po śe dbu ’di’i mchid nas yul dbus na bdag cag gi mkhan pos gaṅ dag gi gdoṅ du lta bar yaṅ mi nus pa sñan par smra ba smra ba’i (6) khyu mchog de lta bu dag mchis so źes mchi’o || bu dag ci kho bon re sa’i steṅ na kho bo gcig bu kho na smra ba yin gyis smra ba gźan ’ga’ yaṅ med do źes zer ram | sa ni rin po che maṅ po ’dzin pa yin pas sa gźi ni mdzes pa mdzes pa dag gis gaṅ ba yin no || mkhan po re źig yul de yaṅ (7) mthoṅ bar ’gyur źiṅ chu dogs su ñe reg kyaṅ bgyi | smra ba’i khyu mchog de dag la yaṅ bsten bkur bgyi | rgol bdag kyaṅ tshar gcad par bgyi | raṅ gi grags pa yaṅ bsgrag par bgyi | rñed pa yaṅ bsgrub par bgyis | bdag cag yul dbus su mchi’o || bram ze de slob ma la rjes (169a1) su chags pa daṅ bcas pa dad ’khor ñud ba yin pas des śed bu de dag la ’di skad ces smras so || bu dag gal te de ltan g-yaṅ gźi dag daṅ | śiṅ śun dag daṅ | dbyug gu dag daṅ | blugs gzar dag daṅ | dgaṅ gzar dag daṅ | ril pa dag loṅ śig (2) daṅ yul dbus su ’doṅ ṅo || de dag gis de dag blaṅs nas bram ze de śed bu de dag daṅ lhan cig yul dbus su ’phags pa daṅ | des gol ba kha cig tshar bcad de rgol ba’i śiṅ rta la sbyor bar byed | kha cig ni mgor thal pa’i bum pa dag gis bsnun | kha cig ni (3) ’phoṅ gi dpoṅ sar khwa bźin du thag riṅ po nas yoṅs su spoṅ bar byed | kha cig ni gdugs daṅ | rgyal mtshan daṅ | ba dan dag gis bsu bar byed | kha cig ni slob ma ñid du khas len par byed ciṅ de mthar gyis groṅ daṅ | groṅ khyer daṅ | groṅ rdal daṅ | dbye tshoṅs (4) daṅ | tshoṅ rdal dag tu rgol ba ’dul źiṅ bā rā ṇa sīra phyin to || bram ze des bsams pa | bdag gis ci’i phyir rtsa ba spaṅs te yal ga daṅ | ’dab ma daṅ | lo ma la ñug par bya | rgol ba gaṅ dag daṅ mkhas par bgraṅ ba gaṅ ji sñed pa de dag thams cad kyaṅ rgyal po daṅ ñe ba yin (5) gyis bdag kyaṅ rgyal po’i gan du ’gro’o sñam nas | bram ze de rgyal po kr-i kī ga la ba der soṅ ste pyin nas rgyal po kr-i kī la rgyal ba daṅ tshe spel bar byas te mtha’ gcig tu ’dug go | mtha’ gcig tu ’dug nas rgyal po kr-i kī la ’di skad ces smras so || lha bdag la bla ma las yi ge ñuṅ (6) śas śig blaṅs pa mchis te de’i slad du lha’i spyan sṅar rgol ba dag daṅ lhan cig bka’ mchid dam par gtan la dbab par ’tshal lo || rgyal pos blon po rnams la smras pa | śes ldan dag ṅa’i yul na bram ze ’di daṅ lhan cig gtam rnam par gtan la ’bebs par byed pa’i rgol ba ’ga’ (7) yod dam | blon po rnams kyis smras pa | lha ri brags che ge mo źig na bram ze ser skya źi bźes bgyi ba rig khyed daṅ rig byed daṅ rig byed kyi yan lag gi pha rol tu mchis pa | źugs lta bu’i śes pas raṅ gi smra bags la bar bgyid pa | gźan gyi smras ba tshar gcod par rṅo thog pa źig mchis so || (169b1) mkhan po de bos śig | lha bo dpar bgyi’o źes de dag gis de bos nas | de rgyal po kr-i kī ga la ba der soṅ ste phyin nas rgyal po kr-i kī la rgyal ba daṅ | tshe spel ba byas te mtha’ gcig tu ’dug pa daṅ | blon po rnams kyis smras pa | lha mkhan po de ’di lags so || rgyal (2) pos ’oṅs pa legs so źes bya ba’i tshig gis kun tu spyad de smras pa | mkhan po khyod kho bo’i mdun du bram ze ’di daṅ lhan cig gtam rnam par gtan la dbab pa byed nus sam | ser skya źi bas smras pa | bdag gis rṅo ci thog pas rgyal po dgyes par bgyi’o || (3) rgyal pos blon po rnams la bsgo ba | śes ldan dag rgol ba’i dkyil ’khor śoms śig phyogs daṅ gźan gyi phyogs dag rnam par źog śig | blon po rnams kyis rgol ba’i dkyil ’khor bśams śiṅ phyogs daṅ gźan gyi phyogs dag rnam par bźag go || de nas (4) blon po rnams kyis rgyal po’i rkaṅ pa gñis la phyag ’tshal te smras pa | lha phyogs sṅa ma gaṅ bgyid du stsal | rgyal pos smras pa | bram ze ’di ’gron po yin gyis ’di phyogs sṅa ma byed du chug śig | bram ze de phyogs sṅa ma phyed du bcug nas des rgyud chags lṅa brgya bzlas so || (5) zes skya źi bas phyir bzlas so || khyod kyi ’di ni rigs pa med pa yin no || ’di ni mi mthun pa yin no || ’di ni mi ’thad pa yin no źes skyon btags pa daṅ | bram ze de caṅ mi smra bar ’dug go || tshar gcad pa’i gnas rnams kyi naṅ na ’di lta ste lan la spobs pa med pa ’di (6) ni tha cad yin no || de nas rgyal po mṅon par dga’ nas smras pa | mkhan po khyoṅ gnas gaṅ du gnas | ser skya źi bas smras pa | lha ri brags che ge mo źig tu ’o || khyod soṅ la ri brags de khyod kyi rgol pa’i loṅs spyod gyis śig | ser skya źi ba raṅs pa daṅ | dga’ (7) ba daṅ | mchog tu dga’ bar gyur nas skye bo mkhas pa dag gis yoṅs su bskor te ri brags der soṅ ṅo || ’jig rten ni ’byor pa ’dod pa yin pas ser skya źi bdes rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed | dga’ mgur spyod par byed do || de rtse (170a1) par byed dga’ bar byed | dga’ mgur spyod par byed pa de’i chuṅ mal bu ral ba ser skya can źig btsas nas źag bdun gsum ñi śu gcig tu btsas pa’i btsas ston rgya cher byas te | khye’u’i miṅ cir gdags źes miṅ ’dogs par byed do || ñe du rnams kyis smras pa | (2) khye’u ’di bram ze ser skya źi ba’i bu yin la ’di’i ral pa yaṅ ser skyar ’dug pas khye’u ’di’i miṅ ser skyar gdags so źes de’i miṅ ser skyar btags so || de ’o ma daṅ | źo daṅ | mar daṅ | źun mar daṅ | mar gyi sñiṅ khu daṅ | gźan yaṅ yo byad kyi bye brag gtso bo gtso bo dag gis (3) sriṅ bar byed | skyed par byed ciṅ rdziṅ na gnas pa’i pad ma bźin myur du skyed par byed do || de gaṅ gi tshe chen por gyur pa de’i tshe na yi ge daṅ | graṅs daṅ | rtsis daṅ | lag rtsis daṅ | dbyuṅ ba daṅ | gźug pa daṅ | gźag pa daṅ | ’byed pa daṅ | klog pa’i pha rol du son ciṅ | (4) de’i tshe na bram ze’i spyod tshul daṅ | spyod pa daṅ | gtsaṅ sbra daṅ | kun tu spyod pa daṅ | thal ba blaṅ ba daṅ | bya ma bum blaṅ ba daṅ | sa blaṅ ba daṅ | lag ltaṅ daṅ | thor tshugs daṅ | rab bsṅags bya ba daṅ | kye źes bya ba daṅ | ṅes brjod kyi rig byed daṅ | mchod sbyi gyi rig (5) byed daṅ | sñan tshig gi rig byed daṅ | srid sruṅ gi rig byed daṅ | bram ze’i las drug po mchod sbyin byed pa daṅ | mchod sbyin byed du ’jug pa daṅ | klog pa daṅ | glog tu ’dzud pa daṅ | sbyin pa dad | len pa la mkhas pa’i bram ze rig byed dad rig byed kyi yan lag gi pha rol (6) du son pa | me lta bu’i śes pas raṅ gi smra ba gsal bar byed pa | gźan gyi smra ba tshar gcod nus par gyur to || de’i tshe na bram ze ser skya źi bas bran ze’i khye’u lṅa brgya tsam dag bram ze’i gsaṅ tshig dag ’don du bcug go || ji tsam dus gźan źig na | śed bu ser skya klog par (7) byed pas pham smras pa | ya ba ri tsam źes bgyi ba ’di’i don ci lags | ser skya źi bas smras pa | bu yi ge dag ni yun riṅ po nas bral bdag ste bla ma’i tshig śes par dka’ ba dag yin pas draṅ sroṅ de dag gis don daṅ bral ba’i bstan bcos ñe bar sbyar ba ’di ci yin mi śes so || (170b1) ser skyas smras pa | yab bdag gis ri ci źas bgyi ba ’di’i don de ’tshal to || bram ze ser skya źibs bsams pa | ’di ltar phas bu la bdag daṅ mñam pa’am khyad par du ’phags pa de ni ’dod par bya ba yin pas de’i phyir ’di bdag pas ches khyad par du ’phags pa yin gyis (2) bdag gis ’di la bram ze’i khye’u lṅa brgya po ’di dag gtad par bya’o sñan du rig nas bram ze’i khye’u ser skya la smras pa | bu ’di ltar phas bu la bdag dad mñam pa’am khyad par du ’phags pa de ni ’doṅ par bya ba yin pas de’i phyir khyod kho bo bas ches khyad par du ’phags pa yin gyis (3) khyod kyis bram ze’i khye’u lṅa brgya bo ’di dag bram ze’i gsaṅ tshig dag ’don du chug śig | ser skyas smras pa | bka’ bźin ’tshal ’don du stsal to źes des bram ze’i khye’u lṅa brgya po de dag | bram ze’i gsaṅ tshig dag ’don du gźug par brtsams so || bram ze ser skya źi ba yaṅ (4) bya ba med cid ci dgar ’gro ba daṅ | spyod pas dga’ mgur spyod par brtsams so || de dus gźan źig na draṅ sroṅ smra bar soṅ ste der dge sloṅ źig gi gan du soṅ nas smras pa | slob dpon tshig ’di’i don ci chags | dge sloṅ des smras pa | tshe daṅ ldan pa dri ba de ni de skad (5) dri bar mi bya ste | dri ba de de skad dris na yoṅs su rdzogs par mi ’gyur ro || ’di ltar dri ba de ni ’di skad dri bar bya ste | dri ba de ’di skad dris na tshig ’di’i don yin no źes yoṅs su rdzogs par ’gyur ro || bram ze ser skya źi bas bsams pa | bdag gis ’di dag la dri ba yaṅ (6) ’dri bar mi nus na bdag gis ’di dag daṅ lhan cig ci ltar smra ba bya bar ’gyur sñam nas | de dge sloṅ rnams la śin tu mṅon par dad par gyur nas dus daṅ dus su dge sloṅ dag mgron du bos te khyim gźan du zas sbyin par byed do || de dus gźan źig na na bar gyur nas des śed bu (7) ser skya la smras pa | bu ji tsam na ñi ma ’char ba daṅ | ji tsam na nub pa de’i bar du khyod daṅ ’dra ba’i smra ba gźan med kyis | de’i phyir khyod kyis kho bo ’das nas smra ba thams cad daṅ | lhan cig ’jigs pa med pa daṅ | bag tsa ba med par smra bar bya’o || ’od sruṅ gi dge (171a1) sbyoṅ rnams ni ma gtogs te | de dag ni rgyud rgya chen po daṅ ldan pa | rgyud zab med daṅ lṅan pa | ’jig rten pa la pham par mi nus pa | ’jig rten las ’das pa la gtiṅ med pa yin te | de dag ni maṅ ba daṅ | mthun pa daṅ | loṅs spyod (2) dag don du mi gñer ba yin no || ser skyas smras pa | yab de bźin bgyi’o || bram ze ser skya źi ba na pa las ma laṅs te | de rtsa ba daṅ sdoṅ bu daṅ | ’dab ma daṅ | me tog daṅ | ’bras bu’i sman dag gis bsñen bkur byas kyaṅ ñams pa ñid du gyur nas | ji tsam na bsags pa (3) kun gyi mtha’ zad ciṅ || mthon po rnams kyi mtha’ ltuṅ ’gyur || brad pa’i mtha’ ni ’bral ba ste || gson po’i mtha’ ni ’chi ba yin || źes bya ba yin pas dus kyi chos daṅ ldan par gyur to || de śed bu ser skya daṅ naṅ mis gos sṅon po daṅ | ser po daṅ | dmar po daṅ | dkar po dag (4) gis khyogs spyil brgyan te dur khrod du bskyal nas bsregs te de’i ’og tu mya ṅan bsaṅ ba byas nas ’khod do || lho phyogs nas lhags pa’i smra bde dag gis bram ze ser skya źi ba dus la bab ces thos so || thos nas kyaṅ phan tshun smras bar brtsams pa | śes ldan dag bram ze sma ba de (5) dus la bab kyis ṅa ni ’doṅ bar bya’o źes de dag thams cad ’dus te rgyal po kr-i kī’i gan du doṅ ṅo || de nas rgyal po la rgyal ba daṅ tshe spel ba byas te smras pa | lta bdag cag la bla ma las yi ge ñud śas śig blaṅs pa mchis te bdag cag lha’i spyan sṅar bka’ mchid rnam par gtan la (6) dbab pa bgyid par ’tshal lo || rgyal pos blon po rnams la smras pa | śes ldan dag mkhan po de bos śig | blon po rnams kyis smras pa | lha bram ze smra ba de dus la bab bo || rgyal pos smras pa | de’i phyir ’di dag g-yul du phug ron bźin du ’dus te ṅa’i druṅ du lhags kyis | bram (7) ze de’i bu’am phu nu bo ’ga’ ci yod || lha de’i bu śed bu ser skya źes bgyi ba mchis so || mkhan po’i bu de bos śig | de dag gis de bos nas des rgyal po la | rgyal ba daṅ tshe spel ba byas te mtha’ gcig tu ’dug pa daṅ | blon po rnams kyis smras pa | lha de’i bu śed bu ser skya źes bgyi (171b1) ba ’di lags so || rgyal pos de la ’oṅs pa legs so źes bya ba’i tshig gis kun tu spyad nas smras pa | mkhan po’i bu bram ze smra bar ’dod pa yul tha dad pa na gnas pa ’di dag ṅa’i druṅ du lhags na | khyod ’di dag daṅ lhan cig smra ba byed par nus sam | rṅo ci thog gis lha dgyes par bgyi’o || de (2) nas rgol ba’i dkyil ’khor bśams śiṅ phyogs daṅ gźan gyi phyogs daṅ gźan gyi phyogs dag rnam par bźag ste de dag phyogs sṅa ma byed du bcug pa daṅ | smra bde dag bram ze ser skya daṅ lhan cig gźi gaṅ daṅ gaṅ la smra ba de daṅ de dag la bram ze ser skyas spobs pa med par byas nas de dag caṅ mi smra bar ’khod do || (3) tshar gcad pa’i gnas rnams kyi naṅ na ’di lta ste | lan la spobs pa med pa ñid ni tha cad yin no || rgyal po ṅo mtshar skyes te | e ma na tshod gźon la śes rab kyi spobs pa ’di daṅ ’a di lta bu yod do źes ṅo mtshar skyes nas de’i ’og tu mṅon par dad pas glaṅ po che’i gśul du bskyon te smra (4) ba’i rgyal srid la dbaṅ bskur to || ser skya de’i ma sems khoṅ du chud ciṅ rnam par rtog pa bzaṅ po ma yin pa dag la rnam par rtog par byed de | ser skya des hab śur gyis rgol ba’i loṅs spyod ’phrog tu bcug ste | ’oṅ bar mi ’agyu.ura ram sñam du de de ltar sems khoṅ du chud (5) ciṅ rnam par rtog pa bzaṅ po ma yin pa dag la | rnam par rtog par byed ciṅ ’dug pa na śed bu ser skya smra pa’i rgyal srid la dbaṅ bskur bas dbaṅ bskur te | skye bo mkhas pas yoṅs su bskor nas raṅ gi sdum par ’oṅs so || de nas de’i mas gus par bsgrim pa daṅ bcas pas smras (6) pa | bu khyod kyis smra ba thams cad tshar bcad dam | ser skyas smras pa | yum tshar bcad de ’od sruṅ gi dge sbyoṅ rnams ni ma gtogs so || ser skya’i ma de bźin sgyur bar byed | lag mthil gñis ’dril bar byed do || śed bu ser skyas smras pa | yum khyod ci’i slad du bźin (7) sgyur bar mdzad | lag mthil gñis ’dril bar mdzad | mas smras pa | bu da duṅ yaṅ khyod ’gran zla daṅ bcas pa yin pas | ’od sruṅ gi dge sbyoṅ de dag gis rgol ba’i loṅs spyod dag phrogs par ’gyur ba’i gnas de lta bu yod kyis soṅ la de dag tshar chod cig | ser skyas smras pa | (172a1) yum bdag la pha’i mchid nas bu ji tsam na ñi ma ’char ba daṅ | ji tsam na nub pa de’i bar du khyod daṅ ’dra ba’i smra ba gźan med kyis de’i phyir khyod kyis kho bo ’das nas smra ba thams cad daṅ lhan cig ’jigs pa med pa daṅ | bag tsha ba med par smra bar bya’o || ’od sruṅ gi (2) dge sbyoṅ rnams ni ma gtogs te | de dag ni rgyud rgya chen po daṅ ldan pa | rgyud zab mo daṅ lda pa | rgyud bzaṅ po daṅ ldan pa | ’jig rten pa la pham par mi nus pa | ’jig rten las ’das pa la gtiṅ med pa yin te | de dag ni maṅ ba daṅ | mthun ba daṅ | loṅs spyod dag don du mi (3) gñer ba yin no źes mchi’o || mas smras pa | bu khyod kyi pha ni dge sbyoṅ gi bran du gyur pa yin na ci khyod kyaṅ dge sbyoṅ gi bran du ’gyur ram | soṅ la de dag tshar chod cig | ser skya de ma la gus pa yin pas des ma’i tshig mdun du byas te | draṅ sroṅ smra bar ’phags pa daṅ | dge sloṅ (4) źig kyaṅ bā rā ṇa sīra ’phags nas | ser skyas dge sloṅ de lam gyi bar du mthoṅ nas smras pa | kye dge sloṅ ga las ’oṅs | draṅ sroṅ smra ba nas so || draṅ sroṅ smra ba na dge sloṅ ji sñed yod | dge sloṅ ñi khri lhag tsam mo || re źig dge sloṅ dag ni maṅ na bstan bcos kyi tshad ji tsam | sṅe (5) snod gsum mo || sde snod kyi tshad ji tsam | stoṅ phrag brgya’o || khyim pas gzuṅ du ruṅ ṅam | mdo sṅe daṅ chos mṅon pa gñis ni ruṅ ṅo || ’dul ba ni cho ga’i gźuṅ yin pas mi ruṅ ṅo || ser skyas bsams pa | ’di dag gi smra ba’i bstan bcos gaṅ yin pa de ni phyim pa la mi ston (6) to sñam du rig nas smras pa | kye dge sloṅ je saṅs rgyas kyi bka’ las cuṅ źig smros śig | dge sloṅ des bsams pa | bram ze ’di ni smra ba yin pas ji ’di ’jal bar ’dod pas dri ba ’dri’am | ’on te kun śes par ’dod pas dri ba je blta’o sñam nas | des tshigs su bcad pa (7) smras pa | mtsho rnams gaṅ du ldog par ’gyur ||
lam ni gaṅ du ldog ’ar ’gyur ||
gaṅ du ’jig rten bde sdug bsṅal ||
ma lus par ni ’gag par ’gyur || źes brjod de smras pa | bram ze tshigs su bcad pa ’di’i don ci yin smros śig bram zes rig pa’i gnas thams cad la rnam (172b1) par dpyad par brtsams na mtsho yaṅ ma śes | lam yaṅ ma śes | ldog pa yaṅ ma śes nas de bdag la las mthoṅ bar ma gyur tam sñam du phyogs bźir rnam par lta bar byed ciṅ bsams pa | gal te ’di na gzu bo ’ga’ źig yod par gyur du zin bdag deṅ ñid du tshar bcad par (2) ’gyur bas rnam pa thams cad du spaṅ ba bya’o sñam du rig nas smras pa | kyi dge sloṅ tshigs su bcad pa de ni rgyud rgya chen po daṅ ldan pa | don zab mo ñid daṅ ldam pa yin la khyod kyaṅ bā rā ṇa sīra ’phags pa yin | kho bo yaṅ draṅ sroṅ smra bar ’phags pa yin pas ’di’i don ’phral kho nar (3) smra bar mi nus kyis soṅ śig daṅ | phyis kyaṅ ’di’i don smra bar mi dka’o źes draṅ sroṅ smra bar soṅ ba daṅ | dge sloṅ klog pa daṅ | kha ton daṅ | yid la byed pa’i sbyoṅ ba’i rjes su brtson pa dag mthoṅ ṅo || mthoṅ ma thag tu de sems mṅon par daṅ par gyur nas | bsams pa | (4) su źig sñiṅ rje med ciṅ ’jig rten pha rol btaṅ ste | ’di dag la rab tu sṅaṅ ba’i sems skyed ciṅ ’di dag daṅ lhan cig rtsod pa skyed par ’gyur sñam du rig nas raṅ gi khyim du soṅ ba daṅ de la mas smras pa | bu khyod kyis ’od sruṅ gi dge sbyoṅ dag tshar bcad dam | ser skyas smras pa | (5) yum khyod bdag gi rgol ba’i loṅs spyod dag gis mi dgyes sam | ’di ltar khyod ni rgol ba’i loṅs spyod dag ’phrog tu stsol bar bźed par gda’o || bu ji skad zer | yum bdag deṅ draṅ sroṅ smra bar ’phags pa daṅ | ji tsam na bdag gis śul gyi bar du dge sloṅ źig mthoṅ nas (6) bdag gis de la kye dge sloṅ ci saṅs rgyas kyi bka’ las cuṅ źig smros śig ces bgyis pa daṅ | des tshigs su bcad pa | mtsho rnams gaṅ du ldog par ’gyur ||
lam ni gaṅ du ldog par ’gyur ||
gaṅ du ’jig rten bde sdug bsṅal ||
ma lus par ni ’gag par ’gyur || źes (7) brjod nas bdag gis rig pa’i gnas thams cad la rnam par dpyad par brtsams na mtsho yaṅ ma ’tshal | lam yaṅ ma ’tshal | ldog pa yaṅ ma ’tshal nas | gal te de na gzu bo ’ga’ źig mchis par gyur du lags na bdag deṅ ñid du tshar bkum par yaṅ ’gyur ro || bu ga la (173a1) te de lta na soṅ la saṅs rgyas kyi bka’ lhogs śig | yum ci źig bklag par bgyi ste | de dag gis smra ba’i bstan bcos gaṅ lags pa de ni khyim pa la mi ston to || bu soṅ la rab tu byuṅ ste lhogs śig | yum rigs mchog tu gyur nas rigs tha dad pa rnams (2) kyi naṅ du ji ltar rab tu ’byuṅ bar bgyi | bu ci khyod kyi mgol smyig ma daṅ rtswa dag skye bar ’gyur ram yaṅ phyir bobs śig | de ma la gus pas nan gyis mnan pa na rab tu ’byuṅ ṅo źes daṅ sroṅ smra bar soṅ ste dge sloṅ gi druṅ du soṅ nas smras pa | kye dge sloṅ bdag rab tu ’byuṅ bar (3) ’tshal lo || dge sloṅ gis bsams pa | bram ze smra ba ’di rab tu phyuṅ na bstan pa la gces pa bstabs par ’gyur ro sñam du rig nas smras pa | bram ze legs kyis de ltar bya’o || loṅs spyod dag ni mi rtag pa yin pas | rab tu byuṅ śig | ser skyas smras pa | kye dge sloṅ (4) bdag ni rab tu śes pa’i bram ze lags pas bdag gis ’dir rab tu ’byuṅ bar rṅo mi thog gis ljoṅs su bźud do || dge sloṅ des bram ze de ljoṅs su khrid nas rab tu phyuṅ rdzogs par bsten par byas te bklag pa daṅ | kha ton dag la ṅes par sbyar to || ser skya des bklag pa daṅ | (5) bton byas pa na sde snod gsum po dag bklags śiṅ sde snod gsum daṅ ldan pa | chos sgrog pa | rigs pa daṅ gro ba’i sbobs pa can du gyur to || gaṅ gi tshe de chos mñan pa sbyin par ’dod pa de’i tshe na seṅ ge’i khri rin po che sna tshogs kyis brgyad pa śom par byed | duṅ sgril ma (6) ’bud du ’jud par byed | rṅa bo che rduṅ du ’jud par byed ciṅ rgyal po daṅ bcas pa’i ’khor sdud par byed | skye bo phal po che’i tshogs kyaṅ mṅon par dad par byed do || chos sgrog pa ser skyas bsams pa | bdag gis thos pas thob par bya ba gaṅ yin pa de thob kyis bdag pā rā ṇa (7) sīra soṅ ste | yaṅ dag par rjo gas pa’i saṅs rgyas ’od sruṅ la bsten bkur bya’o sñam nas | de ljoṅs su ci dgar ’dug ste bā rā ṇa ’i ga la ba der rgyu źiṅ soṅ ba na mthar gyis rgyu źiṅ ’gro ba’i tshe bā rā ṇa sīra phyin to || de nas de’i mas thos nas ma de bu tshol źiṅ draṅ sroṅ smra bar soṅ (173b1) ba daṅ des bu mthoṅ nas smras pa | bu khyod kyis ’od sruṅ gi dge sbyoṅ rnams tshar bcad dam | yum bdag ni luṅ tsam daṅ ldan pa lags la de dag ni luṅ daṅ rtogs pa daṅ ldan pa lags pas de’i slad du bdag gis de dag tshar dgum par ji lta rdo thog | bu khyod kyis de dag (2) gdon mi za bar tshar gcad par bya ba dag yin gyis tshar chod cig | ser skya de ma la gus pas mas nan gyis mnan pa daṅ | daṅ du blaṅs te smras pa | yum gaṅ gi seṅ ge’i khri bśams par gyur | duṅ sril ma bus par gyur | rṅa bo che brduṅs par gyur ciṅ | rgyal po daṅ bcas (3) pa’i ’khor ’dus par gyur pa de’i tshe na khyod spyon cig | bu legs kyis ’oṅ bar bya’o || ji tsam dus gźan źig na ser skya la chos sgrog par gsol ba btab nas seṅ ge’i khri bśams par gyur || dud sgril ma bus par gyur | rṅa bo che brduṅs par gyur ciṅ || rgyal po daṅ bcas (4) pa’i ’khor ’dus par gyur to || de nas ser skya’i mas dud daṅ rda bo che’i sgra thos nas riṅs pa riṅs par draṅ sroṅ smra bar soṅ sate | gtsul lag khaṅ du źugs nas seṅ ge’i khri’i rgyab logs su ’dug go || chos sgrog pa ser skya yaṅ ser ge’i khril ’dzegs te chos bstan par (5) brtsams nas des chos ji tsam pa de tsam źig bstan nas chos bsam pa bstan par brtsams pa daṅ | dge sloṅ rnams kyis de la smras pa | tshe daṅ ldan pa mdo sde’i mtha’ la gnod pa ma byed cig | chos kyi khrid byed rnam par dkrug par ma byed cig | chos kyi mṅal ma rtol (6) cig | chos kyi rgyal mtshan ma rtib śig | bdud kyi rgyal mchan ma sgreṅ śig | sems can dmyal ba la gźol bar ’gyur bar ma byed cig | ser skya de ñam ṅa nas babs te de’i ’og tu ma la smras pa | yum khyod kyis gzigs sam | bu mthoṅ ṅo || bdag gis daṅ po (7) nas khyod la yum bdag ni luṅ tsam daṅ ldan pa lags la de dag ni luṅ daṅ rtogs pa daṅ ldan pa lags pas de’i slad du bdag gis de dag tshar dgum par ji ltar rṅo thog ces ma bgyis sam | bu gaṅ gi tshe khyod chos ston pa de’i tshen chos ji tsam pa de tsam źig bstan nas chos ma (174a1) yin pa ston cig | gal te khyod la de dag na re tshe daṅ ldan pa mdo sde’i mtha’ la gnod pa ma byed cig | chos kyi khrid byed rnam par dkrug pa ma byed cig | chos kyi mṅal ma rtol cig | chos kyi rgyal mtshan ma rtib śig | bdud kyi rgyal ma tshan ma sgreṅ śig | (2) sems can dmyal ba la gźol bar ’gyur bar ma byed cig ces zer na | de’i tshe khyod kyis tshig gi mtshon gyis gdab par bya ste | de dag ni legs pa ma yin pa byed pas ’jigs pa yin pas caṅ mi smra bar ’dug par ’gyur te | des na ’jig rten dag gi mig lam na tshar bcad (3) do sñam du śes par ’gyur ro || yum thabs de ni bzaṅ ste | ’on kyaṅ de’i tshe khyod kyaṅ yaṅ spyon cig | bu de ltar bya ste kho mo yaṅ ’oṅ ṅo || ji tsam na yaṅ chos mñan pa’i seṅ ge’i khri bśams nas ser skya la chos sgrog par gsol ba btab ste duṅ sgril ma yaṅ bus | rṅa bo che yaṅ (4) brduṅs śiṅ rgyal po daṅ bcas pa’i ’khor ’dus pa daṅ | ser skya’i ma de yaṅ sṅa ma bźi na du ’oṅs te seṅ ge’i khri’i rgyab logs su ’dug go || chos sgrog pa ser skya yaṅ seṅ ge’i khril ’dzegs te chos bstan par brtsams nas | des chos ji tsam pa de tsam źig bstan nas (5) yaṅ chos ma yin pa bstan par brtsams pa daṅ | dge sloṅ rnams kyis de la smras pa | tshe daṅ ldan pa mdo sde’i mtha’ la gnod pa ma byed cig | chos kyi khrid byed rnam par dkrug par ma byed cig chos kyi mṅal ma rtol cig | chos kyi rgyal mtshan ma rtib śig | bdud kyi rgyal (6) mtshan ma sbreṅ śig | sems can dmyal ba la gźol bar ’gyur bar ma byed cig | ser skya de mas bslus pas mi bzod pa skyes nas tshig gi mtshan gyis gdab par brtsams te | glaṅ po che’i mgo can khyod kyis re źig chos sam chos ma yin pa’am | ’dul ba’am ’dul ba ma (7) yin pa ci śes | rta’i mgo can | rṅa mo’i mgo can | boṅ bu’i mgo can | ba laṅ gi mgo can | spre’u mgo can | seṅ ge’i mgo can | stag mgo can | dom mgo can | dred mgo can | guṅ mgo can | byi la’i mgo can | ra mgo can | lug mgo can | ri dgas kyi mgo can | ma he’i (174b1) mgo can | phag gi mgo can | khyi mgo can khyod kyis chos sam | chos ma yin pa’am | ’dul ba ma yin pa ci śes źes smras pa daṅ | dge sloṅ rnams kyis smras pa | tshe daṅ ldan pa dag ’dis tshig gi mtshon gyis gdab par brtsams kyis ’doṅ ṅo źes (2) zer ro || de na gaṅ dag so sor rtog pa mi maṅ pa de dag ni doṅ ṅo || gaṅ dag spro riṅ ba de dag ni gal te re źig chos ston par ’gyur na ni mñan par bya’o || ’on te chos ma yin pa ston par ’gyur na ni ’di ñid kyir ’gyur bar zad do źes de ñid na ’khod do || de nas chos sgrog pa ser (3) skyas dge sloṅ s+l+baba pa daṅ mi slob pa dag la ṅag gis ñes par spyad pa bcwa brgyad byas nas seṅ ge’i khri las babs tem la smras pa | yum khyod dgyes par gyur tam | bu kho bo dga’ bar gyur gyis tshur śog khyim du ’doṅ ṅo || ser skyas smras pa | yum bdag ni yaṅ dag (4) par rdzogs pa’i saṅs rgyas ’od sruṅ gi gsuṅ rab la mṅon par daga’asa mi mchi’o || bu khyod kyis ma’i tshig tshig ma yin par mi bya’o źes bya ba ma thos sam tshur sog ’doṅ ṅo || ser skyas smras pa | kho bo ’khor bar ’khor ba na khyod ’dra ba’i ma yod par ma gyur cig | deṅ (5) mi dge ba’i bśes gñen khyod la brten nas kho bos gaṅ zag slob pa daṅ mi slob pa dag la ṅag gi las rtsub po brjod pas de’i rnam par smin pa mi ’dod pa so sor myoṅ bar ’gyur ro || ser skya’i ma des bā rā ṇa sī’i lam po che daṅ | sraṅ daṅ | bźi mdo daṅ | sum mdo dag (6) tu bā rā ṇa sī na gnas pa daṅ | pho braṅ ’khor pa daṅ | yul mi śes ldan dag ñon cig | ’od sruṅ gi dge sloṅ rnams kyis kho mo’i bu phrogs kyis grogs gyis śig ces ku co ’don par brtsams so || de na gaṅ dag dad pa can de dag ni yaṅ dag par dbugs ’byin par byed do || (7) gaṅ dag ma dad pa de dag ni thob tsam par byed do || ser skya’i ma de la tho btsams pa na ’di lta bu’i kun nas dkris pa byuṅ ste | des khrag tsha ba sgyugs nas dus la bab ste sems can dmyal ba rnams kyi naṅ du skyes so || chos sgrog pa ser skya yaṅ dge sloṅ slob pa daṅ mi slob (175a1) pa rnams la ṅag gi ñes par spyan pa bcwa brgyad byas pas dus la ba bste | dud ’gro rnams kyi naṅ du chu srin ña’i rigs ’jigs su ruṅ ba ’dir skyes so || de nas ’khod de yid la gcags te || de nas ’khor de yid la gcags te | śes ldan dag chos sgrog pa ser skya sde snod gsum daṅ ldan pa rigs pa (2) daṅ grol ba’i spobs pa can gyis srog chags brgya stoṅ phrag du ma dag gi rna ba’i sbubs dag tshim par byas nas ṅag gis ñes par spyad pa tsam gyis dud ’gro’i skye gnas ṅan par skyes par gyur na | bdag cag ’di nas śi ’phos pa rnams kyi ’gro ba ni cir ’gyur | skye ba ni cir ’gyur | (3) tshe phyi ma ni cir ’gyur źes zer ro || de nas bcom ldan ’das kyis ’khor de’i bsam pa daṅ | bgal ñal daṅ | khams daṅ | raṅ bźin thugs su chud nas gaṅ thos nas kha cig gis dro bar gyur pa dag rtogs pa daṅ | kha cig gis rtse mo dag daṅ | kha cig gis bzod pa dag (4) daṅ | kha cig gis ’jig rten pa’i chos kyi mchog dag rtogs pa daṅ | kha cig gis rgyun du źugs pa’i ’bras bu mṅon sum du byas pa daṅ | kha cig gis lan gcig phyir ’oṅ ba’i ’bras bu daṅ | kha cig gis phyir mi ’oṅ ba’i ’bras bu daṅ | kha cig gis rab tu byuṅ nas ñon (5) moṅs pa thams cad spaṅs pas dgra bcom pa ñid mṅon sum du byas pa daṅ || kha cig gis ñan thos kyi byaṅ chub tu sems bskyed pa daṅ | kha cig gis raṅ saṅs rgyas kyi byaṅ chub daṅ | kha cig gis blan med pa yaṅ dag par rdzogs pa’i byaṅ chub tu sems bskyed pa daṅ | (6) ’khor de las phal cher saṅs rgyas la gźol ba daṅ | chos la ’bab pa daṅ | dge ’dun la bab par rnam par bźag pa de lta bu’i chos bstan pa mdzod do || de nas bcom ldan ’das gdul ba’i don chen po mdzad nas gśegs so || de nas chu srin ña’i rigs ’di sñam (7) du sems te | gaṅ gi phyir bdag gis bcom ldan ’das kyi spyam sṅar tshig gsum gyi chos thos nas zas za bar byed pa ni bdag gi tshul daṅ mthun pa ma yin no sñam nas | de zas mi zab la źugs so || dud ’gro’i skye gnas su skyes pa rnams kyi me ni rno ba yin pas de bkres pas (175b1) ñam dmas pa na | bcom ldan ’das la sems mṅon par dad par byas nas dus la bab pa daṅ rgyal chen bźi pa’i lha rnams kyi naṅ du skyes so || lha’i bu’am lha’i bu mo’i chos ñid ni skyes nas riṅ por ma lon pa la sems gsum skye ste | gaṅ nas śi ’phos pa daṅ | gaṅ du (2) skyes pa daṅ | las gaṅ gis skyes pa’o || des dud ’gro rnams kyi naṅ nas śi ’phos pa daṅ | rgyal chen bźi pa’i lha rnams kyi naṅ du skyes pa daṅ | bcom ldan ’das la sems mṅon par dad par byas pas skyes par mthoṅ ṅo || de nas sṅon chu srin lha’i bu de ’di sñam du (3) sems te | gaṅ gi phyir bdag yoṅs su gnas pa bsten te bcom ldan ’das la blta ba daṅ bsñen bkur bya ba’i phyir ñe bar ’gro ba ni bdag gi tshul daṅ mthun pa ma yin gyis | bdag yoṅs su gnas pa ma bsten pa kho nar bcom ldan ’das la blta ba daṅ bsñen bkur bya ba’i (4) phyir ñe bar ’gro’o sñam mo || de nas sṅon chu srin lha’i bu rna cha gdu ba kor g-yo źi dri ma med pa thogs te | do śal daṅ se mo dos brgyan pa’i lus kyis lha’i ut+pa la daṅ | pad ma daṅ | ku mud daṅ | pad ma dkar po dag gis thub bkaṅ ste kha dog śin tu ’das pas mtshan (5) ma la bab pa daṅ | bcom ldan ’das ga la bder soṅ ste phyin nas | bcom ldan ’das la me tog dag gis mṅon par gtor te | bcom ldan ’das kyi źabs gñis la mgo bos phyag ’tshal nas mtha’ gcig tu ’dug pa daṅ | ’di ltar sṅon chu srin lha’i bu’i kha dog gi (6) mthus khaṅ pa brtsegs pa’i khaṅ bzaṅs thams cad snaṅ ba rgya chen pos khyab par gyur to || de nas bcom ldan ’das kyis sṅon chu srin lha’i bu’i bams pa daṅ | bag la ñal daṅ | khams daṅ | raṅ bźin thugs su chud nas gaṅ thos nas sṅon chu srin lha’i bus stam de (7) ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon sum du byas pa de lta bur ’phags pa’i bden pa bźi yaṅ dag par so sor rtogs par byed pa’i chos bstan pa mdzad do || des bden pa (176a1) mthoṅ nas btsun pa bcom ldan ’das kyis bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag (2) gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can (3) dmyal ba daṅ | dud ’gro daṅ | yi dgas dag ni rkaṅ pa phyuṅ | lha daṅ mi rnams kyi naṅ du ni bźag go | źes lan gsum ched du brjod pa ched du brjod do || yaṅ smras pa | 
. 
khyod mthus rab drag ñes pa maṅ ldan pa’i || ṅan soṅ śul bkag bsod nams rab ldan (4) pa’i ||
mtho ris ’gro ba phye źiṅ bdag gis ni || mya ṅan ’das pa’i śul yaṅ thob par gyur || 
. 
śin tu rnam dag khyod brten bdag gis ni || de riṅ skyon bral dag pa’i mig thob ciṅ ||
go ’phaṅ źi ba ’phags pa dgyes thob ste || sdu bsṅal rgya mtsho’i pha rol rgal (5) bar gyur || 
. 
’gro bar lha min mi daṅ lhas mchod pa || skye daṅ rga daṅ na mchi bral ba po ||
srid pa stoṅ du mthoṅ bar ba dkon pa || thub pa de riṅ khyod mthoṅ ’bras bu mchis || 
. 
de nas gduṅ byas do śal rab ’phyaṅs pas | źabs la phyag ’tshal raṅs pa skyes gyur (6) nas || dgra thul g-yas nas yoṅs su bskor byas te || lha yi ’jig rten mṅon phyogs mkha’ la soṅ || de nas sṅon chu srin lha’i bu tshoṅ pa khe spogs rñed pa lta bu daṅ | źiṅ pa lo thog ’byor pa lta bu daṅ | dpa’ bo g-yul las rnam par rgyal ba lta bu daṅ | nad pa (7) nad thams cad las yoṅs su thar ba lta bur gyur te | cha lugs gaṅ gis bcom ldan ’das kyi spyan sṅar ’oṅs pa’i cha lugs de ñid kyis raṅ gi gnas su soṅ ṅo || dge sloṅ dag nam gyi cha stoṅ daṅ nam gyi cha smad la mi ñal bar sbyor ba’i rjes su brtson par gnas pa de dag (176b1) gis bcom ldan ’das kyi spyan sṅar snaṅ ba rgya che na pos khyab par gyur pa mthoṅ ṅo || mthoṅ nas the tshom za ba’i yid kyis mtshan mo nam naṅs pa daṅ bcom ldan ’das la źus pa | bcom ldan ’das ci lags mdaṅ sum mi mjed kyi bdag po tshaṅs pa’am | lha’i (2) dbaṅ po brgya byin nam | ’jig rten skyoṅ ba bźi’am | lha’i bu ’byor pa che ba mthu che ba gźan źig bcom ldan ’das la blta ba’i slad du ñe bar mchis sam | bcom ldan ’das kyis bka’ stsal pa | dge sloṅ dag mi mjed kyi bdag po tshaṅs pa la blta ba’i phyir (3) ñe bar ’oṅs pa yaṅ ma yin | lha’i dbaṅ po brgya byin yaṅ ma yin | ’jig rten skyod ba bźi yaṅ ma yin | lha’i bu ’byor pa che ba mthu che ba gźan ma yin te | dge sloṅ dag ’di ltar khyed kyi saṅs chu srin ña’i rigs gaṅ la tshig gsum gyis tshaṅ bstan bde mthoṅ (4) ṅam | bcom ldan ’das mthoṅ ṅo || dge sloṅ dag de de nas śi ’phos te rgyal chen bźi pa’i lha rnams kyi naṅ du skyes nas de mdaṅ sum ṅa’i gan du ’oṅs te | ṅas de la chos bstan nas des bden pa mthoṅ ste raṅ gi gnas su soṅ ṅo || yaṅ dag skaṅ rnams kyis (5) bcom ldan ’das la źus pa | btsun pa sṅon chu srin lha’i bus las ci bgyis na des rgyal chen bźi pa’i lha rnams kyi naṅ du skyes par gyur | las ci bgyis na des bcom ldan ’das kyi sbyan sṅar bden pa mthoṅ bar bgyis | bcom ldan ’das kyis bka’ stsal pa | dge (6) sloṅ dag sṅon chu srin lha’i bu ñid kyis las tshogs rñed pa | rkye na yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags pas | sṅon chu srin lha’i bus las byas śiṅ bsags pa dag gźan su źig gis (7) ñams su myoṅ bar ’gyur || dge sloṅ dag las byas śiṅ bsags pa dag na phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur | rluṅ gi khams la mi ’gyur te | ’di ltar las dge ba daṅ mi dge ba byas śiṅ (177a1) bsags pa dag ni zin pa’i phuṅ bo daṅ | khams daṅ | skye mched dag kho na la rnam par smin par ’gyur ro || las rnams bskal pa brgyad yaṅ ni || chud mi za ba ’aṅ tshogs daṅ dus || rñed na lus can rnams la ni || ’bras bu dag tu ’gyur ba ñid || (2) dge sloṅ dag skyes nas myoṅ bar ’gyur bźi las kyaṅ yod || lan graṅs gźan la myoṅ bar ’gyur ba’i las kyaṅ yod do || skyes nas myoṅ bar ’gyur ba’i las gaṅ źe na | ’dis chu srin du gyur pa na ṅa la sems mṅon par dad par byas pa gaṅ yin pa de ni skyes nas myoṅ bar (3) ’gyur ba’i las źes bya ste | de’i rnam par smin pas rgyal chen bźi pa’i lha rnams kyi naṅ du skyes par gyur to || lan graṅs gźan la myoṅ bar ’gyur ba’i las gaṅ źe na | ser skyas yaṅ dag par rdzogs pa’i saṅs rgyas ’od sruṅ gi bstan pa la rab tu byuṅ ba daṅ || luṅ phog pa daṅ (4) bklags pa daṅ | kha ton byas pa daṅ | phuṅ po la mkhas pa daṅ | khams la mkhas pa daṅ | skye mched la mkhas pa daṅ | rten ciṅ ’brel par ’byuṅ ba la mkhas pa daṅ | gnas daṅ gnas ma yin pa la mkhas par byas pa gaṅ yin pa de ni lan graṅs gźan la myoṅ (5) bar ’gyur ba’i las źes bya ste | las de’i tshogs kyi dṅos pos da ltar lha’i bur gyur pas ṅa’i sbyan sṅar bden pa mthoṅ bar byas so || dge sloṅ dag de ltar na lags gcig tu gnag pa rnams kyi rnam par smin pa ni gcig tu gnas pa yin la | las gcig tu dkar ba rnam kyi rnam (6) bar smin pa yaṅ gcig tu dkar ba yin | las ’dren ma rnams kyi rnam par smin pa yaṅ ’dren ma yin no || dge sloṅ dag de lta bas na lag gcig tu gnag pa rnams daṅ ’dren ma rnams spaṅs te | las gcig tu dkar ba rnams la brtsal bar bya ste | dge sloṅ dag khyed (7) gyis de ltar bslab par bya’o || bcom ldan ’das kyis de skad ces bka’ stsal nas | dge sloṅ de dag bcom ldan ’das kyis gsuṅs pa la mṅon par stod do || || ’dul ba rnam par ’byed pa | bam po bcug gsum pa | de nas rigs kyi bu lṅa brgya po de dag (177b1) ’di sñam du sems te | śes ldan dag re źig chos sgrog pa ser skya de sde snod gsum daṅ ldan pa | rigs pa daṅ grol ba’i spobs pa can du gyur te srog chags brgya stoṅ phrag tu mdag gi rna ba’i sbubs dag tshim par byas nas | ṅag gis ñes par sbyaṅ pa tsam gyis dud ’gro’i skye gnas (2) ṅan par skyes par gyur na | bdag cag da ltar drag śul can | lag pa dmar ba | snun pa daṅ rab tu snun pa la źugs pa | gźan gyi srog ’phrog pa | gźan gyi srog gcod du ’jud pa | gźan gyi srog gcod pas ’tsho bar byed pa dag yin pas | bdag cag ’di nas (3) śi ’phos pa rnams kyi ’gro ba ni cir ’gyur | skye ba ni cir ’gyur | tshe phyi ma ni cir ’gyur | gal te bdag cag rigs dma’ bar skyes par ma gyur na | bdag cag gis kyaṅ legs par gsuṅs pa’i chos ’dul ba la rab tu ’byuṅ źiṅ chu bo rnams las rgal bar bya ba (4) daṅ sbyor ba rnams las yaṅ dag par ’da’ bar bya ba’i phyir spro bar bya | ’bad par bya | brtsal bar bya ba źig na sñam mo || saṅs rgyas bcom ldan ’das gson źiṅ bźugs te ’tsho źiṅ gźes pa rnams kyi chos ñid ni gdul bar gyur ba’i skye bo la thugs brtse bas ñin lan (5) gsum mtshan lan gsum saṅs rgyas kyi sbyan gyis ’jig rten la rnam par gzigs par mdzad do || ñan thos chen po rnams kyaṅ de bźin pas tshe daṅ ldan pa śā ri’i bus ñan thos kyis mig gis ’jig rten la rnam par bltas pa na rigs kyi bu lṅa brgya po de dag śin tu yid lag cags (6) śiṅ la ’phags ’gram pa gtad de sems khoṅ du chud ciṅ ’khod pa dag mthoṅ ṅo || mthoṅ nas kyaṅ rigs kyi bu lṅa brgya po de dag ga la bder soṅ ste phyin nas de dag la ’di skad ces smras so || bźin bzaṅs dag khyed cag ci’i phyir lag pa la ’gram pa gtad de sems soṅ (7) du chud ciṅ ’khod | de dag gis smras pa | ’phags pa ’di ltar chos sgrog pa ser skya de sde snod gsum daṅ ldan pa rigs pa daṅ grol ba’i spobs pa can du gyur te srog chags brgya stoṅ phrag du ma dag gi rna ba’i sbubs dag tshim par bgyis na | ṅag gis ñes par spyad btsam gyis (178a1) dud ’gro’i skye gnas ṅan par skyes par gyur na | bdag cag da ltar drag śul can | sug pa dmar ba | snun pa daṅ rab tu snun pa la źugs pa | gźan gyi srog ’phrog pa | gźan gyi srog gcod du stsol pa | gźan gyi srog gcod du stsol pa | gźan gyi srog gcod pas ’tsho bar bgyid (2) pa dag lags pas bdag cag ’di nas śi ’phos pa rnams kyis ’gro ba ni cir ’gyur | skye ba ni cir ’gyur | tshe phyi ma ni cir ’gyur | gal te bdag cag rigs dma’ bar skyes par ma gyur na | bdag cag gis kyaṅ legs par gsuṅs pa’i chos ’dul ba la rab tu ’byuṅ źiṅ | (3) chu bo rnams las rgal bar bgyi ba daṅ | sbyor ba rnams las yaṅ dag par ’da’ bar bgyi ba’i slad du spro bar bgyi | ’bad par bgyi | brtsal bar bgyi bźig na sñam pas bdag cag ji ltar sems khoṅ du chud ciṅ mi mchis su ruṅ | bźin bzaṅs dag thub pa’i dbaṅ po’i gsuṅ (4) rab ’di la ni rigs gces pa ma yin | khyim gces pa ma yin | rus gces pa ma yin gyi | thub pa’i dbaṅ po’i gsuṅ rab ’di la ni sgrub pa gces pa yin no || yaṅ smras pa | de bźin gśegs rnams rigs daṅ ni || khyim daṅ rus dag rtog mi mdzad || yun riṅ (5) byas par gyur kyaṅ ni || las rnams la ni yoṅs rtog mdzad || gal te khyed cag legs par gsuṅs pa’i chos ’dul ba la rab tu ’byuṅ ba daṅ bsñen par rdzogs pa dge sloṅ gi dṅos po ’dod na tshur śeg | yu bu cag bcom ldan ’das gal ba der ’doṅ ba daṅ | bcom ldan ’das (6) kyis khyed cag rab tu ’byin par ’gyur ro || ’apagasa pa legs te | gal te de lta na bdag cag bcom ldan ’das kyi spyan sṅar rab tu ’byuṅ du mchi’o || de nas tshe daṅ ldan pa śā ri’i bus rigs kyi bu lṅa ba rgya po de dag khrid nas bcom ldan ’das ga la ba der soṅ ste phyin pa daṅ | bcom (7) ldan ’das kyi źabs la mgo bos phyag ’tshal te mtha’ gcig tu ’dug go || mtha’ gcig tu ’dug nas tshe daṅ ldan pa śā ri.i’i bus bcom ldan ’das la ’di skad ces gsol to || btsun pa rigs kyi bu lṅa brgya po ’di dag legs par gsuṅs pa’i chos ’dul ba la rab tu ’byuṅ ba daṅ (178b1) bsñen par rdzogs pa dge sloṅ gi dṅos po ’tshal na | bcom ldan ’das kyis thugs brtse ba’i slad du ’di dag rab tu dbyuṅ du gsol | bsñen par rdzogs par mdzad du gsol | bcom ldan ’das kyis de dag la dge sloṅ tshur śog ces pas rab tu phyuṅ źiṅ dge sloṅ dag (2) tshur śog tshaṅs par spyad pa spyod cig ces bka’ stsal pa daṅ | de dag bcom ldan ’das kyi ba’i mjug kho nar skra byi ba daṅ snam sbyar gyon par gyur te | skra daṅ kha spu źag bdun skyes pa tsam daṅ | lag pa lhuṅ bzed daṅ bya ma bum gyis brel ba daṅ | dge sloṅ bsñen (3) par rdzogs nas lo brgya lon pa’i spyod lam lta bur gnas par gyur to || yaṅ smras pa | de bźin gśegs pas tshur śog bka’ stsal pas || skra byi snam sbyar gyon pa’i lus ldan źiṅ ||
mdo la dbaṅ po rab źir gnas gyur te || saṅs rgyas dgoṅs pas lus (4) gzugs bka’ par gyur || de nas bcom ldan ’das kyis rigs kyi bu lṅa brgya po de dag rab tu phyuṅ bsñen par rdzogs par mdzad nas yaṅs pa can du ci dgyes par bźugs te | ’od ma can gyi groṅ ga la ba der rgyu źiṅ gśegs pas mthar gyis rgyu źiṅ gśegs pa na ’od ma (5) can gyi groṅ du byon nas ’od ma can gyi groṅ na groṅ gi byaṅ phyogs śiṅ śa ba’i tshal na bźugs so || de’i tshe na mu ge ñam ṅa ba dgon pa sloṅ mo pas zas rñed par dka’ źiṅ pham dag kyaṅ raṅ gi bu dag la zas sbyin pa daṅ bya bar sems pa dka’ na sloṅ mo pa dag la lta smos kyaṅ (6) ci dgos pa byuṅ ṅo || de nas bcom ldan ’das kyis dge sloṅ rnams la bka’ stsal pa | dge sloṅ dag da ltar mu ge ñam ṅa ba dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dag la zas sbyin pa daṅ bya bar sems pa dka’ na sloṅ mo pa dag la lta smos (7) kyaṅ ci dgos pa byuṅ gis | dge sloṅ dag khyed cag tshur sog la smos ’drin ji lta ba daṅ | phebs par smra ba ji lta ba dag | ’grogs bśes ji lta bas yaṅs pa can gyi ñen kor spoṅ byed kyi groṅ du dbyar gnas par khas loṅ śig | ṅa yaṅ ’od ma can gyi groṅ ’di ñid (179a1) du bsñen bkur ba dge sloṅ kun dga’ bo daṅ dbyar gnas par khas len gyis | thams cad ñid ni bsod sñoms kyis ñon moṅs par gyur na mi ruṅ ṅo || dge sloṅ de dag gis btsun pa bka’ bźin ’tshal źes bcom ldan ’das las mñan nas smon ’grin (2) ji lta ba daṅ | phebs par smra ba ji lta ba daṅ | ’grogs bśes ji lta bas yaṅs pa can gyi ñen kor spoṅ byed kyi groṅ du dbyar gnas par khas blaṅs so || bcom ldan ’das kyaṅ ’od ma can gyi groṅ de ñid du bsñen bkur ba tshe daṅ ldan pa kun dga’ bo daṅ dbyar gnas par źal (3) gyis bźes so || de nas dge sloṅ lṅa brgya po de dag ’di sñam du sems te | tshe daṅ ldan pa dag śes par gyis śig | bcom ldan ’das kyis ’di skad ces | dge sloṅ dag da ltar mu ge ñam ṅa ba dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dag la zas (4) sbyin ba daṅ bya bar sems pa dka’ na sloṅ mo pa dag la lta smos kyaṅ ci dgos pa dag byuṅ gis | dge sloṅ khyed cag tshur śeg la | smos ’drin ji lta ba daṅ | ’grogs bśes ji lta bas yaṅs pa can gyi ñen kor spoṅ byed kyi groṅ du dbyar gnas par (5) khas loṅ śig | ṅa yaṅ ’od ma can gyi groṅ ’di ñid du bsñen bkur ba dge sloṅ kun dga’ bo daṅ dbyar gnas par khas len gyis | thams cad ñid ni bsod sñoms kyis ñon mosaṅasa par gyur na mi ruṅ ṅo źes bka’ stsal na | ’di na bdag cag la ñe du ’ga’ yaṅ med de ña pa’i (6) groṅ na bdag cag gi ñe du dag ’khod kyis bdag cag ña pa’i groṅ du doṅ ste ñe du rnams bltas nas ña pa’i groṅ gi ñen kor du lo ma daṅ ’dab ma’i sbyil bu dag byas te dbyar gnas bar khas blaṅ bar bya gor ma chag sñam mo || de nas dge sloṅ lṅa brgya po de dag ña pa’i groṅ du doṅ ste ñe du dag la (7) bltas nas ña pa’i groṅ gi ñen kor du lo ma daṅ ’dab ma’i sbyil bu dag byas te dbyar gnas par khas blaṅs so || de dag ’di sñam du sems te | tshe daṅ ldan pa dag śes par gyis śig | bcag cag ni thos pa ñuṅ du daṅ ldan pa dag yin pas bdag cag gi ñe du dag ñe bar ’oṅ (179b1) bar gyur na | bdag cag gis ñe bar ’oṅs pa de dag la chos ston par mi nus kyis | bdag cag gis ñe du ’oṅs pa dag la ñe du dag khyed cag gaṅ dag gi groṅ tshigs na dge sloṅ gi dge ’dun ’di ’di ltar dbyar gnas par khas blaṅs par gyur pa’i ñe du de dag gis ni rñed pa legs (2) par rñed pa yin te | dge sloṅ ’di ni mi rtag pa’i ’du śes daṅ | mi rtag pa la sdug bsṅal ba’i ’du śes daṅ | sdug bsṅal ba la bdag med pa’i ’du śes daṅ | zas la mi mthun pa’i ’du śes daṅ | ’jig rten thams cad la mṅon par mi dga’ ba’i ’du śes (3) daṅ | ñes dmigs kyi ’du śes daṅ | spoṅ ba’i ’du śes daṅ | ’dod chags daṅ bral ba’i ’du śes daṅ | ’gog pa’i ’du śes daṅ | ’chi ba’i ’du śes daṅ | mi sdug pa’i ’du śes daṅ | rnam par sṅos pa’i ’du śes daṅ | rnam par rnags pa’i ’du śes (4) daṅ | rnan par bam pa’i ’du śes daṅ | rnam par ’bus gźigs pa’i ’du śes daṅ | rnam par zos pa’i ’du śes daṅ | rnam par dmar ba’i ’du śes daṅ | rnam par ’thor ba’i ’du śes daṅ | rus goṅ gi ’du śed daṅ | stoṅ pa ñid du so sor rtog pa’i (5) ’du śes thob pa yin no || dge sloṅ ’di ni bsam gtan daṅ po daṅ | gñis pa daṅ | gsum pa daṅ | bźi pa daṅ | byams pa daṅ | sñiṅ rje daṅ | dga’ ba daṅ | btaṅ sñoms daṅ | nam mkha’ mtha’ yas skye mched daṅ | rnam śes mtha’ yas skye (6) mched daṅ | ci yaṅ med pa’i skye mched daṅ | ’du śes med ’du śes med min skye mched daṅ | rgyun du źugs pa’i ’bras bu daṅ | lan gcig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | rdzu ’phrul gyi yul daṅ | lha’i rna ba daṅ | sems yoṅs (7) su śes pa daṅ | sṅon gyi gnas daṅ | ’chi ’pho daṅ skye ba daṅ | zag pa zad pa thob pa yin no || dge sloṅ ’di ni dgra bcom pa rnam par thar pa brgyad la bsam gtan pa yin no || dge sloṅ ’di ni dgra bcom pa rnam par thar pa brgyad la bsam gtan pa yin no || dge sloṅ ’di ni gñi ga’i cha las rnan par grol ba yin no źes gcig gis gcig gi yon (180a1) tan bsgrags par bya gor ma chag sñam mo || de dag gi ñe du dag ñe bar ’oṅs par gyur nas | de dag gis ñe du ñe bar ’oṅs pa de dag la gcig gis gi yon tan bsgrag par brtsams te | ñe du dag khyed cag gaṅ dag gi groṅ tshigs na dge sloṅ gi dge (2) ’dun yon gyi gnas ’di lta bu dbyar gnas par khas blaṅs par gyur pa’i ñe du de dag gis ni rñed pa yin te | dge sloṅ ’di ni mi rtag pa’i ’du śes daṅ | mi rtag pa la sdug bsṅal ba’i ’du śes daṅ | sdug bsṅal ba la bdag med pa’i ’du śes daṅ | (3) thas la mi mthun pa’i ’du śes daṅ | ’jig rten thams cad la mṅon par mi dga’ ba’i ’du śes daṅ | ñes dmigs kyi ’du śes daṅ | spoṅ ba’i ’du śes daṅ | ’dod chags daṅ bral ba’i ’du śes daṅ | ’gog pi ’du śes daṅ | ’chi ba’i ’du śes daṅ | mi (4) sdug pa’i ’du śes daṅ | rnam par sṅos pa’i ’du śes daṅ | rnam par rnags pa’i ’du śes daṅ | rnam par bam pa’i ’du śes daṅ | rnam par ’bus gźigs pa’i ’du śes daṅ | rnam par zos pa’i ’du śes daṅ | rnam par dmar ba’i ’du śes daṅ | rnam par (5) ’thor ba’i ’du śes daṅ | rus goṅ gi ’du śes daṅ | stoṅ pa ñid du so sor rtog pa’i ’du śes thob pa yin no || dge sloṅ ’di ni bsam gtan daṅ po daṅ | gñis pa daṅ | gsum pa daṅ | bźi pa daṅ | byams pa daṅ | sñiṅ rje daṅ | dga’ ba daṅ | btaṅ sñoms daṅ | (6) nam mkha’ mtha’ yas skye mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched daṅ | rgyu na du źugs pa’i ’bras bu daṅ | lan gcig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | rdzu (7) ’phrul gyi yul daṅ | lha’i rna ba daṅ | sems yoṅs su śes pa daṅ | sṅon gyi gnas daṅ | ’chi ’pho daṅ | skye ba daṅ | zag pa zad pa thob pa yin no || dge sloṅ ’di ni dgra bcom pa rnam par thar pa brgyad la bsam gtan pa yin no || dge sloṅ ’di ni gñi ga’i cha las rnam (180b1) bar grol ba yin no || de dag gis smras pa | ’phags pa dag khyed kyis yon tan gyi chogs de lta bu dag thob bam | thob bo || ’jig rten ni yon tan la dga’ ba yin pas re źig raṅ gi bu dag las kyaṅ phrogs te | de dag la bsod sñoms sbyin pa daṅ bya bar sems so || saṅs (2) rgyas bcom ldan ’das gson źiṅ bźugs te ’tsho źiṅ gźes pa rnams chos ñid kyis ñan thos rnams kyi ’dus pa chen po gñis yod de | gcig ni dbyar zla ’briṅ po’i ña la dbyar ñe bar sgru pa pa’i tshe’o || gñis pa ni ston zla ’briṅ po’i zla ba ña la’o || de la gaṅ dag dbyar zla ’briṅ (3) po’i ña la dbyar ñe bar sgrub pa’i tsheg dmas ṅag mnos te | groṅ daṅ | groṅ rdal daṅ | yul ’khor daṅ | rgyal po’i pho braṅ dag tu dbyar gnas par khas len pa de dag ni ston zla ’briṅ po’i zla ba ña la lhags nas ji ltar thob pa ni rjod par byed | ma thob pa ni thob par bya ba’i phyir (4) ’og tu ’dri bar byed do || de nas dge sloṅ gaṅ dag yaṅs pa can gyi ñen kor spoṅ byed kyi groṅ du dbyar gnas par khas blaṅs bde dag dbyar gyi zla ba gsum po dag ’das nas chos gos byas pa daṅ ldan | chos gos zin pa daṅ ldan źiṅ rid pa daṅ | ñam chuṅ ba daṅ | rke ba daṅ | (5) skam pa daṅ | lus mthob pas lhuṅ bzed daṅ chos gos thogs te | ’od ma can gyi groṅ gal bder rgyu źiṅ ’doṅ ba na mthar gyis rgyu źiṅ ’doṅ ba’i tshe ’oṅ ma can gyi groṅ du phyin pa daṅ | tshe daṅ ldan pa kun dga’ bos dge sloṅ rab tu maṅ pod dag thag riṅ po kho na nas mthoṅ ṅo || (6) mthoṅ nas kyaṅ tshaṅs pa mtshuṅs par spyod pa la mñes gśin pas bśes pa daṅ bcas pa ñid kyi tshig gis bsu nas lhuṅ bzed daṅ | chos gos daṅ || bar bar ṅa | gtur bu daṅ | ril pa spyi blugs daṅ | ril pa sbyi blugs daṅ | ’bru mar snod daṅ | źwa daṅ | lha ma yu chad daṅ | mchi la (7) lham len par byed cid ’di skad ces kyaṅ smras so || tsha daṅ ldan pa dag chur śeg ’oṅs pa legs so || tshe daṅ ldan pa dag khyed tsag gaṅ nas da ltar ’dir ’oṅs | khyed cag gaṅ du dbyaṅ gnas par khas blaṅs | tshe daṅ ldan pa kun dga’ bo bdag cag spoṅ byed kyi groṅ nas (181a1) ’dir ’oṅs so || bdag cag spoṅ byed kyi groṅ du dbyar gnas par khas blaṅs so || tshe daṅ ldan pa dag ji ltar spod byed kyi groṅ du pade ba la reg par dbyar gnas par khas blaṅs sam | khyed cag bsod sñoms kyis ṅal bar ma gyur tam | tshe daṅ ldan pa (2) kun dga’ bo bdag cag spoṅ byed kyi groṅ du te por bde ba la reg par dbyar gnas par khas blaṅs mod kyi bdag cag bsod sñoms kyis ṅal bar gyur to || tshe daṅ ldan pa dag de kho na ltar snaṅ ste ’di ltar bsod sñoms kyis brel bas rid pa daṅ | ñam chuṅ ba daṅ | rke ba daṅ | (3) skom pa daṅ | lus ma thob pa daṅ | pags pa daṅ | śa daṅ | khrag bri bar gyur to || dge sloṅ gaṅ dag ña pa’i groṅ gi ñen kor du dbyar gnas par khas blaṅs pa de dag kyaṅ dbyar gyi zla ba gsum po dag ’das nas chos gos byas pa daṅ ldan | chos gos zin pa daṅ ldan źiṅ (4) tsho ba daṅ | pags pa daṅ | śa daṅ | khrag rgyas pas lhuṅ bzed daṅ | chos gos thogs te ’od ma can gyi groṅ ga la ba der rgyu źiṅ ’dod ba na | mthar gyis rgyu źiṅ ’doṅ ba’i tshe ’od ma can gyi groṅ du phyin pa daṅ | tshe daṅ ldan pa kun dga’ bos dge sloṅ rab tu maṅ po de (5) dag thag riṅ po kho na nas mthoṅ ṅo || mthoṅ nas kyaṅ tshaṅs pa mtshuṅs par spyod pa la mñes gñin pas bśes pa daṅ bcas pa ñid kyi tshig gis bsu nas lhuṅ bzed daṅ | chos gos daṅ | gtur bu daṅ | ril pa spyi blugs daṅ | ’bru mar snod (6) daṅ | źwa daṅ | lham yu chad daṅ | mchil lham len par byed ciṅ ’di skad ces kyaṅ smras so || tshe daṅ ldan pa dag tshur śeg | ’oṅs pa legs so || tshe daṅ ldan pa dag khyed cag gaṅ nas da ltar ’dir ’oṅs | khyed cag dbyar gaṅ du gnas par khas blaṅs (7) tshe daṅ ldan pa kun dga’ bo bdag cag ña pa’i groṅ nas ’dir ’oṅs so || bdag cag ña ba’i groṅ du dbyar gnas par khas blaṅs so || tshe daṅ ldan pa dag ji ltar ña pa’i groṅ du bde ba la reg par dbyar gnas par khas blaṅs sam | khyed cag bsod sñoms kyis ṅal bar (181b1) ma gyur tam | tshe daṅ ldan pa kun dga’ bo bdag cag ña pa’i groṅ du te bor bde ba la reg par dbyar gnas par khas blaṅs te | bdag cag bsod sñoms kyis kyaṅ ṅal bar ma gyur to || tshe daṅ ldan pa dag de kho na ltar snaṅ ste | ’di ltar bsod sñoms kyis brel ba med pas tsho (2) ba daṅ | phags pa daṅ | śa daṅ | khrag rgyas par gyur to || tshe daṅ ldan pa dag da ltar mu ge ñam ṅa ba | dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dag la zas sbyin pa daṅ | bya bar sems pa dka’ na sloṅ mo pa dag la lta smos kyaṅ ci dgos pa byuṅ na (3) ’dir tshe daṅ ldan pa khyed cag bsod sñoms kyis brel ba med par gyur pa’i rgyu ni gaṅ yin rkyen ni gaṅ yin | tshe daṅ ldan pa kun dga’ bo bdag cag gis ñe du rnams kyi mdun du gcig gis gcig gi yon tan bsgrag par byas te | dge sloṅ ’di ni mi rtag pa’i ’du śes daṅ | mi rtag (4) pa la sdug bsṅal ba’i ’du śes daṅ | sdug bsṅal ba la bdag med pa’i ’du śes daṅ | zas la mi mthun pa’i ’du śes daṅ | ’jig rten thams cad la mṅon par mi dga’ ba’i ’du śes daṅ | ñes damagisa kyi ’du śes daṅ | spoṅ ba’i ’du śes daṅ | ’dod chags (5) daṅ bral ba’i ’du śes daṅ | ’gog pa’i ’du śes daṅ | ’chi ba’i ’du śes daṅ | mi sdug pa’i ’du śes daṅ | rnam par sṅos pa’i ’du śes daṅ | rnam par rnags pa’i ’du śes daṅ | rnam par bam pa’i ’du śes daṅ | rnam par ’bus gźigs pa’i ’du śes (6) daṅ | rnam par zos pa’i ’du śes daṅ | rnam par dmar ba’i ’du śes daṅ | rnam par ’thor ba’i ’du śes daṅ | rus goṅ gi ’du śes daṅ | rus goṅ gi ’du śes daṅ | stoṅ pa ñid du so sor rtog pa’i ’du śes thob pa yin no || dge sloṅ ’di ni bsam gtan daṅ po daṅ | gñis pa daṅ | (7) gsum pa daṅ | bźi pa daṅ | byams pa daṅ | sñiṅ rje daṅ | dga’ ba daṅ | btaṅ sñoms daṅ | nam mkha’ mtha’ yas skye mched daṅ | rnam śes mtha’ yas skye mched daṅ | ce yaṅ med pa’i skye mched daṅ | ’du śes med ’du śes med min skye mched daṅ | (182a1) rgyun du źugs pa’i ’bras bu daṅ | lan gcig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | rdzu ’phrul gyi yul daṅ | lha’i rna ba daṅ | sems yoṅs su śes pa daṅ | sṅon gyi gnas daṅ | ’chi ’pho daṅ | skye ba daṅ | zag pa (2) zad pa thob pa yin no || dge sloṅ ’di ni dgra bcom pa rnam par thar pa brgyad la bsam gtan pa yin no || dge sloṅ ’di ni gñi ga’i cha las rnam par grol ba yin no źes gcig gis gcig gi yon tan bsgags pa byas so || ci yaṅ dag pas sam | yaṅ dag pa ma yin (3) bas yaṅ dag pa ma yin pas so || khyed cag zaṅ ziṅ cuṅ zad tsam gyi phyir mi’i chos bla ma med la med bźin du smrar ruṅ ṅam | ruṅ yaṅ srid mi ruṅ yaṅ srid de || ’di ltar bdag cag gis ni smras so || dge sloṅ don ñuṅ du dag ci’i phyir dge sloṅ dag zaṅ ziṅ cuṅ zad tsam (4) gyi phyir mi’i chos bla ma med la med bźin du smra bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs (5) ’di la dge sloṅ gi dge ’dun bsdu ba mdzad do || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa sṅa ma bźin no || saṅs rgyas bcom ldan ’das kyis chu kluṅ yid ’oṅ ldan gyi ’gram na gnas pa’i dge sloṅ rnams la rmas (6) pa | dge sloṅ dag khyod kyis zad ziṅ zad tsam gyi phyir mi’i chos bla ma med la med bźin du smras pa bden nas | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa rjes su mun pa ma yin pa | ruṅ ba ma yin pa | tshul daṅ bdun pa (7) ma yin pa de ni rab tu byuṅ bas bya ba ma yin no źes rnam par smad do || dge sloṅ dag gsum po ’di dag ni ’jig rten na yod ciṅ srid pa’i rkun po rkun po chen po yin te | gsum gaṅ źe na | dge sloṅ dag ’di la rkun po ’khor brgya daṅ ldan pa’am | ’khor stoṅ daṅ ldan (182b1) pa de brgya ’am stoṅ gi mdun du soṅ ste | khyim ’bugs par byed | mdud pa ’grol bar byed | ril gyis ’phrog par byed | lam sgrugs śiṅ ’dug par byed | me gtoṅ bar byed | lam pa ’joms par byed | rgyal po’i mdzod rku bar byed | groṅ ’joms par byed | (2) groṅ khyer ’joms par byed | yul ’joms par byed pa de ni dge sloṅ dag ’jig rten na yod ciṅ srid pa’i rkun po rkun po chen po daṅ po yin no || dge sloṅ dag gźan yaṅ rkun po rkun po chen po ’khor brgya dag ldan pa yaṅ ma yin | ’khor stoṅ daṅ yaṅ ldan pa ma yin la | de brgyam | (3) stoṅ gi mdun du soṅ ste | khyim ’bugs par mi byed | mdud pa ’grol bar mi byed | ril gyis ’phrog bar mi byed | lam sgugs śiṅ ’dug par mi byed | me gtoṅ bar mi byed | lam pa ’joms par mi byed | rgyal po’i mdzod rku bar mi byed | groṅ ’joms par mi (4) byed | groṅ khyed ’joms par mi byed | yul ’joms par mi byed mod kyi | ’on kyaṅ dge ’dun gyi rtswa ’am | śiṅ ṅam | me tog gam | ’bras bu’am | ’od ma’am | gźal ba gaṅ yaṅ ruṅ ba de btsoṅs śiṅ btsoṅs śiṅ ’tsho bar byed pa daṅ | des khyim mi gso (5) bar byed pa ’di ni ’jig rten na yod ciṅ srid pa’i rkun po rkun po chen po gñis pa yin no || dge sloṅ dag gźan yaṅ rkun po chen po ’khor brgya daṅ ldan pa yaṅ ma yin | ’khor stoṅ daṅ ldan pa yaṅ ma yin la | de brgya’am | stoṅ gi mdun du soṅ ste | khyim ’bugs par (6) mi byed | mdud pa ’grol bar mi byed | ril gyis ’phrog par mi byed | lam sgugs śiṅ ’dug par mi byed | me gtoṅ bar mi byed | lam pa ’joms par mi byed | rgyal po’i mdzod rku bar mi byed | groṅ ’joms par mi byed | groṅ ’joms par mi byed | groṅ khyer ’joms par mi byed | (7) yul ’joms par mi byed | dge ’dun gyi rtswa’am | śiṅ ṅam | me tog gam | ’bras bu’am | ’od ma’am | gźal ba gaṅ yaṅ ruṅ ba des btsoṅs śiṅ btsoṅs śiṅ ’tsho bar mi byed | des khyim mi gso bar mi byed mod kyi | ’on kyaṅ mi’i chos bla ma med la med bźin (183a1) du smra bar byed pa ’di ni ’jig rten na yod ciṅ srid pa’i rkun po rkun po chen po gsum pa yin no || dge sloṅ dag rkun po rnams kyi naṅ na rkun po gaṅ ’khor brgya daṅ ldan pa’am | ’khor stoṅ daṅ lban pa’am | brgya ’am stoṅ gi mdun du soṅ ste | khyim ’bugs (2) par byed | mdud pa ’grol bar byed | ril gyis ’phrog par byed | lam sgugs śiṅ ’dug par byed | me gtoṅ bar byed | lam pa ’joms par byed | rgyal po’i mdzod rku bar byed | groṅ ’joms par byed | groṅ khyer ’joms par byed | yul ’joms (3) bar byed pa de ni cuṅ zad tsam yin no || rkun po rnams kyi naṅ rkun po gaṅ dge ’dun gyi rtswa’am | śiṅ ṅam | me tog gam | ’bras bu’am | ’od ma’am | gźal ba gaṅ yaṅ ruṅ ba de btsoṅs śiṅ btsoṅs śiṅ ’tsho bar byed pa daṅ | des khyim mi gso bar byed pa de (4) yaṅ cuṅ zad tsam yin no || dge sloṅ dag rkun po rnams kyi naṅ na gaṅ mi’i chos bla ma med la med bźin du smra bar byed pa de ni ’jig rten lha daṅ bcas pa | bdud daṅ bcas pa | tshaṅs pa daṅ bcas pa | dge sbyoṅ daṅ bram zer bcas pa’i skyed dgu daṅ | lha daṅ mir bcas (5) pa’i naṅ na rkun po rkun po chen po yin no || bcom ldan ’das kyis de skad bka’ stsal te | bde bar gśegs pas de skad gsuṅs nas | ston pas gźan yaṅ ’di skad ces bka’ stsal to || ’di na gaṅ źig dgra bcom ma gyur par | bdag ñid dgra bcom yin źes rjod (6) byed pa || de ni tshaṅs bcas ’jig rten rkun po ste || tshul khrims ’chal pa yin par brjod par bya || de nas bcom ldan ’das kyis rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas na pa na yon bcu yaṅ dag par gzigs (7) pas ṅas ’dul ba la ñan thos rnams kyi bslab pa’i gźi bca’ bar bya ste | dge ’dun bsdu ba’i phyir źes bya ba nas | ṅa’i tshaṅs par spyod pa skye bo maṅ bo la phan pa yaṅs par gyur ba lha daṅ mi’i bar la yaṅ dag par rab tu bstan pa yun riṅ du gnas par bya ba’i phyir źes bya ba’i (183b1) bar sṅa ma bźin no || [(bm :: 4 :: Śikṣāpada)]ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ mṅon par mi śes śiṅ yoṅs su mi śes la | mi’i chos bla ma mtha’ daṅ | ’phags pa daṅ bye brag thob pa daṅ | śes pa daṅ | mthoṅ ba daṅ | reg par (2) sbyod pa med la med bźin du ’di śes so || ’di mthoṅ ṅo źes khas ’ches pa las | de ltuṅ ba byuṅ ba rnam par dag par ’dod nas dus gźan źig na dris kyaṅ ru ma dris kyaṅ ruṅ | ’di skad ces tshe daṅ ldan pa dag bdag gis ni mi śes par śes so źes smras | ma mthoṅ bar mthoṅ ṅo (3) źes smras te | gsob gsog brdzun du smras so źes zer na | dge sloṅ de yaṅ pham par gyur pa yin gyis gnas par mi bya’o źes bcom ldan ’das kyis ’du la ba la ñan thos rnams kyi bslab pa’i gźi bca’ ba mdzad do || dge sloṅ rab tu maṅ po gnas mal dgon pa nags khrod daṅ | (4) ri druṅ daṅ | bas mtha’ dag na rnal ’byor gyi rjes su brtson par gnas pa dag gis źi gnas kyi rgyu mtshan raṅ gi mtshan ñid ’dzin pa caṅ zad cig la brten nas ’jig rten pa’i yid la byed pas ñon moṅs pa dag rnam par mnan pas des na ’dod pa la ’dod chags pa daṅ | gnod sems dag de (5) dag gi rgyud la kun du mi ’byuṅ nas de’i ’og tu de dag gis gcig la gcig tshe daṅ ldan pa dag śes par gyis śig | dgon pa pa dag gis thob par bya ba gaṅ yin pa de bdag cag gis thob ste | bdag cag skye ba ni zad | tshaṅs par spyad pa ni bsten | bya ba ni byas srid pa ’di las (6) gźan ni mi śes kyis | tshur śeg bdag cag gnas mal dgon pa dag btaṅ ste | gnas mal groṅ mtha’ ba dag tu ’jug par bya’o źes brjod nas | de dag gis gnas mal dgon pa dag btaṅ ste | gnas mal groṅ mtha’ ba dag tu źugs pa daṅ | der de dag yaṅ daṅ (7) yaṅ du bud med kyi yul mthoṅ źiṅ kun dga’ rab ba’i dge tshul rnams daṅ | lhan cig ’dre źiṅ gnas pa dag la yaṅ ñon moṅs pa dag byuṅ bar gyur te | ’dod pa la ’dod chags daṅ || gnod sems dag rgyud la kun du byuṅ bar gyur nas de dag ’di sñam du sems te | che daṅ (184a1) ldan pa dag śes par gyis śig | bcom ldan ’das kyis ’dul ba la ñan thos rnams kyi bslab pa’i gźi ’di ltar bca’ ba mdzad de || yaṅ dge sloṅ gaṅ mṅon par mi śes śiṅ yoṅs su mi śes la mi’i chos bla ma mtha’ daṅ | ’phags pa daṅ bye brag (2) thob pa daṅ | śes pa daṅ | mthoṅ ba daṅ | reg par spyod pa med la med bźin du ’adi.i śes so || ’di mthoṅ ṅo źes khas ’ches pa las de ltuṅ ba byuṅ ba rnam par dag par ’dod nas dus gźan źig na dris kyaṅ ruṅ ma dris kyaṅ ruṅ | ’di skad ces tshe daṅ ldan pa dag bdag (3) gis ni mi śes par śes so źes smras | ma mthoṅ bar mthoṅ ṅo źes smras te | gsob gsog brdzun du smras so źes zer na dge sloṅ de yaṅ pham par gyur pa yin gyis gnas par mi bya’o || źes bca’ ba mdzad na | bdag cag gnas mal dgon pa nags khrod daṅ | ri (4) druṅ daṅ | bas mtha’ dag na gnas pa dag gis źi gnas kyi rgyu mtshan raṅ gi mtshan ñid ’dzin pa cuṅ zad cig la brten nas ’jig rten pa’i yid la byed pas ñon moṅs pa ṅag rnam par mnan pas ’dod pa la ’dod chags daṅ | gnod sems dag rgyud la kun tu mi ’byuṅ nas | (5) bdag cag gis gcig la gcig tshe daṅ ldan pa dag śes par gyis śig | dgon pa pa dag gis thob par bya ba gaṅ yin pa de bdag cag gis thob ste | bdag cag skya ba ni zad | tshaṅs par spyad pa ni bsten | bya ba ni byas | srid pa ’di las gźan ni mi śes kyis || (6) tshur śeg bdag cag gnas mal dgon pa dag btaṅ ste | gnas mal groṅ mtha’ bdag tu ’jug par bya’o źes brjod nas | bdag cag gis gnas mal dgon pa dag btaṅ ste | gnas mal groṅ mtha’ ba dag tu źugs pa daṅ | der bdag cag yaṅ daṅ yaṅ du bud (7) med kyi yul mthoṅ źiṅ | kun dga’ rab ba’i dge tshul rnams daṅ lham cig ’dre źiṅ gnas pa dag la yaṅ ñon moṅs pa dag byuṅ bar gyur te | ’dod pa la ’dod chags daṅ | gnod sems dag rgyud la kun du byuṅ bar gyur na | bdag cag la pham par gyur pa’i ltuṅ ba (184b1) byuṅ bar ma gyur tam | tshur śeg bdag cag tshe daṅ ldan pa kun dga’ bo ga la ba der doṅ źiṅ phyin nas | tshe daṅ ldan pa kun dga’ bo la don de yoṅs su dri bar bya ste | bdag cag la tshe daṅ ldan pa kun dga’ bos ji skad du luṅ ston par ’gyur bde kho na bźin du gzuṅ bar bya’o (2) sñam nas | de dag tshe daṅ ldan pa kun dga’ bo gal ba der doṅ ste phyin nas | tshe daṅ ldan pa kun dga’ bo la ’di skad ces smras so || tshe daṅ ldan pa kun dga’ bo mkhyen par mdzod cig | bcom ldan ’das kyis ’dul ba la ñan thos rnams kyi bslab pa’i gźi ’di ltar (3) bca’ mdzad de | yag dge sloṅ gaṅ mṅon par mi śes śiṅ yoṅs su mi śes la | mi’i chos bla ma mtha’ daṅ | ’phags pa daṅ | bye brag thob pa daṅ | śes pa daṅ | mthoṅ ba daṅ | reg par spyod pa med la med bźin du ’di śes so || ’di mthoṅ ṅo || źes (4) khas ’ches pa las | de ltuṅ ba byuṅ ba rnam par dag par ’dod nas dus gźan źig na dris kyaṅ ruṅ ma dris kyaṅ ruṅ ’di skad ces tshe daṅ ldan pa dag bdag gis ni mi śes par śes so źes smras | ma mthoṅ bar mthoṅ ṅo źes smras te | gsob gsog brdzun du smras so || źes zer (5) na | dge sloṅ de yaṅ pham par gyur pa yin gyis gnas par mi bya’o || źes bca’ ba mdzad na | bdag cag gnas mal dgon pa nags khrod daṅ | ri druṅ daṅ | bas mtha’ dag na gnas pa dag gis źi gnas kyi rgyu mtshan raṅ gi mtshan ñid ’dzin pa cuṅ zad cig la brten (6) nas ’jig rten pa’i yid la byed pas ñon moṅs pa dag rnam par mnan pas ’dod pa la ’dod chags daṅ | gnod sems dag rgyud la kun du mi ’byuṅ nas | bdag cag gis gcig la gcig tshe daṅ ldan pa dag śes par gyis śig | dgon pa pa dag gis thob par bya ba (7) gaṅ yin pa de bdag cag gis thob ste | bdag cag skye ba ni zad | tshaṅs par spyad pa ni bsten | bya ba ni byas | srid pa ’di las gźan ni mi śes kyis | tshur śeg bdag cag gnas mal dgon pa dag btaṅ ste | gnas mal groṅ mtha’ bdag tu ’jug par bya’o źes (185a1) brjod nas | bdag cag gis gnas lam dgon pa dag btaṅ ste | gnas mal groṅ mtha’ ba dag tu źugs pa daṅ | der bdag cag yaṅ daṅ yaṅ du bud med kyi yul mthoṅ źiṅ kun dga’ ra ba pa’i dge tshun rnams daṅ | lhan cig ’dre źiṅ gnas pa dag (2) la yaṅ ñon moṅs pa dag byuṅ bar gyur te | ’dod pa la ’dod chags daṅ | gnod sems dag rgyud la kun du byuṅ bar gyur na | bdag cag la pham par gyur pa’i ltuṅ pha byuṅ bar ma gyur tam | tshur śeg bdag cag tshe daṅ ldan pa kun dga’ bo gal bder ’doṅ źiṅ phyin nas tshe (3) daṅ ldan pa kun dga’ bo la don de yoṅs su dri bar bya ste | bdag cag la tshe daṅ ldan pa kun dga’ bos ji skad du luṅ ston par ’gyur ba de kho na bźin du gzuṅ bar bya’o sñam nas | bdag cag tshe daṅ ldan pa kun dga’ bo la don de yoṅs su ’dri na | tshe daṅ ldan pa bdag cag (4) la pham par gyur pa’i ltuṅ ba byuṅ bar ma gyur tam | de nas tshe daṅ ldan pa kun dga’ bos dge sloṅ rab tu maṅ po de dag khrid de | bcom ldan ’das ga la ba der soṅ ste phyi na pa daṅ | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || (5) mtha’ gcig tu ’dug nas tshe daṅ ldan pa kun dga’ bos bcom ldan ’das la ’di skad ces gsol to || btsun pa bcom ldan ’das kyis ’dul ba la ñan thos rnams bya ba slab pa’i gźi ’di ltar bca’ ba mdzad de | yaṅ dge sloṅ gaṅ mṅon par mi śes śiṅ yogs su mi śes (6) la mi’i chos bla ma mtha’ daṅ | ’phags pa daṅ | bye brag thob pa daṅ | śes pa daṅ | mthoṅ ba daṅ | reg par spyod pa med la med bźin du ’di śes so || ’di mthoṅ ṅo || źes kha sa ’ches pa las de ltuṅ ba byuṅ ba rnam par dag par ’doṅ nas dus gźan źig na (7) dris kyaṅ ruṅ | ma dris kyaṅ ruṅ ’di skad ces tshe daṅ ldan pa dag bdag gis ni mi śes par śes so źes smras | ma mthoṅ bar mthoṅ ṅo źes smras te | gsob gsog brdzun du smras so || źes zer na dge sloṅ de yaṅ pham par gyur pa yin gyis gnas par mi bya’o źes (185b1) bcom ldan ’das kyis ’dul ba la ñan thos rnams kyi bslab pa’i gźi bca’ ba mdzad na | tshe daṅ ldan pa gnas mal dgon pa nags khrod daṅ | ri druṅ daṅ | bas mtha’ dag na gnas pa ’di dag gis źi gnas kyi rgyu mtshan raṅ gi mtshan ñid ’dzin ba cuṅ zad cig la (2) brten nas ’jig rten pa’i yid la bgyid pas ñon moṅs pa dag rnam par mnan pas ’dod pa la ’dod chegs daṅ | gnod sems dag rgyud la kun du mi ’byuṅ nas | ’di dag gis gcig la gcig tshe daṅ ldan pa dag śes par gyis śig | dgon pa pa dag gis thob par (3) bya ba gaṅ yin pa de bdag cag gis thob ste | bdag cag skye ba ni zad | tshaṅs par sbyad pa ni bsten | bya ba ni byas | srid pa ’di las gźan ni mi śes kyis | tshur śeg bdag cag gnas mal dgon pa dag btaṅ ste gnas mal groṅ mtha’ pa dag tu ’jug par (4) bya’o źes brjod nas | ’di dag gis gnas mal dgon pa dag btaṅ ste gnas mal groṅ mtha’ dag tu źugs pa daṅ | der ’di dag yaṅ daṅ yaṅ du bud med kyi yul mthoṅ źiṅ kun dga’ ra ba pa’i dge tshul rnams daṅ lham cig ’dre źiṅ gnas pa dag la yaṅ ñon moṅs pa dag (5) byuṅ bar gyur te | ’dod pa la ’dod chags daṅ | gnod sems dag rgyud la kun du byuṅ bar gyur nas | ’di dag bdag cag la pham par gyur pa’i ltuṅ ba byuṅ bar ma gyur tam | sñam du ’gyod pa skyes par gyur na de’i slad du bdag bcom ldan ’das la don ’di yoṅs su źu ste | (6) ’di dag la pham par gyur pa’i ltuṅ ba byuṅ bar ma gyur tam | bcom ldan ’das kyis bka’ stsal pa | kun dga’ bo de lta bsan mṅon pa’i ṅa rgyal ma gtogs so || de nas bcom ldan ’das kyis rnam graṅs du mas bslab pa ’dod pa daṅ | bslab pa la gus pa daṅ | (7) bslab pa la yo byad bsñuṅs pa’i bsṅags pa brjod nas dge sloṅ rnams la de daṅ rjes su mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ ma chid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | (186a1) ’di ni rjes su gnaṅ ba yin te ṅa’i ñan thos rnams kyis ’dul ba la bslab pa’i gźi ’di ltar gdon par bya’o || yaṅ dge sloṅ gaṅ mṅon par mi śes śiṅ yoṅs su mi śes la | mi’i chos bla ma mtha’ daṅ | ’phags pa daṅ | bye brag thob pa daṅ | śes pa (2) daṅ | mthoṅ ba daṅ | reg par spyod pa med la med bźin du ’di śes so || ’di mthoṅ ṅo źes khas ’ches pa las de ltuṅ ba byuṅ ba rnam par dag par ’dod nas dus gźan źig na dris kyaṅ ruṅ | ma dris kyaṅ ruṅ | ’di skad ces tshe daṅ ldan pa dag bcag gis ni mi śes par śes (3) so źes smras | ma mthoṅ bar mthoṅ ṅo źes smras te | gsob gsog brdzun du smras so źes zer na mṅon pa’i ṅa rgyal ma gtogs te | dge sloṅ de yaṅ pham par gyur pa yin gyis gnas par mi bya’o || yaṅ dge sloṅ gaṅ źes bya ba ni dge sloṅ bźi po dag las źes bya ba (4) nas don gyi skabs ’dir ni gsol ba daṅ bźi’i las mi g-yo ba gźag par mi ’os pas bsñen par rdzogs pa gaṅ yin pa de dge sloṅ du dgoṅs te źes bya ba’i bar du sṅa ma bźin te | des na yaṅ dge sloṅ gaṅ źes gsuṅs so || mṅon par mi śes śiṅ źes bya ba la ci (5) źig mṅon par mi śes śiṅ źe na | gzugs mṅon par mi śes pa daṅ | tshor ba daṅ | ’du śes daṅ | ’du byed rnams daṅ | rnam par śes pa mṅon par mi śes śiṅ | yoṅs su mi śes la źes bya ba la ci źig yoṅs su mi śes la źe na | gzugs ñid yoṅs (6) su mi śes pa daṅ | tshor ba daṅ | ’du śes daṅ | ’du byed rnams daṅ | rnam par śes pa yoṅs su mi śes pa’o || mi’i chos źes bya ba ni mi rnams kyi chos mya ṅan las ’das pa ste | de mi rnams kyis ’thob kyi za ma daṅ | ma niṅ daṅ | mtshan gñis bdag (7) gis kyaṅ mi ’thob na sems can dmyal ba daṅ | dud ’gro daṅ | yid dgas rnams kyis lta smos kyaṅ ci dgos pa’i phyir ro || bla ma źes bya ba ni ’dod pa’i khams pas gzugs kyi khams bla ma yin la | gzugs kyi khams pas gzugs med pa’i khams bla ma (186b1) yin pa’o || yaṅ na mi’i chos źes bya ba ni sgrib pa lṅa po dag go || bla ma źes bya ba ni de dag spaṅs pa gaṅ yin ba’o || mtha’ źes bya ba la mtha’ źes bya ba ni mya ṅan las ’das pa’o || ’phags pa źes bya ba la ’phags pa ni saṅs rgyas rnams daṅ | saṅs (2) rgyas kyi ñan thos rnams so || bye brag thob pa źes bya ba la bye brag thob pa ni dge sbyoṅ gi tshul gyi ’bras bu bźi po dag ste | rgyun du źugs pa’i ’bras bu daṅ | lan gcig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid do || śes (3) pa źes bya ba ni śes pa bźi po dag ste | sdug bsṅal śes pa daṅ | kun ’byuṅ ba śes pa daṅ | ’gog pa śes pa daṅ | lam śes pa’o || mthoṅ bźes bya ba ni mthoṅ ba bźi po dag ste | sdug bsṅal mthoṅ ba daṅ | kun ’byuṅ ba mthoṅ ba daṅ | ’gog pa (4) mthoṅ ba daṅ | lam mthoṅ ba’o || reg par spyod pa źes bya ba la reg par spyod pa ni bsam gtan bźi po dag ste | sñoms par ’jug pa las yin gyi skye ba las ni ma yin no || mdel źes bya ba ni de’i dṅos po med la’o || med bźin du źes bya ba ni bcag ñid la’o || (5) ’di śes so źes bya ba la ci źig śes śe na | sdug bsṅal śes pa daṅ | kun ’byuṅ ba daṅ | ’gog pa daṅ | lam śes so źes so || ’di mthoṅ ṅo źes bya ba la ci źig mthoṅ ṅo źe na | lha rnams mthoṅ ṅo || klu rnams daṅ | gnod sbyin rnams daṅ | nam mkha’ lṅiṅ (6) rnams daṅ | dri za rnams daṅ | mi ’am ci rnams daṅ | lto ’phye chen po rnams daṅ | yi dgas rnams daṅ | śa za rnams daṅ | grul bum rnams daṅ | srul po rnams daṅ | lus srul po rnams daṅ | rdul khrod kyi śa za rnams mthoṅ ṅo || lha rnams kyis (7) kyaṅ bcag mthoṅ ṅo || klu rnams daṅ | gnod sbyin rnams daṅ | nam mkha’ ldiṅ rnams daṅ | dri za rnams daṅ | mi ’am ci rnams daṅ | lto ’phye chen po rnams daṅ | yi dgas rnams daṅ | śa za rnams daṅ | grul bum rnams daṅ | srul po rnams daṅ | lus (187a1) srul po rnams daṅ | rdul khrod kyi śa za rnams kyis kyaṅ bdag mthoṅ ṅo || lha rnams daṅ | gnod sbyin rnams daṅ | nam mkha’ ldiṅ rnams daṅ | dri za rnams daṅ | mi ’am ci rnams daṅ | lto ’phye chen po rnams daṅ | yi (2) dgas rnams daṅ | śa za rnams daṅ | grul bum rnams daṅ || srul po rnams daṅ | lus sruṅ bo rnams daṅ | rdul khrod kyi śa za rnams kyi sgra thos so || lha rnams kyis kyaṅ bdag gi sgra thos so | klu rnams daṅ | gnod sbyin rnams daṅ | nam mkha’ ldiṅ rnams daṅ | (3) dri za rnams daṅ | mi ’am ci rnams daṅ | lto ’phye chen po rnams daṅ | yi dgas rnams daṅ | śa za rnams daṅ | grul bum rnams daṅ | srul po rnams daṅ | lus srul po rnams daṅ | rdul khrod kyi śa za rnams kyis kyaṅ bdag gi sgra thos so || lha rnams (4) blta ba’i phyir ’gro’o || klu rnams daṅ | gnod sbyin rnams daṅ | nam mkha’ ldiṅ rnams daṅ | dri za rnams daṅ | mi ’am ci rnams daṅ | lto ’phye chen po rnams daṅ | yi dgas rnams daṅ | śa za rnams daṅ | grul bum rnams daṅ | srul po rnams daṅ | (5) lus srul po rnams daṅ | rdul khrod kyi śa za rnams blta ba’i phyir ’gro’o || lha rnams bdag blta ba’i phyir ’oṅ ṅo || klu rnams daṅ | gnod sbyin rnams daṅ | nam mkha’ ldiṅ rnams daṅ | dri za rnams daṅ | lto ’phye chen po rnams daṅ | (6) yi dgas rnams daṅ | śa za rnams daṅ | grul bum rnams daṅ ma | srul po rnams daṅ | lus srul po rnams daṅ | rdul khrod kyi śa za rnams bdag blta ba’i phyir ’oṅ ṅo || lha rnams daṅ lhan cig gtam ’dre bar byed | phebs par smra bar byed | so sor kun (7) dga’ bar byed | rtag tu yaṅ lhan cig gnas par byed do || klu rnams daṅ | gnod sbyin rnams daṅ | nam mkha’ ldiṅ rnams daṅ | dri za rnams daṅ | mi ’am ci rnams daṅ | lto ’phye chen po rnams daṅ | yi dgas rnams daṅ | śa za rnams daṅ | grul (187b1) bum rnams daṅ | srul po rnams daṅ | lus sruṅ po rnams daṅ | rdul khyod kyi śa za rnams daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed do || lha rnams bdag daṅ lhan cig (2) gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed do || klu rnams daṅ | gnod sbyin rnams daṅ | nam mkha’ ldiṅ rnams daṅ | dri za rnams daṅ | mi ’am ci rnams daṅ | lto ’phye chen po rnams (3) daṅ | yi dgas rnams daṅ | śa za rnams daṅ | grul bum rnams daṅ | spul po rnams daṅ | lus srul po rnams daṅ | rdul khrod kyi śa za rnams bdag daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ (4) lhan cig gnas par byed do || ma thob bźin du bdag gis mi rtag pa’i ’du śes daṅ | mi rtag pa la sdug bsṅal ba’i ’du śes daṅ | sdug bsṅal ba la bdag med pa’i ’du śes daṅ | zas la mi mthun pa’i ’du śes daṅ | ’jig rten thams cad la mṅon par (5) mi dga’ ba’i ’du śes dad | ñes dmigs kyi ’du śes daṅ | spoṅ ba’i ’du śes daṅ | ’dod chags daṅ bral ba’i ’du śes daṅ | ’gog pa’i ’du śes daṅ | ’chi ba’i ’du śes daṅ | mi sdug pa’i ’du śes daṅ | rnam par sṅos pa’i ’du śes daṅ | rnam (6) par rnags pa’i ’du śes daṅ | rnam par bam pa’i ’dru śes daṅ | rus goṅ gi ’du śes daṅ | stoṅ pa ñid (7) du so sor rtog pa’i ’du śes thob bo || ma thob bźin du bdag gis bsam gtan daṅ po daṅ | gñis pa daṅ | gsum pa daṅ | bźi pa daṅ | byams pa dad | sñiṅ rje daṅ | dga’ ba daṅ | btaṅ sñoms daṅ | nam mkha’ mtha’ yas skye mched daṅ | rnam śes mtha’ yas (188a1) skye mched daṅ | ci yaṅ med pa’i skye mched daṅ | ’ud śes med ’du śes med min skye mched daṅ | rgyun du źugs pa’i ’bras bu daṅ | lan gcig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid kyi ’bras bu daṅ | rdzu ’phrul (2) gyi yul daṅ | lta ’i rna ba daṅ | sems yoṅs su śes pa daṅ | sṅon gyi gnas daṅ | ’chi ’pho daṅ skye ba daṅ | zag pa zad pa thob bo || bdag ni dgra bcom pa rnam par thar pa brgyad la bsam gtan pa daṅ | gñi ga’i cha las rnam par grol pa yin no źes pa’o || khas ’ches (3) ba las źes bya ba ni khas blaṅs pa las so || de ltuṅ ba byuṅ ba źes bya ba ni gźi de’i ’o || rnam par dag par ’dod nas źes bya ba ni rnam par ldaṅ bar ’dod nas so || dus gźan źig na źes bya ba ni dus gźan na’o || dris kyaṅ ruṅ źes bya ba ni gźan dag gis so || ma dris kyaṅ ruṅ (4) źes bya ba ni de bdag ñid la ’gyod pa daṅ | cuṅ zad ’gyod pa daṅ | rnam par ’gyod pa daṅ | rab tu ’gyod pa skyes pas so || ’di skad ces tshe daṅ ldan pa dag bdag gis ni mi śes par śes so || źes smras źes bya ba ni yid kyi rnan par śes pas so || ma mthoṅ bar (5) mthoṅ ṅo źes smras te | źes bya ba ni mig gi rnam par śes pas so || gsob gsog brdzun du smras so źes bya ba de dag ni smras pa’i rnam graṅs kyi tshig yin no zer na źes bya ba ni brjod na’o || mṅon pa’i ṅa rgyal ma gtogs te źes bya ba ni mṅon pa’i ṅa rgyal bźag ste’o || (6) dge sloṅ źes bya ba ni gaṅ la dge sloṅ gi dṅos po yod pa ste | sṅa ma bźin no || de yaṅ źes bya ba de ñe bar bstan pa daṅ | kun tu bstan pa daṅ | kun tu bstan pa’i tshig bla dgas yin no || pham par gyur pa yin gyis źes bya ba ni sṅa ma bźin no || gnas par mi bya’o źes bya ba yaṅ gaṅ zag (7) bcu gñis po dag gis bskobs bsko bar mi bya’o źe bya ba’i bar du sṅa ma bźin te | des na gnas par mi bya’o źes gsuṅs so || de la ltuṅ par ji ltar ’gyur źe na || || sṅo mal | ’du śes bsgyur daṅ dgon pa daṅ || khyim rnams su ni stan bkra daṅ || raṅ gi (188b1) mtshan ñid ’dzin pa daṅ || bdag ñid ñe bar ston pa’o || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces lha rnams mthoṅ ṅo źes zer na pham par ’gyur ro || klu rnams daṅ | gnod sbyin rnams (2) nas sṅa ma bźin du lus srul po rnams kyi bar du mthoṅ ṅo źes zer na pham par ’gyur ro || than ’di skad ces rdul khrod kyi śa za rnams mthoṅ ṅo źes zer na ñes pa sbom por ’gyur ro || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | (3) lta ba bsgyur te ’di skad ces lha rnams kyi sgra thos so źes zer na pham par ’gyur ro || klu rnams daṅ | gnod sbyin rnams nas sda ma bźin du lus srul po rnams kyi bar sgyi sgra thos so źes zer na pham par ’gyur ro || than ’di skad ces rdul khrod kyi śa za rnams kyi sgra thos so źes (4) zer na ñes pa sbom por ’gyur ro || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces lha rnams blta ba’i phyir ’gro’o źes zer na pham par ’gyur ro || klu rnams daṅ | gnod sbyin rnams nas (5) sṅa ma bźin du lus srul po rnams kyi bar blta ba’i phyir ’gro’o źes zer na pham par ’gyur ro || tha na ’di skad ce rdul khrod kyi śa za rnams blta pa’i phyir ’gro’o źes zer na ñes pa sbom por ’gyur ro || dge sloṅ gis ’dus śes bsgyur ciṅ bzod pa daṅ | ’dod pa daṅ | (6) blo grogs daṅ | rtog pa daṅ | lta ba bsgyur te ’di skad ces lha rnams bdag blta ba’i phyir ’oṅ ṅo źes zer na pham par ’gyur ro || klu rnams daṅ | gnod smrin rnams nas sṅa ma bźin du lus srul po rnams kyi bar du bdag blta ba’i phyir ’oṅ ṅo źes zer na pham par ’gyur (7) ro | |than ’di skad ces rdul khrod kyi śa za rnams kyaṅ bdag blta ba’i phyir ’oṅ ṅo źes zer na ñes pa sbopa por ’gyur ro || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces lha rnams daṅ | lhan (189a1) cig gtem ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na pham par ’gyur ro || klu rnams daṅ | gnod sbyin rnams nas sṅa ma bźin du lasu srul po rnams kyi bar daṅ lhan cig (2) gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na pham par ’gyur ro || than ’di skad ces rdul khrod kyi śa za rnams daṅ lhan cig gtam ’dre bar byed | phebs par smra bar byed | so sor kun (3) dga’ bar byed | rtag tu yaṅ lhan cig gnas par byed ces zer na ñes pa sbom por ’gyur ro || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces lha rnams bdag daṅ lhan cig gtam ’dre bar (4) byed | phebs par smra bar byed | so sor kun dga’ bar byed | rtag tu yaṅ lhan cig gnas par byed ces zer na pham par ’gyur ro || klu rnams daṅ | gnod sbyin rnams nas sṅa ma bźin du lus sruṅ po rnams kyi bar yaṅ bdag daṅ lhan cig gtam ’dre bar byed | phebs (5) par smra bar byed | so sor kun dga’ bar byed | rtag tu yaṅ lhan cagi gnas par byed ces zer na pham par ’gyur ro || tha na ’di skad ces rdul khrod kyi śa rnams kyaṅ bdag daṅ lhan cig gtam ’dre bar byed | phebs par smra bar byed | so sor kun dga’ bar byed | (6) rtag tu yaṅ lhan cig gnas par byed ces zer na ñes pa sbom por ’gyur ro || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces ma thob bźin du bdag gis mi rtag pa’i ’du śes thob po źes (7) zer na pham par ’gyur ro || mi rtag pa la sdug bsṅal ba’i ’du śes nas sṅa ma bźin du stoṅ pa ñid du so sor rtog pa’i ’du śes kyi bar du thob bo źes zen na pham par ’gyur ro || dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog (189b1) pa daṅ | lta ba bsgyur te ’di skad ces ma thob bźin du bdag gis bsam gtan daṅ po thob po źes zer na pham par ’gyur ro || de bźin du gñis pa daṅ | gsum pa daṅ | bźi pa daṅ | sṅa ma bźin du bdag dgra bcom pa rnam par thar pa brgyad la bsam gtan pa daṅ | (2) gñi ga’i cha las rnam par grol ba’o źes zer na pham par ’gyur ro || || ’dul brnam par ’byed pa | bam po bcu bźi | ’di ltar dge sloṅ rab tu maṅ po dag groṅ med pa’i dgon pa’i gnas śig nag nas śiṅ de na de dag la mi ma yin pa dag gis ’tshe ba na | (3) de na dge sloṅ gaṅ rgyun du źugs pa daṅ | lan gcig phyir ’oṅ ba daṅ | phyir mi ’oṅ ba daṅ | dgra bcom pa yin pa de la de na mi ma yin pa dag gis ’tshe bar mi byed nas dge sloṅ gis ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba (4) bsgyur te ’di skad ces bdag kyaṅ groṅ med pa’i dgon pa’i gnas de na gnas te | de na bdag la mi ma yin pa rnams ’tshe bar mi byed do źes zer na pham par ’gyur ro || ’di ltar dge sloṅ rab tu maṅ po dag khyim rnams su mgron du bos te za bar byed ciṅ | de na de dag (5) la stan khra bo ñe bar bkra ba dag bśams śiṅ | de na dge sloṅ gaṅ rgyun du źugs pa daṅ | lan gcig phyir ’oṅ ba daṅ | phyir mi ’oṅ ba daṅ | dgra bcom pa yin pa de la de na ltan khra bo ñe bar bkra bdag śom par byed nas | dge sloṅ gis ’du śes bsgyur ciṅ bzod (6) pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag kyaṅ khyim der mgron du bos śiṅ zos te de na bdag la yaṅ stan khra bo ñe bar bkra ba dag śom par byed do || źes zer na pham par ’gyur ro || ’di ltar dge sloṅ rab tu maṅ po dgon (7) pa na gnas pa dag gis źi gnas gyi rgyu mtshan raṅ gi mtshan ñid ’dzin pa cuṅ zad cig la brten nas ’jig rten pa’i lam gyis ñon moṅs pa dag rnam par mnan pas ’dod pa la ’dod chags daṅ | gnod sems dag rgyud la kun du mi ’abyu.uṅa nas | dge sloṅ gis ’du śes bsgyur (190a1) ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag kyaṅ groṅ med pa’i dgon pa’i gnas de na gnas śiṅ bdag gis kyaṅ de na gnas pa na źi gnas kyi rgyu mtshan raṅ gi mtshan ñid ’dzin pa cuṅ zad cig la ba rten (2) nas ’jig rten ba’i lam gyis ñon moṅs pa dag rnam par mnan pas ’dod chags daṅ | gnod sems dag bdag gi rgyud la yaṅ kun du mi ’byuṅ ṅo źes zer na | ñes pa sbom por ’gyur ro || dge sloṅ gis bdag ñid la ñe bar ston pas ’du śes bsgyur ciṅ bzod (3) pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ gis lha rnams mthoṅ ba de yoṅ do źes zer źiṅ ’di skad ces kho bo’o źes ni mi zer ne ñas pa sbom por ’gyur ro || klu rnams daṅ | gnod sbyin rnams nas sṅa ma bźin du lus srul po (4) rnams kyi bar du mthoṅ ba yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || tha na ’di skad ces dge sloṅ gaṅ gis rdul khrod kyi śa za rnams mthoṅ ba de yod do źes zer źig | ’di skad ces kho bo’o źes ni mi zer na ñes byas su ’gyur ro || (5) dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ gis lha rnams kyi sgra thos pa de yod do źes zer źiṅ | ’di skad ces kho bo’o źes ni mi zer na ñes pa sbom (6) por ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar gyi sgra thos pa yod do źes zer źiṅ | ’di skad ces kho bo ’o źes ni mi zer na ñes pa sbom por ’gyur ro || tha na ’di skad ces dge sloṅ gaṅ gis rdul khrod kyi śa za rnams kyi sgra (7) thos pa de yod do źes zer źiṅ | ’di skad ces kho bo’o źes ni mi zer na ñes byas ’gyur ro || dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ lha (190b1) rnams blta ba’i phyir ’gro ba de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar du blta ba’i phyir ’gro ba de yod do źes zer źiṅ | ’di skad ces (2) kho bo’o źes ni mi zer na ñes pa sbom por ’gyur ro || than ’di skad ces dge sloṅ gaṅ rdul khrod kyi śa za rnams blta ba’i phyir ’gro ba de yod do źes zer źiṅ | ’di skad ces kho bo’o źes ni mi zer na ñes byas su ’gyur ro || dge sloṅ gis bdag ñid la ñe bar ston pas ’du (3) śes bsgyur ciṅ btsod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ la lha rnams blta ba’i phyir ’oṅ ba de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || klu rnams daṅ | (4) gnod sbyin rnams nas sṅa ma bźin du lus srul po rnams kyi bar du blta ba’i phyir ’oṅ ba yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || tha na ’di skad ces dge sloṅ gaṅ la rdul khrod kyi śa za rnams blta ba’i phyir ’oṅ ba yod do źes (5) zer źiṅ | ’di skad ces kho bo’o źes ni mi zer na ñes byas su ’gyur ro || dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ ces dge sloṅ gaṅ lha rnams daṅ lhan (6) cig gtam ’dre bar byed | phebs par smra bar byed | so sor kun dga’ bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || klu rnams daṅ | gnod sbyin rnams nas sṅa ma (7) bźin du lus srul po rnams kyi bar daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || tha na (191a1) ’di skad ces dge sloṅ gaṅ rdul khrod kyi śa za rnams daṅ lhan cig gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ | ’di skad ces kho bo’o źes ni mi zer na ñes (2) byas su ’gyur ro || dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ daṅ lhan cig lha rnams gtam ’dre bar byed | phebs par smra bar byed | (3) so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ | ’di skad ces kho bo’o źes ni mi zer na ñes pa sṅom por ’gyur ro || klu rnams daṅ | gnod sbyin rnams nas sṅa ma bźin du lus srul po rnams kyi bar yaṅ lhan cig gtam (4) ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || tha na ’di skad ces dge sloṅ gaṅ daṅ lhan cig rdul khrod kyi śa za (5) nams gtam ’dre bar byed | phebs par smra bar byed | so sor kun dga’ bar byed | rtag tu yaṅ lhan cig gnas par byed pa de yod | źes zer źiṅ | ’di skad ces kho bo’o źes ni mi zer na ñes byas su ’gyur ro || tha na ’di skad ces dge sloṅ gaṅ daṅ lhan cig rdul khrod kyi śa za (6) pa sgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ gis mi rtag pa’i ’du śes thob pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || mi rtag pa’i ’du śes ji lta (7) bde bźin du gaṅ gis sṅa ma bźin du stoṅ pa ñid du so sor rtog pa’i ’du śes kyi bar du thob pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa (191b1) daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ gis bsam gtan daṅ po thob pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || bsam gtan daṅ po ji lta ba de bźin du gaṅ gis sṅa ma bźin (2) du gñis pa daṅ | gsum pa daṅ | bźi pa nas dge sloṅ gaṅ dgra bcom pa rnam par thar pa brgyad la bsam gtan pa daṅ | gñi ga’i cha las rnam par grol ba’i bar de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || ’di (3) ltar dge sloṅ rab tu maṅ po dag groṅ med pa’i dgon pa’i gnas śig na gnas śiṅ de la de dag na mi ma yin pa dag gis ’tshe ba na de dge sloṅ gaṅ rgyun du źugs pa daṅ | lan gcig phyir ’oṅ ba daṅ | phyir mi ’oṅ ba daṅ | dgra bcom pa yin pa de la de na mi ma yin pa (4) dag gis ’tshe bar mi byed nas dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ groṅ med pa’i dgon pa’i gnas de na gnas pa de la de na mi ma yin pa (5) rnams ’tshe bar mi byed pa de yod do źes zer źiṅ | ’di skad ces kho bo’o źes ni mi zer na ñes pa sbom por ’agyu.ura ro || ’di ltar dge sloṅ rab tu maṅ po dag khyim rnams su mgron du pos te za bar byed ciṅ de na de dag la stan khra bo ñe bar bkra ba dag bśams śiṅ de na dge sloṅ (6) gaṅ rgyun du źugs pa daṅ | lan gcig phyir ’oṅ ba daṅ | phyir mi ’oṅ ba daṅ | dgra bcom pa yin pa de la de na stan kha bo ñe bar bkra ba dag śom par byed nas | dge sloṅ gis bdag ñid la ñe ba bstan pas ’du śes bsgyur ciṅ bzod pa daṅ | ’dod pa daṅ | blo gros (7) daṅ | rtog pa daṅ | lta ba bsgyur te ’di skad ces dge sloṅ gaṅ khyim der mgron du bos śiṅ zos te | de na de la yaṅ stan khra bo ñe bar bkra ba dag śom par byed pa de yod do źes zer źiṅ | ’di skad ces kho bo’o źes ni mi zer na ñes pa sbom por ’gyur ro || ’di ltar dge (192a1) sloṅ rab tu maṅ po dag dgon pa na gnas pa dag gis źi gnas kyi rgyu mtshan raṅ gi mtshan ñid ’dzin pa cuṅ zad cig la brten nas ’jig rten pa’i lam gyis ñon moṅs pa dag rnam par mnan pas ’dod pa la ’dod chags daṅ | gnod sems dag rgyud la kun du (2) mi ’byuṅ nas dge sloṅ gis bdag ñid la ñe bar ston pas ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces dge sloṅ gaṅ gis groṅ med pa’i dgon pa’i gnas de na gnas śiṅ źi gnas kyi rgyu mtshan raṅ gi mtshan ñid (3) ’dzin pa cuṅ zad cig la brten nas ’jig rten pa’i lam gyis ñon moṅs pa dag rnam par mnan pas ’dod pa la ’dod chags daṅ | gnod sems dag rgyud la kun du mi ’byuṅ ba de yod do zer źiṅ | ’di skad ces kho bo’o źes ni mi zer na ñes byas su ’gyur ro || || 
. 
sdom la |
(4) phan tshun źe ni ’gras pa daṅ ||
char ’bab pa dad mtshan gyur daṅ ||
rgyal po’i khab kyi chu dron daṅ ||
glaṅ chen rnams kyi sgra skad do || 
. 
saṅs rgyas bcom ldan ’das yaṅs pa can spre’u rdziṅ gi ’gram khaṅ pa brtsegs pa’i khaṅ bzaṅs na bźugs so || de’i tshe na lus (5) ’phags ma’i bum ga d+hāra byuṅ ba’i rgyal po ma skyes dgra daṅ | yaṅs pa can gyi li ts+tsha bī rnams phan tshun źe ’gras par gyur to || de nas lus ’phags ma’i bu ga d+hāra byuṅ ba’i rgyal po ma skyes dgras dpuṅ gi tshogs yan lag bźi po glaṅ po che ba’i tshogs daṅ | rta pa’i tshogs daṅ | (6) śiṅ rta ba’i tshogs daṅ | dbug bu chuṅ gi tshogs go bskon te | yul spoṅ byed gźom par brtsams pa daṅ | yul spoṅ byed na gnas pa’i skye bo’i tshogs kyis yaṅs pa can gyi li ts+tsha bī rnams la śes lṅan dag lus ’phags na’i bu ma ga d+hāra byuṅ ba’i rgyal po ma skyes dgras dpuṅ (7) gi tshogs yan lag bźi po glaṅ po che pa’i tshogs daṅ | rta pa’i tshogs daṅ | śiṅ rta pa’i tshogs daṅ | dpuṅ bu chuṅ gi tshogs go bskon te yul spoṅ byed ’joms par byed do źes ra mda’ ba bzlog go || yaṅs pa can gyi li ts+tsha bī rnams kyis thos nas de dag gis kyaṅ dpuṅ (192b1) gi tshogs yan lag bźi po glaṅ po che pa’i chogs daṅ | rta pa’i tshogs daṅ | śiṅ rta pa’i tshogs daṅ | dpuṅ bu chuṅ gi tshogs go bskon te | yaṅs pa can nas ’byuṅ bar brtsams pa daṅ | de dag ’byuṅ ba na tshe daṅ ldan pa maud gal gyi bu chen po yaṅ sṅa dro śam thabs bgos lhuṅ (2) bzed daṅ chos gos thogs te yaṅs pa can du bsod sñoms la źugs so || yaṅs pa can gyi li ts+tsha bī rnams kyis tshe daṅ ldan pa maud gal gyi bu chen po thag riṅ po kho na nas mthoṅ ṅo || mthoṅ nas kyaṅ de dag ’di sñam du sems te | śes ldan dag ’di ni mchog gsum pa yin te | (3) ’dis mi śes pa’am | ma mthoṅ ba ’am | ma rig pa’am | rnam par mi śes pa cuṅ zad kyaṅ med do źes grag gis bdag cag gis | ’di la bdag cag gaṅ rgyal bar ’gyur ba dri bar bya’o sñam nas | de dag gis tshe daṅ ldan pa maud gal gyi bu chen po la dris pa | ’phags (4) pa lus ’phags ma’i phum ga d+hāra byuṅ ba’i rgyal po ma skyes dgras yul spoṅ byed ’joms par bgyis pas bdag cag g-yul ’byed pa’i slad du mṅon du mchis na | bdag cag gaṅ rgyal bar ’gyur | maud gal gyi bu chen pos smras pa | ba siś+ṭha’i rigs dag khyed cag rgyal (5) par ’gyur ro || de dag ’phags pa maud gal gyi bu chen pos bdag cag rgyal bar luṅ bstan to źes raṅs pa daṅ | dga’ ba daṅ | mchog tu dga’ ba daṅ | mgu ba daṅ | yid bde ba skyes nas lus ’phags ma’i bu ma ga d+hā ra byuṅ ba’i rgyal po ma skyes dgram brtsis par (6) tshim tshom med pa kho nar de’i steṅ du brtul ba daṅ | de nas lus ’phags ma’i bu ma ga d+hāra byuṅ ba’i rgyal po ma skyes dgra pham pa daṅ | sgrag pa daṅ | bcom pa daṅ | gźan rgyal ba daṅ | rgyab kyis phyogs par byas te | chu kluṅ gaṅ gā’i ’gram du phyin to || yaṅs (7) pa can gyi li ts+tsha bī rnams rgya cher rab tu dga’ ba’i yid kyis phyi bźin kho nar ’braṅ ba daṅ | lus ’phags ma’i bu ma ga d+hāra byuṅ ba’i rgyal po ma skyes dgras bsams pa | yaṅs pa can gyi li ts+tsha bī ’di dag ni gdug ciṅ rnam par gnon par gnon pa yin pas gal te bdag gaṅ gā’i (193a1) naṅ du źugs na yaṅ ’do dag gis rgya mo ’am mchil pas dbyuṅ bas ’byin par byed ciṅ tshul ma yin pas sdug bsṅal bar ’gyur ba’i gnas yod kyis bdag mṅon du phyogs te śi ba ni legs so sñam du rig nas | des ’chi ba’i śugs kyis bsdos pa daṅ | dpuṅ (2) thams cad phyir log nas yaṅs pa can gyi li ts+tsha bī rnams pham pa daṅ | skrag pa daṅ | bcom pa daṅ | gźan rgyal ba daṅ | rgyab kyis phyogs par byas nas | gar yaṅ ma ’khor bar yaṅs pa can du źugs nas | sgo dag bcad der ba’i khar sbreṅs nas ’dug (3) go || lus ’phags ma’i bu ma ga d+hāra byuṅ ba’i rgyal po ma skyes dgra g-yul las rnam par rgyal źiṅ yul spoṅ byed bcom nas rgyal po’i khab tu soṅ ṅo || de nas yaṅs pa can gyi li ts+tsha bī rnams lam po che daṅ | sraṅ daṅ | bźi mdo daṅ | sum mdo dag na ’phags pa (4) maud gal gyi bu chen pos khyed cag rgyal bar ’gyur ro || źes bdag cag la luṅ bstan na | de cig la te bdag cag gi yaṅs pa can phrogs par gyur na de lta na rgyal bar ’gyur ram źes smod par byed | phyar kha gtoṅ bar byed | kha zer bar byed do || de dag smod par byed (5) pa na drug sṅe dag kyaṅ bsod sñoms la źugs nas dedaga gis de dag ’phya ba thos nas drug sde dag gis smras pa | śes ldan dag khyed cag su la smod | khyed cag la’o || ’phags pa maud gal gyi bu chen pos khyed cag rgyal bar ’gyur ro źes bdag cag la luṅ bstan na | de ci (6) gal te bdag cag gi yaṅs pa can phrogs par gyur na de lta na rgyal bar ’gyur ram | drug sde dag gis smras pa | śes ldan dag daṅ por g-yul sprad pa gaṅ yin pa der su rgyal | kho bo cag go || gal te khyed cag rgyal na de’i ’og tu ci’i phyir ldog par mi byed | ci yul mag (7) d+hā bcom ste rgyal po’i kha ba len par ’dod dam | khyed cag gis ha caṅ man na wa yaṅ seṅ ge lta bur ’gyur ro źes bya ba ma thos sam | de dag spobs pa med par gyur nas caṅ mi smra bar ’khod pa daṅ | drug sde dag gis smras pa | dga’ bo ñe dga’ de dag la go bar byas zin mod (193b1) kyi ’on kyaṅ don ñuṅ du de la ltuṅ ba byuṅ gis tshur śeg de’i gan du doṅ la ’chags su gźug go źes de dag zas kyi bya ba byas nas phyag ’tshal te tshe daṅ ldan pa maud gal gyi bu chen po ga la ba der doṅ nas phyin pa daṅ | tshe daṅ ldan pa maud gal gyi bu chen po la ’di skad ces smras so || (2) gnas brtan phyag ’tshal lo || tshe daṅ ldan ba dag a rog bya | gnas brtan je skabs phye śig | tshe daṅ ldan pa dag ltuṅ ba sṅe lṅa dag la skabs phye’o || gnas brtan gyis yaṅs pa can gyi li ts+tsha bī rnams la rgyal bar luṅ bstan tam | luṅ bstan to || ci gal te de (3) dag gi yaṅs pa can phrogs par gyur na de lta na rgyal bar ’gyur ram | khyod lhuṅ bzed nag pos ’tsho bar mi byed pas des na kun śes pa brda sprod par byed ciṅ de yaṅ ’bras bu med par gyur te | khyod kyis spyod yul bsregs pas bdag cag gis bsod sñoms kyaṅ mi rñed (4) kyis | khyod la ltuṅ ba byuṅ ba de chos bźin du slar mdzod cig | tshe daṅ ldan pa dag ltuṅ ba ma mthoṅ ṅo || drug sde dag gis smras pa | tshe daṅ ldan pa dag gcom ldan ’das kyis ltuṅ ba ma mthoṅ ba’i phyir gnas nas dbyuṅ ba’i las bya’o źes gsuṅs bas de’i phyir ’di (5) la ci’i phyir lhag par btaṅ sñoms su bya | khaṅ skyoṅ su yin | che ge mo źig go || bos śig | bso so | tshe daṅ ldan pa gaṇ+ḍī rduṅs śig | maud gal gyi bu chen po don ñuṅ du la ltuṅ ba byuṅ ba chos bźin du phyir mi byed pas | de ltuṅ ba ma mthoṅ ba’i phyir gnas nas (6) dbyuṅ ba’i las bya’o || khaṅ skyoṅ dge ’dun gyi gnas brtan gyi gan du soṅ ba daṅ | drug sde dag kyaṅ de daṅ lhan cig doṅ ṅo || de’i tshe na tshe daṅ ldan pa śā ri’i bu dge ’dun gyi gnas brtan byed de | de rtag tu ga ṇ+ḍī brduṅs pa na tshe daṅ ldan pa su źig yoṅs su gnas pa ’am | (7) gźi nas yoṅs su gnas pa ’am | mgu bar bya ba ’am | gźi nas mgu bar bya ba ’am | ’byin par byed ces chos kyi dbaṅ du byas te rmed par byed do || drug sṅe dag gis smras pa | gnas brtan su ’aṅ yoṅs su gnas pa ’am | gźi nas yogs su gnas pa ’am | mgu (194a1) bar bya ba ’am | gźi nas mgu bar bya ba ’am | ’byin par mi bgyid de || ’di ltar tshe daṅ ldan pa maud gal gyi bu chen pos ’drums pa ltuṅ bas bcom ldan ’das kyi bstan pa ’dral bar bgyid de | lhuṅ bzed nag pos ’tsho bar mi bgyid pas des na mi’i (2) chos bla ma dam ’cha’ źiṅ kun śes pa brda sprod par bgyid de | de yaṅ ’bras bu ma mchis par gyur nas des spyod yul bsregs pas bdag cag gis bsod sñoms kyaṅ mi rñed de || de la ltuṅ ba byuṅ ba chos bźin du slar mi bgyid pas de ltuṅ ba ma mthoṅ ba’i slad du gnas nas (3) dbyuṅ ba’i las bgyi’o|| tshe daṅ ldan pa dag dge sloṅ gnas brtan la thom btsams par ’di ltar saṅs rgyas bcom ldan ’das ’di thams cad mkhyen pa | thams cad gzigs pa | mkhyen pa daṅ śes bya dag la bla na med pa’i mṅa’ brñes pa | the tshom thams cad gcod (4) par mdzad pa yin gyis de’i sbyan sṅar doṅ la don ’di źus śig | bcom ldan ’das kyis khyed la ji skad luṅ ston pa de de kho na bźin du zuṅ śig | skabs te dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag (5) g-yul ṅor daṅ por mi ma yin pa dag g-yul ’gyed ciṅ | de’i ’og tu mi rnams g-yul ’gyed de | gaṅ du mi ma yin pa rnams rgyal bar ’gyur ba der mi rnams kyaṅ rgyal bar ’gyur bas de’i phyir dge sloṅ maud gal gyi bu chen pos yaṅs pa can gyi lits+tsha bī rnams la luṅ bstan (6) bde’i tshe na yaṅs pa can pa’i mi ma yin pa rnams kyis rgyal po’i khab pa’i mi ma yin pa rnams pham par byas so || gaṅ gi tshe de dag gaṅ gā’i ’gram du phyin pa de’i tshe rgyal po’i khab pa’i mi ma yin pa rnams pham par byas so || gaṅ gi tshe de dag gaṅ gā’i ’gram du phyin pa de’i tshe rgyal po’i khab pa’i mi ma yin pa dag gis yaṅs pa can pa’i mi ma yin pa dag pham par byas so || gal te (7) dge sloṅ maud gal gyi bu chen po la de yaṅ dris par gyur na | dge sloṅ maud gal gyi bu chen pos de yaṅ luṅ ston par ’gyur ro || dge sloṅ dag dge sloṅ maud gal gyi bu chen pos ’du śes de lta bus luṅ bstan pa la ltuṅ ba med do || ji ltar yaṅs pa can bdag gis sṅar rgyal (194b1) bar byas nas | phyis rgyal po ma skyes dgras gaṅ gā’i ’gram du ’chi ba’i śugs kyis bsṅos pas pham par byas pa de bźin du rgyal po ma skyes dgras sṅar rgyal bar byas nas | phyis yaṅs pa can pa de dag gis gaṅ gā’i ’gram du mchi ba’i śugs kyis bsṅos nas pham (2) par byas pa yaṅ de bźin rgyas par sbyar bar bya’o || saṅs rgyas bcom ldan ’das yaṅs pa can na spre’u rdziṅ gi ’gram khaṅ pa brtsegs pa’i khaṅ bzaṅs na bźugs so || de’i tshe na mu stegs can rnams kyis lo bcu gñis su than pa ’byuṅ bar bstan to || tshe daṅ ldan (3) pa maud gal gyi bu chen po sṅa dro śam thabs bgos lhuṅ bzed daṅ chos gos thogs te yaṅs pa can du bsod sñoms la źugs pa daṅ | de la yaṅs pa can gyi li ts+tsha bī rnams kyis dris pa | ’phags pa yun ji srid kyis lhas char ’bebs par ’gyur | des smras pa | (4) śes ldan dag ñi ma bdun ’das nas so || de dag ’phags pa maud gal gyi bu chen pos ñi ma bdun ’das nas lhas char ’bebs par ’gyur ro || źes luṅ bstan to źes de dag gis khyim daṅ baṅ ba na ’dug pa’i ’bru gaṅ dag yin pa de dag kyaṅ phyi rol du khyer te bor ro || (5) ji tsam na ñi ma bdun ’das nas lhas ’brug bsgrugs śiṅ sgra byuṅ nas sa rgyas btab ste btaṅ ba daṅ | de dag lam po che daṅ | srad daṅ | bźi mdo daṅ | sum mdo dag na śes ldan dag mu stegs can rnams dam pa yin gyi | śākya ’i bu’i dge sbyoṅ rnams ni de lta ma (6) yin te | rtag tu ’gro ba’i śiṅ ljon pa bźin du dur smrig dag gis lus dag dkris śiṅ ’khod par zad kyi cuṅ zad kyaṅ mi śes so źes smod par byed | phyar ka gtoṅ bar byed | kha zer bar byed do || de dag smod par byed pa na drug sde dag kyaṅ bsod sñoms la źugs (7) nas de dag gis de dag smod pa thos nas drug sde dag gis smras pa | śes ldan dag khyed cag su la smod | khyed cag la’o || ṅed kyis ci byas | mu stegs can rnams kyis lo bcu gñis su than pa ’byuṅ bar bstan na ’phags pa maud gal gyi bu chen pos ñi ma bdun ’das (195a1) nas lhas char ’bebs par ’gyur ro źes luṅ bstan nas | bdag cag gis khyim daṅ baṅ ba na ’dug pa’i ’bru gaṅ dag yin pa de dag kyaṅ phyi rol du khyer te bor na lhas char ma phab bo || drug sde dag gis smras pa | śes ldan dag mu stegs can kun du (2) spyod pa ni gal te sprin kyaṅ yod | sbrin las ’brug kyaṅ grag | glog kyaṅ ’abyu.uṅa | phyogs bźi nas rluṅ bsil bdag kyaṅ ldaṅ | lhas khad kyis dal bu dal bus char cuṅ zad ’bebs pa de’i tshe na de dag daṅ | ’jig rten dag kyaṅ lhas gdon mi za bar char ’bebs so źes (3) zer na | char cher ba ba ciṅ sa rgyas btab par gyur na lta smos kyaṅ ci dgos pa yin no || ’di ltar ji ’phags pa maud gal gyi bu chen pos lo tog thams cad ’grub par ’agyu.ura ro || źes luṅ bstan tam | de dag spobs pa med par gyur nas caṅ mi smra bar ’khod pa daṅ | (4) drug sde rnams kyis smras pa | dga’ bo ñe dga’ de dag la go bar byas zin mdo kyi ’on kyaṅ don ñuṅ du de la ltuṅ ba byuṅ gis tshur śeg | de’i gan du doṅ la ’chags su gźugs so || źes de dag zas kyi bya ba byas nas phyag ’tshal te | tshe daṅ ldan pa maud gal gyi bu chen po gal pa (5) der doṅ nas phyin pa daṅ | tshe daṅ ldan pa maud gal gyi bu chen po la ’di skad ces smras so || gnas brtan phyag ’tshal lo || tshe daṅ ldan pa dag a rog gya | gnas brtan ji skabs phye śig | tshe daṅ ldan pa dag ltuṅ ba sde lṅa po dag la skabs phye’o || mu stegs can rnams (6) kyis lo bcu gñis su than pa ’byuṅ ṅo źes bstan na | khyod kyis char ’bab par ’gyur ro źes luṅ bstan gyis | chos gos kyi grwa rdzab kyis ma ruṅs par gyur na mi ruṅ gis theg śig | khyod lhuṅ bzed nag pos ’tsho bar mi byed pas des na kun śes pa brda sprod par byed ciṅ (7) de yaṅ ’bras bu med par gyur te | khyod kyis spyod yul bsregs pas bdag cag gis bsod sñoms kyaṅ mi rñed kyis | khyod la ltuṅ ba byuṅ ba de chos bźin du slar mdzod cig | tshe daṅ ldan pa dag ltuṅ ba ma mthoṅ ṅo || drug sde rnams kyis smras pa | tshe daṅ ldan pa dag bcom (195b1) ldan ’das kyis ltuṅ ba ma mthoṅ ba’i phyir gnas nas dbyuṅ ba’i las bya’o źes gsuṅs pas de’i phyir ’di la ci’i phyir lhag par btaṅ sñoms su bya | khaṅ skyoṅ su yin | che ge mo źig go || bos śig | bos so || tshe daṅ ldan pa dag gaṇ+ḍī rduṅs śig | maud gal (2) gi bu chen po don ñuṅ du ltuṅ ba byuṅ ba chos bźin du phyir mi byed pas de ltuṅ ba ma mthoṅ ba’i phyir gnas nas dbyuṅ ba’i las bya’o || khaṅ skyoṅ dge ’dun gyi gnas brtan gyi gan du soṅ ba daṅ | drug sde dag kyaṅ de daṅ lhan cig doṅ ṅo || de’i tshe tshe daṅ ldan pa śā ri’i bu dge (3) ’dun gyi gnas brtan byed de || de rtag tu gaṇ+ḍī brduṅs pa na tshe daṅ ldan pa su źig yoṅs su gnas pa ’am | gźi nas yoṅs su gnas pa ’am | mgu bar bya ba ’am | gźi nas mgu bar bya ba ’am | gźi nas mgu bar bya ba ’am | ’byin par byed ces chos kyi dbaṅ du byas pa rmed par byed do || (4) drug sde dag gis smras pa | gnas brtan su yaṅ yoṅs su gnas pa’am | gźi nas yoṅs su gnas pa’am | mgu bar bya ba ’am | gźi nas mgu bar bya ba’am | ’byin par mi bgyid de | ’di ltar tshe daṅ ldan pa maud gal gyi bu chen pos ’drums pa ltuṅ bas (5) bcom ldan ’das kyi bstan pa ’dral bar bgyid de | lhuṅ bzed nag pos ’tsho bar mi bgyis bas des na mi’i chos bla ma dam ’cha’ źiṅ kun śes pa brda sprod par bgyid de de yaṅ ’bras bu ma mchis par gyur nas | des spyod yul bsregs pas bdag cag gis bsod (6) sñoms kyaṅ mi rñed de || de la ltuṅ ba byuṅ ba chos bźin du slar mi bgyid pas de ltuṅ ba ma mthoṅ ba’i slad du gnas nas dbyuṅ ba’i las bgyi’o || tshe daṅ ldan pa dag dge sloṅ gnas brtan la tho ma btsams par ’di ltar saṅs rgyas bcom ldan ’das ’di thams cad mkhyen (7) pa | thams cad gzigs pa | mkhyen pa daṅ | śes bya dag la bla na med pa’i mṅa’ brñes pa the tshom thams cad gcod par mdzad pa yin gyis de’i sbyan sṅar deṅ la don ’di źus śig | bcom ldan ’das kyis khyed la ji skad luṅ ston pa de de kho na bźin du zuṅ zig | skabs (196a1) de dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag ’di dag ni ltas mkhan dag gis lhas char ’bebs par ’gyur ro || źes ston kyaṅ mi rtog pa than pa chen po’i rgyu lṅa daṅ rkyen lṅa yin te | lṅa gaṅ (2) źe na | ’di ltar sprin kyaṅ yod | glog kyaṅ ’brug kyaṅ grag | phyogs bźi nas rluṅ bsil bdag kyaṅ ldaṅ | ltas mkhan dag kyaṅ lhas char ’bebs par ’gyur ro źes ston mod kyi | ’on kyaṅ sa gźi chen po ’di las me’i khams mṅon par ’phags (3) nas des char pa de bar mdor kho na ra skams par byed de | ’di ni ltas mkhan dag gis lhas char ’bebs par ’gyur ro || źes ston kyaṅ mi rtogs pa than pa chen po’i rgyu daṅ po daṅ rkyen daṅ po yin no || gźan yaṅ sprin yaṅ yod || glog kyaṅ ’byuṅ | sprin las ’brug kyaṅ grag | (4) phyogs bźi nas rluṅ bsil ba dag kyaṅ ldaṅ | ltas mkhan dag kyaṅ lhas char ’bebs par ’gyur ro źes ston mod kyi | ’on kyaṅ nam mkha’ la mi mñam pa’i rluṅ dag ldaṅ źiṅ des char pa de daṇ+ḍa ka’i dgon pa dag daṅ | ka liṅ ka’i dgon pa dag daṅ | ma taṅ ka’i dgon pa dag tu (5) ’bebs par byed de | ’di ni ltas mkhan dag gis lhas char ’bebs par ’gyur ro źes ston mod kyaṅ mi rtogs pa than pa chen po’i rgyu gñis pa daṅ | rkyen gñis pa yin no || gźan yaṅ sprin yaṅ yod | glog kyaṅ ’byuṅ | sprin las ’brug kyaṅ grag | phyogs bźi nas rluṅ bsil pa (6) dag kyaṅ ldaṅ | ltas mkhan dag kyaṅ lhas char ’bebs par ’gyur ro || źes ston mod kyi ’on kyaṅ lha’i bu char gyi śugs can dag rab tu myos par gnas pa daṅ | bag med par gnas śiṅ de dag rab tu myos par gnas pa daṅ | bag med par gnas pas lhas dus daṅ dus su chu’i (7) rgyun legs par ’bebs su mi ster te | ’di ni ltas mkhan dag gis lhas char ’bebs par ’gyur ro źes ston kyaṅ mi rtogs pa than pa chen po’i rgyu gsum pa daṅ rkyen gsum pa yin no || gźan yaṅ sprin yaṅ yod || glog kyaṅ ’byuṅ | sprin las ’brug kyaṅ grag | phyogs (196b1) bźi nas rluṅ bsil ba dag kyaṅ ldaṅ | ltas mkhan dag kyaṅ lhas char ’bebs par ’gyur ro źes ston mod kyi | ’on kyaṅ mi rnams chos ma yin pa’i ’dod chags kyis chags pa daṅ | ’dod pa dga’ bas zil gyis non pa daṅ | chos log pas dkris par gyur na | (2) chos ma yin pa’i ’dod chags kyis chags pa daṅ | ’dod pa dga’ bas zil gyis non pa daṅ | chos log pas dkris pa de dag la lhas dus daṅ dus su chu’i rgyun legs par ’beb tu mi ster te | ’di ni ltas mkhan dag gis lhas char ’bebs par ’gyur ro źes ston (3) khyad mi rtogs pa than pa chen po’i rgyu bźi la daṅ rkyen bźi pa yin no || gźan yaṅ sprin yaṅ yod | glog kyaṅ ’byuṅ | sprin las ’brug kyaṅ grag | phyogs bźi nas rluṅ bsil ba dag kyaṅ ldaṅ | ltas mkhan dag kyaṅ lhas char ’bebs par ’gyur ro źes ston mod kyi | ’on (4) kyaṅ lha ma yin gyi dbaṅ po sgra can rgya mtsho chen po nas mṅon par ’phags nas des char pa de lag pa gñis kyis bzed ciṅ rgya mtsho chen por ldugs par byed de | ’di ni ltas mkhan dag gis ltas char ’bebs par ’gyur ro źes ston kyaṅ mi rtogs pa than pa chen po’i rgyu lṅa pa daṅ (5) rkyen lṅa pa yin no || dge sloṅ dag ’di ltar de’i tshe lhasachaRa phab mod kyi | de na lha ma yin gyi dbaṅ po sgra can rgya mtsho chen po nas mṅon par ’phags nas des char ba de lag pa gñis kyis bzed ciṅ rgya mtsho chen por blugs so || ci de dag gis lo tog thams cad grub (6) par ’gyur ram źes dris sam | gal te dge sloṅ mod gal gyi bu chen po la de yaṅ dris par gyur na | dge sloṅ maud gal gyi bu chen pos de yaṅ luṅ ston par ’gyur ro || dge sloṅ dag dge sloṅ maud gal gyi bu chen pos ’du śes de lta bus luṅ bstan pa la ltuṅ ba med do || (7) saṅs rgyas bcom ldan ’das yaṅs pa can na spre’u rdziṅ gi ’gram khaṅ pa brtsegs pa’i khaṅ bzaṅs na bźugs so || de’i tshe na yaṅs pa can dan gcer bu pa’i ñan thos śig ’dug pa de’i chuṅ ma la sems can źugs par gyur to || ji tsam dus gźan źig na tshe daṅ ldan pa (197a1) maud gal gyi bu chen po sṅa dro śam thabs bgos lhuṅ bzed daṅ chos gos thogs te yaṅs pa can du bsod sñoms la źugs so || de mthar gyis bsod sñoms la rgyu ba na de’i khyim du źugs pa daṅ | des bsams pa | ’phags pa maud gal gyi bu (2) chen po ’di ni mchog gsum pa ste | ’dis mi śes pa ’am | ma mthoṅ ba ’am | ma rig pa’am | rnam par mi śes pa cuṅ zad kyaṅ med do źes grag gis bdag gis ’dil bag gi chuṅ ma sbrul pa ’di las khye’u ’am | bu mo ’am ci źig skye bar ’gyur ba gsuṅs (3) śig ces dri bar bya’o sñam du rig nas | tshe daṅ ldan pa maud gal gyi bu chen po la ’di skad ces smras so || ’phags pa bdag gi mchis ’braṅ ’di sbrum na ci ’di’i maṅ la na khye’u mchis sam | ’on te bu mo mchis | des smras pa | bźin bzaṅs khye’u ’o || (4) ’jig rten ni ’byor pa ’dod pas des raṅs pa daṅ | dga’ ba daṅ | rab tu dga’ bas tshe daṅ ldan pa maud gal gyi bu chen po la bza’ ba daṅ | bca’ ba gtsaṅ bsod pas lhuṅ bzed bkaṅ ste byin nas smras pa | ’phags pa yaṅ gśegs su gsol | tshe daṅ ldan pa (5) maud gal gyi bu chen pos a rog gya źes smras te soṅ ṅo || de’i khyim daṅ ha caṅ mi riṅ ba na gcer bu pa źig ’dug pa des tshe daṅ ldan pa maud gal gyi bu lhuṅ bźed bkag ste soṅ ba mthoṅ nas des bsams pa | bdag gi sloṅ mo ster ba’i khyim gcig pu yod pa gaṅ yin pa der śākya ’i bu’i (6) dge sbyoṅ dag rgyu bar ’gyur ba ni ma legs kyis de’i phyir je khyim bdag de’i gan du soṅ la des khyim bdag daṅ lhan cig gtam ci źig byas par gyur pa dri’o sñam nas de myur ba myur bar khyim bdag gi gan du soṅ ste smras pa | khyim bdag dge sbyoṅ maud gal gyi bu chen po ’oṅs sam (7) ’oṅs so || khyed kyis cuṅ zad dris sam | dris so || ci dris | bdag mi mchis ’braṅ ’di sbrul na ci ’di’i mṅal na khye’u mchis sam | ’on te bu mo mchis źes dris pa daṅ | de na re khye’u’o źes zer ro || gcer bu pa de rtog ge’i śes pa la mkhas pas brtsi bar brtsams pa daṅ (197b1) ji tsam na bu mor mthoṅ nas de bźin sgyur bar byed | lag pa gñis ’dril bar byed do || khyim bdag dis gcer bu ba de la dris pa | ci’i phyir bźin sgyur bar byed | lag pa gñis ’dril bar byed | gcer bu pas smras pa | kho bos bu mor mthoṅ gi khye’ur ma mthoṅ ṅo || khyim (2) bdag des sbyos nas ’phral bar ’phral rtsa gsum bsgreṅ źiṅ khro gñer byas te smras pa | gcer bu bsgre bye khyed ci śes | khyod pas ’phags pa maud gal gyi bu chen po’i mkhyen pa ches dri ma can yin nam | ’phags pa maud gal gyi bu chen pos khye’u’o źes luṅ bstan na | khyod bu mo’o (3) źes zer ram | de de ltar ltar tshar bcad nas yaṅ brtsi bar brtsams pa daṅ | bu mo ñid du mthod nas de kun nas dkris pas smras pa | gal te dge sbyoṅ śākya ’i bu ñid kyis luṅ bstan du zin kyaṅ | de ltan yaṅ ’di ni bu mo ñid yin gyi khye’u ma yin no || ji tsam na de zla ba dgu ’das te (4) bcas pa las bu mo źig skyes nas | khyim bdag de naṅ mi daṅ bcas pa gcer bu pa dag dam pa yin gyi | śākya ’i bu’i dge sbyoṅ rnams nid ltam yin te | ’phags pa maud gal gyi bu chen pos khye’u’o źes luṅ bstan na | ’di bu mor gyur to źes smod par byed | phyar ka gtoṅ (5) bar byed | kha zer bar byed do || thos pa gcig nas gcig tu brgyud pas yaṅs pa can na gnas pa’i skye bo’i tshogs kyaṅ lam po che daṅ | srad daṅ | bźi mdo daṅ | sum mdo dag na smod pa la źugs par gyur to || de dag smod par byed pa na drug sde dag sṅa dro śam thabs bgos (6) lhuṅ bzed daṅ chos gos thogs te yaṅs pa can du bsod sñoms la źugs pa daṅ | de dag gis de dag smod pa thos so || thos nas smras pa śes ldan dag khyed cag stsal smod | khyed cag la’o || de da kyis ci byas | ’phags pa maud gal gyi bu chen pos gcer bu pa’i ñan (7) thos kyi chuṅ ma’i mṅal na khye’u yod do źes luṅ bstan na | de las dbu mo btsas so || drug sde dag gis smras pa | śes ldan dag ’jig rten thams cad śes pa rgya mtshol la khrul pa yod kyi | bcom ldan ’das ñag gcig chos rnams la skyob pa yin gyi | skyob pa gźan (198a1) med do || gźan yaṅ mi’i skye dgu rnams la khye’u’a ma | bu mo btsas par zad kyi | gźan mtshan ci źig tu ’gyur | ci khyi źig gam | ’on te spre’u źig tu ’gyur sñam mam | de dag spobs pa med par gyur te | caṅ mi smra bar ’khod pa daṅ | drug sde dag (2) gis smras pa | dga’ bo ñe dga’ de dag la go bar byas zin mod kyi don ñuṅ du de la ltuṅ ba byuṅ gis tshur śeg | de’i gan du ’doṅ la ’chags su gźug go || źes de dag zas kyi bya ba byas nas phyag ’tshal te tshe daṅ ldan pa maud gal gyi bu chen po gal ba der doṅ nas phyin pa (3) daṅ | tshe daṅ ldan pa maud gal gyi bu chen po la ’di skad ces smras so || gnas brtan phyag ’tshal lo || tshe daṅ ldan pa dag a rog gya nad med par gyur cig | gnas brtan je skabs phye śig | tshe daṅ ldan pa dag ltuṅ ba sde lṅa po dag la skabs phye’o || gnas brtan gyis ci (4) gcer bu pa’i ñan thos kyi chuṅ ma’i mṅal na khye’u yod do źes luṅ bstan tam | luṅ bstan to || bźud cig daṅ dga’ ba ’phel ba ñams su myoṅ źiṅ ’bru mar daṅ bur ma yaṅ thob par ’gyur ro || khyod lhuṅ bzed nag pos ’tsho bar mi byed pas des na kun śes pa brda sprod par byed ciṅ (5) de yaṅ ’bras bu med par gyur te | khyod kyis spyod yul bsregs pas kho bo gcag gis bsod sñoms kyaṅ mi thob kyis khyod la ltuṅ ba byuṅ ba de chos bźin du slar mdzod cig | tshe daṅ ldan pa dag ltuṅ ba ma mthoṅ ṅo || drug sde dag gis smras pa | tshe daṅ ldan pa dag bcom ldan ’das kyis (6) ltuṅ ba ma mthoṅ ba’i phyir gnas nas dbyuṅ ba’i las bya’o źes gsuṅs pas de’i phyir ’di la ci’i phyir lhag par btaṅ sñoms su bya | khaṅ skyoṅ su yin | che ge mo źig go || bos śig | bos so || tshe daṅ ldan pa ga ṇ+ḍī rduṅs śig | maud gal gyi bu chen po don ñuṅ du la ltuṅ ba byuṅ ba chos (7) bźin du phyir mi byed pa 000de ltuṅ ba ma mthoṅ ba’i phyir gnas nas dbyuṅ ba’i las bya’o || khaṅ skyoṅ dge ’dun gyi gnas brtan gyi gan du soṅ ba daṅ | drug sde dag kyaṅ de daṅ lhan cig dṅo ṅo || de’i tshe na tshe daṅ ldan pa śā ri’i bu dge ’dun gyi gnas brtan byed de || de rtag tu ga ṇ+ḍī brduṅs pa na tshe (198b1) daṅ ldan pa dag su źig yoṅs su gnas pa’am | gźi nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par byed ces chos kyi dbaṅ du byas pa ’dri bar byed do || drug sde dag gis smras pa | gnas brtan su yaṅ yoṅs su gnas pa’am | (2) gźi nas yoṅs su gnas pa ’am | mgu bar bya ba’am | gźi nas mgu bar bya ba’am | ’byin par mi bgyid de | ’di ltar tshe daṅ ldan pa maud gal gyi bu chen pos ’drums pa ltuṅ bas bcom ldan ’das kyi bstan pa ’dral bar bgyid de | lhuṅ bzed nag pos ’tsho bar mi bgyid pas des | (3) na mi’i chos bla ma dam ’cha’ źiṅ kun śes pa brda sprod par bgyid de | de yaṅ ’bras bu ma mchis par gyur nas | des spyod yul bsregs pas bdag cag gis bsod sñoms kyaṅ mi rñed de | de ltuṅ ba byuṅ ba chos bźin du slar mi bgyid pa de ltuṅ ba ma mthoṅ ba’i slad du gnas nas dbyuṅ (4) pa’i las bgyi’o || tshe daṅ ldan pa dag dge sloṅ gnas brtan la tho ma ’tsham par ’di ltar saṅs rgyas bcom ldan ’das ’di thams cad mkhyen pa | thams cad gzigs pa | mkhyen pa daṅ śes byad ga la bla na med pa’i mṅa’ brñes pa | the tshom thams cad gcod par mdzad pa yin (5) gyis de’i gan du deṅ la don ’di źus śig | bcom ldan ’das kyis khyed la ji skad luṅ ston pa de de kho na bźin du zuṅ śig | skabs de dge sloṅ dag gis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag gnas bźi po ’di dag gni bsam (6) par mi bya ba dag yin te | gaṅ dag sems par byed pa dag myos pa daṅ | rmoṅs par ’gyur źiṅ sems rnam par g-yeṅs pa thob par ’gyur ba yin no || bźi gaṅ źe na | ’di lta ste | bdag la sems pa daṅ | ’jig rten la sems pa daṅ | sems can rnams kyi las kyi (7) rnam par smin pa daṅ | saṅs rgyas rnams kyi rgyas kyi yul lo || ’di ltar gaṅ gi tshe dge sloṅ maud gal gyi bus luṅ bstan pa de’i tshe na de khye ’ur gyur pa yin la | phyis de’i las kyi rnam par smin pas mtshan gyur to || gal te dge sloṅ maud gal gyi bu la de yaṅ dris par gyur na | dge (199a1) sloṅ maud gal gyi bus de yaṅ luṅ ston par ’gyur ro || dge sloṅ dag dge sloṅ maud gal gyi bus ’du śes de lta bus luṅ bstan pa la ltuṅ ba med do || saṅs rgyas bcom ldan ’das rgyal po’i bab na ’od ma’i tshal ka lan da ka’i gnas bźugs so || rgyal (2) po’i kha ba na khyim bdag cig ’dug pa das gaṅ dge sloṅ gi dge ’dun la so sor rig par ma byas par zas sbyin pa de ’phral kho na la loṅs spyod dag gis mṅon par ’phel lo źes thos so || thos nas kyaṅ de ’di sñam du sems te | de ni nor sgrub pa’i thabs bzaṅ po yin gyis | bdag (3) gis kyaṅ dge sloṅ gi dge ’dun la so sor rig par ma byas par zas sbyin par bya’o sñam nas des sraṅ du soṅ ste | sa maṅ po ños nas de’i ’og tu zaṅs kyi naṅ du źun mar maṅ po daṅ sbyar ba’i thug pa bskol nas groṅ khyer gyi sgor sgo ba la kye maṅ rje dge sloṅ gaṅ pa la źig bsod sñoms (4) la ’jug na kho ba’i khyim du thoṅ śig ces spriṅ ba daṅ | sgo ba des smras pa | khyim bdag de bźin du btaṅ ṅo źes des dge sloṅ bsod sñoms la ’jug pa gaṅ mthoṅ ba de la ’phags pa khyim bdag che ge mo źig deṅ dge sloṅ rnams la bsod stems ’bul gyis de’i sdum par bźud cig (5) ces smras pa daṅ | de de’i khyim du soṅ ṅo || de bźin du sgobs bsod sñoms pa thams cad la bsgo ba daṅ | bsod sñoms pa thams cad khyim bdag de’i khyim du doṅ ṅo || de nas khyim bdag des śin tu snum pa’i śa’i thug pa dag gis de dag so so’i lhuṅ bzed bkaṅ ste byin no || (6) de’i ñin mo nam mkha’ spyin gyis khebs śiṅ yul ṅan byuṅ bar gyur nas dge sloṅ dag za na zos nas lhuṅ bzed snum po ’di dag rtsub par bya mi nus kyis de na chu dron yod kyis chu dron gyi gan du soṅ ste bkru bar bya’o źes de dag chu dron gyi gan du soṅ ste bkru bar brtsams pa daṅ | ji tsam na dge sloṅ (7) gźon nu źig la chu dron ’di gaṅ nas ’oṅ sñam pa’i tshul bźin yid la byed ba byuṅ nas de daṅ ha caṅ mi riṅ ba na tshe daṅ ldan pa ñe dga’ lhuṅ bzed ’khru bar byed de || de de’i gan du soṅ nas | btsun pa ñe dga’ chu dron ’di gaṅ nas ’oṅ źes dris pa daṅ | de daṅ yaṅ ha caṅ mi riṅ pan tshe daṅ ldan (199b1) pa maud gal gyi bu chen po lhuṅ bzed ’khru bar byed nas ñe daga’asa soṅ la don ñuṅ du ’di la dris śig | ces gźon nu de tshe daṅ ldan pa maud gal gyi bu chen po’i gan du btaṅ ba daṅ | gźon nu de spyod lam źi brgya chen pos de’i gan du soṅ ste gus pa daṅ bcas pas dris pa gźas brtan chab (2) dron ’di galasa mchis | des smras pa | tshe daṅ ldan pa mtsho chen po ma dros pa nas so || ñe daga’asa thos nas des smras pa | tshe daṅ ldan pa mdo sde’i mtha’ la gnod pa ma byed cig | chos kyi khrid byed rnam par ma dkrugs śig | chos kyi mṅal ma rtol cig | ’di ltar kho bo (3) cag la rtogs pa med kyaṅ ci luṅ yaṅ med dam | bcom ldan ’das kyis mtsho chen po ma dros pa’i chu ni yan lag brgyad daṅ ldan pa yin te | bsil ba daṅ | mṅar ba daṅ | yaṅ ba daṅ | ’jam pa daṅ | daṅ ba daṅ | dri ṅa ba med pa daṅ | ’thuṅ ba na mgul pa la mi (4) gnod pa daṅ | ’thuṅs na lto la mi gnod pa’o źes gsuṅs na | de’i phyir khyod kyis yan lag daṅ po ñid kyis bslus so || khyod lhuṅ bzed nag pos ’tsho bar mi byed pas des na kun śes pa brda sprod par byed ciṅ de yaṅ ’bras bu med par gyur te | khyod kyis spyod yul bsregs (5) pas bdag cag gis bsod sñoms kyaṅ mi rñed kyis | khyod la ltuṅ ba byuṅ ba de chos bźin du slar mdzod cig | tshe daṅ ldan pa ltuṅ pa ma mthoṅ ṅo || drug sde dag gis smras pa | tshe daṅ ldan pa dag bcom ldan ’das kyis ltuṅ ba ma mthoṅ ba’i phyir gnas nas dbyuṅ ba’i las (6) bya’o źes gsuṅs pas de’i phyir ’di la ci’i pyir lhag par btaṅ sñoms su bya | khaṅ skyoṅ su yin | che ge mo źig go || bos śig | bos so | tshe daṅ ldan pa ga ṇ+ḍī rduṅs śig | mod gal gyi bu chen po don ñuṅ du la ltuṅ ba (7) ma mthoṅ ba’i phyir gnas nas dbyuṅ ba’i las bya’o || khaṅ skyoṅ dge ’dun gyi gnas brtan gyi gan du soṅ ba daṅ | drug sde dag kyaṅ de daṅ lhan cig doṅ ṅo || de’i tshe na tshe daṅ ldan pa śā ri’i bu dge ’dun gyi gnas brtan byed de | de rtag tu gaṇ+ḍī brduṅs pa na tshe daṅ ldan pa (200a1) dag su źig yoṅs su gnas pa ’am | gźi nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par byed ces chos kyi dbaṅ du byas pa ’dri bar byed do || drug sde dag gis smras pa | gnas brtan su yaṅ (2) yoṅs su gnas pa daṅ | gźi nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par mi bgyid de | ’di ltar tshe daṅ ldan pa maud gal gyi bu chen pos ’drums pa ltuṅ bas bcom ldan ’das kyi bstan pa ’dral bar bgyid de | (3) lhuṅ bzed nag pos ’tsho bar mi bgyid pas des na mi’i chos bla ma dam ’cha’ źiṅ kun śes pa brda sprod par bgyid de | de yaṅ ’bras bu ma mchis par gyur nas des spyod yul bsregs pas bdag cag gis bsod sñoms kyaṅ mi rñed de | de ltuṅ ba byuṅ ba chos bźin du slar mi (4) bgyid pas de ltuṅ ba ma mthoṅ ba’i slad du gnas nas dbyuṅ ba’i las bgyi’o || tshe daṅ ldan pa dag dge sloṅ gnas brtan la tho ma ’tsham par ’di ltar saṅs rgyas bcom ldan ’das ’di thams cad mkhyen pa | thams cad gzigs pa | mkhyen pa daṅ śes bya dag la bla na med pa’i (5) mṅa’ brñes pa | the tshom thams cad gcod par mdzad pa yin gyis de’i gan du deṅ la don ’di źus śig | bcom ldan ’das kyis khyed la ji skad luṅ sten pa de de kho na bźin du zuṅ śig | skabs de dge sloṅ dag gis bcom ldan ’das la gsol pa daṅ | bcom ldan ’das kyis bka’ (6) stsal pa | dge sloṅ dag de de bźin no || de de bźin te | chu dron de ni mtsho chen po ma dros pa kho na las ’oṅ ṅo || dge sloṅ rnams kyis gsol pa | bcom ldan ’das gal te chab de mtsho chen po ma dros pa las mchis na ci’i slad du dro lags | bcom ldan ’das kyis bka’ stsal pa | (7) dge sloṅ dag ’di ltar chu de ñi tshe ba’i sems can dmyal ba lṅa brgya’i steṅ nas ’oṅ ba’i phyir ro || gal te dge sloṅ maud gal gyi bu la de yaṅ dris par gyur na | dge sloṅ maud gal gyi bus de yaṅ luṅ ston par ’gyur ro || dge sloṅ dag dge sloṅ maud gal gyi bus ’dus śes de lta bus luṅ (200b1) bstan pa la ltuṅ ba med do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de na tshe daṅ ldan pa maud gal gyi bu chen pos dge sloṅ rnams la smras pa | tshe daṅ ldan pa dag kho bo ci yaṅ med pa’i skye mched la (2) sñoms par źugs pas | rdziṅ bu dal gyis ’bab kyi ’gram na glaṅ po che gtso bor rab tu maṅ po dag gi sgra skad thos so || de’i tshe na tshe daṅ ldan pa ñe dga’ ’khor de ñid na ’dug ciṅ mthun par gyur nas des smras pa | tshe daṅ ldan pa mdo sde’i mtha’ la gnod pa ma byed cig | chos (3) kyi khrid byed rnam par ma dkrugs śig | chos kyi mṅal ma rtol cig | ’di ltar bdag cag la rtogs pa med kyaṅ ci luṅ yaṅ med dam | bcom ldan ’das kyis ci yaṅ med pa’i skye mched la sñoms par źugs pa’i gzugs kyi ’du śes rnam par gźig ciṅ sgra’i ’du śes (4) daṅ bral lo źes gsuṅs na | de’i phyir ji ltar gzugs kyi ’du śes rnam par bśig ciṅ sgra’i ’du śes daṅ bral ba des gzugs dag mthoṅ bar ’gyur źiṅ sgra dag thos par ’gyur te de ni gnas med do || khyod lhuṅ bzed nag pos ’tsho bar mi byed pas des na kun śes pa brda (5) sprod par byed ciṅ de yaṅ ’bras bu med par gyur te | khyod kyis spyod yul bsregs pas bdag cag gis bsod sñoms kyaṅ mi rñed kyis khyed la ltuṅ ba byuṅ ba de chos bźin du slar mdzod cig tshe daṅ ldan pa ltuṅ ba ma mthoṅ ṅo || drug sde dag gis smras pa | tshe daṅ ldan pa (6) dag bcom ldan ’das kyis ltuṅ ba ma mthoṅ ba’i phyir gnas nas dbyuṅ ba’i las bya’o || źes gsuṅs pas de’i phyir ’di la ci’i phyir lhag par btaṅ sñoms su bya | khaṅ skyoṅ su yin | che ge mo źig go || bos śig | bos so || tshe daṅ ldan pa gaṇ+ḍī rduṅs śig | maud (7) gal gyi bu don ñuṅ ṅu la ltuṅ ba byuṅ ba chos bźin du phyir mi byed pas de ltuṅ ba ma mthoṅ ba’i phyir gnas nas dbyuṅ ba’i las bya’o || khaṅ skyoṅ dge ’dun gyi gnas brtan gyi gan du soṅ ba daṅ | drug sde dag kyaṅ de daṅ lhan cig doṅ ṅo || de’i tshe na tshe daṅ ldan pa śā ri’i bu (201a1) dge ’dun gyi gnas brtan byed de | de rtag tu gaṇ+ḍī brduṅs pa na tshe daṅ ldan pa dag su źig yoṅs su gnas pa’am | gźi nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par byed ces chos kyi dbaṅ du byas pa (2) ’dri bar byed do || drug sde dag gis smras pa | gnas brtan su yaṅ yoṅs su gnas pa’am | gźi nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par mi bgyid de | ’di ltar tshe daṅ ldan pa maud gal gyi bu chen pos ’drums (3) pa ltuṅ bas bcom ldan ’das kyi bstan pa ’dral bar bgyid de | lhuṅ bzed nag pos ’tsho bar mi bgyid pas des na mi’i chos bla ma dam ’cha’ źiṅ kun śes pa brda sprod par bgyid de | de yaṅ ’bras bu ma mchis par gyur nas | des spyod yul bsregs pas bdag cag gis (4) bsod sñoms kyaṅ mi rñed de | de la ltuṅ ba byuṅ ba chos bźin du slar mi bgyid pas de ltuṅ ba ma mthoṅ ba’i slad du gnas nas dbyuṅ ba’i las bgyi’o || tshe daṅ ldan pa dag dge sloṅ gnas brtan la tho ma ’tsham par ’di ltar saṅs rgyas bcom ldan ’das ’di thams cad mkhyen pa | (5) thams cad gzigs pa | mkhyen pa daṅ śes bya dag la bla na med pa’i mṅa’ brñes pa | the tshom thams cad gcod par mdzad pa yin gyis de’i gan du deṅ la don ’di źus śig | bcom ldan ’das kyis khyed la ji skad luṅ ston pa de de kho na bźin du zuṅ śig | skabs de dge sloṅ (6) rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag de de bźin no || de de bźin te | ci yaṅ med pa’i skye mched la sñoms par źugs pa’i gzugs kyi ’du śes rnam par bśig ciṅ sgra’i ’du śes daṅ bral bas gzugs (7) kyi ’du śes rnam par bśig ciṅ sgra’i ’du śes daṅ bral ba des gzugs dag mthoṅ bar mi ’gyur źiṅ | sgra dag thos par mi ’gyur te de ni gnas med do || ’di ltar dge sloṅ maud gal gyi bu ni bsam gtan daṅ | rnam par thar pa daṅ | tiṅ ṅe ‘dzin daṅ | sñoms par ’jug (201b1) pa dag thob pa yin te | de ni myur du sñoms par ’jug ciṅ rnam par ldaṅ bar byed pas des sñoms par źugs pa’i sems ñe bar rtogs śiṅ rnam par laṅs pa’i sems ni ma rtogs te | dge sloṅ dag dge sloṅ maud gal gyi bu rnam par laṅs pas sgra de thos so || dge sloṅ dag dge sloṅ (2) maud gal gyi bus ’du śes de lta bus luṅ bstan pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || pham par ’gyur ba bźi pa rdzogs te | pham par ’gyur ba rnams rdzogs s+ho || || ’dul ba (3) rnam par ’byed pa | bam po bcwa lṅa pa | 
. 
sdom la |
khu ba ’dzin pa ’khrig tshig bsñen bkur smyan ||
khaṅ pa khaṅ chen daṅ ni gźi med pa ||
bag tsam dge ’dun dbyen daṅ de rjes phyogs ||
khyim sun ’byin daṅ bka’ blo mi bde ba’o || 
. 
[Saṃghāvaśeṣa]
 
. 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login