Bibliotheca Polyglotta

[Pāyantika 86]
saṅs rgyas bcom ldan ’das mñan yod na rgyal byed kyi tshal mgon med zes sbyin gyi kun dga’ ra ba na bźugs so || ñe dga’ gsar bu yin pas de’i khri thob (2) bo cog ces rgan pas phrogs śiṅ gnas mal sko ba’i dus la yaṅ bab nas des bsams pa | gaṅ gis bdag gi khri mi phrogs pa’i thabs de lta bu ci yod sñam po daṅ | des bya ba ’ga’ źig gi phyir śiṅ bal dag kyaṅ blaṅs nas de la blo skyes pa | śiṅ bal gyis bdal te (3) bźag go sñam nas des khri’i steṅ du steṅ du śiṅ bal bdal te bźag go | ji tsam na dge sloṅ che sa rgan pa źig ’oṅs nas des smras pa | tshe daṅ ldan pa da’i su’i || ñe dga’ sa smras pa || kho bo’i śiṅ bal lo || de nas dge sloṅ źig ’dug pa des smras pa | ñe dga’ ji (4) skad zer ba de bźin te | śiṅ bal ni ñe dga’i yin no || ’di ltar khri ni dge ’dun gyi yin no || de skad ces smras pa daṅ | ñe dga’ khros nas des śiṅ bal khyer te khri de’i steṅ du śiṅ bal cuṅ zad cuṅ zad bal te bźag go || dge sloṅ des so sor ma brtags pa ñid (5) du der ñal nas mtshan mo nam naṅs te laṅs pa daṅ gos thams cad śiṅ bal gyis skya bor gyur nas dge sloṅ rnams kyis de la smras pa | ci khyod g-yul gyi gźir ñal lam || des ji ltar gyur par brjod pa daṅ | dge sloṅ don ñuṅ ṅu dag ci’i phyir dge sloṅ dge sloṅ dag dge ’dun gyi (6) khri’am | khri’u la śiṅ bal bdal te ’jog par byed ces smod dpar byed || phyar ka gtoṅ bar byed || kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ || gleṅ gźi (7) ’di daṅ || skabs ’di la dge sloṅ dge ’dun bsdu ba mdzad do || źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis (210a1) tshe daṅ ldan pa ñe dga’ la rmas pa || ñe dga’ khyod dge ’dun gyi khri śiṅ bal bdal te ’jog pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun ma yin pa | ruṅ ba ma yin pa | tshul (2) daṅ mthun pa ma yin pa de ni rab byuṅ bas bya ba ma yin no || źes rnam par smad pa mdzod do || de nas bcom ldan ’das kyis rnam graṅs du mas rnam par smad nas || dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas (3) ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || yaṅ dge sloṅ gaṅ dge ’dun gyi khri’am khri’u la śiṅ bal ’dal lam | ’dal (4) du ’jug na bsdus nas ltuṅ byed do || yaṅ dge sloṅ gaṅ źes bya ba ni śākya ’i bu ñe dga’ ’am | gźan yaṅ de lta bu gaṅ yin pa’o || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || khri’am źes bya ba ni khri ñid do || khri’u la źes bya (5) ba yaṅ khri’u ñid la’o || śiṅ bal źes bya ba ni lṅa po śal ma li’i daṅ || a ka’i daṅ | ka śa’i daṅ | bu ka’i daṅ | e ra ka’i śiṅ bal dag las gaṅ yaṅ ruṅ ba’o || bdal lam źes bya ba ni bdag ñid kyis so || bdal du ’jug na źes bya ba ni gźan (6) no|| bsdus nas ltuṅ byed do źes bya ba ni dṅos po de bsdus nas ltuṅ byed kyi ltuṅ ba bśags par bya ba’o || ltuṅ byed do źes bya ba ni sems can dmyal ba daṅ | dud ’gro daṅ | yi dag ṅan soṅ daṅ || ṅan ’gro daṅ | log par ltuṅ ba dag tu sreg par byed | ’tshod par (7) byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa | gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste || des na ltuṅ byed do źes gsuṅs so || de la ltuṅ bar ji ltar ’gyur źe na || dge sloṅ gis ji tsam cuṅ zad dge ’dun gyi (210b1) khri’am khri’u la śiṅ bal ’da’ lam ’dal du ’jug na thams cad du ltuṅ byed du ’gyur ro || gaṅ gi mdun du ’chags par byed pas des khyod kyis dṅos po de bsdus sam źes dri bar bya’o || ma dris bar ’chags pa daṅ du len par byed na ñes byas su ’gyur ro || ltuṅ ba de (2) yaṅ bśags pa ma yin pas yaṅ bśags par bya’o || las daṅ po pa daṅ | smyos pa daṅ | sems ’khrugs pa daṅ || tshor ba dag gis ñen pa la ltuṅ ba med do || śiṅ bal gyis gos par byas pa’i ltuṅ byed de || brgyad du rtsa drug pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0244e0aa-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display