Bibliotheca Polyglotta

[Pāyantika 52]
saṅs rgyas bcom ldan (6) ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas mñan yod pa’i tshoṅ pa rab tu maṅ po dag bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’khod do || (7) mtha’ gcig tu ’khod nas bcom ldan ’das mñan yod pa’i tshoṅ pa rab tu maṅ po dag la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || (189b1) rnam graṅs du mas chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ ṅo || de nas mñan yo da pa’i tshoṅ pa rab tu maṅ po dag gis bcom ldan ’das kyis (2) bka’ stsal pa la mṅon par dga’ ba daṅ | rjes su yi raṅ ba byas nas bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas tshe daṅ ldan pa kun dga’ bo ga la ba der doṅ ste phyin nas | tshe daṅ ldan pa kun dga’ bo’i rkaṅ pa gñis la (3) mgo bos phyag ’tshal te mtha’ gcig tu ’khod do || mtha’ gcig tu ’khod nas tshe daṅ ldan pa kun dga’ bos mñan yod pa’i tshoṅ pa rab tu maṅ po dag la chos daṅ ldan pa’i gtam gyis yaṅ dag par ston par byed | yaṅ dag par ’dzin du ’jud par byed | yaṅ dag par gzeṅ (4) stod par byed | yaṅ dag par rab tu dga’ bar byed do || rnam graṅs du mas chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar byas nas caṅ mi smra’o || de nas mñan yod (5) pa’i tshoṅ par rab tu maṅ po dag stan las laṅs te bla gos phrag pa gcig tu byas nas tshe daṅ ldan pa kun dga’ bo ga la ba de logs su thal mo sbyar ba btud nas tshe daṅ ldan pa kun dga’ bo la ’di skad ces smras so || btsun pa kun dga’ bo bcom ldan ’das dbyar gnas bar źal gyis (6) bźes nas gaṅ du gśegs par ’gyur | śes ldan dag dṅas rgyas bcom ldan ’das la źus śig | btsun pa kun dga’ bo saṅs rgyas bcom ldan ’das ni bsñen par bka’ ba daṅ | bzod par dka’ ba lags pas bdag cag gis saṅs rgyas bcom ldan ’das la źu (7) ba’i rṅo mi thog go || śes ldan dag kho bo la yaṅs saṅs rgyas bcom ldan ’das bsñen bdag dka’ ba daṅ | bzod par dka’ ba ñid yin pas kho bos kyaṅ saṅs rgyas bcom ldan ’das la źu bar mi nus so || btsun pa kun dga’ bo gal te btsu na pa kun dga’ bo la yaṅ saṅs (190a1) rgyas bcom ldan ’das ni bsñen par dka’ ba daṅ | bzod par dka’ ba lags pas btsun pa kun dga’ bos kyaṅ saṅs rgyas bcom ldan ’das la źu bar mi spyod na btsun pa kun dga’ bos mtshan ma’am | bka’ mchid kyis bcom ldan ’das dbyar gnas (2) par źal gyis bźes nas phyogs ga ge mor gśegs par ’gyur bar ji ltar mkhyen | mtshan mas ni ji ltar | bka’ mchid kyis ni ji ltar mkhyen | śes ldan dag bcom ldan ’das dbyar gnas par źal gyis bźes pa’i phyogs gaṅ du gśegs par bźed pa’i phyogs de logs su (3) bcom ldan ’das źal gzigs śiṅ bźugs la de dag gi bsṅags pa yaṅ brjod par mdzad do || btsun pa kun dga’ bo bcom ldan ’das źal gaṅ gzigs śiṅ bźugs | mi gaṅ dag gi bsṅags pa yaṅ brjod par mdzad | śes ldan dag bcom ldan ’das ma gad+hāra (4) źal gzigs śiṅ bźug sal rgyal po’i khab pa’i mi dag gi bsṅags pa yaṅ brjod par mdzad do || de dag gis tshe daṅ ldan pa kun dga’ bos smras pa la mṅon par dga’ ba daṅ rjes su yi raṅ ba byas nas | tshe daṅ ldan pa kun dga’ bo’i rkaṅ pa gñis la mgo bos phyag ’tshal te doṅ (5) nas de dag gis bsams pa | bcom ldan ’das dbyar gnas bar źal gyis bźes nas rgyal po’i khab tu gśegs par ’gyur ro sñam nas de dag gis rgyal po’i khab tu ’doṅ ba’i zoṅ sta gon byas so || de nas bcom ldan ’das dbyar gnas par źal gyis bźes te dbyar gyi zla ba (6) gsum po dag ’das nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la dge sloṅ rnams la dge sloṅ dag de bźin gśegs pa ma gad+hā dag tu ljoṅs rgyur gśegs kyis khyed cag las gaṅade bźin gśegs pa daṅ thabs cig ma gad+hā (7) dag tu ljoṅ rgyur ’gro bar spro ba des chos gos kyi las gyis śig ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas dge sloṅ rnams la tshe daṅ ldan pa dag de bźin gśegs pa ma gad+hā dag tu ljoṅs rgyur gśegs kyis (190b1) khyed cag las gaṅ de bźin gśegs pa daṅ thabs cig ma gad+ha dag tu ljoṅ rgyur ’gro bar spro ba des chos gos kyi las gyis śig ces bsgo’o || mñan yod pa’i tshoṅ pa dag gis tshe daṅ ldan pa kun dga’ bos dge sloṅ rnams la tshe daṅ ldan pa dag de bźin gśegs pa ma ga d+hā dag tu (2) ljoṅs rgyur gśegs kyis khyod cag las gaṅ de bźin gśegs pa daṅ thabs cig ma gad+hā dag tu ljoṅs rgyur ’gro bar spyo ba des chos gos kyi las gyis śig ces bsgo ba thos so || thos nas kyaṅ bcom ldan ’das ga la der soṅ ste phyin nas bcom ldan ’das kyi źabs gñis la mgo (3) bos phyag ’tshal te mtha’ gcig tu ’khod do || mtha’ gcig tu ’khod nas bcom ldan ’das mñan yod pa’i tshoṅ pa rab tu maṅ po dag la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod (4) par mdzad | yaṅ dag par rab tu dga’ bar mdzad do || rnam graṅs du mas chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ so || de nas mñan (5) yod pa’i tshoṅ pa rab tu maṅ po dag stan+l+sa laṅs te bla gos phrag pa gcig tu byas nas bcom ldan ’das ga la ba de logs su thal ma sbyar ba btud de bcom ldan ’das ’di skad ces gsol to || bcom ldan ’das dge sloṅ gi dge ’dun daṅ bcas pas mñan yod nas rgyal po’i khab (6) kyi bar ji tsam bar bdag cag las na bza’ daṅ | bsod sñoms daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | bcom ldan ’das kyis mñan yod pa’i tshoṅ pa rab tu maṅ po dag la caṅ migasuṅa bas gnaṅ ṅo || de nas mñan (7) yod pa’i tshoṅ pa rab tu maṅ po dag gis bcom ldan ’das kyis caṅ mi gsuṅ bas gnaṅ bar rig nas | bcom ldan ’das kyis bka’ stsal pa la mṅon par dga’ ba daṅ rjes su yi raṅ ba byas te | bcom ldan ’das kyi źabs gñis la mgo bos phyag ’tshal nas bcom ldan ’das kyis (191a1) spyan sṅa nas doṅ ṅo || de nas mñan yod pa’i tshoṅ pa rab tu maṅ po dag tshe daṅ ldan pa kun dga’ bo ga la ba der soṅ ste phyin nas | tshe daṅ ldan pa kun dga’ bo’i rkaṅ pa gñis la mog bos phyag ’tshal te mtha’ gcig tu ’khod do || mtha’ gcig tu ’khod nas mñan (2) yod pa’i tshoṅ pa rab tu maṅ po dag gis tshe daṅ ldan pa kun dga’ bo la ’di skad ces smras so || btsun pa kun dga’ bo bcom ldan ’das śul dag tu ji tsam du gśegs | śes ldan dag ’di lta ste | dper na ’khod los sgyur ba’i rgyal po tsam du’o || btsun pa kun dga’ bo (3) ’khor los sgyur ba’i rgyal pos ji tsam du mchis | śes ldan dag ’khod los sgyur ba’i rgyal po ni lam dag tu rgyaṅ grags bcur ’gro’o || de dag gis rgyaṅ grags bcu bcur bcom ldan ’das dge sloṅ gi dge ’dun daṅ bcas pa’i tshogs dag bśams śiṅ | de dag gis (4) źal zas graṅ cha dag yin pa de dag ni de ñid kyi ñin mo sta gon byas | drog bag gaṅ dag yin pa de dag ni ñi ma re re źiṅ sta gon byed do || de nas bcom ldan ’das ṅul ba ’khod dul ba daṅ ldan pa | źi ba ’khor źi ba daṅ ldan pa | grol ba ’khod grol pa daṅ ldan pa | dbugs (5) phyin pa ’khod dbugs phyin pa daṅ ldan pa | thul pa ’khor thul ba daṅ ldan pa | dgra bcom pa ’khod dgra bcom pa daṅ ldan pa | ’dod chags daṅ bral ba ’khor ’dod chags daṅ bral ba daṅ ldan pa | mdzes pa ’khod mdzes pa daṅ ldan pa | khyu mchog ltar ba laṅ gi tshogs (6) kyis yoṅs su bskor ba | glaṅ po che ltar glaṅ po che’i phru gu’i tshogs kyis yoṅs su bskor ba | seṅ ge ltar mche ba can gyi tshogs kyis yoṅs su bskor ba | ṅaṅ pa’i rgyal po ltar daṅ ṅaṅ pa’i tshogs kyis yoṅs su bskor ba | nam mkha’ ldiṅ ltar bya’i tshogs kyis yoṅs su bskor (7) ba | bram ze ltar slob ma’i tshogs kyis yoṅs su bskor ba daṅ | sman pa mkhas pa ltar nad pa’i tshogs kyis yoṅs su bskor ba | dpa’ bo ltar du pa’i tshogs kyis yoṅs su bskor ba | sa mkhan ltar lam du źugs pa’i tshogs kyis yoṅs su bskor ba | ded dpon ltar tshoṅ (191b1) pa’i tshogs yis yoṅs bskor ba | tshoṅ dpon ltar ’khor gyi tshogs kyis yoṅs su bskor ba | mkhar gyi rgyal po ltar blon po’i tshogs kyis yoṅs su bskor ba | ’khor los sgyur ba’i rgyal po ltar bu stoṅ gi tshogs kyis yoṅs su bsker ba | zla ba ltar rgyu skar gyi tshogs (2) kyis yoṅs su bskor ba | ñi ma ltar ’od zer stoṅ gi tshogs kyis yoṅs su bskor ba | yul ’khor sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi tshogs kyis yoṅs su bskor ba | mig mi bzaṅ ltar klu’i tshogs kyis yoṅs su bskor (3) ba | nor sbyin ltar gnod sbyin gyi tshogs kyis yoṅs su bskor ba | thags zaṅs ris ltar lham yin gyi tshogs kyis yoṅs su bskor ba | brgya byin ltar sum bcu rtsa gsum pa’i tshogs kyis yoṅs su bskor ba | tshaṅs pa ltar tshaṅs ris kyi tshogs kyis yoṅs su bskor ba | (4) dbaṅ po rnams śin tu dul ba | spyod lam daṅ spyod pa ma ’khrugs pa | chu gter ltar tiṅ deb | sprin ltar chu daṅ bcas pa | glaṅ po che’i rgyal po ltar dregs pa daṅ bral pa | skyes bu chen po’i mtshan sum bcu rtsa gñis kyis legs par brgyan pa | dpe byaṅ bzaṅ po brgyad bcus (5) sku rnam par mdzes pa | ’od ’dom gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin po che’i ri bo ’gro ba ltar du bzaṅ ba | stobs bcu daṅ | mi ’jigs pa bźi daṅ | ma ’dres pa’i dran pa ñe bar gźag pa gsum daṅ | thugs rje chen po (6) daṅ ldan pa | kun kauṇ+ḍi n+ya daṅ | rta thul daṅ || bza’ ldan daṅ | rlaṅs pa daṅ | miṅ chen daṅ | grags pa daṅ | gaṅ po daṅ | dri med daṅ | ba laṅ bdag daṅ | lag bzaṅs la sogs pa ñan thos chen po de dag daṅ | gźan yaṅ dge sloṅ gi dge ’dun (7) rab tu maṅ pos yoṅs su bskor ciṅ mdun du bdar te rgyal po’i khab ga la bde logs su ljoṅs rgyu źiṅ gśegs so || tshe daṅ ldan pa kun dga’ bo don mthun gyi mdun du soṅ ba daṅ | ji tsam na lam kha brag mthoṅ nas des bcom ldan ’das ma gśegs kyi bar du der bsdad do || (192a1) bcom ldan ’das gśegs nas bcom ldan ’das kyis bka’ stsal pa | kun dga’ bo khyod ci sdod | btsun pa ’di ni śul kha brag lags te | śul ’di ni druṅ la seṅ ge’i ’jigs pa daṅ bcas pa las | śul ’di ni ’khyog la bde ba lags na śul gaṅ (2) nas mchi bar bgyi | kun dga’ bo lam draṅ po naṅ soṅ śig daṅ | de bźin gśegs pa ni seṅ ge’i ’jigs pa daṅ bral ba yin no || de nas bcom ldan ’das śul draṅ po nas gśegs par brtsams nas ji tsam na lam de na ri brags śig yod pa der byon pa daṅ | ri brags (3) de nas byis pa khye’u gñis śig lam kar ’oṅs te rtse źiṅ ’dug go || de na gcig gi lag na ni rṅa pa ṭa ha thogs | cig śos kyi lag na ni gźu thogs so || de gñis kyis bcom ldan ’das mthoṅ nas ’di skad ces gsol || bcom ldan ’das tshur gśegs su gsol | bcom ldan ’das byon pa legs (4) so | |bcom ldan ’das ’jigs pa daṅ bcas pa’i śul du gar gśegs | ’on kyaṅ bcom ldan ’das mi bsñeṅs su gsol || bdag cag gñis kyis bcom ldan ’das kyis bsel bgyi’o || de na dad pa skyes pa gcig gis ni rṅa pa ṭa brduṅs | dad pa skyes pa cig śos kyis ni gźu (5) bduṅs te | de gñis bcom ldan ’das kyi mdun du ’gro bar brtsams pa daṅ | bcom ldan ’das ’di sñam du dgoṅs te | khye’u ’di gñis kyi dge ba’i rtsa ba dag skyed do sñam du rig nas bcom ldan ’das kyis khye’u de gñis la ’di skad ces bka’ stsal to || khye’u gñis phyir log (6) śig | de bźin gśegs pa ni seṅ ge’i ’jigs pa bral ba yin no || de gñis kyis bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas doṅ ba daṅ | bcom ldan ’das ’dzum pa mdzad do || chos ñid kyis na gaṅ gi tshe saṅs rgyas bcom (7) ldan ’das rnams ’dzum pa mdzad pa de’i tshe na źal nas ’od zer sṅon po daṅ | ser po daṅ | dmar po daṅ | dkar po daṅ | btsod ka daṅ | śel daṅ | dṅul gyi kha dog lta bu dag byuṅ nas kha cig ni ’og logs su ’doṅ | kha cig ni ste loṅs su ’doṅ bas gaṅ dag ’og (192b1) logs su ’doṅ ba de dag ni sems can dmyal ba yaṅ sos daṅ | thig nag daṅ | bsdus ’joms daṅ | du ’bod daṅ | du ’bod chen po daṅ | tsha ba daṅ | tab tu tsha ba daṅ | mnar med pa daṅ | chu bur can daṅ | chu bur rdol daṅ | so thams thams daṅ | kyi hud zer daṅ | a (2) chu zer daṅ | ut+pala ltar gas pa daṅ | pad ma ltar gas pa daṅ | pad ma ltar gas pa chen por doṅ ste | sems can dmyal ba tsha ba gaṅ dag yin pa de dag tu yin pa de dag tu ni bsil bar gyur te ’bab par byed pa | sems can dmyal ba graṅ ba gaṅ dag yin pa de dag tu ni dro bar gyur te ’bab par (3) byed do || des sems can de dag gi gnod pa’i bye brag gaṅ dag rgyun gcod par byed ciṅ de dag ’di sñam du || śes ldan dag ci bdag cag ’di nas śi ’phos sam | ’on te gźan du skyes sñam du sems so || de dag dad pa bskyed par bya ba’i phyir bcom ldan ’das kyis sprul pa gtaṅ (4) bar mdzad de | de dag gis sprul pa mthoṅ nas ’di sñam du śes ldan dag bdag cag ’di nas śi ’phos pa yaṅ ma yin la | gźan du skyes pa yaṅ ma yin te | ’di ltar sems can sṅon ma mthoṅ ba ’di’i mthus bdag cag gi gcod pa’i bye brag dag rgyun chad par gyur to sñam du sems (5) so|| de dag sprul pa la sems mṅon par dad par gyur nas sems can dmyal ba myoṅ bar ’gyur ba’i las de zad par byas nas gaṅ du bden pa dag gi snod du gyur ’gyur ba’i lta dar mi rnams kyi naṅ du ñid mtshams sbyor ba len par byed do || gaṅ dag steṅ logs su ’doṅ ba de dag ni (6) rgyal chen bźi pa daṅ | sum bcu rtsa gsum pa | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs ris daṅ | tshaṅs pa’i mdun ’don daṅ | tshaṅs chen daṅ | ’od chuṅ daṅ | tshad med ’od daṅ | ’od gsal daṅ | (7) dge chuṅ daṅ | tshad med dge daṅ | dge rgyas daṅ | sprin med daṅ | bsod nams skyes daṅ | ’bras bu che daṅ | mi che daṅ | mi gduṅ daṅ | gya nom snaṅ daṅ | śin tu mthoṅ daṅ | ’og min gyi lha rnams kyi naṅ du doṅ nas mi rnam pa daṅ | sdug bsṅal ba daṅ | (193a1) stod ba daṅ | bdag med pa źes bya ba’i sbra sgrog par byed ciṅ chigs su bcad pa gñis po |

brtsam par bya źiṅ bya źiṅ ’byuṅ bar bya || saṅs rgyas bstan la ’jug par bya ||
’dam bu’i khyim la glad chen bźin || ’chi bdag sde ni gźom par bya ||

gaṅ źig rab tu (2) pag yod par || chos ’dul ’di la spyod ’gyur ba ||
sdug bsṅal tha mar byed par ’gyur || źes bya ba yaṅ smras so ||

de nas ’od zer de dag gis stoṅ gsum gyi stoṅ chen po’i ’jig rten gyi khams byul nas bcom ldan ’das ñid kyi slad (3) bźin smad bźin du rjes su ’doṅ ste | de la gal te bcom ldan ’das pa’i las luṅ ston par bźed na ni bcom ldan ldan ’das kyi snam logs su nub par ’gyur ro || ma ’oṅs pa’i las luṅ ston par bźed na ni mdun logs su nub par ’gyur | sems can dmyal par skye ba (4) luṅ ston par bźed na ni źabs kyi mthil du nub par ’gyur | dud ’gror skye ba luṅ ston par bźed na ni loṅ bur nub par ’gyur | yi dgas su skye ba luṅ ston par bźed na ni źabs kyi mthe bor nub par ’gyur | mir skye ba luṅ ston par bźed na ni pus mor nub par ’gyur | stobs (5) kyi ’khos los sgyur ba’i rgyal srid luṅ ston par bźed na ni phyag mthil g-yon par nub par ’gyur | ’khor los sgyur ba’i rgyal srid luṅ ston par bźed na ni phyag mthil g-yas par ’gyur | lhar skye bar luṅ ston par bźed na ni lte bar nub par ’gyur | ñan thos kyis (6) byaṅ chub luṅ ston par bźed na ni źal du nub par ’gyur | raṅ saṅs rgyas kyi byaṅ chub luṅ ston par bźed na ni mdzod spur nub par ’gyur | bla na med pa yaṅ dag par rdzogs pa’i byaṅ chub luṅ ston par bźed na ni gtsug tor du nub par ’gyur ro || de nas ’od zer de dag gis (7) bcom ldan ’das la lan gsum bskor ba byaste bcom ldan ’das kyis mdzod spur nub bo || de nas tshe daṅ ldan pa kun dga’ bos thal mo sbyar te bcom ldan la źus pa | kha dog sna tshogs stoṅ gis bkra ba yi || tshogs rnams źal gyi sgros nas byuṅ gyur te || de yi (193b1) phyogs rnamasathamasa cad snaṅs bgyis pa || ñi gdugs bdal bar gyur pa ji bźin no || yaṅ tshigs su bcad pa smras pa |

rgod bral źum daṅ rgyags par rab spaṅs pa || saṅs rgyas ’gro ba mchog gi rgyur gyur pa ||
rgyal ba dgra thul byed rgyu ma mchis par || rtsa lag duṅ (2) ltar dkar ’dzum ston mi mdzad ||

de slad ston pa raṅ blos dus mkhyen nas || thub pa khyu mchog dge sbyoṅ skye dbaṅ po ||
ñan pa’i skye bo som ñi ldan rnams la || the tshom skyes pa gsuṅ tshig brtan pa daṅ ||

dam pa dge ba dag gis bsal du gsol || tshwa chu’i ri rgyal lta (3) bur brtan pa yi ||
saṅs rgyas mgon rnams blo bur ’dzum mi ston || brtan rnams ji slad ’dzum pa ston mdzad pa ||
skye bo’i tshogs rnams de ni ñan par ’tshal ||

btsun pa de bźin gśegs pa dgra bcom pa yaṅ dag par rdzogs pa’i saṅs rgyas rnams ni rgyu ma mchis | rkyen ma (4) mchis par ’dzum pa mi mdzad na | btsun pa ’dzum pa mdzad pa’i rgyu ni gaṅ lags | rkyen ni gaṅ lags | bcom ldan ’das kyis bka’ stsal pa | kun dga’ bo de de bźin no || de de bźin te | kun dga’ bo de bźin gśegs pa dgra bcom pa yaṅ dag par rdzogs (5) pa’i saṅs rgyas rnams ni rgyu med par ’dzum pa mi mdzad do || kun dga’ bo khyod kyis gaṅ dag gis de bźin gśegs pa’i bsel byas pa’i byis gapa khye’u gñis mthoṅ ṅam | btsun pa mthoṅ ṅo || kun dga’ bo khye’u de gñis ni dge ba’i rtsa ba ’di daṅ | legs par sbyad (6) pa ’dis bskal ba bcu gsum du log par ltuṅ bar ’gro bar mi ’gyur źiṅ || de gñis lha daṅ mi rnams su ñid mtshams sbyor ciṅ ’khod nas srid pa tha ma daṅ | gnas tha ma daṅ | gzugs tha ma daṅ | lus tha ma thob pa na las de ñid daṅ | dge ba’i rtsa ba de ñid daṅ | legs par (7) spyad pa de ñid kyis rab tu byuṅ nas raṅ byaṅ chub mṅon du byed par ’gyur te | gcig ni raṅ saṅs rgyas bcom ldan rṅa sgra źes bya bar ’gyur | cig śos ni raṅ saṅs rgyas mi ’jigs sbyin źes bya bar ’gyur ro || de nas bcom ldan ’das groṅ khyer med pa’i dgon pa’i gnas śig tu mtshan mo gnas (194a1) par źal gyis bźes so || bcom ldan ’das kyis śiṅ ljon pa yaṅ rgan rims kyis bskor bar bya’o źes bya’o źes bka’ stsal pas drug sde dag gis śiṅ ljon pa khoṅ stoṅ źig thob nas | de dag graṅ ba dag gis śiṅ ljon khoṅ stod de la mi btaṅ ba daṅ | śiṅ ljon pa (2) khoṅ stoṅ de la sbrul dug myur du khyab par byed pa źig gnas pa de du bas dkrugs nas steṅ gi yal ga la ’dzegs te ’phyaṅ źiṅ ’dug go || drug sde dag gis de ’phyaṅ źiṅ ’dug pa mthoṅ nas | de dag gis smras pa | byuṅ ṅo byuṅ ṅo || don mthun gyis de thos nas bsams pa | (3) seṅ ge byuṅ go sñam nas don mthun skrag ste phyogs bźir bros so || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo ci’i phyir don mthun ’di phyogs bźir bros | btsun pa bcom ldan ’das kyis źugs śiṅ ljon pa yaṅ rgan rims kyis (4) bskor bar bya’o źes bka’ stsal pas | drug sde dag gis źugs śiṅ ljon pa khoṅ stoṅ źig thob nas de dag graṅ ba dag gis źugs śiṅ ljon pa khoṅ stoṅ de la źugs btaṅ ba daṅ | źugs śiṅ ljon pa khoṅ stoṅ de la sprul dug myur du khyab par bgyid pa źig gnas pa de du bas dkrugs (5) nas steṅ gi yal ga la ’dzegs te ’phyaṅ źiṅ mchis pa drug sde dag gis mthoṅ nas de dag gis byuṅ ṅo byuṅ go źes bgyis pa daṅ | don mthun gyis de thos nas ci seṅ ge byuṅ ṅo sñam nas don mthun skrag nas don mthun skrag ste phyogs bźir bros so || bcom ldan ’das kyis bka’ stsal pa | kun dga’ bo soṅ (6) la don mthun la de bźin gśegs pa ni seṅ ge’i ’jigs pa daṅ bral ba yin gyis | phyir log śig ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas don mthun gyi gan du soṅ ste | śes ldan dag de bźin gśegs (7) pa ni seṅ ge’i ’jigs pa daṅ bral ba yin gyis | phyir log śig ces smras nas de phyir log par gyur ro || dge sloṅ rnams kyis bcom ldan ’das la źus pa || btsun pa drug sde dag gis don mthun skrag par bgyis te | phyogs bźir bros pa bcom ldan ’das kyis dbugs phyuṅ (194b1) pa la gzigs | dge sloṅ dag da ltar du ma zad de | ’di ltar ’das pa’i dus na yaṅ ’di dag gis ri dgas kyi tshogs chen po skrag par byas te phyogs bźir bros pa ṅas dbugs phyur ste de ñon cig | dge sloṅ dag sṅon byuṅ ba ’das pa’i dus na mtshe’u źig gi ’gram na śiṅ (2) bil ba’i tshal yod | śiṅ bil ba’i tshal de na ri boṅ drug cig gnas so || śiṅ bil pa’i tshal de nas śiṅ bil ba źig mtshe’u’i naṅ du rdib pa na sgra cal ces zer ba byuṅ ṅo || ri boṅ drug po dag dag gis sgra de thos nas de dag lus chuṅ bas skrag ste ’bros par brtsams so || (3) de dag ’bros pa wa dag gis mthoṅ nas de dag gis smras pa | śes ldan dag ci’i phyir ’bros | ri boṅ dag gis smras pa | cal cal zer ba byuṅ ṅo || de nas wa de dag gis kyaṅ ’bros bar brtsams so || de dag ’bros pa sbre dag gis mthoṅ nas de dag gis smras pa | śes (4) ldan dag ci’i phyir ’bros | wa dag gis smras pa | cal cal zer ba byuṅ ṅo || de nas sbre de dag gis kyaṅ ’bros par brtsams so || de dag ’bros pa ri dgas dag gis mthoṅ nas de dag gis smras pa | śes ldan dag ci’i phyir ’bros | sbre dag gis smras pa | cal cal (5) zer ba byuṅ ṅo || de nas ri dgas dag gis kyaṅ ’bros par brtsams so || de dag ’bros pa phag dag gis mthoṅ nas de dag gis smras pa | śes ldan dag ci’i phyir ’bros | ri dgas dag gis smras pa | cal cal zer ba byuṅ ṅo || de nas phag dag gis kyaṅ ’bros par (6) brtsams so || de dag ’bros pa ma he dag gis mthoṅ nas de dag gis smras pa | śes ldan dag ci’i phyir ’bros | phag dag gis smras pa | cal cal zer ba byuṅ ṅo || de nas ma he dag gis kyaṅ ’bros par brtsams so || de dag ’bros pa bse dag gis mthoṅ nas de dag (7) gis smras pa | śes ldan dag ci’i phyir ’bros | ma he dag gis smras pa | cal cal zer ba byuṅ ṅo || de nas bse de dag gis kyaṅ ’bros par brtsams so || de dag ’bros pa glaṅ po che dag gis mthoṅ nas de dag gis smras pa | śes ldan dag ci’i phyir ’bros | bse (195a1) dag gis smras pa | cal cal zer ba byuṅ ṅo || de nas glaṅ po che de dag gis kyaṅ ’bros par brtsams so || de dag ’bros do ma dag gis mthoṅ nas de dag gis smras pa | śes ldan dag ci’i phyir ’bros | glaṅ po che dag gis smras pa | cal cal zer ba (2) byuṅ ṅo || de nas dom de dag gis kyaṅ ’bros par brtsams so || de dag ’bros pa dred dag gis mthoṅ nas de dag gis smras pa | śes ldan dag ci’i phyir ’bros | dom dag gis smras pa | śes ldan dag ci’i phyir ’bros | dom dag gis smras pa | cal cal zer ba byuṅ ṅo || de nas dred de dag gis kyaṅ ’bros par brtsams so || (3) de dag ’bros pa guṅ dag gis mthoṅ nas de dag gis smras pa | śes ldan dag ci.i phyir ’bros | dred dag gis smras pa | cal cal zer ba byuṅ ṅo || de nas guṅ de dag gis kyaṅ ’bros par brtsams so || de dag ’bros pa stag dag gis mthoṅ nas de daṅ gis smras pa | śes (3) ldan dag ci’i phyir ’bros | guṅ dag gis smras pa | cal cal zer ba byuṅ ṅo || de nas stag de dag gis kyaṅ ’bros par brtsams so || de dag ’bros pa seṅ ge dag gis mthoṅ nas de dag gis smras pa | śes ldan dag ci’i phyir ’bros | stag dag gis smras pa | śes ldan dag ci’i phyir ’bros | stag dag gis smras pa | cal (5) cal zer ba byuṅ ṅo || de nas seṅ ge de dag gis kyaṅ ’bros par brtsams so || ji tsam na na ri druṅ daṅ ne ba źig na seṅ ge ral pa can cod pa na lta bu daṅ ldan pa źig ’dug pa des seṅ ge de dag ’bros pa mthoṅ nas | des smras pa | śes ldan dag || khyed cag thams cad ni sder (6) mo’i stobs can daṅ | mche ba’i stobs can śa stag yin na ci’i phyir ’bros | seṅ ge de dag gis smras pa | cal cal zer ba byuṅ ṅo || śes ldan dag cal cal zer ba de ga las byuṅ | bdag gis kyaṅ cal cal zer ba ga las byuṅ mi śes so || seṅ ge des smras pa | (7) śes ldan dag ma ’bros śig daṅ | cal cal zer ba ga las byuṅ ba brtag par bya’o źes des stag dag la rmas pa | khyed cag la sus smras | stag dag gis smras pa | guṅ dag gisaso || des guṅ dag la rmas pa | khyed cag la sus smras | guṅ dag gis smres pa (195b1) dred dag gis so || des dred dag la rmas pa | khyed cag la sus smras | dred dag gis smras pa | dom dag gis so || des dom dag la rmas pa | khyed cag la sus smras | dom dag gis smras pa | glaṅ po che dag gis so || des glaṅ po che dag la rmas pa | khyed cag (2) la gus smras | glaṅ po che dag gis smras pa | bse dag la rmas pa | khyed cag la sus smras | bse dag gis smras pa | ma he dag gis so || des ma he dag la rmas pa | khyed cag la sus smras || ma he dag gis smras pa | phag dag gis so || (3) des phag dag la rmas pa | khyed cag la sus smras | phag dag gis smras pa | ri dgas dag gis so || des ri dgas dag la rmas pa | khyed cag la sus smras | ri dgas dag gis smras pa | sbre dag gis so || des sbre dag la rmas pa | khyed cag la sus smras | sbre (4) dag gis smras pa | wa dag gis so || des wa dag la rmas pa | khyed cag la sus smras | wa dag gis smras pa | ri boṅadaga gis so || des ri boṅ dag la rmas pa | khyed cag la sus smras | ri boṅ dag gis so || des ri boṅ dag la rmas pa | khyed la sus smras | riṅ boṅ dag gis smras pa | bdag cag gis ’jigs pa de mṅo na sum du (5) mthoṅ gis tshur śog daṅ cal cal zer ba de ga las byud ba bstan par bya’o źes de dag gis seṅ ge de khrid de śiṅ bil ba’i tshal de bstan nas cal cal zer ba de ’di nas byuṅ ṅo źes smras pa daṅ | ji tsam na śiṅ bil ba’i tshal de nas yaṅ bil ba źig mtshe’u de’i naṅ du rdib pa na sgra (6) cal ces zer bya byuṅ nas seṅ ge des smras pa | śes ldan dag ’di ni cal ba yin gyis ma ’jigs śig ces thams cad dbugs phyuṅ ba daṅ | lhas tshigs su bcad pas smras pa |

rab tu grags pas ’gro mi bya ||
bdag ñid kyis ni mṅon sum bya ||
bil ba rdib pas (7) nags tshal ni ||
rkaṅ bźi med par byas la ltos ||

dge sloṅ dag de’i tshe de’i dus na seṅ ge ral pa can co da pa na lta bu daṅ ldan pa gaṅ gis ri dgas kyi tshogs chen po skrag pa phyogs bźir zos pa dag dbugs phyuṅ bar gyur pa de ni ṅa ñid yin no || de’i tshe de’i dus na ri boṅ drug po (196a1) gaṅ dag gis ri dgas kyi tshogs chen po skrag par byas pa de dag ni drug sde dag yin te | dge sloṅ dag de ltar ’das pa’i dus na yaṅ ’di dag gis ri dgas kyi tshogs chen po skrag par byas te phyogs bźin bros pa ṅas dbugs phyuṅ la | da ltar yaṅ ’di dag gis (2) don mthun skrag par byas te phyogs bźir bros pa ṅas dbugs phyuṅ ṅo || ’di ni re źig byuṅ ba yin te saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mdzad do || de nas bcom ldan ’das pa kun dga’ bo la bka’ (3) stsal pa | kun dga’ bo soṅ la don mthun la khyed cag las gaṅ yaṅ don mthun gyi mdun du ma ’gro śig | de bźin gśegs pa ñid don mthun gyi mdun du gśegs so źes bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las (4) mñan nas don mthun gyi gan du soṅ te smras pa | śes ldan dag de bźin gśegs pas bka’ stsal pa | khyed cag las gaṅ yaṅ don mthun gyi mdun du ma ’gro śig | de bźin gśegs pa ñid don mthun gyi mdun du gśegs so źes byuṅ ṅo źes bsgo’o || de nas de bźin (5) gśegs pa ñid don mthun gyi mdun du gśegs pa daṅ | ji tsam na saṅ ge ral pa can cod pa na lta bu daṅ ldan pa źig rṅam ste bcom ldan ’das kyi spyan sṅar ’dor ciṅ byuṅ ba daṅ | bcom ldan ’das kyis phyag g-yas pa’i mthil du seṅ ge ral pa can cod pan lta bu ṅaṅ ldan pa lṅa (6) sprul pa mdzad nas | des de dag gi dri tshor nas skrag ste ’bros par brtsams pa daṅ | bcom ldan ’das kyis phyogs bźir me sprul pa mdzad do || seṅ ge des phyogs bźir ’bar | rab tu ’bar | kun du rab tu ’bar te me lce gcig tu gyur ciṅ ’bar bar mthoṅ źiṅ bcom (7) ldan ’das ñid kyi źabs kyi druṅ ’ba’ źig na źi bar mthoṅ nas | des bcom ldan ’das kyi źabs gñis la gtugs pa daṅ | bcom ldan ’das kyi phyag ’khor lo daṅ | bkra śis daṅ | g-yuṅ druṅ daṅ | dra bas ’brel ba | bsod nams brgya phrag du ma las ’khruṅs pa | (196b1) ’jigs pa rnams dbugs ’byin par mdzad pas mgo la byugs te bka’ stsal pa | bźin bzaṅs khyod sṅon gyi ñes par spyad pa daṅ ldan pas dug ’gro’i skye gnas su skyes te | khyod da ltar drag śul can lag pa dmar ba snun pa daṅ rab tu snun pa la źugs pa | gźan gyi srog (2) ’phrog pa | gźan gyi srog gcod du ’duṅ pa | gźan gyi srog gcod pas ’tsho bar byed pa yin pas khyod ’di nas śi ’phos pa’i ’gro ba ni cir ’gyur | skye ba ni cir ’gyur | tshe phyi ma ni cir ’gyur | bźin bzaṅs ’di ltar ’du byed thams cad ni mi rtag pa’o || chos thams cad (3) ni bdag med pa’o || mya ṅan las ’das pa ni źi ba’o źes tshig gsum gyi chos bstan nas | bźin bzaṅs khyod da la sems mṅon par daṅ par gyis śig daṅ | des dud ’gro’i skye gnas kyi ’dod chags daṅ bral bar ’gyur ro źes bka’ stsal to || dge sloṅ dag seṅ ge de la reg (4) par byed pa na de sgra ’byin te || de nas bcom ldan ’das kyis dge sloṅ rnams la bka’ stsal pa | dge sloṅ dag khyed seṅ ge la ma reg śig | de ci’i phyir źe na | dge sloṅ dag seṅ ge ni bzod par dka’ ba daṅ | bsñen par dga’ ba yin pa’i phyir ro || dge sloṅ dag de lta (5) pas naṅ ge sloṅ gis seṅ ge la reg par mi bya’o || dge slauṅa seṅ ge la reg par byed na ’gal tshabs can du ’gyur ro || de nas ri dgas kyi rgyal po seṅ ge de ’di sñam du sems te | gaṅ gi phyir bdag gis bcom ldan ’das kyi spyan sṅar tshig gsum gyi chos thos nas zas za bar byed (6) pa ni bdag gi tsul daṅ mthun pa ma yin no sñam nas de zas mi za ba la źugs so || dud ’gro’i skye gnas su skyes pa rnams kyi me ni rno bo yin pas | de bkres pas ñam dmas pa na bcom ldan ’das la sems mṅon par dad par byas nas dus la bab pa daṅ | rgyal chen bźi pa’i lha (7) rnams kyi naṅ du skyes so || lha’i bu’am lha’i bu mo’i chos ñid ni skyes nas riṅ po ma lon pa la sems gsum skye ste | ṅaṅ nas śi ’phos pa daṅ | gaṅ du skyes pa daṅ | las gaṅ gis skyes pa’o || de dud ’gro rnams kyi naṅ nas śi ’phos pa daṅ | rgyal chen bźi pa’i lha (197a1) rnams kyi naṅ du skyes pa daṅ | bcom ldan ’das la sems mṅon par dad par byas pas skyes par mthoṅ ṅo || de nas sṅon seṅ ge lha’i bu de ’di sñam du sems te | gaṅ gi phyir bdag yoṅs su gnas pa bsten te | bcom ldan ’das la blta ba daṅ | bsñen bkur (2) bya ba’i phyir ñe bar ’gro ba ni bdag gi tshul daṅ mthun pa ma yi na gyis bdag yod su gnas pa ma bsten pa kho nar bcom ldan ’das la blta ba daṅ | bsñen bkur bya ba’i phyir ñe bar ’gro’o sñam mo || de nas sṅon seṅ ge lha’i bu rna cha gdub kor g-yon źiṅ dri ma med pa thogs te | do śal daṅ | (3) se mo dos brgyan pa’i lus kyis lha’i ut+pala daṅ | pad ma daṅ | ku mu daṅ | pad ma dkar po dag gis thub bkaṅ ste | kha dog śin tu ’das pas mtshan mo la bab pa daṅ | bcom ldan ’das ga la ba der soṅ ste phyin nas | bcom ldan ’das la me tog dag gis mṅon (4) par gtoṅ te | bcom ldan ’das kyi źabs gñis la mgo bos phyag ’tshal nas mtha’ gcig tu ’dug pa daṅ | ’di ltar sṅon seṅ ge bu’i kha dog gi mthus med pa’i dgon pa’i gnas thams cad sna ba rgya chen pos khyab par gyur ro || de nas bcom ldan ’das kyis sṅon seṅ (5) ge lha’i bu’i bsams pa daṅ | bag la ñal daṅ | khams daṅ | raṅ bźin thugs su chadu nas gaṅ thos nas sṅon seṅ ge lha’i bus stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa (6) de lta bur ’phags pa’i bden pa bźi yaṅ dag par so sor rtog par byed pa’i chos bstan pa mdzad do || des bden pa mthoṅ nas btsun pa bcom ldan ’das kyis bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha (7) rnams kyis kyaṅ ma bgyis | sṅon gyi pha mes dag gis kyaṅ ma bgis | dge sbyoṅ daṅ bram ze dag gis kyaṅ ma bgis | byams pa daṅ | mdza’ bśes daṅ | rtsal ga gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | (197b1) ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa byuṅ | lha daṅ mi rnams kyi naṅ du ni bźag go źes lan gsum du ched du brjod pa ched du brjod pa ched du brjod do || yaṅ smras pa |

khyod mthus rab drag (2) ñes pa maṅ ldan pa’i || ṅan soṅ śul bkag bsod nams rab ldan pa’i ||
mtho ris ’gro ba phye źiṅ bdag gis ni || mya ṅan las pa’i śul yaṅ thob par gyur ||

śin tu rnam dag khyod brten bdag gis ni || de riṅ skyon bral dag pa’i mig thob ciṅ ||
go ’phaṅ źi ba ’phags (3) pa dgyes thob ste || sdug bsṅal rgya mtsho’i pha rol rgyal bar ’gyur ||

’gro bar lha min mi daṅ lhas mchod pa || skye daṅ rga daṅ na ’chi bral ba po ||
srid pa stod du mthoṅ pa rab dkon pa || thub pa de riṅ kyod mchoṅ ’bras bu mchis ||

de nas gduṅ byas do śal rab ’phyaṅ bas || źabs (4) la phyag ’tshal raṅs pa skyes gyur nas ||
dgra thul g-yas nas yoṅs su bskor byas te || lha yi ’jig rten mṅon phyogs mkha’ la soṅ ||

de nas sṅon seṅ ge lha’i bu tshoṅ pa khe spogs rñed pa lta bu daṅ | źiṅ pa lo thog ’byor ba lta bu daṅ | dpa’ bo g-yul las rnam par rgyal (5) blta bu daṅ | nad pa nad thams cad las yoṅs su thar ba lta bur gyur te cha lugs gaṅ gis bcom ldan ’das kyi spyan sṅar ’oṅs pa’i cha lugs de ñid kyis raṅ gi gnas su soṅ ṅo || dge sloṅ dag nam gyi cha stod daṅ | nam gyi cha smad ñal bar sbyor ba’i rjes su brtson par gnas pa | (6) de dag gis bcom ldan ’das kyi spyan sṅar ba rgya chen pos khyab par gyur ba mthoṅ ṅo || mthoṅ nas the tshom za ba’i yid kyis mtshan mo nam naṅs pa daṅ | bcom ldan ’das la źus pa | bcom ldan ’das ci lags | mdaṅ sum mi mjed kyi bdag po tshaṅs pa ’am | lha’i dbaṅ (7) po brgya byin nam | ’jig rten skyoṅ ba bźi ’am | lha’i bu ’byor pa che ba | mthu che ba gźan źig bcom ldan ’das la blta ba’i slad du ñe bar mchis sam | bcom ldan ’das kyis bka’ stsal pa | dge sloṅ dag mi mjed kyi bdag po tshaṅs pa ṅa la blta ba’i phyir ñe bar ’oṅs pa (198a1) yaṅ ma yin | lha’i dbaṅ po brgya byin yaṅ ma yin | ’jig rten skyoṅ ba bźi yaṅ ma yin | lha’i bu ’byor pa che ba | mthu che ba gźan yaṅama yin te | dge sloṅ dag ’di ltar khyed kyis ṅas ri dgas kyi rgyal po seṅ ge gaṅ la tshigs gsum gyi chos bstan pa de (2) mthoṅ ṅam || bcom ldan ’das mthoṅ ṅo || dge sloṅ dag de de nas śi ’phos te rgyal chen bźi pa’i lha rnams kyi naṅ du skyes nas de mdaṅ sum ṅa’i gan du ’oṅs te | ṅas de la chos bstan nas des bden pa mthoṅ ste raṅ gi gnas su soṅ ṅo || dge sloṅ rnams the tshom skyes nas the tshom thams (3) cad gcod pa saṅs rgyas bcom ldan ’das la źus pa | btsun pa sṅon seṅ ge lha’i bus las ci bgyis na las de’i rnam par smin pas seṅ ge rnams kyi naṅ du skyes par gyur | las ci bgyis na las de’i rnam par smin pas rgyal chen bźi pa’i lha rnams kyi naṅ du skyes par gyur | las (4) ci bgyis na las de’i rnam par smin pas bden pa mthoṅ nas raṅ gi gnas su mchis | bcom ldan ’das kyis bka’ stsal pa | dge sloṅ dag sṅon seṅ ge lha’i bu ñid kyis las tshogs rñed pa | rkyen yoṅs su bskyur ba | ’od pa bźin du ñe bar gnas pa | gdon mi za bar ’byuṅ (5) bar ’gyur ba dag byas śiṅ bags pas sṅon seṅ ge lha’i bus las byas śiṅ bsags pa gźan su źig gis ñams su myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur || me’i khams la mi (6) ’gyur | rluṅ gi khams la mi ’gyur te | ’di ltar las dge ba daṅ | mi dge ba byas śiṅ bsags pa dag ni zin pa’i phuṅ po daṅ | khams skye mched dag kho na la rnam par smin par ’gyur ro || las rnams bskal pa brgyar yaṅ ni || chud mi za ba’aṅ tshogs daṅ dus || rñed (7) na lus can rnams la ni || ’bras bu dag tu ’gyur ba nid || dge sloṅ dag sṅon byuṅ pa’i dus na bskal pa chen po bzaṅ po bzaṅ po ’di ñid la skye dgu’i tshe lo ñi khri thub pa na ston pa de bźin gśegs pa dgra bcom ldan pa yaṅ dag par rdzogs pa’i saṅs rgyas rig pa daṅ źabs su ldan pa | bde (198b1) bar gśegs pa | ’jig rten mkhyen pa | skyes bu gdul ba’i kha lo sgyur ba blan med pa | lha daṅ mi rnams kyi ston pa | saṅs rgyas bcom ldan ’das ’od sruṅ źes bya ba ’jig rten du byuṅ ste | de dge sloṅ ñi khris bskor ciṅ groṅ khyer bā rā ṇa sī na draṅ sroṅ smra ba ri dgas kyi nags na ñe bar (2) rten ciṅ bźugs so || gaṅ gi tshe yaṅ dag par rdzogs pa’i saṅs rgyas ’od sruṅ ’jig rten du byuṅ bar ma gyur pa de’i tshe bā rā ṇa sī na bram ze ’khor śin tu maṅ ba | rig byed daṅ | rig byed kyi yan lag gi pha rol du son pa | yul tha dad pa na gnas pa’i bram ze rnams kyi ston par gyur (3) pa źig ’dug pa de ’jig rten thams cad kyis śin tu bkur stir byas | bla mar byas | rjed bas byas | mchod par byas so || gaṅ gi tshe yaṅ dag par rdzogs pa’i saṅs rgyas ’od sruṅ ’jig rten du byuṅ bar gyur pa de’i tshe na de la phyin cad ’ga’ yaṅ bkur stir mi byed | bla mar mi (4) byed | rjed par mi byed | mchod par mi byed do || yaṅ dag par rdzogs pa’i saṅs rgyas ’od sruṅ ’khor brgya phrag du ma’i mdun na bźugs śiṅ chos ston par mdzad pa na bram ze ’khor śin tu maṅ ba de phyogs de nas soṅ pa daṅ | bram ze des yaṅ dag par rdzogs pa’i saṅs rgyas ’od sruṅ (5) ’khor brgya phrag du ma’i mdun na bźugs śiṅ chos ston pa mthoṅ ṅo || mthoṅ nas kyaṅ smras pa | dge sbyoṅ ’di ni seṅ ge bźin du ’jigs pa med pa daṅ | bag tsha ba med par ’khor la chos ston par byed la | ñan thos ’di dag ni ri dgas phra mo dag bźin du chos ñan par byed (6) do|| yaṅ dag par rdzogs pa’i saṅs rgyas ’od sruṅ gis de gsan to || gnas nas kyaṅ bram ze de la bka’ stsal pa | bram ze khyod kyis dag gi las rtsub po smras kyis | ñes pa ñes pa’i sgo nas śogs śig daṅ | de lta na khyod kyi las de srab pa ñid daṅ | yoṅs su zad (7) pa daṅ | yoṅs su mthar thug par ’gyur ro || bram ze des ñes pa’i sgo nas bśags te yaṅ dag par rdzogs pa’i saṅs rgyas ’od sruṅ gi spyan sṅar skyabs su ’gro ba daṅ | bslab pa’i gźi dag blaṅs so || dge sloṅ dag de’i tshe de’i dus na gaṅ gi yaṅ dag par rdzogs (199a1) pa’i saṅs rgyas ’od sruṅ la seṅ ge źes brjod pa | kun du spyad pa gaṅ yin pa de ni sṅon seṅ ge lha’i bu ’di ñid yin te | de’i tshe ’di yaṅ dag par rdzogs pa’i saṅs rgyas ’od sruṅ la seṅ ge źes brjod pas kun du spyan pa’i las de’i rnam par tshe rabs lṅa brgyar (2) seṅ ge rnams kyi naṅ du skyes par gyur nas da ltar gyi bar du yaṅ seṅ ge rnams kyi naṅ du yaṅ skyes par gyur to || ’dis ṅa la sems mṅon par dad par byas pa’i las de’i rnam par smin pas ni śiṅ źiṅ dus la bab nas | rgyal chen bźi pa’i lha rnams kyi naṅ du skyes so || ’dis yaṅ (3) dag par rdzogs pa’i saṅs rgyas ’od sruṅ gi spyan sṅar skyabs su ’gro ba daṅ | bslab pa’i gźi dag blaṅs pa’i las de’i rnam par smin pas ni ṅa’i spyan sṅar bden pa dag mthoṅ źiṅ | des bden pa dag mthoṅ nas raṅ gi gnas su phyin to || dge sloṅ dag de ltar na las (4) gcig tu gnag pa rnams kyi rnam par smin pa ni gcig tu gnag pa yin la | las gcig tu dkar ba rnams kyi rnam par smin pa yaṅ gcig tu dkar ba yin | las ’dren pa rnams kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa (5) rnams daṅ | ’dren ma rnams spaṅs te las gcig tu dkar ba rnams la brtsal bar bya ste | dge sloṅ dag khyod kyis de ltar bslab par bya’o || de nas bcom ldan ’das ma ga d+hā dag tu ljoṅs rgyu źiṅ gśegs pa na rgyal po’i khab tu byon rgyal po’i khab na ’od ma’i tshal ka lan (6) dka’i gnas na bźugs so || de’i dus na de dag gis mes gźan gtoṅ pas rtse bar byed ciṅ | zla ba yaṅ byed | ñi ma yaṅ byed | mgal me’i ’khor lo yaṅ byed nas gźan mu stegs can dag śes ldan dag śākya ’i bu’i dge sbyoṅ ’di dag ni mes gźan la gtoṅ bas (7) rtse bar byed ciṅ | zla ba yaṅ byed | ñi ma yaṅ byed | mgal me’i ’khor lo yaṅ byed do || byis pa khye’u ’di dag kyaṅ mes gźan la gtoṅ bas rtse bar byed ciṅ | zla ba yaṅ byed | ñi ma yaṅ byed | mgal me’i ’khor lo yaṅ byed na | śes ldan dag byis pa khye’u ’di dag (199b1) daṅ | śākya ’i bu’i dge sbyoṅ ’di dag la bye brag ni ci yod | bsam pa ni ci yod | bsam pa ni ci yod || tha dad du bya ba ni ci yod | su źig sbyoṅ mgo reg ’di dag la bsod sñoms sbyin pa daṅ bya bar sems źes smod par byed | phyar ka gtoṅ bar byed | kha zer bar byed pa’i skabs de dge (2) sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed (3) par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyed mes gźan la gtoṅ bas rtse bar byed ciṅ | zla ba yaṅ byed | ñi ma yaṅ byed | mgal me’i ’khor lo yaṅ byed pa bden nam | btsun (4) pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnams graṅs du mas (5) rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi (6) ’di ltar gdon par bya ste | yaṅ dge sloṅ gaṅ mel reg gam | reg tu ’jud na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ bar mdzad do || dge sloṅ dag phyin cad de bźin gśegs pa’i dbu skra daṅ sen mo’i mchod rten (7) dag la bdug spos kyaṅ gsol bar mi byed | mar me yaṅ sbar par mi byed | slob dpon daṅ mkhan po dag la yaṅ chu dron ’bul bar mi byed | lhuṅ bzed kyi las kyaṅ mi byed | tshon kyi las kyaṅ mi byed do || saṅs rgyas bcom ldan ’das rnams ni mkhyen bźin du rmed par (200a1) mdzad pa yin pas saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ bo ci’i phyir dge sloṅ dag phyin cag de bźin gśegs pa’i dbu skra daṅ sen mo’i mchod rten dag la bdug spos kyaṅ gsol bar mi byed | mar me yaṅ sbar bar (2) mi byed | slob dpon daṅ mkhan po dag la yaṅ chu dron ’bul bar mi byed | lhuṅ bzed kyi las kyaṅ mi byed | tshon gyi las kyaṅ mi byed | btsun pa bcom ldan ’das kyis ’di ltar yaṅ dge gaṅ me la reg gam | reg tu ’jud na ltuṅ byed do źes ’dul ba la ñan thos (3) rnams kyi bslab pa’i gźi bca’ ba mdzad pas dge sloṅ de dag slan cad de bźin gśegs pa’i dbu skra daṅ | sen mo’i mchod rten dag la bdug spos kyaṅ gsol bar mi bgyid | mar me yar spar bar mi bgyid | slob dpon daṅ mkhan po dag la yaṅ chab dron ’bul bar mi (4) bgyid | lhuṅ bzed kyi las kyaṅ mi bgyid | tshon gyi las kyaṅ mi bgyid do || kun dga’ bo de lta bas na dus byin gyis brlab par bya’o || bcom ldan ’das kyis dus byin gyis brlab par bya’o źes bka’ stsal nas | de dag gis ji ltar dus byin gyis brlab par bya ba mi (5) śes nas bcom ldan ’das kyis bka’ stsal pa | ston pa daṅ | chos daṅ | dge ’dun daṅ | slob dpon daṅ | mkhan po daṅ | tshaṅs pa mtshuṅs par spyod pa rnams kyi chos daṅ ldan pa’i bya ba’i don ñid kyis dus byin gyis brlab par bya’o || dge sloṅ dag lhuṅ bzed kyi (6) las daṅ | tshon gyi las dag byed pa na yaṅ daṅ yaṅ du brjed ṅas bas me la reg nas de dag ’gyod pa skyes pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dus yun riṅ du byin gyis brlab par bya’o || dge sloṅ (7) źig na źiṅ rluṅ nad can du gyur nas de sman pa’i gan du soṅ ste dris pa | bźin bzaṅs kho bo la sman ston cig | ’phags pa źugs sten cig | bźin bzaṅs bcom ldan ’das kyis bslab pa’i gźi bca’ bar mdzad do || ’phags pa khyod kyi ston pa ni thugs rje can lags pas (200b1) ’di ltar de ñid rkyen du mdzad nas rjes su gnaṅ bar ’gyur ba gaṅ lags pa de lta bu’i gnas mchis par ’gyur ro źes zer ba’i skabs de dag sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na na ba’i dus ma gtogs so || (2) de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śes che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ (3) rnams la bka’ stsal pa | dge sloṅ dag de lta bas sṅa ma ni bcas pa yin pa yin la | ’di ni rjes su gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ mi na bar bdag ñid kyi phyir me la reg gam | reg tu ’jud (4) na ltuṅ byed do || yaṅ dge sloṅ gaṅ źes bya ba ni drug sde’am | gźan yaṅ de lta bu gaṅ yin pa’o || min bar źes bya ba ni na ba bźag ste’o || bdag ñid kyi phyir źes bya ba ni bdag ñid kyi ched du’o || me la reg gam źes bya ba ni bdag ñid kyis so || reg tu ’jud na źes bya ba ni (5) gźan no || ltuṅ byed ṅo źes bya ba ni sems can dmyal ba daṅ || dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ pa dag tu sreg par byed | ’tshor par byed | ltuṅ bar byed pa’o || gźan yaṅ ji srid du ltuṅ ba de ma baṅs śiṅ so sor ma bśags na (6) dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na dge sloṅ gis mes gźan la gtoṅ bas rtse bar byed na ltuṅ byed du ’gyur ro || zla ba byed na ltuṅ byed du ’gyur byed du ’gyur ro || ñi ma byed na ltuṅ byed du ’gyur ro || mgal (7) mo’i ’khor lo byed na ltuṅ byed du ’gyur ro || dge sloṅ me sbar bar byed na des dus byin na des dus byin gyis brlab par bya’o || dus byin gyis ma brlabs par spar bar byed na ltuṅ byed du ’gyur ro || dge sloṅ me gsod par byed na des dus byin gyis brlab par bya’o || dus byin gyis ma brlabs par (201a1) gsod par byed na ltuṅ byed du ’gyur ro || dge sloṅ bud śiṅ skul bar byed dam | bud śiṅ ’dren par byed na des dus byin gyis brlab par bya’o || dus byin gyis ma brlags par bud śiṅ skul bar byed dam | ’dren par byed na ltuṅ byed du ’gyu ro || dge sloṅ mṅag (2) ma spuṅ bar byed dam || mdag pa ’dru bar byed na des dus byin gyis brlab par bya’o || dus byin gyis ma brlabs par mdag ma spuṅ bar byed dam | ’dru bar byed na ltuṅ byed du ’gyur ro || dge sloṅ me ma mur spuṅ bar byed dam | ’dru bar byed na des dus byin gyis brlab par bya’o || dus (3) byin gyis ma brlabs par me ma mur spuṅ bar byed dam | ’dru bar byed na ñes byas su ’gyur ro || dge sloṅ mer skra daṅ | spu daṅ | rus pa daṅ | sen mo dag ’jud na ñes byas su ’gyur ro || dge sloṅ mer mchil ma daṅ | snabs daṅ | skyugs pa daṅ | rlugs pa dag (4) ’jud na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || me la reg pa’i ltuṅ byed de lṅa bcu lṅa bcu rtsa gñis pa rdzogs s+ho || || ’dul ba rnam par ’byed pa | bam po lṅa bcu rtsa bdun (5) pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=011e5bf4-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display