’di lta ste gso sbyoṅ bcwa lṅa pa de ñid la dge sloṅ glo bur du ’oṅs pa daṅ | gñug mar gnas pa (187b1) bźi’am lhag pa dag ’dug ciṅ mthun par gyur pa na |
de dag ’di sñam du dge sloṅ gaṅ dag ma lhags pa dag yod do sñam du mi sems śiṅ | chos kyi ’du śes can mthun pa’i ’du śes can de dag gis gsol ba byas te gso sbyoṅ byed ciṅ so sor thar pa’i mdo gdon pa (2) ’don par byed pa las |
de’i ’og tu dge sloṅ glo bur du ’oṅs pa daṅ | gñug mar gnas pa mñam pa dag lhags na | de dag gis gral rims bźin du ’khod de de dag daṅ lhan cig gso sbyoṅ bya źiṅ so sor thar pa’i mdo gdon pa gdon par bya ste |
dge sloṅ sṅa ma (3) dag la yaṅ ’gal tshabs can du mi ’gyur ro ||
