Bibliotheca Polyglotta

[Pāyantika 74]
saṅs rgyas bcom ldan ’das śākya rnams kyi naṅ du ljoṅs rgyu źiṅ gśegs pa na ser skya’i gnas su byon nas ser skya’i gnas na n+ya gro d+ha’i kun dga’ (6) ra ba na bźugs so || śākya miṅ chen gyis bcom ldan ’das śākya rnams kyi naṅ du ljoṅs rgyu źiṅ gśegs pa na ser skya’i gnas su byon nas ser skya’i gnas na n+ya gro d+ha’i kun dga’ rab na bźugs źes thos so || thos nas kyaṅ de ’di sñam du sems te | bdag gis bcom (7) ldan ’das dge sloṅ gi dge ’dun daṅ bcas pa lan maṅ du gdugs tshod la khyim gźan du spyan draṅs te bśos gsol na | lan ’ga’ yaṅ yo byad thams cad kyis spyan ma draṅs kyis bdag gis bcom ldan ’das dge sloṅ gi dge ’dun daṅ bcas pa zla ba bźir yo byad thams (3b1) cad kyis spyan draṅ ṅo sñam mo || de nas śākya miṅ chen bcom ldan ’das gal ba der soṅ ste phyin nas bcom ldan ’das kyis źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das śākya miṅ chen la chos daṅ ldan pa’i (2) bka’ mchid kyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan || yaṅ dag par mdzin du (3) bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi gsuṅ ṅo || de nas śākya miṅ chen stan las laṅs te bcom ldan ’das gal ba de logs su thal mo sbyar ba btud nas bcom ldan ’das la ’di skad ces gsol to || bcom ldan ’das dge (4) sloṅ gi dge ’dun daṅ bcas pas dguṅ zla bźir bdag gi na bza’ daṅ | bsod sñoms daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | bcom ldan ’das kyis śākya miṅ chen la caṅ mi gsuṅ bas gnaṅ ṅo | de nas śākya miṅ chen gyis (5) bcom ldan ’das kyis caṅ mi gsuṅ bas gnaṅ bar rig nas bcom ldan ’das kyis źabs gñis la mgo bos phyag ’tshal te | bcom ldan ’das kyi spyan sṅa nas soṅ nas des bsñuṅ ba’i ruṅ ba’i khaṅ pa rtsig tu bcug ciṅ | bsñuṅ ba’i sman yaṅ ’jog tu bcug | bde ba’i sman dus (6) su ruṅ ba daṅ | thun tshod du ruṅ ba daṅ | źag bdun pa daṅ | ’tsho ba’i bar du bcaṅ ba daṅ | rtsa ba’i sman daṅ | sdoṅ bu’i sman daṅ | lo ma’i sman daṅ | me tog gi sman daṅ | ’bras bu’i sman dag kyaṅ ’jog tu bcug | źun mar bskol ba daṅ ma bskol ba dag kyaṅ ’jog tu (7) bcug | ’bru mar bskol ba daṅ ma bskol ba dag kyaṅ ’jog tu bcug | ba dag daṅ | ma he mo dag daṅ | ra bźon dag kyaṅ ’jog tu bcug | yo bya thams cad kyaṅ ’jog tu bcug | sman pa daṅ sñun g-yog dag kyaṅ ’jog tu bcug ste || dge sloṅ dag la yaṅ yo byad (4a1) thams cad kyis bstabs so || drug sde dag gis smras pa || dga’ bo ñe dga’ bca’ ba daṅ bza’ ba ’di lta bu rñed kyis thabs śig bya’o źes de dag gis sman pa la dris pa | bźin bzaṅs kho bo cag la nad ci yod pa je ltos śig | sman pas bsams pa | (2) ’di dag ni dge sbyoṅ hral po dag yin pas za ’dod kyis ’di dag daṅ mthun par smra bar bya’o sñam nas des de ṅag la smras pa | ’phags pa ṅag khyed cag ni śul gyis dub pa dag lags pas je skur snum bag gsol la de’i ’og tu bska ba gsol cig | de dag gis smras pa | (3) dga’ bo ñe dga’ ’di ni sman pa chen po nad daṅ | nad kyi gźi daṅ | khams la mkhas ba rgyal po la mkho ba yin te || gal te bdag cag thams cad kyis dus gcig tu da ltar bya bar brtsams na myur du zin par ’gyur gyis je daṅ por gñis kyis snum bag bsten ciṅ ciṅ bźis nad (4) g-yog bya’o || de’i ’og tu yaṅ gñis kyis snum bag bsten ciṅ bźis nad g-yog bya’o || de’i ’og tu yaṅ gñis kyisasnuma bag bsten ciṅ bźis nad g-yog bya’o || de ltar bya’o źes de dag las gñis kyis snum bag bsñen par brtsams śiṅ bźis nad g-yog khyed pan ci tsam na (5) zla ba gcig ’das so || de’i ’og tu gźan gñis kyis snum bag bsten par brtsams śiṅ bźis nad g-yog byed pa na zla ba gñis pa ’das so || de’i ’og tu yaṅ gźan gñis kyis snum bag bsten par brtsams śiṅ bźis nad g-yog byed pa na zla ba gsum pa ’das so || zla (6) ba bźi pa la thams cad ’dus te bza’ bar brtsams nas zla ba bźi ’das pa daṅ śākya miṅ chen gyis bcom ldan ’das gśegs ston la spyan draṅs pa daṅ ñe dga’ sa phyag tshaṅ la phrin spriṅ ste || bźin bzaṅs deṅ kho bo la khu śa daṅ | khu ba daṅ | śa tshod dag gyis śig ces (7) sbriṅ ṅo | phyag tshaṅ gis smras pa | ’phags pa dguṅ zla bźi ’das te śākya miṅ chen gyis bcom ldan ’das gśegs ston la spyan draṅs na | khyed kyi bya ba da duṅ yaṅ ma rdzogs sam || ñe dga’ sa smras pa | bkren pa śākya miṅ chen kha śin tu chen pos saṅs rgyas la sogs pa (4b1) dge sloṅ gi dge ’dun zla ba bźir yo byad thams cad kyis spyan ’dren na | gal te spyan draṅ ba ’di lta bus saṅs rgyas la sogs pa dge sloṅ gi dge ’dun spyan draṅ du ruṅ na ni ñe dga’ sa kyaṅ saṅs rgyas la sogs pa dge sloṅ gi dge ’dun ji srid ’tsho’i bar du spyan ’dren par spro’o || des (2) smras pa | khyed cag zla ba bźir śa daṅ khu ba śa stag zos par gyur kyaṅ ’on kyaṅ khyed cag smod par byed na | gnas brtan gnas brtan gaṅ dag gis zla ba bźir a ru ra ’brum gcig kyaṅ ma gsol ba de dag ni śin tu dka’ ba byed pa yin no || dge sloṅ don ñuṅ du dag ci’i phyir (3) dge sloṅ dag ha caṅ sloṅ bar byed źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | de lta bas na dge sloṅ gis ha caṅ bslaṅ bar mi bya’o || dge sloṅ (4) dag sṅon byuṅ ba ’das pa’i dus na groṅ med pa’i dgon pa’i gnas śig na draṅ sroṅ źig ’dug ste | de’i bsti gnas de me tog phun sum tshogs pa | ’bras bu phun sum tshogs pa | ñen kor phun sum tshogs pa yin no || de’i bsti gnas de daṅ ha caṅ mi riṅ ba na rdziṅ chen po źig (5) yod pa de na klu gźon nu źig ’dug go || gaṅ gi tshe draṅ sroṅ de skyil mo kruṅ gis ’dug pa de’i tshe na klu gźon nu de rdziṅ chen po de nas byuṅ nas lus kyis draṅ sroṅ de’i lus la lan bdun dkris te steṅ du gdeṅs ka chen po byas te ’dug go || gaṅ gi tshe draṅ sroṅ de laṅs par gyur pa (6) de’i tshe na klu gźon nu des draṅ sroṅ de’i lus la lus kyis bkrol nas dpuṅ rgyan daṅ | rna cha gdub ’khor daṅ | phreṅ ba rgyu sna tshogs kyi rgyan daṅ | byug pas brgyan par gyur te thal mo sbyar nas mdun du ’dug ste | draṅ sroṅ de la yo byad thams cad kyis stobs par byed do || (7) draṅ sroṅ de klu gźon nu de’i lus kyi reg pas skya bo bseṅ bseṅ por gyur ciṅ rid pa daṅ | ñam chuṅ ba daṅ | rke ba daṅ | lus mthob par gyur to || dus gźan źig na draṅ sroṅ gźan źig ljoṅs rgyu źiṅ ’gro ba na draṅ sroṅ de’i bsti gnas su phyin nas des draṅ sroṅ de la smras pa | kye (5a1) draṅ sroṅ khyod kyis bsti gnas ’di me tog phun sum tshogs pa | ’bras bu phun sum tshogs pa | ñen kor phun sum tshogs pa yin na khyod ci’i phyir skya bo bseṅ bseṅ por gyur ciṅ rid pa daṅ | ñam chuṅ ba daṅ | rke ba daṅ | lus ma thob par gyur | des smras pa | de de bźin (2) te | kho bo’i bsti gnas ’di me tog phun sum tshogs pa | ’bras bu phun sum tshogs pa | ñen kor phun sum tshogs pa yin mod kyi | ’on kyaṅ ’di na ñes dmigs kyaṅ yod do || ’di na ñes dmigs ci yod | des smras pa | rdziṅ chen po ’di na klu gźon nu źig ’dug ste | gaṅ gi (3) tshe kho bo skyil mo kruṅ gis ’dug pa de’i tshe na klu gźon nu de rdziṅ chen po de nas byuṅ nas lus kyis kho bo’i lus la lan bdun dkris te steṅ du gdeṅs ka chen po byas te ’dug go || gaṅ gi tshe kho bo laṅs par gyur pa de’i tshe na des kho bo’i lus la lus kyis bkrol nas dpuṅ rgyan daṅ | rna (4) cha gdub ’khor daṅ | phreṅ ba rgyu sna tshogs kyi rgyan daṅ | byug pas brgyan par gyur te | thal mo sbyar nas mdun du ’dug ste kho bo la yo byad thams cad kyis stobs par byed de | de’i lus kyi reg pas kho bo skya bo bseṅ bseṅ por gyur ciṅ rid pa daṅ | ñam chuṅ ba daṅ | rke ba (5) daṅ | lus mtho ba par gyur to || des smras pa | khyod klu gźon nu de phyin cad ’oṅ bar mi ’gyur bar ’dod dam | des smras pa | ’dod do || des smras pa | gaṅ gi tshe klu gźon nu de khyod la yo byad thams cad kyis stobs par byed pa de’i tshe na de’i mgo la nor bu ’dug pa de (6) sloṅs śig daṅ klu rnams ni ser sna can yin pas mi ster bas phyin can ’oṅ bar mi ’gyur ro || dus gźan źig na draṅ srog de skyil mo kruṅ gis ’dug pa de’i tshe na klu gźon nu de de bźin du rdziṅ chen po de nas byuṅ nas lus kyis draṅ sroṅ de’i lus la lan bdun dkris te sñeṅ du gdeṅs ka (7) chen po byas te ’dug go | gaṅ gi tshe draṅ sroṅ de laṅs par gyur pa de’i tshe na klu gźon nu des draṅ sroṅ de’i lus la lus kyis bkrol nas dpuṅ rgyan daṅ | rna cha gdub ’khor daṅ | phreṅ ba rgyu sna tshogs kyi rgyan daṅ byug pas brgyan par gyur te thal mo sbyar nas mdun du ’dug ste draṅ sroṅ de (5b1) la yo byad thams cad kyis stobs par byed pa na draṅ sroṅ des de la smras pa | klu gźon nu khyod kyi mgo la ’dug pa’i nor bu gaṅ yin pa de kho bo la byin cig | des smras pa | pha ma dag la dri bar bya’o || draṅ sroṅ gis smras pa | de ltar gyis śig | klu gźon nu des pha ma gñis la dris (2) pa | yab yum gñis draṅ sroṅ bdag gi nor bu sloṅ na de la stsal bar bgyi’am | de gñis kyis smras pa | nor bu ’di’i mthus bdag cag gi zas daṅ | skom daṅ | spos daṅ | phreṅ ba rgyu daṅ | rgyan dag rñed pa yin gyis ma sbyin cig | de nas klu gźon nu de rdziṅ de (3) nas byuṅ ste draṅ sroṅ de’i mdun du ’dug pa daṅ draṅ sroṅ des de la smras pa | klu gźon nu khyod kyi mgo la ’dug pa’i nor bu gaṅ yin pa de kho bo la byin cig | de nas klu gźon nu des tshigs su bcad pa daṅ smras pa |

bza’ daṅ btuṅ daṅ de bźin bgo ba dag ||
nor bu ’di yi (4) mthu las ’grub ’gyur bas ||
de phyir khyod la nor bu ’di mi sbyin ||
ha caṅ sloṅ bas źe sdaṅ gnas su gyur ||
ha caṅ sloṅ pas bdag la sdigs byed pa ||
ral gri rno daṅ ’bru mar bdar ba bźin ||
gal te khyod gnas phyin chad bdag ’oṅ na ||
bdag gi klad par rdo bas snun (5) gyis śig ||

ces smras te mi snaṅ ba’i lam na ’dug go | dge sloṅ dag re źig dud ’gro’i skyes gnas su skyes pa’i srog chags de dag kyaṅ ha caṅ bslaṅs pa na mi snaṅ ba’i lam na ’khod na mi dag lta smos kyaṅ ci dgos | de lta bas na dge sloṅ gis ha caṅ bslaṅ bar mi bya’o || (6) dge sloṅ dag gźan yaṅ sṅon byuṅ ba ’das pa’i dus na groṅ med pa’i dgon pa’i gnas śig na draṅ sroṅ źig ’dug ste | de’i bsti gnas de me tog phun sum tshogs pa | ’bras bu phun sum tshogs pa | ñen kor phun sum tshogs pa yin no || de na bya maṅ po dag gnas pa de (7) dag der sgra ’byin te | bsam gtan dag gi tsher ma ni sgra yin pas draṅ sroṅ des bya maṅ po dag gi sgra des sems rtse gcig pa ñid ma thob bo || de nas draṅ sroṅ gźan źig ljoṅs rgyu źiṅ ’gro ba na draṅ sroṅ de’i bsti gnas su phyin nas des draṅ sroṅ de la smras pa | kye draṅ sroṅ khyod (6a1) kyi bsti gnas ’di ni me tog phun sum tshogs pa | ’bras bu phun sum tshogs pa | ñen kor phun sum tshogs pa bzaṅ ba yin na khyod kyis ’dir sems rtse gcig pa ñid thob bam | des smras pa | de de bźin te | kho bo’i bsti gnas ’di me tog phun sum tshogs (2) pa | ’bras bu phun sum tshogs pa | ñen kor phun sum tshogs pa bzaṅ ba yin na ’on kyaṅ ’di na ñes dmigs kyaṅ yod do || des smras pa | ’di ni ñes dmigs ci yod | des smras pa | ’di na bya maṅ po dag gnas pa de dag ’dir sgra ’byin par byed de || bsam gtan dag gi (3) tsher ma ni sgra yin pas bdag gis bya maṅ po dag gi sgra des sems rtse gcig pa ñid ma thob bo || des smras pa | khyod bya de dag phyin cad ’dir mi ’oṅ bar ’dod dam | des smras pa | ’dod do || des smras pa | tshes ñi śu dgu’i mtshan mo rtswa’i me sgron sbor la śiṅ ljon pa dag gi druṅ du (4) soṅ ste ’di skad ces | sgo ṅa dag bza’o || phru gu dag bza’o źes smros śig daṅ phyin chad ’oṅ bar mi ’gyur ro || des de ltar bya bar brtsams pa daṅ | bya de dag gis bsams pa | draṅ sroṅ ’di smyos par gyur tam ci sñam nas | bya de dag gis phru gu dag ’dab ma skyes par (5) gyur pa daṅ de dag doṅ ste | phyin chad mi ’oṅ źiṅ ji tsam na mthar gyis thams cad mi snaṅ ba’i lam na ’khod do || dge sloṅ dag re źig dud ’gro’i skye gnas su skyes pa’i srog chags de dag kyaṅ ha caṅ bslaṅs pa na mi snaṅ ba’i lam na ’khod na mi rnams lta smos kyaṅ ci dgos | de lta (6) bas na dge sloṅ gis ha caṅ bslaṅ bar mi bya’o || ha caṅ sloṅ na ’gal tshabs can du ’gyur ro || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom (7) ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod zla ba bźir mgron du bos pa bdag gir byas nas de las lhag par bdag gir byed pa bden nam | btsun (6b1) pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnams par smad pa mdzad do || de nas bcom ldan ’das kyis rnam graṅs du (2) mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul bal ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab (3) pa’i gźi ’di ltar gdon par bya ste || dge sloṅ gis zla ba bźir mgron du bos pa bdag gir bya’o || de las lhag par bdag gir byed na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || de nas bcom ldan ’das ser skya’i (4) gnas su ci dgyes par bźugs nas rgyal po’i khab ga la de logs su ljoṅs rgyu źig gśegs te | mthar gyis rgyu źiṅ gśegs pa na rgyal po’i khab tu byon nas rgyal po’i khab tu byon nas rgyal po’i khab na ’od ma’i tshal ka lan dka’i gnas na bźugs so || ma ga d+hāra byuṅ ba’i rgyal po bzo sbyaṅs (5) gzugs can sñiṅ pos bcom ldan ’das śākya rnams kyi naṅ du ljoṅs rgyu źiṅ gśegs te | mthar gyis rgyu źiṅ gśegs pa na rgyal po’i khab tu byon nas rgyal po’i khab na ’od ma’i tshal ka lan dka’i gnas na bźugs źes thos so || thos nas kyaṅ de ’di sñam du sems te || śākya miṅ chen gyis bcom ldan ’das (6) dge sloṅ gi dge ’dun daṅ bcas pa zla ba bźir yo byad thams cad kyis spyan draṅs te | bdag gis kyaṅ bcom ldan ’das dge sloṅ go dge ’dun daṅ bcas pa lan maṅ du gdugs tshod la khyim gźan du spyan draṅs te bśos gsol na | lan ’ga’ yaṅ yo byad thams cad (7) kyis spyan ma draṅs kyis bdag gis kyaṅ bcom ldan ’das dge sloṅ gi dge ’dun daṅ bcas pa zla ba bźir yo byad thams cad kyis spyan draṅ ṅo sñam mo | de nas ma ga d+hāra byuṅ ba’i rgyal po bzo sbyaṅs gzuṅs can sñiṅ po bcom ldan ’das ga la ba der soṅ ste phyin nas bcom ldan (7a1) ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das ma ga d+hāra byuṅ ba’i rgyal po bzo sbyaṅs gzugs can sñiṅ po la chos daṅ ldan pa’i bka’ mchid kyis yaṅ dag par ston par mdzad | yaṅ (2) dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag (3) bar rab tu dga’ bar mdzad nas caṅ mi gsuṅ ṅo | de nas ma ga d+hāra byuṅ ba’i rgyal po bzo sbyaṅs gzugs can sñiṅ po stan las laṅs te bcom ldan ’das ga la bde logs su thal mo sbyar ba btud nas bcom ldan ’das la ’di skad ces gsol to || bcom ldan ’das dge sloṅ (4) gi dge ’dun daṅ bcas pas dguṅ zla bźir bdag gi na bza’ daṅ | bsod sñoms daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | bcom ldan ’das kyis ma ga d+hāra byuṅ ba’i rgyal po bzo sbyaṅs gzugs can sñiṅ po la ca mi gsuṅ (5) bas gnaṅ ṅo | de nas ma ga d+hāra byuṅ ba’i rgyal po bzo sbyaṅs gzugs can sñiṅ por bcom ldan ’das kyis caṅ mi gsuṅ bas gnaṅ bar rig nas bcom ldan ’das kyis caṅ mi gsuṅ bas gnaṅ bar ri gnas bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas soṅ nas des bsñuṅ ba’i ruṅ (6) ba’i khaṅ pa rtsig tu bcug ciṅ bsñuṅ ba’i sman yaṅ ’jog tu bcug | bde ba’i sman dus su ruṅ ba daṅ | thun tshod du ruṅ ba daṅ | źag bdun pa daṅ | ’tsho’i bar du bcaṅ ba daṅ | rtsa ba’i sman daṅ | sdoṅ bu’i sman daṅ | lo ma’i sman daṅ | me tog gi sman daṅ | ’bras bu’i (7) sman dag kyaṅ ’jog tu bcug | źun mar bskol ba daṅ ma bskol ba dag kyaṅ ’jog tu bcug | ’bru mar bskol ba daṅ ma bskol ba dag kyaṅ ’jog tu bcug | bdag daṅ | ma he mo dag daṅ | ra bźon dag kyaṅ ’jog tu bcug | yo byad thams cad kyaṅ ’jog tu bcug | (7b1) sman pa daṅ | sñun g-yog dag kyaṅ ’jog tu bcug go | tshe daṅ ldan pa pi lin da’i bu’i sriṅ mo’i khyos bcom ldan ’das śākya rnams kyi naṅ du ljoṅs rgyu źiṅ gśegs pa na rgyal po’i khab tu byon nas rgyal po’i khab na ’od ma’i tshal ka lan dka’i gnas na bźugs źes thos so | (2) thos nas kyaṅ ’di sñam du sems te | śākya miṅ chen gyis bcom ldan ’das dge sloṅ gi dge ’dun daṅ bcas pa zla ba bźir yo byad thams cad kyis spyan draṅs te | bdag gis kyaṅ bcom ldan ’das dge slog gi dge ’dun daṅ bcas pa lan maṅ du gdugs tshod la khyim gźan (3) du spyan draṅs te bśos gsol na | lan ’ga’ yaṅ yo byad thams cad kyis spyan ma draṅs kyis bdag gis bcom ldan ’das dge sloṅ gi dge ’dun daṅ bcas pa zla ba bźir yo byad thams cad kyis spyan draṅ ṅo sñam mo || de nas bram ze de bcom ldan ’das gal ba der soṅ ste phyin (4) nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das bram ze de la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du ’jud par mdzad || yaṅ dag (5) par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdad nas caṅ mi (6) gsuṅ ṅo || de nas bram ze stan las laṅs te bcom ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to || bcom ldan ’das dge sloṅ gi dge ’dun daṅ bcas pas dguṅ zla bźir bdag gi na bza’ daṅ | bsod sñoms (7) daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | bram ze de’i daṅ por ma ga d+hāra byuṅ ba’i rgyal po bzo sbyaṅs gzugs can sñiṅ pos spyan draṅs so || bram ze des bsams pa | ’phags pa pi li na da’i bu bdag gi ñe du yin pas de (8a1) spyan draṅs na gnaṅ bar ’gyur graṅ sñam nas | de tshe daṅ ldan pa pi lin da’i bu ga la ba der soṅ ste phyin nas tshe daṅ ldan pa pi lin da’i bu’i rkaṅ pa gñis la mgo bos phyag ’tshal te mtha’ gcig tu ’dug go || mtha’ gcig tu ’du gnas tshe daṅ ldan pa pi lin da’i bu bram (2) ze de la chos daṅ ldan pa’i gtam gyis yaṅ dag par ston par byed | yaṅ dag par ’dzin du ’jud par byed | yaṅ dag par gzeṅs stod par byed | yaṅ dag par rab tu dga’ bar byed do || rnam graṅs du mar chos daṅ ldan pa’i gtam gyis yaṅ dag par bstan | yaṅ dag par ’dzin (3) du bcug | yaṅ dag par gzeṅs bstod | yaṅ dag par rab tu dga’ bar byas nas caṅ mi smra’o || de nas bram ze de stan las laṅs te tshe daṅ ldan pa bi lin da’i bu ga la ba de logs su thal mo sbyar ba btud nas tshe daṅ ldan pa pi lin da’i bu la ’di skad ces smras so || ’phags pas (4) dguṅ zla bźir bdag gi na bza’ daṅ | bsod sñoms daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ | tshe daṅ ldan pa pi lin da’i bus smras pa | bcom ldan ’das la źu’o || de nas tshe daṅ ldan pa pi lin dga’i bu bcom ldan ’das pa | (5) la ba der soṅ sto phyin nas bcom ldan ’das kyi źabs gñis la mgo bos phyag ’tshal te | bcom ldan ’das la ’di skad ces gsol to || btsun pa bdag gi mag pa bdag ga la ba der mchis nas de bdag la ’phags pas dguṅ zla bźir bdag gi na bza’ daṅ | bsod (6) sñoms daṅ | gnas mal daṅ | bsñuṅ ba’i rkyen daṅ | sman gyi yo byad dag bźes par ci gnaṅ źes mchi na | de la mchid kyis ’tshal lam | bcom ldan ’das kyis bka’ stsal pa | de lta bas na so sor mgron du pos pa ma gtogs te | dge sloṅ gis so sor mgon du bos (7) pa bdag gir bya’o | dge sloṅ gźan dag phyis lhags pa de dag gis bsams pa | bdag cag rgyal pos mgron du ma bos kyis bsod sñoms la ’jug par bya’o sñam du rig nas de dag bsod sñoms la źugs pa daṅ | ma ga d+hāra byuṅ ba’i rgyal po bzo skyaṅs gzugs can sñiṅ (8b1) po steṅ gi khaṅ bzaṅs kyi gźir gtogs pa na ’dug pas de dag bsod sñoms la rgyu ba mthoṅ nas des blon po rnams la smras pa | śes ldan dag ci’i phyir ’phags pa ’di dag bsod sñoms la źugs | de dag gis smras pa | lha ’di dag slad kyis mchis pas ’di dag gi glo ba la (2) dge sloṅ gaṅ dag bcom ldan ’das daṅ thabs cig lhags pa de dag rgyal pos mgron du pos kyis | bdag cag phyis lhags pa dag rgyal pos mgron du ma bos so sñam du rig nas bsod sñoms la źugs so || rgyal pos smras pa | de lta bas na ’phags pa dag yaṅ daṅ yaṅ mgron du (3) bod do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na yaṅ daṅ yaṅ mgron du bos pa ma gtogs te | dge sloṅ gis (4) bsams | rgyal po gzugs can sñiṅ po ni bya ba maṅ ba daṅ byed pa maṅ pa yin la | bdag cag ni bya ba ñuṅ ba daṅ | byed pa ñuṅ ba yin gyis bdag cag bsod sñoms la ’jug par bya’o sñam du rig nas de dag bsod sñoms la źugs pa daṅ | ma ga d+hāra byuṅ ba’i rgyal po (5) bzo sbyaṅs gzugs can sñiṅ po steṅ gi khaṅ bzaṅs kyi gźir gtogs pa na ’dug pas | de dag bsod sñoms la rgyu ba mthoṅ nas des blon po rnams la smras pa | śes ldan dag ci’i phyir ’phags pa ’di dag bsod sñoms la źugs | de dag gis skabs de rgyas par brjod pa (6) daṅ | rgyal pos smras pa | de lta bas na ’phags pa dag dus kyis mgron du bod do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bes na dus kyis mgron du bos pa ma gtogs te | dge sloṅ (7) gis dus kyis mgron du bos pa bdag gir bya’o | rgyal po gzugs can sñiṅ pos bcom ldan ’das gśegs ston la spyan draṅs nas phyi de ñin par dge sloṅ rab tu maṅ po dag bsod sñoms la źugs pa daṅ | ma ga d+hāra byuṅ ba’i rgyal po bzo sbyaṅs gzugs can sñiṅ po steṅ (9a1) gi khaṅ bzaṅs kyi gźir gtogs pa na ’dug pas de dag bsod sñoms la rgyu ba mthoṅ nas | des blon po rnams la smras pa | śes ldan dag ci’i phyir ’phags pa ’di dag bsod sñoms la źugs | de dag gis skabs de rgyas par brjod pa daṅ | rgyal pos (2) smras pa | de lta bas na ’phags pa dag rtag tu mgron du bod do źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa || de lta bas na rtag tu mgron du bos pa ma gtogs te | dge sloṅ gis rtag tu mgron du (3) bos pa bdag gir bya’o || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’cham pa’i chos daṅ ldan pa’i (4) bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ gis zla ba bźir mgron du bos pa bdag (5) gir bya’o || de las lhag par bdag gir byed na ltuṅ byed do || so sor mgren du bos pa daṅ | yaṅ daṅ yaṅ mgron du bos pa daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no || dge sloṅ gis źes bya ba (6) ni chos ’di pas so || zla ba bźir źes bya ba ni zla ba bźi tshun chad du’o || mgron du bos pa źes bya ba ni bstabs pa’o || bdag gir bya’o źes bya ba ni khas blaṅ bar bya ba’o || de las lhag par bdag gir byed na źes bya ba ni de las ’das par ro || ltuṅ byed do źes bya ba ni (7) sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśad śiṅ so sor ma bśags na dge ba’i chos rnams la sgrib (9b1) bar byed pa ste | des na ltuṅ byed do źes gsuṅs so || so sor mgron du bos pa źes bya ba ni ’di lta ste | dge sloṅ so sor tha dad par mgron du bos pa’o || yaṅ daṅ yaṅ mgron du bos pa źes bya ba ni ’di lta ste | dge sloṅ yaṅ daṅ yaṅ mgron du bos pa’o || dus kyis mgron du bos (2) pa źes bya ba ni ’di lta ste | dge sloṅ nan gyis mgron du bos pa’o || rtag tu mgron du bos pa źes bya ba ni ’di lta ste | dge sloṅ gtan du mgron du bos pa’o || ma gtogs te źes bya ba ni bźag ste’o || de la de ni dus yin no źes bya ba ni de la de ni rjes su mthun pa’i chos yin pa’o || (3) de la ltuṅ bar ji ltar ’gyur źe na | dge sloṅ gis ji tsam cuṅ zad zla ba bźir mgron du bos pa las lhag par bdag gir byed na | thams cad du ltuṅ byed du ’gyur ro || dge sloṅ gis ṅan pa la mgron du bos pa na bsod pa sloṅ na de sloṅ ba la ñes byas su ’gyur la | za ba la ltuṅ byed du (4) ’gyur ro || dge sloṅ gis bsod pa la mgron du bos pa na ṅan pa sloṅ na de sloṅ ba la ñes byas su ’gyur la | za ba la yaṅ ñes byas ñid du ’gyur ro || dge sloṅ bsod sñoms la źugs pa na bud med kyi yul zas khyer te ’oṅ na dge sloṅ gis sriṅ mo chog go || mi ’dod do źes brjod (5) par bya ste | gal te bud med kyi yul na re ’phags pa ci źig bźed ces zer na bstabs pa brjod par bya ste | gaṅ ’dod pa de bslaṅ bar bya’o || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || mgron du gñer ba las riṅ (6) du ’dug pa’i ltuṅ byed de bdun bcu rtsa bźi pa rdzogs so || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0143f49b-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display