Bibliotheca Polyglotta

[Pāyantika 85]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge sloṅ źig ljoṅs rgyu źiṅ ’gro ba na mñan yod du phyin nas mñan yod du lam gyis (3) dub pa’i ṅal bsos te || rgyal byed kyi tshal du soṅ nas de sgo khaṅ du ’dug go || de khri dma’ ba źig rñed nas des de ñid kyi mdun du rkaṅ pa gñis bkrus nas skyil mo kruṅ bcas te ’dug go || sos ka’i tsha ba’i dus la bab pas sprul dug myur du khyab par byed pa tshabs gduṅs pas (4) bsil ba ’dod pa źig phyogs der bskyil te ñal ba daṅ || ji tsam na dge sloṅ de lam gyis dub pas yur bar brtsams nas de’i lus yud tsam yud tsam źiṅ mchog pas khri yaṅ sgra tseg tseg zer ro || sprul dug myur du khyab par byed pa des bsams pa | ’di bdag la ’tshe’o (5) sñam nas || des gdeṅs ka byas te ’dug go || ji tsam na yaṅ de lus mchog ciṅ khri sgra tseg tseg zer nas des de’i ’phral bar bzuṅ ste || spyod lam de ñid kyis śi źiṅ dus la bab nas sum bcu rtsa gsum pa’i lha’i ris bzaṅ po rnams kyi naṅ du skyes so || de’i gan du lha’i bu (6) mo dag lhags pa daṅ | des se gol gyi sgras de dag phyir bzlog nas de dag lha’i dbaṅ po brgya byin gyi gan du soṅ ste smras pa || lha ’di ni lha’i bu skyes nas riṅ po ma lags pa źig skyil mo kruṅ bcas te mchis nas bdag cag de’i druṅ du mchis pa daṅ || des se gol gyi sgras bdag cag (7) slar bzlog go | brgya byin gyis smras pa || lha mo dag de ni sṅon dge sloṅ yin gyis de’i mdun du me loṅ zuṅ śig daṅ || dran pa rñed par ’gyur ro || de dag gis de’i mdun du me loṅ bzuṅ ba daṅ || des bdag ñid dpuṅ rgyan daṅ || rna cha gdub kor daṅ | phreṅ ba rgyu daṅ || rgyan sna (206b1) tshogs kyis brgyan par mthoṅ nas dran pa rñed do || de nas des de dag ’dod par brtsams pa daṅ | de dag gis smras pa || bzod ldan bdag cag de bźin du bsñen bkur mi byed de || gaṅ lha’i dbaṅ po brgya byin la phyag ’tshal ba de la bdag cag bsñen bkur byed do || des (2) bsams pa || bdag gis bcom ldan ’das ’dod pa’i dri ṅa ba med pa la phyag byas nas da ji ltar lha’i dbaṅ po brgya byin ’dod pa’i loṅs spyod can la phyag bya sñam du rig nas smras pa || sriṅ mo dag gaṅ gis lha’i dbaṅ po brgya byin la phyag ’tshal bar mi byed pa de lta bu’i thabs (3) ’ga’ yod dam | bzod ldan yod de || gaṅ na lha’i draṅ sroṅ dag tshaṅs par spyad pa spyod ciṅ ’khod pa de dag gi naṅ du gaṅ tshaṅs par spyad pa spyod pa de ni lha’i dbaṅ po brgya byin la phyag ’tshal mi ’tshal te || lha’i dbaṅ po brgya byin ñid de la phyag ’tshal lo || de de dag gi (4) naṅ du źugs pa daṅ | lha’i dbaṅ po brgya byin gyis ji ltar de lha’i draṅ sroṅ gi naṅ du źugs te tshaṅs par spyad pa spyod pa thos nas lha’i dbaṅ po brgya phyin de’i gan du soṅ ste phyin nas rkaṅ pa la phyag ’tshal te soṅ ṅo || de nas sṅon dge sloṅ lha’i bu de ’di sñam du sems te || gaṅ (5) gi phyir bdag yoṅs su gnas pa bsten te | bcom ldan ’das la blta ba daṅ bsñen bkur bya ba’i phyir ñe bar ’gro ba ni bdag gi tshul daṅ mthun pa ma yin gyis bdag yoṅs su gnas pa ma bsten pa kho nar bcom ldan ’das la blta ba daṅ bsñen bkur bya ba’i phyir ñe bar (6) ’gro’o sñam mo || de nas sṅon dge sloṅ lha’i bu rna cha gdub kor g-yo źiṅ dri ma med pa thogs te || do śal daṅ | se mo dos brgyan pa’i lus kyis lha’i ut+pa la daṅ | pad ma daṅ | ku mu da daṅ | pad ma dkar po dag gis thub bkaṅ ste | kha dog śin tu ’das pas (7) mtshan mo la bab pa daṅ || bcom ldan ’das ga la ba der soṅ ste phyin nas bcom ldan ’das la me tog dag gis mṅon par gtor te || bcom ldan ’das kyi źabs gñis la mgo bos phyag ’tshal nas mtha’ gcig tu ’dug pa daṅ | ’di ltar sṅon dge sloṅ lha’i (207a1) bu’i kha dog gi mthus rgyal byed kyi tshal thams cad snaṅ ba rgya chen pos khyab par gyur to || de nas sṅon dge sloṅ lha’i bus bcom ldan ’das la tshigs su bcad pa’i dbyaṅs kyis źu ba źus pa |

. .

rmoṅs pa źes bgyi’i tshal de ni || lha mo’i tshogs kyis (2) kun bsgrags śiṅ ||
śa za mo bźin yoṅs bskor na || ji ltar ’chi ba ’byuṅ bar ’gyur ||

bcom ldan ’das kyis bka’ stsal pa ||
draṅ po źes bya’i lam de nas || ’jigs med phyogs źes bya ba der ||
sgra med ces bya’i śiṅ rta ni || chos kyi rtog pas bskyod (3) gyur pa ||

de yi dmigs pa ṅo tsha śes || dran pa de yi ’khor yin te ||
kha lo sgyur ba śes rab yin || sna ’dren yaṅ dag lta źes bya ||

skyes pa’am bud med gaṅ la’aṅ ruṅ || bźon pa ’di ’dra yod gyur ciṅ ||
de ’dra’i bźon pa źon gyur na || de ni ’jigs med (4) phyogs su ’gro ||

de nas bcom ldan ’das kyis sṅon dge sloṅ lha’i bu’i bsam pa daṅ bag la ñal daṅ | khams daṅ | raṅ bźin thugs su chud nas gaṅ thos nas dge sloṅ lha’i bus stan de ñid la ’dug bźin du ’jigs tshogs la lta ba’i ri’i rtse mo ñi śu mtho ba ye śes kyi (5) rdo rjes bcom ste rgyun du źugs pa’i ’bras bu mṅon sum du byas pa de lta bur ’phags pa’i bden pa bźi yaṅ dag par so sor rtogs par byed pa’i chos bstan pa mdzad do || des bden pa mthoṅ nas btsun pa bcom ldan ’das kyis bdag la gaṅ mdzad pa ’di lta bu ni bdag la phas (6) kyaṅ ma bgyis || mas kyaṅ ma bgyis || rgyal pos kyaṅ ma bgyis || lha rnams kyis kyaṅ ma bgyis | sṅon gyi pha mes dag gis kyaṅ ma bgyis || dge sbyoṅ daṅ | bram ze dag gis kyaṅ ma bgyis || byams pa daṅ || mdza’ bśes daṅ || rtsa lag gi tshogs kyis kyaṅ ma bgyis (7) te|| khrag daṅ mchi ma’i rgya mtsho ni bskams | rus pa’i ri dag las ni bsgral || ṅan soṅ gi sgo dag ni bkum || mtho ris daṅ thar pa’i sgo dag ñi phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ || lha daṅ mi rnams kyi naṅ du ni bźag go | (207b1) | źes lan gsum ched du brjod par ched du brjod do | yaṅ smras pa |

khyod mthus rab drag ñes pa maṅ ldan pa’i || ṅan soṅ śul bkag bsod nams rab ldan pa’i ||
mtho ris ’gro ba phye źiṅ bdag gis ni || mya ṅan ’das pa’i śul yaṅ thob par gyur ||

śin tu (2) rnam dag khyod brten bdag gis ni || de riṅ skyon bral dag pa’i mig ’thob ciṅ ||
go ’phaṅ źi ba ’phags pa dgyes thob ste || sdug bsṅal rgya mtsho’i pha rol rgal bar gyur ||

’gro bar lha min mi daṅ lhas mchod pa || skye daṅ rga daṅ na ’chi bral ba bo ||
srid pa stoṅ du (3) thoṅ ba rab dkon na || thub pa de riṅ khyod mthoṅ ’bras bu mchis ||

de nas gdud byas do śal rab ’phyaṅ bas || źabs la phyag ’tshal raṅs pa skyes gyur nas ||
dgra thul g-yas nas yoṅs su bskor byas te || lha yi ’jig rten mṅon phyogs mkha’ la soṅ ||

de nas (4) sṅon dge sloṅ lha’i bu tshoṅ pa khe spogs rñed pa lta bu daṅ | źiṅ pa lo tog ’byor pa lta bu daṅ | dpa’ bo g-yul las rnam par rgyal ba lta bu daṅ || nad pa nad thams cad las yoṅs su thar ba lta bur gyur te || cha lugs gaṅ gis bcom ldan ’das kyi spyan sṅar ’oṅs (5) pa’ cha lugs de ñid kyis raṅ gi gnas su soṅ ṅo || ji tsam na mtshan mo nam naṅs nas khaṅ skyoṅ gis sgo phye ste phyags ma thogs nas sgo khaṅ phyag par brtsams pa daṅ | de skyil mo kruṅ gis ’dug pa mthoṅ nas des smras pa || tshe daṅ ldan pa loṅs śig | ci khyod kyaṅ sṅar (6) bsam gtan byed pa yin nam | de tshig mi smra nas || des de’i lag pa gñis nas bzuṅ ste bsgul bar brtsams pa daṅ | ji tsam na dus la bab par mthoṅ ṅo || des ’di ci źig gis dus la bab ces brtag par brtsams pa daṅ | ji tsam na khri ’og na sbrul dug (7) myur du khyab par byed pa ’dug pa mthoṅ nas de sṅaṅs te || dge sloṅ rnams kyi gan du soṅ ste smras pa | tshe daṅ ldan pa dag dge sloṅ sgo khaṅ du ñal ba gaṅ yin pa de sbrul dug myur du khyab par byed pas bzuṅ ste dus la bab bo || dge sloṅ rnams kyis de dur khrod du bskyal te (208a1) bsregs nas phyir lhag pa’i skabs de dge sloṅ rnams kyis bcom ldan ’das la gsol to || bcom ldan ’das kyis dgoṅs pa | ñes dmigs gaṅ cuṅ zad ci byuṅ ba de thams cad dge sloṅ dag khri dma’ ba la mal ’cha’ źiṅ de’i mdun du (2) rkaṅ pa gñis ’khrus pa las gyur pa yin no || sñam du dgoṅs nas bka’ stsal pa | de lta bas na dge sloṅ gis khri dma’ ba la mal bca’ bar mi bya źiṅ khri’i mdun du rkaṅ pa gñis bkru bar mi bya’o || bcom ldan ’das kyis dge sloṅ gis khri dma’ ba la mal (3) bca’ bar mi bya źiṅ khri’i mdun du rkaṅ pa gñis bkru bar mi bya’o || źes bka’ stsal nas dge sloṅ gźan dag la mchil lha ma mi bdog pa de dag la gnod par gyur nas bcom ldan ’das kyis bka’ stsal pa || gaṅ dag la mchil lham mi bdog pa de dag gis mgo logs (4) daṅ rkaṅ pa logs su rkaṅ pa gñis bkru bar bya ste ’di la ’gyod par mi bya’o || drug sde dag gis dge sloṅ khri dma’ ba la ñal ba sbrul dug myur du khyab par byed pas zin te dus la bab nas bcom ldan ’das kyis dge sloṅ gis khri dma’ ba la mal bca’ bar mi bya’o || źes (5) bkag pa thos nas de dag gis khri rkaṅ pa khru bcu gñis pa bcas te ya gad mthon po btsugs pa daṅ | dge sloṅ rnams kyis de dag la smras pa | tshe daṅ ldan pa dag ci khyed cag bya ra byed dam | de dag gis smras pa | su źig bya ra byed || khyed kyis dge sloṅ sbrul dug myur du (6) khyab par byed pas zin te dus la bab pa ma mthoṅ ṅam ci || khyed drug sde dag kyaṅ sbrul dug myur du khyab par byed pas bzuṅ ste dus la bab ciṅ || kho bo cag śi ba’i yo byad dag ’ged par ’dod dam || dge sloṅ don ñuṅ du dag ci’i phyir dge sloṅ dag dge sloṅ rnams kyis bzlog pa na (7) de daṅ | de skad zer źes smod par byed | phyar ka gtor bar byed || kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ skabs ’di la dge sloṅ gi dge ’dun bsdu ba mdzad (208b1) do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba sogs pa yaṅ sṅa ma bźin te || saṅs rgyas bcom ldan ’das kyis drug sde dag la rmas pa | dge sloṅ dag khyed dge sloṅ rnams kyis bzlog (2) pa na de daṅ de skad zer ba bden nam || btsun pa mad do || saṅs rgyas bcom ldan ’das kyis dge sbyoṅ gi tshul ma yin pa || rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad par mdzad do || de (3) nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste | źes bya ba la sogs pa sṅa bźin (4) no|| ṅa’i ñan thos rnams kyis ’dul ba la bslab pa’i gźi ’di ltar ’don par bya ste || dge sloṅ gis dge ’dun kyi khri’am khri’u byed du ’jug na rtsa ba bde bar gśegs pa’i sor brgyad kyi tshad du byed du gźug par bya’o || de las lhag pa byed du ’jug na bcad nas ltuṅ (5) byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ bar mdzad do || tshe daṅ ldan pa ’char ka tshad las śin tu ’das pa yin pas de’i pus mo gñis ko sko la reg pa’i skabs de dge sloṅ rnams kyis bcom ldan ’das la gsol (6) pa daṅ || bcom ldan ’das kyis bka’ stsal pa || de lta bas na bu gar gźug pa ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab ba la yo byad bsñuṅs pa’i bsṅags pa brjod nas || dge sloṅ rnams la de daṅ (7) mthun pa daṅ | de’i śas che ba daṅ || de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la || ’di ni rjes su gnaṅ ba yin te | ṅa’i ñan thos rnams kyis ’dul ba la bslab (209a1) pa’i gźi ’di ltar gdon par bya ste || dge sloṅ gis dge ’dun gyi khri’am || khri’u byed du ’jug na rtsa ba bu gar gźug pa ma gtogs par bde bar gśegs pa’i sor brgyad kyi tshad du byed gźug par bya’o || de las lhag pa byed du ’jug na bcad nas (2) ltuṅ byed do || dge sloṅ gis źes bya ba ni chos ’di pas so || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || khri’am źes bya ba ni khri ñid kyi’o || khri’u źes bya ba yaṅ khri’u ñid do || byed du ’jug na źes bya ba ni bdag ñid kyis sam || gźan (3) no|| rtsa ba bu gar gźug pa ma gtogs par źes bya ba ni rtsa ba bu gar gźug pa bźag ste’o || bde bar gśegs pa’i sor brgyad kyi tshad du byed du gźug par bya’o źes bya ba la bde bar gśegs pa źes bya ba ni ston pa’o || de’i sor brgyad gaṅ dag yin pa de la ni tshad daṅ (4) ldan pa’i khru gaṅ ṅo || de las lhag pa byed du ’jug na źes bya ba ni de las goṅ ma’o || bcad nas ltuṅ byed do źes bya ba ni dṅos po de bcad nas ltuṅ byed kyi ltuṅ ba bśags par bya ba’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan (5) soṅ daṅ | ṅan ’gro daṅ || log par ltuṅ ba dag tu sreg par byed || ’tshod par byed || ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de (6) la ltuṅ bar ji ltar ’gyur źe na | dge sloṅ gis ji tsam cuṅ zad dge ’dun gyi khri ’am || khri’u rtsa ba bu gar gźug pa ma gtogs par bde bar gśegs pa’i sor brgyad kyi tshad las lhag pa byed du ’jug na thams cad du ltuṅ byed du ’gyur ro || gaṅ gi mdun du ’chags (7) par byed pa des khyod kyi dṅos po de bcad dam źes dri bar bya’o || ma dris par ’chags pa daṅ du len par byed na ñes byas su ’gyur ro || ltuṅ ba de yaṅ ma bśags pa yin pas yaṅ bśags par bya’o las daṅ po pa daṅ smyos pa daṅ || sems ’khrugs pa daṅ || tshor (209b1) ba dag gis ñen pa la ltuṅ ba med do || khri rkaṅ ’chos pa’i ltuṅ byed de brgyad bcu rtsa lṅa pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=024441db-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display