Bibliotheca Polyglotta

[Pāyantika 62]
saṅs rgyas bcom ldan ’das mñan yod na rgyal (2) byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa mo.auda gal gyi bu chen pos ñe ba ’khor la sogs pa sar pa skyes phran gźon nu bcu bdun sde’i tsho gras dag rab tu phyuṅ rdzogs par bsñen par byas pa de’i tshe na de dag drug sde dag la (3) sten par byed | sñen par byed bsñen bkur byed do || de nas tshe daṅ ldan pa ’char kas bcu bdun sde dag la smras pa | bcu bdun sde dag tshur śog | ’di daṅ ’di gyis śig | de dag gis smras pa | khyod kho bo cag gi slob dpon yin nam | mkhan po yin nam ci mi (4) byed do || ’char kas smras pa | glen pa dag ’o na gźan ci byed ces des gna’ ba dag nas bzuṅ ste phyi rol du bskrad do || de dag gis smras pa | tshe daṅ ldan pa dag bdag cag drug sde dag gis gaṅ cuṅ zad brñas par gyur pa de dag thams cad ni bdag cag thos pa ñuṅ ba las (5) gyur pa yin gyis je thos pa ’dzin du ’doṅ daṅ des na phyin can drug sde dag la cuṅ zad kyaṅ dri mi dgos par ’gyur ro || źes de dag dge sloṅ źig gi gan du doṅ ste smras pa btsun pa bdag cag klog tu stsol cig | des de dag la thabs yin no źes smras nas | de dag gis de’i gan (6) du bklag par brtsams so || ñe dga’ sa smras pa | btsun pa ’char ka bcu bdun sde dag de bar bdag cag la sten par mi byed | sñen par mi byed | bsñen bkur mi byed de || ’char kas smras pa | kho bos de dag bskrad nas da ltar thos pa ’dzin par brtsams so || (7) btsun pa ’char ka khyod kyis bdag cag gis sbrul ñal ba lcag gis gźus so || ji srid du klen pa de dag thos pa ñuṅ ba de srid du de dag bdag cag la sten par byed | sñen par byed | bsñen bkur byed kyis | gaṅ gi tshe de dag thos pa maṅ por gyur ciṅ mdo sde ’dzin pa (250b1) daṅ | ’dul ba ’dzin pa daṅ | ma mo ’dzin pa daṅ | gdug ciṅ pha rol gnon par gyur pa de’i tshe na de dag bdag cag la gnod pa bya bar sems par ’gyur ro || ’char ka smras pa | kho bos de dag ci nas kyaṅ thos pa ’tshin par mi ’gyur ba daṅ | thos pa bzuṅ ba las kyaṅ (2) yoṅs su ñams par ’gyur ba de ltar bya’o źes de dag gi gan du soṅ ste ’di skad ces smras so || kye bcu bdun sde dag śin tu brtson ’grus brtsams sam | de dag gis smras pa | brtsams so | brtson ’grus kyis ci bya | thos pa bzuṅ ṅo || thos pa bzuṅ bas cir (3) ’gyur | maṅ du thos par ’gyur ro || maṅ du thos pas cir ’gyur || dbaṅ po yoṅs su smin par ’gyur ro || dbaṅ po yoṅs su smin pas cir ’gyur | ṅes pa la ’jug pa daṅ | zag pa zad par ’gyur ro | khyed ṅes pa la ’jug pa daṅ || zag bzad par (4) ’gyur re skan | btsun pa ’char ka kho bo cag mtshams med pa’i las dag byas pa’am | dge ba’i rtsa ba chad pa yin nam ci | khyed cag ’tshams med pa’i las dag byas pa yaṅ ma yin || dge pa’i rtsa ba chad pa yaṅ ma yin mod kyi ’on kyaṅ khyed kyis bcom ldan (5) ’das kyis yaṅ dge sloṅ gaṅ gaṅ zag lo ñi śu ma lon pa dag dge sloṅ gi dṅos por rdzogs par bsñen par mi ’gyur la | dge sloṅ de dag kyaṅ smad par ’gyur ro || źes gsuṅs pa ma thos sam | khyed cag lo ñi śu ma lon (6) par rdzogs par bsñen pas khyed cag des pa la ’jug pa daṅ | zag pa zad par ’gyur re skan | de dag gis de thos nas sems khoṅ du chud ciṅ ’khod pa daṅ | de dag gis slob dpon ’oṅs nas des smras pa | gźon nu dag ci’i phyir sems khoṅ du chud ciṅ ’khod (7) tshur śog la thos pa zuṅ śig | de dag gis smras pa | slob dpon thos pa bzuṅ bas cir ’gyur | maṅ du thos par ’gyur ro || maṅ du thos pas cir ’gyur || dbaṅ po yoṅs su smin pas cir ’gyur | ṅes pa (251a1) la ’jug pa daṅ | zag pa zad par ’gyur ro || de dag gis smras pa | slob dpon bdag cag ṅes pa la ’jug pa daṅ | zag pa zad par ’gyur re skan | khyed cag mtshams med pa’i las dag byas pa daṅ | dge ba’i rtsa ba chad pa yin nam ci | (2) de dag gis smras pa | slob dpon bdag cag mtshams ma mchis pa’i las dag bgyis pa yaṅ ma lags | dge ba’i rtsa ba chad pa yaṅ ma lags mod kyi | ’o na kyaṅ bcom ldan ’das kyis yaṅ dge sloṅ gaṅ gaṅ zag lo ñi śu ma lon pa dge sloṅ gi dṅos por rdzogs (3) par bsñen par byed na gaṅ zag de yaṅ rdzogs par bsñen par mi ’gyur la | dge sloṅ de dag kyaṅ smad par ’gyur ro || źes gsuṅs pas bdag cag lo ñi śu ma lon par rdzogs par bsñen pas bdag cag ṅes pa la ’jug pa daṅ | zag pa zad par ’gyur re skan | (4) ṅes smras pa | khyed kyis de ni thos na bcom ldan ’das kyis las daṅ po pa la ltuṅ ba med do źes gsuṅs pa de ma thos sam | khyed cag las daṅ po pa yin pas rdzogs par bsñen par gyur gyis tshul śeg la luṅ nos śig | gźan yaṅ ’di ltar khyed sus ’gyod pa (5) bskyed | btsun pa ’char kas so || dge sloṅ don ñuṅ ṅu dag ci’i phyir dge sloṅ dag bsams bźin du dge sloṅ la ’gyod pa skyed par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || (6) de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzan do źes bya ba la sogs pa yaṅ sṅa ma bźin no || saṅs rgyas bcom ldan ’das rnams ni mkhyen du rmed par mdzad pa ste źes bya ba la sogs pa (7) yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod bsams bźin du dge sloṅ la ’gyod pa skyed par byed pa bden nam | btsun pa mad do | saṅs rgyas bcom ldan ’das kyis dge sbyoṅ gi tshul ma yin pa | (251b1) rjes su mthun pa ma yin pa | ruṅ ba ma yin pa | tshul daṅ mthun pa ma pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge (2) sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ (3) dge sloṅ gaṅ bsams bźin du ci nas kyaṅ dge sloṅ ’di yid tsam źig kyaṅ bde ba la mi reg par bya’o sñam pa de nid rkyen du byas te dge sloṅ la ’gyod pa skyed na ltuṅ byed do || yaṅ dge sloṅ gaṅ źes bya ba ni ’char ka ’am | gźan yaṅ de lta bu gaṅ yin pa’o || (4) bsams bźin du źes bya ba ni rnam par brtags nas so || ci nas kyaṅ dge sloṅ ’di yid tsam źig kyaṅ bde ba la mi reg par bya’o sñam pa źes bya ba ni tha na yid tsam źig kyaṅ yid mi dga’ bar bya’o sñam pa’o || de ñid rkyen du byas te źes bya ba ni gźan (5) ma yin pa’o || dge sloṅ la źes bya ba ni chos ’di pa la’o || ’gyod pa skyed na źes bya ba ni sems la cuṅ zad ’gyod pa daṅ | rnam par ’gyod pa daṅ | rab tu ’gyod pa skyed na’o || ltuṅ byed do || źes bya ba ni sems can dmyal ba daṅ | dud ’gro daṅ | (6) yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des (7) na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis dge sloṅ la ’gyod pa skyed pa’i bsam pas gan du soṅ ste ’di skad ces tshe daṅ ldan pas rgyal po daṅ | nor can daṅ | tshoṅ dpon daṅ | ded dpon che ge mo źig (252a1) dran nam źes dris te | mi dran no źes zer nas de ni dus sṅa ba ma yin gyi tshe daṅ ldan pa ni dus ’phyi ba yin pas tshe daṅ ldan pa rdzogs par ma bsñen ciṅ ñes par rdzogs par bsñen pas yaṅ rdzogs par yaṅ rdzogs par bsñen par bya dgos so źes smras na dge sloṅ (2) ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du ’gyur ro || dge sloṅ gis dge sloṅ la ’gyod pa skyed pa’i bsam pas gan du soṅ ste ’di skad ces tshe daṅ ldan pas zla ba gzas zin pa daṅ | ñi ma gzas zin pa che ge mo źig dran nam źes dris te | mi (3) dran no źes zer nas de ni dus sṅa ba yin gyis tshe daṅ ldan pa ni dus ’phyi ba yin pas tshe daṅ ldan pa rdzogs par ma bsñen ciṅ ñes par bsten pas yaṅ rdzogs par bsñen par bya dgos so źes smras na dge sloṅ ’gyod pa skyes kyaRa ruṅ ma skyes kyaṅ ruṅ dge sloṅ la (4) ltuṅ byed du ’gyur ro || dge sloṅ gis dge sloṅ la ’gyod pa skyed pa’i bsam pas gan du soṅ ste ’di skad ces tshe daṅ ldan pa lo legs pa daṅ | lo ñes pa che ge mo źig dran nam źes dris te | mi dran no źes zer na de ni dus sṅa ba yin gyi tshe daṅ ldan pa ni dus ’phyi ba yin (5) bas tshe daṅ ldan pa rdzogs par ma bsñen ciṅ ñes par rdzogs par bsñen pas yaṅ rdzogs par bsñen par bya dgos so źes smras na | dge sloṅ ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du ’gyur ro || dge sloṅ gis dge sloṅ la ’gyod pa skyed pa’i (6) bsam pas gan du soṅ ste ’di skad ces tshe daṅ ldan pa gnas gaṅ du rdzogs par bsñen ces dris te | ga ge mo źig tu’o źes zer nas gnas de ni mtshams ma bcad pa daṅ | dkyil ’khor bar blo mthun par ma byas pa yin pas tshe daṅ ldan pa rdzogs par ma (7) bsñen ciṅ ñes par rdzogs par bsñen pas yaṅ rdzogs par bsñen par bya dgos so źes smras na dge sloṅ ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du ’gyur ro || dge sloṅ gis dge sloṅ la ’gyod pa skyed pa’i bsam pas gan du soṅ ste ’di (252b1) skad ces tshe daṅ ldan pa’i mkhan po ni gaṅ yin | slob dpon ni gaṅ yin źes dris te mkhan po ni che ge mo źig yin | slob dpon ni che ge mo źig yin no źes zer nas | de gñis ni tshul khrims ’chal ba yin pas tshe daṅ ldan pa rdzogs par ma bsñen ciṅ ñes par rdzogs (2) par bsñen pas yaṅ rdzogs par bsñen par bsñen par bya dgos so źes smras na dge sloṅ ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du ’gyur ro || dge sloṅ gis dge sloṅ la ’gyod pa skyed pa’i bsam pas gan du soṅ ste ’di skad ces tshe daṅ ldan pa phyogs ga ge mo (3) źig tu ’gro ’am źes dris te | ’gro’o źes zer nas de ni gcan sgo yin pas tshe daṅ ldan pa phab par ’gyur ba’i ltuṅ ba byuṅ ṅo źes smras na dge sloṅ ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du ’gyur ro || dge sloṅ gis dge sloṅ la ’gyod pa (4) skyed pa’i bsam pas gan du soṅ ste ’di skad ces tshe daṅ ldan pa slob dpon daṅ | mkhan po dag gi chos gos dag blaṅs sam źes dris te blaṅs so źer zer nas tshe daṅ ldan pas rku sems kyis blaṅs pas tshe daṅ ldan pa pham par ’gyur ba’i ltuṅ pa byuṅ ṅo źes (5) smras na dge sloṅ ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du ’gyur ro || dge sloṅ gis dge sloṅ la ’gyod pa skyed pa’i bsam pas gan du soṅ ste ’di skad ces tshe daṅ ldan pas dge ’dun y+gi naṅ du ’du byed thams cad ni mi rtag pa | chos thams cad ni bdag (6) med pa mya ṅan las ’das pa ni źi ba’o || źes smras sam źes dris te | smras so źes zer nas tshe daṅ ldan pa mi’i chos bla ma smras pas tshe daṅ ldan pa pham par ’gyur pa’i ltuṅ byuṅ ṅo źes smras na dge sloṅ ’gyod pa skyes kyaṅ ruṅ ma skyes kyaṅ ruṅ dge sloṅ la ltuṅ byed du (7) ’gyur ro || don gźan daṅ | ’dul ba’i yo byad kyis ni ltuṅ ba med do || ji ltar don gźan gyis źen ’di lta ste | dge sloṅ gis dge sloṅ gi gan du soṅ ste ’di skad ces tshe daṅ ldan pas rgyal po daṅ | nor can daṅ tshor dpon daṅ | ded dpon che ge mo źig dran (253a1) nam źes dris te | mi dran no źes zer na de ni dus sṅa ba yin pas tshe daṅ ldan pas mi dran te tshe daṅ ldan pa legs par rdzogs par bsñen to źes smras na ltuṅ ba med do || ’di lta ste dge sloṅ gis dge sloṅ gi gan du soṅ ste ’di skad ces tshe daṅ ldan pas zla ba (2) gzas zin pa daṅ | ñi ma gzas zin pa che ge mo źig dran nam źes dris te mi dran no źes zer nas de ni dus sṅa ba yin pas tshe daṅ ldan pas mi dran no źes tshe daṅ ldan pa legs par rdzogs par bsñen to źes smras na ltuṅ ba med do || ’di lta ste dge sloṅ gis dge sloṅ gi gan du soṅ (3) ste ’di skad ces tshe daṅ ldan pas lo legs pa daṅ | lo ñes pa che ge mo źig dran nam źes dris te | mi dran no źes zer nas de ni dus sṅa ba yin pas tshe daṅ ldan pa mi dran te tshe daṅ ldan pa legs par rdzogs par sñen to źes smras nas ltuṅ ba med de | de ltar don gźan gyis so || (4) ji ltar ’dul ba’i yo byad kyis źe na | ’di lta ste | dge sloṅ gis dge sloṅ gi gan du soṅ ste ’di skad ces tshe daṅ ldan pa gnas gaṅ du rdzogs par bsñen ces dris te | ga ge mo źig tu’o źes zer nas gnas de ni mtshams bcad pa daṅ | dkyil ’khor bar blo mthun (5) par byas pa yin pas tshe daṅ ldan pa legs par rdzogs pa’i bsñen to źes smras na ltuṅ ba med do || ’di lta ste | dge sloṅ gis dge sloṅ gi gan du soṅ ste ’di skad ces tshe daṅ ldan pa’i mkhan po ni gaṅ yin slob dpon ni gaṅ yin źes dris te | mkhan po ni che ge mo źig (6) yin | slob dpon ni che ge mo źig yin źes zer nas de gñis ni dge sloṅ tshul khrims daṅ ldan pa yin pas de gñis la bsñen bkur byas na khyod la bsod nams maṅ du skye źiṅ tshe daṅ ldan pa legs par rdzogs par bsñen pa yin no źes smras na ltuṅ ba med do || ’di (7) lta ste | dge sloṅ gis dge sloṅ gi gan du soṅ ste ’di skad ces tshe daṅ ldan pas mkhan po daṅ | slob dpon dag gi chos gos dag blaṅs sam źes dris te blaṅs so źes zer nas | rku sems kyis ma len cig | pham par ’gyur ba’i ltuṅ ba ma byuṅ bar gyis śig ces (253b1) smras na ltuṅ ba med do || ’di lta ste | dge sloṅ gis dge sloṅ gi gan du soṅ ste ’di skad ces tshe daṅ ldan pa phyogs ga ge mo źig tu ’gro ’am źes dris te ’gro’o źes zer nas tshe daṅ ldan pa phyogs de ni gcan sgo yin gyis phyogs der ma ’gro śig | khyod tshaṅs pa (2) mtshuṅs par spyod pa mkhas pa rnams mi dogs pa’i gnas la dogs par ’gyur bar ma byed cig | mi rtog pa’i gnas la rtog par ’gyur bar ma byed cig ces smras na ltuṅ ba med do || ’di lta ste | dge sloṅ gis dge sloṅ gi gan du soṅ ste ’di skad ces tshe daṅ ldan pas (3) dge ’dun gyi naṅ du ’du byed thams cad ni mi rtag pa | chos thams cad ni bdag med pa | mya ṅan las ’das pa ni źi ba’o źes smras sam źes dris te | smras so | źes zer nas mi’i chos bla ma ma smra śig | pham par ’gyur ba’i ltuṅ ba ma byuṅ bar gyis (4) śig ces smras na ltuṅ ba med do || de ltar ’dul ba’i yo byad kyis so || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen ba la ltuṅ ba med do || ’gyod pa skyed pa’i ltuṅ byed de drug bcu rtsa gñis pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=01320aea-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display