’di lta ste gso sbyoṅ bcwa lṅa pa de ñid la dge sloṅ glo bur du ’oṅs pa daṅ | gñug mar gnas pa (2) bźi’am lhag pa dag ’dug ciṅ mthun par gyur pa na |
de dag ’di sñam du sems te | dge sloṅ gaṅ dag ma lhags pa dag yod na | dge sloṅ gaṅ dag ma lhags pa de dag med par bdag cag gis gsol ba byas te gso sbyoṅ bya źiṅ so sor thar pa’i mdo gdon (3) pa gdon du ruṅ ṅo sñam nas |
rtog pas don du gñer ba rtog pa’i yo byad can de dag gis gsol ba byas te gso sbyoṅ byed ciṅ so sor thar pa’i mdo gdon pa ’don par byed pa las |
de’i ’og tu dge sloṅ gñug mar gnas pa ches maṅ po dag lhags na | de dag (4) gis yaṅ gsol ba byas te gso sbyoṅ bya źiṅ so sor thar pa’i mdo gdon pa gdon par bya’o ||
dge sloṅ sṅa ma dag la ni dbyen gyi ñer bsdogs las ’gal tshabs can du ’gyur ro ||