Bibliotheca Polyglotta

saṅs rgyas bcom ldan ’das mñan yod na rgyal byed kyi tshal mgon med zas (4) sbyin gyi kun dga’ ra ba na bźugs so || de’i tshe na dge sloṅ drug sde dag dge sloṅ rnams la phra mas kun du spyod par byed de | phra mas kun tu spyod pa na dge sloṅ dag spa goṅ ba daṅ | gzeṅs dmas pa daṅ | źum par gyur nas luṅ mnod pa daṅ | bklag pa daṅ | kha ton daṅ | rnal (5) ’byor daṅ | yid la bya ba daṅ | naṅ gi sems kyi źi gnas kyaṅ gtoṅ bar byed | ’di ltar dus yun riṅ po nas ñe bar bsags pa chos daṅ ldan pa’i gcugs pa’i rgyun yaṅ gcod par byed nas dge sloṅ don ñuṅ du dag ci’i phyir dge sloṅ dag dge sloṅ rnams la phra mas kun du spyod par (6) byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la (7) sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag khyed dge sloṅ rnams la phra mas (239b1) kun du spyod pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad de || dge sloṅ dag sṅon (2) byuṅ ba ’das pa’i dus na nags tshal źig na seṅ ge mo sbrum ma źig ’dug ste | de la seṅ ge mo rnams kyi kun du spyod pa ni gaṅ gi tshe ’braṅ ba’i dus la bab pa de’i tshe na śa’i tshogs byas te ’braṅ bar byed pas seṅ ge mo de ba laṅ gi tshogs chen po źig gi phyi bźin du rjes su soṅ ba daṅ | (3) ba ’braṅs nas riṅ po ma lon pa be’u rjes su skyoṅ bar byed pa źig khyu’i phyi bźin ’braṅ źiṅ ’gro ba de seṅ ge mo des bsad nas śa khyer te | Raṅa gi tshar du soṅ ṅo || be’u de yaṅ ma’i nu ma ’thuṅ ’dod pas de’i phyi bźin phyi bźin du soṅ ba daṅ seṅ ge mos bsam pa | be’u ’di yaṅ (4) gsad par bya’o sñam nas yaṅ bsam pa | gal te bdag gi bu ’braṅs par gyur na ’di de’i chuṅ po grogs su ’gyur gyis mi gsad do sñam mo || seṅ ge mo de ’braṅs nas de las phrug gu pho źig byuṅ ba daṅ | seṅ ge mo des raṅ gi phrug gu daṅ | be’u de gñis ka nu ma bsnun par (5) brtsams nas ji tsam dus gźan źig na de gñis ka chen por gyur te | dus gźan źig na seṅ ge mo de na bar gyur nas de ’chi ba’i dus kyi tshe smras pa | bu gñis khyed gñis nu ma gcig la nu nu ba’i spun yin la | phra ma can snod ’byed pa dag gis ’jig rten gaṅ bar ’khod kyis | (6) kho mo ’das pa’i ’og tu khyed gñis kyis ’ga’ yaṅ mñan par mi bya’o źes smras nas || bsags pa kun gyi mtha’ zad ciṅ || mthon po rnams kyi mtha’ ltuṅ ’gyur || phrad pa’i mtha’ ni ’bral ba ste || gson po’i mtha’ ni ’chi ba yin || źes bya ba yin pas (7) dus kyi chos daṅ ldan par gyur to || seṅ ge de ri dgas dam pa dam ba dag bsad nas śa dam pa dam pa dag za źiṅ khrag maṅ po dag ’thuṅ bas chen por gyur to || khyu mchog de yaṅ seṅ ges bsruṅ ba’i rtswa bzaṅ po dag za źiṅ chu gtsaṅ ma dag ’thuṅ bas chen por gyur to || ri dgas (240a1) kyi rgyal po seṅ ge de la wa rgan po rab tu brkam pa lhag ma za ba źig ’khor źiṅ phyi bźin phyi bźin rjes su ’braṅ nas seṅ ge des ri dgas dam pa dam pa dag bas da nas śa dam pa dag zos śiṅ khrag dam pa dag ’thuṅs bag tsha ba med par de na ’dug pas phyogs der (2) gcan zan phra mo gźan dag gis ñi mi phod pas wa rgan po de seṅ ge des ri dgas dam pa dam pa dag bsad nas śa dam pa dag zos śiṅ khrag dam pa ’thuṅs pa’i śa’i lhag ma daṅ khrag gi lhag ma dag za źiṅ ’thuṅ bas pags pa daṅ | śa daṅ | khrag rgyas par gyur to || (3) ji tsam dus gźan źig na seṅ ge de ri dgas dam pa dam pa dag bsad nas śa dam pa dag zos śiṅ khrag dam pa dag ’thuṅs nas myur ba myur ba kho nar tshar du soṅ ste khyu mchog de daṅ lhan cig rtse źiṅ ’dug par byed nas śa’i lhag ma de dag kyaṅ gcan gzan phra mo gźan dag gis zos (4) nas wa rgan po des bsams pa | seṅ ge ’di gaṅ du ’gro ba je ba lta bar bya’o sñam nas | de de’i phyi bźin phyi bźin du soṅ ba daṅ | ji tsam na khyu mchog daṅ lhan cig rtse źiṅ ’dug pa mthoṅ nas des bsams pa | khyu mchog ’di bdag gi lto’i dgrar gyur ba yin gyis | (5) bdag gis ’di gñis dbye bar bya’o sñam nas wa rgan po de khyu mchog de’i mdun du rna ba phab ste ’dug pa daṅ | khyu mchog gis smras pa | źaṅ po rluṅ tsha ba dag mi ldaṅ ṅam | was smras pa | tsha bo rluṅ rab tu ’bar ba dag ldaṅ ṅo || ci ñes | seṅ ge ’di na re kho bo’i (6) śa tshogs rgyu khyu mchog de gar soṅ | gaṅ gi tshe kho bos śa gźan ma rñed pa de’i tshe na kho bos khyu mchog ’di bza’ bar bya’o źes zer ro || khyu mchog gis smras pa | źaṅ po kho bo cag gñis la mas ’chi kar bu gñis khyed gñis nu ma gcig la nu nu ba’i spun yin (7) la phra ma can snod ’byed pa dag gis ’jig rten gaṅ bar ’khod kyi kho mo ’das pa’i ’og tu khyed gñis kyis ’ga’ yaṅ mñan par mi bya’o źes kha chems bźag gis khyod de skad ma zer cig | was smras pa | tsha bo khyod da kho bo phan par ’dod pa’i tshig mi ñan na chud zos par ’oṅ (240b1) ṅo || khyu mchog gis smras pa | źaṅ po go ri mas ji ltar ’oṅ bar ’gyur | was smras pa | tsha bo seṅ ge ’di tshaṅ nas byuṅ nas bya smyaṅ byed par ’gyur la | bya smyaṅ byas nas glal bar ’gyur źiṅ glal nas phyogs bźir rnam par lta bar ’gyur | phyogs bźir rnam par (2) bltas nas seṅ ge’i skad thaṅ gsum phyuṅ ste | khyod kyi mdun du ’oṅ bar ’gyur ba na khyod kyis bdag ’dis bsad do sñam du śes par gyis śig | wa de de’i ’og tu seṅ ge’i mdun du rna ba phab ste ’dug pa daṅ | seṅ ges smras pa | źaṅ po rluṅ tsha ba dag mi ldaṅ ṅam | was (3) smras pa | tsha bo rluṅ rab tu ’bar ba dag ldaṅ ṅo || ci ñes | khyu mchog ’di na re kho bo’i rtsa’i seṅ ge de gar soṅ | ’di’i mas kho bo’i ma bsad kyis ’di’i lto ṅes par dral bar bya’o źes zer ro || seṅ ges smras pa | źaṅ po kho bo cag gñis la mas ’chi kar bu (4) gñis khyed gñis nu ma gcig la nu nu ba’i spun yin la | phra ma can snod ’byed pa dag gis ’jig rten gaṅ bar ’khod kyis | kho mo ’das pa’i ’og tu khyod gñis kyis ’ga’ yaṅ mñan par mi bya’o źes kha chems bźag gis khyod de skad ma zer cig | was smras pa | (5) tsha bo khyod da kho bo phan par ’dod pa’i tshig mi ñan na chud zos par ’oṅ ṅo || seṅ ges smras pa | źaṅ po go rims ji ltar ’oṅ bar ’gyur | was smras pa | tsha bo khyu mchog ’di ltas nas byuṅ nas bya smyaṅ byed par ’gyur la | bya smyaṅ byas nas ’bu sgra ’byin par ’gyur źiṅ (6) ’bu sgra phyuṅ nas phug thrig byed par ’gyur | phug thrig byas nas rṅam pa byas te khyod kyi mdun du ’oṅ bar ’gyur na | khyod kyis bdag ’dis bsad do sñam du śes par gyis śig | de gñis raṅ bźin gyis rtag tu de lta byed mod kyi lan ’ga’ yaṅ phan tshun mtshan mar ma (7) bzuṅ ṅo || de nas dus gźan źig na ri dgas kyi rgyal po seṅ ge de tshaṅ nas byuṅ nas bya smyaṅ byas te glal nas phyogs bźir rnam par bltas te seṅ ge’i skad thaṅ gsum phyuṅ nas khyu mchog gi mdun du soṅ ṅo || khyu mchog de yaṅ lhas nas byuṅ nas bya smyaṅ byas te ’bu sgra (241a1) phyuṅ nas phug thrig byas te rṅam pa byas nas seṅ ge’i mdun du soṅ ṅo || de gñis raṅ bźin gyis r+t+waga tu de lta byed mod kyi lan ’ga’ yaṅ mtshan mar ma bzuṅ ste gaṅ gi tshe rgyud la dbyen gyi sa bon btab pa de’i tshe na mtshan mar bzuṅ bas | khyu mchog gis (2) kyaṅ bdag ’dis bsad do sñam du bsams la | seṅ ges kyaṅ bdag ’dis bsad do sñam du bsams nas | seṅ ges khyu mchog ge braṅ la sder mos btab pa daṅ | khyu mchog gis kyaṅ rwas seṅ ge’i lto dral nas de gñis ka dus la bab pa daṅ | lhas tshigs su (3) bcad pa smras pa | bzaṅ po dag la lta ba’i mis || skye bo ṅan pa bsten mi bya || seṅ ge khyu mchog mdza’ ba la || wa yis tha dad phye la ltos || dge sloṅ dag re źig dud ’gro’i skye gnas su skyes pa’i srog chags de dag kyaṅ phra mas kun tu spyod pa na gsod par sems na (4) mi rnams lta smos kyaṅ ci dgos | dge sloṅ dag de lta bas na dge sloṅ gis dge sloṅ la phrams kun du spyod par mi bya’o || dge sloṅ gis dge sloṅ la phra mas kun du spyod par byed na ’gal tshabs can du ’gyur ro || dge sloṅ dag sṅon byuṅ ba ’das pa’i dus na nags tshal (5) źig na seṅ ge mo phrug gu daṅ bcas pa źig daṅ | stag mo phrug gu daṅ bcas pa źig ’dug ste | seṅ ge mo spyod yul du soṅ ba daṅ | de’i phrug gu de ’khyam pa na stag mo’i gan du soṅ nas stag mos de mthoṅ nas bsams pa ’di gsad par bya’o sñam nas | yaṅ bsams (6) pa | ’di bdag gi bu’i chuṅ po grogs su ’gyur gyis mi bsad do sñam nas des de nu ma snun par brtsams so || seṅ ge mo des kyaṅ spyod yul brgyus te phyir ’oṅs pa daṅ | ji tsam na phrug gu mi snaṅ nas des de btsal bar brtsams pa daṅ | des phrug gu stag mos (7) bsnun par mthoṅ ṅo || stag mo des kyaṅ seṅ ge mo de mthoṅ nas skrag ste ’bros par brtsams pa daṅ | seṅ ge mo des stag mo la smras pa | nu mo ma ’bros śig daṅ | lhan cig ’khod par bya ste | ’di ltar kho mo spyod yul du soṅ ba na khyod kyis kho mo’i phrug gu la (241b1) mkho ba bstabs pas gal te khyod spyod yul du ’gro bar gyur na | kho mos kyaṅ khyod kyi phrug gu la mkho ba bstabs par bya’o || de gñis lhan cig ’khod par brtsams nas de gñis kyis seṅ ge’i phrug gu’i miṅ ni mche bzaṅ źes bya bar btags | stag phrug gi miṅ ni (2) dpuṅ bzaṅ źes bya bar btags nas de gñis dus gźan źig na chen por gyur to || dus gźan źig na seṅ ge mo daṅ | stag mo gñis na bar gyur nas de gñis ’chi ba’i dus kyi tshe bu gñis la smras pa | bu gñis khyed gñis nu ma gcig la nu nu ba’i spun yin la phra ma (3) can snod ’byed pa dag gis ’jig rten gaṅ bar ’khod kyis | kho mo cag gñis ’das pa’i ’og tu khyod gñis kyis ’ga’ yaṅ mñan par mi bya’o źes smras nas | bsags pa kun gyi mtha’ zad ciṅ || mthon po rnams kyi mtha’ ltuṅ ’gyur || phrad pa’i mtha’ ni (4) ’bral ba ste || gson pa’i mtha’ ni ’chi ba yin || źes bya ba yin pas dus kyi chos daṅ ldan par gyur to || seṅ ges ni ri dgas dam pa dam pa dag bsad nas bśad ma pa dag za bar byed | khrag dam pa dag ’thuṅ bar byed ciṅ | de śa dam pa dag zos śiṅ khrag (5) dam pa dag ’thuṅs nas myur ba myur ba kho nar tshaṅ du ’gro bar byed do || stag gis spyod yul du soṅ nas tshegs chen pos ri dgas dag bsad de śa daṅ khrag zos śiṅ ’thuṅs nas yun riṅ pos phyir ’oṅ ṅo || dus gźan źig na stag gis lhag rol dag sbas nas des de zos (6) te myur du phyir ’oṅs pa daṅ | seṅ ges stag la smras pa | khyod sṅon chad ni yun riṅ źig gis phyir ’oṅs na deṅ myur du phyir ’oṅs pa ’di la rgyu ci yod | stag gis smras pa | kho bos lhag rol sbas par gyur pa de zos te phyir ’oṅs so || seṅ ges smras pa | khyod lhag (7) rol sbed dam | stag gis smras pa sbed do || seṅ ges smras pa | kho bo ni ri dgas dam pa dam pa dag bsad nas śa dam pa dag zos śiṅ khrag dam pa dag ’thuṅs nas ltos pa med par ’gro’o || stag gis smras pa | khyod ni stobs daṅ ldan pa yin gyis | kho bos ni (242a1) de ltar byed mi nus so || seṅ ges smras pa | bdag cag lhan cig doṅ ṅo || de gñis lhan cig ’doṅ bar brtsams so || ri dgas kyi rgyal po seṅ ge de la wa rgan po rab tu gdub lhag ma zab źig ’khor źiṅ phyi bźin du ’braṅ ba des bsams pa | stag (2) ’di bdag gi lto’i dgrar gyur pa yin gyis ’di gñis dbye bar bya’o sñam nas | de nas wa rgan po de seṅ ge’i mdun du rna ba phab ste ’dug pa daṅ | seṅ ges smras pa | źaṅ po rluṅ tsha ba dag mi ldaṅ ṅam | was smras pa | tsha bo rluṅ rab tu ’bar bdag ldaṅ ṅo || ci ñes | (3) stag ’di na re kho bo’i rtsa’i seṅ ge de gar soṅ | des kho bo lhag ma zar bcug gis kho bos de ṅes par gsad par bya’o źes zer ro || seṅ ges smras pa | źaṅ po kho bo cag gñis la ma gñis kyis ’chi kar bu gñis khyed gñis nu ma gcig la nu nu ba’i spun yin la | phra (4) ma can snod ’byed pa dag gis ’jig rten gaṅ bar ’khod kyis | kho mo cag gñis ’das pa’i ’og tu khyed gñis kyis ’ga’ yaṅ mñan par mi bya’o źes kha chems bźaṅ gis khyod de skad ma zer cig | was smras pa | tsha bo khyod da kho bo phan par ’dod pa’i tshig mi ñan na (5) chud zos par ’oṅ ṅo || seṅ ges smras pa | źaṅ po go rims ji ltar ’oṅ bar ’gyur | was smras pa | tsha bo stag ’di tshaṅ nas byuṅ nas bya smyaṅ byed par ’gyur la | bya smyaṅ byas nas glal bar ’gyur źiṅ | glal nas phyogs bźir rnam par blta bar ’gyur | phyogs (6) bźir rnam par bltas nas stag gi skad thaṅ gsum phyuṅ ste khyod kyi mdun du ’oṅ bar ’gyur ba na khyod kyis bdag ’dis bsad do sñam du śes par gyis śig | de’i ’og tu stag gi mdun du rna ba phab ste ’dug pa daṅ | stag gis smras pa | źaṅ po rluṅ tsha bdag mi ldaṅ ṅam | (7) was smras pa | tsha bo rluṅ rab tu ’bar ba dag ldaṅ ṅo || ci ñes | seṅ ge ’di na re kho bo’i rtsa’i stag de gar soṅ | de ṅes par gsad par bya’o źes zer ro || stag gis smras pa | źaṅ po kho bo cag gñis la ma gñis kyis ’chi kar bu gñis khyed gñis nu ma (242b1) gcig la nu nu ba’i spun yin la | phra ma can snod ’byed pa dag gis ’jig rten gaṅ bar ’khod kyis | khyed gñis kyis ’ga’ yaṅ mñen par mi bya’o źes kha chems bźag gis khyod de skad ma zer cig | was smras pa | tsha bo khyod da kho bo phan par ’dod pa’i tshig mi (2) ñan na chud zos par ’oṅ ṅo || źaṅ po go rims ji ltar ’oṅ bar ’gyur | was smras pa | tsha bo seṅ ge ’di tshaṅ nas byuṅ nas bya smyaṅ byed par ’gyur la | bya smyaṅ byas nas glal bar ’gyur źiṅ | glal nas phyogs bźir rnam par lta bar ’gyur | phyogs bźir rnam (3) par bltas nas seṅ ge’i skad thaṅ gsum phyuṅ ste khyod kyi mdun du ’oṅ bar ’gyur ba na khyod kyis bdag ’dis bsad par ’gyur ro sñam du śes par bya’o || de gñis raṅ bźin gyis rtag tu de ltar byed mod kyi | lan ’ga’ yaṅ mtshan mar ma bzuṅ ṅo || dus gźan źig na ri dgas (4) kyi rgyal po seṅ ge de tshaṅ nas byuṅ nas bya smyaṅ byas te glal nas phyogs bźir rnam par bltas te seṅ ge’i skad thaṅ gsum phyuṅ nas stag gi mdun du soṅ ṅo || stag gis kyaṅ tshaṅ nas byuṅ nas bya sbyaṅ byas te glal nas phyogs bźir rnam par bltas te stag skad thaṅ gsum phyuṅ (5) nas seṅ ge’i mdun du soṅ ṅo || de gñis rtag tu de lta byed mod kyi | lan ’ga’ yaṅ mtshan mar ma bzuṅ ste | gaṅ gi tshe rgyud la dbyen gyi sa bon btab pa de’i tshe mtshan mar bzuṅ bas seṅ ges kyaṅ bdag ’dis bsad do sñam du bsams la | stag gis kyaṅ bdag ’dis bsad do (6) sñam du bsams so || yaṅ seṅ ges bsams pa | bdag ni stobs daṅ ldan pa yin la stag ni de lta ma yin pas ’dis bdag la rgol mi nus kyis je brtag par bya’o sñam nas des tshigs su bcad pas smras pa |

chu źiṅ phun sum tshogs pa daṅ ||
rtsal daṅ śugs daṅ ldan (7) pa yi ||
mche ba bzaṅ la rgol byed pa ||
dpuṅ bzaṅ de ni rigs pa min ||

stag gis kyaṅ tshigs su bcad pa smras pa |

chu źiṅ phun sum tshogs pa daṅ ||
rtsal daṅ śugs daṅ ldan pa yi ||
dpuṅ bzaṅ la ni rgol byed pa ||
mche bzaṅ de ni rigs pa min ||

seṅ ges smras pa | khyod la (243a1) sus smras | stag gis smras pa | wa ’dis so || stag gis smras pa | khyos la sus smras | seṅ ges smras pa | wa ’dis so || seṅ ges bsams pa | ’dis bdag cag gñis ’byed par byed do sñam nas des wa de thal lcag gis bsnun te bsad pa (2) daṅ | lhas tshigs su bcad pa smras pa |

gźan gyi tshig gis mdza’ bśes mi spaṅ źiṅ ||
gźan gyis smras pa dag la brtag par bya ||
’byed par ’dod pa skabs tshol byed pas na ||
skye bo phra ma can la yid ma rton ||
wa skyes groṅ pa brdzun du smra byed pa ||
mdza’ (3) bśes ’byed par byed pas skyes to re ||
phra ma smra ba de ni bsad gyur nas ||
bde bas mdza’ bśes dga’ bar byed la ltos ||

dge sloṅ dag re źig dud ’gro’i skye gnas su skyes pa’i srog chags de dag kyaṅ phra mas kun du spyod pa na gsod par sems na mi rnams la (4) smos kyaṅ ci dgos | dge sloṅ dag de lta bas na dge sloṅ gis dge sloṅ la phra mas kun du spyad par mi bya’o || dge sloṅ gis dge sloṅ la phra mas spyod par byed na ’gal tshabs can du ’gyur ro || de nas bcom ldan ’das kyis rnam graṅs du mas rnam par smad nas dge sloṅ (5) rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon (6) par bya ste | dge sloṅ la phra ma byed na ltuṅ byed do || dge sloṅ la phra ma byed na źes bya ba ni dge sloṅ la phra ma bya ba’i bsam pas ṅag daṅ | tshig daṅ tha sñad daṅ | skad daṅ | brjod pa daṅ | ṅes pa’i tshig daṅ | tshig gi lam daṅ | tshig gi smra daṅ | ṅag gi las daṅ | (7) ṅag gi rnam par rig byed smras pa’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ltuṅ ba de ma (243b1) bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na || ||

bar sdom la |
rigs dag bzo daṅ las daṅ ni ||
rtags nad ltuṅ ba sde lṅa daṅ ||
ñe ba’i ñon moṅs rnams (2) daṅ ni ||
spyo bar byed pa tha ma yin ||

dge sloṅ gis phra ma bya ba’i bsam pas bram ze las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bram ze las rab tu byuṅ (3) ba yin no źes zer te | dge sloṅ gaṅ źe na miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ñes byas su ’gyur la | rigs daṅ rus brjod pa la ñes byas phra mor ’gyur ro || dge sloṅ gis phra ma bya ba’i bsam pas rgyal rigs las rabatu byuṅ ba’i (4) gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rgyal rigs las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes (5) bya źes smras na miṅ brjod pa la ñes byas su ’gyur la | rigs daṅ rus brjod pa la ñes byas phra mor ’gyur ro || dge sloṅ gis phra ma bya ba’i bsam pas rje’u rigs las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge (6) sbyoṅ gi tshul ga la yod | bram ze’i tshul ga la yod | tshe daṅ ldan pa ni rje’u rigs las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na | miṅ brjod pa la ltuṅ byed du ’gyur la | rigs (7) daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas dmaṅs rigs las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni (244a1) dmaṅs rigs las rab tu byuṅ ba yin no źes zer te dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis (2) phra ma bya ba’i bsam pas tha ga pa las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni thag pa las rab tu byuṅ ba yin no źes zer te | dge sloṅ gaṅ (3) źe na | miṅ ni ’di źes bya | rigs ni ’di źes bya | rus ni ’di źes bya źes smras na | miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas khab ris mkhan las rab tu byuṅ ba’i gan du soṅ ste (4) ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni khab ris mkhan las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di (5) źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas bzaṅ mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi (6) tshul ga la yod | bram ze’i tshul ga la yod | tshe daṅ ldan pa ni bzaṅ mkhan las rab tu byuṅ ba yin no źes zer te dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes (7) byas su ’gyur ro || dge sloṅ gis phra ma bya ba’i bsam pas lcags mgar las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni lcags mgar las rab tu (244b1) byuṅ ba yin no źes zer to | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas rduṅs mgar las (2) rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rduṅs mgar las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni (3) ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus pa rjod pa la ñes byas su ’gyur ro || dge sloṅ gis phra ma bya ba’i bsam pas ko lpags mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge (4) sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ko lpags mkhan las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa (5) la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas rdza mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | (6) tshe daṅ ldan pa ni rdza mkhan las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam (7) bas ’breg mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ’breg mkhan las rab tu byuṅ ba yin no źes zer te | dge sloṅ gaṅ źe na | miṅ ni ’di (245a1) źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas śiṅ mkhan las rab tu byuṅ ba’i gan du soṅ ste ’di skad ces (2) tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni śiṅ mkhan las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na (3) miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas smyig ma mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ ge tshul ga la yod (4) bram ze’i tshul ga la yod | tshe daṅ ldan pa ni smyig ma mkhan las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ (5) gis phra ma bya ba’i bsam pas bran las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bran las rab tu byuṅ ba yin no źes zer te | dge sloṅ gaṅ źe na | (6) miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas bram ze las rab tu byuṅ ba’i gan du soṅ ste ’di skad ces tshe daṅ ldan (7) pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bram ze las rab tu byuṅ ba yin gyis | tshe daṅ ldan pas raṅ gi bzo ’di lta ste | bram ze’i spyod tshul daṅ | spyod pa daṅ | gtsaṅ spra daṅ | kun du spyod pa daṅ | thal (245b1) ba blaṅ ba daṅ | bya ma bum pa blaṅ pa daṅ | sa blaṅ ba daṅ | lag staṅs daṅ | thor tshugs daṅ | rab bsṅags bya ba daṅ | kye źes bya ba daṅ | ṅes brjod kyi rig byed daṅ | mchod sbyin gyi rig byed daṅ | sñan tshig gi rig byed daṅ | srid sruṅ gi rig byed daṅ | mchod (2) sbyin byed pa daṅ | mchod sbyin byed du ’jud pa daṅ | klog pa daṅ | klog tu ’jud pa daṅ | sbyin pa daṅ | len pa dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ñes byas (3) su ’gyur la | rigs daṅ rus brjod pa la ñes byas phra mor ’gyur ro || dge sloṅ gis phra ma bya ba’i bsam pas rgyal rigs las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i (4) tshul ga la yod | tshe daṅ ldan pa ni rgyal rigs las rab tu byuṅ ba yin gyis | tshe daṅ ldan pas raṅ gi bzo ’di lta ste glaṅ po che’i gñar bźon pa daṅ | rta bźon pa daṅ | śiṅ rta’i thabs daṅ | ral gri’i thabs daṅ | ’phoṅ daṅ phyir bsnur ba daṅ | mdun du bsnur ba daṅ | (5) lcags kyus sgyur thabs daṅ | źags pa gdab pa daṅ | mda’ bo che ’phen thabs daṅ | ’dzin staṅs daṅ | gom stabs daṅ | thor tshugs daṅ | bcad pa daṅ | dral ba daṅ | dbug pa daṅ | rgyaṅ nas phog pa daṅ | sgra grag par phog pa daṅ | gnad du phog pa daṅ | (6) mi ’chor bar phog pa daṅ | tshabs che ba dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smas na miṅ brjod pa la ñes byas su ’gyur la | rigs daṅ rus brjod pa la ñes byas phra mor ’gyur ro || (7) dge sloṅ gis phra ma bya ba’i bsam pas rje’u rigs las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rje’u rigs las rab tu byuṅ ba yin gyis | tshe daṅ (246a1) ldan pas raṅ gi bzo ’di lta ste | źiṅ rmo ba daṅ | ba laṅ bsruṅ ba daṅ | tshoṅabya ba bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs (2) daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas dmaṅs rigs las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | (3) tshe daṅ ldan pa ni dmaṅs rigs las rab tu byuṅ ba yin gyis | tshe daṅ ldan bas raṅ gi bzo ’di lta ste | zor ba daṅ | phrag gdaṅ bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na mi brjod (4) pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas thag pa las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul (5) ga la yod | tshe daṅ ldan pa ni thag pa las rab tu byuṅ ba yin gyis | tshe daṅ ldan pas raṅ gi bzo ’di lta ste | dar dag daṅ | ras yug chen dag daṅ | be’u ras dag daṅ | dar la dag daṅ | du gul dag daṅ | ko tam pa dag bslab par bya’o źes zer te | dge (6) sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas kha ba ris mkhan las rab tu byuṅ ba’i (7) gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni khab ris mkhan las rab tu byuṅ ba yin gyis | tshe daṅ ldan bas raṅ gi bzo ’di lta ste | be’u ras yug (246b1) chen daṅ | bar thaṅ daṅ | khab ris daṅ | khre’u tshe daṅ | goṅ bu bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la (2) ñes byas su ’gyur ro || dge sloṅ gis phra ma bya ba’i bsam pas bzaṅ mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bzaṅ mkhan (3) las rab tu byuṅ ba yin gyis | tshe daṅ ldan pas raṅ gi bzo ’di lta ste | źwa daṅ źwa sgre bo daṅ | byis pa’i gos dag daṅ | śiṅ dpuṅ bcad dag daṅ | dor maṅ dag daṅ | dor thuṅ dag daṅ | bzaṅ mkhan gyi bzo gźan gaṅ yin pa dag bslab par bya’o źes (4) zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas lcags mgar las (5) rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni lcags mgar las rab tu byuṅ ba yin gyis | tshe daṅ ldan pas raṅ gi bzo ’di lta ste | lhuṅ (6) bzed daṅ | lhuṅ bzed chuṅ ṅu daṅ | kha ba daṅ | gri dag daṅ | sen gi dag daṅ | lcags mgar gyi bzo gźan gaṅ yin pa dag bslab bar bya’o źes zer te | dge sloṅ gaṅ źe na | miṅ na ’di źes bya | rigs ni ’di źes bya | rus ni ’di źes bya źes (7) smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas rduṅs mgar las rab tu byuṅ ba’i gan du soṅ ste ’di skad ces tshe da pa ldan pa khyod la dge sloṅ na re tshe daṅ ldan pa la dge sbyoṅ (247a1) gi tshul ga la yod | bram ze’i tshul ga la yod | tshe daṅ ldan pa ni rduṅs mgar las rab tu byuṅ ba yin gyis | tshe daṅ ldan pas raṅ gi bzo ’di lta ste | khar gźoṅ dag daṅ | gźoṅ bu dag daṅ | cha laṅ dag daṅ | skom phor dag daṅ | ril (2) bdag daṅ | rduṅs mgar gyi bzo gźan gaṅ yin pa dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes (3) byas su ’gyur ro || dge sloṅ gis phra ma bya ba’i bsam pas ko lpags mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ko lpags (4) mkhan las rab tu byuṅ ba yin gyis | tshe daṅ ldan pas raṅ gi bzo ’di lta ste | lham sgrog gu can dag daṅ | lham yu chad dag daṅ | mchil lham dag daṅ | sga dag daṅ | doṅ pa dag daṅ | ko lpags mkhan gyi bzo gźan gaṅ yin pa dag bslab par bya’o (5) źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas rdza mkhan (6) las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rdza mkhan las rab tu byuṅ ba yin gyis | tshe daṅ ldan pas raṅ gi bzo ’di lta ste | rdza ma (7) dag daṅ | bum pa dag daṅ | ril ba dag daṅ | rdze’u dag daṅ | kham phor dag daṅ | rdza mkhan gyi bzo gźan gaṅ yin pa dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes (247b1) smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas ’breg mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge (2) sbyoṅ gi tshul ga la yod | bram ze’i tshul ga la yod | tshe daṅ ldan pa ni ’breg mkhan las rab tu byuṅ ba yin gyis | tshe daṅ ldan pas raṅ gi bzo ’di lta ste | skra breg pa daṅ | sen mo breg pa daṅ | kha spu breg pa daṅ | byin pa bcos pa daṅ | ’breg mkhan (3) gyi bzo gźan gaṅ yin pa dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ (4) gis phra ma bya ba’i bsam pas śiṅ mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni śiṅ mkhan las rab tu byuṅ ba yin gyis | tshe daṅ (5) ldan pas raṅ gi bzo ’di lta ste | khri dag daṅ | khri’u dag daṅ | an dag daṅ | an khri’u dag daṅ | sgo glegs dag daṅ | śiṅ mkhan gyi bzo gźan gaṅ yin pa dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni (6) ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas smyig ma mkhan las rab tu byuṅ ba’i gan du soṅ ste ’di skad ces tshe daṅ ldan pa khyod (7) la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni smyig ma mkhan las rab tu byuṅ ba yin gyis | tshe daṅ ldan pas raṅ gi bzo ’di lta ste | skon bu dag daṅ | sprog ma dag daṅ | gdugs dag daṅ | (248a1) bsil yab dag daṅ | duṅ gzeb dag daṅ | smyig ma mkhan gyi bzo gźan gaṅ yin pa dag bslab par bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa (2) la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas bran las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga (3) la yod | tshe daṅ ldan pa ni bran las rab tu byuṅ ba yin gyis | tshe daṅ ldan pas raṅ gi bzo ’di lta ste | bsku mñe daṅ | dril phyi daṅ | khrus daṅ | pho ñar ’gro ba daṅ | mṅag pa daṅ | bran gyi bzo gźan gaṅ yin pa dag bslab par bya’o źes zer te | (4) dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || || ’dul ba rnam par ’byed pa | bam po bźi bcu pa | dge (5) sloṅ gis phra ma bya ba’i bsam pas bram ze las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bram ze las rab tu byuṅ ba yin gyis | tshe daṅ ldan pas raṅ (6) gi las ’di lta ste | bram ze’i spyod tshul daṅ | spyod pa daṅ | gtsaṅ sbra daṅ | kun du spyod pa daṅ | thal ba blaṅ ba daṅ | bya ma bum blaṅ ba daṅ | lag staṅs daṅ | thor tshugs daṅ | rab bsṅags bya ba daṅ | kye źes bya daṅ | ṅes brjod kyi rig byed daṅ | (7) mchod sbyin gyi rig byed daṅ | sñan tshig gi rig byed daṅ | srid sruṅ gi rig byed daṅ | mchod sbyin byed pa daṅ | mchod sbyin byed du ’jud pa daṅ | klog pa daṅ | klog tu ’jug pa daṅ | sbyin pa daṅ | len pa daṅ | bram ze’i las gźan gaṅ yin pa (248b1) dag kyaṅ bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ñes byas su ’gyur la | rigs daṅ rus brjod pa la ñes byas phra mor ’gyur ro || dge sloṅ gis phra ma bya ba’i bsam (2) bas rgyal rigs las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bam ze’i tshul ga la yod | tshe daṅ ldan pa ni rgyal rigs las rab tu byuṅ ba yin gyis | tshe daṅ ldan pas raṅ gi las (3) ’di lta ste | glaṅ po che’i gñar bźon pa daṅ | rta la bźon pa daṅ | śiṅ rta’i thabs daṅ | ral gri’i thabs daṅ | ’phoṅ daṅ | phyir bsnur ba dag daṅ | mdun du bsnur pa daṅ | lcags kyus sgyur thabs daṅ | źags pa gdab pa daṅ | mda’ bo che (4) ’phen thabs daṅ | ’dzin staṅs daṅ | gom staṅs daṅ | thor tshugs daṅ | gcad pa daṅ | dral ba daṅ | dbug pa daṅ | rgyaṅ nas phog pa daṅ | sgra grag par phog pa daṅ | gnad du phog pa daṅ | mi ’tsher bar phog pa daṅ | tshabs che bar phog pa daṅ | (5) rgyal rigs kyi las gźan gaṅ yin pa dag kyaṅ bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ñes byas su ’gyur la | rigs daṅ rus brjod pa la ñes byas phra mor ’gyur (6) ro || dge sloṅ gis phra ma bya ba’i bsam pas rje’u rigs las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rje’u rigs las (7) rab tu byuṅ ba yin gyis | tshe daṅ ldan pas raṅ gi las ’di lta ste | źiṅ rmo ba daṅ | ba laṅ bsruṅ ba daṅ | tshoṅ bya ba daṅ | rje’u rigs kyi las gźan gaṅ yin pa dag kyaṅ bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | (249a1) rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas dmaṅs rigs las rab tu byuṅ ba’i gan du soṅ ste | ’di skad ces tshe daṅ ldan (2) pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni dmaṅs rigs las rab tu byuṅ ba yin gyis | tshe daṅ ldan pas raṅ gi las ’di lta ste | zor ba daṅ | phrag gdaṅ daṅ | dmaṅs rigs kyi las (3) gźan gaṅ yin pa de dag kyaṅ bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis (4) phra ma bya ba’i bsam pas tha ga pa las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni tha ga pa las rab tu byuṅ ba yin gyis | tshe daṅ ldan pas (5) ’di lta ste | thags bzaṅs daṅ | son pa daṅ | dru bu daṅ | snas ma la sogs pas raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs (6) daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas khab ris mkhan las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | (7) tshe daṅ ldan pa ni khab ris mkhan las rab tu byuṅ ba yin gyis | tshe daṅ ldan pas ’di lta ste | rgyaṅ śiṅadaṅa | skud pa daṅ | tshon daṅ | phur pa daṅ | so maṅs kyis raṅ gi las bya’o źes zer te | dge sloṅ gaṅ źe na | mig ni ’di źes bya | rigs ni ’di źes bya | (249b1) rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas bzaṅ mkhan las rab tu byuṅ ba’i gan du soṅaste | ’di skad ces tshe daṅ ldan pa khyod la dge sloṅ na re (2) tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bzaṅ mkhan las rab tu byuṅ ba yin gyis | tshe daṅ ldan pas ’di lta ste | khab daṅ | skud pa daṅ | gri daṅ | chan pa daṅ | lcub mos raṅ gi las bya’o źes zer te | (3) dge sloṅ gaṅ źe na | miṅ ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas lcags mgar las rab tu byuṅ ba’i (4) gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni lcags mgar las rab tu byuṅ ba yin gyis | tshe daṅ ldan pas ’di lta ste | spud pa daṅ | spud ru daṅ | ti tsa (5) daṅ | skam pa daṅ | tho bas raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge (6) sloṅ gis phra ma bya ba’i bsam pas rduṅs mgar las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rduṅs mgar las rab tu byuṅ ba yin gyis | tshe (7) daṅ ldan pas ’di lta ste | sbud pa daṅ | sbud ru daṅ | ti tsa daṅ | skam pa daṅ | tho bas raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | (250a1) rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas ko lpags mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram (2) ze’i tshul ga la yod | tshe daṅ ldan pa ni ko lpags mkhan las rab tu byuṅ ba yin gyis | tshe daṅ ldan pas ’di lta ste | rgyus pa daṅ | rgyi’u daṅ | ’breṅ bu daṅ | dra gri daṅ | smyuṅ daṅ | smyuṅ bus raṅ gi las bya’o źes zer te | dge sloṅ gaṅ źe na | miṅ ni ’di źes (3) bya | rigs ni ’di źes bya | rus ni ’di źes bya źes smra na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas rdza mkhan las rab tu byuṅ ba’i gan du soṅ ste | ’di skad ces tshe daṅ (4) ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni rdza mkhan las rab tu byuṅ ba yin gyis | tshe daṅ ldan pas ’di lta ste | ’khor lo daṅ | dbyig gu daṅ | tha gu daṅ | ’khor lo’i rten ma daṅ | (5) gsal gyis raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya (6) ba’i bsam pas ’breg mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni ’breg mkhan las rab tu byuṅ ba yin gyis | tshe daṅ ldan pas (7) ’di lta ste | spu gri daṅ | chan pa daṅ | bdar daṅ | smaṅ tser daṅ | sen gris raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs (250b1) daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas śiṅ mkhan las rab tu byuṅ ba’i gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | (2) tshe daṅ ldan pa ni śiṅ mkhan las rab tu byuṅ ba yin gyis | tshe daṅ ldan pas ’di lta ste | ste’u daṅ | sta re daṅ | gzoṅ daṅ | sog le daṅ | tho bas raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni (3) ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas smyig ma mkhan las rab tu byuṅ ba’i gan du stoṅ ste ’di skad ces tshe daṅ ldan pa khyod la dge sloṅ (4) na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni smyig ma mkhan las rab tu byuṅ ba yin gyis | tshe daṅ ldan pas ’di lta ste | smyig ma daṅ | gri daṅ | tshon daṅ | smyug tho daṅ | lhaṅ tsher gyis raṅ gi las (5) bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas bran (6) las rab tu byuṅ ba’i gan du soṅ ste | ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni bran las rab tu byuṅ ba yin gyis | tshe daṅ ldan pas ’di lta ste bsku mñe daṅ | dril phyi daṅ | khrus daṅ | pho ñar ’gro (7) ba daṅ | mṅag pas raṅ gi las bya’o źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas dge (251a1) sloṅ gi gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni theṅ po daṅ | smad ’anala daṅ | źar ba daṅ | lag sor rdum po daṅ | sbur pa daṅ | mi’u (2) thuṅ daṅ | lpa ba can daṅ | glen pa daṅ | lkugs pa daṅ | grum po daṅ | ’on pa daṅ | rten ’phye daṅ | rkaṅ ’bam las rab tu byuṅ ba yin gyis źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ (3) brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam pas dge sloṅ gi gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga (4) la yod | tshe daṅ ldan pa ni mdze can daṅ | ’brum bu phra mo can daṅ | ṅal skyen pa daṅ | śu ba can daṅ | g-yan pa can daṅ | khyi rṅo can daṅ | glog pa can daṅ | rkaṅ śu can daṅ | skyigs bu can daṅ | skyug bro ba daṅ | khoṅ skam can daṅ | rims (5) can daṅ | rims drag po can daṅ | luṅ pa can daṅ | dbugs mi bde ba can daṅ | skem nad can daṅ | brjed byed can daṅ | bkres ṅa ba can daṅ | skya rbab can daṅ | tshil po che daṅ | skran can daṅ | khrag nad can daṅ | mkhris nad daṅ | mtshan par (6) rdol ba las rab tu byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma (7) bya ba’i bsam pas dge sloṅ gi gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni pham par ’gyur ba daṅ | dge ’dun lhag ma daṅ | ltuṅ byed daṅ | so sor bśags (251b1) par bya ba daṅ | ñes byas kyi ltuṅ ba byuṅ ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ (2) gis phra ma bya ba’i bsam pas dge sloṅ gi gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul ga la yod | bram ze’i tshul ga la yod | tshe daṅ ldan pa ni khro ba daṅ | khon du ’dzin pa daṅ | ’chab pa daṅ | dṅan dus can (3) daṅ | phrag dog can daṅ | ser sna can daṅ | g-yon can daṅ | sgyu can daṅ | ṅo tsha med pa daṅ | khrel med pa daṅ | sdig pa ’dod pa daṅ | log bar lta ba yin no źes zer te | dge sloṅ gaṅ źe na | miṅ ni ’di źes bya | rigs ni ’di źes bya | rus ni (4) ’di źes bya źes smras na miṅ brjod pa la ltuṅ byed du ’gyur la | rigs daṅ rus brjod pa la ñes byas su ’gyur ro || dge sloṅ gis phra ma bya ba’i bsam bas dge sloṅ gi gan du soṅ ste ’di skad ces tshe daṅ ldan pa khyod la dge sloṅ na re tshe daṅ ldan pa la dge sbyoṅ gi tshul (5) ga la yod | bram ze’i tshul ga la yod | tshe daṅ ldan pa ni ro lta bu yin no źes bya ba la sogs pa’i spyo ba dag gis sbyo bar byed de | dge sloṅ gaṅ źe na | miṅ ni ’di źes bya | rigs ni ’di źes bya | rus ni ’di źes bya źes smras na miṅ brjod pa la ltuṅ byed du ’gyur la | (6) rig daṅ rus brjod pa la ñes byas su ’gyur ro || de bźin du dge sloṅ gis ji tsam du phra ma bya ba’i bsam pas dge sloṅ dag dbye ba’i tshig smra na bden yaṅ ruṅ | brdzun yaṅ ruṅ thams cad du ltuṅ byed du ’gyur ro || las daṅ po pa daṅ | smyos pa daṅ | (7) sems ’khrugs pa daṅ | tshor ba dag gis ñen pa la ltuṅ ba med do || dge sloṅ la phra ma byed pa’i ltuṅ byed de gsum pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00b6e137-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display