Bibliotheca Polyglotta

[Pāyantika 67]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na (7) bźugs so || gaṅ gi tshe tshe daṅ ldan pa maud gal gyi bu chen pos ñe ba ’akhoRa la sogs pa sar pa skyes phran gźon nu bcu bdun sde’i tshogs dag rab tu phyuṅ rdzogs par bsñen par byas pa de’i tshe na de dag drug sde dag la sten par byed | sñen par byed | bsñen (272b1) bkur byed do || khyim bdag cig gis saṅs rgyas la sogs pa dge sloṅ gi dge ’dun khyim gźan du gtsugs tshod la spyan draṅs nas saṅs rgyas la sogs pa dge sloṅ gi dge ’dun ni gśegs so || drug sde dag daṅ bcu bdun sde dag phyi bźin ’braṅ źiṅ ’doṅ ṅo || de (2) na lam ka na rdziṅ bu chus gaṅ ba źig ’dug nas drug sde dag gis bcu bdun sde dag la smras pa | bcu bdun sde dag kye ma khyed cag daṅ kho bo cag lhan cig śin tu ’gran pa yin na tshur śes yu bu cag chu’i naṅ du gaṅ yun riṅ du nub ciṅ ’dug phod pa lta’o || de dag gis smras pa | de (3) ltar bya’o źes de dag thams cad chur źugs pa daṅ | ñe dga’ chu nas byuṅ ste des bcu bdun sde dag gi gos dgas pa źig gi ’og tu sbas te bźag pa daṅ | drug sde dag myur ba myur bar rdziṅ bu nas byuṅ ste gos dag gyon nas doṅ ṅo || bcu bdun sde dag chu’i (4) steṅ du byuṅ ba daṅ | drug sde dag mi snaṅ nas de dag gis bdag cag pham par byas na mi ruṅ ṅo źes de dag yaṅ chu’i ’og tu źugs so || de dag yaṅ daṅ yaṅ du steṅ du byuṅ ste bltas na drug sde dag mi snaṅ nas | de dag da duṅ yaṅ chu’i ’og na ’dug go sñam nas de dag (5) gis smras pa | tshe daṅ ldan pa dag drug sde dag gis gos dag sbas te ’doṅ ṅo źes bgros pa daṅ | ji tsam na gos gcig kyaṅ mi snaṅ nas de dag gis smras pa | satshe daṅ ldan pa dag de dag gis bdag cag tho btsams so źes de dag rdziṅ bu nas byuṅ ste mtha’ (6) gcig na ’khod do || tshe daṅ ldan pa śā ri’i bu daṅ | mau gal gyi bu chen po gñis ’khor lṅa brgya daṅ ko sa la dag tu ljoṅs rgyu źiṅ ’doṅ ba na rgyal byed kyi tshal du phyin pa daṅ | ji tsam na rgyal byed kyi tshal stoṅ par mthoṅ nas de gñis kyis smras pa | saṅs rgyas la sogs (7) pa dge sloṅ gi dge ’dun gar gśegs | khyim bdag cig gis spyan draṅs so || de gñis kyis smras pa | skol cag gñis kyaṅ der bźud la bźud la bsod sñoms lo źes de gñis doṅ ba daṅ | ji tsam na tshe daṅ ldan pa śā ri’i bus bcu bdun sde dag rdziṅ bu’i (273a1) ’gram na rtse źiṅ ’dug pa mthoṅ ṅo || mthoṅ nas kyaṅ tshe daṅ ldan pa maud gal gyi bu chen po la smras pa | slob ma rnams kyi ’byor ba la gzigs | tshe daṅ ldan pa maud gal gyi bu chen pos smras pa | bdag gi mchid mi ñan pas bdag gis ji ltar bgyi | (2) tshe daṅ ldan pa maud gal gyi bu chen pos bcu bdun sde dag la smras pa | gźon nu dag gdugs tshod yol na mi ruṅ gis chu rgol cig daṅ ’doṅ ṅo || de dag gis smras pa | mkhan po drug sde dag gis bdag cag gi rad ba dag sbas so || tshe daṅ ldan pa maud gal gyi bu (3) chen pos ci khyer te doṅ ṅam ’on te ’di ñid du sbas te bźag sñam du bsam na | des ji tsam na de ñid du sbas te bźag par mthoṅ nas des blaṅs te de dag la byin no || bcu bdun sde dag gos dag gyon te der doṅ ba daṅ | tshe daṅ ldan pa śā ri’i bu daṅ || maud gal (4) gyi bu gñis kyis dge sloṅ dag bśugs pa na bcu bdun sde dag kyaṅ dge sloṅ dag ’chugs par byed nas | dge sloṅ rnams kyis de dag la smras pa | tshe daṅ ldan pa dag tshe daṅ ldan pa śā ri’i bu daṅ | maud gal gyi bu chen po gñis ni gdul ba’i bya ba byas te ’oṅs pa (5) yin pas de gñis kyis re źig dge sloṅ dag bśugs pa ni rigs kyi | khyed cag gis ci źig byas na da ’dir lhags te dge sloṅ dag ’chugs par byed | de dag gis smras pa | tshe daṅ ldan pa dag gal te kho bo cag la mkhan pos ma dgoṅs su zin na kho bo cag gis (6) zan gcad par byas par ’gyur ro || ci’i phyir | de dag gis skabs de rgyas par brjod pa daṅ | dge sloṅ don tuṅ ṅu dag ci’i phyir dge sloṅ dag dge sloṅ gi gos dag sbed par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ (7) rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen (273b1) bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyed dge sloṅ dag gi gos dag sbed pa bden nam | btsun pa mad do | saṅs rgyas bcom ldan ’das kyis dge (2) sbyoṅ gi tshul ma yin pa | rjes su mthun pa ma yin pa ruṅ ba ma yin pa | tshul daṅ mthun pa ma yin pa | de ni rab tu byaṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la (3) bka’ stsal pa | dge sloṅ dag da lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di (4) ltar gdon par bya ste | yaṅ dge sloṅ gaṅ dge sloṅ ṅam | dge sloṅ ma’am | dge slob maṅ ma’am | dge tshul lam | dge tshul ma’i lhuṅ bzed dam | gos sam dra ba’am | phor bu’am | ska rags sam | dge sbyoṅ gi ’tsho ba’i yo byad (5) gaṅ yaṅ ruṅ ba sbed dam | sbed du ’jud na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || dge sloṅ źig gis dge sloṅ źig gi lag tu gos dag gtams nas ’jigs pa byuṅ ba daṅ | dge (6) sloṅ des raṅ gi gos dag ni sbas | dge sloṅ de’i gos dag ni ma sbas pa daṅ | de dag ma byin par len pa dag gis phrogs nas dag dge sloṅ de phoṅs par gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ (7) stsal pa | de lta bas na de ’dra ba’i rkyen ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas | dge sloṅ rnams la de’i śas che ba daṅ | de daṅ mthun (274a1) pa daṅ | de daṅ ’tsham pa’i tshos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar (2) gdon par bya ste yaṅ dge sloṅ gaṅ dge sloṅ ṅam | dge sloṅ ma’am | dge slob ma’am | dge tshul lam | dge tshul ma’i lhuṅ bzed dam | gos sam | dra ba’am | phur bu’am | ska rags sam | dge sbyoṅ gi ’tsho ba’i yo byad gaṅ yaṅ ruṅ ba sbed dam sbed du (3) ’jud na de ’dra ba’i rkyen ma gtogs te ltuṅ byed do || yaṅ dge sloṅ gaṅ źes bya ba ni śā kya’i bu dga’ ’am | gźan yaṅ de lta bu gaṅ yin pa’o || dge sloṅ ṅam | dge sloṅ ma’am | dge slob ma’am | dge tshul lam | dge tshul ma’i źes bya ba ni chos ’di ba’i’o || (4) lhuṅ bzed ces bya ba ni lhuṅ bzed ñid do || gos źes bya ba ni bdun po dag las gaṅ yaṅ ruṅ ba’o || dra ba źes bya ba ni lhuṅ bzed kyi snod do || phor bu źes bya ba ni kham por ro || ska rags ces bya ba ni śur bu daṅ | lcag pod daṅ | rgya ca daṅ | śur bu phre’u’o || dge sbyoṅ (5) gi ’tsho ba’i yo byad gaṅ raṅ ruṅ bźes bya ba ni de dag las gźan pa gaṅ yaṅ ruṅ ba’o || sbed dam źes bya ba ni bdag ñid kyis so || sbed du ’jud na źes bya ba ni gźan no || de ’dra ba’i rkyen ma gtogs te źes bya ba ni de ’dra ba’i rkyen bźag ste’o || ltuṅ byed do źes bya ba (6) ni sems can dmyal ba daṅ | dud ’gro daṅ | yi dag ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma śags na dge ba’i chos rnams la sgrib par (7) byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad dge sloṅ ṅam | dge sloṅ ma’am | dge slob ma’am | dge tshul lam | dge tshul ma’i lhuṅ bzed dam | gos sam | dra ba’am | phor bu’am | (274b1) ska rags sam | dge sbyoṅ gi ’tsho ba’i yo byad gaṅ yaṅ ruṅ ba sbed dam | sbed du ’jud na thams cad du ltuṅ byed du ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || sbed pa’i ltuṅ byed de drug bcu rtsa (2) bdun pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=01363fda-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display