Bibliotheca Polyglotta

[ Prātideśanīya]

sdom la |
groṅ daṅ khyim gźan ñid daṅ ni ||
bslab pa rnams daṅ dgon pa ni ||
saṅs rgyas phan pa gsuṅ ba yis ||
so sor bśags par bya bar gsuṅs ||

[Pratideśanīya 1]
(3) | saṅs rgyas bcom ldan ’das ’od ma’i tshal ka lan dga’i gnas na bźugs so || rdo ’jog na khyim bdag phyug pa | nor maṅ ba | loṅs spyod che ba | yoṅs su gzuṅ ba yaṅs śiṅ rgya che ba || rnam thos kyi bu la nor gyis ’gran pa źig ’dug pa des rigs mñam pa las chuṅ (4) ma blaṅs nas | de de daṅ lhan cig rtse bar byed || dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i chuṅ ma la dus gźan źig na sems can źugs par gyur nas || de zla ba brgyad dam dgu ’das te bcas (5) pa las bu mo gzugs bzaṅ ba | blta na sdug pa | mdzes pa | mig ut+pa la ’dra ba | ut+pa la’i dri daṅ ldan pa | ut+pa la’i ze ’bru’i mdog ’dra ba źig byuṅ ṅo || de’i ñe du dag ’dus śiṅ lhags nas źag bdun gsum ñi śu gcig tu btsas pa’i btsas ston rgya cher (6) byas nas bu mo ’di’i miṅ cir gdags źes de’i miṅ ’dogs par byed do || ñe du dag gis smras pa || gaṅ gi phyir bu mo ’di mig ut+pala daṅ ’dra ba daṅ | ut+pa la’i dri daṅ ldan pa | ut+pa la’i ze ’bru’i mdog ’dra ba de’i phyir bu mo ’di’i miṅ ut+pa la’i mdog ces bya bar gdags (7) so źes de’i miṅ ut+pa la’i mdog ces bya bar btags so || de bsriṅs śiṅ bskyed nas chen mor gyur to || de’i pha la bu med nas des bsams pa | bdag gis bu mo ’di su la yaṅ rigs kyi phyir yaṅ mi sbyin || nor gyi phyir yaṅ mi sbyin || gzugs kyi phyir yaṅ mi (216b1) sbyin gyi | ’di ltar gaṅ bdag gi khyim na ’dug pa’i mag par ’dug pa de la bdag gis sbyin par bya’o sñam mo | rdo ’jog na khyim bdag gźan źig ’dug pa des rigs mñam pa las chuṅ ma blaṅs nas de daṅ lhan cig rtse bar byed || dga’ bar byed || dga’ (2) mgur spyod par byed do || rtse bar byed || dga’ bar byed | dga’ mgur spyod par byed pa de’i chuṅ ma la dus gźan źig na sems can źugs par gyur nas || de zla ba brgyad dam dgu ’das te bcas pa las khye’u źig byuṅ nas de yaṅ rigs daṅ mthun pa’i miṅ btags (3) nas des bsriṅs śiṅ bskyed de chen por gyur to || dus gźan źig na de’i pha ma gñis dus la bab nas || de phan tshun ’khyam pa na stes dbaṅ gis khyim bdag de’i khyim du phyin pa daṅ | khyim bdag des smras pa || bu khyod su’i || khyim bdag che ge mo źig gi’o || bu (4) khyod kyi pha ga re || dus la bab bo || bu khyod kyi ma ga re || de yaṅ dus la bab bo || bu gal te de lta na kho bos khyod la bu mo sbyin gyis || khyod kho bo’i khyim na ’dug pa’i mag pa gyis śig | yab ma noṅs te bdag kyaṅ pha ma gñis daṅ bral nas phan tshun ’khyam źiṅ yi chad (5) par gyur na | khyod de skad gsuṅ pa ma noṅs kyis de bźin bgyi’o || khyim bdag des de la ut+pa la’i mdog byin nas ñi ma daṅ | tshes graṅs daṅ | yud tsam gyi sbyor bas bag mar btaṅ nas khye’u des kyaṅ khyim der ’dug par brtsams so || ji tsam na dus gźan źig na (6) ut+pa la’i mdog gi pha dus la bab nas de’i ma ci dga’ mgur gnas pa daṅ | rgyu ba’i sbyor bas zas daṅ gos bzaṅ po dag gis rtas pas ñon moṅs pa dag gis gnod par brtsams pa daṅ | des bsams pa | gal te bdag gis ’dir skyes pa gźan bkug na bdag (7) mi mag ba ’dis śes par ’gyur gyis | bdag ’di ñid daṅ lhan cig rtse bar bya ba daṅ | dga’ ba daṅ | dga’ mgur spyad pa ñams su myaṅ bar bya’o sñam nas des de la mtshan ma bstan to || bud med kyi yul ni dbaṅ po dag ’phrog ciṅ don du gñer ’dod par (217a1) ’gyur ba yin pas des de la brtags par gyur to || yaṅ des de la mtshan ma bstan pa daṅ | de de daṅ lhan cig sten par gyur to || de’i tshe na ut+pala la’i mdog la sems can źugs par gyur ciṅ || de btsa’ ba’i dus la bab nas des bu mo mṅag gźug (2) ma la smras pa | bu mo soṅ la yum bos śig | de soṅ ba daṅ ji tsam na de mag pa daṅ lhan cig dben pa na ’dug pa mthoṅ nas des yud tsam źig rdog ciṅ der bsdad pa daṅ | ji tsam na de phyir byuṅ nas des smras pa | ut+pa la’i mdog khyod la ’bod kyis bźud do || (3) de der soṅ ba daṅ | ji tsam na bu mo źig btsas na ut+pa la’i mdog gis bu mo mṅag gźug ma la smras pa | bu mo khyod ci thogs | des smras pa || khyod kyi yum daṅ khyim thab nad med par gyur cig | des smras pa || des ci ñes || des ji ltar gyur par brjod pa (4) daṅ | des smras pa bu mo khyod kho mo’i ma daṅ khyim thab la skur pa ’debs sam | des smras pa | jo mo khyod thugs mi ches na | bdag gis khyod kyi mṅon sum du ’gyur bar bgyi’o źes de de gñis kyi skabs btsal ba de lhur len ciṅ ’dug pa daṅ | ji tsam na de gñis (5) dben par ’dug par gyur nas des myur ba myur bar soṅ ste | ut+pa la’i mdog la smras pa || tshur spyon da gzigs śig | de yaṅ myur ba myur bar soṅ ste bltas pa daṅ | de gñis sten par mthoṅ nas || ut+pa la’i mdog gis bsams pa || skal chad ma ’dis rdo ’jog (6) na skyes pa gźan ma mthoṅ ṅam ci na | gaṅ gi phyir mag pa daṅ lhan cig sten par byed || skal chad pa ’dis kyaṅ rdo ’jog na bud med gźan ma mthoṅ ṅam ci na || gaṅ gi phyir sgyug mo daṅ lhan cig sten par byed sñam du rig nas mi bzod pa skyes nas des khyim thab la skal chad par khyod da (7) phyin chaṅ ’di daṅ lhan cig dga’ mgur spyod cig ces bu mo de pha’i gan du ’phaṅs pa daṅ | de pha’i lus las ’dril nas sgo’i them par ltuṅ ste klad pa źom mo || ut+pa la’i mdog mgo g-yogs te khyim nas byuṅ ba daṅ | ji tsam na don mthun bcom brlag tu ’phags pha mthoṅ (217b1) nas || de de daṅ lhan cig ’phags pa daṅ | ded dpon gyis mthoṅ nas || de de’i gzugs daṅ laṅ tsho mdzes pa la chags nas | des smras pa | sru khyoṅ su’i || ded dpon kho mo gaṅ kho mo la zas daṅ gos sbyin pa de’i’o || ded dpon des de chuṅ mar byas nas don mthun (2) mthar gyis bcom brlag tu phyin pa daṅ | des de ñid du bźag go || de de nas ded dpon des zoṅ bsgyur nas zoṅ gi rin khyer te phyir rdo ’jog tu ’oṅs pa daṅ | de na tshoṅ pa de dag phan tshun khyim gźan du mgron du bos te ston mo byed pa na | ded dpon des ’ga’ yaṅ zan ma byin nas (3) tshoṅ pa dag gis smras pa || ded dpon khyod kyis ’ga’ yaṅ g-yar draṅs te ’tshal ma ma stsal to || des smras pa | khyed cag ni khyim mi mo dag bdog pas des na ston mo byed mod || kho bo la ni gaṅ bsñen bkur byed pa ’ga’ yaṅ med pas kho bos ji ltar zan sbyin || de dag gis (4) smras pa || gal te de lta na ci’i glad du bu mo mi tshol || des smras pa | kho bo’i chuṅ ma daṅ ’dra ba’i bu mo ’ga’ źig yod na de bag mar blaṅ ṅo || de dag gis smras pa | je khyod kyi btsun mo ci ’dra bltas gsuṅs śig | des ut+pa la’i mdog gi gzugs daṅ | laṅ tsho mdzes (5) pa brjod pa daṅ | de dag gis smras pa | ded dpon de ni buṅ med rin po che źig ste || ’on kyaṅ de lta bu gźan ’ga’ mchis kyaṅ gnas btsal lo źes de dag gis btsal bar brtsams pa daṅ | ji tsam na ut+pa la’i mdog ñid kyi bu mo de de ’dra bar mthoṅ nas de dag gis bu mo (6) sloṅ ṅo źes de bslaṅs pa daṅ | de dag gis smras pa | su’i phyir || ded dpon che ge mo źig yod pa de’i phyir ro || śes ldan dag bdag cag gis ni sbyin la rag na | ’di ltar khyed la skyon yod de khyed kyis bag ma blaṅs nas bor te ’dog ṅo || mi dor ro || gal te de lta na sbyin (7) no de dag gis de bslaṅs nas ded dpon gyis bag mar blaṅs so || de nas tshoṅ pa de dag gis zoṅ bsgyur te zoṅ rin khyer nas yaṅ bcom brlag tu ’phags pa daṅ | ji tsam na mthar gyis bcom brlag daṅ ha caṅ ma riṅ ba na ri brags śig yod pa der phyin to || ded dpon des zoṅ de daṅ (218a1) bu mo de ri brags der bźag nas ñuṅ śas śig daṅ bcom brlag tu soṅ ba daṅ || ut+pa la’i mdog gis byon pa legs so źes bya ba’i tshig gis kun du spyad de smras pa | ded dpon bde bar byon tam | des smras pa | bzaṅ mo ga la bde bar ’oṅs || kho bo bcom (2) mo|| rje’i sras khyod gson por byon pa dgyes mod | nor lta slad kyis kyaṅ mchis par ’gyur ro || de dus cuṅ ba zad cig ’dug nas smras pa || bzaṅ mo kho bo bcom ba’i rdzas tshol du ’gro’o || des smras pa | ma noṅs kyis bźud cig | de soṅ ma thag kho nar de’i śed (3) mthun ’oṅs te | ut+pa la’i mdog la dris pa || ded dpon gar sog des smras pa bcom pa’i rdzas tshol du soṅ ṅo || de gaṅ du sus bcom || bdag kyaṅ mi śes te de na re kho bo bcom gyis || bcom pa’i rdzas tshol du ’gro’o źes zer ro || des smras pa | de da ltar ji ltar phun (4) sum tshogs śiṅ ’oṅs pa de ltar sṅon lan ’ga’ yaṅ phun sum tshogs śiṅ ma ’oṅs pas des khyod brid do || śed mthun gtam byos śig | gtam gźan ci źig bya || des rdo ’jog nas sa ’dzin ma ’di lta bu źig khrid de ’oṅs pas khyod de’i rkaṅ pa gñis ’khru bar yaṅ mi ruṅ (5) ṅo|| śed mthun de bden nam | bden no || des sdod cig ces byas te caṅ mi smra bar ’dug go | ji tsam na deṅ dpon de ’oṅs nas des brñas thabs sṅon du btaṅ ste smras pa | rje’i sras khyod kyis bcom pa’i rdzas btsal tam || bzaṅ mo btsal to || rje’i sras khyod kyis (6) kho mo brid de | khyod gaṅ du sus kyaṅ ma bcom gyi || kho mos ji ltar khyod kyis rdo ’jog nas sa ’dzin la źig khrid de ’oṅs źes thos kyis de ’di ñid du khrid de spyon cig | gaṅ gi gnas gñis su ’god par ’gyur ba de’i loṅs spyod dag ni srabs pa ñid daṅ || yoṅs su zad pa daṅ | (7) yoṅs su mthar thug par ’gyur ro || bzad mo gal te de lta yin du zin kyaṅ khyod kyis gaṅ gi khyim na chuṅ ma gñis yod pa des lan ’ga’ yaṅ skyom graṅ mo mi ’thuṅs śiṅ thab mo daṅ | mtshaṅ ’dru ba daṅ | rtsod pa daṅ | ’gyed par ’gyur ro źes bya ba ma thos sam | (218b1) rje’i sras de źi bar bya gyur cig | de ltar mi ’gyur gyis de khrid de sbyon cig | gal te nu mo tsam źig na nu mo’i ’du śes ñe bar gźag par bgyi’o || gal te bu mo tsam źig na bu mo’i ’du śes ñe bar gźag par bgyi’o || des smras pa | bzaṅ mo gal te de lta na (2) ma ñes kyis khrid de ’oṅ ṅo źes des de khrid de ’oṅs pa daṅ | des de mthoṅ nas rjes su chags pa skyes so || dus gźan źig na ut+pa la’i mdog gis bu mo de’i skra bya bar brtsams pa daṅ | mgo la sgros yod pa mthoṅ ṅo || mthoṅ nas kyaṅ dris pa bu mo ’di ci (3) ñes || des smras pa | bdag gis kyaṅ ma ’tshal te || bdag gi phyi mo’i mchid nas khyod kyi ma pha la khros pas khyod ’phaṅs pas sgo’i them par ltuṅ ste || des sgros ’di byuṅ ṅo źes mchi’o || khyod kyi phyi mo ci miṅ | che ge mo źig go | khyod kyi ma ci miṅ | ut+pa (4) la’i mdog go || des bsams pa bdag der ni ma daṅ chen chuṅ du gyur la || ’dir ni bu mo daṅ chen chuṅ du gyur gyis rnam pa thams cad du ’gro bar bya’o sñam nas | de mgo g-yogs te khyim nas byuṅ ba daṅ | ji tsam na don mthun yul yaṅs pa can du ’phags pa mthoṅ (5) nas || de yaṅ de daṅ lhan cig ’phags pa daṅ de tshoṅ pa dag daṅ lhan cig dga’ mgur spyod ciṅ yaṅs pa can du soṅ ṅo || yaṅs pa can na gnas pa’i tshogs can ma dag gis smras pa | bcom brlag pa’i tshoṅ pa ’di dag bdag cag daṅ lha cig rtsed mo daṅ | dga’ (6) ba daṅ dga’ mgur spyod pa ñams su myoṅ bar mi byed do || de nas tshogs can ma gcig gis smras pa | de dag gis sa ’dzin ma ’di lta bu źig khrid de ’oṅs pas bdag cag de’i rkaṅ pa gñis ’khru bar yaṅ mi ruṅ bas ci’i phyir de dag bdag cag daṅ lhan cig rtse ba daṅ | dga’ (7) ba daṅ dga’ mgur spyod pa ñams su myoṅ bar byed || tshogs can ma de dag ’dus te ut+pa la’i mdog gi gan du doṅ nas smras pa | sa ’dzin ma khyod kho mo cag gi ’tsho bar byed na ci’i phyir kho mo gi naṅ du mi ’jug | des mgo g-yogs pa bśus te smras pa | bdag deṅ (219a1) phyin chad khyed cag gi naṅ du ’jug go źes de de dag gi naṅ du źugs so || ji tsam dus gźan źig na tshogs can ma de dag chaṅ gral du tshogs śiṅ gtam zer ba na smras pa || bdag cag las gaṅ gis tshoṅ pa gaṅ nor ji tsam daṅ bral bar byas | de na gcig gis (2) smras pa | kho mos ni tshoṅ pa che ge mo źig nor ’di tsam daṅ bral bar byas so || gźan dag gis smras pa | kho mo cag gis ni tshod pa che ge mo dag nor ’di tsam daṅ bral bar byas so || yaṅ gźan dag gis smras pa | kho mo cag gis kyaṅ tshoṅ pa che ge mo dag nor ’di tsam daṅ bral bar (3) byas so || yaṅs pa can na spos ’tshoṅ gi khye’u mi sdug pa thob pa źig ’dug pa de tshogs can ma ’gas kyaṅ rjes su ’jug par ma byas nas tshogs can ma de dag gis smras pa || bdag cag las gaṅ gis spos ’tshoṅ gi khye’u che ge mo źig rjes su ’jug par byed nus pa’i bud med de ni (4) bud med kyi yon tan daṅ ldan par bdag cag smra’o || ut+pa la’i mdog gis smras pa | ci de skyes pa’i dbaṅ po daṅ ldan pa yin nam | ’on te ma yin de dag gis smras pa || de skyes pa skyes pa’i dbaṅ po daṅ ldan pa yin no || gal te kho mos de rjes su ’jug par byas na khyed (5) kyi kho mo thu mo’i gnas su gźag gam || gźag go | gal te khyod kyis de rjes su ’jug par ma nus na khyod ji ltar bya || kho mos khyed la kār+śā pa ṇa drug bcu gźal lo || ma ñes kyis de ltar gyis śig | u la’i mdog gi khyim bdag spos ’tshoṅ gi khye’u de’i druṅ du glas (6) blaṅs pas des bu mo mṅag gźugs ma slob tu bcug ste | bu mo khyod kyis spos ’tshoṅ gi khye’u che ge mo źig las ñi ma re re źiṅ spos ño bar bya’o || gal te su’i gan du khyer źes zer na | ut+pa la’i mdog gi gan du rigs kyi bu źig ’oṅs pa de’i gan du khyer ro źes brjod par bya’o || (7) bu mo mṅag gźug ma de spos ’tshoṅ gi khye’u de las ñi ma re re źiṅ spos ño bar byed do || des de la smras pa | bu mo khyod ñi ma re re źiṅ su’i gan du spos khyer bar byed || des smras pa | ut+pa la’i mdog gi gan du rigs kyi bu źig ’oṅs pa de’i gan du khyer ro || yaṅ ut+pa la’i (219b1) mdog gis bu mo mṅag gźug ma de la smras pa | bu mo spos ’tshoṅ gi khye’u de las sman bska ba daṅ | kha ba daṅ | tsha ba dag ño bar bya’o || gal te su’i gan du khyer źes zer na rigs kyi bu de na bas de’i sman gyi phyir khyer ro źes brjod par bya’o || gal te dbyig su’i yin źes (2) zer na | ut+pa la’i mdog gi yin no źes brjod par bya’o || bu mo mṅag gźug ma des kār+śā pa ṇa dag khyer te spos ’choṅ gi khye’u’i de’i gan du soṅ nas smras pa | sman bska ba daṅ | kha ba daṅ | tsha ba dag byin cig | des smras pa | su’i gan du khyer | des smras pa | rigs (3) kyi bu de na bas na de’i sman gyi phyir khyer ro || des smras pa | dbyig su’i yin || des smras pa | dbyig su’i yin || des smras pa | ut+pa la’i mdog gi’o || des bsams pa | de ni na cuṅ chen mo źig ste || raṅ gi sman gyis bsñen bkur byed do || sñam nas de de la rjes su chags pa skyes nas || des bu mo (4) de la smras pa | bu mo ut+pa la’i mdog la spos ’tshoṅ gi khye’u de khyod lta bar ’dod do źes gyis śig | bu mo des ut+pa la’i mdog la brjod pa daṅ | des smras pa | bu mo soṅ la ’di skad ces | da duṅ rigs kyi bu de ma sos so źes gyis śig | de soṅ ste de la de skad brjod (5) pa daṅ | de yaṅ dag yaṅ du bu mo de la ñi ma gaṅ la ’oṅ bar bya źes ’di’o || des ut+pa la’i mdog la brjod pa daṅ | des bsams pa | de lhag par chags par gyur gyis thabs kyi rnam pa legs pa źig bya’o sñam nas de rtsa mi źig byas te || khri’i steṅ du bźag nas dur (6) khrod du khyer te bsregs nas de’i ’og tu skra bśig ciṅ du ba’i bźin gyis spos ’tshoṅ gi khye’u de’i tshoṅ khaṅ daṅ ha caṅ thag mi riṅ ba nas ’gro bar brtsams pa daṅ | spos ’tshoṅ gi khye’u des de mthoṅ ṅo || bcom ldan ’das kyis bud med kyis skyes pa rnam pa brgyad kyis ’chiṅ bar byed de | (7) gar daṅ | glu daṅ | rol mo daṅ || gad mo daṅ | du ba daṅ | lta ba daṅ | reg pa daṅ | rma ’byed pas so źes gsuṅs pas spos ’tshoṅ gi khye’u de de la śin tu chags par gyur nas bu mo de la yaṅ smras pa | bu mo da ’oṅ ṅo || des ut+pa la’i mdog la brjod pa daṅ | (220a1) des smras pa | bu mo soṅ la ’di skad ces rigs kyi bu de der dus la bab ste | da duṅ mya ṅan ma saṅs pas mthoṅ bar ga la ’gyur źes byos śig | ut+pa la’i mdog gis ji lta ji ltar bskyaṅs pa de lta de ltar spos ’tshoṅ gi khye’u de chags pa daṅ bcas pas mthoṅ (2) ’dod par gyur nas | ut+pa la’i mdog gis de la sdum par ma byon par skyed mos tshal ga ge mo źig tu spyon cig ces phrin spriṅ ba daṅ | spos ’tshoṅ gi khye’u de bza’ ba daṅ | btuṅ ba daṅ gos daṅ || phreṅ brgyu maṅ po thogs te skyed mos tshal der ’oṅs nas | des ut+pa la’i (3) mdog daṅ lhan cig re źig zos śiṅ ’thuṅs pa daṅ | ji tsam na de ra ro źiṅ chaṅ gi dbaṅ gis bdag ñid mi dran par gyur nas ut+pa la’i mdog gis bsams pa || da ni ’di skye bo maṅ pos tsher bar bya’o sñam nas || des de’i mgo la phreṅ ba btags te gña’ ba bsgril nas (4) khyim du khrid pa daṅ | tshogs can ma de dag gis de mthoṅ nas de dag mchog tu ṅo mtshar skyes te smras pa | sa ’dzin ma ’dis spos ’tshoṅ gi khye’u mi sdug pa thob pa rjes su ’jug par byas pa legs so źes de dag gis de bu mo’i gnas su bźag go | de de daṅ lhan cig rtse (5) bar byed | dga’ bar byed || dga’ mgur spyod par byed pa las ji tsam dus gźan źig na de la sems can źugs par gyur to || yaṅs pa can na sgo ba gñis yod de || śar gyi daṅ | nub kyi’o || de gñis phan tshun bśes par gyur nas de na gcig gis (6) smras pa | śed mthun gaṅ gis bdag cag gñis śi źiṅ dus la bab kyaṅ bśes pa’i rgyun mi chad par ’gyur ba de lta bu’i thabs ci yod || cig śos kyis smras pa | śed mthun bdag cag gñis kyi bu mo phan tshun śa glag bya ste || gal te kho bo la (7) bu yod la khyod la bu mo yod na khyod kyi bu mo kho bo’i bu la sbyin par bya’o || gal te khyod la bu yod la || kho bo la bu mo yod na kho bos bu mo khyod kyi bu la sbyin par bya ste || des nas bdag chag gñis śi źiṅ dus la bab na yaṅ bśes pa’i rgyun mi ’chad par ’gyur ro || ma (220b1) ñes kyis de ltar bya’o || ut+pa la’i mdog zla ba dgu ’das te btsas pa las khye’u źig byuṅ nas des bsams pa || bud med gaṅ la bu chuṅ du yod pa de skyes pa dag gis ’di yoṅs su spaṅ ṅo || źes yoṅs su spoṅ bar rig nas des bu mo mṅag gźug mal smras pa || bu (2) mo khye’u ’di daṅ mar me khyer la lam po cher soṅ ste der gnas gcig tu khye’u źog ste | mar me tshugs la ’ga’ źig gis blaṅs kyi bar du mtha’ gcig tu sdod cig | des de khyer te śar gyi sgo ba daṅ ha caṅ thag mi riṅ ba’i gnas śig tu bźag ste || mar me btsugs nas mtha’ (3) gcig tu bsdad pa daṅ | śar gyi sgo ba des mar me mthoṅ nas the tshom za źiṅ der soṅ ba daṅ | ji tsam na khye’u de mthoṅ nas des de blaṅs te chuṅ ma’i gan du soṅ nas smras pa | bzaṅ mo khyod kyi bu ’di re || de rab tu dga’ bas blaṅs so || de nas mtshan mo nam naṅs pa daṅ kun dga’ (4) bar ’gyur ba byas so || khyim tshes kyi skye bo dag gis phan tshun smras pa | śes ldan dag śar gyi sgo ba ’di’i khyim na ci źig gis kun dga’ bar ’gyur ba byuṅ | de na kha cig gis smras pa | ’di’i bu byuṅ ṅo || kha cig gis smras pa | ’di’i chuṅ ma mi sbrum na ’di’i bu ga las (5) byuṅ|| kha cig gis smras pa | śes ldan dag bud med kha cig gi mṅal nas gnas pa mi mṅon pa yaṅ yod do || nub kyi sgo bas thos nas des bsams pa | de’i bu byuṅ bas gal te bdag la bu mo yod par gyur na de bdag gi mag bar ’gyur ro sñam nas des de la gos daṅ rgyan dag (6) bskur ro || de bsriṅs śiṅ bskyed de chen por gyur nas ji tsam na de dga’ ’dun gyi naṅ du źugs so | ji tsam dus gźan źig na yaṅ ut+pa la’i mdog la sems can źugs par gyur nas de zla ba dgu ’das te btsas pa las bu mo źig byuṅ nas des yaṅ bsams pa | bud med gaṅ la (7) bu mo chuṅ du yod pa de skyes pa dag gis ’dis yoṅs su spaṅ ṅo źes yoṅs su spoṅ bar rig nas des bu mo mṅag gźug ma la smras pa | bu mo bu mo ’di daṅ mar me khyer la lam po cher soṅ ste | der gnas gcig tu bu mo źog se | mar me tshags la ’ga’ źig gis blaṅs kyi (221a1) bar du mtha’ gcig na sdod cig | des de khyer te nub kyi sgo ba daṅ ha caṅ thag mi riṅ ba’i gnas śig tu bźag ste || mar me btsugs nas mtha’ gcig tu bsdad pa daṅ | nub kyi sgo ba des mar me mthoṅ nas the tshom za źiṅ der soṅ ba daṅ || ji tsam na bu mo de mthoṅ (2) nas des de blaṅs te chuṅ ma’i gan du soṅ nas smras pa | bzaṅ mo khyod kyi bu mo ’dir || de rab tu dga’ bas blaṅs so || de nas mtshan mo nam naṅs pa daṅ | kun dga’ bar ’gyur bar byas so || khyim tshes kyi skye bo dag gis phan tshun smras pa | śes ldan dag nub kyi sgo (3) ba ’di’i khyim na ci źig gis kun dga’ bar ’gyur ba byuṅ || de na kha cig gis smras pa || ’di’i bu mo byuṅ ṅo || kha cig gis smras pa || ’di’i chuṅ ma mi sbrum na ’di’i bu mo ga las byuṅ | kha cig gis smras pa | śes ldan dag bud med kha cig gi mṅal na gnas pa mi (4) mṅon pa yaṅ yod do || śar gyi sgo bas thos nas des bsams pa | de’i bu mo byuṅ bas de bdag gi mna’ mar ’gyur ro sñam nas des de la gos daṅ rgyan dag bskur ro || de bsriṅs śiṅ bskyed de chen mor gyur nas ji tsam na de yaṅ dga’ ’dun ma’i naṅ du źugs so || (5) ji tsam dus gźan źig na dga’ ’dun lṅa brgya skyed mos tshal du ’phags pa daṅ de dag gis gros bya bar brtsams pa | bdag cag gyi na de bźin du skyed mos tshal du doṅ ste cir ruṅ || ’jud mthun ma ’ga’ źig bkri’o || de ltar bya’o || gaṅ bkri | sa ’dzin ma’o || mñes (6) te ’di ltar khrims su bya bca’ ste || bdag cag las gaṅ de daṅ lhan cig dga’ mgur spyod par mi byed pa de la dga’ ’dun dag gis kār ṣā pa ṇa drug bcu dbab bo || de dag gis sa ’dzin ma ut+pa la’i mdog kār ṣā pa ṇa lṅa brgyas glas te skyed mos tshal du khrid nas dga’ ’dun de (7) dag thams cad kyis res kyis de daṅ lhan cig dga’ mgur spyod do || śar gyi sgo ba’i bu de dga’ mgur spyod par mi ’dod nas ut+pa la’i mdog gis de la smras pa | rje’i sras dga’ mgur spyod cig | gźan du ni ’di dag gis khyod la kār+śā pa ṇa drug bcu phab par ’gyur ro || (221b1) des chad pas ’jigs pas dga’ mgur spyad pa daṅ | de ut+pa la’i mdog la rjes su chags pa skyes nas des de gcig pus chuṅ ma khud par byas so || lits+tsha bī dag khros nas śar gyi sgo ba’i bu des tshogs kyis spyad par bya ba’i bud med de gcig pus chuṅ ma khud par byas (2) gyis de gsod du ’doṅ ṅo źes zer ro || ’jig rten ni mdza’ bśes daṅ dgra bo daṅ tha mal pa yin pas gźan źig śar gyi sgo ba de’i gan du soṅ ste ji ltar gyur pa smras pa daṅ | śar gyi sgo ba de skrag nas lits+tsha bī rnams kyi gan du soṅ ste rkaṅ pa gñis la gtugs nas smras pa | (3) bu’i sloṅ mo stsol cig | de dag gis smras pa | kwa’i naṅ rje de ci ñes | des de dag la rgyas par brjod pa daṅ | de nas kha cig gis smras pa | śes ldan dag śar gyi sgo ba ’di bdag can la yun riṅ po nas phan pa byed byed pa yin gyis || gal te ’di’i bu tshogs can (4) ma ’dod na sbyin no || gźan dag gis smras pa | ma ñes kyis de bźin bya’o źes de dag gis de la ut+pa la’i mdog byin no || śar gyi sgo ba’i bu des tshogs las thob pas bag tsha ba med par ut+pa la’i mdog chuṅ mar blaṅs so || de nas de’i phas nub kyi sgo ba la smras pa | śed mthun (5) khye’u la bu mo bag mar thoṅ śig | des smras pa | śed mthun khyod kyi bus chuṅ ma blaṅs zin na bag ma gźan gyis ci bya || des smras pa | śed mthun sṅar ’thams zin gyis da byin cig daṅ | gal te kho bo la ’byor pa yod par gyur na kho bo’i bu’i chuṅ ma’i ’khor rnam par (6) ’jog par byed do || nub kyi sgo bas sṅar ’thams pa’i phyir śar gyi sgo ba’i bu la bu mo byin no || śar gyi sgo ba’i bu des kyaṅ ñi ma daṅ | tshes graṅs daṅ | yud tsam gyi sbyor bas de bag mar blaṅs so || de’i tshe na tshe daṅ ldan pa maud gal gyi bu chen po śar gyi sgo ba de’i khyim du (7) ’gro bas des bu mo de la smras pa | bu mo khyod kyi chen ma gaṅ yin pa de ni khyod kyi ma’o || khyod kyi khyim thab gaṅ yin pa ’di ni khyod kyi miṅ po yin gyis || ma la rab tu sdaṅ ba’i sems ma skyed cig | sems can dmyal ba la gźol bar ’gyur bar ma byed cig | ut+pa la’i (222a1) mdog de daṅ lhan cig rtse bar byed | dga’ bar byed | dga’ mgur spyod par byed pa las bu byuṅ nas bu mo das khye’u de sgo khaṅ gi phyi rol du rtser gźug par brtsams pa daṅ | ji tsam na bram ze źig lam de nas ’gro ba des mthoṅ nas des tshigs su bcad (2) pa smras pa |

mi rnams naṅ na mchog gi rab kyi mchog ||
mtshuṅs med rgyal ba skyob pa’i ñan thos ma ||
me tog man dā ra ka rab ’dra ba ||
sriṅ mo khye’u ’di khyod kyi ci źig yin ||

des kyaṅ tshigs su bcad pa smras pa |

bram ze ’di na bdag gi miṅ po daṅ ||
miṅ (3) po’i bu daṅ bu daṅ skud po yin ||
’di yi pha de bdag gi pha yin te ||
miṅ por gyur nas da ltar khyo ’di yin ||

ut+pa la’i mdog gis thos nas des bu mo mṅag gźug ma la smras pa | bu mo ’di gñis ci zer | des smras pa | ’di gñis mad pa mchi’o || (4) śo be mi mchi’o || ’di la ci bden | khyod kyi bu bdag gis śar sgor bor ba gaṅ lags pa de ni da ltar khyod kyi khyim thab ’di lags so || khyod kyi bu mo bdag gis nub sgor bor ba gaṅ lags pa de ni da ltar khyod kyi chun ma ’di lags so || ut+pa la’i (5) mdog gis bsams pa | sṅon ni bdag ma daṅ chen chuṅ du gyur nas yaṅ bu mo daṅ chen chuṅ du gyur || da yaṅ bdag bu mo daṅ chen chuṅ du gyur ciṅ bu khyim thab tu gyur gyis || rnam pa thams cad du ’gro bar bya’o sñam nas || de mgo g-yogs te khyim nas byuṅ pa daṅ | ji (6) tsam na don mthun rgyal po’i khab tu ’phags pa mthoṅ nas de de daṅ lhan cig rgyal po’i khab tu soṅ ṅo || der yaṅ ’jud mthun ma’i ’tsho bas ’tsho bar byed do || ji tsam na dga’ ’dun lṅa brgya skyed mos tshal du ’phags nas de dag gis gros bya bar brtsams pa | śes ldan dag (7) bdag cag gyi na de bźin du skyed mos tshal du doṅ ste ci ruṅ | ’jud mthun ma ’ga’ źig bkri’o || de ltar bya’o || gaṅ bkri | sa ’dzin ma’o || ma ñes so źes de dag gis sa ’dzin ma ut+pa la’i mdog kār ṣā pa ṇa lṅa brgyas glas te skyed mos tshal du khrid do || de dag zos (222b1) śiṅ ’thuṅs nas de daṅ lhan cig rtse bar byed | dga’ bar byed || dga’ mgur spyod par byed do || tshe daṅ ldan pa maud gal gyi bu chen pos ut+pa la’i mdog gdul ba’i dus śes nas de dag daṅ ha caṅ thag mi riṅ ba na śiṅ ljon pa źig gi druṅ na ’chag ciṅ ’dug go || de na dga’ ’dun (2) gcig gis smras pa | ’phags pa maud gal gyi bu chen po ’di ni ñon moṅs pa’i ’chiṅ ba lta bu las grol ba yin gyi bdag cag ni ’dod pa’i ’dam du byiṅ ba yin no || ut+pa la’i mdog gis smras pa | bdag gis yaṅs pa can du spos ’tshoṅ gi khye’u mi sdug pa thob pa rjes su ’jug par (3) byas so | dge ’dun des smras pa | smras pa de’i don ci ’di yaṅ rjes su ’jug par byed ’dod dam || des smras pa | ci ’di skyes pa skyes pa’i dbaṅ po daṅ ldan pa yin nam | ’di skyes pa skyes pa’i dbaṅ po daṅ ldan pa yin no || kho mos gal te ’di rjes su ’jug par bya na khyed la (4) ci dbab | kāR+śā pa ṇa lṅa brgya’o || gal te khyod kyis ’di rjes su ’jug par ma nus na khyod la ci dbab | khyod gcig pu’i chuṅ ma khuṅ pa’o || ma ñes kyis de ltar gyis śig | ut+pala la’i mdog gis khas blaṅs nas de tshe daṅ ldan pa maud gal gyi bu chen po ga la ba der soṅ ste phyin (5) nas bud med kyi g-yo dag daṅ | bud med kyi gya gyu dag daṅ || bud med kyi sgyu gaṅ dag yin pa de dag ñe bar bstan par brtsams pa daṅ || tshe daṅ ldan pa maud gal gyi bu chen po dbaṅ po dag phab ste ’dug go || des bsams pa | bud med kyi yul (6) gyi reg pa ni dug yin pas bdag gis ’khyud na ’di bdag gi dbaṅ du ’gyur ro sñam nas | des ’khyud par brtsams pa daṅ || tshe daṅ ldan pa maud gal gyi bu chen po ṅaṅ pa’i rgyal po ’dab ma brkyaṅ ba ltar steṅ gi nam mkha’ la mṅon par ’phags nas tshigs su bcad pa dag smras pa |

(7) rus pa’i ’khrul ’khor spyil bu la || chu bas yoṅs su dkris gyur ciṅ ||
mi gtsaṅ rul ba dri ṅa ba || gźan la sten ciṅ bdag gir byed ||

btsog pas gaṅ ba’i rkyal po khyod || gsoṅ ldoṅ phol mig ṅal skyen ldan ||
rgyun lam dgu nas rtag tu ni || mi (223a1) gtsaṅ rab tu ’dzag pa yin ||

ji ltar kho bos khyod śes ltar || skye bos khyod ni śes gyur na ||
dbyar dus phyi sa’i gnas gźin du || thag riṅ rnam par spoṅ bar ’gyur ||

gaṅ phyir byis pa gti mug gis || mun pas bsgribs pas mi śes pa ||
de phyir (2) rdzab la glaṅ rgan bźin || de dag khyod la chags par byed ||

ut+pa la’i mdog gis kyaṅ tshigs su bcad pa dag smras pa |

skal ba chen po de lta lags || ’phags pas ji skad gsuṅs pa bźin ||
rus pa’i ’khrul ’khor spyil bu la || chu bas yoṅs su dkris gyur ciṅ ||

(3) mi gtsaṅ rus pa dri ṅa ba || gźan la sten ciṅ bdag gir bgyid ||
btsog pas bltam pa’i rkyal pa bdag || gsoṅ ldoṅ phol mig ṅal skyen ldan ||

rgyun lam dgu nas rtag tu ni || mi gtsaṅ rab tu ’dzag pa lags ||
ji ltar ’phags pas bdag mkhyen ltar || skye bos (4) bdag ni ’tshal gyur na ||

dbyar dus slad sa’i gnas bźin du || thag riṅ rnam par spoṅ bar ’gyur ||
gaṅ phyir byis pa gti mug gi || mun pas bsgribs pas ma ’tshal ba ||

de phyir rdzab la glaṅ rgan bźin || de dag bdag la chags par bgyid ||
skal ba chen po (5) mar gśegs te || ’phags pa chos ni bstan du gsol ||
śes rab mchog gi bstan pa la || bdag gis khyod kyi ñan thos bgyi ||

de nas tshe daṅ ldan pa maud gal gyi bu chen po steṅ gi nam mkha’i dkyil nas babs nas des de’i bsam pa daṅ | bag la ñal daṅ | khams (6) daṅ | raṅ bźin khoṅ du chud nas | ’di ltar ut+pa la’i mdog gis stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de ltar ’phags pa’i bden pa bźi yaṅ dag par (7) so sor rtogs par byed pa’i chos bstan pa byas so | des bden pa mthoṅ nas smras pa | ’phags pa ga gis dge ba’i bśes gñen ’phags pa la brten nas ’phags pas bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | (223b1) rgyal pos kyaṅ ma bgyis || lha rnams kyis kyaṅ ma bgyis || sṅon gyi pha mes dag gis kyaṅ ma bgyis | dge sbyoṅs daṅ bram ze dag gis kyaṅ ma bgyis || byams pa daṅ mdza’ bśes daṅ rtsa lag gi tshogs kyis kyaṅ ma bgyis te || khrag daṅ mchi ma’i rgya mtsho ni bskams || (2) rus pa’i ri dag las ni bsgral || ṅan soṅ gi sgo dag ni bkum || mtho ris daṅ thar pa’i sgo dag ni phye || sems can dmyal ba daṅ dud ’gro daṅ yi dgas nas ni rkaṅ pa phyuṅ || lha daṅ mi rnams kyi naṅ du ni bźag | thog ma ma mchis pa’i dus nas bsags pa’i ’jig (3) tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste || ’phags pa bdag ni mṅon par źugs pa lags so || ’phags pa bdag ni mṅon par źugs pa lags te || ’phags pa bdag bcom ldan ’das daṅ | (4) chos daṅ dge sloṅ gi dge ’dun la skyabs su mchi yis | bdag dge bsñen mar gzuṅ du gsol || deṅ slan chad nas ji srid du ’tsho’i bar du glo ba thag pa nas rab tu daṅ bas skyabs su mchi’o || de nas rigs kyi bu mo ut+pa la’i mdog gis tshe daṅ ldan pa maud gal gyi bu (5) chen po’i rkaṅ pa gñis la gtugs te smras pa | btsun pa maud gal gyi bu chen po bdag legs par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ ma’i dṅos po ’thob na | bdag bcom ldan ’das kyi spyan sṅar tshaṅs par spyad pa spyod (6) do || des smras pa | sriṅ mo soṅ la khyim thab dag la gsol cig | de de dag gi gan du soṅ ste smras pa | rje’i sras dag bdag rab tu ’byuṅ bar ci gnaṅ || de dag gis smras pa | sa ’dzin ma ci’i phyir kho bo cag la cho ’dri bar byed || des smras pa | mad bar rab (7) tu ’byuṅ ste co ’dri bar mi bgyid do || de dag gis smras pa | gal te de lta na rab tu byuṅ śig | de de dag gis gnaṅ nas tshe daṅ ldan pa maud gal gyi bu chen po ga la ba der soṅ ba daṅ | des de khrid nas bcom ldan ’das ga la ba der soṅ ste phyin nas bcom ldan (224a1) ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la tshe daṅ ldan pa maud gal gyi bu chen pos ’di skad ces gsol to || btsun pa ut+pa la’i mdog ’di legs par gsuṅs pa’i (2) chos ’dul ba la rab tu ’byuṅ ba daṅ rdzogs par bsñen pa dge sloṅ ma’i dṅos po ’tshal lo || bcom ldan ’das kyis bka’ stsal pa | ma ñes kyis rab tu ’byuṅ ba legs so źes bka’ stsal nas | raṅ ñid kyis skye dgu’i bdag mo chen mo la phrin yig bri bar brtsams so || (3) bcom ldan ’das phrin yig mdzad pa na rgyal po gzugs can sñiṅ po ’oṅs te gsol pa | bcom ldan ’das ’jud mthun ma ’di ci’i slad du ’dir mchis || bcom ldan ’das kyis bka’ stsal pa | rgyal po chen po de skad ma zer cig | khyod kyi chos kyi sriṅ mo ’di legs (4) par gsuṅs pa’i chos ’dul ba la rab tu ’byuṅ ba daṅ rdzogs par bsñen pa dge sloṅ ma’i dṅos po ’dod do || bcom ldan ’das gaṅ du phrin yig mdzad || rgyal po chen po mñan yod du skye dgu’i bdag mo chen mo la’o || bcom ldan ’das bdag gis kyaṅ ’di la bsel ba (5) stsal bar bgyi’o || rgyal po chen po ma ñes so || rgyal po de’i bsel ba bskos so || ut+pa la’i mdog gis phrin yig mnos te mñan yod du soṅ ba daṅ | skye dgu’i bdag mo chen mo gau ta mīsa te rab tu phyuṅ rdzogs par bsñen par byas te || gdams ṅag byin nas de (6) gcig tu dben pa bag yod pa rtun pa daṅ ldan pa | bdag ñid btaṅ bar gnas pa na ’khor ba’i ’khor lo cha lṅa pa g-yo ba daṅ mi g-yo ba ’di ñid rig ste ’du byed kyi rnam pa thams cad ñams pa daṅ | ltuṅ ba daṅ rnam par ’thor ba daṅ | rnam par ’jig pa’i chos ñid kyis (7) zil gyis mnan nas ñon moṅs pa thams cad spaṅs pas rigs kyi bu mo dag gaṅ gi phyir skra bregs te gos ṅur smrig dag bgos nas yaṅ dag pa kho nar dad pas khyim nas khyim med par rab tu ’byuṅ bar byed pa tshaṅs par spyod pa’i mtha’ bla na med pa de tshe de ñid la raṅ gi (224b1) mṅon par śes pas mṅon sum du byas te bsgrubs nas bdag gi skye bzad do || tshaṅs par spyod pa spyad do || bya ba byas so || srid pa ’di las gźan mi śes so źes go bar byed ciṅ dgra bcom pa khams gsum pa las ’dod chags daṅ bral ba || boṅ ba daṅ gser du (2) mñam pa | nam mkha’ daṅ lag mthil du mtshuṅs pa’i sems daṅ ldan pa | tsan+dana bźag pa lta bu rig pas sgo ṅa’i sbubs dral bar gyur ciṅ || rig pa daṅ mṅon par śes pa daṅ | so so yaṅ dag par rig pa thob pa | srid pa daṅ ’dod pa’i rñed pa daṅ bkur sti la rgyab (3) kyis phyogs || dbaṅ po daṅ ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de nas bcom ldan ’das kyis dge sloṅ rnams la bka’ stsal pa | dge sloṅ dag ṅa’i ñan thos ma rdzu ’phrul (4) che ba || mthu che ba rnams kyi naṅ na ’di lta ste | dge sloṅ ut+pa la’i mdog ’di mchog yin no || dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa ut+pa la’i mdog gis las ci źig bgyis na des mig (5) ut+pa la ’dra ba | ut+pa la’i dri daṅ ldan pa | ut+pa la’i ze’u ’bru’i mdog ’dra bar gyur || las ci źig bgyis na des skyes pa dag gis phoṅs pa ma mchis par gyur ciṅ | bcom ldan ’das kyi bstan pa la rab tu byuṅ nas ñon moṅs pa thams cad spaṅs pas dgra (6) bcom pa ñid mṅon sum du bgyis || las ci źig bgyis na de ñan thos ma rdzu ’phrul che ba mthu che ba mthu che ba rnams kyi mchog tu bstan || bcom ldan ’das kyis bka’ stsal pa | dge sloṅ dag ut+pa la’i mdog ñid kyis las tshogs rñed pa | rkyen yoṅs su bsgyur ba | (7) ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags pas ut+pa la’i mdog ñid kyis las byas śiṅ bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol (225a1) gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur || rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ skye mched dag (2) la rnam par smin par ’gyur te || las rnams bskal pa brgyar yaṅ ni || chud mi za ba’aṅ tshogs daṅ dus | rñed na lus can rnams la ni || ’bras bu dag tu ’gyur ba ñid || dge sloṅ dag sṅon byuṅ ba ri brags śig na khyim bdag cig ’dug pa des rigs mñam pa (3) las chuṅ ma blaṅs nas de de daṅ lhan cig rtse bar byed || dga’ bar byed | dga’ mgur spyod par byed do || de dus gźan źig na zoṅ thogs te yul gźan du soṅ ṅo || de’i chuṅ ma gos daṅ zas bzaṅ bas ñon moṅs pa dag gis gnod par gyur nas de daṅ ha caṅ thag (4) mi riṅ ba na ’jud mthun ma’i khyim źig ’dug pa der skyes pa gźan dag ’jug cig gźan dag ’byuṅ ba mthoṅ nas des bsams pa | bud med ’di ni bsod nams byas pa yin pas ’di skyes pa dag gis phoṅs pa yin na | bdag kyaṅ gaṅ gis skyes pa dag gis (5) phoṅs pa med par ’gyur ba de lta bu’i thabs ci yod sñam nas de de ltar sems pa na || der gcer bu pa’i ñan thos ma źig ’oṅs nas des de la smras pa || phu nu mo gaṅ gis gaṅ sems pa daṅ gaṅ sgrub pa de thams cad ’grub par ’gyur pa de lta bu’i thabs ci yod || des (6) smras pa | phu nu mo kho mo’i miṅ po rab tu byuṅ ba brtul źugs grub pa bdag ñid chen po źig yod pa de la zan byin la smon lam thob śig daṅ | khyod gaṅ sems pa daṅ gaṅ sgrub pa de thams cad grub par ’gyur ro || des smras pa | phu nu mo gal te de lta na soṅ la (7) bdag ñid chen po de kho mo’i khyim du zan la bos śig | des de zan la bos so || khyim bdag gi chuṅ ma des kyaṅ zan sbyar ciṅ | ut+pa la dag gis lag pa sta gon byas so || gcer bu pa dag ni dus su yaṅ zan za la | dus ma yin par yaṅ za bas de yun riṅ źig (225b1) thogs so || saṅs rgyas rnams ’byuṅ ba med pa’i tshe | raṅ saṅs rgyas dman pa daṅ bkren pa la rjes su sñiṅ brtse ba | bas mtha’i gnas mal la dga’ ba | bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo || ji tsam na raṅ saṅs rgyas (2) śig ljoṅs rgyu ba na ri brags der phyin nas de sṅa dro śam thabs bgos lhuṅ bzed daṅ chos gos thogs te bsod sñoms la rgyu ba na khyim der źugs pa daṅ | khyim bdag gi chuṅ ma des lus mdzes pa | sems mdzes pa de mthoṅ nas des bsams pa | ’di ni brtul źugs grub pa | (3) bdag ñid chen po de yin gyis zan sbyin no sñam nas | des de zas bsod pas tshim par byas śiṅ de la ut+pa la dag gis kyaṅ mchod pa byas so || bdag ñid chen po de dag ni lus kyis chos ston gyi tshig gis chos mi ston pas raṅ saṅs rgyas de zas kyi bya ba byas nas | de la sñiṅ brtse (4) ba’i phyir dad pa’i rgyal po ’dab ma brkyaṅ ba ltar steṅ gi nam mkha’ la mṅon par ’phags nas ’bar ba daṅ | gsal ba daṅ | char ’bebs pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin (5) pas khyim bdag gi chuṅ ma des gus par bsgrim pa daṅ bcas pas de’i rkaṅ pa gñis la phyag ’tshal te smon lam btab pa | bdag gis yon gnas yaṅ dag par gyur pa ’di lta bu la mchod pa byas pa gaṅ yin pa’i dge ba’i rtsa ba ’dis bdag skyes pa dag gis phoṅs pa (6) med par ’gyur źiṅ ’di bas ches khyad par du ’phags pa’i ston pa mñes par byed ciṅ thugs byuṅ bar mi byed pa’i yon tan gyi rnam pa de lta bu dag kyaṅ thob par gyur cig ces btab bo || dge sloṅ dag de’i tshe de’i dus na khyim bdag gi chuṅ ma gaṅ yin pa de ni ut+pa la’i mdog (7) ’di yin te || ’dis raṅ saṅs rgyas la zan byin te ut+pa la dag gis mchod pa byas pa gaṅ yin pa’i las de’i rnam par smin pas ni da ltar mig ut+pa la ’dra ba || ut+pa la’i ze’u ’bru’i mdog ’dra bar gyur to || bdag gis yon gnas (226a1) yaṅ dag par gyur pa ’di lta bu la mchod pa byas pa gaṅ yin pa’i dge ba’i rtsa ba ’dis bdag skyes pa dag gis phoṅs pa med par ’gyur źiṅ || ’di bas ches khyad par du ’phags pa’i ston pa mñes par byed ciṅ thugs byuṅ bar mi byed pa’i yon tan gyi rnam pa de lta (2) bu dag kyaṅ thob par gyur cig ces smon lam btab pa des ni skyes pa dag gis phoṅs pa med par gyur ciṅ || ṅa’i bstan pa la rab tu byuṅ nas ñon moṅs pa thams cad spaṅs pas dgra bcom pa ñid mṅon sum du byas śiṅ || ’dis raṅ saṅs rgyas bye ba phrag ’bum bas ches (3) khyad par du ’phags pa’i ston pa ṅa mñes par byas śiṅ thugs byuṅ bar ma byas so || ñan thos ma rdzu ’phrul che ba || mthu che ba rnams kyi mchog tu bstan pa gaṅ yin pa de ni smon lam gyi dbaṅ gis te | gaṅ du smon lam btab ce na | dge sloṅ dag sṅon byuṅ ba bskal pa (4) chen po bzaṅ po ’di ñid la skye dgu’i tshe lo ñi khri thub pa na ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa źabs su ldan pa | bde bar gśegs pa ’jig rten mkhyen pa | skyes bu ’dul ba’i kha lo sgyur ba | bla na med pa | lha (5) daṅ mi rnams kyi ston pa | saṅs rgyas bcom ldan ’das ’od sruṅ ’jig rten du byuṅ ste | de bā rā ṇa sī na draṅ sroṅ smra ba ri dgas kyi nags na ñer bar rten ciṅ bźugs so || de’i bstan pa la ’di rab tu byuṅ nas dge sloṅ ma gaṅ gis de rab tu phyuṅ ba’i dge sloṅ ma de de bźin (6) gśegs pa yaṅ dag par rdzogs pa’i saṅs rgyas ’od sruṅ gis ñan thos rdzu ’phrul che ba | mthu che ba rnams kyi mchog tu bstan to || de na ’dis tshe ji srid par tshaṅs par spyod pa spyad na yon tan gyi tshogs ’ga’ yaṅ ma thob nas | de’i ’og tu ’chi ba’i tshe smon (7) lam ’di skad ces bdag gis bcom ldan ’das de bźin gśegs pa yaṅ dag par rdzogs pa’i saṅs rgyas yon gnas bla na med pa ’od sruṅ tshe ji srid par tshaṅs par spyod pa spyad na yon tan gyi tshogs ’ga’ yaṅ ma thob ste | bdag gis tshe ji srid par tshaṅs par (226b1) spyod pa spyad pa’i dge ba’i rtsa ba ’dis bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag par rdzogs (2) pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba | bla na med pa | lha daṅ mi rnams kyi ston pa | saṅs rgyas bcom ldan ’das śākya thub pa źes bya bar ’gyur ro źes luṅ bstan pa de’i bstan pa (3) la bdag rab tu byuṅ nas ñon moṅs pa thams cad spaṅs pas dgra bcom pa ñid mṅon du byed ciṅ || ji ltar mkhan mo ’di bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis ñan thos ma rdzu ’phrul che ba | mthu chen ba rnams kyi mchog tu bstan (4) pa de bźin du | bdag kyaṅ bcom ldan ’das śākya thub pa | śākya ’i seṅ ge | śākya ’i rgyal po’i gtso bo des ñan thos ma rdzu ’phrul che ba | mthu che ba rnams kyi mchog tu bstan par gyur cig ces gdab par brtsams pas smon lam de’i dbaṅ gis da ltar de bźin gśegs (5) pas ñan thos ma rdzu ’phrul che ba | mthu che ba rnams kyi mchog tu bstan to || yaṅ dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa || btsun pa ut+pa la’i mdog gis las ci źig bgyis na des tshol par gyur (6) bcom ldan ’das kyis bka’ stsal pa | dge sloṅ dag ut+pa la’i mdog ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags pa | ut+pa la’i mdog ñid kyis las (7) byas śiṅ bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur || me’i khams la mi ’gyur || rluṅ gi khams la mi ’gyur gyi | (227a1) ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ skye mched dag la rnam par smin par ’gyur te || las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can rnams la ni || (2) ’bras bu dag tu ’gyur ba ñid || dge sloṅ dag sṅon byuṅ ba ri brags śig na ’di bud med smyan byed pa źig tu gyur nas de na ’dis bu lta bu maṅ po dag ma lta bu dag daṅ lhan cig bsdus śiṅ | miṅ po lta bu maṅ po dag kyaṅ sriṅ mo lta bu dag daṅ lhan cig bsdus pas las de’i rnam par (3) smin pas da ltar tshol par gyur to || dge sloṅ dag de ltar na las gcig tu gnag pa rnams kyi rnam par smin pa ni gcig tu gnag pa yin la | las gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams kyi rnam par smin pa yaṅ (4) ’dren ma yin no || dge sloṅ dag de lta bas na las gcig tu gnag pa rnams daṅ | ’dren ma rnams spaṅs nas las gcig tu dkar ba rnams la brtsal bar bya ste || dge sloṅ dag khyed kyis de ltar bslab par bya’o || ut+pa la’i mdog gi kun du spyod pa ni bsod sñoms (5) brgyus nas bsod sñoms kyi phud daṅ por dge ’dun la ’bul źiṅ phyis gźan du brgyus te bdag ñid za bar byed de | ji tsam dus gźan źig na de bsod sñoms la źugs nas des bsod sñoms kyi phud dge ’dun la phul nas || de’i ’og tu bdag ñid kyi don du brgyus pa daṅ | (6) dge sloṅ glo bur du ’oṅs pa źig bsod sñoms la źugs pa na de spyod yul la mi mkhas pas ci yaṅ ma rñed pa de ut+pa la’i mdog gis mthoṅ nas smras pa | ’phags pa ci yaṅ ma brñes sam | ’phags ma ci yaṅ ma rñed do || des bdag ñid kyi bsod sñoms de bsod (7) sñoms pa de la phul nas de’i zan chad par gyur to || ñe dga’ sa de mthoṅ nas des bsams pa | sriṅ mo ’di ni dge ’dun la mṅon par dad pa ’ba’ źig tu ma zad kyi gaṅ zag la yaṅ mṅon par dad pa ’dra na | ’di bag ma par bya’o sñam nas phyi de ñin par ut+pa (227b1) la’i mdog bsod sñoms la źugs nas | des bsod sñoms kyi phud dge ’dun la phul nas bdag ñid kyi don du gñis pa bsgrubs pa daṅ | ñe dga’ yaṅ ’oṅs nas smras pa | ’phags ma rñed pa cuṅ zad yod dam | des smras pa | ’phags pa mchis na gsol na (2) bźeṅ dam | lha’i gnas kyi lhag ma ji lta ba bźin no || ’phags pa gal te de lta na lhuṅ bzed bzed du gsol | des lhuṅ bzed bzed pa daṅ | des bsod sñoms de de’i lhuṅ bzed du phul lo || ut+pa la’i mdog ñi ma gñis su zan chad pas ñam chuṅ ba’i (3) sbyor bas brgyal te sa la sgyel ba daṅ | ma dad pa dag gis glags rñed nas | śes ldan dag ut+pa la’i mdog ’di ’dod chags daṅ bral lo źes grag na | śākya gźon nu gzugs bzaṅ ba ’di mthoṅ nas ’dod chags kyis brgyal te sa la sgyel bar gyur pa de ji lta (4) źes smod pa la źugs pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ gleṅ gźi ’di daṅ || skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas (5) bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis ñe dga’ la rmas pa | ñe dga’ khyod dge sloṅ ma ñe du ma yin pa lam po che na ’dug pa bsod sñoms kyi phyir groṅ du ’gro ba (6) las bca’ ba daṅ bza’ ba raṅ gi lag gis blaṅs te ’cha’ źiṅ za ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni (7) rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan (228a1) thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || yaṅ dge sloṅ gaṅ dge sloṅ ma ñe du ma yin pa lam po che na ’dug pa bsod sñoms (2) kyi phyir groṅ du ’gro ba las bca’ ba daṅ | bza’ ba raṅ gi lag gis blaṅs te ’cha’ ’am zan dge sloṅ des phyi rol kun dga’ ra bar soṅ ste || dge sloṅ rnams la tshe daṅ ldan pa dag bdag la smad pa’i gnas mi rigs pa so sor bśags par bya ba byuṅ gis chos de so sor (3) ’chags so źes so sor bśags par bya ste | chos ’di ni so sor bśags par bya ba’o || yaṅ dge sloṅ gaṅ źes bya ba ni śākya ’i bu ñe dga’ ’am || gźan yaṅ de lta bu gaṅ yin pa’o || dge sloṅ ma źes bya ba ni chos ’di pa’o || ñe du ma yin pa źes bya ba ni phyi mo daṅ | (4) mes po daṅ | phrugs las brten pa’i bdun pa tshun cad ni ñe du yin la de phan cad ni ñe du ma yin no || lam bo che na ’dug pa źes bya ba ni sraṅ du soṅ ba’o || bsod sñoms kyi phyir groṅ du ’gro ba źes bya ba la | groṅ źes bya ba ni gaṅ na lam po che daṅ sraṅ daṅ bźi mdo daṅ sum (5) mdo dag yod pa’o || las źes bya ba ni gan nas so || bca’ ba daṅ bza’ ba źes bya ba ni bca’ ba lṅa daṅ bza’ ba lṅa’o || raṅ gi lag gis źes bya ba ni lag gis lag tu’o || blaṅs te źes bya ba ni byin len stobs su bcug ste’o || ’cha’ ’am za na źes bya ba ni mgul (6) du mid na’o || dge sloṅ des źes bya ba ni dge sloṅ gaṅ yin pa des so || phyi rol kun dga’ bar soṅ ste źes bya ba ni groṅ gi phyi rol gtsug lag khaṅ du soṅ ste’o || dge sloṅ rnams la źes bya ba ni de na dge sloṅ gaṅ dag ’khod pa la’o || tshe daṅ ldan pa bdag la smad pa’i (7) gnas źes bya ba ni smad par bya ba’o || mi rigs pa źes bya ba ni tshul daṅ mi mthun pa’o || so sor bśags par bya ba źes bya ba ni mthol bar bya ba’o || byuṅ gis źes bya ba ni ltuṅ ba byuṅ gis so || chos de źes bya ba ni chos ma yin pa chos kyi sgrar gsuṅs pa de’o || so sor (228b1) ’chags so źes bya ba ni mthol lo źes so || so sor bśags par bya ba ni mthol bar bya ste’o || chos ’di ni so sor bśags par bya ba’o źes bya ba ni chos ’di ni mthol bar bya ba ste || des nas so sor bśags par bya ba’o źes gsuṅs so || de la ltuṅ bar ji (2) ltar ’gyur źe na | dge sloṅ gis dge sloṅ ma ñe du ma yin pa lam po che na ’dug pa bsod sñoms kyi phyir groṅ du ’gro ba las ñe du ma yin par ’du śes pas bca’ ba daṅ | bza’ ba raṅ gi lag gis blaṅs te ’cha’ ’am za na so sor bśags par bya bar ’gyur ro || ñe du ma yin (3) pa la yid gñis za bas bca’ ba daṅ | bza’ ba raṅ gi lag gis blaṅs te ’cha’ ’am za na so sor bśags par bya bar ’gyur ro || dge sloṅ gis dge sloṅ ma ñe du lam po che na ’dug pa bsod sñoms kyi phyir groṅ du ’gro ba las ñe du ma yin par ’du śes pas bca’ ba daṅ (4) bza’ ba raṅ gi lag gis blaṅs te ’cha’ ’am zan ñes byas su ’gyur ro || ñe du la yid gñis za bas bca’ ba daṅ | bza’ ba raṅ gi lag gis blaṅs te ’cha’ ’am za na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | (5) tshor ba dag gis ñen pa ltuṅ ba med do || dge sloṅ ma las zas len pa’i so sor bśags par bya bste daṅ po rdzogs s+ho || || ’dul ba rnam par ’byed pa | bam po brgyad bcu rtsa gcig pa |

[Pratideśanīya 2]
saṅs rgyas bcom ldan ’das mñan yod na rgyal byed kyi tshal (6) mgon med zas sbyin gyi kun dga’ ra ba na bźugs so || de’i tshe na mu ge ñam ṅa ba dgon pa sloṅ mo pas zas rñed par dka’ źiṅ | pha ma dag kyaṅ raṅ gi bu dag la zas sbyin pa daṅ bya bar sems pa dka’ na sloṅ mo pa dag la lta smos kyaṅ ci dgos par byuṅ ṅo || (7) drug sde dag sṅa dro śam thabs bgos lhuṅ bzed daṅ | chos gos thogs te mñan yod du bsod sñoms la źugs pa daṅ | la la nas thob | la la nas ma thob nas de dag bkres pas ñen nas bcu gñis sde dag gi gan du doṅ ba daṅ | de dag gis ’phags (229a1) pa dag bźugs su gsol źes stan dag bśams so || de dag ’khod pa daṅ bcu gñis sde dag gis rkaṅ pa la phyag ’tshal te mdun du ’khod nas smras pa | ’phags pa dag ’tsho’am | sriṅ mo dag ’di na ji ltar ’tsho || kho bo cag bkres pas ñen to || (2) ’phags pa dag gal te de lta na saṅ spyon cig daṅ źal tshus gsol lo || sriṅ mo daṅ saṅ khyed kyis sbyin na gnaṅs sus sbyin | ’phags pa dag bdag cag ñid kyis gsol lo || sriṅ mo dag de ltas ’tsho bar mi nus kyis | ’di ltar saṅs rgyas la sogs pa dge sloṅ gi (3) dge ’dun gaṅ du spyan draṅs pa der khyed cag gsi źal ta gyis la kho bo cag la yaṅ dag yaṅ daṅ yaṅ du byin cig daṅ | de lta na kho bo cag ’tsho bar ’gyur ro || sbom dga’ mos smras pa | ’phags pa dag de ltar bgyir ruṅ ṅam || sriṅ mo dag legs par ruṅ ṅo || śin (4) tu ruṅ ṅo || sus bkag | gaṅ du bkag | des smras pa | ’phags pa dag gal te ruṅ na ma noṅs kyis de bźin bgyi’o || de dag gis a rog gya źes byas te doṅ ṅo || ji tsam na khyim bdag cig gis saṅs rgyas la sogs pa dge sloṅ gi dge ’dun khyim gźan du (5) gdugs tshod la spyan draṅs pa daṅ | dge sloṅ gi dge ’dun ni źugs so || bcom ldan ’das ni rdzas las byuṅ ba na bźugs śiṅ bsod sñoms mṅon par bsgrubs so || saṅs rgyas bcom ldan ’das rnams ni rgyu lṅas rdzas las byuṅ ba na bźugs śiṅ bsod sñoms (6) mṅon par bsgrub par mdzad de | lṅa gaṅ źe na | naṅ du yaṅ dag ’jog bźed pa daṅ | lha rnams la chos ston par bźed pa daṅ | nad pa la lta bar bźed pa daṅ | gnas mal la rtogs par bźed pa daṅ | ’dul ba la ñan thos rnams kyi bslab pa’i gźi bca’ (7) bar bźed pa’o || don ’dir ni saṅs rgyas bcom ldan ’das ’dul ba la ñan thos rnams kyi bslab pa’i gźi ’cha’ bar bźed pas rdzas las byuṅ ba na bźugs śiṅ bsod sñoms mṅon par sgrub par mdzod do || khyim bdag de naṅ mi daṅ bcas pas dge sloṅ gi dge (229b1) ’dun ’khrim par brtsams pa daṅ | sbom dga’ mo rgan pa’i mtha’ logs su ’dug ste | smras pa | khyim bdag ’di ni ’phags pa dga’ bo ste || śākya las rab tu byuṅ ba | sde snod gsum daṅ ldan pa | chos sgrogs pa | rigs pa daṅ grol ba’i spobs pa can yin gyis ’di la (2) yaṅ gsol cig | ’di ni ’phags pa ñe dga’o || ’di ni ’gro mgyogs so || ’di ni nab so’o || ’di ni ’dun pa ste | ’di dag kyaṅ śākya las rab tu byuṅ ba sde snod gsum daṅ ldan pa | chos sgrogs pa | rigs pa daṅ grol ba’i spobs pa can yin gyis ’di dag la yaṅ (3) yaṅ gsol cig | ’di ni ’phags pa ’char ka ste | bram ze mdun na ’don gyi bu rab tu byuṅ ba || sde snod gsum daṅ ldan pa | chos sgrogs pa | rigs pa daṅ grol ba’i spobs pa can yin gyis ’di la yaṅ yaṅ gsol cig | khyim bdag des de bźin du de dag la (4) yaṅ daṅ yaṅ du byin no || de bźin du sbom dga’ mos ’bri ma mkhan dag la yaṅ smras nas | de dag gis kyaṅ de bźin du de dag la yaṅ daṅ yaṅ du byin no || de na dge sloṅ kha cig la ni ’bras can chad || kha cig la ni tshod ma chad || kha cig la ni bca’ ba chad | (5) kha cig la ni bza’ ba chad | kha cig gis ni zas cuṅ zad thob nas zan chad par gyur | kha cig gis ni zan ma thob par zan chad par gyur to || de na dge sloṅ gaṅ dag ’chiṅ ba mtha’ dag yod pa de dag gis khyim bdag de la tho btsams pa | khyim bdag gal te (6) khyod la ’byor pa med na ci’i phyir saṅs rgyas la sogs pa dge sloṅ gi dge ’dun spyan ’dren par byed || des smras pa | ’phags pa dag bdag gis źal zas maṅ po sta gon bgyis na sbom dga’ mo bgres pa’i mtha’ logs su mchis pas bgres pa’i mtha’ logs (7) su ’ba’ źig tu yaṅ dag yaṅ du stobs su stsal bas de la bdag gis ji ltar bgyi źes zer ba’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge (230a1) ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag (2) khyed kyis mi mdzes pa de lta bu de byas pa bden nam || btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa (3) mdzad do|| de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin (4) na|| ṅa’i ñan thos rnams kyis ’dul ba la bslab pa’i gźi ’di ltar gdon par bya ste || dge sloṅ rab tu maṅ po khyim rnams su mgron du bos nas zan za ba’i tshe de na gal te dge sloṅ ma źig ’di la ni bca’ ba byin cig | ’di la ni ’bras chan byin cig | ’di la ni sran tshod byin cig | (5) ’di la ni yaṅ byin cig ces sgo źiṅ ’dug na dge sloṅ ma de la dge sloṅ de rnams kyis ’di skad ces sriṅ mo khyod dge sloṅ zan za ba’i bar du re źig sdod cig ces bsgo bar bya’o || gal te dge sloṅ gcig gis kyaṅ dge sloṅ ma de la de skad smra ma spobs nas dge sloṅ de dag thams cad (6) kyis phyi rol kun dga’i ra bar doṅ ste | dge sloṅ rnams la tshe daṅ ldan pa dag bdag cag la smad pa’i gnas mi rigs pa so sor bśags par bya ba byuṅ gis chos de so sor ’chags so źes so sor bśags par bya ste | chos ’di yaṅ so sor bśags par bya ba’o || dge (7) sloṅ rab tu maṅ po źes bya ba ni mñis las lhag pa ni rab tu maṅ po’o || khyim rnams su źes bya ba ni bram ze daṅ | khyim bdag gi khyim rnams su’o || mgron du bos nas źes bya ba ni zan gyi phyir ro || zan za ba’i tshe źes bya ba ni bca’ ba lṅa daṅ | bza’ ba lṅa dag go | (230b1) de la gal te dge sloṅ ma źig ces bya ba ni sbom dga’ mo’am | gźan yaṅ de lta bu gaṅ yin pa’o || dge sloṅ ma de la źes bya ba ni sbom dga’ mo’am || gźan yaṅ de lta bu gaṅ yin pa la’o || dge sloṅ de rnams kyis źes bya ba ni de na dge sloṅ gaṅ dag ’khod pa rnams (2) kyis so || ’di skad ces źes bya ba ni ’di skad ces bsgo bar bya ba’o || sriṅ mo khyod dge sloṅ rnams zan za ba’i bar du re źig sdod cig ces bsgo bar bya’o źes bya ba ni sriṅ mo khyod dge sloṅ rnams zan za ba’i bar du re źig yud tsam źig kha rog par sdod cig ces brjod par bya (3) ba’o|| gal te dge sloṅ gcig gis kyaṅ dge sloṅ ma de la de skad smra ma spobs na źes bya ba ni gal te dge sloṅ gcig gis kyaṅ dge sloṅ ma de la de skad ma smras na’o || dge sloṅ de dag thams cad kyis źes bya ba ni de na dge sloṅ gaṅ dag ’khod pa de dag thams cad kyis so || phyi (4) rol kun dga’ ra bar doṅ ste źes bya ba ni groṅ gi phyi rol gtsug lag khaṅ du dod ste’o || dge sloṅ rnams la tshe daṅ ldan pa dag bdag cag la smad pa’i gnas źes bya ba ni smad par bya ba ba’o || mi rigs pa źes bya ba ni tshul daṅ mi mthun pa’o || so sor bśags par bya ba źes bya ba ni (5) mthol bar bya ba’o || byuṅ gis źes bya ba ni ltuṅ ba byuṅ gis so || chos de źes bya ba ni chos ma yin pa chos kyi sgrar gsuṅs pa de’o || so sor ’chags so źes bya ba ni mthol lo źes bya ba’o || so sor bśags par bya ste źes bya ba ni mthol bar bya ste’o || chos ’di yaṅ so (6) sor bśags par bya ba’o źes bya ba ni chos ’di yaṅ mthol bar bya ste | des na so sor bśags par bya ba’o źes gsuṅs so || de la ltuṅ bar ji ltar ’gyur źe na || dge sloṅ rnams khaṅ dog na zan za źiṅ gźan dag par khaṅ na zan za ba’i tshe de na gal te dge sloṅ ma źig sgo (7) źiṅ ’dug na dge sloṅ de dag gis dge sloṅ ma de la bsgo bar bya’o || ma bsgo bar za na so sor bśags par bya bar ’gyur ro || gaṅ dag bar khad na za ba de dag gis dge sloṅ ma de la bsgo ’am źes dri bar bya’o || ma dris par za na ñes byas su ’gyur ro || dge sloṅ rnams (231a1) ’og khaṅ na zan za źiṅ gźan dag sgo khaṅ na zan za ba’i tshe de na gal te dge sloṅ ma źig bsgo źiṅ ’dug na dge sloṅ de dag gis dge sloṅ ma de la bsgo bar bya’o || ma bsgo bar zan so sor bśags par bya bar ’gyur ro || gaṅ dag sgo khaṅ na za ba de dag gis (2) dge sloṅ ma de la bsgo’am źes dri bar bya’o || ma dris par zos na ñes byas su ’gyur ro | dge sloṅ kha cig zos te phyir ’byuṅ źiṅ gźan ṅag naṅ du ’jug na de na gaṅ dag naṅ du ’jug pa de dag gis dge sloṅ ma de la bsgo’am źes dri bar bya’o || ma dris par zan ñes byas (3) su ’gyur ro || de’i ṅor mgron du bos pa daṅ | yaṅ dag par ’dzin du ’jug pa la ltuṅ ba med do || byug ris ston pa daṅ | ma byin pa la sbyin du ’jug pa la ltuṅ ba med do || las daṅ po pa daṅ | smyos pa daṅ | sems ’khrug pa daṅ | tshor ba dag gis ñen (4) pa la ltuṅ ba med do || gral rims su ma phebs par ’brim du ’jug pa ma bzlog par za ba’i so sor bśags par bya ba ste gñis pa rdzogs s+ho || ||

[Pratideśanīya 3]
saṅs rgyas bcom ldan ’das yaṅs pa can na spre’u rdziṅ gi ’gram khaṅ pa brtsegs pa’i khaṅ bzaṅs na (5) bźugs so || gaṅ gi tshe dmag dpon seṅ ges bcom ldan ’das kyi spyan sṅa nas bden pa dag mthoṅ ba de’i tshe des cha gcig bzuṅ nas ’di ltar khyu mchog rlabs po che’i tshig smras śiṅ ’khor gyi naṅ du seṅ ge’i sgra yaṅ dag par bsgrags te || deṅ phyin cad gtser bu pa (6) dag daṅ | gcer bu ma dag daṅ | gcer bu pa’i ñan thos dag daṅ || gcer bu pa’i ñan thos ma dag gi sgo ni bcad || bcom ldan ’das kyi ñan thos dge sloṅ dag daṅ | dge sloṅ ma dag daṅ | dge bsñen dag daṅ | dge bsñen ma dag gi sgo ni phye’o źes (7) bsgrags śiṅ źiṅ las kyi mtha’ dag kyaṅ kha na ma tho ba daṅ bcas pa yin no źes yoṅs su btaṅ ṅo || de dad pa daṅ ldan źiṅ bzaṅ la dge ba’i bsam pa can te | des saṅs rgyas sam | chos sam || dge ’dun nam | yid du ’thad pa’i dge sloṅ rnams (231b1) la ma phul la ba’am | yoṅs su ma btaṅ ba ci yaṅ med de | des de ltar phul źiṅ yoṅs spyod srabs śiṅ yoṅs su zad de || yoṅs su mthar thug par gyur to || de’i skabs su tshe daṅ ldan pa śā ri’i bu daṅ || maud gal gyi bu chen po gñis ljoṅs (2) rgyu źiṅ ’doṅ ba na yaṅs pa can du phyin nas dmag dpon seṅ ges de gñis khyim gźan du zan la mgron du bos nas de de gñis kyi zan sbyar ba’i phyir bdag ñid sraṅ du soṅ ba daṅ gcer bu pa dag gis mthoṅ nas | de dag śes ldan dag gaṅ gi tshe dmag dpon seṅ ge bdag cag la (3) mṅon par dad pa de’i tshe na ’di’i thams cad phun sum tshogs par gyur na | da ltar śākya ’i bu’i dge sbyoṅ ṅag la mṅon par dad pas ’di la bcaṅ yaṅ med bzag yaṅ med de bdag ñid khyim gyi las byed do źes smod pa la źugs pa’i skabs de dge sloṅ rnams kyis bcom ldan ’das (4) la gsol pa daṅ | bcom ldan ’das kyis bka’ stsal pa | dge sloṅ dag khyed kyis dmag dpon seṅ ge daṅ gźan yaṅ de lta bu gaṅ yin pa la bslab pa’i sdom pa byin cig | ’di ltar sbyin par bya ste || gnas mal bśam pa byas nas | gaṇ+ḍī brduṅs te dris pa’i tshig (5) gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa la dge sloṅ gcig gis gsol ba ’ba’ źig gi las bya ste || dge ’dun btsun pa rnams gsan du gsol | dmag dpon seṅ ge ni dad pa daṅ ldan źiṅ bzaṅ la dge ba’i bsam pa (6) can te || des saṅs rgyas sam | chos sam || dge ’dun nam | yid du ’thad pa’i dge sloṅ rnams la ma phul ba’am | yoṅs su ma btaṅ ba ci yaṅ ma mchis te | des de ltar phul źiṅ yoṅs su btaṅ bas loṅs spyod srabs śiṅ yoṅs su bas te yoṅs su mthar thug na | (7) gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dmag dpon seṅ ge la bslab pa’i sdom pa stsol to || ’di ni gsol ba’o || dge ’dun gyis gaṅ la bslab pa’i sdom pa byin pa der dge sloṅ gis khyim du ’gro bar (232a1) mi bya || stan la loṅs spyad par mi bya | bsod sñoms bza’ bar mi bya | chos bstan par mi bya’o || bcom ldan ’das kyis gaṅ la dge ’dun gyis bslab pa’i sdom pa byin pa der dge sloṅ gis khyim du ’gro bar mi bya | stan la loṅs spyad par mi bya | bsod sñoms (2) bza’ bar mi bya | chos bstan par mi bya’o źes bka’ stsal nas | tshe daṅ ldan pa śā ri’i bu daṅ || maud gal gyi bu gñis sṅar mgron du bos pa yaṅ de’i khyim du ma doṅ ṅo || de nas dmag dpon seṅ ges kha zas sta gon byas nas | tshe daṅ ldan pa śā ri’i bu daṅ | mo.oda gal gyi bu (3) chen po gñis ga la ba der soṅ ste phyin nas | tshe daṅ ldan pa śā ri’i bu daṅ | maud gal gyi bu gñis kyi rkaṅ pa la mgo bos phyag ’tshal te ’di skad ces smras so || ’phags pa gñis gdugs tshod g-yar dgoṅs ’tshal na da de’i dus la bab par dgoṅs su gsol || de gñis kyis (4) smras pa | khyim bdag khyod la dge ’dun gyis bslab pa’i sdom pa byin gyis mi ’gro’o || des smras pa | ’phags pa gñis bdag gis khyed gñis sṅar spyan draṅs kyis gśegs su gsol || de gñis smras pa | khyim bdag ’o na bcom ldan ’das la źu’o (5) źes de gñis kyis skabs de bcom ldan ’das la rgyas par gsol pa daṅ | bcom ldan ’das kyis bka’ stsal pa | sṅar mgron du bos pa gaṅ yin pa des bza’ bar bya ste ’di la ’gyod par mi bya’o || de gñis dmag dpon seṅ ge’i khyim du ’phags pa daṅ | drug (6) sde dag gis de gñis mthoṅ nas | de dag gis smras pa | khyod gñis gar bźud || dmag dpon seṅ ge’i khyim du’o || de la dge ’dun gyis bslab pa’i sdom pa ma byin nam | gaṅ la byin pa de la byin gyis kho bo cag gñis sṅar mgron du bos so || gal te de lta (7) na kho bo cag ches sṅar mgron du bos te | gaṅ gi tshe dmag dpon seṅ ges bcom ldan ’das kyis spyan sṅa nas bden pa dag mthoṅ ba de’i tshe na | des cha gcig bzuṅ nas || ’di ltar khyu mchog rlabs po che’i tshig smras śiṅ ’khor gyi naṅ du seṅ ge’i sgra yaṅ dag par bsgrags (232b1) te|| deṅ phyin cad gcer bu pa dag daṅ | gcer bu ma dag daṅ | gcer bu pa’i ñan thos dag daṅ | gcer bu ma’i ñan thos ma dag gi sgo ni bcad do || bcom ldan ’das kyi ñan thos dge sloṅ dag daṅ | dge sloṅ ma dag daṅ | dge bsñen dag daṅ | dge bsñen ma dag gi (2) sgo ni phye’o źes bsgrags pas de’i phyir kho bo cag ces sṅar mgron du bos so || de gñis caṅ mi smra bar doṅ ba daṅ de dag kyaṅ de gñis kyi phyi bźin phyi bźin du rjes su ’braṅ ba na dmag dpon seṅ ges dge sloṅ rab tu maṅ po dag ’oṅ ba mthoṅ nas mchog tu dga’ ba bskyed (3) de khyim mi la dgos pa gaṅ dag yin pa de dag kyaṅ dge sloṅ rnams la brims so || de dag gis zos te doṅ ba daṅ de’i bu dag gis zas bslaṅ bar brtsams pa na des smras pa | bu dag khyim mi la dgos pa gaṅ yin pa de dag kyaṅ dge sloṅ rnams la brims kyis gźan sgrub kyi bar (4) du re źig sdod cig | de dag gis ṅu bar brtsams pa thos nas dge sloṅ don ñuṅ du dag ci’i phyir dge sloṅ dag slob pa dag gi khyim gaṅ dag dge ’dun gyi bslab pa’i sdom pas bsdams pa dag tu sṅar mgron du ma bos paRa doṅ ste raṅ gi lag gis bca’ ba daṅ | bza’ ba blaṅs (5) nas ’cha’ bar byed || za bar byed ces smod par byed | phyar ka gtoṅ bar byed || kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byukaṅa ba ’di daṅ gleṅ gźi ’di daṅ || skabs ’di la dge sloṅ gi dge (6) ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis drug sde dag la rmas pa | dge sloṅ dag khyed slob pa dag (7) gi khyim gaṅ dag dge ’dun gyi bslab pa’i sdom pas bsdams pa de dag tu sṅar mgron du ma bos par doṅ ste | raṅ gi lag gis bca’ ba daṅ | bza’ ba blaṅs nas ’cha’ źiṅ za ba bden nam | btsun pa mad do || saṅs rgyas bcom ldan ’das kyis dge sbyoṅ gi (233a1) tshul ma yin pa || rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ (2) stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thon rnams kyis ’dul ba la bslab pa’i gźi ’di ltar gdon par bya ste | slob pa dag (3) gi khyim gaṅ dag dge ’dun gyi bslab pa’i sdom pas bsdams par gyur la | yaṅ dge sloṅ gaṅ slob pa dag gi khyim gaṅ dag dge ’dun gyi bslab pa’i sdom pas bsdams pa de lta bu dag tu sṅar mgron du ma bos par soṅ ste raṅ gi lag gis bca’ ba daṅ | bza’ pa blaṅs nas (4) ’cha’ ’am za na dge sloṅ des phyi rol kun dga’i ra bar soṅ ste | dge sloṅ rnams la tshe daṅ ldan pa dag bdag la smad pa’i gnas mi rigs pa so sor bśags par bya ba byuṅ gis chos de so sor ’chags so źes so sor bśags par bya ste || chos ’di yaṅ so sor bśags par bya (5) ba’o|| gaṅ gi tshe bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad pa de’i tshe na dge sloṅ ’ga’ yaṅ dmag dpon seṅ ge’i khyim du mi ’gro’o || de nas dmag dpon seṅ ge’i chuṅ mas dmag dpon seṅ ge’i chuṅ mas dmag dpon seṅ ge la ’di skad ces (6) smras so || rje’i sras mkhyen par mdzod cig | dge ’dun gyis skol cag la bslab pa’i sdom pa stsal nas | dge sloṅ ’ga’ yaṅ mi mchi bas don gyis na dge ’dun gyis tshul śiṅ gis dge sloṅ rnams kyi bśos śin tu bkag kyaṅ gdan gyi loṅs spyod daṅ | chos (7) ston pa la noṅs pa ci mchis źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ dag gis dmag dpon seṅ ge’i khyim du ’gro bar bya || stan la loṅs spyad par bya || chos bstan (233b1) par bya źiṅ bsod sñoms blaṅ bar ni mi bya’o || dge sloṅ dag lhuṅ bzed stoṅ pa kho nas daṅ por de’i khyim du ’jug ciṅ ’byuṅ nas | dmag dpon seṅ ge’i chuṅ mas de mthoṅ ba daṅ | sṅon ni ’phags pa ’di dag lhuṅ bzed stoṅ pa kho nas daṅ por bdag gi khyim du źugs nas lhuṅ (2) bzed gaṅ ba daṅ lag pa gaṅ ba dag gis ’byuṅ na | da ni lhuṅ bzed stoṅ pa daṅ lag pa stoṅ bdag gis ’byuṅ ṅo źes du bar brtsams pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ dag (3) gis lhuṅ bzed stoṅ pa kho nas daṅ por de’i khyim du ’jug par mi bya’o || dge sloṅ dag gis bsod sñoms brgyus nas lhuṅ bzed gaṅ bas de’i khyim du ’jug par brtsams pa daṅ | de’i bu byis pa khye’u dag bca’ ba dag sloṅ ba na dge sloṅ rnams kyis ma byin nas | bcom ldan (4) ’das kyis bka’ stsal pa | sbyin par bya’o || dge sloṅ dag gis ril por sbyin bar brtsams pa daṅ | byis pa khye’u dag gis blaṅs nas ’cha’ źiṅ phyir byuṅ ba gcer bu pa dag gis mthoṅ nas | dris pa khye’u dag khyed cag gis bca’ ba ga las rñed || ’phags pa dag (5) gis byin no || ma ñes so bum pas bum pa ’geṅs te || khyed kyaṅ de dag la sbyin la | de dag kyaṅ khyed la sbyin no źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ dag gis (6) bca’ bar ril por mi sbyin bar dum bur byas te sbyin par bya’o || ji tsam dus gźan źig na dmag dpon seṅ ge’i chuṅ mas dge sloṅ ’oṅs pa rnams la ga gon daṅ la phug la sogs pa ’bras bu daṅ | rtsa ba dag daṅ | ldam ldum la sogs pa tshod ma dag phul ba daṅ | dge (7) sloṅ dag mi len nas des smras pa | ’phags pa dag ’di dag gis bdag cag gi mdzod daṅ | baṅ ba dag bas par ’gyur ram ci bźes śig ces zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | (234a1) de lta bas nas dge sloṅ dag gis ga gon daṅ la phug la sogs pa ’bras bu daṅ | rtsa ba dag daṅ | ldam ldum la sogs pa tshod ma khyim nas ’byuṅ ba blaṅ bar bya’o || de’i tshe na yaṅs pa can gyi lits+tsha bī dag dpoṅ sa’i khaṅ pa na gtam ’dre źiṅ ’khod pa de dag gis (2) dge sloṅ de dag dmag dpon seṅ ge’i khyim nas byuṅ ba mthoṅ nas de na gaṅ dag ma dad pa de dag gis smras pa | śes ldan dag gaṅ gi tshe dmag dpon seṅ ge dge sbyoṅ go.o ta ma la mṅon par dad par gyur pa de tshun chad nas de’i loṅs spyod dag srabs pa daṅ | yoṅs su zad pa daṅ | (3) yoṅs su gtugs par gyur to || dad pa can dag gis smras pa | śes ldan dag gaṅ bcom ldan ’das la mṅon par dad pa de’i loṅs spyod dag srabs pa daṅ | yoṅs su zad pa daṅ | yoṅs su gtugs par ga la ’gyur | ’di ltar dmag dpon seṅ ges ni bcom ldan (4) ’das kyi spyan sṅa nas bden pa dag mthoṅ nas de’i źiṅ las kyi mtha’ dag kha na ma tho ba daṅ bcas pa yin no źes rgyun bcad pas des na de’i loṅs spyod dag srabs pa daṅ | yoṅs su zad pa daṅ | yoṅs su gtugs par gyur to || yaṅs pa can gyi lits+tsha bī dag gis gros byas (5) nas | dmag dpon seṅ ge’i źiṅ pa dag la smras pa | śes ldan dag khyed ci’i phyir dmag dpon seṅ ge’i źiṅ las kyi mtha’ dag mi byed || gla ma thob bam ci || de dag gis smras pa | śes ldan dag gla ma thob pa ma yin te | dmag dpon gyis bdag cag bkag na ji ltar (6) bya | khyed cag la tshogs kyis bsgos | deṅ la dmag dpon gyi źiṅ las kyi mtha’ dag gyis śig | de dag gis yaṅs pa can gyi lits+tsha bī dag gi tshig gis dmag dpon seṅ ge’i źiṅ las kyi mtha’ dag bya bar brtsams pa daṅ | lhas dus su char gyi rgyun legs par phab nas (7) lo tog gi ’byor pa chen po skyes par gyur to || dmag dpon seṅ ge yaṅ loṅs spyod dag gis mtho bar gyur nas de bcom ldan ’das gal ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ (234b1) gcig tu ’dug nas bcom ldan ’das la dmag dpon seṅ ges ’di skad ces gsol to || btsun pa sṅon bdag gi loṅs spyod dag srabs pa daṅ | yoṅs su bas pa daṅ | yoṅs su gtugs par gyur nas dge ’dun don bźed pa | phan pa bźed pa bdag la bslab (2) ba’i sdom pa stsal na | da ni yaṅs pa can gyi lits+tsha bī’i tshogs kyis bdag gi loṅs spyod bsgrubs nas loṅs spyod dag ’phel bar gyur na || bcom ldan ’das kyis thugs brtse ba’i slad du bdag la bslab pa’i sdom pa gźig pa mdzad na legs so || bcom ldan ’das (3) kyis dmag dpon seṅ ge la caṅ mi gsuṅ bas gnaṅ ṅo || de nas dmag dpon seṅ ges bcom ldan ’das kyis caṅ mi gsuṅ bas gnaṅ bar rig nas bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de (4) nas bcom ldan ’das kyis dge sloṅ rnams la bka’ stsal pa | dge sloṅ dag dmag dpon seṅ ge daṅ gźan yaṅ de lta bu gaṅ yin pa’i bslab pa’i sdom pa gźig par bya’o ’di ltar gźig par bya ste || gnas mal bśam pa byas nas gaṇ+ḍī brduṅs te dris pa’i tshig gis (5) dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa na dmag dpon seṅ ges phyag byas te rgan pa’i mtha’ logs su tsog tsog por ’dug nas thal mo sbyar te ’di skad ces brjod par bya’o || dge ’dun btsun pa rnams gsan du (6) gsol | bdag dmag dpon seṅ ge dad pa daṅ ldan źig bzaṅ la dge ba’i bsam pa can te || bdag gis ’di lta ste || saṅs rgyas sam | chos sam | dge ’dun nam | yid du ’thad pa’i dge sloṅ rnams la ma phul ba’am | yoṅs su ma btaṅ ba ci (7) yaṅ ma mchis te || bdag gis de ltar phul źiṅ de ltar yoṅs su btaṅ bas loṅs spyod srabs śiṅ yoṅs su bas te yoṅs su mthar thug nas dge ’dun don bźed pa | phan pa bźed pas bdag la bslab pa’i sdom pa stsal ba las bdag dmag dpon seṅ ge yaṅ (235a1) loṅs spyod ’phel nas || bdag dmag dpon seṅ ge bslab pa’i sdom pa stsal ba | bslab pa’i sdom pa gźig par gsol na || thugs brtse ba can dge ’dun btsun pa rnams kyis thugs brtse ba’i slad du bdag la bslab pa’i sdom pa gźig pa stsal du (2) gsol || de skad lan gñis lan gsum du bzlas so || de nas dmag dpon seṅ ge thos pa’i ñen kor nas bkar te mthoṅ ba’i ñen kor du bźag nas dge sloṅ gcig gis gsol ba ’ba’ źig gi las bya’o || dge ’dun btsun pa rnams gsan du gsol || dmag dpon (3) seṅ ge de ni dad pa daṅ ldan źiṅ bzaṅ la dge pa’i bsam pa can te || des saṅs rgyas sam | chos sam | dge ’dun nam | yid du ’thad pa’i dge sloṅ rnams la ma phul ba’am | yoṅs su ma btaṅ ba ci yaṅ ma mchis te || des de ltar phul źiṅ yoṅs su btaṅ bas (4) loṅs spyod srabs śiṅ yoṅs su bas te yoṅs su mthar thug nas de la dge ’dun don bźed pa | phan pa bźed pas bslab pa’i sdom pa stsal ba las dmag dpon seṅ ge de yaṅ loṅs spyod ’phel te || dmag dpon seṅ ge bslab pa’i sdom pa stsal ba dge ’dun las sdom pa gźig (5) bar gsol na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ | dge ’dun gyis dmag dpon seṅ ge la bslab pa’i sdom pa gźig pa mdzad do || ’di ni gsol ba’o || dge ’dun gyis gaṅ la bslab pa’i sdom pa bśig pa der (6) dge sloṅ rnams kyis ’gro bar bya | stan la loṅs spyad par bya | bsod sñoms blaṅ bar bya || chos bstan par bya’o || slob pa dag gi źes bya ba la | slob pa dag ces bya ba ni rgyun du źugs pa dag daṅ | lan gcig phyir ’oṅ ba dag daṅ | phyir mi ’oṅ ba dag go | khyim gaṅ (7) dag ces bya ba ni bram ze daṅ | khyim bdag gi khyim dag go || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || bslab pa’i sdom pas bsdams par gyur la źes bya ba ni gsol ba’i las kyis so || yaṅ dge sloṅ gaṅ źes bya ba ni drug (235b1) sde’am | gźan yaṅ de lta bu gaṅ yin pa’o || slob pa dag gi khyim gaṅ dag dge ’dun gyi bslab pa’i sdom pas bsdams pa de lta bu dag tu źes bya ba ni ji skad bstan pa lta bu dag tu’o || sṅaRa mgron du ma bos par źes bya ba ni sṅar ma bstabs par ro || soṅ ste źes bya ba ni (2) soṅ nas so || raṅ gi lag gis źes bya ba ni lag pas lag par ro || bca’ ba daṅ bza’ ba źes bya ba ni bca’ ba lṅa daṅ bza’ ba lṅa’o || blaṅs na źes bya ba ni byin len stobs su bcug nas so || ’cha’ ’am za na źes bya ba ni mgul du mid na’o || dge sloṅ des (3) źes bya ba ni dge sloṅ gaṅ yin pa des so || phyi rol kun dga’ ra bar soṅ ste źes bya ba ni groṅ gi phyi rol gtsug lag khaṅ du soṅ ste’o || dge sloṅ rnams la źes bya ba ni de na dge sloṅ gaṅ dag ’khod pa rnams la’o || tshe daṅ ldan pa dag bdag la smad pa’i gnas źes bya ba (4) ni smad par bya ba’o || mi rigs pa źes bya ba ni tshul daṅ mi mthun pa’o || so sor bśags par bya ba źes bya ba ni mthol bar bya ba’o || byuṅ gis źes bya ba ni ltuṅ ba byuṅ gis so || chos de źes bya ba ni chos ma yin pa chos kyi sgrar gsuṅs pa de’o || so sor ’chags so źes (5) bya ba ni mthol lo źes so || so sor bśags par bya ste źes bya ba ni me thol bar bya ste’o || chos ’di yaṅ so sor bśags par bya ba ni chos ’di yaṅ mthol bar bya ba ste || des nas so sor bśags par bya ba’o źes gsuṅs so || de la ltuṅ bar ji ltar ’gyur źe (6) na | dge sloṅ gis ji tsam cuṅ zad slob pa dag gis khyim gaṅ dag dge ’dun gyi bslab pa’i sdom pas bsdams pa de lta bu dag tu sṅar mgron du ma bos paRa soṅ ste raṅ gis bca’ ba daṅ bza’ ba blaṅs nas ’cha’ ’am zan thams cad du so sor bśags par bya bar (7) ’gyur ro | sṅar mgron du bos pa la ltuṅ ba med do || smyos pa daṅ sems ’khrugs pa daṅ | tshor ba dag gis ñen pa la ltuṅ ba med do || bslab pa dral te khyim du ’jug pa’i so sor bśags par bya ba ste gsum pa rdzogs s+ho || ||

[Pratideśanīya 4]
saṅs (236a1) rgyas bcom ldan ’das ser skya’i gnas na ser skya’i gnas kyi nags su dbyar gnas par źal gyis bźes so || bcom ldan ’das kyis dge sloṅ rnams kyis źag bdun nam brgyad na dgag dbye ’byuṅ bar ’gyur ba na spyod yul gyi groṅ du źag ’di sñed na dgag (2) dbye ’byuṅ bar ’gyur ro || źes brjod par bya’o źes bka’ stsal nas dge sloṅ rnams doṅ ste brjod do || de nas ser skya’i gnas na gnas pa’i śākya dag de gñis kyi dgag dbye bcwa lṅa pa la bcom ldan ’das ga la ba der doṅ ste phyin nas bcom ldan ’das kyi źabs gñis (3) la mgo bos phyag ’tshal te mtha’ gcig tu ’khod do || mtha’ gcig tu ’khod nas bcom ldan ’das ser skya’i gnas na gnas pa’i śākya rnams la chos daṅ ldan pa’i bka’ mchid kyis yaṅ dag par ston par mdzad || yaṅ dag par ’dzin du ’jug par mdzad | yaṅ (4) dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad (5) nas caṅ mi gsuṅ ṅo || de nas sar skya’i gnas na gnas pa’i śākya rnams kyis bka’ stsal pa la mṅon par dga’ ba daṅ rjes su yi raṅ ba byas nas bcom ldan ’das la ’di skad ces gsol to || bcom ldan ’das dge sloṅ gi dge ’dun (6) daṅ bcas pas saṅ ’di ñid du bdag cag gi gdugs tshod gsol bar ci gnaṅ | saṅ dge sloṅ ’gas kyaṅ bsod sñoms la ’jug par mi bgyi ste | bdag cag bsod sñoms ’tshal te mchi źiṅ | bcom ldan ’das ñan thos kyi dge ’dun daṅ bcas pa la raṅ gi sug (7) nas tshim źiṅ stobs par bgyid do || bcom ldan ’das kyis ser skya’i gnas na gnas pa’i śākya rnams la caṅ mi gsuṅ bas gnaṅ ṅo || de nas ser skya’i gnas na gnas pa’i śākya rnams kyis bcom ldan ’das kyis caṅ mi gsuṅ bas gnaṅ bar rig (236b1) nas bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas doṅ ṅo || de dag gis ser skya’i gnas su doṅ ste || de ñid kyi mtshan mo bca’ ba daṅ bza’ ba gtsaṅ źiṅ bsod pa dag sta gon byas nas de nas naṅ par sṅar laṅs te (2) bca’ ba daṅ bza’ ba dag gis śiṅ rta dag bkaṅ nas śākya mo rnams la smras pa | khyed cag je śiṅ rta dag źon la deṅs śig daṅ kho bo cag kyaṅ phyi bźin ’oṅ ṅo || de nas de dag rgyan thams cad kyis brgyan te śiṅ rta dag la źon nas ’phags so || ser skya’i gnas kyi (3) ñen kor thibs po yin pas de dag lam kar chom rkun pa dag gis mthoṅ nas de dag gis smras pa | śes ldan dag śākya mo rgyan thams cad kyis brgyan pa ’di dag ’doṅ gis tshur śeg gźom mo || chom rkun pa’i dmag dpon gyis smras pa | śes ldan dag ’doṅ du (4) zad mod khyed cag la ’di dag bcom pas ci bya | śākya gdug pa pha rol gnon pa dag gnon pa byed par ’gyur gyis thoṅ śig | dmag dpon zla ba’i rgyab sus mthoṅ | gźom mo źes de dag gis de’i tshig tshig ma yin par byas te de dag bcom (5) nas | gos daṅ rgyan thams cad phrogs te doṅ ṅo || śākya mo de dag kyaṅ ’jigs śiṅ skrag nas sgren mor tshaṅ tshiṅ daṅ nags ma dag gi naṅ du yib ste ’khod do || śiṅ rta ded bdag kyaṅ skrag nas byer ro || glaṅ dag kyaṅ chu dag bcad nas ci dgar yan ciṅ ’khod do || (6) śiṅ rta dag kyaṅ śiṅ rta’i mda’ daṅ bral te ’dug go || drug sde dag gis phan tsun gros bya bar brtsams pa | dga’ bo ñe dga’ śākya bag med pa dag yun riṅ du thogs pas bdag cag gis zan gcad par bya ’am ci | bsod sñoms la ’doṅ ṅo || de ltar bya’o źes (7) de dag lhuṅ bzed daṅ chos gos thogs te ’phags pa daṅ | ji tsam na lam ka na śiṅ rta bca’ ba daṅ | bza’ bas gaṅ ba śiṅ rta’i mda’ daṅ bral ba dag ’dug pa daṅ | glaṅ dag chu dag bcad de ci dgar yan ciṅ ’khod pa dag mthoṅ nas de dag gis phan tshun rnam par (237a1) bltas nas bod par brtsams pa | śes ldan dag ’di na su ’khod || de dag gis skad phyuṅ ba daṅ | drug sde dag gis smras pa khyed cag su yin | ’phags pa dag bdag cag śākya mo dag go tshur śeg kho bo cag la khrims śig | ’phags pa dag bdag cag (2) chom rkun pa dag gis bcom ste sgren mor mchis so || kho bo cag gdugs tshod yol gyis tshur śeg khyed cag gi yan lag daṅ ñiṅ lag dag las kho bo cag gis sṅon ma mthoṅ ba gaṅ yod tshur śeg de dag lo ma dag gis g-yogs te byuṅ nas brim par brtsams pa daṅ | drug (3) sde dag gis smras pa | dga’ bo ñe dga’ ltos śig śākya mo ’di dag gi mig ci ’dra | sna ci ’dra mchu ci ’dra lag pa ci ’dra rked pa ci ’dra || rkaṅ pa ci ’dra ltos śig | de dag de ltar gtses pa na ṅo tsha nas tshaṅ tshiṅ daṅ nags ma de dag ñid kyi naṅ du yib ste ’khod (4) do|| bsel ba dag gis śākya rnams la śākya mo rnams bcom mo źas sbran pa daṅ | de nas śākya dag mada’aga gźu lag na thogs śiṅ mtshon gzas pa dag gis lam kar doṅ ste | lam bgags nas de dag gis chom rkun pa de dag bzuṅ ṅo || de na kha cig gis smras pa | (5) ’di dag la btaṅ sñoms byar ci yod gsad do kha cig gis smras pa | re źig der khrid la śākya mo rnams la dris te | gaṅ la yan lag gaṅ gis ñes pa byas pa de’i de gcad par bya’o || de dag gis de dag khrid nas śākya mo rnams kyi gan du doṅ ste smras pa | tshur śeg chom (6) rkun pa ’di dag las gaṅ gis khyed cag la yan lag gaṅ gis ñes pa byas pa smros śig | de dag gis smras pa | chom rkun pa’i dmag dpon ’di ni ñes pa med pa gnod pa mi byed pa yin te | ’dis de dag bzlog na de dag ma btub pas ’di ni thoṅ śig | de dag (7) gis de btaṅ ṅo de srog de’u chad pa las phyir thob nas des de dag gi rkaṅ pa la gtugs te smras pa | śes ldan dag khyed cag dad pa skyes te | saṅs rgyas la sogs pa dge sloṅ gi dge ’dun gdugs tshod gsol du ’gro ba yin na ’di ṅag bsad pas khyed la ci bya (237b1) ñes pa byed pa ’di dag kyaṅ btaṅ bar gsol || de dag gis de dag las bcom pa’i rdzas dag phyir bkug ste btaṅ ṅo || de nas śākya de dag gis śākya mo de dag gos bskon ciṅ rgyan thogs su bcug nas śiṅ rta dag kyaṅ chu dag btags te śiṅ rta la źon nas bcom ldan ’das kyi (2) spyan sṅar doṅ ṅo || bcom ldan ’das dge sloṅ gi dge ’dun gyi goṅ du gdan bśams pa ñid la bźugs pa daṅ || śākya daṅ śākya mo rnams kyis saṅs rgyas la sogs pa dge sloṅ gi dge ’dun la brim par brtsams so || śākya mo rnams drug sde dag la zas mi sbyin nas (3) śākya rnams kyis smras pa | ci’i phyir ’phags pa dag la źal zas mi gsol | de dag gis smras pa | ’di dag gis zos zin to || gaṅ du gsol || de ñid du’o sus brims || kho mo cag gis so || khyed cag sgren mo dag gis ji ltar brims || de’i phyir ’di dag gis (4) kho mo cag to btsams te ji ltar kho mo cag lo ma dag gis g-yogs te tshaṅ tshiṅ daṅ nags ma dag gi naṅ nas byuṅ ste brim par bartsasama pa daṅ | ’di dag gis tho btsams te ’di ltar brjod par bya ba maṅ du yod do || de ni mjal gyis ’di dag ni gnas ṅan len kun du spyod (5) pa yin gyis ’di dag la zas mi sbyin no || de dag caṅ mi smra bar ’khod do || de nas de dag gis dge sloṅ gi dge ’dun la brims nas smras pa | ’phags pa dag kye ma khyed kyis lam ’di ’jigs pa daṅ bcas pa yin no źes bka’ stsal na bdag cag bag bgyid ciṅ (6) mchi’o źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na dge sloṅ nags ñul ba bsko bar bya ste || dge sloṅ nags ñul ba chos lṅa daṅ ldan pa ni ma bskos pa yaṅ bsko bar mi (7) bya la | bskos pa yaṅ dbyuṅ bar bya ste || lṅa gaṅ źe na ’dun pas ’gro ba daṅ źe sdaṅ gis ’gro ba daṅ gti mug gis ’gro ba daṅ | ’jigs pas ’gro ba daṅ | nags byul ba daṅ ma byul ba mi śes pa’o || nags ñul ba chos lṅa daṅ ldan pa ni ma bskos pa yaṅ (238a1) bsko bar bya la | bskos pa yaṅ dbyuṅ bar mi bya ste || lṅa gaṅ źe na ’dun pas mi ’gro ba daṅ | źe sdaṅ gis mi ’gro ba daṅ | gti mug gis mi ’gro ba daṅ | ’jigs pas mi ’gro ba daṅ | nags byul ba daṅ ma byul ba śes pa’o || ’di ltar bsko (2) bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa na je daṅ por spro bar bya ste || miṅ ’di źes bya ba khyod dge ’dun gyi nags ñul bar spro’am | (3) gal te spron des spro’o źes brjod par bya’o || de nas dge sloṅ gcig gis gsol ba byas te las bya’o || dge ’dun btsun pa rnams gsan du gsol | dge sloṅ miṅ ’di źes bgyi ba ’di dge ’dun gyi nags ñul bar spro na gal te dge ’dun gyi dus la bab ciṅ bzod (4) na dge ’dun gyis gnaṅ bar mdzod cig daṅ | dge ’dun gyis dge sloṅ miṅ ’di źes bgyi ba dge ’dun gyi nags ñul bar bsko ste | dge sloṅ nags ñul ba miṅ ’di źes bgyi ba ’di dge ’dun gyi nags ñul lo || ’di ni gsol ba’o las ni ’di ltar bya ste || dge (5) ’dun btsun pa rnams gsan du gsol || dge sloṅ miṅ ’di źes bgyi ba ’di dge ’dun gyi nags ñul bar spro na | de’i slad du dge ’dun gyis miṅ ’di źes bgyi ba nags ñul bar bskos te miṅ ’di źes bgyi ba ’di dge ’dun gyi nags ñul na | tshe daṅ ldan pa gaṅ dag (6) miṅ ’di źes bgyi ba nags ñul bar bsko bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig dge ’dun gyis bzod ciṅ gnaṅ nas dge ’dun gyis dge sloṅ miṅ ’dri źes bgyi ba nags ñul bar bskos lags so || miṅ ’di źes bgyi ba ’di (7) dge ’dun gyi nags ñul te ’di ltar caṅ mi gsuṅ bas de de bźin du ’dzin to || ṅas dge sloṅ nags ñul ba’i kun du spyod pa’i chos dag bca’ bar bya ste | dge sloṅ nags ñul bas dpag tshad phyed nas bzuṅ ste khor khor yug tu nags byul bar bya’o || bcom ldan (238b1) ’das kyis dge sloṅ nags ñul bas dpag tshad phyed nas bzuṅ ste kho ra khor yug tu nags byul bar bya’o || źes bka’ stsal nas de lam gyis du bciṅ gcig pu ’jigs par gyur nas | bcom ldan ’das kyis bka’ stsal pa | de gal te ’dod na khye’u sus sbyin par bya (2) źiṅ sogs kyaṅ sbyin par bya’o || ’dab ma’i chaṅ bu dag lam kar gźag par bya’o || gal te nags ’jigs pa daṅ bcas pa ñid yin na des dud brda gtul bar bya’o || ba dan sṅon po bsgreṅ bar bya’o || ’dab ma’i chaṅ bu dag lam kar gźag par bya’o || gal te nags ’jigs pa med pa ñid yin na ba dan dkar po bsgreṅ (3) bar bya’o || dge sloṅ nags ñul bas kun du spyod pa’i chos ji ltar bcas pa dag yaṅ dag par blaṅs te ’jug par mi byed na ’gal tshabs can du ’gyur ro || dge sloṅ don ñuṅ ṅu dag ci’i phyir dge sloṅ nags sṅar ma byul bar kun dga’i ra ba’i phyi rol du bca’ ba daṅ bza’ ba blaṅs (4) te ’cha’ źiṅ za źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ skabs ’di la dge sloṅ gi dge ’dun bsdu ba (5) mdzad do źes bya ba la sogs pa sṅa ma bźin no || saṅs rgyas bcom ldan ’das ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyed sṅar nags ma byul (6) bar kun dga’i ra ba’i phyi rol du bca’ ba daṅ bza’ ba blaṅs te ’cha’ źiṅ za ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pas | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu (7) byur bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams (239a1) kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || dge ’dun gyi gnas mal dgon pa gaṅ dag dogs pa daṅ bcas par grags pa | ’jigs (2) pa daṅ bcas par grags pa | ’jigs pa tha dad pas ’jigs su ruṅ ba daṅ bcas par grags par gyur la | yaṅ dge sloṅ gaṅ dge ’dun gyi gnas mal dgon pa gaṅ dag dogs pa daṅ bcas par grags pa | ’jigs pa dag bcas par grags pa | ’jigs pa tha dad (3) pas ’jigs su ruṅ ba daṅ bcas par grags pa de lta bu dag tu sṅar ma byul bar kun dga’i ra ba’i phyi rol du bca’ ba daṅ bza’ ba blaṅs te ’cha’ ’am za na dge sloṅ des phyi rol kun dga’ ra bar soṅ ste || dge sloṅ rnams la tshe daṅ ldan pa dag bdag la smad pa’i gnas mi (4) rigs pa so sor bśags par bya ba byuṅ gis | chos de so sor ’chags so źes so sor bśags par bya ste chos ’di yaṅ so sor bśags par bya ba’o || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || gnas mal dgon pa gaṅ dag ces (5) bya ba la dgon pa źes bya ba ni rdul phra rab drug la rdul phra mo gcig go rdul phra mo drug la rdul gcig go || chu rdul drug la lcags rdul gcig go || lcags rdul drug la ri boṅ gi rdul gcig go || ri boṅ gi rdul drug la lug rdul gcig go || lug rdul drug la (6) glaṅ rdul gcig go || glaṅ rdul drug la ñi zer gyi rdul gcig go || ñi zer gyi rdul drug la sro ma gcig go || sro ma drug la śig gcig go || śig drug la nas gcig go || nas drug la sor gcig go || sor bźi drug la khru gaṅ ṅo || khru phyed daṅ bźi la (7) mi’i srid do || khru bźi la gźu’o || gźu lṅa brgya la rgyaṅ grags gcig ste || groṅ nas rgyaṅ grags gcig ni dgon pa ste || de na gtsug lag khaṅ gaṅ yod pa de ni gnas mal dgon pa yin no || dogs pa daṅ bcas par grags pa źes bya ba ni chom rkun pa daṅ g-yon can (239b1) gyis ’jigs par grags pa’o || ’jigs pa daṅ bcas par grags pa źes bya ba ni seṅ ge daṅ | stag daṅ guṅ gis ’jigs par grags pa’o || ’jigs pa tha dad pas ’jigs su ruṅ ba daṅ bcas par grags par gyur la źes bya ba ni śa sbraṅ daṅ sbraṅ daṅ sbraṅ bu mchu riṅs daṅ | rluṅ (2) daṅ ñi ma daṅ sdig sbrul gyi ’jigs su ruṅ ba daṅ bcas par grags par gyur la’o || yaṅ dge sloṅ gaṅ źes bya ba ni drug sde’am gźan yaṅ de lta bu gaṅ yin pa’o || dge ’dun gyi gnas ma la dgon pa gaṅ dag dogs pa daṅ bcas par grags pa | ’jigs pa (3) daṅ bcas par grags pa || ’jigs pa tha dad pas ’jigs su ruṅ ba daṅ bcas par grags pa de lta bu dag tu źes bya ba ni ji skad bstan pa lta bu dag tu’o || sṅar ma byul bar źes bya ba ni nags ñul bas sṅar ma byul bar ro || kun dga’ ra ba’i phyi rol du źes bya ba ni gtsug lag (4) khaṅ gi phyi rol du’o || bca’ ba daṅ bza’ ba źes bya ba ni bca’ ba lṅa daṅ bza’ ba lṅa’o || blaṅs te źes bya ba ni byin len stobs su bcug ste’o || ’cha’ ’am za na źes bya ba ni mgul du mid na’o || dge sloṅ des źes bya ba ni dge sloṅ gaṅ yin pa des so || phyi rol kun dga’ ra bar (5) soṅ ste źes bya ba ni groṅ gi phyi rol gtsug lag khaṅ du soṅ ste’o || dge sloṅ rnams la źes bya ba ni de na dge sloṅ gaṅ dag ’khod pa rnams la’o || tshe daṅ ldan pa dag bdag la smad pa’i gnas źes bya ba ni smad par bya ba’o || mi rigs pa źes bya ba ni tshul daṅ mi mthun pa’o || so sor (6) bśags par bya ba źes bya ba ni mthol bar bya ba’o || byuṅ gis źes bya ba ni ltuṅ ba byuṅ gis so || chos de źes bya ba ni chos ma yin pa chos kyi sgrar gsuṅs pa de’o || so sor ’chags so źes bya ba ni mthol lo źes pa’o || so sor bśags par bya ste źes bya ba ni mthol (7) par bya ste’o || chos ’di yaṅ so sor bśags par bya ba’o źes bya ba ni chos ’di yaṅ mthol bar bya ba ste des na so sor bśags par bya ba’o źes gsuṅs so || de la ltuṅ bar ji ltar ’gyur źe na | dge sloṅ gis nags ma byul ba la ma byul bar ’du śes pas kun dga’ ra (240a1) ba’i phyi rol du bca’ ba daṅ bza’ ba blaṅs te ’cha’ ’am za na so sor bśags par bya bar ’gyur ro || nags ma byul ba la yid gñis za bas kun dga’ ra ba’i phyi rol du bca’ ba daṅ bza’ ba blaṅs te ’cha’ ’am zan so sor bśags par bya bar ’gyur ro || (2) dge sloṅ gis nags byul ba lam byul bar ’du śes pas kun dga’ ra ba’i phyi rol du bca’ ba daṅ bza’ blaṅs te ’cha’ ’am za na ñes byas su ’gyur ro || nags byul ba la yid gñis za bas kun dga’ ra ba’i phyi rol du bca’ ba daṅ bza’ blaṅs te ’cha’ ’am za na ñes byas (3) su ’gyur ro || nags ñul ba śi ’am bros na ltuṅ ba med do || las daṅ po pa daṅ smyos pa daṅ | sems ’khrugs pa daṅ tshor ba dag gis ñen pa ltuṅ ba med do || nags brtag pa las gyur pa’i so sor bśags par bya ba ste bźi pa rdzogs s+ho || so sor bśags par bya (4) ba rnams rdzogs s+ho || || ’dul ba rnam par ’byed pa | bam po brgyad bcu rtsa gñis pa |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0253d802-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display