Bibliotheca Polyglotta

[Pāyantika 72]
saṅs (5) rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa maud gal gyi bu chen pos ñe ba ’khor la sogs pa sar pa skyes phran gźon nu bcu bdun sde’i tshogs dag (6) rab tu phyuṅ rdzogs par bsñen par byas pa de’i tshe na de dag mkhan mo’i tho raṅs kyi dus kyi tshe bkres pa’i ñam chuṅ bas yoṅs su gzir nas ṅu’o || bcom ldan ’das kyis mtshan mo’i tho raṅs kyi dus kyi tshe kun dga’ ra ba’i naṅ na byis pa khye’u rab tu maṅ (7) po dag ṅu ba’i sgra gsan to || gsan nas kyaṅ tshe daṅ ldan pa kun dga’ bo la bka’ stsal pa kun dga’ bo mtshan mo’i tho raṅs kyi tshe kun dga’ ra ba’i naṅ na byis pa khye’u rab tu maṅ po ṅu ba ’di dag su | btsun pa ’di dag ni tshe daṅ (284a1) ldan pa maud gal gyi bu chen pos ñe ba ’khor la sogs pa sar pa skyes phran gźon nu bcu bdun sde’i tshogs dag rab tu phyuṅ rdzogs par bsñen par bgyis pa de dag mtshan mo’i tho raṅs kyi dus kyi tshe bkres pa’i ñam chuṅ bas yoṅs su (2) gzir te ṅu ba lags so || kun dga’ bo dge sloṅ dag gaṅ zag lo ñi śu ma lon pa dge sloṅ gi dṅos por rdzogs par bsñen par byed dam | btsun pa bgyid do || kun dga’ bo gaṅ zog lo ñi śu ma lon pas ni graṅ ba daṅ | tshab daṅ | bkres (3) pa daṅ | skom pa daṅ | rluṅ daṅ | ñi ma daṅ | śa sbraṅ daṅ | sbraṅ bu mchu riṅs daṅ | sdig sbrul dag gis reg pa dag daṅ || gźan las tshig gi lam ṅan pa smras pa daṅ | ṅan pa ’oṅs pa dag daṅ | lus kyi tshor ba sdug bsṅal mi bzad pa | rtsub (4) pa | tsha ba | yid du mi ’oṅ srog ’phrog par byed pa byuṅ ṅo cog dag mi bzod ciṅ || zag pa dag la ci mi sñam par bya ba yaṅ mi bzod ciṅ daṅ du len mi nus pa’i raṅ bźin can yin no || gaṅ zag lo ñi śu lon pas ni graṅ ba daṅ | tsha ba daṅ | bkres pa daṅ || skom (5) pa daṅ | rluṅ daṅ || ñi ma daṅ | śa sbraṅ daṅ || sbraṅ bu mchu riṅs daṅ || sdig sbrul gyi reg pa dag daṅ | gźan las tshig gi las dan pa smras pa daṅ | ṅan pa ’oṅs pa dag daṅ || lus kyi tshor ba sdug bsṅal mi bzad pa daṅ | rtsub pa | tsha ba | yid du mi (6) ’oṅ ba srog ’phrog par byed pa byuṅ ṅo cog bzod ciṅ zag pa dag la ci mi sñam par bya ba yaṅ bzod ciṅ daṅ du len nus pa’i raṅ bźin can yin no || de nas bcom ldan ’das kyis byuṅ ba ’di daṅ || skabs ’di la dge sloṅ gi dge ’dun bsdu (7) ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa maud gal gyi bu chen po la rmas pa | maud (284b1) gal gyi bu khyod gaṅ zag lo ñi śu ma lon pa dge sloṅ gi dṅos por rdzogs par bsñen par byed pa bden nam | btsun pa mad do || saṅs rgyas bcom ldan ’das kyis mi brtson pa daṅ | mi sbyor ba daṅ | ma brtags par spyod pa rnam par smad pa mdzad do || de nas bcom (2) ldan ’das kyis brtson pa daṅ || sbyor ba daṅ || brtags te spyod pa’i bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya (3) ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zag lo ñi śu ma lon pa dge sloṅ gi dṅos por rdzogs par bsñen par byed na ltuṅ byed do || gaṅ zag de yaṅ rdzogs (4) par bsñen par mi ’gyur la | dge sloṅ de dag kyaṅ smad par ’gyur te | de la de ni chog yin no || yaṅ dge sloṅ gaṅ źes bya ba ni chos ’di pa’am | gźan yaṅ de lta bu gaṅ yin pa’o || gaṅ zag ces bya ba ni dge sloṅ du bya ba gaṅ yin pa de’o || lo ñi śu ma lon pa źes bya ba ni (5) lo ñi śur ma lon pa’o || dge sloṅ gi dṅos por rdzogs par bsñen par byed na źes bya ba ni gsol ba daṅ baźi.i’i las kyis so || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ || ṅan ’gro daṅ | log par ltuṅ ba dag tu (6) sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltug byed do źes gsuṅs so || gaṅ zag de yaṅ rdzogs par bsñen par mi ’gyur la źes (7) bya ba ni gaṅ zag gaṅ yin pa de’o || dge sloṅ de dag kyaṅ smad par ’gyur te źes bya ba ni de na dge sloṅ gaṅ dag ’khod pa de dag go || de la de ni cho ga yin no źes bya ba ni de la de ni rjes su mthun pa’i chos yin no || de la ltuṅ bar ji ltar ’gyur źe na | lo ñi śu ma (285a1) lon la lo ñi śu ma lon par yaṅ ’du śes śiṅ de la dge sloṅ rnams kyis khyod lo ñi śu lon nam źes dris pa na de ’di skad ces bdag lo ñi śu ma lon no źes zer ba na | dge sloṅ rnams kyis gaṅ zag de dge sloṅ gi dṅos por rdzogs par bsñen par byed na gaṅ zag (2) de daṅ po ñid nas rdzogs par ma bsñen ciṅ ’grogs pa daṅ loṅs spyod pa la yaṅ ltuṅ bar ’gyur la | des dge ’dun yaṅ ’gal tshabs can du ’gyur ro || lo ñi śu yaṅ ma lon la lo ñi śu ma lon par yaṅ ’du śes śiṅ de la dge sloṅ rnams kyis khyod lo ñi śu lon nas (3) źes dris pa na de ’di skad ces bdag śes śiṅ dran la yid gñis mi tha ste bdag lo ñi śu ma lon no źes zer ba na dge sloṅ rnams kyis gaṅ zag de dge sloṅ gi dṅos por rdzogs par bsñen par byed na gaṅ zag de daṅ po ñid nas rdzogs par ma bsñen coṅ ’grogs pa daṅ loṅs (4) spyod pa la yaṅ ltuṅ bar ’gyur la | des dge ’dun la yaṅ ’gal tshabs can du ’gyur ro || lo ñi śu ma lon la lo ñi śu lon par ’du śes śiṅ de la dge sloṅ rnams kyis khyod lo ñi śu lon nam źes dris pa na de ’di skad ces bdag lo ñi śu lon no źes zer ba na dge sloṅ (5) rnams kyis gaṅ zag de dge sloṅ gi dṅos por rdzogs par bsñen par byed na gaṅ zag de la de’i mod la rab tu ’byuṅ ba rdzogs par bsñen pa dge sloṅ gi dṅos po ’chags śiṅ ’grogs pa daṅ loṅs spyod pa la yaṅ ltuṅ bar mi ’gyur la | des dge ’dun la yaṅ ’gal (6) tshabs can du mi ’gyur ro || lo ñi śu ma lon la lo ñi śu lon par ’du śes śiṅ de la dge sloṅ rnams kyis khyod lo ñi śu lon nam źes dris pa na de ’di skad ces bdag śes śiṅ dran la yid gñis mi za ste bdag lo ñi śu lon no źes zer ba na dge sloṅ rnams kyis gaṅ (7) zag de dge sloṅ gi dṅos por rdzogs par bsñen par byed na gaṅ zag de la de’i mod la rab tu ’byuṅ ba daṅ rdzogs par bsñen pa dge slog gi dṅos po ’chags śiṅ ’grogs pa dag loṅs spyod pa la yaṅ ltuṅ bar mi ’gyur la | des dge ’dun la yaṅ ’gal tshabs can du mi ’gyur (285b1) ro|| lo ñi śu ma lon la des mi śes na | mi dran | yid gñis mi za źiṅ de la dge sloṅ rnams kyis ma dris sam | dris kyaṅ lan mi ’debs pa na dge sloṅ rnams kyis gaṅ zag de dge sloṅ gi dṅos por rdzogs par bsñen par byed na gaṅ zag de la de’i mod la rab tu ’byuṅ ba daṅ rdzogs (2) par bsñen pa dge sloṅ gi dṅos po ’chags śiṅ ’grogs pa daṅ loṅs spyod pa la yaṅ ltuṅ bar mi ’gyur la | des dge ’dun la ni ’gal tshabs can du ’gyur ro || lo ñi śu lon la lo ñi śu ma lon par ’du śes śiṅ de la dge sloṅ rnams kyis khyod lo ñi śu lon nam (3) źes dris pa na de ’di skad ces bdag lo ñi śu ma lon no źes zer ba na dge sloṅ rnams kyis gaṅ zag de dge sloṅ gi dṅos por rdzogs par bsñen par byed na gaṅ zag de daṅ po ñid nas legs par rdzogs par bsñen ciṅ ’grogs pa daṅ loṅs spyod pa la yaṅ ltuṅ pa la yaṅ ltuṅ bar mi (4) ’gyur la | des dge ’dun la ni ’gal tshabs can du ’gyur ro || lo ñi śu lon la lo ni śu ma lon par ’du śes śiṅ de la dge sloṅ rnams kyis khyod lo ñi śu lon nam źes dris pa na | de ’di skad ces bdag gis śes śiṅ dran la yid gñis mi za ste | bdag (5) lo ñi śu ma lon na źes zer ba na dge sloṅ rnams kyis gaṅ zag de dge sloṅ gi dṅos por rdzogs par bsñen par byed na gaṅ zag de daṅ po ñid nas legs par rdzogs par bsñen ciṅ ’grogs pa daṅ loṅs spyod pa la yaṅ ltuṅ bar mi ’gyur la | des dge ’dun la ni (6) ’gal tshabs can du ’gyur ro || lo ñi śu yaṅ lon la lo ñi śu lon par yaṅ ’du śes śiṅ de la dge sloṅ rnams kyis khyod lo ñi śu lon nam źes dris pa na | de ’di skad ces bdag lo ñi śu lon no źes zer ba na dge sloṅ rnams kyis gaṅ zag de dge sloṅ gi (7) dṅos por rdzogs par bsñen par byed na gaṅ zag de daṅ po ñin nas legs par bsñen ciṅ ’grogs pa daṅ loṅs spyod pa la yaṅ ltuṅ bar mi ’gyur la | des dge ’dun la yaṅ ’gal tshabs can du mi ’gyur ro || lo ñi śu yaṅ lon la lo (287a1) ñi śu lon par yaṅ ’du śes śiṅ de la dge sloṅ rnams kyis khyod lo ñi śu lon nam źes dris pa na | de ’di skad ces bdag śes śiṅ dran la yid gñis mi za ste bdag lo ñi śu lon no źes zer ba na | dge sloṅ rnasasa kyis gaṅ zag de dge sloṅ gi dṅos (2) por rdzogs par bsñen par byed na gaṅ zag de daṅ po ñid nas legs par rdzogs par bsñen ciṅ ’grogs pa daṅ loṅs spyod pa la yaṅ ltuṅ bar mi ’gyur la | des dge ’dun la yaṅ ’gal tshabs can du mi ’gyur ro || lo ñi śu lon la des mi śes | mi dran | yid (3) gñis mi za źiṅ de la dge sloṅ rnams kyis ma dris sam | dris kyaṅ lan mi ’debs pa na dge sloṅ rnams kyis gaṅ zag de dge sloṅ gi dṅos por rdzogs par byed na gaṅ zag de daṅ po ñid nas legs par rdzogs par bsñen ciṅ ’grogs pa daṅ loṅs spyod (4) pa la yaṅ ltuṅ ltar mi ’gyur la | des dge ’dun la ni ’gal tshabs can du ’gyur ro || de la gaṅ zag daṅ po gñis po gaṅ dag yin pa de dag ni daṅ po ’khrugs pa yin pas daṅ po ñid nas rdzogs par ma bsñen pa yin te | gaṅ zag raṅ bźin du gnas pa rnams (5) daṅ lhan cig lan gñis sam | gsum gso sbyoṅ ṅam | las ñams su myoṅ bar byed na rku thabs su gnas pa yin te | gaṅ zag bsñil bar ’os pa dag yin no || de la gaṅ zag lo ñi śu ma lon la lo ñi śu lon par ’du śes pa rdzogs par bsñen pa gaṅ yin pa de’i (6) ñe du dag ’oṅs śiṅ lhags nas miṅ ’di źes bya ba des rdzogs par bsñen tam | źes ’dri źiṅ de ni lo ñi śu ma lon no źes zer na de’i mṅal na gnas pa’i zla ba daṅ | śol gyi zla ba dag kyaṅ brtsi bar bya ste | gal te tshaṅ na de lta na legs | gal te ma tshaṅ nas spo bar (7) bya ba’am | yaṅ na rdzogs par bsñen par bya’o || sa sbo bar mi byed dam | yaṅ rdzogs par bsñen par mi byed par gaṅ zag raṅ bźin du gnas pa rnams daṅ lhan cig lan gñis sam | gsum gso sbyoṅ ṅam | las ñams su myoṅ bar byed na rkun thabs su (287b1) gnas pa yin te | gaṅ zag bsñil bar ’os pa yin no || de la gaṅ zag lo bcu dgu lon na rdzogs par bsñen pa gaṅ yin pa des gal te lo ma tshaṅ pa’i dran pa rñed par gyur na des mṅal na gnas pa’i zla ba dag daṅ śol gyi zla ba dag kyaṅ brtsi bar bya ste | gal te tshaṅ na de lta na (2) legs | gal te ma tshaṅ nas spo bar bya ba’am | yaṅ rdzogs par bsñen par bya’o || sa spo bar mi byed dam | yaṅ rdzogs par bsñen par mi byed par gaṅ zag raṅ bźin du gnas pa rnams daṅ lhan cig lan gñis sam | gsum gso sbyoṅ ṅam | las ñams su myoṅ bar byed na rku (3) thabs su gnas pa yin te | gaṅ zag bsñil bar ’os pa yin no || gal te lo gcig gi dran pa rñed na de ltar rdzogs par bsñen pa ne legs par rdzogs par bsñen pa yin te | ’di ltar gaṅ zag legs par gsuṅs pa’i chos ’dul ba la rab tu ’byuṅ (4) źiṅ rdzogs par bsñen pa dge sloṅ gi dṅos po ’thob pa ni dkon pa’i phyir ro || de la gaṅ zag lo bcwa brgyad brgyad lon na rdzogs par bsñen sa gaṅ yin pa des gal te lo ma tshaṅ ba’i dran ba rñed par gyur na des sa spo bar bya ba ’am | yaṅ rdzogs par bsñen par (5) bya’o || sa spo bar mi byed dam | yaṅ rdzogs par bsñen par mi byed par gaṅ zag raṅ bźin du gnas pa rnams daṅ lhan cig lan gñis sam | gsum gso sbyoṅ ṅam | las ñams su myoṅ bar byed na rku thabs su gnas pa yin te | gaṅ zag bsñil bar ’os (6) pa yin no || gal te lo gcig gi dran pa rñed par gyur na des mṅal na gnas pa’i zla ba dag daṅ | śol gyi zla ba dag kyaṅ brtsi bar bya ste | gal te tshaṅ na de lta na legs | gal te ma tshaṅ na sa spo bar bya ba’am | yaṅ rdzogs par bsñen par bya’o || sa (7) spo bar mi byed dam | yaṅ rdzogs par bsñen par mi byed par gaṅ zag raṅ bźin du gnas pa rnams daṅ lhan cig lan gñis sam | gsum gso sbyoṅ ṅam | las ñams su myoṅ bar byed na rku thabs su gnas pa yin te | gaṅ zag bsñil bar ’os pa (288a1) yin no || gal te lo gñis kyi dran pa rñed par gyur na de ltar rdzogs pas bsñen pa ni legs par rdzogs par bsñen pa yin | ’di ltar gaṅ zag legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ gi dṅos po (2) ’thob pa ni dkon pa’i phyir ro || de la gaṅ zag lo ñi śu ma lon la des mi śes | mi dran | yid gñis za źiṅ rdzogs par bsñen pa gaṅ yin pa de la ni śes par bya | dran par bya | yid gñis spaṅ bar bya ste | gaṅ gi tshe des śes pa daṅ | dran pa (3) daṅ | yid gñis spaṅs par gyur pa na | de’i mṅal na gnas pa’i zla ba dag daṅ | śol gyi zla ba dag kyaṅ brtsi bar bya ste | gal te tshaṅ na de lta na legs | gal te ma tshaṅ na sa spo bar bya ba’am | yaṅ rdzogs par bsñen par bya’o || sa spo bar mi (4) byed dam | yaṅ rdzogs par bsñen par mi byed par gaṅ zag raṅ bźin du gnas pa rnams daṅ lhan cig lan gñis sam | gsum gso sbyoṅ ṅam | las ñams su myoṅ bar byed na rku thabs su gnas pa yin te | gaṅ zag bsñil bar ’os pa yin (5) no|| de la gaṅ zag lo ñi śu lon la | lo ñi śu ma lon par ’du śes pas rdzogs par bsñen pa gaṅ yin pa de ni daṅ po ñid nas legs par rdzogs pas bsñen pa yin no || de la gaṅ zag lo ñi śu lon la lo ñi śu lon par ’du śes pas rdzogs par (6) bsñen pa gaṅ yin pa de yaṅ daṅ po ñid nas legs par rdzogs par bsñen pa yin no || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || lo ñi śu ma lon par rdzogs par bsñen par byed pa’i ltuṅ byed de bdun bcu rtsa (7) gñis pa rdzogs s+ho || ||

Volume ña
(1a1) ’dul ba rnam par ’byed pa | bam po drug bcu rtsa gsum pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=014040dc-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display