’di lta ste gso sbyoṅ bcwa lṅa pa de ñid la dge sloṅ glo bur du ’oṅs pa daṅ | gñug mar gnas pa bźi’am lhag pa (7) dag ’dug ciṅ mthur par gyur pa na
de dag ’di sñam du sems te | dge sloṅ gaṅ dag ma lhags pa dag yod na | dge sloṅ gaṅ dag ma lhags pa de dag med par bdag cag gis gsol ba byas te gso sbyoṅ bya źiṅ so sor thar pa’i mdo gdon pa gdon du ruṅ ṅam | ’on te (175a1) de dag med par bdag cag gis gsol ba byas te gso sbyoṅ bya źiṅ so sor thar pa’i mdo gdon pa gdon du mi ruṅ sñam nas |
yid gñis kyis don du gñer ba yid gñis kyi yo byad can de dag gis gsol ba byas te gso sbyoṅ byed ciṅ so sor thar pa’i mdo (2) gdon pa ’don par byed pa las |
de’i ’og tu dge sloṅ gñug mar gnas pa ches ñuṅ bdag lhags na | de dag gis yaṅ gsol ba byas te gso sbyoṅ bya źiṅ so sor thar pa’i mdo gdon pa gdon par bya’o ||
dge sloṅ sṅa ma dag la ni yid gñis kyi ñer bsdogs las (3) ’gal tshabs can du ’gyur ro ||