Bibliotheca Polyglotta

[Pāyantika 33]
saṅs rgyas bcom ldan (2) ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || byaṅ lam nas don mthun dag mñan yod du lhags pa na drug sde dag gis de thos nas smras pa | dga’ bo ñe dga’ bdag gis byaṅ lam nas don mthun dag mñan yod du lhags źes (3) thos kyis | gal te na cuṅ zad bsgrubs par nus kyaṅ srid kyis ’doṅ ṅo || gal te bsod sñoms zo śig ces zer na lto gaṅ bas chog go źes brjod par bya’o || gal te gos loṅ śig ces zer na blaṅ bar bya’o źes de dag doṅ ste smras pa | bźin bzaṅs dag ’khod cig daṅ chos (4) bstan par bya’o || de dag gis rkaṅ pa la phyag ’tshal te mdun du chos mñan pa’i phyir ’khod pa daṅ | de dag gis de dag la chos bstan nas de dag gis smras pa | ’phags pa dag ’di ñid du bsod sñoms gsol cig | drug sde dag gis smras pa | bźin bzaṅ dag lto gaṅ (5) bas chog go || drug sde dag yaṅ daṅ yaṅ du ’oṅs te chos bstan pa daṅ | don mthun dag gis kyaṅ yaṅ du smras pa | ’phags pa dag ’di ñid du bsod sñoms gsol cig | drug sde dag gis kyaṅ yaṅ daṅ yaṅ du smras pa | bźin bzaṅs dag lto gaṅ bas chog go || (6) dus gźan źig na don mthun dag gis smras pa | śes ldan dag ’di na glaṅ dag gi rtswa med kyis | re źig ri brags gźan źig tu ’doṅ la glaṅ dag gzan źiṅ ’khod par bya ste | ji tsam na zoṅ bsgyur te ’gro ba na mñan yod du ’doṅ bar bya’o źes de dag gis glaṅ dag ded nas ri brags (7) śig tu glaṅ dag gzon du doṅ ṅo || drug sde dag kyaṅ naṅ par sṅar laṅs te chos ston du doṅ ba daṅ | ji tsam na don mthun de dag mi snaṅ nas de dag sems khoṅ du chud ciṅ ’khod pa daṅ | ji tsam na der mi źig ’oṅs te smras pa | ’phags pa dag ci’i slad du sems khoṅ du chud ciṅ (137a1) bźugs | drug sde dag gis smras pa | bźin bzaṅs phyogs ’di na kho bo cag gi mdza’ bo don mthun dag cig ’khod na de dag gis kho bo cag la ma bltas pa kho nar doṅ ṅo || des smras pa | ’phags pa dag de dag ni thams cad kyis thams cadasa du mchis (2) pa ma lags te | ’di ltar de dag gis glaṅ dag gi rin ma mchis nas de dag ri brags śig na glaṅ dag gson ciṅ mchis te slar yaṅ ’dir mchis par ’gyur ro || bźin bzaṅs nad med par gyur cig ces drug sde dag ri brags der ’oṅ ba daṅ | ji tsam na de dag gis don mthun de (3) dag thag riṅ po kho na nas mthoṅ nas tshigs su bcad pa dag smras pa | rtsub pa’i ril ’gro mi bya ||
soṅ na ’aṅ yun riṅ gnas mi bya ||
rtsub pa’i ri ji bźin du ||
ril ’khod pa’aga de bźin no ||
ril ’khod pa daṅ por ni ||
gser dag pa dar ba ji bźin te ||
mi la ’tshe ba (4) rnam brtags na ||
ri dag ji lta de bźin no || don mthun de dag gis thos nas smras pa | ’phags pa dag khyed cag ci bkyon | bźin bzaṅs dag khyed cag kho bo cag gis mdza’ bo dag yin pas kho bo cag gis dge ba’i phyogs dag yoṅs su ñams par byas te khyed cag la chos bstan (5) na khyed cag kho bo cag la ma bltas pa kho nar ’dir doṅ ṅo || ’phags pa dag bdag cag thams cad kyi thams cad du ’dir mchis pa ma lags te | ’di ltar de na bdag cag gi glaṅ dag gi rin ma mchis pas de’i slad du bdag cag ’di na glaṅ dag gson ciṅ mchis te | ji tsam na zoṅ dag (6) bsgyur te mchi ba na bdag cag slar yaṅ mñan yod du mchi’o || bźin bzaṅs dag ’khod cig daṅ chos bstan par bya’o || de dag gis drug sde dag gi rkaṅ pa la phyag ’tshal te stan ches dma’ ba dag blags nas mdun du chos mñan ba’i phyir ’khod pa daṅ | drug sde dag gis de dag la (7) chos bstan nas de dag gis smras pa | ’phags pa dag ’di ñid du bsod sñoms gsol cig | bźin bzaṅs dag lto gaṅ bas chog go || ded dpon gyis smras pa | śes ldan dag ’phags pa dag yaṅ daṅ yaṅ du lto gaṅ bas chog go źes gsuṅs ba las na | ’di dag lan bza’ (137b1) mi maṅ ’gor ma chag gis ’di dag la na bza’ dbul bar bya’o || de ltar bgyi ’o źes de dag gis drug sde dag la la bsrin bu’i mdog lta bu re re bskon to || de nas drug sde dag gis smras pa | bźin bzaṅs dag khyed cag yaṅ daṅ yaṅ du bsod sñoms zo źig ces zer na bsod sñoms (2) ji lta bu sbyin pa bltas ’on cig | drug sde dag las gcig gis thab snod lta bu bzed nas ’dir lugs śig ces smras pa daṅ | don mthun de dag gis bsams pa | snod ’di re che źig ste ’di bkaṅ bas ’di dag thams cad kyi lto kheṅs pa’i bsod sñoms ’byuṅ bar ’gyur ro sñam nas (3) de dag gis lam rgyags las snod de bkaṅ ste phul lo || drug sde gźan gyis kyaṅ de bźin du mthar gyis re re nas thab snod lta bu re re bzed pa daṅ | ji tsam na don mthun de dag gis lam rgyags las thabs snod drug bkaṅ ste phul ba daṅ | don mthun de dag gi lam rgyags (4) thams cad zad par gyur nas de dag gis smras pa | ’phags pa dag bdag cag gis ’dir śul rgyags ñuṅ śas śig ’tshal te mchis pa de dag thams cad bas kyis | bdag cag gis mi ’di kār ṣā pa ṇa dag bskur te ’phags pa dag daṅ thabs cig mñan yod du gtaṅ gis ’phags (5) pa dag gis bdag cag gi śul rgyags dag ’jol te stsol la bsel ba daṅ bcas te gtaṅ du gsol || bźin bzaṅs dag de ltar bya’o || don mthun de dag gis drug de dag gi phyi bźin mi źig kār ṣā pa ṇa dag bskur te btaṅ ba daṅ | drug sde dag gtsug lag khaṅ du soṅ ste mi (6) de la smras pa | bźin bzaṅs je las ’di gyis śig | des de byas nas drug sde dag gis yaṅ smras pa | bźin bzaṅs las gźan ’di yaṅ gyis śig | des de yaṅ byas pa daṅ | drug sde dag gis mi de riṅ źig bkol bkol nas ji tsam na ñi ma yol bar gyur ba (7) daṅ | de’i ’og tu btaṅ ste smras pa | da ños la soṅ śig | mi de raṅ gis lam rgyags dag ños te ’phags pa daṅ | mñan yod kyi ñes kor thibs por son pa na chom rkun pa dag gis bcom nas de gcig pu don mthun dag gi naṅ du soṅ ṅo || don mthun dag gis mthoṅ ma (138a1) smras pa | khyod kyis ci khyer te ’oṅs | des smras pa | ci yaṅ ma ’oṅs so || ci.i’i phyir | tshem rkun pa dag gis bcom mo || de dag gis smras pa | ’phags pa dag gis khyod kyi bsel ba ma btaṅ ṅam | des smras pa | śes ldan dag don gyis na de dag ñid (2) kyis bcom mo || de dag gis smras pa | ji ltar gyur | des smras pa | de dag gis kho bo las śa stag byed du bcug nas ji tsam na ñi ma yol bar gyur pa daṅ | de’i ’og tu btaṅ ste da ños la soṅ śig ces zer nas | kho bo raṅ gis lam rgyags dag ños te ’phags pa daṅ mñan (3) yod kyi ñen kor thibs por son pa na tshem rkun bdag pa dag gis bcom mo || de dag śākya ’i bu’i dge sbyoṅ rnams kyi dge sbyoṅ gi tshul ni tshig go || bram ze’i tshul ni tshig ste ’di ltar phan pa bya’o źes zer la gnod pa kho na byed doźesa smod par byed | phyar ka gtoṅ bar byed | kha zer (4) par byed do || ’di ni re źig byuṅ ba yin te | saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon kyi tshal mgon med zas sbyin gyi kun dga’ ra ba na bźugs so || (5) mñan yod na khyim bdag cig ’dug pa des rigs mñam pa las chug ma blaṅs nas | de de daṅ lhan cig rtse bar byed | dga’ bar byed | dga’ mgur spyod par byed do || de la bu mo g-yas źar ma źig byuṅ nas de bsriṅs śiṅ bskyed de chen mor gyur to || bu mo de’i na zla (6) gźan thams cad bag mar btaṅ na | bu mo de g-yas źal yin pa’i phyir sloṅ ba ’ga’ yaṅ ma ’oṅs so || mñan yod na khyim bdag gźan źig ’dug pa des rigs mñam pa las chuṅ ma blaṅs nas | de’i chuṅ ma de raṅ gi las dag gis dus la bab po || gñis pa blaṅs pa daṅ de (7) yaṅ du la bab po || de bźin du chuṅ ma bdun pa’i bar du blaṅs pa daṅ de yaṅ dus la bab po || khyim bdag de yaṅ skur pa gdab par ’gyur ba’i las dag gis chuṅ ma gsod pa chuṅ ma gsod pa źes bya ba’i miṅ du gyur to || khyim bdag de yaṅ bu mo bslaṅs pa daṅ mi ster ciṅ | deṅ (138b1) kyis ci’i phyir bu mo yoṅs su gtaṅ | mi sbyin no źes kyaṅ zer ro || khyim bdag des yugs sa mo dag bslaṅs pa daṅ | yugs sa mo de dag kyaṅ kho mo cag gis ci’i phyir bdag yoṅs su btaṅ na khyod kyi khyim du ’jug ces zer ro || khyim bdag de rnam pa thams cad du yi chad nas raṅ ñid (2) kyis khyim kyi so tshis dag bya bar brtsams pa daṅ | dus gźan źig na khyim bdag de’i chuṅ po grogs śig ’oṅs nas des khyim pa dag de mthoṅ nas dris pa | khyod ci byed | khyim bdag gis smras pa | khyim gi so tshis dag byed do || des smras pa | khyod ci’i phyir raṅ ñid kyis khyim (3) gyi so tshis dag byed | khyim bdag gis smras pa | kho bos chuṅ ma gcig blaṅs pa daṅ de raṅ gi las dag gis dus la bab po || gñis ba blaṅs pa daṅ de yaṅ dus la bab po || de bźin du bdun pa’i bar du blaṅs pa daṅ de yaṅ dus la bab po || des smras pa | gźan dag ci’i (4) phyir mi sloṅ | khyim bdag gis smras pa | bslaṅs na mi ster ciṅ ṅed kyis ci’i phyir bu mo yoṅs su gtaṅ | mi sbyin no źes zer ro || des smras pa | yugs sa mo dag ci’i phyir mi sloṅ | khyim bdag gis smras pa | bslaṅs te de dag kyaṅ kho mo cag ci’i phyir bdag (5) yoṅs su btaṅ na khyod kyi khyim du ’jug ces zer ro || des smras pa | g-yas źar ma ci’i phyir mi sloṅ || mi ster ro || soṅ la sloṅs śig daṅ | de dag bu mos yoṅs su dub pa yin pas ster bar ’gyur ro || khyim bdag de g-yas źar ma’i pha’i khyim du soṅ ste bde legs bde (6) legs źes smras pa daṅ | de dag gis smras pa | ci sloṅ || des smras pa | bu mo’i sloṅ mo sloṅ ṅo || bu mo gaṅ || g-yas źar ma’o | de dag des yoṅs su skyo ba yin pas smras pa | sbyin no || des smras pa | nam bag mar gtaṅ || ñi ma maṅ ge mo źig la’o || des de ltar gyis (7) śig ces smras te soṅ ṅo || de’i chuṅ po grogs de yaṅ ’gyod pa skyes te | bdag gi grogs po la g-yas źar ma sloṅs śig ces bskul ba de dag ni bdag gis ma legs pa źig byas te | de mtshan ṅan pa yin pas des grogs po bsad par gyur na mi ruṅ ṅo sñam nas | de khyim bdag (139a1) de’i gan du soṅ ste smras pa | khyod kyis g-yas źar ma thob bam | khyim bdag gis smras pa | thob bo || des tshigs su bcad pa dag smras pa |

rgya skyegs śiṅ gi so śiṅ daṅ || nub tu sṅas bstan ñal ba daṅ ||
śin tu gñid che źo ’thuṅs daṅ || chuṅ ma g-yas (2) źar len byed na ||
źi ba’aṅ gnas nas ñams par ’gyur ||

’gog la ’gog byed bab pa daṅ || rdol lcags ni bab pa ltar ||
khyod kyaṅ chuṅ ma gsod byed pa || de yaṅ g-yas źar yin pas na ||
khyed gñis gaṅ rgyal gaṅ pham bsta’o ||

grogs po bu mo de mtshan ṅan pa (3) yin pas khyod dus byed par gyur na mi ruṅ gis | de ’or la kho bo’i sriṅ mo yugs sa mo źig yod pa de loṅ śig | khyim bdag des smras pa | grogs po da dor bar mi nus te | ’on kyaṅ ’di la thabs kyi rnam pa źig bya’o || g-yas źar ma’i ma des kyaṅ bag rdzaṅs sta gon bya bar (4) brtsams so || khyim de drug sde dag gi khyim du ’gro ba’i khyim yin pas drug sde dag sṅa dro śam thabs bgos | lhuṅ bzed daṅ chos gos thogs te mñan yod du bsod sñoms la źugs nas | mthar gyis bsod sñoms la rgyu ba na khyim der źugs pa daṅ | ji tsam na khur ba dag sreg pa mthoṅ (5) nas de dag gis smras pa | sriṅ modusa ston la bab tu ñe ’am ci | des smras pa | ’phags padaga khyed kyi lcam mo bag mar mchi ba la thug nas | de’i bag rdzaṅs sta gon bgyid do || drug sde dag gis smras pa | sriṅ mo kho bo cag gis cuṅ zad mi thob bam | ’phags pa bdag khyed cag (6) la su źig gis dbul ’tshal | ’di khyed ñid kyi lags so || drug sde dag gis smras pa | sriṅ mo re źig phugs na yod pa gźan thams cad lte źog śig | da ’phral du ci sbyin pa bltas ’on cig | des bag brkyaṅ sde de dag gis lhuṅ bzed thams cad khur bdag gis bkaṅ nas drug sde (7) dag gis de’i kha zas thams cad bsgrubs te doṅ ṅo || ji tsam na khyim bdag de ’oṅs pa daṅ | chuṅ mas smras pa | rje’i sras sbyin gnas dag byon par gyur nas de dag gis kha zas thams cad bźes kyis bźud la | khyo ga de la bag rdzaṅs sta gon byed kyi bar du re źig ñi ma ñuṅ śas śig sdod (139b1) cig ces gsuṅs śag | khyim bdag gis smras pa | bzaṅ mo des sdod par mi nus kyis je bu mo bag mar gtaṅ bar gyis śig daṅ phyis ñe du dag zan sbyin par bya’o || chuṅ mas smras pa | rje’i sras de ni chuṅ ma gsod pa lags pas de la gźan sus kyaṅ bu mo stsal bar mi ’gyur gyis (2) bźud cig dag sdod par ’gyur ro || khyim bdag de de’i gan du soṅ ste smras pa | bu bdag cag gis kha zas dag sta gon byas par ’gyur ba gaṅ yin pa de sbyin gnas dag gis bźes kyis | de ñe du dag gi phyir kha zas sta gon byed kyi bar du ñi ma ñuṅ śas śig sdod cig | des smras pa | kho (3) bo mi sdod de dag la te ñi ma de ñid la bag ma rdzoṅ źiṅ sbyin na ba ga mar blaṅ ṅo || gal te mi sbyin na kho bo chuṅ ma gźan len gyis khyod kyi bu dor bar bya’o || khyim bdag de chuṅ ma’i gan du soṅ ste smras pa | bzaṅ mo khyog de na re gal te ñi ma de ñid la bdag ma rdzoṅ źiṅ sbyin bag mar blaṅ bar bya’o || (4) gal te mi sbyin na kho bo chuṅ ma gźan len gyis khyod kyi bu mo dor bar bya’o źes zer ro || chuṅ mas smras pa | rje’i sras de chuṅ ma gsod pa lags pas gźan su źig gis de la bu mo stsol bar ’gyur źes des bag rdzaṅs sta gon bya bar brtsams so || khyog des kyaṅ grogs po’i sriṅ mo yugs (5) sa mo de blaṅs so || g-yas źar ma’i ma des kyaṅ kha zas sta gonabyasa nas yaṅ khyim bdag de la smras pa | rje’i sras ṅa khyog de’i gan du bźud la bag ma len du śog śig ces gsuṅs śig | khyim bdag de de’i gan du soṅ ste smras pa | bud bag ma len du śog śig | des (6) smras pa | khyed kyis ñi ma de las yol bar byas pas ṅa kho bo mi len to || khyim bdag des khyog de bzuṅ ste rgyal po’i pho braṅ du’o dod bos nas śags la bkug pa daṅ | khyo ga des khyim bdag de pham par byas so || g-yas źar ma’i ma de bdag gi bu mo ma lo ma mo źes du źes du źiṅ ’dug (7) pa daṅ | de’i ṅos kyi sdum tshes dag śākya ’i bu’i dge sbyoṅ rnams kyi dge sbyoṅ gi tshul ni tshig go || bram ze’i tshul ni tshig ste | ’di ltar bu mo byin zin pa’i bar chad byed do źes smod par byed || phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das (140a1) ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya (2) ba la sogs pa sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyod kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin (3) pa | ruṅ ba ma yin pa | tshul daṅ mthun ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par (4) gzig pas | ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ rab tu maṅ po dag khyim rnams su doṅ ba las gal te de dag la bram ze (5) daṅ | khyim bdag dad pa can dag gis phye dag daṅ | khur bdag dus kyis stobs par gyur la | ’dod na dge sloṅ de dag gis lhuṅ bzed gaṅ ba gñis sam | gsum blaṅ bar bya’o || de las lhag bar len na ltuṅ byed do || lhuṅ bzed gaṅ pa gñis sam | gsum blaṅs nas phyi (6) rol kun dga’ ra bar doṅ la dge sloṅ ’khod ba rnams la ’aṅ bgo bśa’ bya | bdag cag kyaṅ bza’ bar bya ste | de la de ni cho ga yin no || dge sloṅ źes bya ba ni drug sde dag go || rab tu maṅ po dag ces bya ba ni gñis las lhag pa ni rab tu maṅ po dag go || khyim rnams su źes bya ba (7) ni bram ze daṅ | khyim bdag dag gi khyim rnams su’o || doṅ ba las źes bya ba ni soṅ ba las so || gal te de dag la źes bya ba ni dge sloṅ de dag la’o || bram ze daṅ khyim bdag dad pa can dag gis źes bya ba la | dad pa can źes bya ba ni saṅs rgyas la mṅon par dad pa daṅ | chos (140b1) daṅ | dge ’dun la mṅon par dad pa daṅ | saṅs rgyas la skyabs su soṅ ba daṅ | chos daṅ | dge ’du na la skyabs su soṅ ba dag go || phye dag ces bya ba ni phye daṅ ’de gu dag go || khur ba dag ces bya ba ni bag chos dag go || dus kyis stobs par gyur la źes bya ba ni yaṅ daṅ yaṅ (2) du stobs par gyur la’o || ’dod na źes bya ba ni gal te don du gñer na’o || dge sloṅ de dag gis źes bya ba ni dge sloṅ gaṅ yin pa dag gis so || lhuṅ bzed gaṅ ba gñis sam gsum blaṅ bar bya’o źes bya ba la | lhuṅ bzed ni gsum ste | chen po daṅ | ’briṅ daṅ | chuṅ ṅu’o || (3) de la chen po ni gaṅ du ’bras thug po che ma ga d+hā’i bre’u chuṅ do btsos pa sran tshoṅ daṅ bcas | tshod ma daṅ bcas pa blugs na kha’i cha’i mtha’ kho na nas mthe bo’i lto gaṅ gis mi reg pa’o || chuṅ du ni gaṅ du ’bras thug po ma ga d+hā’i bre chuṅ gaṅ gaṅ btsos pa sran tshod daṅ bcas | tshod ma daṅ (4) bcas pa blugs na kha’i cha’i mtha’ kho na nas mthe bo’i lto gaṅ gis mi reg pa’o || ’briṅ ni de gñis kyi bar ro || de las lhag par len na źes bya ba ni de las maṅ du’o | ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | (5) log par ltuṅ ba dag tu sreg par byed | ’tshoṅ par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || lhuṅ bzed gaṅ pa gñis sam gsum (6) blaṅs nas phyi rol kun dga’ ra bar doṅ la | dag sloṅ ’khod pa rnams la yaṅ bog bśa’ bya źes bya ba ni khyim gyi phyi rol gtsug lag khaṅ du doṅ la | de na dge sloṅ gaṅ dag ’khod pa rnams la yaṅ sbyin par bya’o || da la ltuṅ bar ji ltar ’gyur źe na | dge sloṅ gis lhuṅ bzed (7) chen po gsum len par byed na | de len pa la ñes pa la ñes byas su ’gyur la | za ba la ltuṅ byed du ’gyur ro || dge sloṅ gis lhuṅ bzed chen po gñis daṅ | ’briṅ gcig len par byed na | de len pa la ñes byas su ’gyur la | za ba la lhuṅ bzed du ’gyur ro || dge sloṅ gis (141a1) lhuṅ bzed chen po gñis daṅ | chuṅ du gcig len par byed na | de len pal ñesabyasa su ’gyur la | za ba la ltuṅ byed du ’gyur ro || dge sloṅ gis lhuṅ bzed ’briṅ gñis daṅ chen po gcig len par byed na | de len pa la ñes byas su ’gyur la | za ba la (2) ltuṅ byed du ’gyur ro || dge sloṅ gis ji tsam du bre’u chuṅ byed daṅ lṅa las lhag pa’i bsod sñoms len na thams cad du ltuṅ byed du ’gyur ro || sbyin bdag gis ci bder byas pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen (3) ba la ltuṅ ba med do || lhuṅ bzed do gsum tsam las lhag par len pa’i ltuṅ byed de sum bcu rtsa gsum pa rdzogs s+ho || ||

bar sdom la |
stan gcig daṅ ni chu bźin spoṅ pa ||
’bags daṅ zas yod ruṅ ba ṅa ||
thoṅ śig lhag por thug pa daṅ ||
skyo ma’i sde tshan bsdus (4) pa yin ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00fadb32-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display