Bibliotheca Polyglotta

[Pāyantika 61]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba (2) na bźugs so || tshe daṅ ldan pa ’char ka sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs nas der bsod sñoms brgyus te ’phoṅ gi dpoṅ sa mthoṅ nas des der źugs pa daṅ | ’phoṅ gi slob dpon ni med khye’u dag ’khod nas (3) des khye’u dag la dris pa | khye’u dag ci byed de dag gis smras pa | ’phags pa ’phoṅ slob po ’char kas smras pa | bu dag legs te khyod kyis sgyu rtsal mchog la rgal to bltas g-yon ’phoṅs daṅ | g-yas ’phoṅs daṅ mda’ lṅa ’phaṅ ba byos śig | de dag gis g-yon (4) ’phoṅs daṅ | g-yas ’phoṅs daṅ | mda’ lṅa ’phaṅ bar bya bar brtsams pa daṅ | de lag pa gñis ’dril bar byed | bźin sgyur bar byed do || de dag gis smras pa | ’phags pa ci’i slad du phyag gñis ’dri la bar mdzad | źal sgyur bar mdzad | ’char kas smras (5) pa | da duṅ khyed cag gi slob dpon gyis kyaṅ mi śes na khyed cag gis lta śes par ’gyur re skan | de dag gis smras pa | ’phags pa ’di la mkhyen pa cuṅ zad mṅa’ ’am | ’chas kas smras pa | sa’i steṅ na kho bos mi śes pa’i bzo’i gnas daṅ las kyi gnas gaṅ yod | (6) de dag gis smras pa | ’phags pa g-yar sṅa brim gyis g-yon ’phoṅs daṅ g-yas ’phoṅs daṅ | mda’ lṅa ’phaṅ ba mdzad du gsol || ’char kas smras pa gźu ’on cig de dag gis gźu phul ba daṅ | ’chas kas smras pa | gźu ’di ni ras bal gyi gźu ’dra la gźu (7) gźan ’on cig | de dag gis gźu gñis pa daśaṅa | gsum pa phul ba daṅ ’char kas smras pa | gźu ’di dag kyaṅ ras bal gyi gźu ’dras khyed kyis slob dpon gyi gźu ’on cig de dag gis slob dpon gyi gźu phul ba daṅ ’char kas smras pa | ’di yaṅ tshod yod ba źig (247b1) go źes des gźu de ras bal gyi gźu bźin du bduṅs te rgyud sgra sbreṅs pa daṅ | steṅ gi nam mkha’ la bya rog gi tshogs rgyu bar brtsams nas ’char kas smras pa | ji lta je bya rog ’di’i rkub tu bsnun la khar du byuṅ bar bya ’am | ’on te khar bsnun la rkub tu dbyuṅ bar bya de dag gis (2) smras pa | ’phags pa rkub tu bsnun la khar dbyuṅ du gsol || ’char kas śar phyogs kyi steṅ gi nam mkha’ la mda’ gcig ’phaṅs śiṅ lto daṅ nub daṅ | byaṅ phyogs kyi steṅ gi nam mkha’ la yaṅ mda’ re re ’phaṅ ba daṅ | bya rog des kha gyen du phyogs te ’gro bar brtsams (3) nas | ’char kas de’i phyi bźin mda’ gcig ’phags pas rkub tu bsnun te khar phyuṅs nas bya rog des la lhuṅ ba daṅ | de dag ya mtshan skyes nas sems khoṅ du chud ciṅ ’khod do || ’char kas smras pa || bu dag bzo ’di ltar bslab par bya ba ’am yaṅ na slob dpon gźan (4) btsal bar bya’i ’bras bu med pa’i sbun pa phyar źiṅ ’khod de cer ruṅ źes smras te soṅ ṅo || de dag sems khoṅ du chud ciṅ ’khod pa daṅ ji tsam na de dag gi slob dpon ’oṅs nas des smras pa | khye’u dag ci’i phyir sems khoṅ du chud ciṅ ’khod | g-yon ’phoṅs daṅ | g-yas (5) ’phoṅs daṅ | mda’ lṅa ’phaṅ ba byos śig de dag lag pa gñis ’dril bar byed | bźin sgyur bar byed pa daṅ slob dpon gyis smras pa | khye’u dag sṅon ma byuṅ ba’i rnam par ’gyur ba ’di lta bu byuṅ na ’dir ’ga’ źig ’oṅ bar ma gyur tam mchis so || su ’phags ba ’char (6) ka’o des ci byas | mda’ lṅa ’phaṅ ba bgyi nas bya rog ’di’i rkub tu bsnun nas khar phyuṅ ṅo || des smras pa khye’u dag byaṅ chub sems dpa’ ’phoṅ gi dpoṅs gaṅ du ’phoṅ bslabs par ’gyur pa der des kyaṅ bslabs te gal te de rab tu byuṅ bar ma gyur na ’dzam bu’i gliṅ mtha’ dag (7) tu ’phoṅ gi slob dpon gyi mchog tu ’gyur ro || ’on kyaṅ kho bos ci śes pa re źig kho bo las slobs la lhag ma gźan las slobs śig | des bsams pa de yaṅ daṅ yaṅ du bdag la mtho ’tsham par ’gyur bas bdag gis de mi dga’ bar bya’o sñam nas des khye’u de dag (248a1) la smras pa | khye’u dag khyed cag phyogs daṅ phyogs mtshams rnams su btsun pa ’char ka’i sgra’i tshogs sñan tshogs sñan pa rgya chen po grags par ’dod dam de dag gis smras pa | ’tshal lo des smras pa | gaṅ gi tshe ’phags pa ’char ka bsod sñoms la źugs pa de’i tshe (2) na khyed kyis bya rog gi ro ’di smyug ma riṅ po’i rtse mo la thogs te de’i phyi bźin phyi bźin rjes su soṅ la mi’o cog la ’di skad ces ’phags pa ’char kas mda’ lṅa ’phaṅ ba ’di lta bu byas te bya rog ’di’i rkub tu bsnun nas khar phyuṅ ba la ltos śig ces sgrogs la || (3) gal te phyir leg śig | ces zer na yaṅ ma log śig | phyi de ñin par tshe daṅ ldan pa ’char ka sṅa dro śam tabs bgos | lhuṅ bzed daṅ chos gos thogs te mñan yod du bsod sñoms la źugs pa daṅ | khye’u de dag gis de mthoṅ nas de dag gis || bya rog gi (4) ro de smyug ma riṅ po’i rtse mol btags te | tshadze daṅ ldan pa ’char ka’i phyi bźin phyi bźin rjes su soṅ nas mi’o cog la ’di skad ces ’phags pa ’char kas mda’ lṅa ’phaṅ ba ’di lta bu byas pas bya rog ’di’i rkub tu bsnun nas khar phyuṅ ba la ltos źes bsgrags pa (5) daṅ | ’char kas de dag mthoṅ nas des smras pa | khye’u dag ci’i phyir ko bo la mtho ’tsham par byed phyir log śig | ’on kyaṅ de dag phyir ma log na yaṅ de skad sgrog par byed nas bram ze dag khyim bdag dag śes ldan dag śākya ’i bu’i dge sbyoṅ ’di dag ni (6) srog gcod par byed pa ste | srog gcod pa las ma log | ma spaṅs | so sor ma spaṅs pa yin no || śes ldan dag śākya ’i bu’i dge sbyoṅ sems can gaṅ gi pags pa yaṅ dgos par mi ruṅ || śa daṅ || rgyus pa daṅ | rus pa yaṅ dgos par mi ruṅ (7) ba ’di lta bu yaṅ gsod par byed pa la ltos | su źig dge sbyoṅ mgo reg ’di dag la bsod sñoms sbyin pa daṅ bya bar sems źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || (248b1) de nas bcom ldan ’das kyis byuṅ ba ’di daṅ | gleṅ gźi ’di daṅ skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa (2) yaṅ sṅa ma bźin te | saṅs rgyas bcom ldan ’das kyis ’char ka la rmas pa | ’char ka khyod kyis mi mdzes pa de lta bu de byas pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin daṅ | (3) ruṅ ba ma yin pa | tshul daṅ mthun pa ma yin pa de ni ra ba tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ de lta bas na phan yon bcu yaṅ (4) dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ bsams bźin du dud ’gro’i skye (5) gnas su g-yogs pa’i srog chags gsod na ltuṅ byed pa’o || yaṅ dge sloṅ gaṅ źes bya ba ni ’char ka ’am || gźan yaṅ de lta bu gaṅ yin pa’o || bsams bźin du źes bya ba ni rnam par brtags nas so || dud ’gro’i skye gnas su gtogs pa’i srog chags źes bya (6) ba ni bya rog gam gźan yaṅ de lta bu gaṅ yin pa’o || gsod na źes bya ba ni de’i srog gcod par byed na’o || ltuṅ byed do || źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | log par ltuṅ ba dag tu sreg par byed || (7) ’tshod par byed | ltuṅ bar byed pa’o || gźan yaṅaji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la tuṅ bar ji ltar ’gyur źe na || ||

bar sdom la |
bdag (249a1) ñid kyis ni zin pa daṅ ||
phyi rol du ni ’phags pa daṅ ||
gñig daṅ ni ldan pa ni ||
sde tshan yaṅ dag bsdus pa yin ||

ji ltar bdag ñid kyis zin pas śe na | dge sloṅ gis dud ’gro’i skye gnas su gtogs pa’i sems can la bsad pa’i sems kyis (2) ’di ltar brtsams pa ’dis ’di dus byed par gyur cig sñam pas sor mo gcig gis snun par byed ciṅ || de yaṅ rtsom pa des dus byed na dge sloṅ la ltuṅ byed du ’gyur ro || des de’i tshe ma yin yaṅ des de’i ’og tu na dge sloṅ la ltuṅ byed du ’gyur ro || des de’i (3) tshe yaṅ ma yin la des de’i ’og tu yaṅ ma yin na dge sloṅ la sbyor ba sṅa ma de ñid kyis nes byas su ’gyur ro || sor mo gcig gis ji lta ba de bźin du ’di ltar rtsom pa ’dis ’di dus byed par gyur cig sñam pas sor mo gñis kyis sam gsum gyis sam || (4) bźis sam | lṅas sam | khu tshur gyis sam | gru mos sam | phrag pas sam | mgo bso sam | glos sam | rked pas sam | brlas sam | pus mos sam | rje ṅar gyis sam | loṅ bus sam | rkaṅ mthil gyis sam | tha na rkaṅ ba’i mthe bos snun par (5) byed ciṅ de yaṅ rtsom pa des dus byed na dge sloṅ la ltuṅ byed du ’gyur ro || des de’i tshe ma yin yaṅ | des de’i ’og tu na dge sloṅ la ltuṅ byed du ’gyur ro || des de’i cho yaṅ ma yin la des de’i ’og tu yaṅ ma yin na dge sloṅ la sbyor ba sṅa ma de ñid kyis ñes byas su ’gyur (6) te | de ltar bdag ñid kyis zin pas so || ji ltar phyi rol du ’phaṅs pas śe na || dge sloṅ gis dud ’gro’i skye gnas su gtogs pa’i sems can la bsad pa’i sems kyis ’di ltar rtsom pa ’dis ’di dus byed par gyur cig sñam pas mdas snun par byed ciṅ de (7) yaṅ rtsom pa des dus byed na dge sloṅ la ltuṅ byed du ’gyur ro || des de’i tshe ma yin yaṅ des de’i ’og tu na dge sloṅ la ltuṅ byed du ’gyur ro || des de’i cho yaṅ ma yin la des de’i ’og tu yaṅ ma yin na dge sloṅ la sbyoṅ ba ma de ñid kyis ñes byas ’gyur ro || (249b1) mdas ji lta ba de bźin du ’di ltar rtsom pa ’dis ’di dus byed par gyur cig sñam pas lcag mdas sam | mda’ phyed lcag las byas pas sam | ste’u ka mas sam | mde’u be’u so lta bus sam | mde’u zur bźi mas sam | mde’u kar bī ra’i lo ma lta bus sam || (2) mde’u bye’u sñiṅ mas sam | ’khor los sam | rdo rje rtse gcig pas sam | mda’ bo ches sam | mtshon rtse gcig pas sam | tha na rgya śug gi ’bras bus snun par byed ciṅ | de yaṅ rtsom pa des dus byed na dge sloṅ la ltuṅ byed du ’ay+gura ro || des de’i tshe ma yin (3) yaṅ des de’i ’og tu ’gyur ro || des de’i tshe yaṅ ma yin la des de’i ’og tu yaṅ ma yin na dge sloṅ la sbyor ba sṅa ma de ñid kyis ñes byas su ’gyur ro || de ltar phyi rol du ’phaṅs pas so || ji ltar de gñig daṅ ldan pas śe na | dge sloṅ (4) gis dud ’gro’i skye gnas su gtogs pa’i srog chags la bsad pa’i sems kyis ’di ltar rtsom pa ’dis ’di dus byed par gyur cig sñam pas ral gyis snun par byed ciṅ de yaṅ rtsom pa des dus byed na dge sloṅ la ltuṅ byed du ’gyur ro || des de’i tshe ma yin yaṅ (5) des de’i ’og tu na dge sloṅ la ltuṅ byed du ’gyur ro || des de’i tshe yaṅ ma yin la des de’i ’og tu yaṅ ma yin na | dge sloṅ la sbyor ba sṅa ma de ñid kyis nes byas su ’gyur ro || ral gyis ji lta ba de bźin du ’di ltar rtsom pa ’dis ’di dus byed par gyur cig (6) sñam pas śaṅ laṅ gis sam | ral gri so gcig pas sam | ral gri so gñis pas sam | mduṅ gis sam | ’phaṅ mduṅ gis sam | kyo ba kha brag gis sam | tsha lcag gis sam || tha na rtswa mdas snun par byed ciṅ de yaṅ rtsom pa des dus byed na dge (7) sloṅ la ltuṅ byed du ’gyur ro || des de’i tshe ma yin yaṅ des de’i ’og tu na dge sloṅ la ltuṅ byed du ’gyur ro || des de’i tshe yaṅ ma yin la des de’i ’og tu yaṅ ma yin na dge sloṅ la sbyor ba sṅa ma de ñid kyis nes byas su ’gyur te | de ltar de gñi ga daṅ ldan (250a1) pas | so || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || dud ’gro gsod pa’i ltuṅ byed de drug bcu rtsa gcig pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=01312a04-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display