Bibliotheca Polyglotta

[Pāyantika 15]
saṅs rgyas bcom (3) ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || lho lam nas dge sloṅ rgan pa daṅ | gźon pa gñis śig bcom ldan ’das kyi źabs la phyag ’tshal du mñan yod du ’oṅs nas | rgan śos kyi gtsug lag (4) khaṅ ni gnas mal dad bcas pa źig tu bskos | gźon pa śos kyi gtsug lag khaṅ ni gnas mal med pa źig tu bskos pa daṅ | gźon pa śos de sgrub phod pa źig yin pas des rtsa maṅ po dag blaṅs nas pus mo nub tsam gyi gdiṅ ba bśams so || rgan pa (5) des bsams pa | gźon nu de’i gtsug lag khaṅ ji lta bu źig tu bskos pa je bltas ’gro’o sñam nas de der soṅ ba daṅ | ji tsam na gdiṅ ba bzaṅ po bśams pa mthoṅ nas des bsams pa | bdag ji srid du gnas mal phyir gtod par byed pa de srid du saṅ ’gro ba (6) ’phyis bar ’gyur gyis ’di ñid du ’dug go sñam nas | des gnas mal daṅ bcas pa’i gtsug lag khaṅ de dge sloṅ gnas mal ’bog pa la phyir gtad nas | de gñis gtsug lag khaṅ der mtshan mo gnas nas naṅ par sdar laṅs te doṅ ṅo || phyogs des (7) snum źiṅ dṅar ba yin pas rtswa btiṅ ba dag la sril dag chags nas gtsug lag khaṅ de’i phyi naṅ bcas pa thams cad sril gyis khyab par gyur to || de’i tshe na khyim bdag gcig gis saṅs rgyas la sogs pa dge sloṅ gi dge ’dun khyim gźan du gdugs tshod la (19b1) spyan draṅs pa daṅ | dge sloṅ gi dge ’dun ni bźugs so || bcom ldan ’das ni rdzas las byuṅ ba na bźugs śiṅ bsod sñoms mṅon par bsgrubs so || saṅs rgyas bcom ldan ’das rnams ni rgyu lṅas rdzas las byuṅ ba na bźugs śiṅ bsod sñoms mṅon par (2) bsgrub par mdzad de | lṅa gaṅ źe na | naṅ du yaṅ dag ’jog bźed pa daṅ | lha rnams la chos ston par bźed pa daṅ | gnas mal la rtog par bźed pa daṅ | ’dul ba la ñan thos rnams kyi bslab pa’i gźi ’cha’ bar bźed pa’o || (3) don ’dir ni bcom ldan ’das gnas mal la tog par bźed pa daṅ | ’dul ba la ñan thos rnams kyi bslab pa’i gźi ’cha’ bar bźed pas rdzas las byuṅ ba na bźugs śiṅ bsod sñoms mṅon par bsgrub pa mdzad do || de nas bcom ldan ’das kyis dge sloṅ gi dge (4) ’dun soṅ nas riṅ po ma lon par thugs su chud nas lde mig bsnams te kun dga’i ra bar gtsug lag khaṅ nas gtsug lag khaṅ du || baṅ khyim nas khaṅ khyim du | ’chags nas ’chag sar daṅ | gol bar gśegs śiṅ mthar gyis gśegs (5) pa na | gtsug lag khaṅ de gal ba der gśegs pa daṅ | bcom ldan ’das kyis gtsug lag khaṅ de sril dag gis phyi naṅ thams cad khyab par gzigs so || gzigs nas kyaṅ e ma źes gsuṅs śiṅ smad nas ’di sñam du dgoṅs te | bram ze daṅ khyim (6) bdag dad pa can dag gis pags pa daṅ | śa daṅ | khrag dag btsir ciṅ btsir ciṅ sbyin pa dag sbyin | bsod nams dag byed pa gaṅ yin pa de la dge sloṅ dag drod mi śes pa daṅ | so sor mi rtog par yoṅs su loṅs spyod do sñam du dgoṅs so || de nas bcom (7) ldan ’das ’di sñam du dgoṅs te | bdag gis ci nas kyaṅ srel dag logs śig tu ’gyur źiṅ | sa dag kyaṅ logs śig tu ’gyur pa de lta bu’i rdzu ’phrul mṅon par ’du bya ba mṅon par ’du bya’o sñam du dgoṅs so || de nas bcom ldan ’das kyi ci nas kyaṅ sril dag (20a1) kyaṅ logs śig tu ’gyur źiṅ sa dag kyaṅ logs śig tu ’gyur ba de lta bu’i rdzu ’phrul mṅon par ’du mdzad do || de nas bcom ldan ’das kyis ’khor lo daṅ | bkra śis daṅ | g-yuṅ druṅ gi lcags kyu dag daṅ (2) ldan pa’i phyag dra par ’brel pa | bsod nams brgya phrag du ma las ’khruṅs pa gñis kyis sril de dag legs par bsdus te bsil ba’i phyogs su gźag pa mdzad do || de nas bcom ldan ’das kyis gtsug lag khaṅ de chag chag btab ste phyag dar mdzad nas (3) ñal ñil gtsug lag khaṅ gi phyi rol du bo te phyag daṅ źabs gñis bsil nas naṅ du yaṅ dag ’jog gi slad du gtsug lag khaṅ du gśegs so || de nas dge sloṅ bsod sñoms sgrub pas bsod sñoms blaṅs nas bcom ldan ’das gal ba der soṅ ṅo || (4) saṅs rgyas bcom ldan ’das rnams ni chos ñid kyis bcom sñoms sgrub pa’i dge sloṅ la dge sloṅ ji lta zas bsod dam | dge sloṅ gi dge ’dun tshim par byas sam źes so sor kun dga’ bar mdzad pa ’dis so sor kun dga’ bar mdzad pa yin pas bcom ldan (5) ’das kyis dge sloṅ bsod sñoms sgrub pa la dge sloṅ ji lta zas bsod dam | dge sloṅ gi dge ’dun tshim par byas sam źes so sor kun dga’ bar mdzad pa daṅ | des gsol pa | btsun pa zas te por bsod ciṅ dge sloṅ gi dge ’dun tshim par bgyis so || de nas (6) bcom ldan ’das źal zas kyi bya ba mdzad nas | gtsug lag khaṅ gi slad rol du źabs gñis bsil te | naṅ du yaṅ dag ’jog gi slad du gtsug lag khaṅ du gśegs so || de nas bcom ldan ’das phyi dro naṅ du yaṅ dag ’jog las bźeṅs nas | dge sloṅ gi dge (7) ’dun gyi goṅ du gdan bśams pa ñid la bźugs so || bźugs nas bcom ldan ’das kyis dge sloṅ rnams la bka’ stsal pa | dge sloṅ dag ’di na ṅas dge sloṅ gi dge ’dun soṅ nas riṅ po ma lon par śes nas lde mig khyer te kun dga’i rab nas kun dga’i (20b1) ra bar | gtsug lag khaṅ nas gtsug lag khaṅ du | khaṅ khyim nas khaṅ khyim du || ’chags nas ’chags sar daṅ | gol bar soṅ śiṅ mthar gyis ’gro ba na gtsug lag khaṅ źig ga la ba der phyin nas ṅas gtsug lag khaṅ de sril dag gis phyin naṅ thams cad khyab par (2) mthoṅ ṅo || mthoṅ nas kyaṅ | e ma’o źes byas te smad nas ’di sñam du bram ze daṅ khyim bdag dad pa can dag gis pags pa daṅ | śa daṅ | khrag dag btsir ciṅ btsir ciṅ sbyin pa dag sbyin bsod nams dag byed pa gaṅ yin pa de la dge sloṅ dag drod mi śe sa pa daṅ | so sor (3) mi rtog par yoṅs su loṅs spyod do sñam du dgoṅs kyis | dge sloṅ dag khyed kyis dad pas sbyin par bya ba la droṅ ran par yoṅs su loṅs spyad pa daṅ | spaṅ źiṅ yoṅs su loṅs spyad pa daṅ | dus su yoṅs su loṅs spyad pa daṅ | brtag ciṅ yoṅs su loṅs spyad pa daṅ | khad (4) kyis yoṅs su loṅs spyad na legs so || ||

bar sdom la |
droṅ ran pa daṅ spaṅ pa daṅ ||
de bźin dus daṅ brtag pa daṅ ||
khad kyis yoṅs su spyad pa yin ||

de nas bcom ldan ’das kyis drod ran pa daṅ | spaṅ pa daṅ | dus daṅ | brtag pa daṅ | khad kyis yoṅs su (5) loṅs spyod pa’i bsṅags pa brjod nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyis bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis (6) ’dul ba la bslab pa’i gźi ’di ltar gdon par bya ste | yaṅada ge sloṅ gaṅ dge ’dun gyi gtsug lag khaṅ du rtswa’i gdiṅ ba’am | lo ma’i gdiṅ ba btiṅ ṅam | ’diṅ du bcug nas ma bsdus sam sdud du ma bcug par de nas soṅ na ltuṅ byed do źes bcom ldan ’das kyis ’dul ba (7) la ñan thos rnams kyi bslab pa’i gźi de ltar bca’ ba mdzad do || dge sloṅ rab tu maṅ po don mthun daṅ lhan cig ldoṅs rgyur ’doṅ ba na ri brags śig tu phyin nas || de na de dag khyim bdag gi gan du soṅ ste | khyim bdag kho bo cag la gnas g-yor cig ces gnas brñas (21a1) pa daṅ | khyim bdag gis smras pa | dam tshig gis g-yar bar bgyi ste | gal te bdag gi bsod sñoms gsol te gśegs na g-yar ro || dge sloṅ rnams kyis smras pa | khyim bdag kho bo cag ni don mthun la rag las ba yin pas | gal te don mthun snod (2) na bza’ bar bya’o || khyim bdag ’di na khri’am | khri’u lha yod dam | ’phags pa dag ma mchis so || dge sloṅ de dag la khyim pa daṅ | dge tshul maṅ du yod pas de dag gis rtswa maṅ po blaṅs te pus mo nu btsam gyi gdiṅ ba bśams so || don mthun nam ma naṅs pa ñid du ’phags (3) nas | dge sloṅ de dag gis kyaṅ gdiṅ pa ma bor bar doṅ ṅo || khyim bdag gis bsams pa | gal te ’phags pa dag bźugs na de dag gi gdugs tshod sta gon byas je blta’o sñam nas de soṅ ba daṅ | ji tsam na dge sloṅ de dag nam ma naṅs pa kho nar doṅ ba mthoṅ ṅo || khyim (4) bdag de chuṅ ma daṅ bcas pas gdiṅ ba de dag ’dor ba na sṅa dro ril gyis yol bar gyur to || dge sloṅ rab tu maṅ po gźan dag don mthun dad lhan cig ljoṅs rgyur dor ba na ri brags de ñid du phyin nas | de na de dag khyim bdag gi gan du stoṅ ste khyim bdag kho bo cag la gnas g-yor (5) cig ces gnas brñas pa daṅ | khyim bdag gis smras pa | ’phags pa dag dam tshig gis g-yar bar bgyi ste | gal te khyed cag ran gyi gdiṅ ba mi ’diṅ na g-yar bar bgyi’o || khyim bdag ’di na gaṅ du kho bo cag ñal bar bya ba’i khyi’am | khri’u lta yod dam | ’phags pa dag ma (6) mchis so || khyim ba dag sge bo la ji ltar ñal bar bya | ’phags pa dag khyed cag ñid kyi tshaṅs pa mtshuṅs par spyod pa dag lhags par gyur nas | de dag gis ran gyi gdiṅs nas ma bor bar doṅ nas bdag mchis ’braṅ daṅ bcas pa de ’dor ba na sṅa dro ril gyis yol bar gyur ro || (7) dge sloṅ de dag sa sgre bol mtshan mo ’da’ bar byas nas naṅ par sṅar laṅs te doṅ ṅo || de dag mthar gyis rgyu źiṅ doṅ ba na mñan yod du phyin nas | dge sloṅ rnams kyis de dag mthoṅ nas smras pa | tshe daṅ ldan pa dag ’oṅs pa legs so ’oṅs pa legs so || ji lta bde bar brgyus sam | (21b1) ji lta bde ba brgyus | sa sgre bo la mtshan thog thag ’gre ldog pas ’da’ ba byas so || khyod cag ri brags gaṅ du źag | ga ge mo źig tu’o || khyim bdag gaṅ gi sdum par | che ga mo źig gi’o || de na dge sloṅ kha cig gis smras pa | kho bo cag ni khyim bdag de’i sdum par gdiṅ ba (2) la ñal te ’oṅ so || khyod cag gis gdiṅ ba de gaṅ du bor | de ñid du bor ro || de’i phyir khyim bdag de smon par byed do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | khyim gźan nas kyaṅ gdiṅ ba dor bar (3) bya’o | bcom ldan ’das kyis khyim gźan nas kyaṅ gdiṅ ba ṅor bar bya’o || źes bka’ stsal nas | dge sloṅ rab tu maṅ po dag don mthun daṅ lhan cig ljoṅs rgyur ’doṅ ba na ri brags śig tu phyin to || ri brags de na khyim bdag cig gis dge sbyoṅ daṅ | bram ze blo bur du lhags pa (4) rnams kyi don du thag riṅ po nas rtswa maṅ po dag blaṅs te gdiṅ ba bśams so || dge sloṅ de dag khyim bdag de’i gan du soṅ ste | khyim bdag kho bo cag la gnas g-yor cig ces gnas brñas pa daṅ | khyim bdag des smras pa | ’phags pa dag bdag gis dge sbyoṅ daṅ | bram (5) ze blo bur du lhags pa rnams kyi don du thag riṅ po nas rtswa maṅ po blaṅs te gdiṅ ba ’di bśams kyis ’dir gzims śig | de dag der ñal nam ma naṅs pa kho nar khyim bdag lam dris par gdiṅ ba bor te doṅ ṅo || khyim bdag de naṅ par sṅar laṅs nas | de bor te doṅ ba mthoṅ nas (6) khyim bdag des bsams pa | ltar ’gro’o || gal te phyogs gtsaṅ mar bor bar gyur na yaṅ blaṅ ṅo || sñam nas de ltar soṅ ba daṅ | ji tsam na phyogs mi gtsaṅ bar bor pa mthoṅ nas des de ma blaṅs so || dge sloṅ rab tu maṅ po gźan dag don mthun daṅ lhan cig ljoṅs rgyur ’doṅ ba na (7) ri brags de ñid du phyin nas | de dag khyim bdag de’i gan du soṅ ste | khyim bdag kho bo cag la gnas g-yor cig gnas brñas ba daṅ | khyim bdag des smras pa | ’phags pa dag bźugs su gsol | khyim bdag ’di na khri’am | khri’u dag yod dam | ’phags pa dag ma (22a1) mchis so || khyim bdag sge bo ’di la ji ltar ñal bar bya | ’phags pa dag badagagisa dge sbyoṅ daṅ bram ze blo bur du lhags pa rnams kyi don du thag riṅ po nas rtswa maṅ po blaṅs te gdiṅ ba bśams par gyur pa las | khyed cag ñid kyi tshaṅs pa mtshuṅs par spyod pa (2) dag lhags par gyur te | de dag der ñal nas nam mnaṅs pa kho nar bdag la ma dris par gdiṅ ba de dag phyogs mi gtsaṅ bar bor te doṅ ṅo || de dag der sgre bo la ñal te doṅ ṅo || de dag mthar gyis rgyu źiṅ ’doṅ ba na mñan yod du phyin nas | dge sloṅ rnams kyis de dag mthoṅ nas (3) smras pa | tshe daṅ ldan pa dag ’oṅs pa legs so || ’oṅ pa legs so || ji lta bed bar brgyus sam | de dag gis smras pa | ji ltar bde bar brgyus | sa sgre bo la mtshan thog thag ’gres ldog ste | nam naṅs so || khyed cag ri brags gaṅ du źag | ga ge mo źig tu’o || khyim (4) bdag gaṅ gi stum par | che ge mo źig gi’o || de na dge sloṅ kha cig gis smras pa | kho bo cag ni khyim bdag de’i sdum par gdiṅ ba la ñal te ’oṅs so || khyed cag gis gdiṅ ba de gar bźag | phyi rol du bor ro || de’i phyir khyim bdag de smod do źes zer ba’i skabs de dge sloṅ (5) rnams kyis bcom ldan ’das la gsol pa daṅ | bcom ldan ’das kyis bka’ stsal pa | khyim bdag ’dug pa la dri bar bya ste | gal te ’or cig ces zer na dor bar bya’o || gal te mdor cig ces zer na dor bar mi bya’o || ri brags śig na gtsug lag khaṅ gnas (6) mal med pa źig yod pa der | dge sloṅ rnams kyis dge sloṅ blo bur du lhags pa rnams kyi don du thag riṅ po nas rtswa maṅ po dag blaṅs te gdiṅ ba bśams so || dge sloṅ rab tu maṅ po dag don mthun daṅ lhan cig ljoṅs rgyu źiṅ ’doṅ ba na ri brags der phyin nas | de dag gtsug lag (7) khaṅ der źugs nas de dag gis | dge sloṅ rnams la dris pa | tshe daṅ ldan pa dag ’di na gnas mal cuṅ zad yod dam | de dag gis smras pa | yod de ’di ltar kho bo cag gis | dag sloṅ blo bur du lhags pa rnams kyi don du | thag riṅ po nas rtswa maṅ po blaṅs te gdiṅ ba bśams (22b1) kyis ’dir ñol cig | de dag der ñal nas nad par sṅar laṅs te gdiṅ ba de bor bar brtsams pa daṅ | dge sloṅ rnams kyis de dag la smras pa | tshe daṅ ldan pa dag gdiṅ ba ’di ma dor cig | kho bo cag gis tshaṅs pa mtshuṅs par spyod pa blo bur du lhags pa rnams kyi don du thag (2) riṅ po nas rtswa maṅ po blaṅs te btiṅ ba yin no || de dag gis smras pa | tshe daṅ ldan pa dag khyed cag gis re źig bdag ñid ltuṅ ba daṅ bcas par byas so || kho bo cag gis ji ltar bdag ñid ltuṅ ba daṅ bcas par byas | de dag gis de dag spyos te gdiṅ ba de dag mthus bor (3) nas doṅ ṅo || dge sloṅ rab tu maṅ po gźan dag don mthun daṅ lhan cig ljoṅs rgyur ’doṅ ba na gtsug lag khaṅ de ñid du byin nas de dag gis dge sloṅ de dgal ganasamala brñas pa daṅ | dge sloṅ rnams kyis dge sloṅ de dag la smras pa | tshe daṅ ldan pa dag gtsug lag khaṅ (4) ’di gnas mal med pa yin nam | kho bo cag gis tshaṅs pa mtshuṅs par spyod pa blo bur du lhags pa rnams kyi don du thag riṅ bo nas rtswa maṅ po dag blaṅs te gdiṅ ba bśams par gyur pa las tshaṅs pa mtshuṅs par spyod pa gźan dag cig don mthun daṅ lhan cig ljoṅs rgyur ’doṅ ba (5) na gtsug lag khaṅ ’dir lhags te de dag de la ñal nas naṅ par sṅar laṅs te gdiṅ ba de bor bar brtsams pa daṅ | kho bo cag gis ma dor cig ces byas na | de dag gis kho bo cag spyos te mthus bor nas doṅ ṅo || de dag kyaṅ der sa sgre bo la ñal nas naṅ par sṅar laṅs te (6) doṅ ṅo || de dag mthar gyis ljoṅs rgyu źiṅ ’doṅ ba na mñan yod du phyin nas dge sloṅ rnams kyis de dag mthoṅ nas smras pa | tshe daṅ ldan pa dag ’oṅs pa legs so ’oṅs pa legs so || ji lta bde bar brgyus sam | de dag gis smras pa | ji ltar bde bar brgyus | mtshan (7) mo thog thag sa sgre bol ’gres ldog ste | nam naṅs so || tshe daṅ ldan pa dag ri brags gaṅ du źag | gtsug lag khaṅ ga ge mo źig tu’o || de na dge sloṅ kha cig gis smras pa | kho bo cag ni gtsug lag khaṅ der gdiṅ ba la ñal te ’oṅs so || khyed cag gis gdiṅ ba de (23a1) gar bźag | kho ba cag gis rgan źugs de dag smras bźin du mthus phyi rol du bor ro || de’i phyir tshaṅs pa mtshuṅs par spyod pa de dag smod par byed do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis (2) bka’ stsal pa | de bźin du dor bar mi bya bar dge sloṅ ’khod pa dag la dri bar bya’o || dge sloṅ rab tu maṅ po dag don mthun daṅ lhan cig ljoṅs rgyu źiṅ ’doṅ ba na khron pa ’i druṅ źig tu mtshan mo źag nas de dag gis rtswa maṅ po dag kyaṅ blaṅs te rtswa’i gdiṅ ba bśams so || de dag (3) daṅ ha caṅ thag mi riṅ ba na bram ze źig kyaṅ mtshan mo źag go || dge sloṅ dag don mthun daṅ bcas te naṅ par sṅar laṅs te doṅ ba daṅ | don mthun phyir ’gro ba yaṅ ’oṅs so || bram ze de don mthun de la don bsgrubs nas de dom mthun de ñid daṅ lhan cig phyir log pa daṅ | don mthun (4) de yaṅ khron pa’i druṅ de ñid du gdiṅ ba ji ltar bśams pa dag la mtshan mo ñal lo || don mthun de daṅ gcer bu pa dag lhan cig ’oṅs pa de dag gdiṅ ba gaṅ la dge sloṅ dag ñal ñal ba’i gdiṅ ba de ñid la ñal ba daṅ | de na gcer bu pa gcig gis smras pa | śes pa can ji źig (5) gis zin no || gcer bu pa gźan źig smras pa | khyod kyis chaṅ gi tshigs ma maṅ du zos pas khyod ’dod pa’i rnam par rtog pas zin no || des gdiṅ ba de la bltas pa daṅ | ji tsam na sril dag mthoṅ nas des smras pa | gdiṅ ba ’di la su ñal bar gyur | de dag daṅ ha caṅ thag (6) mi riṅ ba na bram ze ñal ba des de smra ba thos nas des smras pa | śākya ’i bu’i dge sbyoṅ dag gdiṅ ba ’di la ñal bar gyur to || de dag gis smras pa | śes ldan dag śākya ’i bu’i dge sbyoṅ dag ’jig rten la bdag ñid mkhas par bgraṅs par byed na | ’di ltar dgon par gdiṅ ba dor bar bya (7) bde yaṅ mi śes so źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dgon par yaṅ rtswa’i gdiṅ ba dor bar bya’o || bcom ldan ’das kyis dgon par yaṅ rtswa’i gdiṅ bar bya’o źes bka’ stsal nas | (23b1) dge sloṅ rab tu maṅ po dag don mthun daṅ lhan cig ljoṅs rgyu źiṅ ’aṅ ba na dgon pa’i gnas śig tu źag pa daṅ don mthun de nam ma naṅs pa ñid du ’phags nas | dge sloṅ de dag ji srid du gdiṅ ba ’dor bar byad pa de srid du don mthun thal nas | de dag phyi bźin ’braṅ źiṅ ’doṅ (2) pa na chom rkun pa dag gis bcos mo || de dag mthar gyis rgyu źiṅ ’doṅ ba na mñan yod du phyin nas dge sloṅ rnams kyis de dag mthoṅ nas smras pa | tshe daṅ ldan+pa dag ’oṅs pa legs so ’oṅs pa legs so || ji lta bde bar brgyus sam | tshe daṅ ldan pa dag ji ltar bde bar (3) brgyus | kho bo cag chom rkun pa dag gis bcom mo || gaṅ gis ji ltar gyur | de dag gis skabs de dge sloṅ rnams la brjod nas dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | thams cad kyi thams cad du doṅ bar mi bya bar (4) ’di ltar gloṅs te ’gro bar bya’o || dge sloṅ dag tshon rtsi’i las byed pa na dgar dag tu rtswa dag bkram ste gos dag skems par byed ciṅ de dag rtswa de dag ’dor bar mi byed nas der sril dag byuṅ bar gyur nas | bcom ldan ’das kyis bka’ stsal pa | rtswa dag dor bar bya’o || dge sloṅ (5) gźan dag tshon rtsi’i las byed par ’dod nas de dag gis smras pa | tshe daṅ ldan pa dag rtswa ’di dag ma dor cig daṅ kho bo cag gis kyaṅ ’dir gos dag bskam par bya’o || de dag gis de dag la mi ster nas | bcom ldan ’das kyis bka’ stsal pa | sbyin par bya’o || de dag gis de (6) dad de dag tu gos dag bskams nas kho bo cag gis ma btiṅ ṅo źes rtswa de dag ’dor bar mi byed nas | bcom ldan ’das kyis bka’ stsal pa | de dag la rtswa ’dor ram mi ’dor źes dri bar bya źiṅ | gal te ’dor ro źes zer na sbyin par bya’o || gal te mi ’dor ro źes zer na sbyin par mi (7) bya’o|| dge sloṅ ṅag ’chags dag tu ’chags pa na de nas rtsub pas de dag gi rkaṅ mthil nas | bcom ldan ’das kyis bka’ stsal pa | der rtswa dag gdiṅ bar bya’o || rtswa dag btiṅ ba daṅ der sril dag byuṅ nas | bcom ldan ’das kyis bka’ stsal pa | dor bar bya’o || de (24a1) dge ñis re re źiṅ ’dor bar byed nas | bcom ldan ’das kyis bka’ stsal pa | ñi ma re re źiṅ dor bar mi bya bar ’di ltar dus daṅ dus su so sor brtag par bya’o || gal te thams cad kyi thams cad du ’doṅ na de’i tshe bsdus te ’doṅ bar bya’o || dge sloṅ dag ’chag (2) sa dag tu rtswa’i chun po dgas la ’jog par byed pa na der sril dag byuṅ nas | bcom ldan ’das kyis bka’ stsal pa | tag pas bciṅs nas śiṅ ljon pa dgal dpyaṅs te gźag par bya’o || dge sloṅ dag lci bdag sa la ’jog par byed pa ni de dag tu sril dag byuṅ nas | bcom ldan (3) ’das kyis bka’ stsal pa | gyo mor gźag par bya’o || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la gus pa daṅ | bslab pa la yo byad bsnuṅs pa’i bsṅags pa brjod nas | dge sloṅ rnams la de daṅ mthun pa daṅ | de’i śas che ba daṅ | de daṅ ’brel (4) ba’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te ṅa’i ñan thos rnams kyis ’dul bal bslab pa’i gźi ’di ltar gdon par bya ste | yaṅ dge sloṅ gaṅ dge ’dun gyi (5) gtsug lag khaṅ du du rtsa’i gdiṅ ba’am | lo ma’i gdiṅ ba btiṅ ṅam ’diṅ du bcug nas ma bsdus sam | sdus dum bcug gam | dge sloṅ ’khod pa lam bcom bar de nas soṅ na de ’dra ba’i rkyen ma gtogs te ltuṅ byed do || yaṅ dge sloṅ gaṅ źes bya ba ni chos ’di pa’o || dge (6) ’dun gyi źes bya ba ni | de bźin gśegs pa’i ñan thos kyi dge ’dun gyi’o || gtsug lag khaṅ du źes bya ba ni gaṅ gaṅ du spyod lam bźi po ’gro ba daṅ | ’greṅ ba daṅ | ’dug pa daṅ | ñal ba byar ruṅ bar bar ro || rtswa’i gdiṅ ba źes bya ba ni rtswa dag go || lo ma’i gdiṅ bźes bya ba ni (7) lo ma dag go || btiṅ ṅam źes bya ba ni bdag ñid kyis so || ’diṅ du bcug nas źes bya ba ni gźan no || ma bsdus sam źes bya ba ni bdag ñid kyis so || sdud dum bcug gam źes bya ba ni gźan no || dge sloṅ ’khod par źes bya ba ni de na dge sloṅ gaṅ yod pa la’o || ma (24b1) bcol baRa źes bya ba ni ma gtad par ro || de nas soṅ nas źes bya ba ni ñen kor spaṅs na’o || saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa gdiṅ ba’i ñen kor gaṅ lags ñe ba ’khor ṅas bram ze gro bźin skyel la a mra’i sdoṅ po śin tu sa (2) me tog phun sum tshogs pa | ’bras bu phun sum tshogs pa | yal ga’i tshogs phun sum tshogs pa ’dom bdun gyis bar du chod pa’i a mra’i sdoṅ po bdun po gaṅ dag yin pa de dag la ’dom bźi bcu rtsa dgu yod par bstan pa de ni gdiṅ ba’i ñen kor yin no || de ’dra ba’i rkyen ma (3) gtogs te źes bya ba de ’dra ba’i rkyen bźag ste’o || ltuṅ byed ṅo źes bya ba ni sems can dmyal ba daṅ | dud ’gro daṅ | log par ltuṅ pa dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba (4) de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na || dge sloṅ gi dge ’dun gyi gtsug lag khaṅ du rtswa’i gdiṅ ba’am | lo ma’i gtiṅ ba btiṅ ṅam | ’diṅ du bcug (5) nas ma bsdus sam | sdud du ma bcug gam | dge sloṅ ba la ma bcol bar de nas soṅ na ji srid du ñen kor ma spaṅs kyi bar du ñes byas su ’gyur la | ñen kor spaṅs na ltuṅ byed du ’gyur ro || gal te lam kar bdag gis dge ’dun gyis gtsug lag khaṅ du rtswa’i gdiṅ (6) ba’am | lo ma’i gdiṅ ba btiṅ ṅo sñam du dran źiṅ | gal te de ’di sñam du bdag gis tshaṅs pa mtshuṅs par spyod pa mkhas pa dag sdud par ’gyur ro sñam nas dge sloṅ des phyin cad de ltar mi bya’o sñam du sems bskyed par bya źiṅ tshig tu yaṅ brjod par bya ste | ltuṅ ba de yaṅ (7) chos bźin du phyir bya’o || gal te lam kar dge sloṅ der ’gro ba mthoṅ źiṅ gal te de ’di sñam du ’dis sdud par ’gyur ro sñam na | de la ’di skad ces tshe daṅ ldan pa kho bos dge ’dun gyi gtsug lag khaṅ gi phyogs ga ge mo źig tu rtswa’i gdiṅ ba’am | lo ma’i gdiṅ ba btiṅ ba (25a1) de stus śig ces brjod par bya źiṅ | dge sloṅ des phyin cad de ltar mi bya’o sñam du sems bskyed par bya źiṅ tshig tu yaṅ brjod par bya ste ltuṅ bde yaṅ chos bźin du phyir bya’o || dge sloṅ des kyaṅ dge sloṅ del khas blaṅs nas gus par byas te bsdu bar bya’o || gal te (2) sdud par mi byed na ’gal tshabs can du ’gyur ro || gal te der son nas bdag gis dge ’dun gyi gtsug lag khaṅ du rtsa’i gdiṅ ba’am | lo ma’i gdiṅ ba btiṅ ṅo sñam du dran źiṅ | gal te de ’di sñam du bdag gis tshaṅs pa spyo pa dag sdud par ’gyur ro sñam na | (3) dge sloṅ des phyin cad de ltar mi bya’o sñam du sems bskyed par bya źiṅ tshigatu yaṅ brjod par bya ste | ltuṅ bde yaṅ chos bźin du phyir bya’o || gal te der son nas dge sloṅ der ’gro pa mthoṅ źiṅ gal te ’di sñam du ’das sdud par ’gyur ro sñam na | de la ’di skad ces tshe deṅ ldan pa kho (4) bos dge ’dun gyi gtsug lag khaṅ du rtswa’i gdiṅ ba’am | lo ma’i gdiṅ ba btiṅ ba de sdus śig ces brjod par bya źiṅ || dge sloṅ ṅas phyin cad de lta bu mi bya’o sñam du sems bskyed par bya źiṅ tshig tu yaṅ brjod par bya ste | ltuṅ bde yaṅ chos bźin du phyir bya’o || dge sloṅ des gyaṅ (5) dge sloṅ de la khas blaṅs nas gus par byas te bsdu bar bya’o || gal te sdud par mi byed na ’gal tshabs can du ’gyur ro || dge sloṅ gis dge ’dun gyi gtsug lag khaṅ du rtswa’i gdiṅ ba’am | lo ma’i gdiṅ ba btiṅ ṅam ’diṅ du bcug nas ma bsdus sam | sdud du ma bcug gam | (6) dge sloṅ ’khod pa la ma bcol bar gtsug laṅ khaṅ du ’dir bdag gis sems mñam par ma bźag pa mñam par gźag go sñam pa’am | sems mñam par bźag pa rnam par grol bar bya’o sñam pas naṅ du yaṅ dag ’jog gi phyir ’jug par byed ciṅ | te tiṅ ṅe ‘dzin de las mtshan (7) mo’i thun daṅ po ’am thun phyed na ldaṅ bar byed na gal te phan phun du ma gyur na ñes byas su ’gyur la gal te phan phun du gyur na ltuṅ byed du ’gyur ro || dge sloṅ gis dge ’dun gyis gtsug lag khaṅ du rtswa’i gdiṅ ba’am | lo ma’i gdiṅ ba btiṅ dam ’did du bcug nas ma bsdus sam | sdud (25b1) du ma bcug gam | dge sloṅ ’khod pa lam bcol bar gtsug lag khaṅ du ’dir bdag gis sems mñam par ma bźag pa mñam par gźag go sñam pa’am | sems mñam par bźag pa rnam par grol bar bya’o sñam pas nad du yaṅ dag ’jog gi phyir ’jug par byed ciṅ | de (2) tiṅ ṅe ‘dzin de las mtshan mo’i guṅ thun nam | thun tha ma’am | skya reṅs ma śar ba’am | skya reṅs śar ba’am | ñi ma ma śar ba’am | ñi ma śar ba’am | ñi ma’i brgyad cha śar ba’am | ñi ma’i bźi cha śar ba’am | phyed ma yol ba’am | phyed yol ba’am | ñi ma’i bźi (3) cha lus pa’am | ñi ma’i brgyad cha lus ba’am | ñi ma ma nub pa’am | ñi ma nub pa’am | rgyu skar dag śar ba na ldaṅ bar byed na | gal te phan phun dum gyur na ñes byas su ’gyur la | gal te phan phun du gyur na ltuṅ byed du ’gyur ro || saṅs rgyas bcom (4) ldan ’das la tshe daṅ ldan pa ñe ba ’khor gyis źus pa | btsun pa gdiṅ ba’i phan phun du mchis | ñe ba ’khor gñis te | rluṅ gi phan phun daṅ | sril gyi ban phun no || rluṅ gi phan phun gaṅ źe na | rim pa gcig nas rim pa gñis pa’i bar du bzlog bar gyur ba’o || sril gyi phan phun (5) gaṅ źe na | rim pa gcig nas rim pa gñis kyi bar du phan phun du gyur pa’o || sa gźi rdo ba’i gźi can daṅ | bye ma’i gźi can gaṅ du ñes dmigs de lta bu mi ’byuṅ ba la ni ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la (6) ltuṅ ba med do || gdiṅ ba’i ltuṅ byed de bcwa lṅa ba rdzogs so || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00d01246-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display