Bibliotheca Polyglotta

[Pāyantika 82]
śā ri’i bu ni źugs pa dag | sgo gtan yaṅ dag bsdus pa yin || saṅs rgyas bcom ldan ’das (5) mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas bcom ldan ’das kyis dge sloṅ rnams la bka’ stsal pa | dge sloṅ dag dgon pa daṅ śiṅ druṅ daṅ | khyim gyis stoṅ pa daṅ || ri sul daṅ | ri phug daṅ | rtswa sbyil daṅ | bla gab med pa daṅ | (6) dur khrod daṅ | nags khrod daṅ | ri druṅ daṅ | bas mtha’i gnas mal ’di dag tu bsam gtan gyis śig | dge sloṅ dag bag yod par bsgrubs la phyis ’gyod par mi ’gyur bar gyis śig | ’di ni ṅa’i gdams ṅag daṅ rjes su bstan pa yin no || bcom ldan ’das kyis dge sloṅ (7) rnams la de skad ces bka’ stsal nas | dge sloṅ rnams dgon pa daṅ | śiṅ druṅ daṅ | khyim gyis stoṅ pa daṅ | ri sul daṅ | ri phug daṅ | rtswa sbyil daṅ | bla gab med pa daṅ | dur khrod daṅ | nags khrod daṅ | ri druṅ daṅ | bas mtha’i gnas mal dag tu źugs te || kha cig ni ri (76b1) rab kyi baṅ rim na bsam gtan byed | kha cig ni gser gyi ri bdun po dag la | kha cig ni mtsho chen po ma dros pa na | kha cig ni rdziṅ bu dal gyis ’bab pa na | kha cig ni rnal ’byor pa’i skye bo daṅ rjes su mthun pa’i groṅ daṅ | groṅ rdal daṅ | yul daṅ yul ’khor daṅ | rgyal po’i pho braṅ (2) gi phyogs de daṅ de dag na bsam gtan byed do || ri’i rgyal po’i rab dpag tshad brgyad khri ni chu’i naṅ du nub | dpag tshad brgyad khri ni chu yas mṅon par ’phags te de la dpag tshad ’bum drug khri yod do | ri’i rgyal po ri rab kyi ṅos re re la dpag tshad brgyad khri yod de || de dag la dpag (3) tshad sum ’bum ñi khri yod do || ri’i rgyal po ri rab rin po che sna bźi las byas pa gzugs bzaṅ ba | blta na sdug pa | mdzes pa yin te | der klu’i rgyal po dga’ bo daṅ | ñe dga’ gñis skyes nas de gñis kyi lus kyis de lan gsum dkris te ’khod ciṅ bskal par gnas pas (4) ’dzin pa | ’dab chags kyi rgyal po ’dab bzaṅs kyis dbyuṅ bar mi nus pa yin no || de gñis ’di sñam du sems te | bdag cag gñis kyi bsod nams kyi gnas ’di byuṅ ṅo sñam nas de gñis ser snas kun nas dkris pas ñin mo lan gsum mi mthun pa’i rluṅ gtoṅ ste | des ri rab (5) kyi baṅ rim la gnas pa’i ri dgas daṅ | bya maṅ po dag tshul ma yin pas sdug bsṅal bar gyur to || de na dge sloṅ gaṅ dag ri rab kyi baṅ rim na bsam gtan byed pa de dag kyaṅ mi mthun pa’i rluṅ des skya bo bseṅ bseṅ por gyur ciṅ | rid pa daṅ ñam chuṅ ba daṅ | rke ba daṅ lus ma thob par (6) gyur nas de dag dbyar gyi zla ba gsum po dag ’das nas bcom ldan ’das kyi źabs la phyag ’tshal du mñan yod du lhags pa daṅ | dge sloṅ rnams kyis de dag mthoṅ nas smras pa | tshe daṅ ldan pa dag ’oṅs pa legs so || ’oṅs pa legs so || khyed cag ga las ’dir ’oṅs | (7) khyed cag dbyar gaṅ du gnas par khas blaṅs | de dag gis smras pa | tshe daṅ ldan pa dag bdag cag ri rab kyi baṅ rim nas ’dir ’oṅs so || bdag cag ri rab kyi baṅ rim du dbyar gnas par khas blaṅs so || dge sloṅ rnams kyis smras pa | tshe daṅ ldan pa dag khyed cag ci’i (77a1) phyir skya bo bseṅ bseṅ por gyur ciṅ | rid pa daṅ ñam chuṅ ba daṅ | rke ba daṅ lus ma thob par gyur || de dag gis smras pa tshe daṅ ldan bdag ri rab kyi baṅ rim du klu’i rgyal po dga’ bo daṅ ñe dga’ gñis skyes nas de gñis kyi lus kyis de lan gsum dkris te ’khod ciṅ bskal (2) par gnas pa | sa ’dzin pa | ’dab chags kyi rgyal po ’dab bzaṅs kyis dbyuṅ bar mi nus pa yin no || de gñis ’di sñam du sems te | bdag cag gñis kyi bsod nams kyi gnas ’di byuṅ ṅo sñam nas de gñis ser snas kun nas dkris pas ñin mo lan gsum mi mthun pa’i rluṅ gtoṅ (3) ste | des ri rabs kyi baṅ rim la gnas pa’i ri dgas daṅ | bya maṅ po dag tshul ma yin pas sdug bsṅal bar gyur to || bdag cag kyaṅ mi mthun pa’i rluṅ des skya bo bseṅ bseṅ por gyur ciṅ | rid pa daṅ ñam chuṅ ba daṅ | rke ba daṅ lus ma thob par gyur to | dge sloṅ rnams kyis smras (4) pa | tshe daṅ ldan pa dag khyed kyis de gñis gdul bar mi nus sam | de dag gis smras pa | tshe daṅ ldan pa dag re źig de gñis bdag cag gis gdul ba ma yin no || ’o na sus gdul ba yin | ñan thos chen pos gdul ba yin no źes zer ba’i skabs de dge sloṅ rnams kyis bcom ldan (5) ’das la gsol to || de nas bcom ldan ’das kyis dgoṅs pa | de gñis gaṅ gis gdul ba yin sñam na | dge sloṅ maud gal gyi bu chen pos gdul ba yin par gzigs śiṅ mkhyen nas | tshe daṅ ldan pa maud gal gyi bu chen po la bka’ stsal pa | maud gal gyi bu ri rab kyi baṅ rim (6) na klu’i rgyal po dga’ bo daṅ | ñe dga’ gñis la soms śig | tshe daṅ ldan pa maud gal gyi bu chen pos btsun pa bka’ bźin ’tshal źes bcom ldan ’aṅs las mñan nas ’di lta bu’i tiṅ ṅe ‘dzin la sñoms par źugs te | ji ltar sems mñam par bźag na mñan yod nas mi snaṅ (7) bar gyur ciṅ | ri rab kyi baṅ rim du son par gyur ba de lta bu’i tiṅ ṅe ‘dzin la sñoms par bźugs so || de’i tshe na klu’i rgyal po dga’ bo daṅ ñe dga’ gñis gñid log par gyur nas des se gol gyis sad par bya bar brtsams na de gñis ma sad do || des de gñis kyi steṅ du (77b1) bcag par brtsams na de lta na yaṅ de gñis ma sad do || des de gñis kyi ltor źugs te sprin chen po bźin du ’brug bsgrags par brtsams na de lta na yaṅ de gñis ma sad do || des klu chen po’i lus kyis ri’i rgyal po ri rab la lan bdun dkris te steṅ du gdeṅs ka chen po byas te ’dug pa (2) daṅ | de gñis khur lci bas mnan pas sad de ji tsam na klu chen po źig gis bdag cag gñis mnan par mthoṅ nas de gñis kyis bsams pa | klu rdzu ’phrul chen po źig byuṅ ste bdag cag gñis gnas ’di nas ñams par gyur gyis bros te ’doṅ ṅo sñam du rig nas skrag ste | (3) bram ze’i khye’u’i kha dog bdag ñid mṅon par sprul nas ’bros par brtsams so || de nas tshe daṅ ldan pa maud gal gyi bu chen pos rdzu ’phrul mṅon par ’du bya ba de phyir bsdus nas | de gñis kyi mdun du ’dug ste smras pa | klu’i dbaṅ po gñis gar ’doṅ || de gñis kyis smras pa | (4) klu rdzu ’phrul chen po źig byuṅ ste | bdag cag gñis ’di nas ñams par gyur gyis ’bros su ’gro’o || des smras pa | tshur śog klu de ci ’dra ba blta’o || de gñis de daṅ lhan cig phyir log pa daṅ | ji tsam na mi snaṅ nas de gñis kyis smras pa | ’phags pas bdag (5) cag gñis la ku re ma bgyis sam | des smras pa | de yin no ’o na bdag cag gñis kyis noṅs pa ci bgyis | rga ba’i chos can khyed gñis kyis saṅs rgyas kyi pho ña ’oṅs pa la ma bsams so || ’phags pa khyod saṅs rgyas kyi pho ña lags sam | saṅs rgyas kyi pho ña yin no || (6) ’phags pa gal te khyod saṅs rgyas kyi pho ña lags na bdag cag gñis kyis ci bgyi ba stsal du gsol | tshur śog bcom ldan ’das kyi spyan sṅa kho nar ’doṅ ṅo || ’phags pa ma noṅs te de bźin bgyis bźud do || de nas tshe daṅ ldan pa maud gal gyi bu chen pos klu’i (7) rgyal po dga’ bo daṅ | ñe dga’ gñis khrid nas bcom ldan ’das gal ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la tshe daṅ ldan pa maud gal gyi bu chen pos (78a1) ’di skad ces gsol to | btsun pa bcom ldan ’das kyis gaṅ gi slad du bdag la bka’ stsal pa’i klu’i rgyal po dga’ bo daṅ ñe dga’ de gñis ni ’di lags so || de nas bcom ldan ’das kyis klu’i rgyal po dga’ bo daṅ ñe dga’ la ’di skad ces bka’ stsal to || klu’i (2) dbaṅ po khyed gñis sṅon gyi ñes par spyad pas klu’i skye gnas ṅan par skyes śiṅ khyed gñis da ltar drag śul can | lag pa khrag gis gos pa | ñams pa daṅ | rab tu ñams pa la źen pa | gźan gyi srog ’phrogs pa | gźan gyi srog bcad pas ’tsho bar byed de | ’di nas (3) śi ’phos na khyed gñis kyi ’gro ba ni cir ’gyur || skye ba ni cir ’gyur | tshe phyi ma ni cir ’gyur || de gñis kyis gsol pa | bcom ldan ’das bdag cag gñis kyis ci źig bgyi ba bka’ stsal du gsol || bcom ldan ’das kyis bka’ stsal pa | klu’i dbaṅ po gñis tshur śog ṅa’i (4) druṅ du skyabs su ’gro ba daṅ | bslab pa’i gźi dag loṅ la ri rab kyi baṅ rim la gnas pa’i ri dgas daṅ | bya rnams la mi ’jigs pa byin cig | de gñis kyis gsol pa | btsun pa bdag cag gñis bcom ldan ’das kyi spyan sṅar skyabs su mchi ba daṅ | bslab pa’i gźi dag len (5) ciṅ ri rab kyi bar rim la gnas pa’i ri dgas daṅ | bya rnams la mi ’jigs pa stsol to || de gñis kyis bcom ldan ’das kyi spyan sṅar skyabs su ’gro ba daṅ | bslab pa’i gźi dag blaṅs nas bcom ldan ’das kyi źabs gñis la mgo bos phyag ’tshal te bcom ldan ’das kyi (6) spyan sṅa nas doṅ ṅo | dge sloṅ rnams the tshom skyes nas | the tshom thams cad gcod pa saṅs rgyas bcom ldan ’das la źus pa | btsun pa klu’i rgyal po dga’ bo daṅ ñe dga’ gñis kyis las ci bgyis na las de’i rnam par smin pas klu’i naṅ du skyes | las ci bgyis na des rin (7) po che sna bźi las bgyis pa’i gnas mṅon par grub ciṅ lha’i bdud rtsi’i zas daṅ sbraṅ rtsi’i chaṅ gi btuṅ ba daṅ | re re la yaṅ ’khor ñis stoṅ lṅa brgya daṅ ldan par gyur | las ci bgyis na des na bskal par gnas pa sa ’dzin pa | ’dab chags kyi rgyal po ’dab bzaṅs kyis dbyuṅ bar (78b1) rṅo mi thog par gyur | bcom ldan ’das kyis bka’ stsal pa | dge sloṅ dag ’di gñis kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ || bsags pas ’di gñis kyis las byas śiṅ | (2) bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyir rol gyi sa’i khams la rnam par smin par mi ’gyur || chu’i khams la mi ’gyur || me’i khams la mi ’gyur || rluṅ gi khams la mi ’gyur gyi | ’di ltar las (3) dge ba daṅ | mi dge bas byas śiṅ bsags pa dag ni zin pa’i phuṅ po daṅ | khams daṅ skye mched dag la rnam par smin par ’gyur te | las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can rnams la ni || ’bras bu dag tu ’gyur ba ñid || (4) dge sloṅ dag sṅon byuṅ ba bskal pa chen po bzaṅ po ’di ñid la skye dgu’i tshe lo ñi khri thub pa na ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu gdul ba’i (5) kha lo sgyur ba | bla na med pa lha daṅ mi rnams kyi ston pa | saṅs rgyas bcom ldan ’das ’od sruṅ źes bya ba ’jig rten du byuṅ ste | de dge sloṅ ñi khris bskor ciṅ groṅ khyer bā rā ṇa sī na draṅ sroṅ smra ba ri dgas kyi nags na ñe bar brten ciṅ bźugs so || de’i che na groṅ khyer bā rā ṇa sī na (6) rgyal bo kri kī źes bya ba rgyal srid ’byor pa rgyas pa | bde ba lo legs pa | skye bo daṅ mi maṅ pos gaṅ ba | ’thab pa daṅ | phyi dag daṅ naṅ ’khrug rab tu źi ba | chom rkun daṅ mu ge daṅ bral ba | sā lu dag bu ram śiṅ gi phreṅ ba daṅ | ba laṅ daṅ ma ñe phun sum tshogs (7) par byed du bcug ste | chos daṅ ldan pa chos kyi rgyal pos chos kyi rgyal srid byed du bcug go | rgyal po kri kīsa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu (79a1) ’dul ba’i kha lo sgyur ba | bla na med pa | lha daṅ mi rnams kyi ston pa | saṅs rgyas bcom ldan ’das ’od sruṅ ’jig rten du byuṅ ste | de dge sloṅ ñi khris bskor ciṅ groṅ khyer bā rā ṇa sī na draṅ sroṅ smra ba ri dgas kyi nags na ñe bar brten ciṅ bźugs źes thos so || thos nas kyaṅ (2) rgyal po’i ’byor pa chen po daṅ | rgyal po’i mthu chen pos yaṅ dag par rdzogs pa’i saṅs rgyas ’od sruṅ ga la ba der soṅ ste | rgyal po kr-i kīsa yaṅ dag par rdzogs pa’i saṅs rgyas ’od sruṅ skyes bu chen po’i mtshan sum bcu rtsa gñis kyis sku legs par brgyan pa | dpe byad bzaṅ po brgyad (3) bcus sku rnam par mdzes pa | ’od ’dom gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin po che’i ri bo kun du ’gro ba ltar bzaṅ ba mthoṅ ṅo || mthoṅ ma dag tu rgyal po kr-i kī bcom ldan ’das ’od sruṅ la śin tu dad pa skyes nas yaṅ dag par rdzogs (4) pa’i saṅs rgyas ’od sruṅ ga la ba der soṅ ste phyin nas yaṅ dag par rdzogs pa’i saṅs rgyas ’od sruṅ ga la ba der soṅ ste phyin nas yaṅ dag par rdzogs pa’i saṅs rgyas ’od sruṅ gi źabs gñis la mgo bos phyag ’tshal te mtha’ gcig tu ’dug go | yaṅ dag par rdzogs pa’i saṅs rgyas ’od sruṅ gis rgyal po kr-i kī’i bsam pa daṅ | bag la ñal daṅ | khams (5) daṅ raṅ bźin thugs su chud nas gaṅ thos na | rgyal po kr-i kīsa stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de lta bur ’phags pa’i bden pa bźin yaṅ dag par so sor (6) rtogs par byed pa’i chos bstan pa mdzad do || des bden pa mthoṅ nas btsun pa bcom ldan ’das kyis bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag (7) gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris (79b1) daṅ thar pa’i sgo dag ni phye | sems can dmyal ba daṅ dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag go źes lan gsum mched du brjod do | yaṅ smras pa | khyod mthus rab drag ñes pa maṅ ldan pa’i || ṅan soṅ śul bkag (2) bsod nams rab ldan pa’i || mtho ris ’gro ba phye źiṅ bdag gis ni || mya ṅan ’das pa’i śul yaṅ thob par gyur || śin tu rnam dag khyod brten bdag gis ni || de riṅ skyon bral dag pa’i mig thob ciṅ || go ’phaṅ źi ba ’phags pa dgyes thob ste || sdug bsṅal rgya mtsho’i (3) pha rol rgal bar gyur || ’gro bar lha min mi daṅ lhas mchod pa || skye daṅ rga daṅ na mchi bral ba po || srid pa stod du mthoṅ ba rab dkon pa || thub pa de riṅ khyod mthoṅ ’bras bu mchis || źes smras te stan las laṅs nas yaṅ dag par rdzogs pa’i saṅs rgyas ’od sruṅ la lan gsum (4) bskor ba byas te źabs gñis la mgo bos phyag ’tshal nas soṅ ṅo || gaṅ gi cho rgyal po kr-i kīsa yaṅ dag par rdzogs pa’i saṅs rgyas ’od sruṅ gi spyan sṅar bden pa dag mthoṅ ba de’i tshe na de don gyi gnas su ’dug ste | blon po daṅ groṅ khyer pa daṅ | yul mi rnams la smras pa | (5) kwa’i blon po daṅ | groṅ khyer pa daṅ | yul mi dag ñon cig | ṅas bcom ldan ’das yaṅ dag par rdzogs pa’i saṅs rgyas ’od sruṅ gi spyan sṅar bden pa dag mthoṅ bas ṅa ṅas chos daṅ chos ma yin pas rgyal srid byed du ’jug mi nus kyis de’i phyir khyed kyis gźon nu legs (6) skyes rgyal srid kyi dbaṅ phyug gi bdag por źog śig | ṅa yaṅ dag par rdzogs pa’i saṅs rgyas ’od sruṅ gi spyan sṅar skra daṅ | kha spu dag bregs te gos ṅur smrig dag bgos nas yaṅ dag pa kho nar dad pas khyim nas khyim med par rab tu byuṅ ṅo || de la blon po’i mchog dga’ (7) bo daṅ | ñe dga’ źes bya ba gñis śig yod pa de gñis kyis de’i rkaṅ pa gñis la gtugs te smras pa | lhas mtshan ma tsam ’ba’ źig mdzod cig daṅ bdag cag gñis kyis chos kyis lha’i rgyal srid bgyid du stsal to || rgyal pos smras pa | gal te de lta na byed (80a1) du chug śig | de gñis kyis dri srid pa de srid du chos kyis rgyal srid byed du bcug nas yaṅ chos daṅ chos ma yin pas rgyal srid byed du gźug par brtsams pa daṅ | de gñis kyi ñe du yaṅ dag par rdzogs pa’i saṅs rgyas ’od sruṅ gi bstan pa la rab tu byuṅ ba de dag de gñis (2) kyi gan du ’oṅs te smras pa | tshe daṅ ldan pa gñis chos kyis rgyal srid byed du chug śig | chos daṅ chos ma yin pas byed du ma gźug śig | sems can dmyal ba la gźol bar ’gyur bar ma byed cig | de gñis kyis de dag las thos nas ji srid pa de srid du chos kyis rgyal srid (3) byed du bcug nas yaṅ chos daṅ chos ma yin pas rgyal srid byed du gźug par brtsams pa daṅ | de dag yaṅ de gñis kyi gan du ’oṅs te smras pa | tshe daṅ ldan pa gñis chos kyi rgyal srid byed du chug śig | chos daṅ chos ma yin pas byed du ma gźug śig | sems can dmyal (4) bal gźol bar ’gyur bar ma byed cig | de gñis kyis smras pa | ’phags pa dag bdag cag blon po dag ni rgyal srid bgyid du stsol ba gsaṅ tshig mthun pas ’tsho ba lags pas gcig tu chos kyis rgyal srid bgyid du stsol ba’i rṅo mi thog ste | ṅes par kho nar khyad par (5) can ma lags pa dag ni tshar bcad par bgyi źiṅ khyad par can dag ni yoṅs su bskyaṅ ba’i ’tshal lo || de dag gis smras pa | gal te de lta na yo byad thams cad phun sum tshogs pa’i gtsug lag khaṅ byed du chug la yaṅ dag par rdzogs pa’i saṅs rgyas ’od sruṅ ñan thos kyi (6) dge ’dun daṅ bcas pa la phul la | dge sloṅ rnams la ni gźon nu’i yoṅs su spaṅ ba byin cig | dge sloṅ ma rnams la ni btsun mo’i ’khor gyi yoṅs su spaṅ ba byin cig daṅ | des khyod gñis la yun riṅ po’i don daṅ | phan pa daṅ bde bar ’gyur ro || de gñis kyis (7) smras pa | ’phags pa dag ma noṅs kyis de bźin bgyi’o źes de gñis kyis yo byad thams cad phun sum tshogs pa’i gtsug lag khaṅ byed du bcug ste yaṅ dag par rdzogs pa’i saṅs rgyas ’od sruṅ ñan thos kyi dge ’dun daṅ bcas pa la phul źiṅ | dge sloṅ rnams la ni (80b1) gźon nu’i yoṅs su spaṅ ba byin | dge sloṅ ma rnams la ni btsun mo’i ’khor gyi yoṅs su spaṅ ba byin no | dge sloṅ dag de’i tshe de’i dus na rgyal po kr-i kī’i blon po’i mchog dga’ bo daṅ | ñe dga’ źes bya ba de gñis ni da ltar klu’i rgyal po dga’ bo daṅ | ñe dga’ ’di gñis yin (2) te | de gñis kyis chos daṅ chos ma yin pas rgyal srid byed du bcug pa gaṅ yin pa des ni klu rnams kyi naṅ du skyes so | yo byad thams cad phun sum tshogs pa’i gtsug lag khaṅ byed du bcug ste yaṅ dag par rdzogs pa’i saṅs rgyas ’od sruṅ ñan thos kyi dge ’dun daṅ (3) bcas pa la phul ba gaṅ yin pa des ni rin po che sna bźi las byas pa’i gnas mṅon par grub ciṅ lha’i bdud rtsi’i zas daṅ | sbraṅ rtsi’i chaṅ gi btuṅ ba daṅ | re re la yaṅ ’khor ñis stoṅ lṅa brgya daṅ ldan par gyur te | dge sloṅ rnams la gźon nu’i yoṅs su spaṅ ba byin pa (4) daṅ | dge sloṅ ma rnams la btsun mo’i ’khor gyi yoṅs su spaṅ ba byin pa gaṅ yin pa ṅes ni bskal par gnas pa | sa ’dzin pa ’dab chags kyi rgyal po ’dab bzaṅs kyis dbyuṅ bar mi nus par gyur to || dge sloṅ dag de ltar na las gcig tu gnag pa rnams kyi rnam par (5) smin pa ni gcig tu gnag pa yin pa | las gcig tu dkar ba rnams kyi rnam par smin pa yaṅ gcig tu dkar ba yin || las ’dren ma rnams kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa rnams daṅ ’dren ma rnams (6) spaṅs te | las gcig tu dkar ba rnams la brtsal bar bya ste | dge sloṅ dag khyer kyis de ltar bslab par bya’o || gaṅ gi tshe bcom ldan ’das kyis klu’i rgyal po dga’ bo daṅ ñe dga’ gñis skyabs su ’gro ba daṅ | bslab pa’i gźi dag la bkod pa de’i tshe na de gñis tshes brgyad (7) daṅ | tshes bcu bźi daṅ | tshes bco lṅa la ri raṅ kyi baṅ rim du ’oṅs nas bcom ldan ’das la bsñen bkur byed do || de gñis gaṅ gi tshe mtshan mo bcom ldan ’das la bsñen bkur byed pa de’i tshe na ni gźal med khaṅ pa’i cha lugs kyis bsñen bkur byed ciṅ | gaṅ gi tshe ñi na mo (81a1) bcom ldan ’das la bsñen bkur byed pa de’i tshe na ni khyim bdag gi cha lugs kyis bsñen bkur byed do || dus gźan źig na de gñis ñin mo khyim bdag gi cha lugs kyis bcom ldan ’das kyi spyan sṅar soṅ ṅo || ji tsam na ko sa lar byuṅ ba’i rgyal po gsal rgyal yaṅ rgyal (2) byed kyi tshal ga la ba der soṅ ṅo || rgyal rigs ni mṅon pa’i ṅa rgyal can yin pas rgyal po de gaṅ gi tshe bcom ldan ’das kyi spyan sṅar ’gro ba de’i tshe na bdag bcom ldan ’das kyi spyan sṅar soṅ ba na ’ga’ źig bdag la mṅon sum du ldaṅ bar mi ’gyur ba med graṅ sñam nas mi dag pa’i mtha’ (3) can gtoṅ bar byed pa yin pas de nas ko sa lar byuṅ ba’i rgyal po gsal rgyal gyis rgyal byed kyi tshal gyi sgor bsṅad de mi dag pa’i mtha’ can źig la smras pa | kwa’i naṅ rje soṅ la bcom ldan ’das la su dag bsñen bkur byed pa ltos śig | mi dag pa’i mtha’ can des lha bka’ bźin (4) ’tshal źes ko sa lar byuṅ ba’i rgyal po gsal rgyal las mñan nas bcom ldan ’das ga la ba der soṅ ba daṅ | ji tsam na khyim bdag gñis śig bcom ldan ’das la bsñen bskur byed pa mthoṅ ṅo || mthoṅ nas kyaṅ ko sa lar byuṅ ba’i rgyal po gsal rgyal ga la ba der soṅ (5) ste phyin nas ko sa lar byuṅ ba’i rgyal po gsal rgyal la ’di skad ces gsol to || lha khyim bdag gñis śig bcom ldan ’das la bsñen bkur bgyid de de gñis lha’i yul na gnas pa dag lags gor ma bkum mo || rgyal pos bsams pa | khyim bdag de gñis bdag gi (6) yul na gnas pa yin pas de gñis kyis bdag mthoṅ na mṅon du ldaṅ bar ’gyur graṅ sñam nas de bcom ldan ’das ga la ba der soṅ ṅo | klu’i rgyal po dga’ bo daṅ ñe dga’ gñis kyis ko sa lar byuṅ ba’i rgyal po gsal rgyal thag riṅ po kho na nas mthoṅ ṅo || mthoṅ nas kyaṅ (7) de gñis kyis bcom ldan ’das la ’di skad ces gsol to | btsun pa ci lags re źig dam pa’i chos la bsñen bkur bgyi’am | ’on te rgyal po la bsñen bkur bgyi | bcom ldan ’das kyis bka’ stsal pa | klu’i dbaṅ po gñis re źig dam pa’i chos la bsñen (81b1) bkur gyis śig | saṅs rgyas bcom ldan ’das rnams ni dam pa’i chos la gus par mdzad de dgra bcom pa daṅ kyaṅ chos bla mar byed do || de nas bcom ldan ’das kyis byuṅ ba ’di la tshigs su bcad pa dag bka’ stsal pa |

saṅs rgyas gaṅ dag ’das pa daṅ || saṅs rgyas gaṅ (2) ṅag ma byon daṅ ||
saṅs rgyas mya ṅan sel mdzad pa || da ltar maṅ po gaṅ bźugs dag ||

thams cad dam pa’i chos la ni || gus par gnas gyur gnas ’gyur źiṅ ||
de bźin gus par gnas mdzad de || de ni saṅs rgyas chos ñid yin ||

de phyir bdag la legs ’dod (3) ciṅ || bdag ñid chen po mṅon ’dod pa ||
saṅs rgyas bstan pa dran byed na || ’di la dam chos gus par bya ||

de gñis kyis ko sa lar byuṅ ba’i rgyal po gsal rgyal la mṅon du ldaṅ bar ma byas pa daṅ | rgyal po khros te bsams pa | khyim bdag ’di gñis bdag gi yul (4) na gnas pa dag yin na bdag la mṅon du ldaṅ bar mi byed do sñam nas de khro bas kun nas dkris bźin du bcom ldan ’das kyi źabs gñis la mgo bos phyag ’tshal te mtha’ gcig tu ’dug go | bcom ldan ’das kyis ’di khro bas kun nas dkris so sñam nas bka’ mchid (5) gźan dag mdzad par brtsams te chos ston par mi mdzad pa daṅ | des gsol pa | bcom ldan ’das chos bstan du gsol || bde bar gśegs pa chos bstan du gsol || de skad ces gsol pa daṅ | bcom ldan ’das kyis tshigs su bcad pa dag bka’ stsal pa |

(6) rab tu daṅ sems med pa daṅ || źe sdaṅ can daṅ ’khrugs pa yis ||
yaṅ dag rdzogs saṅs bstan pa yi || dam chos kun śes bya mi nus ||

gaṅ gis ñes rtsom btul byas śiṅ || rab daṅ med pa’i sems bsal te ||
kun nas mnar sems ’di spoṅ ba || des ni (7) legs gsuṅs śes par ’gyur ||

rgyal po rgya cher de gñis la khros te bsams pa | ’di gñis la brten nas bcom ldan ’das kyis chos mñan pa yaṅ rgyun bkum mo sñam du rig nas sdod ciṅ ces byas te | bcom ldan ’das kyis źabs gñis la mgo bos phyag (82a1) ’tshal nas stan las laṅs te soṅ ṅo || gaṅ gi tshe klu’i rgyal po dga’ bo daṅ | ñe dga’ gñis ñin mo bcom ldan ’das la bsñen bkur byed pa de’i tshe na de gñis kyi źo śas ’tsho ba dag gis ri rab kyi baṅ rim nas mñan yod kyi bar gyi lam ji srid pa’i lam gyi ṅos (2) gñis su rtsig pa dṅar te ’khod par byed do || ko sa lar byuṅ ba’i rgyal po gsal rgyal gyis blon po rnams la bsgo ba | śes ldan dag gaṅ gi tshe khyim bdag ’di gñis bcom ldan ’das kyi spyan sṅa nas phyir byuṅ bar gyur pa de’i tshe na ’di gñis kyi mgo bo druṅs nas chod la sa la sgyel (3) bar gyis śig | chig de skad ces smras pa | klu’i rgyal po dga’ bo daṅ | ñe dga’ gñis kyi źo śas ’tsho ba dag gis thos so || thos nas kyaṅ de dag ’khrugs nas ko sa lar byuṅ ba’i rgyal po gsal rgyal gyi steṅ du rdo rje rtse gcig pa daṅ | ’khor lo daṅ mda’ bo che daṅ | mtshon (4) rtse gcig pa la sogs pa’i mtshon dag ’phaṅ bar brtsams so || saṅs rgyas bcom ldan ’das rnams ni bsñel ba mi mṅa’ ba’i chos can yin pas de nas bcom ldan ’das kyis tshe daṅ ldan pa maud gal gyi bu chen po la bka’ stsal pa | maud gal gyi bu ko sa lar byuṅ ba’i rgyal po (5) gsal rgyal ’khor daṅ bcas pa daṅ | mñan yod na gnas pa’i skye bo’i tshogs la soms śig | tshe daṅ ldan pa maud gal gyi bu chen pos btsun pa bka’ bźin ’tshal źes bcom ldan ’das las bka’ mñan nas | byams pa’i tiṅ ṅe ‘dzin la sñoms par źugs so || de (6) la sñoms par źugs pa’i bye brag gis rdo rje rtse gcig pa daṅ | ’khor lo daṅ | mda’ bo che daṅ | mtshon rtse gcig la sogs pa’i mtshon de dag lha’i me tog ut+pala daṅ | pad ma daṅ | ku mud daṅ | pad ma dkar po daṅ | man dā ra ba dag tu gyur te | ko sa lar byuṅ ba’i (7) rgyal po gsal rgyal gyi steṅ du ’bab par brtsams so || de lha’i me tog ut+pala daṅ | pad ma daṅ | ku mud daṅ | pad ma dkar po daṅ | man dā ra ba dag gis gaṅ bźin du khyim du źugs nas des btsun mo’i ’khor daṅ | gźon nu daṅ blon po daṅ khrom gyi ru sna daṅ | groṅ (82b1) rdal gyi mi daṅ | yul mi daṅ | bram ze dag la smras pa | śes ldan dag ṅa rgyal byed kyi tshal du źugs tshun chad nas lha’i me tog ut+pala daṅ | pad ma daṅ | ku mud daṅ | pad ma dkar po daṅ | man dā ra ba dag gis gaṅ bźin du khyim du źugs pa ’di ci yin su yi mthu yin | (2) de na gaṅ dag sñan pa daṅ ’jam par smra ba la mkhas pa de dag gis smras pa | lha gźan su źig gis ’di ’tshal bar ’gyur | ’di gźan su źig gi mthu lags | ’di ltar lha ñid chos kyis rgyal srid bgyid du stsol bas ’di lha ñid kyi mthu lags so || rgyal pos smras pa | (3) śes ldan dag de bden te | da chos kyis rgyal srid byed du ’jug pas ’di gor ma chag par da’i mthu yin no || btsun mo’i ’khor gyis smras pa | bdag cag lha las gźan pa’i skyes pa’i gan du mi mchi źiṅ bdag po las mi ’phyo bas ’di ni bdag cag gi mthu lags so || (4) gźon nu rnams kyis smras pa | bdag cag yab yum la gus śiṅ sri źu che bas ’di ni bdag cag gi mthu lags so || blon po rnams kyis smras pa | bdag cag chos kyis lha’i rgyal srid bgyid du stsol bas ’di ni bdag cag gi mthu lags so || khrom gyi ru snu dag gis (5) smras pa | bdag cag lha’i bka’ chos daṅ ldan par sgrub par bgyid pas ’di ni bdag cag gi mthu lags so || groṅ rdal gyi mi daṅ yul gyi mi dag gis smras pa | bdag cag lha la chos daṅ ldan par dbya ’bul bas ’di ni bdag cag gi mthu lags so || rgyal (6) pos bsams pa | ’di dag so so nas bdag cag gi mthu’o || bdag gi mthu’o źes zer na su’i mthu yin pa mi śes kyis | ’di ltar saṅs rgyas bcom ldan ’das ’di thams cad mkhyen pa | thams cad gzigs pa | mkhyen pa daṅ śes bya la bla na med pa’i (7) mṅa’ brñes pa yin gyis saṅs rgyas bcom ldan ’das la źur ’gro’o sñam du rig nas lha’i me tog ut+pa la daṅ | pad ma daṅ | ku mu da daṅ | pad ma dkar po daṅ | man dā ra ba de dag gis thu ba bkaṅ nas bcom ldan ’das ga la ba der soṅ ste | phyin nas (83a1) bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas ko sa lar byuṅ ba’i rgyal po gsal rgyal gyis skabs de bcom ldan ’das la rgyas par gsol pa daṅ | bcom ldan ’das kyis bka’ stsal pa | rgyal (2) po chen po de ni khyod kyi mthu yaṅ yin | btsun mo’i ’khor gyi yaṅ ma yin | gźon nu rnams kyi yaṅ ma yin | blon po rnams kyi yaṅ ma yin | khrom gyi ru sna’i yaṅ ma yin | groṅ rdal gyi mi daṅ | ljoṅs kyi mi rnams kyi yaṅ ma yin | bram ze rnams kyi yaṅ ma yin te | ’di ltar (3) de ni dge sloṅ maud gal gyi bu chen po’i mthu yin te | gal te dge sloṅ maud gal gyi bu chen pos khyod btsun mo’i ’khor daṅ | gźon nu daṅ | blon po daṅ groṅ rdal gyi mi daṅ | yul gyi mi daṅ bcas pa la ma bsams su zin na deṅ ñid du mñan yod spyod yul du mi ’gyur ba źig (4) na | de ni dge sloṅ maud gal gyi bu des khyod btsun mo’i ’khor daṅ | blon po daṅ | groṅ rdal gyi mi daṅ | yul mi daṅ bcas pa la bsams pa’i mthu yin gyis de la sems mṅon par dad par gyis śig | rgyal pos gsol pa | bcom ldan ’das de ltar dge (5) sloṅ maud gal gyi bu’i mthu lags śiṅ bcom ldan ’das kyi yaṅ ma lags ñan thos chen po gźan dag gi yaṅ ma lags par ji ltar ’tshal bar bgyi || rgyal po chen po de ni ṅa’i mthu yaṅ ma yin || ñan thos chen po gźan dag gi yaṅ ma yin te | ’di ltar de ni dge sloṅ mod gal (6) gyi bu’i mthu yin no || gal te khyod som ñi daṅ yid gñis za na lha’i me tog ut+pala daṅ | pad ma daṅ | ku mu da daṅ | pad ma dkar po daṅ | man dā ra ba ’di dag sa la bor źig | des de dag sa la bor ba daṅ | rdo rje rtse gcig pa daṅ | ’khor lo daṅ | mda’ bo che daṅ | (7) mtshon rtse gcig la sogs pa’i mtshon śa stag tu gyur to || des de dag mthoṅ nas ñam ṅa bar gyur te gsol pa | bcom ldan ’das ’di ci lags | bcom ldan ’das kyis bka’ stsal pa | rgyal po chen po khyod kyis klu’i rgyal po dga’ bo daṅ | ñe dga’ gñis (83b1) la rab tu sdaṅ ba’i sems bskyed pas de las ’di byuṅ ṅo || rgyal pos gsol pa | btsun pa bdag gis klu’i rgyal po dga’ bo daṅ | ñe dga’ gñis mthoṅ bar yaṅ mi dran na rab tu sdaṅ ba’i sems bskyed par lta ga la ’gyur | rgyal po chen po ṅas khyod la dran par bya’o || btsun (2) pa bcom ldan ’das kyis dran par mdzad du gsol | rgyal po chen po khyod kyis ṅa’i mdun du khyim bdag gñis śig chos ñan pa gaṅ yin pa de gñis kyis khyod la mṅon du ldaṅ ba ma byas pa de dran nam | bcom ldan ’das de dran no || rgyal po chen po khyim bdag de gñis ni klu’i rgyal (3) po dga’ bo daṅ | ñe dga’ gñis yin no | des gsol pa | bcom ldan ’das de gñis ’khrugs par ma gyur tam | rgyal po chen po de gñis ni ’khrugs par ma gyur te | de gñis kyi źo śas ’tsho ba dag ’khrugs par gyur to || bcom ldan ’das bdag gis de gñis (4) la ji ltar bsgrub par bgyi | rgyal po chen po bzod pa gsol bar bya’o || bcom ldan ’das de gñis ni ri rab kyi baṅ rim na mchis la | bdag ni ’di na mchis na bdag gis ji ltar de gñis la bzod pa gsol bar bgyi || bcom ldan ’das kyis bka’ stsal pa | rgyal (5) po chen po de gñis tshes brgyad daṅ | tshes bcu bźi daṅ | tshes bco lṅa la ṅa’i rkaṅ pa la phyag ’tshal du ’dir ’oṅ gis khyod kyaṅ tshem brgyad daṅ bcu bźi daṅ | tshes bco lṅa la ’dir śog śig daṅ ṅas khyod la de gñis bstan par bya’i khyod kyis bzod pa gsol cig | (6) des gsol pa | btsun pa ci lags bdag gis de gñis kyi rkaṅ pa gñis la gtug par bgyi’am | bcom ldan ’das kyis bka’ stsal pa | rgyal po chen po khyod kyis de gñis kyi rkaṅ pa gñis la gtug par mi bya ste | ’di ltar mi ma rabs dag gi rkaṅ pa la (7) phyag ’tshal ba gaṅ yin pa de ni mo gtso bo dag gis lag pa nas bzuṅ ba yin gyis khyod kyis lag pa g-yas pa rkyo bar u ṅa po gñis bzod pa mdzod cig ces bzod pa gsol cig daṅ de gñis bzod par ’gyur ro || des gsol pa | btsun pa ma noṅs (84a1) te de bźin du bgyi’o źes gsol nas bcom ldan ’das kyi źabs gñis la mgo bos phyag ’tshal te soṅ ṅo || ji tsam dus gźan źig na klu’i rgyal po dga’ bo daṅ | ñe dga’ gñis ri rab kyi baṅ rim du ’oṅs nas bdag ñid khyim bdag gi cha lugs su mṅon par (2) sprul te | bcom ldan ’das gal ba der doṅ nas phyin pa daṅ | bcom ldan ’das kyi źabs gñis la mgo bos phyag ’tshal te mtha’ gcig tu ’khod do || ko sa lar byuṅ ba’i rgyal po gsal rgyal yaṅ bcom ldan ’das ga la ba der soṅ ste phyin nas | bcom ldan ’das (3) kyi źabs gñis la mgo bos phyag ’tshal te mtha’ gcig tu ’dug pa daṅ | bcom ldan ’das kyis de la brda mdzad do || de nas ko sa lar byuṅ ba’i rgyal po gsal rgyal stan las laṅs te bla gos phrag pa gcig tu byas nas lag pa g-yas pa brkyaṅ ste smras pa | klu’i dbaṅ po (4) gñis bzod par mdzod cig | de gñis kyi smras pa | rgyal po chen po bzod par bgyi’o || de nas ko sa lar byuṅ ba’i rgyal po gsal rgyal gyis klu’i rgyal po dga’ bo daṅ | ñe dga’ gñis la bzod pa gsol nas bcom ldan ’das ga la bde logs su thal mo sbyar ba btud (5) nas bcom ldan ’das la ’di skad ces gsol to || bdag gis ’phags pa maud gal gyi bu chen po la slad du bcom ldan ’das dge sloṅ gi dge ’dun daṅ bcas pas bdag gi sdum par dguṅ bdun gyi bar du gdugs tshod gsol bar ci gnaṅ | bcom ldan ’das kyis (6) ko sa lar byuṅ ba’i rgyal po gsal rgyal la caṅ mi gsuṅ bas gnaṅ ṅo || de nas ko sa lar byuṅ ba’i rgyal po gsal rgyal gyis bcom ldan ’das kyis caṅ mi gsuṅ bas gnaṅ bar rig nas bcom ldan ’das kyis caṅ mi gsuṅ bas gnaṅ bar rig nas bcom ldan ’das kyis źabs gñis la mgo bos phyag ’tshal te soṅ nas des blon po (7) rnams la bsgo ba śes ldan dag ṅas ’phags pa maud gal gyi bu chen po mchod pa’i phyir bcom ldan ’das ñan thos kyi dge ’dun daṅ bcas pa źag bdun du gdugs tshod la spyan draṅs kyis khyed kyis groṅ khyer mdzes par gyis la gdugs tshod sta gon gyis śig | rgyal po rnams (84b1) ni tshig gis ’grub pa yin la || lha rnams ni sems kyis ’grub pa yin | rnal ’byor ba pa rnams ni sems bskyed pa tsam gyis thams cad ’grub pa yin pas blon po rnams kyis lha bka’ bźin ’tshal źes ko sa lar byuṅ ba’i rgyal po gsal rgyal las mñan nas rgyal byed kyi tshal (2) daṅ mñan yod kyi bar gyi lam ji srid pa dag mchog tu mdzes par byas śiṅ mñan yod kyaṅ rdo ba daṅ gseg ma daṅ | gyo mo med par rnam par gnas par byas te | tsan dan gyi chus chag chag btab ciṅ bdug spos dri źim po’i snod ñe bar bźag ste dar gyi chun po’i tshogs dpyaṅs (3) śiṅ rgyal mtshan daṅ | ba dan bsgreṅ ste me tog sna tshogs bkram źiṅ lha rnams kyi lha’i ’dun so chos bzaṅs ltar ñams dga’ bar byas so || źal zas kyaṅ kha dog daṅ | dri daṅ ro phun sum tshogs pa daṅ ldan pa | sgyu rum sna tshogs daṅ bcas pa | spyan gzigs sna tshogs (4) kyis mdzes par byas pa bśams nas ’byor pa de lta bu ’dis ñi ma re re źiṅ saṅs rgyas la sogs pa dge sloṅ gi dge ’dun rgyal po’i pho braṅ du gdugs tshod gsol to || de na mtshan mo khur ba ’tshod par dag tu me śos nas des ko sa lar byuṅ ba’i rgyal po gsal rgyal gyi glaṅ po (5) yan lag mchog daṅ ldan pa maṅ po dag tshig par gyur to || de nas gdugs tshod źag bdun thal nas ko sa lar byuṅ ba’i rgyal po gsal rgyal gyis mñan yod du dril bsgrag pa byed du bcug nas mñan yod du sus kyaṅ mtshan mo me spar bar mi bya’o || gaṅ me spar bar byed na de kār (6) śā pa ṇa drug bcu’i chaṅ pas bcad par bya ba’am | phyag sbal du bcug ste ’chi bar bya dgos so źes bsgo’o || de’i tshe na maña yod na khyim bdag bzaṅ byin źes bya ba phyug pa | nor maṅ ba loṅs spyod che ba | yoṅs su gzuṅ ba yaṅs śiṅ rgya che ba | rnam thos kyi bu’i nor (7) daṅ ldan pa | rnam thos kyi bu la nor gyis ’gran pa źig ’dug ste | des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || de dus gźan źig na bcom ldan ’das ga la ba der soṅ ste phyin nas (85a1) bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das kyi khyim bdag bzaṅ byin la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du (2) ’jug par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu (3) dga’ bar mdzad nas caṅ mi gsuṅ to || de nas khyim bdag bzaṅ byin stan las laṅs te bla gos phrag pa gcig tu byas nas bcom ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to || bcom ldan ’das dge sloṅ gi (4) dge ’dun daṅ bcas pa saṅ bdag gi sdum par gdugs tshod gsol bar ci gnaṅ | bcom ldan ’das kyis khyim bdag bzaṅ byin la caṅ mi gsuṅ bas gnaṅ ṅo || de nas khyim bdag bzaṅ byin gyis bcom ldan ’das kyis caṅ mi gsuṅ pas gnaṅ bar rig nas bcom ldan (5) ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de nas khyim bdag bzaṅ byin gyis de ñid kyi mtshan mo bca’ ba daṅ | bza’ ba gtsaṅ źiṅ bsod pa sta gon byas te naṅ par sṅar laṅs nas gdan dag bśams te chur bźag nas | (6) bcom ldan ’das la spyan ’dren gyis gdugs tshod g-yar dgoṅs ’tshal na | bcom ldan ’das kyis de de’i dus la bab par dgoṅs su gsol źes spyan draṅs so || de nas bcom ldan ’das sṅa dro śam thabs gsol lhuṅ bzed daṅ chos gos bsnams te | dge sloṅ gi (7) tshogs kyis yoṅs su bskor ciṅ dge sloṅ gi dge ’dun gyis mdun du bdar nas khyim bdag bzaṅ byin gyi khyim ga la ba der gśegs te byon nas dge sloṅ gi dge ’dun gyi goṅ du gdan bśams pa ñid la bźugs so || de nas khyim bdag bzaṅ byin gyis saṅs rgyas la sogs (85b1) pa dge sloṅ gi dge ’dun bde bar bźugs par rig nas bza’ ba daṅ bca’ ba gtsaṅ źiṅ bsod pas raṅ gi lag nas tshim par byed | stobs par byed do || rnam graṅs du mar bca’ ba daṅ | bza’ ba gtsaṅ źig bsod bas raṅ gi lag nas tshim par byas śiṅ bstabs (2) nas bcom ldan ’das gdugs tshod gsol ciṅ phyag bcabs lhuṅ bzed bźag par rig nas stan ches dma’ ba źig blaṅs te chos mñan pa’i phyir bcom ldan ’das kyi spyan sṅar ’dug go || bcom ldan ’das kyis de’i bsam pa daṅ | bag la ñal daṅ | khams daṅ raṅ (3) bźin thugs su chud nas ’di ltar khyim bdag bzaṅ byin chuṅ ma daṅ bcas pas stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de lta bur ’phags pa’i bden pa bźi yaṅ dag (4) par so sor rtogs par byed pa’i chos bstan mdzad do || des bden pa mthoṅ nas btsun pa bcom ldan ’das kyis bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi (5) pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris (6) daṅ thar pa’i sgo dag ni phye | sems can dmyal ba daṅ dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag go źes lan gsum du ched du brjod do || yaṅ smras pa | khyod mthus rab drag ñes pa maṅ ldan pa’i || ṅan (7) soṅ śul bkag bsod nams rab ldan pa’i || mtho ris ’gro ba phye źiṅ bdag gis ni || mya ṅan ’das pa’i śul yaṅ thob par gyur || śin tu rnam dag khyod brten bdag gis ni || de rig skyon bral dag pa’i mig thob ciṅ || go ’phaṅ źi ba ’phags pa dgyes thob ste | (86a1) sdug bsṅal rgya mtsho’i pha rol rgal bar gyur || ’gro ba lha min mi daṅ lha sa mchod pa || skye daṅ rga daṅ na ’chi bral ba po || srid pa stoṅ du mthoṅ bar rab dkon pa || thub pa de riṅ khyod mthoṅ ’bras bu mchis || bcom ldan ’das kyis chos bstan pa mdzad nas (2) gśegs so || khyim bdag bzaṅ byin chuṅ ma daṅ bcas pas gaṅ gi ñin mo bden pa mthoṅ bar byas pa de’i ñin mo de’i chuṅ ma la sems can źugs par gyur to || khyim bdag bzaṅ byin gyis kyaṅ bcom ldan ’das ñan thos kyi dge ’dun daṅ bcas pa khyim gźan du spyan (3) draṅs te bśos gsol nas bcom ldan ’das kyis khyim bdag bzaṅ byin chud ma daṅ bcas pa la gaṅ thos nas de gñis kyis phyir mi ’od ba’i ’bras bu mṅon sum du byas śiṅ rdzu ’phrul yaṅ mṅon par bsgrubs par gyur pa de ltar chos bstan pa mdzad do || gaṅ gi ñin mo (4) khyim bdag bzaṅ byin chuṅ ma daṅ bcas pas phyir mi ’oṅ ba’i ’bras bu mṅon sum du byas śiṅ rdzu ’phrul mṅon par bsgrubs pa de’i ñin mo de’i chud ma la bu btsas pa las khye’u gzugs bzaṅ ba | blta na sdug pa mdzes pa | gsal ba gser gyi mdog ’dra ba | mgo gdugs (5) lta bu daṅ ldan pa lag pa riṅ ba | ’phral ba’i dbyes che ba smin ma ’jar ba | sna’i gzaṅs mtho ba źig byuṅ ṅo || de’i ñe du dag ’dus śiṅ lhags nas ñi ma bdun gsum ñi śu gcig tu btsas pa’i btsas ston rgya cher byas nas khye’u’i miṅ cir gdags źes miṅ bdogs par byed (6) do|| ñe du dag gi phyir khye’u ’di’i pha ma gñis kyis ñi ma gaṅ la phyir mi ’oṅ ba’i ’bras bu mṅon sum du byas śiṅ rdzu ’phrul mṅon par gyur pa’i ñi ma de la btsas pas de’i phyir khye’u’i miṅ rdzu ’phrul len ces bya’o źes de’i miṅ rdzu ’grul len ces (7) bya bar btags so || khye’u rdzu ’phrul len bam ma brgyad po paṅ na ’tsho ba’i ma ma gñis daṅ | nu ma snun pa’i ma ma gñis daṅ | dri ma ’phyi ba’i ma ma gñis daṅ | rtsen grogs kyi mam gñis la rjes su gtad do || de ma ma brgyad po de dag gis ’o ma daṅ źo daṅ mar daṅ źun (86b1) mar daṅ mar gyi sñiṅ khu daṅ gźan yaṅ yo byad kyi bye brag gtso bo | gtso bo dag gis sriṅ bar byed | skyed par byed ciṅ rdziṅ na gnas pa’i pad ma bźin du myur du skyed par byed do || de gaṅ gi tshe chen por gyur pa de’i tshe yi ge daṅ | graṅs daṅ rtsis daṅ lag rtsis daṅ dbyuṅ pa daṅ | (2) bźugs pa daṅ | bźag pa la ñe bar źugs nas de yi ge’i mthar phyin ciṅ | ’byed pa daṅ klog pa daṅ | mkhas pa daṅ spyod pa gsal ba daṅ | brtag pa brgyad po ’di lta ste | rin po che brtag pa daṅ | gźi brtag pa daṅ | gos brtag pa daṅ | śiṅ brtag pa daṅ | glaṅ (3) po che brtag pa daṅ | rta brtag pa daṅ | bud med brtag pa daṅ | skyes pa brtag pa la mkhas par gyur to | de ko sa lar byuṅ ba’i rgyal po gsal rgyal gyi btsun mo’i ’khor gyi druṅ du soṅ ba daṅ | de’i btsun mo’i ’khor gyis steṅ gi khaṅ bzaṅs kyi gźir gtogs pa nas de (4) la me tog gi phreṅ ba ’phaṅs so || ’jig rten ni mdza’ bśes daṅ | dgra bo daṅ | tha mal pa yin pas ji tsam na gźan dag gis kos lar byuṅ ba’i rgyal po gsal rgyal la smras pa | lha gźon nu rdzu ’phrul len ni lha’i btsun mo’i ’khor don du gñer ro || rgyal po (5) dag ni mi rtog par byed pas des blon po rnams la bsgo ba | śes ldan dag ṅas khyim bdag bzaṅ byin gyi bu gźon nu rdzu ’phrul len yoṅs su btaṅ ṅo | blon po rnams kyis de ka ra bī ra’i me tog gi phreṅ bas mgul ba bciṅs te gos sṅon po gyon pa’i mi dag bkri nas (6) groṅ khyer gyi dbus nas phyir byuṅ ste bsad sar phyin nas gsod du bcug go | mñan yod kyi skye bo’i tshogs daṅ | yul tha dad pa nas lhags pa’i mi dag gis rgyal po sdig can ’di ni ma brtags par byed pa ṅan pa yin te | des khyim bdag gi bu gźon nu rdzu ’phrul (7) len kho na med pa | ’gran mi tsho la ba | mi ’khu ba bsad do źes brjod do || de bźin du btsun mo’i ’khor daṅ | gźon nu daṅ | blon po rnams kyis kyaṅ ṅan pa des khyim bdag gi bu gźon nu rdzu ’phrul len kho na med pa | ’gran mi tshol ba | mi ’khu ba (87a1) bsad pa ni legs pa ma byas so || śin tu ma byas so źes brjod do || khyim bdag bzaṅ byin gyis bsams pa | bdag gis bdog ciṅ bdag dbaṅ ba su la yaṅ yoṅs su ma btaṅ ba gaṅ yin pa de thams cad ni gźon nu rdzu ’phrul len la ltos pa yin na (2) de ni sṅon gyi las kyi ñes pas rgyal bos ma brtags par lṅa pa ñid du bsgrubs pas da su’i phyir bcad par bya ste | dman pa daṅ | mgon med pa daṅ | bkren pa daṅ | sdug phoṅs pa dag la yoṅs su gtaṅ bar bya’o sñam nas de kāR+śā pa ṇa gcig cig zoṅ gi rgyur bźag nas (3) nor gyi rnam pa gźan thams cad dman pa daṅ | mgon med pa daṅ | bkren pa daṅ | sdug phoṅs pa dag la yoṅs su btaṅ ṅo || des kāR+śā pa ṇa gcig po des zoṅ ños śiṅ btsoṅs pas des kār+śā pa ṇa bźi rñed nas des kār+śā pa ṇa gcig gis ni bcom ldan ’das kyi dri gtsaṅ khaṅ (4) spos kyi byug pas byugs so || gñis pas ni g-yog ’khor gyi zan sbyar to || gsum pas ni dge ’dun gyi phyir dge sloṅ la chos ston byin to | bźi pa ni zoṅ gi rgyur bźag go || de’i khyim na loṅs spyod srabs pa’i phyir sbyin pa ṅan pa dag kyaṅ sbyin par byed | mchog tu ṅan (5) pa dag kyaṅ sbyin par byed pas de’i miṅ ṅan pa bzaṅ byin źes bya bar gyur to || de bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas | bcom ldan ’das kyis khyim (6) bdag ṅan pa bzaṅ byin la ’di skad ces bka’ stsal to || khyim bdag ji ltar khyod kyi khyim na sbyin pa dag byin nam | bsod nams byed dam | btsun pa de bźin te | bdag gi sdum pa na sbyin pa dag kyaṅ stsol ciṅ bsod nams dag kyaṅ bgyid na | de dag ni ṅan pa dag daṅ mchog (7) tu ṅan pa dag lags so || khyim bdag sbyin pa ṅan pa’am | bzaṅ po sbyin yaṅ ruṅ ste | de gñi ga loṅs spyod kyi rnam par smin pa can yin no || khyim bdag sbyin pa ṅan pa’am | bzaṅ po sbyin yaṅ ruṅ ste | de yaṅ dad pa sam yin | dus bsam yin | raṅ gi lag (87b1) nas ma yin | dus su ma yin | gnod pa med pa ma yin | gaṅ gi tshe de’i rnam par smin pa so sor myoṅ bar ’gyur ba de’i tshe na de’i sems khyim gyi loṅs spyod rgya chen po dag la ’jug par mi ’gyur | zas kyi loṅs spyod rgya chen po dag la ’jug par mi ’gyur | gos kyi loṅs spyod rgya (2) chen po dag la ’jug par mi ’gyur | gnas mal gyi loṅs spyod rgya chen po dag la ’jug par mi ’gyur | bźon pa’i loṅs spyod rgya chen po dag la ’jug par mi ’gyur | gzugs daṅ sgra daṅ dri daṅ ro daṅ reg bya rgya chen po dag la ’jug par mi ’gyur te || khyim bdag sbyin (3) pa de lta bu byin pa’i ’bras bu rnam par smin pa ni de lta bur ’dod par bya’o | khyim bdag sbyin pa ṅan pa’am | bzaṅ po sbyin yaṅ ruṅ ste | de yaṅ dad pas yin | gus pas yin || raṅ gi lag nas yin | dus su yin | gnod pa med pa yin na | gaṅ gi tshe de’i (4) rnam par smin pa so sor myoṅ bar ’gyur ba de’i tshe na de’i sems khyim gyi loṅs spyod rgya chen po dag la ’jug par ’gyur | zas kyi loṅs spyod rgya chen po dag la ’jug par ’gyur | gos kyi loṅs spyod rgya chen po dag la ’jug par ’gyur | gnas mal gyi loṅs spyod rgya chen (5) po dag la ’jug par ’gyur | bźon pa’i loṅs spyod rgya chen po dag la ’jug par ’gyur | gzugs daṅ sgra daṅ dri daṅ ro daṅ reg bya rgya chen po dag la ’jug par ’gyur te | khyim bdag sbyin pa de lta bu byin pa’i ’bras bu rnam par smin pa ni de lta bur ’dod par bya’o || || (6) ’dul ba rnam par ’byed pa | bam po drug bcu rtsa dgu pa | khyim bdag sṅon byuṅ ba bram ze dus dpog ces bya ba śiṅ sā la chen po lta bu źig byuṅ bar gyur te | des bram ze rnams la sbyin pa ’di lta bu ’di byin te glaṅ po che gser gyis brgyan pa | gser gyis mdzes (7) par byas pa | gser gyi rgyal mtshan can | gser gyi dra bas g-yogs pa brgyad khri bźi stoṅ bram ze rnams la sbyin par byin no || rta gser gyis brgyan pa | gser gyi rgyal mtshan can | gser gyi dra bas g-yogs pa brgyad (88a1) khri bźi stoṅ bram ze rnams la sbyin par byin no || śiṅ rta rnam bźi gser las byas pa daṅ | dṅul las byas pa daṅ | baiḍūR+ya las byas pa daṅ | śel las byas pa daṅ | seṅ ge’i pags pas g-yogs pa daṅ | stag lpags kyis g-yogs pa daṅ | guṅ (2) lpags kyis g-yogs pa daṅ | ar mo nig gis bkab pa | rnam par rgyal byed yid du ’od pa daṅ ldan pa’i śiṅ rta brgyad khri bźi stoṅ bram ze rnams la sbyin par byin no | khaṅ pa brtsegs pa rnam bźi gser las byas pa daṅ | dṅul las byas pa daṅ | bai ḍūR+ya (3) las byas pa daṅ | śel las byas pa’i khaṅ pa brtsegs pa brgyad khri bźi stoṅ bram ze rnams la sbyin par byin no || khri rnam bźi gser las byas pa daṅ | dṅul las byas pa daṅ | baiḍūR+ya las byas pa daṅ | śel las byas pa | śur bus blaṅs pa | stan sbyar ma (4) btiṅ ba | stan naṅ tshaṅs can btiṅ ba | stan khra bo btiṅ ba | stan bzaṅ po btiṅ ba | su mtshan gyi gos kyi steṅ g-yogs btiṅ ba | steṅ nas bgo ba’i gos daṅ bcas pa | gñis su rgyab rten dmar po bźag pa’i khri brgyad khri bźi stoṅ bram ze rnams (5) la sbyin par byin no || gser gyi snod brgyad khri bźi stoṅ bram ze rnams la sbyin par byin no || dṅul gyi snod brgyad khri bźi stoṅ bram ze rnams la sbyin par byin no || gser gyi snod dṅul phyes gaṅ ba brgyad khri bźi stoṅ bram ze rnams la sbyin par byin no || dṅul gyi snod gser phyes (6) gaṅ ba brgyad khri bźi stoṅ bram ze rnams la sbyin par byin no || ras zuṅ rnam bźi ka śi ka’i ras phran daṅ | zar ma’i ras phran daṅ | du gu la’i ras phran daṅ | ko ta ma pa’i ras phran zuṅ brgyad khri bźi stoṅ bram ze rnams la sbyin par byin no || ba gser gyi rwa can rmig (7) pa dṅul las byas pa be’u mthun pa daṅ bcas pa khar ba’i ze ba can | ras bcos bu phrugs kyis g-yogs pa brgyad khri bźi stoṅ bram ze rnams la sbyin par byin no || bu mo gser gyi dpuṅ rgyan can mgul rgyan daṅ bcas pa | rgyan bzaṅ pos brgyan pa brgyad khri bźi (88b1) stoṅ bram ze rnams la sbyin par byin no || zas daṅ skom daṅ bca’ ba daṅ bza’ ba daṅ ba ldag pa daṅ | bźi ba gźan lta smos kyaṅ ci dgos te | bram ze rnams la sbyin par de lta bu de byin no || khyim bdag bram ze śiṅ sā la chen po lta bu dus dpog gis bram ze rnams la sbyin pa (2) de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa gaṅ yin pa de ni sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la skyin pa de lta bu de byin pa daṅ | (3) gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis so so’i skye bo ’dzam bu’i tshal du ’oṅs pa gcig la zan bza’ ba byin pa gaṅ yin pa de ni sbyin pa de bas sbyin pa de bas sbyin pa ’chi ches ’bras bu che’o || bram ze śiṅ sā la chen po lta (4) bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa gcig zan byin pa gaṅ yin (5) pa de ni sbyin pa de bas sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i drag sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun (6) du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa gcig zan byin pa gaṅ yin pa ni sbyin pa de bas sbyin pa ’di ces ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de (7) lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | (89a1) gaṅ gis lan gcig phyir ’oṅ ba’i ’bras bus ṅom sum du bya ba’i phyir źugs pa gcig zan byin pa gaṅ yin pa de ni sbyin pa ’di ches ’bras bu che’o || bram ze śiṅ sā la chen po lta bus dus dpog gis bram ze rnams la sbyin pa de lta bu de byin pa daṅ | (2) gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon su du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan gcig phyir ’oṅ (3) ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba gcig zan byin pa gaṅ yin pa ni sbyin pa de bas sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de byin (4) ba daṅ | gaṅ gis phyi rol draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan (5) gcig phyir ’oṅ ba’i ’bras bu mṅon sum du bya ba’i phyir źugs par brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa gcig zan byin pa gaṅ yin pa ni sbyin pa de bas sbyin pa (6) ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum (7) du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis (89b1) phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis phyir mi ’oṅ ba gcig zan byin pa gaṅ yin pa ni sbyin pa de bas sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de (2) byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan (3) gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis phyir mi ’oṅ brgya zan byin pa (4) daṅ | gaṅ gis dgra bcom pa’i ’bras bu mṅon sum du bya ba’i phyir źugs pa gcig zan byin pa gaṅ yin pa ni sbyin pa de bas sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis (5) phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan gcig phyir ’oṅ (6) ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis phyir mi ’oṅ ba brgya zan byin pa daṅ | gaṅ (7) gis dgra bcom pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis dgra bcom pa gcig zan byin pa gaṅ yin pa ni sbyin pa de bas sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de (90a1) lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa (2) daṅ | gaṅ gis lan gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis (3) phyir mi ’oṅ ba brgya zan byin pa daṅ | gaṅ gis dgra bcom pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis dgra bcom pa brgya zan byin pa daṅ | gaṅ gis phyogs bźi’o dge sloṅ dge ’dun la kun dga’ ra ba phul ba gaṅ yin pa ni (4) sbyin pa de bas sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs (5) pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan gcig phyir ’oṅ pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba (6) brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis phyir mi ’oṅ ba brgya zan byin pa daṅ | gaṅ gis dgra bcom pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis (7) dgra bcom pa brgya zan byin pa daṅ | gaṅ gis phyogs bźi’i dge sloṅ gi dge ’dun la kun dga’i ra ba phul ba daṅ | gaṅ gis kun dga’i ra ba de ñid du gtsug lag khaṅ rtsig tu bcug pa gaṅ yin pa ni sbyin pa de bas sbyin pa ’di ches ’bras bu che’o || bram ze śiṅ sā la (90b1) chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun (2) du źugs pa brgya zan byin pa daṅ | gaṅ gis lan gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan (3) byin pa daṅ | gaṅ gis phyir mi ’oṅ ba brgya zan byin pa daṅ | gaṅ gis dgra bcom pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis dgra bcom pa brgya zan byin pa daṅ | gaṅ gis phyogs bźi’i dge sloṅ gi dge ’dun la kun dga’i ra ba (4) phul ba daṅ | gaṅ gis kun dga’i ra ba de ñid du gtsug lag khaṅ rtsig tu bcug pa daṅ | gaṅ gis gtsug lag khaṅ de ñid du gnas mal ’di lta ste | khri daṅ khri’u daṅ | stan naṅ tshaṅs can daṅ | la ba daṅ sṅas daṅ | gor bu dag phul ba gaṅ yin pa de ni sbyin pa de bas (5) sbyin pa ’di ches ’bras bu che’o || bram ze śiṅ sā la chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon (6) sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis (7) phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis phyir mi ’oṅ ba brgya zan byin pa daṅ | gaṅ gis dgra bcom pa’i ’bras bu mṅon sum du bya ba’i phyir zugs pa brgya zan byin pa daṅ | gaṅ gis dgra bcom pa brgya zan byin pa daṅ | (91a1) gaṅ gis phyogs bźi’i dge sloṅ gi dge ’dun la kun dga’i ra ba phul ba daṅ | gaṅ gis kun dga’i ra ba de ñid du gtsug lag khaṅ rtsig tu bcug pa daṅ | gaṅ gis gtsug lag khaṅ de ñid du gnas mal ’di lta ste | khri daṅ khri’u daṅ | stan naṅ tshaṅs (2) can daṅ | la ba daṅ sṅas daṅ | gor bu dag phul ba daṅ | gaṅ gis gtsug lag khaṅ de ñid du gtan gyi rkyen ris daṅ mthun pa’i mchod sbyin ’bul ba daṅ | saṅs rgyas la skyabs su ’gro ba daṅ | chos la skyabs su ’gro ba daṅ | dge ’dun la skyabs su ’gro ba daṅ | bslab (3) pa’i gźi dag len pa gaṅ yin pa ni sbyin pa de bas sbyin pa ’di ches ’bras bu che’o | bram ze śiṅ sā la chen po lta bu dus dpog gis bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ (4) gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya zan byin pa daṅ | gaṅ gis lan gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir (5) ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis phyir mi ’oṅ brgya zan byin pa daṅ | gaṅ gis dgra bcom pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis (6) dgra bcom pa brgya zan byin pa daṅ | gaṅ gis phyogs bźi’i dge sloṅ gi dge ’dun la kun dga’i ra ba phul ba daṅ | gaṅ gis kun dga’i ra ba de ñid du gtsug lag khaṅ rtsig tu bcug pa daṅ | gaṅ gis gtsug lag khaṅ de ñid du gnas mal ’di lta ste | khri daṅ khri’u daṅ | (7) stan daṅ | stan naṅ chaṅs can daṅ | la ba daṅ sṅas daṅ | gor bu dag phul ba daṅ | gaṅ gis gtsug lag khaṅ de ñid du gtan gyi rkyen ris daṅ mthun pa’i mchod sbyin phul ba daṅ | gaṅ saṅs rgyas la skyabs su ’gro ba daṅ | chos la skyabs su ’gro ba daṅ | dge ’dun (91b1) la skyabs su ’gro ba daṅ | bslab pa’i gźi dag len pa daṅ | gaṅ gis sems can srog chags ’byuṅ po thams cad la byams pa’i sems bsgom pa gaṅ yin pa ni sbyin pa de bas sbyin pa ’di ches ’bras bu che’o || khyim bdag bram ze śiṅ sā la chen po lta bu dus dpog gis (2) bram ze rnams la sbyin pa de lta bu de byin pa daṅ | gaṅ gis phyi rol pa’i draṅ sroṅ ’dod pa rnams las ’dod chags daṅ bral ba brgya zan byin pa daṅ | gaṅ gis rgyun du źugs pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis rgyun du źugs pa brgya (3) zan byin pa daṅ | gaṅ gis lan gcig phyir ’oṅ ba’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis lan gcig phyir ’oṅ ba brgya zan byin pa daṅ | gaṅ gis phyir mi ’oṅ ba’i ’bras bu mṅon sum du bya ba’i phyir źugs pa brgya zan byin pa (4) daṅ | gaṅ gis phyir mi ’oṅ ba brgya zan byin pa daṅ | gaṅ gis dgra bcom pa’i ’bras bu mṅon sum du bya ba’i phyir źugs pa brgya zan byin pa daṅ | gaṅ gis dgra bcom pa brgya zan byin pa daṅ | gaṅ gis phyogs bźi’i dge sloṅ gi dge ’dun la kun dga’i ra ba phul ba (5) daṅ | gaṅ gis kun dga’i ra ba de ñid du gtsug lag khaṅ rtsig tu bcug pa daṅ | gaṅ gis gtsug lag khaṅ de ñid du gnas mal ’di lta ste | khri daṅ khri’u daṅ | stan daṅ stan naṅ chaṅs can daṅ | lab daṅ sṅas daṅ | gor bu dag phul ba daṅ | gaṅ gis gtsug (6) lag khaṅ de ñid du gtan gyi rkyen ris daṅ mthun pa’i mchod sbyin phul ba daṅ | gaṅ saṅs rgyas la skyabs su ’gro ba daṅ | chos la skyabs su ’gro ba daṅ | dge ’dun la skyabs su ’gro ba daṅ | bslab pa’i gźi dag len pa daṅ | gaṅ gis sems can srog chags ’byuṅ (7) po thams cad la byams pa’i sems sgom pa daṅ | gaṅ ’du byed thams cad la mi rtag par rjes su lta źiṅ gnas pa daṅ | thad par rjes su lta | ’dod chags daṅ bral bar rjes su lta | ’gog par rjes su lta | spoṅ bar rjes su lta źiṅ gnas pa gaṅ yin pa ni sbyin pa (92a1) de bas sbyin pa ’dis ches ’bras bu che’o | khyim bdag de lta bas khyod kyis ’di ltar ’du byed thams cad la mi rtag par rjes su lta źiṅ gnas par byed pa daṅ zad pa rjes su lta | ’dod chags daṅ bral bar rjes su lta | ’gog par rjes su lta | spoṅ bar (2) rjes su lta źiṅ gnas par bya’o || źes bslab par bya ste | khyim bdag khyod kyis de ltar bslab par bya’o || de nas khyim bdag ṅan pa bzaṅ byin gyis bcom ldan ’das kyis bka’ stsal pa la mṅon par bstod pa daṅ rjes su yi raṅs pa byas nas || bcom ldan ’das kyi źabs (3) gñis la mgo bos phyag ’tshal te bcom ldan ’das kyi spyan sṅa nas soṅ ṅo || de dus gźan źig na raṅ gi khyim na mtshan mo mar me sbar te saṅs rgyas kyi bka’ klog pa na rgyal po’i źo śas ’tsho ba groṅ khyer ñul bdag gis sgo gtan gyi bu gu nas de mthoṅ nas | de dag gis de la smras (4) pa | khyim bdag rgyal pos dril bsgrags pa byed du bcug ste mñan yod du sus kyaṅ mtshan mo me sbar bar mi bya’o || gaṅ sbar bar byed pa de kār ṣā pa ṇa drug bcu’i chad pas bcad par bya ba’am | phyag sbal du bcug ste ’chi bar bya’o źes bka’ btags na khyod kyis ci’i phyir (5) mtshan mo me sbar | des smras pa | śes ldan dag ’di ni me ma yin te mar me yin no || khyim bdag ci ’dis me’i bya ba byed mi nus sam | yaṅ na ni kār ṣā pa ṇa drug bcu phul cig | yaṅ na ni phyag sbal na ’dug śig | śes ldan dag kho bo la kār ṣā pa ṇa drug bcu’i ’byor pa ga la (6) yod | phyag sbal du ’dug go | ko sa lar byuṅ ba’i rgyal po gsal rgyal gyi phyag sbal ni rim pa gsum yod de | mi gtso bo gaṅ dag yin pa de dag ni steṅ rim du ’jog par byed | mi bar ma gaṅ dag yin pa de dag ni bar du ’jog par byed | mi ṅan pa gaṅ dag yin pa (7) de dag ni gtiṅ du ’jog par byed pas de mi gtso bo yin pa’i phyir de dag gis steṅ rim du bźag go | de nas rgyal po chen po bźi mtshan mo’i thun daṅ bo la khyim bdag ṅan pa bzaṅ byin ga la ba der soṅ ste phyin nas khyim bdag ṅan pa bzaṅ byin la ’di skad ces smras so || (92b1) khyim bdag khyod phyag sbal na ’dug pa tshul daṅ mthun pa ma yin na ci’i phyir khyod phyag sbal na ’dug | des smras pa | ñe dbaṅ dag kho bo raṅ dbaṅ gis phyag sbal na ’dug pa ma yin te | ’di ltar rgyal po’i źo śas ’tsho ba dag gis phyag sbal du bcug go | ci’i phyir kār ṣā pa ṇa drug (2) bcu’i phyir te kho bo la de dag gi ’byor pa med pas de’i phyir phyag sbal na ’dug go | khyim bdag de’i phyir khyod sems bskyed la tshig brjod cig | khyod kyi khyim mam | chu’i gnas gaṅ dag dbyig daṅ | gser gyis dgaṅ bar bya | ñe dbaṅ dag khyed sñiṅ las chuṅ ṅur gyis śig (3) daṅ | bdag la rgyal po dad pas dad pa’i dbaṅ du bya ba byed par ’gyur ro || gal te ’dod na ’dug śig daṅ khyod la chos bstan par bya’o || de dag chos mñan pa’i phyir de’i mdun du ’dug pa na de dag gi lus ’di ’dra ste | ’di lta ste dper na me’i phuṅ po chen po bźi ’bar (4) ba | rab tu ’bar ba | kun du rab tu ’bar ba | me lce gcig tu gyur ciṅ sreg pa dag ’dra’o || ko sa lar byuṅ ba’i rgyal po gsal rgyal gyis mtshan mo’i thun daṅ po la phyag sbal na me’i phuṅ po chen po bźi ’bar ba | rab tu ’bar ba | kun du rab tu ’bar ba | me lce gcig (5) tu gyur ciṅ sreg pa dag mthoṅ ṅo || de nas lha’i dbaṅ po brgya byin mtshan mo’i guṅ thun la khyim bdag ṅan pa bzaṅ byin ga la ba der soṅ ste phyin nas khyim bdag ṅan pa bzaṅ byin la ’di skad ces smras so || khyim bdag khyod phyag sbal na ’dug pa tshul daṅ mthun pa ma yin (6) na ci’i phyir khyod phyag sbal na ’dug | des smras pa | kau śi ka kho bo raṅ dbaṅ gis phyag sbal na ’dug pa ma yin te | ’di ltar rgyal po’i źo śas ’tsho ba dag gis phyag sbal du bcug go | ci’i phyir | kār ṣā pa ṇa drug bcu’i phyir kho bo la de dag gi ’byor pa med pas de’i phyir (7) phyag sbal na ’dug go | khyim bdag de’i phyir khyod sems bskyed la tshig brjod cig | chu’i gnas gaṅ dag dbyig daṅ | gser gyis dgaṅ bar bya | kau śi ka khyod sñiṅ las chuṅ ṅur gyis śig daṅ bdag la rgyal po dad pas dad pa’i dbaṅ du bya ba byed par (93a1) ’gyur ro || gal te ’dod na ’dug śig daṅ khyod la chos bstan par bya’o || de chos mñan pa’i phyir de’i mdun du ’dug pa na de’i lus ’di ’dra ste | ’di lta ste dper na me’i phuṅ po chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig tu (2) gyur ciṅ sreg pa dag pas ches ’phags pa daṅ | ches gya nom pa’i me’i phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa ’dra’o || ko sa lar byuṅ ba’i rgyal po gsal rgyal gyis mtshan mo’i guṅ thun la phyag sbal na me’i phuṅ po (3) chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa dag bas ches ’phags pa daṅ | ches gya nom pa’i me’i phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa mthoṅ (4) ṅo|| de nas mi mjed kyi bdag po tshaṅs pa mtshan mo’i thun tha ma la khyim bdag ṅan pa bzaṅ byin ga la ba der soṅ ste phyin nas khyim bdag ṅan pa bzaṅ byin la ’di skad ces smras so || khyim bdag khyod phyag sbal na ’dug pa tshul daṅ mthun pa ma yin na ci’i phyir khyod phyag sbal (5) na ’dug | des smras pa | tshaṅs pa kho bo raṅ dbaṅ gis phyag sbal na ’dug pa ma yin te | ’di ltar rgyal po’i źo śas ’tsho ba dag gis phyag sbal du bcug go | ci’i phyir | kāR+śā pa ṇa drug bcu’i phyir te | kho bo la de dag gi ’byor ba med pas de’i phyir phyag sbal na ’dug go | (6) khyim bdag de’i phyir khyod sems bskyed la tshig brjod cig | khyod kyi khyim mam | chu’i gnas gaṅ dag dbyig daṅ | gser gyis dgaṅ bar bya | tshaṅs pa khyod sñiṅ las chuṅ ṅur gyis śig daṅ | bdag la rgyal po dad pas dad pa’i dbaṅ du bya ba byed par ’gyur ro || gal (7) te ’dod na ’dug śig daṅ khyod la chos bstan par bya’o || de chos mñan pa’i phyir de’i mdun du ’dug pa na de’i lus ’di ’dra ste | ’di lta ste dper na me’i phuṅ po chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa (93b1) dag pas ches ’phags pa daṅ | ches gya nom pa’i me’i phuṅ po chen po ’bar ba | rab tu ’bar ba | me lce gcig tu gyur ciṅ sreg pa bas kyaṅ ches ’phags pa daṅ | ches gya nom pa’i me’i phuṅ po chen po ’bar ba | rab tu ’bar ba | kun du rab tu ’bar (2) ba | me lce gcig tu gyur ciṅ sreg pa ’dra’o | ko sa lar byuṅ ba’i rgyal po gsal rgyal gyis mtshan mo’i thun tha ma la phyag sbal na me’i phuṅ po chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa dag pas ches ’phags (3) pa daṅ | ches gya nom pa’i me’i phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa bas kyaṅ ches gya nom pa’i mo’i phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa mthoṅ (4) ṅo|| mthoṅ nas kyaṅ phyag sbal sruṅ ba’i mi mṅag pas bkug ste smras pa | kwa’i naṅ rje ṅas dril bsgrags pa byed du bcug ste mñan yod du sus kyaṅ mtshan mo me sbar bar mi bya’o zes bsgo na | ṅa ñid kyi phyag sbal na mdaṅ mtshan mo thog thag me’i phuṅ po chen po sbar ba de ci’i phyir | (5) des smras pa | lha sus kyaṅ mtshan mo phyag sbal du źugs me sbar te | lhas der ci źig gzigs ma ’tshal to || rgyal pos źo śas ’tsho ba rnams la bsgo ba śes ldan dag deṅ ldan dag deṅ la ci bden nam brdzun pa phyag spal rtogs śig | de dag doṅ ste phyag sbal brtags na thal ba yaṅ (6) mi snaṅ nas | de dag phyir log ste rgyal po la smras pa | lha bdag cag gis phyag sbal brtags na thal ba yaṅ mi gda’o || rgyal pos phyag sbal sruṅ ba’i mi la smras pa | kwa’i naṅ rje de na mi gtso bo gaṅ ’dug | lha khyim bdag ṅan pa bzaṅ byin mchis so || de bos śig | (7) des lha bka’ bźin ’tshal źes de bos pa daṅ | rgyal pos de la smras pa | khyim bdag ṅas dril bsgrags pa byed du bcug ste sus kyaṅ mñan yod du mtshan mo me sbar bar mi bya’o źes bsgo na khyod kyis ci’i phyir | phyag sbal du mtshan thog thag me sbar | des smras pa | lha bdag (94a1) gis yud tsam yaṅ źugs ma bltam na mtshan thog thag lta ci smos | khyim bdag ṅa ñid kyis mtshan mo’i thun daṅ po la me’i phuṅ po chen po bźi ’bar ba || rab tu ’bar ba | kun du rab tu ’bar ba | me lce gcig tu gyur ciṅ sreg pa daṅ | mtshan mo’i guṅ (2) thun la me’i phuṅ po chen pos sṅa ma bźi ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa dag pas ches ’phags pa daṅ | ches gya nom pa’i me’i phuṅ po chen po ’bar bar rab tu ’bar ba | kun du rab tu ’bar ba | me lce gcig tu gyur (3) ciṅ sreg pa daṅ mtshan mo’i thun tha ma la me’i phuṅ po chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa dag pas ches ’phags pa daṅ | ches gya nom pa’i me’i phuṅ po chen po ’bar ba | rab tu ’bar ba | kun du rab tu (4) ’bar ba | me lce gcig tu gyur ciṅ sreg pa dag pas kyaṅ ches ’phags pa daṅ | ches gya nom pa’i me’i phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa mthoṅ bźin du khyod na re de skad ces bdag gis yud tsam yaṅ me ma (5) sbar na mtshan thog thag lta ci smos źes zer na de ci yin | lha de ni mad de | bdag gis ni mtshan mo źugs ma sbar mod kyi ’di ltar mdaṅ mtshan mo’i thun daṅ po la rgyal po chen po bźi bdag ga la ba der mchis te phyin nas bdag la ’di skad ces khyim bdag khyod phyag sbal na (6) ’dug pa tshul daṅ mthun pa ma yin na ci’i phyir khyod phyag sbal na ’dug ces mchis nas | bdag gis de dag la ’di skad ces ñe dbaṅ dag kho bo raṅ dbaṅ gis phyag sbal na ’dug pa ma yin te | ’di ltar rgyal po’i źo śas ’tsho ba dag gis phyag sbal du bcug go źes bgyis pa daṅ | (7) de dag bdag la ’di skad ces ci’i phyir źes mchis nas bdag gis de la ’di skad ces kāR+śā pa ṇa drug bcu’i phyir te | kho bo la de dag gi ’byor pa med pas de’i phyir phyag sbal na ’dug go źes bgyis na | de dag bdag la ’di skad ces khyim bdag de’i phyir khyod sems bskyed la (94b1) tshig brjod cig khyod kyi khyim mam | chu’i gnas gaṅ dag dbyig daṅ | gser gyis dgaṅ bar bya źes mchis nas | bdag gis de dag la ’di skad ces ñe dbaṅ dag sñiṅ las chuṅ ṅur gyis śig | bdag la rgyal po dag pas dad pa’i dbaṅ du bya ba byed par ’gyur ro || gal te (2) ’dod na ’dug śig daṅ khyod la chos bstan par bya’o źes bgyis pa daṅ | de dag chos mñan pa’i slad du bdag gi mdun du mchis pa na | de dag gi lus ’di ’dra ste | ’di lta ste dper bgyi na źugs kyi phuṅ po chen po bźi ’bar ba | rab tu ’bar ba | kun du rab tu ’bar ba | (3) me lce gcig tu gyur ciṅ sreg pa dag ’dra’o || de nas mtshan mo’i guṅ thun la lha’i dbaṅ po brgya byin bdag ga la ba der mchis te phyin nas || bdag la ’di skad ces khyim bdag khyod phyag sbal na ’dug pa tshul daṅ mthun pa ma yin na ci’i phyir khyod phyag sbal na ’dug ces mchis (4) nas | bdag gis de la ’di skad ces kau śi ka kho bo raṅ dbaṅ gis phyag sbal na ’dug pa ma yin te | ’di ltar rgyal po’i źo śas ’tsho ba dag gis phyag sbal du bcug go źes bgyis pa daṅ | de bdag la ’di skad ces ci’i phyir źes mchis nas | bdag gis de la ’di skad (5) ces kāR+śā pa ṇa drug bcu’i phyir te kho bo la de dag gi ’byor pa med pas de’i phyir phyag sbal na ’dug go źes bgyis na | de bdag la ’di skad ces khyim bdag de’i phyir khyod sems bskyed la tshig brjod cig daṅ | khyod kyi khyim mam | chu’i gnas gaṅ dag ṅa byig daṅ gser gyis (6) dgaṅ bar bya źes mchis nas | bdag gis de la ’di skad ces kau śi ka khyod sñiṅ las chuṅ ṅur gyis śig daṅ | bdag la rgyal po dad pas dad pa’i dbaṅ du bya ba byed par ’gyur ro | gal te ’dod na ’dug śig daṅ khyod la chos bstan par bya’o źes bgyis pa daṅ | de chos (7) mñan pa’i slad du bdag gi mdun du mchis pa na de’i lus ’di ’dra ste | ’di lta ste dper bgyi na źugs kyi phuṅ po chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa dag pas ches ’phags pa daṅ | ches gya nom pa’i (95a1) źugs kyi phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa ṅag ’dra’o || de nas mtshan mo’i thun tha la mi mjed kyi bdag po tshaṅs pa bdag ga la ba der mchis te | phyin nas bdag la ’di skad ces khyim bdag (2) khyod phyag sbal na ’dug pa tshul daṅ mthun pa ma yin na | ci’i phyir khyod phyag sbal na ’dug ces mchis na | bdag gis de la ’di skad ces tshaṅs pa kho bo raṅ dbaṅ gis phyag sbal na ’dug pa ma yin te | ’di ltar rgyal po’i źo śas ’tsho ba dag gis phyag sbal du bcug go źes (3) bgyis pa daṅ | de bdag la ’di skad ces ci’i phyir źes mchis nas | bdag gis de la ’di skad ces kāR+śā pa ṇa drug bcu’i phyir te kho bo la de dag gi ’byor ba med pas de’i phyir phyag sbal na ’dug go źes bgyis na | de bdag la ’di skad ces khyim bdag de’i phyir khyod sems bskyed la (4) tshig brjod cig | khyod kyi khyim mam chu’i gnas gaṅ dag dbyig daṅ | gser gyis dgaṅ bar bya źes mchis nas | bdag gis de la ’di skad ches tshaṅs pa khyod sñiṅ las chuṅ ṅur gyis śig daṅ | bdag la rgyal po dad pas dad pa’i dbaṅ du bya ba byed par ’gyur ro | gal te ’dod (5) na ’dug śig daṅ khyod la chos bstan par bya’o źes bgyis pa daṅ | de chos mñan pa’i slad du bdag gi mdun du mchis pa na de’i lus ’di ’dra ste | ’di lta ste dper bgyi na źugs kyi phuṅ po chen po sṅa ma bźi ’bar ba | rab tu ’bar ba | kun du rab tu ’bar ba | me lce gcig (6) tu gyur ciṅ sreg pa dag pas ches ’phags pa daṅ | ches gya nom pa’i źugs kyi phuṅ po chen po ’bar ba | rab tu ’bar ba | kun du rab tu ’bar ba | me lce gcig tu gyur ciṅ sreg pa bas kyaṅ ches ’phags pa daṅ | ches gya nom pa’i źugs kyi phuṅ po chen po ’bar ba | (7) rab tu ’bar ba | kun du rab tu ’bar ba | me lce gcig tu gyur ciṅ sreg pa dag ’dra’o || rgyal pos smras pa | khyim bdag gal te de lta na ṅas kyaṅ khyod la dam pa sbyin gyis ci ’dod pa smros śig | des smras pa | lha gal te khyod bdag la thugs dad na bdag da guṅ la (95b1) źugs mar gyi ’od la saṅs rgyas kyi bka’ klog par ’tshal lo || rgyal pos smras pa | khyim bdag khyod ’ba’ źig la gnaṅ bar ma zad kyi ’di ltar khyod ñid la brten nas | gźan gaṅ dag mtshan mo me mar gyi ’od la saṅs rgyas kyi bka’ klog par ’dod pa thams cad la (2) yaṅ gnaṅ ṅo || de nas khyim bdag ṅan pa bzaṅ byin rgyal pos btaṅ bas dga’ mgu rab tu dga’ ste rgyal po’i druṅ nas soṅ nas bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go | ko (3) sa lar byuṅ ba’i rgyal po gsal rgyal yaṅ bcom ldan ’das kyi źabs la phyag ’tshal du rgyal byed kyi tshal du soṅ ṅo || rgyal rigs ni mṅon pa’i ṅa rgyal can yin pas des rgyal byed kyi tshal gyi sgor bsdad de mi dag pa’i mtha’ can źiṅ la smras pa | kwa’i naṅ rje soṅ la bcom ldan (4) ’das la su dag bsñen bkur byed pa ltos śig | mi dag pa’i mtha’ can des lta bka’ bźin ’tshal źes ko sa lar byuṅ ba’i rgyal po gsal rgyal las mñan nas bcom ldan ’das ga la ba der soṅ ba daṅ | ji tsam na khyim bdag ṅan pa bzaṅ byin bcom ldan ’das la bsñen bkur (5) byed pa mthoṅ ṅo || mthoṅ nas kyaṅ ko sa lar byuṅ ba’i rgyal po gsal rgyal ga la ba der soṅ ste phyin nas ko sa lar byuṅ ba’i rgyal po gsal rgyal la ’di skad ces smras so || lha khyim bdag ṅan pa bzaṅ byin bcom ldan ’das la bsñen bkur bgyid ciṅ mchis so || rgyal pos (6) bsams pa | khyim bdag de bdag gi yul na gnas pa yin pas des bdag mthoṅ na mṅon du ldaṅ bar ’gyur graṅ sñam nas | de bcom ldan ’das ga la ba der soṅ ṅo | khyim bdag ṅan pa bzaṅ byin gyis ko sa lar byuṅ ba’i rgyal po gsal rgyal thag riṅ po kho na nas (7) mthoṅ ṅo || mthoṅ nas kyaṅ des bcom ldan ’das la ’di skad ces gsol to | btsun pa ci lags | re źig dam pa’i chos la bsñen bkur bgyi’am | ’on te rgyal po la bsñen bkur bgyi | bcom ldan ’das kyis bka’ stsal pa | khyim bdag re źig dam (96a1) ba’i chos la bsñen bkur gyis śig | saṅs rgyas bcom ldan ’das rnams ni dam pa’i chos la gus par mdzad de dgra bcom pa dag kyaṅ chos bla mar byed do || de nas bcom ldan ’das kyis byuṅ ba ’di la tshigs su bcad pa dag bka’ stsal pa |

saṅs rgyas gaṅ (2) dag ’das pa daṅ || saṅs rgyas gaṅ dag ma byon daṅ ||
saṅs rgyas mya ṅan sel mdzad pa || da ltar maṅ po gaṅ bźugs dag ||

thams cad dam pa’i chos la ni || gus par gnas gyur gnas ’gyur źiṅ ||
de bźin gus par gnas mdzad de || de ni saṅs rgyas chos ñid yin ||

(3) de phyir bdag la legs ’dod ciṅ || bdag ñid chen po mṅon ’dod pas ||
saṅs rgyas bstan pa dran byed na || ’di la dam chos gus par bya ||

khyim bdag ṅan pa bzaṅ byin gyis ko sa lar byuṅ ba’i rgyal po gsal rgyal la mṅon du ldaṅ ba ma byas pa daṅ | rgyal po khros te bsams (4) pa | khyim bdag ’di bdag gi yul na gnas pa yin na bdag la mṅon du ldaṅ ba mi byed do sñam nas | de khro bas kun nas dkris bźin du bcom ldan ’das kyi źabs gñis la mgo bos phyag ’tshal te mtha’ gcig tu ’dug go | bcom ldan ’das kyis ’di khro bas kun nas (5) dkris so sñam du mkhyen nas | bka’ mchid gźan dag mdzad par brtsams te chos ston par mi mdzad pa daṅ | des gsol pa | bcom ldan ’das chos bstan du gsol | bde bar gśegs pa chos bstan du gsol | de skad ces gsol pa daṅ | bcom ldan ’das (6) kyis de la tshigs su bcad pa dag bska’ stsal pa |

rab tu dag sems med daṅ ||
źe sdaṅ can daṅ ’khrugs pa yis ||
yaṅ dag rdzogs saṅs bstan pa yi ||
ṅam chos kun śes bya mi nus ||
gaṅ gis ñes rtsom btul byas śiṅ ||
rab daṅ med pa’i sems bsal te ||
(7) kun nas man ra sems ’dir spoṅ ba ||
des ni legs gsuṅs śes par ’gyur ||

rgyal pos bsams pa | khyim bdag ’di la brten nas bcom ldan ’das kyis bcom ldan ’das kyis chos mñan pa yaṅ rgyun bkum mo sñam nas | de la rgya cher khro ba’i sems skyes te sdod cig ces byas nas || (96b1) bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de nas ko sa lar byuṅ ba’i rgyal po gsal rgyal gyis blon po rnams la bsgo ba | śes ldan dag gaṅ gi tshe khyim bdag ṅan pa bzaṅ byin bcom ldan ’das kyi spyan sṅa (2) nas phyir byuṅ ba de’i tshe de la khyod ṅa’i yul na ma ’dug śig ces bsgo śig | de nas lha gaṅ khyim bdag ṅan pa bzaṅ byin la mṅon par dad pa des srog chags tre ma bu ka daṅ | tre.e la ta ka maṅ po dag btaṅ nas de dag gis rgyal po de kun nas bskor te zin pa na de ñam ṅa bas (3) raṅ gi khyim du phyin ciṅ der btsun mo’i ’khor daṅ | gźon nu daṅ | blon po daṅ khrom gyi ru sna daṅ | glaṅ po che daṅ | rta dag kyaṅ kun nas bskor ciṅ zin par gyur | mñan yod na gnas pa’i skyes bo’i tshogs thams cad kyaṅ kun nas bskor ciṅ zin par gyur to || de nas rgyal (4) po skrag ste myur ba myur bar glaṅ po che la źon nas bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la ko sa lar byuṅ ba’i rgyal po gsal (5) rgyal gyis ’di skad ces gsol to || btsun pa re źig de’i tshe yaṅ klu’i rgyal po dga’ bo daṅ | ñe dga’ gñis | ’khrugs par gyur na da su źig ’khrugs lags || rgyal po chen po ji ltar gyur | bcom ldan ’das bdag srog chags te ma bu ka daṅ | tre.e la ta ka dag gis (6) kun nas bskor ciṅ zin par gyur | mchis ’braṅ gi ’khor daṅ | gźon nu daṅ | blon po daṅ | khrom gyi ru sna daṅ | glaṅ po che daṅ | rta dag kyaṅ kun nas bskor ciṅ zin par gyur | mñan yod na gnas pa’i skye bo’i tshogs thams cad kyaṅ kun nas bskor ciṅ zin par gyur to || (7) rgyal po chen po khyod kyis khyim bdag ṅan pa bzaṅ byin la rab tu sdaṅ ba’i sems bskyed do || bcom ldan ’das ci lags khyim bdag de ’khrugs par gyur tam | rgyal po chen po de ni phyir mi ’oṅ ba yin pas ’khrugs pa skyed par mi byed de | ’di ltar lha gaṅ de la mṅon par (97a1) dad pa de ’khrugs par gyur to || bcom ldan ’das bdag gis de la ji ltar bsgrub par bgyi | rgyal po chen po khyod kyis de la bzod pa gsol bar bya’o || bcom ldan ’das ci lags bdag gis de’i rkaṅ pa gñis la gtugs par bgyi’am | rgyal po (2) chen po rkaṅ pa gñis la gtug par mi bya ste | ’di ltar mi ma rabs dag gi rkaṅ pa la phyag ’tshal ba gaṅ yin pa de ni mi gtso bo dag gis lag pa nas bzuṅ ba yin gyis | khyod kyis lag pa g-yas pa rkyoṅ la khyim bdag bzod par gyis śig ces bzod pa gsol cig (3) daṅ des bzod par ’gyur ro || de nas ko sa lar byuṅ ba’i rgyal po gsal rgyal gyis bcom ldan ’das kyis bka’ stsal pa la mṅon par bstod pa daṅ rjes su yi raṅ ba byas te | bcom ldan ’das kyi źabs gñis la mgo bos phyag ’tshal nas bcom ldan ’das kyi (4) spyan sṅa nas soṅ ṅo || mñan yod na khyim bdag sdums byed daṅ | tshul khrims tshoṅ dpon źes bya ba gñis śig yod do || de na gtams pa sruṅ ba rnams la ni sdums byed daṅ po yin || gcig pus che bźi ’byed pa rnams la ni tshul khrims tshoṅ dpon draṅ po yin la || de (5) yaṅ ṅo tsha daṅ ldan pas bśaṅ ba’i sar thag riṅ du ’gro ba yin no || mñan yod na ston zla tha chuṅs kyi g-yon can źes bya ba chom rkun pa dag ’khod pa de dag gi kun tu spyod pa ni dga’ dbye byas ma thag tu ’dus nas śes ldan dag bdag cag gis las ci źig byas na des btsal (6) mi dgos par lo skor du loṅs spyod ciṅ bde bar ’khor par ’gyur źes phan tshun gros byed do || de dag las gcig gis smras pa | śes ldan dag khyim bdag sdums byed ’di gtams pa ’dzin pa yin pas ’di la brgal źiṅ brtag par bya’o || gźan dag gis smras pa | (7) ma ñes kyis de bźin bya ste | ’di ltar khyim bdag tshul khrims tshoṅ dpon ’di gcig pus che bźi ’byed pa rnams la draṅ ba yin la | de yaṅ ṅo tsha daṅ ldan pas bśad ba’i sar thag riṅ du ’gro bas de bzuṅ ste bsdigs na des che bźi ’byed par ’gyur ro źes de dag gis de’i (97b1) bar byas te | de bśaṅ ba’i sar soṅ ba bzuṅ nas bsdigs te smras pa | khyim bdag khyod gson nam ’chi | des smras pa | śes ldan dag khyed kyis ji ltar bsams pa’o || de dag gis smras pa | khyim bdag gal te de lta na kho bo cag khyim bdag sdums byed la nor brgya’am (2) stoṅ gis rgol źiṅ rtog gis khyod che bźi phye śig | de smras pa | śes ldan dag ci yaṅ dag pas sam | yaṅ dag pa ma yin pas | khyim bdag yaṅ dag pa ma yin pas so || śes ldan dag kho bo yaṅ dag pa ma yin pas che bźi mi ’byed de | kho bos tshe gcig gi (3) sdug bsṅal las thar bar bya ba’i don du tshe rabs maṅ po’i sdug bsṅal skyed par mi nus so || de dag gis smras pa | khyim bdag gal te re źig che bźi ’byed na de ltan legs | gal te mi ’byed na kho bo cag gis khyod mgo druṅs nas bcad de sa la bsgyel bar bya’o || des tshigs (4) su bcad pa smras pa | kho bo chos la gnas na myur du śi yaṅ bla || chos la rgyab kyis phyogs na gson par ma gyur cig | chos la gnas pa sum bcu lha yi bde la spyod || chos las ñams pa mi bzad ’jigs pa’i ṅan soṅ ltuṅ || de nas ston zla tha chuṅs kyi g-yon can de dag (5) gis khyim bdag de’i rkaṅ pa gñis la gtugs te smras pa | khyim bdag bdag cag la mi ’jigs pa stsol cig | des smras pa sbyin no || ston zla tha chuṅs kyi g-yon can de dag gis de’i rkaṅ pa gñis la gtugs te doṅ ṅo || mñan yod na ko sa lar byuṅ ba’i rgyal po (6) gsal rgyal gyi nu bo rgyal bu nag po źes bya ba gzugs bzaṅ ba blta na sdug pa mdzes pa | dad pa daṅ ldan źiṅ bzaṅ la dge ba’i bsam pa can | saṅs rgyas la skyabs su soṅ | chos daṅ dge ’dun la skyabs su soṅ ba źig ’dug pa de yan lag brgyad daṅ ldan pa’i gso sbyoṅ (7) la ñe bar gnas pa’i gan du bdud kyi ris kyi lha mo źig ’oṅs te | rigs pas bskyed pa ma yin pas mgron du gñer ba ni des de daṅ du ma blaṅs so || ji tsam dus gźan źig na khyim bdag ṅan pa bzaṅ byin daṅ | khyim bdag sdums byed daṅ | khyim bdag tshul khrims tshoṅ (98a1) dpon daṅ | rgyal bu nag po rnams bcom ldan ’das gal ba der doṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’khod do || ko sa lar byuṅ ba’i rgyal yaṅ rgyal po’i ’byor pa chen po daṅ | rgyal (2) po’i mthu chen pos bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das kyis go sa lar byuṅ ba’i rgyal po gsal rgyal la ’di skad ces bka’ (3) stsal to || rgyal po chen po khyim bdag ṅan pa bzaṅ byin ni ’di yin no || de nas kho sa lar byuṅ ba’i rgyal pho gsal rgyal stan las laṅs te lag pa g-yas pa brkyaṅ nas smras pa | khyim bdag bzod pa mdzod cig | khyim bdag gis smras pa lha bzod par ’tshal lo || de (4) nas bcom ldan ’das la ko sa lar byuṅ ba’i rgyal po gsal rgyal gyis ’di skad ces gsol to || btsun pa bdag ni rgyal po rgyal rigs spyi bor dbaṅ bskur ba lags na bdag gis bdag gi yul na gnas pa’i ’baṅs la bzod pa gsol ba gaṅ lags pa de ṅo mtshar mi che (5) ’am | bcom ldan ’das kyis bka’ stsal pa | rgyal po chen po rje dpon gyis bzod pa gsol ba ṅo mtshar che’o || de nas bcom ldan ’das la khyim bdag ṅan pa bzaṅ byin gyis ’di skad ces gsol to || btsun pa bdag la kāR+śā pa ṇa gcig mchis pa des bdag (6) gis zoṅ mjal ciṅ btsoṅs nas de las kār ṣā pa ṇa bźi grub ciṅ de dag las gcig gis ni bcom ldan ’das kyi dri gtsaṅ khaṅ du spos kyi byug pas byugs | gñis pa ni dge ’dun gyi slad du dge sloṅ mchod ston stsal || gsum pas ni g-yog ’khor gyi ’tsho bar sbyar | bźi pa (7) ni zoṅ gi rin du bźag ste | btsun pa bdag ni nor ma mchis ba’i sbyin pa gaṅ lags pa de ṅo mtshar mi che’am | bcom ldan ’das kyis bka’ stsal pa | khyim bdag nor med pa’i sbyin pa ṅo mtshar che’o || de nas bcom ldan ’das la khyim bdag tshul khyim bdag tshul khrims tshoṅ dpon (98b1) gyis ’di skad ces gsol to || btsun pa bdag slad rol du mchis pa daṅ | ston zla tha chuṅs kyi g-yon can dag gis bzuṅ nas bsdigs te | de dag bdag la ’di skad ces khyim bdag ci khyod gson nam ’chi źes mchi nas bdag gis de dag la ’di skad ces śes ldan dag (2) khyed kyis ji ltar bsams pa’o źes bgyis pa daṅ | de dag bdag la ’di skad ces khyim bdag gal te de lta na kho bo cag khyim bdag sdums byed la nor brgya’am | stoṅ gis rgol źiṅ rtog gis khyod kyis che bźi phye śig ces mchi nas | bdag gis de dag la ’di skad ces śes (3) ldan dag ci yaṅ dag pas sam | yaṅ dag pa ma yin pas źes bgyis na | de dag bdag la ’di skad ces khyim bdag yaṅ dag pa ma yin pas so źes mchi nas | bdag gis de dag la ’di skad ces śes ldan dag kho bo yaṅ dag pa ma yin pas che bźi mi ’byed de | kho bos tshe gcig (4) gi sdug bsṅal las thar bar bya ba’i don du tshe rabs maṅ po’i sdug bsṅal bskyed par mi nus so źes bgyis pa daṅ | de dag bdag la ’di skad ces khyim bdag gal te re źig źe bźi ’byed na de lta na legs | gal te mi ’byed na kho bo cag gis khyod mgo druṅs nas bcad de sa la bsgyel (5) bar bya’o źes mchi nas | bdag gis tshigs su bcad pa ’di skad ces |

kho bo chos la gnas na myur du śi yaṅ bla ||
chos la rgyab kyis phyogs na gson par ma gyur cig ||
chos la gnas pa sum bcu lha yi bde ba spyod ||
chos las ñams pa mi bzad ’jigs pa’i ṅan soṅ ltuṅ ||

(6) źes smras pa daṅ | de dag gis bdag gi rkaṅ pa gñis la gtugs te | bdag la ’di skad ces khyim bdag bdag cag la mi ’jigs pa stsol cig ces mchi nas | bdag gis de dag la ’di skad ces sbyin no źes bgyis te | btsun pa bdag phoṅs par gyur pas kyaṅ chos yoṅs su (7) ma btaṅ ste | bdag gis phoṅs par gyur pa na chos spyad pa ṅo mtshar mi che ’am | bcom ldan ’das kyis bka’ stsal pa | khyim bdag phoṅs par gyur pa na chos spyad pa ṅo mtshar che’o || de nas bcom ldan ’das la rgyal bu nag pos ’di skad ces gsol to || btsun pa bdag yan (99a1) lag brgyad daṅ ldan pa’i gso sbyoṅ la ñe bar gnas pa’i gan du bdud kyi ris kyi lha mo źig mchis nas rigs pas bskyed pa ma lags pas mgron du gñer ba na bdag gis de daṅ du ma blaṅs te | bcom ldan ’das bdag nor maṅ la ’dod pa dag las dben pa de ṅo (2) mtshar mi che’am | bcom ldan ’das kyis bka’ stsal pa | gźon nu nor maṅ la ’dod pa dag las dben pa ṅo mtshar che’o || de nas bcom ldan ’das kyis byuṅ ba ’di la tshigs su bcad pa bka’ stsal pa |

rje dpon bzod gsol nor med sbyin pa daṅ || phoṅs par gyur pa (3) chos spyod byed pa daṅ ||
nor maṅ ’dod pa dag las dbyen byed pa || bźi po de dag śin tu bya dka’ yin |

de nas khyim bdag ṅan bzaṅ byin daṅ | khyim bdag sdums byed daṅ | khyim bdag tshul khrims tshoṅ dpon daṅ | rgyal bu nag po rnams kyis bcom ldan ’das (4) la chos mṅon pa daṅ | ’dul ba mṅon pa’i źu ba źus nas | bcom ldan ’das kyis de dag la goṅ nas goṅ du bka’ lan stsal pa daṅ | ko sa lar byuṅ ba’i rgyal po gsal rgyal yaṅ de dag gi gdoṅ du lta źiṅ ’dug ste | des yud tsam źig chos daṅ ldan pa’i gtam mñan (5) nas bcom ldan ’das kyi źabs gñis la mgo bos phyag ’tshal te | stan las laṅs nas soṅ ste | de btsun mo’i ’khor gyi naṅ du źugs nas btsun mo phreṅ ldan ma la smras pa | phreṅ ldan ma deṅ khyim bdag ṅan pa bzaṅ byin pa daṅ | khyim bdag sdums byed daṅ | khyim (6) bdag tshul khrims tshoṅ dpon daṅ | rgyal bu nag po rnams kyis bcom ldan ’das la chos mṅon pa daṅ | ’dul ba mṅon pa’i źu ba źus nas | bcom ldan ’das kyis kyaṅ de dag la goṅ nas goṅ du lan bka’ stsal pa daṅ | ṅa yaṅ de dag gi gdoṅ du lta źiṅ kha rog (7) par ’dug ’dug nas laṅs te soṅ ṅo || phreṅ ldan mas smras pa | lha khyod kyis kyaṅ ci’i slad du bcom ldan ’das la ma źus | phreṅ ldan ma ṅa ni thos pa ñuṅ ba yin la | de dag ni thos pa maṅ ba yin pas ṅas ci źig źur yod | lha khyod kyaṅ ci’i slad du saṅs rgyas kyi bka’ (99b1) klog par mi mdzad | phreṅ ldan ma ṅa rgyal po’i bya ba daṅ | rgyal po’i byed pa dag la rtag tu brel bas ji ltar klog | gal te khyod ’ga’ źig las saṅs rgyas kyi bka’ klog na ṅas mtshan mo khyod las bklag par bya’o || lha de ltar bgyi’o || rgyal pos btsun mo rgyal rigs (2) dbyar tshul ma la smras pa | khyod su las klog | des smras pa | lha ’phags pa śā ri’i bu las so || btsun mo phreṅ ldan ma la smras pa | khyod su las klog | des smras pa | lha ’phags pa ’char ka las so || de nas ko sa lar byuṅ ba’i rgyal po gsal rgyal tshe daṅ ldan pa (3) śā ri’i bu ga la ba der soṅ ste phyin nas | tshe daṅ ldan pa śā ri’i bu’i rkaṅ pa gñis la mgo bos phyag ’tshal te tshe daṅ ldan pa śā ri’i bu la ’di skad ces smras so || ’phags pa rgyal rigs dbyar tshul ma ’phags pa las saṅs rgyas kyi bka’ klog par ’tshal na | klog tu stsal bar (4) gsol || des smras pa | lha bcom ldan ’das la źu’o źes de nas tshe daṅ ldan pa śā ri’i bu bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal nas mtha’ gcig tu ’dug go | mtha’ gcig tu ’dug nas bcom (5) ldan ’das la tshe daṅ ldan pa śā ri’i bus ’di skad ces gsol to || btsun pa ko sa lar byuṅ ba’i rgyal po gsal rgyal ’di skad ces rgyal rigs dbyar tshul ma klog tu stsol cig ces mchi na | bdag gis de la ji skad brjod par bgyi || bcom ldan ’das kyis bka’ stsal pa | (6) śā ri’i bu klog tu chug śig | tshe daṅ ldan pa śā ri’i bus ko sa lar byuṅ ba’i rgyal po gsal rgyal la lha klog tu stsal to źes khas blaṅs so || rgyal pos de’i rkaṅ pa gñis la mgo bos phyag ’tshal te tshe daṅ ldan pa ’char ka ga la ba der soṅ ste | phyin nas tshe daṅ ldan pa ’char (7) ka’i rkaṅ pa gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas ko sa lar byuṅ ba’i rgyal po gsal rgyal gyis tshe daṅ ldan pa ’char ka la ’di skad ces smras so || ’phags pa phreṅ ldan ma ’phags pa las saṅs rgyas kyi bka’ klog par (100a1) ’tshal na klog tu stsal bar gsol | des smras pa | lha bcom ldan ’das la źu’o źes de nas tshe daṅ ldan pa ’char kas bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ (2) gcig tu ’dug nas bcom ldan ’das la tshe daṅ ldan pa ’char kas ’di skad ces gsol to || btsun pa ko sa lar byuṅ ba’i rgyal po gsal rgyal ’di skad ces phreṅ ldan ma klog tu stsol cig ces mchi na | bdag gis de la ji skad brjod par bgyi || bcom ldan ’das kyis bka’ stsal pa | (3) ’char ka klog tu chug śig | tshe daṅ ldan pa ’char kas ko sa lar byuṅ ba’i rgyal po gsal rgyal la lha klog tu stsol to źes khas blaṅs nas | rgyal pos de’i rkaṅ pa gñis la phyag ’tshal te soṅ ṅo || || ’dul ba rnam par ’byed pa | bam po bdun bcu pa | (4) tshe daṅ ldan pa śā ri’i bu ni dus śes pa daṅ | dus rig pa yin pas de dus su soṅ nas rgyal rigs dbyar tshul ma klog tu ’jug gi dus ma yin par mi ’gro’o || tshe daṅ ldan pa ’char ka ni dus mi śes pa daṅ | dus mi rig pa yin pas dus su yaṅ soṅ ste phreṅ ldan ma klog tu ’jug (5) la | dus ma yin par yaṅ ’gro’o || ji tsam dus gźan źig na ko sa lar byuṅ ba’i rgyal po gsal rgyal ri brags gźan źig tu bya ba cuṅ źig byuṅ nas de mtshan mo ñid du laṅs te der ’phags pa daṅ | tshe daṅ ldan pa ’char ka glaṅ po che’i sgra daṅ | rta’i sgra daṅ | duṅ gi (6) sgras saṅ nas des bsams pa | btsun mo phreṅ ldan ma la bzlas pa sbyin du ’gro’o sñam nas | de rgyal po’i pho braṅ gi sgor soṅ ba daṅ sgo bas smras pa | ’phags pa dus ma lags par rgyal po’i pho braṅ du ma ’jug par re źig gźes la slad kyis źugs śig | des khros te (7) smras pa | bkren pa ji srid du gsus po che ’di gson pa de srid du kho bo ’dir dus su yaṅ ’jug la | dus ma yin par yaṅ ’jug go | ’di śi na ’dir gdol pa dag daṅ chom rkun pa dag ’jug par ’gyur źiṅ ’di mi gtsaṅ ba’i ra ba daṅ | btson ra daṅ wa lam can du ’gyur ro || (100b1) sgo ba skrag nas caṅ mi smra bar ’dug pa daṅ | tshe daṅ ldan pa ’char ka naṅ du źugs pa na btsun mo phreṅ ldan ma gñid log ciṅ ’dug nas des se gol gyi sgras de bslaṅ ba daṅ | des de’i rkaṅ pa la phyag ’tshal te mdun du ’dug go | btsun mo phreṅ ldan ma btsun mo’i ’khor la ’os (2) pa’i gos dag gyon pas tshe daṅ ldan pa ’char ka dbaṅ po rnams bsdus te ’dug pa daṅ | btsun mo phreṅ ldan mas bsams pa | ci’i phyir ’phags pa ’char ka dbaṅ po rnams bsdus te ’dug sñam nas des yaṅ bsams pa | bdag gis btsun mo’i ’khor la ’os pa’i gos (3) dag gyon pas de’i phyir ’phags pa ’char ka dbaṅ po rnams bsdus te ’dug go sñam du rig nas | de gnas khaṅ du źugs te gos stug po dag gyon nas phyir byuṅ ba daṅ | tshe daṅ ldan pa ’char kas de la bzlas pa byin || luṅ gźan yaṅ phog pa daṅ | btsun mo phreṅ ldan mas (4) smras pa | ’phags pa ci lags deṅ dge ’dun spyan draṅs sam | ’on te bsod sñoms mdzad | des smras pa | bsod sñoms bgyid do || btsun mo phreṅ ldan mas smras pa | ’phags pa gal te bsod sñoms mdzad na bdag las lhag par bsod pa ’bul ba su źig mchis te | (5) bdag ñid kyis ’bul lo źes des bca’ ba daṅ bza’ ba gtsaṅ źiṅ bsod pas lhuṅ bzed bkaṅ ste de de phul lo || tshe daṅ ldan pa ’char kas de blaṅs te phyir byuṅ ba daṅ | tshe daṅ ldan pa śā ri’i bu naṅ du ’jug pa daṅ phrad nas des smras pa | don ñuṅ ṅu khyod kyis brtson ’grus ’di lta bus (6) zag pa zad par byas sam | ci na khyod da gzod ’oṅ kho bos ni bzlas pa byin nas luṅ gźan yaṅ phog ste | kho bos bca’ ba daṅ bza’ ba gtsaṅ źiṅ bsod pas lhuṅ bzed gaṅ ba ’di yaṅ thob bo || tshe daṅ ldan pa śā ri’i bus smras pa | de’i phyir khyod drug ste yin no || dge sloṅ don (7) ñuṅ ṅu dag gis thos nas ci’i phyir dge sloṅ dag nam ma naṅs | skya reṅs ma śar rin po che dag gam | rin po cher smos pa dag ma bsdus par rgyal po rgyal rigs spyi bor dbaṅ bskur ba’i sgo gtan nam | sgo gtan gyi ñen kor las ’da’ bar byed ces smod par byed | phyar ka gtoṅ (101a1) bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || źes bya ba la sogs pa sṅa ma (2) bźin no || saṅs rgyas bcom ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod nam ma naṅs | skya reṅs ma śar | rin po che dag gam | (3) rin po cher smos pa dag ma bsdus par rgyal po rgyal rigs spyi bor dbaṅ bskur ba’i sgo gtan nam | sgo gtan gyi ñen kor las ’da’ ba bden nam | btsun pa mad do saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ (4) ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || ci’i phyir źe na | dge sloṅ dag rgyal po’i pho braṅ du ’gro ba la ñes dmigs bcu po ’di dag yod pa’i phyir te | bcu gaṅ źe na | dge sloṅ dag ’di la rgyal po btsun mo daṅ lhan cig ’dug (5) ciṅ dge sloṅ yaṅ rgyal po’i pho braṅ du ’gro la | de nas btsun mos dge sloṅ mthoṅ nas ’dzum ’byin par byed na de la rgyal po ’di sñam du ’di ltar btsun mos dge sloṅ mthoṅ nas ’dzum ’byin par byed pa las na dge sloṅ gis dben par sdig pa’i las ’ga’ źig bya bar sems (6) par mi ’gyur ram sñam du sems par ’gyur te | de ni rgyal po’i pho braṅ du ’gro ba’i ñes dmigs daṅ po yin no || gźan yaṅ rgyal po btsun mo’i gan du soṅ ba brjed dam | sbrum pa btsun mo’i ’khor gyi naṅ du źugs par gyur la | dge sloṅ yaṅ rgyal po’i pho braṅ du ’gro (7) na | de la rgyal po ’di sñam du dge sloṅ rgyal po’i pho braṅ ’dir ’gro ba las na de’i las ma yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs gñis pa yin no || gźan yaṅ rgyal po’i pho braṅ nas rin po che ’am | rin po cher smon pa stor bar (101b1) gyur la dge sloṅ yaṅ rgyal po’i pho braṅ du ’gro na de la rgyal po ’di sñam du dge sloṅ rgyal po’i pho braṅ ’dir ’gro ba las na de’i las ma yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs gsum pa yin no || gźan yaṅ rgyal po’i pho braṅ nas gsaṅ (2) tshig phyi rol du ’phel bar gyur la dge sloṅ yaṅ rgyal po’i pho braṅ du ’gro na de la rgyal po ’di sñam du dge sloṅ rgyal po’i pho braṅ ’dir ’gro ba las na de’i las ma yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs bźi pa yin no || gźan yaṅ rgyal (3) po gźon nu rnams la gsod par sems la | dge sloṅ yaṅ rgyal po’i pho braṅ du ’gro na de na gaṅ dag yid mi dga’ ba de dag ’di sñam du dge sloṅ rgyal po’i pho braṅ du ’gro ba las na de’i las ma yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs lṅa (4) pa yin no || gźan yaṅ gźon nu rnams rgyal po gsod par sems śiṅ dge sloṅ yaṅ rgyal po’i pho braṅ du ’gro na de na gaṅ dag yid mi dga’ ba de dag ’di sñam du dge sloṅ rgyal po’i pho braṅ du ’dir ’gro ba las na de’i las ma yin nam sñam du sems par ’gyur te | de ni rgyal po’i pho (5) braṅ du ’gro ba’i ñes dmigs drug pa yin no || gźan yaṅ rgyal pos blon po mthon po dag gnas dma’ bar ’jog par byed ciṅ dge sloṅ yaṅ rgyal po’i pho braṅ du ’gro na de na gaṅ dag yid mi dga’ ba de dag ’di sñam du | dge sloṅ rgyal po’i pho braṅ ’dir ’gro ba las na de’i las ma (6) yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs bdun pa yin no || gźan yaṅ rgyal pos blon po dma’ ba dag gnas mthon por ’jog par byed ciṅ dge sloṅ yaṅ rgyal po’i pho braṅ du ’gro na de na gaṅ dag yid mi dga’ bar de dag ’di sñam du dge (7) sloṅ rgyal po’i pho braṅ ’dir ’gro ba las na de’i las ma yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs brgyad pa yin no || gźan yaṅ rgyal po dpuṅ gi tshogs yan lag bźi pa glaṅ po che’i tshogs daṅ | rta pa’i tshogs daṅ | śiṅ rta (102a1) pa’i tshogs daṅ dpuṅ bu chuṅ gi tshogs go skon te ljoṅs dag tu ’gro ba daṅ ldog par byed ciṅ dge sloṅ yaṅ rgyal po’i pho braṅ du ’gro na de na gaṅ dag yid mi dga’ ba de dag ’di sñam du dge sloṅ rgyal po’i pho braṅ ’dir ’gro ba las na de’i las ma yin nam sñam du sems (2) par ’gyur te | de ni rgyal po’i pho braṅ du ’gro ba’i ñes dmigs dgu pa yin || gźan yaṅ rgyal po ma phebs pa ’bebs par byed ciṅ phebs pa gnas par byed la | thob rgyal du bsgrags nas de’i ’og tu chad pa chen pos rjes su rton par byed ciṅ | dge sloṅ yaṅ rgyal po’i pho (3) braṅ du ’gro na de na gaṅ dag yid mi dga’ ba de dag ’di sñam du dge sloṅ rgyal po’i pho braṅ ’dir ’gro ba las na de’i las ma yin nam sñam du sems par ’gyur te | de ni rgyal po’i pho braṅ du ’gro ba’i ñes dmigs bcu pa yin no || dge sloṅ dag de ltar na rgyal po’i pho braṅ du ’gro ba ni glaṅ (4) po che’i gnod pa daṅ | rta’i gnod pa daṅ | śiṅ rta’i gnod pa daṅ | dpuṅ bu chuṅ gi gnod pa ’byuṅ bar ’gyur te | dge sloṅ dag rgyal po’i pho braṅ du ’gro ba ni ruṅ ba ma yin pa | tshul daṅ mthun pa ma yin pa | dge sbyoṅ gi tshul daṅ mi mthun pa yin no źes rnam par smad pa (5) mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa (6) sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ nam ma naṅs skya reṅs ma śar | rin po che dag gam | rin po cher smos pa dag ma bsdus par rgyal po rgyal rigs spyi bor dbaṅ bskur ba’i sgo gtan nam sgo gtan gyi (7) ñen kor las ’da’ na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || saṅs rgyas bcom ldan ’das rgyal po’i khab na ’od ma’i tshal ka lan dka’i gnas na bźugs so | de’i tshe na ’dzam bu’i gliṅ na groṅ khyer (102b1) chen po rgyal po’i khab daṅ | sgra sgrogs źes bya ba gñis yod de | gaṅ gi tshe rgyal po’i khab rgud pa de’i tshe na ni sgra sgrogs ’byor par ’gyur la | gaṅ gi tshe sgra sgrogs rgud pa de’i tshe na ni rgyal po’i khab ’byor par ’gyur ro || groṅ khyer chen po sgra sgrogs na rgyal po u tra ya na źes bya bas (2) rgyal srid ’byor pa rgyas pa bde ba lo legs pa | skye bo daṅ mi maṅ pos gaṅ ba | thab mo daṅ ’thab ba daṅ phyi dgra daṅ naṅ ’khrug rab tu źi ba | chom rkun daṅ mu ge daṅ | nad daṅ bral ba | sā lu daṅ bu ram śiṅ gi phreṅ ba daṅ ba laṅ daṅ | ma he phun sum tshogs pa byed du bcug ste chos daṅ (3) ldan pa | chos kyi rgyal pos chos kyi rgyal srid byed du bcug go | de na śiṅ ljon pa dag kyaṅ rtag tu me tog daṅ ’bras bu ’chags pa yin źiṅ | lhas kyaṅ dus daṅ dus su char gyi rgyun legs par ’bebs pas lo tog śin tu phun sum tshogs par gyur to || de la btsun mo zla ’od (4) ces bya ba gzugs bzaṅ ba | blta na sdug pa | mdzes pa | yan lag daṅ ñiṅ lag thams cad daṅ ldan pa daṅ | bu rgyal tshab gtsug phud can źes bya ba daṅ blon po’i mchog he ru ka daṅ b+hi ru ka źes bya ba gñis yod do || groṅ khyer rgyal po’i khab na ma ga d+hāra byuṅ ba’i rgyal po (5) bzo sbyaṅs gzugs can sñiṅ pos rgyal srid ’byor pa | rgyas pa | bde ba lo legs pa | skye bo daṅ mi maṅ pos gaṅ ba | thab mo daṅ ’thab pa daṅ | phyi dgra daṅ naṅ ’khrug rab tu źi ba | chom rkun daṅ | mu ge daṅ | nad daṅ bral ba | sā lu daṅ | bu ram śiṅ gi phreṅ ba daṅ | ba laṅ (6) daṅ | ma he phun sum tshogs pa byed du bcug ste | chos daṅ ldan pa chos kyi rgyal pos chos kyi rgyal srid byed du bcug go | de na yaṅ śiṅ ljon pa dag kyaṅ rtag tu me tog daṅ | ’bras bu ’chags śiṅ lhas kyaṅ dus daṅ | dus su char gyi rgyun legs par ’bebs pas lo tog (7) śin tu phun sum tshogs par gyur to || de la btsun mo lus ’phags ma źes bya ba gzugs bzaṅ ba | blta na sdug pa | mdzes pa yan lag daṅ ñiṅ lag thams cad daṅ ldan pa daṅ | bu rgyal tshab ma skyes dgra źes bya ba daṅ | blon po’i mchog ma ga d+hā’i sna chen po la (103a1) gtogs pa bram ze dbyar tshul źes bya ba yod do || ji tsam dus gźan źig na rgyal po’i khab nas tshoṅ pa dag zoṅ thogs te yul gźan du ’phags nas de dag mthar gyis groṅ daṅ | groṅ rdal daṅ yul ’khor daṅ | rgyal po’i pho braṅ dag tu tshoṅ ‘dus dag la rnam (2) par lta ba na groṅ khyer chen po sgra sgrogs su phyin to || ji tsam na rgyal po u tra ya na blon po’i tshogs kyis yoṅs su bskor te don gyi gnas na ’dug pa na tshoṅ pa de dag skyes thogs te rgyal po u tra ya na’i gan du soṅ ba daṅ | rgyal po u tra ya nas de dag la ’oṅs pa legs so (3) źes bya ba’i tshig gis kun du spyad nas gnas ji lta ba bźin du ’khod do || rgyal po u tra ya nas de dag mthoṅ nas blon po rnams la smras pa | śes ldan dag yul ’byor pa | rgyas pa | bde ba lo legs pa | skye bo daṅ | mi maṅ pos gaṅ ba ’di lta bu daṅ | śiṅ ljon (4) pa rtag tu me tog daṅ | ’bras bu ’chags pa ’di lta bu daṅ | lhas dus daṅ dus su char gyi rgyun legs par ’bebs śiṅ lo tog śin tu phun sum tshogs pa daṅ ldan pa’i rgyal po gźan ’ga’ źig yod dam | tshoṅ pa de dag gis smras pa | lha mchis te | śar (5) gyi yul na groṅ khyer rgyal po’i khab ces bgyi ba de na rgyal po gzugs can sñiṅ po źes bgyi bas rgyal srid ’byor pa | rgyas pa | bde ba | lo legs pa | skye bo daṅ | mi maṅ pos gaṅ bgyid du stsol ba de na yaṅ śiṅ ljon pa dag kyaṅ rtag tu me tog daṅ | ’bras bu ’chags (6) śiṅ | lhas kyaṅ dus daṅ dus su char gyi rgyun legs par ’bebs pas lo tog śin tu phun sum tshogs pa lags so || rgyal po u tra ya nas thos nas de la rjes su chags pa skyes nas des smras pa | śes ldan dag rgyal po de’i yul na ci źig dkon blon po rnams kyis smras (7) pa | lha ni rin po che’i mṅa’ bdag lags la | rgyal po de ni gos kyi bdag po lags pas de la rin po che dag dkon no || rgyal pos smras pa | śes ldan dag gal te de lta na rin po che rtog pa dag bos śig ces rgyal pos rin po che dag brtags śiṅ brtags śiṅ brtags śiṅ sgrom bkaṅ nas (103b1) tshoṅ pa de dag gi lag tu skyes su bskur źiṅ phrin yig kyaṅ | śed mthun dgyes pa khyod bdag gis ma mthoṅ ba’i grogs lags kyis | gal te groṅ khyer sgra sgrogs su khyod la bgyi ba cuṅ zad mchis na bdag la phrin yig skur cig daṅ thams cad bsgrub bo źes bris te bskur ro || de nas (2) tshoṅ pa de dag gis skyes daṅ | phrin yig daṅ zoṅ rin khyer te rgyal po’i khab tu ’phags nas mthar gyis rgyal po’i khab tu phyin to || de nas lam gyis dub pa’i ṅal bsos nas rin po che’i sgrom daṅ | phrin yig de dag khyer te | rgyal po gzugs can sñiṅ po’i gan du doṅ nas rkaṅ pa (3) gñis la gtugs te | sgrom daṅ phrin yig dag phul nas smras pa | lha groṅ khyer sgra sgrogs nas rgyal po u tra ya na źes bgyi ba des lha la skyes daṅ phrin yig ’di dag bskur ro | rgyal po gzugs can sñiṅ pos phrin yig bklags te smras pa | śes ldan dag rgyal po de’i yul na (4) ci źig dkon | blon po rnams kyis smras pa | lha ni gos kyi mṅa’ bdag lags la | rgyal po de ni rin po che’i bdag po lags pas de la gos dag dkon no || de nas rgyal po gzugs can sñiṅ pos gos rin po che dag gis sgrom bkaṅ ste skyes su bskur źiṅ | phrin yig kyaṅ śed (5) mthun dgyes pa khyod kyis phrin yig spriṅ pa des mjal te khyod kyaṅ bdag gis ma mthoṅ ba’i grogs lags kyis rgyal po’i khab tu khyod la yaṅ bgyi ba cuṅ zad mchis na bdag la phrin yig spriṅ śig daṅ | thams cad bsgrub bo źes bris te blon po rnams la bsgo ba | skyes daṅ phrin yig (6) ’di dag khyer la pho ña dag las skur cig | blon po rnams kyis pho ña dag las bskur ba daṅ de dag gis skyes daṅ phrin yig de dag khyer te | sgra sgrogs su ’phags nas mthar gyis sgra sgrogs su phyin to || de nas lam gyis dub pa’i ṅal bsos te gos kyi sgrom daṅ phrin yig de dag khyer (7) nas rgyal po u tra ya na’i gan du soṅ ste rkaṅ pa gñis la gtugs nas sgrom daṅ phrin yig dag phul te smras pa | lha rgyal po gzugs can sñiṅ pos lha la skyes ’di daṅ phrin ’di bskur ro || rgyal po u tra ya nas phrin yig bklags te smras pa | śes ldan dag rgyal po de’i chu źiṅ (104a1) ci ’dra | de dag gis smras pa | lha’i ci ’dra ba kho na lta bu’o || blon po rnams kyis smras pa | lha de lta bu lags mod kyi ’on kyaṅ rgyal po de raṅ gis mtshon ’debs pa | ñen kor gyi mkhar gyi rgyal po rnams daṅ lhan cig raṅ gis g-yul ’gyed ciṅ g-yul (2) ’gyed du stsol ba lags so || rgyal po u tra ya na la nor bu’i khrab yan lag lṅa po dus tshigs su reg pa bde ba daṅ | gcad dka’ ba daṅ | dbug dka’ ba daṅ | dug ’jil ba daṅ | snaṅ ba’i bdag ñid daṅ ldan pa źig yod nas | rgyal po u tra ya nas blon po rnams la smras (3) pa | śes ldan dag rgyal po de gal te raṅ gis mtshon ’debs pa | ñen kor gyi mkhar gyi rgyal po rnams daṅ lhan cig g-yul ’gyed ciṅ ’gyed du ’jud pa yin na de la nor bu’i khrab ’di bskur gyis pho ña dag sta gon gyis śig | de dag gis pho ña dag sta gon byas nas | rgyal po (4) u tra ya nas rin po che’i khrab de daṅ phrin yig kyaṅ ’di skad ces śed mthun dgyes pa khyod la bdag gis nor bu’i khrab ’di skyes su bskur te | ’di yaṅ yon tan lṅa po dus tshigs su reg pa bde ba daṅ | gcad dka’ ba daṅ | dbug dka’ ba daṅ | dug ’dzil ba daṅ | snaṅ (5) ba’i bdag ñid daṅ ldan pa lags kyis khyod kyis ’di bdag daṅ rkyen pas raṅ ñid kyis bcaṅ bar bgyi źiṅ su la yaṅ stsal bar mi bgyi’o źes bris te bskur ro || pho ña rnams kyis skyes de daṅ phrin yig khyer te rgyal po’i khab tu ’phags nas mthar gyis rgyal po’i khab tu phyin to || (6) de nas lam gyis dub pa’i ṅal bsos nas nor bu’i khrab de daṅ phrin yig khyer te | rgyal po gzugs can sñiṅ po’i gan du doṅ nas rkaṅ po gñis la gtugs te nor bu’i khrab daṅ | phrin yig phul nas smras pa | lha rgyal po u tra ya nas lha la skyes ’di dag phrin yig ’di bskur (7) ro|| rgyal po gzugs can sñiṅ pos phrin yig bklags te nor bu’i khrab de mthoṅ nas mchog tu ya mtshan skyes te | blon po rnams la smras pa | śes ldan dag rin po che rtog pa dag bos śig | de dag gis rin po che rtog pa dag bos nas rgyal pos smras pa | śes ldan dag rin (104b1) po che ’di’i rin thaṅ chod cig | rin po che rtog pa dag gis nor bu’i khrab daṅ ldan pa’i rin po che re re nas brtag par brtsams na rin po che re re yaṅ rin thaṅ med par mthoṅ nas | de dag gis rgyal po la smras pa | lha ’di la nor bu rin po che re re yaṅ rin thaṅ tha mchis pa lags so | (2) chos ñid kyis na rin po che gaṅ gis rin thaṅ gdab par mi nus pa de’i rin thaṅ bye bar ’debs so || rgyal po gzugs can sñiṅ pos rin po che dag bgraṅs nas | bdag gis de la skyes lan ci źig bskur bar bya sñam du ñam ṅa bar gyur nas lag pa la ’gram pa gtad de sems khoṅ du (3) chud ciṅ ’dug nas blon po rnams la smras pa | śes ldan dag rgyal po u tra ya nas ṅal skyes ’di lta bu bskur na ṅas de la skyes lan ci źig bskur bar bya | ma ga d+hā’i sna chen po la gtogs pa bram ze dbyar tshul gyis smras pa | lha khyod kyi yul du yaṅ ’jig rten gsum las ches khyad (4) par du ’phags pa’i rin po che byuṅ ba ’di lta ste | de bźin gśegs pa dgra bcom pa yaṅ dag par rdzogs pa’i saṅs rgyas lags kyis | khyod kyis kyaṅ ras la saṅs rgyas kyi sku gzugs ’drir stsol la skyes lan du bskur bar gsol | rgyal pos smras pa | gal te de lta na bcom ldan (5) ’das la źu’o źes de nas rgyal po gzugs can sñiṅ po bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te | mtha’ gcig tu ’dug go | mtha’ gcig tu ’dug nas bcom ldan ’das la rgyal po gzugs can sñiṅ pos ’di (6) skad ces gsol to || btsun pa groṅ khyer sgra sgrogs na rgyal po u tra ya na źes bgyi ba bdag gis ma mthoṅ ba’i grogs śig mchis pa des bdag la nor bu’i khrab yan lag lṅa daṅ ldan pa źig skyes su bskur te | de’i slad du gal te bcom ldan ’das kyis gnaṅ na bdag gis kyaṅ ras (7) la bcom ldan ’das kyi sku gzugs ’drir stsal te de la skyes lan du bskur bar bgyi’o || bcom ldan ’das kyi bka’ stsal pa | rgyal po chen po gnaṅ gis skur cig | khyod kyi sems skyes pa bzaṅ ste | rgyal po u tra ya nas mthoṅ ma thag kho nar dad pa skye bar ’gyur źiṅ (105a1) bden pa mthoṅ bar byed par ’gyur ro || rgyal po gzugs can sñiṅ pos bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || des yul thams cad gnas pa’i ri mo mkhan dag bkug ste smras pa | śes (2) ldan dag bcom ldan ’das kyi sku gzugs ras la bris śig | de dag gis smras pa | lha bri bar ’tshal lo || de dag gis bcom ldan ’das kyi mtshan ma gzuṅ par brtsams pa daṅ | saṅs rgyas bcom ldan ’das rnams ni blta bas chog mi śes pa yin pas de dag gis bcom (3) ldan ’das kyi mtshan ma gzuṅ bar ma nus nas de dag yi chad de rgyal po’i gan du soṅ nas smras pa | lha bdag cag gis bcom ldan ’das kyi mtshan ma gzuṅ bar rdo ma thog ste | gal te lhas bcom ldan ’das pho braṅ gźan du spyan draṅs te gdugs tshod gsol na | de (4) lta na bdag cag gis bcom ldan ’das kyi mtshan ma gzuṅ bar rṅo thog go | rgyal po gzugs can sñiṅ pos bcom ldan ’das pho braṅ gźan du spyan draṅs kyaṅ saṅs rgyas bcom ldan ’das rnams ni blta bas chog mi śes pa yin pas ’di ltar de dag gis bcom (5) ldan ’das kyi sku mthoṅ ba na de daṅ de la blta bas ṅoms par ma gyur nas | de lta na yaṅ bcom ldan ’das kyi mtshan ma gzuṅ bar ma nus nas bcom ldan ’das kyis bka’ stsal ba | rgyal po chen po ri mo mkhan rnams kyis de bźin gśegs pa’i mtshan ma gzuṅ bar mi nus kyi yi chad par ma (6) byed par ras de ’on cig daṅ ṅas grib ma gtaṅ bar bya’o || rgyal pos ras phul ba daṅ | bcom ldan ’das kyis der grib ma btaṅ ste ri mo mkhan rnams la bka’ stsal pa | śes ldan dag grib ma ’dir tshon sna tshogs kyis khoṅ śig | rgyal po la yaṅ bka’ stsal pa | rgyal po chen po (7) sku gzugs byas zin nas ’og tu skyabs su ’gro ba daṅ | bslab pa’i gźi dag daṅ | rten cig ’brel par ’byuṅ ba’i yan lag bcu gñis lugs su ’byuṅ ba daṅ | lugs las bzlog pa dag bri bar bya’o || steṅ du tshigs su bcad pa gñis po |

brtsam par bya źiṅ ’byuṅ bar (105b1) bya || saṅs rgyas bstan la ’jug par bya ||
’dam bu’i khyim la glaṅ chen bźin || ’chi bdag sde ni gźom par bya ||

gaṅ źig rab tu bag yod par || chos ’dul ’di la spyod ’gyur ba ||
skye ba’i ’khor ba ram spaṅs nas || sdug bsṅal tha mar byed par ’gyur ||
źes bya bdag (2) bri bar bya’o ||

pho ña dag yaṅ phrin du sa phyogs go skabs yaṅs par bkur sti chen pos sku gzugs dbye bar bya ste | gal te ’di ci yin źes ’dri na | ’di ni ’jig rten gsum las ches khyad par du ’phags pa saṅs rgyas bcom ldan ’das kyi sku gzugs yin no źes brjod par bya’o || (3) gal te ’og tu bris pa ’di ci yin źes ’dri na ’di ni khas len pa’o || ’di ni bslab pa’i gźi dag go | ’di ni ’jig rten gyi ’byuṅ ba daṅ ldog pa’o źes brjod par bya’o || gal te steṅ du bris pa ’di ci yin źes ’dri na ’di ni mṅon par spro bar bya ba’o źes brjod par bya’o źes sgo źig | rgyal (4) pos thams cad bris śiṅ ’drir bcug nas dri sna tshogs kyis bsgos te legs par dril nas gser gyi doṅ bur bcug ste | gser gyi doṅ bu yaṅ zaṅs kyi doṅ bur bcug | zaṅs kyi doṅ bu yaṅ dri sna tshogs kyis ra sgos pa’i gos dag gis (5) dkris te | glaṅ po che’i rgyab tu bkal nas groṅ khyer mdzes pa daṅ | lam mdzes pa chen pos groṅ khyer nas phyuṅ ste | rgyal po u tra ya na la phrin yig ’di skad ces śed mthun dgyes pa khyod la bdag gis ’jig rten gsum las ches khyad par du ’phags pa’i skyes ’di bskur gyis khyod (6) kyis ’di dpag tshad phyed daṅ gsum du groṅ khyer mdzes pa daṅ | lam mdzes par bya źiṅ bdag ñid dpuṅ gi tshogs yan lag bźi daṅ ldan pas bsu bar bya ste sa phyogs go skabs yaṅs par mchod pa daṅ bkur sti chen po byas te dbye bar bya’o || des na khyod kyis bsod nams chen po ’thob (7) par ’gyur ro źes bris te bskur ro || pho ña rnams la yaṅ khyed kyis ’di daṅ ’di skad ces brjod par bya’o źes bsgo nas | de dag gis sku gzugs daṅ phrin yig de khyer te sgra sgrogs su ’phags so || de dag mthar gyis sgra sgrogs kyi ’dab tu phyin nas de dag gis lam gar bsdad (106a1) de rgyal po u tra ya na la phrin yig bskur ro || rgyal po u tra ya nas phrin yig bklags nas khro bas kun nas dkris par gyur te | blon po rnams la smras pa | śes ldan dag des ṅa la phrin yig ’di skad spriṅ ba la ñon cig | des ṅa la skyes ji lta bu źig (2) bskur na de’i phyir ṅas dpag tshad phyed daṅ gsum du groṅ khyer mdzes pa daṅ | lam mdzes par bya źiṅ bdag ñid dpuṅ gi tshogs yan lag bźi daṅ ldan pas bsu bar bya’o źes zer | dpuṅ gi tshogs yan lag bźi pa sta gon gyis śig daṅ da soṅ la de’i yul ’khor (3) gźom par bya’o || blon po rnams kyis smras pa | lha rgyal po de ni bdag ñid chen po źig lags źes gda’ bas des lha’i źal sṅar skyes ṅan don źig bskur bar rdo mi thog pas je brtag par bgyis te | gal te lha’i thugs mñes de lta na legs | gal te ma (4) mñes na bdag cag gis de la dus ’tshal bar bgyi’o || de dag gis dpag tshad phyed daṅ gsum tshun chad du lam mdzes pa byed du bcug ste | groṅ khyer sgra sgrogs kyaṅ rdo ba daṅ | gseg ma daṅ | gyo mo med par rnam gźag nas tsan dan gyi chus chag chag btab ciṅ bdug (5) spos dri źim po’i snod dag dṅar te dar gyi chun po’i phreṅ ba dbyaṅs śiṅ | gdugs daṅ | rgyal mtshan bsgreṅ ste | me tog sna tshogs bkram źiṅ lha’i skyed mos tshal dga’ ba’i tshal źes bya ba ltar dga’ bar ’gyur bar byas nas rgyal po bdag ñid dpuṅ gi tshogs yan lag bźi daṅ (6) ldan pas bsu nas groṅ khyer gyi naṅ du ’jug tu bcug go | de nas srog chags bye ba ’bum phrag du ma dag kyaṅ der ’dus par gyur | nam mkha’i dkyil du yaṅ lha ’bum phrag du ma dag ’dus par gyur nas sa phyogs go skabs yaṅs par de dag gi naṅ du mchod pa chen po byas te sku gzugs (7) de phye ba daṅ | yul dbus nas tshoṅ pa maṅ po zoṅ thogs te groṅ khyer sgra sgrogs su lhags pa de dag gis saṅs rgyas kyi sku gzugs de mthoṅ nas saṅs rgyas la phyag ’tshal lo || saṅs rgyas la phyag ’tshal lo źes thams cad kyis skad cig tu sgra phyuṅ ṅo || rgyal po u tra ya nas (106b1) saṅs rgyas źes bya ba’i sgra sṅon ma thos pa thos nas spu’i khuṅ bu thams cad ziṅ źes byed par gyur nas ya mtshan skyes te yun riṅ mo źig tu mig tshugs su brtags nas smras pa | śes ldan dag saṅs rgyas źes bya ba de su yin | de dag gis smras pa | lha yul dbus na gaṅs kyi ri (2) ṅos daṅ ñe ba chu kluṅ skal śiṅ rta pa’i ’gram draṅ sroṅ ser skya’i bsti gnas daṅ ha caṅ mi riṅ bar śākya rnams kyi gźon nu byuṅ ste | de bram ze ltas pa daṅ mtshan mkhan dag gis gal te gźon nu de pho braṅ gi naṅ na bźugs par gyur na ’khor los sgyur ba’i rgyal po mtha’ bźir rgyal (3) ba | chos kyi rgyal po || chos daṅ ldan pa | rin po che sna bdun daṅ ldan par ’gyur te | de’i rin po che sna bdun po de dag ni ’di lta bur ’gyur te | ’di lta ste | ’khor lo rin po che daṅ | glaṅ po rin po che daṅ | rta rin po che daṅ | nor bu rin po che daṅ | bud med rin po che daṅ | khyim bdag (4) rin po che daṅ | dmar dpon rin po che ñid ni bdun pa yin no || ’di las bu dpa’ ba | rtul phod pa | yan lag mchog gi gzugs daṅ ldan pa | pha rol gyi sde rab tu ’joms pa stoṅ tshaṅ ba yod par ’gyur ro || de rgya mtsho la thug pa’i sa chen po ma lus par gnod par sdo ba (5) med ciṅ ’tshe ba med pa ’di ñid ’tshe ba med ciṅ mtshon gyis bda’ ba med la chos daṅ mthun źiṅ sñoms pas legs par phag ste gnas par ’gyur ro || gal te skra daṅ kha spu bregs te gos ṅur smrig dag bos nas yaṅ dag pa kho nar daṅ pas khyim nas khyim med par rab tu byuṅ na (6) ni | de bźin gśegs pa dgra bcom pa yaṅ dag par rdzogs pa’i saṅs rgyas ’jig rten du rnam par grags pa’i sgra daṅ ldan par ’gyur ro źes luṅ bstan te | lha ’di ni de’i sku gzugs lags so | rgyal po rgya cher yid dga’ nas smras pa | śes ldan dag de ni śes kyis (7) ’di dri’o || ’og tu bris pa ’di ci yin | lha ’di ni khas len pa lags so || ’di ni bslab pa’i gźi dag lags so || ’di ni ’jig rten gyi ’byuṅ ba daṅ ldog pa dag lags so || śes ldan dag de yaṅ śes kyis ’di dri’o || steṅ du bris pa ’di ci yin | lha ’di ni (107a1) mṅon par spro bar bgyi ba lags so || rgyal po u tra ya nas rten ciṅ ’brel bar ’byuṅ ba’i yan lag bcu gñis lugs su ’byuṅ ba daṅ | lugs las bzlog pa yaṅ bzlas pa yaṅ bzlas nas legs par gzuṅ ba byas te | mtshan mo nam naṅs pa’i tshe don (2) thams cad daṅ las kyi mtha’ thams cad bag yaṅs su byas te ’dug nas skyil mo kruṅ bcas te lus draṅ por bsraṅ nas dran pa phyogs par bźag ste | rten ciṅ ’brel par ’byuṅ ba’i yan lag bcu gñis lugs su ’byuṅ ba daṅ | lugs las bzlog pa la rnam par lta (3) par byed de | ’di lta ste ’di yod pas ’di ’byuṅ la | ’di skyes pa’i phyir ’di skye ba ste | ’di lta ste ma rig pa’i rkyen gyis ’du byed rnams | ’du byed kyi rkyen gyis rnam par śes pa | rnam par śes pa’i rkyen gyis miṅ daṅ gzugs | miṅ daṅ gzugs kyi rkyen gyis skye mched (4) drug | skye mched drug gi rkyen gyis reg pa | reg pa’i rkyen gyis tshor ba | tshor ba’i rkyen gyis sred pa | sred pa’i rkyen gyis len pa | len pa’i rkyen gyis srid pa | srid pa’i rkyen gyis skye ba | skye ba’i rkyen gyis rga śi daṅ mya ṅan daṅ | smre sṅags ’don pa daṅ | sdug bsṅal (5) ba daṅ | yid mi bde ba daṅ | ’khrug pa rnams ’byuṅ bar ’gyur te | de ltar na sdug bsṅal gyi phuṅ po chen po ’ba’ źig po ’di ’byuṅ bar ’gyur ro || ’di lta ste ’di med pas ’di mi ’byuṅ la | ’di ma skyes pa’i phyir ’di mi skye ba ste | ’di lta ste ma rig pa ’gags pas ’du (6) byed rnams ’gag | ’du byed rnams ’gags pas rnam par śes pa ’gag | rnam par śes pa ’gags pas miṅ daṅ gzugs ’gag | miṅ daṅ gzugs ’gags pas skye mched drug ’gag | skye mched drug ’gags sa pas reg pa ’gag | reg pa ’gags pas tshor ba (7) ’gag | tshor bar ’gags pas sred pa ’gag | sred pa ’gags pas len pa ’gag | len pa ’gags pas srid pa ’gag | srid pa ’gags pas skye ba ’gag | skye ba ’gags pas rga śi daṅ | mya ṅan daṅ smre sṅags ’don pa daṅ | sdug bsṅal ba daṅ | yid mi bde ba (107b1) daṅ ’khrug pa rnams ’gag par ’gyur te | de ltar na sdug bsṅal gyi phuṅ po chen po ’ba’ źiṅ po ’di ’gag par ’gyur ro źes rnams par lta bar byed de | des rten ciṅ ’brel par ’byuṅ ba’i yan lag bcu gñis lugs su ’byuṅ ba daṅ lus las bzlog pa la rnam par lta (2) ba na ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas so || des bden pa mthoṅ nas tshigs su bcad pa smras pa |

riṅ na bźugs pa’i saṅs rgyas kyis ||
śes rab kyi mig rnam par sbyaṅs ||
gaṅ (3) la de ’dra’i gsos mṅa’ ba ||
sman pa’i mchog la phyag ’tshal lo ||

des śes nas dad pa daṅ ldan pas rgyal po gzugs can sñiṅ po la phrin yig ’di skad ces śed mthun dgyes pa khyod la brten nas bdag gis sems can dmyal ba daṅ | dud ’gro daṅ yi dgas (4) dag nas ni rkaṅ pa phyuṅ | lha daṅ mi rnams kyi naṅ du bźag | ’khor ba ni mthar byas || khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bcad | mtho ris daṅ thar pa’i sgo dag ni phye | thog ma med pa’i dus nas bsags pa’i (5) ’jigs tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni mṅon sum du byas te | bdag dge sloṅ mthoṅ par ’dod kyis khyod kyis dge sloṅ ’ga’ źig gtaṅ ba’i rigs so źes bris te spriṅ ṅo || rgyal po gzugs can (6) sñiṅ pos phrin yig de bklags nas | bcom ldan ’das gal ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la rgyal po gzugs can sñiṅ pos ’di (7) skad ces gsol to | btsun pa rgyal po u tra ya nas bden pa dag mthoṅ nas des bdag la phrin yig bskur te | dge sloṅ mthoṅ bar ’tshal gyis dge sloṅ ’ga’ źig gtaṅ ba’i rigs so źes mchi na | de’i slad du ’di la ji ltar bsgrub par bgyi || bcom ldan (108a1) ’das kyis dgoṅs pa | rgyal po u tra ya na ’khor daṅ bcas pa daṅ groṅ khyer sgra sgrogs na gnas pa’i skye bo’i tshogs dge sloṅ gaṅ gis ’dul ba yin sñam du dgoṅs nas | dge sloṅ kā t+yā ya na chen po’i gdul ba yin par gzigs nas | bcom ldan ’das (2) kyis tshe daṅ ldan pa kā t+yā ya na chen po la bka’ stsal pa | kā t+yā ya na groṅ khyer sgra sgrogs na rgyal po u tra ya na ’khor daṅ bcas pa daṅ | sgra sgrogs na gnas pa’i skye bo’i tshogs la soms śig | tshe daṅ ldan pa kā t+yā ya na chen pos btsun pa bka’ bźin ’tshal źes bcom (3) ldan ’das las mñan nas | bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de nas tshe daṅ ldan pa kā t+yā ya na chen po de ñid kyi mtshan mo ’das nas sṅa dro śam thabs bgos ltuṅ bzed daṅ chos gos thogs te rgyal po’i (4) khab tu bsod sñoms la źugs so || rgyal po’i khab tu bsod snoms brgyus nas zas kyi bya ba byas te phyi ma’i zas kyi bsod sñoms las phyir log pas ji ltar loṅs spyad pa’i gnas mal mkhos su phab ste | lhuṅ bzed daṅ chos gos thogs nas ’khor lṅa brgya daṅ groṅ khyer (5) sgra sgrogs ga la ba der doṅ ṅo || rgyal po gzugs can sñiṅ pos kyaṅ rgyal po u tra ya na la phrin yig śed mthun dgyes pa khyod kyi phyir bdag gis dge sloṅ ston pa daṅ ’dra ba ’di ’khor lṅa brgya daṅ btaṅ gis khyod kyis dpag tshad phyed daṅ gsum du lam mdzes pa daṅ | groṅ (6) khyer mdzes par bya źiṅ bdag ñid dpuṅ gi tshogs yan lag bźi daṅ ldan pas bsu bar bya ste | groṅ khyer gyi phyi rol du gtsug lag khaṅ lṅa brgya byed du gźug ciṅ khri daṅ | khri’u daṅ | stan naṅ tshaṅs can daṅ | la ba daṅ sṅas daṅ | gor bu lṅa brgya yaṅ sbyin par bya | (7) bsod sñoms lṅa brgya yaṅ sbyor du gźug par bya ste | des nas khyod kyis bsod nams chen po ’thob par ’gyur ro źes bris te bskur ro || rgyal po u tra ya nas phrin yig bklags nas dga’ ba daṅ | mchog tu dga’ ba skyes te des dpag tshad phyed daṅ gsum du lam daṅ groṅ khyer (108b1) mdzes par byed du bcug nas bdag ñid dpuṅ gi tshogs yan lag bźi ba daṅ | skye bo ’bum phrag du ma’i ’khor daṅ bcas pas bsu nas bkur sti chen pos groṅ khyer sgra sgrogs su ’jug tu bcug ciṅ | groṅ khyer gyi phyi rol du gtsug lag khaṅ lṅa brgya yaṅ byed du bcug | khri (2) daṅ khri’u daṅ stan naṅ tshaṅs can daṅ | la ba daṅ sṅas daṅ gor bu lṅa brgya yaṅ ’bul du bcug | bsod sñoms lṅa brgya yaṅ sbyor du bcug ste | sa phyogs go skabs yaṅs par stan śom du bcug go | tshe daṅ ldan pa kā t+yā ya na chen po dge sloṅ gi dge ’dun gyi goṅ du stan bśams (3) pa ñid la ’dug go | srog chags ’bum phrag du ma dag kyaṅ kha cig ni ltad mo skyes pa na | kha cig ni sṅon gyi dge ba’i rtsa ba dag gis bskul ba na der ’dus par gyur to || de nas tshe daṅ ldan pa kāt+yā ya na chen pos ’khor de’i bsam pa daṅ | bag la ñal daṅ | khams (4) daṅ | raṅ bźin khoṅ du chud nas srog chags ’bum phrag du ma dag gis gaṅ thos nas khyad par chen po rtogs par gyur pa de lta bu’i chos bstan pa byas te | kha cig gis ni rgyun du źugs pa’i ’bras bu mṅon sum du byas | kha cig gis ni lan gcig phyir ’oṅ ba’i ’bras (5) bu mṅon sum du byas | kha cig gis ni phyir mi ’oṅ ba’i ’bras bu mṅon sum du byas | kha cig gis ni rab tu byuṅ ste ñon moṅs pa thams cad spaṅs pas dgra bcom pa ñid mṅon sum du byas so || kha cig gis ni ñan thos kyi byaṅ chub tu sems bskyed | kha cig gis ni (6) raṅ byaṅ chub tu sems bskyed | kha cig gis ni bla na mad pa yaṅ dag par rdzogs pa’i byaṅ chub tu sems bskyed do || ’khor phal cher ni saṅs rgyas la gźol ba daṅ | chos la ’bab pa daṅ | dge ’dun la bab par bkod do || groṅ khyer sgra sgrogs na khyim bdag rgyal daṅ | (7) skar rgyal źes bya ba gñis śig ’khod pa de gñis tshe daṅ ldan pa kā t+yā ya na chen po ga la ba der doṅ ste phyin nas tshe daṅ ldan pa kā t+yā ya na chen po’i rkaṅ pa gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas khyim bdag rgyal daṅ | skar (109a1) rgyal gñis kyis tshe daṅ ldan pa kā t+yā ya na chen po la ’di skad ces smras so || ’phags pa kā t+yā ya na chen po bdag cag gñis legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa’i dge sloṅ gi dṅos po daṅ | bdag cag (2) gñis kyis ’phags pa kā t+yā ya na chen po’i druṅ du tshaṅs par spyod pa spyad pa ’thob bam | tshe daṅ ldan pa kā t+yā ya na chen pos de gñis rab tu phyuṅ rdzogs par bsñen par byas te gdams ṅag daṅ rjes su bstan pa byin nas de gñis kyis spro ba daṅ | ’bad pa daṅ | brtsal ba (3) byas pas goṅ nas goṅ du yid la byed pa’i khyad par thob nas ’khor ba’i ’khor lo cha lṅa pa g-yo ba daṅ mi g-yo ba ’di ñid rig ste ’du byed kyi rnam pa thams cad ñams pa daṅ | ltuṅ ba daṅ rnam par ’thor ba daṅ rnam par ’jig pa’i chos ñid kyis zil gyis mnan nas ñon moṅs pa (4) thams cad spaṅs pas rigs kyi bu dag gaṅ gi phyir skra daṅ kha spu bregs te goṅ ṅur smrig dag bgos nas yaṅ dag pa kho nar daṅ pas khyim nas khyim med par rab tu ’byuṅ bar byed pa tshaṅs par spyod pa’i mtha’ bla na med pa de tshe de ñid la raṅ gi mṅon par śes pas mṅon sum du byas (5) te bsgrubs nas bdag gi skye ba zad do | tshaṅs par spyod pa spyad do || bya ba byas so || srid pa ’di las gźan mi śes so źes go bar byed ciṅ | dgra bcom pa khams gsum pa las ’dod chags daṅ bral ba | boṅ ba daṅ gser du mñam pa | nam mkha’ daṅ lag (6) mthil du mtshuṅs pa’i sems can ldan pa | tsan dan bźag pa lta bu rig pas sgo ṅa’i spubs dral bar gyur ciṅ | rig pa daṅ mṅon par śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab gyis phyogs pa daṅ | dbaṅ (7) po daṅ | ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de gñis kyis ’bar ba daṅ | gsal ba daṅ | char ’bab pa daṅ | glog ’byin pa’i cho ’phrul dag byas nas phuṅ po’i lhag ma med pa’i mya ṅan (109b1) las ’das pa’i dbyiṅs su yoṅs su mya ṅan las ’das so || de gñis kyi ñe du dag gis lus la lus kyi mchod pa byas nas mchod rten gñis byed du bcug ste gcig ni rgyal gyi’o || cig śos ni skar rgyal gyi’o || rgyal po u tra ya na ñin re ñin re źig tshe daṅ ldan pa (2) kā t+yā ya na chen po’i druṅ du soṅ nas chos mñan te btsun mo’i ’khor la ’phags pa kā t+ya ya na chen po chos dṅar ba dṅar ba ston par byed de | sbraṅ bu sbraṅ rtsi ’byin pa bźin no źes rjod par byed do || de dag gis smras pa | lha saṅs rgyas ’byuṅ ba ni ’bras bu daṅ bcas pa (3) lags so || ji ltar gaṅ gi slad du khyod chos gsan pas so || gal te de lta na khyed cag kyaṅ ci’i phyir chos mi ñan | lha bdag cag ni ṅo tsha daṅ ldan pa lags pas ji ltar der mchis te chos mñan par bgyi | gal te ’phags pa kā t+yā ya na chen po ’di ñid du mchis (4) te chos ston par bgyid na de lta na bdag cag kyaṅ chos ñan to || rgyal po u tra ya na tshe daṅ ldan pa kā t+yā ya na chen po la smras pa | ’phags pa btsun mo’i ’khor chos ñan par ’tshal lo || des smras pa | rgyal po chen po dge sloṅ dag ni btsun mo’i ’khor gyi (5) naṅ du źugs śiṅ chos mi ston to || bcom ldan ’das kyis btsun mo’i ’khor gyi naṅ du ’jug pa bkag go | ’phags pa ’o na su źig btsun mo’i ’khor la chos ston par bgyid || rgyal po chen po dge sloṅ ma’o || rgyal po u tra ya nas rgyal po gzugs can sñiṅ po (6) la phrin yig ’di skad ces śed mthun dgyes pa bdag gi btsun mo’i ’khor chos ñan par ’tshal na de’i slad du dge sloṅ ma ’ga’ źiṅ gtaṅ ba’i rigs so źes bris te bskur ro || rgyal po gzugs can sñiṅ pos phrin yig de bklags nas bcom ldan ’das ga (7) la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la rgyal po gzugs can sñiṅ pos ’di skad ces gsol to || btsun pa rgyal po u tra ya nas (110a1) phrin yig spriṅ ste btsun mo’i ’khor chos ñan par ’tshal gyis de’i slad du dge sloṅ ma ’ga’ źiṅ gtaṅ ba’i rigs so źes mchi na de’i slad du ’di la ji ltar bsgrub par bgyi || bcom ldan ’das kyis dgoṅs pa | rgyal po u tra ya na’i btsun mo’i ’khor gyi (2) bud med daṅ groṅ khyer sgra sgrogs na na gnas pa’i bud med rnams dge sloṅ ma gaṅ gis gdul ba yin sñam du dgoṅs nas | dge sloṅ ma ri ma’i gdul ba yin par gzigs nas de nas bcom ldan ’das kyis dge sloṅ ma ri ma la bka’ stsal pa | ri ma groṅ khyer sgra sgrogs na rgyal po (3) u tra ya na’i btsun mo’i ’khor gyi bud med daṅ | sgra sgrogs na gnas pa’i bud med rnams la soms śig | dge sloṅ ma ri mas btsun pa bka’ bźin ’tshal źes bcom ldan ’das las mñan nas bcom ldan ’das kyi źabs gñis la mgo bos phyag ’tshal te bcom ldan (4) ’das kyi spyan sṅa nas soṅ ṅo || de nas dge sloṅ ma ri ma de ñid kyi mtshan mo ’das nas sṅa dro śam thabs bgos lhuṅ bzed daṅ chos gos thogs te rgyal po’i khab tu bsod sñoms la źugs so || rgyal po’i khab tu bsod sñoms brgyus nas zas kyi bya ba byas te phyi ma’i zas kyi (5) bsod sñoms las phyir log pas ji ltar loṅs spyad pa’i gnas mal mkhos su phab ste | lhuṅ bzed daṅ chos gos thogs nas ’khor lṅa brgya daṅ groṅ khyer sgra sgrogs ga la ba der soṅ ṅo || rgyal po gzugs can sñiṅ pos kyaṅ rgyal po u tra ya na la phrin yig ’di skad ces (6) śed mthun dgyes pa khyod kyi phyir bdag gis ñan thos ma chen mo ston pas bsṅags pa ’di ’khor lṅa brgya daṅ gtaṅ gis khyod kyis kyaṅ dpag tshad phyed daṅ gsum du lam daṅ groṅ khyer mdzes par bya źiṅ bdag ñid dpuṅ gi tshogs yan lag bźi daṅ ldan pas bsu bar bya ste | (7) groṅ khyer gyi naṅ du dbyar khaṅ lṅa brgya yaṅ byed du gźug par bya | khri daṅ khri’u daṅ | stan naṅ tshaṅs can daṅ | la ba daṅ sṅas daṅ | gor bu lṅa brgya yaṅ ’bul bar bya | bsod sñoms lṅa brgya yaṅ sbyor du gźug par bya ste | des na khyod kyis bsod nams chen po ’thob (110b1) par ’gyur ro źes bris te bskur ro || rgyal po u tra ya nas phrin yig de bklags nas dga’ ba daṅ mchog tu dga’ ba skyes te | des dpag tshad phyed daṅ gsum du lam daṅ groṅ khyer mdzes par byed du bcug nas bdag ñid dpuṅ gi tshogs yan lag bźi pa daṅ | skye bo ’bum (2) phrag du ma’i ’khor daṅ bcas pas bsu nas bkur sti chen pos groṅ khyer du ’jug tu bcug ciṅ | groṅ khyer gyi naṅ du dbyar khaṅ lṅa brgya byed du bcug ste | khri daṅ khri’u daṅ | stan naṅ tshaṅs can daṅ la ba daṅ sṅas daṅ gor bu lṅa brgya yaṅ ’bul du bcug | bsod sñoms lṅa brgya (3) yaṅ sbyor du bcug go | dge sloṅ ma rim ñin re źiṅ rgyal po u tra ya na’i btsun mo’i ’khor daṅ | groṅ khyer sgra sgrogs na gnas pa’i bud med rnams kyi naṅ du źugs te chos ston par byed do || rgyal po u tra ya na ni pi baṅ mkhas pa yin la | btsun mo zla ’od ni gar mkhas pa yin (4) pas ji tsam du dus gźan źig na rgyal po u tra ya nas pi baṅ spriṅs te btsun mo zla ’od gar byed do | des de gar byed pa na chud źa ba’i mtshan ma mthoṅ nas des de la mgo ’jug tu brtags te bsams na źag bdun ’das na ’di dus byed par ’gyur ro sñam nas de’i lag nas pi (5) baṅ śor te sa la lhuṅ ba daṅ | btsun mo zla ’od kyis smras pa | lha bdag gis gar ma legs sam ci noṅs | zla ’od kyis gar ma legs pa ma yin te | ’di ltar ṅas khyod gar byed pa na chud za ba’i mtshan ma mthoṅ pas ñi ma bdun pa la khyod dus byed par ’gyur ro | (6) btsun mo zla ’od kyis rgyal po’i rkaṅ pa gñis la gtugs te smras pa | lha gal te de lta na bdag gis lha la bsñen bkur ni bgyis lags na | gal te lhas gnaṅ na bdag rab tu ’byuṅ ṅo || rgyal pos smras pa | zla ’od dus yin gyis gnaṅ ṅo | gal te khyod rab tu (7) byuṅ nas ñon moṅs thams cad spaṅs pas dgra bcom pa ñid mṅon sum du byed na ni de ñid khyod kyi sdug bsṅal gyi mtha’ yin no || gal te kun tu sbyor ba lhag ma daṅ bcas pas dus byas te lha rnams kyi naṅ du skyes par gyur na ni khyod ltar gyur pas ṅa la blta bar bya’o || (111a1) des smras pa | lha bka’ bźin ’tshal || rgyal po u tra ya nas btsun mo zla ’od dge sloṅ ma ri ma la gtad de smras pa | ’phags ma btsun mo zla ’od legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ ma’i (2) dṅos po ’tshal gyis de’i slad du ’phags mas ’di rab tu ’byuṅ ba daṅ | rdzogs par bsñen par mdzad pa’i rigs so || dge sloṅ ma ri mas smras pa | de ltar bgyi’o źes des de rab tu phyuṅ źiṅ rdzogs par bsñen par byas so || dge sloṅ ma ri mas bsams pas | de la (3) ’chi ba’i ’du śes sgoms śig ces gdams ṅag byin no || btsun mo zla ’od kyis ’chi ba’i ’du śes bsgom par brtsams nas de ñi ma bdun pa la dus la bab nas rgyal chen bźi’i ris kyi lha rnams kyi naṅ du skyes so || lha’i bu’am lha’i bu mo’i chos ñid ni skyes nas riṅ po (4) ma lon pa la sems gsum skye ste | gaṅ nas śi ’phos pa daṅ | gaṅ du skyes pa daṅ | las gaṅ gis skyes pa’o || lha bu mo zla ’od kyis bsams pa | bdag gaṅ nas śi ’phos sñam na | mi rnams kyi naṅ nas śi ’phos pa daṅ | gaṅ du skyes sñam na rgyal chen bźi (5) pa’i naṅ du skyes pa daṅ | las gaṅ gis skyes sñam na bcom ldan ’das kyi bstan pa la tshaṅs par spyod pa spyad pa ñid kyis skyes par mthoṅ ṅo || de nas lha’i bu mo zla ’od ’di sñam du sems te | gaṅ gi phyir bdag yoṅs su gnas pa bsten te bcom ldan ’das la blta ba (6) daṅ | bsñen bkur bya ba’i phyir ñe bar ’gro ba ni bdag gi tshul daṅ mthun pa ma yin gyis bdag yoṅs su gnas pa ma bsten pa kho nar bcom ldan ’das la blta ba daṅ | bsñen bkur bya ba’i phyir ñe bar ’gro’o sñam mo || de nas lha’i bu mo zla ’od rna cha gdub ’khor g-yo (7) źiṅ dri ma med pa thogs te do śal daṅ se mo dos brgyan pa’i lus kyis lha’i ut+pala daṅ | pad ma daṅ | ku mu da daṅ | pad ma dkar po dag gis thu ba bkaṅ ste kha dog śin tu ’das pas mtshan mo la bab pa daṅ | bcom ldan ’das ga la ba der soṅ ste phyin nas bcom (111b1) ldan ’das la me tog dag gis mṅon par gtor te bcom ldan ’das kyi źabs gñis la mgo bos phyag ’tshal nas mtha’ gcig tu ’dug pa daṅ | ’di ltar lha’i bu mo zla ’od kyi kha dog gi mthus ’od ma’i tshal ka lan dka’i gnas thams cad snaṅ ba chen pos khyab par (2) gyur to || de nas bcom ldan ’das kyis lha’i bu mo zla ’od kyi bsam pa daṅ bag la ñal daṅ | khams daṅ | raṅ bźin thugs su chud nas gaṅ thos nas lha’i bu mo zla ’od kyis stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes (3) bcom ste rgyun du źugs pa’i ’bras bu mṅon sum du byas pa de lta bur ’phags pa’i bden pa bźi yaṅ dag par so sor rtogs par byed pa’i chos bstan pa mdzad do || des bden pa mthoṅ nas btsun pa bcom ldan ’das kyis bdag la gaṅ mdzad pa ’di lta bu ni bdag la (4) phas kyaṅ ma bgyis | mas kyaṅ ma bgyis || rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ mdza’ bśes daṅ rtsa lag gi tshogs kyis kyaṅ ma bgyis (5) te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag (6) go źes lan gsum du ched du brjod pa chen du brjod do | yaṅ smras pa |

khyod mthus rab drag ñes pa maṅ ldan pa’i || ṅan soṅ śul bkag bsod nams rab ldan pa’i ||
mtho ris ’gro ba phye źiṅ bdag gis ni || mya ṅan ’das pa’i śul yaṅ thob par gyur ||

śin (7) tu rnam dag khyod brten bdag gis ni || de riṅ skyon bral daṅ pa’i mig thob ciṅ ||
go ’phaṅ źi ba ’phags pa dgyes thob ste || sdug bsṅal rgya mtsho’i pha rol rgal bar gyur ||

’gro ba lha min mi daṅ lhas mchod pa || skye daṅ rga daṅ na ’chi bral ba po ||
srid pa stoṅ du (112a1) mthoṅ ba rab dkon pa || thub pa de riṅ khyod mthoṅ ’bras bu mchis ||

de nas gdud byas do śal rab ’phyaṅs bas || źabs la phyag ’tshal raṅs pa skyes gyur na ||
dgra thul g-yas nas yoṅs su bskor byas te || lha yi ’jig rten mṅon phyogs mkha’ (2) la soṅ ||

de nas lha’i bu mo zla ’od tshoṅ pa khe spogs rñed pa lta bu daṅ | źiṅ pa lo tog ’byor pa lta bu daṅ | dpa’ bo g-yul las rnam par rgyal ba lta bu daṅ | nad pa nad thams cad las yoṅs su thar ba lta bur gyur te cha lugs gaṅ gis bcom ldan ’das kyi spyan sṅar (3) ’oṅs pa’i chu lugs pa de ñid kyis raṅ gi gnas su soṅ ṅo | de ’di sñam du sems te | bdag gis rgyal po u tra ya na la khas blaṅs pas da de blta ba’i dus yin no sñam nas | de nas lha’i bu mo zla ’od rgyal po u tra ya na ga la ba der soṅ ṅo || de’i tshe na rgyal po u tra ya na (4) gcig pu steṅ gi khaṅ bzaṅs kyi gźir gtogs pa na ñal źiṅ ’dug nas des de snaṅ ba rgya chen pos khyab par byas te se gol gyi sgras bslaṅ ba daṅ | de gñid kyis non pa’i mig daṅ rnam par śes pa mi gsal bas smras pa | khyod su | des smras pa | bdag zla ’od do || rgyal (5) pos smras | tshur śog dga’ mgur spyad par bya’o || des smras pa lha bdag śi źiṅ dus la bab nas rgyal chen bźi’i ris kyi lha rnams kyi naṅ du skyes te | gal te bdag daṅ lhan cig mjal bźed na bcom ldan ’das kyi spyan sṅar rab tu byuṅ źig daṅ | gal te tshe ’di ñid la ñon (6) moṅs pa thams cad spaṅs pas dgra bcom pa ñid mṅon sum du mdzad na ni de ñid khyod kyi sdug bsṅal gyi mtha’ lags so || gal te kun du sbyor ba lhag ma daṅ bcas pas dus bgyis te rgyal chen bźi’i ris kyi lha rnams kyi naṅ du skyes par gyur na ni der khyod bdag daṅ (7) mjal bar ’gyur ro źes smras te | de ñid du mi snaṅ bar gyur to || || ’dul ba rnam par ’byed pa | bam po bdun bcu rtsa gcig pa | rgyal po u tra ya nas mtshan thog thag tu rab tu ’byuṅ ba rjes su bsams nas naṅ par sṅar laṅs te blon po rnams la smras (112b1) pa | śes ldan dag btsun mo zla ’od ga la ’dug ltos śig | de dag gis smras pa | lha dus la bab bo | rgyal po u tra ya nas bsams pa | gaṅ gi phyir bdag la lha mos bskul nas bdag khyim pa khyim gyi naṅ na gnas śiṅ sogs ’jog gi loṅs spyod daṅ ’dod pa la (2) yoṅs su spyod pa ni bdag gi tshul daṅ mthun pa ma yin gyis | bdag gis gźon nu gtsug pud can rgyal srid la dbaṅ bskur te bdag skra daṅ kha spu bregs nas gos ṅur smrig dag bgos te | yaṅ dag pa kho nar dad pas khyim nas khyim med par rab tu ’byuṅ ṅo sñam nas | des (3) blon po’i mchog he ru ka daṅ | b+hi ru ka gñis mṅag pas bos te smras pa | śes ldan gñis bu gźon nu gtsug pud can ṅa la ci ’dra ba de kho na bźin du khyed gñis la yaṅ de ’dra ba yin gyis khyed gñis kyis de gnod pa las bzlog par bya źiṅ phan pa la ṅes par sbyar bar (4) gyis śig | ṅa ni legs par gsuṅs pa’i chos ’dul ba la rab tu ’byuṅ ṅo || de gñis kyis thos nas mchi mas brnaṅs te ’khod do || rgyal pos gźon nu gtsug pud can la smras pa | bu khyod ji lta ṅa’i tshig mñan pa dad bya bar sems pa de bźin du | khyod kyis (5) blon po’i mchog he ru ka daṅ b+hi ru ka ’di gñis kyi tshig mñan pa daṅ bya bar som śig | ṅa ni legs par gsuṅs pa’i chos ’dul ba la rab tu ’byuṅ ṅo || des kyaṅ thos nas mchi mas brnaṅs te ’dug go | de nas rgyal po u tra ya nas groṅ khyer sgra sgrogs su dril bsgrag (6) pa byed du bcug ste | groṅ khyer sgra sgrogs na gnas pa dag daṅ | pho braṅ ’khor gyi mi dag daṅ | yul tha dad pa nas lhags pa’i skye bo’i tshogs rnams la śes ldan dag ñon cig | ṅa ni skra daṅ kha spu bregs te gos ṅur smrig dag bgos nas yaṅ dag pa kho nar dad pas khyim (7) nas khyim med pa rab tu ’byuṅ gis ṅas rgyal srid byed du bcug pa na gaṅ la gnod pa cuṅ zad ci byas pa de bzod par gyis śig ces bsgo’o || groṅ khyer sgra sgrogs na gnas pa rnams daṅ | pho braṅ ’khor gyi mi rnams daṅ | yul tha dad pa nas lhags pa’i skye bo’i (113a1) tshogs rnams rgyal po la rjes su chags pa yin pas de dag gis thos nas thams cad mchi mas brnaṅs te ’khod do || de nas rgyal po u tra ya nas gźon nu gtsug pud can rgyal srid la bźag nas rtsa lag gi skye bo rnams la bzod pa gsol te | dag (2) sbyoṅ daṅ | bram ze daṅ | bkren pa daṅ | sdug phoṅs pa rnams la sbyin pa dag byin | bsod nams dag byas te mi bsñen bkur ba cig daṅ | rgyal po’i khab logs su phyogs te ’phags so || de nas rgyal po gtsug pud can btsun mo’i ’khor daṅ | gźon nu daṅ | blon (3) po daṅ | pho braṅ ’khor gyi mi daṅ bcas pa daṅ | gźan yaṅ yul tha dad pa nas lhags pa’i skye bo’i tshogs rnams phyi bźin phyi bźin du ’braṅ ste | srog chags ’bum phrag du ma dag gis bskyal bźin du groṅ khyer sgra sgrogs nas phyir byuṅ ste | skyed mos tshal śiṅ (4) ljon pa’i tshal sna tshogs kyis brgyan pa | me tog daṅ ’bras bu daṅ | chu rgyun sna tshogs daṅ ldan pa | ṅaṅ pa daṅ | khruṅ khruṅ daṅ | rma bya daṅ | ne tso daṅ | ri skegs daṅ | khu byug daṅ | śaṅ śaṅ te’u sgra ’byin pa źig tu yud tsam źig bsdad nas groṅ khyer sgra (5) sgrogs logs su rnam par bltas te rgyal po gtsud pud can la smras pa | bu ṅas chos kyi rgyal srid byed du bcug pas de’i phyir srog chags ’bum phrag ’di sñed ṅa’i phyi bźin du ’braṅ bar gyur gyis | khyod kyis kyaṅ chos kyis rgyal srid byed du gźug par bya’o || skye bo’i (6) tshogs de la yaṅ bag phab ste smras pa | śes ldan dag ṅas khyed kyi rgyal por ’di bskos kyis phyir deṅ la bde bar sgrubs śig ces smras te soṅ ṅo | rgyal po gtsug pud can btsun mo’i ’khor daṅ | gźon nu daṅ | blon po daṅ pho braṅ ’khor gyi mi daṅ bcas pa daṅ (7) yul tha dad pa nas lhags pa’i skye bo’i tshogs rnams mchi mas dkrugs pa’i mig gis yud tsam yud tsam phyi bźin rtog ciṅ groṅ khyer sgra sgrogs su phyir log go || de nas rgyal po u tra ya na mthar gyis groṅ khyer rgyal po’i khab tu phyin nas des skyed mos tshal du bsdad (113b1) de | mi de la smras pa | kwa’i naṅ rje rgyal po gzugs can sñiṅ po’i gan du soṅ la rgyal po u tra ya na skyed mos tshal na sdod do źes sbran to || mi de soṅ ste rgyal po gzugs can sñiṅ po la lha rgyal po la lha rgyal po u tra ya na skyed mos tshal na sdod do źes sbran to || des thos nas ’phral kho (2) na la laṅs te źo śas ’tsho ba rnams la smras pa | śes ldan dag rgyal po de dpuṅ chen po daṅ ldan pa yin na des ma sbran pa kho nar ’oṅs par khyed cag su kyaṅ ma śes so || des smras pa | lha de la dpuṅ ga la mchis te dpon g-yog gñis su źig mchis so || rgyal po (3) gzugs can sñiṅ pos bsams pa | gaṅ gi phyir bdag gis rgyal po rgyal rigs spyi bor dbaṅ bskur ba bgyis na de bźin du groṅ khyer du gźug pa ni bdag gi tshul daṅ mthun pa ma yin gyis | bdag gis bkur sti chen pos ’jug tu gźug go sñam du rig nas | lam (4) mdzes pa daṅ groṅ khyer mdzes par byed du bcug nas dpuṅ gi tshogs yan lag bźi pas bsu’o || de nas gña’ ba sbrad de glaṅ po che’i rgyab tu źon nas groṅ khyer rgyal po’i khab tu bcug ste | spos sna tshogs daṅ sbyar ba’i chus khrus byed du bcug nas rgyal po la ’os (5) pa’i gos dag daṅ | spos daṅ | phreṅ ba rgyu daṅ | byug pa sna tshogs dag gis legs par brgyan nas zan byin te lam gyis dub pa’i ṅal bsos nas smras pa | śed mthun dgyes pas rgyal srid rgyas pa daṅ | btsun mo’i ’khor daṅ | gźon nu daṅ | blon po daṅ (6) pho braṅ ’khor gyi mi rnams spaṅs te ’dir ci la byon | sa gźan gyi rgyal po ’ga’ źig gis yul ’khor gźom par bgyis pa’am | gźon nu rgyal srid la mṅon par dga’ ba blon po skyon chags pas bslus pa ’ga’ źig gis brtul ba’am gcig tu ma gyur tam | (7) des smras pa | śed mthun dgyes pa de ltar ma gyur te | bdag legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ gi dṅos po ’tshal lo || rgyal po gzugs can sñiṅ pos thos nas yid dga’ źiṅ dga’ ste | ro stod (114a1) bsraṅ nas lag pa g-yas pa brkyaṅ ste | kye ma saṅs rgyas | kye ma chos | kye ma dge ’dun | kye ma chos kyi legs par gsuṅs pa ñid ’di ltar skyes bu gtso bo ’di lta bu dag gis rgyal srid rgyas pa daṅ | btsun mo’i ’khor rgyas pa daṅ | mdza’ bśes daṅ | (2) rtsa lag gi tshogs rgya chen po daṅ | mdzod daṅ | baṅ ba daṅ | khyim rgya chen po dag spaṅs te legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ gi dṅos po ’dod pa ṅo mtshar che’o źes lan gsum ched du brjod pa ched du brjod pa smras nas rgyal (3) bo u tra ya na khrid de bcom ldan ’das ga la ba der soṅ ṅo | de’i tshe na bcom ldan ’das ’khor ’bum phrag du ma’i goṅ na bźugs śiṅ chos ston par mdzad do || bcom ldan ’das kyis ma ga d+hāra byuṅ ba’i rgyal po bzo sbyaṅs gzugs can sñiṅ po thag riṅ po kho na nas (4) gzigs so || gzigs nas kyaṅ dge sloṅ rnams la bka’ stsal pa | dge sloṅ dag ’di ni rgyal po gzugs can sñiṅ po yin te | de skyes daṅ bcas pas ṅa’i gan du ’oṅ ṅo || de bźin gśegs pa’i skyes ni ’di lta ste | gdul ba’i skyes lta bu gźan med do źes bka’ stsal (5) nas caṅ mi gsuṅ bar bźugs so || rgyal po gzugs can sñiṅ pos bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la rgyal po gzugs can sñiṅ pos ’di skad ces gsol to || btsun (6) pa rgyal po u tra ya na ’di legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ gi dṅos po ’tshal na bcom ldan ’das kyis thugs brtse ba’i slad du ’di rab tu dbyuṅ du gsol | rdzogs par bsñen par mdzad du gsol || bcom ldan (7) ’das kyis de la dge sloṅ tshur śog ces pas rab tu phyuṅ źiṅ | dge sloṅ tshur śog tshaṅs par spyad pa spyod ci gces bka’ stsal pa daṅ | de bcom ldan ’das kyi bka’i mjug kho nar skra byi ba daṅ | snam sbyar gyon par gyur te | skra daṅ kha spu źag bdun skyes ba tsam daṅ | (114b1) lag pa lhuṅ bzed daṅ | bya ma bum gyis ’brel pa daṅ | dge sloṅ rdzogs par bsñen nas lo brgya lon pa’i spyod lam lta bur gnas par gyur to || yaṅ smras pa | de bźin gśegs pas tshur śog bka’ stsal pas | skra byi snam sbyar gyon pa’i lus ldan źiṅ || mod (2) la dbaṅ po rab źir gnas gyur te || saṅs rgyas dgoṅs pas lus gzugs bkab par gyur || de nas tshe daṅ ldan pa u tra ya na sṅa dro śam thabs bgos lhuṅ bzed daṅ chos gos thogs te | rgyal po’i khab tu bsod sñoms la źugs so || de skye bo phal po che’i tshogs (3) kyis mthoṅ nas groṅ khyer rgyal po’i khab thams cad du bcom ldan ’das kyis rgyal po u tra ya na rab tu phyuṅ rdzogs par bsñen par mdzad nas de bsod sñoms la rgyal po’i khab tu źugs so źes de lta bu’i sgra sgrogs par gyur to || de skad thos nas srog chags ’bum phrag du (4) ma dag ’dus par gyur ciṅ | khyim gyi naṅ na gnas pa’i bud med dag kyaṅ skar khuṅ daṅ | skar khuṅ dra ba can daṅ | lan kan dag gi druṅ du ’khod de lta bar byed do || rgyal po gzugs can sñiṅ po la blon po rnams kyis smras pa | lha rgyal po u tra ya na rgyal po’i khab tu (5) bsod sñoms la źugs te srog chags ’bum phrag du ma dag gis bskor ciṅ mchis so || rgyal po gzugs can sñiṅ pos de thos nas dge sloṅ u tra ya na ga la ba der soṅ ste phyin nas dge sloṅ u tra ya na la tshigs su bcad pa ’di skad ces smras so ||

mi dbaṅ groṅ khyer stoṅ daṅ (6) ni || sgra sgrogs kyaṅ ni spyad byas nas ||
bor ba’i bsod sñoms tshol byed pa || ji lta yoṅs su mi gduṅ ṅam ||

gser daṅ de bźin dṅul gyi snod || sraṅ tshad brgya pa sbyaṅ byas nas ||
sa yi lhuṅ bzed spyod byed pa || ji lta yoṅs su mi gduṅ ṅam ||

sā lu’i ’bras chan (7) gtsaṅ ma dag || śa yis brlan pas spyad byas nas ||
zan dron kheṅs pa spyod byed pa || ji lta yoṅs su mi gduṅ ṅam ||

srin bal ras bal zar ma daṅ || ko tam ka śi’i gos spaṅs nas ||
phyag dar khrod dag srel byed pa || ji lta yoṅs su mi gduṅ ṅam ||

(115a1) rluṅ med sgo gtan bsdams pa yi || khaṅ pa brtsegs par khyod ñal nas ||
śiṅ ljon druṅ du gnas gyur pa || ji lta yoṅs su mi gduṅ ṅam ||

’jam źiṅ ras bal ’dra ba yi || mal khri dag la khyod ñal nas ||
rtswa yi stan la ñal gyur pa || ji lta yoṅs (2) su mi gduṅ ṅam ||

btsun mo mtshuṅs pa yid ’oṅ ba || gus par ñal ciṅ sñan smras pa ||
du ma khyod kyis rnam spaṅs pa || ji lta yoṅs su mi gduṅ ṅam ||

glaṅ chen gña’ daṅ śiṅ rta daṅ || rta yi bźon pas khyod soṅ nas ||
rkaṅ pas sa la rgyu byed pa || ji lta yoṅs su mi (3) gduṅ ṅam ||

nor maṅ ldan pa’i mdzod daṅ ni || khaṅ pa dag kyaṅ rnam spaṅs te ||
ci yaṅ med pa thob gyur pa || ji lta yoṅs su mi gduṅ ṅam ||

u tra ya nas smras pa |

rgyal po gal te gdul dka’ ba || gźan gyi zas kyis ’tsho byed na ||
ma grub pas ni de ’dul te || (4) gña’ śiṅ ba laṅ ’dul ba bźin ||

rgyal po gzugs can sñiṅ pos smras pa || rgyal po khyod yid mi bde’am ||
ci phyir dman pa bźin du smra || rgyal srid phyed ni sbyin bya yis ||

khyod ni sṅon bźin loṅs spyod kyis || rgyal po khyod yid mi bde ’am || ci phyir dman pa bźin (5) du smra||
yid kyis gaṅ daṅ gaṅ ’dod pa’i || loṅs spyod rab mchog sbyin par bya ||

u tra ya nas smras pa |

rgyal po gaṅ źig ’jig rten na || lus kyi chos reg bkren pa med ||
de ni ṅes par lha ñid daṅ || yaṅ na mya ṅan ’da’ bar ’gyur ||

mi dbaṅ gaṅ źig chos spaṅs (6) źiṅ || ’di la chos min dga’ byed pa ||
rgyal po de bkren śes par bya || mun nas mun par ’gro bar ’gyur ||

khyod la chos ni bstan bya yis || rgyal po chen po bdag la ñon ||
chos thos ’og tu rgyal po ni || gaṅ du ’dod par ’gro bar ’gyur ||

yon tan med pa’i (7) lus la ni || gcig ñid yon tan chen po ste ||
ji lta ji ltar gzuṅ byas pa || de lta de ltar rjes ’jug ’gyur ||

rgyal po bcu pa’i bcu po ’di || skyes bu’i cher ni brjod par bya ||
bu daṅ chuṅ ma nor de la || rtsed mo dga’ ba ci źig yod ||

bu yis dga’ ba ston byed de || (115b1) chuṅ mas kheṅs pa rjod par byed ||
chom rkun nor ni sgrub byed de || rgyal po dag ni bciṅs las grol ||

mthar byed pa las sman dag daṅ || nor daṅ ñe dus skyob mi nus ||
rig sṅags kun daṅ dpuṅ dag daṅ || dpa’ brtul gyis kyaṅ skyob nus min ||

’di na mthu chen gnas (2) mtho la || gnas pa’i lha tshe riṅ po yaṅ ||
de yaṅ tshe zad ñams ’gyur bas || ’chi las de riṅ su źig ’thar ||

mthu chen nor ldan grags ’bar ba || rgyal srid byas pa khyab ’jug daṅ ||
mun byed sgra ṅan skya bseṅ bu || des kyaṅ ’chi ba bzlog ma nus ||

rgyal po sdom (3) brtson dka’ thub daṅ || las daṅ brtson ’grus rtul ba daṅ ||
’khor tshogs rgya chen nor dag gis || ’chi las ji ltar tha mi nus ||

bar snaṅ rgya mtsho’i naṅ daṅ ni || ri yi sul du źugs pa ’am ||
gaṅ du gnas na mchi bdag gis || mi tshugs ’gyur ba’i sa (4) phyogs med ||

bar snaṅ rgya mtsho naṅ daṅ ni || ri yi sul du źugs pa ’am ||
gaṅ du gnas na las rnams kyis || mi tshugs ’gyur ba’i sa phyogs med ||

rus pa thi ba’i mdog ’dra ba || bor źiṅ phyogs phyogs rnam ’thor pa ||
gaṅ daṅ gaṅ yin de dag ni || mthoṅ na ’di (5) la su źig dga’ ||

thod pa duṅ gi mdog ’dra ba || bor źiṅ ku ba lta bu ||
gaṅ daṅ gaṅ yin de dag ni || mthoṅ na ’di la su źig dga’ ||

rgyal po tshan sgrib byed ciṅ || graṅ na g-yog par byed pa yi ||
khyod kyi bdag ñid ces bya ba || gaṅ yin de yaṅ ’chi bas (6) ’joms ||

mi yis ji tsam zas zos śiṅ || gyon nam yaṅ na byin pa de ||
de yi raṅ gir śes bya ste || gźan ni bor te ’gro bar ’gyur ||

mi yi rkun pos mi ’phrogs daṅ || gźan daṅ thun moṅ ma yin pa’i ||
gter ni sbyin pa’am yaṅ na ni || legs byas gźan (7) gyis sba bar bya ||

stag gis ri dgas bsad ’dren ltar || na rga ’chi bas khyod myur ’dren ||
mdza’ ba śes blon chogs kun ’dus pa || khyod kyi nad ni sel mi nus ||

de la spyad lhag nor ’bru daṅ || gser dṅul gaṅ dag yod pa la ||
bu daṅ chuṅ ma ’khor bcas dag || (116a1) bgo skal ñid du sems par byed ||

gal te pha śi bu lon chags || bu sdug de la me mi khyer ||
śin ’chi bźin mi du źiṅ || bdag gi pha’am rjer mi smra ||

phyug śes bdag gi pha zer źiṅ || skra bśig mchi ma’i bźin gyis du ||
me yaṅ mdun du (2) khyer byed ciṅ || kye ma ’di ni lhar ’gyur zer ||

gos kyis bkab bźin khyer byed || me btaṅ de nas sreg par byed ||
ñe du du źiṅ gos gcig gis || de sregs spaṅs te loṅs spyod byed ||

de gcig skye źiṅ skye tshe gcig || de bźin gcig ’chi ’chi tshe gcig ||
skye (3) ’dir gcig phus sdug bsṅal myoṅ || ’khor bar ’gyur la grogs med do ||

de mthoṅ ’di la dam pa rnams || rab ’byuṅ khyim na ’dug mi byed ||
de dag chags pa kun bral nas || phyin chad mṅal na ’jug ma ’gyur ||

de nas rgyal po gzug can sñiṅ po dge sloṅ (4) u tra ya nas goṅ nas goṅ du spobs pas lan glan pas caṅ mi smra źiṅ spobs pa med par gyur te soṅ ṅo || de nas rgyal po gtsug pud tsam gyis re źig ji srid du chos kyi rgyal srid byed du bcug nas chos ma yin pas rgyal srid byed du gźug par brtsams pa daṅ | de la blon (5) po’i mchog he ru ka daṅ b+hi ru ka gñis kyis smras pa | lha chos kyis rgyal srid bgyid du stsol la | chos ma lags pas bgyid du ma stsal cig | de ci’i slad du źen | lha yul mi mi dag ni me tog gi śiṅ ljon pa daṅ | ’bras bu’i śiṅ ljon pa dag daṅ ’dra ba’i slad du ste | (6) lha ’di lta ste | dper bgyi na me tog gi śiṅ ljon pa daṅ | ’bras bu’i śiṅ ljon pa dag ni dus daṅ dus su legs par yoṅs su bskyaṅs pa na bar chad ma mchis pa’i sbyor bas dus ji lta ba bźin du me tog daṅ | ’bras bu dag ’byin par bgyid do || lha de bźin du yul gyi (7) mi dag kyaṅ dus daṅ dus su legs par yoṅs su bskyaṅs pa na bar chad ma mchis pa’i sbyor bas dus ji lta ba bźin du dpya daṅ lo thaṅ dag ’bul bar bgyid do || de de gñis kyis bzlog pa na re źig ji srid du chos kyis rgyal srid byed du bcug nas yaṅ chos ma yin pas (116b1) rgyal srid byed du gźug par brtsams pa daṅ | de la de gñis kyis lan gsum gyi bar du yaṅ smras na srid pa ’phos pa daṅ ldan pas bzlog kyaṅ mi sdod do de khros nas blon po gźan dag la smras pa | śes ldan dag gaṅ gis rgyal po rgyal rigs spyi bor daṅ bskur ba’i (2) bka’ lan gsum gyi bar du yaṅ gcog pa de’i chad pa ji lta bu yin | de na blon po skyon chags pa kha cig gis smras pa | lha ’di la rma ci ’tshal te | de’i chad pa ni dgum pa lags so | tshigs su bcad pa dag kyaṅ smras pa |

blon po skyon ni chags pa daṅ ||
’gul bar (3) gyur pa’i so dag ni ||
zas la skyon ni chags pa dag ||
phyuṅ ba ’ba’ źiṅ bde bar gyur ||
blon po blo daṅ ldan gyur ciṅ ||
śes rab daṅ ni ’dul la mkhas ||
mdzod nas go ’phaṅ gnas pa ni ||
gaṅ gis mi gsod de gsod ’gyur ||

rgyal po gtsug pud can gyis (4) smras pa | śes ldan dag ’di gñis ni ṅa’i yab kyis bskos pa yin pas ṅa ’di gñis gsod par mi byed kyis | ’di ltar ’di gñis kyis ṅa’i mig sṅar ’dug par mi bya’o źes de gñis kyi sgo bzlog nas skyon chags pa gźan gñis śig blon por bskos pa daṅ | de (5) gñis kyis smras pa | lha til ma brduṅs pa daṅ | ma stsal ba daṅ | ma bsros pa daṅ | ma btsir ba dag gis til mar mi ’byin te | mi’i dbaṅ po skye bo dag kyaṅ de daṅ ’dra’o || rgyal pos smras pa | khyed gñis kyis byas pa gaṅ yin pa de ni mchog tu brtson pa yin (6) no|| de gñis kyis yul gyi mi dag la gnod pa bya bar brtsams so || ji tsam dus gźan źig na tshoṅ pa źig zoṅ thogs te groṅ khyer sgra sgrogs nas rgyal po’i khab tu phyin pa daṅ | tshe daṅ ldan pa u tra ya nas de mthoṅ nas ṅo śes te smras pa | ji lta sgra sgrogs dag (7) na gtsug pud can || ’khor daṅ tshogs bcas stobs ldan nad med dam | de la phas kyi sdo ba ’ga’ med ciṅ | raṅ gi rgyal srid chos kyis byed ’jug gam || des smras pa | lha de bźin sgra sgrogs dag na gtsug pud can ||
’khor daṅ chogs bcas stobs ldan (117a1) bro ma ’tshal | de la phas kyi sdo ba ma mchis te || rgyal srid rtag tu chos ma lags pas bgyid || de nas tshe daṅ ldan pa u tra ya nas mthar gyis dri bar brtsams pas | de na blon po gaṅ ni gtso bo yin || gaṅ ni gtso bo ma yin | gaṅ gi dbaṅ gis ni (2) gtsug pud can yul gyi mi dag la gnod pa byed | des smras pa | lha blon po’i mchog he ru ka daṅ b+hi ru ka gñis kyi sgo ni bzlog | skyon chags pa gźan gñis śig ni blon por bskos te | de gñis kyi dbaṅ gis gtsug pud can yul gyi mi dag la gnod pa bgyid do || (3) u tra ya nas smras pa | kwa’i naṅ rje khyod soṅ la sgra sgrogs na gnas pa’i skye bo’i tshogs legs par dbyugs phyuṅ śig daṅ | yaṅ der bzlog tu ’oṅ ste | ṅa ñid kyis gtsug pud can ci nas kyaṅ yul gyi mi rnams la gnod pa mi byed pa de ltar gnod pa las bzlog par (4) bya źiṅ phan pa la ṅes par sbyar bar bya’o || tshoṅ po des zoṅ bsgyur te zoṅ rin khyer nas ’phags te mthar gyis sgra sgrogs su phyin nas des ñe du rnams la gsaṅ ste smras pa | śes ldan dag kho bos zoṅ thogs te rgyal po’i khab tu son nas kho bos der bgres po mthoṅ (5) nas | de’i źal nas kwa’i naṅ rje khyod soṅ la sgra sgrogs na gnas pa’i skye bo’i tshogs legs par dbugs phyuṅ śig daṅ | yaṅ der bzlog tu ’oṅ ste | ṅa ñid kyis gtsug puṅ can ci nas kyaṅ yul gyi mi rnams la gnod pa mi byed pa de ltar gnod pa las bzlog par bya źiṅ phan (6) pa la ṅes par sbyar bar bya’o źes bya’o źes byuṅ ṅo || de dag gis kyaṅ gźan dag la brjod ciṅ de dag gis kyaṅ gźan dag la brjod pas de ltar sgra de rna ba gcig nas gcig tu brgyud pas blon po skyon chags pa de gñis kyi rnar son nas de gñis kyis bsams pa | gal te rgyal (7) po rgan po ’oṅ bar gyur na des gdon mi za bar he ru ka daṅ | b+hi ru ka gñis yaṅ blon po’i mchog tu sko źiṅ bdag cag gñis la gnod par byed par ’gyur gyis | de’i phyir gaṅ gis de lam kar gsod du ’jug par ’gyur ba’i thabs kyi rnam pa źig bya’o sñam nas de gñis kyis (117b1) rgyal po gtsug pud can la smras pa | lha rgyal po bgres po byon par ’gyur ro źes gda’o || des smras pa | de rab tu byuṅ bas de ci’i phyir ’dir ’oṅ bar ’gyur | de gñis kyis smras pa | lha gaṅ gis gdugs gcig rgyal srid bgyid du stsal ba de ni rgyal srid ma mchis (2) pas dga’ bar ga la ’gyur te | de yaṅ rgyal srid bgyid du stsol bar ’tshal lo | gtsud pud can gyis smras pa | gal te de rgyal por gyur na ṅa ñid kyis gźon nu byas te | ’di la ’gal ba ci yod | de gñis kyis smras pa | lha de ni tshul daṅ mthun pa la (3) lags te gźon nu daṅ | blon po daṅ | pho braṅ ’khor gyi mi daṅ yul gyi mi dag gis thal mo stoṅ dag gis thal mo stoṅ dag gis phyag bgyis pas rgyal srid bgyid du stsal nas yaṅ ji ltar gźon nu’i gnas su gnas par mdzad yul ’khor yoṅs su btaṅ ba ni mi sdo yi gźon nu’i (4) gnas su gnas pa ni mi ruṅ ste | ’di lta ste dper bgyi na mi źig glaṅ po che’i gña’ bar mchis nas rta’i rgyab tu mchi ba daṅ | rta’i rgyab tu mchis nas śiṅ rtas mchi ba daṅ | śiṅ rtas mchis nas rkaṅ pa gñis kho nas mchi ba bźin du || rgyal srid bgyid du (5) stsal nas yaṅ gźon nu’i gnas na gnas pa yaṅ de daṅ ’dra’o || de gñis kyis bslus nas des smras pa | ’o na ’di la gaṅ rigs | ’di la ji ltar bsgrub par bya | de gñis kyis smras pa | lha de ’gums su stsal bar bgyi’o || gal te ’gums sum (6) stsal gor ma bkum par blon po skyon chags pa dag daṅ bsdoṅs te lha ñid dgroṅs par bgyid do || de skad ces smras pa daṅ | de bźin gyur ciṅ ñams te yud tsam źig caṅ mi smra bar ’dug nas mchi mas brnaṅs pa’i sñiṅ gis sñiṅ rje bźin źum pa daṅ | thogs (7) pa’i yid dag gis smras pa | śes ldan gñis ji ltar yab dgroṅs su ruṅ | de gñis kyis smras pa | lhas | pha ’am yaṅ na spun dag gam || raṅ las skyes pa’i bu yaṅ ruṅ | gal te dgra khrod źugs gyur na | sa phuṅ ’phel ba ñid du bya || źes bgyi (118a1) bam gsan tam | yaṅ smras pa | lhas gaṅ la bu pho stoṅ bdog ciṅ | thams cad gru gcig źugs gyur pa | der ni dgra bo gcig tu byuṅ | de yi don du de nub bya || źes bgyi ba ma gsan tam | lhas gźan dag nas | khyim gyi phyir ni gcig (2) gtaṅ bya || groṅ phyir khyim ni gtaṅ bar bya || ljoṅs phyir groṅ ni gtaṅ bya ste | bdag ñid phyir ni sa gtad bya || źes ’byuṅ ba yaṅ ma gsan tam | lha ’di la dgoṅs par bgyi ba ci yaṅ ma mchis te | de ni dgum par bgyi lags pas ’gums su stsal bar bgyi’o || (3) gal te lha ’di la phyi śol mdzad nas lha la rjes su chags pa’i gźon nu daṅ | blon po daṅ | pho braṅa’akhora gyi mi gaṅ dag lags pa de dag ’khrugs par gyur na gor ma bkum par lha la gnod pa bgyid par ’gyur ro | ’dod pa dag la bsten pas ni (4) sdig pa’i las mi bya ba ci yaṅ med pas des de ltar gyis śig ces khas blaṅs so || de nas blon po skyon chags pa de gñis dga’ ba daṅ mgu ba daṅ mchog tu dga’ ba skyes nas mi gśed ma pa dag la smras pa | śes ldan dag deṅ la rgyal po rgan po sod cig daṅ khyed cag (5) la loṅs spyod dag gis bgo bśa’ bya’o || rgyal po de la pho braṅ ’khor gyi mi daṅ yul mi thams cad rjes su chags pas de gsod par spro ba ’ga’ yaṅ med do || de gñis kyis de dag la lan gsum gyi bar du yaṅ dbyig daṅ | gser daṅ groṅ sbyin pa la sogs pas (6) spro bar byed na spro ba ’ga’ yaṅ ma byuṅ nas | de nas de gñis khro bas kun nas dkris pas phyag sbal sruṅ ba rnams la bsgo ba | śes ldan dag deṅ la mi de dag bu daṅ | chuṅ ma daṅ rtsa lag daṅ mdza’ bśes daṅ | ñe du’i tshogs daṅ bcas pa chiṅs la chug śig | (7) de dag gis thos nas skrag par gyur te smras pa | lha ñag mi bźes su gsol | bdag cag ni phyag rjed bka’ ñan pa dag lags kyis mchi’o || źes de dag gis ral gri rnon po mchan du bcug ste ’phags so || tshe daṅ ldan pa u tra yan dbyar gyi zla ba gsum po (118b1) dag ’das nas chos gos byas pa daṅ ldan | chos gos zin pa daṅ ldan pas lhuṅ bzed daṅ chos gos thogs nas bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te | bcom ldan ’das la ’di skad ces gsol to || (2) btsun pa bdag groṅ khyer sgra sgrogs su ljoṅs rgyu źiṅ mchi bar ’tshal lo || bcom ldan ’das kyis bka’ stsal pa | u tra ya na soṅ la khyod kyis las bdag gir bya ba yid la bya’o || de nas tshe daṅ ldan pa u tra ya nas | bcom ldan ’das kyi źabs gñis la mgo bos (3) phyag ’tshal te bcom ldan ’das kyi spyan sṅa nas soṅ ṅo || de nas tshe daṅ ldan pa u tra ya na de ñid kyi mtshan mo ’das nas sṅa dro śam thabs bgos | lhuṅ bzed daṅ chos gos thogs te rgyal po’i khab tu bsod sñoms la źugs so || rgyal po’i khab tu bsod sñoms brgyus (4) nas zas kyi bya ba byas te phyi ma’i zas kyi bsod sñoms las phyir log par | ji ltar loṅs spyod pa’i gnas mal mkhos su phab ste lhuṅ bzed daṅ chos gos thogs nas las kyi stobs kyis bdas te soṅ ṅo || las kyis riṅ du ’dren byed de || riṅ las las kyis ’dren par byed | (5) gaṅ du las rnams smin ’gyur ba | der ni las kyis rab tu ’dren | de groṅ khyer sgra sgrogs ga la ba der soṅ nas mthar gyis rgyu źiṅ ’gro ba na lam ka na ri brags śig yod pa der bsod sñoms la źugs nas de de nas bsod sñoms la źugs nas de de nas bsod sñoms brgyus te soṅ ba daṅ | mi gśed ma pa (6) de dag daṅ phrad nas de dag gis de mthoṅ ṅo | des kyaṅ de dag ṅo śes nas de dag daṅ lhan cig skyed mos tshal źig tu mtshan mo gnas par khas blaṅs nas de de dag la dri bar brtsams pa | ji lta sgra sgrogs dag na gtsug pud can || ’khor daṅ tshogs bcas stobs (7) ldan nad med dam || de la phas kyi sdo ba ’ga’ med ciṅ || raṅ gi rgyal srid chos kyis byed ’jug gam || de dag gis smras pa | lha de bźin sgra sgrogs dag na gtsug pud can || ’khor daṅ tshogs bcas stobs ldan bro ma ’tshal || de la phas kyi sdo ba ma mchis te || (119a1) rgyal srid rtag tu chos ma lags pas bgyid | mi mchog khyod kyi tshul daṅ mthun pa yi || ’phags dṅos mṅon brtags gaṅ lags khyod kyis mdzod || źi ba de yi tshul mthun gaṅ lags pa || de ni de riṅ ñe bar gzigs par ’gyur || tshe daṅ ldan pa (2) u tra ya nas smras pa | śes ldan dag ci deṅ der ’oṅ ba la mṅon par mi dga’ ’am | de dag gis smras pa | lha mṅon par mi dga’o || des smras pa | śes ldan dag gal te de lta na mi ’gros phyir ldog par bya’o || de dag gis tshigs su bcad pa smras pa |

skyes bu (3) dpa’ khyod slar ni gaṅ du gśegs ||
sras ni khyod gson mṅon ba mi dga’ ste ||
bdag cag byur ṅan rgyal pos bskos rnams kyis ||
’dir ni khyod dgroṅs slad du mchid kyis ’tshal ||

tshe daṅ ldan pa u tra ya nas smras pa | śes ldan dag khyed cag ṅa gsod pa’i mi (4) gśed ma pa dag yin nam | lha bdag cag khyod dgroṅs pa’i gśed ma pa dag lags so || tshe daṅ ldan pa u tra ya nas bsams pa | bcom ldan ’das kyis bdag la u tra ya na soṅ la khyod kyis las bdag gir bya ba yid la bya’o źes bka’ stsal pa gaṅ yin pa de ni (5) ’di yin pa lta ste | ’khor ba ni rnam pa thams cad du ṅan pa sñiṅ po med pa ’jig pa’i chos can yin no sñam du rig nas | de dag la smras pa | bźin bzaṅs dag ṅa don gaṅ gi phyir rab tu byuṅ ba’i don de ṅas da duṅ ma thob kyis re źig ṅa raṅ gi don rjes su sgrub kyi bar du yud tsam (6) źig sdod cig | de dag gis phan tshun gros byas te smras pa | lha de ltar mdzod cig | de nas tshe daṅ ldan pa u tra ya na śiṅ ljon pa źig gi druṅ du brten nas braṅ ’gro’i rgyal po gñid log pa’i lus bskyil ba ltar skyil mo kruṅ bcas te spyod lam źi bas ’dug go | bcom ldan (7) ’das kyis maṅ du thos pa la phan yon lṅa yod de | phuṅ po la mkhas pa daṅ | khams la mkhas pa daṅ | skye mched la mkhas pa daṅ | rten ciṅ ’brel par ’byuṅ ba la mkhas pa daṅ | de’i gdams ṅag daṅ rjes su bstan pa gźan la rag ma las pa yin no źes gsuṅs (119b1) bas des brtson ’grus brtsams pas ’khor ba’i ’khor lo cha lṅa pa g-yo ba daṅ mi g-yo ba ’di ñid rig ste | ’du byed kyi rnam pa thams cad ñams pa daṅ | ltuṅ ba daṅ rnam par ’thor ba daṅ | rnam par ’jig pa’i chos ñid kyis zil gyis mnan nas ñon moṅs pa (2) thams cad spaṅs pas rigs kyi bu dag gaṅ gi phyir skra daṅ kha spu dag bregs te gos ṅur smrig dag bgos nas yaṅ dag pa kho nar dad pas khyim nas khyim med par rab tu ’byuṅ bar byed pa tshaṅs par spyod pa’i mtha’ bla na med pa de tshe ’di ñid la raṅ gi mṅon par śes pas (3) mṅon sum du byas te bsgrubs nas bdag gi skye ba zad do || tshaṅs par spyod pa spyad do || bya ba byas so || srid pa ’di las gźan mi śes so źes go bar byed ciṅ | dgra bcom pa khams gsum pa las ’dod chags daṅ bral ba | boṅ ba daṅ gser du mñam pa | nam (4) mkha’ daṅ lag mthil du mtshuṅs pa’i sems daṅ ldan pa | tsan dan bźag pa lta bu | rig pas sgo ṅa’i sbubs dral bar gyur ciṅ | rig pa daṅ | mṅon par śes pa daṅ | so so yaṅ dag par rig pa thob pa | srid pa daṅ ’dod pa’i rñed pa daṅ | bkur sti la rgyab (5) kyis phyogs pa | dbaṅ po daṅ ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de nas tshe daṅ ldan pa u tra ya nas dgra bcom pa ñid thob nas rnam par grol ba’i dga’ ba daṅ bde bso so yaṅ dag par rig (6) pa na de’i tshe tshigs su bcad pa smras pa |

dge sloṅ u tra ya na ni ||
mdud pa sbyor ba zug rṅu daṅ ||
de bźin sgrib las thar gyur kyaṅ ||
rgyal po’i chos la deṅ ma thar ||

ces smras nas mi gśed ma de dag la smras pa | bźin bzaṅs dag ṅas thob par bya ba gaṅ yin pa (7) de thob zin gyis da ni khyed cag don gaṅ gi phyir ’oṅs pa’i don de thob par bya’o || de dag gis smras pa | lha gal te rgyal po gtsug phud can bdag cag la rgyal po gtsug phud can bdag cag la rgyal po rgan pos ’chi ba’i dus kyi tshe ci źig smras źes rmed na | bdag cag gis de la ji skad brjod par bgyi | (120a1) bźin bzaṅs dag de la ’di skad ces | rgyal srid phyir ni pha bsad pas | bsod nams ma yin maṅ po bskyed | ṅa ni yoṅs su mya ṅan ’da’ || khyod ni mnar med ’gro bar ’gyur || źes brjod par bya’o || gźan yaṅ ’di skad ces | khyod kyis (2) mtshams med pa gñis byas te | pha srog daṅ phral ba gaṅ yin pa daṅ | dge sloṅ dgra bcom pa zag pa zad pa srog daṅ phral ba gaṅ yin pa de gñis kyis khyod yun riṅ por sems can dmyal ba chen po mnar med par gnas par bya dgos kyis sdig pa sna tshogs las (3) śogs śig daṅ | de lta las bsrabs pa ñid daṅ | yoṅs su zad pa daṅ | yoṅs su mthar thug par ’gyur ro źes brjod par bya’o || tshe daṅ ldan pa u tra ya nas yaṅ bsams pa | sems can de sems can dmyal ba chen po las gźol bar gyur na mi ruṅ gis (4) rdzu ’phrul gyis ’gro’o sñam nas | des rdzu ’phrul gyi thabs gaṅ daṅ gaṅ yin brtsams na de’i las kyis non pas rdzu źes bya ba tsam yaṅ snaṅ bar ma gyur na rdzu ’phrul lta smros kyaṅ ci dgos | de nas mi gśed ma pa de dag las mi sñiṅ rje med pa’i sems daṅ ldan pa | (5) ’jig rten pha rol btaṅ ba gcig gis ral gri śubs nas phyuṅ ste | de’i mgo druṅs nas bcad nas sa la bsgyel te || de nas bcom ldan ’das ’dzum pa mdzad do || chos ñid kyis na gaṅ gi tshe saṅs rgyas bcom ldan ’das rnams ’dzum pa mdzad pa de’i tshe na źal nas ’od (6) zer sṅon po daṅ | ser po daṅ | dmar po daṅ | dkar po daṅ | btsod ka daṅ | śel daṅ | dṅul gyi kha dog lta bu dag byuṅ nas kha cig ni ’og logs su ’doṅ | kha cig ni steṅ logs su ’doṅ bas gaṅ dag ’og logs su ’doṅ ba de dag ni sems can dmyal ba (7) yaṅ sos daṅ | thig nag daṅ | bsdus gźom daṅ | ṅu ’bod daṅ | du ’bod chen po daṅ | tsha ba daṅ | rab tu tsha ba daṅ | mnar med pa daṅ | chu bur can daṅ | chu bur rdol daṅ | so thams thams daṅ | kyi hud zer daṅ | a cu zer daṅ | ut+pala ltar gas (120b1) pa daṅ | pad ma ltar gas pa daṅ | pad ma ltar gas pa chen por doṅ ste | sems can dmyal ba tsha ba gaṅ dag yin pa de dag tu ni bsil bar gyur te ’bab par byed la | sems can dmyal ba graṅ ba gaṅ dag yin pa de dag tu ni dro bar gyur te ’bab par byed do || des sems (2) can de dag gi gnod pa’i bye brag dag rgyun gcod par byed ciṅ de dag ’di sñam du | śes ldan dag ci bdag cag ’di nas śi ’phos sam | ’on te gźan du skyes sñam du sems so || de dag dad pa bskyed par bya ba’i phyir bcom ldan ’das kyis sprul ba gtoṅ bar mdzad de | (3) de dag gis sprul pa mthoṅ nas ’di sñam du śes ldan dag bdag cag ’di nas śi ’phos pa ma yin la | gźan du skyes pa yaṅ ma yin te | ’di ltar sems can sṅon ma mthoṅ ba ’di’i mthus bdag cag gi gnod pa’i bye brag rgyun chad par gyur to sñam du sems so | (4) de dag sprul pa la sems mṅon par dad par gyur nas | sems can dmyal ba myoṅ bar ’gyur ba’i las de zad par byas nas gaṅ du bden pa dag gi snod du gyur par ’gyur ba’i lha daṅ mi rnams kyi naṅ du ñid mtshams sbyor ba len par byed de | gaṅ dag steṅ logs su (5) ’doṅ ba de dag ni rgyal chen bźi pa daṅ | sum bcu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs ris daṅ | tshaṅs pa’i mdun na ’don daṅ | tshaṅs chen daṅ | ’od chuṅ daṅ tshad med ’od daṅ | (6) ’od gsal daṅ | dge chuṅ daṅ | tshad med dge daṅ | dge rgyas daṅ | sprin med daṅ | bsod nams skyes daṅ | ’bras bu che daṅ | mi che ba daṅ | mi gduṅ ba daṅ | gya nom snaṅ daṅ | śin tu mthoṅ daṅ | ’og min gyi lha rnams kyi naṅ du doṅ nas mi rtag pa daṅ | sdug (7) bsṅal ba daṅ | stoṅ pa daṅ | bdag med pa źes bya ba’i sgra sgrogs par byed ciṅ tshigs su bcad pa gñis so ||

brtsam par bya źiṅ ’byuṅ bar bya ||
saṅs rgyas bstan la ’jug par bya ||
’dam bu’i khyim la glaṅ chen bźin ||
’chi bdag sde ni gźom par bya ||
(121a1) gaṅ źig rab tu bag yod par ||
chos ’dul ’di la spyod ’gyur ba ||
skye ba’i ’khor bar ba spaṅs nas ||
sdug bsṅal tha mar byed par ’gyur ||

źes bya ba yaṅ smras so || de nas ’od zer de dag gis stoṅ gsum gyi stoṅ chen po’i ’jig rten gyi khams byul nas (2) bcom ldan ’das kyi slad bźin slad bźin du rjes su ’doṅ ste | de la gal te bcom ldan ’das ’das pa’i las luṅ ston par bźed na ni bcom ldan ’das kyis snam logs su nub par ’gyur ro || ma ’oṅs pa’i las luṅ ston par bźed na ni mdun logs su nub par ’gyur | (3) sems can dmyal bar skye par luṅ ston par bźed na ni źabs kyi mthil du nub par ’gyur | dud ’gror skye ba luṅ ston par bźad na ni źabs kyi loṅ bur nub par ’gyur | yi dgas su skye ba luṅ ston par bźed na ni źabs kyi mthe bor nub par ’gyur | mir skye ba luṅ ston par (4) bźed na ni pus mor nub par ’gyur | stobs kyi ’khor los sgyur ba’i rgyal srid luṅ ston par bźed na ni phyag mthil g-yon par nub par ’gyur | ’khor los sgyur ba’i rgyal srid du luṅ ston par bźed na ni phyag mthil g-yas par nub par ’gyur || lhar skye ba luṅ ston (5) par bźed na ni lte bar nub par ’gyur | ñan thos kyi byaṅ chub luṅ ston par bźed na ni źal du nub par ’gyur | raṅ saṅs rgyas kyi byaṅ chub luṅ ston par bźed na ni mdzod sbur nub par ’gyur | bla na med pa yaṅ dag par rdzogs pa’i byaṅ chub luṅ ston par bźed na ni gtsug (6) tor du nub par ’gyur ro || de nas ’od zer de dag gis bcom ldan ’das la lan gsum bskor ba byas te bcom ldan ’das kyi źabs gñis kyi mthil du nub bo de nas tshe daṅ ldan pa kun dga’ bos thal mo sbyar te bcom ldan ’das la źus pa ||

kha dog sna tshogs stoṅ gis (7) bkra ba yi || tshogs rnams źal gyi sgo nas byuṅ gyur te ||
de yis phyogs rnams thams cad snaṅ bgyis pa || ñi gdugs brdal bar gyur pa ci bźin no ||

yaṅ tshigs su bcad pa smras pa |

rgod bral źum daṅ rgyags pa rab spaṅs pa || saṅs rgyas ’gro ba mchog gi rgyur (121b1) gyur pa ||
rgyal ba dgra thul byed rgyu mchis pa || rtsa lag duṅ ltar dkar ’dzum ston mi mdzad ||

de slad brten pa raṅ blos dus mkhyen nas || thub pa khyu mchog dge sbyoṅ skye dbaṅ po ||
ñan pa’i skye bo som ñi ldan rnams la || the tshom skyes pa gsuṅ tshig brtan pa daṅ ||
dam pa (2) dge ba dag gis bsal du gsol ||

tshwa chu ri rgyal lta bur brtan pa yi || saṅs rgyas mgon rnams glo bur ’dzum mi ston ||
brtan nas ci slad ’dzum pa ston mdzad pa || skye bo’i tshogs rnams de ni ñan par ’tshal ||

bcom ldan ’das kyis bka’ stsal pa | kun dga’ (3) bo de de bźin no de de bźin te | kun dga’ bo de bźin gśegs pa dgra bcom pa yaṅ dag par rdzogs pa’i saṅs rgyas rnams ni rgyu med rkyen med par ’dzum pa mi mdzad de | kun dga’ bo ’di ltar |

dge sloṅ u tra ya na ni ||
mdud pa sbyor ba zuṅ rṅu daṅ ||
de bźin sgrib (4) las thar gyur kyaṅ ||
rgyal po’i chos las deṅ ma thar ||

kun dga’ bo groṅ khyer sgra sgrogs na gnas pa’i rgyal po gtsug pud tsan sdig pa’i grogs pos bskor nas dge sloṅ u tra ya na | dgra bcom pa ñid thob pa srog daṅ bral bar byas te | des pha dgra bcom pa srog (5) daṅ bral bar byas pas ṅes par sems can dmyal ba chen po mnar med par skye bar ’gyur ro || btsun pa tshe daṅ ldan pa u tra ya na dgra bcom pa ñid thob ciṅ srog daṅ bral bar gyur tam || kun dga’ bo u tra ya na dgra bcom pa ñid thob ciṅ srog daṅ bral bar gyur to || (6) tshe daṅ ldan pa kun dga’ bos de thos nas mchi mas brnaṅs te ’dug go || de nas gśed ma pa mi de dag gis tshe daṅ ldan pa u tra ya na’i lhuṅ bzed daṅ | chos gos daṅ khar gsil khyer te groṅ khyer sgra sgrogs su phyin nas de dag gis blon po skyon chags pa de gñis la smras (7) pa | rgyal po rgan po bsad do || de gñis kyis thos nas dga’ ba daṅ mchog tu dga’ ba skyes te rgyal po gtsug pud can ga la ba der doṅ nas smras pa | lha dgyes pa skyed cig | da ni lha’i rgyal srid la tsher ma ma mchis so || ji ltar gyur lha’i dgra gaṅ lags pa de (122a1) bkum mo || ṅa’i dgra gaṅ yin | lha rgyal po rgan po’o || de bsad pa ji ltar śes | de gñis kyis mi gśed ma pa dag bstan te smras pa | lha mi ’di dag ni gśed ma pa lags te ’di dag gis de bkum mo || rgyal po gtsud pud can gyis de dag (2) mthoṅ nas smras pa | śes ldan dag rgyal po rgan po la dbaṅ ji tsam yod | lha de la dbaṅ ga la mchis te lhuṅ bzed daṅ | chos gos daṅ khar bsil ’di lags so || rgyal po gtsug pud can gyis de mthoṅ nas brgyal te sa la sgyel nas chus btab ste dbugs phyir byuṅ (3) nas smras pa | śes ldan dag rgyal po rgan pos ’chi ba’i tshe ci smras | lha rgyal po rgan po srog daṅ bral kar ’di skad ces |

rgyal srid phyir ni pha bsad pas || bsod nams ma yin maṅ po bskyed ||
ṅa ni yoṅs su mya ṅan ’da’ || khyod ni mnar med ’gro bar ’gyur ||
(4) źes mchi’o ||

gźan yaṅ ’di skad ces | khyod kyis mtshams med pa’i las gñis byas te | pha srog daṅ phral ba gaṅ yin pa daṅ | dge sloṅ dgra bcom pa zag pa zad pa srog daṅ phral ba gaṅ yin pas des khyod yun riṅ por sems can dmyal ba chen po mnar med par (5) gnas par bya dgos kyis sdig pa sdig pa las śigs śig daṅ | de lta na las bsrabs pa ñid daṅ | yoṅs su zad pa daṅ | yoṅs su gtugs par ’gyur ro || źes mchi’o || de mya ṅan gyi zug rṅus gzir bas ’dam bu sṅon por brdas pa bźin du rñis par gyur nas | (6) des blon po’i mchog he ru ka daṅ b+hi ru ka gñis pos te smras pa | śes ldan gñis khyed gñis kyis ṅa las de lta bu byed pa las ma bzlog go | de gñis kyis smras pa | lhas bdag cag gñis spyan lam du ma bźag na ji ltar bzlog par bgyi || des blon po skyon chags pa de (7) gñis mig lam du mi snaṅ bar bźag nas he ru ka daṅ | b+hi ru ka gñis phyir blon po’i mchog tu bskos pa daṅ | blon po skyon chags pa de gñis kyis gsaṅ ste | tshe daṅ ldan pa rgyal daṅ | skar rgyal gyi mchod rten gñis la khuṅ bu gñis brkos nas der byi la’i phru gu (122b1) gñis bźag ste | de gñis kyis ñi ma re re źiṅ śa sri re re byin nas ’di skad ces rgyal daṅ skar rgyal gñis bden pa daṅ bden pa’i tshig gaṅ gis khyod gñis kyis sgyu mas ’jig rten bslus te | dad pas sbyin par bya ba chud gsan pas byi la’i skye gnas ṅan par skyes pa’i bden (2) pa daṅ bden pa’i tshig des śa sri loṅ la raṅ raṅ gi mchod rten la bskor ba bgyis te | raṅ raṅ gi khuṅ du źugs śig ces slob par byed do || gaṅ gi tshe de gñis legs par lobs par gyur pa de’i tshe na blon po skyon chags pa de gñis u tra ya na’i btsun mo’i gan du soṅ ste (3) smras pa | lha mo khyod kyi sras rid pa daṅ | ñam chuṅ ba daṅ | rke ba daṅ | lus ma thob par gyur na ci’i slad du khyod btaṅ sñoms mdzad | des smras pa | khyod gñis ñid kyis de las de lta bu byed du bcug na da kho mos ji ltar bya || de gñis kyis smras pa | lha mo ci gaṅ du (4) bum pa lhuṅ ba der dpyaṅ thag kyaṅ lhuṅ bar bgyi’am | des smras pa | de śes te re źig de’i pha bsad pa ni kho mos gsaṅ bar bya na | dgra bcom pa bsad pa sus gsaṅ bar ’gyur | de gñis kyis smras pa | lha mo dgra bcom pa bsad pa bdag cag gñis kyis (5) gsaṅ bar bgyi’o || des smras pa | gal te de lta na legs so źes de de’i gan du soṅ ste smras pa | sras ci’i slad du khyod skya bo bseṅ bseṅ po rid pa daṅ | ñam chuṅ ba daṅ | rke ba daṅ | lus ma thob par gyur | des smras pa | yum khyod kyaṅ de skad ces ci’i (6) phyir khyod skya bo bseṅ bseṅ po rid pa daṅ | ñam chuṅ ba daṅ | rke ba daṅ | lus ma thob par gyur ces gsuṅ ṅam | gaṅ gi slad du bdag blon po skyon chags pa gñis kyis bslus pas mtshams med pa’i las gñis bgyis te yab srog daṅ phral ba gaṅ lags pa daṅ | dge (6) sloṅ dgra bcom pa zag pa zad pa srog daṅ phral ba gaṅ lags pa des bdag yun riṅ por sems can dmyal ba chen po mnar med par gnas par bgyi ’tshal na | bdag ji ltar skya bo bseṅ bseṅ po rid pa daṅ | ñam chuṅ ba daṅ | rke ba dag | lus ma thob par mi ’gyur (123a1) du ruṅ des smras pa | sras ci mi ’jigs pa stsol cig daṅ | gaṅ med pa de bka’ mchid bgyi’o || des smras pa | yum gsol gyis ji ltar lags pa gsuṅs śig | sras de ni khyod kyi yab ma lags te | ’di ltar bdag gis zla mtshan bkru ba’i slad du skyes (2) pa gźan dag daṅ lhan cig dga’ mgur spyod pa de las khyod ’khruṅs so || des bsams pa | de lta na pha bsad par ma gyur to sñam du rig nas smras pa | yum gal te de lta na pha bsad pa ni ma mchis na dgra bcom pa bsad pa mchis pa de ji ltar mthar thug par bgyi || des (3) smras pa | sras ’di la śes pa la mkhas pa dag smra bar bgyi ste | de dag gis de mthar thug par bgyid par ’gyur ro || źes smras te soṅ nas | des blon po skyon chags pa de gñis bos te smras pa | kho mos de’i pha bsad pa ni bsal zin gyis da khyod gñis kyis dgra bcom (4) pa bsad pa sol cig | rgyal po gtsug pud can gyis blon po rnams la bsgo ba | blon po gaṅ dag śes pa la mkhas pa thams cad sdus śig | de dag gis blon po gaṅ dag śes pa la mkhas pa thams cad bsdus pa daṅ blon po skyon chags pa de gñis kyaṅ der ’dus par gyur (5) to|| de nas rgyal po gtsug pud can gyis de dag la smras pa | śes ldan dag ṅas dgra bcom pa bsad pa gaṅ yin pa de ji ltar mthar thug par bya | de na rgyal pos ñe bar ’tsho ba’i mi thams cad kyis ni mi mthun par smra bar brtsams te | de na kha cig gis smras pa | lha des (6) dgra bcom pa ñid mṅon sum du bgyis par sus mthoṅ | kha cig gis smras pa | lha dgra bcom pa dag ni thams cad mkhyen pa dag ’dra ste nam mkha’ la mchi’o || blon po skyon chags pa de gñis kyis smras pa | lha ’di la thugs ṅan bgyir ci mchis || des smras pa | (7) khyed gñis kyaṅ de skad ces ’di la mya ṅan byar ci yod zer ram | khyed gñis ñid na re dgra bcom pa gsod du bcug go źes mi zer ram | de gñis kyis smras pa | lha dgra bcom pa dag ma mchis na dgra bcom pa dag bkum pa mchis re skan | des smras pa | ṅas mṅon sum kho (123b1) nar dgra bcom pa rgyal dag | skar rgyal gñis kyis ’bar ba daṅ | gsal ba daṅ | char ’bab pa daṅ | glog ’byin pa’i cho ’phrul dag byas te phuṅ po’i lhag ma med pa’i mya ṅan las ’das pa’i dbyiṅs yoṅs su mya ṅan las ’das pa mthoṅ bźin du khyed gñis kyis de skad (2) ces | dgra bcom pa dag mer na dgra bcom pa bsad pa yoṅ re skran | źes zer ram | de gñis kyis smras pa | lha ji ltar de gñis kyis sgyu mas ’jig rten bslus te dad pas sbyin par bgyi ba chud gzan pas byi la’i skye gnas ṅan par skyes te | deṅ saṅ ñid du yaṅ raṅ raṅ gi (3) mchod rten na mchis pa lha’i mṅon sum du bgyi’o || rgyal pos blon po rnams la smras pa | śes ldan dag gal te de lta na tshur śog dad ci yaṅ dag pa’am | yaṅ dag pa ma yin pa ltar ’doṅ ṅo || groṅ khyer sgra sgrogs thams cad du ji ltar rgyal daṅ | skar rgyal (4) gñis byi la’i skye gnas su skyes te raṅ raṅ gi mchod rten na ’dug nas rgyal po ltar soṅ ṅo źes bya ba’i sgra des khyab par gyur nas srog chags ’bum phrag du ma dag ltad mo skyes nas rgyal po’i phyi bźin du ’braṅ ṅo || de nas blon po skyon chags pa de gñis kyis rgyal po daṅ (5) bcas pa’i ’khor ’bum phrag du ma’i mdun du smras pa | rgyal daṅ skar rgyal gñis ñon cig bden pa daṅ bden pa’i tshi ga gaṅ gis khyed gñis kyis sgyu mas ’jig rten bslus te dad pas sbyin par bya ba chud gzan pas byi la’i skye gnas ṅan par skyes te raṅ raṅ gi mchod rten na (6) ’dug pa’i bden pa daṅ bden pa’i tshig ṅes śa sri ’di loṅ la raṅ raṅ gi mchod rten la bskor ba bgyis te raṅ raṅ gi khuṅ du źugs śig | de skad smras pa daṅ | de ga gñis kyis raṅ raṅ gi khuṅ nas byuṅ ste śa sri blaṅs nas raṅ raṅ gi mchod rten la bskor ba byas nas raṅ raṅ gi khuṅ (7) du źugs pa srog chags ’bum phrag du ma dag gis mthoṅ nas | blon po skyon chags pa de gñis kyis smras pa | lta gzigs sam | des smras pa mthoṅ ṅo || de gñis kyis smras pa | lha de ltar na ’jig rten na dgra bcom pa dag ma mchis te de ni skye bo’i bka’ mchid ’ba’ (124a1) źig tu bas so | de nas rgyal po de la ’jig rten dgra bcom pa dag yod do sñam pa’i lta ba yod pa gaṅ yin pa de med par gyur to || de na gaṅ dag ma dad pa de dag la ni med par lta ba skyes par gyur to || gaṅ dag bar mar gnas pa de dag ni yid gñis (2) za bar gyur to || gaṅ dag dad pa de dag ni gnoṅ źiṅ mi dga’ ba daṅ | mi ’jigs pa med par gyur to || de nas rgyal po gtsug pud can gyis bsams pa | gal te ’jig rten na dgra bcom pa dag med na bdag gis ci’i phyir ’phags pa kā t+yā ya na chen po ’khor lṅa brgya daṅ | (3) dge sloṅ ma rim ’khor lṅa brgya daṅ ldan pa la bsod sñoms dbul sñam nas des dge sloṅ rnams daṅ | dge sloṅ ma rnams kyi bsod sñoms bcad nas dge sloṅ rnams daṅ | dge sloṅ ma rnams kyaṅ groṅ khyer sgra sgrogs nas doṅ ṅo || tshe daṅ ldan pa kā t+yā ya na chen po daṅ | dge (4) sloṅ ma rim ni gdul ba la ltos bas de ñid na ’khod do || ji tsam dus gźan źig na rgyal po gtsug pud can groṅ khyer sgra sgrogs nas phyir byuṅ ba na tshe daṅ ldan pa kā t+yā ya na chen po groṅ khyer sgra sgrogs su bsod sñom la źugs pa daṅ | des rgyal po mthoṅ nas ’di mi dga’ (5) bar sems par gyur na mi ruṅ ṅo sñam nas mtha’ gcig tu soṅ ste sdod do || rgyal po gtsug phud can gyis de mtha’ gcig tu sdod pa mthoṅ ṅo || mthoṅ nas kyaṅ blon po rnams la smras pa | śes ldan dag ci’i phyir ’phags pa kā t+yā ya na chen po ’di ṅa mthoṅ nas mtha’ gcig (6) du soṅ ste sdod | de’i phyi bźin blon po’i mchog he ru ka daṅ | b+hi ru ka gñis ’gro ba de gñis kyis smras pa | lha ’phags pa kā t+yā ya na chen po’i thugs lam na lha ga śed du gzigs mo daṅ dge mtshan la gśegs pas mi dgyes par dgoṅs par gyur na mi ruṅ ṅo sñam pa (7) daṅ | tshon gyis las bgyi ba dka’ bas chos gos daṅ rdul gyis phog par gyur na mi ruṅ ṅo sñam du dgoṅs so || rgyal po caṅ mi smra bar soṅ ṅo || tshe daṅ ldan pa kā t+yā ya na chen pos groṅ khyer sgra sgrogs su bsod sñoms brgyus te byuṅ ba na rgyal po gtsug pud can naṅ du ’jug (124b1) nas tshe daṅ ldan pa kā t+yā ya na chen po de bźin du mtha’ gcig tu soṅ ste sdod do || rgyal po gtsug pud can gyis des mtha’ gcig na sdod pa mthoṅ ṅo || mthoṅ nas kyaṅ blon po rnams la smras pa | śes ldan dag ’phags pa kā t+yā ya na chen po ’dis sṅar ṅa mthoṅ nas (2) mtha’ gcig tu soṅ ste sdoṅ ba’i rgyu ni de yin na da ltar yaṅ mtha’ gcig tu soṅ ste sdod pa’i rgyu ci yin | de’i phyi bźin blon po skyon chags pa gñis ’gro ba de gñis kyis smras pa | lha ’di’i mchid nas kho bo pha gsod pa ’di’i rdul gyis mi reg par bya’o źes mchi’o | (3) rgyal po de ni yoṅs su mi rtog pa yin pas de skad thos nas khro bas kun nas dkris par gyur te ’khor thams cad la smras pa | śes ldan dag khyed cag las gaṅ daṅ gaṅ ṅa la dga’ ba de daṅ des dge sbyoṅ mgo reg ’di’i steṅ du sa sbar mo re res gtor cig | skye bo’i tshogs (4) thams cad kyis sa spar mo re re gtor to | rgyal po de dpuṅ che ba yin pas re re sa spar mo re re tshe daṅ ldan pa kā t+yā ya na chen po’i steṅ du gtor ba daṅ | de’i steṅ du sa phuṅ chen po rnam par gnas par gyur to || tshe daṅ ldan pa kā t+yā ya na chen pos kyaṅ de’i dbus su lo ma ma (5) yin ba’i spyil bu mṅon par sprul te ’dug go | de dag de las ’thor ba na ba laṅ rdzi daṅ phyugs rdzi dag gis mthoṅ nas de dag smod bźin du mtha’ ’khor źiṅ sdod pa na blon po’i mchog he ru ka daṅ | b+hi ru ka gñis phyi bźin ’braṅ źiṅ ’oṅ ba phyogs der phyin nas de gñis (6) kyis dris pa | śes ldan dag ’di ci yin | de dag gis smras pa | rgyal po ’thab krol can pha gsod pa des ’phags pa kā t+yā ya na chen po ñes pa med pa gnod pa mi byed pa sas bkab bo || de gñis mchi mas brnaṅs te ṅu ba’i bźin gyis ba laṅ rdzi daṅ phyugs rdzi dag daṅ (7) lhan cig sa phyag par brtsams pa daṅ | tshe daṅ ldan pa kā t+yā ya na chen po byuṅ nas de gñis kyis rkaṅ pa gñis la gtugs te dris pa | ’phags pa ’di di lags | des smras pa | las dag yin mod gźan ci źig ’byuṅ bar ’gyur || || ’dul (125a1) ba rnam par ’byed pa | bam po bdun bcu rtsa gñis pa | de gñis kyis smras pa | ’phags pa gtsug phud can skye bo phal po che daṅ bcas pas las ’di lta bu bgyis pa gaṅ lags pa de’i rnam par smin pa cir ’gyur | des smras pa | deṅ nas ñi ma bdun na groṅ (2) khyer sgra sgrogs sas non par ’gyur ro || ’phags pa rim pa ji lta bur ’gyur | tshe daṅ ldan pa gñis re źig ñi ma daṅ po la rluṅ mo che byuṅ nas groṅ khyer sgra sgrogs rdo ba daṅ | gseg ma daṅ | gyo mo med par rnam par ’jog par ’gyur ro || ñi ma gñis pa la me tog gis char ’bab (3) bar ’gyur ro ||ñi ma gsum pa la gos kyi char ’bab par ’gyur ro ||ñi ma bźi pa la dṅul gyi char ’bab par ’gyur ro || ñi ma lṅa pa la gser gyi char ’bab par ’gyur ro || de’i ’og tu groṅ khyer sgra sgrogs kyi ñen kor na gnas pa gaṅ dag gis las mthun par byas pa (4) de dag groṅ khyer sgra sgrogs su ’jug par ’gyur źiṅ | de dag źugs pa na ñi ma drug pa la rin po che’i char ’bab par ’gyur ro || ñi ma bdun pa la sa’i char ’bab par ’gyur ro || de gñis kyis smras pa | ’phags pa ci lags | bdag cag gñis kyaṅ las de’i (5) cha can lags sam | bźin bzaṅs gñis khyed gñis ni las de’i cha can ma yin no || ’phags pa gal te de ltan bdag cag gñis kyis groṅ khyer ’di nas ji ltar ’byuṅ bar bgyi | des smras pa | bźin bzaṅs gñis khyed gñis kyis raṅ gi khyim nas chuṅ kluṅ (6) gi bar du phug rkor chug la khyim druṅ du gru bźag ste sdod la gaṅ gi tshe rin po che’i char ’bab pa de’i tshe na rin po che dag gis gru ’geṅs su chugs la bros śig | de gñis kyis de’i rkaṅ pa gñis la gtugs te groṅ khyer sgra sgrogs su źugs nas de gñis rgyal po’i gan du (7) soṅ ste smras pa | ’phags pa kā t+yā ya na chen po la cuṅ źig bgyis sam | ci na dog sas bkab | des smras pa | śes ldan gñis de gson nam | lha gson no || ci zer | lha de ’di skad ces deṅ nas gdugs bdun na groṅ khyer sgra sgrogs dog pas non par (125b1) ’gyur źes mchi’o || rim pa ji ltar ’gyur | de gñis kyis smras pa | lha de ’di skad ces re źig ñi ma daṅ po la rluṅ mo che byuṅ nas groṅ khyer sgra sgrogs rṅo ba daṅ | gseg ma daṅ | gyo mo med par rnam par ’jog par ’gyur ro || ñi ma gñis pa la me tog gi char ’bab (2) par ’gyur ro | ñi ma gsum pa la gos kyi char ’bab par ’gyur ro || ñi ma lṅa pa la gser gyi char ’bab par ’gyur ro || de’i ’og tu groṅ khyer sgra sgrogs kyi ñen kor na gnas pa gaṅ dag gis las mthun par byas pa (3) de dag groṅ khyer sgra sgrogs su ’jug par ’gyur źiṅ de dag źugs pa na ñi ma drug pa la rin po che’i char ’bab par ’gyur ro || ñi ma bdun pa la sa’i char ’bab par ’gyur ro źes mchi’o || blon po skyon chags pa de gñis kyis smras pa | lha bram ze gaṅ la sloṅ mo stsal (4) nas yaṅ bcad na de legs pa ci źig sems te | lhas de ’khor lṅa brgya daṅ ldan pa la bsod sñoms stsal nas bcad ciṅ saṅs kyaṅ g-yogs pas de ’di skad mchi ba las gźan pa ches śis pa’i tshig smra bar ga la ’gyur | rgyal po gtsug pud can gyis bsams pa | de (5) bden no sñam pa daṅ | blon po’i mchog he ru ka daṅ | b+hi ru ka gñis kyis bźin bsgyur ciṅ lag pa gñis yoṅs su dril te doṅ ṅo || de na he ru ka la bu sṅo bsaṅs źes bya ba khye’u źig yod la || b+hi ru ka la yaṅ bu mo sṅo bsaṅs can źes bya ba bu mo źig yod nas | he ru kas (6) khye’u sṅo bsaṅs tshe daṅ ldan pa kā t+yā ya na chen po la phul te smras pa | ’phags pa gal te ’di la dge ba’i rtsa ba ’ga’ źiṅ mchis na rab tu dbyuṅ du gsol | gal te ma mchis na ’di khyod ñid kyis źabs ’briṅ ba lags so || b+hi ru kas kyaṅ bu mo sṅo bsaṅs can dge sloṅ ma rim (7) la phul te smras pa | ’phags ma gal te ’di la dge ba’i rtsa ba bka’ źig mchis na rab tu dbyuṅ du gsol || gal te ma mchis na kau śā m+bī na khyim bdag gdaṅs can źes bgyi ba bdag gi chuṅ po grogs śiṅ mchis pa de la gtad du gsol || des khas blaṅs so || de (126a1) nas dge sloṅ ma rim bu mo sṅo bsaṅs can khrid de rdzu ’phrul gyis groṅ khyer sgra sgrogs nas soṅ nas | des bu mo de kau śām+bīra khyim bdag gdaṅs can la gtad nas phrin ji skad spriṅ ba yaṅ bzlas so || tshe daṅ ldan pa kā t+yā ya na chen po ni de ñid du ’dug go | (2) blon po’i mchog he ru ka daṅ b+hi ru ka gñis kyis khyim nas chu kluṅ gi bar du phug rkor bcug ste khyim duṅ du gru bźag nas bsdad do || ji tsam na ñi ma de la rluṅ mo che byuṅ nas des groṅ khyer sgra sgrogs de rdo ba daṅ | gseg ma daṅ | gyo mo med par rnam par bźag go | ñi (3) ma gñis pa la me tog gi char ’bab pa daṅ | blon po skyon chags pa de gñis kyis smras pa | lha rgyal po ṅa las nu la dguṅ bdun du dbyig gi char bab ces gda’ bas lha la yaṅ me tog gi char ’di bab pas riṅ po mi thogs par gos kyi char ’bab par ’gyur (4) ro | ñi ma gsum pa la gos kyi char bab pas daṅ | blon po skyon chags pa de gñis kyi sa smras pa | lha la gos kyi char ’di bab pas riṅ po mi thogs par dṅul gyi char ’bab par ’gyur ro || ñi ma bźi ba dṅul gyi char bab pa daṅ | blon po skyon chags pa de gñis kyis (5) smras pa | lha la dṅul gyi char ’di bab pas riṅ po mi thogs par gser gyi char ’bab par ’gyur ro || ñi ma lṅa pa la gser gyi char bab pa daṅ | blon po skyon chags pa de gñis kyis smras pa | lha la gser gyi char ’di bab pas riṅ po mi thogs par rin po che’i char ’bab (6) par ’gyur ro || de’i ’og tu groṅ khyer sgra sgrogs kyi ñen kor na gnas pa gaṅ dag gis las mthun par byas pa de dag groṅ khyer sgra sgrogs su źugs śiṅ de dag źugs pa na ñi ma drug pa la rin po che’i char bab pa daṅ | blon po’i mchog he ru ka daṅ | b+hi ru ka gñis kyis rin po (7) che dag gis gru ’geṅs su bcug ste bros so || de na he ru kas phyogs gźan źig tu he ru ka’i rtsal źes bya ba’i groṅ khyer rtsig tu bcug nas | de’i miṅ he ru ka’i rtsal te ru ka’i rtsal ces bya bar gyur to || b+hi ru kas kyaṅ phyogs gźan źig tu b+hi ru ka’i rtsal ces bya ba’i groṅ (126b1) khyer rtsig tu bcug nas de’i miṅ b+hi ru ka’i rtsal b+hi ru ka’i rtsal źes bya bar gyur to || ñi ma bdun pa la sa’i char ’bab par brtsams pa daṅ | groṅ khyer sgra sgrogs su sgra mthon po daṅ | sgra chen po byuṅ nas rgyal pos smras pa | śes ldan dag sgra mthon po daṅ | sgra chen po de (2) ci blon po rnams kyis smras pa | lha sa’i char bab bo || rgyal pos smras pa | śes ldan dag gal te de lta na blon po’i mchog he ru ka daṅ | b+hi ru ka ga na ’dug tshol cig | de dag gis btsal bar brtsams pa daṅ | ji tsam na de gñis bros par tshor nas | de dag gis (3) rgyal po la smras pa | lha de gñis bros te ma mchis so || de nas rgyal po gtsug phud can ’bros par brtsams pa daṅ | mi ma yin pa dag gis sgo bcad do || khye’u sṅo bsaṅs kyis smras pa | ’phags pa groṅ khyer du sgra mthon po daṅ sgra chen po byuṅ ba ’di ci lags | (4) tshe daṅ ldan pa kā t+yā ya na chen pos smras pa | bu skar khuṅ nas khar phor phyir phyuṅ śig | des skar khuṅ nas khar por phyir phyuṅ ba daṅ sas phyed tsam gaṅ bar gyur nas tshe daṅ ldan pa kā t+yā ya na chen pos bsams pa | da duṅ spyod yul lhag ma daṅ bcas pa yin no sñam mo || (5) ji tsam na yaṅ khar por phyi rol du phyuṅ ba daṅ byur bur gaṅ bar gyur nas | tshe daṅ ldan pa kā t+yā ya na chen pos bsams pa | da ni spyod yul med par gyur gyis ’gro’o sñam mo || de nas groṅ khyer sgra sgrogs nas gñug mar gnas pa’i lha mo gaṅ yin pa de tshe daṅ ldan pa kā (6) t+yā ya na chen po ga la ba der soṅ ste phyin nas rkaṅ pa gñis la phyag ’tshal te smras pa | ’phags pa bdag kyaṅ mchi ste ’phags pa’i bsñen bkur bgyi’o || des daṅ du blaṅs so || tshe daṅ ldan pa kā t+yā ya na chen pos sṅo bsaṅs la smras pa | bu chos gos kyi grwa (7) nas zuṅ śig daṅ ’doṅ ṅo || des chos gos kyis grwa nas bzuṅ ba daṅ des khye’u sṅo bsaṅs khrid de rdzu ’phrul gyis steṅ gi nam mkha’ las soṅ ṅo || sgra sgrogs na gñug mar gnas pa’i lha mo yaṅ raṅ gi rdzu ’phrul gyis de’i phyi bźin soṅ ba daṅ | groṅ khyer sgra sgrogs (127a1) kyaṅ sas non par gyur to || de dag mthar gyis kha ra ba na źes bya ba’i ri brags su phyin nas de dag de na g-yul gyi gźi na ’khod do || tshe daṅ ldan pa kā t+yā ya na chen pos khye’u sṅo bsaṅs g-yul gyi gźir bźag ste bsod sñoms la źugs pa daṅ | lha mo (2) de’i mthus g-yul gyi gźi der ’bru ’phel bar gyur nas de na mi gaṅ ’dug pa des khye’u de mthoṅ nas de’i gan du soṅ ste smras pa | kye khye’u khyod kyi mthus g-yul gyi gźir ’bru ’phel bar gyur to || des smras pa | kho bo’i mthus g-yul gyi gźir ’bru ’phel bar gyur pa (3) ma yin te | ’di ltar groṅ khyer sgra sgrogs na gñug mar gnas pa’i lha mo ’dir ’oṅs te phyogs ga ge mo źig na ’dug pa de’i mthus g-yul gyi gźir ’bru ’phel bar gyur to || de de’i gan du soṅ ste rkaṅ pa gñis la gtugs nas smras pa | lha mo bdag groṅ du mchi ste slar (4) mchi’i bar du re źig lde mig daṅ | lde mig kyog po ’di gzuṅ źiṅ khyod kyis bdag ma lags pa gźan su la yaṅ mi stsal bar gsol || des blaṅs pa daṅ | mi de yaṅ ri brags su soṅ nas ri brags na gnas pa’i skye bo’i tshogs bsdus te smras pa | śes ldan dag groṅ (5) khyer sgra sgrogs na gñug mar gnas pa’i lha mo ’dir ’oṅs te g-yul gyi gźi na ’dug pas de’i mthus g-yul gyi gźir ’bru ’phel bar gyur nas bdag gis de’i lag tu lde mig daṅ | lde mig kyog po byin te bdag gis de la bdag groṅ du mchi ste slar mchi’i bar du lde mig (6) daṅ | lde mig kyog po ’di gzuṅ źiṅ khyod kyis bdag ma gtogs pa gźan su la yaṅ stsal bar mi bgyi’o źes smras kyis | de’i phyir groṅ mi rnams la gal te bdag gi bu gtso bor dbaṅ bskur na kho bo bdag ñid srog daṅ ’bral bar gsol ba ’debs te | de lta na lha mo (7) bdag cag gi gnas nas gar yaṅ ’gro bar mi ’gyur bas khyed cag loṅs spyod dag gis mthon par ’phel bar ’gyur źiṅ yams kyi nad thams cad kyaṅ ñe bar źi bar ’gyur ro || de dag gis de’i bu gtso bor dbaṅ bskur nas des kyaṅ bdag ñid srog daṅ bral bar byas so || de (127b1) nas de dag gis gnas de thams cad spos daṅ me tog gis mdzes par byas śiṅ gdugs daṅ rgyal mtshan gyis brgyan te | gtor ma thogs nas lha mo de ga la ba der doṅ ste phyin nas rkaṅ pa gtugs te smras pa | lha mo khyod ’di ñid du bźugs par gsol || des (2) smras pa | kho bo ni ’phags pa kā t+yā ya chen po la bsñen bkur byed pa yin pas ’di na kho mo’i gnas med do || tshe daṅ ldan pa kā t+yā ya na chen pos smras pa | lha mo khyod kyis gaṅ las lde mig daṅ | lde mig kyog po blaṅs pa soms śig | des bsam pa la źugs (3) pa daṅ | ji tsam na mi des dus la bab par mthoṅ nas des gnas de na gnas pa’i skye bo’i tshogs la smras pa | śes ldan dag kho mo dam tshig gis gnas par bya ste | gal te kho mo’i gnas gźi ji lta bu byed du ’jug pa de lta bur ’phags pa’i gnas gźi yaṅ byed du ’jug (4) na kho mo ’dug go || de dag gis khas blaṅs nas | de dag gis lha mo de’i gnas ji lta bu byed du bcug pa de lta bur tshe daṅ ldan pa kā t+yā ya na chen po’i gnas kyaṅ byed du bcug go | lha mo de’i gnas su mar ma btsugs pa gaṅ yin pa de des khyer te tshe ldan pa kā t+yā ya na (5) chen po’i gnas su ’dzugs par byed do || de mar me khyer te ’gro ba rtsig druṅ na ’dug ba’i mi źig gis mthoṅ nas des bsams pa | lha mo ’di ’phags pa kā t+yā ya na chen po’i gan du ’doṅ bas ’gro’o sñam pa daṅ | des de’i sems śes nas khros te ri brags ’di na gnas (6) pa’i skye bo’i tshogs ’di ni sdig pa’i sems kun du spyod pa yin te | ’phags pa kā t+yā ya na chen po ’dod pa’i dri ṅa ba med pa la brdzun gyis skur ba ’debs par byed do sñam nas | des ri brags der mi ṅas phyuṅ ste skye bo phal po che śi bar gyur nas skye bo śi ba’i ro phyir (7) ’byin pa na khri daṅ khri dag ’dom par gyur to || gnas de na gnas pa’i skye bo’i tshogs kyis ltas pa dag bkug ste | dris pa | ’di ci las gyur | de dag gis smras pa | lha mo ’khrugs so || de dag gis de la bzod pa gsol bar brtsams pa daṅ | des smras (128a1) pa | khyed cag ’phags pa kā t+yā ya na chen po ’dod pa’i dri ṅa ba med pa la brdzun gyis skur pa ’debs par byed do || de dag gis yaṅ smras pa | lha mo bzod pa mdzod cig daṅ ’ga’ yaṅ bsñen bkur ma lags pa bgyid par mi ’gyur ro || des smra pa | (2) dam tshig gis bzod par bya ste | gal te khyed cag kho mo la ji ltar bsñen bkur byed pa de ltar ’phags pa kā t+yā ya na chen po la yaṅ byed na bzod par bya’o || de dag gis smras pa | lha mo ches khyad par du ’phags par bgyis bzod par mdzod cig | des de dag la bzod par (3) byas so || de dag gis kyaṅ tsho daṅ ldan pa kā t+yā ya na chen po la ches khyad par du ’phags pa’i bsñen bkur byas so || tshe daṅ ldan pa kā t+yā ya na chen pos de ñid du dbyar gnas par khas blaṅs nas khye’u sṅo bsaṅs khrid de lha mo la smras nas ’phags pa daṅ | lha mos smras pa | (4) ’phags pa bdag la mtshan ma cuṅ źig stsol cig daṅ bdag de la mchod pa bgyid ciṅ mchis so || des de la khar por byin nas des de la khas phub ste mchod rten du byas nas dus ston byed du bcug nas | khar por gyi dus ston khar por gyi dus ston źes bya ba’i miṅ du (5) gyur te | deṅ saṅ yaṅ dge sloṅ mchod rten la phyag ’tshal ba dag phyag ’tshal bar byed do || khye’u sṅo bsaṅs tshe daṅ ldan pa kā t+yā ya na chen po’i chos gos kyi grwa nas ’jus te de ’phyaṅ źiṅ ’gro ba ba laṅ rdzi daṅ phyugs rdzi dag gis mthoṅ nas | de dag gis ’phyaṅ ba pa ’phyaṅ (6) ba ba źes bya ba’i sgra chen po phyuṅ bas yul de’i mi rnams kyi miṅ ’phyaṅ ba pa ’phyaṅ ba pa źes bya ba’i miṅ du gyur to || tshe daṅ ldan pa kā t+yā ya na chen po’i ri brags śig tu phyin nas der khye’u sṅo bsaṅs śiṅ ljon pa’i druṅ du bźag ste bsod sñoms la źugs so || ri brags de na (7) rgyal po bu med par dus la bab nas pho braṅ ’khor gyi mi daṅ blon po daṅ | yul mi dag ’dus te smras pa | śes ldan dag gaṅ źig rgyal por dbaṅ bkur bar bya | de na kha cig gis smras pa | gaṅ bsod nams daṅ dbaṅ che bar grags pa’o || kha cig gis smras pa | (128b1) de ji ltar śes par bya | kha cig gis smras pa | rtog pa dag bsko bar bya’o || de dag gis rtog pa dag bskos nas de dag gis phan tshun btsal bar brtsams pa daṅ | de dag gis khye’u de śiṅ ljon pa’i druṅ na gñid log par mthoṅ nas | de dag gis de’i mtshan ma gzuṅ (2) bar brtsams pa daṅ | ji tsam na śiṅ ljon pa gźan dag gi grib ma śar phyogs su gźol ba daṅ | śar phyogs su ’bab pa daṅ | śar phyogs su bab par gyur na śiṅ ljon pa de’i grib mas khye’u de’i lus mi gtoṅ bar mthoṅ ṅo || mthoṅ nas kyaṅ gros bya bar (3) brtsams pa | śes ldan dag khye’u ’di bsod nams daṅ dbaṅ che bar grags pa yin gyis ’di dbaṅ bskur bar bya’o || de dag gis de sad par byas te smras pa | khye’u rgyal srid loṅ śig | khye’u sa smras pa | kho bo rgyal srid don du gñer ba ma yin te || kho bo ni (4) ’phags pa kā t+yā ya na chen po’i bsñen bkur ba yin no || tshe daṅ ldan pa kā t+yā ya na chen pos thos nas ci khye’u ’di la rgyal srid du ’gyur ba’i las dag yod dam med sñam du bsams nas yoṅ par mthoṅ nas des smras pa | bu rgyal srid loṅ la ’di ltar khyod kyis chos kyis (5) byed du chug śig | des mnos te | de dag gis de dbaṅ bskur nas khye’u sṅo bsaṅs kyis der rgyal srid byed du bcug pas sṅo bsaṅs kyi rgyal srid sṅo bsaṅs kyi rgyal srid ces bya ba’i miṅ du gyur to || tshe daṅ ldan pa kā t+yā ya na chen po yul bog ka nar phyin nas | tshe daṅ ldan pa (6) kā t+yā ya na chen po’i ma bog ka nar skyes pa des tshe daṅ ldan pa kā t+yā ya na chen po mthoṅ nas smras pa | bu khyod yun riṅ źig lon nas mthoṅ ṅo || bu khyod yun riṅ źig lon nas mthoṅ ṅo || de’i nu ma gñis las kyaṅ ’o ma’i rgyun ’dzag go | tshe daṅ ldan pa kā t+yā ya na chen (7) pos de la yum yum źes bag phab pa daṅ | des tshe daṅ ldan pa kā t+yā ya na chen po zan byin nas | tshe daṅ ldan pa kāt+yā ya na chen pos de’i bsam pa daṅ | bag la ñal ba daṅ | khams daṅ | raṅ bźin khoṅ du chud nas gaṅ thos nas | des stan de ñid la ’dug (129a1) bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de lta bur ’phags pa’i bden pa bźi yaṅ dag par so sor rtogs par byed pa’i chos bstan par byas so || des bden pa mthoṅ (2) nas btsun pas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis ma bgyis || dge sbyoṅ daṅ bram ze dag gis kyaṅ ma bgyis | byams pa daṅ (3) mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ dud ’gro dag yi dgas dag nas ni rkaṅ (4) pa phyuṅ | lha mi rnams kyi naṅ du ni bźag go źes lan gsum ched du brjod pa ched du brjod do || yaṅ smras pa | dka’ ba byed pa’i ma la ni || bu pho bzaṅ pos gaṅ bya ba | de ni khyod kyis bdag la bgyis || sems ni mtho ris gźol bar gyur || ṅan soṅ dag nas (5) legs phyuṅ źiṅ || khyod kyis mtho ris thar pa la || rab tu ’bad pas bdag bźag ste || khyod kyis dga’ ba legs par mdzad | tshoṅ pas khe spogs rñed pa ltar || mtho ris rñed pa bdag gis rñed | dge ba’i bśes gñen rnams la ni || ñe bar brten pa bzaṅ ba lags || (6) de nas tshe daṅ ldan pa kā t+yā ya na chen pos bu mo bzaṅ mo de bden pa dag la bźag nas smras pa | yum bltas lags kyis bdag mchi’o || des smras pa | bu gal te de lta na bdag la mtshan ma cuṅ źig stsol cig daṅ bdag de la mchod pa bgyid ciṅ mchis so || des de la khar ba (7) byin nas des mchod rten byas te | der btsugs nas khar ba’i mchod rten khar ba’i mchod rten źes bya ba’i miṅ du gyur te | deṅ saṅ yaṅ dge sloṅ mchod rten la phyag ’tshal ba dag phyag ’tshal bar byed do || tshe daṅ ldan pa kā t+yā ya na chen po yul dbus su ’gro ’dod nas yul sin (129b1) dur phyin pa daṅ | de nas byaṅ lam na gnas pa’i lha mo gaṅ yin pa des tshe daṅ ldan pa kā t+yā ya na chen po la ’di skad ces smras so || ’phags pa bdag la yaṅ mtshan ma cuṅ źig stsol cig daṅ bdag de la mchod par bgyid ciṅ mchis so || des bsams pa | bcom ldan ’das (2) kyis yul dbus su lham sgrog gu can bcaṅ bar mi bya’o źes bka’ stsal pas ’di de la sbyin no sñam nas | des lham sgrog gu can de de la byin pa daṅ | des gnas gźi byed du bcug ste der bźag pa daṅ | kha cig gis ni lham gyi dbaṅ phyug ces bya bar śes so || kha cig (3) gis lham gyis gźi źes bya bar śes so || tshe daṅ ldan pa kā t+yā ya na chen po mthar gyis mñan yod du phyin nas dge sloṅ rnams kyis mthoṅ nas smras pa | tshe daṅ ldan pa ’oṅs pa legs so || ’oṅs pa legs so || ji ltar bde bar brgyus sam | des smras pa | tshe daṅ ldan (4) pa dag cuṅ zad bde bar yaṅ brgyus | cuṅ zad sdug bsṅal bar yaṅ brgyus so || dge sloṅ rnams kyis smras pa | ji ltar bde bar brgyus | ji ltar sdug bsṅal bar brgyus | des smras pa | sems can gyi bya ba byas pa | gaṅ yin pa de dag ni bde bar brgyus pa (5) yin no || rgyal po gtsug phud can daṅ | groṅ khyer sgra sgrogs nas gnas pa’i skye bo’i tshogs kyis bdag sas mnan pa gaṅ yin pa daṅ | blon po’i mchog he ru ka daṅ | b+hi ru ka gñis tshogs chen pos bros pa gaṅ yin pa de ni sdug bsṅal bar brgyus pa yin no || (6) dge sloṅ don ñuṅ ṅu dag gis smad de smas pa | da ni pha gsod pa yin te | des tshe daṅ ldan pa u tra ya na dgra bcom pa ñid thob pa ñes pa med pa gnod pa mi byed pa bsad de | ’di ni de’i me tog tsam yin gyi ’bras bu ni gźan ’byuṅ bar ’gyur ro || dge sloṅ rnams the (7) tshom skyes nas the tshom thams cad gcod pa saṅs rgyas bcom ldan ’das la źus pa | btsun pa tshe daṅ ldan pa u tra ya nas las ci bgyis na des phyug pa nor maṅ la loṅs spyod che ba’i khyim du skyes śiṅ | bcom ldan ’das kyi bstan pa la rab tu byuṅ nas ñon (130a1) moṅs pa thams cad spaṅs pas | dgra bcom pa ñid mṅon du bgyis nas mtshon gyis bkum par gyur || bcom ldan ’das kyis bka’ stsal pa | dge sloṅ dag dge sloṅ u tra ya na ñid kyis las tshogs rñed pa | rkyen yoṅs su bsgyur ba | ’od pa bźin du ñe (2) bar gnas pa | gdon mi za par ’byuṅ bar ’gyur ba dag byas śiṅ bsags pas u tra ya na ñid kyis las byas śiṅ bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi (3) ’gyur || chu’i khams la mi ’gyur | me’i khams la mi ’gyur || rluṅ gi khams la mi ’gyur gyi || ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ skye mched dag la rnam par smin par ’gyur te | las rnams bskal pa (4) brgyar yaṅ ni || chud mi za ba’aṅ tshogs daṅ dus || rñed na lus can rnams la ni | ’bras bu dag tu ’gyur ba ñid || dge sloṅ dag | sṅon byuṅ ba ’das pa’i dus na saṅs rgyas rnams ’byuṅ ba med pa’i tshe raṅ saṅs rgyas dman pa daṅ | bkren pa la rjes su sñiṅ brtse ba | bas (5) mtha’i gnas mal la dga’ ba | bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo || ji tsam du ri brags śig na rṅon pa źig ’dug ste | ri brags de daṅ ha caṅ mi riṅ ba źig na ri dgas daṅ bya maṅ po dag gi rten du gyur pa mtsho’u źig yod pa (6) der rṅon pa de ñi ma re re źiṅ ri dgas daṅ bya maṅ po dag druṅs dbyuṅ ba’i phyir daṅ | ñams par bya ba’i phyir daṅ | tshul ma yin pas sdug bsṅal bar bya ba’i phyir rṅon spyad daṅ | rñi daṅ rñoṅ maṅ po dag ’dzugs par byed do || de’i rṅon spyad daṅ | rñi daṅ rñoṅ de dag kyaṅ don yod pa yin (7) no|| ji tsam dus gźan źig na raṅ saṅs rgyas śig ljoṅs rgyu źiṅ soṅ ba na ri brags der phyin nas lha’i gnas śig tu mtshan mo gnas par khas blaṅs nas de sṅa dro śam thabs bgos lhuṅ bzed daṅ chos gos thogs te ri brags der bsod sñoms la źugs so || der bsod sñoms (130b1) brgyus nas bsams pa | lha’i gnas ’di ñin mo rgyun lugs mod pa yin gyis | ri brags kyi phyi rol gyi gnas źi ba źig tu bsod sñoms bza’o sñam nas de ri brags nas byuṅ ste | ’di ni źi ba’o | ’di ni źi ba’o || źes mtshe’u de ga la ba der soṅ ste | phyin nas lhuṅ (2) bzed daṅ chu tshags mtha’ gcig tu bźag ste | rkaṅ pa gñis bkrus nas lag pa gñis bsñal te chu btsags nas | lo ma lhags pa dag blaṅs te ’dug nas zas kyi bya ba byas te | lag pa gñis bsñal nas kha dkrus te lhuṅ bzed daṅ | chu tshags gnas ji lta ba (3) bźin du bźag nas | rkaṅ pa gñis bkrus te śiṅ druṅ źig tu brten nas braṅ ’gro’i rgyal po ñal ba’i lus bsgyil ba ltar skyil kruṅ bcas te spyod lam źi bar ’dug pa daṅ | de’i ñin mo mo’i dris ri dgas gcig kyaṅ ma zin to || de na rṅon pa de naṅ par sṅar laṅs te mtshe’u de (4) ga la ba der soṅ nas | des rṅon spyad daṅ | rñi daṅ rñoṅ de dag byul bar brtsams pa daṅ | ri dgas gcig kyaṅ ma mthoṅ nas de ’di sñam du sems te | bdag gi rṅon spyad daṅ | rñi daṅ rñoṅ ’di dag don yod pa yin na | gaṅ gi phyir deṅ ri dgas gcig kyaṅ ma zin pa ’di’i (5) rgyu gaṅ yin sñam nas | des mtshe’u de’i then kor byul bar brtsams pa daṅ mi’i rjes mthoṅ nas | de rjes de’i phyi bźin du soṅ ba daṅ | raṅ saṅs rgyas spyod lam źi bar ’dug pa de mthoṅ nas des bsams pa | rab tu byuṅ ba sems źi ba ’di dag gnas ’di lta bu (6) dag tu mṅon par dga’ bar byed pas gal te bdag gis ’di’i srog gcad pa ma byas na ’di dag gis ṅes par bdag gi ’tsho ba gcod par byed kyis rnam pa thams cad du ’di gsad par bya’o sñam nas | sñiṅ rje med pa’i sems daṅ ldan pa | ’jig rten pha rol btaṅ ba (7) des mṅa’ dug can gyis gźu rṅa’i dbyibs ’dra ba rna druṅ du thug par bkaṅ ste raṅ saṅs rgyas de’ gnad du bsnun to || raṅ saṅs rgyas bdag ñid chen po des bsams pa | rṅon pa ñon moṅs pa ’di ha caṅ smras pa daṅ | ñams par gyur na mi ruṅ gis || ’di la lag na (131a1) draṅ ba sbyin no sñam nas des ṅaṅ pa’i rgyal po ’dab ma brkyaṅ ba ltar steṅ gi nam mkha’ la mṅon par ’phags nas ’bar ba daṅ | gsal ba daṅ | char ’bebs pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur (2) du sems gtod par byed pa yin pas rṅon pa de śiṅ ljon pa rtsa ba nas bcad pa bźin du raṅ saṅs rgyas de’i rkaṅ pa gñis kyi druṅ du sgyel nas smras pa | yon gnas yaṅ dag par gyur pa mar gśegs su gsol || mar gśegs su gsol || ñon moṅs ’dam du byiṅ ba bdag (3) gi sug pa nas draṅ ba stsal du gsol || raṅ saṅs rgyas de rṅon pa de la rjes su sñiṅ brtse ba’i phyir steṅ gi mkha’ las śod du babs so || de nas rṅon pa des zug rṅu med par byas te | rma lhan gyis glan nas smras pa | ’phags pa sdum par gśegs su gsol || gal te (4) ’dir gser gyi lhan pas glan par mdzad na de yaṅ bdag gis sbyar bar bgyi’o || raṅ saṅs rgyas kyis bsams pa | bdag gis rnag gi lus ’dis thob par bya ba gaṅ yin pa thob zin pas de’i phyir da ni phuṅ po lhag ma med pa’i mya ṅan las ’das pa’i dbyiṅs su ’jug par (5) bya’o sñam nas | de rṅon pa de ñid kyi mdun du yaṅ nam mkha’i dkyil du ’phags te | cho ’phrul rnam pa sna tshogs dag rnam par bstan nas phuṅ po’i lhag ma med pa’i mya ṅan las ’das pa’i dbyiṅs su mya ṅan las ’das so || rṅon pa de nor daṅ ldan pa yin pas des spos kyi (6) śiṅ thams cad kyis phuṅ por bcer te bsregs nas phuṅ po de ’o mas źi bar byas te rus pa de dag gser gyi bum par bcug nas lam po che’i bźi mdor lus kyi mchod rten rtsig tu bcug ste | gdugs daṅ | rgyal mtshan daṅ | ba dan dag bsgreṅ źiṅ dri daṅ | phreṅ (7) ba rgyu daṅ | bdug spos daṅ | phye ma daṅ | sil sñan dag gis mchod pa byas nas rkaṅ pa gñis la phyag ’tshal te smon lam ’di skad ces | bdag yon gnas dam par gyur pa ’di lta bu la gnod pa byas pa gaṅ yin pa’i las de’i cha daṅ mthun par mi ’gyur (131b1) bar mchod pa byas pa gaṅ yin pa’i dge ba’i rtsa ba ’dis bdag phyug pa nor maṅ ba | loṅs spyod che bar skye źiṅ ’di bas ches khyad par du ’phags pa’i ston pa mñes par byed ciṅ thugs byuṅ bar mi byed pa’i yon tan gyi rnam pa de lta bu thob par gyur cig ces btab bo | dge (2) sloṅ dag de la de’i tshe de’i dus na rṅon pa gaṅ yin pa de ni dge sloṅ u tra ya na yin te | des raṅ saṅs rgyas kyi gnad du mda’ ’dug can gyis bsnun pa gaṅ yin pa’i las de’i rnam par smin pas bskal par sems can dmyal ba chen po mnar med par gduṅs nas las de ñid kyi (3) lhag mas tshe rabs lṅa brgyar mtshe’u de ñid du ri dgas su gyur nas mda’ dug can gyis gdan du bsnun ciṅ dus la bab ste | da ltar gyi bar du yaṅ dgra bcom pa thob kyaṅ de mtshon gyis yoṅs su mya ṅan las ’das so || mchod pa byas nas smon lam btab pa gaṅ yin pa des ni da (4) ltar phyug pa | nor maṅ ba | loṅs spyod che bar skyes śiṅ ṅa’i bstan pa la rab tu byuṅ nas ñon moṅs pa thams cad spaṅs pas dgra bcom pa ñid mṅon du byas śiṅ | ’dis raṅ saṅs rgyas bye ba phrag ’bum pas ches khyad par du ’phags pa’i ston pa ṅa mñes par byas śiṅ thugs (5) byuṅ bar ma byas so || dge sloṅ dag de ltar na las gcig tu gnag pa rnams kyi rnam par smin pa ni gcig tu gnag pa yin la | las gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams kyi rnam par smin pa yaṅ ’dren ma yin no || (6) dge sloṅ dag de lta bas na las gcig tu gnag pa rnams daṅ ’dren ma rnams spaṅs te | las gcig tu dkar ba rnams la brtsal bar bya ste | dge sloṅ dag khyed kyis de ltar bslab par bya’o || yaṅ dge sloṅ rnams the tshom thams cad gcod pa saṅs rgyas (7) bcom ldan ’das la źus pa | btsun pa rgyal po gtsug pud can daṅ | groṅ khyer sgra sgrogs na gnas pa’i skye bo’i tshogs daṅ | tshe daṅ ldan pa kā t+yā ya na chen pos las ci bgyis na des dog sas non par gyur | blon po’i mchog he ru ka daṅ | b+hi ru ka gñis kyis las ci źig (132a1) bgyis na bros par gyur | bcom ldan ’das kyis bka’ stsal pa | dge sloṅ dag de dag ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur pa dag byas śiṅ bsags pas de (2) dag ñid kyis las byas śiṅ | bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur || rluṅ gi khams (3) la mi ’gyur gyi || ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ | skye mched dag la rnam par smin par ’gyur te | las rnams bskal pa brgyar yaṅ ni || chud mi za ba ’aṅ tshogs daṅ dus || rñed na lus can rnams (4) la ni|| ’bras bu dag tu ’gyur ba ñid | dge sloṅ dag sṅon byuṅ ba ri brags śig na khyim bdag źig ’dug pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | (5) dga’ mgur spyod par byed pa de la bu khye’u źig byuṅ ṅo || yaṅ rtse bar byed | dga’ bar byed | dga’ mgur spyod par byed pa de la bu mo źig byuṅ nas || de gñis bsriṅs śiṅ bskyed de chen por gyur to || bu mo de daṅ na mñam pa’i bu mo dag sloṅ ba ’oṅs na | bu mo de la (6) sloṅ ba ’ga’ yaṅ ma ’oṅs so || saṅs rgyas rnams ’byuṅ ba med pa’i tshe raṅ saṅs rgyas dman pa daṅ bkren pa la rjes su sñiṅ brtse ba | bas mtha’i gnas mal la dga’ ba bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo | ji tsam (7) na raṅ saṅs rgyas źig ljoṅs rgyu źiṅ soṅ ba na ri brags der phyin nas bu mo des khyim phyags nas phyag dar ri ba ma’i steṅ nas bor ba de raṅ saṅs rgyas bsod sñoms la rgyu ba de’i mgo la phog go | bu mo des der phog pa mthoṅ nas ’gyod pa’i sems kyaṅ ma skyes la | stes (132b1) dbaṅ gis de ñid kyi ñin mo de sloṅ ba ’oṅs nas miṅ pos de la dris pa | deṅ khyod kyis ci byas na des na khyod sloṅ ba ’oṅs | des smras pa | bdag gis ded rab tu byuṅ ba’i steṅ du phyag dar bor ro || des ’dzum phyuṅ ba daṅ | bu mo des bu mo gźan dag la sbran ciṅ des kyaṅ (2) gźan dag la sbran nas | ’jig rten la bu mo gaṅ daṅ gaṅ sloṅ ba mi ’oṅ ba des raṅ saṅs rgyas kyi steṅ du phyag dar bor na de la sloṅ ba ’oṅ ṅo || źes sdig pa can gyi lta ba’i rnam pa de lta bu byuṅ ṅo || bdag ñid chen po rnams ni bsñen bkur ma yin pas ’jigs pas raṅ saṅs rgyas (3) de ri brags de nas soṅ ba daṅ | draṅ sroṅ mṅon par śes pa lṅa daṅ ldan pa rnams kyi steṅ du dor bar brtsams nas de dag kyaṅ doṅ ba daṅ | pha ma dag gi steṅ du bor bar brtsams so || ri brags de na khyim bdag dge ba’i chos can gñis śig ’khod pa de gñis kyis smras pa | śes (4) ldan dag dam pa ma yin pa’i chos ’phel ba ’di bzlog par bya’o || źes de gñis kyis bzlog ciṅ spaṅs so || dge sloṅ dag de’i tshe de’i dus na bu mo gaṅ gis raṅ saṅs rgyas kyi steṅ du phyag dar bor ba de ni rgyal po gtsug pud can ’di yin no || ri brags de na gnas pa’i skye (5) ba’i tshogs gaṅ yin pa de no groṅ khyer sgra sgrogs na gnas pa’i skye bo’i tshogs ’di dag yin te | ’di dag gis raṅ saṅs rgyas daṅ | draṅ sroṅ daṅ | pha ma dag gi steṅ du phyag dar bor ba gaṅ yin pa de’i las kyi rnam par smin pas sas non par gyur to || khyim bdag gñis (6) kyis bzlog pa gaṅ yin pa de ni blon po’i mchog he ru ka daṅ | b+hi ru ka gñis yin te | las de’i rnam par smin pas bros par gyur to || bu mo’i miṅ po gaṅ gis ’dzum phyuṅ ba de ni dge sloṅ kā t+yā ya na chen po yin te | des ’dzum phyuṅ ba gaṅ yin pa’i las de’i rnam par smin (7) pas sas g-yogs te | gal te dge sloṅ kā t+yā ya na chen pos yon tan gyi tshogs ’di lta bu rtogs par ma gyur du zin na | dge sloṅ kā t+yā ya na chen po yaṅ sas non ciṅ tshul ma yin pas sduṅ bsṅal bar ’gyur ro || dge sloṅ dag de ltar na las gcig tu gnag pa rnams kyi rnam (133a1) par smin pa ni gcig tu gnag pa yin la | las gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa daṅ (2) ’dren ma rnams spaṅs te | las gcig tu dkar ba rnams la brtsal bar bya ste | dge sloṅ dag khyod kyis de ltar bslab par bya’o || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || ko.o śām+bī na (3) khyim bdag nor bzaṅs źes bya ba phyug pa | nor maṅ ba | loṅs spyod che ba źig ’dug pa de’i khyim rgyal po śar ba’i druṅ na ’dug ciṅ de naṅ par sṅar laṅs te las kyi mtha’ dag la rtog tu ’gro’o || de dbyig gi gdaṅs can yin pas rgyal po śar pas sgra’i gdaṅs las (4) de la gser bźag pa ’bum yod par śes so || ji tsam dus gźan źig na rgyal po śar pa don gyi gnas na ’dug pas blon po rnams la smras pa | śes ldan dag khyim bdag nor bzaṅs ñi ma re re źiṅ naṅ par sṅar laṅs te raṅ ñid las kyi mtha’ dag la rtog tu (5) ’gro ste | ’di la gser bźag pa ’bum yod ces grag na ci’i phyir bdag ñid ṅal bar byed | blon po rnams kyis smras pa | lha ’di la gser bźag pa ’bum ga la mchis te | gal te ’di la gser bźag pa ’bum mchis na ci’i slad du bdag ñid ṅal bar (6) bgyid | rgyal pos smras pa | śes ldan dag gal te khyed cag yid mi ches na khyim bdag nor bzaṅs bos śig daṅ dri’o | de dag gis khyim bdag nor bzaṅs bos nas rgyal pos dris pa | khyim bdag khyod la gser bźag pa ’bum yod dam || lha mchis (7) te | gal te bźed na bźes su gsol | khyim bdag ṅa ni gser don du gñer ba ma yin gyi | ’di ltar ṅas khyod la ci yod dam med ces dri bar zad do || lha mchis te lhas ji ltar mkhyen pa de źu’o || rgyal pos smras pa | khyim bdag khyod dbyig gi gdaṅs (133b1) can yin pas ṅas sgra’i gdaṅs śes so || khyim bdag nor bzaṅs rgyal pos gdaṅs las śes pas de’i miṅ khyim bdag gdaṅs can khyim bdag gdaṅs can źes bya bar gyur to || rgyal pos de la smras pa | khyim bdag khyod phyug por gyur pa yin na ci’i phyir khyod (2) raṅ gis źal ta byas te las kyi mtha’ dag byed du ’jug | des smras pa | lha gal te bdag gis raṅ gi źal ta bgyis te las kyi mtha’ bgyid du ma stsal na | bdag gi loṅs spyod dag ’phel źiṅ rgyas pa daṅ | yaṅs par yaṅ mi ’gyur la | lhas kyaṅ bdag dbyig gi (3) gdaṅs can lags par mkhyen par mi ’gyur ro || rgyal pos smras pa | khyim bdag khyod ci’i phyir glaṅ po che daṅ rta dag gis mi ’gro || lha bdag khyim khol lags pas glaṅ po che daṅ rta dag gis mchi ba bdag gi tshul daṅ mthun pa ma lags so || rgyal pos bsams pa (4) grogs ’di lta bus rgyal srid byed du gźug par nus kyis | ’di blon po kho nar gźug go sñam du rig nas smras pa | khyim bdag blon po gyis śig daṅ | lhan cig tu rgyal srid byed du gźug go | des smras pa | lha de skad bka’ stsal pa mi rigs te | bdag ni khyim khol (5) lags pas bdag źiṅ las kyi mtha’ rjes su bsgrub par rigs kyi | blon por mi rigs so || rgyal por mi rigs so || rgyal pos de lta de ltar nan gyis mnan na ci nas kyaṅ gdon mi za par khas len par śes te | nan gyis mnan nas des kyaṅ khas blaṅs so || de nas rgyal pos de blon por bcug nas (6) khyim bdag gdaṅs can gyis chos daṅ | rigs pas rgyal po’i bya ba daṅ | rgyal po’i byed pa dag bya bar brtsams nas | des blon po gźan thams cad zil gyis mnan pa daṅ | de dag phrag dog skyes te yid mi bde bar gyur nas ’dus te smras pa | śes ldan dag bdag (7) cag ’di ltar khyim bdag gdaṅs can gyis zil gyis mnan par gyur na ’di la ji ltar bsgrub par bya | de na kha cig gis smras pa | ’di la ci’i phyir bsgrub tu med | ’di ji srid du gtan du gtiṅ tshugs par ma gyur pa de srid du ’di la rgyal pos chad pas gcod du gźug par bya’o | (134a1) kha cig gis smras pa | mñes kyis de ltar bya’o źes de dag thams cad ’dus te rgyal po’i gan du doṅ nas smras pa | lha rgyal po su lags | des smras pa | khyed cag gal sa the tshom za | rgyal po ṅa yin mod gźan su źig yin | de dag gis smras pa | lha gdaṅs (2) can rgyal po lags kyi khyod ni ma lags te | gal te de ’tshal bar gyur na lha bkroṅs te raṅ ñid cod pan bciṅs nas rgyal srid kyi dbaṅ phyug gi bdag po bgyid du stsol bar ’gyur ro || rgyal pos smras pa | śes ldan dag ci’i phyir de de ltar ’gyur te | de ni chos gtso bor byed pa (3) yin pas ji ltar de ltar byed par ’gyur | de dag gis smras pa | bdag cag gis lha’i mṅon sum du ’gyur bar bgyi’o || ji tsam dus gźan źig na khyim bdag gdaṅs can rgyal pos ñe bar ’tsho ba’i rgol ba daṅ | phyir rgol ba dag gis yoṅs su bskor ciṅ rgyal po’i pho braṅ (4) du źugs nas | rgyal po’i pho braṅ du thams cad skye bo’i tshogs kyis gaṅ bar des rgyal po’i bya ba daṅ | rgyal po’i byed pa dag byas nas rgyal po’i pho braṅ nas phyir byuṅ ba daṅ | rgyal pos ñe bar ’tsho ba sṅa na ’khod pa dag kyaṅ de daṅ lhan cig phyir byuṅ ste rgyal po’i tshogs med par (5) ’dug pa daṅ | blon po de dag gis rgyal po la smras pa | lha gzigs sam | bdag cag gis gsol pa gaṅ źags pa de ni ’di lags te | gal te ’di ’tshal bar gyur na lha bkroṅs te raṅ ñid cod pan bciṅs nas rgyal srid kyi dbaṅ phyug gi bdag po bgyid du stsol bar ’gyur ro || (6) rgyal pos bsams pa | re źig ’di brtag par bya’o sñam nas | des de rgyu ba daṅ gnas pa las brtag par brtsams pa daṅ | ji tsam na byaṅ lam nas ded dpon gyis zoṅ rta ded de kau śām+bīra phyin nas rgyal pos gdaṅs can la bsgo ba | gser ’bum gyis rta dag ños śig | des (7) gser ’bum gyis rta dag ños pa daṅ | rgyal pos gdaṅs can la bsgo ba | ’bum gyi phyed byin la ’di skad ces bdag gis ’bum tshaṅ bar byin zin to || źes byos śig | des smras pa | lha de mi rigs te | gal te de ltar bgyis na slan cad ’dir chibs rta ’ tshoṅ pa (134b1) daṅ | gźan ’ga’ yaṅ mchi bar mi ’gyur gyis ’di ltar lha’i dkor las ’bum byed stsol cig daṅ bdag gis ’bum phyed stsal to || rgyal pos smras pa | khyim bdag ṅa’i tshig de bźin smras na ’di ci ’gal | des smras pa | lha bdag gis tshe gcig gi sdug bsṅal (2) gyi don du tshe rabs maṅ po’i sdug bsṅal skyed par rṅo mi thog go | rgyal pos de la lan gsum gyi bar du smras na yaṅ de ma btub nas | de nas rgyal pos blon po rnams la smras pa | śes ldan dag gaṅ gis rgyal po rgyal rigs spyi bor dbaṅ bskur ba’i bka’ lan gsum gyi bar du (3) bcag pa de’i chad pa ci yin || blon po rnams kyis smras pa | lha de’i chad pa ni dgum pa lags so || des smras pa | śes ldan dag gal te de lta na ṅas khyim bdag gdaṅs can yoṅs su btaṅ ṅo || blon po rnams kyis mi gśed ma pa dag la bsgo ba | śes ldan dag lhas (4) bka’ stsal pa | khyim bdag gdaṅs can sod cig ces byuṅ ṅo || rgyal pos mi gśed ma pa de dag la gsaṅ ste bsgo ba | khyed kyis khyim bdag gdaṅs can gsad par mi bya bar ’di ltar bsdigs par bya’o || de dag gis de’i mgrin par ka ra bī ra’i phreṅ ba gtags te groṅ khyer (5) gyi dbus nas gsod sar khrid pa daṅ | de’i ñe du dag doṅ ste smras pa | khyim bdag ’di la lhas bka’ ci stsal pa de ltar gyis la bdag ñid gsod du ma gźugs śig | des smras pa | kho bos lha’i bka’ chos daṅ ldan pa bcag gam | ci gal te lhas kho bos ñes pa (6) med pa gnod pa mi byed pa gsod na gsod du zad | kho bos tshe gcig gi sdug bsṅal gyi phyir tshe rabs maṅ po’i sdug bsṅal skyed par mi nus so || mi gśed ma ba de dag gis de gsod sar khrid de smras pa | khyim bdag lhas bka’ ci stsal ba de ltar gyis la bdag ñid gsod du (7) ma gźug śig | des smras pa | kho bos lha’i bka’ chos daṅ ldan pa bcag gam ci | gal te lhas kho bo ñes pa med pa | gnod pa mi byed pa gsod na gsod du zad | kho bos tshe gcig gi sdug bsṅal gyi phyir tshe rabs maṅ po’i sdug bsṅal skyed par mi nus so || mi (135a1) gśed ma pa de dag gis de rgyal po’i gan du khrid de smras pa | lha khyim bdag gdaṅs can ’di ’di skad mchi’o || rgyal pos smras pa | khyim bdag ṅa khyod gsod par ’dod pa ma yin te | ’di ltar brtag par ’dod do || des smras pa | lhas bdag brtag pa’i dgoṅs (2) pas gnas skabs ’di lta bu stsal na | gal te bkyon na ji ltar bgyis par ’gyur | ’di ltar gal te lha bdag la dgyes na bdag sbyin pa dag stsol ciṅ | bsod nams dag bgyid par ci gnaṅ | rgyal pos smras pa | khyim bdag gal te de lta na gnaṅ gis ci dgar sbyin pa dag byin (3) cig | bsod nams dag gyis śig | de nas khyim bdag gdaṅs can gyis sbyin pa’i khaṅ pa rtsig tu bcug ste | sbyin pa’i źal ta ba mi bsko nas smras pa | śes ldan dag gal te ’dir sṅon ma byuṅ ba’i rtags daṅ | cha lugs can gyi dge sbyoṅ ṅam | bram ze’am | gźan (4) dag ’oṅs par gyur na kho bo la sbron cig | ji tsam na lho lam nas draṅ sroṅ lṅa brgya tsam yul dbus su ’phags pa de dag mthar gyis lam du ’doṅ ba na dgon pa’i lam du phyin nas de dag dgon pa’i naṅ du son pa na chu zad nas de dag chu daṅ bral bas skom gyis gduṅs nas dgon (5) pa’i lam der phan tshun byul bar brtsams pa daṅ | de phan tshun ñul ba de dag gis ha caṅ thag mi riṅ ba na gsiṅ ma sṅon po’i phyogs na śiṅ ljon pa źig mthoṅ nas de na kha cig gis smras pa | śes ldan dag gsiṅ ma sṅon po’i phyogs ’di na śiṅ ljon pa źig snaṅ gis tshur śeg (6) daṅ | ’di na chu yod par ’gyur gyis ltar ’doṅ ṅo | gźan dag gis smras pa | legs kyis de bźin bya’o źes de dag doṅ ba daṅ ci tsam na chu med par mthoṅ nas de dag gis gsol ba gdab bar brtsams te | śes ldan dag sa phyogs daṅ śiṅ ljon pa ’di || lha’am | (7) klu ’am | gnod sbyin nam | nam mkha’ ljiṅ ṅam | dri za ’am | mi ’am ci ’am | lto ’phye chen po gaṅ gnas pa des bdag cag draṅ sroṅ lṅa brgya skom gyis gduṅs pa rnams la chu byin cig ces smras so || ji tsam na śiṅ ljon pa de las lag brgyan thams cad kyis brgyan pa (135b1) źig gser gyi ril ba b+h+riṅa ga ra thogs te byuṅ nas draṅ sroṅ rnams kyis sñim pa bzed de chu btuṅ bar brtsams nas | ji tsam na myaṅs na chu yan lag brgyad daṅ ldan pa yin te | bsil ba daṅ | mṅar ba daṅ | yaṅ ba daṅ | ’jam pa daṅ | gsal ba daṅ | dri ṅa ba med pa daṅ | (2) ’thuṅ na mgul la mi gnod pa daṅ | ’thuṅs pa na ltos min pa yin te | de dag tshim par gyur nas ril ba bkaṅ ste śis pa brjod nas ’phags te doṅ ba daṅ | de dag la blo skyes pa | śes ldan dag bdag cag gis de lta bu’i ya mtshan mthoṅ nas de la khyod su yin || las gaṅ (3) gis ’dir skyes źes ma dris pa ni bdag cag ñams pa yin gyis | tshur śeg phyir log la dri’o sñam nas de dag thams cad ’dus te phyir log nas śiṅ ljon pa de’i druṅ du ’khod de smras pa | śiṅ ljon pa de la lha’am | klu’am | gnod sbyin nam nam mkha’ ldiṅ ṅam | dri za (4) ’am mi ’am ci ’am | lto ’phye chen po gaṅ gnas gaṅ gis bdag cag dgon pa’i lam du soṅ ba | gnod pa daṅ ñam ṅa ba mi bde bar gyur pa rnams la chu yan lag brgyad daṅ ldan pas tshim par byas pa des bdag gaṅ yin pa daṅ | las gaṅ gis ’dir (5) skyes pa smros śig | ji tsam na śiṅ ljon pa de las tshig byuṅ | śes ldan dag ’dzam bu’i gliṅ pa’i mi rnams ni yid ches par dga’ ba yin pas kho bo su yin pa daṅ | las gaṅ gis ’dir skyes pa yid ches par mi ’gyur bas ji ltar smra bar bya | draṅ sroṅ rnams kyis smras pa | kye (6) bdag cag gis mṅon sum kho na ji ltar yid ches par mi ’gyur | the tshom ma za bar smros śig | des smras pa | śes ldan dag gal te de lta na ñon cig daṅ | kho bo gaṅ yin pa daṅ | las gaṅ gis ’dir skyes pa smra bar bya’o || yul ko sa la dag na groṅ khyer mñan (7) yod ces bya ba de na khyim bdag mgon med zas sbyin źes bya ba ’dug pa de’i khyim druṅ na kho bo bzaṅ mkhan byed ciṅ ’dug ’dug ste | de mgon med pa rnams la zas sbyin par byed pas yul tha dad pa na gnas pa’i sloṅ mo pa dag lhags śiṅ lhags śiṅ kho bo la khyim bdag mgon (136a1) med zas sbyin gyi khyim gaṅ yin źes dris nas | kho bos lag pa g-yas pa brkyaṅ ste | de dag la khyim bdag mgon med zas sbyin gyi khyim ’di yin no źes smras pa daṅ | de dag gis de nas lag pa gaṅ ba daṅ | snod gaṅ ba daṅ | ’byor pa thob pa daṅ | (2) rñed pa thob ciṅ ’doṅ ba de dag kho bos mthoṅ ṅo || mthoṅ nas mchog tu dga’ ba skyed par byed | kho bo las des rgyal chen bźi’i ris kyi lha rnams kyi naṅ du skyes śiṅ | śiṅ ljon pa ’di la gnas te | de’i phyir kho bo’i lag pa g-yas pa śin tu lham me | lhan ne | (3) lhaṅ ṅer gyur to || de dag gis śis pa brjod pas bstod de doṅ ṅo || ji tsam na phyogs gźan źig tu phyin nas bza’ ba daṅ btuṅ ba zad de | de dag bkres pas gduṅs śiṅ skom pas gduṅs nas kun du brtag par brtsams pa daṅ | ji tsam na ha caṅ thag mi riṅ ba źig (4) na śiṅ ljon pa chen po lo ma sṅo źiṅ snum pa źig snaṅ nas de dag gis smras pa | śes ldan dag śiṅ ljon pa chen po la ma sṅo źiṅ snam pa ’di lta bu snaṅ ste | sṅar yaṅ bdag cag gis śiṅ ljon pa ’di lta bu kho nas chu grub kyis ’dir ’doṅ daṅ gal te na chuṅ zad ’grub par (5) ’gyur ro || źes de dag der doṅ ste gsol ba gdab par brtsams pa | śes ldan dag sa phyogs daṅ śiṅ ljon pa ’di la lha’am | klu’am | gnod sbyin nam | nam mkha’ ldiṅ ṅam | dri za’am | mi’am ci’am | lto ’phye chen po gaṅ gnas pa de bdag cag draṅ (6) sroṅ lṅa brgya bkres pas gduṅs pa daṅ skom pas gduṅs pa rnams la zas daṅ skom byin cig ces smras so || ji tsam na śiṅ ljon pa de las tshig byuṅ ba | śes ldan dag deṅ śig daṅ ’di nas ha caṅ mi riṅ ba na rdziṅ bu źig yod pa de’i ’gram na śiṅ ljon pa źig yod pa de’i (7) druṅ na ’bras chan gyis bre bo gaṅ źiṅ ’dug pa de las zos śiṅ ’thuṅs nas bza’ ba daṅ btuṅ ba ci ’dod par khyer cig | de dag doṅ ba daṅ | ji tsam na rdziṅ bu bya ṅaṅ pa daṅ | kā raṇ+ḍa ba daṅ | ṅur pas mdzes par byas pa źig ’dug pa de’i ’gram na śiṅ ljon pa źig ’dug pa de’i (136b1) druṅ na ’bras chan tshod ma sna tshogs daṅ bcas pas gaṅ ba źig du pa mthoṅ nas || de dag gis der khrus byas te zos śiṅ chu ’thuṅs nas ril ba chuṅ bkaṅ ste || bza’ ba daṅ btuṅ ba ci ’dod pa khyer nas śis pa brjod de doṅ ba daṅ | de dag la blo skyes pa | śes ldan dag (2) bdag cag gis de lta bu’i ya mtshan mthoṅ nas de la khyod su yin || las gaṅ gis ’dir skyes źes ma dris pa ni bdag cag ñams pa yin gyis tshur śeg phyir log la dri’o sñam nas | de dag thams cad ’dus te phyir log nas śiṅ ljon pa de’i druṅ du ’khod de smras pa | śiṅ (3) ljon pa ’di la lha’am | klu’am | gnod sbyin nam | nam mkha’ ldiṅ ṅam || dri za’am | mi’am ci ’am | lto ’phye chen po gaṅ gnas pa gaṅ gis bdag cag dgon pa’i lam du soṅ ba gnod pa daṅ | ñam ṅa ba daṅ | mi bde bar gyur ciṅ ’chi ba’i dbaṅ du gyur pa rnams la (4) chu yan lag brgyad daṅ ldan pa daṅ | zas kyis tshim par byas pa des bdag gaṅ yin pa daṅ | las gaṅ gis ’dir skyes pa smros śig | ji tsam na śiṅ ljon pa de las tshig byuṅ ba | śes ldan dag ’dzam bu’i gliṅ pa’i mi rnams ni yid ches par dka’ ba yin pas kho bo su (5) yin pa | las gaṅ gis ’dir skyes pa yid ches par mi ’gyur ba ji ltar smra bar bya | draṅ sroṅ rnams kyis smras pa | kye bdag cag gis mṅon sum kho nar mthoṅ na ji ltar yid ches par mi ’gyur || the tshom ma za bar smros śig | des smras pa | śes ldan dag gal te de (6) lta na ñon cig daṅ kho bo gaṅ yin pa daṅ | las gaṅ gis ’dir skyes pa smra bar bya’o || yul ko sa la dag na groṅ khyer mñan yod ces bya ba de na khyim bdag mgon med zas sbyin źes bya ba źig ’dug pa de mgon med pa rnams la zas sbyin par byed nas ri brags śig na bram (7) ze źig ’dug pa loṅs spyod srabs nas des bsam pa | mñan yod na khyim bdag mgon med zas sbyin ’dug pa de mgon med pa rnams la zas sbyin par byed kyis de’i gan du soṅ na de las cuṅ zad ’grub par ’gyur ro sñam nas de de’i gan du soṅ ba daṅ | khyim bdag (137a1) mgon med zas sbyin yaṅ saṅs rgyas la sogs pa dge sloṅ gi dge ’dun bśos gsol bar ’dod nas rgyal byed kyi tshal du ’phags pa na | des de mthoṅ nas smras pa | khyim bdag bdag la zas kyi mgron gyis śig | des de la smras pa | bram ze tshur (2) śog | rgyal byed kyi tshal du ’doṅ la der zo śig | de de daṅ lhan cig ’phags pa daṅ | ji tsam na khyim bdag mgon med zas sbyin gyis lam kar źo’i bum pa źig rñed nas des de bram ze de la byin nas smras pa | bram ze’i źo’i bum pa ’di dge ’dun la brims śig | (3) khyim bdag mgon med zas sbyin gyis saṅs rgyas la sogs pa dge sloṅ gi dge ’dun źal zas bsod pas tshim par byas pa daṅ | bram ze des kyaṅ źo’i bum pa de dge ’dun la brims so || khyim bdag mgon med zas sbyin gyis saṅs rgyas la sogs pa dge sloṅ gi (4) dge ’dun du gdugs tshod gsol nas khyim pa dag zan sbyin par brtsams te | des khyim pa gźan dag la ni zas bsod pa byin | bram ze de la ni ṅan pa byin pa daṅ | des de la smras pa | khyim bdag rab tu byuṅ ba rnams ni bslab pa yaṅ dag par blaṅs pa yin pas re źig ’di (5) dag la ni bsod pa sbyin par rigs na | bdag cag khyim pa bslab pa yaṅ dag par ma blaṅs par ’dra na ci’i phyir khyim pa gźan dag la ni dag la ni zas bsod pa sbyin la bdag la ni zas ṅan pa sbyin || des de la smras pa | bram ze khyim pa ’di dag kyaṅ bslab pa yaṅ dag par blaṅs pa yin (6) te | ’di dag gis kyaṅ yan lag brgyad daṅ ldan pa’i gso sbyoṅ blaṅs so || des de la smras pa | khyim bdag gal te bdag gis kyaṅ yan lag brgyad daṅ ldan pa’i gso sbyoṅ len na bdag la yaṅ zas bsod pa sbyin nam | des de la smras pa sbyin no || des yan lag brgyad daṅ (7) ldan pa’i gso sbyoṅ blaṅs pa daṅ | de nas khyim bdag mgon med zas sbyin gyis de zas gsod pas tshim par byas nas des zos te ’phags pa daṅ | khyim bdag mgon med zas sbyin gyis smras pa | bram ze yud tsam źig sdod cig daṅ skom ’oṅ bar ’gyur ro || des skom (137b1) ’thuṅs te soṅ ba daṅ | ñi ma nub pa’i dus la bab nas mñan yod daṅ ha caṅ mi riṅ ba na ri brags śig yod pa der bram ze’i khyim źig tu gnas pa daṅ | bram ze des de la smras pa | bram ze zan zo źig | des smras pa | kho bos zan mi za’o || des smras pa | ci’i (2) phyir | des smras pa | kho bo dge sbyoṅ gau ta ma la yan lag brgyad daṅ ldan pa’i gso sbyoṅ blaṅs so || des de la smras pa | bram ze gal te re źig zan de lta na legs | gal te mi zan kho bo’i khyim du gnas par mi bya’o || des dus ma yin par zos nas gso sbyoṅ ral lo || ri (3) brags na gnas pa’i bram ze gaṅ yin pa gaṅ gis yan lag brgyad daṅ ldan pa’i gso sbyoṅ blaṅs nas dral ba de ni kho bo yin te | kho bos yan lag brgyad ldan pa’i gso sbyoṅ blaṅs te | thams cad ma dral na kho bo sum bcu rtsa gsum pa’i lha rnams kyi naṅ du skye bar ’gyur ba (4) źig na | kho bos yan lag brgyad daṅ ldan pa’i gso sbyoṅ blaṅs nas dus ma yin par zos te | gso sbyoṅ dral bas kho bo rgyal chen bźi’i lha rnams kyi naṅ du skyes te | śiṅ ljon pa ’di la gnas śiṅ | de’i phyir kho bo la rgyal chen bźi’i ris kyi lha rnams kyis lha’i (5) bu rdzu ’phrul che ba mthu che ba gso sbyoṅ ral źes bya bar śes so || || ’dul ba rnam par ’byed pa | bam po bdun bcu rtsa gsum pa | draṅ sroṅ de dag mchog tu mtshar skyes te smras pa | śes ldan dag bdag cag draṅ sroṅ rnams kyis dus ’di srid du (6) brtul źugs la gnas pas kyaṅ ’dir ’bras bu cir ’gyur mi śes na | lha’i bu gso sbyoṅ ral ’dis bram zer gyur pa na yan lag brgyad daṅ ldan pa’i gso sbyoṅ blaṅs śiṅ | de dral na yaṅ ’di rgyal chen bźi’i ris kyi lha rnams kyi naṅ du skyes kyis || bdag cag kyaṅ gaṅ (7) du ’dis yan lag brgyad daṅ ldan pa’i gso sbyoṅ blaṅs pa der ’doṅ ṅo || de ltar bya’o źes de dag gis gros byas te | mñan yod du ’phags nas ji tsam na mthar gyis kau śām+bīra phyin pa daṅ | khyim bdag gdaṅs can gyi sbyin pa’i źal ta byed pa’i mi rnams kyis de dag (138a1) mthoṅ nas | de dag gis khyim bdag gdaṅs can la sbran pa | khyim bdag khyod kyis bdag cag la bsgo ba | sṅon ma byuṅ ba’i rtags daṅ cha lugs can dag mthoṅ na kho bo la sbron cig ces byuṅ ba de dag lhags te sgo na sdod do || des smras pa | ’jug (2) tu chug śig | de dag gis ’jug tu bcug pa daṅ | khyim bdag gdaṅs can gyis de dag mthoṅ nas dris pa | śes ldan dag khyed cag gaṅ nas ’oṅs | de dag gis smras pa | khyim bdag lho lam nas so || de smras pa | śes ldan dag khyed kyis lho lam du ṅo mtshar (3) ba mthoṅ ba daṅ thos pa ci yod | de dag gis smras pa | khyim bdag re źig bdag cag gis sṅar mthoṅ ba daṅ thos pa’i ṅo mtshar gźan dag lta źog gi | te por mthoṅ ba daṅ thos pa’i ṅo mtshar gaṅ yin pa dag smra bar byas ñon cig | des smras pa | śes ldan dag smros (4) śig daṅ kho bo ṅo mtshar de dag ñan to | de dag gis khyim bdag gdaṅs can la ji ltar gyur pa rgyas par brjod pa daṅ | khyim bdag gdaṅs can gyis thos nas mchog tu ṅo mtshar skyes te de dag zan byin nas smras pa | śes ldan dag gaṅ du ’deṅ | de dag gis smras pa | (5) khyim bdag mñan yod du ’doṅ ṅo || śes ldan dag de na ci yod | khyim bdag de na lha’i bu gso sbyoṅ ral gyis gaṅ la brten te | yan lag brgyad daṅ ldan pa’i gso sbyoṅ blaṅs pa’i khyim bdag mgon med zas sbyin yod do || des smras pa | śes ldan dag gal te de lta na de (6) kho bo’iyaṅa ma mthoṅ ba’i grogs yin gyis ’di ñid du dbyar gyi mtshan mo gyis la dbyar ’das nas kho bo daṅ lhan cig ’doṅ ṅo || de dag de ñid du dbyar gyi mtshan mo gnas te | dbyar ’das nas mñan yod du ’phags pa daṅ khyim bdag gdaṅs can gyis bad sa’i rgyal po (7) śar pa la smras pa | lha bdag mñan yod du bgyi ba ba cuṅ źig mchis na | gal te lhas gnaṅ na der mchi’o || rgyal pos smras pa | khyim bdag gal te de lta na soṅ la khyod kyis don bsgrub pa byas nas myur du phyir śog śig | de rgyal pos gnaṅ nas draṅ sroṅ lṅa brgya po de (138b1) dag daṅ lhan cig ’phags te mthar gyis mñan yod du phyin nas skyed mos tshal na sdod ciṅ ’dug go | khyim bdag mgon med zas sbyin gyis khyim bdag gdaṅs can ’dir ’oṅs te | skyed mos tshal na sdod ciṅ ’dug go źes thos so || thos nas kyaṅ des bsams pa daṅ | bdag (2) gis khyim bdag gdaṅs can mtshor ba kho nar gnas su ’jug tu gźug pa ni bdag gi tshul daṅ mthun pa ma yin gyis | bkur sti chen pos ’jug tu gźug go sñam nas des de bkur sti chen pos ’jug tu bcug ste lam gyis dub pa’i ṅal bsos nas zan byin no || de nas draṅ sroṅ (3) de dag lhags nas khyim bdag mgon med zas sbyin gyis ’oṅs pa legs so źes bya ba’i tshig gis kun du spyad de smras pa | śes ldan dag khyed cag ga las ’oṅs | ’dir ci la ’oṅs | de dag gis smras pa | khyim bdag khyod kyis lha’i bu gso sbyoṅ ral la gaṅ byin pa de bdag (4) cag la yaṅ byin cig des smras pa | śes ldan dag mi dran no || khyim bdag bdag cag gis khyod la dran par bya’o || śes ldan dag legs so || de dag gis dran par byas nas des smras pa | śes ldan dag ci kho bo las len nam | ’on te bcom ldan ’das las (5) len | khyim bdag khyod kyis su las blaṅs | śes ldan dag bcom ldan ’das las so || khyim bdag gal te de lhan bdag can kyaṅ de kho na las len to || śes ldan dag legs kyis de ltar gyis śig ces des de dag khrid de bcom ldan ’das gal ba der soṅ (6) ṅo | de’i tshe na bcom ldan ’das dge sloṅ gi ’khor brgya phrag du ma’i mdun chos ston ciṅ bźugs so || bcom ldan ’das kyis khyim bdag mgon med zas sbyin thag riṅ po kho na nas gzigs so || gzigs nas kyaṅ dge sloṅ rnams la bka’ stsal pa | dge sloṅ dag khyim (7) bdag mgon med zas sbyin thag riṅ po kho na nas ’oṅ ba mthoṅ ṅam | btsun pa mthoṅ ṅo || dge sloṅ dag khyim bdag mgon zas sbyin ’di skyes dag bcas pas ’oṅ ste | de bźin gśegs pa’i skyes ni ’di ltar gdul ba’i skyes lta bu gźan med do || de nas khyim bdag (139a1) mgon med zas sbyin draṅ sroṅ lṅa brgya’i ’khor daṅ bcas pas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la khyim bdag mgon med zas sbyin gyis ’di (2) skad ces gsol to || btsun pa draṅ sroṅ lṅa brgya po ’di dag bcom ldan ’das las yan lag brgyad daṅ ldan pa’i gso sbyoṅ len par ’tshal na | de’i slad du bcom ldan ’das kyis ’di dag ci nas kyaṅ saṅs rgyas daṅ | chos daṅ | dge ’dun la skyabs su mchi ba daṅ | (3) dge bsñen ñid du ’tshal bar ’gyur ba de ltar chos bstan du gsol | de nas bcom ldan ’das kyis draṅ sroṅ lṅa brgya po de dag gi bsam pa daṅ | bag la ñal daṅ | khams daṅ | raṅ bźin thugs su chud nas gaṅ thos nas draṅ sroṅ lṅa brgya po de dag gis phyir mi ’oṅ ba’i (4) ’bras bu mṅon sum du byas pa de lta bur ’phags pa’i bden pa bźi yaṅ dag par so sor rtogs par byed pa’i chos bstan pa mdzad do || de dag gis bden pa mthoṅ nas | bcom ldan ’das kyi źabs gñis la gtugs te gsol pa | btsun pa bdag cag legs par (5) gsuṅs pa’i chos ’dul ba la rab tu ’byuṅ ba daṅ | rdzogs par bsñen pa dge sloṅ gi dṅos po ’thob ciṅ bcom ldan ’das kyi spyan sṅar tshaṅs par spyad pa spyod do || bcom ldan ’das kyis de dag la dge sloṅ tshur śog ces pas rab tu phyuṅ źiṅ dge sloṅ dag tshur śog | tshaṅs (6) par spyad par spyod cig ces bka’ stsal pa daṅ | de dag bcom ldan ’das kyi bka’i mjug kho nar skra byi ba daṅ | snam sbyar gyon par gyur te | skra daṅ kha spu źag bdun skyes pa tsam daṅ | lag pa lhuṅ bzed daṅ | bya ma bum gyis ’brel pa daṅ | dge sloṅ rdzogs par (7) bsñen nas lo brgya lon pa’i spyod lam lta bur gnas par gyur to || yaṅ smras pa | de bźin gśegs pas tshur śog bka’ stsal pas || skra byi snam sbyar gyon pa’i lus ldan źiṅ | mod la dbaṅ po rab źir gnas gyur te || saṅs rgyas dgoṅs pas lus gzugs bkab (139b1) par gyur || bcom ldan ’das kyis de dag la gdams ṅag byin nas de dag gis spro ba daṅ | ’bad pa daṅ | brtsal ba dag gis ñon moṅs pa thams cad spaṅs pas dag bcom pa ñid mṅon du byas śiṅ dgra bcom pa khams gsum pa las ’dod chags daṅ bral ba | poṅ (2) pa daṅ gser du mñam pa || nam mkha’ daṅ lag mthil du mtshuṅs pa’i sems daṅ ldan pa | tsan dan bźag pa lta bu rig pas sgo ṅa’i sbubs dral bar gyur ciṅ rig pa daṅ | mṅon par śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa daṅ | (3) bkur sti la rgyab kyis phyogs pa | dbaṅ po daṅ | ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de nas khyim bdag gdaṅs can bcom ldan ’das ga la ba der soṅ ste phyin nas bcom ldan ’das kyi źabs (4) gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das pa’i bka’ mchid kyis yaṅ dag par ston par mdzad | yaṅ dag par ’dzin du ’jug par mdzad | yaṅ dag par gzeṅs stod (5) par mdzad | yaṅ dag par rab tu dga’ bar mdzad ciṅ || saṅs rgyas bcom ldan ’das rnams kyi dus sṅar mdzad pa’i chos daṅ ldan pa’i bka’ mchid gaṅ yin pa ’di lta ste | sbyin pa’i bka’ mchid daṅ | tshul khrims kyi bka’ mchid daṅ | mtho ris kyi bka’ mchid daṅ | (6) ’dod pa rnams kyi ro myaṅ ba’i ñes dmigs daṅ | kun nas ñon moṅs pa daṅ | rnam par byaṅ ba daṅ | des par ’byuṅ ba daṅ | rab tu dben pa’i phan yon daṅ | rnam par byaṅ ba’i phyogs daṅ mthun pa’i chos dag rgya cher ston par mdzad do || gaṅ gi tshe bcom ldan (7) ’das kyis de sems raṅs pa daṅ | sems ñams bde ba daṅ | sems dga’ ba daṅ | sems la skyid pa med pa daṅ | yaṅ dag yul gyi chos bstan pa kun śes pa’i skal ba daṅ ldan źiṅ mthu yod par gzigs pa de’i tshe na saṅs rgyas bcom ldan ’das rnams kyis (140a1) yaṅ dag phul gyi chos bstan pa gaṅ yin pa ’di lta ste | ’phags pa’i bden pa bźi po sdug bsṅal daṅ | kun ’byuṅ ba daṅ | ’gog pa daṅ | lam dag rgya cher ston par mdzad do || ’di lta ste dper na gos dag pa nag nog med pa kha bsgyur du ruṅ ba | (2) tshon du bcug na tshon legs par ’jen par ’gyur ba de bźin du | khyim bdag gdaṅs can gyis kyaṅ stan de ñin la ’dug bźin du ’phags pa’i bden pa bźi po ’di lta ste | sdug bsṅal daṅ | kun ’byuṅ ba daṅ | ’gog pa daṅ | lam mṅon par rtogs par gyur (3) to|| de nas khyim bdag gdaṅs can chos mthoṅ ba daṅ | chos thob pa daṅ | chos rig pa daṅ | chos kyi gtiṅ slebs pa daṅ | som ñi las rgal ba daṅ | the tshom las rgal ba daṅ | ston pa’i bstan pa la gźan gyi driṅ mi ’jog pa daṅ gźan gyis mi bkri źiṅ (4) chos rnams la mi ’jigs pa thob nas stan las laṅs te bla gos phrag pa gcig tu byas nas bcom ldan ’das ga la bde logs su thal mo sbyar ba btud de | bcom ldan ’das la ’di skad ces gsol to | btsun pa bdag ni mṅon par źugs pa lags so || btsun pa (5) bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis bdag dge bsñen du gzuṅ du gsol | deṅ slan cad nas ji srid ’tsho’i bar du glo ba thag pa nas mṅon par dad pas skyabs su mchi’o || (6) de nas bcom ldan ’das kyis khyim bdag gdaṅs can la bka’ stsal pa | khyim bdag khyod miṅ ci | btsun pa bdag nor bzaṅs źes bgyi ba las rgyal po śar pas bdag gdaṅs las ’tshal bas de’i slad du bdag skye bo dag gis khyim bdag gdaṅs can źes bgyi (7) bar ’tshal to || bcom ldan ’das kau śām+bī ra gśegs par gsol || bdag gis bcom ldan ’das dge sloṅ gi dge ’dun daṅ bcas pa la ji srid ’tsho bar du na bza’ daṅ | bsod sñoms daṅ | gnas mal daṅ | bsñuṅ ba’i rkyen daṅ | sman gyi yo byad dag (140b1) gis bsñen bkur ’tshal lo || khyim bdag ko.o śām+bā na gtsug khag lag yod dam | btsun pa ma mchis so || khyim bdag dge sloṅ dag ni gaṅ na gtsug lag khaṅ yod pa der bgrod pa daṅ | ’gro ba daṅ | gnas par sems so || bcom ldan ’das gśegs su | (2) gsol daṅ | bdag gis ji ltar kau śām+bī na gtsug lag khaṅ mchis par ’gyur ba daṅ | dge sloṅ rnams kyaṅ bgrod pa daṅ | mchi ba daṅ | gnas par sems par ’gyur ba de ltar bgyi’o || bcom ldan ’das kyis khyim bdag gdaṅs can la caṅ mi gsuṅ bas gnaṅ (3) ṅo | de nas khyim bdag gdaṅs can gyis bcom ldan ’das kyis caṅ mi gsuṅ bas gnaṅ bar rig nas bcom ldan ’das kyis caṅ mi gsuṅ bas gnaṅ bar rig nas bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas soṅ nas | de la mñan yod na bya ba’am | byed pa ci yod pa thams (4) cad byas śiṅ bsgrubs nas yaṅ bcom ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te | bcom ldan ’das la ’di skad ces gsol to | bcom ldan ’das kyis bdag la grogs dge sloṅ ’ga’ źig stsol (5) cig daṅ bdag gis de daṅ lhan cig bcom ldan ’das kyi slad du gtsug lag khaṅ rtsig tu stsal bar bgyi’o || bcom ldan ’das kyis khyim bdag gdaṅs can ’khor daṅ bcas pa daṅ | ko.o śām+bī na gnas pa’i skye bo’i tshogs dag dge sloṅ gaṅ gi gdul ba yin sñam du (6) dgoṅs na dge sloṅ skul byed chen po’i gdul pa yin par gzigs nas | de nas bcom ldan ’das kyis tshe daṅ ldan pa skul byed chen po la bka’ stsal pa | skul byed khyim bdag gdaṅs can ’khor daṅ bcas pa daṅ | ko.o śām+bī na gnas pa’i skye bo’i tshogs la soms (7) śig | tshe daṅ ldan pa skul byed chen pos bcom ldan ’das la caṅ mi smra bas daṅ du blaṅs so || de nas tshe daṅ ldan pa skul byed chen po de ñid kyi mtshan mo ’das nas sṅa dro śam thabs bgos lhuṅ bzed daṅ | chos gos thogs te || mñan yod du bsod sñoms la (141a1) źugs so || mñan yod du bsod sñoms la brgyus nas zas kyi bya ba byas te | phyi ma’i zas kyi bsod sñoms las phyir log pas ji ltar loṅs spyad pa’i gnas mal mkhos su phab ste | lhuṅ bzed daṅ | chos gos thogs nas khyim bdag gdaṅs (2) can daṅ ’grogs te | kau śām+bī ga la ba de logs su soṅ nas mthar gyis rgyu źiṅ ’gro ba na ko.o śām+bīra phyin to || de nas khyim bdag gdaṅs can ko.o śām+bī ra ma źugs pa kho nar kun dga’ ra ba nas kun dga’i ra bar skyed mos tshal nas skyed mos tshal du | tshal nas tshal (3) du daṅ gol bar soṅ ste | gaṅ du bdag gis bcom ldan ’das kyi phyir gtsug lag khaṅ rtsig tu gźug pa’i sa phyogs ko.o śām+bī nas ha caṅ yaṅ mi riṅ ha caṅ yaṅ mi ñe ba ñin mo rgyun lugs ñuṅ źiṅ klag cor chuṅ ba | mtshan mo sgra chuṅ źiṅ ’ur sgra chuṅ ba | śa sbraṅ daṅ | (4) sbraṅ bu | rluṅ daṅ | ñi ma daṅ | sdig sbrul gyi reg pa ñuṅ ba de lta bu yi ci yod ces btsal na | khyim bdag gdaṅs can gyis raṅ gi kun dga’ ra ba kau śām+bī nas ha caṅ yaṅ mi riṅ ha caṅ yaṅ mi ñe ba ñin mo rgyun lugs ñuṅ źiṅ klag cor chuṅ ba | mtshan mo sgra chuṅ źiṅ (5) ’ur sgra chuṅ ba | śa sbraṅ daṅ | sbraṅ bu daṅ | rluṅ daṅ | ñi ma daṅ | sdig sbrul gyi reg pa ñuṅ bar mthoṅ ṅo || mthoṅ nas kyaṅ ’di sñam du sems te | sa phyogs ’di bzaṅ gis ’dir bcom ldan ’das kyi phyir gtsug lag khaṅ rtsig tu gźug go sñam mo || de na (6) khyim bdag gdaṅs can daṅ | tshe daṅ ldan pa skul byed chen pos || skyed mos tshal der bcom ldan ’das kyi phyir gtsug lag khaṅ rta bas mthon po daṅ ldan pa | skar khuṅ daṅ | skar khuṅ zlum po daṅ | lan kan gyis brgyan pa rtsig tu bcug go | de nas gtsug (7) lag khaṅ byas śiṅ zin nas khyim bdag gdaṅs cacana gyis tshe daṅ ldan pa skul byed chen po la ’di skad ces smras so || ’phags pa bcom ldan ’das śul du gśegs pa’i gśegs pa’i gśegs dgoṅs kyi tshad ci tsam | khyim bdag ’di lta ste dper na ’khor los sgyur ba’i rgyal (141b1) po daṅ ’dra’o || ’phags pa ’khor los sgyur ba’i rgyal po’i ji tsam | khyim bdag ’khor los sgyur ba’i rgyal po lam du ’gro ba’i dgoṅs mal ni rgyaṅ grags bcu’o || khyim bdag gdaṅs can gyis rgyaṅ grags bcu bcur gśegs dgoṅs sa dag śom du bcug nas | (2) bcom ldan ’das kyi spyan sṅar pho ña btaṅ ste | bcom ldan ’das kau śām+bīra gśegs su gsol || bdag gis bcom ldan ’das dge sloṅ gi dge ’dun daṅ bcas pa ji srid ’tsho’i bar du na bza’ daṅ | bsod sñoms daṅ | gnas mal daṅ | bsñuṅ ba’i rkyen daṅ | sman (3) gyi yo byad dag gis bsñen bkur bgyi’o źes gsol to || pho ñas kyaṅ bcom ’das kyi spyan sṅar soṅ ste gsol to | de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la dge sloṅ rnams la dge sloṅ dag bcom ldan ’das (4) bdas dag tu ljoṅs rgyur gśegs kyis khyed chag las gaṅ de bźin gśegs pa dag thabs cig bad sa dag tu ljoṅs rgyur ’gro bar spo ba des chos dag loṅ śig ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das (5) las mñan nas dge sloṅ rnams la tshe daṅ ldan pa dag bcom ldan ’das bdas dag tu ljoṅs rgyur gśegs kyis khyed cag las gaṅ de bźin gśegs pa daṅ thabs cig bdas dag tu ljoṅs rgyur ’gro bar spro ba des chos gos dag loṅ śig ces bsgo’o || de nas bcom ldan (6) ’das dul ba ’khor dul ba daṅ ldan pa | źi ba ’khor źi ba daṅ ldan pa | grol ba ’khor grol ba daṅ ldan pa | dbugs phyin pa ’khor dbugs phyin pa daṅ ldan pa | thul ba ’khor thul ba daṅ ldan pa | dgra bcom pa ’khor dgra bcom pa daṅ ldan pa | ’dod chags daṅ (7) bral ba ’khor ’dod chags daṅ bral ba daṅ ldan pa | mdzes pa ’khor mdzes pa daṅ ldan pa | khyu mchog ltar ba laṅ gi tshogs kyis yoṅs su bskor ba | glaṅ po che ltar glaṅ po che’i phrug gu’i tshogs kyis yoṅs su bskor ba | seṅ ge ltar mche ba can gyi tshogs kyis (142a1) yoṅs su bskor ba | ṅaṅ pa’i rgyal po ltar ṅaṅ pa’i tshogs kyis yoṅs su bskor ba | nam mkha’ ldiṅ ltar bya’i tshogs kyis yoṅs su bskor ba | bram ze ltar slob ma’i tshogs kyis yoṅs su bskor ba | sman pa mkhas pa ltar nad pa’i tshogs kyis (2) yoṅs su bskor ba | dpa’ bo ltar ru pa’i tshogs kyis yoṅs su bskor ba | sa mkhan ltar lam du źugs pa’i tshogs kyis yoṅs su bskor ba | ded dpon ltar tshoṅ pa’i tshogs kyis yoṅs su bskor ba | tshoṅ dpon ltar ’khor gyi tshogs kyis yoṅs su bskor ba | (3) mkhar gyi rgyal po ltar blon po’i tshogs kyis yoṅs su bskor ba | ’khor los sgyur ba ltar bu stoṅ gi tshogs kyis yoṅs su bskor ba | zla ba ltar rgyu skar gyi tshogs kyis yoṅs su bskor ba | ñi ma ltar ’od zer stoṅ gi tshogs kyis yoṅs su bskor ba | yul ’khor (4) sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi tshogs kyis yoṅs su bskor ba | mig mi bzaṅ ltar klu’i tshogs kyis yoṅs su bskor ba | nor sbyin ltar gnod sbyin gyi tshogs kyis yoṅs su bskor pa | thags zaṅs ris ltar (5) lha ma yin gyi tshogs kyis yoṅs su bskor ba | brgya byin ltar sum bcu rtsa gsum pa’i tshogs kyis yoṅs su bskor ba | tshaṅs pa ltar tshaṅs ris kyi tshogs kyis yoṅs su bskor ba | dbaṅ po rnams kyis śin tu drul ba | spyod lam daṅ spyod pa ma ’khrugs pa | chu (6) gter ltar tiṅ ṅe ba | sprin ltar chu daṅ bcas pa | glaṅ po che’i rgyal po ltar dregs pa daṅ bral ba | skyes bu chen po’i mtshan sum bcu rtsa gñis kyis legs par brgyan pa | dpe byad bzaṅ po brgyad bcus sku rnam par mdzes pa | ’od ’dom gaṅ gis gzugs (7) can brgyan pa | ñi ma stoṅ bas lhag pa’i ’od daṅ ldan pa | rin po che’i ri bo ’gro ba ltar kun tu bzaṅ ba | stobs bcu daṅ | mi ’jigs pa bźi daṅ | ma ’dres pa’i dran pa ñe bar gźag pa gsum daṅ | thugs rje chen po daṅ ldan pa kun śes ko.oṇ+ḍin+ya daṅ | (142b1) rlaṅs pa daṅ | miṅ chen daṅ | ma ’gas pa daṅ | śā ri’i bu daṅ | maud gal gyi bu daṅ | ’od sruṅ daṅ | kun dga’ bo daṅ | nam gru la sogs pa ñan thos chen po dag daṅ | gźan yaṅ dge sloṅ gi dge ’dun maṅ pos bskor te | kau śām+bī gal ba der rgyu źiṅ (2) gśegs nas mthar gyis rgyu źiṅ gśegs pa na kau śām+bīra byon to || de nas khyim bdag gdaṅs can gyis gtsug lag khaṅ yod byad thams cad daṅ ldan pa de bcom ldan ’das ñan thos kyi dge ’dun daṅ bcas pa la phul nas | ’di ltar gnas brtan dag gis kyaṅ | (3) bcom ldan ’as ko.o śām+bī na gdaṅs can gyi kun dga’ ra ba na bźugs so źes mdo sde’i mtha’ ñe bar sbyar to || de nas khyim bdag gdaṅs can bcom ldan ’das ñan thos kyi dge ’dun daṅ bcas pa la gtsug lag khaṅ phul nas dga’ ba daṅ mchog tu dga’ ba skyes te (4) raṅ gi khyim du soṅ ṅo | de nas tshe daṅ ldan pa skul byed chen po bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la tshe daṅ ldan pa skul (5) byed chen pos ’di skad ces gsol to || btsun pa gaṅ daṅ ldan na rigs kyi bu’am | rigs kyi bu mo daṅ pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod (6) nams ’ba’ źig ñe bar skye ba | rdzas las byuṅ ba’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba gdags su ruṅ ṅam | bcom ldan ’das kyis de la bka’ stsal pa | skul byed ruṅ ste | skul byed bdun po ’di dag ni (7) gaṅ daṅ daṅ ldan na rigs kyi bu’am | rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye brdzas las byuṅ ba’i bsod (143a1) nams bya ba’i gźi śin tu ’bras bu che ba | phan yon che ba | snaṅ ba che ba | rgyas che ba dag yin te | skul byed ’di la rigs kyi bu’am | rigs kyi bu mo dad pa daṅ ldan pas phyogs bźi’i dge sloṅ gi dge ’dun la kun dga’i (2) ra ba ’bul bar byed pa ’di ni skul byed gaṅ daṅ ldan na rigs kyi bu’am | rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams (3) ’ba’ źig ñe bar skye ba rdzas las byuṅ ba’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba daṅ po yin no || skul byed gźan yaṅ rigs kyi bu’am | rigs kyi bu mo dad pa daṅ ldan pas kun dga’i ra ba de ñid du (4) gtsug lag khaṅ rtsig tu ’jug pa ’di ni skul byed gaṅ daṅ ldan na rigs kyi bu’am | rigs kyi bu mo dad pa daṅ ldan pa rgyu ba’am | gnas pa’am | ñal ba ’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | (5) bsod nams ’ba’ źig ñe bar skye ba rdzas las byuṅ ba’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba gñis pa yin no || skul byed gźan yaṅ rigs kyi bu’am | rigs kyi bu mo dad pa daṅ ldan pas gtsug (6) lag khaṅ de ñid du gnas mal ’di lta ste | khri daṅ | khri’u daṅ | stan naṅ tshaṅs can daṅ | la ba daṅ | sṅas daṅ | gor bu dag ’bul bar byed pa ’di ni skul byed gaṅ daṅ ldan na rigs kyi bu ’am || rigs kyi bu mo dad pa daṅ ldan pa rgyu ba’am | gnas pa’am | (7) ñal ba’am | mi ñal ba las rtag tu rgyun mi ’chad par gsod nams ’ba’ źig mṅon par ’phel ba daṅ | bsod nams ’ba’ źig ñe bar skye brdzas las byuṅ ba’i bsod nams bya ba’i gźi śin tu ’bras bu che ba | phon yon che ba | snaṅ ba che ba | rgyas pa che ba (143b1) gsum pa yin no || skul byed gźan yaṅ rigs kyi bu’am | rigs kyi bu mo dad pa daṅ ldan pas gtsug lag khaṅ de ñid du gtan gyi rkyen ris rjes su mthun pa’i mchod sbyin ’bul bar byed pa ’di ni skul byed gaṅ daṅ ldan na rigs kyi bu’am | rigs kyi bu mo daṅ (2) pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye brdzas las byuṅ ba’i gsod nams bya ba’i gźi śin tu ’bras bu che ba | (3) phan yon che ba | snaṅ che ba | rgyas pa che ba | bźi pa yin no || skul byed gźan yaṅ rigs kyi bu’am | rigs kyi bu mo dad pa daṅ ldan pas glo bur du ’oṅs pa daṅ ’gro bar chas pa la sbyin pa sbyin par byed pa ’di ni skul byed gaṅ daṅ ldan na rigs kyi bu’am | rigs (4) kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba rdzas las byuṅ ba’i bsod nams bya ba’i gźi śin tu ’bras bu che (5) ba | phan yon che ba | snaṅ ba che ba | rgyas pa che ba lṅa pa yin no | skul byed gźan yaṅ rigs kyi bu’am | rigs kyi bu mo dad pa daṅ ldan pas nad pa daṅ nad g-yog la sbyin pa sbyin par byed pa ’di ni skul byed gaṅ daṅ ldan na rig kyi bu’am | rigs kyi bu mo dad pa daṅ ldan (6) pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba rdzas las byuṅ ba’i bsod nams bya ba’i gźi śin tu ’bras bu che ba | phan yon che (7) ba | snaṅ ba che ba | rgyas pa che ba drug pa yin no || skul byed gźan yaṅ rigs kyi bu ’am | rigs kyi bu mo dad pa daṅ ldan pas rluṅ laṅs pa’am | yul ṅan byuṅ bal | char pa bab pa’am | lhags pa byuṅ ba gaṅ dag yin pa de lta bu’i rluṅ laṅs pa’am | (144a1) yul ṅan byuṅ ba’am | char bab pa’am | lhags pa byuṅ ba’i tshe dge ’dun la ’bras chan dag gam | skyo ma dag gam | thug pa’i btuṅ ba dag bskyal te | ’dis ’phags pa ’di dag lus mi rlan pa daṅ | chos gos mi gśer ba daṅ | loṅs (2) spyad nas bde ba la reg par ’gyur ro sñam pas ’bul bar byed pa ’di ni skul byed gaṅ dag ldan na rigs kyi bu’am | rigs kyi bu mo dad pas daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon (3) par ’phel ba daṅ | bsod nams ’ba’ źig ñe bar skye ba rdzas las byuṅ ba’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba bdun pa yin no | skul byed rigs kyi bu’am | rigs kyi bu mo dad pa daṅ ldan pa rdzas las (4) byuṅ ba’i bsod nams bya ba’i gźi bdun po ’di dag daṅ ldan pa’i bsod nams sam || bsod nams kyi ’bras bu’am | bsod nams kyi ’bras bu rnam par smin pa ’di tsam mo źes bsod nams kyi tshad gzuṅ bar mi nus te || ’di ltar bsod nams maṅ ba’i phyir bsod (5) nams kyi phuṅ po chen po źes bya ba’i graṅs su ’gro’o || skul byed ’di lta ste dper na gaṅ du chu kluṅ chen po lṅa po ’di lta ste gaṅ gā daṅ | ya mun daṅ | sa ra yu daṅ | gnas can daṅ | ma hi źes bya ba tha mi dad par ’bab par ’gyur ba de la ni chu’am | chu’i bum pa’am | (6) chu’i bum pa brgya phrag gam | chu’i bum pa stoṅ phrag gam | chu’i bum pa ’bum phrag ’di sñed yod do źes chu’i tshad gzuṅ bar mi nus so || skul byed de bźin du rigs kyi bu’am | rigs kyi bu mo dad pa daṅ ldan pa rdzas las byuṅ ba’i bsod nams bya ba’i gźi bdun po ’di dag daṅ (7) ldan pa’i bsod nams sam | bsod nams kyi ’bras bu ’am | bsod nams kyi ’bras bu rnam par smin pa yaṅ ’di tsam mo źes bsod nams kyi tshad gzuṅ bar mi nus te || ’di ltar bsod nams maṅ ba’i phyir bsod nams kyi phuṅ po chen po źes bya ba’i graṅs su ’gro’o || de skad (144b1) ces bka’ stsal pa daṅ | bcom ldan ’das la tshe daṅ ldan pa skul byed chen pos ’di skad ces gsol to || btsun pa gaṅ daṅ ldan na rigs kyi bu’am | rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad (2) par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba rdzas las byuṅ ba ma lags pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba gdags su ruṅ ṅam | bcom ldan ’das kyis bka’ (3) stsal pa | skul byed ruṅ ste | skul byed bdun po ’di dag ni gaṅ daṅ ldan na rigs kyi bu’am rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams (4) ’ba’ źig ñe bar skye ba rdzas las byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba dag yin te | bdun gaṅ źen | skul byed ’di la rigs kyi bu’am rigs kyi bu mo dad pa daṅ ldan pas de bźin gśegs (5) pa’am | de bźin gśegs pa’i ñan thos groṅ tshigs ga ge mo źig na ñer brten ciṅ bźugs pa thos śiṅ thos nas kyaṅ dga’ ba daṅ | mchog tu dga’ ba rgya chen po dge ba ṅes par ’byuṅ ba daṅ ldan pa thob par byed pa ’di ni skul byed gaṅ daṅ ldan na rigs kyi bu’am rigs (6) kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źiṅ mṅon par ’phel ba daṅ | bsod nams ’ba’ źig ñe bar skye ba rdzas las byuṅ ba ma yin pa’i bsod nams bya ba’i gźi śin tu (7) ’bras bu che ba | phan yon che ba | rgyas pa che ba daṅ po yin no | skul byed gźan yaṅ rigs kyi bu’am rigs kyi bu mo dad pa daṅ ldan pas de bźin gśegs pa’am | de bźin gśegs pa’i ñan thos de ñid du tshur gśegs par rtsol bar thos śiṅ thos (145a1) nas kyaṅ dga’ ba daṅ | mchog tu dga’ ba rgya chen po dge ba ṅes par ’byuṅ ba daṅ ldan pa thob par byed pa ’di ni skul byed gaṅ dag ldan na rigs kyi bu mo dad pa daṅ ldan pa rgyu ba ’am | gnas pa’am | ñal ba’am | mi ñal ba las rtag (2) tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba rdzas las byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba gñis pa yin no || skul byed (3) gźan yaṅ rigs kyi bu ’am rigs kyi bu mo dad pa daṅ ldan pas de bźin gśegs pa’am | de bźin gśegs pa’i ñan thos de ñid śul du źugs pa thos śig thos nas kyaṅ dga’ ba daṅ | mchog tu dga’ ba rgya chen po dge ba ṅes par ’byuṅ ba daṅ ldan pa thob par (4) byed pa ’di ni skul byed gaṅ daṅ ldan na | rigs kyi bu ’am rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba (5) rdzas las byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba gsum pa yin no || skul byed gźan yaṅ rigs kyi bu ’am rigs kyi bu mo dad pa daṅ ldan pas de bźin gśegs pa’am | de bźin gśegs (6) pa’i ñan thos de ñid groṅ tshigs de ñid du byon par thos śiṅ thos nas kyaṅ dga’ ba daṅ | mchog tu dga’ ba rgya chen po de dge ba ṅes par ’byuṅ ba daṅ ldan pa thob par byed pa ’di ni skul byed gaṅ daṅ ldan na rigs kyi bu ’am rigs kyi bu mo dad pa daṅ ldan pa rgyu ba’am | gnas (7) pa ba’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba rdzas las byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba (145b1) rgyas pa che ba bźi pa yin no || skul byed gźan yaṅ rigs kyi bu’am rigs kyi bu mo dad pa daṅ ldan pas de bźin gśegs pa’am | de bźin gśegs pa’i ñan thos de ñid la blta ba daṅ | bsñen bkur bya ba’i phyir ’gro źiṅ mthoṅ nas kyaṅ dga’ ba daṅ | mchog tu dga’ (2) ba rgya chen po dge ba ṅes par ’byuṅ ba daṅ ldan pa thob par byed pa ’di ni skul byed gaṅ daṅ ldan na rigs kyi bu ’am rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag tu rgyun mi ’chad par bsod nams ’ba’ źig mṅon par ’phel ba daṅ | (3) bsod nams ’ba’ źig ñe bar skye ba rdzas las byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba lṅa pa yin no || skul byed gźan yaṅ rigs kyi bu’am rigs kyi bu mo dad pa daṅ ldan pas des bźin gśegs (4) pa’am | de bźin gśegs pa’i ñan thos de ñid kyi druṅ nas chos tshaṅs par spyod pa | thog mar dge ba | bar du dge ba | tha mar dge ba | don bzaṅ po | tshig ’bru bzaṅ po | ma ’dres pa | yoṅs su rdzogs pa | yoṅs su dag pa | yoṅs su byaṅ ba yaṅ dag par rab (5) tu ston pa ñan ciṅ thos nas kyaṅ dga’ ba daṅ | mchog tu dga’ ba rgya chen po dge ba ṅes par ’byuṅ ba daṅ ldan pa thob par byed pa ’di ni skul byed gaṅ daṅ ldan na rigs kyi bu’am | rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal ba las rtag (6) tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źiṅ ñe bar skye ba rdzas las byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba drug pa yin no || skul byed gźan (7) yaṅ rigs kyi bu’am rigs kyi bu mo dad ldan pas de bźin gśegs pa’am de bźin gśegs pa’i ñan thos de ñid kyi druṅ nas chos thos nas saṅs rgyas la skyabs su ’gro || chos daṅ dge ’dun la skyabs su ’gro źiṅ bslab pa’i gźi dag len par byed pa ’di ni|(146a1) skul byed rigs kyi bu’am rigs kyi bu mo dad pa daṅ ldan pa rgyu ba’am | gnas pa’am | ñal ba’am | mi ñal pa las rtag tu rgyun mi ’chad par bsod nams ’ba’ źig mṅon par ’phel ba daṅ | bsod nams ’ba’ źig ñe bar skye ba rdzas las (2) byuṅ ba ma yin pa’i bsod nams bya ba’i gźi śin tu ’bras bu che ba | phan yon che ba | snaṅ ba che ba | rgyas pa che ba bdun pa yin no || skul byed rdzas las byuṅ ba ma yin pa’i bsod nams bya ba’i gźi bdun po ’di dag daṅ ldan pa’i rigs kyi bu’am rigs kyi bu mo (3) dad pa daṅ ldan pa’i bsod nams sam | bsod nams kyi ’bras bu’am | bsod nams kyi ’bras bu rnam par smin pa ni ’di tsam mo źes bsod nams kyi tshad gzuṅ bar mi nus te ’di ltar bsod nams maṅ ba’i phyir bsod nams kyi phuṅ po chen po źes bya ba’i graṅs su (4) ’gro’o || skul byed ’di lta ste dper na gaṅ du chu kluṅ chen po lṅa po ’di lta ste gaṅ gā daṅ | ya mun daṅ | sar yu daṅ | gnas can daṅ | ma hi źes bya ba tha mi dad par ’bab par ’gyur ba de la ni chu’am | chu’i bum pa’am | chu’i bum pa brgya phrag gam | chu’i bum (5) pa stoṅ phrag gam || chu’i bum pa ’bum phrag ’di sñed cig yod do || źes chu’i tshad gzuṅ bar mi nus te | ’di ltar chu maṅ ba’i phyir chu’i phuṅ po chen po źes bya ba’i graṅs su ’gro’o || skul byed de bźin du rdzas las byuṅ ba ma yin pa’i bsod nams bya ba’i gźi bdun po ’di (6) dag daṅ ldan pa’i rigs kyi bu’am rigs kyi bu mo dad ldan pa’i bsod nams sam | bsod nams kyi ’bras bu’am bsod nams kyis ’bras bu rnam par smin pa yaṅ ’di tsam mo źes tshad gzuṅ bar mi nus te | ’di ltar bsod nams maṅ ba’i phyir bsod nams kyi phuṅ po (7) chen po źes bya ba’i grags su ’gro’o || bcom ldan ’das kyis de skad ces bka’ stsal te |

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

bde bar gśegs pas de skad gsuṅs nas || ston pas gźan yaṅ ’di skad ces bka’ stsal to ||
mi daṅ ri dgas tshogs kyis bsten pa yi || chu kluṅ tha dad ’bab par gyur pa (146b1) dag ||
mtsho mchog bkra śis gtsaṅ ma ṅogs bde ba || rin chen ’byuṅ gnas rgya mtshor ’bab pa ltar ||

de bźin bsod nams rgyun kyaṅ rnam kun tu || sbyin bdag gos sbyin zas skom sbyin pa daṅ ||
mal cha stan daṅ gdiṅ sbyin mi la ’bab || chu kluṅ chu ’bab rgya (2) mtshor ji bźin no ||

bcom ldan ’das kyis de skad ces bka’ stsal nas | tshe daṅ ldan pa skul byed chen po bcom ldan ’das kyis gsuṅs pa la yi raṅs te mṅon par bstod do || de nas khyims bdag gdaṅs can ni dad pa daṅ ldan la de’i ’khor ni mdad nas des bsams pa | (3) bdag gi ’khor ’di ma dad na bdag gi gtsug lag khaṅ du ji ltar spyod pa je brtag go sñam nas de cha lugs mi mṅon par byas te śam thabs dma’ bar bgos nas gtsug lag khaṅ du soṅ ste tshigs su bcad pa’i dbyaṅs kyis mchod rten la phyag ’tshal nas gtsug lag (4) khaṅ du ’jug par brtsams pa daṅ | rgan źugs śig sgo khaṅ na ’dug nas des de’i rkaṅ pa la phyag ’tshal te smras pa | ’phags pa gtsug lag khaṅ sñiṅ daṅ mig ’phrog bar bgyid pa mtho ris kyi them skas su gyur pa ’di su’i lags || des smras pa | khyim bdag (5) gdaṅs can gyi’o || ’phags pa ci ’di gtsug lag khaṅ lags sam | ’on te phoṅs pa lags | bźin bzaṅs gtsug lag khaṅ ni ji lta bu | phoṅs pa ni ji lta bu | ’phags pa gaṅ na yo byad phun sum tshogs pa ni gtsug lag khaṅ lags la || gaṅ na yo (6) byad ma mchis pa ni phoṅs pa lags so || bźin bzaṅs ’di phoṅs pa yin no || ji ltar gyur | khyim bdag de ni dad pa daṅ ldan pa yin na de’i ’khor ma dad pas mkho ba mi stobs so || ’di ltar khyim bdag de la bu mo mṅag gźug ma mgu byed ces bya ba dad pa (7) daṅ ldan źiṅ bzaṅ la dge ba’i bsam pa can źig yod na | ’on kyaṅ de’i khyim de na dbaṅ med de | gal te de la dbaṅ yod par gyur na de dge sloṅ rnams la mkho ba stobs par byed pas ’di gtsug lag khaṅ du ’gyur ro || khyim bdag gdaṅs can gyis bsams pa | (147a1) da ltar bdag gson pa ñid na yaṅ bdag gi gtsug lag khaṅ na dge sloṅ rnams kyi gnas skabs ’di ’dra na bdag śin ci ’dra bar ’gyur sñam du rig nas dge sloṅ de’i rkaṅ pa la phyag ’tshal te || raṅ gi khyim du soṅ nas naṅ mi rnams la smras pa | khyed cag (2) las gaṅ saṅs rgyas la sogs pa dge sloṅ gi dge ’dun la bsñen bkur byed par spro ba des tshul śiṅ loṅ śig | de’i tshe na mgu byed bum pa thogs te chu bcu ba’i phyir phyir byuṅ ba daṅ | des der ras ma źig rñed nas | bcom ldan ’das kyaṅ de la phan gdags pa’i slad du (3) phyogs der gśegs pa daṅ | des bcom ldan ’das kyis rdzu ’phrul gyis na bza’ chos na bza’ chos gos kyi grwa rdol bar de la bstan pa daṅ | des bsams pa | gal te bcom ldan ’das kyis bdag gi ras ma ’di bźes (4) su gnaṅ na bdag gis ’di bcom ldan ’das la dbul lo sñam mo || bcom ldan ’das kyis de’i sems thugs kyis mkhyen nas bka’ stsal pa | mgu byed gal te khyod kyis yoṅs su btaṅ na phul cig | des bcom ldan ’das la sems mṅon par dad pa byas (5) nas gus pa bskyed de phul lo || bcom ldan ’das kyis de de ñid kyi mdun du na bza’ chos gos kyi grwa glan te btsems pa daṅ | kha dog mthun par gyur to || de dad pa skyes pas źabs gñis la gtugs te smon lam btab pa | dge ba’i rtsa ba ’dis bdag bran (6) mor ma gyur cig | dbul bar ma gyur cig ces smras nas bum pa chus bkaṅ ste khyim du soṅ ṅo || khyim bdag gdaṅs can gyis naṅ mi la tshul śiṅ brims pa daṅ | mgu byed kyis smras pa | khyim bdag ’di ci lags | gdaṅs can gyis smras pa | mgu (7) byed khyed cag las gaṅ saṅs rgyas la sogs pa dge sloṅ gi dge ’dun la bsñen bkur byed par spro ba des tshul śiṅ loṅ śig daṅ kho bo la loṅs spyod rgya chen po dag yod do || des myur ba myur bar chu’i bum pa bźag ste tshul śiṅ blaṅs nas smras pa | bdag saṅs (147b1) rgyas la sogs pa dge sloṅ gi dge ’dun la bsñen bkur bgyid par spro ste || bdag gis bcom ldan ’das ñan thos kyi dge ’dun daṅ bcas pa la yod byad thams cad kyis bsñen bkur bgyi yis khyod thugs las chuṅ ṅur mdzod cig ces des saṅs rgyas la sogs pa (2) dge sloṅ gi dge ’dun la yo byad thams kyis bstabs te gus par bsñen bkur bya bar brtsams so || khyim bdag gdaṅs can gyis yaṅ cha lugs mi mṅon par byas te śam thabs dma’ bar bgos nas gtsug lag khaṅ du soṅ ste tshigs su bcad pa’i dbyaṅs kyis (3) mchod rten la phyag ’tshal nas gtsug lag khaṅ du ’jug par brtsams pa daṅ | yaṅ rgan źugs gźan źig sgo khaṅ na ’dug nas des de’i rkaṅ pa la phyag ’tshal te smras pa | ’phags pa gtsug lag khaṅ sñiṅ daṅ mi ’phrog par bgyid pa mtho ris kyi them skas su gyur (4) pa ’di su’i lags | des smras pa | khyim bdag gdaṅs can gyi’o || ’phags pa ci gtsug lag khaṅ lags | bźin bzaṅs | gtsug lag khaṅ ni ji lta bu || phoṅs pa ni ji lta bu | ’phags pa gaṅ na yo byad phun sum (5) tshogs pa ni gtsug lag khaṅ lags la | gaṅ na yo byad ma mchis pa ni phoṅs pa lags so || bźin bzaṅs ’di sṅon ni phoṅs par gyur pa las da ni gtsug lag khaṅ du gyur to || ji ltar gyur | bźin bzaṅs khyim bdag gdaṅs can la bu mo mṅag gźug ma (6) mgu byed ces bya ba | dad pa daṅ ldan źiṅ bzaṅ la dge ba’i bsam pa can źig yod pa de khyim bdag des ’di las su bskos te saṅs rgyas la sogs pa dge sloṅ gi dge ’dun la yo byad thams cad kyis stobs śig ces bsgo nas | da ltar de saṅs rgyas la sogs pa dge (7) sloṅ gi dge ’dun la yo byad thams cad kyis bsñen bkur byed pas des na ’di gtsug lag khaṅ yin te phoṅs pa ma yin no || khyim bdag gdaṅs can gyis thos nas dga’ ste khyim du soṅ nas des bu mo mgu byed kyi lag tu lde mig daṅ | lde mig kyog po gtad nas (148a1) naṅ mi rnams la smras pa | khyed cag mgu byed kyis ci byin pa des gnas par gyis śig | ko.o śām+bī na gnas pa’i skye bo’i tshogs rnams kyaṅ bsdus te smras pa | śes ldan dag kho bos bu mo mgu byed ’di bran mo las phyuṅ ste khyim gyi bdag mor bcug go źes (2) bsgrags so || dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa khyim bdag gdaṅs can rgyal po śar bas gdaṅs las ’tshal ba la gzigs | bcom ldan ’das kyis bka’ stsal pa | dge sloṅ (3) dag da ltar du ma zad de ’di ltar ’dus pa’i dus na yaṅ khyim bdag gdaṅs can ’di rgyal po śar pas gdaṅs las śes par gyur te de ñon cig | dge sloṅ dag sṅon byuṅ ba groṅ khyer bā rā ṇa sī na rgyal po tshaṅs byin źes bya pas rgyal srid ’byor pa | rgyas pa | bde ba | lo (4) legs pa | skye bo daṅ mi maṅ pos gaṅ ba | thab mo daṅ | ’thab pa daṅ | phyi dgra daṅ | naṅ ’khrug rab tu źi ba | chom rkun daṅ | mu ge daṅ | nad daṅ bral ba | sā lu daṅ | bu ram śiṅ gi phreṅ ba daṅ | ba laṅ daṅ | ma he phun sum tshogs pa byed du bcug ste | (5) chos daṅ ldan pa chos kyi rgyal pos chos kyis rgyal srid byed du bcug go | ji tsam dus gźan źig na ltas pa dag gis lo bcu gñis su char mi ’bab par luṅ bstan nas rgyal po tshaṅs byin gyis raṅ gi yul du dril bsgrag pa byed du bcug ste phyogs su bsgo ba | ṅa’i yul na (6) gnas pa daṅ | pho braṅ ’khor gyi mi dag ñon cig | ltas pa dag gis lo bcu gñis su char mi ’bab par luṅ bstan gyis de’i phyir khyed cag las gaṅ dag la lo bcu gñis kyi zan bdog pa de dag gis ni ’khod par bya’o || gaṅ dag la mi bdog pa de dag gis ni (7) gźan du ’doṅ bar bya źiṅ lo bcu gñis ’das nas phyir ’oṅ bar bya’o || de’i tshe na bā rā ṇa sī na khyim bdag gzuṅs byed ces bya ba phyug pa | nor maṅ pa | loṅs spyod che ba | yoṅs su gzuṅ ba yaṅs śiṅ rgya che ba źig ’dug pa des mdzod pa bos te smras pa | (148b1) kwa’i naṅ rje mdzod pa kho bo ’khor daṅ bcas pa’i lo bcu gñis kyi zan yod dam | des smras pa | jo bo mchis so || saṅs rgyas rnams ’byuṅ ba med pa’i tshe raṅ saṅs rgyas dman pa daṅ bkren pa la rjes su sñiṅ brtse ba | bas mtha’i gnas mal la dga’ ba | bse ru (2) lta bu gcig pu ’jig rten gyi yon gnas su gyur pa dag ’jig rten du byuṅ ṅo || ji tsam na raṅ saṅs rgyas lṅa brgya ljoṅs rgyu źiṅ ’doṅ ba na bā rā ṇa sīra phyin nas de dag khyim bdag gzuṅs byed kyi gan du doṅ ste phyin nas smras pa | khyim bdag khyod kyis kho bo cag rab tu byuṅ (3) ba lṅa brgya la lo bcu gñis su mkho ba stobs par nus sam | des smras pa | ’phags pa dag je mdzod pa la rmas te slad kyi gsol lo źes des mdzod pa bos te smras pa | kwa’i naṅ rje mchod pa kho bo ’khor daṅ bcas pa daṅ | rab tu byuṅ ba lṅa brgya po ’di dag gi lo bcu (4) gñis kyi zan yod dam | des smras pa | jo bo mchis so || khyim bdag gzuṅs byed kyis raṅ saṅs rgyas po de dag la smras pa | ’phags pa dag mchis kyis bźugs śig daṅ gsol lo || de dag der ’khod do || ji tsam na raṅ saṅs rgyas gźan lṅa brgya (5) ljoṅs rgyu źiṅ ’doṅ ba na bā rā ṇa sīra phyin nas de dag kyaṅ khyim bdag gzuṅs byed kyi gan du doṅ ste phyin nas smras pa | khyim bdag khyod kyis kho bo cag rab tu byuṅ ba lṅa brgya la lo bcu gñis su mkho ba stobs par nus sam | des smras pa | ’phags pa dag khyed la gsol (6) lags na | ci’i slad du yaṅ sgrub par mdzad | khyim bdag de dag kyaṅ gźan la kho bo cag kyag gźan no || ’phags pa dag je mdzod pa la rmas te slad kyis gsol lo źes des mdzod pa bos te smras pa | kwa’i naṅ rje mdzod pa kho bo ’khor daṅ bcas pa daṅ | rab tu byuṅ (7) ba stoṅ gi lo bcu gñis kyi zan yod dam | des smras pa | jo bo mchis so || khyim bdag gzugs byed kyis raṅ saṅs rgyas lṅa brgya po de dag la smras pa | ’phags pa dag mchis kyis bźugs śig daṅ gsol lo || de dag kyaṅ der ’khod do || khyim bdag gzugs (149a1) byed kyis sbyin pa’i khaṅ pa rtsig tu bcug ste | sbyin pa’i źal ta pa’i mi dag daṅ spyan ’dren bskos nas | spyan ’dren des ñid ma re re źiṅ soṅ ste gdugs tshod la ’bod par byed do || spyan ’dren des khyi źig gsos pa de ñi ma re re źiṅ spyan ’dren de daṅ lhan cig ’gro (2) bar byed do || ji tsam dus gźan źig na spyan ’dren de la brel ba źig byuṅ nas | des je ’di bsgrubs te phyis spyan draṅ bar bya’o sñam nas des gźan soṅ ba daṅ | khyi des de ma rñed nas sṅon goms pas raṅ saṅs rgyas rnams kyi gan du soṅ ba daṅ | der yaṅ de ma mthoṅ (3) nas des skad phyuṅ ṅo || raṅ saṅs rgyas de dag gi dge ’dun gyi gnas brtan gaṅ yin pa des smras pa | de daṅ ldan pa dag spyan ’dren dus las yol nas khyi ’dis spyan draṅs kyis tshur spyod bźud do || de ltar bgyi’i źes de dag ’phags pa daṅ | spyan ’dren ’oṅs te (4) khyi des de mthoṅ nas skad dbyuṅ bar brtsams pa daṅ | spyan ’dren gyis bsams pa | ’dis ’di dag spyan draṅs pas des na bdag ñid chen po ’di dag byon gor ma chag sñam du rig nas smras pa | ’phags pa dag khyed sus spyan draṅs | de dag gis smras pa | bźin (5) bzaṅs khyi ’dis so || des smras pa | ’phags pa dag mnoṅs kyis slad kyis kyaṅ gaṅ gi tshe bdag la brel ba ’ga’ źig byuṅ ba de’i tshe na ’di ñid khyed spyan ’dren par ’gyur gyis khyed cag gśegs su gsol | dge sloṅ dag de’i tshe de’i dus na khyim bdag gzuṅs (6) byed gaṅ yin pa de ni ṅa ñid yin no || de’i tshe de’i dus na mdzod pa gaṅ yin pa de ni khyim bdag mgon med zas sbyin yin no || de’i tshe de’i dus na spyan ’dren gaṅ yin pa de ni bad sa’i rgyal po śar pa yin no || de’i tshe de’i dus na khyi gaṅ yin pa de ni khyim bdag gdaṅs (7) can yin te | khyim bdag gdaṅs can ’di de’i tshe yaṅ rgyal po śar pas gdaṅs las śes par gyur la | da ltar yaṅ ’di des gdaṅs las śes so || rgyal po gzugs can sñiṅ po’i gan du mi stoṅ thub gcig ’oṅs nas rgyal pos de la smras pa | kwa’i naṅ rje (149b1) khyod su yin | des smras pa | lha bdag stoṅ thub lags so || rgyal pos blon po rnams la bsgo ba | śes ldan dag stoṅ thub la ’tsho ba byin cig | de dag gis de la ’tsho ba byin no || gaṅ gi tshe bcom ldan ’das kyis ma ga d+hāra byuṅ ba’i rgyal po bzo sbyaṅs gzugs (2) can sñiṅ can po lha brgyad khri daṅ ma ga d+hā pa’i bram ze daṅ | khyim bdag ’bum phrag du ma daṅ lhan cig bden pa dag la bźag pa de’i tshe na des rgyal po’i khab tu dril bsgrags pa byed du bcug ste bsgo ba | rgyal po’i khab na gnas pa daṅ | pho braṅ ’khor gyi mi daṅ | yul tha (3) dad pa nas lhags pa’i skye bo’i tshogs śes ldan dag ñon cig | ṅa’i yul du sus kyaṅ rkun po mi bya’o || ṅa’i yul du gaṅ rkun po byed pa de ṅas yul med par bya źiṅ brkus pa rnams kyi nor ni ṅa raṅ gi mdzod daṅ baṅ ba nas sbyin no źes bsgo’o || gaṅ gi tshe bcom ldan ’das (4) kyis go sa lar byuṅ ba’i rgyal po gsal rgyal gźon nu’i dpe’i mdos ba tul ba de’i tshe na des kyaṅ mñan yod du dril bsgrags pa byed du bcug ste bsgo ba | ṅa’i yul du sus kyaṅ rkun po mi bya’o || ṅa’i yul du gaṅ rkun po byed pa de ṅas gsad par bya źiṅ brkus pa rnams kyi (5) nor ni ṅa raṅ gi mdzod daṅ baṅ ba nas sbyin no źes bsgo’o || bar du yul ma ga d+hā na gnas pa’i chom rkun pa gaṅ dag yin pa daṅ | yul ko sa la na gnas pa’i chom rkun pa gaṅ dag yin pa de dag mtshams kyi bar du doṅ ste ’khod ciṅ yul ma ga d+hā nas don mthun pa gaṅ dag ’oṅ (6) ba de dag kyaṅ ’joms par byed | yul ko sa la nas don mthun pa gaṅ dag ’oṅ ba de dag kyaṅ ’joms par byed nas thams cad du yul ma ga d+hā na ’khod pa’i chom rkun pa gaṅ dag yin pa daṅ | yul ko sa lan ’khod pa’i chom rkun pa gaṅ dag yin pa de dag mtshams kyi bar (7) du doṅ ste ’khor ciṅ don mthun ’joms par byed pas don mthun ’gro ba daṅ ’oṅ ba rgyun chad de | rgyal po’i dpya daṅ lo thaṅ mi ’du’o źes bya ba de lta bu’i sgra sgrags par gyur to || rgyal po gzugs can sñiṅ pos de thos nas ru gcig btaṅ ba na de bcom źiṅ rab tu bcom ste phyir ’oṅs (150a1) so | de bźin du ru gñis pa daṅ | ru gsum pa btaṅ ba na de yaṅ bcom źiṅ rab tu bcom ste phyir ’oṅs so || ji tsam na yul ma ga d+hā nas don mthun yul ko sa lar ’phags pa pa de chom rkun pas ’jigs pas rgyal po’i khab tu źugs te bsel ba tshol bar (2) byed nas blon po rnams kyis rgyal po la smras pa | lha stoṅ thub ’di lha’i ’tsho bas ’tsho na ci’i slad du don mthun gyi bsel mi bgyid || rgyal pos smras pa | de ’gro la rag gis thoṅ śig | blon po rnams kyis de bos te smras pa | kwa’i naṅ rje khyod rgyal po’i ’tsho bas (3) ’tsho la ci’i phyir rgyal po’i bkal bźin mi byed | des smras pa | khyed kyis bsgo ba gaṅ źig kho bos ma byas na de skad du spyo bar byed | de dag gis smras pa | don mthun ’di yul ko sa lar ’gros ’di’i bsel gyis śig | des smras pa | ma ñes kyis de ltar bya’o (4) źes des mṅa’ lṅa brgya pa’i doṅ pa gñis thogs te śiṅ rtar źugs nas don mthun gyi mdun du ’phags so || chom rkun pa rnams kyis de don mthun gyi mdun gyi mdun nas ’oṅ ba thag riṅ po kho na nas mthoṅ nas | de la pho ña btaṅ ste bsgo ba | chom rkun pa’i dmag dpon na re śiṅ rta (5) phyir zlog śig | gnod pa thob par gyur ta re źes zer ro || des smras pa | dpa’ bo la dpa’ bo’i yoṅs su spaṅ ba byin cig | chom rkun pa’i pho ñas smras pa | ci khyod gcig pu dpa’ bo yin nam | kho bo cag kyaṅ dpa’ bo yin gyis phyir log śig | de nas phan (6) tshun mda’ khar dgye bar brtsams nas des chom rkun pa’i pho ña’i gnad du bsnun nas de phyir log go | de bźin du chom rkun pa gñis daṅ | bźi daṅ | brgyad daṅ | bcu drug daṅ | sum bcu rtsa gñis daṅ | drug bcu rtsa bźi nas chom rkun pa lṅa brgya’i bar (7) dag lhags nas des de dag gi gnad du bsnun nas de dag phyir log go | de bźin du chom rkun pa gźan lṅa brgya lhags nas des de dag la smras pa | ṅas khyed kyi chom rkun pa lṅa brgya bsad na khyed cag kyaṅ srog gis ’gebs par mi ’dod dam | phyir log śig | (150b1) chom rkun pa rnams kyis smras pa | ṅed kyi gcig kyaṅ ma sod na ci’i phyir ṅed phyir ldog khyod kyaṅ ruṅ ṅed kyaṅ ruṅ ṅo || des smras pa | gal te khyed cag yid mi ches na gaṅ dag ṅas bsnun pa de dag gi go phud cig | de dag gis go ’bud par brtsams pa daṅ | (2) gaṅ gis ji ltar go phud pa de de ltar dus la bab nas chom rkun pa de dag mi ’di ni gnod sbyin źig go źes byer te doṅ ṅo || stoṅ thub mtshams kyi bar na ’dug ciṅ de don mthun yul ko sa la nas ’oṅ ba gaṅ yin pa de’i bsel yaṅ byed | yul ma ga d+hā nas ’oṅ ba (3) gaṅ yin pa de’i bsel yaṅ byed do || des bsams pa | bdag gis ci’i phyir phar ’gro tshur ’gro bya ’di ñid du ’dug par bya’o sñam nas des der khyim brtsigs te ’dug nas don mthun gñi ga’i bsti gnas su ’aṅ gyur | de ’brog na gnas pa yin pas ’brog gnas (4) ’brog gnas źes bya ba’i miṅ du gyur to || || ’dul ba rnam par ’byed pa | bam po bdun bcu rtsa bźi pa | ’brog gnas su don mthun dag lhags nas kha cig gis ni ’bras btsoṅ bar brtsams so || kha cig gis ni phye btsoṅ bar brtsams (5) kha cig gis ni be reg | kha cig gis ni khur ba | kha cig gis ni ril bu btsoṅ bar brtsams te | de ñid du ’khod nas der tshoṅ ‘dus chags par gyur to || de ñid du ’khod nas ṅer tshoṅ ‘dus chags par gyur to || ’brog gnas kyis rgyal po gzugs can sñiṅ po (6) la phrin yig lha bdag gis ’dir tshoṅ ‘dus btsugs kyis lhas ’dir źal ta pa btaṅ ba’i rigs so źes sbriṅ ṅo | rgyal pos bsams pa | gaṅ du bdag gi ru gsum bcom źiṅ ’oṅs pa der des tshoṅ ‘dus btsugs pas de ni de ñid kyi ra gyur (7) cig sñam nas des de la phrin yig ṅas tshoṅ ‘dus de khyod la byin gyis der dpya daṅ lo thaṅ ci ’du ba de dag khyod ñid ci dgar spyod cig ces spriṅ ṅo || ’brog gnas su tshoṅ ‘dus btsugs nas ’brog gnas ’brog gnas źes bya ba’i miṅ du gyur to || ’brog gnas na (151a1) gnas pa’i skye bo’i tshogs rnams kyis bsams pa | śes ldan dag bdag cag gaṅ cuṅ zad bde bar gnas pa gaṅ yin pa de thams cad ’brog gnas kyi mthu yin pas bdag cag gis ’di la phan pa cuṅ zad bya gor ma chag go go sñam mo | de na kha (2) cig gis smras pa | ma ñes kyis de bźin bya’o || ci cig bya | de na kha cig gis smras pa | bdag cag la gaṅ su yaṅ ruṅ ba bag ma gtoṅ ba’am | bag ma len pa des de ’khor daṅ bcas pa zan sbyin źiṅ gos phrugs re yaṅ bskon par bya’o || ma ñes kyis de (3) ltar bya’o źes de dag las gaṅ bag ma gtoṅ ba’am | bag ma len pa des ’brog gnas ’khor daṅ bcas pa zan sbyin źiṅ gos phrugs re bskon par byed do || ji tsam na mi dbul po źig bag ma len du ñe nas de ’di sñam du sems te | bdag la ’brog gnas ’khor (4) daṅ bcas pa zan sbyin źiṅ gos phrugs re bskon pa’i ’byor pa ga la yod kyis | ’di ltar bdag gis bag ma de blaṅs nas daṅ po kho nar ’brog gnas la dga’ mgur spyod du phul la || des dga’ mgur spyad nas de’i ’og tu bdag gis spyad par bya’o sñam du rig nas | (5) de ’brog gnas kyi gan du soṅ ste mgo bos phyag ’tshal nas smras pa | groṅ dpon bdag bag ma len du ñe na bdag la khyod ’khor daṅ bcas pa bśos gsol źiṅ na bza’ phrugs re gsol ba’i ’byor pa ma mchis kyis | ’di ltar bdag gis bag ma de blaṅs nas (6) daṅ po kho nar khyod la dga’ mgur spyod du ’bul gyis || khyod kyis dga’ mgur spyad nas de’i ’og tu bdag gis spyad par bgyi’o || ’brog gnas kyis smras pa | kye naṅ rje gaṅ yaṅ ruṅ ba bag ma len pa’am | bag ma gtoṅ ba de thams cad kyis kho bo ’khor (7) daṅ bcas pa zan sbyin źiṅ gos phrugs re bskon mi dgos kyis khyod soṅ la bag yaṅs su bag ma loṅ śig groṅ dpon de lta lag mod kyi ’on kyaṅ bdag ’di ltar dga’ sa daṅ du bźes śig | bud med kyi yul ni dbaṅ po rnams ’phrog cig don du (151b1) gñer bar ’gyur ba yin pas ’brog gnas kyis daṅ du blaṅs so || des kyaṅ bag ma blaṅs nas daṅ po kho nar ’brog gnas la phul nas des kyaṅ dga’ mgur spyad do || ’brog gnas ’dod pa la ’dod chags kyis lhag par chags pas mi de la byams par bya bar (2) brtsams so || gźan źig gis de la smras pa | kye naṅ rje khyod la ’brog gnas te por byams par gyur pa ’di la rgyu ci yod | des ji ltar gyur pa smras pa | des kyaṅ de bźin bya bar brtsams so || gźan źig gis de la dris pa daṅ | des kyaṅ de la ji (3) ltar gyur pa brjod pa daṅ | des kyaṅ de bźin bya bar brtsams so || gźan źig gis kyaṅ de la dris pa daṅ | des kyaṅ de la ji ltar gyur pa brjod pa nas des kyaṅ de bźin bya bar brtsams te | de lta bu’i tshul gyis de na dam pa ma yin pa’i chos ’phel bar gyur (4) to|| ’brog gnas kyis tshoṅ ‘dus der lha khaṅ rtsig tu bcug nas de na gaṅ yaṅ ruṅ bas bag ma blaṅs pa des bu mo de lha khaṅ de bskor du bcug nas ’brog gnas kyi gan du gtoṅ źiṅ ’brog gnas kyis de daṅ por dga’ mgur spyod par byed do || ji tsam dus (5) gźan źig na gźon nu ma chen mo źig bag mar ’gror ñe nas des bsams pa | bdag la yaṅ daṅ por ’brog gnas dga’ mgur spyod par ’gyur źiṅ phyis khyim thab spyod par ’gyur na mi ruṅ gis ci nas kyaṅ ’brog gnas ’di gsad par ’gyur ba de lta bu’i thabs kyi rnam par (6) źig bya’o sñam nas des ji tsam nas phyogs śig tu skye bo phal po che’i tshogs ’dug ciṅ mthun par gyur pa de logs su kha bltas te sgren mor byuṅ nas gcin rgyaṅ byas pa daṅ | skye bo phal po che’i tshogs kyis de mthoṅ nas de dag mi dga’ bar sems par gyur te smras pa | (7) bu mo ṅo tsha daṅ khrel med pa skye bo phal po che’i tshogs la mdun gyis phyogs te sgren mor byuṅ nas gcig rgyaṅ byed pa ’di su’i yin | bu mo des des thos nas smras pa | khyed cag kyaṅ pho yin nam | ’o na ṅed ci yin || khyed cag pho ma yin gyi ’brog gnas ’ba’ źig (152a1) pho yin pas des khyed kyi chuṅ ma blaṅs so cog daṅ por dga’ mgur spyad de | khyed cag phyis de’i mi gtsaṅ ba ’khru bar byed do || de dag gis smras pa | śes ldan dag ’dis bdag cag gnas su sbyos nas | ’di la bdag cag gis ji ltar (2) bsgrub par bya | de na kha cig gis smras pa | ’di la gźan bsgrub tu ci yod ’brog gnas gsad par bya’o || gźan dag gis smras pa | de ji ltar gsad par bya ba dpyad par bya’o źes de dag de ltar gros byed pa na khyim bdag gźan źig gi rdziṅ bu ’bul ba ñe (3) bar gyur nas | de dag gis smras pa | śes ldan dag khyim bdag che ge mo źig gi rdziṅ bu ’bul ba ñe bar gyur pas der de mgron du bos pa’i tshe gsad par bya’o || ji tsam na khyim bdag des rdziṅ bu ’bul ba’i tshe de mgron du bos pa daṅ | des kyaṅ daṅ du blaṅs (4) so|| rgyal po gzugs can sñiṅ pos dril bsgrag pa byed du bcug ste | phyogs su bsgo ba | ṅa’i yul du dge sloṅ gaṅ la la źig ’oṅ bar gyur na | de gal te ṅa’i mdzod daṅ | khyim na bza’ ba daṅ btuṅ ba yod na zan sbyin par bya’o || gal te med na (5) sus mthoṅ ba raṅ gis byin cig daṅ phyis skyin pa ñis gyur tu sbyin no źes btsigs yig tu yaṅ bris te bźag go || bar du tshe daṅ ldan pa śā ri’i bu daṅ | maud gal gyi bu chen po gñis ma ga d+hā dag tu ljoṅs rgyu źiṅ ’doṅ ba na ’brog gnas su phyin to || groṅ (6) dpon ’brog gnas kyis tshe daṅ ldan pa śā ri’i bu daṅ | maud gal gyi bu chen po gñis ma ga d+hā dag tu ljoṅs rgyu źiṅ ’doṅ ba na ’brog gnas su phyin ces thos so || thos nas kyaṅ de ’di sñam du sems te | rgyal po gzugs can sñiṅ po de bsod nams dag gis ṅoms (7) mi myoṅ bas sbyin pa dag sbyin bsod nams dag byed na | bdag gis kyaṅ ci’i phyir sbyin pa dag mi sbyin || bsod nams dag mi bya sñam du rig nas tshe daṅ ldan pa śā ri’i bu daṅ | maud gal gyi bu chen po gñis ga la ba der soṅ ste phyin nas rkaṅ pa gñis la mgo (152b1) bos phyag ’tshal te chos mñan pa’i phyir mdun du ’dug go || de gñis kyis de la chos bstan nas | des de gñis bsod sñoms la bos te zan byin no || khyim bdag des ’brog gnas g-yar ’dren gyis bos pa daṅ | des yon bśad pa ma mñan pa kho nar rdziṅ bu (2) ’bul bar soṅ ṅo || ’brog gnas na gnas pa’i skye bo’i tshogs kyis kyaṅ brda byas || mtshon thogs nas der doṅ ste | de dag gis ’brog gnas rdziṅ bur źugs pa daṅ | skra bkru’o źes ’gyur byed tsha ba mgor blugs nas mig chu ’dzag par gyur te cuṅ zad kyaṅ mi (3) mthoṅ ba daṅ | de nas de’i steṅ du ’khor lo daṅ | rdo rje rtse gcig daṅ | mṅa’ bo che daṅ | mtshon rtse gcig pa la sogs pa’i mtshon dag ’phaṅ bar brtsams te | de gsad pa bśams pa na des smras pa | śes ldan dag kho bos khyed la ñes pa ci byas (4) de dag gis smras pa | khyed kyis kho bo cag gi bag ma daṅ por dga’ mgur spyad ciṅ phyis kho bo cag gis spyad do || des smras pa | khyed cag ñid kyis dam pa ma yin pa’i chos ’di phyuṅ bas ’di la kho bos ci ñes | mags dpar thoṅ śig | de dag gis de de ltar śags ’debs bźin du (5) gsad par brtsams pa daṅ | des srog daṅ ’bral kar gnaṅ ’chad ka daṅ tshig ’grol kar sems bskyed de smon lam btab pa | bdag gis ’phags pa śā ri’i bu daṅ | mo.oda gal gyi bu chen po lha daṅ mis mchod pa gñis la bsod sñoms phul ba’i dge ba’i (6) rtsa ba des bdag gaṅ du ’di dag gsod par ’gyur ba der skye bar gyur cig ces btab bo || chos ñid kyis na mar ’bri ba’i dus kyi tshe na smon lam log pa btab pa de ni myur du ’grub pa yin pas des smon lam log pa btab ste | śi źiṅ dus la bab nas gnod sbyin (7) gdug pa rnams kyi naṅ du skyes so || de nas de gnas ’dod pas rgyal po chen po rnam thos kyi bu’i gan du soṅ ste smras pa | bzod ldan bdag la gnas stsol cig | des smras pa | ’brog gnas khyed kyi gnas ’brog gnas de ñid yin gyis soṅ śig | de ’brog gnas (153a1) su ’oṅs nas mi ṅas phyuṅ ste skye bo maṅ po śi bar gyur nas khri daṅ khrir ’dom par byas so || ’brog gnas na gnas pa’i skye bo’i tshogs kyis ltas pa dag bkur ste dris pa | śes ldan dag gaṅ gi phyir ’di lta bu’i ya mas byuṅ bar gyur pa ’di la rgyu (2) ci yod | de dag gis smras pa | śes ldan dag khyed kyis ’brog gnas bsad pa gaṅ yin pa des smon lam log pa btab pas gnod sbyin gdug pa rnams kyi naṅ du skyes te des ’di lta bu’i yams phyuṅ ṅo || de dag gis śiṅ rta daṅ śiṅ rta bcas te ’bros par brtsams (3) pa daṅ | des kyaṅ ’jigs pa daṅ ’jigs su ruṅ ba chen por bdag ñid mṅon par sprul nas ’brog gnas na gnas pa’i skye bo’i tshog ’bros pa’i mdun du ’dug ste smras pa | da gar ’doṅ deṅ khyed cag thams cad bza’o || de dag kun du skrag par gyur te smras pa | (4) groṅ dpon bdag cag sdig pa byed pa rnams la bzod par mdzod cig | des smras pa | dam tshig gis bzod par bya ste | gal te ṅa la ñi ma re re źiṅ mi stoṅ stoṅ ’bul na bzod do || de dag gis smras pa | groṅ dpon gal te khyod la ñi ma re re źiṅ mi stoṅ stoṅ phul (5) na riṅ po mi thogs par ’brog gnas ’di mi snaṅ bar ’gyur gyis dag na dus ’di thog la bdag cag phyag ’tshal ba rnams la bzod par mdzod cig | des smras pa | śes ldan dag kho bo yun riṅ po nas smon pa | kye ma ’brog gnas ’di mi snaṅ bar gyur cig sñam (6) mod kyi | ’on kyaṅ kho bo la ñi ma re re źiṅ mi lṅa brgya phul cig daṅ bzod par bya’o | de dag gis yaṅ de bźin gsol nas des kyaṅ mi ñis brgya lṅa bcu daṅ brgya’i bar du phul cig ces smras so | de dag gis smras pa | groṅ dpon de lta na yaṅ bdag cag (7) ñams par gyur gyis maṅ pos ci bya || bdag cag gis khyod la ñi ma re re źiṅ ba la drug daṅ ldan daṅ ldan pa’i śiṅ rta zas kyis bkaṅ ba daṅ | de khrid pa’i mi gcig dbul gyis bzod par mdzod cig | des smras pa | de ruṅ gis ’di ltar khyed kyis ṅu bdag gis dbul (153b1) bar mi bya bar bro daṅ | glu daṅ | sil sñan gyi sgras dbul bar bya’o || de dag gis kyaṅ khas blaṅs so || de nas ’brog gnas na gnas pa’i skye bo’i tshogs thams cad ’dus te gros bya bar brtsams pa | śes ldan dag gnod sbyin gyis bdag cag gnas skabs de (2) ltar byas na ’di la ji ltar bsgrub par bya | de na kha cig gis smras pa | res kyis res kyis dbul bar bya’o || kha cig gis smras pa | gaṅ la res bab par gyur pa de la brjod pa na ’khrug pa skye bar ’gyur gyis || ’di ltar khyim byaṅ bris te rdza mar bcug la | gaṅ gi (3) khyim byaṅ byuṅ ba de ’gro bar bya ste | des kyaṅ mi tshal za dag mi gtoṅ bar bdag ñid ’gro bar bya ba’am | bu gtaṅ bar bya’o || gaṅ la brel ba byuṅ ste ma ’dus pa de la bab na de’i khyim du khyim byaṅ dpaṅs te bźag go | de’i tshe na ’brog gnas na khyim bdag (4) cig ’dug pa de la bu med nas de yun riṅ po nas kye ma bdag la bu yod par gyur cig ces smon nas stes dbaṅ gis de’i chuṅ ma la sems can źugs par gyur to || chuṅ ma de btsa’ ba’i dus kyi tshe khyim bdag de bya ba źig la phyi rol du byuṅ ba daṅ | de’i ñin mo des la (5) gnod sbyin la gtor ma sbyin pa’i khyim byaṅ byuṅ nas de’i res sbron par bskos pa’i mi dag gis de’i khyim byaṅ sgor dpyaṅs te bźag go | skabs der chuṅ ma de btsas pa la khye’u źig byaṅ sgor dpyaṅs te bźag go | skabs der chuṅ ma de btsas pa las khye’u cig byuṅ ṅo || ji tsam na khyim bdag de phyir ’oṅs pa daṅ | des khyim du ’jug kar khyim (6) byaṅ de mthoṅ nas de sdug bsṅal źiṅ yid mi bde bar gyur te | khyim du źugs nas caṅ mi smra bar ’dug go | chuṅ mas de la smras pa | rje’i sras dgyes pa skyed cig | khyod kyi sras bltam mo || de lta na yaṅ de caṅ mi smra ba kho nar ’dug go | chuṅ mas de la lan (7) gsum gyi bar du de skad smras kyaṅ de caṅ mi smra ba kho nar ’dug nas yaṅ chuṅ mas smras pa | rje’i sras khyod yun riṅ po nas kye ma bdag la bu yod par gyur cig ces smon pa gaṅ lags pa de da btsas na ci’i slad du caṅ mi gsuṅ bar bźugs || mchog tu dgyes pa (154a1) skyed cig || des smras pa | bzaṅ mo ’di ni skyes na kho bo ni ma skyes so || rje’i sras ci noṅs | bzaṅ mo gnod sbyin la gtor ma dbul ba’i phyir khyim byaṅ ’oṅs so || rje’i sras gal te de lta na khyod kyi sras mchi bar bas mod || skol cag yaṅ (2) mjal na khyod la sras mchis par ’gyur to || bzaṅ mo ’di ni khrag gi thigs pa yin pas ji ltar btaṅ bar bya || rje’i sras tshogs pas khrims su bgyi ba rnam par bźag pa las bdag ñid ’gro bar bya ba’am | bu gtaṅ bar bya’o źes mi ’byuṅ ṅam | ’di (3) khyod kyi sras lags pas bdag ñid daṅ mñam pa’i sdug pa gźan ma mchis kyis sras ’di ’di thoṅ śig | des gal te khyod gal na soṅ śig ces daṅ du blaṅs so || de nas khyim bdag gi chuṅ ma des mtshan mo’i mig lam chad pa daṅ | mar me daṅ | bdug spos (4) daṅ | phreṅ ba rgyu daṅ || me tog dag gis mchod pa byas nas kha śar phyogs su bltas te gsol ba gdab par brtsams pa | ’jig rten dge dul źi ba daṅ | dbaṅ thul rnams kyis mi stoṅ bas || bu yi don du der ’dud kyis || bdag gi byis pa bskyab (5) tu gsol || de’i skabs su saṅs rgyas bcom ldan ’das rnams la ni mi mkhyen pa daṅ | ma gzigs pa daṅ | ma rig pa daṅ | rnam par mi mkhyen pa cuṅ zad kyaṅ mi mṅa’ bas thugs rje chen po daṅ ldan pa | ’jig rten la phan par źugs la sruṅ ba gcig pu (6) pa | ñag gcig dpa’ ba | gñis pa med pa | gñis su mi gsuṅ ba | źi gnas daṅ lhag mthoṅ gis bźugs pa | rig pa gsum gsal bar mdzad pa | bslab pa gsum la legs par bslabs pa | dul ba’i gnas gsum gyi gźi la mkhas pa | chu (7) bo bźi las rgal ba | rdzu ’phrul gyi rkaṅ pa bźis spyod pa’i gźi la legs par gnas pa | bsdu ba’i dṅos po bźi la yun riṅ po nas yoṅs su sbyaṅ ba mdzad pa | mi ’jigs pa bźis bsñeṅs pa mi mṅa’ ba | yan lag lṅa spaṅs pa | ’gro ba lṅa las yaṅ (154b1) dag par ’das pa | yan lag drug daṅ ldan pa pha rol tu phyin pa drug yoṅs su rdzogs pa | rtag tu gnas pa drug gis gnas pa | byaṅ chub kyi yan lag bdun gyi me tog gis phyug pa | lam gyi yan lag brgyad ston pa | mthar gyis sñoms par ’jug (2) pa dgu la mkhas pa | stobs bcu’i stobs daṅ ldan pa | phyogs bcur sñan pas yaṅ dag par rgyas pa | brgya phrag bcur dbaṅ sgyur ba las khyad par du ’phags pa rnams kyi chos ñid ni ñin lan gsum | mtshan lan gsum saṅs rgyas kyi spyan gyis ’jig (3) rten la rnam par gzigs nas gaṅ ni ñams par gyur || gaṅ ni ’phel bar gyur || gaṅ ni gnod par gyur | gaṅ ni ñam ṅa bar gyur | gaṅ ni mi bde bar gyur || gaṅ ni gnod pa daṅ | ñam ṅa bar gyur | gaṅ ni mi bde bar gyur | gaṅ ni gnod pa daṅ | ñam ṅa ba daṅ | mi bde bar gyur | gaṅ ni ṅan soṅ la gźol (4) gaṅ ni ṅan soṅ la ’bab | gaṅ ni ṅan soṅ la bab | ṅas gag ni ṅan soṅ gi lam nas bslaṅ ste mtho ris daṅ | thar pa daṅ | ’bras bu la gźag par bya | ’dod pa’i ’dam du byiṅ ba gaṅ gi lag nas ni draṅ bar bya | ’phags pa’i nor gyi dbyig daṅ bral (5) ba gaṅ ni ’phags pa’i nor gyi dbaṅ phyug la gźag par bya | gaṅ gi saṅs rgyas ’byuṅ bas brgyan pa’i ’jig rten ni ’bras bu daṅ bcas par bya || gaṅ gi dge ba’i rtsa ba dag ma bskyed pa ni bskyed par bya | gaṅ gi dge ba’i rtsa ba dag bskyed pa ni yoṅs (6) smin par bya || yoṅs su smin pa gaṅ ni rnam par grol bar bya źes mkhyen pa daṅ gzigs pa ’jug go | smras pa | chu srin gnas kyi dug can pa || dus las ’da’ bar ’gyur srin gyi || saṅs rgyas gdul la byams pa | dus las ’da’ bar mi (7) ’gyur ro || ji ltar ma ni bu sdug gcig pu la | rtog ciṅ de srog sruṅ bar byed pa ltar || de bźin gśegs pa’aṅ gdul ba’i skye bo la || rtog pa mdzad ciṅ de srog sruṅ bar mdzad || kun mkhyen rgyud la mṅa’ ba’i thugs rje yi || bźon ma gdul ba’i be’u (155a1) tshol mi skyo ste || srid daṅ ṅan ’gros ñams la byams pa ni || rab ñams be’u la byams pa’i ba bźin no || bcom ldan ’das kyis dgoṅs pa | khye’u de ni sṅon gyi saṅs rgyas rnams la bya ba lhag par lhag par byas pa yin pas de la phan gdags par bya (2) źiṅ || gnod sbyin ’brog gnas kyaṅ gdul bar bya’o sñam du rig nas ma ga d+hā dag tu ljoṅs rgyu źiṅ gśegs nas ’brog gnas su byon te gnod sbyin ’brog gnas kyi gnas su mtshan mo gnas par źal gyis bźes so || de’i tshe na gnod sbyin ’brog gnas gnod (3) sbyin rnams kyi gnod sbyin ’du bar soṅ bar gyur to | gnod sbyin boṅ bu bas bcom ldan ’das gnod sbyin ’brog gnas kyi gnas su mtshan mo gnas par źal gyis bźes pa mthoṅ ṅo || mthoṅ nas kyaṅ gnod sbyin ’brog gnas gal ba der soṅ ste phyin (4) nas gnod sbyin ’brog gnas la ’di skad ces smras so || groṅ dpon khyod kyi gnas su bcom ldan ’das mtshan mo gnas par źal gyis bźes pa gaṅ yin pa de ni khyod kyis rñed pa legs par rñed do || groṅ dpon mir gyur pa yaṅ bdag gi gnas su mtshan mo (5) gnas par khas len tam || groṅ dpon de de bźin no || de de bźin te | ’di lta ste | de bźin gśegs pa dag bcom pa yaṅ dag par rdzogs pa’i saṅs rgyas so || groṅ dpon de de bźin gśegs pa dgra bcom pa yaṅ dag par rdzogs pa’i saṅs (6) rgyas yin nam || ’on te ma yin pa da śes par bya’o || de nas gnod sbyin ’brog gnas kyis gnod sbyin rnams kyi gnod sbyin ’dul ba zil gyis mnan nas raṅ gi gnas ga la ba der soṅ ste phyin nas bcom ldan ’das la ’di skad ces gsol to || dge sbyoṅ phyir (7) byuṅ śig | bcom ldan ’das kyis ’di ni gźan gyis yoṅs su bzuṅ ba’o sñam du dgoṅs nas slar byuṅ ṅo || dge sbyoṅ źugs śig | bcom ldan ’das rgyags pa daṅ | ṅa rgyal ṅes par bcom pa’i phyir źugs so || gnod sbyin ’brog gnas kyis lan (155b1) gñis su yaṅ bcom ldan ’das la ’di skad ces gsol to || dge sbyoṅ phyir byuṅ śig | bcom ldan ’das kyis ’di ni gźan gyis yoṅs su bzuṅ ba’o sñam du dgoṅs nas slar byuṅ ṅo || dge sbyoṅ źugs śig | bcom ldan ’das rgyags pa daṅ | ṅa rgyal ṅes (2) par bcom pa’i phyir źugs so || gnod sbyin ’brog gnas kyis lan gsum du yaṅ bcom ldan ’das la ’di skad ces gsol to || dge sbyoṅ phyir byuṅ śig | bcom ldan ’das kyis ’di ni gźan gyis yoṅs su bzuṅ ba’o sñam du dgoṅs nas slar byuṅ ṅo || dge (3) bcom ldan ’das rgyags pa daṅ | ṅa rgyal ṅes par bcom pa’i phyir źugs so || gnod sbyin ’brog gnas kyis yaṅ bcom ldan ’das la ’di skad ces gsol to || dge sbyoṅ phyir byuṅ śig | de nas bcom ldan ’das kyis gnod sbyin (4) ’brog gnas la ’di skad ces bka’ stsal to || groṅ dpon khyod kyis ṅa lan gsum gyi bar du gnas su spyan draṅs pas da ni mi ’byuṅ ṅo || dge sbyoṅ de’i phyir khyod la dri ba dris | dri ba lan gdab pa des gal te kho bo’i sems raṅs par byed na de lta na legs || gal (5) te sems raṅs par mi byed na khyod kyi sems g-yeṅs pa’am | sñiṅ dga’ sa pa’am | kha nas khrag tsha ba skyug pa’am | lag pa gñis nas bzuṅ ste chu kluṅ skal lan śiṅ rta’i pha rol gyi ’gram du ’phaṅ bar bya’o || bcom ldan ’das kyis bka’ stsal pa | (6) groṅ dpon ṅas ’jig rten lha daṅ bcas pa | bdud daṅ bcas pa | tshaṅs pa daṅ bcas pa | dge sbyoṅ daṅ bram ze’i skye dgu daṅ bcas pa | lha daṅ mi daṅ bcas pa’i naṅ na gaṅ gis de bźin gśegs pa dgra bcom pa yaṅ dag par rdzogs pa’i saṅs rgyas (7) kyis sems g-yeṅs pa’am | thugs dga’ sa pa’am | źal nas khrag tsha ba bsgral ba’am | phyag gñis nas bzuṅ ste chu kluṅ skal ldan śiṅ rta pa’i pha rol gyi ’gram du ’phen pa yaṅ dag par rjes su ma mthoṅ gis groṅ dpon ’di ltar ci daṅ ci ’dod pa (156a1) źus śig | de nas ’brog gnas kyis de’i tshe tshigs su bcad pa gsol pa || ||

bar sdom la |
gaṅ daṅ ji ltar du daṅ ni ||
gaṅ źig rgal daṅ ci yis rgal ||
’di na skyes bu’i nor mchog gaṅ ||
ci źig legs spyad bde spyod ’gyur ||
(2) ro rnams naṅ na mṅar mchog cig ||
ji ltar ’tsho na ’tsho mchog bstan ||
bcom ldan ’das kyis bka’ stsal pa ||
dad pa skyes bu’i nor mchog yin ||
chos la legs spyod bde spyod ’gyur ||
bden pa’i ro rnams mṅar mchog yin ||
śes pas ’tsho na ’tsho (3) mchog bstan ||

gnod sbyin gyis gsol pa |

ji ltar grags daṅ ldan par ’gyur ||
loṅs spyod ldan par ji ltar ’gyur ||
ji ltar sñan pa thob ’gyur źiṅ ||
mdza’ bśes ji ltar rñed par ’gyur ||

bcom ldan ’das kyis bka’ stsal pa ||

tshul khrims (4) kyis ni grags ldan ’gyur ||
sbyin pas loṅs spyod ldan par ’gyur ||
bden pas sñan pa thob ’gyur te ||
sñiṅ rjes mdza’ bśes rñed par ’gyur ||

gnod sbyin gyis gsol pa |

du źig gis ni ’jig rten ’byuṅ ||
du yis ’dris pa thob par ’gyur ||
du (5) źig gis ni ’jig rten bkur ||
du yis ’jig rten zil gnon ’gyur ||

bcom ldan ’das kyis bka’ stsal pa ||

drug gis ’jig rten ’byuṅ ’gyur te ||
drug gis ’dris pa thob par ’gyur ||
drug gis ’jig rten bkur ’gyur te ||
drug gis ’jig rten (6) zil gnon ’gyur ||

gnod sbyin gyis gsol ba |

gdugs mtshan g-yel ba ma mchi sa pa ||
gaṅ źig ’oṅ ba ’di las rgal ||
dmigs med rten pa ma mchis pa ||
zab mor gaṅ źig ’byed mi ’gyur ||

bcom ldan ’das kyis bka’ stsal pa |

rnam kun (7) tshul khrims ldan pa daṅ ||
legs mñam bzaṅ ciṅ śes rab ldan ||
naṅ du sems śiṅ dran ldan pa ||
śin tu rgal dka’ ’di la rgal ||
’dod pa’i ’du śes chags bral źiṅ ||
gzugs kyi kun sbyor mthar gyur pa ||
de ni dmigs med rten (156b1) med pa’i ||
zab mor ’byiṅ bar mi ’gyur ro ||

gnod sbyin gyis gsol pa |

ci yis ’od pa rgal bar ’gyur ||
ci źig gis ni rgya mtsho rgal ||
ci yis sdug bsṅal spoṅ bar ’gyur ||
ci źig gis ni yoṅs dag ’gyur ||

bcom ldan ’das (2) kyis bka’ stsal pa |

dad pas ’od pa rgal bar ’gyur ||
bag yod pas ni rgya mtsho rgal ||
brtson pas sdug bsṅal spoṅ bar ’gyur ||
śes rab kyis ni yoṅs dag ’gyur ||
bden dul gtoṅ ba ma gtogs pa’i ||
chos gźan ’ba’ źig yod (3) dam źes ||
dge sbyoṅ bram ze so so la ||
gźan daṅ gźan du khyod dris śig ||

gnod sbyin gyis gsol pa ||

dge sbyoṅ bram ze so sol || ci slad bźin du bdag ’dri bgyid ||
’di ltar dpa’ chen khyod kyis ni || chos ’di legs par rab tu bśad ||

(4) kye ma gnod sbyin boṅ bu pa || gaṅ gis ded dpon bla na med ||
saṅs rgyas bdag la bstan gyur pa || khyod la kho bo byas pa gzo ||

’di nas kho bo groṅ nas groṅ || khyim nas khyim du rdzogs saṅs daṅ ||
chos kyi chos ñid bzaṅ po la || ’dud bźin du ni spyad (5) par bya ||

de nas bcom ldan ’das kyis gnod sbyin ’brog gnas la ’di skad ces bka’ stsal to || bźin bzaṅs khyod kyis dge sloṅ śā ri’i bu daṅ | maud gal gyi bu gñis zan byin pas sum bcu rtsa gsum pa’i lha rnams kyi naṅ du skye bar bya ba las khyod kyis (6) smon lam log pa btab pas gnod sbyin gdug pa rnams kyi naṅ du skyes te | da ltar drag śul can | lag pa khrag gis gos pa | ñams pa daṅ rab tu ñams pa la źen pa | gźan gyi srog ’phrog pa | gźan gyi srog gcod pas ’tsho bar byed de || ’di (7) nas śi ’phos na khyod kyi ’gro ba ni cir ’gyur | skye ba ni cir ’gyur || tshe phyi ma ni cir ’gyur || de gsol pa | bcom ldan ’das bdag gis ci bgyi ba bka’ stsal du gsol || bźin bzaṅs tshur śog | khyod ṅa’i spyan sṅar skyabs su ’gro ba daṅ | bslab (157a1) pa’i gźi dag loṅ la ’brog gnas na gnas pa’i skye bo’i tshogs la mi ’jigs pa byin cig | btsun pa bdag bcom ldan ’das kyi spyan sṅar skyabs su mchi ba daṅ | bslab pa’i gźi dag len ciṅ deṅ slan cad ’brog gnas na gnas pa’i skye bo’i (2) tshogs la mi ’jigs pa stsol to || des bcom ldan ’das kyi spyan sṅar skyabs su ’gro ba daṅ | bslab pa’i gźi dag blaṅs nas tshigs su bcad pa smras pa | kye ma ston pa bdag don du || sdum par yaṅ dag | śegs (3) gyur te | bdag gis de riṅ phyi ma yi || don ni rab tu śes par gyur || de na khyim bdag des ba laṅ drug daṅ ldan pa’i śiṅ rta zas kyis bkaṅ ste khye’u de yaṅ śiṅ rtar bcug nas bro daṅ | glu daṅ rol mo’i sgras gnod sbyin gyi druṅ du ’phags pa daṅ | bram ze daṅ | (4) khyim bdag kha cig gis thos nas smras pa | śes ldan dag bro daṅ | glu daṅ | rol mo’i sgra ’di ci yin || kha cig gis smras pa | khyed kyis mi śes sam | ’di ni khrag gi thigs pa de gnod sbyin gyi gan du khyer ba yin no || skye bo phal po che’i tshogs ’dus (5) te smras pa | śes ldan dag khrag gi thigs pa ’dis gnod sbyin mi mgu bas gal te ’di ma bzlog na gdon mi za bar gnod sbyin ’khrugs par ’gyur źiṅ | bdag cag thams cad la gnod par byed par ’gyur gyis | ’di bzlog par bya’o źes de dag gis de (6) bzlog par brtsams pa daṅ | des smras pa | śes ldan dag tshogs kyis khrims su bya ba bcas pa las bdag ñid ’gro bar bya ba’am | bu gtaṅ bar bya’i źes ’byuṅ bas ’di kho bo’i bu yin na ci’i phyir zlog par byed | mi ldog par ’gro’o || de dag (7) caṅ mi smra bar ’khod do || bcom ldan ’das kyis bro daṅ | glu daṅ rol mo’i sgra de gsan to || gsan nas kyaṅ gnod sbyin ’brog gnas la bka’ stsal pa | groṅ dpon bro daṅ | glu daṅ rol mo’i sgra ’di ci yin | btsun pa bdag dam pa ma lags pa’i chos sdig pa de (157b1) las slar log kyaṅ skye bo dag gis da duṅ de bźin du ’dzin par bgyid na ji ltar bsgrub par bgyi ma ’tshal to || bcom ldan ’das kyis bka’ stsal pa | groṅ dpon ’di ci yin || des ji ltar gyur pa gsol ba daṅ | bcom ldan ’das kyis bka’ stsal pa | groṅ dpon (2) deṅ zas daṅ | skom loṅ la mi yaṅ ma len | glaṅ yaṅ ma len cig | des bsams pa | ’oṅs kyaṅ ruṅ gis dag gi zan tha ma ’di bcom ldan ’das la bsod sñoms dbul lo sñam mo || khyim bdag des khye’u de śiṅ rta nas phyuṅ ste gnod sbyin la byin no || gnod (3) sbyin gyis kyaṅ bcom ldan ’das la phul lo || bcom ldan ’das kyis kyaṅ pha la stsal to || de nas phas gsol pa | bcom ldan ’das khye’u ’di miṅ cir gdags | bcom ldan ’das kyis tshigs su bcad pa’i dbyaṅs kyis bka’ stsal pa |

byis pa gaṅ (4) tshe gnod sbyin gyi ||
lag nas ṅa yi lag tu thob ||
ṅa yi lag nas pa yi lag ||
de yi phyir na lag brgyud yin ||

de’i miṅ lag brgyud ces bya bar btags so || khyim bdag des de khyer te ’brog gnas su soṅ ba daṅ | skye bo’i tshogs kyis mthoṅ nas smras (5) pa | śes ldan dag ’di ’di ltar gyur ciṅ | khrag gi thigs pa de khyer te ’oṅs pa las na | gor ma chag par ’dis gnod sbyin ’khrugs par byas so || des smras pa | śes ldan dag gnod sbyin ga la ’khrugs te | bcom ldan ’das khye’u ’di la thugs (6) brtse ba’i slad du de’i gnas su mtshan mo gnas par źal gyis bźes nas || bcom ldan ’das kyis de btul te skyabs su ’gro ba daṅ bslab pa’i gźi dag la bźag nas || des ’brog gnas na gnas pa’i skye bo’i tshogs la mi ’jigs pa byin gyis (7) ’tsher ’grib med par gyis śig | de dag śin tu dga’ ste smras pa | khye’u ’di skyes ma thag tu gnod sbyin ’brog gnas btul bas khye’u ’di’i miṅ lag brgyud ’brog gnas źes bya’o źes de’i miṅ lag brgyud ’brog gnas źes bya bar btags so || de (158a1) chen por gyur nas yi ge dag yig ’bru dag daṅ | sgyu rtsal gźan dag la yaṅ śin tu mkhas par gyur to || gaṅ gi tshe sṅo bsaṅs can mgo bsgyur ran par gyur pa de’i tshe na de sloṅ brgyal po daṅ || nor can dag daṅ | choṅ dpon dag daṅ ded dpon dag (2) daṅ | śākya dag daṅ | kau d+ya dag daṅ | lits+tsha bī dag daṅ | gźan yaṅ maṅ po dag lhags par gyur nas | khyim bdag gdaṅs can ’di sñam du maṅ po dag sgo bsaṅs can sloṅ ste | gaṅ dag lam byin pa de dag bdag gi dgra bor ’gyur ro sñam nas lag pa la (3) ’gram pa gtad de sems khoṅ du chud ciṅ ’dug go | sṅo bsaṅs can gyis de mthoṅ nas smras pa | yab khyod ci’i slad du phyag la źal gtad de sems khoṅ du chud ciṅ bźugs || des smras pa | bu mo khyod sloṅ ba rgyal po dag daṅ | nor can dag daṅ | tshoṅ dpon (4) dag daṅ | ded dpon dag daṅ | śākya daṅ daṅ | kau d+ya dag daṅ | lits+tsha bī dag daṅ | gźan yaṅ maṅ po dag lcags pas gaṅ dag la khyod ma byin pa de dag pa’i dgrar ’gyur na | kho bo ji ltar lag pa la ’gram pa gtad de sems khoṅ du chud ciṅ mi ’dug tu ruṅ | (5) des smras pa | yab gal te de lta na mi dgyes par ma mdzad cig daṅ | deṅ nas gdugs bdun ṅan bu raṅ gis gnas btsal bar bgyi’o || des smras pa | bu mo de ltar gyis śig | ’on kyaṅ re źig lta la źu bar bya’o źes de bad sa’i rgyal po śar ba’i gan du soṅ (6) ste smras pa | lha deṅ nas gdugs bdun na sṅo bsaṅs can raṅ gis gnas tshol bar ’gyur gyis lhas gnaṅ bar mdzod cig | rgyal pos bsams pa | des ṅam gtogs pa gźan su źig la gnas tshol bar ’gyur sñam nas gnaṅ ṅo || des gnaṅ nas blon po rnams (7) la bsgo ba | śes ldan dag groṅ khyer mdzes par byed du chug la | ’di skad ces deṅ nas ñi ma bdun nas sṅo bsaṅs can raṅ gis gnas tshol bar ’gyur ro źes dril sgrogs śig | blon po rnams kyis groṅ khyer de rdo ba daṅ | gseg ma daṅ | gyo mo med par rnam (158b1) par bźag nas tsan dan gyi chus chag chag btab ste | bdug spos dri źim po’i snod ñe bar bźag nas dar gyi chun po dpyaṅs te | rgyal mtshan daṅ | ba dan bsgreṅs nas me tog sna tshogs bkram ste | lha’i skyed mos tshal ltar dga’ bar ’gyur bar byas nas dril bsgrag (2) pa byed du bcug ste | ’di skad ces ko.o śām+bī na gnas pa daṅ | pho braṅ ’khor gyi mi daṅ | yul tha dad pa dag nas lhags pa’i skye bo’i tshogs śes ldan dag ñon cig | deṅ nas ñi ma bdun na sṅo bsaṅs can raṅ gis gnas tshol bar ’gyur gyis | de’i phyir khyed cag (3) gis ’byor pa ji lta pa bźin du ’du bar bya’o źes bsgo’o || de nas srog chags ’bum phrag du ma dag ’dus par gyur pa na ñi ma bdun pa la sṅo bsaṅs can rgyan thams cad kyis bklubs te | śiṅ rta la źon nas me tog phreṅ gi chun po thogs te phyir byuṅ nas skye bo (4) phal po che’i tshogs la brtag par brtsams pa daṅ | bad sa’i rgyal po śar pa ’di sñam du || ’dis gor ma chag par bdag gi steṅ du me tog phreṅ gi chun po ’phen par ’gyur ro sñam nas | sems bsdus te bag yod par rtog ciṅ ’dug go | sṅo bsaṅs can (5) gyis kun du skye bo’i tshogs la rnam par bltas nas dris pa | śes ldan dag glaṅ po che’i rgyab tu źon pa ’di dag gaṅ gaṅ yin || de dag gis smras pa | ’di ni rgyal po gzugs can sñiṅ po’o || ’di ni rgyal po gsal rgyal lo || ’di ni rgyal po tshaṅs byin no || ’di (6) ni bad sa’i rgyal po śar pa’o || de bźin du nor can dag daṅ | tshoṅ dpon dag daṅ | ded dpon dag daṅ | ko.o d+ya dag daṅ | śākya dag daṅ | lits+tsha bī dag daṅ | gźan yaṅ maṅ po thams cad so sor dris nas || de’i ’og tu smras pa | śes ldan dag lag brgyud (7) ’brog gnas źes bya ba gaṅ yin pa bcom ldan ’das kyis gnod sbyin las thar bar byas pa de ’dir śog śig | skye bo’i tshogs kyis smras pa | de ma ’oṅs so || de phyogs gaṅ na ’dug | ga ge mo źig na’o || des de’i phyogs su kha bltas te | de bdag gi (159a1) khyim thab yin no źes me tog phreṅ gi chun po ’phaṅs pa daṅ | rgyal po dag daṅ | nor can dag daṅ | tshoṅ dpon dag daṅ | ded dpon dag daṅ | ko.o d+ya dag daṅ | śākya dag daṅ | lits+tsha bī dag daṅ | gźan yaṅ maṅ po ’dus pa dag phyir phyogs te raṅ (2) raṅ gi yul du doṅ ṅo || khyim bdag gdaṅs can bag tsha źiṅ yid mi b de nas sṅo bsaṅs can la smras pa | bu mo gal te khyod kyis lag brgyud bdams pas kho bo la rgyal po dag gnod pa byed par gyur na mi ruṅ gis myur du soṅ śig | des smras pa | yab ma (3) noṅs kyis bźin de bźin bgyi’o || khyim bdag gdaṅs can gyis de bźon pa bzaṅ po sbyar te rgyan rnam pa sna tshogs kyis brgyan nas ’khor daṅ bcas te ’brog gnas su btaṅ ṅo || de’i skabs su saṅs rgyas bcom ldan ’das rnams la ni mi mkhyen pa daṅ | ma gzigs (4) pa daṅ | ma rig pa daṅ | rnam par mi mkhyen pa cuṅ zad kyaṅ mi mṅa’ bas thugs rje chen po daṅ ldan pa | ’jig rten la phan par źugs pa | sruṅ ba gcig pu ba | ñag gcig dpa’ ba | gñis pa med pa | gñis su mi gsuṅ ba | źi gnas daṅ lhag mthoṅ gis (5) bźugs pa | rig pa gsum gsal bar mdzad pa | bslab pa gsum ma legs par bslabs pa | dul ba’i gnas gsum gyi gźi la mkhas pa | chu bo bźi las rgal ba | rdzu ’phrul gyi rkaṅ pa bźis || spyod pa’i gźi la legs par gnas pa | bsdu ba’i dṅos (6) po bźi la yun riṅ pho nas yoṅs su sbyaṅ ba mdzad pa | mi ’jigs pa bźis bsñeṅs pa mi mṅa’ ba | yan lag lṅa spaṅs pa | ’gro ba lṅa yaṅ dag par ’das pa yan lag drug daṅ ldan pa | pha rol du phyin pa drug yoṅs su rdzogs pa || rtag tu gnas pa drug (7) gis gnas pa | byaṅ chub kyi yan lag bdun gyi me tog gis phyug pa | lam gyi yan lag brgyad ston pa | mthar gyis sñoms par ’jug pa dgu la mkhas pa | stobs bcu’i stobs daṅ ldan pa | phyogs bcur sñan pas yaṅ dag par rgyas pa | brgya phrag bcur (159b1) dbaṅ sgyur ba la khyad par du ’phags pa rnams kyi chos ñid ni ñin lan gsum mtshan lan gsum saṅs rgyas kyi spyan gyis ’jig rten la rnam par gzigs nas | gaṅ ni ñams par gyur || gaṅ ni ’phel bar gyur || gaṅ ni gnod par gyur || gaṅ ni ñam ṅa bar (2) gyur || gaṅ ni mi bde bar gyur || gaṅ ni gnod pa daṅ | ñam ṅa ba daṅ mi bde bar gyur | gaṅ ni ṅan soṅ la gźol || gaṅ ni ṅan soṅ la ’bab | gaṅ ni ṅan soṅ la bab | ṅas gaṅ ni ṅan soṅ gi lam nas bslaṅ ste mtho ris daṅ | thar pa daṅ ’bras bu la (3) gźag par bya || ’dod pa’i ’dam du byiṅ ba gaṅ gi lag nas ni draṅ bar bya || ’phags pa’i nor gyi dbyig daṅ bral ba gaṅ ni ’phags pa’i nor gyi dbaṅ phyug la gźag par bya || gaṅ gis saṅs rgyas ’bras bu daṅ bcas par bya || (4) gaṅ gi dge ba’i rtsa ba dag ma bskyed pa ni bskyed par bya | gaṅ gi dge ba’i rtsa ba dag bskyed pa ni yoṅs su smin par bya | yoṅs su smin pa gaṅ ni rnam par grol bar bya źes mkhyen pa daṅ gzigs pa ’jug go | smras pa | chu srin gnas kyi dug can pa || dus las (5) mda’ bar ’gyur srid kyi || saṅs rgyas gdul la byams pa ni || dus las ’dar bar mi ’gyur ro || ji ltar ma ni bu sdug gcig bu la | rtog ciṅ de srog sruṅ bar byed pa ltar || de bźin gśegs pa’aṅ gdul ba’i skye bo la || rtog par mdzad ciṅ de srog sruṅ bar (6) mdzad | kun mkhyen rgyud la mṅa’ ba’i thugs rje yi || bźon ma gdul ba’i be’u tshol mi skyo ste | srid daṅ ṅan ’gros ñams la byams pa’i ba bźin no || bcom ldan ’das kyis dgoṅs pa | gal te lag brgyud ’brog gnas kyis (7) bden pa ma mthoṅ bar sṅo bsaṅs can mthoṅ bar gyur na bden pa dag gi snod du mi ’gyur gyis || de la phan gdags pa’i phyir ’brog gnas su ’gro’o sñam du rig nas || ma ga d+hā dag tu ljoṅs rgyu źiṅ gśegs pa na ’brog gnas su byon nas ’brog gnas su mtshan mo ba laṅ (160a1) gi lam du rtswa btiṅ ba la gnas par źal gyis bźes so || ba laṅ rdzi dag daṅ | phyugs rdzi dag daṅ | rtswa thun dag daṅ | śiṅ thun dag daṅ | lam gyis ’tsho ba dag daṅ | lam gol bas ’tsho ba’i mi dag gis bcom ldan ’das mtshan mo ba laṅ gi lam (2) na rtswa btiṅ ba la gnas par źal gyis bźes pa mthoṅ ṅo || mthoṅ nas kyaṅ myur ba myur bar lag brgyud ’brog gnas kyi gan du doṅ ste smras pa | khyim bdag gaṅ gis khyod gnod sbyin las thar bar mdzad pa’i bcom ldan ’das de ’brog gnas gnas su byon nas mtshan mo ba (3) laṅ gi lam na rtswa btiṅ ba la gnas bar źal gyis bźes so || lag brgyud ’brog gnas kyis bsams pa | gal te saṅ ’gro bar bya na | bcom ldan ’das gźan du gśegs par ’gyur ba gaṅ yin pa de lta bu’i gnas yod par ’gyur gyis ṅa ñid ’gro’o sñam du (4) rig nas | myur ba myur bar ’phags pa daṅ ji tsam na sgo chod do | de’i skabs su sṅo bsaṅs can yaṅ sgo druṅ du phyin pa daṅ | des kyaṅ naṅ du ma chud de sgo druṅ du mtshan mo mo gnas par khas blaṅs so || nam naṅs nas lag brgyud ’brog gnas myur ba myur ba kho nar śiṅ rta (5) la źon te ’brog gnas nas phyir byuṅ ba daṅ | sṅo bsaṅs can yaṅ śiṅ rta la źon te | naṅ du ’jug pa na lag brgyud ’brog gnas kyis smras pa | śiṅ rta zur cig | sṅo bsaṅs can gyis kyaṅ smras pa | khyod kyi śiṅ rta zur cig | des kyaṅ ma bzur | cig śos (6) kyis kyaṅ ma bzur nas | sṅo bsaṅs can gyis brtags te smras pa | khyod lag brgyud ’brog gnas yin nam | des smras pa | kho bo skye bo dag gis de ltar śes so || lag brgyud ’brog gnas kyis kyaṅ smras pa | khyod kyaṅ sṅo bsaṅs can yin nam | des kyaṅ smras pa | (7) bdag skye bo dag gis de ltar śes so || lag brgyud ’brog gnas kyis smras pa | kho bo bcom ldan ’das kyi spyan sṅar ’gros śiṅ rta zur cig | khyod kyaṅ re źig khyim du soṅ śig | sṅo bsaṅs can gyis smras pa | skyes bu dam pa’i gan du soṅ śig ces sṅo bsaṅs (160b1) can gyi śiṅ rta mtha’ gcig tu bzur to | lag brgyud ’brog gnas kyaṅ bcom ldan ’das ga la ba der soṅ ste phyin nas bcom ldan ’das la khyim bdag gi so sor kun dga’ bar bya bas | bcom ldan ’das ji lta bde bar gzims sam źes so sor kun dga’ (2) bar byas so | de nas bcom ldan ’das kyis lag brgyud ’brog gnas la ’di skad ces bka’ stsal to || lag brgyud ’jig rten na gaṅ dag bde bar ñal bar byed pa de dag gi naṅ na ṅa yaṅ ’ga’ źig yin no || btsun pa dogs sra źiṅ ba laṅ gi rtsid pa’i gźi can (3) du ras srab mo’i gdan bśams śiṅ dgun smad kyi dus kyi tshe tshes brgyad kyi bar la ’od ma ’gas pa’i bser ma dag ldaṅ la | khyod kyi na bza’ ṅur smrig ’di dag ni smrig ’di dag ni srab pas sku yoṅs su gduṅ bar bgyid kyaṅ | bcom ldan ’das de skad ces ’jig rten na gaṅ dag bde bar ñal (4) bar byed pa de dag gi naṅ naṅ yaṅ ’ga’ źig yin no źes gsuṅ ṅam | lag brgyud de’i phyir khyod ñid la dris | khyod kyis ji ltar bzod pa de ltar lan thob śig | lag brgyud ’di lta ste dper na ’di na khyim bdag gam | khyim bdag gi bu phyug pa | nor maṅ ba | loṅs (5) spyod che ba ’ga’ źig yod par gyur la | de’i don du khaṅ bzaṅs rtsig tu bcug ciṅ khaṅ bzaṅs der khaṅ pa brtsegs pa rtsig tu bcug la | khaṅ pa brtsegs pa der khri sur bus blas pa stan sbyar ma btiṅ ba | stan naṅ tshaṅs can btiṅ ba | stan khra bo btiṅ ba | (6) stan chen po btiṅ ba | stan bzaṅ po btiṅ ba | sum tshan gyi gos kyi steṅ g-yogs btiṅ ba | steṅ nas bgo ba’i gos daṅ bcas pa gñis su rgyab rten dmar po bźag pa bśams śiṅ til mar gyi mar me mtshan thub btsugs nas chuṅ ma yid du ’oṅ ba źig (7) ’di lta ste | dga’ mgur spyad par bya ba’i phyir ñe bar bźag na lag brgyud ’di ji sñam du sems | mi de’i mal bcas pa bde ba’am | sdug bsṅal ba yin sñam | btsun pa bdag ’di sñam bgyid de | ’jig rten na gaṅ dag bde bar mchis ñal ba de dag (161a1) gi naṅ na mi de ’ga’ źig lags sñam bgyid do || lag brgyud ’di ji sñam du sems | ’di lta mi de lta bu’i bde ba daṅ | de lta bu’i yid du ’oṅ ba daṅ ldan pa de la ’dod pa las skyes pa’i yoṅs su gduṅ ba daṅ | źe sdaṅ las skyes pa daṅ | gti mug (2) las skyes pa’i yoṅs su gduṅ ba dag skye źiṅ yoṅs su gduṅ ba de dag gis yoṅs su gduṅs pa na mi de sdug bsṅal bar ñal źiṅ bde bar mi ñal ba’i ’dod pa las skyes pa’i yoṅs su gduṅ ba daṅ | źe sdaṅ daṅ | gti mug las skyes pa’i yoṅs su gduṅ ba de dag (3) de bźin gśegs pas yoṅs su mkhyen ciṅ rtsa ba nas bcad de ta la’i mgo bźin du mi snaṅ ba daṅ | gźi med pa daṅ | phyis kyaṅ mi skye ba’i chos ñid du mdzad pas de’i phyir ṅa de skad ces ’jig rten na gaṅ dag bde bar ñal ba de dag gi naṅ na yaṅ ’ga’ źig yin no (4) źes zer ro || de nas bcom ldan ’das kyis de’i tshe tshigs su bcad pa dag bka’ stsal pa pa |

bram ze mya ṅan yoṅs ’das pa ||
gaṅ źig ’dod pas ma gos śiṅ ||
phuṅ po dag las rnam grol ba ||
rnam kun bde bar ñal ba yin ||
’di la ’dod pa kun bcad (5) ciṅ||
sñiṅ gi rims nad bsal gyur pa ||
ñer źi źi ba thob pa yi ||
sems kyis bde bar ñal ba yin ||

de nas bcom ldan ’das lag brgyud ’brog gnas la chos daṅ ldan pa’i bka’ mchid kyis yaṅ dag par ston par mdzad || yaṅ dag par ’dzin du ’jug par (6) mdzad | yaṅ dag par gzeṅs stod par mdzad | yaṅ dag par rab tu dga’ bar mdzad ciṅ saṅs rgyas bcom ldan ’das rnams kyi dus sṅar mdzad pa’i chos daṅ ldan pa’i bka’ mchid gaṅ yin pa ’di lta ste | sbyin pa’i bka’ mchid daṅ | tshul khrims kyi bka’ mchid (7) daṅ | mtho ris kyi bka’ mchid daṅ | ’dod pa rnams kyi ro myaṅ ba’i ñes dmigs daṅ | kun nas ñon moṅs pa daṅ | rnam par byaṅ ba daṅ | ṅes par ’byuṅ ba daṅ | rab tu dben pa’i phan yon daṅ | rnam par byaṅ ba’i phyogs daṅ mthun pa’i chos dag rgya cher ston (161b1) par mdzad do || gaṅ gi tshe bcom ldan ’das kyis de sems raṅs pa daṅ | sems ñam bde ba daṅ | sems dga’ ba daṅ | sems la sgrib pa med pa daṅ | yaṅ dag yul gyi chos bstan pa kun śes pa’i skal ba daṅ ldan źiṅ mthu yod par gzigs pa de’i tshe na saṅs rgyas (2) bcom ldan ’das rnams kyi yaṅ dag phul gyi chos bstan pa gaṅ yin pa ’di lta ste | ’phags pa’i bden pa bźi po sdug bsṅal daṅ | kun ’byuṅ ba daṅ | ’gog pa daṅ | lam dag rgya cher ston par mdzad do || ’di lta ste dper na gos dag pa | nag nog med pa kha (3) sgyur du ruṅ ba tshon du bcug na | tshon legs par ’jen par ’gyur ba de bźin du lag brgyud ’brog gnas kyis kyaṅ stan de ñid la ’dug bźin du ’phags pa’i bden pa bźi po ’di lta ste | sdug bsṅal daṅ | kun ’byuṅ ba daṅ | ’gog pa daṅ lam mṅon par rtogs (4) par gyur to || de nas lag brgyud ’brog gnas chos mthoṅ ba daṅ | chos thob pa daṅ | som ñi las rgal ba daṅ | the tsom las rgal ba daṅ | the tsom las rgal ba daṅ | ston pa’i bstan pa la gźan gyi driṅ mi ’jog pa daṅ | gźan gyis mi (5) bkri źiṅ chos rnams la mi ’jigs pa thob nas stan las laṅs te bla gos phrag pa gcig tu byas nas bcom ldan ’das ga la ba de logs su thal mo sbyar ba btud de bcom ldan ’das la ’di skad ces gsol to | btsun pa bdag ni mṅon par źugs pa lags so | (6) btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ | dge sloṅ gi dge ’dun la skyabs su mchi yis || bdag dge bsñen du gzuṅ du gsol || deṅ slan cad nas ji srid ’tsho’i bar du glo ba thag pa nas mṅon par dad (7) pas skyabs su mchi’o || de nas lag brgyud ’brog gnas kyis bcom ldan ’das kyi spyan sṅa nas skyabs su ’gro ba daṅ | bslab pa’i gźi dag blaṅs nas phyir mi ’oṅ ba’i ’bras bu thob ste || bcom ldan ’das la ’di skad ces gsol to || btsun pa bdag deṅ kho na (162a1) sṅo bsaṅs can gyis btsal ciṅ bdag gis deṅ kho na phyir mi ’oṅ ba’i ’bras bu sum du bgyis na ’di la ji ltar bsgrub par bgyi || bcom ldan ’das kyis bka’ stsal pa | lag brgyud soṅ śig | khyod kyi bslab pa ni ’di yin no || sṅo bsaṅs (2) can yaṅ ji ltar khas blaṅs pa bźin zas daṅ | gos kyis mkho ba stobs śig | de ni ’jig rten gyi chos ñid yin no || de nas lag brgyud ’brog gnas kyis bcom ldan ’das kyi źabs gñis la mgo bos phyag ’tshal te raṅ gi khyim du soṅ nas | des sṅo (3) bsaṅs can la smras pa | kho bo deṅ kho na khyod kyis btsal na | kho bos kyaṅ deṅ kho na bcom ldan ’das kyi spyan sṅa nas skyabs su ’gro ba daṅ | bslab pa’i gźi dag blaṅs śiṅ phyir mi ’oṅ ba’i ’bras bu thob par gyur gyis | de’i phyir gal te khyod ’dod na pha’i khyim du (4) soṅ śig | gal te mi ’dod na ’di ñid du ’dug śig daṅ zas daṅ gos kyis mkho ba bstab par bya’o || des bsams pa | gal te soṅ bar gyur na skye bo dag lag brgyud kyis ’di bkra mi śis par rig nas ma blaṅs so źes zer gyis || ’di ni saṅs rgyas kyi sras yin (5) pas ’di ñid la bsñen bkur byed ciṅ ’dir ’dug go sñam nas | de de ñid du ’dug go || lag brgyud ’brog gnas kyis kyaṅ yo byad thams cad daṅ ldan pa’i gtsug lag khaṅ rtsig tu bcug ste | bcom ldan ’das ñan thos kyi dge ’dun daṅ bcas pa la phul nas ’di ltar (6) gnas brtan dag gis kyaṅ bcom ldan ’das ’brog gnas na ’brog gi nags mchog na bźugs so źes mdo sde’i mtha’ ñe bar sbyar ba byas so || || ’dul ba rnam par ’byed pa | bam po bdun bcu rtsa lṅa pa | de nas dus gźan źig na lag brgyud ’brog gnas (7) nad kyis btab ste | sdug bsṅal źiṅ nad tshabs che bar gyur nas | de nas lag brgyud ’brog gnas nad de ñid kyis dus la bab bo || de dus la bab ma thag tu mi gduṅ ba’i lha ris su skyes so || de nas lha’i bu lag brgyud ’brog gnas ’di sñam du sems te | (162b1) gaṅ gi phyir bdag yoṅs su gnas pa bsten te | bcom ldan ’das la blta ba daṅ | bsñen bkur bya ba’i phyir ñe bar ’gro ba ni bdag gi tshul daṅ mthun pa ma yin gyi || bdag yoṅs su gnas pa ma bsten pa kho nar bcom ldan ’das la blta ba daṅ | bsñen bkur (2) bya ba’i phyir ñe bar ’gro’o sñam mo || de nas lha’i bu lag brgyud ’brog gnas ’di lta ste dper na skyes bu stobs daṅ ldan pa’i lag pa bskums pa las brkyaṅ ba’am | brkyaṅ ba las bskums pa tsam gyis mi gduṅ ba’i lha’i ris nas mi snaṅ bar gyur te || bcom ldan ’das (3) kyi spyan sṅar ’dug pa daṅ | ’di ltar lha’i bu lag brgyud ’brog gnas kyi lus sa la mi thogs śiṅ thim par gyur te || ’di lta ste dper na źun mar ram | ’bru bam bye ma’am | thal ba’i steṅ du blugs pa mi thogs śiṅ thim par ’gyur ba bźin no || de nas bcom ldan (4) ’das kyis lha’i bu lag brgyud ’brog gnas la bka’ stsal pa | lag brgyud re źig lus rags par mṅon par sbrul la sa’i ’du śes bskyed de | ’dug pa’i mtshan ma yid la gyis śig | de nas lha’i bu lag brgyud ’brog gnas kyis lus rags par mṅon par (5) sprul te sa’i ’du śes bskyed ciṅ ’dug pa’i mtshan ma yid la byas nas bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug pa daṅ | ’di ltar lha’i bu lag brgyud ’brog gnas (6) kyi kha dog gi mthus ’brog gi nags mchog thams cad snaṅ ba rgya chen pos khyab par gyur to || mtha’ gcig tu ’dug nas bcom ldan ’das kyis lha’i bu lag brgyud ’brog gnas la ’di skad ces bka’ stsal to || lha’i bu ji ltar khyod sṅon mir gyur pa na chos gaṅ (7) dag bton ciṅ lobs pa de dag da ltar lobs sam | btsun pa bdag sṅon mir gyur pa na chos gaṅ dag bton ciṅ lobs pa de dag daṅ ltar te por lobs te | btsun pa bdag sṅon mir gyur pa na chos gaṅ dag bton ciṅ ma lobs pa de dag kyaṅ dag ltar lobs par gyur (163a1) te | ’di ltar bcom ldan ’das kyis legs par gsuṅs pa’i chos ni de bar gyur pas mṅon par brjod par bgyid do || ji ltar bcom ldan ’das ’dzam bu’i gliṅ na ’khor bźi po dge sloṅ daṅ | dge sloṅ ma daṅ | dag bsñen daṅ | dge bsñen (2) ma rnams kyis bskor ciṅ bźugs pa na | bcom ldan ’das bdag cag la chos gaṅ daṅ gaṅ ston par ’gyur ba’i chos de daṅ de bdag cag gis mñan nas de lta de ltar bsgrub par bya ste | de ni bdag cag la yun riṅ po’i don daṅ | phan pa daṅ bde bar ’gyur ro sñam pa de (3) bźin du | btsun pa bdag kyaṅ mi gduṅ ba’i lha’i ris na mi gduṅ ba’i ris kyi lha rnams kyis yoṅs su bskor ciṅ mchis pa na | lha’i bu lag brgyud ’brog gnas bdag cag cag la chos gaṅ dag gaṅ ston par ’gyur ba’i chos de daṅ de dag bdag cag gis mñan nas de (4) lta de ltar bsgrub par bya ste | de ni bdag cag la yun riṅ po’i don daṅ phan pa daṅ | bde bar ’gyur ro sñam du sems so || lag brgyud khyod chos du dag gis mṅoms śiṅ phyir ma spaṅs pas lus źig nas mi gduṅ ba’i lha’i ris su skyes par gyur | btsun (5) pa bdag chos gsum gyis mṅoms śiṅ slar ma spaṅs pas lus źig nas mi gduṅ ba’i lha’i ris su skyes te | gsum gaṅ lags śin | btsun pa bdag bcom ldan ’das la lta bas mṅoms śiṅ slar ma spaṅs pas lus źig nas mi gduṅ ba’i lha’i ris (6) su skyes so || btsun pa bdag chos mñan pas mṅoms śiṅ slar ma spaṅs pas lus źig nas mi gduṅ ba’i lha’i ris su skyes so || btsun pa bdag dge ’dun la bsñen bkur bgyi bas ma ṅoms śiṅ slar ma spaṅs pas lus źig nas mi gduṅ ba’i lha’i ris su skyes (7) so|| de nas lha’i bu lag brgyud ’brog gnas kyis de’i tshe tshigs su bcad pa dag smras pa |

bdag ni bcom ldan blta ba daṅ ||
dam chos ñan daṅ dge ’dun la ||
bsñen bkur bgyid pas lan ’ga’ yaṅ ||
ṅoms śiṅ phyir spoṅ ma myoṅ ṅo ||
’phags pa’i (163b1) chos rnams yaṅ dag blaṅs ||
ser sna ’dul la rtson gyur ciṅ ||
chos gsum chog mi śes pa yis ||
lag brgyud mi gduṅ skyes par gyur ||

de nas lha’i bu lag brgyud ’brog gnas kyis bcom ldan ’das kyis bka’ stsal pa la mṅon par dga’ ba daṅ (2) rjes su yi raṅs pa byas te | bcom ldan ’das kyi źabs gñis la mgo bos phyag ’tshal te bcom ldan ’das la lan gsum bskor ba byas nas de ñid du mi snaṅ bar gyur to || dge sloṅ rnams the tshom skyes nas the tshom thams cad gcod pa saṅs rgyas bcom ldan ’das (3) la źus pa | btsun pa bcom ldan ’das kyis gnod sbyin ’brog gnas las dri ma can daṅ phral te skyabs su mchi ba daṅ | bslab pa’i gźi dag la bkod pa la gzigs | bcom ldan ’das kyis bka’ stsal pa | dge sloṅ dag da ltar ṅa ’dod chags daṅ bral ba | (4) źe sdaṅ daṅ bral ba | gti mug dag bral ba | skye ba daṅ rga ba daṅ na ba daṅ ’chi ba daṅ mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa dag las yoṅs su grol źiṅ | thams cad mkhyen pa | thams cad gzigs pa | (5) mkhyen pa daṅ śes bya thams cad la mṅa’ brñes pa gnod sbyin ’brog gnas las dri ma can daṅ phral te skyabs su ’gro ba daṅ | bslab pa’i gźi dag la bźag pa ’di la ṅo mtshar ci che | ṅa ’das pa’i dus na ’dod chags daṅ bcas pa | źe sdaṅ daṅ bcas pa | gti (6) mug daṅ bcas pa | skye ba daṅ rga ba daṅ na ba daṅ ’chi ba daṅ mya ṅan daṅ smre sṅags ’don pa daṅ | sdug bsṅal ba daṅ | yid mi bde ba dag ’khrug pa dag las yoṅs sum grol bas kyaṅ gnod sbyin ’brog gnas las dri ma can daṅ phral te skyabs su ’gro ba daṅ | bslab pa’i (7) gźi dag la bźag ste de ñon cig | dge sloṅ dag sṅon byuṅ ba groṅ khyer bā rā ṇa sī na ded dpon dpa’ chen źes bya ba phyug pa | nor maṅ ba | loṅs spyod che ba | yoṅs su gzuṅ ba yaṅs śiṅ rgya che ba | rnam thos kyi bu’i nor daṅ ldan pa | rnam thos kyi bu la nor gyis (164a1) ’gran pa źig byuṅ bar gyur te | de dus gźan źig na tshoṅ pa lṅa brgya daṅ lhan cig dgon pa’i lam du źugs pa daṅ | lam de srin po spu ral can gyis bsdigs śiṅ bgags par gyur nas | ded dpon dpa’ chen don mthun gyi mdun du ’gro bar (2) brtsams pa daṅ | ji tsam na srin po spu ral can de bram ze’i cha lugs su mṅon par sprul nas lam gar ’dug ste | ded dpon dpa’ chen la smras pa | ded dpon lam ’di srin po spu ral can gyis bsdigs śiṅ bgags nas kho bo yaṅ tshegs chen pos ’oṅs kyis lam (3) gźan du soṅ śig | des smras pa | bram ze sñiṅ las chuṅ ṅur gyis śig | de kho bo la byar ci yod ’gro’o || de skad ces smras pa daṅ | srin po spu ral can de ’khrugs nas bźin pa sgyur te | lag pa gñis brkyaṅ nas ral pa sa la blags te | mig dmar (4) po byas nas mig gñis bgrad de smras pa | ded dpon je kho bo la rgol la phyis soṅ śig | de nas ded dpon dpa’ chen gyis śin tu ’jigs su ruṅ ba de mthoṅ nas gźu rna druṅ du thug par bkaṅ ste mda’ dag ’phaṅ bar brtsams pa daṅ | de dag thams cad ral pa dag (5) la thogs so || gźu ’phaṅs pa daṅ | de yaṅ thogs so || de bźin du śiṅ daṅ boṅ ba la sogs pa dag ’phaṅs na de dag kyaṅ ral pa dag la thogs so || de nas tsham tshom med par mthus brgal pa daṅ | lus thams cad ral pa dag la thogs nas srin pos tshigs (6) su bcad pa la smras pa | khyod kyis lag gñis rkaṅ gñis daṅ || lṅa pa mgo yaṅ thogs gyur ciṅ | lus kyaṅ ṅa yi lus la thogs || phyin ma thogs ci źig yod || ded dpon gyis kyaṅ tshigs su bcad pa dag smras pa |

ṅa yi lag gñis rkaṅ gñis daṅ ||
(7) lṅa pa mgo yaṅ thogs gyur ciṅ ||
lus kyaṅ khyod kyis lus la thogs ||
phyi na ma thogs sems yod do ||
gsaṅ ba ji srid kho bo yi ||
sems daṅ brtson ’grus ma ñams pa ||
de srid khyod daṅ ’gyed bya ste ||
brtan byos ṅa la mi gnod do ||

srin pos kyaṅ tshigs (164b1) su bcad pa dag smras pa |

gaṅ gis brtson ’grus ’di ’dra ba || dpa’ chen khyod la phyag ’tshal lo ||
khyod kyi brtson ’grus ’di ’dra bas || sdug bsṅal kun las ’bros par nus ||

dpa’ chen khyod daṅ ’dra ba yi || gaṅ zag med par bdag gis śes ||
khyod kyi mthu (2) yis tshoṅ pa dag || bde legs su ni ’doṅ la rag ||

’byuṅ po kun la sñiṅ brtse ba || ded dpon khyod la phyag ’tshal lo ||
khyod kyi mthu yis tshoṅ pa dag || źi ba ñid du ’doṅ la rag ||

de ltar de na ded dpon dpa’ chen gyis srin po spu ral can la gaṅ thos nas srin po spu ral can las dri ma can daṅ phral te (3) brtul źugs lṅa po dag la bźag pa de ’dra ba’i chos bstan pa byas so || dge sloṅ dag de’i tshe de’i dus na ded dpon dpa’ chen gaṅ yin pa de ni ṅa ñid yin no || de’i tshe de’i dus na srin po spu ral can gaṅ yin pa de ni gnod sbyin ’brog gnas yin te || de’i tshe yaṅ ṅas ’di (4) las dri ma can daṅ phral te brtul źugs lṅa la bźag la | da ltar yaṅ ṅas ’di las dri ma can daṅ phral te skyabs su ’gro ba daṅ | bslab pa’i gźi dag la bźag go | yaṅ dge sloṅ rnams the tshom skyes nas the tshom thams cad gcod pa saṅs rgyas bcom ldan (5) ’das la źus pa | btsun pa lag brgyud ’brog gnas kyis las ci bgyis na des skyes ma thag tu gnod sbyin gyi gtor mar stsal ciṅ || bcom ldan ’das de thar bar bgyi ba’i slad du brtson par gyur | bcom ldan ’das kyis bka’ stsal pa | dge sloṅ dag (6) lag brgyud ’brog gnas ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags pas lag brgyud ’brog gnas kyis las byas śiṅ bsags pa dag (7) gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur || me’i khams la mi ’gyur || rluṅ gi khams la mi ’gyur te | ’di (165a1) ltar las dge ba daṅ | mi dge ba byas śig bsags pa dag ni zin pa’i phuṅ po daṅ khams daṅ | skye mched dag kho na las rnam par smin par ’gyur ro || las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can (2) rnams la ni || ’bras bu dag tu ’gyur ba ñid || dge sloṅ dag sṅon byuṅ ba bskal pa chen po bzaṅ po ’di ñid la skye dgu’i tshe lo ñi khri thub pa na ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs (3) pa | ’jig rten mkhyen pa | skyes bu gdul ba’i kha lo sgyur ba bla na med pa || lha daṅ mi rnams kyi ston pa saṅs rgyas bcom ldan ’das ’od sruṅ ’jig rten du byuṅ ste | de bā rā ṇa sī na draṅ sroṅ smra ba rigs kyi nags na ñe bar rten ciṅ bźugs so || de’i bstan pa la (4) ’di dge bsñen du gyur to || ri brags śig na na rgyal po źig ’dug pa de śin tu bya gag la dga’ nas gaṅ yaṅ ruṅ ba la rgyal po’i pho braṅ du bya ba cuṅ zad byuṅ na de sug tu bya gag thogs te rgyal po’i gan du ’gro’o || ji tsam dus gźan źig na dge bsñen de la rgyal po’i (5) pho braṅ du bya ba cuṅ źig byuṅ nas de de bźin soṅ ba daṅ | rgyal po des de’i dgos pa ma bsgrubs nas gźan dag gis de la smras pa | rgyal po ’di bya gag la dga’ bas gal te khyod la dgos pa ’grub pa dgos nas | de la bya gag phul cig | des rgyal po la bya gag (6) gcig phul ba daṅ | rgyal pos de phyag tsaṅ gi tshaṅ maṅ du gtad nas | dge bsñen de’i dgos pa yaṅ bsgrubs so || dge bsñen des bsams pa | bdag gis bya gag phul ba ma legs pa byas kyi soṅ la rin gyis blu’o sñam nas | des phyag tsaṅ gi lag (7) par rin byin te || bya gag thar bar byas nas smon lam btab pa | bdag gis rñed pa ’dod pa’i phyir rgyal po la bya gag phul pa gaṅ yin pa’i las de’i cha daṅ mthun par mi ’gyur bar bdag gis bya gag phoṅs par gyur pa thar bar byas pa’i dge ba’i rtsa ba ’dis bdag (165b1) phoṅs par gyur pa thar par bya ba’i phyir bcom ldan ’das brtson par gyur cig ces btab bo || dge sloṅ dag de’i tshe de’i dus na dge bsñen gaṅ yin pa de ni lag brgyud ’brog gnas ’di yin te || des rñed pa ’dod pa’i phyir rgyal po la bya gag phul ba gaṅ yin pa’i (2) las de’i rnam par smin pas gnod sbyin gyi gtor mar byin no || phyis ’gyod pa skyes nas thar bar byas śiṅ smon lam btab pa gaṅ yin pa’i las de’i rnam par smin pas ṅa ’di thar bar bya ba’i phyir brtson par gyur ciṅ ṅas ’di gnod sbyin las thar bar byas so || (3) yaṅ dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | bcun pa bcom ldan ’das kyis lag brgyud ’brog gnas sṅo bsaṅs can las thar bar mdzad nas phyir mi ’oṅ ba’i ’bras bu bźag pa la gzigs | (4) bcom ldan ’das kyis bka’ stsal pa || dge sloṅ dag da ltar du ma zad de | ’di ltar ’das pa’i dus na yaṅ ṅas ’di gzugs can ma las thar bar byas nas mṅon par śes pa lṅa la bźag ste | de ñon cig | dge sloṅ dag sṅon byuṅ ba bā rā ṇa sī na rgyal po tshaṅs (5) byin źes bya bas rgyal srid ’byor pa | rgyas pa | bde ba lo legs pa | skye bo daṅ mi maṅ pos gaṅ ba | thab mo daṅ | ’thab pa daṅ | phyi dgra daṅ naṅ ’khrug rab tu źi ba | chom rkun daṅ mu ge daṅ | nad daṅ bral ba | sā lu daṅ | bu ram śiṅ gi (6) phreṅ ba daṅ | pha laṅ daṅ | ma he phun sum tshogs pa byed du bcug ste | chos daṅ ldan pa’i chos kyi rgyal pos chos kyis rgyal pos chos kyis rgyal srid byed du bcug go | de’i mdun na ’don des rigs mñam pa las chuṅ ma blaṅs nas de de daṅ lhan cig rtse bar byed || dga’ bar byed | (7) dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i chuṅ ma dus gźan źig nas sems can źugs par gyur nas de zla ba brgyad dam | dgu ’das te btsas pa las khye’u rkaṅ lag dra bas ’brel ba źig (166a1) byuṅ ṅo || de’i ñe du dag ’dus śiṅ lhags nas ñi ma bdun gsum ñi śu gcig tu btsas pa’i btsas ston rgya che byas nas khye’u’i miṅ cir gdags źes miṅ ’dogs par byed do || de dag ’di sñam du sems te | gaṅ gi phyir khye’u ’di rkag lag dra bas (2) ’brel ba de’i phyir khye’u’i miṅ rkaṅ lag dra bcan źes bya’o źes de’i miṅ rkaṅ lag dra ba can źes bya bar btags so || yaṅ de rtse bar byed | dga’ bar byed | dga’ mgur spyod par byed pa de’i chuṅ ma la dus gźan źig na sems can źugs par gyur nas de zla ba brgyad (3) dam | dgu ’das te btsas pa las khye’u rkaṅ lag dra bas ma ’brel ba źig byuṅ ṅo || de’i ñe du dag ’dus śiṅ lhag nas ñi ma bdun gsum ñi śu gcig tu bcas pa’i btsas ston rgyas par byas nas khye’u’i miṅ cir gdags źes miṅ ’dogs par byed do || de dag (4) ’di sñam du sems te | gaṅ gi phyir khye’u ’di rkaṅ lag dra bas ’brel ba med pa de’i phyir khye’u’i miṅ rkaṅ lag dra ba med ces bya’o źes de’i miṅ rkaṅ lag dra ba med ces bya bar btags so || de gñis bsriṅs śiṅ bskyed de chen por gyur to || ji tsam na bu bo rkaṅ lag dra ba (5) can gyis pha chos daṅ chos ma yin pas mdun na ’don byed du ’jug par mthoṅ nas | des bsams pa | bdag ’di las nas mdun na ’don du gyur na bdag kyaṅ chos daṅ chos ma yin pas mdun na ’don byed du ’jug par ’gyur na | bdag chos daṅ chos ma yin pas (6) mdun na ’don byed du bcug nas sems can dmyal ba la gźol bar ’gyur na mi ruṅ gis rnam pa thams cad du rab tu ’byuṅ ṅo sñam nas | de pha’i gan du soṅ ste smras pa | yab bdag rab tu ’byuṅ bar ci gnaṅ | phas smras pa | bu gaṅ gi phyir mchod sbyin sbyin par (7) byed | sbyin sreg sreg par byed | dka’ thub kyis gduṅ bar byed pa’i mdun na ’don de khyod kyi lag mthil du ’oṅs na ci’i phyir rab tu ’byuṅ bar byed | des tshigs su bcad pa smras pa |

nags na śiṅ śun pa’i gos gyon ’bras bu za || ri dgas gdug pa (166b1) rnams daṅ lhan cig gnas bla yi ||
khams pa ’jig rten pha rol ’jigs pas rgyal srid phyir || gsad daṅ bciṅ daṅ brdeg pa’i las dag byar mi ruṅ ||
phas de dus kyis ’chu bar śes nas gnaṅ ba daṅ ||

de draṅ sroṅ rnams kyi naṅ du soṅ ste rab tu byuṅ nas des spro (2) ba daṅ | ’bad pa daṅ | brtsal ba byas pas mṅon par śes pa lṅa bskyed par gyur to || bu gñis pa rkaṅ lag dra ba med ni gsaṅ tshig gi phyir gsaṅ tshig tshol du yul gźan du soṅ ṅo || lho lam na ri brags śig na bram ze źig ’dug pa des rigs mñam pa (3) las chuṅ ma blaṅs nas de de daṅ lhan cig rtse bar bye | dga’ bar byed || dga’ mgur spyod par byed do || rtse bar byed || dga’ bar byed | dga’ mgur spyod par byed pa de’i chuṅ ma las bu mo źig btsas nas | des bsams pa | bdag gis bu mo ’di rigs (4) kyi phyir yaṅ mi sbyin || nor gyi phyir yaṅ mi sbyin gyi || rigs byed bźi bklags pa la sbyin par bya ste | gaṅ gis bdag gi druṅ nas rig byed bźi bklags pa de la bdag gis bu mo ’di sbyin no sñam mo || ji tsam na bram ze’i khye’u rkaṅ lag dra ba med de phan tshun ’khor ba na lho (5) lam du phyin nas des phyogs gźan źig tu lam gyis dub pa ṅal bsos te thos pa gcig nas gcig tu brgyud pas bram ze de thos nas de’i gan du soṅ ste | mṅon du smra bar byas nas smras pa bdag mkhan po’i źabs la bsñen bkur bgyid par ’tshal lo || ci’i phyir || rig (6) byed bklag pa’i slad du’o || bu de bźin gyis śig | des de’i gan du rig byed bklag par brtsams pa daṅ | de spyod pa gsal bas de’i druṅ nas dus cuṅ zad cig gis rig byed bźi lhogs so || lhogs nas bram ze das de la bu mo byin no || bram ze’i khye’u de de daṅ lhan (7) cig khaṅ tog na ñal ba’i tshe ji tsam na bu mo de’i bsil yab śod du lhuṅ ba daṅ | des lag pa glaṅ po che’i sna lta bu brkyaṅ ste des blaṅs pa daṅ | des de mthoṅ nas sṅaṅs par gyur to || yaṅ mar me śi la thug pa daṅ | des lag pa glaṅ po che’i sna lṅa bu brkyaṅ ste de (167a1) gsos so || de yaṅ des mthoṅ nas yaṅ rgya cher sṅaṅs par gyur te | de daṅ lhan cig bag yaṅs su dga’ mgur spyod par mi byed do || bu mos smras pa | rje’i sras khyod ci’i phyir bdag mthoṅ na dbaṅ po rnams sdud ciṅ bdag daṅ lhan cig bag (2) yaṅs su bcugs par mi byed || khye’us smras pa | khyod kyis ’chi bdag daṅ lhan cig gcugs par byed pa ’ga’ ’thoṅ ṅam | bu mos smras pa | rje’i sras ma ’jigs śig daṅ | kho mo khyim thab la ’khu ba’i sems mi bskyed do || khye’us smras pa | ’di la (3) kho bos dus śes par bya’o || bu mo de skyeṅs nas de gñid log pa la sdod ciṅ ’dug go || khye’u des gñid la log bźin du gñid log pa’i cha lugs su byas te ’dug pa daṅ | bu mo des de gñid log par rig nas gzugs can ma rnams kyi naṅ du soṅ ṅo || (4) khye’u de yaṅ dal bus laṅs te de’i rjes bźin du soṅ ba daṅ || ji tsam gzugs can ma de dag thams cad sgren mor byuṅ źiṅ skra bśig ste | ’jigs ’jigs ltar ’dug pa dag mthoṅ nas de śin tu sṅaṅs śiṅ skrag nas phyir log go | de yaṅ de’i rjes bźin du ’oṅs (5) pa daṅ | des smras pa | bzaṅ mo kho bo ’dug mi phod kyis ’gro’o || des de gdon mi za bar dus kyis ’chu bar śes nas smras pa | rje’i sras gal te ṅes pa kho nar ’gro ’dod na soṅ la su la yaṅ ma zer cig | de caṅ mi zer bar bram ze de’i gan du soṅ ste smras pa | (6) mkhan po khyod bltas kyis mchi’o || des smras pa | bu gal te de lta na bu mo yaṅ khrid la soṅ śig | mkhan po bdag de ñid kyis ’jigs pas mchi’o || bu ci’i phyir khyod des ’jigs || mkhan po de gzugs can ma lags so || bu ci’i phyir de de ltar ’gyur | (7) de caṅ mi smra bar soṅ ṅo || bram ze des bu mo la smras pa | bu mo khyod khyim thab kyaṅ rjes su mi sruṅ ṅam | yab de ji skad mchi || bu de na re khyod gzugs can ma yin źes zer ro || yab bdag gzugs can ma ma lags te | des bdag la śo bes skur pa btab (167b1) ste mchis so || de caṅ mi smra bar ’dug go | gzugs can ma de yaṅ kun nas dkris pa drag pos kun nas dkris par gyur nas | rkaṅ lag daṅ mig bsgyur te lam gar soṅ nas | de’i mdun du ’dug ste smras pa | bu zan ma’i bu khyod la kho mos su la yaṅ ma zer (2) cig ces byas nas | khyod kyis kho mo’i pha ñid la byas kyis da ni khyod ma mtshams chen po gcad par bya’o || źes des de la gnod pa bya bar brtsams pa daṅ | de skrag pas sgra chen po phyuṅ ste ’phags pa rkaṅ lag dra ba can la phyag ’tshal lo || ’phags pa rkaṅ lag (3) dra ba can la phyag ’tshal lo || phyag ’tshal lo źes brjod pa daṅ | de nas rkaṅ lag dra ba can la mṅon par dga’ ba’i lha mo gaṅ yin pa de myur ba myur bar soṅ ste rkaṅ lag dra ba can la smras pa | ’phags pa khyod kyi gcuṅ po gnod pa daṅ | ñam ṅa ba daṅ | mi bde (4) bar gyur gyis de la dgoṅs su gsol | de rdzu ’phrul gyis de’i gan du soṅ ste smras pa | bu mo ’di la gnod pa ma byed cig | ’di khyod la ci ñes bdag gis ’di bzlog na ’dis bdag gi pha la bdag gzugs can ma lags so źes bgyis kyis bdag gis ’di bzas (5) khyod bźud cig | des smras pa | srin mo ’di ni bkren pa yin pas ’khrug pas chog gis thoṅ śig | des smras pa | ’phags pa dam tshig gis gtaṅ bar bgyi ste || gal te rab tu ’byuṅ na’o || des smras pa | sriṅ mo thoṅ śig daṅ rab tu dbyuṅ ṅo || des de (6) btaṅ nas des kyaṅ de rab tu phyuṅ ste | gdams ṅag byin nas des spro ba daṅ | ’bad pa daṅ | brtsal ba byas pas mṅon par śes pa lṅa bsgrub par gyur to || dge sloṅ dag de’i tshe de’i dus na mdun na ’don gyi bu thu bo rkaṅ lag dra ba can gaṅ yin pa de ni ṅa ñid yin no || (7) de’i tshe de’i dus na de’i nu bo rkaṅ lag dra ba med gaṅ yin pa de ni lag brgyud ’brog gnas ’di yin no || de’i tshe de’i dus na gzugs can ma gaṅ yin pa de ni sṅo bsaṅs can ’di yin te || ṅas de’i tshe yaṅ lag brgyud ’brog gnas ’di gzugs can ma las thar bar (168a1) byas te | mṅon par śes pa lṅa la bźag la | da ltar yaṅ ṅas ’di sṅo bsaṅs can las thar bar byas te phyir mi ’oṅ ba’i ’bras bu la bźag go | gaṅ gi tshe lag brgyud ’brog gnas dus la bab pa de’i tshe na sṅo bsaṅs can ko.o śām+bīra soṅ nas | ko.o (2) śām+bī ba’i skye bo’i tshogs kyis gaṅ gi ñin mo sṅo bsaṅs can gyis lag brgyud ’brog gnas btsal ba de’i ñin mo las brgyud ’brog gnas kyis phyir mi ’oṅ ba’i ’bras bu thob pas bu mo de ma smas pa kho nar ’dir ’oṅs so || źes bros nas thos pa gcig nas gcig (3) tu brgyud pas bad sa’i rgyal po śar pas thos pa daṅ | des khyim bdag gdaṅs can bos te smras pa | khyim bdag gaṅ gi ñin mo sṅo bsaṅs can gyis lag brgyud ’brog gnas btsal ba de’i ñin mo lag brgyud ’brog gnas kyis phyir mi ’oṅ ba’i ’bras bu thob nas (4) bu mo de ma smas pa kho nar ’dir ’oṅs źes grag na | ce de bden nam | ’on te brdzun || des smras pa | lha mad do || gal te de lta na ci’i phyir ṅa la mi sbyin || lha gsol lo || rgyal pos btsun mo’i ’khor gyi naṅ du bcug ste bsñen bkur ma lṅa brgya yaṅ byin | ñi ma (5) re re źiṅ dri daṅ phreṅ ba rgyu’i ri na kār+śā pa ṇa stoṅ stoṅ yaṅ byin || khaṅ bzaṅs me tog gi so źes bya ba yaṅ byin no || de la bu mo mṅag gźug ma sgur mchog ces bya ba źig yod pa de ñi ma re re źiṅ kār ṣā pa ṇa stoṅ stoṅ gis dri daṅ phreṅ ba rgyu dag ño bar byed do || de dus gźan źig na (6) spos ’tshoṅ gi khye’u źig daṅ lhan cig sten par gyur nas des kāR+śā pa ṇa lṅa brgyas ni dri daṅ me tog phreṅ ba dag ño bar byed | lṅa brgya ni de daṅ lhan cig za bar byed do || spos ’tshoṅ gi khye’u de dad pa can yin pas des saṅs rgyas la sogs pa dge sloṅ gi dge ’dun khyim gźan (7) du gdugs tshod la spyan draṅs nas des sgur mchog la smras pa | kho bos saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs kyis khyod kyaṅ śog la brims śig | des de’i mtshan mo bca’ daṅ bza’ ba gtsaṅ źiṅ bsod pa sta (168b1) gon byas nas naṅ par sṅar laṅs te gdan bśams nas chu ra bźag ste spyan ’dren btaṅ nas | bcom ldan ’das la btsun pa gdugs tshod g-yar dgoṅs ’tshal na | bcom ldan ’das kyis da de’i dus la bab par dgoṅs su gsol źes spyan draṅs so || de nas (2) bcom ldan ’das śam thabs gsol lhuṅ bzed daṅ chos gos bsnams te | dge sloṅ gi tshogs kyis yoṅs su bskor ciṅ dge sloṅ gi dge ’dun gyis mdun du bdar te | spos ’tshoṅ gi khye’u’i bkad sa ga la ba der gśegs nas | dge sloṅ gi dge ’dun gyi goṅ du (3) gdan bśams pa ñid la bźugs so || de nas spos ’tshoṅ gi khye’u sgur mchog daṅ bcas pas saṅs rgyas la sogs pa dge sloṅ gi dge ’dun bde bar bźugs par rig nas | raṅ gi lag nas bca’ ba daṅ | bza’ ba gtsaṅ źiṅ bsod pas tshim par byed stobs (4) bar byed do || rnam graṅs du mar bca’ ba daṅ bza’ ba gtsaṅ źiṅ bsod pas raṅ gi lag nas tshim par byas sig bstabs nas | saṅs rgyas la sogs pa dge sloṅ gi dge ’dun gdugs tshod gsol cig phyag bcabs | lhuṅ bzed bźag par rig nas stan ches (5) dma’ ba źig blaṅs te chos mñan pa’i phyir bcom ldan ’das kyi spyan sṅar ’dug go | bcom ldan ’das kyis sgur mchog gi bsam pa daṅ | bag la ñal ba daṅ | khams daṅ | raṅ bźin thugs su chud nas gaṅ thos nas sgur mchog gis stan de ñid la ’dug (6) bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon sum du byas pa de ltar ’phags pa’i bden pa bźi yaṅ dag par so sor rtogs par byed pa’i chos bstan pa mdzad do || des bden pa (7) mthoṅ nas gsol pa | btsun pa bdag gis dge ba’i bśes gñen bcom ldan ’das la brten nas | bcom ldan ’das kyis bdag la gag mdzad pa ’di lta bu ni bdag la phas kyaṅ ma bgyis || mas kyaṅ ma bgyis || rgyal pos kyaṅ ma bgyis | lha rnams (169a1) kyis kyaṅ ma bgyis || sṅon gyi pha mes dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis | byams pa daṅ mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i (2) ri dag las ni bsgral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ yi dag dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis || thog ma ma mchis pa’i (3) dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa bdag ni mṅon par źugs pa lags so || btsun pa bdag ni mṅon pa źugs pa lags te | btsun pa bdag (4) bcom ldan ’das daṅ | chos daṅ dge sloṅ gi dge ’dun la skyabs su mchi yis | bdag dge bsñen mar gzuṅ du gsol || deṅ slan chad nas ji srid ’tsho’i bar du glo ba thag pa nas rab tu daṅ pas skyabs su mchi’o || de nas bcom ldan ’das kyis de gñis la chos (5) bstan pa mdzad nas gśegs so || sgur mchog gis spos ’tshoṅ gi khye’u de la smras pa | rje’i sras da ni bdag gis gźan gyi til gyi phub ma yaṅ ma byin par len pa’i rṅo mi thog gos kār+śā pa ṇa stoṅ gi yo byad dag stsol cig | des smras pa | ma ñes kyis śes des de (6) la kāR+śā pa ṇa stoṅ gi yo byad dag byin no || des de khyer te sṅo bsaṅs can gyi gan du soṅ ba daṅ | des smras pa | sgur mchog khyod kyis deṅ ’di mgo phyir bstan te ñal ba gaṅ las thob | des smras pa | jo mo sṅon ni bdag gis brkus kyis || da ni bdag gi slan cad ñon (7) moṅs pa de lta bu dag kun tu spyod par mi ’gyur ba’i yon tan gyi rnam par de lta bu rtogs so || khyod kyis deṅ ci byas || de thos pa ’dzin pa yin pas skabs de rgyas par smras pa daṅ | des smras pa | sgur mchog khyod kyis bcom ldan ’das kyi spyan sṅa nas chos mñan nas (169b1) kho mo la smros śig | khyod kyi las ni de yin no || des smras pa | mnoṅs kyis de ltar bgyi’o || de nas sgur mchog gis bcom ldan ’das kyi spyan sṅa nas chos mñan nas de la brjod do || bcom ldan ’das kyis sgur mchog la rmas pa | sgur mchog khyod btsun mo’i (2) ’khor la chos ston tam | bcom ldan ’das ston te | ji ltar ston bcom ldan ’das bdag ni ’greṅ ste ston la | de dag ni mchis te ñan no || bka’ stsal pa | gal te de dag sgur mchog chos ston cig ces zer na mi bstan to źes brjod par bya’o || ci’i (3) phyir źes zer na | ’di ltar bcom ldan ’das kyis bskal pa graṅs med pa gsum gyis dka’ ba spyod pa ’bum phrag du ma dag gis pha rol du phyin pa drug yoṅs su rdzogs par mdzad nas bla na med pa’i mkhyen pa thugs su chud pa yin na || bdag khyed cag gus pa med (4) pa | rjes med pa | stan ches mthon po la ’khod pa rnams la ga la ston ces brjod par bya’o || ji tsam dus gźan źig na sgur mchog gis bcom ldan ’das kyi spyan sṅa nas chos mñan nas btsun mo’i ’khor gyi naṅ du soṅ ba daṅ | de dag gis de la smras pa | (5) sgur mchog chos ston cig | des smras pa | mi ston to || ci’i phyir ’di ltar bcom ldan ’das kyis bskal pa graṅs med pa gsum gyis dka’ ba spyad pa ’bum phrag du ma dag gis pha rol tu phyin pa drug yoṅs su rdzogs par mdzad nas bla na med pa’i mkhyen pa (6) thugs su chud na | bdag khyed cag gus pa med pa daṅ | rje sa med pa stan ches mthon po la ’khod pa rnams la ga la ston | sṅo bsaṅs can gyis thos nas seṅ ge’i khri btsugs so || gźan dag gis kyaṅ stan naṅ tshaṅs can btiṅ ṅo || gźan dag gis kyaṅ (7) bteg ste de ltar bźag nas | sgur mchog seṅ ge’i khri la ’dug ste | de dag la gaṅ thos nas sṅo bsaṅs can sogs pa bud med lṅa brgyas khyaṅ par chen po rtogs te | kha cig gis ni rgyun du źugs pa’i ’bras bu mṅon sum du byas || kha cig gis ni lan (170a1) gcig phyir ’oṅ ba’i ’bras bu | kha cig gis ni phyir mi ’oṅ ba’i ’bras bu mṅon sum du byas pa de ltar chos bstan pa byas so || de dag sgur mchog la chos kyi rgyu las byuṅ ba’i dad pa skyes nas de dag gis bad sa’i rgyal po śar pa la smras pa | lha (2) bdag cag saṅs rgyas mthoṅ bar ’tshal lo || des smras pa | de ltar bya ste | bcom ldan ’das kyi spyan sṅar je ’gro’o źes de bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te | mtha’ gcig tu ’dug (3) go || mtha’ gcig tu ’dug nas bcom ldan ’das la bad sa’i rgyal po śar pas ’di skad ces gsol to || bcom ldan ’das mchis ’braṅ gi ’khor bcom ldan ’das mthoṅ bar ’tshal lo || bcom ldan ’das kyis bka’ stsal pa | rgyal po chen po de (4) bźin gśegs pa dgra bcom pa yaṅ dag par rdzogs pa’i saṅs rgyas rnams ni btsun mo’i ’khor gyi naṅ du mi ’jug go || des soṅ ste dag la smras pa daṅ | sṅo bsaṅs can gyis smras pa | lta gal te bcom ldan ’das btsun mo’i ’khor gyi naṅ du mi gśegs (5) na khaṅ bzaṅs me tog gi so la skar khuṅ maṅ po dag gdod ciṅ | bdag cag skar khuṅ dag nas bcom ldan ’das la lta bar ci gnaṅ | rgyal pos khaṅ bzaṅs me tog gi so la skar khuṅ lṅa brgya btod do || gaṅ gi tshe bcom ldan ’das phyogs der gśegs (6) pa de’i tshe btsun mo’i ’khor de dag gis bcom ldan ’das skar khuṅ nas mthoṅ nas | mchod pa daṅ bsñen bkur byed ciṅ me tog dag daṅ | spos dag daṅ | na bza’ dag daṅ | me tog phreṅ gi chun po dag kyaṅ ’thor bar byed do || sna tshogs gdul na kun (7) du rgyu ma du źes bya ba de la chuṅ ma chuṅ ma bur źes bya ba źig yod pa de las bu mo gzugs bzaṅ ba | blta na sdug pa | mdzes pa | yan lag daṅ | ñiṅ lag thams cad daṅ ldan pa źig btsas nas | de’i rus pa dag phra źiṅ śin tu phral dpe bya bar mi nus so || (170b1) de’i ñe du dag ’dus śiṅ lhags nas źag bdun gsum ñi śu gcig tu btsas pa’i btsas ston rgya cher byas nas bu mo’i miṅ cir gdags źes de’i miṅ ’dogs par byed do || ñe du rnams kyis smras pa | bu mo ’di gzugs bzaṅ ba | blta na sdug pa | mdzes (2) pa | yan lag daṅ ñiṅ lag thams cad daṅ ldan źiṅ || ’di’i rus pa dag phra źiṅ śin tu phra la dpe bya bar mi nus pas bu mo ’di la dpe mes pas ’di’i miṅ dpe med ma źes bya bar gdags so źes de’i miṅ dpe med la źes bya bar btags so || de bsriṅs śiṅ bskyed (3) nas chen mor gyur to || ma dus bsams pa | bdag gi bu mo ’di su la yaṅ rigs kyi phyir yaṅ ma sbyin || nor gyi phyir yaṅ mi sbyin || thos pa’i phyir yaṅ mi sbyin gyi | bdag gis gaṅ ’di daṅ gzugs mñam pa’am || lhag pa de la sbyin no sñam mo || de’i skabs (4) su bcom ldan ’das sgra mi sñan dag tu ljoṅs rgyu źiṅ gśegs pa na sna tshogs gdul du byon nas sna tshogs gdul na sgra mi sñan gyi grog rdal na bźugs so || de nas bcom ldan ’das sṅa dro śam thabs gsol || lhuṅ bzed daṅ chos gos bsnams te sna tshogs gdul (5) du bsod sñoms la źugs so || sna tshogs gdul du bsod sñoms brgyus nas zas kyi bya ba mdzad de || phyi ma’i zas kyi bsod sñoms las slar log pas ji ltar loṅs spyad pa’i gnas mal mkhos su phab ste | śiṅ ljon pa źig gis druṅ du brten nas braṅ ’gro’i rgyal (6) po ñal ba’i lus bskyil ba ltar skyil mo kruṅ bcas te bźugs so || de’i tshe na kun tu rgyu ma du me tog daṅ | yam sreg śiṅ gi phyir rol byuṅ ba daṅ | kun du rgyu ma dus thag riṅ po kho nas bcom ldan ’das śiṅ ljon pa źig gi druṅ du rten ciṅ braṅ ’gro’i (7) rgyal po ñal ba’i lus bskyil ba ltar skyil mo kruṅ btsas te bźugs pa mdzes pa | dad par ’gyur ba | dbaṅ po źi ba || thugs źi ba | mchog tu sems dul ba | ñe bar źi ba daṅ ldan pa | gser gyi mchod sdoṅ ltar ’bar ba mthoṅ ṅo || mthoṅ (171a1) nas kyaṅ dga’ ba daṅ mchog tu dga’ ba skyes te bsams pa | dge sbyoṅ mdzes pa dad par bya ba ’di lta bu ’di ni ’dzam bu’i gliṅ mtha’ dag gi bdag por ’os pa yin na | dpe med ma’i bdag por lta smos kyaṅ ci dgos te || bdag gis mag pa rñed do (2) sñam du rig nas | raṅ gi khyim ga la ba der soṅ ste phyin nas chuṅ ma la smras pa | bzaṅ mo śes par gyis śig | ṅas bu mo’i mag pa rñed kyis rgyan byos śig daṅ dpe med ma sbyin no || des smras pa | su la sbyin | des smras pa | dge sbyoṅ gau ta ma la’o || des (3) smras pa | ji ltar ’doṅ ṅo źes de ma du daṅ lhan cig ’phags pa daṅ | lam gar de la dran pa skyes nas des tshigs su bcad pa smras pa |

bram ze bdag gis draṅ sroṅ chen po de ||
sna tshogs gdul du bsod sñoms źugs mthoṅ nas ||
des mnan sa phyogs mthon po (4) dmar ’gyur źiṅ ||
bteg na dma’ ba’aṅ mthon po ñid du ’gyur ||
khyim thab de ni gźon nu mi sten gyis ||
phyir log raṅ gi sdum pa ñid du ’doṅ ||